19-08-19, 06:11 AM
| #51 | |||||
|  اقتباس:
 بانتظارك ياليت اليوم بليز | |||||
|  |
|
19-08-19, 02:14 PM
| #53 | ||||
| .. بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته كيفكم يا حُلوين وحيّ الله الحُلوه الجديدة ليال شرّفتيني والغَالين الجدد اللي انضموا معانا شرّفتوني ونوّرتون حياكم خذوا راحتكم واسعدوني بتواجدكم وتعليقاتكم كونوا دايم معي وبقُربي ... . بالنسبة اللي زعلانين ان البارت قصير .. يا حبايبي البارت السابق كان تمهيد فقط لإنتقام عُمر لذلك انا أشوف التوقف لهالنقطة مُناسب ، البارت إهداء للجميع وبإذن الله يرضيكم "البـارت العاشر" رواية غرامك يالخفوق ذبحني هآت حضنك يحتويني/بقلمي . ، إني لا أؤمنُ في حبٍّ.. لا يحملُ نزقَ الثوارِ.. لا يكسرُ كلَّ الأسوارِ لا يضربُ مثلَ الإعصارِ.. آهٍ.. لو حبُّكِ يبلعُني يقلعُني.. مثلَ الإعصارِ.. إنّي خيرتك.. فاختاري ما بينَ الموتِ على صدري أو فوقَ دفاترِ أشعاري لا توجدُ منطقةٌ وسطى ما بينَ الجنّةِ والنّارِ.. *نزار قبّاني. ، كمّلتْ تقليب الصفحات وصلتْ لآخر صفحه هنا الطامّة الكُبرى ...! هنا الصدمة السّاحقة لجميع الصدمات... قرار الموافقة بالإلتزام بالقوانين او الطلاق ومُغادرة القصر الآن ..! سكرتْ الملف من هول الصدمة يدها ترتجف خوف .. تتكرر كلمة طلاق على مَسامعها .. تكرهه طاري الكلمة بكبرها حستْ بنفسها بين نَارين قاعدة تحترق بينهم ..! وش هاليوم واحداثه المشؤومه ..! أمه من جهة تقول " نَاديني بطويلة العمر" ولدها من جهة اُخرى " السَيْد عُمر .." لا والله هَزُلتْ ..! وش هالنرجسية الإنفصامية بالعائلة ..! كرهتْ نفسها على هالحُب اللي تكنه لعُمر كل ما تقربْ له تضعف أكثر تنكسر اكثر ..! شخصيتها القوية بدا يصيبها مرض تسميه بمرض " ذبحة القلبْ الغراميه..! " هي مُغرمه به لحد العِشق.. ماهي قَادره تتخيله انه يطلّقها وبنفسْ الوقت ماهي قادره تتخيل انها راجعة لأهلها مطلّقه بليلة دخلتها بتتثبت فيها الفضيحة ..! هنا مَا راح يرحمها أبوها .. ولا راح يرحمها كلام الناس ..! دام عُمر طلّقها أكيد إن فيها شي ولا ليش رجل يطلّق حرمته بليلة دخلتها ...! ماتتْ من الهم والتفكير اللي تعيش فيه قالت بنفسها " معقوولة حريييمك وافقوا عشان فلووسكْ ماهمتهم كرامتهم ...يرضون يعيشون بهالعيشة المُهينه كله عشان فلوووسك .. آاااه ياربي بموتْ من القهر والغبنّه اللي انا فيها وشلوووون ورطت نفسي فيييك وشلوووون طحت بغراامك ..! آااه من غرامك يالخفووق ذبححني جننني خلاني بلا عقلْ ..." ضحكت على حَالها بسُخريه : ههههههههههه صدقتي يا يمّه بنتك راحت للنار برضاها وبتحرق نفسها برضاها بعد ...! قَاعدة تعيش بصراع مع نفسها لأجل تختار الإجابة الأصح بين