آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-11-20, 04:55 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #قلبان يجمعهما السحر #البارت التاسع بقلمي #نور الشمري #ڪلّ شَخصٍ لدَيه قصة حُزن بدآخلــــــــــــه ! شخصٍ عانَى منْ أشخاص أحبّهُم أو مازآل يُعآني ! و شخصٍ تعب من التّضحــــــــــــــية .. دونَ نتـــآئج ! و شخصٍ يبكي ڪلّ يومٍ على أشخاصٍ رحلۇآ منَ الدنيآ ! وشخصٍ يُعآني من الغُربة حتّى وهو بين أهله وعشــــيرته! و أشخاصٍ يقرؤۇن هذآ الگلآم ليجدۇآ أنفسهم .. في بعض السُّطُۇرِ ! هيَ الدُّنيآ .. ولهذآ سُمّيت دُنيآ . انصاف : اول ما طلع فزيت كمشت خشمي واني ارجع ذاكرتي الحركته الي سواها احس كلبي يريد يطلع من مكانه اتحسس خشمي وع شفايفي ابتسامه اول مره احس هيج شعور كلبي احسه حينفجر من سرعته صافنه وحاطه ايدي ع خشمي وابتسم واتلمس بي وماحس غير بس ع غزل وهي اجر بثوبي وتصيح - مثمعين ثالي ثاعه احثي وياث ( مسمعين سالي ساعه احجي وياج ) - اووي عيني سمو الاميره غزل نعتذر ونطلب السموحه من حظرتج شتأمرين حجيت واني اضحك وهي تبلوعلي بغضب وعصبيه دارت وجهها زعلانه واني ابوس بيها وهي ادفع لحد ما صالحتهاا - وشتريد الاميره هسه - ككو - العب ياابه تريد ككو ومنين اجيبلج من كملات امج ههههههههههه خلص تعااي انشوف ماما عدها ككو لو لاا شلتها ونزلت جوه ادور ع رانيا شفت عمتي كاعد اتلكط بتمن ورانيا ماكو ذبيت غزل وكتله روحي دوريها وين وهسه وتعاليلي راحت تركض واني رحت يم عمتي - خل اساعدج عمه - لا حبيبتي ماعدي شي بعدج عروس روحي لا يجي رجلج وانتي هنا يصير بيج ريحة طبخ - شنو القصه وبعدين نصر طلع خل اساعدج حبابه حجيتها واني احرك بعيوني الها وهي ضحكت وهزت راسها - يلا تعااي لعد نكي التمن ع ما اطبخ المركه - تدللين اخذته ونكعته وبقيت كاعده يمها اسولف وضايجه كلت خل اخابر امي مشتاقتلها وهي ماتخابر تسئل ماعرف شبيها عبالك ماصدكت دكيت عليها لوين ياله شالته - الوو ها ماما شلونج - هلاا نصوفه يمه الحمدالله انتي شلونج رجلج - ابتسمت وفرحت لان حاجتني هيج وجاوبتها الحمدالله مشتاقتلج بس تخلص السبعه واتعزمينا ابات يمكم - هههههه بعدج ماكلتي يالله واشتاقيتيلنا شنو القصه ولج خااف مضايقه من شي لو نصر مسويلج شي - صفنت ع كلام امي شبيها تسئل هيج مو من عوايدهاا اله اذا اكو شي مارتاحيت السؤالها بس جاوبتهاا ماكو شي وبقيت اسئلها ع عمار وبابا ووصيتها اسلملي عليهم وسديته رحت اشوف رانيا اليوم ماكوو مشيت لغرفتها واسمع رزان تبجي طبيت للغرفتها شفتها مدري شتبحوش جوه الجربايه وبتها تبجي - رانيااا هي طفرت راسا وباوعتلي وصاحت - نزيت شبيج داخله مثل الحرامي تتخنسين ومادكيتي الباب شلون هيج اطبيين هااا صفنت عليها شبيها هاي اصيح واعصاب صايره همست الها واعيوني مدمعه - ماكو شي سمعت رزان تبجي وانتي مالج حس عبالي مموجوده - حتى لوو احترمي خصوصية الاخرين انصاف يرادلج تعلوم من جده وجديده مرة الخ مدخلين للغرفه اذا مادكيتيها ويجيج صوتي ياله ادخلين فاااهمه عيييب هيج تصرفات لو مثنى موجود هااااا سكتت واني اباوعلها عصبيه واصيح ومبين خايفه من شي دموعي بطرف عيني ادري مثنى مو هنا لان هو هيج وكت بشغل لهذا دخلت بدون ماادك الباب وسمعت رزان تبجي ماطاني كلبي اسمعها هيج وابقه ساكته هزيتلها راسي وهمست الها - اسفه متتكرر بعد وعفتها وطلعت سمعتها صاحت - هم ناقصه اتعيديها بعد حته اكسر راسج حقيييره انهضمت منها ليش هيج اتعاملني شسويتلها هسه مو زين كلبي مااطاني اعوف بتها تبجي اول ماطلعت من الغرفه مالتها اطلقت سراح ادموعي وكامن ينزلن عشره عشره ماعرف ليش اقل كلمه تنكال الي بنتره لو صياح انهضم وادموعي تجمع بسرعه مامتعلمه واحد يصيح هيج عليه بس امي و جنت استقبل هذا الشي برحابة صدر لانها امي وماازعل منها مهما صار بس رانيا اليوم حيل هضمتني وجماله ببيت الناس لو سامعتها عمتي شتكول هسه علينا اخوات يتعاركن بيناتهن درت وجهي ردت اصعد فوك صار نصر كدامي مجتف اديه وواكف بباب المطبخ وساند روحه ع الحافه مال الباب دنكت واني كوه اوكف دموعي بس الشهكه بعدها بيه اتقدم وهو يباوعلي صار كدامي رفع حاجبه وكال - شبيها اصيح عليج ع شنو دنكت وهزيت راسي ميته خجل لان سمعها اصيح عليه هسه شيكول علينا طاح حظج رانيااا بقيت مدنكه وخجلانه ارفع راسي واباوعله بس لسه الشهكه متروح برغم مااكو دموع موقف حيل بايخ انحطيت بي لا الشهكه تعوفني ولا اكدر ارفع راسي بوجهه واكله ع عركت رانياا ولا اكدر اعوفه وادور وجهي عنه لان مو تربايتي هاي اتركه يحجي وادور وجهي عنه وامشي بقيت مدنكه وع وكفتي جرني دخلني للاستقبال وكعدني ع التخم وصار كدامي ثاني رجله ركبه ونص وكاعد يباوعلي رافع حاجبه - احجي شبيها ام غزل وياج وديرري بالج اجذبين ترا اعرف الجذااب - يالله شحجي هسه اذا اكوله ع العركه البايخه الي سوتها رانياا ع لا شيئ شراح يكول مو راح ياخذ نظره مو حلوه علينا ع يابه الاخوات يتعاركن وماعرفو يربوهن وماحب احد يمس ترباية بابا لان ربانا احسن تربيه باوعتله وهزيت راسي واني اعصر اديه صارررن حمر دم هزيت راسي بنفي وجاوبته ماكو شي ع الجهال لان لان ئئئ يعني اي لان تركت غزل هي وزان وحدهن وهي وصتني عليهن ماعوفهن واني عفتهن وغزل ضاربه رزان وكايمه تبجي حجيتها لان ماعدي سالفه ثانيه واكيد من يعرف السالفه اتخص البنات راح يتفهم ويسكت لان بناتها وماترضه عليهن رفعت راسي شفته ع كعدته ونظراته رافع حاجبه عيونه صارن حمر حك لحيته ودنك عصر كصته ورجع باوعلي وهمس - اني مو كلت ماريد جذب كلت لو لااا ليش اتعصبيني وتخليني اعصب من هسه اجذبين باجر عكبه شلون سمعينيي زين هلمره راح اعديها لان بعدج متعرفين طبعي بس قسماا برب الكعبه يا سكت شويه وهو يعصر كصته وعاكد حواجبه خفت من منظره هذا وجسمي صار يرجف رجع كمل كلامه وهو مخنزر - يا انصاف اذا تكررت مرة الخ اشوفين وجهي الثاني خليج ع طبيعتج وبرائتج خليج هيج لا اجذبين ولاا اضمين عليه شي لان من راح اعرف بغير وكت ومن غيرج يصير الحجي غير وساعتها متلومين غير نفسج خلي هلكلام ترجيه بذنج واذكري ع طول هذا زواج وعمر طويل لازم اتفهمين هشي ماشي - هزيت راسي واني خايفه من عده لا يعصب لان شكله مو قانوني ابدددد يخوووف بمعنى الكلمه - عفيه بشاطره وهسه كولي شبيها هاي تنهيق صوتها شعلوه واصل لراس الشارع - فتحت عيوني وباوعتله بصدمه وهمست تنهيق شنو يعني تنهيق ابتسم وملامحه هدئت شويه وباوعلي بنظرات مليانه مكر وكال متعرفين شنو يعني نهيق - صفنت عليه وهزيت راسي بـــ لا ضحك وكال - عوفينا لعد من النهيق وصاحبته وكولي شبيها - همست واني اعصر بيدي شوف راح اسولفلك بس مو تاخذها بغير شي هي مادري شبيها معصبه وهاي اول مره اسويها استفقدتها ورحت ادور عليها سمعت صوت رزان تبجي وصوتها عالي ومحد دايسكتها كلبي منطاني اعوفها هيج عبالي محد يمها ورحت فتحت غرفة رانيا وطبيت بس بدون قصد والله مادكيت الباب مو متعمده هي جانت تبحوش جوه الجربايه ومن شافتني كامت اصيح شلون ادخليج بدون ما ادكين الباب وعيب ولو مثنى موجود ويرادلج تعلوم من جده وجديد ومن هذا الحجي بس والله اني م باوعلي مبتسم وكال مقاطعمي وانتي ليش ضايجه بلا - ماضايجه بس لان محد مصيح عليه بس ماما وماما ماضوج منها من اصيح ورانيا هسه ماعرف شبيها انهظمت لان هيج صيحت واني يعني بعدني جديده هاي بمكان ما توكف وياي وتراعيني ومزعلني لان تاركه اهلي حجيتها وبرطمت ودنكت صاح هاهاها يمعوده لا تبجين وخليج قويه ياجبل ميهزك ريح كم حجايه بس هظمتج وبجتج باجر عكبه اشكال يصير حجي واشكال تلتقين بناس ويجوز يصير مشاحنات بينج وبينهم هم اضلين ساكته والدمعه بعينج منو يرجع حقج اذا تبقين هيج ضليج قويه واخذي حقج بيدج صح السويتي مو صح طبيتي ومادكيتي الباب بس انتي مامتعمده ومتعرفين لانج بعدج طفله بس ماجان لازم تنهظمين والدموع تنفجر هيج راسا ع خالي بلاش والله شنو رانيا صيحت عليه واذا صيحت يعني عسى ما تضربني اخلي روحي رياضيه وما اهتم بس بطريقتي ارجع كرامتي وحقي واخليها تجي تعتذر الي وهي الممنونه مو اكعد ابجي واعتذر الها انيي خلي هذا الكلام ببالج ولا تنسين ابد ماشي وهسه كومي يلا شوفي امي وين ميت جوع خلل اصب غدا - ايي هسه كايمه ركضت كمت واني الابتسامه مافارقتني امشي وابتسم عبالك شو شنو احس روحي طيررر عبالك مدري شكالي مو كعد يلطن جريده كدامي بس والله كلامه حلووو وشلون يحجي وعيونه وهو هادئ حلوووات مو حمر ويخوفن ومليانات عصبيه صحت العمتي جانت مدده بغرفتها وكمنا اني وياها صبينا الغدا هي ادري بيها ماتتغدا لحد ما يجي مثنى من شغله وتتغدا هي وياه لهذا ما صحتلها ولا وصلت الها تغدينا وخلصنا وهو كام صعد فوك واني عاندت اله اغسل الماعين لان شفت عمتي تعبانه كلشش وهاي المسعده بغرفتها معقوله هيج دائما لو لان متعاركه وياي لا يجوز لان متعاركه وياي ماطلعت مامعقوله دوم هيج نظلت المطبخ وصعدت وصلت لباب الغرفه واستحيت ادخل بقيت افتر بصاله خجلانه شويه وشفت غزل تريد تصعد الدرج من جوه ركضت عليها لا توكع شلتها وصعدت اي خوش حجه هاي اخلي غزل يمنا اخذتها وطبيت للغرفه جان نايم بس لابس فانيله تعلاكه وبرموده وحاط ادينه ع عيونه منظره جان كلش حلو بقيت شايله غزل واباوعله وها ادفع بيه تريد تنزل تلعب واني ومامنتبهه حاظنتهاا واباوعله ماحسيت غير ع عضتها الغزل بجتفي عطت بس راسا صميت حلكي وباوعتله تحرك دار وجهه نزلتها واني خازرتها شكو تعضيني همستلها بصوت ناصي باوعتلي ودارت وجهه ماتحجي وراحت ع مكياجاتي وضلت تفتح واتحط بوجهه واني اصيح بصوت ناصي ولجج وخري مو هيج الله يطيح صبغج انتي وامج ولج اني احطلج وهي ولا كانما ادفع بيه واتحط باوعتله نايم بس مكشف والسبلت مفتوح بارده اتمشيت جريت اللحاف اغطي وعفت غزل تلعب بلمكياج تقربت يمه انتبهت اكو وشم ع صدره بس ممبين لان جان لابس الفانيله بقيت احوص ارجع راسي منا وارده منا وادنك وارجع اباوع منا بس ماشفته شنو ائيست وعفته ورجعت ع غزل بس ياريتني مارجعت وشفتها لا حمره لا باودر لا كحله لا كريم لا ضلال ولا اي شي مخليته كلهن فاتحهن واتحط حته اديها دهنتهت بلباورد وتضحك خزرتها ما اهتمت الي ورجعت اتحط خزرتها وشلتهن واني اقرا السلام والفاتحه عليهن لان انتهن وماصالي ثلاث ايام من عرست شكول عليج غزززل اخذتهاا للحمام اسبحها وانزلها اذا نزلت هسه هيج اتكب العيطه هههههههه خليني اسبحها احسن جنت لابسه تراك لونه وردي وبي اسود خفيف عود ردت انام بي بس هاي ماخلتني انام الشيطانه طببتها للحمام وفتحت الدوش ترست المعجانه حته اسبحها براحتي مااضل اتحوص جوه الدوش وكمت اسبح بيها واليف اذا هي حته بطنها تارستها حمره وضلال بت الاوادم شلون كدرت مادري اجلف حته يروح وهي اتكركر من الضحك وتمشر مي عليه واني اعيط لججج غزل لا تخليني اصيح وهسه عمج الاصلع يجي يكسرني اني وياج لان كعدنا من النوم وهو شلونه يبعد روحي من دون كلشي طاكات عده المزاجات اسبح بيها واضحك واسوالف وهي تضحك باوعتلي وكالت عم صر صر فزيت واني مخروعه باوعتلها شنوو ولج شبيجج اتاشر ووتضحك واصيح صر صر عبالي اتكول صرصر طفرت فوك التخته مال الحمام واني اصيح وينه وينه ولج اوكفي نزعت النعال سلاحي العزيز كمشته واني اباوع بلكاع ادور عليه واصيح وينه وينه سمعت صوت ضحك وراي درت وجهي ويارت الكاع انشكت وبلعتني ولا هلفشله هاي بجامتي تك مرفوع وتك نازل ومبلله من النص عبالك مسويتها ع روحي والتشيرت مبلل كله ولازك عليه وشعري شادتته كبايه ونصه نازل ع وجهي و السلاح بيدي حسيت ع روحي راسا ذبيته وباوعتله وهو يضحك لسه وغزل تضحك وياه باوعت ع غزل بغضب اني اعلمها ليش،ماكالت اجه نزلت واذكرت الصرصر عزاا رجعت ركض ع التخته واني اباوع بلكاع ادور عليه بس فشلانه من عده حسيت ع روحي ومنظري راسا جريت الخاولي الي معلك وراي وحطيته ع نفسي وهو سكت من الضحك وباوعلي كال ها ادوري عليمن - سكتت ونزلت راسي خجلانه واخاف اكله وهو عباله جبانه بس صدك جبانه اني لااا بس لازم اخلي يصور اني شجاعه باوعتله وكتله مادور شي هز راسه ببتسامه يباوعلي مبتسم نزل ع غزل وهو يكلله اي عموو ليش اصيحون وكعدتوني من النوم هي ضحكت وباسته بخده وهو ضحك وشالها كال نكعتيني بت الصاك انزلي انزلي راد يطلع وصل يم باب الحمام وباوعلي لكاني لسه ع التخته ضحك وهز ايده وكال والله وهاي تاليتك ياا نصر الدين صرت صرصر هههههههه راحت الهيبه يابويه حجاها وطلع واني صفنت باوعت ع غزل وكتلهاا هذا صر هزت راسها وكال عم صر وتضحك اهمددااااج انصاااااف اهمداااج طلعتهاا واني اسب بروحي جنت لافتها بلخاولي نزعتها ولبستها ملابسها وكتلها بسرعه لامج لا اكتلج والله هي راحت تركض وتضحك عليه واني رحت ركض ع الكنتور طلعت ثوب ووياه بنطرون وخرت الخاولي هستوني ردت البس طب راسا نزيت همزين ما نزعت يممه بقه يباوعلي من فوك لجوه بلعت ريكي واني خايفه شفته اتقرب وعض شفته الجوه وباوعلي جريت الخاولي اغطي جسمي لان التراك فظيحه صاير عليه وكلشي مبين منه صار قريب واني مجلبه بملابسي والخاولي وارجف غمضت عيوني حيل وارجف وهو كدامي شبر شبر بس بيناتنا حسيت عمار كدامي واذا شافني هيج يذبحني دفعته وركضت للحمام والدموع بعيني ليش هيج يسوي معقوله شي عادي بين الزوجين لو حرام يالله دخت والله وماعرف شي من جنت بلمدرسه اروح ويه جوري وارجع وياها وماعدي اي اختلاط ويه البنات الباقيات لان عمار دائما يحذرني ديري بالج وصاحبي صديقات زينات ولا اسوين هيج و لا تمشين ويه هذيج وو لهذا اعتزلت وبقيت ويه جوري وجوري مثلي هم وياي وماتتركني ومااعرف اي شي عن الزواج لان حته بابا وماما جانو ينامون كل واحد بمكان اني وامي بلغرفه وبابا وعمار بصاله وعمري محد حجه كدامي عن الزواج وشنو بي بس اليوم ماعرف ليش كلبي احسه يريد يطلع من مكانه كل ماشوفه ويصير كدامي بقيت حايره وماعرف شسوي بدلت وطلعت صار كدامي يلعب بتلفون عفته ونزلت جوه يم عمتي بليل اجو بيت خالتهم واني صعدتني عمتي بدلت ورتبت روحي ولان عروس نزلت وبقيت كاعده يمهم جانو خالتهم وبعد وياها ثنين بنات وولد ثنين واحد يطلع بعمر عمار والثاني اكبر مني بشويه والبنات وحده اصغر مني بكم سنه والثانيه عمرها بلعشرين يطلع بقو يسولفون ويشاقون انتبهت ع نصر طول ما هو كاعد يدخن ومبين عصبي استاذن وكام شويه ولحكته شفته بلحديقه وكامش تلفونه يحجي اتقربت اريد اسمعه شيحجي خفت لا يحجي ويه بنيه ضجت بس ماسمعت شي ضجت عفته وطبيت جوه كعدت يمهم وابتسم بس ضايجه وكوه ابتسم كدامها لليل وراحوو واني صعدت وعفته كاعد بدلت ونمت ماعرف ليش ضجت من شفته يحجي بره وميريد احد يسمعه جوري : بمجرد ما شفت عمار ماعرف شصار بيه ضجت وكرهت روحي صارلي سنين امشي بهذا الدرب ولا فد يوم لمحت عمار وواكف هناا واليوم ع حظي من جنت واكفه كدام هذا العار الحقير شفته واكف يباوعلي ليش هيج حظي ليشش رحت للمدرسه وادموعي بعيني ليش هيج صار حظييي اغبررر عفت الدروس وختلت وره الحمامات وكمت ابجي اكيد اخذ نظره عني اكيد يكول عليه وحده مو زينه وعدي علاقه وياه اكيد هذا ظنه شسوي شسوي ياربي ليش هيج والله احبه احبه بقيت ابجي فوك الساعه لحد مارتاحيت شويه وكمت رحت لاداره كتلهم مريضه وشكلي صدك جان مبين عليه المرض من البجي كعدتني المديره وهي تعرفني لان شاطره اتصلت بحسن اخويه اجه عليه اخذلي اجازه وطلعني وهو مستغرب الصبح كلشي مابيه كتله فجئه اتخربطت ورجعت واليوم كله اني حالي حال بليل بابا كال امشي اطلعكم افرفركم شويه مادام جوريتي مريضه ماجان عدي واهس اطلع بس مكدر اكسر بخاطره وطلعت من لا جاره اخذني المطعم اتعشينا وفرفرنا شويه بلمحلات واحنه دانمشي نريد نرجع للسياره صار واحد كدامي رفعت راسي شفته نفسه يالله هذااااا شنو ميتووب شعدده عزاااااا هذاا نفسه الي حاجاني بلعرس وغمزلي بلا شسويله بقيت واكفه مصنمه اباوعله هو تقدم بتجاهنا واني انرعبت منا سالفة هذا العار رضوان وشوفة عمار الي وهسه هذا ناقصني اني وصل يمي باوعلي غمزلي وعبرني ومشه راح ليم حسن اخويه سلم عليه ورجع اصافح ويه بابا بقه يحجي ويه حسن ويباوعلي يبتسم وساعه يغمز من يشوف حسن مامنتبه ضجت من تصرفاته يعني بابا وحسن موجودين وهيج يسوي لعد شكد ميستحي هذا رحت البابا كتله يلا خل نرجع تعبت كال يلا اسالمو ومشينا وحسين يسولف البابا عنه - هذا يامن يابه تعرفت عليه بلعرس صديقه النسيب عمار كلش حباب - الله يحفضه بويه مشينا واني مطنكره فوكاها اسمه يامن عشتووو اسم ولا ينطبق عليه بس يغمز عبالك عده شلل بعينه لو يسمو غماز احسن رجعنا للبيت وثاني يوم العصر جنت جايه من المدرسه وضايجه امشي والعب برجلي بتراب سمعت صوت صياح وهوسه مشيت ع سريع اريد اشوف شكو باوعت هذا رضون دايتعارك عفته ومشيت مهتميت والناس شكثرها بس وكفني صوت عمار وهو يصيح - لك تضربني يا عار والله اليوم انيمك بلحبس وكول عمار ماكال درت وجهيي بصدمه يمممه عزاا بعيني هذا عمار ورضون دايتعاركون بس ع شنووووو انصاف : مرت الايام واليوم السبعه مالتي وهو صاله من البارحه مو بلبيت لان رجع للدوام من ثاني يوم من جان يحجي بلحديقه وبيت خالته موجودين ثاني يوم طلع للشغل مالته بيومها جنت نايمه وفزيت ع الضوه بعيني من فتحته شفته يلبس بملابسه العسكريه سود كلهن والعلم العراقي بلملابسه جان يلبس بساعه مالته ويعدل بهدومه خلص عدل لحيته ومسح ع راسه هههه هلحركه ضحكتني اخذ غراضه ودار وجهه باوعلي وداره بسرعه وطلع استغربت شبي ولا باوعلي ولا كال صباح الخير هستوني اريد انطقها وهو طلع همزين متفشلت باوعت الساعه 8 الصبح بعد مانام ادري بروحي كمت بدلت ونزلت ومن يومها وهو يطلع الصبح ويرجع الضهر بس البارحه الصبح كاعد يتريك واني اسوي الريوك وعمتي بصفه من ردا يطلع كال - يمه اني عدي مهمه شي 3ايام 4 ويجوز اكثر مادري عد الله ديري بالج ع البيت ماشي - براحتك يمه بس مو بعدك عريس عايف البنيه ورايح - يممه هذا امر قابل ارفضه بيدي هو يلا مع السلامه دنك باس راس امه وطلع بليل بقيت احوص هو من رجع للدوام ومن عدها لا يباوعلي ولا يحجي وياي ماعرف شبي شكيت بروحي مسويه شي ذنب بس ممسوي شي اخر موقف بينا من جان حاصرني بلكنتور وجنت منكعه اوو هسه اني ليش افكر بي بس اتعودت عليه بلغرفه ماعرف انام انصاف بطلي لواكه ماصالج 6 ايام من ازوجتني واتعودتي عليه نمت وكعدت الصبح ماقبلت اروح للصالون وعمتي عازمه اخواتها وكرايبها من قريب بس رانيا من ذاك اليوم هي ما تتدخل بيه تطلع تنضف البيت وترجع اطب غرفتها ماعرف شبيها خو اذا اجه مثنى منشوفها بعد وحتى بناتها اذبهن عليه واسد الباب ماعرف شبيها ابقه العب بيهن لحد ماتجي تاخذهن هي بس اليوم اجتني بوستني وحظنتني فرحت لان هي اجت ورجعت جنت لابسه ثوبي الاسود والذهبي الي لبسته بلحنه كلشش عاجبني شسورت شعري ورانيا مكيجتني طلعت اشررد ههه اخبل نزلت واجن خالاته النصر وبنااتهن وهوسه بس جانت من بين البنات وحده اول مره اشوفها بتها بحظنها وتباوعلي ببتسامه جنت كاعده وغزوله بحضني واسولف ويه عصماء بت اختها الاعمتي صغيره اصغر مني بسنه وكلش حبابه يصير نصر ابن خالتها بس هي اصيحله عمو وما عمو هههه طول ماكاعده يمي واسولف اتكول عمو نصر هيج متعوده هي وهمسه سويه ولان همسه يصير عمها واصيحله عمو وهن بنفس العمر تقريبا حسيت ببنيه كدامي باوعتلها نفس البنيه الشفته كاعده تباوعلي وكامشه البنيه الصغيره بيده جانت شويه ضخمه متروسه عيونها مجرورات وشويه كبار وشفايفها متروس شعرها قصير لحد جتفها او اقصر صابغته احمر باوعتلي وكالت - واخير شفنه مرته النصر طلع ذواق ابن خالتي ههههه والله صبر صبر ونال هههههه - تسلمين حبيبتي هذا من ذوقج - ولو حبي بس اكولج شنو شعجب اطوج اهلج وانتي بعدج صغيره وهو جبير وحته مصير عده جه بعدها ممكمله صاحت عمتي عليها - شهد خالتي هذه بنيتج كبرت ماشاءالله طالعه عليج حلووه - اي خالتي هذه ملك ههههه لا خالتي ماتشبهني تشبهه ابوهااا ههههه - والله يا خاله ماشايفه رجلج اي ماحملتي بعد بتج جبيره - ئئئئ لا بعدها ملوكه صغيره شعده لاحكه هههه انشاءالله يوم النصر واشوفين جهاله ولو مئيوس منه حجتها واخذت بتها ورجعت كعدت يم مره يمكن امها وصارت تلعب بتها وتضحك صفنت هاي شنو قصدها بمئيوس يعني معقوله نصر ميصير عده جهال لا لا شنو هلحجي انتبهت ع عمتي ضاجت من كلامها واحسه اتكترت وداخت كوه طلعت الناس رحت جبت علاجه بغرفتها واجيتها - عمه اخذي علاجج شكلج دايخه وضغطج صاعد - ابتسمتلي وهي تباوعلي برضا اخذت علاجها ورانيا اتنيم ببتها وتهز براسها -رانيا : ديري بالج منها هاي شهيدان تراا خبيييثه - ليش شبيها حبابه مسوت شي البنيه - انصاااف كتلج ابتعدي عنها يعني ابتعدي اله اكلج عدهااا علاااقه جانت هي ورجلج حجت هيج وشالت بتها وطبت لغرفتها واني صافنه شنو علاقه شنو ابتعدي يعني جانو واحد يحب الثاني لعد ليش ما ازوجهاا ليش هي مزوجه وعدها بنيه وهو ازوجني اذا يحبون بعض يمه خاف مرته ومحد يكول وهاي بته لالا انصاف شنو القصه مو هيج اجه مثنى واني عفت كلشي وصعدت فوك ركض بعدني بلبدله والمكياج كعدت بلغرفه وسديت الباب ومبوزه وروحي طالعه ايي اثاري من ازوجه لسه ما يحجي وياي قله ولا يكلي حبيبتي وعمري ومن هاي السوالف مو هاي اخوه مثنى مايصيح لرانيا اذا مو حبيبتي وعمري وحياتي بس حظييي اي طبعا عده حبيبه شيصخم بيج انصاف طفله انتي وهو كال انتي طفله اني اعلمه والله خل يجي فتحت التلفزون وطلعت فلم دورت ع نظاراتي لبستهم لان ماشوف الترجمه عن بعد وتربعت ع الجربايه وكعدت بلبدله والمكياج وشعري مفتوح كاعده واكل بضافيري واقره بترجمه وهيج بس اقرا حته ما منتبه شنو هو الفلم وع كعدتي وماحس بس الباب انفتح باوعت نصر فتحت عيوني واني اعصاب اييي الله جابك هو من شافني صفن ابتسم وصاح وهو واكف بباب الغرفه - يمممه شنو اليوم السبعه مالت مرتي شنو بدلتوهااااا صاحت عمتي من جوه وكوه تحجي من ضغطها شنو يمه شنو بدلناها شبيك يمه - يممه مرتي عفتها ورحت للدوام عدها ثنين عيون شو هاي الي بلغرفه عدها 4 بدلتو مرتي واني مادري هههههههه باوعتله بغضب ووكفت وانني اتخوصر اله وناسيه منظري وشكلي حتى صاح مثنى من جوه - لا خويه ما بدلناها بس مرتك من تغار عليك اتحط عيون زايدات حتى اتراقبك زين لان انت تخوف - ههههههههههه لا هاي الناااقصه ولك هن ثنين وماخلصانين مو 4 بعد يحجي ويضحك ويباوعلي من فوك لجوه واني متخوصره واباوعله بغضب اي الاستاذ يحب مو لعد اني هنا شنو راس فجل لو رجل كرسي لو مزهريه مال صبار بسيطه هو طب وسد الباب وصاح - خلص مثنى هسه نعرفها مرتي لو بدلتوها حجاها بصوت ناصي وكام يتقدم من شفت نظراته ع جسمي حسيت ع روحي اني بلبدله يمه عزاااا طفرت ع الجربايه نزعت النظرات وحجيت خلص هاي اني انصاف ام عينين مو اربعه عووفني اروح شبيك هيج تباوووع - لالا لازم نتاكد غيرر نزع ساعته ومحبسه حطهن ع الميز ومبتسم تك خد وبده يفتح بدكم القميص طفرت من الجهه الثانيه للجربايه وصحت - والله اعيط والم عليك الناس واكلهم يتحرش بيه - لا بربج تعاااي لعد اشوفج التحرش ع اصوله شلون ههههههاي حجاها وطفر ع الجربايه واني ركضت ردت اطب الحمام بس حسيت انجريت من خصري وانضرب ظهري بصدره .........يتبع ،،،،،،،وللحكايه بقيه ،،،،،، قراءه ممتعه احبتي تصويتاتكم وتوقعاتكم و تعليقاتكممممم وين 😉 يلا حتى باجر انزل 😉 #نور الشمري #نوشه | ||||
|  |
|
30-11-20, 05:02 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت العاشر بقلمي #نور الشمري #غريب ودق بابك بلحب والالحان ورمي كلام العشق وقلبك كان عطشان رحب بيا وضيفني وشربني الشهد حنان. وعيشني قصت حب معشهاش في يوم انسان انصاف : بمجرد ما انظرب ضهري بصدره حسيت بحراره جسمه خفت بس اكو احساس بداخلي جذبنه اله كانماا حسيت بامان مثل حظن بابا وعمار من انام بحظنهم مثل الحراره والحنيه ونفس الامان بس هنا اكو شي حلوو مشاعر معرفت شنو هي ايده ع خصري والثانيه كامش جتفي بيها وصدره بظهري اريد اتنفس ماكدر جنت مغمضه عيوني وواكفه خايفه افتحهن واشوفه معصب ويروح كل هذا الاحساس الي داحسه خايفه بس كلبي راح يطلع من مكانه من كد الدك الي دايدكه ماعرف شنو صار بيه ولا اعرف شنو الي دايصير بس للعرفه اني بحظن مليان أمان دارني عليه واني بعدني مغمضه عيوني بس كلبي لسه دكاته مو طبيعيه وتنفسي كوه اجره حسيت بي قريب همس يم اذني بصوت نااصي - طالعه حلووه يممه من كال هيج ردت اوكع اله شويه ماعرف شنو صار بيه كل جسمي كام يرجف ردت افتح عيوني واشوفه بس بمجرد ما فتحتهن حط ايده عليهن وهمس خليهن مسدودات لا تفتحيهن جان صوته ناصي وكوه يحجي وينتفس من صوته عرفت حالته مو احسن من حالتي جنت ناسيه كلشي وبقيت ساده عيوني ومغمضتهن حيل خفت منه لا يكون عصبي بس معرفت ليش حسيت بي من اخذ ايدي وجرني كعدني ع الجربايه وايده لسه ع عيوني برغم من اني مغمضتهن همست وكوه اطلع الكلمات ليش - شنو اليش كالها وهو يجر حسره جبيره - ليش تريدني اغمض عيوني - اوووف انصااف اسكتي حجاها وماحسيت غير بس بايسني من شفايفي هنا بعد مابعد مكدرت اجر النفس وكوه سيطرت ع كعدتي ايده ع خصري والايد الثانيه وره راسي وكامش شعري ابتعد وهو يسندني باديه وهمس باذني - ماريد ماريد اشووف عيونج اذا اشوفهن اتخبل عيونج البريئات الي يلمعن ببرائه اذا شفتهن اصير انسان ثاني احس روحي داظلمج ماعرف شنو الاحساس الي صابني احساس اول مره احس بي حسيت بحظنته الي دفنت راسي بصدره واني استنشق عطره بس لحظات وصار كلام رانيا باذني وهي اتكول عده علاقه وياهاا فتحت عيوني واني ارجف ماعرف شصار بيه بس احس الشياطين انجمعن براسي واذكرت حلفاني بس اشوفه دفعته حيل ووكفت ع الجربايه واتخوصرت اله وباوعتله وهو صفن عليه عيونه منعسات وشكله تعبان بس من وكفت ابتسم ابتسامه خفيفه وكال شنو حرام اتحرش بيج ههههه ترا رجلج بابا والله رجلج حلال تعاي كعدي خل نتفاهم - ماااااااا مااكعد ولا احجي وياك قبل متكلي شهد منووووو مجرد ماكلت هذه الكلمات طفر ووكف واني ع الجربايه واكفه باوعلي بخزره وكال بصوت شبهه عالي - منين تعرفين شهددددد حجاها وهو صاك ع سنونه خفت من عده عيونه راسا تحولن حمر ودماراته بينت من كصته وراسه وحته ركبته خفت من عده من صدك ياريتني ساكته ولا حاجيه باوعتله ببرائه وهمست جانت هنااا بلحفله بمجرد ماكلت هيج شال التيبلام الي ع الميز الي بصف الجربايه وركعه بلكاع هنااا اني نزلن ادموعي خفت من عده يمكن حتى لو يذبحني مايلكه قطر دم مني من الخوف الي احتلني باوعلي بغضب وكال ديري بالججج اجيبن طاريهااا ديري بالجج مفهووم اتكطعين كلشي يخصها تنسين اسمها وكلشييييي صار مفهوووم لو اعيددددد اني ساكته وخايفه هسه جان هادئ وحلو شبي هسه اتحوش وصار حيوان بس يصيح عزا يممه همزين احجي ويه روحي مو بصوت عالي جان هسه اني بوادي السلام والله اسكتي انصاف اسكتي بقيت ساكته واباوعلي وادموعي تنزل عشره عشره نزلت من الجربايه للطرف الثاني عاط مرة اللخ سمعتييييييي طفرت جنت كاعده بطرف الجربايه خايفه هزيت راسي وهو شال شيشت العطر شمرهاا حيل بلحايط وفتح الباب وطلع بس شنو حسيت هستوها رجعتلي روحي منظره من انذكر اسمها وعصبيته خفتتت كلششش مدايروح من بالي كمت وكفت اباوع اديه يرجفن رجف مو طبيعي مسحت ادموعي زين هسه اني عليمن ابجي استغفرالله يالله كمت اباوع ع الكاع بس كزاز والحايط بي طكعه من العطر طلعت ملابس وطبيت للحمام بس كوه امشي لان رجليه ماكدر اتحرك منهن يرجفن لسه هن واديه سبحت وبدلت ياله ارتاحيت شويه طلعت لميت الكزاز وجبت الماسحه مسحت الكاع وخلصت مدتت بلغرفه ضهري يوجعني مدتت واني اذكر شكله العصبي خفت بس سرعان ما اختفى الخوف من اذكرت بوسته وحظنه حطيت ايدي ع شفايفي احس روحي حتطلع ابتسمت واني حاطه ايدي ع شفايفي فرحانه ماعرف شنو الاحساس الي صابني بس فرحانه كلشششش مو بوسه عبالك مدري شنو لو حظنه اويلييي ع الدفو الي بي خرب بيج انصاف شبيج اتخبلتي حاولت اطرد الافكار من راسي وغفيت من التعب ماكعدت اله ع اذان الفجر شلت راسي باوعت الغرفه فارغه ومحد بيها وضلمممه وبارده فتحت تلفوني الساعه 4 ونص الفجر اووف يالله هذا وين خفت كمت شعلت الضوه واتوضيت وصليت وخلصت لميت السجاده ورجعت كوه نمت كعدت الساعه 10 الصبح حيل شكد نمت طفرت الم بشعري باوعت ماكو وين راح هذا بدلت واخذت شالي وطلعت من الغرفه صار كدامي نايم بصاله ليش نايم هنااا صدك يحجي هذاااا اني اعلمك استاذ نصر بسيططه عفته ونزلت ماغطيته حتى اني اعلمه نزلت صارت عمتي كدامي باوعتلي وابتسمت صباح الخير عمه - صباح الورد يمه تعاي تعاي خل نتريك ابتسمتله وطبيت للمطبخ هوسه الماعين مال ريوك مثنى لسه ع الميز يعني هذه رانيا صدك تحجي ريكت رجلها غير اتلم البيت وراه اتعوفه وترجع تنام شتحسسس لملمت الماعين وحطيتهن ع المغسله كلت من اخلص ريوك اغسلهن وياي سويت ريوك الي والعمتي هي طبت وبيدها الاجبان مطلعتهن من الثلاجه اخذتهن من ايدها وكعدتها وحطيت كلاصاتنا وكعدت اتريك باوعتلي وكالت - يممه شبي رجلج البارحه يصيح - هاا ماكو شي عمه هيج شغله حجيتها ودنكت استحيت احجي هي ابتسمت وهزت راسها وهمست - خليج دوم هيج بنيتي ماشي ابتسمتلها وهزيت راسي كالت من يروح رجلج تعالي للغرفه مالتي عدي حجايتين وياج هزيتلها راسي وكمت غسلت الماعين وهي كعدت اسوي الغدا واني انضف كعدت رانيا وبناتها وحده وراها ووحده بفراشها يمكن اكو من لاعب بلعدادات وصاير العكس عبالك رانيا العروس واني الكنه القديمه هزيت راسي واخذت غزل العب وياها غسلتلها ولبستها اموت عليها برغم رانيا موجوده بس احب اني اهتم بيها رانيا اتريكت وكامت اتنضف جان بس الهول والاستقبال بعدهم ممنظفات باقي البيت كله نظفته نظفتهن هي وكعدت تلعب ويه رزان نزل نصر معبس والحال حال مبدل بس عاكد الحواجب ومحد يكدر يحجي وياه سلم ع امه وطلع رحت العمتي الغرفتها جانت كاعده تسبح باوعتلي واشرت بصفها رحت كعدت بصفه - ها عمه كولي - حبيبتي سمعي ادري بيج ضايجه وتردين اتعرفين منو البنيه الي بارحه حجت وياج راح اسولفلج كلشي بس اريدج سبعه ماريدج اضوجين لان هذا ماضي وانتي جبيره وواعيه وراح تفهمين كلشي لا اسوين عركه من لا شيء ماشي بنيتي هزيت راسي الها وهي كامت اسولف واتباوعلي - نصر جان يحب حاله حال كل الشباب يابنيتي بس جان ينتظرها يوم يوم حتى تتخرج ويخطبها ومن صار الوقت اللازم رحنا اني وياه واخته وهي بت اختي وابوها يصير ابن عمه البو نصر يعني بمكانة عمه النصر صدمتنا بقرارها الي متوقنعا ابد منها ووكفت ورفضته بكل صلافه وحجيها اليجرح وصل الابني ومس كرامته وجرحته تدرين ليش لان نصر صار وياه حادث وبسبب الحادث الي صار وياه كالنا الدكتور نسبة يصير عدها اطفال قليله كال نسبة 60 % هو جان عقيم محد خبر نصر ولااحد كال اله خفنا ع مشاعره مو هينه الرجال هيج يصير بي ومن عرف اتهدورت حالته وحاول يعالج بس ماكدر يطلع بلخارج لان ميكدر يعوفناا هنا وخاصه فتره الطائفيه جانت والقتل ماطاه كلبه يعوفنا ويطلع خارج العراق علمود شنو علمود يتعالج فضلنا احنه اهله ع امنيته واحلامه ومن استقر الوضع ومن رفضته الماتسمه شهيدان وكالتله احب واحد وراح ازوجه وانت شنو وازوجك واريد يصير عدي اطفال حالي حال كل بنيه صدمتنا صح حقها بس مو تطيها بلوجهه راسا كولي ماحبه كولي هو مثل اخويه هواي اكو حجج بس هي جرحته وخلته انسان ضايع بس صنعت منه رجال قوي مايهزه شي كدر يوكف ع رجليه وصار ضابط واحسن استخباراتي اذا الوضع مهم ويردون يثقون باحد يثقون بي هوو ويذب روحه للموت في سبيل وطنه طلع واتعالج واكدلنا الدكتور نسبة نجاح كلشي واتحولت النتيجه وصار نسبة العقم بي قليله وهي واحد بلميه وهاي ارات الله سبحان وتعالى ماكلج ابني بعده يحبها لا والله واني اعرفه زين شالها من زمااان بس كلبه مليااان منها ومن كلامها فالي اريده منج يابنيتي انتي بعدج اصغيره اريد اتكسبي واصيريله مره وبت وام وصديقه وكلشي يحتاجها لا تحسسي بشي ولا اجيبين طاري شهد لان راح يتحول انسان ثاني وماوصيج بعد هالله هالله بنصر ترا وليدي صح عصبي بس كلبه ماكو اطيب وابيض منه صدكي خلصت كلماتها وكامت وعافتني بحيرتي ماعرف شسوي ولا افهمت شي يعني هو جان يحبها بس هي متحبه واهانته خطيه بس عمه كالت هو تعالج شكد حقيره لعد شلون هيج حجت انقهرت عليه وعرفت ليش عصب خلص اليوم وهو ماكو وبليل هم مااجه طلعت للصاله كلت يجوز بيها ماكو هم شبيه ليشش انتضره هيج اني اوو ماانتضره اني بس اريده يجي علمود اروح الاهلي مشتاقتلهم غفيت ومرت يومين وهو ماكو لا يخابر ولا يحجي حسيت بخنكه ماعرف شبيه يعني ليش هيج دايصير بيه صفنت هي بوسه وحظنه ودائما بابا وعمار يحضنوني ويبوسوني ميصير بيه هيج يعني لان مكان البوسه جانت تختلف اوو هاي شبيه يجوز لان غريب لا هو زوجي مو غريب اي بس يبقه رجال غريب انصاف شبيج بقت مشاعري