آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-06-19, 06:59 AM
| #51 | ||||||||
| مراقبة عامة ومشرفة منتدى الروايات المنقولة  
|  لميس كانت عند المصممه هي وصحبتها ارجوان وامها ارجوان : لميييس تعالي شوفي هذا الفستان خقاق لميس راحت لأرجوان : لا عادي مو حلو كثير ارجوان : اممممم طيب تعالي شوفي هذا راحوا للفستان وكان فخم وانيق لميس التفتت لأمها المبتسمه : مامي وشرايك فيه ..؟ ام سامي : يهبل لميس رفعته بين يدينها وندت المصممه المصممه إلهام : ياهلا والله .. امروني لميس : بكم هذا الفستان المصممه إلهام : هذا والله فستان نازل حصرياَ من بريطانيا إذا تبينه بتشترينه بـ 5 آلآف اما اذا بتأجيرنه بـ 3 آلآف وغير العربون 1000 ريال لميس : مامي اشتريه ولا أأجره ام سامي : والله براحتك انا اقول احسن تشترينه لميس : اوكي .. طيب ممكن اقايسه ..؟ المصممه إلهام : والله يالغلا ماتوقع يكون عدل عليك لأنك ماشاء الله طويله والفستان يمكن يطلع عليك قصر لميس : طيب وش وراي خليني اقايسه المصممه : اوكي خذي راحتك البوتيك بوتيكك لميس ابتسمت واخذت الفستان وراحت للقياس ولبسته وكان موديله توب ضيق للخصر ومنفوش وفيه كسرات وفيه بعض الورود أغمق من اللون الأبيض شوي بارزه ومسكه فخمه حمرا ناثرت شعرها الليلي الحرير على بشرتها الناعمه وصارت قمر والفستان عدل عليها طلعت برا واخذت راحتها بالبوتيك واجد لأنه فاضي رغم فخامته ام سامي : من جد قمر والله لميس لفت بدلع مرتين : جد ماما حلوو ام سامي : ايه تهبلين ارجوان : وااااو لميس كل هالجمال ومخبيته علينا لميس بنعومه : ههههههاي يابخته سعود فيك المصممه إلهام : ماشاء الله .. تهبلين توقعت الفستان بيطلع عليك قصير لميس : شفتي لو إني ماقايسته وفصلتي كان تعب عليك وعذاب علي أنتظره واحاتيه .. زين إني اصريت وقايسته المصممه إلهام ابتسمت : لا عادي اصلاَ تعبك راحه لميس : هاه ماما خلاص نتوكل على الله ام سامي : ايه توكلنا على الله لميس لبست ملابسها العاديه وحاسبوا الفستان وطلعوا وركبوا سيارة السايق .. ارجوان ولميس راحوا يكملون تسوق بمجمع الراشد لكن ام سامي تعبت وقررت ترجع البيت في المول دخلوا محل كوست بلانكا ارجوان لقت فستان فوشي وفيه كسرات باق وبعدها اسود ضيق بيطلع مخصر على جسم لميس ارجوان : يجنن عليك بيطلع لميس : لا جوين وش هالذوق وععع تخيلي عاد البسه كني باربي ارجوان : جد ماعندك ذوق .. اصلاَ انا بتعب مع ذوقك الخياس لميس : الله يعلم من الخياس .. بس بالله هذا عجبك بكل قواك العقليه ارجوان : ايه وربي يجنن .. كيفك انتي عاد ترى بقولك كوست بلانكا ملابسه لو تشوفينها بالنظر ماتعجبك كثير بس باللبس تطلع انيقه ورهيبه لميس : المقال احتفظيه لنفسك طلعوا من كوست بلانكا ولميس ماعجبها ولا شئ دخلوا محل كوتون تعجبها لميس ملابسه كول لقت تيشرت سكري وفوقه إيشرب بني غامق وتنوره لنصف الفخذ بنيه وهلهب سكري وجزمه بنيه كانت انيقه ومرتبه لميس : وششرايك تهبل ارجوان بتفكير : همممممم عادي دائماَ تلبسين كذا لميس : اففف بالعكس وربي خطير ارجوان : تعالي بس انا ماحب محل كوتون قومي نروح محل بريمود لميس : خلينا ندور كم دوره وبعدها نروح لبريمود ارجوان : براحتك تسوقوا بمحل كوتون وطعوا وراحوا لمحل بريمود شرت لها تيشرت فوشي وفوقه صديري اسود ناعم وتيشرتات ناعمه وجينز وطلعت من المحل وراحوا لمحل "الحميضي" للساعات الفتتت نظر ارجوان ساعه لونها بني فخمه : تعالي لميس شوفي هالساعه راحوا للساعه الي تأشر عليها لميس كانت فخمه السير ناعم والساعه فخمه كبيره شوي وفيها بعض الزخارف من داخل لميس : واااو خطيره ارجوان : انتي بتشترين ساعه وحده ولا ساعتين لميس : لا ساعتين ارجوان : ترى المحل غالي مو رخيص لميس : لا يهمك بس اخذت الساعه لميس وراحوا لساعه ماركة " Givenchy " لونها أسود "سيد الألوان " فخمه بمعنى الكلمه السير ناعم والساعه مكتوب فيها زخارف وكلمة جيفنشي بالأنجليزي على شكل زخرفه بشكل روعه وفخامه لميس : بجد فخمه ارجوان : تجنن اخذوا الساعه الأولى بـ "2600" والثانيه بـ " 2865" طلعوا من المحل وصاروا يتسوقون بالمحل شرت لها اكسسوارات وجزم وشنط وتاجات وساعات ونظارات شمسيه وتيشرتات وجينزات وفستانين ........................ في ألمانيا بدر كان يحاكي امه : هلا يمه ام بدر : هلا والله بولدي بدر : هلا فيك .. شخبارك وشلونك إن شاء الله بخير ام بدر : بخير دامني سمعت هالصوت بدر : تسلمين ام بدر : رحنا لأهلها بدر بحماس : هاه بشري وش قالوا ..؟ ام بدر : والله مادري بس قالوا بيسألون البنت ويفكرون بدر : يالله إن شاء الله توافق ام بدر : امها تقول إنها عايشه بعذاب وحالتها حاله بدر بعصبيه : هالزفت فارس كيف طاوعه قلبه وتركها وخلاها تتعذب ام بدر بدون ماتحس : مثل ماطاوعك قلبك وتركتها هو بعد قلبه طاوعها وطلقها محد بهالدنيا أمين بدر : يمه وش هالحكي انا ماكنت بوعيي بذيك اللحظه ام بدر بأرتباك : انا مادري وش قلت تخربطت بدر : لا يمه انتي ماقلتي إلا الحق ام بدر : طيب لاتزعل بدر : افاا انا ازعل من الغاليه .. طيب بشريني كيف دانه وراكان ام بدر : راكان والله مسافر مع خالك ودانه والله مشغوله بحفلة زواجها بدر : الله يرجع راكان بالسلامه والله يوفق ندووش ام بدر : انت قول بتجي حفل اختك بكره بدر : يمه وش اجي ماقال لك ابوي إني ماقدر اجي ام بدر : لييه مو جاي بدر : والله الدكتور قايل إن انت حاولت تمشي وانت تحاول تعرضت رجولك لبعض الكسر الخفيف وبنسوي لك عمليه وبعدها بتدخل غيبوبه لمدة يومين أو اكثر وهالعمليه لما تصحى منها يابتتشافى وبتمشي يا بتتم طول عمرك مقعد وعلى الكرسي ام بدر بضيقه : ياارب تتشافى بدر : إن شاء الله .. عاد دعواتك يالغاليه ام بدر : إذا مادعيت لك انت واخوانك لمين ادعي بدر : تسلمين والله لايحرمني منك ام بدر وهي تبكي : بدر انتبه على نفسك وربي خوفتني بهالكلام بدر : يمه عادي انا بألمانيا ومطورين بالطب لاتخافين ام بدر : إن شاء الله تتشافى بدر : آمييين .. طيب يمه باركي لدانه وسلمي لي عليها واجد واعتذري لي منها ام بدر : يوصل إن شاء الله بدر : طيب الحين بسكر تامريني على شئ ام بدر : لا سلامتك ورضاك - بقلق - بدر حاول تدق على اخوك راكان ادق عليه مايرد اقلقني بدر : اوكي راح احاول ادق عليه لاتقلقين ام بدر : يعطيك العافيه يالله مع السلامه بدر : مع السلامه سكرت ام بدر من بدر وهي قلقانه على راكان وبدر اثنينهم مسافرين وبعاد عنها وبكره خطوبة بنتها يعني كل عيالها مو جمبها نزلت دانه وهي لابسه فستان خطوبتها الرصاصي والأسود الفخم بمعنى الكلمه وشعرها الليلي متناثر على بشرتها السمرا دانه مملوحه بمعنى الكلمه رغم سمارها إلا ملامحها دقيقه ومملوحه يكفي جسمها مثل العارضات ازياء دانه : مامي وشرايك ..؟ ام بدر : ماشاء الله يادانه تهبلين دانه جلست جمب امها : ماما تتوقعين سلطان بيعجب فيني ام بدر : اكيد وإذا ماعجب بندوش بمين يعجب دانه : بس لايمكن يغير رأييه فيني ام بدر : لعبة بزران هي مره يبيك ومره مايبيك وهو شايفك شوفة السنه .. تعوذي من الشيطان بس دانه : اعوذ بالله من الشيطان الرجيم صعدت دانه غرفتها وناظرت نفسها بالمرايه وهي متضايقه خايفه مايعجب فيها سلطان ناظرت بجوالها المرمي على السرير من امس مادق عليها وخايفه يغير رأييه فيها تعوذت من الشيطان وابعدت هالوساويس عن بالها ....................... دلال تجر رجولها جر وهي داخله الشقه دخلت وقفلت الباب اكثر من مره خايفه ومستاحشه من المكان لحالها راحت لغرفتها وانسدحت على السرير بتعب ناظرت بالمكان الخالي فراغ مكان راكان حطت ايدها على المكان الخالي وناظرت بسرير مشاري الخالي مستاحشه لحالها بالبيت لا راكان ولا مشاري .. الدنيا كلها ضدها لا ام ولا اب ولا زوج ولا ولد ولا اخت لمين تروح لمين تلجأ مين بيضمها ببيته تروح لأهل زوجها لعيال عمتها بيتسقبلونها بياخذونها بالأحضان ولا ياترى بيحشون فيها من وراها وبيقولون ماعندها اهل والمشكله امها قست عليها الإنسان مو ملك مايخطأ لازم يخطأ بس يمكن دلال عذبت امها واجد .. لو امها رضت لها تسكن معهم بس لاتكلمها ولا شئ ممكن بس طردتها ولا رضت لها تاخذ ولدها ..................................... اريج جالسه بالصاله مع شموخ ترضعها وجمبها اشواق تلعب بطفوله وبراءه وريان جالس يقرى كتاب اريج : اقول ريان وشرايك نطلع اليوم ريان : لا والله انا مشغول حدي اليوم اريج بصوت خفيف : افففف ريان سمع تأففها : لاتتأففين لا فضيت طلعتك اريج : لا خلاص شكراَ ودني بس بيت اهلي اخوي يطلعني ريان : هههههههههه ينقال الحين معتزه بأخوك وزعلانه علي اريج : ايه عندي خييو سامو الله لايحرمني منه ريان : ولا يحرمك مني ولا يحرمني منك ولا يحرمني من شموخ واشواق اريج ابتسمت وناظرت ببنتها : تدري إن اسباب ضعفي نظرتها البريئه وااي فديتها هالبنت تجنن طالعه على امها اريج ريان : لا طالعه على ابوها اريج : علينا اثنينا خلاص ريان : ايه خلاص -والتفت لأشواق- اشواق اشواق وهي تلعب بلعبتها المفضله باربي بل نعومه وطفوله : نعم ريان : تعالي اجلسي جمبي اشواق : لا جالسه العب ريان : كيفك وقفت اشواق ونطت على ابوها بقوه ريان صرخ : آآآآآآآآآآآآآآآآآه اشواق جمدت بمحلها وهي خايفه وريان يتألم من نطتها القويه على بطنه ريان بعصبيه : اشواق كيف تنطين على بطني كذا اشواق بطفوله وخوف : اسفه ريان اخذها وضمها : خلاص ولا يهمك لاتبكين اشواق انهارت دموعها وبكت : ليه تهاوشني لاتعصب مره ثانيه ريان : هههههههههههههه خلاص خلاص اريج ثار دمها ماتدري ليه تغار من هالطفله رغم الفرق الي بينهم إلا انها تغار منها ولا تشتهيها ونادر تكلمها .................. ملاك جالسه بغرفتها متكوره وتبكي بقهر ناظرت ببنتها ليان ملاك راحت لبنتها ورفعتها بنعومه وصارت تكلمها وهي بحضنها نايمه وضامتها بحنان ونعومه : ماما ليان شفتي كيف بابا يشك فيني سنه واكثر عايشين مع بعض ومابيننا ثقه .. مادري ياليان بنستمر احنا على كذا ولا بنفترق وانتي الضحيه بكل هالقصه .. لو ماعندي اياك ياليان كان تطلقت من زمان لأني ماتحمل كل هالعذاب معه دوم يبكيني دوم يعذبني دوم يشك فيني يفشلني قدام اللكل لهالدرجه مو واثق فيني يطلع مرجلته علي مايطلعها على خواته الي يروحون ويطلعون على كيفهم مايدري عن اخته ساره طالعه مع واحد لإستراحه وراكبه مع سيارته قبل زواجها ومو حلال عليها والحين صار زوجها .. مايطلع مرجلته عليها يطلعها بس علي هالحيوان والله لأدبه واخليه يترجاني ارجع له انا مستحيل ارجع له مثل كل مره هالمره بكاني بألم ولا اهتم لخروجي من البيت .................................. محمد وهو يصارخ بعصبيه : بسافر يعني بسافر ام سعود بعصبيه : قلت لك ماتسافر محمد : ماعليك مني انا رجال وحر وبسافر ام سعود : مو المرجله إنك تسافر لحالك محمد : كل اخوياي بيسافرون ليه انا ماسافر ماعندكم فلوس عادي انا عندي ام سعود : ماهي مسأله فلوس المسأله مسأله خوف محمد : وإن شاء الله متى هالخوف الي نازل فجأه ام سعود : اصصصص .. احترم نفسك وعدل الفاظك انا امك يالي ماتربيت محمد : عاد مشكلتك والله انتي ماربيتيني شئ راجع لك ام سعود عطته كف من العصبيه : جد انا ماربيت محمد صرخ : انا مو بزر عشان تضربيني ام سعود : قص بهاللسان انا امك .. تحسب إنك كبرت وطولت خلاص صرت رجال لا والله انت بزر وأبزر من البزر بعد محمد : لا عاد لهنا وبس انا مو سعود الطيب الـ ام سعود بمقاطعه : قص بهاللسان لاتجيب طاري سعود على لسانك هو يسواك ويسوى عشره من امثالك محمد راح للباب وقال : بسافر وبتشوفون مين الي بتمشي كلمته .. ولا راح تشوفوني مره ثانيه وطلع من البيت وسكر الباب بقوه ام سعود بصوت عالي وعصبيه : روح الله لايردك قول آميين وجلست على الكنب وهي تبكي معصبه اخر تربيتها وتعبها وشقاها ولد عاق فيها ويصارخ عليها وشوي ويضربها جات غدير وهي مرتبكه من الي صار وسمعته راحت لأمها وجلست جمبها تهديها غدير : يمه لاتبكين عشانه ترى ماتسوى دمعتك تنزل عشانه ام سعود بحسره : شوي ويضربني ياغدير انا امه امه غدير ضمة امها : يمه خلاص .. اسمحيلي بقولك انتي ربيتي اللكل بس هو ماربيتيه ام سعود : انا ماعندي غير بنت وولد غدير وسعود غدير : وانا عندي ام تهبل قمر ياليت اللكل عنده مثلك والله عايش بخير وسعاده ام سعود : آآآه ياغدير كان هالولد بيجيب لي الضغط والسكر مزعجني ومبكيني من وهو صغير متى برتاح منه مادري غدير : ولو يصير له شئ ابي اشوف ردت فعلك بتبكين وبتتحسرين عليه وتتحسفين ام سعود : قلب الأم ياغدير قلب الأم طيب غدير : طيب اتصلي على ابوي خليه يتفاهم معه لا يسوي بنفسه شئ هالمتهور ام سعود : جيبي الجوال غدير جابت الجوال ومدته لأمها ام سعود اتصلت على ابو سعود بعد رنتين رد ام سعود : الحق يابوسعود الحق ابو سعود : وشفيكم ..؟ ام سعود : ولدك حميد يبي يسافر أسبانيا مع ربعه وانا رفضت وهاوشته وطلع من البيت ويهدد إنه مو راجع البيت ومصر يسافر ابو سعود : خوفتيني والله حسبت صاير شئ كبير .. طيب خليه يسافر يوسع صدره مافيها شئ ام سعود : احر ماعندي ابرد ماعندك اقولك بيسافر اسبانيا مو الكويت او الإمارات ابو سعود : انا والله ماعلي منه انتي وياه تفاهموا انا عن نفسي موافق وسامح له ام سعود سكرت الخط بوجهه بقهر بارد طول عمره بارد وهي حاره .. ....................... شوق تبكي بغرفتها بحرقة قلب وامها وابوها واروى ورائد وساره متجمعين حولها اروى : خلاص يمه يبه روحوا انا بنكلمها ابو فيصل يهدي شوق : شوق حبيبتي شوق بعصبيه وصراخ : كلكم تكرهووني تبون تعذبوني ماتحبوني تبون تفتكون مني انا اصلاً واقفه لكم بنص حلقكم لا بطالعه ولا بداخله ايه مالومكم وش تبون ببنت مطلقه مرتين ابو فيصل : شوق انتي بنتي انـ شوق بصراخ : انت اخر واحد تتكلم انت الي رميتني على بدر وعذبتني وزوجتني إياه غصب واخر شئ تطلقت ابو فيصل : هذا القضاء والقدر اروى : خلاص يبه اطلع برا خلها تهدى ابو فيصل : طيب طلع ابو فيصل برا وهو شوي متضايق لحالة بنته ويلوم نفسه ام فيصل ماقدرت تجلس مع بنتها خلاص تحس نفسها شوي وتنهار حالة بنتها تقطع القلب وكاسره خاطرها اروى ورائد وساره تجمعوا حوالينها .. اروى : شوق حبيبتي ترى الدنيا ماتسوى عشان تبكين وإذا تطلقتي مرتين قامت القيامه .. شوق بكت : ابي امووت .. ليه تبون تعذبوني ليه تبون تفتكون مني ساره : شوق لاتتضايقين يكفي إنك تصلين الخميس واحبابك كثير شوق : مين الي يحبوني ..؟ مييين ساره : انا اروى ساره امي ابوي صديقاتك وكل الي حولك يحبونك شوق : وفارس ..؟ اروى : انسيه انسيه ياشوق انسيه .. الي مايبيك لاتبينه رائد : شوق ابي اكلمك لحالنا اروى وساره ناظروا بشوق .. شوق هزت راسها بضيقه وناظرت بخواتها وراحت مع رائد جرها رائد لغرفته ودخل الغرفه وقفل الباب قفلتين رائد : تعالي اجلسي شوق جلست قبال رائد وناظرت فيه بنظره حزينه بحركه سريعه من رائد مسح دموعها شوق نزلت راسها للأرض رائد : شوق شوق بصوت مبحوح : نـ......عـ............م رائد : ليه تبكين شوق : ماتدري ليه ..؟ رائد : طيب انتي انخطبتي مو تطلقتي شوق : انا الي قاهرني احس بنظرات أبوي يطلب الفكه مني يبيني اوافق لواحد طلقني وعذبني رائد ببتسامه : ابوي يبي يفتك منك بالعكس ابوي يبي لك الراحه والسعاده شوق : لا مايبي لي إلا العذاب .. هو زوجني بدر غصب والحين يبي يزوجني إياه بعد غصب .. يبي يذلني يبيني اوافق وهو حتى ماجا يخطب مع اهله رائد : هو من حادث صار مقعد وراح يتعالج هو يحبك شوق بعصبيه : خلاص خلاص رائد اسكت رائد بعصبيه اكثر : افف بس خلاص عاد شوق زهقتينا مهما سوينا لك وانتي تبكين ومتضايقه عمرك ماضحكتي واستانستي كل وحده من خواتي عايشه بعذاب وحده منهم سوت ماسويتي انتي اصلاً مهما نصحناك ووعيناك ماتهتمين تسمعين من اذن وتطلعين من الأذن الثانيه تطلقتي بكيتي انخطبتي هم بكيتي متى انتي بتفرحين بيمر عليك تقريباَ شهر لطلاقك وللحين تبكين .. إذا انتي مستمتعه بهالحزن والضيق فهنياك فيه بس صدقيني محد بيسمعك لا فضفضتي لأن الكلام الي تقولينه كله إعاده حتى امي وابوي واروى وساره الي يسمعونك الحين بكره بيطفشون منك وعطاها نظره محترمها نزلت راسها منها وطلع من الغرفه يخليها بالجو الي تعيشه يبيها تفكر وتتوعى شوق ناظرت بالمكان الخالي الي طلع منه رائد وهي مغرقه عيونها بالدموع شوق : ( كلامه صدق بكره اللكل بيطفش مني اتزوج احسن لي وأريح اللكل لمتى وانا عايشه بهالحزن ابي افرح مثل ساره واروى ابي اضحك ابي اوسع صدري بس كيف انسى كل الي حصل لي ماقدر انسى ماقدر كل ماحاولت انسى صورة فارس تذكرني بكل شئ ) طلعت من غرفة رائد وراحت لدورة المياه "الله يكرمكم" غسلت وجهها بقوه بتخفي هالحزن الي مالي وجهها بتظهر البسمه الي اخفتها طول هالأيام طلعت من دورة المياه "الله يكرمكم" وراحت للغرفه شافتها خاليه كان ودها تشوف خواتها اروى وساره وتخبرهم بالقرار الي اصدرته من دقايق حطت لها كحل كثيير تخفي السواد الي تحت عينها وكثرت مسكره لتكثف رموشها ولبست تيشرت ابيض من الأكمام باف وفوقه صديري اسود وجينز اسود ونزلت تحت ناظرت بس بأمها جلست جمبها ام فيصل ابتسمت بفرح : واخيراَ غيرتي هالجو الكئيب شوق ضمة امها ومهما حاولت تكابر وتخفي دموعها إلا انها بكت : يمه اشتقت لك اشتقت لجلستي معك ام فيصل : وانا بعد اشتقت لك شوق : يمه انا موافقه اتزوج بدر موافقه ام فيصل : لا حبيبتي فكري عشان مايفشل زواجك شوق : موافقه بأقتناع اروى جات وبيدها مويه : اوه لهالدرجه رائد بكلمه وحده منه غير فيك اشياء شوق ابتسمت بألم : ايه وصعدت فوق ماقدرت تجلس اكثر معهم الحزن خلاها انطوائيه لحظات تحس نفسها فيها انفصام بالشخصيه تتحمس تغير حياتها وروتينها الممل وفجأه تحس نفسها مخنوقه والحزن سيطر عليها وتصعد لغرفتها انطوائيه صارت درجه اولى ...................................... ساره جاها تركي وخذها خلال مايكلم رائد شوق في السياره تركي : شسويتي بيت اهلك ..؟ ساره :................... تركي : وش سويتي بيت اهلك ..؟ ساره بدون نفس : ولا شئ تركي : كيف ولا شئ يعني رحتي مثل ماطلعتي ماسولفتي ساره : ماتعودت اقولك سوالفي مع اهلي .. وثانياَ الي صار اليوم كله خصوصيات تركي : افااا انا زوجك بيني وبينك حواجز وخصوصيات ساره : ايه تركي : براحتك والله .. اقولك شجون اختي حامل بثلاث توأم ساره شهقت : ثلااااث .. هب هب عليها بثلاث ياليتها تعطيني واحد منهم تركي : ايه مسكينه حدها فرحانه بس متضايقه اكيد تتضايق بتتعب ساره : فرحانه ولا متشمته فيننا إننا مانجيب عيال تركي : اولاً اختي شجون ماتدري ساره : ايه واضح وصلوا للشقه ونزلت ساره وسكرت الباب بقوه بقهر مقهوره من شجون تحمل وتجيب ثلاث توأم وهي حتى واحد ماراح تجيب وتحلم تجيب دخلت الشقه وسكرت باب الشقه بقوه من القهر ونزلت دموعها وبكت تركي سمع صوت بكاءها وشهقاتها وتضايق حييل مايحب يشوفها تبكي يدري هي تتعذب لحظات يخونه تفكيره ووده يطلقها عشان يريحها لكن يمكن يريحها لكن ماراح يريحه وبيعيشه بعذاب تركي ضرب باب الغرفه : ساره ساره : آآآآآآآآآآآآآآآآآآآآآه تركي : ساره افتحي الباب تكفين افتحي اذا تبيني اطلقك عادي اطلقك عشان ترتاحين بس ابصم لك بالعشر ماراح ارتاح ساره : تكفى اسكت تركي طول عمرك اناني من وانت شباب اناني تركي : كنت اناني وهذا فعل ماضي لكن انتي غيرتي روتين كل حياتي وقلبتي الأناني طيب وحبوب ساره فتحت الباب بقهر مو طبيعي : اتركني ريحني عذبتنيوالله عذبتني الي يحمل والي يولد والي يجيب ثلاث واربع واكثر وانا حتى واحد ماراح اجيب تركي : تبين اطلقك عادي ساره : ادري تبي الفكه مني عادي انت عندك هالأشياء عادي مثل ماحاولت معي يوم كنت بنت بالمجمع تحاول مع غيري لحد ماتصيدها مثل السمك وتعذبها وترميها مو خوياتك واجد انت وولد خالتك .. الحين انا من جد ماصرت حاسده شجون لأن ماخذه واحد حاله من حالك تركي بعصبيه طبع كف قوي على خدها : اصصصصصصصصصصصصص ساره حطت يدها على مكان الكف وغرقت عينها بالدموع : وتضربني بعد وتضربني وانت لعبت علي عيشتني بوهم إني بجيب عيال وانت عقيم ودخلت الغرفه وسكرت الباب بقوه وتستمر حالة تركي وساره بهالحاله ساره تعايره بالعقم وتركي يفور دمه ويضربها وهي تبكي ........................................ بدر ماسك صورة الطفله الي بيده صورة شوق الجذابه الساحره هالإنسانه ملكت قلبه وروحه .. ماخذ صورة ابوه ولا امه ولا اخته ولا اخوه ولا وده اخذ صورة حبيبته شوق .. بدر : مادري ياشوق بتوافقين ولا بترفضين مع إن واثق بترفضين ناظر بصورتها وضمها لصدره كم يعشق هالإنسانه يعتبرها شئ مقدس بدر : مادري انا كيف فارس يترك كل هالجمال ويطلقك والله ودي اروح له واتوطى ببطنه .. بس اشكره لأنه طلقك وخلى الفرصه لي متاحه اتزوجها من جديد حط صورتها بالدرج الي بالكوميدينه وطلع من الشقه بيروح للبحر بيرمي عليه همومه ويرتاح راح للبحر شاف بنت تقريباَ عمرها 19 .. تلعب بالبحر بدلع لابسه مايو فوشي توب مع شاب بعمرها كانوا يلعبون ويرمون على بعض المويه ويركضون بكل حب ومرح والإبتسامه على شفاتهم تنهد بضيقه تمنى بمكانهم هو وشوق .. البنت ساحره وجذابه مالها مثيل إلا شوق << ماتدري يابدر إن حبيبتك الجميله تحولت لإنسانه حزينه ملامح الجمال كلها انقلبت لحزن واختفى الجمال ........................................ ياسر : وش قالوا لك المستشفى شجون : حامل بتوأم ثلاث ياسر بفرح : والله شجون : فرحان وانا الي متضايقه ايه انت ماتحس فيني ولا تحس بالأم الي اعيشه واحسه ياسر : ههههههههههه طيب بالعكس المفروض تنبسطين لأنك بتكونين ام وعندك ثلاث كتاكيت مثلك اكيد حلوين شجون : بس تعب والله تعب ياسر : اصبري .. كلن يتعب مو بس انتي شجون : بس انا حامل بثلاث ياسر : في ناس يحملون بأكثر .. وأهم شئ يطلعون بصحه وسلامه في غيرهم بسم الله على عيالنا مشوهيين شجون شهقت : بسم الله على عيال ياسر : ايه اقولك مجرد مثل شجون : بطني النحيف مايتحمل ثلاث توأم ياسر : ههههههههههههه لا بيتحمل شجون ضربت ببطنها : بطيحهم بطيحهم ياسر راح لها ومسك يدها هبله متهوره مجنونه : انتي هيييه من جدك تضربينهم .. شجون دموعها على خدها : مابيهم ياسر بصراخ وعصبيه : شجوون ناس تبي العيال وناس ماتبيهم .. بتبينهم وغصب عنك انا ابيهم شجون تأففت : افففففففففففففففففففف بالموت رضيت بواحد الحين ارضى بثلاث ياسر مسكها بهدوء وجلسها : شجون حبيبتي هذيلي عيالنا والله ياشجون لا ولدتيهم هم ملح الحياه بيكونون بالنسبه لك ياحلاة اول كلمه ينطقونها كلمة ماما وش شعورك لما ينادونك بـماما مو صح تحسين بشعور غريب ماعمرك حسيتي فيك .. شجون بجيب لك خدامه ومربيه يساعدونك عليهم شجون واخيراَ ابتسمت : جد ياسر : ايه جد وكم شوجي انا عندي شجون : طيب لاتخليني اقعد بالشقه لا تروح الدوام انا اتألم واجد وانت ماتكون جمبي ماتحس فيني ياسر : افاا انا ماحس فيك بالعكس انا اكثر واحد حاس فيك .. وكيف ماروح الدوام كيف اوفر لعيال المصروف كيف اجيب لك الخدامه والمربيه وانا ماداوم شجون ناظرت بعيونه : طيب لاتتأخر ولا تطلع كون جمبي كون معي عوضني حرماني لأمي وابوي طيب ياسر بحنيه مسك يدها وهو يطمنها : طيب مثل النونو يعاملها لأنها بجد نونو حتى ملامحها مهما كبرت فيها طفوله ............................................. في اليوم الثاني .. الساعه 1 الظهر وِيبَقىْ الحَنِينَ بِدآخِلّيْ سِر مَكتَوُمَ .. وِتَبِقىْ الأمآني : عآلقِه فُوقَ الأحَلامَ ... في البحر تركي جالس وهو حده متضايق يجيها من جهه تجيها من جهه يحاول يرضيها بأي طريقه ترضى وفجأه تتغير الحنين بداخله بدى يثور ويمكن ينفجر يعلق أمانيه فوق أحلامه لعل وعسى ترجع حياته مع ساره مثل اول حب وحنين وورد بدون انين وحزن ............ [ مافي حاجه تستحق الأكتئاب دامك تصلي الخميس واحبابك كثير ] في المدرسه الي يستهبل والي يضحك والي يبتسم والي يتمشى والي ياكل .. إلا ساره جالسه بزاويتها ومتكوره وجمبها سجى ساكته وتحتريها تنطق بكلمه سجى هزتها بخفيف : ساره ساره :.......... سجى هزتها : سااره .. سووسوو ساره :............ سجى : حاطينك على الصامت .. وبنظل طول اليوم كذا ساكته ساره بصوت مبحوح : بـ...ط.....نـ...ي سجى : روحي لغرفة الصحه ارتاحي هناك ساره رفعت راسها وعينها تلمع دموع : يمكن ................ حـ..امل سجى بحده : ساره .. ولمتى بتنظل كذا ما تألقمتي مااا استوعبتي الواقع ماستوعبتي إن زوجك عقيم وانتي ماتجيبين عيال ساره ثار دمها يوم قالت " زوجك عقيم وانتي ماتجيبين عيال" : لا بجيب بطني يألمني سجى : مجرد اوهام .. لأنك حاطه ببالك تبين تحملين فتتوهمين وتتخلين إن بطنك يألمك وحامل ساره : لا صدقيني يمكن حامل سجى : اففف ساره طفشتيني وقفت سجى بتمشي لكن مسكتها ساره من يدها بيد نحيفه ومرتجفه ساره : لاتتركيني سجى ناظرت بعيونها الحزن يلمع عمرها ماحست إن صديقتها ساره تعيش بكل هالحزن وين ساره المبتسمه وين ساره راعية الهبال والدجه كل بنات الثانويه يعرفونها بأستهبالها ودجتها ومحبوبه بين اللكل تحولت لإنسانه كيئبه وحزينه سجى بحركه سريعه ضمة ساره وبكت معها قد ايش كسرت خاطرها وناظرت الضعف الي بعيونها واضح ساره بكت بأحضان سجى صديقتها واقرب وحده لها ساره : سجى انا محد بهالدنيا يهمه شعوري ولا احد يحس فيني .. حتى خواتي مشغولين بحياتهم ماعندي غيرك لاتتركيني سجى : انا ماراح اتركك .. بس بقولك ياساره ليه تبكين ليه تتضايقين مافي حاجه تستحق الأكتئاب يكفي إنك تصلين الخمس واحبابك كثير ساره ابعدت عنها وناظرتها وعيونها مغرقه ونزلت راسها ولعبت بأظافرها : وعيني سجى : شنو ..؟ ساره : نصيحيني ابي اغير من حياتي بس محتاجه لنصيحه سجى مسكت ايدين ساره وهي تنصحها : ساره .. العيال مو مهمه وياما قلت لك هالكلام بعض العيال نعمه وبعضهم نغمه ويمكن خيره إن الله ماراح يعطيك عيال يمكن بيضايقونك وبيعذبونك .. كل شئ وله حكمه وصدقيني .. ولا تزعلين زوجك بكره يروح ويدور على غيرك اذا استمريتي بهالحاله معه ساره ثار دمها بكلمه " يدور على غيرك " : سجووي ووجع وش هالكلام وش يدور غيري .. اذا بيدور غيري بيلقى اما اذا يبي يدور مثلي بيبطى سجى : ههههههههههههه يالواثقه ساره ابتسمت بنعومه : ايوه جد بيبطى سجى : واخيراَ شفنا هالإبتسامه .. امممم تذكريني اممم يالله نسيت بشنو تذكريني ساره بحماس : بشنو اكيد ببتسامة اشلي تسيدال سجى : لا .. تذكريني بالبقره الضاحكه ساره كشرت : مالت علييك والله ظنيت بتقولين -وبخجل- تشبه ابتسامتك اشلي تيسدال سجى : اقول لايكثر ترى شوي وترن بس قالت سجى شوي وترن إلا رنت ترررررررررررررررررررررررر ررررررن .. ترررررن .. ترررررررررررررررن ساره : وآآآل شكلك حافظه الوقت متى ترن سجى : هع هع افا عليييك دخلوا للفصل وكان كرسي ساره اخر وحده بزاويه وجمبها بنت اسمها "فرح" وسجى قدام ساره فرح : ساره ساره مالها خلق احد اخلاقها قفلت وخاصتاً لأن عليهم ابله الحاسب وهي دوم تمشكل معها : خير فرح : وشفيك احسك متغيره عسى ماشر ساره ببتسامه مجامله : لا والله انا بخير يالغلا ولا تخافين ولا تقلقين فرح : ايه خفت عليك احسك كذا متغيره ساره : مشكوره لأهتمامك فرح : العفو .................................. في الجامعه جوري ورنيم وروان مع بعض جالسين سوالف وضحك وجوري شوي متضايقه لشوق بس تحاول تخفي الضيقه وتجاريهم بضحكهم روان لمحت طيف وحده تعرفها وحافظه هيئتها ووقفت : دقايق وراحت للبنت وهزتها ارفعت راسها الي كانت منزلته لابسه نظاره شمسيه ماركة "جورجيو ارماني" ووجهها خالي من الميك آب ورغم كذا قمر طالعه روان : لجيين وشفيك ردي لجين : تكفين اتركيني خلي اكمل طريقي روان : لجين وشفيك ليه متغيره كذا ليه تبتعدين عننا فيك شئ حنا مسوين لك لجين : لا ماسويتوا لي شئ .. بس انا مخنوقه وماني رايقه لسوالفكم السخيفه روان : سوالفنا سخيفه ..؟ لجين : ايه انتوا ماعندكم هموم مثلي وانا مهمومه والي فيني مكفيني ومشت وتركتها روان لحقتها وجرتها من يدها : لجين تعالي لجين بعصبيه : قلت لك ماني بجايه خلاص اتركيني اففففففففف ودفت يدها منها بقوه وعصبيه وكملت طريقها وروان رجعت للشله وهي مستغربه لحالة لجين غريبه هي وبنت خالتها غريبين رنيم : وين رحتي روان : لا بس رحت شريت مويه وجيت رنيم : ماشوف المويه روان : بالشنطه رنيم : اهااااا جوري : من زمان ماكلمنا ملوكه رنيم : من جد من زمان عنها كح كح كح .. هالدبه ذي روان : ايه من جد عنها هالشينه طلعت رنيم جوالها : يالله يالله ندق عليها بالسبيكر دقت عليها وبعد رنتين ردت ملاك ملاك ماشافت الرقم وتحسبه فيصل : اففف خلاص فكني ريحني لاتحاول ماراح ارجع إلا لما تعتذر لي رنيم : ملوكه وشفيك ملاك بأرتباك : مين ..؟ رنيم : ههههههههههههههه شكلك ماعرفتينا او شكلك متهاوشه مع الزوج ومعصبه ملاك تفشلت من جد : هلا رنيم والله ماعرفتك رنيم : لا عادي شخبارك يالشينه وحشتينا من جد لهالدرجه تتغلين علينا جوري : يقولون من تغلى تخلى ملاك مالها خلق تضحك بس ضحكت مجامله : ههههههههههه لا والله عاد انا ماتغلى بس تعرفون الزواج وليان ويعني كذا اكيد بنشغل مو مثلكم فاضيه روان : اووه حبتين والله وصرتي مهمه ولك شئ واعية مسؤلية وزوجه وام ملاك : اييه احم احم جوري : الثقه ملاك : والله وحشتني جمعتكم رنيم : ايه انتي يالشينه طلعتي من الجامعه مره وحده ملاك : هههههههه عاد والله شسوي ماقدر اداوم واربي روان : خلاص عذرناك ملاك : يالبى والله هالصديقات الي عندي جوري : شخبار شوقو ملاك : شوق تمام والله جوري : اييه سلمي عليها اوكي ملاك : اوكي رنيم : اوكي ملوكه سي يو ملاك : سي يو سكروا البنات من ملاك وملاك اول ماسكرت رمت الجوال وغرقت عينها بالدموع ملاك تمنت تكون معهم تضحك وتسولف مثل قبل ماتفكر ماتحاتي البيت والمسؤليه وفيصل والبنت والتربيه صغيره بالعمر تزوجت مبكر لو انها تامه ببيت اهلها بين العز والفلوس والدجه وصديقاتها احسن لها من الزواج والمسؤليه الثقيله الي ماتتحملها ............................... ملاك طلعت من غرفتها وراحت لغرفة اخوها نايف الي مثل الجسد بلا روح ملاك : نويف نايف التفت للجهه الثانيه يكره كل البنات حتى اخته يعتبرها مثل البنات تتزعل من زوجها وتجي هنا واكيد هو يتعذب مادرى إن اخته اهي الي تتعذب وهو سبب عذابها ملاك هزته : ناايف انا هنا اكلمك نايف مسكها من طرف تيشرتها مثل الشئ النجس وطلعها برا الغرفه ملاك ناظرت بباب الغرفه بقهر محد يسمعها لمين تشكي لصديقاتها صديقتها صديقات بنت عمتها وحماتها شوق وصديقات بنت عمتها لجين .. لأهلها اهلها كلهم اهل شوق امها وابوها بيعصبون عليها اخوها وطردها مين يسمعها بهالبيت مين لمين تلجأ لمين تروح محد بهالدنيا يهمه شعورها ويراعيها ملاك بعصبيه دخلت الغرفه ملجأها وبلسم جروحها والي مصبرها على عيشتها مع فيصل بنتها ليان ماتبي تيتمها هي عارفه الحكم لا تطلقت فيصل بياخذ ليان ككونها بنت وهذا الي مصبرها بنتها دخلت غرفتها واخذت بنتها ليان بنعومه وضمتها لصدرها خايفه تيتم هالبنت وتعيش عند ابوها ضمتها لصدرها اقوى واقوى ماتبي تفقدها تحبها تعشقها دلوعتها حبيبتها هي نبض قلبها لو دقيقه تغيب عنها نبض قلبها يتوقف ليان تلعب بعقد امها بنعومها نبهها خربشة ليان بالعقد ومسكتها بيدها وكانت فيه ثلاث صورتين فيصل وملاك وبالوسط ليان وكل واحد مبتسم هالعقد قد ايش تعشقه وتحبه بحركه سريعه اخذت صورة فيصل وقطعتها من العقد وداست عليها بالأرض كرهت هالمخلوق لشكه بشكه خلاها تشك بنفسها تشك بأخلاقها تشك بتربية اهلها لها غرقة عيونها بالدموع لهالدرجه الثقه بينهم معدومه لهالدرجه هو مو واثق فيها هو شايف عليها شئ عشان يشك فيها | ||||||||
|  |
|
24-06-19, 07:02 AM
| #52 | ||||||||
| مراقبة عامة ومشرفة منتدى الروايات المنقولة
| وبعد مرور اسبوعين .. اليوم عرس احلى عروسين "لمـــــ سعود ــــــيس " لميس لابسه فستان الناعم والمخصر على جسمها والورده الفخمه الحمرا ماسكتها بيدها جالسه بالغرفه بهدوء وخوف مقابله المرايه مو قادره تفارقها خايفه خايفه حيل ومرتبكه دموعها شوي وتنهمر على خدها من الخوف دخلت اختها اريج الي لابسه فستان احمر وضيق بالوسط بالرصاصي وبعدها ضيق على جسمها وفيه ورود بالجنب الأيمن بالرصاصي ومن الأكمام باف وفيه كسرات وبعدها ضيق على شكل اسواره رصاصيه كانت جذابه بمعنى الكلمه وساحرة الأنظار لوكها معطيها اصغر من عمرها وبنتها شموخ ملبستها فستان ابيض ضيق من فوق ومنفوش من تحت يهبل ويجنن عليها مفصلته على مقاسها لأن ماراح تلقى مقاسها فستان عروس لأنها صغنونه اريج حركت يدها الطويله النحيفه والمناكير الحمرا الي بيدها : لمييييييييييييس لميس ناظرت بأريج بأرتباك : وشفيك اريج : وش في عيونك شوي وتبكين ههههههههههههههههههه لميس بعصبيه : تضحكين مالت احر ماعندي ابرد ماعندك اريج : يبي لك صوره وربي .. اقول لايكثر الساعه 11 ونصف 12 بالضبط بتبدي الزفه اووكي لميس بخوف : لااااااااااااا مابي مابي ادخل خلاص رجعوني البيت رجعوني مو لازم نسوي زفه مابي مابي اريج راحت لها : هييه انتي من جد .. تتكلمين من جد ولا تستهبلين ماتبين تدخلين المعازيم الي مالين القاعه كلهم جايين عشان يشوفون ديكور القاعه ولا يشوفون الدلوعه لميس لميس : من قالهم يجون اريج : بالبطاقات الي سويتيهم ووزعتيهم على الناس لميس : اففف خلاص ترى حدي خايفه نادي لي ارجوان اريج : ارجوان تترقص ومبسوطه لميس : اووه اريجوه روحي ناديها لايكثر اريج : طيب طيب لاتهبين بوجهي بس نزلت اريج تحت وكانت القاعه فخمه بمعنى الكلمه افخم فنادق الخبر كانت الكراسي احمر وابيض على لون فستان لميس مسويتها حركه لميس كانت الأنوار حمرا وبيضا وروعه الأنوار والكوشه فخمه بمعنى الكلمه عاملتها لها ارجوان صديقتها سوبرايز والجسر احمر العرس اغلبه بنات حنين وربى وغدير جالسين جمب بعض سوالف وضحك ومنال تفرفشت شوي وتغير حالها وانبسطت لزواج اختها الدلوعه لميس ولمى المغروره جالسه بزاويه لحالها ولحد يكلمها والي بيكلمها ياويله بتتوطى ببطنه اخلاقها زفت ماتبي تجي العرس امها غصبتها ماتحب العروس وخاصتاً عرس لميس لأنها بعمرها ودوم مشاكل بينهم فيكرهون بعض وماتبي تجي وارجوان طالعه من دورة المياه "الله يكرمكم" كانت لابسه فستان وردي اسود يجنن عليها ومطلع جسمها الي مثل العارضات الأزياء اريج سحبتها : تعالي الحقي صديقتك شوي وتبكي تبيك ارجوان : ههههههه يالله قومي لاتبكي من جد هالهبله صعدوا فوق ارجوان واريج ودخلت ارجوان السويت المخصص لسعود ولميس وشافت لميس جالسه اول ماشافت سجى وقفت وضمتها من الخوف وكانت بتبكي بس حبست دموعها ماتبي الكحل يخترب ارجوان : ههههههههههههاي لموس وش فيك لميس : خايفه ارجوان : اليوم عرسك المفروض تفرحين .. اقولك لميس ترقصت لين قلت بس انا وغدير وحنين وربى اليوم عرسك لميس ابتسمت : لا جا عرسك بترقص فيه ارجوان : رددي هالكلمه ليين ماموت لميس : إن شاء بتتزوجين عاد وش ناقصك ارجوان : مانقصني شئ بس بكمل دراستي لميس ناظرت بساعتها الحمرا الفخمه كانت شوي وتجي على 12 وشهقت : شوي وتجي 12 ارجوان : طيب ..؟ لميس : شوي وزفتي تبدى ارجوان : وااي يالله يالله بنزل تحت لميس : ارجوان لاتتركيني ارجوان : يالله عاد بااي طلعت ارجوان ولميس انقهرت منها محد حاس بالخوف الي يسري بجسمها .... الزفه بدت والزفه ملت انحاء الصاله وكان صوت ماجد المهندس رنان الف مبروك زفينا الجميله الليله الفرح ليله من الف ليله قمر ويا الشمس جالس ربنا من الحسد حارس الله يتمم لكم فرحه الليله الحسن ياناس ظل محتار بيها الجواهر والذهب تتمنى يديها حلو ثوب العرس لايق عليها العروسه والعروس الاثنين حلوين الحمد له جمع هالزينه بالزين ومنك مال ومنها عيال طيبين لميس تمشي وهي رافعه راسها تخفي الخوف الي بداخلها وانظار الناس عليهم ماتناظر غير حريم متغطين ومتلثمين لأن سعود بعدها بيدخل وقفت لميس بنصف المسرح وكانت جذابه وجميله بمعنى الكلمه دخل سعود بالثوب الأبيض والبشت الأسود والشماغ الأبيض والقتره وكان جذاب وجميل ومملوح يصلح شاعر بهيبته ورزته وصوته روعه وقف سعود قبال لميس وناظر فيها بأعجاب وحب وباس جبينها شوي ودخل ابوها واخوها سامي لميس من الفرحه بجية ابوها واخوها سامي شفايفها المليانه بالقلوس الأحمر ابتسمت تحس نفسها خايفه وجية ابوها واخوها ردة فيها الروح ودها جمبها بعد اريج ومنال وصديقتها ارجوان باست راس ابوها وضمة اخوها سامي وسامي مبتسم بفرح لأخته ودلوعته لميس كان جذاب وجميل وفارس احلام البنات جلست لميس بالكوشه هي وسعود وسامي وابوسامي طلعوا جات ديما وكانت جذابه وقمر لكن فيها شوية غرور وقفوا لميس وسعود وسلموا عليها وتموا واقفين لأن الي يجون يسلمون كثروا جات غدير بنعومتها وسحرها الي يجذب الأنظار لها وعلى وجهها احلى ابتسامه فرحه باينه غمازتها الي بالجنب الأيمن والجنب الأيسر مافي غدير من الفرحه راحت لأخوها وضمته : مبرووك سعود : الله يبارك فييك غدير ابعدت عنه وسلمت عليه وباست راسه وغرقت عينها بالدموع : بفقدك حييل سعود مسح دموعها بيده : مايهون علي اشوف دموع دلوعتي غدير ابتسمت وسلمت على لميس وضمتها بفرح غدير : مبرووك لأحلى بنت عم واحلى مرة اخو لميس مرتبكه وخايفه موقادره تبتسم حتى غدير هزتها : هييه ابتسمي لميس ابتسمت بصعوبه وبمجامله وهي من داخل تفور من الخجل والخوف غدير : وش هالخجل الزايد لاتذوبين بس علينا لميس ودها تعطي غدير كف على وجهها تنكت وهي بهالحاله وتبيها تضحك طلع سعود والحريم فسخوا العبايات واللكل جاء يسلم عليها .... ام لمى : اسمعي روحي وسلمي على بنت خالك لميس لمى شهقت : شنو شنو وش تقولين عيدي ماسمع ام لمى بحده : روحي سلمي على بنت خالك بالمسرح لمى : ماما انا زين جيت تبين بعد اسلم عليها ام لمى هزتها : ايه روحي تمشي على الجسر بدلع وبرزي نفسك عشان تتخطبين يالهبله انتي مو ناقصك شئ عن لميسوه لمى : ماما تفكرين بالزواج وانا توني صغيره ام لمى : اقول لمى روحي سلمي عليها خلي الناس يشوفونك وياخذون عنك فكره لمى : اففففف ام لمى : لمى انا امك لاتتأففين لمى : طيب طيب اسفه ام لمى : يالله اشوف قومي لمى : طيب بقوم .... حوالين لميس اريج ومنال وارجوان وحنين وربى وغدير وديما لميس : حلوه صايره حنين : ايه وربي تهبببلين ربى : انا اول ماشفتك ماعرفتك لميس بكل هالحلاوه والجمال وربي بينجن عليك سعود ديما : انا هناا ربى : وش اسوي لك يعني ديما : يعني اخوي ربى : عاد الله واخوك على اساس ميين بروفسور وانا مدري لميس : ربى ووجع زوجي مارضى عليه ربى : اكشخ اكشخ حبتين والله يالميس وصرتي تهايطين زوجي وزوجي لميس ابتسمت بخجل : ربى البنات : هههههههههههه حنين رغم نعومتها ودلعها إلا فيها دفاشه ضربت لميس بدفاشه : والله وكبرتي يالميس وصرتي قدعه وتزوجتي لميس : حنينوه ووجع عليك ضرب مو صاحي ألمتيني حنين : ايه ماتنلامين عروس اكيد بتصيرين رقيقه لميس : هههههههههه الله الزواج يسوي كذا حنين : انا ادري عنك ماتتحملين شئ لميس : لا بس بالبدايه بعدها اصبري برجع مثل اول مهايط ودجه واستهبال معك حنين : الله يالميس وين ايام نومة بيت جدي والفله والأستهبال الحين خلاص باااح مافي نومه ولا شئ لميس : يووه حنين وربي مشتاقه لذيك الأيام ياليت والله نايمين بيت اهلي قبل عرسي بكم يوم حنين : تو هالفكره تخطر ببالك لميس : يااربي ابي ابي انام بيت اهلي يالزفته خليتيني اتحمس حنين : ههههههههههههههه بننام كلنا وانتي ماتنامين مسسكينه لميس : حنينوه لاتقهريني يالدبه حنين : ههههههههههههه منال : اقول لميس توني اكتشف انك قمر لميس : ليه الأول كنت شيفه منال هزت راسها : ايه لميس : ماالت من حلاة فيسك عاد انتي منال : قممر واصلاً انتي ماطلعتي بهالحلاه إلا مني لميس : احلفي بس انتي بس اريج : لالا طلعت علي منال : من حلاتك عاد انتي اريج : ليييه اهبل منال : وعععع تحومين الكبد اريج : انطمي يالحماره لميس : اييه صوح عليك منال تعرفين لهالمغروره اريج : حرام عليك انا مغروره لميس : مغتره بنفسك مدري على اييش اريج : لجمالي ونعومتي ودلعي وانوثتي لميس : خقيييييييييييت اريج ضحكت بدلع عشان تقهرهم : ههههههههههههههههاي منال : لاتذوبين علينا من الدلع اريج : حرره يالعذال مقهورين مني لميس : بزره وربي انتي ام بالله اريج : ليه وش ناقصني عشان ماكون ام طايحه من عينك لميس : طايحه ونصف بعد اريج : انطمي ارجوان تسولف مع غدير وديما مع ربى وحنين مره مع غدير وارجوان ومره مع لميس واريج مع منال تسولف جات لمى تتمش بدلع على المسرح وشعرها الكيرلي الأسود الذباح يتحرك بنعومه مع مشيتها الدلع وفستانها المخصر والضيق على جسمها الي مثل العارضة ازياء مديل فستانها رصاصي مخصر على جسمها وحزام بالوسط بنفسجي والفستان لنصف الفخذ ولابسه كعب بنفسجي وشعرها الأسود يتحرك معها كانت تمشي بدلع وبطئ مثل ماوصتها امها عشان تلفت الأنظار وصلت للمسرح واخيراً بعد دلع وتمخطر بالجسر لمى بدلع سلمت على لميس : مبروك لميس ماكان لها خلق لمى واكيد بترمي عليها كم كلمه : الله يبارك فيك لمى : والله وكبرتي وتزوجتي لميس : الكبير يصغر لمى : ايه ماشاء الله .. اذكرك بزره نونو دلوعة اخوك لميس : وبظل طول عمري دلوعة اخوي سامي لمى : لأنك نونو لميس : ليه منقهره مني لأن ماعندك اخوان اولاد يدلعونك لمى : لا ياقلبي ليه انقهر يكفي عندي ام تحبني وتدلعني ومايهمني وجود الأخ لأن بالنسبه لي وجوده وعدمه كله ايزي لميس : بس الأخو عزوه لمى : عزوه بالنسبه لك لميس : اتوقع باركتي لي تقدرين تروحين للمكان الي جيتي منه لمى : ليه ماقلتي للي حولك ولا وجودي مضايقك وواقفه لك بالنصف لميس : صراحه ايه واقفه ليه بالنصف وشوفتك تسد النفس حنين ودها تصفق للميس من الفرح افحمتها واللكل كان ساكت وشوي الجو مكهر بين لميس ولمى منال عطت لميس نظره قويه معناها اسكتي بلا مشاكل لميس انتبهت لنظرات منال لكن ماهتمت تكرهه لمى كرهه مو طبيعي ياما سوت لها مشاكل بالمدرسه يوم كانوا مع بعض يامام شرشحتها وحفلت فيها الأرض ولعبت بسمعتها لعب ولا كانها بنت خالها وغدير الطيبه الي على نياتها جرتها وراها مثل الخروف ورى خرابيطها وحركاتها وخلتها تتبعها بدلعها وخرابيطها وغدير مثل الخروف تمشي وراها ولا تدري عن الي حولها لكن وعت وتركت خرابيط وطريق لمى المليان بالنجاسه حتى صحباتها مثلها لا اخلاق لا تربيه لا احترام كلهم مثلها قليلات ادب وراعيات خرابيط ولا بمتربين ولا كأن عندهم اهل لمى اصبعها رفعته على لميس بتهديد : احترمي نفسك لميس عكفت اصبع لمى : إذا كنتي انتي محترمه بصير محترمه لمى صرخت : آآآآآآآآآآآه اصبعي يالدفشه منال بحزم : لمى لميس وين حنا ترانا بعرس مو قاعة هواش لمى : شوي اختك هالي ماتربيت شوفي وش تـ اريج بمقاطعه : خلاص بس انتي وياها لمى انقلعي لأمك لمى : شوفي اختك اذا ماعتذرت بلم الناس عليها واخرب عرسها هالي مبسوطه فيه لميس : ليه مو عاجبك الباب يوسع جمل لمى : ايوه مو عاجبني وخاصتاً لأن العروس انتي مدري ليه الناس مهبولين فيك ويقولون حلوه شكل عندهم عمى بعيونهم مايناظرون عدل مايناظرون هالشيفه كلها لميس : هههههههههه مو عاجبتك مايهمني المهم اعجب -وبدلع وغرور- زوجي وحبيبي والي حولي منقهره مني ادري لمى : مالت عليك وعلى زوجك ام لمى جات وهي حاسه بالجو توتر بين لمى ولميس عارفه بنتها راعية مشاكل ولميس ماتشتهيها الجو جد بيتكهرب ام لمى : لمى تعالي معي لمى سحبت يدها من امها : ماما شوفي هذي القليلة الأدب تسبني وتحفل فيني الأرض ام لمى : خلاص لمى تعالي معي بلاها مشاكل لميس : شوفي عمتي إذا ماربيتي بنتك انا بربيها بنفسي .. مفتخره فيها على ايش على الأدب ولا الأخلاق ولا الشطاره ولا الأحترام بنت فاجره وقليلة ادب ولا بمحترمه بس اللهم نعومه وياليت جمال بعد ام لمى طبعت كف قوي على خد لميس جمد البنات منال : عمتي الله يهديك بلاها هواش اخذي بنتك وروحي ام لمى : بنتي ماتربت يالحيوانه انا بنتي ماتربت إلا والله انتي الي ماتربيتي انا الي بربيك بنفسي ومثل الوحش هجمت على لميس وشدت شعرها بقوه والناس تجمعوا حولهم ولميس تصارخ وتبكي والبنات يحاولون يبعدون عمتهم وام سامي جات تشوف بنتها وش صاير لها اخترب العرس واندمر والسبب لمى المغروره لمى مبتسمه بأنتصار وتبتسم وتتضحك على اساس تشوف مسرحيه قدامها مو هواش وطق ام سامي صرخت بقوه : خلااااااااااااااااااااااا اااااااااااااااااص ام لمى بعد ماعطت لميس ضرب مو صاحي ابعدت عنها وقالت : الحين ربيتك وسحبت بنتها وراحوا لبرا وهم ناوين يطلعون من القاعه وتمنوا ماجاوا بس لمى فرحت إنها جات وشافت عرس الي تكرهها يخترب والسبب هي تحس بنشوة أنتصار تسري بجسمها مو صاحيه فرحانه بتنشر خبرها بكل شئ حتى بالنت بتنشره من الحقد الي بقلبها ام سامي موجهه كلامها للناس : خلاص روحوا مسرحيه تناظرون العرس انتهى روحوا الحريم كل وحده مشت وتجمعوا عند البوابه بيطلعون لأن العرس اخترب لميس متكوره وهي تبكي وشعرها صاير كشه ومتبهذله وحالتها حاله واللكل يناظرها بشفقه ارجوان ضمة لميس : بس خلاص لاتبكين عشان هالحيوانه لميس وهي تبكي : ارجواان .. خربوا ليلة عمري خربوا عرسي كيف بروح لسعود وانا بهالحاله ناظرتني بوجهي ناظرتي بالكدمات الي فيني وجهي مضرب ومنتفخ من هالحيوانه الي اسمها عمتي الا والله حمارتي مو عمتي ارجوان : بس خلاص لميس ام سامي : ياقلبي عليك يابنتي ليلة عمرك وانهدمت والله لأرد كرامتك منهم هالحقيرين لميس ارتمت بأحضان بنتها وهي ترتجف وتبكي والبنات يناظرونها بشفقه حنين ناظرت بربى وهي ودها تبكي مع لميس الي بكاءها الي مايبكي يبكي اريج جلست جمبها ومسكت يدها : بنقول لأبوي وانتي دلوعته صدقيني بيحفل بعمتي لميس : ابوي طيب مستحيل يسوي الي سوته اريج : صدقيني اهو اخوها وهو ولي امرها لأن ماعندها لا زوج ولا ولد صدقيني بننتقم منها لميس بكت اكثر : يممه ليلة عمري اختربت كل ماتتذكر إن اليوم زواجها وانقلب لعزا تبكي اكثر وبحسره العرس الي جهزت له وتعبت ينهدم وين التعب الي سوته بالمولات والمصممات والبوتيكات والصالونات بس عشان تلقى ملابس وفساتين لزواجها الي اخترب ........................... شوق بالصاله متمدده على الكنب وبيدها الكنترول تغير القنوات بطفش رمت الكنترول وصرخت : طفششش اروى : عادي هذي حالتي انا كل يوم ماعمري تضجرت شوق : بس انا ماتعودت على كذا دقي على رئود يطلعنا اروى : احلفي انتي بس هذا التلفون وجمبك ارفعيه ودقي عليه شوق : افففف انتي بس حضري لهالمدرسه كنها بتطير وراحت للتلفون ورفعته ودقت على رائد قالها اهو مشغول وبعيد وسكرت بطفش : اووه محد بيطلعنا يعني نجلس بهالبيت كيف يعني اروى : ايه مالك إلا البيت شوق ضربت الأرض بعصبيه : حلوه هذي نجلس بالبيت بطلع يعني بطلع اروى : ومين بيطلعك إن شاء الله شوق : قومي نطلع مع السايق اروى : ابوي قايل السايق للمشواير مو للتمشيه شوق : عادي يودينا الواجهه البحريه او الكورنيش ويودينا فرايديز نتعشى عادي مشاوير اروى : شوق يرحم امك اسكتي تراني ماني فاضيه لك واصلاً حتى لو رضى رائد يطلعك انا ماني طالعه مشغوله شوق : افففف ودخلت المطبخ وقررت تعمل حلا المالتيزر بدال هالطفش طلعت المقادير : بسكويت اوريو , كرتون كيك يمامه بالفانيلا , كوب حليب سائل , كوب حليب بودره , ملاعق زبده ذائبه , قشطه , اكياس شوكلاته مالتيزر , علبة حليب مركز , قطعة جبن كيري , قليل من القهوه الفوريه , قليل من الهرشي وبدت تعمل الحلا ومرت ساعتين كامله خلص الحلا وطلعته وحطته بالفريز عشان مايميع طلعت للصاله وهي مبتسمه تحس نفسها غير تغيرت كثير صارت فله ونشيطه تغيرت تحاول تتناسى فارس تبي تنساه اروى : وين رحتي شوق : عملت حلا مالتيزي اذا تبينه بالفريز اروى : لا خلصت شغلي وتحضيري اخذت لي شوق طلعت برا للحديقه وناظرت بالشلال الفخم وجمبه قفص كبير فيه طيور خمسه واحد ازرق والثاني اصفر والثالث ابيض والرابع اسود والخامس برتقالي وكانت اشكالهم حلوه وحوض كبير فيه ورود واشكال رهيبه فيه اسماك تقريباً 20 سمكه كبار ووسط وصغار شكلهم حلو وقفص فيه بغباء لونه اخضر فاقع لونه حلو مميز شوق جلست على العشب وهي تناظر بالطيور والسمك والبغباء والشلالات شوق : بكره بأذن الله بداوم بالجامعه خلاص انا صرتي عازبه مايحكرني لا زواج ولا شئ الله ايام حبس فارس لي - هزت راسها بقوه لأن اسم فارس انطق تبي تنساه ماتبي له وجود بحياته تبيه ينعدم - بيغير من روتين حياتي بكون نشيطه ودجه وهبال مع صحباتي جوري ورنيم وروان ولو ملاك بنت خالي ماتزوجت خييو ووقفت قيد كان دجه بقوه معها ومع لجين الله ايام حلوه وربي ماتنسي ياحلاة جمعتنا وهبالنا قروبنا معروف بالجامعه الله لايحرمني منهم ولا يفرقنا رن جرس الباب وراحت وهي تمشي ببطيئ فتحت الباب شوق بققت عيونها : فارس :............. شوق بعصبيه : نعم خير ليه جاي .. جاي تتمشت ولا تبارك لي بطلاقي اكرهك اكرهك روح خلاص ابي انساك ليه لازم تفرض نفسك علي خلاص ياخي افهم انا ماحبك اكرهك ليه جاي وش تبي من متى وانت تزورنا ولا متحسف إنك طلقتني غرقت عينها بالدموع وهي تتكلم وسكرت الباب بوجهه بقوه رن الباب اكثر واكثر وفتحت الباب بعصبيه : نعم خيير روح خلاص رائد ضربها على خدها : انتي هييه وشفيك شوق بتفهي : رائد رائد : وشفيك .. لهالدرجه فارس ماخذ عقلك تحسبيني فارس شوق : الي مساعه انت مو فارس انت الي سكرت بوجهك رائد : ايه انا شوق بأرتباك : لـ..ا.. بس انا احسبك فارس رائد : انا ادري أنك للحين تحبينه بس تخفين هالشئ وتكابرين بس صدقيني بتنكسرين ودخل داخل وتكرها وشوق بكت وراحت للحديقه جلست بالعشب وهي تبكي اكتشفت إنها تحبه بس تخفي هالشئ وتكابر وتحاول تكرهه وتحس نفسها تكرهه لكن اهي تحبه .. وصارت تناظر كل الرجال فارس لأن اهو بنظرها كل الرجال وفارسهم واكملهم ..................... شجون طلعت لها عشقها وحبيبها المارس مع الكولا وجلست بالصاله تاكلهم بتلذذ طلع ياسر من الغرفه وريحة عطره الرهيبه ملت الصاله شجون غطت انفها بالمنديل بطريقه راقيه وهي منقرفه من ريحته ياسر : وشفيك شجون : وااي ياسر وش هالريحه تجيب القرف ياسر : ريحتي تجيب القرف افاااا شجون : بليييز اطلع ماني قادره اتحمل اففف ياسر : ههههههههههههه طيب طيب طلع ياسر من البيت وشجون نزلت المنديل من انفها وهي متقرفه من ريحته الي للحين صابغه بالصاله شجون وقفت وجابت ملطف الجو ولطفت الريحه صارت تنام بالصاله ماتشتهيه << لا تلومونها الحمل ومايسوي دقت على بشاير بعد رنتين ردت شجون : هاي بشاير : ياهلا والله بشوجي حياتو شجون : ياهلا فيك بشاير : هاه بشري شمسويه مع الحمل والتوأم الثلاث شجون : افف اسكتي تعب وربي بشاير : ايه اكيد دامهم ثلاث .. الا قولي وش ببطنك شجون : والله انا حللت امس وقالي صرتي بالشهر الرابع وبينوا إنهم بنتين وولد بشاير : حلوو .. وش ناويه تسمينهم شجون : دورت بالنت اسماء عجبني راما وكادي ومالك .. وشرايك ..؟ بشاير : ايه حلو وشرايك بأسم إيلاف شجون : لالا عاجبني راما وكادي ومالك بشاير : عيالك وكيفك ... إلا قولي كلمتي سديم شجون : لاوالله تعبانه بشاير : اهااا تقول تحس بصداع براسها من يومين شجون : سلامات وشفيها بشاير : والله مدري حللت ويقولون سووا لها اشعه مغنايسيه وبتطلع التحاليل بكره شجون : يوه ليكون فيها شئ والله ماكلمتها لي فتره بشاير : والله انا امس مكلمتها تقول صداع ذبحني براسي كله احس راسي يدور شجون : ياخوفي يكون في البنت شئ .. طيب بيشو الحين انا بسكر بكلمها بشاير : اوكي وأي جديد غير الي قلت لك قولي لي شجون : اوكي يالله باي سكرت بشاير من شجون واتصلت على بيت اهل سديم وردت اختها "حلا" حلا : الوو شجون : هلا حلوي حلا : ياهلا والله .. مين ماعرفتك .؟ شجون : انا شجون صاحبة سديم حلا : ايه ياهلا والله سوري ماعرفتك لي فتره ماكلمتك شجون : ايه مالومك .. وشمسويه مع دراستك حلا : والله ماشي الحال بس تعرفين خايفه من القدرات والتحصلي وكذا شجون : ايه الله يوفقك .. الا اقول حلا وين سديم ابي احاكيها ..؟ حلا تنهدت : سديم الله يعلم بحالها بس خليني ساكته احسن لي شجون بخوف : حلا وشفيها سديم حلا بضيقه : سديم حالتها حاله راسها يألمها والم فضيع مو طبيعي يجيها دوم تطيح علينا مغمى عليها ياقلبي عليها تعبانه حيل شجون : عطيني اكلمها طيب حلا : الحين هي بالمستشفى توها من دقايق بدورة المياه "الله يكرمكم" طاحت واغمى عليها شجون شهقت : ياقلبي عليها .. أي مستشفى ابي ازورها حلا : مستشفى سعد التخصصي شجون : طيب يالله باي سكرت شجون من حلا وهي حدها خايفه اتصلت على سديم جوالها مقفل اتصلت على امها تعطيها مشغول خايفه على سديم حيل صديقتها وحبيبتها خايفه عليها .... حلا ~~< العمر : 17 ونصف .. في ثالث ثانوي . تخصص : علمي .. طويله ونحيفه وسيمه وعيونها وساع وعسليه وانفها صغير وحاد وشفايفها صغار ومليانه ورديه وشعرها طويل يملي ظهره لونه شوكلاته كثيف وناعم ذباح ورهيب بشرتها سمرا لكن مملوحه ملح فيها مو طبيعي قمر وساحره رغم سمرها وتنافس اختها سديم بالنعومه والجمال لأنهم ماشاء الله ثنتينهم قمر لكن حلا فيها ميزه تميزها عن سديم وهي الجراءه وعيونها العسليه | ||||||||
|
| |
|
24-06-19, 07:04 AM
| #53 | ||||||||
| مراقبة عامة ومشرفة منتدى الروايات المنقولة
| في المستشفى سديم منسدحه على السرير عيونها ناعسه وتحتها سواد ووجهها تعبانه وامها واخوها "بندر" واقف جمبها ويناظر بأخته التعبانه بشفقه وحنان طيب بشكل مو طبيعي وخاصتاً لسديم لأنها طيوبه اما حلا ملسونه ودوم هواش بينهم دخل ابوبندر وام بندر بلهفه قالت : بشر وشفيها بنتي ..؟ سديم كانت تناظر بأبوها بتعب يملي يسري بجسمها وكأنها جسد بلا روح ابو بندر بضيقه نزل راسه : ماطلعت الأشعه بس خمنوا ويقولون 99 بالمئه يكون هالكلام جد ام بندر : شنو ..؟ ابوبندر : سرطان بالمخ صدمه ملت ارجاء الغرفه سديم كانت مصدومه وترتجف وساكته ماقوت على الكلام حتى الدموع ماقوت عليها تجمعت دموعها بعينها لكن مانزلت صارت مثل الميته تعتبر نفسها وام بندر تبكي وتشهق على سديم وابوبندر الصبور القوي مابكى ولا شئ بس بقلبه يتقطع ومتضايق وبندر جلس بالكرسي ساكت مصدوم سديم دموعها بهدوء نزلت على خدها وصارت عيونها حمرا من البكي مالها صوت كاتمه صوت بكاءها وبندر اخوها الحنون يناظر فيها بحنان وهي تبكي بهدوء وصمت سديم ودها تصرخ ودها تبكي بصوت عالي تفرغ كل الحزن الي بداخلها والصدمه الي تلقتها لكن جاتها حالة صمت ماقدرت تصرخ ولا تبكي بصوت عالي ابو بندر : بندر روح رجع امك البيت بندر : إن شاء الله .. يالله يمه مشينا سديم ودها تنطق وتقول طلعوني ودوني معكم ابي ارجع للبيت ابي ارجع لغرفتي ابي ارجع لهبالي ودجتي مع اختي حلا لكن لسانها منربط مو قادره تحكي ام بندر لبست حجابها وطلعت من الغرفه سديم بصوت مبحوح : يـ..مـ..هـ ام بندر التفتت لها : لبـيه سديم : اخذوني معكم لاتتركوني وبكت بصوت عالي وصارت تشهق تحس بترتاح لما تبكي وماتكتم دموعها ام بندر راحت لها وضمتها وبكت معها : بس خلاص يابنتي لاتبكين قطعتي قلبي سديم : يمه وش سويت بحياتي عشان يجيني هالمرض انا خلاص بموت موتي قريب قريب يايمه حيل قريب ام بندر : لا يابنتي وش هالكلام لك طولة العمر وإن شاء الله بنعالجك بأحسن المستشفيات بأذن الله سديم : لا تعالجوني انا بموت بمووت خلاص وبكت اكثر بندر : سديم تفائلي بربي هذا قضاء وقدر ولا علينا اعتراض على القضاء القدر ايوب عليه الصلاه والسلام صار له اكثر من صارلك تعذب 18 سنه عاش بمرض وعذاب وبالدعاء الله شفاه وانتي إن شاء الله بنت عاقله وفاهمه ومتدينه ادعي واكثري من الدعاء الله مابتلاك إلا اهو يحبك ويبيك تتقربين منه يمكن لهتك اشياء ويبيك تتقربين يبي يسمع صوتك تدعين له سديم نزلت راسها : طلعوني من هنا طلعوني ابي اسولف مع حلا ابي اشوف بيتنا ابي اشوف غرفتي ابي اشوف صديقاتي بروح الجامعه قبل لأودع هالدنيا رجعوني بندر : وكل هالكلام ومانفع .. الله يهديك يالله يمه مشينا سديم مسكت يد امها : يمه لاتتركيني نامي هنا معي اخاف لحالي ام بندر ناظرت بأبو بندر وعطاها نظره وهي عدم الرضا وراحت مع بندر وسديم بقت بالغرفه مع ابوها صار ينصحها ويهديها وهي تبكي ..... بعد ساعه حلا شهقت : سرطان بالمخ بندر بضيقه : ايه حلا غرقت عينها بالدموع : ياويلي ياويلي على اختي ياقلبي عليها ودوني لها خلوني اضمها واواسيها محتاجه للي معها بهالوقت كيف تخلونها لحالها كيف يطاوعكم قلبكم تهدونها ودوني لها ودوني بندر بحده : حلا سديم بخير وكم يوم وتطلع إن شاء الله حلا : قلت لك ودني لها بشوفها سديم خوافه وتخاف من الظلام مستحيل اخليها تنام هناك لحالها ودوني لها فهمت ودني لها بندر : حلا مافي روحه هجدي بالبيت حلا : لا بروح يعني بروح يعني بروح فاهم مانت الي بتمنعني من الروحه وصعدت فوق ولبست عباتها وحجابها ونزلت وطلعت برا البيت بتروح مع السايق لها بندر لحقها لبرا وصرخ : حلااااااااااااااااااااااا اا حلا فتحت باب السياره وكانت نفس سيارة السايق وركبت وسكرت الباب : ودني لمستشفى سعد التخصصي التفتت لها الشاب الوسيم "سلمان" حلا شهقت وفتحت الباب ونزلت وقالت قبل لاتسكر الباب : سوري غلطت وهي ترتجف من الخوف والربكه حلا : وين السايق بندر : مافي روحه فاهمه حلا سحبت يدها من بندر : الا بروح يعني بروح بندر : مافييه حلا : اووه بروح وين السايق بندر ناظر بالسياره وشافها سيارة شاب وكان صاحبه سلمان وخزها خزه مابعدها خزه معناها ادخلي داخل لأحفل فيك الأرض حلا ماتحب نظرات التهديد والعصبيه بعيون اخوها وتعتبرها ذل وقفت اقرب تاكسي وراحت وبندر تنهد نهده طويله وهو مابي يصبره ينفذ من اخته العنيده وراح لصاحبه سلمان بندر فتح الباب : هلا والله سلمان : ياهلا والله .. جلست احتريك هنا إلا اشوف اختك المدام ركبت تحسبني السايق شكلها بدر ببتسامه مجامله : ايه والله سيارتك نفس سيارته سلمان : لا عادي اقول حنا الربع بكره بنروح الإمارات وشرايك تجي معنا بدر : لا والله حدي مشغول وماني رايق سلمان : يارجال تعال بس معنا وسع صدرك بدر : لا سلمان عندي شغل ... في المستشفى في غرفة سديم حلا ضامه اختها ويبكون بصوت عالي سديم : حلااااا انا بموت عن قريب عن قريب حلا : لا تقولين لك طولة العمر انا بدونك ولا شئ انتي اختي وحبيبتي كل حياتي انتي فرحتي وبسمتي لاتتركيني سديم : لو هالمرض إنسان والله قتلته .. بس شسوي انا قريب بتركم بتركم حلا : لا تقولين سديم بتتركينا لاتقولين كل الي يجيهم هالمرض يشفون واهلي بيودينكم اكيد برا تتعالجين سديم : نفس الشئ إذا الله كتب لي الموت بموت حلا : لا لك طولة العمر بس عليك بالدعاء وانا صدقيني من اعماق قلبي بدعي لك سديم ضمتها : الله لايحرمني منك حلا : جعل يومي قبل يومك سديم : لا حلا لاتقولين هالكلام انتي صغيره توك ببداية عمرك وراك مشوار طويل وسعي صدرك بحياتك مابيك تذوقين المرض الي ذقته وبتلذذ بالعذاب الي بذوقه وبتللذ بالكيماوي الي باخذه حلا : الموت والمرض مايعرف لا كبير ولا صغير إذا الله كتب بيجي الإنسان بيجيه حتى لو كان طفل صغير بالمهاد ................................... ساره بين اربع جدران وتعد القنوات من الطفش ساره رمت الكنترول : افففف طفش ياربي رفعت جوالها واتصلت على تركي بعد ثلاث رنات رد عليها ساره : تركي وينك ..؟ تركي بدون نفس : طالع يعني وين ساره : اففف تعالي طفشانه بلييز طلعني تركي : مشكلتك طفشانه عاد انا مشغول مع الربع ساره بعصبيه : احلف عاد -تقلد نبرته- انا مشغول مع الربع . لايكثر بس ومن متى عندك ربع تركي : من اليوم طالع ساره : عاد عساهم اولاد مو بنات هو انت كنت مغازلجي وكنت بكون ضحيتك بس الحمدلله صرت زوجتك مو ضحيتك انت وولد خالتك تركي : لحوول شريط مسجل انتي تعيدين الكلام كل مره خلاص ياخي فكينا تراك طفشتيني وسكر الخط بوجهها ساره ناظرت بالجوال : يالحمار تسكر بوجهي والله اخر زمن بعد انا الغلطانه اخذ وحد بزر عمره 23 مدري 24 حلاتي ماخذه واحد عمره 25 26 مو ذا راعي البنات .. ياويلي ليكون مع بنات اففف لو اعرف وين قاعد الحين وربي رحت له - وتنهدت بضيقه - ................................. ترن ترررن ترررن ترررن ملاك رمت المجله الي بيدها وراحت تفتح الباب وقالت بعصبيه : من هالمزعج الي جاي بهالوقت وطاحت عينها بعين فيصل لفتره لمدة 10 دقايق وهو ساكتين ويناظرون ببعض فيصل : ملاك وحشتيني وتقدم منها بيضمها لكن ملاك ابتعدت عنه وكانت بتسكر الباب لكن فيصل مسك الباب وراح لها فيصل : تكفين سامحيني انا اسف ظلمتك ملاك بعصبيه : وتوك تعرفك إنك غلطان كل مره هالموال تقوله لي انا اسف ظلمتك ولمتى يعني هااه لمتى بنعيش بشك مع بعض سنه ونصف مع بعض ومابيننا ثقه اسفه فيصل لهنا وبس انا ماتحمل اكثر رجعه ماني راجعه وجلست بيت اهلي حلت لي فيصل : انا اسف لاتقسين ياملاك حسي فيني انا اسف ملاك بعصبيه وصراخ : انت الي حس فيني خلاص يكفي عذبتني بحياتي شك في شك شك في شك ينقال الحين غيره الله ياخذ الغيره الي مثل وجهك تتحول لشك فيصل مسك يدها وملاك سحبتها بقسوه وعصبيه فيصل : ملاك حنا عندنا بنت انا مشتاق لها ابي اشوفها مو بنتك بس انتي ملاك : اووه تو تعرف عندك بنت .. والله زين ذكرت إن عندك بنت وزوجه ببيت اهلهم نايمين لهم ثلاث ايام مافكرت فيهم ولا رفعت السماعه تسأل عنهم .. وثانياً هذي بنتي انا الي حملت وانا الي ولدت وانا الي ربيت وانا شقيت وتعبت وسهرت وانت بس صرفت شوف وش سويت وشوف وانا وش سويت وجاي تطالبني فيها بنتي ومشتاق لها طير ياشيخ بس فيصل : ملاك ملاك : اووووووووه كرهت اسمي دامك نطقته بلسانك .. ويالله برا الباب يوسع جمل وبليييز مره ثانيه لا تجي لأن صراحه شوفتك تجيب لي النكد واللهم والضيقه والكدر وكل انواع الحزن فيصل : افاا انا فيصل زوجك وحبيبك اجيب لك اللهم وانواع الأحزان ملاك : والله انت بنفسك خليتيني ماشتهيك واكرهك فيصل : تكرهيني ..؟ ملاك : ايه كرهتك والسبب شكك فيني لدرجه خليتني اشك بنفسي واخلاقي .. كرهت ايدك الي بيوم انمدت علي ذليتيني بما فيه الكفايه لحالنا وقدام الناس .. ليه افرح بشوفك ليه انبسط لاشفت طيفك وانت معيني بكدر معيشني وكأني وحده حقيره وراعية خرابيط دوم تشك فيني .. مستحيل انسى كيف ضربتني ذاك الكف يافيصل مستحيل فيصل سكت وماعنده كلام يحكيه عطاها كف وش اكثر من كذا حتى ماقدر إنها بنت خاله ملاك بأستهزاء : اشوفك ساكت زين غلطت نفسك ولا انت دوم تحسب نفسك الصح وانا الغلط بس تدري كيف انا باخذك على قد عقلك وبنزل مستواي لك حبتين عشان نتفاهم فيصل : يعني سامحتيني وبترجعين معي ملاك : لاطبعاً نتفاهم على ....................................... طلاقنا فيص شهق : طلاقنا ملاك : ايه طلاقنا فيصل : وبنتنا ملاك : بنتي وانا الي بربيها وانا الي باخذها فيصل : عاد لهنا وبس هذي بنتي وانا ابوها وانا الي بربيها والمحكمه اهي الي بتحكم البنت لمين .. انتي بنت تبين مين يحميك يصرف عليك مو قد تحمسين بنتنا انا الأبو انا الي باخذها وبحميها واصرف عليها مو انتي وصدقيني ياملاك بتندمين على قرارك بس بنفذه وبسويه ملاك قالت هالكلام لا شعوري تطلق وبنتها تبعد عنها طاح قلبها ببطنها : لالا خلاص نتفاهم نتفاهم مانطلق بس غلطت فيصل : لا ماغلطتي انا ادري إن الفكره براسك وتبين تطلقين وترتاحين مني بس بترضين تكملين حياتك معي عشان الصله الي بيني وبينك وهي ليان بنتنا ملاك وهي انهارت وتبكي : ليتني ماجبتها ليتني تميت بنت ولا تزوجتك كرهتني بحياتي وعيشتي خليتني اتمنى الموت حسبي الله عليك من رجال حسبي الله عليك فيصل رق قلبه لها ومسك ايدها بعطف : ملاك تدعين علي ملاك : مو من قلبي انا ادعي لك مادعي عليك .. بس قسوتك وشكك فيني خلاني ادعي عليك فيصل : انا اسف سامحيني مستعد اسوي لك كل شئ بس عشان ترضين سامحيني ملاك ناظرت بعيونه لفتره طويله والصمت والهدوء حل المكان نزل نايف من فوق وسمع اخر كلام من كلام فيصل وحس بكرهه لأخته ملاك كل البنات نفس هالطبع تذكر بذيك اللحظه كيف كان يترجى سهام إنها بتنفصل عنه لكن هي بقسوه تركته ودورت غيره وهو يترجاها ومستعد يسوي لها اي شئ كلهم نفس الطبع ناظر بفيصل وابتسم وناظر بملاك وكشر وطلع << مادريت يانايف إن الحق مع اختك وماتنلام فيصل : رضيتي ملاك : والله مادري ولو برضى بس عشان ليان .. فيصل بفرح : يعني رضيتي ملاك : لو ودي مارضيت بس برضى عشان بنتي والله عشان بنتي مو حب لك فيصل : اهم شئ بشوفك قبالي 24 ساعه اصبح وامسي على وجهك وانام على كلمة نوم العوافي واصحى على كلمة صباح الخير ملاك غصب عنها ابتسمت قلبها طيب ونظيف تحقد وتكرهه وبكلمتين حلوين ترضى .................................. لميس راحت للسويت حقها فسخت الفستان ولبست جينز ازرق وتيشرت وردي فيه فيس بالأزرق وشعرها الكيرلي متناثر على بشرتها والدموع تنهار على خدها والأجواء بالسويت حزينه وماسمحت لميس لسعود يدخل ويشوفها بهالحاله والتبهذل الي هي فيه راحت لدورة المياه "ألله يكرمكم" وناظرت نفسها بالمرايه وبكت اكثر لميس : ( ياويلي ياويلي وش هالضرب وربي مو إنسان وحش حسبي الله عليك يالمى وامك يالحيوانين والله لأوريكم واطلع الضرب الي اكلته منكم من عيونكم يالحقيرين ) وشهقت وبكت دخلت عليها اريج ومسكتها بتطلعها اريج : لميس لاتبكين هنا لايجيك شئ ماتسوى عليك لميس : وش يجيني اكثر من هالضرب هااه قوي وش يجيني اريج : تعالي معي للغرفه هناك ارتاحي انتي تعبانه جسمك تعبان محتاج للراحه لميس : من قال إني بقعد هنا بالسويت ومن قال بخلي سعود يشوفني بهالحاله انا بجي بيتكم اصلاً لحد مايخف هالضرب اريج شهقت : من جدك ليلة عرسك تجين بيت اهلك لميس بأستهزاء : احلمي اطلع له بهالشكل وثانياً لبسي عادي .. وماني رايقه واخلاقي زفت .. ولا تبونه يدخل عليه ويخترع مني اريج : لميس اعقلي ليلة عرسك اليوم احلى ليله لميس : إلا اتعس ليله .. اترقبها على احر من الجمر واخر شئ تندمر ومين يدمرها عمتي وبنتها بكت وضمة اريج وهي تبكي وتشهق لميس : آآآآآآآآآآه حسبي الله ونعم الوكيل حسبي الله ونعم الوكيل اريج : خلاص بس لاتبكين والي تبينه بيصير البسي عبايتك وحجابك وتعالي نروح لأن احس جلستك هنا بتزيدك وخاصتاً الموقع الي صارت فيه الهوشه لميس : طيب راحت لميس الغرفه ولبست عباتها وحجابها وناظرت بأهلها الي لبسوا عباياتهم بيطلعون ام سعود : لاتضيقين نفسك يالميس ووسعي صدرك ومتى ماتبين ترجعين شقتك حياك الله اهم شئ ترتاحين ونفسيتك تحلى لميس : مشكوره طلعت لميس مع اهلها وقبل لاتركب سيارة اخوها شافت سعود ببشته سعود : لميييس لميس التفتت له وعيونها مغرقه بالدموع بصوت مبحوح : هـ..لا سعود سحبها من يدها بنعومه : وشفيك ليه بتروحين مع اهلك .؟ لميس : يقولون لك بعدين اهلك .. لاتزعل سعود بس والله لي عذر سعود : وشفيك مين ضربك ليه كل هالضرب بوجهك لميس بكت : بس خلاص سعود وركبت السياره وسعود يناظر فيها وهو محتار وشفيها ليلة عرسها وماكله ضرب يموت ويعرف مين الي سوى فيها كذا بيحفل فيه الأرض ......................................... وبعد مرور 4 شهور فيصل ... صار يتعالج عند دكتور نفسي يخفف من شكه لزوجته ملاك وشوي تحسن ويحاول يمسك اعصابه ويبعد هالشك والغيره عنه .. حياته مع ملاك ماشيه لكن فيها بعض المشاكل البسيطه تنحل بسهوله ... اروى حالتها مثل ماهي تسلي نفسها بالمدرسه والتحضيرات وبنتها راميتها عند امها وصارت جنى متعلقه بأمها اكثر من ماهي متعلقه بأروى .. واروى دوم تحس بالنقص لأن شوق اختها عاشت حياه احسن من حياتها وحامل لكن تدعي لها بالتوفيق وتتمنى تعيش مثلها ... شوق وافقة على بدر وتزوجوا وتم كل شئ وعاشت معه عيشه سعيده بس صورة فارس ماتغيب عن بالها بس بدر خلاها تنساه لأن اهو يسواه .. والحين هي حامل بولد وبالشهر الرابع ... رائد حياته ممله ماعاش حياته مثل الشباب سفرات ودجه ووناسه اهله مايخلونه ياخذ راحته واتخذ قرار بيغير من روتين حياته وبيسافر وبيروح يجي مايخلي احد يتحكم فيه لكن بيتم مثل ماهو رائد الطيب الحليو الي يحب خواته ويعزهم ولا يرفض لهم طلب .. وحجزوا له اهله بنت خالته شهد وافق لأنها عاجبته ... ساره حياتها مع تركي ماهي ماشيه تمام لو تحدث مشكله بسيطه تعايره بعقمه وهو يعصب وتتنرفز .. وكارهه اختها شوق والسبب انها حامل لكن تسلي نفسها بالطلعات والتلفزيون والجوال عشان تنسى هالموضوع لكن الأطفال للحين تتمناهم تتمنى نوف موجوده على الأقل تنسيها وتسليها لكن محد يهالدنيا بيونسها ويسليها ... فارس فارس انطوائي وحزين تندم على ذيك اللحظه الي طلق فيها شوق حبيبته وحياته تهاوش مع صاحبه عمر الي خلاه يشك بزوجته ودمر حياته لأنه يعتبر هو السبب سافر لفرنسى يغير من جو الروتين وصار يطنش كل شئ ولا بمهتم بشئ صار كل شئ عنده ايزي ومن كثر سفراته للدول الأجنبيه صار متفتح كثييير .. ومبسوط بفرنسى وناوي يعيش هناك مايبي يرجع ويرجع له الحزن .... ريناد سافرت للندن وحياتها مع عبدالله مو ماشيه وتحس بالطفش وبالأشتياق لأهلها اربع شهور ماشافتهم وكنها اربع سنين .. تحن لأيام العزوبيه حياتها صارت ممله ومالها اي داعي تتمنى الموت ولا هالعيشه وش اصعب الأنسان يعيش بدون اهله لا ام لا اب لا اخ لا اخت كلهم رفضوها ولن تروح ولمين تلجأ محد لحد كلن نفسي نفسي .. .... لجين رجعت مثل اول بس مو مثل اول اول صارت مغروره ولا يهزها شئ وتصادقت مع بنات كلهم شايفين نفسهم وتركت رنيم وروان وجوري وراحت لـ " مروى ووجدان ولمار " صارت حياتها غير يملأها الغرور والتكبر لجين المتواضعه الحبوبه تغيرت وصارت منبوذه من بين اللكل وصارت شخصيتها غير عن قبل حتى حركاتها واسلوبها وطريقتها صار مثل صحباتها ممتلأ بالغرور ...... شهد حياتها صار لها معنى ثاني سنه وتخلص الثاتويه وتتخرج وتتزوج فرحتها ماتنوصف ورائد صار كل حياتها بس تشوفه قلبها يدق صار هو نبض قلبها هو بسمتها وفرحتها ....... نوره سافرت لبريطانيا تدرس وتكمل دراستها لأنها حست مالها داعي تعيش بالخبر لأن كلام الناس يجرحها ليه ماتزوجتي .. عنستي وش فيك ماتزوجتي .. كبرت محد يبيها .. الي كبرها عندهم عيال طفشت من كل هالكلام وعشان ماتسمعه سافرت تكمل دراستها وهناك منبسطه حيل وودها جمبها اهلها .... اسيل حياتها من بعد نوره ماتسوى شئ لكن تسلي نفسها بالطلعات والجيات والمولات وتصادقت بالجامعه مع بنتين كويتيات " يارا و الجازي " حبوبات وحليوات وماعادت تحاكي اريج مثل قبلها لأنها تعتبرها غير مو مثلها فاضيه عندها مسؤليه وزوج ..... ملاك تحاول تمشي حياتها مع فيصل مثل ماهي تبي لكن فيصل فيه شوية عناد وفوق إنه تعدل وماعاد يشك إلا انها تحس بحياتها مايله مو مستقيمه هي عنيده وهو عنيده اثنينهم مايجتمعون .. لكن وش تسوي بنتها كل حياتها بتضحي عشانها ..... سامي مشغول بداومه ومايفكر بالزواج رغم أمه دوم تحن فوق راسه تزوج وتزوج لكن هو يطنش وبيعيش حياته عزوبيه ... منال تأقلمت مع هالجو والروتين الي صار يومي ونست موضوع الزواج وتغيرت وماعادت حاسده خواتها على سعادتهم وصارت تشترك بمعاهد فوتشوب وحاسب وانجليزي عشان تلهي نفسها ماتبي تشغل نفسها بالقيل والقال والمطالع والحسد والحقد تلهي بنفسها شئ انفع لها ... اريج حياتها مع ريان مثل العسل ماشيه سيدا شموخ كبرت وصار عمرها 5 شهور هي صارت كل حياتها ومستحيل تتخيل الحياه بدونها واشوق صارت تتأقلم معها واشواق بعد تغيرت اتجاه اريج وصارت تناديها ماما واريج حياتها من احلى ماتكون ..... لميس بعد الضرب الي اكلته من عمتها ولمى تعالجت وتمت اسبوع بيت اهلها لحد ماخف الضرب ورجعت لبيتها وسافروا شهر عسل لـ " اسبانيا " وعاشت حياتها معه من احلى ماتكون لكن في شوي تداخلات من امه في حياتهم لكن تحمد الله وتشكره إن الله عطاها زوج يعشقها ويحبها وفي فترة الأختبارات سعود يساعدها للمذاكره ويسمع لها ويشجعها لأن من شروط لميس تكمل دراستها وهو احترم رغبتها وشجعها للدراسه واتفقوا مايجيبون عيال إلا لما تكمل دراستها حتى الجامعه .... سعود حياته مع لميس مثل العسل عشقها وصارت كل حياته مستحيل يتخيل يوم يعيش بدونها حبيبته هذي ونور عينه وهو بدونها عمى مايناظر شئ كرهه عمته ولمى والسبب إنهم بكوا لميس ....... ديما حياتها مع زوجها شوي مايله زوجها كله مع ربعه بالأستراحات وهي تربي بهالعيال نواف ومها هم ملح البيت الي مستحيل تعيش بدونهم وصارت تشغل نفسها بالحش بلميس هي وامها وماتبي لها السعاده لأن هي ماتعيش السعاده وتنقهر لما تشوف سعود يدلع لميس جمبها وزوجها مايدلعها .... محمد سافر ولا رجع ولا يفكر يرجع منبسط ببرشلونه وعايش حياته من دون تحكم وسيطرة اهله عليه ويحس نفسه كان مسجون وطلع من السجن .... غدير تتعالج عن دكتوره نفسيه تحاول تغير من طبعها الطيب وتقوي من شخصيتها وتسيطر على دموعها وشوي قوت لكن فيها شوية ضعف وصارت تنخطب من بعد زواج اخوها بس هي ترفض ماراح تتزوج لحد ماتقوي من شخصيتها ماتبي تتزوج وهي ضعيفه ... بسام مراهق صار يلهي نفسه بالملذات اخته غدير من بعد ماصارت تتعالج ابتعدت عنه وصار يحس بالفقد للحنان والعطف فصار يلهي نفسه بالبنات والخرابيط يدري يسوي شئ غلط بس مايقدر يبعد نفسه من هالطريق وهو مبسوط منه ...... شجون ولدت وجابت راما وكادي ومالك وجابت لها خدامتين وحده تربي ووحده تنظف تعبت معهم حييل لكن حبتهم وعشقتهم رغم إنها تعبت عليهم وولدت وهي بالشهر الثامن وكلهم يهبلون طالعين عليها تمنت اهلها معها لكن يكفي معها ياسر وخالتها وبنت خالتها نجلاء وقفوا معها وقفه ماتنساها ... تركي كرهه ساره والسبب إنها تعايره بالعقم وهو وش يسوي بنفسه يذبح نفسه عشان ترتاح لحظات يفكر يطلقها بس هي نبض قلبه ولو طلقها الدنيا تعلن وفاته صار يخفي حبه لها ويبين لها الكرهه والقسوه مايبيها تتمادى اكثر من كذا لأنه يحس بلحظات مذلول قدامها ولا يقدر يسوي شئ ......... ياسر مدلع عياله على الأخر وصاروا كل شئ بحياته ياما تمنى يجيب عيال ويحملهم بين يدينه وتحقق حلمه وجاب بدال الواحد ثلاث وبيريهم احسن تربيه وبيدلعهم وبيعيشهم على العز ولا بيقصر عليهم بشئ ......... ريان بنته اشواق يدخلها احسن المدارس ومدلعها على الأخر وبنته شموخ هي دلوعته وحبية قلبه وزوجته اريج هي نبض قلبه الي مايقدر يعيش بدونها اريج واشواق وشموخ هم صاروا حياته ومستحيل يستغنى عنهم ..... عبدالله صار راعي خمر ومخدرات ويسكر وسهرات وبنات وحفلات مايهمه شئ حتى زوجته ريناد ماتهمه صار عنده اكثر من 10 بنات صديقاته سهرات معهم وحفلات وخمر واشياء ولا بمهامه شئ ........ هديل صارت كله ساكته تخاف السانها يخونها مثل ماخانها يوم تفضح سر اخوها واخوها للحين مايكلمها ولهالسبب وهي تحسب بالذنب والحزن لهالسبب لكن تلهي نفسها بدراستها عشان تنسى لكن مستحيل تنسى وخاصتاً لأن امها ماتت وصارت تحس بالوحده مالها بهالدنيا احد إلا اخوها واخوها مسافر لمين تروح لمين تلجأ صارت تعيش مع بنات خالتها ........ بشاير تركت الطريق الي كانت تمشي فيه وتزوجت ولد عمها فهد وصارت حياتها مثل حياة الأفلام الرومنسيه .. ماتقدر توصف قد ايش فهد عوضها الفقد والحب الي افتقده طول هالسنين وابعدها عن الطريق الي كانت تمشي فيه وهي تناظر الله ثم تناظره ..... سديم تتعالج الحين بأمريكا صار لها اربع شهور والورم صار يخف وتتقبل للعلاج مع إنها تعرضت لصعوبه في البدايه لكن بالدعاء والتقرب من الله الورم خف وقريب بتتشافى .... بدر وتزوج حبيبته شوق وصارت حياته كله احمر في احمر حب في حب والحين وشوق حامل وبتجيب له ولد وماعاد في شئ بيفرقهم وصار يمشي الحياه الحين بنظره حلوه وتهبل لوجود شوق والطفل الي ببطنها .... راكان ورجع هو وعمه من السفر وتشافى عمه وعايش حياته مع دلال بخيير وسلام .. بس دائماً يسافر مؤتمرات واشغال عنده ودلال تعصب وتزعل ويراضيها بهديه ......... دانه تزوجة سلطان طبعها غير طبعه هو هادئ وهي راعية هبال ودجه اثنينهم ماجتمعوا مع بعض وتحس بالحزن لأن مو هذا فارس احلامها فارس احلامها يكون رومنسي ويحبها مو واحد هادئ وانطوائي لكن وش تسوي مالها غير الصبر والدعاء إنه يتغير ...... دلال تغيرت كثيييير وصارت حبوبه وحليوه وملتزمه وامها رضت عليها وصارت تشرك بمشاريع دينيه ومشاري ولدها صار كل حياتها وكبر وهي كبرت وكبر عقلها وثقلت وتركت عنها الغرور والدلع وصارت تماشي الثقل والرزانه والطيبه والحنيه والحب ....... شذى تستعد لحفل تخرجها بتتخرج من ثانوي واخيراً وبتفتك وبتروح للتعليم العالي وهو الجامعه بس خايفه من القدرات والتحصيلي بس تدعي الله إن يوفقها وتدخل الصحافه والإعلام وتكون صحفيه مثل ماتمنت وحجزها ولد عمتها طلال .............. ريما عاشت بفتره مايعلم فيها إلا الله كله مليانه عذاب لكن الله فرج عليها وطلال خف من القساوه عليها وتزوجها متعب وهي شوي تغار عليه لطاحت عينه على بنت وهو يعشقها ويموت بالتراب الي توطاه ......... طلال صار يسعي للنجاح والأفضل والأرقى بس عشان شذى الي فجأه عشقها نظره منها غيرت حياته وخلته يموت فيها ............... نايف صار قوي وهيبه وشخصيه ومعروف بالسوق وتاجر ماسك الشركه مايهزه شئ وترك الضعف وصار قوي .. نسى نوف ونسى سهام وطنشهم وبيعيش حياته بدون هالأشياء ولا بناوي يتزوج بيوسع صدره ومتى مافكر يتزوج بيتزوج ......... حلا من بعد ماركبت سيارة سلمان بالغلط وهو معجب فيها وهي معجبه فيها وخطبها وتمت الملكه وباقي الخطوبه والزواج ............ بندر مسافر مع اخته سديم لأمريكا عزوه لها سند لها ومعجب بأمريكيه وحكى لأخته سديم عنها وعطته زفه محترمه وتركها لأن سديم هددته ......... | ||||||||
|
| |
|
24-06-19, 07:16 AM
| #54 | ||||||||
| مراقبة عامة ومشرفة منتدى الروايات المنقولة
