آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-11-19, 11:00 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  خطوات نحو الجحيم الجزء 2، للكاتبه / زينب ماجد " عراقيه " ( مكتملة)
التعديل الأخير تم بواسطة فيتامين سي ; 17-01-20 الساعة 12:50 AM | |||||||||||||||||
|  |
|
18-11-19, 01:07 AM
| #3 | ||||||||
| مراقبة عامة ومشرفة منتدى الروايات المنقولة
|  رابط لتحميل الجزء الثاني هنـــــــــــــــــــــــ ـا #منقول نقل عن الكاتبة 👇 بالحلقه كنت احجي احداث صارت ب2011.. وكانت فاقده فقط بنتها اما بالمحادثه فهي تحكي حياتها الحاليه اتزوجت .. وايضا انحرمت من ابنها .. وحاليا دطالب بيه بالمحكمه ادعولها يكون الحكم من صالحها ويرجع ابنها لحظنها على الاقل #تعديل توضيح للكاتبة زينب ماجد 👇 القصه كانت تحكي عن جحيم مالك وانتهت بأنتهاء مالك من حياتها.. تبقى حياتها ما بعد الجحيم بحثا اخر معارضت مخلد لزواج جياد.. زواج امها .. زواجها من مخلد انفصالها .. وحرمانها من ابنها.. كل هذه حياتها ما بعد الجحيم.. نهيت الجزء الاول بخطبة جياد.. وما ذكرت الباقي لان راح حدث يجر حدث بمعارضة مخلد بالخطبه فتوقفت عن عرض الزواج وانهيت الجحيم بنهاية الخلاص. جزء ثاني.. ماكو.. ولا راح اكتب..البنت رفضت.. ربما لو اتفقنا اني وياها انشر الجحيم وما بعد الجحيم بكتاب.. يحتوي على الجزئين اما على الفيس رفضت لكثرة الانتقاد والغلط والسب.. واحداث حياتها البقيه مستفزه اكثر من الاول اسم القصه خطوات نحو الجحيم.. ذكرت الخطوات وذكرت الجحيم وانتهى الجحيم وانتهت القصه تبقى حياتها الباقيه ملكها.. ما تحب تعبر عنها اكتفت باللي قدمته.. الهدف من القصه تدعولها يرجعون اطفالها.. وتربح قضية ابنها وتاخذه بالقانون.. نهايه كانت بين السعاده والالم.. يبقى الابهام يخص حقيقتها هذا شي هي حره بي. التقيكم في رواية سبايا داعش ...😘 #تعديل عن لسان الكاتبة👇 رادت تزوج جياد بموافقة عمامها حتى يكونلها سند متكون وحيده مثل زواجها بمالك اني ذكرت بس الخطبه ونهية لان الخطبه بيها هواي تفاصيل واهمها مخلد ومعارضته. عي لا اخ ولا اب.. كدر يسيطر ويحكمها ويمنعها من الزواج.. مرت مخلد اطلكت وكدرت عشائريا تاخذ اطفالها.. بقت لجين.. اتزوجته غصب من عمامعا ومن الكل.. رجوعا للمقوله ابن عمج اولى بيج شفتي الغريب شسوه بيج.. لما تزوجت مخلد.. شوفها الويل لا هو يناسبها ولا هي تناسبه خلصه بعد معرفته ببيع مالك الها شد وياها فد مره وشوفها نجوم الضهر من سب وضرب واهانه وهجر طلاق ميقبل يطلق ومبقيها معلكه.. اخذت ابنها ورجعت شردت منه.. رجع هو لزمها واخذ ابنه وحرمها منه.. وحاليا هي وياه بالمحاكم وللان ما صدر حكم القاضي بالحظانه وهذا سبب كرهي لمخلد الحبيتو.. وهذه خلاصة الجزء الثاني .. من اكلكم يمعودين بطلو غلط وسب تأذوني.. تكولون لازم تتقبل تره اذا اني اتقبل الكلام منكم.. غيركم موجوع والبي كافي ما ناقص غلطكم وشتائمكم. وهاي القصه نهيتها بنهاية مالك والجحيم وتجاوزت الاحداث البقيه لتجنب السنتكم الجميله.. ومنو الواكع بيها بس اني.. 😑 ادعولها باجر عمليتها الصبح.. رفع مراره.. ... #تعديل حبايبي يعني اكو تعليقات هواية سلبية (مو صوجج صوج الي يتابعج ، حرامات تابعناج ، بعد مراح انتابعج ، .. الخ ) يعني ع الاقل كلمة شكر للكاتبة ع تعبها واذا تحبون تنتقدون الكاتبة عادي بس انتقدوها بأسلوب .. واعتقد الكاتبة زينب ماجد تستحق ع الاقل كلمة شكر ع تعبها . وبالنسبة ال لجين اكو يكولون ( تستاهل ، غبية ، .. الخ ) .. هذا ماضي وراح واكيد هي ندمانة علي والدليل انو حبت انو ينكتب عن قصتها علمود لحد يوكع بنفس اخطأها .. اتمنى تدعولها بالخيررر #تعديل نقل عن لسان الكاتبة 👇 السلام عليكم.. بخصوص قصة الجحيم .. شنو اللي ممفهوم.. تكولون الحلقه الاخيره ناقصه.. لا ابدا مو ناقصه وجزء متكامل جدا.. وجيبو اي ناقد ادبي وخل يقره النهايه.. كلاسيكيه.. القصه اسمها الجحيم.. مو قصة لجين.. يعني موضوعي يتمركز حول الجحيم.. بديت الحلقه الاولى بدخول مالك الحياتها.. ونهيت الحلقه الاخيره بالطلاق منه واخذ بنته.. وخلص الجحيم بعد شكتب.. هي مو سيره ذاتيه للجين ... لو سيره كان بديت من طفولتها ولو يهمني مخلد.. كان سردت قبل زواجها شكان يسوي بيها وشلون يحاسبها.. اللي يهمني من القصه موضوع مالك وجحيمه.. وانتهى.. لو سردت اكثر يسقط موضوع الجحيم ويفشل العنوان.. فبقيت الاحداث.. ترتبط بجزء لاخ.. حياة لجين مع مالك دامت 4 سنوات اتجسدت ب40 حلقه.. حياتها مع زوجها الثاني 7 سنوات ليومنا هذا يعني لو اريد اكتب بعد اكو 50 حلقه اضافيه لتكمل قصة لجين.. والكل منكم كال القصه طالت.. فانتهت قصة الجحيم بنهايه بين الالم والخلاص.. نهايه جدا جميله.. الغموض بالجزء الثاني وهذا طبيعي لانكم تجهلون الجزء الثاني.. واللي سبب هذا الغموض هو محادثة لجين بطلبها ان تدعولها تكسب قضية ابنها وتصير زينه لان اليوم عمليتها .. رفع مراره.. البنت جدا متأذيه وتريد دعاءكم الها.. بغض النظر عن حياتها الاخرى.. فلتكولون الجزء الاول ممفهوم.. كولشي مفهوم بيه.. وكولشي موضح من الطئطئه للسلام عليكم جزء ممتع جميل مليئ بالاحداث وخالي من الملل والدليل صبركم عليها 4 شهور ووصول القصه مليونين مشاهده.. انجاز لم تحققه اي قصه عراقيه من قبل.. احتفلو ويايه بهذا الانجاز واتركو الجزء الثاني للبنت هي تقرر تخبركم بي او لا.. لان انطعن بشرفها من قبلكم كثييير ولها حق الرفض وبراحتها ادعولها يارب تكوم بالسلامه.. وتكسب قضيتها.. #تعديل حيتم نشر ج٢ من القصه وشاركوني فرحي بنجاح القصه 😍 التعديل الأخير تم بواسطة فيتامين سي ; 17-01-20 الساعة 01:07 AM | ||||||||
|
| |
|
12-12-19, 11:22 PM
| #4 | ||||||||
| مراقبة عامة ومشرفة منتدى الروايات المنقولة
| #خطوات_نحو_الجحيم_ج٢ ... باوعت بعيونه ابتسمت:- شكد ما تفوت أيام و تروح ناس و تجي ناس بس لسة اشوف لجين هيانها متربعة بنص عيونك -لج اقسم ابألله ما مر يوم و ما اجيتي بيه على بالي، كل ليلة انت متعشعشة بتفكيري، اني كتلج بيوم اذا تتذكرين .. ما ترتاحين ولا راح ترتاحين لأن منفوسة -منفوسة!! شنو يعني ؟ -ضلت نفسي بيج ما ترتاحين الا تصيرين الي -و لو صرت الك ارتاح ؟ دك على جتفه: - هذا الجتف الشالج و انت صغيرة و الحمل همومج و مصايبج الما كبرتي ما راح يقبل تشيلين على اجتافج هم، ولا الگلب العشتي بيه سنين راح يقبل يزعلج بيوم صفنت بوجهه، ابتسمت و مديت ايدي على باكيت الجكاير، سحبت جكارة ورثتها، سحبها: يا طايحة الحظ ادخنين كدامي -هاااا، هسه كلت ما اذيج -اي بس خوما حرمه اشوفج ادخنين و اني كاعد، شنو مالي احترام ضحكت-مجنون متصيرلك چارة - اقسم بألله اعشگچ حجاها و هو يدخن الجكارة السحبها من ايدي ضحكت ضحكة طويلة و تحركت من مكاني شلت ايدة و نمت على رجله:- يا مجنون مش انا ليلة ولا بنسمة هواك ميلا -اي اي كملي اسمع -البقية ما تفيدك ههههههههههههه و ضربته خفيف على خشمة ابتسم و گام يمسح على شعري اخذ نفس و تنهد، گال: خلينا نتزوج و ابقي هيج بحظني العمر كله و يا ويل ويله اليوصل يمج ، و الله ما اخليج تحتاجين شي صفنت بوجهه، و بقيت اباوع بعيونه، تنهدت : مخلد اني مو نفسها ذيج لجين العرفتها، ربما لو عرفت شنو البيةو شنو هي مشاكلي،تنسى كل هالحب الصارله سنين بگلبك -الحديد يصدأ و يزنجر لو قسى عليه الجو، بس يبقى حديد، تكدر تعيد بيه الحياة لو اهتميت بيه مدنك راسة يباوع ويحجي ويايه و هو يمشط شعري بأصابعه فجأة تفوت زوجته، گمزت من رجله بسرعة بعدني ما مستوعبة دخولها علينا، ما احس الا كف منها على خدي و هي تدفعني. ..... و من جحيم الى جحيمٌ اخر تجر لجين الخطوات في ... #خطوات_نحو_الحجيم أبتداء من الأثنين الساعة ١١ بتوقيت بغداد | ||||||||
|
| |
|
17-12-19, 01:23 AM
| #5 | ||||||||
| مراقبة عامة ومشرفة منتدى الروايات المنقولة
| #خطوات_نحو_الجحيم (الجزء 2) ،،،،، بقلم الكاتبة زينب ماجد ،،،،،، الحلقة_1 من منا لا يخطأ ؟ و من منا لا يستبد برأيه معارضٌ لرأي الجميع ؟ فلا ضير ان تخطأ، انما الضرر هو في عدم اخذ العبرة من أخطائك و تكرارها .. انما الأحمق هو من يقع في الحفرة مرتين و عليها فان سيرك المستمر في الطريق الخاطئ، يعني بخطواتك الى الجحيم (Zainab majid) (الجزء الثاني ) الموقع : لبنان _ بيروت التوقيت : الثانية ظهراً جهاز الموبايل يرن .. صوته يصدح بأرجاء الشقة ركضت بيلا للموبايل مسكته: ماما هيدا بابا هيدا بابا -لا مو بابا هذا عمو مخلد، روحي العبي لشوف شنو يريد عمو اوكي يأمورة؟ مشت كدامي، رديت ع الاتصال : الووو -الوو -هلو مخلد -هلا يابه شلونج -بعد اخر كف اكلته منك زينة الحمد لله -تستاهلي اغاتي تعيشين و تاكلين غيره -اه والله ؟ -لج بنت الكلب قابل اني مستمتع بضربج بس غي....... -لحظة لحظة شنو بنت الكلب مخلد ترا بابا ميت -لج حيوانه افتهمي اني مو على ابوج، تروحين فدوة لتراب عمي بس اني من وراج تحرگين گلبي و تخلين الساني يفلت الا اني خوش ادمي لو ما انت مخربه اخلاقي -لا يابا استغفر الله ابو حمودي وين اكو منك انت ...اي كول هسه شرايد -رايد اجدي منج فد ربع خمسمية بنت الكلب شرايد يعني -و هاي مرتين تسبني بدقيقة وحدة باتصال واحد مخلد و تالي -ولج انت اطلعيني من طوري ادري مخابر عليج يعني شرايد غير اسأل شمحتاجة شبيج شناقصج محسستني استجدي منج اتصال ضحكت:- استغفر الله زينة زينة -فوكاها تستغفر ما عاجبها، ولجن انتن النسواين و القران الواحد يحير شيتصرف وياجن تسطرن عقل اكبر زلمة ، السألت عليها ما رضت و العفتها ضلت تعتب -هاي شوكت عاتبة عليك اني؟ شو انت حامي عليه شبيك ؟! - اخ ولج والله انت مال اغلط عليج غلطة لو ادورين كوكل كله ما تلكين منها -شنو استحداث جديد انوب، غلط خاص بيه حصريا -يلوكلج ست لجين -ادري اتصال رزالة شقصتك مخلد -ولج مشتاقلج و بالي يمج رحتي زعلانه گلت اتصل اسأل شلونها ما لونها -زينه -شسويتي ويا هلابن الكلب -قصدك مالك ؟ اخذت منه بنتي و اطلكنه -اي الحمدلله خلصتي منه، ترجعين بغداد لو وين ؟ -لا ماما حتجيني -اني ردت احجي بهالموضوع بس ابوي و عمامي الهتلية اسكت اسكت لاطميني على حلكي .. .. الا انتن نسوان اثنين رايحات للسويد بلا زلمه منو الجن منو وياجن هناك، ترا الدنيا مو سهله يا لجين هي مو طكة طيارة و افلت.. الواقع صعب و انتن وياجن طفله ليش ما ترجعن لبغداد ؟ - ماما مقتنعة بالعيشة هناك افضل من بغداد و اني صراحة مبقالي غيرها -اني رديتج كبل بمرة و ما رديتي و شفتي شصار بيج، حاولي تقنعين امج ترجعون تعيشون ابغداد و اتركون الخارج -ليش تحجي ويايه، ليش محجيت ويا ماما -امج راكبة راسها كلت احجي وياج بلكن تقنعيها -اني مقانعه شقنعها -بنت **** انت شيقنعج -مخلد لا تكفر هاي شبيك ! -لج بابا افهمي هناك العيشة صعبه ولو اني ادري جاي امسلت لو احجي و اشرحلج منا لباجر انت و امج و اكلجن صعب هناك هم ما تقنعن -ماما مفكرة ننتقل هناك يم بيت عمو قدوري ستوكهولم و نعيش قريبين منهم -هلاووووو استلم يعني يم سفيان تكعدين ! -و سفيان شنو الي علاقة بيه شبيك مخلد ؟ -انت تعرفين كلش زين شنو سفيان فلا تغشمين نفسج -الخلاصة مخلد شرايد ؟ -هو مو صوجج صوجي اني ابن كلب و سطعش كلب دا اتصل عليج و خايف، يطبج مرض انت و امج شعليه ........طوط طوط طوط انقطع الأتصال ! ...صفنت بالجهاز : مخبل صاحي هذا ؟ رجعت الموبايل على ميز، و رحت ابحث بيلا : يا بيلا بنتي الشطوررررة وينها دخلت الغرفة لكيتها لامة نفسها و حاطة اديها على وجهه و تبجي : اوي اوي اوي منو ويا بنوتي الحلوة منو مبجي هالعيون التجنن منوووو -ماما بدي بابا اشتقته -انت اشقتيي لبابا يمه يمه اليوم اجيبلج احلى و اكبر لعابية بالعالم شرايج ؟ -ما اليد لعابيه اليد بابا - اممم سو اوكي تعالي تعالي لحظن الماما لشوف شلتها بحظني و بقيت امشي بيها و امسد على شعرها و هي متضايقة و حزنانه هواية تريد ابوها اخذتها للمطبخ كعدتها ع الكاونتر يمي و طلعت توست، سويت توست بالموز و النوتيلا تحبه هي : هاي الاكله الطيبة تلش تلش لمنوووو ؟ - ما بدي اليد بابا -منو الشطورة التسمع كلام ماما و بقيت اغنيلها شاطر شاطر، و هي بعدها مقفله اديها و و مبوزه زعلانه اندك الجرس : ييييي اجا عمو جيدوووووو شلتها و ركضت بيها للباب فتحته : عمو جيدو عمو جيدو -اوف اوف لشو هيدا العقد يلي بوج الامورة مين يلي زعل بيلو بدي اقتلوا هيييك و تشاقى ويايها و ضرب بوكس كذابي على بطنها و سحبها من حظني و فات ، التفت : شوبا ؟ - على ابوها تشتاقله -لمين هيدا الساندوش ؟ واااااو هيدا لالي اممم ضل يغريها و يضحكها و خلاها تنسى و طلب مني ابدل لنطلع نلاعبها بالجنينه. اخذناها و خلصنا كل الوقت و احنا نلعب، لحد ما تعبت شالها على صدرة و طلعنا للشقة، فتحت له الباب، فات وصلها لسريري غطيناها و طلعنا -ئبل ما فل بدي احكي معك بموضوع - اي تفضل كول بقى يباوع بوجهي، ابتسمت له : شو ؟ تقرب و اخذ وجهي بين اديه:-في حكي كتير بألبي بدي خبرك فيه بس ما عم اتجرئ كيف اشرحلك -لا ولو انت تعرف غلاتك عندي، كول -بدي اتجوزك .. استغربت طلبه بقى يشرحلي مشاعره و يشرح و اني مصدومه بيه، اخرها فكر ان سكوتي رضا، تقرب باس شفافي .. ابتعدت ع السريع -انت شدا تسوي -انا بحبك -انت صديقي و بس ما ممكن جياد ارجوك بقى يشرحلي حبه و اني ارفض، متقبلته ابدا اني مفكرته صديق و هو ماخذ الموضوع بحب و عاطفة .. اخرها خيرته لو صداقتي لو يتركني تركني و طلع .. صراحة تضايقت هوايه ما اريد اخسره ابد هو انسان رائع بحياتي، بس مو حب، كلبي مو بوضع يحب و يتمعشق اتصلت ماما و خبرتني بموعد وصولها باجر ع بيروت .. كلتلها : راح استقبلج اني وبيلا بالمطار ان شاءالله ..رحت اخذت بيلا بحظني و اني افكر بجياد و بهواية امور... الى ان اخذ النوم عيني. الصبح بدلت اني و بيلا و طلعت لبيت جياد، دكيت الجرس: ماكو رد رجعت اتصلت يرن و ماكو جواب : شنو القصة لا بالبيت ولا ع الجهاز ديجاوب لعد وينه ؟ بقيت اباوع للشارع و ارجع اباوع لبيلا، واحجي ويا نفسي : يعني هسه اروح لو شلون ؟ ... فجأة سمعت صوت الباب و هو ينفتح، طلع جياد بالفانيلة و البيجامة و شكله هسه كاعد من النوم : اهلين لجين -هلوو يمعود اتصل و ادك بالباب صار ساعه ماكو - بعتذر الموبايل سايلنت و انا كنت نايم هلاء تا فقت ع صوت الباب، ليه واقفة عندك .. فوتي فتت و هو شال بيلا يبوس بيها : اشونك -منيح ، شو قهوة ولا بعمل فطور ؟ -لا لا اكعد مكانك جايه بس احجي وياك شويه -بسمعك ! -اااا يعني ع اللي صار البارحة ااااممم، شوف جياد انت انسان ما احب اخسره و ما اتمنى اخسره ابد، بس لازم تعرف ان اللي مريت بيه مو سهل و ما اكدر احب و انحب مره لخ .. ..استنزفت كل طاقتي بحب مالك لحد ما تركني مثل القارورة الفارغة ما عندها شيء اعطيه، ما اعرف اذا دا تفهمني او لا بس صدق انو اني مو رافضتك لشخصك ابدا انما اني ما اكدر ... افهمني -بعرفك و بعرف كتير منيح انت شوبك و شو بدك، و انا حبيت كون حدك و عوضك و املي القارورة الفارغة يلي بتحكي عنا ت تقوي حالا و تعطي اكتر من ئبل -صعب -اخذي راحتك بالتفكير، كلشي بدون تفكير صعب، اقعدي و ادرسي حياتك و شوفي شو يلي يناسبك و انا رح أحترم قرارك شو ما كان -هممم اااا ماما جايا بالطريق لبيروت -بتوصل بالسلامة ان شاءالله، كنت بتمنى روح معك ت استقبلا بس بتعرفي عندي بروف -لا لا اني اجيت بس اسلم و اطمن عليك، رايحه هسه للمطار، يلا بيلا -امك جايي لهون لتاخذك ؟ -ما اعرف حاليا تجي و نشوف -اوكي، وصليلها سلامي -ان شاءالله، اترخص -اوكي .... طلعت اني وبيلا و رحت للمطار ، انتظرناها شي ساعة و نص و طلعت ، رحتلها اركض حضنتها شو وخرتني و اخذت بنتي حضنتها و بجت تبوس بيها و تباوعلها و تكول : لج دادا شنو هاي شصايره يا عيني حاجيتها بضحكة و تخصرتلها - ايباااه هسه بيلا صارت اهم مني مو؟ -لج حفيدتي الوحيده هايه، مو ديكولون اعز الولد ولد الولد و هاي الحفيدة الوحيدة من بنتي الوحيدة -حياااتي هههههههه حضنتها، اخذتني بحضنها اني وبيلا و تبوس بينا ... رجعت للشقة و هي ممصدكه على الله شايفتنا و مفارگت بيلا من حظنها ابد .. گمت عود دا اصير معدله و اطبخ لماما مقلوبه، وعود مستقبلتها ابيتي و كذا و فرحانة تالي نسيت المواد و كل شوي اكولها : ماما شحط، و شنو بعد تاليتها هي وگفت تطبخ و اني اسوي زلاطة. باوعتلي و هي تطبخ : لج عيني ماما هاي شنو صاير بيج صايرة جلد و عظم ليش هشكل يا ماما متاكلين -لا ماما والله مبيه شي بس دايت تعرفين شغلي اعلانات يعتمد على شكلي لازم ما اسمن بقينا وياها هذا اليوم ساعة نضحك ساعة نتذكر ايامنا اللي ابغداد ويا بابا و نبچي، و ساعه نكعد نسولف لبعض على احوالنا بغياب بعض ... الجميل بالذكر ان اليوم ولأول مرة بيلا مذكرت مالك ولا بجت، كلش حبت ماما على كد لهفة ماما و حبها و احتضانها البيلا . ثاني يومت تركت ماما مع بيلا بالبيت، لان عندي اعلان محتاجه فلوس لازم اشتغله لهذا وافقت عليه، غير اموري اللي اخلصها حتى اختم وضعي هنا و اسافر المغرب و اني دا ارجع للشقة مالتي، بالشارع قريب، اعترضت طريقي سيارة .. باوعت (مالك) -انت شنو هالوقاحة العندك لسه و الك عين تطلع بطريقي نزل من سيارته: اصعدي اريد احجي وياج شويه -ما الي اي كلام وياك يلا ولي سحب ايدي: لجين دا اگولچ اصعدي عندي حجي وياج ضربته بصدره : دا اكولك ما اريد تبتعد من طريقي لا وروحه لأبويه اخابر و اشتكي عليك -صح سمعت بخبر وفاة والدج العمر الج - هه بعمري مشفت مثلك و بمثل حقارتك سحبت ايدي رجع لزمها : گلتلچ اصعدي -اترك ايدي -راح اتركها بس بعد ما احجي اللي عندي -ما عندي شي يربطني بيك -لا بلي عندج بيلا اللي طلعت مني و منج و متكدرين تحرميني من بنتي طول العمر -انت اللي خسرتها بأفعالك -افعالي خسرتج بيها انت، و اني كلش نادم على اللي صار فعلا .. بس بنتي ما الها ذنب باللي سويته و اني احبها -اتركني مالك ولا عاد تطلع بحياتنا كلها ايام واخذها و اخلص من شكلك و بعمري عساني ما اشوفك -وين حترحين -حسافر استقر عند امي بالسويد -و بنتي ؟ -لسة يعيد بنتي بنتي بنتي ، مفكرت ابنتك لما بعتني هااا ؟ لما اذيت امها و تاجرت بأعضائها مفكرت ابنتك ؟ مكلت بنتي راح تحتاج ام ؟ مكلت بنتي راح تعيش بنقص لما نفترق اني وامها ؟ ولا عادي عندك تنحرم مني بس تبقى مع اب منحط و نذل مثلك ؟ لك اني اللي تحملت سكرك و خياناتك و عارك و انطيتك كل شيء عندي وتحملت اشكال الوان العذاب و بقيت وياك هنا بلبنان و ما اخذتها و سافرت بس حتى ما احرمها منك و من جو العائلة اللي امثل بيه السعاده حتى نعيشها بهالجو، بس انت شنو سويت ها ؟ انت دمرت كل شيء بيدك، لا تجي هسه تحاول ترجع تصلح شيء منكسر، الينكسر ينشمر و اني شمرتك من حياتي سو اختفي من كدامي فورا .. عفت و دا امشي سحبني من كتفي و اخذني لحظنه: بس بعدني احبج لجين صرخت بقوه واني ادفعه :كلتلك ابتعدددددت - شوفي اني مقدر حجم الالم و العذاب اللي سببته الج فلهذا ما راح اتضايق من تصرفاتج لو شما سويتي، مفات الوكت نكدر نرجع كل شي انت بس اهدي و فكري بمستقبل بنتنا ... مشيت بأنزعاج منه، رجع وكف كدامي : لجين دا احجي وياج لا تتجاهليني -انت تعرف المفروض انت هسه بالحبس و اني خلصانه منك، قدر هالنعمة اللي انت بيها و ابتعد من عندي -مو بفضلج ولا بفضل احد اني حر، كل عمري شغلي اجرام ولا مره احد كدر يحبسني، اتذكري اني مالك مو لجين حتى افكر بغباء و اتبع گلبي اني اشغل عقلي و بفضله اطلع من كل مشكله اوكع بيها فلا تخليني اشغل عقلي عليج و اطلع من كل هذا ربحان .. اتقبلي ندمي و ارجعيلي ولا تخليني اخسرج كل شيء و ارجعج انت و الماكو سوا -هممم طيب اذن ، شغل عقلك و شتريد تسوي سويه ولا تقصر و اقبل من هالكلمة ( طززززز بيك ) دفعته و مشيت سريع، ما تبعني درت وجهي و اني امشي .. يترقبني بنظرات حادة و كأنه يفكر بأفتراس كبش للحظة تملكني الخوف، اعرفه نذل بس بعد شنو بأيده يكدر يسوي .. هو هسه حاله حال الكلب المسعور ما بيده غير ينطم و يتقبل وضعه و يسكت لكن ما اخفي خوفي ... رجعت للبيت، فتحتلي ماما الباب:- شبيج ماما شكلج مخطوف -ااا ليش - شنو ليش شصاير -ااا مصاير شي ،بس اريد ادوش بالحمام ارتاح هواية تعبانه بيلا وين ؟ -دا تلعب بغرفتها -جيد .. مشيت للحمام محسيت اشون تحممت و اشون طلعت و كعدت على كد ما فكرت بمالك: الله ياخذه شوش عقلي .. سولفت الماما بقت تحذرني منه و توصيني ابقى بعيده عنه قدر الامكان و ما اثير استفزازه و يكوم يتحايل .. ثاني يوم هم طلع بوجهي و يكولي : اخر فرصة الج اترجعيلي لو ترجعين بنتي و بكيفج سافري للمكان اللي يعجبج انت حره ...ما رديت عليه اي كلام امشي و هو يسحب و يحجي و اعوفه و ارجع امشي اخر شيء سحبني حيل و لزمني من وجهي : لا تخليني اسوي شيء والله اندمج عليه العمر كله اسمعي مني و خلينا نرجع -اللي تريده سويه، و لو لزمتني مره لخ ثق ابلغ عليك -اهممم .. اوكي لجين هياني تركتها لايدج و ثقي ما راح اكمشها مره لخ ابدا بس باوعي بعيوني زين و احفظيهم لحتى طول عمرج تبقين تتذكرين اللي راح اسويه بيج . بقيت خازره بعيونه و اتنفس بغضب : وقح استقرف النظر بيك عفته و مشيت .. بعدها مر اسبوع ما شفته طلع گدامي، ولا زعجني بأتصال .. كملت كل اجرائاتي للسفر الا ويوصلني تبليغ، استلمته طلع من المحكمة مالك رافع دعوة حضانة لبيلا .. صفنت ما اعرف ليش خفت رفعت الموبايل و اتصلت بصديقة محامية لتتولى قضية الدعوة و سألتها كالت : لا تخافين حضانة الطفل من حق الام دائما قضية سهلة و راح نكسبها لا تقلقين اطمنت، بس ما اعرف ليش باقي اكو قلق بداخلي اعرف مالك قذر و عنده اساليب قذرة يستخدمها بهالامور ... تحفظت على بيلا و عليه من الخروج حتى لا يحاول يتخطفها لساعات و يشتكي ليسجلها عليه لو يعرض بيلا للخطر حتى تسقط عني الحضانة .. بقيت قدر الامكان بالبيت حسب نصائح امي. بيوم المحكمة وكفت امام القاضي و هو اجا وكف و صدمني لما قدم للقاضي صور و تقارير تؤكد ان اني كنت ارتاد الملاهي و اتعاطى المخدرات و المحامي مالته شاطر تلاعب بكل الامور لصالحه و ارتفع قرار القاضي و قرر جعل الحضانه من حق الأب المدعو مالك .. و حرمني منها بمجرد سماعي الخبر انغمى عليه من قوة المصيبة الوكعت على راسي و فقدت شالوني لغرفة انطوني صخوني و انطوني مي، كعدت اصرخ : وين بنتي ما انطي بنتي حرام عليكم ما انطيها والله كذاب عفتهم و طلعت من المحكمة للبيت بسرعة، لكيت مالك واكف على باب الشقة .. ضربته : حقييير حيواااان مكافي سلبت من عندي عمري و صحتي وحالي جاي تاخذ بنتي روح منا ما انطيها الك تحلم افتهمت -گلتلچ اخذها لا تستهين، ما صدكتي .. ابتعدي اريد بنتي من حقي -انت كذاب و كلب ، انت طلبت مني اتنازل عنك مقابل ترجعلي بنتي و انت حلفت بروح اختك نذذذذذذل اطلع من حيااااتي اطلع ما انطيك بنتي كامت امي تسحب بيا و ناس طلعت على صوتي، و هو بكل حقارة يكول: حبيبتي لتسوين بنفسج هشكل شنو بأيدي اني ما حبيت اخسركم حاولت ارجعج و عجزت و انت اللي رفضتي فأذا حبيتي بنتج ارجعيلي .. -مستحيييل مستحييييل حيوان متلون ما اريدك - عيب عيب منا الناس اووف بعدج بهذا طبعج و صياحج شخرب حياتنا غير وقاحتج، راجعي نفسج حبيبي و ارجعيلنا اني و بنتج، وين بنتي بيلا يلا -مالك روح منا انطيك بنتي -لحظة منو كان يهددني اشتكي عليك و ابلغ عليك، اهمم حبيبي ما اريد اصير قاسي مثلج و اهدد انطيني بنتي و ابعدي من حياتنا لو حبيتي بلا مشاكل افضل مما الامن هو اللي يسحبها منج بالقوة بعدني منه بقوة و فات للشقة شال بيلا ركضت وراه سحبت الطفلة من ايده : لا لا الله عليك لا تكسرني مره ثانيه ابنتي لا تفرقني عنها ارجوك حرام عليك والله بقيت حاظنتها و امي تغلط و تدفع بيه و هو واكف مبتسم، تقرب اخذ بيلا من ايدي، هي تبجي من قوة الموقف، مسح دموعها ديريد يسكتها، لزمته من ايده : ابوس ايدك عوف بنتي الله عليك مالك اتوسل بيك و كعدت يم رجليه ابجي دنگ ثنى رجليه و كمبص، باوعلي و اشرلي على عيونه: احفظيهم زين و اتذكري طول عمرج شنو سوت بيج هالعيون الحذرتج منهم قرب وجهه و باس خدي و گام ، فرفحت روحي وراه كمت اريد الحكه و امي تلزم بيه كمت اصرخ و املخ بشعري من القهر اخرها فقدت وبعد محسيت . ماما من خوفها و حرارة گلبها اتصلت بجياد يجي يلحكني .. بوقتها اجا بسرعه و نقلوني للمستشفى اسبوع لا اكل ولا اشرب بس ع المغذيات، حاولت اتصل بمالك لو اتوصله ماكو حرگ رقمه و الواتساب .. ومدا اعرف وين الكاه جنيت تماما .. ماما استعجلت لازم ترجع للسويد و اني مدا اكدر اسافر وبنتي ما اعرف وين .. اقترحت عليها نرجع لبغداد رفضت و كالت : لا ماما شعندي ابغداد اهل ناس شو ابوج و مات و خوالج و طلعوا برا .. اكابل كرجية و سوالفها شبيه ؟! ...قبل السفر بيوم، و اني لسه ممقررة اسافر او لا .. كلمني جياد و فتح عليه موضوع الزواج شفت الموضوع بصالحي، لازم ابقى هنا و اتزوج و استقر لحتى اكدر ارفع دعوة لخ و استرجع بنتي. وافقت على الزواج منه ، بدون اي مشاعر احملها اله بقلبي غير مشاعر الصداقة و المودة . شرطت عليه بالزواج يطلب ايدي من عمامي هو و ابوه حتى نتزوج بموافقة الاهل بعد موافقة ماما على زواجنا رجعت سافرت ماما و هي تأكد عليه و توصي ان ما اتعب نفسي و اقهرها واصير قوية حتى ارجع بنتي رجعت للشقة مالتي، مقبل كال : ضبي اغراضك و تعي معي ع بيتي اخذي غرفة لحالك، لبين ما نكمل اجرائات الزواج و يفضى بابا لنطلب ايدك من اهلك بالعراق ...اول شيء ما قبلت بس هو اكدلي ان هو مو دوم متواجد بالبيت و غرفه منفصلة ما راح تحدث فرق .. اخذت اغراضي و انتقلت لبيته، كعد ويايه ساعة و اضطر يطلع لان عنده شغل .. فبقيت ارتب بغراضي و كعدت وحدي اتذكر بنتي و ابجي وادخن و احرك بنفسي بالدخان، لحد ما طلع الفجر و غفيت الصبح كعدت على صوت الباب، فطلعت من الغرفة و البيجامة و التيشيرت، فتحت الباب و اني كوه اوسع بعيوني من النعاس ... شفت مره كدامي حاولت اركز بيها منو، فسألتني هي - مين انت ؟ -مو لازم اني اسألك باعتبارك انت يلي داگة الباب ! -اه عرفتك انت البنت ذاتك العراقية يلي لاعبي بعقلو لأبني جياد، انا امو فركت راسي شلون نسيت ما اتذكر شايفتها : اعتذر جدا فوتي -والله كتير حلو، هلاء صرت فوت ع بيت ابني متل الضيوف، و مين يلي تفوتني وحدة بلا تربايي متلك -العفو ما اسمحلج تقللين احترام ويايه، اني مشامره حالي على ابنج هو اللي جانن عقله و يمشي ورايه و هو اللي طلب مني الزواج..... -و دغري وافئتي ما ؟ بايني وحده متلك ما تسدئ ع الله بيخطبها زلمي -ردت اطلع قهري بيها خفت اتفشل ويا جياد.. تركتها و دخلت خابرت جياد و خبرته باللي گالته الي، گال : جايي فورا دقايق و اجا جياد، سمعته ارتفع صوته و هو يكول : با امي ما دخلك فيني اظهري من خياتي انا حر بيلي حبا و اتجوزا و هي ترد : لك بتتجوز بنت بلا تربايي ساكني معك بنفس البيت بلا زواج، لك هيدي عاهرة يا ابني اصحى ع حالك بئى و شغل عقلك شو بقول لخواتك لخوالك للناس ابني متجوز بنت من البارات - امي انا بعرفا للجين و بعرف شو هيي، مبحاجة حدن يقلي شو هي و شو لازم ساوي بئى يا ريت تعملي معروف و ما تدخلي بزواجنا - انا صرت بدخل بزواجك يا جياد و حاشرة حالي بحياتك، يا ابني يا حوينت التربايي فيك والله طلعت من البيت و هي غضبانه عليه، رحت يمه: جياد انت مو مجبور تغضب امك لحتى تتزوجني، اني ما احب اخربلك حياتك -متقولي هيك لجين اتركي الموضوع اعملي معروف تركني و فات ، متقبلت الكلام ابدا و ما اكدر ابقى لازم انسحب من حياته و اتركه لاهله، رحت للغرفة لميت اغراضي و طلعت من الغرفه صدف بوجهي -شو لوين ؟ -جياد اعتذر جدا بس صدقا ما اكدر اتحمل اللي صار، اني مو بلا تربية ساكنه وياك بلا زواج كلام امك صحيح لازم تاخذ كلامها بجدية -اتركي من ايدك و ما تجني انا بعرف شو لازم ساوي و متعتلي هم، بطلب من بيي بيقنع امي و مصيرا بتقبل بزواجنا -ما اكدر جياد -متصيري انانية لجين انا مستعد اترك الدني لاتجوزك و انت كرمال كم كلمي اسمعتيها من امي بدك تتركيني و تفلي -مو هيج -اشش بلا كلام و تعي لحضني مشتئلك سحبني لحظنه :- وف وف وف شو هيدا يلي عملتي بحالك ملياني ريحة سگاير ابتعدت : جياد تعبانه منايمة للفجر مشتاقة لبنتي -ويييي متبكي هلاء لجيييين كتير جوعان بدك تأجلي البكي لبعد الاكل -عابتلك - ههههههه شو بحبك انا اخذني للمطبخ كعدني و هو يطبخ و يغنيلي :بحبك انا كتير يحبيبي ضلك طل عليي وعيني بكير اغمرني و المسلي ايديي يغني و هو فايت بالجو و مستمتع : على كد متغني لوائل كفوري ساعات احسك تشبهه - وووو انا بشبهو لوائل يسعدلي ئلبي -اي والله شبيك تقرب و هو يضحك سند اديه ع الطاوله و يهز راسه يضحك، صفن بوجهي : بحبك -ابتسمت و گمت منه رحت للصاله و هو بقى يكمل الفطور و بسبب نعاسي نمت قبل لا يجيب الاكل حسيت و هو يجيبلي غطا و يغطيني و انا نايمه على الكنبة، كعدت تقريبا العصر هو بغرفته يشتغل ع الحاسوب تركته و مشيت، اني وقت اللي يصير بين العصر و المغرب يقبض گلبي ، كعدت بالصالة ادخن و اتصفن انسحبت الجكارة من ايدي: بلا اكل و بس دخان ، بدك اديري بالك ع صحتك لترجعي بنتك -اني بديت افقد الامل مالك مدا يبين -متعتلي هم ،قوي حالك و بترجع، هلاء قومي اتحممي و البسي لنطلع ناكل برا الجو كتير حلو .. كمت من مكاني تحممت و بدلت و طلعنا اكلنا اكلات سريعة من البياعه الجوالين و بقينا نمشي و ناكل و نسولف ... كملنا قررنا نرجع للبيت، اخذنا السيارة لفينا و هسه مشينا منحس الا و سيارة كبيرة بوجهنا صرخت حيل لف ع اليمين بسرعه .. ضربتنا و ارتفعت السيارة و انكلبت اريد اوعى ع الشيء الاحنا بي ، كمت احس شي حار ينزل على وجهي و جياد ما دا اسمعله صوت....يتبع ☆☆☆☆☆☆ عدنا و من الله التوفيق، مشتاقتلكم كثييير شوق بحجم السماء .. احبكم جدا واتمنالكم متابعة شيقة #زينب_ماجد | ||||||||