ماعرف شنو بيها الصبح جنت كاعده اعزل المطبخ وطب هو باس راس امه وسلم علينا واخذ غزل ورزان بحظنه يبوس بيهم واني ولا معبرني ضجت ماعرف ليش شبيه هو مو جان هيج اصلا ميباوعلي مجنت اضوج ليش هيج كمت اضوج باوع ع امه وكال يمه راح اصعد ابدل واطلع حظريلي لكمه اكلها ع ما اسبح - روح يمه روح سوده عليه جويعان راح الجوع يبعد روحي باوعتلي وخزرتني بعينها عود سوي ريوك اله فرحت وكمت بسرعه سويت اله ريوك جانت الساعه 11 بس الغدا بعده ماكامل سويتله اليروك ونزل بلفانيله والشورت كعد اكل ويشاقه ويه غزل ورزان ويضحك وياهن لحد ماخلص وكام صعد فوك واني بقيت صافنه عزلت المطبخ وكمت احظر للغدا وهو فوك جنت كاعده اسوي الزلاطه وعمتي كدامي اتكلب بلتمن ورانيا اتنيم ببتها حسيت ع اقدام بتجاه المطبخ رفعت راسي شفته وبمجرد ما شفت شكله حسيت بحركه باصابيعي عطت بكل علو صوتي طفرت عمتي عليه باوعت ايدي مليانه دم عرفت كصيت اصبعي بلسجينه حاده جانت هستوها عمتي اشترتها رفعت عمتي راسها علمود اجيب الكطن وسمعت صوت ضحكها رجعت باوعت عليه واكف بباب المطبخ نسيت كل الامي ووجعي ورجعت ضحكت من شفته عمتي : يااااا يمه وين رايح بهل الهدوم هاي ههههههههه شكلك جنه من هذول المطيرجيه هههههههههههه - مكدرت اسكت من سمعت كلام عمتي هيج حجت طكيتها بضحكه وبصوت عالي بس بسرعه سكتت من شفت خزرته - عممه بس المطيرجي يلزم عوده هو لازم بندقيه ههههههههه حجيتها بصوت ناصي بس نظراته الي اتحولت الي عرفته سمعني سكتت ودنكت راسي - مشكوره يمه سويتيني مطيرجي رحمه الله والديج - ههههههه لا يمه حشاك داشاقه بس وين رايح الجنطه والبندقيه والشماغ والدشداشه شنو صرت شيخ واني مادري - ههههه ثبتي لو شيخ لو مطيرجي هههههههه لاا يمه بس شغل وتدرين بشغلي بعد يطلب البس اشكال والوان ههههه يلا مع السلامه اودعناكم يممه ترا اتاخر مو تبقين كل ساعه تتصلين - الله وياك يمه محروس الكاظم يحميك يمه ويحرسك من عين الشر طلع وماباوعلي ولا عبرني عبالك ولا موجوده ضجت عفت كلشي وصعدت لغرفتي واني اذكر شصار قبل يومين فوك ما اني الي ازعل لان صيح عليه عشتوو والله خوش يعني صيح وكسر وهو ابو الراهي دروح همزين ما ضليت ورحت بسرعه باوعت ع اصبعي يحركني اووي كمت طلعت لزكه من الجراره وحطيتها عليه وبقيت كاعده افكر طالع حلو بهاي الهدوم عبالك شيخ كمت ع كيف فتحت كنتوره اغلب ملابسه رسميات بنطرون وقميص ويلك وكل واحد ومعلك يمكن فوك ال7 يلكات وكل واحد لون وبناطيره هم مسفطات وكومه اكو قماش واكو كابوي وقمصانه اغلبهن اسود وابيض وقليله الالوان الباقيه بس اكثر شي ابيض واسود وستر واكو 3 قاطات او اكثر ماعرف هو عده خانتين بلكنتور لان جبير كلششش والخانتين متروسات هدوم وتراكات اغلب اللوانهن نيلي اسود زيتوني واكو كم دشداشه معلكهن هم جان التسفيط والترتيب حلوو كلش سديته واني صافنه ع روحي هاي شبيه اني هيج اووف نزلت جوه وكعدت اتغده وياهم بس بالي مو وياهم بالي بعيد يم الي راح خلصت وكمت نظفت وغسلت الماعين احنه مقسمين ماعين الغدا عليه وماعين العشه ع رانيا والصبح الشغل مقسم بينا خلصت التنضيف وصعدت فوك اول مادخلت شفت رانيا بغرفتي صفنت جانت مطيه ضهرها الي باوعتلها بصدمه وهمست رانياااا هي دارت وجها بسرعه مصدوومه وباوعتلي والخوف مرسوم ع ملامحهاا كالت - جنت ادور على ئئئ على اي ادور ع ممية رزان ماكو كلت خاف غزل جايبتها هنا شفتيها صفنت عليها اختي واعرفها زين جانت خايفه ومتوتره اتقدمت عليه رانيا بيج شي ليش احسج مو ع بعضج - ها لا ماكو شي بس متعاركه اني ورجلي لا تهتمين عافتني ورادت تطلع صحت وراها - شنو ماتردين تعرفين مكان الممه وين باوعتلي بستغراب وخوف واني رديتلها النظرات بستفهام دنكت وكالت احجي انصاف رزان تبجي جوه - بلمطبخ جانت انتي من اتغديتي عفتيها ع الميز وكمتي - هااا اي اي صح نسيت والله حيخبلني هذني البنات حجتها وطلعت واني صافنه عليها هزيت راسي ومشيت سبحت ولبست تراك خفيف لليل وره العشه صعدت واتمدتت اتفرج ع فلم بلتلفزون لابسه نظاراتي واباوع دك تلفوني باوعت نصر الدين يممه كلبي يحطلع من مكانه ممصدكه دك عليه طفرت بسرعه واني اهفي ع خدودي ونسيت النظارات فتحت الخط وجاوبت جان صوره وصوت باوعلي وكال - كوومي اللميز مالتي اكو دفتر احمر طلعي بسرعه صفنت وكمت سويت الي كاله طلعته هذاا - اي اي طلعي اخر ورقه مكتوب بيها وشوفينياها طلعتها وشوفتلهياا هز راسه وكال - رجعي رجعي شكرا - ئئئ العفوو شلونك انت - بقه يباوعلي ويباوع ع النظارات ابتسم صفح وهز راسه وكال الحمدالله ام اربع عيون ههه - هههه ضحكت وباوعت ع ضحكته حلوه اشجعت وسئلته وينك يعني وين انت صالك يومين ماكو واليوم هم اجيت ساعه وطلعت باوعلي وابتسم غير شغل يابويه شسوي - ابتسمت من كال يابويه حلووه بقه ساكت ويباوعلي واني هم ساكته واباوعله جان كاعد بمكان مثل المزرعه كسرت السكوت وحجيت - انت وين ببغداد ؟؟ - هههه لالا بــ الديوانيه - اهاا رجع السكوت سيد الموقف وماعرف شلون غفيت واني كامشه التلفون ورحت بعالم ثاني ماعرف شلون غفيت كعدت الصبح التلفون مقفول مابي شحن صفنت معقرله نمت واني فاتحه كامرا وياه نزلت جوه يم عمتي ومرت الايام وهو بليل يدك ويسئل شلوني ويبقه ساكت لحد ماانام واكعد الصبح الكه التلفون مقفول من الشحن خلص اسبوع وهو ماكو بيوم جمعه جنت كاعده اسفط الملابس ومندمجه اسمع بلاغنيه جانت جديده وحلووه ادندن وياها واسفط بلملابس كاعده بلكاع بين الكنتور والجربايه واسفط واغني عليها عيون .. فداها الكون شفتها .. وقلبي بالحب حس حكت بسكوت .. أحبك موت قلت: شلون؟ قالت: بس !! جنت مشغلتها بتلفزون وادندن وياها حسيت روحي الاغنيه الي والمغني دايقراها الي هههههههههه خبالات بعد طكن عدي رجعت كملتها وياه عجيبة! .. مصيبة! تحبني غريبة! اجتك يا قلبي .. حبيبة حبيبة تحبك .. تريدك .. تودك يا قلبي لطيفة ظريقة .. ومليانة طيبة عليها عيون .. فداها الكون شفتها .. وقلبي .. قلبي .. قلبي بالحب حس بالحب حس بعدني داغني وشفته واكف مجتف بباب الغرفه ويباوعلي وعاض شفته خجلت ودنكت طب اخذ الرمونت طفى وباوعلي وكال اي كملي عليش سكتي خجلت ونصيت راسي كعد كدامي ورفع راسي باوعلي وكال اسف لان صيحت عليج اخر مره بس انتي متعرفين شنو الي - نصر خلص سد الموضوع ماريد اعرف شي خلص شي صار وراح ويه البارحه بعدين شوكت انت هنا ليش ما حجيت - ههههه جنت استمتع بلاغنيه وبصوت حجاها وغمزلي خجلت ودنكت اخذ ايدي وكال شبيج - مابيه - الخدود حمررر دم هههه تعاي كعدي هنا خل نحجي بشغله مهمه كلشش كعدت ع الجربايه وهو كدامي باوعلي ودنك ماحط عينه بعيني ابد كال سمعي - انتي متعرفين شي ع الزواج مو هزيت راسي ضحك وكال زين شنو رئيج انكون اصدقاء واعلمج ع الزواج شويه شويه هاا ابتسمت وباوعتله وهزيت راسي بأي موافقه كال اذا اول شي ماكو خجل وكلشي يصير عادي مو كل شغله وصحتي عيب لو حرام لوووو تتحرش بيه هههههه - ههههههه لالا ماحجي هيج - عفيه عليج بقه كاعد يحجي ويعلمني ع اشياء بقيت صافنه مجنت اعرف بيهن وخجلت حيييل من كعد يشرحلي الزواج شنو بي احس خدودي صارن ناار ولونهن حمر دم من المستحى وبقه يشرح ويحجي ويعلمني ع طبعه وتصرفاته وشلون اتصرف هواي اشياء جنت ماعرفها وهسه عرفتهن لان جنت عايشه بقوقعه اهلي الكلشي ممنوع ومحد علمني ونصحني خلص حجي وكام سبح وبدل واجه مدد وكال راح انام لحد يكعدني نام واني نزلت جوه فرحانه لان عرفت نصر شنو وفتحلي كلبه بس خااايفه كلششش اذا سووه الي كعد يشرحه الي يمه اموت والله بقيت اهدئ بروحي ونصر هيج كال وهيج حجه وثقت بي وما ضجت ابد لان جان من صدك اب وصديق واخ وياي قبل لا يكون زوج بليل كعد راسه يوجعه وكوه يحجي من شافني عاط - امشي جيبي مسكنننن امشيييي الله ياخذج واخلصص استغربت والدموع انحصرن بعيني ليش هيج حجه هسه قبل لا ينام جان شحلوته يخبل حطيت عيني عليه وحسدته طلعت اركض جبت اله مسكن ومي اطتهيا اخذهن ونزل كعد بلستقبال وكامش راسه طبت عمتي وضلت تحجي لان صالله اسبوع بره البيت اكيد من التعب حجت عمتي وهي تباوعلي - كومي كومي حطي رجلج بحظنج ومرغي راسه هسه يروح اللم يمه من كالت هيج احس متت من المستحه ياربي هاي شحجي وياها باوعتله هو رفع راسه باوعلي رافع تك حاجب حجه وكال - عوفيها تلكيها مكنطره مني حجاها وهو يعصر براسه ومبتسم كوه شكله قهرني ونساني العيطه العاطها عليه مشيت كعدت بصفه وكتله مزعلانه مو طفله وازعل اني رفعلي خاجبه وكال متاكده هزيت راسي اله واني اباوعله ومغمضه عيوني ضحك هو وكال لعد تعاي كعدي عدل اتربعت وحط راسه ع رجليه وعمتي كاعده كدامنا كالت مرغيله راسه واقريله سورة الحمد 7 مرات بصوت حجتها ودنكت ع سبحتها هزيت راسي ومديت اديه ع راسه شلون امرغله وهو ماعده شعر والله اخاف منه باوعلي وهو مبتسم مرغي مرغي يمعوده لا تخافين ههههههه ضحكت لان عرف بشنو افكر بديت اعصر براسه وامرغله ع كيف واسحب بكصته وراسه واقراله السوره بصوت شويه ناصي مو كلش عالي هو مغمض بس عاكد حواجبه ومبين كوه متحمل اللم بعدني كاعده اقرا بيها المراه السادسه غفه ع رجليه صفنت شكله حلوو وهو نايم انتبهت اكو كم شيبه بلحيته يالله شكد حلوو مطيته جاذبيه فد شييي صاير بقيت العب بلحيته لا ارادين مادري بروحي واسولف ويه عمتي ع كيف وهو نايم ع رجلي مرت ساعه وكعد كالت عمتي - هايمه شلون صرت يبعد روحي - الحمدالله يمه بخير باوعلي وغمزلي واشر براسه وطلع مفهمت هذا شبي طلعت وراه شفته يم الدرج كال - اسف لان عطت بس مادري شبيه راسي موتني وطلعت ومادري بروحي - لا عادي مصار شي - راح اصعد تعاي وراي - هزيت راسي وسلمت ع عمتي وصعدت وراه جان كاعد ع جربايه من شافني ابتسم تعاي طلعي فلم بي خير خل نشوفه نمت هواي بعد شينومني طلعت فلم اجنبي واطيته الرموت جريت مناظري وكعدت اتفرج وياه وضاربيها ع الصامت لحد ما دك تلفونه رد وهو عين ع التلفزون واذان يم الفون شكله يضحك - هاها يامن خير - لا بربك اي وتالي كمشتو - الحمدالله من عدت ع خير دير بالك اتعوفه وحده ماوصيك عليه - باوعتله جان يباوع ع التلفزون ويحجي وياه لحد ما انتبهت عليه من كال - خوش يامن بعدين احجي وياك اي اي اذهب من هنااا باوعتله وضحكت من كال اذهب من هناا يمه متت هاي الترجمه مال الفلم يمه عزاا همزين ماكال غير شي للولد اريد اسكت ماكدر متت ضحك وهو يصيح بتلفون - انجب لك وخر يلا ولي صاير براسييي بيك خير ابو النسوان سده وباوعلي بغضب وكال شكوو تضحكين هاا - ههههههه عرفت انت شكلت هههههههه - اضحكين عليه مو - اي لالالالا مو عليك هههههههههه ماحس غير جرني وكعت وصار فوكي اضحكين عليه هاااا بعدين تعاي انتي شكو تتحرشين بيه ماتستحين ماعدج اخوه وكاعده تلعبين بلحيتي قبل شويه من جنا جوه هااا - عزااا متت خجل من كال هيج شكد لوتي جان كاعد يعني دنكت وباوعتله وهمست مو هيج بس هي حلوو وبيها شيب طالعه عليك اجنن - ترا اني الي محليها للحيه مو هي محليتني ا حجاها وهو يضحك ضحكت واني جواه صايره وهو ممد بصفي بس نص جسمه فوكي وحاط ادينه منا ومنا ع الجربايه باوعت بعيونه وضحكت اووي عيني شنو هلثقه هاي واثق من روحك هووواي هههههه - لجججج شنو قصدج هاااا اني اعلمج ماحس غير بعضه بزندي صحتت بعلو صوتي وهو حط ايده عليه لج بت الاوادم صوووتج بت ال - بت ال شنوو هاااا وجعتني عابت وخرر وخر - هاي المن العابت ولج طفل كدامج هاا اني اعلمج بقه يعضعض بيها واني ساعه اصيح وساعه اضحك لحد ما بقه يباوعلي وماحس غير باسني من شفايفي هناااا اتخدرت ونسيت كلشي ماعرف شنو الي صار بس حسيت روحي طير من الفرحه خفت صح بس كلماته وهو يهدي بيه كلماته الايجابيه وتشجيعه نسيت الخوف ونسيت كلشي وبقيت يمه حسيت بي ملك قلبي وعقلي قبل جسمي اخذ قلبي قبل لا ياخذ جسمي وهيج صرت مرت نصر الدين فعلاً وقولاً ابتعد وهو يحاول ميباوع لعيوني همست نصر شبيك - انصاف ضلمتج مو ادري بروحي وحششش ماا تحملت وصبرت ادري بيه ظالم موو حجاها وعصر راسه اتقربت واخذت راسه وحظنته - ليش هيج تحجي انت من اليوم صرت ابوي واخوي وزوجي مو هيج انت كلتلي وها صديقي ههههه خلص لا تحس روحك ظلمتني لان انت مظلمتني ماشي ابتسم وعافني وكام لفلفت روحي واني صافنه شبيي وليش هيج سبح وبدل وطلع سمععت صوت سيارته باوعت الساعه 1 ونص بليل وين راح هذا كمت كوه امشي اكو الم بس مو بكد الم كلبي من تركني ومافهمني ليش يحس روحه ظالمني سبحت وبدلت ملابسي ورجعت مدتت بفراشي بعد مابدلت الفرشه بقيت نايمه والدموع بعيني بس مايقبلن ينزلن غفيت بس واني نايمه شفت حلم بابا حط ايدي بيد نصر واطاني قفص بي طير صغييير كلش همس ديري بالج عليه بنيتي اني ماعدي بت غيرج انتي وهذا امانه ديري بالج عليه زين هذا قطعه مني الج خليها ذكرى وديري بالج من اقرب ناسج يابنيتي ديري بالج يمشي ويحجي ابتعد وهو يصيح ديري بالج يابنيتي من اقرب ناسج الدنيا مو امان ابتعد واني اركض وراه واصيح بابا وين رايح وعايفني بابا اوكف درت وجهي شفت رانيا واكفه وره نصر وتضحك اجت تريد تاخذ الطير مني بس ماخليتها هي اجر واني اجر لحد ما جره نصر مني وهو يباوعلي اخذه مني نصر وفزيت من الحلم مخروووعه اتنفس بصعوبه بابا بابا وين نصر وينك باوعت ماكو اكيد بصاله طلعت بس ماشفته طبيت جريت التلفون احس بخنكه بابا من ازوجت واجه باركلي وبعد ماشفته اشتاقيتله اريد اشووفه والحلم احس كلبي ناغزني منه دكيت ع نصر مغلق يالله وين اروح بقيت كاعد بلكاع وادموعي تنزل فوك قهر نصر هسه قهر الحلم شكد جنت فرحانه بس سرعان ما انقهرت غفيت واني كاعده وحاطه راسي بين رجليه غفيت ع كعدتي وفزيت ع صوت العياط والصياح اريد اوكف ع رجليه ماكدر بعد اريد انزل ماكدر كوه لبست دشداشه فوك تراكي ونزلت واني خايفه صارت رانيا كدامي تبجي وبناتها يبجن مجرد ماشفت هلموقف اجه نصر ع بالي طلع بنص الليل ضايج ومبين مقهور من شي باوعت لرانيا همست نصر ……… يتبع ،،،، وللحكايه بقيه ،،،،، قرائه ممتعه احبتي البارت الجاي ملياااان احداث ترقبوه غدا باذن الله من باجر تبدي احداث جديده وتسلك قصتناا طريقها بمغامرات الحب والسحر توقعاتكم وتعليقاتكم وتصويتاتكم #نور الشمري #نوشه | ||||
|
| |
|
30-11-20, 05:07 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الحادي عشر بقلمي #نور الشمري #عندما تزاحمت الأ فكار ووجل منها فكري وغار عندما ضاق صدري بالهموم وتهت في غياهيب أحزاني عندما احتجت إلى وطنٍ يحميني وصدرٍ يأويني ناديت بها .. أبــــــــــــــي فلم أجد كلمةً تمحو مافيني سواها لم أجد دنيا تحتويني سواها أبـــــــــي ..... لم أجد صدراً يضمني إليه سواك فأنت نبع الحنان السامي ونبع الحب الصافي فأيٌ منكم تختلف كلماته عن كلماتي أيٌ منكم يجرؤ على قول سوى كلامي أيٌ منكم سيقول أن الأب ليس ذلك الحضن الدافي أنصاف : عيوني ع رانيا الي كاعده وادموعها تنزل نطقت بصعوبه واني اطلع الكلمات نصر نزلت لمستواها واني اهز بيها نصر وين احجي رانيااااا شبيجج كووليي شكوو لا تخبلينيييي من بين عصبيتي ورجفي وادموعي المسقره بعيوني ماترضى تنزل طبت عمتي من شافتني نزلت ادموعها بس منظرها ممبين نصر بي شي لو كان نصر كان اكيد هسه هي حالها حال مجرد دموعها تنزل وتباوعلنا اني ورانيا رانيا الي جانت كاعده وتشهك من البجي ومادايره بال البناتها ولا مهتمه الهن حتى بقيت واكفه وماعرف شنو اسوي بس عيوني المليانات ادموع تفتر ع عمتي ورانيا دخل سند هو وعائلته ومن شافتني مرت سند نزلت دموعهاا اجت ع رانيا اتهدي بيها واني لحد لان واكفه يم الدرج وماعرف شكو اتقدمت واني اجمع كل قوه عدي واشجعت حتى اسئل سند وعمتي كدامي كعدت عمتي ع الكرويته وهي تحط ايدها ع راسها وتبجي همس سند وهو يباوعلي - يمه لعد ولدج وين ذاك الجبير نصر وين ادك عليه مغلق مو وضعيه هاي مو البارحه اجه - شمدريني يايمه شمدريني نمت هو بلبيت وهاي الصبحيه هو ماكووو تحجي وتبجي ايقنت مثنى بي شي بس بعدها الفكره براسي وسئل سند عليه باوعت العمتي وعمتي باوعتلي سمعت نعي رانيا وهي اصيح - عوفينييي لج وخررري اريد اروح اريد اشووف ابوي اااخ يابويييي اخخخخ وين رحت وعفت امي وحيدها عمار منو الهم يابويه درت وجهي بسرعه ع رانيا واني اباوعلها بخزره شتحجي هاي عطت بيها حيل - رانيييااااا ليش هيج تججين مو زين ع بابا شبيج انتي وبعدين شكووو شبيكمم ليش محد يحجي شيييي الي سند : خويه انصاف اهدئي ووكلي امرج الى الله هذا قضاء الله وقدره وماكو اي حكم عليه باوعتله بستفهام وجاوبته واني ابتسم شبيك سند ع منو تحجي انت باوعت ع عمتي كعدت كبالها وحطيت اديه بحظنها وهمستلها عمه شبيج ليش تبجين عليكم الله كولو شكو نعي رانيا وبجيها لسه يكطع كلبي بس ماريد ماريد اسمعله ماريد حتى اباوعليه مستحيل مستحيل رانيا ضايجه وتحجي من وحدها مستحيل الي تحجي يكون حقيقه كل هذا جان ببالي صراع براسي صار اي جزء بداخلي رافض يصدك كلامها الرانيا ونعيها باوعتلي عمتي وجرت راسي بحظنها حظنتني وبجت وهمست يم اذني كلمات لسه يرنن بأذني وماكدر انساهن ولا راح انساهن - انأ الله وانا اليه راجعون ترحميله بنيتي وصيري عاقله ترحميله والدج اطاج عمره هنا ويه اخر كلمه نطقتها عمتي حسيت الدنيا وكفت والوقت وكف وحسيت كلشي انتهى ابتسمت واني اوخر عنها واهز براسي برفض ضحكت بكل صوتي والكل صارت عيونهم عليه متسغربين - هههههههههههههههه لالالا شتحجين عمه هههههههه لا اكيد غلطانين بابا ينتظرني حتى ازوره اني عزيزة كلبه مايروح قبل لا يشوفني لاااااااا مستحيييييييييل اتلاشت ضحكتي ونزلت ادموعي وكعت بلكاع واني اباوع ع رانيا الي بحظن كوثر مرت سند وهي تهدي بيها واني صافنه عليهن وادموعي تنزل لااا مستحيل بابا ميعوفني فهمتووو ميعوفنيي بقيت ابجي واني مداستوعب الخبر كاعده بنهاية الممر بصاله وادموعي ع فد جره ولا وكفن ثانيه حاظنه رجليه وكاعده الساعه 9 الصبح رانيا حاطه بناتها بحظنها وتبجي وعمتي كاعده كدامي وحاطه شيلتها ع وجهها وكوثر مرت سند اتلم بغراضي وغراض رانيا حتى نطلع الواسط بس اني لحد لان مادايدخل العقلي ابجي بس واثقه بابا ميتركني اريد اروح واشوفهم شلون راح الكا واكف بباب البيت مثل ما ينتضر رانيا بيوم الي تريد تجينا وامي متخلي يروح يبقه واكف بلباب ينتظرها اكيد واح الكي هناك واشوفهم شلون كلامهم كذب طب مثنى اخذ رانيا وبناته بحظنه وهو يهدي بيهم باوع ع امه وكال يلا يمه سند جاب السياره خل نطلع - اي يمه اي جنت فاصله وبس دموعي تنزل واباوع عليهم ومامصدكتهم بس ماعرف ليش ادموعي ميرضن يوكفن جنت اتمنى الكه نصر واكف بصفي وياخذني بحظنه مثل اخوه من اخذ رانيا بحظنه ويهدي بيها مو هو كال اني ابوج .. واخوج .. وامج .. وصديقج..وزوجج .. لعد وينه خل يجي خل يكللهم كل هذا كذب علمود نجي لان صاله هواي مشايفني ايي هو مشتاقلي ميكدر يعوف عمار وحده لبستني كوثر جبه سودا وحجاب اسود واخذتني جنت مثل اللعبه يحركوها بكيفهم وبس دموع تنزل حتى خافو عليه جنت اشوف الخوف بعيون عمتي دخلت للسياره وكعدت حطيت راسي ع الجامه صافنه ودموعي تنزل ماحسيت غير الباب الي بصفي انفتحت وانجريت انحظنت هذا الحظن الي جنت اريده هذا الحظن الي جنت ادور عليه حظن نصر الي شبهته بحظن بابا نفس الامان والحنان بي شهكت من البجي وصرت ابجي بكل علو صوتي وهو يمسح ع راسي واني اشهك واصيح رفعت راسي صارت عيوني بعيونه همست واني الشهكه بيه نصرررر بابا مابي شي مو جذذب مو كل هذا جذببب كوول عليك الله كوول جذب حبابين كولوو جذبببب كول احجي واهز بي وهو لامني بحظنه نزلني وباوع ع سند وحجه وياه - روحو اني اخذها وياي بسيارتي اخذني لسيارته وهو يباوعلي ركبت واني الشهكه بيه دار وجهه عليه بعد ما سد الباب وكال - ليش هيج اسوين واني اكول عليج سبعه و قويه باوعتله وهزيت راسي بلاااا منوو كال اني قويه نصر كلشي ولا بابا ماكدر بدووونه والله كلشي ولا هووو جرني بحظنه وهو يمسح ع راسي همس - جنت شاب وهستوني اعتمد ع روحي واتوفى والدي الي جان الي اخ جبير وصديق جان جرحه جبير حييل وفراقه صعب اتحملت المسؤليه اني امي واخوه 2 واخوات 2 واني الجبير رفع راسي وصارت عيني بعينه وهمس جنت كل ما اضوج اكول بعد ماتحمل اني شنو صغار هم واني اتحمل مسؤليتهم بس فجئه اذكر ان ابويه ترك عائلته وهو واثق اكو من راح يكون الهم اب وواثق ان ماراح يحتاجون شي واني موجود وارجع ع رجليه واكون مسؤل عنهم وهسه انتي مالازم اتقهرينه وهو هسه فوك باوعي فوك راح تلكينه موجود يمج دائما هو راح حتى يشوفج دائما من فوك وحتى يرافقج ترضين عليه يتعذب وينقهر هزيت راسي واني اباوعله - لعد اريدج اصيرين قويه انتي بت ابوج وهو من راح واثق بيج انتي قويه واتكدرين تعتمدين ع روحج اثبتي هذا الشي اله وخل ينام مرتاح لان اليوم اول يوم اله بمجرد ماكال هيج غصيت بلبجي هزيت راسي وهمست ماكدر نصر ماكدر هو كل شي بحياتي ماكدر اعيش بدوونه ليش هيج كولي جذب فدوه كولي كل هذا جذب وريحني - لا موجذب هذه الحقيقه ولازم اتواجهيها واني وياج اذكري زين اني موجود وين رحت مو كتلج اني اصيلج اب واخ وصديق وزوج هااا هزيت راسي واني ابجي بسكوت حرك السياره طول الطريق واني ماسكتت ودموعي ماوكفن شكد حاول نصر اسكت بس جنت ماسمع شي ومجرد اهز راسي اله حتى البجي عليه متخلوني من وصلنا وكفني قبل لا انزل من السياره - سمعيني لو البجي يرجع الراح جان اني اول واحد بجيت طول عمري حتى يرجع ابوي بس مابي فايده لهذا البجي لا يقدم ولا ياخر مثل ما وصيتج خل ابوج ينام مرتاح هزيت راسي اله ونزلت اول ماباوعت المنطقه باهته ومابيها اي طعم للروح مادري اني هيج احس مدري صدك هي هيج اول ما باوعت ع بيتنا صار عمار كدامي كاعد ع التجه الي بلباب دائما بابا يكعد عليها مكانه المفظل هذا جان كاعد وحاط ايديه ع راسه ومدنك وسند ومثنى وحسن اخو جوري وبعد واحد منتبهت منو واكف بصفهم اتقدمت واني اباوعله وادموعي تنزل هو شال راسه بس شافني نزلت ادموعه واول مره بحياتي اشوف ادموع عمار الي جان شكد يكابر وماينزلهن شمرت روحي بحظنه وصرت اشهك وهو وياي يمسح ع راسي وهمس كله من عدي اني السبب باوعتله ومافاهمه شي حسيت بايد ع متني شلت راسي نصر مخنزر ويباوع صاح طبي جوه يلا شكلت خره اني مو كلت طبي جوه ولا تبجين ماهتميت اله عفته يحجي وحده وطبيت للبيت وهاي اول مره اسويها اعوف احد يحجي واطي ظهري طبيت واباوع بكل زاويه الي بيها ذكرى هنا جنت انتظره من يرجع من الشغل وهنا جان يطيني الهديه البسيطه بعيد ميلادي الي يسوويها هو بيده ويبقه ليالي يسوي بيها واديه تزرف هنا جان يكعد ياكل وهنا جنت انام بحظنه وهنا وهنا وهنا كل هذا شريط وصار كدامي ماشبعت من عده والله صارت امي كدامي تبجي وتظرب بروحها واصيح كله من ورااااي كله من وراااي انيي اني السبب كله من عمايلي انيي ردت ارتاااح ياريت الله يكطع رجليه ولا رايحه ومسويه كل هذااا بس يبقه خيمه فوك راسناا جانت تحجي وتظرب والكل مصدوم ع شنو تحجي ورانيا كاعده بصفها تسكت بيها وتحاول وياها وهي ماكو منتهيه ورايحه اذا اكول ما هزت بيه شي لان دائما جانت تتبطر ع كل شي من وعيت ع الدنيا لسه وهي بس تتبطر وماعاجبها العجب وهسه انقهرت ع شنو مو جانت تدعي الله ياخذه ولا هذا الفكر الي عايشه بي عفتها واتجهت ليم عمتي كعدت بصفها وحطيت راسي ع رجليه وهي اسبح وتدعي وتمسح ع راسي مرت الساعات والنسوان اطب وتطلع واني ع فد نومه ما مستوعبه لحد لان وكل ماسمع الباب اشيل راسي اكول هو طب واكيد جايبلي هديه لان هاي اول طبه الي بعد الزواج بس اتخيب امالي من اشوف الداخل مو هو عمي وعماتي خالاتي وخالي اجوو واني ماهتميت الهم لو كاعده وحاظنه رجليه وادموعي تنزل واباوع ع فراغ لو نايمه ع رجلين عمتي ومغمضه اسمع كلامها ودعائها الي 3 ايام اني ع هاي الحاله رانيا عادي حتى مرات اشوفها تضحك بس وكت ما يجون النسوان تكعد تلطم وتبجي ماهتميت الها ابد امي بس تبجي وتلطم وتظرب بروحها 3 ايام اني عايشه ع العصائر ومرات كوه جوري تغصبني اكل بسكته ويه العصير وماكلت اي شي ثاني جوري ماتركتني ابد وحاطتني بحظنها وتبجي اشوفها خايفه اكثر مني بس ماعرف شبيها 3 ايام الفاتحه نصر واخوته ماتركو عمار وحده ولا عمتي تركتني بيوم الثالث بليل جنا كاعدين وامي بلغرفه كاعده لزمة العده طب نصر واخوته كعدو بلصاله اني جنت كاعده بزاويه بنفس مكاني وصافنه جوري راحت لان وياي 3 ايام هي خطيه بس اليوم امها اخذتها لان ماكو نسوان كلهن راحن وبس احنه بقينا لحد هسه ماعرف شلون مات بابا عمار كاعد وصافن ونصر بصفه حجه نصر وهو يباوع ع عمار - والله اطلعه لو جوه الكاع وكول نصر الدين ماكالها والله لخيسه بلسجون وهسه اشوف لخلي اعددام باجر نمشي ع عشيرتة وانهددهم اذا يعرفون مكانه وماا اطو النا يصير الحجي غير عوف كلشي عليه انت بس شد حيلك اخواتك بحاجتك وكوم تاخذ ثارك بيدك شلت راسي اباوعلهم همست واني اباوع ع نصر - عليمن تحجون منو هذا اجه كعد بصفي واخذ راسي حظنه دفنت راسي بحظنه واني احس بحنان ابويه بحظنه نزلت ادموعي وهمست بابا لا تروح حجيتها وحظنته قوي وهو شد عليه حيل وكال - باوعيلي اريدج قوويه يمكن اغلبكم متعرفون شلون مات عمي ابو عمار الله يرحمه هذا العار اني اله والله اخيسه بسجون يامن دايدور عليه وين يروح لو جوه الكاع يطلعه باوعتله بستغراب وهمست - منوو هذا باوعت ع عمار وهمست منو شكو عمار باوعلي وكال هذا الحقير العار ال**** رضوان هو الي كتل ابونااا والله لخلي يضوك الي ضكته واني اعلمه والله اله اخلي يندم ع الرصاصه الي اطلقهاا مااطلع عمار ابن ابوي كلماته جانت صدمه الي وكفت ع حيلي واني صاافنه رضووووان !!!!! رضوان الي جنت واثقه بي بيوم من الايام رضوان الي جان بيوم من الايام راح يخطبني الي وهمني بحبه لاااااااااا يالله وحده و حده مو كلهن عليه رضوان هو الي حرمني من ابوي باوعت ع عمار واني اريد اتاكد من كلامه همست واني مصدومه - عماررر قصدك رضووان نفسه الي بابا جان يشتغل عد ابو بلبستااان هز راسه ودنك يعصر بي واني انصدمت وكعت بلكاع من الصدمه كومتني كوثر وعيون نصر عليه هديت روحي حتي لا احد يشك بيه ولا اني مامسويه شي ومن حقي اسواي اكثر لان بابا يشتغل عدهم سنين ليش هاي تاليتها - ليششش عمار ليششس سنين بابا يشتغل عدهم ليشش هيج سووه وياه ليشش صاااح نصر من يمه وهو يخزر بيه - لان كلب ابن 16 كلب ليشششش يعنيي واحد عارر ومجرم واحد ك*** اخلاااق سززز عرفتيي ليششش عافنا وكام وهو يطلع بموبايله واني بصدمه ليسشش يكتله بس هذا الي مدوخني ليشش شويه وطب نصر عصبي وميتحاجه باوعلي ودار وجهه وكال عمار تجي وياي خابرني يامن صاحبي مندلين صديقه الرضوان الي جان عده ويجوز يندل مكانه لان قبل لا يوصل يامن اله بساعه العار طالع اني وصيت كل السيطرات ودزيتلهم صوره مايطلع من واسط وانشوف نهايتها شنو كام عمار وكال ايي ايي شلون لعد امشييي باوعتلهم وركضت وراه جلبت بيد نصر واني اباوع بعيونه حباب ديري بالك ع روحك وع عمار ماعدي غيركم بعد حجيتها وبجيت بس بمجرد ما حجيت هيج اخذني بحظنه وهو يمسح ع راسي - لا تخافين ماعوفج لان عدي حجي وياج ماموت قبل لا احجي ههه - اسم الله حجيتها وحطيت اديه ع حلكه لا تكول موت والله صارت عدي خوفه منه مسح ع راسي وباس كصتي وطلع واني طبيت ميته قهر منا فراق ابوي الي ماتحمله ومنا منو رضوان الي كتله رضوووان اتمدتت واني احس راسي راح ينفجر عليه سند اخذ عائلته ورجع بس عمتي مارجعت كالت ماعوف انصاف وحدها ورانيا تباوعلي بخزره وضوجه مافهمت نظراتها بس ايقنت هي ضايجه ع وفاة بابا واكيد هشي من عده امي بلغرفه وماتطلع طول ما نصر واخوته هنا وهي من اجيت لسه متباوع بوجهي ومن تسمع صوتي لو اسمي اتكوم تبجي وادك ع راسها ورانيا اتهدي بيها وتحاول وياها تهدء وجانت وياها 24 ساعه ماعافتها ابد واني يم عمتي وهي تقرا القران عليه بقيت خايفه ع عمار ونصر لا يكتلهم مثل ما كتل بابا هذا مجرم وكلشي اتوقع منه جوري : بيوم الي جنت راجعه مو المدرسه وشفت عمار وهذا رضوان يتعاركون اتخبلت ومعرفت شسوي بس شفت رضوان يخربط ويصيح انت معليك والله اله اخلي سمعتك بلكاع مااطلع رضوان اني اني ينضحك عليه يمه متت خوف لا يجيب طاري انصاف والله اتروح بيها ركضت ع البيت اصيح حسن طلع حسن واني بقيت بلبيت بعد مكدرت اطلع ماعرف ع شنو العركه بس مبين عمار جان عصبي حيل خفت لا الموضوع يخص انصاف ونسيت موضوعي ووقوفي ويه رضوان ذاكليوم الصبح لليل اجه حسن ومبين عليه ضايج من سئلته كال مادري عمار ماقبل يحجي وهذا رضوان يهد ويرجعو اخوته كوه ثاني يوم المنطقه صبحت هوسه وصياح طلع ابوي وحسن يركضون وللضهر ياله اجو ومن سئلتهم امي جاوبها ابوي وجانت صدمه رضوان هاد ع بيت ابو عمار وكامشي الاستخبارات وماخذي ومرت الايام هدوء رضوان بلسجن بلتحقيق والكل هادئ واني اروح وارد للمدرسه اشوف هذااا ابو غمزه بسيارته يم بيت اهل انصاف بس ع بعد عنهم وكل مايشوفني يغمزلي لو يذبلي حجايه بيومها جنت راجعه من المدرسه ميته تعب مريت من يم السياره لان ع طريق البيت هو كاعد بسياره من شافني صاااح لكك اليوم البدر منوووور يابه شنوو كمرر كمر يمشي بلكاع مو مره رحمه الاهلج بس نظر مو راح اموت وانتي ضاربتني بورري يحجي واني امشي فايره نار وابدي انزع الحذاء ودك كتل بي لحد ما اخلي يتوب بعدني كاعده امشي وماحس غير عمار اجه يركض من شافني دنك وصاح - خيتي جوري روحي لبيتكم بسرعه هذا العار رضوان طالع واخاف كلشي يصير هزيت راسي ومشيت بسرعه بس احس كلبي حيطلع من مكانه لان عمار حاجاني اويلييي حتى لو كال خيتي عااادي مو مهم المهم جان مبين خايف عليه من وصلت بيتنا درت وجهي شفت هذا يامن مدري غماز يباوعلي بس بغضب وعمار يحجي وياه مهتميت اله عفته وطبيت للبيت بليل ع العشه حسن كال ترا رضوان طلع بكفاله الله يستر شراح يسوي هذا مو صاحي اذا طكن عده خفت بعد اكثر كل خوفي جان متركز ع انصاف المسكينه اذا حجه هذا الحقير بس الله يعلم بحالها الفجريه وكعدنا ع صوت الهوسه وصوت طلق طفرت من مكاني خايفه وامي اجتي عليه جرتني بحظنها حسن راد يطلع وامي مجلبه بي كام ابويه جر دشداشته وطلع وحسن طلع وراه وامي ادك ع راسها واني خايفه ارجف شصاير من فجريه الله شويه وسمعنا عيطت مره من فرزنت الصوت هذا صوت خاله ام عمار من سمعت صوتها اتخبلت طلعت اركض للطرمه مالتنا واني ارجف اباوع من زرف الباب اريد المحه مابي شي اريد المح عمار مابي شي شفت حسن اجه يركض للبيت رجعت بسرعه وامي اصيح شكو ولج شبيها ام عمار واني اكله مادري يمه طب حسن ركضت امي عليه شكوو ولك يمه - كوومي يمه كووني روحي يم خالتي ام عمار هذا العار رضوان ضرب طلقه ع عمار وطاحت ع عمي محمد (ابو عمار ) - يممممه صخااام بوجهك رضوان ع هلدكه هاي يممه الله يساعد كلبج ام عمار ركضت امي تلبس بحجابه واني ابجي ع عمي محمد وع انصاف وع عمار حسن صاح كومي ويه امي ماعوفج وحدج هنا هذا العار شارد ع السطوح امشييي طلعنا اني وامي وحسن اخذنا شفنا خالتي ام عمار كاعده بطرمه مالتهم وادك وتلطم وتبجي وشعرها ملخته اخذتها امي بحظنها تهدي بيها ركضت ع حسن حتى اعرف عمي محمد عايش لو لا وياريت ماسئلته ولا سمعت جوابه الي جان يكطع الكلب مات راسا لان جبير بلعمر والطلقه جايه يم قلبه متحمل ومات بساعتها جان يحمي ابنه عمار حاله حال ويصيح كله مني و خالتي ام انصاف حالها مو احسن من حال عمار وانصاف اخ يا صديقة عمري من شفتها طبت للبيت وتمشي وتباوع عليه وادموعها تنزل وحالها حال اعرف انصاف شكد اتعز ابوها وعدها ابوها بدنيا كلها ايام الفاتحه خلصت واني ماتركت انصاف واهلي ماتركو عمار وحده اخر يوم اخذتني امي ومن طلعنا شفت عمار كاعد ولابس بنطرون اسود وقميص اسود ومن التتراب صايرات بيضض وشعره بي شيب ب3 ايام شيب حبيبي شكد انقهرت عليه اخذت الطريق ابجي وهم عبالهم ابجي ع انصاف اي ابجي عليهم ثنينهم رانيا اصلا ممبين عليها بس من تجي النسوان تكوم تلطم وتبجي واله هي بليل لو من تطلع النسوان ولا كانما سوالف وضحك وعادي عدها طبيت للبيت واني ميته تعب وماعرف شنو الي راح يصير بيهم ورضوان شنو موقعه بلاعراب وراح ينحبس لو يكدر يفلت منها كومه افكار براسه وكومه اشياء انصاف وعمار ورانيا وكلام خالتي ام عمار ورضوان وهذا ابو غمزه شو جان 24 ساعه بباب بيتهم هسه من الفاتحه لسه ماشوفه طردت كل الافكار وكعدت اقرا صالي 3 ايام ماقاريه شي -انصاف: جنت كاعده اطي الدوه الامي وهي صافنه وادموعها تنزل ماعرف شبيها بس كل مشوفني تبجي عفتها وطلعت حتى اني روحي ملت من البجي صالي 3 ايام ع فد بجيه اليوم ياله شويه كدرت اسكت بس بقه قلبي مكسور وصرت يتيمه وصار اسمي يتميه وبلا اب منو الي منو اشكيله ع عمار لو رانيا لمنو اشكي همومي بعد منو يستقبلني اذا اجي زياره لبيت اهلي ومنو ومنو هواي افكار مداكدر اطلعهن من بالي طلعت يم عمتي الي ماتركتني الله يطيها العافيه صدك ام صارت الي سويتله عشه وجبرتني اكل وياها رانيا معشيه بناتها ومنيمتهن وكاعده يم امي ابد متعوفها وحدها كمت اودي حليب الامي هاي عادتها بلباب وسمعت صوت رانيا وهي تهمس الها - كاافي يمه شبيج لا يسمعج احد اصحي ع روحج تردين اتفضحينا وانروح والله رجلي يطلكني وانديح اني وياج بشوارع حتى عمار يطردنااا كافي - صفنت هاي شبيها عليمن تحجي سمعت امي تحجي وتبجي - كله منج يا طايحت الحظظ قشمرتيني وخليتيني امشي وراج وهذا ابوج راح من وره عمايلج الله عاقبنا بي بعد وبعد الله اعلم شراح نشووف من وره عملتج هاااي واني الغبيه امشي وراج ومغمضه عيوووني وواثقه بيج وهسه تردين ترجعين اتعيدين الغلط ولجج انتي شنو ولج مو الله دايعاقبنااا اول شي هسه ابوج مات من وراها وهاي حووبتها الاختج لان فقيره وع نياتها واني وياج قشمرناها لج حتى مرات اصفن واكول شلوون عايشه وهو اكبر منها بهواي شلون كدرت اتعيش ويااه وهو جبير عليها واحنا شسوينااا ولج ااااخ اااخ منج راح يموت الولد من وراج راح يموت ابن الناس وتترمل اختج من وره انانيتج وطممممممعج اهمدددداني الف مره لان طاوعتج اهمدااااني - بقيت صافنه يالله مدااستوعب ع شنو يحجن دايحجن عليه بس شنو اتهدم حياتي وشنوو راح يموت نصر لااا اسم الله لا يالله مااعدي غيره هو وعمار بعد نزلت ادموعي وركضت للمطبخ اريد استوعب الي سمعته زين ع شنوو يحجن شمسوي رانيا وهي امي ضايجه منها امي عمرها ما ضاجت من رانيا وحجت هيج وياها هسه شصااار اذكرت كلام نصر من كال داظلمج اكو أن بسالفه اكوو شي ولازم اعرفه ولازم احله معقوله يكون رانيا جابره نصر لالا انصاف شبيج نصر متعرفي مستحيل ينجبر لعد شلون يالله احس عقلي متوقف ع التفكير وماداكدر افكر باي شي واحسه حينفجرر من جهه ابوي ومن جهه قاتله رضوان ومن جهه خوفي ع عمار ونصر وهسه هذا الموضوع احسه راح يخبلني بس لازم احط حد الرانيا وضعها معاجبنيي نهااااائيا واكو شي وراها ضامته ولازم اعرفه لازم وحتى نظراتها الي احسها وراها شي اخ ياللهي الصبر صبرك ياللهي صبر ايوب ياللهي فرشت العمتي والي ومدتت واني بالي يم عمار ونصر الساعه 2 بليل وكلها نايمه بس اني كاعده اباوع ع البيت وحششش ومظلم لان الشمعه الجانت منورته انطفت وراحت والي جان سانده طااح والي جان راسم الضحكه عليه غاب وراح جريت تلفوني من الجنطه صالي 3 ايام ما كامشته كوه شفت الاسم هو منا اني عدي ضعف ومنا بجيت هوواي فعيوني صار بيها غوواش دكيت عليه واني خايفه ومنتظرته يرد عليه لحظات ورد عليه صوته تعبان وكوه يحجي يمكن نايم ويمكن لا - ها انصاف صاير شي - نزلت ادموعي وهمست لااا بس اريد اطمن عليكم سكت شويه وسمعت صوت شداحه وتنهيده - نامي نصوفه نامي ماكو شي والحمدالله بخير عمار لا تخافين - الحمدالله ئئئ وانت - شبيه اني الحمدالله بخير حجاها وتنهد انتي شلونج - مو زينه نصر مشتاقتله حجيتها وبجيت البيت وحش وموحلوو كلساع اتخيله بمكان - اووف الله يرحمه الله يرحمه يلا نامي وباجر ارجعج انتي وامي لبغداد اذا بقيتي تتعذبين اكثر - لاااا ماروح واعوف عمار ماروح قبل لا اطمن عليه واعرف هذا الحقير اخذ جزاءه - انشاءالله قفلتي البيت - مممم - ديري بالج ونامي يلا ومثل ما موصيج ماشي نصوفه - ابتسمتت ابتسامه حزينه لان دلعني اول مره يدلعني همست اي ودعني وسده اطمنت شويه وغفيت بس شنو نومي كله احلام وكوابيس حيايه وxxxxب وحتى كلاب جانت اتحاول تهجم ع بيت نصر احلام هواي متقطعه كوه اذكره لقطات منها كعدت الفجريه خايفه كمت توضيت وكعدت اصلي واقرا قران اهدي الروح بابا واني اقرا ومن خلصت سمعت صوت رانيا وهي تحجي بلفون بهمس صفنت هاي ويامن تحجي الساعه 5 الفجرر ………… يتبع  ،،،،،وللحكايه بقيه ،،،،،، قرائه ممتعه احبتي البارت مليان حزن صراحه كوه كملته وردت اخلص مكدرت اختصر هذا الشي لان مثل مشفتو هواي اشياء ردت اوضحهاا بموتت ابوها الانصاف ياترى القادم شنو بنظركم توقعاتكم وتعليقاتكم وتصويتاتكم نسبة المشاهده اكثر من الف والتصويت قليل كلش شنو السبب ترا متخسرون شي اذا دستوها للنجمه ⭐ احبكم #نور الشمري #نوشه | ||||