هالنَارين نار الإهانه وقوانين السَيْد عُمر أو نَار الطلاق لأجل أبوها يكمّل عليها ويفجّر فيها مره وحدهـ..! بحسرة على حَالها الحين قالت : نَار زوووجي ولا جنة أهللللي ..! شادة على شعرها من كثرة التفكير طاحتْ عينها عالمرايه الكبيرة شافت الفستان عليها .. كرهته ودها تحرقه وتحرق قوانين عُمر معها والأهم تحرق قلبها مرّه وحدة لأجل ترتاح .. غمّضت عينها ..تتمنى تهرب لو للحظة من هالواقع اللي تعيشه .. ضحكتْ على نفسها وطيشها ثقتها العمياء ..بنفسها ! وتحديها للزواج من عُمر تشوفه خَسارهـ فَادحه من أولها ..! قطع حبل أفكارها وصراعها مع نفسها صوتْ البَاب إنفتح ...! رمشتْ بعينها .. بصدمه ماحستْ بالوقت أنه مرّتْ ساعه بالتمّام لمحته يمشي بخطوات واثقه جدًا اطرقتْ مسامع شُموخ .. عيون عُمر تراقب ملامح وجهها مصدومه .. متوترهـ منزله راسها .. إبتسم بخبث ومكر..! حسْ بإرتباكها لما سحبْ الكرسي جلس بهدوء حط رجل على رجل سند ظهره .. ناظر بالملف كان مقفل " اكيد من الصدمه قفلّتيه يا بنتْ نَاصر ..!" شاف شعرها لامته .. عرف انها غَارقه بالتفكير والهم بسبب قُنبلته سرقْ النظر لخصرها مازال مُورّد وآثار غرزته واضحه عدل جلسته .. شبك يدينه وتكى على الطاولة ناظر بعيونها .. مَازالتٌ صَاده عنه قال : الى متى وانتِ صَادهـ عيونك عنّي ..! شُموخ نَاظرتْ فيه بحقد .. ثم ابتسمتْ قالت : سم طال عُمرك آمرني وش بغيتْ ؟ قال : ابي أسمع قرار المُوافقه أو في حَال الرّفض راح اطلّقك الآن ترجعين لبيتْ أهلك مع كامل السكنْ والنفقة .. خذي وقعّي .. مد لها القلم ... عشان توقع شُموخ حستْ بكلامه كأنه اسهم مسمومه بالإهانه والذل والإستحقار .. أي ليلة دخلة هذي..! أو بالأصح ليلة مصيرية يخيّرها بين الحياة أو الموت ..! اطلقتْ " آااه " بقلبها موجوعَه منه حستْ دمها يغلي ، ودها تبرد حرّتها فيه نَاظرت بالقلم ودها تطعنه وترتاح لكنْ ..، كبّرت عقلها .. ماتبي تخرّب سمعتها وسمعة أهلها .. بعد ما نظفها حضرة السَيْد عُمر ..! فكرتْ إن هذا اختبار من عُمر يختبرها فيه هل تجتازه أول لا ..! لكن ماتدري إن الحَقيقة المُرّة إنه متعمّد يحشرها بنارهـ لأجل توافق عليه غصب عنها ..! فكرتْ بجانب إيجابي " يمكن اكسبه واكسر كل هالقوانين السخفيه وافوز بقلبه ...! بجرّب حظي وش وراي غير الهمْ ينتظرني " صعب ترفضه بترجع خسرانه ذليله الكل بيتشمتْ فيها ..عقب اللي صَار واللي بتثبت عكس ماقِيل عن تبرئتها ! شتت أفكارها .. أخذتْ نفس عَمييق عدتْ بشكل عَكسي من 10الى 1 لأجل تهدّي أعصابها التالفة منه غمضت عيونها للحظه عُمر مل الإنتظار قعد يدق الطاولة بالقلم ماسكه بيده اليمين بشكل استفزازي لشموخ ... اللي انزعجت من الصوت وطنّشت لأن حركته مَقصوده منه .. عُمر يمّثل العّصبيه : ترااااك طوّلتيها وهي قصيره اخلصي علي يا ستْ شُموخ زفرت بضجر مالها الا هالقرار" نار زوجي ولا جنة اهلي" رفعت راسها بكبرياء مكسور... رسمتْ ابتسامه واثقه مْصطنعه على وجهها ... ثم نَاظرتْ فيه بهدوء ظَاهري ..