آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-09-19, 04:22 AM
| #21 | ||||||||
| نجم روايتي 
|  اذا انكشف سر رحمة بيسهل علاجها على عاطف .. والمجنونة هذي الممرضة نسيت اسمها تلعب على حسن الداعشي والله بيقتلها 😂😂 حسن هذا احبه احسه مثل الملح على الرواية 😁🙄😂 | ||||||||
|  |
|
07-09-19, 03:02 PM
| #22 | ||||||||
| مراقبة عامة ومشرفة منتدى الروايات المنقولة  
| #رحمة_عاطف نورا ناصر ..نور سمو العراق #بارت٩ 💔💔💔💔💔💔 السعادة هي أن يكون لدى الإنسان الحد الأدنى من أي شيء، و الحد الأقصى من القناعة و أن لا يكون لديه الطمع العبد حر إذا قنع والحر عبد إذا طمع. .................................. فتحت حلكي مصدومه من حميد كال اتزوجها صخام الصخمك ان شاء لله شتتزوج منها بنيه مريضه وكل وقتها تصفن لو تاكل بااضافرها... سمعته رجع كال...حتى لو اتزوجها اني فتره وتزوج عليها اكلهم هي بنت عمتي وماردت تنهان اكثر من اهل اهانه واحنه محرمين عليها لازم اتزوجها... وبعد فتره اتزوج عليها بحكم اني رجال والي متطلباتي وهي جامده ومجنونه... امي ردت عليه بمكر...راح تكبر بعين بيبتك صدكني يا حميد وراح تكسر عين عاطف لراح خطب كافره واجه... رغم الكل ما رضه بيها بس هو عاند واخذها وهسه انت من تاخذ رحمه بيبيتك راح تخليك علئ راسها والورث يصير الك وتضل تحبك... حميد ..وهو هذا الي راح يصير... ام حميد...عفيه عليك بطل... غفران... عفتهم ورحت واني اغلي من العصبيه استغفر لله كل همهم الفلوس وشلون يرضون بيبي... كعدت علئ التخم واجت امي دخلت كالت...هااا ولج كومي يمصخمه عدلي نفسج اسبحي بدل هل البجامه الابستها لعندها ابن عم مثل عاطف تاكبلني وتكعد كومي اسبحي وكعدي يمه بلكي يتزوجج ويطلك الكافره ضحكت كلتلها..اكولج ماما هو حتئ ما يكلي صباح الخير انوب تردينه بتزوجني -اي مو عوووبه حقه مايتفل بوجهج مو انوب يكلج صباح الخير اذا نهارك كله رافعه شعرج كبايه جنها كبة شكريه اذا اني امج اخترع اباوع بوجهج طولج متر تعصبت حيييل بعدني صغيره مااريد اتزوج خليت وطلعت رحت لغرفة بيبي لكيت بس رحمه دترسم ضحكت كعدت يمها هي باوعتلي وسدت الدفتر بسرعه ضحكت كلتلها خلي اشوفه هي ضمته لصدرها مقبلت انقهرت من تصرفها بس عذرتها خطيه مريضه رجعت فرفشت الجو كلتلها...ارسميني باوعت عليه وصغرت عيونها وضلت مركزه بوجههي واني بيه الضحكه كلتلها...هاا دكولين صعب رسمها موو...لا هي قرده لا هي شمبانزي...لا هي غوريلا هههه ضحكت بنعومة وفتحت دفتر الرسم ضلت تباوع عليه وترسم واني ساعه اسوي روحي حوله وساعه اطلع لساني واحط اديه علئ اذاني اسوي روحي قرد... وهي تضحك اول مره اشوفها تضحك ضليت اسوي حركات بوجهي وهي ترسم وتضحك... بيج قصص عراقيه حقيقيه من واقعنا.روعه الطائي خلصت وانطتني الرسمه تفاجئت باوعتلها بغضب وضربتها علئ كتفها حييل ..لا يا زماله شنوو هل قرده الراسمتها هاي اني ملكة جمال بني قريضه هيج تسوين بيه يا عووبه ضلت تضحك بصوت عالي واني اضحك وياها.. شويه ودخل حميد هي من شافته انرعبت وكعدت عاقله ولزمت القلم حييل واني باوعتله بتذمر.. شفت عيونه تراقب رحمه بنشوة وخبث وراسم ابتسامه خثيثه علئ شفايفه وحنيه مصطنعه...شلونج رحوومه ان شاء لله مرتاحه عدنه كوليلي اذا اكو احد مضايقج او ماذيج اعتبريني صديقج واحجي الي كوولشي... رفعت حاجب مقبلت بكلامه والله يعرف يستدرجها شلون نذاله من حميد طبعا رحمه حيل تخاف من حميد يطردها لذالك جانت ردت فعلها صدمه باوعتله بعيون ترمش ممصدكه كلامه... رجع يباوعلها بحنيه وكلها..بالله هلدفتر الحلو شراسمه بي هي مدته اله بخووف..وهو ضل يباوع بي ويبتسم كلها...حبيبي رسمج يجنن لويت شفايفي بجزع..خررب يومك شلون راح يورطها... وبعدها طلع من الغرفه... وهي تبعته بنظراتها..لزمتها من ايدها كلتلها...رحمه عندي سؤال... باوعت عليه بتساؤل ومحجت جريت نفس كلتلها...انت اذا اجوج خطابه تتزوجين فزت مرعوووبه وترجف بعصبية....لااااا لااا اطلعي بررره متستحيين بررره يالله اطللللعي... جانت كوه متحكمه بااعصابها وترجف ومتوتره وجهها صار احمر واعصابها برزت انصدمت من حالتها جنت متوقعه تخجل تستحي مو تتعصب هذا الي يصير ويايه من يجوني خطابه استحي واخجل او اتصنع الخجل... لزمتها اريد اهديها سحبتني حييل وطلعتني وقفلت ا طلعت واني افرك بايدي وضايجه ثول شبيها هاي لو كايلتلها لعريس حميد شسوت... اندك الباب وطلعت فتحته جانت الممرضه سفانا احنه عدنه معرفه شخصيه بيها وهي مرات تجي لرحمه عاطف ابن عمو طلب منها تكون قريبه عليها وتشغل المحقق كونان بيج قصص عراقيه حقيقيه من واقعنا.روعه الطائي عود هو ليش ما شغلني؟ صح اني اثول من عم كونان بس مي خالف الأقربون اولئ بالمعروف.. سلمت عليها وهي راحت دخلت الرحمه ... سفانا رحت الرحمه لان عاطف طلعني من المستشفئ اجي ازورها. وانطاني طريقه اتواصل ويه رحمه بيها بما حسن مموجود ماكوو حسيب رحت الرحمه دكيت الباب وفتحته ضحكت واني اباوع عليها...سبرايز ضحكت بهدوء و وكفت اجت ملهوفه عليه حضنتها وهي حضنتني باستني... كعدنه نسولف واني اضحك ضليت اباوع الرسماتها حلوه ومتفائله شوويه... سولفت الها عن حسن ابن عمي وكلتلها نصبت عليه شوفتها الرسائل ضلت تضحك كالت...لج خطيه لا تلعبين عليه جاوبتها...يولي يستاهل شكوو يجاوب ويحب لا انوب شبسرعه حبني شهل كلاوات ههههه شويه واجت منه رساله كاتب..ياسمين اريد اسمع صوتج حتئ لو بصمه... ضحكت اني يعرف صوتي ويميزه باوعت الرحمه كلتلها ...رحمه باعي حفتح بصمه وانتي كوولي الوو شلونك بيبي... ردت عليه..شنو بيبي طفل ابتسمت...اي طفل بكد جدي ههههههه... فتحت بصمه وقربته منها هي كالت...الوو شلونك بيبي... ضحكت وقفلته... كالت..هذا الطفل ابن منوو اخووج طكيتها بضحكه...لو ابني جان انتحرت لو مو ابني ابن عمي... جاوبت...انتي مربيته باوعتلها بهدوء وفشله...اي اني مربيته وتربيته سز رجعت ترسم بتفائل وامل باوعت لرسمها كلتلها...مرتاحه؟ ابتسمت وكالت...اي حتئ حميد صار زين وياي اكيد مرتاحه...وبيبي تحبني وعاطف هماتين كلهم حبابين وميغلطون عليه ويكولون مخبله تاسفت علئ حالها وحضنتها...لا انتي مو مخبله انتي عاقله فدوه الكلبج انتي احسن من هووايه ناس منافقه... دمعت عينها وهمست...بس اني رخيصه وقذره انصدمت من كلامها ودونتها بعقلي ..اني رخيصة وقذره ليش هيج تحجي عن نفسها ... شنوو الصار... شكد حاولت اسحب منخا كلام واستدرجها بس كانت حذره حيييل... ما حبيت ازعلها واضوجها خليت وضليت احجي الها عن حسن وان هي رسلت لبصمه...اله هي زعلت وضلت تحجي وكالت والله اكول لعاطف عليج... كلتلها بخوف...جذب مرسلتها اصلا مسجلت حذفت المحادثه وشوفتها... لذالك هي سكتت... رجع حسن اتصل ما فتحت خط شكد سافل اكيد عجبه صوت رحمه يريد يغرد ويصير رومانسي... ترخصت منها وطلعت اخذت سياره ورجعت للبيت بسرعه صعدت الغرفتي كتبت رساله حسن عفيه مااكدر افتح خط ماما وبابا موجودين ومااكدر اعتذر بسرعه رد برساله ...لج صوت زقزقه عصافير عبالك نغمة رنين مو صوت ادفع حالي ومالي علئ صوتج اذا صوتج هيج شكلج شلوون؟ حسيت بغيره من كلامها هو فعلا صوت رحمه حلو وينعوص...بس مو هيج بالغ هووايه بالوصف... قفلت الموبايل وشمرته وتنهدت سمعت رنة الموبايل فتحته لكيته كاتب ...ياسمين اريد صوره الج و وعد مني وثقي بيه ابببد ما اغدرج اشوفها واحذفها... انصدمت هذا منين اجيبله صووره كتبت...لا اعتذر مااكدر.. كتب..ليش متثقين بيه... رديت...لا مو هييج بس مو حلوه بحقي ارسل صورتي وفعلا اني ماعندي ثقه اني اصلا مااعرفك.. هو كتب..اهاا شكرا كتبت...حسن لا تزعل ان شاء لله نداوم وتشوفني... ما جاوب كتبت..حسن وين رحت ..يااا حسن وينك مجاوب.... جريت نفس شلون تعلمت عليه واذا شاف صورتي يذبحني... شسوي..ارسله صورة رحمه... بس ماعندي صورتها...بس اروح الها اخذ الها صوره وارسله اله واحذفها... احسن حل...... واحلفه يحذفها ومن يجي من البصره اخذ موبايله وافتشه واشوف اذا بعدها موجوده.... .............................. جنت كاعدة على السرير وبيبي ماكو يمي ، اخذت الكراس واقلام التلوين بصفي ع الدولاب وخليتهم على رجلية واسترسلت بالرسم وحسيت نفسي بغير عالم عالم بس الوان ومناظر طبيعية حلوة واشجار شاهقة وخضرة واني بينها وعايشة حياة حلوة كلها امل كلها تفاؤل ... واني على هذا الحال حسيت ع الباب انفتح ، رفعت راسي اباوع عبالي بيبي ، بس مشفتها شفت عاطف باوعت اله بصدمة ورمشت عدة رمشات .. ابتسم واتقرب مني ، كعد ع السرير .. كال ؛ شبيج اخترعتي ترة مؤدب حيل والله واعرف الاصول دكيت الباب بس انتِ مارديتي ، خليت الادب على صفحة وفتحت الباب وفتت بيها شي هاي ؟ هزيت راسي برفض ومخنزرة عيوني ... سحب الدفتر مني ظليت متمسكة بي .. باوعلي والابتسامة مرسومة على وجهه همس ؛ تسمحيلي ؟ رخيت ايديه ووهو سحب الدفتر مني وصار يطالع الرسمة الي رسمتها .. عيونه ع الرسمة وحجه ؛ كلش حلو داحسج متغيرة حتى برسماتج اليوم الرسمة غير شكل اكو تفاؤل بيها شي حلو هالشي يثبت انو انتِ مرتاحة هنا ، صحيح ؟ لو اني غلطان ؟ جاوبته واني اعصر بيديه مرة ومرة احطهم بحلكي .. كتله امي احب بيبي وهيه هم تحبني ومداريتني ومتأذيني .. كال ؛ احنا كلنا هنا نحبج .. بدون ارادة مني رفعت راسي وباوعتله غصت بنظرات عيونه ، شفته يباوعلي بتخدر ، ثواني وتهرب من نظراتي حسيت بمشاعر اكتسحت قلبي بقوة عجزت عن مواجهتها اشبه نفسي بسفينة شراعية وهاجمتها الامواج العاتية .... كال وكانه يخفي توتره ؛ اليوم نطلع شنو رأيج ؟ كتله ؛ اني اني اريد بيبي ... _ واضح انو بعدج ممطمنة من ناحيتي . هز راسه وكمل كلامه ؛ ولايهمج هيه بيبي هم متتركج ولا اني اخليها تتركج ، من اول موصيها عليج وكتلها انو تخليج مثل ظلها ومتفاركج ابد .. هزيت راسي ودنكت والامان غزى روحي وكياني .. كال ؛ يلله حضري نفسج ، امم اني اختارلج ملابس شنو رأيج ؟ راح وفتح الكنتور ظل يقلب بالملابس طلعلي بنطرون جينز وبدي ابيض مرسوم عليه لعابة ، خلاهم على السرير وكال يلله بدلي وراح طلع .. باوعت للملابس الي اختارهم والرسمة الي ع البدي عبالك مالة اطفال يربي شبي هذا عباله اني طفلة خرب حظي اي والله ، اخذتهم ولبستهم ولبست فوكاهم البالطو .. بيج قصص عراقيه حقيقيه من واقعنا.