آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
14-09-19, 05:25 PM
| #31 | ||||
 
|  لااااااا وش هالمصايب الي انحذفت عليك يارحمه الله يكون بعونها الحيوان حميد سوا كذا علشان رحمه ماتثق بعاطف بعد اليوم ومنها علشان يقول انا باخذها استر عليها بس يارب تكون خطته فشنك وينقلب السحر على الساحر وترفض الجده تزوجها حميد وتقول الي غلط يصحح غلطه وتكتب كتابها على عاطف بس الله يعينه عاطف راح يبدأ من اول وجديد في علاج رحمه سفانا ... رحمتها ابد سيري ونحن معك خلي حسن يمشي ويكلم نفسه ههههههههه تسلمين فيتوو على النقل 😘 | ||||
|  |
|
14-09-19, 11:47 PM
| #32 | |||||||||
| مراقبة عامة ومشرفة منتدى الروايات المنقولة  
| اقتباس:
والله قلبي كان حاسس إن حميد بيحط له بلى وينكبه وماهي بعيده إن يصور الموقف ويهدد رحمه به المشكله عاطف بيخسر ثقة رحمه فيه بعد ماتعب في الحصول عليها لكن إن شاء الله يفشل مخطط حميد ومثل ما ذكرتي | |||||||||
|
| |
|
15-09-19, 04:10 AM
| #33 | ||||||||
| مراقبة عامة ومشرفة منتدى الروايات المنقولة
| رواية...#رحمة__عاطف نورا ناصر..نور سمو العراق... #بارت١٤ 💔💔💔💔💔💔💔💔💔💔 رحمة:..... قيد شفافي بشفافه ومنعني من الصريخ ، صرت ادفع بي بس هو ثكيل كلش ، سفطني ع الميز صرت ارافس برجليه ، جتي وحدة من الرفسات بي توقف فجأة وظل يباوعلي وشكله منعس وتعبان حييل ، وكع ع الارض انسند على ركبه واني انهاريت وصرت اصرخ ... خليت ايديه على حلكي مصدومة متفاجأة متوقعتها منك عاطف خذلتني ، صرت انزف الم انزف خيبة ... بلحظة كلهم اللتموا حميد بسرعة طب عبالك جان منتظر اللحظة .. نزل لعاطف وهو ع الكاع يباوع ميدري شكو . لزمه من ياخته وسحبه ليفوك وصار بمستواه وظل يعيط بوجهه .. _ يا ساقط ياطايح الحظ انت شلون تسوي هيج لك هاي عرضك وشرفك ؟ دخلت ام عاطف وغفران بسرعة مصدومات ، مخروعات والنعاس بعده بعيونهم .. واثنينهن بصوت واحد كالن ؛ خير شكو شنو صار شبيها رحمة .. تقربن مني ، غفران حضنتني وام عاطف صارت تتفحصني .. اريد احجي الكلام مديطلع بس اشهك واشر على عاطف وانشغ .. جاوبهم حميد بعصبية؛ هذا عاطف الخسيس حاول يعتدي عليها شفته سافطها ع الميز ويبوس بيها وهيه ترافس ... ام عاطف لطمت على وجهه وحجت بصدمة ؛ يا لااا عزا ابني ميسويها .. تقربت من حميد واخذت عاطف من بين ايديه وصارت تحجي بوجهه منفعلة ومصدومة والكلام يطلع منها مبحوح .. _ عاطف ابني صدك الكلام الي دااسمعه ، عاطف متسويهه ابني كولي شبيك كولي لا ااا ممسوي هيج شي انت احجي عاطف شبيك مو طبيعي ؟ والتفتت الي لزمتني من زنودي وصارت تهز بيه وتحجي _ رحمة صح هالكلام ؟ هو هيج سوا بيج ؟ احجي رحمة احجي ؟ ظليت اهز راسي بتأكيد وكوة جاوبتها وامسح بشفافي وجسمي كله يرجف والدموع بللتني .. ظليت اشر عليه واحجي وشفافي ترعش ؛ اي اي اي عمة هيج هيج سوا عاطف هيج سوة بيه .. اريد اكمل مكدرت حسيت نفسي محتاجة اصرخ انتابتني نوبة صراخ هيستيرية حسيت نفسي توصخت ليش يا عاطف ردتك عون اليه تطلعلي فرعون ماعولت تعرف سالفتي جيت تريد تعتدي عليه .. اتمنى اصرخ بصوت عالي واكول اكرهك اكرهك .. ظلوا يحاولون يهدأون ، جتي غفران قربت مني مي بكلاص دفعته منها ، حضنتني وظلت تقرا عليه ... ام عاطف عافتني و رجعت تقربت من عاطف تهزز بي وهو فاقد وميدري بالدنيا .. كالت والله ابني ميسويها بس شوف شبي اليوم وليش هيج ريحته غريبة لا لا مستحيل معقولة عاطف يشرب هذا شارب ولك حميد وين وديته وين اخذته ليش هيج حالته حاله ليش ولك ليش ؟ حميد بتذمر ؛ خالة شسويله هو راد يشرب قابل هو طفل وامنعه مكدرت امنعه اصلا .. _ والله انت السبب بكل شي والله عليك طلوعات الله لايوفقك .. _ هسه شعليه اني وتسبيني هو ابنج جان عايش برة ومتعود ع الشرب لتدخليني بالموضوع لعد ماشربت اني ؟ مو هياتني كدامج ؟ .... خزرته وحجت ؛ تعال اسنده ويايه خلي نروح نغسل اله بلكي يصحصح .. سندوا واخذوا من المطبخ واني رحت ويا غفران للغرفة والشهكة مافاركت حنجرتي ابد حتى والرجفة بمل جسمي ، سعفة وضربها الهوا ، روحي مهترئة وجروحي مضاعفة ، جروح دفينة انفتكت اقطابها ، كسيرة روح واضلاع ... عاطف :.... كعدت الصبح راسي مصدع وصاير شكبره جريت نفس اريد اكوم احس نفسي ثكيل كُلش .. دخلت امي للغرفة باوعتلها ، نظراتها كل عتب ومعصبة وتنفخ .. مديت ايدي لراسي رفعت شعري وعيوني على امي .. اريد احجي قاطعتني .. حجت بحدية ؛ اكدر اعرف شنو الي سويته هذا عاطف؟ خنزرت وحجيت ؛ خير شكو هو شنو الي صار .. _ يعني مسوي نفسك متعرف ؟ _ اي غير تحجين خل افتهم ؟ _ لك البارحة شلون تجي سكران ؟ هاا .. كمزت من الفراش ونسيت كل التعب انصدمت من كلامها اخر شي اتذكره جنت بالكوفي ويا حميد ودخت .. كتلها ؛ اني سكران بس اني ما اشرب انت ِ كُلش زين تعرفين هالشي امي احجي شصار ؟؟ _ اي جيت سكران شارب وحاولت تعتدي على رحمة دمرتها للبنية من البارحة لليوم وهيه حالتها حاله بالله هيه هاي سوايه تسويها اكو واحد طبيب مثقف يسوي هيج ؟ صيحت بوجهي بقسوة .. كلامها وكع عليه مثل الصاعقة ... انصدمت حييل حجيت باستغراب ؛ اني هيج سويت مستحيل مستحيل ووينها رحمة ؟ طلعت من الغرفة اركض ونسيت نفسي بس بالبنطرون وصدري عاري .. ركضت لغرفة بيبي ادور رحمة مشفتها نزلت الدرج سويته بايتين واني اصيح رحمة وينج رحمة ، صارت مقابيلي بيبي .. مستغربة ؛ شبيك عاطف شهالصياح من الصبح؟ رحمة بغرفة غفران .. مجاوبت بيبي وركضت لغرفة غفران فتحت الباب بدون ما أدُكه .. شفت رحمة كبالي جفلت من كامت من السرير تمشي وتوكع صارت ورة غفران ظلت تباوعلي ونظرات الاتهام بعيونها تذبحني ذبح .. تقربت منها ختلت كلها ورة غفران .. كتلها رحمة اني !!! وانقطع كلامي مااعرف شلون ابرر الها وهيه خاتلة وخايفة مني وتصرخ بهستيريا .. _ اطلع ما اريد اشوفك اطلع يا حقير .. غفران ؛ اطلع عاطف اطلع رحمة تعبانة حييل خليها تهدأ وحاجيها .. كتلها وخري عنها اريد احجي وياهه .. صراخ رحمة بلحظتها جان يتسلل لروحي ويفتها فت دخلت امي وبيبي سحبوني من يمها ... يحجون وياي ويأمروني بان اطلع منا واتركهه .. طلعت مثل قائد طالع من حرب ويجر باذيال الهزيمة والخيبة مجاي اكدر استوعب اني الي سويته برحمة ردت اصير دوة لجروحها متوقعت يصير هيج شي ابد واني طالع من غرفة غفران تذكرت الي صار البارحة اني مااشرب مستحييل اكيد حميد اله ايد بالموضوع سحبت نفسي من امي وبيبي الي جانن لازمات ايديه ويجرن بيه حتى اطلع .. تركتهن وصيحت بعلو حسي ولك حميد الساقد الحبان وينك !!!! شفت حميد فوك واكف ع الدرج ويطل عليه ويحجي ببرود _ خير شكوو .. صعدت الدرج بسرعة ووصلت اله مدري شنو من قوة نزلت عليه فجأة سحبته من ملابسه لزمته قوي ، وعطت بوجهه .. _ ولك شسويتلي البارحة هاا؟ انت الي وصلتني لهاي المرحلة ؟ انت خليتني ... مكدرت اكمل كلامي وجهت اله لكمة على وجهه وكع بالكاع ... ظل يصيح ؛ لك يا ساقط يا سكيير انت الله مطيح حظك اني شكو تف عليك بيك خير مو تعتدي على طفلة .. كلامه استفزني حييل نزلت عليه ضرب ضرب وكل هذا ميشفي غليلي الى ان حسيت بعمي يسحبني منه ويبعدني عنه ، ارتطمت بالحايط كرهت نفسي حييل شون امنت بي هذا الكلب وسوة سوايته ، اذيت رحمة خذلتها مجاي اكدر استوعب شون ارجعها الي مثل قبل تثق بي وتعتمد عليه !! اجاني صوت عمو يصيح .. _ طايحين الحظ ادبسزية شكو كل يومية عركة عبالك جهال شنو من بشر طلعتوني من طوري شسويلكم وتستجنون ... باوعت لحميد كاعد بالكاع وخشمه ينزف دم وامه تنطي كلينكس ويمسح خشمه .. وامي واكفة مناك وتعصر بيديها .... وبيبي تعبانة وواكفة نص الدرج وتصيح ولكم كافي مشاكل شون وياكم انتوا الجلطة من وراكم راح تجي والله راح تجلطوني الله واكبر عليكم ان شاءالله ... عمو ؛ عاطف حميد ، اسمعوني اثنينكم هوسة هنا بعد ما اريد فاهمين ؟ كافي كل يوم صياح الجيران شيكولون علينه ؟ عفتهم ودخلت لغرفتي ، طبكت الباب بقوووة ، نزلت للكاع انسندت على ركبتي ، ياربي ممصدك خذلت رحمتي ممصدك ، خليت ايديه على رقبتي وراسي نزلته للكاع ، غمضت عيوني واجت صورة عيونها البريئة بخيالي ودموعها احسها تيزاب يحرك گلبي ... شسوي هسه يربي شسوي!!!!!! ........................... كنت كاعده بالحديقه اطكطك بفوني اليوم طلبت اجازه وما داومت اخابر رحمه وبس تبجي وتنحب مااعرف شنو البيها خبلتني... كلتلها هسه اخابر عاطف يشوف حالتج هي عبالك مكلت عاطف كلت وحش ضلت تصرخ وتسب وتغلط سكتت وحاولت اهديها.... لذلك قررت اروح ازورها واخذت اجازه بس اني اخاف حسن ميقبل ولو هو ممهتم ولا اله شغل بيه مو مثل قبل بس مي خالف الحذر واجب... سمعت صوت سيارة حسن كعدت عدل وهديت شويه هو دخل وجه ما يكصه السيف و راح بدون لا سلام ولا كلام. هزيت ايدي وسكتت ورجعت اطكطك بالفون. . شويه و وصلتني رساله مكتوب...انتي جذابه اليوم رحت الرئاسة القسم وبحثت عن اسمج بقسم الاجهزة الطبيه وماكو هيج اسم طالبه عندهم انتي منو دازج عليه احجي انتي منو لا قسما بذات لله اطلع حسابج من جوه الكاع واني حسن... انصدمت صدمه قويه يبوو رايح باحث علئ اسم ياسمين لازم اتدارك الأمر وابين اله اني مو كذابه كتبت...حسن انت شنو دتحجي معقوله انت اني مجنت اثق بيك لذلك منطيتك اسمي الكامل حقيقي انت شلون تروح تدور من وراية... كتب...شنو متثقين بيه راسله صورتج وبصمة صوتج ودكولين ما اثق خايفه علئ اسمج وما خايفه علئ صورتج انتي مو منطقيه اني شاك بيج احسج تلعبين عليه... حسيت برجفه باصابعي كتبت...اي جنت ما اثق بس من تعرفت عنك ثقيت واسفه مااكدر احجي اكثر من هيج تعرف حالتي خطره وبعد لا ترسل رسائل اله اني اراسلك اوك لان اكثر الاحيان يكون الفون بيد اخويه او بابا تعرف مراقبه... قفلته بدون ما اشوف الرد... ورحت بدلت وغسلت وحطيت شويه مكياج طلعت وكلت الجدو يوصلني للسيارات وفعلا اخذني وركبت ورحت البيت رحمه... مسافة الطريق وصلت دكيت الباب وفتح بيبيتها رحبت بيه وكالت..همزين اجيتي رحمه تخبلت علينه مااعرف شبيها بس تبجي وتخاف ومتاكل وراسها والف سيف ولا احد يجيب اسم عاطف خبلتني... جريت نفس ودخلت عليها شفتها متكوره علئ نفسها وحاضنه دفتر الرسم وتبجي وتنحب بألم... كسرت خاطري مسكينه مااعرف شبيها حطيت ايدي علئ كتفها صرخت مرعوبه وهي دكول...لااا لااا حضنتها بحنان وهمست...رحمة لا تخافين اني سفانه اجيت اشوفج لا تخافين حبيبتي اني يمج .. حضنتني حييل وكأنها تريد تدخل داخل صدري همست ببكاء...حقييير كلب عرف اني رخيصه تماده اكثر اكرهه الله ينتقم منه ويحرك كلبه مثل ما حرك كلبي... بعدتها عن صدري شويه وحضنت وجهها بكفوفي تساءلت..حبيبتي منوو الي وياج منو هو الحقير بلعت ريكها وماردت بس تبجي خفت اسأل عن عاطف وتنهار حاولت افهم السالفه مقبلت تحجي بس حقير كلب رخيصه هذا الفهمته... سحبتها للحمام غسلت وجهها وخليتها تتوضه ودخلتها للغرفه فتحت القران بالموبايل علئ صورة البقرة ...وخليتها تستمع الها...هدئت شوويه... دخلت غفران شايله عصير ولابسه تشيرت عريض بنص بزونه وستريت بنفسجي والتشيرت رصاصي وتسريحتها القديمه الكعكعه مدري شسموها... ابتسمت يربي معقوله غفران تلوك الحسن ما بينهم اي ترابط غفران قزمه وضعيفه ولسان وحسن ضخم وطويل بس هماتين السان... كالت بحزن...رحمة حالتها حاله بس تبجي وتصرخ لج والله حتئ صرت اتخيل صوت بجيها شكد حاولت اهديها بس متت متقبل سالتها..ليش هو شنو الصار حتئ هيج تازمت اشو من اجتكم ارتاحت وصارت مثل الورده هسه شبيها؟ شفت غفران تلعثمت بالكلام كالت...هاا اءء موو هاا هي هذا عاطف راد يضربها ابره وهي تخبلت صارت تكره واتعاركو... باوعتلها بغموض مااعرف حسيتها غير صادقه بس تغاضيت عن كلامها لان مو من حقي أحقق وياهم.... ضليت تقريبا ساعه كامله حسيت شويه ارتاحت بس شويه ترجع الحالتها كلتلها نطلع بالحديقه مقبلت اتصل بيه حسن كال وين انتي ...جاوبته اني بيت الدكتور عاطف مو بنت عمته مريضه ضل يسب ويغلط كال هسه تجين... كتله بزعل...اوك بعدين كال..اوصفي الي المكان وجايج وصفته اله علئ السريع وهو بيتهم ميتيه ابد ...كال اوك جايج... حضرت نفسي بسرعه وضليت احجي ويه رحمه واطمنها .. غفران جنت افتر بتوتر بالصاله ولحد الان طابع موقف عاطف بداخل مخيلتي ياربي شكد جنت احبه واحترمه كرهته حيل مسكينه رحمه وكعت بيده... بس هو جان سكران مبين لان مستحيل عاطف يكون صاحي ويعتدي علئ رحمه مو من اخلاقه ولا مبادئه... جريت نفس اعرف سوالف حميد اخويه الهتلي اوف يربي ترئ متربيه من حميدو ليوم الدين... اندك الباب لبست شالي وفتحت الباب كلت منوو محد رد..