داخلها براكين تغلي قهر.. قالت بنفسها " هيّن يا عُمر ما اكون انا شُموخ إن ما ورّيتك وش بسوي" مدت يدها تاخذ منه القلم تعمّدت تلمس يده بشكل مطول تكلمت ببحة ناعمه قالت : لو سمحت سَيْد عُمر ممكن تعطيني القلم.. عُمر فهم حركتها المقصودة وتعمدها للمسه سحب يده وبنبرة عصبية مُصطنعه: قال : تفضلي يا بنت نااااصر اخلصي علي.. شُموخ اخذت القلم وبنظرة ثقه مع إبتسامه خفيفه قالت : ابشر طَال عمرك .. تعلقت عينها بعين عُمر للحظه عيونه ...نظرته جذابه فيها قساوة ماقد شافتها شدّت على القلم بيدها بحقد وقهر " ودي اطعنك بهالقلم اللي معي وابرّد حرتي فيك انتْ وامك طويلة العمر " صدت عيونها عنه بكبرياء مجروح من الداخل .. شدّت على القلم اكثر تبي تخفف من رجفت يدها اللي فضحتها طالعت بعُمر للحظه تشوفه يراقبها ولا لا كان صَاد عنها حستْ براحه قالت بنفسها " الحمد لله ماشافني " عُمر طبعًا ماغابت عن عينه لكنْ رجفتها فضحتها شفقة منه صرف عيونه عنها عشان تاخذ راحتها أكثر .. حطت القلم عند خَانة المُوافقه داخلها يصيييح بألم مجروح " يااااارب حلم واصحى منه ياااااارب حلم واصحى منه " قلبها يدق طبول .. الخُوف ،الرُعب ،التوتر غمّضتْ عيونها ثم بلعتْ ريقها .. ماحست على حركته ..واقف وراها الا لما شمّت ريحة عطره.. صارت تتنفسها انفاسه قريبه من رقبتها.. حستْ بالتقزز منه سند يدينه على تكاية الكرسي وكأنه محاوطها بَاس رقبتها ... ثم بعدتْ عنه بسرعه لكن ثبتها بيده ، حست ببرودها على كتفها عُمر همس بأذنها بنبرة هَاديه أطرقت مسامعها قال بخبثْ : أهلاً بك في عَالم السَيْد عُمر زوجتَي العَزيزة.. شموخ بلعتْ ريقها ... وضحكت بسُخريه على نفسها "أي عَالم اللي اشوفه جّحيييييييم دخلته ..!" حاسه الجو حَار ...هو من غضبها ولا من عُمر وقربه منها بكل جراءته ووقاحه وكأن يشوف اللي سواه عادي ! صحيح عادي عنده ،لكن عند شُموخ مو عادي ابدًا ... تقززت منه قامت بسرعه من مكانها ودها تبكي الى الآن ماسكه نفسها لا تتفجر قدامه ... قالت بنبرة حادة : لو سمحتْ سَيْد عُمر ممكن أطلع عُمر بعد عنها رفع حاجبه بإعجاب من نبرتها قال: تقدرين حَبيبتي تطلعين .. شُموخ حطّت القلم على الطاولة ... ومشت بخطوات سريعه مرّت قدامه لكن سحبها من يدها لحضنه وضربت بصدره شُموخ انصدمت من حركته طالعت فيه بحقد قال: أمر سَيْد عُمر وش بغيت ؟ عُمر يناظر عيونها حابسه دمعتها كاتمه غضبها وحقدها عليه فهم حالتها من عيونها قال: ماخلصت كلامي سَيدة شُموخ شُموخ اخذت نفس طويل تحاول تهدي من نفسها وتحبس دمعتها لا تطيح ، نزلت عيونها قالت: وش بغيت طال عمرك عُمربإستغراب ، رفع ذقنها : مسرع تنسين القوانين يا سِتْ شُموخ ..! شُموخ شدّة على قبضة يدها " من صدمتي فيك نسيتها " رفعت عيونها : لا مانسيت يا سَيْد عُمر عُمر ابتسمْ بخبث: حلو تداركتي الوضع ..شَاطرة زوجتي شُموخ ودها تعطيه كف يصحيه من اللي عايش فيه قالت: لو سمحت ممكن اعرف وش تبي طال عُمرك عُمر اشر للعاملة تجيب الصندوق الابيض واشر له قال: خذي هذا معك فيه حبوب منع حمل اكليها وان لقيتك يا سِتْ شُموخ مخالفة القانون والله ثم والله لا اوريك شي ماراح يخطر على بالك ابد .. فكرة احمل منك عشان ما تطلقني هذي شيليها من راااااااسك انا حذّرتك وانتِ احفظي الكلام زين يا بنت نااصر... شُموخ ناظرت فيه بإستحقااار قالت: اللي تآمر عليه طال عُمرك ممكن تسمح لي اروح ؟ عُمر نزل يدينه وبعد عنها فسح لها الطريق قل : تفضلي وعلى غرفتك على طول شُموخ هزت راسها بالإيجاب : إن شاء الله اخذت الصندوق من العاملة شاده عليه بقوة تمشي بخطوات غاضبه .. عُمر بإبتسامه خبيثه : شوي شوي لا تكسرين الأرض .. شُموخ حقرته ولا ردت عليه طلعت من الغرفه .... عُمر اطلق ضحكته الساخره : ههههههههههههه ثم قال : والله طحتي ومحد سمّى عليك يا بنت ناااااصر .. توّك ما شفتي شي هذي مُجرد بدااايه تمهيديه لحياتك الجديدة .. عدّل لبسه اخذ الملف على الطاولة ابتسم بخبث وبمكر قال : خليت بنتك توافق غصب عنها وبإرادتها يا ناصر.... جاء الوقت اللي أنفذّ فيه انتقامي منك .. نظرات عيونه فيها حقد ..شر ...إنتقاام شد على الملف بيده وطلع من المكان متجهه لمكتبه المُعتاد ... ، كانت تمشي بخطوات ثقيله تسحب نفسها .. المكان هادئ ما ينسمع غير صدى صوت كعبها يضرب بالأرض صدرها يرتفع وينزل تنفسها سريع .. دقات قلبها سريعه جسمها حاار ماسكه دمعتها لا تطيح ماتبي احد يشوفها حتى الخدم ماتبيهم يشوفونها .. وصلت الغرفة فتحتها بالباسوورد ثم دخلت حطت الصندوق على الطاولة نزلت كعبها ورمته على الأرض نزلت الفستان اللي لابسته بقرف و مشاعرها السيئة اتجاه هالفستان كلها كرهه وحقد وبغض رمته بالزباله" اكرمكم الله " اتجهت لغرفة الملابس اخذت لها روب حمام ثم دخلت الحمام " انتم بكرامة " فتحت الماء عالبارد دخلت تحت الدش كانت اعصابها بُركان كاد ان يثورلولا انها اطفئته بالمويه البارده تتنفس سريع ، ماقدرت تمسك دموعها تعبت من تمثيل القوة والكبرياء قدام حقارة وإهانة عُمر لها ، بكت بضعف وإنكسار لدرجة جلست على الأرض ، لمت نفسها دافنه راسها بين رجولها ، حستْ بندم على قرارها السريع لو الزمنْ يرجع كان رفضته حتى لو على حساب حُبها له .. حستْ بندم انها خذلت امها بقرار الموافقه بعُمر كان خير لها ولا تعيش هالليلة التعيسه بكت اكثر واكثر كل ما تتذكر الحوارات اللي دارت بينهم والملف كان بودها تمسكه وتحرقه ولا تضرب فيه عُمر لين يخلص... لكن ماقدرتْ رضت فيه بالبدايه عشانها تحبه ! أجبرت نفسها بالمُوافقه على قوانينه .. طلعت بعد ماجفتت شعرها .. وحست نفسها افضل جلست على كرسي المساج، كان مجهز لها عصير ليمون ونعناع بارد طلبته قبل لا تدخل اخذت رشفه منه وغمّضت عيونها وبدا الكرسي بتمسيج جسمها ظلت تفكر وش ممكن تسوي ! حقدت عليه وعلى اسلوبه معها فتحت عينها قالت بنبرة غاضبه : هيّن يا ولد نجدوه .. طاحت عينها على الفستان ، قامت من مكانها وطلعته من السله : انت المفروض لازم احرررقك لاااااازمم ابرررد قللللبي جلست تبكي مقهورهـ على حَالها شلون بترضى تعيش معه ..! شدت بيدها على الفستان بقوّة قامت تسوي اللي براسها.. دخلت غرفة الملابس راحت لقسم البجايم شافت نفسها بالمرايه تشوف اثار عُمر : حسبي الله على ابليسك مالقيت الا تغرز اظافرك هنا يا حقييير .. مالقيت الا تشوهني ..! زفرت بتنهيده ،واختارت بجامه قطنيه طويله لون اييض من اويشو وروب حرير اسود طويل وسليبر إيرمز لون اسود .... لفت شعرها ذيل حصان ماحطت شي على وجهها اكتفت بالترطيب وعطر شعر من ديور ، ومسك ابيض لمناطق النبض .. اخذت الفستان ، فتحت الباب بهدوء تراقب الوضع تتلفت يمين يسار مافيه احد تنفست براحه طاحت عينها على الساعة كانت ثلاثة قال : حلو الوقت متأخر فأكيد انه نَايم سكرتْ الباب بهدوء ، مشت بخطوات خفيفة عشان ماتطلع صوت ، وصلت للمصعد ودخلت وقفلته ضغطت على زر الدور الأرضي ، اول لا فتح الباب ناظرت يمين يسار مافيه احد ..تنفست براحه تدور على المطبخ مالقته ، الأمكان متشابهه خافت تضيع وتطيح بنجد ولا بولدها مالها الا المدخل الرئيسي تطلع منه وتدور على باب المطبخ الخارجي كانت تمشي وقلبها يدق طبول حاسه بالخوف من عُمر يقفطها وتروح فيها ... مشت الين اخر القصر الجهه اليمين مالقت المطبخ حست بيأس ناظرت للفستان قالت: شكل مانت مفارقي يهالفستان .. ل ا حول ولا قوة الا بالله ياربي وش هالقصر حسيتني بمتاهه وانا احوم فيه ادور هالباب .. رجعت من حيث اتت ... لفت يسار تناظر لقت المشب ابتسمت بإنتصار، وهي تمسحْ دمعتها قالت: حلو هذا اهون من المطبخ على الأقل اخذ راحتي وانا احرق... هالفستان المقرف... ، عُمر كان بمكتبه كان يراقبها إبتسم بخبث : ههههههه أكيد رايحه تحرقينه عقب السبرايز المفاجأ إو بالأصح الفاجع بالنسبة لك ..! طلع من مكتبه نَازل .. متجهه للمشبْ وصل عنده تخبى لأجل يراقبها ..بهدوء ثم يدخل في الوقتْ المُناسب .. شافها تدور .. على قَاز بالدولاب لقته وكبته على الفستان ثم اخذت عُود كبريتْ اشعلته ورمته على الفستان ...