| الهنوف حياتها مثل ماهي وحيده حبوبه روحها مرحه ماتعرف الحزن رومنسيه بس تبتعد عن طريق الحب عشان ماتتعذب لأن محد بهالدنيا وفي وهي ماتبي تكون ضحيه لأحد وبتوسع صدرها بحياتها ......... ريماس جاء وقت الأختبارات وصارت مشغوله بالأختبارات واكتشفت إن اريج مالها وجود بحياتها بس بوقت الفراغ سلت نفسها فيها واعتبرت نفسها تحبها وتعزها وحسبت إن هي الصديقه الي تبيها لكن كل توقعاتها خطأ واريج مو هي صديقتها ولا لها مكانه بقلبها نستها حتى رقم جوالها حذفته من جوالها لأن اريج زميله في الدراسه وصارت تغيب وانقطعت علاقتهم واريج بعد انشغلت ولا عادت تعبرها وهي بعد تخصصت علم اجتماع وناويه تكون اخصائيه اجتماعيه ................ جوري تنخطب وترفض تنخطب وترفض تنخطب وترفض واخيراً وافقة وتمت ملكتها وخطوبتها وعرسها لكن مشكلة زوجها راعي سفر بس كله عشان مصلحتها وعشان يوفر لها كل الي تبي وهي منبسطه معه حييل والحين هي بيت اهلها عشان الأختبارات بالجامعه تبي تجتهد وتنجح ................... رنيم وروان ينافسون بعض بالأختبارات ويذاكرون مع بعض عشان يتحمسون للدراسه ويبون ياخذون من الأوائل والمتميزات ......................... سجى ابوها تزوج لبنانيه وحولت كل شئ بأسمها وفلوسه صارت فلوسها وهربت وخلتهم على بساط الفقر صاروا هي واخواتها واخوانها يجمعون ريال فوق ريال عشان يعيشون العز واللعب بالفلوس تلاشى وصاروا يدورون الفلوس ....................... ارجوان لميس كثرت غياب وصارت تعطيها الدروس وتكتب لها بالدفتر وكل يوم تمرها الشقه وتعطيها لأن لميس مسويه إجازه مرضيه بس مو جد مريضه بس ابوها واسطته قويه وبكلمه منه يقدر يسوي لها إجازه مرضيه ........................ عبدالعزيز عايش على الماضي لماضيه مع منال لماضيه مع رشا .. عايش بعذاب وماضي مو عايش حياته وانفصل من دوامه والسبب دوم يتأخر ويغيب كثير وإذا جاء مايسوي شئ وجوده يكون مثل عدمه وفصلوه ......................... غلا تدرس بالإمارات بالجامعه الأمريكيه صاحبة كثير بنات إمراتيات وسعوديات وكويتيات كلهم حبوبات وحليوين ينحطون على الجرح يبرى وبتحقق حلمها وتبي تتخرج بشهاده ترفع الراس تفرح فيها امها وابوها وتسعدهم بدال الحزن الي مروا فيه لما فصلوا عبدالعزيز ............................ لمى من حقد لميس على لمى سببت لها مشكله بالجامعه وخلت الجامعه يفصلونها بتداخلات من ابوها لفصلها ولمى الحين صارت بالبيت ماهمها شئ تعتبر لميس سوت فيها خير انبسطت لا دراسه ولا هم الي همها الحين الشباب وخرابيطها وكيف توسع صدرها .................................................. ........ البارت الثالث عشر الجزء الثاني ................. جنى جالسه بزاويه لحالها متكوره وساكته ام فيصل : جنى وشفيك ..؟ جنى :.................. ام فيصل : جنى حبيبتي وشفيك جنى :............................. ام فيصل هزتها بخوف : جنى حبيبتي وشفيك تعبانه فيك شئ جنى هزت راسها بـ"نفي" ام فيصل : فيك شئ تحسين بشئ جنى هزت راسها بـ"نفي" ام فيصل حطت جنى بحضنها : جنى ليه ساكته تكلمي جنى :................. ام فيصل : صاير لك بالمدرسه شئ مع صحباتك جنى هزت راسها بـ"نفي" ام فيصل بخوف هزتها بقوه : جنى لا انتي فيك شئ جنى ناظرت بجدتها وعلقت عينها بعينها وهي ساكته وغريبه نظراتها لا حزن ولا فرح اروى نزلت وناظرت بأمها تهز بجنى وهي خايفه اروى : يمه وشفيك ..؟ ام فيصل بعصبيه : انتي مو هامك إلا تحضيرات المدرسه وبنتك المسكينه مايندرى وش فيها ساكته لا اي ولا لا لاتتكلم ولا تاكل ماتدرين وش فيها اروى بعدم اهتمام : شايفتني دكتوره نفسيه بعرف وش فيها ام فيصل : انتي ايش إنسان ولا جماد ماتحسين هذي بنتك ليه كذا تهملينها اروى : اووه انا والله طفشت من دلعها ماعدت انا فاضيه لها صارت عندي اشغال مو مثل قبل بقابلها 24 ساعه ام فيصل : الله ياخذ الشغل الي بيخليك تلهين عن بنتك ولا يندرى وين بيوديك ويودي بنتك وين لو يجيها شئ ماتسوى لا لنا ولا عليك اروى ماهمها شئ .. ماتبي ترتبط بشئ ولا تبي تكون عندها مسؤليه وبنت تبي تعيش حياتها تبي تعيش الحريه جنى ناظرت بأمها بحقد وكرهه وضربتها بفخذها وتمت واقفه قدامها اروى صرخت : هيييييييييييييييييييييييي يييييييييه جنى مثل الجمد مارتاعت ولا خافت بس عيونها غرقت اروى ضربتها كف قوي على خدها وجنى ماتألمت ولا شئ بس تناظر بأمها وكأنها مسرحيه اروى رمتها بالأرض : انقلعي ووجع مابي اشوفك فاهمه يالله اشوف لغرفتك ام فيصل : والله يا اروى لو اشوفك تضربينها ياويلك جنى ابعدت جدتها وركضت لغرفتها وقفلت عليها الباب واخذت لها دفتر وقلم وصارت ترسم صور غريبه وبقوه والغرفه ظلام ....................................... شوق صحت من النوم وكانت الساعه 12 الظهر فركت عيونها وناظرت بمكان بدر كان نايم وغرقان بالنوم ابتسمت بتجننه وقفت وسحبت منه البطانيه وفتحت النافذه والشمس القويه دخلت للغرفه بدر سكر عيونه بقوه من الشمس القويه شوق صرخت بأذنه : اصحىىىىىىىىىىىىىىىىىىىىىى ىىىىىىىىىىىىىىىىىىىىىىىىى ىىىىىىىى بدر حط ايدينه على اذنه شوق : ياهووووووووه اصحى اصحى بدر : شووووووووق شوق اول ماشافت بدر بيقوم ومبين ناوي عليها لأنها خربت نومه ركضت مثل الطفله لدورة المياه "الله يكرمكم" ودخلت وسكرت الباب وهي تضحك بدر من ورى الباب : افتحي يالجباااانه يالخوافه شوق : هههههههههههههههه لا من قال إني اخاف بدر : اجل اطلعي شوق فتحت الباب وماشافت احد قدامها خافت اكيد بينوي عليها مشت بخطوات بطيئه وجاء من وراها در وغمض عيونها شوق ببتسامه : بدررر بدر : روعتيني ماتبين تقولين لي صباح الخير شوق : صباح الخير لأحلى بدر بدر ببتسامه : وصباح النور لأحلى واجمل واحب الناس لقلبي شوق ابعدت يده عن عيونها بنعومه وابتسمت : جوعان بدر : لا شبعان لأني شفتك شوق ابتسمت : لا جد جوعان بدر : قلت لك لا مابي اكل شوفتك هي الأكل والحلا كله انتي شوق : لحوول خلاص كيفك انا بعمل لي اكل بدر : افاااا وانا شوق : اووه توك تقول شبعان بشوفتي بدر : ههههههههه امزح ابي احلى اكله من ايد حبيبتي شوق شوق ببتسامه : وانا بعمل لك احلى اكله لأحلى بدر وراحت للمطبخ وطلعت المقادير قررت بتعمل باستا ساعتن مرت وخلصت الباستا وحطتها بصينيه وجمب كل صحن ملعقه وشوكه وراحت لطاولة الطعام وحطت الطبقين واحد لبدر وواحد لها وجمب كل طبق ملعقه وشوك وكولا شوق بصوت عالي : بدرررررررررررررررررر تعالي الأكل جهز بدر جاء من الصاله وجلس قبال شوق على طاولة الطعام شوق بدلع : عاد اكل وعطني ذوقك بأكلي بدر : اوكي اخذ الشوكه وكان بيدخل اللقمه بفمه بس قبل لايدخلها نزلها شوق : وشفيك ..؟ بدر مد لها الشوكه : اكليني ماعرف اكل ايدي تألمني شوق : لا من جد بدر : شوفي دودو ايدي تألمني شوق اخذت الشوكه وحطت فيها باستا وحطته بفمه بدر : امممممممم له طعم غيير الأكل دامه من يدك شوق بدلع ونعومه : هههههههههاي بدر اخذ الشوكه وحط بها باستا كثيير وبيدخلها بفمها شوق بأعتراض : لا لا شوفها كثير فمي صغير ماتدخل هاللقمه فيه بدر : يالله شوقو عشاني شوق : لااا قلل بدر : لا مافي شوق فتحت فمها واكلها وصاروا يشربون بعض الكولا شوق << واخيراً الدنيا ابتسمت لها كانت مثل العميه والحين فتحت وصارت الحياه بنظرها اجمل مما كانت بوجود بدر وفارس نسته وماله وجود بحياتها ....................... شجون كانت بدورة المياه "الله يكرمكم" تسبح راما بالبانيو المليان صابون وهي مبتسمه لبنتها راما الي تضرب بالمويه بخفيفه وتتبسم بطفوله وبراءه شجون وهي تلعب : واااااااي تجنين ودي اكلك ومسكت الكور الملونه والألعاب الي بالبانيو وصارت تلعب فيهم راما المربيه يولي : فنش مدام شجون التفتت ليولي : يس المربيه اخذت راما وهي لابسه الروب الطويل عليها وبعدها سبحت كادي ولعبتها وضحكت وياها وبعدها سبحت ولدها مالك عيالها هم كل حياتها صاروا تروشت ولبست شورت رمادي باف وسيع وفيه كسرات ومن تحت ضيق على شكل اسواره وتيشرت رصاصي فاتح وفيه رسمة بنت بالرمادي وصديري فضفاض رمادي وشعرها سوت له برمتين من الجهتين وشالته على تحت ونزلت لها خصل وكانت ملكة جمال طلعت من غرفتها وراحت للمطبخ الخدامه داتي : مدام شنو في اكل انتٍ شجون : داتي فنش اكل الخدامه داتي : نو مدام شجون مافي اكل .. بأدين "بعدين" في ينهف "ينحف" مدام شجون شجون ابتسمت لداتي : لا انا في اكل خلاص الخدامه داتي : لا مدام لازم في اكل انتي شجون : خلاص طيب جيبي لي بيتزا وكلا الخدامه داتي : اوكي مدام طلعت شجون من المطبخ وجلست بالصاله وشافت المربيه يولي مع راما وكادي ومالك ترضعهم وتلعب وتتبسم لهم شجون جلست على الكنب وناظرت بعيالها ببتسامه فرح .. عوضوها لفقدها امها وابوها جاء ياسر وباس عياله وجلس جمب شجون : شخبارك اليوم شجون ببتسامه : بخير والله وانت كيف حالك ياسر : بخير بشوفتك وشوفة العيال شجون : اقول وشرايك اليوم نطلع نتمشى ونتعشى ونروح البحر انا وانت والعيال والمربيه ياسر : من عيوني وكم شجون انا عندي شجون : تسلم حياتي .. متى بنروح ياسر : امري انتي شجون : امممم الساعه 9 اوكي ياسر : اوكي .. يالله انا رايح لغرفتي ابدل واستريح شوية بعد تعب الدوام شجون : اوكي نوم العوافي ياسر : الله يعافيك وراح لغرفته شجون تحس نفسها نشيطه وروحها حلوه رفعت الجوال ودقت على سديم بعد 4 رنات ردت سديم شجون : هلا و غلا سديم : هلا والله شجون : شخبارك سدووم سديم بصوت خافت : بخير وانتي شجون : دوم نهي يوم انا بخير دامني سمعت صوتك .. بشريني عنك سديم كيفك ووش مسويه مع العلاج سديم : ايه الحمدلله شجون : يعني ماشي حالك سديم : ايه الحمدلله ماشي الحال والي بالمستشفى مايقصرون شجون : زيين اجل .. الله يشفيك يارب والله اني ادعي لك بصلاتي ياسديم ولا انساك سديم : ادري والله .. انتي قولي لي شخبارك مع العيال والتعب شجون : والله ماحسيت فيهم العيال عند المربيه والخدامه الثانيه تنظف يعني ماحس بتعب سديم : ايه زين .. عاد صوريهم لي وارسليهم ابي اشوفهم شجون : طيب لا دخلتي المسن اليوم ارسل لك صورهم يشبهوني سديم : اكيد وععععع شجون : مالت عليك بالعكس يهبلوون سديم : واااي والله اني متحمسه كثير إني اشوفهم هالصغنونات شجون : ايه وربي يهبلون سديم : الله يخليهم لك شجون : امييييييييييييييين ويخلي لي ياسر وسدوم صديقتي وحياتو سديم : تسلمين والله .. اوكي شجو انا الحين بسكر تامريني على شئ شجون : لا سلامة قلبك .. باي سديم : باي ................................ لميس كانت لابسه الروب الفسفوري وفيه رسمة تويتي على الجهه اليمنى باللون الفوشي الصارخ وشعرها المموج مبلول ومتناثر على بشرتها الناعمه وصاير جذابه وقمر كل فيها يجذب وحلو لفوق الركبه طولها نحفها الي مثل عارضات ازياء شعرها الأسود الطويل الكثيف بشرتها البيضا انفها الحاد عيونها الوساع العسليه شفايفها الفوشيه وايدها الطويله النحيفه جميله بمعنى ماتحمله هالكلمه دخلت غرفتها وناظرت بشكلها بالمرايه وابتسمت برضا لشكلها يعجبها شكلها لما يكون شعرها مبلل بالمويه ومموج على بشرتها البيضا راحت للدولاب وطلعت لها فستان كيوت فيونكه من فوق على شكل ورده حمرا وسكري فضفاض وبعدها حزام احمر وبعدها ضيق لنصف الفخذ وشعرها الأسود الكثيف الحرير الي فيه لمعه جذابه خلته متناثر على وجهها بحيويه وكان لنصف ظهرها حطت لها قلوس احمر وصاير مايل كثير للفوشي والـأحمر لأن شفايفها فوشيه صارخه وحطت مناكير احمر روعه طالع على ايدها الطويله النحيفه لبست جزمه مو كعب لونها احمر وطلعت من الغرفه وناظرت بالشقه كانت شبه عفسه توها صاحيه من النوم رتبت الصاله الي كانت تحتوي على كنب باللون الأحمر والسكري تعشق شئ اسمه احمر وسكري تحب هالألوان لبسها اغلبه احمر وسكري وحتى شقتها كلها بهالألوان كان كنب طويل احمر وفيه مخدات بالسكري وكنب سكري وفيه مخدات بالأحمر وكنبين واحد احمر وواحد سكري مقابلين بعض وطاوله بالوسط سكريه فيها مفرش احمر والجبس سكري وفيه اشياء بالأحمر والصبغ سكري وفيه ورود بالأحمر وانوار الشقه احمر وفيه بعضهم ابيض بس الأغلب احمر رتبت الستاره وفتحتها والشمس دخلت وانشعت الشقه الي كانت ممتليه باللون الأحمر وصارت احمر مع الشمس شئ جميل وشكل روعه ورهيب والبلازما الكبير معلق على الجدار وتحته طاوله كانت الصاله مرتبه وانيقه والغرفه الصغيره جلسات شوي مرتفعه لونهم بنفسجي ساده وفيهم لمعه والمخدات لونهم ابيض والطاوله الفخمه لونها ابيض والبلازما الكبير المعلق على الجدار والطاوله البيضا تحته وغرفتهم لونها عنابي ورصاصي سرير فخم والتسريحه كبيره وفيها اغراض لميس وسعود والدولابين واحد لسعود والثاني للميس ودورة مياه "الله يكرمكم" مغاسل بالبدايه وبعدها دورة مياه "الله يكرمكم" وفيه ستاره عند درجتين وكنب طويل عنابي وكنب واحد رصاصي وطاوله رصاصيه فيها مفرش بالعنابي وبلازما كانت شقتها فخمه وانيقه تناسب لهم وعجبتها لميس كثير وخاصتاً لأنها على ذوقها راحت للمطبخ لميس فنانه بالطبخ والأكل وخاصتاً الموكا والبيتزا تبدع فيهم والبيتزا تعملها اشياء غريبه وتقلد دوميندز بيتزا وتضبطها فنانه بالطبخ عملت كوشري بفن ونفس حلو وحطته على طاولة الطعام الفخمه واخذت كاس وحطت فيها 3 ثلاجات وصبت فيه كولا وحطتهم في طاولة الطعام وثريه بالمطبخ على طاولة الطعام تنورها جلست بالمطبخ قررت تعمل تشيز كيك بالشوكلاته بعد الأكل يحلون لميس عندها شئ اساسي تحلي بعد الأكل عملت تشيز كيك بالشوكلاته وحطته على طاولة الطعام والفاكهه بصنيه فخمه وكان شكلهم حلو ومرتب يتكون مني "موز وبرتقال وتفاح وعنب وخوخ وخيار وكمثرى وفراوله ومانجو " حطت الملاعق عند الصحنين وجلست على طاولة الطعام تحتري سعود تأخر ماجاء رفعت جوالها واتصلت عليه لميس بنعومه : الوو سعود : هلا لميس : وينك حياتي تأخرت سعود : طيب هذاني بالطريق دقايق واوصل لميس بدلع وهي تلعب بخصلات من شعرها الحرير : طيب لاتتأخر سعود : طيب لميس : سي يو وسكرت الخط وابتسمت بنعومه رن جوالها وكانت صاحبتها ارجوان ردت عليها بسرعه لميس : ياهلا وغلا ارجوان : ياهلا فيك .. شخبارك لمووس وكيف حالك إن شاء الله تمام ..؟ لميس : ابشرك بخير وبصحه وسلامه انتي بشريني عن احوالك عساك بخير ارجوان : والله تمام .. حبيت اخبرك لميس عن الأقزام عليها بكره كيمـ لميس بمقاطعه : بليييز جوجو حياتو انا حدي رايقه لاتعكرين مزاجي بالأقزامات والدراسه ومدري ايش بعدين نحكي بهالموضوع ارجوان : براحتك .. بس ألزم شئ عليك دراستك ترى هو مستقبلك لميس : ادري وربي ادري .. وثانياً جوجو قلبي انا اعرف مستقبلي وعارفه إني بنجح حتى لو ماداومت ارجوان : ليه انتي ماخذه كل شئ بواسطة ابوك واذا رسبوك لميس : اولاً انا شاطره وذكيه ومحبوبه بين الأبلات والبنات وثانياً لو فكروا يرسبوني ياويلهم ياسواد ليلهم ارجوان : والله براحتك دام تفكيرك صار كله بالواسطات .. طيب بتجين بكره لميس : امممم بصحى الصباح وبشوف نفسيتي اجي ولالا ارجوان : لميس اربع شهور مامره جيتي شهر كامل بدون غياب لميس : اووه جوجو شئ راجع لي .. وثانياً مامره دقيتي علي وفالتها دوم تدقين علي دراسه ونصايح ومدري ايش اففف تجيبين الكابه ارجوان : الله يسامحك انا اجيب الكابه لميس : من جد الله يعين زوجك واهلك عليك ارجوان : طيب الله يعينهم علي يالله باي وسكرت الخط بوجهها لميس عضت شفايفها المليانه بالقلوس الأحمر بقهر من نفسها ارجوان حساسيه ورقيقه بسرعه تتحسس وتنجرح ماتتقبل أي كلمه وبالموت ترضى فيها عزة نفس ماهي صاحيه لميس رمت جوالها على الطاوله وتعكر مزاجها : افففف ياربي والحل الحين لازم اروح بكره السكول واتفاهم معها ولا من جد بتقلبها هواش إذا ماراضيتها دخل سعود المطبخ وبيده كيسة سعود : اووه عامله لنا كوشري وتشيز كيك لميس روقت يوم شافته : ايه لعيونك اعمل كل شئ سعود جلس على الكرسي قبالها : وحشتك لميس تنهدت : اووه كثير كثير وحشتني وانا وحشتك سعود : ههههههه صورتك اصلاً بمكتبي مهبله فيني انتي حتى صاحبي يقولي مين هذي الي تناظرها طبعاً انا اغار عليك ماسمحت له يناظر صورتك انا اصبح وامسي على صورتك بمكتبي كل مارفع عيني على صورتك لميس ابتسمت بخجل ونعومه ونزلت راسها تلعب بالملعه بالكوشري سعود : ياعيني على الي تستحي لميس رفعت راسها وبنعومه : طيب ذوق اكلي سعود : عارف إنه يجنن مثلك لميس ببتسامه : طيب ذووق سعود اخذ الملعقه وبدى ياكل وهو يتلذذ بالأكل ولميس ماكانت تاكل تلعب بالصحن ومنزله راسها ورافعه عينها له تناظر ردة فعله عجبه الأكل ولالا سعود انتبه إنها تناظره وقالت : وشفيك ماتاكلين لميس : لا بس ابي اشوف يعجبك ولالا سعود : عجبني .. نجحتي بالأمتحان لميس بنعومه : هههههههههه سعود : من جد مين معلمك الطبخ يجنن طبخك لميس : من وانا بثاني متوسط وانا اعشق شئ اسمه طبخ سعود : مين معلمك طيب لميس : اممم كنت بالمدرسه اخذ كورسات وكذا ودخلت معاهد للطبخ لأني احبه وشجعتني عليه اختي منال مثلي فنانه بالطبخ سعود : بس اكيد انتي احلى لميس بغرور وهي تلعب بخصله من شعرها : اكييد سعود : يالواثقه لميس : يحق لي اوثق سعود : طيب اذا خلصتي جامعه صيري شيف لميس : ياسلام اصير شيف بصير دكتوره سعود : ايه طيب لميس : نعم نعم وش قصدك ايه طيب يعني مافيه امل اكون دكتوره سعود : ايه اغار على زوجتي تدرس بمكان كله اختلاط وتهمل بيتها وزوجها لميس : والله انا الحمدلله بنت متربيه واخلاقي تهبل واقدر زوجي وبيتي وهذي دراستي وهواياتي وبكملها سعود ببتسامه : طيب طيب لاتهبين بوجهي لا جاء هذاك الوقت يصير خير لميس نونو بسرعه تبكي نزلت دموعها وبصوت مبحوح : مـ..ا..بي..مابي بكمل طب وبكون دكتوره لميس سعود مسك ايدها وقال بحنيه : حبيبتي لاتبكين امزح معك خلاص هذي هواياتك وانا مستعد اشجعك للطب وتكونين دكتوره لميس : اجل ليه مساعه تقول مافي ومدري ايش ليكون بس كلام تهديني فيه الحين قول بدون فعل سعود : لا قول وفعل انا مو قول وبسس ومسح دموعها وابتسم : خلاص يالله لاتبكين ولا تتضايقين اكلي وبعدين نحلي لميس بدلع اطفال : بس انا أكلت سعود : لا ياشيخه شوفي صحنك مثل ماهو بس خربطتي بالملعقه وشوفي صحني كيف اكلته كله لميس : لا مابي خلينا نحلي سعود : لا مابي اكلي بعدين نحلي لميس حركت ايدها بدلع ونعومه : نو نو .. نحلي واخذت التشيز الكيك وبدت تاكل بنعومه وذرابه وسعود استسلم لها يعرفها من وهي صغيره عنيده وتمشي الي براسها ومحد يقنعها بشئ اذا ماكانت مقتنعه فيه وبدوا ياكلن بالتشيز كيك .......................... ساره بكل نعومه واسترخاء على الكنب ومتمدده وتناظر بفلم اكشن اجنبي تركي جالس على الكنب الثاني ويناظر بالفلم معها مو مركز بالفلم مركز بساره يتأمل وجهها الجميل المملوح يتأمل تفاعلها مع الفلم حزنها فرحها ابتسامتها ضحكتها غمازتها لما تعقد حواجبها لشئ اكشن وماتبيه يصير ساره التفتت له وقالت : ياااربي شفت البطله مسكينه ماهي قادره تطلع من الباركينق الله يقلعه هالحيوان موفاتح لها بوابة الباركينق تركي ابتسم وهو سرحان فيها ساره حست مو معها وكملت وصرخت : لااااااااااااااااا باسكال بليز التفتي ياااربي (وصرخت بحماس اقوى) لااااااااااااااااا ياقلبي عليها وتحمست اكثر للفلم لأن البطل بيده السكين ناوي عليها بالقتل والكلب جمبه عشان لافكرت تهرب هو يلحقها التفتت البطله باسكال وساره ابتسمت بحماس كان الفلم اكشن بمعنى الكلمه وساره تحب الأفلام الأكشن التفتت لتركي وهي مبتسمه : وربي طاح قلبي ببطني خفت يقتلها جعل ماكو باركينق ياليتها مادخلته تركي كان سرحان فيها ويناظر بملامحها وجمالها ساره طفشت منه مو معها ووقفت وحطت فمها بأذنه وصرخت بقوه : ترررررررررررررررررررررررر رررركيييييييييييييييييييي ي تركي قام مرتاع : وشفيييك ساره بأنبساط : ههههههههههههههههههههههههه اي .. خوفتك ..؟ تركي : لا ماخوفتيني حشا مو حنجره هذي كل هالصرخه عليك ماهي صاحيه هزيتي الأرض منها ساره بدلع : سوري تركي بس مادري إني بروعك وبزعلك تركي ببتسامه : لا عادي ساره : سوري بجد تركي : ولكم خلاص ساره جلست جمبه بالكنب ولمت شعرها بدلع بجهه وحده وصارت تلعب فيه بدلع وتركي يناظر فيها يعشق دلعها يعشق جمالها كلها على بعضها يعشقها تركي حط ايدينه على كتوفها وقال : وشرايك اليوم نطلع انا وانتي ..؟ ساره : امممم اوكي وين نروح تركي : نتمشى نروح للمول تشترين لك ملابس نتعشى ساره بحماس : وشرايك نروح الإمارات تركي ببتسامه : الحين ساره بحماس قوي : اييه ايه الحين تركي : ههههههههههه من جدك انتي والدوام والمدرسه ساره : لا بلييز تركي خلنا نوسع صدرنا بدال اللهم الي فيه والروتين الممل تركي : وشقصدك ساره بأرتباك تعرف هالموضوع حساس بالنسبه لتركي : لا.. ولا شئ ماقصدي شئ يالله بلييز خلنا نسافر تركي : بعدين افكر واخذ إجازه من الدوام ساره مدت بوزها وحطت رجل على رجل : اففففففففففففف تركي : طيب خلاص ولا يهمك قلت لك باخذ إجازه بس ساره : جد يعني بنسافر تركي : ايه ولا يهمك كم سوسو انا عندي تركي مايرد لساره طلب لأنه يراعي الحاله الي فيها ويقدرها أنها صابره علي وهو عقيم وهي موتها الأطفال ................................. ريناد جالسه بالبلكونها ولابسه جينز اسود وتيشرت احمر طويل وفيه كاروهات بالأسود والأحمر الفاتح واغامق وفوقه جكيت لنصف البطن لونه اسود ولابسه الكبوس الي بالجكيت لأن الجو بد بلندن وامطار كانت بالبلكونه مستنده على الدربزين وتناظر بالناس بالي رايح والي جاي والأمطار تنزل على لندن بكثرة والجو يجنن عندهم طاحت عينها على عبدالله مع بنت ماسكين المظله ويمشون وكانت البنت قممر لابسه تيشرت توب لنصف البطن ومن ورى علامة اكس وتنوره اقل من كبر الصبع وتضحك بدلع عبدالله ضمها وباسها بخدها وودعها ودخل الفندق ريناد غرقت عينها بالدموع خلاص ماعاد تتحمل عذاب وذل منه يهينها لحد مايحسسها إنها نعله ماتسوى شئ عبدالله دخل جناحهم وهو يغني ولابس تيشرت وجينز وشعرها مبلل بالمويه ريناد ماقدرت تمسك نفسها ومن القهر عطته كف : حقيييييييييييييير متزوج وتروح مع غيري حب وغراميات لهالدرجه وصلت فيك الحقاره لهالدرجه عبدالله ناظرها بحقد وضربها كفين طيحهم على الأرض وداس برجله على بطنها وضربها ضرب مو بصاحي برجله بقسوه وبدون رحمه وريناد تصرخ وتتألم والدم ينزف منها عبدالله : اخر زمن والله انتي يابنت الشوارع جايه تحاسبيني وتقولين لي معي مين وتضربين بعد حاسبي نفسك قبل عايشه معي غراميات وحب ومدري ايش يكفي إنك تزوجتي بالسر وفضحتي اهلك ياشيخه بس انتي زوجه والله نعله ماتستاهلين كلمة زوجه ريناد كانت مثل الجسد بلا روح مرميه بالأرض والدم ينزف بقوه منها ضربها ضرب برجله الكعب مو صاحي كانت تتنفس بصعوبه وصارت تحبي بالأرض عبدالله : ههههههههههههههههههههههه مو قادره تمشين ياحياتي والله انتي ريناد تتنفس بصعوبه مخنوقه صعب تتنفس عبدالله مشى وناظرها بنجاسه وداس عليها مثل الأرض ومشى وهو يضحك عليها وبيده مفتاح سيارته يحركه بيدينه وهو يغني ريناد وقفت بصعوبه وفتحت ماء المغسله وغسلت به وجهها والضرب الي بوجهها واخذت المويه وكبتها على جسمها كله والدم صار على الأرض فقدت توازنها وطاحت على الأرض مغمى عليها ظلام كل شئ ظلام هالدنيا ظلام صارت الله يعاقبها على فضيحه سوتها الله يعاقبها لأنها ضايقة اهلها وفضحتهم وخلت سمعتهم بالأرض شرفها ضاع فقدت شرفها وخلت اهلها يفقدون بعد شرفهم من البلوه الي سوتها تعاقبت على الي سوته تعاقبت والدور جاي لعبدالله ...................................... فارس يتمشى على البحر لابس شورت اسود وتيشرت ابيض فيه رسمة شاب على دراجه باللون الأسود منزل راس وهو متضايق اخر مره جاء لهالمكان مع شوق بشهر عسلهم حبيبته وبنت خالته طلقها وماعاد له شئ بهالدنيا يتمنى الموت من بعدها ماراح يعيش الراحه بقربها عذاب وببعادها ممات وش له بهالدنيا بعدها كان شخص بس بدون شخصيه جره صاحبه عمر بأوهامه واعتقاداته وشكه لحد ماطلقها وعمر تزوج وعايش حياه سعيده وعسل وهو تطلق وعايش حياه تعيسه يحاول يرش لواقعه المر شوية سكر لكن كل مارش ينقلب ضده وينقلب مر اكثر حياته انتهت حياته بعدها عذاب خلاها بنات ايطاليا كثييير يناظرهم بس بعدم اهتمام عمره ماناظر حده فيهم بإعجاب يناظرهم ويستحقرهم لأن بقلبه سكنت شوق وبس مايسكنه غير شوق متى بينسى هالإنسانه متى بينساها مايدري لكن واثق إن مستحيل ينساها وبتتم هي بباله وهي روحه وقلبه وحياته ونبض قلبه وكل شئ مايبي يرجع للخبر ويشوفها مع بدر مبسوطه وسعيده وهو يتعذب وحزين عمره ماذاق طعم السعاده تزوجها وتعذب طلقها وهم تعذب بالحالتين بيعيش بعذاب يحس العيب فيه ليه يوم تزوجها عاشوا بعذاب وسحر ووآلخ وليه يوم تزوجت بدر توصل اخبار من اهلها إنها عايشه بسعاده وفرح لهالدرجه هو إنسان فاشل مايقدر يكون اسره وبيت ويعتمد على نفسه ويخلي حياتهم مثل الأفلام كان مغتر إنه معيد ودارس ماجستير ودكتوراه واللكل يتمناه واكيد بيكون حياه سعيده وبيت يملأه السرور لكن كل توقعاته انقلبت ضده كون حياه تعيس وبيت مملوء بالسحر والشك والأوهام والحزن والعذاب لجين ناظرت بشكلها بالمرايه ناظرت بعبايتها المخصره على جسمها والأكمام مزخرفه من البدايه للنهايه زخارف هياكل واشياء باللون فوشي والرصاصي الفاتح رتبت حجابها وحطت قلوس فوشي صارخ على شفايفها الصغيره وكحل ومسكره ناظرت بيدها والمناكير الفوشي الصارخ الي يلمع بأيدها النحيفه الطويله ابتسمت برضا وغرور لشكلها واخذت جوالها من الطاوله وطلعت من البيت بدون أذن من اي احد صارت إنسانه مغروره ومتجبره مايهزها الريح ولا شئ ركبت سيارة سايق صاحبتها مروى لجين حركت يدها بدلع وغرور : هااي مروى : هاياتو لجين : تأخرت علييك رورو مروى : لا حياتو عادي لجين : سوري وربي ناظرت ببرستيجي قبل لأطلع مروى : قمر وربي لاتقلقين .. يالله خلينا نمر لمار ووجدان عشان مانبطي على الحفل لجين : اييه بليز رورو ابي احضر الحفل من بدايته لنهايته مروى : افااا عليك دامك تبين كذا بيصير كذا بعد ساعه كامله مروا لمار ووجدان وراحوا للحفل بأفخم فنادق الخبر دخلوا كلهم بغرور وثقه واول مادخلوا اضاءات وانوار بالألون مختلفه والقاعه الوانها حمرا والأضواء الوان مختلفه وطاولات بكل جهه وكراسي والمضيفات يوزعون المشروبات حفل مثل حفل الأجانب تصميمه راحوا لدورات المياه "الله يكرمكم" فسخت كل وحده منهم عبايتها كانت لجين لابسه تنوره حمرا ضيقه لنصف الفخذ وتيشرت ابيض وفيه ازارير بالأحمر وفيونكه حمرا ومن الاكمام باف وفيه كسرات وبعدها فيونكه حمرا وجزمه "الله يكرمكم" لونها ابيض وشعرها بارمته من الجهتين وفيونكه حمرا وبعدها ناعم على مموج ومنزله لها خصل على بشرتها ومروى لابسه فستان بلون المانجو توب ضيق لنفذ الفخذ ومن ورى قماش يرجع لورى لما تمشي يطير شعرها فكتوريا فاتحته على بشرتها ولمار لابسه تنوره لنصف الفخذ عنابيه وفيه فتحات على جنب وتيشرت رصاصي من فوق ضيق وورده فخمه وكبيره باللون العنابي وبعدها باف وفيه كسرات وشعرها عاملته كيرلي نازل ووجدان لابسه تيشرت ابيض طايح على يديها نازل من على كتوفها وفيه رسمة بنت بالأسود وشورت اسود للركبه وشعرها مستشور ومن تحت مجعد طلعوا للحفل وكل وحده مشتيتها تملأها الغرور ورافعين راسهم اخذوا لهم طاوله كانوا واقفين والكراسي مرتفعه مثل الأجانب جات المضيفه ووزعت عليهم موكا جاتهم مصممة الأزياء وراعية الحفل "انوار" انوار : مرحبا التفتوا عليها البنات انوار : كيف حالكم اللكل : بخير انوار : إن شاء الله عجبكم ا لحفل وراق لكم وجدان : ايه الحفل مره راقي لمار : ايه يجنن لجين بتعالي وغرور : ايه حلوو مروى ببتسامه : مره حلو مثل راعيته انوار : رأيكم عن حفلي وتصميماتي يهمنا .. اهم شئ عجبكم يالله سلام وراحت عنهم وهي تمشي بكل غرور وكبرياء وبيدها شنطتها الصغيره ماسكتها بيدها النحيفه البيضا راحت للمسرح ومسكت المكريفون وقالت : حضوركم لحفل عرض الأزياء شرف لي ووسام على صدري والأن ستعرض الأزياء الأضاءات والأنوار المختلفه توجهت للستاره المغطيه وبدوا يطلعون عارضات الأزياء وعيون الناس على الأزياء والتصميمات الأكثر من روعه بعد ماخلصت الأزياء طلعت المصممه انوار واللكل صفق لها على التصميمات الروعه والأنيقه لمار : خلاص بنات السايق يحترينا برا خلونا نطلع وجدان : لا لمار بدري لمار : ناظري بالساعه صارت 12 وش بدري خلونا نفلها بمطعم مرتب ونرجع لليت مروى : من جد فكره مره حلو نتعشى بتشيلز ونتمشى ونرجع لجين كانت ساكته وتستمع لهم وجدان : وشرايك لجيين لجين : عادي بس الأفضل نمشي لأن لو كذا بنتأخر والوقت تأخر صارت 12 وجدان : يالله اجل مشينا لبسوا عباياتهم وتحجبو وركبوا سيارة السايق وراحوا لمطعم تشيلز يتعشون .................................. دانه لابسه بلوزه كحليه على جسمها النحيف ومن الأكمام وسيعه حيل واكسسوار ثلجي وجينز ثلجي ضيق وشعرها متناثر على بشرتها السمرا المملوحه طلعت للصاله وجلست بكنب بعيد عن سلطان الهادئ الأنطوائي وبعض الأحيان تشك فيه التوحد وتدخل بالنت عن التوحد وكيف تعالج هالمرض دانه : سلطااان سلطان التفتت عليها ولا تكلم ومعنى نظراته تكلمي .. دائماً كلامه بالعيون عيونه فاضحه كل كلامه دانه : تصدق عاد مشتهيه اروح للبحر الجو بأخر الليل يكون جنان وشرايك نغير من هالروتين ونطلع سلطان ناظر بساعته وناظرها معناها شفتي الساعه كم والوقت متأخر وماراح نطلع دانه : ( ياويلي بيذبحني هالأنسان وربي لو مايتكلم هالحين بتوطى ببطنه ناس تتمنى تتكلم وهو مايتكلم اففف ..... هههههههههه خلني اجرب لفته واتكلم بعيوني ) ناظرت فيه وكان معنى كلامها إلا بلييز نبي نطلع لكن عيونها غرقت من كثير الضحك الي كانت كاتمته من نفسها والسخريه على حالته انفجرت ضحك ونزلت دموعها من كثر الضحك وغطست عيونها تستغرب منه بعض الأحيان تعتبره مريض نفسياً تحس نفسها غبيه وماراح يفهم عليها بس هي كيف تفهم عليه سلطان ناظرها وابتسم يدري إنها تتمسخر عليه بس هو مو مريض هو طبعه هادئ مايحب يتكلم كثير دانه : اقول بس ادخل غرفتي أزين لي لايجيني شئ منك ووقفت ومرت جمبه بتروح الغرفه وسلطان مسكها من ايدها ووسع لها تجلس جمبه سلطان : دانه دوم تتضايقين من طريقة كلامي وهو بالعيون ودوم تتضايقين لأني هادئ لكن هذا طبعي وانا ماقدر اغيره مثل مانتي طبعك راعية هذره دانه : بس انت كلمتين على بعضهم ماتقوليهم قلنا هدوء بس مو كذا سلطان : انا هدوء غير عاد دانه : افففف سلطان : خلاص حبيبتي لاتتضايقين لو تبين اغيره بغيره لعيونك انتي وبس دانه ابتسمت بنعومه رغم كذا ورغم هدوءه وتضايقها منه كثيير لكن تحبه بشكل كبييير ....................................... في اليوم الثانيه .. الساعه 4 العصر بالحديقه دلال تلعب ولدها وتطيره للهوا وتمسكه بيدينها وهو يضحك ببراءه وطفوله مشاري فقد هالحب والحنان من امه دلال والحين عوضته بكل شئ وعلمته كلمة الله ماتبي اول كلمه على السانه ماما او بابا تبي اول كلمه على لسانه اسم الله راكان جاء من وراها وسحب مشاري من يدها : لو يطيح الحين دلال : لو يطيح انا قبله اطيح راكان : وانا قبلك اطيح دلال ابتسمت : اماا عاد وش هالطياح الي عند الباب راكان دار بمشاري بالهوا ومن جد طاح اهو على الأرض من كثر مادار راسه وفوقه طاح مشاري وصار يبكي دلال : مشااااااااااااااااااااري راكان كان مثل السكران من كثر الدوران طاح على الأرض راسه يدور دلال اخذت مشاري وصرت تمسك راسه وتقرى عليه لحد ماهدى وسكت من البكي وانحنت لعند راكان دلال : الله يهديك شفت كيف الحين لو اني اطيره بالهوا أزين من إنك تدور فيه وتطيحون اثنينكم راكان وقفت وابتسم : حبيت العبه مادريت إني بطيح دلال : طيب يالله قوم خلنا ندخل راكان : يالله ............................... شهد الإنسانه الحالمه الطموحه الي تسعى بأي طريقه لتحقيق أحلامها تقرى بالنت عن علم النفس وتهتم بعلم النفس طموحه بشكل خيالي عندها طموح وحلم إنها تكون دكتورة علم نفس تتواصل مع ناس بعلم النفس وناويه بتروح الرياض الرياض تتخصص علم نفس بالرياض كانت تتصفح بالنت الألوان في علم النفس قرت كل الألوان وهي تعشق اللون الفيروزي والأحمر الفيروزي ماطلع لها اما الأحمر هو : لون الطاقة والحيوية إذ يتمتع الأشخاص اللذين يفضلونه بالنشاط والحيوية والديناميكية والشجاعة والحساسية الشديدة وهم يهتمون بالجانب الحسي أكثر من اهتمامهم بالجانب المعنوي. أما بالنسبة للصحة فيؤثر اللون الأحمر تأثيرا إيجابيا على الأكزيما والحروق والأعضاء التناسلية وينشط عمل المثانة ولكن يجب الحذر من هذا اللون إذا كان عند الشخص استعداد للإصابة بارتفاع ضغط الدم، أو كان سريع الانفعال. شهد تنهدت بحماس متى تتخرج من الجامعه وتكون دكتورة علم نفس وتسأل الناس وش اسمك وش لونك المفضل وبمجرد اشياء بسيطه بمجرد كتابتك اسلوبك اسمك توقيعك لونك المفضل تعرف كل شئ عنك نزلت تحت وكانت عندهم خالتهم ام فيصل دخلت داخل وهي لابسه شورت اسود ضيق لتحت الركبه وتيشرت ابيض فيه رسمة بنت انمي كيوت بالأسود وشعرها مسويته باف نازل ومنزله لها خصل دخلت الصاله وسلمت على خالتها وباست راسها وجلست جمب امها ام فيصل ببتسامه : شخبارك شهد ..؟ شهد ببتسامه : الحمدلله بخير وانتي خالتي كيفك شخبارك وشخبار را - سكتت بخجل وارتباك لأنها كانت بتنطق اسمه - ام فيصل : الحمدلله بخير ورائد بخير شهد نزلت راسها وخدودها انقلبت حمرااا من الخجل ودها تبكي لأنها غلطت وخالتها فهمت عليها وردت تمنت بهاللحظه لسانها انقطع ولا انطقت بأسمه ام فيصل : وش هالخجل انا خالتك شهد برجا ( بليييييييييييييييز خالتي اسكتي وربي كذا مقدر احس إني بذوب خالتي سكتي لاتقولين شئ اكثر ) ام فارس ابتسمت : والله بنات هالأيام خجولين وخاصتا شهد خجوله مع مرتبة الشرف شهد : ( يااربي ياكرهي لما يكون الحديث عني -- خلني بس اغير الموضوع ) خالتي ليه ماجاوا البنات ام فيصل : والله تعرفين مشغولين اروى ومشغوله مع تحضيرات المدرسه وشوق والله تعرفين الزواج والمسؤليه وكذا وساره وكذلك شهد : ايه والله تمنيت ساره بالذات تجي استهبل معها شوي وحشتني حتى بالسكول ماشوفها ام فيصل : خلاص ولا يهمك اقولها شهد تعاتبك شهد : لا ماعاتبها بس زعلانه عليها حتى سلام ماتقولي ام فيصل : افاا والله ولايهمك يامرة ولدي لأخليها تجي وتسلم عليك كل دقيقه شهد ابتسمت بخجل ونزلت راسها ...................................... | ||||||||
|
| |
|
24-06-19, 07:26 AM
| #55 | ||||||||
| مراقبة عامة ومشرفة منتدى الروايات المنقولة
| اريج جلست من النوم وناظرت ببنتها شموخ النائمه بكل عفويه وبراءه واشواق هذي حالتها مقابلتها وتناظرها اريج : اشواق اشواق ابتسمت : ماما صحيتي اريج تحس لما اشواق تنطق كلمة ماما تحس إنها مالكه الكون : عيون ماما اشواق راحت لأريج وباست راسها وخدها : صباح الخير ماما اريج باستها وحطت ايدها على شعر اشواق : صباح النور .. شوقتي وين بابا اشواق بتفكير هزت كتوفها : اممم مادري اريج : طيب تبين تروحين السوبر ماركت اشواق ببتسامه : يس اريج ابتسمت لها : يس وحركات مين معلمك يس ..؟ اشواق : المدرسه علمتني يس و نو وثانكيو وهواريو وفاين اريج : طيب هواريو شوقتي اشواق ببتسامه طفوليه : فاين ثانكيو هواريو مذر اريج ضمتها وهي تضحك لبراءتها : حبيبتي والله انتي وقفت ومسكت يدها وطلعوا برا اريج : وش تبين نعمل اكله اشواق : نو ماما انتي قايله سوبر ماركت نروح اريج : لا حياتي بعدين السوبر ماركت الحين نتغدى اشواق هزت راسها بأعتراض ونفي : لااااا ماما نبي السوبر مارك اريج نزلت لمستواها وحطت ادها على خدها بنعومه وفرصتها على خفيف : نعمل غدا انا وانتي وبعدين نروح السوبر ماركت خلاص لاتعانديني اشواق : طيب اريج سمعت صوت بكاء شموخ العالي تركت الطبخ وقالت لأشواق : شوقو انتبهي للأكل وطلعي المعكرونه وحطيها على الطاوله اوكي حبيبتي اشواق ببتسامه هزت راسها : اوكي اريج راحت غرفتها واخذت شموخ ورفعتها بيدها وباستها : حياتو والله شموخ صحيتي شموخ ناظرت بامها وهي تلعب بالعقد الي لابسته اريج ناظرت بعقدها وضمة بنتها : قلبو شموخ الحين وين اوديك انا ابي اطبخ تجلسين مع اختك اشواق وانا اطبخ طيب شموختي شموخ ماكانت تدرس عن السالفه تتبسم وتلعب بالعقد حق امها راحت للمطبخ ونادت اشواق : شوقو اجلسي مع شموخ وانا بطبخ اوكي اشواق : إن شاء الله ماما اخذت شموخ من ايد امها وجلست جمبها بالصاله تلعبها دخل ريان البيت وناظر ببناته بحب وحنان جلس جمبهم وباسهم : كيف حبيبتي اشواق اشواق ببتسامه وهي تفرد اصابعها ببراءه : فاين ثانكيو هواريو فذر ريان ابتسم لأشواق يوم عن يوم بنته تتفوق بالأنجليزي وهو مبسوط : فاين ثانكيو اشواق : امممم بابا ريان : هلا اشواق : ليه خالتو منال تقول لشموخ بنت اختي وانا خالتك وانا ماتقول لي ريان : لأن اهي توها جديده وانتي خلاص من زمان جيتي اشواق بزعل : لا مره خالتو منال قالت لي انتي مو بنت اختي انتي بنت ابوك ريان بعصبيه : لا هي مو قصدها وإذا قالت لك لاتهتمين طيب اشواق : إن شاء الله ريان راح المطبخ لأريج وقال بحزم : اختك منال هذي ليه تقول لبنتي انتي مو بنت اختي ولا انا بخالتك اريج التفتت له وطاح كاس المويه من ايدها : لا والله ماتقول كذا بنتك كذابه << اهي الكذابه تدري عن اختها إنها تقول هالكلام وتقول اكثر لأشواق بس هي تتهاوش معها ومنال تزيد بالكلام ريان : لا بنتي ماتكذب اريج : لا اختي ماتقول كذا بالعكس تحبها ودوم تبيها تنام ببيتهم ريان : اريج اشواق اعتبريها مثل بنتك وهي امانه برقبتك مثل ماشموخ امانه برقبتك اوكي اريج : اوكي ريان طلع من المطبخ واريج بقت وهي ناويتها على اختها لأنها ماتتوقع اشواق تقول لأبوها .................................. منال تتمشى بالحديقه وبداخل قلبها انات وونات واهات كاتمتها تبين الحب والسعاده تبين الصدق والوفا تبين الحب والحنان لكن بداخلها حقد وحسد بداخلها جفا وجمود بداخلها كره وغرور بداخلها قسى للبشر عبدالعزيز صورته تمر بذاكرتها تشتاق له وتذكر تصرفاته وتكرهه متناقضه ماتفهم لنفسها ماهي قادره تبرر موقفها ماهي قادره تفهم مشاعرها تحبه ولا تكرهه تبين الكرهه لكن بداخلها اشتياق وش اصعب من وحده تزوجة واحد عاشت معه بالحلوه والمره عاشت معه على الحب والحنان عاشت معه على الألفه والموده وبكالمه بنت انهدم كل شئ وين الحب وين الحنان وين الألفه وين الموده وين حبه لها كله تلاشى وراح صارت تحس بالكون من بعده سواد والحزن صار يفرض نفسه عليها كابرت وقست كابرت وقست وقالت اقوى ثم اثوى ثم اقوى واخرها انهارت وبكت النار الي بقلبها تشتعل ودها تشوفه وتركض له وتضمه وتشكي له عن قلب ماليه بغلاته تشكي له عن قلبه هو نبضه ماسكنه غيره دخل عليها اخوها سامي وغمض عيونها من وراها منال لفت له مابتسمت بس طاحت عينها بعينه هو الوحيد بالبيت تفضفض له لكنه مايحس مثل ماتحس لو اشتكت لبنت ممكن تحس لأن البنت والبنت نفس المشاعر لكنه ولد مشاعره تختلف عن مشاعر البنت حبه للبنت فيه كبرياء وغرور مايبينه يحترم رغبة كبرياءه لكن البنت للحب ضعيفه ويعميها وماتخلي شئ بقلبها سامي : منال وشفيك ..؟ منال صدت وعطته ظهرها وناظرت بالشلال والماء خانتها مشاعرها وغرقت عينها بالدموع قلبها رهيف مايتحمل كل هالشوق تنام وتصحى وتدعي إنها تنساه لكن الحب اكبر من إنها تنساه ولو نسته فهي تتناساه سامي لفها لوجهه وكان بيتكلم لكن جمدته دموع اخته مسح دموعها بحنيه : لاتبكين وانا اخوك دموعك غاليه إذا تبينه والله لأخليه يجي ويبوس رجولك عشان ترجعين له منال : ابيه واحبه وش اسوي ابي اعيش مثل خواتي زوجي يحبني ويدلعني واحمل واجيب بنت او ولد يسموني ماما الناس وش تقول الصغار متزوجين والكبيره مطلقه ماتزوجة انا كلام الناس تعبني والله تعبني طعنه ورى طعنه طعنه ورى طعنه قلبي الرهيف ياسامي مايتحمل هالكلام سامي : ماعليك اسمعي من أذن وطلعي من الأذن الثانيه منال : هذا الي قلبه من حجر مايهزه شئ لكن انا قلبي رهيف ماقدر اسمع من هنا واطلع من هنا سامي : منال انا اخوك ماراح اتزوج إلا لما تتزوجين هاه وشعندك بعد منال : إذا على كذا بتم عازب طول عمرك وش يبون الناس بوحده مطلقه لو مطلق كان تزوج له وحده بنت وملاك بس مطلقه مايتزوجها إلا مطلق مادري ليه المجتمع كذا يفرق بين البنت والولد والمطلق والمطلقه المطلقه العيب فيها والمطلق العيب في مرته ماصانته لا حافظة على زوجها غدير تتمشى بالحديقه وبيدها كبتشينو تشربه وتدور بالحديقه وهي سرحانه وتفكر قطع عليها حبل افكارها صوت الباب الي انفتح وروعها وصوت الضحكات العاليه الجايه .. بسام بصوت عالي مايدري إن احد هنا : ههههههههههههههههههههههههه ههههههه حبيبتي والله انتي : دووم الضحكه قلبو بسام تنهد : آآآه ويلوموني ليه احبك انا اصلاً لاسمعت صوتك اطير فووق فووق لسابع سما بمياعه ودلع : يالبى والله كلك .. غدير بخطوات ثابته وسريعه راحت له وسحبت الجوال منه وحطته بأذنها غدير بصوت عالي : يالحيوانه يالحقييييره منو انتي يالتبن الخط الثاني .. طوووط طوووووط طووووووط غدير مسكت الجوال بيدها وكف قوي انطبع على خد بسام بسام حط ايده على مكان الكف : ماني ببزر تضربيني غدير بصراخ : إلا بزر وبزر بعد الي بكبرك يعرف الصح من الغلط الي بكبرك يعين اهله بكل شئ الي بكبرك مايسود وجه أهله ويحافظ على شرفهم بسام بصوت اعلى : مو انتي يالمريضه نفسياً تجين تحاسبيني غدير : إلا احاسبك واحاسب امثالك بعد بسام : لا والله مانتي بأبوي ولا بأمي عشان تحاسبيني غدير بصوت عالي وبعصبيه : انا اختك ولي حق احاسبك مثل ما الأخو يحاسب اخته الأخت تحاسب اخوها ولا بس انتوا يالرجال تستقون على الحريم لأنهم ضعاف وتحسبونا مانقدر نحاسبكم إلا لا شفنا الغلط وبعيوننا وبأذاننا نسمعه بحاسبك بسام : روحي زييين متعالجه عند دكتوره نفسيه وجايه تسمعين الكورسات الي معطتك اياها عندي يالله فارقي بس فارقي والله وطلع لك لسان غدير صرخت : لاتحسب نفسك كبير تراك بزر بتفكيرك بعقلك فقدت الحنان ولجأت للطريق الغلط تدري إنك واحد طايش بسام بسخريه وهو يتكتف : لا والله توني ادري غدير : لاتخاف مننا خاف من الي فوقك خاف من الي اعلى مننا خاف من رب العالمين يوم الحساب لما يحاسبك وش بتقول له بتتكتف وتتكلم بهالسخريه بترادده عاد بذاك الوقت ماينفع لا الصوت ولا الفوت ولا انا ولا الي تكلمها بننفعك بسام سكت دوم تخطر هالفكره وتجمده يحاول يترك هالطريق لكن يحس نفسه عشقه غدير هزته من كتوفه : بسام اصحى اصحى انا اختك غدير غلطت مثل غلطتك لكن تبت انا جربت الي جربته انا ماقدرت اترك هالطريق لأني حسيت نفسي عشقته لكن بالعزم والإراده تركته كون مثلي بسام كون مثلي انا اختك مجربه الي جربته لايحصل لك شئ تندم عليه لاتحسب بتسرح وتمرح وبتسوي الي تبي بدون عقاب وجزاء الي تسويه بسام : غدير والي يرحم والديك فكيني خليني اروح لاتعطيني من محاضراتك بليييز غدير صرخت : والله ثم والله ثم والله وثلثتها يابسام لو ماتترك الطريق الي مشيت فيه لأفضحك واخليك تندم من جد بسام : روحي فضحيني محد ماسكك غدير ناظرت بجواله الآي فون الي يكلم فيه بنات الخراب ورمته بالأرض بكل قوتها وداسته برجلها بقوه غدير : والكلب الي تكلم فيه الكلابه وكسرته والسياره الي توديك لهم باخذها وسحبت منه مفتاح السياره ودخلت لداخل وبسام مصدوم معصب خايف متوتر مرتبك مو قادر يعبر واقف بمكانه مثل الجماد خلاص شرفه بيد اخته بتنطق بكلمه بينفضح بتسكت زين على زين طلع من البيت وناظر بالشارع بسيارته كيف يركبها والمفتاح عندها صار يمشي بالرصيف للبحر الي مو بعيد عن بيتهم ........ غدير جلست بغرفتها وناظرت بمفتاح السياره وحطته على الكوميدينه اخوها يكرر الغلطه الي هي عملتها اخوها يكرر دمار حياتها وهي مو قادره تسوي شئ غير تعاقبه ماتقدر تنطق بكلمه ماتبي تفضحه لأن تعرف امها ماترحم وبتحفل فيه الأرض دخلت ديما غرفتها وقالت وهي متخصره : ليه جالسه هنا ..؟ غدير ناظرت فيها وناظرت بالبلكونه : كيفي ديما : مالت علييك وانا الي صاعده لك لفوق ابي اسولف معك كذا تردين علي غدير : بليز ديما ماني رايقه لهذرتك ديما جلست جمبها بالسرير : غدير وشفيك ..؟ غدير : مافيني شئ انتي تشوفين فيني شئ ديما : لا بس مدري ليه كذا عصبتي ومتنرفزه لكل شئ سبب غدير : وبعض الأحيان بدون سبب ديما : وش سويتي مع الدكتوره خلصتي معها ولا بتستمرين غدير : ايوه بستمر لأن انا مو لهناك اقوى كم شهر وبعدها ارجع مثل ما انا ديما : اهاا احسن لك غدير : ديما انا قويت ديما : عن قبل بكثير قويتي غدير ابتسمت : من جد ديما : لا من عم ايوه من جد قويت وحييل بعد .. طيب يالله قومي نزلي تحت لميس وسعود غدير : لا مابي ديما : لييه غدير : احس لميس تتمسخر علي بنظراتها إني اتعالج عند دكتوره نفسيه ديما : غدير لايكثر بس هي ماتدري غدير التفتت عليها : ماتدري ..؟ غريبه نشرة الأخبار امي ماقالت لها ديما : هههههههههههه لا ماقالت لها غدير : طيب انزلي انتي وانا بعدك انزل ديما : اوكي طلعت ديما وغدير كانت تجاملها وبالها مع بسام وش صار له وين راح بغرفته ولا طلع .. طلع هالفكره جات ببالها خافت طلع وصار له شئ وبسرعه وقفت وراحت لغرفته مالقته من جد وقفت نبضات قلبها لو يصير له شئ هي السبب الضعف والطيبه رجعت لها غلطان وهي الخايفه وتغطي عليه نزلت تحت وهي مثل الهبله تركض غدير بصوت عالي ممتلي خوف : وين بسام ..؟ اللكل التفت عليها : وشفيك ..؟ غدير صرخت : وين بسااااااام وصارت تدور بالبيت عنه طلع برا الحديقه تدور بسام جلست بالأرض جمب الباب متكوره وتحتريه خايفه صار له شئ سعود طلع لها وقال : غدير شفيك غدير وقفت وقالت بنبره مليانه رجا : تكفى دور على بسام تكفى بدون ليه وما ليه سعود : وشصاير غدير فهميني غدير : قلت لك دوره بدون ليه تكفى وتكفى تهز الرجاجيل سعود : طيب طيب .................................. شوق جالسه على الكنب وحاطه ايدها الطويله النحيفه على بطنها وتتحسسه وهي مبتسمه كثيير تمنت تكون ام وتسمع كلمة ماما ابتسمت تتخيل شكل بنتها صغنونه ودبدوبه وتنطق بطفوله وبراءه ماما ابتسمت بحماس وفرح متى بتطلع وتضمها بأحضانها والله لتعيشها احلى عيشه وبتدلعها ماراح تعيشها بالي عاشته والعذاب الي مرت فيه بتعيشها حياه غييير غيير بتعيشها بين العز والدلع بتعيشها بين الفرح والإبتسامه بتعيشها بين الحب والحنان والدفئ بتعيشها عيشه يحلم فيها كل طفل وطفله .. تررن ترررن تررررن تررررررن شوق وقفت وهي تمسك ظهرها بيدها وراحت للتلفون ورفعته شوق : الوو :.................. شوق : الو مين معي ..؟ :........................ شوق : الوووو :................................. سكرت الخط وهي تتأفف من الناس الغثه الي مثل كذا واستمر بالدق ولا كانت ترد وقفت وردت بعصبيه شوق : الوووو :.............................. شوق : والله ثم والله لو تدقون مره ثانيه لأحفل فيكم الأرض وسكرت الخط ... فارس سكر السماعه وابتسم بألم مشتاق لصوتها مشتاق لعصبيتها مشتاق لأبتسامتها مشتاق لطيفها مشتاق لكل شئ فيها هو طلقها هو الغلط منه هو تسرع وسمع كلام عمر وندم الحين وماعاد ينفع الندم شوق تزوجة وحامل هو ماتحملها لما انسحرت مرتين لكن بدر تحملها وعالجها هو غلطان ايوه غلطان هو قصر بحق زوجته وهي ماقصرت معه هي عطته قلبه وروحها وحياتها كلها سلمتها إياه لكن هو واثق إنها له وكان يلعب فيها مثل الكره بملعبه ويلعب فيها وطلعها من الملعب برجله رمى راسه على الجدار وتنهد بضيقه ................................ في السوبر ماركت اشواق كانت معبيه السله كلها شوكلاتات تتكون من [ كوكيز , ماكنتوش , اولكر , اوريو , باونتي , كيندر , سنيكرس , تويكس , جالكسي , مالتيزر , مارس , فليك ] ووآلخ اخذت الي تحبه والي ماتحبه المهم تعبي السله اريج جات لها وقالت : اشواق حبيبتي كيف كذا اخذتي كل الي بالسوبر ماركت اشواق : ايه انا جوعانه اريج هزت راسها : بعدين تتعبين ونعطيك دواء بدال الشوكلاتات اشواق : لا لا ماراح اكلهم كلهم بخليهم سنه اريج : نششوف إذا خليتيهم يوم واحد ماكون انا اريج اشواق : لا بخليهم سنه وبعدين ماراح تكونين اريج بتكونين مين ..؟ اريج ابتسمت لغباء وعفوية اشواق وقالت : بكون اشواق اشواق هزت راسها بنفي : لاااااا كيف انا اسمي اشواق ام وبنتها اسمهم اشواق ريان كان جاي وسمعها تقول "ام وبنتها اسمهم اشواق" ابتسم بألم بنته كبرت وصارت تفهم واخر شئ بتعرف هي بنت مين ومين اريج حاسبوا وطلعوا من السوبر ماركت وهو يتمشون بشوارع الخبر والبحر على يمينهم اشواق فاتحه النافذه ومطلعه ايدها ووجهها من النافذه والهواء يطير شعرها وهي مبتسمه بفرح ريان : ماما اشواق دخلي راسك اشواق : لا بابا ونااسه ريان : حبيبتي اشواق قلت لك سكري النافذه بعدين تطيحين اشواق : ههههههههههههههههههههههههه ه ريان : وشفيك تضحكين ..؟ اشواق : تقول اطيح انا كبيره ماطيح ريان : طيب يالكبيره سكري النافذه اشواق سكرت النافذه وقالت : انا كبيره سكرت النافذه ريان : ايه كبيره ................................. تركي طلع من الشقه وساره ناظرته وهي مغرقه عينها بالدموع تركي ناظرها قبل لايطلع وابتسم وراح لها : سوسو ساره التفتت للجهه الثانيه وهي شوي وتبكي تركي جلس جمبها وحط ايديه على كتوفها : خلاص ساره بسافر يومين وبرجع ساره : يومين كأنها سنتين تركي لاتتركني انا اخاف تركي ابتسم : خلاص ساره لاتبكين خلاص انا هونت بطلت اسافر ساره :............... تركي هزها وقال بنبرة رجا : سااره ساره بضيقه : خلاص روح انا ماهمك اصلاً لو اموت ماهمك تركي شهق : حرام عليك انتي اصلاً كل حياتي انتي ماتهميني حرام والله ظلمتيني ساره : ايه ايه غرقني بهالكلام العب علي تركي : افاا والله انا العب عليك هالكلام كله من قلبي .. ماراح اسافر إلا لما تمسحين دموعك ساره مامسحت دموعها عناد له تركي برجا : امسحيهم ساره :............ تركي مسح دموعها وباسها بخدها : خلاص حبيبتي لاتخافين دقي على اخوك ويوديك بيت اهلك طيب ساره هزت راسها تركي وقف وقبل لايطلع التفت عليها وناظرها لفتره وساره تناظره مستغربه ليه ينظرها ناظرت بشكلها في شئ غلط تركي : ماتبين تودعيني ساره فهمت عليه والتفتت للجهه الثانيه : الله معك تركي تقدم لها وسحبها وقفها غصب وضمها بقوه : انا ماقدر استغني عنك انتي قلبي وكل شئ بحياتي انا بدونك ولا شئ لاتسأليني ليه دقات قلبي سريعه لاتسألين انا بدونك ولا شئ صدقيني لاتحسبيني مبسوط لأني بسافر وببعد عنك بالعكس انا اتعذب اكثر مما تتعذبين بدق عليك كل لحظه وكل دقيقه لاتبكين عشاني ساره ابتسمت وهي بين احضانه : خلاص وعد مابكي ولا تنزل دمعه على خدي تركي طلع وساره جلست بالكنب وهي مبتسمه بفرح رفعت جوالها واتصلت على اخوها رائد ساره : الوو : هلا ساره : رئوود تعال اخذني رائد : ليه ساره : يووه شنو ليه ابيك تجي تاخذني رائد : ليه وتركي وينه ساره : تركي مسافر للكويت عنده شغل رائد : اهاا طيب دقايق واجي اخذك ساره : اوكي لا تتاخر رائد : اوكي ............................................ ريناد منسدحه على السرير وهي تتألم من الضرب غمضت عيونها ماتبي تترك مجال لدموعها ودها تفتح عينها وتناظر بأهلها حولها فتحت عينها وناظرت بالظلام الي يعم الغرفه غرقت عينها بالدموع اكثر واكثر لحد مانهارت على خدها وتركت المجال لدموعها وهي تشهق وتبكي بصوت خفيف بين الظلام عطشانه حيييل حلقها جاف مو قادره تبلع ريقها وقفت وراحت للمطبخ وهي تعرج سمعت صوت ضحكات واغاني بالصاله دخلت الغرفه وشافت عبدالله مع ثلاث بنات فاتحين الأغاني ويترقص معها ولابسين لبس خالع ريناد سكرت الباب بقوه ودخلت المطبخ حست بلوعة ببطنها واستفرغت بالمغاسل ومسكت بطنها من الألم وراحت وهي تعرج وماسكه بطنها واخذت لها كاس وصبت لها مويه ورجعت للغرفه وصوت الأغاني والضحك والصراخ واصل لها تذكرت صورة عبدالله وكيف يرقص معهم وبكت اكثر زوجها يخونها وبشقتها تناظره تبكي وتكتم حزنها مايهتم فيها لأن ماعندها عزوه ماعندها ظهر تستند عليه ماعندها احد تلجأ له ويوقفون بوجهه دقت على اخوها فارس بعد ثلاث رنات رد ريناد بصوت متقطع من البكي : ا...لـ....و... فارس : الو ريناد بلهفه : فاارس فارس ببرود : هلا ريناد : فارس تكفى الحقني انا عايشه بعذاب انا عايشه بجحيم انا يوم عن يوم اموت انا يوم عن يوم اتألم اكثر من الي قبله انا جسد بلا روح يافارس جسد بلا روح انا اهلي تخلوا عني ماعندي احد غير النذل عبدالله الخاين تخيل يافارس تخيل يخونني وبشقتي تخيل يافارس يجيب بنات ويرقص معهم واغاني وضحك وبشقتي تخيل يضربني يعذبني يدوس ببطني وكني أرض انا تعبانه نفسياً يافارس تعبانه نفسياً وجسدياً ماقدر اتحمل اكثر والله ماقدر تكفى تعال ابي ارتمي بأحضان اخوي عزوتي اوقف بوجهه حسسه إن عندي عزوه وظهر استند عليه فارس : هذا الي تزوجتيه بالسر وضيعتي شرفك وسمعتك عشانه تحمليه وسكر الخط بوجهها ريناد ضمة الجوال وبكت اكثر كلامه صدق صدق ماقال شئ من عنده هذا الي ضيعت نفسها عشانه تتحمله هذا الي وعدها بيعيشها احسن عيشها هذا الي غرقها بكلامه الحلو يخونها .. تمنت تكون ريناد المجنونه ولا تعالجة رقى نفسه بعيون اهلها عالجها عشان يقولون عبدالله صبر وعالج زوجته المجنونه بلعت ريقها الجاف وهي تبكي وغمضت عيونها وبدون ماتحس نامت وغرقت بالنوم .............................. ريما كانت لابسه قميص نوم توب لنصف الفخذ حرير لونه سكري وفيه ورود على الجنب الأيمن بالفوشي الصاره جالسه على الكنب وحاطه رجل على رجل وتفرفر بالقنوات مثل الملكه جالسه باسها متعب بخدها وجلس جمبها : كيف حبيبتي اليوم ..؟ ريما بدلع : تمام متعب : وماتبين تسأليني انا كيف احوالي ريما : هذا انت جمبي بخير مافيك إلا العافيه متعب يمثل التعب : آآآآآآآه ياريما ماتحسين فيني انتي انا تعبان حييل تعبان ريما بعدم اهتمام : وش اسوي لك متعب يقهره البرود الي بريما صرخ بألم أصنطاع : آآآآآآآآآآه ريما التفتت عليه وبجد خافت آهاته تحسها من قلب قالت بخوف وهي ماسكته : متعب وشفيك ..؟ متعب : تعبان ياريما تعبااااااان ريما : متعب وشفيك ..؟ متعب بخبث اشر على قلبه : التعب هنا ريما ناظرت بعيونه وعرفت إنه يمثل وقفت وقالت بعصبيه : اففف متى بتترك تمثيلك هذا ياللئيم متعب وقف وهو يلحقها : انا لئيم يالقمر ريما دخلت الغرفه وناظرته وسكرت الباب وهي مستنده على الباب ومبتسمه تحسها طفله بعيونه مهما كبرت يحسها إنها طفله وتصغر اكثر .............................................. مابين الآهات والحزن مابين الظلم والقهر طفله ماتتحمل العذاب الي تعيشه طفله ايوه طفله عيشوها بعمر اكبر من عمرها امها تبرت منها مالها غير جدتها ماعندها لا ام ولا ابو ولا اخو لما تكبر مين عزوتها لما تكبر مين ملجأها لما تكبر لمين تفضفض لما تكبر لمين تروح لما تكبر وتفهم بتسامح امها ولا ماراح تسامحها على القساوه الي ربتها عليها صارت قاسيه وماتحس تنضرب ولا تحس مثل امها صارت جماد اروى ضربتها بقسوه على ظهرها بأقوى ماعندها وصرخت : انتي كيف تكبين المويه على الدفاتر هااه كيف جنى بعصبيه وحقد : كيفي واخذت المويه الباقي بالكاس وكبتها على باقي الدفاتر وركضت لغرفتها واروى وراها اروى صرخت : جنيييييييييييه والله لو ماتوقفين ليجيك شئ اعظم جنى وقفت وقالت وهي تبكي : انتي ماتحبيني انا ماحبك انا اكرهك انتي مو امي انا ماحبك انا ابي بابا انا ابي مروان مابيك وجلست على الدرج تبكي اروى اثرت فيها كلمة "انا اكرهك" بنتها صغيره وتكرهها لما تكبر وش بتسوي بتعافها كابرت ماتحبها تحسها حمل عليها لكن كلمة "انا ماحبك انا اكرهك" تتردد بذهنها اكثر من مره ودموع جنى الي تنهمر بخدها بحزن تمر بذاكرتها ليه الجفا ليه القساوه بسرعه ابعدت هالأفكار وناظرت بالدفاتر وعضت شفايفها بقهر ودها تقوم وتتوطى ببطنها لكن بدون ماتضربها هي بكت وهذا اشفى الغليل الي بداخلها ساره دخلت وهي مبتسمه ورائد معها شايل شنطتها ولابس النظاره الشمسه وكان خقق ساره : هااي اروى : هايات ساره راحت لها وسلمت عليها والتفتت يمين ويسار : وين مامتي اروى : طالعه ساره : وين بسبوستي وقلبي جنوو اروى كملت ولا اهتمت اكيد رائد وساره بيقلبون الدنيا فوق تحت لأن جنى تبكي وهي دلوعة اللكل ساره شهقت : بسبوستي تبكي ياويل وراحت للدرج وقالت بحنيه : جنوو جنى التفتت للدربزين تنظره وهي تبكي مو مثل كل البكاء بكاء حسره وضيق عمركم شفتوا طفله من وهي صغيره تتعذب ساره ضمتها بحنيه : جنو حياتو وشفيك تبكين انا خالتو قولي لي وشفيك ..؟ جنى بصوت مبحوح : تـ..ضرـ....بـ..نـ...ي...مـ...ا...تـ ...حـ.....بـ... نـ....يـ....مـ..ا...حـ..بـ...هـ..ا.. .ا..كـ...ر..هـ ..هـ.. ساره مافهمت ولا كلمه ولا قدرت تضم حرفين على بعضهم وتكون كلمه ساره : جني وشفيك مافهمت من كلامك ولا شئ جنى دفنت راسها بحضن خالتها ساره وبكت محتاجه للحنان محتاج للحضن الدافئ مشتاقه لأخوها مروان مشتاقه لأبوها فقدتهم فقدت عزوتها وسندها ... اروى وقفت وراحت للحديقه تكلم صاحبتها "فجر" اروى : مرحبا فجر : اهليين وسهلين ومرحبتين بأروى اروى : ياهلا فييك .. كل هالترحيب الحار لي فجر : واكثر بعد اروى : امممم وشرايك نتقابل اليوم انا وانتي فجر : امم والله عندي شغل اليوم بزي كثيرااات سوري اروى : لا عادي مره ثانيه نتقابل فجر : ايه الأيام قدامنا .. طيب اروى سوري وربي انا بسكر بزي كثيير اروى : اوكي شكلي ازعجتك . اخليك براحتك مع السلامه فجر : بااي سكرت اروى من فجر تمنت تكون مثل فجر ماتفكر تقول بنتي مابنتي تتمنى تكون مثل فجر مايهمها غير الطلعه ووساعة الصدر والسفر والحفلات والضحك والعزايم والمؤتمرات والصالونات والنوادي وصحتها ورشاقتها عايشه حياتها على الأخر لكن اروى كل ماحاولت تكون مثلها تتذكر إنها مطلقه وبرقبتها بنت وتتحطم وتكرهه جنى اكثر ................................ شجون بالمطبخ تعمل بشاميل وتدندن بشغف وهي تعمله شجون كانت تساعدها الطباخه داتي يعتبر لها هذا اختبار ماعمرها فكرت تطبخ طبخه رئيسيه واليوم فكرت تعمل وإن شاء الله يعجب ياسر داتي : مدام شجون : ايوه داتي : خلاص انتي في روه "روح" انا في يشتغل شجون بنفي وابتسامه : لالا خلاص انا اكمل الشغل انتي بس ساعديني وجهها صاير حفله من الطبخ كل شئ تحطه بالخلطه لازم وجهها يجيه نصيب منه دخل ياسر وابتسم : اووه وشعندك طابخه شجون ناظرته وابتسمت : ايه مشتهيه ياسر انفجر بالضحك : ههههههههههههههههههههههههه ههههههههههههههههههههههههه هههههههههههههههههههاي شجون بأستغراب : خيير ليه تضحك ..؟ ياسر : لا بالله هونا مانبي طبخه شجون : لييييه انا تعبت حالي اطبخ وفي الأخير ماتبي ياسر : بالله شجون ناظرتي وجهك بالمرايه ههههههههههههههههههههههههه هههه شجون : قمر ماعلي كلام ياسر : إذا ناظرتي شكلك بالمرايه قولي قمر اوكي شجون شكت بنفسها وركضت للمرايه ناظرت بشكلها وسبقت ضحكتها ابتسامه وبعدها انفجرت ضحك : ههههههههههههههههههههههههه هههههههه من جد حفله شكلي مالومه راحت لدورة المياه "ألله يكرمكم" واخذت المويه وغسلت بها وجهها واخذت المنديل ومسحت وجهها وطلعت راحت للمطبخ وكملت طبخ ...... ياسر رفع مالك وجلسه على حضنه وهو مدخل اصبعه بفم مالك ويلاعبه ويبتسم ببراءه ياسر رفعها لفوق : حياتو والله انت عزوة ابوك يالبى متى تكبر واشوفك رجال ولابس الشماغ والبشت وازفك -وناظر براما وكادي- وخواتك بالفستان الأبيض ازفهم وافرح فيكم متى ..؟ حط مالك بالسرير وناظر بعياله الثلاثه وابتسم ودعى بداخله : ( الله لايحرمني منك .. ولاتذوقون غير طعم السعاده وابلغ فيكم ) ... شجون وهي بعز طبخها تفكر وش تسوي بفلوس الورث الي جاتها من امها وابوها فلوس كثيير جاتها من ورث امها وابوها بعد ماتقاسموا اهي وتركي وامها وابوها تجار شجون فكرت بفكره وتركت الطبخ فجأه وقالت لداتي : كملي اوكي داتي : اوكي طلعت شجون للمطبخ وقالت لياسر : بقولك اقتراح ياسر : شنو ..؟ شجون : وشرايك نشتري لنا ارض ونبني بيت بدال الشقق دامنا جبنا عيال ونسوي لكل واحد منهم غرفه ونبني جمب البيت ثلاث شقق ونأجرها لحد مايكبروا العيال ويسكنون فيها ياسر : اهااا فكرتي وخططتي ومين الي بيطاوعك شجون : انت ياسر : لا اسف شجون : بفلوسي ببني كل شئ الورث كثير ببني بيت وثلاث شقق وبيبقى بعد لي فلوس نستثمرهم احسن من قعدتهم كذا بالبنك والعب فيها بالمولات والخرابيط ياسر ببتسامه : شجون فلوسك خليهم لك إذا ببني بيت وشقق ببنيهم بفلوس ماراح ابنيهم بفلوسك انا زوجك وانا المسؤؤل بالنفقه عليكم انتي حملتي وولدتي وتعبتي وربيتي وهذي مسؤليتك وانا مسؤليتي النفقه - ببتسامه قال - فلوسك وسعي صدرك فيهم لحد ماتقولين بس ولا تتوقعين بيوم بحط عيني عليهم لأن الي عندي كثير وماحتاج طيب شجون : بس انا زوجتك وعادي نشارك بعض ياسر : لا ياشجون فلوسك لك .. وهذا نصيبك من ورث امك وابوك وروحي كملي الطبخ ولا عاد تفتحين هالموضوع ولا بفكر بسوي الي قلتيه بفلوسي طيب شجون برجا : حطمتني ياسر : روحي كملي طبخك شجون وقفت : اففف وراحت للمطبخ المفروض تنبسط لأن زوجها مو استقلالي ويلعب بفلوسها تضايقت حييل ودها تساعده هو يتعب كثير المصاريف كثيره هي ماجابت واحد جابت ثلاث وغير الخدامتين بس بتخبيهم للوقت الي يحتاجون فيه ..................................... في اليوم الثاني .. في الجامعه ريما بسرعة البرق ركضت لدانه وضمتها وهي تضحك مبسوطه ريما غرقت عينها بالدموع ودها تبكي وتنفجر بأحضان دانه لهم شهور ماتلاقوا ولا شافوا بعض وهم الي كل دقيقه وثانيه يشوفون بعض لكن الزمن والزواج بعدهم ريما بصوت مبحوح : وحـ..شـ..تيـ..ني دانه : وانا اكثر .. ريما ليه قطعتي ..؟ ريما : انتي القاطعه دانه : ريما شخبارك كيفك وشمسويه بالزواج وشمسويه مع متعب ريما ببتسامه : تمام وبخير انتي بشريني عنك شمسويه دانه بهدوء غريب حماسها وفرحتها بريما : ماشي الحال ريما : دانه تذكرين الكمه الي قلتيها لي " ماشي الحال .. كلمه بعز الوجع تنقال " دانه وشفيك ..؟ دانه : مافيني شئ بس المشكله بشخصيته هادئ حييل وانطوائي ولحظات اشك إنه فيه توحد ريما ابتسمت : وهذا الي مضايقك ومزعلك دانه : ايه لأني مو قادره اسلك معه اجيه من جهه يجيني من جهه يقنعني بحكيه وبعدها احس إنه شخص غريب ماعرفه بعكس مكالماته معي بالجوال راعي دجه وسوالف وضحك وهذره ولا يسكت ريما : عادي طار فيك بالبدايه وبعدها هدى دانه : يمكن مو مقتنع فيني ريما : ههههههههههههههههههههههههه هه لا يكثر بس هرجك ندوش خلينا ننبسط ونفلها دانه : اول مره احسدك على شئ ريما ناظرتها : عادي احسديني حلالك ياليت الي فيني فيك .. بس بلييز ابتسمي دانه ابتسمت ريما جرتها من ايدها : يالله عاد فليها دانه : هههههههههههه ريما راحت لدلال من وراها وغمضت عيونها وناظروا ببعض بخبث وهم بيسون فيها شئ دلال : مييين ..؟ ريما ودانه مسكوها وحده سكرت عيونها والثانيه تجرها من ايدها سحبوها للحديقه ريما اشرت لدانه تسكر عينها ريما شجاعه ماتخاف من الطيور وتعرف تتعامل معهم وكيف تجذبهم لها ودلال موتها العصافير مسكت ريما عصفور وحطته بوجهه دلال واشرت لدانه تبعد ايدها عن عيونها دلال فتحت عيونها وصرخت : يمااااااااااااااااااااااا ااااااااااااااااااااااااا ااه والتفتت ورى وركضت مثل الهبله وتصارخ بخوف وشوي وتبكي وريما طيرت العصفور وراحوا لها دانه وريما وهم ميتين ضحك لشكلها وهي تركض مثل المهبوله دلال جلست على العشب وهي متكوره من الخوف وترتجف ريما جلست بيمينها ودانه بيسارها دلال هدت شوي وحطت ايدها على قلبها : اعوذ بالله من الشيطان الرجيم .. اعوذ بالله من الشيطان الرجيم ريما ودانه ميتين ضحك شكلها وهي تركض وتصارخ يموت ضحك والبنات يناظرونها مستغربين منها دلال بعصبيه : يالحمااااااارين كنت بموت ريما : ههههههههههههههههه يالخوافه يالخوااافه دلال ضربتها بكتفها بعصبيه : يالمقرفه ريما : خليت الرقه لك يا ام الرقه دانه : بس دلال شكلك وانتي تنطين وتصارخين يموت ضحك يبي لك صوره ههههههههههههههههههههه دلال : تتمسخرين انتي ووجهك مردوده مردوده دانه ضربتها بكتفها بمزح : طيب يالخوافه ................................ شوق اول يوم لها بالجامعه بعد ماتزوجة وحملت لابسه ملابس الجامعه للحمل ماكان بطنها بارز نحيفه لأنها بالشهر الرابع من نحفها ورشاقتها مابرز بطنها لكن لبست فستان الحمل فاتحه شعرها وكانت ملكة جمال وساحرة الانظار بطلتها وهيبتها وابتسامتها الذباحه وغمازتها الي تعمل لوك احلى لأبتسامتها الذباحه جوري ضمة شوق : واااي شوقو حياتو وحشتيني .. ماصدق ماصدق انتي شويقه تغيرتي كثييييييييييير - ناظرت ببطنها - وااي يالدبه والله وكبرتي وصرتي حامل شوق ابتسمت : ايه الكبير يصغر جوري : اوه حبتييين والله والزواج والحمل غير فيك اشياء كبرتي وثقلتي واسلوبك ثقل شوق ابتسمت : هههههههههههه رنيم : جوري قلتي نكته وحنا ماسمعناها .؟ جوري : لا بس خليها تضحك توسع صدرها شوق : ايه خلوني اوسع صدري .. تدورون وش ناويه اسميه او اسميها كلهم بحماس : ششنو شوق : اذا بنوته على اختي الله يرحمها نوف واذا ولد على ولد اختي الله يرحمه مروان روان : ايه حلوو إن شاء الله تجيبين توأم بنت وولد مروان ونوف شوق شهقت : لا بسم الله علي .. تفكين لاتدعين خليها على واحد .. واحد واحاتي كيف بربيه كيف اثني روان : عاد انتي يالرقيقه ماتتحملين كان تطلع لك قرون شوق : ايه تعرفين رقيقه رنيم : مااااااااالت يالرقيقه جوري : عاد اسمعي كلنا خالاتهم اوكي رنيم وروان : من جد حنا خالاتهم شوق : افا علييكم اكيد خالاتهم اذا مو انتوا خالاتهم مين خالاتهم رنيم : تسلمييين بيصيرون عندهم خمس خالات شوق : غير حريم خوالهم شهد وملاك روان : خييير وشدخلهم شوق : اييه بعلمهم يحترمون الكبير والصغير روان : ماشاء الله شوق بفرح وحماس : بربيهم مو اي تربيه بربيهم احلى تربيه تربية يحلم فيها اي طفل بربيهم على العز والفلوس بربيهم على الحب والحنان بربيهم احلى تربيه بعلمهم كيف معنى الحياه بناقشهم بحاورهم بخلي الإبتسامه ماتنمحي من شفاتهم ماراح اعلمهم وش معنى الحزن لأني ماراح اخليهم يذوقونه الي بيذقونه طعم الفرح وبسس بسفرهم من بلد لبلد من فرنسى لسويسرا ومن سويسرا لأسبانيا من اسبانيا لأيطاليا ومن بلده لبلده بخليهم يروحون كل بلدان العالم ماراح يكونون اقل من احد اهم دوم بالقمه اهم دوم فوق فوووق للسما محد يوصلهم يلبسون احسن شئ بربيهم على الأحترام والحب والموده وفن التعامل مع الناس وكيف يكتسبون اللكل بخلي محبوبين بين اللكل متواضعين رغم العز والفلوس والغناء الي بيعيشون فيه تنهدت بفرح وحماس متى بيجون متى بتشوفهم صديقاتها ساكتين ويسمعون لها ونبرة الفرح الي بصوتها واضحه وعارفين كل شئ قالته بتطبقه لأن شوق قول وفعل بشاير كانت ماسكه دموعها لاتنهار على خدها كانت تقاوم وتبتسم وتقول إنها اقوى لكن هي اضعف مما تظهره للكل امجاد واثير يتفشخرون بأهلهم بأمهم بأبوهم بعزهم بفلوسهم ويرمون عليها كلام مثل السم لو يسكتون ماينطقون شئ بيتمون غاثينها وواقفين لها بالنص اثير بخبث : مامي .. عندنا بكره مجلس امهات لتكريم المتفوقين ام فهد ببتسامه : ياحياتي واكيد انتي منهم اثير بأفتخار : اييه اكيد انا منهم ام فهد بأفتخار : ايه هذي تربيتي ولا بلاش بشاير تعرف اثير تبي تجرحها لانها فاقده الأم والأب حطت ايدها على راسها من الألم بينفجر ذكرى الماضي تمر بذاكرتها لحظه بلحظه دقيقه بدقيقه ثانيه بثانيه خرابيطها سوالفها القديمه تمر بذاكرتها حلوها ومرها هي عاشت ماضي طيش بطيش لأنها فاقده الحنان والرقابه تحسب إذا محد راقبها خلاص بتسوي الي تبي مافكرت بالي فوقها الي يراقبها نزلت بسرعه دمعه على خدها ذكرى الماضي تقطعها قطعه قطعه ذكرى إنها وحيده ماعندها اهل تقطعها اكثر ماتنسى الموقف الي بالمدرسه حصل لها .. في الذاكره ..... واقفه قدام الأداره وقدامها كتاب التعهدات المديره بعصبيه : بسرعه وقعي تعهد بشاير ماهزها شئ اخذت القلم ووقعت ورمت القلم : خلاص اروح المديره : لحظه لحظه على ايش مستقويه وش بينفعك بتنفعك طوالة لسانك إذا رسبتي او فصلناك بشاير : ايه لأنه هو الوحيد الي بيبقى لي بهالدنيا هو الي بيخليني اوقف بوجه عذالي والحاقدين لأن ماعندي عزوه المديره : انا مستحيل اسكت على طوالة لسانك ولي كلام ثاني مع امك لازم نقولها تجي بشاير بأستهزاء : تبين اعطيك رقمها عادي سجليه عندك بدال ماتتعبين نفسك وتدورينه بالسجل ********* بس عسى ترد عليك ويوصل لها الأرسال وهي بالمقبره المديره سكتت مصدومه امها ميته وتتكلم بأستهزاء كسرت خاطرها وشفقت على حالتها بشاير تكرهه نظرات الشفقه بعيون الناس لما يكتشفون إنها يتيمه الأم والأب والأخ والأخت : شكراً انا مابي اكون بيوم شفقه لأحد -بفخر تخفي الحزن- الحمدلله عايشه مرتاحه ببيت عمي معززه مكرمه لاتشفقون علي شكراً وطلعت من مكتب المديره وهي تحبس دموعها طول عمرها مغروره ومتكبره ومتجبره قاسيه مايهمها شئ قلبها من صخر تتكلم عن امها وابوها واختها واخوها وكأنهم ولا شئ وكأنهم ناس غريبين ماعاشت معهم بالحلوه والمره ماكأنها تربت بيتهم اكلت شربت معهم تربيت بين احضانهم ضحكت وبكت معهم تأقلمت مع هالوضع وتكرهه نظرات الشفقه ....... غسلت وجهها بالمرايه وناظرت بالجمال الي ينبع فيها وقالت : ليه احزن وابكي واتضايق لموت اهلي الحين واني يتيمه ليه مابكيت من قبل ليه الحين حسيت بالوحده والحاجه لهم ليييه ليه حسيت إني محتاجه لحضنهم ودفائهم ليه الحين مشاقه لأمي وابوي وأخواني وخواتي هاجر ومها وريم وعبدالملك ليييه في الذاكره .... كان عمرها 14 سنه في ثاني متوسط .. واختها هاجر عمرها 23 .. واختها مها عمرها 17 .. واختها ريم عمرها 12 .. واخوها عبدالملك عمره 19 ابوها يسوق وبجمبه عبدالملك وورى امها وهاجر ومها وورى بشاير وريم ضحك ووناسه ونكت هالعائله مايعرفون غير طعم الفرح مايعرفون الحزن شاحنه كبيره مايله على سيارتهم وكلهم يصرخون وحاولوا يهربون من الشاحنه لكن الشاحنه طاحت عليهم وجاو الأسعاف ونقلوهم للمستشفى مرت ساعات وايام واسابيع الي بغيبوب والي بالعنايه المركزه والي بين الحيا والموت وووآلخ كلهم حالتهم خطره إلا بشاير سبحان الله نجت بس تعرضت لكسر بظهرها ويدها ورجلها الدكتور دخل عليها بغرفتها : لاحول ولا قوة إلا بالله بشاير ناظرته مفهيه : هااه ..؟ الدكتور : يابشاير الحياه موت وحياه والصدمه كانت قويه والموت حق وانتي احمدي ربك إنك نجيتي من الحادث لأن الصدمه كانت قويه كثير - سكت فتره - ............................................ اهلك كلهم ماتوا بشاير مويه بارده منكبه عليها جمدتها بمكانها وبعدها جاتها حالة جنون وهستيريا بالبكاء ماوقفتاسبوعين كاملين تبكي بدون ماتسكت بهستيريا ............ تذكرت استهبال اخوها عبدالملك وكيف كان يحب خواته واختها هاجر الحساسه الي ماتتحمل كله وحده إلا وتبكي واختها مها راعية الدجه والرجه والأستهبال هي وعبدالملك وريم الدلوعه الناعمه الرقيقه الي ماتتحمل اي ضربه من ابسط شئ امها وابوها الحنونين ودلعهم لهم سكرت عيونها بقووه تتمنى الزمن يرجع لورى لورى لورررى كثيييييييييييييير لأيام اهلها لأيام الضحك مو لأيام الطيش الي عاشت فيه فتحت عيونها وهي مبتسمه ناظرت بالمغاسل وكشرت ليه حظها كذا عاثر ليييه غسلت وجهها اكثر من الدموع الي ملت وجهها لكن وجهها متنفخ من البكي وعيونها حمرا طلعت من المغاسل وراحت للصاله كانوا متحاولين طاولة الطعام يتغدون فهد ناظرها بتفحص وجهها مبين تبكي استغرب لكن ناوي بيكلمها بعد مايخلصون غدا واثير توقعت بكا عشان حكييها وابتسمت بأنتصار وامجاد مبتسمه بفرح لأنها واضح تبكي بس ماتدري وش السبب وابو فهد وام فهد مستغربين لكن كلهم سكتوا ولا احد اكل غير اثير وامجاد ابو فهد : بشاير شفيك بشاير ودها تصرخ بوجهه : ( اكررررهك اكرررهك عمرك ماحسستني اني بنتك او على الأقل بنت اخوك عمرك ماضميتني لأحضانك مثل ماتضم بناتك عمرك ماحسستني بالأمان والحين جاي تسألني شفيك اكرررررهك ) ابو فهد كرر سؤاله : بشاير وشفيك ..؟ بشاير بصوت مبحوح : مـ..افيـ..ني ........... شئ ابو فهد : متأكده بشاير : ( تكفى خلاص اسكت ماعاد فيني اتحمل صوتك اسكت لاتخليني انفجر بوجهك اسكت ) ابو فهد التزم بالسكوت لأنه واضح ماتبي ترد ............................. في امريكا سديم اليوم الجلسه الي قبل الأخيره كانت جالسه بغرفة الكيماوي تحتري الدكتور جات النيرس وابتسمت لها وجهزت اشياء الكيماوي وصاروا يحترون الدكتور يشرف Dr : fuel Mornic Nebula : fuel Dr.: Huairou Nebula: Fine Thankyou Dr.: ready to Kemo Nebula: Yes, ready دخلوا اجهزة الكيماوي بجسمها وتحس بروحها تغلي تتمنى الموت لما يدخلون الكيماوي بجسمها صغيره ماتتحمل دخل اخوها بندر وبيده كيس شاري له وجبه من ماكدونالدز يعشق هالمطعم بندر ناظر كيف سديم تكشر وجهها وتهدى وترجع تكشر وتعاصر الألم اكثر من 12 جلسه جربت رغم كذا تتألم بندر مسك يدينها يهديها : تحملي عشان تتشافين تحملي سديم ابتسمت له وهي تعتصر من داخل بندر : حلا تسلم علييك وتقول ماراح تكون بخير إلا لما تكونين بخير سديم وهي تغمض عيونها وتعاصر الألم : قولها بخير بندر : تبين تاكلين سديم إذا اخذت الكيماوي تحوم كبدها : لا شكراً بالعافيه جلس بندر وبدى ياكل ويناظر بأخته كيف تعتصر ووده يشيل هالأجهزه عنها ولا يشوف الألم بوجهها بحركه سريعه سديم نزلت دموعها من الألم كل مره تبكي كل مره بندر راح لها وقال بحنيه وهو يمسك يديها الممتليه بالأجهزه الممتده للكيماوي : تحملي ولا تبكين انا حولك ودموعك غاليه لاتبكين باقي لك جلسه ياسديم وترجعين مثل قبل عشان اخوك بندر ياسديم لاتبكين ومسح دموعها وسديم تتألم ودها تمووت ولا تعيش بهالألم .......................... في بريطانيا نوره كانت توها طالعه من الجامعه وبيدها الكتب وتتمشى بشوارع بريطانيا راحت لشقتها ورمت الأغراض وبدلت ملابسها لبست شورت اسود ضيق لتحت الركبه وتيشرت فوشي وفيه رسمة بنت بالأسود تناثر شعرها على بشرتها الناعمه وطلعت من الشقه وراحت للبحر ناظرت الناس يركبون الطراد ومبسوطين فكرت تركب الطراد وراحت للمكان الي يركبون فيه دفعت فلوس وركبت طراد وهي مبتسمه مبسسوطه تذكرت ايام قبل كيف اهي واسيل يعشقون شئ اسمه طراد يحبونه حيييييييييل ويحبون الخيل تذكرت اسيل وتنهدت نهده طويله ومليانه ضيق كملت تحرك الطراد برجلها خلص الوقت ونزلت من الطراد وجلست بالكراسي جاها شاب سعودي الشاب "أنس" : هاي نوره عارفته يدرس معها بالجامعه حبوب ومرح ومتواضع وعفوي بكلامه : هلا أنس : شخبارك نواره نوره : بخير أنس : امممم شكلك تفكرين بأهلك صح ..؟ نوره : ايه أنس : لحوول وكل ماقولك شئ اختصرتيه بكلمه نوره ابتسمت : لا عادي أنس : تصدقين اول مره اشوف بنت تدرس برا بدون محرم نوره هالكلمه جرحتها وطعنتها لفت وجهها للبحر وهي شوي وتبكي ودها تصرخ وتقوله اسكت أنس تخربط وماعارف وش يحكي قال عشان يدور عذر للي قاله : انا مادري طلع الكلام من لساني بعفويه مادري نوره بضيقه : لا عادي ماقلت غير الحق أنس : صدقيني نواره انا اعتذر منك انا اسف مادري نوره : طيب عاذرتك تموت نصف ساعه ساكتين نوره مفتقده اهلها كثيير وأنس ماله احد جلس وساكت أنس وقف : شكلي مثقل علييك اخليك مع السلامه مشى ولا انتظرها ترد نوره تحسفت وعضت شفايفها بقهر مسكين يبي يسولف معها وهي ماعطته وجهه نوره : ( ليه اتحسف اني ماسولفت معه من هو عشان اسولف واضحك معه لا هو اخوي ولا ابوي ولا من قرايبي .. لا يانوره لاتحسبين نفسك ببريطانيا خلاص تحررتي واهلي اعطوني الثقه وهم واثقين فيني ماسوي الغلط .. لالا بس هو مجرد صديق ... - ضربت راسها لأفكارها - .. لالا يانوره وش هالكلام مجرد صديق وماصديق من متى وانا عندي اصدقاء اولاد ... لا طيب هذا في الكويت عندي بالجامعه الأول اصدقاء اولاد .. افففففففففف ابي اعرف ليه انت يا أنس بذات تخربط لي افكاري لييه ) ......... أنس ~~< العمر : 26 .. مشرف في جامعة الملك فيصل للأولاد بالخبر .. يدرس ماجستير .. شاب وسيم وجذاب عفوي بتصرفاته بكلامه يرمي كلام مايعني شئ عفوي كثييير حبوب ومرح ونكوتي ومتواضع وينحط على الجرح يبرى... حاجز بنت عمه "رغد" | ||||||||
|
| |
|
24-06-19, 07:29 AM
| #56 | ||||||||
| مراقبة عامة ومشرفة منتدى الروايات المنقولة