|
| |
|
19-12-19, 01:30 AM
| #7 | ||||||||
| مراقبة عامة ومشرفة منتدى الروايات المنقولة
| #خطوات_نحو_الجحيم (الجزء2) ،،،،،، بقلم الكاتبة زينب ماجد ،،،،،، الحلقة_٢ على رغم كبر سني، الا ان لا يزال في داخلي طفلا: ينجذب للحياة يصدق كل من يتحدث يزعل فترضيه ابسط الاشياء يخاف التقرب لمن يؤذيه فيتقرب لكل ما يؤذيه جهلا يبكي و سرعان ما يضحك يحب و سرعان ما ينفر همه الاعظم لعبته و ها انا قد سرقوا لعبتي (ملاحظة ارجوا عدم التجاوز لمراعات كون الرواية مقتبسة من قصة حقيقية مع فائق شكري لمتابعتكم و كلامكم الجميل ) زينب ماجد بيروت _ ٨ مساءاً .. اصوات سيارات تتعالى اسعاف و دوريات شرطة، ناس ملتمة و تحقيقات و هوسة .. بين الوعي و اللا وعي انسحبت من المكان اللي اني بيه، من تحت السيارة المقلوبة ، انحطيت على سديه ورفعوني نقلوني لسيارة الاسعاف .. اضوية قوية احس رغم مغمضة، و هم يضمدون براسي و السيارة تمشي و صوتها عالي جدا اكثر مكان اتوجع منه هو ايدي اليمنى، صرت اآن من الألم، صاح اللي يضمدني : فائت البنت اجا الثاني ، تقرب و هو يكولي:- شو اسمك يا مدام -ايدي توجعني ااااه -انت تعرضتي لحادث سير ، كلا داقايق و بنوصل ع المشفى ، اتحملي يمدام بقيت ائن و ابجي ، ضربوني ابر مهدئات و بعدها ما حسيت .. غير اني بالمستشفى دينقلون بينا بالممر ، ما اعرف وين جياد.كد الالم البجسمي فقدت اون . فحص طبي، تبين ان متعرضة لكسر بالأيدو ضربة بالراس داخلة كزازة بس ما مضررة بس يحتاجلها خياط جبسو ايدي و عالجو راسي و نقلوني لغرفة خاصة.. بعدها اجا ضابط تحقيق، طلب اسمي و اسم صديقي .. اعطيته شغلنا و عنوانا و عنواب ابوه لجياد ليخبروه بعدها بدأ ويايا تحقيقيات بمجريات الحادث و النتائج تؤكد ان هو حادث متعمد .. كملوا و راحوا. و هنا الغربة ... لما انت بأشد حالتك و محد وياك تتألم و محد يسمعك من جد بجيت يومها كلش هواية و حزت بنفسي ان خسرت كل شيء بهذه الحياة حتى صحتي حاولت اكوم و اسند نفسي مكدرت جسمي كله مكسر و ايدي المها يكتل و راسي مشدود اجت الممرضة سندتني رحت للحمام و رادت ترجعني ، كتلها : لا اخذيني لغرفة صديقي اسمو جياد كان معي بالحادث - رفيئك حالتو حرجة و العناية المركزة -شلون يعني جياد حالته خطرة -ما بعرف ، يلي بعرفو التو، بدك ترتاخي يمدام كرمال صحتك -اريد اشوف جياد اخذيني -ما بيصير يا مدام -لا اريد اشوفه ابتعدت منها و هي تحاول ترجعني، اخر شي مشتني للممر القريب من العناية المركزة .. شفت اهله و امه كاعده بالكاع و تبجي خواته اثنين يمها و هي تكله : انا حذرتو لأبنك يترك هيدا الفلتاني مسمع مني، جياد ابني يروح قلب امك وينك راح ابني يمأمون راح ابنييي .. واكفة بمكاني و اسمعها و ابجي : كوليلي الحقيقة جياد مات ؟ -لا يا مدام بعدو جوا، بدك ترجعي ع ئوضتك كرمالك صحتك هلاء انا بتحاسب عليكي اخذت بكلامها، كلت ارجع لغرفتي و لما يصح الصبح ارجع بلكي الگاه طالع من العناية و اعرف اخباره، هسه اذا اروح تعلق بيني و بين امه اخذت علاجي و نمت بسريري .. للصبح كعدت ايدي تأذيني، ناديت للممرضة شكلتلي السيروم و الدوا لشوي طلعت للاستعلامات ، دكيت رقم ماما .. ما حصلتها سألت عن جياد، صاير عنده نزيف بالدماغ من قوة الضربة و حالته للان ما مستقرة .. ترددت اروح اشوفه بسبب اهله رجعت لغرفتي ، لشوي و فاتت امه تتهجم : يا فلتاني اخدتي ابني منيييي بدي اقتلك و اشرب من دمك يا قاتلة تسحب بيه و تضرب و اني احاول ابعد بيها مني بأيد وحدة، اجا الأب سحبها مني و الممرضين و الدكاترة اعترضوا على تصرفها و امروا بطردها خارج المستشفى لتعرضها للمريضة رجعت لسريري ابجي بهدوء، شوي و اجا ابوه : بنعتذر منك يبنتي بس بتعرفي امو و قلبها عم يوجعا ع ابنا بدك ما تواخذينا -لا عمو ولو اني متفهمة موقفها اني اللي اعتذر منكم، كلمته لجياد وردت ابتعد من حياته بس مقبل يكولي لا تصيرين انانية اني تارك الدنيا لخاطرك و انت بتركيني -جياد بيحبك كتير صح انا ما قبلت ع طلاقو من مرتو بس بتالي القلب و ما يختار و انت اختيار قلبو و نحنا ما بنقدر نجبرو ع اشي هو ما بدياه بس لسا امو ما متقبلة الموضوع -اشكرك كلامك عمو وجيتك عليه لهنا غالية، انت لو تريد شي و ما تحب ارتبط بجياد اني ما افرض نفسي على احد هسه اخذ تكت و اطلع للعراق ارجع -لا يا بنتي انا ما بقدر وقف ادام تنين بيحبوا بعض، انتو بالغين و راشدين و عارفين شو يلي عم تساوو، مش صغار لنفرض رأينا عليكن، انا ما بتمنالكم غير التوفيق ابسمتله ابتسامة امتنان، طبطب على كتفي و كام . لليل كتبت و طلعت لبيت جياد كعدت وحدي واخذت رقم الممرضة تخبرني بحالته، لما خابرتني و بلغتني بصحوته رحت ع المستشفى اركض فتت لشوفه امه جنت بس مهتميت الها، تقربت لجياد مسكت ايده و كلتله : الحمدلله ع سلامتك -يسلمو، كيفك انت ؟ - اني زينه ، كلش انشغل بالي عليك و ما حبيت اجي و انت ما صاحي لان حالة الوالدة متسمح -بتعذر بالنيابة عن امي لو سمعتك كلمة مش منيحة -لتشيل هم مقدرة وضعها ، يكولون الحادث متعمد ؟ تشك ان هو مالك -اجو ليحققو معي، و خبرتون بيلي بعرفو -منو تكول -ما بعرف بس مو مالك على الكتير شي واحد من جماعة ميشيل -يعرفوك -لا مبيعرفوني، بيعرفوك لألك -مفهمت اني المقصودة يعني ؟ -انت كنتي بينون و اللي يخونن هدول بدون يقتلوه -مو فارقة معي، اساسا حياتي وعدمها واحد -متقولي هيك، بنمسكون كلن ان شاءالله فاتت امه تحجي : مبيكفي شو عملتي بأبني جايي لتخربيلي بيتي جياد: امي كرمال الله هلاء مش وقتك -شو مش وقتك يا بني ما برضى عليك بعمري لو تجوزتا . -جياد اني اترخص ما اريد اعمل مشكله .. مسك ايدي راد يوقفني بس ما رديت، كافي تهين هواية هو منو جابر نفسه عليهم ابنها ديكول اريدها و هي نازله عليه مو على ابنها و كانو اني الواكفة بوجهه و ماخذه ابنها ، شكد ما اكبر عقل و ابتعد عنها دا اشوفها تتمادى .. طلعت للبيت ... بعدها بيوم طلع جياد على مسؤليته من المستشفى، وبقيت وياه بالبيت اعتني بيه ، ما لازم يتحرك او يسوق او شي يتعب راسة .. يحتاجله راحه تامه بدل ما اتزوجه و يخلصني من همومي و يرجعلي بنتي، صرت جليسة بيت الطالع و الطاب يتكلم و يسمع الكلام اللي يسم البدن لا اكدر اتركه و هو مريض ولا اكدر ابقى، اقترحت عليه يجون اهله يعتنون بيه لبسن ما يشفى حتى يكف الثال و القلت ..ميقبل يكول : تحمل كرمالي فترة و بتمرئ بيوم اجت زوجته السابقة و اطفاله و امه هم اجت، اجتمعوا يتعاتبون و جابت سيرتي مرته : ليش يا جياد كرمال بنت من البار بتبيعني انا و ولادك هم ديحجون، فتت عليهم : لحظة لحظة انتم بأي حق تحجون عليه، ترا كافي اكول اتحمل الطالع و الراجع يحجي بس جد كافي يا ريت تعرفون اني ما فارضه نفسي عليه و طلبت منه اروح و مقبل كافي تجيبون سيرتي لان من جد تعبت دا احجي جان مرته تتهجم عليه بالسب و اللعن عليه و على والدي، اني هنا نفرت من صدك و طلعت عن كل اعصابي، و لزمتها من شعرها : انت شنو و تحيبين بابا على السانج و جبتها بالجبس مال ايدي على وجهه ، جياد كمز من مكانه و امه سحبتها مني و اني انهديت : هيج منكم و هيج من اللي جابكم عليه لميت غراضي كلها، هو تجا ورايا : لجين كرمالي متعملي هيك هدي -وخر من كدامي يحجي ويايه و امه تحجي و تغلط و طلعو من البيت و هو يسحب الجنطة من ايدي: صرخت كافي ما اريدك عوفني مكعدني ابيتك هنا شنو ، احتراما للصداقة البينا تقبلت والا اخر يوم بعمري ما اقبل اكعد ويا رجال ما يربطني بيه شيء ، مخلي اليسوا و الما يسوا يحجي عليه، لك اني نفسي استقرفت نفسي ابتعددددد دفعته و طلعت من البيت مفرفح گلبي، رحت ع اوتيل اجرت غرفة و دخلت ، شمرت الجنطة من ايدي و طلعت باكيت الجكاير .. و ادخن ما عرفت شلون مر الوقت على كد ما معصبة .. لهناك اندك بابا الغرفة ، فتحت و الشرطة كبالي: شو ؟ -مطلوبة ع المخفر -وليش شنو سويت -قضية اعتداء على المدعوة امل ناجي صدقي -زوجة جياد !! و اني شنو سويت الها، هي اعتدت عليه تسب ابوية و تغلط -بتعطي افادتك هونيك يمدام ، هلاء بدك تروحي معنا ع المخفر -اي بس اصبر البس -لبست حذائي و اخذت جاكيت و رحت وياهم وصلنا للمخفر ، كعدوني بغرفة و اجا ضابط يحجي و شخص يسجل كلامي بقى يسألني عن الحادث، سولفتله بس تعبانه اعصابي ارد بنرفزة حاولت اهدي من اعصابي مكدرت كل جسمي يرجف و الضابط تضايق وصار يكلمني باعصاب شويه و اجا جياد عرف نفسه و كعد، اول شيء كاله : البنت هيدا بتتعاطى مخدرات جاوبته : كتلك لا -السؤال مموجه لائلك يمدام جياد خزرني و هو يراقب رعشة ايدي: حاليا ما بتتعاطى مخدرات بس كانت مدمنة و ضحية لعصابة قدرنا نمسكا بمساعدتا طلب الملفات الضابط -اسرار شغل بس بقدر ورجيك ملف شفائها من الادمان و هي هلاء بس عم تعاني من اثار الادمان مش مدمنه و هيدا الحالة بتصير عندا بس لما بتعصب كدر يتفق و يتكلم مع الضابط يطلعني، بس شيهديني مثل بركان و انفجر بداخلي، راسي متت من الوجع جسمي يرجف و العرك ينزل من جسمي، جكارة ورة جكارة اخذ بس اريد انسى علاج الادمان اساسا قطعته مكملته من مات بابا ، صرت اعوض ادماني بالدخان ، بس بعدني دمي دا يحركني للحظة وكفت جياد و طلبت من عنده : حباية وحدة -مستحيل لجين انت هلاء تشافيتي و هيدا يلي يصير معك ساعات و بيمرئ بدك تمسكي حالك -دا اموت تفتهم جسمي دا يحترك مكام يرد علية ، نزل للصيدليه اخذلي دوا و كال اشربي، شربت و نزلني على مطعم حتى اغسل وجهي و ارتاح : دخلت غسلت ورجعت كعدت وياه ع الطاوله -اني ما لازم ابقى هيج لازم الكالي شغل منتظم -و لشو هيدا الشغل صحتك مبتسمح انا هون حدك، بدك متعبي حالك اوكي ؟ -تسلم بس ما اكدر لازم اشتغل و اتقوى لأرجع نفسي و بنتي - بنتك بترجع متخافي بدك تصبري هلاء، نتجوز و بتتعافي منيح و قتا بنرفع علية قضية من جديد و بنسترجعا لبنتك -جياد بس اني ما اكدر ابقى بلبنان هنا دا اختنگ، اهلك مدا اتحمل كلامهم ولا مجبورة اتحمل البيه كافيني و زايد ما اكدر شيل حمل زايد - يعني لوين بدك تروحي، بتعرفي انا شغلي هون ما فيي اترك - و شنو يعني ابقى هنا اتحمل لان شغلك هنا - شو في لجين عم تكلميني و كأني عدوك مش حبيبك و بدنا نتجوز -اي زواج هذا اللي تهلك لاعني، جربت قبل بمرة اتزوج بدون موافقة اهلي متوقفت -و شو يعني بنترك بسبب رفض امي لزواجنا ؟ - اني ما اكدر اعيش بلبنان جياد افهم -لوين بدنا انروح لجين اصحي ع حالك شو عم تحكي مفينا نروح لغير محل -ذكرياتي وجعي اهلك كلشي بلبنان دا يأذيني حتى هواها يذكرني ابنتي ما راح اكدر استمر هنا ! - و لما انا و انت ما بنقدر سو كيف رح تضبط ؟ -بدك تحلها ابتسم و جتف ايده و اتكئ ع الطاولة :-كتير منيح صرتي بتحكي لبناني -لا تغير الموضوع جياد -شو بك يا بنت عم حاول هديكي -انت دا تنرفزني بغزلك البايخ هذا -هلا انا صرت بايخ -جياد اسكت مني مدا اتحمل اي كلمة اسمعها دنحجي الكرصون حط ع الطاولة بطل ( ويسكي ) و كاسات مشروب جياد : ما طلبنا مشروب، طلبنا قهوة -انا كتير بعتذر يا استاذ اسف لجين :- لا اتركه معلش شكرا الك روح -شو عم تعملي انت -اريد اتخلص من الم راسي ايدي مدا تستقر -هيدا مش حل يا لجين ، اعطيتك المهدئ و بدنا نروح ع بكره للمشفى لتكملي علاجك فتحت الويسكي ، و صبيت -لجين عم احكي معك -اخذت و شربت -انت عم تتجاهليني كتير، من يوم يلي قررنا نتجوز و انت مش طايقتيني و كتير عم تتجاوزي حدودك معي، اذا متحبيني قوليلي لاتركك و فل من حياتك ما رديت عليه، اعصابي كلش مو تمام و بودي انفجر بكلشي كدامي افلشة و دا اشمر اعصابي بالتدخين و الشرب لامسك نفسي .. من ما رديت عليه ، حس بيها اهانه گام و كال : هيك لكان، لقوم انا بئى ، المكان يلي ما بلاقي احترامي فيه ما بقعد فيه خلة و كام، بقيت مستمرة بالشرب بس كمت ابجي بقوة شويه و انمسكت ايدي: خلص بيكفي هيك قومي معي لشوف - اتركنيييييي معليك بييييه -اششششش .. لملمني بأديه و طلعني من المطعم، حطني بالسيارة و نزل قفلها و رجع للمطعم، سدد اجر المشروب و جاب جاكيتي و اجه كنت سكرانة فد مرة و هذة يمكن من اصعب حالاتي اللي مريت بيها و اقرفها ، كنت اصرخ و ابجي و اضحك بنفس الوقت و كل شويه احاول افتح بالباب لحتى اشمر نفسي و انتحر بس مقفول. ما كنت اتذكر شنو كنت احجي، لكن اتذكر اني كمت اصرخ بيه لحتى انزل اتقيئ، و كف السيارة بسرعه من شافني اهوع فتحت الباب بسرعه دنگت و تقيئت ع الرصيف، صرت احس گلبي يطلع و اني ازوع، تقرب مني جياد و بيدة بطل مي سحبني، غسل وجهي و اني اكح بقوة -اشربي -بعد مني اتركني امووووووت بقى يحاول يشربني:- كلتلك بعددددددددد و خر مني، لا تشفق عليه اني مو بحاجة شفقتك هو ساكت ما يحجي، بس كوة لازم اعصابه :- لا تتورط بيه عوفني، اساسا اني ما احبك ماااااا احبك اني اشفق عليك و على مشاعرك ضحكت، ارتفعت ضحكتي بصوت عالي و كمت اضحك بهستيريا و اشرله : لا لا اني اشفق على نفسي بيك، انا مجرد واحد كلش خطية اللي ديمشون ع الرصيف صارو يباوعون بتعجب، هو سحبني بقوة للسيارة شمر البطل علية و ضرب الباب حيل و التف يصعد من الباب الثانية بعدها ما اتذكر نمت صاحية ما اعرف، بس اتذكر من خليت راسي ع المخدة بالبيت و هو نزع من رجلية الحذاء كعدت الصبح ، فتحت عيني باوعت الغرفة بيت جياد! كعدت من حيلي، جسمي مكسر فد مرة، اتلفت بزوايا الغرفة و ادور عيوني بتعب ... اني شجابني هنا ؟ ااااااخ راسي يا الله وجع يذبح رفعت الغطا من على جسمي، نزلت رجلية من السرير، باوعت ايدي مجبسة و الوجع بيها يذبح، و كمت طلعت الغرفة امشي بالبيت :- جيااااد ... جيااااد وين انت دخلت للمطبخ لكيته كاعد كدام الطاولة لابس فانيلة بيضة و بجامة رصاصية و ماد ايدة ماسك فنجان القهوة :- هاي انت هنا و اني اصيح عليك سحبت الكرسي، و كعدت افرك براسي:- جياد اريد علاج صداع ذابحني راح اموت احس شيء يزرف براسي تنهد كام من مكانة فتح الثلاجة طلع بندول و حطة كدامي بلا ما يحجي :- اعرف زعلان و اعترف زودتها البارحه و مو شوية هواية بس اني اعتذر و اوعدك هالشيء ما.........