آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
18-11-20, 11:23 PM
| #31 | ||||||||
| مراقبة عامة ومشرفة منتدى الروايات المنقولة  
|  البارت السادس والعشرين نوره كتمت آه لا تطلع منها بس بان الالم على وجها طالعت بعيونه :من اليوم سعود ضغط على يدها نوره بألم :سعود يدي سعود نزل نظره ليدها انصدم وبسرعه فكها نوره مسكت يدها :دامك شاك فيني وما تأمن عليهم معي ليش مخليهم عندي بكرا اقتل واحد فيهم سعود رفع يدها مكان مسكته وباسها بهدوء وبهمس: اشك بنفسي ولا فيك نوره بعصبيه :روح شوف عبدالله يمكن فيه جرح مني سعود حط يده على فمها :خلاص عارف اني غلطت و تسرعت لما حكمت عليك من غير ما اسألك بس وربي واثق فيك اكثر من روحي نوره طالعت الارض سعود رفع وجها واحبرها تطالعه همس: عسى الضيق الي فيك فيني نوره بعدت يده وببرودها: بروح بيت اهلي سعود تنرفز : طيب روحي نوره طالعته لبست الشيله ونقابها شالت جواد و شنطتها دخلت ميري نوره : جيبي معك وجدان لتحت ميري خذت وجدان ولحقتها افنان فزت واقفه لما شافتها: نوره ترى سعود ما يقصد نوره طالعتها بهدوء :عن اذنك ____ عند ياسر صحى بكسل قعد على السرير ثواني واستوعب ان امجد كان معاه تلفت يدوره ما حصله وقف بسرعه لما تذكر ان نسى يقفل الباب بعد ما طلع من الحمام وهو ينشف وجهه رمى المنشفه على السرير ولبس ملابسه وطلع بخطوات سريعه شاف أمجد مع خواته قبض كف يده بقوه منال ابتسمت على جنب :كل هذا يطلع منك يا ياسر نعرف بسوالفك بس ما توصل لهدرجه ويصير لك ولد قاطعها ياسر بعصبيه لما مسكها من شعرها :وش قصدك كملي منال بألم :آه فكني قصدي واضح كيف كذا بين يوم وليله يصير عندك ولد ليكون ولد حرام ياسر مسك فكها بقوه لدرجه حسته بينكسر من قوة قبضته :عيدي هالكلام مره ثانيه وربي موتك على يدي بعدين تراه ولدي بالحلال انا كنت متزوج وطلقتها وهي حامل فهمتي الحين ودفها بقوه من قدامه امجد ضم سمر بخوف اما خواته ما تكلموا يعرفون ياسر وعصبيته سمر بلعت ريقها وبتردد :أ أمي شافت امجد ياسر لف لها بصدمه :عرفت ان ولدي سمر هزت راسها بالايجاب ياسر مد يده لشعره زفر بهدوء :هي بغرفتها سمر :ايه لف رايح لها _____ عبدالعزيز بعد ما نزل الشناط لسياره: حبيبتي يلا بسرعه جوري بابتسامه: طيب خلصت عبدالعزيز: يلا مشينا جوري طلعت من الجناح: متى بنسافر عبدالعزيز: بعد ساعتين جوري: طيب نروح بيت اهلي اول عبدالعزيز: طيب سلم مفتاح الجناح وطلعوا ____ عند نوره تسمع سوالف ثريا وفكرها بعيد معقوله سعود يشك فيها طيب دام شك في هالسالفه وصدقها مو بعيده اذا سمع شي اكبر يصدق ويشك فيها ويجرحها ثريا هزتها :نوره نوره انتبهت :هلا معك كملي ثريا بنرفزه وقهر ان نوره ما سمعتها :ايه واضح معي وش كنت اقول نوره عضت شفتها وبابتسامه :الصراحه ما ركزت ثريا ركزت بعيونها :انتي صاير وياك شي نوره صدت بنظرها عنها :مو صاير شي طالعت امها وبسرعه: وين ابوي وسعد نوال ابتسمت بضيق :سعد طلع مع العيال وابوك راح مشوار نوره قعدت جنبها مسكت يدها وباستها: يمه جوري راحت للي يقدرها ويصونها لا تضايقين نفسك يالغاليه نوال تنهدت بعمق :فقدت حسها بالبيت بس ربي يوفقها ويسعدها نوره :آمين ما خلصت من كلمتها الا وجوري داخله عليهم ____ ياسر اخذ نفس عميق وطق الباب على امه سمع ردها :تفضل دخل وهو يشوفها قاعده وحاطه رجل على رجل بكل جمود ياسر مشى لها باس راسها و قعد على ركبه قدامها وباس يدها :تكفين يمه انتي بس اسمعيني راح افهمك كل شي طالعته امه بنظره حاده :وش اسمع لو ما شفته صدفه ما عرفت فيه روح يا ياسر وخذ ولدك معك ما ابي اشوفك ياسر بترجي :تكفين يمه الله يخليك عطيني فرصه اقول لك كل شي طالعته امه ببرود :طيب قول اسمعك ياسر :يمه وخالقك ما دريت به الا من كم يوم ما كنت ادري ان لي ولد ام تركي طالعته بعدم تصديق ياسر وقف وقعد على الكنبه الي مقابلها طالعها بضيق من نظراتها تنهد : كنت رايح لرامي صديقي طلبني امره عشان نروح الاستراحه ولما وصلت دخلني المجلس انتظره فجأه دخلت اخته بالغلط وبرمشة عين اختفت من قدامي وبعدها ما حسيت غير باخوها دخل وهو ماسكها من شعرها ورماها قدامي ضربها بقوه طالع امه ونزل نظره : حاولت ابعده عنها بس كان يضرب بجنون وبالقوه بعدته طالعني وقال وربي ان ما تتزوجها لاذبحها الحقيره ما كان عندي حل يمه غير اتزوجها بالسر لان باين ان رامي مجنون وراح يذبحها جد تنهد وكمل : تميت معها سبعه شهور وكانت طيبه حيل وانثى بكل ما تحمله الكلمه الله يرحمها بعد هالمده طلبت الطلاق حاولت اغير رايها بس اصرت وكانت تردد انت انجبرت تأخذني طلقني وخذ الي تبيها وتحبها و طلقتها الام بهدوء : متى طلقتها ؟ ياسر : من ٧ سنين و راحت سكنت مع امها امه : والولد ياسر : امها قبل تتوفى قالت لما طلقتها كانت حامل ورفضت تقول لي عنه وترا سويت تحليل و اليوم بتطلع نتيجته ومع هذا انا واثق ان انا ابوه طالعته امه وما ردت وقف وقعد قدامها مسك يدينها و باسها ونزل راسه عليها وبصوت مخنوق : يمه والله هذا الي صار تكفين ارضي علي وافهميني والله ما اتحمل زعلك طالعته الام فتره و عيونها تلمع سحبت يدها وهي تمسح على شعره بلعت ريقها مع انها متضايقه كل هذا يصير وهي اخر من يعلم بس يهمها ولدها يكون مرتاح رفعت راسه و بهدوء : صح ان الموضوع ضايقني بس انا فاهمتك و خلاص راح نفرح فيك قريب ان شاء الله وامجد ولدك غلاته بتكون من غلاة ابوه طالعها بفرح : ربي لا يحرمني منك يالغاليه ____ عند جوري طلعت من عند اهلها مستانسه مشت لسياره عبدالعزيز متوجهين لبيت اهله بيسلمون عليهم ويروحون المطار وقفت السياره قدام بيت اهله مع وقفتها زادت دقات قلب جوري عبدالعزيز مسك يدها وكأن حاس فيها: يلا جوري هزت راسها ونزلت معاه مسك يدها ودخل البيت وقف وبصوت مسموع :يا ولد شيخه : تعال يمه دخل عبدالعزيز وجوري زاد توترها ابتسمت لما سمعت صوت صالح يهلي ويرحب فيهم قرب عبدالعزيز وهو يسلم على ابوه وامه ولحقته جوري وسلمت عليهم وقعدت جنب عبدالعزيز اسامه استأذن وطلع جوري بعدت نقابها اسماء تطالعها ببرود صالح بابتسامه: كيفك يا بنتي جوري بخجل: بخير يا خال انت كيفك صالح: الحمدلله جوري طالعت شيخه وبهدوء: كيف حالك يا خاله شيخه طالعتها ولفت نظرها بلامبالاه :من الله بخير اسيل :متى طيارتكم عبدالعزيز :مابقى شي الحين بنروح صالح : فمان الله انتبهوا على فايز الي نزل يركض عبدالعزيز :فايز شوي شوي فايز ضم عمه عبدالعزيز رفعه وباس خده :يا روح عمو كيف الحال فايز :بخير طالع جوري :خالتو جوجو جايه عندنا جوري مدت يدها لخده : ايه يا حلو وبقعد معاكم عبدالعزيز نزله: يلا جوري بنتأخر فايز: وين بتروحون اسيل مشت ومسكت يده: مسافرين تعال معي طالعت عبدالعزيز تبي تسأله عن امجد بس شكله مستعجل تنهدت ومشت مع فايز شيخه نظراتها لجوري كره وقهر اسماء شافت نظرات عمتها ابتسمت بخبث فرصه تستغلها وتحرض عمتها عليها ____ عند سعود تنرفز من كثر ما يتصل على نوره وما ترد دق الجرس طلع له سعد :هلا والله بالنسيب حياك سعود :هلا فيك معليش مستعجل ناد لي نوره اتصل وما ترد سعد :طيب دخل لداخل البيت :نوير سعود برا يبيك يقول يتصل وما تردين نوره طالعته وماردت حسام بحنان: يا بنتي فيك شي نوره طالعته وناظرت امها: لا يالغالي مافيني شي و الحين قايمه طالعت جوالها وشالته: كان صامت ما سمعته سعد شيل جواد لابوه بس بلبس عبايتي وجايه لبست وسلمت على امها وابوها وثريا شالت وجدان وطلعت شافت سعود:السلام عليكم سعود: وعليكم السلام ليش ما تردين نوره ببرود : كان صامت سعود فتح باب البيت ودخلوا شافت الصاله فاضيه نادت ميري ميري طلعت: يس نوره بسؤال اعتادت عليه: وين العيال ميري: نايمين نوره: طيب شكرا سعود طالعها وهي تمشي قدامه دخلت الغرفه نزلت وجدان بسريرها سعود نزل جواد سحبها له وبهمس: اشتقت لك نوره ببرود :تشتاق لك الجنه سعود :افا للحين زعلانه نوره سحبت يدها منه فسخت عبايتها وشيلتها طلعت لها ملابس ودخلت الحمام بدون ما ترد سعود زفر بقوه مو متحمل اسلوبها البارد ولا متعود عليه وقف وهو يطلع له ملابس بدل وطلع بيشوف عياله فتح غرفتهم شافهم نايمين ابتسم دخل وغطاهم وطلع نوره انسدحت على جنبها اليمين وتغطت سعود دخل تفاجئ فيها نايمه قرب وقعد جنبها وبعد شعرها الي على وجها وباس خدها انتبه لتنفسها انها صاحيه همس عند اذنها: تصبحين على خير حط يده تحت راسه ونظره لسقف وهو يفكر تنهد بهدوء ولف لها بعد ما انتظمت انفاسها حط يده على خصرها ودفن راسه بشعرها من حقها تزعل ! ومن حقي اسهر ، ارتّب اعذاري لها لين ترضى ____ طلع ياسر ابتسامته على وجهه بس بقى له اسيل لازم يشوفها دخل الصاله وامه دخلت وراه طلب من سوسن تصب له شاهي انتبهوا لانوار بنت تركي الي دخلت تركض ووراها اخوها نطت من كنبه لي الثانيه سوسن طالعتهم: قلت لكم قرود نجلاء ضحكت: بسم الله عليهم بس لا تسمعك ميلاف وتزعل وهي تركض صدمت بأمجد وطاح على الارض بقوه سمر شهقت بخوف توقعته يبكي بس ما صار هالشي لان امجد متعود على هالاشياء وقف بألم ودف انوار وبكت تركي بعصبيه :ليش تدفها امجد طالعه :هي ليش تطيحني تركي طالعه بدهشه :اقول يلا روح بيتكم ما نبي مشاكل ياسر طالع تركي بصدمه:تركي ليش تصارخ عليه تراه طفل و بعدين بنتك هي الي طيحته امجد تذكر بيتهم وجدته غرقت عيونه مشى لياسر ودموعه نزلت مسك يده :بابا ابي اروح بيتنا واشوف جده يلا نروح لها ميلاف طالعت تركي بصدمه من كلمة بابا تركي :وش قال ام تركي : اقعد يمه وش فيك واقف تركي : هو ناداه بابا ولا انا قاعد اتوهم منال بلا مبالاه : لا جد ما تتوهم ياسر ضم امجد :حبيبي جده سافرت مو موجوده امجد ببكاء :ليش تسافر وتخليني بروح معها ياسر :بسم الله عليك يا بابا طالع تركي بنظره عتاب شال امجد :عن اذنكم وطلع مع امجد من البيت تركي قعد :احد يفهمني السالفه تكلمت امه وهي تقول له كل شي ____ اسيل متضايقه وتحس نفسها مخنوقه تبي تطلع مو قادره تتحمل قعدة البيت مسكت جوالها شافت مكالمات ياسر و رسايله غمضت عيونها بألم وضيقها زاد وبسرعه اتصلت لشذى وطلبتها تطلع معها قفلت وراحت تجهز واتصلت لسواق يجهز السياره ___ عند ياسر طلع من المستشفى وهو ماسك امجد بيده و اوراق التحليل بيده الثانيه يناظرها بعد ما اكد له الدكتور ان التطابق كبير وان امجد ولده طالع قدامه فتح سيارته ومشى لها فتح لامجد الباب الخلفي قفل وراه وركب قدام حط الاوراق و طالع امجد : بابا اقعد قعد امجد وحرك ياسر وبعد دقايق لقى نفسه موقف قدام بيت ابو اسيل يتمنى تطلع يبي يشوفها ويكلمها مسك جواله على امل انها ترد بس خاب امله ماردت قبض على الدريكسون بقهر امجد اشر :بابا شوف طالع ياسر وين ما يأشر امجد شاف الحرمه الي تطلع وتركب سيارة السواق ابتسم لان عرف انها اسيل ولحقها ____ سعود وهو داخل شاف الكل في الصاله سلم عليهم ردوا السلام قعد جنب افنان وحط يده على اكتافها : كيف حالها حبيبة اخوها افنان ابتسمت : بخير دامك بخير سعود وهو يلعب بشعرها : ما ودك ترجعين لبيتكم افنان طالعته بنظره : كأنها طرده ضحك سعود ونوره تطالعه بهدوء سعود باس راسها : لا طبعا خليك عندي العمر كله وانا عندي اغلى منك نوره وقفت وتركت المكان سعود ابتسم وهو يشوفها تمشي افنان طالعت ابتسامته و ابتسمت : الحقها وش تنتظر سعود : فايز ما جاء اليوم افنان : الا مع العيال في غرفتهم سعود وقف : اها طيب مشى لجناحه دخل و شافها واقفه قدام سرير عياله ومعطيته ظهرها قرب وضمها واخذ نفس عميق وبهدوء :وش تسوين نوره ارتجفت : سعود وخر عني سعود :واذا قلت لا نوره ما ردت سعود لفها له وشاف الحزن بعيونها تنهد: وش فيك نوره صدت بنظرها عنه سعود بضيق :نوره نوره طالعت بعيونه فتره وبهدوء: اخاف تتركني سعود ضمها ومسح على شعرها:ما يفرقني عنك الا الموت يا قلب سعود نوره تنهدت بضيق: انت شكَيت فيني هالمره بالعيال المره الجايه الله اعلم بأيش وانا خايفه لان الشك يدمر كل شي يا سعود سعود بعصبيه وهالموضوع ينرفزه طالع بعيونها: نوره خلاص هي كلها مره وحده يعني انا وش يدريني ان ما يقصدك اتتي امه الوحيده بالنسبه لي وما عندهم ام غيرك حاوط وجها بيديه وبهمس: حبيبتي انا اثق فيك نوره ابتسمت وضربته على كتفه: وش فيك داخل البيت متجاهلني سعود رفع يدها الي تألمها ضغط عليها بهدوء نوره بألم: يدي سعود: للحين توجعك نوره طالعته بقهر: ايه للحين كنت بتكسرها بس الحمدلله جات سليمه سعود رفع يدها باسها وحط يده على خصرها وقربها له وانفاسهم اختلطت وبهمس:حبيبتي هل تقبلين دعوتي للعشاء نوره وهي تصد بنظرها عنه وبابتسامه: اكيد سعود ضحك :طيب البسي عبايتك يلا ____ ياسر وهو ماشي مع امجد دخل محل العاب اشترى لامجد الالعاب الي يبيها وطلع وهو يفكر هالاسيل وين اختفت وين بيلقاها اوف فجأه طلعت من محل قدامه ضحكاتها عاليه عض شفته بقهر من ضحكتها العاليه تحت انظار الكل مشى بدون اي تردد وقف قدامهم شاف طلال وشيماء وملاك الصغيره وجه نظره على اسيل وبهدوء :تعالي معي اسيل بهمس: ما ابي اجي معك ياسر : بتجين بالطيب ولا اخذك غصب قدام الكل اسيل بقهر لفت لشذى :ام طلال معليش بروح مع ياسر السموحه شذى ابتسمت وبهدوء :خذي راحتك ومشت مع عيالها ياسر بعصبيه :ضحكتك لا تعلى بمكان عام فاهمه اسيل :طيب فهمت وش تبي ياسر :ما اقدر اتكلم معك هنا طالع وراه بيشوف امجد انصعق : وين راح اسيل عقدت حواجبها : من ؟ ياسر نزل الاكياس من يده: امجد وينه اسيل طالعت حوالينها بدهشه: طفل شلون تضيعه!! ياسر وعيونه تتلفت بكل مكان خايف عليه اخذ الاكياس: انا بروح ادوره ومشى اسيل تنهدت وهو تشوف توتر ياسر ومشت بجهة ثانيه بتدوره بعد عشر دقايق وقفت طلعت جوالها بتتصل تسأله اذا حصله بس طاح نظرها على ولد يبكي قدامها مشت بخطوات سريعه شافته زفرت براحه وهي تشوفه امجد: وين رحت ليش ما قعدت مع ابوك امجد مسح دموعه: كنت ابي ايسكريم اسيل مسحت على شعره ومشت واشترت له واحد واتصلت بياسر: هلا ياسر امجد معي لقيته طيب انتظرك عند البوابه رقم ٢ وطلعت وهي تتنظر ياسر وصل وطالع امجد نزل لمستواه وبعصبيه: وين رحت وليش ما قلت لي امجد ما رد زفر ياسر : المهم انك بخير يلا امش قدامي طالع اسيل بامتنان لفت بتمشي بس مسكها :انتي بعد بتجين معي اسيل :ياسر فكني ما ابغى اجي معك ياسر بابتسامه: مو برضاك غصبا عليك يا حلوه مشى بسرعه وراء امجد وهو يمشي لسيارته :امجد تعال هنا فتح له باب سيارته وركب وحط اكياس الالعاب معاه اسيل بعصبيه :ياسر فك يدي ما ابي اشوفك ولا اجي معك افهم خلاص ياسر طالعها وفتح الباب :ادخلي اسيل طالعته بقهر وغبنه ودخلت وتكتفت وهي معصبه ياسر ابتسم ولف لجهة السواق وحرك متوجه لشقته فتح باب الشقه ودخل امجد ودفها لداخل : انتي ما تحسين ما عندك قلب يشتاق ويحب ولا انتي قلبك من حجر اسيل نزلت غطاها وطالعته بقهر :ايه انا قلبي من حجر ما يحس و لا تجي تعاتبني وانت تدري ان ما احب الكذب وكذبت علي ارتجفت شفايفها صدت عنه وهي تحس قوتها بتخونها و دموعها غرقت عيونها مسكت ذراعها بيدها الثانيه ياسر غمض عيونه لف لامجد طلع جواله وعطاه يلعب فيه مسك اسيل ودخلها الغرفه قفلها وطالع بعيونها :بشنو كذبت اسيل سحبت يدها منه وبعصبيه :كذبت لما قلت ان انا اول بنت بحياتك و لما قلت ما حبيت قبلي احد و كذبت لما ما قلت لي عن امجد ضربته على صدره ببكاء :تبي تنتقم مني ما كفاك الي سويته فيني خلاص يكفي ياسر برمشة عين مسكها وظهرها صار ملاصق لصدره ومثبت يدينها وبهدوء :بس انا صادق ما حبيت قبلك وانتي حبي الاول والاخير اسيل بكت :بس يكفي ما ابي اسمع شي ياسر ثبت يدينها بيد و يده الثانيه رجع شعرها للجهة الثانيه وسند راسه على كتفها وهمس :وربي ان ما حبيت قبلك احد اسيل حست رعشه سرت بجسمها وهي تحس بانفاسه على رقبتها وخدها ياسر شافها هدت وبهدوء باس خدها :صح كنت اكلم بنات بس وقفت من فتره طويله وغيرت رقمي عشانك واذا على ام امجد تراها طليقتي و سالفتها طويله والمره توفت الله يرحمها وامجد توني عرفت فيه من كم يوم والسبب عزيز اخوك ولولا الله ثم هو ما دريت عنه فكها ولف وجها له وباستعطاف يبيها تلين وتهدأ لان يعرفها عنيده وراسها يابس وما ترضى بسهوله :تدرين ان جدته توفت وللحين ما قدرت اقول له وهو كل يوم يسألني عنها ويكفي ان اذا احد سأله عن امه يبين الحزن بعيونه وعارف ان فقدها امجد كبر قبل عمره بسبب الظروف الي عاشها بدون ام واب تبيني اتخلى عنه اسيل هزت راسها بالرفض :لا بس كيف توك عرفته ياسر قعد واشر لها جنبه قعدت وياسر طالعها :اول شي انتي مصدقه الي قلته اسيل طالعته مسحت دموعها :ايه يلا قول كيف عرفته ما سألته عن ريم ولا عن زواجه دامها توفت الله يرحمها هالشي مايهمها ياسر ابتسم وبدا يقول لها من لما اتصل له عبدالعزيز لما اخذ تحليل dna اسيل بتعاطف بكت ياسر ضمها :خلاص وقفي بكاء وقومي بشوف امجد وقف ياسر لما شافه نايم والجوال طايح على الارض طالع اسيل: نام قبل لا يتعشى كله منك اسيل ابتسمت راحت له وعدلت وضعيته : طيب قومه ياسر : طيب بس اوصل البيت بقومه اسيل طالعته : وانا من بيرجعني البيت ياسر : انا برجعك ولا ليكون تبين السواق يرجعك هالوقت بذبحك اسيل : طيب اعزمني على العشاء جوعانه ضحك ياسر : وانتي بس همك الاكل اسيل كشرت : خلاص يا بخيل انا عازمتك بس ودنا اي مطعم ياسر ابتسم : الحين اخذكم لاحلى مطعم و احلى عشاء لعيون الحلوين ____ شذى وهي تتحلطم بعصبيه من اسيل ضحكت شيماء : ماما وش فيك شذى : من عمتك العله شذى تطلعين معي واخر شي سحبت علي شيماء : انتي قلتي لها خذي راحتك شذى طالعتها: انتي وش مسهرك روحي نامي شيماء : ماما قلت اقعد معاك بدل ما انتي تسبين لحالك شذى فسخت شببها شيماء فزت : خلاص خلاص رايحه عايله ما عندها غير ترمي بنعال هربت من شافت امها رمتها بالشبب شذى لفت للباب لما دخل احمد مشى لها وقعد جنبها بتعب شذى طالعته وصدت بنظرها احمد ابتسم : وش فيك شذى وقفت : سلامتك مافيني احمد مسكها وقعدها : وش معصبك شذى : انت وعيالك احمد رفع حاجب : انا وش مسوي لك؟ شذى : ابد حبيبي ما سويت شي بس مو كأنك من طلعت الصبح هاذي رجعتك لو سهرت برا احسن بعد احمد حط يده على اكتافها و بهمس : اشتقتي لي شذى غمضت عيونها عضت شفتها بقهر احمد لف وجها وضحك لما شافها مغمضه : طيب افتحي عيونك ليش مغضمه ليكون مقهوره شذى فتحت وطالعته بحده احمد بابتسامه وهو يركز بعيونها : لو ادري بتشتاقين لي كذا كان تركت كل شي وجيتك شذى كتمت ابتسامتها وقفت : انا وين وانت وين احمد وقف وهو يضحك _____ وقف ياسر قدام بيت صالح طالعت الشارع هدوء لفت لياسر : لا تروح الا لما ادخل ياسر : طيب امجد بتعب : بابا يلا نروح البيت ياسر ابتسم وهو يشوف اسيل دخلت : الحين بنروح فتحت الباب الداخلي و جمدت لما شافت اسامه قاعد في الصاله رفع نظره لها وشاف الساعه قربت ١٢ و بهدوء : وين كنتي لهالوقت اسيل بلعت ريقها وتوترت من نظرات اسامه لها لان تغيرت معاملته معها من شهور : كـ كنت مع شذى طلعنا المول وبعدها رحت بيتها اسامه : جايه مع السواق اسيل هزت راسها بالايجاب بربكه اسامه رفع حاجب مو عاجبه انها راجعه هالوقت مع السواق لحالها : مره ثانيه اذا بتروحين لشذى وتأخر الوقت اتصلي فيني او نامي عندهم لا تجين لحالك مع السواق هالوقت فاهمه اسيل هزت راسها بطيب وقف ببرود ومشى رايح لغرفته اسيل بسرعه مشت ومسكت يده اسامه طالعها : وش فيك اسيل بغصه :اشتقت لاخوي اسامه : من عبدالعزيز تمر الايام بسرعه وبيجي اسيل هزت راسها بلا :ابي اخوي اسامه الحنون الطيب الي تغير ١٨٠ درجه اسامه طالعها فتره ايه حاس ان متغير كثير يحس ان فقد حياته من ٤ سنين وزادت عليه اسيل صدمته فيها تنهد بقوه وفتح يدينه وهي ارتمت بحضنه بدون تردد اسامه بهمس: وش صاير معك اسيل بصوت مخنوق: و لاشي بس ما احب تعاملني باسلوب بارد وقاسي اسامه ابتسم: تستاهلين اسيل نزلت نظرها اسامه رفع راسها وباس جبينها: صايره حساسه وام دميعه وين اسيل القويه اسيل ابتسمت اسامه مسح دموعها: خليك كذا ما ابي اشوف دموعك ابد طيب اسيل هزت راسها: طيب اسامه حط يده على اكتافها وهو يمشي لغرفتها ويسولف معها بأريحيه افتقدها من فتره واسيل مستانسه ما كانت منتبه لاسماء الي طلعت بتشوف اسامه بس انقهرت وهي تشوفه يحضن اسيل حست بغيره كبيره تجاه هالاسيل شافتهم صعدوا الدرج مشت بسرعه لغرفتها وقفلت الباب بهدوء وهي من داخلها تغلي تكره اسيل بشكل لا يوصف ____ نوره ابتسمت وهي تصحي فايز: فايز حبيبي يلا قوم فايز انقلب على الجهة الثانيه :بنام شوي بس نوره بحب سحبت عنه الغطاء :بلا كسل وقوم فايز صحى وهو يفرك عيونه ويتثاوب نوره :صباح الخير فايز ابتسم نوره : يلا حبيبي قوم اخوانك قاموا وانت للحين نايم بتتأخر على المدرسه فايز وقف بسرعه :الحين بخلص نوره طلعت ملابسه وشنطته و قعدت تنتظره طلع وساعدته يلبس ملابس المدرسه ومشطت شعره و خذت شنطته: انزل افطر فايز:طيب طلع وهي مشت لغرفة محمد وعبدالله شافتها فاضيه ابتسمت وراحت لغرفتها شافت سعود يجهز لدوامه ابتسم لها: صباح الورد نوره ابتسمت قربت وهو تسكر ازرار ثوبه: صباح النور خذت العطر من يده وهي تعطره سعود :احلى صباح الي يبتدي بابتسامتك نوره بحب: وانا صباحي ما يبتدي غير فيك و بصوتك وشوفت عيونك سعود باس خدها وبعد وطالعها :اخ بس لو ما كنت مستعجل نوره ضحكت وهي تمشي لتوأمها وباستهم شالت جواد ممكن تنزل وجدان معك سعود ابتسم وهو يتامل ضحكتها وروقانها يبيها تم كذا على طول انتبه على صوت الجناح يتقفل مشى لوجدان شالها وباسها وبابتسامه: صغيرتي كوني كأمك بأخلاقها و بكل صفاتها بحنانها بطيبتها بعطفها بعاطفتها بكل ما فيها ضحك لما شافها نايمه بهدوء ومو حاسه فيه عدلها ومشى لتحت ___ عند امجد صحى من وقت وقف وهو يشوف عيال تركي الي باتوا امس عندهم لابسين ملابس المدرسه و مستانسين و يتريقون بحماس طالع تركي وهي يمد لهم المصروف ويبوسهم اخذ شناطهم :يلا مشينا مشى بهدوء على غير عادته وقعد على طاولة الاكل الي باقي عليها ام تركي وسمر وميلاف سمر باستغراب مدت له كاس الحليب : امجد يلا اشرب الحليب عشان تصير كبير وقوي اخد كاس الحليب وشرب بهدوء سمر طالعت امها ورجعت طالعته : حبيبي في احد مزعلك امجد هز راسه بلا سمر : طيب وش فيك طالعها امجد : وين راحوا البنت واخوها سمر : اولا هذيلا عيال عمك انوار وناصر وبعدين بيروحون المدرسه سكت امجد ميلاف : انت ما تروح المدرسه!! طالعها امجد وهز راسه بلا : لا انا ما عندي مثلهم جدتي قالت ماعندنا فلوس واذا عند جدتي فلوس هي تشتري فيها اكل او دواء سكت وهو يشتاق لجدته كثير سمر لفت نظرها عنهم وقفت عشان ما يشوف دموعها صدمت بياسر وهو داخل الصاله : سموره ليش تبكين سمر طالعته وبضيق : متضايقه شوي وطلعت ياسر طالعها باستغراب شاف ميلاف بتطلع ابتعد عن طريقها ومشى لطاوله : صبحكم الله بالنور والسرور ابتسمت امه : صباح الورد قعد وهو يطالع امجد طالع امه : وش فيه؟ تنهدت امه بضيق : شاف عيال تركي رايحين المدرسه وشكله تضايق ياسر ابتسم : افا مجود هذا الي مزعلك بس ولا يهمك من بكرا اروح اسجلك وتداوم وياهم الام : ياسر وش تسجله ترى بادين دراسه من شهرين ياسر : انا بتصرف الام : طيب ياسر طالع امجد : خلاص بابا كمل اكلك امجد طالع ابوه ابتسم :طيب ياسر بعد ما كمل اكله وقف امجد :بابا وين بتروح ياسر :بروح الدوام اقعد مع عمه سمر او العب بالعابك لما ارجع اوكي امجد :اوكي ياسر مسح على شعره ومشى ____ نوره وفي يدها رضاعات عيالها وقفت بدهشه : افنان ذبحتيه فكيه ضحكت افنان :وين ذبحته بس اسوي له مساج عشان يصير قوي ويمشي بسرعه نوره :يمشي مره وحده هو للحين ما يعرف يقعد عدل قعدت جنب وجدان الي تصيح شالتها وهي تعطيه الرضاعه :حرام عليك ليش مخليتها تبكي افنان وهي تقعد جواد بحضنها :بنتك دلوعه مو راضيه تسكت قعدتها بكت نومتها بكت خليتها على الكنبه انقلبت على بطنها وخفت تطيح عاد حطيتها بسريرها و انا ما ابي الا هالحلو يا زينه بس نواره خلاص باخذه وياي بيتنا نوره رفعت حاجب :حلفي بس ضحكت افنان :لا خلاص هونت نوره طالعتها وضحكت معها ____ بعد مرور شهر ياسر قدر يسجل امجد هالسنه بالمدرسه و علاقته فيه صارت قويه حيل و باقي لعرسه اسبوعين و يعد الايام والساعات له ___ وقف احمد قدام بيت اهله بعد ما رجع من المطار جاب عبدالعزيز وجوري الي رايقين قضوا احلى ايام حياتهم بس من شافته وقف قدام البيت انقبض قلبها وهي تتذكر نظرات شيخه لها لفت على صوت باب عبدالعزيز انفتح خذت نفس قوي و فتحت الباب وطلعت لازم تكون قويه وتحاول تكسب شيخه مع انها حاطه في بالها ٩٠% تفشل لان نوره اختها الي تكسب قلوب كثير بطيبها واخلاقها ما قدرت بتقدر هي بس ما راح تستلم انتبهت على صوت عبدالعزيز : وين وصلتي جوري ابتسمت : معك يلا ندخل عبدالعزيز ابتسم وهو يمشي لشناط وياخذهم ويدخل معاها وقف وتنحنح بصوت مسموع عشان اذا زوجة اخوه موجوده تغطت اسماء شيخه : ادخل يمه دخل عبدالعزيز واول ما شافته اسيل قربت تسلم عليه : الحمدلله على سلامتك يا قلب اختك عبدالعزيز باس راسها : الله يسلمك يا روحي بعدت عنه وهو راح يسلم على امه اسيل ضمت جوري :الحمدلله على السلامه نورتي جوري ابتسمت :الله يسلمك نورك سابق حبيبتي طالعت شيخه تنهدت ومشت لها وهي تسمعها تسأل عبدالعزيز عن احواله وكان واضح شوقها لولدها قبضت على يدها بتوتر وباست راسها : كيفك يا خاله شيخه بهدوء : بخير الحمدلله على السلامه جوري ابتسمت بتوتر وهي تشوف بنظراته انها مو متقبلتها : الله يسلمك عبدالعزيز حس فيها ومسك يدها وضغط عليها وكأن يقول لها انا معك وراح ابقى معك طالعته وابتسمت اسماء ببرود : الحمدلله على السلامه عبدالعزيز رفع نظره لها : الله يسلمك يا بنت الخال شاف فايز يصارخ : عمو عز نزل لمستواه وضمه بقوه وباس خده : وربي اشتقت لك يا حبيب عمو انت جوري طالعت فايز بزعل : طيب وانا ما راح تسلم علي فايز ترك عمه وضمها عبدالعزيز طالع امه : يمه خل يجهزون لنا الاكل ميتين جوع شيخه ابتسمت : يخسى الجوع وانا امك الحين احلى الاكلات راح تلقاها قدامك عبدالعزيز باس يدها : تسلمين لي يالغاليه جوري تنهدت من تجاهلها لها اذا هاذي اولها اجل الله يستر من الايام الجايه ____ نوره قعدت جواد جنب وجدان وهي تعطيهم الالعاب ابتسمت بحب وهي تشوفهم طالعت عبدالله قاعد يذاكر لاختباره ومحمد يلعب بايباده جاء سعود قعد معاهم : كيف الحلوين نوره : تمام سعود بابتسامه : نسيت اقول لك ترا عبدالعزيز واختك رجعوا اليوم نوره ابتسمت : وربي مشتاقه لها سعود بابتسامه : بكرا بروح الشرقيه باخذ افنان نوره طالعته : طيب خذنا معك اتعرف على ام افنان وخواتها سعود ابتسم : ابشري من عيوني نوره ابتسمت وسرحت وهي تطالع العيال سعود حط يده على يدها وباسها : بناخذ فايز معنا نوره طالعته وبهدوء: تتوقع ابوه يرضى سعود مد يده لخدها : هو بيجيبه بكرا بنروح نقعد يومين ونرد الاحد نوره مسكت يده الي على خدها بس لفت لما شافت وجدان تبكي : حمود عطها لعبتها محمد : ماما شفيها بسرعه تبكي افنان جات لهم : لان اختك دلوعه الله يعين لا كبرت سعود وقف وشالها وباس خدها : لا عاد ما ارضى على بنتي ويحق لها الدلع حبيبة ابوها عبدالله نزل كتابه : بابا ابي اروح البقاله محمد : وانا بعد سعود : طيب جاي معاكم رن جواله شاله من على الطاوله شاف المتصل تغيرت تعابير وجهه للجمود ورد ببرود : نعم نوره استغربت نزل جواله عطى وجدان لافنان ومشى لجناحه وهو يتكلم بجواله نوره طالعته وهي تفكر مين الي اتصل شكت انها عبير بس ليش يبعد طالعت عبدالله الي ماسك جواد ويلعب معاه وقفت ولحقته وصلت للغرفه فتحتها جمدت من حده صوته وعصبيته الي لاول مره تشوفه بهالعصبيه سعود طالعها كمل كلامه وهو يحاول يهدأ : انا الي ما يشرفني اشتغل بشركه فيها مثلك و شرواك ولا اشوفك متصل علي بعد اليوم فاهم قفل جواله ورماه بقوه على الجدار نوره فزت بخوف من هالي كان يكلمه وعصب كذا طالعت سعود قعد على السرير وهو ماسك راسه ترددت تقرب منه خذت نفس عميق ومشت له قعدت جنبه مسكت يده بهدوء سعود رفع نظره لها نوره بهدوء : وش فيك سعود زفر بضيق وطالعها : ابد مشاكل من كل جهه نوره شدت على يده : هونها وتهون سعود حاس راسه بينفجر من الصداع انسدح وحط راسه بحضنها نوره بهدوء : عبير؟ سعود وهو يطالع عيونها : لا هي كلمتها قبل كم يوم وقلت لها تنسى اخليهم يروحون لها صارخت وهددت بس انا اعرفها ما تقدر تسوي شي نوره وهي تمسح على شعره :اجل وش مضايقك سعود تنهد بعمق :تركت الشغل نوره طالعته بدهشه توها تنتبه ان جاي بدري اليوم سكتت ما تقدر تتكلم معه وهو بهالعصبيه سعود بعد ما نرفزه المتصل وفقد اعصابه ما وده يتكلم بشي :احس راسي بينفجر اخ بس لو كان قدامي كنت ذبحته مو كفايه ان تهاوشت مع المدير وتركت الشغل بسبب اتهاماته الباطله متصل يستفزني ليش نوره : طيب اهدى وارتاح الحين بعدين نتكلم سعود تذكر ان بندر اتصل فيه لما كان عنده خط ثاني تنهد ماله خلق يكلم احد طالع نوره : في بنادول نوره بعدت راسه وقفت :ايه حبيبي سعود اخذ البنادول منها وشرب كأسة الماء ورجع انسدح نوره مدت يدينها وهي تهمز راسه لما حست اعصابه المشدوده بدت ترتخي وراسه بدا يثقل عليها تنهدت بهدوء حطت المخده تحت راسه غطته وشغلت التكييف مشت لجواله الي تكسر و حطته على الكوميدينه وطلعت _____ جوري فزت بخوف من الطق القوي على الباب لفت لعبدالعزيز الي تأفف طالعها :شوفي من؟ جوري وقفت وهي تلبس روبها و تاخذ جلالها فتحت الباب شافت شيخه قدامها شيخه :وجع للحين نايمه لا صلاه ولا عباده طالعتها جوري بهدوء و بعدها ابتسمت غصب :صباح النور خالتي آمريني بغيتي شي شيخه بسخريه :لا كملي نومك احسن جوري اتسعت ابتسامتها: افا يا خاله انام وانتي متعنيه وجايه تصحيني ما اقول الا يسعدلي هالصباح الحلو شيخه توسعت عيونها: اقول صلي وانزلي سوي لنا فطور بسرعه جوري كتمت ضحكتها: ابشري من عيوني شيخه ببرود :ابي فعل ما احب هالكلام الي ما منه فايده جوري :قول وفعل ولا يهمك شيخه طالعتها بقهر ومشت قفلت الباب تسندت عليه يالله صباح خير شكله اليوم نحس من بدايته ضحكت وهي تتذكر دهشة شيخه بكلامها طالعت عبدالعزيز الي قال :يسعدلي هالصباح الي بدايته ضحكتك الجوري ابتسمت :حبيبي صليت عبدالعزيز فز :لا والله راحت علي نومه راح يتوضأ ويصلي وبعدها جوري صلت سرحت شعرها ورفعته وطلعت لها فستان ناعم وساتر وكثفت الكحل بعيونها و حطت بلاشر وري وروج لحمي خذت جلالها بتنزل عبدالعزيز :وين رايحه الجوري :خالتي طلبتني اجهز الفطور عبدالعزيز اندهش: تونا واصلين امس يا عروسه الجوري ابتسمت :حبيبي خلاص بروح بعدين بتمسكها علي عبدالعزيز ابتسم :طيب ياروحي الجوري لفت له :حبيبي ودي اقطع اجازتي والاسبوع الجاي بدوام اوكي عبدالعزيز :طيب الجوري ابتسمت مشت ولفت له :الا صح وين المطبخ ضحك عبدالعزيز ومشى لها مسك يدها: ننزل مع بعض وبوريك وينه رن جوالع لف رايح له : شوي وراجع لك طلعت جوري لما شافت شغالتين يجهزون الفطور تكلمت بسرعه :خلاص انا بكمل طالعتها سونا :لا مدام انتي ئروس ضحكت جوري ومشت لها وبنفسها : ما اتوقع في هالبيت يخلون الواحد يرتاح شافت سونا راحت المطبخ ولحقتها وهي تجهز معاهم سمعت صوت رجال كبير يقول :لا اله الا الله ابتسمت من شافته صالح قربت وهي تحب راسه :صباح الخير ابتسم صالح :صباح النور كيفك يا بنتي الجوري :بخير ولله الحمد صالح ابتسم وقعد على الطاوله :وش فيك يا ابوك تعالي اجلسي الجوري قعدت وهي منحرجه منه ابتسم على خجلها جات شيخه وكشرت من شافت جوري: هيه وش فيك قاعده قومي بسرعه نادي زوجك ولا تقعدين الا لما يقعد قبلك الجوري تنفست بقوه وش هيه بعد ياصبر الارض طالعت عبدالعزيز جاي لهم :صباح الخير شيخه سحبت الكرسي على يمين صالح وقعدت :صباح النور عبدالعزيز قعد جنب جوري من جهة اليسار لابوه شيخه :قومي صبي شاي صالح :وش فيك عليها شيخه :عشان مصلحتها لازم تعرف السنع الجوري وقفت وهي تصب شاي ومدت واحد لعبدالعزيز اما هي تحس نفسها انسدت عبدالعزيز مسك يد جوري :لا يمه جوج السنع كله انتي للحين ما تعرفينها شيخه ما عجبها الرد عبدالعزيز همس لها :بسمتك فيها دفا جنه وفرحة وعمر ابتسمي عشاني الجوري انحرجت وابتسمت بهدوء مدت يدها لكوب الشاي وهي ترتشف و تاكل دخل اسامه ورجع بسرعه لوراء نسى وجود الجوري عبدالعزيز طالع الجوري الي تغطت وهو مقهور طالع اسامه :يا اخي تنحنح قول شي لا تدرعم علينا كذا اسامه :معليش نسيت الجوري وقفت :دايمه يارب ____ عند نوره قاعده تشرب قهوتها وتفكيرها بسعود وكلامه وش صار واي اتهامات الي تكلم عنها وليش ترك شغله ما انتبهت لافنان الي قاعده تتكلم معها ولا انتبهت لسعود الي نزل وقعد معاهم افنان : زوجتك وش تفكر فيه سعود بغرور : اكيد فيني افنان ضحكت سعود بصوت عالي :نواره نوره انتبهت :هلا سعود ابتسم :الي ماخذ عقلك يتهنى به نوره ابتسمت :آمين عساه بهنا دايم افنان باستهبال :من هذا الي تفكرين فيه غير اخوي يالي ما تستحين وتدعين له نوره :ومن غير اخوك ماخذ تفكيري كله طالعت سعود وهي في عقلها الكثير من الاسئله افنان وقفت واستأذنت و طلعت سعود بهدوء :وش شاغل بالك نوره تنهدت :ممكن اعرف وش صار وتركت الشغل سعود طالعها وهو متضايق من هالسالفه ابتسم انها شايله همه :لا تشغلين بالك بهالسالفه الي صار موظف معي بالقسم اتهمني باخذ رشوه و تهاوشت معاه تجمعوا الموظفين وجاء المدير وقال له هالاتهام و اشياء كثير غير والمدير شك فيني باين من نظراته تنهد بقوه مع ان بحياتي كلها ما اخذت رشاوي بس الحين صار الامين والي يمشي سيده غلطان وما ينجح بشي طالعها تصدقين ندمان ان ما بردت حرتي فيه نوره تضايقت ونزلت نظرها للارض سعود بهدوء : متضايقه عشان تركت الوظيفه نوره هزت راسها بلا : الي مضايقني ليش ما قعدت ودافعت عن نفسك واثبت الحقيقه لهم انت بتركك الشغل بهالطريقه تثبت لهم ان الي قاله صح سعود اندهش توقع تتضايق عشان ان ترك وظيفته ما فكر كذا ابتسم بحب هاذي نوره وهذا طبعها وكل يوم يزيد حبه لها اكثر بكثير : ما يهموني نوره ابتسمت : حبيبي هم الخسرانين وين يلقون واحد مثلك ناجح بشغله يكفي كسبتهم كثير مشاريع وهالشي خساره كبيره لهم وانت الله موجود وما ينسى احد سعود ارتاح بشكل كبير من كلامها وابتسامتها الي يعشقها بشكل كبير مد يده لها وقفت وسحبها وطيحها بحضنه نوره شهقت : سعود مو وقته لا تجي الحين افنان سعود قرب منها خشمه على خشمها وجبهتها على جبهتها وبهمس : اعشقك يا كل دنيتي طالع بعيونها الي تفتنه بشكل كبير ونسى نفسه فجاه طق الجرس وانتبهوا الاثنين فزت نوره بسرعه شافت ميري طلعت بتفتح الباب حطت يدها على صدرها تهدي نبضات قلبها سعود وقف وباس خدها الاحمر ومشى دخلت ميري سعود: من ميري :بابا بندر سعود طلع بسرعه وهو يسلم على بندر ويدخله المجلس ____ في بيت ابو احمد جوري طالعت اسماء الي قاعده ويدها على بطنها : اسماء حامل اسماء ببرود : وش تشوفين يعني اذكري الله بس جوري ابتسمت على جنب : لا اله الا الله الا باي شهر اسماء : الخامس الله يثبته لي جوري : بس مو كأنه تاخرتي بالحمل اسيل طالعت جوري :لا وين هذا الحمل الثالث جوري :اي صح تذكرت وقت تسوين العمليه بالمستشفى اجل انتبهي عليه اسماء :انتي اخر شخص افكر اخذ بنصيحته دخلت شيخه الصاله :وين فايز اسماء :ما ادري ولا يهمني ادري جوري طالعتها بقهر اسيل :اسامه وداه لامه استغفر الله العظيم واتوب اليه | ||||||||
|  |
|
30-11-20, 12:08 AM
| #32 | ||||||||
| مراقبة عامة ومشرفة منتدى الروايات المنقولة