| [ شافوا إني ما أبين ... حسبوا هالجرح هين ] ........................... بشاير طلعت للصاله وجلست وهي بغير عادتها دوم كانت تبتسم لكن هالمره تحس نفسها مخنوقه خنقه بالحلق ماهي قادره لا تبلعها ولا تطلعها جالسه بهدوء وسرحانه وعينها تغرق اكثر واكثر اثير وامجاد سوالف وضحك بصوت عالي ولا هامهم وفهد طلع عنده شغل وناوي يكلم بشاير بعد مايخلص شغله بشاير ابتسمت فجأه ابتسامه مو فرح ولا حزن ابتسامة شووق .. شوق ووله لهالأبتسامه الصادقه عمرها مابتسمت ابتسامه شوق ووله وحب دوم ابتسامتها كرهه وحقد وخبث هي إنسانه خبيثه هي ماتستاهل فهد .. فهد يتساهل وحده تحبه وحده ماضيها يشرف مو وحده ماضيها يخجل رن جوالها وكانت صاحبتها شجون رفعت وردت وصوتها مليان ضيق : هلا شجون بلهفه : ياهلا و غلا بالقاطعه .. كذا تزعليني لا تدقين ولا شئ لهالدرجه ماشتقتي لي بس باركتي لي بولادتي وانقطعتي مالت يالدبه انا زعلانه عليك بشاير بصوت خافت وحزين : اسفه انشغلت شوي شجون : بيشششو وش فيك ..؟ بشاير تنهدت بضيقه ووقفت وراحت للحديقه تبعد عنهم محتاجه تفضفض محتاجه تشكي لأحد عن الي بداخلها بشاير بضيقه : آآآآآآآآآه ياشجون لو اقولك وش فيني من اليوم لين بكره ابتعب والله ابتعب انا تعبانه ياشجون تعبانه احس نفسي مخنوقه وببكي عمري ماذقت طعم السعاده نسيت السعاده من بعد اهلي شجون معاناتها مثل معانات بشاير لكن ماسوت الي سوته بشاير بشاير لجأت للخراب تلهي نفسها فيه لكن هي الجأت للبكي والأنكسار شجون تهونها عليه وهي تبي من يهونها عليها : بشاير انا عانيت مثلك انا فقدت امي وابوي هم عزوتي وكل حياتي بكيت تعبت تعذبت عشت بعذاب محد وقف بجمبي في عز ضيقتي غير الله ثم زوجي الدنيا يابشاير موت وحياه وكلنا بنموت محد بعايش بشاير بضيقه : بس انـ شجون بمقاطعه : لا تقولين ماقدر انسى هذاني نسيت ماقلت ماقدر الله ابتلاك لأنه يحبك تقربي منه يابشاير تقربي بشاير غمضت عيونها وتنهدت بقوه : ياارب امووت يااااارب اموت شجون شهقت : بشاير استغفري ربك اذا انتي تتمنين الموت في كثير حولك يحبونك بشاير : مين الي يحبني عمي ولا مرة عمي ولا عيال عمي امجاد واثير -وبأستهزاء- ولا الي كنت اكلمهم شجون بشوية عصبيه : بشاير خافي ربك لا يمر ملك ويستجيب لك دعوتك كان من جد اتمنى الموت انا بعدك فقدت اهلي وافقد صديقتي .. بشاير هذا سديم تعيش بألم وعذاب بمرض خطر وعلاجه أخطر عمرها مادعت على نفسها بالموت احمدي ربك إنك بخير وبصحتك احسن من غيرك بشاير : اسفه شجون انا ادري شوي ثقلت عليك .. انا الحين بسكر سلام وسكرت الخط بوجهها ماتبي تكلم احد كانت تب تفضفض لكن سرعان ماحست نفسها مخنوقه وماهي قادره تتكلم جلست على الحديقه تبكي وفجأه بدون سابق انذار مسحت دموعها وغسلت وجهها ودخت داخل طلعت تبكي ودخلت تبتسم امجاد بأستهزاء : كلمتي مين هاللي خلاص تبتسمين بشاير : ( حتى ابتسامتي بيحسدوني عليها ) -غمضت عيونها واخذت نفس طويل تستعد للمناقشات بين امجاد - ابتسمت اكثر - صديقتي امجاد : صديق ولا صديقه بشاير ببتسامه تخفي ثورة الوجع الي بداخلها : صديقتي جلست على الكنب بهدووء وهي مبتسمه ناظرت بمرة عمها بجمبها اليمين اثير وبجمبها اليسار امجاد .. ودها ترتمي بأحضان مرة عمها ودها مره مرة عمها تضمها وتحسسها بالحنان والحب هي مهما كان تبي الحنان عايشه طول عمرها بالبرود والجفا خايفه كيف بتربي عيالها بتربيهم على الجفا والجمود والبرود الي عاشت فيه ولا بتربيهم بحنيه ودفئ وحب ماعاشته ولا ذاقته بحياتها إلا وهي صغيره بشاير بتردد راحت لمرة عمها ووقفت قبالها كانت بترتمي بأحضانها مثل الطفل يبحث عن امه والحنان ناظرت فيها بنظره مليانه دموع مرة عمها وامجاد واثير يناظرونها مستغربين بشاير لفت وصعدت لجناحها وقفلت الباب وارتمت بالسرير وهي تبكي ليه تناظر بعيون عيال عمها الحقد والكرهه هي وش سوت لهم عمرها ماسرقت احضان امهم وابوهم منهم عمرها ماتدلعت عليهم طول عمرها عايشه على مكافئتها بس الي خذته منهم جناح لها وولدهم وبس ماخذت منهم شئ طوال عمرها هدت شوي وحست إن دموعها جفت من كثر البكي فتحت الكوميدينه واخذت القرآن وفتحت على سورة "البقره" تعوذت من الشيطان وسمت بالله وبدت تقرى .. اختارت اية البقره لأنها تذكرها بشئ .. في الذاكره ............ ام عبدالملك بيدها القرآن وتقرى سورة "البقره" بشاير : يمه ليه تقرين سورة البقره بذات ..؟ ام عبدالملك ببتسامه وهي تسكر القرآن : لأن يابنتي هي الآيه الي تشفي الأحزان وتبعد الضيقات .. انا يابنتي لا تضايقت ماقرى غيرها بشاير : ليه انتي وش فيك ام عبدالملك لمعة عينها بحزن : مافيني شئ .. بس الي فيني يابشاير خايفه افقدكم يابنتي بقولك وصيه وحطيها امانه برقبتك .. إذا اللون الأسود اشتد في دنيتك وانقلبت كلها احزان وسواد لا تيأسين وتقولين خلاص انا طفشت انا ابي اموت لا تفائلي بأن القادم هو الفجر .. واكثري من سورة البقره بأذن الله ماراح تذوقين بحياتك غير طعم السعاده مافي اجمل من الصبر ..................... تنهدت بضيقه وكملت قراية سورة البقره وهي مبتسمه وكل كلمه وحرف تقراه تفهم معناه .............................. [ في غيابك ماتغير أي شئ .. بس احس إني فاقد كل شئ ] نوره كانت بشقتها وبيدها الجوال وتروح يمين ويسار تنتظر اختها اسيل ترد ردت واخيراً نوره بلهفه : اسسسسسسسسسسسيل اسيل : هلا والله بنوارتي وخيتو وحياتو نوره بصوت مبحوح : اسـ...يل .................... وحشتيني اسيل بحنيه : لا نوره لااا بليز لاتبكين عشان خاطر اختك اسيل لاتبكين ماحب اسمعك تبكين بلييز لاتبكين نوره مسحت دموعها وحاولت ترجع صوتها طبيعي لكن الدموع خانتها : اسيل انا احس إني فاقده كل شئ من بعدكم انتوا .. وحشتوني مووت وحشتوني شخبار امي شخبار ابوي شخبارك كيف اهل الخبر كيف اهلي عطيني اخبار كل العايله اسيل تنهدت : تبين كل العائله يعني عيال خالتي ووآلخ نوره : ايه كلهم من صغيره لكبيرهم اروى وخواتها وعيال خالتي كلهم كلهم كلهم اسيل استعدت : امي وابوي بخير وانا بخير تصادقت مع بنتين بالجامعه اسمهم يارا والجازي مره حبوبين وحليوين ينحطون على الجرح يبرى .. نوره : زييين حلوين , كبار ولا صغار ..؟ اسيل بأستغراب : نوره من متى تهتمين بالشكل والجمال والعمر .. ليكون بريطانيا غيرتك مو انتي الي كنتي تقولين مو الجمال بالشكل الجمال بالروح ومهما كبرت البنت ووصلت الـ 50 ومحترمه وخلوقه اللكل يبيها ..؟ نوره : لا عادي بس الناس الحين يهتمون بالشكل والعمر مايهتمون بالأخلاق اسيل : قصدك انتي صح يانوره ترى انتي قمر والله قمر بس الناس عميان ماناظروك والله ثم والله ثم والله وثلثتها يانوره ماراح اتزوج إلا لما تتزوجين نوره شهقت : لا اسسسيل لو بتتمين تنتظريني اتزوج بوصل الـ 50 ولا تزوجت اسيل : بتفائل إنك بتتزوجين لو وصلتي الـ 100 وبنتظرك نوره : هههههههههههههههه عاد لايكثر .. طيب قولي لي اخبار العائله الكريمه اسيل خبرتها بكل اخبار العائله اخبار اروى وبنتها وشوق وبدر وكيف حياتهم عسسل وساره الي تمثل السعاده مع تركي وهي تحترق من داخل تبي عيال ومو عارفين ليه تأخرت ماحملت ولجين الي تغيرت كثيير وصارت مغروره وريناد وفضيحتها وسفرها للندن وفارس من بعد شوق سافر ولا يدرون عن اخباره وملاك وفيصل وبنتهم ليونه القمر ورائد وشهد إنهم محجوزين لبعض نوره : امم نصف الأخبار تضيق الصدر اسيل : اييه .. اقطعت جمعاتنا وهبالنا ودجتنا احنا البنات وكل وحده انشغلت نوره بثقه : اكيد لأني مو موجوده اسيل : الثقه نوره تنهدت : اسيل زوريني اسيل : ههههههههههههههه ضكتيني ازورك حلوه ذي نوره : بجد اتكلم تعالوا زوروني اسيل : انتي متى الويك اند تبعك ..؟ نوره : امممم الشهر الجاي اسيل : يااربي نوري مشتاقه لك افففف نوره : قلت لك انتو بالكويت إجازتكم بعد اسبوع زوروني بليييز اسيل : طيب .. اوكي نوري تامريني على شئ بسكر نوره بضيقه : لالا اسيل لاتسكرين اسيل : لا والله وراي اقزام نوره : طيب باي اسيل : باي سكرت نوره من اسيل وهي تحس بشوق ولهفه لأختها ودها تضمها تضمها ولا تبعد عن احضانها اول مره تكتشف إنها تعشق اختها لهذي الدرجه دوم بينهم مشاكل وغيره لكن يوم فارقتها عرفت كيف معزتها بقلبها تنهدت بقه وبضيقه تملي هالنهده سحبت الكتاب عندهم اقزام وفاهمه كل شئ ودها تطلع لكن تحس لا طلعت وحده فاجره وصايعه ماتدري ليه لأنها ماتعودت تطلع لحالها تعودت تطلع يا مع اهلها او مع اختها وفوق كذا بالكويت بس يتحجبون والحين فسخته ماتدري ليه تحس نفسها صايعه وفاجره ..................... لجين جالسه بغرفتها وتضحك على سوالف صديقتها مروى دخلت عليها اختها شهد وروعتها لجين بعصبيه ومياعه مو طبيعيه : انتي هييه كيف تفتحين الباب كذا بدون استئذان شهد ببتسامه : انتي مع فيسك ليه كله بغرفتك لجين : اطلعي لأحفل فيك الأرض احاكي صديقتي شهد بخبث : صديقتك .. متأكده ..؟ لجين بعصبيه : شهييييييييد طلعي شهد : ههههههههه طيب طيب طلعت شهد من الغرفه تبي تقول لأختها عن مشاعرها تبي تقول لأختها قد ايش فرحانه وطايره من الفرحه لكن بنفس الوقت خايفه من يوم الملكه الي يوم عن يوم تقرب اكثر واكثر ............................. غدير في غرفتها اول ماتناظر بسام تعطيه نظرة استحقار وتصغير محترمه تخليه ينزل راسه للأرض مايقدر يطالعها بس تستغرب من نفسها تقسي عليه وتستحقره وتصغره وفوق كذا تخاف عليه وتعزه دخلت غرفته وجلست جمبه بالكرسي وهي تشوفه يذاكر وتغير صار يهتم بالدراسه والأول بالبنات غدير بحنيه وحزم : بسام انت اخوي وانا ماسويت الي سويته إلا خوف عليك من الضياع بسام :..................... غدير : انت اخوي الصغير اكيد بخاف عليك صدقني لو ان ديما كان علمت اهلي لكن انا ماعلمت راح استر على الي سويته -وبحزم- بس لو تعيدين غلطتك ماراح اسكت بسام بتردد : انـ....ا...................................... .... ..................................... اسف غدير ابتسمت : بسام اهلي واثقين فيك وحييل بعد ماعطوك الجوال والسياره والفلوس إلا وهم واثقين فيك ماتسوي الغلط كون قد ثقتهم لاتنحرف يابسام ترى بلحظه يمكن تموت وانت ماسويت شئ لأخرتك خاف ربك يابسام خااف بسام :.................. غدير : اوعدني تترك الطريق الي سلكته بسام :........ غدير : اوعدني بسام :............ غدير هزته : بسسام رد علي اوعدني تنهي هالطريق بسام : اوعدك غدير ابتسمت : الحين اقدر اطلع وانا مطمئنه ..؟ بسام هز راسه : ايه غدير : هذي ثقتي فيك ياخوي وطلعت من الغرفه وهي تحس إنها غييير غييييييير كثير عن قبل صارت تحاور وتناقش وتعاقب تغيرت عن قبل ولو تنخطب بتوافق لأن شخصيتها صارت صارمه وقويه وتقدر تكون عندها زوج ومسؤليه وتثبت كلمتها ............................. ام لمى من بعد مانفصلت لمى عن الدراسه وهي كله تصارخ ومعصبه الناس دوم يتشمتون البنت الي مفتخره بجمالها في البيت محد يبيها ام لمى بعصبيه وصراخ : قومي نظفي غرفتك قاعده بس لا شغل ولا مشغله لمى بدلع : مامي شنو انظف في شئ اسمه خدامه ام لمى : قلت لك قومي نظفي جالسه لا شغل ولا مشغه هذي فايدتك بالبيت تكلمين جوال يالله قومي اشوف لمى تأففت ونظفت بدون نفس ام لمى صرخت : نظفي عدل لمى : افففففففففففففففففف خلاص خلاص بنظف بنظف ام لمى : ياليتني ماجبتك .. الله ماعطاني لا زوج ولا لد عطاني بنت الله يخلف علي ياليتها بنت سنعه وعدله بنت منفصله وجالسه بالبيت لا تنخطب ولا احد يبيها بعد الي سويتيه بعرس بنت خالك لمى بعصبيه : بالطالعه والنازله لازم تجرحيني وتذكريني اني مادرس واني دمرت عرس لميسوه ام لمى : جرحتك لا صراحه عندك احساس ليه ماحسيتي يوم دمرتي عرس بنت خالك واهنتيها قدام اللكل ولا الأحساس تو نزل عليك من السما لمى : ابد لاتخافين خذت حقها وزياده بعد هذه قعدتني في البيت بأمر من ابوها وهي عايشه ومبسوطه ام لمى : تستاهلين انتي الي سويتيه اكثر لمى : لا والله مافي اكثر إني اجلس بالبيت ولا كملت دراستي ام لمى : في اكثر إنك تهينين وحده وتجرحين كرامتها قدام الناس وبكوشتها تهينينها وتبكينها لمى : اووه ماما ليه تغيرتي ليه صرتي تدافعين عنهم مو انا بنتك مو انا دلوعتك ام لمى : ياليت لميس بنتي ترفع راسي لكن انتي تنزلين الراس .. كنتي دلوعتي لكن فشلتيني قدام الناس ولا عدت افتخر فيك لمى اول مره تنجرح جرحتها كلمة امها " ياليت لميس بنتي .. تنزلين الراس .. ماعدت افتخر فيك" ثلاث طعنات من امها غمضت عيونها قبل لاتنهار وتبكي وركضت لفوق ام لمى تغيرت كثيير صارت ماتشتهي بنتها الي كانت تدلعها وتموت فيها وتعشقها .. لأنها نزلت راسها كل ماتروح بيت احد إلا يفتخر ببنته والي دارسه ماجستير والي مخلسه ماجستير ودكتواره والي تقدم على بروفسوراه والي والي والي وهي بنتها منفصله من المدرسه وجالسه بالبيت وكل مانخطبت سألوا عن دراستها وسمعتها واخلاقها شينه عند كل الناس اول مره تكتشف إنها بجد ماعرفت تربي ............................... في المدرسه اللمه والهبال والدجه نسسوها نسوا ايام الطفوله والأيام المليانه بالوناسه والمغامرات والأكشن اليوم تنعاد ساره وسجى ورزان والطاف وروند ونهى جالسين بمكانهم المعروف ورى المدرسه والشيبسات والشوكلاتات والكولا والماكنتوش وحلويات جواهر وكرسبي كريم والمعجنات وووآلخ متحاولينها وضحك وسوالف فقدوا هاللمه الحلوه فقدوا هالصحبه الي انقطعت فقدوها حيييل روند : في محشش يقول قصيده : جلست اعد النجوم والشس تصقع فيني .. هههههههههههههههه البنات : ههههههههههههههههههههه رزان : من جد ذا محشش مهستر وش يحس فيييه الطاف : من جد اجل بالله من العقل نجوم وشمس كيف احطهم بجمله مفيده نهى : مالاداعي جمله مفيده خلاص هذي قصيده جمله الطاف : اهنييييييييييييه على القصيده صراحه يصلح بشاعر المليون ووووآلخ وتعليقات وضحك على المحشش ساره تشاركهم بالسوالف تضحك وتستهبل وتهبل فيهم بمقابلها وسجى الي كانت تداوي جروح صحباتها وتطبطب عليهم الحين محتاجه من يداوي جرحها ويطبطب عليها هم بحاله فقر مايعلم فيها إلا الله ديون وحالتهم حاله ساره مهستره على الأخر تبي تضحك تبي توسع صدرها ماتبي تفكر بالعيال تبي تعيش الحياه بحلوها بمرها تبي تودع ايام الحزن تبيه يكون من صفحات الماضي الي بتطويها وبتبدي صفحات بيضه خاليه من الماضي مليانه بالحاضر سجى كانت تبتسم مجامله الطاف كانت تشرب مويه ونهى قالت شئ يمووت ضحك والماء بفمها بدون ماحست طشرت الماء وقبالها روند روند نقزت : وععععععععععععععععععع يالمقرفــــــــــــــــــ ـــــــــــــه الطاف حطت ايدها على فمها : ههههههههههههههه كله من نهى نهى تخصرت : ياسلام رميتيها علي مين الي طشر المويه انا ولا انتي الطاف : انتي ليه نكتي نهى : اولاً انا مانكت ثانياً انتي طشرتي ولاترمينها عليي ساره فجأه بصراخ وحماس : اليوم مباراة الهلاااااااااااااااااااال والنصر على كاس ولي العهد نقزت رزان بحماس : اييييييييييييه حنا هلاليات صفقوا ساره ورزان والطاف ايدينهم ببعض وصرخوا بحماس ونهى وروند يشجعون النصر ساره ورزان والطاف : ياهلاااااااااااااال ياهلال زعيييم والله زعيم نهى وروند : يانصصصصصصصر يانصصصر عالمي والله عالمي رزان سحبت سجى من ايدها : سجوو وشفيك مكشره مو لايق عليك التكشيره سجى ابتسمت بصعوبه وغصب عنها رزان : يالله عاد سجوو ابتسمي مو لايق عليك ابداً التكشيره سجى غمضت عيونها وابتسمت ببتسامه حييل كذابه ساره بحنيه : سجوو قلبو ترى الفلوس مو كل شئ بالدنيا والله ياسجو لو توافقين تاخذين مني فلوس لأعطيتك بس عنيده وراسك يابس سجى : لا شكراً مو حنا فقاره والناس تصرف علينا اخوي وابوي بيتصرفون والحمدلله حالنا تحسن ساره : طيب ليه مكشره سجى بشوية حزن : لأننا مرينا بحال مايعلم فيها إلا الله مرضنا وتحملنا المرض لأن ماعندنا فلوس للعلاج والدواء بعنا بيتنا وسكنا بشقه حقت هنود بالخراب بعنا سيارتنا كل شئ نمتلكه بعناه كل شئ .. الحين عرفت قد ايش الفقاره كيف يعانون وحنا مستمتعين بالفلوس ولا بحاسين بشئ وهمنا الكبير الفلوس اللكل سكت ولا تكلم سجى : لاتسكتون فلوها ماعليكم مني البنات تحول سكوتهم لإبتسامه وبدوا ركض واستهبال وضحك والحين بتكمل لأن سجى معهم واكتملوا محد بينهم متضايق وحزين لكن الله يعلم وش بالقلب ........................... رزان ~~< العمر : 18 .. في ثالث ثانوي .. راعية ضحك ووساعة صدر وهمها توسع صدرها وتعيش الحياه بدون الحزن .... نحيفه وقصيره وجهها قمر ملامحها سوريه شعرها مقصصوص طبقات لنصف ظهرها وجنان عليها انفها طويل وحاد وشفايفها صغار فوشيه وعيونها ناعسه الطاف ~~< العمر : 18 .. في ثالث ثانوي .. خفيفة دم ومهستره وعايشه الحياه .... جمييله طويله ونحيفه مثل العارضات ازياء بشرتها صافيه وعيونها وساع عسليه لونها رمادي وانفها صغير وحاد وشفايفها صغار ومليانه وشعرها قاصته فكتوريا لونه شوكلاته كثيف وناعم روند ~~< العمر : 18 .. ثالث ثانوي .. رقيقه وفيها شوبة دلع بنت اغنياء الخبر فلوس ولعب ومن بلده لبلده ماخلت بلده ماراحتها ولا مؤتمر ماحضرته ولا صالون وراحته ولا نادي صحي راحته تحافظ على رشاقتها طويله ونحيفه مثل العارضات ازياء بشرتها بيضا ومن كثر البياض فيها حموره شفايفها صغار فوشيه صارخه مايله للأحمر وانفها صغير وحاد وعيونها ناعسه وعسليه وشعرها طويل لنصف ظهرها لونه اسود كثيف وناعم نهى ~~< العمر : 18 .. ثالث ثانوي ... حبوبه ومتواضعه رغم الطبقه الراقيه الي تعيش فيها بنت عز وتهز لانطقت نهى ولا نطقت العائله اللكل عرفها بريئه وعفويه بتصرفاتها وجهها طفولي ملامحها طفوليه كل شئ فيها حاد انفها صغير وحاد شفايفها مرسومه بحده صغار فوشيه وعيونها وساع وعسليه مكحله وشعرها طويييل لونه اشقر كثيف وناعم ........................... لميس تتمشى مع ارجوان وتقولها عن حياتها مع سعود وكيف عسل لميس : وذاك اليوم دخل وفاجئني مسوي لي سوبرايز جايب لي هديه ارجوان بحماس : جد .. ششنو ..؟ لميس : حزري فزري ارجوان : يلا عاد بلا سخافه لميس ششنو جاب لك ..؟ لميس بدلع : الماس ارجوان : واااو .. يالخطيره شكلك مهبله فيه لميس وهي تحرك خصلات من شعرها بدلع : اييوه وانا الي ناظر بشكلي وجمالي كيف مايتهبل ارجوان : يالواثقه انتي .. والله وتغيرتي وصرتي مغتره بنفسك وواثقه كثييير لميس : ياحلوه كيف ماغتر وانا اسمع كلام حلو كل دقيقه ويرفع الراس والمعنويات ارجوان : اووخص لميس ابي ابي لميس : هييييييه شنو تبين ارجوان : هههههههههههه هبلتيني على الزواج يالحماره لميس : ههههههههههههههههه خلاص روحي لخطابه واعرسي ارجوان تخصرت : ياسلام ليه شايفتني معديه العشرين وانا مدري لميس : انا ادري عنك اغلب بنات الثانويه يامحجوزين او مخطوبين بس مو مثلي مالت على طول تزوجوا ارجوان : لميسوه تذكرين كلامك وغرورك الأول وكيف تقولين بمشي كلمتي واذا ماتمشي كلمتي مابيه نملك وبعدها لما اخلص ثانويه نتزوج والله إنك ولا شئ قلتي كلام هنا وطلع من هناك وتم الي ماتبينه لميس ببتسامه : شفتي إن قلبي طيب ارجوان : إلا والله ماعندك حتى نصف كلمه تمشينها لميس بققت عيونها : انا يالحماااااره ارجوان : لاااا انا ايوه انتي لميس : مالت بس مالت انا الغلطانه الي امشي مع وحده سامجه وساذجه مثلك ارجوان : روحي احد غاصبك تمشين معي ولا تحسبيني مشفوحه عليك مشت لميس ينقال زعلانه وارجوان لفت وهي تضحك تعرفها لميس بترجع لها ............................... في الجامعه شوق ضمة صحباتها جوري ورنيم وروان وودعتهم وقبل لاتطلع صادفة لجين بتدخل الجامعه وهي متحجبيه والنظاره الشمسه الفخمه لابستها وكانت جذابه بطلتها وهيبتها شوق وهي تأشر لها بيدها المزينه بالمناكير الأحمر الصارخ : لجييييييييين لجين ناظرت بشوق بطرف عينها وكملت مشيها شوي إلا قرباااااااااااااااع طاحت على الأرض وطاحت شنطتها والبنات الي برا انواع الضحك شوق راحت لها : هههههههههه شفتي كيف طحتي لأنك سحبتي علي سيفون ساعدتها توقفها لكن لجين سحبت يدها منها بقوه : وش تبين انتي ..؟ شوق ببتسامه : بنت خالتي وفوق كذا صديقتي وجايه اسلم عليك واسأل عن اخبارك لجين بأحتقار : انا ماكلم وحده عذبت قلب اخوي شوق تنهدت : يالليل مع اخوك هالي صار له حس وعلم خلاص تطلقنا وانتهى كل شئ وانا تزوجة والحين حامل وماعاد له وجود بحياتي لجين : انتي ماعاد له وجود بحياتك لكن هو بالنسبه له انتي بتضلين كل حياته وهو بعدك ولا شئ شوق : لجين هو مشكلته انا ماضربته على ايده وقلت له طلقني هو بنفسه طلقني طفش مني لأني انسحرت لكن بدر حبيبي وزوجي الله لايحرمني منه هو الي صبر علي ووقف معي بمحنتي الي مايعلم فيها إلا الله لجين : ايه مو هو الي سحرك بحركه منه يفك السحر ياحلوه هذي لعبه من بدر اذا ماكنتي تدرين ادري شوق بعصبيه : لجين لهنا وبس كل شئ ولا زوجي تغلطين عليه لجين بأحتقار وهي تلبس النظاره : ماخربط ولا اغلط متأكده من كل حرف وكلمه نطقتها مشت وصدمت كتفها بكتف شوق .. شوق مصدومه مصدومه مو قادره تفسر كلام لجين نفضت راسها بقوه : ( كذابه كذابه هذي لعبه جديده هي واخوها هم يبون يفرقون بيني وبين بدر هم حاقدين علينا هم حاقدين كذابه كذابه ) ناظرت بسيارة بدر الهمر وراحت لها وركبتها وهي سرحانه وبالها وفكرها مشغول لبعيييد بدر : ياهووه شوق اقولك شخبارك شوق بأرتباك : هـ..اهـ...بـ..خـ..ير بدر : عسى ماشر وشفيك مرتبكه ..؟ شوق ناظرت بعيونه ونفضت راسها بقوه : ( لا كذابه لجين كذاابه هالعيون المليانه بالحب والصدق مستحيل تسحرني وتعيشني بعذاب كذاابه ) بدر : شوق وشفيك ..؟ شوق ابعدت النظر عنه واشغلت نظرها بالمناكير : مافيني شئ بس سرحانه بدر : الي ماخذ البال يتهنى به .. مين الي ماخذ بالك ..؟ شوق ببتسامه : فيك بدر : تسلمين ليه والله انتي ياكل حياتي شوق ابتسمت اكثر لا مستحيل تصدق كلام لجين راح تنساه ولا تفكر فيه لأنه كذب .......................... اريج بصراخ وعصبيه : انا خلاص طفشت طفشت من هالحياه طلعتني من الجامعه وهجدتني بالبيت اربي واكنس وانظف واغسل واطبخ ... - ولمعة عينها بحزن ودموع - انت ماخذ زوجه مو خدامه ريان انا من شروطي اكمل دراستي كل البنات يكملون دراستهم ويتخرجون ويرفعون الراس إلا انا ريان بهدوء عكس صراخها وعصبيتها عنده قاعده إذا هي معصبه هو يكون هادي ومروق عشان تنحل الأمور بالتفاهم اما هو معصب وهي معصبه وهو يصارخ وهي تصارخ عمرهم ماراح يوصلون لحل ريان بهدوء : يا اريج ياحبيبتي انا موافق تكملين دراستك لكن العيال انتي تشوفين يسمح الوضع إنك تكملين واوقات الجامعه متخربطه راح تتعبين وامك مو فاضيه تمسك بنتك لأنها بنتك انتي مكلفه فيها اريج : ماعليك لا مني ولا من بنتي انا احلها ويا امي لكن بنتك ماعلي منها ريان : طيب هذا انا معك بنتي وانا اتكفل فيها انتي عليك ببنتك .. تصدقين يا اريج اذا قلتي اشواق بنتك ولا قلتي بنتي شموخ تحسسيني إني شخص غريب ماعرفك مو زوجك .. اريج : ايوه مو بنتي بنتك ريان غمض عيونه يمسك اعصابه لأنها بدت تتلف : اريج حنا متفاهمين منذ مبطي إن اشواق وشموخ بناتنا اثنينا احنا انينا بنربيها اريج صارت تهز رجولها بالأرض : هي يتيمه مو يتيمة الأب يتيمة الأم وانا وحده عندي بنت ولا راح اكون ام ليتيمه راح اكون ام لبنتي وبس تلفت اعصابه وكف قوي ينطبع على خد اريج ريان بعصبيه : اليتيم يتيم الأب مو يتيم الأم .. ولا اسمح لك تقولين عن بنتي كذا الله ياخذ الذل الي مثل كذا هونا مانبيك تكونين امها واصلاً انتي ام الله يعين شموخ عليك كانك بتعذبينها وبتذلينها لأنك امها ولأنها تنطق وتناديك بكلمة ماما اخذ شماغه وراح بيفتح الباب اريج ركضت مسكت يده وقالت برجا : لاتطلع لاتتركني انا اسفه انا اعترف إني اخطيت وزعلتك اشواق وشموخ بناتنا اثنينا لاتطلع وانت زعلان ريان سحبت ايدينه منها بقوه وعصبيه : لمتى ولمتى حنا عايشين كذا نتهاوش عشان العيال وتجين بعدها وتعتذرين وتوعديني ماتعيدينها وبعدها تعيدينها لمتى بنتم كذا -بصراخ- لمتــــــى اريج نزلت راسها للأرض وغمضت عيونها : ريان انا مو اكره بنتك انا اغار لأنها من بنت زوجتك القديمه ريان اخفى الأبتسامه الي كانت بتخونه وبتطلع لأن اريج تغار عليه : تغارين والله زين اريج : ليه انا مو بنت مو حالي حالي البنات اغار واحب وابكي واتألم وانكسر ريان بتهديد : هالمره جات على كف المره الجايه على ضرب والأخيره على طلاق اريج ناظرته بصدمه ولمعت عينها بالدموع ريان رق قلبه لها رمى الكلمه بوجهها واكيد جرحتها : اريج مانبي نتمشكل خلاص اوكي اريج هزت راسها طفله قدامه والله طفله باس جبينها وطلع واريج رمت نفسها على الأرض وتكورت وبكت ماتدري وش سبب الحزن الي تحسه ماتدري هددها بالمره الأخيره الطلاق اييه الطلاق لو تتكلم عن بنته بيطلقون بكت اكثر لما تتخيل وهو يرمي الورقه بوجهها ويطلقها ................................. [ تدري وش الي يقلب فيني اوجاعي لا من طرالي فرقاك وإنك لغيري ] ............... في امريكا فارس مسند راسه على باب الجدار ورافع رجله على الجدار ويناظر من البلكونه الناس تحت والي رايح والي جاي هز راسه بقوه لكن مو قادر ينساها ثورة وجع وحقد تملي قلبه لما يتخيلها مع بدر تضحك وتسولف وهو يحترق من داخل رفع جواله ودق على اخته لجين عطته مشغول استمر بالدق لحد ماردت لجين بعصبيه : خلاص مارديت علييك لاتدق وتزعجني فارس : طيب طيب .. وش سويتي مع شوق ..؟ لجين بخبث : قلت لها فارس بحماس : شنو قلتي لها ..؟ لجين : قلت لها إن بدر الي صبر وعالجك هو ساحرك وبحركه منه يبعد السحر عنك فارس : وش تعابير وجهها ..؟ لجين : انا تركتها على طول بس التفت وشفتها واقفه ومصدومه فارس بنشوة انتصار ضحك : ههههههههههههههههههههه اختي حبيبتي والله تربيتي لجين : ههههههههههههه افا علييك اعجبك فارس : ابيك تخلينها تشك فييه طيب يالجين -وبضيق- ابيها تذوق طعم الضيق الي ذوقتني إياه لجين : ولا يهمك ودامني اختك نام وانت مطمن أني بعيشها بقلق وشك مو طبيعي فارس : عفيه والله عفيييه ولك مني احلى هديه لا رجعت للخبر لجين : إلا جد متى بترجع ..؟ فارس : بعد يومين لجين بلهفه : جد فارس : ايه وربي بعد يومين لجين : واااي قد ايش اشتقت لك .. على اي مطار بتنزل ..؟ فارس : الكويت لجين : جد اجل بنستقبلك هناك فارس : اوكي طيب انا بسكر والله الله بالأخبار الزينه لجين : اوكي .. سلالام ...................... الساعه 1 الظهر اشتدت الشمس وشهد تحتري ابوها او السايق يجي ياخذها ولا جاء ولا احد منهم مبين ساره توها طالعه راحت لها : شهوود شهد التفت لها : هلا ساره : مارحتي ..؟ شهد : لا مدري من زمان احتري السايق او ابوي ولا جاء منهم باين او جاي ساره : تعالي اخوي رئود جاء خذني شهد بس سمعت اسمه وقفت محلها مجمده ساره جرتها من يدها : يالله عاد بلا سخافه وحيا انتو قريب وتتزوجون وصلوا للسياره ورائد كان بالثوب والشماغ والعقال والنظاره الشمسيه الفخمه والسكسوكه الي عامله له شكل رهيب وكان جذاب ركبت شهد ورى وساره قدام ساره : السلام شهد بصوت خافت اشبه بالهمس : السلام رائد رق قلبه لصوتها : وعليكم السلام ..................... شخبارك شهود ..؟ شهود شوي وتذوب هي متعوده يناديها دوم شهود بس هالمره تحس معناها غير منه غيير عن قبل الأول عن ميانه الحين عن حب : بخير وانت ..؟ رائد : دوم انا تمام بشوفتك يالقاطعه مانشوفك شهد بنعومه : مشغوله بدراستي رائد : الله يوفقك ساره بخبث : ترى انا موجوده رائد : ادري انك موجوده وشابع بعد منك ساره : هااااااااه انا احد يشبع مني رائد : ايه انا ساره : مالت بس مالت لايسمعك بس تركان رائد : الا متى بيرجع ساره : بكره او الي بعده رائد : وش عنده بالكويت ساره بغرور : تعرف زوجي شخصيه مهمه بالمجتمع عنده شغل بالكويت رائد : لا تخقين بس وانتي تتكلمين عنه ساره : تصدق عاد انا ماعمري افتخرت بأحد مثل مافتخرت فيه رائد : افاا وانا ..؟ ساره : امم نص ونص رائد : شفتي شفتي ياشهود ماتفتخر بأخوها شهد ابتسمت وسكتت ساره : يالخجوله بعد انتي إلسانك في بيت اهلي يوصل لسابع بيت وهنا خجلانه شهد ضربتها من ورى بالكرسي ساره : آآآآآآه خلاص شهيد ووجع هذا زوجك لاتضربين شهد تسب بساره بداخلها وودها تقوم وتقطعها بأسنانها بهمس من ورى ساره : اسكتي لأدوس ببطنك ساره بخبث لرائد : رئود رئود شهود ترى تستحي منك تقولي اسكتي لأدوس ببطنك الله يعينك عليها تراهي راعية تدوس بطن رائد : ههههههههههههههههههاي شهد شوي وتصيح من الخجل والذوبان وصلوا لبيتهم وقبل لاتطلع وتسكر الباب قالت : مع السلامه ساره : بااي يالخجوله سكرت شهد الباب ودخلت البيت وهي حدها خجلانه وودها ترقص من الفرح باست راس امها ويدها شهد : وين ابوي ..؟ ام فارس : عنده شغل .. إلا مين جابك ..؟ شهد ببتسامه : ساره بنت عمتو مع اخوها رائد ام فارس : اهااا ................................. ليان صارت تحبي فيصل فتح ذراعيه لليان وجاته تركض ورفعها بيدينه وهي تضحك وتتبسم فيصل عض خدها : باكلك باكلك ياعسل انتي والله ليان : ههههههههه ملاك جات وبيدها الرضاعه : فيييصل لا حرام علييك لاتعضها فيصل : ههههههه باكلها باكلها هذي بنتك تجنن ملاك بغرور : على امها فيصل : الثقه ملاك اخذتها من فيصل وحطتها بالسرير وحطت الرضاعه بفمها وهي رافضه ملاك تأففت : اففف منك ياليان ارضعي .. عنيده على ابوك فيصل : انا عنيييد بالعكس اسألي عني امي كنت مطيع تقول ملاك : اييه واضح فيصل : طيب وإذا طلعت عنيده عسسل على ابوها ملاك : إلا والله بتتعبني معها فيصل راح لليان وقال : ارضعي حبيبتي ليان ابتسمت ورضعت فيصل بأنتصار : شفتي شفتي هي تحبني وماتحبك ملاك تخصرت : لا بس انا الأصل فيصل : هاهاها واضح واضح يوم قلتي لها رضعي رفضت ويوم قلت لها وافقة دليل تحبني وشوفتي تفتح النفس وشوفتك تسد النفس ملاك : اقول بس لايكثر هرجك فيصل : مقهوره ملاك : انقهر عشان بزره بتكبر وتعرف مين الأغلى انا اكيييد فيصل : نشششوف ملاك جلست على الكنب بأسترخاء ومدت ايدها للجالكسي وبدت تاكل وهي تتلذذ فيصل سحبه منها واكله ملاك تخصرت : ياسلام والله فيصل : يفداني ملاك : كيفك عيني عليييه وبيجيك شئ فيصل رماه عليها : لا هونا اجل مانبيه ملاك : ههههههههه ايه احسن توفر فيصل ينقال زعلان : يعني مستخسره علي قطعة جالكسي ملاك رمت عليه قطعه : خلاص كسرت خاطري خذ فيصل : لا سلامة قلبك مابي منك شئ اخاف مجامله وعينك عليه ملاك : ههههههههههههاي لالا من مابيه اصلاً تصدق يوم قلت ابيه حامت كبدي فيصل سحبه منها : يكون احسن ملاك : ماالت .................................... ريان راح للمكان الي يحبه مايحبه لكن في إنسانه خلته تحبه هي أشواق طاريها يكدره تنهد نهده طوويله نهده مليانه ضيق اشواق هي كانت كل حياته والحين اريج لكن اشواق غير عن ارييج اقل جمال من اريج لكن بنظره ملكة جمال طباعها احلى من اريج إذا زعلت او عصبت تكتم ولا تفجره بلحظه تكتمه وتفجره بينها وبين نفسها حبوبه كثير اما اريج زعوله وتعصب وتفرغ عصبيتها فيه لو كان هو ولا لغيره تفجرها بوجهه مشكلته الي يعاني منها إني يقارن بين اشواق واريج وثنتينهم طباعهم وشكلهم غيير مايجون ولا يتقارنون ببعض غمض عيونه اشواق ماتت ولازم الحب الي قلبه بعدها يموت وتحتل مكان القلب اريج وبسس مايترك مجال لأشواق تحتل مكانه بقلبه ويبقى حبها بقلبه له ذكرى وذكرى مؤلمه يحس اشواق هي الزوجه الي كان يبحث عنها لكنها تركته اريج غير طبعه غيير كثير لكنه يحبها بس مو بمكانة اشواق ريان : ( احترم نفسسك ياريان هذي زوجتك ام بنتك -بسرعة البرق- وكمان اشواق ام بنتي .... لكن اشواق ماتت والعايشه اريج وهي الي لازم تملك هالقلب مايملكه لا اشواق ولا غيرها ) ليه يدور الأشياء الشينه فيها ولا يدور الأشياء الزينه لأن اشواق يعتبرها بنظره هي ملاك واريج مستحيل توصل لها لكن اريج هم فيها اشياء زينه هي بنت عز ودلع مرتبيه على الفلوس ماعانت من فقر الفلوس بيوم الألف مثل الريال بيدها تدخل المول وبشنطتها عشر الأف وترجع مامعها حتى ريال وفوق كذا صبرت وتحملت بنتها وبنته وربتهم ولا زعل تترجاه يرضى ولا عمره جازاها بالي تسويه له كان يزعلها اكثر واكثر ................ اريج بنفس حالتها متكوره وتبكي قلبها الرهيف مايتحمل كل هالجفا والقساوه والزعل هي خايفه تفارق ريان والسبب بنته .. تبي تشك تبي تفضفض لكن لمين تفضفض جات ببالها اختها منال وركض للتلفون رفعت السماعه ويدها ترتجف بعد ثلاث رنات ردوا اريج بلهفه : الووو : هلا اريج : الوو سامو وين منال ..؟ سامي : منال فوق اريج انبح صوتها وصار اشبه بالهمس : نادها بسرعه سامي ماسمع وش قالت : وش تقولين ..؟ اريج علت صوتها بقد ماتقدر : ناد منال ابي احاكيها سامي : اريج وشفيك ..؟ اريج ودها تطلع له بالسماعه وتذبحه مالها خلق تتكم تبي منال بسرعه :............ سامي : الوووو اريج وهي تمسك اعصابها : لايكثر ابي منال سامي : طيب طيب لايجيني كف بسس -وبصوت عالي- منااااااااااااااااااااااا اااااااااااااااااااال منال من فوق : نعـــــــــــــــــــــــ ــــــــــــــــــــم سامي : تعالي تلفووووووووووووون منال نزلت تحت : مين سامي : اريج منال رفعت السماعه وردت : الوو اريج بلهفه : مناال منال : وشفييك ..؟ اريج بضيق كاتم انفاسها : تعبانه وضايقه يا اختي ضايقه .. انا تعبانه والله تعبانه انا ماتحمل كل هالضيق والمصايب انا اتمنى لحظات اني اموت ولا اعيش بهالجفا والقساوه والمشكله اسامحه منال : مين تقصدين اريج تنهدت بضيقه : وفيه غيره سبب احزاني ودموعي ريان فيه غيره .. والله ذبحني وربي بنته جعل .. استغفر الله هي يتيمه مابي ادعي عليها هي سبب كل شئ سبب الخراب والله حياتنا بدونها اهون وعايشين بسلام وبس دخلت خربطتنا فوق تحت منال : لييه وش صاير ..؟ اريج : ابي اكمل دراستي مابي اجلس بالبيت انا لييه عمري طقيت الخمسين وانا مادري -بكت- ...................................... صديقاتي كلهم يدرسون إلا والله يامنال اني صغيره والله لهالدرجه العيال تخلي الواحد يحس إنه عمره خمسين وهو توه ماعدى العشرين منال : اريج هذا اختيارك وانتي تحملي انتي ولميس صدقيني بتتعذبون لو مخلصين دراستكم وتزوجتوا اريح لكم اريج : لاتزيدينها علي يامنال لاتزيدينها والله الي فيني مكفيني هو مكمل دراسته ويداوم ومرتاح وانتي يالحماره يالزوجه ربي ونظفي وكنسي وغسلي وبس هذي شغلتك واكلي تبن ولا تطلبين هو اصلاً متفضل علييك منال : ههههههههههههههههههههههه اريج بعصبيه : ماقلت نكته انا منال : تصدقين ارييج احسك كلك على بعضك نكته اريج : لييه ..؟ منال : مادري كذا بقولك شئ لاتزعلين انتي لو عشتي العيشه الي عشتها عيشه مايعلم فيها إلا الله وعذاب آآه من عذاب والله جد لحظات افكر انتحر وانتي بس مجرد مشاكل تحصل بين كل الأزواج تبكين وتتزعلين وتعملينها مشكله كبيره اريج :................ منال : اقول بس ترى الشيطان يوسوس عليك وريان يحبك ومافي مثله انتي بس حافظي على زوجك وعيالك وبيتك وخلاص اريج :............. منال : انا بسكر تامرين على شئ اريج : ويين ..؟ منال : ماعندك عيال ..؟ اريج : اوكي باي سكرت منال من اريج وهي تضحك على اختها مهما كبرت تحسها طفله كيف لميس تعتبرها طفل بالمهاد خواتها دلع مايتحملون ناظرت بسامي الي كان يناظر التلفون لكن اذنه مع اخته منال وواضح اريج تتشكى لها تنهدت منال نهده طويييله مليانه ضيق وصعدت غرفتها ضايقه ضايقه كثييير ................... في المستشفى المستشفى مقلوب فوق تحت ام ريما تبكي ومنهاره وابو ريما يحس نفسه بحلم وطلال يضرب رجله ويدينه ببعض ودقات قلبه تدق بقوه رهيبه ومتعب واقف جمب طلال وحاله مو احسن من حال طلال طلع الدكتور وهو وجهه مايبشر بالخير ابو ريما بلهفه : كيف بنتي يادكتور ..؟ الدكتور هز راسه : للأسف الضربه جات على راسها طلال : يعني كيف ..؟ الدكتور : للأسف فقدت الذاكره شهقه قويه من متعب صداها تردد بكل ناحية بالدور .. ام ريما ضربت راسها بحسره : ياويلي على بنتي ياويلي .. بنتي الوحيده فقدت الذاكره بنتي فقدت الذاكره متعب جلس على الأرض منهار عمر الحظ مابتسم له بيوم يوم امتلكها وحبها فقدت الذاكره ومتى بتذكره وش بيقولها بيقولها كان يكلمها كان بينشر صورها كان يعذبها كان بيفضحها وبعدها حبها وتزوجها وش يقولها وش يذكرها ايش يخلي وأيش يقول طلال كان مصدوم ومو مصدق دخل غرفة الدكتور وقال وهو دمه يثور : دكتور متأكد فقدت الذاكره الدكتور : ايه الضربه على راسها طلال غمض عيونه : طيب كيف احوالها الحين بخير مو بخير ..؟ الدكتور : ماصحت للحين طلال بخوف : بغيبوبه ..؟ الدكتور يطمنه : لا مو بغيبوبه بس بتصحى إن شاء الله بكره طلال : دكتور اختي مافيها شئ الدكتور : اطمنك ياطلال اختك بخير ومافيها شئ بس فقدت الذاكره طلال بضيقه وهو يتذكر ذاك الموقف الي اخته بكت وتمنت تفقد الذاكره وكأن الله لبٌى امنيتها .. في الذاكره ...................... طلال : ريما وش امنيتك ..؟ ريما : بسم الله .. كذا فجأه انت سؤالك داخل عرض طلال : لا جد وش امنيتك حاب اعرف امنيتك واعرف شخصيتك اكثر ..؟ ريما تنهدت : لو اقولك ماتصدق طلال : شنو طيب ريما : إني افقد الذاكره طلال : لييه ..؟ ريما : ماعدت اتحمل قسوة هالحياه ماتحمل جفى هالسنين محد يهمه شعوري اللكل يجرحني من جهه وكني جدار ماحس انا خلاص طفشت من هالحياه وقسوتها وجفاها محد يحبني فيها غيرك انت وبكره انت تتزوج وزوجتك تبعدك عني .. ياليت افقد الذاكره وافتح صفحه جديده خاليه من الماضي الغابر تبعي .................. غمض عيونه بضيق طلال : ( آآه ياريما وهذا امنيتك وتحققت ) .................... دانه شهقت وطاحت السماعه من يدها وهي ترتجف بنت خالها وحبيبتها واقرب وحده لها فقدت الذاكره يعني فقدتها ارتمت على الأرض وبكت سلطان جاء ركض لها وهو خايف من صوت الشهقات والبكا الي ملأ اركان الشقه سلطان : دانه وشفيك ..؟ دانه ارتمت بأحضانه وبكت وبصوت متقطع قالت : ريـ..مـ.....ا.........فـ..قـ.......دت. .....الـ..ذـ ...ا.....كـ.................ر.....ه ماهي قادره تحكي ضاع الكلام بلسانها سلطان : دانه وشفيك ماني فاهم ولا حرف من الي قلتيه دانه سكتت وتمت تفضفض بالبكا والشهقات سلطان احترم رغبتها وانتظرها لحد ماتهدى وتقول له عن كل شئ تركها وجاب لها مويه وسمى عليها وشربها المويه وهي ترتجف سلطان بعد ماحسها هدت : وشفيك ..؟ دانه بضيقه : ريما بنت خالي فقدت الذاكره .. هي صديقتي وحبيبتي وكل شئ فقدت الذاكره يعني نستني وفقدتها نزلت دمعه حاره احرقت خدها من حرارتها دمعة حزن ماقد انذرفت على خدها إلا عشان من يعز عليها سلطان : إن لله وإن إليه راجعون .. لاتبكين يادانه البكا والشهقات ماتنفع استغفري ربك وادعي لها وهذا قضاء وقدر ولا علينا اعتراض بقضاء وقدر الله يادانه دانه : انا ماحد لي بهالدنيا غيرك انت سلطان ببتسامه : إلا لك امك وابوك واخوانك دانه ارتمت بأحضان وبكت بصمت وهدووء ودموعها ملت ثوب سلطان من كثرها ............................. ريناد توها طالعه من دورة المياه "الله يكرمكم" تستفرغ نزلت دموعها بقوه رهييبه ارتمت على بالأرض وراسها على سريرها دفنت راسها بسريرها محد لها تفضفض له .. في الذاكره ........... ريناد بصوت مبحوح : دكتوره انا دوم استفرغ واحس بألم بطني قووي الدكتوره اللبنانيه : اكيد حامل ريناد شهقت : لالا حللي قبل الدكتوره اخذت ابسط جهاز وكشفت عليها وابتسمت بفرحه : الف مبرووك انتي حامل ريناد شهقت ومثل المويه البارده منكبه عليها جمدتها الدكتوره : شو مافرحتي في خبر احلى من الحمل وإنك بتكوني ام وبتحملي طفلك ريناد : مابي مابي ابي اجهضه مابيييييييييييه الدكتوره : استغفري ربك يامدام ريناد في غيرك بيتمنى الطفل وانتي بترفزيه هيك وبكل أسوه "قسوه" لا اجا "جاء" ابنك ع الدنيا وحكيتي لوه أصتك شو بيئول "بيقول" بيزحك ولا بيبكي وبيتمنى إنو ما أجا على هاي الدنيا ريناد : بس يادكتوره ابوه قااسي قااسي وجافي ومايحس كيف بيربيه الدكتور : كتير ابهات أسين "قاسين" وجافين وجامدين ومن حجر ومابيحسو وربوا انبائن احسن تربيه وبتشوفيون بأحسن الأخلاق والتربيه انتي ربيه إذا ابوه مارباه الأم مدرسه يامدام .............. كلمة حامل تتردد ببالها ومستحيل تنساها بكت بألم وبقووه هي حامل ومن مين من راعي الخرابيط عبدالله عمرها ماذاقت طعم الفرح ماتعرف غير طعم الحزن محد من اهلها وقف معها بعز ضيقاتها كلهم ابتعدوا عنها وتبروا منها وحذفوها من قائمة العائله لهالدرجه باعوها لهالدرجه اهتموا بكلام الناس اكثر من ماهتموا ببنتهم ومشاعرها .......................... | ||||||||
|
| |
|
24-06-19, 07:33 AM
| #57 | ||||||||
| مراقبة عامة ومشرفة منتدى الروايات المنقولة
