آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-04-20, 07:38 PM
| #11 | |||||||
| كاتبة بمنتدى الروايات المنقولة 
|  البارت التاسع عبير طالعت نوره بصدمه مرت سعود ليش هو متى تزوج اصلا قعدت جنب امها بعد ما عرفت عليهم امينه ام سعود : عبير انتي عند اهلك عبير : ايه ابو فرح مسافر الجوري : وليش ما سافرتي معاه مو انتي تموتين بالسفر عبير وهو تلعب بخصله شعرها وبدلع: ايه بعد هو مو مقصر كل عطله نسافر دوله بس هالسفره جات مفاجأه عشان الشغل وراح الله يحفظه الجوري : اهاا هاذي بنتك عبير بدلعها : تبعا اجل بنت مين الجوري همست لنوره : هاذي فاهمه الدلع غلط وش رايك اعطيها كف يعدل فمها نوره قرصت فخذها وهي كاتمه ضحكتها صرخت الجوري طالعوها كلهم نوال : وش فيك الجوري بابتسامه : هاه لا بس حشره قرصتني نوره طالعتها بنظره كانها تقول لها الحين انا حشره والجوري ضحكت ثريا : ما شاء الله كم عمرك بنتك عبير : سنه و4 شهور نوره : العمر كله الله يحفظها عبير : اذكر ان عندك ولد وينه نوره وبان الضيق على ملامحها الجوري : عند ابوه عبير : اهاا احسن الصراحه تاخذين راحتك نوره : راحتي بأن يكون ولدي معي وقدام عيني الا اذا انتي فاهمه الراحه غلط شي راجع لك امينه : حبيبتي قومي قهويهم وقفت نوره وهي تأخذ الدله والفناجين تصب لهم و عبير تطالعها انقهرت من ردها لفت على فرح الي كانت تعض جوالها شالته منها وارتفع بكاء فرح تبي الجوال حركت ذراعها وصدم بيد نوره وهي تصب لها بالفنجان وصبت الدله على يدها صرخت نوره بألم من القهوه الحاره وطاحوا الفناجين على الارض ثريا وقفت وهي تاخذ الدله من يد نوره و تشوف يدها المحروقه شهقت : الحرق كبير نوال بخوف: بسم الله على بنيتي عبير : آسفه ما انتبهت وفرح تصيح عندي ثريا : ملاك اركضي روحي قولـ.. سكتت وهي تشوف محمد جاي يركض : ماما ماما عبير ابتسمت له بس انصدمت وهي تشوفه مر من جنبها وراح لنوره : ماما بابا يبيك شهق بخوف : ماما تعورك امينه : محمد روح قول لبابا ان امك احترقت عبير رفعت حاجب وهي تسمعها تقول امك ترا هي مرت ابوه مو امه محمد طلع يركض يقول لابوه فز سعود وهو يروح لهم وقف عند الباب : عسى ما شر وش فيه امينه : يمه نوره احترقت يدها خذها للمستشفى بسرعه سعود بصدمه : احترقت كيف نوال طلعت مع نوره بعد ما لبست نوره عبايتها وتغطت بشيله : مو وقته يا ولدي يالله شغل السياره سعود : طيب ركبت نوره وحرك بسرعه ___ قاعدين والهدوء عم المكان بعد الي صار لنوره بعد نص ساعه رجعوا سعود مسك يدها و لفها له قبل لا تروح شال الشيله وهو يشوف عيونها الحمراء : ترا للحين ما عرفت كيف احترقتي نوره عضت شفتها :ما انتبهت وانا اقهوي الحريم واحترقت سعود مسك يدها الملفوفه بشاش لفمه وباسها بعمق : انتبهي زين ترى ما احب اشوف الوجع بعيونك ولا ابي اشوفك تتوجعين نوره ابتسمت : ان شاء الله تأمرني على شي سعود : سلامتك مشت وسعود يراقبها وعبير كانت قدام الدريشه وشافتهم شافت عيون سعود تلمع بالحب لنوره مو هذا المهم بس ان عيالها ينادونها ماما لا هنا لازم تتصرف هي امهم وهالكلمه تنقال لها هي بس رن جوالها شافت ابو فرح يتصل طلعت من المكان وهي ترد عليه ____ في باريس فايز استعاد نشاطه وقاعد يلعب بالكره في الصاله شات الكره وكسر تحفه اسماء طالعته وتجاهلت هي قررت ما تتدخل فيه يسوي الي يبيه راح تتجاهل وجوده جولي زفرت وهي تنظف شظايا التحفه خذت الكره ومسكت الريموت وهو تحط له كرتون يطالعه رجع اسامه ركض له فايز شاله وباس خده قعد ويقعده جنبه : اخبار الحلو فايز : تمام اسامه : دام انت بخير راح نطلع انا وانت ونتمشى فايز : وين اسماء : خلنا نروح برج ايفل ترى ما قدرنا نروح اسامه : بس انتي تعبانه اسماء : لا الحمدلله اليوم احسن اسامه : طيب بنام الحين و بعد العصر نروح ____ اسيل قاعده بملل وهي تطقطق بجوالها جاها اتصال طالعت الرقم بلامبالاه وماردت رن مره ثانيه ردت : الوو كان ساكت يسمع صوتها اسيل : اذا محد بيرد لا تزعجونا اووف وقفلت سمعت صراخ عبدالعزيز باسمها اسيل طلعت من غرفتها : هلا وش بغيت عبدالعزيز : مافي احد في البيت قومي عازمك على العشاء برى اسيل بفرح : جد عبدالعزيز : ايه يالله بسرعه اسيل : خمس دقايق بس و قفلت الباب و راحت بسرعه تتجهز ____ في المزرعه عبير طلعت مع بنتها الي تبكي مو راضيه تسكت : فرح خلاص وش فيك شافت عبدالله الي كان جاي يبي نوره دخل وهو ينادي ماما تنرفزت بقوه نزلت فرح على الارض وشافتها مشت ودخلت داخل خذت نفس عميق شافت عبدالله الي طلع يركض نادته بسرعه : عبدالله عبدالله لف شاف امه وجمد اما عبير مشت لما وصلت له : اخبارك عبدالله : بخير نزلت لمستواه : ماشاء الله كبرت يا ماما تذكرني عبدالله : ايه انتي ماما عبير عبير ضمته بحب : يا زين الي يعرف امه بس ليش تنادني نوره ماما هي مو امك عبدالله طالعها : لا هي ماما واحنا نحبها كثير عبير بعصبيه مسكته من اكتافه وبحده : قلت لك هي مو امك ما تفهم عبدالله تألم وتجمعت دموعه بعيونه عبير : لا اسمعك تقول لها ماما لا انت ولا محمد فاهم : عبيــــر لفت لصوته طالع فيها و رجع نظره لعبدالله : بابا روح العب راح عبدالله بسرعه يلعب مع العيال عبير بعصبيه : شلون تخليهم ينادون الغريبه بأمهم ولا نسيت انا امهم سعود بسخريه و هو صاد بنظره عنها : الغريبه الي تتكلمين عنها اهتمت فيهم واحتوتهم بحبها وحنانها درست وسهرت وتعبت عشانهم بس انتي وش سويتي عشانهم ترا انا ما نسيت انك امهم بس الظاهر انتي نسيتي ان عندك عيال عبير بقهر : لا ما نسيت بس هي لو فعلا ام ما رمت ولدها على ابوه جايه الحين تمثل دور الام على عيالي سعود ببرود : كلن يشوف الناس بعين طبعه اذا انتي متوقعه انها رمت ولدها على ابوه غلطانه يام عبد.... قطع كلامه بصدمه وهو يشوف نوره واقفه تطالعهم وعيونها تلمع بدموعها وبسرعه مشت لقسم الحريم عبير شافته يطالع وراها لفت وهي تشوف نوره دخلت طالعته كانت بتتكلم بس ما شافته راح و تركها تنرفزت وراحت لقسم الحريم شافت فرح نايمه جنب امها مشت لها دفت نوره السرحانه من قدامها وكانت بتطيح بس مسكتها الجوري وبعصبيه : هيه انتي عمياء ما تشوفين احرقتيها ومشيناها بعد تبين تكسرينها عبير طالعتها من فوق لتحت باحتقار الجوري بقهر : شوي شوي على عيونك لا تطلع من مكانها نوال بعصبيه وهي تشوف ام سامر الي مو عاجبها كلام الجوري : جوووري جوري لفت لامها خذت نفس بقوه ومشت وهي تقعد عند امها عبير شالت فرح : خالتي وين نقعد امينه نادت ساندي : خذي مدام عبير لغرفتها ساندي الي ورتها امينه غرف الكل وقفت عبير قدام غرفة تعرف انها لسعود شلون تنساها وهي كثير كانت تجي المزرعه معاه فتحت الباب ساندي : مدام هالغرفه لبابا سعود عبير طنشتها دخلت وهي تستنشثق ريحة عطره لفت نظرها بارجاء الغرفه امتلت عيونها دموع وهي تتذكر ذكرياتها معه زمت شفتيها بقوه وعدلت فرح و طلعت متوجه للغرفه الي دلتها عليها ساندي ____ في باريس اسامه وقف بيطلع لدوامه لحقه فايز : بابا وين رايح اسامه لف له : الشركه عندي شغل فايز : بروح وياك اسامه : بابا رايح شغل مو ألعب فايز بعناد : ما ابي باروح وياك اسامه بعصبيه : فايز خلاص مو وقت عنادك قلت لك عندي شغل فايز خاف و طالع ابوه بزعل اسامه : خلاص يالله روح كمل اكلك وطلع فايز لف قعد على الكنبه وصار يبكي اسماء تأففت : اووف وش يبكيك عندي انقلع كمل صياحك بمكان ثاني لا تزعجني فايز طالعها وزاد في بكاه اسماء بعصبيه خذت علبة الكلينكس ورمتها عليه : خلاص اسكت ازعجتني فايز صارت العلبه على كتفه جات جولي قعدت على ركبها ومسحت دموعه ضمته بضيق وهو يبكي وقفت معاه وراحت لغرفته قعدته على السرير وقعدت جنبه : هل تريد شيئا بس ما حصلت رد تمنت لو انها تعرف تتكلم بلغته عشان يفهمها مسحت على شعره و وقفت وهي تطلع العابه و تقعد على الارض ابتسم فايز وقعد قدامها وصار يلعب معاها ___ قاعده في المطعم مع عبدالعزيز عبدالعزيز : وش تبين اطلب لك اسيل : مدلعني شعندك عبدالعزيز : مو وجه دلع اخلصي وش تبين ضحكت اسيل : اي شي على ذوقك عبدالعزيز : طيب لف على الجرسون وطلب على ذوقه قعد يطقطق على جواله وقف بيروح دورة المياه وتمت اسيل قاعده لحالها بطفش رن جوال اسيل بمسج رفعت جوالها فتحت الواتس اب وهي تقرأ المسج الي جاها من رقم غريب " هي في المساء وحيدةٌ، وأًنا وحيدٌ مثلها بيني وبين شموعها في المطعم الشتويِّ طاولتان فارغتان [ لا شيءٌ يعكِّرُ صًمْتًنًا] " جمدت وهي تقرأ هالكلمات رجفة سرت في جسمها تلفتت تشوف اذا في احد يراقبها شافت الي في المطعم قليل و اغلبهم 2 او 3 اشخاص كتبت له " من " ما وصلها الرد نزلت الجوال وهي تفكر معقوله احد مسوي فيها مقلب هزت راسها تستبعد هالفكره قعد عبدالعزيز وهو يشوف ملامحها المرتبكه : اسيل فيك شي اسيل حاولت تبتسم : لا وصل الجرسون وهو يحط الاكل على الطاوله وبدت تأكل بهدوء وتفكيرها بالرساله بس ما تبي تبين لاخوها ____ في المزرعه كانت واقفه قدام التسريحه فكت ربطت شعرها وخلته على طوله رشت عطرها وقعدت على السرير وراح تفكيرها لكلام عبير الي اثر فيها حيل لانها مستحيل ترمي ولدها ولا تسأل عنه مهما كانت الاسباب بس يقهرها ان اي احد ياخذ عنها فكرة غلط تنهدت تنهيده طلعت من اعماقها دخل سعود الغرفه وهو يشوفها سرحانه قرب منها وفجاه قال بصوت عالي : نووير انفجعت لفت عليه و حطت يدها على صدرها وهي تحس قلبها بيوقف من الخوف شافته يضحك عليها مسكت المخده وهي تضربه فيها اكثر من مره وهو ميت ضحك نوره رمت المخده زفرت بقهر : خوفتني سعود وهو يحاول يوقف ضحك: بشنو كنتي سرحانه نوره صدت بزعل سعود : نوره مو وقت زعلك الحين نوره ما ردت سعود تنهد ولف وجها له : زعلانه لان كنت اتكلم مع ام عبدالله نوره : ايه ليش تكلمها سعود : كان لازم اتكلم معها عشان اوقفها عند حدها نوره : انا سمعت كلامكم و انقهرت ليش تقول ان رميت فايز على ابوه هي ما تعرف شصار ليش تحكم علي كذا وبعد ليش تقول ان امثل دور الام على عبدالله ومحمد سعود حط يده على اكتافها : هي مقهوره لان العيال يحبونك اكثر منها و دام انا واثق فيك وعارف انتي شكثر تحبين العيال لا تهتمين لكلام احد نوره ابتسمت له سعود : ياليت هالابتسامه ما تختفي ابد نوره سندت راسها على صدره وهي تهمس له : شكرا سعود ابتسم : ما ابي اسمع كلمة شكرا طيب نوره ابتسمت : طيب ___ صباح يوم جديد نوره بعدت الشاش طالعت المرهم مدت يدها بتاخذه بس في يد امتدت وخذته نزلت يدها و رفعت نظرها لسعود : تبي شي سعود مد يده : عطيني يدك انا بحط لك نوره هزت راسها بالنفي : لا انا بسوي لنفسي سعود : يالله نوره عطيني يدك نوره طالعته بتردد ما تبيه يشوف يدها سعود طالعها وهو يشوف ترددها واخيرا مدت يدها له مسكها برقه وهو ما يبي يوجعها غمضت عيونها : سعود بشويش سعود فتح المرهم وهو ياخذ منه ويحطه على يدها بهدوء اخذ الشاش ولفه لها : خلصنا يالخوافه نوره فتحت وتنهدت براحه ابتسمت : تسلم لي سعود ابتسم وبهمس : ربي يسلمك من كل شر وقف ومشى فتح الباب بيطلع بس انصدم وهو يشوف عبير قدامه بدون عباية صد بسرعه وكمل طريقه عبير كانت طالعه من الغرفه ورايحه للحريم لابسه بنطلون و بلوزه كات وحاطه شعرها على جنب ومكياجها خفيف وريحة عطرها منتشره بالمكان نوره استغربت من وقوف سعود عند الباب وقفت و مشت وهي تشوفه يروح بس جمدت مكانها وهي تحس ماء بارد انسكب فوقها وهي تشوف عبير مسكت يد فرح ومشت حست بالاكسجين انعدم من المكان يعني سعود شافها بهالشكل انقهرت شلون تطلع كذا دخلت الغرفه وهي تاخذ جلالها طلعت و قفلت الباب وخذت نفس بقوه ____ في بيت ابو شذى قاعد وفي حضنه ملاك وهي يسمي عليها باس جبينها بعمق و شذى تطالعهم بابتسامه : ماشاء الله طالعه قمر مثل امها لف لشذى وهو يشوف ملامحها باين عليها التعب و رافعه شعرها بعشوائيه ابتسم بهدوء : تتعبك شذى : حيل ما ترضى تنام الليل احمد مد يده قربها وباس راسها : الله يقويك ويعطيك العافيه شذى : آمين وياك يارب احمد : وين شيماء وطلال اول ما كلم كلامه دخلوا ضحكت شذى : الطيب عند ذكره احمد باس شيماء بخدها وقعدت قدامه او طلال سلم على ابوه وقعد جنبه على اليسار شيماء : بابا ابي اشيلها احمد ابتسم وهو يمدها لها ويعدل يدها تحت راس ملاك لف لطلال وحط يده على اكتافه : كيفك يا بطل طلال : بخير احمد لعب بشعره ولف لشذى : باخذهم معي طيب شذى : طيب حبيبي انتبه لهم طلال : شيوم خلاص عطيني اشيلها شيماء : لا ما ابي صاحت ملاك شذى مدت يدينها وهي تاخذها من شيماء : بس ازعجتوها لا انت ولا هي طلال بزعل : ليش شيماء شالتها احمد ابتسم : خلاص طلال لا تزعج امك قوم يالله بتجي معي شيماء فزت واقفه : وانا ابي اروح وياكم احمد ضحك : وانتي يا روح بابا راح تجين شيماء بفرحه طلعت تركض ولحقها طلال احمد لف لشذى وهو يطالعها : ناقصكم شي شذى : لا حبيبي احمد مد يده لخدها : طيب مع السلامه شذى مسكت يده وهي تبوسها : بحفظ الله وقف وطلع وهو يشوف طلال وشيماء منتظرينه سلم على ابو شذى وطلع من البيت معاهم ___ في باريس كان قاعد ياكل حلا فرنسي سوته جولي وسخ فمه وملابسه وهو يأكل بتلذذ اسماء طالعته بقرف وقفت وطلعت من الصاله دخل ابوه وقف فايز بفرح وهو يركض له اسامه : فايز وقف لا تقرب فايز وقف وهو يطالعه اسامه : بابا روح غسل وبدل ملابسك فايز فرحته وحماسه برجعته ابوه راح مر اسامه وهو يحط يده على شعره : يالله بابا حبيبي روح بدل وتعال لي ومشى فايز مشى وراح للمطبخ وبنبره طفوليه : دولي جولي طالعته وضحكت على شكله مشت له وهي تمسك يده : يجب ان تستحم دخلت الغرفه طلعت له ملابس و خذت منشفته وتوجهت معاه للحمام يكرم القارى خلصت لبسته ونشفت شعره ومشطته طالعته بابتسامه : كم انت جميل فايز طالعها بهدوء ابتسمت وخطرت في بالها فكره دام انهم مطولين في فرنسا ليش ما تعلم فايز الفرنسيه الاساسيات و معظم الكلمات السهله الي يقدر يحفظها و تقدر تتفاهم معه دخل اسامه طالع فايز بحب : كيفك جولي انسحبت من الغرفه بهدوء فايز طالع ابوه : بخير اسامه : وش فيك هادي كذا فايز طالعه بعدم فهم ضحك اسامه وضمه وباس راسه : ليكون زعلان مني اسف حبيبي فايز بعد عنه : بابا ابي اروح لعمتو اسيل وعمو عز وطلال وشيماء وابوي صالح اسامه ابتسم : ما نقدر بابا هم بعيد بس راح اتصل لعمو عز و كلمه طلع جواله وهو يتصل على رقم عبدالعزيز جاء له الرد بسرعه : يا هلا والله زين تذكرت ان عندك اخ تسأل عنه اسامه حطه سبيكر وعطاه فايز فايز بفرح : عمو عز كيفك عبدالعزيز ضحك : هلا والله بحبيب عمه الحمدلله انت اخبارك يا بطل فايز : الحمدلله عمو ابي اجي عندكم عبدالعزير : تعال وربي اشتقنا لك ابتسم عبدالعزيز وهو يشوف احمد يدخل مع طلال وشيماء ركضوا له وهو ضمهم : فايز قول لابوك لا يطول و رجعوا بسرعه والله لكم وحشه فايز : طيب اسامه ضحك وهو يوقف ويتكلم مع عبدالعزيز ____ في المزرعه نوره كانت قاعده ونظرها ما شالته عن عبير ثريا دقتها بكوعها وبهمس : وش فيك اكلتي البنت بعيونك نوره بهمس : مقهوره ثريا : من شنو نوره لفت لها : تخيلي امس شفتها قاعده تتكلم مع سعود و اليوم طالعه قدامه بدون عبايه مو كأنها مره متزوجه ابي افهم وش جابها قدام غرفتنا و غرفتها بعيده ضحكت ثريا نوره انحرجت من نظراتهم : وجع وش يضحكك فضحتينا ثريا لفت لها بابتسامه : تغارين نوره بصدمه : اغار ثريا : ايه هذا الي واضح الجوري نطت : خير وش فيكم تتهامسون شاركوني الحديث ثريا : سلامتك ولا شي ____ في قسم الرجال كان يسولف سعود مع حسام ووليد و سامر وسعد قاعد مستمع فقط سامر رن جواله وقف وهو يرد بعد ما خلص مكالمته رجع لهم : السموحه جاني اتصال من الشغل ولازم اروح حسام : ضروري يا ولدي تروح سامر : ايه والله وليد : اجل الله وياك سعود ما انتبه لكلامهم طالع سامر وهو يقول : عبود روح ناد امك وجدتك قول لهم بنروح عبدالله وقف وهو يركض :طيب سعود : وين رايح سامر ابتسم : عندي شغل لازم اروح اخلصه سعود : اها بحفظ الله رجع عبدالله بعد ما قال لهم ____ بعد ما راحوا سامر وامه وعبير ام سعود سندت جسمها بتعب نوره : خالتي خذتي دواك اليوم امينه : لا نسيته نوال : امينه لا تهملين صحتك امينه : والله نسيته بس اليوم ولا ما اهملتها نوال : قومي يمه جيبي الدواء لخالتك نوره وقفت : ان شاء الله مشت للغرفه الي فيها امينه وامها وخذت الدواء ورجعت وهي تعطيه لخالتها نوره : خالتي اكلم سعود يرجعنا البيت او يوديك المستشفى امينه : لا يا بنتي انا بخير ثريا : خالتي خلينا نرجع احسن نوال : اي والله نوره كلمي بو عبدالله و انتي الجوري كلمي ابوك خلينا نرجع الجوري : ان شاء الله اتصلت لابوها ونوره كلمت سعود وقالت له ____ في بيت بو اسامه الكل قاعد بالصاله مستانسين بوجود طلال وشيماء اسيل الي قاعده تسولف مع شيماء شافت تنبيه جوالها بمسج مدت يدها وهي تاخذه فتحتها وهي تشوف نفس الرقم قرت الرساله وكتبت " من معي " ياسر " انا الي شاغل تفكيرك وقريبا راح اكون بقلبك " ابتسمت بسخريه " غلطان لان انا ما اضيع وقتي بالتفكير بناس تافهه " ياسر كتب لها " ترى التواضع زين يا بنت " كتبت له " ومن انت عشان تحكم علي بالتكبر " ياسر " بينا لقاء قريب و اعرفك من انا " اسيل بطفش " باين انك واحد فاضي ازعجتني يا اخي لا عاد ترسل " ياسر " انتي متأكده انك بنت والله حاس اني اكلم واحد من الربع " توسعت عيونها بصدمه عضت شفتها بقهر ودموعها تجمعت بعيونها ما تعرفه بس بكلامه جرح انوثتها هذا هي وهذا طبعها متربيه بين 3 اولاد لازم تاخذ من صفاتهم وقفت وبهدوء : انا بمر على سمر وبنروح نتسوق صالح طالعها بهدوء : الساعه 10 تكونين في البيت اسيل : ان شاء الله راحت لغرفتها وهي تتصل لسواق يجهز السياره جهزت وطلعت ركبت وهي تقول له يحرك لبيت سمر مشى وهي سرحت بتفكيرها انتبهت وهي توقف قدام بيت اهل سمر طلعت جوالها من شنطتها وهي تتصل لسمر : الو انا عند الباب طلعي سمر بهدوء : اسيل ما اقدر امي تعبت وما اقدر اخليها لحالها اسيل : وين خواتك وحده تقعد عندها سمر : طلعوا مافي احد غيري طيب ادخلي نقعد في البيت اسيل وهي تتذكر ياسر : لالا خلاص خيرها بغيرها سمر : حبيبتي اعذريني والله ما اقدر اسيل :معذوره يالله مع السلامه وقفلت وهي تتأفف حرك السواق بعد ما قالت له يوديها المول وهما ماشين فجأه وقفت سياره قدامه و دعس بريك بقوه اسيل ضرب راسها في الكرسي الي قدام مسكت راسها بألم طالعت في السواق بعصبيه : كومار وجع ان شاء الله ما تشوف كومار: ماما هذا هو يجي قدام قاطع كلامه الباب الي انفتح بقوه سحبه وهو يطلعه: شوف شسويت بسيارتي الحين من بيصلحها السواق بخوف : انت غلطان ياسر بانفعال كان بيضربه بوكس بس وقف وهو يسمع صوتها : هيه انت فوق شينك قواة عينك ترى انت الغلطان كنت راح تذبحنا و الحين تتهاوش مع هالمسكين ياسر فكه وراح لها فتح الباب وهو يطالع بعيونها: نعم وش قلتي اسيل بكره : الله ياخذك انت من وين تطلع ياسر بسخريه: من السماء انزل لك اسيل : شيطان اعوذ بالله ياسر بنرفزه : انتبهي لكلامك اسيل بطفش: من انت عشان انتبه لكلامي مجرد واحد حقير ياسر سحبها من السياره وطلعها بقوه قفل السياره وهو يطالع كومار: حرك الحين بسرعه طالعه كومار: انت نفر مجنون شنو حرك ومدام ياسر: مالك دخل بسرعه تحرك اسيل تطالعه بصدمه حاولت تفك يدها بس ما قدرت : لا لا تروح ياسر بحده : يالله بسرعه انتفض بخوف وهو يركب السياره ويرجع ريوس اسيل بصدمه صرخت : لحظه باخذ شنطتي طالعت كومار وهو يبتعد لفت له بعيون متوسعه من الصدمه وهو فكها ومشى لسيارته اسيل لحقته وصارت قدامه : لحظه انت ليش خليته يروح وش تبي مني ياسر ابتسم على جنب : امم ما تلاحظين انك متينه روحي لبيتكم مشي عشان تضعفين وضحك باستفزاز دفها من قدامه وصدمت بظهرها بسيارته تأوهت بألم ياسر وهو يطالع بعيونها : يووه السياره توسخت صار يبي لها تنظيف لف ودخل لسيارته اسيل دموعها غرقت وجها من اهانته لها بهالشكل وبصوت يرجف ومقهور : حقييير ال#### الله ياخذك ياسر طالعها بنظرات ناريه ومشى تحت نظرات اسيل الي تطالعه بصدمه مدت يدها الي ترجف من قهرها وهي تمسح دموعها تلفتت يالله وش تسوي الحين ما عندها جوال عشان تتصل ولا فلوس عشان تاخذ تاكسي مشت على الرصيف و دموعها تنزل دخلت حي شافت كرسي قعدت عليه بعد ما رجولها توجعت من الكعب وصارت تبكي بقوه ____ في باريس فايز قاعد في يده الوان و دفتر يشخبط ويلون تذكر امه لما كانت تدرسه وتلعبه وتأكله امتلت عيونه دمووع و طاحت دمعته على دفتر التلوين بس كلام اسماء جاء في باله وخرب ذكرياته الحلوه مع امه وارتفع صوت بكاه لما تذكر انها ما صارت تحبه مثل قبل اسامه الي كان قاعد على لابتوبه انصعق من بكاء فايز مشى له وقعد جنبه : حبيبي ليش تبكي في شي يعورك فايز من بين شهقاته هز راسه بلا اسامه : طيب حبيبي وش فيك فايز بصوت متقطع : ماما ما تحبني اسامه انصدم وهو يطالعه : فايز حبيبي هي تحبك وتموت فيك بعد فايز بعد عن ابوه وقف وهي يبكي وبصراخ طفل : لا هي ما تحبني ما تبيني انا بعد ما احبها ركض واختفى من قدام ابوه جولي تطالعهم باستغراب ما تدري شصاير اسامه بصدمه : وش فيه من قال له ان امه تكرهه اسماء ببرود : وانا شدراني يمكن لانها ما كلمته اسامه سكت وهو يفكر بتصرف فايز وكلامه ____ وقفت راح تشوف تاكسي يوصلها ولا تقعد كذا بروحها مشت وهي مقهوره وتفكر شهقت بخوف من طلع قدامها واحد شكله مو طبيعي بلعت ريقها وتحس دقات قلبها وصلت المليون في هاللحظه من الخوف رجعت لوراء وهي تشوفه يترنح بمشيته تكلم بحروف متقعطه : مـ ن أ..نـتي اسيل وهي تمشي لوراء تعثرت وطاحت صرخت بألم من طيحتها وخوفها طالعها : يـ..ا حـلـ..وه ت..ـعالي معي راح تـ..نـ..بسطي حاولت توقف بس تحس رجولها مو قادره تشيلها من خوفها غمضت عيونها بقوه وهي ترجف لما شافته مد يده لها ريحة عطر قويه اخترقت انفها فتحت عيونها شافت ياسر واقف قدامها وماسك يد الرجال بقوه لدرجة الالم بان على وجهه دفه لوراء ترنح الرجال و طاح وقف ولف وكمل يمشي وهو يسب فيهم لف لها وشافها مد يده بيقومها : انتي بخير اسيل طنشت يده وقفت وهي تطالعه بحقد و قهر واحتقار و قرف وببكاء : كل الي صار لي بسببك الله لا يوفقك عساك تلقاها باغلى ناسك ياسر الي كان حاس بتأنيب الضمير انصدم من دعوتها و نظراته احتدت بشكل افجع اسيل رجعت لوراء ياسر : الشرهه علي الي رجعت لك ومشى وتركها وراه اسيل تلفتت وراها بخوف من المكان والظلام لحقته : يـ يـاسر ياسر الي رجع لها و هو يراقبها من لما كانت تمشي وقعدت على الكرسي لف لها و تكتف : خير اسيل بتوتر : لا تخليني لحالي انا خايفه ياسر ببرود : اعتذري اسيل طالعته بصدمه هو اهانها واحتقرها وتعرضت لكل الي صار لها بسببه المفروض هو يعتذر ياسر : خلاص طيب مع السلامه أسيل ضغطت على يدها و بصوت يرجف و بغبنه : آسفه ياسر ابتسم : يالله تعالي اوصلك لحقته وقفت قدام الباب متردده تدخل ياسر : بتركبين او امشي اسيل ركبت و هي متنرفزه منه ياسر حرك اسيل مدت يدها للكلينكس وهي تمسح خشمها ودموعها خذت نفس عدلت شيلتها وحطت رجل على رجل ياسر ابتسم على جنب وهو يوقف قريب من بيتهم اسيل طالعته بكره وحقد : صدقني راح اندمك على الي سويته وطلعت وقفلت باب السياره باقوى ما عندها غمض عيونه بقوه من قفلت الباب طالعها وهو يشوفها تمشي لما دخلت البيت وحرك ___ في بيت سعود نوره دخلت الغرفه بابتسامه وفي يدها صحن فيه قطعه تشيز كيك وساندي وراها معاها دلة قهوه وفنجانين حطت الحلا وخذت الدله من ساندي سعود رفع نظره عن اللابتوب وابتسم لها نوره : شفتك ما نزلت تتقهوى معانا قلت اجي اتقهوى معاك قعدت جنبه : ما خلصت شغل سعود : الحين بخلص بس عشر دقايق نوره طفشت قفل ولف عليها وهي تتأفف ضحك : خلاص لا تتأففين خلصت نوره مدت له الصحن : ذوق وعطني رايك سعود : الله يستر دام انتي الي سويتيه نوره : سعووود سعود : طعمه يجنن تسلم يدك نوره ابتسمت : الله يسلمك صبت له فنجان لف لها: ما تبين نوره: لا كلت تحت سعود ابتسم نزل فنجانه ومد يده وهو يسحب ربطت شعرها و يطيح شعرها على اكتافها وظهرها نوره طالعته وهي ترمش اكثر من مره وقف ومد يده لها مسكتها ووقفت معاه مشى وقعد على السرير وقعدها جنبه سعود وهو يتأملها حاطه كحل وماسكرا و بلاشر و ملمع شفايف رجع شعرها لوراء اذنها: تدرين انك فاتنه حيل نوره شتت نظرها وخدودها صارت حمراء سعود طالعها ابتسم على خجلها مد يده لخدها الاحمر ليقبله وبهمس : قتل الورد نفسه حسداً منكِ وألقى دماه في وجنتيكِ نوره غمضت عيونها وهو تحس بالحراره بوجها و دقات قلبها سريعه سعود ابتسم وهو يشوف استسلامها ____ في باريس اسامه : اين فايز جولي : في غرفته اسماء تأكل ببرود اسامه وقف بضيق بيروح له بيشوفه ويطمن عليه هو الصبح لما راح لدوامه ماشافه دخل الغرفه وشاف فايز قاعد يلعب بايباده مشى وهو ياخذ الايباد : مو وقت تلعب فيه الحين يالله انزل تغدى فايز : ما ابي اسامه تنهد طلع جواله : الحين راح اتصل لماما وراح تعرف انها تحبك حيل فايز : بس ما ردت علينا اسامه : لا ان شاء الله بترد وبتكلمك وبتقول لك انها تحبك كثير فايز ابتسم بفرح وحماس اسامه اخذ نفس وهو يتمنى ترد بس عشان فايز ___ نوره سلمت من صلاة العصر وقفت وهي تسمع جوالها رفعت سجادتها وفسخت جلالها خذت جوالها وهي تشوف الرقم عقدت حواجبها هالرقم مو اول مره تشوفه راح ترد وتشوف من قعدت على السرير وردت : الوو فجأه فتح محمد الباب بعدت الجوال عن اذنها : محمد شفيك محمد : ماما عبود تعبان بطنه يعوره ويبكي نوره : بسم الله عليه وقفت وهي تحط جوالها على السرير وتطلع مع محمد وصوت فايز وهو يناديها ماما من الجوال ما وصلها الصوت الي متلهفه تسمعه من فتره معها على الخط بس للاسف ماسمعته آه لو تدري ان فايز الي على الجوال راح تترك كل شي بس عشان تسمع صوته وتتطمن عليه وتهدي شوق قلبها له __ فايز : ماما ردي علي اخذ الجوال ورماه على الارض وهو يبكي : ماما ما تحبني بس تحب حمود وعبود هي عندهم وانا لا بابا ما تحبني ما كلمتني اسامه ندم انه اتصل عليها ضم فايز الي يبكي وهو يردد : ماما ما تحبني ما كلمتني انا ما احبها اسامه بقهر من نوره : حبيبي خلاص لا تبكي ماما تحبك بس انتظر راح تتصل وتكلمك فايز : ما ابي اكلمها ما ابي اسامه عجز معاه ما اعرف شلون يهديه وهي يبكي وشهقاته عاليه صار يقرأ عليه الي حافظه من القرآن لما وقف بكاء ماعدا شهقاته الي بين فتره وفتره تطلع اسامه ضمه حيل وهو يبوس راسه متضايق ومقهور عليه التفت على صوت احد يطق الباب اسامه بهدوء : ادخل دخلت جولي وفي يدها صينيه فيها اكل : لقد احضرت له الطعام اسامه تنهد بعمق جولي وهي تشوف فايز الهادي على غير العاده لف اسامه : فايز حبيبي قم يالله كل عشان تصير اكبر واقوى واحد يالله بابا فايز : ما ابي اسامه : حبيبي ما يصير تعال اكل وراح نتصل لعمو احمد و تشوف البيبي فايز طالع ابوه : عندهم بيبي اسامه ابتسم : ايه مراا صغيره قوم كل عشان نكلمهم و نشوف طلال وشيماء واختهم الصغيره فايز وقف : طيب ___ في بيت سعود بعد ما هدى عبدالله وخف الم بطنه نام نوره الي كانت جنبه تمسح على شعره وقفت وهي تغطيه و تطلع من الغرفه لحقها محمد نوره : حبيبي روح لجدتك شوي ولاحقتك محمد : طيب وراح خذت نفس عميق وهي تحس بضيقه مشت للغرفه شافت جوالها الي على السرير تذكرت المكالمه مشت وهي تاخذه وتتصل على نفس الرقم رن لما قفل ومحد رد اتصلت مره ثانيه بس محد رد لفت وهي تطلع من الغرفه وتنزل تحت عند اسامه لف على صوت جواله الي على الارض رماه فايز على الارض باس جبين فايز الي تعب و نام وقف وهو ياخذه ويطلع طالعه وهو يشوف نوره المتصله اخذ نفس بعمق و بقهر منها ومن تصرفها قفله ومشى لغرفته ____ دخل عبدالعزيز وقف وهو يسمع كومار يناديه عبدالعزيز : نعم كومار بتوتر وخوف مد شنطة اسيل : بابا هذا مدام ينسى شنطه عبدالعزيز اخذها : طيب دخل ومشى بخطوات هاديه وقف قدام غرفة اسيل طق الباب اكثر من مره واخيرا وصله الرد : تفضل دخل عبدالعزيز : السلام عليكم كيف الحلوه اسيل وهي تصد بنظرها عنه وبهدوء : الحمدلله عبدالعزيز : شنطتك عطاني اياها كومار اسيل : ايه نسيتها عبدالعزيز رفع حاجب : ما صدق انك نسيتيها قعد قدامها على السرير بعد ما شافها ما لفت له وهاديه : اسيل فيك شي اسيل الي عيونها وارمه وحمراء من البكاء مقهوره من الي صار لها امس هزت راسها بلا عبدالعزيز رفع راسها له وانصدم من وجها الي باين انها بكت : اسيل وش فيك تكلمي ليش تبكين اسيل زمت شفايفها : مافيني شي عبدالعزيز بعصبيه : تكلمي اذا عندك مشكله قوليها لي اسيل : تعبانه و متضايقه بس عبدالعزيز ما يبي يضغط عليها : اقري قرآن او قومي صلي ركعتين وبتهدين اسيل: طيب طلع وهي وقفت وراحت تتوضأ و تصلي هالموقف ما راح تنساه له لان اول مره احد يهينها كذا و مو متعوده تسكت عن اهانه احد لها ____ في بيت سعود قاعدين في الصاله كلهم ماعدا عبدالله نوره وهي تطالع يدها الحرق خف بس للحين متضايقه من شكله سعود حط يده على يدها وبهمس: كلها مسألة وقت لا تشغلين بالك نوره ابتسمت وطالعت خالتها الي وقفت بتعب: خالتي وين رايحه امينه: بروح ارتاح نوره: عاد خالتي ما تحلى القعده الي معاك وبعد امي متصله تقول بتجي تتطمن عليك امينه رجعت مكانها وقعدت: حياها الله الغاليه سعود وهو يشوف التعب على امه: يمه اذا تعبانه روحي غرفتك ارتاحي وخـ قاطعته امه: لا يمه انا بخير رن جرس الباب ركض محمد عشان يفتح دخلت نوال ومعاها الجوري: محمد اخبارك وشلون جدتك عساها بخير محمد: الحمدلله بخير وقفت امينه بتعب وهي ترحب فيهم سعود سلم على نوال ومن شاف الجوري راح الغرفه عشان يبدل ويطلع نوره وهي تسلم على راس امها وتضم الجوري دخلتهم مجلس الحريم : اخبارك يمه عساك بخير نوال: الحمدلله لفت لأمينه : عساك احسن يأم سعود امينه: الحمدلله على كل حال نوال: الله يعافيك ويشافيك نوره راحت المطبخ تجيب لهم عصير و الضيافه قعدت جنب الجوري الجوري: يا بنت وينك ما صرتي تجينا ترى البيت لاصق فينا مو رايحه بعيد ضحكت نوره: والله اشغال يا اختي ما افضى والحين بعد خالتي تعبانه شلون تبيني اخليها لحالها الجوري ضربت كتفها: ياحنونه انتي نوره: جب ضحكت الجوري: يوه ما قلت لك نوره: شنو الجوري: ثريا حامل الله يعينا ضحكت نوره: ترى هي الي تتعب مو انتي بس وربي فرحت لها الجوري: الا اتعب من غيري يلاحق بزارينها وينظف وراهم واترك هذا ولا تشيل هذا نوره ضحكت : الله يهديك الجوري مدت فنجانها: صبي لي و قولي لي اخبارك نوره خذت الدله وهي تشوف امها وخالتها يسولفون وبدت تسولف للجوري وتسمع لها وتضحك ___ في باريس صحى فايز ونزل يدور ابوه ركض له واسامه فتح يدينه وضمه اسماء طالعتهم ببرود مدت يدها لجوالها تنشغل فيه فايز بحماس : بابا يالله اتصل لعمو خلينا نشوف البيبي وشيماء وطلال احمد اتصل مكالمة فيديو واتس رد احمد الي لحسن الحظ كان عند شذى جاب لها العيال بعد عن شذى وهو يرد: هلا والله اسامه: كيف الحال عساك طيب احمد: الحمدلله انتو كيف حالكم اسامه: الحمدلله فايز اصبر شوي ضحك احمد: وش فيه اسامه :العيال عندك احمد :ايه كلهم اسامه : حلو فايز يبي يكلمهم و يشوف ملاك احمد : يأمر حبيب عمه نادى طلال وشيماء مره يسولفون ومره يتهاوشون اخذ ملاك باس خدها وخلا فايز يشوفها وهو يضحك على كلام الاطفال سبحانك اللهم وبحمدك | |||||||