| البارت السابع والعشرين شيخه طالعت اسيل ولفت لجوري ببرود : بكرا بيحونا حريم لا تفشلينا قدامهم جوري وهي تطالع نظرات اسماء :ان شاء الله ما يصير الا الي يرضيك شيخه :اتمنى ما يكون العكس جوري ابتسمت غصب وطالعت اسيل: كملتي تجهيز لعرسك اسيل بقهر :لا الحيوانه شذى قالت بتطلع معي وسحبت علي وراحت بيت اهلها ضحكت جوري :ولا يهمك انا راح اجي معك والحين اذا تبين اسيل ابتسمت : فديت مرت اخوي قومي خليني اضمك جوري ضحكت: لا شكرا شيخه بحده :ضحكتك عاليه لا تنسين البيت فيه رجال جوري :من عيوني انتي تامرين اسماء طلعت عيونها وشيخه قبضت كف يدها هالبنت مو سهله ابد جوري :عن اذنك بطلع مع اسيل شيخه :كلمتي عبدالعزيز ولا بتطلعين من غير ما تقولين له جوري طالعتها ابتسمت على جنب :يا خاله من غير ما تقولين عزوز اول من يدري ما احب اسوي شي بدون لا اقول له ما اقدر على زعله كتمت اسيل ضحكتها على اشكالهم وهي عاجبتها جوري بقوه جوري وهي تشوف تعابير وجوههم تدري يدورون عليها الزله بس بعيد عنهم طالعت شيخه :توصين على شي يا خاله شيخه :لا بس لا تتأخرون جوري :ان شاء الله طلعت مع اسيل وصلت الصاله الي فوق انفجرت اسيل تضحك جوري ابتسمت :روحي اجهزي بكلم عبدالعزيز واجهز واجيك اسيل :طيب ____ وقف ياسر قدام بيت اهل اسيل بسبب امجد الي ازعجه يبي يروح عند فايز واسيل فتح السياره وركض لداخل شاف الباب مفتوح دخل وهو ينادي :خاله اسيل اسماء :كملت صار البيت حضانه شيخه :يمه اسيل الحين بتنزل انتظرها راح لها :جده اخبارك ابتسمت شيخه تدري انه يناديها نفس عيال احمد و فايز :بخير انت اخبارك امجد قعد :الحمدلله طالع الكاكاو قدامه على الطاوله :جده ابي كاكاو شيخه :خذ الي تبيه امجد ابتسم واخذ اكثر من حبه اسماء وهي تطالعه: وجع هذا بس يجي يبلع امجد صار يكح بقوه دخلت اسيل وهي تسمع صوت كحته مسحت على ظهره :بسم الله عليك حبيبي جوري بسرعه صبت له مويه وعطتها الكوب امجد ودموعه نزلت ووجهه احمر شرب ماء وحس انفاسه ردت شيخه بحده :اعوذ بالله اذكري الله بغيتي تذبحين الولد اسماء ببرود :ترا مكبرين السالفه بعدين لو عيني حاره كان عطيت فايز عين وافتكيت منه بدل ماهو ناشب لي طالعوها الثلاثه بصدمه من هالحقد والكره لفايز جوري بانفعال :عسى يومك قبل يومه يلي ما تخافين الله اسيل وهي تمسح دموع امجد :ليت اسامه يسمعك بس شيخه :انتي من تزوجتي اسامه والمشاكل وراء بعض لا انك مريحه اسامه معك ولا كافة الولد من شرك اسماء وقفت وبابتسامه على جنب :يووه يا عمه نسينا ترا انتي الي خطبتيني له شيخه طالعتها بقهر وهي تمشي :غلطة عمري لما بدلت الثريا بالثرا اسماء وقفت بدهشه لفت لها بحقد ومشت من قدامهم الجوري طالعتها بصدمه مو مستوعبه ان شيخه تمدح اختها بعد كل الي صار بسببها ابتسمت على جنب اول مره تسمع كلام مدح من شيخه وهالشي خلاها تستانس ويزيدها اصرار انها راح تكسب قلبها تنهدت بضيق ان نوره راحت الشرقيه قبل لا تشوفها بس الي مريحها انها ما راح تطول يومين وترجع طالعت اسيل : يلا مشينا امجد وقف : وين فايز اسيل : امجد حبيبي تعال معي ___ نوره لفت للعيال والازعاج تكلمت : بس خلاص ليش كل هالازعاج خلو بابا يركز بالسواقه سكتوا العيال وافنان ابتسمت بعد ما صدع راسها منهم ___ اسيل تتكلم بالجوال مع ياسر :طيب حبيبي بعدين اكلمك مع السلامه قفلت ولفت لجوري الي ماسكه امجد بيده: ترا الولد تعب انا بروح اقعد معاه بس تخلصين من هالمحل تعالي اسيل : طيب طلبت جوري لامجد عصير وقعدت في الكوفي كانت قاعده تسولف بجوالها بس فحأه سمعت شخص يقول :سلام عليكم ارتبكت من هذا وش يبي امحد وقف :بابا طالع جهة جوري اندهش مو اسيل وبتوتر: اعتذر توقعتك اسيل بس هي وينها ؟ امجد وقف :انا اعرف ابتسم ياسر ولحق امجد الجوري طالعتهم لما راحوا للمحل طلع ياسر وهو شايل امجد ابتسمت لما شافت اسيل جايه جهتها الجوري : والله توقعت تروحين معه وتسحبين علي اسيل ضحكت : زين الحمدلله خيبت توقعاتك ____ عند سعود وصلوا الخبر .. نزلوا العيال و سعود و التوام مع افنان و نوره طلع عبدالرحمن وهو يرحب فيهم قرب سعود وسلم على راسه :كيفك يا عم عساك بخير عبدالرحمن بابتسامه :بشوفتكم يبه بخير قربت منه افنان وهي تسلم عليه :اشتقت لكم يبه فوق ما تتصور عبدالرحمن ضحك :واحنا اشتقنا لك سعود طالع العيال: يلا يا بابا سلمو تقدمو وهما يسلمو عبدالرحمن :حيا الله الابطال عبدالله يقلد ابوه :كيفك ياعم ضحك عبدالرحمن :بخير يا ابوي حياكم نوره ابتسمت ودخلت مع افنان والعيال وقفت لما نادت امها :يمه طلعت امها ابتسمت وهي تشوفها ورحبت فيها نوره طالعت وحده عرفتها عليها افنان انها اختها وسن سلمت ببرود ومشت وقعدت نوره مع الام الي كانت طيبه كثير ___ في غرفة سمر امجد منسدح على سريرها ويقول لها وين راح اليوم و وش صار معاه سمر مسحت على شعره :يا سلام طلعت مع اسيل ورحت مع بابا ولا قلتو لي اجي معكم امجد ببراءه :انا رحت لهم البيت وهما طلعوا ورحت معاهم سمر سرحت وهي تفكر بخواتها الي ما يبون اسيل ولا راضين يتقبلونها رغم ان ياسر بنفسه تناسى كل شي عشان حبه المجنون لها صحت من سرحانها وهي تشوف امجد رايح بسابع نومه ماحبت تزعجه وتاخذه لغرفته انسدحت جنبه وهي تغطيه ___ الجوري واقفه قدام المرايه وهي تحط مكياج ناعم يبرز جمال ملامحها مدت يدها للعقد تلبسه على فستانها الموف الطويل بدون اكمام مفصل على جسمها و طالعه رووعه خذت الحلق ولبسته بعد ما خلصت رشت عطرها طالعت نفسها وابتسمت برضا لفت بتطلع بس شهقت لما صدمت بعبدالعزيز الي حط يده على خصرها يثبتها الجوري : متى جيت ما حسيت فيك عبدالعزيز و عيونه تتفحصها بحب : توني جيت وش هالجمال كله الجوري بخجل من نظراته وكلامه : عـ عبدالعزيز ممكن تبعد شوي عبدالعزيز : لا الجوري : حبيبي تكفى لازم انزل عبدالعزيز قربها منه اكثر وباس خدها وهو ياخذ نفس عميق وبهمس : وكيف تبيني اتركك ما اقدر وقبل لا تتكلم الجوري انطق الباب جوري تنفست براحه وابتسمت ودها تروح وتحضن الي طق الباب عبدالعزيز بعد عنها ورفع حاجب وهو يشوفها مبتسمه الجوري ضحكت وهي تمشي للباب وفتحته : هلا اسوله اسيل طالعت عبدالعزيز : وانا اقول وينها ما شرفت اثاري الاخ عندها عبدالعزيز : خير وش تبين اسيل مسكت يد الجوري : ابي هالحلوه ويلا اطلع ليش للحين هنا عبدالعزيز ضحك : طيب الحين بطلع وانتبهي على هالحلوه اسيل ضحكت : لا توصي _____ في بيت عبدالرحمن نوره طالعت عيالها يصيحون : ياربي وش فيكم ليش هالصياح شالت وجدان وعبدالله جاء وشال جواد : ماما شفيهم نوره : ما ادري تعال نطلع الصاله فيها احد عبدالله : لا بس بابا قاعد في الحوش نوره : طيب عمك وينه عبدالله : عمي عبدالرحمن طلع شوي وجاي نوره : تمام يلا طلعت نوره الصاله شافت وحده هي شايفتها من قبل بس نست وين ومعها بنت بحضنها و ولد عمره ٩ سنوات قاعد جنب محمد فايز جاء لها : ماما وين ايبادي نوره : ماما ما جبته معاك فايز بضيق : لا وقعد وفاء وقفت : انا وفاء لا تقولين نسيتيني نوره ابتسمت ونزلت وجدان جنب اخوها جواد تلعب : تذكرتك كيفك وفاء : بخير تعالي اجلسي جنبي ليش واقفه نوره مشت وقعدت جنبها بس طاح نظرها على وسن واقفه قدام الدريشه و نظرها للخارج نوره : وش فيها وسن وش تناظر فايز راح لها يشوف وش تناظر ورجع لامه : بابا سعود قاعد في الحوش وفاء بصوت عالي : وسن وسن انتبهت وطالعتهم : نعم افنان بارتباك : تعالي اقعدي معنا وسن بدون نفس : افضل اروح انام نوره طالعتها بهدوء لما اختفت من قدامها وهي تفكر بانها من جات ما قعدت في مكان هي فيه غير كذا ارتباك افنان لما كلمت وسن ما خفى عنها انتبهت لوفاء تناديها واندمجت معها بالسوالف وفاء طيبه و بسرعه تدخل القلب ____ الجوري تسولف مع ثريا وهي مستانسه حيل نوال :كيف امورك يمه عساك مرتاحه الجوري ابتسمت :الحمدلله لا تشيلين هم توال وهي مرتاحه :الله يوفقك يمه يالله ثريا الجوري بسرعه :يمه قعدوا بعد ليش مستعجلين نوال ما ودها تقعد في بيتهم بس جايه عشان جوري وتطمنت عليها :لا يمه خلاص انتبهي على نفسك يا بنتي الجوري :ان شاء الله ثريا ضمتها :مع السلامه انتبهي لنفسك وخلك قويه وبينا اتصال يا قلبي الجوري :ان شاء الله اسيل :وين رايحين تو الناس نوال :لا مستعجلين ياقلبي وابو سعد ينتظرنا مع السلامه اسيل :الله وياكم سلمو على الكل وطلعوا الجوري حست بضيق ووحده بعد ما طلعوا اهلها رجعت شعرها لوراء وهي تفكر وقفت بسرعه وهي تاخذ دلة القهوه والفناجين بتقهوي الحريم اسماء قاعده وتهز رجولها بقهر وهي تسمع كلام الحريم مدح الجوري واخلاقها تكرها لانها اخت نوره لان الدم الي يسري فيها نفس دم نوره واي شي يقرب لها هي تكرهه مثل كرها لفايز وقفت جوري وهي تصب لها اسماء بدون نفس :ما ابي الجوري مشت من جنبها ببرود اسماء ابتسمت بخبث وهي تشوف فستان الجوري الطويل داست عليه وهي تتمنى تطيح على وجها وفعلا صار وطاحت جوري قدام الحريم على ركبها وتكسرت الفناجين الي بيدها شيخه عصبت وبقهر : وجع دام ما تعرفين تمشين عدل ليش قايمه قعدي مكانك محد طلب منك مساعده ولا بس تحبين تكسرين هذا وانا وصيتك بس الا تسوين العكس الجوري وقفت ووجها احمر من كلام شيخه ليش تقول له كذا وتفشلها قدام الحريم طالعت الحرمه الكبيره الي قدامها وبصوت حاولت يطلع طبيعي بس طلع مخنوق من الغصه الي كتمتها بحلقها :خالتي تعورتي صار لك شي ابتسمت الحرمه بحنان وهي مقهوره عليها :لا يمه مافيني شي الجوري ابتسمت غصب عنها :الحمدلله لفت لشيخه وهي صدرها يحترق ودها ترد عليها بس ما قدرت من حبها لعبدالعزيز الي تعشق ترابه ما قدرت ترد على امه وبهدوء: آسفه شذى عضت شفتها بقوه لما حست بطعم الدم وبألم خذت كلينكس انقهرت على الجوري بشكل كبير الجوري طلعت من عندهم ودموعها الي قاومتها نزلت بغزاره شذى بقهر :ليش يا خاله ليكون هي طيحت نفسها متعمده الحرمه :ليش كذا يا ام احمد تفشلينها ام احمد :بلي ما يحفظها شذى :هي اذا ما ردت عليك مو ضعف منها بس احترام لك ام احمد طالعت شذى بنظره حاده خلتها تسكت اسيل وقفت بسرعه وهي مقهوره عليها ولحقتها وحده من الحريم ما عجبها تصرف ام احمد مع الجوري وقفت وهي تطالع بناتها :يلا يا بنات مشينا وقفوا البنات سلموا على شيخه ببرود ومشوا اما باقي الحريم يتكلمون بهمس على الي شافوه واسماء مستانسه حيل من الي صار وتحاول تكتم ابتسامتها جات الشغاله ونظفت المكان وجابت لهم فناجين ثانيه الجوري طلعت الحديقه وهي تبكي بقهر مو عارفه ليش ام احمد تكرها لهدرجه وهي ما سوت لها شي رفعت نظرها لقدام بعد ما حست باحد واقف شافت عبدالعزيز واقف بصدمه جاء عشان ياخذ اوراق مهمه لريان بس من شافها تبكي انصدم مشى وقلبه يدق بقوه مسك وجها بين يديه :حبيبتي شفيك الجوري ارتمت بحضنه وهي تبكي بصوتها عبدالعزيز ضمها بقوه طالع اسيل الي وقفت لما شافت عبدالعزيز :اسيل وش فيها الجوري اسيل نزلت نظرها ما عرفت وش تقول له عبدالعزيز بعدها ومسك يدها اليسار تأوهت بألم من يدها الي انجرحت من الفناجين لما حاولت تشيلهم من الارض و لما سمعت كلام ام احمد جرحت نفسها بدون شعور عبدالعزيز نزل نظره ليدها وشافها مجروحه انهبل من وش هالجرح طلع منديل من جيبه وحطه على يدها : الجوري تكلمي وش فيك ترا اعصابي تلفت شيماء :عمو انا راح اقول لك لفوا لها كلهم الا الجوري عبدالعزيز :شيماء شصار شيماء طالعت الجوري وقالت له كل شي وكلام جدتها الي سمعته عبدالعزيز حس بنار شبت بصدره الجوري طالعته بعيون دامعه : انت السبب عبدالعزيز طالعها بهدوء الجوري بصوت يرجف : قلت لك ابي بيت لحالي بس انت تحججت كثير عبدالعزيز ضمها وباس راسها هو مو رافض فكرة البيت بس يبي له وقت عشان يشوف بيت حلو ومناسب بس الحين شكله راح يسرع بهالموضوع :طيب انتي الحين اهدي اسيل طالعت شيماء :شيماء تعالي شيماء مشت لها مسكت يدها ودخلتها لداخل البيت ____ نوره بعد ماصلت المغرب نزلت ابتسمت لافنان الي مدت لها كوب قهوه لنوره :تفضلي اعرف يومك ما يكتمل بدون قهوه ابتسمت نوره :حياتي تسلمين نوره قعدت مع وفاء وامهم وبهدوء :الحين افنان بس اخت سعود افنان :ليش مو عاجبك نوره :الا عاجبني بس اسأل وسن رفعت نظرها من جوالها وهي تطالع نوره ولفت نظرها عنها ببرود ام وفاء :ايه بس افنان لان ام سعود الله يرحمها رضعتها مع بنتها الي توفت وهي عمرها سنه نوره :اها الله يرحمها طالعت فايز كان شعره مبلل ماء وفانيلته متوسخه :وش فيك ولد وفاء مهند :خالتي كنا نلعب وطاح فايز مد يده وهو يمسح عيونه من التراب :ماما يكذب هو دفني وصب الماء فوقي محمد وعبدالله :ايه ماما يكذب نوره طالعت مهند :ماما ليش تكذب وسن بلامبالاه :دايما كذا الامهات يصدقون عيالهم حتى لو كذبوا طيب مو يمكن انتي معودتهم على الكذب نوره طالعتها طنشت ولفت لفايز: فايز روح نشف شعرك شوي وراح اجيك فايز : طيب نوره ابتسمت :تعال اقعد جنبي مهند طالعها بتردد وبعد دقيقه قعد جنبها طالعتهم : وانتو ليش مبللين عبدالله : كنا نلعب بالماي بس فايز بلل مهند وعصب عليه نوره ابتسمت :اها طيب لفت لمهند :حبيبي الي يكذب وين يروح مهند :النار نوره :طيب الي يقول الصدق وين يروح عبدالله :الجنه نوره :فديت ولدي الشاطر طالعت مهند :اذا ما صرت تكذب وتقول الصدق الله بيحبك والناس بتحبك وراح يجيب لك بابا العاب حلوه وبتروح الجنه وراح تلاقي اشياء حلووه مررا تبي الجنه عبدالله :ايه ما ابي اروح النار ابي الجنه خلاص ما راح اكذب نوره مدت يدها : وعد عبدالله صافحها : وعد وفاء باندهاش : عجزت معه ضربته عاقبته وللحين على هالعاده وانتي بسرعه اقنعتيه نوره : الضرب عمره ما كان حل وفاء ابتسمت وقفت نوره : عن اذنكم وطالعت العيال : تعالو معي وسن بهمس : مغروره افنان طالعتها : تعالي ابيك وسن وقفت بقهر و لحقتها _____ عبدالعزيز بعد ما عقم يد جوري ولفها لها وقف وطلع ومعصب حيل نزل تحت بيشوف امه لازم يكلمها على الي صار كان بيدخل الصاله بس سمع مرت اخوه وقف بقهر بيطلع غرفة امه بس جمد وهو يسمع كلامها اسماء بضحكه عاليه :نسيت اقول لك اليوم وش سويت بجوري مها اختها ببرود :وش من مصيبه جديده مسويه اسماء وهي تسند ظهرها على الكنبه: ههههههههه احلى مصيبه مها : قولي وش سويتي بالبنت اسماء ابتسمت : طيحتها قدام الحريم مسويه انا حرمه سنعه و بقوم اقهويهم بس حصلت ذيك الطيحه ههههههههه اخ بس لو تشوفين وجها كيف صار وعمتي ما قصرت فيها وربي استانست تمنيتها تطيح على وجها بس بنت اللذين عليها حظ مها سكتت وش ترد عليها تعبت منها اسماء : مهاوي معاي مها ببرود : ايه معاك بس ابي افهم البنت وش سوت لك ما ضرتك بشي خلاص يكفي عيشي حياتك وخلي غيرك بحاله اسماء بنرفزه : انا متصله فيك ابيك تشاركني فرحتي بس انتي دايما كذا تحبين تنكدين علي وبعدين انا ما احبها ومثل ما افتكيت من اختها هي بعد بطيرها وراها مها بعصبيه : اسماء وربي لاقول لابوي عن سوالفك اسماء عضت شفتها خوف من ابوها وتفكيره وقفلت بوجه مها حست بألم ببطنها وقفت وخذت جلالها لبسته بتروح جناحها ترتاح شهقت بصدمه وهي تشوف عبدالعزيز قدامها وباين العصبيه بعيونه المركزه عليها بلعت ريقها وزاد الم بطنها ان يكون سمع مكالمتها مشت وقفها صوته الحاد : لحظه اسماء غمضت عيونها ولفت له : خير عبدالعزيز وهو يكتم عصبيته : انتي السبب بلي صار لجوري اسماء ماردت عبدالعزيز بحده : تكلمي اسماء ارتجفت من حدة صوته وبقوه : ايه انا ورني وش بتسوي عبدالعزيز وهو وده يكفخها :لو ما كنتي مره كانت وريتك وش بسوي بس والله ثم والله ان سمعت او عرفت انك مقربه لجوري لا تندمين وانا الي بندمك بيديني وحركتك فيها اليوم قطع كلامه صوت الباب ودخل اسامه طالعهم :شصاير عبدالعزيز بعصبيه :ياخي وقف زوجتك عند حدها ولا تقرب من زوجتي فاهم مشى دفها من قدامه وراح لجوري وهو يغلي من داخله قهر كل ما تذكر كلامها مع اختها فسخ ثوبه وانسدح على السرير اسامه طالعها ببرود :وش مسويه بعد اسماء ارتبكت: وانا شدخلني اي شي يصير في هالبيت انا السبب فيه كأن محد عايش فيه غيري اسامه طالعها فتره ما يدري وش يسوي فيها تعب منها اخذ نفس قرب لها وبهدوء: انشغلي بحالك واتركي الناس بحالهم لان صبري خلاص بينفذ بأي لحظه اسماء قبضت كف يدها بقوه ودموعها تجمعت بعيونها اسامه : فاهمه ولا اعيد ترا ما عندي مانع اعيد لما تفهمي تعبت منك ومن مشاكلك اسماء بقهر : وانا بعد تعبت منكم ومشت بسرعه لغرفتها طالعها وطلع للحديقه اخذ نفس عميق وده يرتاح من كل شي _____ عند افنان واقفه قدامها بعصبيه : وسن خلاص شيليه من بالك لان مستحيل يكون لك وسن ببكاء : ما اقدر انا احبه تفهمين وش يعني احبه احب هيبته رجولته شخصيته وسامته كل شي يجذبني له مو بيدي غصب احبه افنان بتجن منها : يا مجنونه الرجال متزوح وعنده عيال و غير كذا فرق العمر بينكم استوعبي انتي توك ٢١ والعمر قدامك وسن :الحب ما يعرف عمر ومايهمني اذا هو متزوج عادي اكون زوجة ثانيه افنان طالعتها فتره : تبين الصراحه سعود عمره ما فكر فيك يشوفك اخته الصغيره وبس والدليل ان تزوج مرتين وسن ببكاء موجع : بس انا ما ابي غيره سكت لما شفت حبه لعبير ومعاملته لها و لما طلقها قلت ان راح يحس فيني بس ذبحني بزواجه الثاني ليته فكر فيني انا بنت عمه افضل من الغريبه افنان قعدت جنبها و ضمتها وهي تبيها تفقد الامل من سعود : الغريبه على قولتك سعود يعشقها ومستحيل يفكر بغيرها انا قعدت معهم فتره وشفت حبهم لبعض وحب عبير قدام نوره ولاشي استوعبي يا وسن ودوسي على قلبك وانا واثقه ان راح يجيك الي ينسيك سعود وحبه المهم الحين ابيك تنتبهين لدراستك وسن بكت اكثر وافنان ضامتها وتهديها قدام باب الغرفه واقفه بصدمه سمعت كل شي بدون قصد بس كانت جايه تبي افنان غيرت طريقها وهي تعدل غطاها وراحت المجلس لسعود وقفت قدام الباب سعود شاف ظل وطنش نوره بهدوء :سعود سعود فز واقف مشى لها :يا روح سعود وش فيك نوره طالعته وسعود ابتسم وضمها له: وش فيها حبيبة سعود نوره بضيق :بكرا نرجع سعود :طيب يا قلبي بكرا نرجع اوامر ثانيه نوره رفعت نفسها وباست خده :ايه نام عدل عشان تقدر تسوق سعود ابتسم وبخبث : اوكي وش رايك تنامين معي ضحكت نوره : تصبح على خير حبيبي ومشت وقفت من شافت وسن قدامها لفت بتشوف سعود بس شافت الباب تقفل ابتسمت : تصبحين على خير يا حلوه ومشت للغرفه صباح يوم جديد سلمت نوره على ام وفاء وافنان ووفاء والعيال اما وسن ما شافتها و انطلقوا راجعين لرياض وهما فرحانين ____ عبدالعزيز بهدوء : جوريتي قومي الجوري فتحت عيونها بتعب وهو تشوفه لابس وكاشخ وريحة عطره اخترقتها مسكت راسها تحس بصداع ذبحها بقوه عبدالعزيز قعد جنبها : وش فيك الجوري طالعته : بس صداع عبدالعزيز حضنها و باس راسها : خلاص ارتاحي وراح اقول لشغاله تجيب لك الفطور هنا الجوري بحب : حبيبي روح لشركه و انا راح اخذ بنادول وانزل عبدالعزيز ابتسم : طيب مع السلامه الجوري : بحفظ الله عبدالعزيز اخذ جواله و بوكه ومفتاح سيارته ونزل وهو قلبه معاها و طلع سيده رايح لشركته ____ وقف سعود قدام بيت صالح فايز باس خده امه وسلم على سعود ونزل من دخل البيت حرك سعود رايح لبيته فايز فرحان والابتسامه مرسومه على وجهه شاف ابوه : يا هلا والله وغلا بلي نور البيت بوجوده ركض فايز لابوه الي ضمه بقوه وريحة عطر امه فيه باس خده صالح ابتسم :واحنا ما تبي تسلم علينا وقف فايز وراح لجده الي باسه وسلم عليه و على جدته واسيل طالع الموجودين : وين خالتو جوج اسيل : بغرفتها فايز وقف : بروح لها وركض متجه لغرفة عمه اسامه سند راسه وغمض عيونه بقوه وين يروح وهو كل مكان يذكره فيها فايز الي كل ما يرجع ريحة عطرها لاصقه بملابسه واختها يكفي وجودها معهم وطريقة كلامها الي نفس اختها يالله يبي يسافر ويترك كل شي ويريح راسه فتره طالع ابوه : يبه ابي اجازة شهرين بسافر صالح باستغراب : ليه اسامه سكت شوي : يبه محتاج اجازه واذا ودك اسافر اتاكد من الشغل برا بروح اهم شي اسافر صالح طالعه وباين الضيق على ولده : نسيت عرس اختك اسامه طالعه صح نسى عرس اخته اسيل بصدمه : اساموه ما تبي تحضر عرسي ابتسم اسامه : لا طبعا مستحيل اطوف عرسك بعد العرس مسافر ان شاء الله صالح : طيب يبه شهرين بس لا تنسى ان زوجتك حامل شيخه تشرب الشاي ببرود اسامه بلا مبالاه : ان شاء الله يبه اسماء وقفت وتركت المكان __ الجوري ضمت فايز بقوه وهو تبوس راسه : فديت الحلو متى رجعتوا فايز : قبل شوي جينا راح الوقت والجوري تسمع له ولسوالفه طالعته : جوعان حبيبي فايز : ايوا جوري : انا بعد جوعانه تعال طلعت الجوري مع فايز وهي تروح المطبخ و تجهز لها هي وفايز ___ نوره واقفه ترتب ملابس عيالها بالغرفه الثانيه بنفس الجناح شغلت لهم التكييف وطلعت من الغرفه دخلت غرفتها وهي توقف قدام المرايا وتطالع نفسها انقهرت من وسن هي كل شوي وحده تطلع لها غمضت عيونها وهي تاخذ نفس تهدي نفسها حست باحد حضنها من وراء شهقت بقوه وفتحت عيونها سعود وهو يدفن وجهه بشعرها : بسم الله عليك نوره ابتسمت :كنت سرحانه وما حسيت فيك سعود باس خدها :مشتاق لك نوره ابتسمت : وانا اكثر سعود لفها له طالع بعيونها : فديت الي مشتاقين لي نوره ابتسمت بهدوء وحطت يدينها على صدره وبهدوء :انت لي انا سعود استغرب وابتسم : اكيد عندك شك نوره بعدت عنه وهي تقول : لا سعود بدون مقدمات سحبها له وصارت قريبه حيل يموت عليها كلمة قليله تجاه الي يحس فيه ____ عبدالعزيز دخل البيت وهو يحرك السبحه بيده ببرود مر من الصاله ولا دخل بس وقفه صوت امه لف ورجع وهو يقول :هلا شيخه :داخل على يهود سلم على الاقل عبدالعزيز :السلام عليكم وحب راسها شيخه :وينك ما شفتك اليوم ابد عبدالعزيز بهدوء :عادي يمه تعودي لان بطلع بعد شهر من هالبيت شيخه بصدمه :نعم عبدالعزيز قعد على الكنبه بجنبها :الي سمعتيه شيخه :ليش عبدالعزيز طالعها وهو يخفي قهره وعصبيته : و تسألين يمه ليش ابتسم على جنب وبجديه : احترام زوجتي من احترامي وانتي يمه ما قصرتي هنتيها قدام الكل وهالشي ما اسمح فيه اذا جوري غلطانه عليك انا اقدر اوقفها عند حدها بس يمه تجين انتي وبنت اخوك تغلطون عليها لا هنا وبس الا الجوري يمه مستعد اسوي اي شي ولا اشوف دمعه بعيونها طالعتها امه بقهر :ساحرتك اكيد ابتسم عبدالعزيز بهدوء :عن اذنك يمه شيخه وقفت بعصبيه :عبدالعزيز ما راح اسمح لك تطلع من البيت مو كفاية اخوك طلع وما صرت اشوفه الا مره كل اسبوعين واحيانا شهر عبدالعزيز لف لها :اسف يمه بس البيت وشريته وباقي اجهزه وننقل شيخه بانفعال :روح طيب خل بنت ابليس تنفعك عبدالعزيز :اكيد يمه بتنفعني بس اذكرك اسمها الجوري يمه الجوري شيخه قعدت تحس ضغطها بيرتفع منه وهو طالعها خاف عليها تتعب وفضل يطلع بهدوء ابتسم لما شاف فايز نزل لمستواه وباس خده :اخبارك حبيبي فايز ابتسم :بخير عبدالعزيز مسك يده ومشى معه :وين خالتك فايز :كانت معي بس بعدين راحت فوق ___ اسماء قاعده على السرير و مغمضه عيونها وسانده ظهرها و هي تحس بغثيان وتعب و مالها خلق لشي والحين بعد اسامه يبي يسافر فتحت عيونها على صوت طق الباب وقفت وهي تفتحه دخل فايز بحماس : بابا وين اسماء بدون نفس مسكته من وراء فانيلته وسحبته : لحظه وين داخل فايز وهو يسمع صوت الماء بالحمام وبصوت عالي : بابا اسماء انقهرت ان ما رد عليها وبعصبيه: انقلع بس محد فاضي لك دفته بقوه وقفلت فايز من قوة دفتها له الي فجأه ما قدر يتوازن وطاح على الارض وراسه صدم بالرخام وارتفع بكاه بألم اسامه طلع وهو ينشف شعره بعد ما سمع فايز يناديه بس انصدم وهو يشوفها تدفه بدون رحمه لبرا الغرفه و هاذي اول مره يشوفها تمد يدها على فايز قدامه جن جنونه ومشى لها وعطاها كف من قوته طاحت على الارض مسكها من شعرها ووقفها :انا كم مره قايل لك الا فايز انتي ما تفهمين وش اسوي فيك اذبحك وافتك منك دفها وطلع اسماء توازنت ومسكت بالكنبه وبكت وهي تحس صداعها زاد و ظهرها يوجعها طلع وهو يشوف فايز يبكي بكاء يقطع القلب وقفه وضمه مسح دموعه وباس راسه بس تفاجأ بجبهته حمراء وبعصبيه: خلاص بابا لا تبكي ما راح تقرب منك الـ.. مسك نفسه من سبه قويه قدام ولده فايز يبكي ومن بين شهقاته :بابا راسي يعورني اسامه زفر بقوه لا يرجع لها لان اكيد بتكون جثه بيده وما يبي يكون السبب بموت روح بريئه ماله اي ذنب غير ان اسماء امه :سلامت راسك يا روح بابا فايز وهو يمسح دموعه :بابا انت تحبني اسامه طالعه فايز عنده اغلى من روحه واغلى من كل شي عنده :ايه يا بابا احبك انفتح باب غرفة عبدالعزيز رفعوا نظرهم طلعت الجوري جمدت ثواني استوعبت ودخلت بسرعه اسامه نزل نظره ما تشبه اختها نوره غير وهي غير طالع فايز وابتسم لان هو الي يشبه امه كثير مسك يده ودخلوا لغرفة فايز وقفل الباب وبابتسامه :وش كنت تبي فايز :ابي اروح الملاهي اسامه غسل وجه فايز وبدل ملابسه وطلع معاه ___ الجوري قعدت على السرير بقهر وهي تأفف طالعها عبدالعزيز :وش فيك رجعتي الجوري وهو تبعد الجلال الي كان على اكتافها :عزوز عبدالعزيز ابتسم :عيون عزوز الجوري بحب :ربي لا يحرمني منك ابي اروح بيت اهلي عبدالعزيز :ولا منك طيب اجهزي واخذك الجوري :دقايق بس عبدالعزيز :انتي ماقلتي بتقطعين اجازتك وبتداومين هالاسبوع الجوري ابتسمت :ايه بس عرس اسيل بعد بكرا و ان شاء الله بعد عرسها بيومين اداوم وقف وهو يبدل بجامته بثوب رمادي وغتره وعقال لبس ساعته وكبك ثوبه رش عطره اخذ جواله ولف لها :جاهزه الجوري بابتسامه :ايه وطلعت معاه في الصاله شيخه تتكلم مع اسيل بقهر من عزيز وكلامه اسيل :يمه خلاص كيفه هو وزوجته وقفت وراحت غرفة امها وجات وفي يدها جهاز الضغط :يمه خليني اقيس ضغطك شيخه :والله احسه ارتفع من وراء اخوك اسيل :يمه لا تعبين نفسك عبدالعزيز وعارفته اذا حط الشي براسه مستحيل يرجع عنه شيخه تنهدت بقهر اسيل وهي تبعده الجهاز عن يد امها: ضغطك مرتفع شوي انتبهي لصحتك يالغاليه شيخه زفرت :الحمدلله على حال ___ في بيت حسام جوري تسولف مع امها وسعد ومبسوطه دخلت عليهم نوره وهي تدف عربية عيالها وقفت جوري وراحت لها وضمتها بقوه مشتاقه لها حيل نوره بحب :يا هلا بالعروس ضحكت الجوري: هلا فيك وربي اشتقت لك نوره ابتسمت :وانا اكثر يا عمري الجوري شالت وجدان وهي تبوسها بقوه لما بكت نوره سلمت على امها وسعد سعد اخذ جواد وقعده معاه في حضنه وهو يلاعبه الجوري بطفش:اووف بنتك لا بكت ما تسكت نوره ضحكت:مثل ما بكيتيها سكتيها ولفت لامها : اخبارك يالغاليه نوال:بخير الحمدلله وانتي كيف حالك و وينهم عيال سعود نوره:الحمدلله والعيال طلعوا مع ابوهم تموا سوالف وضحك بعد ربع ساعه طلعت نوال من عندهم وسعد راح غرفته نوره طالعت الجوري وما تكلمت الجوري:وش فيك تناظريني كذا نوره بهدوء:وش فيها يدك الجوري ضمت كفوفها مع بعض وبتوتر: هاه ايه انكسر كوب وكنت باخذه من الارض وانجرحت نوره طالعتها بشك: جوري قولي الصدق اهل زوجك كيفهم معك الجوري ابتسمت غصب: تمام نوره ما صدقتها بس دام ما تبي تقول براحتها :الحمدلله الجوري لفت عليها بحماس: نوارة عرس اسيل بعد بكره وهي طلبت مني اعزمك تكفين تعالي والله بستانس اذا جيتي نوره صدت عنها وهي تطالع قدامها اسيل عزمتها على عرسها ليش متوقعه انها تروح هي يالله قدرت تحضر عرس عبدالعزيز بس عشان اختها بعد هالمره تروح ويتكدر مزاجها باسماء وشيخه :تتكلمين جد انتي عارفه من اسيل الجوري بضيق :نوره اسيل متغيره ١٨٠درجه وربي طيبه هي الوحيده الي استانس معها في البيت وتوقف معي ضد اسماء نوره طالعتها بدهشه :تتكلمين عن اسيل اخت عبدالعزيز ما غيرها الجوري :ايه هي نوره : سبحان مغير الاحوال الجوري بترجي :تكفين نوير ما ابي اقعد لحالي تكفين نوره تنهدت :طيب اشوف سعود اول وارد عليك الجوري وقفت ومشت لها وضمتها :فديتك يا احلى اخت ____ رجع سعود مع العيال تعشوا وراحوا ينامون اما سعود منسدح على سريره ويده تحت راسه نظره لسقف مهموم ويفكر دخلت نوره ولا انتبه لها فسخت عبايتها وشيلتها ومشت لها قعدت جنبه على السرير :سعود سعود انتبه لف لها وابتسم : هلا حبيبتي متى جيتي نوره :الحين سعود تنهد وقعد نوره :تعشيت سعود :ايه الحمدلله نوره مسكت يده وهي تشوف الضيق واضح عليه حتى لو حاول يبين طبيعي هي تفهمه وتحس فيه :حبيبي وش فيك سعود طالعها وشد على يدها :ولا شي لا تشغلين بالك نوره :سعود قولي شفيك ما راح ارتاح الا اذا قلت لي سعود وهو يغرس يده بشعره تنهد بضيق صد بنظره عنها وبهدوء :راح ابيع البيت نوره انصدمت : ليش سعود وقف بتعب هو ما يبي يبيعه هالبيت فيه اجمل ذكرياته وفيه ريحة امه وابوه واغلى شي عنده تكلم بنفس هدوءه :علي ديون لازم اسددها هالشهر ولا راح انسجن وانا ما عندي غير ابيع البيت واسددها نوره بتجن :سعود لا تجنني اذا بعته احنا وين بنسكن بالشارع وبعدين فهمني كيف تقدر تبيع بيت ابوك بهالسهوله سعود لف لها طالعها :نوره افهميني مجبور ابيعه او انسجن نوره طالعت عيونه وهي تشوف الضيق باين فيها قربت منه ومسكت يدينه :تكفى لا تبيعه راح تندم والله سعود سحب يدينه وقعد على السرير ضم يدينه ونظره تحت يفكر بكلامها نوره طالعته وماتبي تشوفه بهالحاله وما تسوي شي مشت للكبت فتحت التجوري و طلعت ذهبها كله مشت له ونزلته على الكوميدينه قدامه سعود رفع نظره وانصدم :وش هذا نوره قعدت قدامه :ذهبي روح بيعه وسدد ديونك سعود صدمته اكبر بكلامها وبعصبيه :نوره مستحيل اخذه انسجن ولا اخذه نوره :تكفى سعود خذه وبيعه افضل من انك تبيع البيت سعود بانفعال :مستحيل هذا ذهبك لك حقك ما راح اخذه نوره :انا راضيه انك تاخذه وتبيعه سعود غمض عيونه بعصبيه نوره مسكت يده :حلفتك بالله تاخذه ولا وربي لازعل عليك سعود طالعها بصدمه مو قادر يصدق الي يشوفه ولا مستوعب حلفها و وقفتها معه يذكر لما فلست شركته عبير خذت اغراضها وطلبت الطلاق :نوره ما اقدر نوره وقفت :انا حلفت طيب اعتبره دين وراح ترده لي سعود وقف طالعها بحب كبير فاق كل الحدود مسك وجها بين يدينه وباس جبينها وبهمس :وعد اجيب لك غيره نوره زفرت اخيرا اقتنع سندت راسها على صدره وبهمس :المهم عندي انت سعود ضمها ودفن راسه بكتفها وبهمس: احبك ____ اليوم زواج اسيل وياسر نوره خبرت سعود ووافق تروح اسيل بعد ما خلصت من تسريحتها ومكياجها وقفت قدام المرايه بفستانها الابيض فرحانه وبنفس الوقت متوتره وخايفه الجوري الي ما تركتها ابد ابتسمت:ماشاء الله تجننين اسيل طالعتها بالمرايه واقفه وراها ابتسمت:يسلمو حياتي وانتي تاخذين العقل الجوري ابتسمت وطالعت المرايه لابسه فستان كحلي راقي ضاغط من الصدر للخصر وبعدين يتوسع طالعه روعه بمكياجها الفرنسي الناعم وتسريحتها المرفوعه بشكل جميل غير اكسسوارات الشعر رن جوالها طالعته شافت المتصل عبدالعزيز :هلا حبيبي .. طيب الحين بنطلع خذت عباية اسيل وهي تساعدها ولبست عبايتها وطلعوا له مشى ووقف قدام البيت الجوري بدهشه:عزوز ودنا القاعه عبدالعزيز :طيب بجهز واوديكم الجوري :كان جهزت وبعدين جيت لنا عبدالعزيز ابتسم :بتنزلون ولا بتقعدون بالسياره الجوري نزلت الشيله عن وجها :لا بننتظرك لا تتأخر عبدالعزيز وهو يطالعها مسك يدها وباسها: دقايق بس اسيل ابتسمت والجوري انحرجت اسيل وهي تطالع الجوري قدامها بس مو قادره تشوف وجها وبابتسامه :ما عرفت اخوي رومنسي الجوري طالعتها وبابتسامه خبث :اقول فكري بياسر احسن لك اسيل توترت وبهمس :وجع بروحي متوتره وخايفه تذكريني ليش ضحكت الجوري :خلاص ياعمري اسفه بس سؤال اخير شنو شعورك وانتي عروس اسيل طالعتها بقهر تحس توترها زاد وارتبكت :جوري خلاص جوري لفت لها :حبيبتي امزح معك اهدي طالعت عبدالعزيز جاء لهم اتسعت ابتسامتها ركب السياره وحركوا للقاعه ____ نوره وقفت فتره ما تبي تنزل مسك يدها سعود لما شافها طولت :اذا ما تبين بنرجع لفت له نوره زفرت بقوه : بس عشان الجوري خذت شنطتها طالعته :ما راح اطول سعود :طيب نوره نزلت مشت للقاعه دخلت فسخت شيلتها وقفت قدام المرايا شافت شكلها ابتسمت ومشت لداخل خذت نفس بقوه ابتسمت وهي تشوف شذى جايه لها سلمت عليها وسولفت معها شوي عرفتها على ام تركي وبناتها باركت لهم ومشت معها وبهدوء :وين الجوري شذى :افا واحنا ما تبينا نوره ابتسمت :لا طبعا انتي الغاليه لفت تدور جوري جات عينها بعين شيخه مشت لها بكل ثقه وقفت قدامها وهي تقول :مبروك شيخه :الله يبارك فيك لفت على صوت الجوري ابتسمت وهي تضمها :وش هالجمال وش هالزين الجوري :ما اخذه الزين من اختي ضحكت نوره وراحت معاه وقعدوا سوالف فجأه اختفت ضحكتها وجمدت ملامح وجها وهي تسمع كلام حرمتين مروا من جنبهم الحرمه ١ :شوفي هاذي الي قاعده مع زوجة عبدالعزيز الحرمه ٢ :شفيها قعدوا على الطاوله الي وراهم وكان صوتهم واضح رغم الازعاج الي بالمكان :هاذي تطلقت ومعها ولد وما صدقت تتزوج وراحت رمت ولدها على ابوه واهله تقول تبي تعيش حياتها الحرمه ٢ شهقت :لا هاذي حرام تكون ام اذا بتجيب عيال وترميهم على ابوهم بس انتي شدراك الحرمه ١ :سمعت لا وبعد سمعت ان زوجها عنده ولدين تربي بعياله وراميه ولدها اصلا مستغربه شلون زوجها مأمن على عياله معها انتبهوا على صوت الكرسي الي طاح على الارض من وقفة نوره المفاجأه وعيونها تلمع بقهر ووجها احمر الجوري انقهرت تمنت تذبحهم ندمت انها اصرت على نوره تجي العرس نوره بعصبيه طالعتهم ماهمها المكان كثر ما هي مقهوره من كلامهم :هيه انتي وياها اي شي تسمعونه تصدقونه ترا هالشي يدل على تفاهة عقولكم ولعلمك ولدي عايش معي صححي معلوماتك ما رميته ابد جد ناس تافهه همها بس تحش بخلق الله وتألف قصص اقول بالله سوي شي ينفعك ما تدرين متى الله ياخذ امانته الحرمتين انقلبت ملامحهم من كلامها وقفت نوره وخذت شنطتها بتطلع بس مسكتها الجوري :نوره تكفين لا تهتمين لكلامهم نوره : ماهموني لفت لصوت الاغاني الي ارتفع حيل الجوري مسكت يدها ومشت لجهة دورات المياه بعيد عن هالازعاج نزلت نظرها: آسفه لان انجبرتي تسمعين هالكلام بسببي نوره : جوري ناظريني وبابتسامه حبيبتي لا تتضايقين مالك ذنب ومو اول مره اسمع هالكلام عادي مسكت يدها :تعالي بسلم على اسيل وامشي الجوري بهدوء :طيب يالله مشت بخطوات واثقه وما همها احد ولا كأن الكلام اثر فيها بس من داخل مقهوره ومتضايقه اسماء طالعتها بكره وبعدم اهتمام لفت لجهة امها وهي تسمعها تتكلم مع خالتها وصلت نوره للكوشه طالعت اسيل بهدوء مدت يدها لها :الف مبروك اسيل طالعتها ابتسمت ووقفت :الله يبارك فيك واستانست حيل انك جيتي نوره بهدوء لفت و نزلت من الكوشه طلعت جوالها واتصلت بسعود يجي لها سمعت ان المعرس بيدخل وبسرعه لبست شيلتها وغطت وجها وقعدت على اقرب طاوله لها وهي تنتظر سعود ما تقدر تقعد اكثر ____ دخل ياسر وهو لابس البشت الاسود يمشي بهيبه معاه ابوها واخوانها وصل باس جبينها وبهمس :مبروك يا احلى عروس اسيل بصوت منخفض :الله يبارك فيك قرب ابوها باس راسها :مبروك يا روح ابوك اسيل طالعت ابوها بعيون امتلت دموع صالح : لا يابوك ما ابي اشوف دموعك ااسيل باست راسه :الله يبارك فيك يالغالي ولا يحرمنا منك قربوا منها اخوانها وباركوا لها بحب وفرح لها تصوروا معاها وطلعوا اخر واحد طلع اسامه وقف لما جذبه صوت بنت تتكلم بالجوال لف لجهة الصوت وشافها بكامل اناقتها تتكلم واضح عليها هاديه وناعمه انتبه لنفسه استغفر ربه ومشى بسرعه وطلع من القاعه ياسر مبسوط وقف لما جابو الكيك من ٣ طوابق وقفها معاه وصارت قدامه قطعوا الكيك اسيل بيد ترجف مدت له قطعه صغيره هو مسك يدها الي ترجف واكلها وشالها من يدها واكل الباقي ارتفع تصفيق وصراخ خواته وهو مبسوط جات سمر ضمت اسيل وهي تبارك لها وسلمت على اخوها وبحب :الف الف مبروك ياسر :الله يبارك فيك اسيل :يبارك فيك وعقبالك سمر ابتسمت بهدوء ياسر :تعالي اتصور معاك سمر ابتسمت ووقفت جنب اخوها وتصوروا ومشت ____ نوره مرت بيت اهلها اخذت عيالها ودخلت البيت دخلتهم الغرفه وحطتهم بأسرتهم وطلعت لغرفتها فسخت شيلتها وعبايتها وقعدت على السرير سعود دخل وشافها :نوارتي وش فيها نوره ارتمت على السرير بتعب :مافيني شي سعود :كيف العرس نوره : تمام سعود وهو يطالع وضعها حاس انها متضايقه قعد جنبها على السرير وهو يطالعها وبهمس :ما راح تبدلين نوره هزت راسها :مافيني حيل سعود قرب بهدوء ارتكى على يده وهو يناظرها :تبيني اساعدك تبدلين نوره ضحكت وخدودها توردت :لا شكرا ضحك وهو يشوفها تقوم وتطلع لها بيجامه ناعمه ومريحه مسحت المكياج وغسلت وجها جففته وحطت لوشن لبشرتها و يدينها وفكت شعرها طالعته :العيال نايمين سعود وقف :ايه مشت بتشوف التوام وشافتهم نايمين ابتسمت وخلت باب غرفتهم مفتوح عشان تسمعهم اذا صاحوا رجعت غرفتها شافت سعود على السرير طالعها وهي تمشي له ابتسم ومد يده لها وسحبها له قعدت على السرير وحطت راسها على يده وهي تستنشق ريحة عطره الي تعشقها طالعته وبهدوء : سددت ديونك ابتسم بعمق وهو يمسح على خدها : ايه الحمدلله نوره ابتسمت و هي تحمد الله سعود طالعها رغم انها متضايقه بعد شايله همه تأملها بهدوء ما يدري هي لهدرجه جميله وفاتنه او هو من كثر حبه لها يشوفها اجمل نساء الكون _____ في الفندق قاعده و متوتره دقات قلبها وصلت مليون دخل ياسر حط بشته على الكنبه و نزل عقاله وشماغه ورماهم فوقه مشى لها قعد جنبها ومسك يدها وباسها بهدوء لف وجها له وبهمس وهو يتأمل ملامحها الي عشقها من شهور وايام مو مصدق انها معاه وقدامه وقف ووقفها معه وهو يتأملها ضمها وبهمس : اليوم احلى يوم بحياتي اسيل بعدت عنه وابتسمت بخجل ياسر بحب مسك وجها بين يدينه وباس جبينها بعمق : يالله نصلي اسيل ابتسمت : يالله صلو وخلصوا وقفت وهي تفسخ جلالها سحبها له وبهدوء :الله يقدرني واسعدك اسيل طالعت بعيونه : دامني معك تأكد اني اسعد وحده بالعالم قاطعها وهو يقبل عينيها ليهمس بهيام : عيونك مخلوقه من حُب ولا أنا أحبّها بزياده ؟ ارتجفت وخدودها احمرت وضاع الكلام منها _____ اسامه واقف قدام التسريحه يعدل شماغه اخذ ساعته ولبسها بهدوء لف لاسماء : جهزي شنطتي بسافر بكرا اسماء بقهر : شلون بتسافر وتتركني وانا حامل اسامه ببرود : ما راح اطول برجع قبل لا تولدين اسماء صدت وهي تغلي من داخلها اخذ جواله وبوكه ومفتايحه طالعها ببرود : لا تنسين اسماء عضت شفتها : طيب طلع وراح الشركه بسرعه عندهم اجتماع بعد نص ساعه عبدالعزيز نزل مع الجوري وهو يسلم على امه : صباح الورد شيخه طالعته وما ردت عبدالعزيز باس راسها وقعد بالكرسي الي جنبها على طاولة الاكل والجوري قعدت مقابله : صباح الخير خالتي كيفك اليوم شيخه طالعتها ببرود عبدالعزيز : وش فيها الغاليه زعلانه طالعته امه وتنهدت : زعلانه منك ولا ابي اشوفك عبدالعزيز : يعني اقوم اوكي اصلا انا متاخر على الشركه وقف طالعته شيخه : افطر اول ضحك عبدالعزيز : ما قلتي ما تبين تشوفيني ابتسمت شيخه : وانا اقدر ما اشوفك بس ضايق خلقي ما تعودت اقعد بدون اسيل ابتسمت الجوري : افا خالتي وانا وين رحت طالعتها شيخه تنهدت بضيق : محد ياخذ مكان اسيل عبدالعزيز مسك يد امه وباسها : يمه اسيل تزوجت الله يوفقها و راح تجيك ما بتقطعك ادعي لها بالتوفيق .. سبحان الله العظيم سبحان الله وبحمده | ||||||||