| في المكتبه شذى للمحاسب تقول : لو سمحت : نعم شذى : ابي كتاب حق اختبار القدرات اشر المحاسب على الجهه الي فيها الكتاب شذى ابتسمت : شكراً وراحت للجهه الي اشر عليها واخذت الكتاب وحاسبته وطلعت من المكتبه وركبت السياره رن جوالها برنه عرفت صاحبتها شذى : هلا ندوش دانه بصوت مبحوح : شذى دقيت على اهلك مايردون حبيت اخبرك إن ريما بنت خالي يوم طلعت من الجامعه صار لها حادث وفقدت الذاكره شذى شهقت : شنوو دانه : شذى بلييز الي فيني مكفيني لاتزيدينها خبري امك ودلال .. هي بمستشفى سعد التخصصي طوووط طوووط طوووط شذى ناظرت بالجوال بعدم تصديق وبأمر للسايق : ودني للمستشفى سعد التخصصي السايق : اوكي مدام انطلقت السياره لمستشفى سعد التخصصي ربع ساعه ووصلوا نزلت من السياره ورفعت جوالها بتدق على دانه تسألها عن رقم الدور والغرفه ومنزله راسها وتمشي بسرعه وارتباك صدمت بشخص وطاح جوالها الشخص ابتسم ورفع جوالها ومده لها شذى ماتبي ترفع عينها خاايفه : شذى شذى تعرف نبرة هالصوت وحفظتها زين رفعت راسها وناظرت بعيونه وبأرتباك : سـ..و..ري ..... مانتبهت كنت منزله راسي : لا عادي .. اكيد جايه عشان اختي ريما شذى : ايوه تكفى طلال خبرني عنها كيفها شخبارها ..؟ طلال : الحمدلله بخير شذى : الحمدلله .. طيب هم بأي دور ووين الغرفه طلال : الدور الرابع بس الغرفه يبي لها مشوار على ماتعرفينها تعال اوديك لهم شذى هزت راسها : اوكي يالله مشى طلال ومشت وراه شذى وركبوا اللفت وكان هدووء وطلال بس يناظر فيها هذي بيوم بتكون زوجته طلال ماحب هالهدوء والصمت يطول : شمسويه مع القدرات والتحصيلي ..؟ شذى تنهدت : افففف حالتي حاله والله توني شاريه كتاب للقدرات طلال : الله يوفقك ادعي لك اكثر من ادعي لنفسي .. شذى شذى : لبـيه طلال ببتسامه : شدي حيلك ونجحي عشان نتزوج شذى نزلت راسها بخجل ولعبت بأظافرها الطويله انفتح اللفت ونزل طلال ووراها شذى شذى حست نفسها مخنووقه مخنوقه واجد ماهي قادره تشوف ريما شذى وقفت بنصف الطريق وطلال يمشي يمشي يحسبها وراه حس إنها مو وراه والتفت وناظرها بعييييييد راح لها وهو مو عارف ليه وقفت طلال هزها : شذى امشي وشفيك واقفه شذى لمعت عينها بحزن : مابي جعني بيتنا مابي طلال : وششفيك توك عدله ..؟ شذى : مابي اشوف ريما بهذي الحاله تكفى طلال خلني ارجع بيتنا طلال : توكلي على الله وهي ماراح تعرفك مشت شذى معه وهي مو قادره تشوفها وتحس نفسها شوي وتنفجر شافت برا ابو ريما وابو بدر وبدر وراكان وسلطان ومتعب طلال اشر على الغرفه : هذي الغرفه شذى : طيب دخلت شذى الغرفه ويدينها ترتجف ناظرت بالموجودين ام ريما وام بدر ودانه شذى دخلت وناظرت بريما الي تناظر بالنافذه وكنها جسد بلا روح غرقة عيونها اكثر هي حساسه واجد وقلبها رهيف مايتحمل بكت وضمة ريما وريما تناظرها بأستغراب ماعرفتها مين هي شذى بصوت مبحوح : ريـ..مـ...ا ريما :............... شذى : ريما انا شذى شذى بنت عمتك .. تذكريني ريما :............... شذى رفعت عينها وناظرتها وغمضت عينها ووقفت وراحت لدانه وضموا بعض ثنتينهم وتموا يبكون رن جوال شذى طلعته ويدينها ترتجف شذى : الوو : الو شذى وينك وشفيك تأخرتي ..؟ شذى : يمه ريما بنت عمتي صاير لها حادث وفقدت الذاكره وانا الحين في المستشفى عندها ام دلال شهقت : ياويلي .. طيب قولي للسايق يجي ياخذني شذى : إن شاء الله سكرت شذى من امها وقالت للسايق يجيب امها .... بدر يكلم جوال وابعد عن اللكل وراح بمكان فاضي بدر : الوو : هلا بدر : شوق تعالي انتي واهلك المستشفى شوق : بس انا تعبانه بدر بحده : شوق تعالي اوكي وسكر الخط بوجهها ........ شوق سكرت الجوال ورمته وهي تتأفف بطنها يألمها مو قادره تتحرك ولا شئ رفعت التلفون ودقت على اهلها بعد خمس رنات ردوا : الووو شوق : الوو يمه تجهزوا بنروح نزور بنت خال بدر ريما صاير لها حادث وهي بالمستشفى ام فيصل : لاحول ولا قوة إلا بالله .. وشخبارها الحين ..؟ شوق : فقدت الذاكره ام فيصل شهقت : يالله الله صبر قلب اهلها شوق : ويصبر قلبي .. انا تعبانه ماني قادره اروح وبدر مصٌر إلا اروح ام فيصل : ايه ياشوق بنت خاله وانت زوجته اكيد لازم تروحين وكل يوم بعد شوق : كنها بتعرفني ولا بتذكرني عاد .. يمه يبيني ازورها وهي كانت تتميلح لزوجي وقدامي بعد تسوي حركات لبدر وجمبي ولا تهتم فيني تبيني ازورها ام فيصل : تعوذي من الشيطان ياشوق والبنت تزوجة وعقلت وانسي ولا رحتي انسي كل شئ لأنها هي نست شوق : طيب طيب يقول بدر تعالوا كلكم قولي لأروى وساره ام فيصل : اشوف بحاول معهم إن شاء الله .. الله يهديهم ويجون شوق : يجون غصبن عنهم ام فيصل : شوق بتروحين بهالنفسيه والأخلاق الخايسه شوق تنهدت :......... ام فيصل : تعوذي من الشيطان بس وروحي تجهزي بنمرك الحين احنا إذا جهزنا شوق : طيب سلام سكرت شوق من امها وتروشت ولبست جينز وتشرت كاروهات باللون العنابي الفاتح والغامق والرصاص والأسود والرمادي ورفعت شعرها وحطت قلوس فوشي .................... ام فيصل : اروووى اروى : هلا يمه ام فيصل : جهزتي اروى : لييه وين بنروح ..؟ ام فيصل : ماخبرتك جني إن بنزور بنت خال بدر ريما صاير لها حادث اروى : لا ماخبرتني هالخايسه ذي ام فيصل : طيب انتي متروشه ..؟ اروى : ايه الحمدلله ام فيصل : يالله اجل البسي عبايتك خلنا نروح اروى : طيب هي صاحيه ولا بغيبوبه ام فيصل : مادري بس اتوقع صحت لإنها تقول فقدت الذاكره اروى : يووه لاحول ولا قوة إلا بالله .. طيب رحنا ولا مارحنا هو نفس الشئ ماراح تذكرنا ام فيصل : بس اهلها بيذكرون إن جيناهم يالله بس لبسي عبايتك عشان مانتأخر على ساره وشوق اروى : حتى ساره بتروح ام فيصل : طلبات بدر زوج اختك اروى : طيب يالله جنى نزلت من فوق وقالت لجدتها : ماما بتروحون ..؟ ام فيصل بحنيه : ايه حبيبتي بنروح المستشفى جنى غرقت عينها بالدموع : بتتركوني ام فيصل ضمتها بحنيه : ياحبيبتي ياجنى لاتخافين بتجلسين مع الخدامه شوي ونرجع جنى : لا ماما لاتخليني لاتخليني ام فيصل تنهدت مو عارفه كيف تصرفها : خلاص حبيبتي بنشتري لك كل شئ بينه وش تبين ..؟ جنى : مابي شئ ابي اروح معاك لاتخليني انا اخاف احلم ببابا ومروان تعالي ماما لاتخليني ..؟ بكت وضمة جدتها اكثر : لاتتركيني نزلت اروى وام فيصل وجهت كلامها لها : والله يا اروى مدري اروح ولالا بنتك تبكي تقول لاتتركيني اروى : اقول بس بلا سخافه وخريها بس عنك يالله مشينا ام فيصل : خفي على البنت شوي هي ماتستاهل فقدت ابوها واخوها بنفس الوقت بعدت تفقد حنان امها وهي عايشه اروى : اقول بس يمه يالله مشينا جنى تعلقت بجدتها اكثر : لا ماما لالا اروى اخذتها وبعدتها عن امها : يالله يمه مشينا ام فيصل بعناد : جنى لابسه جزمك ..؟ جنى هزت راسها : ايه ام فيصل مسكتها من ايدها : يالله تعالي معنا بس تجلسين مع خالو رائد في السياره اوكي جنى : إن شاء الله اروى تأففت امها دوم تعاندها وتمشي رأييها وكنها هي امها ........................ شجون وهي تضحك لبنتها كادي الي تلعب بالألعاب ووتتبسم وتبتسم لها وتضحك وكادي تضحك نايمين راما ومالك والصاحيه كادي شجون : حياتو كدوو ليه مانمتي اكثر كادي ردت عليها ببتسامه طفوليه ساحره وذباحه شجون : آآآآآه خلاص كدو لاتبتسمين وربي خليتيني اخق فديت هالأبتسامه القمر سمعت صوت بكاء بسيط وصغير عرفت على طول مصدره هي راما صوتها قصيير بعكس اخوانها ماشاء الله يصارخون لا صاحا تركت كادي بسريرها وراحت لراما وباستها شجون : ياعسل والله انتي صحيتي التفتت لمالك الي نايم بهدوء وشكله جنان وهو نايم شجون ابتسمت ورفعت يدينها : يااارب تخلي لي عيالي ولا تحرمني منهم .. وتعطيهم عمر اطول من عمر الأنسان ياسر من وراها قال : ويارب تخلي لي شجون ولا تحرمني منها وتعطيها عمر أطول من عمر الأنسان شجون التفتت له وابتسمت : بغبغاء تعيد كلامي ياسر : لا مو الظل يتبعك انا مثل الظل ومو الصدى يردد كلامك انا صداك شجون تخصرت : ياسلاااام والله زين خبرتني توني ادري إنك ظلي وصداي شفت إنه بلا شخصيه تمشي وراي وتعيد كلامي ياسر : وافتخر إني امشي وراك واردد كلامك شجون ابتسمت بخجل : بس خلاص خققتني ياسر : هههههههه ................ اسيل جالسه بغرفتها يارايحه ياجايه متوتره وخايفه ماتدري لييه تحس قلبها مقبوض ونفسها مخنوقه هي ماعاشت طعم الفرح من بعد اختها ولا تعرفه نزلت تحت وناظرت بأمها وابوها ياكلون حلا مع قهوه ويسولفون جلست جمبهم وهي تهز رجولها بتوتر ام نوره : يمه اسيل وشفيك متوتره ..؟ اسيل : تصدقين يمه مادري وش فيني احس نفسي متوتره كثيير ام نوره : مافيك إلا العافيه والله اسيل : امممم مدري احس كذا مخنوقه ام نوره : تعوذي من الشيطان وصلي لك ركعتين ونامي اسيل : لييه انام ..؟ ام نوره : بكره الخميس وبنرجع للخبر اسيل : ليه صاير شئ لأهلي ..؟ ام نوره : ليه حنا مانرجع إلا صاير شئ لا بنرجع زياره من زمان مانزلنا للخبر اسيل : اهاا متى بننزل ..؟ ام نوره : الساعه 7 بعد صلاة المغرب تكونين جاهزه اسيل : إن شاء الله صعدت اسيل غرفتها وحست بفرحه تسري بجسمها قد ايش مشتاقه لعيال خالتها اروى وشوق وساره ولجين وريناد وشهد وملاك لو أيام إجازه كان سافرت بريطانيا لأختها نوره وضمتها لحد ماتختنق من بعد ماسافرت نوره ومرت 4 شهور ولا نزلوا للخبر رفعت جوالها ودقت على شوق ماترد ودقت على ساره هم ماترد دقت على لجين بعد ثلاث رنات ردت لجين : الوو اسيل بلهفه : ياهلا و غلا بلجيييين لجين ببرود : ياهلا اسيل : مالت يالتبن انا متلهفه على صوتك وانتي تردين بكل برود لجين : ليه تبيني احيي وارحب بك يالعبده وانتي لك 4 شهور مانزلتي لنا ترى يقوون من تغلى تخلى اسيل : هههههههههههههههه ياربي لهالدرجه تحبوني وفاقديني احم احم لجين : ههههههههه لايكثر بس هرجك يالشينه -وبعصبيه- متى بترجعون وحشتينا ..؟ اسيل : لا لا لجوون ماقدر ترى لهالدرجه مشتاقين لي لجين : اففف انتي مو حلو احد يمدحك يبي لك ذم اسيل : ابشرك بنرجع اليوم لجين : قولي قسسسسم ..؟ اسيل : وقسم بالله بنرجع لجين : فلللله ننام بيت اهلي اجل اسيل : ههههههههههههههههه قولي للبنات لجين بضيقه : اففف شوق ومتزوجه واكيد بترفض وساره وكذلك وملاك وكذلك مافي إلا انا وانتي وشهد اسيل : يووه صرنا قليل الله يقطعهم كلهم تزوجوا مشافيح لجين : من جد .. -وصرخت- صووووووووووووووووح اسيل بحماس : شنوو ..؟ لجين : ساره زوجها مسافر دقي عليها وقولي لها تجي اسيل بأرتباك : لـ..لجين لجين : هلا وشفيك ..؟ اسيل : بسألك سؤال وجاوبيني بصراحه لجين : سألي اسيل : ليه تغيرتي ..؟ لجين : انا تغيرت من أي ناحيه ..؟ اسيل : امم يقولون صرتي مغروره وشايفه نفسك لجين بعصبيه : كلن يقول عني كذا خلاص هذا انا طبعي افف وش عليهم مني اللكل حاط راسه براسي يبي يكسر هالغرور اففف اسيل : لجين بقولك شئ صراحه انا استحقر المغرورين لجين : عادي استحقريني براحتك بس خلي استحقارك لنفسك مو قدامي اسيل : لجين مو قصدي كذا بس انا اتمنى إنك ماتكونين مغروره لأنك بنت خالتي واخاف عليك تكونين منبوذه من بيننا لجين : خليني اكون منبوذه الله يخلي لي صديقاتي اسيل : انتي اصلاً مو ذابحك ومغيرك غير صديقاتك حسبي الله عليهم لجين بعصبيه : اسسيل مارضى على صديقاتي تقولين عنهم كذا اسيل تنهدت : لجين براحتك .. يالله انا بسكر تامريني على شئ ..؟ لجين : لا سلامتك .. بس بسألك امانه حلفتك يا اسيل مين الي قالك هالكلام ..؟ اسيل : انا عرفته بنفسي لأن واضح تغيرك لجين : انتي بالكويت كيف عرفتي اسيل : بأسلوبك تصرفاتك بكل شئ لجين : انا ادري إن احد خبرك بس ياخبر بفلوس بكره ببلاش بدري يعني بدري اسيل : والله محد قالي لجين : محد قالك انا ادري احد قالك شاكه بوحده ولا صار شكي بمحله تصبر علي اسيل شهقت : لا لجييين لاتشكين بأحد صدقيني محد خبرني لجين : طيب طيب صدقتك سلام اسيل : سلام ........................... بـاك ............... في المستشفى اللكل كان موجود وحول ريما وريما ماهي عارفه ولا احد منهم حتى مين هم مو عارفتهم الدكتور ضرب الباب واللكل تغطى الدكتور دخل : احم احم ام طلال : تفضل يادكتور الدكتور مسك الملف تبع ريما وناظر فيها وهي تناظر بالنافذه وسرحانه ولا هي بعارفه وين عايشه ووش العالم الي تعيشه ومين هذيلي حتى الدكتور نفسه يمكن ماتعرف إنه دكتور الدكتور مشعل ببتسامه : لاا اليوم في تحسن في حالتك ريما ناظرت فيها :.............. ام طلال : تكفى يادكتور بشرني عن حال بنتي قولي هي بخير ولالا -نزلت دموعها على خدها بغزاره- هذي بنتي هذي وحيدتي هي بسمتي بهالدنيا هي سبب وجودي شخبارها يادكتور ..؟ الدكتور مشعل ابتسم لأم طلال يطمنها : لا ريما بخير -والتفت عليها- بكره اول جلسه لها نحاول نذكرها بالماض ام طلال : كيف يعني .؟ الدكتور مشعل : كيف وما كيف خليها لنا بس اهم شئ بكره يحضر زوجها وابوها وامها واخوها ونروح لبيتكم الي تعيشون فيه ام طلال : حاضر يادكتور من ايدك هذي لأيدك هذي ... والله يادكتور بدعيلك بكل سجده بصلاتي الدكتور مشعل : افااا يا يمه هذا واجبي وانا ملزوم اعمل هذا الشئ وبنتك بعتبرها مثل اختي الي ماجابتها امي ام طلال : تسلم يادكتور ولك طولة العمر إن شاء الله الدكتور مشعل : لنا ولك - التفت على ريما - شخبارك ياريما كيف حالك اليوم ..؟ ريما بدون نفس : بخير الدكتور مشعل : الحمدلله -أشر على ام طلال- تعرفين هذي ..؟ ريما ناظرتها وحركت حواجبها بأستغراب ماعرفتها ولا فكرت مجرد تفكير تتذكر مين هذي ريما : لا الدكتور مشعل ببتسامه : ماتذكرينها ريما ناظرتها لفتره طويله تتأملها تتأمل كل شئ فيها وجهها ابتسامتها عيونها انفها شفايفها جسمها نحفها طولها ايدها كل شئ لكن ماعرفتها غرقت عينها بالدموع وهي تضرب نفسها لحد ماترجع لها الذاكره وتتذكر كل الموجودين الناس حولها يتشافون لها بالسلامه وهي مو عارفه ولا وحده منهم حتى اسمهم الي يلقبون فيه مو ذاكرته الدكتور مشعل يوجه كلامه لأم طلال : انا الحين استاذن ولا تنسين موعدنا بكره في بيتكم ولازم واهم شئ يكون الأب والأم والزوج والأخ والجلسات الثانيه لكل من يعز عليها ام طلال ببتسامه : إن شاء الله ماراح انسى الدكتور مشعل : فمان الله طلع الدكتور وام طلال ناظرت ببنتها وتنهدت وجلست على الكرسي قبالها دانه راحت لها وقالت وهي تمسك ايدها باليسرى وباليد اليمنى تصب المويه : ريمو تبين اصب لك مويه ريما سحبت ايدها وضمتها لحضنها : لالا دانه : يالله عاد ريموو عشان خاطري ندوش اخذي مويه ريما تموت وتعرف مين هذي بتجننها بتذبحها تدلعها وتدلع عليها بالطلبات وكنها تعرفها ريما : تتمسخرين علي إني فاقده الذاكره إن شاء الله تنحطين بمكاني واتمسخر عليك - بعد فتره طويله - .................................................. ....... من انتي ..؟ دانه تنهدت بضيقه : انا دانه انا بنت عمتك انا اقرب وحده لك انا كاتمة اسرارك انا ندووش -بهمس بأذنها- انا ندووش دانه ياريما دانه تذكريني ريما لفت وجهها للجهه الثانيه بسرحان جلست دانه دلال : لاتضايقين نفسك يادانه فتره وتعدي وتذكر اللكل دانه : مـ..اتوقع .. ماتوقع دلال : استغفري ربك يادانه ارضي بقضاء الله وقدره كأنك انتي تسخطين على قدر الله .. يادانه ادعي لها ادعي إن تسترجع ذاكرتها دانه : إن شاء الله .. دخلوا ام فيصل مع بنتها اروى وشوق وساره ام فيصل بصوت عالي : السلام ام طلال وام بدر وام دلال : وعليكم السلام شوق تقدمت لأم بدر وباست راسها ام بدر ببتسامه : شخبارك ياشوق وين من زمان عنك ..؟ شوق ببتسامه : الحمدلله بخير والله يايمه .. والله تعرفين الحمل والتعب زين قدرت اجي اليوم ام بدر : فيك الخير يابنتي فيك الخير شوق : تسلمين والله سلمت شوق على الباقي وجلست على الكنب والباقي سلموا على اللكل ام فيصل توجهه كلامها لأم طلال : شخبار ريما إن شاء الله بخير ..؟ ام طلال بضيقه : والله تو الدكتور من شوي طالع يقول في تحسن بحالتها ام فيصل : الله يشفيها ويقومها لكم بالسلامه ام طلال من قلب : آمييييين شوق حست بألم قووي بطنها سندت راسها بألم على الكنب وحطت ايدها على راسها وايدها الثانيه على بطنها من قوة الألم غمضت عيونها بقووه والدموع تجمعة بعينها شذى كانت جمبها واستغربت وش فيها : شوق وشفيك ..؟ شوق كانت تعتصر من الألم وصرخت بألم وقوه هزت اركان الغرفه : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآه توجهة أنظار اللكل عليها وناظروها بخوف واستغراب ركضوا لها خواتها وام فيصل وام بدر وام طلال وام دلال والبنات ام فيصل بخوف : شوق حبيبتي وشفيك ..؟ شوق اشرت على بنتها والدموع تنهار بغزاره على خدها .. دقايق إلا وحست الدنيا تدور وارتمت على الكنب مغمى عليها اروى بأمر لساره وخوف : ساعدينا نشيلها يالله حملتها اروى وساره وام فيصل وراهم وام بدر ودانه راحوا معهم والباقي تموا بالمستشفى والخوف ملاهم طلعوا برا بدر بخوف : يمه وشفيك ..؟ ام بدر : مادري ياولدي زوجتك تعبت مادري واغمى عليها بدر تقدم لشوق وابعدوا اروى وساره وحملها بيده وركض فيها لقسم النساء [ الحمل والولاده ] رائد : يمه انتوا اجلسوا هنا مالاداعي حنا بمستشفى واحد لا صار شئ بندق عليك ام فيصل : لالا ماقدر لازم اجي رائد : خلاص يمه قلت لك اقعدي ومشى ورى بدر ودخلوا ام بدر ودانه وام فيصل واروى وساره غرفة ريما وجلسوا واللكل قلقان وكلن بهمه شقى ليله ...................................... في بيت ابو سعود لميس كانت بكامل اناقتها وكشاختها لابسه جينز ابيض ضيق وتيشرت ازرق فضفاض وضيق من على الخصر ومن جهة الكم الأيمن طايح على زندها وباين كتفها ولابسه اكسسوار ابيض وشعرها الذباح متناثر على بشرتها الناعمه والقلوس الفوشي يملي شفايفها الصغيره ديما تهز بغيره من شكل لميس الجذاب الي مافي شبه مقارنه بين بعض ديما متوسطة الطول ولميس طويله ديما مليانه ولميس نحيفه ديما شعرها قصير ولميس شعرها طويل ديما سمرا ولميس بيضا لكن الملامح والدقه نفس بعض بس ديما ملامحها هنديه ولميس اجنبيه لميس : وشفيييك ترى الهز خطر كبير على القل ديما بنرفزه : شئ راجع لي لميس : ( افففففففففف هالغبيه ذي وشفيها بعد يبي لها كف يخليها تحس على نفسها وتحترم نفسها ) ديما : متى بتروحين ..؟ لميس : ليه طفشتي مني ..؟ ديما : لا بس طولتي شكل مو بس احنا طفشنا منك شكل حتى سعود طفش منك -وبسخريه- هههههه لميس ناظرتها من فوق لتحت بنظره مليانه استحقار وعصبيه وقالت بدلع ينرفز ديما : وهـ بس يالبى قلبه سعوود مايطفش مني بس عنده شغل ماقدر يخليني بالشقه لحالي قال بجيبك بيت اهلي يخاف علي يالبى والله كله ديما انقهرت اكثر منها وهزت اكثر والتفتت للجهه الثانيه نزلت غدير وهي مبتسمه سلمت على لميس : كيف الحال ..؟ لميس : تمام وانتي ..؟ غدير : تمام التمام لميس : دووم مو يووم غدير : تسلمين يالغلا جلسوا لميس وغدير يسولفون مع بعض ام سعود جات وقالت وهي نافخه ريشها وبنبرة أمر : لميس لميس : لبـيه ام سعود : تعالي ساعديني بالطبخ لميس بأستغراب : اناا ام سعود : ايه انتي اجل انا .. يالله قومي لميس تنقهر من سلطة ام سعود على اللكل : مو خدامه انا عندك بنات ام سعود : ياسلام والله .. بتقومين ولا بتندمين على كلمتك اسحبيها بسرعه وقومي لميس : لو بقوم مو عشانك مرة عمي عشان بس خاطر سعود ام سعود : عشتو والله لميسوه بنت التجار تعرف تحترم زوجها وتقدره لميس : ايه اهلي ربوني على الأخلاق ام سعود : الله والأخلاق الي ربوك عليها إلا والله ربوك على الخراب لميس تنهدت نهده طويله فيها طولة بال ام سعود : يالله قـ غدير بمقاطعه : خلاص يمه من جد البنت مو خدامه جايه زياره انا بقوم اساعدك لميس وقفت ببتسامه تقهر ام سعود وديما : لا خلاص غدير انا بقوم اساعد امي - وشددت على كلمة امي عشان تقهرها اكثر - ام سعود : ايه غصب عنك بتقومين مشت لميس مع ام سعود وهي تحاول تطول بالها اكثر لشتايم الي بتجيها من ام سعود ديما بأنتصار : ايه عفيا هذي امي ولا بلاش غدير : مبسوطه ديما : وكيف مانبسط وانا اشوف لميسوه تنذل وتقوم المطبخ وحنا جالسين حاطين رجل على رجل غدير : اصحاب العقول في راحه ...... ام سعود بأمر : جيبي الجالكسي بالثلاجه لميس راحت للثلاجه وطلعت الجالكسي ورمته بقوه على الطاوله تفرغ عصبيتها ام سعود بصراخ : انتي هييييه شوي شوي على الجالكسي يالدفشه لميس تنهدت بقووه وغمضت عيونها تعد من الواحد للعشره تطول بالها اكثر ام سعود : انتي هيه لاتغضمين عينك افتحيها ويالله اشتغلي بيجوني ضيوف لميس بدت تشتغل مع ام سعود وهي تحاول تلطف من اسلوبها ام سعود بعد ماخلصت شغل قالت بأمر للميس : جيبي شطافة الماء من الحوش لميس : إن شاء الله طلعت برا لميس وراحت للمكان الي فيه الشطافه وصدمت بشخص طويل ونحيف وجذاب مافي فاصل بينهم جسمها بجسمه وجهها بوجهه انفاسهم قريبه حييل كتفها الخالع بكتفه المغطى بالتيشرت وعيونه بعيونها ابعد بسام بأرتباك : أ..سـ..ف لميس وقفت مجمده بمكانها وهي مرتبكه وترتجف بسام : اسف .. لميس السانها انربط ورجولها انشلت ماهي قادره لا تتكلم ولا تتحرك صوت ام سعود الهزاز وصل لهم : لمييييييس لميسوه ووجع إن شاء الله كل ذا تجيبين الشطافه لميس هزت راسها من صرخة ام سعود واخذت الشطافه وركض للمطبخ وبسام مرتبك وخايف مو قادر يستوعب الي صار كانت قريبه منه حييل حييييييييل اختنقت انفاسه بسبب قربهم من بعض بسام ابتسم بأعجاب : وش ذا كنها ممثله اجنبيه قممر والجسم عارضات ازياء خقق .. قالوا حلوه بس ماتوقعتها بهالجمال والحلاه ... يابختك ياسعود والله ورسيت على وحده خقق لميس دخلت المطبخ تشتغل لكن عقلها مو معها مع الموقف الي حصل لها مع بسام ماتقدر توصف كيف انحرجت وودها بهاللحظه الأرض تنشق وتبلعها بس حمدت ربها بسام ولا محمد ................................ بدر بخوف : بشرني يادكتور كيف شوق ..؟ الدكتور : انت زوجها ..؟ بدر : ايه انا زوجها ..؟ الدكتور ببتسامه : لا تطمن البنت بخير ومافيها إلا العافيه بس شوية آلم تعرف الآم الحمل بدر تنهد براحه : الحمدلله .. يعني الجنين سليم الدكتور : ايه سليم -وببتسامه- مبروووووك بدر بأستغراب : على شنو ..؟ الدكتور : المدام حامل بولد بدر ابتسم ابتسامه عريضه وقال بفرحه مو سايعته : جد يادكتور الدكتور وهو يصافحه : ايه الف مبروك ضم بدر رائد وهم حده فرحان وطاير من الفرحه .... شوق تهلوس : بـدر .. بدر .. يممه .. وينكم تعالوا تعبانه النيرس : مدام شوق شوق التفتت عليها وصحت من هلوستها النيرس : مبرووك الف الف مبرووك انتي حامل بولد شوق ماصدقت وبعدها ابتسمت بفرح : جد النيرس : ايه جد حامل بولد شوق ابتسمت ورفعت يدينها : الحمدلله الحمدلله يارب .......................... ريناد كانت منسدحه على السرير وحاطه يدها على بطنها الطفل الي ببطنها يوم عن يوم يكبر ويوم عن يوم تحس ببطنها يبرز شوي والألم يزيد عينها ماجفت من الدموع يوم عن يوم تزيد الدموع وخدها يحترق بصمت بسبب الدمعات الحاره المستمره دمعة حزن دمعة شوق دمعة فرح ووآلخ دمعاتها مختلطه مره تدمع عينها بالحزن لأنها حامل من واحد نذل ومره تدمع عينها بشوق لأهلها وكيف تمنوا تحمل ومرات دمعة فرح لأنها بتجيب طفل ماهي عارفه كيف تعبر عن شعورها هل هي فرحانه ولا مشتاقه ولا متضايقه دخل عبدالله وفتح الباب بقوه وقال بعصبيه : انتي هيييه وشفيك حابسه نفسك بهالغرفه هااه ..؟ ريناد فزت من قوة فتحت الباب مرتاعه : بسم الله .. في شئ اسمه ذوق واتيكيت اضرب الباب لو سمحت قبل لا تدخل عبدالله : هذا الي باقي تعلميني الذوق والأتيكيت .. لا يكثر بس هرجك وقومي عملي لي اكل مرتب جوعان ريناد : جوعان تبي اكل وانا شبعانه من اللهم وابي فرح عبدالله : لحوووول بتعيد لنا المسلسل الي كل يوم اسمعه ريناد : انت لييه كذا ماتحس انت لهالدرجه قلبك قاسي ومن حجر عبدالله : عاد قلبي وانا حر لو يصير من جماد مالك دخل .. ويالله سوي لي اكل ريناد : انا تعبانه ومقدر اعمل لك شئ عبدالله : حلوه ذي تعبانه يالله بس لاتعبانه ولا شئ مافيك إلآ الكذب ريناد ودموعها تنهار بخدها : رجعني للشرقيه رجعني للخبر .. ابي اروح لأهلي تكفى ودني عبدالله : اصصصص .. ياويلك لو تعيدين لي هالموال ودني لأهلي فاهمه ماراح ارجعك انتي طلبتي تجين للندن لاتقعدين الحين تبين ترجعين وطلع من الغرفه وسكر الباب بقوه ريناد بكت ورفعت جوالها بيد مرتجفه ودقت بلا شعور على رقم حافظته رد صوت تعشقه وحافظته صور يبعد الأحزان عنها : الوو ريناد بصوت مبحـوح : يمـ...هـ.. ام فارس : ريناد ..؟ ريناد بكت وشهقت اكثر ام فارس بخوف : ريناااد ريناد : يمممه ام فارس : ياعيون يمه وشفيك ..؟ ريناد : يمه وحشتوني وحشتووني حيييل ام فارس : ريناد ارجعي الخبر ارجعي ابي اضمك انتي بنتي ابي اضمك ريناد : محتاجه لحضنك يايمه محتاجه لحنانك بهالوقت بالذات يمه عبدالله قاسي ومايحس يضربني ويعذبني وعنده بنات وسهرات حقيير ونذل يايمه حقير ونذل والمصيبه يايمه المصييييـبه ام فارس : ششنو ..؟ ريناد : حامل منه يايمه حااامل بيجي بهالدنيا طفل يربطني بواحد منحرف وضايع ام فارس شهقت : ياويلي ريناد : انا متورطه يايمه ومحتاجه لشورك وش اسوي يايمه متورطه بمصيبه ماني قادره اطلع منها ابي الطفل ومابيه ام فارس : اجهضيه ياريناد اجهضيه هذا عبدالله صايع ولا يخاف ربه بيعذبك وبيعذب هالطفل لاتيتيمن هالطفل وتعذبينه اجهضيه ريناد : مادري يايمه مادري شورك ابي شورك ام فارس : شوري يابنتي اعملي إجهاض ريناد : شورك وهداية الله .. رغم إن هالطفل قطعة مني وهو روحي الثانيه ام فارس : الحياه قدامك يابنتي والله يعوضك بغيره ويسعدك ويوفقك مع غيره ريناد : يممه ام فارس : عيون امك انتي ريناد : ابي اطلق ابي اطلق ماحبه اكرهه خاين نذل حقير سافل منحرف ام فارس : لو بيدي يابنتي كان قلت لأبوك بس تعرفين الحال يابنتي ابوك متبري منك ولا يبي يشوفك وشالك من القائمه ريناد بكت :............................. ام فارس : لا لا يابنتي لاتبكين مابي اسمعك تبكين يابنتي .. بحاول مع اخوك او ابوك ريناد : ايه تكفين يايمه ابي اطلق ترضين يايمه ترضين بنتك تعيش بضياع وعذاب ام فارس : لا يابنتي اكيد مارضى بعمل كل جهدي عشان اخلصك من هالنذل عبدالله ريناد : تسلمين .. يمه شخبار لجين شخبار شهد ..؟ ام فارس : الحمدلله لجين بخير وبصحه وسلامه وشهد يافديتها حاجزها رائد ولد خالتك وتجهز لملكتها الي يوم عن يوم تقرب ريناد ببتسامه : جد ..؟ ام فارس : ايه والله جد .. وشرايك تنزلين للخبر ..؟ ريناد بضيقه : لا مانعني من الرجعه للخبر ام فارس بعصبيه : لا عاد لهنا وبس حنا اهلك وبنرجعك غصب عنه لا انا ماسكت لازم اكلم ابوك حتى لو متبري منك ومو راضي عليك بيرجعك للخبر وبيطلقك بعد ريناد : تسلمين ام فارس : لا يابنتي وش تسلمين انا امك ريناد : الغربه خلتني احس إني غريبه عليك وإنك مانتي بأمي ام فارس : مهما كان يابنتي ومهما الدول فرقتنا بتضلين بنتي الي حملت فيك وولدتك وربيتك وتعبت فيك مانساك ريناد : الله لايحرمني منك ياغلى ام وأحن قلب بالدنيا ام فارس : يالله الحين بسكر ابوك جاء بكلمه ريناد : اوكي باي سكرت ام فارس من ريناد والتفتت على ابو فارس ام فارس : يا ابو فارس بقولك سالفه وتكفى لاتعصب ابو فارس : شنو ..؟ ام فارس : بنتك ريناد ابو فارس كشر وقال بعصبيه : تكلمينها انتي ..؟ ام فارس : ايه اكلمها هذي بنتي ابو فارس بعصبيه : كم مره قلت لك انسي إنها بنتك انتي ماعندك غير لجين وشهد وفارس وبسس ام فارس وهي تبكي : لا يا ابوفارس لا هذي بنتك .. بنتك وبنتي لا تعافها عشان كلام الناس ابو فارس : لو على الإشاعات وكلام الناس كان ماعصبت لكن هذي فضحتني وضيعت شرفنا وشرفها ام فارس : طيب تكفى يا ابو فارس طلبتك بنتك تعيش بعذاب زوجها حقير ونذل وراعي بنات وخرابيط وصايع ابو فارس : هذا الي اختارته وضيعت شرفها عشانه ام فارس : لا يا ابو فارس لا تقسى انت والزمن عليها هي مهما كان بنتك ابو فارس : قلت لك ماعندي إلا لجين وشهد وفارس وبسس ام فارس : انت تتناسى إنك نسيتها لكن اكيد بتضل بالقلب هذي ريناد دلوعتك وحبيبتك الي لا ضربت احد من خواتها وقفت بوجهك ومارضت على خواتها هي بنتك الي لاتضايقت تتضايق لضيقتك لا بكيت تبكي معك هي بنتك يا ابو فارس بنتك الي كانت اقرب وحده لك من البنات وفارس ابو فارس ماينكر هالشئ :..................... ام فارس برجا : تكفى طلبتك عشان زوجتك وام عيالك اوقف مع بنتك بالمحاكم هي تبي تطلق زوجها حقير ونذل تكفى يا ابو فارس مهما كان بتظل بنتك ابو فارس :....................... ام فارس : تكفى يا ابو فارس طلبتك خلها تطلق .. ومانعها من الرجوع لنا ابو فارس : طيب بوقف لها بالمحاكم وبخليها تطلق منه وترجع للخبر -وبحزم- لكن تنقلع لأي مكان يضفها هالبيت مايضفها ام فارس ببتسامه : عادي والله عادي .. المهم بنتي تكون قريب مني مو بعيده عني ابو فارس وقف : يالله بروح انام ارتاح صعد غرفته وام فارس مبتسمه بفرح وبشرت ريناد الي طارت من الفرحه واخيراً بتلقى لها سند وظهر تستند عليه وبتقهر عبدالله وبتوقف معه بالمحاكم .................................. | ||||||||
|
| |
|
24-06-19, 07:48 AM
| #58 | ||||||||
| مراقبة عامة ومشرفة منتدى الروايات المنقولة
| بشاير تحضر الأكل لـ فهد حطت الأكل على طاولة الطعام ورتبته بطريقه انيقه ومرتبه دقايق ودخل فهد وهو متنرفز جلس على الكنب وحط ايده على راسه وغمض عيونه والعرق ينصب بخده بشاير وقفت وراحت له بخوف وجلست على ركبتها : فهد وشفيك .؟ فهد : تعبااان جيبي لي مويه بارده باارده مليانه ثلج بشاير : طيب طيب وقفت بشاير وجابت مويه بارده يملاها الثلج وعطته اياها وفهد بطريقه جنونيه اخذها وصبه على وجهه والثلج يطيح على وجهه وثوبه امتلا بالمويه بشاير شهقت : فهد مجنوون فهد : تعباااااان حرااان .. طولي على التكييف بشاير : هبل انت عشان تمرض على هالثلج الي رميته على نفسك فهد كانت يمرر على وجهه سحبته منه بشاير بقوه ورمته بالأرض وتناثرت بكل مكان بشاير بعصبيه : حشا ماصدق إنك كبير وعاقل بزر تصرفاتك بزر -وبنرفزه- الأكل جاهز فهد : لا مابي بنام بشاير تنهدت وضربت برجلها بالأرض : خيير ماتبي والله انا الغلطانه اني اسوي لك اكل فهد : خلاص خلاص وشفيك معصبه ..؟ بشاير : لاتعيدها وترمي الثلج على نفسك لو مرضت الحين انا وش بيصير فيني فهد : هههههههههههه يافديت الي تخاف علي .. خلاص يالله قومي ناكل وقف فهد وراح وبدوا ياكلون بتلذذ وبشاير كانت طول الوقت تاكل ومبتسمه في الذاكره ................ عبدالملك اخذ الثلج ورماه على نفسه وهو يهوي نفسه يبعد ثوبه ويلصق بجسمه من كثر العرق عبدالملك : افففففففف حر حر حررر .. هجيير طولي على التكييف هاجر تخصرت : ياسلام والله خدامه عندك وانا مدري عبدالملك : بيشو فتحي التكييف ارفقي بحالي شوفي كيف تعبانه والعرق بكل مكان ينزل بشاير وقفت ماتقدر ترد طلب وفتحت له التكييف وجابت له مويه ومدتها له عبدالملك ببتسامه : يالبى والله هالأخت حنووونه -والتفت على هاجر- مو مثلك يالنحيسه هاجر رمت عليه مخده : انطم انا نحيييسه يالكسول .. ولا تبيني اطول لك على التكييف واجيب لك مويه انا اختك الكبيره عبدالملك : الله والأخت الكبيره عاد هاجر تخصرت : لييه مو عاجبتك عبدالملك : ايييوه اكيد ماتعجبيني صراخ وصل من فوق مها وريم يتهاوشون ريم وهي تبكي : وخري عني وخررري يالدفشششه مها بصراخ : جيييبي الجوااال ريم : مابي مابي بسمع اغنيه مها : من وانتي صغيره صايعه وشلون لاكبرتي .. جيبيه قلت لك جيبيه هاجر : جاووكم القطو والفار ريم تخصرت : انتي هييه لاتغلطين هاجر : بسم الله علييك انتي يالبزر تجين وتتخصرين قدامي يالله ياله ريم : ليه انتي كبيره بس بعقل بزره وانا صغيره لكن بعقل كبيره هاجر ضربتها بيدها على ظهرها بخفه : انقلللعي يالملسونه ريم طلعت لها لسانه وضربتها وجلست بقوه ومها سحبت منها الجوال وحطت السماعات بأذنها وصارت تدندن وريم تناظرها بنظرات ناريه ودها تسحب السماعات منها لكن مها بتذبحها فكرت بفكره شيطانيه راحت للمطبخ ومثلت الخوف وصرخت : يممممممممممممممممممممممه يمممممممه لحقوووني حريقه حريييييييييييييقه وقفوا كلهم خايفين وناظروا ببعض مشى عبدالملك ومعه هاجر ومها وبشاير جمب بعض كلهم خايفين ريم تمثل تبكي : يممممممه لحقوني بموووت حريقه حريييييييييييييييقه عبدالملك هااااااااااااجر بشششاير مهاااااا لحقوووني يممممممممه يبببببببببببه دخلوا المطبخ من جهه وناظروا بكل المطبخ فاضي مافي أحد وصوت الصراخ اختفى ريم الخبيثه طلعت من البوابه الخارجيه وركض للبوابه الرئيسيه دخلت وسحبت الجوال وحطت رجل على رجل وتسمع الأغاني وتضحك وتدندن وتهز جاووا اخوانها وكل واحد يتوعدها اكثر من الثاني بشاير تخصرت : ياسلام والله مسويه مقلب انتي وفيسك الحين ريم : ههههههههههههههههههههههه صج انكم مخفففه ميييييييييييييح مها صرخت : يالحيوااااانه مسويه هالمقلب السخيف عشان الجوال وسحبته منها بقوه والهواش يتكرر ............ بشاير تتمنى تفقد الذاكره عشان تفقد ذكرياتهم مع اهلها الحللوه تنسى هاجر وهبالها ورجتها ومناقرها ولا عصبت كيف اخلاقها تقفل وكيف لاتضايق احد او زعل هي البلسم الي تشفي جروحه . تبي تنسى عبدالملك ونكته وضحكه وهباله وحبه لخواته وكيف مايحب يزعل احد حتى بأقل كلمه ... تبي تنسى مها وخفة دمها وروحها الحلوه ووساعة صدرها ورجتها وعايشه الحياه ببساطه بحلوها ومرها ماتعرف الحزن ماتعرف غير الفرح .. تبي تنسى ريم وهبالها ومقالبها بخواتها واخوها وكيف بعض الأحيان تروعهم وتعيشهم الموقف جد وهو مقلب تبي تنسى امها وابوها وطيبة قلوبهم وقلوبهم البيضا وحنانهم وعطفهم ودفئهم لعيالهم تبي تنسى كل شئ يذكرها بأهلها بس الأول لما تتذكر اهلها تحس نفسها حزينه ومتضايقه ومشتاقه لهم لكن الحين لا تذكرت اهلها تنبسط ماتتذكر المواقف الحزينه تتذكر المواقف المضحكه بعز ضيقها عشان تفرفش نفسها فهد ناظرها سرحانه وتفكر وعينها تلمع بشوق وفرح والإبتسامه الهادئه على خدها فهد حرك يده قدام وجهها : ياهوووه بشاير التفتت عليه وابتسمت : هلا فهد : مين الي تفكرين فيه انا .؟ بشاير هزت راسها بالنفي : لا فهد : اجل مييين سعيد الحظ الي بيشو تفكر فيه ..؟ بشاير تنهدت دلع بيشو ماتسمعه إلا من اخوها عبدالملك : بأهلي بهاجر وبمها وريم وعبدالملك وامي وابوي فهد قال بضيقه : مشتاقه لهم ..؟ بشاير : اكيييد .. تدري كيف كانت حياتي معهم فرح وحب وهبال ودجه -لمعة عينها بحزن- اذكر هبالنا مع بنات خالتي وخالي ودجتنا وطلعاتنا للمول واستهبال على الناس ونومنا ببيت اهلي ومناقري مع مها وهاجر وريم وعبدالملك -تنهدت وعيونها لمعت بششوق واضح- مشتاقه لهم يافهد مششتاقه حيل احلى ايام حياتي لمتنا انا واهلي فهد قال يطيب بخاطرها : وانا ..؟ بشاير ببتسامه عكس الشوق والحزن الي يلمع بعينها : انت كل حياتي .. لكن مين يعوضني بأهلي سته يافهد سته فقدتهم بيوم واحد ليتني مت معهم لييتني فهد شهق : بسم الله عليك بشاير لاتفاولين على نفسك .. انا سبب وجودي بهالحياه وسعادتي هي انتي بالعكس المفروض تفرحي لأنك سبب في سعادة غيرك يابشاير بشاير ابتسمت ورفعت يدينها وقالت وهي تدعي : يارب لا تحرمني من فرحة سنيني وبسمة ايامي .. يارب تخلي يا فهد ولا تحرمني منه يوم لا يغيب عني ثانيه او دقيقه او ساعه .. يارب ترحم اهلي وتسكنهم بفسيح جناتك يارب ياكريم .. يارب انت الوحيد الي عالم بعذابي يارب تجمعني مع اهلي وزوجي في جنات النعيم .. يارب تغفر لي على كل ذنب سويته يارب توفقني في حياتي يارب لفهد طولة العمر .. يارب انا مالي غيرك ياربي يارب استجيب دعائي فهد ابتسم وهو يناظر شكل بشاير وهي تدعي وعيونها تلمع بالدموع ......................... الساعه 10 الليل لجين ضمة اسيل بلهفه : يمممه ماني مصدقه اكلمك الظهر والحين اشوفك قدامي لالا انا بحلم مو بعلم قرصتها اسيل بقووه : هااه استوعبتي لجين صرخت : آآآآآآآآآآآآآآه اسيل يدي اسيل قوت بقرصتها : استوعبتي إني هنا لجين : ايه ايه استوعبت اسيل ابعدتها عنها : ههههههههههههههه لجين رجعت تضمها وشوي وتبكي : وحشتيني حيييل اسيل اسيل : لجين وششفيك مو اول مره انا اجي لجين وهي تبكي : انا محد بهالدنيا يهمه شعوري كلن يجرحني بطعنه من جهه صديقاتي كلهم تركوني اهلي يوم عن يوم يهاوشوني والسبب اني ماطلع ولا اختلط بالناس وسبب حبسي بالبيت انخطبت اختي الصغيره وانا مانخطبت .. تغيرت تجبرت اغتريت واللكل كرهني ومايحبني حتى اقرب الناس لي واهلي عيال خالتي كلهم تغيروا علي ويعتبروني غريبه - وبصوت متقطع من البكي - وشهد اختي الصغيره شهد صارت تغتر علي بكلامها تتكلم عن رائد وانا ودي ابكي من القهر انا وش اسوي دام الحظ كله لأختي وش اسوي انا مو كبيره صح اسيل انا مو كبيره انا توني بأولى جامعه مو كبييره اسيل رق قلبها لبنت خالتها لجين ماتدري ليه يقولون إنها مغروره ومتجبره وحقوده بالعكس تشوف الحزن يلمع بعينها ضمتها بقوه وقالت وهي تهديها : ماعليك يالجين لايهمك احد اذا صديقاتك تركوك في مليون بنات بالجامعه يتمنون نظره منك انتي بنت والنعم منك وتنحطين على الجرح يبرى واللكل يتمناك صديقه لها .. ماعليك من عيال خالتي الي تركوك انا بنت خالتك وماراح اتركك ... لجين لاتقولين على الحظ لكن رائد انتي بالله مثلاً تصلحين له انتي قريبه من عمره لكن الفرق بينه وبين شهد وااضح لجين : بس اهلي يوم انا انخطبت قبل ريناد ماوافقوا مايبون يكسرون بخاطر ريناد ويوم الحين شهد انخطبت ماهتموا بمشاعري وش بيقولون الناس الكبيره اكيد فيها عيب دامهم زوجوا الصغيره قبل اسيل : لجوون ماعليك من كلام اللكل .. خالتي قلبها طيب وصدقيني مو قصدها كذا وبالله يالجين كيف تقدر ترفض رائد وهو ولد اختها كييف صدقيني هي امك واحن إنسانه عليك لجين : يمكن كلامك صدق اسيل : مو يمكن إلا اكييد ماتقدر ترفض لأن ولد اختها .. وشهد إذا ماجات وعبرت لك عن فرحتها لمين تروح انتي اختها ومو قصدها شئ عاد شهوود طيوبه وعفويه ماينأخذ عليها كلام ولا ينزعل منها لجين :.................. اسيل : لجوون يالله قومي نطلع هناك بسلم على خالتي يالله قومي ابتسمي بلييييز لجين ابتسمت : توني عرفت معزتك وغلاتك بقلبي اسيل : وهـ بس يابختي عندي ناس تعزني وتغليني لجين : وانتي في احد مايعزك ويغليك اسيل : يالله قومي نطلع للصاله طلعوا لجين واسيل الجده "منيره" بعصبيه : انتي وياها وش مجلسكم داخل -وجهة كلامها لأسيل- وانتي يالفاجره جايه من الكويت سيدا لبنت خالتك وانا جدتك حتى ماتلفتي لي اسيل وهي تضحك : هههههههههه يمه منيره الله يهديك انا اقدر على زعلك وعصبيتك عاد .. بس وربي مانتبهت لك احسب الصاله فاضيه الجده منيره : ايه عاد يوضح الأنوار مشغله كننا بعرس اسيل تقدمت لجدتها وباست راسها ويدها : امسحيها بوجهي هالمره اسسفه الجده منيره وجهة كلامها للجين : وانتي جماد مو جايه تسلمين لجين ابتسمت وباست راس جدتها ويدها وجلسوا يسولفون معها وانقلبت عصبية الجده منيره لضحك وسوالف مع حقيداتها اسيل ولجين ................... شوق وهي تلبس عباتها وتسكرها وتعدل الحجاب بطريقه مرتبه وانيقه واخذت شنطتها ماركة "قوتشي" وطلعت من الغرفه الي حست بنفسها مخنوقه فيها طلعت لبدر ومشت معه للسياره واهلها ركبوا مع رائد وتوجهوا لبيت اهلهم ككون هناك مجتمعين بسبب رجوع خالتهم ام نوره واسيل من الكويت بعد غياب 4 شهور وصلوا لبيت اهلهم الكبير والفخم ونزلوا كلهم ودخلوا دخلوا وسلموا بصوت عالي وتقدموا يسلمون على الخالات ام نوره ضمة شوق : يافرحتي لبنت اختي شوق والله وكبرتي وحملتي شوق : ههههههه الكبير يصغر ياخالتي ام نوره : والله يوم خبرتني امك فرحت لك من قلب شوق : تسلمين تقدمت من ام فارس خالتها وسلمت عليها خالتها بكل برود وهي تناظرها بحسره ام فارس : ( مهبول والله مهبول فارس ترك كل هالجمال والدلع وخلاها تروح لغيره كان الحين حامل من ولدي مو من ولد الناس .. مالت على هالحظ العاثر حتى ولدي يوم حصل على هالملاك طلقها غبي ومتهور ) ام نوره وهي توجه كلامها ساره : هاه ياساره متى إن شاء الله بتحملين ..؟ ساره حزت بخاطرها كلمة " متى بتحملين " لمعت عينها بحزن وارتسمت على شفايفها ابتسمه سخريه فيها شوبة حزن ساره وهي تخفي ثورة الوجع الي تغلي بداخلها : مابي والله عيال ياخالتي ام نوره : لييه ياحسره ومين مايبي العيال ..؟ ساره : انا مابيهم -والتفتت على شهد تسولف معها تضيع الموضوع تخاف تبكي وتنهار- ساره كانت تبتسم وتضحك لما تشوف شهد تبتسم وتضحك وهي بالها مو معها مع الأطفال ... اسيل : اووه والبطن كبران والله شوق حطت ايدها على بطنها : ايه خرب هالطفل برستيجي ورشاقتي اسيل : الله والرشاقه والبرستيج -وبحماس- إلا قوولي وش فيك بنت ولا ولد .؟ شوق عينها لمعة بفرح : ولد اسيل : واااااااااااو .. مبروووك . وش ناويه تسمينه ..؟ شوق : اممممم مادري لجين بنغزه : سميه فارس شوق التفتت على لجين إلا من جات وهي ساكته لسبب وجودها ناظرتها بنظره تحولت من فرح لضيقه ولفت على اسيل وسكتت اسيل بعفويه : من جد حلو اسم فارس شوق بكرهه وضيقه : اكرهه هالأسم اكرهه .. ماحبه لو تنطبق السماء على الأرض ماسمي ولدي فارس واكون ام فارس لجين عطتها نظره قويه اربكت شوق والتفتت اسيل انتبهت للنظرات الناريه الي بين لجين وشوق واستغربت اسيل : انتي وياها وشفيكم ..؟ شوق : اسألي بنت خالتك لجين : ليه مو بنت خالتك انا ولا تبريتي منك ولا تتشرفين فيني ..؟ شوق بسخريه : يمكن لجين ثار دمها وقالت بعصبيه : اكلي تببن يالتبن .. واحترمي نفسك شوق : الأحترام إنك تطاولين على بنت خالتك الأحترام إنك تتهاوشين مع بنت خالتك وقدام البنات الأحترام إنـ كف قوي انطبع على خد شوق من لجين شهقت اسيل وحطت يدها على فمها : لجوون وشفيك انهبلتي ..؟ لجين : إذا احترمت نفسها وعرفت مين تكلم ذيك الساعه نتحاسب وداست على رجل شوق وطلعت من الغرفه وراحت للصاله وهي معصبه ومتنرفزه وتهز بقوه رجلها ساره : هييه لجين وشفيك تهزين تراك وترتيني معك لجين عطتها نظره قويه وناريه ولفت ساره : بسم الله وشفيه اختك ..؟ شهد هزت كتوفها : مدري ............ شوق حطت ايدها على مكان الكف خدها صار احمر من قوته اسيل كانت تناظرها ومصدومه للحين من حركة لجين الي ماتستدعي كف شوق صرخت بعصبيه : حقيييييييره اسيل : شوق وش بينك وبين لجين ..؟ شوق : بيني وبينها حساب للحين ماصفى وماراح يتصافى إلا لما اعلمها مين انا هالحقيره حلت لها مدة اليد اسيل : لييه وش بينك وبينها ..؟ شوق بعصبيه : انا ادري هي تبي تنتقم مني تبي تاخذ حق اخوها مني -لمعت عينها بالدموع الي متجمعه بعينها- انا وش ذنبي طيب هو ذنبي ولا ذنب اخوها .. اخوها طلقني وراح بطريقه وانا تزوجة ورحت بطريقي بيحاسبوني على ماضي انمضى وتزوجة وحامل من غيره حسبي الله ونعم الوكيل اسيل : من جدك ..؟ شوق : ايه من جدي اجل وش سبب هالكرهه اسيل رفعت حاجبها مستغربه من لجين تقول اللكل مايحبها وسبب كرهه اللكل لها هي مو كرهوها وماحبوها عبث .............................. ملاك كانت تهز بقوه ولابسه عباتها وليان بنتها كاشخه ملاك بصوت عالي : فييييييييصل يالله تأخرنا .. اكيد جدي وجدتي الحين يهزأوني على هالتأخير وكأننا بنروح عرس فيصل بصوت اعلى : لحظه لحظظظه بس بتطيب وبجي ملاك تأففت وهي تهز راسها وطلع فيصل وهو مبتسم ملاك : تأخرنا بيهاوشوني ايد جدي وجدتي على هالتأخير بتجي الساعه 11 وحنا ابطينا فيصل : بتجلسين هناك للفجر ملاك : اكيد مفتك مني فيصل : انا اقدر افتك منك ياروحي انتي يالله بس مشينا لايطلعون للي هناك قرون على هالتأخير طلع فيصل ووراه ملاك وبالمشايه ليان الي تلعب بيدها بطفوله [ في غيابك ماتغير أي شئ .. بس احس إني فاقد كل شئ ] .. في بيت الأهل الكبير والفخم يملأه الأصوات العاليه والضحك والسوالف والشاذيين بينهم لجين وشوق ونظراتهم الناريه لبعض ملاك بحسن نيه وعفويه لأروى : الا قوولي شخبار جنوو بنتك مامره سألت عن ابوها بعد ذاك اليوم ..؟ اروى بضيقه : خليها على الله ملاك : وشفيك متضايقه ..؟ اروى قبل لاتنزل دموعها وقفت تدرون وش معنى تحبه تحب خالد حب مو طبيعي تعشقه هو كل حياتي دخلت الغرفه الداخليه الي كانوا فيها البنات وتفاجئوا من دخولها وعيونها الحمرا والدموع الي شوي وانهارت على خدها بغزاره طاحت على الأرض مو قادره تمشي ذكرى خالد تقلب حالها فوق تحت ذكرى خالد تخليها إنها فاقده الكون كله فقدت زوجها وولدها بوقت واحد وش اصعب شئ فقدت الولد ياللي كانت تحلم تلبسه البشت وتزفه بليلة عرسه فقدت الزوج ياللي كان جزء كبير من حياتها يلي علمها كيف توقف بوجهه المصاعب علمها وش معنى الحياه وكيف حلوه بوجود من حب مابقى لها بهالدنيا وذكرى خالد ومروان بنتها اييه بنتها جنى يالي ابتعدت عنها وخلتها تتعلم وش معنى الوحده والجفا علمتها وش معنى قسوة هالحياه قست عليها والزمن كله قسى عليها فقدت ابوها وعزوتها فقدت اخوها وسندها فقدت امها وحنانها فقدت هاللكون كله من بعد كل الي تحبهم هي كبيره ماقدرت تتحمل قسوة هالحياه كيف بنتها .. كيف بتسامحها بنتها على الي سوته صحت من افكارها الكثيره والمتزاحمه بذاكرتها بأصوات البنات وخوفهم عليها لفت وناظرهم ووقفت حست على نفسها ماقدرت تمشي حست الدنيا الدنيا تدور وطاحت اروى طبعها لا بكت ماتقدر تمشي على طول تطيح اروى بصوت مبحوح من البكي الي قطع كل خليه بجسمها : جـ..نـ..ى ..جـ..نـ.ى ساره : تبين جنى ..؟ اروى هزت راسها : ايهـ ساره ركضت برا ونادت جنى ورفعتها وهي تصارخ وترفس ماتبي تجي مع ساره ساره جلستها جمب امها ووجهة كلامها لأروى : اروى هذي جنى جنى : وخري عني وش تبين ..؟ ساره : حبيبتي جوجو ماما تعبانه تبيك جنى : مابيها وطلعت براا الغرفه اروى بكت اكثر منهاره بنتها تكرهها ايه تكرهها ولاحظت هالشئ بنظراتها بتصرفاتها بأسلوبها كيف ماتركهها وهي تعذبها كييف ..؟ اروى : خلوها خلوها تروح براحتها الي مثلي يستاهل اكثر من الكرهه غمضت عيونها بقووه ودها تغمض وتفتح وتشوف خالد ومروان قدام عينها .. ملاك عضت شفايفها بقهر هي السبب هي الي خلتها تبكي وتنهار هي ذكرتها بزوجها هي ملاك قالت بأسف ورجا : اروى انا اسفه ماكان قصدي والله ماكان قصدي زلة لسان يا اروى اسفه اروى ابتسمت : بس زلت لسانك خلتني اتراجع عن خطوات كثير بسويها زلت لسانك حسستيني كيف إني قاسيه على بنتي زلت لسانك خلتني افكر إني اغير حياتي واسلوبي وتصرفاتي مع بنتي ملاك بضيقه : بس زعلتك وبكيتك اروى وهي تمسك يدها : لايهمك انا استاهل اكثر من كذا لاتتضايقين ولا تلومين نفسك وقفت اروى سندت راسها على الكنب وهي تفكر بالها مشغول ببنتها بالي بتفقد العالم بعد ماتفقدها ايه يمكن تفقدها مثل مافقدت ابوها واخوها ارتاعت من هالفكره المجنونه لو جد تفقدها وش بيصير بحالها بتضحك ولا بتبكي .. اكيد بتبكي ومن جد بتحس فقدت هالعالم كله فقدت بسمة الأيام وفرحة هالسنين .. ام فيصل بحنيه : جنوو حبيبتي جنى هزت راسها بنفي : مابي مابي ام فيصل وهي تمد اللقمه اكثر لفمها : يالله حبيبتي فتحي فمك آآآآآه يالله جنى بيدها رمت الشوكه والكباب الي بالشوكه تناثر : مابي قلت لك ام فيصل تنهدت وهي تهز راسها : اللهم طولك ياروح جنى التفتت وكملت تلعب بالتركيبه ام نوره : الله يهديك يا جنى كيف ترمين الكباب يالله اكلي عشان تكبرين جنى : مابي اكبر .. انا ماحد يحبني ماما ماتحبني ماتحبني وانا ماحبها اروى وقفت جمب الباب مجمده مكانها كانت بتضمها وبتراضيها عن كل شئ لكن كلمة "ماما ماتحبني ماتحبني وانا ماحبها" جرحتها طعنتها طعنه بسكين قوويه مابعدها طعنه سمعت هالكلمه من بنتها وتقولها قدام اللكل غمضت عيونها وحست إنها فاقده توازنها وشوي وتطيح ام فيصل ناظرت اللكل بفشله وقالت بعصبيه لجنى : جنى عيب هالكلام هذي ماما جنى : اففف كل مره تقولون عيب عيب هذي ماما .. انا صديقتي ماما توديها الملاهي توديها المول تطلعها تلعبها تحبها ام فيصل وهي تجرها من يدها وتتحلطم لها بهمس : ياويلي ياجنى بتفضحينا وبتخلين سيرة امك بكل لسان على تهور لسانك يالبزر جنى وهي تسحب يدها من جدتها وبعصبيه : انا مو بزر ام فيصل : ايه والله مو بزر على هاللسان الي علييك جنى طلعت لسانها وتخصرت : مو عاجبك ام فيصل : لا بالله ماصدق انتي في ثاني إبتدائي ولا ثاني ثانوي شكلنا غلطانين ..؟ جنى مشت وهي تضرب بالأرض وراحت للحديقه الي فيها الشباب وراحت لخالها رائد بقوه وضمته جنى : خالووووووووووووو رائد : ههههههههه وشفيك جايتك انفلونزا خالو رائد ..؟ جنى هزت راسها : اييوه رائد التفت لنايف ولد خاله : شفت انا عند عيال اخت تحبني نايف كانت بيتكلم لكن قطع كلامه صوت ضحكات انثويه ناعمه وعاليه من ورى نايف : من جدهم هذيـ قبل لايتكلم تذكر اول ماشاف فيها نوف بنت عمته يوم شافها وركز النظر عليها يوم تنقز خايفه منه ومن نظراته نايف التفت قدام مايبي يناظر فيهم لأن نوف هي حبه الأول والأخير رائد ماقدر يبعد عيونه عن وحده اكيد عرفتوها "شهد" ناظرها بلبسها بطولها نحفها بياض بشرتها الجمال الي ينبع بملامحها انفها الصغير الحاد شفايفها الصغيره الفوشيه الصارخه مايله للأحمر وعيونها الوساع العسليه شعرها كثيف وطويل لنصف ظهرها حرير لونه ذهبي فيه لمعه جذابه وساحره كلها على بعضها ساحره ماقدر يبعد نظره عنها نايف هزه : هييه انت لاتاكل البنات بنظراتك التفت بس تراهم مايدرون إن العيال هنا رائد تنهد : مالك دخل اناظر زوجتي وخواتي نايف : لجين واسيل وملاك بعد خواتك ..؟ رائد لف راسه لقدام وقال وهو يتأفف : افففففف سمعوا صرخه قوويه : يممممممممممممممممممممممه والصراخ على التفتوا نايف ورائد للمكان الي يناظرون فيه البنات وصراخهم وتخبيهم ورى بعض كل وحده متخبيه ورى الثانيه وتحتمي بالثانيه وملاك كانت مغمضه عيونها مو قادره لأنها هي اول وحده وكلهم وراها ينقال هي الكبيره قطوه سوداء عيونها سوداء تلمع بشيطانيه نايف ورائد ركضوا لهم مبين ملبوسه القطوه وحاولوا يبعدوها ماقدروا كل مالها تقرب ولا بخايفه ولا بمهتمه من احد قربت من لجين وصرخت صرخه قويه : يمممممممممممممممممممممممه ونقزت وبالغلط نقزه عليها وصرخت القطوه وهي لجين بسرعه ركضت لبوابة الحديقه والقطوه وراها ولجين تبكي ومتمسكه بدربزين الباب وهي تبكي ومغمضه عيونها بيدينها ركض لها نايف وتخبت لجين وراه تحتمي فييه والقطوه قدامهم تمسكت بنايف بقووه ونايف يحاول يبعد القطوه لكن مو باعده القطوه ملبونه نايف التفت للجين وقال لها بأمر : ادخلي داخل بسسرعه ومشى معها وهي وراه ودخلت داخل البيت وهي ترتجف وتبكي والبنات ركضوا للبوابه الي على المطبخ رائد ماحمى البنات حمى شهد والبنات وراها لأن قدامها رائد نايف ورائد راحوا للقطوه وطلعوها واخيراً من البيت .. داخل البيت لجين جلست وهي ترتجف وتبكي نقزت على قطوه اييه نقزت عليها هي موتها وعقدتها القطوه تكورت وبكت اكثر وهي تشهق خااافت من صوتها وصرختها القطوه لما نقزت عليها تجمعوا البنات حولها وهم خايفين عليها لجين من وهي صغيره تخااف من القطاوه بشكل مو صاحي البنات الي تقرى عليها والي تشربها مويه والي تهديها والي متضايقه لحالها ووآلخ ام فارس بخوف : تعوذي من الشيطان يابنتي تعوذي لجين بصوت متقطع : اعـ..وـ..ذ..بـالله..مـ...ن...الـ ...شـ...يـ..طان ...الـ..رـ...جـ..يـ...م ..... طويله , نحيفه , بيضاء , انفها طويل وحاد , شفايفها صغيره توتيه , عيونها ناعسه عسليه , شعرها مقصص لنصف ظهرها لونه اسود لماع , ايدها المتمسكه فيه طويله ونحيفه والمناكير الأحمر يلمع بأظافرها , جميله جذابه فتانه هذي مواصفات لجين بعد ماشافها نايف عجبته اجذبه جذبه قوامها جمالها شعرها كل شئ فيها جذبه ونظرات الخوف الي تلمع بعينها الناعسه العسليه زادت من جمال عيونها وحسها مثل الطفله استغرب من تصرفه ليه انقذها ليه خاف عليها اكثر من إنه يخاف على نفسسه نايف : ( اووه منك يانايف اكيد أي احد بمحلي بينقذها ولو هي بنت عمي .. لالا غريبه هالبنت غريبه اجذبتني بسرعه رهيبه مثل ماجذبتني نوف .. تشبه لنوف وااجد نفس القوام نفس البياض نفس الشفايف والأنف والعيون نفس الشعر نفس كل شئ بنوف اييه بنت خالتها اكيد تشبهها يصلحون توأم ) ************* رواية : تدري وش الي يقلب فيني اوجاعي لا من طرالي فرقاك وإنك لغيري .. فراق . حزن . حب . بسمة .. ************ الساعه 2 اخر الليل لميس ببيت اهلها كأن الوقت 2 الظهر مو 2 اخر الليل الضحك والسوالف يملي هالبيت الي كان شبه حزين لكن الفرح رجعت له وضمة الأحباب خالتهم عليا عندهم وانواع الفلله هناك منال : ههههههههههههههههه الله يرجك عليا وهي تقلد مشية وحده تعرفها ومشيتها وتصرفاتها تمووت ضحك : هههههههههههههههههههههههه عليا جلست وهي ميته ضحك : وربي وربي شكلها حفللللله .. ماشفتي كيف يوم احرجتها البنت صار وجهها طماطه كنها لميييس لا خجلت او تفشلت لميس بعصبيه : نعمم نعععععم انا طماطه يالتفاحه الحمراا عليا : ههههههه امزح معك اريج : هههههههههه بس وربي خالتي وش شعورك لما انتي تكونين مثلها عليا : انتحر لميس صرخت بحماس : على طااري الأنتحار اسمعوا اسمعوا عليا ومنال واريج : شنو ..؟ لميس : عندنا بنت في اولى ثانوي تسلقت وصارت فووق تطل على البنات من فوق وحنا تحت وتطل على الشارع تبي تنتحر طفشت من الحياه وتجمعوا الأاره والفراشين براا بالموت نزلوها وعطوها عقبال مرتب ومحترم اريج شهقت : يووه من جدها منال : من جد مرااهقه اريج : اييه انا يوم كنت بأولى ثانوي اوووه تذكريني منال وش سويت منال : يووه انتي ماتم شئ ماسويتيه كانت تاخذ السكين بتذبح نفسها وكل مايهاوشنها اهلي هددتهم بالسكين لميس : هبله .. الحمدلله انا مامريت بهالحاله اريج : ياحلوه لأنك جيتي بوقت حنا كبار وفلله ودجه ماخليناك تعيشين مراهقتك كله وناسه لميس : احلللفي عاد انتي عليا : انتي وياها ترى انا هنااا منال : احلفي عليا : مانيييب .. إلا اقول انتي اريجوه ماعندك ورعان اريج : اففف لاتذكروني عليا : من قالك تتزوجين وتجيبين بنوته وصاروا لك بدال الوحده ثنتين اريج بضيقه : شفتي عااد لميس : ولا صار لهم شئ تبكين عليهم عيالي وعيالي بس الحين متضايقه من ازعاجهم اريج : ايه والله عليا رن جوالها وكان اخوها "سلمان" رفعت الجوال وردت عليه عليا : هلااا سلمان : هلا علوش .. خلصتي ..؟ عليا التفتت للبنات : هاه اروح ..؟ كلهم بصوت واحد عالي : لااااا سلمان : ههههههههههه لو بتسألينهم بتمين عندهم لليوم الثاني لميس سحبت السماعه من خالتها : الوو سلمانوه خلها عندنا وشدخلك انت قاهرينك ..؟ سلمان : ههههههههههههه اختي وابي اطلع معه اتمشى لميس بقهر : بجي سلمان : ههههههههه لالا ممنوع اصطحاب الأطفال لميس بقهر اكثر : شنووو انا طفللله سلمان : اييه نونو .. إلا قولي لي وش مسويه بالزواج يالعروس لميس : اييه والله وناسه ووساعة صدر ودجه وفللله سلمان : يالمشفوحه والله انتي لميس : سلمانوووه سلمان : مانت الأخت اكثثثر سلمانوه لميس بدلع : خالو وامون عليه .. المهم لايكثر خل علوش على قولتك عندنا سلمان : لالا انا بنام يالله خليها تطلع انا برا لميس : طيب ادخل على ماتلبس يالدجاجه سلمان : هههه طيب سكرت لميس وعطت الجوال خالتها عليا وفتحت الباب لسلمان دخل وسلمت عليه سلمان : وحشتيني لمييس لميس : هههههه وانت بعد دخل سلمان سلم على الباقي منال بترحييب : ياهلا و غلا بالخال القاطع الي مايزورنا اريج : يقولون من تغلى تخلى سلمان : لحووول بدينا بالعتاب ومدري ايش منال : ايه يحق لنا نعاتبك لك شهور مازرتنا بس عشان عليا عندنا جيت تزورنا سلمان : والله اسمحولي ياعيال اختي انشغلت وش اسوي اريج : اممم افكر اصدقك ولالا سلمان : لالا صدقيني اريج ابتسمت : طيب سلمان التفت لعليا : يالله علوش عليا وقفت ولبست عباتها وتحجبت : يالله سلمان قبل لايطلع : إلا اقوول اريج جيبي بنتك اريج ببتسامه : طيب وركض لغرفة شموخ جابتها له ومدتها له سلمان ابتسم لشكل شموخ ناظر بأريج وناظر شموخ يشبهون بعض نسخ ولصق سلمان باسها بخدها بنعومه : يالبى ألبها تهببببل اريج : ايه تهبل تشبهني سلمان : يالواثقه اخذتها اريج وطلع سلمان مع اخته عليا .... سلمان ~~< العمر : 23 .. اخر سنه بالجامعه .. تخصص : حاسب .. حبوب ومرح وراعي ضحك وفله ووساعة صدر جذاب ووسيم حلم كل بنت ************* رواية تدري وش الي يقلب فيني اوجاعي لا من طرالي فرقاك وإنك لغيري .. فراق . حزن . حب . بسمة .. ************ لمى كانت تدور من القهر والتفكير تبي تطلع امها مانعتها من الطلعه رمت نفسها على السرير بقوه من شدة القهر الي يغلي بداخلها لمى صرخت بقهر : اففففففففففففف رن جوالها وبسرعه رفعته : الوو : ياهلا و غلا لمى خافت وارتجفت يدها وسكرت الخط .. طوو طوووط طوووط امها اكتشفها إنها راعية خرابيط وشباب وهددتها بتسحب منها الجوال ضربت حصى ضربت بباب البلكونه نقزت من السرير من الروعه وراحت للبلكونه طلت وشافت واحد من الي تكلمهم شهقت وحطت يدها على فمها والدموع تجمت بعينها وش بيقولو الناس لو احد شافهم وش بيقولون بنتهم صايعه وفاجره اشرت له يروح ولا برايح التفتت ورى تناظر الباب انفتح ولالا التفتت قدام ومانتبهت إلا لكاميرا متوجهه على شكلها والتقطتها ومشى ورساله من جوالها وصلت لها لمى اختل توازنها وجلست على الكرسي وهي تبكي تبكي صورها صورها ياويلها هذا مايخاف ربه ولا يهتم بمشاعر احد اكيد بينشر صورتها دخلت داخل للجوال وهي ترتجف وشافت صورتها ورمت الجوال وغمضت عينها ودفنت وجهها بالسرير وهي تبكي عقااب ايوه عقاب هي بكت عروس بلية عرسها وبكوشتها قلبت عرسها وفرحتها وضحكاتها لعزا وحزن ودموع لمى : ياويلي ياويلي ياويلي مايخاف ربه بينشر صوري بينشرها وصارت تضرب بنفسها وتبكي هو قاسي وامها اقسى بتعذبها وبتحفل فيها الأرض .. في الصباح الساعه 10 غمضت عينها ونامت وكانت نعوومه بملامحها وهي نايمه انرفس الباب بقووه وروعها وصراخ امها القوي واصل لأذنها تروعت وجلست من النوم ام لمى بعصبيه وصراخ وهي تشد شعرها بقوه وتسحب البطانيه منها : يالحيوانه يالحقييييييييييييره بتفضحيني انتي بتفضحيني لمى والدموع بدون ماتحس نزلت على خدها : يممه بليز فكي شعري وش سويت انا وش سويت ام لمى : هااه وش سويتي وصورك يالحيوانه صورك رمت عليها صور كثيره صورها وهي امس ب مركبه مع صور شخص وخالعه الصور خالعه حييل خالعه بكت وهي تضم الصور وتبكي بقوه بالأرض وتضرب راسها بالكوميدينه ام لمى ضربتها ضرب مو صاحي رفستها رفسه برجلها براسها على طاولة الكوميدينه خلتها من قوتها يغمى عليها ام لمى تفلت بوجهها : تفووو عليك من بنت حسبي الله علييك .. وطلعت من الغرفه والخدامه دخلت الغرفه وهي تحب لمى وترحمها بدال قسوة امها هزتها ولا سمعت لها واتصلت على الأسعاف ........................................ [ كنت في موعد لقانا جالسه بس انتظر واحتريتك وماحضرت كنت ادور لك عذر ] ساره جالسه بحديقة بيت اهلها وتهز اكثر واكثر اليوم بيجي تركي اليووم ويجي ياخذها من بيت اهلها ومرت ساعتين ولا جاء وهي جالسه تحتريه وتدق علييه مايرد اخذت الجوال ودقت علييه ولا براد خافت عليه وانقهرت منه شعورها صار خليط بين الخوف والقهر دموعها من الخوف والقهر على وشك الأنهيار مسافر ومخليها بيت اهلها وتدق عليه مايرد سمعت صوت من وراها التفتت لورى شافت مين والتفتت قدام شافت اختها شوق جلست جمبها بهدوء وانهارت دموع ساره بهدوء على خدها وضمة اختها شوق بدون سابق انذار وصوت بكاءها علا شوق بخوف : ساره وشفيك ..؟ ساره : ادق علييه مايرد علي اخاف صار له شئ ..؟ شوق : ميين تركي ..؟ ساره هزت راسها : اييوه شوق : لاتخافين ساره إن شاء الله بيرجع بالسلامه ساره وهي تهز بتوتر وخوف وهي بين احضان اختها شوق : خايفه خايفه افقده مثل مافقدت نوف شوق شهقت : لا ساره بسم الله عليه وله طولة العمر ساره : محد يضمن عمره ياشوق اجد احد متوقع موت نوف ونجانا انا ورائد احد متوقع ..؟ شوق وهي تهديها : طيب تفائلي بربي وحاولي تدقين عليه ساره اخذت الجوال ودقت عليييه رن وفرحت وبعدها انفصل شوق : ماعلييه اكيد مافي شبكه هناك ساره : يمكن شوق وقفت وسحبتها معها : قومي ندخل داخل البنات كلهم داخل يالله هي ترى مره في العمر نجتمع حنا كل اهلي والبنات يالله وقفت ساره مع شوق ودخلوا داخل وانضموا للبنات الي يلعبون اونوا والحماس والصراخ يملي المكان ....................... ياسر كان يدور رايح وجاي شجون : ياسر روق اقلقتني معك ياسر : اخوك للحين مادق ورحت المطار يقولون مافي طياره وصلت من الكويت ومافي اصلاً طياره بتجي من الكويت يعني كييف ..؟ شجون : اممم مدري حاول تدق عليه ياسر : دقيت قطعت جواله مايرد شجون : ياويلي ليكون صار لأخوي ششئ ياسر رفع جواله ودق عليه مايرد وصاروا الأثنين قلقانين على تركي شجون : بدق على ساره يمكن عندها خبر عن تركي ياسر : دقي سحبت شجون جوالها ودقت على ساره بعد خمس رنات ردت : الوو شجون : الو ساره ساره بأستغراب : هلا شجون بخوف : اخوي تركي دق علييك ..؟ ساره : لا وانتي ..؟ شجون : انا داقه اسأل دق عليك ولالا لأن قلقانه عليه ساره : ويينه مادق علي اليوم بيرجع بس مارجع ..؟ شجون : ياسر راح المطار قالوا مافي طياره وصلت من الكويت ولا في طياره بتوصل اصلاً من الكويت ساره شهقت : ياويلي يعني مو راجع اليوم ليكون صار له شئ شجون : لالا ساره لاتقولين بسم الله علييه .. إن شاء الله بيرجع ساره : إن شاء الله شجون : يالله مع السلامه اي خبر عن تركي دقي علي اوكي ساره : اوكي وانتي بعد اي خبر من تركي دقي علي شجون : يالله مع لسلامه سكرت ساره من شجون وهي الحين بجد قلقت مافي طياره بتوصل من الكويت يعني تركي ماراج يجي اليوم اسيل بحماس : ساااااااره بتخلصين اونوا ساره رمت اخر ورقه بيدها وقالت والضيق يلمع بعينها : مابي العب ومشت عنهم وراحت لبرا وهي تبكي خايفه عليييه البنات استغربوا من حالها الي مو عاجبهم ابد وكملوا لعب .......................... اريج وهي تغمض عيونها بقووه تبي تنام تبي تنااااااااااام وراها بكره جلسه من الصباح اكيد اريج : اففف ابي انااااااااااااااااااااااا م -وصرخت بعصبيه- ابي اناااااااام ريان ارتاع ونقز من السرير : بسم الله اريج وشفيك ..؟ اريج : ابي انام مو جايني النوم اكيد بكره هالعيال بيجلسون من الصباح ابي انااام شكل فيني أرق ريان : الحمدلله والشكر احسن لك لاتنامين اريج : اييه ابي ارتاح بتعب معهم على اساس عندي خدامه تمسكهم وتباريهم وانا انام مرتاحه ايه مو انت الي بتحس بالتعب ريان : لحوول وبدى الموال الي كل يوم تقولينه ينعاد .. اللهم طوك ياروح وتغطى بالبطانيه ونام واريج حاولت تنام لكن ماجاها النوم وراحت للصاله وانسدحت على الكنب وناظرت التلفزيون وتحمست للفلم الي تنظره شوي شوي سكرت عيونها ونامت على الكنب ............................ لميس رجعت شقتها وتاكل الفيشار وتناظر بالمسرحيه سعود جاب له كبتشينو وجلس جمبها يناظر بالمسرحيه سعود عيونه معلقه على الشاشه : متى بتنامين ...؟ لميس التفتت عليه : امممممم اذا خلصت المسرحيه سعود : طيب شكلها مطوله لميس وهي تنسدح على الكنب وراسها على المخده : عادي سعود : اممممممم وش سويتي بيت اهلك اليوم ..؟ لميس بحماس : فللله ووساعة صدر جات خالتو عليا وخالو سلمان سعود : خالك سلمان هذاك الغرور لميس بعصبيه : لا تغلط على خالو مارضى علييه سعود : مغرور وشايف نفسه لميس : بس قلبه ابيض وطيووب سعود : مدري بس اهم شئ الظاهر مو الخافي لميس : اممممم مادري سعود : هو اخر سنه بالجامعه صح لميس : ايووه سعود : وش تخصصه لميس : حاسب سعود : اهاا .. لميس : إلا اقوول وشرايك بكره نطلع للرياض نروح فنتازيا لاج ..؟ سعود : وش الطاري لميس : ككون بكره الأربعاء ننبسط هنااك سعود : اوكي بقول اهلي يجون معي لميس صرخت : لااااااا .. كله اهلك اهلك اهلك خلاص عاد فكنا ابي مره نطلع انا وانت وبس لوحدنا سعود : ماقدر اهلي مين يطلعهم لميس : عندها بسام سعود : بسام صغير وماعنده رخصه لميس : امس شايفته وش طوله وش كبره كنه اكبر منك سعود : ايه بس بالبطاقه عمره 17 لميس : وش بااقي باقي له سنه وياخذ رخصه اففف المهم اخر كلام اهلك مايجون وياي امك وديما لايطاقون سعود بعصبيه : لميس تراهم اهلي لاتغلطين لميس : هذا انت تغلط على خالي سلمان سعود : خالك مو امك واختك لميس : المهم اهلك مايجووون سعود : لا كلمتي بتمشي لميس : اجل خلاص روح انت واهلك وانا ماني برايحه ودخلت الغرفه وسكرت الباب بقوه لميس : اففففف مانبسط لحالي كله مع هالزفت امه وديموه ينقال الحين يحبوني مالت بس مالت على هاللحظ لو ماخذه عمر احسن لي يمكن اهون قالوا عمر خاتم بأصبع امه اطلعوا اثنينهم نفس بعض ويمكن سعود ادهى وأأمر سعود كان ورى الباب وسمع كلامها عن عمر وحس بغيره مو صاحيه ورجع للصاله كان بيراضيها بس اول ماسمع كلامها وكيف تمنت ماخذه عمر انقهر وثار دمه ........................................ منال ماسكه صورة عبدالعزيز بالثوب الأبيض والشماغ الأحمر والبشت الأسود وهي منال بالفستان الأبيض والمسكه الفوشيه الفخمه غمضت عيونها بقووه وينه عبدالعزيز وينه ليه تركها ولا رجع لها منال : وينك ليه تركتني ولا رجعت .. رشا راحت ماتت وينك وينك ..؟ انهارت دموعها بخدها منال : لييه تعذبني خلاص انا قلبي رهيف مايتحمل اكثر من هالعذاب تكفى ياعبدالعزيز ارجع لي ارجع لي ورجعني لأول ضحكه في عمري ضحكه طالعه من قلب ضحكه ماتعرف غير الفرح تكفى ارجع ارتمت بالسرير والصوره ضامتها لصدرها ونامت ................................. رائد رجع بيتهم وهو يفكر سرحان باله مشغول بشهد يتذكر جمالها نعومتها قوامها دلعها كل شئ فيها يجذبه كل شئ فيها ينبع بالجمال حتى لو كان في احلى منها بنظره هي ملكة جمال رائد ابتسم بشوق وحب لشهد متى تجي الأجازه ويتخرج من الجامعه ويتوظف بشركة ابوه ويتزوج شهد متى متى بيلبس البشت وتلبس الفستان وينزفون بيوم عرسهم متى ..؟ كل هالأفكار ببال رائد يتمنانها تكون اليوم قبل بكره ..................... في اليوم الثاني .. الساعه 7 المغرب لمى عينها المليانه بالدموع ماجفت من امس ولا نامت هذا حالها من امس ويمكن بيستمر طول العمر عايشه بحبس وعذاب متى بيجيها الفرج ماتدري غمضت عيونها بقووه تتمنى تفتح ترجع لمى الصغيره وتكبر مو تكبر مثل ماكانت تكبر وتتعلم الخرابيط اكثر واكثر تكبر وتتعلم دروس الحياه اكثر واكثر الحياه مدرسه ولمى تعلمت منها دروس كثييره الخدامه سوناري : مدام لمى وهي تناظره والدموع انهارت على دموعها بهدوء وابتسامه اهدئ من دموعها ارتسمت على شفايفها سوناري آآه ياسوناري كم مره تهاوشت معها كم مره عذبتها كم مره ذلتها كم مره بكتها وفوق كذا الخدامه تعزها هي بهالدنيا محد يحبها غير خدامه ايه خدامه الخدامه هذي كانت احن عليها من امها الخدامه سوناري حطت الأكل على الطاوله وقالت بحنيه : مدام لمى هذا اكل بليييز اكل مدام لمى وهي تهز راسها بنفي مثل الطفله : مابي الخدامه سوناري جلست جمبها وقالت بعطف : مدام لا يبكي خلاص ماما كذا هي في قاسي كثيير لا يبكي مدام انا في يبكي مع انتي لمى ابتسمت لها ولا شعوري ضمتها وغمضت عينها اول مره تمنت تكون خدامه اول مرره ابعدت سوناري عن لمى بصوت رفسة الباب القويه الي روعتهم ثنتينهم ام لمى وهي تتخصر وتقول بعصبيه وشرار يلمع بعينها : سونااري ووجع الخدامه سوناري وقالت بأرتباك : يـ..س .. يس مدام ام لمى : انا لي ساعه اناديك واثاريك هنا يالتبن انتي الخدامه سوناري : انا في جيـ ام لمى مسكتها من طرف تيشرتها ودفتها بقسوه لبرا وقفلت الباب وقالت وهي تتخصر : انتي هيه لمى كانت منزله راسها ورفعته وناظرت بأمها والدموع ماليه عينها ترد عليها بدموع :....... ام لمى : انا اكلمك قولي نعم لمى بصوت مبحوح : نعم يمه ام لمى بعصبيه : وجع ماني بأمك ولا اتشرف انتي ببنتي لمى ردت عليها بدموع ثارت على خدها بقوه رهيبه ودفنت راسها بحضنها وبكت بقوه وبصوت عالي وشهقات اقوى من بكاءها .. بكاءها قووي قووي ويهز الصخر لكن امها قلبها اقوى من الصخر بكاءها وشهقاتها زادت من قسوة ملامحها وحدتها ام لمى بأمر : تجهزي يالله ابيك تكشخين وتلبسين احلى ماعندك لمى :........................... ام لمى : بعصبيه فاااهمه البسي احلى ماعندك اليوم ضيوف عندنا لمى : واطلع لهم وانا صوري منتشره وشرفي ضاع بهالزمن وتلاشى انا يايمه بلا شرف بلا اخلاق ام لمى : مشكلتي ولا مشكلتك .. البسي واكشخي وابيك تكونين قمر فااهمه لمى : مين هذيلي ام لمى : ومن انتي عشان تسألين لييه ياحلوه اليوم جايينك خطاب وانا وافقة عليهم لمى شهقت : خطاب ام لمى : اصص ولا كلمه ايه خطاب وبتوافقين غصب عنك مالت على حظي ليتني ماخذت ابوك وجبت من تزوجة ابوك وانا حظي عاثر وجبتك عاد زاد عثارة هالحظ وتفلت بوجهها وطلعت من الغرفه وسكرت الباب بقوه ونقزت لمى من قوة تسكيرة الباب لمى : اكرهها اكرهها ماحبها ماحبها وبكت اكثر من البكا الي قبله بعدها وقفت وراحت لدورة المياه "الله يكرمكم" وغسلت وجهها وناظرت فيه مافي شئ مثل ماهي قمر لكن انفها وعيونها حمراا مسحت وجهها بالمنشفه وطلعت وبدلت على حسب طلب امها لبست فستان انيق يجي ربطه على الرقبه ويبين نصف ظهرها ومن قدام ريش مايل على بعضه بطيقه انيقه ومرتبه وللخصر ضيق وفيه فيونكه حمرا فخمه تزيد من فخامته واناقته وبعدها لفوق الركبه ضيق تقريباً الفستان مو ساتر فيه خلاعه لبست كعب احمر وبرمت شعرها من الجهتين واخذت الباقي وعملته باف على تحت وحطت ورده حمرا وسط ولا نزلت ولا خصله على وجهها وحطت قلوس احمر مالها خلق تكشخ ودها تذبح نفسها وترتاح لكن امها لو تشوفها وماتعجب فيها بتحفل فيها الأرض فتكشخ احسن لها من المشاكل يكفي قساوه وذل ماتبي تكرهه امها اكثر من ماهي كارهتها جلست على السرير والفستان انرفع لنصف فخذها وهي تهز بتوتر بتنخطب اليوم خطوبتها هذا حلم كل بنت كثيير حلمت تنخطب وتنزف بيوم عرسها لكن مو مثل ماتمنت انخطبت عشان بس تستر عليها امها بعد فضيحتها الي عملتها صارت الساعه 8 ودخلت امها وبأمر : يالله انزلي وقبل لاتطلع لفت لها وقالت : اوقفي لمى ناظرتها بأستغراب :......... ام لمى : اوقفي بشوف شكلك ولبسك اوكي ولا مو اوكي لمى وقفت ولفت لفتين ام لمى : اوكي يالله انزلي وقدمي العصير ولا تفشلينا لمى هزت راسها .. إهانه ورى إهانه . إهانه ورى إهانه وتهز راسها لكل إهانه تسمعها من امها بطاعه وخوف إنها تضربها اذا عصتها وعارضتها نزلت تحت وراحت للمطبخ واخذت العصير المجهز وقدمته للناس كانوا ثلاث بنات وحده كبيره وثنتين تقريباً بعمرها والأم كبيره لكن مبين عليهم الكشخه والعز مدت لهم العصير وهي ساكته والحزن واضح على وجهها التفتت على امها وخزتها خزه مو صاحيه معناها ابتسمي ابتسمت مجامله لهم وزادت من حلاوتها هالأبتسامه الي خققت اللكل جلست جمب بنت اسمها "جواهر" جواهر : كيفك عروستنا ..؟ لمى :............................ بخير جواهر : ماشاء الله قمر والله لمى ابتسمت مجامله : من ذوقك جواهر : مصدر الذوق انتي -اشرت على البنتين الي بالكنبه الي جنبهم- هذيلي خواتي توأم ريتال وريتان في ثالث ثانوي لمى ناظرتهم وابتسمت لأشكالهم توأم ويشبهون بعض حييييل ام عزام : كيفك لمى ..؟ لمى : الحمدلله بخير ام عزام : ماشاء الله تهبلين قالوا حلوه بس ماتوقعناك بهالجمال لمى  جمال اي جمال بلاكم ماتدرون إن هالجمال كله يعيش بعذاب ) تسلمينام عزام : والله يالمى ولدي عزام عمره 26 .. معيد في جامعة الملك فيصل ويدرس دكتوراه في بريطانيا .. وشاريك يابنتي لمى ابتسمت :................. ام عزام : والحين يحتريك بالمجلس يبي يشوفك لمى صرخ بداخلها : ( لاااااا مابي لاا وين ابوي وين اخوي وين عزوتي مين بيسلمني له بروح لها ان لحالي ) عينها الواسعه العسليه غرقت بالدموع شوي خافت تغمض وتنهار اول مره تحس بحاجه للعزوه هي رخيصه مافي احد بيسلمها لزوجها لو كان مو رجال لو كان بيعذبها لمين بتلجأ لأمها القاسيه وقفت بسرعه وراحت لبرا وهمست لأمها وهي تمشي تعالي ماسمع هالهمس غير امها ووقفت وراها ام لمى بعصبيه : انتي وششفيك هاه ..؟ لمى بضعف : يمه بتسلم له بدون رجال بروح له لحالي لهالدرجه انا رخيصه .. يمه انا مستحيل ادخل له بدون محرم ام لمى وهي تتكتف وتهز : انا محرم لمى : المحرم رجال وانا مادخل إلا بمحرم ام لمى : وانا اقول ابلعي العافيه وتفضلي للمجلس بيدخلونك خواته لمى : ماراح ادخل ام لمى سحبتها من يدها : يالله بس يالله ولا يكثر كلامك ويالله اشوف قدامي للمجلس ام عزام : هاه يا ام لمى عزام يبي يشوف البنت ام لمى : والله مثل ماتعرفين البنت ماعندها احد يدخلها فياليت وحده من البنات تجي مها وقفوا كلهم ام عزام : الله يهديكم كلكم بتروحون جواهر روحي انتي جواهر : طيب مسكت لمى من يدها وودتها للمجلس دخلت لمى وهي شوي وتطيح ويغمى عليها عزام رفع نظره للقمر الي قدامه كل شئ فيها يخبل ويذبح لكن الصور الي وصلته ماهو قادر ينساها وناويها فيها جواهر : اخليكم لحالكم لمى قبل لاتطلع جواهر التفت وطلعت معها : بجي معك جواهر ببتسامه : لمى لايكثر ويالله ادخلي دخلت لمى وجلست على الكنب بقلة حيله وضعف فقدت توازنها وتخاف تطيح على الأرض عزام وقف وبجراءه جلس جمبها وقال بخبث : شخبارك لمى تبي تتكلم لكن صوتها اختفى عزام هزها بقوه : قلت لك شخبارك لمى ارتجفت شفايفها ويدها من بدايتها كذا ايه ماتلومه عزام مسك يدها وضغط عليها بقوه يبيها تنطق لمى نطقت : آآآه يدي عزام : وبتشوفين اكثر يا لمى لمى بضعف : ليه تزوجتني لييه دامك ماتحبني ..؟ عزام : كنت احبك لكن هذا كان فعل ماضي والحين كرهتك ونثر الصور بوجهها ولمى ناظرتهم الصور الي عندها عنده اييه ماتلومه بعد هالصور بيحبها لمى وقفت وقالت : ماني بلعبه بتاخذني تعذبني انا ماعندي ابو واخو لكن عندي عمام وعيال عم ينشد فيهم الظهر .. اسمح لي انا مو موافقه علييك عزام : هههههههههه امك وقعت بدالك يالواثقه بعمامك وعيال عمك خليهم ينفعونك الحين .. يالله البسي عباتك وبسرعه على السياره وطلع ودزها وطاحت الحين على الأرض بضعف وهي تبكي وش تسوي لمين تروح لمين تلجأ امها بقسوها رمتها لواحد اناني مثلها .......................... ام عزام ~~< العمر : 42 الأسم : عهود .. دكتوره في الجامعه .. عزام ~~< العمر : 26 .. معيد ويدرس ماجستير في بريطانيا .. شاب وسيم وجذاب وجمييل بمعنى الكلمه وحبوب لكنه مغرور وفيه قسوه لكن فيه حنيه .. حنون على خواته ومغرور على الغير جواهر ~~< العمر : 23 .. اخر سنه بالجامعه تدرس في الإمارات في الجامعه الأمريكيه .. تخصص : علم نفس .. متزوجه .. طويله ونحيفه ورزه لا مشت وجذابه ونعومه في ملامحها كل شئ فيها دقيق ونعوم وشعرها لونه شوكلاته يغطي ظهرها حرير وكثيف ريتال وريتان ~~< العمر : 18 .. في ثالث ثانوي .. قسم : علمي .. يتشابهون بكل شئ طوال ونحاف وانفهم دقيق وحاد وشفايفهم صغار وفوشيه وعيونهم ناعسه وعسليه بس الأختلاف ريتال شعرها مقصص لتحت كتفها ولونه اسود وريتال طويل لنصف ظهرها لونه اسود ................................. في المول شهد ولجين يتسوقون وماتم محل مادخلوه يوم ملكة شهد قربت الخميس الجاي وهي تتجهز لها لجين جلست على الكراسي الي بوسط المجمع : اففف شهد تعبت من الدوران شهد : وانا كمان تعبت بس وش اسوي ملكتي يالله قومي نكمل لجين : افف شهد بلييز خلينا نرتاح بس شوي اليوم كله بالمولات بنقضيه شهد : افف منك يالعجوز لجين تموا شوي تقريباً ربع ساعه ووقفوا وكملوا دوران بالمجمع شهد شرت لها ساعه سويسريه فخمه لونها بيج وفيها زخارف بالذهبي وكانت قمه في الفخامه والروعه لجين شرت لها عطر ماركة "جيفنشي" شهد : تصدقييين احس اني بطير من الفرحه لجين : اكيد بتطيرين من الفرحه دامك بتاخذين واحد مثل رائد شهد : هييه اغار لجين : هههههه اقول يالغيوره بس انتي ترى بدري ماتزوجتوا يعني عادي اخذ راحتي لذاك الوقت يحق لك تغارين شهد : ماالت لجين : اممم ملل بيكون بالبيت شهد اول مره تشوف اختها بهالطيبه كانت مغروره فجأه تحولت لطيبه وفيها عزة نفس مو صاحيه عمرها مافضفضت عن الي بداخلها وقالت وش تحس فيه بس هالمره قالت إنها بتمل من بعدها وهي مصدومه شهد : بتملين ..؟ لجين : ايه بمل ريناد بلندن وانتي بتتزوجين وانا بضل لحالي شهد : ماراح تتمين اكيد بيجيك نصيبك لجين : ماتوقع شهد : النصيب الي خلاني اتزوج بيخليك تتزوجين لجين : شهد انا حلوه ..؟ شهد : ايه وربي قمر لجين : اجل ليه الناس مايبوني لييه مانخطب لييه ..؟ شهد : هههه لأنهم يغارون منك لأنك بتكونين اكيد احلى منهم لجين ابتسمت : جد شهد : ايه وربي جد انتي .. اصلاً انتي مخبله بخلق الله لجين : ههههههه الله شهد : خلينا بس نكمل اسوقه مدحتك واجد لجين : ماالت ......................... اريج كانت تنظف الشقه وواصله معها مانامت وازعاج بالبيت صياح شموخ الي ماسكتت واشواق ولعبها الي هي تنظف واشواق توسخ اريج نظفت الأرض للمره السادسه وجات اشواق تركض وداست عليها اريج صرخت بعصبيه : هييييييييييييييييييه اشواق ارتاعت والتفتت عليها بخوف : وش سويت ..؟ اريج : كم مره نظفت الأرض هاااه انا مو امك مكلفه فيييك توسخين وانظف بعدك -وبعصبيه اقوى- شيلي خرابيطك والعابك وانقلعي العبي بغرفتك -بصرخه ارعبت اشواق- يالله اشوف قدامي اشواق ركضت اخذت اغراضها الي تمسكهم من جهه ويتناثرون من جهه وتنزل تجيبهم يطيحون الباقي اريج : والله يا اشواق لو ماتنقلعين الحين وربي لأحفل فيك الأرض جننتوني يالله شيلي العابك اشواق شالتهم وهي تحبي وراحت لغرفتها وقفلت الباب اريج راحت لشموخ لا عصبت ماتسيطر على نفسها طبعت كف قوي زاد من بكاء شموخ اريج صخرت : بس خلاااااااااااااااااااااص جننتوني والله جننتوني وجلست على الكنب وهي تهز بقوه ويدها على راسها ريان دخل البيت وبيده اكياس من السوبر ماركت كثيره وداها المطبخ ورجع لأريج الي ماسكه راسها وتهز وشموخ تبكي بقوه وتصارخ ريان : وششفيها ..؟ اريج بعصبيه وصراخ : شوف هذيلي عيالك انا مابيهم جننوني والله جننوني خلاااااااااااااااص اخذهم فكني منهم عساهم يموتون جننوني وانسدحت على السرير وتغطت بالبطانيه وقالت من تحت البطانيه : اخذ هالزفته وانقلعوا برااا بنام ريان راعى الحاله الي هي فيها وحاس كيف تتعذب اخذ شموخ ودار فيها بكل الشقه لحد ماسكتت ونامت بين احضانه استغرب من عدم وجود اشواق وطل بغرفتها شافها تلعب وتبكي ريان جلس جمبها وبحضنه شموخ : اشواق وشفيك ..؟ اشواق : ماما هاوشتني ريان ابتسم وهو يمسح على خدها بحنيه : حبيبتي لاتزعلين بس هي شويه زعلانه ومعصبه لأنها تعبانه مانامت وشموخ تبكي معليه لاتزعلين طيب شواقه اشواق : بس هي صرخت علي بقوه ريان : معلييه حبيبتي بعدين تراضيك طيب اشواق : طيب ريان ابتسم وانسدح على سرير اشواق بتعب وجمبه شموخ ماكان نايم بس منسدح بغرفة بنته ........................... شجون وهي ماسكه بنتها راما وتهز بقوه وهي في حضنها شجون تبكي : اخاف افقده مثل مافقدت اللكل اخاف افقده ياسر : تعوذي من الشيطان ياشجون وإن شاء الله بيرجع شجون : متى بيرجع هااه متى بيرجع وهذا مر يومين ولا رجع ياسر : بيرجع إن شاء الله شجون : روح الكويت دور علييه ياسر : ينقالك الكويت صغيره بدور عليه بسهوله شجون برجا : تكفى ياسر روح هناك وبلغ شوف هذا اخوي مالي غيره تكفى ياسر : طيب بشوف اقرب طياره بكره بتتوجهه للكويت بروح فيها شجون : تسلم ياسر : انا طالع الحين انتبهي لنفسك وللعيال شجون : طيب طلع ياسر وشجون مسكت عيالها وضمتهم لحضنها اذا فقدت اخوها هذا الي باقي لها عيالها كانت بتبكي على فكرتها المجنونه إنها تفقد اخوها وبسرعه مسحت الدموع الي بوسط عينها قبل لاتنزل ماتبي تبي تبي تتفائل إنه بيرجع واذا مارجع يكفي وجود عيالها مالك وراما وكادي ............................. الأيام مرت وجاء يوم الخميس .. مو اي يوم يوم ملكة احلى اثنين [ رائــــ شهد ـــد ] شهد لابسه الفستان المخصر والأنيق على جسمها .. الفستان لونه موف ماسك على الصدر "توب" للخصر وبعدها سير باللون البنفسجي اغمق من درجة الموف فيه ورده على جنب بالبنفسجي وكان فخم وانيق على جسمها للركبه وشعرها المتناثر على شعرها بحيويه عاملته كيرلي وخصل حريريه على بشرتها الناعمه وروج فوشي صارخ بشفايفها الصغيره يلمع .. وايدها الطويله النحيفه مزنتها بالمناكير البنفسجي وكعب بنفسجي زاد من طولها ناظرت شكلها بالمرايه وابتسمت برضا لشكلها كانت تخفي الخوف الي بداخلها من وهي صغيره شهد ماتحب تبين لأحد إنها خايفه تبين إنها جريئه وهي تحترق من داخل دخلت ساره الي لابسه فستان احمر ماسك على صدر وفيه ورود على جنب بالأيمن باللون الفضي للخصر وبعدها باف وفيه كسرات ومن الأكمام شيفون يبتدي من الأكتاف للنهايه بس طاير مو ثابت على يدها ومنسقه عليه الأكسسوارات وكل شئ باللون الفضي ساره ببتسامه تخفي الحزن الي بداخلها : جهزتي شهد هزت راسها ولفت حوالي ثلاث مرات وقالت بدلع : حلو شكلي ..؟ ساره : هههههههه تهبلين شوي ودخلت لجين مع صحباتها رزان ومروى وروند لجين بس تكون مع صحباتها تنقلب مئه درجه تكون مغروره عشان تسلك معهم ولا هي طبعها طيوبه ومتواضعه لجين بغرور وهي تأشر على اختها بفخر : هذا اختي شهد ناظروها البنات بأعجاب رزان : لو ادري يا لجين إن عندك اخت بهالجمال كان خطبتها لأخوي لجين بغرور : ايه اختي دائماً تتخطب ماشاء الله قمر روند وجابتها على الجرح : ماشاء الله غطت عليك اشوف الخطاطيب كلها لها وانتي مالك من هالخطاطيب لجين الغرور الي كان ينبع منها اختفى وتحول وجهها للون الأحمر احرجتها روند وهي خاصتاً منجرحه من هالشئ وماتدري كيف اهلها وافقوا الصغيره تتزوج قبل الكبيره لجين بسرعه قدرت تدارك الموقف وترجع غرورها : لا ياحلوه انا قمر واهبل واللكل يبيني لكن انا عييت ومابي اتزوج إلا لما اخلص دراستي وقلت لمامي تزوج شهد لأنها لو بتحتريني لحد ماخلص دراستي واتمتع ببيت اهلي واتزوج كان اهي عنست روند : بس العناسه بتضمكم ثنتينكم لجين انقهرت منها وش جايه ذي ترمي عليها كلام وقالت بقهر : عاد من زينك انتي ولا ينقال الخطاطيب على الباب يحترون منك كلمه -وبغرور ودلع وهي تحرك شعرها- انا ياحلوه انخطب مو انتي محد يبيك .. تراك كبري ولا انخطبتي فاهمه لاتغترين روند : بس يعني اقول اكيد الناس بنظرهم الصغيره احلى هالي انخطبت قبلك لجين : سبق وشرحت لك مروى : بنات هدوا هدوا صلوا على النبي وشفيكم .. لجين وروند : عليه الف الصلاه والسلام ساره كانت تناظرهم مستغربه النظرات الناريه بينهم وفوق كذا تضمهم صحبه ماتدري كيف هالبنات يجتمعون وكل وحده الغرور ينبع منها وكل وحده احقد من الثانيه وش هالصداقه محد يحب الخير للثاني اشمئزت منهم وناظرتهم كلهم من فوق لتحت بأستحقار وطلعت شهد لفت وناظرت نفسها بالمرايه ومو مهتمه لوجود صحبات اختها وهي مو معجبه فيهم مروى بهدوء تقدمت لها ومدت يدها شهد ناظرتها بنظره مغروره لفتره طوويله وبعدها مدت يدها مروى ببتسامه متواضعه وناعمه : مبروك شهد : الله يبارك فيك مروى : الله يوفقك إن شاء الله شهد غريبه هي الوحيده الي جات منهم وسلمت عليها وباركت لها شكلها غير عنهم وحبوبه شهد ابتسمت لها وكملت تحط القلوس الي شوي جف وصار لامع وصارخ بشفايفها مروى : تهبليين وربي شهد ابتسمت لها : من ذوقك رزان : ايه ماشاء الله قمر اختك لجين : قديمه روند : ترى مدحنا اختك مامدحناك لجين : افففف -بعصبيه- اقول ورى ماتنقلعون برا تراكم مو قرايبها وطردتهم برا والدموع تتجمع بعينها بملكة اختها وحبيبتها وصديقتها واقرب وحده لها ولقلبها تبكي لجين : ( لااا لااا يالجين لاتبكين هذي ليلتها لا تبكين وتضايقين نفسك وتضايقينها ماعليك منها هالزفت روند ماعلييك ) مسحت الدمعه الي كانت متجمعه بعينها وعلى شبه الأنهيار وحاولت قد ماتقدر ماتبكي وتمثل الفرح .... في الصاله الفخمه والمليانه بالناس والحضور الديكور والكراسي والطاولات والجسر تصميم تركي لون القاعه الوان مختطله بكل القاعه والطاولات مرتفعه والكراسي مرتفعه وشبه واقفين والمضيفات رايحين وجايين بالعصيرات والمسرح والجسر بوسط القاعه الفخمه جاي بهدوء وصوت ماجد مهندس يملي المكان وكل شوي غيروه الموجودين بالسيدي [ راشد الماجد وعبدالمجيد عبدالله ويارا وماجد المهندس ] ساره كانت واقفه على احدى الطاوله وبيدها عصير فراوله المليان بالثلج ساره كانت كل شوي تناظر بجوالها وينه ليه مادق له اكثر من اسبوع ومارجع تبتسم تضحك تفرح لكن بداخلها حزن وضيق مو طبيعي زوجها مسافر ولا تدري هو وين وعن اخباره حتى صوته ماتسمعه وتهدي نفسها بكلمة "يمكن عنده شغل" .. شوق ماجلست بالقاعه لأن التعب يوم عن يوم يزيد وجالسه بسويت شوق لكن بالغرفه ومنسدحه الألم زاد عليها وماقدرت تتحمل وخاصتاً لأن القاعه والطاولات واقفين مو يجلسون دخلت عليها اسيل وقالت : اقول شوقه وش مجلسك هنا تعالي نفلها ونرقص براا شوق لفت وجهها : لا بليز اسيل تعبانه مالي خلق اسيل بعناد راحت لها وجرتها من يدها : لا يكثر هرجك بس ويالله تعالي وقفتها غصب عنها وشوق رافضه ومعانده لكن اسيل اعند منها وطلعتها للقاعه اسيل : ماعليه اجلسي بالكرسي مو لازم توقفي شوق : ياسلام اللكل واقف إلا انا كني عجوز اسيل : انتي مسويه نفسك عجوز ولا اللكل يحمل ويولد إلا انتي رقيقه شوق : انطمي .... اروى كانت واقفه عند البوابه الي بالشارع ورايحه وجايه انفتح الباب وناظرت بالباب بأهتمام وركضت للبنت الي داخله من الباب وضمتها بلهفه وشوق اروى : يادبه وحشششتيني : هههههههههههههه وانتي بعد اروى مشت بهدوء واشرت لها : تعالي معي لحد يشوفك مشت وراها وودها لغرفه المضيفات : اجلسي هنا اشمئزت من المكان : لا شوفي كيف العصيرا وحاله وعفسه اروى : ماعليه ماراح نطول عليك : اوكي اروى ابتسمت : يالله سلاااام ببتسامه : سلام طلعت اروى وهي مبسووطه حييل قد ايش بتفرح ...... لما تشوفها رقصت بالمسرح وكانت هي الوحيده على اغنيه " صدفه " وكانت تترقص وتتاميل بدلع لايق على الأغنيه والأنظار كلها عليها كانت ملكة جمال والي بجاملها ماينتفوت عدت 25 لكن الي يناظرها كأن عمرها 20 شاركتها بالرقص ملاك وكانوا ثنتينهم ساحرين بجمالهم ودلعهم خلصت الأغنيه وهم مبتسمين لبعض ........ في مجلس الرجال كان رائد هيبه ورزه بالثوب والشماغ الأحمر والبشت الأسود هذا اليوم الي حلم فيه تحقق كان واقف والناس تبارك له وهو يبتسم بفرح وغمازته تبين وكان جذاب ووسيم بمعنى الكلمه كان بيمينه ابوه وبيساره عمه ابو فارس .. وجمب ابو فيصل فيصل وجمب ابو فارس فارس فارس رجع من السفر لزواج اخته شهد ودلوعته فارس كان ينقل بين فتره وفتره نظرات ناريه وحاقده لبدر المرسومه على وجهه ابتسامه هادئه فارس وقف وجلس جمب بدر وقاله بحقد ينبع من عيونه ونبرته : صدقني بتندم بدر التفت عليه واستغرب : بندم على ايش فارس بحقد بين اسنانه : بتندم على اللحظه الي اخذت فيها شوق مني والله بتندم بدر : انتي الي تركتها فارس : انا ولا هي بتندم يعني بتندم وماكون فارس ولد التجار والفلوس إذا ماعلمتك مين انا ومين قدري هاللي مستهين فيني وقف ورجع مكانه جمب ابوه وبدر مو عارف يفسر كلامه متنافض يبي الدنيا لكه بكيفه يطلق ويتزوج على كيفه ولا احد يحاسبه ناس متخلفه بنظره ..................... | ||||||||
