مذاق العشق للكاتبه / نشوى سلطان "عراقية" ( مكتملة )

فيتامين سي · 05-01-20, 05:49 AM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( مذاق العشق )) للكاتبة/ نشوى سلطان قراءة ممتعة للجميع ...

فيتامين سي · 05-01-20, 05:53 AM

رابط لتحميل الرواية هنــــــــــــــــــا

#الحلقة الأولى....❤️

#بقلمـي_نشوى_السلطاااان

لا تسأل محب لماذا احببت ان الله يقذف الحب في قلوبنا

.. الحب هو حياة اخرى.. الحب لا يعرف زمان
ولا مكان ولا صغير ولا كبير.. الحب شعورر
جميل واجمل يكون ..اذا غامرت وتحديت الصعاب من أجل من
تحب.. هنا تكون لذة الحب أجمل بكثيررر من
كل شيء مااجمل الحب ومااجمل عذابه
االقصة حقيقية 🌹
باللهجة الغربية
ابو عدوان من ناحية العلم
.................................................. ..........

سعود.. نعم سيدي كالو المنتسبين تريدني جنت بره ماسمعتك...؟

.... ابو عدران يول يابة وينك جهز السيارة تا نمشي

امرك سيدي السيارة جاهزة وين النية اليوم..
عالبيت لو وين؟

لا خلنا نروح بيت ابو قصي
الزلمة عازمنا ومرتين صار يخابرني
ماترهم بعد مانروح..كتلو مشوار ونمر

.. اي حگ والله
.. عجل اني طالع اشغل السيارة تا نمشي
ابو قصي ..يولو الزلمة
خابرتو جاي وينها العنود ليش
ماجت وياج ها... يعني هاي
كل ما نخابرها هيج تشلع گلوبنااااا

.. هسه تجي لا تحتار
اني كملت الهبيط والسمج بالتنور
مابقى بس التمن والزلاطه عليش مستعجل

.. يولي الجهال اتعايط وراج
وحدج ماتلحكين لازم
تجي وحده وياج خابريها خل اتهير
واذا ماكو احد يجيبها اني امر عليها بس لا اتأخر

.. يووواش يواش كلشي عندك
بسرعه ادري خمو راح تنكلب
الدنيا اذا تأخر الغدة شويه مراح يصير شي
.. هاك اكضب مسره بين ماشوفها وينها
اكول التلفون يمك لو وين

.. شسوي بي عندي ...
هم كطت جهالها عليه .. طبي شوفي
وين يعني اكيد جوه

.. هيانو بس لا تصيح واللهً
زين البنت بعقلها ماتخبلت على صياحك

.. يولي لا تسولفين جثير
الزلمه بالطريق لا تفشليناااا اكضبي اللسانج
وسدي بسرعه خل تجي

.. اي اي ديدك بس صبرك العنود بتلت ويانه...
ويه عزايمك

ابو عدواان.. يول من نصل
عود اخذ مسواك ودي عالبيت ..
خابرتني المره واني بالدوام وماكدرت
اروح عاد لو جاي عدوان ولازم البيت ورايه ..ماجان بقيت محتاررر بس شنكول الحمدلله
عاد قسمتنا هيييج

.. ان شاءالله سيدي.. لا تهتم اني
عندك وعدوان يجي ان شاءالله
..، عجل اني عندك وتدكول ماعندي احد وسفه والله

.. اي كفووو يالذيب ادري بيك
حزام اظهري لكن تمنيت اشوف
عدوان يمتى يجي بس
اخ هالحظ الردي هذا مو مقسوم
النا اكول.. يوواش اووواش
لا تفوت من هين مكطوع الدرب...

.. العنود... طلعت من الحمام
شعري يكطر ماي على حس التلفوون
لبست كلبيتي وطلعت اركض يمةةة ماتسمعوووون التلفون يدك ادري وينكم مهجور الدار ...
طبيت نشفت اديه ...دحكت نجمة تتصل
.. يبووو اليوم شيخلني
من اللسان ابو قصي..
رفعت الخط هلا اخيتي
جايه والله بس صبر
عليه انتي ماكتيلي
من الليل غير تحجين احاجيها
ومافهمتهم شي مسرة
تعيط وابو قصي يصيح
.. يمعوده ماسمعج .. ...
هههه شبي شبي
ابو قصيح يزكح كوليه جايه والله جايه...
سديت الخط وطلعت اركض
يمه عباتي يبست... !

.. خير وين النيه وين تريدين تروحين يولي

.. يعني وين تدرين نجمة وعزايمهم ماتخلص ..

.. لا تبطين هناك ... منو يوصلج هااا ..!

ابو قصي.. هاااا وكت سوالفجن هم زين
من سديتنه اكلها اختصري تكوم تسولف
اااخ منجن النسوان شكثر تحبن الگرگة

.. عاااد بس انت وابو عدوان
.. هل احنا هم تسولف لو بس
انتو تعاليلكم وكهوتكم عامرة خل انتفتس شويه....
اسمع لا تكط عليه الجهال اخذهم بالحوش يمك
تره ماكدر عليهم شصيرررر

.. العنوود... شلت العبايه من الحبل..
طبيت الغرفتي... مشطت شعري لبست عباتي....
عالسريع... فتحت الكنتورر طلعت الكحل..
يووو عيوني بغير كحله ماتنراد...
مدري اني تعودت عليها...
خليت الكحل والمسكاره..
لفيت شالي... دحكت على روحي
بالمرايه.. هسه اني شبيه تكحلت
.. شو هو راح اروح اشتغل واغسل مواعين
...دنجت طلعت شحاطتي لبستهاا...
يمه راح اطلع اني .. العصر ارجع خمو محتاجة شي

.. لا تبطين خاف يجي اخوج يكوم يحجي تدرين بي شلونه

.. لا مايكول شي اذا كال كوليله ابو قصي
اخذها... واحد مايصير يطلع ايتنفس
يعني كلها اتحكم بيه .... فتحت الباب وطلعت تمشيت
عبرت من الفروع....

ابو عدوان .. دحگ الجسر
والماي شنون حلووو .. هذي القصور
سابقآ جانت روعه... ايام راحت ويا اهلها...

،،اي جسر العلم حيل حلو والمنظر بعد احلى
... العوجة هم حلوه

... اي حلوه قرية العوجة
سابقآ هم جانت تعبانه لكن بعدين صارت حيل حلوه
...اهلها طيبين مثل ابو قصي شفتو شلوون زلمه معدل
اكول اتركنا من هالحجي هذا شسويت ماراح تخطب بنت عمك
يله عاد عرس اريد ازفك بيدي

.. ههههه ياريت والله سيدي اعرس وانت حاضر لكن الگلب ومايهوى ... موبيدي

..، هاااا عجل اشوف انت كارص
اثاريك تحب.. وماتريدها!!

.. لا وين احب علواه
بس وداعت اخوك ماكو وحده التملة عيني

.. اييي وانت الصادگ تزوجت
مرتين وانت تعرف البير وغطاه
الاولى جانت رغبة الوالد.. والثانيه...
اااخ مدري شكول هي قسمه
عاد كلشي مقدر

.. يله بعدك شباب ماتريد تعرس وتجيب الثالثه

.. هههههه انت عاد تعرفني التكع عيني عليها اخذها اذا تكون
بأخر الدنيا اجيبها لو عليها فصووول

.. هههه كفو كفو والله گول وفعل

.. ماعليك زود
.. بس عاد هي وينها وداعتك مثل ماكلت ماكو حرمة
التملى عيني... خلني هيج احسن
... تزوجت مرتين بس اخ

.. اي سيدي افهمك هي مو بكثرتهن ...!

.. ايييي وكعت عل علة مو بكثرتهن...
اريدلي حرمة راهمه ماكوو
بس استخطيهن اكول الحرمة
ماالها احد غير زلمتهاااا
اكول احنا خذتنه السوالف
.. دحگ ابو قصي وربعو واكفين يرگبوو ن عينهم عالدرب بالباب واكفين
ول يابه اطبك السياره هين وانزل
وجيب وياك جراب المسدس... وتعال

ان شاءالله سيدي.. هسه اطبك السياره هين والحكك

.. ابو عدوان... السلام عليكم .. شلونهم الربع

.. ياهلا ياهلا زارتنا البركه والله

.. الله يسلمكم .. وين نكعد هين لو جوه

.. بكيفك اتيد هين تيد جوه يول
.. امشي خلف افتح باب الربعه اركض ...

.. لا دقيقه الهوى والجو حلو
اني اشوف نكعد هين على هل هوى بجثير احسن

.. اي والله اني هم كلت وفرشت الجودليات كلت نكعد بره

.،، وينها النركيلة جيبوها هييين... اليوم عفت الدوام وجيت شوي ارتاح كلت ماارتاح غير يم ابو قصي

.. والله عاد هذا بيتك الله يسلمك
غير انت جم مره كتلك وماجيت

.. اي حگ والله .. الا اني شنو الدوام ماكدر اعوفو
.. حتى عالبيت
مامريت .. صارلي يومين بالدوام

..، الله يساعدج صدك والله
.. يولو خلف وينك تعال جيب العمك النركيلة..

... لا خليها هسه مشوار النوب
.. شتكول سعود... ،!

.. اي سيدي تغده احسن
... وبعدها النركيله.. اني اكوم
اجيب المسدس والجراب نسيتهم بالسيارة

. ههه عجيب وين بالك يول يابة هم لو عاشگ جان كلنه ..

.. ابو قصي .. ها لازم ينسى جثير ههه

.. اي كتلو بس العاشك ومسطور ينسى .. هاا

.. ههههه اي بالله ... شكلو عاشگ هالزلمة

.... العنود.. وصلت بيت نجمة
صررت قريبه من يم الباب.. دحكت
سيارة عسكريه طابكة..
اي اكيد ابو عدوان ماغيرو
.. هذا اشجابو هين..
حدرت من فوك التله..
تمشيت وصلت السياره.. اريد اعبر ..
وجان ادحك عباتي
مجلبه برقم السياره...
سحبتها ماطلعت
اهووو راح تنشك عباتي.. شكو وراهم
.. غير المصايب..
احاجي نفسي
.. باوعت عالكاع بيها خيال ازلمه.. رفعت راسي
صديت... منو هذا.. دحكت عليه
زلمة
.. واكف لابس عسكري ويفر بسويجة
كال.. شبيج تحاجين روحج

.. كتلو وانت شعليك هاا

.. لاه لاه وعصبيه بعد...

.. اكول تره سيارتك راح تشك عباتي

.. اي وانتي ليش ضايجة
.. يامكثر العبي وعليش متلثمه يحرمة

.. خرزتو بعيني اني ضايجة..
وهو يتمضحك عليه جريتها حيل
جان يكول...
هههه ول شبيج اعصابج.. موهيج لا تكعين

... مارديت عليه...
جريت عباتي ومشيت..
امشي وانفض بيها
حيل احب اللبس العبايه الخلييجة
... كلشي ولا هي.. عدلت اللثامي
زين... وطبيت على بيت ابو قصي...
وصلت الباب
.. دحكت عالحديقة..
ولدنا كاعدين وابو عدوان ماكو
.. عجل هاي المن عازمين
... معقول هذا الي تلكاني
... دفعت الباب على كيفي..
اريد اعبر.. وجان يطلع ابو عدوان..
بوجهي.. يمشي وبيدو
الجهاز.. مدري شيحجون .. قاف
جيم .. ارسل...جهاز الشرطة بيدو
وبأيدو الثانية شايل تلفونو ويخابر
.... اني جمدت بمكاني
هذا ابو عدوان لو منو.. اني
مو مركزه بشكله .. بس يمكن هو
.. زلمه طويل صدرو عريض..
اي ماكو غير ابو عدوان
رفعت راسي عليه واني لازمه لثامي
ماحجيت دنجت اريد اعبر
.. مشيت من جدامو..
وجان يكع جهازو بالكاع...
صار جدامي.. وكفت بمكاني ...
شفتو بقى صافن عليه ماحجة شي
عبرت من جدامو.. بس رجليه اتراجف..
مدري شبيه انخفگت من
شفتو.. مشيت سريع واني
لازمة اللثامي طبيت اركض ونفسي
عالي.. دحكت التنور مشعول...
مسره تحبي بالكاع شلتها وطبيت

.. نجمة ... هم زين من جيتي حكج هلهولة وينج ماتكليلي
خبصني خبص كالساع ويكول وينها

.. العنود.. اتحاجيني واني مدري شبيه مخبوصة
.. خليت مسره
بالكاع... كامت تبجي..
ركضت غسلت الها خياره...
هاج اكضبي اريدها تسكت
.. اكول نجمة منو اليمكم..!..

.. شبيج ابو عدوان وحمايتو..

.. ها يعني الي تلكاني عالباب حماية وياه

.. اي ليش شنو واكف بره ..

.. لا شفتو يم السياره.. من حدرت ..

.. اي شبيج تنهتين لازم جيتي تركضين منو جابج

.. محد جابني اني وحدي جيت.. بس تلكاني ابو عدوان
مدري شلون يدحك عليه اكول شطوله هذا... ماتكليلي شبي رجلج
يوميه عازمه

.. شبي الزلمة وكفاتو ويانه ماتنسي لو نسيتي..!! امشي خل انشوف السمجات

.. خل انزع عباتي.. اصبري همه جدامي كاعدين ...!

.. شتريدين منهم غادي كاعدين اطلعي شكو بيهاا عجل ليش دزيت عليج غير تساعديني ...

.. زين جايه وراج روحي انتي... طبيت للغرفه كطيت العبايه لفيت الشال.. وطلعت..مسرة تحبي ورايه...
شلتها .. تعاي يبعد خالتج عليمن ادورين...
خليتها على جتافي...
طلعت للطرمة
... دحكت عليهم النخلة تقريبا جدامي..
من بين السعفات باوعت كاعدين
الي تلكاني بره جة وبيدو مسدس...
طب يتمشى خلاه بالكاع وكعد
بقيت اسكت بمسرة افر بيها
رايحة وجايه وهمه كاعدين ضحكهم
وصوتهم عالي..
مدري عليش هالضحك.. صاحت عليه نجمة
يولي.. انتي راح تبقين شايلتها الهبيط ستوه والسمج صار شوي واطلعه من التنور اريد تسوين زلاطه تجهزين الاكل

.. اي شسوي بنتج ماتسكت اخاف عليها تنجوح

وج التنور سمط وجهي صيحي على ابو قصي خل يجي

.. شصيح تحجين صدك الزلم كاعدين..

.. هسه همه ولدنا وابو عدوان صار من اهل البيت صيحي
تره ماكدر وحدي جبتج هين تفزعيلي يله شجلي اردانج
وكومي ساعديني..

هيان نامت بس لا تزكحين من تحجين خل اتنام مدري شلون تنام
اذا ابو عدوان صوتو السابع جار دحكي عليه من يضحك
حتى جسمو يهتززز

.. شديتو وره الزلمه شبيج ماتكليلي

.. شعليه بي بس ماعرف احسه خشم عالي

.. وانتي شعليج خشمو عالي ناصي تره هذا تعدي منج
بالله شتحجي وياهه هاي كون يجي طلال ويسمعج

.. اييي طلال هو وينو حتى مايسأل

... لا موجود وين يريد يروح بس تعرفين الزلمة ماعندو شغله ولا عمله شريد يسويلج

.. والله مادري مراااات افكر بيني وبين نفسي تجيني تخيلات جثير

.. هااا عاد تخيلاتج ماتخلص شتفكرين

.. ماكو شي خل انوم مسره وارجعلج

... ديله ركض كملي شغلج... يبعد اختج

... العنود.. طبيت للغرفه خليتها بفراشها... طلعت تلكاني
قصي يركض وبيده الممة...خرب حضي شكثر مخلفه
ولجججج نجمة هذا كعد الثاني... وين انطي وجهي

.. ودي على ابوه ماراح نلحك

.. لا خاف ماودي وتزعلين.. شنو اودي والزلم شو مدري شنون
تفكرين هاااا...

.. وج لا تروحين غادي من هين صيحي ...

.. شلت قصي.. وديتو عالمغسله غسلت وجهه.. ونشفته
وطلعت.. من باب الربعه.. مديت راسي ..
صار جدامي ابو عدوان مرتجي
عالمخده وبيده الجكارة
بقيت ساكته ومتردده اريد
اصيح خاف ينتبهون.. ابو قصي ملتهي
مدنك راسه .. كوه مسكته
قصي خايفه يعيط.. طبيت للربعه
شلون هسه نجمة تكوم تحجي...
رجعت وكفت يم الباب
اول ما مديت راسي .. قصي عاط ننه ننه .. سديت حلكة
رفعت راسي ابو عداون كبالي
... يدحك عليه وخازرني بعينه
رجعت طبيت جوه هسه انت شحجاك
.. صفنت زين هذا شبي
هيج يباوع.. شكد مغروووور
وشايف نفسه.. وكفت يم الباب
صحت خويه ابو قصي.. دكيت الباب بقوة...

.. ابو قصي.. اي جاي جاي... كوم خلف كوم شوف
شيردووون...

العنود.. اجة خلف يركض،. كال هاي شكو شبيكم
كتلو اخذو ودي على ابوه نريد نشتغل مانكدر
كال جيبي .. عجل للحزة مامكلتن
مابقى شي بس اخذو انت هسه نكمل
ويشبع ابو عدوان لاحك عالاكل
.. هههه يولي عيب الزلمة لا يسمعج
وشكايلين عيني قابل محد يجوع كلنا نجوع
اخذو هسه لا تسولف جثير .. اكول اكف
هاااا شكوووو عسى خبال
.. اليخبلك يول اكول طلال ماجة هين
.. عليش تسألين لا ماجة

.. دروح مو صوجك صوج اليسألك
عفتو وطبيت جوه حظرنا
الغده وحهزنا كلشي
طبيت للربعه مديت
السفرة صبيت الاكب اني ونجمة
طبو الزلم يتغدون ...
نجمة طبت على مسره
بقيت وحدي بالمطبخ
خدرت االجاي خلتو عالنار هادئه
وحظرت الصينيه
.. لملمت المطبخ... دحكت من الباب
حسهم عالي ويتمضحون
.. اهي ليش لا ضحكونا وياكم
تمشيت باوعت نجمة مدده
وترضع بمسره..
يبوو الجهيل ماوراهم غير
شلعان الكلب خطيه بس حلوين
فدوه العمرهم..
طلعت للطرمة كلها فحام
.. مليت انجانه ماي
وطلعت رشكتهاااا بحيييل ... 😳
وجان واحد يصيح....

انتظرو التكملة .. ....!!

الجزء المفروض باجر انزلو باللليل
بس جثير حلفوني انزلها .. سبقت الموعد ونزلتها

...

فيتامين سي · 05-01-20, 05:54 AM

الثاني

#مذاق_العشق ......

#بقلمـي_نشوى_السلطاااان

.. دروح مو صوجك صوج اليسألك
عفتو وطبيت جوه حظرنا
الغده وحهزنا كلشي
طبيت للربعه مديت
السفرة صبيت الاكب اني ونجمة
طبو الزلم يتغدون ...
نجمة طبت على مسره
بقيت وحدي بالمطبخ
خدرت االجاي خلتو عالنار هادئه
وحظرت الصينيه
.. لملمت المطبخ... دحكت من الباب
حسهم عالي ويتمضحون
.. اهي ليش لا ضحكونا وياكم
تمشيت باوعت نجمة مدده
وترضع بمسره..
يبوو الجهيل ماوراهم غير
شلعان الكلب خطيه بس حلوين
فدوه العمرهم..
طلعت للطرمة كلها فحام
.. مليت انجانه ماي
وطلعت رشكتهاااا بحيييل ...
جان واحد يصيح... رفعت راسي كال

ابو عدوان... وين رشكتي ماتشوفين يحرمة

العنود،. فشلت فشلة ياااااااكبرها...
رشكت الماي وانطفش
على الزلمة .. صاح بيه وهو
ضايج ملامحه تغيررت وجهه
مايتسولف... ماسيطرت
.. ضحكت جدامه .. كطيت النجانه
جان شالي ملفوف لوره
.. سحبت الشال عدلتو .. واني اتبسمم من
جوه لجوه.. واخيرا المغرور بوقف
لا يحسد عليه😁 كتلو
العفو مادري بيك هين واكف ياسيدي

.... يول يابة وينو هذا خلف
... تعاال سعود وينكم يحرمة روحي ماعليج بيه وعوفي سديييي بحالووو طبي جوه

العنود... تره الجوو حار مشوار النوب ويبسن

... يول يابة انتي ماتسمعين الكلمة شو روحي جوة يله

.. العنود... شفتو يحاجيني بنتر
عفتو واكف بالطرمة.. طبيت اركض وكلبي يدك
ومخبوصه روحي ونفس الوقت
ميتة ضحك طبيت طلعت الخاولي
وطلعت عليه.. لكيته واكف
عالمغسله البره ديغسل ايده.. وكفت
يم الباب ماحجيت شي..
ادحك عليه من بعيد هدومه يكطرن ماي
سد لماي ورجع يتمشى عالطرمة ... طلع خلف يمشي

... ابو عدوان .. يول ماتسمعون اصيح وينو هذا سعود

.. والله ماسمعتك.. بس سيدي ليش هيج متنكع شنو القصة

.. ماكو شي امشي جيبلي خاولي خل اتنشف

العنود.. واكفه وجه خلف يركض .. دفع الباب واتلكاتي بوجهه
كال الحكي جيبي خاولي غير تحطون يم المغسله مو احاجيج شبيج اتمضحكين اشجرالج يولي شبيج!!!

. هههههههه اكول شو يصح علينا شبي تره هو ماااي هاك ودي

.. غضب الله على راسج يولي بس لا انتي وره الماي

.. دروح عاد وبعدين اسولفلك هههههههههههههه الزلمة واكف انطيتو الخاولي
بقيت ادحك عليه من الجام يتنشف
ويدحك عالباب بطارف عينو مايدري اني داباوع
عليه من الجام .. بقيت لازمة بطني
وميتة ضحك جت مسره تمشي...
كالت يولي الجاااااي احترك
شو واكفه هناااااك
.. صديت ورايه القوري يفور .. كتلها يول
الجاااااي راااح نسيتوو خرب هذا شور بية

.. منو الشور بيج وين بالج الزلم هين وانتي كاعده اتصفنين

.. ولج منو يعني ابو عدوان ماغيرو .. طلعت اغسل الطرمة
ومادري بالصدفه هو طلع ....

.. عززززززة عليج شسويتي يولي بس لاااا!!!

.. هههههههههه اي اي ول مادري شمدريني رشكت الماي
ولين سدي القائد متنكع هههههههههههه

.. غضب الله عليج اليوم ابو قصي يذبحنااااااا

.. اكلج عليش هيج خايفين منه تره هو حالنه حالوووو واذا عندو رتبة 😏

.. منو اليخاف يالخبله غير الزلمة نحترمووو

.. اكولج تره هو ماي قابل شكطيت عليه

.. اي وهسه هو وينه .. زين شكاااال!!! وين اولي اليوم ابو قصي يهججناااااا عزه عليج شجابج عالطرمة يمصكوعه ..

.. ههههههه اسكتي خل اغير الجاااي شكو عاد خل يكعد بالطرمة عالمشراكة هو يبس... 😁

خلف... يولي العنود شبيج اتمضحكين وبو عدوان شبي ضايج
يولي طلع مابي شي طب علينا متنكع

.. اهووو سووها سالفه يمعودين والله مادري .. شخبصتونا

.. خلف ... يول انتي بس احجي شسويتي

.. نجمة... يول ماتدري بنت عمك اشسوت.. رشكت الماي عالزلمة
بالله اليوم شيخلصنا من ابو قصي

.. خلف... يولي شلون تسووووورين هييييييج تخبلتي!