|
| |
|
07-12-20, 07:19 AM
| #33 | ||||||||
| مراقبة عامة ومشرفة منتدى الروايات المنقولة
| البارت الثامن والعشرين شيخه دعت لها بالتوفيق ووقفت وخلتهم فاقده حس اسيل بالبيت عبدالعزيز كمل اكله وراح لشركه الجوري مشت بس وقفت وهي تشوف شيخه قاعده وهاديه ودها تروح لها بس ما تبي تسمع كلام يغث زفرت بهدوء و راحت لغرفتها _____ في بيت سعود قاعدين يتغدون بهدوء رن جوال سعود شاف المتصل ابو انس ما رد وقفوا العيال بعد ما خلصوا رفع نظره لها : نوره نوره طالعته : هلا سعود بهدوء : بننقل الشرقيه نوره بصدمه : نعم؟! سعود زفر بهدوء : بننقل الشرقيه عمي مكلمني اكثر من مره يبيني ادير الشركه نوره حست الارض تدور فيها والدنيا سودت بوجها تترك المنطقه الي عاشت فيها من طفولتها وتترك اهلها والاهم فايز كيف تقدر تتركهم وتبعد : لا انا ما ابي اروح سعود طالعها فتره : فاهمك ادري عشان اهلك وفايز هنا تخافين ما تشوفينه مره ثانيه بس لا طبعا محد يقدر يحرمك منه نوره غمضت عيونها بقوه مستحيل تخلي فايز اما يجي معها او هي تجلس معه دخل فايز وهو يسحب شنطته المدرسيه ابتسمت وعيونها غرقانه دموع وبصوت مخنوق : هلا حبيبي فايز مشى لها ضمته بقوه : صاير شي عشان جاي اليوم بالعاده ابوك ما يجيبك الا بالاجازه فايز : بابا قال باخذك عند امك تقعد لاني بسافر سعود ابتسم نوره وهي توقف وتجيب له صحن وتغرف له : اغلى من يقعد عندي ____ اسامه بعد ما وصل فايز لامه رجع البيت بدل وانسدح على السرير بس مو قادر ينام يفكر بكل شي مر فيه بحياته تنهد لما سمع صوت اسماء : انا بروح اقعد ببيت ابوي لما ترد من سفرك اسامه : طيب ما قدر ينام قعد وهو يطالع اسماء : امي هنا ولا طلعت اسماء : لا توني شايفتها طالعه من غرفتها وقاعده مع عمي تحت وقف وراح يقعد معهم ابتسم لسوالفهم وقف ابوه وتركهم شيخه : وين فايز اسامه تنهد : وديته لامه شيخه : ليش اسامه طالعها : الافضل يقعد عندها لما ارجع من السفر الا تأمريني على شي قبل اسافر شيخه : سلامتك يمه اذن المغرب وقف وراح يتوضأ ويبدل ويتوجه للمسجد رجع من المسجد وقف لما سمع الضحكه الي اخترقت قلبه تسند على الجدار وصوتها رجعه لذكريات قديمه الجوري وهي تتكلم بجوالها وفاتحه سبيكر لانها تدري ان محد في البيت ابتسمت : دوم هالضحكه حبيبتي نوره : وياك حياتي سكتت شوي الجوري باستغراب :وش فيك سكتي فجأه نوره تنهدت بعمق :تخيلي سعود يبينا ننقل الشرقيه الجوري بدهشه :ليش!! نوره :عنده شغل هناك الجوري بضيق :انتي تبين تروحين نوره :ايه ولا الجوري :طيب خليه يروح بروحه نوره بانفعال :لا والله عشان تاخذ راحتها هالوسن الجوري :تغارين نوره : اكيد اموت من الغيره المهم روحه من غير فايز مستحيل الجوري وقفت لبست جلالها وخذت جوالها سكرت السبيكر وطلعت : شخبار التوأم نوره ابتسمت :بخير وكملت سوالف معها __ اسامه واقف مكانه راح تروح الشرقيه تمنى انها تروح وترجع ارمله و ياخذها وتصير حلاله من جديد ما ينكر انه ما ناسها ولا لحظه معها ولا شعوريا يفكر فيها وهي متزوجه وعلى ذمة غيره يتمنى لو يرجع فيه الزمان لوراء وما يتركها ابد فتح ازرار ثوبه واخذ نفس عميق طالع اسماء الي كانت لابسه عبايتها وكاشخه رفع حاجب :على وين ان شاء الله اسماء تطالعه باستغراب من شكله :وش فيك واقف هنا اسامه :سألتك وين رايحه اسماء وهي تعدل شيلتها على شعرها: عندي حفله توصلني اسامه ببرود :لا والله وما عندك رجال تقولين له اسماء بلامبالاه : هذا انا قلت لك بتوصلني او اروح مع السواق اسامه : مافيه روحه اسماء بتفاجى :ليش اسامه ببرود :مزاج اسماء بقهر :مو على كيفك رايحه اسامه وهي يمشي لغرفته :شوفي الباب اذا طلعتي منه لا ترجعين سامعه اسماء بتأفف لحقته :اووف انا ابي اروح اسامه تجاهلها ودخل عصبت رمت شنطتها على الارض وقعدت وهي متنرفزه منه ____ في ايطاليا فتح عيونه بهدوء طالع الي نايمه على صدره ابتسم وهو يبعد شعرها عن وجها باس خدها برقه نزل راسها على المخده وقف وراح ياخذ شور طلع وهو ينشف شعره طلع له بنطلون جينز اسود و تيشرت ابيض وخلا اول زرين مفتوحه مشط شعره ورش عطره و لبس ساعته مشى لها وهو يشوفها للحين نايمه وبهدوء مرر يده على خدها وبهمس: اسيل اسوله يا قلبي اسيل فتحت عيونها بعد ما اخترقتها ريحة عطره نزلت نظرها بخجل وهي تشوفه قدامها ياسر: يالله يا كسوله صباح الخير اسيل قعدت بخجل :صباح النور ياسر وقف اخذ جواله : قومي يلا نطلع نفطر برا اسيل: ان شاء الله طلع ياسر لصاله فتح جواله ابتسم وهو يسمع تسجيلات امجد له من جوال سمر وسرح بتفكيره وما انتبه الا على صوتها لف لها مشى ووقف قدامها وعيونه تتفحصها مد يده لها: مشينا اسيل: ابي جوالك ياسر :ليش اسيل :بتصل لاهلي مو كفايه ان سافرنا وما سلمنا على احد ياسر رفع حاجب :و من الي أخرنا زين لحقنا على الطياره يلا الحين بنطلع بس نرجع اتصلي اسيل وهي تعدل حجابها : طيب ____ مرت الايام اسامه سافر و اسماء راحت بيت اهلها فايز عند امه ومستانسين مع بعض الجوري رجعت لدوامها ومافي البيت غيرها هي وخالتها احيانا تهاوشها والجوري تتجاهل كلامها مع انها تتضايق منه بس التجاهل نعمه واحيانا تكون هاديه وتسولف مدت يدها للجوال وهي تقفل المنبه قعدت وهي تتثاوب شافت الساعه وبسرعه قامت تصلي العصر بعد ما خلصت قعدت وهي تسرح شعرها وتربطه خذت جوالها و شيلتها عشان اذا جاء احمد فجأه فتحت الباب بس وقفت وهي تشوفه قدامها ابتسمت عبدالعزيز دخل وسحبها له وقفل : لا والله وين رايحه الصبح مداومه و الظهر نايمه متى اشوفك انا الجوري طالعته بابتسامه : بروح اقعد مع امك عبدالعزيز قربها منه واهتمامها بأمه يخليه يحبها اكثر وبهدوء :البيت وجهز متى تبينا ننقل الجوري بدهشه :احلف عبدالعزيز رفع حاجب :يعني اكذب عليك الجوري :لا محشوم مو قصدي كذا المهم ننقل هالاسبوع سكتت ثواني وطالعته :لا خلاص ننتظر اخوك يرجع من السفر وبعدين ننقل عبدالعزيز باستغراب :ليش الجوري وهي تحط يدها على صدره :يعني تبينا نخلي امك وابوك لحالهم طيب اذا تعبوا فجأه من بيكون معهم بعدين امك بروحها متضايقه ان البيت فضى نقعد معهم لين يرجع اخوك طيب حبيبي عبدالعزيز وهو يطالعها باس جبينها و خدها وهمس : تدرين اني اعشقك الجوري بنفس همسه :ايه وانا اموت فيك عبدالعزيز ضمها له وهو يسحب الربطه من شعرها ___ نوره تطالع عيالها فايز منسدح ونايم على فخذها ويلعب بايباده محمد جاء لهم وفي يده الايباد : ماما ليش فايز ما يدرس وقاعد يلعب انا بعد ابي انام مكانه والعب خليه يروح يدرس ابتسمت نوره لغيرة محمد : طيب ماما طالعت فايز : فايز قاعد تلعب وما حليت واجباتك يلا قوم روح جيب شنطتك وحلهم بسرعه خذت منه الايباد و قام فايز وهو معصب ونام محمد مكانه طالعت عبدالله : حبيبي لا تطيحه عبدالله ماسك جواد : لا ماما انا ما راح اطيحه ابتسمت وهي تشوف وجدان الي قاعده تلعب لفت لجهة الباب طالعت سعود وهي تفكر ما ذكر النقل من ذاك اليوم تتمنى يكون غير رايه سلم وقعد جنبها جاء فايز وطلع كتبه واوراقه وحل الي عرفه والي ما عرفه علمه سعود سعود رن جواله وقف لما شاف رقم عمه بعد عنهم ورد : الو السلام عليكم عبدالرحمن : وعليكم السلام كيفك يبه سعود ابتسم : الحمدلله بخير انت كيف حالك عبدالرحمن : نحمد الله الا ما رديت علي بموضوع الشركه والشغل سعود سكت ثواني تنهد : اعتذر يا عمي ما اقدر عبدالرحمن بضيق : تردني يا سعود و هاذي اول مره اطلبك سعود قبض يده : ما ودي اردك بس صعبه العيال مدارسهم هنا ومتعودين على المكان عبدالرحمن تنهد : تقدر بعد هالسنه تنقلهم لمدرسه هنا وراح يتعودون و كنت ابيك تساعدني واثق فيك انت ولدي اولى من الغريب بس براحتك يبه سعود غمض عيونه وهو يسمع نبرة الضيق بصوته ما وده يزعله يغليه بغلاة ابوه :يصير خير يا عمي عبدالرحمن ابتسم: طيب الله يوفقك سعود :تأمرني على شي عبدالرحمن :سلامتك ومع السلامه قفل سعود وهو يفكر لف ومشى شال وجدان قعدها بحضنه وهو يلاعبها _____ في بيت ابو تركي امجد قاعد وزعلان سوسن : وش فيك زعلان امجد طالعها : ابي بابا نجلاء : ابوك سافر منال : مع العله شهر بصل امجد بطفوله : من العله منال : اسيلوه وجع امجد : يوجعك منال توسعت عيونها: الولد لسانه طويل امجد : طيب بروح لجده ابي اشوفها منال بدون شعور : ماتت جمدت ملامح امجد وهو يتذكر كلام مرت خاله الي كانت دايما تردد ان امه ماتت و خلاص ما راح يشوفها وثبتت هالفكره براسه غرقت عيونه بدموعها وبصوت عالي : لا ما ماتت بابا قالت سافرت طالعوا منال بنظرات حاده ودهم يذبحونها اما منال انصدمت ان فاهم هالشي لانها تشوفه صغير سمر وقفت وقعدت جنبه وما عرفت وش تقول له عشان يهدأ ضمته بس هو بعد عنها وركض طالع من عندهم وصدم في جدته وطاح وارتفع بكاه ام تركي نزلت لمستواه وقفته وبهدوء : وش فيك امجد ببكاء : ليش تقول جدتي ماتت ليش ام تركي وهو تمسح دموعه : حبيبي احنا معك انا وبابا وخالتك اسيل وعماتك و عمك تركي كلنا معك ما راح نخليك طالعها بطفوله : جد ابتسمت : ايه امجد : طيب ابي اكلم بابا مسكت يده : تعال نتصل لبابا ____ شيخه طالعت الجوري وبهدوء : جوري الجوري رفعت نظرها لها بتفاجى من نطق اسمها بهالهدوء ابتسمت : هلا شيخه : خالك طول الليل يتألم واحيانا ما يقدر يتنفس ومع هذا رافض يروح المستشفى ولا يريح نفسه من الشغل تقدرين تقنعينه يروح المستشفى الجوري طالعتها وبابتسامه : ابشري يا خاله بس هو وينه شيخه سكتت لما شافته يدخل و هو يذكر الله الجوري طالعته وجهه شاحب وواضح التعب وقفت وهي تسلم عليه : هلا والله بخالي تو مانور البيت ابتسم لها : منور بوجودك كيفك يا بنتي الجوري : الحمدلله حس بدوخه قويه داهمته الجوري مسكت يده وهي تجلسه : خالي انت تعبان نروح المستشفى صحتك اهم من كل شي صالح : مافيني شي الجوري : ترا واضح عليك التعب وغير الدوخه طالعته ثواني : خالي عندك الضغط او السكري شيخه : ايه عنده السكري الجوري بهدوء : تكفى يا خال امش المستشفى صالح وهي يحس بألم وضيق بصدره مو قادر يتنفس وبصعوبه : طيب الجوري ابتسمت وقفت : طيب بروح اجهز شيخه وقفت ومشت لغرفتها دخلت الجوري الغرفه بسرعه وهي تلبس عبايتها و شيلتها عبدالعزيز طالعها باستغراب : على وين الجوري : المستشفى عبدالعزيز : ليش عندك حاله مستعجله ولازم تروحين الجوري :لا بس ابوك تعبان حيل عبدالعزيز فز بسرعه : ابوي الجوري : ايه عبدالعزيز وهو يطلع له ثوب ويلبس بسرعه وسكر الازرار ومشط شعره واخذ جواله و نزل والجوري طلعت وراه وهي تاخذ جوالها ومفتاح سيارته عبدالعزيز مشى لابوه مسك يده وهو يشوفه بدون حركه : يبه وش فيك يبه طالع الجوري الي انحنت ومسكت معصمه تشوف نبضه انصدمت وطالعته : نبضه ضعيف عبدالعزيز لازم ناخذه المستشفى الحين بسرعه عبدالعزيز بخوف طالع ابوه وحاول يصحيه بس مارد عليه انحنى وشاله بكل قوته ومشى بسرعه وبصوت عالي : جوري افتحي الباب الجوري بسرعه فتحت الباب وطلع وفتحت باب السياره الخلفي ودخله طالع امه : يمه يلا اركبي بسرعه الجوري قعدت مع خالها وراء وهي تدعي له ____ عند اسيل تتصل عليهم محد يرد خافت وانشغل بالها ليش محد يرد عليها قعد ياسر جنبها وبهدوء : وش فيك اسيل بخوف : اتصل على امي وابوي محد يرد و اتصلت على عبدالعزيز وجوري بعد ماردوا خايفه يكون احد تعبان ياسر : شيلي هالافكار من راسك مافيهم الا العافيه ياسر وقف وهو يدق على عبدالعزيز باخر رنه رد : هلا ياسر ياسر باستغراب من صوته : هلا اخبارك عبدالعزيز بصوت ضايق : بخير انتو كيفكم ياسر ابتعد عنها بهدوء : عبدالعزيز وش صاير عندكم عبدالعزيز : لا تشغل بالك مافينا شي الحمدلله ياسر : عز والله لو ما تقول شصاير الحين احجز اول طياره على السعوديه عبدالعزيز تنهد : الوالد تعبان واحنا الحين بالمستشفى ياسر : طمني كيفه عساه بخير عبدالعزيز : الحمدلله على كل حال هو بخير بس لا تخبر اسيل و مع السلامه اكلمك بعدين ياسر : مع السلامه اسيل وقفت بسرعه وهي تطالع تعابير وجهه : صاير شي صح ياسر : لا مو صاير الا كل خير اسيل بعيون تلمع : مو مرتاحه اسألك بالله تقول لي وش قال لك عز ياسر اخذ نفس بعمق ومسك يدينها : قال لي ابوك تعب وخذوه المستشفى بس هو بخير اسيل قعدت على الكنبه ودموعها تنزل بغزاره خوف على ابوها اغلى انسان على قلبها ياسر قعد وضمها : حبيبتي هو بخير اسيل بصوت باكي : ابي اشوفه خلنا نرجع ياسر باس راسها ويدها : ابشري الحين اشوف اقرب رحله للمملكه ونروح قومي نجهز اغراضنا ____ بعد صلت نوره العصر قعدت مع العيال طالعت عبدالله : عبود امس قلت بتروح تحفظ بس ما شفتك بعدها عبدالله : كنت احفظ ونمت نوره ابتسمت : حفظت سورة الانسان كامله عبدالله هز راسه بلا : ماما حفظت نصها صعبه نوره : طيب عطني المصحف اسمع لك واحفظ الباقي بعدين عبدالله وقف بسرعه وراح جابه وسمعت له الي حفظ ابتسمت : بارك الله في ولدي الشاطر لفت لفايز ومحمد وهما ياكلون فشار : وانتوا حفظتوا فايز ومحمد سمعوا سورة الفجر ابتسمت بحب : شطار بس بعد حفظوها عدل طيب محمد وفايز : طيب لفت وشافت سعود واقف يناظرها بهدوء غير عادته وقفت ومشت له : هلا حبيبي من متى واقف هنا سعود : من نص ساعه نوره بدهشه : نص ساعه وساكت سعود ابتسم : انا طالع مع بندر تبين شي نوره باستغراب : ايه ابي اطلع باخذ اغراض للبيت والعيال سعود : بكرا الحين ما ابي اتأخر على بندر نوره : طيب مع السلامه عطاها ظهره وطلع من البيت نوره عقدت حواجبها وقعدت وشالت وجدان تأكلها بما ان جواد نايم ___ في المستشفى عبدالعزيز واقف ومتكتف وفي عقله يدور كلام الدكتور " الوالد عنده جلطه قلبيه حاده بسبب انسداد احدى الشرايين والحين لازم نسوي له قسطره قلبيه علاجيه باسرع وقت " الجوري قعدت جنب شيخه الي سانده راسها لوراء ونظرها للامام بخوف عليه مسكت يدها الجوري : اذكري الله يا خاله شوي بس وبيطلعون يطمنونا و ترا مرت علي حالات نفسه و الحمدلله هما بخير شيخه طالعتها بصوت تعبان : لا اله الا الله الجوري طالعت قدامها وشافت احمد جاي ومعاه شذى : عبدالعزيز شفيه ابوي عبدالعزيز بتعب : جلطه قلبيه احمد انصدم طلع الدكتور ومعاه ممرضه مشى له عبدالعزيز : دكتور طمنا كيف الوالد الدكتور : الحمدلله هو الحين تمام بس لازم يتم كم يوم تحت الملاحظه وعشان نطمن عليه اكثر عبدالعزيز تنهد براحه احمد : ربي يعطيك العافيه الدكتور : الله يعافيك اسامه وصل وطلع من المطار وراح بسرعه للمستشفى وطمنوه على ابوه ____ دخل سعود وهو يشوف نوره تصلي القيام و طولت بسجودها الاخير بعد ما سلمت لفت له طالعته بهدوء فسخت جلالها و قعدت على السرير سعود مشى لها وبهدوء : زعلانه نوره : ليش تأخرت خفت عليك وجوالك مغلق سعود طلع له ملابس : ما حسيت بالوقت وجوالي خلص الشاحن نوره بقهر : سعود شفيك متغير سعود بدل وبتعب قعد جنبها سحبها بهدوء وضمها وبهمس : تعبان بس نوره بعدت وهي تطالع وجهه : طيب ارتاح سعود ابتسم : راحتي عندك نوره ابتسمت وسندت ظهرها لسرير وحط راسه على فخذها وهي تلعب بشعره الكثيف : طيب ماقلت لي شصار على عمك وروحة الشرقيه سعود رفع نظره لها : كلمته بس هو اصر نروح سكتت نوره وهي مقهوره من هالعم الي همه ولد اخوه يروح عنده طيب هي بعد تبي تكون قريبه من ولدها يكفي الايام الي انحرمت منه مد يده لوجها وخلاها تطالعه ليهمس بحب : لا تضايقين وعد ما يصير الا الي تبين نوره ابتسمت بهدوء و مسكت يده وباستها سعود قعد بهاللحظه يحس كل تعبه راح من ابتسامتها وجمالها ____ اسيل رجعت وتوجهت للمستشفى وبعد ما شافت ابوها ارتاحت ان بخير وراحت مع ياسر بيت اهله سلمت على امه و سمر و ضمت امجد بقوه اما البنات ما كان ودهم يسلمون عليها بس عشان اخوهم سلموا ببرود اسيل طنشت وراحت مع امجد الغرفه وياسر قعد مع امه وخواته امجد : خالتو وين رحتوا اسيل ابتسمت : رحنا بعيد امجد : مره ثانيه بجي معاكم اسيل وهي تطالعه وتتذكر فايز ومعاناته مع اسماء وحالفه تعوض امجد وتكون له ام ما تبي معاناة فايز تنعاد معاه اسيل وهي تقعده بحضنها : ان شاء الله حبيبي راح تجي معنا دخل ياسر وطالعهم ابتسم وقرب وشال امجد وقعده بحضنه : حبيبي خالتو اسيل تعبانه من السفر ومن كثر ما بكت وصدعت براسي اسيل طالعته بنص عين : لا والله امجد : بابا ليش بكت ياسر باس خده : لانها تعبانه والحين خليها ترتاح وروح لغرفتك امجد وقف : طيب وطلع اسيل وقفت وهي تطلع لها بيجامه ورديه ناعمه برمودا وبادي علاقي وخذت منشفتها وراحت تاخذ شور طلعت جففت شعرها بالاستشوار سرحته وخلته على طوله وانسدحت على السرير وهي تفكر بأبوها اول حبيب لها وخوفها اليوم انها تفقده كبير حست بياسر الي جاء جنبها لفها له وجات عينها الحمراء الي تلمع بدموعها بعينه حط راسها على صدره وبحنيه وهو يمسح على شعرها وظهرها : ليش البكاء الحين انتي تطمنتي عليه وشفتيه بخير اسيل بلعت ريقها وتقاوم دموعها : ايه بخير بس انا خايفه ياسر : تعوذي من الشيطان يا قلبي واهدي ونامي اسيل هدت وهي تسمع دقات قلبه غمضت عيونها وهي تدعي الله يشافي ابوها ويقومه بالسلامه وراحت بسابع نومه من عرفت ات ابوها تعب وهي تبكي وما نامت ياسر من حس بانفاسها انتظمت وقف وطفا الليت و رجع وهو يرجعها على صدره باس راسها وخذ نفس عميق من ريحة عطرها ونام ____ في المستشفى دخلت الجوري جناح صالح بابتسامه : سلام عليكم ابتسم بتعب : وعليكم السلام الجوري تقدمت : كيفك اليوم ان شاء الله احسن صالح : الحمدلله الا يا بنتي متى راح اطلع الجوري : ٣ ايام ان شاء الله وتطلع صالح زفر : ما احب قعدة المستشفيات وش يصبرني ٣ ايام الجوري قعدت على الكرسي : عشان صحتك يا خالي تحمل هالكم يوم صالح : ومتى اقدر امارس حياتي طبيعيه الجوري : بعد اسبوعين ولا تتعب نفسك كثير بالشغل صالح تنهد : بحاول الجوري وقفت : اجر وعافيه دخل الدكتور المسؤول عن حالته الجوري : دكتور ابراهيم ممكن اعرف كيف حالته اليوم د. ابراهيم : الحمدلله تمام بس لازم نسوي له فحوصات الجوري طالعته بشك : ليش د. ابراهيم : عشان نطمن ان بخير الجوري : طيب ومشت ورجعت خطوتين لما شافت اسامه دخل ومعه امه وهي طلعت تكمل شغلها ____ دخل سعود البيت ونوره نزلت التوأم من عربيتهم نزل الاغراض و هو يطالع العيال مستانسين ابتسم ومشى قعد الكنبه وهو يطلع جواله نوره نادت ميري تاخذ اغراض المطبخ وهي خذت الي لها ولعيالها وراحت فوق فسخت عبايتها وشيلتها ونزلت قعدت معاهم تنهدت بضيق وهو تطالع سعود :ممكن اعرف وش فيك سعود نزل جواله :تبين الصراحه نوره :اكيد سعود : مو عاجبني وضعنا كذا ولا عاجبتني قعدت البيت بدون شغل نوره بهدوء :والحل برايك شنو سعود :نروح الشرقيه وادير شركة عمي منها استغل وقتي ومنها اشتغل واضبط وضعي مو مرتاح كذا نوره سكتت تطالعه بهدوء سعود تنهد من سكوتها :نوره حبيبتي افهميني والله مو قصدي ابعدك عن فايز بس هو يجيك كل ويكند وانا كل اسبوع راح اجي عشانه واجيبه لك وبيتنا مستحيل ابيعه راح نجي هنا كل فتره نوره طالعته بتفكير ووجهت نظرها لفايز: سعود لا تضغط علي بفكر بالموضوع سعود :اوكي واذا مو راضيه على هالموضوع ننساه وخلاص نوره :طيب ____ اسيل طلعت من الغرفه ودخلت المطبخ خذت صحن فواكه وطلعت تمشي بهدوء رايحه لغرفتها مالها خلق تقعد مع البنات سوسن بصوت عالي : اقول منول ليكون احنا فينا مرض معدي عشان البرنسيسه ما تبي تقعد معنا منال : لا سوسو مافينا شي بسم الله علينا بس تعرفين الغرور وشوفة النفس اسيل لفت عليهم ببرود نجلاء وهي قاعده جنب منال : ايه الله لا يبلانا اقول يا البطه وراه ما تقعدين معنا ليكون خايفه منا اسيل مشت ونزلت الصحن على الطاوله ببرود ورجعت شعرها لوراء :تقصديني انا سوسن :لا انا اسيل بدلع :اها توقعت ان انتي سوسن بعصبيه :وش تقصدين اسيل :انتي فاهمه قصدي عدل سوسن :وجع ان شاء الله اسيل بثقه :ليكون غيرانين مني شهقوا الثلاثه منال باستحقار :على شنو بس على اخلاقك العاليه و لا خفة دمك سوسن بسخريه: ولا على جمالك الاسطوري نجلاء :ولا على تواضعك اسيل حطت يدها على خصرها وباستفزاز : واو كل هذا فيني توني ادري و يكفي اني بنت صالح الـ .. وزوجة لياسر الي بنظره انا ملكه وما يهمني رايكم فيني لان كلن يشوف الناس بعين طبعه طالعت وجهيهم الي قلبت حمراء من القهر انحنت وهي تاخذ الصحن بس جمدت وهي تشوف منال تاخذ كأس زجاج بترميها فيه من قهرها شقهت وغمضت عيونها بصدمه نجلاء مسكت الكأس باخر لحظه وبعصبيه :انهبلتي اسيل انسحبت من عندهم ويدها على قلبها مجنونه هالبنت الله يستر منها منال بعصبيه : كان تركتيني اشوه وجها هالحقيره نجلاء :عشان ياسر يشوه وجهك انتي الثانيه دخلت سمر ومعاها امجد: وش فيكم اصواتكم طالعه وليش كل هالعصبيه ____ الجوري قفلت من ثريا وطلعت من المكتب رايحه لغرفه احد مرضاها بعد ما شافت فحوصاتها الاخيره ابتسمت :السلام عليكم مشاعل كيفك مشاعل ابتسمت :الحمدلله دكتوره مليت ابي اطلع الجوري :ان شاء الله اليوم بكتب لك خروج مشاعل :جد الحوري :ايه بس لا تهملين ادويتك ولا مراجعتك للمستشفى مشاعل : ان شاء الله طلعت الجوري ويدينها باللاب كوت استغربت وهي تشوف نوره :نوير عسى ماشر فيك شي نوره ابتسمت : لا بس عند العيال تطعيم وخلصت الجوري ابتسمت : يا عمري عليهم نوره مشت معها :انتي ما عندك شغل الجوري :الحين لا بس باروح اشوف ابو احمد نوره باستغراب :شفيه الجوري : مريض تجين معي نوره وقفت : عنده احد الجوري طالعت ساعتها :لا ما اتوقع نوره : طيب بسرعه لان سعود ينتظرني مشت معها دخلت الجوري وهي تسلم نوره : السلام عليكم صالح ابتسم عرفها من صوتها : وعليكم السلام هلا والله بام فايز كيفك يا بنتي نوره : بخير اجر وعافيه يا خال وماتشوف شر ان شاء الله صالح :الشر ما يجيك يا بنتي نوره طالعت الجوري :انا بروح مسكت عربية عيالها ولفت بتطلع وقفت وهي تشوف الي دخل جات عينها بعينه وبهدوء :ممكن تبعد لو سمحت اسامه وهو يشوف نظره عيونها بارده رجع لوراء وهي طلعت ومشت مبتعده عنه الجوري طلعت رايحه الطوارئ واسامه تنهد بعمق وطالع وراه شاف احمد جاي دخل وهو يسلم على ابوه دخلت نوره السياره سعود :تاخرتي نوره :اسفه شفت الجوري وتاخرت لما تكلمت معها سعود ابتسم عدل جواد بحضنه وحرك نوره بهدوء :حبيبي شرايك نروح مكه نسوي عمره سعود مسك يدها :ليش لا نروح نوره ابتسمت وقف قدام البيت ونزلوا ____ في بيت ابو احمد اسامه دخل شاف امه بالصاله قاعده والضيق باين على ملامحها وتستغفر سلم على راسها وقعد جنبها وبهدوء :اخبار الغاليه تنهدت شيخه :الحمدلله شفت ابوك اليوم اسامه :ايه توني جاي من عنده شيخه صدت بنظرها وهي تدعي له اسامه سند راسه على الكنبه ونظره للامام فجأه راح تفكيره للبنت الي شافها بعرس ياسر ولأول مره من سنين يفكر بوحده غير نوره وكأنه اخيرا اقتنع ان فقدها للابد وما راح ترجع له طالع امه وهو يشوفها سرحانه وبهدوء يبي يغير جوها :الا يمه شفتي وحده في عرس اسيل مو طويله حيل ولا سمينه بيضاء وشعرها اسود ولابسه فستان رصاصي طالعت امه بدهشه : نعم وشلون شفتها اسامه ابتسم : وانا طالع من القاعه شفتها اخ يمه عليها صوت عذاب شيخه بصدمه :بعد وما شفت عيونها اي لون اسامه :لا كانت على جنب ما شفت عيونها بس في شامه بكتفها اليمين شيخه ضربت على فخذه بقوه :وجع تقز ببنات خلق الله ما تستحي انت ناسي ان عندك اخت اسامه ضحك : يمه تعرفينها من بنته شيخه عقدت حواجبها تذكر شافت بنت بهالمواصفات بس ما تذكر من بنته : وليش تسأل اسامه : بخطفها ضحك وهو يشوف امه تطالعه بصدمه : البنت عجبتني وابيها بخطبها شيخه : الله يهديك بس ما اذكر من بنته اسامه طالعها بهدوء : افا يمه كل هالوصف واخر شي ما عرفتيها ابتسمت شيخه : اقول اسكت بس لا تسمعك اسماء وتجهض من الصدمه ضحك اسامه ووقف : تامرين شي يالغاليه شيخه : لا _____ نوره خذت ايباد كل واحد فيهم : يلا ناموا الي بقعده الصبح ما بيقوم بسرعه يا ويله عبدالله : ماما ما نبي ننام فايز : ايه مافينا نوم نوره مشت لمحمد شافته بسابع نومه ابتسمت وغطته : والله حمود احسن منكم طالعت فايز : يلا غرفتك فايز : بس ماما نوره بجديه : فايز طالعها ومشى لغرفته عبدالله انسدح سكرت الليت وطلعت راحت لغرفة فايز شافته نام على سريره وتغطى طلعت راجعه لجناحها شافت سعود ابتسمت : غصب ناموا ما رضوا سعود ابتسم وهو يطالعها جات عنده : وش سر هالابتسامه سعود بهدوء :وجودك معي نوره قعدت جنبه ومسكت يده وبنفس هدوءه :انا معك في شقاك قبل ضحكة مبسمك سعود طالعها بحب وهو يحس براحه غمرت صدره من كلامها الي دايما يريحه مد يده لوجها وقربها منه : اصدق دعوه دعتها لي امي بالسعاده هي انتي ابتسمت وهو حط يده على خصرها وسند راسها على صدره وبهدوء : بكرا بنروح مكه نوره : ان شاء الله ____ اسيل تجهز بتروح المستشفى بتشوف ابوها لفت لياسر الي توه جاء من دوامه: حبيبي بتوديني المستشفى ياسر : خليها وقت ثاني الحين ابي انام اسيل : اووه ياسر اذا ما بتوديني بروح مع السواق ياسر طالعها ثواني : لا انا الحين بوديك راح يلبس ويجهز وبهدوء : يلا شاف امجد قاعد طفشان : بابا وين بتروح ياسر: المستشفى الام طالعت اسيل : كيف حال ابوك اسيل : الحمدلله ام تركي : الله يشفيه ياسر : عن اذنك يمه ام تركي : اذنك معك وانتبه لنفسك ___ في المستشفى وصلوا لجناح صالح دخلت اسيل قربت من ابوها باست يده وراسه فتح عيونه بهدوء وابتسم وهو يشوف بنته : كيفك يبه اسيل : بخير بشوفتك يالغالي قرب ياسر وسلم عليه وقعد من الجهه الثانيه له صالح مد يده لياسر بتعب وانفاسه ياخذها بصعوبه و بهمس : يـ ياسر اسيل امانه عندك لا تزعلها وانتبه لها ياسر وهو يمسك يده : بقلبي قبل عيوني يا عمي لا توصي عليها صالح ابتسم واسيل تبكي بهدوء رفع اصبعه السبابه و هو يردد الشهادتين بلسان ثقيل غمض عيونه وهو يتنفس بهدوء وفجأه ارتفع صوت الجهاز بالغرفه اسيل انهبلت : وش فيه دخلوا الدكاتره بسرعه له و احدى الممرضات طلعتهم برا لا اله الا الله وحده لاشريك له له الملك وله الحمد وهو على كل شيء قدير | ||||||||
|
| |
|
12-12-20, 02:46 PM
| #34 | ||||||||
| مراقبة عامة ومشرفة منتدى الروايات المنقولة
| البارت التاسع والعشرين اسيل مسكت يد ياسر وهي تحس رجولها مو شايلتها من الخوف على ابوها جات الجوري وانصعقت من التجمع مشت لاسيل :اسيل شفيك اسيل ضمتها وهي ترجف :ابوي مدري شصار له الجوري باستغراب :كان بخير شصار له طلع الدكتور ابراهيم وباين الضيق عليه ياسر بتوتر :شفيه عمي الدكتور ابراهيم طالعهم وهو يشوف الكل يطلع من الجناح وبهدوء :توفى الله يرحمه جمدت اسيل بصدمه وهي تطالعه اما ياسر مسك راسه بصدمه الجوري نزلت راسها بألم شافته الصبح بخير بس شكله يومه طالعت اسيل الي مو مستوعبه واقفه تناظر مكان الدكتور نزلت دموعها عليها ضمتها: عظم الله اجرك حبيبتي اسيل مع كلمة جوري بدت تستوعب طاحت على ركبها وصرخت بألم وفقدان بكت بكاء يعور القلب الجوري وهي تشوف حالتها صدت بس وين تصد وهذا حبيبها وكل حياتها جاي جهتهم ياسر وقف اسيل وبهمس :انما الصبر عند الصدمة الاولى اسيل من بين شهقاتها :لا ابوي بخير ايه توه كان يكلمني صرخت بألم :يبـه تكفى لا تخليني يبه فكت نفسها ودخلت داخل بعدت الغطاء باست راسه ودفنت راسها بصدره وغرقته بدموعها عبدالعزيز وقلبه يدق بقوه كبيره من اسيل وشكلها وبكاها وخوفه على ابوه اكبر قرب من الجوري وهو ما يبي يسأل خايف من الاجابه الجوري بعيونها الحمراء مسكت يدينه وهي تطالع عيونه ما قدرت تقول له لفت وجها عنه وهي تكتم بكاها وبسرعه دخل الغرفه وراء اسيل لفت شافته وببكاها :ابوي مات يا عز مات عبدالعزيز حس الدنيا دارت فيه قرب منها بخطوات ثقيله وهو يشوف ابوه بدون اي حركه سحب اسيل الي تبكي بشكل موجع وانهيار وضمها وقلبه ينزف ما يدري كيف يواسيها وهو محتاج احد يخفف صدمته بفقدان ابوه شيخه الي جات مع عبدالعزيز مسكت راسها الي تحسه يدور : تكلموا شصار الجوري مسكت يدها وقعدتها على الكرسي وبصوت مخنوق : خالي يطلبك الحل شيخه الارض دارت فيها وسودت الدنيا بوجها واغمى عليها الجوري بخوف وبكاء ضربت خدها بخفه: خالتي لفت وهي تشوف ياسر تـ تعال شوفها ياسر مشى لها وحاول يقومها وبسرعه انحنى وشالها لطوارئ خلصت ايام العزاء الجوري خذت اجازه كم يوم البيت كئيب بشكل كبير طالعت عبدالعزيز لابس ثوب ابيض وشماغ لبس ساعته وبهدوء :حبيبي وين رايح عبدالعزيز لف لها ووجه شاحب :بروح الشركه الجوري :اجيب لك اكل عبدالعزيز :لا الجوري يده وبرجا :تكفى كل شي عشاني راح تتعب عبدالعزيز تنهد وقعد :طيب الجوري ابتسمت :ثواني بس طلعت وشافت شذى طالعه من عند شيخه معاها صينية الاكل :ما كلت شي شذى هزت راسها :رافضه الجوري خذت الصينيه منها :الله يعينهم ويصبرهم شذى :آمين ومشت رايحه لغرفتها بتشوف احمد نزلت جوري المطبخ حطت صينية و خذت اكل لعبدالعزيز اسامه حاط يده على عيونه بتعب قربت اسماء منه : اسامه رفع يده وشافها وبصوت مبحوح : نعم اسماء مسكت يده :قوم شهقت لما حست بحرارته المرتفعه :حبيبي حرارتك مرتفعه سحب يده اسامه منها وقعد وهو يحس جسمه شاب نار وقف وبخطوات ثقيله توجه للحمام اخذ شور بارد و طلع وهو لابس روب الاستحمام تسند على الجدار وانفاسه بطيئه اسماء طلعت له ملابس خذها منها ولبسها وهو يحس بتعب هاد حيله اسماء : وين رايح اسامه وهي يجفف شعره : بروح لفايز اسماء بخوف مشت له : بس انت تعبان ما راح تقدر تسوق بس تخف حرارتك روح اسامه : لا الحين بروح اسماء مسكت يده : تكفى ارتاح الحين وبعدين روح سحب يده منها وهو يمشي بخطوات مو متوازنه وثقيله مو قوه التعب فتح الباب وطلع شاف عبدالعزيز يمشي بخطوات سريعه بس وقف لما شافه وجهه احمر وعيونه ذبلانه تنهد بألم : وين بتروح اسامه بتعب : بروح اجيب فايز عبدالعزيز باستغراب : بس فايز مو هنا اسامه طالعه : وين هو عبدالعزيز : سعود كلمني وقال انهم في مكه يمكن اليوم او بكرا يرجعوا اسامه بتعب : طيب لف وراح لغرفة امه طق الباب سمع صوتها ودخل رفعت نظرها له وهو قرب لها حب راسها وطاح على ركبه قدامها على الارض شيخه بخوف مسكت يده :بسم الله عليك يمه انصدمت لما مسكت يده مدت يدها لجبهته شهقت :حرارتك حيل مرتفعه قوم اقعد على السرير وقفته وقعد جنبها : معليك مني يمه انتي كيفك شيخه بهدوء : نحمد الله تمام اسامه انسدح على رجولها بهدوء شيخه مسحت على راسه مدت يدها لسماعه وضغطت رقم المطبخ وبهدوء : سونا جيبي معك فوطه ومويا بارده و شوفي اذا فيه خافض حراراه اسامه مسك يدها وباسها وبهمس : ربي لا يحرمني منك شيخه مسحت على شعره بضيق تدري ان هالفتره صعبه عليهم كلهم فقدوا اغلى انسان عندهم دمعت عينها وبسرعه مسحتها ____ نوره بابتسامه وهي تطالعهم يلعبون والفرح غامرهم كلهم نوره نزلت نظرها لجواد الي يمد يدينه يبيها تشيله ابتسمت وهي تلاعبه صاحت وجدان لفت لها وشالتها من العربيه رفعت نظرها بتشوف العيال وجمدت محد عند الالعاب نزلت وجدان بالعربيه وهي تتلفت شافت عبدالله وفايز جايين لها نوره : وين محمد فايز وبيده عصير : ما ادري عبدالله ومعاه كيس : رحنا البقاله بس لما طلعنا ما حصلناه نوره طالعتهم بصدمه وخوف تلفتت حوالينها وهي تطالع العيال بس ما حصلته بينهم ارتجف جسمها كله من فكره انه ضاع او صار له شي وبيد ترجف خذت شنطتها وحركت العربيه : تعالو معاي ندوره نوره دارت المكان كله تدوره ما حصلته قلبها تحسه بيوقف وين اختفى رن جوالها طلعته من شنطتها وهي تشوف المتصل سعود ____ سعود ردت :الو سعود محمد ما ادري وينه مو لاقيته غمضت عيونها الي امتلت دموع وهي تسمعه وقفلت مشت هي العيال تدوره بس الي تبيه الحين تلقاه ويكون بخير عبدالله :ماما شوفي هذا حمود طالعت شافت واحد ماسك يد ولد معطيها ظهره بس نفس ملابسه :عبدالله اركض شوفه زفرت انفاسها بقوه وهي تشوفه محمد جاء محمد :ماما وين رحتوا كنت ادوركم نوره بعصبيه :انت الي وين رحت ليش ما قعدت خوانك محمد نزل نظره: شفت واحد نفس بابا بس طلع واحد ثاني نوره : وليش تروح من غير ما تقول لاحد واذا ضعت او صار لك شي محمد سكت وهو يسمع هواشها له بهالحده وامتلت عيونه دموع فايز وعبدالله خافو سعود وصل :لقيتوه محمد بكى وضم ابوه نوره تنهدت :يلا نرجع الفندق سعود نزل لمستوى محمد مسح دموعه: ليش تبكي خلاص بابا هذا احنا معاك محمد :ماما صارخت علي وهاوشتني سعود :من خوفها عليك يا بابا ولا هي تحبك شال محمد ومشى معاهم لسياره ____ جاء احمد لما قالت له الشغاله ان ياسر في المجلس سلم عليه و سأله عن احواله وقف