|
| |
|
24-06-19, 07:50 AM
| #59 | ||||||||
| مراقبة عامة ومشرفة منتدى الروايات المنقولة
| في الشاليهات .. كانوا قبال البحر وسوالف وضحك والرجال يشوون كانت العائله كلها مجتمعه لكنهم مو مجتمعين على الحب كل وحده بقلبها على الثانيه منال واريج ولميس وحنين وربى ولمى وغدير وديما كانوا بلمة وحده حوالين الحطب والنار الي يشتعل فيه الجووو برد مرره في عز الشتاء والرجال سامي وسعود وبسام وعبدالإله ومهند وريان حواليين الشوي وسوالف وضحك .. حنين وهي ماسكه يد اريج تهددها تحطها بالنار اريج : حنييييييييييييين فكي ايدي حنين : مانييي فاكتها إلا لما تقولين اسسفه اريج بطفش : افففف اسفه اسفه خلاص ايدي حنين تركت ايدها وهي مبتسمه : اييه كذا ولا كان احترقت يدك اريج : اييه تقدرين تحرقينها عشان ريان يذبحك حنين : بسس بدينا تتكلم بأسطورة ريان وفزعاته على اساس غزواته اريج ضربتها على كتفها بخفيف : انطمي ياحماره -وبدلع- كل شئ ولا ريوني حنين : يريووني انتي لاتذوبين بس وانتي تقولين اسمه اريج : هههههه لمى كانت عكس اللكل هم يسولفون ويضحكون ويستهبلون وينكتون وهي ساكته وهاديه عكس طبعها ولا ناظروها ابتسمت مو مثل ابتسامتها المغروره ابتسامه مكسوره لميس بأستهزاء لحال لمى : انتي وشفيك الحين ..؟ لمى ببتسامه مكسوره وحزينه ردت وهي منزله راسها : فيني الي فيني لميس بنغزه : الناس لا تذكروا الماضي ماضيهم حلو اما انتي لاتذكرتيه استغفر الله بس لمى ودها تصرخ بوجهها يكفي يالميس يكفي مايكفيك إنك رميتيني بالبيت وقطعتيني عن دراستي وحطمتي مستقبلي يكفي دعاويك علي يالي خلتني بهالحاله يكفي وربي يكفي ) بسرعه دفنت راسها بحضنها وبكت بصمت والبنات ناظروا ببعض من متى لمى تتحسس من اصغر كلمه من متى حنين الي تكرهها ودم ضروسها : ماعليكم بنات خلونا نكمل سوالف ربى ضربتها بكوعها بقوه معناها اسكتي حنين خزتها بقوه وقالت : والله خايفين عليها وهي ماتخاف ولا تحس بمشاعركم هذي يابنات بكت لميس بكوشتها وقدام الناس ولا شفقت عليها ابتسمت بأنتصار والناس متجمعه عليها وخايفه عليها اقول بس لميس حنت على لمى لكن بعد ماسمعت كلام حنين قست عليها وتذكرت الي سوته لها تذكرت قسى قلبها عليها وكيف بكتها بكوشتها وهدمت عرسها وقدام الناس لمى هدت ومسحت دموعها وقالت وقف توقف : انا بروح للبحر ام لمى بحزم وقسوه : مافي روحه اهجدي مكانك لمى : بس انا تعبانه ومخنوقه وابي اجلس لحالي ام لمى : اقول بس اجلسي لمى مشت بعناد للبحر وام لمى ماهمتها ودعت بسرها إنها تنسرق او ياخذها البحر وتموت سعود بصوت عالي للميس : لميس تبي تركين دباب ..؟ لميس بحماس : ايوووه سعود : يالله تعالي وقفوا البنات كلهم ولبسوا عباياتهم وكل وحده اخذت لها دباب وهي متحمسه عند الرمل وقبال البحر جالسه لمى وماسكه بيدها حصى تخربط فيها بالرمل ودموعها غزيره على خدها اول مره بحياتها تبكي دمعه مو اي دمعه .. دمعه حرقت خدها دمعه شوق للأبو والاخو الي فقدتهم وبيوم واحد .. فقدت السند والعزوه فقدت ضلعها ويمينها وارتمت على قسوة امها وجفاها ورمتها على واحد بملكتها بكاها وهذا جزاء لها لما بكت لميس بكوشتها بكت هي بملكتها ضربها احد من وراها والتفتت مرتاعه : من غدير ببتسامه : انا غدير وشفيك ارتعتي لمى ببتسامه : لا بس خفت يعني وش جابك غدير : تعالي بنركب دبابات كلهم راحوا لمى : لا مالي خلق غدير : يالله عاد بلييز عشاني لمى وقفت وراحت مع غدير هي البنوته الي كانت تسحر اللكل هي دلوعة ولد خالها بسام هي وهي وهي تغيرت وصارت المكسوره الحزينه ودها يرجع الزمن مثل قبل وتستهبل وتدلع على ولد خالها بسام الي تعتبره مثل اخوها الي فقدته .. ومحمد الي كانو طول عمرهم يفكرون إنهم لبعض طول عمرهم بانين احلامهم انهم بيتزوجون مو حبها له اخوه مثل بسام حبها له حب زوج بعد كم سنه بيوم زوجها شريك عمرها لكن للأسف محمد ماكان وفي معها سحب عليها وسافر وانرمت بقساوه على عزام مشت مع غدير وكل خطوه تطبعها بدمعه حاره من خدها وصلوا للمكان الي فيه الدبابات واستقبلها الأخو الي فقدته بالتحيه والأبتسامه : ياهلا بلمووي لمى التفتت له ووجها مليان دموع بسام كبر وهي كبرت وانخطبت هي مو حلال علييه مو طول عمرها بتقول هذا بأعتبار اخوي هذا بأعتبار اخوي .. هذا مو اخوها هذا ولد خالها لازم تصحى من هالحلم وتفتح عينها على الواقع لمى لفت للجهه الثانيه وغدير تأشر لها تركب دباب ركبت لمى وبان الجينز الرصاصي الي لابسه ومخصر على رجولها مشوا غدير ولمى والبنات كلهم قبلهم صاروا مع بعض كل البنات وكل وحده مبسوطه وتمشي بحماس حنين المرجوجه فحطت وغبار على البنات كلهم صرخوا وصلوا لمكانهم والشباب مستعدين ومتحمسين بيسون سباق بين الشباب والبنات جاء دور لمى لكن لحظها العاثر مع بسام ركبت وركب هو حاولت تكون بقد ماتقدر طبيعيه وتعامله مثل قبل بسام بصوت عالي : تتحديني لمى بضحكه خفيفه : هههه ايه مستعده مشوا اثنينهم بحماس قوي والغبار وراهم واثنينهمي يضحكون ومتحمسين فجأه وقف بسام ووقفت مع لمى مستغربه لمى : شفيك ..؟ بسام نزل من دبابه وركب وراها بجراءه وتمسك فيها مثل الطفل خايف يطيح وراسه على كتفها وقال بصوت مكسور : ليه تزوجتي ..؟ لمى استغربت من حركته الجريئه وجمدت بمكانها مو قاده لاتتكلم ولا تتحرك بسام : لمى انا احبك لييه تزوجتي لييه انا بسام انا ولد خالك انا اقرب لك من الغريب لمى بهدوء بعدت راسه عن كتفها وايده من بطنها وكانت بتوقف لكن بسام مسك ايدها وجلسها بالدباب وصاروا مقابلين بعض ومافي مسافه بينهم لمى تخوون اييه تخوون تلفتت خايفه يكون في احد تبي تهرب لكن بسام ماسك ايدينها بقوه خافت من الناس ماخافت من الي فوقها الي يناظرها ولا يغفل عنها ثانيه لمى ودموعها على خدها : بسام انت اخووي مو اكثر من كذا .. تكفى بسام لاتتركني وكون الأخو الي ماجابته امي وبسس أخوي وبس بسام : لا يالمى انا مو اخوك انا ماعمري اعتبرتك اختي انا اح لمى : لاتكمل يابسام -وبجفا- انت اخوي وبس مو اكثر يابسام ولا تفكر بيوم اني اعتبرتك اكثر من إنك اخوي -اشرت على قلبها- بالقلب يابسام سكنه محمد وبعدين بيسكنه عزام ونزلت من الدباب وركبت دباب بسام ومشت بسرعه ودموعها على خدها حفره كبيييييييييره قدامها طاحت فيها وبسام صرخ : لمـــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــى لمى طاحت في الحفره والدباب فوقها حاولت تبعده عنها لكن مابعد بسام المنقذ سحب الدباب بكل قوته وبعضلاته ولمى مجمده بمكانها كل خليه بجسمها جمدت ناظرت فيه نظره مشوشه وفقدت وعيها واغمى عليها ...................... شهد ناظرت نفسها بالمرايه للمره المليون وهالمره للمره الأخيره مطمئنه لشكلها مو خطوبه ولا عرس ملكه بس ماطلعت للناس إلا متأخر طلعت وهي متوتره ومبتسمه بنعومه تزيد حلاوتها سلمت على الي كانوا مجتمعين على الباب ينقال يزفونها مشت على السحر بدلع تخفي فيه خوفها وصلت للمسرح ووقفت وهي مبتسمه بأرتباك والناس تجي لها للمسرح وتبارك لها وهي تبتسم تجمعوا حولها البنات ورقصوا على اغنية "عسى دايم نكون احباب" مسوين دائره وهي بالوسط يترقصون بحماس وهي تترقص بدلع وخجل خلصت الأغنيه واروى مسكت المايك وقالت : الييوم يوم ملكة اخوي وبنت خالتي واليوم بعد فرحة رجوع بنت خالتي .......... نووووره من لندن اسيل كل خليه بجسمها جمد وماعادت تتحرك نوره رجعت من لندن نووره رجعت من لندن تجمعوا البنات حول بداية المسرح ونوره مشت بالجسر مثل الملاك الساحر وصلت للبنات وضموها بلهفه وشوق وام نوره بتنورتها وتيشرتها الأنيق مشت لها بالمسرح واخذتها وضمتها بقوه وشاركتهم اسيل وبكوا بكاء شوق ولهفه لنوره الي فقدوها اكثر من 4 شهور اسيل : نوره وحشتيني نوره وهي تمسح دموع الشوق الي انهارت على خدها : وانتي وحشتيني اكثر -ناظرت فيها بتفحص- يالنتفه نحفتي حيييل اسيل : كله منك سافرتي وخليتيني احزن واعمل اضراب عن الأكل نوره : تبيني اقطع دراستي مستعده اقطعها اسيل : لا اهم شئ مستقبلك ضمتها بقوه من اللهفه والشوق الي مو قادره توصفها واخذوا نوره ورقصوا على اغنيه ثانيه مع شهد وام نوره رجعت لخواتها وهي فرحانه ومو مصدقه وجود نوره ........ البوابه الرئيسيه للحريم كان واقف رائد بالبشت ومعه ابوه وفيصل وابو فارس وفارس ونايف بيدخلون معه رائد بأرتباك لنايف : نويف شكلي تمام نايف هز راسه : اييه وربي احلى معرس .. بس يالزفت سبقتني رائد : لو بتم انتظرك بتعب نايف : ههههه دخلوا ووصلوا للقاعه وقفت شهد بطلتها الساحره ورائد عند البوابه دخل بطلبه تملأها الهيبه تقدم لشهد وباس بينها ودخلوا بعده ابوه وابوفارس وفارس ونايف .. شوق جالسه بعباتها المزخرفه والحجاب الي راميته كتفها وتسريحتها الأنيقه باينه وملامحها باينه شهقت شهقه قويه بعدها حطت ايدها على فمها والدموع تجمعت بعينها فارس اييييه فارس رجع وداخل هنا قدام عيونها شريط الماضي بدى يرجع لذاكرتها سافر وسافر مع كل ماضي وكل ذكرى حلوه ومره معه والحين رجع ورجع مع كل ذكرى حلوه ومره معه حست بأيد تضربها بخفه وهي ايد امها : شوق تعالي للمسرح اخوك يبيكم شوق بأرتباك : هـ..اه ام فيصل : يبيكم اخوكم شوق : هناك فارس ونايف ام فيصل : ومن متى انتي تتغطين عنهم هذا انتي لابسه عباتك عاد الله والتغطي كلها تغطين شعرك ووجهك كاشف اقول يالله بس تدلعين شوق : ( لا يمه لاااا تكفين مابي اروح ) لكن شئ قادها تروح يمكن تبي تكسر انف فارس وتعلمه مين اهي قوت اييه قوت ماتدري من وين جابت هالقوه الفرحه والأبتسامه لزواج اخوها رجعت لها ولا هزها شئ راحت وسلمت على اخوها وباسته وضمته : مبرووووك رائد ببتسامه : الله يبارك فييك شوق بصوت عالي تبيه يوصل لفارس : وين بدوري ليه مادخل ..؟ رائد : مادري قلت له يقول لا شوق : اكييد يستحي يالبى والله هو فديته رائد قرص خدها : الله يوفقك ويوفقني شوق : ههههه امين جاوا اروى وساره الي طلب رائد خواته جمبه وكانوا كلهم جذابين وانيقين بلبسهم وجمالهم يسحر الأنظار باركوا لأخوهم ومسكوا رائد وترقصوا معه وهو يضحك ويتبسم رائد كان يضحك ومبسوط لكن يحس بشوية غيره لأن نايف موجود ويناظر بشهد وده يطرده لكن مايقدر شهد عمرها ماتغطت منها بسبب إنها صغيره وعندهم قاعده اهله إذا تخرجت البنت من الجامعه تتغطى وشهد بنظرهم داده إلا بالمهاد مسك ايد شهد رائد ورقصها معه وهي ذاايبه من الخجل فارس كان يناظر بشوق بحب شوق ولهفه وده يضمها ويرجع الزمن لقبل ويكون زوجها ويرقص معها هاللحين ولا احد يحاسبه ويقول لا مايصير .. لكن الحين بجد مايصير هي متزوجه وفوق كذا حامل ومهما حاول وحتى لو كانت له بتتم ذكرى الطفل الي ببطنها من بدر طابعه بذاكرتها ومستحيل تنساها .................. ريما ناظرت بالبيت الكبير الي حولها تناظر الأثاث الديكور مو ذاكره للحين شئ غير اخوها طلال هو الوحييد من بد اللكل الي ذكرته طلال : شوفي هذا متعب وهذا يوم زواجكم تذكرينه ريما هزت راسها بالنفي : لا طلال : شووفي هذا انتي بليلة عرسك ولابسه الفستان -وبحب- وهذي شذى بنت عمتي .. وهذيلي دانه بنت عمتي صديقتك واقرب وحده لك وهذيلي دلال اخت شذى بنت عمتي ريما ودموعها على خدها : طلال ماذكر شئ خلاص بلييز تكفى سكر الألبوم طلال سكر الألبوم تلبية لطلبها ورفق لحالها ضمته ريما وهي تبكي : طلااال انا ماذكر شئ ماذكر شششئ طلال : بتذكرين ياريما إن شاء الله بتذكرين ريما : متى بذكر ياطلال متى ..؟ طلال : إذا الله كتب دخل عليهم متعب وقال بحب : كيف حالك ريمو ..؟ طلال : شوفي هذا متعب الي بصور هذا زوجك ريما بكت اكثر : ماعرفه ماعرفه طلال ناظر متعب وبعدها ريما نظره مليانه ضيق لحال اخته : خلاص ريما لاتبكين مو مهم تذكرين انا اكفيك صح ريما : ايه صح طلال مسكها ووقف : قومي نطلع قومي نتمشى ريما : وين نروح طلال : للمكان الي تعشقينه المول ريما بضيقه : ماذكر شئ طلال : انا اذكرك بكل شئ ريما : مستحيل اذكر إذا كنت توريني صور وبيتنا ولا اذكر شئ اذكر مول طلال : المول مو ذاكره روحي هناك وحفظي اماكن المحلات وخلاص تعتبرين ذكرتي ريما : مو ببساطه اكيد المول كبير طلال سحبها من ايدها : ريما لاتعقدينها سحبها وطلع لبرا ومتعب ضل بالبيت ويوم عن يوم يطفش منها .. وصلوا طلال وريما للمول وذكريات تزاحمت بعقل ريما فجأه وبوقت وااحد وكأن ذاكرتها رجعت لها دفعه وحده حطت ايدها على راسها وهي بوسط المول طلال بخوف التفت لها : ريما شفيك ..؟ ريما : تذكرت تذكرت طلال ابتسم : جد ريما جلست على اقرب كرسي بوسط المول والذكريات تدف بعضها بعقلها كل ذكرى تبي تملأ نفسها كل ذكرى تبي تملأ نفسها بعقلها ذكرت دجتها واستهبالها مع دانه وشذى ودلال وقزهم للشباب تذكرت اول مقابله بينها وبين متعب بالمطاعم تذكرت شتايمها واستهزاء بالي يبيعون وطنازتها عن الناس تذكرت وتذكرت وتذكرت اشياء كثييره لكن شئ ثارها واستغربت منه متعب كيف تقابلت معه تقابلت مع عن طريق تعارف وقز ولا تقابلت معه وهم مملكين الشئ الي اللكل خايف إنها تذكره ذكرته بسبب المول ............................. | ||||||||
|
| |
|
24-06-19, 07:53 AM
| #60 | ||||||||
| مراقبة عامة ومشرفة منتدى الروايات المنقولة
| ^ــــــــــــــــــــ^ البارت الـأخيـــــــــــــــر ^ــــــــــــــــ^ ................ في المستشفى اللكل متجمع وقلقان إلا وحده وهي ام لمى جالسه وحاطه رجل على رجل وتكلم جوال صاحبتها ولا بمهتمه وتضحك وتسولف عزام ياللي كان واقف ببرود ولا همه طلوعه ولا شئ بس وده تمووت ويفتك منها مايدري ليه خذها مايدري لييه هو حاول من زمان يخطبها لكن ماوافقة والحين اخذها يوم صارت عار على اهلها وفجأه احساس غريب جاه إن حياتهم ماراح يملأها الفرح لأن صورها منتشره بكل مكاان طلع الدكتور وناظر بالرجال الكثيره وبحث بعيونها عن ابوها او زوجها او اخوها الدكتور : وين ابوها اللكل سكتت الدكتور : وين اخوها اللكل سكت الدكتور : زوجها ..؟ هم اللكل سكت بس التفتوا على عزام بصمت عزام كان يناظر فيهم ورافع حاجبه مستغرب ليه يناظرونه بسام بعصبيه : هييه انت .. رد على الدكتور منت بزوجها - وشدد على كلمة زوجها من القهر - عزام ببرود وهو يحوس بجواله : خيير الدكتور : ممكن تتفضل معي للمكتب عزام : اسف انا مشغول ومشى ببرود بيطلع حس نفسه مكتوم من هالمكان يحبها بس يكابر سحبه الدكتور بالغصب للغرفه وجلسه الدكتور : انت ضاربها ..؟ عزام فتح عيونه : انا ..؟ الدكتور : انت ضاربها عزام : خير رايحه ويا اهلها الشاليهات وانا اطيح فيها ياللي مارحت الدكتور : اجل وشفيها هي تعبانه وحالها مقلوبه والواضح إن طايح عليها شئ قوي كدمات على وجهها قويه عزام : طايح فوقها الدباب .. الحين شخبارها ..؟ الدكتور : هي بخير بس طالبه تشوف ............................... بسام موجود ..؟ عزام فتح عيونه : بسسام .. وقف بعصبيه وطلع من غرفة الدكتور وهجوم على بسام واللكل تجمع حوله يحاولون يبعدونه عزام بعصبيه وهو بين يدين سعود وريان تفل بوجهه بسام : يالحقييير وش علاقتك بزوجتي وش ..؟ ريان : اهدى ياعزام بسام بعصبيه وقف : انا اح سعود قاطعه وعارف بدال مايعدلها بيعميها : علاقته معها علاقه اخويه علاقة اخت واخوها العلاقه الي فقدتها لمى من اي شئ عزام : ياسلام والله مالها اخو تقعد تعتبر الناس اخوانها وليكون انت بعد اخوها سعود : كلنا اخواان ولمى بنت عمتي مو غريبه عزام تفل بوجهه بسام : حسابي معاك ثاني لو اشوفك مقرب من زوجتي -وبسخريه- يا اخو زوجتي دخل غرفة عزام وفتح الباب بقوه بسام : هدووني عليه خلوني اروح بيذبح لمى صدقوني بيذبحها هذا نجس هذا حيوان لمى ماتبيه لمى مجبوره خلوني انقذها من يدينه -وبنبرة ضعيفه- تكفون هدوني ام لمى صرخت صرخه هزت المكان : خلااااااااااااااااااااااا اااااص بسام بنتي وتزوجة وبلا حركات المراهقين ام سعود طلعته برا المستشفى وهي ماسكته من طرف تيشرته : انت تبي تفشلنا تبي تفضحنا ماتعرف عمتك ولا من زين بنتها مشفوح عليها تراهي كلها وحده لا راحت ولا جات وثانياً شذا القلة الادب وشذا المراهقه الي انت عايش فيها وحنا ماندري -وبحزم- شوف يابسام اي تصرف يصدر منك يغيضني ياويلك ياسواد ليلك بسام : محد يحس فيني انا محد يحس ام سعود ضربته : وش محد يحس فيه ومايحس فيك يالله بس اشوف انقلع للبيت واسمع طلعه مافي لف ودوران بالشوارع مع اخوياك الطايشين مافيييه يالله اشوف للبيت بسام مشى وركب سيارته وسكر الباب بقوه .. في غرفة لمى كانت تتأوه وعزام يناظرها بشفقه وبحقد شعوره مختطله ماعاد يقدر يفسره وبحركه سريعه مسك يدها وقال بحنيه : لمى لمى ناظرته ونزلت عينها تكرهه ماتحبه مجبوره عليه ودها تذبحه لفت للجهه الثانيه وتسللت دموعها على خدها بهدوء عزام : لمى لاتبكين لمى : عزام طلقني انا ماحبك اكرهك ترضى تعيش مع وحده تكرهك وعار على اهلها وحده صورها منتشره بكل مكان وحده وجهها مليان كدمات وجروح وح عزام بمقاطعه : انتي لمى فتحت عيونها بصدمه ماتوقعت بهالسهوله يمكن ينطقها تحمست اكثر : انطقها خلني ارتاح خلني ارتاح تكفى انطقها عزام وهو طالع قال بضعف : لمى انتي طاالق . طالق ..طالق وطلع من الغرفه ومر من قدام اهلها وهو منزل راسه ودموعه على خده لحد يقول رجال مايبكي هو رجال وعنده قلب مهما كان ايه بيبكي وبيبكي على بنت بيبكي على بنت خطبها بيوم وطلقها باليوم الثاني .. بعد ماطلع عزام اللكل دخل الغرفه وتجمعوا على لمى الي تبكي ام لمى بعصبيه : لمى وشفيك تبكين ..؟ لمى بصوت مكسور : يمه عزام طلقني ام لمى صرخت بعصبيه : لييييييييه ..؟ لمى : انا طلبت هالشئ يمه انا لو تمشين خطوه وحده صورتي بتشوفينها بكل مكان منتشره يمه هو مايستاهلني هو يستاهل واحد غيري يمه لاتهاوشيني -بضعف- صدقيني يمه انا حياتي مع عزام ابصمها بالعشر بتكون كلها تعيسه جد حياتي معك يايمه بتكون اتعس لكن اتم مع امي لا اتم مع الغريب تذلني امي بس مايذلني الغريب -بضعف اكثر- يمه ترضين بنتك تعيش بذل ترضييين يمه انسي كل شئ صار واتذكري إني بنتك ذكرى من الوالد يمه تكفين ضميني يمه انا تعبانه محتاجه لك يمه تكفيني ضميني وبكت بضعف لمى اييه لمى المغروره المتجبره الي كانت تهز الجبال وتبكي الناس وتضايقهم لمى الدلوعه الي شايفه نفسها لمى الي رافعه انفها ولا تناظر بأحد هذه الحين تبكي وتهز قلوب الي حولها ايه الحين تبكي واللكل يرق قلبه لها حنين ولميس الي يكرهونها عيونهم غرقت عشانها اييه قلوبهم القاسيه رقة لها والي يشوف حالتها كيف مايرق قلبه عليها تكسر الخاطر يتيمه بدون اب ولا اخ ماعندها غير ام وقاسيه ام لمى ضمتها وبكت معها : بنتي لمى : يممه اشتقتلك يمه اشتقت لأحضانك اشتقت والله اشتقت ** وهذه نهاية بطلتنا لمى مع امها ** ............... ومرت ايام وشهور وسنوات شوق شالت ولدها الصغنون القمر سمته "مروان" على ولد اختها الي توفى الله يرحمه رفعته بين يدينها وهي تضمه وتبوسه : يالبى والله مروااني يهبل دخلت اروى وهي مبتسمه مدت لها الرضاعه : عطيني خليني ارضعه انتي تعبتي واجد شوق : لا عادي ماتعبت والله انا الي تبتك معي اروى بعناد سحبت منها مروان وجلسته بحضنها ورضعته وبهمس سمعته شوق : وينك يامروان شوق حست بالأحباط وقالت : وهذا مروان ولدي وولدك اروى ببتسامه : الله يخليه لي ولك شوق ببتسامه وهي ترفع يدينها : آمييييين ويخليك لك جنوو جنى دخلت وبيدها حلاوه صرخت : مرواااااااااان وراحت له مثل الوجبه وهجمت عينها شوق صرخت : لااااااااااااااااااا اروى ارتاعت : بسم الله شويق وشفيك ..؟ شوق : ولدي بتهجم علييه بنتك اروى : ههههههههه الله الله حششا عاد مسكينه تبوسه جالسه شوق : جنو جنى وهي تبوسه بقوه : نعم شوق : لاتبوسينه حبيبته بقوه وبعدي عنه لاتوسخينه بالحلاوه توني مسبحته جنى بزعل وهي تمد بوزها : كله انتي كذا ماتبينا نقرب من ولدك شوق : لأنه طفل إذا كبر خيتك تبوسينه وتشيلينه جنى : متى يكبر ..؟ شوق : بعديين رن جوالها وكان المتصل "بدر" ردت عليه بلهفه : هلااا بدر : هلا و غلا .. كيفك شوق ..؟ شوق : الحمدلله بخير بدر : كيف البيبي مروان شوق : الحمدلله بخييير بدر : بوسي لي إياه شوق : بتجي ..؟ بدر : لا والله عندي شغل الحين شوق : اوكي خذ راحتك .. تبي شئ قبل لا اسكر بدر : مليتي مني ..؟ شوق : لا وربي بس شويه مشغوله مع مروان بدر : اوكي سلااام سكرت شوق من بدر وهي مبتسمه حياتها صارت معه غيير وغير بكثيير صارت حلوه ويملأها ويحلوها مروااان ** وهذه نهاية ابطالنا شوق وبدر واروى وبنوتتها جنى يالي تغيرت معها حييل ** ................................ ساره كانت جالسه بغرفتها ومتمدده وتبكي وينه تركي له سنين ماشافت مات اييه مات واللكل يقول هالشئ سمعت خطوات بسيطه عند الباب وارتاعت وتمت على جلستها اكيد تتوهم انفتح الباب وبققت عيونها وسكرتهم وفتحتهم اكثر من مره تبي تستوعب هي بحلم ولا بعلم ساره : تركي تركي ببتسامه : اييه تركي وركض لها لساره وضمها وساره مو مصدقه إنه جاء ومن الفرح قامت تبكي وهي بين احضانه تركي : وحشتك ..؟ ساره : كثييير .. تركي ليه تركتني لييه كلهم يقولون إنك مت تركي : لا انا عاايش انا عايش ياساره ولعيونك انتي وبس صارت لي ظروف هناك والحين رجعت ساره : بكوني عذبوني كل ماروح ينادوني بالأرمله رملوني ياتركي وانت عايش رملوني تركي: ميين قولي لي مين وربي لأذبحهم واشرب من دمهم ..؟ ساره : كل الناس كلهم تركي : ماعليك من الناس انا عايش ياساره انا عايش انا مامت انا بس صارت لي ظروف هناك وشوية اشغال ومنعتني من إني ارجع للخبر والحين رجعت لك ياساره رجعت لك ولا راح اتركك ولا دقيقه ساره رجعت ضمته بقووه وهي تضحك بفرح قووي الحين من جد الحياه بدت تحلو بعينها ** وهذه نهاية ابطالنا ساره وتركي ** .......................... ريناد كانت تتمشى على البحر وهي مبتسمه كثيير اشياء تغيرت بحياتها طبعها شخصيتها هواياتها شكلها كل شئ تغير بحياتها وكنها كانت الأول عميه والحين فتحت تطلقت من عبدالله بكلمه من ابوها ابوها وامها سامحوها اييه سامحوها وهذا احلى شئ بحياتها الحين عرفت قد ايش الأم والأب لهم مكانه كبيره بحياتها اكتشفت قد ايش كانت غبيه الأول لما طاوعت عبدالله ومشت وراه مثل الهبله وفضلته على اهلها ومانفعها بالأخير غير اهلها .. ** وهذه نهاية بطلتنا ريناد ** ............. في النمسا على البلكونه كانت تطل لجين وتناظر باللي رايح والي جاي والمطر يملي شوارع النمسا ناظرت طيف زوجها واشرت له وهو اشر لها وضحك دقايق وانرن الباب وركضت فتحت له : تأخرت علييك لجين : لااا عادي وسحبت الغدا منه وقالت : تكفى ناايف لاتطلع للمطبخ بلييييييييييز نايف ببتسامه : طيب دخلت المطبخ ورتبت الأكل على طاولة الطعام وشغلت الشموع الحمرا المتناثره على الطاوله بطريقه مرتبه وانيقه وراحت للغرفه وبدلت لبست جينز ابيض وتيشرت احمر فوقه صديري ابيض وفتحت شعرها وناثرته على بشرتها الناعمه لجين بصوت عالي : ناااااااايف يالله تعال دخل نايف المطبخ : واااو شنو هذا لجين : كله لعيونك نايف ابتسم وجلس على طاولة الطعام وجلست لجين قباله لجين : وشرايك بالي عملته لك ..؟ نايف : جناان متى سويتي هالأشياء لجين : بغيابك جهزت كل شئ نايف : ايا الخبيثه والله مانتي بسهله لجين : هههههه ** وهذه نهاية ابطالنا لجين ونايف ** .......... شهد جالسه وحاطه رجل على رجل ورائد على الاب توب قبالها شهد تتحقرص ودها تروح وتشوفه وش يسوي هالي يتبسم ومرات يضحك بقوه شهد بقهر : راائد وش تسوي ..؟ رائد منزل راسه لللاب توب ورفع عيونه لها وقال : اسوي الي اسوي شهد ماقدرت وجلست جمبه وناظرته وش يسوي ماشافت شئ : سكرت الي كنت داخل علييه يوم جيت ..؟ رائد : هههههههههههه شهد بقهر ودموعها بتنزل : لييه تضحك ..؟ رائد : هههه تغارين شهد :..... رائد : قوولي تغارين .. انا بس حبيت اختبرك بتغارين علي ولالا شهد ببتسامه : ياللئيم وربي شكيت فييك رائد : هههههه افااا تشكين فيني ..؟ شهد : ضحكاتك العاليه تشكك وربي ميت من الفرحه رائد : ميت من الفرحه لأنك معي شهد ضحكت بنعومه وخجل ** وهذه نهاية ابطالنا شهد ورائد ** ........................ في لندن نوره وأنس يتمشون على البحر نوره بحماس : متى طيارتنا للخبر ..؟ أنس : امممم بكره الساعه 8 الصباح نوره : فللله اشتقت لأسيل وامي وابوي أنس : وانا نوره : اناااني هذا انت جمبي 24 ساعه أنس : لالا شكلك طفشتي منك وولهتي على اهلك نوره : اممم يمكن أنس وقف وقال يمثل العصبيه : حتى انا ولهت على اهلي وطفشت منك نوره : هههههههههه صدقت أنس : لا اصلاً ماصدقت انا اعرف اصلاً غلاتي عندك نوره ضحكت : يالواثق انت وكييف عرفت يالساحر أنس : قلتيها ساحر والساحر يعرف كل شئ نوره : اياا اللئيم ساحر تشتغل من وراي أنس : اييه تراني اعمل اشياء ماتعرفينها من وراك نوره : ماتقدر تعمل شئ إلا بشووري حتى لو بتلبس جزمتك "الله يكرمكم" تستأذن مني أنس : يالواااثقه انتي ** وهذه نهاية ابطالنا نوره وأنس ** ............... اريج ودموعها على خدها تنزل بغزاره وتضرب نفسها بقهر : شموخ مو بنتي شمووخ مو بنتي ريان يهديها وهو يتقطع من داخل : بس يا اريج اهدي اريج : رياان البنت الي ربيناها انا وانت طلعت مو بنتنا آآآه ريان : ماعليه يا اريج ماخذوها منك وماعطوك البديل عندك شموخ الثانيه اريج : مابيها مابيها ابي شمووخ ريان : هذي شموخ اريج : كيف والله نصابين ياريان نصابين شموخ تشبهني وتشبهني حيييل كيف تطلع مو بنتي كييف فهموني كيف اشواق كانت جالسه على الكنب وبحضنها شموخ بس مو شموخ الأوليه شموخ الثانيه لأن ذيك مو بنتهم طلعت اشواق : ماما منو هذي انا ماحبيتها وين شموخ اريج بكت اكثر وضمة اشواق : حتى انا ماحبيتها ريان : ارييج وش هالكلام شنو ماحبيتيها هذي بنتك وذيك بنت الناس اريج : لا نصاابين صدقني نصابين ريان : استغفر الله يا اريج هذا قضاء وقدر وهذي شموخ بنتنا هذي اريج هدت شوي واستوعبت كل شئ وصحت على واقعها .. في الذاكره ... الدكتور : هذي مو بنتك تخربطنا بينك وبين بنت ناس اريج وريان شهقوا وناظروا بعض بخوف الدكتور : ادري تعلقتوا فيها وربيتوها لكن هذا الي ظهر الحين بتحليل الدي أن اي .. إن مو بنتكم ومد لهم بنتهم الحقيقه اريج مسكتها بأيدين مرتجفه ودموعها ملت عباتها من كثر الحرقه بنتها ياللي ربتها مو بنتها طلعت من غرفة الدكتور وبيد ريان بنتهم يالي رفضة شموخ ترفعها وناظرت بالناس يالي اخذوا بنتهم كيف يضمون بنتها وياخذونها عضت شفايفها بقهر وهي تبكي وبدون شعور خطواتها خانتها لهم ووقفة قدامهم اريج بصراخ جنوني : بنتي اخذتوا بنتي يالنصااااااااااابين واخذت شموخ من المشايه تبعها ريان : اريج هذي مو بنتنا رجعيها لهم اريج وهي ترتمي على الأرض وتبكي : بنتي والله بنتي ياريان بنتي اخذها مني انت مقتنع مقتنع منهم هالنصابين هذي بنتنا هذي الي ربيناها ياريان هذه ريان سحبها ومشى معها .... صحت من افكارها على بكاء شموخ ياللي بين يدين اشواق بيدين مرتجفه اخذت شموخ من ايدين اشواق ولا شعوري ضمتها وبكت ** وهذه نهاية ابطالنا اريج وريان ** ..................... لميس لبست الألماس يلي يبرق برقبتها ولفت لسعود لميس : وشرايك ..؟ سعود : يجنن لميس لفت للمرايه وقالت وهي مبتسمه : يسسلمو سعدون سعود : سعود خليتيني سعدون لميس : هههههههاي سعود : حلو عجبك الألماس ..؟ لميس : ايه وربي جناان سعود : اهم شئ يعجبك لميس : بلبسه في تمايم بنت اختي شموخ سعود : براحتك والله لميس جلست على السرير وهي تفكر وسرحانه وش بتلبس بتمايم بنت اختها يالي يقرب يوم عن يوم سعود : ياهوووه لوين وصلتي ..؟ لميس : اممممم للمول سعود : يالليل مع هالمول على كذا بنفلس والسبب هالمول لميس : لييه يعني انا مفلستك ..؟ سعود : لااا بس كله موول موول موول خلاااص ارحمينا لميس : بعد وش اسوي دامني اعشق هالموول سعود رفع يدينه : ياارب تفك لميس من هالمووول يالي تعشقه وتكرهه كرهه مو طبيعي لميس رفعت يدينها : وياارب تفك سعود من هالطلعه يالي مايقدر يستغنى عنها ويكرهه الطلعه كرهه مو طبيعي سعود ولميس ضحكوا بنفس الوقت على دعاويهم ** وهذه نهاية ابطالنا لميس وسعود ** .................... في مطعم "ملكة الهند" كانت غدير مع صاحبتها هيام هيام وهي تاكل الراشمي كباب وتتلذذ فيه : هممم لذيذ غدير ابتسمت واكلت من طبقها دجاج تكا : اييه وربي هالمطعم روعه وانيق يعجبني إنه رومنسي انواره احمر هيام : ايووه حبتين والله شكلك وصرتي رومنسيه غدير : ههههههاي ماالت مزت هيام من الكولا وقالت لغدير : إلا اقوول متى ناوين نعرس انا وانتي غدير بعد تفكير : اممم شكلي بتم بيت اهلي طول عمري هيام : الله بتعنسين غدير : هذا الظاهر هيام : عااد غدييير انتي مو ناقصك شئ انتي يجونك خطاطيب وافقي يالهبله مو انا غدير : لا مابي ماتذكرين حلفي ماراح اتزوج إلا لما تتزوجين وعرسنا انا وانتي مع بعض هيام : ههههههه بتعنسين اجل على كذا غدير : لييه وش ناقصك وانتي ..؟ هيام بتنهيده : ناقصتني اشياء كثيره الناس الحين يبون الطويله وانا قصيره يبون البيضا وانا سمرا غدير ببتسامه : مايهم انتي سمراا بس مملوحه وقممر هيام بحماس : جد غدير : هههههه ايه جد هيام : بعد بعد مدحي فيني دوم يطموني الناس قصيره وسمرا قصيره وسمرا غدير : تهببلللللللللللين ** وهذه نهاية بطلاتنا غدير وهيام ** ........... في اراضي امريكا منال هناك مسافره للمكان الي عاشت مع عبدالعزيز فيه المكان يالي اجتمعوا فيه وافترقوا فيه كل زاويه بأمريكا تذكرها بعبدالعزيز ساكنه بالفندق والشقه يالي كانوا ساكنين فيها مشتاقه له شووق مو طبيعي لكن وش تسوي مالها إعتراض على الواقع يالي تعيش فيه بس ناويه تفتح صفحه جديده وتكمل حياتها بعزمها وإرادتها إنها تكمل دراستها وتتخرج ** وهذه نهاية بطلتنا منال ** ..................... فارس تزوج وحده امريكيه بنت عز ودلع وفلووس مايحبها بس متزوجها كذاا يسكت الناس يالي تحكي ليه ماتزوج بس هم ماسكتوا ومارضاهم زادوا بالكلام اكثر واكثر لأنه تزوج امريكيه مايعبرها ولا لها وجود فيه حياته متزوجها كذا مظهر للناس إنها متزوجه .. وزوجته نيكول صايعه وراعية شباب ولا تفكر بشئ اسمه زواج ومتزوجه نفس فارس بس مظهر للناس وهي ماتحبه فارس ساكنه بقلبه شووق شوق يالي تركها هو بنفسه يالي حاول يهدم حياتها عن طريق لجين لكن ماقدر لأن حب شوق وبدر ماهدمه ششئ وتعب وترك اللعبه يالي كان يلعبها مع اخته لأن كل خطواتها تفشل ** وهذه نهاية بطلنا فارس ** ......................... دانه حامل وبالشهر الثامن باقي لها شهر وتولد وقفت بتجيب لها مويه سلطان وقف قبلها : على وين على وين ..؟ دانه : بجيب لي مويه سلطان : اجلسي اجلسي ارتااحي بسس .. انا بجيب لك المويه لمكانك وش قال الدكتور لازم تجلسين ولا تتحركين وانتي تعبانه الحين بالشهر الثامن قريب وتولدين دانه : اووه سلطان عاد ياربي كذا انا ما احب لازم اروح واجي سلطان : ماعلي منك الدكتور قال كذا دانه جلست بأستسلام لعناد سلطان ودقايق إلا وسلطان جايب لها المويه ابتسمت ومدت يدها اخذته وشربته سلطان : انا الحين بطلع تبين شئ ..؟ دانه : لا سلامتك سلطان لبس شماغه وقال قبل لايطلع : انتبهي على البيبي وياويلك لو تتحركين وتتعبين نفسك دانه ببتسامه : طيب طلع سلطان وبقت دانه تتحسس ببطنها الكبيير ويلي خرب من رشاقتها الي كانت تحافظ عليها كثييير ** وهذه نهاية ابطالنا سلطان ودانه * ..... ريما عايشه بالوحده والأكتئاب ماتذكر غير القليل والكثير ماتذكره الشئ ياللي اللكل تمناه ماتذكره ذكرته وهو متعب وعلاقته معها وكيف بدت وكيف انتهت بالطلاااق تطلقت ايه تطلقت صحت وفكرت بعقلانيه مافكرت بعاطفيه علاقتها مع متعب من بدايتها غلط وانتهت بالصح نزلت تحت ناظرت بأخوها طلال مع مرته شذى دانه سلمت عليهم : سلاااام شذى : كييفك ريمو ريما ببتسامه : بخير انتي كيف حالك يالدبه ..؟ شذى : بخيير وربي .. من زمان وحنا نحتريك بطيتي ريما : محد خبرني إنكم هنا طلال : ارسلنا لك الخدامه ريما : مدري يمكن كنت بدورة المياه "الله يكرمكم" .. لييه وش تبون طلال : ابد بس شذى تبي تروح المول وعلى قولتها ذوق الرجال غير ذوق البنات وطلبتك بالخدمه تجين معها ريما : هههههه من جد وربي ذوق الرجال غير ذوق البنات شذى : شفت مو بس انا اقول كذا طلال : طيب يالذوقيين يالله مشينا ريما : اوكي دقايق وانا نازله صعدت ريما فوق وطلال وشذى بقوا تحت دقايق ونزلت ريما بعبايتها وطلعوا كلهم ** وهذه نهاية ابطالنا ريما ومتعب .. وطلال وشذى ** ............................ مشاري : ماما دلال التفتت له وابتسمت : عيون ماما انت مشاري : ابي لاوا "حلاوه" دلال اشرت على عيونها : من عيووني والله ورفعته بين يدينها ودته للمطبخ وطلعت له شوكلاته يقدر ياكلها ورجعوا للصاله ناظرت بالتلفزيون ومشاري ياكل بالحلاوه بتلذذ خلص منها وراح لأمه مشاري : ماما ابي لاوا "حلاوه" دلال : يووه مشاري توني معطتك حلاوه مشاري بزعل : ابي دلال : مشاري مو زيييين عليك بعدين تصير تعبان واعطيك دواء مشاري : لا مابي دواء دلال : خلاص ماتبي لاتاكل حلاوه دخل راكان وبيده اكياس شوكلاتات وشيبسات وكولا دلال : اووه منك ياراكان على كذا بتخلي الولد بدون مناعه راكان رفع مشاري وضحك : ههههههه خليه يتمتع دلال : الله يهديك بس مشاري : لاوا لاوا راكان : هههههههههههههههه يالله كلهم لك مشاري اخذهم وجلس على الكنب ياكلون بتلذذ وحماس دلال : تبي غدا ..؟ راكان : لا مابي متغدي بالدوام دلال : بالعافيه راكان : تغديتي ..؟ دلال : اييه بس خليت لك راكان : لا متغدي والله ** وهذه نهاية ابطالنا دلال وراكان ** .............. ملاك ودموعها تغرق وتنهار على خدها بهدوء فيصل : ياهووه ملاك وشفيك ..؟ ملاك مسحت دموعها وابتسمت : تأثرت بالفلم حييل وربي مسكينه البطله ليه موتوها فيصل : ههههههههههههههههههه تبكين على فلم ملاك : وش اسوي عاد انا دموعي ماقدر امسكهم بسرعه ابكي فيصل : عسى ليون ماتطلع علييك ملاك : يابختها لو طلعت على امها فيصل : إلا ياتعسها ملاك تخصرت : نعم نعمممم .. تسحبها ولا ماتسحبها ..؟ فيصل : ماسحبها ملاك رجمت عليه المخده : تستاهل فيصل : هييييه بزر انا ترمين علي المخده ملاك كانت بتتكلم لكن مخدتين ورى بعض عليها ملاك : آآآآه فيصل : هههههههههههههه تستاهلين ملاك : يممه منك ماتمشيها لي سهالي لازم تجازيني فيصل : اييه يبه لازم ملاك وقفت : اروح اشوف ليييون للحين ماصحت فيصل : ايه صحيها وجيبيها لي ملاك : حاضر ** وهذه نهاية ابطالنا فيصل وملاك ** .................... والباقي الي ماذكرتهم حياتهم مثل قبل ......... وهذه نهاية رواية / تدري وش الي يقلب فيني اوجاعي لا من طرالي فرقاك وإنك لغيري وإن شاء تكون النهايه اسعدتكم .. ولا احلل ولا ابيح من تنسب الروايه لها دمتم بود | ||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