روعه الطائي دخلت سبحت وطلعت بدلت بسرعه ومشطت شعري هو قصير حيل... لبست حجابي وحذاء وطلعت لكيت بيبي منتظره هي وعاطف.. ابتسمت وبيبي حضنتني وباستني وعاطف باوه عليه وغير نظرته وبعدها رجع باوعلي بلهفه وضل صافن واني كذالك باوعت عليه بس نزلت عيوني بسرعه خجلانه... كال...يالله امشوو ما اشوف اله غفران طلعت لابسه ملابس كالت..اروح وياكم ضحك عاطف كلها...امشي سنفوره ركبنه اني وياها وره وهو وبيبي ليكدام جانت غفران تسولف بهمه واني ساكته صافنه عليها ... استعذت بالله من الشيطان الرجيم الحسد يأكل الحسنات كما تأكل النار الحطب... مااريد احسدها علئ ضحكتها خطييه... رجعت باوعت للشارع شافت واحد حلوو صاعد بجارجر كالت...اوووف ابو الجارجر سمط جدي اوه قصدي الجارجر عاطف صاح بيها كلها...هيي شبيج حتئ هناك باوكرانيا مشفت مثلج.. ضحكت كالت..قصدي الجارجر والله.. همست باذاني ...رحمه شنو رايج با ابو الجارجر باوعتلها ببتسامه كلتلها...مو حلوو كالت..ولي ذوقج معفن غيير حلغووم... وصلنه للمول نزلنه جان شئ غريب عليه متفاجئه وفرحانه بنفس الوقت ... جنت اباوع لعاطف الانظار عليه والبنات حلوات يرمقنه بنظراته ضجت حييل... مو حبا بي بس هو خاطب شكو يباوعن عليه مو صحيح..؟ شتريت ملابس وشالات وجانت الشغله الوحيده المحلوه بالطلعه هي الدرج الكهربائي بحيث اني ساعه واكفه وهم يشجعون بيه... وغفران تصعد من هذا الدرج وتنزل من الثاني واني لسه يشجعون بيه... المهم كمزت وكوه صعدت ومن درنه ننزل خفت وحتاريت قفزت حيل بيبي تضحك وغفران طايحه بالكاع من الضحك واني مخنزره وعاطف يكلهم ..لا رحمه بطله رحمه سباعيه... رحنه للكافيتريا... كلتلهم اني اروح اطلب الكم شنو تردون عاطف ضحك كال..شتاكلين ناكل استحيت منه ورفعت المنيو ...حجيب فنكر وبيتزا اجت غفران باوعت ويايه كالت..جيبيلي من هاي عرائس دجاج اريد اشوف شكلها شلون مثل العروس لو دجاجه محمره... بيبي كلتله...غفران اكعدي لا اخلي عاطف يشمرج بمستشفئ المجانين... عاطف ضحك كال..اي والله ينراد اشمرها هناك هل مخبله هاي... ضحكت وخليت ورحت طلبت الطلب وهذا الي جان كاعد علئ الحاسبه يكص وصل كال..انتي شسمج كتله..رحمه ضحك...عمرج 15 ....16 موو؟ جاوبته...17 كال..ماكوو فرق عرفتج صغيره من حجمج ...اشر علئ بيبي كال...امج؟ جريت نفس...لا بيبي ضل يسأل علئ عاطف باوعت لعاطف شفته يباوع عليه وخله وكف من مكانه واجه يمي حط ايده علئ جتفي واني عبالك تكهربتك كووه صبرت نفسي.. باوع لصاحب المطعم بحده وكله..اخرتنه يمعود ابو المطعم ضحك كله...مرتك؟ اني انصدمت فتحت عيوني متوتره ومرعوبه وعاطف ضحك كله...ميخصك.... اخذنه الطلب ورجعنه كعدنه جنت اكل بشراهه وخجل وما حطيت عيني بعين عاف ولا بعين اي واحد... بيج قصص عراقيه حقيقيه من واقعنا.روعه الطائي بس جنت حاسه بنظراته عليه كلبي يدك سرريع تمنيت اختفي والمايونيز دمر ملابسي من كثر ما متوتره وبيبي تمسح بي... خلصنه وطلعنه ... اخذت اغراضي وغفران شايله اغراضها وطلعنه ركبنه بالسياره... وصلنه للبيت ودخلنه شفت حميد كاعد بالاستقبال من شافني وكف وضحك كال..هلا برحمة البيت ابتسمت بوجهه وهمست..شكرا كال..مشتريه ملابس بالعافيه ليش مكلتي الي جان اخذتج لاحلئ مول واشتريت الج عاطف كلها...ما سويتها شنو تذكرت ضحك..ان شاء الله اخذها الاحلئ مول شعدنه غير رحومه.. الكل استغرب منه... واني عفتهم ورحت الغرفتي فرحانه وارتب بالملابس دعيت العاطف من كلب ولسان لان كدر يغير من مودي ويجبر بخاطري... بدلت وغسلت ونمت بحصن بيبي وبيبي تمسح علئ شعري وتسولف عليه وتسولف شلون راحت للحج ومواقف صارت وياها كدرت تضحكني وتسعدني... ......................... عاطف ... بعد يوم حلوو ومشرق كدرت اسعد رحمه شوويه واشوف ضحكتها... دخلت للحمام وسبحت فتحت موبايلي شفت نيكول كاتبه...متئ تاتي ان لم تاتي ساتزوج واحرق قلبك ضحكت بصوت عالي علئ كلامها وكتبت...قريبا ان شاء لله.... شوويه وأجاني اتصال من رقم غريب... فتحته كان صوت انثوي رقيق...كالت...الووو جاوبت بهدوء...الوو تفضلي ردت بمياعه...دكتور عاطف استغربت ...اي عاطف تفضلي عندج شئ...منو انتي كالت...اني حضئ زوجة ابوو رحمة الفاشل عرفتو موو انصدمت كلتلها..اي اعرفه محتاجه شئ همست بصوت اقرب للخدر..عندي مشكله ومحتاجه الك..... نهاية البارت...يتبع كونوا انتم كونوا بخير...انحبكم💔 نورا ناصر...نور سمو العراق...😘 لا تنسو التصويت والمشاركه بكم نكتمل... | ||||||||
|
| |
|
09-09-19, 12:14 AM
| #23 | ||||||||
| مراقبة عامة ومشرفة منتدى الروايات المنقولة
| #رحمة__عاطف نورا ناصر..نور سمو العراق #بارت١٠ 💔💔💔💔💔💔💔💔 اريد الصراخ اريد الصراخ بأعلى صوتي اريد اخراج كل ما يؤلمني في الصرخة الاولى اريد اخراج مشاعر الكره التي بداخلي في الصرخة الثانية اريد تطهير قلبي من الخوف في الصرخة الثالثة اريد تصفية عقلي من افكار الانتقام في الصرخة الرابعة اريد نبذ ظلمي في مجتمعي في الصرخة الخامسة وبعدها اريد الموت لينتهي كل مافات hajar_4بقلم المبدعه ...................................... عاطف : مرتاحيت الهاي ضحى ابد ، بس مجبور ارد عليها راح اعتبرها ورقة رابحة بلكي احصل منها شي مفيد واجرجرها بالحجي واعرف شصار لرحمة اثناء تواجدها وياهم بذيج الفترة.. جاوبتها ببرود ؛ اي نعم اكدر اساعدج طبعا ضمن اختصاصي غيره لا ، تفضلي شعندج اسمعج؟ جاوبتني بصوت دلع ؛ دكتور اني تعبانة كُلش ، تعرف سبب تعبي اني شابة وحلوة ومتزوجة شايب يعني محرومة واحس انظلمت بهذا زواجي ، حالياً مكتئبة ومكبوتة على طول واحس قلبي مقبوض شسوي ساعدني.. خليت رجل على رجل واريد استرسل وياها بالكلام كتلها : اي شنو سبب الزواج من شخص شايب على كولتج يعني مجبورة ؟ _ اي اني مطلقة وابويه جبرني اتزوج ابو رحمة فد واحد غثيث مأذيني كلش وفوكاهه ينام من المغرب لا طبة لاطلعة لا ونسه اني اريد شاب يفهمني بمثل عمري .. _ زين اكولج شي انتِ ليش هذا تفكريج ترة خلص انتِ هسة متزوجة وعلى ذمة شخص واني اشوفه مدللج ومسوي المستحيل عمودج حتى بنته تركهه حتى لايزعجج ، غيري طريق اهتماماتج طلبي منه تكملين دراستج اشغلي نفسج بغير شي تعلمي فد صنعة تستفادين منها وهم تشغلين نفسج بيها عوفج من هاي الخرابيط .. _ ممممم انتَ تشوف هيج دكتور ؟ _ اي طبعا هذا عين العقل عوفي سوالف المراهقات وانضجي ، وبعدين تعالي احجيلي عن رحمة والي وصلها لهاي الحالة ؟ _ اوووو رحمة فد وحدة جانت دايحة بالشوارع لا صداد ولا رداد شتترجى من هيج وحدة اغتصبوها ووصلوها لهاي الحالة .. انصدمت من كلامها وشون تحجيهه بتلعثم وتكرر الاحرف وبما انه اني طبيب نفسي عرفت كلامها بي نوع من كذب .. _ اغتصبوها !!! تحجين صدك وانتوا وين عنها ؟ استرسلت تحجي وسط صدمتي _وين عنها يعني متكدر عليها هيه وكحة وعرمة ومتنكدر وابوها بالشغل اي و جانت كله بالشوارع تايهة واني مااكدر احجي وياهه منعزلة عنهم مااحب المشاكل .. _يعني مغتصبة ؟؟ رحمة متعرضة للاغتصاب زين ابوها عرف وشنو موقفه؟ _ لا لا ميعرف بس اني عرفت وياريت الموضوع يكون بس بيناتنا لان اني وثقت بيك واريد تساعدها هماتيين .. _ ضرتج الخ تعرف بالموضوع لو لا ؟ _ لا مو كتلك بس اني .. _ وشمعنى انتِ بس الي تعرفين مو توج تكولين انج منعزلة عنهم ؟ _ رحمة قبل لتتخبل جانت كُل شي تحجيلي لان تعرف اني قريبة لعمرها وسولفت الي كل شي .. سكتت وجريت حسرة واني اعرف اكو انه بالموضوع وسرحت افكر اجاني صوتها _ المهم دكتور خليك بموضوعي اني ضايجة من زوجي كلش دراسة مترهم ارجع ادرس اريد شاب رومانسي يونسني ويسليني شتقترح عليه اطلك ؟ _ لا لا اكيد الطلاق مو خيار اني هسه لازم اروح عندي شغل تأخرت وسوي الي كتلج عليه وعوفي هالسوالف هاي شوفيلج شغلة تلهي بيها احسن .. ختمتها وياها وحسيت بشمئزاز مو طبيعي تجاهه وبداخلي ايقنت انو هذه مو ضحى وانما بلوة ووراها مصيبة و٧٠% هي ورة الي صار لرحمة لان من خلال كلامها استنتجت هالشي بس ياترى شنو مسوية ضحى لرحمة !!! طلعت من الغرفة ونزلت جوة ادور رحمة ، سمعت صوت بالمطبخ توجهت اله ، شفتها يم غفران ودتساعدهه بالمطبخ .. بس فتت اجتي عيني بعينها ، ابتسمت الها حسيتها ارتبكت وتهربت من نظراتي الها .. تقدمت باتجاهه ووكفت يمها ، باوعت الي بيدها ، شفتها دتخلط فد خليط .. _ ها غفران بشنو شاغلة رحمة الحلوة اليوم ؟ رحمة ؛ سمعته كال هيج ضجت حسيته ديعتبرني طفلة يربي شوكت يفهم اني مو طفلة ، وعيت على حالي وضجت من تفكيري واذا يعتبرني طفلة عادي قابل شنو يعني ، اي بس اني كبيرة .. صراع بداخلي مو راضي يهدأ ابد .. غفران ؛ دنسوي كيك ، ودااعلمها تسوي شنو قابل ميصير ؟ عاطف ؛ لايصير طبعا ، اخذت الخلاط اليدوي من ايدي رحمة وخليته على جنب واخذت رحمة كتلها ؛ تعالي وياي اريدج بموضوع .. نطت غفران ؛ هاي وين حتاخذهه خليها تساعدني اقصد خليها تتعلم .. _ وانتِ شبيج ماعندج ايدين اشتغلي لوحدج وبلا كركة كتلج عندي موضوع وياها لتنسين اني الطبيب مالتها وبأي لحظة اصيحلها احجي وياها .. _ اي ماتصيح عليها اله وقت مااني اريدها تساعدني .. _ اي بأي وقت توقعي اصيح عليها بمزاجي يلله رحمة امشي .. رحمة ؛ تبعته وقربه يوترني ، يتسلل لجوارحي فد شعور غريب .. رحت يمه للصالة وكعدت ع التخم ، اعدل شالي بتوتر وامسح حباب العرق المتجمعة على جبيني من الارتباك .. كال ؛ رحمة شلونهن نسوان ابوج وياج احجيلي عنهن بلله؟ استغربت سؤاله بهالوقت بالذات ، رفعت راسي اباوعله جريت نفس بضيق ورجعت دنكت واعصر بأصابعي بدا الحزن يخيم على قلبي وبين على ملامحي سالته بصوت مرتجف مدعية القوة ؛ انتَ ليش تسألني هذا السؤال واليوم بالذات سامع شي ؟ _ احجيلي انتِ بالاول واني اكولج ليش . رفعت راسي باوعت الها ارتبكت وهربت من نظراته كتله ؛ اذوني هواي كلش هواي ، سرعان ماتحطم درع القوة الي ادعيته وصرت ابجي .. كام من مكانه ع القنفة واجه يمي ، كعد بصفي ، صار صوته قريب لمسامعي .. كال ؛ اليوم خابرتني ضحى زوجة ابوج .. عاطف ؛ رفعت راسها تباوعلي ونظراتها تبجي الصخر حزينة الى درجة وحمرة ومليانه دموع .. رحمة بذعر ؛ وشكلتلك عني شنو حجت هالكلبة الحقيرة الخاينة ، اكرهها اكرهها وصرت ابجي بصوت عالي .. جتي غفران من المطبخ وبيدها الخلاط اليدوي .. _ شبيها رحمة ، اووو هم بجيتها لو باقية يمي مو احسن .. عاطف بحزم ؛ غفران روحي وعوفينا وحدنا .. رحمة .. تقربت من غفران لزكت بيها كلش ، وصيحت بذعر وخوف ونظراتي اوزعها بالارجاء بتوتر وارتباك .. لالا ارووح ويا غفران اني اكتفيت بعد ما اريد اسمع شي ما اريد ، غفران اروح وياج اني اروووح .. عاطف ؛ رحمة ماخلصنا حجي بعدنه ابقي يمي وانتِ غفران رووحي هسة . رحمة ؛ صرت اهز براسي وايديه على اذني واحجي بخوف وبنبرة سريعة .. _ ماريد احجي ويتك ماريد ابقى يمك ماريد اا لا لا .. وتقدمت غفران بخطواتي واجر بيها ، اخذتني ورحت وياها للمطبخ دخلنا وسديت الباب وقفلته من جوة ماريد عاطف يجي .. كعدتني غفران ع الكرسي بالمطبخ جابت مي وشربت شويه وغسلت وجهي .. ظلت تباوع لوجهي وخايفة وتمسد خدي بكف ايدها .. _ اهدي حبيبتي رحمة ، خلص بعد ما يجي ولا ياخذج من يمي بس كوليلي شكلج وهيج خفتي ؟ _ ما كال شي ما كال شي .. وخليته ايديه على اذاني ، وغمضت وافكر ، شكلتله ضحى الحقيرة اموت واعرف شكالت اله يربي بس لا كالت اله على الي صار الي ، والله اموتها اذا حاجته امووتهه .. باوعت لغفران جانت جاي تباوعلي مستغربة كتلها ؛ اريد اروح للغرفة عفية ماريد اشوف عاطف شوفي الي راح منا لو بعده ؟ هزت راسها وطلت من باب المطبخ ، درت جسمي اباوع الها ، لحظة ورجعت كالت ماكو بالصالة يمكن صعد .. كمت من مكاني بدون ما اجاوبهه وطلعت من المطبخ وصعدت فوك .. وصلت لغرفتي حسست باب غرفته انفتحت درت شفته واكف يمها يباوعلي انطلفت شهكة مني غصب عني ونزلت دموعي ، فتت لجوة الغرفة وطبكت الباب حييل بوجهه .. كعدت ع السرير وكملت بجي ، جريت كراس الرسم والاقلام اخذت قلم وقبضت عليه بقوووة .. وصرت ارسم رسمة ، بطلتها أنثى حاقدة والانتقام مبتغاهه الوحيد ! ارسم واحجي والله ياضحى اذا حاجية لعاطف شي اله اخرب وجهج الحلو بقلمي هذا وما ارحمج ابد ياحقيرة مكفاج الي سويتي بيه اريد بس اعرف شجابج على عاطف !! ..................... بعد مرور...اسبووع روتين عادي... غفران.... حاطه الهتفون بااذاني واسمع اغنية شيرين ومسلطنه وحاسه بالحب وعايشه الدور والدمعه بطرف عيني،من خيانة الحبيب مع العلم لا احب ولا شئ. حسيت علئ حميد سحب السماعات من اذاني وعاط بيه بعصبية...كم مره كتلج اذا شفت السماعات باذانج اكطعهن علئ راسج... رديت باستهزاء...عود شنوو مثلا تستحرم لو تبيع شرف براسي... لزمني من ركبتي حييل وخنكني وعيونه تجحدح شرار كال بغضب...مسترجله صايره غفررران تردين اذبحج واشرب من دمج بيج قصص عراقيه حقيقيه من واقعنا.روعه الطائي لزمت ايده واني احاول اخلص نفسي وبكلمات متقطعه...ححح حميد وو وخر... سحب ايده بسرعه ومسح علئ شعري كال.. عفيه بغفوره اختي الحبابه اريد منها تخدمني خدمه صغيره... اريدها تقرب رحمه اليه وتحمدني كدامها برابط الخوه مو صح .. رفعت حاجب...شنو برابط الخوه شتريد منها ترئ مريضه خطيه... حميد...وشريد ..اريد البسها البدله البيضه وافرحها..بس،هي تخاف مني اريدها تثق بيه ومتخاف... لويت شفايفي...اذا اني اختك مااثق،بيك شلون تريد رحمه المسكينه تثق بيك... حميد...احمديني كدامها وانلصمي غفران...تدلل احمدك واحمد عشيرتك واكولها يدللج دلال وحتئ يكعدج بيت الوحدج..وهو بيت الوحده هههه حميد...الصمي حلكج لا اترسه تبن ويالله روحي قدسيني كدامها.... تركته ورحت لخانة ملابسي طلعت قناع اسود يزيل الرؤؤس السوداء وفتحت الثلاجه طلعت خياره واخذت من المطبخ سجين ورحت... دكيت الباب علئ غرفة رحمه ما فتحت عاد سويت اقتحام مفاجئ واني لازمه السجينه واني اتخد وضعيفه جكيشان...سلمي حدددج... باوعتلي مصدوومه وشمرت الدفتر من ايدها... لزمت السجين واني افر بيها واقلد ابو شهاب...ولاا انه شكلين ما بحكي ولزلمه ورجيني شواربوو... هي ضحكت وحط ايدها شفايفها بنعومه ابتسمت وكعدت يمها...شكد حلوه وحده تزوج شخصيه مثل العكيد ابو شهاب عشكي .. يجنن يؤبرني يصبحني بقتله ويمسيني بقتله....فديت شواربو شو حلووين اوكف اني عليهن مو صكر يوكف عليهن .. ضلت تضحك كالت ..ارسمج انتي وعكيد ابو شهاب... ضربتها علئ راسها..استقري يدافنشي لان انوب تطيرين الهيبه وترسميني اني فوزيه وابو شهاب..ابو بدر... رفعت اكتافها ببتسامه..بكيفج.. غمضت عيوني بحالميه كلتلها..وحده تزوج عكيد مثل ابو شهاب مو طلي مثل حميد ابو الملاهي جماعة اذر بيجان هههههههاي.. رحمه..حميد مكروه... جريت نفس عميق وكلتلها تعالي خلي نخلي قناع لوجهنا حتى بلكي يخطبني ابو شهاب وانتي ازوجج لابن اخت زوجي ابو العز ..معتز... رجعت ليوره بخووف...لا لا ماازوج مااريد لااا رفعت حاجب ..انهجم بيتج يخيره عساس كاتل روحه يؤبشني هو وخالوو عنسي عنسي مثل ام زكي... سحبتها وفتحت القناع حطيته لوجهها واني حطيت باوعنه بالمرايه اختلسنا يممه نخووف ضلينه نضحك... وحطينه خيار لعيونه ونمنه رحمه كالت..غفران انتي حيل حبابه احسن وحده احسج مثل اختي غفران..هو اني اختج لان متبريه من اختي حميده ههههههاي ... ضحكت بصوت عالي ..حميده عدها شوارب ولحيه غفران..عادي كلنه عدنه شوارب... ضلينه نايمين وبعدها خلص الوقت وخرت الخيار من عيونه وردت انزعه ماكدرت جربت حاولت مكدرت... كلتلها بفشله...خلي نروح نغسله بمي لطش هذا... خطيه رحمة مطفيه من الرئيس،كالت ...اي رحنه ماكوو مي كلتلها خلي نروح لغرفة عاطف نغسل قريبه علئ غرفة بيبي وهو مموجود بالدوام... طلعنا اني وياها ودخلنه الغرفة عاطف جانت هادئه وبارده و نظيفه .... كلتلها تعالي نغسل وجههنا اني دخلت غسلت وهي بالغرفه بعدها لزك بوجههي وكعدت واخر بي... بعده منا ومنا بوجهي وطلعت هي وكفت تريد تغسل هيج وانفتح الباب رحمه دارت وجهها وعاطف باوع عليها مصدووم رجع ليوره من هول المشهد .. هي من خجلها ضمت وجهها باديها وركضت للحمام واني فطست من الضحك كعدت بالكاع عاطف عاط بيه كال...هييي شبيج تخبلتي روحي شوفي البنيه شبيها الله يهلكج شلاعبه بوجهها... غفران..دا اتعلم بوجهها مو اريد اصير بدكير منكير ميكاب ارتست... عاطف..دمشي،ولي شوفي البنيه لا اوديج للشماعيه اخليهم يحلقنج للزيرو... رحت لرحمه واني ناطه من الضحك لكيت رحمه تفرك بوجهها وتبجي اختفت ابتسامتي وحضنتها من اكتافها غسلت وجهها.. همهمت بكلمات حزينه..اني مو حلوه هو انصدم من وجهي وشعري كصير اكيد يكرهني اني اخووف كلها تخاف مني حتى اخواني الصغار هو هم خاف مني حضنتها حيل...لا هو ميخاف منج يحبج تعالي اطلعي.. طلعنه اني وياها هو من شافنه بسرعه رفع وجهه كلها بلهفه...هااا رحمه شلونج ما ردت عليه ولا جاوبته...بس جانت تبجي كتله...دكول رحمه عاطف هسه يكول عليه مو حلوه وما يحبني.. بيج قصص عراقيه حقيقيه من واقعنا.روعه الطائي ضحك وتقرب منها وهي ابتعدت كال بحنان .اذا رحمه مو حلوه منو الحلوه غفران .. ضحكت ولزمتها من ايدها..اي والله منو الحلو عاطف هي ضحكت بهدوء وخجل وتوتر وطلعت وهو راقبها بعيونه واني ضاله مثل حال اليتيمه بس اوزع نضرات وحاسه بتصحر... طلعت وراها اركض،..دخلت للغرفه شفتها تمسح بوجهها من شافتني شمرت دفتر الرسم عليه وعاطت بعصبية...اطلعي بره ام المصايب ضحكت وكعدت علئ السرير..مجبوره تتحمليني ماكو غيرج اسولف وياها... دخلت بيبي شايله صينيه فواكهه باست رحمه وانطته الها اني جيتت اكل بشراهه بعنادهم ليش ميضيفوني... . بيبي طلعت وبعدها دخلت .وهي دكول تفضلي تفضلي اهلا وسهلا... ابتسمت رحمه كالت..سفانا... سلمنه عليها وكعدنه ضلينه نسولف وسولفنه عن موقف رحمه وعاطف وسفانا ماتت ضحك... سفانا...رحت الرحمه عندي جلسه وياها ضلن يسولف غفران ميته ضحك ورحمة تضرب بيها متعصبه واني اضحك... كلتلهم تعالو امكيجكم طلعت مكياج من جنطتي حطيت ألهن ثنينهن طلعن شكد حلوات... وراحن بدلن لبسن نفس الشئ بديات بيض وبنطرون كابوي وحليت شعرها القصير و غفران شعرها طويل... طلعت موبايلي،واخذت الهن صور جانت غفران تعرف شلون تاخذ حركات وصور عكس رحمه متوتره وخايفه... ضلينه نسولف ونضحك وحسن راسلني كال. شلونه الحلو ابو صوت بلبل ضحكت كتبت...تسلم كال..امنيتي اشوفج شوكت يجي الدوام ونتشاوف. بسرعه كلت خلي ارسل صورة رحمه حتئ اذا واجه الدوام اكوله اهلي لزموني وبطلوني.. دا ارسل بصور وغفران نطت للموبايل بسرعه رسلت وقفلته بدون ما اشوف... غفران كالت..تراسلين بحبيبج ههههههههه ضحكت وتوترت كلتلها..ههه لا بماما... ضليت كاعده وياهم مااخذت لا حق ولا باطل من رحمه حسيتها اتعب وتجلط ما تنطي سرها ابببد... سلمت عليهن و طلعت رحت للبيت... فتحت موبايلي وانصدمت من كمية الرسائل الجايه من حسن... فتحت المحادثه واشوف الطامه الكبرئ .. يااااا صخااام راسله صور .....غفران صخااام بوجهي قريت الكاتبه...لج شنوو مخلوقه من فراوله توقعتج حلوه بس موو هييج وحق الله اتزوجج لو يضل يوم بعمري...ياسمين اعارك العشاير عليج واخذج لطمت خدي..صخام الصخمج سفانا شسويتي الله ياخذني الله ينتقم مني والمصيبة راسله اربع صور كلهن الغفران بس وحده هي ورحمه. . نهاية البارت...يتبع... كونوا انتم كونوا بخير...انحبكم💔 نورا ...وسمو 😘 | ||||||||
|
| |
|
11-09-19, 02:02 PM
| #25 | ||||||||
| نجم روايتي
| وبعدين ويش هذا التصرف الغير مسئول منها كيف ترسل صور بكل هذي السهولة والامر اكيد ما بيمر مرور الكرام ابدا ... | ||||||||
|
| |
|
12-09-19, 12:38 AM
| #26 | ||||||||
| مراقبة عامة ومشرفة منتدى الروايات المنقولة