وهو يصب له قهوه ابتسم بهدوء :خذ راحتك بنادي لك اسيل الحين ابتسم ياسر وهو مشتاق لها بجنون له كم يوم ما شافها احمد طق غرفة اسيل وقفت وفتحت وجعه قلبه عليها الهالات السوداء تحت عيونه الحمراء ووجها الشاحب وبهدوء : اسوله خلاص لا تسوين بنفسك كذا وش بيفيد بكاءك وقعدتك لحالك ادعي له حبيبتي اسيل بهمس :الله يرحمه ويجعل مثواه الجنه قرب منها باس جبينها :ياسر تحت و يبيك اسيل : طيب شوي وانزل له راحت غسلت وجها ونشفته وعدلت شعرها وبدلت ملابسها ونزلت له وقفت قدام باب المجلس وقف من شافها فتح يدينه لها وبهدوء :تعالي اسيل بسرعه مشت له ورمت نفسها بحضنه ياسر ضمها باس راسها بشوق كبير لها: خلاص يا عمري اهدي وادعي له تصدقي عنه بكاءك ما راح يفيد ولا راح يرجع الي راح قعد وقعدها جنبه وبهمس :انا وامجد مشتاقين لك ابتسمت بهدوء :وانا اشتقت له حبيبي ياسر رفع و هو يحط يده تحت دقنها ويطالع بعيونها :افا وانا جاملني طيب بكلمه اسيل طالعت بعيونه وبتعب :ياسر لا تركز وربي تعبانه ياسر مد يده على اكتافها وضمها له: سلامتك يا روح ياسر من التعب اسيل سندت راسها على صدره :مو قادره اتحمل فراق ابوي ياسر بهمس :ولا انا قادر اتحمل فراقك تجين معي اسيل بهدوء : بقعد مع امي بكرا تعال وخذني ياسر :اذا ودك تقعدين اكثر ما عندي مانع اسيل وهي تبعد وترجع شعرها لوراء :لا حبيبي راح اجي معك و اي وقت اقدر اجيهم طيب ياسر وقف : طيب وقفت اسيل معه طالع عيونها الذبلانه الي فيها لمعة الحزن ووجها الشاحب اسيل وقفت و رفعت نفسها وباست خده وبهمس :انتبه لنفسك وبس توصل طمني ياسر ابتسم :ان شاء الله ____ نوره بعد ما جهزت الشناط تمددت بجنب التوأم ابتسمت وغمضت عيونها واسترخت بهدوء حست باحد يبوس خدها فتحت عيونها بكسل ابتسمت :وش فيك سعود وهو يطالعها :مافيني شي بس قومي نوره بتعب ما استوعبت :طيب بعدين سعود بسرعه انحنى وشالها وهو يمشي جهة دورة المياه :انتي يبي لك شور بارد عشان تستوعبين نوره انتبهت :سعود لا تكفى ما حست بنفسها غير تحت الدش والماء نزل فوقها شهقت من برودته وبسرعه بعدت :بااارد مسحت الماء عن وجها وعن شعرها وهي تشوف ملابسها مبلله و بصراخ :سعوووود هين بردها لك وبتشوف سعود وهو يضحك :حتى التوام صحوا وانتي لحين نايمه ترا الساعه الحين تسع الليل نوره بصدمه :احلف سعود :والله قفلت الباب وهي تاخذ شور تصحصح ومقهوره من ضحكته سعود وهو يضحك عليها طلع للعيال وجواد ووجدان كلهم بالصاله وهو يشوف عبدالله يلعب بالايباد ابتسم وقعد مع محمد وفايز الي مندمجين مع التلفزيون فايز :عمو متى بنروح الرياض سعود :بكرا الصبح طلعت نوره بعد ما صلت الصلاه الي طافتها رافعه شعرها وبكامل اناقتها :تعشيتوا سعود ابتسم :ايه نوره شهقت :طيب وانا سعود :مشكلة الي ما يرضون يقومون نوره طالعته بقهر ضحك و مد يده لها وقعدت جنبه :وانا اقدر اكل بدونك نوره بزعل :ايه كلت وخلصت سعود وهو يرجع خصله شعرها وراء اذنها وبهدوء : ودي اكلك انتي وبس نوره وقفت بسرعه وهي تطالع العيال :دام تعيشيتوا يلا ناموا عشان نقوم من وقت ونرد الرياض وقفوا : طيب نوره مشت للاكياس الي على طاوله وهي تطلع اكلها سعود بهدوء سحبها له و صدمت بصدره طالع عيونها :زعلانه نوره :لا ابد ليش ازعل انت تسوي شي يزعل صاحت وجدان لما طاحت وسعود ضحك: وانا اقول هالبنت دلوعه على من نوره عضت شفتها بقهر سعود حاوطها من خصرها باسها بين عيونها :نوميهم الحين ابي اسهر معك بدون ازعاجهم ____ في بيت ابو احمد دخلت اسيل على امها ابتسمت لما شافتها لابسه نظارتها وتقرأ قرآن قربت منها وحبت راسها : ما جاني نوم قلت اقعد معك شيخه قفلت المصحف و نزلت النظاره : لااا اليوم كل شوي يجيني واحد باقي احمد وعز ماجوا الا صح وين عيال احمد اسيل :يمه نايمين تبينهم يسهرون لهالوقت الا وش يسوي اسامه عندك شيخه : وش يسوي بعد تعبان يالله نزلت حرارته وما ودي اقومه ضحكت اسيل :يمه ترا هو رجال و أب مو صغير شيخه حطت يدها على جبهته : بنظري صغار لو ملأ الشيب راسكم اسامه فتح عيونه طالع الغرفه لف لامه واسيل واستوعب هو وين فز قاعد :يمه ليش ما قومتيني شيخه بهدوء :شفتك تعبان ما هان علي اقعدك ويلا روح غرفتك كمل نومك اسيل : ايه تقول بزر نايم عند امي أب والشيب غزا راسك وتتصرف مثل البرزان اسامه سند راسه على كتف امه: وانتي ليش مقهوره شيخه حطت يدها على اكتاف اسامه اسيل وقفت :شكله ما تبوني معكم خلاص سلام ضحك اسامه بهدوء ووقف ولحقها :تعالي اقعدي انا رايح يلا يمه سلام وطلع وشيخه تدعي الله يحفظهم لها ____ يوم جديد الجوري طالعت عبدالعزيز :لحظه قبل لا تروح وصلني لدوامي معاك عبدالعزيز طالعها وبهدوء :طيب استعجلي لازم اروح الشركه عندي اجتماع مهم الجوري وهي تلبس عبايتها خذت شنطتها: يلا حبيبي انا جاهزه طالعته وهو يمشي بهدوء ما تعودت عليه بهالهدوء تنهدت وطلعت وراه ابتسم لما شاف امه واسيل واخوانه على طاولة الاكل بس حريمهم محد :صباح الخير شيخه :صباح النور اقعد يمه افطر عبدالعزيز مسك كوب قهوه :مستعجل يالغاليه شيخه طالعت الجوري :طيب انتي افطري واذا هو مستعجل السواق يوصلك عبدالعزيز وهو يشرب القهوه طالع الجوري الجوري ابتسمت وبهدوء :لا خالتي عليكم بالعافيه انا بروح معه عبدالعزيز نزل الكوب وطلع الجوري مشت معاه لسياره بعد دقايق وقف قدام المستشفى :لو انك فطرتي افضل لك الجوري مسكت يده وبهمس :ما ابي اروح مع السواق لان ما احس بالامان الا معك عبدالعزيز ابتسم :وانا ما ابيك تحسين فيه الا معي ولا تنسين تاخذين لك شي تاكلينه من الكافتيريا الجوري فتحت الباب وطالعته :طيب فمان الله وقفلت طالعها لين دخلت المستشفى وحرك لشركه ____ نوره صلوا الفجر بالحرم ومشوا لرياض واول ما وصلوا الكل نام ما عدا هي ما قدرت تنام صلت الضحى و طلعت من الجناح وهي مرتاحه ورايقه بعد العمره البيت هادي دخلت المطبخ وسوت لها قهوه ولما خلصت طلعت وقعدت على الكنبه سرحت وهي تفكر بكلام سعود و روحتهم لشرقيه مو رافضه الفكره بس ما تبي تبعد عن ولدها و ما تبي سعود يكون قريب من وسن الغيره بتذبحها شربت قهوتها بهدوء وهي تفكر ان سعود حاب يروح واذا بيروحون بالعطله بتاخذ فايز معاها و وسن متاكده ان سعود عمره ما فكر فيها وراح تبعده عنها واذا حاولت تسوي اي شي ما راح تسكت لها ابد لان نوره الي كانت تسكت عن حقها خلاص تغيرت ____ في بيت ابو احمد شذى طقت الباب على شيخه فتحت بعد ما سمعت صوتها تفضل ابتسمت :خالتي طفشت قاعده لحالي وش رايك تجين نشرب قهوه ونسولف شيخه : ليش اسماء وين شذى كشرت :طلعت مع اسامه اتوقع عندها موعد في المستشفى شيخه طالعتها وبهدوء :و انتي وش مقعدك هنا ليش ما تروحين بيتك شذى بدهشه :تطرديني يا خاله شيخه وقفت :ما طردتك انتي الي بغيتي تطلعين بيت لحالك خلاص مشكوره وجزاك الله خير توكلي شذى طالعتها بقهر وغبنه وطلعت الحين هي لها كم يوم تاركه بيتها و عيالها ما تدري عنهم عشان توقف معها اخر شي تقول لها كذا تذكرت كلامها لجوري الصبح لما كانت جايه لهم انقهرت الحين جوري الي كارهتها كذا تكلمها وهي تطردها انقهرت اكثر دخلت الغرفه وقفلت الباب بقوه و خذت جوالها وهي تتصل على احمد رد عليها بهدوء :هلا شذى بقهر :احمد تعال الحين احمد باستغراب :ليش شذى :مالي قعده في بيت اهلك اما تجي الحين او بروح لبيتي مشي احمد زفر بهدوء :ما اقدر مشغول شذى : طيب رايحه مشي احمد :فهميني شصار شذى بقهر :امك طردتني احمد تنهد :شذى امي نفسيتها تعبانه بوفاة الوالد قدري وضعها شذى:المهم ماراح اقعد في هالبيت احمد :انتظري يخلص دوام العيال امرهم واجيك اسيل لبست عبايتها وشيلتها وخذت شنطتها وجوالها ومرت امها :يمه انا رايحه مع ياسر تأمريني على شي شيخه :ما يأمر عليك ظالم ابي سلامتك وانتبهي لنفسك قربت اسيل سلمت على راس امها :ان شاء الله مع السلامه شيخه :بحفظ الله ____ سعود بدهشه :موافقه نوره :ايه موافقه ننقل الشرقيه بس وين بنقعد سعود :في بيت عمي نوره قبضت كف يدها واحتدت ملامحها بدون شعور سعود استغرب :فيك شي نوره خذت نفس :وكم بنقعد عندهم سعود :لما اشوف لنا بيت مناسب نوره بضيق :طيب سعود بشك :انتي ليش رافضه نقعد عندهم نوره صدت بنظرها :ما اخذ راحتي عندهم سعود وهو مقابلها يطالعها بهدوء مو صدق كلامها :نوره نوره رفعت نظرها له وجات عينها بعينه وشتت نظرها عنه تحسه راح يعرف وش فيها اذا ناظرته :نعم وش فيك تناظرني كذا سعود وقف وقعد جنبها ولف وجها وطالع بعيونها :نوره صاير شي انا مدري عنه نوره ابتسمت :لا طبعا كل شي تدري فيه سعود ابتسم لابتسامتها بهدوء مد يده شال الربطه وانتثر شعرها على ظهرها واكتافها: كذا احلى نوره لمته وخلته على جنب :ابي بروح بعدين لاهلي سعود تسند ويده على الكنبه وراها :طيب ____ اسامه وقف قدام بيت سعود طالع سيارته موجوده يعني انهم رجعوا لف لاسماء :ثواني اجيب فايز واجي اسماء بتعب :طيب نزل اسامه طق الجرس وطلب من الخادمه تنادي له فايز طلع فايز وفي يده شنطته المدرسيه وايباده وبفرح :بابا شاله اسامه وباس خده بحب وشوق: ياروح بابا انت شال شنطته بيده الثانيه ومشى لسيارته ركب وحرك وفايز طول الطريق يقول لابوه وين راحوا وش صار معهم وهو يسمعه بابتسامه اما اسماء تحس راسها صدع ما صدقت وصلوا البيت عشان تنزل بسرعه وتفتك من سوالفه دخل فايز مع ابوه وركض لجدته بفرح وضمها وسلم على عمه عبدالعزيز والجوري تلفت حوالينه وباستغراب :وين جدي شيخه طالعته وسؤاله زاد اوجاعهم فايز :بالمجلس صح ركض وهو يطلع يدوره بالمجلس بس ما حصله رجع لهم مشى لعمه :عمو وين ابوي صالح هو طلع ولا سافر وينه ليش مو قاعد معاكم مثل كل مره عبدالعزيز صد بنظره عنه وهو يكتم داخله الم فقد ابوه الجوري لفت لعبدالعزيز وطالعت فايز بتكلمه بس اسامه مشى لفايز مسك يده وطالعه وبصوت بان الحزن والالم فيه :جدو راح مكان بعيد وبهدوء راح للي ارحم منا فايز :متى بيرجع انا ابي اشوفه اسامه تنهد بعمق :حبيبي خذ شنطتك وروح غرفتك يالله فايز :بس عندي واجبات ما حليتها اسامه :الحين بجيك ونحلها ركض فايز اخذ شنطته وراح فوق الجوري بهدوء :الا وين شذى من رجعت من الدوام ما شفتها شيخه :راحت بيتها الجوري استغربت شيخه طالعت عبدالعزيز بضيق و وقفت وطلعت وطلع اسامه بعدها عبدالعزيز تضايق من نظرات امه الجوري بعدت الغطاء ومسكت يده وشدت عليها طالعها رفع يدها وباسها ووقف وقفها معاه ___ عند نوره دخلت بابتسامه : السلام عليكم وقف سعد وهو يسلم عليها :وعليكم السلام انحنى لجواد وشاله من العربه :وربي مشتاق لهم نوره شالت وجدان ابتسمت وراحت سلمت على امها :كيفك يالغاليه نوال :بخير يمه انتي كيفك وكيف روحتك لمكه نوره فسخت عبايتها وقعدت: الحمدلله يمه راحه واستانسنا حيل نوال ابتسمت :عساك دوم مرتاحه نوره :وين ابوي نوال :طلع سعد قعد :نوير ليش ما نشوفك هذا والبيت لاصق فينا مو بعيده نوره ابتسمت :لا والله ترا كنت بمكه اذا ما كنت تدري وتوني رجعت طالعت امها :ثريا مو جايه سعد :لا ثريا كل اسبوع عندنا وزعلانه منك وتقول وينك يالقاطعه زوريها في بيتها نوره :ما سألتك سألت امي سعد و هو يرفع جواد :انا وامي واحد نوره طالعت امها : اشك ان فيه شي ضحكت نوال :راحت الجوري وما صدق لقى احد يتهاوش وياه سعد :وربي البيت مو حلو بدونها يخنق ضحكت نوره :اتصل وقول لها هالكلام سعد نزل جواد ووقف :لا بعدين تشوف نفسها علي مشى لوجدان شالها وباسها بخدها :يمه بطلع تبين شي نوال :لا يمه انتبه على نفسك سعد طلع و نوره تتكلم مع امها لما انفتح الباب شافت ابوها وابتسمت نزلت وجدان عند اخوها و وقفت وتقدمت منه وباست راسه :كيف حالك يالغالي حسام ابتسم وبحنان :الحمدلله بخير انتي كيفك نوره :بخير دامكم بخير قعد ابوها وهي قعدت مقابله سرحت وهي تتأمل البيت وكأنها تراه للمره الاولى تنهدت بعمق وتنهيدتها ما خفت عن ابوها طالعها بهدوء :فيك شي نوره استغربت وابتسمت: لا حسام طالع نوال ورجع طالعها: متأكده مافي شي مضايقك ابتسمت بحب :ايه يبه ما في شي يضايقني ابتسم حسام و وقف شال وجدان وجواد و قعدهم في حضنه وهو يلعبهم بحب ما حست بالوقت معهم وبالسوالف اذن المغرب وراح ابوها المسجد وامها راحت تصلي نوره بعد ما نامت وجدان خذتها لغرفتها على سريرها ورجعت لجواد عطته لعبه وراحت تصلي بعد ما خلصت قعدت معاه و طلعت جوالها بتتصل لثريا مشتاقه لها ولسوالفها وتدري ان ثريا هي الوحيده الي تفهمها وترتاح بالسوالف معها ____ بعد مرور شهرين اسامه رفع جواله وهو يتصل بأسيل :هلا اسوله بمرك انا وفايز تجين تتمشين معنا ضحكت اسيل :لا اليوم اكيد في احد داعي لي اسامه ضحك :ترا انا قريب الحين بوصل استعجلي اسيل :طيب راح اجيب امجد معي اسامه ابتسم :طيب فايز :بابا وقف عند البقاله اسامه شاف السوبر ماركت الي قدامه وقف ونزل معاه اسيل جهزت بسرعه وخذت عبايتها وبتطلع انفتح الباب وضرب براسها :وجع الناس تستأذن قبل واذا ما جاها رد تنقلع منال ابتسمت وهي تشوفها ماسكه راسها: غرفة اخوي ادخلها متى ما ابي اسيل بعصبيه :لا حبيبتي مو على كيفك تدخلين اذا انا ما سمحت لك والحين يلا بسرعه من غير مطرود بطلع منال مشت وقعدت على السرير ببرود: طلعي محد ماسكك اسيل بعصبيه خذت شنطتها :منال مالي خلق مشاكل يلا بسرعه مو فاضيه لك اخوي ينتظرني منال :واذا قلت لا اسيل طالعتها بحده وهي ودها تكفخها غمضت عيونها وخذت نفس عميق :طيب وش تبين ليكون اشتقتي لي بس منال وقفت :تخسين ما باقي الا سكتت فجأه وتوترت وهي تشوف ياسر واقف قدام الباب اسيل استغربت من سكوتها لفت وراها وشافته ابتسمت ياسر عقد حواجبه لما شاف جبينها احمر مد يده لوسط جبينها :من وشو؟ اسيل :من اختك الي جايه مدرعمه فتحت الباب وضرب فيني ياسر طالع منال :بغيتي شي منال :هاه لا ايه جايه اسولف معها ياسر رفع حاجب :مو توك تقولين تخسين مشى لها مسكها من ذراعها وبهدوء :حركات تدخلين من غير تستأذنين بطليها منال :ط طيب ياسر وتوه ينتبه لاسيل لابسه عبايتها طالعها :على وين ان شاء الله منال ضحكت لا شعوريا :لا وطالعه بدون ما تقول لك بعد طالعها ياسر بنظره جمدتها وبحده :مالك دخل بينا منال ارتجفت من نظرته وطلعت بسرعه اما اسيل توسعت ابتسامتها ياسر :وين طالعه من غير ما تقولين لي اسيل مشت له بهدوء وهي تفتح ازارير الثوب :حبيبي روق ما له داعي تعصب وبعدين كنت بقول لك بس منال جات واشغلتني ياسر ابتسم غصب :الي يشوف هالوجه الحلو غصب يروق حط يده على خضرها ورفعها له وبهمس :جاي عشانك وتبين تطلعين اسيل :اكنسل الطلعه لعيونك ياسر ضمها وهو يستشنق ريحة شعرها: ويلومني فيك رن جوالها وانتبهت :حبيبي اسامه ينتظرني برد عليه ياسر طالع ملامحها :حبيبتي روحي واستانسي معهم بس لا تتأخرين طيب اسيل ابتسمت :وانا اقدر اتأخر اسامه طفش ثالث مره يتصل ولاترد طلع للبيت ولحقه فايز سمر كانت تسقي الورد الي زرعته بنفسها سكرت الماء وهي معصبه من البرزان الي يدقون الجرس ويشردون وفتحت الباب بعصبيه :وربي الي بيدق الجرس يا ويله تنحت من شافت رجال قدامها ونزلت نظرها لفايز نزلت يدها الي كانت تهدد فيها وقفلت الباب بقوه وشردت لداخل وهي ترجف ومنحرجه فايز :بابا وين عمتو ما طلعت اسامه ما كان مركز معه كثر ما هو مركز مع البنت الي طلعت وعيونها البندقيه الواسعه فايز مسك يده :بابا اسامه طالعه و حاس انه شافها لف لسياره :تعال بابا الحين بتجي طلعت اسيل مع امجد وراحت لسياره وسلمت اسامه بابتسامه :وعليكم السلام بدري كان تأخرتي اسيل :جد الحمدلله المره الجايه بتأخر اسامه طالعها ورجع نظره لقدام وبنفسه اذا كل مره بتتأخرين بشوف هالحلوه تأخري وخذي راحتك اسيل استغربت هدوءه بالعاده يستلمها هواش اذا تأخرت امجد فرحان ان معه فايز ____ الجوري قاعده على طاولة الاكل مع شيخه لحالهم وقفت وابتسمت :الحمدلله دايمه يارب وراحت غرفتها تجهز لدوامها بعد ما خلصت وقفت قدام المرايه ولبست نقابها وطلعت مرت على شيخه بالصاله: خالتي تأمرين على شي شيخه بهدوء :وين رايحه الجوري :المستشفى شيخه وهي تطالع ساعتها كانت الساعه ٩ الليل :الحين الجوري:ايه هذا شغلي شيخه :ليش ما تتركينه وتجابلين زوجك وبيتك الجوري تنهدت وشلون تترك شغلها هذا طموحها وشغفها تحبه وماراح تتركه: ما اقدر عن اذنك شيخه زفرت بهدوء وهي تشوفها تطلع حاسه بضيق البيت هادي وهدوءه موحش سندت راسها وغمضت عيونها وهي تتخيل يطلع عبدالعزيز وزوجته من البيت وقف اسامه قدام بيتهم اسيل :يوه اسامه ودني البيت قلت لياسر ان ما راح اتأخر اسامه وهو يطفي السياره :كلميه قوليه اسامه خذني البيت نقعد مع امي شوي وترا اسماء ببيت خالي بروح اجيبها واوصلك اسيل طالعته بقهر رسلت لياسر وشالت امجد الي كان نايم ودخلت البيت مشت لصاله :السلام عليكم شيخه وقفت وابتسامتها توسعت :هلا والله اسيل نزلت امجد على الكنبه بهدوء ومشت لها ضمتها وباست راسها وقعدت على كنبه مقابلها وهي تأخذ اخبارها وتتطمن عليها اسامه شال فايز لغرفته نومه على سريره وغطاه نزل وهو فرحان ورايق قرب من امه وسلم عليها وقعد جنبها اسيل :اليوم انت مو طبيعي وش سر هالابتسامه والروقان طالعته شيخه وجد لاحظت عليه اسامه طالع اسيل ويبي ينرفزها انسدح وحط راسه على فخذ امه :ليش مو عاجبك و لا الفضول ذابحك شيخه ابتسمت وهي تمسح على شعره: عسى دوم يارب هالروقان اسيل :الثانيه وبعدين وراك كذا منسدح مشتاق لطفولتك قوم بس انا اصغر منك وما اسوي هالحركات ضحك اسامه وطالعها :ايه مشتاق لطفولتي انتي وش حارك طالع امه :يمه شوفي بنتك اصلا غلطان جايبها معي ضحكت شيخه :خليه براحته دخل عبدالعزيز وهو مبتسم :عسى دوم هالضحكه يا ام احمد شيخه :بوجودكم يارب اسيل :اقول عزوز روح انت نام بحضن امي من الجهة الثانيه يمكن مشتاق لطفولتك بعد ضحك عبدالعزيز :ودي والله بس الكنبه ما تكفي خلي اسامه يقوم واخذ مكانه اسيل طالعته بنظره اسامه :سوسو غيرانه ودك اقوم تجين مكاني اسيل عضت شفتها :لا بس حركاتك تنرفزني اسامه رفع نظره لامه :اقول يمه شيخه :وش عندك اسامه ابتسم وبهمس :آه يمه عرفت من بنته ام شامه شيخه ضربته على راسه بخفه :ما تتوب انت اسامه مسك يدها وباسها :تكفين يمه بس ابي اعرف اسمها اسألي بنتك شيخه :اساموه اعقل وش حركات المراهقين هاذي اسامه :يمه والله ابيها تكفين اسأليها هي اخت يويسر توسعت عيون شيخه بدهشه عرفتها طالعت اسيل الي قالت :يمه عندكم اسرار من ورانا عبدالعزيز وهو يطقطق بجواله :اكيد واضح ترا شيخه بهدوء :اسيل ام شامه شسمها ضحك اسامه على امه وسؤالها امه طالعته :قوم انقلع اسيل بدهشه :من ام شامه شسالفه شيخه :اخوك يبي يرجع مراهق شاف بنت وانهبل ضحك عبدالعزيز اسيل :يمه اصلا شاكه بوضعه اسامه قعد ورماها بالمخده :جب بس عطيناك وجه المهم وحده من خوات زوجك بيضاء وشعرها اسود وعيونها بندقيه واسعه وحلوه ماشاء الله وفي شامه بكتفها اليمين من هي اسيل رمشت اكثر من مره تستوعب :وين شفتها شيخه :بعرسك عبدالعزيز وقف وهو يكتم ضحكته :انا طالع لجوريتي شيخه :جوريتك راحت دوامها عبدالعزيز :يوه نسيت اسامه :اخلصي من هي اسيل :سمر اسامه توسعت ابتسامته اما اسيل تضايقت بس ما بينت لهم عبدالعزيز :تعيشتوا الكل :ايه عبدالعزيز :افا يمه وانا ابي اتعشى معك شيخه :زوجتك نادتني اتعشى معها ابتسم عبدالعزيز ووقف :طيب عن اذنكم اسامه وقف بيروح لاسماء :قومي بوصلك رن جوال اسيل وكان ياسر:خلاص ياسر جاء دخل بعد ما قالت له اسيل انه محد سلم على شيخه وشال امجد وطلع ____ نوره تنهدت وهي تسمع سعود يكلم عمه قفل منه :وش فيك نوره :بنروح بالعطله سعود :ان شاء الله نوره طالعته بضيق سعود سحبها وباس راسها :ادري ان صعب بس بتتعودين نوره سندت راسها على صدره رفعت نظرها له وطالعت بعيونه :سعود اخاف يجي يوم وما تصير تحبني سعود انصدم :مستحيل انتي حبك احتلني بكل ما فيني نوره ابتسمت وباست خده :ما ودك تحلق سعود مرر يده على دقنه :ليش مو حلو نوره :الا يجنن بس ما تعودت عليك كذا سعود مسك دقنها ورفع نظره :محد يجنن غيرك انتي وبس نوره سكتت وسندت راسها على صدره وضمته سعود بهدوء :وش الي خلاك تخافين من اني ما اصير احبك نوره تنهدت بقوه :تبي الصراحه سعود وهو يمرر يده على شعرها:اكيد نوره :مو مرتاحه لوسن سعود سكت شوي وكمل :ليش وش سوت لك نوره بغيره :تحبك وحاطه عينها عليك سعود ابتسم على نبرة الغيره بصوتها :الحين انتي خايفه ولا غيرانه نوره طالعته بحده وقهر من ابتسامته :الاثنين سعود بصوت هادي : لا تهمك الغيره ولا تفكر تغير ولا يشغلونك بالحكي في زمانك هنا مكانك لا يهمونك الغير تموت خلق الله ما تأخذ مكانك _____ رجع عبدالعزيز من الشركه دخل الغرفه وهو يشم ريحة عطرها الي امتزجت مع البخور قاعده ولابسه تنوره لفوق الركبه وبادي ابيض وشعرها مغطي اكتافها وبيدها جوالها ومندمجه فيه قرب منها وشاله من يدها رفعت نظرها بعصبيه من الحركه بس تلاشت عصبيتها وقفت وابتسمت بحب :ما انتبهت والله عبدالعزيز صد عنها :لا والله خلاص خلك مع جوالك افضل الجوري وقفت قدامه :عزووز رفعت نفسها عشان توصل له وباسته بخده قريب من شفايفه عبدالعزيز طالعها الجوري مسكت يده :لحين زعلان عبدالعزيز ابتسم ابتسامه خذت قلب جوري همس و هو يطالع بعيونها :وانا اقدر ازعل منك يا قلب وروح عزوز جهزي لي ملابس باخذ شور و حدي جوعان الجوري :طيب حبيبي لبست عبايتها ونزلت جهزت الغداء وخذت الصينيه وراحت فوق عبدالعزيز وهو ينشف شعره مشى لها وقعد بياكل بس شافها تطالعه بسرحان عبدالعزيز سحبها له وطاحت بحضنه الجوري شهقت :شفيك عبدالعزيز :ما اعرف اكل براحتي وانتي تطالعيني يا تأكلين معي يا اما تتمين كذا وانا اطالعك الجوري :بس مو جوعانه عزوز خلاص ماراح اطالعك بقوم عبدالعزيز ابتسم الجوري وقفت وقعدت على الكنبه الي كانت قاعده عليها بعد ما كمل :عندك دوام اليوم الجوري :لا عبدالعزيز قربها منه بهدوء وهي استنشقت ريحة عطره الي تعشقها بقوه ورجع شعرها لوراء وباسها خدها وبهمس جننها :من امس الليل ما شفتك و احس ان لي دهر من شوقي لك ___ اسيل طلعت من غرفة امجد و مشت لصاله لام ياسر والبنات ابتسمت من شافت ميلاف وعيالها سلمت على ام ياسر وميلاف :وانا اقول البيت منور ميلاف :منور بوجودك حبيبتي سوسن بخبث :شدعوه اسيد ما تسلمين ولا تقولين شخباركم منال ضحكت باستفزاز :حلوه اسيد يناسبها حيل اسيل قبضت كف يدها بقوه ميلاف طالعتها بحزن وعطت البنات نظره يسكتون بس لا مستانسين وهم يشوفون وجه اسيل انقلب نجلاء قعدت :بنات الامتحانات الاسبوع الجاي ذاكروا احسن من الضحك الا على وش تضحكون منال :تذكرت وحده ينقال لها اسيد نجلاء فهمت وضحكت معاهم استغفر الله العظيم واتوب اليه | ||||||||
|
| |
|
20-12-20, 01:15 PM
| #35 | ||||||||
| مراقبة عامة ومشرفة منتدى الروايات المنقولة
| البارت الثلاثين ( 30 ) اسيل طالعت ام ياسر ساكته وهم يتمسخرون واهانتهم لها تذكرت امها لما كانت تتمسخر على حريم اخوانها وهي ساكته بس هي مو نوره الي كانت دايما تبلع المر وتسكت ولا شذى الي اذا قالت الحق تسكت غصب عشان مالها بالمشاكل خذت نفس عميق تحس نفسها ضعيفه موت ابوها كسرها ودها تصارخ وتبكي بس تصنعت البرود وهي تطالعهم باحتقار :اسيد الي يحرقك انتي وياها توسعت عيون ام تركي بصدمه:وجع وش هالدعوه اسيل :والله يا خالتي من طق الباب جاه الجواب نجلاء :احترمي امي اسيل وقفت وراحت لغرفتها قفلت الباب وهي تحس بضيقه مو طبيعيه قعدت على الارض ضمت رجولها وسندت ظهرها لسرير وبكت بضعف رفعت نظرها للباب الي انفتح كان جاي وده يذبحها على الكلام الي سمعه من خواته مشى لها وقفها قدامه وتجاهل نظرات عيونها ودموعها :وش الي سويتيه اسيل مسحت دموعها وحاولت ترد بقوه :ما سويت شي ياسر بحده :شلون تقلين ادبك على امي ابي افـ سكت لما يدينها عانقته وبكت ياسر ما رفع يدينه غمض عيونه وهو يسمع بكاها المكتوم بصدره يضعف بقوه قدام بكاها ودموعها ضمها وهمس بهدوء عكس عصبيته الي دخل فيها :وش فيك صايره تبكين بسرعه اسيل الي اعرفها ما تبكي بسهوله اسيل بعدت وضربت صدره بقهر و بصوت مبحوح: ليش تحكم علي من غير ما تسمعني تصدق خواتك وانت تدري انهم يكرهوني امك قالت لك بنفسها ولا بس خواتك ياسر مد يده وبحنان مسح دموعها :طيب انتي ليش تبكين اسيل بقهر :بدري كان ضربتني وبعدين سألت ياسر تنهد :اسيل اسيل لفت لسرير :اسأل خواتك انسدحت وتغطت وهي مقهوره ياسر ابتسم مشى لها سحب الغطاء عنها :بتنامين الحين اسيل ببرود :ايه عندك مانع ياسر بدأ يعصب : اسيل تدرين ان ما احب هالاسلوب اسيل قعدت وتكتفت ببرود :انت كل شي ما تحبه ياسر مد يده وهو يبعد شعرها عن وجها مسك دقنها ولفها له وجات عينها بعينه :لا احبك انتي اسيل نزلت نظرها وقلبها يدق بجنون ياسر :حبيبتي احنا اتفقنا ما نخبي شي عن بعض صح اسيل طالعته كان هادي وهدوءه اجبرها تقول له عن الي صار بلعت ريقها :ياسر تعبت يوم يتمسخرون على شعري ويوم على جسمي ما بقى شي ما استلموني فيه ياسر انصدم من خواته تأملها بهدوء وهمس لها: معقوله ما يشوفون كل هالجمال الي اشوفه اسيل ابتسمت غصب :حبيبي تكفى ابي اطلع مخنوقه حيل ياسر : طيب قومي اجهزي مشت بسرعه تجهز وهو يتأمل حركاتها وشعرها الغجري الي يتحرك معها _____ في بيت ابو احمد وقفت الجوري وهي تفتح الباب بعد الطق القوي :خير خالتي صاير شي شيخه بعصبيه :واي خير الي يجي منك الجوري انصدمت :ليش وش سويت لك شيخه بحده :ليش كسرتي طقم الصحون الي جايبته من فرنسا الجوري بدهشه : اناا ما كسرت شي شيخه :مو انتي اخر وحده دخلتي المطبخ الجوري : دخلت قبل ساعه بس وربي ما كسرت شي شيخه طالعتها بقهر على الطقم الي صار له معها سنتين: بس لا تحلفين مافي غيرك كسره عبدالعزيز طلع من الحمام يكرم القارئ وهو يسمع صراخ امه مشى له :شصاير يمه شيخه : زوجتك اذا بتدخل المطبخ بس تكسر بالله لا تدخل عبدالعزيز بهدوء :وش كسرت؟ شيخه :طقم صحون جايبته من فرنسا عبدالعزيز ابتسم :فداها يمه طالعته بنظره حاده :اقول اكسر راسها بدل هالكلام والله لو انها وحده من الخدم كاسرته سفرتها عبدالعزيز :يمه ما يسوى عليك كل هالعصبيه عشان صحون شيخه طالعته بقهر :عزيز عبدالعزيز :عيون عزيز انتي اهدي طيب وبعدين قالت لك مو هي شيخه بحده :انا شايفتها قبل لا اروح الغرفه داخله المطبخ عبدالعزيز تنهد :طيب اهدي وماراح يصير الا الي يرضيك شيخه طالعت الجوري :اذا بتدخلين المطبخ لا تكسرين شي تراها غاليه وماعمرك شريتي مثلها ومشت الجوري عضت شفتها بقهر من كلامها طالعته: عبدالعزيز والله ما كسرت شي عبدالعزيز طالعها وهو يفكر وفجأه جاء في باله الكلام الي سمعه من اسماء شك فيها قفل الباب :من غير ما تحلفين عارف ان مو انتي في غرفة اسامه قعدت اسماء على السرير وهي مبتسمه لان سوت هالمشكله بين عمتها و الجوري سندت ظهرها بتعب ورفعت جوالها تطقطق فيه ___ في المطعم اسيل بتردد :شصار على خطبة سمر ياسر طالعها :نسيت اقول لك الملكه بعد اسبوعين اسيل تنهدت بضيق على اخوها الي من فتره طويله ما شافته يتكلم براحه مثل لما كان يتكلم عن سمر الحين وش راح تقول له البنت انخطبت وملكتها بعد اسبوعين ياسر :وين سرحتي اسيل :افكر باخواني ياسر وقف :لا تشغلين بالك باي شي وانتي معي ممكن اسيل وقفت وبابتسامه :ممكن ياسر حاسب وطلعوا يتمشون ____ في بيت احمد احمد :بتجين معي عند امي شذى :لا احمد :متأكده ما تبين شذى بدون شعور وهي تصبغ اظافرها :اروح عشان تطردني مره ثانيه مو امك ماتبي احد اعوذ بالله منها حتى ابليس ما يفكر يقعد معها عقـ.. قطع كلامها الكف الي جاها منه طاح طلاء الاظافر من يدها بصدمه وهي تطالعه مو اول مره يضربها بس له فتره طويله ما مد يده عليها احمد بعصبيه :احترمي نفسك وانتبهي لالفاظك وتكلمي عن امي باحترام طلع وهو معصب صارخ :طلال شيماء ملاك طلعوا بخوف من حدة صوته احمد مشى :يلا مشينا طلال طالع شيماء بخوف شيماء مسكت يد ملاك :شفيك واقف امش شكله معصب وطلعوا بسرعه وراه ____ سعود بعصبيه :ليش ضارب الولد وش مسوي لك عبدالله بخوف من عصبية ابوه :بابا يستاهل سعود بحده :ليش عبدالله نزل نظره :لانه ضرب فايز سعود طالعه وبهدوء :بس بعد ما يصير تضربه بهالقوه شفت ابوه كيف معصب محمد :انا قلت له بابا لا تروح و ما سمعني سعود ناظر محمد وبعدين عبدالله :تعرف ليش ضرب فايز عبدالله :لا بس انا شفته دفه على الارض بقوه سعود :هو حلو انك تفزع لاخوك بس يا بابا مو في المدرسه تتهاوشون نوره جات لهم شهقت وهي تشوف شكل عبدالله مشت له وقعدت قدامه :حبيبي من سوا فيك كذا سعود :متهاوش بالمدرسه نوره بقلق :تعورت عبدالله :لا محمد بلقافه :ماما ترا فايز بعد متهاوش نوره طالعته بصدمه :فايز سعود :لا تخافين مافيه شي نوره :طيب ليش محمد :اصلا فايز يستاهل سعود بحده :محمد روح غرفتك بدل ملابسك يلا بسرعه نوره طالعت سعود :شفت فايز سعود :ايه بخير فازع له الي جنبك شكله متاثر من سبايدرمان مكفخ الولد وجهه احمر وذراعه مجروحه بهالعمر وكذا الله يعين لا كبر نوره ابتسمت :حبيبي بدل ملابسك وتعال مع محمد تغدوا طيب عبدالله :طيب سعود :لحظه عبدالله اخر مره تتهاوش مع احد فاهم عبدالله طالع ابوه ثواني :طيب نوره :وش فيك عليه سعود طالعها:وش طابخه لنا اليوم نوره ابتسمت:الي يحبه قلبك سعود ابتسم:اي شي من يدينك احبه نوره وقفت:باشوف العيال وانت قوم بدل سعود وقف ومشى وراها للجناح ____ في بيت ابو احمد طلال يتكلم مع فايز :ايوا وبعدين شصار قايز بحماس :جاء عبود وضربه طلع عبود قوي وراح بعدين الولد يبكي ضحك طلال :يستاهل لو ناديتني كان فزعت معه وضربته فايز :ما شفتك اليوم وين كنت طلال :رحت العب مع اصدقائي احمد سرحان ومو معهم ابد يفكر بشذى يدري ان غلطان بضربه لها بس هو دمه حار وما يتحكم بنفسه اما اسامه سرحان بسمر خذت عقله وصار يفكر فيها وبس عبدالعزيز وهو يطالع امه :يمه انا بنقل لبيتي هالاسبوع شيخه و بحضنها ملاك رفعت راسها له بصدمه :ليش مستعجل عبدالعزيز وده يخلص من مشاكل هالبيت بسرعه :البيت جاهز من زمان والحين بننقل ما استعجلت يمه شيخه سكتت وناظرته بحده وضيق عبدالعزيز تنهد بقوه من نظرات امه :عن اذنكم وقف وراح لغرفته رن جوالها شافت اسيل المتصله ردت بابتسامه وهي تسأل عنها وعن احوالها بس اختفت ابتسامتها وطالعت بأسامه الي كان يسمع كلامها ويتمنى تجيب طاري سمر قفلت وهي تطالعه احمد وقف مشى لامه وحب راسها :عن اذنك يمه انا رايح تأمريني بشي شيخه :لا يمه انتبه على نفسك احمد شال منها ملاك :ان شاء الله شيخه :فمان الله احمد طالع شيماء وطلال الي ما خلص سوالفه مع فايز:شيماء طلال يلا بابا بنمشي وقفوا ومشوا معاه اسامه :يمه وش فيك تطالعيني شيخه تنهدت بضيق :شكله مالك نصيب بسمر البنت مخطوبه اسامه طالعها بصدمه ضاقت فيه الدنيا تكلم بصدمه :مخطوبه شيخه :ايه الله يعوضك بلي احسن منها اسامه وقف وبعصبيه :ما ابي الاحسن منها ابيها هي وما ابي غيرها شيخه :وش نسوي اذا البنت مخطوبه وملكتها قريب خلاص الله يوفقها اسامه :لا تدعين لها بالتوفيق مع واحد غيري شيخه طالعته بضيق من الحاله الي هو فيها واقفه بصدمه وتحس الارض تدور فيها مو قادره تستوعب الكلام الي تسمعه اسامه يبي يتزوج ومُصر على البنت حست بألم فضيع ببطنها تسندت بيدها على الجدار و هي تاخذ نفسها صعوبه كتمت صرخه كانت بتطلع من قوة الالم الي ضرب بظهرها ندمت انها نزلت لفت بترجع غرفتها بس تحس رجولها مو شايلتها من الالم الي تحس فيه قعدت على ركبها ودموعها تنزل بغزاره من الم ولادتها والم صدمتها زاد المها وما قدرت تكتم صرختها وهي تحس انها راح تموت فز اسامه من سمع صراخها ولحقته امه وهي تشوفها قاعده على الارض وماسكه بطنها وتبكي بألم وبحده :وش فيك واقف كذا اركض جيب عبايتها شكلها بتولد اسامه راح بسرعه وهي قالت للخدامه تجيب عبايتها بتروح معها ثواني لبسها عبايتها وحرك للمستشفى بسرعه ___ عبدالعزيز الي كان يشتغل على اللابتوب طالع الجوري :سمعتي صراخ الجوري :ايه بشوف شصاير واجيك عبدالعزيز :طيب وكمل شغله على اللابتوب نزلت الجوري وما حصلت احد سألت الخدم وقالو لها ان اخذوا اسماء المستشفى ورجعت الغرفه عالعزيز رفع نظره لها :شصاير الجوري بهدوء وهي تفسخ الجلال :اسماء تعبت وخذوها المستشفى عبدالعزيز :اها المهم جهزي اغراضنا يوم الاربعاء راح ننقل الجوري قعدت جنبه مسكت ذراعه وسندت راسها على كتفه :متأكد تبينا ننقل عبدالعزيز باستغراب :مو هذا طلبك الجوري طالعته :ايه بس امك عبدالعزيز قاطعها لما سحب يده وحطها على اكتافها وباس راسها :امي شفيها الجوري :خلاص ولا شي انت ما كملت شغلك عبدالعزيز ابتسم وقفله :وش تبين الجوري :ولا شي بس اشتقت اسولف معك عبدالعزيز طالعها :عارفك وش عندك الجوري ابتسمت وهو تلعب بخصله من شعرها :ابي اسوق عبدالعزيز بهدوء :وليش بدل السواق عندنا اثنين وانا بعد اوديك اي مكان تبين الجوري :عبدالعزيز احيانا وقت دوامي انت ما تكون موجود والسواقين انا الصراحه اخاف منهم بسبب الي صار قبل وانتي تدري وش صار واروح مجبره عشان لا اتأخر على دوامي عبدالعزيز طالع بعيونها هز راسه : طيب خلاص موافق بس وقت يكون دوامك في الليل انا اوديك واجيبك طيب الجوري ابتسمت بفرح :حبيبي تأمر امر _____ احمد دخل الغرفه وهو يشوف طلاء الاظافر طايح على الارض بمكانه و ريحة عطرها منتشره بالغرفه مشى فسخ شماغه ورماه على الكنبه وقعد على السرير وهو يمرر يده لشعره بضيق سمع صوت فتح باب الحمام رفع نظره كانت طالعه لابسه بجامه حرير و تنشف شعرها تفاجئ انها موجوده وابتسم شذى تجاهلته بهدوء وطلعت الاستشوار تجفف شعرها خذته ومشت للباب بتطلع تشوف عيالها بس مسك يدها ولفها له شذى سحبت يدها بقوه منه وطالعته ببرود : ترا ما قعدت عشانك بس ما قدرت اترك العيال وامشي احمد طالعها بهدوء : خايفه احرمك منهم شذى ببرود :ايه ما استغرب هالشي منك احمد مسك وجها بيده : مستحيل احرمك منهم و تراك انتي بعد غلطانه شذى ببرود لفت بتمشي بس مسكها احمد طالعته وبحده :فك يدي ما ابي اشوفك ولا اقعد معك افهم سحبت يدها ومشت و طلعت من الغرفه رايحه تشوف عيالها احمد قعد على السرير وهو ضايق صدره ___ نوره بعد ما سبحت عيالها واكلتهم قاعده على السرير تطالعهم بهدوء جواد يحبي شوي ويطيح ويكمل زحف على بطنه و وجدان معاها لعبه بيدها تناسب عمرها تلعب فيها تنهدت بعمق وداخلها خوف وضيق وتوتر وحزن انهم بينتقلون من هالمكان مسكت جوالها تعبت من التفكير في نفس الموضوع ودها تشوف ثريا وتقعد معها دخل سعود وقعد قدامها ابتسمت سعود : قومي اجهزي بنطلع ونستانس و نروح اي مكان تبونه نوره : بس ابي اروح اليوم لثريا سعود : بكرا وروحي يلا قومي نوره : طيب وقفت ومشت لغرفة التوأم طلعت لهم ملابس لطلعه وجهزتهم طالعت سعود الي لابس بنطلون اسود و تشيرت كحلي مبين عضلات جسمه واقف يسرح شعره : حبيبي نزل جواد معك سعود نزل المشط : اوكي لا تتأخرين شال جواد بعد ما خلص وراح لغرفة العيال نوره بعد ما جهزت شالت وجدان ونزلت لهم ____ في المستشفى شال بنته بحب ابوي كبير باس جبينها واذن بأذنها اليمين واقام باليسار طالع امه بعيون تلمع : جاتني بنت يمه شيخه ابتسمت : مبروك يالغالي وتتربى بعزكم يارب والله يحفظها طالع الممرضه الي شالتها منه ونزلتها بهدوء وبخفه بالسرير اسامه : امها كيفها الممرضه : بخير و الحين بتطلع وننقلها للجناح بعد عشر دقايق نقلو اسماء للجناح دخل عليها اسامه وقعد جنبها وهو يشوف التعب واضح عليها وبابتسامه وفرحته ببنته : الحمدلله على السلامه شيخه بهدوء وهي توقف عند اسماء : مبروك يا بنتي الله يحفظها لكم والحمدلله على السلامه اسماء بلعت ريقها وبصوت مبحوح : الله يسلمكم شيخه طالعت اسامه يمه خلها ترتاح الحين وبكرا نجيها اسامه مسك يدها بس استغرب من سحبت يدها منه وغمضت عيونها طلع مع امه وهو يتصل يبشر اخوانه وكلهم فرحوا وباركوا له بالمولوده الجديده ___ شذى لابسه عبايتها وبيدها شنطتها طالعت عيالها: يلا وقفت من طلع قدامها احمد: وين شذى: بيت ابوي احمد طالع العيال :اسبقونا لسياره طلال شال ملاك وطلع وشيماء لحقته احمد :ابي اتكلم معك شذى :ما ابي اسمع شي يكفي تحملت برودك ولا مبالاتك وعصبيتك طول هالسنين ضربتني مره ومرتين وسكت بس هالمره لا تعرف ليش لاني صدقت انك خلاص تغيرت وصرت تحبني بس شكلي كنت غلطانه المهم وقت تتغير جد وتتحكم بعصبيتك بيت ابوي تعرفه احمد عض شفته بقهر: من قال اني ما احبك شذى شيلي هالافكار من راسك وربي احبك شذى بسخريه :هه اسمع كلامك اصدقك واشوف افعالك اتعجب احمد طالعها بعصبيه شذى وهي خايفه منه ومن عصبيته بس تتصنع القوه :عن اذنك احمد تنهد قرب منها بس هي رجعت وراء لا اراديا احمد رفع حاجب :انا بوصلكم ___ في المستشفى دخل اسامه وسلم على امه واسيل وابتسم وهو يشوف بنته شالها وبحب :هلا بحبيبة ابوها اسماء بهدوء : وش بتسميتها اسامه سكت شوي :فجر اسماء ابتسمت :حلوو وفجأه اختفت ابتسامتها وكشرت وصدت بنظرها اسيل وقفت من رن جوالها قربت من فجر باست خدها واستأذنت منهم وطلعت وهي تمشي شافت الجوري الجوري وقفت وابتسمت :هلا والله وينك ما صرت اشوفك اسيل :والله انتي الي ما صرت اشوفك بس وربي اشتقت لك ابتسمت الجوري :وانا اكثر يا عمري اسيل شافت جوالها الي رن مره ثانيه ابتسمت :ياسر متصل فيني اشوفك ان شاء الله ولنا قعده طويله الجوري :ان شاء الله ومشت اسيل والجوري راحت تكمل شغلها ____ في بيت ثريا نوره : لما افكر ان راح ابعد عنكم اتضايق بس لما افكر بفايز احس بخوف من ايش ما اعرف يمكن اخاف ان تجي ظروف وتمنعني عنه ثريا مسكت يدها وضغطت عليها :حبيبتي الله ما ينسى احد من عباده وفايز يدري شكثر تحبينه انتي بس فوضي امرك لله نوره تنهدت بعمق : والنعم بالله ثريا : كيف تعامل جدته معه نوره طالعتها بتفكير : عادي مثل ما تعامل احفادها وتحبهم حيل ثريا : طيب خلاص جدته بتهتم فيه لا تشيلين هم ولا تفكرين باسماء لانها بتنشغل ببنتها نوره : اتمنى وربي يحفظه لي ثريا : آمين تذكرت سالفه صارت معها وبدت تقولها لنوره وطلعتها من افكارها وهي تسمعها وتضحك ___ اسيل دخلت البيت ركض لها امجد شالته وباسته بقوه امجد : وين بابا اسيل : عنده مكالمه بيخلص ويجي مشت لصاله : السلام عليكم ردت سمر : وعليكم السلام والرحمه اسيل طالعت البنات سوسن ونجلاء قعدت جنب سمر سوسن طالعتها ببرود وتبادلت النظرات مع نجلاء وبهدوء : نجلاء تذكرين غاده بنت ابو محمد نجلاء : ايه تذكرتها هاذي الي تموت بياسر توجهت انظار اسيل عليها سوسن بابتسامه خبث :لا قصدك الي كان ياسر يحبها المهم البنت تجنن شرايك نخطبها له ضحكت سمر :واثقين من موافقته هو حتى اسمها ما يبي يسمعه من كثر ما كانوا يتهاوشون عضت شفتها وهي تذكر ان اسيل معهم سوسن :نجرب نسأله ونشوف اسيل تحس نفسها بتنفجر بأي لحظه نجلاء :اي غاده حبوبه وجمالها نادر دخل ياسر وقعد جنب اسيل :قلتي غاده جمالها نادر اسيل طالعته بحده ودها تصارخ عليه وش دخلك بجمالها بس تدري خواته بيستغلون هالشي وتكبر السالفه نجلاء :ايه ياسر طالع اسيل الي تطالع بغرور وثقه وهي من داخلها بتنفجر من غيرتها: والله محد جمالها نادر غير اسيل واذا عصبت تصير اجمل بكثير واذا ضحكت قلت يالله ثبت العقل فيني وش تجي غاده هاذي قدامها اسيل طالعته و نظرتها تغيرت لحب البنات سكتوا بصدمه وسمر ابتسمت ____ مرت الايام واليوم ملكة سمر الكل مبسوط في بيت ابو تركي اسيل فرحانه لاعز صديقاتها بس فرحتها ناقصه بسبب اخوها ما تدري وش ردة فعله طالعت سمر وابتسمت بهدوء :ماشاء الله طالعه روعه سمر ابتسمت بخجل ومتوتره :تسلمين قعدت جنبها وسرحت بتفكيرها في مجلس الرجال الكل قاعدين ينتظرون المعرس ما جاء تاخر ابو عامر احتدت ملامحه بقهر من تأخر ولده لف لعامر وبهمس :اتصل لسيف شوف وينه حسبي الله عليه فشلنا عامر :ان شاء الله يبه الشيخ :اذا بتتأخرون اكثر انا مستعجل ولازم اروح ابو عامر :لا ان شاء الله الحين بيجي تركي ناظر ابو عامر بحده ومو مرتاح لتأخير سيف :وش سبب تاخره ابو عامر :خير ان شاء الله تركي :ان شاء الله ياسر شاف عامر طلع وقف وطلع وراه عامر اتصل اكثر من مره وفي المره الرابعه جاه الرد : وينك وجع ساعه ننتظرك سيف بكل برود : اسمع مو جاي وما راح املك عليها ما ابيها شينه اخوانها احلى منها عامر بعصبيه :الله ياخذك وليش ما تكلمت من قبل سيف : ابوي حدد الملكه وما اخذ رايي و امي توصفها وكأنها ملكة جمال ومصره تبيها لي ووافقت بس لما شفتها عاديه المهم تصرف مو جاي عامر بعصبيه : وش اقول لابوي والناس الي داخل والله سيف مو جاي لان البنت ما عجبته سكت شوي سيف انت في بالك وحده صح سيف بلا مبالاه : مع السلامه وقفل عامر عض شفته بقهر لف بيدخل بس جمد من نظرة ياسر الحاده ياسر انقهر على اخته لف ودخل ونظره على تركي وابو عامر والموجودين ثبت نظره على الشيخ : يا شيخ ما عندنا بنات لزواج وقف ابو عامر بصدمه : ليش!؟ تركي طالعه بحده ياسر تجاهل نظرات تركي :يا يو عامر بناتنا جوهره ثمنيه مو كل شخص يقدر يحصلها ابو عامر طالع عياله بعصبيه :مشينا يا عيال وياسر يناظرهم بحده وقهر ____ اسامه يطالع اسماء وهي تسكت فجر الي مو راضيه تسكت بس تفكيره بعيد مو معاها ابد يحس بصيقه مو طبيعيه كل ما تذكر ان اليوم ملكة سمر مو قادر ينسى صوتها ولا شكلها يحسها عفويه مو بذاك الجمال الخارق بس مملوحه وما يمل الي يناظرها تنهد بعمق :اسماء شفيها اسماء بقلق :ما اعرف اسامه :طيب عطيها رضاعتها يمكن جوعانه اسماء مسكت الرضاعه وعطتها وبدت تهدأ وقف وطلع بيشوف فايز ابتسم وهو يشوف امه قاعده في الصاله الي فوق ضايقه فيها الدنيا ويدها تمسح على شعر فايز الي نايم على فخذها قعد قدامها :وش فيها الغاليه متضايقه شيخه تنهدت :كيف ما تبيني اتضايق والبيت فضى علي من اخوانك اسامه :افا يمه انا وين رحت وهالحلو الي نايم معك شيخه ابتسمت :الله لا يحرمني منكم اسامه قعد جنبها وباس راسها :آمين ولا منك يارب ___ تركي بعصبيه :ليش ياسر بانفعال :لانه حقير وانا مستحيل ازوج اختي لواحد مثله قال مو عاجبته وما يبيها الا احنا الي ما نبيه تركي هدا وبهدوء :قال ما يبيها ياسر :ايه ولهالسبب ماجاء تركي ربت على كتفه : الحمدلله الي عرفنا قبل لا نزوجها له ياسر : تعال ندخل الام وقفت : شصاير ليش الحريم راحوا وللحين الملكه ما تمت تركي طالع امه واخواته وبهدوء : مالهم نصيب عندنا سمر طالعتهم بصدمه : ليش؟ ناصر ولد تركي : هذاك المعرس ما جاء يمكن ما يبي يجي بس بعدين عمي ياسر عصب وطردهم سمر ضمت شفايفها وهي تحس كل احلامها الي بنتها معه انهارت ما جاء يمكن ما يبيها او ما عجبته لفت بسرعه لدرج وراحت لغرفتها امها واخواتها وميلاف واسيل فرحتهم تحولت لضيق وقهر وحزن ياسر كان بيلحقها بس وقفه : تركي انا بروح اشوفها مشى تركي وقف قدام غرفتها طق الباب بس سمع صوت بكاها فتح الباب بهدوء دخل وهو يشوفها قاعده على السرير و ضامه رجولها وتبكي مشى وقعد قدامها مسح على شعرها بحنان :لا تبكين والله ما يستاهل دمعة من عيونك سمر ما ردت تركي : سموره وربي خيره لك طلع واحد ما يستاهلك زين عرفناه على حقيقته قبل لا نندم يلا قومي غسلي وجهك سمر طالعته تركي مسح دموعها : يلا وننزل سوا سمر هزت وبصوت مبحوح : طيب _____ يوم جديد نوره بعد ما سملت على اهلها قاعده في جناحها تجهز الشناط عشان اليوم بيروحون الشرقيه ودموعها مو راضيه توقف كل ماتمسحها تزيد قفلت الشنطه الاخيره وقفت وراحت تغسل وجها خذت كلينكس وهي تاخذ نفس عميق سعود دخل اخذ الشنطه : مشينا نوره طالعته : وفايز سعود اخذ نفس : شلون ناخذه بدون علم ابوه نوره رفعت راسها لسقف تحاول تمنع دموعها تنزل : طيب اتصل بعبدالعزيز خله يقول لاخوه باخذه سعود تنهد : ان شاء الله لبست عبايتها وشيلتها ولفت بالغرفه وهي تطالع كل جزء فيها خذت شنطتها وشنطة عيالها و طلعت بسرعه نزلت تحت شافت فايز معاه ايباده ركض لها :ماما وين بتروحون نوره نزلت لمستواه وضمته بقوه فايز بعد عن امه وبصوت مخنوق :ماما بتسافرون خذوني معكم ماما لا تخليني ابي اجي معكم نوره طالعته ونقابها تبلل من دموعها وقفت ومسكت يده ومشت لسياره سعود و سيارة السواق وميري وراهم وقفت وهي تشوف سيارة اسامه وقفت قدام بيتهم نزل ومشى لهم :فايز تعال نوره شدت على يده فايز بخوف تمسك بأمه :لا بروح مع ماما اسامه مشى بياخذه وقف سعود قدامه: خلاص يا اخي الولد يبي يجي معنا خله نوره بصوت مخنوق :خله هالثلاث شهور وتعال خذه بس تخلص العطله اسامه رفع نظره لها وعيونها غرقانه دموع وبحة صوتها تبين مدى ضيقها ووجعها اخذ نفس بقوه :فايز تبي تروح معاهم فايز هز راسه :ايه اسامه طالع سعود :طيب خذوه معكم بس توقعوا باي وقت بجي وباخذه حتى قبل العطله ومشى نوره زفرت براحه ومشت لسياره ركبت فايز وراء و عدلت التوأم بأمكانهم وركبت قدام وحرك باتجاه الشرقيه ____ اسامه رجع البيت ابتسم من شاف اسيل: هلا والله باختي الغاليه قعد وهو متضايق اسيل :عندي لك خبر بيفرحك اسامه :قولي تاخذين اجر وتفرحيني اسيل بابتسامه :الملكه تنكسلت اسامه طالعها بعدم استيعاب :طيب اسيل ضحكت :ملكة سمر تفركشت خلاص اسامه بدهشه :احلفي اسيل ابتسمت :والله دخلت اسماء :خير جايه بشرك تبين تخربين حياتي اسامه بعصبيه :اسيل مالها دخل انا قلت لها اسماء قعدت :اذا هي بايعه نفسها بتأخذ واحد متزوج اسيل ببرود :وليش ما قلتي هالشي لنفسك ولا حلال عليك وحرام على غيرك اسماء طالعتها بنظره تقتل وصدت عنها وهي تهز رجلها بقهر ____ الجوري خلصت دوامها فسخت البالطو لفت بتطلع بس تفاجأت بعبدالعزيز قدامها ابتسمت :وش جابك عبدالعزيز :جيت عشانك يلا قدامي يا حلوه الجوري خذت شنطتها ومشت وهي مبتسمه :وين عبدالعزيز :البيت ضحكت الجوري :حسبت بتمشيني بتعزمني في مطعم فخم عبدالعزيز :اقول امشي ريحي وبعدين يصير خير الجوري :طيب ابي امر بيت اهلك عبدالعزيز طالعها : طيب الجوري ابتسمت وطلعت معاه ____ وقف سعود قدام بيت عمه ولف لنوره الي كانت بعالم ثاني مو معاه مد يده ومسك يدها :وصلنا نوره استوعبت وطالعت البيت فتحت الباب ونزلت وشالت وجدان وجواد مع عبدالله شافوا عبدالرحمن الي كان باستقبالهم يرحب فيهم ويهلي بفرح قرب سعود سلم عليه و لحقوه العيال يسلمون نوره خذت نفس عميق وهي تعدل شنطتها على كتفها ومشت لداخل البيت شافت افنان باستقبالها وابتسمت وهي تسلم عليها استغفر الله حتى يُغفر الذنب حتى تسعد النفس حتى تطيب لنا الحياة وتُكتب لنا الجنه.. | ||||||||
|
| |
|
23-12-20, 06:47 AM
| #36 | ||||||||
| مراقبة عامة ومشرفة منتدى الروايات المنقولة
| البارت الواحد والثلاثين ابتسمت لافنان وسلمت عليها شالت منها وجدان وباستها بقوه وصاحت ام افنان قربت وهي ترحب فيهم بابتسامه سلمت عليها نوره لفت لعبدالله الي جاب جواد وشالته منه وسن قاعده بكل برود في يدها جوالها تطقطق فيه ولاهي مهتمه ام افنان بعصبيه : وسن وسن طالعت امها وقفت : اووه ما انتبهت قربت من نوره ومدت يدها ببرود سلمت عليها بهدوء وهي كارهه وجودها معها في نفس البيت ___ احمد دخل البيت قعد على الكنبه بتعب يرهق نفسه كثير بالشغل ما يبي يرجع البيت الي صاير كئيب وهادي بشكل موحش اشتاق لشذى حيل بس هي عنيده مو راضيه تقابله ولا ترد على مكالماته ولاول مره يحس وجودها شي مهم بحياته وما يقدر يستغنى عنها وقف وراح غرفته خذ له شور و لبس ثوب وشماغه ولبس ساعته ورش عطره اخذ مفاتيحه و بوكه وجواله وطلع وهو ناوي يشوفها ويتفاهم معها ويرجعها ليتها تحس بنار الشوق الي فيه بعد ربع ساعه وقف قدام بيت اهل شذى مد يده لبوكيه ورد احمر نزل وابتسم لما شاف طلال ركض له : بابا جيت ترجعنا البيت احمد بابتسامه : ان شاء الله دخل مع طلال البيت طلال راح يركض شاف امه وجدته وخالته قاعدين في الصاله : ماما ماما بابا حيل تعبان و طاح علي تعالي شوفيه فزت شذى بخوف وقلبها بيطلع من مكانه وصلت مجلس الرجال وقبل لا تستوعب شي تسكر الباب وسحبها له شهقت بقوه احمد طالع بعيونها وبهمس : بسم الله عليك شذى طالعته تستوعب انه قدامها بخير ومافيه شي بس نحف وباين الضيق بملامحه تبي تسأله وش فيك بس ردت ببرود : وش تبي جاي احمد مد لها البوكيه : جاي عشانك شذى طالعت الورد وببرود : ما يرضيني الورد ولا احبه احمد ابتسم : وش الي يرضيك شذى : ولا شي احمد رفع وجها له واجبرها تناظره : ما اشتقتي لي ماحن قلبك شذى غمضت عيونها وهزت راسها بلا احمد حط يده على خصرها ويده الثانيه لقبلها ودقاته القويه : بس هذا يقول العكس امتلت عيونها دموع احمد قرب وباس خدها وبهدوء : آسف طالعته بصدمه من اعتذاره لها احمد : شذى ما اتحمل بعدك حسي فيني وارجعي وربي لاعوضك بلي تبينه شذى طالعت عيونه ما تنكر انها اشتاقت له : ما راح ارجع احمد بهدوء : خلاص يعني تبين ننفصل طالعته بصدمه اكبر احمد تنهد : طيب اذا هذا الي تبينه ما عندي مانع وعلى العموم انا مسافر شهرين وبس ارجع ونتفاهم على كل شي مع السلامه شذى بسرعه مسكت يده ووقفته : من قال ابي انفصل عنك انا روحي معلقه فيك بس تصرفاتك تقهرني احمد لف وطالعها بابتسامه : بس احمد القديم انتي غيرتيه بعد ما كان يشوف الدنيا سوداء صار يشوفها بنظره غير صارت اجمل بوجودك شذى يشهد الله اني احبك بس انتي لا تستفزيني ومهما كان هاذي امي شذى سكتت باحراج احمد :بترجعين معي شذى بهدوء :اذا قلت لا تسافر بتهون احمد :ايه اترك كل شي لعيونك شذى :طيب انتظرني لا تروح احمد ابتسم : واخيرا ____ اسيل تعبت من خوات ياسر بس مطنشه ابتسمت وهي تشوف امجد داخل :هلا حبيبي امجد مشى وقعد عندها :خالتي ابي اروح الملاهي اسيل :ان شاء الله نروح ليش لا امجد :و بابا اسيل :جاي الحين فتح ياسر الباب ودخل :السلام عليكم اسيل :وعليكم السلام ورحمة الله ياسر قعد على السرير وطالع امجد : كيف حال الحلو امجد :الحمدلله بابا ابي اروح الملاهي ياسر ابتسم : من عيوني كم امجد عندي انا امجد بفرح : يلا خالتو يلا بابا ضحكت اسيل : ثواني بس اجهز ياسر باس خده وقعد يسولف معاه خلصت اسيل : طلعت لك ملابس ياسر ابتسم وقف وراح يبدل امجد مسك يدها ابتسمت وهي تاخذ جوالها وشنطتها نزلت معاه سلمت على ام تركي وشافت سمر قاعده ومتضايقه وبابتسامه : سموره تجين معنا سمر طالعتها وبهدوء : مالي خلق اسيل : تعالي تغيرين جو الام : روحي يمه معاهم احسن لك سمر تنهدت : طيب بروح البس عبايتي واجي ابتسمت اسيل وقعدت مع امجد ينتظروهم ____ اسامه بهدوء : يمه ابي نروح نخطبها الحين شيخه بحده : ابوك ما صار له سنه متوفي وانتي تبي تتزوج وتفرح اسامه : يمه ما قلت بسوي عرس الحين بس ابي اخطبها و املك عليها اخاف تروح مني شيخه طالعته بقهر : طيب اليوم بكلم امها اسامه باس راسها : الله لا يحرمني منك شيخه : روح جيب فايز من عند امه اشتقت له اسامه بهدوء : فايز مو هنا راح الشرقيه طالعته امه بصدمه : ايش الشرقيه؟؟ مو قادره تستوعب فايز الوحيد الي كانت تحس ان البيت فيه حياه بوجوده الحين راح وبيرجع كئيب اسماء نادرا تجي تقعد معها واسامه تشوفه احيانا اسامه : ايه راح مع امه شيخه طالعته بضيق : بيطول اسامه : لا قاطع كلامهم دخول عبدالعزيز والجوري عبدالعزيز :السلام عليكم ردوا السلام اسامه سلم عليه وطلع لغرفته الجوري قربت منها وسلمت عليها : اخبارك ياخاله شيخه : تمام ولله الحمد عبدالعزيز :يمه الجوري مصره تبي تطلعك اليوم الجوري :ايه انتي من طلعتي من العده حابسه نفسك بالبيت تعالي معانا نطلع ونتونس شيخه :ما ودي اطلع اليوم بكرا ان شاء الله الحوري :طيب خلاص بنقعد معك ابتسم عبدالعزيز شبخه طالعتهم ابتسمت :اغلى من يقعد معي الجوري تفاجأت بكلامها وفجأه شهقت عبدالعزيز :شفيك الجوري فتحت شنطتها :نسيت شي دورت فيها وطلعت علبه مربعه ومدتها لشيخه : ان شاء الله تعجبك شيخه باستغراب فتحتها وكانت ساعه فخمه وراقيه التمعت عيونها مو من جمال الساعه لا من لطافة هالبنت وجمال اخلاقها الجوري: شريت لامي وحده وانتي امي الثانيه الجوري طالعتها :شريت لامي وحده وانتي امي الثانيه اذا ما عجبتك اجيب لك شي غير شيخه بهدوء :حبيتها حلوه تسلمين الجوري ابتسمت :جد شيخه صدت بنظرها عنها :ايه حلوه الله يعطيك العافيه عبدالعزيز :لا يمه انا كذا بديت اغار من الجوري طيب انا بعد ابي دعوه شيخه ما ردت الجوري مسكت يدها :خالتي شفيك شيخه طالعتها كانت عيونها حمراء الجوري بصدمه طالعت عبدالعزيز ورجعت طالعتها :خالتي وش مضايقك شيخه ابتسمت :ولا شي انتو شخباركم وش جديدكم ابتسم عبدالعزيز وبدا يسولف معها ___ اسامه تنرفز من اسماء الي مو راضيه تفتح له الباب ولا قادر يفتح بمفتاحه لانها حاطه المفتاح من داخل قعد على الكنبه الي بالصاله واتصل عليها ردت ببرود :نعم اسامه بقهر :اسماء افتحي الباب قبل لا اكسره على راسك اسماء :ما راح افتح روح للي تبي تخطبها اسامه بعصبيه مشى للباب وضربه بيده بقوه :عندك دقيقتين اذا ما فتحتي يا ويلك وربي لا تندمين سمع صوت القفل يفتح دخل بعصبيه وسكر الباب بقوه : وش تصرفات البزران هاذي اسماء مشت لفجر ببرود وما ردت اسامه مشى مسكها من يدها وسحبها بقوه شهقت لما كانت بتطيح من يدها فجر الي توها شالتها اسامه بخوف مسك فجر وشالها منها: وتلوميني اذا فكرت اتزوج شوفي نفسك اول اسماء بقهر : وانت ملاك مافيك عيوب يكفي تحملتك وانا ادري ان قلبك وعقلك مع نوره والحين لما خلاص نسيتها وارتحت طلعت تفكر بثانيه طيب وانا حس فيني تعبت عطته ظهرها وهي تمسح دموعها الي نزلت قهرها اسامه ناظرها فتره تنهد وبهدوء لفها له :انتي لو تحبيني مثل ما تقولين كان حبيتي فايز واهتميتي فيه بس هو ما شاف معك يوم حلو اسماء :عنده امه هي المسؤوله عنه مو انا اسامه :طيب وش تبين الحين اسماء قعدت على السرير اذا قالت لا تتزوج بيعاند خذت نفس ومسحت دموعها :اهلي بيروحون الديره لجدتي واخوالي وابي اروح معهم خلاص سوي الي تبيه ما يهمني قالت هالكلام وهي من داخلها تحترق اسامه طالعها باستغراب :بسوي الي ابيه ما احتاج موافقتك وكم يوم بتقعدون اسماء شدت على يدها بقهر :اسبوعين اسامه : اسبوع واحد بس وترجعين اسماء طالعته بقهر : طيب اسامه باس فجر بخدها وقعد وهي بحضنه ابتسم لما ضحكت له ____ في الجناح الي جهزه عبدالرحمن وفيه باب يفتح على الحديقه عشان ياخذ راحته سعود لما يطلع ويدخل نوره قاعده ترتب ملابسها بالكبت وهي متضايقه وقفت بتصحي سعود لصلاة المغرب : سعود قوم اذن المغرب سعووود نوره بطفش قعدت جنبه : حبيبي يلا بتقوم الصلاه سعود فتح عيونه وبصوت فيه النوم : قولي من البدايه حبيبي ويطير النوم كله ضحكت نوره : قوم يلا روح صل ولما ترجع ابيك بموضوع سعود :قولي الحين نوره :مافي وقت يلا بسرعه سعود :طيب توضا ولبس وطلع ونوره صلت ودعت من كل قلبها بعد ما خلصت وقفت وراحت تشوف العيال بالغرفه ابتسمت لما شافتهم قاعدين يلعبون شافت وجدان نايمه شالتها وحطتها على السرير وغطتها وطلعت وسكرت الباب شافت سعود رجع مشى لها : وش الموضوع الي عندك نوره بهدوء : كم راح نقعد هنا سعود : بالكثير شهر او شهرين ونطلع نوره كشرت : كثير سعود مسك يدها وراح معها للغرفه: حبيبتي خلاص لمتى اعيد لك نفس الكلام نوره بزعل :يعني مو من حقي اغار سعود بهدوء :لا من حقك بس لا تشكين بحبي لك نوره طالعته وبهدوء سندت يدها على كتفه :ما شكيت لحظه بحبك لي بس الي تطالعك بنظره اعجاب ذبحتها ضحك سعود بقوه وبهمس :مجنونه بس احبك نوره ابتسمت وقفت سعود طالعها باستغراب :وين نوره : بطلع لام افنان و بناتها سعود طالعها ما وده وسن تضايقها بشي وقف قدامها :انا موجود وقاعد معك تخليني وتروحين نوره ابتسمت :خلاص مو رايحه سعود قربها له وباس جبينها انطق الباب سعود لف وفتح الباب طلعت وسن بوجهه ومعها اكل ابتسمت وبدلع :جبت لكم الاكل اكيد جوعان عليك بالعافيه سعود شاف شعرها طالع نصه من تحت الشيله ولبسها ضيق صد وبهدوء شاله منها :شكرا وسن بصوت عالي شوي :انا سويته لك انت بالذات سعود ببرود :انا ونوره مو جوعانين بس بعطيه العيال مشى من قدامها وهو يدخل غرفة العيال :يلا وقفوا لعب وغسلو يدينكم وتعالو كلوا وقفوا بسرعه طلعوا يغسلون ورجعوا يأكلو شال جواد و بدون لا يطالع وسن المقهوره: الله يعطيك العافيه وقفل الباب طالع نوره الي تطالعهم بنظرات حاده سعود وهو يرفع جواد :فديته حبيب بابا قرب من نوره باس خدها وهو رايح لسرير : وفديت امه وش حابه تأكلين نوره ابتسمت :ابي بيتزا سعود خذ جواله ومفتاحه عطاها جواد: دقايق وتكون قدامك ____ ياسر وقف سيارته قدام سوبر ماركت عشان امجد نزلوا بس جمد امجد وتمسك بابوه من وراء وهو يرجف وعيونه مركزه على شخص قدامه ياسر باستغراب :مجود شفيك حبيبي يلا ندخل ناخذ الي تبيه امجد هز راسه بلا بخوف اسيل نزلت من السياره :شفيكم واقفين ياسر نزل لمستوى امجد :وش الي مخوفك امجد اشر بيده الي ترجف على خاله يخاف منه بشكل كبير ياسر طالع وين يأشر واحتدت ملامحه وقف بيروح له بس امجد شد على يده: بابا لا تروح بيضربك ياسر طالع اسيل :خليه معك ومشى وهو ما يشوف غير خوف امجد و ما يسمع الا كلام جدته لما قالت كان قاسي على امجد سمر نزلت :شفيه شصاير اسيل باستغراب :مدري والله ياسر حط يده على كتف خال امجد لفه له توسعت عيونه : ياسر ياسر وجه له لكمه قويه نزف خشمه من قوتها وصار يضربه بقهر سمر شهقت : اسيل بيذبحه اخوي اذا عصب ما يرحم اسيل توترت ما تعرف وش تسوي :وانا وش اسوي ركضوا اثنين لما شافوهم وبعدوا ياسر بالقوه ياسر : هذا بس لانك تجرأت تمد يدك على امجد واحمد ربك ما ذبحتك طالعه بقهر ومسح الدم الي مو راضي يوقف من خشمه وجسمه يوجعه :الله ياخذك انت وياه حاول ينفك من ايدينهم بس ما قدر تم يطالعه لما اختفى تركوه ومشوا لف ورجع لسوبر ماركت شرا علبتين ماء شرب وغسل يدينه ووجهه دخل السياره الكل ساكت ما نطقوا بكلمه ياسر بعد ما هدأ وانتظمت انفاسه لف لامجد : يلا حبيبي ننزل تشتري الي تبيه امجد بصوت يرجف : خلاص ما ابي ياسر تنهد : طيب وحرك السياره راجع للبيت ____ يوم جديد اسامه فتح باب البيت طالع امه بتطلع : يمه طالعه شيخه : وش شايف انت المهم عبدالعزيز برا اسامه : ايه شيخه طالع وجهه : وش فيه وجهك شاحب اسامه بضيق : يمه لمتى بنتظر شيخه : اساموه الي يشوفك يقول مراهق مو متزوج وعندك عيال اعقل وترا كلمت ام تركي امس وانتظر يردون علينا اسامه ابتسم : عقبال ما توافق وتصير زوجتي شيخه دفته : وخر بس تأخرت على اخوك ضحك اسامه وهو يدخل وشيخه طلعت لعبدالعزيز والجوري ____ نوره قاعده مع وفاء و افنان تسولف دخلت وسن : ام مهند منورتنا ضحكت وفاء : وانتي وينك بالعاده اجي اشوفك قاعده بالصاله وسن ببرود : ايه بس الواحد ما صار ياخذ راحته خبرك البيت صاير زحمه غير ازعاج البزران افنان بحده :وسن وش هالكلام وفاء طالعت نوره : لا تهتمين لكلامها وسن طالعتهم بقهر : انا طالعه اشم هواء المكان هنا يخنق وفاء: لا مو طبيعيه صاير لها شي افنان طالعت وفاء ونوره بهدوء وبنفسها وين بتصير طبيعيه وسعود هنا هذا اذا ماجنت زود تنهدت بقوه وطلعت وراء وسن ____ رجع سعود تعبان ومصدع ابتسم وهو يشوف محمد وعبدالله وفايز ومهند يلعبون بالحديقه كره :حمود روح نادي امك وسن بابتسامه :وش تبي انا اسويه لك سعود زفر بضيق وما رد افنان سحبت وسن لداخل وطلعت : هلا والله باخوي الي ما سأل عني ضحك سعود قرب منها وهو يسلم عليها: وربي اشتقت لك بعدين المفروض انتي تجين تسلمين افنان :شفتك تعبان قلت اخليك ترتاح سعود حط يد على اكتافها : انتي كيفك طمنيني عنك افنان :الحمدلله بخير ومبسوطه بجيتكم هنا وسن تطالعهم بقهر لفت بتدخل شافت نوره قدامها نوره طالعتها باحتقار ومرت من جنبها وبصوت مرتفع :هلا حبيبي آمرني سعود ابتسم :ما يأمر عليك ظالم بس ابي بنادول راسي بينفجر نوره بابتسامه :ليش البنادول انا راح اسوي لك مساج وترتاح سعود ابتسم مسك يدها :فنو انتبهي لجواد و وجدان افنان ضحكت :طيب وسن انقهرت وهي تطالعهم بنظرات حاده مشت لها افنان بعصبيه دفتها : انتي غبيه ما تفهمين اقول لك طلعي سعود من راسك مستحيل اسمح لك تخربين بينهم وسن بعصبيه : الحين انا اختك ولا هي افنان ببرود : انتي بس سعادة سعود عندي اهم سكتت وسن وهي تطالع ابوها دخل البيت عبدالرحمن : ليش اصواتكم طالعه افنان بابتسامه قربت لابوها وحبت راسه : يبه وسن اقولها صديقتها مو عاجبتني تصرفاتها بس هي مصره الا تبي تمشي معها وسن زفرت بهدوء : يبه صديقتي من عمر ما اقدر اتركها عبدالرحمن طالع وسن : اختك تبي مصلحتك ودام قالت ابتعدي عنها ابتعدي وسن طالعتها بقهر وعبدالرحمن دخل داخل افنان توسعت ابتسامتها ولحقت ابوها وسن ضربت رجلها بالارض ودخلت عند وفاء وامها ____ في بيت ابو تركي سمر بانفعال : مستحيل الام بهدوء : ليش سمر : يمه تبيني اخذ واحد متزوج قبلي مرتين شلون اضمن ان ما يتزوج بعدي ما ابي مستحيل مو موافقه واصلا انا خلاص ما ابي اتزوج ولو فكرت بالزواج ما راح اوافق الا على شخص اكون اول بنت بحياته الام : يا بنتي فكري استخيري سمر بصدمه : يعني انتي موافقه اخذ واحد متزوج وعنده عيال الام ببرود : ايه دامه رجال يخاف الله ليش ما اوافق سمر عصبت : يمه بدون ما افكر ما ابيه ولا راح اخرب بينهم الام : هذا اخر كلامك سمر تكتفت : ايه ولا راح اتراجع عنه طلعت لصاله ياسر طالع امه : شنو ردها الام : رفضت اسيل بصدمه : ليش ام تركي : تقول ما تبي تتزوج اسيل سكتت ياسر : طيب خلاص ردي عليهم وبلغيهم رفضها اسيل وقفت وتركت المكان ____ شيخه مو قادره تقعد في البيت على انه كبير و وسيع بس فاضي وكئيب مافيه احد غمضت وهي تذكر لمت عيالها حولها وضاقت انفاسها رن جوالها شالته تشوف الاسم ابتسمت وردت : الو السلام عليكم ام تركي : وعليكم السلام اخبارك يا ام احمد شيخه : الحمدلله تمام ام تركي : والله يا اختي ما ادري وش اقول لك شيخه بهدوء : رفضت ام تركي : ايه تقول ما تبي تتزوج شيخه : طيب براحتها ام تركي سولفت معها شوي وقفلت وقفت وراحت لغرفتها بتجهز وتطلع من البيت ____ فايز طالع امه : ماما متى بنرجع عند جده وبابا وخالتو نوره طالعته بهدوء مسحت على شعره : ليش مليت منا فايز هز راسه بلا : لا بس انا ابيهم نوره تنهدت : قريب ان شاء الله وبابتسامه حفظت السوره فايز : لا نوره : ليش ماما فايز : ماما كنت العب ونسيت محمد بابتسامه : ماما انا حفظتها نوره ابتسمت : يا زينه الشاطر فايز طالع محمد وانقهر منه وقف : عبود يلا نحفظ عبدالله وقف : يلا محمد سمع السوره لنوره كامله وهو مبسوط ____ اسامه رجع البيت وهو تعبان حيل احمد سافر مع شذى والعيال وترك كل الشغل عليه ارتمى على الكنبه فسخ شماغه وخلخل يده بشعره ونادى بصوت عالي على الخادمه تجيب له كوب مويا اخذ الماء منها وشربه على ثلاث دفعات اقتداء بسنة رسول الله دخلت شيخه وشافت الخادمه راجعه المطبخ بالكوب عرفت ان اسامه موجود مشت له : وينك اليوم ما شفتك ابد اسامه : يمه اسف بس انشغلت خبرك احمد سافر شيخه : ربي يعطيك العافيه اسامه : وياك يارب شيخه طالعته بهدوء وهي تفكر كيف راح تقول رد سمر اسامه : يمه شفيك شيخه تنهدت : سمر رفضت انصدم اسامه وكلمة رفضت تكرر بعقله شيخه : لا تتضايق يمكن خيره لك اسامه طالع امه وقف وهو يمشي رايح لغرفته بهدوء بدون ما ينطق بكلمه شيخه خافت وهي تشوفه هادي وقفت بسرعه تناديه اسامه وقف ولف لها شيخه مشت له وحطت يدها على كتفه : وش فيك ساكت اسامه بصوت هادي : اتوقع يمه مالي نصيب بالحُب شيخه ناظرته بصدمه من كلامه و تضايقت مدت يدها لخده : يمه وش هالكلام عندك اسماء حتى لو طبعها شين هي تموت فيك و ما وقفت الدنيا عند سمر واذا تبيني اخطبها لك مره ثانيه ما ترددت اسامه مسك يدها وباسها مشى وهو يفكر بسبب رفض سمر له ما راح يرتاح الا لما يعرف ____ يوم جديد رجعت نوره مع سعود والعيال وهم مبسوطين ومرتاحين طلعت وسن بسرعه وفجأه تعثرت كانت بتطيح بس مسكت بسعود نوره انصدمت عضت شفتها وهي عارفه انها متقصده تسوي هالحركات وبهدوءها وقربت و سحبت يدينها عنه ودفتها ومسكت يده : هالحركات قديمه ياروحي وما تمشي علي طالعت سعود وبدلع : حبيبي حدي تعبانه من كثر ما تمشينا واستانسنا و ماحب الوقفه كثير سعود ابتسم وطالع العيال : روحوا الجناح عبدالله حرك عربية اخوانه و مشوا سعود رجع نظره لها : سلامتك من التعب اذا تبيني اشيلك حاضر نوره ضحكت : لا اقدر امشي مشت وهو معها مستانس على غيرتها وسن : حقيره وشايفه نفسها ومشت بسرعه طالعه لسيارة السواق ___ نوره شبرت الغرفه من كثر ما تمشي ما قعدت بتنفحر من غيرتها سعود مسك يدينها وهو يطالع عيونها : خلاص وقفي نوره بقهر : قهرتني شفتها كيف ارتمت عليك سعود : تعثرت بس نوره سحبت يدينها منه : لا قاصده ترا انا اعرف لهالاشكال عدل طالعته بحده ومسكت ياقته : عاجبتك حركاتها صح سعود حط يده على خصرها : لو عاجبتني كان قعدت معها ليش اجي معك نوره ضربته على صدره وعيونها مليانه دموع : لو مثلت مره ثانيه انها بتطيح وخر وخلها تطيح على الارض فاهم سعود: تبيني اشوف بنت تطيح وما اساعدها نوره بعصبيه: سعود سعود ابتسم قرب لها وبهمس :يا قلب سعود تدرين ان عيونك حلوه حيل نوره هدت وارتخى جسمها سعود قعد على السرير وقعدها معه:فيها شي يجذب من شفتك اول ليله لنا انسحرت وربي ما كنت اصدق فعل العيون الا لما شفت عيونك نوره نزلت نظرها للارض وقلبها يدق بقوه سعود مسك وجها ولفه له وخلاها تناظره وبهمس يدوخ وهو يرجع خصلت شعرها لوراء: ما كنت اؤمن بالعيون وفعلها حتى دهتني في الهوى عيناك الحسن قد ولاك حقا عرشه فتحكمي في قلب من يهواك في روضة الهوى لعبدالله الفيصل ___ سمر طقت باب غرفة اسيل اسيل:اتفضل دخلت سمر: ليش ما جيتي تقعدين معنا اسيل: من محبة خواتك لي اجي اقعد سمر مشت وقعدت على السرير قدامها: اسيل هذا طبعهم بس بيتغيرون مع الايام لما يعرفون طيبتك اسيل ببرود: ما اضن يتغيرون سمر : طيب تعالي قعدي معي اسيل فجأه: ليش رفضتي اسامه سمر ارتبكت: لان انا ما ابي اتزوج حاليا اسيل تنهدت: طيب سمر طالعتها: اسيل ما ابي هالشي يأثر على علاقتنا ابد اسيل ابتسمت: ما راح تتأثر ابد هاذي حياتك وانتي حره فيها سمر ضمتها بقوه: ويلوموني فيك احبك وربي ياسر تكتف وهو واقف عند الباب: بعدي عنها اشوف ذبحتيها ضحكت سمر: ترا هي صديقتي قبل لا تصير زوجتك ياسر مشى لهم مد يده لسمر وقفها وقعد مكانها سمر ضحكت: اسيل يلا تعالي معي ياسر انسدح على فخذ اسيل:لا ما بتجي انقلعي سمر :كلمتها هي ما كلمتك اسيل ابتسمت :انا وياسر واحد سمر :انا الغبيه الي جايه لك وطلعت وقفلت الباب وراها ____ دخلت الجوري بيت ابو احمد ما شافت شيخه نادت الخدم قالو لها فوق مشت لفوق كانت بتروح لجناحها بس وقفت وهي تشوفها مرتخيه على الكنبه بالصاله الي فوق ركضت لها بسرعه مسكت معصمها تشوف نبضها وبخوف :خالتي خالتي شفيك شيخه طالعتها بهدوء : شكله ضغطي ارتفع روحي يمه غرفتي شوفي دواي في درج الكومدينه و تلقين جهاز قياس الضغط تعالي قيسيه لي الجوري وقفت بسرعه وركضت لغرفتها دورت الدواء شافت اسمه وعرفته وخذت الجهاز وطلعت قاسته لها :ضغطك مرا مرتفع يا خاله امشي اخذك معي المستشفى شيخه بتعب:لا ما ابي عطيني دواي الجوري: اكلتي شي قبل شيخه: ايه الجوري: طيب بجيب لك مويا نزلت وجابت لها كوب ماء وعطتها وخذت دواها وسندت راسها على الكنبه وبهدوء: انتي من وين جايه الجوري: من بيت اهلي ومريت اتطمن عليك شيخه غمضت عيونها بقوه وبضيق تذكرت نوره طول فتره زواجها ما شافت منها شي سيئ بس كانت تبيه له اسماء واسماء تغيرت حيل والحين ندمت انها كانت رافضه جوري لعبدالعزيز رن جوال الجوري ردت عبدالعزيز بعصبيه: وينك الجوري : في بيت اهلك بعدت الجوال بعد ما قفل بوجها عرفت انه معصب حيل قعدت جنبها وهي تطالع البيت فاضي : وين الكل شيخه بهدوء :اسماء عند اخوالها وفايز عند امه واسامه طالع محد في البيت الجوري تنهدت فسخت نقابها و شيلتها وهي تفرد شعرها بس ارتجفت من سمعت صوت الباب تسكر بقوه دخل عبدالعزيز وهو يناديهم وقفت ومشت لدرج : احنا فوق وبسرعه صعد الدرج وقف قدامها ونظرة عيونه حاده الجوري رجعت خطوة لوراء عبدالعزيز : ليش طالعه بدون ما تقولين لي طيب عطيني خبر على الاقل الجوري : عزوز ما سويت شي غلط طلعت من بيت اهلي لهنا بس عبدالعزيز : قلت لك انتظريني وبعدين ليش ما رديتي على جوالك اتصلت اكثر من مره الجوري خذت نفس : ما سمعته كان في الشنطه وانت قلت لي بتتأخر عبدالعزيز قرب منها كان خايف عليها حيل جوري طالعته بهدوء شيخه : عبدالعزيز خلاص ما بقى الا تضربها عبدالعزيز و توه ينتبه لامه لف وباس راسها وابتسم : تنكسر يدي قبل لا تنمد عليها شيخه صدت بنظرها : لا والله توك تنتبه لي عبدالعزيز قعد قدامها مسك يدها وباسها : آسف لا تزعلين يالغاليه طالع ملامحها : يمه تعبانه يوجعك شي اخذك المستشفى شيخه : لا خذت دواي وصرت احسن طالعت الجوري : تعالي يمه اقعدي جنبي الجوري مشت وقعدت جنبها عبدالعزيز طالع الجوري الي تطالع قدامها يضيق : يمه ما راح اروح الا لما اطمن عليك ولا خلاص بنام هنا اليوم الا اذا ما تبينا شيخه ضربته على راسه : بس اعقل ومو بس اليوم ابيكم معي كل يوم الجوري : اوديك غرفتك ترتاحين شيخه : لا بروح لحالي وقفت غمضت عيونها من الدوخه عبدالعزيز مسكها ووداها لغرفتها الجوري سندت راسها فتحت عيونها تفاجأت منه قدامها وقفت و مشت من جنبه مسك يدها ولفها له وصدره ضمها وهي ياخذ نفس بعمق وبهمس : خفت عليك ولما ما رديتي علي بسرعه كنت بجن الجوري مسكت يده وبنفس همسه : آسفه عبدالعزيز تذكر ان في بيت اهله مسك يدها ومشى لغرفته ____ بعد مرور شهر اسامه واقف قدام المرايه يلبس ساعته اسماء تطالعه بقهر : ليش كاشخ كذا ليكون اليوم ملكتك وانا ما ادري اسامه لف وابتسم : ممكن ليش لا توقعي كل شي اسماء قبضت على كف يدها الي ارتجفت من قهرها وغيرتها لفت وطالعت فجر تدري ان ما راح يغير رايه لانها تعبت وهي معترضه وتصارخ وتهدد وهو متجاهلها اسامه قرب منها وطالع بعيونها انحنى شال فجر ضمها وباس خدها وجبينها طالع اسماء : انتبهي لك ولها حطها بسريرها وطلع واسماء ضمت رجولها لصدرها وهي تبكي بحرقه وتشهق تحس نار شابه بصدرها من زواجه دخل وقف بدهشه وهو يشوفها تبكي بهالطريقه مشى واخذ جواله طالعها وهي مستمره تبكي وما رفعت راسها اتجه للباب وطلع من البيت ركب سيارته وحرك وهو ضايق صدره وقف قدام بيت اهل ياسر بيشوف اسيل طق الباب فتح امجد اسامه : خالتك اسيل موجوده امجد : لا مافي احد بس عمتو سمر اسامه طالعه بهدوء : طيب امجد ببراءه : عمو احنا بنطلع الحين جيب فايز وتعال معانا اسامه ابتسم : وين بتروحون امجد طالع وراه وهو يسمع صوت سمر : مجود حبيبي من في الباب اسامه اشر له : طيب اشوفك سلام مشى لسيارته وهو يتذكر بحة صوتها شافها طالعه مع امجد وهي مستانسه ____ نوره قاعده وفي حضنها وجدان تأكلها وجنبها جواد قعدت افنان جنبها : تعبت نوره ابتسمت : خلصتي افنان : ايه الحمدلله نوير تعالي معانا العرس راح تستانسين نوره وهي تنزل وجدان : حبيبتي استانسي انتي ما اقدر اخلي العيال لحالهم ومو حابه اروح افنان : براحتك نوره لفت لها : متى العرس افنان : بكرا ان شاء الله نوره ابتسمت شالت جواد وقفت ومشت بتشوف العيال ابتسمت وهي تشوفهم قاعدين يطالعون التلفزيون قعدت ونزلت جواد على الارض لفت على صوت وسن وهي شايله وجدان وراها وداخله الجناح : ياليت تاخذين بنتك معك ما نحب الازعاج والصياح نوره خذتها منها وما ردت عليها ووسن طلعت من الجناح ____ اسامه وقف سيارته قفلها و مشى