.. اكولك تره هو ماي.. وهو خشم عالي .. بلجي هالخسم ينكسر
مدري ليش داقني هالغرور الي عندو😁

.. وانتي عليش حاطة وحرج وياه... الزلمة شمسويلج

.. ههههه والله مادري .. بس هيج احسو مغرور

.. مغرور النفسو ماعليج بي .. زلمة شطوله شعرضة
حاطة وحرج وياه وتريدين تكسرين خشمو بالله انتي امرج عجيب

.. خلف.. سدن السالفه والله اذا سمع ابو قصي يذبحجن .. يله خلي الفحمات عالطباخ .. راح اطلع لبره اغسل النركيله

.. عشتوو النوب اسوي الفحمات.. شعلي اني تعال اخذهن اريد اصب جاي

..نجمة .. اني اصب امشي سوي الفحمات وكافي تضحكين فشلتينا ويا الزلمة لو ندري ماجبنانج

.. العنود.. جيبو جيبو هههه امري الى الله .. شعلت الطباخ.. خليت الفحمات.. دحكت من الجام... طلع نفسو الي تلكاني... واكف بالطرمة يخابررر...مممم اكول نجمة ... هذا وياه يداوم مو

.. اي هذا سعود شبيج كل مره يجي وياه ماشفتي

.. لا ماشفتو بس شفت ابو عدااااون .. اكلج هو اسم ابنه عدوان

.. لا منين خطيه ماعندو صبي بس هو يحب هالاسم وربعو يسمو ابو عدواان .. تعرفين خطيه حرمتو الاولى عد اخوها

.. شنو حرمتو الاولى شنو هو عندو حرمتين!!!

.. اي الاولى ماتخلف خطيه .. كالتلو اتزوج وهي راحت خطبتله من عربهم حرمة بس عمرها متوسط .. جابتلو بنوات توم .. وبعد ماتخلف .. هم نحرمت من الخلفه،..

.. يااااا زين هو عليش يكوم نسوان ... موكتلج هالزلمة مو هين

،.نجمة.. يولي اكولها ماعندو
خلفه بس بنوات اثنين هو يريد ولد
بعدين اني شفتها المرته
... من وداني ذاك السبوع عليهم ابو قصي
مرته الله يستر عليها من العرب
وحلاتها وسط ومو صغيره
وماتعرف تتصرف اني اشوف
هو مضلوم بيهن اثنينهن خطيه

.. هااا ليش عجل اخذهااا لو بس شغلتو يكوم نسوان

.. يولي الشرع حلل اربعة
وهو مو طالع من الطريق حرمتو
هي الي مشتلو على بنت عمها
.. وماعدهن مشكله عادي وحالتو
الماديه عااااال العاااال هنيالهااا التاخذه
بس هيبتو تكفي شلون شخصية

.. زين هو شكد عمرو ها...

.. عمور 38 يمكن لان مرته من رحت كالت اني عمري38 نفس العمر اني وياه .. يعني بكبره...

.. اي هم بعدها مو صغيره... هذا جاج خلف يريد الجاي ..

.. خلف... هاا وين الفحماااات سويتيهن

.. اي هيانهن هين عالنار لاحكين عليهااا

... خلف.. انطيني الجاي ...وحسجن تره عالي نصنه ضحكجن لهناك وصل وخاصة انتي العنود

.. هههههه هسه يسمعني ويكول هاي علمودي داتضحك اكول يول خلف جيب المواعين انكلهن اريد اغسلهن واروح
،،
نجمة .. وين تروحين بس تريدين تنهزمين
..

لا خطيه امي كالت لا تبطين واخوج تعرفي من اطلع شيسوي

.. هناك اخواتي ميخالف ماتكول شي واذا على اخوج ترة هو
من يسمع ببو عدوان يفش يسكت مايكول شي

.. اي طبعا لمو ابو عدوان جان هسه هو مكطوط بالسجن

.. اي والله خلف الله عليه الرجال ماننسى فضلوو وانتي عاي سوالفج ... المفروض تروحين تشكري...

.. هههه مو شكرته برشكته الماي.. ...بعد شكو😁

خبال كون يخبلج... اكول طلال ماديجيكم ..

.. لا شفتج ماشفتو وينه مايجي حرمة عمي البارحة العصر مرت
تكول مطلوب وماعندو وملتهي بالطلب ،. كتله بكلبي هذا هو ابنج
من يومو مطلوب .. مايعرف ايتصرف

.. يولي شو جن مو عاجبج عجل غير ابن عمج ويريج

.. مابي شي شكلو بس تعرفين
مايعجبني الزلمة الرخي المو حوك
ادري شلوو راح يعيش وحياتو كلها ماعرف يتصرف.. اني اصفن اكول ابن عمي حزام ظهري مادري اريده وماريده

.. ههههه هاي جديدة .. بس حگج والله
... كومي جابو الماعين خل نغسلهن...

... العنود.. كملت الفحمات
وخليتهن يم باب الربعه .. جة خلف اخذهن وراح .. كمت للملمت المطبخ
وغسلت الماعين كعدت
مسرة .. طبيت شلتها وطلعت للمطبخ....
دحكت من الجام كاعدين بره
.. كلهم...بقيت واكفه ادحك عليهم
... وتذكرت موقف ابو عدوان
متت ظحك.. خليت مسرة عالجودليه
.. غسلت الممه وسويت الها حليب
نومتها وانطيتها الممة باوعت
على سعود... شايل الجراب
والمسدس مدري شيلعبوون بي هو وخلف...
ابو عدوان النركيله بأيد وبأيد الثانيه
يخابر مخبوص مدري ويامن يحجي
... هسه هذا شلون عايش ويه
حرمتين معقول مايتعاركن عليه...
اووو تذكرت ذيج عد اخوها عايشه
خل اروح شغلتهم ابين اليووم مطوله...
صحت نجمة وين عباتي ... راح اووح
طبيت شلت عباتي .. نجمة واكفه تصلي
كتلها مسرة بالمطبخ ديربالج عليها راح اروح
عالبيت اني ... لبست العباه.. طلعت للمطبخ مالكيت مسرة
دحكت من الجام.. هاي بره شطلعها.. باوعت عالكاع عزه
الفحمات مو كلهن ماخذيهن... لا تنجوح.. طلعت اركض
ول مسره اكفي اكفي... ركضت عليها شلتها...

.. ابو قصي... هاي شبيها خمو بيها شي...

كتلو لا بس طلعت ماندري بيها رادت تنجوح ...
رفعت راسي.. ابو عدوان واكف الحيلو هو وابو قصي
خلف ماكو ولا سعود... شلت مسره وطبيت...
تلكتني نجمة ها يولي وينها هاي عرفتها طلعت شلون
جهيل مايركدون بكاااع

.. اي والله لمو الحك عليها جان انهمدت ايدها بالفحمات
هاج اكضبي خل اروح .. شكلو ابو عدوان اليوم بايت عدكم

.. لا هسه مشوار النوب ويروح هو كل مره هيج ...
تعاي اخذي فوكاهه الامي...

.. ماريد يمعوده الثلاجة مليانه...

.. عجل اخذيلها الهبيط هي تحبو ولاتكولين لا

.. اوووف هسه الا تشيليني.. جيبي يلة .. انطتني بجدرية صغيرة
شلتها وطلعت.. مالكيت
احد الحديقه فارغة ... وين راحو
معقول طبو عالربعه...تمشيت
وصلت الباب البرة لبدت بصف الباب
دحكت كلهم واكفين يم السياره
وسعود مدري شيحجي .. صفنت
همست بصوت ناصي.. عجل وينو هذا ابو عدوان شو مو وياهم

.. ليش تسألين على ابو عدوان يحرمة ....

.. العنود... جمددددددت من سمعت حسووو..
دحكت بالكاع خيالو
صديت عليه شلت اللثامي وخليت على وجهي
.. بس عيوني طالعه
بقيت ساكته ماحجيت شي خرسييييت
كل ذاك اللساني راح ماعرف بعد شحجي
واكف جدامي عيونه كبار
خازرني بيهم مجتف ايدو واكف
اريد ارد علية ماكدر كمت اتبلعم ... كتلو لا بس

.. بس شنو من شوي نكعديتيني وهسه ادورين عليه وتحاجين روحج بس لا تريدين تكطين عليه هالجدر...

.. لا العفوو بس اني...

.. اشوفج تلعثمتي .. هههههه روحي جوه

.. لا اريد اعبر الاهلي...

.. تعبرين .. بس خل نطلع واطلعي مو راهمة طلعتج...

.. العنود... وخرت نفسي من يم الباب..
عبر من جدامي وراح
صعد بالسيارة... سلم عليهم ومشى..
اني هين انتهيت يااااافشلتي
شلون نطقت وكلت اسمه مات وجهج يالعنود
هو مغرور
والنوب سمعني ادور علية بأسمه..
من غير شي هو شلونو
باوعت ماي المغسله شوي مفتوح...
ركضت سديتو وطلعت
تلكاني ابو قصي...

.. ابو قصي .. ها وين شو رايحة ... مستعجله وتهفين بعباتج

.. اي امي تتناني .. كالت لا تبطين...

.. خوش مشكوره بنت العم ماقصرتي .. بس نوبة الخ
من ادز عليج تعاي من وكت ...

.. صفنت عليه بكلبي كلت هففف لازم هم ناوي يعزم .. كتلو صار تدلل .. اني اروح

.. اكفي... امشي وصلها خلف لا تخليها وحدها...

.. العنود.. سديت الباب وطلعت اني وخلف... تمشيت للبيت
وصلني خلف وراح...

... سعود.. سيدي نطلع عالبيت موو..

... ابو عدوان.... بحاجيني واني بغير دنيه اخذت عقلي هالحرمة ... يازينها ... شهالحسن هذا ... الشمامة حدر اللثامة
تسبي... هيج ابو قصي عندو خوات واني مادري... الله يستر عليها
حلوووه ..اي بالله حلوووة

.. سعود.. سيدي وياي...!

.. هااا يول شبيك... شتكول

.. سيدي نطلع عالبيت...

.. اي اطلع يول ياب اطلع...

.. العنود... مرت ايام وكل فتره يجي
ابو عدوان عد بيت اختي
مرات تصدف الاكي واشوفه ومرات لا..
بس حيل جان خشمو عالي
كعدت من النوم ...
على حس جهال نجمة... كمت الحيلي..
دحكت عالساعه .. اربعه وربع العصر..
كمت فتحت الباب... تلكاني
قصي لابس شحاطتي ويطرك بيها...
هااااا نجمة زعاطيطج
هجموو عليناا... وينج...
طبيت للهول ماكووو .. مديت راسي
باوعت بالطرمة امي وابو قصي ونجمة واخويه ..
جابر.. مجتمعين
ومدري شيحجون... فتحت الماي..
غسلت وجهي شلت
بيدي قصي... طلعت عليهم..
يولي نجمة دحكي ويلادج شسوو

.. جابر... تعاي عنوود اكعدي هين

.. نجمة... تعااااي جيتي وجابج الله

.. العنود.. ضفنت شبيهم... نزلت من ايدي قصي وكفت

جابر... تعااااااي شبيج صفنتي ... مو احاجيج

.. العنود.. اخويه جابر هو الجبير بينا... بعد وفاة ابويه صار هو النا الاب وكلشي .. نحترمة وكلمته مسموعه بالبيت وحيل جنت اخاف
من طبعه ومن عصبيته... تمشيت وكعدت يم امي... بقيت بس ساكته وصافنه بالووجوه

.. نجمة... اكول عنود .. رشكة الماي مالتج جابتلج خوش زلمة

.. رفعت راسي صديت عليها... نظرت الها بأستغراب كتله يعني شنو قصدج

.. جابر... العنود... تذكرين الي صار ويايه من شهر موو

... العنود.. هزيت راسي اي...

جابر.. تذكرت من دخلت السجن وبقيت عشر ايام لمو الله وهل الزلمة الخيررر جان لحد الان اني مو طالع بسسب الوصولات
الي مسجلة عليه .. وتعرفين انتي الحال

.. كتلو اي بس مافهمت اني ليش صحتوني

... ابو قصي.. اي ماتنلام فوتو بالسالفه احسن

.. جابر... شوفي خيتي انتي تعرفين غلاتج عندي شكبرها
وتعرفين اني اريدلج الزين... طلال ابن عمنا وعلى عينا وراسنه
بس صدكي مايفيدج...

.. اي بس شفتح السالفه هسه...

.. السالفه ومابيها ابو عدوااان سأل عليج ابو قصي وعبالو انتي اختو وكايله اني اريد مره عدكم ...

... اي واني شعليه خل يخطب حسنه.. اخت ابو قصي هو مو يريد اختو بعد عليش دتحجولي

... جابر.... اكووولج الزلمة رايدج الج .. تسمعين شداكلج سأل عليج
وحددج انتي بالذات وكال شفت ام اللثام... تعاي اكلج انتي شطلعج
شو اني مادري...

... نجمة.. ههههه يبوو باع وين يروح غير شافهه يمي

.. العنود.. لا خويه شمدريني اني والله مالي ذنب رحت يم بيت اختي
واسأل ابو قصي...

.. ابو قصي... اي صحيح هسه عوفونا منين شافهه الزمة جاي من الباب .. وجاي رايدج على سنة الله ورسولة

.. العنود.. كمت الحيلي.. وكفت.. كتلهم... واني مستحيل اتزوج على انسان متزوووج...

.. جابر... اكعدددددي من اكولج كومي تكفين ماشي.. اكعدي جدامي

.. العنود.. رجعت كعدت بمكاني .. واني ميته خوف من جابر
شلووون راح ارفض شلون راح اواجهه .. زين طلال وينه يربي
اني اشلون اخذ هذا ابو خشم العالي مستحيييل والله بقيت ادردم بيني وبين نفسي... وادحك عالكل فرحان ولا جن هو متزوج وعندو حرمة ..

ام العنود.. بس حجي عنود صحيح الزلمة متزوج هاي بنتي ماتعيش ويا ضرة اعرفها

.. ابو قصي... الزلمة كال اللها بيت وحد .. عمتي انتي تكولين هيج
بس اذا تعاشيرين هالزلمة تنطي وانتي مغمضة عينج.. الزلمة
ابن اوادم ومليااان وبعده مو جبير.. والله مايجيج احسن منه

.. العنود.. بس اني ابن عمي يريدني ومن تقدم كبل الخطبتي
واحد غريب طلال نهى وكال مانطي بنت عمي الي

.. نجمة.. ابن عمج اي بس مو بكيفو هو صارلو سنين يخطب
وكلو جذب ملتهي بالقمار واللعب وكل فلوسه على هالسوالف

.. بس حرمة عمي كالت بطل وبعد مايلعب

.. جابر... الي اكوله اني مايصيررر اثنين .. فكري بالموضوع زين
مستحيل ارد الزلمة الي وكفلي وكفه محد وكفها ...

العنود... يعني شنووووو...!

خلف.. اخذت سيارة ابو قصي .. رحت افولها بانزين ويالطريق وجان يدك عليه سعود ..

جابوتو... هلا خوويه هلا بسعود الغالي

.. سعود... ومن كال... شلونك يبعد اخوك

.. يسلمك الله اخويه ... عجل البارحة شعجب ماجيت ويا ابو عدوان

.. سعود.. اني بالدوام جان عندي شغل ليش هو جان يمكم

.. اي مر اخذ ابو قصي ويا بالسيارة شوي وراح امرني الغالي
كول امر عد عيناك

.. كفووو كفووو.. والله ياخوي اريد اسألك ومتردد خجلان حيل

.. لااا اخويه شسالفه .. كول

.. مرن من جيت عليكم.. تلكتني بنت ... وهالبنت شفتها طبت
بيت ابو قصي...

.. خلف.. شنووو.. يابنت

.. سعود... ياخويه كل مااجي اشوف بنيه بيت ابو قصي .. تروح وتجي .. هالبنيه اريد اسأل عنها ينطوها...!

.. هااااا بنت عمي العنوددد..!!

.. سعود.. إسمها العنود....! ياعاشت الاسامي

يتبع.....❤️

العنود تقدمولها بيوم واحد اثنين
الي هم اكثر من اخوه مو بس اصدقاء
والاثنين عشكوها... ياترى نصيب من ..!
وهل طلال راح ينهي عنهااا لو راح تنجبرر عالزواج...!

..

..

فيتامين سي · 05-01-20, 05:56 AM

الثالث

❤️

#بقلمـي_نشوى_السلطاااان
#ابو_عدوان

#مذاق_العشق

ياعنيده? شدني فيج العناد ، راق
االي طبعج وانا احب الصعب !.....

#القصة #واقعية ...

سعود... ياخويه كل مااجي اشوف بنيه بيت ابو قصي .. تروح وتجي .. هالبنيه اريد اسأل عنها ينطوها...!

.. هااااا بنت عمي العنوددد..!!

.. سعود.. إسمها العنود....! ياعاشت الاسامي

.. بس ياخوي شهالصدفة هاي..!

.. ها يالله خير ياصدفة...

.. خلف.. اليوم سمعت ابو عدوان حاجي بيهاا...

.. سعود.. ههههه لا تشاقه ... تنطون لو لا تره اني رايدها

.. لا وداعتك مااتشاقة.. الزلمة تقدم الخطبتهاااا...

.. والله ومادري ولا سمعت غير منك... اكول اخوي السالفه
سدها يبعد اخوك.. اني ماتكلط جدام اخوي بالمبارك عليه يستاهلها

.. كفوو كفوو.. والله انت وابو عدوان ذهب صافي وعاد يخسر
الي ماينطيكم مره... مو عبن جدامك لا والله

.. الله يسلمك اخويه ... ماعليك زود يالغالي .. مثل ماكتلك السالفه
سدها بداعة الغوالي...

.. لا تهتم ماحجي اني اخوك لا توصي حريص

.، ماشي اخويه كمل شغلك... مع السلامة....

... خلف... الله وياك...

جابر... يعني تفكرين بالسالفه عدل.. واذا جان على حرمتو
هي راح تجي بنفسها وتخطب

.. العنود... ماشايفه هيج نسوان يخطبن الرجالهن عجيب والله

.. ابو قصي.. هذني اصياااايل ... شكو بيها اذا الزلمة تزوج قابل حرام

.. نجمة... اشوف طاكة لهاتك وسويتهن اصايل.. اسمع اكولك
لا اصيله ولا هم يحزنون .. اذبحك بايله سوده ان فكرت بحرمة ثانيه وسالفه اصايل قنع روحك بيها

.. جابر.. ههههههه هسه الزلمة ديشاقه خمو صدك

..نجمة .. لا والله ادري بي يموت عالنسواااان

.. العنود.. يحجوون ويضحكون واني نار شابة بصدري ماكدر مستحيل اخذ ابو عدوان عمري كله اكول عنه خشمو عالي
تالي هو يكسر خشمي وياخذني... والله ماخليها ترهم ... كمت الحيلي ... وجان يصيح بيه جابر...

.. ها وين النية شو كمتي...

.. العنود لا اريد اشوف قصي وين راح.. تعاي نجمة كومي

.. هااا اصبري اريد اتعارك من زمان مو متعاركة ويا

كومي خل نشوف قصي.. اشرت الها بيدي... فهمت عليه كامت لحكتني للهول... طبيت كعدت عالقنفة... وبديت اهز برجلي
طبت هي تمشي ..، باوعت الها صفح

... نجمة... خيررر مدري شلوون ادحكين وتخزرين بيه
خير ان شاءالله

.. العنود... ادري هو خطب انتو ليش جيتو كلتو جدام جابر ها

.. نجمة.. شلون مانكوله غير هو الجبيرررر

.. تدرين بي يحب ابو عدوان وماراح يرفض ليش كتيله

.. اكولج انتي خبله شبيييج بابا الزلمة مايتفوووت

.. ليش بالله لان كلمتو مسموعه لان الكل تخاف منه.. لو لان مغرور
تره اذا يخوف كل الدنيه مايخوفنيييي

.. نجمة.. عجل شلون انتي الحب مالو شلوون يخوفج😉

.. هي حب هذا يوووولي انتي شبيج هذا شغلتو يتزوج لا حب ولا غيره شحب مني يريدني اجيبلو ولد اعرف

.. ليش مو رشكتي عليه الماي حبح

،، العنود لا ان شالله حب من اول رشكة بالله ماتسكتيين

... ههههههه لا يولي اسمعي اني مدري ليش احسو راهم الج
انتي العنود اسم على مسمى .. عناد وكبرياء وجنون ياويلاه
تكون قصة حبكم ولا اروع

.. اي وهاي انتي كلتيها ... اني عنوديه وراح ابقى معانده
خل اشوف منهو الي يفوز عنادي لو كبريائه...

.. حجي يفيدج هذا جابر راح ينطيج اله يولي والله الزلمة الف الي تتمناه وحرمته موافقه وبيت وحد وكامل مكمل بعد شتريدين

.. ماصدك مرتو موافقه... الا اسمع بذني. جوز جذب بعدين
كوه هي مااريده ليش تلحوووون

.. اكول يولي هالحجي احجي الاخوج اني ماعليه

.. العنود.. لا بداعتي اكفي.. اني اخاف احاجي جابررر شلوون

.. لا تره هذا زواج جابر مايحبرج ديكلج فكري زين

... العنود.. اذا ماخليت طلال ينهي هسه تشوفين اليوم اوصلو خبر

.. ههههه انتي ماتردين طلال عليش تريدي ينهي

.. اريده يخلصني من هالزيجة هاي

نجمة .. زين وطلال توافقين بي .. شو انتي مسطوره براسج
مداتفكرين زين كل ساعه براي انتي طلال ماتريدي ليش عجل تريدي ينهي عليج

.. كمت الحيلي.. روحي روحي ابو قصي يردج

.. هههههه خبال لا دفعين هسه اروح بس الله اليستر شكاعد تخططين .. خل اشوف زعاطيطي وينهم

.. العنود... بقيت كاعده بالهول ولكل بره...
مدري شبيه مخبوصة خبص...
سارحة ببو عدوان... احاجي نفسي..
هو صح شخصية وحلو .. بس لا متزوووج
.. لا عيني ماخذ واحد متزوج غيري
شناقصني هااا... اووف هسه
اني شبيه هيج تخبلت.. الامر كله بيدي
خل اشوف طلال هو الوحيد الي راح يخلصني
من هالسالفه كمت الحيلي ... طبيت للمطبخ
... لملمت المواعين ... سمعت الباب البرة
نفتح.. ركضت باوعت من الشباك..
عبالي طلال.. اووو هذا خلف صديت اكو صوت ورايه
دحكت طب قصي عبالك جني شايل كحلتي وكالبها
على هدومة ومتصخم بالكحله من فوك ليجوووه...
صحت... يووولي نجمةةةةةة .. وينها امك وينها

ولج نجمةة تعاي هين ... راح يخبلوني جهالج

... هاااااا شبيج اكيد قصي شسووووه...

.. تعاي تعاي شوورفي.... ادري شبلاج تخلفيت بين يوم ويوم
مسابق انتي وارنب لو شنو فلمج

.. نجمة.. طبيت لكيت قصي جنو فاره مصخمة.. ههههههه
يمفجوعه هذا شنوووو

.، مفجوعه مو هاي جهالج كل مايجون هيج... دحگي
كحلة العرب مالتي كالبهااااا

.. نجمة.. هههههه والعنود كلشي ولا كحلتها ام كحيله شكثز تحبين الكحلة...

.. هسه اني منيييين راح احيب كحلة هااا

.. نجمة... لا تهتمين دراااازن ابو عدوان يجيبلج😉

.. باله ماتسكتيييييين انتي كل شويه وجايبه طاريه...