| بارت 11 رواية...رحمة عاطف نورا ناصر..نور سمو العراق 💔💔💔💔💔💔💔💔 قريت الكاتبه...لج شنوو مخلوقه من فراوله توقعتج حلوه بس موو هييج وحق الله اتزوجج لو يضل يوم بعمري...ياسمين اعارك العشاير عليج واخذج لطمت خدي..صخام الصخمج سفانا شسويتي الله ياخذني الله ينتقم مني والمصيبة راسله اربع صور كلهن الغفران بس وحده هي ورحمه رجع كتب ...هاي البنيه ام شعر الكصير اختج... كتبت بتوتر...لا بنت عمتي... رد...ثنينجن حلوات بس انتي سنفوره عجبتيني وصوتج حلوو...ياسمين ثقي بالله مدام وثقتي بيه مستحيل اخونج والصور راح احذفهن بس اخلي وحده تذكار وبرضاتج طبعا كتبت بخوف...لااا لاا رجاءا حسن مو هيج اتفقنه انت كلت تحذفها اني حذفتهن من عندي بس اكيد نزلو بجهازك حسن...اكيد نزلو بس اني وعدتج و وعد الحر دين مستحيل اخونج واحذفهم تدللي...احببج سوسو ابتسمت...خررب شلون ورطه كتبت...حسن شنو نيتك ويايه رد..اعزمج علئ مطعم ضحكت كتب..ههههه لا صدوك حسن...ان شاء لله كل خير اكيد من اشوفج بالجامعه واتعرف عليج اكثر راح تتغير هووايه امور وان شاء لله تصيرين من قسمتي. كتبت بضيق...ان شاء لله حسن تعرف هذا مو ثوبي بس مااعرف شنو الي خلاني اراسلك ... حسن..هسه عوفينا من ثوبج اغسلي،ومن ينشف ارجعي الثوبج.. ضحكت كتبت..يالله بااي ثوبي نشف راجعتله عود من يتبلل اراسلك... قفلته وضليت محتاره شلون مشكله عويصة الصوت الرحمة والصوره الغفران والاسلوب الي والاسم ياسمينة مكذبه اكثر من مسيلمه الكذاب... بس الي اكتشفته اني مااكدر اكمل يومي من غير مراسلة حسن احس يومي يكمل بوجوده ومحتاره حيره بس ربي يعلم بيها.. بعد كم يوم يرجع حسيت السويته غلط صح حسن جان يغلط ويسب واستفزازي بس جان من يروح للبصره يخابرني ويطمن عني... لكن حاليا حتئ ما يسأل عليه ابد محتار بياسمين ههههه طردته من افكاري ورحت غسلت ونزلت جوه سويت اكل اكلنه وغسلت المواعين ونمت... واني احظر اليوم جديد ومصايب جديده بحسن... ........................... عاطف اتصلت بيه ضحى بس شفت تليفوني مضوي واسمها ع الشاشة ماترددت وجاوبتها .. بس فتحت خط اجاني صوتها وهيه تتدلع .. _ شلونك دكتور ؟ _ بخير انتِ شلونج ؟ _ دكتور اني تعبانة واريد علاج منك .. _ اي تدللي بس من شنو تعانيين ؟ حتى اكدر اوصف الج العلاج .. _ اكدر اجيك للعيادة اني مو مال تليفون الحجي .. _ اني ماعندي عيادة حاليا ، تعالي للمستشفى .. _ اوكي باجر يمك اني .. _ تمام انتظرج .. ختمتها ويا .. وتمددت ع السرير واني افكر بداخلي هاي شنو شكد صلفة ووكحة اريد اعرف شنو الي تريد توصل اله بهاي سوالفها ! ... نزلت جوة شفت رحمة كاعدة بالهول يم غفران وجانت تضحك وياهه ضحكتها حيل حلوة ساحرة وجذابة ونظرات عيونها ويا ضحكتها بيها حزن دفين .. وجهت نظرها صوبي غصت بنظرات عيونها ، تسلل لجوارحي احساس غريب ، اخذتني الصفنة واني ابحر بنظرات عيونها ، حسيتها خجلت او خافت هيج شي ودارت وجهه واختفت ضحكتها .. بقيت مركز بيها ثواني وبداخلي امنية ، اتمنى تحجيلي واسمع منها كل الي صار الها ، اتمنى اعرف ضحى شسوت وياهه ، مو لارضي فضولي لا وانما لحتى اكدر اساعدهه .. كعدت ع التخم وحجيت .. _ شنو الاخبار .. جاوبتني غفران ؛ الحمدلله ماشي الحال .. كتلها غفران اريد مي .. وغمزت الها وعضيت شفتي وحركت راسي .. باوعتلي بنظرة الفاهم كل شي .. وكالت ؛ وتريد اتأخر يلله اجيبلك مي مو ؟ هزيت راسي بقبول ويا ابتسامة انتصار وكتلها ؛ وهو كذلك .. كالت : ان شاءالله ، وكاكت راحت للمطبخ .. باوعت لرحمة عيونها ع الارض ونظراتها بالفراغ وبدون هدف ، مغندبة ومزعوجة وشفايفها مبوزتهن .. كمت من مكاني وكعدت يمها .. حسيتها صارت ترجف مثل سعفة .. خليت ايدي ع التخم وراها مباشرةً .. كتلها ؛ رحمة شبيج ليش هيج خايفة اني اريد اساعدج انتِ بس احجيلي .. بعدني ممكمل كلامي ، انتفضت وكامت من مكانها .. وظلت تحجي بصوت اشبه بالبكاء وبغصة .. _ لا تجبرني ما اريد احجي ما اريييد .. لزمتها من ايدها واني كاعد بمكاني بدون ارادة مني عصبت وحاجيتها بنبرة أمر وعصبية .. _ رحمة كُعدي ما اجبرج على شي بس نحجي .. انهارت وصارت تجرجر بيدها الي مقيدها اني حسيت وجعتها واني لازمها ، بين هالشي على ملامحها ، تركتها وراحت تركض واختفت من امام انظاري .. ضربت على رجلي بخيبة وصحت من مكاني .. بنبرة متذمر ؛ غفرااان ميحتاج مي لتجيبين .. كمت على حيلي وغادرت المكان بسرعة .. يوم ثاني .. فتت لغرفتي بالمشفى بعد ما افتريت ع المرضى وجيكت حالاتهم ومراقبة اوضاعهم .. استوني كاعد ع الكرسي وخلف مكتبي اندكت الباب صحت تفضل ، فاتت سفانة بقت واكفة بالباب وايدها على المقبض .. كالت ؛ دكتور اكو بنية برة تريدك بموضوع .. _ منو هاي مكلتلج منو هيَ ؟ _ بنية شابة وتكول عدهه موعد مسبقاً وياك .. عرفتها ضحى اجتي ، اشرت لسفانة وكتلها خليها تفوت اني جاي انتظرهه .. راحت سفانة وحجيت بقلبي ، خلي نشوف شنو وراج ياضحى ؟!! .... بعد لحظات فاتت ضحى وصوت كعب حذائها سابقها ، ابتسامة مرسومة على شفايفها ، ولبسها الصارخ المغري الي يشوفها يكول هاي تدعوني عن طريق لبسها للتحرش الصريح.. تقربت من المكتب وبقت واكفة وظلت تحجي بدلع .. _ شلونك دكتور اخبار اني سعيدة انو شفتك وقابلتك واخيرا .. جاوبتها ببرود ؛ اني تمام بخير ، اشرت الها لحتى تكعد على الكرسي ، كعدت والتافت خلت ايدها على الميز وصوبت نظراتها باتجاهي وجهه بي طن مكياج شوية والابتسامة متفارك محياهه .. _ دكتور اني كلش تعبانة ونهار كله ابجي فدوة تكدر تكتبلي علاج .. حركت القلم وجريت ورقة كتلها اي ليش لا بس لازم نحجي عن وضعج بالاول حتى اشخص حالتج وبعدين اكتبلج علاج تدللين .. جاوبت بسرعة ؛ قبل لا نحجي عن وضعي اني اريد اكولك شي.. _ احجي اسمعج .. _ ترة اني ماعرف اذا رحمة متعرضة للاغتصاب او لا .. حسيت لبكة بكلامها كتلها لعد وكلامج ذاك اليوم وين صار ؟ كامت من مكانها واجت بصفي ، فريت الكرسي ورفعت عيني عليها ، وصرت اباوع الها بتركيز .... كالت ؛ تعرف اني مو طبيعية ومرات اخربط بالحجي لهيج اريد علاج منك .. تقربت مني اكثر وكالت _ اني من حجيت ذاك اليوم خمنت انو رحمة مغتصبة ماحجيت وكلي يقين .. صفنت عليها شنو من بشر هايه شون صلافة معقولة تطعن بشرفها وهسه تنكر شنو الي تريد توصل اله ما تحملتها ابد .. _ اوكي نكدر نسوي فحص ونكتشف اذا كانت مغتصبة او لا .. بعد ما خلت عينها بعيني ظلت تدور بعيونها بارجاء المكان .. وارتبكت .. كالت ؛ بكيفك دكتور بس اني مدخلني لان طفله ودايحه شتترجه منها اني مجرد توقعت ، لا تتهمني برحمة اني معليه .. ظليت اباوعلها بشك وانقرفت من كلامها .. كتبت الها علاج مال هلوسة ، سلمتها الورقة الي بيها العلاج .. كتلها تفضلي واني اترخص عندي شغل .. اخذتها وطلعت .. .......................... رحمة : .. اخذتني بيبي لبيت خالة تغدينا عدهم .. ورة الغدا جنه كاعدين وجتي بنت خالة طفلة عمرها عشر سنوات ، كعدت بصف امها وصارت تحاجيهه .. _ ماما انطيني فلوس اروح اشتري من المحل .. جاوبتها خالة باقتضاب ؛ لا بنتي شعندج طالعة ميصير بنتي ميصير اكعدي واسكتي هسه اني اوصي ابوج بس كوليلي شنو تردين ؟ .. _ لا ماما حبابة خلي اروح فدوة ، والله كل صديقاتي يرحن يشترن ويرجعن اله اني متخليني اطلع .. _ اشش الدنيا مو امان واني اخاف عليج .. رحمة :.. ظليت اباوع عليهن وهنه يتجادلن واخذتني ذكرياتي لقبل لم كنت بعمرها .. رجعت من المدرسة وبدلت ملابسي كلهه قصيرة عليه محد يشتريلي هدوم .. لبست تنورة قصيرة فوك الركبة وبدي ربع ردن وكصيف رغم عمري عشرة بس هو يرهم للي عمرهن ٧ او ٨ بس لبسته لان محد يهتم شنو البس وما البس .. طلعت من الغرفة صارت مقابيلي نهاد باوعتلي من فوك ليجوة .. كالت بتذمر ؛ هاي شلابسة اشو شلحي فد مرة مو احسن ؟ جاوبتها ببراءة: اشتريلي ملابس ماعندي كلهن صغار واني كبرت حييل .. جاوبتني بعصبية ؛ منين اجيبلج فلوس ابووك لو عندي بنك .. دارت وجهه عني وراحت ، ركضت وراهه .. _ اريد غدا جوعانة .. التفتت عليه وايدها على خصرها المليان شحوم ونطقت من بين اسنانها . _ منين اكو خلص الغدا روحي اشتريلج شي من المحل اكلي وخلي يسجله على ابوج دين .. وجيبي خمره وجبس لاخوانج ولا تكثرين بشرايه اخبزج بصونده والله ظليت اعصر بيديه وعيوني ع الكاع دمعت وصرت ابجي وبطني توجعني من الجوع اصلا اني بلا ريوك هم كعدت متأخرة لانها بس تكعد اولادها وتعوفني نايمة وياخذني الوقت واتاخر .. طلعت من البيت وصرت امشي بالشارع متوجهة للمحل ومستحية من ملابسي واحس الكل عينهم عليه ويباوعولي على رجليه وجسمي .. وصلت للمحل اخذت كيكة وعصير ..وجبت خمره رحت لابو المحل كتله عمو مشايلة فلوس سجله على بابا .. كال خوش بنيتي .. دا اطلع صارت مقابيلي مرة وظلت تباوعلي من فوك ليجوة .. خجلت من نظراتها وحاولت انهزم منها بسرعة .. اخذتني من ايدي على صفحة .. كالت ؛ ليش هيج لابسة حبيبتي الدنيا مترحم واحنا منطقة شعبية وعيونها مترحمج تاكلج اكل وين امج عنج .. دمعت عيوني وانقهرت كلش .. كتلها ؛ ها ماما متوفية .. حضنتني وكالت سودة عليه انتِ محد يعلمج ميصير هيج لبس ابوج وين اهل ابوج بيبياتج ؟ كتلها ؛ اكو مرة ابوي موجودة بس تكول ماعدنه نشتري ملابس .. _ عدهه بنات ماتشتريلهم ؟ _ تشتريلهم بس اني لا .. _ الله اكبر الرحمة انقرضت من كلوب العالم كون الي تموت تاخذ جهالها وياهه احسن .. كلتلي وين بيتكم اني اروح احجي وياهم .. كتلها بخوف وذعر ؛ لا لا عفية اني اخاف منهم ميقبلون وعفتها ورحت اركض لبيتنا .. رجعت من ذاكرتي ذكريات مؤلمه من تحسين طهارتج متدنسه وانتي طفله بس وحوش ما ترحم رغم طفله بس جانت ضعاف النفوس تتحرش بيه... الحمد لله الي عوضني بيبي وحافظت عليه ولو متاخره بس ميخالف احسن ما يضلون ينهشون بلحمي وما الي معين بعد ربي ........................... بعد مرور يومين... رجعت من دوامي سبحت وتغديت وخابرت نيكول ضلينه شوية نسولف خطيه صار هووايه هاملها وهي زعلانه... قررت اليوم اخذ رحمة للمستشفئ اسوي فحص لازم هذا الفحص حتئ أتأكد من الحقيقه واثبت كلام ضحئ وغير هذا كله اريد اعرف منو وره حالتها وخوفها المفاجئ.. نزلت شفتها كاعده ويه غفران ...غفران تصبغ بااضافرها ومسويه روحها خبيرة تجميل... صفنت عليهن .. غفران..اعزائي المشاهدين عزيزاتي المشاهدات اليوم عدنه هاي المشتركه طبعا جانت بشرتها تلعب النفس،بس لان راجعتني صارت بشرتها كزاز تعالو اشوفكم هاي الخلطه قشر بيض وبياض بيض ونشا وليمونه قطرات وزيت الزيتون يخلط وتخلي علئ بشرتها صارت تجنن... وهسه نبدي بالمكياج...كعدت تمكيج بيها ورحمة مستسلمه وهاي تملطخ بوجهها سوتها مهرج...خطيه رحمه صايره فار تجارب... خلصتها وانطتها المرايه ورحمه ضربتها كلتلها..صخام بوجهج جنيه مسويتني ولي من وجهي اول مره اشوف ايلاينر مكزكز... ضحكت ودخلت عليهن هنه كمزن من مكانهن و رحمه غطت وجوهها بااديها وركضت. ابتسمت عليها وتبعتها بنظراتي وضليت الوم علئ غفران خطيه هيج تسوي بيها... طلعت شفتها تغسل بالمغسله ... سحبتها من ايدها للحديقه دفعتني كالت بعصبية...شبيك انت لا تلمسني.. باوعتلها بهدوء كلتلها ...عندي موضوع وياج رحمه...اهووو مواضيعك متخلص شنو السالفه مااريد احجي وياك... عاطف...بس لازم نحجي وهسه لازم تبدلين ونروح للمستشفئ اكو فحص لازم تسوينه رحمه بااستغراب...فحص شنو:؟ عاطف بمراوغه..فحص صرع.. درت وجهي ورحت ..