|
| |
|
30-11-20, 05:13 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الثاني عشر بقلمي #نور الشمري #تدري .. وش اللي يذبح الورد بدري ؟ لامن زرعته بـ ارض ماهي بـ اراضيه وتدري وش اللي يحزن القلب .. تدري قلبٍ ( يذوق المر ) من كف غآليه انصاف: صفنت رانيا ويه منو تحجي والدنيا فجريه اتقربت ع باب الغرفه اسمع كلماتها واني خايفه احس كلبي راح يطلع من مكانه واني حاطه اذني ع الباب سمعتها تهمس - ماكدر اعوف امي وارجع ليش ماتفهم انصاف بعدها عروس ولازم ترجع وياكم وامي تعبانه ابقه يمه كم يوم واخابرك تجي اتنفست براحه من عرفتها تحجي ويه رجلها عفتها ومشيت لمكاني واني افكر بكلام امي ورانيا وكلامها هسه هي ابد متحب تبقه هواي هنا شنو الي تغير باوعت ع البيت ااخ ياا بابا مكانك خالي دائما هيج وكت تكعد اصلي جبت كل عمرك اتخاف الله وابد ما صيحت او ضربت امي برغم شكد تصرفاتها غلط بس جنت تكول هي مره ومتربايه اني تالي عمري اجي امد ايدي عليه واغضب ربي مني لان مديتها ع مره لا حول ولا قوه بيها جان يسمع الها صح مرات يسوي اشياء هي تطلبها وهو مو راضي عليه بس يسوها حتى ماتحس بنقص وحتى ما تمل من عيشتها هاي وتتبطر وساعتها الله يعاقبنا جنت اسمعه يدعي بصلاه علمود الله يهدي امي وماتتطلب وتتفهم عيشتنا لان جان يشتغل من الصبح لليل وتتلكاه بباب البيت تاخذ منه الفلوس حته تشتري الي يعجبهاا غفيت واني افكر بي مافد يوم ضوج امي لو ضوجني او ضوج رانيا او عمار غفيت والدمعه بعيني كعدت الصبح ع صوت حجي رفعت راسي لكيت عمتي ونصر كاعدين من شفته كمت بسرعه اله باوعتله ورجعت باوعت ع البيت وينن عمار باوعلي وابتسم - صباح الخير بره عمار يم الولد صاحبه الي اسمه حسن - ابتسمت وخجلت من روحي لان ما صبحت وراسااا هجمت عليه جان نايم ع رجلين امه وهي تمسح ع راسه وتقراله قران وهو مغمض - اسفه بس من ماشفته خفت عليه شلونك انت - هههههه بعد وكت رجعي نامي هههه الحمدالله بخير خجلت ودنكت راح اسويلكم ريوك عفتهم وكمت للمطبخ ماعرف شبيه من شفته لسه كلبي يدك سريع باوعت ع البستان من شباك المطبخ وهزيت راسي بحزن وادموعي رادن ينزلن بس مسحتهن بسرعه ماريد ابجي واقهر بابا اكثر وهو بلكبر صالي 3 ايام ابجي اكيد هسه تعذب وهو يشوف ادموعي خلص انصاف من اليوم ماكو بجي ومن اليوم انتي لازم تعتمدين ع روحج محد يبقالج وكلها تجيها يوم ويرحون مثل بابا لازم تعتمدين ع روحج واصيرين قويه وما تهتمين الاحد وادموعج اصير غاليات وماينزلن بسهوله ولازم اعرف سر رانيا وامي والي من وراه امي صيحت ع رانيا وخلت صوج وفاة بابا بيها لازم اكتشف السر هسه اني كبرت ومو هذيج الطفله الي يكول عنها نصر اني مو طفله اتنفست واني اشجع بروحي واطي كلمات ايجابيه النفسي وخلصت الريوك وردت اصيحهم بس وكفني صوت عمتي وهي تكول - يمه بشرني ما كمشتوه لهذا الحقير الي كتل عمك - لا يمه اليل كله سهرانين ويه صاحبه علمود يعترف وذاك الحقير مطي عنوان غلط اله لان يدري ماراح انعوفه براحته خل اتريك وانشوف تاليتها ويه عشيرته واهله - زين يايمه عليمن كل هذاا العركه - بعدين يمه بعدين اسولفلج خاف تسمعنا هاي ام دميعه وتروح اسويلنا عزه - ههه خطيه حاله حال هل انصاف لو شوفها بيام الفاتحه تفطر الكلب - يمه هي من قبل تفطر الكلب شلون طاوعج كلبج وزوجتنياها مادري هسه اني يجوز مخبل واافقت حتى اخلص من نكج ولو اشك بروحي اني مو صاحي من اطيت الموافقه اله انتي شلووون - يايمه شنو هلحجي هذاا مو انت وافقت من سئلتك عليه كلت يجوز الولد هواها من شافها صغيره واتربيها ع ايدك شهلحجي هذااا يايمه خوفتني - صفنت ع كلامه شنو يعني هو وافق وبعدين اتندم ليش لان يشوفني صغيره بنظره لو شنوو زين اذا اني صغيره ليش وافق عليه من البدايه وشنو كلامه هذاا يالله راح ادوخ من جهه رانيا وامي وهسه نصر وكلامه دخت والله بابا وينك محتاجتكك طبيت صحتلهم ع اليروك وهم كامو وسكتوو واني سكتت طب عمار هم كعد بس يلعب بللكل ولا اكل وصافن اووف سوده عليه اخويه ضعفان والشيب طك بشعره وحاله حال الله يساعده طبت رانيا صبحت وكعدت باوعتلي وابتسمت ودنكت صفنت شبيها ساعه اتخنزر وساعه تبتسم والله حررت ويه هاي البنيه سالفتها مو خاليه ابد خلصو ريوك وطلعو عمار ونصر وهم بلباب لحكتهم عماار فدوه اسمعني لا تتهور وتعصب فدوه اروحك ماعدي غيرك بعد لا تستعجل واخذ حق بابا بس مو بظلم اخذه بلحق ابتسم وكمش وجهي باسني من بين عيوني وكال شنو هاي كبرتي بسرعه ولج مادري بيج هيج اتفكرين - ههه لازم افكر واكبر لان الدنيا هاي يحتاجلها واحد يفكر و بعقل وهم يكبر اكبر من عمره وحتى يفكر افكار اكبر من عمره نسيت احنه عايشين بلعراق العظيم ولازم نفكر هيج - الله لا يحرمني منج ديري بالج ع روحج احسن من ذيج اختج الي مايهمها غير مصلحتها - شعلينا بيها رانيا من يومها هيج دير بالك ترا هم خوش ناس وبابا جان يشتغل عدهم حجيتها ودمعتي لمعت بعيني هز راسه وطلع باوعت نصر واكف بلباب ومجتف اديه ويباوعلي دنكت واتقدمت اله باوعتله وهمست - وانت هم دير بالك ع روحك ولاا تعصب بسرعه واتكوم تغلط عيب من الناس رفع حاجبه الي وباوعلي بنص عين - مو جنج طلعتي رون سايد - صفنت عليه ليش بلا شحجيت - مو حجيتيلج كلمتين مال كبار الاخوج ام عقل راح تاخذين الدور عليه همم شنو طفل كدام اني واتكليلي عيب - مو هيج بس قصدي يعني انت ماتعرف هذول الناس شنو - انصااااف ششايفتني ترا اني شايف اشكاال ومحقق ويه مجرمينن وارهابين واشكال جايه هسه اتعلميني هلمره راح اعديها المره الثاني يصير غير حجي ماشي حجه هيج وكرص خشمي بصابيعه وابسملي وطلع بقيت صافنه ماعرف شبيه ضايجه ع فرحانه بس لااا مااضوج وابجي صح اني طوختها هو رجال ملازم استخباراتي ويعرف كلشي واني اجيت اعلمه العيب اهمداني طبيت للبيت شفت عمتي كاعده يم امي وتحجي وياها وتطيها جرعة صبر وايمان مثل ما اطتني واطت النصر هلمره لو شما احجي بحقها ماكدر اجازيها عفتها وطبيت للمطبخ ع هوسته صدك يعني رانياااا وين مو جانت كاعده ضجت من تصرفاتها اني مو خدامه عدهااا طبيت للغرفه اترضع برزان واصلا نايمه رزان وكامشه التلفون جريت التلفون منها واني اباوعلها بغضب هي عاطت وكامت باوعت ادردش ويه وحده اسمها حنين وكاتبتلها رانيا اي حظري واني شوكت ماكدرت امر اخذه منج ردت اصعد اشوف شنو هو انجر التلفون مني - انتيييي انتيي شنوو واجرين التلفون منيي هااااااا لج هسه اذا اكتلج احد يلومنيي حقيييره نعاله بعدج هلكدوتج وجااايه تسحبين التلفون مني والله هو مو صوجج صوجي اني الي اطيتجج اكبر من حجمج يااا دمااخ سززززز - اتخبلت من حجت هيج شبيها هاي شسويتلها اني هو تلفون جريته منها اتخبلت عليه ماتحملت اسكت هو اني منا نفسيتي صفررر ومنا رانيا الي كلماتها زرفت كلبي بيها عطت عليه - رانياااا ليششش هيج تحجينن شسويتلجج كله اخذت التلفون منج لان عايفه المطبخ وكامشته اجن نسوان ع امييي هااا وشافن البيت هيج شيكوولن هااا انتي شبييج دينج ومذهبج التلفوون كااافي عيب عليج لج حتى بابا ماصاله هواي من مات وانتي كاعده ادردشين وسوالف وضحكككك عيببب عليجج عيببببب ماتس بعدني ماكملت كلمتي وماحس غير براشدي ع وجهيي من قوته وكعت بلكاع وانضربت بلميز مال الفراش الحاطته امي تنضد عليه الفرش من خشب حسيت بشي حار كام ينزل ع عيوني ماهتميت اله بكد ماا اهتيميت اللراشدي كمشت خدي ورفعت راسي الها طبت امي وعمتي يركضن امي بقت واكفه وعمتي اجت عليه شبيج يمه نصوفه اسم الله شبيج يمه رانيا شكوو ولجن سمن بالله كابرت حتى ادموعي ماتنزل واوفي بوعدي الي وعدت روحي بي اليوم الصبح وكفت باوعتلها جانت واكفه صافنه ابتسمت وهزيت راسي الها - مشكوره يا بت ابوي وامي هههه بعده تراب ابوي اخضر ورفعتي ايدج عليه وضربتيني وببيته هههههه ع شنو هاا ع شنوو درت وجهي ردت اطلع كمشتني امي - شكوو شبيج ويه اختج وليش مدت ايدها عليجج - سئليهاا سئليها الحبيبت كلبج رانيا ليش اسئليني الي راح الي جان يدافع عني ومايقبل احد يحاجيني بكلمه راح الي جان واكفلي سنددد ررراح الجان يكول هاي عزيزة ابوهاا محد يمسها بكلمه راااح راااح واشبعوو ضرب وغلط عليههه محد راح يدافعلييي كووه سيطرت ع روحي وطلعت اركض للوره البيت ماريد ابجي كدامهم ماريد من اليوم حلفت ما ابجي كدام احد وابين ضعفي من اليوم اشوفهم انصاف الي بابا جان حاط كل اماله بيه كعدت ع المرجوحه وكمت اشهك ليش ليش هيج سوت رانيا اول مره بعمري تنمد ايد عليه شنو حجيت اني وهيج سووت حظنت رجليه وكمت اشهك من البجي واحجي ويه روحي كاافي انصاف كاافي لا تبجين حسيت بخطوات احد وراي درت وجهي عمتي كعدت بصفي وهي تمسح الدم الي داينزل من كصتي - ليش هيج يايمه مو انتن خوات ليش اتخلين اخيتج الجبيره اتمد ايدها عليج وبعدين ليش اترفعين صوتج عليها ها يايمه - عمممه اني ماحجيت شييي يعني هاي مو وضعيه حتى لو عدها بنات وجهال مو هيج اتعوف البيت وصخ وتكمش الموبايل يعني طلعت يم نصر وعمار شويه ارجع الكيها عايفه البيت ع هوسته وكامشه التلفون ادردش ويه صاحبتها ومن احاجيها تنزل عليها اشكال الغلط والحجي والرزال ليش لان بابا بعد ماكوو لو شنوو عبالهاا محد يدافع عني ايي يمكن محد بس اني ادافع عن نفسي طول عمري جنت ضعيفه لان بابا بضهري بس اليوم بابا ماموجود ولازم اكون قويه وارجع حقي بحقين وبايدي يعني لان حاجيتها ولان نفسيتي صفر ماحسيت ع روحي من صيحت وعليت صوتي بس مو معناها تضربنيي تقبلينها عمه اتقبليهااا انتي اخذتني بحظنها وهي تهدي بيها وتحجي - صل ع محمد يمه صلي مايصير هيج انتن خوات وهي ساعة شيطان ولان رفعتي صوتج عليها هي هم نفسيتها صفر يايمه هم ابوها الراح مو هيج يابعد روحي والله لو يعرف نصر اليسوي عاليها واطيها ترا انتي عزيزه عليه لا تستهين بنصر الي يكون باسمه ومنه وبي لو جوه الكاع يطلعه وياخذ حقه منه مو بعد مرته وحتى لو اختها ومرت اخو والله محد يوكف بوجهه ويندم رانيا ع الساعه الي مدت ايدها عليج بس اعرفج سبعه وبت اصول ماتكليله لان تدرين بي عصبي وانتن خوات ماتستاهل توصل للزلم هي غلطت وانتي غلطتي والله سبحانه وتعالى رحيم غفور شلون احنه الانسان العبد الفقير مانسامح يلا بنيتي كومي وانسي الصار واني اخلي رانيا تجي وتبوسج بعد - ماريد عمه بس خليها بعيده عني هي من ساعه الي مدت ايدها عليه ومافكرت ببابا راح يتعذب بكبره من يعرف بته انظربت من ساعتها وهي مو اختي ماعدي اخت اني عدي بس اخ واحد وماراح اكبرها للسالفه بس خليها بعيده عني لا والله اشوفها وجهي الثاني بست راسها وكمت واني افور نار ادري بيها اصلا ما هامها ولا يمها السالفه وحته ما متندمه لان مدت ايدها عليه بس هينه اني اعرف دواها طبيت للبيت نظفته وسويت غده وامي كاعده تباوعلي وادموعها تنزل ماهتميت الها حتى ماتعبت نفسها واجت سئلت عليه وع الضربه الي براسي بقت يم حبيبت كلبها رانيا هاي ام بلا هاي حطيت لزكه لكصتي وصبيت الغدا النا وماحسبت حساب رانيا بس اني وامي وعمتي واخذت غزل بحظني وكعدت اوكلها طبت هي من شافت مالها مكان عافت الصاله وراحت للمطبخ ماهتميت الها ومن اليوم انكونت انصاف جديده تختلف جذريااا عن انصاف القديمه انصاف قويه وما تنقهر ولا تهتم الي احد عمتي و امي بس يباوعن خلصت غدا وكمت غسلت الماعين شويه وندكت الباب فتحتها جانت جوري وامها ومريه جواريه هم طببتهن سلمت ع جوري بقت اتباوعلي بستغراب - انصاف بيج شي - لا ليش شبيه - مادري شوو احسج بارده و - ههههه اتعودي جوري اتعودي راح اشوفين هذا الوجهه دائماا بس لا تخافين مو وياج هههه طببتها وبقن كاعدات باوعت جوري مو ع بعضها شبيج ضايجه - مابيه - عليه احجي شبيج - لج هذااا واحد من عرسج لحد لان مادري شبي وين ماروح اشوفه وبس يذبلي حجي وغزل لعب نفسيي خايفه لا يشوفه حسن واصير مشكله وفوكاها يعرف حسن ويعرف عمار اخوج - منوو هذاا هاااا جوري هااا معجب من وراي - انجبي تدرين بيه اني شنو وتدرين اكو واحد ببالي بعد شكوو - صدك انتي يرادلج كعده بس خل ارتاح شويه ونكعد نشوف الي ماخذ بالج يتهني ونعرف هذا المتهني منوو - هههه انجبي انصاف بقيت كاعده بصف جوري كل ماا اذكر بابا وتستقر دمعتي بعيني ادور وجهي بسرعه ع جوري اسولف وياها وهي تحس عليه واضل تهدي واسولف وياي بس ابتسم مجرد رسمه ع شفايفي بس من اتكوم امي تنعه اعوفها واكوم ماتحمل ابقه كاعده وماابجي رانيا جانت كاعده وحاطه بناتها بحظنها وتبجي ماعرف شنو افسر تصرفاتها كاعدين اني وجوري بلمطبخ واندكت باب المطبخ كمت فتحتها عمار ونصر وبعد ولد مطي ضهره الي - بشرو شصاار نصر : اتفقنا وياهم وهذهوو - شلون اتفقتوو حجيتها واني اباوعلهم عمار حجه وهو مدنك تبرو من عده وطلعو من العشيره واذا عرفنا بيهم ضامي يصير غير شي وساعتها مايلومون غير نفسهم و - وو بعد نصر : عمار كافي بعدين نحجي - نصرر ليش اسكته عمار احجي شكو خوفتوووني شبيكممم عمار : ماكو شبيج بس شيخ عشيرتهم علمود يهدي الوضع اطاني بته وكال بس نعرف شي عن رضوان نجي انكللكم وانتم هم من اتكمشو توعدونا ماتكتلو وفقط ينحبس صفنت عليهم يعني شنووو مفهمتت نصر : مو كتلك اسكت شراح يفهمها هاي وراح تبقه اتنك باوعتله صفح ماعاجبني ورجعت باوعت ع عمار بخزره وضوجه كال عمار وهو يكمش ايدي شبيج نصوفه بعدين نحجي هسه منو موجود جوه اذا اكو احد غريب حته نرجع واذا محد سويلنا درب خل انطب - بس تحجولي كلشي - لج نحجيلج والله بس فضيهااا اريد اطب اخذلي شغله - اكو خاله ام جوري وجوري وخاله ام سعد هم عمار : جوررررري ااقصد هاا هنا لعد سويلي درب خل اطب خاف البنيه مالابسه حجاب انتبهت عليه حجاها ودنك هزيت راسي ودرت وجهي ماشفتها طبيت للصاله شفتها كاعده يم امها ومبين عليها ضايجه كلش شبيها طلعت ع عمار - عمار الشغله ضروريه يعني النسوان كاعده - يلا يلا عوفيهاا عافني ومشه باوعت ع نصر وهمست شنو يعني اطاه مره مفهمت ترا يعني هسه شنو - اوووو انصاف كنالج هذهو انحلت لااضلين اتلحين حاجاها و مشه شبيهم هذولي مر اليوم عادي مابي اي شي ثاني يوم جنه كاعدين نتريك ودك تلفون نصر - الو هااا يامن صدك تحجيي يلا يلا اني جاايك ايي ايي ماشي دير بالك اني جايك وخابر خل يدزولك كم واحدد اييي ايي يلا سده بسرعه وكاام عمااار امشي ووياي - ولك يمه نصر وين ماتريكتو حتى وين رايحين دنك ع راس امه باسها وحجه بعدين يمه بعدين هذا العار كامشه يامن ع الحدود يريد يطلع بجنسيه مزوره خل الحك عليه حجاها وطلع حتى مالحكت عليه وعمار وراه بس احس اخويه ضايج من البارحه وهو الدمعه بعينه تلمع ماعرف شبي واليوم كوه يمشي رانيا ماحتكيت بيها بعد ولا وصلت يمها ولا هي حجت وياي هم جوري من البارحه من راحت وهي ضايجه هم ماعرف شبيهاا واني نفسي مامتحملتهاا وبنات رانيا خبلني وهي ولا يمها وخطيه عمتي تفتر وراهن وين مايرحن وراهن تفتر وامي اااخ يا امي ساكنه الغرفه وحاطه القران وكاعده وكل مشوفني تبجي خلص اليوم وماكو اي خبر لا من عمار ولا من نصر واحس روحي راح انفجر خايفه عليهم ماعدي القوه بعد اتحمل فراق شخص قريب عليه بليل طبو عمار ونصر نصر ع وجهه ابتسامه وعمار العصبيه والحزن مسيطره ع ملامح وجهه ركضت عليهم واني خايفه شصااار كمشتوو باوعلي نصر وجاوب وهو يبوس راس امه وايدها - اي و هسه بسجن وانشاءالله يومين ويتحول بسجن ابو غريب واله اخلي ينحكم مؤبدد واني اعلمه لهذا العار اله اخيسسسه ابتسمت واني اشوف العداله ايام ماشفنا النوم براحه واليوم راح انام واني مرتاحه ع اخويه عمار وع بابا لان الي كتله راح يدفع ثمن حياته غاليييييي بس لحد لان ماعرفت شنو سبب العركه شاب بعمره شنو الي خلاه يكتل رضوان مو هيج بس اكيد اكو سالفه الله عاقبه لان جان يضحك ع بنات الناس وكتل روح مالها ذنب بيومها نمت براحه ومافكر هاا خاف يكتل عمار ها خاف ياذي احد وهاا خاف ياذي نصر وها وها وكومه افكار براسييي نمت وكعدت الصبح علمود نرجع البغداد اني وعمتي و نصر يرجعناا كمت نظفت البيت لان المسعده نايمه انظف واباوع ع كل ركن بي بس خل ابتعد مادامني بي راح اتعذب وماكدر اعيش باوعت ع صورة بابا الي علكها عمار البارحه نام مرتاح بابا بتك قويه لا اشيل همها بست ماما وودعتها وهي ودعتني بنحيب بس قبل لا اطلع جرتني كعدت بصفها بلغرفه وهمست باذني - سااامحيني يايمه ساامحيني اذيتج هوواي يمكن حتى الله ماراح يغفر الي ع هلعمله بس اوصيج ديري بالج ع روحج وديري بالج من رانيااا وانتبهيلها ولا تخليها توصل لخصوصياتج صفنت ع امي وكلامهااا شنو قصدهاا ماعرفت هزيت راسي الها وبست راسها وطلعت وعفت رانيا يمها لان العرفتها هي محاجيه زوجها وراح تبقه يم امي كم يوم طلعت صار عمار بوجهي شبكته ومكدرت احبس ادموعي باوعتله واني اشهك - عماار دير بالك ع بيت بابا ودير بالك ع نفسك اذا مو الاحد علمودي اذكر اني عايشه علمودك انت لان اكو من ريحة بابا بيك اخذني بحظنه وهو يبوس براسي لا تخافين ياروحي اي شي تحتاجي او اي شي تردي لا تكولين ماعدي اب اني ابوج قبل لا اصير اخوج بسته وودعته وطلعت شفت نصر واكف يباوعلي صفح جان اكو ولد شاب واكف يم سياره من ركبنا احنه هو ركب ومشه ورانا الطريق كله هو وراناا عرفته صديقه النصر الي ساعده وبقه ايام يدور ع رضوان ولكاه يامن الروح بروح هو ونصر وصلنا بغداد واني ميته تعب طبيت البيت مليان تراب صالنا اسبوع عايفي حجت عمتي وهي تباوع ع البيت ببتسامه - روحي يمه نامي وارتاحي ومن نكعد انشد ع البيت اني وياج هزيتلها راسي وصعدت راسا للغرفه اول مادخلت اذكرت الي صار باخر ليله يعني لهذا يكول داظلمج هو مجبور عليه ليش انجبر لو بس اعرف ليش اتمدتت واني صافنه احس لسه ممصدكه بابا مات وكل هذا حلم بس اتخيب امالي من اصفن واشوف كلشي حقيقه مرت الايام ورانيا بعدها يم اهلي ورجلها ضايج لان هاي اول مره هيج تتاخر هلكد نصر ثاني يوم من رجعنا وهو طلع بمهمه للشمال وصاله سبوعين هناك واني وعمتي وحدنا بلبيت اليوم مثل كل يوم عزلت البيت وخلصت وصعدت نضفت الغرفه صفنت الجربايه ماعاجبني مكانه واحسها مزحزحه لنص الغرفه صفنت ماعدي شي خل انظفها سحلتها وكمت انظف جواهاا بس لكيت شييي وكف راسي من التفكيررر نصر الدين : من رجعت من واسط واني دايخ ماعرف شبيه كل ساعه اصرف شي شكل جنت كاعد صافن بلغرفه مال الفندق واذكرت بيوم الي اتقربت الانصاف شلون ماعرف بس جذبتني جمالها البسيط وعيونها البريئه وتصرفاتها الطفوليه احس كل تصرفاتي غلط بغلط بس ماعرف شبيها من اكون خارج البيت مابيه شي واتخبل واكره روحي الف مره لان اتقربت من طفله وظلمتها وياي بس من ادخل البيت كل هذا يروح احب بس اكون يمها وماحب تفارقني ابد لهذا صالي اسبوعين ماريد اطب ولا اصول للبيت اريد اشوف وضعي شنوو ليش هيج دايصير بيه كاعد ويامن بصفي عاط وهو يضحك - عمييي الماخذ بالك يتهنى هههههه بشرر ماحبيتها للطفله ع كولتك - ههه ابتسمت واني اذكرها يامن ماعرف شيصير بيه من اشوفها لو اسمع طاريها يامن احس روحي انسان ثاني اتصرف تصرفات اني مستحيل اسويها بهذا عمري عبالك مراهق - لككككك العب بيهااااا ان اخوك ياا نصر يابه انت واكع ومحد حاس عليك يابه انت اتحبهاا للطفله عينييي - كووم لك هو اني كم مره شفتها متكلي شلون حبيتها دكوم كووم حبيتها ولله يالله عفته وجريت جكايري وطلعت من الفندق واني صافن خوفها وادموعها من مات ابوها لسه يدكن ببالي وحبها العمار ماعرف شبيه اذكرت عمار خطيه خل اسئل عليه هذا حاله حال هم دكيت عليه وسئلت عليه وشراح يسوي بقيت اسولف وياه وامشي بشوارع السليمانيه سديت واني صافن بس ارجع لبغداد اروح لسجن ابو غريب واشوف ليش هلعركه وع شنو اعرف عمار يحبها الصديقة انصاف وهو كالي اتعاركت وياهذا العار علمودها لان جان موكفها بشارع ومن سئلته ليش متخطبها كال اعرف اهلها ميطوها لان يرتدوها تكمل كلت تخلص سادس واخذها بس من شفتها واكفه بصف هذا النسونجي اتخبلت ورحت اتعاركت وياه بس هو كام يطفر بلحجي بس مافهمت شنو الي كام يطفر بلحجي ماقبل يكوله ومنا اجته مصيبه هاي البنيه وانحجت بديوان وبت شيخ ميكدر يرفضها ومنا حبه ومنا وفاة ابوه الله يساعد كلبه بقيت ادخن وامشي بشوارع صافن ماعرف شبيه اشتاقيتله بس ماريد ادك عليها ماريد اعود نفسي عليها صفنت ليش مااجيبها لهنا واخذ اجازه اسبوع هم هي تغير جو شويه وهم اني اعرف شبيه ليش احب وجودها وماكدر اتقبلها انصاف : جريته جان جيس اسود وبي اشياء اتلعب الروح وكلمات ممفهومات بس جان شكلهن مقرررررف الى درجه بس انتبهت اسمي واسم نصر وقلب وماعرف ايش اتخبلت شنووو هذاااا طلعت اودي العمتي بس وكفني كلمات امي وتصرفات رانيا وتصرفات وكلماته نصر يعني يعني نصر لا لا مستحيل اختي وامي هيج يسون بيه مستحيييييل لاااااااا مستحيلل اختي هيج اسوي زين واميييي لاا غلطانه اني بسس بسس كلشي يثبت هشي كلشي يثبت ومحد يدخل غرفة نصرر غيري وغير رانيا قبل زواجنا من جانت اتنظف لااااااا لاااا يالله دخيلك ماتحمل هيج شي دخيلك ربي يعني نصر مسحوررر جوري : من سمعت مطين مره العمار علمود الوضع ما يتأزم بينهم ولانهم عشرتين مرعوفين مايردون اصير مشاكل ودم اتخبلت واتمرضت يومين اني بلفراش ماكدر اشيل راسي من مكانه بس الي خبلني كامشي الرضوان وحابسي يعني ماشين ع الاتفاق الي اتفقوو بين العشيرتين وراح يزوجهاا البت الشيخ ايي طبعاااا ههههه جوري راح يزوج بت شيخ بعد يكلبج شيلي من راسججج شيلييييي مايفيدج مايفيدج اسبوع مر واني حالي حال رجعت كوه للدوام بس جسد مجرده من الروح واني بطريق لمحت نفس الشاب اووف ناقصته اني مو رجع لبغداد شيريد كملت طريقي بس وكفني سؤاله وهو يكول - شنوو ياب ولد المنطقه عادي اسولفين وياهم بس اني لاااا اتبيعين شرف براسي مووو اني كخه ؟؟ درت وجهيي مصدومه من عده انتتت شنو وهيج اتحاجينيي هااا ششايفني كدااامك - شااايفج وحده سا.... ولد منطقتكم حلال واني حرررام من اذبلج حجايتين تبيعين ثكل براااسي وشرف ولج والله مااطلع يامن اذا ماخليتج تتوسلين بيه اتوسل ……… يتبع ،،،،،،وللحكايه بقيه ،،،،،،، قرائه ممتعه احبتي تصويتاتكم وتعليقاتكم وتوقعاتكمم اكو شغله حبيت اكولكم عليهم الاشتراك مال النت مالتنا راح يخلص باجر وماعرف شوكت الصبح الضهر العصر بليل ماعرف مو هنا المشكله المشكله ماعرف شوكت انجدد 😁 لان الوالد معاند هذا الشهر علمود اخوتي يتركون التلفون لهذا يجوز اسبوع او اسبوعين لو يومين ويجوز ساعتين وانكنك العلم عد الله فاريد منكم الصبر وما اضوجون واصبرون وياي واذا تاخرنا بلشتراك اكوم انزللكم يوميا اهم شي اصبرون عليه وهسه شوفوني توقعاتكم للبارت الجاي ونصوفه شراح اسووي 🤔🤔 #نور الشمري #نوشه | ||||
|
| |
|
01-12-20, 02:33 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الثالث عشر بقلمي #نور الشمري #اﻧاَ #قدي?ﻣتههّ #وجدديْدتهه واﻧاَ #حبِيبتههّ اﻟﯛحيده #وطفِلتهِ المُدللْهه واﻧاَ اﻟﻱِ اك?ﯛن #أُم-للأولادِه💙💍 ، انصاف : بقيت صافنه ماعرف شنو اسوي احس الدنيا كلها وكفت بوجههي يالله دخيلك مو لهدرجه هاي مو لهدرجه تكون اختي وامي انانيات لالا انصاف شبيج اكو ام واخت هيج يسون بس كل شي يثبت ماكو غيرهن خل تجي واتاكد منها شنو اتاكد هيي اكيد بس خل تجي واشوفها ليش هيج سوت هذا بشر انساان شلون هيج سوت حماهاا مخافت اذا يعرفون راح يطردوها من البيت مخافتت يطلكوها وياخذون بناتهاا الله اكبر عليج رانيا الله اكبر كعدت بباب الغرفه وكامشه راسي احسه راح ينفجر ومداكدر افكر تفكيري كله انشل انزل اكول العمتي اي اي انزل اكله لاااا انصاف شتكليلها اختي سحرت ابنج زينن ليششش ليششش هيج سووت رجعت كعدت واني حايره اكول النصر اي نصر اكوله لااا انصاف شتكولين اتكوليله انت مسحور هو مندون كلشي طباكات ومنا مسحور يالله شسووي دليني ع الطريق الصح ماكدر ابقه ساكته ولا اكدر احجي حتى لو جازفت وحجيت منو راح يصدكني واني اعرف رانياا شتوقع منها الي اسوي سحر الحماها واختها حتى يزوجون هاي شتوقع منهاا اكيد راح اتلفه عليه واتورطني وياها واصلا محد راح يصدكني هههه اكيد بابا وينك محتاجتك بابا تعال شوف مرتك وبتك شسون بيه اااخ ياللهي ساعدني صفنت حتى لو جنت اريد احجي وحتى لو تهموني اهم شي نصر يتعالج ويخلص من هذا السحر كلبي ميطيني هاي اختي شلون هيج اسوي بيها تبقى راجعه الي ياريت لو بس عليه واطلك اني يطبني طوب بس هي عدها بنات وعائله شلون احرم بنات من امهن شلوون ااخ يالله الصبر الصبر منك ياللهي كمت لميته كله واخذته صعدت فوك لسطح واتلفت خاف احد يجي اعرف هيج وكت عمتي اصلي ونصر ماكو ورجل رانيا بلشغل حطيتهن كلهن واني نفسي كاشه منه كامشتهن بطرف اصابيعي واحس كامشه شي نكس احس صرت وووصخه حطيتهن كلهن وركضت جبت بانزين حاطي احنه يم المولده شمرت عليهن بانزين واني اديه ترجف ماعرف شكاعد اسوي ركضت نزلت جوه وارجف من فوك لجوه واتلفت اتلفت خاف واحد يشوفني اخذت شخاطه ورجعت صعدت فوك بقيت واكفه واني اباوع عليهن احركهن لو لا اي احركهن واخلص منهن لااااا خاف مو زين لا لا احركهن حتى يبطل سحرهن ايي اني مره سامعه من ام جوري بت اختها جانت مسحوره ومن حاركين السحر بطل السحر وخلصت منه شعلت عود الكبريت واني اديه ترجف خايفه خايفه لااا ما يبطل خايفه من رانيا بت امي وابوي هيج سوت لعد الغريب شيسوي خايفه من امي وخايفه ع عمار اني هيج سون بيه عمار شيسون بي خايفه ع بابا لا بس مات من وراهن والله ماسامحهن ادا صدددك خايفه خايفه لا سامح الله يصير بنصر شيي شلون بيه ماعرف شنو احس بتجاهه بس الاعرفه هو صار الي كل شي اب واخ وصديق وزوج ماكدر بدونه بس اعرف كل هذااا بسبب السحر وبس يبطل راح يبتعد عني خليي بعيد وسعيد ولاا قريب وتعيس ومريض شمرت عود الكبريت واني اشوفهن يحتركن كدامي وارجف اتلفت منا ومنا ع الباب لا يصعد احد لو يشوفني احد شداسوي اني مادري صح لو غلط مادري بس الاعرفه اريد انقذ نصر وبس شفتهن صارن عباره عن رماد لميتهن وذيتهن بسطل الزبل ونزلت باوعت للغرفه اكيد اكو غيرهن ايي اكيدد ركضت ع الكنتور وفرغته كله وكعدت انبش والملابس مادايري ومدخله جسمي بلكنتور ادور حسيت بكحه شخص شلت راسي وانظربت برف مال الكنتور الفوكي كوه طلعت خايفه اجرف واحس مسويه شي وهو صدك اني ضمضت الاختي وراح اسكت ومااحجي كلمه وحده واشوف تاليتها شنو بس ماراح اكعد ومجتفه ايدي لاااا راح احاول بكل الطرق ارجعه الطبيعته وابطل السحر رفعت عيوني جان متجي ع الميز مال المرايه ومجتف اديه ويباوعلي دنكت خايفه من نظراته ومن وجوده من قبل وفاة بابا ومن ذيج الليله من جنه سوه وبعد ماانجمعنا من رجعنا من واسط هو راسا طلع للشمال وهاي صاله اسبوعين او اكثر هو هناك ابتسمت بوجهه وهمست الله يساعدك شوكت اجيت ماحسيت عليك احجي والم بلملابس نزع المحبس مالته والساعه وحطهن ع الميز الجنطه مالته بلباب باوعلي وصار كدامي جر ايدي جنت كامشه بيها بلوز جرها وحطها ع الجربايه وباوعلي - شلون صرتي - دنكت وهمست الحمدالله وعايشه ماكدر احط عيني بعينه ماكدر احس اني الي مسويه السحر مو اختي وامي احس،اني الحطيته اله مو اني الي طلعته وحركته احس ظميري ماكدر يهده لحد ماا اعترفله كعد ع الجربايه ورجع اجتوفه لوره وصاح اااااااخ يابه ميت تعب من يومين اني كاعده فد كعده حتى النومه واني كاعد باوعتله ليش شبيك سلامتك من الاخ مجرد كلمتين كلتهن وماحس غير انجريت من ايدي وصرت بحظنه همس وهو يباوعلي تخافين عليه - كلتها الك وارجع اكولها ماعدي غيرك انت وعمار بعد بس انتم اهلي ابستم وانرسمت ع شفايفه ابتسامه وكل ما ارفع عيوني اله تكبر ابتسامته واتبين حتى اسنونه ماعرف شصار بيه من شفت ابسامته ابتسمت وياه ع ضحكته كمت من عده وهمست كووم يلاا بدل وارتاح وهسه اسويلك غده ووو انزل جوه يم عمه نام الغرفه هووسه وكلساع اطكطك بيها وانت تعبان - ههههه ماشي راح اطب اسبح وانتي جيبي الغدا هنا اتغدا وانزل - لالالا اقصد يعني عليمن اني اصبه واخلي بصاله واصيحلك كرص خشمي وهو يضحك اليوم طاردتني من غرفتي وامدللتني شلون صايره هاي دلال وطرده هههههه - ههههههه لااااا مو طرده بس علمودك ماتضل اتفز كل ساعه غير - فديتت العلمودددك اني ههههههه طب يسبح واني نزلت اركض احس روحي نار هذا شبييي يممه اول مره هيج يحجي وياي احس روحي صخنتتتت نزلت للمطبخ سويتله غدا وعمتي نايمه بغرفتها الساعه 2 الظهر متعمده نزلته جوه ينام اريد انظف الغرفه واغسلها واعلك قران بيهااا ماريد ينام بيها قبل لا اتاكد كلشي مابيها سويت الغدا وصعدت شفته يمسح براسه كمشتني الضحكه شينشف من عدها اريد اظم الضحكه مااكدر هو شافني رفع حاجبه ودار وجهه عليه يباوع بتك عين - عليمن اضحكين ؟ هااا - هههههه لالا هيج اضحك ع شي ههههه - اي ضحكيني وياج ضايج والله اريد اضحك يحجي ويتقدم عليه كمشني من خصرني وجرني عليه نضربت بي رفعت عيوني اله وصلت لحد صدره رفعت راسي كله ياله كدرت اشوف وجهه يباوعلي وع وجهه ابتسامه مكر ويحرك اصابعه ع خصري ردت اوكع اله شويه كوه رفعت ايديه ودفعته وباوعتله ئئئ الغدااا برد امشيي يلا انزل امشي كمشته من ضهره وصرت ادفع بي لبره الغرفه وهو يضحك بصوت عالي ويصيح - ولجج يمه انطردت من غرفتييي راحت الهيييبه مالتي يابويه اني نصر الدين تاليتي انطرد من غرفتيي يمشي ويضحك ويحجي بعلو صوته - صخاام هذا اتخبل نصرررر صوتك راح تكعد عممه كاافي الاكل برد كمشني من ايدي وجرني عليه - عمي يدلل الحلو اسكت بس هاااا ع شرررط شنو اكوله اتكولين تم - لا ميصير هيج غير اعرف ع شنو تم - انتي كولي تم وماتندمين وعيونج هاي المليانات برائه ههههههه بعد شتردين سكتت ودنكت احس خدودي صارن حمر هزيت راسي اله بأي وعفته وصعدت فوك ركض للغرفه يممه كلبي راح يطلع من مكانه احس بفرحه مو طبيعيه بس بسرعه اتلاشت ضحكتي من اذكرت بابا واذكرت عملة رانياااا والسحر اكيد هذا بفعل السحر انصاف لا اضحكين لا تفرحين اكيد هذا مو هو هذا السحر يتحكم بي لا تفرحيين بابا وينك محتاجتك والله كمت انظف وابجي وكلبت الغرفه كلب ومالكيت شي بس اني وارجع ملابس نصر للكنتور انتبهت اكو شي بجراره مال الكنتور من فتحتها هذه جرارة نصر الخاصه مديت ايدي ااخ اتملخت ايدي كله ومكدرت اطلعها كوه جريتها جانت لتزكه من وره شهكت وضربت خدي صخاااام درت وجهي بساع للباب مسدوده الحمدالله ركضت اتخنست لجوه لكيته نايم بصاله ع القنفه باوعتله شكله حلووو والله حررام وظلم الي سوونه ظلم وحرام الله ياخذ حقك يانصر دخلت لغرفة عمتي نايمه اخذت بطانيه وطلعت خطيته نايم بعمق ورايح لسابع نومه كعدت بصفه وصفنت عليه اكو كم شيبه بلحيته لحيته شكره ع سوودا هو اسمر بس لحيته بيها شكار اصفر راح احاول كل جهدي اطلعك واحررك من الي انت بي لو اعرف ادفع ثمنها حياتي وسعادتها في سبيل انت تعيش سمعت صوت الباب انقتح بسرعه كمت انتبهت مثنى رجل رانيا - السلام عليكم شلونج نصوفه - هلاا الله يساعدك الحمدالله - ويساعدج هاي اختج ما حن كلبها وترجع ترا متبهذل وعلي - سوده عليه والله مادري بيهاا هاي اول مره اسويها وتبقه هلكد اصبلك غدا - اي والله ياريت - تدلل عفته ومشيت سويتله غدا وحطيته ع الميز وهو كعد يتغدا واني اترخصت ورجعت ركض لفوك وين ادويهن هذني باوعتلهن اكو اشياء غريبه بيهن مو نفس ذيج والله لعبت روحي الله لا يطيج يارانيا ع هلعمله هاااي وين اوديها هسه اخاف احركهاا خاف يشوفني احد خل اصعدها فوك وبعدين اشوفلي جاره الهه صعدت للصطح ماكو احد ركضت اكو غراض قديمه حاطيهن فتحت كارتونه ودحستها بيها وخطيتها ونزلت بسرعه بس يفرغ البيت احركهاا ماخليهاا ورجعت نبشت الغرفه ماخليت شي ما دورته حته الشبابيك ووره الباب التعاليك والحمام ووره الكنتور ووره الميز مال المرايه تعبت واحس ضهري انكسر بنص من التعب بس فدووه اهم شي اخلص من هذا الوصخ الي بلغرفه نظفتها ورجعت كلمن بمكانه وغسلتها وشغلة التلفزون ع قران ورحت طلعت القران مالتي فتحت ع سوره يس وخليتهاا والتلفزون ع صورة البقره جانت عليت شويه صوته وعفتها احس ضهري انكسر سبحت وبدلت اهدومي وطلعت نزلت جو الساعه 6 حييييل هاي شنوو الدنيا مغرب رحت بسرعه اكعد عمتي لكيتها كاعده وتقرا قران ابتسمت وطلعت مو حرام ااذي هيج مره شنو الي شافته رانيا منهم وهيج سوت حتى لو كانت تريد مصلحتي وسوت هيج علمود يزوجني هي شعليهاااا اذا هو ميقبل يزوج جبرر هي جبررر يارانيااا اااخ منج طلعت جبت ورقه من الشجره خضره ذبيتها ع نصر لان الدنيا مغرب ورحت توضيت وكعدت اصلي خلصت صلاة وكعدت بصف عمتي ونصر نايم - يمه نصوفه رجلج ليش نايم هنا ليش مو بغرفته - ئئئئ عمه مو مو يعني موو جنت انظف بلغرفه وهوسه وو كتله ينزل جوه لا ازعجه وكلساع فاز من وره الصوت - خوش يمه كومي سوي عشه بيت سند ع جيه وكعدي رجلج - عمه خطيه يكول صالي يومين كاعد خلي نايم - يمه هسه يجون بيت سند وهوسه ويكعد كعدي يصعد فوك بغرفته - اي اي هسه عفتها وطلعت شلوون خاف يصعد ينام فوك واكو بعد سحر يالله شلووون رحت اكعده صفنت عليه لا اراديا راحت ايدي ع لحيته وصرت صافنه عليه والعب بلحيته ماحسيت غير فتح عيونه وكعت لوره خايفه يمممه انتت شنووو - هههههه اني لو انتي شبيج هاي بمكان ما جنتي تتحرشين بيه واني ساكت مسكين هههههه -مجنت اتحرش ئئئئ ردت اكعدك تنام فوك لان بيت سند جايين كعد وهو يلعب بلحيته ويباوعلي - خلصتي الغرفه - اااا اي - خوش شراح اسوين عشه - ماعرف هو نواشف لان مالحك اسوي دجاج لو غير شي - يلا عوفي لا سوين شي هسه اروح اجيب من بره كباب وكص واجي جيبيلي محفظتي وسويجي - ماشييي ركضت جبتهن اله واجيت طلع هو اني بباب المطبخ وهو بطرمه يريد يطلع السياره باوعلي اجه عليه - محتاجه شي اجيبه صفنت ع سؤاله ابتسمت وهزيت راسي لاا كرص خشمي وكال متاكده متردين نمنمات منا منا كرزات جباسه نساتل غير شي - ضحكتتت من كال هيج وهمست بكيفك - هاا صارت بكيفك هسه كلتي لاااا لعد خل افلت قبل لا انقط واصير اي ههههههه -ههههههههه عفته وطبيت وهو طلع شويه وطبو سند ومرته وبناته وابنه سلمت عليهم وكعدت يمهم مثنى ماكو طالع اكيد ويه اصدقائه سند : شنو لعد يمه ولدج وين - مثنى تدري بي وين هيج وكت ونصر هسه جان نايم يمه نصوفه وين رجلج راح - هسه يجي عمه هناا اللاسواق راح بعدني كاعده احجي انفتح الباب مال الشارع وصوت سيارته همست هذا اجه طفرت حوراء بت سند الصغيررره هيئئئ اجه عمووو ركضت وراها اختها رغد واني كمت هم طبيت للمطبخ اخذت منه العشه وحظرته بلماعين وهمسه وياي بت سند الجبيره حطيت كلشي بمكانه ع الميز وراحت همسه اصيحهم اتعشو كلهم وسوالف وضحك نصر جان مبين عليه مرتاح ويضحك ويشاقى ويه سند اخو خلصو وصبيتلهم جاي وكعدت اغسل اماعين وهمسه وياي همست - انصاف اريد مساعدتج حبابه حجتها وهي تباوع منا ومنا ومبين خايفه باوعتلها بستغراب وحجيت شكوو همسه خوفتيني - شوفي هذا اخو صديقتي جان كل ميشوفني يحجي وياي واني اصده لان اخاف اذا شافه عمو نصر والله يذبحه ويذبحني واني والله مااحجي وياه بس هو لازك وهو جبير عمره يطلع بنهاية العشرين من شافني هيج دز اخته وع اساس الجمعه التجي يجون يحاجون بابا واخاف منهم لا عبالهم عدي علاقه وياهم واني والله ماعدي شي وياه شلووون ساعديني - هههههه وانتي خايفه من هااي شعليج بي هو اذا يحبج من صدك يجي يخطبج هاي اولاا وثانيا اهلج عدهم ثقه بيج اكيد شنو يعني اي واحد يجي يخطبج عدج علاقه بي وين صايره هاي لا تخافين ولا تهتمين بس شوفي انتي بعدج صغيره وهستوج ياله ثالث متوسط اشوف لو تخلصين دراسه وبعدين تزوجين مو احسلج - هو اني هم هيج بس اخاف من عده هذااا عصبيي ويخووف عبالك عمو نصر والله نفس العصبيه - هههههه وشعليج بعصبيته شنو جبر هي لا تهتمين اله ومالج دخل اهم شي دراستج ومستقبلج ولا تخافين اهلج يثقون بيج مستحيل هيج يتصورون ابتسمتلها وهي ردت الابتسامه وكامت ساعدتني خلصنا كلشي وضلو بيت سند للعشره بليل وراحو نصر طلع وياها للشارع واني رتبت البيت وصعدت للغرفه التلفزون لسه مشعول ع القران نصيت شويه من صوته وسديت القران مالتي وخليته ع الميز ولبست دشداشه قصيره انام بيها سودا صح بعدني عروس بس كلبي مايطيني انزع الاسود وبابا ما صاله بس 3 اسابيع من اتوفى طب هو وبيده علاكه سوده شمرها ع الجربايه شفته انتبه ع التلفزون والقران الي عالكته بي كمش راسه وكال - انصاف طفي التلفزون درت وجهي بساع عليه ليش نصر - شنو اليش لج راسي يوجعني من الهوسه وهذا يقرا براسي - نصر هذا قران ميصير هيج تحجي بلعكس يريحك ابتسملي وكال ماشي عوفي تعااي عدي حجي وياج - شنوو - نسيتي الشرط مال الظهر من طرتيني من غرفتي هاا - يبوو نصر ماتنسسسه شي ابددد - ابددددد ههههه وهسه حظري الجنط الي والج - ليشش شكوو - حظريهن ومالج دخل باجر اتعرفين ماشيي وهسه كومي شوفي شجبتلج كمت للجربايه واني صافنه وين يريد بينا باجر معقوله لواسط بس شكوو هناك بقيت بحيره اخذت العلاكه وكمت احط بيها بثلاجه والي بلجراره مال الميز وهو مدد وصافن عليه ماعرف شبيه احس اكو شي بس شنو مادري اتقربت حتى اطفي الضوه الي يمه بس طفيته ماحسيت غير انجريت من معصم ايدي وكعت عليه الضوه خفيف بس مال التلفزون وباقي الغرفه ضلممه خفت - نصرر شنو هاي وخررر شبيك بعدني ممخلص كلامي كلبني وصار فوكي باوع بعيوني ورجع نزلهن وهمس ليششش - شنو اليش اخذ خصله من شعري وكام يلعب بيها ويهمس بصوت ناصي كلشش - ليشش من اباوع بعيونج اضييييع وماعرف دربي احسج مظلووومه وبريئه احسج طفلله تتريد اهلهاا وتكمش العابها ههههه لا اضحكين ترا صدكي هيج اشوفج طفله صغيره تريد العابهااا مو مال بيت وزوج ومسؤليه ليش قبلتي بيه وازوجتيني ليشششش انصاف ليشششش حسيت بي يحجي من كل كلبه وعيونه تلمع بلدموع اووف يالله شلون راح افهمه اني مثله انجبرت او لااا اتقشمرت ووافقت شلوون راح اوضحله هاي الفكره مديت ايدي ع لحيته العب بلشيب الي مبين بيها وهمست تدرييي نصر اني شايفتك قبل لا نلقتي ببيتكم من جابت رانيا صفن عليه وابتعد كعد ورفع حاجبه الي بستفهام ابتسمت وهزيت راسي اله - شووف راح احجيلك شيي بس مو تعصب لان اخذت غيبتك وعود ابريلي الذمه هههههه حجيت هيج وباوعتله ردت اغير الموضوع شويه هو اتربع وباوعلي وكال احجي شوقتيني اعرف شنو الحاجيته عليه من وره ضهري ههههههه - هههههه شوف مره جنه طالعين اني وامي للسوك وشفت محل اكسوارات وعجبني مشيت اله اريد ادخل بس صدمني شي واني اشوف صاحب المحل كاعد وفوك راسه ثنين واحد كامشه وواحد موجهه السلاح عليه خفتتت كلشششش من شفت السلاح وشكل صاحب المحل شلون يتوسل ويحجي وخايف تدري منو جانو هذول الاثنين هههههه - لا تكوليها اني ويامن ااخ يابه هههههههههه طلعتي شايفتنااا ههههههههه تدرين بوكتها اني لمحت خيال بس من باوعت مالكيت اخد ومكدرت اعوفه لان ماعدنا وكت وخاف جماعته تجي ههههه اي بلا شحجيتي عليه هااااا - اهذت الطريق كله خايفه واغلط واحجي عليكم كل عقلي انت مجرم لو حرامي ماخليت غلط ماغلطته عليكم ومقهوره كلش ع صاحبالمحل عبالي سرقتوو وكتلتوو ههههه - هالله هالله الملازم اول نصر الدين صار حرامي ومجرم خرررب بعقلج زين اوكفي لنفترض اني مجرم اعوف المحلات كلها واجي ع ابو الاكسسوارات الاصطناعيه هسه لو ابو الذهب بيها مجال ههههههههههه بس تدرين واني اكول ليش رجلي جانت تحكنيي اليل كله طلعتي اكصين بيه انتي مووو - يااااااااا هههههههههه هو بس هذيج اليله كول اشهر اني اكص بيك خو من شفتك من اجينا انبارك الرانيا انصدمت وكلت حمه رانياا مجررم وحرااامي هههههههههه - هااا ولعد بلااا مجرم وحرامي واشهور اتكصين بيه اي اي بعدد - ههههه ايي وجنت رافضه وخايفه وكلت اكول العمار ماريد ازوجه لان مجرم وخفت تكتلني مثل ابو المحل هههههههههه - اويليييي عليكك نصر راحت الهييبه اي ولج وكال عمار -ماكال شيي هههههه لان هو كالي عنك استخباراتي قبل لا اكوله انت مجرم هههههه بس صدك شصار بابو المحل خطيه - لا والله مو ابو المخل خطيه اني الخطيه شبعت غلط وسب والقاب وصرت مجرم وحرامي وحقير هااا كولي ماكلتي حقير وبعد بلااا وك*** هااا - عزاااااا يمممه لا والله طفرت وكفت واني صافنه والله ماكلت هيج هاي انت هيج تحجي اني بنيه الفاظي محترمه وانيقه وكيوووت حجيته وعود اعدل بياخة الدشداشه وهي مابيها ماحسه غير طفر عليه وجرني - تعاااي تعاااي ولج شوو كمتي اجفصييين شقصدج اني مامحترم والفاظي مامحترمه موووو ومو انيق ولا كوت كوت مدري كيوت مدري كتكوت هاااااا - يحجي ويعض بيها اااخ والله مو هيجج قصدي اصلا انت ملك الاحترررام والاناقه الكياته والجمممال وكلشيييي والله بسسس لا تعضض ااووي وخر - شتعلت صفحة الاوي كووومي كوومي جيبي الرموت خل نتفرج ع فلم بي خيرررر عافني وكام واني اضحك عليه اتمدد بلجهه مالته واني كمت جبتله الرموت اباوع زنودي زرررك من العض مالته عابت متوحش حتى ركبتي ماسلمت منه متوحشششش - لجججج من متوحششش هااا طفرت يممه انت شنوو اني كاعده احجي ويه روحي والله شلون عرفت كلت هيج صفنت عزاا اني كلت كلمة متوحش بصوت عالي خرب بحظي باوعلي ورافع تك حاجب - والله مو عليك اصلااا انت حباب وماكو منك احجيها وارجع لوره خاف يرجع يعض مرة الثانيه مايبقه بيه لحم غيررر ضحك وهز راسه ويباوع ع التلفزوون - هو انتي منو يمج بابا لو الي عده طلي يمعمع - ضحكت بصووت عالي من كال يمعمع هو باوعلي واني راسا جريت الحاف وغطيت حتى راسي وهو يضحك عليه بصوت عالي سكتت وبقيت مدده وصافنه ماعرف اذا هذا نصر هيج لو السحر الي مخلي هيج اووف يالله نزلت ادموعي واني صافنه ماعرف شسوي ولا اعرف طريقه حتى اخلص نصر من هذا السحر ولا عدي اهل بيهم خير اشكيلهم اذا هم اهلي الي سوو هيج غفيت واني حايره بامري ماعرف شنو نهاية هذا الشي بس الاعرفه لو اصفه بشارع المهم اخلص نصر من هذا العله السوده الي اختي ورطت الولد بيهاااا كعدت الصبح ع صوت المنبهه منو منبهه باوعت نصر كعد طفه المنبه وباوعلي - كومييي يلا حظري الجنط ونزلي سووي ريوك ترا ب10 نطلع حجاها ونزل من الجربايه وطب الحمامه باوعت الساعه ب7 ونص عزااااا واني تلجنط ممحظرتهن اصلا ماعرف وين راح نروح طفرت لميت شعري وانتظرته يطلع وطبيت غسلت وجههي وركضت سويت ريوك اله والعمتي مثنى طالع خطيه بلا ريوك هههه مرتك ملاتهيه بسحوره والله خطيه رحلها وبناتهااا اخ منج رانيا الله يهديج بس هذا الاكوله سئلته وين كال مالج دخل بس اخذي ملابس شتويه صفنت عليه حتى متريكت صعت فوك وع السريع اطلع بلملابس الشتويه وواحط بجنط كووه ياله خلصت لانها روحي طالعه باوعت الساعه 9 ونص عزاااا بسرعه سبحت وبدلت وملحكت حتى امشط لبست الحجاب وهو طب مبدل لابس بنطرون اسود وقميص ابيض ويلك رصاصي والستره سوده بيده عبالك رجل اعمال يباوعلي ويضحك لان اركض منا ومنا اني اعلمك والله بسيطه يضحك عليه اني اله اخذ الجنط ونزل واني اخذت جنطتي وتلفوني ونزلت عمتي كاعده بلمطبخ سلمت عليها وطلعت وهي تضحك عرفتها متفقه ويه ابنها ويضحكون عليه ركبت بسياره وهو طلع باوعلي وضحك كال - لا تخافين ما اخطفج هههههه - باوعت ع ابتسامته وابتسمت فرحانه لفرحه بمجرد ماشفته فرحان فرحت بابا لا تعوفني وحدي ادعيلي من يمك اكدر اخلص نصر واكدر ارجعه من قبل وابطل السحر ادعيلي مايتركني بعد ماا اساعده يرجع الطبيعته خااايفه يرجعني الاهلي لان اصلا هذا الزواج من اساسه غلط ومصيري معروف كلش زين ادعيلي لان اتعلقت بي هووواي يمكن احببه اي ليش يمكن اكيدد لان ماكدر بدونه وهو كلشي صار بنسبه الي من بعدك بابا حبيبي لا تنساني الطريق كله اني صافنه وين ماخذني هذا الطريق طويل مبين وساعات عدت وهو مستمر بسياقه كاعده من الصبح وميته نعس حطيت راسي ع الجامه وغفييت مافزيت غير بس من هو يصيح باسمي فزيت مخروعه صفنت اني وين المكان فد شي ومليان ثلللج اباوع فندق باوعتله وصحت - احننه ويين هههه المكان يجننننننن نصر شووف الثلج محسيت ع روحي من فتحت الباب ونزلت اركض وكلساع اوكع من الثلج هاي اول مره اشووفه ماطالعه اصلا من واسط منين اشوف ثلج المكان والمنظر فدشييييي وكف وراي وهو يصيح ولججج بارده وميت نعسس يا ظالمه جبتي الطريق نايمه واني اسووق اتكسرت امشي خل انام واشبعج طلعات ضحكت ممصدكه وهمست - لالالالا تشاااقه وياي مووووو يعني جبتني حتي اطلعنييي عليك الله احنه وينن - ههههه اي وداعت هذا خشمج الصار طماطايه جبتج حتى اونسج واطلعج ههههه جنت واكف هنا من جان عدي المهمه واجيتي ع بالي كلت والله اله اجيبج لهناا شلونها المفاجئه - اجنننننننننن نصر ممصدكه روحي ابدد احس روحي طير ممصدكه والله هههههه - راح اطببب وانتي خليج هنااا ثلجت درت وجهي شفته عافني وطب اباوع اللوحات المحوططه كلها كردي مدري شنو من لغه بس مبينه كردي مدري تركي المكان روعه يجنن دخلت للفتدق شفته واكف ورافعلي حاجيه مبتسم ابتسمت اله ورحت يممه اشاا بارده - هاااا جا شكال بهلول مو كلنا بارده بس اااخ من عنادج - ههههههههه عافني وحجه ويه الموضف الي بلستعلامات اجه واحد اخذ الجنط من عده ومشه كدامنا ونصر اخذ المفاتيح ومشه الفندق حلووو ومو كلش جبير اكو مدافئ من خشب كانما بلخارج مو بلعراق وصلنا للغرفه حط الموضف الجنط واسلمو هو ونصر ماعرف شنو حجه الموضف ويه نصر نصر ضحك ورد عليه وسد الباب باوعتله بنص عين - شنو حجيتوو ترا هاي مو خوووش شغله يعني انت تحجي وياهم واني مثل الاطرش بزفه كلشي ماكوو - ههههههه خليج هيج احسن حجاها وغمزلي ومشه حط الجنط - راح اطب اسبح حضريلي ملابسي ع ما اطلع ميتتت نعسس - لعد انت جايبنا حتى اتناام حجيتها وبرطمت ضحك وكرص خشمي ومشه كمشت خشمي وباوعتله صفح راح تطلع حبايه بخشمي كد ما يكرص بييي طلعتله ملابس وبدلت ملابسي اني هم ع السريع افتريت الغرفه حلوووو ودافيه بيها مدفئه كهربائيه وحمام وثلاجه وتلفزون فتحت البرده ابتسمت بفرح واني اشوف الثلج من الشبااك اويلي ياابه شنو هلجماال هذااا بمجرد مااا كلت يابه لمعت عيوني بدموع واذكرت بابا كعدت ع الجربايه ابجي اهمداااج انصاف ابوج ماصاله هواي ميت وانتي طالعه تتونسين اهمداج حقيره ونعاله وطايحت حظظ و ثووله ابجي واحجي ع روحي،وماحسه احجي بصوت عالي وماحسيت غير من هو حجه - ها هاها ها يمعوده طكن طكن الفيوزات هههه ستري علينا شبيج تردين ممه هههههه صفنت نصر اول مره هيج يحجي وياي ويشاقه نسيت حتى البجي باوعتله وهزيت راسي بــ لا - ههههههههههههههههههههه شنو لا هههههه لج انتي شبيج لالا مو صاحيه يعني تردين ممه اجيبلج لليل الاحتياط هههههههههه - اوو نصر وخر عابت - لجججج عيديها وشوفي شسوي يج عابت شنو ابنج الصغير اني يحجي ويمدد ع الجربايه عفته وكمت افتر بلغرفه واصفط الكلابس بلكنتور اول مره اشوف نصر هيج مرتاح ويضحك من ازوجت لسه هو اني شفتهمت من زواجي حتى اشوفه مرتاح لو لااا ااوف اووف شكول عليج رانيااا شكوول لا اكدر ادعي عليج ولا اكدر اسكت اتمدتت بصفه واني صافنه عليه ياترى هذا تصرفاته من السحر لو طبيعته هيج ماعرف غفيت واني افكر ماكعدت اله ع شي بذاني طفرت مخرووعه واني كامشه اذاني احرك بيها باوعت نصر يباوعلي يضحك - هاي انتتتتت والله عبالي صرصر لو حشره عا ردت اكول عابت وسكتت الحمدالله اتلاحكت روحي هو ضحك وكام - شنو ناويه اتخلصين الاسبوعين هنااا مطلعين واشوفين السليمانيه طفرتت - لالالا صدك جذب 10 دقائق بسس وتلكيني جاهزه ضحك طلعتله ملابس والي لبست قميص شتوي وبنطرون لفيت حجابي همزين جايبه الكوت مالتي لبسته وبي كبوسه فروه تخبل دكمته ولبست الحذاء مالتي وجريت التلفون والجنطه واجيته خلصتتتتتتتتتت باوعلي من فوك لجووه واتجهه ع الثلاجه وكال - هيجج اطلعين ست انصاف هزيت راسي ايي - لا والله لعد بلا دوريلي كرون وياج بجنطه اذا اكو خل اشدهن براسي واطلع اسرح بيج بتتتت ال استغفرالله اله اتخليني اغرد وانسه الاول والتالي امشي بدلي هاي الخرع الابستهننن طالعتلي هيج خوو نزعيهن فدور - شبيهنن والله مابيهن شييي اصلاا عريضات شووف بس الكوت يطب وياي عشره بعد حباااب حباااب نصر خل اطلع هيجج باوعلي رافع حاجبه ماعاجبه ورجع دنك - لعد بدلي البنطرون ويلا فظيهااا - اي ايي هسه ركضت بدلت البنطرون لبسة بنطرون شويه عريض قماش ما ضاب ع الرجل كلشي ما انفهم من منظري لان لابسه اسود كمت فتحت الكوت طلع المنظر احلا طلعت وياه وهو مغندب ماعاجبه ملابسي مدري مغندب من غير شي ماعرف يلا المهم طلعت هيج هسه يفك الساعه جانت 9 ونص بليل نزلنا لمطعم الفندق اتعشينا وخلصنا وطلعنا بسيارته باوعتله وهمست تندل - ششايفتني لعد طفل صالي اسبوعين هناا واصلا اغلب شغلي هنا يصير ضحك فرحانه واباوع ع التلول والجبال كلشي ممبين منهن من الثلج المنطقه الي جايبنا نصر عليها منطقه جبليه واجنننن وموت برد مصورت هيج اخذني ع مولات واشترينا ملابس ثخان واشترا ملابس الي عراض اني اشيل وهو يرجع الي مايعجبه وهو يشيل واني ارجع المايعجبني وبقينا هيج كلساع واحد خازر الثاني واني فرحانه بهذا الشي لحد ما هو مل وخلاني اشتري وحدي بس اشتريت اشيائ اتعجبه وتعجبني يعني بناطير هو ميقبل بس اني اخذتهن عريضات وهكذاا هلص اليوم هيج باروع مايكون رجعنا الساعه ب2 بليل والجو ثلجج ثلج ومرت الايام وهو كل يوم ياخذني المكان شكل نبقه بنهار نايمين وبليل نطلع ماخله منتزه ولا مول ولا حديقه ولا شي ماطببني بيها اخذني الفوك الجبال والناس تزحلك وهو يباوعلي ويحرك بحواجبه يعني جربي واني داكه رجل ماا اركب لو امووت يخووف اخوف اركع وتنكسر رجلي وين اروح وهو خربان ضحك عليه اخذني لهواي اماكن غيرت جوو كلهن بجهه والشلالات جانن بجهه ثانيه شبعت تصوير ولقطات بكل مكان اوكف اطك واسوي حركات وهو ساعه يضحك وساعه يضوج لان الناس تباوع اخذني الحديقة الحيوانات ورجع حديقة الالعاب وماخليت لعبه بنفسي ماركبتها واعيط وهو يخزر بيه من اصيح اكله يمعود وين ينعرف صوتي يكلي اي حتى لووو حرام الشباب اسمعه انجبي ولا تخليني مااركبج بعد واني اكله اي وارجع اصيح مرة الثانيه ويعاند ماركبني وابقه اكوله التووبه ماعيدها والله بس ركبني ومن يركبني انسه كلشي، اصلا ماعرف ليش لذة وحلاتها اللعبه من تركبها لازم اتكوم اصيح بيهااا اتحس بفررح اكثر والعشه هاي كل يوميه بمطعم شكل ويجنن والحلو بيهم بعض المطاعم يكون مرات ع ضوء الشموع والثلج من يم الشباك احس روحي بمسلسل تركي مو حقيقه مابقه غير يومين من الاسبوعين ونرجع جنت اصفن بيني وبين نفسي واردد السؤال الي ببالي هذه هو مايحبني وهيج عيشني احلا ايام بحياتي لعد لو يكون يحبني شنو يسوي وارجع اكول لا تفرحين انصاف هذا بفضل سحر اختج وامج بس يبطل السحر كل هذا يروح وانقهر واتكدتر واضوج بس بسرعه وبكلمه من عده افرح وانسه كلشي واعيش اللحظه وماافكر بباجر بيومها جنت فرحانه كلش وميته تعب الساعه 2 ونص بليل دخلنا لغرفة الفندق هو ذب روحه ع الجربايه وباوعلي - اخ اتكسرت وعلييي - ههههه احلا ونسه والله نصر بقه يومين وين راح تاخذني بعد - مفاااجئه هههههه حظري روحج باجر تعرفين وهسه انطمررري ولج كوه فاح عيوني ضحكت ونمت تلفوني مطلعه الشريحه من عده وهو كذالك ومخليهن للتصوير يعني بهتصار جان شهر عسل من صدك بس خالي من الحب من ندخل الغرفه هو بجهه واني بجهه ماتقربلي بعد من هذيج اليله الي تركني وطلع بيها قبل وفاة بابا ماا ضجت بلعكس فرحت لان اريد هشي يكون بارداته مو بسبب سحر نمت بيومها واني فرحانه يمكن صالي شكدد مانايمه بهيج راحه وفرحه كعدت الصبح احس بشي ع خصري ثكيل واكو صوت قريب ع اذني رفعت راسي بس طخ بحنج نصر باوعت زين عزاااا هاي اني وين نايمه نايمه ع صدره وايده ع خصري وراسي قريب ع قلبه شكد حلوو يعني صبحت ع صوت دكات قلبه يالله شكد حلو هذاا اليوم لعد اريد اتحرك ماكدر كامش خصري بديه اثنينهن وعاصر رجليه بين رجليه خررب هذا شنو من نوم رجعت نمت ع صدره لا ماكو حل سمعته كال - شو رجعتي نمتي عجبتج النومه يمممه ياافشلتااه ياكاع انشكي وبلعيني رفعت راسي وتيهت الكلمات همست كوه اطلع الكلمه من عدي - ممــ و مو هيج بــ بس ييعـــ ني مكدرت ااا اكو اكوم وماكو غير حـــ حل رجعـــ ت - هاااااا دكووومي لج كامت اتمتم كووومي عفته وركضت ميته خجل من عده وصوت ضحكته تخترق اذاني ياربي ديم هلفرحه ماريد غير شي بس ديم هلفرحه ولا تحرمني من عده والله ماكدر بدونه بعد بدلت وطلعت وياه اخذني وهو يباوع بعيوني فرحان وصلني ع مكان فتحت عيوني من شفته شنووو ممصدكه والضحكه شاكه حلكي من الاذان الاذان جوري : من كال هيج حسيت واحد وظربني راشدي متحملت كلامه هذا وبنص الشارع اتقدمت واني اباوع بعيوني - ماعرف اذا تقصدني اني بضبطط لو مشتبهه بس الاعرفه مستحيل يكون هذا الكلام مطبق عليه تعرف ليشش يا ابن الناس لان اعرف نفسي شنوو اني وشنو تربيتي ومستحيل انزل راس اهلي يمكن تريد تشووه سمعتي لانك مكدرت تحصل الي تريده مني حاولت وياي بكل الطرق ومكدرت حتى تحصل نظره مني بس غلطااان لان مو جوري الي تمشي وره كلامك ياااا حظرة المحترم مع للاسف اخوي يعرفك وجان يمدح بيك كدام ابوي لانك ماتستاهل المدح ولا كلمة مدح تستاهلها عفت وردت امشي وهاااا رجعت عليه واني فايره نار اول مره واحد هيج يحاجيني كل جسمي يرجف بس مابيت هذا الشي كدامه - وهاااا خليها ترجيه باذنك مو جوري الي تجي تتوسل برايح والراد وبواحد ساااقط سرسري ماعده ذرة غيررره ع بنات الناااس خلصت كلماتي وعفته ومشيت واني ارجف احس روحي فقدت ماصدكت شوكت وصلت للبيت طبيت واني ميته وريكي ناشف يعني اني ماصدكت اخلص من رضوان العار اجاني هذااااا يالله منين اجاني ليش ياللهي ليش مو حظي كاعد وعمار يحبني حالي حال كل البنات ليش هيج حظي ياللهي ليشش شفت امي كاعد اتصب بلاكل سلمت وعفتها وطبيت لغرفتي والدمعه تلمع بعيني ماكدر احجي شي الله يسعدك عمار بس مستحيل انساك لانك حبي الاول والاخير وهذا الخ مدري منين الله سلطه عليه اووف ياللهي مرت اسبوعين اروح وارجع للدوام مرتاحه لان بعد ماشفته الهذااا الحقير يمكن حس ع روحه ورجع لبغداد اوي شعليه بي اني عشتوو مره جنت راجعه من المدرسه ودوامي عصري اول مطلعت من المدرسه وصرت امشي حسيت احد يمشي وراي خفت لا نفسه هذا الهتلي يامن مدري شسمه درت وجههي بسرعه ورجعته يممه هذا واحد يمشي وراي ويضحك الي يمه حتى شكله يخوف وصخ وحاله حال واسنونه نصها واكعه وشعره خفيف ولحيته طويله لعبت نفسي من عده وخفت كمت ارجف حتى ادموعي كامت تلمع بعيني الدنيا مغرب لان بدوامي العصري يتاخر ياله نطلع ومحد اكو بشارع خفتتتتت كلش كمت امشي بسرعه اوو بلحرى كمت اركض اول مادخلت الشارع مالتنا وهو بعده وراي ويذبلي حجي ويضحك لمحت عمار هستوه طالع من بيته ركضت وراه واني ابجي - عماااار فدووه ساعدني هذا صاله ساعه يمشي وراي من طلعت من المدرسه لسه بعدني ممكمله كلامي وماحس غير عمار هجم عليه يممه عزاا عماار عماار ساااعدوني يمعودين ساعدووني اكو احد هناااا كمت اطفر وابجي وهم يتعاركون شال راسه عليه وعاط - خوويه امشييي روحي للبيت شكووو واكفه - بجيت وكمن اركض للبيت مالتنا ودموعي تنرل ماصدكت وصلت لبيتنا طبيت وصارت امي كبالي لطمت ع صدرها وعاطت - ولججج يممه اسم الله شكوووو هزيت راسي الها وواني ابجي يممه حسن ويين - ولج يمعزايه شكوووو - يمه عمار دايتعارك بره ويه واحد - صخااام امشي امشي كعدي اخوج عفتها تلبس عباتها وركضت ع حسن كعدته اول ماسمع طفر عافني وركض طلع يعرف شكو واني كاعده ابجي طبت عليه باوعتلي بخزره وصاحت - شكو تبجين ولج لا بس العركه من وراج يمعزااايه - دنكت وهزيتلها راسي وسولفتلها كلشي من لحكني هذا لحد ما طلبت المساعده من عمار ومعبالي هيج حيسوي خزرتني وهي تعض بصابيعها واتحجي - ولج الولد هو بيا حال وانتي فوك مشاكله رحتي جبتيله مشكله يامعزااايه خل يجي ابوج واني اعرف شلون دربالج حجت هيج وعافتني وطلعت بدلت وكعدت كوه سكتت روحي خفت لا احد يشك بيه وبدموعي هاي من طب حسن وكعد يسولف النا - ماكو شي انحلت والولد راح انكعده عشايريا هاي اذا عده عشيره بس بعد ما ترحين مشي للمدرسه فااااهمه هزيت راسي وطبيت للغرفه يعني شلون اروح للمدرسه اذا انتم خط متقبلون اتحطون الي عفتهم ونمت ثاني يوم طلعت الصبح للمدرسه امي كالت بلرجعه يجي عليه حسن بسياره ويشوفلي خط بس هلمره هاي ارتاحيت لان راح اخلص من مضايقات الكل وخاصه هذا البغدادي الهتلي كاعده امشي ومرتاحه لان واثقه هو ببغداد صاله اسبوعين ماكو كامشه دفتري واراجع بلمتحان او بلحرى اقرا مو اراجع لان كل بالي البارحه يم عمار اكيد اتاذه وهو يضرب بهذا العار اللحكني البارحه واني مدنكه وملتهيي بلدفتر حسيت احد جر ايدي حيللل وطببني بدربونه صغيره ومحديبين منها خفتت من شفته هذا البغدادي الهتلي السرسري العار شراح يسوي وياي يمممه خفتتت وارجف احس جسمي كله خدر ويرجف ماحس بي حاط ايده ع حلكي وعيونه بعيوني مليانات غضب - سمعي ولجج مو يامن الي اتهينه مره ولا يامن الي ترده مره فاهمه والي اريده اخذه منج وغصبااااا ماعليج فاهمه اني مو رضوان ولا عمار ولا ذاك العار الي بارحه لاحكج اني يامن وهلي هلاسم ترجيه باذني وديري بالج مني حلال توكفين بصباحيات الله ويه رضوان وحلال توكفين تحجين ويه عمار بنص الشارع وحلال يمشي وراج واحد سكط عار وغيره يجوز اكو وغير بس حرررررام يم يامن موو غلطانه ههههه خلي هذا الرقم يمج واليوم ب12 بليل اذا مادكيتي بلوحده اني بباب بيتكم والله ثم والله وهذا الشارب ازينه اذا مافضحتج بلمنطقه كلهااا هااا بس اذا دكيتي يصير الحجي غيرر خلص كلماته وحط الورقه بيدي وعافني ومشه وهو يعدل بقميصه وكعت بلكاع من الخووفه واحس روحي راح تطلع هذااا مو صاحي شرجعه مو راح لبغداد بقيت خايفه كوه وكفت ع رجليه وطلعت من الدربونه طلعت للمدرسه ارجف وادموعي تنزل عشره عشره كوه خلصت اليوم ورجعت اجه حسن عليه وحالي حال من طبينا بفرعنا لمحت رانيا من بعيد طالعه تمشي وتتلفت ومبين خايفه وحتى لابسه عبايه اول مره اشوفها بلعابيه انصدمت نسيت كل مصايبي وانتبهت عليه شعدها طالعه بضهريه وحدها ولابسه عبايه ووحدها ووين رايحهه بقيت اباوع عليها لحد مااختفت وراحت بقت ببالي وين دتروح هاي منظرها يخووف رجعت للبيت وبالي مشدد ماعرف شنو وبيمن افكر وبيمن احير بليل جنت مدده وكامشه تلفون امي والورقه بيدي وخايفه كلششش الساعه عبرت ال12 وماعرف شسوي خايفه من تهديده لا يسويها صدك اوو خل اخابر واشوف تاليتها شنو صعدت فوك وارجف بس ماا يكدر يخوفني وخل اعرف شنو تاليتها وياه حتى اتصرف مو اني الي اخاف من واحد دكيت بعد ماسجلت الرقم دك دك دكتين ورد عليه - هههه عرفتج راح ادكين لان هذا مستواااج المهم ماريد اطول اليوم ثلاثاء الخميس دوامج صبحي هم الساعه ب7 ونص توكفين وراه المدرسه وتجين وياي وانتي الممنونه واذا ماجيتي اجي الاخوج واكله باع الساعه عبرت ال12 بليل واختك ادك عليه تريد علاقه مني والمكالمه هاي تشهد وبعد انتي وشطارتج اذا متردين سمعت ابوج تتطين سوي الي اكله الج واكيد متردين الناس تحجي عليكم ههههه ماشي امورتي يلا تصبحين ع خير عدج يوم كامل فكري بي زين طوووط طووط بقيت صافنه هذاااا شنوو حتى ماطاني مجال احجي شلون عرفني اني الي دكيت وشلووووون هيج يطلب طلب منيي يالله دخيلك يالله دخيك ساعدني يالله دخيلك انصاف : انصدمت من شفته جايبني لمركز التجنيل لمعت عيوني بدموع باوعتله وهزيت راسي برفض - نصر مستحيل انت شتطلب مني بابا ماصاله هواي من اتوافى واني اطب صالونات واعدل شكلييييي لاااااا نصر لااااا رضيت اطلع واتونس والعب واضحك بس هاي لاااا - اوو انصااف لا تكبريهاا الحزن مو بشكل عمره الحزن ما جان بشكل الحزن هناااا واشر ع قلبي هنا تبين معزة ابوج وحزنج عليه مو بشكل يا نصوفه ماشي احنه هسه اصدقاء اني وياج واني گ صديق لازم شويه اغير اللوك مالتج هههههه مو هيج انتن تكولن حتى ارجعج لبغداد غييييررر واني ماكلج لا تحزنين ع والدج بس كل هذا شي شكليي وهسه يلا طبي وطلعي الي غيرررر راح اطببج سرمد واطلعج سندريلا هههههه - نصررررر - يلا يلا يلا لججج لا اصيحين هههههه طبيت واني احس بفرحه بداخلي برغم من كمية الحزن الي بداخلي بس وجود نصر خلاني اسعد وحده بلعالم دخلت واستقبلني البنات واجت رئيست القسم جانت تحجي عربي واخذتن باقي الموضفات حجيهن كردي وكلشي ماافهم منهن كعدت تاخذ رأيي بكلشي صبغت شعري اسود واحمر اللون كعد هليه فد شييي حفتلي وغيرت كصت الحاجب مالتي وخلته بلوك يجنن ولايكلي مكيجتني مكياج بسيط وجابتلي ثوب اسود طويل مال محجبات يخبل كالت هذا زوجج اطاني لبسته ولفتلي الحجاب بطريقه حلوه 4 ساعات اني جوه من وكفت كبال المرايه انصدمت بشكلي صدك طبيت سرمد وطلعت سندريلا ههههههههه طلعت جان واكف كدامي لابس بنطرون اسود ويلك اسود وستره سودا وقميص ابيص عبالك عريس طالع مخفف لحيته وصلعته تلمع خربت ضحك من شفتها اتقدم يبتسم مد ايده وكال - تسمحيلي حظرة الاميره سندريلا ان تركب بسيارتي المتواضعه واترافقني ضحكت عليه وهزيت راسي اله ممصدكه الكدامي نفسه نصر الي ازوجته عيونه بينهن نظرات الي اجننننن هزيت راسي واطيته ايدي اخذني وطلع بسياره اول مادخلت المطعم جان احمر ومتروس شموع ومدخنه خشبيه حرك كرسي الي وكعدت كعد كدامي وهو يبتسم جابو العشه وبقينا نتعشه الجو الرومنسي والمكان حسيت روحي بمكان خارج العراق بحلم ماريد اكعد منه وره العشه جر الي علبة صغيره حمرااا جر ايدي وباوع بعيني وهمسس - انصاااف اتقبلين اتكونين الي زوووجه واتعيشين وياي گ زوج مو صديق انصدمت من سؤاله وممصدكه اريد احد يكرصني اني بحلم لو علم لو شنوووو يالله احس روحي طيير بجنه يطير باوعلي عاكد حاجبه شنو لا بس تردين اتفكرين ست - ههههههه لااااا -شنو لا ولجج حجاهاا وخزرني متت ضحك عليه وكتله ايي موافقه وخربانه ضحكك عليه جر ايدي ولبسني محبس بي حرفه وحرفي a&n جرني وطلع من المطعم ياااا نصرر وين ماخذنييي - اششش لججج اسكتي انتي وافقتي وخلص مو جد جدي اشتعل بهل الاسبوعين واني اشوفج كدامي وكاعد عاقل عبالك طفل ومحروم من لعبتة المفظله - ههههههههههه ليش بلااااا - اووششش كتلج انبجي واسكتي انتي العليج اطيتيني الموافقه وهذهوو موو ابوي احترك وهو بكبره شكد ما سبيته بداخليي - يااا ليشششش ميصير اسب الموتى - من وراج غير - عزااا شمسوي اني - لا خطيه كلشي ممسويه مو حاركه اجدادي بكبورهم الليل كله اتنام بحظني واتريدني مااسوي شي ام حلككك - خجلت من كلامه ودنكت جان يسوق ويحجي ويتنهد واني اضحك عليه وماعرف جان ضاملي خوش ضمه اول ماوصلنا الفندق وطبيت الغرفه حسيته صار وراي يممه اتخدرت وجسمي يرجف كام نزعني الالحجاب وهو يهمس باذني - وين جنتي مضمومه عنيي وينن - يمك وين يعني حجيتها واني احس روحي بغير عالم ماحس غير انشمرت ع الجربايه صار فوكي واخذ شفايفي بشفايفه وعشت احلا لحظات بحياتي واحلا يوم غفيت واني نايمه ع صدره ورايحه بحلامي الورديه ومرتاحه فزيت الصبح كعدت شفته نايم ابتس مت بس راحت ابتسامتي من اذكرت السحر معقوله كل هذا بفضل السحر لا اني حركته اكيد راح سحره بقيت صافنه بس ماخليت هذا الشي يتعس فرحتي جانن احلا اسبوعين بحياتي كلهاااا عشت بيهن من صدك وعرفت معنى الحياة والحب وياه وبهلاسبوعين امنيتي ابقه هناا وماارجع البغداد ماحسيت غير بعضه ع خدي اخ طفرت شفته يضحك - هاا وين صافنه الحلوووه لا بس ببارحه حجاها وغمزلي متت خجل من عده وهو مات ضحك اتريكنا وخلصنا وطلعنا لبغداد مجنت اعرف راح تتلكاني المصايب بعد رجعتي ولا جنت اعرف راح اعيش بضيم من جديد يمكن هلاسبوعين جانن احلا اسبوعين اعيشهن من ولدت لحد لان والاسف فرحتي ماادوم ابد وصلنا البغداد العصر وميتين تعب طبينا البيت محد بي باوعلي ومبين ميت نعس اي طبعا اذا هو لل4 الفجر ياله نام - حبيبي نصوفه راح اصعد انام ميت نعسس وباجر وراي دووام اذا دك تلفوني جيبي الي لان شغل ضروري - ابتسمت من كال حبيبي ممصدكه بروحي هزيت راسي اله تدلل روح نام صعد واني طبيت المطبخ هوسه البيت مليان العاب كاعده اشرب مي وصارت رانيا كدامي وكع الكلاص من عدي وهي باوعتلي بستغراب لان اتفاجئة بجيتهااا - هلا اجيتوو اشتاقيتلج هواي نصووفتي تعالي يبعد اختج اخذتني بحظنهاا واني مستغربه حسيت روحي كشت منها دفعتها وطلعت من المطبخ صعزت غوك لغرفتي نصر نام بسرعه يالله خاف هاي رجعت سوت سحر لالا وين اسوي غفيت ومادري بروحي شلون نمت ماكعدت غير ع صياح نصر كعدت مخروعه عبالي اكو شي جان يلبس بهدومه ومخندب وضايج - نصررر شكووو شبييك باوعلي بخزره وصاح اني شموصييييججج - صفنت عليه مفهمت شنو وكفت كدامه نصر ع كيفك عليمن تحجي مفهمتك - اني مو كتلج كعدينييي بس يدك تلفووووني 10 مكالمات من العميد مالتيي وانتي حظرتج ناااايمه مايفيددد وياج شييي طفلللله طفللللله - نصر ع كيفك تررا مايحتاج كل هذا الصياااح والله واس بعدني ممكمله حجايتي ماحسيت غير ع خراره ع حدي ووشه بذاني كمشت خدي ورفعت راسي عليه ضربنيي !!! ضربني راشدي وبكل دم بارد ولا كانما مسوي شيي جر اسلاحه وجنطته وركع الباب وطلع واني كامشه خدي وادموعي تنزل ……… يتبع ،،،،،وللحكايه بقيه ،،،،،، قرائه ممتعه احبتي اسفه ع التاخير بس مو بيدي والله اليوم بيت عمو عدنا ولولاهم جان ماجددنه الاشتراك البارت طووويل كلش واكرر اعتذاري بس مو بيدي لان نت ماكو تصويتكم وتوقعاتكم وتعليقاتكم حتى انشر باجر 😉 #نور الشمري #نوشه | ||||
|
| |
|
01-12-20, 02:57 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الرابع عشر بقلمي #نور الشمري #كم اعشق انفاسك وابحث عنها، كم ياخذني شوقي لاكون فيها،، لست الا عاشقااا متيمااا بحبك،، متى كنتي كنت،،، ومتى ازهرت لذتك ازهرت،، انتي زهرتي صانعة لذتي،، وانتي جمال دنياااي،،،، من اول نفس ملكتني،، كيف بعدما اتبعتيها بقبلة،، مرارا اخبرتك،، إن الإدمان منبوذ،، الا ادمانك، وان الخمر محرم،، الا خمرك، حبيبتي،، لذيذة انتي،، مهجتي وهيامي،، رغبتي وكل جنوني،، نصر الدين : بعد مارجعت من الشمال وشفتها وهي تنظف بلغرفه شي وكعد بداخلي احساس جان نايم وهستوه كعد من شفتهاا اول مره اشوفها بهلنظره مو طفله الي كدامي لا امراه كامله مابيها اي نقص يمكن جنت اشوفها طفله بسبب بعض تصرفاتها الطفوليه او نظراتها المليانه برائه ماعرف بس الاعرفه بهذاك اليوم حسيت بشي داخلي حلوو ومن ساعتها حلفت اله اخلي هلمخلوقه اتعيش بسعاده وخطتت اخذها للشمال باجر طلبت اجازه اسبوعين واخذتها وطلعت لسليمانيه اسبوعين اكتشفت بيهن انصاف شنو طفله امراءه مليانه انوثه وحيويه جميله ونازكه بسيطه والاهم اخلاقها عكس رانيا بضبط جنت اصفن واكول الله يساعدك ياا خوي ع مرتك رانيا يرادلها كلب فارغ يتحمل كلشي ويجوز يحتاجلها كلب ثاني هم بس انصاف جانت عكسسس رانيا بضبط بساطتها وقناعتها بشي خلتني اشوفها بنظره حب وعاطفه خلتني اسرح بملامحها كل ما اشوفها كضيت احلا اسبوعين بحياتي وياهاا ماجبرتها عليه وخليتها براحتها بس من شفت نفسي راح نرجع ولازم احط حد لهاي العلاقه خو ماضل هيج اتحركت واخذتها لمركز تجميل اعرف هي حزينه ع والدها بس الحزن بلقلب مو بشكل اريدها تتغير جذريا واتحس نفسها امرأه متزوجه من صدك من طلعت وشفتهاا فقدت كل عقلي حسيت كدامي امرأه مليانه انوثه وجمال مو طفله عمرها حيدخل الـ 17 سنه ضحكت ع روحي لان جنت ياما اضحك ع يامن من يحجي هيج وهسه صرت مثله بضبط ركبتها بسياره وركبت اخذتها لمطعم ساعات عشت بيهن بسعاده ومتوقعت راح تنرسم الي هيج سعاده بعد سنين الظلمه والقهر الي عشتهن جنت ارسم السعاده مجرد رسمه رسميه كدام اهلي وبس من رجعت البغداد حلفت اله اخليها اسعد وحده بلعالم ومانقص شي عليها بس بطريق ودك عليه الرائد سامر وكاللي العميد راح يتصل بيك علمود شغله مهمه جنت ميت تعب لان مانايم غير ساعات قليله وصيت انصاف ع التلفون ونمت وكلت بس ارجع من الواجب الي راح يطينيا العميد اخذ انصاف اللنجف اشوف والدها فزيت من النوم الغرفه ظلممه وهدوء جريت التلفون اشوف الساعه وشفت مكالمات من العميد شكثرها فرت نار باوعت عليها نايمه بصفي ماعرف ليش حسيت بكره وحقد عليها كمت بسرعه خابرته جان يصيح ويحجي لان مارديت ووو كومه حجي واني فاير نار اجتني حجايه من عدهاااا من وراها يمكن لو كدامي الي اكطعه اتكطع سديته وبدلت بسرعه واني اعصاب صاير وفاير نار كوه مسيطر ع اعصابي واحس راسي حينفجر من اللم الي بي احس بخنكه مو طبيعيه من كعدت وكامت تسئل عيونها تكول شي وبردوها شي موتني برودها ومنا اني احس بحقد ضدها ماعرف شنو الصار بيه ومديت ايدي عليها جريت غراضي وطلعت رحت للعميد حجيت وياه ووضحتله اخذت مهمه لان ماريد ارجع للبيت وطلعت ع المكان الي كالولي عليه مرت ايام واني الم راسي ماكو ولا يخف يومين اخلص شريط البندول كله وماكو فايده حتى الواجب ماداكدر اسيطر عليه ولا داكدر اركز ايام اني حالي حال حتي شكلي هملته نظراتها والاسبوعين الي عشتهن وياها خلني اندم لان ضربتها بس وره فترااا دقائق احقدددددد عليها وساعات اكرهااا ماعرف شبيه صدري بي خنكه وراسي مدايفك اللم منه ومنا انصاف ومل بالي يمها ياترى اكيد هسه ضايجه لان مديت ايدي عليها كل ماريد اتصل بيها وابطل كاعد ادخن بشقه وانتظر الاوامر تجي حتى اتحرك واذكر ثاني يوم من ضربتها وطلعت خابرتني ومبين من صوتها ضايجه وتحجي من وره خشمها حتى اني كوه حجيت وياهاااا احس الحقد الي بداخلي غررريب حيل اتجاهاا الشي الي صار عادي ويصير وماكو داعي لكل هلحقد هذا بس ماعرف شبيه جزء مني يريدهااا ويريد يسمع صوتها ويشوف ضحكتها وجزء ثاني لا حاقد عليها وحتى يجوز كارها يمكن لو اشوفها اجنزها كتل لان الاحساس الي بداخلي خبلني ثاني يوم من تركتها وطلعت ع واجبي واتصلت بيه وهي تطلب مني مساعده اول شي استغربت طلبهااا شتريد هاي بس صدمني طلبها وهي اتكلي - نصر اريد منك طلب اعرفك حيل قريب من هذا صديقك يامن اتمنه اتكوله يبتعد عن صديقتي لو لا يصير الحجي غير شي صديقتي اشرف منه ومن كلامه ترا والله اكول العمار يكول الحسن ساعتها يكعد عشائرياااا ومحد يخسر غيره والافضل يبتعد احسن ما يصير غير شي جوري خططط احمررر -خلصت كلاماته وكالت يلا اني اروح باي وراحت من يومها ماسمعت صوتهاات بس مشتااااق كد رحمة الله بس ماعرف شصار الي وليش هيج حالتي اتصلت بيامن بعد ماسدتته انصاف مني - الووويامن وين انت - ليش محتاج شي - هسه دكول وين انت ببغداد اريد بشغله -لا بواسط عدي شغله شكو من كال واسط اتاكدت كلام انصاف صح اعوف يامن واحد نسونجي وماعب بس مو لهدرجه هاي يلعب حتى ع بنات العالم الي الهن سمعه متوقعتها منه الاعرفه هو مايتقرب من اي بنيه الها سمعه ومحتركه نفسهاا هي يجنه برجليهن ويطلب العلاقه منه وهو مايرفض بس مو مال هيج يسوي بقيت دايخ وماعرف شلون احجي وياه بلموضوع والم راسي موتني فتحت الموضوع وياه وكتله شعدك ويه اخت حسن انت شنو فلمك مو كل البنات نفس الي تحجي وياهن بطل سوالف هاي بس صدمني من كال الي كلامه - نصر انت ماتعرفها هاي شنو بوجهين اتبيع ثكل عليه و هي ولد المنطقه مالتهم كلها تعرفها ابو مرتك مات من وراهااااا ماتعرفها دواها عدي والله اله اخليها تعض اصابيعها ندم خليني اربيهاااا بطريقتي - لك انت تخبلتتتتت اسكت لا تخليني اكوم اسب واغلط عليك يامن هسه تجي لبغداد لا والله يصير الحجي مو زين هااااي بنيه تعررف شنو بنيه لو لااا اذا اخذتها ومشيت الشيطان يكون ثالثكم وتعرف اذا الشيطان انجمع ويااااااكم شيصيررررر تعال لااا - نصرررر كافي كتلك اعرف شلون اصرف مو طففل اني ولا تخااف اصلا تلعبببب نفسي منها مو بعد الشيطان يكون ثالثنا ويغريني مو لهدرجه بس اريد اكرص اذنها واخليها اتوب اذا اخوها يعرف بتصرفاتهاااا والله يذبحها ويشيل خطيتهااا وماريد هيج يصير وهو صاحبي لهذا اريد اخليها تتربه من جده وجديد واخليها تعرف الصح من الغلط نصر اني صديقك اخوك مو لهدرجه هاي اخلي سمعة هاي العائله الذهب بطين من وره بتهم بس اريد اربيها شويه - لك يامن لا تخبلني شتربي منهاا وعبالك من تاخذها واتربيها بطريقتك الخابصني بيها ماراح اطين سمعة اهلها اصور احد شافك شتتصرف وكتهاااا -نصر نصررر مرتب كلشي انت بس اطلع منها ومالك دخل اصلا بهاي اتصالك اجتني فكره اتخبل والله اله اخبلهاا واخليها حتى اشك بروحها عوفني اصرف ويجيك الصافي سده مني واني ماالي خلكه ابد بس ماعرف شراح يسوي هذااا دك عليه صديقي طلعت وياه وبالي كله يم الي خذت كلبي وخلته يحبها ويكرها شلون مادري انصاف : بعد ماطلع كعدت بلكاع وادموعي بعيني ليش يضرب ليش شمسويتله اني وخيج يسوي بيه والله احبه احببببببببببه ايي ماعدي غير هو كل اهلي وماكدر اتعودت عليه ماكدر بدونه يارب دخيلك كمت واني الدموع بعيني بس ماابين الاحد واعرف سوالف رانيا وها ما راح تعوف السالفه خاليه اذا تعرف لملمت الغرفه وادموعي بعيني طبت غزل وهي اصيح - مامه مامه واتاشر لبره الغرفه فهمتها يعني امها تريدني ودازتها عليه مالي خلكها والله نزلت الها لكيته بصاله باوعتلي وكالت - شنو نصوفه عجبج الدلال ترا عمتي كامت تحجي لان من اجيتي لسه انتي ماشتغلتي شي وصالج سبوعين بره البيت تعاي سوي العشه خل انيم رزان اني لو ما رزان جان سويته بس رزان تريد تنام وعمتي كامت تحجي ماردت تجيج حجيه وانتي اختي فتحت عيوني ع وسعهن من كلامها شتحس بلا وعينك عينك اجذب وتعرف كلش زين اعرف عمتي متحجي واعرفهاا كلش زين اتموت من الشغل لشنو هذا الكذب هزيتلها راسي وطبيت للمطبخ وكعدت اسوي عشه عكتي تقرا قران بلستقبال وصوتها يرن بلبيت رن ويخبللللل اتحس براحه وامان اجت رانيا تتلمس بشعري - لج هاي شطالعه اتخبلين يابه بس مو بابا بعده اربعينه ماطالع ورحتي حفيتي وصبغتي عيب انصاف تصوفج هذا يثبت شكد انتي زعطوطه صرااحه يعني بلا عليج هسه رجلج شيكول عليج يكول هايابوها ماصاله هواي وهيج سوت راح ياخذ عنج نظره مو حلوه واني علمودج -جنت واكفه مجتفه اديه واباوعلها واسمع كلامها واباوعلها بنظرات مستفزه وكاشه روحي منها وهي تحجي ردتها تخلص وابدي اني من شغتها سكتت حجيت - يااا اختي الجبيره اول شي الحزن مو بشكل لا بلقلب وهذا كلام رجلي حبيبي واني مجنت راضيه بس هو اخذني جبر واله اغير اللوك مالتي يكلي شعدي غيرج اني انتي كلشي عدياه والناس تحجي تحجي واتمل اهم شي ابوج يعرف قيمته بداخلج وانتي تعرفين حبج بداخلج اله واني اعرف شكد اتعزين والدج لهذا هاي اشياء شكليه عاديه وهاي نظافه واخذني وقنعني وهو سعيد بيه باوعتلها شفتها ضاجت وتبتسم بجذب واحلا شي من كلت حبيبي كمية الاستغراب الي انرسمت ع ملامح وجهها خلاني اضحك بداخلي بس كوه صابره ع روحي مااضحك درت وجهي عنها واضحك عليها هاي اختي بلااا محد يصدك اكو هيج اخوات ممكن اسوي كانما ضرتي مو اختي سويت العشه واخذته يم عمتي وهي اخذتني بحظنهااا وكعدت اسولف وتسئل ع السفره واني اجاوبها اضحك صح مجروحه من ضربة نصر بس ماردت ابين كدام رانيا اختتتتي هذا الشي هههههه شي يضحك والله اختي تشمت بيه واضوج من اشوفني سعيده غريبه والاغرب تسحرني وتسحر رجلي واضرني واضره بقيت اسولف العمتي وهي كاعده يمكن عطبت ودخنتتتت و اني اضحك ع شكلهااا ناقصها بس يطلع نار من خشمها واصير تنين ههههههه ثاني يوم العصر جنت كاعده اعزل المطبخ ودك تلفوني من شفتها جوري طرت من الفرح مشتاقتلها كلشششش شلته منها وهي تحجي وتبجي خبلتني كعدت ع الكرسي واني اهدي بيها واحجي وياهااا وهي تبجي كوه فهمت من عدها صديق نصر ماذيها ومهددها ومتعرف شتصرف اول مره اشوف جوري هيج منهاره حقها شي صعب ومو بسهوله هدئتها ووعدتها احاجي نصر ويخلي يبطل لان بنات الناس كوه قنعتها وهديتها وسديته منها بقيت حايره اخابره لو لا لالا ماخابره ليش ماخابر هوو بس اني ممخابره اسئل عليه مخابره علمود صديقتي اي انصاف صديقتج اولى وخلي لا تسلمين ولا هم يحزنون صدك جريت التلفون وخابرت دك دك واحس كلبي يدك وياه وحيطلع من مكانه ماعرف شصار بيه احس راح اوكع من طولي رد عليه بصوته المبين عليه تعبان ردت اسئل عليه واكله شبيك بس مكدرت لان حتى هو مسئل الدمعه صارت بطرف عيني وكوه حجيت وسديته لان احس روحي شي ثكيل عليه رجعت طمنت جوري وكتلها لا تخافين وكلت انصر عليه وهو يتصرف صدك هدئت هي مرت ايام ونصر ماكوومابين من رجعنا من الشمال لسه جوري ادك عليه لو محد يرد لو تطلع امها ولو تكلي نايمه لو تسبح لو شو شنو خفت لا امها اتكوم اشك متصلت بعد بس بالي كله يمها وماعرف شصار بيها بيوم جنت كاعده اني وعمتي ونشوي سمج ورانيا تغسل بلمدات بطرمه وبناتها يمي يلعبن بجت رزان حاولت اسكتها ماكووو طلعت لرانيا كتلها عوفي اني اكملهن شوفي بتج صدك طبت واني رفعت البجامه مال التراك الدنيا ضهر محد يجي من احمويني هيج وكترفعتهو لركبي والتشيرت رفعته نصه وشديته بنص حتى لا يضل كلساع خاط بلمي لفيت شعري كبايه وكعدت اغسل بيهن حسيت باب السشارع انفتح طفرت عبالي مثنى لو سند كلبي طلع من مكانه كمت بسرعه وماحس غير اتكربست ووكعت لوره بس شنو من وكعه احس اعضامي كلها اتكسرت الكاع جان متروس زاهي ومي وازحلكت بيهن ووكعت رفعت راسي شفته نصر ماعرف افرح لان طلع هو مو واحد من الولد لو ابجي لان اتفشلت هيج كدامه اتقدم بتجاهي واني الفرحه ما ساعيتني وكلت هسه يحظني ويتاسف الي لان ضربني بس شو هذا وكف كدامي باوعلي من فوك لجوه واني فد كعده من الفشله حتى ماكمت باوعلي وعيني فاتحها ع النص ورافع حواجبه هز ايده وكال - هو انتي مال شغل كلشي ما يفيد وياج حجه كلماتع وطب انصدمت وبقيت جامده اباوعله معقووووووله هيج كلبه قاسييي مجنت مصوره هيج نصر ولا بعمري اتوقعت هيج يكون بهلقساوه والحقددد نزلت ادموعي بس اذكرت رانيا طفرت كمت ع حيلي بعدني دامشي وارجع ازحلك واوكع من جديد بجيت من كل كلبي ع نفسييي شجاني رفعت راسي شفته يباوعلي من شباك المطبخ اكو بعيونه نظرات شفت بيها نصر الي عشت وياه اجمل اسبوعين بحياتي بس سرعان مااختفن هلنظرات هز ايده ودار وجهه واختفى من نظراتي بجيتتتت وبجيييت وبجييت لحد ما كلت بس ردت ارتاح شويه معقووله رانيا اسوي هيج اييي ششنو الي غير نصر بمجرد ما دخل للبيت انكلب 180 درجه اكيدد هاي رانيا سوت سحر من جديد بس شلووون شلوون راح الكييي ووين الكي هاي راح تخبلني ليش هيج اسووي ليشششش يالله وين الكه مكانه هسه اني مصدكت ارتاح كلبي من عده اوووف اووف كله مني ليش ماقفلت باب الغرفه من طلعت كمت للغرفه سمعت صوت بلحمام عرفته هو اخذت هدوم الي وطلعت بلحمام الجوه غسلت وبدلت وطلعت وعيوني حمر من البجي عمتي سئلتني جاوبتها ماكو شي عادي وهو نزل عادي اتغدا ويانا ويسولف ويه امي بس صدمني من يحجي وياي بنتررررر وكل كلمه يكولها بنتره كوه صبرت دموعي ماتنزل والكل حس بهذا الشي اتفشلت واحس روحي مسوي غلط مااسكت لازم اشوف حل واخلص نصر من سحورت رانيا بس شلووون شلووون اخلصه اريد شيخ سيد زين ومعروف بس وين الكي وييين يالله ساعدني بحق عليل كربلاء ايام مرت وطلعت اربعينية بابا ورحت للواسط شفت امي كلبي محمل عليها لان هي شريكه اكيييد ويه رانيا لان رانيا متكدر تخطى هيج خطوه بدون امي مابقيت يمهم يوم ورجعت لان مالي واهس الي شي وصار ع روحتنا للشمال شهر وشويه نصر نفس حاله متغير اي شي منه وزاد اكثر ساعه يباوعلي بحنيه وحب وساعهينتر ويصيح ويرزل ويصرف ع غزل ورزان ويرجع لوره صار كلشي الهن وشتكول غزل تممم ماستغربت لان اعرف بي شكد يحب غزل ورزان بس متوقعت لهاي الدرجه يحبهن ويعزهن مره جانو بيت سند عدنا هو وعائلته وبت خالة نصر عصماء بعمر همسه حباابه كلششش وجانوو كلهم سوالف وضحك انتبهت ع نصر جان يضحك ويسولف ويه اخوه جنت اسرق النظرات لان ماجنت اكدر اباوعله من ينتبه عليه ابزوعله يعيط عليه - شكو مضيعه شي بوجهي لو بليل من ندخل الغرفه يكمش موبايل ويدور وجهه ع الجهه الثانيه وينام انهضم حيييل بس بكل مره جنت احلف اله اسويكل شي بوسعي في سبيل ارطلعه من هذا السحر الي حاكمه انتبهت عليه اكله قليل ودائما يكمش راسه ويون منه مرات اخذه واسويله مساج اله يرتاح ويغفه ع رجليه اطييير من الفرح بس بمجرد مايكعد يدفعني ويكوم مرات يبقه يسولف وياي ويشاقه احس بعدين من ينتبه ع روحه يعوفني ويطلع ويطب مغندب وحاله حال وياويلي اذا فتحت حلكي بكلمه كل هذا وساكته وجنت ادور بتلفون ع شيخ لو سيد يعرف بهيج اشياء حتى اسئله بس كل الي اسئلهم يكللولي مانكدر نحكم اذا مانشوفه مليت وماكو واحد صادق بيهم نرجع ع ذاك اليوم الي جانو بيت سند عدنا شفت نصر يدور ع جداحته اعرفه لان هيج وكت هو يدخن كمت جبتها اله اخذها مني وباوعلي صارت عيني بعينه ابتسم وهمس شكرا حبيب بعده ممكملها وعاط بيه عيطه خله الكل يوكف - انتييي شبيييج جان هسسسه حاركتني اكو واحد يطي الجداحه هيييج غبييه حقيييره ثوووله طفله ماصيلج جاااره ابددد ركع الطبله وطلع واني مصدوومه الكل مصدووم بس مو بصدمتيي هسه جانن نظراته حلو وجان يريد يكول حبيبتي شبيي شغيره ركضت اطلع من الاستقبال من الفشله الي صارت بيه اول مره واحد هيج يرزلني كدام الكل احس عيوني حممر كد ماحبست الدموع بيهن ماريدهن ينزلن ابدددد كدام احد لان حلفت ادموعي ماتنزل كدام احد بعد اول مطلعت صارت رانيا كدامي باوعتلها بنظره خليتهااا تصف بيهه ومبين الخوف ع ملامح وجهه ومانما حست اني اعرف بيها عفتها وصعدت فوك بجيييييت لحد ماسكتت من وحدي اكثر من ساعه اني ع فد بجيه ابجي وانهد ببابا يجي ياخذني يمه ولا هل عيشه هاي تعبت وهاي بدايتها هيج بابا بتك اختي من ابوي وامي هيج سوت بيه بابا بتك اذتنييي هوواي وتعبتنييي هوواي ماتحمل بعد ولله ماتحمل حسيت بدوخه راسي احسه ينفجر كمت اشوف غواش اريد اصيح لاحد مكدر اوكف كوه وكفت ع رجليه وصحت كووه عممممةةةه ووكعت لمحت همسه وعصماء يركض عليه لان جانن بلغرفه الي كدامي وبعدها مادري شصار بيه جوري : جنت حايره وماعرف شسوي اول مره انحط بهيج موقف واحد يهددني خابرت انصاف اطلب منها القوه والمساعده جنت احجي وابجي سولفتلها كل شي وهي هدئتنا وطمنتني زوجها راح يحاجي نمت واني مطمئنه بس اعرفه مايسكت ثاني يوم طلعت للمدرسه واني خايفه ارجف وصلني حسن وطلع لشغله هستوني ردت ادخل المدرسه لان امنت هو ماكو شفته واكف بسد حايط المدرسه ويباوعلي ااشر براسه بمعنى لحكيني خفتتت وبقيت اتلفت الساعه 7 ونص ومحد بشارع بس سيارات خفيفه كل شويه تخطف سياره كمت ارجف اروح لو لااا خل اروح واكله مااجي وياك لو مدري شيصير وشتريد اسوي سوي مشست وراه شفته واكف وره المدرسه وسياره مضلله واكفه اشرلي اركب رفضت - شوووفي محد ينظر غيرررج اذا احد شافني السمعه الزفت تجيج الج مو الييي خليها بعلمج واركبي لا تخافين هنا نبقه - باوعتله بغضب واتقدمت بتجاها وهمست انت ششايف روحك هيج اني غشيمه واصدكك واركب وياك وبسياره مضلله حتى اتكول هيج اجت الي برجليهااا ترا صرت اعرفك كلش زين لا عبالللك ضحك وهو يباوع يمنه يسره وكال - دركبي ونتحاسب وهاااج هذا السويج وشمره عليه كمشته بيدي باوعلي وكال وهذا السويج بيدج بقيت حايره ماعرف شسوي بس ماكو غير حل اركب واشوف تاليتها وياه شنو ركبت والسويج بيدي اعصر بي ركب هو بمكانه وباوعلي اتقدم وكال - اييي بلا رضوان شكد جان يطيج وتوكفين وياه ماحسيت غير رفعت ايدي وضربته راشدي - حقيييييير انت ششايف نفسك كل الناس مثلكك لك كتلكككككك اني رضوان جان يسئل ع بنييييه واني مالي اي دخخخل بي اصلا اكرررره كررره العمى وياما حذرت انص حطيت ايدي ع حلكي واني اعض بشفايفي شسويت اني شسويت يارب يكون ماسمع يارب ماسمع يارب باوعتله جان لحد لان كامش خده وراسه دايره ع الجامه وعيونه نااااااااااار تجدح خفتتت منه حيل بسرعه دار وجهه عليه وعصرني من فجي حيل وجرني عليه لجججج انتي ششايفه نفسجج وحده حقيرره ساق** ال***** اضربيييني انيي انظرب من مرره اني اعلمج حجاها وماحس غير بشي حار ع خدي اذاني صار بيها وشوشه دخت شويه وبعديت حسيت باوعتله بغضببببب وهمست - لا تفشششششر لا تغلط فاااهم اني اشرف منك ومن امثاللك وماتايهتلك حتى تضربني وهاي ايدك الي رفعتها الي يجي يوووم واخليك اتعضها نددم ع هاي عملتك يااااا حقير خلصت وردت افتح الباب انزل ماحس غير انجريت وانضربت بلكشن كمست خدي ضربني مرة الثانيه راشدي وبكل دم بارد اتقرب وصار قريب عليه همس - احجي شنو حذرتي حذرتي منووو احجي لا والله افضحجج وبعدين شعدج ويه عمااار هاا لا تخافين ادفعلج الي يدفعولجياه واضعاافه هم ع يوم واحد رفعت ايدي ردت اضربه وادموعي كامت تنزل عشره عشره كمشه ولواها حييل وصااح ايدددددددج اكسرهاا اذا انفرعت لججججج - انت شششايف نفسكككك هااااا ماشي تعرف ليشش حجيت ويه عمار لان اثق بيي لان رجااااال من ظهر رجااال ميخون ثقة صديقه لان واحد غيور يخاف عليه قبل لا يخااف ع اخته لان لان لان احبببببببه وواثقه ميسويلي شي وهو يشوفني مثل اختتتته فهمتتتتتتت وذاك العار انجبرت اوكف كدااامه لان جان يريد يعرف مكان صديقتي انصاااف مرت نصر لان واحد عار مثلك نسوانجي مثلك لان انصاف مطته مجال راد يخرب زواجها وراد عنوانها مني عرررررررررررفتتتتتتتت ههههههه انت ورضوان نفس الوجهه ونفس الشي قرشين بعملى وحده الله ينتقم منك حسبي الله ونعم الوكيل خنت ثقة اهلي وركبت وياك ومديت ايدي عليه سلمتك بيد الله خلصت كلماتي وفتحت الباب شمرت السويج عليه ونزلت اركض للمدرسه لكيت الجرص داك ورايح كووه اتوسلت بلمديره ودخلتني مرت ايام وبعد ماشفته بيها من ذاك اليوم لهذا اليوم مره شهرر وشويه وهو ماكو مرتاحه منه وخلصانه عطلت عطلة نص السنه وكعدت بلبيت جنت كاعد اسوي باميه ويه امي وطب حسن يضحك امي سئلته شبيك ولك تضحك باوعلها وكال - عمار اتفق ويه الشيخ بس ادور سنة ابوه ياخذ البنيه عروس معززه مكرمه هنا ماحسيت من كصيت اصبعي وطلع دم اله من عاطت امي عليه - يايا يا لج جوريه جوريه يممه شبيج وين بالج راح اصبعج يايمه شجاااج اخذته امي غسلته وعقمته ولفته واني بعالم ثاني حتى ماحسيت بالم من عقمته فقدت كل ذره احساس بداخلي وصار داخلي ينزززززف حبيبي راح يزوج فارس احلامي الي جنت احلم بي راح يروح من ايدي ليش ياربي ليشش انصاف : فتحت عيوني غرفه بيضه ومروحه فوكي مطفيه سرير ابيض وصوت حجي قريب يمي فتحت عيوني شويه شويه ووضحت الصوره كدامي عرفت نفسي بلمستشفى ااخ راسي مي اريد مي ركضت الي عصماء الي جانت قريبه عليه واطتني مي شربته وهمسه يم راسي عمتي باوعلي وضحكت جان الكل موجود اله هوو اله هو ماكوو ورانيا واكفه تضحك ومبين عليها فرحااانه همست - عمه شكو اضحكون -ماكو يمه بس قبل لا تكعدين الدكتوره بشرتنا بشاره - صفنت وعدلت كعدتي سند طب يضحك - الحمدالله ع سلامتج ام ابراهيم خوفتينا عليج والله - ابتسمت اله وهمست كوه تطلع الحجايه من عدي ام ابراهيم هههه ضحكت عمتي وكالت - اي يمه ام ابراهيم وبرهومي جاي بطريق سند : يمه منو يكول برهوم يجوز بنوته صدك وينه هذا ابو صلعه هههههه خل يجي يكول شسم بته - ضحكت من كال ابو صلعه واذكرت نفسي من جنت ادلعه بهذا اللقب بس صفنت جاي بطريق برهومي شنوو باوعت ع عمتي وطفرت - عمممه يعني شنوو جاي بطريق -هههههههههههههه خرب لسه ماوصلتلج يمه انتي حامل يابعد عمتج انصدمت من الخبر لااااتت يالله لاااا مو وكته ابددد مو وكته المن جاي ع ال نيا واني ماعرف مصيري المن جاااي وابوه انسحر حتى يقبل بيه المن جااي واني ماعرف نهاية الزواج الي اتسس ع السحر شنو نهايته باوعت ع رانيا بحقدددددددد واتحلفت الها كمشت بطني واني اباوعلها بكره وهي فرحانه بشنو اتخططط وفرحانه شنو يجول براسج يا بت امي وابوي حتى اتهدمين حياة اختج رجعت للبيت واني ماعرف افرح لو اضوج بس ماريده هسه مو وكته هذاا والله مو وكته جنت انتضره هسه يجي هسه يجي لحد ماغفيت وماكو هو كعدت الصبح نزلت البيت هدوء رانيا كاعده التلكط بتمن باوعتله وسئلت -عمه وين لعد - راحت لبيت اخوهاا عازميها ع الغدا - ممم خوش عفتها وسويتلي اكلل وكعدت اتريك خلصت غسلت الماعين درت وجهي رانيا ماكو اجت ع بالي غرافتييييي ركضت واني ناسي الحمل ع الدرج فتحت الباب وصدك لكيتها واكفه هستوها تفتح الكنتور - راااااااانيااااااااا طفرت ووكع منها شي لجوه الكنتور ومبين عليه خايفه احس روحي اعصاب صرت نار همست واني صاكه ع سنوني - شسوووووين هنااا بغرفتييي - ئئئ ماسوي شييي اجيت اشوف اذا عدج ملابس وصخه اغسلهن وياي لان راح اغسل وانتي حامل - لا والله شهل الحنان هذااااااا ست رانياااا ليش الجذب هاااااا عطت وهي طفرت ومبين الخوف عليه باوعتله - حسبي الله ونعم الوكيل بيج يابت امي وابوي شسويتلج شسويتلججج واسحرين نصر حتى يزوجنييييي جايه اتحطين سحرررر مووووو يااااا سحااااااره مجرد ماكلت هلكمات هي اتخبلت وكامت تصيح شنو هذا الحجي شلون هيج اتهميني اني ماسويت شي وهو مو صوجج صوجي اجي اساعدج واغسل اهدومج وووو وهاي تاليتها اتهميني اسوي سحوره لحماي واختي انتي شنو مريضه مو صاحيه يحتاجلج مستشفى مجانين ووووو كومه حجي رادت تطلع ركضت وراهااا سمعيييي رانياااااا - اذا مابطلتي خذا السحر والله افضحج كدام الكل ومايهمني شييييي كافي عاد زودتيهاا هواي والله ثم والله افضحج واليصير خل يصير عسى مااطلك مايهممممم خلصت كلماتي وهي ضحكت وصاحت - الي تردي سوووووي محد يصدكج ياحلووه ماعدج اي دليل عليه يا اختي الصغيره حجتها ودفعتني بطرف اصابعها حتى اوخر عن طريقها جنت لابسه جواريب والكاشي الفوك يزحلك واكفه كدامها ووراي الدرج بمجرد ما دفعتني ماحسيت غير وكعت ردت اجلب بشي بس ماكو حسيت روحي ادعبلت مر اول درجه لاخر درجه و .......... يتبع ،،،،،،، وللحكايه بقيه ،،،،،،، قرائه ممتعه احبتي | ||||
|
| |
|
06-12-20, 03:33 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الخامس عشر بقلمي #نور الشمري #گ وصيهه أخيره، أعدگ سيأتـي يـوم تـبـحـث عن شيٰء يشبهنـي ولـو قليلاً🙄💔💭 انصاف : وكعت من اول درجه من فوك لحد اخر درجه انظرب راسي بلمحجر وصار شي غوااش كدام عيوني بطني كطعتني الم احس كانما سكاكين وتكطع بحشائي اريد اشوف ماكدر اريد اوكف ماكدر اسمع صراخ رانيا وهي اصيح باسمي وتحجي بس ماعرف شبيهاا اخر شي اذكره كلام رانيا وهي تفتر فوك راسي واصيح - لجج انصااف كووومي ولجج كافي كووومي حبابه انصاف كومي اذا صار بيج شي ماسامح روحي والله لج انصصاااااااف اسمعها بس ماعدي القدره احجي ماكدر افتح حلكي الكلمات متطلع من عدي سمعتها وهي تحجي بتلفوون - عممممه عممه فدوه العمرج الحكي انصااف وكعت من الدرج والنزيف قووي فدووه لحكيي اي اي هسه اخابره رجعت اسمع كلماته وهي تحجي وياي - قووي روحج انصاف ماتركج والله ماخليج ترحين مثل بابا لالا ابدددد ماعوووفج الوووو نصررر الحك حباااب انصاف وكعت من الدرج وداتنزززف حبااب الحكك شنوووو لك داكولك اختييي داتموووت وانت اتكلي شسويلها اني بلواجب نصرررررر انصاف داتموت شنووو خارج بغدادد مو البارحه جنت هناااا دررووووح يالله شسوي انصاف اسمعيني هسه اخابر مثنى يجي ابقي كاعده حبابه اخر كلماتها جانن يرنن بذاني وبعدها ماحسيت باي شي فقدت الوعي واني كامشه بطني ابني الي ماجنت اريده بس هسه من حسيت روحي راح اخسره بطلت اريددده هذا ابني راح يحميني مثل عمار وبابا هو الي راح يسويلي طعم بلحياة ويخليني اقوه واتمسك اكثر حتى احرر نصر من هذا السحر جنت نايمه والمكان يخبل كله حشيش اخضر والريحه اجنن شويه و كمت اسمع اصوات يمي وصوت عمتي وهي تحجي فتحت عيوني شوي شوي كمت اشوف الكدامي غوااش لحد ما وضحت الصوره كدامي همست ابني !! ابني عمه ابني سمعت صوتها وهي يم راسي - هايمه شلون صرتي يبعد روحي - عمه ابني ابني شصار بي اااخ عمه بطنيي توجعنيييي - عادي يمه اكيد توجعج ووليدج ااااوف يمه ردت اكعد ع السريع من كالت هيج لااا عمه حبابه لا تكولين هيججج عممه حبابه لاااا تكوليننننن ابني بي شيييييي لااااااا - اهدئي يممه اهدئييي خل احجي ويااج الطفل ناااازل حييل والدكتوره ضربتج ابره وهسه النزيف وواكف من الابره بسس - بس شنووو عمه حجيتها وادموعي تنزل باوعت رانياا وسند ومثنى وكوثر مرت سند بس هو ماكوو شكد ضجت واحتاجيته بهذا الوكت خاااصه اريددده بسس شكول عليج رانياا شكول ااااااوف ياربي كوثر : حبيبتي نصوفه لا تخافين الطفل يحتاج ربط لازم اسوين ربط حتى اتمنين وجود طفلج اذا بقه هيج مايطول شهر ويوكع لان ناااازل حييل احمدي ربج الدرج ماجان عالي الدرجات مالاته جان مات بساعتها لا سامح الله فكري زين وكولي والدكتوره اتريد نصر الدين لازم يجي يوقع علمود العمليه عرفتي هسه - صفنت ربط ؟؟ شنو ربط اي شي بس اريدده من اتخيلته راح يروح من ايدي مثل بابا متحملت الفكره ماكدر هذا قطعه مني راح يكبر بداخلي وراح احاول بكل جهدي حتى اخليي لو اعرف اطي جزء من اعضائي باوعت ع كوثر وهمستلها - كوثر قابله بكلشيي اهم شي ابني كولي للدكتوره خل اسويهه بسرعه حبابه حجيتها وبجيت وهي هزت راسها - ماشي حبيبي شبيج اهدئي هسه سند يحاجي الدكتوره واسوي العمليه لا تخافين شويه واجت الدكتوره حجه سند وياها وبقه يحجي علمود اسوي العمليه وهي معانده اله توقيع من نصر ياله واني الوب لا يصير ببابني شيي سند : دكتوره كتلج زوجها بلشمال عده محل وميكدر يجي يرادله وقت وع مايجي لان الولد رايح من ادينا اني اوقع وكلشي ع مسؤليتي صفنت الدكتوره بعد كلام سند وهزت راسها ماشي راح اسوي العمليه وع مسؤليتك حظرة الـ - سند اسمي - اوكي استاذ سند اتفضل وياي طلعو واني بقيت كاعده رانيا طول الوقت هي كاعده ع القنفه وتباوعلي نظراتها مال واحد نادم بس بعديششششش بعد ما هدمت حياتي وراح اخسر طفلي الاول من وراها سندت راسي ع المخده الغرفه جانت خاصه عمتي كاعده يم راسي وتقرا قرأن ع راسي باوعتلي وكالت - رانيا يمه خل رجلج يرجعج للبيت بناتج وحدهن ويه بنات سند هسه تلكيهن فاحطات من البجي - اي عمه بس وانصاف - احنى يمها يمه اني وكوثر روحي بناتج صغار ومامتعودات ع فراقج لهكد ماهتميت الها باوعت ع الساعه حييل صاللي 4 ساعات هنا دخلت الدكتوره وهي تحجي ويه الممرضات علمود ياخذني للعمليه جهزني واني اباوع بلوجوه اريده ليش عافني مو وعدني مايعوفني شو هسه اني بحاجته وهو مموجود مو كال اني ابوج واني اخوج وصديقج وزوجج وكلشي شو تاركني وحدي هناا دخلت للعمليه اتبنجت وبعدها ماعرفت شي غير بس اسمع صوت ضحك كوثر وعمتي وسند يصيح اشش ولج اشش فتحت عيوني وهمست مي اريد مي احس ريكي ناشف اجتني عمتي - ها يمه شلونج - زينه عمه ابني - لا تخافين يمه بخير الف الحمدالله والشكر اذا ربج راده يعيش لو اطيحين من جبل مايصير بي شي ههههه كوثر : هههههه بس عممه ما مبين عليها قبل شويه هيج تحب ابنها شوو نايمه واصيح نصر وينكككك نصر احبك تعال نصررر نصررر هههههههههههههه - عزااااااااا كووثر هاي اني هيج باوعت ع سند يضحك ومدنك راسه شكد اتفشلت كدامه واني هيج احجي من جنت نايمه اجت الدكتوره فحصتني واطمنت عليه - يحتاجلج نوومه ابد ماتتحركين درج ممنوع واتفرفر ممنوع شغل هواي ممنوع اي شي ثكيل اشيلي ممنوع اي شي ثكل ع بطنج ممنوع واهم شي رجلج ممنوع ماشي مامه وانتبهي ع دواج ومقوياتج تاخذيهن بوقتهن كل هذا اسوي اذا جنتي تردين ابنج يبقه ماشي ماماتي - هزيت راسي الها وعمتي جاوبتها - ماشي دكتوره الموضة المطلقة، يجب أن يكون لديك أشياء لا تزال تفتقدها اخذ سند الوصفه مال الدوه وكال اطلع اجيبه واجي حتى اطلعكم اطتني كوثر مي جنت عطشانه كلشش شربت وشويه واجه سند جايب الدوه شكد اتفشلت منه زوجي ماكو وهو مهتم بكلشي يركض منا ومنا الي اخذنا وطلع من المستشفى بعد ماكتبلنا الدكتوره ع خروج طبيت للبيت ودخلتني عمتي لغرفتها - نامي هنا بين ما اخلي سند يجهز غرفة الخطار الكم واخلي رانيا تنقل غراضج - ئئ لا عمه اني انقلهن رانيا بناتها وين تكدر -ولج بعدناااا هستوج رجعتي من المستشفى وتريد تصعد الدرج عفيييه عفييه عليجج دخل افرغلج واكعدلج كعده زينه اريدن اشوف شلون وكعتي عافتني وطلعت غفيت جنت مرتاحه لان راح اخلص من الغرفه الفوك بلكت اذا رجع نصر وعاف الغرفه يرجع مثل قبل كعدت العصر ع صوت اطكطك عدلت روحي عمتي كاعده تقرا قران عمه شنو هذا الصوت - ها يمه صح النوم سنودي كاعد يحظر بغرفتكم الجوه وكوثوره اتنقل بغراضج هزيتلها راسي ورجعت راسي ع التاج مال الجربايه وصافنه ع السكف وكامشه بطني ماراح اخسرك مثل بابا انت صرت كلشي بنسبه الي ماراح اخلي احد يضرك بشي لو يستغلك ياماما ههه شكد حلوه هاي الكلمةة ماما الله هيج تجي للدنيا واتكلي ماما ماصدك شوكت تجييي ياروحي شوكت وين ابوك ياترى وين ليش مااجه وليش مااهتم النا ابدد شنو الي يدور براسه ويمكن سحر خالتك قوي واثر عليه وخلاه يبتعد عناا بس اوعدك يا روح امك اله ارجع ابوك مثل ماجان لا تهتم انت بس تعال بسرعه رانيا ماشفتها ولا وصلت الي من اجيت لسه لليل طلعت اتعشه وياهم الكل موجود سند وعياله ومثنى ورانيا وجهالها وعمتي كعدت والكل يصيح ع كيفج ع كيفج امشي ع كيفج اكعدي ع كيفج اتحركي ع كيفج كوه اتعشيت خلصنا عشه وكامت رانيا وكوثر وهمسه ينضف عمتي جرتني وكعدتني يمها ضليت كاعده شويه واجت كوثر عليه - يلا تعاي نصوفه مددي ضهرج مو زين عليج اخذتني وكامت للغرفه اول ماطبيت سدت الباب قفلتها واجت عليه نظراتها خوفتني باوعت عليه وراحت ع الكنتور فتحته باوعتلي وكالت - انصاف اني اعزج واعتبرج اختي الصغير او بتي حالج حال بتي همسه بس متوقعتها منج من جنت انقل بغراضج للغرفه وشفت هذااا حجتها وشمرت عليه علاكه سوداا جانت جوه الميز الي بصف الكنتور كالتها ورفعت حاجبها اخذتها من فوك الجربايه علاكه سودا فتحتها وصدمتني من شفتها صورة نصر وعليه كتااابه هوااي واشياء بيها لعبت نفسي حسيت راح اتقيه اله شويه رفعت راسيي ع كوثر ونزلت ادموعي - كوثر حبابه لا تفهمين غلط والله حالي حالج ماعرفت اله قبل لا نطلع للشمال ونظفت الغرفه كلها واكو حركتهن واكو ذبيتهن فوك لان مكدرت احركهن كوثر ماشوفين نصر انتي وتصرفاته كله من هذا السم الي دخل حياتنا اريد احاول بكل جهدي حتى ارجع نصر مثل مجان حتى لو ادفع ثمن هذا الشي طلاقي اهم شي نصر كوثر لا تفهمين غلط حبابه حجيتها وبجيت اجت كعدت يمي واخذتني بحظنها اشششش كافيي شبيج مكتلج شي حتى تبجين منو الي يسوي هيج ليش ما حجيتي العمتي لو الولد ليش ضليتي ساكته ليششش - بجيت وغطيت وجههي بديه هنا المصيبه كوثر هناا مكدر اكول منووو محد راح يصدك ولا احد راح يثق بيه متصورين منو ومتتوقعين موو ويمكن ما صدكين اذا اكلج منو واني ماعرف بيهن - خوفتيني ولج احجي بلا بجي لا تخبليني - باوعت عليها وادموعي تنزل الي مسوي السحر لنصر يا كوثر هي اختي وامي رانيا وامي شفتها كامت ع حيلها هي وصاحتتت شنوووووو انصاف انتي عاااااقله معقوووله هيج شلووون فهميني كعدت كدامي وكالت سولفيلي كلشيييي هاي السالفه جبيييييره انصاف جبييييره واذا احد عرف نهايتج ببيت اهلج والله وحتى ابنج يحرمونج منه بجيت وكعدت سولفتلها كلشي احجي وابجي وهي صافنه سولفتلها كلشي من اول ما رانيا قنعتني بزواج وزواجنااا وشلون اكتشفت السحر وشلون صار كلشي لحد سالفة اليوم ووكوعي من الدرج كلشي سولفته وماخليت شي لان جنت محتاج اسولف الاحد وجنت محتاجه هذا الشي باوعتلها شفتها صافنه وعاكده حواجبها - انصاف اني مصدكتج لان اعرفج شنو ومن عيونج وتصرفاتج اعرف الي حجيتي كله صدك وماكذبتي بشي لان اني دارسه علم النفس واعرف الشخص من نظراته سمعيني زين اذا اني صدكتج مو معنى الكل راح يصدكج ويصدك كلامج هذا كلامج ماا يطب العقل ومحد يصدكه ابد منو يتوقع الام والاخت يسون سحوره وانتي متعرفييين وين صايره اذا عرفو الكل يوكف بوجهج ومحد وحتى عمتي ما اصدكج وراح اتكونين انتي اول المتهمه واول من راح يتعاقب لازم نلكه حل ونخلص نصر من هذا السحر وانخلي يرجع ولازم انخلي رانيا اتوب من هذا الشي لان هي سوتها مره ومرتين و ثلاثه اكيد راح اتعيدها بعد ولازم انطممم السالفه ومحد يعرف بيها لمصلحتج وبس يرجع نصر طبيعي ويكوم يثق بيج ساعتها سولفيله كلشي واكيد راح يصدكج واهم شي اتحصلين ثقته النصر بس المدوخني اذا رانيا سوت سحر لنصر حتى يقبل يزوجج ليش هسه بطلت ومسويه سحر اله حتى مايباوع بشكلج ومايسمع كلامج ولا يتقرب الج - ماعرف كوثر اني هم استغربت من هذا الشي شنو السبب وليش بس اكيد لمصلحتها لان اختي واعرفها مايهمها شي غير مصلحتها واهم شي الفلوس عدها كلشييي بدنياااا - معقوله اوكفي اوكفييي فهمت قصدها الاختج هي زوجتج لنصر حتى تضمن مكانها بلبيت لان اذا اجت وحده ثانيه واصير مرته النصر راح اصير هي وبس والكل بلكل بس اذا انتي اجيتي لاااا يختلف جذريااااااا لان انتي اختها الصغيره وراح اسمعين كلامها و راح اتحقق كل مطالبهاااا الي اتريدهن وراح اصير هي وبس واهم شي الفلوس لان تعرف بطيبة كلبج لهذا استغلت طيبتها انصاف بطلي هاي الطيبه لان شوفي وين وصلت نهايتج من وراها بس ليش سوت عكس السحر الاول شنو السببب معقووووله لان خافت من شافت علاقتكم وسفراتكم وسوالفكم وشافت قوتج ومحبة العائله كلها الج خافت ع نفسها ايي الي مثلها اكيددد هيج يكون تفكيره بس يا انصاف تعرفين شكد راح يكون هذا الشي مضر بنصر سحرين واحد عكس الثاني شراح يصير بي لازم نستعجل وانحاول بكل جهدنا بقبت اسولف وياها وهي طمنتني ساعه تنصحني وساعه اترزلني وساعه اتواسيني واطمني لحدما راحو اتمدتت بلغرفه ونمت كعدت الصبح نعسانه كلشش واحس روحي تعبانه كلشش طبت رانيا جايبه الريوك صراااحه خفت اكل منهاا خفت حاطتلي شي بي هههه الله اخاف من اختي لا حاطتلي شي بلاكل وين صايره هذاا لشي يا جماعه وين صاير هيج من دخلت الريوك حاولت تحجي و ياي مطيتها مجال عفتها وطلعت سويت ريوك الي وكعدت اكل طبت عمتي وصارت اترزل بيه لان سويت الاكل اني شنو يعني ابقه مدده مايصير هيج والله ملل مرت الايام تركض ركض ماشفت نصر ابددد من ذاك اليوم الي رزلني بي وبعدها ماعرفت عنه اي شي شهر مر وهو مو بلبيت ادك مغلق يطلعلي من اسئل عمتي عليه اتكولي بلواجب مالته يمه وشغله هلمره حييل صعب شهر اني مشايفته وميته ع شوفته كل يوميه اطلع صورته واضل احجي وياه لو اكمش بطني وابقه احجي ويه ابني الموضة المطلقة، يجب أن يكون لديك أشياء لا تزال تفتقدها الشهر كله اني نايمه وعمتي مكابلتني وكاعده وماتخليني هاي الورقه اشيلها رانيااا من يوم الي طببت الريوك الي ورادت تحجي وماخليتهاا ابتعدت عني وبعد ماحاولت تتقرب كوثر وسند بين يوم ويوم يجونا بليل تسياره ساعتين ويرحون بعد اسبوع وادخل الشهر الثالث وكل يوم يمر الفرحه ما تشيلني من اشوفه يكبر كل يوميه احس شي بسعاده ماحاستها ابد النساوه كتلتني ولعبان النفس اي ريحه اشتمها لازم اذب من راسي واي اكله اشوفها لازم اضوكهااا مره العصريه جنت كاعده بصاله وعمتي يمي اجه ع بالي الشعريه الي انحطها ع التمن من انسوي برياني واحط عليها ملح اوووف شلون تطلع بسرعه باوعت ع عمتي وكتلها هي ضحكت وكالت - ولج هاي غير مشتهايه اول مره اشوف هيج مشتهايه يحظي انتي مشتهيه مشتهيه اشتهي شي بي خير غالي خل انقط واحد من هذول الزلم الي مانشوف ركعت وجهم غير بليل ضحكت عليها وكامت للمطبخ اسويلي واني وراها كل ماريد اساعدها متخليني واتعيط بيه حمست الشعريه وحطت مي عليه ع ما نشف المي طلعته حطته بماعون والملح وياه كعدت ع الميز وكمت اكل ركضت طلعت نومي وكمت اعصر واكل وعمتي صافنه عليه واتهز بيده واصيح الله واكبر جيل هلوكت حتى بمشتهايته يختلف واني اضحك عليه مسحت الماعون مسح عمه ماكو داعي اتغسلي للماعون بعد ههههههه - اييي غسلتي انتي بس بطريقتج نادره منو مثلج ههههههههه طبت كوثر وبناتها عليها - ها ها عليمن اضحكون ضحكونا وياكم عمتي : انتم شنو طلعتكم وماخلصت منكم كل يوميه ع كلبي جايين ماعدكم احساس وذووق - هههههههههههه هاي منو عمه الي كاعد تحجي لا ماصدك - انجبي لج غير كاعده اخذ دور العمه القويه وانتي اني اعلمج جيبي اذا ماطلع الدلال هذا من خشمج ما اسمه دلال كوثر : الله الله الله شنو هاي عمه صالي ١٦ سنه مزوجه عدكم وهاي اول مره اعرف اسمج دلال لالالا ميصير هيج ونصيفه ماصاللها كم شهر راسا كلتي اسمها خياااانه - ههههههع امشن ولن امشننننن واليوم العشه عليجججج كوثيره - هههههه تتدللين عمه من هاي العين لهاي العين طبينا كعدنا بلستقبال وسوالف وضحك وشقي همست كوثر الي - انصاف اندليت خوش مره تاخذ خيره شنو تكولين لو نروحلها - و الله يا ام همسه صالي شكد انحاول اني وياج نطلع صارلنا شهر وعمتي الله يطيها ماتخليني حتى اكوم من الفراش - اي والله شلون شيخ عرفت من النت والله وكلها تحمد بي بس اخخ من عمتج - عمتي لو عمتج هاا - لا عمتج خيه اني مره طالعه ومستقره ببيتي - هااااااا اصيحهااا تجي اسمعج عم - اشش ولج تردين اخذ رزاله من سند هههههه بقينا كاعدين سون عشه واتعشينا رانيا طول الكعده ساكته وما تحجي شي بس مبين عليها ضايجه من شي مرت يومين وجنت ناويه اروح للدكتوره مالتي بس الصبح كعدت ع صوت هوسه وصوت سند يصيح دخل يووووصل والله اني اعلمه صاير زلمه براسي واذا الجبير هوو مايعرف يصرف وكل تصرفاته غلط بغلط مرته صاللها شهر من دخلت مستشفى وابنه راد يموت لو ماا معجزة رب العالمين وهو يخابرج يكلج اريد اطلع للبنان علمود الشغل كولي السند خل يشوف واحد يشتري السياره اريد ابيعهاا لو ماا السياره مايشرررف النا ومناك ويطلع الى لبنان ال***** - صخااام ولك يمه اخوك الجبير لا تغلط عليه - ولج يمه فورررني مايعرف يخابرني ويكلي لو ماعرف يخابر ويطمن ع مرته وابنه شبي هذا ابنج شبي اشك اذا طلع صاااحي واحد مخبببل والله العظيم اذا طلع صاحي شتردين اطيج انتي شلون متحملته متكليلي اتخابري كل يوميه يكوم يصيح عليج وين صايره يايمه ولد يصيح ع امممه لان تخاف عليه واتخابر تتطمن عليه وين صايره زوج يعوف مرته وابنه الي هستوها حامل بي وراد يوكع حتى ماتعب نفسه وسئل عليهم وهسه يريد يجي يبيع السياره ولوما السياره مانشوف خلقته مناك ويطلع والله اذا صار بيه شييي من وره هذا ابنج المخبل العار - بقيت صافنه اوول مره اشوف سند هيج عصبي ويصيح بقيت صافنه شنو نصر يريد يطلع الى لبنان زين ليشش وشنو السببب زين واني ماسئل حتى شلوني بلا يطبنييي طوب ابنه حتى مسئل عليه وهسه ع كولت سند لو لا السياره ماجان راح يجي زين ليششش بقيت كاعده واحس راح انفجر من كد مافكرت زين شنو قصده سند من كال يصيح عليج يمه يعني نصر يصيح ع عمتي لاااااااا مستحيل ماصدك لان اعرف نصر شكد يحب امه ويعزهااا ومستحيل يصيح عليها بس شبي سند شبييي بقيت حايره وماعرف شنو بيه ولا اعرف شصار لحد ما سمعت صوت بطرمه الغرفه مالتي شباكها ع الطرمه والصوت اجه منها ركضت علي وشفت نصر هستوه طب واتلكته رانيااااااااا جوري : مرت الايام واني مريضه وكل ما اذكر ضرباته الي اتخبل منو هو ويمد ايده عليه بابا ما مادها عليه تالي هذا يمدها عليه ماعرف شصار بيه واحس كل يوم ارجع لوره يمكن لو لا اهلي جان انتهيت من زمان هم الي سبب ببقائي عمار خطب رسمي وكلشي يصير بعد دورة السنه مال عمو ابو عمار بس مجرد حجو بيها وقرو الفاتحه بيومها شبعت بجي ولاول مره بحياتي ارسب بماده جان عدي امتحان عربي وماقريت اي شي او قريت بس بالي مو يمه بالي جان يم الي قرو فاتحة خطوبته ع غيري وراح ينزف بعد كم شهر لغيري وتسجل باسمه الشخص الي عشكته وبيومها شبعت بجي ع عمار وع الدرس الي رسبت بي عمار اعشقه من جنت طفله وعمري ٨ سنوات جنت اشوفه البطل الخارق الي ينقذني اني وانصاف من كل مزق نوكع بي ياما جنت اتعارك ويه بنات المنطقه وحسن يرزلني بس عمار يدافعلي ويكله عوفه خل تتمرجل ويصير براسها خير هههههه وحسن يجاوبه اي مو ناقصنا احنى هي تتمررجل واحنه ندفع فصول ويبقه الجدال والنقاش عالي وينتهي بفوزي اني لان حسن ميكدر العمار ابد وبكل مره عمار يقنع حسن بشي واني اباوعله بنظراتي الحلوه واعتبره فارسي جان ياخذني ويرجعنا من المدرسه اني وانصاف ويشترينا الحلويات مره جان عمري بيها ٩ سنوات وبعد يوم عن عيد ميلادي واصير ١٠ جنت متعاركه بلمدرسه ويه طالبه طلعت شعري منكوش والصدريه متحوله من سودا الى بيضا والحال حال استقبلنا عمار بطريق من شافني اخترع وطفر - هاي شنووو ولج جوجه هيج تستقبلين السنه الجديده من عمرج بهذا المنظر خرب راح هيبتج يااا جوجه انكتلتي حيييل اقصد لااا وسفه ليش هيج - باوعتله صفح وصحت اسكت انت لا اطلع حركتي بيك اني اعلمها هاي زهيران بت ام يحيى تضربني كدام البنات جنها فيل ماكل الغابه كلهاوصاير شسمنه حتى الفيل اضعف منها ثوره بقره بسيطه عبالها القوه بسمن ماتدري اني زلمه وراي زلم اشك حلكها وحلك الخلفوها - ها ها هاها ها يمعوده ع كيفج صار بيها شك حلوك خل اشرد لا ينشك حلكي هههههههه صرتي اتخوفيين يابه - ععماااااار الموضة المطلقة، يجب أن يكون لديك أشياء لا تزال تفتقدها - عيوونه بس هاا اني رايح وباجر تجيج هديتج خويه جواد ههههههههااي عافني ويركض وانصاف تضحك عليه وعلي وصدك ثاني يوم جابلي هديه واحلا هديه لحد لان محتفظه بيها سلسله صغيره ناعمه اتخبل فزيت من افكاري كمت طلعت السلسله من العلبه الي حافظه بيها كل ذكرياتي من جنت طفله لحد لان اخذتها وطلعت ماماا - هاا يمه - يوم رايحه اشوف خالتي ام انصاف انصاف وصتني اشوفلها شغله ناسيتها ببيت اهلها من اجت باربعين ابوها وكالت اخليها يمي باوعتلي صفح وكال كعدي هسه اروح اني وياج - يووم اريد ارجع اقرا عدي امتحان رايحه وانتي عود تعالي وراي طلعت وعفتها تجي وكبل لبيتهم دكيت الباب واجاني صوته منووو ماعرف شصار بيه بمجرد ما سمعت صوته صوته الي مشتاقتله بكد الدنيياا كلهاااا فتح الباب بقه صافن بوجهي دقائق وبعدين كال اتفضلي اتفضلي اسف بس معبالي انتي - عادي مصار شي اجيت اخذ شغله وصتني انصاف عليه - اي اي تعالي تفضلي البيت بيتج طب واني وراه صاح يمممه - ماكو داعي عوفها اذا نايمه راح اخذ الامانه واطلع - اها ماشي اني بره بلحديقه اخذي راحتج عافني وطلع للحديقه رحت شفت خالتي ام عمار نايمه عفتها وركضت للحديقه امشي واباوع ع شكله وكلشي بي ضهره طوله همست عمار دار وجهه عليه بسرعه ودنك - هاجوج جوري كولي اعيوني نترست دموع لان عرفته راد يكول جوجه وهذا لقبي من جنت اصغيره جان ابد مايصيحلي باسمي كله جوجه وكفت كدامه ومديت ايدي اله بيها السلسله الي جابها بعيد ميلادي ومن صار عمري ١٠ سنوات - عمار تذكرها موو - وشلون انساهاا حجاها وابتسم صفح - هزيت راسي لعد تذكر كلامك من كلته الي همس تذكره لو اعيده الك من اطيتنياه كلتلي احتفظي بيها زيين لان هسه ماكدر البسجياه بس اوعدج راح يجي يوم والبسجياه تذكرر غمض عيونه حيل وهز راسه بمعنى اي - لعد وين وعدك يا اما تلبسها الي وما راح انزعهاااا ابد لحد ما اموت يا اما تاخذها صفن بوجههي دقائق وبعدها كال - شلون البسلجياها وانتي ماتحلين الي - لعد اخذهااا اخذت ايده ولئول مره بحياتي االمس ايد رجال غير ايد اخوي وابوي حطيتها بايدي وباوعتله هذه امانتك اخذهاا والله ومحمد وعلي وياك ولا تنساني خليني ذكرى حلووه وا واخت حجيتها كوه باوعت ع عيونه جانن مدمعات هاي ثاني مره اشوف عمار هيج بوفاة ابوه وهسه مكدرت اتحمل اكثر عفته وطلت اركض شفت امي هستوها طالعه من بيتنا شافتني وكالت ها اخذتي الي كالتلج عليها نصوفه - شنو هي هااا اي اي اخذتها عفتها و طبيت لبيت وركض للغرفه ابجي ليش هيج يباوع ليشش مو خطب ليش احس نظراته مليانات حب مرت الايام عاديه مابيها اي شي يتغير حسن ياخذني ويرجعني للمدرسه وهذاك البغدادي ماشفته بعد ابد بيوم جنت كاعده وطب حسن يركض كامت امي اله ولك شكو ماكو ميحجي جر اسلاح بابا وطلع يركض وامي كامت ادك وتلطم ع راسها واني انصنمت ماعرف شسوي انصاف : من شفت رانيا ونصر اووف يانصر شكله تعبااان ضعفاااان حيييل ولحيته طولانه وحتى الصلعه مالته طالع بيها شعر خفيف انصدمت من شفته هيج اول مره هيج اشوفه واعرفه شكد يحب الاناقه بقيت اباوعله فتحت الشباك حتى اسمع صوته مشتااااقتله موووت وسمعت رانيا وهي اتكله - نصر خويه سند هنا وعصبي حيل وخايفه لا تتعاركون واصير طلابه روح ومن يطلع اكلك - لا والله ليش شكالولج عليه اني مره واخاف واشرد من اخوي وشبي عصبي - ماعرف بس اجه عصبي ويصيح ويغلط ويفشر و - اووكفيي اووكفي عليمن يغلط ويفشررر ولجج - هاا هيج انسه فدوه والله اذا عرف مثنى يذبحني انسه - لج احجيييييي عليمن غلط وفشررر -ئئئئئ عليك عليكك - عليه منو موجود احجيييييي منو جان موجود - ئئئ الكل بس عليك الله نصر لا تكول اني الي كل عافها وطب ومبين من شكله عصبي كلش دكيت ع صدري الله لا يطيج رانياااااا راح اتخلين الاخوه تتعارك يبووووو عليج طلعت بسرعه وصالت طلعتي ويه دخلته من شافني بقه يباوعلي ونزلت اعيونه ع بطني بس بسرعه دار عيونه ومااهتم ولا حتى سلم واني ادموعي نزلت وحده وره الثانيه سمعت صياح سند ونصر والمشاحنات بينهم هذا يرفع وهذا يكبس هذا يعاتب بي وذاك يصيح مالك دخل بيه هاي حياتي وهذا شغلي والي ماعاجبه ماضاربه ع ايده ومخلي جبر انصدمت من كلامه وفتحت عيوني ع وسعهن من سمعته ماحس غير سند ضاربه بوكس - لك تضربنيييييي اني اخوك الجبير تضربنييي - اي نصر اضربك ونصصص اذا اجاوزت بكلامك يمكن ابوي الله يرحمه ماعرف يربيييي ابنه الجبير - لاااااا ياااا ***** وماحس غير سند بلكاع ونصر فوكه وعمتي اصيح واتفاكك بيهم وكوثر هم ورانيا والبنات يبجن واني واكفه مصدوومه باوعت ع اختي بحقددددددد ردت اصيح وافضحهااا والي يصير يصير بس ماكدرت لان اصلا نصر بعده ماخالص من هذا السم بقيت ابجي وعمتي وكوثر يفاككون بيهم وهم واحد يرد الضربه للثاني اخر شي كوثر كمشت سند هي وبناتها ونصر صاح بصوت رج البيت رج - امشيييي اطلع بررررره امشييي …… يتبع ،،،،، وللحكايه بقيه ،،،،،، | ||||
|
| |
|
06-12-20, 03:43 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت السادس عشر بقلمي#نور الشمري #ياخوي صعبه الوكت يبعدنه آنه وياك وسفه اعلى الوكت وشلون يبعدنه شفت الموت صدك من عني جافيت ونخيت الزمن كونه اليوم يجمعنه.... انصاف : لحظات من اصعب اللحظات الي عاشتها هاي العائله اخو يضرب اخوه ويطرده من البيت بعد ما جانو واحد ساند الثاني وبعد ما جانو روح وحده اصدقاء قبل لا يصيرون اخوه كعدتهم ضحكتهم سالفتهم كله سوه واليوم اليوم يطرده من البيت سمعت صرخت عمتي وهي اصيح يبوووو ولك نصر يمه شبيك تطرد اخووك واني بعدني عااايشه اذا متت شلون يجوز اتكتله وتخلص منه يبووووو يبووو عليه ولك سلماننن الحك ابنك وشوفه كاعد يطرد باخوووه وين جنا وين صرنا ،، رحت عليها بسرعه عمه كافي حبابه لا اسوين هيج بنفسه حالة عصبيه وحجاها لااا اديرين بال حجيت كلماتي وماحس غير كمشني من معصم ايدي وجرني حييل وكفت كدامه وهو عاصر ع ايدي احسه حتنخلع من كد ما ضاغط عليها همست نصر ايدي نصرر - انتيييييي منو وتدخلين هااا منو انتي واتكولين بحالة عصبيه حجاهااا لج انتي شنو واتقررين وتحجين بمكانيييي لجج باوع ع امه وكال يممه سند بعد مايعتب باب بيتنا اله ع جثتيييي تردين اشوفي روحي اله وشوفييي صارر مفهووووم سند : مع الاسف والله انت اخوي الجبير مع اللاسف متوقعت بيوم من الايام راح انحط بهيج موقف انت الي جنت ازامط بيك واكول احزام ضهري واخوي الغالي بمكان ابوي هاي تاليتها لان احذرك من الطريق الي كاعد تمشي بي لان عاتبتك عايف مرتك وابنك اليي ياااما قللو من رجولتكك وكالو عقييم ابنك الي تنتظره سنين الي عالجت وسافرت وحطيت العدك والماعدك علموووده اليوم هذا وينه هذااااااا جان يحجي وياشر عليه سند حيل حقاني وعصبي مثل نصر بس بتفاهم وبوعي يحسب حساب كل كلمه يكولها قبل لا ينطقها شخصيته حلوه وقويه رجع كمل كلامه وهو يباوع عليه - اني رايح يااا ابن ابوي وامي يا حزام ضهري وسندي رايح واتمنى ما يجي يوم وتتندم ع هذا قرارك لان بساعتها ماراح اسامحك خليك هيج بهذا قساوتك وظلمك ولو مامزوجيك هواااي احسن شنو ذنب بت الناس كوومي كووثر ماعدي كعده بعد هناااا ويحرم عليه الطب لهذا البيت ليوم الدين حجه كلماته وطلع وامه لحكته وتحجي وتبجي وهو يسكت بيها ويبوس راسها جنت ابجي ع هذا الموقف ودعيت اييي دعيت ع اختي لاول مره بحياتي ادعي عليها لان عملتها مااا ينسكت عنها اول شي سحرته وبعدين بعدتته عن اخوه وشتت العائله الي صارلله سنين هي متماسكه طلعت كوثر اجر اذيال الخيبه وبعيونها هواي حجي تقربت عليه وهمست باذني - ديري بالج ع زوجج ترا اختج مو هينه واعرف هي سبب العركه من نظراتها المشمته طول عمرها ما جانت اتحبني ديري بالج ع روحج وع البيبي باستني وطلعت واني الدموع تنزل عشره عشره احس ضهري انكسر طبت عمتي وبنظراتها الانكسار والخيبه والتعب والحزن الله يساعد كلبج يا عمه عائلتج الي بنيتيها من اسنين اليوم اختي هدمتهاااااا طبيت للغرفه لكيته يبدل جان نازع القميص وبس بلفانيله ماهتميت اله عفته ورحت ع الجربايه سويت روحي ملتهيه بلفون بس باحقيقه بالي كله يمه اجذب لو كلت مافكرت بي برغم من كلشي مكدرت ما اخطف النظرات واباوعله جان يمشي ويبدل بكل اناقه وهدوء كانما ماصاير شي ابد ومثل كل مره وزيه الرسمي بنطرون رصاصي طوخ قميص ابيض وستره رصاصي فاتح جنت اراقب كل حركاته وكل خطوه يسويها كد ما مشتاقتله حتى يمكن لو عيوني تقيس جان قاسن حتى وزنه ههههه انتبهت عليه لبس الساعه الي اشتريتها اله مره من طلعنا بشمال وحبيت اشتري شي اله واشتريتله ملابس ع ذوقي وساعه بس الملابس لحد لان مالبسهن ابتسمت ودنكت عدل لحيته ومشطها بلمشط دار وجهه عليه واخذ جنطه جانت ع الجربايه بيها ملابسه واني طول الوقت جنت كاعده واسوي روحي ماهامني شي بس جذب والله حسيت بعطره قريب عليه رفعت راسي واكف يم نهاية الجربايه ويباوعلي عيونه حمر دم مثل ماجان قبل يضبط همس بدون ما يباوع بعيوني - شلونه الطفل - ابتسمت برغم من سؤاله الجاف والقاسي بس فرحني انه اهتم بي وسئل عليه واطاني امل اسحبه الي وارجعه مثل قبل همست واني اباوعله زين الحمدالله هز راسه ومشه اخذ غراضه ووصل للباب قبل لا يطلع دار وجهه عليه باوعلي وهمس بصوت كوه سمعته حتى شكيت بروحي سمعت غلط - ديري بالج عليه وعاف الغرفه وطلع واني كاعده مصدومه سؤاله صدمني وفوكاها يكلي اهتمي بي شكد جان جاف بحجيه وقاسي بس كل هذا ماهمني فرحتتت حيل لان اهتم ولو بسؤال طلعت يم عمتي وبقذت اهدي بيها واطمنها يرجون مثل قبل واحسن بس اتعدي هاي الفترا وهي تهز براسها عرفت نصر راح يبيع السياره مالته ويطلع للبنان ماعرف شكو وشعده وليش بايع السياره جنت كاعده بطرمه وصافنه مشتاقه لعمار وبيتنااا ومشتاقه الايامي اليعشتهن هيج وكت جان يجي بابا من الشغل وجايب وياه شغله كد ما جانت بسيطه بس فرحتهاا جبيره وتعادل كنوز الدنيا الدنيا مغرب وصوت القران يرن باذني كمشت بطني ورفعت راسي لفوك وهمست بابا لا تنساني بدعاء انت قريب من رب العالمين ادعيلي حتى اكدر اخلص نصر هةمن هذا السم لخاطر طفلي طبيت للمطيخ والدمعه بعيني حتى للدكتوره مارحت اليوم خليتها ع باجر شفت رانيا اسوي بلعشه وادندن بلغنيه باوعت عليها صفح وهمسه فرحااانه بخراب الاخوه انتي شنو من بشر هي نزت وباوعتلي بخوف وحجت بكلمات متقاطعه -ئئئئ شتحجين انتي شنو فرحانه وفراق وشنو هل التمسلت هذا - تمسلت الله عليج رانياا تمسلت صار الكلام اتقدمت وصرت كدامها وجهه بوجهه وهمست الها هذا وجهج البريئ لا اطلعي كدامي لا كشفت وجهج الحقيقي يا خيتيولو ماتستاهلين هلكلمه تدرين ليش لان الاخت شي عظيييم تدرين شنو يعني اخت لو لا الانسان بهذا الدنيا يحتاج احد يتكلم وياه باسوء وقت ايعيشه وافضل وقت وماراح يلكي غير الاخت الي يسولف الها كل شي وهو مايندم ويعرف انه اخته ماراح اتخذله بس انتي شنوو انتي خاينه وحده وصخه وانانيه مايهمها غير نفسها وبسسس تدرين الاخت الجبيره هي الام الثانيه وهي الصديقه وهي الروح بس اني ماعرفت هذا الشي اني حتى امي خذلتني وخانتني اترجه منج شي زين هههه رانيا عوفي نصر بحاله افضل الج والنا كلنا لان شكد ما تمر ايام وسنين راح يجي يوم والكل يعرف هذا الشي وصدكييي محد راح يسامحج وساعتها تصفين بشارع ع الاقل سويلج ششغله زينه كملت كلامي وعفتها وطلعت من المطبخ واحس كلبي مكسوررر كسر مرت الايام تركض ركض محد يعرف بحملي غير بس احنى عمتي ماقبلت اطش الهبر واي احد يجي اني بغرفتي والي يسئل عليه اجاوبهم يم اهلها جانت اتخزف لا تخسر حفيذها وابن ابنها الجبيرالي جانت تنتظره ايام من نكعد سوه واسئلها ليشماتكولين الاحد عن حملي يكون جوابها - يمه شماتت نصر هواي وعيون الحسد هواي اذا اكلهم حامل راح يضربونج بعين وهو جان عقيم وبسرعه حملتي منه ولا سامح الله عيون الحاقد بسرعه اتاثر وهو منا الطفل وضعه مو تمام وكوه لازكي هههههههه - ههههه اي بصمغ ابو عصاتين هههههه - اي يايمه واخاف اخسره واني ممصدكه راح اشوف جهال نصر قبل لا اودع - عمرج طوويل عمه صدك جذب - حبيبتي سمعيني زين بس ادخلين بشهر السادس ونعرف وضعه زين ساعتها اطش الخبر - انشاءالله عمه - اي والله واكسر عيون الي رفضوو وقللو من هيبته -حبيبتي عمه الله موجود اهم شي صحتج صحت عمتي جانت بنازل منا نصر وغيابه المطول ومنا سند الي ماطب البيت بعد من ذاك اليوم طبيت بشهر الرابع وقررت اروح اشوف جنس الجنين جنت حيييل متحمسه وفرحانه بس بيه قهر كد الدنيا لان نصر مو يمي وصار شهر وهو بلبنان يعني شهرين هو بره البيت وماعرف عنه اي شي الموضة المطلقة، يجب أن يكون لديك أشياء لا تزال تفتقدها رحت اني وعمتي وجانت كوثر وسند ينتظرونا هناك طبيت للدكتوره وكوثر وياي طبعا لان الدكتوره هي نفسها دكتورة كوتر وجانت اتراجع عدها من تحمل طبيت وكوثر وعمتي وياي حجت وياي واخذتني لل سديه اتمدد ووحطت الجل ومشت الجهاز ع بطني وهي تباوع ع بطني واتهز براسها باوعتلي وابتسمت وكالت زوجج شنو يريد زلمه لو بنوته - كلمته ذبحت بيه اخر صبر جنت متحملته وهمست والدموع تلمع بعيني - اي شي اهم شي تمام الخلقه مو مهم شنو - اويي فدووه ياعيني لج ام همسه تذكرين من جنتي تجيني واتكليلي فدووه بشريني ولددد ههههههههه واني اكلج لاااا بنوته اموره وانتي تفرحين ههههه برغم من شكد جنتي مشوقه للولد - الحمدالله ع كلشي دكتوره وهاي الله رزقني هسه والله وكيلج لو ضاله ع البنات هواي اشرفلي ههههههههه - ههههههههه خوش لعد اي ماماتي لعد اريد البشاره حامل بزلمه خشششن ع ابوه وعمه هههه حجتها وعمتي هلهلت فرحانه كمت مسحت الجل وكعدت كدامها كتبتلي ع مقويات وكالت استمري عليهن هو الطفل احسن من قبل بس هم يحتاجله مقويات عمتي : دكتوره شلون وضع الطفل - الحمدالله خاله احسن بس مو معناها تشتغل وتفتر مثل ما وصيتها قبل اي شي ماكو واتمدد ع ضهري فد شهرين وانكول تمام ابتسمت الها وشكرناها وطلعنا كوثر بشرت سند وهو ضحك وكال - الف مبروك ام ابراهيم صار لازم ادور انصيح ام ابراهيم بعد هذهو - هههههه الله يبارك بيك رجعت للبيت وعمتي هم خلتها غنسه وماكالت لاحد عرفت من مثنى نصر جان من لبنان صاله فوك الاسبوعين بس هو ع الحدود هسه بشغله ولسه ويطول بعد جان كل الي يسئل عنه انجاوب بشمال بمحله وهو صدك بدهوك فتح محل وحط بي عمال ثقه فل الكل يضن هو هذا شغله الاساسي ويكولون يرادلنا روحه لدهوك انشوفه مرت كم اسبوع رانيا ما انطخ بيها بيها ابد واستغربت من عرفتها اتريد اتروح لاهلي عمتي كالت ترحين كلتلها لا ماريد اروح واكابلهن واكعد استغربت لان من اربعين بابا من رحت الاعلي وهسه صالي كم شهر مارايحه الاسود لحد لان ما نزعته لان ميطيني كلبي انزعه كلبي جان ناغزني من روحة رانيا لان عرفت سحارتها الحقيره من طرف امي وهناك تروح اجيب واني افور نار خابرت كوثر اتكر عليه وكووه قبلت عمتي اطلع اخذتني كوثر وطلعنا لمره معروفه سئلنا عليه ودلونا دكت الباب كوثر واني مجلبه بيها حيل خايفه فتحت الباب مره يطلع عكرها بداية الاربعين بس شخصيه لابسه دشداشه زيتوني والشعر اسود شادته كوثر : السلام عليكم حظرتج ام ريان - وعليكم السلام اي نعم اني وصلتو تفضلو دخلتنا واني مجلبه بكوثر حيل وهي تخزر بيه - ولج فشلتينا هسه المره شتكول علينا اسكتي - سكتت ووخرت عنها المره من شافتني هيج ضحكت الي وكالت اتفضلو هسه اجيكم طبينا الغرفه جانت مليانه صور ائمه واهل البيت وريحتها كلشششش طيبه وحلوه واكو صينيه بعيده ماعرفت شنو بيها دخلت المره متوضايه واخذت جادر من يم الصينيه ولبسته وباوعت ع كوثر وكالت اتفضلو حبيباتي بيمن اساعدكم كوثر : والله ماعرف شلون احجي بس هو حمايه مسويله سحر اول شي سحر محبه ماعرف ايش علمود يقبل يزوج وبعدين سووله سحر كره مدري شنو والله ماعرف بس حاله انكلب 180 درجه سكتت المره وباوعت بعيوني ضلت دقائق هي صافنه بيهن وبعدين كالت تعاي كدامي حبيبتي رحت كعدت كدامها حطت ايدها ع بطني وابتسمت وكالت - هذا الطفل وجهه خير بس وراه هوواي اشياء وراح تتعذبين من وراه هووواي بس مع العسر يسر ومفتاح الفرج هو الصبر بنيتي الشاب الي حجت عنه الاخت هو زوجج مو صفنت عليها شاون عرفت اني حامل وشلون عرفت زوجي وكوثر ما كالت هزيتلها راسي واني خايفه وارجف باوعت ع كوثر بعيونها اطمائنيه وهزتلي راسها باوعت ع المره وكتلها اي - اخذت ايدي وحطتها ع القران وكالت شنو اسم زوجج واسم امه باوعت ع كوثر ضحك وكالت همزين عمتي ذاكليوم كالت اسمها جان ضلينا حايرين ضحكت عليها وجاوبت المره نصر الدين ابن دلال بقت ايدي ع القران وماعرف شنو ضلت تحجي وبس شفتيفها تتحرك وتباوع بعيوني وخرت ايدي وفتح القران انتبهت ع ملامح المره عكدت حواجبها وبينت ع ملامحه هواي اشياء مكدرت افسرهن بس نظراتها خوفتني - حسبي الله ونعم الوكيل ماما زوجج مسويله عملين وعمل عكس عمل مثل ماكالت الاخت وهذا الشي اذا طول راح يضر بصحته واتخسروو والمره الي مسويه السحر وحده مشعوذه ومستخدمه اشياء وصخه بس زوجج عده ايمان صح قليل بس هذا ايماته القليل هو الي مخلي محافظ ع عقله وولولا جان من زماان فقد عقله من وره هذا السحر شوفي ماما البنيه الي رايحه ومسويه السحر كل همها هي وبس وهي قريبتج ومنج وبيج عدها مصلحتها وبس وماتكدرين تفكين هذا السحر ائله اذا ذبيتي مواد السحر الثاني ببحر عمييييق حييل - صفنت ع كلامه وهزيت راسي باوعتله وكتلها اعرف منو الي مسويته وهذا لكينا ويه الغراض هو الي تحجين عنه طلعتلها العلاكه الي اطتنياها كوثر من نقلت اغراضيي اخذتها المره وحطتها بلصينيه وبطاسه بيها مي وياس وفتحتها راساااا صاحت اللهم عفوك ورحمتك استغفر الله ربي واتوب اليك لا ماما مو هو وهذا السحر ما ماس زوجج تعرفين اذا مسه شنو يصير بي هذا سحر قوووي ومواده حيييل نكسه بس مو هو المطلوب راح اصرف اني بهذا السحر بس اكلج السحر ذاك ذااك حاولي اذبييي ببحر عمييق واذا بحر دجله يكون افضل حتى يبطل بس قبل لا اذبي لازم اترشين هذا عليه وادور اذبي بلبحر - اخذت منها علبه بيها شي ابيض صفنت بس وين راح الكي اني ويا سحر تحجي صفنتتتتت ايييي السحر الي لكيته بلجراره وحطيته بسطح ومكدرت احركه خاااله اذكرتتت اني مره لكيت سحر وحركته وبعدها لكيت سحرر ثاني وضميته كوثر الي كتلج عليه حاطتته بسطح فووك - اي يمه قريت هذا الشي زين سويتي وحركتي ترحين منا وادورين عليه زين واسوي الي كلته الج وماعدج غير طريقه الموضة المطلقة، يجب أن يكون لديك أشياء لا تزال تفتقدها وماكو غير هذا الحل وعافتني وسدت القران واني صافنه باوعت ع كوثر وهمستلها كوثر شلون اصعد للصطح واانزل السحر وتدرين الدرج ممنوع عليه وعمتي هم متخليني - اووف شلون لعد ماعدنا حل ثاني واني ماكدر اطب لان سند محذرني ومحلفني - جا شلوون - اوكفي يجوز ادزلج همسه ودليها ع المكان واني احاجيها - اي اي عفيه طلعنا من عد المره اكو بداخلي فرح ع خوف ان عرفنا شلون راح نخلص من هذا العله الي ع كلبنااا ماصدكت شوكت وصلت ذبتني كوثر وطلعت لبيتهم طبيت واني الوب شيجيب همسه بقيت افتر وحايره ماعرف شسوي طبيت مدتت ظهري لان احسه انقسم بنص واني ببالي الف فكره وفكره ساعه افرح وساعه اخاف وساعه اضوج وساعه ارتاح لان راح اخلص من هذا المرض ماعرف شلون غفيت واني انتظر همسه فزيت ع صوتها وهي اصيح - نصوفه عمه انصاف نصوفتي صفصف باوعتلها ضحك وكالت هلوو شلونج - هلو حبيبتي شوكت اجيتي - ها اها هستوني وبيبي عفتها اصلي - اصلييي ليشششش بيش السااعه - بـ 6 واذان المغرب ههههه - عزاااا تعاي تعاي ادليجع المكان كالتلج امج مو - اي سولفتلي كلشي ماشي دليتها ع المكان وهي راحت صعدت واني بقيت كاعده ع درجه الاولى انتظرها وصار الوكعه مالتي كدامي وخوف رانيا عليه اعرفها تخاف عليه واتحبني بس مصلحتها اهم ماتعرف هدمتني وهدمت العائله هاي بفعالها الشنيعه والانانيه مرت نص ساعه وهمسه ماكو نزلت تلهث وتحجي - انصاف كلشي ماكو كلببت السطح كلب ومالكيت شيمن الي كلتوه عليه - شنوووووو شنوو ماكو اني بيدي حطيته لا يالله زين السطح مرتب لو هوسه - لا مرتب وكلشي بمكانه لطمت ع صدري عزااا لا بس رانيا لاكيته من نظفت الصطح اذكرت مره صعدت فوك ومانزلت للضهر وراسا طبت لغرفتها وطلعت سبحت واجت اسوي شغل عزااا لا يالله لاااااااا - همسه متاااكده - ايي والله متاكده والله بجيت واني ضاع مني حبل النجاة الي اتمسكت بي راحت همسه واني شبعت بجي اتصلت بيه كوثر اتهدي بيه - شوفي طبي ع غرفة رانيا ودوريهاا - لا كوثر ماكدر مو هاي تربيتي حتى لو غرفة اختي مااطبلها وهي ماكو - شووو انجبيييي واكلييي وحل يااخت بلا الي ضيعت عمرج وشبابج من وره انانيتها لا تخليني اغرد واحجي - سكتت لان ماماره بهذا الموقف مامتربايه مثل تربيتي ضليت ساكته وسديته منها بليل سمعت عمتي تحجي ويه واحد واتبوس بي طلعت عبالي سند اجه وغير رأيه بس صدمني من شفته نصر مزين شعره الي طالع وراجعه الصلعه تلمع ههههه ومعدل لحيته وسمنان مبين مرتاح جان بلبنان الاخ اي ليش لا هاي لبنان انصاف اشكااااال تلكي سووه واكيد اكو حلوات وشبع عيونه عيونه شنو هاي اذا ماا لالالا يمه غير اذبحه باوعلي ودار وجهه وكال -يمه لعد وين البنات -ببيت جدهم يمه - هاا لعد مارحتي انتي هم باوعت عليه يقصدني هزيت راسي ماكدر اكعد هواي من ظهري عافني وطب للغرفه ومااهتم لكلامه اشتميت عطره من مر من يمي افيشششششش شكد مشتاقتله ومشتاقه لكلشي منه بدل ولبس تراكسود وطلع كعد يم امه واني كاعده ع القنفه ومدده رجليه وهو كاعد كدامي بلكاع وعمتي جواي بلكاع كباله لنصر كام يسولف الامه ع رحلته ويشوفها صور جنت فوك اباوع واسوي روحي اباوع ع التلفزون وما مهتمه و من بين الصور لمحت صوره اله واكو بنيه واكفه بصفه او ع بعد منه ماعرف لان بسرعه كلبهااا ضحجتت حيل وعرفت شعده رايح للبنان مو لشغل لو شي رايح يدور سا*** مثله عفته وطبيت للغرفه واني افور ناو اتمدتت ع الجربايه وهو طب باوعلي ودار وجهه واجه نام بصفي بدون مايحجي كلمه وحده مرت الايام ع هذا الوضع بره يسولف ويضحك ويه عمتي ومثنى ومن يدخل الغرفه يذبها صامت وايشي يريدخ ياخذه هو بيده وما يسخرني رانيا رجعت من بيت اهلي وماخليتها توصل للغرفه ابد بس هلمره جان مبين عليه حيل تعبااانه وشكله مقهور صح ماهتميت بسماطاني كلبيمافكر بيها وبقيت الوب عليها تبقى اختي الجبيره وماكدر بدونها دخلت الشهر السادس وردت للدكتوره وبشرتني وضع الجنين تمام التمام وماعليه شي بس ماكو حركه ودرج ونفس القوانين عادتهن عليه بيومها رجعت وعمتي قررت اسوي عشه وتعزم كرايبها وتخبرهم بحملي وهو بقه 3 اشهر واجيب ةهي هستوها راح اطش الخبر بطني كبرت وبرزت وصرت جني بطه قزمه وادعبل وكل الي يشوفني يضحك عليه حتى مرات جنت اشوف نصر من امر من يمه يبتسم ويهز براسه هواي حاولت ويه كوثر ورحنا لهوااي ونفس الكلام حركو لو اذبو بمكان يبطل بي السحر وماخلينا مكان ببغداد ما رحناله اني وكوثر وماكو فايده جنت ارجع ميته ضهري يصل عليه وبطني وامام راسااا ياله ارتاح وماكو فايده هو ما يمر يوم يزيد بعده عني ومايباوع عليه ابددددد ولا يحجي وياي الموضة المطلقة، يجب أن يكون لديك أشياء لا تزال تفتقدها بيومها لبست ثوب حوامل ومكيجت روحي فتحت شعري الي كصيته وصار لحد جتفي يخبل وسررررح شلت منا ومنا من النص ورفعته شويه وحطيت ماشات طلع منظري كلش حلوو سمعت صوت بره طلعت لكيت عمتي كاعده من شافتني ابتسمت واشرت الي اكعد يمها دخلت الاستقبال وشفتخالاته النصر وبناتهن سلمت عليهن لحد ماوصلت يم شهد الكل جان نظراته ع بطني ومستغرب هشي ومتفاجئ بس مو مثل مظرات شهد واستغرابها باوعتلي وكالت انتي حاااااامل ؟؟ عمتي صاحت من وراي عيننننج عيننج صليع النبي شهيده العين الي مااصلي ع النبي يفكسها انشاءاللههي فتحت عيونها وكالت - شنو القصه خالتو شكلت اني بس غير لان استغربت هشي واعرف نصر ميصير عده جه ماخليتها اتكمل كلامها همستلها - ومنو كال مايصير كالو عقيم بنسبه 100 بل 100كالو ماكو امل ومئيوس منه ترا اكول حالتهن ائيس من نصر والله سبحانه وتعالى يرزقهم مو بعد نصر اليجان نسبته 60 ووبعد الادويه والعلاج كدرت تنزل هوووواي وهذا الدليل كدامج هي بقت تباوعلي وكالنع الخير يتربعه بعزكم شنو جنسه اكيد عرفتو لان مبين جبير جاوبت عمتي وهي اتكوم - شنو شهيدان شو استلمتي بنيتي تعاي يمه كعدي هنا وارتاحي مو زين ع برهومي اذا اتعبين راح اصيح لهموسه اجيبلج عصير طلعت عمتي واستلمني خالاته من شوكت حامل وليش ماحجيتو شنو احنى مانريد نفرح واحنى واحنى واحنى احس راسي راح ينفجر من وراهن اجت عصماء يمي وكرصتني من زندي وضحكت - عليج الله شوفي شهد شلون لسه مصددومه من الخبر - هههههه ايي صافنه ورايحه بعيددد - ايي ولو شوفين شلون فتحت حلكه عشر امتار من كالت خالتي ام نصر مو زين ع برهومي والكل عرف جاي برهومي بطريق لج كلت راح تدخل ذبانه بحلكها كد ما فاتحته هههههه - هههههههخرب بيومج امشيي كومي بعدين تعاي شعجب هيج تحجين عنها وهي بت خالتج - يمعوددده ماطيقهااا ابدد لان احسها وحده خفيفه وزاحفه ع الولد والله لج ذاكليوم كاعده وادك حنج ويه اخويه وخطيه مرته كاعده وتبجي اتكول اكيد حاطه عينها عليهو مو بس هيج لجذاكليوم مكابله اخويه واتكله حبيبي وحياتي عبالكزوجها مو ابن خالتها دخل تولي ماعرف رجلها شلون قابل بيها -صدك تحجي هيج تحجي ويه اخوج -اي والله - لج حتى الشال ادقني من اتلبسه اشمره ع راسها وبس وشعره مفتوح من وره طالع ومن كدام طالع بس الوسط ضامته هههههههه شتحس بلا هههههه - هههههه هاي لو اني هيج جان عمار يسحل من جهه ونصر من جهه ويعلكوني بكل طرف بمروحه ويشغلوها ع ال 5 ههههههه - هههههههه خرب بيومجدباوعي شلون تخزر بيج - لج عصومه راح اكوم خفت والله من نظراتها -داكعدي يمعوده وشوفي شراح اسوي واخليج اتكومين انتظري عافتني وكامت واني ضليت وحديكاعده شويه واجت عمتي وضلت سوالف هي وخواتها وشويه واجو حمواتها عمات نصر ونسوان عمامه وبناتهن شويه وطبت عصماء تضحك صاحت انصااف - نصر يريدج يكول وين اخذتو مرتي عني ههههههكومي يمعوده لا يطب لهنا من كالت هيج فتحت عيوني صدك تحجي لو شنو معقوله هيج كال نصر حسيت بفرحه مو طبيعيه وطلعت اركض ممصدكه كلها تباوع عليه وع فرحتي وكومتي اله باوعتله وكلتلها ويننه ولجج وهي ميته من الضحك واسوي بيدها حركة الصبر - اخ يمه لج مو كتلج شوفي شراح اسوي هههه هاي حتى انتي صدكتي لج جذب اريد اشوف رد فعل هاي الحيه الحمرا هههههه - حمراا - اي مو شعرها احمر فحيه حمرا ههههه ضحكت عليه وطبيت لغرفتي عدلت شكلي واذكرت كومتي شلون جنت ممصدكه وطايره من الفرح شويه وطبت عصماء وهمسه يضحكن عصماء: اخ يابه لو شوفين وجهه شهد يمووت يموووت هههههههه همسه : اي اجت للمطبخ وتتلفت كتلها عليمن ادورين كالت سمعت نصر هنا وردت اسئله ع سؤال كتلها عمو جوه يم نصوفه بغرفتهم وهي عالت المطبخ وطلعت هههههههه - ولج ليش هيج اسون عيب والله بقيت احجي وياهن وطلعت دخلت الاستقبال كالت وحده من خالات نصر - شيريد نصر منج وليش مااجه سلم عليناا - ئئئ خاله راد محفظته وجان مستعجل طلع بسرعه حجيت كلماتي وسمعت شهد كالت - كلش راد محفظته لعد شعدج طبيتي للغرفه والطبه طبه عشتوو شنو ماشايفين عزااا احس روحي صخنت من كلامها شكد فشله شنو ما تستحي هاي كوه صبو العشه واتعشو وراحو لن روحي طالعه من هاي شهيدان كلساع وذابتلها كلمه وفوك كل هذا رانيا تربعت وكعدت بصفها ودك سوالف هي وياها حييل ضجت وكوثر ماكو احتاجيتها هواي بس عصماء وهمسه جانن وياي بكل شي من راحو طبيت للغرفه لكيت نصر مدد ع جربايه من شافني بقه يباوعلي جنت امشط بشعري واباوعله بلمرايه وهو ماشال عينه من عليه حسيت بامل يرجع مثل ماجان يمكن بس اسبوعين عشتهن بسعاده بس متاكده راح اعيش العمر كله بسعاده بس يرجع مثل ماجان اتمدتت بصفه ونمت بعد مابدلت اهدومي ولبست دشداشه قصيره وخفيفه ارتاح بيها اكثر بنوم كعدت الصبح واحس روحي دفيانه واكو شي محاوط جسمي رفعت راسي شفت نفسي نايمه بحظنه وجهي قريب ع ركبته وحاط اديناته وحده جواي وحاطه ع ضهري والثانيه ع خصري وبطني رجليه محاوطه رجليه وراسه حاطه بشعري ابتسمت ……… يتبع والقادم سيكون اصعب واوجع ايام لبطلتنا ،،،،،وللحايه بقيه ،،،،، قرائه ممتعه احبتي ماعرف البارت قصير لو لا لان كتبته بسياره وجنت طالعه وكتبته ع السريع لان ماطاني كلبي اعوف التعليقات ومادام اغلبكم راد يومين نشر بيوم استراحه راح يكون هذا قانون النشر الجديد يومين بيوم باجر استراحه هااا 😁😁 وغلسوو اذا اكو سحك لان ماصححت البارت لان كتبته بسياره هههههههه توقعاتكم وتعليقاتكم وتصويتاتكم #نور الشمري #نوشه | ||||
|
| |
|
06-12-20, 03:56 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت السابع عشر بقلمي #نور الشمري #ليتك تسمع ندائي........ أريدك حب لا ينتهي وعشق لا يموت وشوق لا يهدأ ولا يتغير أريدك أريد ان ارى صوتك في اذناى كلماتك رنين وعزف موسيقي اشتاق الي حضنك بلوعه من الحنين والشوق أريد ان استنشق رائحة عطرك في أنفاسي هكذا اعشقك انا؟ انصاف : رفعت راسي وصار وجهه قريب من وجهي ماعرف شنو صار بيه كل جسمي رجف واحس عيوني كوه فاتحتهن شي احساس غريب حاوطني ماعرفه شنو خفت لا يكعد ويشوفني هيج ياذيني برغم من الدفو والفرحه الي حسيتها بس مالي قدره اسمع او اشوف رفضه الي انسحب اني افضل الي حاولت اوخر اديه من ع خصري بس جان قابضهن بقوه حاولت اطلع رجليه الي عاصرهن وحابسهن بين رجليهه بس كذالك مكدرت رفعت راسي شفته فاتح عيونه ويباوعلي بستغراب عاكد حواجبه ومنا اثر النوم ع عيونه خفت منه ايي خفتتت وخرت ايده رجعها باوعتله بخزره وبداخلي خوف ابتسم وابتسامته محت الخوف من داخلي ابتسامته الي صاله اكثر من 5 اشهر مامبتسمهاا الي هلابتسامه الي سحرت قلبي وخلتني اسيره بين اديه بقيت ع حطيته ماتحركت بعد ولا هو بس واحد صافن بوجهه الثاني اتمنيت الدنيا هيج وتخلص اتمنيت الساعه هنا وتوكف اتمنيت واتمنيت واتمينت وكل هذا مجرد امنيات ماتتحقق واني سارحه بعيونه الي ذوبني ونسني خوفي من عده حسيت بدفعه قويه كلش انضرب راسي بتاج الجربايه باوعت لكيته واكفه يعدل ملابسه كمشت بطني راسا خايفه ع ابني احس راسي ألمني حيل من الضربه وهو ولا يمي اخذ خاوليه وطلع للحمام واني صافنه عليه وع القساوه الي شايلها نزلت ادموعي واحسهن جمر ع خدودي ماكدر اتحمل بعد يالله رحمتك رحمتك ياربي كمت بدلت هدومي وطلعت غسلت وجههي اليوم جمعه الكل بلبيت طلعت ع عمتي تلبس بجواريبها باوعتلها بستغراب - عمه وين رايحه - رايحه اجيب سمجات يمه للغدا لا تمدين ايدج ع شي هسه تكعد رانيا واتنضف ماشي هزيتلها راسي وهي طلعت شويه وطب هو الخاولي ع راسه باوعلي ودار وجهه حجه من وره خشمه وين امي - طلعت اجيب سمج للغدا تريد ريوك حجيتها واني انتظر جوابه بفارغ الصبر طول ماهو هنا جانت امه تخدمه ومن يشوفني بمكان يكعد بغير مكان ومايخليني اسوي اي شي اله باوع ع بطني ورجع كعد ع الميز الطعام وكال سوي - ابتسمت فرحانه السعاده الي احسها اليوم مو طبيعيه ابد يارب دومها سويتله بيضه مثل مايحبها هو وحطيتله كيمر عرب شكد ياكل من عده اكلته المفضله يمكن هههه يجيب كليو كامل يخلصه اخذت صمون من الفرن بعد ماحميته وحطته كدامه صبيتله الجاي واني بكل حركه اتحركها اراقبه بيها وهو كل ماباوعله الكه عيونه عليه ماشالهن ابد فرحت وسويت ريوك الي وكعدت اتريك وياه والسكوت سيد الموقف طبت رانيا وهي اطكطك بنعالها عبالك عروس من شافتني اني ونصر سويه ع الميز وداناكل ومحد يمنا فتحت عيونها ع وسعهن ودارت وجهه بسرعه سوت ريوك الها وكعدت تاكل كسرت السكوت وهي اتكول - اكول نصر الحليب الي جبته ذاكليوم للرزان كلش زين وماتنحست من اخذته ياريت ادلي مثنى ع المكان الي جبته منه حتى يجيبلها واحد - ماكو داعي اني هسه طالع واجيبلها كم واحد تردين - هااا جيب 4 هسه خاف الاكسباير مالتهن ينتهي هز راسه وهو ساكت واني اراقب بيهم عرفت رانيا شنوو من هل الحظه هي تريد اسيطر ع نصر مو ع البيت لان اذا سيطرت ع نصر راح تكدر اسيطر ع البيت كعدت غزل تبجي وجلبت برجل نصر اله تكعد بحضنه وهو يضحك وياها ويشاقه حطها بحظنها وكام يسولف وياها وهي تاخذ كيمر بلخاشوكه وتاكل اخر شي طاحت الخاشوكه ع بنطرون نصر هو راسا نزلها - لججج بت الزماال مو هستوني مبدل واريد اطلع غزل برطمت وهي تباوعله وهو يباوعلها بخزره وهي مبرطمه ورانيا تاكل ولا يمها اجيت ع غزل اخذها - تعاي حبيبتي اغسلج - ما احوح ييه عمو - وين ترحين ويه عمر عمو عده شغل ومايكدر ياخذج وياه تعاي انبدل وننتظر بيبي شجيبلنا وياها - ماااا مااا وعافتني وراحت ع نصر الي طلع هستوه من الغرفه مبدل ملابسه مثنى بلحمام جان غزل جلبت بنصر اله تروح وياه وهو عاط ع مثنى - لكككككك مممثنى تعاااال اخدهاا لاا اتخليني اطلع خبالاتي هسه مو اتخلف انت واني اتورط بيك وبجهالك - اييي شبيك من صباحيات الله تصيح نصر اتعودت ع الصياح احنه مو جنودك واطلع خبالاتك عليناااا تعااي بابا تعايي اني اخذج - ماااا ييه عمووو حجتها غزل وهي تبجي واني صافنه عليهم مثنى من يوم الي طرد نصر سند من البيت وهم علاقتهم مو شي قليل يكعدون سوه وقليل يسولفون ودوم مصايح بينهم ونصر الي جان اذا يريد يغلط ع وحده من البنات يكللها بت الصاك لو بت الحلو لو اي كله حلوه بس هسه ماكو كله بت الكلب وبت الزمال وطاح حظج وحظ ابوج وووو كومه جنت من اشوفهم هيج ادموعي وحدها تنزل من وره عملتها الرانيا لو ما انانيتها وطمعها ماجان اشتت هاي العائله وهيج صار بيها اخذ نصر غزل وطلع يشتريللها من المحل الي بصفنا كعد مثنى ع الميز وهو يدردم ع نصر ويحجي عليه اخر شي رفع راسه عليه وكال - خو ماا ازعلين لان كاعد احجي ع رجلج المخبل -ههههه لا انتم اخوه واكيد مو من كلبك تحجي هيج -اخ بوويه شهلللل نزااكه والطيبه هااي لج رانيا اتعلمي اتعلميي شبيج يحظييي اشو انتي اسمعين حماج يغلط ع رجلج اضحكين مكيفه وهاي مبين عليها ضايجه لان حجيت ع رجلها بس ماقللت من عدي اشك بيجن اخوات يحجي ويضحك واني اضحك وياه ع الواهس رانيا كامت وهي زعلانه رانيا : اي اي خليك انت دووومك اتفشل بيه ومايعجبك اي شي اسوي شكو ازوجتني لعدد اذا ماعجبك هاااا -هيييوووووو احتررمي لااا اكوملج شو انتي مدري شبيج وهاااي جديده مال شكو ازوجتنييي اذكرررج لو نااسييييي هااا اذكرج رانياااا خليني ساكت احسلج ولي عن وجهي ولييييييييي كلبببه صفنت عليه جان يصيح وحته دماراته طلعت من عصبيته وهي بين عليها الخوف راسا طلعت من المطبخ صراحتا استغربت هذا الشي لان اول مره اشوفهم هيج صح جنت اسمع اصواتهم بلغرفه بس مو هيج او يجوز هيج بس اول مره اصير كدامي ماعرف بس ع شنو صاح بيها اذكرج لو ناسيه بشنوو يذكرها معقوله رانيا وراها سرر لو شنو لازم اعرفه يجوز هذا الحل الوحيد الي اخلي رانيا تعترف وتبطل السحر او تطينيا عفتهم وكمت شفت نصر جاب غزل طببها وطلع وهي كامت تبجي وراه راسي احسه حينفجر اليوم من الصبح مليان مفاجئات ابتسامة نصر وبعدها قبل اسويله الريوك واكعد بصفه ومايصيح لو يرزل مثل كل يوم وعركة رانيا ومثنى وسرهم الي ضامي الموضة المطلقة، يجب أن يكون لديك أشياء لا تزال تفتقدها ضليت مدده ع ضهري اتصلت بكوثر وسولفتلها كلشي صفنت وكالت تدرين من البدايه شاكه بيها - شلون يعني - شوفي اعرف هي اختج بس الحقيقه تنكال انصاف اني من البدايه شاكه اختج مطيه نفسها المثنى قبل الزواج - شنوو شلون يعني كوثر مفهمت - يبوو عليج انصااف عمي الله يساعد نصر عليج هههه لج ثووله يعني صاايرر بينهم شي قبل الزوااج افهميييييي - صفنت ع كلامها وبعدين فهمته شهكت وحطيت ايدي ع حلكي واهز براسي لالا كوثر مستحيييل رانيا صح انانيه واتحب نفسهااا بس مووو لهدرجه هاااي - مادري انصاف بس كتلج الي شاكه بي لان من اجهه مثنى وكاللنا اريد اخطب بلبدايه محد قبل لان ابوه خاطبله وحده بت صديقه وهو عاند اله رانيا عمتي سئلته ليشش اله هي وانت تدري ابوك خاطبلك مره تدرين شنو جان رده انصصاف جان رده : هاي بعد يمه مو بيدي انجبر احبها غير يا يمه انصاف كلمة انجبرت محد سمعها غيري لان جنت واكفه وراه بباب المطبخ وهو اصلا مكملها ليش انجبر وليش كال مو بيدي انصاااف انتببي ع كلامه وبعد كلامج هذا اني اشك بعد اكثر - بس كوثر حته لو انجبر بس مو معناا مطيته نفسهاا مو لهدرجه هاي - زين انصاف تذكرين من حملت رانيا بغزل ماصاللها شهر من ازوجت واجت كالت اني حامل وحسب علمي هي جابت بشهر الثامن بس غزل مامبين عليها بشهر الثامن من اجت وهذا يكون اخطر شهر ع الطفل اذا جابت بي الام وقليل الي يعيشون بهذا الشهر وغزل من اجت جانت تمام التمام - لاا كوثر لااااا مااصدك مو لهدرجه هاي توصل بيها اني اعرف شلون اعرف الي صار بس ماصور هذا الحل وكل كلامج مامقنع -بكيفج حبيبه شوفي شرايج ترحين الامام ازورين وتاخذين نصر وعسى ولعل يتحسن حالته من يزور ابو الجوادين - ههههه كوثر شبيج شلون اخذه متكليلي وهو ما يباوع بوجهي ولا يسمع مني وتردين اخذه الامام - لج ثوله انتي كولي العمتي اريد ازور وهي تكيف عمتي واعرفها اتموت ع الزياره وهي تقنع نصر وهناك اطلبي من ابو الحوائج الي تردين مايردج والله اني ابني طلبته منه ومافشلني وره ماطلبته بشهر حملت ومن اخذت سونر وعرفت ولد متحسين بلفرحه الي حسيتها صح بناتي مكفياتني بس الناس ماترحم يا انصاف وخاصه عيال عمتي اهل سند كل مايشوفوني يعيرون كانما البنات شي مو زين والله شنو مخلفه 3 بنات وشبيهن اشو احلا وردات محلياتلي البيت بس الناس ماترحم وسكتتهم من جبته روحي وخلي كلبج نقي وصافي وطلبيها من ابو الجوادين مايردج - ابتسمت ع كلامها صدك اخت جبيره صارت الي كوثر عمره 31 بس مابين عليها ابد كانما عمرها عشريني بكلشي مختلفه بلبسها تفكيرها بيتها وكلشي احس الله دزها الي بمكان رانيا احسها صارت الي الاب والاخت والام اااخ يا امي شكد مشتاقتلج بس كلبج قاااسي عليه حتى ماتعبت نفسها وسئلت عليه فزيت ع صوت كوثر وهي تحجي بتلفون - هيي وين رحتي يمعوده ياام الغيره وياي - هههه اي وياج راح اشوف عمتي اذا اجت حته اكلها ع الزياره - ايييي وكليلها خل نصر ياخذناا حته اضل اتنك براسه لحد ميقبل عمتي واعرفها ههههه - هههههه مبين مجربتهااا - اووو كوومه من جنت اريد اطلع وسند ميخليني بس اكل العمتي وهذهو اعرفي بانفس اليوم اني طالعه -ههههههه خرب بيومج - هههه يلا باي حبيبتي وماوصيج ديري بالج ع روحج وع برهوم - انشاءالله كلبي سديته من عدها وطلعت لكيت رانيا مخلصه تنضيف وعمتي كاعده اسوي السمج رحت يمها كعدت رفعت راسها تبتسملي - شلون صرتي يمه - زينه عمه مابيه شي والله هههه -لعد احجي اعرفج هاي كعدتج وراها سالفه هههه - عزاا عمه شلون عرفتي - ههه اعرفكم واحد واحد هنااا اني ام واعرف الي يدور براس ولدي وانتن بناتي صرتن من طبيتن هلبيت وحفظتجن حفظ - الله يخليج النا ومايحرمنا منج مثل بابا الله يرحمه من جنت اكعد بصفه علمود شي وهو راسا يعرفني من عيوني - الله يرحمه حبيبه كولي شعدج ماماتي - ئئئ عمه شوفي اني ولا مره زرت الامام الكاضم وامنيتي هسه اروح ازوره بس ماكدر اكول النصر لان هلفتره تدرين بي عصبي صاير ومايتحاجه - ااااوووف اووف يانصر وليدي واعرفه بييي شي مو خالي والله اني هم بنفسي زياره بس يجي اكله ياخذنا هو وغصبنا ماعليه يقبل بس خل اشوف وقت فراغه وياخذنا وتتدللين بس مو موزين عليج المشي - عمه ماامشي هواي وبس اتعب اكعد ومايصيلي شي واني جايه الابو الجوادين - سلام الله عليه خوش يمه خل اخلص السمجات ويجي واكله ياخذنا اني وياج بست راسها وكمت بهذا البيت الله عوضني بعمتي بمكان امي وكوثر بدال رانيا شكد الفرق بينهن من السماء الى الارض ماكول غير الله يسامحجن رجعت اتمدد بلغرفه وادور ع شيخ لواحد يعرف بسحوره واسئله جنت هيج اخلص ايام مااخلي احد ماسئله بس محد يطيني جواب بي خير خلص الغدا واجه نصر والكل انجمع ع الغدا جمعه وكلها كاعده جان مكان بيت سند فارغ لان كل جمعه هم يجوناا واصير هيج لمه سوالف وضحك بس صار اكثر من 3اشهر هم مداخلين بيتنا ونصر ومثنى دوم مشاحنات ومحد يحاجي احد عبالك نار ونفط من يجمعون بمكان يبقه واحد يشمر حجي للثاني ولا كانما اخوه وعمتي الدمعه بعينها تلمع خلصنا غدا رانيا تغسل الماعين واني سويتلهم جاي ووديته الهم وعفتهم ودخلت للغرفه عرفت عمـتي راح تحجي ويه نصر علمود الزياره ماكو ربع ساعه وكبت الصيحه كمت بسرعه فتحت الباب شفت عمتي ونصر صياحهم واصل للشارع ومثنى يهدي بعمتي وعمتي اصيح الموضة المطلقة، يجب أن يكون لديك أشياء لا تزال تفتقدها - روووح رووح عالج نفسك ولك يمه شبيك شغيرر هذوله اخوتك الي جنت اشيلهم ع ضهرك وتفتر بيهم نسيييت نسييت لو اذكرك ياما جنت اشيهم وتطلع وتفتر ياما جنت تتعاقپ من ابوك ع شي انت ممسوي واتكول اخوتي حزام ضهري باجر عكبه هم يسترون عليه نسيييت من استغفرالله يلساني خليني ساكته يانصر الدين ياوليدي خليني ساكته اني رايحه انت اخوك طردته من بيت ابوك اني شسوي بيه اروح الابني سند وهو يداريني اضاهر ببيت رجلي بعد ماكو احد يريدني نصر : يممه انتيي مايعجبج احد انتي ماعدج غير سند سند سند سند سند كل كلمتين وصحتيي سنددد احنه شننوو ليش هلتفرييق هذاااا ليششش عدج سند وبس دووم ادفعيله واتحبي واحنه يايمه واحنه مو ولدج كافي اسوين تفرقه كااافي خلص كلماته ودخل للغرفه وعمتي دموعها نزلت ومشت بخطوات مليانه انكسار وحزن وطبت للغرفه مثنى يخزر ع باب الغرفه مالتنا بس ميكدر يحجي يعرف راح يطلع كل حركته بي رانيا واكفه بباب المطبخ تباوع باوعتلها بحقد ورحت العمتي شكو شبيهم اول تالي نصر يتعارك ويه عمتي طبيت يمها لكيتها تلم بلملابسها وتبجي -عمه شبيج لا تاخذين ع خاطرج من نصر ترا والله هذا مو من كلبه ولا بيده نصر دايواجهه اكبر معركه بداخله شغله هواي متعبه المشاكل الي بيها هوااااي شوفي عمه خليج ووالله بس يرجع نصر الي تعرفي واعرفه اني راح يرجع كلشي - لا انصاف لااا هذا مو ابني الربيته حتى لو جان عده مشاكل بشغله وحته لو جان دايعاني بس مو هيج مو يطرد اخوه مو مخليج 24 ساعه يرزل بيج وانتي مرته مو يرفع صوته ع امه ويصيح هذا مو وليدي الي ربيته وتعبت عليه خلي خلي يفيده عصبيته وعناده اكو واحد يكل الامه انتي اتفرقين ولج يمه كلمن اله معزته بداخلي هاي تاليته هيج يكوول جانت تحجي وكلبها مكسور ودموعها ع خدها اااخ يارانيااا اااخ الله لا يوفقج اريد ادعي عليج لحد مالله يستجاب بس كلبي مايطيني ليشششش هيج اسوين مو تطلع بيج باجر عكبه بناتج اسوي بيج اشكال حسبي الله ونعم الوكيل جنت اريد اسولف كلشي العمتي وارتاح من الهم الشايلته وابطل خفت خفت ماصدك وارجع اريد اكلهه ادموعها شكن كلبي شك وكوه صبرت وماكتلها انفتح الباب ودخل نصر مدنك راسه باوعلي وباوع ع امه كعد بصفها واخذ ايدها باسها ورجع باس راسها وهمس - عذريني حبيبه والله مادري شلون هيج سويت مادري شلون رفعت صوتي عليج ولا ادري شنو الي حجيته والله عذريني يمه هلفترا ماعرف شبيه مريضض راسي احسه طببل طببل ويدك بي احس راح يصير بيه شي والله يمه شتردين اني حاظر بس لا اطلعين من البيت زعلانه عليه كومي كومي اخذج للكاضم ازورج كوومي باوعتله عمتي ودارت وجهه وكالت - ماروح روح اطلع منا نصر - يلا سلطانه دلال بطلي ادلل ترا هسه اشيلج واطلع دكومي مو اسمج دلال وتردين تدللين عليه ترا اني ادلل مو انتي ههههه ضحكت ع كلامه يارب خلي دوم هيج ياللهي باوعلي وكال ترحين مو هزيت راسي اي وكلت بكلبي جا عليمن هذا كله غير حته اروح علمودك واريده من ابو الجوادين صالح عمتي وطلع واني كمت للغرفه بدلت ملابسي ولبست صديه مال حوامل وفوكاها قمصله كابوي لبست حجابي ماحطيت مكياج ابد اخذت عباتي وطلعت لكيت عمتي كاعده تنتضرني ونصر بطرمه كاعد طلعنا من باب المطبخ ورانيا تخزر بيه خفتت صراحه ايي خفت لا اتروح اسوي شي من جديد ومالي خلك لسوالفها هستوناا خلصنا من مشكله وجان هسه عمتي طالعه زعلانه ركبنا بسياره ومشينا طول الطريق هو عينه للشارع واني استغليت الفرصه وكمت اسرق منه نظرات اشبع عيوني بيهن شكد مااباوعله مااشبع ابد وصلنا وهو صف السياره باقرب مكان ونزلنا امشي بصف عمتي وهو كدامنا اخر شي كام يمشي بصف عمتي صارت عمتي بنص من شفت القبه نزلت ادموعي واني اباوع عليها ما اريد شي غير بس يشفي نصر ويطلعه من هذا البي ويبطل السحر جنت امشي وابجي واحجي ويه روحي وادعي هو يخلصه من هذا الي بي ماعدي غيرهم اهل البيت باوعت عليه جانن عيونه ع القبه وكفت كدامنا ودرت وجهي ع القبه وهمست بصوت شويه مسموع عدك الي يخلصه يابو الجوادين خلصه من هذا السم خلصه يابو الجوادين دخلت اني وعمتي من جهه النسوان وهو مشه للجهه الزلم جنت امشي وعيوني عليه وعمتي كلساع تسئلني تعبتي نكعد شلونج شتحسين اكو الم وجانت تمشي واتوخر النسوان عني دخلنا للشباك وجان عليه هووواي كلشش ماذكر شنو المناسبه بس جانت الهوسه مو طبيعيه واكفه بلباب واباوع ع الشباك وامنيتي اكمشه وادعي ربي واني قريبه من شباكه مااريد اي شي بس رجع نصر مثل ماجان جانن ادموعي تنزل وحده وره الثاني واهمس ربي دخيلك دخيلك ياا كاظم الغيظ اريد الصبر واريدها منك جانت اكو مريه من الي يشتغلن بلعتبه لابسه عباتها وواكفه قريبه ع الشباك اجتني وهي تسئلني - شبيج ماما محتاجه شي هزيتلها راسي وكتلها لا مابيه بس اريد اوصل للشباك وماكدر لان حامل وطفلي وضعه مو زين ماكدر اجازف ابتسمت وكالت تعاي وراي ماما اني اطببج واوصلج باوعت عمتج ادفع واتريد اتحاول تكمش الشباج همستلها بس خل اصيح لعمتي تجي وياي - خليهااا هي تحاول توصل والله مايرد ايدها اذا مدتها تعاي حبيبتي مشيت وراها وهيه سوتلي طريق ودخلتني يم الشباك وكفت وادموعي تجري همست بصوت مسموع واني كامشه شباكه ياكاااظم الغييظ سلمت نصر الك رجعه الي سالم رجعه الي يا مولاي وخلصه من هذا السمممم يااااااااالله ابتعدت واني ابجي والمره اتباوعلي طلعتني وكعدتني بمكان وكالت شبيج ماما وضعج مو طبيعي رفعت راسي الها واني ادموعي تنزل ماوكفت ابد - ليش هو شنو الي ببيه طبيعي ههه الي مثل حالتي يحمدالله عقله لسه موجود - خوفتيني سولفي حبيبتي يجوز اكدر اساعدج من كالت هيج رفعت راسي الها كلت معقوله الله دزها الي اييي شنو اسولفلج اكلج اختي وامي قنعني ازوج حماها الاختي وبعد ماازوجته اكتشفت ان هو مسحور اختي وامييي سحررررنه حتى يقبل يزوجني ورجعت اختي وعادت الخطا وسحرته مرة اللخ وهلمره خلته يكره يباوع بوجهيي شسوولف بابا مات ويمكن من وراهن اسولف شلون عائله اتخبل عايشه بسعاده واجت اختي هدمتها وشتتها خربت الاخوه وخلت الابن يرفع صوته ع امه وهو مارافع بيوم لو شنووو ماريد شي غير بس الكه السحر واخلص منه وارجع زوجي مثل ماجان ارجعه الامه والاخوته والعائلته حتى لو دفعت ثمنها طلاكي ياخاله اهم شي هو كعدت بصفي وهي تباوعلي واتهز براسها حسبي الله ونعم الوكيل بيهن الي تستخدم السحر هذه الله يغضب عليها ليوم الدين وماشوف سعاده طول عمرها الي اسوي هيج الله يعاقبها بلدنيا قبل الاخره يابنيتي وكلي امرج الربج وهو يحلهاا والتفتي لحلال المشاكل وهو يحل مشكلتج بس اكلج شي هذا الي طبيتيله وادموعج تنزل وكلبج ابيض مايردج واعرفي يجي يووم ويرجعلج زوجج واني متاكده ابتسمتلي وكامت بقيت كاعده شويه واجت عمتي - انكطع كلبي واني احاول اوصل الموضة المطلقة، يجب أن يكون لديك أشياء لا تزال تفتقدها - وتالي عمه وصلتي - اي يمه وصلت وزرت وصليت وانتي - لا اديرين بالي زرت اني اخذتني وحده من الي تشتغل بلعتبه -الحمدالله يلا يمه كومي كمت وياها وطلعنا احس براحه لان فرغت كل الي بداخلي بس ماعرف شنو النهايه لكينا نصر ينتظرنا بنفس المكان باوع ع امه وكال بس يجي برهومي للدنيا اجيبه واجي لان طلبة من عده يوم - انشاءالله يمه الله يطيك ع نياتك يابعد روحي ابتسمت فرحانه لان اهتم ببابني طلعنا وعمتي اتكلي شتردين اشتري لا تخلين شي بنفس حفيذي واني اضحك مريت من يم محل يبيع حلاوه شكريه مدري شسمهااا بس منظرهااا فدشي باوعت ع عمتي وهمستلها عمه لحظه هو راسا باوعلي وباوع امه وكال ها يمه محتاجين شي - اي يمه اوكف خل انشوف نصوفه شتريد باوعلي واتقدم بتجاهي وكال شتردين بدون ميباوعلي مدنك يطلع فلوس من المحفظه مالته همستله ئئ من هاي الحلاوه واشرتله عليه باوعليه بخزره وحجه من بين سنونه نزلي ايدج يمه من شفته هيج حسيت روحي طلعت متت خووف وعلي راسا نزلت ايدي ووكفت بصف عمتي وهي تضحك علينا اشترا الحلاوه وجابها باوعلي بخزره ومشه وكف اشترا حلويات وكرزات وسواهن ع 3 علاليك ماخله شي مااشترا ورجعنا جنت مرتاحه شويه لان ذبيت كل حملي هناك واعرف مايردني رجعنا للبيت واتلكنا غزل ورزان للنصر وهو يضحك عليهن شال علاكه واطاهن ياها وشال علاكه اطاهه الامه - يا ولك منيلي سنون اكل هيج مو تدري هسه بس اكل عليهن يكومن يصلن عليه - حجيه اكلي اكلي حته تطلعين حلوا باجر يجيج عريس من يشوفج هيج يشرد ومايرضه ياخذج شلون اضلين ع كلبنا - يا يا يا يا يا لا يااا سرسري كوووم لا بارك الله بيك ع هلحجايه - هههههههههههههه ع كيفج حجيه شنو السالفه شحجيت اني قابل جذب مو البارحه سمعتج باذاني نايمه وتردين حظن يدفيج - ياااا يااا ولك امشي ولي ادبسززززز مو هستوك زاير تتبله عليه - يمه ليش اتغلطين هسه اني حجيت جذب مثنى : هههههههااي هاي شنو يمه كمتي ادوري حظن تالي اليل انخوك راح ابوي شلون هسه اجيبلج عضام ابوي اطلعهن من الكبر واتحظنيهن وتنامين لو اجيبلج صديقي شلونه شاب بعده بلباكيت يخبببل ههههههههههههه جان يحجي ويغمزلها وعمتي اتخبلت وضلت اصيح عليهم وترزل وهم خربانين ضحك وكلساع يستلمها واحد من الولد وهي ترزل صراحه جان يوم كلششش حلوو حسيت براحه طبيت للغرفه نزعت ملابسي وحجابي بدلت وكعدت امشط بشعري ع الميز المرايه دخل هو بيده علاكه وكف بصفي شوي حط العلاكه كدامي ونزع ساعته ومشه للكنتور ماعرف ليش ابتسمت من سوه هيج وفرحت بان اكو امل بعلاقتنا واليوم اثبت هذا الشي طلع للحمام وطب سابح شغل السبلت وهو يمسح ع راسه باوعتله وحجيت بارده شكو مشغل السبلت لدنيا بردت لا تتمرض ماحاجاني مشه مشط لحيته وعدلها مسح ع صلعته وهاي الحركه لازم يسويها لا محال ومن يسويها لازم تكمشني الضحكه خلص واجه طفه السبلت واتمدد بصفي باوعتله كامش تلفونه اتمدتت بصفه وباوعتله بقيت اباوعله وغفيت وهو كدام عيوني واحس بامان وراحه مادامه بصفي اليوم جان حلووو لان كدرت شويه اطلعه من الي هو بي جوري : بيوم الي طلع حسن يركض وبيده السلاح امي ضلت ادك وتلطم لبست عباتها وطلعت للشارع جريت شالي وحطيته ع راسي وطلعت وراهاا لا يصير بيها شي شفته ركضت وره حسن وحسن جان يركض لبيت رضوان من شفته متجهه لهناك مدري شصار بيه ماعرف احس رجلي بردن وكامن يرجفن كوه كمشت امي وهدئتها وهي تبجي باوعتلي وصاحت ركضي روحي لعمار خل يلحك هذا المخبل راح يموت لو يموت واااحد من كالت هيج حسيت مثل الواحد وشمرو عليه مي بارد وصحاني يمه اخوي لا ياربي لا كلشي ولا اخوي عفتها وركضت لبيت عمي ابو عمار الله يرحمه ادك بلباب وابجي وارجف طلعت خالتي ام عمار من يوم وفاة عمو وهي مريضه وبلفراش ضعفت وحالها حال كوه حاجيتها وهي جاوبتني - يمه ماكو بلبيت شوفي راح للكهوه يمكن عفتها وركضت للكهوه واني ارجف وكفت بلباب اخاف ادخل وهاي اول مره ادخل لمكان مليان زلم دخلت وادموعي تنزل صار كدامي عمار وكف واجه عليه - شبيج جوري شكوو عمي ابو حسن بي شي عمتي حسن - بجيت واني احاجي عمار حباب حسن اخذ سلاح بابا وركض لبيت اهل رضوان مادري شبي - لااااااا يالله هذاااا طلع سامعنيييي وخررري وخررري طلع واني ضليت واكفه شبي هذااا رجع عليه يخزرني وصااح شكووو واكفه هنااا شنو عجبج المكان امشي ولي للبيت هسه اجيبه وارجع خفت من عده وطلعت بسرعه بس مارجعت للبيت ركضت الامي الجانت كاعده بشارع وادك وتلطم وتبجي واني اسكت بيها شويه وسمعنا صوت طلقه طلعت رجت المنطقه رج وكفت واني اباوع لا يالله لاااا كمت امشي بخطوات بطيئه مليانه خووف ورجفه وعايفه امي وراي تبجي حيل واصيح وصلت يم مكان الناس مجمعه بي جانت بباب بيت اهل رضوان باوعت ماكو احد بلكاع ولا اكو دم انتبهت اخو رضوان كامش سلاح وموجهه لفوك الحمدالله يالله الحمدالله عفتهم وركضت اطمن امي ورجعتها كوه للبيت واني وياها انلوب يمكن ساعتين مرن وطب بابا وحسن حسن باوعلي وصاح تعااااي وراااي جوررري خفت وكمت ارجف شبي خاف لان طبيت للكهوه لالا عادي زين خاف لان طلعت بشارع اوووو شبيه اني اروح واشوف شبي عفت بابا يهدي بأمي واني لحكت حسن لكيته بغرفته طبيت وكفت بباب الغرفه باوعلي وكال - شنو جنتي اسوي واكفه بنص الشاااااارع ويه رضووان افنددددي نزيت من صووته العالي وجفلت بس خوفي هذا مايعادل الصدمه شلون عررف معقوله عمار كله لااا يالله شكول فزيتتت ع صوت من عاط بيه احجييييييي - حسن حسن اسمعني حباب خل اوضحلك السالفه والله فاهم غلط كعدته ع الجربايه وكعدت كدامه وكامشه اديه احجي وابجي سولفتله شلون سئلني ع انصاف وهو عود يريد ياذي انصاف ومن هذا الحجي ولان صديقتها اجه يسئلني ولان هو يحبهاااا لهذا اجه عليها وعباله هي خانته بس هي ماتحبه وهو واحد ملعب وهي ماطته مجال واتخبل وراد يخرب زواجها ومن هذا الحجي بقيت اسولف واهدي بي وحلفتله بروح بيبي مايحجي هذا الحجي العمار لان اصير مشكله وهو فهم السالفه ارتاحيت لان كدرت اجاوز هذا الشي بس جنت خايفه لا يسولف العمار وتروح انصاف هاي اختي مو صديقتي بس جنت مضطره اكله مرت الايام و امتحنت امتحانات اخر السنه وعطلت وجنت ميته تعب كوه اقرا واروح للمتحان لان ماجان عدي واهس الاي شي كعدت شهر بلبيت واستلمت النتيجه مالتي ناجحه الحمدالله بس درجاتي جانن مو شي وهشي خله اهلي كلهم ينتبهون عليه واولهم ماما ضلت اتحقق وياي ايام ما تعوفني واني ماعدي غير عذر ماما نفسيتي تعبانه ماعرف شبيه وخايفه من السادس ومن هذا الحجي اعرفها ما اقتنعت بس ماكو بيدي حل عمار حب حياتي مو بسهوله انسااااا بابا سجلني بدروس تقويه عد مدرسات ومدرسين للسادس وكام حسن ياخذني ويرجعني فد يوم ذبني حسن وطلع هو للشغله واني دخلت للمعهد الي اخذ دروس بي شفت نصه مقفل سئلت الحارس كال اي ماكو دوام اليوم شنو ماشفي البارحه نشرو ع الصفحه مالتهم - لا عمو ماشفته لان ماعدي تلفون وانترنيت بس اخوي عده طلعت شلون بيه هسه لا عدي تلفون واخابر حسن ولا اكدر ارجع وحدي بعيد واكفه ووكفت سياره كدامي باوعت السياره اعرفها بس ناسيه وين لحد ما انفتح الباب ونزل منهاااا صاحبها من شفته فتحت عيوني ع وسعهن الحقير السرسري البغدادي الافندي مدري شسمه يا وبعد وياها مدري شنو نزل وجان لابس بنطرون اسود وقميص ابيض وستره سودا لابس مناضر وكف كدامي وكال - ايي سمعت ادورين عليه لان صالي شهور مامبين كلت اشتاقت واجيت حجاها وضحك خزرته وهو زادتت ضحكته وباوعلي ورفع اديه وكال - لالا اشاقه اجيت اعتذر منج واتمنه تتقبلين اعتذري طول الايام الفاتت وانتي ببالي ماكدر اسوي شي وماعدي عين واجي اواجهج الموضة المطلقة، يجب أن يكون لديك أشياء لا تزال تفتقدها جنت اضن وحده حالج حال هذني البايعات روحهن ويركضن وره الولد ويبيعن ثكل بس جنت غلطان واتمنه تتقبلين اعتذري سموج كال اخر كلمه وفتح اديه منظره صدك ضحكني بس جنت خايفه لا احد يشوفنا واحنا بنص الشارع - روح حباب احنه بنص الشارع وخاف احد يشوفني رووح - رايح بس مو قبل لا تكولين اي سامحتك - عمي اي سامحتك بس روووح حجيتها واني اتلفت خايفه ضحك وكال رايح بس هااا انتي من اليوم صديقتي اصدقاء بسس والله حجاها ورفع ادينا لفوك يضحك هزيت يدي واني ضايجه واباوع للشارع صاح شو ماعاجبججج ترا البنات كاتلات روحهن عليه مو عبالج بس غير اريد اريح ضميري باوعتله بنص عين وكتله واترحه هيج دروح روح بابا ضحك وركب سيارته وصاح خابري حسن لا اضلين هنااا واني راح ابقه براس الشارع انتظره لحد ما يجي عليج حجه ومشه هزيت راسي شكد حقير وهتلي وزااااحف رحت ع الحارس اخذت تلفوني وسجلت رقم ماما ماحافظه بس رقمها دكيت عليها وكتلها خل حسن يجي عليه لان ماكو دروس صدك شويه واجه حسن طلعنااا وانتبهت عليه صدك واكف براس الشارع من مشينا هو مشه ابتسمت وهزيت راسي هذا مو صاحي ابد انصاف : طبيت بشهر السابع والتعب زاد نصر جان شغله حيل مكثف علمود الترقيه والشغل مبين جان شكد صعب مرات اشوف بحاسبته اشكال المجرمين صورهم يدزوها اله ومعلومات كومه مجنت اعرف المعلومات شنو لان مجنت اكدر اشوف اله البس مناظري ومن البسهن هو يحس عليه ويكوم يغير مكان يبوو حته اني مرته ماعرف شنو من مهمه يطوه اخر فترا جان بيها ملتهي بشغله لهذا قليل يحتك بيه لو يصيح 24 ساعه لو مدنك ع الحاسبه لو طالع الموضة المطلقة، يجب أن يكون لديك أشياء لا تزال تفتقدها بس اتكررت الحال اكثر من مره من اكعد الصبح الكه نفسي بحضنه وبنفس النومه بس بمجرد مايكعد ينكلب 180 درجه رانيا بعيده عنها وماا الي دخل بيها كمت احاول احاجي شيوخ وساده واسئلهم ع السحر وهلشي وجان جوابهم لازم يشوفون حالته ياله يكولولي الي اسوي وشلون اخذه الهم بس جانو يعلموني ع اشياء اسويها علمود طهارة الغرفه والقران مرات هشي ينفع ومرات لا مره جنت طالعه من غرفتي شفت رانيا جوه الدرج مدري شسوي اجيت وراها هي راسا نزت وصاحت -وتاااالي ويااج انصاف كم مره كتلج بطلي هاي الحاله لو مضروب راسي بدرج وضلت للضهري هيج تحجي عليه وادردم طب نصر كامش راسه ومبين حيل ياذي باوعبي صاح بندوووول ااخ يابه راسي وانتي شبيج تعووين راسي راح ينفجررررر واني كركركركركر حته الجلب مو هيج يعوي مثلج هو كال هيج لو اني كمشتني الضحكه ماكدر بعد كوه ساكته لا انفضحح اطيته البندول ورانيا كامت تبجي وتحجي - اني هيج تحجي عليه نصر واتكول تعوين اني مثل الجلب رحمه الله والديك هيج اجازيني واني واني واني ضلت تحجي وتبجي ونصر كامش راسه ومدنك ع الميز مانقهرت عليها ابد لان اعرف هاي دموع التماسيح الي ماتمشيه عليه ردت اصيح العمه تجي اسكتها بس ماحس غير نصر كام ع حيله وضرب رانيا راشدي صوته رن المطبخ رننن …… يتبع ،،،،،وللحكايه بقيه ،،،،،،، قرائه ممتعه احبتي تصويتاتكم وتعليقاتكم وتوقعاتكمممم شنو راح يصيرر #نور الشمري #نوشه | ||||
|
| |
|
06-12-20, 04:07 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الثامن عشر بقلمي #نور الشمري #"قالت له بلحظة وداع : أهناك ما #تقوله نظر إليها بعين ساهرة وقال: أشتقت من الآن ♡ انصاف : بقيت صافنااا ع الموقف الي صار كدامي نصر وبكل قوه عده طبع اصابعه ع خد رانيا ومارجفله جفن صاح بصوت عالي رج بي البيت رج - امشييي ولييي عن وجهي حقييره زماله ااخ لو عدي سلطه عليج والله ثم والله اجنزج اجنزز اترادد وترد الكلمه بعشره مامترباااايه كلببببببه رانيا :تضربني موو بسيطه والله اله اخليكم كلكم ادفعووون ثمن هذا الراشددددي وانت اولهمممم اني الي بعمري محد ماد ايده علييه تجي حضرتك اتمدهااااا والله اله اخليك تفتر مثل المخبل رانيا جانت تحجي وكامشه خدها وعيونها تتطاير شرار من عدهاا من كد ماعصبيه نصر وكف ع حيله من خلصت كلماتها ورفع ايده يريد يضربها اجت عمتي تركض - لا يمه لا دخيلك بت الناس هاي شتكول لاهلها عوفها ودبراها عدي اني اني اخلي مثنى يربيها الك والله بس لا اتمد ايدك عليها واصيرلك سالفه - يممممه وخري عني خل اربيهاا الهاي السكط من شوكتت واحد يجادلني هيججج حماره والله ثم والله يارانيااااا اذا شفت وجهج هناا متلومين غير نفسججج امشييي اتهددني النعال بيج خيرررر روحي شوفيي رجلج وينننن ماويين مو جايه عليه حماااره دفع الكل وطب لغرفته واني واكفه مصدومه وماعرف شسوي رانيا راحت لغرفتها تركض تبجي وعمتي وراها تهدي بيها وهي بس اصيح حتى ع عمتي كامت اصيح وبناتها يبجن من جهه وهي من جهه جانت ضهريه والدنيا بارده ورانيا تصيح وتبجي وبناتها يبجن وهي تلم بملابسها واصيح ماابقه هنا بعدد ودوني الاهلي البيت الي انهان بي ماكعد بي بعد جنت واكفه يم الدرج والدرج صاير بين غرفتي وغرفة رانيا طلع نصر من وراي صاح - سكتيييييي اختج لا اجيهاااااا والله حجه كلماته وطبك الباب حيل واني صافنه هذا شبي هيج انكلب راساا طبيت للغرفه مالتها وسديت الباب اخذت غزل ورزان كعدتهن ع الجربايه واطيتهن العاب سكتن باوعتلها وهمست كااافي اسكتييي انتي شنوو متستحين عيب عليج مره شكبرج اتراددين وتدرين بي يتخبل من هشي وبعدين تعاااي باوعت ع عمتي اسكت بلبنات اتقربت عليه وباوعت بعيونها واني ابتسم صح خفت من تهديدها النصر بس مايهمني باوعتلها وهمست شنوو سحرج ما فاد وانكلب عليج لوو الاكسباير مالته خلص ههههه رانيااا لا تخليني هسه اطلع احجي كلشي وطز بيه وان طلكوني بس الاهم يعرفون انتي شنو بس تدرين واكفات هذني بعيوني واشرت ع بناتها هذني واكفات بعيوني ماكدر احرمهن من امهن وهن متعلقات بيج اللاسف سمعي زين ابتعدي عن نصر لا اتخليني اطلع وجهي الثاني الج يااختي لا تخليني هسه اسوي شي مايعجبج احسلج انطمي وكعدي بلبيت لحد ميجي مثنى وهو يحلها واياني اياج ترحين الاهلي اصير عركه شكبر من وراج كافي خربتي الاخوه وهسه تردين تخربين العائلتين كافيييي عفتها وطلعت وهي ضلت ساكته راح تخبلني تريد تروح العمار واضل اتالف من كيفها وشلون عمار مو عصبي ابددد طبيت للغرفه شفته كاعد ع الجربايه وكامش راسه كعدت بصفه وهمست اله تريد اجيبلك شي شال راسه باوعلي ورجع دنك همس جيبي بندول شو شنو راسي احسه طببل - هستوك اخذت مو زين تاخذ هواي باوعلي بخزره وكام فتح الجراره وطلع بندول باوعتله يابويه ع العناد الي عده اخذ حبايه ورجع اتمدد ع الجربايه كال - بــ 5 كعديني عدي طلعه هزيت راسي وطلعت واحس كلبي راح يطلع من كد مايدك سريع صاله فترا هو زين وياي يارب هدي عليه اخدت تلفوني وطلعت كعدت بصاله حاجيت كوثر وسولفتلها كلشي صار - شوفيي هاي خوش فرصه استغليها ودوري السحر باي مكان بلبيت لا تخلين مكان مادوري مادم راح اضل بغرفتها ماتطلع - زين وتهديدها ماشفتي شلون جانت تحجي وبكل شر -شوفي اذا راحت الاهلج معنى عدها شي بس اذا ضلت بلبيت لا تخافين من عدها هاي بوخه بدون سحرها ماشي سديتها من عدها وضليت كاعده طب مثنى يدندن هههه اي شلون راح تتلكاه رانيا ويروح كل هذا المزاج مالته من شافني رفع ايده يسلم هزيتله راسي - شو البيت هدوء خير - ههههه اي مو كبت العيطه - لااا عليج الله منو ومنو - نصر ورانيا روح شوفها يمعود كالبتها مناحه من الضهر لسه - اهووو ويه رانيا هلمره مانرتاح يعني شمر سويجه ع القنفه وراح طب لغرفته واني ضليت كاعده شفت الساعه صارت ال5 كمت كعدت نصر كعد بدون ما يحجي شي بدل وطلع واني بقيت كاعده بلغرفه مدده ضهري وسمعت عيطت رانيا ومثنى طلعت اركض اريد اعرف شكوو شفت عمتي كامشتها ومثنى يضرب بيها ويصيح يوم وخررري من عدي خل ابتلييي بيهاااا وخررررري - ولك يمه سمي برحمان شبيكم وياها اليوم عليمن هذا كله - يمممه كتلج وخررري سالفه بيني وبينهاااا شوو تعاااي جر رانيا من شعرهااا وقفل الباب عليهم وعمتي ادك بلباب واني واكفه مصدومه ماسمع غير بس صياح رانيا وهي تغلط واسب بمثنى وهو يزيد كتله عليها وعمتي ادك بلباب وصريخ البنات من جوه لحد ما مرت نص ساعه وطلع مثنى يلهث صااح - يمممه رانيااااا اذااااا ارجع والكاهااا بلبيت والله اذبحهاااااااا وحذرتكم اخذ اسويجه وطلع وهو يصيح ويغلط ويسب ركضت اني وعمتي ع رانيا لكيناها نايمه بلكاع وجسمها كله ينزف دم باوعت الحزم بلكاع ومشكك عرفته كاتلها بلحزام غمضت عيوني برغم من كلشي تبقه اختي ركضت جبتلها دشداشه وعمتي شالتها للحمام غسلتلها ولبستها الدشداشه الجبتها بناتها يبجن ورانيا ساكته مو من عوايدها جانت كاعده ولامه رجليه وساكته ع شنو العركه منعرف وع شنو كتلها هيج ماعرف وهاي اول مره اشوفهم هيج حته عمتي كالت عمري ماشفت واحد من ولدي مد ايده ع مرته وخاصه مثنى شصار مادري اخذت غزل ورزان وطلعت من الغرفه برغم من كلشي سوته بيه بس تبقه اختي وكلبي مايطيني اشوفها هيج بقيت العب بلبنات طبت عمتي الي وهي تحجي - كومي الاختج المخبله كاعده اتلم بملابسه وتكول دقيقه ماابقه هناا وخابرت ع اخوج طلعت بسرعه من الصاله ورحتلها رانيااا شداسوين الموضة المطلقة، يجب أن يكون لديك أشياء لا تزال تفتقدها - انصاف مالج دخل هذا واحد مخببل ماابقه وياه والله خابرت عمار وهسه يجي عليه ماابقه دقيقه هنااا - رانياااا لا تتخبلين وين جايبه الولد بهذا الليل انتي ليش مااا تفكرين جريت تلفوني وخابرت عمار اكله يرجع وباجر تعال وهو معاند اله يجي - انصاااف رانيا شبيها كولي بعمرها ماخابرت وطلبت مساعده من عدي شبيها اليوم - عمار داكلك ارجع للبيت فدوه الدنيا مغرب والطريق طويل وين جاي وعايف امي وحيدها باجر تعال واني افهمك كلشي - ماشي انصاف وطمنيني عليها - ماشي حبيببي سديته ورحت ع رانيا انتي مخبله تدرين امي وحدهااا تبقه بهذا الليل والدنيا خطره جايبه الولد بهذا الليل من واسط لهنااا عقللل عدج انتي - انجبيييي انصااااف وطلعييي من يمييي لا والله العظيم اسوي شي اخلي الكل يندم ع الساعه الي طببوني اني وياج لهذا البيت - وكفت مصدومه اختي مو صاحيه ابد اختي بيها شي عفتها وطلعت واني خايفه منها و عليها بقيت كاعده اوكل البنات واللعبهن طب نصر جانت الساعه ب 9 بليل - هاي شكوو شبي هذا،الخبل يخابر يكول راح ابات برا البيت من تولي هاي ارجع طبت عمتي وضلت تحجي لنصر كلشي وهذا صافن يهز بيده - يمه تدرين لا ابنج صاحي ولا جنتج صاحيه مدري شبيهم عبالك مخابيل وعلي مو صاحين تعاي عمو تعاي الله يساعدج ع اهلج اخذ غزل وطلع اشتراللها هي ورزان ورجع سويتله عشه واتشعه ونام جان هادئ هدوء مو طبيعي جان يوم مليان مفاجئات وهذا هدوء نصر خايفه من عده نيمت بنات رانيا يم عمتي ورجعت الغرفتي واني صافنه ماعرف ليش احس رانيا وكتلتها هاي وراها سالفه جبيره بقيت صافنه وحايره ماعرف شسوي غفيت ومادري بروحي كعدت الصبح ع صوت عمار اي والله هذا صوت عمار حبيبي اخويه ركضت طلعت من الغرفه وصار كدامي كاعد بصاله رحت عليه ابوس واحظن بي مشتاقتله كلشش صالي شهور ماشايفته وهو حاطني بحظنه ويضحك وياي طلعت رانيا ورااها 3 جنط من هذني الكبار فتحت عيوني هاي مخبله ماخذه كل غراضهاااا باوعت ع عمار وعمار باوعلي - شبيها اختج - ماعرف عمار هي تعاركت ويه رجلهااا بس مو معنى تاخذ كل هدومهااا - عوفيها عليه اني اعرف شنو وراها اخذ الجنط عمار حطهن بسياره طب نصر وبقه يحجي وهو وعمار ماعرف بشنو بس جانو يحجون بشي ومندمجين رحت ع البنات بوستهم اخذتهن وطلعت سلمت ع عمتي وركبت بسياره عمار اجه عليه عمار باس راسي وهمس - اي شي تحتاجي اني موجود ابد لا تكولين ماعدي اب اني ابوج قبل لا اصير اخوج ماشي هزيتله راسي وهو طلع واني اباوع ع السياره ماعرف افرح لو اضوج ع اختي بلكت يصير بيها خير واتوب من سوالفها هاي مر اسبوع شكد حاولت عمتي تعرف شبيهم وشكد حجت ويه مثنى بس ماجان يحجي اي شي ويكلها يمه سالفه بينا لا اديرين بال نصر صالله 5 ايام طالع بواجب وماعرف عنه شي لا اكدر اتصل بي ولا اكدر اسئل عنه لان اذا سئلت عمتي راح تعرف بينا شي بقيت كاعده ادور بلفون وطلعلي سيد بنجف ويعرف هاي الاشياء طبيت للتعليقات كلها تحمد بي واتكول شغله زين دزيته راسا لكوثر وهي هم سئلت عليه اهلها لان اهلها بنجف وكالولها كلش زين حاولت رانيا تقنع زوجها حته تروح بس ماقابل لان صاللها اسبوعين من رجعت من النجف من يم اهلها بقيت حايره شلون اروح اله هو مكانه قريب من يم الامام بس شلون اروح صفنت وكمت رحت العمتي كتلها داشوف احلام هواي واتخيل اشياء ومن سولفت هشي الكوثر كالت روحي للسيد هذا يسويلج حجاب عمتي خافت خطيه وكالت باجر اخلي مثنى ياخذنا ونروح اله اذا هيج بس خل اسئل كوثر عنه خاف واحد جدال هزيتلها راسي وطلعت بسرعه خابر و سولفت الكوثر كلشي ضحكت عليه - عزااا ولج طلعتي داهيه اتخوفين ماعبالي هيج هههههه امشي ولي ولج عمتي دادك خل احمد بجذبج هههه سديته من عدها وبقت عمتي اسولف وياها وكوثر اطمنها وع اساس من طرف اهلها جنت شايله هم شلون راح اسولفله حالة نصر وهي موجوده حته كوثر مو يمي واساعدني شكد ردتها يمي بس سند ماقابل من اجه مثنى كالتله عمتي وكاللها لعد حظرو روحك باجر اخذكم صدك ثاني يوم طلعنا قفلنا البيت وطلعنا جنت ضانا عمتي مخبره نصر لهذا مادكيت وكتله وخفت لا يعصب فسكتت واعرف عمتي ماتطلع اذا ماتكله طلعنا الصبح ومثنى جان عالك اغاني ويندندل بيها طول الطريق ومتونس اصلا ممبين عليه ضايج ع رانيا او شي عبالك خلص من عدها وصلنا للنجف ورحنا زرنا اول شي وبعدين رحنا للسيد جان اسمه سيد احمد مثنى يمشي ويسئل عليه والناس ادلي لحد ماوصلنا كال راح انتظركم هنا اني وانتم ادخلوو صدك دخلنا وجنت اريد بس عمتي تطلع طبينا جوه جان مثل البيت يخبل ودافي والريحه طيب اتعط بي دخلنا كعدنا بمكان شويه وطلع شاب يطلع عمره نهاية الثلاثين يمكن اكبر من نصر بكم سنه بس لابس عبايه سودا ودشداشه وعمامته ع راسه كعد وهو يباوع ع عمتي بعد ما سلم سولفتله عمتي الي كتلها عليه اني باوعلي وصفن بوجهي دقائق وكال سولفيلي الاحلام الي اشوفيها خيتي - صفنت شسولفله يالله واني حتى ماعرف شنو هي الاحلام الي اتخلي الواحد يسوي حجاب وينج كوثر خرب بحظي ع هلجذبه هاي بقيت ساكته واباوعله بخوف همست مااذكر شي مجرد مقتطفات من الاحلام هز راسه وكال حجيه ممكن اتعوفينا شويه عمتي بقت صافنه واني صراحتة هم خفت اضل وحدي هواي سامعه بيهم يستغلون الفرصه مثل هذول ويكومون يتحرشوون جلبت بعمتي وهي حسيت بيه خايفه هو ابتسم وكال حجيه لا تخافين هسه اصيح لمرتي تجي يمنا كام شويه ورجع دخل وراه بنيه تطلع عمرها عشريني كلش حلوه وبيضه ومدبدبه شويه لابسه دشداشه لون زيتوني وحاطه حجابها ع راسها ابتسمت واجت يمنا سلمت علينا وكالت - لا تخافين خاله هي بأمانتي بس اريد اسئلها سؤال ابتسمت عمتي وطلعت واني واكفه خايفه اخذتني من ايدي وهي اطمن بيه كعدتني وكعدت بصفي وهو كبالنا كال - احجي خيتي ولا تخافين من باوعت بعيونج وعرفت ورراج سالفه ومبين ماتردين عمتج تعرف هزيت راسي اله وهمست - اي عمتي ماتعرف بشي الي راح احجي وهو اصلا محد يعرف زوجي مسحور الي هو ابنها والي ساحرته اختي بقيت كاعده اسولفله كلشي وهو صافن عليه ويهز براسه سولفتله ع المره الي رحتلها اني وكوثر وكلامها وع كلشي يخص رانيا هز راسه من خلصت وكال حسبي الله ونعم الوكيل خيتي شوفي زوجج تعبان حيل بس محمي بجنود ( القصد من الجنود هم الجن الزينين الي وضيفتهم حماية هذا الشخص المرسلين اله ) لا تخافين عليه الي حامينا دازهم الرضا سلام الله عليه وبامر من الامام الكاضم شكد رحمتهم عظيمه بس سحره قوي خيتي ومادام هذول موجودين هو بمان بس لازم تخلصين من هذا السحر اني لو اكدر جان اجيته وخلصته من هذا الشي بس مثل ماعرفت محد يعرف بهذا الشي شوفي الي عليج شسوين اكو مكان ببيتكم بي دنكه وهلدنكه هاي بصفها كراتين السحر الي ادورين عنه موجود بوره هاي الكاراتين الموضة المطلقة، يجب أن يكون لديك أشياء لا تزال تفتقدها الي عليج بس اطلعي وتبطلين سحر واذا كدرتي اجيبي الي بس احسن - شلون اجيبه ماكدر هو اني لهنا وكوه اجيت علمني شلون ابطل السحر سيد واني اسوي ابتسم بوجهي - الله يرضى عليج الي مثلج بهدا الوكت قليل حيل اطاني مي وبي ورق صفار بي ايات ماعرف شنو كال هذا اشمري راسا ع السحر من اطلعي وماطولين هواي تاخذين رجلج وترحين الابو فاضل سلام الله عليه وهو يتكفل بلباقي والسحر اذبي باي مكان هناك وابو فاضل هو يحلها اني مجرد عبد مامور خيتي اذا تردين زوجج يرجع طبيعي بس اطلعين السحر تاخذي اللعباس سلام الله عليه حجه كلماته وكام وديري بالج احد يلمس السحر غيرج لحد ما اذبين المي الي طيتجياه عليه ابتسمت وكمت اشكرت من عده ومن البنيه الي جانت كاعده بصفي وتبجي ع حالتي - الله يحمي زوجج ويحميج ويوكف وياج واعرفي الله موجود وشكد ما الظلم يدوم لابد يجي يوم وتخلصين ردت اطلع صاح عليه السيد خيتي انصاف سمعي زين درت وجهي عليه واني خايفه نظراته تخوف - الصبر الصبر خيتي الصبر هو مفتاح الفرج كلشي راح يصير وياج اعرفي هذا امتحان ربج وعسى وان تكرهو شي وهو خيرا لكم صدق الله العلي العظيم حجه كلماته وكعد خفت من كلماته شنو قصده وليش هيج يكول عفته وطلعت جانت عمتي ومثنى ينتظروني كتلهم اطاني حجاب البسه وهذهو رجعنا لبغداد واني بالي كله بكلماته الاخيره الي شلتني شل وصلنا للبيت باوعت وين اكو دنكه وكراتين البيت ماكو بي دنكه وماكدر اصعد فوك واشوف واني متاكده حتى فوك ماكو دنكه ردت ادخل للغرفه سمعت صوت نصر بلستقبال هااااا شرفتوووووو درت وجهي عليه فرحانه لان رجع صاله اسبوع ماكو رحت عليه بسرعه اريد اسلم عليه خزرني وباوع ع امه وكال - ايييييييي يممه وين جنتو من صباحيات الله وهسه الساعه راح اصير 2 الضهر وانتم ماااكوو واني شنووو هنا مكررررن اطلعين انتي وياهااا ومحد ترفع تلفون وتكول احنه رايحين نلطم ع موتاااك انتن شنوووو - يمه شبيك رحنا زرنا واجينا ماتستاهل كل هذاا - ايي يمه بنظرج ماتستاهل بس بنضريي لااا تستاهل اجي للبيت صالي اسبوع ماداخله الكه امي ومرتي طالعين واني اخررررررر من يعلم الله الله شنو هاااي باوعلي واني واكفه ارجف خايفه اجه عليه جرني من شعري من فوك الحجاب وجرني للغرفه واني ابجي واحجي كامشه بطني خايفه لا يدفعني عليه وعمتي تتوسل وتحجي وهو ماكووو شفت الموت بين عيونه عيونه مابيهن اي رحمه جانن عباره عن نار يطلعن منهن شمرني ع الجربايه وراد يقفل الباب وكفت عمتي وهي تحجي نصر عليك بغلات ابوك لا اسوي شي اذا مو لخاطري وخاطر هل اليتيمه لخاطر الطفل الي ببطنها يايمه ماتنعاد باوعلي بغضب واني ارجف ادموعي ماوكفن وحاظنه بطني حيل وارجف عافنا وطلع واجت عمتي عليه شسوالج اتاذيتي يمه بيج شي - لا عمه مابيه شي حجيتها وشهكت بحظنها ابجي واشهك وهي اسكت بيه ساعه اتلوم بيه وساعه اسكت وتهدي بيه اخر شي كالت - نامي يمه نامي اني هم غلطانه ادري علاقتكم مو شي جان خابرته وكتله نامي حبيبه والصباح رباح عافتني وطلعت وجريتها نومه للفجر مادري بروحي كعدت ع اذان الفجر احس راسي راح ينفجر كمت توضيت وصليت من خلصت باوعت مكانه فارغ صرت ابجي من اذكر جان يريد يضربني لو شنو معقوله جان يريد يضربني بقيت نايمه ع السجاده ودموعي تنزل لحد ماحسيت الباب انفتح جوري : رجعت للبيت اول ما طبينا بشارعنا شفت عمار نزل من سياره ووياه بنيه مبوشه وبعد وياها مره جبيره بلعمر بقيت صافنه معقوله هاي خطيبته نزلنا اني وحسن وعيوني عليهم تلمع كوه حابستهن ماينزلن باوعت لحسن وكوه طلعت الكلمات من عدي وسئلته - حسن منو هذني الي دخلن بيت خالتي ام عمار باوع حسن عليهم ورجع باوعلي كال - بت الشيخ الي اطاها العمار خطيبته يعني اجن يحجن ويه خالتي ام عمار علمود العرس - وو الي مبوشه منو - مادري يمكن خطيبته شعليناا تعاي طبي طبيت للبيت والدمعه بعيني دخلت بسرعه للغرفه وضليت الهي نفسي بدراسه مرت كم يوم ماشفت بيها لا عمار ولا هذا البغدادي يامن افندي فد يوم جان عدي عطله كعدت متاخره وكفشتي شكبرها من وره الدراسه حته مالحك امشط بس تردون الصدك مو من وره الدراسه لا ماعدي واهس لأي شي بدنيا اصلا مجرد جسد بلا روح سمعت امي البارحه تحجي بتلفون ويه خالتي ام عمار و اتحدد خطوبة عمار بعد دورة سنة ابوه باسبوعين والعرس بعد شهر من دورة السنه وتقرييا بعدها 4 اشهر دورة السنه يعني بختصار بعد 5 اشهر عن عرس عمار واني اموت الف مره بليوم جنت كاعده اتريك وطبت عمتي اخت ابوي اتهلهل وتضحك واجت ع امي باوعتلي وضحكت وكالت ام حسن تعاي عدي سالفه وياج صفنت شبيها هاي كل عقلي كلت يجوز واحد من ولدها لو بناتها راح تعرس واجت ممصدكه لان هي ماشاءالله عدها 5 بنات و5 ولد مو بطن عبالك مدري شكو مسابق هي وضرتها ع الخلفه عبالك مسابقة المليار مو مال خلفه وحته رجل عمتي كاعد ع كرسي متحرك صاله 6 سنوات وهن وحده دتفع منا ووحده تدفع منا ههههه منظرهن يضحك من اشوفهن هيج ضرتها العمتي عدها سبع وولد وثنين بنات وهذيج اصيح عدي ولد اكثر وهاي اصيح اني مساويتله بتساوي عبالك شو شنو من ينجمع نشبع ضحك عليهن طبت عمتي ام زيد للغرفه مال امي هي وياها وضلن يبسبسن شويه وطلعت باوعتلي عمتي وعاطت - ماتكومين اتلمين هذني عطوبج شطول الوحده - مسحت ايدي ع راسي واني الم بشعري واهمس عمتي حبيبتي تدرين بيه دادرس علمود احقق حلم بابا وماما ومالحك حته امشط باوعتلي صفح وعاطت كوومي لج كوومي اليوم اسويج عروس وتدفع بيه وتضحك وامي واكفه بس مبين عليها ضايجه بس متكدر تحجي شي - اوو عمه وخري عدي دراسه مو وكتج هسه - انجبي لجج ومالج دخل اليوم يجون خطار واريد بت اخوي تطلع كمر - عمه ومنو كال اني راح اطلع الهم من يمتى يجونا خطار واني اطلعلهم مو 24 ساعه اقرا بغرفتي رحمه الاهلج عوفيني الموضة المطلقة، يجب أن يكون لديك أشياء لا تزال تفتقدها - انجبي ومالج دخل داكلج فتحت الكنتور وضلت اطلع بملابسي واتكلب بيهن وهي تضحك واسولف وياي واني مو يمها كامشه كتاب الادب واقرا بلقصائد احفظهن دارت وجهه جرت الكتاب مني وخزرتني وتااالي وياج مو راح تنعمين من وره هلكتب - شبيج عمه ع الاقل انعمي من وره العلم مو مثلج بتج 24 ع الفون راح تنعمي من وراه - انجبيييييي جورري لا تخليني اغلط عليج وهاج لبسي هذا الثوب خل اشوف امج عدها مكياج - ياااا عمه مكياجيش تردين حسن يعلكني بلمروحه انتي - جورررررري اخر مره احذرج اسكتين حجتها وعافتني وطلعت شمرت الثوب وكمشت كتاب الادب وكعدت اقرا مرت ساعه وطبت - عزا بعينججججج ولج اني ويامن جنت احجي ويه مطي خو مو مطيي مو كتلج بدلي لج يمعزايه الناس ع جيه الله ياخذ بشرى واخلص منها ضحكت بصوت عالي من كالت هيج بشرى ضرتها ههههه لج عمه المره يمج واصلتلج مو انتي تتحرشين بيها ليش ماتكعدين راحه - لج انجبي وكومي بدلي لا ابدلج اني والله باوعتلها بخزره وكمت جريت الثوب من عده من لا جاره وطبيت للحمام لبسته وطلعت وروحي طالعه جرتني مشطت عطوبي ع كولتها اقصد شعري وفتحت جنطه المكايج مدري مالمن وكعدت تمكيج بيه شالت شويه من شعري وحطتله فيونكا من ورا طلع حلو انتبهت ع روحي كلش حلوه طلعت شيصير لو جنت من نصيب عمار اوووووو جوري احنه مو متفقين ماكو رجال بعد اتفكرين بدراستج وبس جنت احجي ويه روحي وماحس غير بكرصه بزندي اوووي عمه شبيج - ووجعوي امشي طلعي الناس اجت استغربت عمتي شبيها اليوم طلعت شفت امي بمطبخ رحت عليها سئلتها يمه عمتي شبيها اليوم - يمه عمتج جايبتلج عريس -شنوووووووو يمه عريسيش لا تخبليني انتي تدرين بيه ماريد ازوجج ليش هيج اسوين - لج يمه عمتج وين اكدرللها اني وابوج ماكو غير تاكلني بكشوري كلت اسايرها ع مايجي ابوج وهو يحلها - يمممه ماطلع وانعل الساعه الي طبت بيها عمتي لهنا اني غبيه مشيت وره كلامهااا اطلعين اتكولين الهم ماعدناااا بنات للزواج لا والله اطلع اني واكلهم هلحجي هذااااااا وتدرين بيه اسويها طبيت للغرفه واني فايره نار بدلت هدومي ع السريع وغسلت وجهيي وطلعت يمممه طالعه لياسمين اني ادرس اذا ابقه هناااا مااحفظ كلمه ورراي امتحان جريت عباتي وطلعت واني فايره نار امشي واحجي ع عمتي ماازوج بناتها ولدها لو قوتها بس علينا لان امي ماتفتح حلكها وتحجي وتحترمها بس هي مو مال احترام دائماا هيج اني اعلمها والله دخل ارجع اله اكل البابا ع سوالفها هاي جنت اعبر الشارع واحجي ويه روحي وعصبيه ماحس غير بصوت بريككك قوي وشحطه وكفت مخروعه باوعت نزل ابو السياره يصيح انتي شنو طرررشه ماسمعين صالي ساعه ادك هورن الجج وانتي ماكو تردين تبليني وتردين وووو بقه يحجي ويصيح والناس انجمعت واني واكفه خايفه لا يجي حسن ويرزلني اريد اعتذر منه ماكدر اطلع الكلمه من عدي سمعت صوت وراي - نعتذر خويه منك البنيه اعرفها اعذرها مو صاحيه وعدهاا شويه طباكات واشر بايده ع راسه فتحت عيوني واني اشوفه هذا الهتلي يامن هيج يحجي عليه اريد احجي كلساع ويسكتني اعتذر من الولد وجر ايدي ومشه - هيييي جريت ايدي منه واني اباوعله انت شكو ومنووو وهيج تحجي عليه صدك الي استحووو ماتوو قليل ادب حقيرر وخر عني والله اليوم اكول الحسن عليك واشوف تاليتها وياك شنو جنت احجي وهو يضحك عليه اخر شي سمعت صوت حسن من وراي وهو يصيح جوررررررري انصاف : رفعت راسي شفته هو دخل نزع ساعته ومحبسه كمت اريد اتحرك ماكدر ضهري احسه متكسر كوه اتمددت ع الجربايه ورجعت نمت وهو بدل واجه نام بصفي قبل لا ينام همس اسف جنت عصبي كال هلكلمتين ودار وجهه عني ونام ماعرف افرح لووو شنو ماعرف شنو احساسي بهذا الوكت غفيت واني افكر بي واباوع ع ضهره وابالي الف فكره ابني دايكبر بداخلي يوم بعد يوم ويكبر حبي واشتياقي اله شوكت اشوفه والمسه ياربي ويصير مثل رزان وغزل ويكبر كدام عيوني ماصدك ياربي مرت ايام نصر مجاهلني واني من مرضه الى مرضه ونايمه بلفراش من هذاك اليوم وعمتي متخليني اتحرك ابد باجر ادخل بشهر الثامن اتصلت بكوثر ماحاجيتها من قبل لا نروح للنجف ورجعت تعبانه وصالي اسبوعين مريضه ضهري وافلاونز وعمتي تخاف عليه لا اصخن لان الصخونه مو زينه ع الحامل هيج كالت بقيت ايام بلفراش ماتحرك اليوم احسن خابرت كوثر وبقت تعاتب بيه لان ما خابرتها هلفترا ومن سولفتلها حالتي عذرتني سولفتلها ع الي كاله الشيخ راسا عاطت لجججج انصاف جوه الدرج اكو دنكه وعمتي حاطه غراض عمي الله يرحمه بكراتين جوه الدرج حتى لا يلعبون الجهال بيهن - صدك تحجين كوثر واني ماخليت مكان ماباوعت بي بلبيت - اي والله متاكده سديته من عدها وطلعت راسا باوعت جوه الدرج ممبين شي شغلت ضوه الممر الي بصف الدرج ومديت راسي صدككك هذه دنكه وهاي كراتين وهاي من هلجهه الحصه الي يجيبوها الولد اتحطها عمتي هنا بسرعه كمت ادفع بكراتين كووه لان اخاف اشيلهن كوه سحلتهن ووخرتهن وجان اشوف علاكه سودا بسرعه طلعتها وركضت للغرفه مالتي طلعت المي الي طانيا السيد وطلعت للطرمه عمتي داصلي والولد ماكو حطيته بلحديقه وشمرت عليه المي عليه واقرا ايات قرانيه وارجف وابجي خلصت وشديتهن واخذتهن لازم اروح الكربلاء لازم طبيت العمتي صبت غدا وكعدنا ناكل واني مالي نفس اريد بس اخلص نصر من هذا السم - عمه خل نروح باجر لكربلاء انزور حباابه - يايمه انتي باجر اطبين بشهر الثامن ومو زين عليج والله اخاف عليج - عمه والله ميصير بيه شي حبابه حبابه - ولج ذاكليوم رجلج رزناا لان طلعنا تردين هسه ننكتل وناكل خره ههههههه - ياا لاا عمه حشاااج هههه مو هيج بس والله بنفسي ازور قبل لا اجيب - يلا يجي واكل اذا قبل اخلي مثنى ياخذنا - لااااا اقصد لا عمه خلي نصر ياخذنا كليله انتي حبابه - الله كريم هاي اختج ماراضيه ترجع - لاا البارحه خابرت عمار كال معانده اله تتطلك اتخبلت - يااااا فلك طرها هاي تخبلت اخيتج شتطلك صاللها 3 سنوات مزوجه وتريد تتطلك وبناتها ترا انصاف من هسه اكلج بناتنا النااا واختج تحلم تاخذهن من كالت هيج ماعرف ليش كمشت بطني خايفه من كلماتها هاي خفت لا يجي يوم ويحرموني من ابني هم كمت للغرفه اتمدتت لان ضهري هلايام حيل يوجعني العصر طب نصر يصرخ وصريخه مو طبيعي طلعت اركض اني وعمتي عليه وهو كامش راسه ويصرخ - يممممممه راااسييييي اااخ راسييييي يممه راسييييي - ولك يمه شبيك سوداااا عليه ولك شبيك احجي شبي راسك بقيت واكفه فوك راسه ابجي ركضت فتحت القران وصرت اقرا فوك راسه وعمتي تمرغ بي وتبجي وهو يون من عده واني اقرا وابجي اجه مثنى ومن عرف راسا سنده واخذه للمستشفى ولل8 بليل ياله اجو كالو كلشي مابي ضغطه طبيعي وكلشي تمام سووله فحوصات وكلشي ماكو وهو نفس الونين الموضة المطلقة، يجب أن يكون لديك أشياء لا تزال تفتقدها طببته للغرفه اتمدد نايم عمتي كالت المثنى يمه هذا الولد اني ماعجبني دومه يشكي من راسه وحته تصرفاته صاله اشهر مامرتاحه اله شاكه بي مسحور هي كالت هيج واني وكع الكلاص من ايدي والكل باوعلي - اسم الله يمه شبيج اتاذيتي - ئئئ لاا عمه كلشي ماكو حجيته كوه وهي بقت تباوعلي بستغراب ومبين ماعجبها وضعي عفتها تحجي ويه مثنى كالتله باجر خل ناخذه وندخله البا عبدالله وابو فاضل سلام الله عليهم ومن نرجع ناخذه الشيخ بكربلاء اعرفه وهواي يسولفون بي ونشوف شبي من سمعت هيج احس رجليه خيوووط صارن وبعد ماكدر اوكف عليهن ……… يتبع ،،،،،،، وللحكايه بقيه ،،،،،،،، قرائه ممتعه احبتي اسفه ع التاخير بس والله ضرف صار عدي كلها انجمعت فوك راسي عمو مسوي حادث وبلمستشفى وهوسه وحالنا حال وفوكاها النت عدنا زفت ماعرف ليش النجف كلها هيج اتخيلو عبالي بس احنه رحت لبيت عمتي في سبيل النشر ونفس الشي وفوكاها الكهرباء ماكو ساعتين احنه بلا كهرباء وكوه كملت البارت بنص الهوسه والضلمه توقعاتكم وتصويتاتكم وتعليقاتكم #نور الشمري #نوشه | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