.. نجمة.. عندي كحلتين اني ادزلج وحده لا تهتمين.. ههههه
دحكي عليه يخوووف .. تعال خل اودي الابو اليوم يخترعون

.. خلف... طبيت للمطبخ اريد اشرب ماي تلكتني نجمة وبيدها قصي
ههههه ول هذا شنووو شبي...

.. العنود.. تعال تعال خلف... اريد احاجيك

.. خلف... يالله خير تره اريد اشرب ماي لا تكليلي سويلي الستلايت

.. لا يول شبيك تعال اريد اسألك

. خير اليوم موظوعج حديث الساعه بكل مكان

..العنود... لازم سمعت ببو عدوان مووو...

... اي سمعت ادري...

.. اكول شنو حديث الساعه مافهمتك..

.. هيج سالفه ماكو شي كولي شتريدين

.. لااااا عليك الله كول .. طلال سمع لازم مو

.. هي طلال شمدريني اني.... لا ماسمع عاد هو اذا سمع راح يكلبها كلاب هذا شنو

.. العنود... خلف اني ماريد ابو عدوان .. شنو اخذ انسان متزوج ووو

.. خلف .. ووو شنو .. خشمو عالي موو دكوليها

.. العنود ههههه اي عفيه

.. خلف.. ولله محد خشمو عالي غيرج... شبي الزلمة هاا

.. مابيه شي الله يحفظه الحرمته بس ... مااااكدر موبيدي

.. تدرين اليوم حاجاني سعود ... مايدري ببو عدوان حجة بيج
ولمن كتلو كال خلص مادام ابو عدوان راد اني مابدي على اخويه
حيل تعجبني اخلاقه

.. مافهمت يعني سعود ..!

.. ايييي وصكع عساج لا فهمتي مو داكلج شبيج اليوم وين بالج

.. العنود.. صكع يصكعك .. يول اسمع يعني جابر وابو قصي يدرون وماينطو...!

.. لاااا اياااج تحجين البشر الولد سحب نفسو وكال مبارك عليه

.. مبارك شنو ليش منو كال اني موافقه

.. خل يولن العنود... انتي تريدي بس مستحيه من عدنه هي مال ادروب اكو حرمة ترفض ابو عدوان

،. ايبااااا .. لا ماريده ... شنو الي خلقو ماخلق غيرو...

.... لا خلق غيرو سعود..وطلال .. يول يابة هي مال زيجة
يولي ماتصبيلي كلاص چاي
وعوفي ابو عدوان اليوم
مو بس اذانو اتطوووط لا بالله غارة ادك بكل
كل جسمووو انتن النسوان كارثه

... امشي اطلع ماصبلك ... شعلي ببو عدوان هااا دفعتو من الباب

.. هههههههههه يوووولي ... بلجي خبال راح اكع من الدجة
لا تدفعين... اكلج اكلج
اني هين بالطرمة.. بغلات ابو عدوان جاي جاااااي صبيلي..

.. العنود،.. دفعتو .. ورديت الباب...
لووو تموت ماسويلك جاي
يله .. حدر من الدجة روح اكعد يمهم
... حتى تعرف عاد احنا النسوان كارثه......

خلف... يول بعد حلفتج براسو
... يولي ماتصبين.. عجل بكيفج
هسه ادز نجمة تصب.. هههههه يولي نجمة...
تعاي لجاي تعاي
هاي العنود.. حلفتها براس.........
.... خليت راسي يم الباب.. وهمست
بصوت ناصي... يولي راح اكول الجابر... تصبيلي لو لا😂

... اصبلك اصبلك عساك لا شربتو ... شمفضوح
امشي روح هناك هسه اصبلك...
وصكع... هذا شبي تخبل
ياربي منين اتلكاهه اليوم اني....
والله شنو يحلفني براسو
شعلي اني بي....
كل عقلهم اتزوجة جان تخبلت ...
اااخ ماال اوافق ولعب
على كلبو لعب واكسر خشمو😂

.. نجمة... هاااااا اشوف تحاجين روحج شبيج
تره بعدج ماكعدتي ويا ابو عدوان تهرفلتي ههههه

... العنود.. شبيكم هاي كل عقلكم .. يعني واحد مايصفن مايفكر

... نجمة... دسوين جاي الخلف.. لا تصبين البو قصي راح نروح

... شعجل رايحين بعد وكت ... اكلج... هذا سعود شيكرب الابو عدوان ها...!

... من عمامهم ... بس شذكرج بي ها..

.. هيج يعني واحد مايسأل .. وينه هذا ابنج الفاره..
شوفي هسه بس تصلين ادزيلي الكحله

.. نجمة... ادزها اي ادزها.. اسبي بعد خاف مو هو نسبه
بعيونج...

.. العنود.. هههههه ذكرتيني بالماي... يولي اختج تسبي
عجل شعبالج جبت راسو السيدي ... اني العنووود

.. والله شنا اشوف محد راح ينجاب راسو وينكسر خشمو غيرج
امشي لميلي غراضي ارد ارووح😂

... ههههه اتحداج واتحداه... والايام تثبتلج....

... هسه ماعلينا مافكرتي😉

... اهووو بابا شبيكم الامر محسوم مااوافق.. وهسه تشوفين
طلال يجي ينهي وجابر مايكدر بعد يحجي

.. وهاي انتي كل عقلج هيج طلال حاطج اباله بابا هذا ماباله شي
غير القمار والفلوس...

.. لااااا يريدني هسه تشوفين شلون راح ينهي...

.. زين .. اذا مانهى شلون ... تتراهنين...!!

.. اكلج هذا زواج مو شغلة رهااان

... نجمة.. هاااااااا شفتي يعني مو واثقه منه شكتلج يابة مايفيدج

.. لااا واثقه اعرفه يحبني واراهنج مثل ماكلتي اذا مابطل هالخطبة
مستعده اوافق ببو عدوان بدون تردد

...نجمة هلا هلا حجي قوووووي .. الايام تثبت يولي وراح تعرفين طلال شكبره وشصغرهً خل اروح وين ذني ماكعدن ... 😁😁😁

.. كعدن كاعدات وره البيت هنه وبنات ام حسن مو تدرين بيهم
لازكات يم الحايط ...

.. يله خطيه وين يروحن حكهن... شلت العلاكة.. ولميت الغراض
داطلع.. صديت على عنود.. كتله يولي عود فكري زين

.. العنود.. هههههه يبوووه يبوووه منكم من تلحوون روحي يابة
هسه بعد كتلج ودخلنا برهان.... اصبري اخذي ممة الفاره... شلت الممة وطلعت وراهم... كامو جابر وخلف وابو قصي...

... ابو قصي... نروح هسه احنا... الزلمة مو مستعجل يالعنود
هاي حياتج فكري زين ورديلنا الخبرر...

.. العنود... دحكت على جابر واكف ماكدر احجي.. كتلو اي ابن
عمي ان شاءالله ... الي الله كاتو نشوفو ،..

..خلف.. يولي الجاي وييييين هاا

.. ابو قصي.. امشي بالبيت تسويلك نجمة

.. خلف.. لا حلفت عليه براااس...

العنود... خرزتوووو بعيني هالمصخم شكاعد يحجي النوب جابر واكف بسيطة اكمشك بعدين...

ابو قصي... يول امشي هي مال جاي هالحزة امشي وصلنا

.. العنود.. ههههههه روح نجمة تسويلك 😁

.. خلف... يولي راح اروح بس اطلبج بدال السنكان قوري
خاف عبالج..

.. العنود... هههههه تدلل خليييييف تدلل شعندي غير ابن عمي الصغير 😜

.. ماتسكتين انتي شنو صغير... راح اصير 19 وانتي تكولين صغير

..العنود... ههههه جبير جبير ...

.. ام العنود... انطيتهم غراض قيس...

.. اي يمه حطيتهن كلهن....
شليلها العلاليك طلعو بالسياره
جابر طلع وراهم ... طبيت اني وامي...
مرر يومين واني
مارديت خبر...
والسالفه حيل جانت قالقتني.... خايفه جابر
يجبرني عالزواااج شلون اعيش
ويا زلمة عندو غيري
لاااا وفوك هذا متكبر ومغرور...
مستحييييل... كمت الحيلي
طلعت شلت الهدوم اريد اغسلهن...
تلكتني امي مدري شبيها تصيح
شايله التلفون... وكفت اريد افتهم
السالفه... كطيت الهدوم
ولحكتها للمطبخ... اسمعها اتكول..
هو مو بكيفو .. البنيه بنتنه
سحبت الكرسي وكعدت ..
اشرتلها يمه شكوو ..
جان ينفتح الباب ..
صديت جابر وراييه.. كمت الحيلي
امي سدت التلفون وكامت ....
دحكت جابر ملامحه مو طبيعيه
الظاهر اكو مشكله... كتلها يمه شكووو،،،!

.. ام العنود... ها وينو هذا ابن عمك...

.. جابر.. جاني عالمحل...
يحجي ويصيح... كتلو البنيه بنتنه
ومحد اله حك يتدخل...

.. ام جابر.. ماتنلام بي...
نسووو شلون خطبت اخيته ومانطوك
وهسه ينهون يدورون نسوان...

.. العنود... يمه شنو بي طلال

.. ام جابر رايح على اخوج
عالمحل وخابرتني امه تحجي اتكول
سمعنه بالعرب تريدون تزوجوها
لواحد غريب.. كتله البنيه بنتنه
محد يتحكم بيهااا...

.. العنود.. يعني طلااااال جة نهى عليه 😳😳

،. اي عجل شداسولف اني... هذا بطران

.. جابر... يول انتي شو لا الخيط ولا العصفور .. تره مادانلعب
كتلج فكري شو ساكته....!!!

.. العنود... لااا اخويه بس ماعرف صعبه والله

.. جابر ... ماكووو شي صعب... شبيج انتي

.. ام جابر.. اكف الباب يندك...

.. جابر.. لحد تطلع خل اشوف منو ... تمشيت عالباب فتحته
العنود .. طلعت امي وره جابر
وكفت بالطرمة اني بقيت بالباب واكفه

..، ام جابر....دحكي يولي منو جة....

... العنود... منوو يعني.. مديت راسي... من باب المطبخ .. طبت حرمة عمتي تمشي وياهه طلال....

.. جابر... استريحو... فتحي باب الربعه يولي...

.. العنود... ركضت عالربعه فتحت الباب طبو كعدو... طلال ماطب صياح وحجي ... طلال نار وامه تصيح وتحجي...
البنيه احنا نريدها صار سنتين .. شلون تنطوها الغريب
يعني الغريب احسن من ابن عمكم

.. ام جابر... عجل كبل من خطبنه بثنيه الجابر شو ماكلتو هيج هااا
البنيه بنتنه .. وطلال بس سوالف مايوم جة وكال اريدها
ومن غير هذا كله مليان ديون شلون تريدي يتزوج ها

... ام طلال.. هااااا لازم الي تريدين تنطي ملياااااان هاي هيج صارت الدنيه.. تنطون للغربه علمود الفلوس

.. لا والله مو هذا تفكيرنا بس
الزلمة شاريها ورايد مو مثل طلال
سنين صار وكلشي مافتهمنه
منه جم قسمه راحت من ايدها
والسبب طلال شكد بعد تبقى
تنتظرة ها.. صار عمرها 25 سنه
وهو بس حجي ماكو فعل... ..

.. العنود.. كاعدين صياح
وحجي وطلال مدري ويامن يحجي
ولا جن السالفه يمي ويمه
شفت امي صارت اعصاب وجهه احمر ونفعلت
ومرت عمي
تزكح وتحجي وجابر
بالنص واكف.... كمت ارجف...
خفت تصير مشكله واني السبب...
بقيت كاعده والخوف مسيطر عليه... طلال
شفتو سد التلفون وكف الحيله

.. طلال... كاااافي يمه شكثر
صيحتي ماخليتيني اسمع

... ام طلال... يول انت وين واني وين تقبل
عجل ياخذوها منك

.. طلال... خل يتكلط ويكول اريدها ... غير اذبحو
مو بكيفهم.. العنود الي ومحد ياخذها غيري...

.. جابر ... ماكو هيج حجي... انت ماعليك الاعتماد...
مانطيك الحرمة ... والي تريد تسوي سوي... العنود مانطيااااا

.. طلال خل اشوف.. منهو يتكلط ويجي.. بالله الكريم
الا اسوي الدم للرجااااب...

... ام طلال... يعني هاي جيتنه
عليكم تردونا وماتقدرونااا وسفه والله
هاي لو ابو جابر جان عايش
جان كال كبعوها واخذوها بس وسفه

.. ام جابر... عليش وسفه كلشي قسمه ونصيب
.. الحجي لو عايش
ماجان انطاهه اصلا لان طلال
مو كد مسؤليه طايش خل يسدد اديونه عود ايتزووج ..

طلال.. خل يكون بعلمكم جبت عنوانو الابو عدوان وحتى مكان دوامه يعني ماكو شي يعصاني

.. جابر .. ويعني شتريد تسوووي

.. طلال اسوي ماسوي... اني كتلك والحليم تكفي الاشاره

.. جابر... كتلك حرمة ماكو الك لا تسولف سوالف كبار واذا رحت
عالزلمة وكفت بطريقه .. ثق بالله .. تشوف مني شي مو شايفو
بحياتك.. اثكل وصير رجال... وبطل سوالف المزعطه

... .. ام طلال.. كوم يول كوم .. الضاهر ماكو تقدير
وابن عمك كام يهدد بينااا

.. العنود.. اكعدي عمه وين رايحة ... بعد وكت

.. جابر.. انتي ولا نفسسسسس طبي جوه يله....

.. العنود.. صديت على جابر
خازرني بعينه .. كتلو اي ..
عفتهم وطبيت اركض للمطبخ
.. ياربي جنت اتمنى طلال ينهي
شو لمن صارت صدك خفت...
سمعت باب الربعه انفتح.. كمت الحيلي واني افرك بدي
من الخوووف .. يارب عديها على خيررر.. دحكت
طلع طلال.. ويا عمتي...
وامي وجابر واكفين بالطرمة
.. راحو وطب جابر...
وامي.. شفت جابر اعصاب
كمت ارجف.. ركضت ترست جك ماي..
وغسلت الكلاص
كعد جابر بالمطبخ هالجودليه..
ويا امي.. خليت الجك كباله

وكفت يم الثلاجة.. ادحك على امي ادردم ... جابر شال التلفون
مدري عليمن يريد .. يخابر... طبيت الغرفتي كعدت وحدي
صفنت.. شلون بيه اني بحيرة وين انطي وجهي..
دماغي واكف اريد افكر ماكدر . طلعت هدومي
خبصتهن... رتبت شوي منهن.. اريد اكمل ماكدر
اخس نفسي مخبوصه.. شلون يربي
ساعدني ..دليني عالطريق الصحيح... صفنت اتذكرت
والدي الله يرحمة .. من يريد يدخل بشغله ومحتار وخايف منها جام يكوم يصلي صلاة الاستخاره اي اني شبيه خل اكوم اصلي هم ارتاح .. كطيت الهدوم بالكاع ..
فتحت باب الغرفه.. طلعت .. لكيت امي بالمطبخ..
واكفه يم الطباخ داتحمس باللحم ... كتله ها يمه وين راح جابر

.. ام جابر .. خابرو ابو قصي وطلع... ليش شتريدين منه

.. لا هيج داسأل خايفه تصير مشكله بسببي

.. ام جابر.. كلوو منج لو كايلتلو اني مارديك يمك جان سكت
بس انتي كارصة اخ منج

.. اهووو يمه اذا السالفه بأخر
الدنيه تخليها براسي انتي شفتيهم
صياح واعصاب وين كدرت احجي

.. ام جابر.. يولي شمسويلج طلال وهيج كارصه خاف اتريدي

.. هههههه والله ماريدة
لو اريده جان كلت بس اني مخليتو سبير
الي يتقدم ومايعجبني اخلي السالفه براس طلال

،، غمج الله اي والله .. ولج ابو عدوان زلمة عليه الاعتماد
انتي صدك ماعندج عقل..

.. يمه شبيج الزلمة اصلا
موشايفتو غير مرتين لو ثلاث بالصذفه
مادري مامقتنعة احس اذا تزوجتة راح اتندم

.. ها مرتين مدري ثلاثه.. عجل شبع خمو شبع
كبل تزوجت ابوج بس اسمع
بي مو شايفتو غير مره بعد مدري
جم متر وماجنت اعرف هو هذا الي
خطبني.. بطلن هالسوالف

.. يمه .. هاي قبل هسه كلشي تغيررر خل اروح اصلي وبعدين نسولف...

... نجمة... اكو ابر قصي شو ماكتلي رايح طلال ناهي اول البارحة هااا .. هسه امي سولتلي بالتلفون...

.. اي هل يولي هذا مايسوي شي مايكدر..
اني كلي جابر بحزتها
كال جاني طلال وطردتو..
بس اخيتج تره طرلتها ..
صار 5 ايام وهي بس تفكر شنو السالفه

.. نجمة.. ميخالف هاي عشرة عمر عوفوها .. اني هسه مو مقهوره
على شي.. غير على الرهان
تراهنه اني وياهه اذا طلال عافها
وسكت توافق ببر عدوان
.. صار الها ساعه ادك مارديت عليه
ادري بيها تريد اداهرني.... 😂

سعود... طلعت اريد ااجيب غدة للمقر..
شفت زلمة واكف بالباب
ومدري شحاجي الجنود... صحت يول شكو منو هالزلمة

.. طلال... اني اني طلال جيت
على ابو عدوان عندي شغله وياه
موجود لو لا ...

.. سعود.. اي موجود تعال خلوو يفوت يولد...

.. واللحكاااااية بقية....😳

..

فيتامين سي · 05-01-20, 05:57 AM

الرابع

#ابو عدوان

#مذاق العشق

#بقلمي_نشوى_السلطان

أحبَبتُها في عنفوانِ الصّبا
وقلتُ إن الشيبَ يُسليني
فزادني شَيبي جنُوناً بها
حتّى كأنَ الشيب يُغرِيني

سعود... طلعت اريد ااجيب غدة للمقر..
شفت زلمة واكف بالباب
ومدري شحاجي الجنود... صحت يول شكو منو هالزلمة

.. طلال... اني اني طلال جيت
على ابو عدوان عندي شغله وياه
موجود لو لا ...

.. سعود.. اي موجود تعال خلوو يفوت يولد...

.. طلال... طبيت اتمشى....
وكفت يم السياره... السلام عليكم

.. سعود .. وعليكم السلام.. ياهلا... تفضل شرايد ،،

.. اني رايد ابو عدوان بشغله...

.. سعود.. اكعد هين والله حاليا مشغول
وبعد شويه ينزل على بيتو
تكدر تحجيلي شتريد منه ...؟

.. لا الشغلة عائليه تخصني..
روح كوله طلال ابن عمو الجابر

.. سعود.. هااا انت من العوجة من ربع ابو قصي...؟

.. اي نعم .. اني من العوجة من عمام البو حاجم...

.. خوش هسه اكف هين
اطب انطي خبر واردلك..
دكيت الباب وطبيت....
لكيتو ديخابر... بقيت واكف يم الباب...
انتظرتو يكمل...

.. ابو عدوان... اي اسمعج...
شنووو... شتكولين...
هااا اي وينها وضحى..
جت عليكم.... اي عجل خوش
خليها يمكم صار جم يوم ماشفتها..
لا تخليها تروح...
لا لا اليوم انزل .. شلون البنوات...
يول يابه اسمعج يمعوده
دحكي يولي اني اخابرج خل اكمل
... ماشي مع السلامة.. .. شهالشبكة التعبانه هاي..
اريد افتهم كلمه منهم ماكدر...

.. سعود... اي سيدي الشبكة هين هالايام حيل تعبانه

... المساجين حولتوهم .. للعمليات... لو بعدهم هين...

... اي سيدي طلعو بيهم الولد لعمليات سامراء .. حولناهم..

.. عجل شعدنا بعد اليوم...

.. سيدي اكو واحد هين يريد يشوفك يكول اسمي طلال من جماعة جابر ابن عمهم. يمكن كالي...

.. اها.. عجل خله يفوت ليش مخلي عالباب.. صيحله خل يجي

.. سعود امرك سيدي... فتحت الباب.. كتلو تعال تفضل اخويه..

.. طلال.. كمت الحيلي.. تمشيت .. طبيت ... كلت السلام عليكم

.. ابو عدوان.. وعليكم السلام .. ياهلا استريح...

..يولو سعود خل الويلاد يجيبولنا ماي...

.. سعود.. امرك سيدي راح اوصيهم واطلع اجيب غده

... ابو عدوان... اي توكل الله وياك...

.. طلال... اني اليوم تعنيت الك وجيتك بشغلة تخص بنت عمي عنود

.. ابو عدوان...حياك الله وحياالله جابر... ابشررر...

.. طلال... الي سمعتو انت متقدم الخطبة بنت عمي...

.. ابو عدوان اي نعم تقدمت وطلبتها من اخوي جابر... ليش
شنو الصار..!!

..طلال... البنيه اني رايدها وهي بنت عمي ...

.. ابو عدوان .. نعم كمل .. والمطلوب شنو..!

.. طلال... اني اريدها ...

.. ابو عدوان... زين ابن عمها على عيني وراسي لكن من رحت وتقدمت ماكالو الي يريدها ابن عمهااا

.. اي مو اني حاجي بيها من سنين وهامل السالفه...

..ابو عدوان... زين همه منطيك... البنيه موافقه بيك؟؟

.. ينطوني او لا هالشي بكيفي اني مو بكيفهم.. البنيه محد يتكلط عليها .. اي بشر .. اذا مو اني اوافق ماتزوج اذا اعرف اتزوج
بدالها واخليها كاعده باليييت...

.. لا ماكو هيج شي.. اني حتى لو مامتقدم الخطبتها... المفروض انت ماتجيرها وتجبرهم... مايصير هالشي حرام عليك

.. طلال.. اني هسه جاي اريد اتفق وياك اتفاق اذا انت صدك
رايد وتريد الحرمة .. كول حتى اعرف شحجي..!

.. ابو عدوان.. عجيب.. شنو اذا انت رايد.. !!! دانلعب احنا
اي طبعا اريدها واذا هي واهلها موافقين... لا انت ولا اي احد ياخذها غصب.. افتهمت ولا تحاجيني بنتر .. تره ادفنك هين
احسسسسسسب الله ماخلقك...

.. طلال.. دقيقه سيدي.. احنا دنتفاهم ليش هيج انفعلت.. اني جايك
بالسالفه

.. لا مو انت تكول محد ياخذها مني... لا اشو ماتاخذها انت
ولا احد غيرك... ومره ثانيه
لا تهدد وتكول اخذها غصب
.. لأن بعدك ماتعرفني
ان حطيت شي ابالي لا انت ولا اي بشر
يكدر ياخذو مني.. خلينا نسولف
سوالف راهمه وعيب تحاجيني
بهيج صيغه...يول صير زلمه واحجي حجايه راهمه

... يابة انت مافهمتني...
اني حاليا مو متفرغ للزواج .. والبنيه بنت عمي ينرفع بيها الراس.. ومالكة احسن منها لكن حقيقه اني ماريد اتزوج هسه ...

.. ابو عدوان... عجل ليش تنهي عليها ها.... وتكف بقسمتها
دحگ عليه ...مال تجي تنهي .. وتكف بطريقي..
هالشي مو من صالحك .. ف يابطل اسحب نفسك بهدوء

طلال سيدي اني جاي ورايد انهي هالشي جاي ... انطيك الحرمة بفصل.. هذا الي ردت اوصله الك ...

... ابو عدوان.. عجييييييب يووول تخلي الحرمة فصليه لو شنو ...!

.. الصراحة مطلوب جثير...
والي عرفته جابر مايقبل ينطيني
يعني اني كاطع الامل...
كلت اجي اكولك اذا انطيك الحرمة
تدفع بمكاني الديون المتراكمة....