قاطعني -اخدي الدوا -كمت من مكاني و كمت اباوعله، اندار للشباك اللي يطل ع الحديقة، كتف ادية و كام ينظر بعزم و مبين متضايق حيل مني -ما اعرف شنو حجيت البارحة و شنو خبصت بس اتاكد انو اني مكنت واعية لكلامي ولا لتصرفاتي فلو طلعت مني كلمة ضايقتك لا تاخذها على محمل الجد -ما هو يلي بيحز فيي انك مكنتي واعية، حكيتي كل يلي بئلبك بدون متنتبهي - جياد -بلا جيييياد بلا بطييييخ، لك انا تركت امي و بيي و عيلتي و كل شي كرملك، كرملك انا بحبك ، و انت شووووو .. بتشفقي عليي وانا حدن بايخ ومبيسوالو قرشين عندك ؟!! -ابدا مو هيج -ما بدا تفسير لجين ما كلشي واضح قدامي ، لك ئلتلك كرمالي كرماااااالي متعملي هييييييك، و انت شو عملتي ؟ لك انت مش حاططتيني ببالك اصلا و مش عاملتي حساب ابدا، انا حدك شئفة حد بيطبطب عليكي و يوقف جنبك وقت يلي انت بدك، و لما تتعافي راح تعرفي انك اسوء شيء عملتي بحياتك انك دخلتيني بحياتك، سو اطلعي من حياتي و اتركيتي لحالي بترجاكي -جياد اعرف انت متضايق كثير و حقك البارحة هواية تماديت بس صدكني انت بالنسبة اليه ..... -انا شو لجين ؟ شو بعنيلك ، قليلي بحبك لو تقدري ، جرررررربي لشو جربيييي ... ما بتقدري مااااا -جياد انت تعرف ظرفي و مو ذنبي بس اني...... -مو ذنبي مو ذنبي مو ذنبي لسة اديش بدك تقولي مش ذنبك، كل يلي حوليكي مذنبين بس انت مش ذنبك ابدا ... اسمعي مني لشو، كل يلي بيصير معك ذنبك انت وحدك، حتى مالك ما ئلو ذنب فيكي انت يلي دخلتي بحياتك و بلسانك حكيتيلي اديش اهلك حاولو يمنعوكي و ما رديتي انت يلي سافرتي و اجيتي معو لهون و ما هربتي لاهلك ... انت اختاريتي تبئي معو ... انننننننت انت يلي خليتي يتمادى و ياخد منك ليسدد ديون القمار تبعو .. و لما خلصتي باعك انت ليسدد الدين يلي عليه كم مرة ائلتلك لجين ما تبرئي لمالك هيدا ما بيتأمن و وعدتك رجعلك بنتك ... شو عملتي انت؟ ما احترمتي كلمتي و لا اخدتي كل يلي حكيتو لألك .. و رحتي عملتي اللي براسك بسسسس مش ذنب حد ابدا، كلشي صار ذنبك انت بس يا لجين .....اباوعله بصدمة و الدموع تجري و فاتحة ادية :- جياد -ما تطلعي فيا هيك، ذنبك انك ما بتسمعي غير لعئلك و عقلك لسة راح ياخدك للجحيم كتيييير و بدك تحترقي اكتر لأن ما بتسمعي غيررررررر لحالك ... سو اضهري من حياتي و اتركيني بلييييز انا عرفت مكانتي بقلبك مبحاج حب حدن مبيحبني ، طلعيني من حياتك و اتركيني كفي حياتي هزيت راسي و الدموع تجري، توجهت للغرفة اخذت الجاكيت و طلعت من بيته امشي و ابجي .. اباوع الخطواتي و اني اخطبها ع الكاع توقفت و رفعت راسي للطريق شارع طوييييل ممعروف وين نهايته وكفت حطيت اديه على اذني و ابجي بصوت عالي وين وديت روحي و بأخطائي وين وصلت حالي صفيت بطريق ضايع وحدي ما الي احد تركت اهلي و اقاربي و ناسي و كلشي حتى ارتبط بشخص گلبي تعلق بيه و صدقة الكل شافت عيوبه الا اني ياما و ياما حذروني و اذني و الحايط عن اغلاطة مشيت مشيت وراه لحد ما خلاني بالقاع و هو بحيلة و افعاله نجا و رحت اني الضحية مو ضحيته ابدا، اني ضحية اخطائي .. ضحية غبائي خسرت كلشي املك، صحتي بنتي اهلي اقاربي بلدي .. كلشي بسببه ذنبي بس حبيت و صدقت شخص ما جان لازم اصدقه كملت طريقي و اني ابحب و اتذكر احداث حباتي السابقة .. شلون جنت انهزم من مكان لمكان بس حتى اتخلص من مخلد و اروح لمالك اتذكر صياح و قسوة مخلد عليه بسبب مالك دموع بابا بيوم اللي طلعت من بيته و هو مراضي تالي مات و اني مماخذه رضاه اي توفيق و بركة اشوف بحياتي و اني ملعونه بعيون ابوية .. كعدت بالكاع و بقيت ابجي من صدك .. بس هالمرة بجيت على نفسي من نفسي بجيت لحد ما هديت بالشارع ، وقتها قررت قرار ارجع للعراق و ابدي من اول و جديد ، ارجع لأصلي لحتى ارجع لجين القوية اللي ما تنكسر ... ارجع اعيد نفسي و استعيدها اروح لقبر بابا و اطلب رضاه بكل امر اسويه ... كمت من مكاني و رحت للمطار حجزت لباجر على الساعة ٦ اطلع لبغداد رحت على محل شغلي سحبت اللي الي و كملت شغلي وياهم، و رجعت للفندق لميت غراضي و من الصبح طلعت .. الى بغداد ... نزلت بالمطار ، اخذت نفس : ااااااه هوى بغداد غير كل هوى العالم .. اجمل ما بالأنسان هو لو شكد ما يلف و يدور العالم يبقى قلبه و انتمائة لبلدة و ارضه مشيت و كملت اجرائاتي .. و طلعت لبيت عمو عثمان فات التكسي بشارع الاعظميه .. احس كلبي صار هالكبره من القهر و اني اتذكر الشوارع شارع شارع و ريحة ابويه بيهم اخ شيرجع ذيج الايام .. انطي عمري كله بس خل يرجع ابويه و ابوس ايده و اطلب رضاه وبعدها هل الله ياخذ عمري لو يخرمني من كلشي قابله .. بس يرجع ابوية كل قوتي و زودي جان عندي سند بالدنيا لو مالت بيا الدنيا ارجع و انتجي عليه ... موته هو الأنكسار الحقيقي اللي افلسني من كل شيء .. وصلت باب بيت عمي، نزلت و انطيت ابو التكسي اجرة جانت سيارة سايبة .. باوعتها و هي تطلع من الفرع تقدمت لباب بيت عمو .. دكيت لحظات و طلعتلي بنت عمي المتزوجه .. انصدمت من لكتني بالباب اخذتني بالاحضان و هي تصيح : بابا هايه لجيييين بابا طلع عمو بسرعه : اها لجين هاي شوكت اجيتي ، اني اباوعهم و دموعي و ضحكتي بعيوني شفت بيه ملامح ابويه حظنته حيل و بجيت من كل گلبي و هو استغرب: هاي شصاير وياج عمو ليش هشكل شبيج باباتي لجين احجي : عمو ما اريد شيء بس خليني يمك -بيتج يابا افا تعالي تعالي بنيتي اخذني للصالة كعدني و التمو كلهم يسلمون و هذا اليجيب مي و هذا اليسأل متغديه ؟ و هذا اليكول شصاير وياج وليش ايدج مكسورة ؟ و هذا الجاب قوطية بيبسي و امه تصيح : يالأغبر هو هيج غير وياه كلاص و عمو يردهم يا كلاص يا بيبسي ما تشوفون عظامها مكسرة هنوب تسولها هشاشة دجيبلها عصير حبيبات طبيعي خاف تعبانه ... هوسه بس يا راحتي بهالهوسة شال الموبايل عمو و اتصل بعمو عمران كاله : بنت شاكر هنا اجت من السفر و كال : عمو لا تتغدين اصبري و صيتلج على كيلو كباب هسه يجيبوه الج -لا عمو والله ما اريد اكل شبعانه -شماكله يا عمو صايرة عظم تحجين صدك يا عمي .. اجا كعد كبالي و يسألني شصاير مصاير وياية و كعدت اسولفله اطراف مشاكلي مو تفاصيلها شوية و اندكت الباب، راح ابن عمي الصغير يفتحه .. فات مخلد : ايباااااه هاي اليوم منين طالعة الشمس ؟ .....يتبع ☆☆☆☆☆☆ #زينب_ماجد | ||||||||
|
| |
|
21-12-19, 12:17 AM
| #8 | ||||||||
| مراقبة عامة ومشرفة منتدى الروايات المنقولة
| #خطوات_نحو_الجحيم (الجزء 2) ،،،،،،،بقلم الكاتبة زينب ماجد ،،،،،،،، الحلقة_3 أعلم .. ان الذي أستقتلت عليه يوماً سيكون قاتلك ذات يوم .. 🖤 العراق_ بغداد الثالثة ظهرا مخلد: هاي شنو يابه اليوم منين طلعت الشمس ابتسمت له و گمت من مكاني دا استقبله ، وسع عيونه متفاجئ : ولج هاي شصاير بيج -سكراب الله وكيلك ههههه سلمت : اشونك اشلونك زين ابتعد مني : لا لا صدك شصاير وياج ليش هيج حالج ايدج شبيها ؟ -تعرضت لحادث سيارة -اهااااا تحجين صدك انت ؟ -اي والله ، اكعد استريح خل نشوفك و تلحك تسمع اخباري كعد و هو صافن بأيدي و يباوعلي بأستغراب : ادري ليش ما خابرتي ليش مكلتي شنو بعيده لبنان طيارة نص ساعه و احنا يمج ليش هيج مستسهل الامور انت -صار اللي صار و هياني رجعت لهنا -امج سافرت يعني ما تسافرين وياها -جان زين لو اكدر اسافر، الكلب اخذ بنتي و خربط كل اوضاعي -اعترض على سفرها يعني و سحب الحضانه ؟ -لا مو هيج بس تعرف مالك و وساخته كدر يقلب كل الامور لصالحة .. -امممم جا علينا سيدي !! مو گلنالج من البداية يمت الكائنات مجرم هسه عرفتي وصخ ؟ -الحجي ميقدم ولا يأخر اللي صار صار المهم لازم استقر هنا اشتغل و ارتب وضعي لحتى ارجع ارفع دعوة و اطالب بيها .. لهذا رجعت لهنا -شتشتغلين ؟ -ما اعرف لهسة ممفكرة من وين ابلش و من وين ابدي .. -شوكت وصلتي -مصار ساعتين -تغديتي اكلتي ؟ اندار عليهم ؛ يابه غدا شنو شو واكفين ، ما تعزبون احد انتم ؟ ضحكوا، و سأله عمو عثمان : متغدي انت ؟ حتى نخليلك وياها -لا والله وين متغدي، الله وكيلك هاي جيتي من الدوام خابرني الوالد كال بت شاكر عد بيت عمك عثمان اجيت عليكم كبل التفتلي : هسه شنو تبقين هنا تروحين وياي هناك لبيتنا -لا عساك سالم فترة ابقى هنا لبين ما ارتب وضعي -لا سهلة ان شاءالله لا تشيلين هم كملي غداج و روحي وياي هناك و ان شاءالله اللي تردي يجرالج ابتسمت و كلت له : تسلم الله يحفظك ان شاءالله -شو تسلم !! شنو ولج اني غريب و تتشكرين مني ، باعي لج لا عبالج شاكر مات و ما بقالج احد هنا ، ثقي بالله هالرگبة سداده شتريدين و شتأمرين و وين ما يعجبج بيتج و مطرحج عثمان: لا افا عليك اني بمثابة ابوها و كل احنا هنا اهلها ان شاءالله و انت هم اخوها و ما تقصر..... -اني اخوها !! شو تصرح بكيفك عمي من يمتى اني اخوها ؟ كلها ضحكت بصوت عالي ، و اني هزيت راسي و اضحك و عمو يكوله : انك لفي ضلالك القديم دار وجهه مبتسم و هو يحك راسه بسويج سيارته جابوا الغدا تقدمت للصينية، و هو كام من مكانه : يابه فد مخدة رحمة لوالديكم ما اكدر اكعد من بنطروني .. حطوله مخدة ، سحب بنطرونه من يم ركبة و كعد : يا الله ، لا تستحين اكلي رفعت له راسي : انت منو كالك مستحية كل شويه و كايلي لا تستحين -العفو يابه عبالي تستحين، نسيت انت ما تستحين - مخلد !! - اسفين يمعوده بعد ما نحجي عثمان : شلون صار الحادث -ما اعرف كنا طالعين اني و جياد المغرب مخلد : منو جياد هذا نفسه ابو حلك الاعوج اللي يگلي انت بلا زوء -لتحجي عليه مخلد شبيك، غير لو اكو منه .. و كف وياية وكفه ما وكفها بشر بعمر ما انسى معروفه بقى يهز براسه معاجبة، حجه ويلع عمي : مخلد انطيها مجال تحجي دا نفتهم السالفة -عمو ماكو سالفة جنا دنمشي فجأة بوجهنا سيارة خلتنا نتكلب بالسيارة لو لا ربك ست لكان احنا اثنينا ميتين ما اعرف شلون الله نجانا .. -الحادث متعمد ؟ -التحقيقيات اكدر انو نعم متعمد -منو المستهدف -ما اعرف .. المهم تركت كلشي هناك و اجيت ما اكدر ابقى بلبنان اكثر .. كلت اشوفلي شغل هنا و اخذلي شقة و استقر -وليش شقة ؟ بيت عمي هنا و بيتنا هناك تكدرين تاخذين غرفة و تستقرين ! -ما تقصرون، بس بعدني مماخذة قرار ثابت اشوف اشوف تصفى الامور -ان شاءالله ،كملي غداج و كومي وياي هناك هم البنات ملتمات و عماتي اذا سمعو انت هنا كلهم يجون عثمان: لا خليها هنا شكو ماخذها -بيت عمها الجبير هناك هم زحمة من ابوي يكول ما اجت عليه .. انا افضيلها غرفة هناك و تكعد لا تخافين سهلة ... كملت غدا و رحت للمغسلة دا اغسل اجا وكف مخلد هم يغسل ، اخذ الصابونة من ايدي و كال : يلا عيني همي نفسج دا نروح -خليها غير وقت تعبانه -اي ارتاحي هناك -تسلم مقدره استقبالك و لهفتك بس والله منايمه ابد، راسي صاير هالكبرة و اذا اروح وياك هم تعال سلم و سولف و يجروها عشا ما بيه بس انام و بالليل اذا كدرت اجيكم -اها براحتج لعد، امرلج بالليل اخذج -ان شاءالله -محتاجة شي اجيبلج ؟ -ما تقصر فدوه الگلبك يحفظك الله -هلا بيج .. نشف و دار مشى طلع لبيتهم .. اني طلبت من مرت عمي بس انام لان نعسانه فضولي غرفة عمي .. فرشولي و نمت نومه طويلة من التعب .. لثاني يوم الصبح الساعه سته الا .. يلا صحيت اباوع كلها نايمة .. فتحت الباب و طلعت للطرمة ، الشمس هسة بدت تطلع و الجو ربيع يجنن ، و الهوا منعش حيل، يعني يحلى للواحد يوكف و يتنفس بس. دخلت جوا .. رفعت شعري ذيل حصان و رتبته و لبست تيشيرت و جينز وباته و طلعت اتمشى بشوارع الاعظمية و عجبتني روحي بكل مكان اوكف اتصور و اباوع صوري و امسح .. اتمشى و اتذكر ايامنا اني وبابا من جنا نجي مشي لبيت عمي لحظات تدمع عيني و بنفس اللحظة اضحك و شريط الذاكرة يفتر بدماغي ... ااااه شيرجع ذيج الايام على كد ما ذكريات بسيطة شكد تتمناها ترجع و تتخلص من واقعك اليوم .. من عجائب الانسان بصغرة يتمنى يكبر و من يكبر يتمنى يرجع صغير و يعيش الأيام الجان يتمنى بيها .. وكفت على محل صغير يبيع جرك و صمون بكل انواعه و لحم بعجين و كاهي ، و اكو مره عُربية كاعده على جانب المخبز كبالها صينية كيمر . كعدت يمها : اشونج حجية -هلا ييمه هلا يبعد امج -فدوة لحجاياتج خالة بقيت احجي وياها و هي تجاوبني و لهجتها عرب تجنن .. اخذت منها بماعون بلاستك كيمر و صاحت ع الولد بالمحل يجيبلي كاهي .. اجا الولد جايبلي كاهي و سألني : العفو ما اعرف وين شايفج ؟ -بالتلفزيون -اعلامية ؟ -هيج شي -اهلا وسهلا نتشرف بجيتج، بس ليش كاعده بالكاع .. هسه اجيبلج كرسي -تسلملي فدوة الگلبك يا طيب ، حلتلي الكعدة ويا الحجية و بسطت بالكاع هو وكف و عامل لاخ اجا وكف يحجي، و الحجية اشون سوالف عليها و هم يطلعون بلسانها و يزعجوها و مستمتعه هوايه بكعدتي وياهم .. حسيت نفسي لازم ارجع ، فكمت نكثت ملابس و استعجلت بطريق الرجعة .. و صلت الفرع شفت مخلد يفتح بسيارته يريد يطلع -صباح الخير رفع راسه و عقد حواجبة : شمطلعج بهالساعه ؟ -وييي رجعت هسه، طلعت قبل الستة -شكو ؟ -هيج افتر شويه منها حركه غير استرجع ذاكرتي بهالشوارع الطيبة . -ها و هيج طلعتي ؟ باوعت لنفسي : ليش شبيه ؟ اخذ نفس و هز راسه و تقرب يمي يتمشى وياي لبيت عمي .. -لجين حاولي تحسبين طلعاتج هنا و تراعين الظروف هنا بغداد مو لبنان و الامور تختلف -قصدك مطلقة !! -ما مجبورة تسمعين كلام يغثج فحاذري -بس اني مسويت شيء بس تمشيت -اعرف بس تعرفين ناسنا تتمنى الكلمة -كلامك هذا يخوفني و يخليني اعيد النظر بأستقراري هنا -على شنو دا تعيدين النظر، تره مجتمعنا مو سجان كل القصة المره لازم تكون حذرة بخطواتها لأن محد يرحم الا تريدين تشتغلين بكيفج الشغل مو عيب اذا جانت شغله شريفة و محترمه ليش لا حجاها و تقرب مني و هو يحط ايده على اكتافي و يمشي، باوعت لأيده و ورجعت باوعتله : بس انت دا تسوي شيء عكس اللي دا تكوله -شلون يعني ؟ نزلت ايده من اكتافي، ضحك : ما حظنتج بالشارع خليت ايدي على كتفج لان وصلنا للبيت و صار لازم ندخل انطيت ظهري للباب مال بيت عمي و وكفت كدامه و كلت له : مخلد اتمنى تخلي شغلة ابالك و متنساها ، رجوعي لهنا ما يعني شيء اخر -قصدج مو الي ؟ - افهمها بالطريقة اللي اتعجبك بس حبيت اوضحلك هالامر حتى لا تتأمل بيه صفن بالكاع و رجع باوعلي : طريقي طويل -ما بيناتنا طريق يجمعنا .. انت رجال متزوج و عندك اطفال اتمنى تخلي هالامور ابالك و تبطل التفكير بأنانية و تخليني اعيش بحياة بعيده عن المحاسبة و المشاكل لان هالامور لا تخدمني ولا تخدمك ضحك بأستهزاء و باوع للشارع : كلتيلي ماكو طريق يجمعنا -مجرد صدفة بشارع -هسه خلي هالامور عنج، كدامج امور اهم تفكرين بيها، حاولي تستعيدين حياتج و وضعج و اللي تحتاجي لا تترددين بطلبه -تسلملي اخذ نفس: اروح لدوامي ، ارجعلج الظهر اخذج البيتنا -عمو موجود ؟ -اي موجود - لعد اخذ راحتك انت ، شوي اسبح و ارتب نفسي و اجي اشوف عمو و اسلم عليه -من هسه لجين دا تبعديني عنج -مو قصدي بس لراحتك اني ليش ترجع تعبان و تبتلي بيه -اني مطالب منج راحتي ولا طلبت نرتبط ، دا اسوي هالامور من طيب خاطر، بس دا احس كلش متضايقة من وجودي شبيج ؟ -ابدا مخلد لتعتبرها هيج ، بس ما اريد تتأمل و ترجعلك عواطفك و تبعدك عن عائلتك .. اني مرة و احس بالمره اللي زوجها يهوى غيرها و كلش اعرف شعور الخيانة و ما اتمناها لعدوي، لهذا دا اوضح الامور من البداية حتى لا نختلف بعدين -ما نختلف ان شاءالله فوتي هسه و الله كريم فتت و اومأتله ( بيباي ) وراح قفلت الباب و فتت، لكيت عمو كاعد : ها عمو صباح الخير -هلا عمو صباح النور وين جنتي -طلعت افتريت شوي -هسه اكعد عمتج تسويلنا ريوك -لا لا خليها ترتاح اني تريكت برا كيمر و كاهي من يم حجي كاعده اباب فرن و الحمدلله، اذا تريد اسويلك ريوك مقبل اني اسويله، بس اصريت وكفت سلكتله بيضة و جاي حار ، بس شنو احس معدتي كامت تگلب.. ابد ممتعوده على اكل دسم و هنوب اكلت گيمر و كاهي انحمست حمس .. -عمو اريد اروح لقبر بابا ، محتاجة هالشيء هوايه -اي عمو هسه اكمل و نروح .. ديحجي اندكت الباب، رحت اني فتحت الباب، طلعت عمتي اخذتني بحظنها و كامت تبجي و تشم بيه و تكول : يا ريحة الغالي يا لجين يا عمه اني هماتين مخنوكة و ما اعول على الله احد يبجي حتى انفجر و اطلع البداخلي .. حظنتها و كمت ابجي بقوة دخلنا جوه و كعدت مرت عمي ، و عمو هم اجا كعد يسولفون و هي تسألني عن صحتي و اخباري .. طلبت منها نروح لقبر بابا ، فرحت كالت : يلا ما عندي شي اخذت جبه سوده و حجاب من مرت عمي و طلعنا للمقبرة .. وصلت قبر ابوية، الدموع وحيدهم نزلو .. كعدت يمي و دنكت ع القبر و كمت ابجي بصوت عالي : بابا دخيلك بس ارضى عليه بابا وحيدتك لجين اني بابا المدلله مالتك ، بابا والله تعبت هوايه انذليت هواية .. محتاجتك كلش هواية بابا انت الجنت تكولي لجين ضوا دروبي ، لجين شمعة حياتي .. انت الدللتني و مخليتني احتاج الاي احد ارفع راسي و اعاند الدنيا و ادري انت بظهري .. كلش انكسرت بغيابك بابا اخذو بنتي و صحتي خسرت كلشي بابا ما اريد بس رضاك عليه .. بقيت كاعده كبال القبر وكانما احاجيه .. ممنتبهه للي يمي التفتت لكيت حتى عمو يبجي ويايه .. باس راسي و كومني -كافي عمو ما يصير هيج الميت يعذب ببكاء الحي ، والله يا عمو راضي عليج، هو بس جان يتمنى شوفتج بأخر ايام و ما صارت قسمة و هاي ارادة الله اصبري بنيتي و احنا وياج لا تهتمين .. كمنا من القبر رشيته بمي و قرينا القران و ودعته و رديت، بس شرديت جنازة على كد ما بجيت و انهد حيلي على قبره .. اصعب شعور هو شعور الندم .. الندم مو على نفسك لا .. الندم على معصيتك لشخص افنى كل عمره حتى يسعدك تالي تفضل عليه انسان كلشي ما تعرف عنه و تبتعد و تخلي كل ليله و كل يوم يتعذب على فراكك و خلانك اله .. فعلا ما استحق الله يوفقني اني خذلت رجال قضى كل عمرة يشتغل حتى يخلي العالم كله يتمنى يوم من عيشتي، وكف بعين كل انسان يحجي عني .. جان اب و صديق و حبيب و كلشي هو .. لو شكد ما احجي و اشرح ما اعبر عن ندمي على خذلاني لأبوية بس لحتى اتزوج شخص الاحبة .. .. بالطريق خابر عمو عمران على عمو عثمان و اسمعه يكوله : هي ليش ما تجينا شنو طابتلها الكعده عندك، صدك ما عدها احترام ما تكول امر على عمي الجبير و اكعد ابيته شنو جايه عليك ، شنو اني ما الي احترام بعين بنت شاكر لو منتظرتني اني اجيها و استقبل حظرتها و عمو عثمان يرده : مو هيج يا ابو مخلد بس البنية تعرفها متحب مشاكل و اني ما عندي احد بالبيت لهذا اجت عندي، و احنا اليوم يم قبر ابوها و هاي جيتنا ، راح نجيكم هسه ... قفل الخط وياه بعد صياح من عمي -عمو ... عمج عمران هم حقه من البارحه جايه و ما سلمتي عليه ، نفوت عليهم نسلم هسه ؟ -عمو كلش تعبانه و بطني دا تأذيني و ايدي تنز من الالم خليني هسه بالليل نروحلهم -عمو هي ساعه نمر نسلم و نطلع و نتكفى الشر عمتي : كلام عمج صحيح خل نفوت نسلم ساعة زمان حتى لو ما بيج حيل شنسوي تعرفين عمج عمران و عصبيته -لا هاي هي براحتكم يلا .. .. نزلنا عليهم دكينا الباب، فتحلنا مازن استقبلنا بالهلا و المرحبا و تفضلوا ... دخلنا لكيت عمي كاعد بالصالة .. تقدمت ردت اسلم و مرته كرجية حجت : بعد وكت هسه يلا تذكرتي عمج لو ما عاتب هم ما تمرين من يومج ما عدج احترام لاحد مهتميت لكلامها بست راس عمو و سلمت بس هو ضايج سلم عليه من وره خشمة مثل ميكولون .. سلمت على كرجية و ع البنات و الجهال ، حسيت راسي اندار على كد ما سلمت .. دخت كلش كعدت و عمتي گرجية ما بطلت كلام : شو اليوم لابسه جبه و مستورة شعجب مو عوايدج ردتها عمتي : شبيج يا گرجية دا نكولج البنيه جاية من قبر ابوها و تعبانه عاد كفينا من الكلام الماله نفع -و احنا شحجينا يا امل واحد يبتلي تطلع من السانه كلمة دا يحجون فات مخلد اطافرو جهاله لحظنه و هم يصيحون (بابااااا) فرحانين بجيته .. هو باسهم و نزلهم و حجا : هلا يابه شلونكم سلم عليه عمي، اني حاطة راسي ع التخم و كاعده و عيوني مبقبقة من البجي و كوه كاعده، سأل : شبيها لجين ؟ -زارة گبر ابوها ورجعت تعبانة تقرب من يمي حط ايده على گصتي : اهاااا يابه هاي مصخنه ؟ كرجية : مو كالولك جانت يم كبر ابوها لعذ شتريدها ترجع مجمده ما اهتم الحجيها دنك يباوعلي : شيوجعج يابه شو اني بس گالي شيوجعج بجيت ، هو تخبل : اهاا شبيج تبجين احجي صاير شي كمبص و كعد كبالي : احجي شيوجعج اخذج للطبيب اني كمت اشهك احر بخشمي و ابجي و اكح ، من قوة الكح حسيت راح اتقيئ كمت بسرعه و رحت للمغسلة زعت اللي اكلته الصبح كله يلا ارتاحت بطني هو ما بطل كومي هل اخذج ، و راح تموت و تعاي امشي و اني اشرله ( لا ) غسلت وجهي و اندرتله : مبيه شيء مخلد بس جنت ماكله گيمر و دسم متحملته معدتي كلش ضايقني -و انت تبجين من ورا كيمر -لا بس نفسيتي تعبانه جنت يم كبر بابا و بجيت هوايه -يلعن ابليسج سميتيني عبالي مدري شبيج كلت تزوهرت البنية لو شوف شصاير وياها .. انداريت مرته واكفه كال الها : غداكم وين ؟ حجاها و هو يفوت كدامي للصاله .. جاوبته : هم يتغدون ؟ كرجية : شنو ما متغدين ؟ عمتي:- لا والله هاي جيتنا من المقبرة مخلد: عزيمة حضيري هي ، مو كلتلكم حضروا الغدا ممحضرين ؟ طيبة : لا شلون ممحضرين دقايق و السفرة تنمد كعدت بس بعده راسي يدور، انمدت السفرة رفضت اكل لان برياني و فوكه لحم و مركة فاصولية .. و اني من الكيمر متت هنوب اكل هذا الاكل شيصير بيه لحو كلتلهم بالعافية: مخلد سوا لفة صغير بلحم مبي شحم و كال : هاج اكلي -لا ما اريد -دكلي اذا ما اكلتي بطنج توجعج هاي ما بيها شحم حتى تكملين و ننطيج علاج -اخذتها من ايده و بقت بأيدي و حاطة راسي ع التخم اغفي بس مرته مشالت عينها منه و هو مشال عينه مني، مد ايده : كال هاي مصخنه عمه نكمل اكل و نروح ناخذها دكتور هم نشوف شنو علة ايدها و هم ناخذلها علاج لصخونتها .. جاوبته مرته : انت مو عندك طلعه لرحمن ع البيت ؟ خزرها خزره .. دنكت و ما حجت بقى عمي عثمان : شبيج بنيتي و شنو اليوجعج -عمو معدتي حيل مأذيتني بس من تقيئت ارتاحيت حجت مرت مخلد : خاف حامل و هو صاح بيها : انت شهالحجي التحجي و من سامحلج تدخلين اكوم ادفنج والله عمتي جرته : على كيفك يمعود دعلى كيفك اكعد بقى خازر بيها .. كامت من مكانها و طلعت باوعت لعمتي، اشرتها بعيوني و هي تأشرلي بأديها بحركة: شبيدي ؟ لان احنا بطريق الروحه حجينا اني و عمي و عمتي لموضوع مخلد و كلتلهم ما اريد ابقى عدهم اعرف مخلد ما راح يبطل يهتم بيه و راح اخلق مشاكل بينه و بين زوجته اشرت لعمو عثمان كام كال : دايمة ان شاءالله .. يلا امل كومي خل نروح للبيت لجين هم تعبانه ترتاح خطية عمران : لا لجين تضل هنا ما تروح - لا عمو تسلملي عساك سالم بس اروح ويا عمو افضل -اني ادري جيتج هاي من وره خشمج الا انت كل احترام ما عندج لعمج الجبير المفروض من اول ما تجين تكولين هذا بيت عمي الجبير و ادك بابه و اكعد عنده بس انت الحقد تارس گلبچ -لا عمو والله مو هيج بس .. مخلد : لا بس ولا بسين دكعدي شعندج رايحة هو منو ابيت عمي بس روئ و كلها يومين و تروح لبيت رجلها ابقي هنا ويا البنات -هو ان شاءالله من تروح اجيكم عمران : عوفها عوفها هو الما يحترم و يريدنا شعدنه مچلبين بيه خليها تروح عمو عثمان راح للمغسلة و صاح : ابو مخلدددد تعال تعال رايدك شويه كام له عمي، و اني عمتي اشرتلي واكفه هي و مرت عمي .. كمت رحت يمهم : يعني هسه حرت شسوي لعمو عمران مدا يتفاهم -والله يا عمه حقج اجيتي ترتاحين طلعت المشاكل اكبالج ، هسه عمران متكلولي شبيه اني الجبير و اما تحترموني ، هسه اكو احد كايله اني اكبر منك و كل شوي اني الجبير و اني الجبير نزتها مرت عمها : اسمعي التفتنا لعمو عثمان و هو يكوله : يا ابو مخلد افهم ابنك عيونه فاضحته يدور لجين مثل دوارة الأم على ابنها .. و مرته حامل و بطنها لخشمها يا ساعه يصير بيها شي لو بالطفل -و احنا شعلينا منها .. تالي عمرنا نراعي مشاعر النسوان و الله شنو حامل ، مخلد رجال و الرجال يحب و يتزوج ٤ المره ما الها كلمه ع الرجال -هسه ليش تجيب المشاكل لبيتك يا ابو مخلد ابعد لجين و خليها خطار تجيكم تمر تسلم عليك ساعة زمان و تروح -عثمان اني مراقبك تحب تتصدى لكل المواضيع و تبرز نفسك ولا كان اني اخوك الجبير -شهالحجي يا عمران انت منين تجيب هالسوالف ... انوب صارو يتراددون عمامي الاثنين و عمي عمران كام يصيح ، ادخلن عماتي بيناتهم و مازن اجا يهدي بيهم تقدمت اني كلت لعمو عثمان : عمو روح اني ابقى هنا اساسا تعبانه ما بيه اروح هسه انام ، انت روح سلم عليه اخذ مرته و طلع ، و عمتي تهز ايدها : و اني هم اروح -بكيفج عمه عاد شسوي ابتليت نزل مخلد : شصار وين عمي عثمان عمتي : بعد وكت يعمه لو ماخذلك نومه و نازل -عمه بس صعدت ابدل و ال ... استلمتني اكس مربع -يعني كتلتك لا بشرنا -لا عمه اني انكتل افا عليج قبل لا تكتلني شردت -عفية بالنجر ابني -عد عيناج عمه بالشرده اني ما انكدر حطيني تحت يمناج تلكين بس نعالاتي يطايرن و التراب يهفي ضحكت بصوت عال : هاي من تالي صاير البيب بيب -شسوي هاي الدنيا بعد -ايدي تشهد تتذكر من كسرته عض اصبعه : ااااخ الله لو حاضي بيج جان من زمان منومج بصف ابوج بست ايدي وجه و كفة و كتله : الحمد و الشكر الك ربي ما اخذتك -ما طار طيرا و ارتفع الا كما طار وقع -عمه فدوتك هالسوالف عوفها مرتك خطية و تحبك -اي قابل شمسويلها يا عمه -ابتعد من لجين گبالها - ان شاءالله عمه الله كريم .. اجت كعدت هي فدرت وجهي لعمتي: عمه اني هذه الستلفة متصرفلي لازم الكالي شقة بيت لحالي اعيش ما اتحمل اعيش و اذب حملي على بشر مخلد : انتظري خل اشوفلج بيت هنا قريب بلكت الكى احد يأجر و اخذه الج -والله ياريت -اذا تردين اجرلج بيتي -شنو مشتري بيت انت ؟ -اي بالفرع الثاني و صغير و اريد اجره -و ليش متكعد بيه ؟ -لا شكعد يمعوده الوالده معترضه على طلعتي و قررت اجره باوعت لمرته ادبلت فد مرة و كأن تريد تنفجر .. معرفت شجاوب كلت له : الله كريم دشوف اشون تصفى اموري فات مازن ع الأستقبال : مخلد الوالد يريدك -هو وينه -هو و امي بغرفتهم ... كام هو و مرته طلعت و مازن راح بقينا بس اني و عمتي حجت : تبقين هنا عمه .. اني باجر اخابرج و اعزمج لبيتي و تعاي -ان شاءالله -يلا عمه اني اروح مناك البيت فارغ ، محتاجة شي ؟ -لا سلامتج ان شاءالله بس لا تنسين عزميني باجر و تخلصيني -ههههههه لا لا و ادزلج سيارة هنا تاخذج بعد شرايده -فدوه الگلبچ عمه -حظنتني و هي تكول : يريحة الغالي انت سلمة عليها و طلعت سلمت عليهم هي و راحت رحت للمطبخ لكيت طيبة تقري بأبنها ، كعدت يمها : شلونج ؟ -بخير شتشوفين ههه -ما تغير الحال ؟ -لا والله عمتي كرجية ما ترضى احد من ولدها يطلع و هم ما يهون يزعلوها و باقين -شالقصة بيا عصر كاعدين اطفالكم كثرو -اني و مازن بنينا غرفة لجهالنا و رتبنا وضعنا الا المسكين مخلد اشترى بيت و اثثه و كمله و عمتي عرضت محد يطلع ، و اليطلع اتبرى منه الى يوم الدين و لا هو ابني ولا جابته بطني و خل النسوان تفيده ، عاد بطل و كعد شيسوي المسكين -و هاي اطفاله ينامون وياه بنفس الغرفة ؟ -اي والله -اوووي شهالتخلف عفية العالم وين وصلت ، شنو قصتها عمتي ادري عمي ميحجي ؟ اشرتلي على المحبس بأيدها طلعته و رجعته لايدها عود : محبس بيدها -عشتو و هو يصيح اني الجبير و اني الجبير -واحد يحجي امانة الله مرات هو زين بس هي التحجي براسه ، اخوك هيج و ابنك هيج و هذا هيج .. و هو نقطة ضعفة احد يستصغر و هي لو رادت تأذي احد كالتله هذا ما يحترمك -وييي ليكون لرزالتي هي سببها ؟ -لعد شعبالج، الا هو والله مشتاقلج و من سمع بيج البارحة بساع بشر مخلد و لبس راد يجيج و هي كالتله : لو تحترمك جان اجت لبيتك مو انت عمها الجبير، عاد ضاج و كعد ما اجا -اووووو شلون سالفة هاي انتبهت لابنها قبل جان يكولي انت حلوة احبج ، عصرت خشمه و كلتله : ها يحلو بعدك تحبني ضحك ، اتشاقيت وياه : لا لا اني قفلت ما اتزوج انتظرك تكبر و تاخذني ماشي ؟ ضحك و يكولي : اي ماشي - هههههه طيبة تاخذيني جنه الج لو تعامليني مثل كرجية -لا يا مرايده روحي اخذج يخيه غير ابن كرجية يشردنا بليله ضلمة اني و ابني -ههههههههههههههههههههههههه هههه كمنا نضحك بصوت عالي جان تطب عمتي كرجية، ع السريع طيبه و ابنها حطو روسهم بألكتاب يقرون - خير ان شاءالله شو الضحك واصل لسابع جار - لا عمه هيج دنضحك ويا علوش -تضحكين هسه قبل شويه سويتي روحج مواته كدامهم حجت و علوش ابن مازن فطير ضحك بقوه و طلع مخاط خشمه انفجرنا اني و طيبة ضحك و هي تصيح: شبيجن تضحكن عليه طيبة : لا عمه حشاج ليش نضحك عليج دا نضحك على علوش فرت ايدها و طلعت ، بقينا نضحك و نصيح : اللهم يجعلها ضحكة خير طيبة : صدك انت مو جنتي مريضة شصحاج - لج عيني من المشاكل صحيت طار الالم مني -هم زين رب ضارة نافعة -لا بس والله تعبانه كاعده قبل السته فريت الدينا كلها مشي تنوب رحت مقبرة احس ميته تعب ياريت لو تفرشيلي نعسانه -افرشلج بغرفة جهالي فوك ؟ -خاف ينامون بيها -لا تخافين محد ينام اصلا مازن هاليام ينام جوا عود انومهم يمي -ليش ينام جوا رفعت ياخاتها و تكول : متعاركييين - شو فرحانه ههههه شنو انت حتى بالعركة متفائلة -شسويله لعد ابجي وراه هو اني كلبي خلصان ، اصلا خفتا وراحة اخلص شغل و اصعد انام مرتاحة لا اكو رجال يدور وراي احي بحي ولا دوخة راس - هههههههههههههه هيج عنصر الا شعور صاعد عندج -يا والله شبيج صايرة ثلاجة من يبوسني اصفن بوجهه و مرات تشكل عيوني و ينحولن -ههههههههاااااااي تنحول ههههههه عزا بعينج صدك ضحكتيني -من كثر الحب حبيبتي لعد شعبالج اتعلمي - لا لا صايره كلش بلا احساس -هاي التعيش ويا العيال خيه يا تصير بلا احساس يا تموت قهر ، و عابتلهم اي والله اموت ليش حتى يبقون جهالي مكفخة للرايح و الجاي خليهم يطبهم مرض -نفسج كيانج ، النفس هم الها حق ع الانسان -اووووو كل هذا نسيتة و داعتج كل همي اعتني بجهال اهلص شغل البيت اصعد اتمدد شوي ما الحك اباوعلي نص مسلسل غفيت -تلام ماما من جانت ترفض مخلد، تكولي انت مدلله و ما تتوالمين ويا كرجيه و مخلد ما يعصي امه و تنسكمين .. -والله تفتهم ، ليش ما طلعتي يمها ؟ -و بنتي ؟ -ما اعرف اريد ارتب وضعي و اجرلي بيت و استقر حتى اطلبها . -يخليج مخلد ؟ -و الله ما اعرف كل همي بنتي .. هو اخر همي فاتت مرت مخلد سكتنا و طيبة لفت السالفة : يعني امح بعد ما ترجع -لا -زين اشلون عايشه وحدها هناك - عايشه يمعوده لا تخافين ع العايش بره خافي ع العايش هنا - اي والله - دكومي فرشيلي فدوة .. خل اكوم ابدل ملابسي، البس شيء خفيف -انطيج دشداشة من يمي نظيفة ؟ -اي والله كمت صعدت ويا طيبة لغرفتها، غرفة مخلد جانت مفتوحة صاحلي :لجين تعاي رحت يمه : شلون صرتي -شجيبلج عشا -لا اريد انام تسلم -مماكله شي انت -ممشتهية بس نعسانه -لعد اجيبلج لفة صاج اخاف تكعدين بالليل و تجوعين -مشكور ... عفته و طلعت من غرفته ، رحت لغرفة طيبة مطلعتلي ثوب قماشة فانيلة مريح ،كالت : بدلي هنا مازن طالع طلعت و سدت الباب بدلت ردت اطلع ، لفت انتباهي المكياج و العطور ع الميز و اني نقطة ضعفي هالسوالف ذوله بقيت ارش عطر و اخط كحل و تاتو و اتمعمر بوجهي اخر شيء جريت كلينكس مبلل مسحت و طلعت سمعت صوت عالي طالع من غرفة مخلد ، و اسمعها تكوله : ما تنطي بيتي الجين و هو يصرخ : مو انت التحكميني البيت بيتي و اني حر احركه اجره انطي بكيفي و هي ترد : والله يا مخلد لو انطيت لبيت الجين ساعه ما ابقالك بهالبيت -و عساج لا تبقين اتهدديني انت ، لج بابا الباب يوسع جمال مو جمل واحد ... صفنت : يلا بالله هو هذا حظي ؟ وين ما اروح المشاكل كبالي ؟.. بالله لو باقية على ضيم ام جياد مو اشرفلي ! رحت للغرفة نمت .. لهناك و حسيت احد يمي، فزيت و الكا مخلد واكف ويباوع بوجهي فزيت بسرعة ....يتبع ☆☆☆☆☆☆ #زينب_ماجد | ||||||||
|
| |
|
23-12-19, 12:52 AM
| #9 | ||||||||
| مراقبة عامة ومشرفة منتدى الروايات المنقولة
| #خطوات_نحو_الجحيم ،،،،،،،، بقلم الكاتبة زينب ماجد ،،،،،،، الحلقة_4 تذكري يا حواء .. عندما يصعب عليه امتلاكك ستكونين أولى اهتماماته .. و ما ان يضمن بقاءك بجانبه حتى تكونين في الدرك الاسفل من قائمته هكذا هو آدم .. ف(اياك ثم اياك و الاسترخاص) Zainab majid العراق_بغداد 12 منتصف الليل فتحت عيني، مخلد واكف و يباوع بوجهي فزيت من مكاني بسرعة : هاي شكو -اجيت دا اطمن عليج شلون صرتي فركت وجهي :يمعود گمزتني تحجي صدك ابتسم و گعد يمي: اسم الله عليج يابه -مخلد هالتصرفات لا من صالحك ولا من صالحي -اي تصرفات ؟ -تعرف شقصد -كل القصة اجيت اطمن عليج ليش تكبريها ؟ -انت شايف مرتك شكد تغار عليك، يعني وجودك هنا بهالساعة يمي ممكن يسبب مشكلة -مو ابالي درت له وجهي مستغربة من لامبالاته : بس اني ابالي مخلد جايه دا ارتاح مو اتلكى المشاكل بوجهي -منو يسوي مشاكل ؟ -انت ليش دا تشتري المشكلة شراية، گوم ارجع لغرفتك يباوعلي و يبتسم، گمت من يمه و نزلت جوا، فتت للأستقبال شفت مازن دا يشرب و كدامه الكرزات و الجاجيك و يسمع سعدي الحلي طلعت منه ، شفت مخلد من ع الدرج : هذا بعده ع الشرب مبطل ؟ -لا من يوم يومه هذا طبعه شنسويله -انت ليش متروح تنام -ادري كاعد على گلبچ اني شبيج وياي ابتسمت : مو ادور مشاكل يولد -هسه دعوفي المشاكل ابالج اطلعين هسه ؟ -وين ؟ - نروح نفتر اريد احجي وياج شوية -حرام اذا ما انكتلنا اني وياك و اندفرنا من البيت ما اتسمى لجين يا مخلد -هاي من شوكت انت هيج خوافة ، ترى بت عمي و جايه من سفر و دا اطلع و اهتم بيج بيها شيء ؟ -لا يعم شبيها .. المهم شيطلعني اني ملابسي عد بيت عمو عثمان و اللي جنت لابستهم بغرفة طيبة خوما اطلع بالكلابية ؟ -دلبسي اي شيء و امشي گبالي يلا ...صعدت لغرفة طيبة تمشيت على كيف اخذت ملابسي لبستهم و نزلت لكيته ماكو .. طلعت للشارع شفته كاعد بالسيارة صعدت يمه بالسيارة : اخر مرة صعدت وياك حصلت منك كف يا ترى شنو احصل هالمرة -لج بنت الكلب ليش تخليني ارزلج -هاها بلشنا سب ارجع ارجع -ولج انت مال اغلط عليج غلطة بالله لو ادورين كوكل كله ما تلكين منها -غلط خاص بيه قصدك -بالضبط -و هاي انت مصعدني حتى ترزلني -لا -لعد ؟ اخذ نفس ، تنهد : نمشي و عود نحجي -همم ... فتح اغنية بالسيارة خذني معك على درب بعيد مطرح مكنا ولاد صغار دفي ربيعي بشمس جديده نسيني يوم الصرنا كبار -يييييي شهالاغنية مخلد شذكرك بيها اوووف راح ابجي -دائما اشغلها و اتذكرج بيها -شيرجع ذيج الايام من صدك جنه بيها مرتاحين ، لا هم لا جروح كل همنا نتعارك اني وياك و ورة نص ساعه نرجع نحجي مع بعض ناسين احنه متعاركين - اي بالله شلون جنه عايشين ، اتذكر جنت قبل حلت الطلاب اطفر من سياج المدرسة حتى الحك على مدرستج قبل لا تحلين اوكف اباب المدرسة اخذج لان جنت فاهية اخاف الطلاب يدفعوج و تتأذين اول مطلعين البس جنطتج و اشيلج اكعدج على جتافي و ارجعج للبيت -ههههههه شلون ايام .. عززززه شتتذكر انت -ما ناسي منج شيء، كل عمري جنت يمج انت اللي ما جنتي ترديني -مو ما اريدك بس انت جنت هوايه تتمرجل عليه و تحكمني اكثر من ابويه فأضوج منك -لأن شاب و اعرف الشباب شتفكر و عمي الله يرحمه جان مخليج على حل شعرج اطلعين تجين ما يوكفج لان وحيدته و مدلله يخاف تزعلين و اني جنت اتضايق فامنعج -اني اتاكدت اكثر انسان يتأذى بهاي الدنيا هو المدلل، لابد في يوم يطلع دلال اهله من خشمه .. وعلى كد ما ادللت عند بابا شفت الويل -بسبب عنادتج ، انزلي اوكلج موطة نزلنا طلبنا ايس كريم و كعدنا ع المسطبة ناكل -سؤال هم اطلع مرتك انت ؟ -ولا بعمري مسويها -تحجي صدك ؟ -اي والله -ليش ؟ -لجين العلاقة اللي بيني و بين زمن علاقة رتيبة ممله كلش، ردنا نطلگ قبل فترة بس طلعت حامل و رجعتها -ليش؟ واذا مناوين تستمرون ليش تخلفون هلكد اطفال ! -مو قصة ما ناوين نستمر بس العلاقة بيناتنا باردة لا اني انجذبتلها ولا هي عايشين حياة تقليديه بحته -ليش ؟ -هي تكول اهلي جبروني اتزوج و اني ما اريد عيشة العيال، و اني اساسا لو ما امي ما اتزوج بس هي الله يسلمها جانت ادك و تنوح الا اتزوج و اشيلج من راسي .. تالي تزوجت لا اني شايلج من راسي و لا اني متعود على مرتي - بعدك تتأمل ارجعلك لو شنو -لجين انت انخلقتي الي ويا طير شما طرت تالي للعش تعود -انت غلطان مخلد اني حاليا بعيده كل البعد عن فكرة الزواج و الحب و هالامور ، تجربة مالك بحياتي خلتني اكره الحب و العلاقات كلها -مو كل اصابيعج سوا و من ثم مالك معروف من البداية قاتل مأجور انت اللي جنتي معمية عيونج عن سلبياته -و ان يكن بس مبالي كل فكرة للزواج -لجين اني ما طالب منج نرتبط و لا حاجي اي شيء يكفيني وجودج هنا كدام عيني ابتسمت : مجنون .. من بعدها رجعنا للبيت اني كعدت بالصاله اتفرج ع التلفزيون .. و هو صعد الغرفته لثاني يوم من الصبح رحت عزيمة البيت عمتي ، كلش تونست عدها، بقيت بايته عدها يوم .. ثاني يوم طلعنا نتسوق و نفتر بالشارع و جان الگى ايوب : له له من صدك ايوب -لك هلااااا هاي شنو من شوكت انت ابغداد -صار ٣ ايام من اجيت لهنا شلونك شلون صحتك -والله على الله ، شنو تركتي الشغل بلبنان -اي والله مافيات ما تنراد صعب كلش الشغل هناك - يعني كولي رجعتي -اي والله و ياريت على معارفك و جماعتك اتشوفلي عمل -ان شاءالله بعيني اليوم اخابر الجماعة و اردلج خبر ، بس خلينا نلتقي نشوفج يمعوده شهالكطع هذا -لا لا اطمئن مستقرة هنا و اكيد نلتقي .... كلش فرحت بلقائي مع المخرج ايوب ، جنت هواية محتاجة التقي بيه بس رقمه ضاع من عندي و تقريبا كل ارقام زملائي ضيعتهم كملنا طلعة اني و عمتي، خابر عمي عمران ديسأل عني و كال مخلد حيجيج بالليل .. و فعلا اجا مخلد بالليل وصلني لباب بيتهم و راح دخلت لكيت طيبة دا تسوي العشا : لعد وينهم ؟ -ماتو عساهم - ههههه لا لا صدك -بغرفهم -لعد زمن وين ؟ -حامل و ما تكدر توكف متمدده الخانم -شو معاجبج ست طيبة -يخيه طاح حظي، هي يوميه تخلف و اني ابتلي بهالعيال -مبينه عليها خوش بنيه ليش مطايقتها -لا والله خوش بنية بس تتشرد من الشغل و تنطي اعذار و تخليه براسي و اني وراي الف شغله -الا صدك هي مجبوره على زواجها من مخلد ؟ -اي بيني و بينج الحجي يمكن جانت تحب واحد -استغفر الله شهالكلام -حسب ما فهمت منها تكول اهلي فضلو الضابط و ابو النجمات على سعادتي و لو باقية على ابن الفكر اشرفلي -يعني اهلها جابريها على مخلد لان ضابط و مانعيها من التحبة لان ما عنده امكانية -الظاهر هيج و مخلد الله يسلمه هم ما ينجرع، يعني مره انجبرت على الزواج تجي تلكى رجال يتأمر و يضرب و ساعة وكته شايل خشمه شلون تحبه لو تتقبل وضعها وياه .... دا تحجي فاتت كرجية : شرفتي عيني مياده حناوي ؟ خلصت حفلاتج و سفراتج ؟ -ها عمه كأنو متضايقة من طلعاتي -تره بيتنا بيت محترم مو سفردح وكت ما عجبج طكيتي بنطرونج و طلعتي -و اني شلي علاقة بالبيت ؟ خطار كم يوم و رايحه و عمي هو الخابرني -يعني قصدج عمج هو الكاتل روحه على جيتج مو انت الرايدته -الخلاصة عمه شنو المطلوب ؟ -صحيح رايده بيت مخلد ؟ -هو اللي دا يريد يأجرنياه -اني ما خلصت منج رجعتلي دا تاخذين الجواه و الوراه -تره عيب هالكلام عمه اني مطلبت شي من مخلد ولا من غيره و حتى البيت مناويه اخذه.... - انت اللي تكليلي العيب ، انت تعرفين العيب شنو و تحجين بيه جايه من تالي مطلكه و تريد تاخذ ابني -شنو مطلكة احترمي نفسج دا تعيبيني انت .. انفتحت بيه صياح و غلط و كانها محملة كامت بس طيبة ترد بيها .. عاد تركتها تحجي اخذت جنطتي و توجهت لبيت عمو عثمان سولفتله الصار كال : بعد ما الج روحه هناك و اذا اجا عمران اني اعرف شتصرف وياه خابرني مخلد بالليل : شصاير و ليش هيج سولفتله گام يغلط و يصيح و شلون بأمي و ابتليت اني و شيبت راسي و من هالكلام لحد ما نهينا الاتصال .. بقيت سهرانه مأخذت عيني نوم ، كلش تضايقت و جسمي ضل يرجف اخذت باكيت جكاير من عمو و التهيت بيه وين ما اروح مشاكل و ين ما انطي وجهي تعكس وياية، مليت من حياتي، و حتى ماما لان بعيده من اخابرها ما اشكيله اخاف اشغل بالها عليه بس من صدك ما عاد اتحمل وضعي بقيت ابجي بمكاني زهكت و تعبت اصبر و اتحمل و المشكلة ما بيدي غير اصبر و اتحمل بقيت كاعده للصبح لحد الساعة ٧ يلا نمت، مكعدت غير على مخلد و هو يكعد يم راسي و هو يكول : لجيييين ولج هاي من يمتى ادخنين -كعدت اباوعله بتك عين : شبيك ؟ - شمو شصاير ريحة الغرفة متنطاق من ريحة الجكاير و ليش ادخنين -تعلمت ع التدخين من ضيمي عندك اعتراض ؟ -احجي عدل لا تخليني و القران ركبتج اكسرها -اي مو تايهه اني الك و لامك -شبيج انت تخبلتي -اي تخبلت عندك اعتراض ، يا اخي فك من عندي تره مو سالفه هاي -لج بنت الكلب اعرفي شلون تحجين اني شلي علاقة من وراج اليوم تحاجيت ويا امي و تعاركت وياه -والله صارت عليك زحمة ، حقك مخليتك محبس بأيدها مخلد لا تطلع من البيت امرج ست كرجيه مخلد لا ادلل مرتك امرج ست كرجيه اما اليوم فلااا يحتاجلك صفكة لان وكفت بوجه امك لخاطري واووو شهالانجاز العظيم -لا اليوم صدك طابكات ، مخبله عاقلة انت، شبيج ترجفين ؟ -مو شغلك ابتعد مني و بس كافي اريد اعيش براحه -اااه يعني قصدج وجودي مضايقج ؟ -و كلش مضايقني و زاعجني هم -ها زين لعد اني اسف مو صوجج صوج اليباوع بخلقتج ويجي يطمن عليج دنعل ابو اللي جبرني اجيج بنت الكلب -مو انت التسب ابويه افتهمت سمحتلك مره مرتين مره لخ من تعيدها والله متلوم الا نفسك -لج لا تخليني ابتلي بيج لجيييين لزمني من ركبتي حيل و اني ادفع بيه و اصرخ فاتت مرت عمي تجر بيه و تصرخ : يا عمه اتركها شصارلكم متكلولي دعوفها جرتني من ايده و هو مخنزر عليه و اني نار اشب و اشتعل و ارجف بودي اكله، عافنا و طلع بقت مرت عمي تهدي بيه : و انت العاقلة و الحبابة شصارلج يعمه و من هالكلام سمعت ابن عمي الصغير انطيته فلوس و كلت له روح جيبلي جكاير بسرعة .. بقيت كاعده جكارة وره جكارة اريد اهدي اعصابي مدا اكدر .. انوب شمرت عصبيتي بمخلد و هو لا بيها ولا عليها انوبه كمت الوم بروحي شبيه نزلت بيه ، هو شعليه المسكين جاي ديطمن عليه و متعارك ويا امه من وراية بقيت الوب اروح منا و اجي منا .. اخابره اعتذر منه ؟ لو لا على شنو دا اعتذر مكافي تجاوز عليه و على بابا و خنكني لا بس من ورايا اني دست ابطنه و جبرته ينفجر ....اخر شي اخذت الموبايل اتصلت بيه رن رن رن ردت اغلق لما شفته مدا يجاوب، بس بالاخير جاوب : الو -الو ها مخلد -كولي - شنو انت زعلان ؟ -لا يابة استغفر الله على شنو دنزعل منج ست لجين -دا تستهزئ -لجين شبيج؟ ممكن افهم -ولا شي اتصلت اشوف اذا اكو مجال اصالحك و اكولك اسفه -و غيرها -هاي شبيك مو دا اكولك اسفة بعدك ضايج يعني -لا يابه على شنو اضوج اعرفج حيوانه و من تجوعين تكومين تحيونين -هاااه خلف الله عليك يابه -هسة شرايده -اكولك شو محملني منيه فوك ما اتصلت دا اراضيك هو صوجك -لج حيوانه دا اكولج شرايده لان كدامي محلين محل حلويات و محل مرطبات فتريدين بقلاوه لو موطه ؟ -هاااا اي هيج و صير ادمي و احجيلي بالشي الطيب و يروق المزاج - بنت ال...... ليش تخليني احجي لج مو الساني زفر كافي اليوم سبيت عمي المرحوم من وراج -هنوب صارت من وراي خو انت دا تكولها السانك زفر اني شعليه -اخ يابه شلون تريدني ابتلي بيها - و على شنو تبتلي بيه حلوه هاي - ولج يبنت ******* موطه لو بقلاوة ؟ -ههههههههههههه عابتلك ، لا موطه و مو شويه تجيب، اريد نص كيلو و اذا كيلو بعد احسن حتى ابقيها بثلاجه من اسهر كل شويه اكل -ام الرجيم اكلتي راسي ذاك اليوم و انت تتفيكين و ما اتحمل الكيمر و اه بطني رقيقة تالي كيلو موطة ولج اني وعشيرتي ما ناكل كيلو -ما بلازم عيني حطيت عينك عليها -افلتي انت اذا ابقى اكابلج معناها الساني يشتغل غلط و فشار ضحكت و قفلت الجهاز ... من راضيته يلا ارتاحيت رغم شكد يضايقت بس ولا يهون عليه يزعل اعرفه لو شما يسوي يخاف عليه و ما يهون بيه وره شويه اجا هو سلم على عمي و فات للغرفة اللي كاعده بيها .. -ها مخبلة عقلتي ؟ -والله يا خلودي اسمحلي ولا تزعل امك تجنن اكبر واحد الله يساعد طيبة و زمن اشون متحملاتها -اي غير والده شنسوي يعني قابل نشمرها ؟ -تتحملها انت اخوك ابوك غيركم ممجبور يتحملها -هاي السوالف يمج مال شخصيتي و كرامتي و ما اسمح، عدنا الجنه تتحمل كل شيء الى ان الله يفرجها -والله لو ماخذتك و جنه عدها حرام دقيقة ما اتحملها -افهم من كلامج مفكرة بالموضوع ضحكت: عابتلك هاي وين راح بالك -لج بالي كله يمج يخبله باوعت بعيونه ابتسمت:- شكد ما تفوت أيام و تروح ناس و تجي ناس بس لسة اشوف لجين هيانها متربعة بنص عيونك -لج اقسم ابألله ما مر يوم و ما اجيتي بيه على بالي، كل ليلة انت متعشعشة بتفكيري، اني كتلج بيوم اذا تتذكرين .. ما ترتاحين ولا راح ترتاحين لأن منفوسة -منفوسة!! شنو يعني ؟ -نفسي بيج ما ترتاحين الا تصيرين الي -و لو صرت الك ارتاح يعني؟ دك على جتفه: - هذا الجتف الشالج و انت صغيرة و الحمل همومج و مصايبج الما كبرتي ما راح يقبل تشيلين على اجتافج هم، ولا الگلب العشتي بيه سنين راح يقبل يزعلج بيوم صفنت بوجهه، ابتسمت و مديت ايدي على باكيت الجكاير، سحبت جكارة ورثتها، سحبها: يا طايحة الحظ ادخنين كدامي -هاااا، هسه كلت ما اذيج -اي بس خوما حرمه اشوفج ادخنين و اني كاعد، شنو مالي احترام ضحكت-مجنون متصيرلك چارة - اقسم بألله اعشگچ حجاها و هو يدخن الجكارة السحبها من ايدي ضحكت ضحكة طويلة و تحركت من مكاني شلت ايدة و نمت على رجله:- يا مجنون مش انا ليلة ولا بنسمة هواك ميلا -اي اي كملي اسمع -البقية ما تفيدك ههههههههههههه و ضربته خفيف على خشمة ابتسم و گام يمسح على شعري اخذ نفس و تنهد، گال: خلينا نتزوج و ابقي هيج بحظني العمر كله و يا ويل ويله اليوصل يمج ، و الله ما اخليج تحتاجين شي صفنت بوجهه، و بقيت اباوع بعيونه، تنهدت : مخلد اني مو نفسها ذيج لجين العرفتها، ربما لو عرفت شنو البيةو شنو هي مشاكلي،تنسى كل هالحب الصارله سنين بگلبك -الحديد يصدأ و يزنجر لو قسى عليه الجو، بس يبقى حديد، تكدر تعيد بيه الحياة لو اهتميت بيه مدنك راسة يباوع ويحجي ويايه و هو يمشط شعري بأصابعه فجأة تفوت زوجته، گمزت من رجله بسرعة بعدني ما مستوعبة دخولها علينا، ما احس الا كف منها على خدي و هي تدفعني -كافي تحملت من اجيتي لليوم يا **** تفترين ع الرجال تالي تتختلين بيه بالبيوووت تحجي و تدفع بيه .. سحبها هو مني : انت شجابج لهنا بنت الكلب -جاي تسألني شجابني لهنا متسأل نفسك شتسوي هنا : مليت منك طلعت روحي الله ياخذني و اخلص منك ، ضيعتني دمرتني و انضربوا هي وياه عرك ، لزمها من ايدها و مشى بيها و كال الها :حسابج هناك امشي وياي اجا عمي اخذها من ايده : مخلد اهدئ المرة حامل - عمي من رخصتك عوفها اني اتحاسب وياها دا اشوف منو اللي ادورني بالبيوت -لا ادورك ولا ادورني طلكني خلصني منك و من امك خلصوني -اي ويجرالج من باجر الحاظر و الغايب يمج و انعل ابو اليرجعج عثمان : مخلد بس اهدأ يا عمو هاي شبيك سحبه كوه و طلعه برا و هي كعدت تبجيو عمتي تهدي بيها و هي تشكي : يا عمه مليت شتحمل حتى اتحمل صياح ابوه و امه و مشاكلهم لو ضيم جهاله لو النايم ابطي و ذابحني لو اتحمل عصبيته و لا مبالاته الي لو اتحمل خيانته شتحمل گليلي -زمن ترا انت فاهمة الموضوع غلط والله العظيم مبيناتنا شي كل القصة ان تعاركنا العصر و اعتذرت منه و اجا ديحل المشكلة ، الا اخر انسان افكر بيه مخلد -اني اعرف انت ما رايدته بس هو حاطج اباله و يفتر و ما مخليني لا اني ولا جهالي اباله ، رفعت راسها و هي تشهك بجي : عليج بروح ابوج اذا ابوج اله يمج خاطر ابتعدي من عدنا ولا تخلين مخلد يشوفج -يعني وين اروح يا زمن قابل اني متبطره وراجعه لهنا لو ما ضيمي اني هسه باوربا و مو يم هالمشاكل كلها -ابتعدي منه عليج روح ابوج فدوه ابتعدي منه بقت تتوسل بيه الى ان عمتي اخذتها و راحت بيها لبيتهم و بقت تهدي بيهم و ما قبلو تروح زعلانه و هي تصيح طلكوني و مخلد يصيح اريد اطلك و الطرفين مقابلين لا اهله و لا اهلها .. خابرت طيبة اسأل عن اخبارهم و كل عاده سوالف طيبة : يا خيه ما تدرين غير تكابلو عنه و عنين و عليك يارب المعين ابشرج كلها زعلانه و مخلد و مازن متكابلين بالاستقبال راس براس -هههههههههههههه خرب بيومج طيبة ولا تبطلين سوالفج يعني ما تصالحو ؟ -لا والله خيه كل الروس قافله ما تتصالح لا اني ولا مازم و لا مخلد ولا حتى زمن . - عفيه عليكم خوش شدة ورده قفلت منها و صفنت ويا روحي ،حرت وين اروح و منين اخلص، كلش تضايقت من وضعي مرت ٣ اسابيع لا اني لاكية شغل و شغل الصيدله و الدوا و هالامور كلش تلعب نفسي منها ما احبها ابد .. الا ما جنت نايمه و تكعدني عمتي : لجين لجين اكعدي -ها عمه ؟ -ولج هذا صديقج اللبناني عد بيت عمج عمران -منو قصدج جياد ؟ -ما اعرف بس اللي اعرفه هو و ابوه جايين كمت من مكاني مفزوعه اريد ابدل حتى اروح ، لزمتني و هي تكول : عمج كال لا تجي خل نشوف شنو جيته -غير جاي دا يشوفني شنو شنو جيته -اذا جاي يشوفج وكتها عود عمامج هم يدزون عليج تروحين تسلمين عليه -و هسه اني انتظر لما هم يدزون لو لا ... ما قبلت اروح بقيت اراوح بمكاني تنوب مغيرة رقمي ميعرفه، و ميندل غير بيت عمي عمران خطية اكيد جاي دا يعتذر عن ذاك اليوم الصار بيناتنا و نتصافى ويييه شكد مشتاقه لجيدو، ضليت انتظر لما يدزون عليه بس طولو .. لهناك اجا عمو و متضايق شنو عمو خير شكو ؟ -الولد جايب ابوه دا يخطبج مفاتحج هو بموضوع زواج ؟ -اي بس نهينا هالموضوع و رفضته و على هالاساس اجيت لهنا -لا تخافين مخلد هم ما قصر والله فشلنا خلانا نلوف بروسنا -شسوا مخلد ؟ -كال الهم اني ولجين خطبنا من كم يوم و هالحجي ما اقبل بيه و عيب عليكم جايين تخطبون زوجتي و ابو الولد هلكد بقى يتعذر اما الولد بقى يصفن و منصدم ما حجه ولا كلمه تعذرو وراحو -يحجي صدك مخلد ؟ شنو هذا مناوي يفك مني ؟ -والله يا عمو احنا هم ابتلينا بيه مرته على وجه ولاده و هو ما جاي يتوب ولا يجوز من هالسالفة مقفل ع الموضوع و يكول مو بكيف احد لجين اخذها اخذها خل يكون بعلم الكل يابه شكد تضايقت من تصرف مخلد لو يمي جان كطعته ، اتصلت عليه تعاركت وياه تالي ضل يصيح و فوكاها هو ابو الراهي و قفل الخط بوجهي راسلت جياد ع الفيسبوك و اعتذرت منه هوايه و بينت له ان كل اللي انذكر ما اله صحه مخلد اختلق هالموضوع من يمه حتى يمنع الزواج ، احنا مو بحاجة زواج الصداقة اللي بيناتنا اجمل من كل علاقة و تبقى انت بعيني ذاك الفارس اللي نقذني من تحت الجحيم رسلتها اله بس ما كانت اون لاين .. صادف بعدها بيوم اتصل بيه ايوب دا يخبرني ان في شغل بأربيل ممتاز تكدرين تتوجهين هناك و تستلمين الشغل و الرجال صديقي و اني وصيته عليج هوايه اجت من الله دا اخلص من مخلد و قيوده لميت ملابسي و حظرت اموري و ناقشت عمي و قنعته و ثاني يوم طلعت لاربيل توجهت للرجال اللي دلاني بيه ايوب ، الرجل استقبلني بطريقة جدا راقية و كال : سمعنا بيج هوايه و اطلعنا ع الCV الخاص بيج بنت محترمة و نتشرف بالشغل وياج الشغل هو مديرة علاقات عامة بشركتهم و براتب شهري 5000 دولار .. مع سكن مجانا على حساب الشركة بشقة راقية اخذت نبذه عن الشغل و اطلعت ع الامور وكلش فرحت بالشغل، يعني اجا الوقت يلي لازم ابلش بيه بحثي عن اهم نقطة بحياتي و هي بنتي و صار لازم اسحبها اليه .. مخلد يراسل و ما ارد عليه ، بعد الموقف السواه ويا جياد كلش طلع من عيني، كان المفروض يحطلي اعتبار كدام جياد و ابوه مو يهيني بهالشكل و يحسسهم اني اشمر روحي من رجال لرجال لثاني و اتخطب لهذا و ذاك و حرام لو رايدتلي واحد بيهم بعد مرور ٤ اشهر بالشغل بأربيل و الوضع المادي و الاجتماعي و النفسي تحسن الى درجة كبير .. بحثت عن مالك و لكيته ساكن بالأردن هو و اللبنانية المتزوجها و بيلا .. رفعت دعوة عليه بسحب بنتي و قدمت كل الاوراق و الثبوتات اللي تاكد شفائي من الادمان و ان اللي تعرضتله كنت ضحية فيه و في شهود على هالموضوع و قدمت حالتي الاجتماعية اللي تأهلني لسحب بنتي بعد الدعوة بيومين جنت كاعده بشقتي، اندكت جرس الباب كمت من مكاني ، فتحت الباب و انصدم بمالك كبالي ع السريع فات دفر الباب برجله و سحبني و حط الحبل على رگبتي ، و همس و هو صاك على اسنانه : ناويه تخلين ارسج براسي ست لجين ؟.......يتبع ☆☆☆☆☆☆☆ #زينب_ماجد | ||||||||
|
| |
|
25-12-19, 12:50 AM
| #10 | ||||||||
| مراقبة عامة ومشرفة منتدى الروايات المنقولة
| #خطوات_نحو_الجحيم (الجزء2) ،،،،،،، بقلم الكاتبة زينب ماجد ،،،،،، الحلقة_5 العراق_أربيل الثامنة مساءا رن جرس الباب كمت من مكاني ، فتحت الباب و انصدم بمالك كبالي ع السريع فات دفر الباب وسده برجله و سحبني و حط الحبل على رگبتي ، و همس و هو صاك على اسنانه : ناويه تخلين ارسج براسي ست لجين ؟ -ابتعد عني يا حقيييير بقيت اجر بالحبل اللي خاله على رگبتي ، ضيق عليه بزياده ، اختنكت كلش ضليت ارفس، عيوني تريد تطلع على كد ما زهق روحي فجأة بعد الحبل من رگبتي و دفعني للگاع .. وكعت اتنفس حيل و اگح بقوة -ما اخلي بنتي عندك حيوان احجي و كوة تطلع الكلمة من حلكي على كد ما اگح تقرب من يمي وكمبص ورفع وجهي بأصبعة : انطيتج فرصة سابقا نرجع و انت اللي رفضتي بنتج لا تحلمين تشوفيها بعمرج ، تنسين عندج بنت اسمها بيلسان دفعته من عندي حيل وكعته بالكاع، وكمت : مو انت اللي تحرمني من بنتي حيوان اخذها و غصب عنك و من عيونك هم هو على كعدته ما كام مثني رجل و حاط ايده عليها ويباوعلي بأستهزاء : شلون يعني غصب ست لجين -بالقانون و باوراق و ثبوتات اخذها من عيونك -هههههههههههههههههاااي لا قوية هاي، مالك يمشي عليه قانون ! رفع راسه يباوعلي: من شوكت ؟ -استهزئ شكد ما تكدر وهدد و شتريد تسوي مراح تخوفني وراح اخذ بنتي من عندك خليها ابالك كام من مكانه : يكولون غبي اليعثر بنفس الحجر و هم يكولون كل حلو بيه لوله و انت يا مرتي و حبيبتي السابقة كلش حلوة بس لولتج كلش غبية و بكل مرة تغلطين نفس الغلطة و تكرريها و مفتخرة بروحج ....مشى بالشقة راح للصالة -لا تنكس بيتي اطلع برا ما اهتم بقى يمشي و كعد ع التخم و شخص ايده و هو مبتسم: اي شتضيفيني ؟ اااااا ما ا?لفج بس ستكان جاي ولو امورج هالأيام توب بس ما اريد.اصير ضيف ثقيل -عندي سم و زهر بگلبك يا مخنث كوم اطلع منا -سبق و طردتيني و اتندمتي و كلتلج اتذكري هالعيون شنو راح تسوي بيج تالي تركتج تركعين يم قندرتي تتوسلين ، و الا نسيتي ست لجين ؟ -مالك شرايد مني ؟ مكافي اللي اخذته مني و اذيتني بيه، خليني اخذ بنتي و اعيشها بعالم بعيد عن اجرامك -تنسين عندج بنت يمي ، وقتها افكر ابتعد عنج و ما اذيج -تفكر !! شتقصد يعني -فكرج اني غافل عنج ؟ اعرف بسكنج ويا اللبناني ابيت منفرد لوحدكم و اعرف بحادث السيارة و موقف اهله منج و اعرف برجعتج لعمامج و حتى شغلج هنا بس مخليج على راحتج بمزاجي -شوف لك لا تكعد تتمرجل براسي اللي تريد تسوي سوي ولا عبالك تهددني والله لو اموت هم اخذ بنتي منك -ههههههههههههههه هز راسة: غبيه مو بيدج، اذا تقربتي مني راح تموتين و من تموتين بنتي ترجع الي و انت من هالدنيا بيباي اخذت نفس : ياربي صبرني باوعتله: شتريد مني انت ؟ -و شعندج بعد حتى تنطينياه ؟ بسسسسس !!! خل نتفق شرايج ؟ گام يمي و افتر من ورايا: مقابل كل ليلة تخليني ارتاح على هالركبة الحلوة و اتمايل على هالخصر اخليج تشوفين بنتج شرايج ؟ درت و ضربته راشدي حيل و دفعته : برا منا يلا ، نذل خسيس لو اخر يوم بعمرك تحلم ارجعلك اطلع براااااااا دفعته برا الصالة وگف يمسح على خده و يضحك، تقربت منه:- دا اكولك اطلع دا ادفعه لزمني من رگبتي و رجعني للحايط : اسمع لج و خلي اللي راح اگوله ترجية بأذنج لو حاولتي تتقربين مني او من بنتي و تعلبين عليه راح تشوفين شي بعمرج ما شايفته، و اذا بأعتقادج تاخذين بنتي بالقانون لو بأي وسيله فانت وهمانه دفعني و توجه للباب فتحه و طلع ... و ضربه و راه كعدت بمكاني كرفصت نفسي و ضليت ابجي بجي لا حول ولا قوة .. رحت للغرفة خابرت ماما رن رن ... ردت -ها ماماتي للو بجيت بقوة و اني اكول الها : ماما -خير يماما شبيج ، لجين بس ابجي -لج عيني ماما حركتي لگلبي شنو بيج يروح امج انت -قبل شوي اجا مالك -: ءءءءءءءء عزا بعيني لج دادا ليكون سوالج شي - ماما اجا ديهدنني -هاي لأن رفعتي عليه دعوة مو ؟ -اي -بس اهدي يماما و گوليلي شحجه وياج شسوالج دا افتهم ... سولفتلها كل شيء من فتحتله الباب لحد ما طلع -اسمعي ماما ، اني وابوج الله يرحمة بعمرنا ما قبلنا بمالك زوج الج .. ولا رضينا عليه بيوم .. مخلد هذا اللي بعمري ما اقبلج بي ، جان اهون عليه من مالك ، بوقت ما جنه نعرف عنه شيء غير ان هو قاتل و هذا الكلام كاللنياه مخلد اللي لا نعرف صدك لو كذب بس كلبي حاس جان .. ان هذا الرجل مو زين و حذرناج و بس جنتي غركانه بعواطفج و عاطفتج سبقت عقلج ... مسألتي نفسج ليش تركناج تتزوجي برغم احنا مموافقين عليه ؟ لما شفناج اختاريتي الموت و حاولتي الأنتحار بس لحتى تاخذي، وقتها قررنا نخليج باللي تشوفي ماماتي لجين انج تضحين افضل من انج تخسرين ... كل الزين مالك كد تهديده .. و لو لعبتي وياه راح يقتلج و يسترجع بنته وكتها انت خسرتي كل شي من صدك فضحي افضل مما تخسرين ، و ثقي لو الله كاتب لج ان في يوم يرجعلج بنتج راح يرجعلجياه لو مو مالك .. لو الدنيا بكبرها توكف بوجهج اللي ديصير وياج يا ماما يا أما هو عقاب او اختبار و بالأثنين خليج صبورة و قوي ايمانج بربج ولا تثقين بغير و اخضعي للأمر الواقع و مو كل شي نريده يصير مرات مجبورين نضحي بأغلى ما نملك حتى الأمور تبقى تسير لو يحتاج اذكرج بقصة النبي ايوم لما خسر اولاده و جاه و صحته .. تالي بقوة صبرة الله رجعله كل شي ! خليج قوية ماما - بس ماما تعبت اريد بنتي -يماما ادعي اللي يرجعها لحضنج مالك سافل و ممكن يأذيج أبتعدي عنه ... بقيت احجي وياها الى ان هدئتني و انطتني جرعة من الصبر و حولتها الى ضحك حتى تنسيني و بقت تسولفلي عن يومها و من هالامور بس مترهم سالفة اترك بنتي و انحرم منها كل عمري ما اكدر ، كلش صعب گلبي نار عليها ...بقيت الليل كله سهرانه افكر بهالموضوع ياكل و يشرب وياية .. ... كعدت الصبح وكفت دا ابدل .. شفت اثر الحبل على رگبتي ، رجعت بذاكرتي الى اول ما طلع كبالي لما جنت ما اعرف، وقتها خنكني بالحزام بالمخزن و طلب مني نفس الطلب اتقرب منه مقابل يبتعد مني .. ااااخ غبيه غبية كان المفروض من ذاك اليوم اعرف معدنه و اعدمه من حياتي و ارفضه شبيه صدكته و حبيته هيج انعمى على گلب لو يصح ما يكولون الحب أعمى و انعميت بحبه .. حاولت اخفي الأثار بالفاونديشن و بدلت و نزلت، اخذت سيارتي من الگراچ و طلعت ، فتحت الراديو استمع بيه، دك الموبايل نصيت الراديو، باوعت الفون احمد مدير شغلي : الو اهلا استاذ احمد -اهلا لجين ، وينج -مسافة الطريق واصلتكم -اليوم عدنا لقاء جدا مهم مع نائب بالبرلمان بخصوص العقد مال الشركة -و منو هذا النائب ؟ - زاهر حميد نائب كلش مهم تابع لحزب قوي، لازم نحاول نكون اذكياء بالتعامل ولو ما اوصيج انت ذكية بشغلج و لبقة بالتعامل (ملاحظة الأسم مستعار ) - طبعا هذا شغلي، دقايق و اني يمك و نتمم كل شيء ان شاءالله -جيد جيد بأنتضارج .. قفلت من عنده و بقيت افكر بالشغلة لحد واضح الامر مهم كلش .. وصلت الشركة صفيت السيارة و دخلت رحت لمكتب احمد دكيت الباب -ادخل ... فتت : نعم استاذ احمد - جيد انك وصلتي لجين تقربي ، اخذي هذه الاوراق ، لازم تطلعين عليها و يصير عندج علم بيها ووو شوفي لجين لازم لازم نربح هذا العقد اللي قيمته 2 مليار دولار وسعت عيوني و صفرت ، رفع راسه مستغرب : العفو بس الرقم جدا عالي اذهلني -ولهذا دا اكولج جدا مهم لازم نشتغل عليه بأدينا و رجلينا لحتى نكسبه ، اللقاء بالليل ع العشاء ، تزيني و البسي اجمل ما عندج و اظهري افضل ما تملكين -ان شاءالله استاذ -لجين -نعم -في حال ربحنا العقد الج مكافئة قدرها 10 الاف دولار -اشكرك جدا استاذ ما تقصر، و ان شاءالله اكون عند حسن ظنك رحت لمكتبي اشتغل و ابحث و اطلع ، و التهيت راسي صار هوسة ، اتصل مخلد مرديت ، رد اتصل مره لخ، رديت : الو مخلد -ترا ما ناكل بشر شبيج ما تردين -بالشغل مخلد والله مشغوله -يا شغل هذا اللي بشهر تجاوبين مره -يعني شسوي الي اسبابي -الاسباب الكانت ابالج خلصت راحت -يعني شنو ؟ -اني و زمن اطلكنا -تحجي صدك -ما ناوي اخابرج حتى اجذب -مخلد بالليل اخابرك و افتهم منك اما الان فوالله كلش مشغوله بشغل -اهاا ماشي ماشي يلا اني هم بالشغل بس صارت عندي فسحة و اتصلت .. بيباي .. كملت شغلي للظهر طلعت رجعت للبيت تحممت و توجهت للصالون صبغت شعري بني غامق و شسوار و تسريح و برم ، مساج وجه و مكياج .. و لبست فستان احمر ماروني قصير مخصر مع جاروب طويل اسود شفاف و كعب اسود و جاكيت اسود تممتهم بالأكسسوارات و طلعت .. وصلت المطعم ، كان راقي جدا و حاجزي بس للقاء رحب بيه احمد و سوالي لايك بأيده و هو يكول : توب گلوب - ههههههه من ذوقك كعدت، و طلبت من النادل يجيبلي كوفي ع السريع لأن الليل منايمته و كاعده من الصبح ، و من الصبح لسه افتر احس عيوني طفن شربت الگهوة كملتها، كال: كومي اجا طلعنا نستقبله ، اباوع الموكب مال النائب شكبررررره و الحمايه مالته من ذوله العضلاتهم بارزه و محزمين و اسلحتهم بحزامهم .. فتحوله الباب و نزل استقبله المدير و استاذ احمد بحرارة ،تقدمت مديت ايدي : اتشرف اعرفك بنفسي لجين شاكر الممثلة الاعلامية عن الشركة و مديرة العلاقات العامة مد ايده و سلم و ضل يهز بأيدي : يسعدني و يشرفني هذا التعارف ست لجين - الي الشرف اكيد .. تفضل لو سمحت دخل و طلبنا عشا و و حجينا على العقد و حاولت شكد ما اكدر انو احذر بالتعامل و ابذل اقصى ما عندي لننجح كملنا اللقاء و شكلة اللقاء بشر بخير ، وصل للباب رجع مد ايده : اسعدني لقائج ست لجين حقيقةٌ كنت رائعة -من حسن ذوقك سيادة النائب و كذلك اسعدني التعرف على جنابك -لنا لقاء اخر بظروف اخرى بعيده عن العمل نتحدث فيها عن الشهرة و الاعلام و ما شابه فأنا من الناس المحب للفن و الفنانين -يسعدني جدا كل هذا الحجي و هو لازم ايدي ورافعها و منزلها يسلم ودعنا و راح .... وييييييه رجعت كعدت ع الميز ... و هم كعدوا يحجون باللقاء و ايجابياته ، اني نزعت الكعب رفعت رجليه للكرسي و كلتلهم: متت جووع من صبح للان ما اكلت احمد : هو منو اكل غير انهلكنا من الصبح لحد.هسه كملوا اكلهم لان گبال النائب يمكن واحدنا اكل لكمة خلصناها نكمع بالعصير .. كملت و رجعت للبيت كبل للحمام سبحت و نشفت شعري و كبل نمت ما فكرت بأي بشر فتحت عيوني الصبح على صوت جرس الباب يرن، كمت من مكاني و اني مغمضة فتحت الباب و كوة اباوع شفته مخلد -اهلااااا مخلد فتحت اديه و تقرب سلم و حظني - شلونج ولج -زينه يمعود مشتاقون -اي واضح كلش الشوق -ههههههه مجبورين وداعتك .. تفضل يمعود فات للبيتو مشى :-شلونج شخبارج -والله الحمدلله على الله ، الاخبار السمعته البارحة صحيحة عود ؟ -قصدج طلاقنا اني و زمن ! -اي -اي اطلقنا -صدك عود ؟ -اي والله شبيج ، شنو هذا الأثر اللي على ركبتج -اااا هذا ، گلاده مناسبت بشرتي و سببتلي تحسس -لا والله ، شو باوعيلي شايفة مكتوب على كصتي طرن حتى اصدك كلامج، هالامور اني اعرف بيها هذه اثار لف حبل، محاولة انتحار او اعتداء -دكوم وياية للمطبخ اشوف شنو اسوي لان كلش جوعانه و اني اسولفلك كل شيء -كمت غسلت و رحت للمطبخ طلعت مواد، سألته : متريك ؟ -اي بس استكان جاي ويا الجكارة ، و احجيلي شصاير -رفعت دعوة لسحب بنتي و كسب قضية الحضانة -اي -هو واصلة التبليغ و اجه ديهددني -خرب ******* اذا رديتي ولج شكم مرة كايلج هذا مجرم لا تندكين بي و الدنيا سايبه لجين -شسوي مخلد و بنتي دا اموت كل ليلة و هي مو يمي -لعد شعبالج الله يطك بحجار ، مثل ما حرمتي اهلج منج ورحتي لذاك النذل حرمج الله من ضناج حتى يضوكج لوعة الالم و الفراك السببتي لاهلج و انت وحيدتهم دنكت اتنهد : من البارحة و لليوم و اني افكر بكلام ماما لما كالتلي هذا اللي ديصير وياج يأما عقاب او اختبار و بكلامك اكدتلي ان اللي دا امر بيه عقاب -اني ما اريد ازيدها عليج لجين، بس اللي احجي لمصلحتج والله ابتعدي من مالك و انسي بنتج و ادعي بس الله يحفظها من شر ابوها و ما تتأذى نزلو دموعي و اني استمعله تقرب مني و اخذ وجهي بين اديه : ششش لتضعفين ولا تبجين اني ما اريد ازيدها عليج بس تقربج من مالك و مساسج بيه ما يجيب غير اخرتج ، ماكو قوة تكدر لهيج مجرم مدام القانون فالت بالعراق و القتل مباح يقتلج و تروحين انت الضحية وكتها لا حصلتي روحج ولا بتج هزيت راسي سحب اديه من وجهي و دك على جتفي: و هسة يلا كافي تبجبج و سويلي جاي وكفت خليت الجاي ع النار و طلعت قطعتين دوست دهنتهم بجبن و خليتهم بالمايكرويف، هو صافن عليه شدا سوي -هاي انت شدا تشوين -توست -ولج بالقران انت فد وحده تحب تتفيك و تتعاير ، دسويلج مخلمه طكيلج بيض و طماطة دكليلج شغلة تقويج و عوفي هالسوالف هاي -مو هالامور اللي تكول عليها تسمن ما تقوي ، و اني ما اكدر اسمن يخرب شكلي و اخسر شغلي -هم زين اعترفتي مشغليج بس على مود شكلج -طبعا كل الشركات ادور جذب انظار فيختارون نساء حسنات المظهر لبقات الكلام خاصة اذا تتكلم الانكليزية فهذة توب و اني كل هذا امتلكهم فليش ميشغلوني -همم -مكلتلي ليش طلكت -صارت مشكلة بيها و بين امي و كبرت -و طلكت -هي طلبت الطلاك واصرت عليه مو اني -مسكين تحسسني انو انت جلبت بيها باديك و رجليك و هي ما رادتك -اجلب بيها ليش چلب اني ، ترد الطلاك الله وياه تروح يجي غيرها الف -وجهالك -شبيهم -مفكرت بيهم -نفقة ٣٠٠ الف بالشهر بعد شسوي ؟ - هه شلون تفكر ، عندك ولد مو بنات تخليهم يربون عند خوالهم و ياخذون اطباعهم ما تربي ولدك على ايدك ، زين عوف ولدك الله رزقك ببنية مثل الگمر و عمرها اشهر اشافت منك ، ولك اني ميته الف موته حتى ارجع بنتي و انت هيج بگلب بارد تشمرهم -ولج شامرهم وين بالشارع غير عند امهم و بعدين عي رادت الطلاك يعني شسويلها قابل -اي غير من ضيم امك ليش هي امك تنحمل ، يوم واحد كعدت بيها عدكم تعاركت وياها و هجيت ، اللهم يساعد هالبنيه شنو شافت و شنو تحملتولحد ما قررت تنهي زواجها و تخضع للمجتمع و تصير مطلقة و تسمع كلام اليسوى و الما يسوى على ان تبقى عندك و عند امك -بعد.شسوي صار اللي صار و الله كريم، الخيرة فيما اختاره الله و هذا اللي الله كاتبة -ابقى ابقى قنع نفسك بهالسوالف -اخ من السانج لو انهد -هههههه دنحجي دك الجهاز باوعته رقم غريب -منو ؟ - ما اعرف رقم غريب اشرتله ششش و رديت : الوو -الو ست لجين -نعم تفضل -اني مدير اعمال سيادة النائب زاهر حميد -اهااا اهلا تفضل -سيادة النائب طالب موعد للقاء وياج اذا نكدر نحدد الموعد -المشكلة اني جدول اعملي ايضا ممتلئ تعرف اعلام و اعلان ، اكدر اخذ الرقم الخاص للاستاذ لنتكلم - طبعا ، موجود على هذا رقمج واتساب مو ؟ حتى ابعثلج الرقم -نعم نعم منصبة عليه الواتساب تكدر تبعثه -جيد، اخذي راحتج ست لجين -اهلا و سهلا مخلد : منو ؟ - مدير اعمال النائب زاهر حميد -و هذا شعندج وياه شغل -عقد شركة و هالامور ، تعرف شركتنا -اخذي حذرج بالتعامل وياهم لجين -و هو كذلك دا احاول قدر الامكان اكون حذرة ابدل و نطلع، اليوم جمعة و تحلى الطلعة و الونسة شرايك -يلا انتظرج بدلت و طلعت اني وياه فرينا و لفينا و تونسنا و تعشينا برا مرجعنا لحد الليل ، هو تممد بالصالة ع التخم نام اني اخذت غطاى و غطيته و رحت سبحت و كعدت بغرفتي شفت الرقم باعثلي مدير اعمال النائب ، باوعت الساعه بالتسعة ، يعني بعد وكت .. اخذت الرقم و راسلت و اتساب و بعثت (مرحبا) دقايق و جاوبني : اهلا ست لجين -اهلا استاذ كلمني مدير اعمالك بخصوص موعد -نعم -استاذ الي الشرف ان التقيك و اكون على موعد معاك لكن ما اخفي عنك امر، اني اعلامية و فئة من الناس تعرفني صعب جدا ان التقيك على انفراد بموعد خاص هالامر لا يخدمني ولا يخدمك و انت تعرف صفحات مواقع التواصل و الاعلام و الجرايد يتمنون الخبر حتى و ان كان كاذب ليكبروه و يعملون منه قصة فلقائي وياك ربما يسبب مشكله حتى امام مديري بالعمل شيء غير لائق جدا -كلامك عين الصواب و انا كذلك اخشى على سمعتي و سمعتك ايضا تهمني ، و عليه فأنا ادعوك لسفرة لتركيا بتذكرة و تكاليف السفر على حسابي الخاص .....باوعت هذا دا يدعيني لتركيا زين شعندي وياه و التقيه بتركيا هذا اللي يكول اريد اتحدث بالفن و الفنانين هالجذاب - بس استاذ يعني اشون راح التقيك هناك -لا تقلقي من اي جانب، سأوفر لك مرافق خاص حتى يكون في خدمتك ... ديلا بالله على هاللزكة بساع سحل روحه ، ادري اشفت مني شعرفت عني ، هذا هم حظي - ان شاءالله استاذ يصير خير -اذن نلتقي -ان شاءالله نهيت المراسلة وياه، رحت راسلة احمد -اهلا استاذ احمد -اهلا ست لجين -اكولك استاذ هذا النائب راسلني و ديطلب موعد ، بينتله انو صعب تنوب زودها و يكولي ادعيج لموعد بتركيا و تكاليف السفر على حسابي الخاص -هذه فرصة جيده جدا لنربح العقد لا تضيعيها ست لجين -اي فرصة استاذ احمد دخيلك اني شعندي ويا نائب بموعد خاص ، سمعتي اسمي -هو طلبج لتركيا ليكون اللقاء بعيد عن الانظار -يا انظار اني متاكده بعد اللقاء يطلب امور اكثر -سايري -ما اكدر استاذ قابل اني بنت ليل دا اسايره حتى اخذ اللي اريده -حشاج ست اجين انت انسان معروفه و صارلنا فترة نشتغل وياج اكيد انت ارفع و اسمى من هالشيء و حاشى ان تتقارنين بهكذا الفاظ لكن تعرفين اهمية هذا العقد للشركة و احتمال برفضج يخرب كل شيء اني نستعد ازيد بمكافئتج ضعفين لكن ارجوج لا تخربين الموضوع لجين -هي مو قصة مكافأة بس يا اخي مدا اتقبلها ، ... بقى يتوسل و يقنعني ، اخرها كلت شيصير يعني اسافر و التقيه و اشوف وين ديوصل بس بقيت الليل كله فكرة تاخذني و فكرة تردني لحد ما نمت . كعدت الصبح الساعة ١١ تقريبا على صوت مخلد يغني بالمطبخ و هو يطبخ كمت من مكاني رحت يمه و اسمعه يطرب :- يا طيور الطايرة مربي بهلي طن طن طرن يا شمسنا الدايرة ضوي لهلي طن طن طرن -طن طن طرن عود شنو هاي ؟ التفتلي : لحن هذا بابا لحن شعرفج انت بالألحان -هههههههههههه ، شدا تسوي -سويتلج مخلمة لحم و طماطة -اي -و بيض سلك - و جبتلج خبز ابيض و اذا ما كلتي كرصتين كدامي ابو ابوج اسمطه -هلوووووو هنوب حول على جدي - هم كولي ابوج ، جدي و اني حر اسبه اشعله انعله ما الج علاقة اني و جدي نتصافى -ههههههههههه -اطلع توست - دطلعي و شوفي لا اشيلهن و خليهن بعيونج بس اطلعيهن ، يكرم الله هو هم ينوكل فاهي يلعب النفس -هههههههه شسوي تعودت بلبنان لو عيش لو توست ، العيش يسمني فأكل التوست حتى اكتفي بقطعتين و ما اكثر -هاااا ، سويت اكل و دا اشوف اشون ما تاكل و عود كولي اسمن الا اربطج و اوكلج غصب -هههههه راح تبقى اليوم هنا لو تروح -ثقلت عليج ست لجين -لا والله بالعكس كلش تونست وياك و اتمنى تبقى بس دا اسأل -لا اكمل ريوك و ارجع ورايا دوام باجر -اهاا عود سلمنا هوايه على عمامي و خاصة حبيبة قلبي و روحي و فلذة فؤادي امك ست كرجية خانم -تروحيلها فدوه لج -و اني قابل سابتها، هذا هم حظي ، غير دا اسلم -******* -عابتلك يا بذيئ صب الريوك و اكلت ، بس من صدك اكلت هوايه و هو سألني : شنو رأيج بالاكل؟ -والله عاشت ايدك من صدك يجنن تذكرني ابابا من جان يطبخلنا هم هشكل طبخة طيب ، على الرغم ما احب البيض بس اكلت اكل مال ناس جوعية -بالعافيه يروحي باوعتله مبتسمة ، ابتسم و دنك راسة يكمل اكله .. كملنا بدل و طلع البغداد باوعت الفون النائب باعثلي الموعد باجر .. يا هذا اشون مستعجل هسه شحظر ملابس شخلي شسوي بالله شتحجي وياه اتصلت بمحل متفقة وياه على اعلانات ملابس و احذية و حقائب اسويلهم جلسات تصوير و اقدمهم اله .. حتى يعرض بضاعته فبعثلي مجموعة ملابس فساتين سهرة و كاجول و احذية و جنط اخذتهم و رحت ثاني يوم التركيا، المرافق فعلا ما فاركني جان بوكارد وين ما اروح .. اتفقت مع مصور يسويلي جلسات تصوير بأمكان متعدد و اول شيء بديت بأعلانات فساتين السهرة كملت جلسة التصوير طلعت بوجهي للقائي ويا النائب وصلت للمكان المحدد ، لكيته كدامي مسوي اجواء و فد ترتيب اليكول عايش بمسلسل تركي تقربت منه سلمت عليه : اهلا بالاميرة الحسناء -اهلا بيك استاذ -رجائا بلا رسميات احنه الان بعيدين عن اماكن شغلنا و بعيدين حتى عن العراق فياريت يا لجين تسميني زاهر بدون مسمى اخر ابتسمت مجاوبت و بكلبي كلت حلو هاي بدايتها الله يستر من تاليها .....يتبع ☆☆☆☆☆☆ #زينب_ماجد | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