اشتعلت النار خافت منها .. بعدت على طول عنها قالت : الله يجيرنا من هالنار .. تناظر بالفستان تلتهمه النيران وتتمنى لو ترمي قلبها عشان يحترق بس وترتاااح من الهم والغم اللي هي فيه ماقدرت تمسكْ نفسها الا بكت على حَالها .. بوجع ، بندم ! حستْ بالضعف للحظه ... فقدت الثقه بنفسها لهالدرجة الحُب أضعفها ...! كسرها ... أهنها ..صدمها كلام غِيْد عنه .. صااار وش بتقول لها ..؟! بتقول " أنا إنكسرتْ من اوّل ليله معه ..! " آااه بس .. آاااه عسى الله يجبر بقلبي .. ضحكت على حالها بسُخريه : والله انّي غبيّه وافقت عليييه ...استااهل اللي يجيني منه قامتْ مسحتْ دموعها .. اخذت شهيق زفير استجمعت نفسها " لااازم اصير قويّه ماراح يفيدني الندم هالحين .." لفتْ بتمشي صدمتْ فيه توسعتْ عيونها بدهشه، رفعت راسها تناظره.. يناظر ردات فعلها .. خايفه مرعوبه قال : وش قاعده تسوييين هنا؟ ومن سمح لك تطلعيين ؟!! بعلت ريقها قالت: بسم الله متى دخلتْ .؟ ما حسييت فيك ..! كانتْ بتبعد عنه .. لكن مسكها قال بحده : تعااالي من سمح لك تطلعين ؟ وانا قااايل لك روحي على غرفتك .. اشوفك تحومين بالقصر ومن ورايّ بعد ..! شُموخ : سسيْد عُمر والله ماكان قصدي اعصي كلامك بسس اضطرريت .... سحبها قريب عنده قال : تحرقييين وش تكلمي بسسررعه ..؟! شُموخ صدت وجهها عنه ..غمّضتْ عيونها قالت : احررق الفستااان .. عُمر رفع حاجبه بخبث قال : وليييش تحرقيينه ؟؟ شُموخ قالت بنفسها مقهوره" وتسأل ليييش احرقه ..! من وقاحتك وإهتانتك لي في ليلة زواجي .." ناظرت فيه بحقد قالت بنفسها "المفروض احرقك انتْ بدال هالفستان المعفن .." قالت : حرقته لأني مااا احببببه فاهم قصدها ..قال بخبث: ما تحبينه ..! تراه جمااااد مادرى عن حبك عشان تحرقينه ارتفع ضغطها منه .. قالت : بس كذا حرقته حتى لو جماد اهم شي اريّح قلبي .. عُمر : لا والله تريحين قلبك بعد ، تبين تقنعيني اقول عطيني سبب غرين ابشوف يستاهل هالحرق او لا ..! شُموخ حستْ بورطة شلون بتقول له ..! بتقول "يذكرني فيك وبشروط السخيفة ولا غرزت اظافرك وكأنك تختم علي ..!" ناظرت فيه بكره .. قال : عشاان ... قاطعت كلامها .. دخول المشرفه حصه جايه ركض للمشب.. تلقط انفاسها قالت : بسم الله وش صاااااير فيكم عسى مااااشر ..؟! عُمر عض شفته السفليه "جيتك غلط" اما شُموخ طارت من الوناسه .. وبعدت عن عُمر .. لكن سحبها وثبت يده على خصرها .. انقهرت منه حاولت تبعد عنه لكن هو اقوى منها .. اعطها نظرة تهديد قمطت العافية.. وبلعت ريقها سكتت التفتت للمشرفه حصه قال بأمر : مافيه الا كل خير ، بس طفي النار وشوفي شغلك الباقي .. المشرفه حصه بتوترت قالت : ان شاء الله طال عمرك.. عُمر بتحذير : هالمره بسامحك عشان زوجتي ثاني مره مابي اشوف هالمشب مفتوح كذا مفهوم ..؟ المشرفة حصه : ان شاء الله اللي تآمر فيه ومشكورة طويلة العمر .. شُموخ ناظرت بعُمر بإستغراب " هذا وش يحس فيه من متى صار لي شأن عندك ياحقير عب اللي سويته فيني.. " شُموخ خطرت ببالها فكرهـ لأجل تستغل الموقف .. مدت يدها حطتها على صدره الثانيه على خصره.. وقفت على اطراف اصابها باستْ خده ..قالت بدلع : العفو حبيبتي ماسويت شي .. واتمنى مره ثانيه ما تتكرر عشان حبيبي مايزعل اوكِ ..؟ المشرفة حصه متعوده على حركات عُمر مع حريمه السابقات .. نزلت عيونها للارض قالت : ان شاء الله عُمر ماتوقع حركتها الجريئه .. لكن ابتسم بخبث لأنها جتْ في صالحه لأن عارف حصه نقالة سوالف فأكيد بتنقل الكلام لأم شُموخ نورة.. عُمر : حصل خير ،تقدرين تشوفين شغلك المشرفة حصه : ان شاء الله ..عن اذنك راحت المشرفة تخمد النار اللي اشغلتها شُموخ والفستان انقلب رماد .. عُمر ناظر بشُموخ بإستغراب شافها منزله راسها بإحراج وتفرك بأصابعها ابتسم بمكر وبحركه سريعه شالها بين يديه شُموخ صرخت : خييير وش قاعد تسوي عُمر ابتسم بخبث وغمز لها: وش بسوي يعني برد الحرك لك اللي سويتيها من شوي يا سِتْ شُموخ شُموخ بترجي : سيد عمرر نزلنيي عُمر : هاااه وش قلتي ، ما اسمعك ؟ شُموخ عضت على شفتها السفليه ،ونست وجود المشرفة حصه .. ناظرت فيها كانت تشتغل ثم ناظرت بعُمر : عُممر نزللني حبييبي لو سمحت نزلني عُمر بخبث : ماراح انزلك هذا عقاب لك شُموخ استغلت الموقف وضربت ظهره بقوة تبرد حرتها فيه : حياتي نزللني والله اخاف اطيح عُمر متجاهل ضربها له ،وكأنها تبرد حرّتها قال: دام حياتك عُمر تطمني ما راح تطيحين يا زوجتي العزيزة ثم همس بأذنها قالت بتهديد : اهجدي لا اوريك شغلك عاد هالمره بسكت ثاني مره لا والف لا ماراح امشيها لك.. شُموخ انقهرت منه وسكتت ... صدّت وجهها عنه ..عُمر متجاهلها رايح للقصر .. ، دخل مكتبه ...شايل شُموخ نزلها برفق ، بعدتْ شُموخ عنه... لكن كالعادة سحبها لعنده عُمر : على وين يالطيبه تعالي ماخصلت شغلي معك.. شُموخ تتحلطم " وبعدين مع اشغالك واوامرك اللي ماتخلص طفشت منك عيوني اوجعتني بروح انام " ناظرت فيه : آمر سَيْد عُمر وش المطلوب مني ؟ عُمر أشر لها تجلس على الكرسي : اجلسي هناك شُموخ جلست وحطت رجل على رجل .. رفعت راسها له : آمر طال عمرك عُمر جلس على الكرسي شبك يدينه وتكى على الطاولة عيونه بعيون شُموخ .. قال: بكرا ابيك تكوني جاااهزه شُموخ بتساؤل : لوين بتاخذني ؟ عُمر : مو شغلك ،لكن جهزي نفسك بكرا المساء شُموخ بضجر " ابعرف وين عشان اقدر اجهز نفسي استغفر الله بس " : طيب المكان اللي بروح له حار ولا بارد عشان اخذ احتياطي ممكن تقولي ؟ عُمر سند نفسه على الكرسي : لا ما راح اقول لك وعلى فكرة حبيت اقولك ان اللي يجهز الشنط هي المشرفة الخاصه بتجهيز السفر مو انتِ .. فارتاحي يا سِتْ شُموخ.. شُموخ رمشت عينها بصدمه من كلامه "هذا منجده قاعد يقرر على كيفه، يتدخل بنوعية الملابس اللي اختارها .. استغفر الله وين عايشين بموووت من هالمرييض ، لكن هيّن انا اوريك ماراح اسمعْ كلامك ..!" شُموخ حستْ بنعسان لكن قاومته وجاوبته بإستسلام : إن شاء الله طآل عُمرك اللي تآمر عليه يصير بإذن الله.. عُمر طالع فيها من فوق لتحت شاف جلستها ثم طالع فيها بتحذير: عدلي جلستك ولا اشوفك جالسه كذا عندي شُموخ "استغفر الله حتى بجلستي ماسلمت منك يارب صبر ايوب بس " عدلت جلستها وما انتبهت على قالت : ان شاء الله عُمر دقق على جفونها مورده من آثار السهر قال : اوه شكلك نعسانه ستْ شُموخ اسف سهرتّك معي .. شُموخ " لا والله مسهرني ..! اصلا شلون بنام عقب اللي سويته فيني يا النذل " وقفت بمكانها تستأذن بدون نفس منه : تسمح لي اروح انام سَيْد عُمر.. عُمر أشر لها بالذهاب قال: تفضلي ، ونوم العافية سَيْدة شُموخ شُموخ بحقد" الله لايعافيك " : الله يعافيك سَيْد عُمر تصبح على خير .. اتجهت للباب تحس حرارة بجفونها ... ماذاقت النوم لها ثلاث ايام نومها متقطع ، بتنيده " اخيراً مابغى يعتقني اروح انام اهم شي اني حرقت الفستان وبردت حرّتي فيك لما ضربتك كان بودي احرقك بس ما اوسخ يديني فيك يا حقير " مسكت مبقض الباب بتطلع .. لكن وقفها صوته ارعبها عُمر بصوت عَالي : شُموووخ التفت عليه بخوف : بسم الله وش فيك؟؟ ، إلى هنا نتوقف "نهاية البارت" قِراءة مُمتعة للجميع التعديل الأخير تم بواسطة فيتامين سي ; 28-10-19 الساعة 11:08 AM | ||||
|
| |
|
21-08-19, 05:57 AM
| #57 | ||||
| يا صباح الخير للكل وحشتوني مرّه ،انشغلت صراحه اليومين اللي طافو وتوّي افضى الحين الحمد لله عسى ربي ييسر لي ولكم ، والغَالين اللي يتابعوني عالواتباد ابشرّكم انا الآن صحتي افضل بكثير اللهم لكَ الحمد والله يسلمكم من كل شر ويازين تعليقاتكم كالعادة تبرد القلب ما انحرم منكم واللي يتابعوني خلف الكواليس حيّاكم الله خل اكحل عيني فيكم | ||||
|
| |
|
21-08-19, 06:00 AM
| #59 | |||||
| اقتباس:
الله يستر نشوف وش يبي بشموخ ، احتمال وارد جدًا جدًا نورّتي عَزيزتي | |||||
|
| |
|
21-08-19, 06:02 AM
| #60 | |||||
| اقتباس:
يحب يستفزّها عالصغيره والكبيره ، كان الله بعونك يا شُموخ ايه ما اتوب عن هالحركه ، بس تطمنوا مافيه صدمه العفو يا رُوحي ونورّتي ، على خير بإذن الله | |||||
|
| |
 |
| أدوات الموضوع | |
| انواع عرض الموضوع | |
|
|
125Likes
العرض العادي