... ابو عدوان... صراحة صدمتني... صار ساعه تحجي وتهوبز
وبنت عمي واريدها وانهي.. تالي كل هذا علمود الفلوس اتخسى هللشوارب اي والله يولو العنود اوزنها بالذهب مو انطيها فصل

.. كتلك مطلوب والله عليه ديون واهلي بركبتي ومابقى عندي شي
مابعته ومحتار منين اجيب بعد...

.. شوف انت كبل شوي كلت كاطع الامل...
يعني اني اعرف
مراح ينطوك.. بس
راح اساعدك.. توفي ديونك هالشي اسوي
لله مو الك...وومنا وهيج
.. اشتغل بذراعك.. وصير رجال
ينشد بي الظهر...
ولا تكف بطريق البنوات مقابل الفلوس
حرام عليك انت هيج دتبيعهن بيع...

.. لاااا سيدي اني صحيح طلبت فلوس بمكان العنود
بس والله مامسويها قبل....

... عالعموم.. المبلغ الي تريده شكد... وشيء اخر
العنود.. ماقبل تسمع بهالشي
لأنو راح تحس بنفسها مبيوعه
وبس الجاريه الي تنباع..
واني العنود شيخة بنظري حرمة
يتمنااهه الف زلمة
... اجرام الي انت سويته بيها...
اني راح اتقدم الها مره اخرى
.. ومستحيل اتراجع... لأن اعرف
نفسي راح اسعدها واتكون
عندي اميري...

... طلال سيدي والله اني ... بس خل احجي

.. ابو عدوااان.. اششششششس لا تكول اني اذا تبقى عليك
تبيعها الله يعلم المن...هاي عود انت رجال بس للاسف نسمع بالرجال صرنا بس مانشوفهم
مابقت زلم التنشد بيها الظهوووور!!! اي والله مابقت
ولك الحرمة بشارب الخير ..

.. سيدي... انت ليش هيج تحاجيتي اني والله...!!!

... بس بسسسسس يكفي... اكطع السالفه .. وكول الي تريده شكد

.. طلال... كمت الحيلي .. والله محتاج .. 30 ورقه... اسدد بيها جزء من ديوني... لان ملحوح عليهن الا والله جان ماكتلك

..، ابو عدوان... تاخذ مني 35 ورقة بدال ال 30 لان تستاهل العنود ... مايغلا عليها شي ... بس ايااااك اتكلط بيوم يمها.. وتكول بنت عمي.... ديربالك تحجي وتجيب اسمها
والله ان سمعت رايح وحاجي بيهاااا ... ياويل حالك بعد محد يكدر يفكك مني افتهمت....

.. مشكورر سيدي... يعني شوكت اخذهن...

ابو عدوان... ول انت .. هذا الهامك شوكت تاخذهن... كتلك ماريد اشوف وجهك بعد ولا تحجي بيها ... يعني اذا هي تكف بالشرق انت تروح بالغرب افتهمتتتتت الي اقصدو!!!

.. اي صار تأمر امر... وبالمبارك عليك العنود ...

...انت كاعد تحسسني
اني مشتريها لا تكول مبارك .. اني ماخذ
شي بالفلوس ولا اخذ غصب عنها ..
يعني لحد الان ماكو شي رسمي ماردولي خبر
شوكت ما صارت الي وفزت بيهاااااا... هااا ...يابه
ذاك الوكت باركلي لأن
الي ياخذ العنود... ياكبر حظه .. ... زينة البنات...
هللاصيلة...

.. طلال... بقيت ساكت حجيه صحيح بعد ماعرف ارد عليه

ابو عدوان... ادحك علية صافن صحت بي كتلوووو
يول يابه طبطب على جتافو .. كتلو .. لا تصفن عليش ساكت خجلان من كلامي ..هاااا تره ماكلت غير الصدك ....
..
... طلال لا مو صافن بالي وياك سيدي داسمعك

ابو عدوان لا تعتبرها
رزالة مني .. اني داحجي الحقيقة انت ماتنحسب على الزلم .. وهسه كوم روح ولي وباجر الفلوس تصلك ليمك... ومثل ماكتلك ماريد بشر يسمع اذا البنيه صارت الي او لا .. افتهمت....

... زين شلوون راح تندل مكاني ....

.. هالشي يمي مو يمك .. الكاك لا تهتم... امثالك متواجدين بكل مكان...... توكل ...

... طلال... كمت الحيلي... اني اشكرك ... بس اني هم جنت اريد اوصيك لا تكووول لان جابر بس يسمع .. راح تصير مجااتل اني وياه

.. ابو عدوان... اي يابه اي حكو انت تبايع وتشاري بيها
اسمع عاد .. اني مااريد
احد يسمع مو الخاطرك ولا لخاطر اي بشر .. بس كتلك الخاطرها هي... ماريدها تفشل وتنقهر من تسمع
ابن عمها يعني حزام ضهرها...
باعها بيع.... اخخخخ تخسسسسسسسى والله ول مابقت زلم لا والله
يول يابة توكل كتلك وباجر الفلوس يمك... لا تبقى جدامي

.طلال.. مارديت ... صديت فتحت الباب وطلعت...

.. سعود.. طبيت وبيدي الغده .. تلكاني طلال طالع... سلمت عليه وطبيت.... كتلو سيدي الغده هيان جبتو اتغده لو مشوار النوب

..، لا شيلو من جدامي ماريد... ماريدددد

.. سعود... دحكت عليه وجهه موطبيعي.. كتلو خير سيدي خمو اكو شي...

.. ماكو شي... تغدو.. تا العصر نمشي... لبييت...

... حاظر سيدي... هسه اجهز كلشي بس اكمل الغده...

،.. عنود ... كعدت من نومي ..
على حلم وردي... ولا جنت اتمنى اكعد
... حسيت نفسي حييييل فرحانه
ومرتاحة بالحلم.. ممت الحيلي
لميت افراشي
... خواتي بعدهن نايمات.. دحكت عالساعه ..
9 وربع... شديت شعري
وطبيت للهول .. ماكو احد...
باوعت جابر غرفته مسدوده بعدو نايم...
طبيت غسلت وجهي وطلعت ..
طبيت للمطبخ...
ماكو امي.. وين راحت
باب المطبخ مفتوح ..،
دحكت عليها كاعده بالحديقه.. ويمها صينية الريوك...
طبيت صبيت استكان جاي ... وطلعت ...

.. ام جابر... هاا اليوم من وكت كاعده شعجب...

... العنود... اسكتي يمه.. كعدت حلمانه حلم...

.. ام جابر.. خيررررر ان شاءالله

.. لا يمه يخبل... حتى كعدت مرتاحة...

.. كعدي تريكي واحجيلي هل تشوف احلامج

.. العنود..، تربعت وكعدت... . يمه .. حلمت اني ...
كاعده بسياره ... عاليه وراقيه حيييل حلوه...
واباوع على وجهي
بالمرايه... جمالي طالع يبهرررر
... جمال مو طبيعي... ولابسه فستان
وردي طووويل وشعري مفتوح عبالك
اميره وبالحلم حيل فرحانه
... ادحك عالباب الي بصفي انفتح...
ارفع راسي اريد اشوف
منو الي فتح الباب... وجان
يدخل واحد يكعد بصفي طويل ضخم
بس صاد وجهه اريد بس اشوف
منو ماكدرت.. بس اني بالحلم
اكول... هذا منو الي صعد معقول
خطيبي.. مديت ايدي عليه
خليتها على وجهه.. اريد اشوف منو...
وجان افز من الحلم...
شكد جنت فرحانه بالحلم..
بس من كعدت انقهرت اتمنيت الحلم
مايخلص...

.. ام جابر... خيرر خيرر...
السياره بالمنام اتسير الامور
والوجه الحسن.. معناها خطوبة
... والي متزوجة .. وتحلم
بروحهه بلحلم حلوه معناهه
تحمل وتجيب صبي...

العنود... مادري يمه اني قبل
ما نمت دعيت من الله
يرشدني للطريق الصحيح
وصليت صلاة الاستخاره...
وشو هيج حلمت...

.. شوفي معناه ابو عدوان حياه حلوه الج...

.. اكول يمه شو طلال ساكت ماحجة شي من يومها

.. شمدريني عساه لا حجة وج هذا مايفيد والله اعرفه من هو صغير
هالانسان يتعبج...

.. يمه اني مورايدته والله.. لكن اني نفسي ماعرف شبيه ماعرف شنو الي اريده...

.. عوفي ماعليج منو .. امي الله يرحمها جانت عدها خوش حجايه
اتكول القسمه من تجي تنسد الحلوك غصب عنها تنلجم لجم ..
عاد شوف انتي شنو قسمتج الله اعلم...

زينه حرمة ابو عدوان الثانيه.. مواليد 79..
نحيفة حيل.. وطويله ..
تكون من عمام ابو عدوان..
جانت الزوجة الثانيه
عنده منها بنوات اثنين .. شمه
.. و.. سلوى اعمارهم خمس سنوات... الزوجة الاولى الابو عدوان .. بنت عمو الح...
صفية ...عكس زينه
.. كصيرة ومليانه
.. يعني دبدوبة
😁 لكن حرمه فقيره من اهل الله
.. تزوجها بس جانت
مو اختياره اختيار جدهم حجي كعوود..
بعد الزواج بفترة ..اكتشفوا
ان صفية ماتكدر تجيب اطفال
.. يعني عقيمه... فقررت انه تختار اله زوجة ثانيه حتى يكون عنده اطفال لأن هالشي جان امنية حجي كعود انه يشوف اطفاله ويجيهم
صبي ويسموه عدوان.. لكن للاسف حتى بعد زواجة من زينه
ماكدرت اتجيب فقط بنات اثنين.. وماراح تكدر انه بيوم تجيبله اطفال لانها.. تعاني من مرض نسائي..!!!!!! .... ..؟!

/ ابو عدوان.. الاسم روكان ذياب اكعود مواليد.. 77 المهنى عقيد تم تكريمه بعد ما صد اكبر واكثر من هجوم على منطقة الجلام وبحيرة الثرثار لكونه من الضباط الاابطال .تم ترفيعه عدة مرات وحصل على رتبة عقيد://// روكان ... من اهل الشرقاط يسكن ناحية العلم... من عشيرة الجبور...ولده توفى وهو صغير والي رباه الحد ماكبر هو جدة الحاج اكعود... ماعنده اخوان فقط اخت واحده الي هي وظحى... اكبر من عنده بالعمر... وهي الي
ربته بعد وفاة اهلهم .. ... وكانت اله الام والاب.. عاشو عد جدهم حجي كعود.... .. من ااغنياء ناحية العلم...ومعروفين لكن غيرنا
الاسماء طلب كان من اصحاب القصه

زينة... طلعت من المطبخ .. اريد اشوفو كاعد.. باوعت ديزين لحيتو ... كتلو ابو عدوان... ريوكك جاهز ...كملتو

... اي جاي .. البنوات كعدن... وينهن...

... اي كعدن ريكتهن... اكول اليوم تبقى لو تطلع

.. لا ماطلع.. هسة .. بس جهزيلي 35 ورقه... جيبهن هين يمي
هسه يجي سعود تاياخذهن... تعرفين تحسبيهن...

لا راح اجيب الفلوس خاف اتوهم بيهن .. بس حنگة 35 ورقه المن... !

.. يعني المن... ليش لازم تعرفين... شغله عندي بيهن امشي جيبيهن ولا تسألين

..اي هاي هي براحتك هسه اجيبهن.. بس عبالي امر الاهلي
ا
... ماكووو روحة اركدي يحرمة اركدي بيتج

.. بس اني صار سبوع مارحت

يولي البارحة بالليل نزلت اركدي ... خل اشوف البنوات

.. بكيفك هاي هي مثل ماتريد ماروح... انت مو علمودي علمود البنوات اعرفك ..

ابو عدوان.. يول ياب اكلها لا تروحين وهي شتكول .... كافي .. تريدين تروحين ... روحي

.. هااا خوش كلت اسوي الغده واطلع... وظحى وصيتها تسويلك الاكل

.. ايييي ايييي .. وظحى وين كاعده... لو نايمه

.. اي يمها البنوات... خليتهن بالطرمة ...

.. روحي يول يابةةة روحي...

.. ايييي عجل رايحة اتحظررر... الريوك بالهول

... ول لا تكعين... شبيج تركضين.. عجييب شبيها هاي

.. وظحى.. هلا بعد طولي طولك هلا خويه صوباح الخيرر

.. هلا خيتي شلونج... دنجت عليها وبست راسهاا..

... الحمدلله .. شو ماتبين مختفي ليش والله بالي يمك بالدوام

.. والله بالدوام وهاي البارحة لليل يله طبيت البيت وجيت لكيتج نايمه
وجتت حيل تعبان وتمت
...
اي والله نمت اني وزينه بالربعه...

.. اييي اييي زينه ... مادري شكول عنها

،. لا خطيه تره هي علمودي نامت..انطيني اني اصبلك الجاي

ههههه لا هي موجديدة .. كبل تنام وحدها .. .. يعني اني صار جم يوم بالدوام حيت تعبان اريد ارتاح..
تلكتني تكول اريد اروح الاهلي...
المره المفروض اتلكة رجلها من اللباب
.. هي ماكلت حتى شلونك ..
وهسه طبت تركض بس كتلها روحي..
يعني كلمه الله يساعدك ماسمعها منها...
بس جيب فلوس واهلي واهلي...
حيييل تعبتني هالحرمة... عقلها صقيع رغم
مو صغيره بس تصرفاتها ذابحتني... ااخ
استخطيها والله .. اكول فقيره تتعلم.. لكن نفسها
مادتتعلم

.. اي حگك والله .. اني احاجيها ...

... لا تحاجيها ،.مايفيد وداعتج..

...وظحى.. اكول هي سولفتلي عبالي ماتدري تكول ابر عدوان راح يخطب

.. ابو عدوان.. عجل شنو غير كتلهااا اي تدري

.. وظحى.. هههه والله يابه زين ساكته توقعتها تحجي

.. ابو عدوان.. وعليش تحجي محد يحجي ويفك حلكه اذا تزوجت او لا هي معززه مكرمه .. ماراح يتغير شي.. يوميه يم وحده لو شتكولين اخيتي .... ها

.. اي مابيه شي اذا هي موافقه.. اكول عاد البنيه حلوه الي تريد تخطبها...

.. ابو عدوان... اخيتي هي حلوووه وحلت بعيني.. ااخ للحزه هاي واني اتذكر صدة عيونها.. والشامة الي حدر اللثامها... هيبةةً ... يبعد روكان ... غير لو اشوفيها... مررررة مررة تطكع بالكاع خيتي... بس تبين ملسووونه .. مو هينه

.. هااا يعني مو فقيره شجابك عليها اذا مو فقيره تره اتعبك

.. لاااا لا اني ردتها لقوتها ول اللسانها الي عبالك برنو يطلق
ههههه عجيبها هالحرمة وين جانت عني... هذي الي جنت محتاجها من سنييين ...

... وضحى.. هااا والله سويتلي واهس اشوفها... تستاهل اخيي
بس شوكت تخطب

.. بعد ماردولي خبر .. عود من يردولنا خبر امر اخذج انتي وزينه

.. هااا زينه تروح ويانه... يعني!!!

.. عجل ليش ماتروح اي تروح غير تا تمشولي.....

.. زينه... فتحت القاصه.. طلعت الفلوس... طبيت ابو عدوان
كاعد بسولف وسمعتوا يكول تا تمشولي... وكفت كتلو
يعني هاي الفلوس للحرمة الجديدة...

.. ابو عدوان.. رفعت راسي .. صديت عليها...
هي فلوس يووولي....!

.. انت مو كتلي جيبي فلوس مدري شكد ..

.. كتلج عندي شغل بيهم ...خليهن هين وتهيري ..
بس جيبيلي البنوات اشوفهن... كبل مايصل سعود ..
ياالله الحمدلله ... شيلي الصينيه... كمت الحيلي طلعت عالمغسلة

.. وضحى.. اكول زينه ليش ماتبقين هين باجر عود روحي
مايصير روكان اليوم جة غير تبقين يمه ...

.. اني مارحت الاهلي صار سبوع... وضايجة لحد يكولي لا تروحين .. ابو عدوان ملتهي.. ومن ينزل للبيت كاضيها ويه
ربعو بالربعه.. واني طاكة روحي...

.. كيفج يمه اني علمودج.. الزلمة يحب الدلال يحب الحرمة الي ادللو وتدلل عليه بنفس الوقت وانتي هاملتو .. هسه يتزوج
ويعوفج وعاد تشبعين قهرر

.. اي يريد يتزوج كالي .. تمشيلي كتلو اي... خل يتزوج هم تخف المسؤليات الي عليه.. اعرفه مدام حط ابالو الزواج يعني يتزوج

قراري ماراح يقدم ولا يأخر تعرفي عصبي وماكدر ااحاجي
ولا اكدر افك حلكي... شسوي لو عليه ماخلي يتزوج بس

هو عاجبووو .. واني ماكدر امانعه... اوررف شسوي
خل اكوم اكمل خاف اتأخر
ويكول يصيح ويزكح... دري بالج عالبنات هسه اجي

العنود... تطفت البيت وكملت... كعد جابر سويتلو الريوك
كعدنا بالمطبخ... خليت الجاي جدامو.. اروح واجي من جدامه

والهباطه على كلبي خايفه يسألني .. ويكولي وافقتي لو لا...
شلت الماسحة.. كتلها يمه راح اطلع اغسل الطرمة...

.. جابر... اكول يمه شو صنته... الزلمة عيب مارديتلر خبر
شبيعا العنود كلها تفكيررر

... عوفها يابة لا تضغط عليها هي توافق واذا مارافقت شتسويله

.. شنو ماتوافق شبي الزلمة لا تخبلووووني... توافق غصبا ماعليها
ماكو عدنا حرمه تكعد تكول هذا اريده وهذا ماريدها بلغيها
اليوم تنطيني الجواب حتى ارد للزلمة واذا كالت لا عاد هاي الي انكتب عليهاااا ..

.. يابويه مايصير تجبرها هاي عشرة عمر يايمه

.. يمه هي تتعود عليه وين عايشين احنا ..الامر محسوم
العنود الابو عدواااااان

.. العنود... اسمع جابر يحاجي امي وصوته عالي... اخذت الصونده
من خوفي طلعت غادي وصلت بال الحوش كمت ارش ماي واخرط
وعيني عالباب خايفه لا يطلع جابر... شلون يربي.. شلت الصونده
اريد افوت.. سمعت صوت سياره ورايه... صديت .. سيارة عسكريه عاليه.. الشمس بعيوني ماشوف زين.. انتبهت هاي مو سيارة ابو عدوان لو غيرو حطت ايدي علو عيني ركزت زين
اي بالله هذي سيارة ابو عدوااااااان..........

تفاعلكم سوالي واهس اكتب🙈

جنون إمرأه عنيدة ... وكبرياء عاااشق ....
هنا تكوووون لذة الحب

وللحكاية بقية....❤️ .... انتظروني

فيتامين سي · 05-01-20, 06:19 AM

الخامس

#ابو_عدوان

#مذاق_العشق

#بقلمي_نشوى_السلطاااااان

مساء العشق

.. العنود... اسمع جابر يحاجي امي وصوته عالي... اخذت الصونده
من خوفي طلعت غادي وصلت بال الحوش كمت ارش ماي واخرط

وعيني عالباب خايفه لا يطلع جابر... شلون يربي.. شلت الصونده
اريد افوت.. سمعت صوت سياره ورايه... صديت .. سيارة

عسكريه عاليه.. الشمس بعيوني ماشوف زين.. انتبهت هاي مو سيارة ابو عدوان لو غيرو حطت ايدي على عيني ركزت زين

اي بالله هذي سيارة ابو عدوااااااان.... دفعت الباب.. وطبيت
وكفت بسد الباب.. اريد اتأكد هذا ابو عدوان لو منو..

طبكت السياره بفرع بيت عمي.. صفنت يربي شنو السالفة
شو هناك اليوم... بقيت ادحك اريد احد ينزل ماكوو

كتلتني الشمس واني عيني عالمطبخ لا يطلع جابر
وعيني عالسياره... زين ليش جوي هين.. باوعت انفتح الباب

وطلع طلال... فتح باب السياره وصعد... معقول ابو عدوان
جاي على طلال... زين ليش.. اليوم لازم اشوف شنو السالفه..

مديت راسي ... طلعت وكفت عالدجة .. شفت الباب انفتح نزل طلال
والسياره مشت الراس الفرع لافت ورجعت من فرعنا.. طبيت جوه

سديت الباب.. فتحت الباب شويه... سمعت صوووت السياره صار قريب.. باوعت.. اريد اشوف منو بيها.. انتبهت هذا مو ابو عدوان

هذا سعووود.. اي والله سعود.. زين شعندو يم طلال.. معقول يعرفه
.. عحيب... ولا ادري انهم اصدقاء،،
شلت الماسحة .. طبكت الباب وطبيت...
خليت الماسحة بصف الباب...
لكيت جابر واكف عالسنك ديغسل...
دنجت راسي وعبرت من يمه...
طبيت ركض للغرفه خفت لا يسألني...
الجوو حار .. طلعت هدومي من الكنتور.. اريد افوت اسبح .. تذكرت الكحله..
الدزتها نجمة.. لازم اتكحل قبل مااسبح
حتى تطبع بعيوني،.، خليت الهدوم عالجربايه.. طلعت الكحل
تكحلت... صفنت على
روحي... تذكرت الخطبة وابو عدوان..
لا شبيه اني مااخذ هالمغرور..
ولو الغرور لايكله بس ااااااالا لو
يبقى من عمري يوم مااخذه ..شلت هدومي وطلعت ...
طبيت للحمام ،. علكت هدومي اريد اقفل الباب.. وجان تصير
امي كبالي.. كالت هاا حظري روحج تره اخوج راح يرد الخبر
الابو عدوان خاف تكولين...

كتلها.. يمه شنو تره والله حرام عليكم ليش تجبروني ..
مااااااااريدة اصبح بعدددد

.. وصكع لا صكع نصي حسج لا يسمعج ول انتي شبيج محد جابرج بس دنكلج احنا اعرف بمصلحتج كافي عاد
شنو هالعناد الي براسج صار جم يوم الزلمة ماردينالو خبر
وابو قصي ايكول اخجل اخابره اخاف يسألني.. كافي عاد

.. يمة ليش تسوون مشاكل مو بيت عمي يردون يمنه يعني
الا تصير مجاتل يله ترتاحووون... خل اغسل هسه عوفيني يمه
تره طك كلبي من هالسالفه هاي...

.. ضي... هااااا شنو يمه اسمع بطاري خطبه شنو راح اتزوج العنووود ... وهلاااا هلااا .. ولج شوكت يولي

،. العنود... شوف هاي البطرانة ماتولين عن وجهي

.. ولج .. شحة لا حفلة لا صخام مو طكت ارواحنة

.. بمكان الحفلة روحي عزلي فراشج.. يله اندفي من وجهي
طبكت الباب بقوة ... هفففففف شلون بلاوي ياربي

.. ابو عدوان... طلعت اتمشى لكيت وضحى بالحديقه كاعده وتكطع بالدغل تمشيت عليها.. .. ها خيتي شدتسوين...