رجعت كلت منوو محد رد... بس الدك مستمر عطت بصوت عالي منوووو... فتحت الباب منزعجه وعيوني بكصتي اول مفتح الباب وطلع بوجهي واحد يمااااي ابو شهاب بشبابه عكييد يموت شحلاته ضليت مرتبكه وصافنه بس بسرعه رجعت... هو دفع الباب كال...ياسمين ياسمين انتي رجعت استغربت..ياسمين منو انت غلطان اخوويه هو بسرعه نزل عيونه وجر نفس كال...بيت دكتور عاطف هزيت راسي بأي كال..صيحي سفانا...ياسمين... دخلت جوه واني متفاجئه ياسمين منو شبي هذا خبل ... صحت سفانا وهو بعده واكف وكل شويه وباوع عليه واني مستغربه كووولش منه..بس الحمد لله اول واحد يحسسني اني انثئ هههههاي ....................... عاطف ... بعد الي صار ويايه والموقف الي تعرضت اله سودة الدنيا بعيني رحمه ثقت بيه وحجت عن مأساتها واني للاسف كسرتها ودمرتها... وهي كل ضنها ان اني استغلها لان هي متعرضه الموقف قديم وان اني احسسها برخص... مع العلم اني مو هيج واتمنئ تفقد ذاكرتها وتنسئ الموقف لكن صدمتني حيييل بعدم قبولها وخوفها مني.. صرت اتردد ادخل للبيت ...وحميد الكلب من يشوفني ينهزم كله بسببه ... جريت نفس ابوها العار دازلي رساله كاتب ضحئ اشرف من الشرف واني ثاق بيها ومحد يكدر يغير رأيي...واكيد واحد مندس وغيران مني لان متزوج وحده صغيره وطفله.. مسحت علئ لحيتي بغضب واحد عار لو يشوف ضحئ ويه واحد ميصدك مدمغته تدمغ... اني لو ما خاطب جان خطبت رحمه بس مااكدر اكسر خطيبتي وحتئ لو... رحمة مستحيل توافق بعد الضرر والهجوم المباغت الصار.. لذالك اني قررت السفر... فيزت جوازي وخبرت نيكول عند موعد قدومي لعاصمتها وهي بدورها فرحت وتفاجئت.. حزمت الجنط وكل اغراضي ... درت داخل غرفتي يعز عليه الفراك بس لازم ابتعد هذا احسن حل بلكي تنسه شوويه.. طلعت ودعت كل اهلي امي مقبلت اسافر وحتئ،بيبي بس لازم اروح... باوعت لغرفتها بقهر تحمل طفله مسكينه منتهكه براءتها واني مقصرت للاسف زيدت الطين بله... جنت اتمنئ ادخل عليها واطيب خاطرها واعتذر منها بس للاسف ما الي وجه بمقابلتها... بس اكيد اترك الها رساله تعبر عن اعتذاري وشوگي الها ... رجعت الغرفتي وهواجس بداخلي وعصارات دمرتني متضايق ومجروح اكثر من رحمه شلون هيج صار وشلون استسلمت حسيت تقيدت مااعرف شنو اسووي... خليت ونمت كعدت الفجر كملت اغراضي وسبحت طلعت من البيت ... كتبت رساله...رحمة اني اعتذر عن الي صار بس والله مو قصدي الي صار غصبا عني والله غصبا عني جنت مو بوعيي انتي لو ناطيتني مجال جان شرحت الصار الي اريده منج بس ان تسامحيني عن الصار لان اني راح اسافر واكيد ما انساج واعتذر مره لخ وثقي بالله اني مو مثل ما انتي متصوره لا بالعكس اني حيل اعتز بيج واحترمج واقدرج وان شاء لله الله يكون بعونج..مع السلامه.. عاطف... طلعت من البيت وركبت للمطار مرة تقريبا ساعه كامله واجراءات السفر ركبت بالطيارة وحلقت بالجو واني مودع اهلي وناسي... نهاية البارت...يتبع... كونوا انتم كونوا بخير...انحبكم😍 نورا ناصر ..نور سمو العراق..💔 بنات باجر ماكو نشر لان معزومه كثرت العزايم ويه القصص 😀😀... | ||||||||
|
| |
|
15-09-19, 09:18 AM
| #36 | ||||
| عااااطف ....افاا ياذا العلم ليييه تهج الله يصلح قلبك حميد .. جاك يامهنا ماتمنى لكن عندي امل ان حميد ماراح يوصل لمبتغااه ... حسن ..ههههههه اجل لقيت ياسمين اتوقع ان سفانا راح ترقع السالفه وتقول انها ارسلت صورة صديقتها او قريبتها بالغلط والله حاسه ان حسن راح يقلب الدنيا ان عرف بالحقيقه | ||||
|
| |
|
17-09-19, 03:26 AM
| #37 | ||||||||
| مراقبة عامة ومشرفة منتدى الروايات المنقولة
| رواية...#رحمة__عاطف نورا ناصر...نور سمو العراق #بارت١٥ 💔💔💔💔💔💔💔💔💔💔💔 ... وصلت لمطار كييف وجانت درجة الحرارة 10 تحت الصفر ، الجو بارد حييل .. طلعت من المطار لبست بالطو لحتى ادفي جسمي لان البرد وصل لعظمي .. بس لبسته تذكرتها وتحسرت ، هزيت راسي بأسف اجرت تكسي وانطلق بيه كتله يوديني لبيت نيكول محتاج ابقى يمها عسى ولعل انسى الي صار شوية .. وصلت لبيتها دفعت الاجرة ونزلت ونزلت جنطي واغراضي ، سمعت صوت موسيقى صاخبة جاي من البيت ، جريت نفس بتذمر اكيد نيكول مسوية حفلة .. اني ماانطيتها علم بجيتي ابد ، دكيت الباب ، ثواني وانفتحت وطلع منها ولد شاب عشريني بيده كاس المشروب ويتمايل ويا ضجة الموسيقى .. بس شافني .. گال ؛ هاي Hi..... لملمت اصابعي وبيهم كورت قبضة ايدي بغضب وصكيت اسناني .. حسيت روحي صارت بخشمي ومنا اني ورغم برودة الجو صاير نار .. شكم مرة كايل الها لتسوين حفلات وتعزمين اصدقاء شباب ميفيد بس هيه مو صوجهه صوجي اني واله على شنو ارتبط بوحدة بعيدة عني كل البعد .. لحظات وطلعت نيكول لابسة شورت جينز كلش قصير وستريج مثقب اسود وكيمونة حمرة .. بس شافتني انصدمت اصدرت صوت وهيه تفتح حلكها وتكول وااو عاطف ... وجتي ركض حضنتني ، دخلتني للداخل .. كالت .. _it's too cold , come on... _ الجو بارد جدا ، هيا تعال .. دخلت للداخل بدون مانطق ولا كلمة .. عرفتني على اصدقائها ، اكتفيت بابتسامة مصطنعة واهز براسي .. بقت لازمة ايدي تعصر بيها وفرحانة ... تقربت منها وهمست بأذنها.. _ حبيبتي .. ماهذا الذي أراه؟ تعلمينَ جيداً أني لا أحبذُ هذهِ التجمعات لمَّ أنتِ مُصرة على العناد ؟ التفتت عليه وصارت قريبة كلش مني تباوعلي بشغف ولهفة حجت بدلع .. _ عزيزي لقد كنتُ أشعرُ بالملل وأنتَ بعيدٌ عني فقمتُ بدعوةِ صديقاتي وهنَّ بدورهن حضرن برفقةِ أصدقائهم ثم لمَّ لم تخبرني بمجيئك المفاجئ هذا ؟ سحبت ايدي منها .. حجيت من بين اسناني .. _ حسناً لا بأس .. سأذهب لأستأجر غرفةً في فندقٍ ما فأستمعي بوقتكِ جيداً وعذراً على الأزعاج ،يبدو أني أتيتُ في وقتٍ غير مناسب. رجعت سحبتني من ايدي كالت .. _ اممم كلا كلا على العكس سوف اصرفهم جميعا .. راحت طفت ال دي جي وكفت بنص الصالة وظلت تصفك وتحجي باللغة الاوكرانية وياهم .. وتعلن انتهاء الحفلة ... انزعجوا ولبسوا بالطواتهم ودعوهه وطلعوا ... ارتاحيت من طلعوا نزعتني نيكول البالطو مالتي رحت كعدت على القنفة قرب المدفأة اباوع للنار المشتعلة وابحرت بتفكيري لعند رحمة مجاي تفارك بالي احساسيسي كلها مقيدة بيها شراح يصير بيها بعدي خايف عليها من حميد لايأذيها. افكر بيها واني احمل بداخل نفسي اسف عميق هائل ولو كنت مو مذنب بالشي الصار لكن كان لازم اخذ حذري وانتبه زين .. جتي نيكول وبيدها كوب قدمته الي .. كالت _ احذر انه ساخن ... اخذته وبديت اشربه احس بالدفئ... خلصته وخليته ع الطبلة .... تقربت مني نيكول وخلت راسها على صدري ... كالت .. _ الا تشعر بالجوع هل تريد بعض الطعام ؟ .... هزيت راسي برفض وجاوبتها بتعب .. _ فقط اريد ان انام ... لزمتني من ايدي وسحبتني الها كمت واخذتني لغرفة النوم ... تمددت على السرير واني ميت تعب .. اجت تمددت بصفي وخلت راسها على صدري .. تسللت ايدها فتحت دكم قميصي ، وظلت تعبث بشعر صدري بأصابعها وتباوعلي بعيونها الزركة وابتسامة مليانة رغبة مرسومة على شفايفها .. غمضت عيوني وماحبيت افشلها ظليت اربت على زندهه واعصره بيدي ، غمضت عيوني وهيه صارت عليه تبوس بصدري ورقبتي وشفايفي .. حسيت بصوت رحمة باذني وريحتها بخشمي ، صارت رحمة مقيدة كل احاسيسي ، تنفسي زاد ونيكول زادت جرأة بحركاتها ، قلبي صار نبضه سريع ...... فتحت عيوني حسيت بشعور مقزز ، لزمت نيكول من خصرهه ونزلتها من عليه ... كتلها ... _ ارجوكِ نيكول توقفي انا اشعر بالتعب علينا تأجيل هذا في وقتٍ لاحق .. حسيتها ضاجت سحبتها الي ومددتها بصفي صار ظهرها عليه مديت ايدي لخصرها حاوطتها وخرت شعرها على صفحة وطبعت قبلة على رقبتها ، غطيتها وتغطيت وياهه همست الها .. _ أُحبُكِ ... حسيتها مطالعة من قلبي بس غصب عني كلتها الها.. جاوبتني بصوت مزعوج .. _ اه عاطف وانا كذلك لكنك لا .. قاطعتها خليت ايدي على حلكها بلطف واتحسس شفايفها .. .. ضجت كلش مجاي اعرف اني شسوي يمها ، سألت نفسي دورت بداخل روحي شجابني لهنا اني ماانتمي لهذا البلد شرجعني حاولت ابعد هالتفكير و انام لان راسي راح ينفجر .. .......................... رحمة:...... مرت الايام بطيئة ، اكو شي مشتت وضايع شي كاد ان يترمم او بالاحرى يرممه شخص بس كسر كل شي راد يتصلح ، اتذكر وعوده واصفن شون كدر يوعدني انو يكون سندي وطبيبي وسوا العكس .. صرت أهوى الانعزال، لكن بنفس الوقت أخاف أبقى وحيدة ، اخاف من الناس وفقدت الثقة بيهم . دخلت عليه بيبي ، جنت حاضنة رجليه لصدري واحدق بالفراغ ، جتي كعدت يمي تسرح بشعري بيدها وتخلي خصلات ورة إذني .. رفعت راسي ومسحت دموعي ، باوعتلها واتصنعت الابتسامة ... جانت مبتسمة وملامحها متألمة .. كالت ؛ خابرت خالتج هسه على جية تاخذج للمول انت ضايجة طلعي غيري جو .. هزيت راسي برفض كتلها ؛ بلاها بيبي ماحابة اطلع ابد خليني هيج مرتاحة اطمئني .. _ لعد انه شو ماجاي اشوفج مرتاحة شو صافنة ودمعج عشرة عشرة يجري على خدج شون ترديني اطمئن .. _ بيبي والله مابيه شي بس تذكرت ماما وبجيت هاي كل القصة بالعكس البجي زين الي يخليني افرغ الطاقة السلبية احسن مما اكبته بداخلي .. مديت ايديه حضنتها من اكتافها وجريتها لحضني .. بوستها على راسها ونمت على رجليها غفيت ماحسيت بنفسي غير صوت خالة بأذني تناديني .. _ رحمة رحمة ، يلله جيت حتى نطلع يلله كومي لساج ممغيرة ملابس من شوكت وصيت امي تجيج تبلغج .. كعدت افرك بعيوني بيبي واكفة يم السرير كالت بنبرة حنية ورجاء ؛ شفتها نايمة على رجلي ماهان عليه اكعدهه خطية نومها قليل كلش .. جرتني بنت خالتي من زندي وحجت بمرح _ لج كومي رحمة يلله خلي نتونس بالمول صار كومة اتوسل بماما ومتقبل توديني هسه بس بيبي كالتلها توديج قبلت .. كومتني غصب عني تأثرت بكلامها ... طلعت بيبي وخالة وياهه وبقت بنت خالة سرور فتحت الكنتور وطلعتلي ملابس كالت لبسي هذن اني نازلة جوة انتظرج .. تمططت بملل وتثائبت طلعت للحمام غسلت ورجعت للغرفة نشفت وجهي وباوعت ع السرير ، مديت ايدي اخذت الملابس الي طلعتهن الي سرور شفتهن نفسهن الي اختارهن الي عاطف من رحنا للمول قبل .... البدي الابيض والجينز ، لزمتهن عصرتهن بقوة اريد اشككهن من شدة غضبي وحقدي .. شلتهن شمرتهن ع الكاع بقوة ورحت طلعت الي غيرهن وكلساع اضرب على راسي اريد اطلع ذكريات ذاك اليوم الي قضيته ويا عاطف الي تسللت لذاكرتي وخربت عليه مزاجي .. نزلت جوة شفتهم ينتظروني ، جتي سرور _ ها رحمة اشو ملبستي الي طلعته الج حلو كلش ونازك .. لفيت شالي بتوتر كتلها معجبني محلوو هذا احلى .. _ بس والله حلو عليج ويناسبج .. خالة ؛ عوفيها سرور شلزكتي عوفي البنت تريد تلبس على ذوقهه لتلحين .. هزت راسها سرور بقبول وابتسمت فشلانة وايدهه على حلكهه شكد فطيرة ... وطلعنا للمول افترينا وتعشينا وجان نفسه الي ودانه اله عاطف مكدرت اغير جو لان ذكريات ويا مسيطرة عليه بكل مكان اتذكره رجعت للبيت وماتغير شي ، رجعت لقوقعتي ، انعزالي وهمي المتكدس على قلبي وروحي .. ......................... .. كعدت الصبح سبحت وبدلت دا اروح للمدرسه ... شفت رحمه كاعده يم بيبي وموبايلها بيدها عرفتها تقره برسالة عاطف الي رسله قبل لا يسافر وبرر موقفه... جريت نفس وصبحت عليهن. وكعدت همست بصوت ناصي...رحمه بعدج زعلانه من عاطف باوعتلي كالت...لا مزعلانه زعلانه منه لان جبان ما واجهني وما طيب خاطري دا احس بتأنيب الضمير احس سافر مجبور استحي ارسل رساله واكول متفهمه موقفك... جريت نفس...لا ممجبور ترئ هو خاطب وخطيبة تنتظره اول وتالي يسافر انتي لا تاكلين هم بس ميخالف يضل ابن خالج وهو الساعدج احتمال يكون نهاية الشهر عرسه ارسلي رساله وكولي مسامحتك... حسيت نعصر كلبي من كلامها حيتزوج...الله يوفقه وينور طريقه يستاهل وكف ويايه وسندني... جاوبتها...ياريت يسوي العرس هنه لان والله صار هوايه مراكصين وفرحانين نريد نركص نريد نفرح نشتري ملابس نحس احنه بشر مثل لعالم جاوبتها بقهر وغضب...خلي يتزوج اخوج حميد واركصي وافرحي واشتري ملابس... غفران..دخلي يولي هل سافل هذا ...يريد يتزوجج وهو لاعب لعب... رحمة بتساؤل...شلاعب:؟ غفران..خلي يولي هذا الكلام اكوله لعاطف مو الج لان انتي لا تحلين ولا تربطين... باوعتلي مستغربه و طلع حميد يفر بسويج سيارته وعيونه تخترق رحمه بلهفه...جريت نفس غاضب ...ياربي ليش ميرحم حالها هو عاطف باسها بدون اراده لعبت جوله انوب حميد يتزوجها لا تنتحر... كال ببتسامه مشمئزة...هله برحومه ان شاء لله مرتاحه واذا ممرتاحه اصير الج راحه وعين غطا وعين فراش... بيبي ضحكت وحضنت رحمة كلتلها... شوفي حميد شلون يعزج ويريد خاطرج هو ابن خالج وان شاء لله ياربي يجمعكم الحلال... رحمه سكتت بس حسيتها تضايقت وحميد شتغلت عنده اللواگه...كلهن اليوم ريوكجن علئ حسابي كاهي وكيمر... هو طلع واني طلعت للمدرسه عساك حتئ جبن مثلث متلگه وتتفشل يا حميد يا ابن ماما وبابا...بيج قصص عراقيه حقيقيه من واقعنا.روعه الطائي طلعت امشي بهمه وسرعه عكست عليه سياره صفره استغربت وتفاجئت ضليت واكفه متبسمره بمكاني... نزل منها واحد اسمراني ضخم باوعت عليه وعكدت حواجبي صحت بوجهه...متشووف جان دعمتني سواق تالي وكت بستوته ما اطلعكم... ضحك كال ..لسانج لسانج شلونج ياسمين صفنت بوجهه تذكرته هذا الي اجه عن سفانا وهماتين صاح عليه وكال ياسمين سالته بنفور...ياسمين منو هاي ثاني مره تصيح عليه بهذا الاسم انت مشبهه عليه... كال...لا ممشبه انتي ياسمين راسلتيني،بجامعتنه وصارت بينه علاقة حب... فتحت عيوني مصدومه...شهل خرابيط اي حب اي بطيخ شبيج بابا شارب نفط... سحبني من ايدي بعصبية كال...هييي لا تضحكين عليه انتي ياسمين ودزيتي صورتج سحبت ايدي والشرار يتطاير من عيوني...لك يا صورتي انت شد تحجي ونبي لا تخليني هسه الم عليك العراق كله لا عبالك اكصر منك بهووواي لا حبيبي لساني اطول منك ومن عشيرتك لذلك احترم نفسك احسن الك... صفن بوجهي مصدوم كال.. بس انتي مو ياسمين بالجامعه وياي قسم اجهزة طبيه.. غمضت عيوني بقهر..لك بابا شبيك مو دتشوف لابسه صدريه وشايله جنطه مليانه كتب ومكسور ضهري شكلي شكل طالبه جامعيه لو مدرسيه... كال...لا مدرسيه.. غفران...لعد انت غلطان وترئ تاخرت علئ دوامي ويالله باي .. مشيت وخليته واكف بمكانه مصدوم من حالته واني اكثر صدمه منه تفاجئت يسميني ياسمين احس ديضحك عليه بس اني غفوره عن الف رجال ما انغلب... اسوه عشر ولد مثل حميد... بس مااعرف ليش صارت عندي رغبه اعرف شنو وليش يكول راسله صورتي هو اقارب سفانا اكيد استفسر منها.. ........................... بعد ما راحت غفران للمدرسه وحميد جاب ريوك مااكلت عفته ورحت .. دخلت للغرفه مقهوره حييل الكلبه السافله ضحيوه عايشه ببيت ابويه واني دخيله بيت بيبي... كتبت الها رساله...الساقطه السافله ادب سز والله ماانسه سوالف ولا انسه موقفج وراح اطلع حقي من عيونج...وبابا خلي وراج ساحرته بسببكم صارت بيه حاله نفسيه وبسببكم كم مره غضبت ربي وانتحرت الله ينتقم منج ومن اشكالج يا عار... رسلتها وضليت افتر بالغرفه والقهر عمه علئ عيوني احس كلبي عطب من المساة ونظرات حميد وبعد كل هذا اني فقدت سند كان اليه بسبب العار ضحيوه... اي عاطف فقدته كل من وره ضحئ وخوفي من الصار بالماضي...اخاف من حميد وحسيته حيستفرد بيه الدموع تجمعت بعيوني ورجف كلبي... وصلت رساله منها كاتبه...كلي تبن زماله مو جنتي دايحه بالشوارع وتردين تشمرين مصايبج عليه لا وحق النبي اكل لابوج عليج اخلي يدفن وانتي عدله لج عار ام الولد هسه يحبلوج ولد خالج وتجين تتبجبجين امداج امده لخلفتج جريت نفس من كلامها وحقارتها كتبت...اريد ارجع البيت بابا ونعال تحطينه بحلكج مفهوم... ردت..والله منلفي مخابيل... جاوبتها...ليش بابا ملفي ساقطات شعجب ميلفي مخابيل وقبل لا ترد قفلت الموبايل...اي قررت ارجع واقوي شخصيتي شوويه واعتمد علئ نفسي واخذ حقي من عيونهم واذا ضليت هنا حميد حيستغلني... اتذكرت عاطف جان حنين ويايه و وجوده بالبيت مهم مجرد يدخل للبيت احس بأمان بس هو راح واني لازم اروح قبل لا حميد يستفرد بيه... بس للاسف بابا ممهتم الوجودي ولا معترف بيه ولا كاني صرت ومرت عليه سنين ما اتذكر ماما من وصته عليه غدرني وغدر ماما ... بس لازم اثبت ذاتي واكون نفسي واقوي شخصيتي... ضلينه تقريبا اسبوع علئ هذا الحال اتصل بسفانا مترد او مااعرف احسها متغيره وكئيبه بس غفران تجي عندي وغفران هماتين بس تصفن ومن اسالها تجاوب بالكوه ضاقت بيه الدنيا وما اتسعت طلما عاطف راح اني لازم اروح... بيبي ضوجتني تلمح اليه عن زواجي من حميد واني مستحيل اقبل بحميد لان بصراحه لا ينحب وشكله يغث... طلعت من الغرفه ورحت للمطبخ سمعت حميد لازم غفران ويكلها والله اذا حجيتي موضوعي لعاطف اشرب من دمج ولا يرفلي جفن... ورحمه اتزوجها وغصبا عن الكل ... هي كلتله...مدام حطيت عينك علئ عرض شريكك فانت واحد عار هاي وحده متزوجه شكوو مكبل وياها... هو كلها...انجبي ولا تستشرفين براسي لا تخليني اوكلج تبن... فتحت عيوني مصدومه...شنوو معقوله حميد عنده علاقه ويه وحده متزوجه زين ليش هيج يسون حقيرات مو متزوجات شكو يخونن ازواجهن نعل... الله ينتقم منهم عارات خليت وطلعت بره ردت اكتب رساله العاطف بس حيل ترتدت كلت هسه يكول شنو رخيصه وتركض ورايه... ضغطت علئ الموبايل كتبت ...هلوو بعدني ممكمله الرساله...سمعت صوت حميد كال..هاا يالكمر شللونج... بيج قصص عراقيه حقيقيه من واقعنا.روعه الطائي باوعت اله مصدومه خفت حيل وتراجعت كتله..هلاو رايد شئ كال...انتي ليش تعامليني كأني نكره رحمه اني مو مثل عاطف ..ساق..اني شريف واحترمج واحبج ومقدرج..اني لو اريد جان اعتديت عليج مثل عاطف بس اني مو مثله اريدج بالحلال... همست بخجل..لا حميد لا تحجي عن عاطف هو مجان يدري جان شارب انت شربته هيج فهمت... حميد...جذاب طبعا جذاب يريد يبري نفسه شبع بيج بوس وانوب كال حميد شربني.. لعبت نفسي من كلامه حيل كتله.. بس عاطف اني اعرفه من زمان ابد ما تجاوز ويايه وهو حتئ ميحجي عنك انت ليش تاخذ غيبته وهو غايب جاوب..عوفينه منه اني يا رحمه رايدج بالحلال وعد عليه ادللج دلال واخليج بعيوني... اني اعرف لان عاطف داراج وعالجج تميلين اله بس صدكيني اني احبج اكثر وبعدين لا تترجين خير بعاطف لان هو خاطب وراح يتزوج... همست..اني مااريد اتزوج.. حميد..حبيبي فكري ..والله ما تندمين.. تركته ورحت دخلت للبيت لا يمكن اتزوج حميد العار.. دخلت جوه وشفت بيبي كاعده عند ام عاطف ... اتصنتت لحديثهن سمعت ام عاطف دكول لبيبي عاطف قرر الاسبوع الجاي يتزوج... من كالت هيج حسيت بعصره بصدري... رجعت الغرفتي اركض دخلت للغرفه مااعرف حسيت بس الدموع وكعت ... عاطف سند اليه وحنين اكثر من بابا اني خسرته رغم من زمان خاسرته بس هسه لا فقدته... هو الوحيد الي يعرف سري وينكسر خاطره عليه هو الوحيد... تزوج وحيكون عائله وتركني مرميه بدهاليز مرعبه .. شوكت ارتاح واعيش حياتي مثل البنات ليش،هيج يصير ويايه... شلون اعيش هو حيتزوج ويعيش حياته ويكون عائله... بس اني شلوون... خطرت ببالي فكره...حميد اذا يريدني لازم يعرف سري ... اني اكول الحميد واذا قبل بيه واني رخيصه اتزوجه واذا مقبل ان شاء لله يحفظ السر... نهاية البارت...يتبع كونوا انتم كونوا بخير..انحبكم😘 نورا ناصر..نور سمو العراق..💔 | ||||||||
|
| |
|
17-09-19, 03:47 AM
| #38 | ||||||||
| نجم روايتي 
| اقتل رحمة ولا ايش اسوي فيها ي امي هذا معه علاقة مع حرمة متزوجة يعني ما عنده لا نخوة ولا شرف ...كييف بيستر عليك انسان زي كذا ... نشووووووووو آخرتها معك ي رحمة ☻☻☻ | ||||||||
|
| |
|
17-09-19, 02:02 PM
| #39 | ||||
| هذي صدق تخبلت... لالا تخبلت صدق اتركوني عليها اكسر راسها هالخبله ...الحين مالقيتي الا حميد يحفظ السر استغفرالله بس ترى يالخبله فكري زين هو ماتفرق معه لو وش مافيك لان اهم شي عنده الورث والا وش يبي فيك وانت بنظره مجنونه قهرتني هالرحمه ... ان شاءالله يصير شي يمنعها تقول سرها لحميدان الخايس ان شاءالله تدهسه تريله ونرتاح منه | ||||
|
| |
|
18-09-19, 02:21 AM
| #40 | ||||||||
| مراقبة عامة ومشرفة منتدى الروايات المنقولة
| رواية #رحمة_عاطف نورا ناصر...نور سمو العراق #بارت١٦ 💔💔💔💔💔💔💔 قررت افاتح حميد بالموضوع لذالك طلعت من الغرفه بس شويه متردده..شجعت نفسي ومشيت... اول ما مشيت خطوتين انصدمت بغفران كالت...هااا وين رايحه بلعت ريكي وهمست...لحميد سحبتني بعصبية كالت...لج شكو رايحه اله ديري بالج ترئ حميد خطر لا تختلين بي رمشت عدة رمشات كلتلها...ليش شنو مسوي اني اريد احجي وياه واستشيره بموضوع...ومشكله اريد الها حل كالت..لج اسكتي شنو تستشيرينه عندج موضوع او سر احجيلي احجي لبيبي مو الحميد يستغلج وانتي منا فقيره... انتبهت النفسي اني شنو دا اسوي،فعلا اني خبله وتافهه شلون ائمن بي هو مو من قبل هددني واستغلني وكال لبابا يجي ياخذني... تراجعت بقهر ياربي شسوي حيره والله دخلت الغرفتي ونمت ... حسيت مشتاقه لماما اريد اشكي الها واعاتبها ليش عافتني من بين الالمي وقهري مر عليه عاطف جان مساندني وناصرني لكن للاسف هو تركني وانهزم.. بس الي عرفته هو ما اله وجه بمقابلتي خجلان من السواه واني جانت حالتي هستريه حس نفسه اجرم بحقي... بس اني سامحته واريد كلامي يوصل اله واني كولش مقهوره لان ما تفهمته من البدايه... قررت باجر اروح البيت بابا اريد اثبت حقي هناك وهماتين اريد اكشف ضحئ علئ حقيقتها وابين لبابا هي شنوو... مخبله بابا ... اتذكر مرة من المرات زوجة بابا نهاد اخذتني لمكان مااعرف وين من دخلنه شفنته واحد سحار... المكان جان مرعب كله رايات ومخلي كدامه مثل التكيه مخليه عليها نجوم البحار ومحار وخرز ومحابس اشياء غريبه وياخذ بيهن خيره... هي اخذت خيره وهو ضل يحجي الها كلها هاي وحده ساحره زوجج وعندكم تابعه وعارض... نهاد كلتله...اي كلبه جان قبل يحبني هسه يشوف ابليس ولا يشوفني ... ونهار كله يفتر بيها اتصور ذاك اليوم راد يروح للعماره عنده طلابه ويه عمامه وهي لزكت اله تروح وياه عاد هو مقصر حطها بالصدر وهي لابسه بنطرونها وهمه ناس عشاير ابد مااستحه... واني لا ينام يمي لا يكعد يمي ولا اله شغل بيه اليوم البي اليه لازم يسوي اله عركه حتئ يروح يمها... ويكلي اشوفج مثل الشيطان رغم اني البس واعدل واكشخ... بصراحه اني باوعتلها صدك جنها شيطان تخوف خاطه التاتو اعوج والشامه داكتها خضره و وجها من الزلوغي صاير جنه بيتنجان بايت...تلعب النفس.. وهو بابا يحب ضحئ لان حلوه وجانت طفله ممصدك متزوجها لو تضربه بالنعال يكلها بعد .... جانت نهاد خبيثه تضرب وتصيح اخاف منها حيل تطلع مساة بابا بيه وحتئ بجهالها... من نطلع اني وياها دكلهم بنتي واني اتمنئ اصرخ واكول مو امي مو اميييي ..بس جنت اخاف منها... بعدها طلبت منه ياخذ اليه خيره اني ضجت بوكتها حيل مااحب هاي السوالف... اخذلي خيره كال...هاي البنيه شبيها احسها منعزله... جنت بيها ممتعرضه لذاك الحادث...هي جاوبته..شمدريني بيها بس فدوه شوف ما عندها قسمه اريد ازوجها واخلص... رجع يباوع بخرزاته وكال...ماعندها بس هاي تطيح بشدتين وشده وره شده وبعدها تفرج ان شاء لله.. وكال..لا تثقين بنيتي بعدج طفله وتلحكين علئ الضيم... طلبت منه يسويلي فتح قسمه والرجال مقبل كال تجي قسمتها شكو مستعجله... بس انطاها حرمل وبخور عود حتئ بابا يصير زين وياها...هي جابته واشتغلت نفس الشئ متغير اي شئ هو بابا دايخ بضحئ وميمشي وياه حتئ السحر مال الصبه خليت ونمت ... كعدت الصبح اتصلت بسفانا كالت لا ترحين لبيت ابوج اخاف ترجع حالتج كلتلها لا لازم اروح عندي هوايه شغلات لازم احلها... كالت...اوك روحي بس انتبهي النفسج وشكو شئ تحتاجينه اتصلي بيه واني اكون عندج... كلتلها..اهااا اوك شكرا... رحت حجيت ويه بابا علي روحتي للبيت ابويه بيبي مقبلت كلتلها مااتاخر مجرد اسبوع واحد بالكوه يالله قبلت... خابرت بابا وهو مصدك اعرف بي مو حبا بيه بس هو لخاطر ورث ماما جمعت اغراضي بسرعه وتقريبا ساعه واجه بابا سلمت عليه و طلعت رغم كولشي يضل بابا... كل شويه وكال..شلونها رحمتي شلونها بنيتي الغاليه شمئزيت من كلامه وادعائة الكاذب... جاوبته بدون نفس...الحمد لله زينه وصلنه للبيت شفت ضحئ كاعده تقلم باضافرها شافتني باوعت عليه ودارت وجهها واني مهتميت الها كلت لبابا اريد غرفه اكعد بيها... اخذني وكال...هاي غرفتج... دخلت وقفلت الباب نزعت حجابي لزمت موبايلي واحتاريت ارسل رساله لعاطف لو لا ... بعدها مااعرف شصار بيه قررت ماارسل... خلصت يومين عندهم بقلق ردت اصور ضحئ بس ملزمت عليها شئ اشوفها تراسل بس مجان اكو شئ ملموس ويدعي لاخلاقها الزفت... ............................. سفانا ... خابرت علئ رحمه تطمنت عنها هي بيت ابوها حجت كلام معرفت شنو كالت اكو وحده متعرضه لاغتصاب وهي طفله يعني راح يبين ان هي مغتصبه لو شنو؟ لان بحثت بالكوكل ومكتوب يرجع اكو هيج حجي لو كذب... كلتلها والله مااعرف بس منو متعرضه لهيج حاله جاوبت...انسي وحده اعرفها.... سكتت ضلينه شويه نسولف وسولفت عن عاطف كالت حيتزوج بس حجتها بحزن... كلتلها...يااا صدك مبروك ان شاء لله يوم النه يارب.. هي ضحكت وبعدها قفلت الخط... شغلت اغنيه لحاتم العراقي وضليت اسمع بيها دخل حسن سلم عليه ..وكعد... ضليت متوتره كال...اليوم منوره حاتم شكو تحبين ولج... جاوبته...وحد مااحب اكيد احب... رفع حاجب وكال...منو متعوس الحظ هذا الماعنده ذوق لحبج لج لو اني منه اركع روحي بنعال... جريت نفس وسكتت بيبي صاحت عليه تريد علاج السكر رحت اركض عليها... ونسيت الموبايل مفتوح عند حسن ... شويه وهو اجه ورايه بسرعه كال ..سفانا تعالي اريدج رحت بسرعه كتله...خييير شكوو طلع الصور كال..هاي ياسمين كرايب الدكتور قبل فتره تراسلنه اني وياها وهسه تنكر اريدج ترحين تحجين وياها ودكليلها...حسن يحبج حتئ لو جذابه... اريد اخطبها احجي وياها وخليها توافق حتئ اذا اخذت موافقه مبدئيه ادز الحجيه وادز جدي يخطبها.... بلعت ريكي بتوتر جاوبته..حسن ترئ مو اسمها ياسمين اسمها غفران والبنيه بالمدرسه متزوج... كال..معليج انتي افتحي الموضوع ولا تدخلين اني احبها واريدها ومستحيل اتزوج غيرها ... جريت نفس..اوك اروح واحجي وياها ونشوف شنو يصير.... هو خله وراح بعد ما كال...اعتمد عليج سفانا اريدج تقنعيها... هزيت راسي بأي...وسكتت... ضليت اتافئف ياربي شلون اكوله غفران مو هي لكانت تراسلك اني هي ياسمين ...شلون ورطت نفسي وخليت حسن يعشق غفران... ................................ وره كم يوم جنت كاعده بالحوش العب بموبايلي وعرك اني وضحئ هي تريدني انضف واني مااقبل عبالها ذيج المخبله متدري اني تغيرت هووايه .. خليتها هي تخدم وتشتغل وتسوي كولشي وتجيب الصينيه غصبا عنها وتحطها كدامي واني بس،مكنكه.. اندك الباب رحت فتحته شفته حميد ضجت حيل بس اتصنعت ضحكه بارده وسلمت عليه كال بلهفه..رحمه شلونج مشتاقلج البيت بارد بدونج اريد اشوف طلتج بالبيت اجيت اخذج... جريت نفس وابتسمت جاوبته...ان شاء لله هل ايام اجي... كال. لا تعالي هسه... طلعت ضحئ تلعلع بصوت عالي وتصيح هاا رحمه لزمتي الباب ام الولد... اول مشافت حميد بلعت العافيه وضلت مصطكه كلتله...حميد شلونك تفاجئت منين يعرفون بعض .... كلتلها...منين تعرفينه هو كال...قبل فتره اجيت لابوج ملكيته بالمحل وصفولي بيته واجيت لكيت بس ضحئ تعرفت عليها ومن هذا الموقف عرفتها.... هي ابتسمت كلتله...شلونك حميد مشتاقين الك صار هوايه ماكو.. جانت نظراتهم بيه شئ من الانحراف والجرئه وضحئ جانت تباوع اله بكل صلافه... هو كال ..هاا رحمه نمشي... جريت نفس كتله روح لسيارتك وهسه اجيك... هو راح واني دخلت ويه ضحئ وهي تحجي دكول لج كولي لابوج لا تطلعين بدون علمه مهتميت الها عفتها ورحت دخلت جوه بدلت وطلعت شفت حميد كاعد بالسياره صعدت بالصدر... جان اسلوبه كووولش حلو وهادئ غيرت نظرتي عنه يضحك ويسولف بهدوء ومريح كوولش .. اخذني للمول جان دنيه العصر ...وبعدها طلب اكل تعشينه حسيت بي متغير مو مثل قبل... اعتذر مني اكثر من مره وكال اني اذيتج بس والله اسف مجنت اعرف انتي هيج حبابه وبريئه واعتذر مره لخ... ابتسمت كتله...اوك مصار شئ... رجعنه للبيت بيبي استقبلتنه باستني وحضنتني كالت ...ان شاء لله تونستي حميد كال حطلعها واني فرحت الله ينور دربكم... ابتسمت بخجل وسكتت ..وحميد ضحك... رحت الغرفتي و راودني احساس بالذنب مااعرف ليش فجأة كرهت حميد حيل... بس اني كانسانه محرومه من هوايه شغلات بسرعه انجرف بمشاعري واول واحد يقدملي شغله احس بنفسي ارتاح اله... وهذا الصار مجرد ما حميد اليوم اسعدني حسيت ملكت الدنيا... ضليت محتاره بين الرفض والقبول... اجت بيبي كعدت يمي كالت..رحمه بيبي اني مدايمه الج وترئ محد يقبل بوحده مريضه صحيح الحقيقه تجرح بس بيبي هذا واقع واني اشوف حميد انسب واحد الج هو ابن خالج ويعرف حالتج يصبر عليج انتي متعرفين الناس الغربه وغايتها لذلك يحبيبتي اريدج تفكرين بعقلج وتقبلين بحميد ويكلك اخذ اليريدك ولا تاخذ المايريدك... بلعت ريكي وهمست...مااريد اتزوج الجده...بيبي فكري فدوه الكلبج اخاف اموت واني كلبي وروحي يمج اريد اخليج عند رجال وتنام عيني بسلام يبيبي... همست..ان شاء الله افكر... خليت ودخلت سبحت فتحت الدوش ودموعي اختلطت بالمي بجيت حيل محتاره كوولش اخاف اقبل واندم واخاف ما اقبل واخسر وهاي حيرتي دعيت ربي ينور دربي وميحيرني ولا يكسرني اكثر من هيج... سمعت بعد كم يوم عرس عاطف مما اثار عندي نار الغيره وكأن اني هماتين اريد اتزوج واعيش مثل ما الناس عايشه.... لهذا السبب جنت متردده وكل شويه اكول موافقه..وبعدها ارفض... .................... عاطف :.... كعدنا اني ونيكول واتفقنا نقدم موعد الزواج ، خابرت امي وانطيتها خبر .. _ الو يوم ان شاءالله زواجي بعد باجر .. _ الله يتمملك ياحبيب قلب امك بس شبيك ليش هيج صوتك حزين .. طلعت مني تنهيدة ثقيلة غصب عني وصلت لمسامع امي .. قبل لا اجاوبها رجعت سألتني .. _ شبيك ابني ليش هيج تتحسرشبيك انت ممقتنع اذا بلاها من هالزواج يا ابني .. _ لا يوم ليظل بالج اني اول وتالي متزوج وميصير منطيهه وعد لنيكول ، المهم انتِ لتديرين بال اني بخير وماعليه شي مو طفل اني واعرف مصلحتي .. _ بس داحسك ممرتاح واحساسي مايخيبني ولا مرة اذا عندك مشكلة ويا نيكول اتركهه وارجع لهنا ونكي الي تعجبك .. مجاي اكدر اكتم حسراتي ، التفكير برحمة غزى عقلي شلون حبيتها ، شلون تحولت مشاعري تجاهه شوكت ما اعرف ، حاولت اعجل اختم المكالمة ويا امي لان راح انفضح كدامها وشيخلصني من تحقيقها .. _ يوم اني لازم اروح ورايه هواي شغل وتحضيرات ، ان شاءالله بيوم العرس افتح كاميرا وياكم .. _ حبيبي مودع بالله ومثل مكتلك اذا ممقتنع بلاها بعد عندك وقت .. _ تمام لتديرين بال كل شي تمام سلميلي ع الكل الله وياج امي .. بيج قصص عراقيه حقيقيه من واقعنا.روعه الطائي سديته منها وكعدت اكمل تحضيرات العرس واتصل باصدقائي واكمل الاجراءات ... اندكت باب الشقة كمت فتحتها ، شفتها نيكول قبل لتدخل باستني على شفتي بخطف ودخلت جوة وهي تكول هاي عاطف ... _ لقد دعوت جميع الاصدقاء وزملاء الدراسة ايضا سوف نستمتع كثيرا في زفافنا ... _ هلا اعدتِ ماقلت؟؟ الم اخبرك بانه حفلٍ صغير ولا داعي لكل هذه البهرجة .. كالت بدلع مصطنع ؛- عزيزي .. تقربت مني وحاوطت رقبتي بايديها .. _ اننا نحب بعضنا ويجب ان يكون زفافنا محط انظار الجميع .. ابتعدت عنها تخصرت وبقيت اتأفأف مباقيلي غير شعرة و راح افقد عقلي بسبب نيكول عنيدة كُلش ومجاي تاخذ حجي .. باوعتلي بنظرة تريد تمتص الزعل مني ، تقربت مني لزمتني من ايدي ، وطبعت بوسة على خدي .. حجت بنبرة مرح ؛- هيا عزيزي علينا ان نختار فستان الزفاف .. حجيت وياها بنبرة جدية و عصبية وايدي على خصري ومعصب .. _ نيكول انا اكره المراة العنيدة عليكِ ان تطيعيني هذا ما اتفقنا عليه مسبقاً .. رفعت ايديها باستسلام وحجت بتذمر .. _ حسنا حسنا لك ماتريد حبيبي .. خلت ايديها بيديه وكالت .. _ هيا لنرحل .. اخذت البالطو مالتي وطلعنا اشترينا فستان العرس والقاط .. وزعنا بطاقات الدعوة على اصدقائنا بطريق رجعتنا نيكول كالت تريد تروح تبقى يم اهلها وصلتها وكفنا بباب البيت جانت الثلوج مالية الارض و محاوطة السياج ، والبخار يطلع اثناء مانتنفس رغم لابس جفوف بس احس البرد وصل لعضمي وجمده .. خلت ايدها على خدي وصارت تباوعلي وشفافها ترجف من البرد .. بنبرة حزن كلمتني ؛- اراك على غير عادتك ، تبدو حزيناً جداً ، هل هناك خطبٍ ما ؟ اخبرني عاطف ! غمضت عيوني وشفت رحمة نظرات البراءة تشع من عيونها والدمع مغرك خدها ، اشتعلت نار بداخلي حسيت اكو نار نار تحرق جوفي ، شكد حاولت اكتم حسرتي مكدرت .. فتحت عيوني على صوت نيكول وهيه تسألني .. _ ماذا ؟ باوعتلها فاتحة عيونها على اوسعهم مستغربة .. جاوبتها ؛- اشعر بالغربة كنت اود لو اقمت حفل زفافنا بين اهلي امي ابي جدتي و! اصدقائي هناك .. خلت سبابتها على شفتي وضغطت عليها - حسنا لا عليك سأكون بقربك دائماً .. طلعت امها من الباب وصاحت عليها بستها على خدها ودعتها وطلعت اني لشقتي فتحت الباب وفتت جوة نزعت الكوت نكته عن الثلج وعلكته ، شغلت المدفأة جريت تليفوني اتصلت على امي وطلبت منها تودي الفون لبيبي اريد احجي وياهه مشتاق الها .. بس اني جنت متأمل اشوف رحمة او اسمع صوتها او حتى همسة منها او نفسها بالغرفة ، حجيت ويا بيبي وخلصت وماسمعت الها نفس ، ختمته وياها واني محمل بالخيبة .. يوم ثاني الصبح اجوي عليه اصدقائي ورحنا على نيكول اخذناهه ورحنا للجامع وعقد النا الشيخ ورجعنا نحضر للحفلة ، حفلات الاعراس هنانة تختلف عن الاعراس بالعراق .. بيج قصص عراقيه حقيقيه من واقعنا.روعه الطائي اني رحت ويا اصدقائي ونيكول ويا صديقاتها وبعدها رحت اخذتها للمكان الي بي راح يتم الزواج .. التقيت بنيكول هناك ، لابسة فستان ابيض قصير وبسيط مكياج خفيف وشعرها مفتوح وتاج كرستال ناعم على راسها ، وقعنا عقد الزواج المدني وبلشت الحفلة ، اصدقائي وصديقاتها واهلها .. اجتاحتني مشاعر الغربة متمنيت هذا الزواج ابد ولا اعتبرته زواج محتاج اهلي بجانبي مفتقد الانسانة الي تعلقت بيها عطشان على شوفتها .. كعدت على القنفة بصفي نيكول اتصلت باهلي فتحت كاميرا حجيت ويا الكل .. واخيرا امي كالتلي اكو فد وحدة تريد تباركلك .. نبض قلبي صار مخربط وانفاسي زادت وتيرتها .. صارت مقابيلي على الشاشة رحمة ورغم بعد مئات الالاف من الكيلومترات بينا بس احسها قريبة مني قريبة من روحي ونبضي .. جان الحزن يشع من عيونها ، بياض عيونها انصبغ باللون الاحمر ، رموشها مبلولة ، كانت قريبة لكاميرا التليفون ، تمنيت افوت بالفون واحضنها اقتل الحزن ا لمسيطر عليها والهم الي محاوطها وابعده عنها .. كالت ؛- مبروك عاطف تتهنى والله يسعدك ان شاءالله فرحتلك من قلبي واتمنالك حياة سعيدة .. مكدرت ارد عليها اتمنيلي السعادة قربج حجيت بقلبي بينما لساني غرد خارج السرب .. _ رحمة سامحيني .. هزت راسها حسيتها بعد ماتتحمل ، انطت الفون لأمي وكامت ، حسيت اوكسجين العالم كله ميكفيني ، رخيت ربطة عنقي ، ختمت الاتصال ويا اهلي وكمت على حيلي .. تبعتني نيكول ... _الى اين انت ذاهب ؟ كتلها ؛- ارجوكِ نيكول اود البقاء لوحدي فقط بضع دقائق .. اخذت الكوت وتوجهت للبلكونة فتحت الباب واني اللبس البالطو ، لزمت ايدي .. _ لكنها تُثلج في الخارج حتما سوف تمرض ارجوك ابقى لأجلي .. خزرتها نترت بيها بعصبية ومن بين اسناني المطبقة.. _ قلت لكِ فقط بضع دقائق دعيني وشأني .. خافت وتركتني طلعت برة الجو جحيل بارد حيل ، بس اني فقدت الاحساس بكل شي الا من الشعور برحمة ووجودها بين اضلاعي .. بقيت واكف بالبلكونة تقريبا ربع ساعة استعاديت وضعي الطبيعي ودخلت جوة بعد ماتجمدت انفاسي من البرد .. شفت نيكول تركص باوعتلي وصدت نظراتها زعلانة تقدمت الها اخذتها بحضني وبستها وركصنا سلو .. خلصت الحفلة ودعنا الكل وانطلقنا للفندق بمنطقة هادئة بعيدة شوية عن المدينة وصخبها صعدنا للسويت مالتنا ، اخذت شاور ساخن ، شكد حاولت ابعد احساسي بعيد عن رحمة مجاي اكدر ابد ، كلما اغمض عيوني اشوفها ، صوتها المبحوح بالالم والمتحشرج لسه بأسماعي يرن ، ياترى هم عدها مشاعر تجاهي معقولة سألت نفسي اذا ماعدها مشاعر لعد شبيهه ضايجة اليوم والحزن يشع من عيونها! معقولة خايفة من مواجهتي !مجبورة تحاجيني؟ اخلص من تفكير افوت بتفكير يغزو عقلي اضرب منه اه يارحمة شسويتي بيه ، رحميني عاد تعبت .. بيج قصص عراقيه حقيقيه من واقعنا.روعه الطائي خلصت سباحة وطلعت شفت نيكول بسيت النوم ع السرير شافتني ابتسمت وظلمت تتقلب بدلع كدامي وتأشرلي اجي يمها .. نزعت البرنص مال السباحة وشمرت المنشف ورحت يمها على السرير .. سحبتها من خصرها الي حاولت اركز بتفكيري بليلتي هاي وبنيكول عروستي وبس .. اخذت شفتها وماتركتها اله لم احتاجينا للاوكسجين شفت الفرحة بعيونها ، مدت كف ايدها تداعب خدي ومبتسمة .. تكلمت بنبرة كلها حب؛- كم كنت اتمنى ان يأتي هذا اليوم واكون بقربك هكذا عندما سافرت خشيت الا تعود مطلقاً وكان هذا اكبر هواجسي احبك ياعاطف .. نهاية البارت...يتبع... كونوا انتم كونوا بخير...انحبكم💔 نورا وسمسه..😘 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