بسرعه ووقف قدامها سمر شهقت من الي وقف قدامها فجأه رفعت نظرها له ولفت بتغير طريقها بس تكلم بسرعه : سمر لحظه بكلمك سمر شدت على يد امجد و بحده : وش تبي اسامه : سمر انا شاريك وابيك سمر : وانا ما ابيك افهم اسامه : ليش سمر : اولا انت متزوج وعندك عيال و قبلها مطلق و انا الصراحه رافضه رفض نهائي اخذ متزوج و مو بعيده تشوف غيري وتتزوجها علي فهمت رفضي الحين اسامه طالعها فتره : مو مهم كل الي قلتيه انا ابيك سمر خافت وبهدوء : ايه صح نسيت اقول لك انا انخطبت واليوم رديت عليهم بالموافقه يعني شيلني من بالك لاني بحياتي ما بكون لك اسامه انقهر : طيب الله يوفقك معاه وراح لسيارته وهو معصب ومقرر ان ينساها دام هذا كلامها حرك السياره و مسك جواله وهو يتصل على عبدالعزيز : هلا عز كيفك عبدالعزيز : الحمدلله بخير وانت اسامه ونظره على الطريق : نحمد الله على كل حال عندك رقم سعود عبدالعزيز باستغراب : ليش اسامه : ابي اخذ عنوان بيتهم الي بالشرقيه اشتقت لفايز عبدالعزيز : طيب باخذه منه واعطيك اياه اسامه ابتسم : طيب انتظرك مع السلامه عبدالعزيز : الله وياك قفل و راح الاستراحه ____ اليوم الثاني اسماء واقفه قدامه بنرفزه: خلاص سويت الي تبيه ارتحت الحين اسامه مد يده لها : تعالي مسكت يده قعدها جنبه: ممكن تقعدين يوم واحد بدون هواش وتكونين هاديه اسماء هزت رجلها بتوتر :مو قادره اهدأ حس فيني قلبي يحترق اسامه وهو يطالع الهالات السوداء تحت عيونها وبهدوء :ما تمت لا خطبه ولا ملكه ما صار شي ارتاحي اسماء ابتسمت بفرح وضمته وهي من وقت قال بيخطب كل يوم تنام وهي تبكي من قهرها وحرقة قلبها ما تقدر تشوفه مع غيرها ولا تقدر تنفصل عنه بسبب بنتها وابوها الي اكيد ما بترتاح عنده اذا تطلقت اسامه مسح على شعرها وبعدها :انا رايح الشرقيه اجيب فايز اسماء مسكت يده :انتبه لنفسك اسامه :ان شاء الله ____ في الشرقيه رجع سعود من الشركه تعبان اخذ شور ولبس بيجامه وانسدح نوره :حبيبي بتنام اصبر بجيب لك غداء سعود ابتسم :طيب راحت نوره تجيب له غداء وهو يفكر باتصال عبدالعزيز تنهد بهدوء رفع نظره لعبدالله الي دخل يركض : وش فيه الحلو عبدالله :بابا ابي اكلم ماما سعود :حبيبي ما عندي رقمها عبدالله زم شفايفه :طيب اتصل لخالو سامر سعود اشر له يجي يقعد جنبه و اخذ جواله واتصل عليه مارد تذكر ان عنده رقم زوجها رد عليه وقال له ان العيال يبون يكلمون امهم ومد الجوال لعبدالله خذه بحماس: الو ماما عبير :يا روحي كيفك وكيف محمد رجف صوتها :وحشتوني عبدالله :احنا بخير وانتي عبير ابتسمت ودها يجون عندها صح تقسى عليهم احيانا بس تضل ام قلبها يحن ويشتاق لهم: بخير بسماع صوتك حبيبي وين حمود عبدالله طلع يركض وقفت نوره بشهقه لما كان بيصدم فيها عبود حبيبي شوي شوي عبدالله :اسف وطلع ينادي :حمود محمد :هاه وش تبي عبدالله :ماما تبيك محمد :طيب وقف بيروح لغرفتها وقفه عبدالله واشر على الجوال :لا ماما عبير تبي تكلمك محمد صد عنه وبهدوء :ما ابي ما اعرفها عبدالله طالعه بهدوء وعبير سمعت كلامه ونزلت دموعها تتمنى يجون عندها بس زوجها رافض ما يبي يتحمل مسؤوليتهم تكلمت بصوت مخنوق :خلاص حبيبي اهم شي ان بخير عبود عندك جوال عبدالله :لا بس باقول لبابا ياخذ لي عبير ابتسمت :طيب حبيبي مع السلامه قفل عبدالله وهو معصب :ليش ما كلمتها ترا زعلت محمد مشى لفايز: هي ما تبينا وانا ما ابيها طالعه عبدالله ثواني ومشى راجع لابوه بيرجع الجوال ___ داخل البيت الكل يجهز لعرس بنت خالة افنان افنان رجعت من الصالون وهي في قمة الجمال راحت لغرفتها ولبست فستانها واخذت اغراضها ولبست عبايتها وشيلتها ومشت لغرفة وسن فتحت الباب وانصدمت وهي تشوف الغرفه ظلام وبارده شغلت الليت وانصدمت اكثر وهي تشوفها نايمه مشت له بسرعه وهي تهز كتفها :وسن وسن فتحت عيونها :نعم افنان :قومي يلا بنروح العرس الكل راح باقي احنا وسن وهي تمسك بطنها وبألم : بطني يوجعني حيل ما اقدر اجي افنان بخوف :سلامتك يا قلبي خلاص بقعد معك وسن بسرعه:لا والله ما تقعدين روحي ولا تخافين علي بنام افنان :طيب راح اتصل اتطمن عليك وسن ابتسمت :طيب ____ اسامه وقف قدام البيت اخيرا بعد ما تعب يدوره طالع جواله يشوف العنوان الي رسله له عبدالعزيز يتأكد من رقم البيت نزل ومشى طق الجرس وبعد ثواني فتح له عبدالله :هلا عمو تبي فايز ابتسم اسامه :ايوا ناده لي عبدالله :طيب خلا الباب مفتوح وراح وبصوت عالي: فايز ابوك جاء طالعته نوره الي كانت قاعده معاهم بصدمه فايز بفرح وقف وراح لابوه يركض طلع وضمه اسامه بقوه وباس خده بشوق: اشتقت لك فايز :بابا وين عمو وجده اسامه ابتسم :في البيت تبي نروح لهم فايز :ايه يلا نروح لهم نوره لبست جلالها وتغطت وقفت وراء الباب :فايز فايز وابوه لفوا لها نوره بصوت مبحوح :تعال ما تبي تسلم علي فايز ترك يد ابوه وراح لها ضمته بقوه وهي تشم ريحته اسامه طالعهم بهدوء ولف عنهم رايح لسيارته نوره باست خدوده وبهمس :استودعتك الله يمه فايز طالع محمد وعبدالله :مع السلامه وراح لسيارة ابوه واسامه حرك وابتعدوا قفلت الباب واستندت عليه وقلبها يرجف ودموعها تنزل بقوه ما تدري متى بتشوفه مره ثانيه بس تتمنى يكون قريب محمد قرب منها :ماما كل مره يروح تبكين ليش كل مره يبكيك عبدالله طالعها :ماما لا تبكين نوره وقفت وهي تمسح دموعها :ما فيني شي وفايز ما يبكيني تعالوا نشوف جواد ووجدان ___ قبل نص ساعه صحى سعود واخذ شور صلى الصلوات الي فاتته وقف وهو يدور ساعته انفتح الباب وبدون ما يلتفت: حبيبتي شفتي ساعتي كنت حاطها على التسريحه بس ما لقيتها وسن بابتسامه وهي واقفه عند الباب: احلى شي سمعته اليوم سعود انفجع لف بسرعه لها يدري ان وسن تحبه من سنين بس عمرها ما تجرأت تجيه للغرفه مو مستوعب وقاحتها صد بنظره عنها :طلعي برا وسن قفلت الباب ودخلت وبخبث: ليش خايف نوره تشوفنا اصلا هي راحت العرس يعني محد في البيت سعود طالعها بدهشه وسرعان ما ابتسم على جنب :اولا نوره ما تطلع بدون ما تقول لي ثانيا اذا هي موجوده او لا مستحيل تلفت نظري بنت غيرها والحين اطلعي برا بسرعه وسن قربت منه وصارت قدامه بالضبط سعود رجع خطوتين لوراء و ريحة عطرها القويه اخترقت انفه وسن بحب :ياخي انا احبك ليش ما تحس سعود صر على اسنانه :وسن طالع عيونها :والله لو تحاولين ١٠٠ مره ما تلفتين نظري لانك رخيصه وبقوه وسن بقهر قربت منه اكثر سعود تنرفز مسك يدها بيسحبها ويرميها برا الغرفه بس جمد وهو يشوف نوره تفتح الباب اللهم آتنا في الدنيا حسنة وفي الآخرة حسنة وقنا عذاب النار . | ||||||||
|
| |
|
24-12-20, 06:09 PM
| #37 | ||||||||
| مراقبة عامة ومشرفة منتدى الروايات المنقولة
| البارت الثاني والثلاثين نوره وقفت بصدمه وعيونها تنتقل بينهم وركزت نظرها على يد سعود الي ماسك فيها يد وسن حست ضغطها ينخفض اكثر مسكت مقبض الباب بقوه بعد ما اسودت الدنيا بوجها و تنفسها بطيء سعود فكها بسرعه وهو يشوف تعب نوره قرب منها وسن بخبث وبسرعه : هو ناداني للغرفه سعود انصعق وقف مكانه ولف لوسن مصدوم رجع نظره لنوره الي رفعت نظرها له غمض عيونه بقوه من نظرتها وقلبه انجرح انها صدقتها مثل ما صدقت انه خانها مع عبير ولانها ما تثق فيه ما راح يبرر لها لان عنده الثقه اهم شي بعلاقتهم نوره مشت بخطوات بطيئه وعيونها الحمراء من كثر ما بكت زادت حدتها وقفت قدام وسن وضربتها كف بكل قوتها سعود فتح عيونه وانصدم وسن انصدمت نوره مسكت يدها الي مسكها فيها سعود ولفتها لوراء بحده وقهر : انا كم حذرتك زوجي تبعدين عنه جايه الغرفه وتتبلين عليه تحسبين بصدقك وانا عارفه نيتك الشينه من البدايه وسن دموعها نزلت من ألمها : يدي كسرتيها الله ياخذك فكيني سعود بسرعه مشى لها وحط يده على خصرها وسحبها له وحس برجفتها كانت ترحف قهر وغيره : نوره خلاص نوره بصراخ: سعود فكني بذبحها سعود سحب يدها عن وسن : حبيبتي اهدي نوره بغيره ودموعها رجعت تنزل : برا اطلعي برا والله ان شفتك قدامي ذبحتك يا حقيره وسن مسكت يدها بألم ومشت وقفت عند الباب وبنظره حاقده وكارهه : هه البيت بيت ابونا والغرب يطردونا نوره بصراخ : الله ياخذك ومن زين بيتكم الحين بنطلع ويحرم علي ادخله بعد اليوم سعود انقهر من كلام وسن فك نوره لفت وطالعته بحده وقهر مسكت راسها بقوه سعود مسكها وقعدها على السرير : انتي بخير نوره : كنت بخير بس الحين لا ليش تمسكها ضربت صدره وكتفه ليش سعود طالع عيونها ووجها الاحمر : وخالقك كنت بطردها برا لانها سفيهه ما رضت تطلع سعود قعد جنبها وضمها: ماخنتك وعساني للهلاك ان فكرت اخونك نوره دفنت راسها بصدره: ادري انها حقيره الله يحرق قلبها انا محروق قلبي على فايز تبي تحرقه زود سعود تعبت خلاص ما اقدر اتحمل سعود تضايق عليها وضمها اكثر له باس راسها : حبيبتي خلي ثقتك بالله كبيره نوره بتعب : الحين نطلع من هالبيت روح شوف لنا شقة ايجار ما عندي مانع اهم شي نطلع بموت لو قعدت هنا اكثر سعود : بسم الله عليك من الموت بس الحين ليل وين نلقى نوره : تصرف المهم نطلع سعود : طيب بنطلع وقف :بنادي ميري تجهز اغراض العيال عشان نروح نوره : بسرعه سعود وقف وطلع يناديها نوره ونظرها للارض غمضت عيونها وهي مو قادره تركز سندت راسها لظهر السرير لين حست نفسها احسن وقفت خذت الشنطه وفتحها وهو تحط كل ملابسهم فيها بدون ترتيب قفلتها وخذت الشنطه الثانيه وحطت كل اغراضهم فيها سعود دخل غرفة العيال شاف التوأم نايمين و محمد وعبدالله قاعدين بهدوء طالع ميري الي دخلت تجهز شناط العيال : وين فايز عبدالله :راح مع ابوه سعود تنهد : قوموا يالله بنطلع من هنا محمد :وين بنروح سعود :قوموا بدلو الحين مشى للكبت طلع لهم ملابس وطلع ____ فايز وهو مستانس يسولف لابوه عن كل شي اسامه شاف سعادة فايز ارتاح ابتسم وهو يسمعه مثل كل مره فايز تثاوب بتعب :بابا تعبت بنام اسامه :حبيبي نام لما نوصل فايز بنعاس غمض عيونه ونام بالمقعد الي وراء ابتسم اسامه وكمل سواقه ____ الساعه ١٢ ص اسيل ماسكه جوالها وتروح وتجي بالغرفه بخوف وقلق على ياسر الي طلع من المغرب وللحين ما رجع غمضت عيونها وهي تذكر الي صار تهاوشت معه بسبب انها غلطت على خواته وسبتهم لانهم استفزوها حيل وهي ما تعرف تسكت عن حقها بس الحظ كان ضدها لان دخل ياسر وسمع كل كلامها ومن كثر ما كانت معصبه ما تذكر وش قالت له بالصبط رفعت جوالها ورجعت تتصل على رقمه ونفس الرد مغلق عضت شفتها ونزلت دموعها وهي تحاول تطرد كل الافكار السيئه من راسها طلعت و نزلت لصاله شغلت الليت وقعدت على اول كنبه تنتظره يفتح الباب ويدخل سندت راسها وتدعي الله يحفظه لها _٠_ حست بيد تهزها فتحت عيونها وهي تتمنى يكون ياسر بس خاب ظنها وهي تشوف امه ام تركي باستغراب : وش فيك يابنتي نايمه هنا اسيل : كنت انتظر ياسر بس راحت علي نومه الا يا خاله بسألك هو ياسر من طبعه يتاخر برا البيت ام تركي بهدوء : ايه يمه قبل لا يتزوج كان هذا طبعه بس بعد ما تزوجك تغير وترا ياسر سافر البحرين امس مع اصدقائه ما قال لك جمدت اسيل بصدمه : سافر قعدت جنبها ام تركي بشك : صاير شي بينكم صدت اسيل بنظرها وهي تحاول تمنع دموعها تنزل ام تركي حطت يدها على كتفها وبهدوء : روحي يابنيتي صلي الفجر وارتاحي وانا متأكده ان اليوم او بكرا بيكون هنا ما يقدر ولدي واعرفه ما بيقدر يبعد عنك اكثر اسيل طالعتها بابتسامه مصطنعه وراحت غرفتها تتوضأ وتصلي الفجر وهي مو مصدقه ان ما قال لها عن سفره ____ في الفندق سعود صحى بعد ما رن المنبه لبس ثوبه وشماغه وساعته و كبك ثوبه ورش عطره لف يطالعها وهي بسابع نومه اخذ جواله و محفظته ومفتاحه وطلع رايح لشركه وقف بمواقف الشركه ونزل بثقه دخل وهي يلقي السلام على الكل ابتسم لسكرتير عمه : عمي موجود السكرتير : ايه فتح باب المكتب : صباح الخير ابتسم عبدالرحمن : صباح النور وينك اليوم ماشفتك في المسجد لصلاة الفجر سعود قعد قدامه : والله يا عمي انت ما قصرت و يعطيك العافيه بس احنا طلعنا من البيت عبدالرحمن بصدمه : ليش سعود سكت وبهدوء : اريح لنا عبدالرحمن مافهمه : طيب المهم عندي راحتك ____ افنان بعصبيه :وسنوه وين راحوا وسن بنرفزه :وانا شدراني افنان :انا عارفه ومتأكده ان انتي السبب تكلمي والا وربي لاقول لابوي وسن بهدوء :وش راح تقولين له افنان :حركاتك مع سعود وسن ابتسمت بخبث :طيب وانا راح اقول له ان سعود حاول يعتدي علي امس ولهالسبب ترك البيت وطلع افنان ضربتها كف :الحين تأكدت ان طلعتهم بسببك وشيلي هالتفكير من راسك لانه محد بيتأذى غيرك يا وسن وسن طالعتها ودموعها متجمعه بعيونها بقهر افنان مسكت وجها بين يدينها :وسن اصحي انا خايفه عليك تكفين خلاص انتي بعدك صغيره والحياه قدامك وسن دفت يدينها عنها وهي تفكر بكلام سعود الي جرحها كثير :اصلا ما صار يهمني هالسعود كرهته افنان طالعتها وطلعت من غرفتها تتمنى فعلا تكون كرهته ___ عبدالعزيز دخل البيت تعبان يحس حرارته مرتفعه حيل طلع من الشركه بدري بعد ما اصر عليه ريان مشى لاول كنبه في الصاله ارتمى عليها بتعب الجوري وهي نازله بسرعه بتروح دوامها وقفت وهي تشوف عبدالعزيز انصدمت من شحوب وجهه ركضت له بسرعه مسكت يده شهقت من حرارته المرتفعه قعدت على ركبها وحطت يدها على جبينه وبصدمه : عزوز عزيز مارد عليها ضربت خده بخفه فتح عيونه وهو يطالعها بتعب : وين بتروحين وتخليني الجوري بخوف وعيونها تلمع : الله لا يخليني ان رحت وتركتك بهالحاله عبدالعزيز ابتسم قبض على يدها وبهدوء الجوري : حبيبي قوم معاي نروح المستشفى عبدالعزيز بصوت ثقيل : لا ما ابي انتي دواي الجوري بخوف : عبدالعزيز تكفى قوم عبدالعزيز : عالجيني ما احب المستشفيات الجوري والدموع متجمعه فسخت عبايتها وراحت المطبخ وهي وتاخذ صحن وماء حطت فيه ثلج خذت فوطه صغيره حطتها على جبينه ورجعت المطبخ بتسوي شوربه له رن جوالها وردت على زميلتها بالدوام ٠ ___ اسيل قاعده مع سمر الي تسولف لها وتفكيرها معه ما اتصلت فيه ولا هو اتصل سمر وقفت :امجد اليوم ماشفته بروح له اسيل هزت راسها بصمت وهي تطالع لقدام بهدوء داهمتها ريحة عطره المميزه امتلت عيونها دموع و تحس من شوقها له بدت تحس بوجوده مع انه ما صار له الا يومين رفعت نظرها وجمدت وعيونها ما رمشت وهي تطالعه استوعبت ان ياسر واقف قدامها وقفت بسرعه ومشت وتركت المكان ياسر يطالعها بهدوء وشوق ابتسم مشى وراها وقف من شاف امه قرب منها وحب راسها الام : الحمدلله على سلامتك يمه ياسر : الله يسلمك يالغاليه الام ضربته على كتفه : ليش مزعل زوجتك لا ومسافر بدون ما تقول لها ياسر تفاجى ما توقع اسيل تقول لامه شي : يمه مو مزعلها ولا صاير شي الام بهدوء : مو غبيه قدامك ترا واضح البنت تمت طول الليل تنتظرك من خوفها و نامت بالصاله وتقول مو صاير شي ياسر ابتسم : يمه صدقيني السفره جات فجأه الام بهدوء : الله يهديك بس ومشت من قدامه ياسر اخذ نفس ومشى لغرفته دخل شافها قاعده بكل برود والجوال بيدها مشى لها و شاله من يدها :مافي الحمدلله على السلامه اسيل بدهشه مصطنعه :ليش وش صار لك عشان اتحمد لك على السلامه ياسر بهدوء : الحين من المفروض يزعل اسيل وقفت قدامه وتكتفت : انت اكيد انا مو حقي ازعل ولا اعصب وغيري عادي يسافر ولا كأن عنده زوجه ياسر ابتسم : اسوله اسيل مشت بتطلع بس مسك يدها وسحبها له حط يده على خصرها : ما يهون علي زعلك اسيل ما رفعت نظرها له مقهوره منه ياسر : حبيبتي اسيل بقهر وانفعال بعدت وبصوت عالي : لا تقول حبيبتي لو فعلا تحبني ما تتركني وتسافر بدون ما تقول لي ياسر بهدوء : كنت بتصل بس خلص شحنه اسيل ضحكت بسخريه : لا والله وامك وخواتك شلون عرفوا ياسر : كنت متضايق منك ومحتاج ابعد اسيل بصوت مخنوق : وانا كنت بموت من خوفي عليك وكل الافكار الشينه فكرت فيها ياسر سحبها وضمها : حقك علي اوعدك ما اعيدها اسيل دموعها نزلت : وخر عني ما ابي اشوفك ياسر بهمس : بس انا وخالقك مشتاق لك اسيل بصوت يرجف : ياسر ابعد عني ياسر دفن راسه بشعرها ثواني وبعد وهي يطلع له ملابس وياخذ منشفته اسيل قعدت وضمت رجولها وهي تبكي قهرها يتهاوش معها ويسافر ويقول بكل برود اشتقت لك ____ الجوري بتعب شالت الفوطه من جبينه ولمست خده تنهدت براحه وهي تشوف حرارته خفت وقفت قدام الشباك وهي تشوف المطر ينزل بغزاره رجعت لعبدالعزيز ابتسمت لما شافته نايم وبهدوء : عبدالعزيز عزوزي عبدالعزيز عقد حواجبه بتعب الجوري : عزوووز حبيبي فتح عيونه بكسل ولف نظره لها الجوري بابتسامه : قوم فوق تعب نومتك هنا عبدالعزيز قعد وهو يحس بتعب بكل جسمه قربت منه وهي تساعده وقف وحطت يده على اكتافها ومشت بصعوبه معه لفوق لغرفتهم نزلت على السرير وهي تتنفس بسرعه عبدالعزيز ضحك ومد يده وسحبها وطاحت بحضنه شهقت وبصوت متقطع : عزيز انت تعبان عبدالعزيز بهمس : ربي لا يحرمني من وجودك يا احلى نعمه بحياتي الجوري وقفت :بروح اجيب لك اكل ____ فايز ركض لغرفة ابوه طق الباب ما جاه رد دخل سمع فجر تبكي قرب منها قعد على السرير ومسك يدها وباسها بجبينها بس ارتفع بكاها دخلت اسماء الغرفه :وش فيها وش سويت لها فايز بخوف : والله ما سويت لها شي طلع اسامه وهو لاف المنشفه على خصره والثانيه على اكتافه :شفيها تصيح اسماء وفي يدها الرضاعه :اسأل ولدك وش مسوي فيها اسامه بحده :فايز فايز امتلت عيونه وطلع يركض فتح جناح جدته ودخل غرفتها كانت قاعده على السجاده تقرا اذكار المساء لفت بخوف فايز ارتمى بحضنها: يمه ما سويت لها شي والله بس مسكت يدها ما وجعتها شيخه بخوف ضمته :بسم الله عليك يمه وش فيك فايز طالعها :انا كنت الاعب وجدان وجواد ما يبكون بس هي كانت تبكي من دخلت عليها والله ما سويت لها شي شيخه بحنيه مسحت على شعره وباست راسه: حبيبي من هي طالعها ودموعه غرقت وجهه: فجر اسماء قالت انا بكيتها تنهدت بضيق ومدت يدينها وهي تمسح دموعه وبحنان :انا اعرف انك ما بكيتها فايز ابتسم شيخه بابتسامه : قوم نطلع وبتصل على احمد يجيب عياله معنا فايز وقف بفرح وركض لغرفته جهزت وطلعت وهي تعدل العبايه على راسها شافها اسامه مشى له وبهدوء :يمه شفتي فايز شيخه بسخريه :ليش بتضربه اسامه بضيق :لا وينه شيخه مشت لغرفته وشافته قاعد على سريره :فايز يلا فايز شاف ابوه واقف جنبها مشى لها ومسك يدها وهو يطالعه :انا بس مسكت يدها ما وجعتها هي كانت تبكي اسامه تنهد ونزل لمستواه :تعال فايز هز راسه بلا اسامه :ادري انك ما وجعتها تعال فايز مشى له اسامه بابتسامه :ليش جيت للغرفه تبي شي فايز طالعه :خلاص ما ابي شي بروح مع جدتي اسامه رفع نظره لامه :طيب شيخه مشت مع فايز وطلعوا ____ نوره :حبيبي لقيت بيت سعود :ايه بس باقي اجهزه طالعها وابتسم :قومي بنروح السوق ناخذ الي نبيه لنا وللبيت نوره وقفت بابتسامه : دقايق بس اتجهز و اجهز العيال سعود :طيب نوره بعد ما خلصت لبست عبايتها وعطت سعود وجدان وشالت الشنطه وجواد وطلعوا مع عبدالله ومحمد وهما مستانسين ____ ياسر رجع من الاستراحه وفي يده كيس فخم سمر بخبث :لمن الهديه ياسر ابتسم وهو فاهمها :اذا تبينها ما تغلا عليك ضحكت سمر :مشكور ما ابيها ياسر رفع حاجب من ضحكها مشى وتركها دخل الغرفه ما لقاها قعد على السرير وسند ظهره لسرير دخلت اسيل ومعها امجد تفاجأت بياسر : متى جيت ياسر ابتسم :توني جيت امجد مشى لابوه ياسر شاله وباس خده: هلا والله بالحلو امجد وهو يأشر للكيس :شنو هذا شاله ياسر وطلع علبه مخمليه صغيره فتحها كان فيها خاتم راقي وغالي اسيل طالعته اعجبها الخاتم حيل امجد :حلوو بابا لمن جايبه ياسر وهي يقفل العلبه :لوحده اسيل توسعت عيونها بصدمه :لمن ياسر وقف وهو ماسك العلبه :لحبيبتي اسيل قبضت كف يدها بقوه وبدموع :من هي ياسر وقف قدامها مسك كف يدها وفكه ومسك اصابعها وركز بعيونها وبهمس: عدي على أصابع اليدين ، ما يأتي فأولا حبيبتي أنتي وثانيا حبيبتي أنتي وثالثا حبيبتي أنتي ورابعا وخامسا وسادسا وسابعا وثامنا وتاسعا وعاشرا لبسها الخاتم وبحب :حبيبتي انتي اسيل نزلت دموعها وضمته امجد : بابا ماما ليش تبكي ضحك ياسر لما تذكر ان امجد معاهم : حبيبي مافيها شي روح عمه سمر تبيك امجد ابتسم : لا بروح لعمه سوسن ياسر ابتسم : عادي اي وحده المهم تروح ضحكت اسيل ياسر طالعها : احس لي سنين عن هالضحكه الحلوه اسيل بابتسامه : سنين مره وحده ياسر : ايه سنين وترا حجزت لنا في فندق ريتز كارلتون اسيل : طيب ومجود ياسر : ما عليه خوف عند امي وخواتي ___ عبدالعزيز فتح عيونه مد يده لجواله غمض عيونه من ضوء الجوال شاف الساعه ٧ فز بسرعه اخذ له شور وصلى الفجر وقف قدام التسريحه بثوبه الابيض و هو يعدل شماغه والعقال لبس كبك راقي و رش عطره مد يده لساعته ولبسها اخذ بوكه ومفاتيحه حطهم بجيب ثوبه لف وهو يشوفها نايمه بتعب تذكر الي صار له امس قرب باس خدها برقه عشان ما يزعجها غطاها وشال جواله وطلع من الغرفه رايح لشركه عنده اجتماع مهم بعد ساعه ___ نوره :سعود سعود وهو يلبس ساعته :هلا حبيبتي نوره وقفت وراه بعصبيه :وين جوالي سعود :ما ادري نوره بضيق : سعود تكفى عطني الجوال بكلم فايز سعود لف لها : صدقيني مو معي بس اخر مره شفته مع وجدان نوره طالعته بقهر : وليش ما خذته منها وين القاه الحين سعود قرب منها : طيب روقي وبدوره لك نوره : ما بتروح الشركه سعود : اتأخر لعيونك ابتسمت نوره بس دخل عبدالله يصارخ : ماما وجدان رمت جوالك في جيك الماء شهقت وطلعت لغرفة العيال اندهشت من شكل الغرفه معفوسه وجيك الماء بجهة و الماء مسكوب بجهه خذت نفس عيمق طالعتهم : وش هالفوضى محمد ما رد مندمج يلعب بالايباد عيدالله : كنا نلعب بالايباد نوره مشت لجواد الي متبلل مويه وطلعته سعود رجع لوراء تركت جواد بالصاله وطلعت وجدان دورت جوالها حصلته مرمي و حاولت تشغله بس ما رضى يشتغل رمته على الارض وغمضت عيونها بقوه صار لها يومين مو سامعه صوت فايز والحين الجوال انعدم مشت لمحمد خذت منه الايباد وطالعته مع عبدالله : الغرفه ابيها تترتب و نظفوها بسرعه عبدالله : تمام طلعت وطالعت سعود وراحت لغرفتها وهي مقهوره منه ومتنرفزه انها مو قادره تكلم فايز غمضت عيونها تبي تتذكر رقم بيتهم او رقم جوري بس مو حافظتهم سعود دخل وراها وقعد جنبها : افا يضايقك جوال اجيب لك عشره غيره نوره ما ردت عليه سعود مسك يدها وباسها : خلاص لا تضايقين نفسك نوره : انا مو متضايقه عشان الجوال انا الي قاهرني كنت بتصل لفايز الحين كيف اكلمه سعود طلع جواله : بتصل لعبدالعزيز اذا عنده كلميه نوره : طيب بسرعه اتصل مرتين وما رد نوره لفت وجها عنه بضيق سعود لف وجها له بهدوء : اوعدك بتكلمينه اليوم باس جبينها : بس انتبهي لنفسك وللعيال مع السلامه ____ عبدالعزيز بعد ما خلص الاجتماع دخل مكتبه مع ريان وهو يسولف قعد على الكرسي ورن جواله شاله وابتسم ريان بخبث : والله من ابتسامتك عرفت من المتصل عبدالعزيز : دامك عرفت قوم يلا وش تنتظر ضحك ريان وقف وطلع رد عبدالعزيز لما رن للمره الثانيه : هلا الجوري بعصبيه : وين رحت عبدالعزيز بابتسامه : الشركه تبين شي الجوري :عبدالعزيز لا تجنني انت تعبان ليش تروح عبدالعزيز :حبيبتي مافيني الا العافيه وانتي رحتي لدوامك جوري بنرفزه :عزيز عبدالعزيز :عيونه الجوري :ارجع بدري عبدالعزيز :ان شاء الله غيره الجوري بحب :سلامتك عبدالعزيز :رحتي المستشفى الجوري :ايه عبدالعزيز :ومتى يخلص دوامك الجوري :الساعه ٦ المغرب عبدالعزيز :طيب بجيك بحفظ الله الجوري :مع السلامه قفل وهو مبتسم شاف مكالمات سعود واتصل عليه وقال له بس يخلص دوامه بيروح لبيت اهله عشان فايز ____ يعد مرور ٧ سنوات فايز دخل البيت وهو مستانس بيده شهادته قرب من جدته وسلم عليها : باركي لي يمه نجحت بمعدل ٨٥ ابتسمت شيخه وفي يدها مسباح : لا زين بالعاده سبعين فايز ضحك : افا يمه بدال ما تقولين ان شاء الله تدخل التسعين تحبطيني ضحكت شيخه : مبروك يمه وعقبال ما تجيب اعلى فايز : الله يبارك فيك آمين يمه بس جوعان مافي غداء شيخه : يخسي الجوع وانا امك قوم بدل ملابسك وبقول للخادمه تجهز لنا الغداء فايز وقف :طيب طالعته شيخه بابتسامه مرت السنين بسرعه وفايز الحين بيروح ثاني متوسط وتعلقت فيه حيل اكثر من كل احفادها وقفت وهي تنادي سونا تجهز الاكل على الطاوله طالع اسماء نازله وفجر تركض قبلها ابتسم و راح لغرفته اخذ شور ولبس بنطلون كحلي وفانيله سماويه مشط شعره وطلع وهو فرحان بيروح لامه يحس بشوق كبير لها كان يروح كل عطله او يحصلها عند جده حسام بس اخر ثلاث سنين لا هي قدرت تجي ولا هو راح بسبب سفرات ابوه الي احيانا كان يروح معه نزل وقعد على الطاوله فجر جات وقعدت جنبه ابتسم لها وبدوا ياكلون ____ بيت ابو تركي خوات ياسر كل وحده جاها نصيبها وتزوجت اسيل قاعده وهي في قمة اناقتها و شعرها مفرود على ظهرها امجد :ماما طالعه اسيل :ليش امجد :بس اسأل اسيل :لا تبي قهوه امجد :ايه خذت الفنجان وصبت له اخذه منها وهو يشرب امجد :ماما ليش ما تقولين لابوي نسافر ابتسمت اسيل وكانت بترد بس شافت منال داخله ردت السلام ووقفت وهي تسلم عليها قعدت وحطت رجل على رجل :ابي افهم ليش تقول لها ماما وهي مو امك لو تناديها خالتي احسن امجد ابتسم نزل فنجانه :لا هي امي اسيل ببرود :وين بنتك ليش ما جبتيها منال :خالتي تبيها عندها امي وين اسيل :بغرفتها امجد وقف وخلاهم وطلع اسيل :مجود لا تتأخر امجد :ان شاء الله منال :اقول وراك ما حملتي للحين اسيل عضت شفتها هالموضوع يجرحها حيل :الله ما كتب لي الحمل للحين منال :يعني عقيم يا حسرتي عليك يا اخوي ما اخذ واحده عقيم بس الحمدلله الي عنده امجد اسيل وقفت بقهر: هيه انتبهي لكلامك قلت لك الله ما كتب ماله داعي تعيدين وتزيدين بهالموضوع منال وقفت وبسخريه :ضايقتك حقيقة انك عقيم بس صدقيني لا ازوج ياسر الي تسواك وتكون احلى منك وتملي هالبيت عيال اسيل طالعتها بغبنه قبضت على كف يدها لا تضربها كف و ماسكه نفسها بالقوه لا تغلط عليها وترد لها بدل الكلمه عشر غمضت عيونها بقهر بس هي وعدت ياسر ما تتهاوش معاهم فتحت عيونها على صوت كف قوي منال طالعته بصدمه مسك يدها وقربها منه :اعتذري منها منال وهي ترجف وبغصه :تضربني عشانها ياسر :دامك غلطانه بكسر راسك بعد اعتذري منها منال سحبت يدها وبقهر :آسفه دخلت الام :شفيكم منال ركضت لامها :يمه ياسر ضربني الام طالعت خدها اليمين احمر :وجع ليش تصرب اختك ياسر :تستاهل عشان لا تقل ادبها منال :يمه زوجته هي السبب الي خلته يمد يده علي اسيل توسعت عيونها بصدمه :انا لا وربي تكذب هي الي غلطت علي عقيم وما تجيبين عيال وبزوج ياسر وحده احسن منك وانا ساكته الام ما حبت ان ياسر ضرب اخته قدام زوجته :ياسر اذا مديت يدك على خواتك مره ثانيه لا اشوفك في بيتي ابد ياسر طالع امه بدهشه وبهدوء :يمه اذا ما تبين تشوفيني في بيتك اليوم بطلع اهم شي عندك راحتك ورضاك لفت له امه بصدمه : والله ما تطلع وهذاني حلفت ابتسم ياسر ولف لاسيل طالعها والضيق واضح على وجها مد يده لها :اذا الله رزقنا بعيال او لا انا راضي بوضعي معك ومكتفي بأمجد اسيل بغصه :بس انا ابي ياسر ضمها وهو يمسح على شعرها ويدعي الله يرزقهم بطفل ما ابي يشوفها متضايقه ___ في ماليزيا نوره طالعت جوالها بقهر ودموعها نزلت ما قدرت تمسك نفسها اكثر وهي وتقرأ كلام فايز لها على الواتس عن شهادته وفرحته وان اليوم بيجيها كيف بيجيها اذا هي برا السعوديه سندت راسها على الطاوله وبكت كثر شوقها له سعود دخل الغرفه خاف عليها مشى وقعد جنبها :فيك شي ليش تبكين نوره بضيق :وش فيها لو انتظرت فايز وجبته معنا سعود :ليش فايز قال لك بيجي مدت له الجوال قرأ كلامه ابتسم :والله مستواه ارتفع الله يوفقه نوره بقهر :فايز جاي افهم سعود بهدوء: هو كل فتره يقول بيجي وبعدها يسافر ويا ابوه او يروح الشاليه مع اعمامه نوره طالعته بضيق :وش فيك تتكلم كذا ما تبيه يجي عندنا سعود :لا وربي ان اعتبره ولدي نوره : تعتبره ولدك بس لو واحد من عيالك ما كان قدرت تتركه سعود طالعها بهدوء وقف : بتطلعين معنا ولا بتقعدين نوره مسحت دموعها اذا قعدت لحالها بالفندق راح تتم تفكر و تجيها وساوس تطلع احسن : لا جايه معكم وقفت ولبست وتغطت وطلعت ونست جوالها بالفندق ___ في بيت ابو احمد الكل مجتمع عند شيخه فايز : بابا بتاخذني اليوم لشرقيه اسامه بهدوء ما حب يخرب فرحته : ان شاء الله فايز وقف بفرح وهو يدق على امه طلع مغلق عقد حواجبه واتصل على الواتس يرن بس محد يرد الجوري طالعت عبدالعزيز التقت عينها بعينه نزلت نظرها وبهدوء :فايز حبيبي ما تقدر تروح لامك لانها مسافره فايز جمد وهو يطالعها :لا ماما تنتظرني هي الحين بترد عبدالعزيز بضيق وقف مشى له ونزل لمستواه :لا حبيبي كلهم سافروا محد في بيتهم فايز طالعه كان فرحان حيل بس فرحته تلاشت طالعهم كلهم رفع جواله واتصل للمره الاخيره نفس الرد مغلق انقهر وتأكد من كلامهم رماه على الارض وركض طالع من البيت شيخه بخوف :فايز فايز يمه تعال وين رايح طالعت طلال ولد احمد :روح شوف وين رايح طلال وقف :طيب طلع يدوره بس ما لقاه رجع للبيت :يمه ما لقيته اسامه وقف بسرعه :دورته عدل طلال :ايه عمي ما لقيته شيخه بخوف :روحوا شوفوا وين راح الولد وقفوا اعمامه وابوه وطلعوا يدورونه الجوري حست بخوف وتضايقت لانها خبرته تمنت لو تمت ساكته لفت لشيخه: خالتي اذكري الله هو اكيد بيرجع فجر طالعت امها :وين راح فايز اسماء :ما ادري فجر وقفت :انا بعد بروح اشوفه اسماء مسكت يدها :اقعدي بس شوفي بنات عمك قاعدين وبعدين ما راح يروح بعيد شوي ويرجع فجر قعدت وهي زعلانه ___ فايز كان قاعد بمكان بعيد شوي عن بيتهم ضام رجوله وسرحان دموعه بعينه يتخيل امه فرحانه معاهم وهو ناسيته حتى ما قالت له عن سفرها انتبه لاحد قعد جنبه :فايز شفيك فايز طالع يوسف اعز اصدقائه وما رد يوسف قعد بنفس وضعيته :وش مضايقك وليش تبكي فايز بضيق :اشتقت لها وربي لي فتره ما شفتها بس لما كنت بروح لها سافرت مع عيالها طيب وانا يوسف :لا تزعل هذا انت تسافر وتخليها فايز بصوت مخنوق :بس لو قالت بجيك هالعطله صدقني راح انتظرها وارفض اروح مع بابا حتى لو اصر بس هي تدري اني بجي ومع هذا راحت يوسف بهدوء :عادي امك عايشه وتقدر تشوفها وقت ثاني بس انا امي ميته فايز :الله يرحمها بس انت مو قادر تفهمني انا غير عنك يوسف وقف :قوم اكيد يدورون عليك يلا نرجع فايز طالعه٩ :انت كيف عرفت مكاني يوسف :شفتك وانت تطلع من بيتكم ولحقتك فايز ابتسم بهدوء :بس انا ما ابي اروح يوسف قعد :خلاص بقعد معك فايز ودموعه بدت تنزل :تدري يوسف احسد اخواني امي معهم باي وقت يبونه وانا لا وحتى عيال عمي اتضايق لما اشوف اهتمام امهم فيهم واذا تأخر طلال برا البيت تحرق جواله امه وانا امي ما اشوفها الا كل فتره وفتره واذا انشغلت ما تتصل الا بالاسبوع مره امي ما انتظرتني لانها ما تبيني اروح معاهم هي تحب عيال عمي سعود والتوأم ما تقدر تتخلى عنهم بس انا ما قدر يكمل صوته اختنق يوسف قاعد يسمعه بحزن يشاركه نفس الوجع بس الفرق ان امه متوفيه حط يده على كتف فايز :خلاص لا تفكر فيها وعيش حياتك عندك جده واب وعائله يحبونك حيل فايز مسح دموعه وقف : ترجع معي يوسف :لا بروح بيتنا فايز :لا تعال معي يوسف :اختي لحالها في البيت ابتسم فايز :طيب خلاص مشى مع يوسف الي راح لبيتهم القريب من بيت ابو احمد اسامه مشى له :فايز وين رحت فايز :كنت مع يوسف اسامه زفر براحه :تعال الكل خايف عليك ابتسم فايز ودخل مع ابوه شاف عمه عبدالعزيز شايل ولده الي عمرها ٤ سنوات عبدالعزيز نزل صالح: وين رحت خليتنا ندورك حتى صلوح طلع يدورك ابتسم فايز :خلاص عشان صلوح ما حبيت اتعبكم صالح مشى له :تجي تلعب معنا فايز مسك يده :لا مره ثانيه صالح طالعه وسكت شاف اسيل مشى لها وضمته بقوه فايز :عمتو ليش ما جيتي بدري اسيل :انشغلت شوي فايز شاف عمه احمد وطلال جايين ابتسم :عمي تراك وعدتنا بطلعه ابتسم احمد :ما نسيت ابشر بكرا اطلعكم شيماء وقفت :بابا واحنا احمد : لا بس للاولاد شبماء وملاك زعلو وقعدوا طلعوا الرجال للمجلس والحريم فسخوا غطاهم شيماء بزعل :يمه شفتي ابوي بيطلع الاولاد واحنا لا شذى :خليهم يستانسون الجوري :ولا يهمك انا بطلعكم وعلى حسابي شيماء وملاك وفجر صرخوا بفرح ملاك :بس خلي صلوح ويا عمي الجوري ضحكت :طيب ___ نوره تمشي ومعها وجدان دخلت لقسم الاولاد ابتسمت وهي تطالع الملابس وتاخذ بذوق الي يناسب فايز وتحسه بيعجبه مسكت كاب اسود حلو جاء محمد لها :ماما بابا يقول شاف الكآب وباعجاب :حلو ماما ابيه ابتسمت :لا حبيبي هذا لفايز خذ لك غيره محمد وهو يطالع :ماما مافي مثله ومشى معها ونسى الي قاله له ابوه طفش وهو كل ما يقول لها شي تقول لفايز طلع لابوه وهو يتحلطم وصل لطاوله الي قاعدين عليها سعود :وين امك ووجدان محمد قعد مقابله :للحين ما خلصت تشتري اغراض لفايز سعود :خلاص خلها براحتها ___ دخل صالح يركض طاح على الارض بسبب الثوب الي كان لابسه مشى له فايز الي داخل وراه قومه الجوري بخوف مسكته :حبيبي في شي يعورك صالح ببكاء :ايه يدي ابتسمت الجوري شالته وباست يده فايز طالع خالته بهدوء ولف لشذى :عمتي شذى عمي ينتظرك برا يقول يلا لان مراد تعبان حيل شذى وقفت وهي تعدل عبايتها وشيلتها وتلبس نقابها وهي خايفه على مراد الي عمره سنتين :يلا بنات سلمت على الكل وطلعوا فايز مشى لجواله الي طايح على الارض شاله وراح غرفته اللهُم صَلِ وسلمَ علِى نبُينا محُمد | ||||||||
|
| |
|
14-02-21, 12:19 AM
| #38 | ||||||||
| مراقبة عامة ومشرفة منتدى الروايات المنقولة