.. والله شفت عاكول بالحديقه منبت كلت احوشهن كبل مايكثرن

... اي عوفيهن خيتي هو يجي رزاق يسويهاا... اني راح اطلع
مادري دشداشتي كاويتها زينه لو لا

.. لا خويه كويتها الك كبل شويه معلكة بالزاوية.. بس وين النيه

.، عاشت ايدج.. والله كعده بيت حجي عواد .. فصل عدهم راح اروح ماتأخر.. خاف يمر سعود .. كوليلو خل يبقى هين ماراح اتأخر .. ماشي... واذا محتاجين شي كولي

.، وضحى.. سلامتك بعد عيوني بس خويه الدرب بعيد لا تروح غادي .. والله اخاف عليك

.. ماكو شي اخيتي الطريق اامين كلو سيطرات اريد اشوف جريذي
يكف ماكوو...

.. اسم الله شنسوي بيهم عساهم لا وكفو بلجي الله يخلصنا منهم

.. لا تخافين اخيتي الكاتبه الله نشوفه... اروح اللبس ..

.. العنود.. غسلت وطلعت.. بعدني باب الحمام.، لفيت راسي
بالمنشفه.. اسمع حس ابو قصي ونجمة.. شعجب هالحزة جووي
وشكووو شنو هالضحك..
صحت يولي ضي .. وييينج ..
طرش ماتسمع هاي.. طبيت للغرفه... كطيت المنشفه...
شلت المشط اريد امشط شعري...حسيت احد يم الباب واكف
ادحك عاليده تنفتح وتنسد..
مشيت فتحت الباب..
لين قصاوي.. واكف.. ولابس فوطة (ملفع ) امي... هههههه يول
شلابس هااا... مابقيت شي مالبستو.. خايفه تجيني بيوم
لابس لباس جابر... عاد صدك اموت من الظحك... ههههه
تعال تعال... فوت هم تريد اتكحل... كعدتو عالجرباية..
مشطت شعري لفيتوو،.. وجان اسمع صوت نجمة وضي جن يركضن ونجمة تصيح... وهاااااااا العنوووودد خسرتي خسرتي
... دحكت عليها.. يريدن يحجن من الظحك مايكدرن..
ولجن شكووو شبلاجن مصكوعات شكووو

.. ضي... هلا ومبارك عرسك يالهيييبة كابليني نجمة

.. العنود ولج ياهيبة منو تزووووج...!

.. نجمة... عنود عرسج هذا عرررسج..💃🏾

.. بلجي اخبال غير يحجن عرس منوو لا تدبحن خل نفتهم

.. نجمة.. يولي.. تذكرييين شكتيلي مو كتيلي انتراهن اذا طلال تنازل عني وما انهى اني اوفق ببو عدوان بدون تردد..

.. العنود.. اي كلت طبعا وماامتنازله عن كلامي بس شكو؟!

.. لا يحظي عليش اتنازلين هو الي تنازل هههههههههه
وهاي الرادها وهاي التمناهه .. وترررن ترررر ن ... ادبجي يالعنووود ادبجي... طلال فك النهوى وكال زوجوهااا

... العنود.. يولي ايدي راحت حليني.. ههههههه عليمن هالسوالف
مو شفتو من يومين جة وكال محد ياخذها

... ههههههههههههه ضحكتيني وليش شوكت طلال صار رجال
وكلمته وحده... غير اليوم جة على ابو قصي وبذني سمعت الحجي
كال سلمولي على جابر وخل ينطي العنوود مبارك عليها
عاد اني بكلبي كتلووو.. بلجي بدرب الصد ولا رد .. ماعليه الحسافه
العنود ماتلوك غير لخيالها ابو عدوااان...

ضي.. يولي العنووود دوريلي عريس مثل ابو عدوان...

..نجمة... دوريلج سطل ماااي ورشكي بلجي تلكين زلمه معدل مثلو ههههههه ها العنود شو صفنتي.. تعاي جابر كال كلولها راح ادز خبر لبو عدوان...

.. العنود... عليج بروح ابوووويه طلال هيج كال لو تقشمريني

.. نجمة... وروح ابويه وجدي السابع عشر مادجذب عليج يولي
انتي حيل متغزره بطلال اشترجين من واحد يلعب قمار وفلوسًو
حرااام.. قددددي احمدي الله خلصتي منه

العنود.. بقيت صافنه ماعرف شنو احجي شنو الي اكوله ..
ذني يركصن ويهوسن واني مثل الصدمة .. تذكرت الرهان
واني صافنه سمعت جابر يصيح...

.. نجمة.. اللبسي ملفعج والحكينا.. جابر ينتظرج .. هو وابو قصي
ايردون يردون خبر للزلمة...

.. العنود... اي يردون خبر.. عود يريد يسألني وياخذ شوري
هو اليوم سمعتو يكول الامي غصب عنها اتزوج وهي بعد العرس
تكوم تتعود عليه وتحبو.. ادري هيج صار الزواج عادي عندو

.. اكلج.. انتي تره زودتيها... ولج والله الا تتندمين وتكولين شلون
ماوافقت بساعتها.. وج بابا راح تعيشين اميرررة اصحي

.. العنود... يولي مغرورررر ماطيقىوو

.. ول ول.. ههههههه واني اشهد الغرور والكبرياء مايلوك غير له
شبيج انتي .،، حقو ينغرر شو جاه وجهه وهيبة ورتبه وشخصية
امدااااااج اريد اغمج وج غميها ويايه ضي.. غميها ترفس النعمة
هاي مو مال ابو عدوان مال تاخذ طلال ويخليها تكره الساعه الي
انولدت بيهااا... وهاي غمه جديده 🙌🏻

.. دكاااااافي تره عقلي واااااكف امشن خل اشوف جابر شلت الشال لبستو وطلعت... طبيت امشي الكل كاعد كبالي.. واني مدري شبيه
خجل مدري خوف مدري ارتباك.. شلت قصي كعدت بصف امي خليتو على رجلي..

.. ابوقصي... هلا بالعنود... هاي شبي وياج قصي كالو مشدول غراضج كلهن ههههه ول هذا مايركد الملعون

.. العنود.. ههههه اي بالله مايكعد مشلوش ... مايركد بمكان الله يساعد نجمة عليه.. تدري فتحت الباب لكيتو متفوط بفوطة امي

... جابر... اريد اكوم اني وابو قصي.. نروح نقرأ فاتحة ..
اسمعي اكلج ابن عمج الدثو .. بطل مايخطب بعد عدنا
عجبه مادري شجاه المهم... الزلمة صار جن يوم مارديتلو الخبر
اليوم راح اكوله تعال وحياك موافقين... وماااااريد كلمه زايده
صار جم يوم ينتظر مال اكلو اصبر بعد تفكر لا شيليها من بالج
يعني تهيري هاليومين يجيب ربعو ويجينااا لا تكولين ماكلي

.. العنوود.. بس هووو متزووووج شلووون ماكدر اني

... يول لا تخبليني كنالج بيتج اوحدج .. يعني محد الو شغله بيج
لا تكبريها تره جثيرررر الي يتزوجن فوك حرمة ثانيه وثالثه
نفس وااااحد مااسمع تحملناج جثيرررر كوم ابو قصي خل نطلع
وبالدرب رد خبر للزلمة خل يجون...

.. نجمة... واخيرررررا ايييي يالله

.. ام جابر..، مبارررك ابنيتي الف مبارك...

.. ضي... دحكت ابو قصي وجابر طلعو للطرمة.. كمزت على امي
كتلها يمةةةة اريد زلمة مثل ابو عدوااااااان وين الكة

.. نجمة... هههههههههه بلجي خبال يول اثكلي

.. ضي... محد خبلني غيرج صار جم يوم ابو عدوان ماوكع من حلكج سويتلي واهس اتزوووووج عقيد😢😢يمه زوجيني

.. ام جابر.. يول اثكلي اركدي شهالحجي هذا مو. اكوم اكصو للسانج ..

.. نجمة.. ههههههههه يمه نتشاقه شبيج

.. العنود.. كلكم تهوسون وتظحكون بس محد كال خطيه
شلون نزوجها انساااان هي مو راغبته محد يحس بيه ابد
كمت الحيلي... فتحت الباب .. طبيت الغرفتي وطبكت البااااب
وقفلته عليه...

.. نجمة.. ركضت وراهه يولي افتحي الباب شبيييج خل احجي وياج

.. العنود.. روحي نجمةةة روحي عوفيني بحاالي محد الع علاقه بعد بيه مو هذا الي جنتو تخططوله هذا صار مبتغاكم ... هسه عاد افرحو وهوسو علو راحتكمممممم خلوني بحاالييييي

.. نجمة.. يولي شبيج بس فكي الباب خل احجي وياج عليج الله

.. لا تحلفيني نجمة مخنوووووكة وماعرف الي بيه شنو عوفيني

.. ضي .. هاي شبيهاااا شنو تخبلن امدا حظي اي والله صدك لو كالو الله ينطي الجوز للماعندو سنون

.. نجمة.. ول انتي طالعه عينج .. امشي من هين يالخبلة النوب علينا الزعاطيط اندلفي خل اشوف العنود شبيهااا

العنود... بقيت بغرفتي... قفلت الباب عليه شكد دكو بالباب حاولوا
انه ااجاوبهم او احجي وياهم لكن مارديت الاي احد بقيت بغرفتي

ودموعي تجري قساوة جابر وخوفي منه خلتني ابقى ساكته ومااحجي وابقى كاتمه القهر بداخلي.. يمكن لو ابويه عايش

مستحيل يقبل انجبر على شخص مااكدر اشوفه زوج الي بيوم
بمجرد ما اتذكر الخطوبه يصير احساس بداخلي غريب

ماكدرت اوصفلكم احساسي بلحظتها كل وحده تحب تشوف نفسها
مخطوبه وعروس جان هذا الشعور يمرني للحظة احس بالفرح لكن

واني اتذكر ابو عدوان احس بخوووف قلق.. ورعبة شي حتى كلبي ينعصر .. .. من اتذكر صورتة نفسي راح اكون ضعيفة امامه

ويمكن اتعب وياه جنت احسه عصبي ومتكبر وضالم مادري اذا جان احساسي صحيح او لا كل الي جنت احسه هو الخوف منه ..

بقيت افكر والف حسبه تمر ابالي.. صار الليل ونجمة راحت واني ماطلعت من غرفتي...بعد ما الكل نام .. طلعت ماكو احد هدوء
اول ماباوعت على غرفة جابر... الباب مسدود .. مشيت باوعت على غرفة امي.. الباب مفتوح شويه مديت راسي .. نايمين
والظوه طافي.. طلعت للمطبخ شربت ماي .. دحكت العشى مالتي بالثلاجة... اووف مبقيلي عشى واني احس اليوم عندي عزه طبكت ااثلاجة مشيت .. طبيت للهول تلفون امي عالشحن..اخذته .. طبيت لغرفتي ،.. تمددت بفراشي.. كمت الكلب بالاستوديو اريد شي يلهيني .. كلبت بالصور لحد مامليت... شغلت القرأن وخليته يم راسي ونمت... بدون مااحس... كعدت الصبح .. التلفون جوابه مشمور... شلته خليته عالديلاب... وكمت الحيلي فتحت الباب وطلعت ،،،طبيت للهول... لكيت نجمة يمنه هي وجهالها
وشايلين الحصيرة وديغسلون بالبيت.. والكل مخبوص... باوعت عالساعه.. 12 وربع.. كتلهم شكو شنو عالخبصة...

.. نجمة.. كعدت عروستنا ياهلا ياهلا تعاي عنود ساعدينا لو شيلي جهالي تره خبلوني والله

.. العنود.. مالي خلك الكلشي بس شنو هالهوسه شجايكم اليوم

يولي .. شنو جايكم الناس باجر يجوووون ليش اني البارحة ماكلتلج

.. ام جابر.. هي غير لو شفناهه طبت للغرفه وماطلعت الا هسه

... العنود..، وشدعوة هيج مستحجل هاا..

.. شنو مستعجل الزلمة نزلوله من الدوام ايريد يكطع مهر حتى يداوم
واسمعي اكلج تره ابو قصي ايكول العرس قريب الزلمة مايحب بطب ويطلع ايكول ماعندي شي حتى اتأخر.. جاهز من كلشي

.. العنود... اووو وانتي عليش دتحجيلي هو منو الي سامع شوري
شو كلها بكيفها تفصل وتلبس بقت عليه..

.جابر.... شكوووو شنو هالهوووسه ها اشتغلن وماريد نفس
يله كافي سوالف

.. العنود.. جمدت بمكاني من سمعت صوت جابر ورايه
ماصديت دنجت راسي وطبيت للمطبخ.. بقو خواتي بالبيت يشغلن

ويعدلن واني احس جسمي تعباااان مرهق مالي خلك الكلشي
مرر الوقت .. وصبحنا بنهار جديد.. طلعت من الغرفة على ريحة

البخور .. امي شاعلة بخور بكل. مكان والريحة تخنك..
طلعت للهول .. شفت الجودليات ممدوده .. بالهول وبالنص حاطين

كراسي اثنين... صفنت.. هالكرسي يعني الي واله....!
زين شنو السالفه شوكت لحكو يرهمون كل هذا... طبيت للمطبخ

لكيت امي وضي ديشتغلن.. كتلها يمه ترة اختنكت شنو عالبخوور طفي الله ينطيج...

.. تعال هم زين من كعدتي مصخمة راح تصير بالوحده شجاج
من جبتي هالنوم جنتي من الغبشه تكعدين...

،، اي يمه اي .. انام.. شتريدون مني خلوني اشبع نوم هو جم يوم وتخلصون مني... اكول شو شفت قصي نايم بالهول عبالي هين نجمة .. منو جابه..!

..اي عجل منو جابه غير هيه جت من الصبح خطيه عزلت البيت ورهمتو ويايه وراحت بال 11 عالسوك تجيبلج شي تلبسينو اليوم

.. العنود... مو عندي هدوم شبيهم يعني عليش دزيتيها

.. لا هذنيج مو حلوات خل تجيبلج شي راهم .. اليوم ابو عدوان واهلو يجووون ماترهم ... يله امشي اغسلي رهمي روحج
اسمعي عندي ديرم بغرفتي روحي حطي منه

.. العنود.. ديرررم يمع ديررم خرب حظي شسوي بي شكد قديم يربي عاد مالمن هذا خاف مال جدتي... هسه مو كاتلنا غير الديرم
وخري ضي خل اسوي جاي ..

.. ابو عدوااان.... يولو ... وينو رزاق... تعال سعود ..

.. سعود... سيدي هسه يجي دزيتو يغسل السياره...

.. ابو عدوان.. كول للربع المشية الساعه اربعه..

.. سعود.. كتلهم كلهم من الصبح.. راح نطلع بال30 سياره...

ابو عدوان .. اي كفوو ماتقصر اكول النساوين عود رهملهن سيارت

.. سعود.. سيدي .. اريد اسألك اخيتي زينه تروح ويانه..

.. اي تروح ليش ماتروح غير تا تمشي اليه...

.. ههههه اي حك والله امي ولوالد كلهم راح يجون

.. هلا بيهم حياهم الله.. تعال فوت اليوم ماشريت نركيله

... سعود.. بالمهلي ابن عمي .. لا مو اريد اروح اجيب الدشاديش من الكووي ..تا نمشي العصر.. نطلع كبل الاربعه لان طريق هم ورانه خاف مانلحك

اعتذر اتأخرت عليكم بس جنت مخبوصة وياهم بالمشيه😂
.. وراح يجي ابو عدوووان ويشوف العنود..
اوول لقاء .. بين الكبرياء.. والمستبدة ... العنود.. والجاي احلى
فديت الزلم المعدلة🙈

.. يتبع....... 😍
القصة بقائمة
المراتب الاولى .. لا تنسون تصريتكم 🙈
❤️❤️❤️...

فيتامين سي · 05-01-20, 06:21 AM

السااادس
#ابو #عدوان

.#بقلمي#نشوووووى # اللسلطان

ياريام الجارحة برمش وعين
زاهية الشامة على الخد اليمن
والله يم شامة اريد احلف يمين
يوم التغيبين محسوب بسنة 😉

هلا بيهم حياهم الله.. تعال فوت اليوم ماشربت نركيله

... سعود.. بالمهلي ابن عمي .. لا مو اريد اروح اجيب الدشاديش من الكووي ..تا نمشي العصر.. نطلع كبل الاربعه لان طريق هم ورانه خاف مانلحك

.. ماشي يخوي اني هين انتظرك جيب الربع تا نمشي سوه

.. خوش .. فيمان الله سيدي...

.. ابو عدوان... وصلتو للسيارة وطبيت اتمشى عالبيت.. تلكتني
وضحى.. كالت.. هلا بعد طولي اليوم مخبوص ماشفناك..
زينه جت من اهلها وجوه هي والبنوات

.. اي جنت مشغول.. تلفونات والله مانطوني مجال وين البنوات يوولي زينةةةة وينج.. وينها زينه..! شدتسوي

.. وضحى.. هساع تجي تعال اكعد .. اكول اليوم منهو يروح من عدنا شوكت نطلع

.. ابو عدوان،.. كلنا نروح تهيرن من وكت ...

.. اكول خوية صفية شو ماتبين خلاص .. مادري تروح لولا

،، ابو عدوان.. ماتجي مريضه تعبانه اليوم رحت انطيتها مصرف
خطيه تعبانه .،. مو مثل كبل

.. وضحى والله فقيرة الله ينطيها الصحة والعافية

ابو عدوان... اي والله اصيله بنت عمي... وينها زينه يووول زينة
مو احاااااجييج.. كمت الحيلي.. هاي شوفت عينج اصيح وماكو هيه.... وينها... خل اشوف شنو سالفتهااا،،،

. دكف يخويه شبيك جوز هوسة البنوات ماخلووها تسمع.. اكف
يبعد اخيتك اني اصيحلها...

.. ابو عدوان.. فتحت الباب وطبيت.. دحكت عالجربايه نايمه ومغطيه راسها.. وشمه وسلوى يلعبن كاعدات بالكاع وخابصات الدنية.. ول شمسووويات هذني.. تعاي تعاي شمه... تعاي يبعد عيون ابوج .. شدتسوين هااا!!

.. وضحى.. مشيت سريع وراه اتوجهه عالحيطان رجلي توجعني بس اريد الحك بي اعرفه من يصير عصبي ماينحمل.. طبيت لكيتو فاتح الباب ،. وزينه نايمه والبنوات وحده بحظنهً والخ تكمز كبالو وتصيح بابا بابا .. اشتريت العاب.. وهو يحاجيهن ويضحك .. كتلو ها شبيهن البنوات..

.. دحكي شلون تلكني هالملعونات .. اسمعي شلون تحجي شمة
اووف يبعد ابوج.. كومي تعاي كومي.. كمت الحيلي.. يولي زينه
اكعدي .. وين عايفه البنوات ونايمه ..

.. زينة.. وخرت الغطى وكعدت الحيلي. لكيتهم واكفين كبالي
بقيت مستغربه شفت ابو عدوان فوك راسي وعاقج حواجبو .. شبيكم شكووو شو واكفين فوك راسي

.، ابو عدوان كومي صار شكد اصيح عليج وين عايفه البنوات وحدهن ول ابوي انتي لو لعبات بكهرباء بشي غير تديرين بالج عليهن .. ذن جهال مايعرفن

.. ماعليهن شي طبكت الباب وخليت يمهن الالعاب.. اليوم
اشوفك واكف ومتهير لازم منتظر الساعه تمشي تا تروح الها

.. بلشناااا موو وين متهير.. بس جيت ادور عليكم البنوات ماشفتهن
كومي عاد مو احاجيج.. كووووومي لاتخليني ..!

.، زينه.. اي كمت والله مو نايمه.. شوكت تروحون

.. ابو عدوان.. تهيري ولا تكولين شوكت تروحون انتي ويانه

.. شسوي اروح ها... لا روحو انتو موراهمه روحتي

.. ليش ماتجين.. لا كومي ماتبقين وحدج.. خاف نبطي هناك
يله تهيري عاد.. اني افوت اغسل جهزي الحمام.. خليت شمه عالجرباية .. اكعدي هسه اجي لا تكعين

.. وضحى خليها يمي تعاي يم عمه تعاي.. وين المشط جيبي تا سويلج شعرج... وتطلعين حلووووة

.. شمة .. عمة اليوم بابا يتزوج ويجيب عروسه ويركصون

.. وضحى.. ههههه منو كلج يمه يمه منج... كومي اللبسي بدلتج حتى تصيرين احلى من العروسة

.. شمة.. لاء العروسة مو حلوه ماما كلتلي هاي موزينه تريد تاخذ بابا من عدنااا.. خل تولي طرديها عمه .. مانريدها

.. وضحى.. صديت على زينه واكفه كبالي تصفط بالفراش تباوع صفح وماترد عليه.. كتله زينه شنو هالحجي ليش هيج حاجيه للطفله
مو جنتي تكولين خل يتزوج تخف المسؤليه هاي بعدها بأولها ليش هيج تعلمين الطفله...

.. زينه .. اني ماكتلها شي كتلها بابا يتزوج وهي عرفت كالت راح تاخذو من عدنا

. وضحى.. الجاهله شنون عرفت بهالسوالف.. ليش تسوين كراهيها دتشوفين روكان ناوي ورايدها واليوم يكطع مهر بمكان ماتصير مشاكل بينكم هو بعد راح يتزوج المفروض تصيرن حبايب
لان مثل مانكول عي براسج براسج

.. زينه... اني ما كايله شي خل يعرس والله ازفو بيدي بس اذا
شفت منه قصور وانحياز الها والله اهججها من البيت

.. اشششش لا يسمعج شلج بهالحجي يمعوده استري علينا هسه يجيج
كومي تهيري وتعوذي الشيطان احسن ما تبقين وحدج كومي ولا

تغثين نفسج .. شوفي كبل صفيه هي جت وخطبتج.. هسه عاد دورج انتي تخطبيله.. انتي من اخذتي زلمة متزوج كبلج شتعرفين من

صرتي ثانيه يايمه .. هم جة الوكت الي تنزل عليج حرمة صفية المره من زمان عافتو الج وراحت .. كومي اللبسي ولبسي البنوات،..

ضي .. اخذو البنوات وياكم اني ماروح.. اي عليش رايحة ماريد اروح وعسما متزوج 10 بكيفووو .. والله مايهمني

.. والله يايمه بكيفج .. بس تعرفين طبعه كلج كومي .. شو انطيني هدومهن اني اللبسهن.. واذا تريدين تجين اللبسي كبل مايطلع

.. سلوى.. ايييييي عمه يعني نروح عالعرس.. ونركص موو هيييييي يله نروح راح اجيب حذائي...

.. وضحى.. هههههه شوف شلون جطت من فوك الجربايه ..
يله راح اطلع البسهن واتهير.. وانتي بكيفج يايمه ماعلي اني

.. زينه..طلعت وضحى.. شلت المنشفه وهدومه.. وديتهن للحام
طلعت.. للهول البنوات ديلبسن يم عمتهن.. باوعت من الباب

جة سعود.. شايل الدشداشة... طلعت عليه.. اخذت الدشاديش
علكتهن بالغرفة...طلعت تلكاني ... جاي للغرفه وعلى راسو الخاولي ..

ابو عدوان... شووو مو لابسه ليش ... يول ياب الربع شوي النوب ويحركون شوكت اتهيررين هاااا..!

.. لا هسه اللبس البنوات لبسن .. مروان يكول نسوان عمامي راح يجن ويانه...

.. انطيني الدشداشه من يمج ... والغترة والعكال.. ... يول انطيني التلفون من يمج.... وافتحي الباب شوفي منو ديدكة... صاحت وضحى.. اني خوية .. جوي عمامك بره واكفين
ماكملتوا.... صحت تعاي فوتي اخيتي.. طبت وضحى.، ..

.. اللهم صل على محمد... محروس من كل عين بعد اختك.،،

.. الله يسلمج اخيتي وينهم الربع عالباب لو طبوا للربعه

.. لا طببهم سعود وهمه وياه يتنوك بالربعه...