|  |
|
09-05-20, 03:31 AM
| #12 | ||||||||
| مراقبة عامة ومشرفة منتدى الروايات المنقولة  
| مبارك عليكم شهر رمضان وكل عام وانتوا بخير البارت العاشر رجع لشذى وقعد جنبها وهو يسولف معها طلال مد لابوه الجوال احمد اخذه و مسك يد شذى وباسها : توصين على شي شذى بحب : سلامتك _ اسيل مسكت جوالها المغلق وهي تحطه على الشاحن انتظرت يفتح و رفعته ليدها شافت رساله من الرقم الي يزعجها من كم يوم تأففت وهي تفتحها توسعت عيونها بدهشه وهي تقرأ " هاذي بس البدايه " اسيل : خير اي بدايه وش قصدك انت الثاني ضحك ياسر : من الاول اسيل : اخلص من انت ووش تبي ياسر : عسى استفدتي من مشي امس اسيل بصدمه طالعت كلامه : أنت ياسر : ايه ياسر بشحمه ولحمه ودمه اسيل : الله ياخذك يا حيوان وعساك للمرض الي يهد حيلك قول آمين ياسر : لا لا ليش كل هالدعاوي ترى بتندمين وكل كلمة قلتيها واهنتيني فيها راح ادفعك ثمنها اسيل بخوف من كلامه : ياسر لو سمحت وخر عني اعتذار واعتذرت لك وش تبي بعد ياسر ببرود : تصدقين ما عرفتك وانتي تتكلمين بأدب اسيل : وجع ان شاء الله عند ياسر قاعد يقرأ دعاويها وسبها بهدوء وهو يبتسم ان قدر يستفزها ، طاح الجوال من يده بفجعه من الباب الي انفتح فجأه وبدفاشه سوسن بعصبيه : شفت نجلاء ياسر بنرفزه : في مخباتي دوريها وجع تعلمي تستأذنين قبل لا تدخلين نزل وهو يأخذ جواله سوسن بنظره شك : من تكلم ياسر وهو مقهور منها : انقلعي مالك دخل سوسن وهي تحرك حواجبها : وحده صح ياسر وهو يأخذ اقرب شي ليده ويرميها فيه بس قفلت الباب بسرعه مسك جواله وموده انقلب سوسن بصوت عالي : نجلاء وينك نجلاء طلعت من غرفة منال : خير ليش تصارخين سوسن : ابي سماعاتي ما حصلتهم خذتيهم نجلاء : ايه خذي وانقلعي يلا سوسن : وش فيكم كل ما اروح لاحد يقول انقلعي نجلاء : لانك غثيثه سوسن : مالت بس اروح اشوف سمور احسن _ جولي وهي تتحدث الى اسامه : سيدي اريد ان اعلم الفتى الفرنسيه ولكن لا استطيع فعل ذلك فأنا لا اجيد العربيه ابتسم اسامه : فكره جيده حسنا قومي بتعليمه الحروف و سأساعدك في تعليمه حتى يستطيع فهمك فلا اعلم ماهي الفتره الي سنقضيها هنا جولي بحماس : حسنا طلعت من مكتبه وراحت لغرفه فايز : كيف حالك ايها الجميل فايز بتأفف : دولي ما عرف وش تقولين جولي اخرجت قلما واوراقا من الدرج كتبت الحروف وبدت تعلم فايز و فايز يردد وراها _ قاعدين في الصاله جوري وسعد والام سعد وهو يأكل تفاحه : اقول جوجو جوري : خير سعد : متى تتزوجين عشان نفتك منك جوري طالعته وحطت رجل على رجل : قاعده على قلبك حبيبي نوال : خلها اول تعقل عشان لا تجنن فيه سعد ضحك على الجوري الي تطالع امها بدهشه :هههههه ايه والله الله يعينه جوري طالعته بقهر : قصدك يا حظه الي بياخذني امه داعيه له بليلة القدر سعد : الا داعيه عليه جوري طنشته وبدلع : انا ما راح اوافق الا على الي يخطبني من نفسه طالعتها امها وهي رافعه حاجب جوري : يمه شفيك تطالعيني كذا بالله تبين اخذ واحد واصفتني له امه او اخته وبعدين يشوفني وينصدم ضحك سعد بصوت عالي : زين انك عارفه انه بينصدم جوري بنرفزه : انت اسكت مو هذا قصدي طالعت امها مثلا خطبني عشان اعجبت امه او اخته وعقب يقول لي والله انا ما خذتك الا عشان امي او اختي ويجرح قلبي المسكين سعد : ياا حرااام نوال ابتسمت : ليش انتي وش ناقصك ماشاء الله عليك قمر وشيلي هالافكار من راسك سعد : الا قرد جوري بنرفزه مسكت الخداديه وهي ترميها عليه : قوم انقلع مسكها سعد وهو يضحك : خلاص طالع مع السلامه فتح الباب وهو يشوف ثريا قدامه وعيالها سلم عليها وطلع _ في بيت سعود نوره قعدت سعود يصلي المغرب بدل ملابسه وطلع للمسجد نوره توضت وصلت و طلعت من جناحها نزلت استغربت ان الصاله فاضيه وين خالتها نادت : ساندي ساندي : يس مدام نوره : وين ماما امينه ساندي : ماما تعبان يروح غرفه نوره عقدت حواجبها باستغراب ومشت لغرفتها طقت الباب اكثر من مره بس ما حصلت رد ترددت تفتح الباب وتدخل خذت نفس وفتحت الباب بهدوء طلت براسها الغرفه ظلام شغلت اليتات وهي تشوفها نايمه على السرير مشت لها بتقومها تصلي المغرب لانها تعرف ما تفوتها صلاه وبصوت هادي : خالتي خالتي امينه ما حصلت رد نوره مسكت يدها : خالتي ما بتصلين المغرب هزتها وما حصلت رد هزتها اقوى شوي : خالتي وش فيك رد علي توسعت عيونها بخوف مسكت معصمها و ما لقت نبض طاحت يد امينه بصدمه مدت يدها الي ترجف لانفها مافي نفس نوره طاحت لورا بصدمه وهي تهز راسها بالنفي ودموعها نزلت بغزاره صرخت : خـااااله لاااا دخل سعود بخوف بعد ما رجع من المسجد وسمع صراخ نوره : وش فيك نوره وقفت بصعوبه راحت له وضمته وهي تبكي : خالتي تطلبك الحل سعود جمد مكانه وهو يطالع امه الي على السرير بلا حركه و يحس الدم وقف بعروقه و ان نفسه انقطع بعد نوره عنه و مشى بخطوات بطيئه وقف قدام سريرها ما قدرت رجوله تشيله وطاح على ركبه مد يده الي ترجف مسك يدها وبصوت هادي : يمه مد يده الثانيه لكتفها : يمــه باس يدها بعمق : يمه شفيك ردي علي حط راسه على صدرها وتوسعت عيونه بصدمه ان قلبها ما يدق مسكها من اكتافها وهزها : يمه صرخ صرخه ألم وفقدان بعد ما استوعب اخيرا ان والدته اول امرأه احبها واحن الامهات راحت مسك يدها وباسها بعمق ودموعه نزلت بضعف على فقدانها نوره وهي تحس صرخته ذبحتها لفت جهة الباب تشوف ساندي الي تبكي والعيال الي وافقين مو فاهمين شي وبرجفة صوتها : ساندي طلعيهم ساندي هزت راسها وهي منهاره على وفاة الانسانه الي اشتغلت معها سنين نوره وهي تبكي مشت له حطت يدها على كتفه : سعود سعود ما رفع راسه لها منهار بقوه ويبكي بألم نوره : الله يرحمها اختنق صوتها وما قدرت تكمل سعود بصوت مخنوق : ما شفتها الصبح ولما رديت من الدوام كنت تعبان وما مريتها ولا سمعت صوتها آه يمه كيف اعيش بدونك ولا اسمع حسك يالغاليه نوره طالعته وهو يتكلم تحس لسانها عجز عن الكلام الفقدان اصعب شي والاصعب اذا كان احد الوالدين _ ثالث ايام العزاء سعود وباين التعب والحزن على ملامحه حسام حط يده على كتفه بعد ما شاف ان المكان فضى من المعزيين بعد ما كان مزدحم فيهم طول الثلاث الايام تنهد : يا ولدي ما ارتحت اليوم ابد روح ريح والله يصبرك سعود طالعه وعيونه ذبلانه ووجهه شاحب ويحس راسه ثقيل ما قدر ينام من توفت امه وقف و هو يترنح بمشيه بتعب لحقه حسام مسكه وهو يدخله بيته نادى بصوت عالي : نوره نوره نوره طلعت من غرفة العيال الي نايمين و ومشت لابوها وباست راسه حسام : سعود تعبان حيل خذيه يرتاح نوره طالعت سعود الي لف لحسام : مشكور يا عمي وانا مافيني شي مشى لغرفته بخطوات بطيئه راح حسام و نوره لحقت سعود قربت منه بتساعده سعود : اقدر امشي لحالي نوره تنهدت وهي تمشي معاه دخل الجناح وبعدها الغرفه طلع له ملابس بدل وقعد على السرير بتعب بس مو قادر ينام وطيف امه يمر قدامه نوره قعدت جنبه : سعود لازم تنام سعود طالعها بهدوء ولف نظره نوره اشرت على فخذها : نام سعود تنهد بألم و انسدح وخلا راسه بحضنها نوره صارت تمسح على شعره وهي متضايقه على حاله بقوه حست براسه ثقل على رجلها تنهدت براحه ان نام اخيرا خافت تتحرك ويقوم وهو يالله نام سندت ظهرها للمخده وراها ومسكت جوالها تلتهي فيه _ في باريس اسماء بطفش وهي تطالع اسامه : مليت من الغربه ابي ارجع عند اهلي وناسي هنا حتى كلامهم ما افهمه اسامه طالعها ورجع يكمل شغله على اللاب ببرود اسماء وقفت وطلعت وهي تقفل الباب بقوه اسامه بصوت عالي : شوي شوي على الباب اسماء مشت بقهر لصاله شافت جولي منشغله مع فايز : جولي جولي طالعتها : نعم اسماء : اريد كوبا من القهوه الان جولي : حسنا ولكن الان انا منشغله مع فائز هل بإمكانك الانتظار قليلا اسماء بعصبيه : ما تفهمين اقول لك ابيها الحين خليه هالفايز عساه بحريقه طالعها فايز بقهر انها تصارخ على جولي اما جولي باستغراب من عصبيتها مع انها مو فاهمه شي اسماء : تحركي وش فيك تطالعيني كذا فايز : هي ما تتكلم مثلنا اسماء زفرت بطفش : اريدها الان افهمتي جولي هزت راسها بالايجاب ومشت وفايز يطالع اسماء بهدوء اسماء : خير وش فيك فايز وقف وهو ياخذ الاوراق والقلم وراح لابوه دخل الغرفه عنده اسامه ابتسم : هلا والله فايز : بابا اسماء ما خلت جوري تقعد معي وعصبت عليها اسامه قفل لابتوبه ولف لفايز بهدوء : ليش فايز : ما اعرف وش تبي منها اسامه اشر له يجلس جنبه فايز مشى وقعد جنبه اسامه اخذ منه الاوراق وابتسم : شكله جولي متحمسه نزل الاوراق والقلم على الطاوله وبدأ يسولف معاه ويضحك على سوالفه _ سعود فتح عيونه على صوت جوال نوره يرن قعد لف لنوره ما حصلها لف على صوت فتح الحمام يكرم القارئ وهو يشوف نوره تطلع مبلله وجها ويدينها شكلها توضت لف وهو يشوف الساعه : يلا تأخر على صلاة الفجر نوره : ازعجك جوالي اسفه ما حطيته صامت سعود بهدوء : لا زين عشان اصلي الفجر انتي بعد شكله راحت عليك نومه نوره وهي تمشي بخطوات بطيئه : ما نمت الا بوقت متأخر فرشت سجادتها وخذت جلالها ولبسته و كبرت تكبيره الاحرام وبدت تصلي وهو وقف وراح يتوضأ خلصت ولفت لسعود وهي يصلي قعدت على السرير وهي تطالع سعود الي قاعد يدعي سرحت بهمومها ما حست الا بسعود قاعد جنبها حط يده على اكتافها : ليش نمتي متأخر نوره : ما جاني نوم حط راسه على كتفها وتذكر انه نام امس على فخذها : تعبتك معي نوره : سعود ما ابي اسمع هالكلام وبعدين تعبك راحه سعود تنهد بعمق : وش تسوى الدنيا بدون امي نوره بضيق : الله يجمعك فيها بالجنه سعود بعد راسه عنها و بهدوء : آمين نوره مسكت كف يده : لله ما اعطى و ما اخذ ادعي لها هي محتاجه لدعائك و تصدق لها اقرأ قرآن بس حزنك ما راح يفيدها ابد الله يصبرك حبيبي لفت تطالعه والتقت عيونها بعيونه العميقه و الحزينه قرب وباس جبينها بعمق وقف وهو يطلع من الجناح رايح لعياله الي اهملهم بيشوفهم _ في باريس اسامه دخل غرفته معصب بعد ما شاف فايز يبكي تحت ومعاه جولي تحاول تهديه اسماء سلمت من صلاتها فسخت جلالها ورفعت السجاده ولفت وبابتسامه : هلا حبيبي قاطعها كف قوي على خدها اسامه مسكها من اكتافها وهزها بقوه : وش قايله لفايز قبل يومين جاي متضايق يقول ما خلت جولي تقعد معي اليوم وش مسويه اسماء بصدمه : ما ما قلت له شي اسامه بحده : اســماء اسماء بربكه : أ أ انا قلت له يبتعد عن جولي هاذي وانه ما راح نتم هنا على طول وبيقترق عنها اسامه دفها بقوه عنه ما توازنت وطاحت : وانتي شدخلك هو مرتاح لجولي ليش تضايقينه وبعدين لو انتي صايره له ام ما تعلق فيها اسماء بألم من طيحتها : شدراني ان تعلق فيها وبيتأثر كذا اسامه : بس نرجع مالك قعده عندي اسماء وقفت بدهشه : وش قصدك ؟ اسامه : اتوقع كلامي واضح اسماء مسكت يده : اسامه ما كنت ادري ان بيتضايق صدقني بس قلت له كذا عشان لا يتعلق فيها كثير و احنا ما بنتم على طول هنا اسامه سحب يده : الافضل ما توريني وجهك اليوم اسماء ببكاء : اسامه خلاص والله ما اتدخل فيه ولا اقوله شي اسامه طلع وهي تبكي بقهر وتسب في نفسها لو انها تمت متجاهله فايز احسن و خايفه من تهديد اسامه _ في الصاله قاعدين عبدالله : بابا وين راحت امي امينه محمد : ايه وين سعود طالعهم تنهد وما رد نوره : راحت فوق عند ربنا عبدالله : يعني ما راح نشوفها نوره بهدوء : بالجنه ان شاء الله عبدالله بضيق : ماما راحت وخلتنا والحين امي امينه راحت نوره ضمته : افا انا وين رحت ولا ما تبيني عبدالله : لا احنا نبيك ونحبك ماما لا تخلينا نوره بألم : مستحيل اخليكم عقدت حواجبها وهي تشوف ساندي جايه ومعاها شنطة سفر سعود طالعها بدهشه : ساندي وين رايحه ساندي بهدوء : انا يبي يسافر خلاص انا مافي يقعد هنا سعود بهدوء : بس انا ما أمن على بيتي وعيالي الا معاك ساندي بضيق : انا ما يقعد وماما امينه في روح تنهد سعود : خلاص براحتك بس انتظري احجز لك واعطيك جوازك يلا رجعي شنطتك الحين لما اخلص .. ساندي : اوكي شكرا ورجعت نوره شافت محمد يلعب بالايباد وراح تفكيرها لفايز : سعود سعود بهدوء : هلا نوره شكثر تكره هدوءه بس مقدره وضعه ان الي ماتت امه مو اي احد : طلبتك سعود طالعها : اذا على الخدامه راح اجيب غيرها بس يبي له وقت واذا تبين فلوس تروحين المول او تطلعين مع خواتك ما عندي مانع نوره طالعته بألم وضيق ان للحين ما فهمها متى يعرف انه هالاشياء اخر همها متى يعرف انها تختلف عن عبير خذت نفس بعمق : همي اكبر من كل هذا كل الي ابيه اذا ما عليك امر تروح لشركه الـ.. تسأل اذا اسامه رجع من سفره او لا والله ان قلبي تعب من شوقي لفايز سعود وهو يسمع كلامها ويشوف نظرتها له الي وجعته استحقر تفكيره : ان شاء الله الحين بروح اسأل وقف وهو يروح يبدل طلع وهو كاشخ بثوب وشماغ ابتسمت نوره سعود : تأمرين على شي نوره هزت راسها بالنفي عبدالله : انا ابي عصير وشيبس وحلاو محمد : وانا ابي كاكاو وايسكريم وشيبس سعود ابتسم : من عيوني _ اسيل بدت تتعود على رسايل ياسر و استفزازه مسكت جوالها وهي تقرأ رسالته " اسيل " شافها تقرا وما ترد ابتسم " اكتشفت اليوم شي " اسيل " خف علينا يا مكتشف الذره اكيد شي بايخ مثلك " ياسر ضحك " واثق الخطوه ماتستفزه لفحة جنح الذبابه لا تكابر بنفسك وأنت كلك على بعض شعره ومقطوعه من وتـر ربابه " قبضت اسيل على جوالها بقوه" اخلص وش تبي وخلنا نشوف اكتشافك" ياسر يبي يقهرها" اكتشفت ان ما تستاهلين اضيع وقتي معك" اسيل بقهر" اقول احمد ربك وحب يدك وراء وقدام ان اسيل الـ.. تعطيك وجه وهالشي اعتبره انجاز و الا انت ما سويت شي بحياتك يستاهل الفخر راسب ثلاث مرات وعاطل عن العمل ومدمن تدخين هه بالله قولي وقتك الثمين وين يضيع " ياسر توسعت عيونه بصدمه وهو يقرأ كلامها وتحولت ملامحه للجمود بعد ما كان مبتسم ورايق هاذي شلون تعرف كل هذا عنه _ طلع سعود من شركة والد اسامه وهو متضايق بعد ما عرف ان اسامه للحين مارجع يالله يدري ان نوره ما تبي غير تشوفه هو حاس فيها عنده ولدين وما يلومها على الي تسويه تحسب من قلب عليه فتح سيارته ومشى لها دخل وهو يشوفها قاعده مع العيال تسولف وياهم و تضحك اختفت ابتسامتها من شافته فزت واقفه: سعود بشر قول انه رجع سعود هز راسه بالنفي: لا ما رجع نوره نزلت راسها بضيق و دموعها نزلت بهدوء قاتل عبدالله ركض لابوه و نوره لفت وجها عشان ما يشوفون دموعها: بابا جبت لي الي قلت لك سعود مد الاكياس الي بيده: لك ولاخوك عبدالله خذهم بفرح وركض لمحمد مشى لنوره لف وجها له ومسح دموعها: مرده بيرجع وباجيب لك فايز نوره بألم : متى تعبت سعود: خلي املك بالله كبير راح اجيبه لك نوره لفت وهي تمشي رايحه للجناح سعود طالعها تنهد ومشى هو يقعد على الكنبه ويوجه انظاره لعبدالله و محمد _ مرت الايام والشهور مر سنه وسبع شهور واسامه في باريس واخيرا جاء وقت عودة اسامه لبلاده اسماء بتطير من الوناسه اما فايز كان متضايق بعد ما تعود على جولي وصار يتكلم معها بعض الكلمات الي تعلمها منها ومن ابوه و قضى وقت جميل معها حتى هي تعودت عليه ودعته وهي تبكي سمع اسامه صوت الكابتن وهو يعلن عن هبوط الطائره لف لفايز الي جنب الدريشه نايم ومو حاس بشي وطالع اسماء: ربطي حزامك اسماء مدت يدها للحزام وربطته و بعد دقائق هبطت الطائره اسامه: فايز بابا يلا وصلنا صحى فايز وهو يفرك عيونه و يتثاوب انتظر اسامه الركاب وهم ينزلون بعد ما خفوا مشى وهو يمسك يد فايز واسماء طلعت وراه خلص الاجراءات و اخذ شناطه حطهم بالعربه و يدفهم ابتسم وهو يشوف عبدالعزيز الي واقف يستقبلهم قرب عبدالعزيز و سلم عليه ويتحمد لهم على السلامه وباس فايز بخده: يا ولد كبرت ماشاء الله فايز: كيفك عمو و ابوي صالح وامي كيفهم وعمو احمد وعمتى اسيل وطلال و شيماء ومـ عبدالعزيز: كلهم بخير وينتظرونك بشوق فايز بحماس: يلا نروح لهم ومشوا لسياره _ عند نوره قاعده على الكنبه وهي تشوف محمد وعبدالله يسولفون حطت يدها على بطنها وهي بالشهر الخامس من حملها هالحمل الي فرحت فيه حيل هي وسعود دخل سعود قعد على كنبه فرديه طالع عبدالله الي بدأ صوته يرتفع على اخوه : عبدالله خلاص عبدالله : بابا مو راضي يفهم سعود : معليه بابا هو اصغر منك نوره : عبود روح جيب كتبك هالاسبوع بتبدأ امتحانات يالله عشان اذاكر لك عبدالله وقف بسرعه : طيب سعود وهو يطالع نوره كاشخه بفستان حمل لنص الساق وبطنها بارز شوي و شعرها فاردته بطوله و راسمه عيونها بطريقه جذابه و حاطه ماسكرا وبلاشر وردي و روج لحمي ابتسم وقال لها : محلوه نوره ابتسمت : صدق مو صايره دبه ضحك سعود : الا هذا وتوك بالخامس الله يعين لا صرتي بالتاسع نوره : سعووود سعود : عيونه نوره توترت مدت يدها بارتباك وهي ترجع شعرها للجهه الثانيه : تسلم لي عيونك الي ما ابيها تشوف غيري سعود قعد جنبها ولف وجها له و هو يطالع بعيونها مد يده لخدها وبهمس : و في احد عنده هالقمر و يطالع النجوم نوره ابتسمت و لفت وجها لعبدالله الي جاء ومعاه كتبه واقلامه _ في بيت احمد شذى في حضنها ملاك الي مو راضيه تسكت وقدامها شيماء في يدها كتاب الرياضيات تبي امها تفهمها و طلال الي بيده كتاب العربي يبيها تسمع له وقفت بطفش : ملاك شفيك دخل احمد وهو يسمع صياح ملاك قرب منهم: شفيها شذى: حبيبي ما ادري عنها احمد خذها: اليوم بنروح بيت اهلي بس تخلصون احهزوا وطلع شذى لفت لهم ابتسمت: طلال عطني كتابك بسمع لك طلال خلص اخذ كتابه وطلع وبدت تفهم شيماء حل المساله وعطتها تحل مسأله ثانيه عشان تتأكد من فهمها خلصت وطلعت تدور احمد وملاك دخلت الغرفه و شافت ملاك نايمه على السرير مشت وهي تغطيها ولفت وصدمت بأحمد وكانت بتطيح احمد حط يده على فمها ويد على خصرها يثبتها ما تطيح: اووش يالله نامت تبين تقومينها شذى ضربته على صدره بقهر: خوفتني احمد وهو يرجع غرتها لوراء اذنها: انتي جبانه شسوي لك شذى: طيب ابعد باروح اجهز لا نتأخر على خالتي احمد: واذا قلت لا شذى : احمد وخر احمد ابتسم : لا شذى طالعت جهة الباب وتوسعت عيونها بدهشه احمد استغرب لف بيشوف وش تشوف بس شذى بسرعه دفته شوي و طلعت ضحك احمد: هين اوريك شذى دخلت غرفة عيالها بابتسامه طلعت لهم ملابس رجعت الغرفه شافت احمد قدام المرايه يلبس ساعته ورش عطره: يلا حبيبتي بسرعه اجهزي شذى: ان شاء الله دقايق بس _ عند اسيل مستمره مع ياسر ولا گأن الي تسويه حرام بس ياسر يملي وقت فراغها و بدت تتعود عليه وعلى سوالفه وطبعا هي تعرف عنه اشياء كثير من سمر الي قدرت تسحب منها الكلام اسيل وهي تلعب بشعرها : يعني خلاص قدرت تقطع التدخين ياسر : ايه الحمدلله صار لي ٤ شهور ما مسكت زقاره اسيل ابتسمت : حلوو ياسر بحب : هذا بفضل الله ثم بفضلك الا تدرين للحين ما عرفت انت شلون تعرفين كل هالاشياء عني اسيل ضحكت : انا اسيل مايصعب علي شي ياسر : واحلى اسيل بالكون اسيل سكتت ياسر : بس انا ابي اعرف اسيل : سمر على نياتها تسولف بكل شي ياسر : سمر اجل اسيل : ايه من غيرها ياسر ابتسم : انتي وش سويتي فيني اسيل : اخذت عقلك ياسر بهمس : وقلبي بعد اسيل سكتت بخجل ياسر ابتسم تعلق فيها كثير بهالفتره الي كلمها فيها : اخليك الحين حبيبتي مع السلامه _ في الصاله شيخه ضمت احفادها بفرح : يا هلا والله وغلا وطالعت شذى : زين تكرمتي وجيتي توقعت خلاص نسيتينا شذى بهدوء : افا يا خالتي وانا اقدر انساكم بس انشغلت هالفتره وما قدرت اجي حقك علي اسماء حاطه رجل على رجل وهي تطالعها ببرود شيخه : اها طيب بس لا تعيدينها شذى : ان شاء الله لفت لاسماء : الحمدلله على السلامه اسماء ببرود : الله يسلمك شذى : ان شاء الله انبسطتوا اسماء بابتسامه مصطنعه : حيل اكثر من ما تتصورين شذى : اهاا الله يوفقكم الا مافي شي بالطريق اسماء جمدت ملامحها وهي تتذكر حملها الاول الي ما تم : لا يا قلبي لسه بدري ام احمد : الله يكتب لك الحمل عاجل غير اجل يارب اسماء تنهدت : آمين شذى تطالعها وهي تشوف كيف تغيرت تعابير وجها من ذكرت الحمل ردت بهدوء : آمين _ عند نوره الي سهرانه ما قدرت تنام وهي تفكر لفت على جوال سعود الي يهتز للمره الخامسه طالعته فتره ودها تعرف من الي يتصل عليه في هالوقت ترددت تمد يدها وتأخذ جواله ما عمرها مسكته وشافت وش فيه او من يتصل لانها واثقه فيه وما تحب هالتصرف بس فضولها خلاها تاخذه فصل و ما شافت من تنهدت وكانت بترجعه بس رجع رن طالعت الاسم وتوسعت عيونها بصدمه كان مكتوب " ام عبدالله " رجعت الجوال مكانه معقوله سعود متواصل معاها بس ليش اذا عياله عنده ليش تتصل فيه وبهالوقت ارتجفت شفايفها ونزلت دموعها خايفه تدخل عبير وتخرب حياتها وهي بدت تحب سعود وما تتحمل ان الي صار لها مع اسماء يرجع يصير مع عبير حست بألم خفيف ببطنها وغثيان خذت نفس عميق وهي تحاول تهدي نفسها بأن عبير انسانه متزوجه وما راح يصير شي من الي تفكر فيه مسكت الجوال الي رد يرن للمره التاسعه وطلعت من الغرفه بهدوء ومن الجناح فتحت الخط وبعصبيه :الو خير انتي ما تستحين على وجهك مره متزوجه تدقين على طليقك بهالوقت المتأخر عبير بصدمه: نوره نوره: اي نوره اسمعيني زين سعود طلعيه من بالك فاهمه لان نجوم السماء اقرب لك منه وقفلت الجوال وهي ترجف من العصبيه حست بغثيانها زاد نزلت الجوال على الكنبه وركضت للحمام يكرم القارئ طلعت وهي تمسح وجها بمنشفه صغيره بتعب واضح مسكت جوال سعود وهي تحذف مكالمتها مع عبير وترجع الغرفه نزلت جواله وانسدحت تحاول تنام _ في غرفة اسامه فزت اسماء بخوف من الطق على الباب المتواصل شافت الساعه ٧ الصبح لفت لاسامه الي بسابع نومه مدت يدها وهي تهزه : اسامه اسامه قوم شوف من يطق الباب اسامه فتح عين بملل بس فجأه استوعب وقف وهو يروح يفتح الباب شيخه بعصبيه : ساعه لما تفتحون اسامه وهو مد يدينه ويتثاوب قرب منها وحب راسها : نايمين يالغاليه امري شيخه بخوف : ابوك تعبان حيل وعز محد والسواق اخذ العيال المدرسه تعال ناخذه المستشفى بسرعه اسامه : طيب طيب راح بسرعه للحمام وهو يغسل وجهه واسنانه وطلع لبس ثوبه واخذ بوكه وجواله طلع شاف فايز قدامه فايز : بابا بروح معاكم اسامه : بنروح المستشفى شوي وراجع فايز : ما ابي اقعد لحالي بابا ابي اروح وياكم اسامه مسك فايز وهو يبدل ملابسه وياخذه معاهم كان يسوق بسرعه وهو خايف حيل على ابوه وصلوا المستشفى وراحو لطوارئ اسامه قاعد وجنبه فايز وامه ينتظرون الدكتور يطمنهم ما كانوا منتبهين ان في عيون تطالعهم بدهشه وفرح بنفس الوقت _ كان سعود يتكلم بالجوال بعيد عن نوره وهي تطالعه ما شالت نظرها عنه وتهز رجلها بقهر مع هذا هي واثقه فيه سعود يخاف الله مستحيل يسويها بس الشيطان شاطر عبدالله : ماما فيك شي نوره ابتسمت وهي تمسح على شعره : لا يا حبيب ماما مافيني شي محمد : طيب ليس ساكته عبدالله : ايه ليش ما تسولفين نوره غمضت عيونها وخذت نفس تحس اعصابها تالفه واذا كثروا اسئله راح تنفجر فيهم وهذا الي ما تبيه يصير محمد : ماما شفتي ايبادي عبدالله وهو يشوفها مغمضه : ماما انتي تعبانه نوره اشرت على طاوله قريبه من سعود : شوفه هناك على الطاوله لا مو تعبانه و يالله روحوا لعبوا فوق محمد وعبدالله وقفوا وهي رجعت نظرها لسعود الي قفل جواله ومشى لها قعد جنبها نوره : من كان يكلمك سعود بهدوء : صديقي نوره وقفت بضيق وهي تحس بدوار سعود مسكها : فيك شي نوره سحبت يدها منه : لا بس ابي اروح لاهلي طيب سعود : طيب طالعها لما اختفت من قدامه سعود راح لغرفة عياله ابتسم بحب : تبون نطلع محمد وعبدالله : ايه بابا سعود ابتسم : طيب _ في بيت حسام دخلت نوره وهي تسلم عليهم وقعدت جنب ثريا بتعب حسام : كيفك يا بنتي عساك طيبه نوره : الحمدلله بخير نوال : دوم يا رب ثريا : وين العيال نوره : خذهم سعود وياه الجوري : اقول نوير وش فيه وجهك قالب اصفر نوره : مافيه شي بس عيونك الي تشوفه اصفر ثريا بهمس : في شي مضايقك نوره هزت راسها بالنفي تلفتت : الا وينه سعد نوال : طلع حسام : انا بعد عندي شغل يلا مع السلامه الجوري طالعت نوره ووجها الشاحب وقفت وراحت المطبخ وهي تجيب لنوره عصير برتقال : يمدحونه للحامل نوره ابتسمت لها وخذته _ في المستشفى قاعدين عند صالح بعد ما طمنهم الدكتور عليه شيخه بعتب : طحت علينا اليوم بسبب عنادك لا تاخذ الادويه بوقتها ولا تهتم بأكلك وصحتك اسامه طالع امه : يمه مو وقته الحمدلله على سلامتك يالغالي اجر و عافيه صالح بتعب : الله يسلمك فايز : بابا جوعان اسامه طالعه : عن اذنكم مسك يد فايز وراح يشتري له _ في بيت حسام سلمت جوري من صلاتها ولفت وهي تشوف نوره بتطلع وقفت بسرعه : نوره لحظه ابي اقول لك شي مهم نوره لفت : خير ان شاء الله الجوري قعدت على السرير : تعالي اجلسي اول نوره مشت لها وقعدت جنبها : وش الموضوع شغلتي بالي تكلمي بسرعه الجوري : بتنامين عندنا نوره : لا سعود بيمرني بعدين الجوري : طيب ما راح تصدقين من شفت اليوم في المستشفى نوره بلا مبالاه : لا بصدق يا دكتوره قولي من الجوري : فايز نوره : وانا شدخـ.... سكت بصدمه وهي تستوعب الاسم الي يتردد في بالها فايز الجوري هزتها وهي تشوفها جمدت بصدمه : نوره نوير هزتها اقوى : نوره نوره غمضت عيونها ولفت لها وفتحتها ودموعها تجمعت : الجوري مو وقت مزحك لا تلعبين باعصابي يكفيني الي فيني الجوري طالعتها بضيق : والله العظيم اليوم بعد ما خلصت دوامي في المستشفى شفت اسامه في قسم الطوارئ ومعاه فايز نوره بخوف وقلبها يدق بسرعه ودموعها نزلت : ليش في المستشفى تعبان فيه تكفين جوري قولي انك شفتيه بخير مافيه شي الجوري مسكت يدها : هو بخير مافيه شي والله بس اتوقع ابو اسامه هو المريض نوره بلهفه وشوق لفايز : يعني رجع من السفر ابي اشوفه عطيني عبايتي بروح له جوري بصدمه: وين بتروحين له نوره : بروح لبيتهم ابي اشوف ولدي جوري : نوره لا تجننيني ما راح تروحين لهم بتشوفين امه والغثيثه اخته وزوجته الحيه بيغثونك و ماراح تشوفينه نوره بصراخ وتعب : انتي ما تحسين فيني قلبي محروق على ولدي ابي اشوفه الجوري ضمتها ونزلت دموعها عليها : والله حاسه فيك و راح تشوفينه يا قلبي _ عند سعود وصل له مسج زفر بضيق وهو يشوفه من عبير طالع عياله وهما يلعبون بالألعاب " سعود ابي عيالي " سعود " هه آسف ما اقدر اخليهم عند ام مهمله مثلك واخسرهم " عبير " سعود قلت لك عندي صور لزوجتك بس شكلك مو مصدق عشان كذا متجاهل مكالماتي بس الحين برسلهم لك " سعود " العبي غيرها ولا عاد تتصلين " توسعت عيونه بصدمه وهو يشوف الصور الي رسلتهم كانت لنوره والصور واضحه غمض عيونها وهو يسب فيها هالخبيثه بعد ما كتبت له " اذا مصمم على رفضك راح انشر صورها على مواقع التواصل الاجتماعي " استغفر الله العظيم سبحان الله وبحمده | ||||||||
|
| |
|
13-06-20, 12:26 AM
| #13 | ||||||||
| مراقبة عامة ومشرفة منتدى الروايات المنقولة
| البارت الحادي عشر سعود " وش تبين الحين " عبير " ابيك تجيني انت والعيال " سعود اخذ نفس بعمق وهو يطالعهم " طيب " ناداهم عشان يروحوا البيت ركبوا السياره وقف قدام بيته فتح الباب لهم يدخلون ومشى لبيت حسام عشان يجيب نوره اتصل عليها وقال لها تطلع وهو يفكر بالصور الي عند عبير يعرف انها صورت نوره بالمزرعه واضح المكان في الصور نوره طلعت له وهي الثانيه بعد كانت تفكر بفايز وبس دخلو البيت مشت لغرفتها رمت عبايتها على الارض وانسدحت على سريرها بملابسها تغطت وهي تبكي هل يعقل ان بينها وبين ولدها مسافه قصيره ولا تقدر تشوفه سعود دخل الغرفه وهو يشوف نوره متغطيه ونايمه توقع تعبانه بدل ثوبه ولبس بجامته وفسخ ساعته وانسدح على السرير شال اللحاف من عليها فتحت عيونها الدامعه وهو انصعق مد يده لها بمعنى تعالي وهي راحت وحطت راسها على صدره سعود وهو خايف يكون هو سبب دموعها او تكون عرفت بموضوع عبير تركها على راحتها _ يوم جديد ياسر : حبيبتي انا اليوم راح اكلم امي وتركي واجي اخطبك ابيك لي وقدام عيني اسيل ودقات قلبها سريعه ماردت ياسر : افهم من سكوتك انك موافقه يقولون السكوت علامة الرضا اسيل منحرجه وارتجفت بعد ما حست انه جاد بلعت ريقها : احس تو الناس ياسر ابتسم : وين تو الناس شوي ونخلص سنتين انفتح باب الغرفه ارتبكت وقفلت الخط بسرعه زفرت بقوه بعد ما حبست نفسها من الخوف وهي تشوف فايز : فايزوه طق الباب قبل لا تدخل فايز f: كومان سافا اسيل ما فهمت : تكلم عدل لا كف الحين فايز ابتسم : قلت كيف الحال اسيل ابتسمت : بخير شتبي فايز : ابي اروح البقاله اسيل : طيب روح فايز : ابي فلوس ما عندي اسيل : وليش ما تطلب من ابوك فايز : محد ما ادري وين راح يعني ما راح تعطيني خلاص اسيل وقفت وهي تأخذ بوكها : لحظه وانا من عندي اغلى من فايز بس ارجع بسرعه عطته وهو خذهم وباس خدها : ميرسي وطلع ضحكت اسيل ورجعت قعدت على سريرها مسكت جوالها تذكرت ياسر كتبت "حبيبي اسفه دخل علي فايز فجأه وقفلت " _ نوره طلعت من غرفة العيال بعد ما درست عبدالله للامتحان طالعت ساعتها وهي تشوفها ٤ العصر وسعود للحين ما جاء دخلت الغرفه وهي تأخذ عبايتها وتلبسها وشيلتها وطلعت حتى ما خذت جوالها نزلت الدرج وهي تنادي الشغاله الجديده ما تحب تخلي العيال عندها لحالهم بس عشان فايز كل شي يهون : ميري ميري : يس مدام نوره : انا طالعه مو متأخره انتبهي على العيال ميري : اوكي لبست نقابها وهي تنادي السواق يشغل السياره ركض السواق وهو يشغل السياره ركبت وراء وهي تحس دقات قلبها سريعه والم ببطنها عطته العنوان ومشى سعود توه وصل استغرب وين رايحه نوره من غير ما تقوله ولحقها _ بعد نص ساعه مع زحمة الشوارع وقفت السياره في المكان المطلوب فتحت نوره الباب ونزلت هي تشوف العيال يلعبون كره سعود وقف سيارته و انصدم وش جابها هنا طلع بيشوفها بس صدمته تلاشت وهو يشوف فايز نوره سمعت طلال وهو يقول : فايز مررها لي سجل هدف وصرخوا بفرح وهم يضحكون نوره تعلقت عيونها على فايز وبس اختفى كل شي من حولها ما تسمع الا ضحكاته وكلامه وما تشوف الا هو وبس وكأن الزمن وقف عنده دقات قلبها سريعه وعيونها امتلت دموع " يالله يا فايز كبرت بهالفتره الي ماشفتك فيها آه يا روحي انت شكثر اشتقت لك " مشت بخطواث سريعه تحسها بطيئه من شوقها له مسكت كتفه ولفته لها نزلت لمستواه باست خدوده ويدينه وضمته بقوه لصدرها: اشتقت لك ياروح امك قولي كيف حالك اسماء شلونها معك مرتاح او لا فايز استغرب بس توسعت عيونه بدهشه هاذي ريحة امه وهذا صوتها : بعدي عني نوره بعدته عنها طالعت وجهه وحاوطته بيدينها: حبيبي فايز ما عرفتني انا ماما فايز مسك يدينها وهو يبعدهم طالعها ودموعه نزلت: انتظرك كثير وما جيتي ناديتك كثير وما جيتي اتصل لك اكثر من مره وما رديتي انتي تكذبين علي ماتحبيني ليش لما اتصلت لك ما رديتي علي ليش رحتي مع حمود لعبود وانا لا تحبينهم صح وانا ما خذتيني معك صرخ ببكاء طفل : ماما انا ما احبك ما ابي اشوفك ما ابي تركها وركض لداخل بيتهم وهو يبكي نوره تحس وكأن احد رماها من اعلى جبل وهي تسمع كلام فايز الي ما كان الا سكاكين ذبحتها بكل قسوه قاعده مكانها بحالة صدمه وقفت بصعوبه وفجأه صارت تضحك بصوت عالي و هي تتذكر كلام فايز لها سعود الي ما كان اقل صدمه منها تلفت وهو يشوف الناس تطالع نوره مشى وهو يمسكها من يدها ويدخلها السياره و هي مستمره بضحكها سعود وهو خايف تكون جنت لف للجهه الثانيه ركب و مسك يدها وبخوف واضح بعيونه عليها : نوره نوره طالعته وعيونها تلمع بدموعها : سعود سمعته شقال سعود وهو يسوق : نوره اهدي عشاني نوره بعد ضحكها انهارت بشكل موجع سعود وقف قدام بيته نزل وهو يفتح لها الباب نزلت مشت بخطوات ثقيله ودخلت سعود قفل سيارته ولحقها شالها وهو يشوف انهيارها فتح الباب الداخلي ميري طالعته بصدمه وهو شايل نوره خايف عليها وعلى الي ببطنها فتح باب الجناح ورفسه برجله نزلها على السرير وهو يفسخ نعالها ويرميه سعود وانينها يحسه يذبحه بقوه ما يتحمل يشوفها بهالضعف ولا يتحمل يسمع بكاها قعد جنبها وضمها له يبيها تهدى وهو بنفسه مصدوم وش الي خلا فايز يقول كذا حتى كلامه حس انه اكبر من عمره وش صار معاه وغيره هذا مو فايز الي يعرفه نوره بتعب وهمس : سعود فايز يكرهني سعود صار يقرأ عليها في دقايق هدت حط راسها على المخده وهو يمسح على شعرها طالع وجها الشاحب لا حياه فيه همس لها : انتي بخير طالعته نوره وهزت راسها بأيه رن جوال سعود طنشه وهو يمسك يدها ويبوسها : تبين شي قبل لا اروح نوره بصوت مبحوح ضغطت على يده : لا تروح سند ظهره على السرير وبهمس : ما راح اروح بقعد معك مسك جواله و هو يحطه صامت بعد ما ازعجه رنينه حس فيها نامت بتعب مد يده بهدوء عشان ما يزعجها وهو يفك ربطت شعرها همس لها : اسف بس لازم اروح طلع مشى لغرفه محمد وعبدالله : عبود حبيبي وش امتحانك بكرا عبدالله : علوم بس ذاكرت مع ماما ابتسم سعود بضيق : طيب تعالو بنطلع مشى وياهم و طلعوا لسياره فتح جواله وهو يشوف اللوكيشن الي طرشته له عبير وحرك السياره باتجاه بيتها _ عند فايز كان قاعد في غرفته ضام رجوله متضايق بقوه ودموعه تنزل وش جابها الحين و هو الي تعب ينتظرها دخل عليه طلال : فايز وش فيك فايز لف وجهه وهو يمسح دموعه ومارد طلال : من المره الي ضمتك فايز : ما اعرف طلال : عمتي نوره صح سمعتك وانت تقول لها ماما فايز ساكت ومارد طلال : غلط فايز الي سويته فايز : مالك دخل و اطلع برى طلال : بس فايز : طلال اطلع طلال طالعه وطلع شاف جدته شيخه : وش فيه فايز طلال : عمتي نوره جات اليوم تشوفه وهو زعلان ما اعرف ليش شيخه بخوف بعد ما شافته دخل يركض : ابوك تحت يبيك وانا راح اشوف فايز فتحت الباب ودخلت فايز رفع نظره وهو يشوف جدته صد بنظره عنها شيخه مشت له وقعدت جنبه وحطت يده على اكتافه : من الي مزعل الغالي فايز طالعها و عيونه تلمع بدموعها : يمه ما نسيتها بس ما صرت احبها كرهتها لانها هي نستني و ما تحبني شيخه بقهر : وجع هالنوير حتى وهي بعيده ما نخلص من مشاكلها يمه الي يبيعك بيعه ولا تفكر فيه فايز ما فهم كلامها وتم ساكت شيخه : حبيبي خلاص لا تضايق نفسك الي مثلها ما تستاهل تكون ام والا في ام تترك ولدها و لا تسأل عنه حسبي الله عليها فايز ارتمى بحضنها وهي يبكي شيخه تنهدت مسحت على شعره : خلاص حبيبي قوم غسل وجهك يلا بنروح لجدك المستشفى طيب فايز وقف وهو يغسل وجهه شيخه ابتسمت وقفت وهي تطلع له ملابس : البس وانسى الي صار اليوم فايز : طيب _ في بيت ابو ياسر الكل مجتمع في الصاله حتى تركي وزوجته وعياله ياسر : يمه انا نويت اتزوج ام تركي بابتسامه : هاذي الساعه المباركه يمه تركي وهو يطالعه : من بنته ياسر ابتسم : بنت صالح الـ... منال : لا عاد لا تقول اسيلوه سوسن : وش دخلك هو الي بيتزوجها ولا انتي منال : بس انا ما ابيها تكون زوجة اخوي اووف ميهاف زوجة تركي بصوت منخفض: من هي منال : صديقة سمر المغروره الي شفتيها بحفلة تخرج نجلاء ميهاف شهقت و بصوت مرتفع لا اراديا : حلفي اجل الله يعين جات عينها بعين تركي ارتبكت من نظرته الحاده وسكتت تركي بصوت جهوري : في احد طلب رايكم البنات سكتوا ونجلاء ابتسمت بهدوء ياسر : يمه ودي تخطبينها لي ام تركي بابتسامه : ان شاء الله ولا يهمك بكرا راح اكلم امها تركي : بس سمعت ان صالح طايح في المستشفى مريض انتظر خله يقوم بالسلامه اول سمر : ايه صح ابوها مريض الله يقومه بالسلامه ردوا : آمين اما ياسر انصدم ان اسيل ما قالت له عن تعب ابوها وقف وهو يستأذن وطلع مسك جواله وهو يتصل عليها _ وقف سيارته قدام بيت عبير لف لعبدالله : خذ اخوك وروحوا لامك عبير واذا سألت عني قولها جاه اتصال مهم وراح والساعه ٨ راح اجي اخذكم عبدالله : بس بابا سعود قاطعه : يلا بابا انزل عبدالله نزل و نزل وراه محمد الي مسك يده سعود نزل طق الجرس ردت الشغاله : من سعود : انا بو عبدالله مشى هو يركب سيارته طالعهم لما فتحت لهم الشغاله ودخلتهم ومشى عبير بابتسامه فرح : يا هلا والله وغلا محمد اختبى وراء اخوه بخوف منها عبدالله سلم عليها بتوتر واضح اما محمد رفض زفرت بضيق من تصرف محمد طالعت وراهم : وين ابوكم عبدالله بارتباك وهو يفرك يدينه : جـ جاه اتصال مهم وراح و بيجي لنا الساعه ٨ عبير بنرفزه : اها طيب _ عند نوره فتحت عيونها الي تحس بحرقه فيها من كثر ما بكت تلفتت ما حصلت سعود خذت نفس وهي تقوم تطلع لها ملابس وتأخذ شور و طلعت وهي تنشف شعرها طالعت بالمرايه بوجها الي باين عليه التعب بوضوح طلعت وهي تمشي لغرفة العيال ما حصلتهم نزلت وما شافت احد نادت ميري الي قالت لها انهم طلعوا مع سعود سندت ظهرها على الكنبه غمضت عيونها حست بحركه خفيفه ببطنها فتحت عيونها على صوت جوالها يرن شافت الجوري تتصل ردت : هلا والله جوري وهي بالمستشفى تمشي بالممر : هلا فيك حبيبتي اخبارك نوره بصوت مخنوق : مو بخير يا جوري تعبانه حيل جوري بخوف : بسم الله عليك وش فيك نوره : فايز جوري وهي تطالع الارض وبهدوء : شفتيه نوره : ايه بس قال لي كلام ذبحني ياجوري جوري : وش قال وفجأه صدم كتفها في شخص كان مستعجل و طاح جوالها على الارض الشخص انحنى وهو ياخذ الجوال ويعطيها : آسف بس كنت مستعجل اكرر اعتذاري جوري طالعته بعصبيه خذت الجوال بعنف منه ومشت وهي تسب فيه اما هو الي كان يطالع بعيونها ما انتبه الا وهي تأخذ الجوال وتمشي كانت بتتصل بنوره وتكمل سوالف بس ما قدرت وهي تشوف المصابين بحادث ركضت بسرعه لهم وهي تشوف من الي عايش بعد هالحادث الي شكله فضيع _ في بيت احمد بعد ما رجعوا البيت كانت شذى واقفه قدام التسريحه وتتذكر الي صار بالمستشفى قاعدين لحالهم بعد ما طلعوا الرجال شيخه تنهدت : عبدالعزيز رافض يتزوج كل ما افتح معه السالفه يسكرها و يتهرب اسيل : يمه خليه براحته شيخه : ابي افرح فيه واشوفه معرس صالح بتعب : بتشوفينه بس لا تضغطين عليه شيخه : في بالي وحده تطير العقل أخاف تنخطب اسيل : من هي شذى بلا شعور : الله يستر بس من ذوقك يا خاله شيخه بدهشه : شقصدك يا شذى شذى بلعت ريقها : هاه ايه اقصد ذوقك روعه ماشاء الله يا خاله والله يوفقه وقفت وهي تسلم على ابو احمد : اجر وعافيه يا خالي انا استأذن صالح : اذنك معاك يا بنتي طلعت وهي تزفر براحه صحت من سرحانها على صوت فتح الباب الي خوفها بلعت ريقها من نظرات احمد : فـ فيك شي احمد قفل الباب وهو ينزل عقاله وشماغه وفتح ازرار ثوبه ومشى لها : وش سويتي اليوم شذى بخوف ان خالتها قالت له شي عن الي صار تعرفه اذا عصب ما يرحم : ما ما سويت شي احمد مسك يدها ولفها لوراء بخفه شذى ترجف منه تجمعت دموعها بعيونه: احمد قول لي شسويت احمد ابتسم وهو يشوفها مغمضه عيونها بخوف فك يدها و ضمها من وراء و حط ذقنه على كتفها :طيب اهدي ليش ترجفين كل هذا خوف مني كنت امزح معك شذى بغيض منه :سخيف انت ومزحك فكني بروح لعيالي احمد ببرود :عشان اذا قلت لك لا مابي عناد فاهمه شذى بضيق يالله شكثر تكره بروده دفته ومشت احمد مسكها من يدها وسحبها طالع بعيونها :خلاص عاد حبيبتي ما راح امزح معك مره ثانيه شذى بزعل : وخر احمد : ما راح اوخر وش بتسوين شذى سكتت بقهر منه احمد ضحك : حلوو ايه ابيك كذا بدون عناد شذى صدت عنه احمد لف وجها له و يطالع بعيونها الي تلمع بدموعها رفع راسها له ليقبلها بين عيونها وبهمس : احـبـك شذى طالعته بصدمه لاول مره تسمعها منه رغم كل هالسنين الي مرت الا انها في الفتره الاخيره كانت تشوف الحب بأفعاله ونظراته بس نزلت دموعها و بحب : وانا اموت فيك _ في سيارة سعود ساند راسه لوراء ينتظر عياله يطلعون ويفكر بحل لعبير الي باين ان زوجها مسافر دق بوري شافهم يطلعون وعبير وراهم فتحت باب السياره الي جنب السواق : اخبارك سعود سعود : بو عبدالله لو سمحتي عبير : طيب ليش ما نزلت نقعد نسولف سعود طالعها باحتقار : عندي زوجة تنتظرني في البيت وما ابي اتأخر عليها عشان شي تافه عبير بعصبيه : قد كلامك يا سعود سعود عض شفته بغيض وقهر من ابتزازها له :خلاص ادخلي بيتك راسي مصدع وبينا اتصال عبير ابتسمت بخبث : انتظر اتصالك قفلت الباب ومشت حرك سيارته وهو يستغفر قهرته وقف قدام بيته نزلوا عبدالله ومحمد وركضوا لداخل البيت شافوا نوره وركضوا لها قعدوا جنبها نوره بتعب : هلا بالحلوين وين كنتوا عبدالله : رحنا عند ماما نوره انصدمت ان سعود وداهم لها وهي تعرف برفضه لهالموضوع دخل سعود محمد : ايه ماما حتى هي كلـ... سعود قاطعه بسرعه : نوره العشاء جاهز نوره : ايه نادت ميري تجهز العشاء على الطاوله : يلا حبايبي روحوا تعشوا عبدالله : احنا تعشينا عند ماما عبير واخذ محمد وراحوا للغرفه سعود : طيب وانتي ما تبين عشاء نوره بهدوء : لا سعود : قومي تعشي معاي ما احب اكل بروحي نوره : طيب ممكن تقول لي ليش خذت العيال لأمهم سعود عقدت حواجبه : عادي امهم نوره : بس انت كنت رافض وش الي خلاك توافق سعود : فكرت ان يمكن تكون مشتاقه لهم نوره طالعته فتره خذت نفس وهو توقف : يلا تتعشى سعود زفر بهدوء :يلا _ مرت خمسه ايام اسيل طلعت من بيتها وهي تكلم السواق يروح بيت سمر صديقتها الي عزمتها عندها وصلت استقبلتها سمر وهي تسلم عليها : يا هلا والله وحشيتيني من زمان ماشفتك اسيل وهي تمشي بدلع : ما يوحشك غالي حبيبتي اسيل شافت ام تركي وراحت تسلم عليها : اخبارك خالتي ام تركي بابتسامه : بخير يا بنتي انتي اخبارك وكيف صحة الوالد والوالده اسيل : الحمدلله احسن دخلت منال كشرت وهي تشوف اسيل شافت نظرة امها الحاده ابتسمت ابتسامه مصطنعه : يا هلا بأسيل اسيل ببرود : هلا فيك منال : اخبارك اسيل : بخير انتي اخبارك منال : بخير قبل لا اشوفك ام تركي بحده : منال روحي شوفي سمر ليش تأخرت دخلت سمر في يدينها الضيافه : هذاني جيت اسيل طالعت سمر : وين نجلاء و سوسن سمر : طلعوا منال : ياليت رحت معهم بدل قعدة البيت الي تجيب الغثا بس سحبوا علي اوريهم اسيل طالعتها باحتقار تدري انها تقصدها ردت ببرود : ما الومهم الصراحه اذا سحبوا عليك سمر وهي تشوف الوضع متوتر وقفت وهي تصب لامها القهوه مشت لاسيل الي مدت يدها واخذت الفنجان و سولفت مع سمر ارتفع صوت اذان المغرب وقفت ام تركي بتروح تصلي ومنال مشت وخلتهم سمر : اعتذر بالنيابه عن منال اسيل :حبيبتي ولا يهمك سمر : تعالي غرفتي نصلي اسيل وقفت :يلا مشت وراها حست بيد سحبتها لغرفه وكتمت صوتها غمضت عيونها بقوه وخوف ياسر وهو يقفل الباب همس : اشتقت لك اسيل وهي تتنفس بسرعه ودقات قلبها تدق بسرعه : وجع يويسر خوفتني ياسر ابتسم : وش هالجمال يا بنت من زمان ما شفتك اسيل دفته : ياسر روح صلي الحين بتقوم الصلاه ياسر ابتسم : رايح بس كنت ابي اشوفك بعدها عن الباب وفتح وراح اسيل طالعت غرفته حلوه بس مو مرتبه مشت وهي تشوف جواله على السرير مسكته فتحته استغربت ان ماعليه باسورد ابتسمت بخبث وبعد دقيقتين نزلته مشت للباب طلت براسها تشوف اذا فيه احد بس كان فاضي مشت بسرعه دخلت لسمر تسندت على الباب وهي تاخذ نفس براحه سمر سلمت من صلاتها وباستغراب :وين كنتي اسيل رن جوالي ورديت عليه وتأخرت _ في بيت سعود رن جوال سعود نوره نزلت نظرها للجوال ببرود سعود اخذ جواله وهو يرد على المتصل فيه نوره طالعته وهو يسولف مع واحد انتظرته يكمل عشان تسأله اذا بيودي العيال لامهم قفل سعود نوره : راح ينامون اليوم عند امهم وقبل لا يرد سعود تكلم محمد بسرعه وهو يقعد جنبها : ماما ما ابي اروح ابي اقعد معك نوره مسحت على شعره : ياروح ماما انت سعود طالع عبدالله : وانت عبدالله : ما ابي اروح لحالي سعود مسك راسه بضيق نوره بهدوء : وش مضايقك سعود رفع نظره لها وابتسم : مو مهم نوره ببرود :للحين تحبها سعود طالعها بدهشه : ايش ! نوره وقفت : سلامتك سعود طالعها وهو عاقد حواجبه سند ظهره على الكنبه وغمض عيونه بضيق رن جواله ما اهتم وهو على نفس الوضعيه عبدالله : بابا جوالك يرن سعود فتح عيونه وعدل جلسته وهو ياخذ الجوال فتحه : نعم عبير : ولهت على العيال سعود رفع حاجب : جد شوي واصدق عبير : متى راح تجيبهم سعود بسخريه : رافضين يبون يقعدون ما امهم عبير بصدمه : ايش سعود :الي سمعتيه عبير : سعود لا تستفزني انت تعرف وش اقدر اسوي بثانيه بس سعود ابتسم على جنب : والمطلوب عبير ابتسمت : اجيكم البيت سعود توسعت عيونه : نعم مستحيل عبير : اشوفك بكرا سعود نزل الجوال بعد ما قفلته يستوعب الي قالته وقف وهو يركل الطاوله القزاز بقوه طاحت على الارض وصوت تكسرها صدح في البيت كله عبدالله محمد فزوا بخوف مشى وهو يصعد الدرج بخطوات سريعه وقف قدام التسريحه وهو يحط جواله و مفتاح سيارته ويفسخ ساعته و كبك الثوب لف ودخل الحمام يكرم القارئ ونوره تطالعه بهدوء نزلت نظرها لجوالها تكمل سوالفها مع ثريا _ عند ياسر سند ظهره على السرير يفكر بأسيل مد يده وهو ياخذ جواله بيتصل لها انصعق وهو يشوف عليه رمز عض شفته بقهر وقف وطلع و هو ينادي خواته بصراخ طلعوا له كلهم نجلاء : خير ياسر وش فيك تصارخ ياسر بعصبيه : من الي سوا الباسورد على جوالي بسرعه سوسن : واحنا شدرانا تونا جايين من برى سمر :ياخوي محد دخل غرفتك اليوم انا كنت قاعده مع اسيل ومنال راحت غرفتها وما طلعت منال :اي صح محد دخل غرفتك ياسر طالع سمر وهو يفكر اسيل ايه هي من غيرها :عطيني جوالك سمر بتوتر :لـ ليش ياسر بعصبيه :عطيني اياه وبس سمر مدته له ياسر :افتحيه بسرعه سمر فتحته وعطته اخذه ودخل الغرفه وقفل الباب بقوه منال: اخوكم لما يعصب يخوف سوسن: ايه والله بس الحمدلله في تطور ما طلع حرته فينا نجلاء ضحكت: فيه شي مو طبيعي سمر : بسكم حش فيه _ عند اسيل انفجرت ضحك وهي تتخيل ردة فعل ياسر لما يشوف جواله وقفت ضحك على صوت رنين جوالها ردت : هلا سمور ياسر بعصبيه : سمور بعينك وش سويتي بجوالي اسيل ضحكت : ابد بس شفته و رجعته مكانه ياسر بقهر : لو كنتي قدامي الحين ذبحتك اسيل بدلع : اهون عليك ياسر : ايه عشان تبطلين حركاتك هاذي اسيل : امزح بس شفيك صاير عصبي ياسر : ما احب هالمزح و يكون بعلمك جوالي ما احب اي احد ياخذه مهما كان السبب اسيل بزعل : طيب ياسر ابتسم : زعلتي الحين من المفروض يزعل وربي لو وحده من خواتي سوت هالحركه معي ما رحمتها وانتي تعرفين اني عصبي اسيل : ياسر ترى تخوفني ياسر بابتسامته : احسن اسيل : طيب مع السلامه ياسر : لحظه عطيني الباسورد اسيل ضحكت وهي تعطيه ياسر بهمس : بكرا راح اجي اخطبك اسيل عضت شفتها : تصبح على خير ياسر بابتسامه : وانتي من اهله _ صباح يوم جديد سعود طلع من بيته وهي يحرك السبحه بيده ومروق وقف عند الباب وانصدم وهو يشوف عبير نازله من السياره وكاشخه و ريحة عطرها قويه وقفت قدامه بابتسامه : صباح النور سعود رجع لوراء: وش جابك عبير : قلت لك اشوفك بكرا سعود : ادخلي لا تفضحينا عبير دخلت الحوش سعود رفع جواله يطقطق فيه طالعها : للمره الثانيه وش جابك عبير مسكت يده : الشوق جابني لك سعود سحب يده منها : انهبلتي انتي متزوجه صوني زوجك واحفظيه بغيابه عبير : بس انا ما ابيه ابيك انت سعود ابتسم بسخريه : ليش مو مشاري غني وكريم ويسفرك لاي دوله تبينها ويعطيك كل شي بخاطرك عايشه حياتك مثل الاميرات وش ناقصك عبير : ناقصني الحب انا ما اشوف الحب والاهتمام و الشوق بعيونه مثل ما كنت اشوفه واحس فيه معك سعود انا راح اطلق منه ورجعني اشرت لقلبه انت للحين تحبني صح سعود رفع جواله وهو يحطه بجيب ثوبه : نعم وش قلتي تبين ارجعك ابتسم ابتسامه واسعه : بأحلامك سعود الي كان يدور رضاك مات وانا مستحيل اتزوج على نوره حطي هالشي في بالك عبير بقهر وعيونها مليانه دموع رفعت جوالها بوجهه : وربي لانشر صورها الحين وقدامك و اخليك تندم وتتـ.. ما كملت كلامها وهي تشوف سعود سحب الجوال بسرعه ما توقعتها طالع بعيونها ورمى جوالها على الارض بقوة كبيره نزل نظره للجوال وداسه برجله : يالله ورني كيف راح اندم صراحه اثبتي لي انك وحده غبيه ورخيصه عبير توسعت عيونها بصدمه رفعت يدها بقهر بتعطيه كف بس مسك يدها وبصوت منخفض :احمدي ربك ما فضحتك وسترت عليك قدام زوجك واهلك رمى يدها بقوه وهو يطلع جواله و يفتح التسجيل الي بصوتها بكل الكلام الي قالته له وبخبث : اممم وش رايك ارسله لمشاري ولا سامر ولا الاثنين عبير طالعته بصدمه تستوعب نوره الي واقفه قدام الدريشه و دموعها نزلت بقهر وغيره وهي تشوفه واقف معاها وحركات عبير نرفزتها خذت الجلال وطلعت بخطوات سريعه فتحت باب البيت وطلعت لف عليها سعود وهو يشوف تعابير وجها مشت نوره وقفت قدام عبير وضربتها كف باقوى ما عندها طلعت كل قهرها فيه الله اكبر ، سبحان الله ، الحمدلله | ||||||||
|
| |
|
13-06-20, 12:27 AM
| #14 | ||||||||
| مراقبة عامة ومشرفة منتدى الروايات المنقولة
| البارت الثاني عشر مشت نوره وقفت قدام عبير وضربتها كف باقوى ما عندها طلعت كل قهرها فيه سعود انصدم وعبير طالعتها بحقد وكره نوره بانفعال : ما قلت لك بعدي عنه انتي بأي لغة تفهمين سعود : نوره ادخلي داخل نوره بعصبيه : ما راح ادخل طالعت عبير : اطلعي برى بيتي يا الـ### سعود طالعها بدهشه نوره بصراخ دفتها : برى ما تفهمين برى عبير : شوف الي فضلتها علي مجنونه ووقحه نوره : ايه مجنونه وممكن اذبحك بهاللحظه واقطعك بعد عبير مشت لسياره وحرك السواق سعود لف لها بهدوء: نوره من متى كلماتك صارت بهالسوء نوره : من اليوم تعبت امثل المثاليه وما القى غير الخيانه والألم سعود مسكها من يدها وهو يمشي بخطوات سريعه دخل البيت و صعد الدرج دخلها الجناح وهو يشوفها ترجف بقهر وعصبيه مسك وجها بين يدينه : حبيبتي اهدي نوره دفت يدينه بانفعال وكأن هدوئها قبل ايام كان الهدوء الي يسبق العاصفه وكالعاده سعود الي يكون بوجه هالانفجار : لا تكذب علي لو انا حبيبتك ما تخوني مع هالحقيره انت خاين و كذاب ومنافق سعود طالعها بهدوء ونظراته احتدت نوره رجعت لوراء وهي تحرك يدها بانفعال : وثقت فيك قلت سعود مستحيل يسويها هو يخاف الله وما يعصيه وما راح يخوني تتصل فيك نص الليل اكثر من مره مشيتها كل يوم والثاني رايح لها بحجة العيال قلت معليش يا نوره عشان العيال بس تدخل لبيتها وتخليها تجي لهنا وسوالف معها ولا كأن معك زوجة في البيت لا هنا وبس يا سعود مسكت بطنها بألم سعود بهدوء وهو يحترق من الداخل من كلامها : مو واثقه من حبي لك نوره بلا شعور : الي يحب ما يخون ياسعود اي حُب الي تتكلم عنه قولي اي حُب الي لازم اوثق فيه .. قاطعها سعود و هو يرميها بجواله بلا شعور ليقطع سيل كلماتها السامه نوره لفت راسها من قدام جواله الي كان راح يصيبها بجبهتها وهي مو مستوعبه ان سعود رماها فيه سعود بجمود : بس خلاص لا اسمع لك كلمه ثانيه اشر على جواله الي طاح على الارض : شوفيه وراح تعرفين سبب خيانتي لك لف وطلع من البيت وهو مغبون ماتوقع هالكلام منها ابد ركب سيارته و مشى نوره قعدت على ركبها وهي تحس بألم فضيع خذت نفس بعمق عشان تهدى من عصبيتها وانفعالها مدت يدها لجواله الي انكسرت شاشته وهي تاخذه فتحت على المكالمات والمسجات راحت الواتس شافت محادثه عبير كاتبه " انتظرك " ارتجفت يدها وهي تدخل المحادثه توسعت عيونها وهي تشوف صورها وكلام عبير نزلت دموعها بألم وندم صرخت وهي تحس بألمها زاد سندت ظهرها وهي تاخذ نفس وتزفره غمضت عيونها بعد دقايق حست بألمها خف وقفت وهي تأخذ منشفتها بتأخذ شاور __ في بيت ابو احمد كانوا قاعدين في مجلس الرجال صالح و اسامه واحمد بس ناقص عبدالعزيز انطق الجرس وقف اسامه وهو يروح يفتح الباب ابتسم وهو يرحب بتركي وياسر و دخلهم سلموا على صالح واحمد تركي : اخبارك يا عم طمني عن صحتك صالح ابتسم :الحمدلله بخير تركي :الحمدلله يا عم احنا جايينكم اليوم نبي نخطب بنتكم لاخوي ياسر ونسبكم ينشرى بالذهب صالح ابتسم :هاذي الساعه المباركه واحنا وين نلقى احسن من ياسر ياسر ابتسم احمد :وين تشتغل ياسر :مدير قسم الشؤون الماليه والمحاسبه في شركة الـ.. اسامه كان يطالعه بهدوء وهو يرد على اسئلة احمد صالح :نسأل عنك وناخذ راي البنت ونرد لك خبر ياسر بتوتر :اقدر اشوفها اسامه طالعه بحده :نعم تركي :قصده نظره شرعيه اسامه كان بيرفض بس تكلم صالح: اي اكيد اسامه قوم ناد اختك اسامه :بس يبه صالح قاطعه :بدون بس يالله اسامه وقف وراح لها طق الباب فتحت تفاجأ فيها كاشخه طالعها بشك :وش عندك كاشخه اسيل :ياليل يعني ما اكشخ الا اذا في شي كل يوم اكشخ اسامه ابتسم على جنب : بس اليوم بزياده اسيل طالعت شكلها بالمرايه حاطه مكياج ناعم و شعرها رافعته كله اسامه :المهم جايينك خُطاب ويبي يشوفك نظره شرعيه اسيل ابتسمت على جنب قال نظره على اساس مو عارفها وحافظ شكلها: طيب اسامه وهو يطالع لبسها: لبسي عبايتك وتعالي اسيل :طيب ومشت معاه دخل غرفه كان موجود فيها صالح و ياسر طلع وهو يقول لها ادخلي ومشى لاحمد وتركي دخلت وهي مرتبكه :السلام عليكم ردوا السلام ياسر فهى فيها ودقات قلبه زدات بشوفتها بعد دقايق وهي ترد على ياسر بهدوء وقفت وهي تطالعه بنظره ما فهمها ورمت كلمه كانت كالسهم واشد وجعا على ياسر وهي تنطق ببرود :يبه انا مو موافقه صالح طالعها باستغراب :ليش اسيل : ما ارتحت له ومشت طالعه تاركه وراها ياسر الي كان طاير بالسماء من الفرحه وفجأه طاح على الارض بقسوه مصدوم قالت مو موافقه صالح وقف بضيق وهو يربت على كتفه :سمعت ردها يا ولدي مالك نصيب عندنا ياسر طالع قدامه وهو يحس نفسه مخنوق فتح ازرار ثوبه وطلع لتركي :تركي مشينا تركي وهو مستغرب من وجه ياسر الي قالب للاسود طلع معه :وش فيك شصار ياسر مد مفتاح سيارته لتركي : سوق انت تركي اخذه وركب مكان السايق : ياسر قولي شصار ياسر بضيق : رفضت تركي بصدمه : رفضت مو انت قلت انك ضامن موافقتها ياسر سكت مغبون ما رد _ عند عبدالعزيز الي اتصل عليه ابوه من ساعه يجي بس ما قدر كان مشغول وقف سيارته بعد ما شاف الزحمه الي قدامه والناس المتجمعه نزل من السياره مشى سأل واحد من المتجمعين : خير شصاير الرجال بأسى : واحد مسوي حادث الله يكون بعونه ويقومه بالسلامه عبدالعزيز لف على صوت الاسعاف الي جاء ونزلوا بسرعه يشوفون الي سوا الحادث حي او ميت بس كان للحين عايش رغم انه فاقد الوعي بعد ما نزف كثير وكان فيه جرح كبير في راسه و الدم نازل على وجه نقلوه للسرير بسرعه عبدالعزيز طالعه بفضول وهو يحس هالشخص مو غريب عليه شافه من قبل بعد ما تحركت سيارة الاسعاف لطريق المستشفى مشى لسيارته وحرك رايح لبيتهم _ في المستشفى جوري بعد ما شافت مرضاها مشت رايحه لمكتبها بس وقفت وهي تشوف الي جايبينه على السرير مبين انه صار معه حادث سياره مروا من جنبها وتوسعت عيونها بصدمه وهي تطالع المصاب و هالشخص كان زوج اختها سعود مشت وراهم بسرعه وهي تشوفهم يدخلونه غرفة العمليات _ عند نوره الي قاعده مع العيال تذاكر لعبدالله اخر امتحان عليه وعقلها مشغول مو قادره تركز قفلت الكتاب : نكمل بكرا عبدالله : طيب محمد : ماما وين بابا ما شفته اليوم نوره الي شاغل بالها سعود وين راح شلون تعرف اذا جواله هنا زفرت بهدوء : عنده شغل بيخلصه وبيجي تهز رجلها بتوتر بس تبي تتطمن عليه بعد ما جرحته بكلامها رن جوالها ردت: الو .. هلا يمه لا ما اقدر يمكن سعود يرجع وما يحصلني .. من .. خلاص طيب جايه بس ماراح اطول مع السلامه نادت ميري تروح تجيب عبايتها ولفت على العيال : يلا بنروح بيت بابا حسام عبدالله ومحمد : طيب يلا مشت نوره لبيت اهلها فتح لها سعد دخلت مع العيال وهي تسلم استغربت هدوئهم نوره بخوف : صاير شي نوال مسكت يدها وشدت عليها حسام بهدوء وهو يطالعها يفكر كيف يوصل لها الخبر راح تعرف سوا الحين او بعدين اخذ نفس : نوره يا بنتي انا عارف انك مؤمنه بالقضاء والقدر نوره ارتجفت وامتلت عيونها دموع شدت على يد امها و تفكيرها بسعود وبس : سـ سـعود فيه شي حسام تنهد : سوا حادث اليوم نوره ارتخى جسمها بصدمه وهي تتذكر تعابير وجهه ونظرته لها قبل لا يطلع وبصعوبه نطقت : م مـاات حسام هز راسه : لا لا تفاولين عليه هو عايش نوره نزلت دموعها تحس انها هي السبب بلي صار له تكلمت بصوت يرجف : ابي اشوفه يبه بروح له نوال ضمتها : بتروحين له بس انتي اهدي نوره ببكا : انا زعلته وصار له الحادث انا السسب يمه نوال : الي صار قضاء وقدر لا تلومين نفسك طالعت حسام بضيق وسعد الي كان قاعد متضايق وعبدالله بكى بخوف من بكاها راح محمد لها وهو يبكي: ماما ليش تبكين عبدالله وهو ما يدري عن شنو يتكلمون مسح دموعه : ماما في شي يعورك نوره بألم ضربت صدرها : هذا يعورني حيل حسام طالع العيال : عبدالله محمد روحوا مع سعد ماما تعبانه باخذها المستشفى محمد : لا ما ابي بروح مع ماما حسام تنهد نوال وقفت بضيق وبهدوء : محمد حبيبي تعال معاي سعد عنده العاب كثيره بتعجبكم عبدالله طالع نوره الي وقفت وهي تعدل شيلتها و بيدها مناديل نوره طالعته : حبيبي روح مع سعد لا تخاف علي عبدالله : طيب مشى وهو يلحق نوال وسعد ومحمد لبست نقابها وطلعت مع ابوها للمستشفى __ في بيت بو تركي ياسر دخل مر من جنبهم وما سلم مشى متوجه لغرفته ما يبي يشوف احد ام تركي : وش فيه اخوكم طالع فرحان وش الي قلب حاله نجلاء : خير ان شاء الله دخل تركي وهو يسلم مشى لأمه وهو يحب راسها طالعوا تعابير وجهه منال : بشر عسى ما تمت هالخطبه سوسن : والله شكله هذا الي صار سمر : تركي شصار تركي سند ظهره : ايه استانسي منال ما تمت الخطبه منال بفرحه : يس اصلا هالشينه ما تناسبه ام تركي بحده : منال اسكتي خلنا نفهم شصار طالعت تركي تركي : ما ادري شصار بس البنت رفضته منال بصدمه : نعم رفضته سوسن : ليش وش ناقصه اخوي نجلاء : مالت عليها ياسر الف بنت تتمناه سمر : مغروره هو يحصل لها ياسر عشان ترفضه ام تركي بعصبيه : بس خلاص انتي وياها يمكن خيره له ولا تتكلمون بهالموضوع قدامه فاهمين البنات هزوا راسهم بأيه تركي مسك يد امه وباسها : اهدي يالغاليه مو زين لك العصبيه ام تركي خذت نفس عميق ووقفت و طلعت من الصاله تركي طالع خواته : انا طالع مع السلامه طلع من البيت رايح لبيته وهما استلموا اسيل حش صح سمر صديقتها المقربه بس تضايقت انها رفضت ياسر في غرفة ياسر مسك تحفه ورماها على الجدار بقوه قعد على السرير و كلمات اسيل تتردد في راسه : مو موافقه ما ارتحت له قبض على كف يده بقوه لما برزت عروقه مسك جواله وهو يتصل عليها في كل مره ما ترد يرجع يتصل من جديد و اخيرا ردت ببرود : نعم ياسر بعصبيه وهو يتنفس بسرعه : ليش سويتي كذا اسيل باستفزاز : ليكون صدقت ان احبك واو ما كنت ادري اني ممثله بارعه ياسر : يـا حقيره الله ياخذك يا#### توسعت عيون اسيل بصدمه من السبه الي وجها لها : احترم نفسك وثمن كلامك مو اسيل الي تنسى الاهانه ورديتها لك والبادي اظلم ياسر صرخ بعصبيه :هين يا اسيل لعبتي مع الشخص الغلط قفل و اخذ نفس عميق وهو يحاول يهدأ سند ظهره على السرير تخيلها قدامه فتح عيونه تنهد وهو يضرب قلبه الي انكسر برفضها له ليش حبيتها هالمغروره بس مع كل عيوبها تعلق فيها و حبها لدرجة كبيره _ في المستشفى دخل حسام ومعاه نوره تمشي بخطوات ثقيله خوف وتعب وقف عند الاستقبال وهو يسأل عن شخص مسوي حادث قبل ساعه تقريبا وقالو له بغرفة العمليات مسك يد نوره : يلا يبه امشي وصلوا و قعدوا ينتظرون اي احد يطلع يطمنهم نوره قلبها يدق بقوه وحاسه برجفة بجسمها ومغص ببطنها وغثيان وتعب بعد ساعه حستها دهر وهي تتنظر طلع الدكتور وهو يبعد الكمامه عن وجه بتعب و طلعت وراه الجوري الي تزفر براحه وقف حسام : دكتور طمنا عليه عساه بخير نوره وقفت وهي تنتظر الدكتور يطمن قلبها الي ماهدت دقاته من الخوف والقلق الجوري مشت وهي تمسك يد نوره الدكتور : الحمدلله تعدى مرحلة الخطر نوره وابوها : الحمدلله الدكتور : احنا سوينا الي علينا بس راح ننتظر تمر ٢٤ ساعه اذا صحى فهو بخير بس اذا لا نوره : و اذا لا الجوري طالعتها بضيق وصدت عنها الدكتور تنهد : اذا ما صحى هذا يعني ان دخل بغيبوبه حسام : لا حول ولا قوة الا بالله الدكتور : الحمدلله على سلامته نوره غمضت عيونها بعد ما حست كل شي صار اسود قدامها ما قدرت تتحمل ارتخى جسمها و اغمى عليها الجوري بخوف : نوره _ في بيت ابو احمد غرفة اسامه اسماء طالعت اسامه الي قاعد على السرير وبيده جواله لفت له وهي ترجع شعرها لوراء ظهرها : حبيبتي ما قلت لي شصار اليوم ومن الي جانا اسامه طالعها : على اساس ما تعرفين من اسماء : ايه اعرف جايين يخطبون اسيل بس شصار اسامه نزل جواله على الكوميدينه :اسيل رفضت احسن لان هالياسر ما ارتحت له اسماء : ما تحس الموضوع في ان اسامه طالعها : لا مو اول مره ترفض اسماء : ايه بس في كل مره كانت تأخذ وقت تفكر و تصلي استخاره وبعدها ترد بس هالمره ردته بدون تفكير اسامه يفكر بكلامها : يمكن شايفه عليه شي اسماء ابتسمت بخبث : ليش هي من وين تعرفه عشان تشوف عليه شي اسامه وكلامها دخل الشك براسه اخذ نفس عميق : ما تبين تنامين اسماء وقفت وهي تمشي لسرير فسخت روبها وحطت راسها على صدره : حبيبي لا تشغل بالك اسامه بهدوء : اسماء خلاص اسكتي بنام مد يده وطفا نور الابجوره _ في المستشفى حسام : طمنيني يا دكتوره بنتي كيفها الدكتوره : عندها فقر دم حاد لانها مو مهتمه بأكلها ولا حملها حسام : الطفل صار له شي الدكتوره : لا الحمدلله هو بخير حسام : الحمدلله مشكوره دخل عندها مشى وباس جبينها وهي يدعي الله ان لا يصيبها مكروه من الضغوط الي تمر فيها من جهه فايز الي مايدري عنه ومن جهه سعود فتحت عيونها وهي تشوف ابوها واقف معاها نزلت نظرها ليدها الي فيها المغذي قعدت وهي تحس بتعب حسام : يا بنتي لا تعبين نفسك نوره : ابي اروح اشوف سعود يبه شيل المغذي من يدي حسام تنهد مد يده وهو يبعده خذت الكلينكس تضغط على يدها نوره : يبه وينه حسام مسكها : تعالي مشي معاها لين وصلوا لجناح سعود وقفت الممرضه قدامهم : بس واحد يدخل حسام : طيب يالله يا يبه ادخلي نوره فتحت الباب بيد ترجف و دخلت وقفت وهي تشوف الاجهزه حوله قربت منه بهدوء وهي تناظره بدون حركه على السرير رفعت نظرها لشاش الي يغطي راسه والجروح الي بجسمه قعدت على الكرسي مسكت يده اليسار الي كانت اقرب لها وهي تشوف الثانيه فيها المغذي رفعتها وهي تقبلها بعمق ونزلت دموعها بغزاره والم طالعته وهمست : انا أسفه سعود أسفه على كل شي زمت شفايفها بألم من حالة سعود : حبيبي قوم وعد ما راح ازعلك ولا اضايقك بكت احنا محتاجينك تكفى قوم ارجع لنا شدت على يده : حبيبي انا واثقه فيك واثقه من حبك لي والله واثقه بس ما اعرف وش صار لي لما شفتك معها انا احبك وربي احبك ما اتخيل حياتي بدونك ولا اتحمل اخسرك تكفى حبيبي قوم اذا مو عشاني عشان عيالك دخلت الممرضه : خلاص يلا اطلعي نوره مسحت دموعها :خليني بس شوي الممرضه بأسى على حالها : ما اقدر نوره وقفت انحنت عليه وباست جبينه وهمست له : استودعتك الله حبيبي طلعت وهي ما ودها تفارقه جوري الي خلصت دوامها مشت لها : نوره حبيبتي يالله مشينا عشان ترتاحين نوره : ما اقدر اقعد معاه جوري هزت راسها : لا وبعدين العيال محتاجينك نوره تنهدت ومشت مع ابوها والجوري _ يوم جديد نوره وهي تجهز عبدالله للمدرسه ما قدرت تدرسه عدل بسبب الي صار معها و اليوم اخر امتحان عنده وراح تبدا العطله الصيفيه تنهدت : حبيبي حل كل الي تعرفه لا تخلي ولا سؤال فاضي طيب عبدالله باس خدها : طيب نوره : الله يوفقك يلا تفطر يا بطل عبدالله : يلا طالعت سعد : وش فيك متضايق سعد : خايف الامتحان يكون صعب نوره : انت درست عدل سعد : ايه نوره : خلاص الله يوفقك ياقلبي يلا هانت بتخلص امتحاناتك بكرا سعد بفرح : مستانس حيل بنعطل نوره : خلاص لا تزعجون محمد سعد : حظه ماعنده دوام مشوا و شافوا الكل يفطر راح سعد وهو يقعد حنب ابوه ونوره مقابل الجوري عبدالله جنبها حسام وقف : يلا بوصلكم وقفوا الجوري وسعد وعبدالله وراحوا معاه _ في بيت ابو احمد اسامه وقف قدام غرفة اسيل وهو يفكر بكلام اسماء طق الباب اسيل : تفضل فتح الباب ودخل اسيل : يا هلا والله اسامه : ابي اتكلم معاك اسيل : طيب ادخل قفل الباب ومشى اسامه وهو يقعد قدامها تكلم بدون مقدمات : ممكن اعرف ليش رفضتي الي تقدم لك بدون حتى ما تفكرين اسيل ارتبكت وبان عليها واسامه يطالعها و بهدوء : كذا ما ارتحت له اسامه بشك : في شي مخبيته عنا اسيل : لا وش بكون مخبيه يعني بعدين ليش كل هالأسئله اتوقع مو اول مره انخطب وارفض اسامه : طيب وين جوالك اسيل بصدمه وخوف : لـ لـ ليش اسامه رفع حاجب : بس ابيه اسيل مدت يدها لجوالها وعطته اسامه اخذه وهو يفتش فيه قفله وطالعها : اوكي اتمنى ما تخيبين ظني فيك اسيل هزت راسها و خذت جوالها وهي تطالعه يطلع زفرت انفاسها بعمق الي كتمتها خوف من ان ياسر يتصل او يرسل شي مع انها حذفت كل شي يخص ياسر بعد مكالمتها معه طالعت لقدام وهي تفكر وش الي خلا اسامه يشك فيها وفجأه توسعت عيونها وهي تتذكر الموقف الي صار لها مع اسماء " قفلت اسيل من ياسر ولفت بتقوم بس انصدمت وهي تشوف اسماء تطالعها بابتسامه مستفزه : من ياسر اسيل وهي توقف وتطالعها وببرود : حبيبي عندك مانع اسماء ضحكت بصوت عالي : اووه وصرنا نحب يا اسيل اسيل : انشغلي بنفسك ومالك دخل فيني " ضغطت على جوالها بقوه : مافي غيرها هالحيه اكيد هي الي دخلت الشك براسه _ نوره : يمه بروح المستشفى تجين وياي نوال : طيب ومحمد نوره خذت نفس عميق : ناخذه معنا نوال : ما يصير يشوف ابوه بهالحاله لفوا على صوت الجرس ركض محمد يفتح الباب دخلت ثريا : السلام عليكم ردوا السلام بهدوء ثريا : اخبارك نوير من زمان ماشفتك نوره تنهدت : الحمدلله على كل حال ثريا : فيكم شي شصاير نوال خذت نفس : خلاص نوره روحي انا بقعد مع ثريا ومحمد بس من بيوديك نوره رفعت جوالها : بتصل لسواق يجهز السياره وينتظرني قدام بيتنا وبعدين بمر بيتي نوال : طيب بس لا تقعدين لحالك في البيت ننتظرك هنا نوره :طيب ثريا : ليش سعود وينه مسافر نوره بهدوء : لا في المستشفى ومشت بتجهز بتروح له _ عند اسيل طلعت من غرفتها ونزلت وما حصلت احد ابتسمت وهي تشوف شذى جايه : هلا والله جيتي بوقتك شذى : هلا فيك اخبارك حبيبتي اسيل : الحمدلله انتي اخبارك شذى : تمام وين خالتي محد اسيل : ايه محد وانا طفشانه ومالي خلق اطلع شذى بدت تسولف وياها بس لفوا على فايز الي جاي لهم يركض اسيل : فايز وش فيك فايز وقف عندها وهو يتنفس بسرعه من الركض شذى وقفت وهي تصب لها مويه اسيل : خذ اشرب فايز مسك الكاسه وهو يشرب اسيل : ليش تركض من لاحقك فايز : اسماء اسيل كشرت : خير وش تبي منك فايز وهي يأشر على الساعه الي كانت بيده: بس دخلت غرفة بابا اخذ ساعتي نسيتها عندهم وطاح عطرها وانكسر عمتي راح تضربني اسيل وهي اصلا حاقده على اسماء: نعم تضربك تخسي والله لاكسر يدها شذى ابتسمت : كفوو قعد فايز جنب اسيل اسماء كانت معصبه لانه انكسر عطرها المفضل طلعت وراء فايز بس من شافت اسيل وشذى ابتسمت غصب ما تبي مشاكل مع اسامه خذت نفس وهي تنادي الخدامه تروح تنظف القزاز فوق بغرفتها مشت وهي تسلم على شذى ببرود اسيل : سمعت انك ناويه تضربين فايز اسماء بلا مبالاه : لا طبعا ليش اضربه اسيل : احسب بعد لفت لشذى : وين ملاك شذى : برى في الحديقه مع اخوانها اسيل : وربي اشتقت لهم عقبال ما اشوف عيال عبدالعزيز اسماء ببرود : وليش ما تقولين عيال اسامه اسيل وهي تضم فايز : لا يكفينا هالحلو اسماء بنرفزه كانت بترد بس رن جوالها وقفت وهي ترد على اختها وراحت فايز طالع شذى : عمتي طلال جاء شذى : ايه برى يلعب فايز وقف وطلع يلعب معاه وشذى تطالعه وهي تذكر امه حاولت من فتره قصيره تتصل فيها بس شكل نوره غيرت رقمها _ في المستشفى مسكت يده: حبيبي اصحى ما بقى شي على رمضان شلون بنصومه بدون حسك معنا سعود قوم تكفى نبيك تكون موجود معنا وبينا سندت ظهرها للكرسي تحرك الجنين ابتسمت وهي تحط يد سعود على بطنها: كلنا مشتاقين لك حبيبي وبعد دقائق من سوالفها معاه ولا حصلت اي استجابه منه مسحت دموعها بيدها وقفت مشت لدورة المياه غسلت وجها وتوضت و مسكت المصحف وهي تقرأ القرآن عند راسه قفلت المصحف لما سمعت اذان المغرب بتصلي خلصت وقفت وهي تقبله بين عيونه ويده: راح اجيك كل يوم حبيبي بحفظ الله خذت نقابها تلبسه و مسكت شنطتها و طلعت وقفت وهي تشوف واحد قدامها ما كان غير صديق سعود وزميله في الشغل بندر رجع لوراء عشان تمر وهي مشت بسرعه بتروح بيتها تأخذ كم غرض لها وللعيال وتأخذ ميري معها وترجع بيت اهلها لان ابوها رفض تقعد لحالها في البيت _ عبدالعزيز طلع من الاستراحه مع صديقة ريان وهو يسولف معاه ذعبدالعزيز: طالع بدري اليوم ريان ضحك: تعبت من اخوياك المخابيل عبدالعزيز ضحك: لا يسمعونك بس ريان : خلاص مع السلامه مشى عبدالعزيز باتجاه سيارته فتحها بس لف على صوت شاف واحد رمى ريان على السياره وطلع السكين وطعنه ببطنه وسحبه بحقد عبدالعزيز الي كان مصدوم راح يركض وهو يضربه بوكس ويرميه على الارض وقف بعصبيه وهو يرفع السكين الي ملطخه بالدم ريان بصعوبه : عبدالعزيز انتبه وراك لف عبدالعزيز مد يده ومسك السكين و طالع بعيونه بحقد ويده تنزف فك السكين و رفسه ببطنه وطاح على الارض : وربي ما اعديها لك وقف الشخص بصعوبه وهرب عبدالعزيز طالع ريان مسكه بيده السليمه وسنده ووصله لسيارته : ريان تحمل الحين باخذك المستشفى دخل وهو يلف المناديل على يده الي يحس فيها بألم فضيع شغل سيارته بيده السليمه وحرك بسرعه للمستشفى وقف وحاول يسند ريان دخل وهو يصارخ على الدكاتره والممرضين الي تجمعوا عليه الجوري طلعت من عند سعود بعد ما شافت ان كل شي تمام ولازال على وضعه مو حاس بشي مشت بتروح بتكمل شغلها وهي تمشي وسرحت بحال اختها وقفت فجأه وهي تنتبه انها ماشيه بممر غلط طالعت قدامها شافت عبدالعزيز واقف وساند جسمه على الجدار نزلت نظرها للارض بتغير طريقها بس شد انتباها الدم الي على الارض رفعت نظرها وهي تشوف يده الي المناديل تغير لونها للاحمر مشت له بهدوء : لو سمحت ممكن تجي معي عشان اشوف يدك عبدالعزيز وهو مو مهتم ليده كل الي يفكر فيه ريان يبي يطمن عليه ويعرف منه من هذا الي اعتدى عليه و ليش طالعها بهدوء ومارد جوري شتت نظرها عنه رغم التعب والالم الي باين على ملامحه الا ان وسيم جدا وبهدوء : يدك تنزف تعال خلني اشوفها عبدالعزيز بتعب : وش دخلك جوري تنرفزت : هذا شغلي عبدالعزيز عض شفته بقهر : ما راح اتحرك قبل ما اطمن على ريان جوري زفرت بهدوء طالعت غرفة العمليات ولفت ومشت عبدالعزيز تنهد قعد على الكرسي بعد دقايق شايفها جايه ومعها ممرضه شايله بيدها ادوات جوري : ممكن تمد يدك عشان اشوفها عبدالعزيز مد يده لها وهي خذت الادوات الي تبيها من الممرضه تنهدت بضيق : لازم خياطه طلع الدكتور وقف عبدالعزيز وهو يشوف الدكتور طلع من غرفة العمليات مشى له بسرعه : دكتور طمني عنه الدكتور : الحمدلله حالته مستقره بس انا لازم ادخل الشرطه هذا اعتداء واضح عبدالعزيز : طيب مشى الدكتور تنهد بهدوء وشاف جوري واقفه : خير وش تبين حس بدوخه من نزيف يده طالعها : طيب خلاص جاي مشى بخطوات بطيئه وراها بعد ما مشت قدامه الجوري بعد ما خيطت الجرح ولفت يده بشاش طالع عبدالعزيز فيها : اتوقع مو اول مره اشوفك جوري وهي تكتب له مسكنات ما رفعت نظرها له ردت بهدوء : ايه التقينا هنا بعد ما صدمت فيني وطيحت جوالي عبدالعزيز ابتسم جوري لفت عليه انصدمت منه قريب منها طالعت ملامح وجهه وهي ترى وسامته الطاغيه و بتوتر : كتبت لك على مسكنات اتمنى ما تهمل يدك عبدالعزيز طاح نظره على بطاقتها وهو يقرأ اسمها : شكرا يا دكتوره جوري جوري : واجبي طلع وقعد على الكرسي برا بتعب واضح طلع جواله وهو يتصل بأسامه يجي له _ عند ياسر ابتسم بهدوء وهو ينتظر رد اسيل على اتصاله ماردت اتصل مره ثانيه ردت اسيل بطفش : ما رديت خلاص افهم ان ما ابي ترد ياسر بهدوء : من قال متصل لسواد عيونك لا بينا حساب ما انتهى اسيل ببرود : وشو اخلص ياسر : اذا انتي ناسيه ان بينا محادثات ومكالمات حبيت اذكرك اسيل بغباء : طيب ياسر ابتسم بخبث : اممم يعني قلت اخبرك قبل لا ارسلهم لواحد من اخوانك او وش رايك ارسلها لابوك يشوف نهاية ثقته وتربيته لبنته اسيل جمدت بصدمه حست انها انخرست و ضاع الكلام منها معقوله ياسر يهددها غمضت عيونها وهي تتخيل عصبية اسامه الي من الاساس شاك فيها و احمد صح بارد بس اذا عصب حتى نظرته ترعب اما عبدالعزيز ما تدري وش ردة فعله و ابوها مريض ممكن تخسره نزلت دمعتها هي وش سوت بنفسها سمعت صوته : الو وينك اسيل: ما راح تسويها صح ياسر: نسيت اقول لك بعد ان عندي صورك اسيل بصدمه: صوري انا ما رسلت لك صور شلون اخذتها ياسر ابتسم بهدوء: تذكرين لما شفتك بالكوفي ونسيتي جوالك خذت الصور اسيل ببكاء: ياسر انت تحبني صح ما راح تسويها ياسر ببرود : جد ليش انتي خليتي فيها حب نسيتي الموقف الي حطيتيني فيه قدام اهلك قلت لك راح اجي اخطبك يا اسيل اكثر من مره وكان ردك السكوت ليتك قلتي مو موافقه على التلفون اهون اسيل ببكاء وهي توها تستوعب ان ياسر ما ينلعب عليه وما يسكت عن حقه ابد : ياسر اسفه لـ.. قاطعها بعصبيه : أسفه وش راح استفيد من اسفك يكون بعلمك كرامتي اغلى من كل شي غالي اسيل وهي تترجاه : ياسر تكفى الله يخليك لا تقول لهم والله بيذبحوني وغير كذا اسامه شاك فيني تكفى طلبتك لا ياسر ابتسم وهو من داخله يحترق : لالا ما صدق اسيل تترجاني وين غرورك سكت وهو يسمع صوت بكاها : كان لازم تفكرين قبل لا تسوين حركتك معي اسيل ساكته ياسر : اذا ما تبيني ارسل الصور والمحادثات سمعي الي باقول له لك اسيل بأمل : شنو ياسر :..... _ شهقت شيخه بصدمه وهي تشوف اسامه داخل مع عبدالعزيز الي كان سانده لان باين عليه التعب وفي يده الثانيه ادويته شيخه مشت له بخوف : بسم الله عليك يمه شفيك عبدالعزيز : مافيني شي يا الغاليه لا تشيلين هم شيخه طالعت يده : يدك شفيها عبدالعزيز بعد عن اسامه وهو يحب راسها : تهاوشت مع واحد جرح بسيط لا تخافين شيخه زفرت براحه : الحمدلله على سلامتك يا روح امك اخذ الادويه من اسامه وراح لدرج اسامه قعد جنب فايز اخذ منه الايباد : خلاص بابا فايز طالعه بزعل ابتسم اسامه وهو يبوس راسه : وين خالتك اسماء فايز : طلعت اسامه عقد حواجبه : وين فايز هز اكتافه : ما ادري اسامه رفع جواله يتصل فيها ردت عليه وقالت له ان ببيت اهلها وراح تنام عندهم ضغط على جواله بقوه بعد ماقفل منها لان ما قالت له انها رايحه طالع فايز : تعشيت فايز : ايه اسامه : طيب يلا عشان تنام يا بطل _ رن جوالها بمسج غمضت عيونها بقوه مدت يدها وخذته شافته ارسل لها العنوان طالعت الساعه ٣:٤٠ م صبت لها ماء وشربته دفعه واحده وقفت ومشت لغرفتها بتبدل ملابسها وتروح له بعد ما جهزت لفت شيلتها ولبست نظارتها الشمسيه عشان ما يبين انها باكيه و خذت شنطتها وطلعت وهي تنزل الدرج بخطوات سريعه وقفت وهي تشوف اسماء داخله اسماء وقفت وهي تطالع اسيل : وين اسيل بنرفزه : وانتي شدخلك حتى اروح جهنم اسماء وهي تفسخ نقابها ابتسمت بخبث : رايحه تقابلينه اسيل : عفوا من انتي عشان تدخلين بحياتي وتحاسبيني وين رايحه او من وين جايه اسماء : بنت خالك ومرت اخوك اسيل بقهر : لا تنسين ان لي يد بزواجك من اخوي بس لو كنت ادري ان وجهك الحقيقي راح يبان بعد الزواج ما كنت وقفت معك ضد ام فايز بس انتي حيه تمسكنتي لما تمكنتي اسماء بقهر منها : ما تخافين افضحك اسيل ببرود : اعلى ما بخيلك اركبيه دفتها وكملت مشي للخارج شافت اسامه يتكلم بجواله ركبت السياره و حرك السواق اسامه قفل وهو يطالع سيارة السواق الي مرت من قدامه لف ودخل البيت اسماء مقهوره من اسيل الي تكرها من زمان وتغار منها لان ما ينرفض لها طلب وكل شي تبيه عندها و تشب نار الغيره فيها لا شافت حنية اسامه معها انتبهت على صوت اسامه : شفيك واقفه هنا اسماء طالعته : حبيبي خايفه على اسيل اسامه عقد حواجبه : من شنو اسماء : خلاص ولا شي مشت مسكها اسامه من يدها بقوه وهو يرجعها قدامه : تكلمي من شنو خايفه عليها اسماء بخبث : عيال الحرام كثير يمكن واحد يضحك عليها بانه يحبها اسامه بهدوء : وش قصدك اسماء : اسيل تحب وعلى علاقة مع واحد اسامه : اختي وواثق فيها طلعي هالافكار من راسك ومشى اسيل لحقته : انا سمعتها تكلمه وحتى نادته ياسر وقالت لي ان حبيبها اسامه جمد بمكانه بصدمه لف لاسماء اسماء كملت : ما كنت باقول لك بس خايفه عليها تضيع اسامه بانت العصبيه على ملامحه وهو يعرف ان اسماء واسيل علاقتهم زينه وممكن فعلا تكون قالت لها اسماء وهي تشوف ملامحه بلعت ريقها بخوف و بتردد : اختك مو قد الثقه شوف وين راحت مشت وهي مبتسمه هذا عشان ما تتحديني يا اسيل اما اسامه لف وطلع من البيت ركب سيارته وهو يطلع جواله ويتصل لسواق _ وقفت قدام عماره بعد ما عطت السواق العنوان وهي تحس بخوف وربكه من ياسر وعصبيته خذت نفس وهي تدخل وتتوجهه لرقم الشقه مدت يدها بتردد وهي تضغط الجرس فتح ياسر الباب : متاخره خمس دقايق بس ادخلي اسيل فسخت نظارتها ومسكتها بيدها ودخلت بخوف ورجفه ما قدرت تتتحكم فيها : و وش تبي مني ياسر ابتسم : وش تتوقعين مشى للمطبخ وببرود : تبين تشربين شي اسيل بسرعه : لا ياسر : طيب طلع وفي يده علبه ماء بارده اسيل ببكاء وبترجي : ياسر تبيني اعتذر لك قدامهم طيب موافقه راح اسوي اي شي تبيه بس تكفى لا تسوي لي شي ياسر ببرود قرب منها مسكها من يدها وقربها منه وتوه بيتكلم انطق الباب بقوه لفوا عليه اثنينهم ياسر : انتي قايله لاحد اسيل هزت راسها بلا ارتجفت كل خليه بجسدها وجمد الدم بعروقها وهي تسمع صوت اسامه ينادي باسمها لا اله الا الله سبحان الله وبحمده سبحان الله العظيم | ||||||||
|
| |
|
13-06-20, 12:30 AM
| #15 | ||||||||
| مراقبة عامة ومشرفة منتدى الروايات المنقولة
| البارت الثالث عشر طالعت ياسر ببكاء : حقير ليش انت وعدتني اذا جيتك ما تخبر احد ياسر طالعها وهو مصدوم وش جاب اسامه ابتسم : حلوو جابه الله خل يشوف اخته على حقيقتها مشى وهو يفتح الباب : خير كسرت الباب وش تبي اسامه انصدم وهو يشوف ياسر و بعصبيه دفه من قدامه و فتح الباب وقف وهو يشوف اسيل معه في الشقه لحالهم احتدت نظراته بقوه قرب منها وضربها كف من قوته طاحت على الارض مسكها من شعرها وضربها كف ثاني : تخونين ثقتنا فيك يا اسيل وتجين لشقته طيب ليش رفضتيه وقت تقدم لك ولا تبين تفضحينا يا حقيره صرخ وهو يحس بنار تحرقه رماها على الارض ورفسها ببطنها : ليش يا الـ### تنزلين راسنا وتسودين وجهنا بسواتك هاذي الله ياخذك ليت الله اخذ عمرك وفكنا منك اسيل تبكي بألم من ضربه لها وهي ما تعودت على الضرب ابد اسامه مسكها برقبتها وهو يطالع بعيونها : الله لا يخليني اني خليتك عايشه بعد سواد وجهك راح اذبحك وانظف شرفي منك اسيل طالعته بصدمه ارتجف جسمها ومن الخوف مو قادره تتحرك دقات قلبها سريعه ومن قوتها تحس بيوقف قلبها غمضت عيونها و هي تحس ان هاذي نهايتها بتموت على يده بدت انفاسها تنقطع تدريجيا ووجها تغير لونه فتحت عيونها وهي تشهق بقوه تسترجع انفاسها الي بلحظه حستها هربت والموت قريب منها رفعت نظرها تشوف شصار وتركها اسامه شافت ياسر واقف قدامها ما تشوف وجهه ولا ملامحه و اسامه واقف بعيد شوي عنهم ياسر الي كان مصدوم من ضرب اسامه لها الي مافيه رحمه هو متفهم وضعه ان شاف اخته معه في شقته بس من شافه يخنقها واسيل شحب وجها ما تحمل ان ما يتدخل ويبعده عنها اسامه ونظراته له احتقار حقد وكره : انت حسابك ما انتهى بس اخلص منها الحقيره ياسر : مستحيل اسمح لك اسامه قرب منه وهو يعطيه بوكس على عينه ياسر رجع لوراء وهو يطالعه بحقد وتضارب معاه بعد دقايق اسامه بتعب مشى لها وهو يبي يذبحها هو مقهور منها هي الغلطانه ليش تكلمه واذا تبيه ليش رفضت وليش تجي شقته مد يده بيقومها بس مسك يده ياسر قبل لا توصل لها : وخر عنها اسامه صرخ : انت وش دخلك وخر من قدامي ياسر بعصبيه : لي دخل راح اتزوجها اسامه سكت وهو يطالعه وبهدوء :طيب تعال واخطبها مره ثانيه و خذها الله لا يحفظها اسيل وهي تبكي بقوه اسامه: اسماء كانت صادقه لما قالت اختك مو قد الثقه اسيل طالعته بصدمه اسماء هي وراء كل هذا اسامه عطاها ظهره: انتظرك بالسياره حاولت توقف وهي تحس بجسمها كله يوجعها عدلت شيلتها بعد ما وقفت بصعوبه مسكت شنطتها و مشت خطوتين ماقدرت تتوازن و حست انها بتفقد توازنها وتطيح مسكت بالجدار وكملت مشي لما طلعت من الشقه تحت انظار ياسر لها __ في المستشفى عبدالعزيز بابتسامه :الحمدلله على سلامتك ريان :الله يسلمك عبدالعزيز :ممكن اعرف ليش حاول يقتلك ريان تنهد :لان خذيت البنت الي يحبها عبدالعزيز توسعت عيونه بدهشه : زوجتك ريان : ايه عبدالعزيز : هذا شكله مريض نفسي قلت كل شي للمحقق ريان : ايه عبدالعزيز : احسن ولا تفكر مجرد تفكير تتنازل ريان ابتسم : طيب انت شلون يدك عبدالعزيز : الحمدلله وقف يلا اخليك ترتاح الحين طلع وهي يمشي ويطالع الناس وقف وهي يسأل الممرضه : الدكتوره جوري وين الممرضه : دكتوره جوري في الليل شغل عبدالعزيز : اهااا شكرا __ مسكت يد سعود وباستها بعمق : حبيبي ما تعبت من هالسرير وربي اشتقت لك اكثر من ما تتصور وبعد العيال مشتاقين لك ومستغربين انقطعت عنهم فجأه ودايما يسألوني عنك ابتسمت بهدوء وهي تحط يدها على بطنها حتى عيالنا مشتاقين لك وترى بكرا عندي موعد سونار وراح اعرف جنس الجنين ادري انك تبي تعرف متلهف لشوفتهم مثلي بس ولا يهمك بعد ما اخلص راح اجي واقول لك و بدت تسولف له كل شي صار معاها من بعد الحادث و عن عبدالله ومحمد وكأن يسمعها وقفت بعد اذان العشاء باست خده وهمست عند اذنه : اتمنى تقوم بسرعه حياتي مالها معنى بدونك لفت على الباب الي انفتح دخلت امها و معاها حسام : نوره طمنيني عنه نوره : ما صار شي للحين بغيبوبه وما يدري عني نوال : الله يقومه بالسلامه لا تنسينه من دعواتك قعدوا عنده شوي و بعدها راحوا البيت __ نزلت اسيل من سياره اسامه وقفت بتعب مشت بخطوات بطيئه تحت نظرات اسامه وطلع وقفل السياره ومشى بسرعه دخل قبلها وهو يسلم ويمشي لغرفته اسيل دخلت وهي تسلم عليهم بهدوء وضغطت على نفسها عشان تمشي بسرعه ومحد يحس ان فيها شي وصلت لغرفتها رمت عبايتها وشيلتها وشنطتها على الارض انسدحت على السرير وضمت مخدتها بقوه وهي تبكي بقهر __ وقفت اسماء بدهشه وهي تشوف شكل اسامه والدم الي عند فمه مشت له : حبيبي انت متهاوش مع احد اسامه وهو مو طايق نفسه دفها بقوه من قدامه و راح للكبت طلع له ملابس ودخل الحمام اسماء ما توازنت وطاحت لان دفها فجأه وبقوه ضرب كوعها بطرف الطاوله تأوهت بألم : وجع وقفت قعدت على السرير وهي ماسكه يدها بعد دقايق طلع اسامه وشعره يقطر مويه اسماء ساكته تطالعه وهو يطالع قدامه خايفه تتكلم وتسأله عن اسيل بس و هو بهالحاله و يكفخها ففضلت السكوت وقفت وهي تأخذ منشفته مدتها له : نشف شعرك اسامه انسدح على السرير بهدوء وحط يده على عيونه : مو لازم الي ابيه الحين انام قعدت جنبه وباستغراب : بتنام الحين بدري اسامه وهو على نفس وضعه : ايه طفي الليت واطلعي اسماء وهي تغطيه : غريبه انت ما تنام الا اذا تطمنت على فايز اسامه زفر بطفش : راح مع احمد وبينام عنده اسماء ابتسمت وبهمس : اوكي نوم العوافي __ الجوري بطفش من عيال سعود وعيال ثريا الي يتهاوشون واخوهم الصغير الي يصيح مو راضي يسكت وهي واقفه فيه :ماجد عبدالله خلاص عبدالله طالع ماجد والجوري : طيب حمود خلاص تعال اقعد محمد بعصبيه :شوفها تسبني الجوري : ملاك لا تسبين وبعدين ابي افهم ثريا وين راحت ماجد : خالتي عطيني مازن الجوري عطته : لو خلته عند جدتك احسن ماجد وهو يلعبه ويهديه: جدتي تعبانه طالعته وهي تشوف مازن الي عمره سنه ونص هدأ وبدأ يتثاوب الجوري بتعب : انا رايحه لشغلي احسن خل نوير تقعد وياكم عبدالله : ماما نوره وين راحت محمد : ليش ما تأخذنا وياها الجوري زل لسانها : راحت تشوف ابوكم عبدالله بدهشه : بابا وينه جوري عضت شفتها وما عرفت شنو ترد عليه : ما ادري عبدالله : خاله انتي قلتي راحت تشوف ابوكم طيب ليش ما خذتنا معاها احنا بعد نبي نشوفه دخلت نوره ومعها ابوها وامها عبدالله ركض لها : ماما شفتي بابا نوره طالعته بصدمه ولفت نظرها لجوري ورجعت نظرها له : من قال لك ان رحت اشوف بابا محمد وقف وهو يمشي لها : خاله جوري قالت طيب وينه نوره خذت نفس بعمق نزلت لمستواهم : حبايبي ايه رحت اشوف بابا بس هو نايم مو حاس فيني عبدالله : ليش نايم تعبان نوره : ايه محمد : نبي نشوفه نوره خذت نفس عميق : طيب بكرا الصبح نروح له عبدالله ومحمد فرحوا الجوري راحت لماجد خذت مازن الي نام منه : انا بروح دوامي تعبت منهم نوره ابتسمت : طيب جوري مشت لابوها وامها وهي تسلم على راسهم : تأمروني على شي نوال : لا يمه بحفظ الله حسام : انتبهي لنفسك مشت لغرفتها نزلت مازن على سريرها وغطته وراحت تجهز لدوامها __ اسيل بتعب من البكاء وقفت وهي تطلع جوالها من الشنطه اتصلت بسمر اكثر من مره ما ردت من بعد الخطبه وهي ما ترد ضغطت على رقم شذى واتصلت شذى : هلا اسيل اسيل بصوت مبحوح : تقدرين تجين بيتنا شذى بخوف : شصاير اسيل : تقدرين او لا شذى تنهدت : بكرا جايتك من الصبح اسيل : طيب مع السلامه قفلت وهي تحس بصداع قوي _ يوم جديد صار له نص ساعه صاحي بس ما قام من سريره ونظره لسقف يفكر فيها مو قادر ينسى منظرها الي شافه امس قعد وهو يفكر بالأهم شلون يقنع امه بخطبته لاسيل مره ثانيه تنهد بحرقه وقف بيروح ياخذ شور ويصحصح و بيكلم امه بموضوع الخطبه بعد دقايق طلع وهو لابس روب استحمامه وينشف شعره وطلع له ملابس من الكبت برمودا رصاصي و تيشرت وقف قدام المرايه وهو يشوف عينه ووجهه : وجع وش هاليد الي عليه مشط شعره ورش عطره وطلع شاف امه بالصاله ابتسم : صباح النور والنوير شهقت امه بخوف : وش فيك شصاير لك ياسر باس راسها : هوشة شباب عاديه الام مسكت اذنه : ما توب انت من هوشاتك ياسر ابتسم : يمه اذني لا طبعا ولدك يحب شي فيه طق فكت اذنه : الله يهديك ياسر وقف وقعد مقابلها : يمه ابيك بموضوع الام : خير ان شاء الله ياسر : كل خير ان شاء الله ابي اخطب الام بفرحه : احلف واخيرا يمه ياسر بتوتر : ابي اخطب اسيل صالح الـ.. اختفت ابتسامتها وعم الهدوء وهي تستوعب الاسم طالعته بصدمه : نعم ناسي انها رفضتك وفشلتك قدام الكل ما عندك كرامه ترجع تخطب وحده ما تبيك بالله وش ناقصك عشان ترجع تخطبها الف بنت تتمناك ياسر صد بنظره عنها و كلامها جرحه بقوه اخذ نفس بعمق وبهدوء : بس يمه انا ما ابي الالف ابي اسيل وبس ام تركي بعصبيه : وانا مو موافقه دخلت سوسن باستغراب : وش فيكم سمر دخلت وراها ام تركي بانفعال : اخوكم جن خلاص يبي يخطب اسيل وما يبي غيرها سوسن بصدمه : تمزح صح اذا نسيت ترى احنا ياسر قاطعها بعصبيه : لا ما نسيت بس انا راح اخطب اسيل اذا ما كان برضاكم غصب سامعين وطلع من الصاله وهو معصب يذكرونه بشي ما نساه لحظه طالعت سمر بصدمه : مو صاحي سوسن : ساحرته اكيد ام تركي بقهر : لاعبه بعقله حسبي الله عليها سمر : خلاص يمه لا تتضايقين هاذي حياته دامه مُصر عليها كيفه ام تركي : انا مو قاهرني الا انه بياخذها بعد ما رفضته قدام الكل سوسن : يمه ولدك عنيد والي براسه يسويه ام تركي تنهدت __ عند نوره شافت جوري : جوجو فاضيه جوري : ايه الحين عندي بريك نوره : خلي العيال معاك لما اخلص جوري ابتسمت : بعيوني لا تحاتين لين تخلصين اتصلي نوره ابتسمت : طيب مشت لقسم امراض النساء والولاده بعد ما خلصت من الاستقبال قعدت وهي تنتظر دورها بعد فتره قصيره نادوها وقفت ودخلت على الدكتوره وهي تسلم بابتسامه الدكتوره بابتسامه : كيفك يا نوره نوره : الحمدلله على كل حال الدكتوره وقفت : يلا نشوف كيف حال اطفالك نوره ابتسمت وهي تنسدح على السرير قدام الجهاز وهي تتجهز للفحص الدكتوره وهي تأخذ الجهاز تحطه على بطنها وتطالع الشاشه : كل شي تمام الحمدلله نوره وهي تطالع الشاشه و تشوفهم : ابي اعرف جنسهم الدكتوره: كنتي رافضه نوره بضيق : ايه بس زوجي كان يبي يعرف الدكتوره وهي تطالع الشاشه الي قدامها ابتسمت ابتسامه مهنيه : ولد وبنت نوره ابتسمت بلهفه : الله يعطيك العافيه الدكتوره : الله يعافيك اعتدلت بجلستها وقفت وطلعت __ في بيت ابو احمد قاعده قدام اسيل بعد ما وصلها احمد وراح الشركه وهي تسمع كل شي من اسيل بدهشه شذى زفرت وبهدوء : انتي الغلطانه اولا كلمتيه و قابلتيه وانتي تدرين ان حرام وتعصين ربك اسيل وهي تمسح دموعها : ادري يا شذى بس هو قهرني بأهانته لي ومستحيل اسكت له شذى : بس وش استفدتي من انتقامك منه هذا هو ابتزك بالمحادثات و قدر يجيبك شقته وانفضحتي قدام اسامه اسيل بقهر : كله من الحيه الله لا يوفقها الله ياخذها ويفكنا منها شذى طالعتها وهي ساكته ما تعودت ولا عمرها شافت اسيل بهالضعف وهالحاله : لا تخلينها تشوفك كذا راح تحس بانها انتصرت عليك و تتشمت فيك اسيل : حقيره كرهتها كنت احسبها طيبه بس طلعت حيه شذى بلا شعور :هذا حق نوره الي ظلمتوها اسيل طالعتها بصدمه شذى استوعبت شقالت وسكتت اسيل بهدوء :الحين شلون اوضح لاسامه واخليه يفهم السالفه شذى : عاد اذا درى احمد رحتي فيها اسيل جمدت وهي تطالعها خافت تكون شذى نفس اسماء وتقول له شذى ضحكت : ما راح يدري تصدقين توني ادري ان احمد يخوف اسيل :على اساس ما تخافين منه وهو اذا صرخ عليك بكيتي شذى بضحكه :جب ادري ان زوجي هيبه ويخوف بعصبيته بس يجنن فديته اسيل خذت المخده ورمتها : وقته تتغزلين فيه الحين قولي لي شلون اكلم اسامه شذى وهي تحضن المخده :سمعي قولي له نصف الحقائق اسيل باهتمام : شلون شذى :... __ في المستشفى عبدالعزيز فتح الباب على ريان : سلا قطع سلامه وهو يشوف حريم عنده وباحراج : اسف وطلع مشى في الممر وهو منحرج غير طريقه رايح للكافتيريا يشرب له كوفي لما يطلعون من عند ريان ويتطمن عليه وصل انتظر طلبه طالع بلي قاعدين و طاح نظره عليها ومعها الولدين شك اذا كانت هي او لا مشى وقف لما سمع صوتها وعرفه وقف قدام الطاوله : ممكن اقعد معكم طالعته الجوري وتأففت وقبل لا ترفض تكلم عبدالله : ايه اقعد ابتسم عبدالعزيز وقعد : وش اسم الحلو عبدالله : عبدالله او عبود عبدالعزيز ابتسم : و هذا اخوك عبدالله : ايه حمود ضحك عبدالعزيز : عاشت الاسامي الجوري تطالعه بهدوء نست نفسها وهي تتأمله ابتسمت لا شعوريا على ضحكته عبدالعزيز التفت لها و هو يطالع بعيونها الجوري ارتبكت وهي تشتت نظرها عنه عبدالعزيز : كيفك دكتوره عبدالله ببراءه : اسمها جوري عبدالعزيز ابتسم : حلوو الاسم صح عبود عبدالله : ايه مراا انت وش اسمك جوري انحرجت طالعت بعبدالله وهي ودها تذبحه عبدالعزيز : عبدالعزيز طالع بجوري : ما قلتي لي كيفك جوري بهمس : بخير عبدالعزيز : دوم اشر على عبدالله ومحمد : وش يقربون لك هالحلوين جوري طالعته : ليش تسأل عبدالعزيز وهو يرتشف من قهوته : بس مجرد سؤال الجوري بنرفزه : ممكن اعرف وش تبي عبدالعزيز وهو بنفسه ما يدري وش يبي : أ ايه ابي اسأل عن ريان كيفه محمد : ماما ليش ما جات طالعوا له رن جوال الجوري وقفت : انا مو المسؤوله عن حالته تقدر تروح تسأل الدكتور المسؤول عنه يلا عبدالله ومحمد امشوا عبدالعزيز ابتسم ابتسامه عريضه وهو يطالعها تمشي وتبتعد عنه رفع القهوه يشرب بهدوء الجوري ردت على جوالها : هلا وينك .. طيب جايتك مشت لها وقفت وهي تشوفها : هاه بشري شنو نوره ابتسمت : وش تتوقعين الجوري : بنتين ووحده سميها جوري ضحكت نوره : لا ولد وبنت الجوري بحماس : وااو حلو اختفت ابتسامتها وهي تأشر على عبدالله : بس اذا طلع ملقوف نفس هالبرز من الحين لا تقولين خليه عندك نوره ابتسمت : يلا مشينا نشوف بابا __ في بيت احمد صالح بقلق : اسيل ما شفتها اليوم لا الصبح ولا على الغداء ليكون فيها شي اسامه ببرود : انا بقوم اشوفها اسماء طالعته وهو يقوم تنرفزت فتح اسامه الباب بقوه فزت اسيل طالعها اسامه ببرود : وين جوالك اسيل طالعته خذت جوالها ومدته له اسامه مشى وهو ياخذه منها بعنف : عندك غيره اسيل : لا لف بيطلع : ابوي يبيك اسيل وقفت بسرعه وصارت قدامه مع انها خايفه منه وترجف بس لازم توضح له : اسامه تكفى اسمعني خلني اوضح لك الي صار اسامه ناظرها باحتقار : ما ابي اسمع شي اسيل بضيق : لازم تسمعني اسامه طالعها وهو يتمنى يسمع شي يبعد هالافكار السوداء الي براسه لف وقعد : يلا اسمعك قولي اسيل قفلت الباب وبتوتر وتحس قلبها بيوقف من الخوف خذت نفس وقبضت كف يدها تهدي رجفتها اسامه : شلون عرفتيه ومن متى اسيل بصوت يرجف ونظرها للارض بلعت ريقها : مـ من سنتين صدمت فيه بالمول وانا ماشيه اسامه وهو يطالعها بنظرات حاده اسيل بلعت ريقها وكملت : هو اهاني واحتقرني بالمول حقدت عليه بقوه بعد فتره عرفت انه اخو صديقتي وكانت تتكلم عنه مشكلجي ومدخن و عاطل ولما جاء يخطبني سكتت شوي وطالعته وبتوتر وهدوء : رفضته اسامه رفع حاجب بسخريه : بالله و كيف كلمتيه و كم مره رحتي له تكذبين علي انتي اسيل : لا والله ما كذبت هو اخذ رقمي من جوال اخته و رسلي لي عنوان شقته عشان ينتقم لان رفضته قدامك والله العظيم ما صار شي بينا والله كانت اول مره اروح الشقه لان ابتزني بصوري الي مدري من وين اخذها اسامه : والمطلوب مني اصدق اسيل ودموعها تجمعت بعيونها : طيب شوف جوالي وشوف رسالته ومتى كانت اسامه رفع جوالها وهو يطالع الي وصلها من ياسر شاف مكتوب " يلا يا حلوه عشان ما تنفضحين هذا العنوان وانتظرك " شاف التاريخ والساعه زفر بعمق وهو يطالع بعيونها يدور الصدق فيها اسيل شتت نظرها عنه : والله ما صار شي اسامه تكفى صدقني انا رحت له لان خفت يفضحني وابوي مريض ما راح يتحمل اسامه وقف : طيب بحاول اصدق كلامك بس ما راح انسى الي صار اسيل نزلت نظرها بقهر وبنفس الوقت ارتاحت ان قدرت تتكلم معاه وتقول له مثل ما قالت شذى مو لازم كل شي تقول له نصف المهم انه يصدقها اسامه فتح الباب : يلا انزلي اسيل : طيب بدلت ملابسها بلبس يغطي الكدمات الي بيدينها وحطت مكياج يخفي الضرب و شحوب وجها وخلت شعرها على طوله ونزلت ابتسمت وسلمت على راس ابوها وامها وتجاهلت اسماء وجلست جنب فايز صالح بخوف ابوي: انتي تعبانه يا بنيتي اسيل: لا يالغالي مافيني الا العافيه شيخه: ما شفناك اليوم اسيل: ابد يمه جات شذى ولهيت معها بالسوالف فديتها مرت اخوي تنحط على الجرح يبرى ليت الكل مثلها اسماء تطالعها: شقصدك اسيل ببرود وثقه: قصدي واضح طالعت اسامه: انتبه لولدك زين اسامه عقد حواجبه يحس انها ما قالت كلامها عبث في شي ما يدري عنه : ما يحتاج توصيني عليه اسيل: حبيت انبهك بس اسامه وقف وطلع واسماء انقهرت وهي تشوفها تتكلم بثقه وبرود للحظه شكت انها ماراحت تشوف ياسر هذاك اليوم وقفت وتركت المكان اسيل ابتسمت وهي تشوفها تطلع لفت لابوها وامها وهي تسولف وياهم __ مرت الايام وبكرا اول ايام شهر رمضان المبارك ريان صديق عبدالعزيز طلع من المستشفى وياسر اجل الخطبه والملكه لبعد رمضان في المستشفى عند سعود ظلام يلف المكان وهدوء مسيطر عليه بشكل مرعب طالع حوله يبي يتخلص من هالظلام و الهدوء الغريب وقف وهو يشوف فتحه صغيره مراا يطلع منها ضوء مشى لجهتها وهو يشوف هالفتحه كل ما يقرب تتوسع شوي وينتشر الضوء قرب اكثر و صار يحس بالهدوء يخف يسمع اصوات يحسها بعيده مرا ومو واضحه مشى اكثر وبدا يسمع اصوات متداخله والفتحه توسعت اكثر وصار الضوء اقوى و صار الصوت واضح لاجهزه المستشفى و صوت شخص مألوف له ركز بالصوت وعرفه صوتها هي زوجته وحبيبته نوره حاول يحرك جسمه ما قدر و هو يسمع كلامها نوره مدت يدها لشعره وهي تبعد كم خصله متمرده على جبهته ابتسمت بحزن : مبارك عليك الشهر حبيبي هذا اول رمضان ما تكون معنا ونصومه مع بعض بالله سعود ما تعبت من السرير متى بتقوم انا اعرفك ما تحب النوم الكثير ولا الكسل يلا قوم اشتقنا لك حيل مسكت يده وحطتها على بطنها حتى عيالك متعبيني بحركتهم يالله يا سعود شكثر متلهفه اشوفهم تنهدت بعمق ومشتاقه لشوفة عيونك و مشتاقه لفايز ودي اشوفه امتلت عيونها دموع رفعت عيونها لفوق و بلعت ريقها عشان ما تبكي : راح اقعد معك اليوم ما يهمني كلام احد تعب عليك روحي ارتاحي ما راح اتحرك ابي اول يوم رمضان اكون معاك وقفت بتقوم تتوضا وتصلي طالعته وتوها بتلف انصعقت وهي تشوف يده تحركت غمضت عيونها : يارب ما يكون وهم فتحت ومسكت يده : سعود تسمعني حست بيده ضغطت على يدها شهقت وهي تحط يدها على فمها بفرح ودموعها نزلت بغزاره بعدت وهي تسجد شكر لربها سعود فتح عيونه ببطئ شديد وغمض من قوة الاضاءه بعد ثواني فتحتها ورجع غمض واخيرا فتح عيونه ووضح كل شي قدامه نظره لسقف طالع حوله كل شي ابيض لف وهو يسمع بكاء وشهقاته نوره يبي يتكلم يقول لها شي بس ما قدر وجهاز الاكسجين عليه نوره وقفت بتعب طالعته جات عينها بعينه مو مصدقه ان سعود صحى الفتره الي كان بغيبوبه حستها دهر رمشت اكثر ثواني وارتفع صوت الجهاز لفت وهي تطالع الجهاز بدهشه ما تدري شسالفه لبست شيلتها دخل الدكتور ومعاه الجوري و ممرضات بسرعه فحص وضغط وفحوصات كثيره الجوري بعد ما خلصت لفت لنوره الي تبكي بقوه وضمتها : الحمدلله على سلامته يا قلبي بعدتها عنها ومسحت دموعها : نوير خلاص اهدي حبيبتي قعدتها على الكرسي : عندي شغل بخلصه و راجعه لك وطلعت سعود طالعها نوره مسكت يده وهو شد على يدها باستها وهي تردد : الحمدلله رفعت راسها و طالعت بعيونه ونزلت دموعها : آسفه حبيبي على كل شي قلته سعود اخذ نفس وبلع ريقه وبصعوبه : لا تبكين نوره مسحت دموعها وبهدوء : احبك والله احبك سعود ودقات قلبه سريعه و عيونه بعيونها الدامعه ابتسم بتعب لها ___ الجوري بعد ما خلصت شغلها متجهه لمكتبها وقف بوجها دكتور تبغضه رفعت نظرها له : نعم دكتور وائل بغيت شي وائل : ابي اتكلم معاك الجوري ببرود : اسفه احنا في مكان شغل مو سوالف ومشت وائل دخل يدينه في البالطو ومشى وراها : الجوري لحظه الجوري : دكتوره الجوري لو سمحت وائل : طيب اسمعيني الجوري : مو فاضيه وائل وقف قدامها شهقت بعد ما كانت راح تصدم فيه تنرفزت وهي تطالعه بحده : شتبي وائل : تعالي الكافتيريا الجوري مشت قبله وهي معصبه قعدت على الطاوله : اسمعك وائل ابتسم وهو يقعد مقابلها : الصراحه انا معجب فيك من زمان وابي اتقدم لك اذا موافقه الجوري ببرود : طيب افكر وائل : خذي راحتك وانتظر ردك الجوري وقفت و رايحه لنوره __ سعود : ابي مويه نوره وقفت وهي تاخذ علبه المويه وترفع له السرير عشان تعطيه سعود : كم صار لي نوره : اسبوعين حبيبي سعود بتعب : طيب كيفك انتي والعيال نوره : بخير و مشتاقين لك حيل سعود ابتسم نوره نزلت سريره : حبيبي ارتاح ونام سعود : روحي البيت تسحري وارتاحي نوره مسكت يده : راحتي عندك الجوري فتحت الباب وهي متنرفزه : نوره يلا مشينا انا خلص دوامي سعود طالعها جوري لفت لسعود تحسبه نايم انحرجت وهي تشوفه صاحي وبهمس : الحمدلله على السلامه اجر وعافيه سعود بتعب : الله يسلمك جوري : يلا نوير سعود شد على يدها : يلا روحي نوره وقفت وهي تلبس نقابها : اوكي رايحه بس راح اجيك مع العيال بعدين ومشت مع الجوري ___ اليوم الرابع من رمضان سعود طلع من المستشفى قاعد في الصاله ويسولف مع عبدالله ومحمد ونوره في المطبخ تسوي الفطور بمساعدة ميري بعد فتره طلعت وهي تحس بتعب قعدت على الكنبه سعود : الله يعطيك العافيه نوره : يعافيك ربي طالعته بتردد سعود طالع عيونها حس ان عندها كلام تبي تقوله وقف وقعد جنبها : حبيبتي تبين تقولين شي نوره تنهدت بعمق : ابي اتطمن على فايز لي فتره ما اعرف عنه شي سعود : اذا تبيني اخطفه واجيبه لك ما عندي مانع نوره ابتسمت : لا وش خطفه بس ابي اشوفه واقعد معه سعود طالعها بهدوء : اخاف تتعبين اذا رفض نوره نزلت نظرها للارض وهي تفكر اذا صدها فايز هالمره وش راح تسوي تبي تعرف هم ليش يكرهونها لدرجة ان يخلون ولدها واول فرحتها يكرهها تنهدت بألم : لا تخاف علي انت بس خلك معي سعود ضمها من اكتافها له : انا معك وما راح اتركك ابد نوره سندت راسها على كتفه : حبيبي ما اتخيل حياتي بدونك لما دخلت غيبوبه بغيت اجن خفت اخسرك سعود : بسم الله عليك يا روحي نوره رفعت جوالها تشوف الساعه وراحت تجهز السفره للفطور __ فايز ماشاف جدته ولا عمته اسيل جوعان ما اكل شي اليوم راح المطبخ شاف اسماء : اسماء جوعان اسماء طالعته ببرود : وانا شدخلني جوعان شبعان انقلع عن وجهي مو فاضيه لك فايز طالعها و طلع اسيل الي كانت نازله من الدرج شافت فايز قربت منه وانصدمت من دموعه : حبيبي شفيك فايز : جوعان اسيل بصدمه : ما كلت شي فايز هز راسه بلا : قلت لاسماء وقالت لي انقلع اسيل بقهر وهي تردد بداخلها اللهم اني صائمه ما تبي تجرح صيامها عشان اسماء مشت للمطبخ وهي تأخذ الصحن وتحط له اكل وكوب ماء طالعت اسماء بحقد وطلعت وهي تقعد مع فايز على طاولة الاكل طالعته وتنهدت بعمق بعد ما خلص فايز : فايز ما تبي تروح لامك فايز طالع عمته وتكلم بهدوء : لا اسيل انصدمت : انت تحبها كثير ليش ما تبي تروح لها اكيد اشتاقت لك فايز : ما احبها ولا ابي اشوفها اسيل مصدومه وهي تطالعه : بس ليش فايز ببكاء : هي ليش خلتني اروح مع اسماء وبابا انا ابيها بس هي تبي عبدالله ومحمد تحبهم بس ما تحبني اسيل مشت قعدت قدامه وضمته بقوه : من قال ماما ما تبيك وانها ما تحبك فايز تعلق فيها وهو يبكي اسيل شالته ووقفت شافت اسماء مرت من قدامها وهي متأكده ان هي الي دخلت هالافكار براسه قعدت على الكنبه وهو بحضنها بعدته ومسحت دموعه : من قال لك فايز بصوت مبحوح من البكا : اسماء اسيل طالعته : تكذب عليك حبيبي فايز بعد وقف وبقهر : لا ما تكذب انا كنت ابي اكلمها اتصل بابا لها كثير بس ما ترد علي ما تبي تكلمني حتى مره ردت و تركت جوالها وراحت لعبود ناديتها كثير ابيها ما ابي اسماء بس ما جات هي ما تحبني وانا ما احبها اسيل تطالعه بدهشه : حبيبي امك فايز بسرعه : بروح لعمو عز وركض اسيل مسكت راسها عقدت الولد وكرهته بأمه حسبي الله عليها __ في المستشفى وائل بعد ما خلص شغله واقف و متسند على الجدار يفكر برفض جوري له قبل يومين قالت له وبكل بساطه " انا مو موافقه " ما تدري ان تأكد ان يحبها حيل اعتدل بوقفته لما لمحها من بعيد مشى لها وائل : جوري لحظه جوري بعصبيه : دكتوره جوري وائل بلا مبالاه لكلامها : جوري انا احبك جوري ببرود : وش اسوي لك وائل تنرفز من برودها : هذا ردك علي جوري طالعته : انت واحد مغازلجي دايما اشوفك واقف مع وحده وتسولف بالله كيف تبين اوافق على واحد مثلك وائل : صدقيني راح تندمي جوري بطفش شافت زميله لها مشت لها وهي تناديها وتمشي معها وائل طالعها بعصبيه وهي يتوعد فيها __ بعد صلاة التراويح سعود وقف قدام بيت ابو احمد نوره خذت نفس عميق سعود شد على يدها وطالع العيال الي قاعدين وراء : خليك هنا نزل مشى ودق الجرس ردت عليه الخدامه سعود : ابو اسامه موجود الخدامه : لا سعود : نادي لي رجال اتفاهم معه الخدامه : لحظه دقايق وانفتح الباب وطلع عبدالعزيز : يا هلا ومرحبا حياك الله سعود : هلا فيك والله يحييك عبدالعزيز : انا شايفك قبل بس ما اذكر وين سعود ابتسم على جنب : هنا قدام بيتكم لما تهاوشت مع اخوك عبدالعزيز تذكر : ايه صح تذكرتك ليش واقف عند الباب تفضل سعود : معليش مستعجل ممكن تنادي لي فايز عبدالعزيز : ليش سعود وهو ياخذ نفس : امه تبي تشوفه عبدالعزيز : طيب دخل وبعد دقايق طلع وهو شايل فايز سعود ابتسم عبدالعزيز وهو شايل فايز : يلا يا بطل روح لماما فايز طالع سعود بدهشه سعود مسكه و مشى معه وهو ساكت دخله السياره قفل وحرك فايز : وين بنروح ابي بابا خذني لبيتنا لا تاخذني لماما انا ما ابيها ما حصل رد تكلم بطفوله : والله لا اقول لبابا يضربك نوره بلهفه وشوق : حبيبي انا ماما وهذا بابا سعود واخوانك عبود ومحمد فايز انتبه لامه هز راسه بالرفض :لا لا سعود توجه للمزرعه يبي نوره تأخذ راحتها مع ولدها لو على الاقل يوم عبدالله ومحمد يبون يسولفون معه بس هو ساكت __ اسامه فتح غرفة فايز بابتسامه بس استغرب محد طلع وهو يقفل الغرفه مشى لغرفة اسيل: فايز عندك اسيل باستغراب:لا مشى لغرفة امه طق الباب سمع صوتها : تفضل فتح الباب : يمه شفتي فايز شيخه : لا وينه اسامه لف بيمشي لغرفته شاف اسماء طلعت : ما شفتي فايز اسماء : لا اسامه نزل يدوره بكل مكان ما لقاه مسك راسه بصدمه : وين راح قعد وهو يشوف امه واسيل جايين له شيخه بخوف : لقيته اسامه : لا اسيل قعدت بخوف وهي تهز رجلها بتوتر اما اسماء مو مهتمه لشي اسامه اتصل لابوه ولاحمد مو وياهم اتصل لعبدالعزيز : فايز معاك عبدالعزيز : لا جاء زوج امه اتوقع وخذاه اسامه وقف بصدمه : نعم عبدالعزيز باستغراب : شفيك امه اكيد اشتاقت له و ناديته لهم اسامه بعصبيه : من سمح لك تعطيهم اياه عبدالعزيز : عادي اسامه : لا مو عادي ولدي لا تتدخل فيه وهو ما يبي امه و انا ما ابيه يروح لهم انت ليش تخليه عبدالعزيز بهدوء : مهما كان هي امه اسماء بنفسها " احسن عساه ما يرجع " اسامه قفل بوجهه وهو في قمه عصبيته ومشى لسيارته شغلها وحرك بسرعه ___ وقف سعود قدام المزرعه : يلا نزلوا نوره وهي تحس دقات قلبها وصلت مليون من شوقها له عبدالله: يلا فايز انزل فايز: ما ابي نوره تنهدت بعمق مشت وقعدت قدامه : حبيبي تعال فايز دفها: ما ابي سعود طلعه من السياره نوره طالعته بضيق وقفت : تعال معي فايز صرخ: لا ابي بابا نوره زفرت بضيق سعود: روحوا وبنلحقكم نوره بضيق : طيب ومشت و محمد ركض وهو يمشي جنبها وعبدالله من الجهه الثانيه ويسولفون تحت انظار فايز سعود نزل لمستواه : فايز يلا استانس وياهم فايز برفض : ابي بابا سعود ابتسم : ليش انا مو بابا فايز سكت سعود وقف ومد يده له : يلا ندخل فايز مسك يده ودخلوا ___ عند اسامه وقف السياره بقوه قدام بيت سعود نزل و خلا الباب مفتوح دق الجرس بسرعه وما وقف الا على صوت فتح الباب ميري : نئم اسامه بنزفره : وين نوره او اي زفت يطلع لي ميري : مافي كلو يطلع اسامه دفها عن الباب و دخل وقف وسط الصاله وهو ينادي بصوت عالي : فاااايز ميري بعصبيه : يو ار كريزي اسامه بانفعال : وين راحوا ميري :ما يعرف اسامه طلع و راح لبيت حسام وهو يدق الجرس سعد فتح الباب :خير شتبي اسامه :وين اختك وزوجها سعد :وانا شدراني وين راحوا اسامه التفت على صوت حسام : نعم وش الي جابك اسامه :زوج بنتك اخذ ولدي حسام ببرود: روح دوره طيب اسامه بنظرات حاده وصوت عالي : والله اذا ما رجع فايز باقرب وقت لروح القسم وابلغ عليه بتهمة الخطف اللهم صل وسلم على نبينا محمد | ||||||||
|
| |
|
17-06-20, 10:14 PM
| #16 | ||||||||
| مراقبة عامة ومشرفة منتدى الروايات المنقولة
| البارت الرابع عشر حسام جمدت ملامحه اسامه اشر باصبعه: الي عندي قلته شوف وينه والا انا اقدر اطلعه من تحت الارض لف ومشى رايح لسيارته وهو معصب ماله خلق يروح البيت ويشوف عبدالعزيز ويتهاوش معاه غير طريقة للاستراحه __ في المزرعه قاعده ونظرها على الغرفه الي فيها فايز اول ما وصلوا دخلها لانها اول غرفة بوجهه وللحين ما طلع تنهدت بعمق وش تنتظرين يا نوره هذا هو فايز قدامك ما يفصلك عنه غير باب روحي له واقعدي معه بيني له ان اغلى من روحك وان محد يساوي غلاه انتبهت لسعود الي قعد جنبها سعود بهدوء: ليش ما تروحين له نوره بضيق: والله ان شوقي له وصل حده بس تنهدت انت ما راح تحس فيني سعود وهو يطالع بعيونها الي تلمع بوجود فايز معها بس الضيق مبين على ملامحها: لا حبيبتي حاس فيك نوره طالعته و بألم: لا مو حاس فيني ما جربت شعور ان ولدك يكرهك وما يبيك هالشعور يذبح يا سعود ما اقدر اتحمل واشوف الكُره بعيونه سعود مسك يدها وباسها بهدوء: روحي تحملي مره ومرتين وثلاث و كلميه يلا حبيبتي قومي نوره ضغطت على يده ووقفت وصلت للغرفه فتحتها مشت لفايز الي شافته نايم على السرير قعدت جنبه مدت يدها تمسح دموعه الي على خدوده بيدها نزلت راسها وهي تبوس جبهته بعمق وتشم ريحته وتروي شوقها له بعدت عنه وهي تمسح على شعره وتتأمله بهدوء ما تدري شكثر مر من الوقت وهي تطالعه ما ملت ثانيه وقفت وهي تغطيه وباست خده بتروح تشوف العيال و سعود الي تدري ان خلاها على راحتها مشت للباب بس وقفتها صرخه لفت وهي تشوف فايز يبكي وحاط يدينه على اذانه انصدمت انه بهالعمر يشوف كوابيس مشت له قعدت جنبه وهي تضمه : بسم الله عليك وش فيك فايز بخوف : انا خايف نوره وهي تطالعه بضيق مدت يدها وهي تمسح دموعه : حبيبي وش الي يخوفك فايز طالع امه يستوعب هو وين ركز بوجها انها امه سكت و صد وعطاها ظهره: ولا شي نوره عضت شفتها بألم مسكته من كتوفه وقربته منها لفت وجهه لها وباست خدوده: حبيبي انت وش مزعلك مني فايز ودموعه نزلت : انا مو زعلان انا ما احبك نوره ابتسمت وهي تمسك وجهه بين يديها: بس انا احبك واموت فيك يا روحي انت فايز طالع امه : جد ماما نوره ابتسمت : ايه حبيبي انا ما عمري كرهتك شلون اكرهك وانت بكري واول فرحتي فايز نزل نظره وبهدوء : ليش خليتيني عند اسماء انا ما احبها نوره بضيق : غصب عني فايز طالعها : طيب ليش مارديتي علي لما اتصل لك ليش لما ناديتك ابيك تجين ما سمعتيني نوره تنهدت بعمق وهي تأشر على قلبها : سمعتك فيه بس ما قدرت اجيك وباستغراب وهي تستوعب كلامه : متى اتصلت فايز : لما كنا عند جولي اتصلت لك كثير حتى انتي رديتي بس رحتي لعبود وما كلمتيني نوره غمضت عيونها بقوه وهي تتذكر المكالمات الي كانت تجيها وما اهتمت لها كانت من فايز خذت نفس و سندت ظهرها وهي تحس بألم ببطنها فايز طالعها وهي مغمضه عيونها : ماما انتي تحبين عبود وحمود بس صح نوره فتحت عيونها وبتعب : ما كنت اعرف انه انت و ترا اتصلت بس محد رد علي ابتسمت ايه احبهم بس احبك اكثر فايز ابتسم وضمها : ماما ما راح تركيني صح نوره ابتسمت بضيق وهي تعرف ان اسامه ما راح يخليه عندها طردت هالافكار من راسها راح تفكر بهاللحظه وبس فايز وعندها وهذا يكفيها ضمته : اكيد يا قلبي فايز بعد وباستغراب : ماما ليش بطنك كبير كذا نوره ضحكت وخذت يده وهي تحطها على بطنها : راح يصير عندك اخوان صغار فايز وقف وهو يقفز على السرير بفرح : يعني راح اصير نفس طلال عندي اخت صغيره نوره ضحكت : ٢ بعد فايز باسها بخدها وهو فرحان وقعد جنبها وهي ضمته بحنانها الي فاقده فايز من فتره ومحتاج له بقوه وقفت : يلا نشوف بابا سعود مسك يدها وطلعوا شافت سعود جاي من برا وفي يده اكياس سعود ابتسم وهو يشوف فايز مع امه الي ابتسامتها تشع وزادتها جمال ابتسم : عسى دوم هالابتسامه نوره : وياك حبيبي وين رحت سعود وهو يحط الاكياس : جبت لنا سحور نوره ابتسمت : بس وين العيال سعود : ناموا _ اليوم الثاني في بيت ابو احمد قاعدين اسامه و اسماء واسيل و شيخه اسامه طالعهم واخذ نفس وزفره شيخه : وش فيك اسامه : افكر بفايز مادري شلون هالي ما يتسمى وياه اسيل ابتسمت بسخريه تدري ان يقصد زوج نوره : على الاقل بيكون احسن من هاذي اشرت على اسماء شيخه عقدت حواجبها : وش تقصدين اسيل وهي تطالع اسماء بنظرات : اسأل زوجتك وش مسويه بفايز اسامه طالعها وببرود : مقهوره منها لانها فضحتك اسيل قبضت على كف يدها بقوه وقهر : ما همتني بس الي يهمني فايز كل يوم في الليل يجي ويدق علي الباب تتوقع ليش شيخه بخوف : ليكون الولد تعبان اسامه ببرود : تكذب عليك يمه شكله الكذب صار عاده عندها اسيل بنرفزه : طيب يا اسامه لا تصدق خلك كذا لما يضيع ولدك انا بس ابي اعرف ليش صار يخاف ويشوف كوابيس ترا سكت بما فيه الكفايه عن زوجتك لان الي تسويه مع فايز اكثر من كذا مشت وهي تستغفر بتروح تقرأ قرآن افضل من القعده معهم شيخه طالعت اسماء بصدمه : اسماء وش مسويه لفايز ليكون تضربينه ترا ان تأكدت كلام اسيل صدق وربي لا تندمين اسامه مسك راسه وذيك الليله الي كان بيخسر فايز تمر في باله طالع اسماء بهدوء : قومي تجهزي بوصلك بيت اهلك اسماء طالعته بصدمه: ليش اسامه برود: مو انتي تبين تشوفينهم اسماء وقفت وهي مقهوره وراحت غرفتها تجهز نزلت وهي شايله شنطتها وضايقه فيها الدنيا كل الي صار لها بسبب فايز و عمته شكثر تكرهم ركبت السياره اسامه حرك بعد ربع ساعه وصل لبيت اهلها: لا تزعجيني باتصالاتك والافضل ما تتصلين خير شر اسماء بقهر وهي ماسكه نفسها لا تبكي: ليش اسامه من غير ما يطالعها: انزلي اسماء طالعته بقهر ودموعها تجمعت بعيونها نزلت من السياره وقفلت الباب بقوه و هو مشى حتى قبل لا تدخل البيت _ رجع من الدوام مرهق رمى المفتاح والجوال والبوك على الطاوله وارتمى على الكنبه ابتسم وهو يسمع ضحكتها الي لاول مره من فتره طويله يحس ضحكتها طالعه من قلب وقف وهي يمشي للمطبخ وقف قدام الباب تسند ورفع رجله على الجدار وتكتف وهو يطالعهم بهدوء محمد قاعد في الطاوله ويأكل و عبدالله شعره مبلل ماء ووجهه يركض وراء فايز الي يضحك ونوره واقفه قدام الفرن ظهرها للباب وكل شوي تصارخ وتضحك عليهم مشت وهي تأخذ صحن لفت وشهقت بخوف وطاح الصحن من يدها سعود: بسم الله عليك ركضوا العيال بعد ما انتبهوا اخيرا لوجود سعود نزل لمستواهم وضمهم ثلاثتهم وباسهم: كيف الحلوين ردوا: تمام نوره وهي تحط يدها على صدرها تهدي دقات قلبها الخايفه: سعود خوفتني تنحنح قول شي مو داخل مثل الحراميه سعود ضحك ومشى لها حط يده على خصرها : ما حبيت اقطع ضحكتك الي ترد الروح باس خدها وهمس: ابي اشوفها دوم لا تحرميني منها نوره بخجل: سعود سعود بحب: عيونه وروحه وحياته نوره ابتسمت: حبيبي ممكن تطلع انت والعيال سعود ضحك: من عيوني نوره :تسلم لي عيونك طلع سعود مع العيال تركهم بالصاله يطالعون التلفزيون وراح ياخذ له شور ويبدل و بيرجع لهم _ في المستشفى عند جوري دخلت مكتبها رفعت نقابها وخذت نفس وزفرته بقوه قعدت على الكرسي وهي خايفه نظرات وائل ما ريحتها سندت راسها لوراء شتسوي معاه تقول لابوها او لا زفرت بهدوء وقفت وهي تفسخ البالطو طلعت من المكتب و مشت فتحت المصعد دخلت كانت بتقفله بس جمدت وهي تشوف وائل يدخل بلعت ريقها و دقات قلبها سريعه وائل: السلام عليكم الجوري ماردت وائل ابتسم على جنب: ترى السلام لله الجوري على يدها بقوه وردت : وعليكم السلام وائل : اخبارك الجوري ماردت وائل بسخريه: ليش ما تردين ليكون زعلانه الجوري ما كنت ترد تبي بس استفزها وردت عليه: يخاطبني السفيه بكل قبح فأكره أن أكون له مجيبا يزيد سفاهة فأزيد حلماً كعود زاده الإحراق طيبا إذا نطق السفيه فلا تجبه فخير من إجابته السكوت انفتح المصعد طلعت ووائل جمد مكانه و كلماتها تردد في باله يستوعب ضرب يده في الجدار بقهر : هين يا جوري وربي لا تندمين فتح باب المصعد بعد ما تقفل وراح لشغله وهو مقهور منها اما الجوري كملت طريقها وهي تردد الاستغفار شافت ابوها ابتسمت ومشت له وطلعت معاه من المستشفى لسياره __ في بيت ابو احمد مجتمعين على سفرة الفطور كلهم حتى احمد وشذى وعياله ارتفع اذان المغرب و بدوا بالافطار وقف الاب صالح : يلا صلاة يا عيال وقفوا وراحوا للمسجد اسيل بعد ما صلت المغرب قعدت على السرير حظنت دبدوبها الوردي الكبير فتحت جوالها وهي تطقطق فيه راحت للاسماء وقفت عند اسم ياسر طالعته فتره وتنهدت تنهيده من اعماقها اشتاقت له ولصوته غمضت عيونها بقوه هي ما صارحته ولا مره بحبها له وما تنكر هي فعلا تحبه بس ما عندها الجرأه والشجاعه الكافيه تقول له تنهدت بهدوء وهي تتذكر ياسر اخر مره شافته بشقته نظراته كانت مختلفه ما تدري حقد او كره ما فهمتها طقت الباب شذى وهي شايله ملاك فتحت : اسيلوه شفيك رحتي غرفتك ولا نزلتي وبعدين وين فايز ومرت ابوه اسيل تنهدت للمره الثانيه وبهدوء : مافيني شي وفايز عند امه واسماء شكلها عند اهلها شذى بدهشه : يعني اسامه اخذ فايز لامه اسيل : لا عبدالعزيز عطاهم اياه واسامه جن شذى باست خد ملاك : اخوك مو صاحي اسيل ابتسمت لملاك : الله يهديه شذى : آمين __ نوره حاطه راسها على كتف سعود وهو يلعب بشعرها هاديه ما نطقت بحرف سعود وهو خايف عليها : حبيبتي يعورك شي نوره هزت راسها بالنفي سعود : طيب وش فيك ياقلب سعود نوره تنهدت : اخاف اسامه بأي وقت يأخذ فايز اخاف انام واصحى وما القاه معي سعود بضيق : لا تفكرين بهالاشياء الحين قومي بنطلع انا وانتي والعيال يلا نوره طالعته وابتسمت وهي تطالع بعيونه : دايما اشكر ربي الي عوضني فيك سعود وهو يمد يده لخدها وبهمس : وانا بعد اشكر ربي واحمده على اللحظه الي شفتك فيها وصرتي زوجتي وحبيبتي نوره حطت يدها على يده و باستها بعمق سعود بابتسامه وحب : ما تبين تطلعين نوره وقفت : لا اكيد ابي دقايق بس بشوفهم مست لهم دخلت الغرفه : يلا يا ابطال بنطلع ابتسمت وهي تسمعهم يصرخون بفرح طلعت لهم ملابس ولفايز الي اشترى له سعود ملابس وراحت تلبس رجعت بعد ماجهزت وهي تسرح شعر محمد وعبدالله و فايز وضمته : فديت الحلوين سعود وهو لابس ثوب ابيض وشماغ و بيده سبحه و ريحة عطره منتشره بالمكان : مشينا العيال ركضوا : يلااا نوره ابتسمت وولحقتهم مر الاسبوع على نوره من اجمل ايام عمرها ومر على الجوري هادي ماصار وائل يكلمها بس ما تدري ليش مو مرتاحه __ في بيت ابو احمد الساعه ٩ ليلا رن جوال اسامه ومن شاف المتصل فز واقف وطلع من البيت وهو يرد عليه : هلا عرفت وينهم .. طيب عطني العنوان بسرعه ابتسم الله يعطيك العافيه ولك عندي مكافأه مرني بكرا الشركه مشى لسيارته وقف وهو يشوف عبدالعزيز بنظرات ومشى عبدالعزيز ابتسم بهدوء وكمل طريقه وهو يحرك مفتاح سيارته بيده ببرود ودخل البيت وسلم على امه وابوه قعد على الكنبه بجانب اسيل طالعها :من مسوي الحلا اسيل بابتسامه : انا اكيد عبدالعزيز : طيب صبي لي قهوه وخليني اذوق حلاك اسيل وقفت : طيب مسكت الدله والفنجان وهي تصب له : سم عبدالعزيز : سم الله عدوك اخذ الحلا وهو يأكل نزل صحن الحلا بعد ما خلص و الفنجان وسرح بتفكيره اسيل وهي تدقه بكوعها وهمست له : بنت صح عبدالعزيز صحى من سرحانه : هاه اسيل ضحكت : الحين تأكدت عبدالعزيز طالع امه الي وقفت ومشت ابتسم بهدوء : ايه والله بنت شاغله تفكيري اسيل صفقت بحماس : احلف من هي ووين شفتها صالح : وش فيك انهبلتي اسيل ضحكت : لا يبه بكامل قواي العقليه صالح ابتسم : وش تتهامسون فيه اسيل وهي تنط تقعد جنب ابوها : يبه ولدك شكله طاح ومحد سمى عليه صالح طالعها ولف لعبدالعزيز بدهشه : عزيز وش السالفه عبدالعزيز : معليك يبه منها اسيل وهي تغمز لعبدالعزيز : من هي عبدالعزيز : وجع محد يقول لك شي صالح ابتسم : من بنته عبدالعزيز تنهد : ما اعرف كل الي اعرفه انها دكتوره في مستشفى الـ... اسيل بحماس : من بكرا بروح اشوفها شسمها عبدالعزيز رفع حاجب صالح ضحك : خلاص خلي اخوك على راحته عبدالعزيز وقف وهو يحب راس ابوه : الله يطول بعمرك يالغالي ولا يحرمنا منك __ نوره وهي تساعد فايز يلبس ملابسه خذت المنشفه وهي تنشف شعره باست خده طلعت لسعود ومحمد وعبدالله : حبيبي لا تنسى موعدي بكرا سعود ابتسم : مو ناسي فايز قعد جنب عبدالله : بابا ابي حلاوى نفس حمود سعود ضحك : من عيوني مد يده للحلاوى وعطاه وحده عبدالله : بابا فايز بيقعد معنا على طول سعود سكت ما عنده رد على هالسؤال اما فايز طالع سعود ينتظره رده بس ما تكلم تضايق كان يبي يسمع كلمة ايه بس ما سمعها فجأه سمعوا اصوات عاليه وصراخ فايز وقف بفرحه : بابا نوره حست بأن احد سكب عليها مويه بارده سعود وقف : لاحد يطلع طلع وهو يسمع صراخ اسامه على الحارس سعود بجمود : نعم خير وش هالازعاج اسامه دف الحارس من قدامه ومسك سعود من مقدمة تيشرته بقوه : انت من سمح لك تأخذ ولدي سعود مسك يدينه بقوه وبعدها عنه : انا سمحت لنفسي اسامه طالعه باحتقار وصرخ : فاااايز سعود يطالعه ببرود وجمود اسامه ركز نظراته على نوره الي طلعت ماسكه فايز بيدها ووراها العيال مشت بهدوء عكس النار الي تحس فيها سعود لف وقبض يدينه بقوه وغضب وهو يشوفها طالعه حس بغيره من نظرات اسامه لها رغم انه السواد مغطيها ومو باين الا عيونها وكفيها اسامه مشى بيروح لهم مسكه سعود ورجعه لوراء بقوه : هيه اوقف مكانك فايز ركض لابوه : بابا جاي تقعد معنا اسامه رفع حاجب : لا يا بابا بنروح بيتنا فايز رجع لوراء :لا ما ابي اسامه مشى ومسك يده : يلا يا بابا مشينا مشى وهو يجر فايز الي يصرخ : لا ما ابي ماما ابي ماما نوره ما تحملت مشت بسرعه وقفت قدامه : بو فايز الولد صغير خله عندي لما يكبر اسامه ببرود : لا ما راح اخليه يتربى مع زوجك نوره بعصبيه : والله زوجي يعامله كأبن مو العله الي عندك الي تضربه وتعامله بقسوه اسامه لف نظره وطاح على بطنها انصدم وهو يشوفه بارز حس بضيقه : مبرووك نوره بقهر وحرقة بقلبها : الله لا يبارك فيك سعود بعصبيه : نوره نوره طالعته بألم وعيونها متجمعه فيها الدموع قرب منها مسك يدها و بعدها من قدامه : كلامك خله مع الرجال مو الحريم ولا صح انت مو رجال اسامه ضرب سعود بوكس رجعه لوراء نوره شهقت : سعود انت بخير سعود رجع له بوكس اقوى اسامه فك فايز بيهجم عليه وقفت نوره قدامه اسامه بصدمه قبض يده بأخر لحظه لا تصير فيها طالع بعيونها بقهر ولف مسك يد فايز سعود بعصبيه : نوره وخري مسك يدها بيبعدها بس هي ضغطت على يده وهي خايفه عليه ما صار له فتره من قام من الغيبوبه طالعته بعيونها وهزت راسها بلا سعود وهو يتنفس بسرعه : ادخلي انتي والعيال فايز : وانا سعود طالعه وبهدوء : بتروح مع ابوك فايز شاف امه الي راحت وقفت جنب العيال لفت وهي تطالع فايز ودموعها غرقت نقابها يالله كون بعوني ما اقدر اتحمل فراقه مره ثانيه حسبي الله عليك يا اسامه الله لا يسامحك فايز طالع امه بصدمه هي وعدته ما راح تتركه صرخ : ماما ماما محمد بخوف من الهواش ومن صراخ فايز ركض لنوره وضمها وهي طاحت على ركبها وضمت محمد بقوه وهي تبكي فايز طالع امه وهي تحضن محمد وتركته وهي الي قالت ما راح اتركك خلت ابوه يأخذه هدأ من صراخه و نزلت دموعه لف قدامه بضيق ومشى مع ابوه لسياره سعود وهي يحس شهقاتها تطعن فيه كسكين قعد جنبها حط يده على كتفها : نوره نوره طالعته وهي تبكي : اخذ فايز مني سعود ضمها : بيرجع لك يا قلبي اهدي نوره بصوت متقطع : اخاف يرجع يكرهني ياسعود سعود وهو يأخذ نفسه بعمق طالع عبدالله : عبدالله خذ اخوك وروحوا الغرفه عبدالله مشى لمحمد مسك يده وراحوا سعود وهو يفسخ شيلتها : انتي كنتي متوقعه ان ابوه بيأخذه وبعدين فايز ماراح يكرهك يلا حبيبتي ندخل تقدرين تمشين او اشيلك نوره هزت راسها بتعب : راح امشي وقفت ومشت بخطوات بطيئه سعود تنهد وهو يطالعها لحقها دخلت الغرفه قعدت على السرير سعود صب لها كوب ماء وعطاها نوره شربت شوي وانسدحت على السرير سعود غطاها وهو يشوفها مغمضه وهو يدري انها تبي تهرب من واقعها بالنوم باس جبينها ووطلع __ عند اسامه وفايز في السياره الاثنين ساكتين وقف اسامه قدام البيت نزل فايز من السياره ولحقه ابوه دخلوا البيت وباين عليهم الضيق عبدالعزيز ابتسم : هلا فايز منور بس فايز كان سرحان وابوه يمشي وراه دخلوا كل واحد غرفته عبدالعزيز باستغراب ما يدري شفيهم فايز عيونه حمراء واضح يبكي واسامه متضايق مشى وهو يقعد على الكنبه و يطقطق بجواله فايز قاعد على سريره مسح دموعه بيدينه بطفوله وهو يتذكر اخر شي شافه امه خلت ابوه ياخذه وضمت محمد وهو لا زم شفايفه يفكر بكلامه مع امه " فايز ابتسم وضمها: ماما ما راح تتركيني صح نوره ابتسمت بضيق و ضمته: اكيد يا قلبي" تفكيره بين ان امه تركته و بنفس الوقت عنده امل انها تاخذه مثل ما خذته هالمره يبيها تجي وتاخذه مره ثانيه انسدح وكلمة سعود للحين تتردد براسه: انت روح مع ابوك بكى بقهر يبيهم بس شكلهم ما يبونه __ عند اسامه واقف قدام التسريحه حاس بشي خانقه بقوه وهو يتذكر نوره واقفه قدامه حامل شلون نوره تحمل وهو ما يكون اب عيالها غمض بقهر وهو يتنفس بسرعه ونظرة الخوف بعيونها على سعود ما نساها رمى كل شي على التسريحه على الارض قعد على الكرسي واخذ نفس بعمق يحاول يهدى نوره لازم ما يفكر فيها خلاص ينساها دام فايز معاه المفروض ما يفكر فيها ابد __ في بيت حسام قاعده الجوري على سريرها سرحانه ما عندها دوام اليوم دخلت عليها ثريا : سلام كيف الحلوين طالعتها جوري وفزت وهي تضمها بقوه : اشتقت لك ثريا ابتسمت : لو ادري بتشتاقين لي هالكثر كان تأخرت بعد الجوري ضربتها على كتفها : تعالي ابيك بسالفه دام اختك الثانيه ما ادري وينها ثريا عقدت حواجبها قعدت على سرير نوره : شصاير الجوري وهي تفرك يدها بتوتر : في دكتور معاي دوم يزعجني ما ادري شسوي ثريا نظراته لحالها ما تريح احسه يراقبني فجأه يطلع بوجهي ثريا بدهشه : خير شيبي الجوري طالعتها وزفرت بهدوء :يقول يحبني ويبي يتقدم لي بس انا رفضته ما ابيه ثريا بقهر : اشتكي عليه الجوري بسخريه : ياكثر الشكاوي الي عليه بس امس اشتكيت عليه بس ثريا خايفه ثريا خذت نفس : لا تخافين هذا يبي له احد يوقفه عند حده انا راح اكلم وليد جوري بقلق سكتت ثريا بجديه : عطيني اسمه جوري خذت نفس عميق : وائل الـ... ثريا وهي تطالعها: لا تشيلين هم وليد راح يتصرف جوري ابتسمت: طيب انتي وينك ما جيتينا من فتره ثريا ابتسمت وهي تسولف وش صار وياها __ نوره رجعت من المستشفى مع سعود والعيال : خذنا للبيت سعود لف عليها ورجع نظره لطريق : طيب وقف قدام البيت نزل سعود فتح الباب وركضوا محمد وعبدالله لداخل البيت طلعت نوره وهي شايله شنطتها دخلت وباين عليها التعب من الحمل والصيام تحس بخطواتها ثقيله شهقت وهي تحس بنفسها ارتفعت عن الارض : سعود نزلني بمشي لحالي سعود بهدوء : اسكتي خلاص نوره تنهدت بعمق وهي تتأمله سعود وصل للغرفه فتح الباب ورفسه نوره ابتسمت وبهمس: حبيبي نزلني سعود رن جواله نزلها وطلع جواله وهو يرد على صديقه بندر : الو هلا بندر اخبارك الحمدلله تمام لا يا رجال ماله داعي ليش تحلف خلاص ان شاء الله مع السلامه نوره قعدت على الكنبه وسندت ظهرها وهي تفكر ما انتبهت لسعود الي يكلمها سعود وهو واقف قدامها : نوره نوره انتبهت رفعت نظرها له : هلا سعود وهو يطالع نظرة الحزن العميقه بعيونها ليت اقدر آخذ حزنك كله ولا اشوفه بعيونك آه من تلك النظره ما آقسى جبروتها على قلبي سعود بهدوء : انا طالع تبين شي نوره : سلامتك سعود لف بيطلع : ايه ما راح اجي على الفطور معزوم عند بندر وطلع __ عند ياسر مجتمعين على سفرة الفطور منال وهي مو قادره تسكت : اقول يويسر للحين تبي تاخذ اسيلوه ياسر طالعها طنشها وهي ياخذ كوب الفيمتو ويشربه سوسن بفضول : رد عليها ياسر بهدوء : مالك دخل انتي وياها منال بقهر : يعني للحين ناوي تتزوجها الله يعين بس ياسر بقهر وقف وهو يطالع خواته : الحمدلله ام تركي ضربت منال بفخذها : زين كذا ما خليتي اخوك يفطر منال وهي تفرك مكان الضربه : يمه هو بس سؤال وقفت الام : هالسيره لا اشوفها تنفتح فاهمين البنات : طيب سمر بضيق على اخوها : خلاص عاد ترى باين ان ياسر يتضايق كل ما كلمناه عن اسيل نجلاء تنهدت : ايه والله يا عمري ياسر ما تستاهله اسيل سمر وقفت وهي متضايقه : يلا نصلي وكل وحده تسوي شغلها سوسن وقفت وهي تتأفف لان اليوم دورها تغسل المواعين __ في المستشفى طلعت من الطوارئ بعد ما شافت المرضى وقفت وهي تشوف وليد زوج اختها واقف يسأل عن وائل عضت شفتها تخاف الموضوع يكبر ووائل ما يسكت تنهدت بضيقه بتمشي بس وقفت وهي تشوف الدكتور وائل رايح له وطلع معاه لخارج المستشفى دخلت يدينها بجيب البالطوا ولحقتهم وقفت وهي تشوف النقاش بينهم حاد وليد بعصبيه : عبالك بنات الناس لعبه عندك اسمع علما يوصلك ويتعداك ان سمعت انك مأذيها او ازعجتها راح يكون لي تصرف ثاني معاك وائل ببرود وهو من داخله يغلي من هذا : ومين الاخ ليكون حبيبها بس وليد ونظرته احتدت وبصوت حاد : احترم نفسك هي اشرف منك ومالك دخل من اكون وائل طالعه بقهر : تهديدك هذا ما يخوفني وليد وهو يلف : الي عندي قلته اتمنى تكون فهمت حدودك زين وما تتعرض لبنات خلق الله اذا تبي وظيفتك ومشى وائل لف وهو يمشي للمستشفى شاف جوري قدامه احتدت نظراته مشى لها ووقف قدامها :هالاشكال ما تخوفني سامعه و اذا تبين سلامتك الحين تروحين وتسحبين الشكوى الجوري ببرود وعناد : لو اعتذرت كان ممكن اسحبها بس دام هذا اسلوبك راح اروح وارفعها للاداره ومشت وائل مشى معها : كل هذا عشاني احبك جوري بهدوء :وانا ما احبك افهم خلاص وائل اخذ نفس : طيب اعتذر ممكن تسحبين الشكوى جوري ابتسمت من وراء النقاب : لا ومشت بسرعه لمكتبها ووائل كان بيلحقها بس نادته الممرضه عشان يشوف المريض الي يصارخ ورافض العلاج لف وراح معها بسرعه __ عند اسماء قاعده تعبانه وتحس بضيقه وصداع قوي ما تنام عدل واكلها خفيف دخلت عليها اختها مها : اسوم تعالي نقعد نسولف نتقهوى واذوقك الحلا الي سويته اسماء : ما ابي قعدت مها : اسوم يعني لمتى شوفي وجهك صار اصفر و تعبانه كل هذا عشان اسامه قلعته لا تفكرين فيه اسماء بضيق : شسوي احبه يا مها مها تنهدت بضيق : حبيبتي اجيب لك اكل لهنا ترى ما فطرتي عدل كلها تمر اسماء : طيب بجي وياك وقفت مدت يدها بالجدار بعد ما حست بدوخه مها مسكتها : شفتي لان ما تأكلين اسماء : طيب امشي ننزل قعدت معاها وصبت لها قهوه : تبيني اجيب لك اكل اسماء مسكت بطنها بألم : لا مالي نفس مها : ما يصير كذا يا اسماء اسماء : مهوي مصدعه ومالي خلق لشي خلاص لا تحنين اذا جعت المطبح قدامي مها تنهدت : براحتك __ عند اسامه دخل شاف فايز مع امه واخته قاعد: فايز قوم بدل ملابسك يلا بنطلع السوق اسيل بحماس : انا بعد ابي اروح وياكم اسامه طالعها وببرود : لا اسيل تضايقت وهي تشوف تعامل اسامه البارد و سكتت شيخه بحنان : ليش يمه ناقصك شي ما شريتيه اسيل بهدوء : ايه بس كنت ابي اروح ويا فايز فايز : بس بابا سعـ.. سكت كان بيقول بابا سعود اشترى لي بس ماكمل بعد ما تذكر جملة سعود الاخيره اسامه : وش يا حبيب بابا فايز بهدوء : ابي عمتي تجي معنا اسامه طالع اسيل : طيب اسيل روحي تجهزي وجهزي فايز معاك اسيل وقفت وهي تمد يدها لفايز : طيب __ عند ياسر طالع مع امه واخواته يخلصون اغراض العيد تأفف ليت تركي الي جاء ما يحب التفرفر : يمه اذا خلصتوا دقوا علي امه : طيب يمه مشى دخل محل عطور وهو يكلم البائع عن العطور الي يبيها اخذ ٢ من عطوره المفضله مسك الكيس لف بيطلع تفاجى باسامه وفايز داخلين شاف البنت الي وراهم دقات قلبه سريعه وهو يشوف ملامح وجها الي اشتاق لها من زمان ما شافها تنهد بألم لف على صوت فايز : بابا ابي عطر اسامه ابتسم: ان شاء الله يا روح بابا طالع بلي واقف تغيرت ملامحه للجمود ياسر طلع من المحل اسيل قبضت كف يدها الي ارتجفت والجو صار حار فجأه وقلبها يدق بقوه طلبت العطر الي تبيه بهدوء عكس الضجيج الي داخلها __ نوره وقفت : حبيبي ابيك بموضوع سعود : خير ان شاء الله نوره وهي تحس بغصه : غرفة فايز سعود باستغراب : شفيها نوره بضيق خذت نفس عميق : فايز ماراح يسكنها فخليها لاخوه الي جاي سعود سكت شوي : راح اجهز له غرفه ثانيه نوره بهدوء: لا مو حلوه تتم فاضيه خليها له سعود ابتسم : طيب محمد : بابا انا راح اروح المدرسه مع عبود سعود وهو يحط يده على اكتافه : ان شاء الله حبيبي نوره ابتسمت ابتسامه شاحبه وهي تذكر ان فايز بيدخل اول سنه في المدرسه غمضت عيونها ودعت من كل قلبها الله يوفقه ويعينها على بعده __ خلص شهر رمضان المبارك وارتفع صوت المساجد بتكبيرات العيد التي يرددها المسلمين بفرح نوره بابتسامه وهي تسرح شعر عبدالله وتعطره : يلا يا ماما البس جزمتك وروح مع بابا المسجد راح عبدالله يركض محمد بزعل : ماما وانا ابي اروح وياهم نوره ابتسمت وهي تمسك خدوده : عمري الي يبي يروح معاهم محمد زم شفايفه : ماما نوره مدت يدها له : حبيبي انت توك صغير وبعدين من يقعد وياي محمد مسك يدها : طيب نوره : انتظرني تحت بصلي وبلحقك محمد : اوكي وركض تحت نوره : حمود شوي شوي توضت وصلت وقفت قدام المرايه فكت شعرها مشطته وخلته على جنب حطت لها مكياج خفيف ابرز جمالها لبست عقدها وحلقها وساعتها رشت عطرها ابتسمت و نزلت دخلت المطبخ وهي تولع على الفحم وتطلع بخور راقي تبخر البيت جهزت القهوه العربيه ابتسمت لميري وهي تجهز قدوع العيد حلويات وموالح وشوكلا وحطتهم في الصاله ابتسمت وهي تقعد جنب محمد الي ياكل حلاو باست خده : كل عام وانت بخير يا عمري دخل سعود وعبدالله ركض عبدالله ضمته نوره : كل عام وانت بخير حبيبي عبدالله طالعها وابتسم وقعد جنب اخوه سعود واقف يطالع نوره لابسه فستان حمل ناعم لنص الساق و جميله هي بكل حالاتها لكنها الان فاتنه جدا ابتسم وعيونه تفضح حبه لها قرب وقف قدامها ريحة عطرها امتزجت مع رائحة البخور باسها بخدها وهمس لها: ارحمي قلب ميت في هواك وكل عام وانتي بخير ياقلب سعود نوره بابتسامه حب : وانت بخير يارب و كل عام وانت حبيبي سعود ضمها وهو يشم ريحه شعرها بعد على صوت عبدالله : بابا شوف حمود ضحكت نوره وهي تقعد جنب محمد : يا حبكم للهواش سعود ابتسم : وش مسوي لك حمود عبدالله بقهر : اخذ الحلاوى من يدي ضحك سعود : حبيبي خذ غيرها وخلاص عبدالله طالع محمد بعصبيه : طيب __ قاعده وهي تحس بضيق اتصلت باسامه ومارد عليها انتبهت لصوت ابوها : اخبار اسامه وينه من زمان ما شفناه اسماء طالعت ابوها وشتت نظرها بسرعه : بخير بس تعرف يبه اشغال امها : ليش ما جاء لك حتى ما اشوفه يتصل الاب : وش صاير بينكم اسماء مسكت بطنها الي يوجعها : لا لا مو صاير شي وقفت بعد ما حست ان قوتها بتخونها وما تقدر تمسك دموعها غير انها حاسه بغثيان : عن اذنكم طالعتها مها وهي تعرف كل شي صار مع اختها مقهوره عليها مشت بسرعه للحمام بعد ما حست بغثيانها زاد غسلت وجها واختلطت دموعها مع الماء و صارت تبكي بقهر طلعت وراحت لغرفتها دخلت عليها مها : اليوم عيد والناس فرحانه وتطلع وانتي بتمين بهالغرفه يلا تجهزي بنروح لاخوالي اسماء : مالي نفس مها بعصبيه : غصبا عليك بتروحين يلا بسرعه اسماء تأففت : طيب خلاص الحين بجهز ___ في بيت حسام الجوري : سعدد سعد بنرفزه : لا تكلميني جوري بضحكه : ليش سعد : الحين تعطين عيال خواتك عيديه حتى هالبرز مازن وانا لا جوري تبتسم : افا هذا الي مزعلك تعال اقعد تقهوى ويانا و راح اعطيك سعد : ما ابي بروح لصديقي محسن ثريا : سعد تعال اقعد ويانا والله مشتاقه لسوالفك سعد مشى وقعد قدامهم : بس عشانك الجوري وهي تاخذ الدله والفناحين وتصب لهم وقفت عند سعد اخذ الفنجان : لا تنسين تعطيني عيديتي الجوري ابتسمت : طيب نزلت الدله والفنجان بعد ما قهوت الكل و مشت وهي تأخذ بوكها وتطلع له العيديه: كل شي عندنا ولا زعل سعد سعد ابتسم ثريا وهي تأكل مكسرات: من محسن سعد بحماس: يووه ما تدرين جيرانا الجدد ثريا عقدت حواجبها : صار عندنا جيران جدد وانا ما ادري سعد ضحك: خلينا نشوفك اول عشان نقول لك ثريا طالعته: روح لمحسن الله وياك سعد : هونت قاعد عناد فيك ثريا ابتسمت طالعت نوره الي تسولف مع امها لفت لجوري وبهمس : وش صار معك الجوري ببرود : ولا شي ثريا : يعني الدكتور الغثيث ما صار يضايقك الجوري بقهر : يعني مو مثل قبل بس مو مرتاحه له ولا صرت افهم كلامه احسه الغاز ثريا زفرت بهدوء وهي تشوف العيال يلعبون __ في بيت ابو احمد اسيل خذت الايباد من فايز فايز طالعها بغيض وقهر كان مندمج باللعبه : ليش ابي العب اسيل : قوم العب ويا عيال عمك احسن لك شيخه : ايه والله صادقه خلك من هالي مامنه فايده وقوم شوف طلال والبنات يلعبون طلال جاء : بابا بروح البقاله احمد ابتسم : طيب روح فايز وقف : طلال لحظه بجي وياك طلال ابتسم : يلا فايز وقف ومشى معاه و بدا يسولف مع طلال عبدالعزيز وقف : انا بعد طالع عن اذنكم صالح : اذنك معك شيخه طالعت اسامه : اسامه اسامه طالعها وهو يشوف الجديه بعيونها : هلا يمه شيخه بجديه : متى راح تجيب زوجتك اسامه ببرود : ليش صالح : وش الي ليش روح جيبيها بيخلص لها شهر هناك اسامه : احسن خل تتأدب صالح : اسامه اسامه اخذ نفس : ان شاء الله يبه بكرا بمرها شيخه بهدوء : ترا وضع زوجتك مو عاجبني والله شكلها حامل اسامه بدهشه : حامل اسيل بغيض وبهمس : هاذي اصلا ما تصلح تكون ام شذى سمعتها وسكتت احمد وقف واستأذن وطلع شيخه :واضح عليها انها حامل اسامه تنهد ما يدري يفرح بهالخبر او يتضايق __ يوم جديد في المستشفى الساعه ١٢ ص منتصف الليل فسخت بالطوها بارهاق اليوم استنفذت كل طاقتها بين عمليتين جراحيه صعبه مع دكتور اخر وممرضتين وطبيب والحمدلله كانت ناجحه وتطمنت على مرضاها والحين انتهى دوامها شافت جوالها يرن برقم السواق الكبير في السن الي خلاه ابوها يوصلها لشغلها ويجيبها ما ردت لان اكيد ينتظرها تحت فسخت نقابها عدلت شيلتها ولبسته خذت شنطتها وجوالها وطلعت من مكتبها رايحه للمصعد دخلت وبعدها طلعت مشت لبوابة المستشفى هدوء يعم المكان مشت وابتعدت وهي تتلفت تشوف السياره ما لقتها لفت لورا وهي تمشي راجعه للمستشفى شهقت بقوه وهي تحس قلبها وقف من الخوف وجسمها ارتجف من الي وقف قدامها خذت نفس تهدي نفسها ويدها على صدرها بعد ما شافته الدكتور وائل : بسم الله وائل الي كان رايح لبيته وقف لما شافها وكأنه عرفها من هيئتها ابتسم لما لفت وشاف عيونها رد بسخريه : ليكون شايفه جني الجوري بقهر : الجني ارحم منك رن جوال جوري رفعته وهي تشوف المتصل : وينك يا عم .. لاااا ياربي خلاص طيب مع السلامه قفلت بقهر بعد ما اعتذر ان ما يقدر يجيها وائل وهو يطالعها : شرايك اوصلك جوري : لو اموت ما اروح معك وائل يتلفت حواليه وهو يشوف المكان فاضي وهادي همس لها : بينا حساب ما انتهى دكتوووره جوري جوري بلعت ريقها بخوف رجعت لوراء : وش قصدك وائل مسك يدها قبل لا تهرب منه : الحين بتفهمين قصدي جوري وهي تحاول تسحب يدها منه : فك يدي شتبي مني وائل يمشي وهي وراه دموعها نزلت وبصوت يرجف : والله لأصرخ واسوي لك فضيحه وائل لف عليها وهو يشوف عيونها الغرقانه دموع لف نظره عنها : صرخي يلا وش تنتظرين ما اضن احد بيسمعك سحبها وهي تصارخ : وائل فك يدي وقف دفها على سيارته وحاوطها بيدينه : ودي اشوفك وجهك جوري هزت راسها : لا وائل مد يده سحب نقابها ورماه ارتخت ملامحه وهو يطالعها باعجاب بلع ريقه وقلبه يدق بقوه جوري وهي تشوف دهشته استغلت الفرصه لان ما عندها شك بأن وائل نيته خبيثه دفته وركضت تبعد عنه و تروح المستشفى بس انصدمت من سرعته ركضت بسرعه بس مسكها وهي يحط يدها على فمها همس بأذنها : انتي الي حديتيني مشى معها وابتعد عضت يده وصرخت باعلى صوت عندها دفها على الارض بقوه لا اراديا من عضتها له جوري وهي تزحف لوراء وائل مسكها من فكها وهمس : تدرين ان حبك يشفع لك ولا كان ذبحتك لا اله الا الله محمد رسول الله | ||||||||
|
| |
|
28-06-20, 01:43 AM
| #17 | ||||||||
| مراقبة عامة ومشرفة منتدى الروايات المنقولة
| البارت الخامس عشر جوري وهي تبكي : خلني اروح انا ما احبك اكرهك ما اطيقك خلاص افهم وائل بقهر :ليش وش ناقصني ترى انا بنات كثير يتمنون مني نظره بس انا ما ابي الا انتي جوري تفلت بوجهه : ناقصك رجوله روح لهم انا ما ارتاح لك فهمت ليش وائل مسح وجهه وضربها كف جوري مسحت الدم الي بشفتها وهي تطالعه باحتقار وائل انصعق من الدم مد يده لخدها وبندم : اسف ما كنت ابي اوجعك جوري صرخت : وخر عني غمضت عيونها وهي تبكي فجأه سمعت صوت شي طاح على الارض بقوه فتحت عيونها وهي تشوف وائل طايح على الارض وفي احد يرفسه بقوه وهو يسب فيه وقفه وهو يلكمه في بطنه وعلى عينه و جوري تبكي بقوه وائل بعصبيه وهو يبعده عنه : و انت من بعد ؟؟ كل يوم واحد لكمه على خده بقوه طاح وائل على الارض وهو يتنفس بسرعه و بتعب رفسه الشخص على بطنه بقوه قام وائل وترك المكان رايح لسيارته لف عليها وغض بصره : اختي انتي بخير جوري طالعته ساكته ونطقت بألم لا شعوريا بعد ما عرفت صوته : عبدالعزيز عبدالعزيز لف عليها عقد حواجبه : ايه من انتي الجوري وقفت وهي تاخذ شنطتها وجوالها و تمشي بسرعه ويدها اليمين كلها تعورها طاحت عليها عبدالعزيز باستغراب لحقها الجوري وهي تحاول بجوالها يشتغل عشان تتصل بأبوها بس ما اشتغل انتبهت لعبدالعزيز الي مشى جنبها وبصوت مبحوح: شكرا وقف عبدالعزيز وكأنه بدأ يستوعب صوتها مشى بسرعه وقف قدامها طالع وجها وركز بعيونها: انتي الدكتوره جوري صح الجوري زمت شفايفها وعيونها امتلت دموع طالع بملامحها عيونها الباكيه وخدها الاحمر وشفتها المجروحه حس بركان يغلي داخله تكلم بانفعال وعيونه تطلع شرار : انتي جوري الجوري ببكاء: ايه انا جوري الله ياخذ جوري عبدالعزيز بقهر قبض كف يده بقوه لدرجه عروق يده بانت : لا تدعين على نفسك وقولي من هالحقير وربي ما اعديها له جوري وهي تكتم شهقاتها: لا تتدخل عبدالعزيز غمض عيونه يحاول يهدى وهو يسمع بكاها و بصوت حاد : تكلمي من هذا جوري بخوف: عبدالعزيز الله يخليك الي فيني كافيني عبدالعزيز وانفاسه سريعه وهو يتذكر كيف كان قريب منها هو جاء يجيب ابوه الي تعب فجأه دخلت امه واسيل معه المستشفى وهو راح يوقف سيارته ويلحقهم سمع الصراخ للمره الاولى توقع ان يتوهم بس لما تكرر صراخ البنت مشى باتجاه الصوت وانصدم وهو يشوفه يضرب البنت كف وهي تصرخ عليه ما قدر يتحمل بعصبيه هجم عليه مرت جوري من جنبه ومشت : اصلا انا راح اقدم استقالتي قعدت على كرسي قدام باب المستشفى ما تقدر تدخل وهي بهالحاله عبدالعزيز الي نسى ابوه : مجنونه انتي بتتركين وظيفتك الي تعبتي عليها سنين طيب اهلك ما تعبوا عشان تحققين حلمك و حلمهم بانك تصيرين دكتوره عشان واحد حقير بتتركينها جوري وهي تغطي وجها بيدينها وتبكي : تعبت وائل ما راح يتركني لحالي حتى اذا اشتكيت عليه مرده بيرجع للمستشفى عبدالعزيز بقهر : هو دكتور جوري هزت راسها بأيه عبدالعزيز بقهر : خلاص راح اخذ لك حقك والله ما اخليه بهالمستشفى دقيقه وحده جوري طالعته : وش راح تسوي عبدالعزيز قعد على الكرسي جنبها بس بينهم مسافه صغيره : بعدين راح تعرفين لف عبدالعزيز طالعها وهو يشوف وجها بوضوح بسبب الاضاءه الي قدامهم ويحس بنار تحرقه من شكلها وبكاها وبهدوء وهو يشوف كل من يمر يطالعهم : غطي وجهك جوري وتوها استوعبت انها كاشفه غطت وجها مدت يدها له الي ترجف : ممكن جوالك عبدالعزيز طالع يدها مجروحه : من شنو انجرحتي جوري وهي تغطيها بكم عبايتها : طحت عبدالعزيز وهو يطالع قدامه : بسببه صح جوري ماردت وعيونها بالارض عبدالعزيز مد لها جواله : تفضلي جوري خذته بهدوء مسحت دموعها بيدها الثانيه كتبت رقم ابوها طالعته فتره قبل لا تتصل وهي متردده نزلت نظرها لعبايتها المغبره من طيحتها و اكيد بيسألها وش صار لها ووين نقابها غير ان واضح على وجها انها انضربت مسحت الرقم ونزلت الجوال تكلمت بغصه : خلاص مشكور عبدالعزيز باستغراب : ما اتصلتي جوري وقفت وهي تنفض عبايتها و تدخل جوالها بشنطتها : ما يحتاج بروح بتاكسي عبدالعزيز وقف : لحظه جوري طالعته : نعم عبدالعزيز وهي يطلع مفتاح سيارته من جيبه : اقدر اوصلك جوري رمشت اكثر من مره من وراء شيلتها تكلمت بصوت منخفض : ايه عبدالعزيز ابتسم اشر بيده لها : تفضلي جوري مشت وهو مشى جنبها فتح سيارته وهو يتجه لها فتح الباب الي وراء لها وقفت وهي مرتبكه وتفرك يدينها بتوتر عبدالعزيز بهدوء : اذا ما تبين خلاص جوري ركبت وريحه عطره منتشره بالسياره استنشقتها بهدوء وسندت راسها على الدريشه وهي تفكر بلي صار معها عبدالعزيز ركب وحرك السياره عدل المرايه وهو كل شوي يطالعها وقف عند الصيدليه نزل وقفل الباب جوري ارتجفت هي وين ماطولت بأسئلتها لما فتح بابها قعد على الرصيف وهو ثاني رجله والثانيه رافعها تكلم : عطيني يدك جوري بلعت ريقها ومدت يدها بعد كم عبايتها وطلع معقم فتحته وهو يحط على قطعه قطن ليعقم جرح يدها الجوري غمضت عيونها بقوه وكتمت نفسها من حرقة المعقم عبدالعزيز طالعها وهو يتمنى الألم فيه ولا فيها ورجع نظره ليدها وهو يكمل لف يدها بالشاش وبهدوء : خلاص تنفسي كملت جوري زفرت براحه فتحت عيونها والتقت بعيونه شتت نظرها بسرعه عبدالعزيز وقف و ركب وحط الكيس جنبه : وين بيتكم جوري من غير ما تلف له عطته عنوان بيتهم وصل وقف قدام بيت حسام : وصلنا مد يده وهو يعطيها كيس المعقم والشاش جوري انتبهت خذته منه وبهمس : مشكور تعبتك معي ونزلت وهو تم يطالعها لما دخلت وقفلت الباب وراها طالع المكان ما يدري ليش يحس المكان مو غريب هو متاكد بس ما يذكر وحرك __ عند نوره وقفت عند اخر درجه مسكت الدرابزين بقوه وهي تأخذ انفاسها بتعب فكته وحطت يدها وراء ظهرها يالله من الصبح وهي تحس بألم يروح ويجي مشت بخطوات ثقيله استندت بيدها على الكنبه لما زاد ألم بطنها مشت وهي تدور العيال ماحصلتهم انطلقت منها آه عميقه وبدأ جسمها يعرق خذت نفس بقوه وزفرته تبي تستند على اي شي قريب منها مدت يدها لطاوله بس بالغلط ضربت يدها تحفه وطاحت مصدره صوت قوي ومزعج يالله ليكون وقت ولادتها صارت تأخذ انفاسها بقوه تذكرت جوالها بتتصل بس هو فوق صرخت : ميري عبدالله محمد وينكم تحركت رايحه لتلفون البيت مسكت السماعه بس مو حافظه رقم سعود ولا ابوها نزلتها وقعدت على ركبها بعد ما انهارت قوتها بكت من قوة الالم عبدالله الي كان داخل من برى انصعق وهو يشوف نوره تبكي ركض لها : ماما شفيك ليش تبكين دخل محمد وراه وفي يده شيبس ياكله بهدوء ويده الثانيه شوكلا راح وراء عبدالله انصدم وهو يشوف نوره تمسح دموعها وتتنفس بعمق وبصعوبه بلعت ريقها : عبدالله اتصل لابوك بسرعه عبدالله وقف هو حافظ رقمه مشى لتلفون البيت رفع السماعه ويضغط الارقام بسرعه غلط ورد كتبه من جديد وهو ينتظر رد ابوه دخلت ميري من برا بعد ما كانت تنظف المجلس الخارجي وانصدمت وراحت لها بسرعه __ عند سعود قاعد يقرأ الملفات بتركيز و يشتغل عليهم رن جواله نزل القلم ومد يده لجواله رد بسرعه بعد ما شاف رقم البيت : الوو .. عبود شوي شوي عشان افهم وقف بصدمه اوكي خلاص الحين جايكم بندر لف عليه وهو عاقد حواجبه سعود باستعجال وارتباك : بندر انا لازم اروح تقدر تكمل شغلي بندر : ايه اكيد لا تشيل هم طلع سعود بسرعه وقف قدام المصعد ما انفتح بسرعه مشى لدرج وهو يركض طلع من الشركه مشى للباركات شغل سيارته وهو خايف عليها بشكل مو طبيعي وحرك بسرعه متجه لبيته __ عند اسماء بعد ما رجعها اسامه اشترت جهاز تحليل حمل وجربته واقفه تطالع الجهاز بدهشه بعد ما طلع لها خطين بوضوح يدها ارتجفت وهي مو مصدقه انها حامل طلعت بابتسامه وعيونها مليانه دموع فرح شافت اسامه يتكلم بالجوال انتظرته يكمل عشان تبشره بحملها اسامه قفل و راح للكبت طلع له ملابس بدل وقعد وهو يطقطق بجواله اسماء بتوتر : حبيبي لف لها وهو رافع حاجب ابتسمت وقعدت جنبه على السرير : انا حامل اسامه ببرود : متأكده او شاكه اسماء وفرحتها تلاشت من بروده : متأكده اسامه وهو يشوف ابتسامتها اختفت تنهد وهو وده باخوان لفايز فكر بردة فعله ابتسم بهدوء : فايز اكيد راح يفرح اسماء طالعته بقهر وقفت وطلعت __ في المستشفى محمد وعبدالله قاعدين على الكراسي اما سعود مو قادر يجلس شبر المكان رايح جاي متوتر وخايف و دقات قلبه من قوتها يحس اي احد بيمر جنبه بيسمعها مع ان عنده ولدين بس اول مره يخاف بهالشكل نوره هي كل حياته وروحه اخذ نفس بقوه وتسند على الجدار في انتظار احد يطلع ويطمنهم واخيرا بعد طول انتظار طلعت الممرضه وهي تجر سريرين صغار فيهم طفلين مشى سعود بلهفه ولحقوه العيال طالعهم صغار وجيهم حمراااء مو مصدق انه صار اب للمره الثالثه لطفلين الممرضه بابتسامه : مبروك ولد و بنت رد عليها سعود : الله يبارك فيك نوره كيفها الممرضه : بخير الحمدلله ابتسم لصوت عبدالله : بابا هالصغار اخواني سعود بفرح : ايه حبيبي اخوانك شال واحد منهم وهو يسمي بالله باس جبينه بعمق وهو يأذن بأذنه اليمين ويقيم بالثانيه ونفس الشي مع الطفل الثاني الممرضه حركت السريرين رايحين للحضانه محمد بحماس : صغار مرا عبدالله بفرح : يجننون سعود ابتسم ورفع جواله وهو يتصل بعمه حسام يبشره بعد دقايق طلعوا نوره لجناحها دخل سعود عليها تقدم منها باس جبينها وهو يشوف وجها وعلامات التعب على ملامحها همس لها : الحمدلله على سلامتك يا قلب سعود نوره بتعب : الله يسلمك حبيبي عبدالله : ماما شفت اخواني محمد : صار عندنا اخوان صغار بنلعب معهم ابتسمت نوره لهم وغمضت عيونها تعبانه حيل سعود ناظرها بحب وقف : يلا خلو امكم ترتاح طلعوا من عندها بهدوء __ عند ياسر قاعد وهو يفكر مسك جواله اتصل لتركي اخوه عشان يخبره ان بكرا راح يروح يخطب ويبيه معه طلع من غرفته نزل ومشى لصاله شاف امه قرب وباس راسها : اخبارك يا الغاليه الام : بخير ياسر لف نظره في الصاله : وين البنات الام : طلعوا ياسر بهدوء : طيب يمه انا بكرا راح اروح اخطب اسيل الام طالعته بنظرات تنهدت : طيب ياسر تضايق من نظرات امه مسك يدها وباسها بعمق : يمه راضيه علي الام مدت يدها لشعره بحنان : ايه يمه راضيه عليك دام ما تبي غيرها الله يوفقك وياها ياسر بحب : الله لا يحرمني منك الام : آمين ولا يحرمني منكم __ المغرب الكل راح لنوره حسام ونوال وبناتهم وسعد وامتلت الغرفه ورد وهدايا وكاكو الجوري ما داومت اليوم بسبب الي صار لها حطت ثلج لخدها اول ما وصلت للبيت وخف احمراره وولادة نوره جات بوقتها عشان ينشغلو فيها ابتسمت وهي شايله البنت : نووير لا تنسين سميها جوجو سعد بحماس : والولد سعد ثريا : صح نوير وش اسمائهم نوره : شوي شوي على بنتي طالعت ثريا : البنت وجدان والولد امم ما ادري سعود وش بيسميه نوال بابتسامه : الله يحفظهم لك نوره : آمين سعد وقف : انا بطلع اشوف سعود وابوي __ عند فايز قاعد في الصاله لحاله على الكنبه ضام رجوله لصدره وهو يفكر بأمه ما جات له تعب وهو ينتظرها اكيد ما تبي تجيه لو هي تبيه ما خلته يروح عبدالعزيز قعد جنبه يتضايق لما يشوف اقرب عيال اخوه لقلبه قاعد و الضيق باين عليه حط يده على اكتافه : من مزعل حبيب عمه فايز لف له نزلت دمعه عبدالعزيز مد يده ومسحها ضمه وهو يبوس راسه وبحنان : وش فيك فايز بهدوء : انا وش فيني عشان ما يبوني طالع عمه عمو عز انت تحبني صح عبدالعزيز بصدمه ضمه : ايه يا روح عز احبك وفي احد عنده ولد مثلك يجنن وما يحبه فايز بغصه وصوت يرجف : ايه ماما و عمو سعود و اسماء ما يحبوني طيب ليش عبدالعزيز وقف وهو يبي يطلعه من هالافكار : تطلع معي فايز وقف : وين عبدالعزيز بابتسامه : نروح الملاهي وبعدين نمر جد في المستشفى شرايك فايز بفرح : ايه يلا عبدالعزيز مسك يده وركض وياه للباب وهو يسمع ضحك فايز وحماسه ابتسم وطلعوا لسياره __ وقفت ثريا : يلا انا رايحه تاركه العيال عند خالتي نوره : حياتي الله وياك ثريا : مع السلامه طلعت شافها وليد استأذن من سعود وراح لها طلعوا من قسم الولاده ماشين باتجاه المصعد وقفت ثريا وهي تطالع قدامها وليد باستغراب : شفيك ثريا عقدت حواجبها واشرت : هذا مو فايز وليد طالع وين تأشر ابتسم : ايه والله فايز ثريا : وش يسوي هنا لحاله وليد : تعالي نشوفه ثريا لحقته وليد : فايز فايز لف بدهشه : خالي وليد وليد بابتسامه : فايز وش تسوي هنا فايز : ادور سعد انا شفته لما دخلت مع عمي عز وليد : طيب ليش جاي المستشفى تعبان او فيك شي فايز هز راسه بلا : لا ابوي صالح تعبان ثريا : وليد خلنا نأخذه لنوره راح تستانس اذا شافته وليد طالعها ولف لفايز الي قال : وين سعد ثريا بابتسامه : عند امك فايز وهو يطالع ثريا تضايق : طيب انا بروح ادور عمي عز ثريا مسكت فايز ونزلت لمستواه : صار عندك اخوان صغار ما تبي تشوفهم فايز ابتسمت بفرح : جد ثريا : ايه تعال معي عند عبدالعزيز طلع من جناح ابوه يدور فايز الي طلع ومحد انتبه له تأفف وين راح مشى للكافتيريا دور بعيونه ما لقاه لف بسرعه بس شهقت من طاح الايسكريم من يدها و توسخت غمضت عيونها بقهر : وجع عبدالعزيز : أعتذر رفعت نظرها له عبدالعزيز ابتسم وهو يشوف العيون العسليه برموشها الكثيفه الي حفظها زين : تبيني اجيب لك غيره جوري باحراج : لا شكرا عبدالعزيز : طيب شلون يدك جوري بتوتر : الحمدلله احسن ومشت لدورة المياه بسرعه عبدالعزيز طالعها لما اختفت وطلع يدور فايز وقفت ثريا قدام الباب انحرجت تدخل وسعود داخل : هنا امك واخوانك يلا ادخل واحنا بنروح فايز : طيب فتح الباب ودخل توسعت عيون نوره بدهشه وهو تشوف فايز : فايز من جابك فايز ما رد محمد ركض له مسك يده وسحبه لابوه : فايز شوفها صغيره مرا فايز ابتسم وهو يطالعها بحماس طفولي وفرح رفع نظره لسعود : عمي شسمها سعود اندهش ان ناداه عمي وهو الي متعود يناديه بابا عرف ان فايز متضايق منه وشايل عليه مد يده لشعره بحنان : اسمها وجدان فايز طالعه بعد يده عن شعره طالع سعد : سعد كيفك سعد بطفش : قول خالي على الاقل فايز : طيب خالي سعد ضمه : وحشتني والله انا بخير وانت فايز : الحمدلله حسام : فايز تعال راح فايز وسلم عليه نوال ضمته وباست خده : اشتقنا لك عبدالله ابتسم : اخبارك وحشتنا فايز : بخير طالع سعود ومحمد ولف بيطلع نوره تطالع فايز بشوق بس انصدمت ان ما لف لها وطلع تضايقت لان اكيد متضايق منها لانها خلته يروح مع ابوه تكلمت قبل لا يطلع بنبرتها الحنونه : فايز لحظه فايز زم شفايفه وعيونه امتلت دموع لف لها نوره : جواد اخوك ما شفته راح لها طالع بعيونها ونزل نظره لجواد نوره حطت جواد بالجهه الثانيه وابتسمت لفايز واشرت جنبها على السرير : اقعد هنا فايز : ما ابي بروح لعمو سعود وقف حط وجدان بسريرها ورفع فايز جنبها على السرير نوره ضمته لها بعمق وباست راسه بشوق همست له : حبيبي اسفه فايز يطالع جواد بهدوء نوره عدلت جواد الي نايم فايز نزل راسه وباس جبينه ومد يده لخده وابتسم بعيون تلمع نوره حطت جواد بسريره ولفت لفايز مدت يدها لشعره : اشتقت لك و بعدين انا ما تركتك فايز بقهر : دايما تقولين ما تركتك و ما راح اتركك بس يجي بابا كل مرا ياخذني وانتي اشر على محمد وعبدالله بحقد : تحبينهم اكثر مني سعود بهدوء : بابا اهدى و اسمع امك طالع سعود : لا تقول بابا ولف لامه : انتي ما جيتي لي وانا ما جيت عشانك بس عشان اخواني وجدان و جواد نوره بعيون امتلت دموع من كلام فايز لها كل مره تحسه يبتعد عنها اكثر همست : شوفتك بخير تسوى عندي الدنيا كلها تنهدت بضيق : انا قلت لك ما احبك فايز هز راسه بلا سعود تنهد بضيق وهو يشوف دموع نوره عبدالله يطالع بهدوء نوال تناظرها بحزن ومقهوره عليها محمد بقهر مشى لفايز وسحبه بقوه من جنبها نوره مسكته باخر لحظه لا يطيح وهي متفاجأه من تصرف محمد محمد : اطلع برا انت كل مره تجي تخلي ماما تبكي يلا اطلع ما نبي نشوفك فايز طالعه بصدمه سعود بعصبيه : محمد محمد بقهر : اكرهك يا فايز عشانك تخلي ماما تبكي سعود بعصبيه سحب محمد من يده بقوه ودفه على السرير : محمد ولا كلمه محمد بخوف من عصبية ابوه غير ان توجع من دفه سكت وهو يبكي نوره بضيق : سعود مو كذا اوجعته فايز طالع امه الي ماسكه يده بنظرات اخترقت قلب نوره بقوه سحب يده و دف محمد من قدامه و طلع برى الغرفه وهو مقهور يحس بغيره وكره لمحمد لان يشوف اهتمام امه فيه ولما محمد سحبه ما تكلمت مد يده لعيونه يمسح دموعه الي نزلت نوره بضيق وغصه : سعد تكفى الحقه سعود طالع محمد بعصبيه : سعد خلك انا بلحقه وطلع وهو يدور فايز مشى له بسرعه بعد ما شافه مسكه : انتظر فايز ببكاء : فكني ما ابيكم سعود فك يده ومشى معاه : بس احنا نبيك فايز بصراخ : انا ما ابيكم سعود : طيب وين رايح فايز : ما اعرف وين ابوي بروح له سعود مسك يده وراح للكراسي : زعلان عشان ابوك اخذك معاه فايز مسح دموعه : لا عشان انا ابي اقعد معكم بس انت قلت لي روح مع ابوك و ماما كذبت علي ومحمد بعد ما يبيني وعبدالله بعد اكيد مثله طيب ليش ليش محد يحبني سعود ضمه له وبحنان : والله كلنا نحبك بس ابوك ما راح يرضى يخليك تقعد عندنا فايز : ليش قبل لا يتكلم سعود وقف فايز وركض لعمه بعد ما شافه جاي لهم عبدالعزيز بانفعال: فايز وين رحت درت المستشفى كله ادورك فايز بصوت مبحوح : عمو خذني معك يلا عبدالعزيز لف لسعود : فايز كان معاك سعود بهدوء : ايه عبدالعزيز ابتسم : طيب ليش يبكي سعود تنهد : متضايق منا عبدالعزيز شال فايز وهو يمسح دموعه فايز ضمه : ابي اروح البيت عبدالعزيز ابتسم لسعود ومشى : نروح لجد نطلعه وبعدين بنروح البيت طيب خلاص لا تبكي فايز: طيب __ ياسر واقف قدام المرايه يعدل تنسيفة شماغه مد يده لدهن العود وحط على معصمه ومرفقه و وراء اذنه لبس ساعته والكبك طالع نفسه تنهد خذ جواله وطلع شاف خواته كلهم باين عليهم ان مو راضين قرب من امه سلم على راسها وطلع لتركي __ اسامه قاعد بهدوء وجنبه عبدالعزيز الخايف على ابوه يتعب: يبه توك طالع من المستشفى اتصل واعتذر لهم صالح: لا حياهم الله بأي وقت عبدالعزيز تنهد ووقف راح يجيب القهوه دخل احمد وهو يسلم على ابوه: اخبارك يالغالي صالح: الحمدلله عبدالعزيز حط القهوه رن الجرس وراح يرحب فيهم بعد السلام والسؤال عن الحال وتقهووا تكلم تركي و طلب اسيل لياسر تفاجؤا كلهم ما عدا اسامه الي يطالع ياسر بكره صالح ابتسم: وانا موافق وقلت لك من قبل وين نلقى احسن من ياسر ياسر ابتسم مجامله: تسلم يا عمي صالح بجديه: بأخذ رايها وارد عليك ياسر بهدوء : حقها يا عم ولا تستعجل بالرد صالح ارتاح لياسر ويبي اسيل تكون من نصيبه بس اذا رفضت ما يقدر يجبرها: ان شاء الله تسمع الي يسرك ___ في المستشفى قاعده على المكتب وفي يدها اوراق فحوصات المريضه الي قدامها رفعت نظرها بتوتر وارتباك تكلمت بهدوء: تحسين بخدر وانعدام الاحساس والضعف في الاطراف المريضه بخوف من ارتباك الدكتوره: ايه جوري خذت نفس وطالعتها وهي تكمل: طيب يجيك الم لما تحركين عينك او تحسين احيانا النظر يضعف في احدى العينين ويأثر على الرؤيه المريضه: ايه دكتوره حتى تجيني دوخه واحيانا افقد توازني في المشي خصوصا اذا حسيت المكان حار يزيد التعب طمنيني دكتوره الجوري نزلت الاوراق من يدها وبهدوء :الي باين عندي ان عندك التصلب اللويحي انصدمت المريضه : ووش تقولين الجوري بهدوء :مرض التصلب اللويحي راح اكتب علاجات لازم تأخذينها عشان تقلل من شدة المرض والانتكاسات و اهم شي ما تقعدين في مكان درجة الحراره فيه مرتفعه لان راح تسوء حالتك كثير المريضه بخوف : ماله علاج الجوري تنهدت : الحين الطب اتطور بس انتي خلي املك بربك كبير وراح تتشافين باذن الله وقفت المريضه بضيق جوري كتبت لها العلاج وعطتها المريضه: الله يعطيك العافيه الجوري: يعافيك يارب طلعت الجوري وهي تحط يدينها في جيب البالطوا رايحه لنوره عشان تساعدها بتطلع اليوم وقفت لما نادتها زميلتها : جوري لفت لها : هلا وداد وداد : ما سمعتي اخر الاخبار جوري باستغراب : لا شصاير وداد : الدكتور وائل نقلوه لمنطقه ثانيه بعيده عن هنا الجوري لفت عليها بدهشه : قولي والله وداد : والله انا للحين مستغربه شلون ينقلون دكتور وجراح متمرس مثل الدكتور وائل ابتسمت جوري براحه : احسن فكه وداد : مستانسه جوري ابتسمت حست ان عبدالعزيز وراء هالنقل : وربي روقت على هالاخبار الزينه وداد بضحكه : دوم ان شاء الله اشوفك مستانسه ومروقه __ في بيت ابو احمد اسامه : انا بروح لاسيل واكلمها صالح بجديه : لا انا بكلمها نادى الشغاله تروح تنادي اسيل نزلت اسيل وهي تسلم على الكل صالح بابتسامه اشر جنبه : تعالي هنا يابنتي اسيل قعدت جنبه : خير يبه صالح بهدوء : ياسر الـ.. خطبك مره ثانيه وش ردك اسيل ارتجف قلبها لفت نظرها لاسامه الي يطالعها بحده ونزلت نظرها للارض صالح بحنان : لا تستعجلين يا بنتي فكري واستخيري وردي علي اسيل بصوت منخفض : طيب __ دخلت نوره بيت اهلها وهي شايله وجدان بينما امها شايله جواد وسعد شايل اغراضها نوال : جهزت لك غرفة تحت اريح لك نوره بابتسامه : الله يعطيك العافيه ابتسمت نوال : الله يعافيك دخلت الغرفه وهي تحط جواد على السرير نوره نزلت وجدان جنبها فسخت عبايتها وشيلتها قعدت وهي تفكر بفايز خذت نفس عميق وزفرته ونظرته لها قبل لا يطلع ذبحتها طلعت من تفكيرها على صوت بكاء جواد لفت له ابتسمت شالته بحب : فديته الحلو جوعان بعد ما رضعته ونام تسندت بظهرها على السرير بكت وجدان مدت يدينها وشالتها : بس يا قلبي خلي اخوك ينام __ عبدالعزيز قاعد على مكتبه قدامه مشروع مهم وكبير يراجع كل شي بتدقيق وتركيز انفتح الباب : سلام عزوز عبدالعزيز رفع نظره له بهدوء : وعليكم السلام قفل الباب وقعد في الكرسي الي على جنب قدامه : كلمني اليوم مدير اعمال ابو انس عبدالعزيز باهتمام : وش قال ريان ابتسم : بكرا راح يجينا الموظف المسؤول عن المشروع من شركته عشان تتفاهم معاه وتشتغلون عليه عبدالعزيز : طيب ريان طالعه عبدالعزيز له خبره كبيره في مجال التجاره رغم اصرار ابوه يشتغل معه بس رفض ابتسم : لا تشيل هم انا متفائل في هالمشروع كثير وواثق فيك راح ينجح ان شاء الله عبدالعزيز ابتسم : ان شاء الله والحين يلا روح لمكتبك خلني اخلص شغلي ضحك ريان ووقف : اوكي عبدالعزيز طالع الاوراق الي متناثره على مكتبه واللابتوب الي قدامه يفكر بالمشروع بعمق ميزانيته مرتفعه وطبعا هالشي بشراكه ابو انس واذا خسر راح يخسر شركته الي تعب عليها مع صديقه ريان رتب الاوراق و حطهم بملف دخله الدرج و قفل اللاب وقف وطلع وسكر مكتبه بالمفتاح متوجه لخارج الشركه __ فايز يطق باب غرفة ابوه فتحت له اسماء ركض بسرعه له اسامه ابتسم و عدل جلسته: هلا والله فايز قعد جنبه على السرير: بابا صار عندي اخوان اسامه وهو يحط يده على اكتاف فايز بابتسامه: بيصير عندك ان شاء الله فايز قعد جنبه على السرير: لا بابا عندي ٢ اخوان وجدان وجواد اسامه باستغراب: نعم من هالاثنين ووين شفتهم فايز بحماس : لما رحت مع عمو عز المستشفى لابوي صالح شفتهم عند ماما جمدت ملامح اسامه : عبدالعزيز هو الي وداك لهم فايز هز راسه : لا انا شفت خالتي ثريا وودتني لهم بابا يجننون صغار مرااا اسماء بغيره مو طبيعيه لذكره لامه : عبدالعزيز اذا ما ينتبه له ليش يأخذه معه والا متقصد يخليه يروح لحاله عشان يشوف امه و يكسر كلمتك بس اسامه طالعها اسماء بقهر : هو يروح لامه واحنا نبتلش بطاريها هي وعيالها الله ياخذهم كلهم اسامه وقف بعصبيه اسماء بعدت عن الباب فتحه وطلع فايز باستغراب لحق ابوه مشى اسامه لغرفه عبدالعزيز طق الباب بقوه بس ما جاه رد فتحها ما في احد نزل تحت يدوره وقف وهو يشوف عبدالعزيز داخل عبدالعزيز : السلام عليكم اسامه مشى له بسرعه ووقف قدامه : انا كم مره قلت لك لا تتدخل بولدي عبدالعزيز عقد حواجبه : ليش اسامه بصراخ : دام ما راح تقدر تنتبه له لا تأخذه معاك فاهم عبدالعزيز بهدوء : وش صار اسامه مسكه من ياقته : فايز لا يشوف اهل امه ابد انت ليش تعاند وتخليه يروح لهم متقصد صح عبدالعزيز مسك يدينه وبعدهم عنه : اذا انت مو ملاحظ ولدك نفسيته دمار وكله بسببك وبسبب غبائك انك تحرم ولد من امه مو رجوله ولا فخر يا أسامه اسامه وكلام عبدالعزيز استفزه مد يده وضربه كف لف وجهه صوت جهوري قوي : أسامه فايز الي مصدوم ركض لعمه : عمو عورك عبدالعزيز مصدوم ومقهور نزل لمستواه باس خده : لا حبيبي ما عورني لا تخاف مسح على شعره ولف على ابوه الي كان باين عليه العصبيه تقدم منه باس راسه طالع اسامه ابتسم بسخريه وهمس : كلام الحق يزعل صح ومشى لغرفته صالح بعصبيه : اول واخر مره تمد يدك على اخوك لان لو انمدت عليه مره ثانيه يا اسامه ما راح يعجبك الي بسويه اسامه وهو مو قادر يرد على ابوه صالح دفه من قدامه ومشى طالع فايز الي مسح دموعه وركض لغرفة اسيل تنهد بندم ان مد يده على اخوه الصغير لف وراح لغرفته طلع له ثوب ابيض بدل وسرح شعره ورش عطره و اخذ جواله ومفتاح سيارته وطلع من الغرفه في غرفة اسيل طلعت من الحمام انصدمت وهي تشوف فايز قاعد على الكنبه يبكي مشت وقعدت قدامه : حبيبي شفيك فايز بصوت مبحوح: بابا ضرب عمو عز انصعقت اسيل ان اسامه يضرب عبدالعزيز هالشي ما تقدر تصدقه لان عبدالعزيز قريب حيل منه لو متهاوش مع احمد راح تصدق بس عزيز لا : مستحيل طيب ليش فايز وهو يمسح دموعه: ما اعرف انا رحت اقول له عن اخواني وقال وين شفتهم قلت بالمستشفى لما رحت مع عمو بس اسماء ما عرفت وش قالت له عصب وطلع وتهاوش مع عمي عز وضربه ليش ليش يضرب عمو اسيل ضمته لها وهي تفكر هالحيه اسماء وش قالت له عشان عصب ويتهاوش مع عبدالعزيز تنهدت : حبيبي اكيد ما يقصد بتشوفهم راح يرجعون نفس اول انت بس اهدى اسيل وقفت وقعدت على السرير تغير الموضوع : طلع عندك اخوان وانا ما ادري فايز بهدوء: ايه اسيل: ماشاء الله شسمهم فايز ابتسم : وجدان وجواد اسيل ابتسمت : شفت امك سكت فايز وهو يطالع الفراغ بهدوء اسيل طالعته باستغراب من هدوءه المفاجىء وانتظرته يرد مرت دقيقه وتكلم فايز : لا اسيل باستغراب : كيف ما شفتها مو انت قلت انك رحت المستشفى وشفت اخوانك اكيد نوره وياهم فايز طالعها : لا هي مو ماما هي بس ام محمد وعبدالله ووجدان وجواد انا لا اسيل توسعت عيونها بصدمه : فايز وش هالكلام نوره امك فايز ابتسم بهدوء : لا مو ماما خلاص عمتو لا تقولين امك قولي نوره اسيل ترمش اكثر من مره مو مستوعبه ان هذا كلام فايز خذت نفس عميق وقفت وهي تطلع لها بلوزه و بنطلون اسود جينز : شرايك نروح لبيت عمو احمد فايز بابتسامه : ايه يلا نروح اسيل : اوكي بكلم السواق يجهز السياره لما نجهز __ في بيت حسام مشت نوره للمجلس بعد ما قال عبدالله ان ابوه موجود وهي تعبانه ما نامت عدل من صياح العيال دخلت بابتسامه وهي تسلم سعود وقف وهو يرد السلام نوره مشت له : اخبارك سعود سحبها له وضمها : مشتاق لك فوق ما تتصورين نوره : مو كثري سعود قعدها جنبه : كيف التوأم معك نوره : متعبيني نايمين طول النهار ويسهرون الليل سعود حط يده على اكتافها وباس شعرها : ربي يقويك نوره وهي حاطه راسها على صدره :آمين ما قلت لي اخبارك سعود ابتسم : من البيت لدوام ومن الدوام للبيت نوره ضحكت : احسن سعود بهيام و ضحكتها تخترق قلبه وتزيد دقاته همس : ضحكتك غيث وتفاصيلك غمام كل ماتضحك ،، اقول الله يزيد نوره بعدت عنه ورجعت خصل شعرها لوراء اذنها وهي مبتسمه بثواني اختفت ابتسامتها سعود عقد حواجبه : حبيبتي شفيك نوره بضيق : تتوقع فايز زعل مني سعود تنهد : ايه نوره حطت يدها على جبينها وهي تاخذ نفس : وربي ما ابي ازعله انت تعرف ان فايز اغلى من روحي بس كيف افهمه هالمره مستحيل يصدقني سعود حط يده على اكتافها ضمها له : فايز صغير و اي شي ينقال له يصدقه نوره ضحكت بألم و عيونها تلمع بدموع : فايز تغير مو الاول تحس كلامه ونظراته اكبر من عمره سعود وهو يفك شعرها المرفوع باهمال ويلعب فيه بيده غير الموضوع : وين الحلوين مشتاق لهم بشوفهم قبل لا اروح نوره طالعته : طيب ثواني وقفت وراحت تجيبهم له ___ في بيت احمد شذى بابتسامه : وش ردك اسيل طالعتها وشتت نظرها : ما ادري ضحكت شذى وغمزت لها : لاجيت بخفي شعوري عن محبيني تفضحني عيوني وتحرجني آهاتي اسيل عضت شفتها باحراج و ناظرتها : لهدرجه عيوني فاضحتني شذى ضحكت : ايه اسيل تنهدت : بس تدرين انا خايفه يكون ما يبيني او يبي ينتقم مني شذى : هو يحبك صح اسيل : بعد ما شفت نظراته لي وكلامه بالشقه احس ان ما صار يحبني شذى بتفكير : تخيلي يتزوج عليك عشان يحرق قـ.. ما كملت وهي تشوف اسيل الي تطالعها بصدمه قبضت على يدها الي ارتجفت بقوه وما قدرت تمنع نفسها ما تبكي مجرد التفكير ان وحده تأخذ ياسر منها اشعل النار بقلبها و ضاق صدرها حطت يدينها على وجها وبكت شذى وقفت بصدمه وقعدت جنبها حطت يدها على كتفها : اسيل انا اسفه ما قصدت اضايقك اسيل بصوت مخنوق : انا استاهل الي يصير لي لاني غبيه طالعت شذى بعيونها مليانه دموع : تتوقعين ياسر يسويها شذى تنهدت بضيق : حبيبتي اذا ياسر ما يحبك صدقيني لو شنو يصير ما راح يرجع يخطبك مره ثانيه بعدين خلاص انسي الي قلته ولا تفكرين فيه اسيل بغصه : ابي اكلمه شذى بدهشه : نعم اسيل وهي تمسح دموعها : اشتقت له شذى : يا غبيه وش راح تقولين له ردي على ابوك بالموافقه وكلها كم يوم ويملك عليك اسيل عضت شفتها طالعتها وبضعف: بس بسمع صوته شذى زفرت: طيب كلميه اسيل مسكت جوالها و بيد ترجف ضغطت على رقمه وهي تسمعه يرن بلعت ريقها وقلبها يدق بقوه __ عند ياسر بالاستراحه مع اصدقائه رن جواله رد بدون ما يشوف من بصوته المرح: الو السلام عليكم اسيل بنبرة ترجف : ياسر ياسر جمد وعيونه توسعت بدهشه شال الجوال يطالع من فز واقف وهو يطلع من عندهم وببرود وهو من داخله متلهف لصوتها : خير وش تبين داقه اسيل فلتت منها شهقه وصلت لياسر غمض عيونه : اخلصي وش تبين مو وقت صياحك الحين اسيل بغرور مصطنع : اتصلت بالغلط وقفلت ياسر طالع جواله وابتسم على جنب وش كنت متوقع يا ياسر تكون متصله عشانك اخذ نفس عميق واتصال اسيل وبكاها لخبطه لف ودخل لشباب __ وقفت شيخه وتركت المكان صالح وهو يشوف المكان فضى ما بقى غيره هو وعبدالعزيز تكلم بجديه : وش صاير بينك وبين اسامه عبدالعزيز بهدوء مع ان متضايق من اسامه : يبه لا تشغل بالك مشكله صغيره وبتنحل صالح وهو يطالعه : عزيز تكلم شصاير عبدالعزيز بخوف على صحة ابوه : اخذت فايز للمستشفى بدون ما اقول له وهو خاف عليه وصار يهاوش بس صالح طالعه بشك وتعب : الله يهديه عبدالعزيز وقف وقعد جنبه و باس راسه : آمين يالغالي والله يطول لنا بعمرك لا تشيل هم وتتعب نفسك اهم شي صحتك صالح بانفعال : كيف لا اشيل هم وانا اشوف عيالي الي صاروا طولي يتضاربون عبدالعزيز : يبه الله يحفظك لنا اهدى وراح اروح بنفسي واعتذر منه صالح وهو يحط يده على كتفه : طيب انا بروح ارتاح عبدالعزيز : الله معاك زفر انفاسه بعمق بعد ما راح ابوه وقف بيروح غرفته انفتح الباب و دخل اسامه عبدالعزيز طالعه ولف وهو يصعد الدرج بخطوات سريعه اسامه تنهد و مشى لغرفة فايز فتحها تفاجئ مافيها احد راح لغرفة اسيل نفس الشي ما فيها احد كمل طريقة لغرفته اسماء وهي بكامل اناقتها : هلا حبيبي اسامه : شفتي اسيل وفايز اسماء بقهر : لا اسامه : طيب طلعي لي ملابس باخذ شاور اسماء تنرفزت وقفت طلعت له بيجامه تسندت على الكبت بعد ما حست بدوخه طاحت البيجامه من يدها ومسكت جبينها قعدت على الارض بألم من بطنها ضغطت بيدينها على بطنها مو اول مره تتألم من حملت تتألم ويروح اسامه طلع وهو لابس روب الاستحمام اندهش وهو يشوفها قاعده على ركبها ومساكه بطنها بألم قعد قدامها : اسماء تعبانه اوديك المستشفى اسماء مسكت يده : لا ما يحتاج شوي ويروح اسامه شال بجامته وقفها وهو ماسك يدها وحط الثانيه على خصرها قعدها على السرير وقعد جنبها فتح يده وحطت راسها على صدره و يده على كتفها والثانيه تحت راسه يفكر عبدالعزيز زعلان وابوه باين ان الزعل عليه تنهد بعمق طالع اسماء وهو يشوفها نايمه و يدها على بطنها استغرب نايمه من وقت عدل راسها على المخده غطاها ووقف يأخذ جواله يتصل بأسيل : هلا وينك اسيل : كنت عند احمد والحين جايه اسامه : وفايز معك صح اسيل ابتسمت : ايه معي اسامه : طيب انتبهي على نفسك وعليه اسيل : ان شاء الله مع السلامه قفل وزفر بعمق لف وطلع اللابتوب قعد على الكنبه وهو يشتغل عليه __ صباح يوم جديد دخل عبدالعزيز الشركه بخطوات واثقه رد السلام وهو يمشي لمكتبه فتحه ودخل مسك التلفون وهي يطلب قهوه ساده لبس نظارته فتح اللاب توب و طلع الاوراق وهو يراجعها وصلت قهوته وبدا يقرأ بتركيز بعد ربع ساعه رن التلفون رفع السماعه : نعم وصل طيب خله يدخل وش تنتظر انفتح الباب عبدالعزيز وقف توسعت عيونه بدهشه لا اله الا الله اللهم صل وسلم على نبينا محمد | ||||||||
|
| |
|
05-08-20, 02:03 PM
| #19 | ||||||||
| مراقبة عامة ومشرفة منتدى الروايات المنقولة
| البارت السادس عشر انفتح الباب عبدالعزيز وقف توسعت عيونه بدهشه ونزل النظاره وهو يطالع الي قدامه سعود تفاجئ و ابتسم : السلام عليكم عبدالعزيز : وعليكم السلام قرب سعود وهو يصافحه : كيفك استاذ عبدالعزيز عبدالعزيز : تمام انت الي من شركة ابو انس سعود ابتسم : ايه عبدالعزيز اشر له : تفضل وش اطلب لك سعود : زاد فضلك وتسلم ما ابي شي عبدالعزيز قعد مقابله : ما تعرفت عليك سعود : سعود الـ.. او تقدر تقول بو عبدالله عبدالعزيز : والنعم والله طلع الاوراق بدأ يتناقش معاه و يتفاهمون على المشروع __ اسماء راحت بيت اهلها بعد ما قالت لاسامه ووافق قاعده مقابلها مها تسولف وياها حطت يدينها على ذراعها وهي تحس بالبرد : مها سكري المكيف تجمدت من البرد مها طالعتها بهدوء : ما اقدر تحملي اسماء وقفت بنرفزه : انا بقوم اقفله ولا اموت من البرد مها بهدوء : اجل تبيني اموت من الالم اسماء لفت عليها بصدمه : مهوي شقصدك ؟ مها تنهدت : انا عندي مرض التصلب اللويحي اسماء بصدمه اكبر : وش كيف ومن متى ؟ مها : شفتيني شلون كنت اتعب برمضان وحتى في الايام الي بعده تعبت ورحت المستشفى واكدت لي الدكتوره ان عندي هالمرض اسماء : وش قالت لك الدكتوره عنه مها وهي تصد بنظرها عنها : قالت ماله علاج اسماء قعدت جنبها وضمتها ثواني بعدت وضربتها على كتفها بقهر : وليش ما قلتي لي مها : ما كنت ابي اضايقك الي فيك يكفيك طالعت اسماء وبهدوء : كيفك مع فايز اسماء بكره : عادي مها بنفس هدوئها : اسماء حرام الي تسوينه بالولد خافي الله فيه وبعدين اكسبيه يصير لك سند لا كبر اسماء وهي تسند ظهرها : لا ما ابي ولد نوره اصلا اكرهه ما اطيقه لا هو ولا اهله مها : اسماء الدنيا دواره اسماء بقهر وانفعال : على اساس انتي مالك علاقه مو كأن انتي الي كنتي تشجعيني ما اتخلى عن اسامه دام احبه واسوي المستحيل عشان اوصل له لما تزوجته اشوفك انقلبتي وصرتي ضدي مها نزلت نظرها للارض بندم : كنت صغيره وبعدين دام هاذي سواتك لا تلوميني لا وقفت ضدك اسماء انقهرت وماردت عليها مسكت بطنها بألم قوي وطلعت منها : آه مها بخوف : وش فيك اسماء مسكت بيدها الكنبه بقوه خذت نفس لما راح ألمها : هالحمل متعبني حيل مها زفرت : الله يثبت حملك ويقومك بالسلامه اسماء: آمين __ قفل ياسر من صالح بابتسامه بعد ما قال له عن موافقه اسيل كمل شغله برواق وهو يفكر وقف بعد ما انتهى دوامه وطلع رايح للبيت وقف سيارته قدام بيتهم طلع ودخل البيت وشاف امه الي توها نازله باس راسها: كيفك يالغاليه امه ابتسمت: بخير بشوفتك ياسر: يمه ترى اسيل ردت بالموافقه شوفي لنا يوم نروح لها ونتفق على كل شي ام تركي: الله يوفقك يمه خلاص نروح الخميس ياسر باس يدها بعمق : طيب قولي للبنات ووصيهم يمه ان حركاتهم وكلامهم الي ما احبه ما ابي اسمعه ام تركي بحنان : ان شاء الله مشى ياسر رايح لغرفته وهو يكلم تركي _ اسيل متسنده على باب غرفتها تنتظر اسامه يجي لفت لفايز الي قاعد على سريرها ويلعب بالايباد نام عندها امس مع ان صار له كم يوم ينام بغرفته و الكوابيس الي كان يشوفها ما صارت تجيه بس امس طلب ينام معها انتبهت لصوت خطوات تعدلت بوقفتها وهي تشوف ان اسامه مشت له : اسامه لف لها ببرود : نعم اسيل طالعته : ليش تهاوشت مع عبدالعزيز اسامه رفع حاجب : وش دخلك اسيل تكتفت : عشان شاف امه اسامه : ايه ليش يعاند ويسوي شي ما ابيه اسيل : هذا كلامك ولا كلام الحيه الي معك تغسل مخ فايز وتكرهه بأمه طيب طفل بس انت يالكبير يالعاقل تصدق كلامها وعلى فكره عبدالعزيز ما يسوي شي انت ما تبيه و اتوقع تعرفه عدل و لفت رايحه لغرفتها اسامه طالعها رفع حاجب هو يشوف اسماء عفويه ما تقصد الي تقوله طيب ليش اسيل حاقده عليها هالكثر تنهد وهو يفكر بعبد العزيز اليوم الصبح ناداه يبي يكلمه ويعتذر منه بس طلع مستعجل بحجه ان عنده اجتماع وما يبي يتأخر سمع صراخ اسماء وراح بسرعه لها اسماء قاعده على السرير نزلت جوالها وهي تمسك راسها الي يدور خذت نفس بعمق ولفت وهي تصب لها كوب ماء شربت شوي وطاح الكوب الماء من يدها وحاوطت بطنها المنتفخ بألم حست روحها بتطلع من قوه الالم صرخت بخوف على جنينها و من الالم اسامه دخل بسرعه قعد جنبها ومسك يدها : وش فيك اسماء ضغطت على يده بقوه وببكاء : اسامه بطني يعورني آه مو قادره اتحمل اسامه ارتبك : يلا باخذك المستشفى وقف واخذ عبايتها وهو يلبسها اسماء وقفت ولبست قوت نفسها وهي تمشي بخطوات بطيئه من الالم اسامه انحنى وشالها بسرعه وطلع من البيت لسياره وحرك للمستشفى __ عبدالعزيز بعد ما خلص شغله وقف قدام المستشفى ابتسم ابتسامه عريضه وده يشوفها نزل من السياره قفلها ودخل المستشفى سأل عن مكتب الدكتوره الجوري وراح وقف قدام الباب فتحه بهدوء الجوري اخترقت انفها ريحة عطره رفعت راسها بعد ما كانت مشغوله جمدت وهي تشوف عبدالعزيز داخل عليها توترت و قلبها يدق بسرعه شتت نظرها عنه بلعت ريقها وهي تسمعه يسلم ردت : وعليكم السلام عبدالعزيز مشى وقعد على الكرسي الي مقابل المكتب على جنب ابتسم : كيفك الجوري بتوتر : بخير عسى ماشر ليش جاي المستشفى فيك شي تعبان عبدالعزيز وهو يطالع عيونها : ايه تعبان حيل الجوري بخوف : وش يعورك عبدالعزيز ابتسم على نبرة الخوف الي بصوتها : الشوق عندك دواء له الجوري ابتسمت : لا عبدالعزيز : بس انا عندي شوفتك هي الدواء جوري طاح القلم من يدها و الجو صار حار و قلبها بيطلع من مكانه من قوة دقاته و خدودها احمرت شتت نظرها عبدالعزيز وهو يشوفها سكتت عرف انها منحرجه يبي يشوف وجها وهي منحرجه بهاللحظه تكلم بجديه : اذا في احد يتعرض لك قولي لي جوري بارتباك وهي تأخذ ملف بيدها : لا محد عن اذنك عندي شغل وقف عبد العزيز وطلع معاها جوري بهدوء : شكرا عبدالعزيز : على ؟ جوري : ان قدرت تبعد وائل عبدالعزيز بغيره : لا تجيبين اسمه وقفت الجوري وهي تشوف الدكتور الجديد الي توه جاء من كم يوم عبدالعزيز وقف قدامها : شفيك تطالعينه جوري رفعت نظرها له يا الله ليش هو بهاذي الوسامه الطاغيه على قلبها الذي لم تشعر به يوما بنبض بهذه السرعه الا بوجوده عبدالعزيز باستغراب وهو يناظر عيونها : جوري الجوري انتبهت : أ أ انا عندي شغل لازم اروح عبدالعزيز بابتسامه : طيب اخر سؤال جوري وقفت وابتسامته بعثرتها ما تقدر تطالع بعيونه تخاف تنفضح قدامه : تفضل عبدالعزيز : انتي مرتبطه جوري وهي تضغط بيدها على الملف بقوه تخفف من رجفتها : لا ومشت بسرعه من قدامه لف بيطلع بس لمح اسامه __ اسامه قاعد وجنبه اسماء ينتظرون نتيجة الفحوصات الي سوتها اسماء وهي ماسكه بطنها بألم وتدعي انه يكون شي بسيط وترجع البيت وقف اسامه لما شاف الدكتور : دكتور طمنا من شنو هالألام الدكتور قعد بارتباك طالع اسامه : هي حامل اسامه باستغراب : ايه الدكتور تنهد : كم صار لها اسماء وهي تحاول تكون طبيعيه بعدت يدينها عن بطنها : شهرين ونص الدكتور بتوتر وهو يشوف الاوراق الي قدامه : تحسين بألم قوي اسفل الحوض اسماء بخوف : ايه الدكتور : وبعد دوخه والم في الكتف وضغط اسفل الحوض صح اسماء : صح الدكتور : طيب صار عندك نزيف اسماء بتوتر طالعت اسامه ورجعت تطالعه :لا الدكتور بجديه : ليش مارحتي لتشخيص لما حسيتي بهالاعراض من البدايه ليش هالتأخير اسامه : لو سمحت دكتور اذا كل شي تمام اكتب لها علاج وخلينا نمشي الدكتور وقف : لازم نسوي لها عمليه اسامه بصدمه : عمليه ليش؟ الدكتور لف على الممرضه : الله لا يهينك قولي لهم يجهزون غرفة العمليات وشوفي بعد دكتور ولاده الممرضه : ان شاء الله اسماء بخوف : انا ما ابي اسويها ولا راح اسويها الدكتور وقف : لازم تسويها حفاظا على حياتك وطلع اسامه يطالعه بصدمه واسماء تتألم تحس بتنفحر من الالم مسكت يد اسامه : طيب ليش العمليه اسامه تنهد ضغط على يدها : بيجي ويفهمنا ليش __ ياسر وهو قاعد على الكنبه في يده كوب قهوه يشربها بهدوء رن جواله رفعه وابتسم اسيل تتصل فيه يومين وراء بعض ما يصدق رد : نعم اسيل : نعامه ترفسك قول آمين ياسر ابتسم : داقه علي عشان تقول هالكلام اسيل ارتبكت : هاه لا بس ياسر باستفزاز : سمعت انك موافقه ليكون مجبوره بس عاد قولي من الحين واكنسل الخطبه اسيل بغرور : انا ما انجبر على شي وافقت برضاي و عاد يحصلك اسيل الـ.. زوجه لك ياسر وهو مبتسم : ابي افهم انتي مغروره على وش اسيل : كيفي بغتر عندك مانع ياسر : غرورك راح اكسره لك وانتي تعرفيني عدل اسيل : ما عاش من يكسرني انت شايف نفسك اول لا شهاده عدله ولا اسلوب حلو فوق كذا شين بس حظي زفت لان حـ.... وسكتت كانت بتقول حبيتك ياسر ببرود وهو يردد كلمات حامد زيد : ان كان ما جيتي غلا.. لا تجيني نار الفراق ارحم من الذل بالفي والله لا اهجرك قبل لاتهجريني اجل تبيعني.. واجي لك برجلي؟ يا تتركين الكبر يا تتركيني لان المحبة شي.. والمهزلة شي لاصارت الدعوة غلاي وحنيني يمكن يزول الحقد ويشعشع الضي لكن حكاية ينحني لك جبيني في ذمتي ما ينحني لك وانا حي اسيل رجف قلبها من كلماته والله ان احبك بجنون يا ياسر تكلمت بتوتر بان بنبرة صوتها : وش قصدك ياسر ابتسم بخبث : يعني دامك ما تبيني و مافيني شي من صفات فارس احلامك خلاص بكلم ابوك و نفسخ الخطوبه دام ما صار بينا شي رسمي للحين واخذ البنت الي تعجب امي واخواتي وانتي الله يوفقك ارتجفت يدها و دموعها نزلت بلعت ريقها بتقول له انها تبيه وتحبه و ما تبي غيره و ان كلامها كذب ما علقها فيه غير اسلوبه وان مزيون حيل : ياسر لـ.. تقفل الخط بوجها انصدمت لا مستحيل لازم تقول له مجنون راح يسويها اكيد بيكلم ابوها وراح يروح لغيرها اتصلت مره ومرتين وثلاث مارد رمت الجوال بأقوى ما عندها على الارض و ارتمت على سريرها وهي تبكي بقوه __ اسامه طالع الدكتور الي داخل في يده اوراق: ممكن تفهمنا ليش العمليه الدكتور : وضعها خطير و ما يحتمل التأخير لازم نسوي لها عمليه مستعجله عشان نزيل الخلايا المتناميه لان الحمل صار خارج الرحم مد له الاوراق : والحين ممكن توقع اسماء وقفت رغم الالم الي تحس فيه : يعني الجنين صار فيه شي الدكتور بجديه : ايه ما تقدرين تكملين حملك ما في جنين ينمو خارج الرحم اسماء ودموعها نزلت : ماراح اسوي العمليه تبيني اقتل طفلي انا بروح البيت الدكتور بانفعال : لو كنتي مهتمه بحملك كان من البدايه رحتي لتشخيص كل فتره والثانيه ويكتشفوا هالشي بدري و كان قدروا ينسقوا معك بس الحين لا انتي بوضع خطير عندك احدى القنوات انفجرت وممكن هالشي يأثر عليك وتموتي مو خايفه على حياتك اسماء ببكاء : ما راح اقدر احمل مره ثانيه الدكتور : الا راح تقدري ان شاء الله بالقناه الثانيه بس الحين لازم تسوين العمليه اسماء مسكت يد اسامه : اسامه هذا غبي يبي ياخذ الجنين مني تكفى قوله له ما ابي عمليه خلني اموت بس الجنين لا يصير له شي اسامه غمض عيونه وهو متضايق يبي الجنين يبيه اخ لفايز بس دام الوضع خطير لهالدرجه وما في امل يكون حي خلاص تسوي العمليه : اسماء بتحملين مره ثانيه سمعتي بنفسك الوضع خطير طالع الدكتور : عطني بوقع على العمليه اسماء بانفعال : اسامه اذا انت ما تبيه انا ابيه طاحت على ركبها وهي تمسك بطنها بيدينها وتصرخ بألم اسامه طالعها واخذ الاوراق ووقع بسرعه قعد جنبها مسك اكتافها : لازم تسوينها حياتك اهم اسماء توسعت عيونها بصدمه وهي تشوف الدم في الارض واغمى عليها بسرعه شالها اسامه وهو يحطها على السرير الي جابوه الممرضات عشان ينقلونها لغرفة العمليات عبدالعزيز اتصل على اسامه مرتين ومارد رد اتصل للمره الثالثه ووصله رده سأل عن مكانه وراح له مشى وهو يشوف اسامه قاعد وماسك راسه بيدينه وقف وحط يده على كتفه رفع راسه اسامه وباين الضيق على وجهه وقف وضمه وبندم : آسف جعل يدي للكسر يوم انها انمدت عليك عبدالعزيز متضايق ومقهور منه بس ما يقدر يشوفه بهالحاله وما يوقف معه بعد عنه : لا تشغل بالك بهالسالفه قول عسى ما شر وش فيك اسامه : زعلان مني عبدالعزيز ابتسم : تبي الصراحه ايه اسامه قعد و بضيق : حقك تزعل عبدالعزيز قعد جنبه بهدوء : صح تضايقت منك بس انا مسامحك لان ادري بغلاتي عندك وادري انك ماقصدت اسامه ابتسم و انشال الهم من صدره عبدالعزيز مسك يده : ما قلت لي شصاير اسامه تنهد : الجنين راح عبدالعزيز انصدم : الله بيعوضك ياخوي اسامه بصوت منخفض : هذا ثاني طفل اخسره بس الحمدلله على كل حال عبدالعزيز اندهش شد على يده : الله كريم ___ عند سعود منسدح على السرير ويتكلم بالجوال : حبيبتي متى راح تنورين بيتك ترى طفشت ما غير مقابل العيال وسوالف عبود نوره ابتسمت : سعود كلها كم يوم وارد للبيت سعود ابتسم : ترى هالكم يوم سنين عندي بعدين ترى ضعفت خمسه كيلو مسكين محد يهتم فيني ولا احد يطبخ مثل طباخ زوجتي لي اكسر الخاطر ضحكت نوره على كلامه : احسن عشان تصير رشيق سعود رفع حاجب : لا والله انا رشيق من يومي نوره ضحكت : وانا اشهد سعود : فديت هالضحكه وراعيتها نوره بابتسامه : ايه ليش قلت سوالف عبود طيب وحمود وينه سعود ليكون للحين زعلان منه سعود بجديه : ايه يستاهل لسانه طويل خل يتأدب نوره : لا حبيبي حرام عليك هو طفل سامحه سعود ساكت نوره بهدوء : حبيبي عشاني سعود بهيام : عشانك اسوي المستحيل مو بس ارضى على محمد نوره ابتسمت و بهمس : أحبك سعود وقلبه يحسه طار مع كلمتها غمض عيونه وبهدوء : عيديها نوره بحُب : احبك سعود : وانا اعشقك بجنون سكت وهو يسمع صوت انفاسها كمل بهدوء : تصبحين على خير نوره : وانت من اهله وقفلت ونزلته وهي مبتسمه بحب و قلبها يدق بسرعه دعت من كل قلبها : الله لا يحرمني منك __ في بيت ابو احمد الساعه ٤ العصر نزل عبدالعزيز مستعجل بيروح لاصدقائه وقف لما سمع صوت فايز فايز : عمو لحظه نزل الدرج بسرعه عبدالعزيز ابتسم : يا هلا وغلا فايز : وين رايح عبدالعزيز : رايح الاستراحه لشباب فايز بزعل : طيب عبدالعزيز قعد على ركبه : وش مزعلك فايز بضيق : انت عبدالعزيز : افا انا مزعلك ليش فايز بعيون غرقانه بالدموع : عمو انت ما صرت تكلمني ولا تأخذني معك مثل اول انت بعد صرت ما تحبني مثلهم صح عبدالعزيز كلام فايز اثر فيه وحس نفسه اناني حتى لو اسامه قال له لا تتدخل يبقى فايز الغالي مسكه من اكتافه وضمه بقوه همس بندم : آسف يا روح عمك بس انشغلت و الحين بطلع معاك وبسحب على الشباب كله لعيونك فايز ابتسم وباس خده : طيب يالله طلع عبدالعزيز مع فايز وقف عند سوبر ماركت واشترى له الي يبيه و صار يدور بالسياره وما حس بنفسه غير واقف قدام بيت الجوري ضرب الدريكسون بيده : وش صار لك يا عبدالعزيز جاي لقدام بيتها فايز وفي يده عصير لف باستغراب وهو يطالع حواليه : عمو ليش جايبنا لبيت جدو حسام عبدالعزيز لف عليه بدهشه : وين بيت جدك حسام فايز اشر على بيت جده : هذا بيت جدو حسام __ عبدالعزيز ضغط على الدريكسون بقوه وبصدمه وهو يتمنى الي يفكر فيه يطلع غلط: وش اسم خالاتك فايز وهو يتذكر: اممم ايه خالتو ثريا وخالتو جوري عبدالعزيز ارتخى كل جسمه بمجرد ما سمع اسمها غمض عيونه يستوعب يا الله وش هالحظ جوري اذا عرفت انه عم فايز راح تقبل تكون زوجه له لف على صوت احد يطق الدريشه فتح الباب ونزل وهو يسلم على سعود ابتسم: هلا سعود سعود : هلا فيك وش عندك عندنا عبدالعزيز : ابد بس اتمشى مع فايز سعود بابتسامه : فايز معاك عبدالعزيز : ايه لف لفايز : فايز انزل سلم على عمك فايز : ما ابي انحرج عبدالعزيز : فايز عيب انزل سلم على عمك فايز نزل ومد يده لسعود بس سعود نزل لمستواه وباس خده : كيفك يا بطل فايز : بخير لف لعمه : عمو خلينا نروح يلا او اتصل لبابا يجيني عبدالعزيز : تبي ابوك يجي ويولع فيني لا انا برجعك سعود : تعالو نصلي العشاء اول عبدالعزيز مسك يد فايز : يلا بصلي وبعدين نمشي فايز : طيب بعد ما كملت الصلاه سلم على بو سعد سعد : فايز تعال معي بيتنا فايز : ما ابي ومشى لسياره عبدالعزيز : عن اذنكم لحظه فايز شفيك فايز بعيون مليانه دموع : ابي ارجع البيت عبدالعزيز مشى لسياره ركب فايز وحرك وقف قدام بيتهم وقبل لا ينزل مسك يد فايز : اسمعني لا تقول لابوك وين رحنا اليوم طيب فايز باستغراب : ليش عبدالعزيز :حبيبي لا تقول شي وخلاص فايز : طيب __ في المستشفى فتح الباب بهدوء شافها نايمه على السرير الابيض بلا حركه نظرها للأعلى ما انتبهت له قفل الباب ومشى لها انتبهت ومن شافته تكلمت بتعب : اطلع برى ما ابي اشوفك برى اسامه قرب اسماء ببكاء : اطلع برى يا قاتل ما ابي اشوفك اسامه وقف وتنهد : طيب انتي اهدي اسماء بانفعال وبكاء : برااااااا اسامه تنهد بضيق وهو يشوف عيونها الحمراء و وجها الشاحب والتعب الي باين على ملامحها لف وطلع وهو يشوف الممرضه تدخل لها __ نوره مسكت راسها الي صدع من صياح التوأم دخلت امها عليها : شفيهم نوره بتعب : ما ادري يمه نوال قعدت وهي تسكتهم واخير سكتوا طالعت نوره : وش الي شاغل بالك يمه نوره طالعت امها تنهدت : برفع قضيه واطالب بحضانه فايز نوال بضيق مسكت يدها وضغطت عليها : طالبي يمه والله يوفقك ويرجع لك نوره بهدوء :آمين كثري من دعاك لي يالغاليه نوال مسحت على شعرها ونزلت جواد الي نام بسريره و نوره خذت نفس عميق وهي تطالعهم بهدوء طالعت وجدان ابتسمت وهي تشيلها مسكت جوالها بتتصل لسعود بتكلمه بهالموضوع وهالمره هي مصره راح تسوي اي شي بس عشان ولدها تعبت ما راح تقدر تتحمل اكثر من كذا خلاص بيصير لها منحرمه منه سنتين بالضبط وشهر ويدخل فايز المدرسه انتبهت على صوت سعود وهو يناديها :هلا حبيبي سعود :وين رحتي نوره :معك بس سرحت شوي أخبارك سعود بابتسامه :بخير دامكم بخير نوره ابتسمت :اقدر اشوفك اليوم سعود : ان شاء الله حياتي امر العيال واشوفك نوره ابتسمت : انتظرك مع السلامه سعود : فمان الله __ الكل راح المستشفى ما عدا اسامه اسماء مالها خلق لاحد بس ردت عليهم : الله يسلمكم ما قدرت تحط عينها بعين عمتها ولا اسيل ولاحتى شذى تحس بتشوف نظره هي ما تبي تشوفها اسيل همست لشذى : ما تحسينها مو طايقتنا شذى بنفس الهمس : مو احساس واضح ما تبينا اسيل : وين احمدوه شذى : يقول عنده شغل اسيل : اجل بطلع اكلم عبدالعزيز اذا فاضي يجي لنا شذى : طيب اسيل وقفت وطلعت شيماء قاعده بطفش و طلال ماسك جواله يطقطق فيه اسيل مشت وهي تكلم عبدالعزيز : عزوز وينك عبدالعزيز طلع من الاستراحه يرد عليها : هلا وش بغيتي اسيل بخبث : شرايك تجي ترجعنا البيت وتشوف الي ماخذه عقلك عبدالعزيز تنهد بعمق : معليش ما اقدر اجي انتظري امي وارجعي معها اسيل بدهشه : توقعت بتستانس بتشوف الدكتوره عبدالعزيز غمض عيونه بضيق مشتاق لها بقوه بس ما يقدر يشوفها هالفتره : مع السلامه اسيل طالعت جوالها باستغراب ورجعت لهم __ في بيت حسام نوره قالت لسعود باصرار على القضيه الي بترفعها سعود مسك يدها وشد عليها : طيب حبيبتي وانا راح اكون معك دايما نوره رفعت يده وباستها بحب عميق وامتنان سعود ضمها له وهي سندت راسها على كتفه : كيف العيال ما اذوكم نوره ابتسمت :لا سعود ضحك :حاولت اصدق بس ما قدرت ناديهم لي يلا بنروح البيت نوره :الحين بناديهم سعود طالعها بحب وهي تمشي لما اختفت من قدامه ___ عند اسامه الي قاعد في البيت منسدح على السرير وهو يمسح على شعر فايز الي نايم على يده :حبيبي قول لي وش سويت اليوم فايز بنعاس :بابا ولا شي اسامه ابتسم :طيب و امس فايز :رحت مع عمو عز تمشينا وبعدين وقف قدام سكت وهو يتذكر كلام عمه اسامه : وين فايز تثاوب وهو يبي ينام: بابا بنام اسامه باس جبينه: نام ياروح بابا ثواني ونام فايز اما اسامه كان يفكر باسماء __ جوري نظرها للاعلى تفكيرها محصور بشخص واحد عبدالعزيز ليش ما صار يجي تكذب اذا قالت انه ما يعني لها شي بالعكس هي مشتاقه له دخلت عليها نوره لتقطع سرحانها جوري تعدلت بجلستها :وين المزعجين ضحكت نوره :فديتهم ويازين ازعاجهم وخليت سعد قاعد معاهم جوري :سعد الله يعينهم عليه نوره قعدت على السرير الثاني: والله احسن منك جوري ابتسمت بهدوء نوره :في شي مضايقك جوري تنهدت :لا نوره : من بعد هالتنهيده تأكدت وش صاير معك جوري طالعتها ونزلت نظرها ليدينها الي تفركهم بتوتر تكلمت بسرعه : تبين الصراحه نوره ابتسمت: اكيد جوري : انا احب واحد نوره عيونها توسعت بصدمه : تحبين جوري : ايه نوره : من هذا ووين تعرفتي عليه جوري : ما اعرف غير اسمه بس كان مريض عندي بالمستشفى نوره بهدوء : طيب شلون حبيتيه جوري : نوره صارت اشياء كثيره بعدين هو يجنن وشخصيته حلوه بمعنى اوضح جذاب نوره بدهشه : والله وطحتي ومحد سمى عليك شسمه جوري ضمت مخدتها : عبدالعزيز شفتي حتى اسمه يجنن ضحكت نوره وهي ترميها بالمخده : خلي عنك احلام اليقظه وتعالي معي جوري انسدحت وهي تحط المخده تحت راسها : بنام وراي قعدة من الصبح لدوام انقلعي و طفي الليت معاك نوره وقفت : مالت بس انخمدي مشت وخلت الباب مفتوح والليت وهي تسمع صراخ جوري تجي تقفله بس طنشت __ بعد مرور اسبوع جوري بهالاسبوع ما شافت عبدالعزيز ابد خايفه يكون فيه شي تمنت لو انها تعرف اهله كان تطمنت عليه وقفت وطلعت لمكتبها وهي تبعده من تفكيرها و تركيزها وهي بالمستشفى لازم يكون بالمرضى وبشغلها بس مشت لغرفة مريضه بتسوي عميله اليوم ولازم تشوف كل فحصوتها وتشوف الطبيب المسؤول عن التخدير __ عند اسيل واقفه قدام المرايه بفستانها الاسود الطويل بتسريحتها المرتفعه ومكياجها الناعم ابتسمت ابتسامة باهته تمت ايام تبكي بسبب كلام ياسر بس انصدمت لما عرفت من امها ان ملكتها اليوم ما تنكر انها تخاف من ردة فعله بس مع هذا هي فرحانه انها بتأخذ الشخص الي تحبه دخلت عليها شذى ضمتها بقوه : مبروك اسيل بابتسامه : يبارك بعمرك شذى : تجنني يابنت اسيل : جد طالعه حلوه شذى بابتسامه : مرااا اسيل توترت و دقات قلبها سريعه لما دخلت امها ومعاها العقد : وقعي يمه اسيل ويدها ترجف طالعت شذى الي ابتسمت لها وقعت وارتفعت زغاريد امها الي شاركتها بالفرحه شذى شيخه طلعت عطت احمد العقد ورجعت لهم : يلا يمه طلعي لهم شذى مسكت يدها: يلا اسيل طالعتها بامتنان لوقفتها معها طلعت لهم وقعدت على الكوشه كلهم جوا يباركون لها بس اوجعتها مباركه سمر البارده لها طالعت اسماء الي كانت قاعده ببرود جات اخر وحده و بدون نفس :مبروك اسيل طالعتها ما توقعت ولا للحظه ان اسماء تتغير عليها بهالشكل خذت نفس بتعذرها وتقول ان نفسيتها سيئه بعد الي صار لها وبابتسامه :الله يبارك فيك منال همست لميلاف زوجة تركي : وجع على شنو هاليويسر منهبل عليها لا جسم ولا هي حلوه بزياده ميلاف طالعتها :حرام عليك البنت حلوه منال طالعتها :لا طبعا في بنات احلى منها بكثير بس اخوي اعمى ميلاف ابتسمت: قصدك الحب اعمى منال بقهر :وش فيك تدافعين عنها مو انتي تكرهينها ميلاف :الصراحه ايه ما اطيقها بس حرام الحق ينقال اخوك يحبها و هالشي مو بيده منال :ليتني قاعده جنب نجلاء احسن ضحكت ميلاف عند نجلاء :اقول سوسو مو كأنها ضعفانه سوسن :ايه بس مو كثير سمر بنرفزه :خلاص بسكم حش في البنت __ عند نوره لبست نقابها ورفعت عبايتها لراسها :جوري بتجين معاي ما ودي اطلع لحالي جوري الي توها راده من الدوام منهد حيلها :وين نوره :بتجين او لا جوري :اووف طيب انتظريني البس واجيك نوره نزلت الدرج وهي تشوف ابوها وسعد حسام باستغراب :على وين يا بنتي ؟ نوره بارتباك :أ أ يبه مشوار وراده سعد :طيب وين ؟ طالعت سعد بغيض :مو بعيد يبه حتى جوري بتجي معاي حسام :طيب لا تطولون نوره ابتسمت :ان شاء الله قعدت على الكنبه تطقطق بجوالها تنتظر جوري تخلص نزلت جوري :يلا امشي نوره فزت واقفه ومشت فتحت الباب تفاجأت بثريا وعيالها نوره بنفسها :وش هالحظ كل شوي يطلع واحد بوجهي ثريا :وين رايحين نوره زفرت :مشوار ثريا تكتفت :عادي اجي معكم نوره :لا وانتبهي على جواد ووجدان مو متاخره طالعتهم ثريا بقهر دفتهم وهي تدخل ماسكه مازن بيد وملاك و ماجد وراها جوري :مافيكم وحده عاقله نوره وهي تمشي :خلينا العقل لك يا الدكتوره جوري :من بيوصلنا نوره طلعت من الباب شافت سيارة السواق و ركبوا جوري توسعت عيونها بصدمه وهي تسمع العنوان :مجنونه انتي ليش بتروحين لهم نوره ببرود :بشوف ولدي جوري مسكت يدها :نوير انتي ما رفعتي قضيه انتظري بس تخلص نوره بهدوء :بس بشوفه من بعيد جوري بحزن عليها :طيب نوره :خلاص خلاص وقف وطف السياره السواق باستغراب سوا الي تبيه نزلت من السياره وهي تعدل عبايتها جوري وهي تشوف السيارات :كأن عندهم ضيوف او مناسبه انتي ما لقيتي تجين الا اليوم نوره بنرفزه :وانا شدراني ان عندهم ضيوف جوري تسندت على السياره وتكتفت فايز طلع يركض من البيت نوره تمت تطالعه بشوق ولهفه ام انحرمت من طفلها وتوسعت عيون الجوري بصدمه وتحس قلبها يدق بعنف وعيونها تعلقت فيه لما طلع وراء فايز وهو يشيله لفوق ولف ودخل وياه بلعت ريقها وشافت نوره ركبت السياره لحقتها طالعتها بتردد وخوف من الاجابه: نوره هذا الي شال فايز تعرفينه يصير له او ضيف عندهم نوره طالعتها بهدوء :ايه هذا عمه عبدالعزيز اخو اسامه اللهم صل وسلم على نبينا محمد | ||||||||
|
| |
|
05-08-20, 02:06 PM
| #20 | ||||||||
| مراقبة عامة ومشرفة منتدى الروايات المنقولة
| البارت السابع عشر ' ' وببرود :اسيل ياسر يبيك بالمجلس رفعت نظرها له بسرعه خذت نفس ووقفت ومشت اسامه عقد حواجبه باستغراب وهو يطالعها وجها خالي تماما من المكياج شعرها مرفوع باهمال:بتروحين كذا اسيل وهي تطالع فستانها الناعم الي يوصل لنص ساقها اكمامه كات:وش فيني اسامه ببرود مشى لغرفته : ولا شي روحي طلعت من الباب مشت بتوتر دخلت تكتفت ببرود وتسندت على الباب : خير وش جابك ياسر ابتسم اول ما سمع صوتها رفع نظره لها انصدم وعيونه بتطلع من مكانه وقف بسرعه وبخوف واضح مسكها من اكتافه : حبيبتي فيك شي تعبانه اسيل انصدمت وهزت راسها بلا ياسر : اجل وش فيك وجهك شاحب مافيه حياه و ضعفانه كثير اسيل طالعت قدامها : مافيني شي واتوقع انت اخر شخص يهمه امرض او لا ياسر بعصبيه : تكلمي وش صار اسيل بخوف من عصبيته بعدت عنه خطوه : بس سويت دايت وضعفت ياسر صرخ فيها : غبيه انتي مجنونه ولو صار فيك شي بسبب هالزفت الي سويتيه ما تدرين ان انا ما اقدر اعيش لو صار سكت وهو يستوعب كلامه اسيل وهو تطالعه بدهشه : لو صار وش كمل ياسر لف عنها وقعد وهو يهدي من عصبيته : ولا شي اسيل ببرود قعدت وحطت رجل على رجل : لعلمك ترى انا احب الرشاقه ياسر طالعها وهو يتذكر كلامه لها يوم الملكه ما كان متوقع ولا ١٪ ان كلامه بيأثر فيها تنهد وهو خايف عليها وعلى صحتها : وقفيه اسيل ابتسمت : ليش تخاف علي ياسر ببرود : ما تهميني عشان اخاف عليك اسيل انجرحت وسكتت: يعني عادي لو اموت ما اهمك ياسر وقف وهو يسمي عليها : ايه راح ارتاح من هالهم واعيش حياتي اسيل طالعته بصدمه وقفت : هيه اسمعني لا تحسبني ميته عليك والا راح اقول لك تكفى ياخي انا احبك لا تخليني اصلا ابي فرقاك اليوم قبل بكرا ياسر طالعها ببرود : انا الغلطان الي جاي لك حتى اسلوبك كأن واحد من الشباب واقف معي طلع وتركها مصدومه ومجروحه صرخ عليها و جرحها وقلل من انوثتها قعدت على الكنبه سندت راسها على يدها وبكت رجع بياخذ مفتاح سيارته الي نساه على الطاوله وقف وجمد الدم بعروقه وهو يشوفها بهالحاله قبض على يده بقوه قفل باب المجلس ومشى لها حط يده على كتفها : اسيل اسيل رفعت راسها له صرخت: في شي نسيت تقوله ياسر طالع عيونها الحمراء ودموعها الي غرقت وجها وقفت بانفعال : ليت اسامه ذبحني في هذيك الليله و لا العذاب الي تسويه فيني ياسر سحبها وضمها بقوه وهو يشوفها منهاره بالبكاء : حبيبتي اهدي اسيل ببكاء وهي تحاول تبعد عنه وبتعب : اذا انت ما تحبني انا احبك افهم برودك وكلامك يذبحني يدمرني ياسر شد عليها وهو ندمان ان قسى عليها ووصلها لهالحاله انصدم من كلامها بس حس براحه كبيره غمرت قلبه بعد ما سمعه منها اللهم صل وسلم على نبينا محمد | ||||||||
|
| |
|
| أدوات الموضوع | |
| انواع عرض الموضوع | |
|
|
23Likes
.png)
العرض العادي