اعذرني،مااروح وياك ولا اسوي اي فحص شنو انت مصدك نفسك يوميه فحص مااسوي لزمني من ايدي ورجعني المكاني كال...لا تسوين هذا امر واني دكتورج لا تنسين رحمه اوك رحمه بعناد..مااروح عاطف...لا ترحين واني اخذج لا تخليني اجبرج ..رحمه لا تعبيني حبابه امشي ويايه مجرد فحص عادي ثقي بيه رحمه..غفران تروح ويايه عاطف...اوك غفران تروح ويانه... رحت وعفته ضليت ابجي شكو هيج يتحكم بيه كرهته حيل فحص شنو يسوي... رحت حجيت ويه غفران وغفران بيها طلعه طكتها ركضه بسرعه وبدلت واني كذلك بدلت... انتظرناه بدل واجه اخذنه بالسياره جان مشغل اغنيه اجنبيه ويدندن بيها وغفران تدندن وياه واني صافنه عليهم.. وصلنه للمستشفئ وغفران كعدت باللاستعلامات... اما اني صعدت ويه عاطف بالمصعد جنت خايفه حيل من قربه وكل شويه ابتعد... نزلنه بالطابق استغربت من الردهه نسائيه ما تدل علئ الجمله العصبيه... لزمني من اكتافي واني ابتعدت هووايه كال...لا تخافين اني راح ادخل للدكتوره وافهم منها وبعدين ندخل اني وياج... هزيت راسي بقبول وكعدت علئ الكرسي انتظره... اتاخر هووايه ضجت حييل خابرت عليه غفران كالت تعاي انزلي دكتور يجنن شفته كلتلها انجبي وقفلته... رجعت خابرت كالت..تعاي جبت ببسي وكيك تعاي اكلي وعوفي عاطف هذا ابو البروتينات والابر.. خليت ومشيت صعدت بالمصعد صعدو ويايه ثنين بنات وثنين ولد... كلتلهم بالطابق الارضي جنه بالخامس... نزل طابق واحد وعلق بالطابق الرابع صارت مثل الردمه خفت حييل وهمه كالو عطل المصعد اني ضليت ارجف.. فتحو السماعه خابرو علئ الطوارئ ومركز المساعده ضليت اباوع من خلال الزجاج كلتلهم..اذا تردون خابرو من موبايلي بي رصيد ضحكو كالو عندج رقم الطوارئ... سكتت وفشلت ..شفت عاطف يدور ملهوف بالطابق الرابع ضليت ادك بالزجاج واصيح عااطف عاطف لك باوع اني هناا عاطف لتروح... البنات يضحكون عليه همه والولد كالو وين يسمعج كلتلهم صيحوو ويايه بلكي يعله الصوت... كالو...لا بشرفج ههههههاي مخبله انتي انقهرت من كلمتهم حييل وما كطعت الأمل واني اصيح عاطف حباب بس باوع لهنا اني هنايه عفييه لازمه الجام وابجي.... عاطف... دخلت للدكتوره وحجيتلها الحاله خوفتني من الفصح واكيد رحمه راح تعرف لذلك قررت ما اسوي... طلعت ادور عليها ماكوو ركضت ملهوف بالطابق ماكوو سمعت كالوو المصعد عطل باحد الطوابق نزلت اركض بالدرج جان اكو اربع مصاعد دورت 3 ماكو وتوجهت للرابع شفتها واكفه علئ الزجاج وتبجي وتصيح باسمي لكن صوتها ما وصل المسامعي.. ركضت ملهوف عليه.ولزمت الجام كلتلها لا تخافين اني يمج بس اكيد صوتي موصلها... اجوو مركز المساعده وضلو يحاولون يفتحون المصعد تاخرو بالصيانه تقريبا ربع ساعه وغفران حركت الموبايل حرك... المهم ربع ساعه وانفتح اول ما نفتح ركضت عليه ملهووفه وحضنتني حييل وهي تبجي وتشهك حضنتها بحنان عبالك طفلتي الضايعه مني سنين... همست بصوت باكي..عبالي تعوفني هنا وتروح وتنساني ابتسمت وضميتها اكثر همست بااذانها..لا يعمري انسه روحي وما انساج... هي مثل الحست علئ نفسها ابتعدت بسرعه ومسحت دموعها .. سحبتها ونزلنه من الدرج جنت حاس برعبها وخوفها رحنه الغفران ضلت تحجي وتتذمر سولفت الها رحمه الصار وهي سكتت... اخذتهم للمطعم تعشينه واجينه ورجعنه للبيت... اول مادخلنه هي دارت وجهها عليه كالت...عاطف اشو مسويت اليه فحص شنو نسيت جريت نفس كلتلها...لا منسيت بس كنسلته ان شاء لله غير مره وكليلي مرتاحه هنا جاوبت..اكيد مرتاحه بوجودكم وشكرا كوولش هووايه الكم فعلا انتو طلعتوني من قوقعه مضلمه... ابتسمت كلتلها..البيت الج والعتبه النه ولا شكر علئ واجب اهلا وسهلا بيج... عدلت حجابها بخجل ودخلت جوه... دخلت للاستقبال شفت حميد وبيبي كاعدين استغربت من كعدتهم سلمت وكعدت شفت بيبي تتبسم كلتلهم ..خير اليوم تبشرون بالخير ... كالت بيبي...كل خير كل خير ان شاء لله والله حميد طلع رجال من ضهر رجال وما تعيبه عيبه ويفكر بيه وببنت عمته... استغربت كلامها وعقدت حواجبي كلتلها..شنو المقصد حميد بغرور...خطبت رحمه وكفت مثل المصعوق بعمود كهرباء...شنووو شنووو خطبت رحمه بيبي بضحكه...اي خطبها ورفع راسي عاطف بقلة حيله...بس رحمه ما تريد تزوج حميد ...هذا موضوع نسوان واني حجيت ويه ابوها و وافق والحجيه راح تتكفل بالموضوع وان شاء لله هذا الخميس الخطبه عاطف...لا مستحييل رحمه متوافق ومااقبل تجبروها الحجيه..ليش نجبرها يمه ليش هو حميد شيعيبه ان شاء لله اقنعها وازوجها اله حتئ ائمن عليها البنيه كبرت ولازم تزوج وشنو الي يخليها ما تزوج مثلها مثل خيرها واني اريد اغمض وعيني مرتاحه رحمه لازم تتزوج وتعيش حياتها حرام اليصير وياها.. وحميد يحطها بعيونه هو وعدني مو هيج حميد حميد...اي اكييد عين غطا وعين فراش ادللها دلال ومتنضام وهي بحضني ضجت من كلامه حيل رحمه متستاهل حميد اعرفه ملعب و واحد حقير ونذل لا يمكن اقبل تزوجه انتبهت عليه وهو يكول... حميد..باركلي عاطف شبييك؟ باوعتله بطرف عيني وتركتهم ورحت شلوون ورطه بس لا يقشمروها ويزوجوها الحمييد وطبعا هي ما الها راي واكيد حميد يهددها بالرجعه لابوها لو يتزوجها...ورطه... نهاية البارت...يتبع كونوا انتم كونوا بخير..انحبكم😘 نورا ناصر..نور سمو العراق 💔 ان شاء لله التنزيل حيكون يومي بإذن الله تعالئ | ||||||||
|
| |
|
12-09-19, 12:01 PM
| #27 | ||||
 
| وناااسه بيكون التنزيل يومي 💃💃💃💃💃💃💃💃 الجزء اليوم رااكد واتوقع انه الركود ماقبل العاصفه من وين طلع حميد وافكاره الشيطانيه بانتظار حلول عاطف اكيد ماراح يخلي الموضوع يمر مرور الكرام شكرا حبيباتي ..بانتظاركم دوم وكل يوم | ||||
|
| |
|
13-09-19, 01:57 AM
| #28 | ||||||||
| مراقبة عامة ومشرفة منتدى الروايات المنقولة
| #بارت12 رواية..رحمة عاطف نورا ناصر..نور سمو العراق 💔💔💔💔💔💔💔💔💔 رحمة:... دخلت عليه بيبي واني جاي امشط باوعتلها تطالعني مبتسمة ، رديت الها ابتسامة جانبية ، ساورتني الشكوك وتملكتني الهواجس فجأة ماعرف ليش .. اخذت المشط وظلت تسرح شعري بي واني دايرة الها ظهري .. تمشطلي بحنية وتحجي .. _ فدوة رحت لعروستي الحلوة ، كبرانة وصايرة من صدك عروس .. التفتت عليها مخنزرة ومعبسة ملامحي سألتها : شتقصدين بيبي ؟ اخذت خصلة جانبية من شعري وخلته ورة أذني .. حجت وبعدهه مبتسمة ؛ حميد خطبج من واني وافقت .. انتفضت من مكاني ، كمت على حيلي .. _ لا بيبي شنو هالحجي ما اريد اتزوج شون توافقين بدون متكوليلي شنو اني مالي رأي .. _ يا بنتي اني قلقة عليج خايفة عليج تضيعين من بعدي ابوج مو سندج يا امي ويكدر يبيعج لاي واحد ماعنده ضمير ، ع الاقل حميد رجال ومنه وبينه ويحبج ووعدني يدللج دلال شتردين اكثر من هذا .. ظليت ارتعد والخوف والحيرة مقيدتني .. _ لا بيبي لا اني مو مال زواج لا لا ماريد بيبي عفية سدي الموضوع .. _ ولج يمه شون اسده وحميد فرحان بيج راح تصيرين مرته ومحتار شون يرضيج .. _ كليله ماتريدك رحمة كليله ماتريد .. حجيتها بصياح .. وانفتحت الباب وطب عاطف واني واكفة وارتعد وارجف ظل يباوع بعيوني المدمعة ، رمشت عدة رمشات وبلعت ريك ، وكعن دموعي على خدي .. ظل يطالعني بتركيز ، تقرب مني بعد ماشف دموعي .. كال ؛ خيرج رحمة منو وياج وليش تبجين .. مديت ايدي لخدي وظليت امسح دموعي وبعدت نظري منه .. جاوبته بيبي ؛ ماتريد تتزوج حميد لهيج هيه منفعلة ومعصبة .. كعد ع السرير وجر نفس وابتسم .. _ اي من حقها ترفض ومو من حق احد يجبرهه على شي هيه ماتريده .. _ اني اريد مصلحتها ابني وانت لتحجي هيج كدامها اكعد فهمها ابن خالج احسن من الغريب اقبلي بي احسن .. حجتهه بانفعال .... عاطف ؛.. تؤ تؤ تؤ اني طبيبها واعرف مصلحتها وحميد ميفيدها خليها هيج احسن مو هيج رحمة .. ابتسم وغمزلي وعض شفته السفلية . _ زين يا طبيبها كمل جميلك وياها وعلمها مصلحتها شنو انت تعرف احسن مني ، لا يكون عبالك دارس طب وبالخارج تفتهم اكثر مني خليها ابالك اكبر منك بيوم افهم منك بسنة شحال اني اكبر منك باربعين سنة منو لرحمة من بعد عيني انتَ مريتك اتانيك هناك وكلمن يلتهي وحتى ابوها هم ماله علاقة بيها ماتكلي منو الها؟ كام عاطف وتوجه لبيبي باسها على راسها واخذ ايدهه يبوس بيها .. _ لا موقصدي بيبي انتِ على عيني وراسي بس متشوفين البنية محابة ترتبط هسه وبعدين اسم الله عليج بيش مفاولة روحج وتحجين هالحجي عمرج طويل ان شاءالله وان يكن احنه موجودين اني ابد ما اتخلى عن رحمة وهذا وعد عليه .. رحمة ؛ اندار عليه عاطف وكال .. _ رحمة اني وعدتج اكون سند الج لتضوجين حالج والزواج مو فد شي اهم شي انت الي مقتنعة بي سوي ماشي ، وهسه مسحي دموعج واضحكي ماكو شي يستاهل والي تريدي يصير يعني يصير .. رحمة ؛ هزيت راسي بقبول وابتسمت واني امسح دموعي ، كلامه لجروحي دوا ، ويبث الاطمئنان بروحي وجوده بحياتي اهم من وجود ابويه ، بابا بذات نفسه ماوكف الي بكد وكفات عاطف اليه فعلا هو طبيبي .. باوعت لبيبي ضايجة رجعت بنظراتي لعاطف وكأنه قرا افكاري .. تكلم ويا بيبي بنبرة : يلله بيبي فكيها عاد كتلج رحمة مسؤليتي ومستحيل اسافر اذا ما امن على مستقبلها لتزعلين عليها خطية تضوج تشوفج حزينة .. بيج قصص عراقيه حقيقيه من واقعنا.روعه الطائي بيبي ؛ لا مازعل عليها بنت الغالية هاي ، تعالي لحضني بعد عمري .. رحت حضنتها ، لزمت ايدها بستها وباستني على راسي .. كالت ؛ ولا يهمج الي تريدي يصير بس ادعي الله يطول بعمري وابقى بجانبج .. باوعت لعاطف وكالت ؛ ادري بي عاطف بس تخابره ذيج ام عيون خضر يروحلها يركض خو مايبقى يكابلج ويكعد العمر كله .. طكاهه ضحكة رجت الغرفة رج بس بصراحة كلش حلوة ضحكته مميزة صوته يثير اوتار قلبي .. كال ؛ اكابلها شعندي مااكابلهه كم رحمة عندي اني .. خجلت منه ودنجت مبتسمة .. بيبي كالت ؛ اني اروح لحميد اكوله رحمة مموافقه ... رجع عاطف طك ضحكة اكبر من الي قبلها وكال ؛ اخ الله خوش بوري معدل اكل .. تخصرت بيبي ووكفت تباوع وخزر بي .. رفع ايده باستسلام وبعده الضحك مسيطر عليه .. واني هم على ضحكه هم ظليت اضحك داشوفه فرحان كلش لان رفضته تمنيت اعرف ليش سر فرحه .. طلعت بيبي وهو طلع وراهه .. رحمة ؛ ... بعد ما طلعوا عاطف وبيبي بقيت وحدي بالغرفة ، دنكت راسي وعيوني صارت بحضني ، نظراتي بالفراغ متثاقلة ، محملة بألم وعذاب الماضي الي مو راضي يطلق سراحي ، مقيدني بقيوده .. اليوم وبعد حجي بيبي وخبر خطبة حميد الي هيجت جروح بيه ، اني ما اصلح للزواج ابد ليش يردون يزوجوني لشوكت اني ابقى هيج ياربي لشوكت!! طلعت من الغرفة حسيت راح انجن من التفكير واني وحدي لازم اطلع راسي راح ينفجر اريد انسى واعيش حياتي خلص اكتفيت لازم اطلق سراح الماضي من روحي وافكر بمستقبلي مدام عاطف بجانبي .. رأسا طلعت ادور غفران لان ارتاح يمها حسيتها اختي الماجابتها امي .. شفتها بالهول تتفرج تلفزيون ، رحت كعدت بصفها مدت ايدها لكتفي كالت ها رحوم تعالي سويت شامية خلي ناكل ونتفرج هذا حلو الفلم .. والبطل يجنن عيونه زوروق...تستهزء ابتسمت وخليت راسي على ايدها وظلينا نباوع للتلفزيون .. دقايق وفات حميد من برة معصب ، تقرب منا وضربني بالمنشفة الجانت عنده على ايدي .. استغربت وظليت اباوعله مبرطمة واني لازمة زندي مكان ضربته .. عدلت روحها غفران وصاحت عليه .. _ هييه شبيك وياهه؟ تجاهل غفران وتوجه الي تقرب من اكثر ، خله ايده على القنفة وهبط يباوعلي ضاغط على اسنانه ويحجي .. كال ؛ ولج انتِ شون ترفضيني ها!؟؟ لاكيتلج واحد يكلبج حتى تتكبرين عليه؟ زحفت واني كاعدة اريد اهرب منه ... صيحت بوجهه؛ ما اريدك هيه مو كوووة ابتعد عني معليك بيه .. كلما ابتعد يتقرب مني اكثر واكثر معصب ومخنزر خوفني حييل .. كال ؛ اسمعي ولج توافقين ورجليج فوك راسج مو اني الي وحدة مثلج ترفضني معتبرج ادمية وانت اصلا وحدة مخبلة وفوكها تتعززين ؟ غفران ؛ صدك جذب حميد هو هيجي !!هيج حتخليها تنفر منك اكثر واكثر .. حميد ؛ اشش اسكتي انتِ معليج لاتدخلين لاتحطين بوزج بشي ميخصج الكلام موجه الها مو الج .. والتفت الي كمل كلامه ؛ اسمعي ولج رحمة ترجعيين تكولين لبيبي انتِ موافقة مفهوم الكلام لو لا ؟ نطقت من بين ارتجافة شفايفي ؛ واذا مكتلها واذا ماوافقت يعني شحتسوي انتَ ترة اني مخايفة منك مو تايهة هيه لتهدد احسن الك .. مد ايده لزم ايدي قوي ، تدخلت غفران تريد تفكه مني دفعها وظل يغلط عليها وكلما تتقرب يدفعها .. كال ؛ اسمعي لج مخبلة اذا ما وافقتي اخلي ابوج ياخذج غصبا عنج او اني اخذج اطلعج منا اوديج مكان محد يندله دتفهمين عليه ؟؟ مد ايده لراسي وظل يضرب بأظفره السبابة على جانب راسي وجعني حيل .. كال ؛ فهمتي عليه رحمة المخبلة الخبالوو هذا عقلج يشتغل لو مجيم وواكف ؟ شغلي لا اخليج تندمين والله .. خليت ايديه على صدره ودفعته حييل واني اتمتم وخر عني يلله وخرر لاتهدد تهديدك مايمشي ويايه مااتزوجك لو تموت .. وخر من يمي وبعده معصب ، ظلت تحجي عليه غفران _ والله انتَ الي مخبل هيه عاقلة واعقل منك ، هيج ترغبها بيك هو هيج يتصرفون ؟؟ تجاهلها وراح وهو يخوزر بيه وتنهيداته احسها طالعة منه كلها توعد ، اني متأكدة ميحبني بس ليش متمسك بيه حتى واني رافضته ، ليش رايدني وهو يكول عني مخبلة ، احتاريت واريد اعرف ليش !!! كال..تقبلين وغصبا عنج لو اعرف اشمرج بمزبلة ابووج ومن اهدد انفذ اوك يحلوووه.... ضليت ابجي وطلعت رحت الغرفتي مااريده هي كوه.. ........................ سفانا... اجه حسن من البصره يالله شكد مشتاقه السوالفه دواعش البصره... فعلا البيت فارغ بدوونه... من اجه بيبي حضنته وتبوس،بي وجدو كال...هااا اجيت وراح تبدي دوخة الراس...شوف ولك حسن سفانا خط احمر هو ضحك كله...شخبصتنه بسبانه ترئ اخر همي ..وين اني وين انت اني طايح بالحب ومجلب بالطاسه... اني ابتسمت واتذكرت شلون ضحكت علئ رجال مشورب مثله... جدو كال...هااا ولك طحت بالحب اي علئ الخير بس من وين الحبيتها...انه مااريد تزوج ام كعب اريدلك وحده معدله ومن معدنك افتهمت يحسن... حسن...شنو جدي احسك جاي تنهي عليه وتحسسني بنت العم لابن العم واني منهي... جدو..شلون متفهمها افهمها... حسن...يصير خير بس للاسف زمن بنت العم انقرض وهسه بزمن السرعه يجوز احب واتزوج بدون حتى علمكم جدو..تخسئ والله العكازه اكسرها علئ راسك شني ولك تزوج بدون علمنه حسن...ههههههههههه تغسل عارك حجي جاي تحسيني،بت بيت مو رجال مشورب وشواربي يوكف عليهن صكر وباني عش ومكون عايله... جدو..بدون تسربت ويالله امشي ولي الغرفتك بيبي كالت بعصبية...حجي شجاك علئ كيفك ويه حسوني هسه هو شحجه انت ليش،شاد حرابه وياه....مثل متحب سفانا اني احب حسن وكف عن حسوني احسلك حسن...فديت التدافعلي فديت احلئ جددده بالكون كله والله بس،جدي يتوكل ازوجج احلئ واحد حتئ نعدل النسل ...وغمز الها هي ضربته واني ضحكت وجدو كال..شوفي شكد واحد صلف وما يستحي عود حبي حبكم برص انتي وياه هو ضل يضحك وصعد الغرفته واني اتبعته بنظراتي بصراحه احس حسن صار هاجس الروحي لازم انام علئ مراسلته وافيق علئ رساله صباحيه منه... اتفقت وياه نلتقي بالجامعه باجر بس اكيد بشخصية ياسمين لذالك اني قررت اني روح وينتظر وبعدها ينضرب بوري... ومن بعدها ابدي بخطه جديده وهي اني انفضحت وابويه واخويه ضربوني وبطلوني... رحت نمت وثاني يوم داومت شفت حسن يحلق ويعدل بنفسه رغم هو اسمراني بس طلع كوولش حلو لبس بنطرون اسود وقميص ابيض، وعطر وساعه ماركه طلع حلوو بيج قصص عراقيه حقيقيه من واقعنا.روعه الطائي اني كذالك بدلت ورحت للمصح بس جانت لابسه لبس،ضيق الي اثار انتباهي حسن محاسبني علئ لبسي بالعكس اصلا يمكن مشافني... حزت بخاطري عدم اهتمامه مو مثل قبل وصح قبل لا يطلع كتله حسن انطيني موبايلك اريد اتصل منه معندي رصيد انطاني اياه.. وبحوشت بمعرض الصور شفت حاذف كل الصور عده صوره وحده الغفران...بسرعه حذفتها وانطيته الموبايل.. رحت داومت وخلصت دوامي وطلعت رجعت للبيت هو دائما يحل قبلي وصلت للبيت لكيته حارك الموبايل بالماسنجر حرك لان هو يفعل نت علئ الرصيد... واخر رساله كاتب...طيح الله حضج يا تافهه مو صوجج صوجي اني منتظر بباب قسمج وانتي مدري وين قفلت الموبايل ومارديت عليه وره مرور يومين حسن جان مزعوج وبس يدخن وروحه بخشمه ومنو يحجي وياه يعيط بي. ... انقهرت عليه حيل رسلت رساله اله وكتبت...حسن حبيبي اعذرني اني مااكدر اكمل وياك اخويه اخذ موبايلي وفات علئ المحادثه البيبني وبينك ولزمني كطعني تكطع وحجه لبابا وبابا ما قصر هسه مجاي اشوف من البوكسات وهماتين بطلوني من الجامعه ومع هذا كله اني جنت ناويه اشوفك واكعد وياك .. ماكوو ثواني ورد كاتب...صدك تحجين لو تضحكين عليه احجي بسرعه ياسمين بالي،يمج كتبت..وداعتك صدوك احجي وهذا الصار اني اسفه حسن..لج انتي غبيه اني كم مره كتلج احذفي المحادثه شلون لج اني بستين داهيه بس انتي مستقبلج ودراستج سفانا..شسوي ومتعرف شصار بيه الدمعه منشفت من عيني وجهي كله مورم وين كنت وين صرت الله يجازي اخويه هو السبب حسن...انطيني عنوان بيتكم واني اتكفل بكل شئ واخطبج وان شاء لله ميصير خاطرج اله طيب والله لحد الان صورتج معلكه بذهني ...ياسمين اني حبيتج ومن شفت صورتج متت بيج... كتبت..مو هسه حسن خلي يهده الوضع ويالله مع السلامه لا يلزموني... قفلت الموبايل وانصدمت شنوو حب الشخصيه الوهميه وعشق صاحبة الصوره... شنو الصار لا ويريد برتبط زين واني شنو اني حبيته لازم انهي هل مهزله واشوف شنو اسوي... نمت علئ فراشي وصبن دموعي لاول مره ابجي علئ حسن احتاريت وحسيت بمدئ غبائي كنت بس دا اضحك عليه انوب انضحك عليه للاسف... و شنو الحل....لا ومعجب بصاحبة الصوره معجب وعاشق غفران القزمه..لعد شبيه اني ليش هيج صار..ليش ....................... كان يتأمل عيناي وانا اتحدث فَتوقفت عن الحديث وقلت له تربكني هذه النظرة هلا كففتَ عنها كي أستطيع التركيز فيما أقول فأجابني هلا تكفين أنتِ عن بعض هذا السِحر كي أستطيع التركيز فيما تقولين اعشق ذلك الارتباك عندما اتحدث مع ذلك العاشق المجنون.... عاطف...مااعرف شنو الصار بيه من عرفت رحمه حميد يريد يخطبها ...بس فرحت من رفضتها فعلا ميستاهلها اني لو ما خاطب وبانتظاري انثئ،ثانيه ما اتردد ولا لحظه بارتباطي من رحمه بس اني خاطب... صار فتره وعدم اهتمامي قل اهتمام نيكول بيه تولد عنها عدم اهتمام بيه... لذلك جنت مرتاح من عدم مراسلتها مااعرف ضميري يانبني عليها هي مو ذنبها عجبتني وعجبني شكلها الجذاب.. وكانت بينه علاقه خطبتها ورجعت للعراق كانت ملهوفه ببداية سفري واني كذلك ... بس من شفت رحمه مو حبيتها وانما اخذت كل وقتي وخلتني صرت محقق اكثر من ان اني دكتور نفساني حسيت نفسيتي تعبت وتدهورت بسببها تتعصب بسرعه وهادئه وبارده ابرد من القطب الشمالي... تهجم بسرعه وتثور وتخمد نارها بثواني رحمه عباره عن حيره وكتله من الغموض... كولش مزعوج من خطبة حميد الها اعرف حميد زين واحد سافل ونذل ومقرف واخاف يخليها توافق غثبا عنها ومتحجي النه اليصير وياها ...واكيد مامخذها لسواد عيونها وانما بداخله غايه وهاي الغايه مثل غاية ابوها وهو ورث امها.. بس بيبي مقتنعه بي ومتنطي بحميد كونه رضه بخطبة مجنونه عاشت بالمصح واكثرهم يعتبرو عار اكيد محد يتقبلها ... طلعت من غرفتي ضايقه بيه الدنيا احس رحمه ملكي اني اول واحد عرفها واول واحد عاش معاناتها اريد اكمل وياها.. انصدمت بغفران ضربتها بخفه على راسها كلتلها لج سنفوره اكعدي طولج متر ونهارك كله تفترين... كالت..ترئ انت صدمتني فكرك مدري وين يم نيكول مدري ديتول ...ههههه فعلا دكتور حتئ اسم مرتك يخص الادوات الطبيه والتعقيم ... ضحكت كلتلها...تسهزئين حضرتج باوعتلي بغموض كالت..صدك عاطف من تزوج مرتك يا صالون تاخذها...اني انصحك تخليني اني امكيجها بس كلها ميكاب ارتست غفران... باوعتلها بنص عين..اي حتئ تسويلها ايلانر مكزكز ضحكت كالت...لا اسويلها ايلاينر فرعوني اخلي هي تختلس من نفسها وتلعن الساعه الاخذت بيها طبيب نفساني... ضربتها بخفه علئ خدها واني اضحك وطلعت وهي تضحك وتقلد علئ اسم نيكول..دكول ديتول لو عملاق... طلعت بره اتذكرت ضحئ وغموضها وكلامها عن رحمه ابد ما ارتاحيت الها تراسل يوميه وكل شويه وكتبت ندري بيك ثكيل بس حن علينه يدكتور التكبر محلووو.... طلعت باارجاء الحديقه سمعت انين وصوت حزين وبكاء مفجع... عرفتها لا يمكن انسه صوت انينها وبكاءها يا ما بجت واستنجدت ومحد واساها غير دمعتها الحزينه اي هااي رحمه ... تقربت منها اكثر جان الضوء القمر عاكس علئ جسمها الصغير وهيئتها الناعمه كعدت مقابيلها ركبه ونص همست بحنين...رحمه رفعت راسي باوعت عليه بحسره علئ نفسي ورجعت النوبة البكاء... بيج قصص عراقيه حقيقيه من واقعنا.روعه الطائي قرب ايده مني بس ما لمسني كال...هااا رحمه شبيج احجي منو وياج والله اني بضهرج وسندج لا تخافين مهما يكون ثقي بيه والله ما اتركج مهما يكون... بلعت غصتي ومسحت دمعتي جاوبته...مااريد اتزوج عاطف..مازوجين وعده مني وشاربي مو عليه اذا حميد تزوجج غصب عنج اله برضاج مفهوم وعد مني جاوبت بقهر ...بس حميد يجبرني... عاطف...ياكل تبن بكد لشته ميجبرج واني موجود .. تقرب مني اكثر كال.. رحمه اعتبريني صديقج او اخوج او شنو ترتاحين خليني بمكانه.. ضل مركز بنظره عليه خجلت حجيت بتلكئ...اني اءء انت اكثر واحد ارتاح احجي وياه بس خلي يكون بعلمك اني مااحب اسلوب التحقيق،ومااحب احجي لذالك لا تجب.... قطعت كلامي ما كملته حسيت هو ما مركز بكلامي لا جان مركز بملامح وجهي غطيت وجهي باديه وهمست...لا تباوع عليه هيج... ضحك كال..شسوي اذا انتي حلوه ترئ مو ذنبي ذنبج تصنمت من كلامه وصطكيت بلعت ريكي بخجل وجعت كلته...لا تحجي ويايه هيج وتحسسني،رخيصه هو انصدم كال رخيصه؟... بس اني مااشوفج هيج اشوفج طاهره عفيفه وطفله بريئه لوثتها الايام لا تخافين انتي مو هيج بنظري صدكيني... اني اشووفج جووهره ثمينه محد مقدرها رحمة انتي رحمة من الله بس للاسف محد معتني،بيج ... وصدكيني انتي ارقئ و احسن انسانه شفتها بحياتي واحجي عن ضمير وصدق نيه اصدقيني القول يابنت عمتي شنو الوصلج الهل مرحله الي تخليج تحسين برخص غمضت عيوني و ويه عصرت سقطت دموعي ونهارت حصوني اني لازم اكول لعاطف شنو البيه وشنو الصار همست...اني اني انيييي..... نهاية البارت...يتبع كونوا انتم كونوا بخير..انحبكم💔 نورا ناصر...نور سمو العراق...😘 لا تنسو التصويت والمشاركه بكم نكتمل باذن لله | ||||||||
|
| |
|
14-09-19, 05:49 AM
| #30 | ||||||||
| مراقبة عامة ومشرفة منتدى الروايات المنقولة
| #بارت١٣ رواية...#رحمة_عاطف نورا ناصر...نور سمو العراق 💔💔💔💔💔💔💔💔💔 واعودُ وحيدةً إلى قوقعتي حافيةٌ بخسائر فادحه بخطواتٍ بطيئه.. وبصوت منخفض تخرجُ من حُنجرتي تهويدةً لتنويم جراحي اعودُ عاريةً لاحروفاً تلتفُ حول جسدي كالوشاحِ.. جُرفت جميعُ نصوصي في دوامه نسيان في ماضٍ لارجعه فيه حتى في ذاكرتي وما انا بلاحروفٍ مغلفةٍ بشجوني وآلامي؟ ما انا بلا حروفٍ تعانق بعضها وتتراقص على وقعات انيني كيف علي ان اولد من جديد ؟ ان اولد بلا ذنوب بلا قيود؟بلادمعاً منصهراً تشد حول عُنقي،ومعصماي كيف يمكن علي أن اولد حُرةً؟ و اوّلد كتاباتٍ تجعل من قارِئها الطيران انا مُتعبه مني من حنيني لتعبي من اشتياقي للأحياء الندوبِ انا مُتعبه من جهدي في انتشالِ نفسي من كلّ هذا الضياع. ......................................... همست بكلمات...اني اني اءءء حطيت اديه علئ عيوني وبجيت حيييل واشهك احس روحي طلعت من كلامي واختنكت وتنفسي ضاااق.. هو تقرب مني لزم اديه ثنينهم حطهم بحضني ومسح وجهي بكفوف اديه همس بحنان ..رحوومي اذا معاجبج تخجين لا تحجين ولا تعبين نفسج اني اريدج مرتاحه مو زعلانه بلعت ريكي واني اشهك..بس اني لازم احجي اريد ارتاح احس هذا الموقف صاعد علئ كلبي رغم هو ياذيني بس اريد واحد يشاركني قهري واذيتي... فتح اديه وكال...صدري موجود اشمري كل همومج عليه ولا تترددين وثقي بالله مهما يكون السبب مستحيل اكسرج واجرح خاطرج انتي صرتي جزء مني مستحيل اغدرج عضيت علئ شفايفي بقهر ...بس الله عليك مو تكرهني وتحقد عليه والله مالي ذنب...اوعدني متحجي الصار لاي واحد... دك علئ صدره وكال...افااا هذا كلام دكوليه انتي عرضي قبل كولشي مستحيل اغدرج..ولا اكرهج انتي مضلومه مو ضالمه..شلون اكرهج؟ نزلت راسي باسئ وترددت بين الاحجي والاسكت رفعت راسي شفت نظراته المتسائله رجعت نزلت راسي ونزلو دموعي بحضني ورجعت بذاكرتي لسنين راحت ومضت صارت ماضي لكن عايشه وياي بالمستقبل... ضحئ ... جنت طفله عمري 12 سنه جنت حلوه ومدبدبه شكره وعيوني ملونه الانظار جانت عليه.. وضعاف النفوس تطمع حتئ بطفله..لا تطمع بصخله... رجعت من المدرسه جان الجو بارد وصعيقي وشايله الجنطه علئ ضهري جانت مليانه كتب وضهري احس انكسر منها... جنت خايفه حيل من الشباب التتجمع بباب المدرسه علئ البنات اروح ركض للبيت واتلفت بخوف ... جنت دائما اذكر كلمة ماما من دكول ترحين ركض وتجين ركض اي وحده دكولج امشي ويايه لبيتنا كوليلها ماما متقبل لا تتقشمرين ولا ترحين ويه اي واحد... واني جنت ماخذه بنصيحتها..ومطبقتها... صادف يوم اربعاء جانت نهاد مو هنا عند اهلها بالعماره وتضل شهر كامل لان متروح الهم هووايه... وبابا بالشغل يرجع باليل وبس ضحئ بالبيت جانت صغيره بذاك الوقت عمرها 17 ّّّ.. 18 شابه حلوه ومطلقه وتزوجت بابا جان طاير بيها ويعشقها بجنون وانما لا يحبها كجسد ورغبه وطفوله...ولو هي شيطانه مو طفله... جان الكل مستغرب شلون بهل عمر مطلقه ومتزوجه واحد يكبرها بعشرين سنه... جانت لاجابه لاجل الستر المهم دخلت للبيت فارغ ...دخلت للمطبخ تذمرت كل عاده ماكوو اكل...مطابخه ضحئ... رحت ادورها ...سمعت صوت مثل الانين جنت طفله مااعرف عبالي متخربطه فزيت مقهوره عن حالها... فتحت الباب وشفت المصيبه... ضحئ بحاله مخله للادب و وياها واحد بصوره مقززه انصدمت بسرعه بجيت وهي باوعت عليه مرعووبه ... طلعت اركض بسرعه وابجي واشهك لعبت نفسي حيل حاسه نفسي اريد اتقيئ ... شويه وهي اجت للغرفه وراي وجهها ما يتفسر وترجف صفرره تخوف وشعرها مكوش كالت...ديري بالج تحجين الصار وبالقران اخلي هسه يصعدلج يخليج تمشين صفح. بلعت العافيه من كلامها وهزيت راسي بقبول وكتمت كولشي... مر يومين وجانت حيل متوتره وخايفه مني ومن يجي بابا تاخذه بسرعه حتئ ما اشوفه... وبعد وره يوم جنت كاعده بالاستقبال واندك الباب هي راحت فتحته... دخل ولد شاب باوعلي بنظره مشمئزه وضل مركز عليه دخل جووه بغرفتها... وهي راحت للمطبخ جابت ميزو بصينيه واجت انطتني واحد اني من خوفي شربت العصير كله... هو طلع باوع عليه وضحك وضحئ باوعتله ضحكت هو لزمها وباسها. بشفايفها حييل... اني حسيت روحي دخت وعيوني زغللت... وكفت مصروعه مصدوومه هو تقرب مني وحضني وضل يبوس بيه وتلمس بحسمي بطريقه مقززه جنت اصرخ بس لساني التوه مكدرت اصررخ اكثر ولا اكثر ادفعه... هو شالني وطلع بيه بره وهو تصرخ وتصيح هسه الحكك للمستشفئ سوده عليه هبط ضغطها وتخربطت... وبعدها ما حسيت غير بفقدان الوعي... كعدت علئ فراش واني مجرده من ملابسي وهو عاري الصدر ويدخن... تخبلت اتعارضت تخيلته سوه بيه مثل ما سوه بضحئ ضليت اصرخ وانهاريت وهو تخبل سطرني راشدي قوي فرني فرر... وبعدها فتح حلكي ودار بطل شراب ما عرفت شنوو بس جان طعمه يلعب النفس... حسيت نفسي سكرت وارجع عليه مره ثانيه... وبعدها ما شفت نفسي غير بيتنا... صحيت مرعوبه عبالي،حلم بس طلع مو حلم لا حقيقه اثاره الوصخه بجسمي ... استطردت كل فكره وكلت لا حلم لكن صحيت علئ،صوت ضحئ وهي دكول...صرتي وحده رخيصه ارخص مني،يمكن تفتحين حلكج بكلمه ابوج يذبح وعندي دليل. ضليت اصررخ انتهكت برائتي وطفولتي وطعنتني باعتي باابخس ثمن وكسرتني كسره جبيره دمرت احلامي وطفولتي صرت عايبه اخجل من نفسي والجزع تملكني حتئ استحي اطلب حاجه من ربي وادعي احس اشوه سمعة الاسلام واني،قذره مستعمله... انتكست حالتي ودمرت نفسيتي المدرسه بطلت منها احس الطلاب تعرفني رخيصه كرهت الدنيا... حاولت انسئ وانسئ لكن مكدرت انسئ الصار. . وره فتره تفاجئت بنهاد دكول لبابا يزوجني لاخوها بالعماره خفت حيل واني،اصلا طفله وضلت تلح علئ بابا دكله بنيه تريد ملابس وانت مقصر زوجها لاخويه بالعماره... وبابا كلها خلي يجي يخطبها حتئ لو طفله تكبر عنده ويربيها علئ ايده... تخبلت بيومها وانتحرت بس للاسف ما متت ساءت حالتي واتخذت من الجنون وسيلة حتئ اتخلص من تعاستي..وهذا الصار... رجعت لواقعي وبجيت بحركه علئ حالي وطفولتي المكسوره.... شهكت من البجي شفت الحزن بعيونه وكسران الخاطر مرسوم على ملامحه... غمض عيونه ببتسامه مجروحه كال...عرفتج مكسوره كسره جبيره... بجيت بنحيب...والله مو ذنبي،لا تكرهني والله اني ثقيت بيك انت بالذات لان اشوفك طيب والله مو قصدي مجبوره والله... لزم اديه ثنينهم بيد وحده ومسح دموعي كال...ما كرهتج حبيتج اكثر والله رحمه انتي مو ذنبج ذنب العار ابوج ومرته وقسما بالله تتعاقب علئ فعلتها ... لا تزعلين همه الارخاص مو انتي همه الوصخين انت اشرف منهم ...حاولي تنسين ولو متكدرين بس ماكو غير حل... همست بنحيب...ادعيلي افقد الذاكره... ضحكت بحزن كلتلها...لا لتفقدين اكثر من الفقدتي لا تخافين اني بضهرج وحزام الج والله ما اتركج منا لمن تتحسنين واطمن عليج... بس اوعديني ان انتي تفقدين جزء من ذاكرتج وكولي حلم وما تحقق احسبي تنفسج تحلمين ومصار الصار ولا ضعتي شهكت بحزن...بس ضعت لو واحد غيرك يعرف يدفني واني عايشه... عاطف...ليش يدفنج خو ما يدفنون العار مرة ابووج لا يكلبي انتي متستحقين القتل انتي طفله وانغدرتي مو ذنبح ... رحمه...شكرا عاطف...يعني انت مو زعلان مني. . عاطف جريت نفس...زعلان عليج والله مو زعلان ولا يحقلي اصلا ازعل. رجع ابتسم بوجهي كال..شكرا لان حجيتي الي وصدكيني ضحئ اله ادمرها واخذ حقج من عيونها ويالله امسحي دموعج مااحب اشوفج تبجي ابتسمي وعيشي لباجر... ابتسمت بحزن ومسحت دموعي كعد يمي ضل يسولف عن دراسته وشلون قدم للخارج ومواقف هوايه رافقته وسولف عن اصدقاءه من نيجيريا... جنت ابتسم علئ كلامه اجت غفران كالت...هلا هلا طيور الحب بالحديقه عود ليش متصيحولي اجي اكعد يمكم شنو بيه جرب لو اجكجك... عاطف كلها..احنه طيور حب ما نريد زواجل بنصنه غفران..تغار لان احلئ من الشهبه خطيبتك شعرها احمر جنها شعر بيبي من تحط حنه... اني ابتسمت وهو ضحك بس معلق اجت كعدت يمنه كالت...اي شنو جنتو تحجون او بالاحرئ جنتو تاخذون غيبة منوو... رديت عليها...لا مناخذ غيبه بس جنه دنسولف عن حياة عاطف بالخارج... هي كعدت وتربعت كالت ...اي صدوك عاطف شلون تعرفت علئ الحب ديتول... بيج قصص عراقيه حقيقيه من واقعنا.روعه الطائي ضحك كلها...ويايه جانت تدرس.. جاوبت...حلوه المفلوكه ماعندها اخوو حتئ لو سافل اني اربي علئ ايدي وادخله للدين الإسلامي... باوعلها بنص عين كلها...لا ماعندها... غفران...استغفر الله... اني من جابو سيرة خطيبته حسيت الحياة سودت بعيني ابتسمت ببهوت كلتلهم..تصبحون علئ خير نعست... هو باوعلي كال..نعستي شبسرعه دجاجه... غفران...ليوم شعندك ويه الطيور رحمه دجاجه واني زاجل ليكون تريد تغير المهنه من دكتور لمطيرجي ههههاي... هو ضربها علئ راسها وضحك... واني ابتسمت ورحت مسحت دموعي باسئ،وجريت نفس بس حسيت براحه من عرفت اكو شخص مشاركني احساسي التعيس ومشاكلي الملكومه... رحت لفراشي وكملت نوبة البكاء وبعدها نمت وكل شويه افز خايفه وارجف... غفران...ضليت كاعده يم عاطف وحاسه بضيق من حميد اريد احجي لعاطف.. شجعت نفسي وفركت اصابعي جريت نفس كتله...عاطف راح احجيلك موضوع بس هذا سر كون ميطلع... عاطف...اكييد غفران بتنهيده...حميد صح اخويه بس اني ويه الحق حميد مرايد رحمه لسواد عيونها يريدها بس لخاطر ورث امها عاطف...ادري وحتئ لو تزعلين حميد اكبر كلب ومادي... غفران...حميد عنده سر لحد الان محد مكتشفه واذا اكتشفو تصير مصايب... عاطف بفضول واستغراب...شنووو؟ جريت نفس وخوفي من حميد مكدرت احجي السر الضامه علئ اهلي لذالك سكتت...خلي كولشي بوقته حلو اخاف احجي واتاذه منه....السكوت افضل حل.. تركته ورحت رغم صاح عليه راد يفهم مني بس اني تغاضيت عنه... عاطف... غفران شمرت كلامها ومرت مرور الكرام اليوم الصار حيرني منا رحمة الي فقدت كل حواسي ومنا غفران الي شككتني بامر حميد... خليت ورحت الغرفتي شفت عدة اتصالات من نيكول تجاهلتها ما رديت فعلت حساب جديد علئ الماسنجر باسم وهمي دخلت علئ حساب ابو رحمه وكتبت...هلا بالكرن شلونها ضحاوي لعبت من وراك لعب وانت نايم ورجليك بالشمس.... طفيت النت ورحت سبحت واني افكر بكلام رحمه وحزنها ودموعها مأساتها جريت نفس وتافئفت حيره تمنيت ما خاطب ما اتردد ولا لحظه بالزواج منها وانقاذها من قوقعتها .... وفعلا كانسانه اني اكن الها مشاعر احس عيونها عشقي جميله وبريئه ولطيفه بيها شئ مميز وحلوو... بس للاسف خطيبتي مااكدر اكسرها ومرجوعي الها وان شاء لله رحمه تلكه ابن الحلال ليسر كلبها وخاطرها.... ............................. سفانا حسن هاي الايام كووولش مزعوج وحتئ ميكعد يمنه وكله متوتر ومتضايق حسيت بحزن عليه مو مثل قبل يضحك ويتشاقه هو اكيد حاس،بتأنيب الضمير لان ياسمين بطلوها من وراه... للحظات اجيت اعترف واكوله اني سفانا ضحكت عليك و وهمت بشخصية وهمية الي هي غفران.. بس تراجعت ما اعرف ليش. . هو دخل وبعدها صعد الغرفته شوويه ونزل بسرعه وينزل الدرج درجتين درجتين... لزمني من ايدي وقربني عليه كال بعصبية ...سفانا انتي حذفتي صورة ياسمين... فتحت عيوني ودعيت عدم المعرفه...ياسمين منوو كال... الصوره الجانت بالملف مالتي بموبايلي انطيتج موبايلي هسه مجاي الكاها كولي انتي حذفتيها دفعته بعصبية..شنو حذفتها شنو ياسمين انت ما تستحي شنو هل كلام الفارغ ترئ عيب عليك وشعلية بيك انت وياسمين مدري منو شويه خلي عندك حيا عيب عليك... بيج قصص عراقيه حقيقيه من واقعنا.روعه الطائي باوعلي بغموض وطلع... مسحيت ايدي من لزمتها خبل مصدك نفسه ياسمين تحبه استغفر الله ياربي هذا شبي شدعوه هلكد حبها لا وديحاسبني علئ صورتها ديحسسني الاميره ديانا وهي كلها خلك غفران... مجنت متصوره تعجبه لان هي مو ذاك الجمال الخارق البارق مجرد بنيه عاديه حالها من حالي بس هو خبل ممتعود وحده تحجي وياه برومانسيه هيج غميت نفسي علئ افعالي الجايفه لا ومكيفه وراضيه بالغلط... طلعت للاستقبال شفت حسن كاعد بنص،بابا وماما وجدو وبيبي.... باوعتلهم وتنهدت وهو مزعوج ويطكط بموبايله وبعدها باوع لجدو كال...اني اريد اخطب .. جدو كله...علئ البركه ومنو تعيست الحظ جاوبه بجمود..وحده وياي بالجامعه حبابه ومؤدبه وداخله مزاجي وعقلي وان شاء لله هل ايام بس احجي ويه ابوها اخطبها... جدو باوع عليه بعدم رضا وكله ..شنو جايبلي وحده منعرف اصلها وفصلها اخذ من ثوبك ولا تكعد تزاكط بكيفك...هاي سفانا بنت عمك اخذها واسكت... اني انصدمت صدمة عمري... لكن صدمتي كانت اقوئ من كال...مااريدها...ولا احبها.. حسيت بطعنه بنص كلبي وركضت لغرفتي والدموع تتطافر من عيوني واني ادعي عليه من كلبي قبل لساني مو حبا بي بس للاسف هاني كدام اهلي ورفضني كدام الكل... بس قررت اكمل البديته واطيح حضه هل عار هذا ابو البنات الاملح شايف روحه عساس اقبل بي اخذ جني ومااخذه.. امداني رضيت بالبين والبين ما رضه بيه... ................... ......... عاطف :....جنت متمدد وحاس شوية بالملل ، اندكت باب غرفتي صحت بملل من مكاني تفضل .. انفتحت الباب وفات حميد للغرفة ووكف بالباب ، ظليت اباوعله ببرود .. كال ؛ ها شعندك هسه ؟ جاوبته بملل؛ شعندي قابل .. تقرب من يمي وصار فوك راسي .. كال ؛ مبين عليك ضايج متكوم متطلع وياي نروح للكوفي عازمك على حسابي شنو رأيك ؟ كمت على حيلي والله فكرة اقتل بيها الروتين والملل الي اني بي ، نزلت من السرير .. كتله ؛ دقايق بس اجهز نفسي واجيك .. كال ؛ تمام وطلع من الغرفة .. خلاني افكر هذا حميد منه من الشيطان شعجب عزمني يله الله هادي اليوم مدري شعجب بس رغم هذا قلبي ممرتاح اله ، يله يولي المهم اقضي يوم حلو ، اخذت الخاولي وتوجهت للحمام .. بعد ماخلصت سبح وتبديل نزلت جوة شفت حميد ينتظرني ، طلعنا من البيت حميد طلع كدامي راح شغل السيارة .. شفت رحمة بيدها صوندة دترش مي بالحديقة .. بقيت صافن عليها داحسها مثل المي هيج نقية وصافية .. ابتسمت الها وظليت مركز عليها ، شافتني ابتسمت الي ، جان وقت غروب والشمس مباقيلها شوية وتغرب والجو حلو كلش نسمات هوا ربيعية باردة .. التقت نظراتنا ، بيها شغف ولهفة ، حسيت خدودها صارت طماطة وعيونها صارت تلمع .. الخجل ظل يطلع من مساماتها ويلون خدودهه باللون الاحمر .. من شدة خجلها احتارت شتسوي بلحظة وجهت الصوندة عليه وظل المي يصب باتجاهه ، بللت ملابسي وحسيت بالبرودة .. عصبت واني ارفع ايديه احمي نفسي من المي واصيح عليها .. ولج لااا رحمة لااا ... وتترد لمسامعي اصداء ضحكتها وهي تعلن انتصارهه عليه .. وخرت المي من علي ووجهته للكاع وزادت ضحكاتها .. حاجيتهه معصب ؛ لا يا الله لا يالله ولج رحمة ليش هيج ؟ كالت وبعده الضحكة مسيطرة عليها ؛ حتى تبطل تصفن .. رحت تقربت منها ولزمتها من ايدها وسحبتها عليه .. كتلها بنبرة ممزوجة بالعصبية والتهكم ؛ شكلتي؟ ضحكت كالت ؛ دتخوفني بنظرات هايه دااحس نفسي صرت اكله واكلتني بعيونك .. كتلها بنبرة تساؤؤل ؛ اغمض؟ ابتسمت ؛ اي غمض .. رفعت تك حاجبي واسمع حميد يصيح بأسمي .. _ يلله عاطف مو تأخرنا .. التفت عليه شفته ديباوعلي بنظرات غريبة وشفت نفسي قريب على رحمة كلش .. ابتعدت عنها واشرت اله على ملابسي .. كتله ابدل واجيك .. كال اوووو يمته نروح لعد .. كتله ولك بس دقايق شبيك ... دخلت جوة بدلت ملابسي ، طلعت مشفتها ، ظليت ادور عليها ونظراتي تتجول بكل الحديقة ماكو ماهيه .. ادور واسأل نفسي ليش مجاي اشبع من شوفتها ، داحس نفسي عطشان ومن اشوفها ارتوي ، اريد بكل لحظة اشوفهه ماريدها تغيب عن عيني ابد .. ضربت راسي واحجي ويا نفسي شجاك عاطف ياريت اشتاق لنيكول بكد ما اشتاق لرحمة رغم نيكول بعيدة عني ورحمة اني وياهه بنفس البيت شنو هالتناقض الي اني بي!!! وصلت للسيارة واني سرحان بتفكيري صعدت وما ادري بنفسي ، كعدت بصف حميد وحرك السيارة وهو يسولف واني ممنتبه اله شنو يحجي بس اكتفيت اكول اي،اي واي .... وصلنا للكوفي وكعدنا اجه النادل وظل يحجي ويا حميد وكانه بيناتهم معرفة قويه كُلش .. طلبنا العصير واجه قدمه النا .. حميد ؛ شوف هذا الكوفي كلش حلو دائما اجي اني وانت شوكت ميعجبك كولي نجي سويه نغير جو .. جاوبته ونظراتي تتجول بارجاء المكان .. _ اممم ماشي حاله .. اشر حميد للنادل واجه .. كله جيب ٢ نركيلة .. كتله المن الثانية ؟ كال المنو غيرك ؟ غير الك .. لا لا اشرت بيدي برفض ، اني ما ااركل مضرة بالصحة _ يمعود شبيك انسى مهنتك اليوم وعيش حياتك يوم واحد الك .. قنعني واقتنعت كتله تمام ماشي جيب ... وجاب الاركيلة حسيت بخنكة منها بالبداية بس بعد ثاني نفس تعودت وصار شي حلو وياخذني لغير عالم .. خلصنا الاركيلة رجع حميد طلب عصير مرة لخ شفته يغمز للنادل مهتميت توقعت هيج شي عادي بينهم لانهم معرفة واصدقاء وحميد دائماً يمهم .. مرت االدقايق بعد شرب العصير ، حسيت بدوخة فقدت التركيز وصار حميد يحجي عن رحمة ..... كال ؛ اكولك ترة رحمة حييل حلوة يعني ممعقول هيج جمالهه يا اخي بشرتها عبالك ماخذتها من ضوء القمر اله عيونها ايبااه عبالك براري خضرة تسحر النظر وتاخذ العقل .. ظل هو يحجي واني راح بالي يم رحمة وعلى كلامه صرت اتخيلها مقابيلي ، حسيت برغبة تجاهه .... وبعد ماحسيت بشي هذا كل الي اتذكره .. رحمة ... بعد العشا طلعت للحديقة باوعت ماكو سيارة حميد خمنت انو بعدهم مجايين رجعت فتت للبيت .. كعدت يم غفران ، تفرجنا تلفزيون سولفنا شويه .. بعدها كامت تتثاوب وتتمطى كالت اني راح انام رحمة نعست كُلش . حجت وكلامها كوة ينفهم لان تتثاوب وتحجي .. كتلها روحي تصبحين على خير اني مجايني نوم .. كالت ؛ اي ابقي حتى تفتحين الباب لحميد وعاطف لان لساتهم ما اجو .. _ اوكي تمام روحي نامي اني افتح الهم الباب .. كالت اوكي وراحت لغرفتها .. بقيت شوية اتفرج تلفزيون والكل نايمين ، باوعت للساعة ب ١١ ... حسيت بالجوع ، كمت ورحت للمطبخ فتحت الضوة وتوجهت للثلاجة طلعت الجبن والخبز وخليتهم ع الطاولة وظليت اسويلي اكل ... حسيت بصوت انفاس وراية رمشت عدة رمشات وفتحت عيوني من الصدمة ، عفت الخاشوكة ع الطاولة بهدوء وخليت ايدي على قلبي .. اقتربت الانفاس هوايه مني لدرجة حسيتها تلفح ببشرة رقبتي من ورة ، تسلل لاسماعي صوت بنبرة هامسة صوت عاطف وهو يهمس بأسمي .. _ رحمة!!!! التفتت شفته قريب مني كُلش يباوعلي بنظرات كلش غريبة ، عيونه حمرة وناعسة وريحته غريبة ... ويهمس احبج رحمة ، حسي بيه ، اريدج الي .... خليت ايديه على صدره ابعده مني حسيت بالرعب واني قربه ، صرت ارتعد من الخوف .. ثكيل كلش مااكدر اوخره مني ،حجزني بينه وبين الميز هو كدامي والميز مال الطعام وراية ، اريد اصرخ لبيبي ، انفرجت شفايفي ، خله شفايفه على حلكي وكتم صرختي .... نهاية البارت ...يتبع كونوا انتم كونوا بخير...انحبكم.. نور سمو العراق..💔 موقف الاغتصاب الي تعرضت اله رحمه موقف حقيقي وعليه شهود الله شاهد علئ كلامي وما مزيده عنه اي كلمه يمكن نقصت ما زيدت...للاسف هوايه اكو ضعاف نفوس استغلو الاطفال واثارتهم شهوتهم الحيوانية ودمرو طفولتهم...الله يجيرنا 😢 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