.. ابو عدوان.. انطيني عطر العود يولي ...شسالفتكم الناس هينة
شوكت راح نطلع...

.. العنود... لبسوني كلابيه
بيجي فاتح وبيها فتحات طوال
شعري اسود لحد خصري اسود فاحم .. ً
جت نجمة سوت شعري وخلتلي
مكياج فتحت شعري على طوله وخليت على راسي ملفع
صغير وخفيف اسود...
طلعت وكفت بالمطبخ
.. ولا حسيت بالفرحة مثل باقي
البنات.. عيني عالباب اهجس
روحي تريد تطلع..
خواتي وخالاتي .. بالمطبخ يحظرن
بالكيك والشربت سحبت الكرسي وكعدت...
صافنه عليهم فرحانين مايدرون اني نار
بوسط صدري ادحك هوسه
فوك راسي والجهال اتعايط .. واني بغير دنيه

ضي... هيان جوي عمامي والنسوان.. يولن الباب مفتووووح

.. نجمة.. هلا بيهم .. امشي تلكيهم خل يفوتون جوه...
صديت عالنود.. شو كاعده هين كومي اكعدي بالهول...

.. العنود.. رفعت راسي صفنت عليها.. كتلها خل يجون والله كريم

.. ام جابر.. كووومي لا تبقين هين كاعده النسوان جوي والناس على جيه...

.. نجمة .، تأخرو الساعه اربعه ونص ومحد بين منهم..

.. العنود... جوز بطلووو كلشي يصيررر

.. نجمة .. وج ماتسكتين شيبطل الزلمة اكولها يريدج

..ضي... ولكمممممممم جوي جوي .... والله جوووي..

.. العنود.. اشششش حسسسسج شبيج
واذا جوي قابل منو الجة
داحجي وجان نجمة وضي
سحبني من. ذراعي كوموني
الحيلي كالت كووومي ولج
كومي شوفي شكد نااااس جوي...
جريت ايدي ول ايدي يمعوداااات
شبيكم... رفعت راسي...
باوعت سياره سوده عاليه طبكت
.. نزل سعود اول واحد ..لابس دشداشه
كل مره اشوفهم بالزي العسكري اليوم كلها بالدشدايش...
صفنت عليه وجان تعيط
ضي... ولكم منووو
هذا الحلوو كلولي...ولج العنود اني بشاااربج
اريدو الي .. ولج نجمةةةةة دشوفين...
تصيح يم راسي ضي واني بس صافنه على البشر الي جاي وياهم
طبوو الزلم وياهم نسوان... كتلها نجمة منو هاي الي وياهم تشبه ابو عدوان عبالك اخته...

اي اخته هو ماعنده بس هالاخت.. دشوفين ام المفلع الاسود وبي ذهبي هاي زينه مرته وهاي بناته الي وياهه...

.. ام جابر.. الناس وصلو وانتن هييين واكفااااات امشن... يولي عنود تعاي اكعدي يم الناس

.، العنود..
اريد اندار على امي شفت
ابو عدوان نزل لابس دشداشه
وياهه عبايه( صايه ) سوده.. وغتره وعكال
.. بس جانت حيل لايكة اله الدشداشه
لان جسمه مليان،. شفتو يمشي
وبيدو التلفون ويخابر
وصل باب البرة انطه التلفون
السعود.. وكام يسلم عالزلم.. فاتو
يمشون.. واني دكات كلبي ويا
كل خطوه يخطيها ابو عدوان تزووود
وكفت بنص المطبخ اريد اعبر للهول
اهجس رجليه ماتن
.. مشت خطوة وكفت يم عتبت الباب..
رفعت راسي .. امي صارت كبالي
همست بصوت ناصي ومخنوك كتله يمه بطلي المهر
.. ماريد اتزوووج.. داحجي وجان نجمة
تكرصني كالت اشششش
راح يسمعوج.. امي تأشرلي بيدها فوتي
.. سحبت نفس عميق..
مدري شبيه مخبوصة..
طبيت واول وحده صارت
كبالي هي زينه .. كلت السلام عليكم
وجان الكل يوكف بوجهي.. جان تنغني
نجمة كالت شبيج امشي
الناس كامت بوجهه..
اني مادري بنفسي.. جان انتبه
سلمت عليهم وجيت سلمت على اخته.. بوستني كالت هلا بالعنود هلا بجنتنا الجديدة.. ابتسمت الها
.انداريت .. ورايه زينه.. كامت الحيله
كتلها مرحبة.. شلونج
.. جاوبتني.. هلا بيج.. اني زينة حرمة
ابو عدوان.. كتله اي كالتلي نجمة..
.. اريد ابوسه مستحية من نفسي
جان هي تتقرب عليه..
حسيت تريد تبادلني السلام..
ابتسمت الها وخدودي ناااار
خجلانه منها.. بوستها وكعدت بصفحها...
اباوع على ايدي ترجف ماكدر اسيطر عليه
كاعده بالهول وبابا الربعه كبالي.. رفعت الملفع( الشال)
خلتوا على راسي.. الكل صافن
عليه وعلى زينه
واني ماكدر ارفع راسي ..
شفت بنات اثنين اصغار
حلوات .. وحده منهم صافنه بوجهي..
كالت انتي عروس
مالت بابا... صفنت عليه ماعرف
شجاوبها باوعت على زينه
جان تكلها اي هاي خاله عنود
.. راح ناخذها ويانه للعلم،،
جان تكول شو انتي مو لابسه
بدلة دحكي اني بدلتي شكبرها وحتى
تفر.. ضحكت كتله شلوون يعني تفر.. جان تكوم الحيلي وكفت يالنص وكامت تفتر والبداله منفوخة
.. كالت شفتي بدلتي مالتج ماتفر
،، الكل كام يضحك.. ابتسمت
الها كتلها هو انتي حلوه وحليتي البدله
.. ملتهين وياهه ونضحك
.. جان يطلع جابر من الربعه صار كبالي
صاح ول يالعنووود.. باوعت
عليه همست بصوت يرجف
ها خويه.. كال تلفلفلي زين وتعاي هين
.. باوعت على امي
اشرتلي بيدها كومي... كمت الحيلي..
وكفت وعيني على زينه
خطيه معقول هيج عادي عدها يتزوج..
شفتها تعدل بشعر بنتها ولا منتبهه عليه..
مشيت اني ونجمة وكفت يم الباب
.. اريد اشوف اركز ماكدر عيوني
مليانه دموع وكوه كاتمه الدمعه...
طلع جابر ويا الشيخ وابو قصي..
كال المن توكلين كتلهم جابر..
خلف صاح من مكانه يولي
اني وكليني الي.. اباوع على خلف
وشيخ يسأل بيه واني ماعرف شبيه مخنوكة
.. جان يصيح بيه جابر جاوبي عاااد
كتلو شجاوب.. رجع الشيخ كرر
السؤال موافقه عالزواج بنتي
باوعت على جابر واكف كبالي
ومجتف اديه لوره وخازرني..
دنجت .. هزيت راسي وهمست اي موافقه
... كال جابر يله ارجعن
جوه اكعدن.. طبينا نمشي
رجعت كعدت نفس مكاني...
زينه صافنه عليه ودحك من فوك
ليجوه ... كامن النسوان وكفن يم الباب
مادات روسهن يم الربعه ينتظرن المهر ينكطع
كامت اخته وكعدت بصفي.. كالت
شلونج يالعنود.. كتله الحمدلله زينه
.
والله ابو عدوان خوش اينيشن كال حلوة واهلها ناس بسطاء
طيبين بس والله ماجنت عبالي هيج .. امج شمحله ملكاهه
واهلج خوش ناس..

كتله.. ربي يسلمج احاجيها
وعيني على زينه ..صافنه علينا
وبيدها لازمه طارف الشال
وتفتل بي.. ونظراتها الي
موطبيعيه.. صاررت هووسه
والكل طب يركض
صاحن كطعوو المهرر
كطعووو.. من كالو هيج
اني شلون كلبي احسو انعصر
.. معقول هسه اني على
ذمته .. وراح اكوون وياه بيت وغرفه وحده..
مادكدر اتخيل هااشي..
كامن النسوان بوسني
وهلاهل وهوسات.. جت
ضي وكفت يمي همست
بصوت ناصي.. كالت ولج العنود..
ابو عدوااان هيبة
ولج شخصية.. شفتو كاعد
وايضحك ويا ابو قصي
يمه شلون زلمة .. امداج ولج اذا ماشفتيلي واحد مناك
.. كرصتها بصفي زينه كاعده..
كتلها ولج حسج عالي اسكتي بعدين... فضحتينا

حجت وحده ماعرفها اتصور حرمت عمو كالت .. اكول عجل ابو عدوان مايجي هين ليش ماتصيحولوا تا يشوف عروستو..

.. جاوبتها وضحى.. كالت والله هسه هو يم الزلم مادري عاد
يقبل يجي لو لا .. خل ندز عليه شمه ام اللسان

.. جان ترفع راسها زينه كالتلها لا بنتي ماتروح هناك
ماتعرف احد تستحي.. اكعدي شمه لاتروحين هو يجي

.. العنود.. كامن يهوسن النسوان..
ويغنن ويدبجن
واني كاعده وحدي.. وزينه كامت كعدت
هي وضحى يم
امي.. ونجمة كامن يسولفن
ويضحكن عبالك وحده تعرف الخ
واني بمكاني كاعده احوص مدي
بس اكوم اشوف خواتي
يقدمن بالكيك. والشربت..
رايحات وجايات وخلف يطب
ويطلع من بعيد يأشرلي ويضحك
ويداهر مدري شيكول
واني اضحك عليه .. اتذكرت
من كالي بداعة ابو عدوان
سويلي جاي.. وسلون جنت رافضة
.. وهسه اني على ذمته
شفت خيال صار كبال الباب
.. طلع واحد لابس دشداشه
بيضه.. منطيني كفاه.. عدلت شالي..
باوعت منو هذا
مشة انتبهت هذا سعود..
وياه واحد متوسط العمر موشايفتو
قبل.. طلعو يضحكوون واكفوا كبالي بالطرمة
ادحك عليهم من الجامه يخابرون انداريت
شمه صافنه عليه واكفه بالزويه.. اشرت الها
بيدي كتلها تعاي.. بقت خازتني ومدنكة شلون واحد
زعلان وتهز بجتفها من اكول الها تعاي يعني ماتقبل
تجي.. اشرت بيدي للبنات كتلهم جيبولياهه..
راحو البنات شالوها وجاوبها .. اخذتها
كعدتها على. رجلي.. كتلها انتي اسمج شمه
هزت راسها اي .. كتلها الله شكد حلو اسمج
بس انتي احلى من عندو..
كالت انتي راح تجين يمنه..
كتلها انتي تريديني اجي...
كالت.. اي بس مو تاخذين بابا.. من عدنه
صفنت عليها.. كتلها لا حبيبتي مااخذه من عدكم
اني احبكم حبيبتي.. وانتي تحبيني!
جان تهز راسها اي.. حضنتها بستها
كتلها عود اجي ونلعب اني وياج
كيفت كالت عجل كومي هسه عندي
هالكد مكعبات بيتنا.. ههههه كتله لا
مو هسه بعدين عود اجي.. اشاقيها
واضحك وياهه.. كمت الحيلي.. اخذتها
وطلعت للمطبخ.. لكيت خواتي يسون بالجاي
وخلف واكف يودي صياني...

خلف.. هلاااا بالعنود.. هاااا ماريددده خشمووو
عالي ماريدةةةةة مغرور.. ها العنود .. هساع
ياهو الي خشموا انكسر... هههههههه

.. العنود.. هههههه ماتسكت انت الخ لمو جابر لو يبقى
بس هو مااخذه..، دنحجي اني وياه جان نجمة اتأشرلي بيها
على شمه.. انتبهت صافنه علينا شلون نحجي.. كتلهم
هاي شمه اسمها دحكوا عليها شكد حلوووة

.. خلف..استلم.. ولج نجمة اختج عالسريع تبنت جهالها
عجل ياهو الجان يصيح مااريدو.. هههههه

.. خليت شمه عالكرسي..
وركضت وراه..كتلو تعال..
عليمن تقلد ولك.. طلع خلف..
طب للربعه.. وكفت باب المطبخ
كتلهن والله الي اداهر من عدجن
.. اخلي راسها بالسنك
احاجيهن وهنه يتمضحكن من جوه لجوه..
كتلهن وجع
شبيجن الضحك... باوعت على
نجمة تأشرلي بحاجيها
وكوه كاتمه الضحكة.. كتلها شبييييج...
جان شمه تكمز
من الكرسي وصاحت.. بابااااااا..
واني مرتجيه عالبااب صديت
واكف ورايه بالطرمة ابو عدوان
وياه ابو قصي.. باوعتله.. صارت عيني بعينه..
ابو قصي منطيني
ظهرة مايدري... باوعت عليه الجكاره بيدو..
وبيد الثانيه التلفون
يخابر.. مدري ويامن يحجي..
راحت شمه وكفت بصفة تباوع عليه وتضحك
بقيت صافنه عليه وهو يباوعلي...
جان بسرعه اطب واكف وره الباب..
وكلبي يدك يدك.. صخنت كتلها يولي غير تكولين
ورايه واكف..

.. نجمة مو ااشرلج بس انتي ماتنتبهين .. بعدين عليش ختلتي
اطلعي خل يشووفج...

.. كتله ماتسكتين يولي..طب خلف كال شبيج هين
خاتله يولي الزلمة ديخابر مو ميت عليج هاا
خابرو من الدوام مدري شكو
لغم مدري مفخخة وهو نخبص بيها يريد يطلع هسه للدوام

.. نجمة.. لاااا وين يروح غير اليوم مهرهم شنو يداوم

كتله .. اني راح اطب جوه يريد يروح يبقى شعليه اني
عفتهم وطبيت للهول كعدت ..وزينه على نفس كعدتها
هي والنسوان سوالف.. مدري شيحجن.. الباب مفتوح
شويه.. دكه ابو قصي.. وصاح.. وينهم.. الربع..
صاحت امي فوت ابوقصي.. اني عدلت نفسي وخليت
الشال على راسي زين.. وكف يم الباب.. كال يله
ابو عدوان يكول هل يتهيرن.. صاحت وضحى
ليش شو هالعجل وينو ابو عدوان.. كامت الحيلها
هي ومرت عمه.. كلتله خيي ماتصيحله..
كلها ديخابر هسه يجي..

.. ضي.. اكلج .. شو مااجة شافج خاف هذا صدك
خشمو عالي.. ها!

.. كتلها سكتي انتي الخ شسويله اذا جة او لا اندريت
ولين هو واكف كباالي.. يحاجي وضحى.. جان تجره
من ايده كالتو فوت خيي فووت.. وكف كبالي وشايل
بيدو العبايه.. بقيت ادحك عليه بنظرة حاده.. جان
هو يبتسملي.. كمت وكفت الحيلي بدون ماانتبه النفسي
..

طب خطوه بالهول .. كال سلام عليكم.. الكل كامو وكفو
وبلشت الهلاهل والجكليت.. فوكايه وفوكاهه كال
كافي فجحتونها بهالجكليت.. وضحك.. بس جان حيل
يبين طول وضخم والنوب بالغتره والعكال.. وكف بالهول
عطره صار بكل المكان..

وضحى.. تعال فوت سلم على ام جابر..

تقرب وكف يمها سلم عليها ولازم بيدو شمه
باوعلي.. كال شلونج يالعنود...

كتلو الحمدلله ودنكت راسي..

وضحى.. مايصير هيج فوت اكعد شويه

ابو عدوان.. والله لازم اطلع هسه للدوام خابروني من غادي
وماترهم بعد ماروح

.. بس نزولك واليوم مهرك لا شو ماتروح والدنيه تخوف

.. ابو عدوان.. ماكو شي وكلمن يموت بيومه ..

.. وضحى.. اسم الله عمرك جدامك .. تعال اكعد جرتو من ايدة
وصار قريب عليه.. اندار وكال وين زينه.. كالوله راحت تغسل السلوى.. كال صيحولها خل تجي.. وجة وكف بصفي
همس بصوت كال ها يم اللثام واخيرا شفنه وجهج .. واضح

.. كتلوا.. ليش ماشفتني من رشكت عليك الماي جنت بدون اللثام

.. ابو عدوان.. هههههه اي عجل شلون ماشفتج من يومها واني
كلت محد يتكلط على هالعنود غيري...

.. العنود.. باوعتلو بطارف عيني واني رافعه تك حاجب ببعدين صديت مادري هيج حسيت بينه عدواة اريد بس اضوجة بكلامي
جت وضحى تمشي وبيدها علبه جبيره حمرة... وكفت كبالي

..كال الها افتحيها اخيتي... كامت تفتح بيها وهو بصفي واكف بس جان عطره حييييييييل حلو..
هو مندار واني ادحك عليه بطارف
عيني احك عليه من. فوك لجوه
باوعت على ايده.. لابس الحلقه والساعه.. انتبهت على نفسي
اني شبيه هيج صافنه عليه جان ارفع راسي
العلبه فتحوها .. جايبيلي ذهب..كال
جبتلج الذهب هذا واذا ماعجبج
عود نبدلو.. بقيت ساكته ماجاوبته
ابتسم وقرب راسه يم اذاني همس..
ول ياب هذاك اللسانج الي عبالك
برنو ويطلق عليه وين راح.. هاا..!

.. كتلو .لا تستعجل اجي يمك بعد ماشفت من اللساني شي وجان يضحك بصوت عالي والكل انتبه ايردون يعرفون اني شنو كتله

.. همس بصوت ناصي.. كال يرهم هسه نروح.. سوه

.. كتلوو.. وين وليش..!

.. كال ول ياب تا نجرب اللسانج مو على شي وضحك

.، واللحكايه بقية... العنود وراسها اليابس
وابو عدوان وكبريائة .. من هنا تنطلق مغامرات وليالي العنود
وابو عدواااان ❤️

ادري جثير اكو اخطأ بس بداعة خلف غلسوا😁..

فيتامين سي · 05-01-20, 06:32 AM

السابع...

#ابو_عدوان

#مداق_العشق

#بقلمي_نشوى_السلطان

هي ..مذاق العشق..الذي أشتهيها..
هي..فنجان قهوتي المفضل ..
وسكر حروفي لا يذوب إلا فيها..
شرقيه الملامح..والتفاصيل..
وانا أكون كاذب..
حين أمارس كل ليلةٍ طقوس الهجر ..
أبتعد ..وأنا أُناديها..
وأنتظر حتى تعانقني...
وأغمض عيني وأعانقها..
ثم أغفو..ولا أفيق..
فياليت الزمان توقف عندما عرفتها..
فمحا ما كان قبلها..
ولازاد في العمر بعدها..
وماتبقى في ذاكرتي..غيرها.
تكفيني عن الدنيا وما عليها..
وليتني عن الناس اكفيها..

.. كتلو .لا تستعجل اجي يمك بعد ماشفت من اللساني شي وجان يضحك بصوت عالي والكل انتبه ايردون يعرفون اني شنو كتله

.. همس بصوت ناصي.. كال يرهم هسه نروح.. سوه

.. كتلوو.. وين وليش..!

.. كال ول ياب تا نجربً اللسانج مو على شي وضحك..

.. العنود..سحب الحلقة .. شالها.. رفعت راسي باوعت عليه
كال، بصوت ناصي.. يول عيونج هذن..تحيي العليل،، بأنفاسو

الاخيرة ابتسم وكال انطيني ايدج
باوعت الكل عينه علينه واكفين كبالي ويهوسون.. لبسنا الحلقات

بعدين سحب الكلاده.. شالها وصد عليه..جان يصفن عليه
انتبهت على نفسي الشال براسي.. كتلو اي هسه اشلحة

انزعة..رفعت الشال خليته بصفي.. جان يمد ايده.. سحب شعري جمعه بمكان واحد خلاه على جتفي..قرب راسو مني..

اني مدنجة راسي.. واهجس نفسي انتهيت ثلجت حرارة انفاسه
ودكات كلبه وكلبه تتسارع.. سد قفل الكلاده.. وكال عاد هالتراجي

شغلتجن مو شغلتي.. هزيت راسي اي .. لبسني باقي الذهب وجان يشيل الاسوار.. مديت ايدي،، وجان يدحك عليه وابتسم

كال ول يابه هالادين هنه الجابني هين..
كتلو.. بصوت ناصي لازم مو ناسي الماي.. ضحك بصوت عالي

وكال... لا مو ناسي من حزتها وعيونج هذن ابالي.. كالها وضي ونجمة كتلهن روحهن يريدن يعرفن شديحجي ويايه.. اني مدنكة

مارديت .. عاد
جتي زينه تمشي وكفت قريبه من عنده.. جان تنطي علبه صغيرة ثانيه بيها سوارين.. كلها جيبيها.. صاح على زينه وجت وكفت

بصفة .. سحب ايدها والكل منتبهه
..وطلع اسوارين لبسها .. يمكن ماحب يقهرها لان هي جانت مليانه ذهب بس حسيت ديبين الها انو هو ماراح يفرق..

هلهلت وضحى.. وكال يله احنا انترخص .. سلم عليه.. وطلع...يمشي.. صاحت عليه وضحى مارد عليها.. وره شويه

تهيرن كلهن وكفن سلمن عليها وكالن نجي غير يوم.. طلعو عااسيارات .. طلعت امي وراهم. اني بقيت بمكاني كاعدهً،، وضي

ونجمة وبنوات عمامي ملتمات يباوعن من الجامة
صاحت عليه نجمة كومي شوفيهم..

كتلها مو شفتهم خمو شبع .. خليني كاعده..

جتي ضي جرتني من ايدي... كتلها وصكع لا توكعيني..
عاد وكفت يم الشباك.. دحكت على ابو عدوان.. واكف يحاجي ازلم

ويضحك.. وسعود واكف بصفه .. لابس دشداتو ومحزم بالجراب والمسدس بخاصرتو..وخلف مخبوص وياهم ويضحك..

دحكو على خلف شلون مخبوص جن مشيته وخطوبته اني اعلمو
خل يجي اصبرو..

.. نجمة .. غير فرحان شبي فوك مايفرحلج ... انتي شكد معقدة صايره اكو وحده هيج كالبه وجهه بيوم مهرها دشوفي لابو عدوان
شلون زلمه معدل.. شلون هيبة صدك تعاي شكلج وتبسبسون بصوت
ناصي ها..

.. العنود.. ماكال شي حجي عادي..

.. ضي.. اكول نجمة منو هذا ابو بشمغ الاحمر

.. نجمة .. ياهو قصدج همه كلهم مكلين..

.. لا يولي الي مرتجي عالسيارة ولاف اليشمغ مثل الجراوية

.. هااا اي شفتو ماعرف اتصور هذا عساف ابن عمو الابو عدوان
اي يمكن هو لان هذا وسعود اقوب اثنين الابو عدوان يعني كعداتهم سوه شغلهم سوه ..

.. العنود،، يعني هذا يدوام ويااااه هم عسكري..

.. يمكن مادري اليووم اسأل ابو قصي..

.. ضي... يبوووو دباعي الشكل والطول شكد حلووو يربي

.. العنود.. اششش انتي فاضحتنا كلمن شفتي كلتي حلوو

.. ضي بشرفج بروح ابويه احجي الصدك هذا حلو لو لا..!

.. اي حلو وشنو يعني شبيج تخبلتي..

.. نجمة .. صعدو بالسيارات راح يروحون...

..العنود.. اني الي شفتو حلو وعجبني هو

.. نجمة.. ابووو عدوااااان موو

.. لا شبيج بناتوو شكد محبوبات حبيتهم ..

.. ضي .. هاااا ينلام خلف من كال عالسريع تبنتهم ههههههه

.. العنود.. اصبريلي.. انتي وياه انتو اليوكع بحلكم هذا الي الله
كتبها عليه..