| البارت الثالث والثلاثين نوره مشت لهم وهي شايله الاكياس قعدت ووجدان شايله اكياسها قعدت جنبهم سعود : وش تحبون تأكلون نوره وهي تدرو بشنطتها : اي شي على ذوقك عضت شفتها لما ما حصلت جوالها طالعت سعود بهدوء : سعود تكفى ابي ارجع السعوديه سعود وهو يطالعها : طيب بشوف اقرب رحله واحجز لنا ابتسمت نوره براحه محمد باعتراض : لا بابا للحين ما قعدنا كثير ما استانسنا جواد : ايه بابا ما نبي نرجع عبدالله يطالع بهدوء نوره بضيق : سعود ابي جوالك سعود عقد حواجبه : ليش نوره : نسيت جوالي وابي اتصل لفايز سعود عطاها الجوال نوره اتصلت اكثر من مره بس محد رد تذكرت رقم الجوري واتصلت عليه ____ فايز طالع جواله انكسرت شاشته زفر بضيق وتركه على الكوميدينه وسرح رن جواله وطلعه من افكاره طالعه وهو يشوف رقم دولي متصل فيه ما رد ما يبي يكلم احد تحت في الصاله رن جوال الجوري شالته استغربت الرقم وردت : الو نوره : هلا جوج اخبارك جرري ابتسمت : بخير حبيبتي انت كيفك و كيف العيال نوره : الحمدلله فايز عندك الجوري وقفت وابتعدت عنهم : ما انصحك تكلمينه الحين نوره رجف قلبها : ليش فيه شي الجوري بهدوء : نوره ليش ما خبرتيه عن سفرك كان فرحان بس فرحته تلاشت لما قلت له عن سفرك نوره بهدوء : ما كنت ابي اضايقه الجوري : بس تضايق لما عرف مني واكثر من كل مره نوره غمضت عيونها و ارتجفت يدها : جوري تكفين خليه يرد علي بس بكلمه بطمن عليه الله يخليك خذي له الجوال الجوري تنهدت : بحاول معه بس بقفل الحين وبعدين بتصل لك نوره بصوت يرجف : ما ابيك تحاولين ابيك تقنعينه جوري لازم اكلمه ما راح ارتاح اذا ما كلمته انتي ام الحين واكيد حاسه فيني الجوري بضيق على اختها : طيب حبيبتي قفلت وشافت صالح قاعد يسولف مع اسيل مشت وراحت لفايز دخلت الغرفه شافته منسدح : بتنام بدري لسه ما تعشيت فايز طالعها : ما ابي الجوري قعدت جنبه : واحنا ما راح نأكل الا اذا كنت معنا فايز قعد : خلاص بتعشى الجوري مسحت على شعره وبهدوء : امك اتصلت وتبي تكلمك و قبل كل شي لازم تحط في بالك ان هاذي امك الي ما عندها اغلى منك ضحك فايز وطالعها : قلتي امي متصله بدري كان انتظرت لما ترجع احسن وترا عندها الي اغلى مني الجوري : فايز كلمها اسمع منها والله انك عندها اغلى من العين ونظرها فايز تكتف : ما ابي الجوري سكتت وهي تفكر بنوره اذا عرفت بكلامه خذت نفس : فايز عشاني اذا ما تبي تزعلني كلمها فايز زم شفايفه وطالعها بقهر : طيب اتصلي الجوري اتصلت على رقم سعود ردت نوره بلهفه : هاه جوري شقال لك الجوري طالعت فايز : هذا هو كلميه فايز مسك الجوال : الو نوره بابتسامه : هلا حبيبي كيفك فايز ببرود :بخير تبين شي لان الحين بروح اتعشى ويا امي شيخه نوره نزلت دموعها :فايز اسمعني ما ابيك تزعل مني وربي ما نسيتك ولا كنت بسافر بدونك بس فايز قاطعها :خلاص ماما مع السلامه عطاه لجوري ونزل لجدته يعرفها ما راح تتعشى قبل ما يكون قاعد معها الجوري ما قدرت تمسك نفسها وهي تسمع بكاء اختها حقدت على اسامه وعلى اسماء وشيخه وانقهرت دموع اختها غاليه عندها وبغصه : نوره اهدي تكفين اهدي هو زعلان بس بيرضى نوره بصوت مخنوق : مع السلامه قفلت منها بدون ما تسمع رد الجوري انجرحت من اسلوبه وكأنه يكلمها مجبور دفنت راسها بالمخده وهي مقهوره سعود دخل الغرفه وجمد وهو يشوف حالتها مشى بسرعه قعد جنبها وبخوف: فايز فيه شي نوره ما ردت ولا التفتت عليه سعود مسح على شعرها :حبيبتي قومي فهميني ليش هالبكاء نوره قعدت وطالعته وعيونها مليانه دموع: فايز زعلان مني واسلوبه متغير ١٨٠ درجه سعود سحبها له وضمها :خلاص لقيت حجز بكرا الساعه ٨ الصبح بنرجع السعوديه نوره هدت شوي وهي تطالعه سعود مسح دموعها :راح تشوفينه واشرحي له كل شي وفهميه ____ يوم جديد الجوري لبست عبايتها وهي تحس بتعب فجأه مسكت راسها بألم واسودت الدنيا بوجها عبدالعزيز مسكها بخوف وهو يشوف وجها الذبلان :حبيبتي مافي روحه اليوم لدوامك الجوري بتعب :عبدالعزيز تكفى عندي مرضى ومواعيد وشغل كثير اليوم لازم اروح عبدالعزيز طالع بعيونها :مستحيل اسمح لك تروحين ارتاحي اليوم ما يضر يوم واحد الجوري :عندي مرضى ما اقدر اوعدك ما اتعب نفسي وبكرا عندي اجازه مسكت يده وبرجاء: حبيبي لازم اروح عبدالعزيز تنهد بقوه :طيب انا بوديك انسي تسوقين وانتي بهالحاله ابتسمت ورفعت نفسها وباست خده :من عيوني انت تأمر نزل صالح بخطوات سريعه الجوري :شوي شوي ماما لا تطيح عبدلعزيز مسك يده :وين تبي تروح صالح :ابي اروح لبيت جدو حسام الجوري :انا بعد بروح لبيت ابوي بعد الدوام نوره بتجي وابي اشوفها عبدالعزيز ابتسم : تمام يلا مشينا ____ اسيل قاعده في الصاله في يدها كوب قهوه تشرب بهدوء وسرحانه لبعيد انتبهت على صوت عيال تركي داخلين البيت وازعاجهم ملأ البيت كله ابتسمت وهي ترحب بميلاف وتسلم عليها ميلاف :اخبارك اسيل :نحمد الله وانتي كيف حالك وكيف حال العيال ميلاف :الحمدلله بخير وقفت وهي تضيفها وسوالف معها وقعدت معهم ام تركي فجأه جات منار تركض :ماما امجد وبسام تهاوشوا وقفت ميلاف :ليش دخلوا بعد ما نادتهم اسيل بسام بقهر :ماما هو ضربني ميلاف بعصبيه:وكسر ان شاء الله ليش تضربه امجد ببرود : هو الي ضربني اول اسيل طالعت ميلاف :خلاص ميلاف حصل خير بزران يتهاوشون ويتراضون ميلاف بعصبيه سحبت امجد من يده وقبل لا تتكلم اسيل سحبت يده عنها :ما اسمح لك اذا امجد غلطان انا بتفاهم معه بس ولدك الي غلط عليه ميلاف بانفعال :ايه لان مو ولدك الي انضرب اصلا انتي ما عندك عيال عشان تحسين ام تركي بحده :ميلااف انصدمت اسيل من ردها وانجرحت بقوه ابتسمت بهدوء: حبيبتي امجد ولدي وهو ما يمد يده على احد الا اذا تعدى عليه ام تركي :اسيل ميلاف ما تقصد اسيل طالعت خالتها مسكت امجد ومشت اما ميلاف ندمت على كلامها لاسيل ____ وقف سعود قدام بيته طلع من المطار وركبوا السياره وساق لبيته تعبان حيل فتح البيت ودخل الاغراض نوره خذت نفس عميق اشتاقت لهالمنطقه وكل شي فيها دخلو العيال وراحوا لغرفهم سعود لف لنوره :قلتي لاهلك ان احنا جايين نوره ابتسمت :ايه سعود : تعالي نريح شوي وبعدين نروح لهم لان حدي تعبان نوره ابتسمت وفي داخلها شوق لاهلها ولفايز الي ما شافته من ثلاث سنين مشت لجناحهم سعود بعد ما اخذ شور لبس بيجامه وراح بسابع نومه من تعبه اما نوره فتحت شنطتها وطلعت لها فستان ناعم وخذت منشفتها وراحت تاخذ شور بعد ما خلصت جففت شعرها ومشطته من كثر شوقها ولهفتها تشوف فايز مو قادره تنام تعد الثواني والدقايق بس عشان تشوفه طلعت جوالها ورسلت واتس لجوري وثريا نزلته وطلعت لغرفة التوأم شافتهم نايمين ابتسمت وراحت لغرفة محمد وعبدالله فتحت الباب لفوا لها :ليش ما نمتوا محمد :مافيني نوم عبدالله بابتسامه :وانا مو قادر انام افكر بامي وفايز والكل ابتسمت نوره :بتشوفهم ان شاء الله طالعها عبدالله بهدوء :تتوقعين امي مشتاقه لنا مثل شوقك لفايز محمد بسخريه :لا تتفائل كثير هي ما تكلمنا الا بالشهر او الشهرين مره انا ما اعتبرها ام لي عبدالله بحده :محمد نوره تنهدت :محمد ما يصير تقول عن امك كذا هي امك واكيد مشتاقه لكم كثير فوق الي تتوقعونه عبدالله سرح يفكر اما محمد مسك جواله ينشغل فيه ____ عبدالعزيز اخذ فايز ومر على الجوري بالمستشفى بعد ما خلص دوامها وقف قدام بيت حسام شاف سيارة سعود وابتسم فايز نزل ودخل البيت وابتسامته توسعت لما شاف جده حسام راح وسلم عليه ومشى لجدته وسلم عليها وباسها راسها والتفت لخاله سعد :هلا هلا بفايز لنا اسبوعين ما شفناك فايز سلم عليه :هلا فيك كيفك يا خال سعد :الحمدلله دخلت الجوري مع عبدالعزيز وسلموا عليهم الجوري :وين صالح نوال :نايم طلع عبدالعزيز مع سعد وحسام لمجلس الرجال وتمت جوري تسولف مع امها فجأه التفتوا للي داخلين يركضون نوال التمعت عيونها وضمت التوام بحب فايز انصدم وهو يشوف اخوانه كيف ومتى جوا تجمد وهو يسمع صوت امه لف وشافها تضم صالح الي توه صحى و سلمت على امها واختها وقفت قدامه عيونها لمعت ونبضات قلبها زادت كبر عن اخر مره شافته كبر بعيد عنها مسكت وجهه بين ايديها وهي تتأمله انحنت وباست جبينه وضمته بقوه ودموعها نزلت بغزاره :اشتقت لك يمه اشتقت لك فوق ما تتصور فايز ارتجف بلع ريقه وهو للحين متضايق منها وبهدوء: ماما انتي ما اشتقتي لي وانا ما صرت اهمك مثل قبل نوره هزت راسها بالنفي ومسكت وجهه: لا حبيبي انتي الوحيد الي تهمني فايز بعد يدينها عنه :قلتي لي بعطلة الربيع بجي عشانك انتظرك وما جيتي ليش نوره طالعته بضيق والم وبصدق: جواد تعب علينا وترقد اسبوع بالمستشفى وما قدرت اجي فايز ارتجفت شفايفه والتمعت عيونه وهو يسمع ردها حس بجسمه كله يرجف لف نظره لجواد ووجدان الي يطالعونه باستغراب طيب هو اكثر من مره تعب ومرض ما لقى احد جنبه مره ارتفعت حرارته ومحد سهر عنده غير جدته نزلت دموعه ومسحها بسرعه ورد بصوت يرجف : اعرف انهم اهم مني عندك وتلوميني اذا قلت ما صرت اهمك رن جواله ورد بصوت مخنوق : هلا عمي .. لا مافيني شي .. طيب الحين بطلع لك نزل جواله لجيب بنطلونه وطالع صالح: بتجي نروح مع عمي احمد صالح بحماس :ايه جاي نوره مسكت يده :فايز وربي احبك انت بكري بس هم اخوانك اخاف عليك وعليهم فايز سحب يده وبحده :هم معك على طول بس انا كلها مره او مرتين بالسنه الي اشوفك نوال :فايز امك تركت سفرها وجات عشانك وكذا تكلمها فايز طالع جدته وببرود :عن اذنك يا جده تاخرت على عمي طالع خالته الجوري :عادي اخذ صالح الجوري تنهدت بهدوء :ايه طلع وهو يحس بضيق وحابس دموعه شاف عبدالله قدامه عبدالله ضمه بقوه :كيفك فايز فايز بلع ريقه :بخير انت كيف حالك عبدالله : الحمدلله وحشتني ابتسم فايز له :وانت بعد طالع محمد الي يناظره ببرود ولف لعبدالله وبهدوء : مع السلامه نوره قعدت على الكنبه وهي ماسكه راسها بصدمه مشت لها امها وقعدت جنبها :لا تلومينه يمه ما تدرين وش مر فيه فايز ما يكرهك ولا يكرهم هو بس يحس بالنقص الاهتمام والحب والحنان الي تعطينه اخوانه هو يحتاجه اكثر منهم لهالسبب يحس بالغيره ومن حقه نوره مسحت دموعها وهي تطالع امها خذت نفس ما تبي تضايق امها معها تعرف انها بتم شايله همها :كيف حالك يمه عساك طيبه نوال: الحمدلله بخير بشوفتك نوره: دوم يارب طالعت الجوري: والله شكلك مو عاجبني فيك شي الجوري ابتسمت: تعب خفيف ويروح نوال وقفت وبابتسامه: شكلها حامل نوره توسعت عيونها: جد جوج حامل الجوري انحرجت : ما ادري والله نوره ابتسمت : يارب تطلعين حامل وتجيبن اخ او اخت للحلو صالح كيف عزيز معك جوري بهيام : ربي لا يحرمني منه مافي احد مثل عزيز اموت فيه نوره ابتسمت : آمين وامه الجوري كشرت بهدوء : تمام صايره طيبه اذا شفتيها بتنصدمين من اسلوبها نوره : ليش تضايقتي الجوري بتصرف الموضوع : ثريا شكلها مو جايه اليوم نوره سرحت فجأه وراح تفكيرها لبعيد ____ فايز قاعد بهدوء يطالع العيال يلعبون يحس بضيق ما يبي يسوي اي شي احمد قعد جنبه : وش فيك قاعد مو انت الي طلبت نطلع فايز : ايه بس الحين مالي خلق لشي ابي اقعد وبس احمد باستغراب : فايز انت تعبان في شي يوجعك فايز هز راسه بلا احمد : تبيني اشتري لك شي فايز بهدوء : لا احمد وقف وهو مو عاجبه حال فايز وبصوت عالي : طلال طلال جاء لابوه : آمر يبه احمد : شوف فايز شكله متضايق خله يقوم معك ويوسع صدره طلال ابتسم :ان شاء الله راح طلال لفايز وبعد محاولات قام فايز معه ____ دخل ياسر على اسيل كان معاها امجد يطقطق في جواله :الحلوين مجتمعين خير ان شاء الله اسيل ببرود :اي خير الي يجي من خواتك ومرت اخوك ياسر بنظرات بارده :وش صاير بعد اسيل بقهر :ابد الله يسلمك بس امجد تهاوش مع بسام وبغت تضربه ياسر بتفاجى :وش تضربه على كيفها امجد بقهر: بابا هو الي بدا يعني يضربني واسكت له ياسر زفر وبهدوء: خلاص شرايكم نطلع ونغير جو امجد بحماس :ايه نبي نطلع بروح ابدل وطلع بسرعه اسيل رفعت نظرها له :حبيبي عندي موعد بكرا وابيك تجي معي ياسر تنهد :طيب بجي معك اسيل بهدوء وقفت :والا اقول لك خلاص ما ابي اروح ياسر وقف ومسك يدها وهو يتأملها : ليش اسيل :خلاص تعبت وانا اسمع نفس الكلام من الدكتوره في كل مره خلاص مافي امل ياسر بهدوء :بتروحين ولا ابي اسمع هالكلام منك مره ثانيه خلي ثقتك بربي كبيره مافي شي اسمه مافي امل عند ربي اسيل تنهدت : وين بنروح ياسر ابتسم :اجهزي وتعرفين ____ عند نوره رجعت بيتها وهي ضايقه فيها الدنيا قاعده في الصاله وسعود والعيال كلهم قاعدين معها جواد بلقافه :ماما من هذاك الولد الي صرخ عليك توجهت انظارهم له وجدان :ايه ليش بكى نوره عضت شفتها محمد ببرود :فايز من غيره سعود بهدوء :صارخ عليك نوره وزادت ضيقتها اضعاف: ما صارخ علي كان مقهور ومعصب بس سعود :نوره ما قلتي لي وش صار معك كلمتيه فهمتيه كل شي نوره مسكت راسها الي يوجعها :لا ما عطاني فرصه اكلمه قال كلام كثير وان اهتم باخوانه اكثر منه وان ما فكرت فيه ابد سعود تنهد عبدالله :ماما لا تزعلين منه نوره بألم :مستحيل ازعل منه بس انا ما ابيه يزعل مني عبدالله وقف وقعد قدامها: انا بكلمه وبقول له كل شي نوره ابتسمت ومدت يدها لشعره :حبيبي الي كبر وجدان بدهشه لفت لجواد :يالغبي طلع فايز اخوي جواد طالعها :لا يالذكيه مو كانك كنتي تسأليني من هو وجدان :من زمان عنه نسيت شكله بس كبر صح جواد :ايه والله كبر وتغير شوي محمد وقف بعصبيه :فايز فايز خلاص هو ما يبينا واحنا بعد ما نبيه سعود بحده :محمد اذا هو ما يبينا احنا نبيه وبيظل واحد منا والله لو اسمع انك مضايق فايز بكلمه لا تشوف شي ما يسرك ويلا انقلع من قدامي محمد طالع ابوه بقهر ومشى عبدالله انقهر من محمد ليش يكره فايز وبعد المفروض ما يقول كذا قدام امه هي مو ناقصته ____ الجوري في المستشفى بعد ما سوت تحليل الحمل توجهت لمكتبها والابتسامه على وجها فرحانه لانها حامل حطت الورقه في الشنطه وطلعت تكمل شغلها _____ نوره قاعده على السرير وفي يدها جوالها تتصل له وما يرد تعبت نزلت جوالها وهي تحس بضيقه فضيعه بصدرها مالها خلق احد دخل سعود وشاف وضعها مشى وقعد هو بالجهه الثانيه نوره طالعته :ممكن اطلبك طلب سعود باستغراب :ايه اكيد نوره :ابي اقعد عند اهلي هالشهر نفسيتي تعبانه مرا وابي اتفاهم مع فايز سعود طالعها بهدوء :كم يوم بتقعدين نوره بتعب :ماعرف سعود اخذ نفس هو يبي علاقتها مع فايز ترجع طبيعيه بس يعرف فايز كلامه بيوجعها مسك يدها بهدوء وضغط عليها : طيب حبيبتي ماعندي مانع ____ الساعه ٩ م وقفت الجوري سيارتها في كراج بيتها دخلت البيت ومشت لغرفة صالح شافته نايم باست خده وجبينه وغطته وطلعت دخلت غرفتها وابتسمت من شافت عبدالعزيز قاعد وماسك جواله : مساء الخير عبدالعزيز رفع عينه لها : مساء النور والنوير الجوري فسخت عبايتها وشيلتها وخذت منشفتها وطلعت لها قميص نوم ناعم بتاخذ شور سريع طلعت بعد ١٠ دقايق وهي تنشف شعرها مشت من قدامه مسكها وقعدها على السرير وهو يتأمل شعرها المبلل و وجها وبهمس :ما ودك باخ او اخت لصلوح الجوري بابتسامه خبث :لا عبدالعزيز بدهشه :من جدك الجوري وهي تطالع بعيونه وبحب :طيب والي يقول لك ان بعد ٧ شهور بيجي لنا طفل ثاني عبدالعزيز ما استوعب :عادي نـ.. سكت فجأه وهو يطالعها :حامل الجوري هزت راسها :ايه عبدالعزيز بابتسامه فرح :احلفي مو مصدق بيجي لنا طفل ثاني الجوري ضحكت :ايه يا احلى اب بالدنيا ____ في بيت ابو احمد الكل مجتمع ما عدا الجوري شيخه تعودت على وجود الجوري بينهم : عبدالعزيز عبدالعزيز :آمري يمه شيخه بضيق :وينها زوجتك من اسبوعين ما شفتها عبدالعزيز سكت شوي وبابتسامه : يمه تعبانه من الحمل وصالح و الشغل ما تقدر بس تفضى بتجي شيخه :الله يعينها اسيل من سمعت حمل حست بضيق بصدرها غصب عنها اما عبدالعزيز قاعد يفكر بتغير الجور عبدالعزيز قاعد يفكر بتغير الجوري قاعده اليوم في البيت اجازه بس رفضت تجي معه وراحت لبيت اهلها وقف بيروح لفايز فتح غرفته ودخل استغرب وهو يشوفها ظلام بهالسرعه نام توه كان وياهم شغل الليت و مشى له وقعد على السرير : فايز فايز بعد الغطاء عنه عيونه حمراء وخدوده عبدالعزيز بخوف مد يده لجبينه بس تنفس براحه لما كانت حرارته طبيعيه : تجي معي فايز :وين عبدالعزيز :نتمشى نروح المكان الي تبيه ونمر جدك حسام فايز تكتف ببرود :اذا بشوف امي خلاص ما ابي عبدالعزيز باستغراب مسح على شعره: ليش ما تبي تشوفها فايز بانفعال وبحده :كذا ما ابي اشوفها خلاص افهموا ما ابي اشوفها عبدالعزيز طالعه بهدوء من انفعاله وحدة صوته فايز نزل راسه بعد ما استوعب ان رفع صوته عليه :آسف عبدالعزيز مد يده لشعره :طيب ما بتشوفها يلا نمشي فايز ابتسم :بس ابدل واجهز واجيك عبدالعزيز :انتظرك تحت فايز وقف :اوكي _____ نوره بعصبيه :وجدان جواد خلاص وجدان :ماما اخذ اسوارتي نوره طالع جواد :جواد عطها الاسواره ولا تاخذ اشيائها جواد بطفش :طيب لفت لثريا وهي تسمع سوالفها وترد عليها وفجأه وقفت ثريا باستغراب :وين نوره :المطبخ ومشت دخل فايز ركض سلم على جدته ضمته بقوه وباست راسه وخده :حبيبي كيف حالك فايز :بخير مشى لخالته الجوري سلم عليها :خالتو ليش ما تجين عندنا امي تسأل عنك الجوري ابتسمت :حبيبي ما قدرت بس ان شاء الله مره ثانيه بجي فابز ابتسم :تمام وقف لما شاف الجوري راحت المطبخ لمح امه وبسرعه سلم على خالته ثريا و طلع من البيت وقف قدام الباب وهو يفكر ثواني وطلع له ماجد :فايز لف له فايز :هلا ماجد :خالتي تبيك فايز طنش وركز انظاره على محمد وعبدالله الي جايين من بيتهم جهته فايز طنش وركز انظاره على محمد وعبدالله الي جايين من بيتهم جهته محمد بعصبيه :خير وش تبي جاي تغث امي بكلامك فايز ببرود :مالك دخل محمد :الا لي دخل اذا بتجي تضايق ماما وتبكيها لا تجي احسن فايز تعدل بوقفته وبهدوء :هيه كل شوي ماما وامي لاتنسى ان امك عبير روح لها وفكنا والا اقول لك روح اشبع من ماما الي ازعجتني فيها تنغث وتبكي ما همتني محمد بعصبيه مشى لها ومسك ياقة فانيلته بقوه :احترم نفسك ولا تغلط عليها وهي امي غصب عنك فايز مسك يدينه بقوه ودفه على الارض طاح محمد على الارض وهو يطالعه بحده فايز بعصبيه :انت الي احترم نفسك ولا تقرب مني والحين روح اركض لها خلها تضمك وتهديك خليها تشوف اذا تعورت او لا اشتكي لها مني محمد تنرفز وقف بيهجم عليه بس مسكه عبدالله ورجعه لوراء :ليش تتكلم عنها كذا انت تدري ان ما نقعد على السفره الا تذكرك فايز اكل او جوعان ننام تذكرك فايز نام او تعبان و فايز كيف حاله بقوم اكلمه اسمع صوته نسافر ما تقعد ابد وهي تشوف هذا بيعجب فايز لا هذا احلى عليه و تاخذ لك كل شي وبس نقعد تقول ابي اكلم فايز تركت كل شي وجات عشانك و انت تجرحها وتبكيها على اشياء تافهه فايز وعيونه امتلت دموع :بنظرك تافهه و ما يهمني هذا كله احتجتها كثير بس ما لقيتها وينها عندكم اعد الليالي والايام عشان ارتاح بحضنها بس تتجاهل ان عندها ولد عشان راحتكم انت وياه ما تحتاجون امكم بس انا ما عندي وكثر ما احتجتها وتمنيت اكون معها كرهتها محمد دف عبدالله وعطاه كف و دموعه نزلت:اذا انت مقهور من امك مره انا مقهور مليون مره تدري اني اكرهك واغار منك كثر ما تذكرك امك و تحبك وتخاف عليك احنا بحياتنا ما حسينا بحنان الام الا منها امي الي تبينا نروح لها ما تذكرنا غير كل خمسه شهور مره صار لنا اكثر من اسبوعين هنا وهي تدري وما جات تشوفنا وانت زعلان منها دفه عنه غبي الله ياخذك نوره طلعت بصدمه بعد ما قال لها ماجد عنهم مشت لهم وقفت وهي تشوف محمد يبكي وعبدالله لف عنهم اما فايز نزل نظره للارض بصدمه نوره طالعت فايز :وش صاير قلت لهم شي ضايقهم فايز طالعها وعيونه دمعت:ليش ما سألتيه هو ليش ضربني صرخ بقهر :ليش توقفين معاهم انا ولدك ولا هم نوره طالعته بندم وتوها تنتبه لوجهه ولفت لمحمد بضيق :ليش ضربته محمد مارد خذت نفس و قعدت قدامه ومسكت اكتافه وهي تطالع وجهه المليان دموع :حبيبي ما وقفت معهم بس سألتك فايز دفها بقهر :انا اكرهك طول عمرك تحبينهم وتفضلين وجدان وجواد وتهتمين لهم وانا لا طيب عمرك سألتي نفسك وش يحس فيه فايز وهو يشوف اهتمام مرت عمه او اي ام بعيالها فكرتي فيني اذا طلعت مع العيال اشوف جولاتهم ما توقف وانا محد يدري عني تعبت خلاص انسي ان لك ولد خليني بحالي روحي الشرقيه وريحيني منك نوره دارت فيها الارض من صدمتها بكلمته خافت ما تشوفه مره ثانيه ضمته بقوه: والله لو انسى روحي ما نسيتك ادري اني مقصره معك بس تعال عندي لا تعاند فايز غمض عيونه بقوه وبهدوء :وبعدين تروحين وتخليني مثل كل مره ما ابي فك نفسه وطالع عبدالله ومحمد وكلامهم للحين يسمعه مشى وابتعد وهو يسمع امه تناديه بس ما رد نوره بتجن طالعت ملاك بنت ثريا :جيبي جوالي بسرعه ركضت وجابته لها اتصلت اكثر من مره ومارد تسندت على الجدار وقلبها يرجف خوف عليه شافت صالح :صالح حبيبي بابا موجود صالح : ايه مع خالو سعد نوره : روح قول له يتصل لفايز يشوف وينه فايز دخل البقاله شرا له مويه وطلع وقف وهو يشربها بهدوء غسل وجهه ورنين جواله ازعجه طلعه وشاف عمه متصل : الو .. انا عند البقاله .. طيب جايك مشى وتفكيره بكلام عبدالله الي قاعد يتردد براسه اعمى نظره نور السياره القوي قدامه انصدم وجمد بمكانه وفجأه سحبته يد جهتها كان يرجف بخوف عبدالعزيز مسك اكتافه وبقلق :انت بخير فايز استوعب وهز راسه بايه عبدالعزيز تنهد براحه مسك يده ومشى لسيارته ركب معه صالح وانتظر جوري تطلع وقف قدام بيت اهله لف لجوري بتنزلين الجوري ببرود : لا عبدالعزيز : ليش الجوري : حبيبي تعبانه وابي اروح البيت عبدالعزيز طالعها بهدوء و هي توترت من نظراته نزل فتح الباب الي وراء شاف فايز نايم ووجهه احمر قرب منه وشاله ودخل البيت فتحه ورفسه برجله اسامه وقف بسرعه : وش فيه عبدالعزيز : تعبان شوي اتمنى تنتبه له الليله على الاقل اسامه مد يده لخده وجبينه كان حار شاله من عبدالعزيز و راح لغرفته نزله على السرير فسخ جزمته ورماها وغطاه لما شافه يرجف قعد جنبه مقهور اهمله بالفتره الاخيره لان انشغل كثير مد يده لشعره : فايز تعشيت كلت شي فايز هز راسه بلا وقف وطلع بيجيب له اكل عشان يعطيه خافض حراره _____ اسماء حست روحها بتطلع من كثر ما استفرغت غسلت وجها وطلعت من الحمام وهي تنتفس بصعوبه طلعت من الغرفه وراحت لغرفة بنتها ابتسمت بهدوء لما شافتها نايمه طلعت وقفت لما شافت الشغاله طالعه من غرفة فايز : لحظه وقفي وقفت الشغاله : نعم ماما اسماء : اسامه جاء الشغاله : ايه في غرفة فايز مشت لها فتحت الباب بقوه طالعها اسامه بحده : افتحي الباب مثل الناس اسماء : ابي اروح المستشفى اسامه : ليش عسى ماشر اسماء : تعبانه مصدعه و عندي غثيان بتوديني اسامه مد يده شال الفوطه الي على جبين فايز عصرها ورجعها وببرود : ما اقدر اخلي فايز بس اذا ما خفت حرارته الصبح اخذك انتي وياه اسماء طالعته بقهر ولفت بتطلع اسامه بحده : قفلي الباب بهدوء اسماء قفلت ومشت ____ نوره قاعده على السرير غمضت عيونها بألم وضيق وكلمات فايز ما فارقتها " انا اكرهك طول عمرك تحبينهم وتفضلين وجدان وجواد وتهتمين لهم وانا لا طيب عمرك سألتي نفسك وش يحس فيه فايز وهو يشوف اهتمام مرت عمه او اي ام بعيالها فكرتي فيني لما اشوف كيف امهاتهم تخاف عليهم اذا تأخروا وانا محد يدري عني تعبت خلاص انسي ان لك ولد خليني بحالي روحي الشرقيه وريحيني منك " نزلت دموعها بألم ان هذا كله بقلبه عليها وهي ما تدري وعندها احساس انه ما راح يسامحها وهالشي يذبحها ويدمي قلبه حست بيدين مسحت دموعها فتحت عيونها وطالعته قاعد قدامها سعود بهدوء :ما تعبتي من البكاء ما مليتي من الدموع نوره بعيون حزينه وبصوت يرجف :فايز اليوم انفجر وقال وش يحس فيه ووش عانى منه وانا عارفه ان ما قال كل شي للحين في قلبه كلام اكبر شهقت وهي تحس بحرقة بقلبها وبغصه: خسرت ولدي يا سعود فقدته هو مو راضي يفهمني يحسبني مرتاحه ببعدي عنه وانا من اخذه ابوه ما شفت الراحه آه ليتني مت قبل لا اتركه واجرحه سعود قعد جنبها وضمها يهدي رجفتها انفجع لما ارتخى جسمها بين يدينه بعدها وهو يشوف وجها الاحمر من البكاء ضرب على خدها بخوف :نوره نوره هزها :نواره وش فيك ردي علي وقف بخوف وهو ياخذ جيك الماء ويصب لي يده ويمسح على وجها اكثر من مره حركت اجفانها بتعب زفر براحه بعد ما حس بقلبه بيوقف فتحت عيونها ما قدرت تركز بشي تحس كل شي يدور قدامها غمضت عيونها بتعب وهي تحس بدوخه قويه سعود :حبيبتي انتي بخير نوره هزت راسها بأيه :بس راسي يدور بنام سعود تنهد شال اللحاف وغطاها وطلع ____ اسامه فتح عيونه وهو يمد يده لجواله ويوقف المنبه حرك رقبته بألم ووقف وهو يتمدد بتعب من نومته على الكرسي مسك يد فايز تفاجئ من حرارته العاليه في الليل انخفظت بس رجعت ارتفعت تتهد بعمق رفع يده وباسها وده يعرف وش صار معه امس وتعب لف وطلع راح لغرفته وهو يسمع اذان الفجر اخذ شور ولبس ثوبه وشماغه وعقاله وتعطر وقف قدام سريره :اسماء فتحت عيونها بتعب اسامه :قومي صلي الفجر واجهزي بنروح المستشفى اسماء قعدت :طيب _____ بعد ساعه الممرضه شالت المغذي من فايز و كتبت له ادويه اسامه مسك يد فايز :بابا تقدر تمشي فايز :ايه اسامه مشى معاه رايحين لاسماء شافها جايه جهته و الفرحه واضحه بعيونها اسامه : هاه وش صار معك اسماء مدت له الورقه بهدوء شالها منها وهو يقرأ استوعب الي مكتوب طالعها بدهشه :حامل اسماء ابتسمت :ايه اسامه توسعت ابتسامته :احلى خبر اسمعه فايز بتعب :بابا يعني بيصير عندي اخ او اخت اسامه بابتسامه مسح على شعره :ان شاء الله طلعوا وهما فرحانين ____ فزت من نومها بصرخه طلعت من اعماقها سعود قعد بصدمه :وش فيك نوره وهي تحس راسها ثقيل وجبينها متعرق ومو قادره تتنفس وجسمها يرجف وقلبها تحس بيطلع من قوة دقاته تطالع يدينها بصدمه و بشتات :فايز طايح على الارض وجسمه مليان دم حاولت اساعده بس ما قدرت طلعت شهقه قويه منها :فايز راح مني سعود مسك اكتافها :نوره حلم الي شفتيه مجرد كابوس تعوذي من الشيطان نوره : لالا انا شفته كان غرقان بدمه سعود هزها بقوه وبحده يبيها تستوعب: الي شفتيه كابوس اصحي فايز مافيه شي ( تفائل فإن الأمر كله لله ) | ||||||||
|
| |
|
14-02-21, 12:21 AM
| #39 | ||||||||
| مراقبة عامة ومشرفة منتدى الروايات المنقولة
| البارت الرابع والثلاثين نوره طالعته تستوعب :يعني فايز بخير سعود اخذ نفس :ايه بخير صب للكوب ماء وعطاها خذته منه بيد ترجف و شربته نزلت الكوب حست بانفاسها ترد لها و دقات قلبها تهدى و سندت نفسها على صدره :اتصل له بسمع صوته بطمن انه بخير سعود :طيب مسك جواله واتصل مره ومرتين واخيرا رد بنعاس :الو سعود ابتسم وحطه سبيكر :هلا فايز كيف حالك فايز بعد جواله يشوف من وبهدوء :بخير سعود بهدوء :امك تبي تكلمك فايز :الحين ما اقدر بنام مع السلامه وقفل طالع نوره :تطمنتي عليه الحين نوره :ايه سعود وهو يتأملها :انتي وضعك مو عاجبني اوديك المستشفى نوره : لا سعود باس راسها : طيب اهدي الحين وارتاحي حط يده على شعرها وهو يقرأ عليها ____ في بيت ابو تركي طلع امجد من غرفته يركض : ماما ماما شاف سوسن قدامه ابتسم : هلا عمتو سوسن مدت يدها له وسلم عليها : شفتي امي سوسن : اسيلوه امجد بابتسامه : ليش عندي ام غيرها سوسن : ايه توها طلعت عساها ما ترد امحد تلاشت ابتسامته وهو يتخيل انه يخسر امه ويجرب الفقد للمره الثالثه ارتجفت يده وبحده : لا تدعين عليها ما اسمح لك والله لو يصير لامي شي ما اسامحك طلع جواله وهو يتصل فيها بينما سوسن وقفت مصدومه ما توقعت امجد يعصب وقف قدام الباب بيطلع لما ما حصل رد منها بس رجع خطوتين لما انفتح الباب ابتسم براحه لما شافها قدامه بخير : ماما وين رحتي اسيل حطت يدها على شعره واكتافه : كنت بروح اتمشى بس نسيت جوالي ورجعت له تجي معي امجد : ايه جاي ماما ابي اسجل بنادي كرة قدم تكفين كلمي بابا اسيل : وليش انت ما تكلمه امجد طالعها : طيب خلاص انا بكلمه خذت جوالها وطلعت معاه ____ عبدالعزيز واقف قدام المرايه عدل العقال والشماغ اخذ جواله وبوكه في جيب ثوبه شال المفاتيح ومد يده لسحبته لف بيطلع الجوري : عزيز وين رايح عبدالعزيز ببرود : اتوقع ما يهمك الجوري بدهشه : عزيز عبدالعزيز ببرود : جهزي صالح باخذه معي بسرعه الجوري : بتروح لبيت اهلك عبدالعزيز : ايه بمر امي مو انتي ما تبين تجين و خليتني ادور لك اعذار الجوري عضت شفتها مشت له ومسكت يده : لا بجي معك اتتظرني عبدالعزيز وهو يطالع بعيونها : انتي وش غيرك ما كنتي كذا الجوري سكتت عبدالعزيز طالعها بنظره : استعجلي انتظرك طلع عبدالعزيز والجوري خذت نفس عميق تحس انه متضايق منها بسبب رفضها هذا غير انها مقصره معه هالفتره جهزت بسرعه و طلعت لصالح كل شي عندها يهون الا زعل عبدالعزيز منها لانها تعرفه زعله شين وما يرضى بسرعه ____ سعود قاعد يتكلم بالجوال وهو يشوف نوره قاعده روحها ذابله وجها شاحب تطالع العيال بسرحان قفل من مكالمته وراح لهم : بكرا برجع الشرقيه طالعته نوره بصدمه :ليش سعود وهو يطالع العيال :عندي شغل بالشركه لازم ارجع نوره ضغطت على كف يدها بقوه سعود طالعها بهدوء يكره يشوف انهيارها ودموعها ونبرة الالم بصوتها وبهدوء :بتقعدين هنا او بتجين معانا نوره: اذا قعدت هالشي ما يضايقك سعود: لا نوره ابتسمت بهدوء سعود طالع عبدالله ومحمد :اوديكم لامكم تقعدون معها قبل لا نروح او تروحون معي عبدالله : بابا نبي نروح معك محمد طالع نوره بهدوء ورجع نظره لابوه :تمام بابا جايين نوره :بتاخذهم معك سعود :ايه كلهم نوره :بس سعود قاطعها : نوره انتي مو داريه عنهم من جينا وانتي تفكيرك بفايز باخذهم معي احسن نوره طالعتهم وتوها تنتبه ان كلامه صح سعود : يلا عبود حمود مشينا جواد : بابا واحنا سعود طالعه ولف نوره : قومي جهزي بنروح المستشفى ما راح اروح قبل ما اتطمن عليك ____ في بيت ابو احمد كلهم قاعدين وسوالف فايز حاط راسه على فخذ جدته وفي يده جواله مندمج فيه اسامه : يمه انا مسافر بكرا عندي شغل شيخه : بتطول يمه اسامه : لا بس اخلص شغلي واجي شيخه : الله يوفقك عبدالعزيز وقف : عن اذنكم احمد : وين عبدالعزيز : واحد من الشباب عازمنا عنده مسوي حفله توديع عزوبيه ابتسم احمد :طيب الله وياك مشى عبدالعزيز ولحقته الجوري عبدالعزيز لف لها : اذا تأخرت لا ترجعين مع السواق لحالك الجوري : تمام انتبه على نفسك عبدالعزيز طلع من غير ما يرد الجوري تأففت ورجعت قعدت مكانها ___ سعود وصل العيال لبيت امهم ومشى للمستشفى نوره سوت الفحوصات وحست بدوخه لما انسحب منها الدم قاعده سانده راسها وجنبها عيالها وسعود ينتظرون تناديهم الدكتوره وقف سعود لما نادت الدكتوره باسم نوره : يالله نوره وقفت ومشت بخطوات هاديه لغرفة الدكتوره دخلت وقعدت سعود :دكتوره نوره شفيها الدكتوره طالعته ابتسمت :المدام حامل بشهر الاول اندهشوا كلهم نوره :حامل ! الدكتوره طالعت نوره وكملت: ايه بس ليش انتي مو مهتمه بصحتك ما تأكلين ولا تنامين هالشي يضرك انتي والجنين لان باين ان عندك فقر دم نوره تنهدت :ان شاء الله بهتم باكلي وصحتي مشكوره الدكتوره وهي تكتب :العفو الله يثبته لك وتقومين بالسلامه نوره وقفت :آمين ____ يوم جديد شيخه قاعده تتقهوى ومعها فجر وفايز فجر قاعده جنب فايز وببراءة :فايز انت ليش تقول لماما اسماء ليش ما تقول لها ماما فايز بهدوء نزل فنجانه :لانها مو امي فجر عقدت حواجبه :طيب وين امك ليش مو معك فايز طالعها :يمكن عند جدي ويمكن عند عمي سعود فجر سكتت شوي :ودني لبيت جدك بشوفها فايز :ما يحتاج فجر بزعل :انا ابي اروح فايز طالعها يدري لو عرفت امها ما راح تعدي السالفه على خير تنهد : طيب العصر بنروح شيخه : وين بتروحون فجر بحماس : بنروح لام فايز شيخه : من بيوديكم ابوك مسافر واعمامك ما يندرى عنهم فايز : بنروح مع السواق شيخه : انتبه على اختك واتصل فيني اول ما توصل ولا تتأخرون فايز وقف مشى لها وباس راسها : ان شاء الله يمه ___ نوره قاعده بهدوء نوال وهي تطالعها : نوره يمه فيك شي نوره ابتسمت راح عن بالها تقول لامها عن حملها : لا يمه مافيني شي بس الحمل متعبني شوي نوال بابتسامه : حامل الله يثبته لك يارب و تفرحين فيه نوره سكتت تفكر بفايز بوسط افكارها دخل فايز ومعاه فجر ماسك يدها نوال بفرح : هلا والله هلا بالغالي من الي معك فايز مشى لها وسلم على راسها وبابتسامه : هاذي فجر اختي نوال ابتسمت : هلا بنتي فجر كيفك يمه فجر بصوت خافت : بخير فايز مشى لنوره الي تتأمله من اول ما دخل مد يده يصافحها بس هي سحبته وضمته وباست خده فايز طالع فجر : هاذي امي نوره ابتسمت مسكت فجر وقعدتها جنبها فايز لف بيمشي نوره بهدوء : وين اقعد بنسولف معك فايز يدون ما يلف : بروح اسلم على جدي وخالي سعد ومشى طالعت فجر وبدت تسولف معها طلع فايز للمجلس سلم عليهم وقعد معهم ابتسم لما شاف ماجد ومازن عيال خالته ثريا داخلين مع ابوهم وقعد يسولف معهم طلع ابو ماجد وفايز ما ارتاح بالقعده طلع الحوش واتصل على يوسف الوحيد الي يرتاح بالسوالف معه ضم نفسه بيده لما حس بالجو زادت برودته قفل من يوسف ونزل جواله لجيبه وفرك يدينه ببعض حس باحد حط شي دافي على اكتافه طالع شاف جاكيت على مقاسه لف بيشوف من الي جابه طالع بعيونها فتره وبهدوء : مو بردان شيليه نوره طالعته خشمه احمر مسكت يده كانت بارده حيل بين يدينها الدافيه : جسمك بارد يمه البس الجاكيت واذا ما تبي خلاص ادخل داخل فايز : حق من محمد ولا عبدالله نوره : حقك انا شاريته لك فايز ببرود : مشكوره ما ابيه طالع سعد الي واقف يطالعهم بهدوء نوره نزلت لمستواه : متى بتفهم ان الي صار غصب عني مو بيدي اتركك فايز : طيب فهمت عندك غيره سعد بعصبيه : فايز تكلم مع امك عدل نوره طالعت سعد ورجعت لفايز مسكت وجهه بين يديها : ايه عندي تدري انهم كلهم راحوا الشرقيه وانا قعدت عشانك فايز طالعها وعيونه التمعت بعد يدينها بقوه وبحده : ما طلبت منك تقعدين كان رحتي معهم لان تعودت طول هالفتره اعيش بدونك وجودك ما صار يهمني نوره طالعته مسكت يده : بس انا وجودك يهمني واكثر .. فايز قاطعها : خلاص خلاص ما ابي اسمع شي ولا شي خلي فجر تطلع بنروح البيت واخذ الجاكيت ورماه عليها : خليه لعيالك انا ما احتاجه سعد عصب بقوه ومشى لفايز رفع يده عليه بس نوره وقفت قدامه فجأه وصار الكف فيها ما توازنت من تعبها وطاحت سعد انصدم ما استوعب الا لما شافها طايحه فايز شهق قعد و قرب لها بخوف : ماما تعورتي نوره حاسه بألم ببطنها وجسمها كله فايز هز كتفها : ماما ردي علي انتي بخير نوره ابتسمت رغم المها لما سمعت نبرة الخوف بصوته لفت نظرها له ورجعت شعرها لوراء وقعدت : انا بخير حبيبي لا تخاف علي مافيني شي فايز رجع لوراء مسح دموعه وقبض كف يده بقوه يهدي نفسه سعد وقفها وبضيق : آسف نوره ما قصدت والله اضربك اوديك المستشفى تعورتي نوره وقفت : لا ما تعورت سحبت يدها منه وبعتب : اذا ما تبيني ازعل منك لا تمد يدك عليه ابد سعد مسح على شعره بيده : بس هو وقح معك نوره : انا راضيه طلع حسام وهو يمسح وجهه من الماء و يعدل اكمام ثوبه : وش فيكم واقفين كذا يلا امشوا نصلي العشاء مشى لفايز مد يده وقفه : وش فيك قاعد على الارض فايز وقف بهدوء : مافيني شي حسام : يلا سعد صلاه وطلع هو وفايز وسعد للمسجد ونوره دخلت البيت بتعب واضح عليها ____ اسماء دورت في البيت كله على فجر نادت الشغاله : شفتي فجر الشغاله : ايه ماما يروه مع فايز اسماء توسعت عيونها : نعم وين راحوا الشغاله هزت اكتافها ما تعرف ومشت اسماء تنرفزت فجر شلون تطلع بدون ما تقول لها وهالفايز وين وداها انفتح الباب ودخلت شيخه اسماء بسرعه راحت لها : عمه تدرين وين راحت فجر شيخه طالعت ساعتها ٨ وباستغراب : للحين ما جوا اسماء رصت على اسنانها بنرفزه: وين راحو شيخه وهي تنزل عبايتها : بيت حسام الـ.. ومرت من جنبها رايحه لجناحها اسماء انصدمت وقبضت كف يدها بقوه لفت بتروح غرفتها بس انفتح الباب مره ثانيه ودخل فايز ووراه فجر الي صدعت راسه وهو يسمعها تسولف عن امه طالع الي واقفه قدامهم ووجها ما يبشر بخير وبهدوء : السلام عليكم اسماء بقهر : من سمح لك تاخذ فجر معك فايز ابتسم بسخريه : انا سمحت لنفسي اسماء قربت لهم و برمشه عين ضربته كف وبحده : والله لو تاخذها معك مره ثانيه ما يكفيني ضربك راح اذبحك فايز انقهر واحتدت نظراته بقوه مو كل من جاء ضربه رفع نظره لها وتعابير وجهه تغيرت ارتبكت اسماء من حده نظراته الي تشبه بشكل كبير نظرات ابوه : هاذي ثالث مره تمدين يدك علي بس اوعدك تكون الاخيره لان ما راح اسكت عنك مثل كل مره ومشى اسماء تطالعه بصدمه شلون قدر طفل بعمر ١٣ يربكها بأسلوبه وحدته عضت شفتها بقهر انتبهت لفجر الي تبكي : ليش ضربتيه هو ما غلط اسماء مسكتها من يدها ودفتها قدامها : ولا كلمه وانقلعي لغرفتك بسرعه وحسابك معي بعدين وبوريك شلون تطلعين بدون ما تقولين لي ومع من مع فايزوه شيخه دخلت لغرفه فايز شغلت النور ومشت له : فايز يمه فايز فتح عيونه وطالعها : هلا يمه بغيتي شي شيخه وهي تطالع عيونه وخشمه اصلا باين ان ما كان نايم واثر البكاء مبين على وجهه شيخه مسحت على شعره :وش فيك فايز : ولا شي شيخه لفت وجهه له وتوسعت عيونها : ليش خدك احمر من ضاربك فايز زم شفايفه وضمها بقوه شيخه بخوف : تكلم وش صار لك عند امك فايز : ما صار شي يمه ولاشي شيخه ضمته : حبيبي قوم نتعشى فايز :ما ابي شيخه :لا قوم يلا ما راح اكل الا وانت معي واذا تأخرت على دواي وتعبت ترا انت السبب فايز وقف : لا خلاص بجي معك شيخه طالعته تحس فيه متضايق مشى للحمام غسل وجهه ونزلوا شاف الطاوله فاضيه ارتاح ما يبي يشوف اسماء ___ عبدالعزيز دخل الغرفه شاف الجوري نايمه فسخ جاكيته وعلقه ومشى لها عرف انها صاحيه لفها له بهدوء : ادري انك صاحيه الجوري بغصه : وش تبي بنام عبدالعزيز بابتسامه : مشتاق لك الجوري سكتت عبدالعزيز حط يده على اكتافها : ما احب سكوتك الجوري : مو انت زعلان مني خلاص السكوت احسن عبدالعزيز : يحق لي ازعل منك لان تصرفاتك صايره مستفزه ارجعي جوج حبيبتي الجوري طالعته : طيب اسفه عبدالعزيز مد يده لشعرها و بعثره طالع في عيونها بحب : والله اني احبك كل يوم اكثر ____ فتح ياسر باب الغرفه بعصبيه اسيل فز قلبها من فتحه للباب كذا : وش فيك ياسر قفل الباب وتكتف : الدكتوره متصله فيني قالت لك موعدين ما رحتيهم ليش اسيل زفرت براحه لما عرفت السبب مشت له حطت يدينها على صدره : عادي اروح غيره المهم وش رايك نطلع ونستانس انا وياك وامجد لنا وقت ما طلعنا مع بعض الا على طاري امجد كلمك عن نادي الكره الي يبي يسجل فيه تعرفه مجنون بكرة القدم ياسر بهدوء : لا ما قال لي عنه اسيل : طيب روح اسأله وشوف ياسر وهو يطالع عيونها ولبسها وشعرها الي مستشورته استريت وصار طوله لاخر ظهرها حط يده على خصرها ومسك خصله بيده الثانيه وهمس : تدرين ان احب شعرك على طبيعيته اسيل بابتسامه : يعني الكيرلي علي احلى ياسر : بكثير اسيل وهي تحرك شعرها بيدها : اصلا بقصه مو عاجبني طوله ياسر ابتسم ولفها له وضمها وهو يسنتشق ريحة عطرها الي يعشقها : بس انا عاجبني ____ نوره تدور في الغرفه بقلق اليوم ما اتصل فيها سعود وجواله مغلق اتصلت على عبدالله ما يرد خذت نفس تهدى و طلعت من الغرفه تبعد الافكار السيئه عنها وصلت تحت وقعدت مع امها وابوها مدت لها امها عصير برتقال : خذي زين لك نوره ابتسمت وقفت وباست راسها : يمه لا تعبين نفسك انا بقوم وبسوي كل شي نوال : ما ابيك تسوين شي اهتمي بنفسك وبس يكفي امس الالم والتعب كان واضح عليك رن جوالها فزت وهي تشوف المتصل استأذنت ومشت وهي ترد عليه :وينك من الصبح اتصل جوالك مغلق سعود بابتسامه :خلص شحنه وما انتبهت له لان كان عندي اجتماع .. المهم كيف حالك نوره :بخير وانت سعود :حالي مايسر نوره بخوف :ليش شفيك سعود :مشتاق لك نوره ابتسمت :وانا اكثر الا كيف العيال ومن عندهم سعود : عند افنان في بيتها و ترا انا مو قادر على اربعه لحالي من الحين اقول لك شهر بس وجايك نوره : طيب سعود بابتسامه :لا شكلك اليوم رايقه وش صار مع فايز نوره وهي ترجع خصل شعرها لوراء :كل شي تمام وراح يتفهمني سعود وهو مرتاح لنفسيتها اليوم :ابي اعرف كل شي نوره ابتسمت :امس شفته وقال كلام كثير مثل كل مره وسعد تنرفز منه وكان بيضربه بس انا وقفت قدامه وسكتت لما استوعبت ان الي تكلمه سعود سعود بهدوء : ايه كملي وش صار نوره توترت : بس منعته يضربه وتفاهمت مع فايز سعود عقد حواجبه : الحمدلله المهم انتبهي لنفسك حبيبتي ولحملك .. نوره : ان شاء الله سعود : مع السلامه وقفل ____ مر شهر وفايز بدت علاقته بأمه تتحسن ما يروح لهم كثير بس انها متواصله وياه فايز قاعد بملل وجنبه قاعده فجر يطالعون التلفزيون انفتح الباب ما اهتموا فجأه دخل : سلام عليكم يا حلوين فزت فجر وركضت له ضمها بقوه وهو يبوس راسها وخدها وقف فايز ومشى له وسلم عليه بنفس شوقه لفجر واكثر ومشى معاهم وقعدوا على الكنبه وهو في الوسط : كيف حالكم وقولو لي وش صاير وياكم فايز بملل : ولا شي نفس كل يوم اسامه حس بألم فصيع شد على يد فايز بدون شعور فايز تألم وطالعه : بابا سكت وهو يشوف تعابير وجهه وبخوف : بابا فيك شي اسامه تنهد بتعب بعد ما خف ألمه : لا بابا تعب السفر بس فايز طالعه بشك اسامه : ما قلت لي اخبارك فايز : الحمدلله الا بابا المدرسه قربت وانا ما شريت شي اسامه مد يده لشعره : ولا يهمك حبيبي بكرا نطلع وناخذ كل شي فجر : وانا بعد بروح اسامه ضحك : واحنا نقدر نطلع بدونك وقف ومشى لفوق فايز يطالع ابوه بتفكير ____ سعود وقف سيارته قدام بيته نزلت نوره وهو راح يطلع شنطتها دخلت وهي مبسوطه ان علاقتها بفايز تحسنت حيل وهالشي مريحها ركضت لها وجدان اول ما شافتها ولحقوها اخوانها ضمتها بقوه : ياروحي اشتقت لك وجدان : ماما ليش ما جيتي ويانا جواد كل يوم يضربني نوره ابتسمت من اولها شكاوي ضمتهم واحد واحد وباستهم : وربي وحشتوني هاه عسى ما اذيتوا بابا سعود وهو داخل وبيده شنطة نوره واغراضها : الا رفعوا ضغطي بهواشهم وخصوصا هالاثنين واشر على التوأم نوره : يوه من هالاثنين المشاكسين مشت نوره لدرج سعود وقف وراها : ما تبين اشيلك لفوق نوره طالعته ورفعت حاجب : لا صرت شايب اخاف تتعب وراحت فوق وهي كاتمه ضحكتها على تعابير وجهه سعود استوعب : انا شايب ضحكت نوره وراحت لغرفتها وقفلت سعود ابتسم لضحكتها و راح فوق بسرعه و قف قدام الغرفه ودق الباب : افتحي وراح تشوفين وش راح يسوي فيك الشايب نوره وهي تضحك : ما راح افتح سعود : ترا بكسره و اوريك اني لحين بعز شبابي نوره فتحت الباب وابتسمت :لا ما يحتاج تتهور سعود دخل وهو يطالعها رافع حاجب نوره مشت لتسريحه وهي تفسخ اكسسواراتها وساعتها وفكت شعرها وفردته وحركته يمين ويسار سعود فز قلبه من حركاتها العفويه مشى لها وقف وراها وبهمس : اخر مره اسمح لك تقعدين عند اهلك كل هالوقت نوره لفت وهو تأملها كلها حياه مختلفه عن الايام الي راحت اشتاق لروحها المرحه والحلوه بعيد عن الحزن والدموع نوره : ليش ترا بس شهر سعود حط يده على خصرها : بس انا اشوفه سنه نوره ابتسمت سعود بشووق وحب همس لها : احبك اكثر لما تضحكين نوره بعدت عنه : ببدل سعود : طيب مشت للكبت بتطلع لها ملابس فتحته واستغربت وهي تشوف علبه مخمليه فخمه اول مره تشوفها شالتها بهدوء وفتحتها واندهشت وهي تشوف طقم ناعم ذهب عجبها حيل طالعت سعود الي كان متكتف يطالعها : شرايك فيه نوره : يجنن حبيبي ياخذ العقل ____ اسامه قعد من نومه وراح توضا وصلى اسماء دخلت وفي يدها كوب عصير مدته له اسامه بهدوء : ما ابي اسماء نزلته على الكوميدينو اسامه وقف : بروح المستشفى اسماء بخوف : ليش شفيك اسامه وهو يحاول ما يبين ان يتألم : بروح اسوي فحوصات واطمن على نفسي اسماء زفرت : اها خير ان شاء الله اسامه : ان شاء الله لف لها صار شي بغيابي اسماء توترت خافت فايز قال له شي: هاه لا ما صار شي اسامه طالعها بشك : اسماء اسماء وقفت بسرعه : يوه اسامه قلت لك ما صار شي اسامه طالعها بحده هو يسكر ازارير ثوبه شال جواله ومفاتيحه ومشى خطوتين وهو يحس بدوخه داهمته فجأه اسماء مشت لها ومسكته بخوف وقلق : حبيبي خلي السواق يسوق بدالك اخاف يصير لك شي اسامه سحب يده منها ومشى وهو يحس بارهاق شاف امه قرب منها وسلم على راسها بحب : كيفك يالغاليه شيخه :الحمدلله على السلامه يمه انا بخير وانت كيفك حبيبي اسامه ابتسم : الحمدلله انا طالع يمه تامريني على شي شيخه : ما يأمر عليك ظالم يمه الله وياك طلع اسامه وركب سيارته وحرك للمستشفى الجوري دخلت غرفتها تدور على صالح شهقت لما شافت وجهه و بيده روجها و نص مكياجها طايح على الارض وبعصبيه : صلوح وش سويت مشت وهي تشيليهم من الارض مع ان اغلبهم انعدمو وحطتهم على التسريحه مسكت يده وشالت الروج : ماما انا كم مره اقول لك لا تلعب باغراضي صالح ساكت مسكت يده وهي متنرفزه وطلعت من الغرفه عبدالعزيز وقف بوجها : وش فيك طالع صالح وانصدم وفجأه ضحك على شكله الجوري : عاجبك الي سواه ولدك قوم بس بروح ابدل ملابسه واسبحه عبدالعزيز : طيب روقي ليش هالعصبيه جوري خذت نفس : عزيز قوم من قدامي احسن ما طلع حرتي فيك عبدالعزيز مد يده لخدها وسحبه : اموت بالمعصبين الجوري ابتسمت غصب عنها عبدالعزيز : بدلي هالبطل وسوي لنا قهوه حلوه من ايدينك الجوري اشرت على عيونها : من عيوني دقايق بس ____ اسامه سوا كل الفحوصات المطلوبه وطلع من المستشفى بيرجع لنتائج لما تطلع مسك جواله شاف المسج الي جاه دخل على المحادثه قرأ الكلام كله ابتسم ونزله وهو يركز على الطريق وقف قدام الاستراحه ونزل يقعد معهم ____ فايز نزل من غرفته مشى لجدته : يمه شفتي بابا قال بنطلع اليوم السوق بس مدري وينه شيخه : لا يمه ما شفته اسماء وهي تعبانه من الحمل : ابوك نايم ما اضن بيوديك اليوم لان تعبان شيخه : بسم الله على ولدي وش فيه اسماء بتعب : ما ادري والله فايز سكت وعيونه امتلت دموع وهو يتخيل ابوه يصير له شي وقف بسرعه ومشى شيخه بسرعه : فايز وين رايح فايز لف لها : بروح ليوسف شيخه تطالع لبسه برمودا جينز وفانيله سماويه : حبيبي روح بدل ملابسك والبس حاكيت الجو بارد فايز لف وراح بسرعه لفوق بدل وطلع رن جواله ابتسم ورد على امه ____ اسيل قاعده في الصاله ومعاها ميلاف ومنال وام تركي مستغربه من هدوء منال اليوم حتى ما استفزتها مثل كل مره مسكت راسها من الصداع الي تحس فيه رن جوال منال وقفت وابتعدت عنهم ردت بصوت خافت : انت وش تبي مني خلاص يا اخي اتركني بحالي .. لا الله يخليك انا متزوجه تكفى لا تخرب بيتي زمت شفايفها ودموعها نزلت : قلت لك ماعندي هالمبلغ كله من وين اجيبه لك .. شهقت بقوه : لا لحظ.. وقفل بوجها اتصلت مره ثانيه ما رد شدت شعرها بقهر وش بتسوي الحين سمعت صوت لفت وانصدمت وهي تشوف اسيل واقفه قدامها ونظرتها لها غريبه بلعت ريقها منال بخوف انها سمعت : وش فيك اسيل : من هالي يكلمك وبشنو يهددك منال اخر شخص تمنت يسمعها اسيل اسيل تلفتت حواليها و مشت لها ومسكت يدها ومشت لغرفتها ___ ياسر قاعد مع اصدقائه قعد واحد جنبه والابتسامه شاقه وجهه ياسر : وانت يا عيسى لحين ما بطلت هالعاده حتى بعد ما تزوجت عيسى ضحك : لا بطلتها بس هاذي البنت لي فتره طويله ابتزها بصورها مقابل فلوس وهي غبيه ما تعرف تتصرف وضحك بصوت اعلى ياسر ابتسم وهو يتذكر لما هدد اسيل وجابها لشقته ما كان وده يضرها ابد طالعه : اترك عنك هالسوالف وخل البنت بحالها عيسى وهو يطالع الصور الي عنده : انا من شفت اول صوره لها وهي واضح عليها بنت عز واخ بس من صوتها يجنن ياسر بفضول : اشوف عيسى عطاه الجوال ياسر طالع الصور و حس الارض تدور فيه و تنفسه اضطرب ودقات قلبه زادت من صدمته وبكل عصبيه رمى الجوال عليه و هجم بكل قوه وهو ما يشوف من عصبيته وقفوا الشباب بسرعه وهم يبعدونه عنه قبل لا يذبحه بس وين ياسر اذا عصب محد يقدر يوقفه دفهم عنه وبسرعه سحب سكين كان على الارض عيسى وخشمه ينزف وجسمه يوجعه مو قادر يتحرك و مصدوم من ياسر وش الي قلب حاله بهالطريقه انفجع وهو يشوفه سحب السكين صرخ بخوف وهو يشوف السكين يتجه لصدره ياسر طالع الي مسك يده باخر لحظه بحده : تركي فكني خلني اذبح هالحقير تركي الي توه وصل انهبل وهو يشوف ياسر اخوه جن و الحمدلله وصل باخر لحظه اخذ السكين منه وضربه كف : وش فيك انهبلت وش سوا فيك عشان تذبحه ياسر طالعه : انت وش جابك طالع عيسى وبعدين ها#### سكت ما قدر يكمل قرب منه بس مسكه تركي وبحده : جابني الله قبل لا تبلي نفسك بهالمصيبه ياسر ونظره على عيسى تفل عليه وبعصبيه : من اليوم اعتبر صداقتنا انتهت واتمنى ما اشوفك ابد بعد تركي واخذ جوال عيسى وطلع تركي لحقه مسك يده : ياسر فهمني شصاير ياسر سحب يده وهو يرجف ويحس بنار شابه بصدره ركب سيارته وحرك وتركي ركب سيارته وطلع وراه استغفرالله العظيم واتوب اليه | ||||||||
|
| |
|
19-03-21, 09:34 PM
| #40 | ||||||||
| مراقبة عامة ومشرفة منتدى الروايات المنقولة
| البارت الخامس والثلاثين منال انهارت مسكت يد اسيل : اسيل تكفين لا تقولين لياسر الي سمعتيه اسيل غمضت عيونها بقوه وبهدوء : ما راح اقول له تكلمي منال مو قادره تتكلم اذا قالت لها بتذبحها واذا ما قدرت هي بيكمل عليها ياسر بكت مو قادره تتكلم اسيل بنرفزه : وقفي بكاء وقولي وش صاير بسرعه منال ببكاء : اسيل انا آسفه سامحيني تكفين اسيل بخوف نزلت لمستواها وقعدت : منال شقصدك تكلمي منال : انا قبل خمس سنين صديقتي عرفتني على واحد وصرت اتواصل معاه وتعلقت فيه بس طالعت اسيل وسكتت اسيل تلفت اعصابها : كملي منال نزلت نظرها : طلب صور لي و رسلت له صورك بس بعد سنه طلع حقير وتركته وتزوجت بس رجع وهددني بالصور والحين قاعد يبتزني وطول هالفتره ياخذ مني فلوس اسيل تحاول تستوعب الي سمعته مسكت راسها من قوة الصدمه وهي تردد : الله ياخذك ما لقيتي الا صوري لفت لها بقهر : من وين خذتيها؟ منال : من جوالك اسيل وقفت وصداعها زاد وتحس بغثيان ومغص ببطنها بمجرد التخيل ان صورها تنشتر وتنفضح : الله لا يوفقك يا منال منال بخوف : وش نسوي الحين قال بيفضحني اسيل قعدت تفكر وهي حاقده عليها وبسرعه : اسمعي عطيني رقمه وانا بتصرف دخل ياسر وهو بركان يغلي ناوي يذبح اسيل على خيانتها وصورها الي بجوال عيسى ميلاف تغطت ووقفت امه بصدمه وهي تشوف حالته وبسرعه مر من جنبها لفوق فتح الباب وعيونه تطلع شرار ارتجفت اسيل من شكله ونظراته ومنال خافت اكثر منها مشى لها وسحبها من شعرها بقوه : تخونيني يا حقيره اسيل بألم : لا وربي ما خنتك الله ياخذني لو خنتك ياسر شد بقوه وهو يطالع بعيونها وبخيبه : آمين وافتك منك اسيل غمضت عيونها بألم منه ومن شده لشعرها امه بعصبيه دخلت وراه انصدمت اكثر مشت وقفت قدامه وبحده : ياسر اتركها امجد وقف وهو مصدوم ومرعوب من الي يصير الام بعصبيه : مو رجوله تمد يدك على زوجتك بعد عنها ياسر طالع امه وهو يتنفس بسرعه وعيونه حمراء من عصبيته رمى اسيل على الارض بقوه : الا تستاهل الموت الـ### وطالع لاسيل وعينه بعينها : و الحمدلله ان ربي ما رزقني عيال من واحده مثلك لان ما يشرفني تكونين ام لهم وبألم بان بنبرة صوته : انتي طالق اسيل طاحت وضرب راسها بطرف السرير طالعته وهي مصدومه من كلامه الي جرحها بقوه دموعها غرقت وجها وهي تحاول تستوعب اخر كلمه قالها غمضت عيونها بعد ما حست كل شي حولها صار اسود من الم راسها وصدمتها فيه ما عاد حست بشي وارتخى جسمها ام تركي مصدومه طلعت وراء ياسر : ليش ياسر وقف لما سمع صوت منال تبكي وهي تصحي اسيل : يمه تعالي اسيل اغمى عليها يمه امجد قرب منها وهو يهزها : ماما ماما طالع عمته بخوف : ماتت ارتجفت منال وضمته بقوه : لا حبيبي ما فيها شي بتقوم ان شاء الله ام تركي : قوم تحرك خذها للمستشفى بسرعه ياسر خاف عليها يحبها بجنون بس شعور الخيانه بشع بشكل لا يوصف والادهى ان مع عيسى صديقه غمض عيونه بقوه وهو يتذكر كلامه عنها قسى على قلبه ومشى بدون لا يلتفت وطلع من البيت الام نزلت بسرعه وهي تشوف تركي وزوجته والعيال واقفين بدهشه مو فاهمين شي وبسرعه : تركي بسرعه جهز سيارتك مرت ياسر اغمى عليها وبناخذها المستشفى وميلاف تعالي تركي بسرعه طلع وشغل سيارته ___ نوره تعبانه من الوحام وكثر الاستفراغ طلعت من الحمام وهي تمسح وجها بمناديل وتتنفس بتعب سمعت بكاء وجدان وهواش جواد طالعت محمد : حمود قوم شوف اخوانك محمد وقف بسرعه و راح لهم جواد ماسك شعر وجدان بعد ماهي عضته بيده محمد وقف بسرعه و راح لهم سحب جواد :جواد فكها وش فيكم جواد :هي عضتني اول وجدان :هو اخذ ايبادي محمد :عطها ايبادها وتعال بنطلع خذت ايبادها وراحت قعدت مع امها وهما طلعوا نوره : قومي جيبي جوالي بكلم فايز وجدان : ماما بعدين بجيبه نوره بعصبيه فسخت الشبشب ورمتها : قومي بسرعه وجدان مسكته: طيب وينه نوره :بالصاله فوق بتلقينه وجدان رمت الشبشب على الارض وراحت ___ الدكتوره طلعت من عند اسيل ام تركي وقفت : كيف صارت الدكتوره :الحمدلله بخير كان ممكن تخسر الجنين بسبب طيحتها بس الحمدلله الحين وضعها والجنين تمام ام تركي بدهشه : حامل!! الدكتوره : اي والحمدلله على سلامتها ومشت تمت واقفه دقيقه ابتسمت بفرح بس تلاشت ابتسامتها لما تذكرت ان ياسر طلق اسيل دخلت الغرفه قربت منها شافتها على السرير الابيض في راسها لصقة جروح و بيدها مغذي نظرها للاعلى ما طالعت حتى من دخل لها مسكت يدها : الحمدلله على سلامتك يا بنتي ومبروك يمه والله يثبته لك وتقر عينك بشوفته اسيل طالعتها بنظرات خاليه من الحياه على كثر ما كانت متلهفه لطفل الا انها الحين ما تحس بفرح وهي تتذكر كلام ياسر الي ذبحها ام تركي تضايقت عليها :قولي لي يمه وش صاير بينك وبين ياسر الي وصلكم لطلاق اسيل نزلت دموعها بصمت وما ردت تنهدت ولفت بتطلع اسيل :لحظه ام تركي لفت لها اسيل :لا تخبرين ياسر بحملي ام تركي :بس يابنتي ما يصير هو ابوه لازم يدري اسيل :طلبتك ياخاله لا تخبرين احد تنهدت ام تركي :طيب وطلعت ___ منال منسدحه على السرير بعد ما طلبت من زوجها تنام في بيت اهلها وجنبها بنتها بعمر السنه نايمه بهدوء ضمتها وضميرها مأنبها صح تكره اسيل بقوه وكانت تبي تفرق بينها وبين ياسر و هونت لما شافت حبه لها بس المصيبه انها تراجعت بعد ما رسلت صورها حاولت بعيسى يمسحهم مقابل الي يبيه بس استغل هالفرصه وهددها فيهم مقابل الفلوس كل فتره وبسبب خوفها من ياسر وافقت نزلت دموعها وهي تتذكر انها خربت حياة اخوها مولا هي قادره تعترف لياسر ويذبحها ___ ياسر ساند راسه على الدريكسون يحس ضيق الكون كله بصدره ياخذ انفاسه بتعب وقلبه ينزف مو مصدق الي صار يتمنى يطلع كابوس ويصحى منه رفع راسه على صوت احد يطق على الدريشه فتحها بهدوء الرجال : اخوي فيك شي تبي مساعده ياسر اشر بيده : لا مشكور قفل الدريشه وحرك سيارته بيرجع للبيت وهو كاره نفسه والبيت كاره كل شي ما توقع هالشي من اسيل هو ما قصر معاها بشي عشان تخونه مع صديقه وترسل له صورها بكل جرأه وقف سيارته وهو يشوف امه نزلت من سيارة تركي طالعته و دخلت اخذ نفس طفى السياره ونزل دخل البيت مر من جنب غرفة امجد سمع صوت بكاه فتح الباب عليه :مجود امجد مسح دموعه وتعدل بجلسته وهو يطالع ابوه بخوف ياسر قعد جنبه :ليش تبكي امجد بصوت راجف :ماما وينها هي بخير؟ ياسر رفع يده لشعره طالع امجد : مدري وما يهمني امجد ببكاء :بابا قولي ماما بخير هي بالمستشفى صح اخاف تروح مثل جدتي لما راحت المستشفى وما شفتها بعدها ياسر ضمه وبهدوء :بخير يا بابا مافيها شي خلاص وقف بكاء امجد مسح دموعه : روح جيبها ياسر :ما راح اجيبها وما بترجع لهالبيت ابد تبيها روح لها بيت اهلها وشوفها امجد :ليش ماما طيبه ليش ضربتها ياسر تنهد ووقف بيروح غرفته :امجد خلاص نام الحين وطلع لغرفته فتحها وصلته ريحة عطرها الي منتشره بالمكان مشى لشباك وفتحه وراح ارتمى على سريره بس ما قدر ينام ____ اليوم الثاني جوري دخلت على مريض: السلام عليكم المريض :وعليكم السلام الجوري وهي تطالع تحاليله :لا اليوم احسن بكثير ابتسم المريض :الحمدلله يعني اقدر اطلع الجوري :ايه بكتب لك خروج والتزم على ادويتك وخذها بوقتها المريض :ان شاء الله مشكوره طلعت الجوري شافت الدكتوره وداد ابتسمت :وش عندك تتحلطمين شصاير وداد :في مريضه عندي تحسين كل هموم الدنيا عندها من امس وهي على نفس وضعها يا تبكي بصمت او سرحانه الجوري :الله يشفيها بس شصاير لها وداد :عمتها تقول طاحت وصدم راسها وتعورت بس طلعت حامل وهما ما يدرون سكتت شوي تفكر كأني شفتها معاك مره هي تقرب لك الجوري باستغراب :وش اسمها ؟ وداد وهي تطالع الاوراق الي بيدها :اسيل صالح الـ.. الجوري بصدمه :اسيل وداد :ايه تعرفينها؟ الجوري :ايه اخت زوجي وينها وداد : بجناح ٢٠١ مشت الجوري بسرعه رايحه له ___ دخل اسامه البيت مع فايز وفجر راجعين من السوق بعد ما اشتروا اغراض المدرسه بس ما كملوا كل شي لان اسامه تعب عليهم اسامه مسك جنبه وهو يتنفس بصعوبه: خذوا اغراضكم لغرفكم بسرعه قعد على اقرب كنبه له وبصوت عالي: سونا جيبي لي كوب مويا بسرعه سونا جابته له شربه على ثلاث دفعات وعطاها شيخه دخلت الصاله طالعته وقعدت جنبه: بسم الله عليك يمه فيك شي اسامه ابتسم ما يبي يخوف امه :لا يمه لا تخافين ارهاق من الشغل بس اسماء جات له بسرعه بعد ما قالت لها فجر عن تعبه ابوها :حبيبي رحت المستشفى شفت النتايج تكفى طمني اسامه طالعها بحده واشر بعينه على امه يبيها تسكت :مافيني الا العافيه لا تفاولين شيخه :اي نتايج الي تتكلم عنها انت مخبي عني شي اسامه مسك يدها وباسها :يمه فحوصات عاديه بس لا تشيلين هم مافيني شي شيخه طالعته مو مرتاحه تحس في شي ما تعرفه: اها زين الحمدلله طالعت اسماء :وانتي كيفك اسماء سندت ظهرها ويدها على بطنها: بخير والحمدلله شيخه بهمس :اشوفك ماشاء الله ولا كأنك حامل اسماء توسعت عيونها وطالعت اسامه بقهر :اساعدك تروح ترتاح فوق اسامه وقف :لا ما يحتاج عن اذنك يالغاليه وراح مع اسماء لغرفتهم ____ تركي قاعد في بيت اهله هو زوجته وعياله يفكر رن جرس الباب وقف وراح يفتح تفاجئ بالشرطي :السلام عليكم تركي :وعليكم السلام خير ان شاء الله الشرطي مد له ورقه : في قضيه مرفوعه على ياسر هو موجود تركي حس بدوخه : ياسر طالع الورقه وهو يقراها عض شفته وهو يقراها عيسى اشتكى عليه زفر بعمق : ياسر الحين مو موجود اذا جاء بقول له غمض عيونه بقوه لما شاف ياسر وقف سيارته وهو يحس نفسه جسد بلا روح مشى لهم سلم بهدوء الشرطي : الاخ ياسر ياسر : ايه الشرطي : تفضل معنا في شكوى مرفوعه عليك بدون ما يسأل من وليش لف ومشى معه تركي مسح على شعره بقهر ودخل وقفل الباب الام : من تركي بضيق : الشرطه شهقت امه بصدمه : وش يبون تركي : ياسر طاحت الملعقه من يد منال الي كانت تأكل بنتها طالعت امها الي مسكت راسها : ليش ياسر وش مسوي تركي قعد جنبها : يمه اذكري الله هاوشه شباب بس وباروح لعيسى وبخليه يتنازل منال قبضت كف يدها بقوه ونزلت دموعها كل الي صار بسببها الام ببكاء : لا اله الا الله مدري وش صار للولد وانقلبت حياته فوق تحت حسبي الله على من كان السبب دخلت سمر بابتسامه : السلام عليكم تلاشت ابتسامتها وهي تشوف حالتهم قربت سلمت على راس امها وتركي ومنال وقعدت جنبها : يمه شصاير شفيكم الام ماردت نزل امجد بسرعه يركض : عمو بروح اشوف ماما توديني لها تركي وقف : طيب سمر : ليش اسيل وينها امجد :بالمستشفى بابا ضربها سمر بصدمه : ياسر ضربها تركي : يلا امش معي سمر : وينه ياسر منال وهي تنزل تاخذ الملعقه بيد ترجف نزلت بنتها على الارض : خذوه الشرطه سمر ترمش بعدم تصديق للي يصير انصعقت وهي تسمع كلام امها لمنال الام : منال انتي كنتي موجوده لما دخل ياسر قولي وش قال لاسيل ليش طلقها منال : مـ مادري يمه خذت جوالها الي رن ومشت للمطبخ سمر مسكت راسها بقوه كل هذا يصير وهو ما تدري عجزت تنطق بحرف وهي تحاول تستوعب الي سمعته منهم ___ الجوري قفلت من عبدالعزيز ورجعت لاسيل قعدت على الكرسي على يسارها : اسيل وش صاير لك ما ردت اسيل الجوري : ليش محد يدري من اهلك انك هنا اسيل : انا ما قلت لهم الجوري وقفت ومسكت يدها : اسيل وضعك مو عاجبني فضفضي لي لا تكتمين اسيل امتلت عيونها دموع ونزلت بصمت الجوري بخوف : اسيل انتي تعتبريني اختك صح قولي لي وش فيك اسيل بغصه وصوت مخنوق : ذبحني يا جوري الجوري باستغراب : ياسر ؟ اسيل بكت الجوري قعدت على السرير وضمتها بعد بكاها الموجع :هو الي ضربك اسيل بألم : ظلمني اتهمني بالخيانه ما يدري ان روحي معلقه فيه وان لو اموت ما خنته ما يدري بحجم حبي له قال ان يوثق فيني ثقه عمياء بس زمت شفايفها وبصوت مخنوق : طلقني يا جوري كسر هالثقه طلقني حتى بدون ما يسمعني شهقت الجوري بصدمه ونزلت دموعها بقهر عليها : الله لا يوفقه الله يتنقـ.. اسيل : تكفين لا تدعين عليه الجوري بقهر : الا حسبي الله عليه عبدالعزيز وقف قبل لا يفتح الباب وهو يسمع كلام الجوري قبض على يده بقوه وهو يتخيل اسيل دلوعتهم تنضرب احتدت نظراته وزاد حقده عليه وهو يسمع كمية الالم والضيق بصوت اسيل طلع بسرعه من المستشفى رايح لياسر تركي وقف وهو يشوف عبدالعزيز الي مر من جنبه وما انتبه لهم تنهد ومشى لف لامجد : يلا ادخل شوي وجايك طيب دخل امجد لغرفه اسيل و تركي راح بيشوف عيسى امجد قرب منها وباس خدها : ماما يعورك راسك اسيل : لا حبيبي ما يعورني شي وانا بخير امجد : ماما ما ابي اروح مع بابا بجي معك اسيل تنهدت : بابا ما بيرضى وتعال اي وقت تبيه طيب امجد بضيق : طيب ___ تركي دخل وهو يشوف عيسى بحاله سيئه : ما تشوف شر ان شاء الله عيسى وفي يده جبيره وعلى راسه شاش : الشر انت واخوك وش تبي جاي تركي : ابي تتنازل عن ياسر عيسى بعصبيه : مستحيل انت شايف الي سواه فيني اخوك بغى يذبحني ما راح اتنازل تركي : عيسى انا اعرف ياسر ما عصب وجن الا لسبب قوي وانت صديقه وتعرف شكثر يعزك عيسى : ما راح اتنازل ويالله اطلع تركي ببرود : وش تبي مقابل عيسى ابتسم نقطه ضعفه الفلوس : قول كذا من الاول ٥٠ الف تركي طالعه جشع وطماع تنهد : تم بهاليومين بتكون عندك عيسى : خلاص اوكي بس تعطيني الفلوس بروح القسم واتنازل عنه تركي طالعه باحتقار وطلع طلع جواله وهو يتصل على امجد يطلع ___ عند عبدالعزيز وقف قدام بيت بو تركي نزل بسرعه وهي يدق الجرس ما وقف فتحت ام تركي وهي متغطيه : خير ازعجتنا طق الجرس نفس الناس عبدالعزيز وهو يحاول يهدأ : وين ياسر ام تركي بحزن : مو موجود عبدالعزيز : وينه ام تركي بضيق : بالسجن انت صديقه عبدالعزيز ابتسم بتشفي : احسن ويارب ما يطلع واذا طلع انا بتفاهم وياه وبعلمه كيف يتجرأ يمد يده على اختي ومشى لسيارته ___ نوره وهي تقهوي سعود : حبيبي تكفى طلبتك سعود : تعالي جنبي نوره وقفت وقعدت جنبه سعود نزل فنجانه : الحين قولي وش طلبك نوره بهدوء :بروح الرياض الاسبوع الجاي سعود :لا نوره :بس اسبوع ما راح نطول سعود : نوره توك جايه من عندهم وما شفناك عدل والحين تبين ترجعين نوره تكتفت بزعل وسكتت سعود طالعها ابتسم : نوره انا ما اقدر اجي معك وثانيا كيف تبيني اقعد الصبح وما اشوف هالوجه الحلو قدامي ولا يكون اخر شي اشوفه قبل لا انام نوره :حط صورتي قدامك سعود طالعها بنظره نوره ضحكت :امزح معاك شفيك سكتت لما ما رد عليها تفكر :اقول سعود سعود ببرود :قولي نوره :انت عندك فرع هناك فتحته من سنه صح سعود :ايه نوره :طيب خلاص اترك الشغل هنا وخلنا نروح احسن لنا كلنا سعود :وتبيني اترك عمي وهو تعبان نسيتي وقفته معاي نوره :خل زوج افنان يستلم الشغل مو هو وياكم بالشركه واذا ما يبي على الاقل يساعده وانت روح امسك الفرع الي فتحته بالرياض افضل سعود سكت يفكر بكلامها نوره استبشرت خير من سكوته ___ طلع ياسر مع تركي بعد ما تنازل عنه عيسى وقف تركي قدام بيت اهله ونزل ضايقه فيه الدنيا دخل وامه اول ما شافته مشت له وضمته وهي تحمد الله ان طلع شاف امجد قاعد يطالعه بنظرات ما فهم معناها فتح يدينه له :تعال امجد وقف ومشى ضمه ياسر وباس راسه: وش فيه الحلو زعلان امجد هز راسه بلا :مو زعلان ياسر ابتسم وطالع امه :كيف حالك يمه الام :بخير بشوفتك يمه مشى ومعاه امجد لغرفته وهو هلكان وتعبان ____ اسيل في غرفتها ما تبي تشوف احد ولا تقعد مع احد صار لها يومين على هالحال ومحد يدري وش صاير معها غير الجوري وعبدالعزيز انطق الباب اسيل : تفضل دخلت الشغاله : بابا احمد يبيك تحت اسيل بتوتر : ط طيب جايه طلعت الشغاله وقفت وغيرت بجامتها و لبست بلوزه سوداء و بنطلون واسع شوي رفعت شعرها بربطه ونزلت شافت امها واخوانها كلهم قاعدين خافت بس قوت نفسها وقربت : السلام عليكم ردوا الكل السلام احمد بدون مقدمات : وش سبب طلاقك اسيل انصدمت وطالعت عبدالعزيز اكيد جوري قالت له عبدالعزيز فهم نظراتها : محد قال لي انا سمعت كلامك مع جوري اسيل زمت شفايفها بقهر وماردت احمد بعصبيه : اسيل تكلمي وش مسويه من مصيبه اكيد شي يوطي الراس اسامه بنرفزه : احمد انتبه لكلامك انا واثق باسيل اسيل نزلت دموعها بقهر عبدالعزيز بهدوء : يمكن الغلط منه اهدوا خلونا نفهم اسيل بعصبيه : خلاص سكروا على الموضوع سوء تفاهم صار بينا او الاصح سوء فهم من ناحيته هو انا ما غلطت سامعين ما غلطت طالعت احمد : و ما سويت شي يوطي راسكم ابد اسامه مشى لها ضمها على جنب :اسيل اهدي والله لو يوقفون كلهم ضدك انا بوقف معك احمد كان بيتكلم بس شيخه تكلمت: خلاص سمعت قالت سوء فهم وممكن ينحل ما ابي اسمع اي احد يفتح معها هالموضوع عبدالعزيز تنهد هو يعرف الي صار ومقهور عليها اسيل لفت ورجعت لغرفتها اسامه اخذ نفس وبهدوء :عن اذنكم انا طالع مشوار شيخه :بحفظ الله طلع اسامه ركب سيارته وحرك بعد ربع ساعه وقف قدام المستشفى سند ظهره وهو يتنفس بتعب طفى السياره ونزل وصل عند الدكتور الي سوا التحاليل وسأل عن النتائج الدكتور طلع تحاليله رفع نظره له : التحاليل توضح ان عندك مشاكل بالكلى اسامه ساكت ينتظره يكمل الدكتور تنهد :عندك الكليه اليسار متعطله والثانيه ضعيفه وممكن تتعطل باي لحظه ويكون عندك فشل كلوي اسامه حس نفسه طاح من اعلى جبل بصدمه :ايش الدكتور مد له اوراق التحاليل :من بكرا لازم تجي تراجعنا وتسوي غسيل كلى اسامه كان يتردد في عقله فشل كلوي ما سمع كلام الدكتور الي كان يشرح له سبب حالته الدكتور :اسامه اسامه انتبه :اسف ما سمعت وش كنت تقول الدكتور وهو يكتب : الادويه لازم تاخذها بوقتها و تراجعنا بكرا ضروري عشان نشوف جلسات غسيل الكلى واذا لقيت متبرع بوقت اسرع يكون احسن اسامه طالعه بلع ريقه ومد يده للاوراق : طيب طلع من عنده لصيدليه اخذ الادويه ومشى لسيارته حط الاوراق والادويه بالكرسي الي جنبه وانهارت قواه وسند راسه لوراء بضعف جاء في باله بهاللحظه امه وعياله فايز وفجر والطفل الي جاي اذا صار له شي او توفى وش راح يصير فيهم عض شفته بقوه وهو يحس بألم فضيع مسك بطنه وهو يحس جوانبه بتتقطع همس بتعب :يالله رحمتك زفر براحه لما راح الالم وحرك السياره توجه للبيت رن جواله شاف الاسم و رد بهدوء ____ في بيت ابو تركي دخلت منال شايله بنتها شافت امها ونجلاء و سوسن : السلام عليكم ردوا عليها السلام سلمت على امها وقعدت الام : وانتي كل يوم جايه ضحكت منال :يمه شسوي احبكم بعدين بو شدن بيسافر وانا بقعد عندك هالشهر ابتسمت ام تركي :حلو والله تقعدين معي شهقت منال :يمه نسيت اقول لك بو شدن يبي يسلمك عليك قبل لا يسافر وقفت امها :وتوك تتذكرين ومشت للباب سلم عليها وسولف معها شوي وراح مستعجل للمطار نجلاء لفت لسوسن :الا وين هي اسيل دايما تقعد معنا سوا بهواش او بدون بس اليوم مالها اثر سوسن باستغراب :ايه والله تصدقين فقدتها نجلاء ضحكت :والله وصرنا نسأل عنها بس تبين الصدق والله مع العشره طلعت طيبه طالعت منال الي ساكته وما تكلمت معهم ولا غلطت عليها :وش فيك ساكته والا مو عاجبك كلامنا عن اسيل دخلت الام ووراها ياسر توترت منال وهي تشوف حالته سوسن لاحظت عليها واستغربت سلم على خواته وراح غرفته نجلاء :يمه ياسر فيه شي الام :لا بس تعبان شوي وطلعت بتشوف امجد سوسن :منول تعرفين شصاير منال بارتباك : هاه لا مـ ما عرف سوسن طالعتها بشك من ارتباكها الواضح ____ سعود دخل البيت تعبان تناقش مع عمه اليوم وفاتحه بالموضوع الي كلمته عنه نوره وبعد فتره اقتنع رغم ان ما يثق باحد كثر ثقته بسعود بس دام هالشي بيريحه ماعنده مانع راح يدير شغله بنفسه وبمساعدة نايف زوج افنان يعرف ان رجال يخاف الله وبيشوف خبرته بهالمجال ابتسم وهو يشوفها قاعده وفي يدها كوب قهوتها رد السلام رفعت راسها بابتسامه : وعليكم السلام ورحمة الله تأخرت اليوم سعود :انشغلت بالشركه قعد جنبها واخذ الكوب من يدها نوره توسعت عيونها :هذا لي سعود :انا خاطري في قهوه بس ما حلت الا الي بيدك نوره :سعود مالي خلق اقوم اجيب لي عطني اياها سعود رفع حاجب :صايره كسلانه وبخيله ودوبه بعد نوره ضربته على كتفه :سخيف وقفت وراحت المطبخ سعود ضحك عليها ورفع الكوب وهو يشرب بهدوء وبصوت عالي :بدلي لبسك الجو بارد نوره طلعت من المطبخ وفي يدها كوب قهوه طالعته :البيت دافي ما يحتاج سعود ابتسم :وين العيال نوره :بغرفهم سعود :هاديين اليوم نوره :الحين بيجوك يراكضون سعود :طيب قبل لا يجون تعالي ابيك بموضوع نوره مشت وقعدت على الكنبه مقابله : خير ان شاء الله سعود :كل خير عندي لك بشاره نوره ابتسمت بحماس :شنو سعود :كم تعطيني نوره :الي تبيه اخلص قول سعود سند ظهره للكنبه :كلمت عمي واقنعته وبنرجع الرياض نوره بفرح نزلت كوبها على الطاوله بعد ما كان بيطيح من يدها :احلف يعني خلاص بنرجع لبيتنا واهلنا وفايز وقفت :ياربي مو مصدقه واخيرا سعود ضحك وهو يشوف فرحتها وجدان جات تركض لابوها ضمها وباس خدها :هلا والله باحلى البنات دخل جواد ووراه محمد وعبدالله وقعدوا يسولفون ____ اسامه دخل البيت بتعب واتجه لغرفته فتحها ودخل فسخ شماغه وعقاله رماهم على الكنبه وطلع جواله ومفتاحه وبوكه حطهم على التسريحه مشى طلع له بجامه وتوجه للحمام طلعت اسماء بوجهه وهي تنشف شعرها جمدت وهي تشوف تعابير وجهه اسامه بعدها من قدامه ودخل اسماء لفت تطالعه بهدوء هزت اكتافه باستغراب ومشت طلعت الاستشوار وشبكته وشغلته تجفف شعرها اسماء : حبيبي تعبان اسامه ببرود :شوي بس اسماء :رحت المستشفى اسامه :اي تعب عادي والحين ممكن شوية هدوء ابي انام اسماء :طيب رن جوال اسامه ما سمعه كان رايح بسابع نومه مسكت اسماء الجوال تأملت الاسم فتره مكتوب " خلود " فتحته وما تكلمت وصلها صوت انثوي ناعم : حبيبي انشغل بالي عليك صوتك اليوم مو طبيعي لا تقول لي اوهام انا متأكده ان فيك شي " اسماء ضغطت على الجوال بقوه وصوت انفاسها صار واضح قفلت الخط وهي ترجف بطنها اوجعها قعدت على الارض بصدمه واسلوب البنت يبين انها تعرفه من فتره نزلت دموعها بغزاره مو مصدقه خيانة اسامه ___ نوره مستانسه رغم تعبها من حملها كانت ترتب وتجهز كل شي بحماس سعود دخل وشافها وهي تحوس بالغرفه جهزت شنطه وباقي تجهز الثانيه سعود مسكها :خلاص بتقعدين تصيحين من الم ظهرك و بطنك خلاص اقعدي نوره: بقى شوي سعود: قلت لا الحين بنادي ميري تسويهم نوره :بس سعود قاطعها: ولا كلمه نوره بزعل مشت بتطلع سعود: وين نوره :بروح للعيال سعود رفع حاجب :ما تبين تقعدين معي انا اجي وانتي تطلعين نوره طالعته بهدوء: ليش معصب سعود اخذ نفس :مو معصب نوره مشت لها مسكت يده وقعدته على السرير وهي جنبه ابتسمت :طيب خلاص روق سعود طالعها وهي مبتسمه يحس ابتسامتها طالعه من قلبها من كثر فرحها وحماسها رفع يدها الي ماسكته وباسها بعمق : ليه تحرميني من هالابتسامه الحلوه نوره طالعته ولمعت عيونها بحب :غصبا عني سعود سرح بنظرة عيونها وما حس بنفسه الا لما انطق الباب ودخل جواد يشكي من وجدان ___ في بيت ابو احمد الجوري :خالتي وين اسيل شيخه تنهدت :بغرفتها مو راضيه تطلع عجزت معها الجوري وقفت: انا بروح لها شيخه :حاولي تطلع بدل ماهي حابسه نفسها الجوري : ان شاء الله وراحت لها دخلت شذى وعيالها صالح استانس بعيال عمه لان تملل بروحه و فايز طالع شذى سلمت عليها وسألت عن احوالها : شفت سيارة الجوري برى وينها شيخه : عند اسيل شذى : يا عمري اسيل ما تستاهل الي صار لها شيخه بهدوء : قضاء وقدر شذى سكتت تفكر وبدون شعور سألت : تتوقعين عشان اسيل ما جابت عيال طلقها لان هو عنده امجد يعني مافيه عيب يعنـ.. سكتت من نظرات شيخه بلعت ريقها وصدت بنظرها دايما تتسرع بالكلام اسيل وقفت وهي تسمع كلامها اذا شذى هذا كلامها اجل الناس اذا عرفوا بيطلعون عليها ١٠٠ اشاعه ويتناقلونها بينهم الجوري انقهرت هي يالله قدرت تخليها تنزل خافت ترجع غرفتها مسكت يدها ودخلت الصاله وبحده : والله اسيل كلنا نعرف ان ياسر يموت فيها ونعرف اصراره على الزواج منها واذا فعلا تفكرين ان طلقها لهالسبب السخيف فاحب اقول لك استريحي مو هذا السبب لان لو ياسر فعلا يبي عيال من غير اسيل ليش ما تزوج صار لهم ثمان سنين متزوجين وداخلين بالتاسعه ممكن تقولين لي ليش شذى سكتت ما عندها رد الجوري :لان ما يبي من غيرها وراضي بلي كاتبه الله ولا تنسين انه عندهم امجد اسيل حست بغثيان وقفت بسرعه وراحت للحمام يكرم القارئ الجوري طالعتها بهدوء شيخه ابتسمت للجوري :تعالي يمه اقعدي لا تتعبين من الوقفه الجوري قعدت وسندت ظهرها وهي تحس بتعب حطت يدها على بطنها : والله خاطري بورق عنب حامض مرا ابتسمت شيخه :ابشري الحين بيجيك احلى ورق عنب ضحكت الجوري :تسلمين لي والله لا يحرمنا منك شذى انقهرت من علاقة الجوري وشيخه سبحان الله والحمد لله ولا إله إلا الله والله أكبرُ ولآحول ولا قوة إلا بالله | ||||||||
|
| |
|
| أدوات الموضوع | |
| انواع عرض الموضوع | |
|
|
23Likes
.png)
العرض العادي