.. نجمة .. امشي خل نطلع مابقى احد غريب بس ولد عمامي...

.. ماريد .. اطلع رايحة اغير ملابسي.....
عفتهم وطبيت للغرفة قفلت الباب عليه كعدت عالجربايه.. تذكرت لمن قرب راسه مني وحرارة انفاسه خلتني انتهي من خوفي

و جمدت بمكاني.. شلون راح اكون يمه ابو عدوان مو سهل
اني صليت استخارة معقول هو هذا نصيبي ..اووف جابر

كله منك يجابر لو ابويه هين وعايش مو هذا حالي.. مديت ايدي
اريد انزع الكلاده .. وجان يندفر باب الكنتور وصار صوت

كمزت من مكاني وكفت يم الباب دحكت على خانتي.. تقربت
واني ارجف .. اريد انطق ماكدر.، نصيت راسي باوعت

لين قصي كبالي كاعد بالكنتور وبيدو قوطية الحليب ثابرها
ومكلوبه بالكنتور .. وجهه عباره عن حليب.. يدحك عليه وهو خايف

صحت ول هم انت شجابك هين شمسوي بروحك يولي
نجمةةةةةة تخلفين واني ابتلي كوم كوووم .. يربي. عبالك

زاغة .. فارة وحاطيها بطحين... شو كوم على امك
ماوراكم غير المصايب.. كال اني الووح عل ماما
كتلووو اي هسه اخليك تلووح .. بس اطلع كضبته من ايده.. وفتحت الباب وطلعت

طبيت لكيتهم كلهم بالهول كاعدين.. كتلهم دحكووو هالفصعون شمسوي بروحة ... وجماله بكنتوري وفوك هدومي

.. نجمة.. ههههههههههه والله اكول وين اختفى اثاري هاي
كالب الحليب يله اتحملي هو بس هالاسبوع انتي هين

.. كتلها شنو شلوون يعني..

.. ابو قصي.. الزلمة ايكول .. ماكدر ابقى طاب طالع عليكم
ايكول موراهمه .. وهم الزلمه عندو دوام مايكدر يبقى رايح وراجع

بهالطريق.. هو عندو بيت ثاني بصف بيتو الي كاعد بي هسه
وكامل من كلشي. يعني ماعندة شي يمنع انه يأخر العرس
وانتي بكيفج تريدين تكعدين وياه تريدين بغير بيت

،، العنود .. بس اني هم من حقي احدد شوكت اتزوج... مايصير هو بكيفه يحجي...

.. جابر. دايكلج الزلمه معروف وعندو اعداء جثير تعرفين هو صاحب رتبه عليش تخلي رايح وجاي.. مثل ماكال كتلو حياك
شوكت ماتريد توكل واخذها..

.. العنود... هو انتو بعد كلشي خططتو بكيفكم بقت عالعرس
هاي هي هو اني وين اكدر احجي.. عفت قصي ومشيت طبيت

الغرفتي قفلت عليه الباب... بقيت وحدي مثل واحد مخنوك اريد ابجي اصرخ اطلعي الي بكلبي ماكدر .. جن واحد لازمني من

بلعومي وهيج غصة واكفه وسط صدري.. مرت الايام واني
لا كعدت ويا ولا حتجيته يجي مرات يجيب وياه وضحى

بس مايكعد ينزلها ويروح .. جابولي ملابس ولبدلات وحددو موعد العرس واني ولا بكلبي فرحة عبالك راح يدفنوني...ولا عبالك راح اتزوج..جة اليوم الي اتزوج بي...كعدت الصبح.. ادحك على مكاني

بيت اهلي .. على امي... خواتي.. شلون راح افاركهم .. كمت الحيلي
الساعه سبعه وربع.. البيت كلهم نايمين...هدوء.. كمت على كيفي

طبيت للربعه.. وكفت كبال صورة ابويه.. صفنت عليه.. وتذكرت
من جاان يكلي هسه تكبرين وماازوجج الا الشيخ يقدرج ويكون الج

سند وعون.. كتلو اي يابه هو شيخ بس كلبي مااختارة لو انت هين
جان موهذا حالي.. ماتحملت اختمكت وبجيت.. فتحت باب الربعه

الخارجي.. وطلعت للحديقه محنووووكة اريد بس اشتهم هوى
تربعت وكعدت يم الجوى .. (الساجية.) .. الماي يجري.. ادحك

على وجهي مرسوم بالجوى.. دموعي تنزل وتقطر بالماي.. شذنبي اني اكون بيوم عرسي حزينه ومهمومه وجن هموم الدنيه كلها فوك

راسي... هاي هي العنود ماكو غير ساعات وانتي بيت اخر وحياه اخرى ... تعوذت الشيطان مسحت دموعي.. دحكت عالخيال بالماي

صوره جابر .. جفلت كمت الحيلي.. لين جابر ورايه.. وكفت كباله
ماحجيت شي .. اريد اعبر.. جان يكضبني من ايدي.. كال اكفي

يالعنود لا تروحين..جاوبته بصوت مخنوك.. كتلو ها خويه
اسويلك ريوك.. كال لا اكفي اريد احجي وياج.. ليش هيج
صاير بحالج ليش مقهورة ...

.. كتلو مقهوورة وخلاص مو مهم ليش..!

.. لا اعرف اني شبيج شوفي اخيتي .. اني اعرف مصلحتج
ثقي بالله هالزمة ابن اوادم وراح ترتاحين وياه.. ماكو اخ بالدنيه

مايدور مصلحة اخته.. اني اعرف شنو الي كاعد اسوي
وتأكدي راح يجي يوم وتشكريني لأن اختاريت هالزلمة شريك

حياتج.. وهسه مسحي دموعج وكومي سويلنا ريوك
بس هاليوم انتي هين.. خلنا نشبع شوف منج...

.. يحاجيني واني ابجي .. تخايلته ابويه جدامي.. ماكدرت اسيطر على نفسي بقيت ابجي هزيت راسي اي مشيت .. جان يكضبني

حظني وباسني من راسي.. كال يالغاليه ماريد اشوف هالدموع بيوم
.. بوسته وكتله ان شاءالله... طبيت للمطبخ لكيت امي حاطة القوري

عالنار..ومتربعه وكاعده بالكاع.. كتله هلا يمه صباح الخير
اليوم كلنا كاعدين من وكت ... كالت اي اليوم عرسج شلون مانكعد
..
كتلها قصدج اخر يوم اليوم هينه..، سويت الريوك كعدنا اني وامي وجابر. تريكنه.. سولفنا شوي تغيرت نفسيتي.. عاد كمت طبيت

غسلت وحطيت غراضي البقن بالجنطة.. طلعت للهول لكيت نجمة جايه وجايبه وياهه ام الصالون.. تلكوني بهلاهل.. وصفكة وهوسه

ضي ونجمة يدبجن وخلف يروح ويجي يداهر بيه...
طبينا للغرفة ..كعدت عالكرسي .. وام ساره .. الي هي ام الصالوون

جانت من نفس منطقتنا .. اجتي للبيت ورتبتلي شعري وخلتلي مكياجي .جنت ارسم عيني بالكحل لان حيل احب الكحل لكن ام

ساره جانت فنانه برسمة العين . بحيث كلبت كل شكلي،، وطوختلط الشامة الي على خدي .. جوه عيني.. طلعت غير ولا اني...

عاد اخذوني كعدوني بالربعه .. جوي جوارينا واهلي وعمامي وخالاتي كلها جت .. كلمن يفوت يصلي على محمد.. اسمع النساوين

يكولون هذا كل الذهب هو جابه ماشاءالله تارسها باذهب ترد تجاوبها خالتي تستاهل هي يزنوها بالذهب ادحك عليهن شبيهم عبالك السعاده بس فلوس وذهب صديت باوعت جت

امي تمشي من بعين دحكت عليها عيونها حمر عرفتها باجيه.. جت وخلت القرأن بحظني.. ومشت بدون ماتحجي.. عرفتها مقهوره

النوب اريد اسيطر على نفسي مابجي ماكدرت بجيييت وبجيت الكل ويايه .. حظنوني خواتي وامي وبوسوني... وعلى غفلة نجمة كالت

اليوم عدنا عرس مو عزه لحد يبجي علت الديجي.. والكل كام يركص،،، واني كاعده بس ادحك .. عليهم .. ابتسم واضحك لمن

اشوف نجمة تدبج ومكابله ابنها قصي.. وارجع اتذكر همه بالطريق وراح ياخذوني.. اهجس كلبي يموت ينتهي.... ومشوار وجان اسمح

الجهال يصحوون جوووي الزفافة جووي... لزمت الكرسي حيييل
مدي بذيج الحضه انهزم .. اركض اروح بعيد.. طفن النسوان

الديجي ودحكت ضي كالت اي جوي... صار حس الطلقات بالباب
والطواطات .. وهووسه.. فتحت القرأن عالسريع قريت شويه منه

سديته وانطيته الخالتي.. جان يطبن اول شي النسوان.. شكد جايين نااس.. شغلن الديجي وهم الكل كام يركص.. واني بس مدنجة راسي

ماحجيت شي... جت وضحى كعدت يمي.. كالت ماشاءالله شطالعه عروستنا خل يشوفج ابو عدوان اليوم شراح يكول .. ابتسمت الها

ابتسامه خفيفه.. وجان يصيحن اللبسن جة العريس... الكل طب يركض لجوه.. انفتح الباب لين هو كبالي.. لابس دشداشه والغتره

والعكال والعبايه... وكف كبالي... رفعت راسي عليه وجان يتسملي
راحت اوضحى جابتو وجة كعد يمي.. وشغلوا الاغاني ،.جان يصيح

على وضحى اسمعه ايكلها وين الجبناه ويانه.. كالتلو موجود.. جت تمشي فتحت العلاكة.، جان اطلع قماش خفيف كله ابيض.. كام

الحييله وكضبني من ايدي وكومني... كال تعاي وضحى.. ساعديني
جت وضحى تمشي واني بس ساكته ماعرف شنو الي راح يسوي

كالت وضحى جبناالج قماش ويانه لان الجوي ويانه جثير ناس اصدقاء ابو عدوان بالدوام الضباط والجنود وربعنا مايصير هيج تطلعين.. عاد رفعت راسي كتلو وهذا شنو القماش..!

. كال هذا اغطيج بي من عيون النااس يحلوة ماشاءالله شهالحسن هذا

خزرتووو بعيني كتلو واني شلووون راح اشوووف..

.. كال عيونج يمه عيونج لا تخزريني بيهن يووولووو
مو مهم تشوفين المهم اني اشوووفج...

كتلو لا ماريد وخروو ماريده..

كال.. بنتر القماش تلبسي هسه ماعنده نسوان تطلع هيج

.. كتلو بس اني اختنك شلون اشوف.. كال تشوفين ماعليج

رفعو البركع خلو على صدري ولفلوو عليه.. بقى راسي كتلو هاا
هم لازم اخلي قماش.. ضحك كال ول يابه لو عليه الفج من فوك

لجوه بس شسوي لعنادج هذا.. همست بصوت ناصي وكتلو بعد
وبعد ماشفت شي.. ابتسم كال يولي اشوف انتي متحمله عليه
اخ يبو عدوااان شكلك راح تتعب جثيررر

.. كتلو لا بس طبعي هيج عناديه والي براسي اسوي ...

.. كال شذبحني واخذ عقلي غير طبعج هذا .. سحب البركع وبركعنط بي.. كضبني من ايدي.. وكف بصفي.. وكال

يله تا نمشي وينها ام جابر... كالوله جوه .. كال عجل سلمولنه عليها
وان شاءالله العنوود بعيوني الاثنــنتين .. طلعوني على مشي على

اغاني باركوله باركوله.. واحلى صفكة سمعوله.. وصلت باب الربعه .. صاح على سعود كال جيب السياره ليجاي.. صعد السياره

بالطرمة.. طلعت اني وياه نمشي والناس جدامنه ورانه .. ماينعدون
وكفوني.. جة عاد واحد محززم بالجراب.. طلع المسدس وكف

بصفي وكام يطلق.. اخذ عقلي بصوت الطلقات.. صعدوني ..
وصعد ابو عدوان بصفي .. ولجدام صعد نفسو الي جان يطلع

بالمسدس.. وضحى بصفي.. ومن صفحة الخ ابو عدوان..
السيارات الجانت جايه.. لا تعد.. جثيرررر صاررت زفتي حيل

طويله... وابو عدوان كاعد بصفي وكل شويه وكال تلفلفي زين
علو المسجل والولد ماقصرو سعود يسوق والي بصفو انتبهت عليه

هو نفسو الي اجة بالمشيه وانتبهت عليه ضي.. جان شايل بيدو سبحة يفر بيها.. بعدين كطها وكام يطك اصبعتين على اغنية ..ميجنة وعل

ميجنة وعل ميجنه ياريشگ الطول حول عندنا.. صارت الزفة حيل حلوه والي محليها اكثر سعود وربعو.. ابو عدوان حيل جان رزن

وثكيل .. بس يضحك عليهم.. وكل شوي وغطه وجهي بالبركع..
لحد ماوصلنا المنطقه.. جانت حيل حلوه.. بيوتها واسعه وكبار

وكفوالسيارات كبال الباب جانت ساحة حيل جبيره وبيها مخلين جادر وكراسي وناس كاعدين وناس تلعب جوبي جانت التحضيرات حيل مرتبه وحلوه رغم ماجتت فرحانه لكن استمعت بكلشي هو مسوي لان حيل مرتب دحكت السيارات طابكة طبينا لجوة بسيارة سعود الي احنا بيها
.. رفعت راسي بيت حيل جبير وعالي.. فتح الباب ابو عدوان

وكال سمي بسم الله وانزلي.. رفعت راسي كتلو انزل يعني
ابتسم كال عجل شنو بس لا تريدين ترجعين على اهلج

كتلو والله علووواه .. ضحك بصوووت عالي وكال .. هذا حلم بليس بالجنة.. انزلي ول يابة انزلي.. ماصدكت تكضبج ايدي.. نزلوني

وكفت بالطرمة .. عاد جابو طلي وذبحو جوه رجليه..
وجة سعود.. وكف بصفي .. وكال بالمبارك.. رفعت راسي..

كتلو اشكرك طلع المسدس وهم كام يطلق طلقات اني
نسيت كلشي وعطت وخليت اديه على اذاني.. الكل انتبه عليه

وكامو يضحكون.. الا ابو عدوان،. خزرني بعينه كال يله .. كادني من ايدي ودخلني جوه... طبيت بيت حييل واسع.. ويخبل وفخم

كلشس بي ولكيت نسوان جثير كاعده جوه .. كعدوني عالطخم وكعدت بصفي وضحى... وابو عدوان طلع راح يم الزلم.. كامن

النسوان وهم شغلن الديجي وكامن يركصن انتبهت طبن يمشن سلوى وشمه.. وكفن يم عمتهن وضحى.. كتلهم هلا تعالو عليه
كالت شمه.. ها منيلج البدله

كتلها ليش عجبتج .. كالت اي حلوه احلى من مالتي شو كومي فري خل اشوف تفر .. ضحكت على سوالفها كتلها هاي جبيره ماتفر بس

مالتج.. كالت عجل انزعيها ونطينياهه.. كتلها ههههه مو هين الناس كاعده من افوت جوه وانزع انطيها الج..

.. وضحى.. مايصير يشمه شلون تنزع هين غير تفوت جوه
شو عوفي السوالف واركصي خل تشوفج العنود..

كالت ماعليه اريد نفسها بدله.. كتلها روحي على بابا كوليله مثل ماجبت بدله للعنود كوم جيبلي.. هههههه كالت اي كضبت سلوى

من ايدها وطلعت تركض.. صار الليل .. وصبو العشى وتعشو وكالو هسه جة وكت الي نزفكم.. اني عاد هين مو انتيهت لا احس

مابقت بي قطرة دم.. دحكت ابو عدوان فات وصاح على وضحى
مدري اشاورها وطلع.. جت تمشي عليه كالت امشي تانزفج

فوك اني والنسواين.. ابو عدوان كال الزلم يطبون ويايه خل تصعد هي اول وبعدين احنا نطب وراهه.. كتلها بس بعد وكت

.. وضحى.. ههههه كومي يمه كومي تره هي براسج اذا هسه واذا بعد ساعه.. عاد كمت احذوني صعدوني.. الغرفتي.. فتحت الباب

جدامي وضحى .. طبت جابت القرأن .. كالت يله اعبري..
رفعت القرأن وخلتو فوك راسي.. سميت بسم الله وعبرت

طبيت الغرفه حيل جبيررة ومليانه نور تضوي.. والفرشة تخبل
والغرفه بعد اجمل.. كلها بيضه طبت وضحى وياهه مرت عمهم
قفلت الباب.. كالت مشوار ويجي ابو عدوان خمو محتاجة شي

كتلها.. لا كلشي مااريد ..

.. عجل خوش انتي بقيتي بلية عشى بس الثلاجة يمج بيها اشكال
واذا رديتي عشى انطيني خبر اني اصعدو الج.. طلعن يمشن

وطبكن وراهن الباب.. بقيت ادحك عالغرفة كمت الحيلي.. فتريت
بالغرفه باوعت كبالي الشباك.. فتحت الستاره،. دحكت عالساحة

كلها كلوبات والناس تلعب جووبي .. ويركصون .. سديت الستاره
ورجعت وكفت عالمرايه.. دحكت على نفسي.. ملفلفه بالقماش مديت

ايدي اريد اشيله وجان اسمع هوسه الزلم عالدرج وكلها تهووس
شايف خير وتستاهلها .. حي الله ابو عدوااان .. بالمبارك بالمبارك

كمزت من مكانط وكعدت عالجربايه... واني منتهيييية عبالك
ملك الموت راح يدخل للغرفه... اسمعو يضحك يكلهم ول ياب

خلوني افوت.. يله يسعدو اخذهم وتوكلوووا مدري شيحاجو
وهو ميت ضحك ايكلهم لا اليدك عالتلفووون ثانو يوم اخلي

بالسجن ول ياب لا تخبلونا.. حسيت الباب نفتح دنجت راسي
وجان يدخل ابو عدوان.. وقفل الباب وراهه قفلتين...

وللحكايه بقية.....🙈 .. العنود وماادراك مالعنود شراح تسوي بالزلمة😁

.. النشر بين يوم ويوم
واذا يوم صادفني ماعندي شغل راح انزل يعني حسب وقتي
ارجوكم بليه تجاوزات اني لو اكدر والله ماابخل عليكم لكن
هم عندي مسؤليات اخرى .. فديتكم .. تحياتي نشوى❤️
لا تنسون التصويت على القصه ..

فيتامين سي · 05-01-20, 06:33 AM

الثامن

#ذايب بين اديك القلب من غيرك عليه ايمون❤️

#ابو_عدوان

#مداق_العشق

#بقلمي_نشوى_السلطان

كمزت من مكاني وكعدت عالجربايه... واني منتهيييية عبالك
ملك الموت راح يدخل للغرفه... اسمعو يضحك يكلهم ول ياب

خلوني افوت.. يله يسعود اخذهم وتوكلوووا مدري شيحاجو
وهو ميت ضحك ايكلهم لا اليدك عالتلفووون ثانو يوم اخلي

بالسجن ول ياب لا تخبلونا.. حسيت الباب نفتح دنجت راسي
وجان يدخل ابو عدوان.. وقفل الباب وراهه قفلتين...

نزلت البركع على وجهي .. وجة يمشي .. بأتجاهي.. اني مدنكة مارفعت راسي
لكن منتبهه على خطوات رجله.. كال.. شلونها العنود..

تعشيتي لو لا.. يحاجيني واني بس ساكته .. ضحك
كال عجل كلتي راح تشوف اللساني شطوله .. وين

ادحگ عليج اخرسيتي.. رفعت راسي والبركع عليه
كتلو ماريدد عشى.. شبعانه.... ماشي كلشي موجود
بالثلاجة .. واذا جعتي اكو عشى جوه..

.. كتله مانزل .. شعندي نازله والبيت مليان ناس..

.. يول منهو الكال مليان ناس.. مابقى احد هسه كلهم راحوو

.. لا وضحى كالتلي من تحتاجين شي كوليلي اني جوه

.. هههههه وعيونج ولا نفر بقى.. الكل دليتهم الطريق
تحبين تنزلين تتأكدين بنفسج .. اني راح انزل اقفل الباب
تعاي كومي ويايه نقفل البوب...

.. كتلو لا انت انزل اني باقيه هين... مارد عليه
وكف على اامرايه .. نزع الساعه كطها على الميز..

بعدين كام ذب الغتره والعكال والعبايه.. وعلكهن بمكانهن
اني ماحجي بس ادحك عليه... جة يمشي وكعد بصفي...

وكال يول ارفعي هذا عجل بالسياره خبصتيني تريدين تشوفين
وهين حارمتني منج. مد ايده وخلها على حنجي وسحب راسي

.. شاال البركع ورفعه ليفوك.. دحك عليه واني ساكته
كال.. ماشاءالله .. تبارك الله. شكثر محظوظ اني...

يول ليش ساكته.. كتله ماكو شي وكمت وكفت الحيلي..
صفن عليه وكال ها وين كمتي.. كتله اكوم انزل جوه
مشيت وصلت للباب.. صاح شتسوين جوه

فتحت الباب ونزلت مارديت عليه.. وصلت للدرجة الخامسه
وجان يكول .. يالعنود اكفي.. امشي وشايله البدله كل شوي

اتعثر بيها.. صديت عليه رفعت راسي،. دحكت عليه
لازم المحجل بأديه ومبتسم كال يولي اصعدي وين رايحة

كتلو.. اريد انزل ماعليك بيه.. ًنزلت لجوه.. مااكو احد
البيت فااارغ.. وكفت يم الباب...مديت ايدي اريد اكضب

اليده .. وماحسيت الا واحد ورايه و لازمني من خصري..
جفلت وكلت يمه.. جان يخلي ايده على حلكي كال اشش

شبيج اني روكان.. موكتلج ماكو احد هين قرب راسه عليه
صار قريب من ركبتي.. همس.. بصوت ناصي حبيبي

شبيج خايفه مني... حسيت يدغدغني بصوته .. وشواربة
تجكجك بركبتي.. كتله وخرر ماخايفه ولا اخاف من احد
.. ضحك كال وشبيج عصبيه.. يواش يواش موهيج

مارديت عليه.. عفتو ومشيت .. وعفتو بالمطبخ
افتر بالبيت مادري وين اروح والبدله شكبرها

دحكت عالدرج ،. كلت لازم اغير بدلتي.. صعدت عالدرج
امشي واتلفت ورايه .. وصلت اخر درجة جان يكول

يولو خليج بمكانج جاي... كتلوو شنوو وين جاي
احاجي وهو بده يصعد عالدرج.. صحت لا اكف

اريد ابدل لا تلحكني.. ضحك كال لاحكة عالتبديل
شبيج اشوفج مستعجله.. يحاجيني وهو ميت ضحك

.. كتله شبييك تضحك اني داحجي صدك
.. ابو عدوان .. عجل اني شداحجي ادري

صدك واني هم جاي اساعدج.. كتله لاااا
دقيقه اكف.. شلت بدلتي وركضت .. طبيت

عالغرفة.. اريد اسد الباب.. مالحكت بدلتي
صارت نص بالغرفة ونص بره.. اشحط بيها

واني ارجف.. البدله مجلبه ... حسيتها انسحبت
فرحت اريد افوت صديت .. رفعت راسي .. لين هو
شايلها .. بيده ومبتسم،، كال يول موهيج على كيفج

.. العنود.. انت ليش صعدت مو كتلك اني اريد ابدل
كال.. عجل غير حرمتي واريد اساعدهااا..
.. تخوصرت كتله وتااااااالي شلون يعني

.. ابتسم وكال يويل حالي ... موسهلة هالبنت شبيج تزكحين
يولي اهدئي لا تخافين مني تره اني مااسوي شي انتي رافضته

.. كتلووو شتقصدددد... !

.. ابو عدوان... عوفي هالحجي وتعاي اكعدي..

.. ماريد اكعد وماعليك بيه ..راح وكف يم الميز وجتف اديه
وهو مبتسم... كال يولي اركحي.. شبيج اليوم كتلج ماسوي شي مو برضاتج

.. كتلو والله عايزززززه تسوي شي اتقرب صوبي وشوف

.. اجة يتمشى عليه هو يمشي واني ارجع ليوره.. لحد مانحصرت بين الحايط وبينه.. بقيت خازرته .. .. لزمن من خصري... وجرني

عليه .. بدون مايحجي..باسني برقه.. .. ماتحملت .. دفعته كتله انت
شدتسوووي...

.. يعني شنو داسوي.. غير مرتي وببين اديه كافي لا تيبسين راسج

.. هااا مو انت تحب الي راسها يابس... ضحك وكال اي احبها
بس الا هليله لا ... اريدها تكووون غيرر.. كتلو وخر تذكر شكتلي

بالسياره.. صفن كال شكلت يولو.. كتله حلم بليس بالجنة.. وخرت ايده وكفت على صفحة.. صفن عليه وهو يعدل بشواربه كال

والتالي اليوم شلون ابقى اركض وراج.. كتله انت الي تريده شنو
تره مستحييييييل اكوون يمك... ابتسملي كال ميخالف هسه بس اركحب اكعدي بمكان تانتفاااهم...

.. ماكو تفام بينا انزل جوه نام واني هيييين انام..،

.. لاااا صدك عود... هاي ياهو الكالج ...

.. كتلو تره ماداتشاقه داحجي صدددك لا تقلد.. احاجي وهو ولا هامو اجة يمشي عليه.. كضبني من ايدي وكعدني عالجربايه كال
اكعد حل نسولف ماراح اخذ روحج شبيج يبعد روحي..

.. كتله اذا اباااالك انو هذاااا يعني...

كال اي هو شنووو الهذا اليعني...

كتله اقصد يعني انت تعرف المتزوجين شسووون

..كاااام يضحك بكل حيله لحد ماوجهه صار احمر .. عاد كال هههههه هيانج تعرفين بعد عليش هيج متخبله عليه...

.. كتله مو متخبله بس اني ماكدر يعني اكوون وياك ...

.. كال اي افتهمت بس غير اعرف السبب..!

.. صفنت شراح اكله ... بقيت اسوي بالبدله وثولتها

كال ها اشوفج سكتي كولي احجي اريد اعرف السبب

.. كتله اني مريضه... .. هو ديضحك وجان يصفن
كال يولي عليمن هالسوالف تره اني روكااااان... شوفيلج غير عذر
يحجي ويضحك... كمت الحيلي وكفت كباله كتله هسه انت شتريد ها..!

كام الحيله وحضني وكام يبوس بيه.. واني ماعرف شصار بيه خجل وخوف وارتابك اهجس نفسي ثلجت.. دنكت راسي ونزلت من جوه ايده صحت بي كتله ايااااك تكررها مره ثانيه افتهمت...

اندار عليه وكال.. وهو مستغرب كال شبيج يولو ليش هيج تعاتجين بية وماتركحين بمكان شبيج هاا حاجيني. .

.. كتله اني مااكدر اكون زووجة الك... وكلبي ويا انسان اخر

.. خزرني بعينه كال يووووولي شلج بهالحجي هذا.. انت انتبهتي النفسج شدتحجين ها...!

كتله اي اني مااكدر اني احب انسان اخر وجابر هو الي جبرني عليك،، عوفني بحاااالي انت متزوج زينه والاولى راحت وعاشت

يم اخوها بس زينه كافيه عليك والله يرزقك الي تمنتاه لكن ماكدر اكون وياك زوجة . احجي واني مختنكة كوه نطقت الكلام وبعدها نفجرت بالبجي..

.. جة وكف بصفي وكضبني من ايدي وعتني بقوي وكام يزكح عليه كال انت دتححين صدك لو تشاقين حااااجيني..يخط بيه واني

عيوني بعيونه ادحك عليه يريد ياكلني .. كتله لا داحجي الصدك
حل ايدي وكف غادي مني ،، جر باكيت الجكاير وكف على صفحة

وكام يدخن.. اني لابده يم الجربايه بس ادحك عليه وابجي..
تربعت وكعدت بالكاع.. وهو جدامي واكف.. شال كلاص الماي

شرب شويه ونزله من حلكه. كال تحبين طلال مو...بقيت ساكته ماجاوبتها... صاااااح بقوووة يولي تحبيبيين طلال حاجيني وجان

يضرب كلاص الماي بالحايط وفلشة.. والكزاز تنثر بكل مكان
سديت اذاني من خوفي وكمت الحيلي...كتله بس خلي افهمك..

كال احجييييي اسمع يله حاجيني منهو هذا الماخذ كلبح هاااااا

كتله راح تكول الجابر عليه وتوديني الاهلي مىوو

.. ابو عدوان.. استغفر الله اللهم طولج ياروح انتي شبيج
داكلج منهو الي ماخذ كلبج .. وليش وافقتي بيه مدام انتي مو

هاوووويه .. .. كتله والله ماردت اوافق بس كتلك جابر هو الي جبرني ااوووفق عليك.. الله يخليك لا تكول الجابر والله يذبحني

.. كال كووومي شو كومي احاجيج.. جة يمشي وكضبني من ايدي بقوووة ،، عينه بعيني وناااااار اعصاب حيل خفت من عندة بس لا

يريد يوووديني على جابر.. اريد اكف الحيلي بعد ماكدر صديت
دحكت عالميز المسدس محطوط كبالي..

.. واللحكاية بقية..... 💔😔وهم غلسو على الخطاء بداعة اخليف

ماردت انزلو لأنو قليل وكلت على باجر يكمل وانزلو بس بعد ماطلبو مني المتابعين مني ماحبيت اخليكم على نار .. وهاي بارت
قصير لعيووونكم الحلووووة

..

فيتامين سي · 05-01-20, 06:34 AM

التاسع

#ابو_عداووون

#مذاق_العشق

#بقلمي_نشوى _السلطان

ليه إسأل وانت گلبك من حديد 💔

.. كال كووومي شو كومي احاجيج.. جة يمشي وكضبني من ايدي بقوووة ،، عينه بعيني وناااااار اعصاب حيل خفت من عندة بس لا

يريد يوووديني على جابر.. اريد اكف الحيلي بعد ماكدر صديت
دحكت عالميز المسدس محطوط كبالي.... وكفت الحيلي

عين عليه وعين عالمسدس.. كاال إنتي واعية على نفسج
اشحجيتي هااااا يولي اني روكان تكف حرمة كبالي وتكولي بكلبي

غير زلمة.. يول عجل موزلمه اني ... لمن تحبين ابن عمج
ليش ماكلتي من الاول .. ليش ماحجيتي... يولي احجي
ليش اخرسيتييييييييي....!!

.. كتله دقيقه افهمك والله موهيج السالفه .. اني صح كتلك
احب ابن عمي بس

... بسسسسسسس شنو يولي .. جاهل جدامج .. يولي لا شفتيني
رايدج وشاريج عبالج راح اعدي سوالفج واكول ميخالف
الف وحده مثلج ماتهمني افتهمتييييي

.. اعرف والله بس كتلك اني جبروني اهلي والله جبروني
جابر

.. عليشششش يجبروج وليشششش . انتي تريدين تعبريهن عليه
كولي احب طلال.. كولي رايده ذاك الردي الخسيس.. يولي
متغزره بي .. ااااااخ مدري شكوووول ولج هذا هم محسوب عالزلم هااااا

.. العنود... صفنت عليه كتله انت شلون تعرف طلال

.. هذا الي هامج شلون اعرفه... عرفته .. لا تسأليني شلون وين
هذا الردي المتغزره بي روووحي عليه روحي مو بكلبج هوو
..! كضبني من ايدي وجرني حيييل وصار يخظ بيدي
واني بس ابجي خفت منه ومن عصبيته ابد ماجنت متصووه هيج

راح تكون ردة فعله.. انكلب انسان ثاني صار يزكح بصوت عالي
وعيونه حمر تخووف..كتلو والله الي كلته الك مو صحيح بس عوفني

وين تريد توديني .. احجي وهو يجر بيدي.. ماعرفت وين يريد
ياخذني... عطت بصوت عالي... كتله عووووفني ماعليك بيه

عوفني .. صد عليه وهو مطير عيونه وكال فوك الي كلتي لا والنوب تشالطين ولج انتي شنو من مره...كافي حسج مااااسمعه .. ولا نفس لو اجي ادفنج هين اقسم بالله ادفنج ...

.. يجرجر بيه واني بس ابجي كتله بس حاجيني تريد توديني الجابر موو... ادفني ولا توديني الجابر رررر

.. ليش تسأليني يعني انتي عود خايفة من جابر ها تخافين
من جابر وماخفتب من كلتي احب غير زلمة.. يووووولي
انتي تعرفين شسويتي بهاي احجااااايتج..

... وروح ابووويه ماحب احد ولا بكلبي اي بشر بس اني

.. داحجي .. وجان يجيني راشدي فر راسي فررر..
دفعني عالجربايه ومشه.. ادحك عليه نفسه عالي كاضب راسه وينفخ

وكف يم المرايه وفتح دكم الدشداشه..، ويروح ويجي يفتر كبالي
كمت الحيلي وكفت بزاويه الغرفة كوه امشي اتعثر البدلة تخب

جوايه ..صد عليه كال ها ويييين شو كمتي هااا وين موليه.. كتله ماروح والله واكفه هين... كال انجبي واكعدي هين لا تكومين من

مكانج.. وخلي بالج شغله وحده،، مال تبقين عندي هالشي شيلي من بالج.. كتله يعني شنو توديني الأهلي... لاااا عليك بداعة شمه

بداعة كلشي غالي عندك والله جابر يذبحني.. طلع الجكاره وكف يم شباك الغرفه.. بده يدخن واني ارجف لابده بسد الحايط... فتح

الثلاجة راد يطلع ماي.. مالكة الكلاص.. فتح باب الغرفه.. مشه
رد صد عليه كال ان خطيتي خطوه اذبحج خلاص... افتهميتييي

هزيت راسي اي .. نزل اول درجتين .. ركضت عالمسدس..
وجان اعثر بالباب.. صار صوت عرفت راح يسمعني.. عدلت نفسي

وكفت .. طب دفع الباب لكاني بصف الميز واكفه المسدس خليت ايدي عليه وجان يكضبني... مالحكت.. كال ها تشيلين سلاح يولي

شتريدين تسوين .. حاجينييييي تريدين تذبحيني خاطر تروحين عليه
... كتله لااااا والله بس اذا سلمتني الجابر وروح ابويه اموت روحي وابليك... افرغ هالمسدس كلو براسي..

.. صفن عليه كال ريت مفرغة هالمسدس بنص كلبي ولا سامع الي سمعته.. ولج دخلتي كلبي كلت هاي الي اريدها من سنين وادور

عليه ولج جنت احسب الساعات الي اجيبج هين يمي.. وتالي
تجين وتكوليلي مااااحبك احب غيرررك... ولج شلون كدرتي

تنطيقيها شلووون... ولج ااااخ... زلم كبار مشوربين واحدهم هالعرض صدرو .. اذا اصيح بسمو يكف كبالي وهو مصدوع

وانتي بكل صلافة عين كلتيهاااا

سحب المسدس.. ولزمني من شعري كال اكعدي هين راح انزل اذا بس سمعت حركة وحده

ماتدرين شراح يطلع مني.. نداريت عليه كتله والله ماسوي شي
بس بقيني يمك اهلي اذا سمعو بلي كلته الك راح يدفنوني
والله ماراح يرحموني جابر يذبحني والله يذبحني

ضحك ضحكة غريبة.. وبيده المسدس يفر بي.. كال اهم شي اهلج مايسمعون اهم شي جابر.. بس روكاااان من زرفتي كلبو بحجايتج

ماكلتي عنه ولج بعمري ماتندمت على شي الا هسه .. وجماله جمنت اكول محظوظ.. انعل ابو كلبي الجابني عليج.. اريد اشيل كلبي

واكطو غادي ..ولج الناس تحلف براسي وكلها تشيد بيه وتجين انتي
حررررمة تهينين كرامتي... عجل والله خل اطم روحي بخيسة

اني طولي يمتد على حرمة وبالها وكلبها وي غير زلمة..
يتخسى روكان.. ماجابتو امو لا والله الي ينام بسد حرمة ول ياااااب

ماريد انطقها بعد كلبي لجمتي روووووحي عن وجهي ماريد اشوووفج ... .... حجة صيح صار نار وبعدها فتح الباب .. نزل

جوه.. واني بقيت وحدي فوك صارت المرايه كبالي.. صفنت على نفسي واني وجهي عباره عن كحل ومكياج مكلوب كلب ودموعي

مابطلن.. صفنت اتذكررت شلوون حاجاني بالسياره وشلون اني عاملته .. شكد جان لطيف ويايه.. شسويت بنفسي شسووويت بروحذ

اووووف اذا سمع جابر والله يموتني.. بقيت كاعده والوم بنفسي
كمت الحيلي فتحت الكنتور ..ادور على هدومي.. مادري وين

خاليهم.. راسي اهجسه يريد ينقلع من وجعه.. سحبت دشداشه
فانيله ربع ردن .. لون وردي فاتح.. مالكيت غيريها..

كطيتها عالحربايه... اريد افتح البدله ماكدر.. السحاب قويه
حاولت اسحبها مديت ايدي ماكدرت.. جان اعتها بحيل

بكل قوتي .. وجان تنتفتح.. مشيت عالباب اريد اقفله.. طلعت وكفت يم المحجل.. دحكت من فوك ماكو هو.. رجعت طبيت قفلت الباب

عليه نزعت البدله.. لبست دشداشتي.. فتحت شعري.. اهجسو جان جبل عليه ونزاح... عفتو مفتوح ماكدرت حتى المة.. حتى راسي من اكضبو اهجسو ناررر يوجعني...

بقيت كاعده بالكاع وحدي .. والبيت فارغ .. ماعرف وين طلع وعافني... كمت الحيلي.. فتحت شباك الغرفه.. دحكت عالساحة

الخيمة شايليها والكراسي مسفطه على صفحه.. والشارع فارررغ
هدووء بس حس الجلاب تنبح.. رجعت سديت الشباك.. طلعت امشي

اريد اروح اشوفه وين راح.. اووف راح ابلي روحي فوك قهري
فتحت الباب على كيفي... مديت راسي البيت اضلم جان الضوه

مفتوح .. مشيت نزلت عالدرج .. وصلت للنص وكفت.. اريد انزل اخاف البيت اضلم،. تعوذت الشيطان سميت بسم الله ونزلت

وكفت يم المحجل اخر درجة.. ادور على دگم الكهرباء ماندل..
همست بصوت ناصي.. ابو عداوون.. انت هين.. وكفت بصف

الحايط كمت اتخايل احد ورايه.. اتلفت يمنه ويسرى .. خفت صحت ابو عداوووون وين رحت.. احجي البيت فارغ صوتي يرجع يجاوب

صدى بصوتي عالي.. اختنكت وكمت اتبلعم .. شسويت بنفسي اني شجابني هين،. كمت اتهمس عالحيطان.. لكيت دكمه طكيتها

وجان يشتغل كلوب الممر.. صديت ابو عدوان متمدد عالطخم
بس بالسروال الابيض والفانيله.. وبذراعه مغطي عيونه صاح شكو

ليش شغلتي ... هاااا.. كتلو انت هين واني اصيح وماترد.. صاح
ارجعي فوك شنزلج هااا. ..!

.. كتله هااا اني نزلت اريد اشرب ماي فوك ماكوو

.. صاح.. طبي عالمطبخ اشربي ولي فوك وبعد لا تنزلين
ماريد اشوفج خلااااص افتهمتي...مارديت عليه بقيت ساكته

رجعت انداريت عالدكمة طفيتها وصعدت... صاح.. ليش ماتزقنبتي
مو كلتي اريد مااااي... ؟ يحاجيني مارديت عليه دموعي تصب

وجسمي مثلج .. صعدت اركض للغرفه.. وطلكت الباب عليه..
طبيت ونفجرت بالبجي.. شسووويت بنفسي شسوووريت

كله مني.. اي والله حيل بيه... خل يوديني الجاير خل يموتوني
حيل بيه وبيهم .. كله منهم زوجوني انسااااان ماحبه

احاجي نفسي وابجي واشهك. وجان يدفر الباب عليه..
صديت عليه.. طب ركض كضبني من ايدي.. كال من احاجيج

النووووب تردين عليه .. افتهمتي... لو دمااااغج هذا ثخين
مد اصبعو على راسي ... وصار يأشر على راسي بقوة

رجعت ليوره وكفت يم الكنتور،. كتله كااافي تريد توديني الاهلي وديني تريد تذبحني اذبحني.. انتو شنو محد بيكم يفهمنيييي

.. كضبني ولو ايدي كال لا تصيحين بوجهي لا اكصو اللسانج كص
افتهمتي.. من تحجين احجي عدل.. شلون تريدين نفهمج تريدين
اوديج بيدي على حبيب الگلب هااا...! حتى اكدر افهمج؟

.. كتلو انت شبيك حلفتلك ماحب احد كلت هيج علمود اتخلص منك

.. عاااط بحييييييل جببببب ولا كلمه.. عرفتج على حقيقتج لا تتهربين من الي كلتي ... ولج انتي ماتلوكين غير الطلال.. لأن الطيور على

اشكالها تقع انتي وطلال متشابهييين .. دفعني ومشة وجان يدوس عالكزاز... نبدتت بنص رجله... حسيت بي تأذه.. كضب الكنتور

بأيد وبأيد الثانيه لزم رجله.. وكفت يمه كتله.. انجرحت.. رفع راسه عليه وعيونه مفتوحة بوجهي.. كال وخري من جدامي.. كتله بس

رجلك دتنزف... صاح ول ياااااابه روكان كلبو ينزف بقة على رجله
وخري يولي وخري.. توجة عالكنتور.. وكعد عالجربايه.. ركضت

على الكلينس.. خليتو جدامه.. وكفت على صفحة.. كتلو الكلينس يمك
وين التعقيم اجيبه الك.. احاجي وهو مايرد مدنج راسه ويسوي

بالجرح .. كتلو شنو الكزازه بعدها جوووه.. رفع راسه عليه
كال ليش تحجين مو كتلج كافي ماريد اسمع حسج ..

..رجعت كعدت غادي منه على طارف الجربايه.. ادحك عليه
جسمو مليااااان لابس فانيله وسروال.. وبزنده شامه جبيره..

بقيت ادحك عليه.. من جوه ليجوه بدون ماينتبهلي.. كتله وكف النزف لو بعده.... احجي وياه وهم مايرد عليه.. كمت لميت شعري

وكفت كتلو ابو عداوووان.. اني اريد اروح عالحمام.. كال انزلي فوك بالممر الحمام روحي ولا تسألين بعد كتلو يعني وين بالممر

اني مااندل.. عاط بيه كال يوووولي كتلج بالمرمر وبعد لا تسألين
عوفيني وامشي روحي.. زكح بيه حيل .. خفت.. .. طلعت ادور

الفوك بي غرف وكأنو بيت ثاني فوك مثل الجوه.. دحكت الحمام صار كبالي امشي واقرأ ايات متت من خوفي اهجس عشرة يمشون

ورايه اتلفت يمنه ويسرى . و طبيت غسلت وجهي .. وطلعت.. فتحت الباب عل كيفي.. و طبيت للغرفة.. لكيتو شاد الجرح تقربت

اريد اشوف شلون ضمدة.. انتبهت بالقماش الي جان مخلي على
صدري دحكت عالساعه.. 3 الا ربع.. هو جان متمدد عالجربايه

ومنطيني ظهرة.. بقيت بمكاني.. بالكاع جان مدود فراش.. تربعت وكعدت ارتجيت عالجربايه.. بقيت ساكته وافكر بيني وبين نفسي

وضحى باجر تجي .. واكيد اهلي راح يخابروني.. زين شلون
شراح اكووول.. يربي اذا عرف جابر صفنت كلت هاي هي

خل يعرفون هو ابو عدوان وعرف بعذ بقت عليهم عود خل يذبحني
محد كالو يجبرني على انسان متزوج.. وخشمو عالي.. صديت عليه

منطيني ظهرة ونايم ولا اندار عليه ولا حجة.. السبلت فوكانه ينفخ هوى ثلج.. اريد اكوم اجيب غطى ماندل.. هو نايم عالفرشة.. دحكت

على مكاني هم ماكو غطى.. كمت الحيلي.. مشيت على روس اصابيعي خايفه يكعد وخايفه ادوس عالكزاز.. فتحت الكنتور الاخير

لكيت بطانيه ولحاف.. مسفطات.. سحبت الحاف على كيفي..
صديت عليه.. مدي اغطي بس خاف يكوم وهم يزكح بيه

شلته وخليتو يمي بالكاع.. بقيت كاعده وحدي لحد الساعه اربعه
شفتو ماحجة ولا تحرك.. فتحت اللحاف وكمت مديته عليه

وجان يصد عليه... كال شيلي.. ماريده.. كتلو بس بارده
صاح شيلييييي كتلج ماريده ول ياب لا تعاندددددديني

كتله اي هسه.. شلت اللحاف.. وخليته بصفي.. ورجعت كعدت بمكاني.. حسيته اندار عليه.. صوت الجربايه يطكطك.. انداريت عليه.. كال ليش مانمتي .. نامي عليش كاعده..

.. كتله اي هسه انام.. صاح بسرررررررعه يله ..

من عاط.. فتحت الحاف عالسريع وتمددت وغطيت حتى راسي
وبقيت جوه اللحاف لابده.. ماكدر اتحرك.. بس عيوني يغمضن من

حالهن.. شكد ماجان راسي يوجعني اريد يس انام بس لان مو مكاني والي صار مو قليل اعجس نفسي مخوصه مدري شبيه وخايفه يعيط

بيه النوب ماحسيت على نفسي من وجع راسي نمت.شوي وجان اجفل من نومي مدري شبيه كمت الحيلي.. لكيتو كاعد عالجربايه ويكلب بتلفونه.. اول مارفعت راسي عاط انخمددددددي.. جان ارجع الف راسي باللحاف .. نمت .. كعدت الدنيه نهار الشمس طالعه
دفرت الفراش كمت .. اباوع على نفسي عالمكان.. صديت على فراش ابو عدوان ماكووو.. كمت الحيلي.. عدلت شعري
الباب مفتوح شويه... طلعت امشي وكفت يم الدرج.. سمعته يحجي
اريد اركز ويامن ديحجي.. بقيت واكفه يم الباب مافتهمت.. جان اشوفه يروح ويجي يخابر.. طبيت للغرفه.. كلت معقول ديخابر جابر
كمت الطم على وجهي .. هاي هي اكيد كال الجابر اي انتظر تصبح الدنيه وخابرة.. فتحت الباب ونزلت عليه اركض.. شفته واكف بالممر منطيني ظهره.. كتله جابررررر راح يجيبيي

.. صد عليه.. بنظره استغراب.. كال يول شبيج ..!

.. كتلو جابر راح يجي ياخذني احجي الصدك سمعتك تخابره

.. كال لا ماراح ياخذج جابر انتي مكانج هيييين ماتروحين ..
استغربت شنو الي ديكوله...

وللحكايه بقية توقعاتكم

يتبع..

...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري