آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-11-20, 06:42 PM
| #71 | ||||||||
| مراقبة عامة ومشرفة منتدى الروايات المنقولة  
|  #بارت مفاجئ رواية...جولييت واسرها...غياهب الإنتقام #بقلمي...نور سمو العراق 💔💔💔💔💔💔💔💔💔💔💔 وكبَرنا احنه وصِغر كُلشي ، الدَرب والشوگ والمَلگى وضَمير الناس🥀 ................................. جولييت... الاخ ..صدك هل كلمه ما بيها بس حرفين بس الها معاني هووواي ومو كل اخ اخ... اكو بيهم تحسينه ضلع كل ما تميلين يميل وياج واكو هو يميلج ويوكعج بقسوة علئ الارض... ما اريد احجي عن اخواني لان تاريخهم اسوود ورغم كووولشي اني احبهم مو بيدي تغلبني العاطفه وما اريد الهم الاذيه بس الاخ الحقيقي هو جاسر وهو ضلع الاخوته والسند والعضيد من بعد ابوهم وصدك هو جبل سندو نفسهم عليه وكل واحد منهم يتعرض الشده هو يسندهم بيها... هوايه امور اتذكرها من تمرضت ريهام جان دائما علاجها غالي وهو مشه صلاح علئ فلوس وتكفل بكل علاجها وحتئ جعفر جان ينطي ومن يسويله مصيبه هو يروح يحلها وتكلفة زواج جعفر علئ حسابه و وقار من تزوجت شلون اهتم بيها وكبرها كدام زوجها وبيت عمها ورغم هم اهل وحتئ اشواق اشواق جان حيل يحبها حتئ مره من جنت مخطوبه سفرها الغير دوله تتعالج هي وزوجها بس مصار الها طفل بس هو ضاج من اشواق من اخذت مجتبئ هو يعني حييل يحب اطفاله وهي استغلت ضعفي و استغلت موقفنا واخذت ابني مني ومن ذييج الساعه لهل ساعه هو لا يحجي وياها ولا يسال عنها لان يكول تجاوزت حدودها وما احترمتني وهسه رغم السواه جعفر وهو متخبل من جعفر بس احسه حييل مقهور عليه صح مقهور عليه اكثر بس يكول جعفر مو طبيعي وهاي مو تصرفاته وحتئ گلي اني انقهرت علي شنو كاعد عند بيت عمي الشخص ما يرتاح اله ببيته وخاصه جعفر ما متعلم يطلع ويبات هلكد عند اي شخص... وكال...السبب مو منه من نوال وان شاء الله بس خلي اتاكد من سالفة السحر واعرف شلون اربيها واطيح حضها... اني صرت انام بغرفته بس شنو هو قافل غرفتي،ومصر جعفر هو الي ينضف الغرفه لو تضل بعد سنه واني بصراحه كل ما أتخيل جعفر وهو هاجم عليه واعيده بذاكرتي اخاف وانهبط... وبما ان غرفتي مقفووله اني ونايمه بغرفته حييل مهتمه بنظافة الغرفة عزلتها ورتبت كووولشي بمكانه وكنستها وبعدها دا امسح وجنت مدنكه وامسح بوصلة المسح هو دخل يخابر حط ايده علئ ضهري ودخل للغرفه بحذائه عدلت نفسي ولزمت الوصله بيدي واني اباوعله يحجي بهمه بس ضجت حييل مسحت الغرفه زيين واني حااامل وضهري مكسور وهو يدوس بحذائة... حط ايده علئ خصره ونفخ بضيق...جابر انت عووف الموضوع القديم ما نحجي بي ابببد انت واحد خاين و خنتني انت وعمي وصدكني لو محصل وقار ما اخابرك... بعدها لزم راسه بوجع ورد عليه...هسه مو اكلك عوف هذا الموضوع جعفر اخذتو للنجف لو بعدكم عقد حواجبه باستغراب ورد عليه بسرعه...ليش بالله ما يروح للنجف ترئ هذا تمرد هووواي جر نفس عميق وتنهد...شوووف جابر اذا ما اخذتو عندي صديقي شيخ وهو كال اجي للبيت ما عندي اشكال وبعدين ترئ جعفر مو هييج وهو اخووي ما اريد اله المضره واعرفه ما يرتاح عند اي شخص اله ببيتنه اردف بعد ما جر نفس وزفره....اووووف لك هذا متخبل رسمي بس مو صوجه صوج بنت النعال الحاطينها ببيتنا انوب واحد يحجي وياها ولزمت القران وحلفت ما يشهرها القران ويفكنه منها... هسه شوف جابر انتم لا تتعصبون عليه وانطو علئ مايه وان شاء الله يصير خيير هذا امره مو بيده جعيفر واعرفه رغم يشرب بس ويه الحق بس هل صفه بي حلوه وتخليني احبه ضل شويه جابر يحجي وهو رد عليه...اي والله اول ما تزوج شهد وضل وياها كم شهر شلون صار لا يشرب لا يسوي مشاكل بس هسه تخبل طلك البنيه انوب يوميه سكران وبعدها رجع هجم علئ عائلتي حسدناه مدري شنو ولو ليش حسدناه الولد انثول من السحوره... جر نفس عميق كال...جابر ديرو بالكم عليه بين ما اتفق ويه الشيخ وانشوف شنسوي واردف بسرعه...وهسه يالله مع السلامه وما اوصييك ترئ جعفر امانتكم... قفل الخط وكعد علئ السرير باوعلي كال...شو واكفه ما تجين تسويلي مساج دكولين هذا زوجي جاي من الشغل تعبان ابتسمت بهدوء وجريت نفس...لا ما اكول لان انت بس اكول دكول يالله تعالي،واني امرأه مشغووله عض شفته ورفع رجله دينزع حذائة كال...غير تستقر مديرة الاعمال رفعت حاجب بغرور...وشنو مديرة الاعمال احسن مني ؟ باوعلي وابتسم وهز راسه بعدم قبول...لا عمي انتي احسن منها ومن اهلها باوعتله بدلع وغرور...شئ اكييد هو ضحك وراح اخذ ملابس ودخل للحمام اني ضجت مبين يضحك عليه والله اجيب مكينه رجاليه وهناك ببيتي اشتغل شغل هيج اكعد وزن اخلي هو يداين مني واسبوع واكض عليه الباب اسويها مذله... كملت مسح ورحت سبحت بالحمام مالت البيت وسبحت مجتبئ ومرتضئ... رحعت للغرفه ابدل الهم سمعت صوت المي لسه جاري ياااعزا بعده يسبح شنو السالفه يريد يطلع النفسه جلد جديد انوب بس لا غرك ومات لا اسم الله يضل ابو الجهال ولا يهووون ابببد جنت لافه شعري بالخاولي والبس بمجتبئ جان كلي...سكيته سكيته هاي ودهه القاوه ليس حلدها سبييييييييييير...« حلكها جبير » ضحكت بصوت عالي علئ كلامه وكعت علئ الجربايه رجعت كعدت واني اضحك كرصت خده ...لا ماما مو كبير صغير فتح اديه حييل ...لا سبيييير سنه قاااسه..« لا كبير جنه طاسه » حطيت ايدي علئ شفايفي واني اكتم ضحكتي...ولك ماما عييب لا تحجي هييج ميصير رد عليه بعناد...لا ان عيييب « مو عيب » جاوبته بزعل...لا حبيبي ميصير عيب هي اكبر منك لا تحجي هيج احنه مو لازم نحترم الاكبر منه مد شفايفه بزعل...ما اعبها وده القاوه وانتي سعليج هي امت؟...« ما احبها وجهه الطاوه وانتي شدحلج هي امج ؟ » عقدت حواجبي بقرف وكلت بكلبي ويييع لو نويله امي جان تبريت منها من اول يوم ولا نزلت دمعه عليها لزمت خدوده بحنان...لا مو امي بس لان هي اكبر منك رد بغرور ...مو اتبر مني هي بس حلدها سبير « مو اكبر مني هي بس حلكها جبير » عضيت شفايفي،واني اكتم ضحكتي يالله ينتبهون علئ كووولشي انوب نوال تاهمتني عود اني اعلمهم واني والله اببد ما الي خلگ السوالفها وهي من كثر ما تعارك بيهم ضلوا يكرهوها ويشوفوها محلوه وينتبهون عليها... دخل مرتضئ وهو شايل الديج والديج اكبر منه كال...ماما اح اتبح الديج « ماما راح اسبح الدييج » عطت بصوت عالي....لااااا هو مو عرفني ما قبلت اخذ الديييج وركض سريع واني اركص وراه دخل للحمام فتح البوري بلله واني لزمته اخذته منه طلعته بره واني احجي عليه...عزا بعين عدوكم ولكم خافوا الله بهل مسكيين رد عليه بعصبية...هو وتح طار هواي ما تابح... « هو وسخ صار هوايه مسابح » عقدت حواجبي بانزعاج وقهر...ماما شبيكم ليش هيج تعذبوني وتخلوني اركض وراكم حتئ النونو الي راح اجيبه الكم خايفه يوكع بس من وراكم وبعدين اخاف اجيبه وتخنكونه ما اسمع اله صوت حاد وهي دكولي بصدمه....انتي حااااااااااامل ؟ درت وجهي عليها شفتها نوال عقدت حواجبي وتجاوزتها واني لازمه اطفالي ومشيت لزمتني من كتفي كالت بقلق،و وجهه صار اصفر....احجي انتي حاااامل دفعت ايدها بتذمر...وانتي شدخلج حامل مو حامل شنو انتي زوجي اشو كووولش متستحين فتحت عيونها بعصبية....شلووون حااامل انتي شنو من مله علئ شنو تكثرين بجهالج ترئ ما يشرفون وخالهم قاتل... حطيت ايدي علئ بطني وجريت نفس...لا هذا الموضوع ما هامني بس القاهرني شلون اكثر بيهم وانتي مرة عمهم ... رفعت حواجبها ومطت شفايفها المنفوخه وردت بخبث...اني اكووول العمتي ام فلاح وهي تشوف وياج صرفه باوعتلها بانزعاج...كملتي كلامج باوعتلي من فووك ليجوه وكالت...ما عندي وياج كلام ابتسمت ببرود...لعد الله وياج اخذت مجتبئ ومرتضئ ودا ادخل مجتبئ كال...ماما اطيح عليها وده القاوه ابتسمت...لا ماما عيب دخلت لكيته هسه طالع من الحمام وهو يلبس قميصه هم ركضوا هجموا عليه ويبوسون بي هو حاضنهم ويبوس بيهم رفع عيونه اليه كال...ما تتعلمين من ولدج لو مخلصتها بس صافنه ابتسمت ...لا تعلمت رفع حاجب بتساؤل...وشتعلمتي بالله رفعت عيوني بتفكير واني احسب باصابع اديه...اممم اول شئ لازم الديج اشربه جاي واسبحه واقوم بواجبه ثاني شئ لازم بين ثانيه وثانيه عركه ويه وجهه الطاوه وثالث شئ اذا مرتضئ سب ابو مجتبئ لازم مجتبئ يسبه ههههههه ...ورابعا لازم البس النعال تك وتك... هو ابتعد منهم وتقرب مني حضن خصري كال...وما تعلمتي البووس والحضن والحنان الي مغركيني بي رمشت بعيوني....لا اني مؤدبه هههههه كرص خصري حيييل...عوووفي الادب علئ صفحه ولا تخليني افششر باوعتله بمرح...متكدر تفشر تخاف مني رد بقلق...اي ارجف منج ابتسمت ونزلت عيوني وهو مركز بملامحي التعبانه رجع باوع المرتضئ ومجتبئ كلهم...بابا روحو البيبي رضيه راح تموت الديج وتاكله عاد هم كووولشي ولا الديج طكوها ركضه بسرعه وهم يسبوون برضيه المكروده ههههه اول ما طلعوا لمس خدي بطرف اصبعه كال...جولييت تحبيني ؟ بلعت ريكي بخووف ورهبه ما اعرف شعوري شنو ولا احساسي شنو كبريائي ما يسمح اليه افصح عن الي بداخلي ولا اكدر اتغاضئ عن امور صارت بالماضي عضيت شفايفي ونزلت راسي هو رفع زجهي باطراف اديه الدافيه وركز بعيوني كال....عيونج حلووووات بيهن بحر من الاسرار ابتسمت باستهزاء...متحبهن مووو ؟ جر نفس...نقطة ضعفي هل عيووون شكد ما جنت اريد اقسئ مجرد نضره من هل عيوون يضيع كل شئ مني،ويختفي غمضت عيوني وكلبي يرجف همست بعذاب...اتذكر مره كلتلي ما احبهن يشبهن عيوون عاصم ركز بعيوني ثواني وجاوب بلهفه...يروحلج فدوه عاصم الكلب شنو هو ويشبه عيونج انتي بحر سما صااافيه حطيت ايدي علئ خده واني اباوعله بقهر....خايفه جاسر خايفه هل كلام يوم ويومين وينمحي تعرف شنو انت ترفعني للسما وبعدها تضربني بالارض غمض عيونه وجر نفس بغموض ...بس كل شئ اختلف كل شئ مدام اهلج سافروا انتي تنتمين الي انيي ومن مسؤؤليتي اني انتي الگشه الي تعلقت بيها تفتهمين شنو احجي رمشت بعيوني ما كدرت افك شفرة هل غموووض تنهد بضيق وضل يباوعلي واني منتظره منه اجابه كال...انسان هالك وميت وحيي نفسه بيييج حطيت ايدي علئ صدري وسالته بترقب...يعني اني رجعتلك الحياة جنت مييت واني حييتك... هز راسه بقبووول... تقرب مني والتهم شفايفي برومانسيه واني غمضت عيوني تحت رجفه اعتلت كل جسمي ورجليه ترجف بارتباك اي قرب منه يربكني وحتئ وان كان زوجي وعندي،اطفال منه بس حياتنه ممستقره لذلك ادنئ رومانسيه منه اني ارجف واخاف واكثر شئ اخاف من المستقبل بادلته بهدوء وهو دخل اصابعه بشعري وغمرني بكل حب سحبت نفسي منه واني مرتبكه ورحت بسرعه نكتت الديباج مدري شبيه هو ضحك وحضني من وره وباس كتفي بحنان عض رقبتي علئ كييف عطت بصوت ناصي ودرت وجهي عليه...شبييك جووعان هز راسه بذوبان...اييي صفطت المخدات ...تمام هسه اصبلك غدا تدلل دارني عليه ونومني علئ الجربايه باس خدي واني ابتسمت ...اليوووم شبييك تخبلت هز راسه بأي ضحكت...ترا اعفك كولة مجتبئ اذا ما توخر رد بخدر...بالله عضيني ضحكت...لا شكرا ما اريد اعض اني صدك معاشره سلوكيه بس مو جلبه رفع حاجب وضربني علئ خدي بس علئ كيف كال...انتي ما توبين تحبين تجفصين شنو عايشه ويه سلوكيه ولج شنو احنه جلاب رمشت بعيوني بفشله...لا لا مو قصدي عليكم علئ اطفالي هم بس يعضوون مو علئ اهلك انتم ناس طيبه وهادئيين وعاقليين وهنيالي عليكم باوعلي باستهزاء...تستهزئين حضرة جنابج احنه ناس مشرانيين ندور الشر دواره ضحكت...رحم الله امرء عرف قدر نفسه باوعلي بغموض...صايره حلوه ابتسمت...مو احلئ منك ابو رضاوي باسني بلهفه وعنف خنكني دفعته اختنكت هو باوعلي وضحك اتصل موبايله هو غلقه وطلع بدون ما يجاوب اني طلعت وراه ولاكتنه وجهه الطاوه لابسه عبايتها و لابسه حجاب وحاطه طن مكياج باوع الها جاسر باستغراب كلها...وين رايييحه ردت بارتباك...هااا اي امي مريضه واريد اروح اشوفه اشر الها بعيونه...امشي ادخلي جوووه ومن يجي زوجج عود وين ما ترحين روحي وقسما بذات الله هسه اذا رحت وطلعتي ما تتخيلين شسوي،بييج هو خله وطلع واني ضليت واكفه جان باوعتله شد الباب هزت ايدها وضحكت باستهزاء...صاير شريف براسي وهو عرضه دايح وضال يفتر بالدواوين وبنص الشيوخ ابتسمت ورفعت حاجب...عرضه يدخل دواوين وشيوخ يحتمي،بيهم احسن ما يدخل سحارين ويفتر عند المشعوذين ويبيع نفسه علئ هل سوالف فتحت عيونها بعصبية ومصدومه من كلامي...شنو قصدج ولج اني،سحاره رفعت اكتافي بعدم معرفه وبرود وخليت ورحت واني لازمه ضهري كالت بضحكه..عمتي ام فلاح ما راضيه علئ حملج ومدام ما راضيه صدكيني يوكع جاوبتها بهدوء...مدام زوجي راضي ما الي شغل بكلام الناس عفته ورحت الريهام ريهام جانت حييل فرحانه دكوول صلاح قرر ياخذني للبصره حروح للبصره لج عيني ممصدكه حضنتها واني فرحانه...يعمري تستاهلين كل الخيير وان شاء الله ياربي يرزقج بالطفل الي يسر گلبج وخاطرج باستني بخدي...تسلمين يروووحي اني ثاقه بربي واملي كببير وان شاء الله يرزقني واذا ما رزقني صدكيني ما اتذمر ولا احجي قابله بقضاء ربي وقدره ضليت اسولف وياها واحجي وشكيت الها من الصار قبل كم يووم وبصراحه رغم اضحك واسولف بس حاز بخاطري هل موقف صعب والله انطرد من البيت وحمايه يركض ورايه بسجيين.... رجعت الغرفتي كعدت بيها اني اذا ما اشغل نفسي بفد شغله اضل اكل بروحي وانقهر واموت روحي كلت خلي ارتب ملابس جاسر مدام ما عندي شئ ولو هن مرتبات بس حبيت اعييد نظام ترتيبهن ... كعدت اسفط بيهن وارتب بالحافه مالة الكنتور اثار انتباهي صوره سحبتها من شفته حسسيت روحي صااارت اشلاء عبالك صار بيها انفجار صاخب بلعت ريكي بحيره وغصه ...مو كلت ما احبها مو قبل يوم اعلنت ان اني اكرهه اشووو من شفت صورتها تزلزلت روحي حضنتها بحناااان الصدري والدموع غلبت علئ قساوتي بجيت بصمت مريييع رفعت الصوره واني امسح الدموع الحارقه من عيوني حجبت عندي الرؤيه امي اي امي واكفه بصفي واني بايستها بجبينها ولابسه بدلة الخطبه هاي الصورة بخطبتي وعاصم واكف بصفي تمعنت بالصورة زيين شفته مشخبط علئ وجهه عاصم بقلم احمر واني واكفه بايسه امي بحنان لزمت الصوره بقسوووه من الوسط وقررت امزقها بلحظه انهيار حطيت اديه اعلن عن موت هل صورة بس گلبي الخبيث ما سمحلي اخرب معالم الصوره عقجتها بيدي وشمرتها بنص الكنتور وسديت باب الكنتور حتئ بعد ما اريد ارتب الملابس انسدت نفسي وكرهت روحي حاولت اصبر نفسي ما انهار مثل كل مره وكفت بصموود لا اني قووويه اني مو بحاجة امي ولا احبها ولا اريد اخواني اني اعييش النفسي و أطفالي وبس نمت علئ فراشي واني ابجي يالله اني شكد شفافه علئ ادنئ ذكرئ منهم انهار وانهار انهيار فضييع يارب دخييلك صبرني صبررررني.... ...................................... جابر البارحه كعدنه ويه جعفر هذا جعفر متخبل رسمي ما اعرف شنو البي ابوي حجه وياه واني كتله...انت شحاط عقلك ويه جولييت ترئ فقيره رد عليه بغضب...هاي فقيره هاي حيه سامه حاطه كورها وكور سجاوي والله اني علئ سجاوي اكتل سلف كامل بالقران كرهني بسجاوي كد ما يحجي باسمها انوب كال...اني بعد ما اعيش وياهم اذا عشت وياهم اكتل واحد من ولد جاسر لو اكتل جولييت ما بيها مجال واذا كلش،كلش اكتل صلاح لان هو هم محارب سجاوي و نوال... لذلك قررت ينطوني نص البيت ابوي رد عليه بعدم قبول...علئ اي اساس انت تاخذ نص البيت ترئ البيت ورثه واذا يطلعلك تلاثين مليون واذا حاب تطلع هسه جاسر ينطيك تلاثين مليون والله ومحمد وعلي وياك رد علئ ابويه بعصبية و وكف بتعب...شنووو شنوو ما اريد تلاثين مليون اريد 60 مليون لو نص البيت تنطوني تلاثين مليون وين اروح بيهن اكعد بالحواسم دك علئ صدره...اني جعفر اكعد مرتي نوال وبنتي سجاوي بالحواسم لا والله اله اكعدها بارقئ،منطقه وبعناد جولييت وجاسر جر نفس ايوي بضيق ورد عليه...بس بويه هذا حقك وهذا تقييم البيت وانت ما يطلعلك ستين جاسر اله حصه وصلاح واخواتك كال...لااا اخواتي ما ياخذن حصص وين اكو مره تاخذ حصه عكاب...شلون ولك ما الهن حصه وين الحلال والحرام ترئ ألهن وغصبا ما عليك رد بعناد...التاخذ حصتها لا اني اخوها ولا اعرفها ابوي اجه يتعارك وياه بس اني لزمته وهو خله وراح طلع رحت الوقار ضليت احجي وياها كلتلها مو بوعيه لا تحجين اي كلمه الاهلج وهي هزت راسها بموافقه اجه باليل سكران وخله ونام واني ثاني يوم خابرت جاسر وحجيت وياه و وقار خلت وراحت تكعد جعفر اني قفلت الموبايل وهي اجت تركض تصرخ وتصييح...الحكوو الحكوو جعفر كتل روحه جعفر انتحر حسيت المووت دخل باعضامي،من كلمتها ركضت للغرفه واشووف الشريط شاربه كله ومتقيئ ولزمت ايده لا حياة لمن تنادي صرخت بصوت عالي واني اصيح علئ،ابووويه...ويابه ياااابه وين وصرت تعال بسرعه و وقار خطيه ضلت تلطم وتبجي وتصرخ وتلطم علئ وجهها انقهرت عليها لزمت اديها واني امنع ضرباتها علئ وجهها علئ كيفج علئ كيفج ما بي شئ هذا كلشي،نا بي بس هو متخربط شويه هي جاوبتني بانهيار...جابر اخووويه هذا اخويه شلون دكول ما بي شئ اخويه ما اعرف اذا مات او لااا يمه سوده عليه حبيبي جعفر اجه ابوي يركض وامي تركض حاولنه نشيله هو الله يسلمه ثكيل صحت علئ ولد جيرانه خطيه ساعدنه واخذناه للمستشفئ بسرعه اخذوا بالطوارئ علئ غسل المعده واني خابرت علئ جاسر بس قفل الخط بوجهي ومجاوبني ضليت اتصل عليه اتصل منا لمن حصلته تكلمت بجديه وحده...جاااسر وين انت رد عليه بهدوء....طالع بالسياره ليش اكوو شئ تنهدت وجريت نفس...جعفر تخربط واخذناه للمستسفئ وياريت تجي هو رد بلهفه وقلق...ليش شبي شصاير وياه يالله جاي جاي هو بيا مستسفئ هسه وصفت اله المستشفئ وهو شويه وخله واجه يركض لزمني بقلق وارتباك...هاااا شبي جعفر شصاير وياه ليش تخربط رديت عليه بهدوء...جعفر البارحه شارب وجايب وياه شريط كبسله وشاربه كله فتح عيونه مصدوم وهز راسه باسئ شويه وطلع الدكتور كال...لا تخافون ما بي شئ بس صاير عنده تسمم شارب هواي علاج ومنتحر شنو سبب الانتحار ضحك جاسر باستهزاء ورد علئ الدكتور...واحد سكران وشيلكه كدامه يشربه شتترجئ،منه دخلنه عليه لكيناه كاعد والمغذي مشكل بيده من شاف جاسر دار وجهه زعلان جاسر ضحك وهز راسه وهز ايده...لا انوب هو الما راضي اني وابوس بسناه وتحمدنه اله بالسلامه كعد جاسر علئ الكرسي وباوعله كله...شلونك لك مطي هو باوع الجاسر بعصبية وكله...لا تغلط رد عليه جاسر ببرود...انجب اني كوه كتمت ضحكتي عليهم جاسر لزم ايد جعفر وضل يحجي وياه بهدوء ويسايسه وجعفر ضل يبجي يكله اني مختنك اني محد يحس بيه انتم ما تحبوني جاسر در عليه بتنهيده...هو مال ما نحبك ما نحبك بس مال تصير ثور بيد وجهه الطاوه ما نقبلها نزل عيونه بقهر...لا تحجي علئ مرتي تقبل احجي علئ مرتك رد عليه جاسر بجبروت...اكص اللسانك غيير جعفر...ليش عليك حلال وعلينه حرام جاسر ضحك...لان انت ما تحب نوال ولا تواطنها بعيشة الله شمعنئ هسه تدافع الها اني راح اخذ الشيخ اعرفه يادبك ويطلع الجني ابو شورت مال نويله تذكره اكيد هسه متلبس بيك فلازم نطلعه من راسك هو باوع الجاسر بخزره وجاسر ضحك واجه صلاح ضل يسولف وياه ويضحكون وياه شويه ارتاح بعدها رجعنه للبيت وباليل رحنه للنجف وانوب رحنه الكربلاء وجعفر اول مره اشوفه يدخل الامام ويبجي ويصلي عرفته مهموم واول مره اشوفه يصلي احنه رحنه كلنه للزياره وجاسر ويانه وبعدها اخذناه للشيخ كال هذا مسحور الولد وضل يقره عليه ايات قرانيه ويعالجه بالقران وانطاه مي مقري عليه وهو جعفر شويه وركض وضل يتقي تقيئ مو طبيعي واحنه واكفين علئ،راسه والشيخ يقره عليه ويمسح القران علئ راسه اباوع المغسله الي تقيئ،بيها جعفر انترست فصم مال تمر استغربت اشو احنه حتئ ما ماكلين تمر وحتئ لو نفرض اكلنه تمر شنو جعفر ياكل حتئ النوه بعدها انطاها بخور وحرمل و ورقات تلاثه كله هاي الورقات تحركها قبل المغرب وتتبخر بيها والله صدك اخذناه والبيتنه ضلينه نسوي اله العلاج والبطله وهو خطيه مسكيين يسبح ويتبخر ويكعد يصلي ويقره قران اول مره اشوف جعفر يصلي ويقره قران ويبجي ويطلب العفو من رب العالمين اخوانه ما قبلو يجي البيتهم كلوله منا لمن تطيب وثاني يوم باليل اجونه وسولفون اله عن السواه وشلون يكول نوال حبيبتي نوال مرتي وهو ميت من الضحك يضحك بصوره مو طبيعيه وكل شويه واشر علئ نفسه اني اكووول هييج من طاح حضي علئ هل عمله احب وجهه الطاوه ولكم هذا مو سحر لا هذا الجني اتلبس بيه شلون مصيبه اني احب وجهه الطاوه ههههههههههههههاي لا بشرفي ممصدك سولفوا اله شلون تهجم علئ جولييت وشلون طردها ويكول سجاوي بنتي وهو يمووت من الضحك انويله ام براطم مرتي اني لحد الان ما مبدل جناسي خاف يكتبون اسم الزوجه نويله اني بالجنسيه ما معترف بيها مو انوب اعترف بيها كدام الملئ لا عمي هاي طاكتني بسحر مخليتني صاير حلكي بعلباتي لا انوب شلون ورطه منتحر من وره نويله هسه لو ميت ورايح للجهنم شكول للعالم حتئ عذر ما عندي مثل العالم اكلهم وجه القاوه كولة مشمش طكتني بسحر وما ادري بروحي ولكم تعالو وكابلوني وخلونه نلطم علئ هل مصيبه والله ممصدوم بروحي منتحر بكد ما مصدوم مطلك شهوده ومعترف بنويله زين هاي شلون سالفه عمي يبيت مهيوب بعد لا ادخل عليكم ولا اجيكم انتم ناس تلفون المشعوذين والسحره والدجالين تطردون نويله اجيكم عايل وياكم اخوانه ضحكوا وضلوا يسولفون وياه كله جاسر...انت صرت مطي رسمي وفلشت غرفة ام مرتضئ واني حلفت محد ينضفها غيرك رد عليه بلهفه...لا بالقران محد ينضف الغرفه غير نويله والجني ابو شورت واريد واحد يحجي ويرجع يضحك ويموت من الضحك ويكول...الله عليكم خلي اطكلي بطل عرك ولكم شلون اني اكوول نويله مرتي بس لا والله خطيتي بركبتكم انوب اني مسحور وطارد مرتي كلتلكم وجهه الكاوه ما اتزوجها وانتم لزكتو اله اتزوجها انوب شلون فشله من ام مرتضئ ضاربها الله لا يوفقج وجهه الطاوه المحتركه بسيطه بس خلي اطيب اله اطلكها خلعي بدون رجعه وبالمحكمه واريد كواد يرجعها اليه رد عليه صلاح...الحمد لله كلنه شرفاء... ضلينه نسولف ونضحك والاستقبال عباره عن جكاير وهم يوميه يرحون ويجون يشوفون جعفر وهي نوال تخابر عليه وهو ما يرد عليها ومرات يرد يكول اريد اطمنها وبعدين اثور عليها بس خلي احصن نفسي واخلص من شرها... ام السحوره ام براطم ويغلط غلط عليها وكل شويه وكال يا وسفة الوسفه شلون اطلك شهوده لخاطر وجهه الطاوه.... .............................. جولييت.... اليوم جاسر كال نروح نشتري اثاث للبيت واني كووولش فرحت وهماتين كال نجيب فلاح يعدل المزرعة مالتنه لان العشب مالتها صاعد اني لزمت ايده بتوسل...فدوه جاسر حباب حباب اريد تزرع الي شجرة ليمون وشجرة برتقال ابتسم وكرص خدي كال...ادللي ازرعلج التردينه وبعد شتردين رفعت عيوني بتفكير...اممم اريد هماتين رشاد و نعناع و ريحان وهماتين اريد سلگ وكرفس ههههه نفخ بملل...شنو ولج بستان هي كلها مية متر المزرعه واني طلبت منه شتلات وكم نخله لزمت اديه ثنينهم بتوسل...عفيه عفيه كوله ما تخسر شئ والله وبعدين ترئ هواية المية متر تكفي هز راسه بقبول...اوك تمام اذا قبل شنو تردين اخلي يزرع الج وكفت علئ اصابع رجليه بمرح وبسته بخده وابتعدت بسرعه هو خله ايده علئ خده وضل يباوعلي مصدوم وبعدها جر نفس كال...يالله بدلي حتئ نشتري اثاث وبعدها نروح البيتنا ونشوف الفلاح شنو يكول بدلت بسرعه لبست نفنوف بسيط لونه ماروني و وياه شال كريمي وحذاء نفس اللون وبدلت الاطفالي وخلينه ورحنه دخلنه المحل اثاث كووولش حلو وراقي جاسر اشتره تخم للاسنقبال لونه ذهبي ونوعيته ملكي بس هماتين اخذ رايي بي واني عجبني واخذنه كاونتر لونه فستقي مطعم بابيض لان السيراميك مالة المطبخ نفس اللون واخذ غرف نوم صغار المجتبى ومرتضئ وهم جانوا عبالك كبار يناقشون ابوهم والهم رأي وكل شويه وعاندوا وهذا منريده وهااا الديج جابوا وياهم خلو بالسياره جاسر ما قبل نجيبه بس هم ضلوا يبجون جاسر كال والله هذا الديج علئ يوم اذبحه واكله وارحم بحاله خطيه موتوا كرهوا بروحه اعتبرها رصاصة رحمه واذبحه واكله وبعدها هو ما قبل يشتري غرفة نوم كال غرفتي جديده وغرفتج فلشها جعفر ما تفييد باوعلي ببتسامه كال...شنو تردين اخذي هسه لان اني بعد ما اكدر اجي الايام الجايه عندي شغل اجيت اكوله اريد موبايل بس استحي اطلب وصاحبك حلو لا تاكله كله بس اثار انتباهي مكينه صغيره كتله بعد ما بلعت ريكي بخجل...احم جااسر اني اول مره اطلب منكم ياريت تقبل وتنفذ طلبي رفع حاجب كال...تدللين ام مرتضئ اذا مو علئ ابو غزل تتدلين علئ منو بعد ابتسمت ونزلت عيوني...ههه شكرا بس اني عاجبتني المكينه اريد هاي عجبتني مسح وجهه بضيق مدري ليش يكره المكينه كال...ولو اكرهه بس لان اول مره تطلبيني ادللي اشتراها اليه حييل حييل فرحت وكال ان شاء الله انطيج فلوس وترحين انتي وامي رضيه تكملين الباقي يعني فراشات الاحتياجات البسيطه وصدك اشترئ طباخ النه كوولش حلو رحنه للبيت واجه الفلاح ضل يحجي وياه وكله شتريد ازرع الها من كل نوع شجره او شجرتين ما اكثر اني كووولش احب الزرع احسه غذاء روحي ونقاوة وانتعاش وتحسيني بابداع الخالق احب هييج أجواء من اكعد الصبح واشوف الاشجار والزرع كووولش حلو هيج شئ وكال حجيب سنادين واكمل المزرعه بعدها رحنه اخذنه المطعم اسمه الدربونه بصراحه اول شئ متت ضحك علئ اسمه شنو هل اسم بس بعدين عجبني الاكل مالته وخطيه الديج كاعد ومسموط جده بالسياره كله من وره مجتبئ ومرتضئ كرهوا بروحه انوب عنوديين مدري علئ منو طالعيين جان يووم كووولش حلو احلئ يوم عشته وحتئ اخذنه للألعاب بس هاي من رحنه للالعاب نزلوا الديج وياهم اباوع للناس جايبه كلاب واني جايبين ديج فشلوني الله يفشلكم يا متستحون.... حمدت الله وشكرته ان شاء الله يديم النعمه عليه بحق كل من صاحب حق... .............................. شهد جنت كاعدة بالصالة مخلية رجل على رجل وافكر بجعفر وميتة قهر واهز برجلي بس مابين هالشي .. فاتت مرة ابويه من يمي .. كالت راح تضلين هيج انتي راااح تضليننن كاعدة والشغل مكووم فوك راسي ع يابو شنوو والله حامل ادري شنووو ابنج متعلك بشعرة بس تكومين يوكع لو لازكته بعلج ؟؟ فكيت رجليه وكمت بهمة واباوعلها معاجبني .. تخصرت وميلت روحي كتلها اكوولج انت شوكت تتوبين مني ؟؟ مو تدرين بيه ضامة سوالفج واذا اطلعها ترحين ورة الشمس .. رفعت حاجبها تأفأفت وراحت وهي تتلفت وتمشي اي والله خليتها تتلفت وتمشي اني شهد والاجر على الله .. ررن موبايلي باوعت بالشاشة هذا جعفر يتصل .. رديت عليه من ورة خشمي وكلت الووو .. بتذمر .. رد هلا بالروح هلا بالعشق مشتاقلج وربي .. تأفأفت هم سكران !!! رد بهيام بييج سكران تركت السكر والعربده .. كتله لا هاي واكفة عيني جيبيلها كرسي خل تكعد .. والله شبيج شهودة ليش مصدكيني ياعيني لو تجيب درزن قرايين ما اصدكك وروح الوجهه الطاوه .... كال غير طلعت طاكتني بسحر سامطه جدي التاسع عشر .. صرت امثل الجني ابو شورت الجان يتحرش بيها لا والله اني الجني بجلالة قدره .. اكولك جعفر ماتحل عني هسه انتي متوازيى تاكل رزايل قبل النوم ادري علاج هيه ؟ انته شايف نفسك شون جنت مثل الطلي بيدها لا والله حتى الطلي مياخذ كلام النعجة بكدك .. كال بصدمة بس لا اغتصبتني واني ما ادري بروحي؟؟ ان شاء الله تتلكاها بخوتها .. لا والله انته ادرى بروحك بعد لمن تسكر تجيني ديله روح روح مالي خلكك ترة .. شهودة حياتي والله مادري بروحي ليش تظلميني احنه مانرهم غير لبعض حياتي لا وجه الطاوة تفرقنا ولا الاضرب منها لج والله اسحلها سحل هالنعجة .. هلووووو عود خلص نفسك من سحرها انوب اسحلها يلااا جاووو رد عليه ...انتظري بالقران مركوع سحر ما اعرف رضيه من صبريه جاوبته بحده...لو تصير درزن مال قرايين وتحلف بي ما اصدكك جر نفس ...بالقران شبييج ولج انتي جلبه لا تسالين لو دكول وين وله هذا وبعدين اني يمكن حتئ تعرضت للاغتصاب ولج نويله طاكتني بسحر سوت بينا مثل الحسناء والوحش قفلت الخط الجذاب ابو العرك يسكر ويضل يبيع مثاليات براسي ويبري نفسه بعد هذا هو ولا اريده هو مطلكني واني مدام يدافع لنويله وهو صاحي ما اريده.... ......................... ريهام... بعد طول الطريق من بغداد للبصرة وكفت بينا السيارة بالكراج الوقت جان العصر .. حسيت بالجو جان رطب يختلف عن جو بغداد .. وياه اجاني صداع وعيوني غوشت شويه .. بس تماسكت .. جان صديق صلاح ينتظرنا ، سلم عليه سلام حاررر بشوق وود .. وبعدها سلم عليه .. ورديت عليه بامتنان واني مدنكة اخذني صلاح من ايدي فتح لي باب الورة مال السيارة ودخلت بيها .. ضربني هوا التبريد مال السيارة شوية ارتاحيت .. وباوعتله جان يخلي الجنط بالصندوك .. دخل كعد بالصدر والتفت عليه ، جنت مخليه ايدي على راسي ومددة ايدي ع المقعد مال السيارة .. سمعته همس ريهام... وخرت ايدي من على جبيني وباوعتله مبتسمة .. كال بيج شي ؟ تعبانة حبيبي ؟ هزيت راسي بتعب جاوبته : لا يرووحي ليظل بالك زينة اني هذا دوار السفر .. ضحك ويباوعلي بحب .. دخل صديقه للسيارة هو التفت عليه وظل يسولفون طول الطريق عبالك جوعانين حجي .. واني صدك دخت وانسطرت واتمنى انام هسه بالسيارة بس كلساع نفوت بطسة تصعد السيارة وتنزلها واجفل . علما وصلنا لبيتهم شويه ويصير مغرب ، حيل بعيدة منطقتهم عن الكراج .. نزلنا واني خجلت شويه مكان اول مرة اجي وماعرف ناسه بس صلاح اصر خطية صديقه يعرفه من سنين جان يدرس وياه ببغداد ومكدر يفشله وميلبي دعوته.. فتح الباب وفوت السيارة بالكراج وطلعت مرته وبناتها سلمت عليه فدوة شكد حلوة وتنحب .. عدها تلث بنات وهم يخبلن هاي الوسطانية عيونها جنهن مي الاسالة صافيين كلش رصاصي مدري ازرك ... كعدنا بالاستقبال ، بس احس نفسي تعبانة ومكسرة واريد بس انام ... جان مموجود احد يمنا ، ميلت راسي وخليتها على كتف صلاح ، هو باسني على راسي ولزم ايدي كال شبيج حبيبي ؟ بلعت ريك وخرت راسي وهزيته داحس مو طبيعية وخايفة لا رجع المرض لان نفس الاعراض بس ماريد اقلقه .. كال اذا دتحسين بشي حتى اوديج للمستشفى هسه .. جاوبته برفض قاطع : لا حبيبي ماكو انام واصير زينة بس عيب منهم هسه انام خلي اتعرف على زوجته وها اريد اصلي هسه اكيد اذن .. براحتج حبيبتي عود نتعشى وننام وكت اني هم تعبان والطريق طويل متعب .. دخل صديقه وصلاح طلب منه نريد نصلي صاح على مرته اجت اني رحت وراها تأكدت زوجها ميفوت كالت طمأني حبيبتي البيت بيتج هسه هو يبقى هناك هم اكو مغسلة وحمام .. ابتسمت الها وتوضيت وهيه خطية واكفة يمي علما خلصت .. رحت لغرفة البنات صليت .. ووراها رحت يمها للمطبخ دتسوي العشه ، تعرفت عليها هيه من كربلاء ومتزوجة بالبصرة ابن خالتها يصير .. بناتها عمرهن عشرة و ثمانية والصغيرة تلث سنوات الله يحفظهم هيه اسمها رواء .. تعشينا وكعدنا نسولف شويه ونمنا بالاستقبال ، كلش جنت محتاجة انام تعبانة ، خليت راسي على صدره وطوقت ايده بيدي واستنشقت عطره هو باسني على راسي وكال تدرين احمد ربي الف مرة باليوم الله خلاج الي وماحرمني منج . همست حبيبي بس متشوف شون تعبني المرض وخلاني اكبر قبل اواني . تحرك وقلب نفسه صفح صار بمواجهه ويايه كال ولا يهمج حبيبتي انت حلوة مثل العنب حتى من يعتك يصير زبيب .. ابتسمت وعيوني بعيونه وضوه الثريات الملونة فوكانة تعكس على وجهه باسني على خدي بوسه طويلة ويمسد خدي الثاني بأبهامه .. غفيت واني اتوسد صدره الدافي بحب وطمأنينة .. كعدنا الصبح تريكنا اباوع للبنات واكول بقلبي جنت ماخذة فكرة عن اهل البصرة كلهم سمران بس هسه البنات وامهن بيض كيمر .. حتى رواء كالت هيه طالعة على امها وامها بصراوية فدوة بس كلش خوش ناس وكريمين كلش وينحبون .. بعد الريوك اخذوا الاغراض وخلوهم بالسيارة وكالوا نروح نتغدى على شط العرب .. فرحت اول مرة راح اشوف شط العرب رحنا مسافة دقايق بالسيارة لمزرعة على الشط فتح النا الباب واحد ودخلنا ، صارت شجرة ورد يم الباب ظليت اباوعلها عجبتني .. صلاح انتبه كام اخذ منها وانطاهه الي كتله يااا صلاح حرام خاف ميقبلون هاي مو ارضنا .. دخلهه بحجابي وكال هسه اترخص من رائد ولا يهمج عمري .. هزيت راسي وضحكت باوعت كبالي جمال وحصونه رحت يمهم محاوطينهم بسياج خشب اجه تقرب مني الحصان خفت شويه بس بعدها عرفته مايأذي .. بس اشو هذا الحصان سخيف كولش وميانته زفرة زيادة عن اللزوم وهماتين ميستغرب .. خمط الوردة من راسي واكلها واني عطت ومن الخوف اجيت اصعد السياج الخشب وافوت ع الجمل يحميني منه وحتى صلاح نسيته .. سمعت صوت البنات يضحكن عليه واني ظليت اضحك وايدي على قلبي اهدا من روعه .. واجه صلاح ع الصوت عاتبته وين رحت؟ كال مو رحت اترخص من رائد عمود الوردة كال صدك جذب هيه وردة كله كدامك .. كتله بنحيب مصطنع الوردة المفروض قبل لتكطعها تستأذن خمطها الحصان لان مو مال حلال .. كال تعاي هسه اكصله الشجرة كلها رائد وترخصت منه .. جريته من ايده تعال نشوف الشط ماريد ورد ماااريد .. تبعته ورحنه شفنه رواء ورائد ديحضرون تنور الحطب حتى يسوون بي السمج .. وكفت اباوعلهم هو يساعد زوجته ويسولف وياها ويضحكون ... دخلوا جوه اكو مكان مثل المطبخ بي طباخ واغراض ومواعين . واني اخذني صلاح ع شط العرب فتح باب حديدي ونزلنا درجات للشط كبل .. باوعت للمي شكد حلو ويأسر الروح .. نسمات الهوا تداعب امواج المي وتخليها تزحف للصبه ع الجرف وتغسلها وتسحب وياها اوراق النباتات ... باوعت اكو حوض مي ع الشط محوط بسياج حديد نزلن بي البنات لابسات نجادات ودخلن يسبحن رغم صغار بس محترفات بالسباحة .. صفنت عليهم صلاح دغني بخصري التفتت عليه مو عيب تتحرش .. ضحك تسبحين وياهن ؟ لا عيب ابوهم هنا .. رد اروح اطرده هسه ميكوول شي يقبل .. ضحكت لا يابه اذا جان صاحبك حلو لا تاكله كله فشلة منهم .. لج اشاقة خو ما صدك اطرده انتي بس كولي اذا تردين تفوتين للمي لو لا لا اخاف وماعرف اسبح .. اروح اجيبلج نجادة مثل البنات بس اهم شي مايبقى شي بنفسج اليوم .. رديت لا حبيبي اخاف افوت بالمي اخاف ، باوعت مسطبة اشرت عليها كتله امشي نكعد هناك ونباوع للمي احسن ... اخذني من اكتافي ورحنه كعدنه ع المصطبة وريحة شوي السمج وصلت النه .. باوعتله كتله فشلة ماساعدناهم .. كال هم كريمين واحنه نستاهل .. ضحكت اعزمهم يجون يمنه ببغداد المرة الجاية كال اكيد والله عزمته واخلي ببطن عيني يستاهل رودي .. وها ترة بعدني على وعدي اخذج لتركيا وغمزلي ... خليت راسي على صدره حبيبي متقصر ... وشبكت اصابعي واصبعه سوى .. بعدها تغدينا بغرفة زجاجية كلش حلوة وبيها كعدة عربية ومغطينها بمثل الخيمة ديكورها كولش حلوو .. السمج جان كلش طيب ووره الغدة كعدنا نشرب جاي وصلاح ورائد اخذولهم اراكيل وانطلقوا .. والبنات سكنوا الشط .. العصر اخذونا لبصرة لاند تونسنا بالاجواء وبعدها لمول كالوا هذا تايم سكوير ... اخذت حاجات منه بس فشلت رائد مقبل صلاح يدفع فلوس ابد حيل خجلت كلش كريم هالرائد وطيب حيل .. يوم ثاني اخذونا لمطعم اسمه بيت المندي تغدينا بيه مندي دجاج كلش طيب .. ووخلصت ايامنا بالبصرة بس اني احس مو طبيعية بالليل لمن ارجع خشمي يطك دم ورجليه احس ماتن ونفسي تلعب مرات بس من نطلع ارتاح شوية .. اخذت رقم رواء اتواصل وياهه ودعناهم ورجعنا لبغداد .. بس لمن رجعت اني ايام ظليت بالفراش وصلاح يتوسل اروح للدكتور واني ماريد اكوله هاي لان سافرت وتعبت طلعت عليه اريد راحة هسه .. بس هو اصر اروح يخاف عليه اخذتني ماما ورحت للدكتور .. رحت وطلب مني الدكتور مجموعة تحاليل وجنت خايفة حيل وماما اكثر خوف مني عليه وصلاح كل شويه يخابر .. واكوله بعدها التحاليل .. الى ان طلع التحليل اخذته من المختبر ورحت للطبيب انطيتهم اله ظل يباوع بيهم .. كال ريهام مبرووك انتِ حامل .. نهاية البارت ...يتبع كونوا انتم كونوا بخير...احبكم 💔 نور سمو العراق 😘 لا تنسوا التصويت والمشاركه بكم نكتمل 🌹 اليوم القفله حلوه وهادئه بس باجر لا حضروا نفسكم احزروا القفله شنو 😓 | ||||||||
|  |
|
15-11-20, 01:54 AM
| #72 | ||||||||
| مراقبة عامة ومشرفة منتدى الروايات المنقولة
| ﺍﻟﺒﺎﺭﺕ ﺍﻟﺜﺎﻣﻦ ﻋﺸﺮ ﺭﻭﺍﻳﺔ .. ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ 💔💔💔💔💔💔💔💔💔💔💔💔 ﻳﻤﺔﻩَ ﻩ̷̷َـَْـُﺬﺁ ﮔﻠﻴﺒﻲ ﺷﺎﻫﺪ، ﮔﻠﺒﻲ ﺷﺎﻝ ﺍﻟﻨﺎﺱ ﻛﻠﻬﺎ، ﻭﻣﺎ ﺷﻠﺖ ﻣﺮﺓ ﻉ ﻭﺍﺣﺪ، 💔 ، .................................................. .. ﻭﻗﺎﺭ ... ﻣﺮﺍﺕ ﺍﻟﺤﻴﺎﺓ ﺗﺎﺧﺬﻧﺎ ﺑﻤﺘﺎﻫﺎﺕ ﻓﻨﺘﻴﻪ ﻋﻨﻬﺎ ﻏﺼﺒﺎ ﻋﻨﺎ ... ﺗﺘﻜﺎﺳﻞ ﺍﺟﺴﺎﻣﻨﺎ ﻭﺗﺘﺠﻤﺪ ﺍﻋﺎﺿﺌﻨﺎ ﻧﺨﺎﻑ ﻻ ﻧﻜﻮﻥ ﺑﻄﺮﻳﻖ ﻣﺎ ﻻ ﻧﻬﺎﻳﻪ ﻭﻫﺬﺍ ﻳﻤﻜﻦ ﺍﻟﻲ ﺻﺎﺭ ﻭﻳﺎﻧﺎ ﺍﻟﻴﻮﻡ ﺍﺣﻨﻪ ﺗﻬﻨﻪ ﺑﻬﺎﻱ ﺍﻟﺤﻴﺎﺓ ﻭﺗﻜﺎﺳﻠﻨﺎ ﺑﻤﻌﺎﻗﺒﺔ ﺍﻟﺠﺎﻧﻲ ﻭﺟﺮﻧﺎ ﻋﻠﺊ ﺍﻟﻤﺠﻨﻲ ﻋﻠﻴﻪ ... ﺟﻮﻟﻴﻴﺖ ... ﻫﻞ ﺍﻧﺜﺊ ﺍﻟﺮﻗﻴﻘﻪ ﺍﻟﻔﺮﺍﺷﻪ ﺍﻟﺒﺮﻳﺌﻪ ﺍﻟﻬﺸﻪ ﺍﻟﺊ ﻟﺤﺪ ﺍﻻﻥ ﻋﺎﻳﺸﻪ ﺑﺸﺮﻧﻘﺘﻬﺎ ... ﻣﺎ ﺍﺫﺕ ﺍﺣﺪ ﻟﻜﻦ ﺗﺎﺫﺕ ﺟﺎﻣﻠﺖ ﺍﻟﻜﻞ ﻭﻣﺤﺪ ﺟﺎﻣﻠﻬﺎ ﻣﺮﺍﺕ ﺍﺣﺲ ﺍﻟﺤﺰﻥ ﻃﻴﻒ ﻭﻳﻤﻮﺕ ﺑﺎﺟﺮ ﺑﺲ ﺣﺰﻥ ﺟﻮﻭﻟﻲ ﺣﺰﻧﻬﺎ ﻣﺨﻠﺪ ﻭﻋﺎﻳﺶ ﻭﻛﺎﻋﺪ ﺍﻟﻬﺎ ﻛﻌﺪﻩ ﺍﺗﻌﺬﺑﺖ ﻣﻦ ﺍﻟﻜﻞ ﻣﻦ ﺍﻫﻠﻬﺎ ﻭﻣﻨﺎ ﻭﻣﻦ ﻧﻔﺴﻬﺎ ﻛﺬﻟﻚ ﻭﺟﺎﻥ ﺍﻟﺠﺎﺳﺮ ﻧﺼﻴﺐ ﺍﻟﻪ ﻣﻦ ﻋﺬﺍﺑﻬﺎ ﻭﺍﻟﻤﻬﺎ ... ﺑﺲ ﺍﻧﻲ ﺭﻏﻢ ﻛﻮﻭﻟﺸﻲ ﺟﻨﺖ ﺍﺷﻮﻑ ﺑﻌﻴﻮﻧﻪ ﺑﺮﻳﻖ ﻻﻣﻊ ﻣﻦ ﻳﺸﻮﻑ ﻃﻠﺘﻬﺎ ﺍﻟﺒﻬﻴﻪ ﺍﻭ ﻳﺸﻮﻑ ﻋﻴﻮﻧﻬﺎ ﺍﻟﺒﺮﺑﺌﻪ ﻣﺮﻩ ﻣﻦ ﺍﻟﻤﺮﺍﺕ ﺳﺎﻟﺖ ﺟﺎﺳﺮ ﺍﺫﺍ ﻳﺤﺒﻬﺎ ﺍﻭ ﻻﺍﺍﺍ ﺭﺩ ﻋﻠﻴﻪ ﺑﺒﺘﺴﺎﻣﺘﻪ ﺍﻟﻤﻌﻬﻮﺩﻩ ﻭﺑﺮﻭﺩﺓ ﻣﺸﺎﻋﺮﻩ ﻫﻲ ﺑﺼﺮﺍﺣﻪ ﺗﻨﻌﺸﻖ ... ﺗﻨﻌﺸﻖ ﻃﻴﺒﺘﻬﺎ ﻭﺑﺮﺍﺋﺘﻬﺎ ... ﺣﺘﺊ ﻋﺼﺒﻴﺘﻬﺎ ﻭﻋﻨﻔﻮﺍﻧﻬﺎ .. ﻭﻛﻤﻞ ﺑﻀﺤﻜﻪ .. ﻭﺗﺮﺉ ﻫﻲ ﻟﺴﺎﻧﻬﺎ ﻃﻮﻭﻳﻞ ﻭﻣﺮﺍﺕ ﺗﻠﺪﻍ ﺑﻜﻠﻤﺎﺗﻬﺎ ... ﻭﺍﺫﺍ ﺧﺰﺭﺗﻨﻲ ﺑﻌﻴﻮﻧﻬﺎ ﺍﺗﻤﻨﺊ ﺍﺩﺑﺤﻬﺎ ﻋﻴﻮﻧﻬﺎ ﺑﻴﻬﻦ ﺳﺤﺮ ﻋﺠﻴﺐ ... ﻭﺟﺮ ﻧﻔﺲ ﻭﻛﻤﻞ ... ﻭﺍﺣﺐ ﻏﺮﻭﺭﻫﺎ ﻭﻛﺒﺮﺑﺎﺀﻫﺎ ﻭﺛﻘﺘﻬﺎ ﺑﻨﻔﺴﻬﺎ ﺭﻏﻢ ﻭﺣﺪﺗﻬﺎ ﻭﻗﻠﺔ ﺣﻴﻠﺘﻬﺎ ... ﺣﺴﻴﺖ ﻣﻦ ﺫﺍﺍﻙ ﺍﻟﻴﻮﻡ ﻫﻮ ﻳﻜﻦ ﺍﻟﻬﺎ ﻣﺸﺎﻋﺮ ﻣﻦ ﻛﺎﻝ ... ﺗﺮﺉ ﺟﻮﻟﻴﻴﺖ ﺭﻏﻢ ﺍﻟﺼﺎﺍﺍﺭ ﻭﺍﻟﺪﺍﺭ ﻭﺍﻟﺠﺎﺭ ﻋﻠﻴﻨﻪ ﺑﺲ ﺗﻀﻞ ﺯﻫﺮﺗﻲ ﻭﻣﺎ ﺍﻗﺒﻞ ﺍﺣﺪ ﻳﺤﺠﻲ ﻭﻳﺎﻫﺎ ﻟﻮ ﻳﺴﻘﻴﻬﺎ ﻏﻴﺮﻱ ﻭﺍﻟﻴﻮﻡ ﺯﻫﺮﺗﻪ ﻭﻛﻌﺖ ﻋﻠﺊ ﺍﻻﺭﺽ ﻭﺩﻣﻬﺎ ﻳﺘﺠﺎﺭﺉ ﻋﻠﺊ ﺍﻻﺭﺽ ﻭﻣﺎ ﺍﻟﻬﺎ ﻧﺒﺾ ﺑﺎﻟﺤﻴﺎﺓ ﻭﺍﻟﺪﻡ ﻳﺘﺴﺎﺑﻖ ﻭﻳﺘﺤﺮﺭ ﻣﻦ ﺟﺴﻤﻬﺎ ﺍﻟﻬﺰﻳﻞ ﻭﻋﺒﺎﻟﻚ ﻓﺮﺣﺎﻥ ﺑﻔﺮﺍﮒ ﺟﺴﺪﻫﺎ ... ﺻﺮﺧﻨﻪ ﺑﺼﻮﻭﻭﺕ ﻋﺎﻟﻲ ﻣﻦ ﺷﻔﻨﺎﻫﺎ ﺍﻟﺒﻄﻞ ﺍﺟﻪ ﺑﺠﺒﻴﻨﻬﺎ ﺑﺼﻮﺭﻩ ﻣﺒﺎﺷﺮﻩ ﻭﺍﻧﻠﻄﺦ ﺭﺍﺳﻬﺎ ﺑﺎﻟﺤﺎﻳﻂ ﺍﻟﺴﻴﺮﺍﻣﻴﻚ ﻣﻌﻠﻦ ﻋﻦ ﻛﺴﺮ ﺍﺣﺪ ﺍﻟﺴﺮﺍﻣﻴﻜﺎﺕ ... ﻭ ﻭﻛﻌﺖ ﻋﻠﺊ ﻭﺟﻬﻬﺎ ﻣﻐﻤﻲ ﻋﻠﻴﻬﺎ ﻭﺍﻟﺪﻡ ﺗﻨﺎﺛﺮ ﻋﻠﺊ ﻭﺟﻬﻬﺎ ﻭﺣﺠﺎﺑﻬﺎ ﺟﺎﻧﺖ ﺍﻟﻀﺮﺑﻪ ﺍﻟﻬﺎ ﺻﻮﻭﺕ ﻭﺣﺪﺙ ﻣﺮﻳﻴﻊ ﻣﻦ ﺑﻴﻦ ﺻﺮﻳﺨﻨﺎ ﻭﺍﺭﺗﻌﺎﺑﻨﻪ ﺭﻛﺾ ﺟﺎﺑﺮ ﻭﻋﻤﻲ ﻭﺭﻓﻌﻮﻫﺎ ﻭﻫﻢ ﻣﺘﺨﺒﻠﻴﻦ ﻋﻠﻴﻬﺎ ﻭﻳﻀﺮﺑﻮﻥ ﺧﺪﻫﺎ ﺣﻴﻴﻞ ... ﺟﻮﻟﻴﻴﺖ ﺟﻮﻭﻭﻭﻟﻴﻴﺖ ﻋﻤﻲ ﺍﺣﺠﻲ ﻭﻣﺎﻣﺎ ﺭﺿﻴﻪ ﻭﺣﺘﺊ ﺍﻣﻲ ﺍﻡ ﻓﻼﺡ ﻫﻢ ﺗﺨﺒﻠﺖ ﻋﻠﻴﻬﺎ ﺭﻛﻀﻦ ﻋﻠﻴﻬﺎ ﻭﻫﻦ ﻳﻤﺴﺤﻦ ﺍﻟﺪﻡ ﻣﻦ ﻭﺟﻬﻬﺎ ﻭﺟﻌﻔﺮ ﻳﺼﻴﺢ ﻭﻳﻐﻠﻂ ﻭﻛﻞ ﺷﻮﻳﻪ ﻭﺑﺎﻭﻉ ﻋﻠﻴﻬﺎ ﻭﺭﺍﺡ ﻫﺠﻢ ﻋﻠﺊ ﻧﻮﺍﻝ ﻭﻫﻲ ﺷﺮﺩﺕ ﺍﻟﻐﺮﻓﺘﻬﺎ ﻭﻗﻔﻠﺘﻬﺎ ﻋﻠﻴﻪ ﺍﻧﻲ ﺷﻔﺘﻬﺎ ﻓﺎﺗﺤﻪ ﻋﻴﻮﻧﻬﺎ ﺣﻴﻴﻞ ﻭ ﺧﻄﻴﻴﻂ ﻣﺎﻝ ﺩﻡ ﺧﺒﻂ ﺑﻌﻴﻮﻧﻬﺎ ﻭﻋﺒﺎﻟﻚ ﺧﻄﻒ ﻣﺜﻞ ﺍﻟﺴﻘﻮﻁ ﺍﻟﻨﻴﺰﻙ ﻟﻄﻤﺖ ﺻﺪﺭﻱ ﻭﺍﻧﻲ ﺍﺑﺠﻲ ﻭﺭﻳﻬﺎﻡ ﺧﻄﻴﻪ ﺗﺒﺠﻲ ... ﻋﻤﻴﻴﻲ ﻋﻤﻴﻲ ﺍﺧﺬﻭﻫﺎ ﻟﻠﻤﺴﺘﺸﻔﺊ ﻋﻨﺪﻫﺎ ﻧﺰﻳﻒ ﺩﺍﺧﻠﻲ ﻣﺪﺍﻡ ﻋﻴﻮﻧﻬﺎ ﺧﺒﻄﺖ ﺑﺎﻟﺪﻡ ﻋﻨﺪﻫﺎ ﻧﺰﻳﻴﻒ ﺷﺎﻟﻬﺎ ﺟﺎﺑﺮ ﺑﻴﻦ ﺍﺩﻳﻪ ﺑﺨﻔﻪ ﻭﻫﻮ ﻳﺮﺟﻒ ﻭﻳﺼﻴﺢ ... ﺍﻟﻠﻪ ﻻ ﻳﻮﻓﻘﺞ ﺍﻟﻠﻪ ﻳﻨﺘﻘﻢ ﻣﻨﺞ ﻓﻠﺸﺖ ﺭﺍﺱ ﺍﻟﺒﻨﻴﻪ ﻭﻛﻊ ﺣﺠﺎﺑﻬﺎ ﻣﻦ ﺭﺍﺳﻬﺎ ﻭﺍﻟﺪﻡ ﻟﻮﺙ ﺿﻔﻴﺮﺗﻬﺎ ﺑﺪﻣﻬﺎ ﺍﻟﻤﻬﺪﻭﺭ ﻭﻧﺰﻝ ﻋﻠﺊ ﺍﻻﺭﺿﻴﻪ ﻭﻫﻮ ﺑﻬﻞ ﺣﺎﻟﻪ ﻳﻌﻠﻦ ﻋﻦ ﺟﺮﻳﻤﺔ ﻧﻮﺍﻝ ﺍﻟﺤﻘﻴﺮﻩ ... ﺻﻌﺪﻭﻫﺎ ﺑﺎﻟﺴﻴﺎﺭﻩ ﺟﺎﺑﺮ ﻭﻋﻤﻲ ﻭﺍﻣﻲ ﻭﻣﺎﻣﺎ ﺭﺿﻴﻪ ﻭﻫﻲ ﺟﻨﺖ ﺣﺎﻃﺘﻬﺎ ﺑﺤﻀﻨﻲ ﻭﺍﺳﺘﻤﻊ ﺍﻻﻧﻴﻨﻬﺎ ﺍﻟﻤﻔﺠﻊ ﺟﻨﺖ ﻻﺯﻣﻪ ﺷﺎﻟﻬﺎ ﻭﻣﺨﻠﻴﺘﻪ ﻋﻠﺊ ﻭﺟﻬﻪ ﻭﺍﺑﺠﻲ ﺑﺼﻮﺕ ﻋﺎﻟﻲ ﻭﺍﻏﻠﻂ ﻋﻠﺊ ﻧﻮﺍﻝ ﺭﺍﺳﺎ ﻧﺰﻝ ﺯﺭﺍﻙ ﺣﺎﺍﺍﺩ ﻋﻠﺊ ﺟﻔﻮﻧﻬﺎ ﻭﺟﺘﺊ ﻧﺰﻝ ﻋﻠﺊ ﺧﺪﻭﺩﻫﺎ ... ﺟﺎﺑﺮ ﺳﺎﻕ ﺑﺴﺮﻋﻪ ﺟﻨﻮﻧﻴﻪ ﺑﺤﻴﺚ ﺳﻮﻩ ﺍﻟﻄﺮﻳﻖ ﺧﻄﻮﺗﻴﻦ ﻭﻛﻞ ﺷﻮﻳﻪ ﻫﻮ ﻭﻋﻤﻲ ﻭﺩﺍﺭ ﻭﺟﻬﻪ ﻋﻠﻴﻨﻪ ﻭﺻﻠﻨﻪ ﻟﻠﻤﺴﺘﺸﻔﺊ ﺍﺧﺬﻭﻧﻪ ﻟﻠﻄﻮﺍﺭﺉ ﺑﺴﺮﻋﻪ ﺍﺳﻌﻔﻮﻫﺎ ﺑﺎﻻﺳﻌﺎﻓﺎﺕ ﺍﻻﻭﻟﻴﻪ ﻭﺩﺧﻠﻮﻫﺎ ﺟﻮﻩ ﻣﺎ ﺷﻔﻨﺎﻫﺎ ﺑﻌﺪ ﺑﺲ ﺍﻟﺪﻛﺘﻮﺭ ﻃﻠﺐ ﻳﺴﻮﻭﻟﻬﺎ ﺗﺤﻠﻴﻼﺕ ﻭﺍﺷﻌﻪ ﻭﻣﻔﺮﺍﺱ ﺑﺎﻟﺠﻤﻠﻪ ﺍﻟﻌﺼﺒﻴﺔ ﻭﺿﻠﻴﻨﻪ ﻣﻨﺘﻈﺮﻳﻦ ﺍﻟﻨﺘﺎﺋﺞ ﺍﻟﺒﻨﻴﻪ ﺣﺎﻟﺘﻬﺎ ﻣﻮ ﻃﺒﻴﻌﻴﻪ ﻭ ﻭﺟﻬﻬﺎ ﻧﺰﻝ ﺍﻟﺰﺭﺍﻙ ﻋﻠﻴﻪ ﺍﻛﻴﺪ ﻣﻮ ﻃﺒﻴﻌﻴﻪ ﺍﺟﻴﻨﻪ ﻧﺨﺎﺑﺮ ﺟﺎﺳﺮ ﺑﺲ ﻋﻤﻲ ﻣﺎ ﻗﺒﻞ ﻛﺎﻝ .. ﺧﻠﻴﻨﻪ ﻧﺸﻮﻑ ﺣﺎﻟﺘﻬﺎ ﻫﺴﻪ ... ﺧﻄﻴﻪ ﻣﺎﻣﺎ ﺿﻠﺖ ﻛﺎﻋﺪﻩ ﻭﻫﻲ ﺗﺪﻋﻲ ... ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻋﻠﻴﺞ ﻳﺎ ﻧﻮﻳﻠﻪ ﻳﺎ ﺯﻣﺎﻟﻪ ﻣﻦ ﻏﻴﺮﺗﻬﺎ ﻣﻮﺗﺖ ﺍﻟﺒﻨﻴﻪ .. ﺿﻠﻴﻨﺎ ﺗﻘﺮﻳﺒﺎ ﺳﺎﻋﻪ ﻃﻠﻊ ﺍﻟﺪﻛﺘﻮﺭ ﻋﻤﻲ ﻭﺟﺎﺑﺮ ﺭﻛﻀﻮ ﻋﻠﻴﻪ ﻭﻫﻢ ﻳﺘﻄﻤﻨﻮﻥ ﻋﻦ ﺣﺎﻟﺘﻬﺎ ﺍﻟﺪﻛﺘﻮﺭ ﻛﺎﻝ ﺑﺎﺳﻒ ... ﺍﻟﺒﻨﻴﻪ ﺣﺎﻣﻞ ﻣﻮﻭ ؟ ﺭﺩ ﻋﻠﻴﻪ ﻋﻤﻲ ﺑﻘﻠﻖ ﻭﺗﺮﻗﺐ ... ﺍﻱ ﺣﺎﻣﻞ ﻟﻴﺶ ﺑﻮﻳﻪ ﺍﻟﻄﻔﻞ ﺑﻲ ﺷﺊ ﺟﺮ ﻧﻔﺲ ﻋﻤﻴﻖ ﻭﺑﺎﻭﻉ ﻟﻠﺘﺤﻠﻴﻞ ﻭﺭﺟﻊ ﺑﺎﻭﻉ ﺍﻟﻌﻤﻲ ﻛﺎﻝ .. ﻟﻼﺳﻒ ﺍﻟﻄﻔﻞ ﻓﻘﺪﺗﻪ ﻻﻥ ﺍﻻﻡ ﺣﺎﻟﺘﻬﺎ ﺣﺮﺟﻪ ﻭﻋﻨﺪﻫﺎ ﻧﺰﻳﻔﻴﻦ ﺩﺍﺧﻠﻲ ﺑﺮﺍﺳﻬﺎ ﻭﻓﻄﺮ ﺑﺎﻟﺠﻤﺠﻤﻪ ... ﻭﺣﺎﻟﺘﻬﺎ ﺣﺮﺟﻪ ﻻﻥ ﻫﻲ ﺗﻌﺎﻧﻲ ﻣﻦ ﺑﺪﺍﻳﺔ ﺻﺮﻉ ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻱ ﺑﺨﻮﻭﻭﻑ ﻭﺭﻋﺐ .... ﻋﺰﺍ ﺍﻟﻌﺰﺍﻧﻲ ﻳﺎﺍﺍﺭﺑﻲ ﺩﺧﻴﻠﻚ ﺭﺣﻤﺘﻚ ﺍﻟﻠﻄﻒ ﺑﺤﺎﻟﻬﺎ ﻭﺷﺎﻓﻴﻬﺎ ﻣﺎﻣﺎ ﺭﺿﻴﻪ ﺣﻄﺖ ﺍﻳﺪﻫﺎ ﻋﻠﺊ ﺧﺪﻫﺎ ﻭﻫﻲ ﺗﻠﻄﻤﻪ ﺑﻘﺴﻮﻩ ﻭﺩﻣﻮﻋﻬﺎ ﺗﻨﺰﻝ ﺑﻐﺰﺍﺭﻩ ... ﻳﻤﻪ ﺑﻨﻴﺘﻲ ﻳﻤﻪ ﺟﻮﻭﻭﻟﻲ ﻳﻤﻪ ﻣﺎﺗﺖ ﺑﻨﻴﺘﻨﺎ ﻣﺎﺗﺖ ﻫﻞ ﻣﺴﻜﻴﻨﻪ ﺍﻟﻔﻘﻴﺮﻩ ﺑﺘﻮﻋﺘﻠﻲ ﻭﺍﻧﻲ ﺍﺑﺠﻲ ﻭﺣﺎﺿﻨﻪ ﺍﺩﻳﻪ ﺍﻟﺼﺪﺭﻱ ﻛﺎﻟﺖ ﺑﻐﻀﺐ ... ﻭﻗﺎﺭ ﻭﻗﺎﺍﺍﺭ ﻭﻟﺢ ﺧﺎﺑﺮﻱ ﺍﺧﻮﻭﺝ ﺧﻠﻲ ﻳﺠﻲ ﻳﺸﻮﻑ ﻣﺮﻳﺘﻪ ﺷﺼﺎﺭ ﺑﺤﺎﻟﻬﺎ ... ﺍﻧﻲ ﻣﺠﻨﺖ ﺟﺎﻳﺒﻪ ﻣﻮﺑﺎﻳﻠﻲ ﻭﻓﺨﻠﻴﺖ ﻭﺍﺧﺬﺕ ﻣﻮﺑﺎﻳﻞ ﺟﺎﺑﺮ ﻭﺍﻧﻲ ﺍﺭﺟﻒ ﻭﺍﻃﺮﺍﻓﻲ ﻋﺒﺎﻟﻚ ﺩﺍﺧﻠﻪ ﺑﺎﻟﻤﺘﺠﻤﺪ ﺍﻟﺸﻤﺎﻟﻲ ... ﻃﻠﻌﺖ ﺍﺳﻤﻪ ﻭﺍﺗﺼﻠﺖ ﻋﻠﻴﻪ ﻣﺮﺗﻴﻦ ﺗﻼﺛﻪ ﻣﺎ ﺭﺩ ﻋﻠﻴﻪ ﻟﺤﻴﺖ ﺑﺎﻻﺗﺼﺎﻝ ﻭﺑﻌﺪﻫﺎ ﻓﺘﺢ ﻋﻠﻴﻪ ﺧﻂ ﻛﺎﻝ ﺑﺜﻘﻞ ... ﺍﻟﻮﻭ ﺭﺩﻳﺖ ﻋﻠﻴﻪ ﺑﺨﻮﻑ ﻭﺻﻮﺕ ﻣﺮﺗﺠﻒ ... ﺍﻟﻮﻭ ﻫﺎﺍﺍ ﺟﺎﺍﺍﺳﺮ ﺍﻧﻲ ﻭﻗﺎﺭ ﺟﺎﻭﺑﻨﻲ ﺑﺎﺳﺘﻐﺮﺍﺏ ... ﻫﻼ ﻭﻗﺎﺭ ﺷﻠﻮﻧﺞ ﺍﺣﻮﺍﻟﺞ ﺷﺒﻴﺞ ﺍﺷﻮ ﺍﺣﺲ ﺻﻮﺗﺞ ﻣﻮ ﻃﺒﻴﻌﻲ ﺑﻴﺞ ﺷﺊ ﺟﺎﺑﺮ ﻣﺤﺎﺟﻴﺞ ﻣﺰﻋﻠﺞ ؟ ﺑﻠﻌﺖ ﺭﻳﻜﻲ ﺑﺄﻟﻢ ... ﻻ ﺧﻮﻳﻪ ﺑﺲ،ﺟﻮﻟﻴﻴﺖ ﺭﺩ ﺑﻠﻬﻔﻪ ﻣﻤﺰﻭﺝ ﺑﺨﻮﻭﻑ ... ﺧﻴﻴﺮ ﺷﺒﻴﻬﺎ ﺟﻮﻟﻴﻴﺖ ﺑﺲ ﻻ ﻫﻢ ﺗﺮﺩﻥ ﺗﺬﺑﻦ ﻋﻠﻴﻬﺎ ﺗﻬﻤﻪ ﻭﺗﻄﻌﻨﻦ ﺑﻴﻬﺎ ﺭﺩﻳﺖ ﺑﻔﺸﻠﻪ ... ﻻ ﻻ ﺑﺲ ﺟﻮﻟﻴﻴﺖ ﺍﻧﻀﺮﺑﺖ ﻭﻫﺴﻪ ﺍﺣﻨﻪ ﺑﺎﻟﻤﺴﺘﺸﻔﺊ ﻫﺘﻒ ﺑﻌﺼﺒﻴﺔ ﻣﺨﻠﻮﻃﻪ ﺑﺸﺮﺍﺳﻪ ... ﺑﺎﻟﻤﺴﺘﺴﻔﺊ ﺷﻨﻮﻭﻭ ﻟﻴﺶ ﺑﺎﻟﻤﺴﺘﺸﻔﺊ،ﻣﻨﻮ ﺿﺮﺑﻬﺎ ﻭﺷﻠﻮﻭﻭﻭﻭﻥ ﺍﻧﻀﺮﺑﺖ ﻭﻟﺞ ﺍﺣﺠﻴﻴﻲ ﺑﻠﻌﺖ ﺭﻳﻜﻲ ﺍﻟﺤﺎﻳﺮ ﻣﻦ ﻋﺼﺒﻴﺘﻪ ﻣﻦ ﺷﺮﺍﺳﺘﻪ ﺭﺩﻳﺖ ﻋﻠﻴﻪ ﺑﺼﺪﻕ ... ﻧﻮﺍﻝ ﺿﺮﺑﺘﻬﺎ ﻭﻫﺴﻪ ﺍﺣﻨﻪ ﺑﺎﻟﺠﻤﻠﻪ ﺍﻟﻌﺼﺒﻴﺔ ﻗﻔﻞ ﺍﻟﻤﻮﺑﺎﻳﻞ ﺑﺴﺮﻋﻪ ﻭﺍﻧﻲ ﺿﻠﻴﺖ ﻣﺘﻔﺎﺟﺌﻪ ﻟﻴﺶ ﻗﻔﻞ ﺍﻟﺨﻂ ﺑﺲ ﺍﻛﻴﻴﺪ ﺟﺎﻳﻨﻪ ﻭﺍﻟﻠﻪ ﺍﻟﻴﻮﻡ ﻧﻮﺍﻝ ﺗﻤﻮﺕ ﻳﺎ ﻋﻠﺊ ﺍﻳﺪ ﺟﺎﺳﺮ ﻟﻮ ﺟﻌﻔﺮ ﻭﺍﻟﻠﻪ ﺟﻨﺖ ﻋﻠﺊ ﻧﻔﺴﻬﺎ ﻫﻞ ﻋﺎﺭ ﻫﺎﻱ ... ﺍﻧﺘﺒﻬﺖ ﻻﻣﻲ ﻣﻦ ﺑﻴﻦ ﻗﻮﺓ ﺷﺨﺼﻴﺘﻬﺎ ﺍﻟﺤﺎﺩﻩ ﻭﺟﺒﺮﻭﺗﻬﺎ ﺑﺲ ﺷﻔﺖ ﺍﻛﻮ ﺟﺎﻧﺐ ﺣﺰﻳﻦ ﺑﻴﻬﺎ ﻻﻥ ﺍﻟﻀﺮﺑﻪ ﺟﺎﻧﺖ ﻣﻔﺠﻌﻪ ﻟﻼﺳﻒ ........................... ﺭﻳﻬﺎﻡ ... ﺍﺧﺬﻭﺍ ﺟﻮﻟﻴﻴﺖ ﻟﻠﻤﺴﺘﺸﻔﺊ ﻭﺍﻃﻔﺎﻟﻬﺎ ﻳﺒﺠﻮﻥ ﻋﻠﻴﻬﺎ ﻳﻜﻮﻟﻮﻥ ... ﻣﺎﻣﺎ ﻣﺎﺗﺖ ﻗﻠﻊ ﻣﻨﻬﺎ ﺩﻡ ﺣﻀﻨﺘﻬﻢ ﺑﺤﻴﺮﻩ ﺍﻧﻲ ﻭ ﺍﺷﻮﺍﻕ ﻭﻣﺤﺘﺎﺭﻩ ﺷﻠﻮﻥ ﺍﻃﻴﺐ ﺧﺎﻃﺮﻫﻢ ﻭﺍﺳﻜﺘﻬﻢ ﻭ ﻧﻮﺍﻝ ﺍﻧﻬﺰﻣﺖ ﺍﻟﻐﺮﻓﺘﻬﺎ ﻭﻗﻔﻠﺘﻬﺎ ﻋﻠﻴﻬﺎ ... ﺟﻌﻔﺮ ﺍﺗﺨﺒﻞ ﻣﻦ ﺿﺮﺑﺖ ﺟﻮﻟﻴﻴﺖ ﻟﺰﻡ ﺑﻨﺎﺗﻬﺎ ﻭﺧﻼﻫﻦ ﺑﻐﺮﻓﺘﻪ ﻭﻗﻔﻞ ﺍﻟﺒﺎﺏ ﻭﺍﺧﺬ ﺍﻟﻤﻔﺘﺎﺡ ﻭﺍﺧﺬ ﻋﺪﻧﻪ ﻋﺼﺎ ﻃﻮﻳﻠﻪ ﻭﺛﺨﻴﻨﻪ ﺣﻴﻞ ﻫﻮ ﺍﺧﺬﻫﺎ ﻭﺭﺍﺡ ﺍﻟﻐﺮﻓﺘﻬﺎ ﻓﻠﺶ،ﺑﺎﺏ ﺍﻟﻐﺮﻓﻪ ﺗﻔﻠﺶ ﻭﻳﺼﻴﺢ ﺑﺼﻮﺕ ﻋﺎﻟﻲ ... ﺍﻓﺘﺤﻲ ﺍﻟﺒﺎﺏ ﺑﻨﺖ ﺍﻟﻜﻠﺐ ﻭﺍﻟﻠﻪ ﺍﻟﻴﻮﻡ ﺍﺫﺑﺤﺞ ﻭﻟﺞ ﺑﻨﺖ ﺍﻟﻤﻄﻲ ﺷﻠﻮﻥ ﻫﻴﺞ ﺗﻀﺮﺑﻴﻦ ﺍﻟﺒﻨﻴﻪ ﻭﻫﻲ ﺗﺼﻴﺢ ﻭﺗﺮﺩ ﻋﻠﻴﻪ ... ﻭﺍﻟﻠﻪ ﻣﺎ ﺍﻓﺘﺢ ﺍﻟﺒﺎﺏ ﻣﺎ ﺍﻓﺘﺤﻪ ﻫﻲ ﺟﻠﺒﻪ ﻫﻲ ﺟﻮﻟﻴﻴﺖ ﺟﻠﺒﻪ ﺍﻧﺘﻢ ﻣﺎ ﺗﻌﺮﻓﻮﻥ ﺷﺴﻮﺕ ﺑﻴﻪ ﺗﺤﺠﻲ ﺑﻌﺮﺽ ﺑﻨﺎﺗﻲ ﻭﺍﺧﻮﻫﺎ ﻛﺘﻞ ﺯﻭﺟﻲ ﻭﺩﻛﻮﻝ ﺑﻄﺒﻪ ﻣﺮﺽ ﺍﻧﺘﻢ ﻣﺎ ﺗﺪﺭﻭﻥ ﺑﻴﻬﺎ ﺑﺲ ﻫﻲ ﺣﻴﻪ ﺗﺒﻦ ﻭﺍﻟﻠﻪ ﺣﻴﻪ ﻫﺰ ﺭﺍﺳﻪ ﺑﺎﺳﺊ ﻭﺻﻚ ﻋﻠﺊ ﺍﺳﻨﺎﻧﻪ ... ﻭﺍﻟﻠﻪ ﻣﺎﻛﻮﻭ ﻏﻴﺮﺝ ﺣﻴﻪ ﻭﻟﺞ ﺍﻧﺘﻲ ﺣﻴﻪ ﻣﺮﻗﻄﻪ ﺍﻟﻴﻮﻡ ﺍﺫﺍ ﻣﺎ ﺫﺑﺤﺘﺞ ﺍﻃﻠﻊ ﻋﺎﺭ ﻭﺍﺑﻦ ﻋﺎﺍﺭ ﺍﺷﻮﺍﻕ ﺑﺎﻭﻋﺘﻠﻲ ﺑﺤﺪﻩ ﻛﺎﻟﺖ ... ﺷﻮﻓﻲ ﺍﺫﺍ ﺿﺮﺑﻬﺎ ﺩﻳﺮﻱ ﺑﺎﻟﺞ ﺗﺘﺪﺧﻠﻴﻦ ﻫﺎﻱ ﺗﺴﺘﺎﻫﻞ ﻭﻳﻄﺒﻬﺎ ﺍﻟﻒ ﻣﺮﺽ ﺷﻔﺘﻲ ﺷﻠﻮﻥ ﺻﻠﻔﻪ ﻛﺪﺍﻡ ﺍﻟﻜﻞ ﻭﻛﺪﺍﻡ ﻋﻤﻲ ﺍﻟﺸﻴﺦ ﻣﺎ ﺍﺣﺘﺮﻣﺖ ﺍﻱ ﺷﺨﺺ ﻭﺿﺮﺑﺖ ﺍﻟﺒﻨﻴﻪ ﻭﻓﻠﺸﺖ ﺭﺍﺳﻬﺎ ... ﺍﻧﻲ ﺟﻨﺖ ﺷﺎﻳﻠﻪ ﻣﺮﺗﻀﺊ ﻭﻫﻲ ﺷﺎﻳﻠﻪ ﻣﺠﺘﺒﺊ ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﻫﻮ ﺟﺎﻥ ﺟﺎﻛﻮﻙ ﻭﻛﺴﺮ ﺍﻟﻜﻴﻠﻮﻥ ﻣﺎﻝ ﺍﻟﺒﺎﺏ ﻭﺩﺧﻞ ﻋﻠﻴﻬﺎ ﻭﻣﺎ ﻧﺴﻤﻊ ﺑﺲ ﺍﻟﻐﻠﻂ ﻭﺍﻟﺼﻴﺎﺡ ﻭﺍﻟﻔﺸﺎﺭ ﺍﺷﻮﺍﻕ ﺿﺤﻜﺖ ﻛﺎﻟﺖ ... ﺧﻠﻲ ﺍﻧﺸﻮﻑ ﺍﻻﻛﺸﻦ ﻣﺎﻝ ﺟﻌﻔﺮ ﺭﺍﺣﺖ ﺗﺮﻛﺾ ﻭﺍﻧﻲ ﺃﺧﺬﻧﻲ ﺍﻟﻔﻀﻮﻝ ﻭﺭﺣﺖ ﻭﺭﺍﻫﺎ ﺩﺧﻠﻨﻪ ﺷﻔﺘﻪ ﺟﻌﻔﺮ ﻫﺎﺟﻢ ﻋﻠﺊ ﻧﻮﺍﻝ ﻭﻫﻮ ﻳﻀﺮﺏ ﺑﻴﻬﺎ ﻋﺒﺎﻟﻚ ﺩﺍﻋﺸﻲ ﻭ ﻭﻛﻊ ﺑﻴﺪ ﻭﺍﺣﺪ ﻧﭽﺮ ... ﺟﺎﻧﺖ ﺗﺘﻔﺎﺩﻩ ﺿﺮﺑﺎﺗﻪ ﻭﺗﺼﺪﻫﻦ ﺑﺪﻳﻬﺎ ﻭﻫﻲ ﺗﺼﻴﻴﺢ ... ﻭﻟﻚ ﮔﻮﺍﺩ ﻭﻟﻚ ﺍﺑﻮ ﺍﻟﻌﺮﻙ ﺍﻟﺴﺎﻗﻂ ﺑﻴﻚ ﺧﻴﻴﺮ ﺭﺑﻲ ﺭﻭﺣﻚ ﺍﻧﻮﺏ ﺗﻌﺎﻝ ﺭﺑﻴﻨﻲ ﻭﺍﻟﻠﻪ ﺍﻟﻴﻮﻡ ﺍﺣﺮﻙ ﺍﻟﺒﻴﺖ ﻋﻠﺊ ﺍﻟﺨﻠﻔﻜﻢ ﺿﺮﺑﻬﺎ ﺑﻮﻛﺲ ﻋﻠﺊ ﺭﺍﺳﻬﺎ ﻭﻫﻲ ﻣﺜﻞ ﺍﻟﺜﻮﺭ ﺗﻮﻛﻊ ﻭﺗﺮﺟﻊ ﺗﻮﻛﻒ ﻭﻻ ﺟﻨﻬﺎ ﺍﻧﻀﺮﺑﺖ ﻭﺗﺼﻴﺢ ﻛﻠﻬﺎ ﺑﻐﻀﺐ ﺑﻌﺪ ﻣﺖ ﺩﻓﺮﻫﺎ ... ﻭﻟﺞ ﺍﻧﺘﻲ ﺗﺤﺮﻛﻴﻦ ﺑﻴﺖ ﺍﻟﺨﻠﻔﻲ ﻭﺍﻟﻠﻪ ﺍﻟﻴﻮﻡ ﺍﺣﺮﻛﺞ ﻭﺍﺣﺮﻙ ﺍﺑﻮﺝ ﻭﻋﺸﻴﺮﺗﺞ ﻭﺍﻟﺨﻠﻔﺞ ﺑﺖ ﺍﻟﺰﻣﺎﻝ ﺟﺎﻥ ﻫﻲ ﺳﺒﺖ ﺍﺑﻮﻳﻪ ﻛﻠﺘﻠﻪ ... ﺍﻧﺖ ﺍﺑﻦ ﺍﻟﺰﻣﺎﻝ ﻭﻫﻨﺎ ﺟﻌﻔﺮ ﺍﻧﺠﻦ ﻭﺍﺣﺘﺎﺭ ﺷﻠﻮﻥ ﻳﻌﺎﻗﺒﻬﺎ ﺟﺎﻥ ﻣﺜﻞ ﺍﻟﻤﺠﻨﻮﻥ ﺳﻜﻄﻬﺎ ﺗﺴﻜﻂ ﺟﻨﺰﻫﺎ ﺗﺠﻨﺰ ﻫﻲ ﻭﻛﻌﺖ ﻣﻦ ﻃﻮﻟﻬﺎ ﻭﺿﻠﺖ ﻣﺎ ﺗﻜﺪﺭ ﺗﺘﻨﻔﺲ ﻭﺍﺣﻨﻪ ﻣﺎ ﻛﺪﺭﻧﻪ ﺍﻟﻪ ﻧﻠﺰﻣﻪ ﻻﻥ ﻫﻮ ﺍﻧﻬﺎﺭ ﺍﻧﻬﻴﺎﺭ ﺗﺎﻡ ﻣﻦ ﺳﺒﺖ ﻋﻠﺊ ﻋﻤﻲ ﻣﻬﻴﻮﺏ ﺍﻟﻠﻪ ﻳﺮﺣﻤﻪ ﺳﺤﺒﻨﺎ ﻣﻨﻬﺎ ﻭﻫﻮ ﺷﻤﺮ ﻋﻠﻴﻬﺎ ﺍﻟﻌﺼﺎ ﻭﺗﻔﻞ ﻋﻠﻴﻬﺎ ... ﻻ ﺑﺎﺭﻙ ﺍﻟﻠﻪ ﺑﻴﺞ ﻭﻻ ﺑﺒﺮﺍﻃﻤﺞ ﺍﻡ ﺍﻟﺴﺤﻮﺭﻩ ﺍﻟﺪﺟﺎﻟﻪ ﻟﺰﻣﺘﻪ ﺍﺷﻮﺍﻕ ﻭﻫﻲ ﺗﺘﻮﺳﻞ ﺑﻲ ... ﻋﻠﺊ ﻛﻴﻔﻚ ﺧﻮﻭﻳﻪ ﺍﻟﻠﻪ ﻳﺨﻠﻴﻚ ﺣﺒﻴﺒﻲ ﺧﻠﻴﻬﺎ ﺗﻮﻟﻲ ﻻ ﺗﻤﻮﺕ ﻭﻳﺒﻠﻮﻧﻬﺎ ﺑﻴﻚ ﺧﻠﻴﻬﺎ ﺗﻮﻟﻲ ﺟﺮ ﺗﺸﻴﺮﺗﻪ ﺑﺠﺰﻉ ﻭﺑﻐﻀﺐ ... ﻣﻠﻴﻴﺖ ﻃﻠﻌﺖ ﺭﻭﻭﻭﺣﻲ ﻣﺎﻛﻮﻭ ﻫﻴﺞ ﻣﺮﻩ ﻭﺍﻟﻠﻪ ﻣﺎﻛﻮ ﻫﺎﻱ ﺍﻧﺘﻘﺎﻡ ﻫﺎﻱ ﻣﺼﻴﺒﻪ ﺳﻮﺩﻩ ﻭﺍﺑﺘﻠﻴﺖ ﺑﻴﻬﺎ ﻣﺘﺖ ﻣﻨﻬﺎ ﻣﺘﺖ ﺑﺲ ﺍﻟﻲ ﺍﻟﻠﻪ ﻏﺎﺿﺐ ﻋﻠﻴﻪ ﻳﺒﻠﻲ ﺑﻬﻴﺞ ﺑﻠﻮﻩ ﻭﺍﻧﻲ ﺍﺩﺭﻱ ﺭﺑﻲ ﻏﺎﺿﺐ ﻋﻠﻴﻪ ﻭ ﻭﻛﻌﺖ ﺑﺮﺍﺳﻲ ﻫﻞ ﺑﻠﻮﻩ ﻭﺟﻬﻪ ﺍﻟﻄﺎﻭﻩ ﺟﺎﻧﻮﺍ ﺍﻻﻃﻔﺎﻝ ﻳﺒﺎﻭﻋﻮﻥ ﻋﻠﻴﻪ ﻭﻫﻢ ﺧﺎﻳﻔﻴﻦ ﻭﻋﺎﻛﺪﻳﻦ ﺍﻟﻨﻮﻧﻪ ﻭﻳﺮﺩﻭﻥ ﻳﺒﺠﻮﻥ ﻭﻟﻮ ﻫﻢ ﻛﻞ ﺷﻮﻳﻪ ﻭﺍﺑﺠﻮﺍ ﻋﻠﺊ ﺍﻣﻬﻢ ﻭﻳﻜﻮﻟﻮﻥ ﻣﺎﺗﺖ ﻃﻠﻊ ﻣﻨﻬﺎ ﺩﻡ ... ﺟﻌﻔﺮ ﺧﻠﻪ ﻭﻃﻠﻊ ﻭﺍﺣﻨﻪ ﺿﻠﻴﻨﻪ ﻛﺎﻋﺪﺍﺕ ﻭﻛﻞ ﺷﻮﻳﻪ ﻧﺘﺼﻞ ﺑﺲ ﻣﺤﺪ ﻳﻨﻄﻨﻲ ﺟﻮﺍﺏ ﺻﺤﻴﺢ ﻭﺻﻼﺡ ﺭﺍﺡ ﻭﺭﺍﻫﻢ ﻣﻦ ﻋﺮﻑ ﺑﺎﻟﺴﺎﻟﻔﻪ ﻭﻋﺮﻑ ﺣﺎﻟﺘﻬﺎ ﻣﺎ ﺗﺒﺸﺮ ﺑﺨﻴﺮ ... ﺷﻮﻳﻪ ﻭﻫﻲ ﻧﻮﺍﻝ ﻃﻠﻌﺖ ﻭﺟﻬﻪ ﻣﻮﺭﻡ ﻭﻛﻮﻩ ﺗﻤﺸﻲ ﻭﻻﺑﺴﻪ ﻋﺒﺎﻳﺘﻬﺎ ﻭﻻﺑﺴﻪ ﺫﻫﺒﻬﺎ ﻛﻠﻬﺎ ﻭﻛﻔﺖ ﺑﺒﺎﺏ ﺍﻟﺤﻮﻭﻭﺵ ﻭﺿﻠﺖ ﺗﻀﺮﺏ ﺑﻲ ﺑﻌﺸﻮﺍﺋﻴﻪ ﻓﻠﺸﺖ ﺍﻟﺒﺎﺏ ﺗﻔﻠﺶ ﺩﻓﺮﺍﺕ ﻭﺑﻮﻛﺴﻴﺎﺕ ﻭﻫﻲ ﺗﺼﻴﻴﺢ ... ﻭﺗﻔﺸﺮ ﻭﺗﻐﻠﻂ ... ﺍﻟﻠﻪ ﻳﻨﺘﻘﻢ ﻣﻨﻚ ﻭﻳﻄﻴﺢ ﺣﻀﻜﻢ ﺍﻥ ﺷﺎﺀ ﺍﻟﻠﻪ ﺣﻮﺑﺘﻲ ﻣﺎ ﺗﺘﻌﺪﺍﻛﻢ ﺍﻥ ﺷﺎﺀ ﺍﻟﻠﻪ ﻳﺎ ﺟﻌﻔﺮ ﻳﺠﻴﺒﻮﻧﻚ ﺑﺘﺎﺑﻮﺕ ﻭﻟﻜﻢ ﻛﻮﺍﻭﻳﺪ ﺻﺎﻳﺮﻳﻦ ﺷﺮﻓﺎﺀ ﺑﺮﺍﺳﻲ ﻛﻠﻜﻢ ﻋﺎﺭﺍﺕ ﻭﻛﻠﻜﻢ ﺯﻣﺎﻳﻞ ﻭﻣﺎ ﺑﻴﻜﻢ ﺭﺟﺎﻝ ﺭﻭﺣﻮ ﺍﺣﻔﻈﻮﺍ ﻧﺴﻮﺍﻧﻜﻢ ﺍﻟﺪﺍﻳﺤﻪ ﻣﺘﻌﺠﺒﻴﻦ ﺿﺮﺑﺖ ﺟﻮﻟﻴﻴﺖ ؟ ﻭﻟﻜﻢ ﺍﻧﻲ ﻣﻦ ﺯﻣﺎﻥ ﻭﻣﻨﺘﻈﺮﻩ ﻫﺎﻱ ﺍﻟﻠﺤﻈﻪ ﻣﻦ ﺯﻣﺎﻥ ﻭﺍﻧﻲ ﺍﺭﻳﺪ ﺍﻛﺘﻠﻬﺎ ﺑﻴﺪﻱ ﺍﻧﻮﺏ ﻫﺎﻱ ﺍﺷﻮ ﺿﻠﺖ ﺗﻬﻠﻬﻞ ... ﻛﻠﻮﻭﻭﻭﻭﻭﻭﻭﺵ ﺍﻓﺮﺡ ﻓﻼﺡ ﺍﻓﺮﺡ ﺑﮕﺒﺮﻙ ﺣﺒﻴﺒﻲ ﺍﺧﺬﺕ ﺛﺎﺭﻙ ﺑﻌﺪ ﻣﺎ ﻛﻮﻡ ﻣﺎﻝ ﺯﻟﻢ ﻣﺸﻮﺭﺑﻪ ﻣﺤﺪ ﺍﺧﺬ ﺛﺎﺭﻙ ﻣﻨﻬﻢ ﻛﺘﻠﺖ ﺍﺧﺖ ﻛﺘﺎﻟﻚ ﻳﺎ ﻓﻼﺡ ﺍﺧﺬﺕ ﺛﺎﺭﻙ ﺷﻴﻠﻚ ﺭﺍﻳﻪ ﺑﻴﻀﻪ ﺑﮕﺒﺮﻙ ﻭﺗﺒﺎﻫﻪ ﻛﺪﺍﻡ ﺍﻟﻤﻮﺗﺊ ﻭﻛﻮﻝ ﻣﺤﺪ ﺍﺧﺬ ﺛﺎﺭﻱ ﻏﻴﺮ ﻣﺮﺗﻲ ... ﻟﻴﺶ ﻣﺎ ﺩﺧﻞ ﺟﻌﻔﺮ ﺩﻓﻌﻬﺎ ﻛﺴﺮﻫﺎ ﺗﻜﺴﺮ ﻛﻠﻬﺎ ﺑﻐﻀﺐ ... ﻭﺍﻟﻠﻪ ﻟﻮ ﻛﻮﻥ ﻳﻄﻠﻌﻠﺞ ﻓﻼﺡ ﻣﻦ ﻛﺒﺮﻩ ﺍﻟﻪ ﻳﻄﻜﺞ ﺑﺰﻳﺞ ﻋﻠﺊ ﻫﻞ ﻛﻼﻡ ﻳﺎ ﺛﺎﺭ ﻳﺎ ﻧﻌﺎﻝ ﺍﻧﺘﻲ ﻣﺼﺪﻛﻪ ﺭﻭﺣﺞ ﺑﺎﻟﻘﺮﺍﻥ ﺍﻧﺘﻲ ﻣﻮ ﺻﺎﺣﻴﻪ ﻧﺴﻮﺩﻧﻪ ﻣﺎ ﻋﻨﺪﺝ ﻋﻘﻞ ﻭﻛﻔﺖ ﺑﺼﻼﻓﻪ ﻭﺭﺩﺕ ﻋﻠﻴﻪ ... ﻭﺍﻟﻠﻪ ﺍﻟﻲ ﻳﺸﻮﻓﻜﻢ ﻭﻳﻌﻴﺶ ﻭﻳﺎﻛﻢ ﻣﻮ ﺑﺲ ﻳﺼﻴﺮ ﻣﺴﻮﺩﻥ ﺑﺲ ﺑﺴﻴﻄﻪ ﻳﺎ ﺍﺑﻮ ﺍﻟﻌﺮﻙ ﺑﺴﻴﻄﻪ ﺍﺫﺍ ﻣﺎ ﺍﻟﻴﻮﻡ ﻧﺪﻣﺘﻚ ﻣﺎ ﺍﻃﻠﻊ ﺍﻡ ﺳﺠﺎﻭﻱ ﻫﺰ ﺍﻳﺪﻩ ... ﻏﻴﺮ ﺗﺴﺘﻘﺮ ﺍﻡ ﻧﻌﻼﻭﻱ ﺩﻣﺸﻲ ﻭﻟﻲ ﻓﻜﻴﻨﻪ ﻣﻦ ﺟﻬﺮﺗﺞ ﺍﻟﺰﻓﺮﻩ ﺿﺮﺑﺖ ﺍﻟﺒﺎﺏ ﺑﻐﻀﺐ ... ﺟﻴﺐ ﺑﻨﺎﺗﻲ ﻛﻌﺪ ﺑﺒﺮﻭﺩ ﻋﻠﺊ ﺍﻟﺪﺭﺝ ﻭﺭﺩ ﻋﻠﻴﻬﺎ ... ﺍﻧﺘﻲ ﻣﺮﻩ ﺍﺧﺬﻳﻬﻦ ﻭﺍﻟﻠﻪ ﺍﻃﻠﻌﺞ ﺍﺟﻨﺎﺯﻩ ... ﻫﻲ ﺩﻓﺮﺕ ﺍﻟﺒﺎﺏ ﻭﺧﻠﺖ ﻭﺭﺍﺣﺖ ﻭﺑﻌﺪﻫﺎ ﺗﺴﺐ ﻭﺗﻐﻠﻂ ﺣﺘﺊ ﺍﻟﺠﻴﺮﺍﻥ ﻃﻠﻌﻮﺍ ﻋﻠﺊ ﺻﻮﺗﻬﺎ ﺷﻜﺪ ﻣﺘﺴﺘﺤﻲ ... ﺟﻌﻔﺮ ﺟﺮ ﻧﻔﺲ ﻭﺣﻂ ﺭﺍﺳﻪ ﺑﻴﻦ ﺍﺩﻳﻪ ... ﻭﺍﻟﻠﻪ ﻣﺸﻜﻠﻪ ﻫﻞ ﻣﺮﻩ ﻣﺸﻜﻠﻪ ﻛﻮﻥ ﺗﻤﻮﺕ ﻭﺍﻟﻠﻪ ﻧﺬﺭ ﻃﻠﻲ ﻻﺑﻮ ﻓﺎﺿﻞ ﻭﻗﺒﻞ ﻻ ﺍﺫﺑﺤﻪ ﺍﻭﻛﻠﻪ ﻣﻦ ﺣﻠﻮﻳﺎﺕ ﺍﻟﻤﺼﻄﻔﺊ ... ﻭﺑﻌﺪﻫﺎ ﺧﻠﻪ ﻭﺭﺍﺡ ﻟﻠﻤﺴﺘﺸﻔﺊ ﻳﺸﻮﻑ ﺟﻮﻟﻲ ﻻﻥ ﻛﺎﻟﻮ ﺟﺎﺳﺮ ﺟﺎﻱ ... ........................... ﻭﻗﺎﺭ ... ﺟﻨﺖ ﻭﺍﻛﻔﻪ ﺑﺘﻬﺎﻟﻚ ﺳﺎﻋﻪ ﺍﺑﺠﻲ ﻭﺳﺎﻋﻪ ﺃﺗﺄﻟﻢ ﻭﺳﺎﻋﻪ ﺍﻟﻬﺚ ﻣﻦ ﺍﻟﺘﻌﺐ ﺣﺎﻟﺘﻬﺎ ﺣﺮﺟﻪ ﻭﻣﺎ ﻧﻤﻠﻚ ﺍﻟﻪ ﺍﻟﺪﻋﺎﺀ ﻭﺍﻟﻤﺸﺎﻛﻞ ﻣﺎ ﺗﺠﻲ ﻣﻦ ﻭﺭﺍﻫﺎ ﺑﺲ ﺍﻟﻤﺼﺎﻳﺐ ﺩﺧﻞ ﺟﺎﺍﺳﺮ ﻭﻛﺎﻥ ﺻﺪﺭﻩ ﻳﻌﻠﺊ ﻭﻳﻬﺒﻂ ﻭﺍﺟﻪ ﻭﻫﻮ ﻳﺮﻛﺾ ﺯﻣﺠﺮ ﺑﺎﻟﻢ ﺷﺪﻳﺪ ﺑﻌﺪ ﻣﺎ ﺷﺎﻑ ﺍﻟﻜﻞ ﻭﺍﻛﻒ ﻟﺰﻡ ﺟﺎﺑﺮ ﺑﺤﺪﻩ ... ﺷﻜﻮﻭﻭ ﺍﺣﺠﻲ ﺷﻨﻮﻭ ﺍﻟﺼﺎﺭ ﺍﺣﺠﻴﻴﻲ ﺑﺎﻭﻉ ﻟﻠﻮﺟﻮﻩ ﺍﻟﺨﺎﻳﻔﻪ ﻭﺍﻟﻤﺘﺮﻗﺒﻪ ﺻﺎﺡ ﺑﻴﻬﻢ ﺑﺼﻮﺕ ﻏﺎﺿﺐ ... ﻭﺍﺣﺪ ﻣﻨﻜﻢ ﻳﺤﺠﻲ ﺍﻟﺼﺎﺍﺍﺍﺭ ﻭﻣﺮﺗﻲ ﺷﺒﻴﻬﺎ ﺍﺣﺠﻮﺍ ... ﻟﺰﻣﺘﻪ ﺭﺿﻴﻪ ﺑﺘﻮﺳﻞ ﻭﺧﻮﻭﻑ ... ﻳﻤﻪ ﻋﻠﺊ ﻛﻴﻔﻚ ﺍﻫﺪﺉ ﻫﻲ ﺗﻌﺎﺭﻛﺖ ﻭﻳﻪ ﻧﻮﺍﻝ ﻭﻧﻮﺍﻝ ﺿﺮﺑﺘﻬﺎ ﺑﺒﻄﻞ ﺍﻟﻤﻲ ﻋﻠﺊ ﺭﺍﺳﻬﺎ ﺩﻓﻊ ﺍﻳﺪ ﺭﺿﻴﻪ ﺑﻐﻀﺐ ... ﻭﺍﻧﺘﻢ ﻭﻳﻦ ﺟﻨﺘﻮﺍ ﻋﻨﻬﺎ ﺷﻠﻮﻥ ﺗﺨﻠﻮﻧﻬﺎ ﺗﻀﺮﺑﻬﺎ ﻋﻤﻲ ﺗﻘﺮﺏ ﻣﻨﻪ ﻭﻟﺰﻣﻪ ﻣﻦ ﻛﺘﻔﻪ ﻭﻃﺒﻄﺐ ﻋﻠﻴﻪ ... ﻋﻠﺊ ﻛﻴﻔﻚ ﺑﻮﻳﻪ ﺷﻮﻳﻪ ﺍﻋﺼﺎﺑﻚ ﻛﻞ ﺷﺊ ﺑﺎﻟﺘﻔﺎﻫﻢ ﻳﻨﺤﻞ ﻭﻫﺴﻪ ﻣﺮﺗﻚ ﻣﺮﻳﻀﻪ ﺧﻠﻴﻨﻪ ﻧﺸﻮﻑ ﺣﺎﻟﺘﻬﺎ ﻭﺑﻌﺪﻫﺎ ﻧﻌﺎﻗﺐ ﻧﻮﺍﻝ ﺻﻚ ﻋﻠﺊ ﺍﺳﻨﺎﻧﻪ ﻭﺭﺩ ﻋﻠﺊ ﻋﻤﻲ ... ﻛﻞ ﻇﺎﻟﻢ ﻭﻧﻬﺎﻳﺘﻪ ﺍﺷﺪ ﻣﻦ ﻇﻠﻤﻪ ﻭﻧﻮﺍﻝ ﻃﻐﺖ ﻭﺗﺠﺒﺮﺕ ﻫﻮﻭﻭﺍﻱ ﻭﺍﻟﻠﻪ ﺣﺴﺎﺑﻬﺎ ﻋﻨﺪﻱ ﻭﻣﺎ ﺍﺭﻳﺪ ﺍﻱ ﻭﺍﺣﺪ ﻳﺘﺪﺧﻞ ﻭﻳﺼﻴﺮ ﺷﺮﻳﻒ ﺑﺮﺍﺳﻲ ... ﺗﺮﻛﻨﺎ ﻭﻣﺸﻪ ﻋﻨﺪ ﺍﻟﺪﻛﺘﻮﺭ ﻭﻫﻮ ﻳﺮﻳﺪ ﻳﺘﻄﻤﻦ ﻋﻦ ﺣﺎﻟﺘﻬﺎ ﺍﻧﻲ ﺧﻠﻴﺖ ﻭﺭﺣﺖ ﻭﺭﺍﻩ ﺍﻣﺸﻲ ﻭﺍﺗﻮﺳﻞ ﺑﻲ ﻳﻬﺪﻱ ﺍﻋﺼﺎﺑﻪ ﺷﻮﻳﻪ ﻫﻮ ﻣﺎ ﻋﺮﻑ ﺑﻴﻬﺎ ﻫﻲ ﺳﻘﻄﺖ ﻭﻻ ﻋﺮﻑ ﻋﻨﺪﻫﺎ ﻧﺰﻳﻔﻴﻦ ﻭﻧﻬﺎﺭ ﻋﻠﻴﻬﺎ ﻭﺗﺨﺒﻞ ﻟﻮ ﻳﻌﺮﻑ ﺷﺤﻴﺴﻮﻱ ... ﺩﺧﻞ ﻟﻠﺪﻛﺘﻮﺭ ﻭﻃﻠﺐ ﻳﺸﺮﺡ ﺍﻟﻪ ﻋﻦ ﺣﺎﻟﺔ ﺟﻮﻟﻴﻴﺖ ﻭﺍﻟﺪﻛﺘﻮﺭ ﺣﺠﻪ ﺍﻟﻪ ﺑﺎﻟﺼﺤﻴﺢ ﺟﺎﻧﺖ ﻣﻼﻣﺤﻪ ﺗﺤﺪﺕ ﺑﻜﻞ ﻛﻠﻤﻪ ﻣﻦ ﻛﻼﻡ ﺍﻟﺪﻛﺘﻮﺭ ﻭﻳﺤﺘﻘﻦ ﻭﺟﻬﻪ ﺑﻠﻮﻥ ﺍﻟﺪﻡ ﻭﻛﻒ ﺑﻐﻀﺐ ﻋﺎﺍﺍﺍﺭﻡ ﻭﻃﻠﻊ ﻣﻦ ﻏﺮﻓﺔ ﺍﻟﺪﻛﺘﻮﺭ ﻭﻫﻮ ﻳﻜﺸﻲ،ﺑﺴﺮﻋﻪ ﻭﺳﺎﻗﻨﻪ ﺭﺟﻠﻴﻪ ﻋﻨﺪ ﺍﻟﻤﻈﻠﻮﻣﻪ ﺍﻟﻴﺘﻴﻤﻪ ﺍﻟﻬﺎﻣﺪﻩ ﻋﻠﺊ ﻣﺸﺎﺭﻑ ﺍﻟﻬﻼﻙ ﺑﺎﻭﻉ ﺍﻟﻬﺎ ﻣﻦ ﻏﺮﻓﺘﻬﺎ ﺍﻟﻤﻤﺪﻭﺩﻩ ﺑﻴﻬﺎ ﺟﺎﻧﺖ ﺟﺴﺪ ﺑﺪﻭﻥ ﺭﻭﺡ ﺗﻌﺎﻟﺖ ﺧﻔﻘﺎﺕ ﮔﻠﺒﻪ ﺑﺎﻟﻢ ﻋﻠﻴﻬﺎ ﻭﺍﺑﺘﻌﺪ ﻋﻦ ﺍﻟﻐﺮﻓﻪ ﻭﻫﻮ ﻳﻤﺸﻲ ﺑﺨﻄﻮﺍﺕ ﻭﺍﺛﻘﻪ ﻣﻨﺘﻘﻤﻪ ﺍﺟﺮﺉ ﺍﺗﺼﺎﻝ ﺳﺮﻳﻊ ﻣﺎ ﻓﻬﻤﺖ ﻣﻨﻪ ﺷﺊ ﺑﺲ ﺍﻟﻲ ﻋﺮﻓﺘﻪ ﻫﻮ ﻛﻠﻪ ... ﺗﻌﺎﻟﻲ ﺑﺴﺮﻋﻪ ﺍﺭﻳﺪﻙ ﺗﺴﺠﻞ ﺗﻘﺮﻳﺮ ﻭﺗﺮﻓﻊ ﺩﻋﻮﻩ ... ﺍﻱ ﺍﻧﻲ ﺑﺎﻟﺠﻤﻠﻪ ﺍﻟﻌﺼﺒﻴﺔ ... ﻗﻔﻞ ﺍﻟﺨﻂ ﻭﺩﺍﺭ ﻭﺟﻬﻪ ﺍﻟﻤﺤﺘﻘﻦ ﻋﻠﻴﻪ ﻭﻣﻦ ﺑﻴﻦ ﺛﻮﺭﺓ ﻋﺼﺒﻴﺘﻪ ﺳﺎﻟﻨﻲ ﺑﻐﻀﺐ ... ﻋﻠﺊ ﺷﻨﻮ ﺿﺮﺑﺘﻬﺎ ﻫﻞ ﻛﻠﺒﻪ ﺭﺩﻳﺖ ﻋﻠﻴﻪ ﺑﺼﻮﺕ ﻣﺨﻨﻮﮒ ﻣﻦ ﺍﻟﺒﻜﺎﺀ ﻭﺑﻌﺒﺮﻩ ... ﻻﻥ ﻋﻤﻲ ﻭﺟﺎﺑﺮ ﺭﺍﺩﻭﺍ ﻳﺤﻠﻔﻮﻥ ﻧﻮﺍﻝ ﻣﺎ ﻣﺴﻮﻳﻪ ﺳﺤﺮ ﻟﺠﻌﻔﺮ ﻭﺫﻳﺞ ﻣﻘﺒﻠﺖ ﻛﺎﻟﺘﻠﻪ ﺍﻟﻪ ﺟﻮﻟﻲ ﺗﺤﻠﻒ ﻭﻣﻦ ﺭﺍﺩﺕ ﺟﻮﻟﻲ ﺗﺤﻠﻒ ﻧﻮﺍﻝ ﺿﺮﺑﺘﻬﺎ ﻫﻮ ﺑﺎﻭﻋﻠﻲ ﺑﺤﺪﻩ ﻭﻋﻴﻮﻧﻪ ﺑﻴﻬﺎ ﻏﻀﺐ ﺷﺎﺳﻊ ﻛﺎﻝ ... ﻋﻠﺊ ﺍﻱ ﺍﺳﺎﺱ ﺟﻮﻟﻴﻴﺖ ﺗﺤﻠﻒ ﻭﺷﻨﻮ ﺍﻧﺘﻢ ﻭﺗﺤﻠﻔﻮﻫﺎ ﺭﻓﻌﺖ ﺍﻛﺘﺎﻓﻲ ﺑﺨﻮﻑ ﻭﻋﺪﻡ ﻣﻌﺮﻓﻪ ... ﻭﺍﻟﻠﻪ ﻣﺎ ﺍﻋﺮﻑ ﻋﻤﻮ ﻫﻮ ﻛﺎﻝ ﺗﺤﻠﻒ ﻭﻫﻲ ﻗﺒﻠﺖ ﻭﻧﻮﺍﻝ ﺿﺮﺑﺘﻬﺎ ﺑﺒﻄﻞ ﻣﻲ ﺑﺲ ﺟﺎﻥ ﺟﺎﻣﺪ ﺣﻴﻴﻞ ﻧﺰﻝ ﺭﺍﺳﻪ ﻭﺟﺮ ﻧﻔﺲ ﻋﻤﻴﻴﻖ ... ﻣﺎﺫﻳﺘﻬﺎ ﻭﺿﺎﺭﺑﺘﻬﺎ ﺣﻴﻴﻞ ﻫﻞ ﻛﻠﺒﻪ ﻫﺰﻳﺖ ﺭﺍﺳﻲ ﺑﺄﻱ ... ﺿﺮﺑﺘﻬﺎ ﺑﺮﺍﺳﻬﺎ ﺧﻄﻴﻪ ﺿﻠﺖ ﺗﻨﺰﻑ ... ﺭﻓﻊ ﺍﺻﺒﻌﻪ ﺑﺘﻬﺪﻳﺪ ... ﻭﺍﻟﻠﻪ ﺍﺫﺍ ﺻﺎﺭ ﺑﻴﻬﺎ ﺷﺊ ﻧﻮﺍﻝ ﻣﺎ ﺗﻠﻮﻡ ﺍﻟﻪ ﻧﻔﺴﻬﺎ ﻭﻫﻞ ﻃﻔﻞ ﺍﻟﻤﺎﺕ ﺍﻟﻪ ﺍﻃﻠﻌﻪ ﻣﻦ ﻋﻴﻮﻧﻬﺎ ﻭﻋﻴﻮﻥ ﺍﻟﺨﻠﻔﻬﺎ ... ﻃﻠﻊ ﻣﻦ ﺍﻟﻤﻤﺮ ﺍﻟﻄﻮﻳﻞ ﺍﻟﻤﻤﺪﻭﺩ ﺑﺎﻟﻐﺮﻑ ﻭﻃﻠﻊ ﻟﻠﺤﺪﻳﻘﻪ ﺷﺎﻑ ﻋﻤﻲ ﻭﺟﺎﺑﺮ ﺑﺎﻭﻋﻠﻬﻢ ﺑﻐﻀﺐ ﻭﺯﻣﺠﺮ ﺑﻴﻬﻢ ﺑﻐﻀﺐ ... ﺍﻧﺘﻢ ﺑﺄﻱ ﺣﻖ ﺗﺤﻠﻔﻮﻥ ﺯﻭﺟﺘﻲ ﺑﺎﻟﻘﺮﺍﻥ ﺷﻨﻮ ﺳﺎﺣﺮﺗﻜﻢ ﻭﺍﻧﻲ ﻣﺎ ﺍﺩﺭﻱ ﺷﻨﻮ ﻫﻞ ﻣﻬﺰﻟﻪ ﻭﺍﻟﻠﻪ ﺍﻧﺘﻢ ﺳﺎﺱ ﺍﻟﺒﻠﻪ ﻭﺍﻟﻤﺸﺎﻛﻞ ﻣﻮ ﻣﻦ ﺣﻘﻜﻢ ﺗﺮﺩﻭﻥ ﺗﺤﻠﻔﻮﻥ ﺯﻭﺟﺘﻲ ﻭﺯﻭﺟﺘﻲ ﻻ ﻃﺎﻟﻌﻪ ﻭﻻ ﻣﺎﺷﻴﻪ ﺭﺩ ﻋﻠﻴﻪ ﻋﻤﻲ ﺑﻌﺪ ﻣﺎ ﺑﻠﻊ ﺭﻳﻜﺦ ... ﻋﻤﻲ ﺍﺣﻨﻪ ﺭﺩﻧﻪ ﻧﺤﻠﻔﻬﺎ ﻻﺟﻞ ﺍﻟﺴﺘﺮ ﺻﺮﺥ ﺑﻮﺟﻬﻪ ﺑﻌﺼﺒﻴﺔ ... ﺍﻳﻴﻴﻴﻴﻲ ﺳﺘﺮ ﺍﻳﻴﻴﻲ ﺳﺘﺮ ﻣﺮﺗﻲ ﺑﻴﻦ ﺍﻟﺤﻴﺎﺓ ﻭﺍﻟﻤﻮﻭﻭﺕ ﻣﺮﺗﻲ ﻓﻘﺪﺕ ﻃﻔﻠﻬﺎ ﻭﻧﺰﻳﻔﻴﻦ ﺑﺮﺍﺳﻬﺎ ﻭﺍﻟﻠﻪ ﻭﺍﻟﻠﻪ ﺍﺫﺍ ﺟﻮﻟﻴﻴﺖ ﺻﺎﺭ ﺑﻴﻬﺎ ﺷﺊ ﻛﻠﻜﻢ ﺍﻛﺘﻠﻜﻢ ﻭﺍﻧﻌﻞ ﺍﻟﺴﺎﻋﻪ ﺍﻟﻌﺮﻓﺘﻜﻢ ﺑﻴﻬﺎ ... ﺍﻧﺘﻢ ﺳﺎﺱ ﺍﻟﺒﻠﻪ ﻭﺍﻟﻤﺼﺎﻳﺐ ﺷﻜﻮ ﺗﺘﺼﺮﻓﻮﻥ ﻣﻦ ﻛﻴﻔﻜﻢ ﻭﺷﺪﺧﻠﻜﻢ ﺍﺻﻼ ﺍﻧﻲ ﻣﺎ ﺍﻧﺴﻪ ﻓﻌﺎﻳﻠﻜﻢ ﻭﻳﺎﻱ ﻭﻻ ﺍﻧﺴﻪ ﺍﻟﺴﻮﻳﺘﻮﺍ ﺿﺪﻱ ﻭﻛﻞ ﻫﺬﺍ ﻭﻛﻠﺖ ﻣﺒﺨﺎﻟﻒ ﺟﺎﺳﺮ ﻣﻴﺨﺎﻟﻒ ﻳﻀﻠﻮﻥ ﻋﻤﻚ ﻭﺍﺑﻦ ﻋﻤﻚ ﺟﺎﺍﻳﻦ ﺍﻧﻮﺏ ﺍﻟﺒﻴﺘﻲ ﻭﺍﻟﻠﻪ ﻧﻮﺍﻝ ﻣﺎ ﺗﻘﺒﻞ ﺗﺤﻠﻒ ﺍﻟﻪ ﺟﻮﻟﻴﻴﺖ ﺗﺤﻠﻒ ﻋﻠﺊ ﺍﻱ ﺍﺳﺴﺴﺎﺱ ﺍﻧﺘﻢ ﺗﺤﻠﻔﻮﻧﻬﺎ ﻭﺍﻟﻠﻪ ﻟﻮ ﺍﻧﻲ ﺍﻫﻨﺎ ﺟﺎﻥ ﻋﺮﻓﺖ ﺷﻠﻮﻥ ﺍﺗﺼﺮﻑ ﻭﺫﻳﺞ ﺑﻨﺖ ﺍﻟﻜﻠﺐ ﻣﺎ ﺗﺘﻮﺏ ﻣﻨﻲ ﺍﻧﻲ ﺍﻋﺮﻑ ﺷﻠﻮﻭﻭﻥ ﺍﺭﺑﻴﻬﺎ ﻭﻣﺜﻞ ﻣﺎ ﺣﺮﻣﺖ ﺟﻮﻟﻴﻴﺖ ﻣﻦ ﻃﻔﻠﻬﺎ ﺭﺍﺡ ﺍﺣﺮﻣﻬﺎ ﻣﻦ ﺑﻨﺎﺗﻬﺎ ﻭﻟﺤﺪ ﻳﺠﻲ ﻳﺒﻴﻊ ﻣﺜﺎﻟﻴﺎﺕ ﺑﺮﺍﺳﻲ ﻭﻻ ﻳﺠﻲ ﻳﺼﻴﺮ ﻣﺘﺪﻳﻦ ﻋﻠﻴﻪ ﺍﻧﻲ ﺭﺟﺎﻝ ﻣﺎ ﺍﻋﺘﺮﻑ ﺑﻤﺜﺎﻟﻴﺎﺗﻜﻢ ﻭﺍﻟﺒﺮﺍﺳﻲ ﺍﺳﻮﻱ .. ﻟﺰﻣﺘﻪ ﺍﻣﻲ ﺑﺤﻨﺎﻥ ... ﻋﻠﺊ ﻛﻴﻔﻚ ﻳﻤﻪ ﺍﺳﺘﻬﺪﻱ ﺑﺎﻟﺮﺣﻤﻦ ﺍﺑﺘﻌﺪ ﻋﻦ ﺍﻣﻲ ﺧﻄﻮﺍﺕ ﻛﺒﻴﺮﻩ ... ﺍﻧﺘﻢ ﺧﻠﻴﺘﻮﺍ ﺑﺮﺍﺳﻲ ﻋﻘﻞ ﻭﺍﻟﻠﻪ ﺍﺫﺍ ﻣﺎ ﺧﺒﻠﺘﻜﻢ ﻣﺜﻞ ﻣﺎ ﺧﺒﻠﺘﻮﻧﻲ ﻣﺎ ﺍﻃﻠﻊ ﺟﺎﺳﺮ ... ﻣﺸﻪ ﻣﺴﺎﻓﻪ ﻃﻮﻭﻳﻠﻪ ﻭﺍﻧﻲ ﺟﻨﺖ ﺍﺑﺠﻲ ﻭﺍﺩﻳﻪ ﻭﺍﻃﺮﺍﻓﻲ ﺟﻤﺪﺕ ﻣﻦ ﺍﻟﺨﻮﻑ ﻭﺍﻟﺪﻣﻌﻪ ﺗﺴﺒﻖ ﺍﻟﺪﻣﻌﻪ ... ﻟﺰﻣﻨﻲ ﺟﺎﺑﺮ ﻣﻦ ﻛﺘﻔﻲ ﻭﻫﻤﺲ ... ﺭﻭﺣﻲ ﻭﻗﺎﺭ ﺭﻭﺣﻲ ﻭﺍﺳﻲ ﺍﺧﻮﻭﺝ ﻻ ﺗﺨﻠﻴﻨﻪ ﺍﻟﻮﺣﺪﻩ ﺭﻛﻀﺖ ﻭﺭﺍﻩ ﻭﻫﻮ ﻭﻛﻒ ﻳﺨﺎﺑﺮ ﻋﻘﺪ ﺣﻮﺍﺟﺒﻪ ﺑﺎﺳﺘﻐﺮﺍﺏ ... ﺭﺍﻓﻌﻪ ﺩﻋﻮﻩ ﻗﺒﻠﻨﺎ ﺍﻫﺎﺍﺍ ﻳﺎﻟﻠﻪ ﺗﻤﺎﻡ ﺑﺎﻭﻉ ﺍﺭﻳﺪﻙ ﻛﻢ ﻳﻮﻡ ﻭﺗﺴﻘﻄﻬﺎ ﻭﺗﺮﻓﻊ ﺩﻋﻮﻩ ﺟﺪﻳﺪﻩ ﺿﺪﻫﺎ ... ﻣﻴﺨﺎﻟﻒ ﺧﻠﻲ ﻳﺎﻛﻠﻪ ﻛﻢ ﻳﻮﻡ ﺑﺎﻟﺴﺠﻦ ﻣﺎ ﺑﻴﻬﺎ ﺷﺊ ﻗﻔﻞ ﺍﻟﺨﻂ ﻭﺑﺎﻭﻋﻠﻲ ﻟﺰﻣﺎ ﺍﻳﺪﻩ ﺑﺤﻨﺎﻥ ﻭﺍﻧﻲ ﺍﻣﺴﺢ ﺑﺪﻣﻮﻋﻲ ... ﺟﺎﺳﺮ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺸﺎﻓﻴﻬﺎ ﻻ ﺗﺨﺎﻑ ﺭﺑﻲ ﻣﻮﺟﻮﺩ ﺟﺮ ﻧﻔﺲ ﻋﻤﻴﻖ ﻭﺗﻨﻬﺪ ﺑﺎﻭﻋﻠﻲ ﺑﻐﺼﻪ ... ﺗﻌﺒﺖ ﻭﺍﻟﻠﻪ ﺣﻴﻴﻴﻴﻞ ﺗﻌﺒﺖ ﺑﻌﺪ ﻣﺎ ﺍﻛﺪﺭ ﺍﻓﻘﺪ ﺍﻛﺜﺮ ﻣﻦ ﻫﻴﻴﺞ ﻃﻠﻌﺖ ﺭﻭﺣﻲ ﺍﺣﺲ ﺣﻴﺎﺗﻲ ﻣﺜﻞ ﺍﻟﺴﺮﺍﺏ ﻭﻛﻞ ﻳﻮﻡ ﻣﺨﺘﻔﻲ ﻣﻨﻲ ﺷﺨﺺ ﺷﺎﻡ ﺍﻧﺴﺎﻧﻪ ﺣﺒﻴﺘﻬﺎ ﻭﺣﺒﻴﺖ ﻟﻄﺎﻓﺘﻬﺎ ﻭﺭﻭﺣﻬﺎ ﻭﻣﺮﺣﻬﺎ ﻭﺿﺎﻋﺖ ﻣﻨﻲ ﺑﺎﻟﻠﺤﻈﺎﺕ ﻏﺰﻝ ﻋﺸﺖ ﺑﻴﻬﺎ ﻭﺍﻟﻬﺎ ﻭﺭﻭﺣﻲ ﻣﺎ ﺟﻨﺖ ﺍﺷﻮﻓﻬﺎ ﺍﻟﻪ ﺑﻌﻴﻮﻧﻬﺎ ﻋﻮﺿﺘﻨﻲ ﻋﻦ ﺍﻟﻢ ﺍﻣﻬﺎ ﻭﻏﻴﺎﺑﻬﺎ ﻭﺍﻧﻘﺘﻠﺖ ﺑﺪﻡ ﺑﺎﺭﺩ ﻭﺩﻓﻨﺘﻬﺎ ﺑﻴﺪﻱ ﻭﻣﻦ ﺑﻌﺪ ﻣﻌﻨﺎﺓ ﻭﻳﻪ ﺭﻭﺣﻲ ﻭﻋﻘﻠﻲ ﻭﮔﻠﺒﻲ ﻭﻋﺬﺍﺏ ﺟﺴﺪﻱ ﻭﻧﻔﺴﻲ ﻭﻣﺤﺪ ﻛﺴﺮ ﻋﻨﻔﻮﺍﻧﻲ ﻏﻴﺮﻫﺎ ﺟﻨﺖ ﺷﻴﻄﺎﻥ ﺑﻬﻴﺌﺔ ﺑﺸﺮ ﺗﺠﺒﺮﺕ ﻋﻠﻴﻬﺎ ﻫﻮﻭﻭﺍﻱ ﻭﺩﺍﻭﺕ ﻧﻔﺴﻲ ﺑﻴﻬﺎ ﺍﺧﺬﺗﻬﺎ ﺑﺬﻧﺐ ﻣﻮ ﺫﻧﺒﻬﺎ ﻛﻞ ﻳﻮﻡ ﺍﻧﻜﺮ ﺗﺮﺑﻌﻬﺎ ﻋﻠﺊ ﻋﺮﺵ ﮔﻠﺒﻲ ﻣﻦ ﺣﺴﻴﺘﻬﺎ ﻫﻲ ﺑﻠﺴﻢ ﻟﺠﺮﻭﺣﻲ ﺍﻟﻘﺪﺭ ﻟﻌﺐ ﻟﻌﺒﺘﻪ ﻣﺮﻩ ﺛﺎﻧﻴﻪ ﻭﻳﺎﻱ ﻭﻳﺮﻳﺪ ﻳﺤﺮﻣﻨﻲ ﻣﻨﻬﺎ ... ﻭﺍﻧﻲ ﻫﺎﻱ ﺍﺧﺮ ﻃﺎﻗﻪ ﺍﻟﻲ ﺍﺫﺍ ﺟﻮﻟﻴﻴﺖ ﻣﺎﺗﺖ ﻣﺎ ﺗﻌﺮﻓﻮﻥ ﺷﻠﻮﻥ ﺍﺗﺼﺮﻑ ﺍﻧﺘﻘﻢ ﻣﻦ ﻧﻔﺴﻲ ﻗﺒﻞ ﻏﻴﺮﻱ ﺗﻘﺮﺑﺖ ﻣﻨﻪ ﺑﺤﻨﺎﻥ ... ﻻ ﺍﺳﻢ ﺍﻟﻠﻪ ﺍﻥ ﺷﺎﺀ ﺍﻟﻠﻪ ﻋﻤﺮﻫﺎ ﻃﻮﻳﻞ ﻳﺎﺭﺏ ﻭﻻ ﻳﺤﺮﻣﻬﺎ ﻣﻨﻚ ﻭﻻ ﺗﻨﺤﺮﻡ ﻣﻨﻬﺎ ... ﺟﺮ ﻧﻔﺲ ﻣﻘﻬﻮﻭﻭﺭ ﻭﺭﺩ ﺑﻐﺼﻪ ... ﺷﻠﻮﻭﻥ ﻭﺍﻟﺪﻛﺘﻮﺭ ﻣﺎ ﻃﻤﻨﻲ ﻭﻛﺎﻝ ﺣﺎﻟﺘﻬﺎ ﺣﺮﺟﻪ ﻭﺣﺘﺊ ﻟﻮ ﻋﺪﺕ ﻣﺮﺣﻠﺔ ﺍﻟﺨﻄﺮ ﺍﺻﺎﺑﺘﻬﺎ ﺑﻴﻬﺎ ﺍﺿﺮﺍﺭ ﻭﺍﺿﺤﻪ ﻳﺎ ﺍﻣﺎ ﺗﻨﺸﻞ ﻳﺎ ﺍﻣﺎ ﺗﻨﻌﻤﻲ ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ﻣﻦ ﻛﻼﻣﻪ ﻭﺑﻠﻌﺖ ﺭﻳﻜﻲ ﺑﺘﻌﺐ ... ﻳﺎﺍﺍﺍ ﻋﺰﺍ ﺍﻟﻌﺰﺯﺯﺍﻧﻲ ﻻ ﺍﺳﻢ ﺍﻟﻠﻪ ﺍﻥ ﺷﺎﺀ ﺍﻟﻠﻪ ﻣﺎ ﺑﻴﻬﺎ ﺷﺊ ... ﺭﺑﻲ ﻳﺤﻔﻈﻬﺎ ﻻﻃﻔﺎﻟﻬﺎ ﺧﻄﻴﻪ ﻟﻮ ﺗﺸﻮﻓﻬﻢ ﺷﻠﻮﻥ ﺗﺨﺒﻠﻮ ﻋﻠﻴﻬﺎ ﻣﻦ ﺍﻧﻀﺮﺑﺖ ﻭﺷﻠﻮﻥ ﺿﻠﻮﺍ ﻳﺒﺠﻮﻥ ﺑﺎﻭﻋﻠﻲ ﺑﺤﻴﺮﻩ ﻭﺟﻤﻮﺩ .... ﻭﻗﺎﺭ ﻻ ﺗﻌﻮﻓﻴﻨﻬﻢ ﺗﺮﺉ ﺟﻮﻟﻴﻴﺖ ﺗﺤﺒﻬﻢ ﻭﻫﻢ ﻭﻛﺤﻴﻦ ﻻ ﻳﺼﻴﺮ ﺑﻴﻬﻢ ﺷﺊ ﻭﺍﻧﻲ ﻣﺎ ﺍﻛﺪﺭ ﺍﻋﻮﻓﻬﺎ ﻭﺍﻛﺎﺑﻠﻢ ﺟﺮﻳﺖ ﻧﻔﺲ ... ﻻ ﻟﺘﺨﺎﻑ ﺍﺷﻮﺍﻕ ﻳﻤﻬﻢ ﻭ ﺭﻳﻬﺎﻡ ﺧﻄﻴﻪ ﻣﻤﻘﺼﺮﺍﺕ ﺍﻧﻮﺏ ﺍﺟﻪ ﻳﻤﻨﻪ ﺻﻼﺡ ﺿﻞ ﻳﺤﺠﻲ ﻭﻳﺎﻩ ﻭﻳﻬﺪﺀ ﺑﻲ ﻭﻳﻄﻤﻨﻪ ﺑﺲ ﻫﻮ ﻫﻴﻬﺎﺕ ﺍﺑﺪ ﻣﺎ ﻣﺘﻄﻤﻦ ﻭﺭﻭﺣﻪ ﺫﺍﻳﺒﻪ ﻋﻠﻴﻬﺎ .... ............................ ﺭﻳﻬﺎﻡ ... ﺻﺎﺭ ﻳﻮﻣﻴﻦ ﻭﺟﻮﻟﻴﻴﺖ ﺑﺎﻟﻤﺴﺘﺸﻔﺊ ﻭﻟﺤﺪ ﺍﻻﻥ ﺑﻐﻴﺒﻮﺑﻪ ﻣﺆﻗﺘﻪ ﻭﺍﻧﻲ ﺍﻟﻴﻮﻡ ﻗﺮﺭﺕ ﺍﺭﻭﺡ ﺍﺷﻮﻓﻬﺎ ﻻﻥ ﻣﺎ ﺭﺣﺖ ﺍﻟﻬﺎ ﻣﻦ ﻭﻛﻌﺖ ﻭﺗﻤﺮﺿﺖ ﻻﻥ ﺍﻻﻃﻔﺎﻝ ﻣﺎﺧﺬﻳﻦ ﻛﻞ ﻭﻗﺘﻲ ﻭﻣﺎ ﺍﻛﺪﺭ ﺍﺭﻭﺡ ﻭﺍﻋﻮﻓﻬﻢ ... ﻋﻔﺖ ﺍﻻﻃﻔﺎﻝ ﺑﺎﻣﺎﻧﺔ ﻣﺎﻣﺎ ﺭﺿﻴﻪ ﻭﺭﺣﺖ ﺍﺷﻮﻑ ﺟﻮﻟﻴﻴﺖ ﺍﻟﻤﺴﻜﻴﻨﻪ ﻭﺟﺜﺘﻬﺎ ﺍﻟﻬﺎﻣﺪﻩ ﻋﻠﺊ ﺳﺮﻳﺮ ﺍﻟﻤﺮﺽ ... ﺭﺣﻨﻪ ﺍﻧﻲ ﻭﺻﻼﺡ ﻭﺍﺷﻮﺍﻕ ﺟﻨﺖ ﻃﻮﻭﻝ ﺍﻟﻄﺮﻳﻖ ﺩﺍﻳﺨﻪ ﻭﻟﻌﺒﺎﻧﻪ ﻧﻔﺴﻲ ﺑﺼﺮﺍﺣﻪ ﺷﻜﺪ ﻣﺎ ﻓﺮﺣﺖ ﺑﺤﻤﻠﻲ ﻟﻜﻦ ﻟﻼﺳﻒ ﺍﻧﻘﻬﺮﺕ ﻭﻓﻘﺪﺓ ﻟﺬﺓ ﻃﻌﻢ ﺍﻟﻔﺮﺣﻪ ﺑﺴﺒﺐ ﺍﻟﺼﺎﺭ ﺑﺠﻮﻟﻲ ... ﻭﺻﻠﻨﻪ ﻟﻠﻤﺴﺘﺸﻔﺊ ﻭﺩﺧﻠﻨﻪ ﺟﻮﻩ ﺍﻟﻬﺎ ﺑﺎﻟﻌﻨﺎﻳﻪ ﺍﻟﻤﺮﻛﺰﻩ ﻫﻲ ﺟﺎﻧﺖ ﺑﻐﻴﺒﻮﺑﻪ ﻣﺆﻗﺘﻪ ﻭﻟﺤﺪ ﺍﻻﻥ ﺍﻟﻨﺰﻳﻔﻴﻦ ﻣﺎ ﺗﻮﻗﻔﻮﺍ ﻭﺍﻟﻄﻔﻞ ﻓﻘﺪﺗﻪ ﻟﻼﺳﻒ ... ﺷﻜﻮﻝ ﻋﻠﻴﺞ ﻳﺎ ﻧﻮﺍﻝ ﺩﻣﺮﺗﻲ ﻫﻞ ﺍﻟﺒﻨﻴﻪ ﻭﺧﻠﻴﺘﻬﺎ ﺗﺼﺎﺭﻉ ﻋﻠﺊ ﻓﺮﺍﺵ ﺍﻟﻤﻮﺕ ﻭﻗﺘﻠﺘﻲ ﺭﻭﻭﺡ ﻟﺤﺪ ﺍﻻﻥ ﻣﺎ ﺷﺎﻓﺖ ﺍﻟﻨﻮﺭ ﻭﻣﺎﺗﺖ ﺑﻌﺘﻤﺔ ﺿﻠﻤﺔ ﺍﻟﺮﺣﻢ ... ﻫﻲ ﺟﺎﻧﺖ ﺣﺎﺳﻪ ﺑﻴﻬﺎ ﺑﻨﻮﺗﻪ ﻭﺟﺎﻧﺖ ﺭﻏﻢ ﺣﺰﻧﻬﺎ ﺑﺲ ﺑﻨﻔﺲ ﺍﻟﻮﻗﺖ ﺳﻌﻴﺪﻩ ﻭﺩﻛﻮﻝ ﻳﺎﺭﻳﺖ ﺗﺼﻴﺮ ﻋﻨﺪﻱ ﺑﻨﻴﻪ ﺍﻟﺒﻨﻴﻪ ﺣﺒﻴﺒﻪ ﻭﺳﻨﺪ ﻭﺿﻞ ﺍﻻﻣﻬﺎ ﻭﺍﻧﻲ ﺍﺫﺍ ﺻﺎﺭﺕ ﻋﻨﺪﻱ ﺑﻨﻮﺗﻪ ﺍﻋﺘﺒﺮﻫﺎ ﺍﻣﻲ ﻭﺍﺧﺘﻲ ﻭﺻﺎﺣﺒﺘﻲ ﻻﻥ ﺍﻧﻲ ﻓﺎﻗﺪﻩ ﻻﻣﻲ ﻭﻓﺎﻗﺪﻩ ﺍﻻﺧﺘﻲ ﻭﺍﻥ ﺷﺎﺀ ﺍﻟﻠﻪ ﺍﻧﻲ ﺍﻋﻮﺿﻬﺎ ﻭﻫﻲ ﺗﻌﻮﺿﻨﻲ ﻭﻧﺼﻴﺮ ﺣﺒﻴﺒﺎﺕ ﻭﺍﺫﺍ ﺍﺳﺘﻘﺮﺕ ﺣﻴﺎﺗﻲ ﻭﺻﺎﺭﺕ ﺍﻣﻮﺭﻱ ﻃﺒﻴﻌﻴﻪ ﺍﻧﻲ ﻣﺎ ﺍﺧﻠﻴﻬﺎ ﻭﺣﻴﺪﻩ ﺑﺈﺫﻥ ﺭﺑﻲ ﺍﻥ ﺷﺎﺀ ﺍﻟﻠﻪ ﺍﺧﻠﻒ ﺍﻟﻬﺎ ﺍﺧﺖ ﺗﺴﻨﺪﻫﺎ ... ﺑﺲ ﻗﺪﺭ ﺍﻟﻠﻪ ﻭ ﻣﺎ ﺷﺎﺀ ﻓﻌﻞ ﻭﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ ﻣﺎﻛﻮ ﺍﻋﺘﺮﺍﺽ ﻋﻠﺊ ﺇﺭﺍﺩﺗﻪ ... ﺩﺧﻠﻨﻪ ﺍﻧﻲ ﻭﺍﺷﻮﺍﻕ ﺑﺲ ﺻﻼﺡ ﻣﺎ ﻗﺒﻠﻮ ﻳﺪﺧﻞ ﺿﻞ ﺑﺎﻟﺤﺪﻳﻘﻪ ﺍﺳﺘﺎﺫﻧﻪ ﻣﻦ ﺍﻟﺪﻛﺘﻮﺭ ﺑﺲ ﻣﺎ ﻗﺒﻞ ﻧﺪﺧﻞ ﺍﻟﻬﺎ ﻛﺎﻝ ﺷﻮﻓﻮﻫﺎ ﻣﻦ ﺯﺟﺎﺝ ﺍﻟﺒﺎﺏ ﻭﺧﻠﻮ ﺍﻟﻤﺮﻳﻀﻪ ﺑﻐﻴﺒﻮﺑﺘﻬﺎ ... ﺑﺎﻭﻋﺘﻠﻬﺎ ﻣﻦ ﺑﻌﻴﺪ ﻭﻫﻲ ﻣﻤﺪﻭﺩﻩ ﻭﺍﻻﻭﻛﺴﺠﻴﻦ ﻣﻌﻠﻖ ﺑﺨﺸﻤﻬﺎ ﻭﺍﻛﺘﺎﻓﻬﺎ ﺍﻟﺸﺎﺣﺒﻪ ﺍﻟﻌﺎﺭﻳﻪ ﺍﻟﻬﺰﻳﻠﻪ ﺿﺎﻫﺮﻩ ﻟﻠﻜﻞ ﻳﺎﺭﺑﻲ ﻃﻔﻠﻪ ﻭﻏﺮﺑﺘﻬﺎ ﺍﻻﺣﺰﺍﻥ ﻭﺍﻟﺪﻣﻮﻉ ﺗﻨﺰﻝ ﺑﺪﻭﻥ ﺳﺎﺑﻖ ﺍﻧﺬﺍﺭ ﻋﻠﺊ ﺣﺎﻟﻬﺎ ﺍﻟﻴﺘﻴﻢ ... ﻭﻳﻦ ﺍﻫﻠﻬﺎ ﻋﻨﻬﺎ ﺍﻱ ﺫﻧﺐ ﺍﺫﻧﺒﺘﻪ ﺣﺘﺊ ﻫﻴﺞ ﺍﻟﻜﻞ ﻫﻴﺞ ﻳﺠﺮﻡ ﺑﺤﻘﻬﺎ ... ﺍﻣﻬﺎ ﻭﻳﻦ ﻋﻨﻬﺎ !!! ﺑﻴﻦ ﺳﻜﺮﺍﺕ ﻣﻮﺗﻬﺎ ﺍﻟﻤﺤﺘﻤﻪ ﻭﺑﻴﻦ ﺍﻟﺴﺠﺎﺟﻴﻦ ﺍﻟﻤﻐﺮﻭﺳﻪ ﺑﺄﻟﻢ ﺑﺼﺪﺭﻫﺎ ﻫﻲ ﺩﺍﺋﻤﺎ ﺗﺬﻛﺮ ﺃﻣﻬﺎ ﻭﻣﺎ ﻧﺴﺘﻬﺎ ... ﺍﻭﻭﻭﻑ ﻫﺎﻱ ﺑﻨﺘﺞ ﻳﺎ ﺧﺎﻟﻪ ﺟﻨﻬﺎ ﻭﺭﻗﺔ ﺧﺮﻳﻴﻒ ﺫﺑﻠﺖ ﻭ ﻭﻛﻌﺖ ﻭﺍﻧﺘﻲ ﺻﺎﻣﺪﻩ ﻣﺜﻞ ﻛﻞ ﺷﺠﺮﻩ ﺍﻧﺘﺰﻋﺖ ﻣﻨﻬﺎ ﺍﻭﺭﻗﻬﺎ ﻭﺿﻠﺖ ﺑﺸﻤﻮﺧﻬﺎ ﺷﻠﻮﻥ ﻣﺎ ﻛﺴﺮﺕ ﺧﺎﻃﺮﺝ ﻫﻞ ﻭﺭﻗﻪ ﺍﻟﺨﺮﻳﻔﻴﻪ ... ﺷﻔﻨﻪ ﺟﺎﺳﺮ ﻛﺎﻋﺪ ﻋﻠﺊ ﺍﻟﻜﺮﺳﻲ ﻳﻤﻬﺎ ﻭﻫﻮ ﻻﺯﻡ ﺍﻳﺪﻫﺎ ﻭﻛﻞ ﺷﻮﻳﻪ ﻭﻏﻄﺎ ﺍﻛﺘﺎﻓﻬﺎ ﺍﻟﻌﺎﺭﻳﻪ ﻭﺑﺎﺱ ﺍﺻﺎﺑﻊ ﺍﻳﺪﻫﺎ ﺍﻟﻀﻌﻴﻔﺔ ... ﻗﺴﻮﺗﻪ ﺑﺮﻭﺩﻩ ﻋﻨﻔﻮﺍﻧﻪ ﺷﺪﺗﻪ ﻭﻏﻤﻮﺿﻪ ﺫﺍﺏ ﺍﻟﻴﻮﻡ ﻭﻳﻪ ﺟﻮﻭﻟﻲ ﻭﻛﺄﻧﻪ ﺍﺳﺪ ﻣﻐﻮﺍﺭ ﺍﻧﺬﺑﺤﺖ ﻟﺒﻮﺗﻪ ﻭﺍﻟﺤﺰﻥ ﺧﻴﻢ ﻋﻠﺊ ﻫﻴﺌﺘﻪ ﻭﻋﻨﻔﻮﺍﻧﻪ . ﺗﻨﻬﺪﺕ ﺑﺤﺰﻥ ﻭﻣﺴﺤﺖ ﺩﻣﻮﻋﻲ ﺍﻟﻐﺰﻳﺮﻩ ... ﺧﻠﻴﺖ ﻭﺭﺣﺖ ﻛﻌﺪﺕ ﺍﻧﺘﻈﺮ ﻳﻘﺒﻞ ﺍﻟﺪﻛﺘﻮﺭ ﺍﺩﺧﻞ ﺍﻟﻬﺎ ﻻﻥ ﺍﻟﺪﻛﺘﻮﺭ ﺍﻟﻜﺒﻴﺮ ﻣﺎ ﻳﻘﺒﻞ ﻭﺍﺣﺪ ﻳﺪﺧﻞ ﻋﻠﻴﻬﺎ ﺑﺲ ﺍﻟﻤﻤﺮﺿﻴﻦ ﻳﺨﻠﻮﻧﻪ ﻣﺮﺍﺕ ﻧﺪﺧﻞ ... ﻭﺍﻟﺸﺨﺺ ﺍﻟﻤﺮﺍﻓﻖ ﺍﻟﻬﺎ ﻣﺮﺍﺕ ﺍﻟﺒﻨﺎﺕ ﻭﻋﺪﺩ ﻣﺮﺍﺕ ﺟﺎﺳﺮ ﻫﻮ ﺍﻟﻤﺮﺍﻓﻖ ﺍﻟﺪﺍﺋﻢ ﺍﻟﻬﺎ ... ﺍﺗﺬﻛﺮﺕ ﺷﻘﺎﻭﺗﻬﺎ ﻭﻋﻨﺎﺩﻫﺎ ﺍﻟﺪﺍﺋﻢ ﻣﻦ ﺗﺼﺮ ﻋﻠﺊ ﺷﻲ ﺗﺴﻮﻳﻪ ﺗﺴﻮﻳﻪ ﻃﻠﻌﺖ ﻭﻗﺎﺭ ﻛﺎﻟﺖ ... ﻏﻴﺮ ﺍﺧﺬﻭﺍ ﺟﺎﺑﺮ ﻭﺟﻌﻔﺮ ﻟﻠﺴﺠﻦ ﻭﺟﻬﻪ ﺍﻟﻄﺎﻭﻩ ﻣﺸﺘﻜﻴﻪ ﻋﻠﻴﻬﻢ ﻭﺷﺎﺭﺩﻩ ﻻ ﻭﺍﻧﻮﺏ ﻳﻜﻮﻟﻮﻥ ﺟﻌﻔﺮ ﻣﺸﺘﻐﻞ ﺣﻔﺎﻓﻪ ﻫﻨﺎﻙ ﺿﺤﻜﺖ ﺳﺮﺣﺖ ﺑﺒﺎﻟﻲ ﻟﻠﺒﻌﻴﺪ ﻭ ﺗﺬﻛﺮﺗﻬﺎ ... ﻣﻦ ﺭﺍﺩﺕ ﺗﺼﻴﺮ ﺣﻼﻗﻪ ﻭﺗﻨﻤﻲ ﻣﻮﻫﺒﺘﻬﺎ ﺑﺎﻃﻔﺎﻟﻬﺎ ﻭﺍﻛﻠﺖ ﺭﺯﺍﻟﻪ ﻏﺴﻞ ﻭﻟﺒﺲ ﺟﺎﻧﺖ ﻛﺎﻋﺪﻩ ﺑﺎﻟﺼﺎﻟﻪ ﻭﻻﺯﻣﻪ ﻣﻮﺑﺎﻳﻞ ﻣﺎﻣﺎ ﺭﺿﻴﻪ ﻭﺗﺒﺎﻭﻉ ﻋﻠﻴﻪ ﺑﻬﻤﻪ ﻭﻫﻲ ﻋﺎﻛﺪﻩ ﺣﻮﺍﺟﺒﻬﺎ ﺍﺟﻴﺖ ﻛﻌﺪﺕ ﺑﺼﻔﻬﺎ ﺷﻔﺘﻬﺎ ﻛﺎﻋﺪﻩ ﺗﺒﺎﻭﻉ ﻋﻠﺊ ﻣﻘﻄﻊ ﻣﺎﻝ ﻭﻟﺪ ﻳﺤﻠﻖ ﺑﻄﻔﻞ ﻭﻫﻲ ﺩﺗﺤﻔﻆ ﺧﻄﻮﺍﺕ ﺍﻟﺤﻼﻗﻪ ﺍﻟﺼﺤﻴﺤﻪ ﻛﻤﻠﺖ ﺍﻟﻤﻘﻄﻊ ﺟﺎﻥ ﻃﻔﻞ ﺣﻠﻮ ﻭﺍﺷﻜﺮ ﻭﻋﻴﻮﻧﻪ ﻣﻠﻮﻧﻪ ﻳﺸﺒﻪ ﻣﺸﻤﺶ ﻭﺭﻭﺿﻲ ﻭﺣﺘﺊ ﻧﻔﺲ ﺷﻌﺮﻫﻢ ﺑﺎﻭﻋﺘﻠﻲ ﺑﻔﺮﺣﻪ ﻭﺣﻤﺎﺱ ... ﺑﺎﻋﻲ ﺭﻳﻬﺎﻡ ﺣﻔﻈﺖ ﺷﻠﻮﻥ ﺍﺯﻳﻦ ﺍﻃﻔﺎﻟﻲ ﻭﺍﺣﻠﻖ ﺷﻌﺮﻫﻢ ﺍﻣﻤﻢ ﺣﺴﻮﻱ ﻳﺠﻨﻦ ... ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ... ﻳﺎﺍﺍ ﻋﺰﺍ ﻭﻟﺞ ﻻ ﺗﺨﺮﺑﻴﻦ ﺷﻌﺮﻫﻢ ﺭﺩﺕ ﺑﺜﻘﻪ ... ﻻ ﻣﺎ ﺍﻟﺞ ﺷﻐﻞ ﺗﺮﺉ،ﺳﻬﻞ ﺍﺧﻠﻲ ﺍﻟﻤﻜﻴﻨﺦ ﻋﻠﺊ ﻧﻤﺮﻩ ﺍﺭﺑﻌﻪ ﻭﺍﺩﺭﺝ ﺍﻟﺸﻌﺮ ... ﺳﺤﺒﺖ ﻧﻔﺲ ﺑﺨﻴﺒﺔ ﺍﻣﻞ ﻭﻫﻲ ﺭﺍﺣﺖ ﺟﺎﺑﺖ ﺍﻟﻤﻜﻴﻨﻪ ﻣﺎﻟﺔ ﺟﻌﻔﺮ ﻭﺍﺟﺖ ﻟﺰﻣﺖ ﺍﻭﻝ ﺷﺊ ﻣﺮﺗﻀﺊ ﻭﺧﻠﺘﻪ ﻋﻠﺊ ﺍﻟﻜﺮﺳﻲ ﻭﻫﻮ ﺣﺎﺿﻦ ﺍﻟﺪﻳﺞ ﻭﻫﻲ ﺗﺰﻳﻦ ﺑﻲ ﻣﺸﻴﺖ ﺑﻲ ﺑﺎﻟﻤﻜﻴﻨﻪ ﻭﻃﻴﺮﺕ ﺷﻌﺮﻩ ﻭﺗﻜﺮﻃﻒ ﺑﺎﻭﻋﺘﻠﻪ ﺑﺪﻫﺸﻪ ﻭﺧﻮﻭﻑ ... ﻳﺎ ﻋﺰﺍﺍﺍ ﻟﺞ ﺧﺮﺏ ﺷﻌﺮﻩ ﺗﻨﻬﺪﺕ ﺑﻀﻴﻖ ... ﻭﻟﺞ ﻳﺎﺍﺍ ﻋﺰﺍ ﺍﻟﻌﺰﺍﻧﻲ ﻫﺴﻪ ﺟﺎﺳﺮ ﻳﻤﻮﺗﺞ ﺍﺧﺬﺕ ﺍﻟﻤﻘﺺ ﺑﺜﻘﻪ ... ﻻ ﻫﺴﻪ ﺍﻋﺪﻟﻪ ﺿﻠﺖ ﺗﺘﻔﻨﻦ ﺑﺎﻟﻤﻘﺺ ﻭﻛﻠﻪ ﻏﻠﻂ ﻛﺮﻃﻔﺘﻪ ﺗﻜﺮﻃﻒ ﻣﺴﺤﺖ ﻋﻠﺊ ﺷﻌﺮﻩ ﻭﺑﺎﺳﺘﻪ ... ﻳﻤﻪ ﻓﺪﻭﻩ ﻃﻠﻌﺖ ﺗﺠﻨﻦ ﻣﻦ ﻳﺠﻲ ﺍﺑﻮﻭﻙ ﻋﻮﺩ ﺟﻴﺒﻠﻲ ﻓﻠﻮﺱ ﺍﻟﺰﻳﺎﻥ ﻫﻬﻬﻬﻬﻪ ﺍﻧﻮﺏ ﻟﺰﻣﺖ ﻣﺠﺘﺒﺊ ﻫﺬﺍ ﻳﺤﻮﺹ ﻫﻮﺍﻳﻪ ﻣﺸﺖ ﺑﺨﻂ ﻃﻮﻭﻳﻞ ﺑﺸﻌﺮﻩ ﺣﻄﻴﺖ ﺍﻳﺪﻫﺎ ﻋﻠﺊ ﺧﺪﻫﺎ ﺑﺨﻮﻑ ﻭﺑﻌﺪﻫﺎ ﺍﺑﺘﺴﻤﺖ ﺑﻔﺸﻠﻪ ... ﻻ ﻟﺘﺨﺎﻑ ﺣﺒﻴﺒﻲ ﻫﺴﻪ ﺍﻋﺪﻟﻪ ﻟﺰﻣﺖ ﺍﻟﻤﻘﺺ ﻭﺳﻮﺗﻠﻪ ﻣﺜﻞ ﺍﺧﻮﻭ ﺧﻄﻴﻪ ﺳﻮﺗﻬﻢ ﺟﻨﻬﻢ ﻛﺘﺎﻛﻴﺖ ﻣﻬﻠﺴﻪ ﺑﺎﻭﻋﺘﻠﻲ ﻭﺿﺤﻜﺖ ﺑﻔﺸﻠﻪ ... ﻳﺎﻟﻠﻪ ﺍﻟﻌﺎﻓﻴﻪ ﺑﺎﻟﺘﺪﺍﺭﻳﺞ ﺷﻮﻳﻪ ﺷﻮﻳﻪ ﺍﺗﻌﻠﻢ ﻣﺎﻣﺎ ﺭﺿﻴﻪ ﻣﻦ ﺷﺎﻓﺘﻬﻢ ﺿﻠﺖ ﺗﺤﺠﻲ ﻋﻠﻴﻬﺎ ﻭﻫﻲ ﺗﺮﺩ ﺑﺒﺮﺍﺀﻩ ﻭﺗﺒﺮﺭ ﺍﻟﻨﻔﺴﻬﺎ ﻭﺍﺟﻪ ﺟﺎﺳﺮ ﻭﺷﺎﻓﻬﻢ ﺗﺨﺒﻞ ﻛﺎﻝ ﺑﻌﺼﺒﻴﺔ ﻣﻔﺮﻃﻪ ... ﻫﺎﻱ ﻣﻨﻮﻭ ﻻﻋﺐ ﺑﺸﻌﺮﻫﻢ ﺑﺎﻭﻋﺘﻠﻬﺎ ﺭﺿﻴﻪ ﺑﻠﻮﻡ ﻭﺟﺎﺑﺘﻪ ... ﻣﺮﺗﻚ ﺍﻡ ﺍﻟﺼﺎﻟﻮﻥ ﻫﻮ ﺟﺎﻥ ﻻﺯﻡ ﺳﻮﻳﺞ ﺍﻟﺴﻴﺎﺭﻩ ﻋﻠﻴﻬﺎ ﻭﻫﺠﻢ ﻋﻠﻴﻬﺎ ﻫﻲ ﺑﺴﺮﻋﻪ ﺍﻧﻬﺰﻣﺖ ﻭﺩﺧﻠﺖ ﺑﺎﻟﺤﻤﺎﻡ ﻫﻮ ﺩﻙ ﺍﻟﺒﺎﺏ ﺣﻴﻴﻞ ... ﺍﻓﺘﺤﻲ ﺍﻟﺒﺎﺏ ﻭﻟﺞ ﺟﻮﻟﻴﻴﺖ ﻭﺍﻟﻠﻪ ﺍﻟﻴﻮﻡ ﺍﻟﻪ ﺍﺫﺑﺤﺞ ﻋﻠﺊ ﻫﻞ ﻋﻤﻠﻪ ﺷﻤﺴﻮﻳﻪ ﺑﺎﻟﺠﻬﺎﻝ ﺭﺩﺕ ﻋﻠﻴﻪ ﺑﺼﻮﺕ ﺧﺎﻳﻒ ﻭﻣﺮﺗﺒﻚ ... ﺷﺴﻮﻱ ﻟﻌﺪ ﺷﻌﺮﻫﻢ ﻃﻮﻭﻭﻝ ﻭﻫﻢ ﻣﺎ ﻳﻘﺒﻠﻮﻥ ﻳﺮﺣﻮﻥ ﻟﻠﺤﻼﻕ ﺍﻟﻪ ﺍﻟﺪﻳﺞ ﻭﻳﺎﻫﻢ ﺿﺮﺏ ﺍﻟﺒﺎﺏ ﺑﻘﺒﻀﺔ ﺍﻳﺪﻩ ﺍﻟﻘﻮﻳﻪ ﻭﻋﺎﻁ ﺑﻴﻬﺎ ... ﺍﻃﻠﻌﻲ ﻭﻟﺠﺠﺢ ﻭﺍﻟﻠﻪ ﺍﻟﻴﻮﻡ ﺍﺫﺑﺤﺞ ﺍﻧﺘﻲ ﻭﺍﻟﺪﻳﻴﺞ ﺭﺩﺕ ﻋﻠﻴﻪ ﺑﺒﺮﺍﺀﻩ ... ﺷﺒﻲ ﻭﺍﻟﻠﻪ ﺣﻠﻮ ﺯﻳﺎﻧﻬﻢ ﺑﺲ ﻳﺤﺘﺎﺝ ﺷﻮﻳﻪ ﺗﻌﺪﻳﻞ ... ﺟﺎﻭﺑﻬﺎ ﺑﻌﺼﺒﻴﺔ ... ﺗﻌﺪﻳﻴﻞ ﻭﻟﺞ ..... ﻣﻦ ﺍﺣﺠﻲ ﺍﻃﻠﻊ ﻣﻮ ﺯﻳﻦ ﺑﺴﻴﻄﻪ ﺍﻟﻴﻮﻡ ﻧﺎﻣﻲ ﺑﺎﻟﻐﺮﻓﻪ ﻳﻌﻨﻲ ﻣﺎ ﺗﻄﻠﻌﻴﻦ ﻭﺍﻃﻴﺢ ﺣﻀﺞ ... ﺑﺴﻴﻄﻪ ﺍﻟﻴﻮﻡ ﻧﺎﻣﻲ ﻫﻨﺎ ﺑﺎﻟﺤﻤﺎﻡ ﻋﻔﻨﻲ ﻋﻔﻨﻲ ... ﻟﺰﻣﺘﻪ ﻣﺎﻣﺎ ﺭﺿﻴﻪ ﻭﻫﻲ ﺗﻬﺪﻱ ﺑﻲ ... ﻋﻠﺊ ﻛﻴﻔﻚ ﻳﻤﻪ ﻋﻠﺊ ﻛﻴﻔﻚ ﺧﻄﻴﻪ ﻏﻠﻄﺖ ﻭﻣﻨﻚ ﺍﻟﺴﻤﺎﺡ ﺑﺎﻭﻉ ﺍﻟﻬﺎ ﺑﺎﺳﺘﻬﺰﺍﺀ ... ﻏﻠﻄﺖ ﻣﻮﻭﻭ ﻭﻟﺞ ﻫﺎﻱ ﻣﺎ ﺗﻜﻌﺪ ﻻﺯﻣﻪ ﺟﻬﺎﻟﻲ ﻭﻣﺴﻮﻳﺘﻬﻢ ﻓﺎﺭ ﻣﺎﻝ ﺗﺠﺎﺭﺏ ﺗﺠﺮﺏ ﺑﻴﻬﻢ ﻣﻮﺍﻫﺒﻬﺎ ... ﺟﺎﻭﺑﺘﻪ ﺑﺤﺰﻥ ... ﺍﻧﺖ ﺩﻭﻣﻚ ﺗﻐﻠﻂ ﻋﻠﻴﻪ ﻭﺗﺴﺘﻬﺰﺀ ﺑﻴﻪ ﻭﺗﺪﺛﺮ ﻣﻮﺍﻫﺒﻲ ﺭﺩ ﺑﻐﺮﻭﺭ ﺑﻌﺪ ﻣﺎ ﺿﺮﺏ ﺍﻟﺒﺎﺏ ﺣﻴﻞ ﻛﻤﺰﺕ ﻣﻦ ﻣﻜﺎﻧﻲ ... ﺑﺎﺗﻲ ﺑﺎﻟﺤﻤﺎﻡ ﻭﻃﻮﺭﻱ ﻣﻮﺍﻫﺐ ﻭﻳﻪ ﺍﻟﺠﻨﻲ ﺍﺑﻮ ﺷﻮﺭﺕ ... ﺿﻠﻴﻨﻪ ﺗﻘﺮﻳﺒﺎ ﺭﺑﻊ ﺳﺎﻋﻪ ﻭﺍﻧﻲ ﺭﺣﺖ ﻛﻠﺘﻠﻬﺎ .. ﺟﻮﺟﻮ ﺣﺒﻲ ﺍﻓﺘﺤﻲ ﺍﻟﺒﺎﺏ ﺟﺎﺳﺮ ﺭﺍﺡ ﺭﺩ ﻋﻠﻴﻪ ﺑﻘﻠﻖ ... ﺍﺣﻠﻔﻲ ﺍﻧﻲ ﺿﺤﻜﺖ ﻭﺣﻠﻔﺖ ﺍﻟﻬﺎ ﻭﻫﻲ ﻃﻠﻌﺖ ﻣﻦ ﺷﺎﻓﺘﻪ ﻣﺎﻛﻮ ﻧﻔﺨﺖ ﺭﻳﺸﺎﺗﻬﺎ ﻛﺎﻟﺖ ... ﺍﻧﻲ ﻣﺨﺎﻳﻔﻪ ﻣﻨﻪ ﺑﺲ ﺍﻧﻲ ﺍﻟﺨﺎﻃﺮ ﻣﺎﻣﺎ ﺭﺿﻴﻪ ﻭﺑﻌﺪﻳﻦ ﻫﻮ ﺷﺪﺧﻠﻪ ﻫﻢ ﺍﻃﻔﺎﻟﻲ ﻭﺑﻜﻴﻔﻲ ﺍﺯﻳﻨﻬﻢ ﺍﺧﺮﺑﻬﻢ ﻛﻴﻔﻲ ﻭﺍﻟﻠﻪ ﻛﻌﺪﺕ ﺭﺟﻞ ﻋﻠﺊ ﺭﺟﻞ ﺑﻐﺮﻓﺘﻬﺎ ﻭﻫﻲ ﻋﺎﻛﺪﻩ ﺣﻮﺍﺟﺒﻬﺎ .. ﺍﻛﻮﻟﺞ ﺭﻳﻬﺎﻡ ﺍﻧﻲ ﻏﻠﻄﺎﻧﻪ ﺭﺩﻳﺖ ﻋﻠﻴﻬﺎ ﺑﻀﺤﻜﻪ ... ﻻ ﺣﺒﻲ ﻣﻐﻠﻄﺎﻧﻪ ﺑﺲ ﻫﻮ ﻣﺘﻌﺎﻓﻲ ﻋﻘﺪﺕ ﺣﻮﺍﺟﺒﻬﺎ ... ﻫﻮ ﻭﻳﻦ ﺭﺍﺡ ﺿﺤﻜﺖ ... ﺭﺍﺡ ﻳﻌﺪﻝ ﺯﻳﺎﻥ ﻣﺠﺘﺒﺊ ﻭﻣﺮﺗﻀﺊ ﻋﻨﺪ ﺍﻟﺤﻼﻕ ﺿﻠﻴﻨﻪ ﻧﺴﻮﻟﻒ ﺍﻧﻲ ﻭﻳﺎﻫﺎ ﻭﻫﻮ ﺗﻘﺮﺑﺒﺎ ﺳﺎﻋﻪ ﻭﺍﺟﻪ ﻣﻌﺪﻝ ﺯﻳﺎﻧﻬﻢ ﻭﻃﺎﻟﻌﻴﻦ ﺣﻠﻮﻳﻦ ﻛﺎﻝ ... ﻭﻳﻦ ﺭﺍﺣﺖ ﺍﻟﻜﻮﺍﻓﻴﺮﻩ ﺍﻟﺸﻬﻴﺮﻩ ﻃﻠﻌﺖ ﻣﻦ ﺍﻟﺤﻤﺎﻡ ﻟﻮ ﻻ ﺟﺎﻭﺑﺘﻪ ﻣﺎﻣﺎ ﺭﺿﻴﻪ ... ﺍﻱ ﻃﻠﻌﺖ ﺑﻐﺮﻓﺘﻬﺎ ﻫﺰ ﺍﻳﺪﻩ ... ﺧﺮﺏ ﻏﻴﺮﺗﻬﺎ ﻻﻋﺒﻪ ﺑﻴﻬﻢ ﻟﻌﺐ ﻋﺒﺎﻟﻚ ﺳﺠﻨﺎﺀ ﺳﻴﺎﺳﻴﻴﻦ ﻭﻣﻌﺎﻗﺒﺘﻬﻢ ... ﺿﻞ ﻛﻢ ﻳﻮﻡ ﻫﻮ ﺭﺍﺡ ﺍﻟﺸﻐﻠﻪ ﻭﻫﻲ ﺟﺎﻧﺖ ﺗﻨﻀﻒ ﻭﻳﺎﻳﻪ ﻭﺍﺟﻮﻫﺎ ﻭﻟﺪﻫﺎ ﺍﻭﻝ ﻣﺎ ﺷﺎﻓﺘﻬﻢ ﻫﻲ ﻟﻄﻤﺖ ﺻﺪﺭﻫﺎ ﺑﺨﻮﻭﻑ .... ﻳﺎﺍﺍﺍ ﻋﺰﺍﺍﺍ ﺑﺎﻋﻲ ﺷﻤﺴﻮﻳﻦ ﺑﺎﻭﻋﺖ ﻋﻠﻴﻬﻢ ﻭﻃﻜﻴﺘﻬﺎ ﺑﻀﺤﻜﻪ ﻗﻮﻭﻭﻳﻪ ﺟﺎﻥ ﺷﻜﻠﻬﻢ ﻳﺨﺮﺏ ﺿﺤﻚ ﻛﺎﺻﻴﻦ ﻛﺬﻟﻬﻢ ﻭﻻﻋﺒﻴﻦ ﻟﻌﺐ ﺑﺸﻌﺮﻫﻢ ﻫﺎﻱ ﺿﺮﺑﺖ ﺭﺟﻠﻬﺎ ﺑﺎﻻﺭﺽ ... ﺑﺴﻴﻴﻄﻪ ﺍﻟﻪ ﺍﻛﻮﻝ ﻻﺑﻮﻛﻢ ﻋﻠﻴﻜﻢ ﺍﺧﺬﺕ ﻣﻮﺑﺎﻳﻞ ﺭﺿﻴﻪ ﻭﻛﺘﺒﺖ ... ﻫﻼﻭ ﺟﺎﺳﺮ ﺗﺮﺉ ﻭﻟﺪﻙ ﻛﺼﻮ ﻛﺬﻟﻬﻢ ﻣﻮ ﺗﺠﻲ ﻭﺗﺬﺑﻬﺎ ﺑﺮﺍﺳﻲ ﺗﺮﺉ ﺍﻧﻲ ﻣﺎ ﺍﻟﻲ ﺷﻐﻞ ﺍﻧﻲ ﺟﻨﺖ ﻭﺍﻛﻔﻪ ﻳﻤﻬﺎ ﻭﺍﺑﺎﻭﻉ ﻟﻠﺘﻠﻴﻔﻮﻥ ﻛﻠﻬﺎ ... ﻭﻣﻨﻮ ﻋﻠﻤﻬﻢ ﻳﻜﺼﻮﻥ ﺷﻌﺮﻫﻢ ﻣﻨﻴﻦ ﺗﻌﻠﻤﻮ ﻛﺘﺒﺖ ... ﻣﻮ ﻣﻦ ﺫﺍﻙ ﺍﻟﻴﻮﻡ ﻣﻦ ﺍﻧﻲ ﺯﻳﻨﺖ ﺷﻌﺮﻫﻢ ﻫﻢ ﺗﻌﻠﻤﻮﺍ ﻫﻮ ﺟﺎﻭﺑﻬﺎ ﻭﻫﻲ ﺑﺴﺮﻋﻪ ﺣﻄﺖ ﺍﻳﺪﻫﺎ ﻋﻠﺊ ﺷﺎﺷﺔ ﺍﻟﻤﻮﺑﺎﻳﻞ ﺑﺼﺪﻣﻪ ﻭﺧﺠﻞ ﺿﺤﻜﺖ ﻛﻠﺘﻠﻬﺎ ... ﺷﺒﻴﻴﺞ ؟ ﻛﺎﻟﺖ ﺑﻔﺸﻠﻪ ﺑﻌﺪ ﻣﺎ ﺭﻓﻌﺖ ﻋﻴﻮﻧﻬﺎ ﺍﻟﻤﻠﻮﻧﻪ ... ﻫﺎﺍﺍﺍ ﻓﺸﺮ ﻋﻠﻴﻪ ﺷﻜﺪ ﻣﺎ ﻳﺴﺘﺤﻲ ﻣﺤﺪ ﻣﺮﺑﻲ ... ﺿﺤﻜﺖ ﻋﻠﻴﻬﺎ ﻭﻫﻲ ﻣﺴﺤﺖ ﺍﻟﺮﺳﺎﺋﻞ ﻭﻗﻔﻠﺖ ﺍﻟﻤﻮﺑﺎﻳﻞ ﻭﺍﻧﻄﺘﻪ ﺍﻟﺮﺿﻴﻪ .... ﺟﺎﻥ ﻫﺬﺍ ﻣﻮﻗﻒ ﺍﺗﺬﻛﺮﺗﻪ ﻭﻳﺎﻫﺎ ﺟﻌﻔﺮ ﻣﺎ ﻳﻨﺨﺎﻑ ﻋﻠﻴﻪ ﺣﺘﺊ ﻟﻮ ﻳﺪﺧﻞ ﺳﺠﻦ ﻣﺘﻌﻠﻢ ﻋﻠﺊ ﻛﻮﻭﻟﺸﻲ ﺑﺲ ﺍﻟﻤﺸﻜﻠﻪ ﺟﺎﺑﺮ ﻣﺎ ﻣﺘﻌﻠﻢ ﻋﻠﺊ ﻫﻴﺞ ﺍﺷﻴﺎﺀ ﺍﻟﻠﻪ ﻳﺸﺎﻓﻴﺞ ﻳﺎ ﺟﻮﻭﻟﻲ ﻭﻳﻔﻚ ﺍﺳﺮ ﺟﺎﺑﺮ ﻭﺟﻌﻔﺮ ﻣﻦ ﺍﻟﺴﺠﻦ ﻭﻳﻨﺘﻘﻢ ﻣﻦ ﺍﻋﺪﺍﺋﻜﻢ ... .................................. ﺟﺎﺑﺮ ... ﺍﻧﺪﻛﺖ ﺍﻟﺒﺎﺏ ﺑﻘﻮﻭﺓ ﻭﻋﻨﻒ ﻭﺻﻮﺕ ﺳﻴﺎﺭﺍﺕ ﺍﻟﺸﺮﻃﺔ ﻳﻢ ﺍﻟﺒﺎﺏ ﺍﺳﺘﻐﺮﺑﻨﺎ !!!! ﻟﺰﻣﺘﻨﻲ ﻭﻗﺎﺭ ﻣﻦ ﺍﻳﺪﻱ ﺟﺎﺑﺮ ﻋﻔﻴﺔ ﻫﺎﻱ ﺷﺼﺎﻳﺮ ﻟﺘﻄﻠﻊ ﻓﺪﻭﺓ ﺧﻠﻲ ﻳﺠﻲ ﻋﻤﻮ ﻳﻠﻪ .. ﺑﻌﺪﺕ ﺍﻳﺪﻫﺎ ﻣﻨﻲ ﻭﺧﺮﻱ ﻭﻟﺞ ﺷﻨﻮ ﺍﺧﺎﻑ ﺍﻃﻠﻊ ﻗﺎﺑﻞ ﺣﺮﻣﺔ ﺍﻧﻲ !! ﺷﻮﻭ ﻭﺧﺮﻱ ﻭﺧﺮﻱ ﻭﺍﺩﺭﻱ ﺑﻨﻔﺴﻲ ﻣﻤﺴﻮﻱ ﺷﻲ .. ﺭﺣﺖ ﻟﻠﺒﺎﺏ ﻟﺤﻜﺘﻨﻲ ﺍﻣﻲ ﺗﺒﺠﻲ ﻭﻭﻗﺎﺭ ﻭﺭﺍﻫﺎ ، ﻓﺘﺤﺖ ﺍﻟﺒﺎﺏ ﺷﻔﺖ ﺳﻴﺎﺭﺓ ﺷﺮﻃﺔ ﻭﺿﺎﺑﻂ ﻭﺷﺮﻃﺔ ﺍﺛﻨﻴﻦ ﺳﺄﻟﻮﻧﻲ ﺍﻧﺖ ﺟﺎﺑﺮ ﻋﻜﺎﺏ؟ ﺟﺎﻭﺑﺘﻬﻢ ﺍﻱ ﺍﻧﻲ ﺧﻴﺮ ﺳﻴﺪﻱ ﻟﻴﺶ ﺗﺴﺄﻝ ﺷﻤﺴﻮﻱ ؟ ﺑﺎﻟﻤﺮﻛﺰ ﺗﻌﺮﻑ ﺍﻧﺘﻪ ﻋﻠﻴﻚ ﺍﻟﻘﺎﺀ ﻗﺒﺾ ﻳﻠﻪ ﺗﻔﻀﻞ ﻭﻳﺎﻧﻪ .. ﺍﻣﻲ ﻇﻠﺖ ﺗﺘﻮﺳﻞ ﺑﺎﻟﻀﺎﺑﻂ .. ﻭﻭﻗﺎﺭ ﺑﺎﻭﻋﺘﻠﻬﺎ ﻭﺍﻛﻔﺔ ﺑﺒﺎﺏ ﺍﻻﺳﺘﻘﺒﺎﻝ ﻭﻣﻴﺘﺔ ﺑﺠﻲ .. ﺍﻣﻲ ﻭﺟﻬﺖ ﻛﻼﻣﻬﺎ ﻟﻠﻀﺎﺑﻂ _ ﻓﺪﻭﺓ ﻭﺍﻟﻠﻪ ﻣﻤﺴﻮﻱ ﺷﻲ ﻟﻴﺶ ﺗﺎﺧﺬﻭﻧﻪ ؟ ﺍﻟﻀﺎﺑﻂ ﻛﺎﻟﻠﻬﺎ ﺣﺠﻴﺔ ﺧﻠﻲ ﻧﺸﻮﻑ ﺷﻐﻠﻨﺎ ﻭﺍﺧﺬﻭﻧﻲ ﺧﻠﻮ ﺍﻟﻜﻠﺒﺠﺎﺕ ﺑﻴﺪﻱ ﻭﻓﻮﺗﻮﻧﻲ ﻋﻠﻰ ﺍﻟﺴﻴﺎﺭﺓ ﻭﺭﺓ ﻭﻳﻤﻲ ﺷﺮﻃﻲ .. ﻭﺻﻠﻨﺎ ﻟﻠﻤﺮﻛﺰ ﺩﺧﻠﻮﻧﻲ ﻋﻠﻰ ﺿﺎﺑﻂ ﺍﻟﺘﺤﻘﻴﻖ ﻭﺟﻬﻠﻲ ﺍﻟﺘﻬﻢ ﺍﻟﻤﻨﺴﻮﺑﺔ ﺍﻟﻲ .. ﺗﻔﺎﺟﺌﺖ ﻧﻮﺍﻝ ﻣﺘﻬﻤﺘﻨﻲ ﺑﺎﻻﻋﺘﺪﺍﺀ ﻋﻠﻴﻬﺎ !!!! ﻭﺟﺎﻳﺒﻪ ﺷﻬﻮﺩ ﻭﺍﻟﻀﺎﺑﻂ ﺍﻣﺮ ﺍﻟﺸﺮﻃﻲ ﻳﻔﻮﺗﻨﻲ ﺟﻮﺓ ﻟﻠﺤﺒﺲ .. ﺩﺧﻠﻨﻲ ﺟﻮﻩ ﺑﺎﻟﺘﻮﻗﻴﻒ ، ﺟﺎﻥ ﻣﻠﻴﺎﻥ ﻣﺴﺠﻮﻧﻴﻦ ﺷﻲ ﻓﻮﻙ ﺷﻲ ﺍﻟﻲ ﺿﺎﺭﺏ ﺻﻔﻨﺔ ﻭﺍﻟﻲ ﻛﺎﻋﺪ ﻳﺪﺧﻦ ﻭﺍﻟﻲ ﻣﺨﻠﻲ ﺍﺩﻳﻪ ﻭﺭﻩ ﻇﻬﺮﻩ ﻭﻭﺍﻛﻒ ﻭﻣﺮﺗﺠﻲ ﻉ ﺍﻟﺤﺎﻳﻂ .. ﻇﻠﻴﺖ ﺍﺩﻭﺭﻟﻲ ﻣﻜﺎﻥ ﺍﻛﻌﺪ ﺑﻲ ﻭﺟﺎﻥ ﻳﻮﺻﻠﻨﻲ ﺻﻮﺕ ﺍﻋﺮﻓﻪ ﺍﻟﺘﻔﺘﺖ ﻉ ﺻﻮﺕ ﻭ ﺍﺷﻮﻑ ﺟﻌﻔﺮ ﻛﺎﻋﺪ ... ﻳﺤﻒ ﺑﻮﺟﻨﺎﺗﻪ ﻭﺍﺣﺪ ﻣﻦ ﺍﻟﻤﺴﺎﺟﻴﻦ ﻭﻳﺴﻮﻟﻒ ﻭﻳﻀﺤﻚ .. ﺗﻔﺎﺟﺌﺖ ﻭﺗﻮﺟﻬﺖ ﺍﻟﻪ ﻫﻮ ﺷﺎﻓﻨﻲ ﻛﺎﻡ ﻋﻠﻰ ﺣﻴﻠﻪ ﻭﻛﻒ ﺍﻻﺑﺘﺴﺎﻣﺔ ﺷﺎﻛﻪ ﺣﻠﻜﻪ ... ﺿﺮﺑﻨﻲ ﻋﻠﻰ ﻛﺘﻔﻲ ﺑﻴﺪﻩ ﻭﻛﺎﻝ ... ﻫﻼ ﺑﺎﺑﻦ ﺍﻟﻌﻢ ﻫﻼ ﺑﺎﻟﻀﻠﻊ ﺍﻟﻤﺎ ﻳﻨﺸﻠﻊ .. ﻭﺍﻟﻠﻪ ﺍﻧﻚ ﻛﻔﻮﻭ ﻣﺎ ﺧﻠﻴﺘﻨﻲ ﺍﻟﻮﺣﺪﻱ ﺗﺎﻛﻠﻨﻲ ﺍﻟﺬﻳﺎﺑﻪ ﺟﺎﻱ ﺗﻮﺍﺳﻴﻨﻲ ... ﺿﺤﻜﺖ ﻭﺧﻠﻴﺖ ﺍﻳﺪﻱ ﻋﻠﻰ ﻛﺘﻔﻪ ﻟﻚ ﻳﺎﺫﻳﺎﺑﻪ ﺍﺷﻮ ﺍﻧﺘﻪ ﻣﺘﺄﻗﻠﻢ ﻋﺎﻳﺶ ﺍﻟﻠﺤﻈﺔ ﻭﻣﺴﺘﻐﻞ ﻭﻗﺖ ﻭﻣﺸﺘﻐﻞ ﺣﺎﻓﻮﻭﻓﺔ .. ﻧﺤﺠﻲ ﺟﺎﻥ ﺫﺍﻙ ﺍﻟﻲ ﺟﺎﻥ ﻳﺤﻔﻠﻪ ﺟﻌﻔﺮ ﻭﻫﻮ ﻻﺯﻡ ﺧﺪﻩ ﻭﻧﺎﻓﺦ ﺍﻟﺜﺎﻧﻲ ﻭﻇﻞ ﻳﺼﻴﺢ ... ﻳﺎﻟﻠﻪ ﺟﻌﻔﺮ ﺍﺧﺘﻨﻜﺖ ﻭﺍﻧﻲ ﻧﺎﻓﺦ ﺭﻭﺣﻲ ﺷﻮﻛﺖ ﺗﺠﻲ ﺗﻜﻤﻞ !! ﺍﻟﺘﻔﺖ ﻋﻠﻴﻪ ﺟﻌﻔﺮ ﻭﺟﺎﻭﺑﻪ ... ﺟﺎﻳﻚ ﺟﺎﻳﻚ ﺣﺒﻴﺒﻲ ﺣﻀﺮ ﻓﻠﻮﺳﻚ ... ﻟﺰﻣﺘﻪ ﻣﻦ ﻋﻜﺴﻪ ﻫﺎﻱ ﺷﺴﻮﻱ ﻫﻨﺎ ﻭﻟﻚ ؟؟ ﻣﻔﺘﺤﻠﻚ ﻣﺸﺮﻭﻉ ﻟﻮ ﺷﻨﻮ ﺭﺩ ﻋﻠﻴﻪ ﺑﻌﺪﻡ ﻣﺒﺎﻻﺓ ﻭﺿﺤﻚ ... ﺷﺒﻴﻚ ﻭﻟﻚ ﺍﻧﻲ ﻣﺜﻞ ﺍﻟﻄﻤﺎﻃﻪ ﺍﺭﻫﻢ ﺍﻟﻜﻠﺸﻲ ﻭﺣﺘﻰ ﻣﻦ ﺍﻟﻤﺮﻛﺔ ﻫﻢ ﺍﻃﻠﻌﻠﻚ ﻟﻌﺪ ﺷﻮﻭﻥ !! ﻋﻮﺩ ﻧﻮﻳﻠﻪ ﻣﻜﻴﻔﺔ ﻋﺒﺎﻟﻬﺎ ﺗﻠﻮﻱ ﺫﺭﺍﻋﻲ ﻭ ﻣﻦ ﺗﺴﺠﻨﻲ ﺍﺿﻴﻴﻊ ﻣﺎ ﺗﺪﺭﻱ ﻓﺘﺤﺖ ﻣﺸﺮﻭﻉ ﺣﻼﻗﻪ ﺑﺎﻟﺴﺠﻦ ﻭﺟﺎﻱ ﺍﻓﻴﺪ ﻭﺍﺳﺘﻔﻴﺪ .. ﺿﺤﻜﺖ ﻋﻠﻰ ﺳﻮﺍﻟﻔﻪ ﻭﻛﻌﺪﺕ ﺑﺎﻟﻜﺎﻉ ﺛﻨﻴﺖ ﺭﻛﺒﻲ ﻟﺼﺪﺭﻱ ﻻﻥ ﻣﺎﻛﻮ ﻣﻜﺎﻥ ﺍﻣﺪﺩﻫﻦ .. ﺭﺍﺡ ﻳﻢ ﺍﻟﻮﻟﺪ ﺍﻟﻲ ﺟﺎﻱ ﻳﺤﻒ ﺍﻟﻪ ﻭﺍﻟﺘﻔﺖ ﻋﻠﻴﻪ ﺻﺪﻙ ﺟﺎﺑﺮ ﺍﻧﺘﻪ ﺷﻨﻮ ﺗﻬﺘﻤﺘﻚ ﺷﻜﻮ ﺩﺍﺧﻞ ﻟﻠﺴﺠﻦ ؟؟ ﺷﻨﻮ ﺍﻟﺘﻬﻤﻪ ﻗﺘﻞ ﺳﺮﻗﺔ ﺑﻨﻚ ﺍﻋﺘﺪﺍﺀ ﻋﻠﺊ ﺍﻋﺮﺍﺽ ﺍﻟﻌﺎﻟﻢ ﺍﻡ ﺍﻧﻘﻼﺏٌ ﻋﺴﻜﺮﻱ؟؟؟ ﻛﺘﻠﻪ ﺍﻧﺘﻪ ﻣﻨﻴﻦ ﻳﻄﻔﻮﻭﻙ ﻏﻴﺮ ﻟﻮ ﺗﻌﺮﻑ ﻭﺟﻬﻪ ﺍﻟﻄﺎﻭﻩ ﻣﺸﺘﻜﻴﻪ ﻋﻠﻴﻪ؟ ﻛﺎﻝ ﺣﺘﻰ ﺍﻧﺘﻪ ﻭﺻﻠﻚ ﺍﻟﻠﻘﺐ ﺍﻟﺸﻬﻴﺮ ﻭﺟﻪ ﺍﻟﻄﺎﻭﺓ ﺗﺎﻟﻲ ﺍﻧﺘﺒﻪ ﻋﻠﻰ ﻛﻼﻣﻲ ﻭﻃﻜﺎﻫﻪ ﺿﺤﻜﺔ ﻗﻮﻭﻭﻭﻳﺔ .. ﻭﺍﻟﻠﻪ ﻃﻠﻌﺖ ﺑﺖ ﺍﺻﻮﻝ ﻭﺟﻪ ﺍﻟﻄﺎﻭﺓ ﺟﺎﺑﺘﻚ ﻳﻤﻲ ﻭﻧﻴﺲ .. ﻭﻛﻤﻞ ﺑﻀﺤﻚ ﻭﻳﻀﺮﺏ ﻋﻠﻰ ﺭﺟﻠﻪ _ ﺧﺮﺏ ﻏﻴﺮﺗﺞ ﻭﺟﻬﻪ ﺍﻟﻄﺎﻭﻩ ﺗﺮﻳﺪ ﺗﻜﺴﺒﻨﻲ ﺍﻟﺼﺎﻟﺤﻬﺎ ﺑﺲ ﻣﺎ ﺗﻌﺮﻑ ﺷﻠﻮﻥ ﻋﻮﺩ ﻋﺒﺎﻟﻬﺎ ﻣﻦ ﺗﺠﻴﺒﻠﻲ ﻭﻧﻴﺲ ﺑﺎﻟﺴﺠﻦ ﺍﺣﺒﻬﺎ .. ﻛﺘﻠﻪ ﻛﺎﻓﻲ ﻛﺎﻓﻲ ﺍﻧﺘﻪ ﺷﻨﻮﻭ ﺑﺎﻟﻊ ﻣﺴﺠﻞ ﺧﻠﻴﻨﻪ ﻧﺸﻮﻑ ﺍﻟﺒﻠﻮﺓ ﺍﻟﺴﻮﺩﺓ ﺍﻟﻤﺼﺨﻤﺔ ﺍﻟﻲ ﻭﻛﻌﻨﺎ ﺑﻴﻬﺎ .. ﻛﺎﻝ ﺍﻓﺎﺍ ﺟﺎﺑﺮ ﻻ ﺗﻬﺘﻢ ﻣﺤﻠﻮﻟﺔ ﻣﺤﻠﻮﻟﺔ ﻭﺑﻌﺪﻳﻦ ﺗﺮﺓ ﺍﻟﺴﺠﻦ ﻟﻠﺮﺟﺎﻝ .. ﺟﺎﻭﺑﺘﻪ ﺑﻤﻠﻞ ﺍﺩﺭﻱ ﻟﻠﺮﺟﺎﻝ ﺑﺲ ﻛﻮﻥ ﻣﺴﻮﻱ ﺟﺮﻳﻤﺔ ﻣﻮ ﻣﻤﺴﻮﻱ ﻟﻮ ﺍﻧﺘﻪ ﺍﺑﺪ ﻣﺎﻳﻬﻤﻚ .. ﻭﻻ ﻳﻬﻤﻚ ﺍﺑﻦ ﻋﻤﻲ ﺗﺠﻲ ﻧﻮﻳﻠﻪ ﻭﺍﺣﺎﺟﻴﻬﺎ .. ﺿﺤﻜﺖ ﺑﺎﺳﺘﻬﺰﺍﺀ ﻫﻴﻪ ﺫﺍﺑﺘﻨﺎ ﺑﺴﺠﻦ ﻳﺮﻳﺪ ﻳﺤﺎﺟﻴﻬﺎ ﻣﻦ ﺷﻮﻛﺖ ﺍﻛﻮ ﻟﻐﺔ ﺣﻮﺍﺭ ﺑﻴﻦ ﺍﻻﻧﺴﺎﻥ ﻭﺍﻟﺤﻴﻮﺍﻧﺎﺕ ﻭﺧﺼﺔ ﻫﺎﻱ ﺟﻨﺘﻜﻢ ﻻﺗﺨﺎﻃﺒﻬﺎ ﺑﺎﺍﺩﺏ ﺧﺎﻃﺒﻬﺎ ﺑﺎﻟﺼﻮﻧﺪﻩ ﻭﻫﻴﻪ ﺗﻔﺘﻬﻢ .. ﺗﺪﻟﻞ ﺗﺪﻟﻞ ﺑﺲ ﺧﻞ ﺍﻃﻠﻊ ﻫﺴﻪ ﻣﺸﻐﻮﻝ .. ﺍﻧﻮﺏ ﺍﻟﺘﺎﻑ ﻋﻠﻰ ﺍﻟﻲ ﺟﺎﻱ ﻳﺤﻔﻠﻪ ﻭﻛﻤﻞ ﺣﻔﺎﻓﺔ ﻭﺫﺍﻙ ﻳﺤﻮﺱ ﻛﻠﻪ ﺍﺛﺒﺖ ﺍﺛﺒﺖ ﺷﺒﻴﻚ ﻭﺟﻬﻚ ﺟﻨﻪ ﻳﺪﺓ ﻣﺎﻝ ﻫﺎﻭﻥ .. ﻭﺍﻧﻲ ﻃﺎﻟﻌﺔ ﺭﻭﺣﻲ ﻫﻮ ﻳﺤﻒ ﻟﻠﺸﺒﺎﺏ ﻭﻳﺴﻠﻤﻨﻲ ﺍﻟﺪﺧﻞ ... ﻫﻮ ﻫﺬﺍ ﻣﻨﻮ ﻣﻌﻠﻤﺔ ﻳﺤﻒ ﺍﺷﻮ ﺻﺎﻳﺮ ﻣﺤﺘﺮﻑ !! .. ﻫﺎﻱ ﺗﺎﻟﻴﺘﻚ ﻳﺠﺎﺑﺮ ﻣﺸﻤﻮﺭ ﺑﺴﺠﻦ ﻭﺍﻧﺖ ﻻ ﺑﻴﻬﺎ ﻭﻻ ﻋﻠﻴﻬﺎ ... ﺻﺮﺕ ﻣﺜﻞ ﻫﺬﺍ ﻻ ﻫﻮ ﺣﺎﺟﻮﺯ ﻭﻻ ﻫﻮ ﺭﺍﻣﻴﻠﻪ ﻃﻠﻘﻪ ﻭﺍﺟﺘﻪ ﺍﻟﭽﻴﻠﻪ ﺑﻜﺼﺘﻪ ... ................................. ﺷﻬﺪ ... ﺧﺎﺑﺮﺕ ﻋﻠﺊ ﺟﻌﻔﺮ ﻣﺎ ﺣﺼﻠﺘﻪ ﺍﺳﺘﻐﺮﺑﺖ ﻫﺬﺍ ﻣﻮ ﻛﺎﻝ ﺣﻄﻠﻚ ﻭﺟﻬﻪ ﺍﻟﻄﺎﻭﻩ ﻭﺍﺭﺟﻌﻠﺞ ﻭﻳﻦ ﻭﻟﻪ ﺑﺴﻴﻄﻪ ﻭﺟﻬﻪ ﺍﻟﻄﺎﻭﻩ ﻣﺎ ﺗﺨﻠﻲ ﺍﻛﻴﻴﺪ ﻭﺍﻛﻴﺪ ﻫﺴﻪ ﻧﺎﻳﻢ ﺑﺤﻈﻨﻬﺎ ﺍﻟﻌﻔﻦ ... ﺿﻠﻴﺖ ﺍﻛﻞ ﺑﺮﻭﺣﻲ ﺑﻐﻀﺐ ﻭﺍﺗﺼﻠﺖ ﻋﻠﺊ ﺭﻳﻬﺎﻡ ﺣﺠﻴﺖ ﻭﻳﺎﻫﺎ ﺷﻮﻳﻪ ﻛﺎﻟﺖ ... ﻻ ﺧﻄﻴﻪ ﺟﻌﻔﺮ ﻣﺴﺠﻮﻥ ﻻﻥ ﻛﺘﻞ ﻧﻮﺍﻝ ﻭﻛﺴﺮ ﺍﻳﺪﻫﺎ ﻭﻫﻲ ﻣﺸﺘﻜﻴﻪ ﻋﻠﻴﻪ ﺿﺤﻜﺖ ﺑﻔﺮﺡ ... ﺍﻳﻲ ﺣﻞ ﺑﺲ ﺷﻌﺠﺐ ﻛﺘﻠﻬﺎ ﻛﺎﻟﺖ ... ﻫﺎﺍﺍﺍ ﻣﻮ ﺿﺮﺑﺖ ﺟﻮﻟﻴﻴﺖ ﻭﻃﺮﺣﺖ ﻃﻔﻠﻬﺎ ﻭﺻﺎﺭ ﻋﻨﺪﻫﺎ ﻧﺰﻳﻔﻴﻦ ﻭﻟﺤﺪ ﺍﻻﻥ ﻣﺎ ﺍﻧﻘﻄﻊ ﺍﻟﻨﺰﻳﻒ ﻟﻄﻤﺖ ﺧﺪﻱ ... ﻳﺎﺍﺍ ﻋﺰﺍ ﺍﻟﻌﺰﺍﻫﺎ ﺍﻟﻤﺠﺮﻣﻪ ﺍﻡ ﺍﻟﺴﺤﻮﺭﻩ ﻣﺎ ﺭﻓﻊ ﻋﻠﻴﻬﺎ ﺩﻋﻮﻩ ﺟﺎﺳﺮ ﺭﺩﺕ ﻋﻠﻴﻪ ... ﺭﻓﻊ ﺑﺲ ﻫﻲ ﻣﻬﺰﻭﻣﻪ ﻣﺪﺭﻱ ﻭﻳﻦ ﻭﻟﺤﺪ ﺍﻻﻥ ﻣﺎﻛﻮ ﻭﺍﻥ ﺷﺎﺀ ﺍﻟﻠﻪ ﺑﻬﺎﻱ ﺍﻟﻨﺘﻴﺠﻪ ﺣﺘﺴﻘﻂ ﺍﻟﺪﻋﻮﻩ ﻋﻦ ﺟﺎﺑﺮ ﻭﻋﻦ ﺟﻌﻔﺮ ... ﻫﻤﺴﺖ ﺑﺤﺰﻥ ... ﺍﻥ ﺷﺎﺀ ﺍﻟﻠﻪ ... ﺧﻠﻴﺖ ﻭﻗﻔﻠﺖ ﺍﻟﻤﻮﺑﺎﻳﻞ ﻭﺑﻌﺪﻫﺎ ﺭﺣﺖ ﺍﻟﻌﻤﺘﻲ ﻃﻠﺒﺖ ﻣﻨﻬﺎ ﻧﺮﻭﺡ ﻟﻠﺠﻤﻠﻪ ﺍﻟﻌﺼﺒﻴﺔ ﻭﻫﻲ ﻣﻘﺼﺮﺕ ﺍﻟﺤﻤﺪ ﻟﻠﻪ ﺧﻠﻴﻨﻪ ﻭﺭﺣﻨﻪ ﺳﺎﻟﺖ ﻋﻨﻬﺎ ﻭﺍﻧﻄﻴﺘﻬﻢ ﺍﺳﻤﻬﺎ ﺻﻌﺪﺕ ﻟﻠﻐﺮﻓﻪ ﺍﻟﻤﺨﻠﻴﻨﻬﺎ ﺑﻴﻬﺎ ﻣﺎ ﻟﻜﻴﺖ ﺍﺣﺪ ﻳﻤﻬﺎ ﻛﺎﻟﺖ ﺍﻟﻤﻤﺮﺿﻪ ﻻ ﺟﺎﻥ ﺯﻭﺟﻬﺎ ﻫﻨﺎ ﻭﺣﻤﺎﺗﻬﺎ ﺑﺲ ﺭﺍﺣﻮﺍ ﻳﺠﻴﺒﻮﻥ ﺍﻟﺘﺤﺎﻟﻴﻞ ﻭﻣﻨﺎﻙ ﺭﺍﺣﻮﺍ ﺍﻟﻤﺮﻛﺰ ﺍﻟﺪﻡ ﺷﻔﺘﻬﺎ ﻣﻦ ﺑﻌﻴﺪ ﺧﻄﻴﻪ ﺍﻟﺒﻨﻴﻪ ﺣﺎﻟﺘﻬﺎ ﻳﺮﺛﺊ ﺍﻟﻬﺎ ﺷﻮﻳﻪ ﻭﺍﺟﺖ ﻣﺮﻩ ﻭﻳﺎﻫﺎ ﺑﻨﻴﻪ ﺍﻧﻲ ﻳﻤﻜﻦ ﻋﺮﻓﺘﻬﺎ ﺑﺲ ﺍﻧﻲ ﻣﺎ ﻋﺸﺖ ﻫﻮﺍﻳﻪ ﻭﻳﻪ ﺍﻫﻞ ﺟﻌﻔﺮ ﻟﺬﻟﻚ ﻣﻌﺮﻓﺘﻲ ﻗﻠﻴﻠﻪ ﺑﺎﻟﻌﺎﻟﻢ ﺑﺲ ﻳﻤﻜﻦ ﺧﺎﻟﺔ ﺟﻌﻔﺮ ﺍﺗﺬﻛﺮ ﻣﺮﻩ ﺍﺟﺘﻨﻪ ﻫﻲ ﻭﺑﻨﺘﻬﺎ ... ﺑﺎﻭﻋﻦ ﻋﻠﻴﻨﻪ ﻭﻓﺘﺤﻦ ﺍﻟﺒﺎﺏ ﻭﺩﺧﻠﻦ ﺿﻠﻦ ﻳﺼﻮﺭﻥ ﺑﻴﻬﺎ ﻭﻃﻠﻌﻦ ﺑﺲ ﻣﻦ ﻃﻠﻌﻦ ﻭﻫﺎﻱ ﺍﻟﻤﺮﻩ ﺷﺎﻓﺘﻨﻲ ﺳﻮﺕ ﺭﻭﺣﻬﺎ ﺗﻮﻟﻮﻝ ﻭﺗﺒﺠﻲ ﻭﻫﻲ ﻭﻻ ﺩﻣﻌﻪ ﻭﻛﻞ ﺷﻮﻳﻪ ﻭﻛﺎﻟﺖ ... ﺳﻮﺩﻩ ﻋﻠﻴﻪ ﻳﻤﻪ ﺟﻮﻭﻭﻟﻲ ﺍﻟﻠﻪ ﻳﺴﺎﻋﺪ ﺍﻣﺞ ﻭﺍﻟﻠﻪ ... ﺍﻧﻲ ﻣﺎ ﺍﻫﺘﻤﻴﺖ ﻭﺑﻌﺪﻫﺎ ﺍﻧﺘﻈﺮﻧﺎﻫﻢ ﻣﺎ ﺍﺟﻮ ﺧﻠﻴﻨﻪ ﻭﺭﺣﻨﻪ ﻭﻛﻠﺖ ﺍﻥ ﺷﺎﺀ ﺍﻟﻠﻪ ﺍﺟﻲ ﻣﺮﻩ ﺛﺎﻧﻴﻪ .... ﺑﺲ ﺍﺳﺘﻐﺮﺑﺖ ﻣﻦ ﻫﺎﻱ ﺍﻟﻤﺮﻩ ﻟﻴﺶ ﺻﻮﺭﺗﻬﺎ ... ..................... ﺣﺎﺯﻡ ﺑﺄﺣﺪ ﺩﻭﻭﻝ ﺍﻭﺭﺑﺎ ﺟﻨﺖ ﻭﺍﻛﻔﻪ ﻋﻠﺊ ﺍﻟﺸﺒﺎﻙ ﺍﻟﻄﻮﻭﻭﻳﻞ ﻭﻋﺎﺻﻢ ﻣﺘﻤﺪﺩ ﻭﺍﻟﻌﻜﺎﺯﻩ ﺑﺼﻔﻪ ﻭﻫﻮ ﺻﺎﻓﻦ ﻟﻠﺒﻌﻴﺪ ﻭﺍﻣﻲ ﺟﺎﻧﺖ ﻛﺎﻋﺪﻩ ﺗﺼﻠﻲ ﺑﺤﺰﻥ ﻭﺗﻨﺎﺟﻲ ﺭﺑﻬﺎ ﻭﺗﻄﻠﺐ ﺍﻟﺮﺣﻤﻪ ﺍﻟﻨﻪ ﻭﺍﻟﺒﻨﺘﻬﺎ ... ﺍﻣﻲ ﻣﻦ ﺑﻌﺪ ﺍﻟﺼﺎﺭ ﺻﺎﺭﺕ ﺣﺮﻛﺘﻬﺎ ﺻﻌﺒﻪ ﺣﻴﻴﻞ ﻣﻦ ﺍﻟﺘﺸﻮﻫﻪ ﺍﻟﻄﻔﻮﻟﻲ ﺍﻟﻌﻨﺪﻫﺎ ﺗﻤﺸﻲ ﺧﻄﻮﺗﻴﻴﻦ ﻭﺗﻮﻛﻊ ﺑﻌﺪ ﻣﺎ ﺗﻜﺪﺭ ﻋﺎﺟﺰﻩ ﺑﺲ ﻭﻻ ﻳﻮﻡ ﻣﺎ ﺫﻛﺮﺕ ﺟﻮﻟﻴﻴﺖ ﻭﻻ ﺑﻴﻮﻡ ﻣﺎ ﺑﺠﺖ ﻋﻠﻴﻬﺎ ﻭﻃﻠﺒﺖ ﺍﻛﺜﺮ ﻣﻦ ﻣﺮﻩ ﻧﺮﺟﻌﻬﺎ ﺍﻟﻮﺣﺪﻫﺎ ﻭﻫﻲ ﺗﻌﻴﺶ ﺑﺎﻟﻌﺮﺍﻕ ﻭﺍﺣﻨﺎ ﻫﻨﺎ ﺑﺲ ﻋﺎﺻﻢ ﻭﺍﻧﻲ ﻣﺎ ﻗﺒﻠﻨﻪ ﻣﺎ ﻧﻜﺪﺭ ﻧﻌﻮﻓﻬﺎ ﺍﻟﻮﺣﺪﻫﺎ ﻟﻮ ﻧﺮﺟﻊ ﻭﻳﺎﻫﺎ ﻟﻮ ﻧﺨﻠﻴﻬﺎ ﻭﻳﺎﻧﻪ ﺍﺗﺼﻞ ﻣﻮﺑﺎﻳﻠﻲ ﺑﺎﻭﻋﺖ ﻣﻜﺘﻮﺏ ﻋﻤﻲ ﺍﺑﻮ ﻫﻴﺜﻢ ﻓﺘﺤﺖ ﺧﻂ ﺍﺟﺎﻧﻲ ﺻﻮﺕ ﺧﺎﻟﺘﻲ ﻛﺎﻟﺖ ... ﻫﻼ ﺣﺎﺯﻡ ﺍﻣﻚ ﻫﻨﺎ ﻋﻨﺪﻱ ﻣﻮﺿﻮﻉ ﻣﻬﻢ ﻭﻳﺎﻫﺎ ﺍﺳﺘﻐﺮﺑﺖ ﻭﺭﺩﻳﺖ ﻋﻠﻴﻬﺎ ... ﻫﻼ ﺑﻴﺞ ﺑﺲ ﻣﻮﺿﻮﻋﻴﺶ ﺭﺩ ﻋﻠﻴﻪ ﺑﺎﺳﺘﻌﺠﺎﻝ ... ﻣﻮﺿﻮﻉ ﻣﻬﻢ ﺑﺴﺮﻋﻪ ﺍﻧﻄﻴﻨﻲ ﺍﻣﻚ ﺍﻣﻲ ﺯﺣﻔﺖ ﻋﻠﺊ ﺭﻛﺒﻬﺎ ﻭﺍﺟﺖ ﻳﻤﻲ ﺑﺨﻮﻑ ﻭﺣﺰﻥ ... ﺍﻧﻄﻴﻨﻲ ﺷﻜﻮﻭ ﻭﻳﺎﻣﻦ ﺗﺤﺠﻲ ﻭﻛﻔﺖ ﺑﺼﻌﻮﺑﻪ ﻭﺧﻄﻔﺖ ﺍﻟﻤﻮﺑﺎﻳﻞ ﻣﻦ ﻋﻨﺪﻱ ﻭﺭﺩ ﻋﻠﻴﻬﺎ ... ﻫﺎﺍﺍ ﺷﻜﻮﻭﻭ ﻳﺎ ﻣﻮﺿﻮﻉ ﻫﻲ ﻫﺎﺟﻤﺘﻪ ﺑﻘﺴﻮﺓ ﻭﻋﻨﻔﻮﻭﻭﺍﻥ ... ﻭﻟﺞ ﺍﻧﺘﻲ ﺷﻠﻮﻭﻭﻥ ﺍﻡ ﺍﻧﺘﻲ ﺷﻨﻮﻭﻭ ﻣﻦ ﺍﻡ ﻭﻟﺞ ﺑﻨﺘﺞ ﺑﻴﻦ ﺍﻟﺤﻴﺎﺓ ﻭﺍﻟﻤﻮﻭﺕ ﻭﺍﻧﺘﻲ ﻛﺎﻋﺪﻩ ﻭﻳﻪ ﺍﻻﺟﺎﻧﺐ ﺍﻧﺘﻲ ﻧﺴﻴﺘﻲ ﺑﻨﺘﺞ ﺍﻧﺘﻲ ﻣﻮ ﺍﻡ ﺣﺮﺍﻡ ﺗﻨﺤﺴﺒﻴﻦ ﻋﻠﺊ ﺍﻻﻣﻬﺎﺕ ﺣﺮﺭﺭﺍﻣﺎﺕ ﻭﻟﺞ ﻫﺎﻱ ﻧﻈﺮ ﻋﻴﻴﻨﺞ ﻫﺎﻱ ﺑﻨﺘﺞ ﺍﻟﻤﻈﻠﻮﻣﻪ ﺷﻔﺖ ﺍﻣﻲ ﺍﺭﺗﻌﺸﺖ ﻛﻠﻬﺎ ﻭﺍﻟﺪﻣﻌﻪ ﻭﻛﻌﺖ ﻣﻦ ﻋﻴﻨﻬﺎ ﻭﻣﺎ ﻻﻣﺴﺖ ﺧﺪﻫﺎ ﻛﻠﺘﻠﻬﺎ ﺑﺎﺭﺗﺠﺎﻑ ﻭﺍﺣﺘﻘﺎﻥ ... ﺷﺒﻴﻬﺎ ﺟﻮﻟﻴﻴﺖ ﺷﺒﻴﻬﺎ ﺑﻨﻴﺘﻲ ﺷﺴﻮﻳﺘﻮﺍ ﺑﻴﻬﻞ ﺑﻌﺪ ﻭﻛﻒ ﻋﺎﺻﻢ ﺑﻐﻀﺐ ﻭﻫﻮ ﻳﻤﺸﻲ ﻋﻠﺊ ﻋﻜﺎﺯﺗﻪ ﻭ ﻭﻛﻒ ﻣﻘﺎﺑﻴﻞ ﺍﻣﻲ ﻭﻫﻮ ﻳﺒﻠﻊ ﺭﻳﻜﻪ ﻭﻣﺴﺢ ﻋﻠﺊ ﻭﺟﻬﻪ ﺑﺘﻮﺗﺮ ... ﺭﺩﺕ ﻋﻠﻴﻬﺎ ﺧﺎﻟﺘﻲ ... ﻫﺴﻪ ﺍﺷﻮﻓﺞ ﻭﺍﻧﺘﻲ ﺷﻮﻓﻲ ﺑﻌﻴﻨﺞ ﺷﻮﻓﻲ ﺣﺎﻝ ﺑﻨﺘﺞ ﺷﻮﻑ ﺍﻟﻀﻴﻢ ﺍﻟﻲ ﻫﻲ ﺑﻲ ﺻﺮﺧﺖ ﺍﻣﻲ ﺑﺼﻮﺕ ﻋﺎﻟﻲ ... ﻭﻟﺠﺠﺠﺠﺠﺠﺞ ﺷﺒﻴﻬﺎ ﺟﻮﻟﻴﻴﺖ ﺷﺒﻴﻴﻴﻴﻴﻬﺎ ﺍﻧﻲ ﺭﺩﺕ ﺍﺳﺤﺐ ﺍﻟﻤﻮﺑﺎﻳﻞ ﻣﻦ ﺍﻣﻲ ﺑﺲ ﻫﻲ ﺿﺮﺑﺘﻨﻲ ﻭ ﺍﺗﻤﺴﻜﺖ ﺑﺎﻟﻤﻮﺑﺎﻳﻞ ﺧﺎﻟﺘﻲ ﺭﺩﺕ ﻋﻠﻴﻬﺎ ... ﻫﺴﻪ ﺍﺭﺳﻠﺞ ﻭﺷﻮﻓﻲ ﺑﻌﻴﻨﺞ ﻗﻔﻠﺖ ﺍﻟﺨﻂ ﻭﺍﻣﻲ ﺿﻠﺖ ﻻﺯﻣﻪ ﺍﻟﻤﻮﺑﺎﻳﻞ ﺑﻘﻮﻩ ﻭﻫﻲ ﻣﺘﻮﺗﺮﻩ ﻭﺗﺮﺟﻒ ﻭﺩﻣﻮﻋﻬﺎ ﺑﻠﻠﺖ ﺷﻴﻠﺘﻬﺎ ﺭﻥ ﺍﻟﻤﻮﺑﺎﻳﻞ ﺩﻟﻴﻞ ﻋﻠﺊ ﻭﺻﻮﻝ ﺭﺳﺎﻟﻪ ﻓﺘﺤﺖ ﺍﻟﻤﻮﺑﺎﻳﻞ ﻭﻓﺘﺤﺖ ﺍﻟﺼﻮﺭ ﻭﺍﻧﻲ ﻭﻋﺎﺻﻢ ﻧﺒﺎﻭﻉ ﻭﻳﺎﻫﺎ ﺷﻔﻨﻪ ﺟﻮﻟﻴﻴﺖ ﺣﺎﻟﻬﺎ ﻳﻔﻄﺮ ﺍﻟﮕﻠﺐ ﻋﻴﻮﻧﻬﺎ ﻣﺸﺪﻭﺩﻩ ﻭﺍﻟﺬﺑﻮﻝ ﻭﺍﺿﺢ ﻋﻠﻴﻬﺎ ﻭﺭﺍﺳﻬﺎ ﻣﻠﻔﻮﻑ ﺑﺎﺣﻜﺎﻡ ﻭﺷﻌﺮﻫﺎ ﻣﺘﻨﺎﺛﺮ ﻋﻠﺊ ﻭﺟﻬﻪ ﺍﻟﺸﺎﺣﺐ ﺷﺤﻮﺏ ﺍﻷﻣﻮﺍﺕ ﻭﺍﻻﻭﻛﺴﺠﻴﻴﻦ ﺑﺨﺸﻤﻬﺎ ﻭﺍﻟﻤﻐﺬﻱ ﺣﺎﻟﻬﺎ ﻣﺎ ﻳﻤﺖ ﻟﻼﺣﻴﺎﺀ ﺑﺄﻱ ﺻﻠﻪ ﺟﻮﻟﻴﻴﺖ ﻣﻴﻴﺘﻪ ﻣﻴﻴﻴﺘﻪ ﻛﺎﺗﺒﻪ ﺟﻮﻭﻭﻩ ﺍﻟﺼﻮﺭﻩ ... ﻫﺎﻱ ﺑﻨﺘﺞ ﺍﻧﺘﻲ ﻣﺨﻠﻴﺘﻬﺎ ﻋﻨﺪ ﻛﺎﺳﺮ ﺍﻟﻤﺠﺮﻡ ﺷﻮﻓﻲ ﺷﺴﻮﻩ ﺑﻴﻬﺎ ﺷﻮﻓﻲ ﺷﻠﻮﻭﻥ ﺷﻞ ﺑﻨﺘﺞ ﻭﻋﻤﺎﻫﺎ ﻭﻓﻠﺶ ﺭﺍﺳﻬﺎ ﺍﻓﺰﻋﻲ ﺍﻟﺒﻨﺘﺞ ﻳﺎ ﻣﺠﺮﻣﻪ ... ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔 ﻧﻮﺭ ﺳﻤﻮ ﺍﻟﻌﺮﺍﻕ 😘 ﻻ ﺗﻨﺴﻮﺍ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ 🌹❤❤ | ||||||||
|
| |
|
16-11-20, 01:31 AM
| #73 | ||||||||
| مراقبة عامة ومشرفة منتدى الروايات المنقولة
| #البارت التاسع عشر رواية ...#جولييت_واسرها...غياهب الإنتقام #بقلمي...نور سمو العراق 💔💔💔💔💔💔💔💔💔💔 جولييت دكول... خاف أمـوت ولسه ما طايبلي خاطر وخاف أمـوت وجبت عمـري شامر أحلامـي اعله باچـر عريان السيد خلف.... . ............................................... تنبيه...البارت اهداء للجميع وتعويض عن البارت الي انلغئ كووولش حابه اشكركم وبطلاتي يشكرونكم علئ تعاطفكم ومشاعركم الجياشه تجاها جوولي وحابه اشكركم لتقديسي وحبكم اليه واشادتكم بسردي و وصفي وابداعي بهاذي الروايه وانتم اصل الابداع وانتم النبع الصافي الي نتج عني اني ونتج عن روعة روايتي احبببببكم كوووومه كووومه ما جنت اعرف بارت البارحه حسوي صدئ واسع بالواتباد ولا بالكروب والبيجات بحيث اقره كلامكم عني وبسردي وبوصفي واني سعيده رغم حزني بالبارت لذلك البارت هديه بسيطه مني الكم للجميع وبالاخص فراشاتي و ورداتي بكروبي المتواضع ورود وفراشات علئ الفيس😍 واعتذر منهم لان هل ايام مدا اتواصل وياكم كووولش اعتذر بس وقت ماكو و واهسي بالروايه كبير واحب اكول للحاسدين والمسقطين ترئ كلاكم يزيد من اصراري وهذا شوفي اصريت اكتب بارت بعناد الحساد اهل حسابات وهميه 😁 متابعه ممتعه احبائي .................................................. حازم... الام اصل المحنه واصل الطيب واحنه بذور امي الي خناها وضيعنه ثمرة من ثمراتها الحلوه معقوله امي تعذرنه علئ ضياع هل بذره البريئه ؟ صعب تعذرنه صعب بس احنه مشينه بدرب كله شووك وما جان النه من هل دنيا مفر ولا من جاسر ورغم كلشي محد توسد الظلم والحزن والقهر غير جولييت ومحد داس علئ الشوك بكدها... لا احنه ولا ابووي ولا حتئ امي ...هي الوحيده الي موتتها الاهات وغيم الحزن علئ صورها يمه الرسول وصه بيج وكال الجنه تحت اقدام الامهات وربي وصه بيج وكال وبالوالدين إحسانا بس اختنه جولييت منو وصه واذكر امر الرسول ورفقا بالقوارير... اختنه قارورة وانضربت وتكسرت كدامنه وهاي هي علئ فراش المووت شلون نسعفها وشلون نساعدها يا يمه... امي من قرت الرساله ومن شافت الصور جن جنونها وصكت بمكانها واعصابها تجمدت رجعت باوعت للصور بذهووول كبير وعيونها تلمع بدموعها الحارقه بعدت الدمع المالح من عيونها وصرخت بصوووت دووي ...يمممممممممممه يمممممه بنيتي يمي جووولي يمه حبيبتي يمه يروحي شصاير بحالج وكفت وهي لازمه ضهرها بيدها والايد الثانيه لازمه بيها الموبايل وتبعد الدموع المتطايره من عيونها...يممممه سوده عليه يمه شصاير بييج يمه شلون هيج ضربج عاصم وكف بحيره وبيده العكازه راد ياخذ الموبايل من ايده وهي ما قبلت ابتعدت عنه خطوات بسيطة وشمرت الموبايل علئ وجهه بقسوووه وحده كبيره اجه الموبايل بوجهه و وكع علئ الارض وتناثرت اجزاءه مثل حال جولييت نزل الدم من وجنته قريب من عينه بس ما حجه اي كلمه ولا نطق امي شمرت شيلتها وملخت شعرها وتلطن علئ وجهه وتصاررخ...هسه ترجعوووني هسسه ترجعووني البنتي اريد جولييت اريد بنيتي تقربت منها ردت الزمها ضربتني بقبضة ايدها علئ صدري وابتعدت عني وهي تمشي بصعوووبه لبست شيلتها وطلعت من الشقه والثلج جان مغطي كل المنطقه بفلندا... ركضت وراها وهي مشيت خطوات خارج الشقه بدون نعال و رجليها التعبانه غطست بوفر الثلج وكعت علئ اديها وهي تبجي ورجعت كملت مشيها لزمتها من كتفها واني ابجي واتوسل بيها...يمه فدووه يمه الله يخليج راح تموتين من برودة الثلج ارجعي واني عهد عليه اخذج الجولي دفعتني بثورة من داخل روحها المعذبه وبصقت بوجهي...وخرررر مني وخرررر والله ما ادخل هل بيت وهاي اني كاعده بالثلج وخليني اموووت اني اريد اموت ولا اشوف بنيتي بهل حاله طلع عاصم والدم نازل علئ خده و صدره يصعد وينزل لزمها بقهر وهو يتوسل بيها..يمه لا تسوين هيج فشلتينه كدام الاجانب صاحت بصوت عالي وهي تباوع لارجاء البيوت الفاخره الهادئه...ياااا نااااس يا عالم اسمعوا وشوفوا ذووول ولدي مجرمين حرموني من بنتي وعذبوها ودمروها تعالو اتفرجوا وشوفوا تعالو كم بيت فتح الشبابيك وهم يباوعون عليها وهي البروده وصلت الاعظامها ودموعها تنزل بغزاره وتحرگ وجهها البارد... رجعت وكفت مره ثانيه تريد تمشيبس ما خلاها عاصم واعترض طريقها...يمه فدوه انتي وين رايحه وين رايحه احنه مو بالعراق وتوصلين الجولييت انتي لازم تعبرين قارات دفعته بغضب عارم ومسحت دموعها الحارقه بطرف شيلتها وتقربت منه لزمته من قميصه بتهديد...ولك شلون يا عاصم شلوون ولك هاي بنيتي هاي قطعه من كلبي ... ولك انت من شفتك بين الحياة والموت مو وكفت بجانبك ولك ليييش ليش هاي بنيتي هاي جولييت اعز منكم والله ولك اشوفها هيج ممدوده واني مو يمها ولك شلون من ضربها شكالت من خوفها شكالت يمه تعاليلي لطمت علئ خدودها بجزع ونحيب...ولك شلووون تحجي باسمي وامها مو يمها ولك اني اليوم عار علئ الامهات ولك اني عاااار بنيتي تريد تموت وانه كاعده بنص الاجانب باس ايدها بحيرة وتوسل...يمه والله والله اوديج واخذج واذا تردين اجيبها الج رفعت اصبعها بتهديد...اريد اروح الها سفرني الها باس ايدها بقبول ولهفه...اي والله يمه اخذج اخذج بس ادخلي فدووه راح تموتين رفعت اديها وهي تدعي ودموعها تنزل علئ اديها الجامده من البرد...يارب موووتني موتني وعووف بنيتي فدوه من عمري علئ عمرها سوده عليه يا يمه سوده عليه يا ضيم كلبي سوده عليه يا عذاب روحي حسيت راح يغمي عليها من البرد ومن النحيب والبجي وفعلا اغمئ عليها دلاله علئ ارتفاع السكر والضغط عندها... شلتها بين اديه ورجعتها للشقه وعاصم راح بسرعه ويمشي بخطوات بطيئه بسبب اعاقة رجلة من ضربة جاسر الكلب... شغل المدفئه واتقرب منها ولزم اديها وهو يدفي بيها واني نزعت شيلتها وغطيتها وبعدها اخذت الها السكر والضغط بجهاز الضغط والسكر العندنا... طلعوا كلش مرتفعات احتارينه شنسوي ورغم كلشي اختنه عزت علينا شافوها الوحدها وهيج جرموا بحقها لا والف لااا اختنا ناخذ حقها وانطيح حضهم... اجيت كعدت يم عاصم وجريت نفس عميق وحزين وهو كاعد لازم عكازته وصافن بلا شئ... حطيت ايدي علئ كتفه وتنهدت باوعلي بطرف عينه كال...شفت شمسوي بيها ؟ هزيت راسي بقهر ونفخت نفسي بعذاب...اييي شافوها وحيده واستغلوا وضعها واردفت بحيره...امي راح تسفرها لو شنو ؟ رمقني بنظرة انتقام...لااااااا راح اجيب جولييت هنا فتحت عيوني مصدوم من كلامه...شلوون تجيبها انت راح تورطنا ضرب علئ ايدي ضربات خفيفيه...لا تخاف ما اورطك اني راح اوهم امي واسايرها ان ما عندي فلوس السفرتها وبس اجمع كم فلس اسفرها وراح اتفق ويه هذا الي طلعني تهريب بطيران عراقي وبصوره اصوليه استغربت من كلامه...يعني شلوون فهمني اني ما افهم ... ابتسم باستهزاء...هه انتم مو سافرتوا قبلي التركيا عن طريق المطار واني لان جنت مريض طلعت تزوير وهذا الي راح اسوي راح اطلب منه يجيبها النه هو هي هاي شغلته وهو يعرف شلون يستغل الوضع وراح نهربها لهنا نسويها مضطهده من زوجها ومتعرضه للعنف وراح هنا يستقبلونها اكثر ما يستقبلونه .. حكيت لحيتي بتفكير...والله ما اعرف شنو اكلك بس ترئ جاسر مراح يسكت وما تعبر عليه ضحك...لا لا تعبر مو عبرت المهمه الاولئ وان شاء الله اخلي واحد يحاول يخطفهى أو نخلي هشام وعمي ويطلعوها من المستشفئ ويسفروها النه وان شاء الله هنا نعالجها... تنهدت...الله كريم ان شاء الله... ضلينه اليوم كله نفكر ونخطط وخابرنه هذا الولد الهرب عاصم بطريقه أصولية وبطيران من العراق... شويه وكعدت امي ضلت تبجي هي ضهرها سكط وما تكدر تمشي منا لهنا لذلك حالتها حرجه كعدت تبجي بعد ما طلعت رسالة جولييت الها من زمان وهي تبجي وتنوح عليها وكل شويه ورادت تطلع وتروح تهج من البيت منا لمن قنعها عاصم وكلها بس اجمع كم فلس اسفرج وهي استسلمت للامر الواقع لان هي عبالها عاصم ما عنده فلووس... واحنه من هسه بدينه بمخابرات وتخطيط لخطف جولي... ......................................... ريهام... جنت كاعده اصلي وادعي رفعت اديه بالدعاء الجولييت...ربي..ان مرضنا فأنت الشافي المعافي..ربي..ربي اشفيها وقر عيني في شفاء جولييت..يا الله تب علينا..تب علينا..وكن معنا في بلوانا..فان كنت معنا فمن علينا وان كنت علينا فمن معنا تساقطت دموعي بغزاره واني بحضرة ربي واديه مرفوعه بالدعاء بصدق....أعرف يا الله ان هذا قدر ومكتوب..ما يتغير الا بدعاء وقت استجابه ترجيتك يا الله...يا الله گومها ب لسلامه..ولا تاخذ امانتك وهي طفله وعندها اطفال وما شافت من طعم الحياة شئ... مسحت دموعي بطرف العبايه وسجدت واني اللامس الارض حسيت بدموعي الرطبه تلامس السجادة الناعمه ...سبحانك ربي الاعلئ وبحمده يالله يالله اشفي جولييت ياربي... استوقفني صوت بكاء اطفالها الناحب وكفت بحيره من دخلو عليه وهم شايلين الديج ويبجون جانوا يم اشواق مسحت دموعي وابتسمت علئ منظرهم الأسر اتذكرت جولييت من جانت تشوفهم شايلين الديج دكول...ياربي اني شايفه الجهال تشيل دبدوب لعابات اشو اني ديجهم ويفترون ههههه فتحت ايدي الهم اريد احضنهم الديج انهزم منهم وهم عافو لاول مره واجوا. كعدوا يمي كال مجتبئ بحزن ودمعه بطرف عينه...عمه اليد ماما تنهدت بقهر وكتمت عبرتي بسته بخده...يعمري هسه تجي ماما هي كالت من اجي اجيب ملاعييب المشمش وروضي مشمش رد عليه بعصبية...لا بت اليه «بس اليه » ضربته مرتضى بغضب...نعله ابووت نعله ابووت هي سكيته عبني...« نعله علئ ابوك نعله علئ ابوك هي جكليته تحبني » لزمتهم بحنان...لا لا عمه عيب هيج تغلطون هي تحبكم ثنينكم وان شاء الله تجي وتلعب وياكم بس بعد لا تعضوها ههههه هز راسه مرتضئ بنفي...لا اعفها ليس لوح عوفنه وعدنا...« ليش تروح وتعوفنا الوحدنه » رد عليه مشمش وكانه يريد يبجي والدمعه تلالي بعينه...هي سكيته ماتت قلع منها دم قكتها وده القاوه...« طكتها وجهه الطاوه » مرتضئ دمعت عيونه وحضني بخووف...ماما ماتت قلع منها دم حضنتهم باسئ وكلبي نار عليهم...لا يروحي لا اسم الله ما ماتت هسه تجي لا تخافون حاولت انومهم بعد ما عشيتهم وهم فعلا نامو غطيتهم وضليت اقره عليهم ايات واسبح... دخل صلاح جان هسه جاي من المستشفى وجان دنيا اليل بلعت ريكي وسالته بخووف...شنو بشر ما كعدت ما توقف النزيف جر نفس ونزع قميصه كال...لا والله علئ حطت ايدج كلشي ماكوو ...بعدها حالتها حرجه... حمدت ربي وشكرته وهو دخل سبح واني رحت حضرت العشا اله ... هو جان راجع هو وجاسر لان جاسر رجع يسبح حضرت الهم العشا ثنينهم بس جاسر ما قبل ياكل دخل باوع المجتبئ ومرتضئ،واني جنت واكفه بجانبه اباوع الهم نزل نفسه الهم وباسهم بحب وحضنهم... كال بتنهيده طويله...ريهام ديري بالج عليهم هم امانتج واني،ما اوصيج لان اعرف انتي شنوو واكيد ما تقصيرين وياهم ابتسمت...لا اكييد ان شاء الله ما اقصر بس فدوه تعال تعشا ما يصير هيج صار كم يوم بدون اكل... رد عليه بقهر...ما اشتهي والله ومشكوره ما قصرتي خله وطلع واني ضليت كاعده ويه صلاح كال اروح الها ب12 باليل كتله اروح وياك ما قبل كال مو زين عليج وانتي هم حالتج علئ كدج... ضلينه شووويه تقريبا ب11 باليل وجان الجو شويه بارد وهدوء محد اله مزاج الكلشي... وبنات نوال كاعدات بغرفة امهن لا يطلعن ولايمشن وهي سجاوي زعلانه شلون جعفر كتل امها واحنه كلنا نحجي عنها... وهي امها انهزمت ومحد يعرف وين وحتئ اهلها كالو ما نعرف بس جذابين ما يعترفون وين حتئ ما تدخل سجن... وهي حتئ سجئ ما تعرف امها ويين ... جنت كاعده وما اسمع اله صرخه قويه وانهيار تام من قبل مرتضئ فزيت مرعوبه اني وصلاح رحنه نركض عليه لزمته وهو شلون المتعارض وخايف ويصرررخ بصوت مرعب وعالي ما اعرف شلون اسكته وهو ما ادري شبي... ضليت اقره عليه وامسح علئ راسه وهو يصييح ببكاء ونحيب...ماما ماتت ماما قلع منها دم باوعت الصلاح بحيره وبلعت ريكي...عزااا صورة امه بباله ضربوا امه كدامه وهو طفل اخذه مني صلاح وباسه بخده كال...البسي،بسرعه خلينه نطلعه شويه والله لبست بسرعه وهو صاح الاشواق اجت ضلت يم مشمش بس هي خطيه تخبلت علئ مرتضئ... طلعنه برا وركبنه بالسياره وهو يسكت بي ويبوسه وما نسمع بس صوت الكلاب هو ارتاح شويه ويباوعلنه ويضحك...عووو عوو هته عف عمه هههه « هسه يعض عمه » ابتسمت علئ كلامه ياربي شسوت وجهه الطاوه عارضت حتئ جهالها وخبلتهم الذيج المسكينه شلون فلشت راسها ببطل مي جامد وخلت الدم ينزف منها... تحلف وقار دكول قبل لا يفتحون شعرها جانت كصيبتها يابسه مثل الخشبه لان الدم يبس عليها... حسبي يالله ونعم الوكيل عليج يانوال ما اكول غير هل كلمه ليش هيج اذيتي هل بنيه اليتيمه والله فقيره لا تحجي علئ واحد ولا تحتك بشخص كافيه خيرها شرها... والله مرات مجتبئ ومرتضئ يقشمروها وتتقشمر بالكلمع الحلوه وكل هذا وعندها عزة نفس صح ما تاذي بس ما تفرض نفسها علئ اي شخص ومكتفيه بنفسها واطفالها.... الحمد لله علئ كل حال واملنا بربي كبيير.... رجعنه للبيت بعد ما نام ولو هو كل شويه وفز وضل يبجي ويريد امه... ........................ وقار... جان واكف علئ شباك بباب غرفتها وعقله طاير والكلام عنده مقتوول عرفت اخووويه حييل حييل مقهور مو بس عليهر وانما شنو وحده مثل نوال تضرب مرته وتهدد حياتها بالموت شهكت وبجيت من باوعتلها وشفت تنفسها ضاق والدموع انسابت علئ وجنتي وركضت عليه لزمت اديها بحنان...هااا جولييت جووولي شبييج باوعلي وتقدم مني بخطوات سريعه وتيار من الحزن يجتاح صدره ما يريد يغيب صوتها ولا تغيب طلتها باوعتله اقترب منها والتمست الحنان والحب بعيونه لزم ايدها بحب...هااا حبيبتي هااا جولييت اذا تحسين بيه الزمي اصبع ايدي جان محتضن ايدها الناعمه بيده الضخمه ما جانت الها اي استجابه ضل يباوعلها بتيقن وهو ينتظر منها اجابه ويترجاها تستجاب اله نزل راسه باسف ودگات گلبه تسارعت علئ حالها اقترب منها اكثر وهمس عند وجهها المتعوب وهمس بعذاب...الله يجمعني بيج علئ خير يا جولييت كعد علئ الكرسي وجر نفس باوع لاديها وابتسم بحزن اكبر من شاف اديها معضعضه باوعلي ببضحكه معذبه....هاي اطفالها من يتعاركون يكون الها نصيب من العض ابتسمت...وليش يعضوها هل مسكينه رد بتنهيده...مو معركت ما تنتهي اله بدخول طرف ثالث يتحمل كافة النتائج لذلك جولييت جانت هي الضحيه... جريت نفس طويل وحزين...هي دائما جانت الضحيه مسح علئ خدها بحنان وباوعلي...فعلا اوووف تعبان حييل تعبت نفسيا اني مجاي اكدر اشوفها بهل شكل... تدرين ادخل البيتنه اشووفه اضلم ما بي ضوه وتدرين اني هسه حسيت بوجودها وقيمتها احس ما الي طاقه اذا فقدتها تدرين مرات حتئ التفكير اخاف منه اخاف تموت بلحظه تمر عليه لحضات ميته ووو وما اكدر ادفنها وهي راسها مضروب وينزف ... ما اكدر اتخييل احرف الها كبر والچم جروحها هذا كله يخليني اتمنئ لو الزم نوال والله اكلها باسناني والله ما حقدت علئ عصام كد ما حقدت علئ هل عار واذا جولييت فقدتها الزمها واحركها نويله وحق الله كون بيها بخت وتعيش لان اذا ماتت احتار شلون اجرم بحقها... تقربت منه وحطيت ايدي علئ كتفه...الله يعينك يا خويه وربي يشافيها وما تشوف بيها مكروه رد عليه بصدق وتنهيده...اميييين يارب رجع باوعلي بتساؤل...اي بشريني جابر طلع من السجن لو بعده هزيت ايدي بقهر...لا والله لسه ما طلع هو خطيه المسكين لا بيها ولا عليها وحتئ ما ماد ايده عليها وهي راحت اشتكت عليه جر نفس...هاي فد وحده عار ضاله تشبج لحيه بلحيه وفكرها يدولب بيها بس بسيطه هسه اطلعهم وهي هل نعال اذا ما خليتها تعفن بالسجن واخليها تتنازل عن بناتها ما اطلع جاسر... ابتسمت بمرح...ونعم منك خويه وترئ يا خويه من جابر وعمي رادوا يحلفون جولييت ترئ مو قصدهم وانت تعرف شكد يحبوها وخاصة عمي... رد عليه بسرعه ممزوجه بغضب...اعرف وقار بس هم ما يعرفون يتصرفون ودائما تصرفاتهم ممدروسه وبسببهم ترئ انضربت مرتي شنو جايبها يحلفها علئ اي اساس ترئ هاي ما صايره تحلف الظالم والمظلوم سكتت ما عرفت شنو احجي وهو طلع موبايله وخابر شويه وكله...هلا رائد رضا باوع انت رتبها الي وطلعهم وان شاء الله اني اعرف البيت الي ضامه نفسها بي واجيبها تلقي القبض عليها قفل الخط وبعدها كال...وقار اني عندي مشوار ضروري هسه شويه واجي ما أتأخر بعد اخووج ما اوصيج بس تكعد او اي شئ يصير وياها اريدج تخابريني تمام مو ما تخابرين رديت عليه بقبول...اي خويه ادلل ميخالف هو خله وراح طلع واني ضليت يمها وشويه واجت امي وماما رضيه واشواق خطيه اشواف اول ما اجت باست جولي وضلت تبجي لان خطيه هي وجهه الزراك كل شويه ويكتسح مسافه من وجهها انصدمت صدمة عمري امي اجت وباستها براسها وابتعدت عنها بجمود وماما رضيه تبوس بادين جولي وتبوس بخدودها وتبجي امي هم بجت بس مو مثل ماما رضيه وخالتي صبريه لحد الان ما تدري محد كال الها والله لو تدري اله تحرك البيت علئ راسنه ... ............................ جابر... جنه كاعدين بالسجن وجعفر كاعد علئ الجربايه وحاط رجل علئ رجل ولازمله طاسه يطبل بيها... جبتيلي العذاب وبي ربطيني.... وأنا صغير يا يمة إشايف بعيني وزدتيلي الحمل حد ما كتلتيني وها ها ها ها ها يمة... ها يمة ... ولج يمة... ها يمة... ها يمة... ها يمة... ها يوم إرتاحيتي من زوجتيني... هلورطة الورطتيني... إرتاحيتي بس فرفحتيني وجهه الطاوه من زوجتيني وها يمه وهااا يوم هزيت ايدي بقهر...ياربي هذا ماكو احساس انوب يغني بس عمي حقه كاتل وجهه الطاوه ومطيح حضها اله اني المقهور من صدك لا ضارب لا ماخذلي جلاق لا راشدي حقي انقهر اخذت الطاسه من ايده وشمرتها باوعتله بقهر...جعفر اريد اعرف انت شنو من مله احنه مسجونين وانت تدك وتغني كح بوجهي بخبث...شسوي يا جابر ارفهه عن نفسي ورجع يغني ارتاحيتي من زوجتيني واحد كله...شكد متزوج رفع اصابعه واشر اله...ثنين بس مو نسوان انتقام حيايه اكلني بكشوري وحده مطلكها وما ادري شنو السبب والثانيه هي الذبتني سجن هههههه بس بالقران مفوخ كلبي بيهن اجاه واحد كله..جعفر عفيع ما تشوف بشرتي شو مجلده وبيها حب احمر لزم وجهه داره يمين ويسار وجر نفس كله...بشرتك تعاني من شيخوخه مبكره وتعاني من حب الشباب يعني بشرتك عجوز بس روحها خضره ضحكت وضربته والولد كله بغضب...شبييك تضحك عليه رد عليه...وروح عيال و ورح عبال ما اضحك عليك غير هي هاي بشرتك اني حلاق واعرف بهل سوالف باوعتله بملل...من شوكت صرت حلاق ولك ندسني بعكسه وكمل يحجي ويه الولد انوب واحد صاح عليه كله...اكول جعفر اني معطب من الشمس شسوي واصير ابيض شفاف رد عليه بصدق...هو مال تصير ابيض ما تصير لو اصبغك بصبغ بويه بس عندي الك الحل جيب خلطه وحطها بجدر فافون وشرط طابخين بي قبل يومين مركة باميه واجيب من الخلطه واخلط وجهك وجسمك وان شاء الله نتائج مضمونه باوعلي وهو يضحك بمرح...تذكرت شهودتي جانت تعلمني علئ هاي الاشياء لان جانت تحب هيج سوالف وجنت كله اجيب الها مكياج تكسباير خخخخ ولو هي وجهه مو صافي جنه گرده مال بناء ههههه بس احبها بنت النعال جر نفس حلفت من تجيب شهوده اخلي صبريه تجيبها اليه للسجن واشيلها هنا كدام السجناء واكلهم...شوفوا ولكم كواويد كلكم ترحولها فدوه بس جابر ابن عمي لا ....هااا شلوني ؟ ابتسمت باستهزاء...ليش ما تاكل نعل شنو تريد تخلينه كم شهر بالسجن من وره وجهه الطاوه وانوب ننتظر شهوده تجيب ضربني علئ كتفي...شبيك لك السجن للرجال صير رجال مثلي وكف وراح وهو يصيح من باب السجن...ابوو خليل ابو خليل اذن بعده احنه ناس صدك مساجين وعلينه سمعه زفت بس نعرف ربنه كلش زين رد عليه الشرطي...اي اذن عاد هو راح توضئ وكعد يصلي رمشة عيين خلص صلاة تفاجئت...شبسرعه لبگتها لبگ يركضون وراك حتئ الملائكه العلئ جتفك ما كالت حلال... تمدد ومد رجليه...هسه انت شدخلك العافيه بالتداريج المهم اني ما تارك صلاتي من سحرتني نويله لحد الان.... صفن كال...هسه جولييت شلونها اني عود ردت اعتذر الها لان منكلب عليها ابو زيد الهلالي قبل لا اروح للزياره... بس هاي ام وجهه المعفن ما انطتنه مجال ولك ماكو هيج مره ما بيها انوثه اضربها وترجع توكف جنها حصان ريسز اردف بانتصار...بس بالقران كتلتلها كله چيكه ما چيكه بي?ه ما بيكه لو هادين عليها ثلاثين تفاگ ما يسوون بيها هيج... ضحكت بصوت...غير يستقر عريف شلتاغ ضحك...لا بالقران مو مبالغه ولك موتتها تموت ما تشوفني فرحان بالسجن ولك انوب تصيح هسه اخذت ثار فلاح كون طالعلها فلاح وراكعها بربد علئ راسها مفشلها... اردف بعد ما لزم ايدي بقهر...طبعا الصار بيه والصار هل ايام كله من وراك انت السبب وانت المسؤؤل عن هل شئ... رفعت حاجب باستغراب وتساؤل...شنو قصدك اني شجابني عليك وعلئ وجهه الطاوه جر نفس ...تذكر من عمي كال واحد منكم يتزوجها واني كتله خلي جابر يتزوجها وانت رفضت ؟ هزيت راسي بقبول... كال...اي هسه لو ما اخذها جان هسه احنه بخير بس انت السبب...وتحمل النتائج احتمال تكون سجنت لهذا السبب ضحكت بدون نفس ونزلت راسي بعد ما هزيته باسئ...هههه والله عليك سوالف... شويه واثار انتباهي بعد ما صاحوا باسمائنا...كالو افراج رد عليه جعفر بلوم وعدم رضا...لا ابو خليل ما ردتها منك والله بعدني ما متعرف علئ الشباب باوعله بطرف عينه وكله...يالله امشي امشي يتعرف علئ الشباب هو ابو المشاكل تركه يحجي وراح سلم علئ الولد واحد واحد واخذ ارقامهم وهم تخبلو عليه المسجون كم يوم اخذ رقمه والما عنده موبايل وعده يجي يزوره... خلينه وطلعنه الحمد لله واخيرا طلعت من السجن والله السجن غابه ما ينراد بس هذا جعفر مدري شنو من مله كلشي عاجبه بس وجهه الطاوه ما عاجبته من زمان ولو هي ما تعجب الكل وهي شكلها يعني حلو بس مكروه من خبثها وتصرفاتها الملعونه ... ............................. وقار من بعد ما اجت امي وماما رضيه و اشواق ضلت اشواق يم جولي واني رجعت البيت اهلي لان بصراحه عندي حاجات اريد اخذهن وهماتين اريد اسبح... وعرفت جابر طلع كلت اخاف يجي للمستفشئ دخلت لكيت جاسر واكف ولازم موبايل سجئ الي اخذه من قبل منها هو ما فتحه لان يعرف شنو بي بس فرمته شفته خله الموبايل علئ الكاونتر بالمطبخ واني جنت اشرب مي سجئ جانت مراقبته وكأن تريد تخطف الموبايل هو طبعا جاسر فرمت الجهاز ورجع السمكارت بي لان هي ما فتحت الرمز... اتصل موبايله ضا يحجي وانوب اجو اطفاله شالهن وضل يبوس بيهم وتالي خله وطلع هي اول ما شافته طلع اخذت الموبايل بسرعه وخلته بصدرها اني انصدمت منها ومن جرئتها طفله وينها وين سوالف التضمضم بالصدر... خليتها طلعت ورحت ركض الجاسر كتله بخووف...جاااسر جااسر سجئ اخذت الموبايل رد عليه ببرود...ادري خليها تاخذه تندهشت من ردة فعله وبلعت ريكي بحيرة...ليش،مو هاي تتواصل ويه امها واحنه ما نريدها تتواصل وياها ارد ببتسامه باهته وثكيله...بس اني اريدها تتواصل لان هي الس راح توصلنه لامها تركني تحت ذهولي وخله وطلع ابتسمت علئ دهائه وذكاءه صحت عليه جاسر لا تروح لوحدك اروح وياك بس اسبح رد عليه بهدوء...تمام منتظرج ضل كاعد ويه ولده وهم يسولفون عليه بحب وكل شويه وباسو وسالو عن امهم وهو يجاوبهم بسياسة... شويه وخابرت اشواق وهي تبجي وصوتها مبحوح رعبتنه رعب عاط بيها جاسر بغضب شديد...ولج احجيييييي شبيها جولييت رد عليه بلهفه وسرعه...جولييت صحت وكعدت وتريدك هو ما لحك يطلع واني ركضت وراه بدون حتئ لا اسبح... ركبنه بالسياره وهو ساق بسرعه جنونية وكل شويه وضرب علئ الستيرن...خررررب شلوووون هييج شلون تصحئ واني مو يمها ردتها اول ما تفتحت عيونها عليه لزمت كتفه بحب...حبيبي خويه علئ كيفك انت هم تعبت وياها باوعلي بغضب...وشنو اريدها تجازيني ترئ هاي مرتي من حقها اتعب وياها ولا مسوي عليها فضل ولا منيه... نزلت راسي بفشله وفركت اديه بخجل... وصلنه للمستشفئ بسرعه دخلنه علئ غرفتها جانت شبه ضلمه جانت نايمه الشاش ملفوف علئ عيونها وشعرها متناثر علئ وجهها الشاحب ركض عليها ملهوووف ولزم اديها بحب ولهفه وصدره يصعد وينزل وهو يشوف الدمعه النازله من الشاش وشاكيه الهم بداخلها خطيه تبجي وحيده تبجي جريحه وتبجي حزينه علئ حالها .. همس بعذاب الها...جولييت حبيبتي تحسين بيه تعرفيني اول ما سمعت اسمه رفعت جسمها المتعوب ولفت اديها علئ رگبته وبجت بمرارة وصوت عالي حضنها بحب ودلال ودفن وجهه بشعرها الملطخ باثار دمها اليابس وهو يهمس الها بكلمات هدت من روعها شويه همست بصوت خافت بسبب الجفاف اي صاب شفايفها وريگها....جج جاسر ااني اني مجتبئ ومم مرتضئ وين رجعها علئ فراشها وحضن كفوفها بكفوف ايده باس اديها ثنينهم...لا تخافين الحمد لله زينين رفعت اديه بصعوووبه وحطتهن علئ عيونها وجرت نفس عميق وحزين ولزمت ايده حييل...خااايفه خايفه حييل اا احس كك كله ظلام جاوبها بلهفه ووكانة يحجي ويه طفل...اي حبيبي هذا شاش ملفوف علئ عيونج لا تخافين ما بيج شئ ردت بثقل باللسان وصعوبه بالنطق..لا لاا لت لتعوفني ا اخاف من الضلمه... لزم ايدها حييل وعصرها بيدها...لا ما اعوفج هاي اني يمج والله.. بجت بصوت عالي وحزين وانين غريب ينبع من شفايفها الجافه انين كئيب مؤلم مسح الدمعه من علئ خدها الشاحب وباس خدها بحب لزمت ايده حييل وتكلمت بصعووبه وهي تبجي بوجع قاتل همست بصوت مبحوح...اب ابووي اجااني شافني علئ هل حاال كال بويه بعد ما اخليج هنا انا اكعدج وياي عندي بيت هناك رد عليه وهو يكتم وجعه...لا جولييت لااا كملت بالم قاهر...طلعنه وجان الجو بارد ومطر والمطر ينزل بس خفييف ركبنه سياره جانت سيارة أبوية هههه ابويه بعمره ما جانت عنده سياره بس بالحلم عنده هو جان يباوعلها واعصاب وجهه تشتد بمرارة من حلمها الكئيب... اردف ببحه...نزلنه يم بيت وبااااب طووووووويل حييل وطلاقتين بس جان المطر بنزل عليه ويبلل النقوش البي وتضرب بالارض وكفت بتعب كدام الباب وكتله واني اتوسل بيه...لا فدوه بويه لا ما اجي وياك مناك مرتضى ومجتبئ وجاسر منو الهم هو انذهل من هل حلم من نطقها الاسمه ومن اهمتيه بالنسبه الها حضنها بحب وباس ايدها حيييل وضل دافن وجهه بباطن اديها ثواني هي كملت كالت..بس جانن بيدي وردتين وقراصه انطيتهن لابووي هو رفع راسه الها ورجع باس اصابع ايدها وجر نفس كلها...المهم رجعتي ضلت لازمه بيده وهمست بنحيب متعوب...نوال ضربتني حييل رد عليها بقهر...خلي تولي والله اله اطيح حضها الج حطت ايدها علئ بطنها كالت...ربي يحفظ هل طفل ما اله ذنب هو بسرعه باوع علينه بصدمه وتوتر واحنه نبجي اني واشواق همس بجرة نفس قاسيه...ان شاء الله يا عمري همست بعذاب...مجتبئ ومرتضئ امانتك جيبهم الي اريدهم مشتاقه اشوف عيونهم جر نفس...والله بس تصيرين زينه اجيبهم الج اجه الدكتور عاين حالتها وسوالفها فحص بس طلب تكون الاضاءه خافته طول الوقت لان بيها ضرر علئ نظرها وهم لحد الان ما متأكدين من سلامتها... بعدها ضلت تبجي من الوجع وتصرخ بانذباح احتارينه احنه وجاسر شنسوي الها اجه الدكتور انطاها ابر مسكنه وانطاها منوم ونامت والدمعه نازله علئ خدها وملطخه بالدم وشاكيه الهم الجره عليها... ........................... شهد ... جنت كاعدة وايدي على بطني وبنتي تتحرك واني مكيفة عليها شكد احبها من تحوس بداخلي ... اجه ابويه كال كومي كومي واخيرا راح نفتك منج اجه جعفر يريد يرجعج .. قلبي تملكته الفرحة هو اني الي راح اخلص منكم موو انتوا .. مشيت باتجاه الباب امشي واحس روحي رغم ثقل الحمل خفيفة مثل الفراشة .. رحت شفته جعفر ومرتجي على الباب واكف لمن شافني عدل وكفته ويباوعلي مبتسم على طولي .. رحت يمه وانطيته ظهر ها ابو النسوان اجيت ؟ ظل يفرك اديه بحماس اي اجيت ارجعج .. خاف ارجع الك وانوب تتزوج عليه .. كال هو الشرع حلل اربعة ترة ..واني بحياتي ما هزتني مره غير صبريه مره تعاركت وياها وهزتني خلتني اوكع تمر خخخخخ التفتت عليه مصدومة كتله شنوووو امشي اطلع بره .. كال لج لااا تعاي هنه اربعة عيونج وضحكتج شعرج وطولج ... ابتسمت بغرور ابتسامة نابعة من اعماق قلبي .. كتله هاا عبالي ... كال يله روحي البسي جبت سيد حتى يرجعنا واخذج للبيت اليوم محد يفكج مني لج مشتاقلج مشتااااقلج . كتله هسه .. مشيت من يمه على كيف وبثكل عود ومن وصلت لنص الهول طكيتها ركضة مال مخابيل .. كبر يالخبله حامل حامل بدلت ورجعني عند السيد واخذني لبيتهم ، دخلت سلمت على الكل وهو اخذني سحل للغرفة .. كعدت على السرير واجه كعد يمي ، انطيته ظهر ظل يتغزل ويشم بشعري .. أريد افتهم الله من يا طين خالقج مكثرلج مي و شكر مدري مكاسره بعسل.. لج احببببج شهووودة احببببج .. التفتت عليه كاااافي جعفر فضحتنا هاي شبيك اثكل .. مااسكت مااسكت بوسيني يله .. كلت بدلع بعدني زعلانة عليك .. لزم قميصه يشيله وينزله عود هو عصبي .. لااا افتح الباب هسه واصييح بعلووو صوووتي تبوسيني لووو شلووون ولج حرام عليج طلعت من السجن جيت عليج ركض .. وكفت كباله وتخصرت له هم ناقصك متجيني بعد وتروح لوجه الطاوة الي سجنتك وطكتك بسحر خلتك ماتندل دربك ولا همينه تنساني اني حبيبة عمرك شهودة.. كال بلهفة وحماس اموووت ع الشهد اموووت ع العسل لج انسي موضوع وجه الطاوة هسه صار ماضي .. اريد بووووسة اووو انته ماتفك ؟ بوسيني وافك .. ويأشر على خده .. قربت شفايفي من خده داابوسه باغتني واقترب من شفايفي والتهمهم بذووبان .. واديه التفت حولي وحدة على ظهري تقربني منه بتملك شديد وحب والايد الخ يغرسها بخصلات شعري ويداعبه . وصار ملكي وبعد ما يتخلص مني مستحيل .. صار يزيد من قبلاته ومشاعره الي تقوده بحب وهيام ... ترئ احببه جعفر حييل وهو متغير مو مثل ما جان مرافك وجهه الطاوه اني عود جنت ناويه اكله عن المره الدخلت صورت جولييت بس نسيت ما مصدكه رجعت وخلصت من مزبلة زوجة ابويه وابويه بس ان شاء الله اكول العمتي ام فلاح وهي تعرف هاي منو... .......................... جابر جولييت صار يومين من كعد من غيبوبتها توقف النزيف عندها بس لحد الان حالتها حرجه وما تطمن رحت البيت عمي لان خابر عليه جاسر راد شاهد اتعجبت شلون يريد شاهد والجاني ما موجوده رفعت حاجب بعدم معرفه وخليت ورحت لكيته يحجي ويه سجئ وهو ماخذ منها الموبايل ويكلها...افتحي الرمز بسرعه ولا تخليني اعيد كلامي ردت عليه بخووف...ما اعرفه عاط بيها بغضب....احجيييييييييييييييي ي بلعت ريكها بخوف واخذت الموبايل بيد راجفه وفتحت الرمز خطفه من ايدها وهو يرمقها بنظره غاضبه دخل السجل المكالمات وشاف مدة المكالمه من رقم ما مكتوب عليه الاسم لبس الهتفون وسمع الكلام وهو كل شويه واحتدت ملامحه مشئ خطوات وصاح علئ رضيه ضل يحجي وياها وهي كلتله اي اندله اروح وياك خلينه وطلعنه وصلاح راح ويانه هو خابر علئ رائد رضا وشويه واجانه هذا الرائد عصبي فووول ما يرحم جانوا يسمونه ابو شيبه عنده خصله بيضه بنص شعره انسان حيادي ماشي بعمله بصورة صحيحه والمتجاوز ما يرحمه علئ الحق ... طبعا هو جان متزوج وطلك انوب اخذ بنت ابو زهراء الي انقذه من الملاكم الضربني قبل وابو زهراء يحمد بي وحتئ بنته علاقتها حلوه وياه وتحبه وامورهم طبيعيه اجه ضل يحجي ويه جاسر وجاسر لزم مسدسه خلاه بضهره ورد عليه بهدوء...اي اي شبيك يا رضا مو كتلك اني متاكد اني انطيت الموبايل البنتها وجنت مسجل المكالمات وهي من حاجيه وياها كايلتلها عند خالتج ام أطياف هز راسه رائد رضا بجبروت وانطلقنه البيت ام أطياف اخت ام سجاوي طوقنا المكان ودكينه الباب مثل اي اللقاء قبض شئ عادي فتحت الباب اطياف لا ياربي وجهه الطاوه ومخليتها بس هاي بعد نافخه براطمها اكثر هذن شعدهن ويه نفخ البراطم باوعت باستغراب مخلوط بحده...شتردون رد عليها رائد رضا بحده وغرور...وين نوال هادي دعير... جاوبته بدون نفس...ما عدنا باوعلها من فوك ليجوه...دوخري وخري حلكج جنه چوب منفوخ وخري هي اجت تسد الباب وهو دفر الباب بقوه هي انضربت بالباب و وكعت وصرخت اجت نوال تركض هي وامها وهو جاسر شافها تخبل عبالك شاف ابليس بذات نفسه دفع رضا بحددده وهجم علئ نوال وهي بجت بصوت عالي ولطمت علئ صدرها ...شفت مرتك شسوت بيه شفت شلون بهذلتني وخلت جعفر كسر اييي بعدها ما مكملة جملتها وهو ضربها براشدي الدم طفر من وجنتها بعد ما تمزقت من قوة الضربه نهاية البارت...يتبع كونوا انتم كونوا بخير...احبكم 💔 نور سمو العراق..😘 لا تنسو التصويت والمشاركه بكم نكتمل احبتي 🌹 باجر هماتين اكو بارت ان شاء الله 😍 والقفله حلوه كووولش اليوم 😁 | ||||||||
|
| |
|
17-11-20, 02:21 PM
| #74 | ||||||||
| مراقبة عامة ومشرفة منتدى الروايات المنقولة
| البارت العشرون رواية...#جولييت_واسرها...غياه ب الإنتقام بقلمي...نور سمو العراق 💔💔💔💔💔💔💔💔💔💔 ارد انافق اي انافق حتى اعيش واجرح حساسه النعامه من اكلها المايعرف يطير ليش بجنحه ريش وخاطر الناعور يرضى راح امدحنه جذب من اشوفه يفتر بصف نهر ناشف راح اكله شكد حلو احساسك رطب علموني تريد تشلع كلب نخله كبالها احرك سعف تريد عاهر ترضى عنك لاتسولف عالشرف شكد ليذه الدنيا عندي من اشوف الاخذ صاحبتي انخطف الذنب ذنب الرمه الطيره والسهم نيته سليمه شكد هضيمه التذل الشمس غيمه @asmaer2 ............................................ جابر... فعلا شكد هضميه من الشمس تذلها الغيمه جولييت شمس صافيه ونوال غيمه سوده وغيمت علئ حياة جولييت من حجيت ويه وقار عرفت البنيه مو بخير ولحد الان حالتها مو مستقره وتجيها نوبات صرع ولحد الان عيونها ملفوفه بشاش يردون تستقر حالتها حتئ يشوفون نظرها اذا سليم او لا... والمشكله هي ما تعرف انو سقطت طفلها ولحد الان متأكده من حملها...مصيبه عظمئ وما الها حل... هسه هذا كله يهوون بس كون تصير زينه لا انوب تموت لان ضربة الراس ما الها امان وهي جانت ضربتها قوويه.... اول ما ضربها جاسر علئ خدها وكعت من طولها وطفر الدم من خدها المنفوخ بالبتوكس تمزق الجلد وتشوهت وجنتها... صرخت بصوت عالي وهي تشوف الدم بعد ما لزمته بيدها وكفت لكل عصبيه واخذت تحفيه كزاز علئ شكل غزاله وشمرتها بتجاهنه بس الحمد لله محد منه انضرب لزمها جاااسر من ايدها وضربها بالحايط بكل قسووه ايدها طك العظم لزمتها وهي تصرخ...ولد الكلب انعل ابوووكم يا ابو كل ميت عدكم ولكم كواويد تستگون علئ مره رد عليها جاسر بغضب واحنه لزمناه لان راح يجرم بيها...ولج بنت الكلب بنت الزمال اليوم هذا وجهج المعفن اشوهه الج تخصرت وهي تغلط وتصييح ..ليش ليش لان اخذت ثار اخوك من جولييت هاي جزاتي اني جنت لازم جاسر هو دفعني وصرخ بيه بغضب...وخرررر مني شكووو لازمني تريد افلش،وجهك وياها لزمته بهدوء...بس علئ كيفك ما يصير هيج هسه تنسجن وتتعاقب هز راسه بوعيد ...لا والله اله اطيح حضها هل مجرمه التافهه انوب دكول اخذت ثاري ام السحوره انوب هاي اطياف وامها يصيحن ...يا ناسيا عالم هجمت علينه الزلم واحنه بس نسوان عاط بيهن راد رضا بغضبه المعتاد...خاب ومرض تاكل نعل لو شلون امر الشرطيه الي جايه وياه تلقي القبض علئ نوال صاح بيها...ام نصير القي القبض عليها ورجع حجه ويه جاسر وجاسر جان يستمع اله بانصلت وملامحه تعبر عن القساوه والألم هز راسه بقبول ونوال تصييح...عوووفيني عووفيني والعباس اخوو زينب ما اخلي اي واحد يسجني ولكم اني تاج راسكم ولكم انتم زلم ما بيكم خيير محد بيكم اخذ ثار مهيوب وفلاح غيري ... ابتسمت وكوه كتمت ضحكتي ياربي شلون ورطه راح اضحك وانوب اخاف جاسر يسجني يكول احنه بيا حال وانت تتمضحك بس والله تذكرت جعفر كون هنا اله يطكها بزيج ههههه جاسر اشر لام نصير وانطاها اشاره هي جانت ام نصير شايله بيدها دونكي هاي الي يلزموها الضباط يضربون بيها وهاي يكون مرات بداخلها نتاله صعقه كهربائيه تكهرب فهي هاي ام نصير تقربت من نوال وركعتها بيها ونوال عاطت وكمزت كلتلها ام نصير وهي تطك ركبتها...واخو زينب الحلفتي بي اليوم اخلي السجن كله يبجي عليج وعاطت بيها بصوت هز البيت هز...انطينييييييي ايدج ادبسز نوال سلمت اديها بخوووف وهي تصييح وتدعي....يارب يا جولييت كووون اشوفج بالتابوت ويدفنونج بصف ابوووج والله البس احمر اخت المجرم كتلو زوجو ويتموا بناتي وبهذلوني يردون يدخلوني سجن... ركعها جاسر بالسويج مالت السيارة اجه بحنجها وزمجر بيها بغضب...ولج بنت الكلب شرايده منها وتدعين عليه انت ربج وصحت والله لو ميته اله ادفنج وراها وانتي عدله اخليج تتمنين الموت وما تلكينه ردت عليه بستهزء...عليمن علئ الرافعه راسك هههه صدك لو كالو حظ العواهر جواهر شردت منك وبعدك تدافع الها هو مجاوبها بس غمز لام نصير وام نصير ركعتها بالدونكي وفتحت عليها النتله عاطت نوال بصوووت عالي وضلت تتوسل بام نصير ...فدووه فدووه لا تسوين بيه هيج والله مظلومه ذوول ناس ظلام وشافوني فقيره وهيج سوو بيه ردت عليها ام نصير باسف مصطنع...اووووي قهرتيني ولج ادبسز ام براطم والبنيه المنومتها بالمستشفئ من ظلمها جدي ردت عليها بتمسكن...هي كلبه هي ذيج ما تعرفينها اخوها كتل رجلي ورملني ويتم بناتي واني اخذت ثارهم هزت راسها وغمضت عيونها بملل...ولج يا ارمله لو كل الارامل مثلج محفحفات ومكيجات وصابغات الشعفه جااا اقري علئ الدنيا السلام ويالله امشي كدامي لا أفلش راسج وانومد بصف ذيج المسكينه الضربتيها اخذوها وهي كل شويه وضلت تصييح وتغلط وتدعي وام نصير سكطتها تسكط... صعدوها بالسياره وبعد ما شفناها وجاسر لزم الرائد رضا كله بقهر وبامر...شوووف رضا اذا ما خليت ام نصير تطيح حضها لا انت صديقي ولا اعرف رد عليه بثقه...لا يابه انت تحجي صدك ترئ مرتك اختي ولي ما ارضاه علئ اختي ما ارضاه علئ مرتك دار وجهه وصاح بصوت عالي...ام نصير هي نزلت وباوعتلو و دكت التحيه ابتسمو عليها وبعدها وجهت نظرها الرائد رضا كالت...أأمر سيدي جر نفس وخله المسدس وره ضهره...ابو مرتضئ يريدج بموضوع هي رجعت باوعت الجاسر وابتسمت ورجعت دكت التحيه مره ثانيه وكالت...يدلل ابو مريضي اخذها جاسر علئ صفحه وضل يحجي وياها وهي تهز براسها بقبول بس ما عرفت شنو الدار بينهم وبعدها سلم عليهم واخذوا نوال واحنه رجعنه بسيارته انتبهت عليه جان المسدس بخصره حمدت الله وشكرته ما اتهور وضرب نوال طلقه امي رضيه لزمت ايده بحنان وجرت نفس عميق همست...حبيبي يمه كوول يالله لا تهلك روحك هيج ترئ جولي كعدت وان شاء الله ما بيها شئ مسح علئ وجهه بتوتر ورد عليها...وحتئ لو كعدت يا يمه اول شئ لحد الان حالتها ما مستقره وثاني شئ فقدت الطفل ولحد الان ما اعرف شلون اصارحها بهل موضوع والأدهى من هيج نظرها لحد الان ما عندهم اي طمانينه عنه فلحد الان هو مو بخير همست واني اباوعله...ان شاء الله تصير بخير تنهد بالم وجاوبني...ان شاء الله.... وصلنه للبيت نزلنه اني ورضيه وهي بس،شاف اطفاله وخله وراح للمستسفئ... ورغم كل شئ احسه لحد الان ما طايقني واني الغبي ما استغليت الفرصه واخذتلي راشدي دفره من نوال للاسف ... خلصتها بس افارغ بيهم... اضل ما عندي كلب وكلبي طيب وشسوي للناس تذمني اني يمكن صح ما اعرف اتصرف والله ما جان قصدي اهرب جولييت من جاسر بس اني حميتها منه ولا جان قصدي اخفي موت عاصم بس جنت اريد جولييت وجاسر يستقرون ولا جنت اعرف اذا نوال حلفت مراح تنتهي المشاكل وهل رعنه تضرب جولييت... نفخت بقهر....اوووف الحمد لله على كل حال نحمده فالسراء والضراء... ................................. شهد... جنت كاعده اغسل بالحووش وريهام جانت توكل بجهال جووولي مكعدتهم علئ الدرج وهي صاعده علئ بايتين وهم كاعدين علئ البايه الاولئ يعني رجليهم علئ الارض اني مو انضف وهم كل شويه وكالو ورفعوا رجليهم ونعالاتهم تك وتك...تهوده عبيبتي تعاي متحي منا..شهوده حبيبتي تعالي امسحي منا... ضحكت...ما شاء الله صايرين مؤدبين ما عرفتكم ضحكت ريهام كالت...لا هم مؤدبين من زمان ههههه رجعت توكل بيهم واني رجعت امسح بالوصله واجت سجئ تمشي ونعالها كله وسخ تنهدت و وكفت ما مسحت ضليت امسح وهي كل شويه رايحه جايه تخبث عليه عاد اني قهرتني وكفت وتخصرت الها...عيني مدام عارضة الازياء يروحي شوكت تكعدين مو دا امسح ردت عليه بغرور...وما تمسحين شدخلني بيج انتي كلج هنا خلگ خدامه وماما الاصل طكيتها بضحكه قويه....هههههههههاي ضحكتيني امج الاصل واني خدامه ؟ لا يا گلبي امج ام السحوره وبعدين اني حتئ لو اشتغلت ونضفت ةاشتغلت خدامه تعتبر نظافه مو وساخه مثل امج وسخت البيت بسحورتها شو هاي صرررخت بصوت عالي عبالك وحده متحمله عليه وهجمت عليه اني كلت خلي تجي والله اله ازورك وجهها تزورك طلع جعفر من الغرفه علئ صرختها وهو متعصب ودفر الباب ويفرك بعيونه كال...هاي يا ادبسز صرخت وفززتني من النوم هي سكتت مجاوبت واني اشرت عليها هو باوعلها مصدوم...انتي صرختي ولج سجيوه طالعلج اللسان والله اكصه الج واعلكه برگبتج ما تستحين تصيحين انتي مو بنيه وصوتج عيب يطلع لو متعلمه من وجهه الطاوه وحدجن لسانها اطول من براطمها... صدك لو كالو الساس نداس حطت ايدها علئ خصرها وردت عليه باستفزاز...وشبيها ماما انتم احسن منها رد عليه جعفر بثقه...لا والله مو احسن منها احنه لو احسن منها جااا فلشنه راسها قبل لا تفلش راس جولييت ...واحنه لو احسن منها جان لصمناها بسحر ولعناه اسلاف اجدادها بس نضل مو احسن منها... جاوبته بعناد وشمخره...والله انتم مدري شبيكم ويه ماما وعلئ شنو كاتلين روحكم علئ جولييت انتم اصلا لازم تفرحون وتغركون ماما بالذهب لان اكيد حركت كلب عاصم كتال بابا واخذت ثارها من اخته جعفر ما تحمل وطكه بزيج وريج كلبه وانوب ضحك وهو يصفك ويهز راسه بضحكه مستهزءه ...عفيه عفيه والله ضحكتيني واني الدكتور مانعني واردف بجديه...ولج انتي ليش ما تسكتين لا اجي اشك حلكج ولج بنت الاودام امج ام السحوره شنو وتاخذ ثارنه ؟ صرخت وضلت تبجي بصوت عالي...سبييت بابا انت تغلط علئ بابا ما توقعتها منك عمو هيج اخوك مو غالي عليك وتسبه والله حرام عليكم بابا شمسويلكم طلعت عمتي ام فلاح كلتله بعصبية...شبيك جعفر شبيك تسودن شكو شصاير عض اصبعه بقهر...ولج هاي نويله بجلالة قدرها نفس الجذب ونفس الصلابه وحتئ نفس البراطم ببتوكس وبدون بتوكس... هي ردت علئ بيبتها...شوفي بيبي سب بابا والقران والعباس سب بابا ريهام صفنت متفاجئة...ياااا عزا ولج شوكت سب ابووج ؟ صرخت بوجهه ريهام...مو يكلي بنت الاوادم ضحكت ريهام وهزت راسها بعدم قبول...اي واحنه كلنه اوادم قابل حيوانات ترئ هاي مو مسبه صاحت بصوت عالي...لا شنو يكلي بنت الاوادم اني مو بنت الاوادم اني اشرفكم جعفر ضحك كلها...والله صح اللسانج انتي صدك مو بنت اوادم اذا امج نويله منين تصيرين بنت اوادم ويالله انتي مو بنت الاوادم هي خزرته وتباوعله بنظرات حاده عاد هو تخبل هجم عليها ولزمها من تشيرتها بحده طارت من بين اديه...شوفي ولج لا تخوزرين وتصيحين وعود تقلدين امج وتاخذينه باللسانج امج محسوبه علئ اهلها وتربيتها ترجع لاهلها بس انتي محسوبه علينه والله اذا مره ثانيه عليتي صوتج ورفعتي وتجاوزتي باللسانج ما تلومين اله نفسج... والله اطيح حضج وحض الخلفتج كافي،علينه امج متحملينها مو انوب انتي تطلعين عليه ردت عليه ام فلاح ...علئ كيفك يمه وياها بعدها صغيره... رفع اصبعه لامه بتهديد...يمه رجاءا لا تخبينها علينه والله محد سودن نويله غيرج من جان فلاح ما يخليج تتدخلين كاص اللسانها ومكسر مفاصلها ومن مات وانتي صرتي بضهرها تفرعنت ... امه سكتت ومجاوبت اردف بعصبية...وترئ ذنب ذيج المسكينه البهذلتنها بركبتج وبركبتها لان انتي الي ساندتيها علئ هل شئ ولا دكولين اني بريئه نطق اخر جمله وراح انوب اجت رضيه وكالت نوال دخلت سجن وهي سجئ اتخبلت هي حقها تضل امها مهما يكون... وكل شويه واجت هاده علينه احنه النسوان والله الي يرش امي بمي ارشه بدم وكولوا سجئ ما كالت... رضيه جرت نفس هاي شبيها فوك ما اهمها ضربت البنيه ولعبت بحالها وفلشت راسها وموتت روح بريئه ما شافت النور لحد الان... اني كلت خلي اكول الاشواق واكول ام فلاح عن المره الي شفتها اجيت حجيت الهن هنه استغربن كالن اخاف تحلمين ضحكت كلتلها...لا والله ما احلم بس اني فعلا شفت مره واجت صورتها وما اعرف ليش صورتها ردت اشواق كالت...اخاف دكتوره؟ جاوبت بسرعه...لا لا مو دكتوره هاي اني شايفتها مدري بنت خالتكم مدري عمكم مدري خالكم بس شكلها مألوف وعبالك اعرفها واكيد شايفتها يمكم كالت اشواق بغضب...اخاف هاي خالتي ام هاله بس هي ما تحجي ويانه شعجب اجت الجولييت ام فلاح تنهدت وضربت ايد علئ ايد وكالت...لحد تحجي هل كلام ما عوزنه مشاكل واني اروح لام هاله واشوفها اذا جايه الجولييت لو لا وصدك مصورتها وانشوف احنه ما نريد نتهم بختنا واردفت بتفكير...بس ليش يعني تصورها شعندها وياها واحنه وين جنه من دخلت وصورتها اشواق جاوبتها...يجوز امها رادت تصورها الها ام هاله حتئ تشوفها لوت شفايفها بشك...والله ما اعرف بس اني ان شاء الله اروح اني و وقار وافهم شنو السالفة وام هاله مو من حقها تصور جنتنه اذا هي فعلا مصورتها كلتلها...والله خاله اني اذا تشوفيني صورتها اعرفها واميزها وحتئ بنتها اني والله شايفتها بس ناسيه شكلها والله بس اشوف صورتها اكول هي هاي... هزت راسها بتفكير وبعدها خلت وراحت واني رحت الجعفر طلبت منه نروح الجولييت عيب ما رايحين الها كال...والله ما اكدر اريد اروح اطلك وجهه الطاوه خلعي هيج اخلعه من الجذر حتئ بعد ما ترجعلي حضنته بحب...اي فدوه ما اريدها خبيثه هاي خلصني منها جر نفس ...اي بس بت الكلب بس لا تطلب حاضر وغايب بس الحمد لله ما عاقد بالمحكمة جان تزين راسي صفح خخخخخخ ضحكت وحضنته...شلون انقهرت عليك من دخلت سجن حتئ ضليت ابجي رد عليه بقهر وهو حاضني...واني شلون انقهرت من كالو افراج وطلعت من السجن ولج المساجين كلها قطيتها كله تعال احفك تعاي اشوف بشرتك من ذيج الساعه قررت افتح محل حلاقه واسمي نفس الجهره شنو رايج بي ابتسمت وحضنته بكيفك واني اسويلك خلطات تجنن عض شفته وباسني حييل وحضني...فديت التريد زوجها يطك والله فديته هي وعشيرته ضربته بدلع...يمه اسم الله عليك حضني حيييل ورجع باسني بقوه ورد عليه...لا هيج هواي عليه غمرني بحبه ودلاله وصاير زين ما يشرب ولا شئ ويصلي ولو صلاته ام الثواني ما نلحك نفهم منها شئ بس الحمد لله من انهدئ علئ الطريق الف الحمد لله... ............ ............. جولييت... فتحت عيوني علئ سواد حالك مثل ظلام اليل بغياب القمر رفعت اصابعي بخووف علئ عيوني تنهدت وحسيت بارتياح من تحسيت الشاش الملفوف علئ عيوني بس متغلب عليه الخووف والقلق ما اعرف اني وين منو يمو منو واكف بصفي وساندني بجيت بألم من عرفت محد يمي واني وحيده بدهليز المظلم حطيت ايدي علئ صدري واني اشهك من البجي حاسه بخنكه مو طبيعيه هل شاش الملفوف علئ عيوني عبالك ملفوف علئ عنقي وخانكني خنك حطيت اديه علئ عنقي وعبالك مثل الي اسوي اله مساج ابعد الخنكه من روحي المجرووحه همست بتعب...سوده عليه يابه كلبك الحنين حس بيه ما نمت شويه اله وتجي تمسح علئ راسي يابه بنيتك تعبت ومحد يمها والله محد يمي خايفه من هل ظلمه حييل وما اريد امووت وعيش بظلمة القبر الله ينور قبرك يابه ويجعله قصر من قصور الجنه ولا جعله حفرة من حفر النار شهكت بعذاب وحضن وجهي الصغير المتعوب باديه ...يابه انت ميت وتحس بيه وكل شويه تجيني وروحك الطاهره تفتر عليه بس امي عدله وما اجتني اي والله يابه ما اجتني ولا يمكن حست بيه بس كلي فدوه اني شمسويه حتئ هيج تجافيني وتكسر جناحاتي والله ما رضيت يابه والله وحتئ علئ ولدها العذبوني دافعت اي يابه دافعت وحصلت الضربه والاهانه والرزاله وتدري ابد والله ما شتكيت هسه اني اشكي الطيف الحاضر الغايب يابه خلي وياي فدووه لا تخليني الوحدي وخلي روحك الطاهره تحوم علئ روحي المهزومه يابه حتئ من وره امي ومن وره اخواني انحرمت من اطفالي انحرمت من كلشي وكدام الناس ما حجيت عليها ولا ذميتها كلت امي ما تعوفني امي تحبني امي اني روحها بهاي الدنيا وبداخلي عتب جبيير يابه ما اكدر افصح عنه ولا احجي لأي بشر حي حتئ لو ينصفني بس انت الي شكيتلك من ظلم امي واخواني وحتئ لجاسر ما حجيت تدري كل مره اكله امي تحبني امي تحبني امي ما تتركني اكيد امي هسه مقهوره عليه وتريد تجيني وتاخذني بس انتظرتها هوااي وطال الانتظار واليفقد لذة الصبر يفقد لذة الفرح واني فقدت الاثنين حسيت بطكطكه فزيت مرعوووبه واني اتلفت براسي المجروح يمنه ويسرئ وهمس بخوف وخفقات كلبي الف...بابا بابا وين انت صرخت بصوت من الوجع الاجتاح روحي وبعصرة قويه نحبت....اريييد بابا بابااااا احتضني بحضن غامر ودافي كبلني وضم راسي لصدره عرفته وشلون ما اعرفه وهو الحاضر الغايب بحياتي ...اي هو جاسر عرفته اول ما حضني هديت من روعي اول ما حسيت بوجوده وعضيت علئ شفايفي بخجل...حييل زحمه جنت احجي واشكي والدمعه شاكيه الهم بداخلي وهو موجود وسمع كل كلامي باسني بشعري ورجع باسني براسي وجبيني وهمس بعذاب...لا تخافين حبيبتي هذا اني يمج ولا تركتج والله اشوفج تنامين وتكعدين واني اباوعلج واريدج تحجين وياي بس اكول تعبانه ما اريد اضوجج همست بفشله ...ابوي ما تركني ولا لحضه وصورته كدامي ما انمحت من مخيلتي يجي يوكف علئ راسي ويبوسني ويحضني ويكلي بويه تحملي باس ايدي كال...اي اتحملي و وعد مني ان شاء الله منا نطلع من المستشفئ بيتنا ونستقر هناك حطيت ايدي السرير واني اتلمس الفراش اريد التقي بيده لمست ايده ولزمتها حييل بلعت ريكي بحسره...جاسر ترئ امي تحبني حيييل .. حسيت بقبلات دافيه علئ خدي...اي ادري بيها تحبج وتموت عليج ومستحيل تتخلئ عنج تنفست بضيق وبحسره...اي اتذكر مره جنت بصف الثاني ابتدائي وهي زعلت من ابويه وبعدها راحت البيت جدي زعلانه بس ما اخذت ولا واحد منه ضلت تقريبا اسبوعين زعلانه واني جنت اخلص يومي ابجي وابجي بس من اختلي الوحدي حتئ بحزني فضلت الوحده من اني طفله اجت بيبي وكالت...امج ليلها كله تبجي عليج و دكول بنتي جوولي شحالها هسه ما تكدر بدوني يمه سوده عليه يصغيرونه يمه مرة عمج غطتج قرتج ضفرت شعرج شحال حالج من بعد امج يجولي وهذا جان يوم من الفراك اسبوعين ما اتحملت بعدها بس للاسف صار سنين اني مفاركتها وصح هسه سمعت اني عتبت عليها وبجيت عليها ونقدتها بس ما اعرف شنو ظروفها واضل عاذرتها سمعت تنهيداته الي وصلت لاعماق روحي ورد عليه بحنان...اي امج تحبج واكيد الها ظروفها وان شاء الله ترجعين الحضنها ضحكت باستهزاء...ما اضن ضليت شويه كاعده واني افرك باديه ما اعرف فجأة اختنك وروحي تريد تطلع واريد ابجي ما حابه هل ظلام احسه يخنك روحي واحس نفسي مكطووع والله والله احس شخص صاعد علئ صدري ويخنك بعنقي اريد ضوه اريد اشوف احس تنفسي بنضري والله مدري ليش هيج احس ... اكعد وانام وعلئ نفس الوضع من غير وجع راسي الي احسه يشلع شعري من مكانه ... همست بتعب...جاسر مشيني شويه اختنكت حييل هو اخذ بيدي وسحب رجليه ونزلني خله ايده علئ خصري العاري والايد الثانيه لزم ايدي بيها اني جنت لابسه صدريه مال المستشفئ تكون من وره مفتوحه يعني ضهري عاري ولابسه بجامه هم يخلون الصدريه هيج حتئ لا سامح الله اذا ساءت حالتي واحتاجيت صعقات كهربائيه بسرعه ينزعون الصدريه وهماتين يخافون علئ الجرح الي براسي فما ينزعون الصدريه من الراس لا بسرعه تنفتح من اكتافها وهذا الشئ استغله جاسر الصالحه رغم مرضي بس هو منحرف ويستغل ايد فرصه اتلمست البرده الموجوده علئ الشباك وهمست اني ويين... تنهد بهدوء ورد عليه بحنان...موجودين بالغرفه عبثت ايده علئ خصري بفساد ..لزمت ايده واني اتذمر ...شبيك مو عيب ترئ اني حاليا مريضه رد عليه ببرود...وشنو المريض معصوم محد يتحارش بي لزمت ايده حييل...لا محد يتحارش ترئ عيب والله اني ما قبلت البس هاي وحسيت بيها مفتوحه من الظهر لا انوب الممرضة الغبيه دكول لا تلبسين بجامه ههه تريدني افتر بالغرفه ورجليه طالعه لزمني من اكتافي وباسني بعنقي كال...خلي تولي هي بكيفها بس يا حلو انتي كيفج اذا اجي اني انزعيها واذا اروح البسيها شنو راييج رديت عليه بعدم قبول....لا والله ضحك كال...اي والله ولو عادي اني قررت من نشيل ببيتنه تتشلتحين بكيفج وافتري عليه ترئ عادي الله محللج ابتسمت من بين حزني...ترئ لحد الان محرمتك علئ نفسي كرص خصري حييل كال...مو بكيفج تحريم بيبي الله يغضب عليج لزمت ايده بوجع واني اخفف من قبضته عليه...اوووي وجعتني وبعدين بس انت من تحرم الله ما يغضب عليك رد عليه واني متشوقه اشوف ملامحه....لا الله غضب عليه واجيتي تضيعين من ايدي ابتسمت ولزمت ايده وعدلت الصدريه لزمتها من وره لان اني ما اعرف نظراته اليه واذا شكلي مخربط او لا ... سحب ايدي وكشف عن ظهري باسني بكتفي العاري ورجع حضني حييل من وره حسيت نفسي ضعت بحضنته... تنهدت وتكلمت بهدوء...تدري من جنت صغيره واحتلونه الأمريكان جانت امي دكول لا تطلعن ذول الامريكان يلبسون نظارات يشوفون بيها الواحد بدون ملابس هههه واني جنت ما اشوف همر او مدرعه اذا ما اختل وره شجره او حايط او وره رجال ما جنت احب يشوفوني عاريه هههه تفكير طفولي بس حلو الحمد لله من جنت طفله خجوله دارني عليه وكرص خدي...وحتئ وياي خجوله ابتسمت....اي متشوف دا اتختل منك وما اريد تشوف جسمي من وره حسيتك مثل الامريكان ابو نظارات عاريه ههههه باسني بحراره بشفايفي ورجع حضني همس عند اذني بس ما باسها...تدرين انتي كلش حلوه وكلشي بيج حلو ضحكتج عيونج روحج حتئ حزنج ودموعج حلوه ابتسمت ونزلت راسي بخجل...شكرا هاي يمكن اول مره تمدحني وتتغزل بيه بجديه قبل كله استهزاء رفع وجهي ابطراف اصابعه ورجع باسني بلهفه...وترئ الاستهزاء افضل من الجد بس انتي ما تفتهميين لويت شفايفي بعدم معرفه..يجوز صدك اني دائما ما افهم عليك لان انت كبير وغامض مو مثلي اني من جنت طفله بريئة وما افهم بفك الشفرات... عض رقبتي بس علئ كيف ورد باستهزاء...بريئه موو ومو باستني وهي طفله واله شويه جان وكعت بحضني وخلصتها شلونك شيخ شلونك شيخ رفعت أصابعي بتهديد...مو اني رد بسخريه...اي صدك هاله رفعت اديه دا اريد اشوف بعد المسافه بينه حضنته بعشوائيه وكان هل اسم مزعج بالنسبه اليه همست بسرعه وعصبيه...لا مو هاله اني ضحك بصوت عالي وحضني حييل حسيت الوجع اشتد عليه لزمت راسي بدووخه و وجع وغثيان ورجليه ما كدرت اسيطر عليهن شهكت بدموع...راسي جااااسر شالني بين اديه ورجعني للسرير وغطاني كال...اشش لا تخافين هسه اروح اصيح الدكتور واجي لزمت ايده بخووف...لا لا لتروح اني اخااف من الظلمه واخاف اضل وحدي والله لا ترووح وتخليني تنهد بحيره وبعدها اتصل علئ جعفر جان موجود جوه وكله يوديله الدكتور الغرفتي وصدك دقايق واجه الدكتور فحص حالتي وانطاني مهدئ وشكل اليه مغذي وراح وجاسر لحد الان عندي لزمت ايده وشهكت بدموع...جيبلي مرتضئ ومجتبئ؟ رد عليه بحيره وألم...ميخالف والله اجيبهم بس شويه اصبري عليه لان بس يجون هسه يضلون يبجون عليج ويلزكون هنا بس شويه صيري زينه و وعد مني اني اجيبهم الج ضحكت بحزن...اشتاقيت الهم والله كووولش اشتاقيت السوالفهم والطاء من يگلبوها قاف اشتاقيت السوالفهم من يامرني اسوي جاي واكل للديج ويجبرونه اله يلبس نعال هههههه اتذكر مره من المرات لازمين المشط ويمشطون بيه وهم يكلوله...اودف عبيبي اتويلك بايتي...عود قصدهم يسووله تسريحه سبايكي اضحك عليهم من ينهزم منهم الديج وهم يركضون وراه يكلوله نعله ابوك داتر...هههه عبالهم ابو الديج انت ونعله امك طبريه ...وطلعت صبريه ام الديج ضحك هو بحزن ما حسيته نابعه من روحه وتنهد بضيق وكان شايل جبال من الهموم... سكتت وحسيت العلاج بده ياخذ مفعوله ونمت بعد ما حسيت ولو اني عايشه بظلام حالك مثل سواد گلوبهم... .............................. وقار... رجعت للبيت صار من اول ما وكعت جولييت لحد الان واني اناوب عليها والله وابد ما خليتها كنت الها اخت واكثر وحتئ اختي اشواق ما قصرت اببد هم اذا اني اجي هي تروح وتكعد يمها يعني مسوين عليها مناوبه خابرتني صديقتي السوريه كالت عندي موضوع وياج ضروري بس اني جاوبتها والله جان كتلج تعالي،بس والله اني حيل مشغوله هاي الايام وان شاء الله تعالي غير مره واهلا وسهلا بيج او اذا حابه احجي علئ التليفون ردت عليه بسرعه...لا لا ما بدي احكي علئ تليفون ان شاء الله بس تفضي خابريني وانه بجي لعندك جاوبتها...اوك يروحي تمام ان شاء الله... بعدها خابرتني امي كالت ...اريدج تجيني عندي وياج موضوع استغربت شنو السالفه اليوم عباد الله مواضيعها تدك خطيه جابر هاي صار فتره هاملته رحت لكيته كاعد بالغرفه يخابر بريهام ويتطمن عن الاحوال اجيت كعدت يمه بسته بخده وهو سحبني من خصري وقفل الموبايل بدون ما يكول مع السلامة ابتسمت علئ تصرفه وهو يدون سابق انذار باسني بحراره بشفايفي وابتعد بارادته واني بادلته بحب ورمانسيه كال بحب وهو يمسح على خدي بحنان...تدرين كبرتي بعيني حييل يا وقار من بعد وكفتج ويه جولي وابد ما تركتيها اني والله مو احبها ولا سئ بس البنيه فقيره ويتيمه ومحد الها اذا مو احنا نوكف وياها منو يوكف وياها نزلت عيوني وابتسمت بقبول...لا جابر انت ما توصيني اني جولييت صح اخوها قتل أهلي بس ابد ما اعتبرتها سبب بلي صار ولا اخذتها بذنب غيرها والله يشافيها يارب همس بتنهيده طويله...اميييين ...والحمد لله لان طلعتي اصيله وبنت اصووول وما رضيتي بالظلم همست الحمد وبعدها طلبت منه بتوسل...جابر فدوه أخذني إلاهلي صح اني هاي الايام ما لافيه علئ البيت بس امي عندها موضوع وياي وما اعرف شنو ابتسم ورجع باس خدي كال...يالله حضري نفسج وخليني اخذج صدك اني بسرعه بدلت واخذت اغراضي وخليت ورحت وهو كال اريد اروح لديالئ اشوف شنو خالتي صبريه ... وصلت الامي وهو راح لديالئ دخلت جوه لكيت امي محضره نفسها وخلينا وطلعنه بس اني ما اعرف وين رايحين بالطريق كلتلها وين رايحين ردت عليه رايحين...البيت خالتج ام هشام استغربت واندهشت من روحتها بس،ما علقت ولا ناقشت ... وصلنه الهم ودخلنه هن استقبلنه انصدمت من الكلام الي دار بينهن وعن تصويرهن الجولييت ردت هاله بخوف وتوتر ورعب...هاااا اي صدك مو هو هشام اخوي كايل لاخوت جوليت وخابرتنه خالتي تبجي وطلبت انصور جولي وضلت تتوسل واحنه فتحنه وياها كاميرا وهي حجت وياها وضلت تبجي جاوبتها امي بغضب...جولي حجت وياها ؟ هي جولييت جانت فاقده ردت عليها خالتي ام هشام...لا لا ام عاصم عي الحجت ويه بنتها وضلت تبجي والله واحنه لان حلفتنا بالعباس وضلت تبجي حبينا انطمنها وبعدين هي امها ومن حقها تشوفها وانتم مو من حقكم تمنعونها من امها ردت عليها امي بغضب عارم...والله اذا ابني جاسر عرف بيجن مصورات جولييت والله يكلب الدنيا عليكم نطت خالتي من مكانها...لااا لا احنه ما اخذنه الها صور هو مجرد فتحنه كاميرا وهي حجت ام عاصم ويه بنتها وهذا كل الي صار... امي باوعتلها بشك وكلتلها...خوووش اني اكول الجاسر علئ الصار وان شاء الله هو الي يعرف شلون يتصرف وياكم عاد هن تخبلن ضلن يتوسلن بيها وحتئ رادن يبوسن رجلها وحلفن امي ما تحجي وامي سكتت بس مقابل ما يتعرضن الجولييت ولا ياذنها بعد رجعنه للبيت واني هل موضوع ياكل بدمي وقررت احجي الجاسر بس تعدي علئ جولي سلامات... لان هسه هو خطيه مو بحال اي شئ وهماتين ما اريد تكثر عليه المشاكل والمصايب.... ..................... جابر... رحت الخالتي صبريه كلت هم اكلها علئ جولييت وهم اجيب منها صناديك مال فواكهه وحليب ومشتقاته... اخذت جعفر وياي ضايج والطريق طويل اريده يونسني شوويه هو اخذني الطريق كله يطك اصبع ويغني...وصبريه حلوه واروح الها فدوه وصبوره حلوه واروح الها فدوه... وصلنه للبستان مالتها ونزلنه ونشوفها من بعيد جايه هي كنوش يتمشون جعفر طلع موبايه وطك الهم صور من بعيد كال...راح ارسلهن لابو اللول واكله صبريه طكت صارت تمشي ويه شخصيات مهمه خخخخخ ضحكت وهي باوعت علينه وصاحت بصوت عالي يمكن فززت كل الفلاحين...ياهو جويبو ابو المتعه وجعيفر ابو العرك يا هلا يا هلا نورت ديالئ وشهربان بوجودكم امش كنوش امش خليني اعرف علئ عمامك اجت هي وكنوش طاحتلنه بوس واشرت عليه كالتله يمه كنوش اعرفك...هذا جويبر ابو المتعه يصير ابن اختي وهذا جعيفر ابو العرك يصير هم من كرابتنه وابو اخوي بالدين دير بالك ترافكه واحد ساقط وكواد ويشرب رد عليها جعفر...خلف الله عليج خاله هسه كنوش من سمع باخلاقي بعد راح يبطل وما يزوجني اخته كنوشه ردت عليه...لا كنوش وحيد ومدلل ما عنده اخووت مو هيج يمه ؟ هو نهگ عليها وجعفر جيت عليه لزمه من الجرس البركبته وضل يبوس بي...هلا هلا هلا بكنوش شيخ العشيرة شلونك شلونك زين احوال الجهال شلونهم ضربته صبريه...ولك عوفه ما يحب البوس هوواي... رد عليها بقهر...والله عمي هنيال هل كنوش عليج مدللته دلال جاا مثل حضي متزوج ثنين وما معيشاتني عيشة كنوش تخصرت صبرية بتذمر...ياااا وتجيب كنوش العاقل ويه وجهه الطاوه من تغدي كون سبع فدوات بس لاذانات كنوش هو طكها بضحكه كلها...اي صدك ما كتلج طلكتها وجهه الطاوه رفعت حواجبه الها وردت عليه...شعجب طلكتها مو تصير مرتي ومرتي كولة جاسر جنك ابو بدر رجل فوزيه رد عليها بقهر...جا غير سامطتني بسحر خلتني امشي صفح واردف بضحكه...لا والله خاله صدك احجي اني لو عايش عيشة كنوش ودلاله جااا هسه تلكينه امشي واتفل علئ العالم ردت عليه...خايب من كون ما الكبر لهل طوول كوول شعجب طلكت وجهه الطاوه رد عليها بتنهيده...غير ضربت جولييت وفلشت راسها وهسه جولييت بالمستشفئ وحتئ الطفل سقطت هي فتحت عيونها بعصبية ومصدومه من كلامه وطلعت مسدسها من جيبها...يممممه جكليته الحلوه مضروبه ومسقطه وانه ما ادري واليوم اكتلك انت وجويبر لزمنها واحنه نهدي بيها وهي تصيح وتغلط واجتمعوا علينا الفلاحيين عبالهم جانوا نبوگ حلالها... وبعدها افتهموا السالفه انوب اخذنها وجبناها ويانه وهي بس تغلط وتسب بينه باوعت البستان صبريه وتذكرت هل بستان شهد علئ ايام التقيت بيها ويه جولييت وبهذا البستان لزمني جاسر وياها وبوقتها جرم بينه ثنينه وهي اخذها مثل الاسيرة وكبش الفداء لحد هاي اللحظه اتذكر تك نعال برجلها وهو يسحب بيها وتك وكع منها وتلطخت رجليها بالطين وصلنه للجمله العصبية... بس ما قبلو ندخل عليها وضلينه بالحديقه لان كالو جاي يفتحون الشاش من عيونها... اني ضليت علئ نار تملصت وخليت ورحت صعدت الغرفتها لكيت جاسر واكف يمها و وقار وعمتي ام فلاح وامي رضيه وابوي يفتحون الشاش طبقه طبقه من عيونها... درت وجهي عنها لان جان شعرها شويه طالع رغم كل شويه وجاسر غطا شعرها وعدل حجابها بس فضولي ناحية عيونها يخليني كل شويه واسرق النظر الها ضلن بس قطعتين علئ عيونها رفعن الدكتور وامرها تفتح عيونها... فتحت عيونها الملوونه وبيهن لون عجبب ما تملكه اله هي رمشت بعيونها برمشات تأسر القلوب وتدمي الفؤاد جانت تباوع عكس اتجاه تحركات الدكتور ومن يسألها متجاوب وجاسر جان يباوع عليها بخووف وهو لازم ايدها نزل نفسه الوجهها كلهّ.... جولييت تشوفيني؟ ردت برعب ورجفه اعتلت كل جسمها مع انين غريب وكئيب ومؤلم...ما اشوووف نهاية البارت....يتبع كونوا انتم كونوا بخير...احبكم 💔 نور سمو العراق 😘 لا تنسوا التصويت والمشاركه بكم نكتمل احبتي🌹 شنو هل تفاعل الحلو وشنو هل تعليقات الحلوه ترئ خجلتوني وانستوني واسعدتووووني احبكم بكد حب صبريه الكنوووش 😍😍😍😍😍 وشبسرعه حبيتن رائد رضا وهو ما طلع بالقصه بس مقتطفات 😁 ودكولون ليش دكولين البارت لاهل الفيس لا مو بس الهم والكم انتم اهل الواتباد انتم النفس وروح الروايه بيكم وكل من شارك بدعم هل روايه اذا كان بتصويت او تعليق او مشاهده فهي الرواية كلها هديه الكم وتستاهلون اكثر من هييج 😍😍 احبكم احبكم..😘 | ||||||||
|
| |
|
19-11-20, 02:25 PM
| #75 | ||||||||
| مراقبة عامة ومشرفة منتدى الروايات المنقولة
| ﺑﺎﺭﺕ ﺍﻟﻮﺍﺣﺪ ﻭﺍﻟﻌﺸﺮﻳﻦ ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ 💔💔💔💔💔💔💔💔💔💔💔 ﺷﺒﻴﻬﺎ ﻋﻴﻮﻧﭻ ﺗﺮﻳﺪﻳﻦ ﺗﺒﭽﻴﻦ ﺳﻮﺍﺩ ﺑـ ﻋﻴﻨﭻ ﻭ ﺑـ ﺍﻟﮕﻮﺓ ﺗﺤﭽﻴﻦ ﺷﺒﻴﭻ ﺇﺣﭽﻴﻠﻲ ﻟـ ﺗﺨﺎﻓﻴﻦ ﻟﻴﺶ ﻫﻮﺍﻱ ﺫﺑﻼﻧﺔ ﺷﻨﻮ ﻣﺘﻌﺐ ﻣﻌﺎﻧﻴﭻ ﺃﻭﻝ ﻣﺮّﺓ ﺃﺷﻮﻓﭻ ﺣﻴﻞ ﻛﺒﺮﺍﻧﺔ ﺃﻭﻝ ﻣﺮّﺓ ﺃﺣﺲ ﻣﻜﺴﻮﺭﺓ ﺗﻤﺸﻴﻦ ﻭ ﺁﻧﻲ ﺍﻟﻲ ﺃﻋﺮﻓﭻ ﺃﻗﻮﺓ ﺇﻧﺴﺎﻧﺔ ! 🍃🖤 ......................................... ﺟﻮﻟﻴﻴﺖ ... ﻣﻦ ﺍﻋﻈﻢ ﺍﺳﺮﺍﺭ ﻗﺪﺭﺓ ﺭﺏ ﺍﻟﻌﺎﻟﻤﻴﻦ ﻫﻮ ﺍﻟﻨﻈﺮ ﻓﻌﻼ ﺍﻟﻨﻈﺮ ﻧﻌﻤﻪ ﻋﻤﻴﻘﻪ ﻣﺎ ﻧﺤﺲ ﺑﻴﻬﺎ ﺍﻻ ﺍﺫﺍ ﻓﻘﺪﻧﺎﻫﺎ ﺍﻭ ﻻ ﻣﻮ ﻣﺠﺮﺩ ﻣﺎ ﻧﻘﺪﻫﺎ ﺑﺲ ﺍﻧﻐﻤﺾ ﻋﻴﻮﻧﻪ ﻭﻧﺤﺲ ﻫﻞ ﻧﻌﻤﺔ ﺍﻧﻔﻘﺪﺕ ﻧﺤﺲ ﺑﺮﻋﺐ ﻻ ﺍﺭﺍﺩﻱ ﻭﺑﺮﻏﻢ ﻣﻦ ﺻﻐﺮ ﺣﺠﻢ ﺍﻟﻌﻴﻮﻥ ﺍﻟﻪ ﻋﻀﻤﺘﻬﺎ ﻭﻗﺪﺭﺗﻬﺎ ﻋﺠﻴﺒﻪ ﻓﻌﻼ ﺷﺊ ﻋﺠﻴﺐ ﻭﻳﻌﺠﺰ ﺍﻟﻠﺴﺎﻥ ﻋﻦ ﻗﺪﺭﺓ ﺭﺏ ﺍﻟﻌﺎﻟﻤﻴﻦ ﺑﺨﻠﻖ ﺍﻟﻌﻴﻮﻥ ﺑﺤﻴﺚ ﻫﻞ ﺩﺭﺗﻴﻦ ﺍﻟﺼﻐﺎﺭ ﻳﺸﻮﻓﻦ ﺍﻟﻌﺎﻟﻢ ﺍﻟﻀﺨﻢ ﻛﻠﻪ ﺍﻟﺒﺤﺎﺭ ﺍﻻﺭﺽ ﺍﻟﺴﻤﻮﺍﺕ ﺍﻟﻜﺎﺋﻨﺎﺕ ﻛﻠﻬﺎ ﻛﻠﻬﺎ ... ﻭﺑﺎﻟﻌﻴﻮﻥ ﺍﻻﻧﺴﺎﻥ ﻳﻌﺮﻑ ﺷﻠﻮﻥ ﻳﻜﺘﺴﺐ ﺧﺒﺮﺗﻪ ﻭﺗﻔﻴﺪﻩ ﺍﻟﻤﻌﻠﻮﻣﺎﺕ ﺍﻟﻲ ﻳﺸﻮﻭﻓﻬﺎ ﻓﻌﻼ ﺍﻻﻧﺴﺎﻥ ﻣﻦ ﻳﻐﻤﺾ ﺗﺴﻮﺩ ﺍﻟﺪﻧﻴﺎ ﺑﻌﻴﻨﻪ ﻭﻣﺎ ﻳﻜﺪﺭ ﻳﻐﻤﺾ ﺍﻛﺜﺮ ﻣﻦ ﻫﻴﻴﺞ ﺣﺘﺊ ﻣﺎ ﻳﻨﺤﺮﻡ ﻣﻦ ﻫﻞ ﻧﻌﻤﻪ ﻟﻠﺜﻮﺍﻧﻲ ... ﺑﺲ ﺍﻧﻲ ﻟﻼﺳﻒ ﺍﻧﻌﻤﻴﺖ ﻭﺳﻮﺩﺕ ﺍﻟﺪﻧﻴﺎ ﺑﻌﻴﻨﻲ ﻭﻟﻼﺑﺪ ﺳﺄﻟﻨﻲ ﺟﺎﺳﺮ ﻭﺍﻟﻘﻠﻖ ﻭﺍﻟﺘﻮﺗﺮ ﻣﺒﻴﻦ ﻣﻦ ﺑﺤﺔ ﺻﻮﺗﻪ ﻛﺎﻝ ... ﺟﻮﻟﻴﻴﺖ ﺗﺸﻮﻓﻴﻨﻲ؟ ﺣﺎﻭﻟﺖ ﺍﺷﻮﻑ ﺟﺒﺮﺕ ﻧﻔﺴﻲ ﺭﻓﻌﺖ ﺍﺩﻳﻪ ﻟﻌﻴﻮﻧﻲ ﺍﺣﺲ ﺟﺴﻤﻲ ﺻﺎﺭ ﺍﺷﻼﺀ ﻭﺗﻜﻄﻌﺖ ﻛﻞ ﺷﺮﺍﻳﻴﻨﻲ ﻫﻤﺴﺖ ﺑﺨﻮﻭﻑ ... ﻣﺎ ﺍﺷﻮﻭﻑ ... ﺍﻭﻝ ﻣﺎ ﻛﻠﺖ ﻣﺎ ﺍﺷﻮﻑ ﺟﺎﺳﺮ ﺍﻧﻄﻠﻖ ﺑﺼﻮﺗﻪ ﺍﻟﻘﺎﺳﻲ ﻭﺟﺒﺮﻭﺗﻪ ﺍﻟﻤﻌﺘﺎﺩ ﻭﻫﻮ ﻳﺎﻣﺮ ﻛﻞ ﺍﻟﻤﻮﺟﻮﺩﻳﻦ ﺑﺎﻟﺨﺮﻭﺝ ... ﻛﻠﻬﻢ ﺑﺤﺪﻩ ﻣﻤﺰﻭﺟﻪ ﺑﻌﺼﺒﻴﺔ .... ﺍﻃﻠﻌﻮﻭﺍ ﺍﻃﻠﻌﻮﺍ ﻛﻠﻜﻢ ﺑﺴﺮﻋﻪ ﻳﺎﻟﻠﻪ ... ﺣﺴﻴﺖ ﺍﻟﻤﻜﺎﻥ ﻓﻀﺊ ﻣﻦ ﺍﻧﻔﺎﺳﻬﻢ ﺑﺲ ﺍﻧﻲ ﻭﻫﻮ ﻭﺍﻧﻲ ﻟﺴﻪ ﺍﺭﻣﺶ ﺑﻌﻴﻮﻧﻲ ﻭﻣﺎ ﻣﺼﺪﻛﻪ ﺍﻥ ﺍﻧﻲ ﻣﺎ ﺍﺷﻮﻑ ﻫﻮ ﻛﺎﻝ ﻟﻠﺪﻛﺘﻮﺭ ﻣﺒﺤﻮﺡ ﻣﺘﻌﻮﺏ ... ﺩﻛﺘﻮﺭ ﺷﻠﻮﻭﻥ ﺩﻛﻮﻝ ﻣﺎ ﺍﺷﻮﻭﻭﻑ؟ ﺣﺴﻴﺘﻪ ﺗﻘﺮﺏ ﻣﻨﻲ ﻭﺣﺴﻴﺖ ﺑﺎﺻﺎﺑﻌﻪ ﺗﻔﺘﺢ ﺟﻔﻮﻥ ﻋﻴﻮﻧﻲ ﻭﻳﺤﺠﻲ ﻭﻳﺎﻳﻪ ﺗﺸﻮﻓﻴﻦ ﻫﻴﺞ ﻛﺎ ﺍﻋﺮﻑ ﺷﻨﻮ ﻭﺍﻧﻲ ﻛﻮﻭﻭﻟﺶ،ﻣﺎﻛﻮ ﻣﺎ ﺍﺷﻮﻑ ﺷﺊ ﺑﺲ ﻇﻼﻡ ﺣﺎﻟﻚ ﻣﺜﻞ ﻇﻠﻤﺔ ﺍﻟﻴﻞ ... ﺟﺎﻥ ﻋﻨﺪﻱ ﺍﻣﻞ ﻗﺒﻞ ﺍﻧﻬﻴﺎﺭﻱ ﺍﻥ ﺍﻛﻮ ﻓﺪ ﻣﺸﻜﻠﻪ ﻭﻳﻤﻜﻦ ﺍﻟﺪﻛﺘﻮﺭ ﻳﻜﻮﻝ ﺷﻮﻳﻪ ﻭﺗﺸﻮﻑ ﻻﻥ ﺟﺎﻥ ﺍﻟﺸﺎﺵ ﻣﻠﻔﻮﻑ ﻋﻠﺊ ﻋﻴﻮﻧﻬﺎ ﺑﺲ ﻟﻼﺳﻒ ﺍﻟﺤﻘﻴﻘﻪ ﻣﺮﻩ ﻭﺍﻟﺪﻛﺘﻮﺭ ﺗﻜﻠﻢ ﺑﻨﺒﺮﺗﺔ ﺍﻟﻤﺘﺎﺳﻔﻪ ... ﻟﻼﺳﻒ ﺍﻧﻌﻤﺖ ... ﺟﺎﻧﺖ ﻛﻠﻤﺘﻪ ﻣﺜﻞ ﺍﻟﺰﻻﺯﻝ ﻭﻫﺠﻤﺖ ﻋﻠﺊ ﻣﺪﻳﻨﻪ ﺧﺎﻭﻳﻪ ﻭﻫﺪﻣﺖ ﻛﻞ ﺟﺰﺀ ﺑﻴﻬﺎ ... ﺟﻨﺖ ﺍﺭﻳﺪ ﺍﺳﺘﻮﻋﺐ ﺍﻟﻜﻠﻤﻪ ﺍﻟﻲ ﻧﻄﻘﻬﺎ ﺍﻧﻬﻤﺮ ﻣﻨﻲ ﺳﻴﻞ ﻣﻦ ﺍﻟﺸﻬﮕﺎﺕ ﻭﻋﻴﻮﻧﻲ ﺗﺰﺍﺣﻤﺖ ﺑﺎﻟﺪﻣﻮﻉ ﺍﻟﻤﻠﺘﻬﺒﻪ ... ﺻﺮﺧﺖ ﺑﺼﻮﺕ ﻋﺎﻟﻲ ﻣﺎ ﻛﺪﺭﺕ ﺍﻛﺘﻤﻪ ... ﻻﺍﺍﺍﺍﺍﺍﺍﺍﺍﺍ ﻋﻴﻮﻭﻭﻭﻧﻲ ﻭﻟﺞ ﻳﻤﻪ ﻋﻴﻮﻧﻲ ﻋﻴﻮﻭﻧﻲ ﺑﻌﺪ ﻣﺎ ﺍﺷﻮﻭﻑ ﺿﺮﺑﺖ ﻋﻠﺊ ﺧﺪﻭﺩﻱ ﺑﺎﻧﻬﻴﺎﺭ ﺗﻔﺠﺮﺕ ﻛﻞ ﺻﺮﺧﻪ ﻣﻜﺘﻮﻣﻪ ﺑﺪﺍﺧﻠﻲ ﻭﺍﻧﻴﻦ ﺍﻟﺤﺮﻣﺎﻥ ﻋﺬﺑﻨﻲ ﺷﻨﻮ ﺫﻧﺒﻲ ﺍﻧﺤﺮﻡ ﻣﻦ ﻛﻮﻭﻭﻟﺶ،ﺣﺘﺊ ﻣﻦ ﻋﻴﻮﻧﻲ ﺳﻤﻌﺘﻪ ﻛﺎﻝ ﻟﻠﺪﻛﺘﻮﺭ ... ﺩﻛﺘﻮﺭ ﺗﻜﺪﺭ ﺗﺘﻔﻀﻞ ... ﻣﺠﺎﻥ ﻳﺤﺐ ﺍﻱ ﺷﺨﺺ ﻳﺸﻮﻑ ﺍﻧﻬﻴﺎﺭﻱ ﻏﻴﺮﻩ ... ﺭﻓﻌﺖ ﺭﺍﺳﻲ ﺍﻟﻌﻨﺎﻥ ﺍﻟﺴﻤﺎﺀ ﻭﺍﻧﻲ ﺍﻟﺪﻧﻴﺎ ﻇﻼﻣﻬﺎ ﻣﺤﺘﻮﻱ ﻛﻞ ﺣﻴﺎﺗﻲ ... ﻭﻟﺞ ﻳﻤﻤﻤﻪ ﻭﻳﻴﻨﺞ ﺻﺮﺕ ﻋﻤﻴﻪ ﻭﻳﻨﺞ ﻋﻨﻲ ﻣﺎ ﺗﺠﻴﻦ ﺗﺸﻮﻓﻴﻨﻲ ﻛﻞ ﻣﺎ ﺗﻤﺮ ﺑﻴﻪ ﻣﺼﻴﺒﻪ ﺍﻛﻮﻝ ﻫﺴﻪ ﺗﺠﻲ ﻭﺍﻧﺘﻲ ﻣﺎﻛﻮﻭﻭ ﻣﺎﻛﻮﻭﻭﻭ ﺗﻌﺎﻱ ﺷﻮﻓﻲ ﺑﻨﺘﺞ ﺷﻮﻓﻲ ﺟﻮﻟﻴﻴﺖ ﺷﺼﺎﺭ ﺑﻴﻬﺎ ﺣﺴﻴﺖ ﺑﻲ ﻗﻴﺪ ﻣﻘﺎﻭﻣﺘﻲ ﻭﺍﺣﺘﻀﻨﻲ ﻭﺍﻧﻲ ﺍﻟﻬﺚ ﺑﻌﻨﻒ ﻭﻛﻞ ﺍﻋﻀﺎﺋﻲ ﺗﺮﺗﻌﺪ ﻭﺍﻟﺪﻣﻊ ﺍﺣﺴﻪ ﺣﺎﺍﺍﺍﺭ ﻭﻣﺮ ﻋﻠﺊ ﻭﺟﻨﺎﺗﻲ ﻟﺰﻣﺘﻪ ﻣﻦ ﻗﻤﻴﺼﻪ ﺑﻌﺸﻮﺍﺋﻴﻪ ﻭﺍﻧﻲ ﻣﺎ ﺍﻋﺮﻑ ﻭﻳﻦ ﻣﻮﺟﻬﻪ ﻧﻈﺮﻱ ﺍﻟﻪ ﺍﻭ ﺍﻟﻐﻴﺮﻩ ﺻﺮﺧﺖ ﺑﻲ ﺑﺼﻮﺕ ﻋﺎﻟﻲ ﻭﻧﺎﺣﺐ .... ﺟﺎﺍﺍﺍﺍﺳﺮ ﺷﻔﺖ ﺷﺼﺎﺭ ﺑﻴﻪ ﺍﻧﻲ ﺍﻧﻌﻤﻴﺖ ﺻﺮﺕ ﻧﻜﺮﻩ ﺑﻌﺪ ﺣﺘﺊ ﻣﺎ ﺍﻓﻴﻴﺪ ﺍﻧﻲ ﺍﻟﺠﻨﺖ ﺧﺎﺩﻣﻪ ﺍﻟﻌﺎﻟﻢ ﻫﺴﻪ ﺍﺭﻳﺪ ﻭﺍﺣﺪ ﻳﺨﺪﻣﻨﻲ ... ﺣﻀﻨﺖ ﻭﺟﻬﻲ ﺑﻜﻔﻮﻑ ﺍﺩﻳﻪ ﻭﺍﻟﺪﻣﻊ ﺍﺣﺴﻪ ﻳﺘﻄﺎﻓﺮ ﻣﻦ ﻋﻴﻮﻧﻲ ﻭﺑﺪﻝ ﺍﻟﺪﻣﻌﻪ ﺗﻮﻛﻊ ﺍﻟﻒ ﺩﻣﻌﻪ .... ﺷﻔﺖ ﺷﻔﺖ ﺷﻠﻮﻭﻭﻭﻥ ﺍﻧﻲ ﺑﻌﺪ ﻣﺎ ﺍﻟﻲ ﺍﻱ ﺍﻫﻤﻴﻪ ﻫﺴﻪ ﺍﻟﻨﺎﺱ ﺗﻤﻠﻨﻲ ﻫﺴﻪ ﺗﻌﺬﺑﻮﻧﻲ ﺍﻛﺜﺮ ﻭﺗﻤﻠﻮﻧﻲ ﺍﻧﻲ ﻭﺍﻟﻠﻪ ﺍﻋﺮﻑ ﻣﺤﺪ ﺣﻴﻀﻞ ﺍﻟﻴﻪ ﻣﺤﺪ ﺍﻱ ﻭﺍﻟﻠﻪ ﻛﻠﻜﻢ ﺗﺘﺨﻠﻮﻥ ﻋﻨﻲ ﻫﻮ ﺑﺎﺱ ﺭﺍﺳﻲ ﺑﻘﻬﺮ ﻭﺣﻀﻨﻲ ﺣﻴﻴﻞ ﺣﺴﻴﺖ ﺍﻋﻀﺎﻣﻲ ﺗﻜﺴﺮﺕ ﺑﺤﻀﻨﺘﻪ ﺟﺮ ﻧﻔﺲ ﻋﻤﻴﻖ ﻭﺣﺰﻳﻦ ... ﻻﺍﺍﺍ ﺷﻠﻮﻥ ﻣﺤﺪ ﺍﻟﺞ ﺍﻧﻲ ﺍﻟﺞ ﺍﻧﻲ ﻭﻳﻦ ﺭﺣﺖ ﺍﻧﺘﻲ ﻣﺮﺗﻲ ﺣﺒﻴﺒﺘﻲ ﻃﻔﻠﺘﻲ ﻫﺰﻳﺖ ﺭﺍﺳﻲ ﺑﺎﻧﻬﻴﺎﺭ ﻭﻧﻔﻲ .... ﻻﺍﺍﺍﺍ ﻻﺍﺍ ﺟﺬﺏ ﺟﺬﺏ ﺣﺘﺊ ﺍﻧﺖ ﺗﺘﺨﻠﺊ ﻋﻨﻲ ﺍﻧﻲ ﺍﻋﺮﻑ ﻧﻔﺴﻲ ﺍﺿﻞ ﻭﺣﻴﺪﻩ ﻭﺍﻟﻠﻪ ﺍﺿﻞ ﻭﺣﻴﺪﻩ ﺩﻓﻨﺖ ﺭﺍﺳﻲ ﺑﺼﺪﺭﻩ ﻭﺍﻧﺤﺐ ... ﺍﻧﺖ ﺑﺲ ﺗﺮﺟﻊ ﺷﺎﻡ ﺗﺘﺮﻛﻨﻲ ﻭﺍﻧﻲ ﺻﺮﺕ ﻋﻤﻴﻪ ﻣﺎ ﺍﻛﺪﺭ ﺍﺳﻮﻱ ﺷﺊ،ﻭﺣﺘﺊ،ﻣﻦ ﺍﻃﻔﺎﻟﻲ ﺗﺤﺮﻣﻨﻲ ﺍﺩﺭﻱ ﺑﻴﻚ ﺗﺸﻤﺮﻧﻲ ﺑﺪﺍﺭ ﺍﻟﻌﺠﺰﺓ ... ﺍﺑﺘﻌﺪﺕ ﻋﻨﻪ ﻭﻣﺴﺤﺖ ﺩﻣﻮﻋﻲ ﺍﻟﻐﺰﻳﺮﻩ ... ﺍﻱ ﻭﺍﻟﻠﻪ ﺍﻳﻴﻲ ﺍﺩﺭﻱ ﺑﻴﻚ ﺍﺩﺭﻱ ﻣﺮﺍﺡ ﺗﺮﺣﻤﻮﻧﻲ ﻛﻠﻜﻢ ﻭﺍﻧﻲ ﺍﻫﻠﻲ ﺗﺨﻠﻮ ﻋﻨﻲ ﻛﻞ ﻳﻮﻡ ﺷﺨﺺ ﻳﺘﺨﻠﻪ ﻋﻨﻲ ﻣﺴﺢ ﻋﻠﺊ ﺷﻌﺮﻱ ﺑﺤﻨﺎﻥ ﻭﺑﺎﺱ ﺧﺪﻱ ... ﻻ ﻣﺎ ﺍﺗﺮﻛﺞ ﺷﻠﻮﻥ ﺍﺗﺮﻛﺞ ﻭﺍﻧﺘﻲ ﻭﺣﻴﺪﺗﻲ ﺍﻧﺘﻲ ﺍﺫﺍ ﺍﻛﻠﺞ ﺑﻤﻌﺰﺓ ﻏﺰﻝ ﻣﺎ ﺗﺼﺪﻛﻴﻦ ... ﻭﺍﻟﻠﻪ ﺷﺎﺭﺑﻲ ﻣﻮ ﻋﻠﻴﻪ ﺍﺫﺍ ﻣﺎ ﺭﺟﻌﺖ ﻋﻴﻮﻧﺞ ﺍﻟﺞ ﺑﺲ ﺧﻠﻲ ﺗﺘﺤﺴﻦ ﺣﺎﻟﺘﺞ ﻭﺍﻥ ﺷﺎﺀ ﺍﻟﻠﻪ ﺍﺳﻮﻳﻠﺞ ﻋﻤﻠﻴﻪ ﺣﺘﺊ ﻟﻮ ﻧﻀﻄﺮ ﻧﺴﺎﻓﺮ .... ﺍﻧﺘﻲ ﺑﺲ ﺷﻮﻳﻪ ﺍﺻﺒﺮﻱ ﻋﻠﻴﻪ ﻭﺍﻟﻠﻪ ﺑﺲ ﺍﻧﻄﻴﻨﻲ ﺷﻮﻳﻪ ﻭﻗﺖ ﻭﻻ ﺗﻌﺬﺑﻴﻨﻲ ﻭﺍﻟﻠﻪ ﺗﻌﺒﺖ ﺗﻌﺒﺖ ﺣﻴﻴﻴﻞ ﻭﺍﻟﻠﻪ ﻳﻌﺰ ﻋﻠﻴﻪ ﺍﺷﻮﻓﺞ ﻫﻴﻴﺞ ﻭﺷﻠﻮﻥ ﻫﻴﺞ ﺗﺤﺠﻴﻦ ﻭﺩﻛﻮﻟﻴﻦ ﺍﺗﺨﻠﺊ ﻋﻨﺞ ﺍﻧﻲ ﻳﺎ ﻳﻮﻡ ﺗﺨﻠﻴﺖ ﻋﻨﺞ ﺍﻧﻲ ﺟﻨﺖ ﺍﻋﺬﺑﺞ ﺣﺘﺊ ﻣﺎ ﺍﺗﺨﻠﺊ ﻋﻨﺞ ﻭﺣﺘﺊ ﻣﻦ ﻭﺩﻳﺘﺞ ﺍﻟﻌﻤﺞ ﺟﻨﺖ ﻣﺘﺄﻛﺪ ﻭﺣﻴﻴﻞ ﻣﺘﺄﻛﺪ ﺍﻥ ﺍﻧﺘﻲ ﺭﺍﺡ ﺗﺮﺟﻌﻴﻦ ﺍﻟﻴﻪ ﻭﻓﻌﻼ ﺭﺟﻌﺘﻲ ﻟﺬﻟﻚ ﺍﻧﻲ ﺟﻨﺖ ﻣﻨﺘﻈﺮ ﺑﺒﺎﺏ ﺑﻴﺖ ﻋﻤﺞ ﺣﺘﺊ ﺍﺷﻮﻑ ﺷﻮﻛﺖ ﺗﺮﺟﻌﻴﻦ ﺍﻟﻲ ﻃﻠﻌﺘﻲ ﻭﺷﻔﺖ ﺗﻤﺸﻴﻦ ﻭﺗﺒﺠﻴﻦ ﺑﻴﻮﻣﻬﺎ ﺷﻠﻌﺘﻲ ﻛﻠﺒﻲ ﻣﻦ ﻣﻜﺎﻧﻪ ﺍﻳﻴﻲ ﺻﺪﻛﻴﻨﻲ ﻭﺍﻟﻠﻪ ﻣﻦ ﺷﻔﺘﺞ ﻭﺣﻴﺪﻩ ﻭﺗﻤﺸﻴﻦ ﺑﻨﺺ ﺍﻟﻴﻞ ﻭﺍﻟﻈﻼﻡ ﻣﺤﺎﻭﻁ ﺻﻐﺮ ﺳﻨﺞ ﻭﻣﺤﺎﻭﻁ ﺭﻭﺣﺞ ﺍﻟﺤﻠﻮﻩ ﺗﻌﺬﺑﺖ ﺍﻛﺜﺮ ﺟﻨﺖ ﺍﺑﺎﻭﻋﻠﺞ ﻭﺍﻣﺸﻲ ﺑﺴﻴﺎﺭﻩ ﻭﺭﺍﺝ ﻭﺍﺩﻳﻪ ﻣﻘﻴﺪﻩ ﻣﺎ ﻛﺪﺭﺕ ﺍﻧﺰﻝ ﺍﻟﺞ ﺍﻭﻝ ﻣﺮﻩ ﺍﺣﺲ ﻧﻔﺴﻲ ﻋﺎﺟﺰ ﻛﺪﺍﻡ ﺭﻫﺒﺔ ﺍﻟﻤﻮﻗﻒ ﺭﺩﺗﺞ ﺗﻜﻮﻧﻴﻦ ﺍﻟﻮﺣﺪﺝ ﺗﺤﺴﻴﻦ ﺑﺤﺎﺟﺘﻲ ﻣﺜﻞ ﻣﺎ ﺍﻧﻲ ﺑﺤﺎﺟﺘﺞ ﻭﻣﺎ ﺟﻨﺖ ﺍﻋﺮﻑ ﺷﻠﻮﻥ ﺍﻭﺍﺳﻴﺞ ﺷﻠﻮﻥ ﺍﻃﻴﺐ ﺧﺎﻃﺮﺝ ﻭﺍﻣﺴﺢ ﺩﻣﻌﺘﺞ ﺍﻟﻤﺤﺮﻭﻣﻪ ﻟﺰﻡ ﻭﺟﻬﻲ ﺑﻜﻔﻮﻑ ﺍﺩﻳﻪ ﻭﺑﺎﺳﻨﻲ ﺑﻄﺮﻑ ﺷﻔﺘﻲ ﻭﺍﻧﻲ ﺩﻣﻮﻋﻲ ﺗﻨﺰﻝ ﺑﺼﻤﺖ ﻭﻫﺪﺋﺖ ﻣﻦ ﺛﻮﺭﺗﻲ ﻛﺎﻝ ﺑﺤﺐ ﻣﻤﺰﻭﺝ ﺑﺤﻨﻴﺔ ... ﺷﻠﻮﻭﻭﻥ ﺍﺗﺨﻠﺊ ﻋﻨﺞ ﻭﺍﻧﺘﻲ ﺩﻭﻩ ﺟﺮﻭﺣﻲ ﻫﻤﺴﺖ ﺑﻌﺬﺍﺏ ﻭﺣﺰﻥ ... ﺣﺘﺊ ﻟﻮ ﺭﺟﻌﺖ ﺷﺎﻡ ؟ ﺳﺤﺐ ﺭﺍﺳﻲ ﺑﻘﻮﻭﻭﻩ ﻭﺿﻤﻨﻲ ﺍﻟﺼﺪﺭﻩ ﺑﺲ ﻣﺠﺎﻭﺏ ﻋﻠﺊ ﺳﺆﺍﻟﻲ ﺷﻬﻜﺖ ﻭﺍﻧﻲ ﺍﺳﻤﻊ ﺍﻟﺪﻛﺎﺕ ﮔﻠﺒﻪ ﺍﻟﻌﺎﻟﻴﻪ ﻭﺳﻜﻮﺗﻪ ﻋﺬﺑﻨﻲ ... ﻭﺭﺟﻌﻠﻲ ﺍﻻﻧﻬﻴﺎﺭ ﻣﻦ ﺟﺪﻳﺪ ﺭﻓﺴﺖ ﺑﺮﺟﻠﻴﻪ ﺩﻻﻟﻪ ﻋﻠﺊ ﻧﻮﺑﺔ ﺻﺮﻉ ﻗﻮﻭﻭﻳﻪ ﻫﺰﺕ ﻛﻞ ﺟﺴﻤﻲ ﻭﺍﺣﺲ ﺑﻲ ﻣﻮﻋﻮﻭﻭﺏ ﻋﻠﻴﻪ ﻭﻫﻮ ﻳﺤﺎﻭﻝ ﻳﻔﺘﺢ ﺍﺻﻄﻜﺎﻙ ﺍﺳﻨﺎﻧﻲ ﻭﺣﺴﻴﺖ ﺑﺰﺭﻕ ﺍﺑﺮﻩ ﺑﻴﺪﻱ ﺑﻴﻬﺎ ﺣﺴﻴﺖ ﻓﻘﺪﺕ ﺍﻟﻮﻋﻲ ﺟﺰﺋﻴﺎ ... .......................... ﺟﺎﺑﺮ ... ﺍﻭﻝ ﻣﺎ ﻛﺎﻟﺖ ﺟﻮﻟﻴﻴﺖ ﻣﺎ ﺍﺷﻮﻑ ﺟﺎﺳﺮ ﺍﺷﺘﺪﺕ ﻣﻼﻣﺤﻪ ﻭﺍﻧﺨﻄﻒ ﻟﻮﻭﻧﻪ ﺑﺴﺮﻋﻪ ﻟﺰﻡ ﺍﺩﻳﻬﺎ ﻭﺑﺎﻭﻉ ﻟﻠﻜﻞ ﻭﺍﻣﺮﻧﻪ ﻧﻄﻠﻊ ﺑﺴﺮﻋﻪ ﻃﻠﻌﻨﻪ ﻭﻫﻮ ﺿﻞ ﺑﺲ ﻫﻮ ﻭﻳﺎﻫﺎ ﻭﺍﻟﺪﻛﺘﻮﺭ ﺍﻟﻜﻞ ﺟﺎﻥ ﻣﺘﺄﺳﻒ ﻋﻠﺊ ﺣﺎﻟﻬﺎ ... ﺑﻌﺪﻫﺎ ﻣﺎ ﻧﺴﻤﻊ ﺑﺲ ﺑﻜﺎﺀﻫﺎ ﻭﻧﺤﻴﺒﻬﺎ ﺍﻣﻲ ﺭﺿﻴﻪ ﻭﺍﻟﺒﻨﺎﺕ ﺧﻄﻴﻪ ﺿﻠﻦ ﻳﺒﺠﻦ ﻋﻠﻴﻬﺎ ﻭﺍﻧﻲ ﺧﻠﻴﺖ ﻭﺻﺮﺕ ﻋﻠﺊ ﺻﻔﺤﻪ ﻳﺎﻟﻠﻪ ﻫﻞ ﺑﻨﻴﻪ ﻭﻻ ﻋﻨﺪﻫﺎ ﺣﻆ ﻭﺍﻟﻠﻪ ﺍﻋﺰﻫﺎ ﻣﺜﻞ ﺭﻳﻬﺎﻡ ﺍﻧﻲ ﺟﻨﺖ ﻣﺎ ﺍﻋﺮﻓﻬﺎ ﻭﻻ ﺷﺎﻳﻔﻬﺎ ﺑﺲ ﻣﺮﻩ ﻣﻦ ﻋﺰﻣﻮﻧﻪ ﺷﻔﺘﻬﺎ ﺑﺎﻟﻤﻄﺒﺦ ﻋﺒﺎﻟﻲ ﻭﻗﺎﺭ ﻭﺍﺗﺬﻛﺮﺕ ﻭﻗﺎﺭ ﻋﻴﻮﻧﻬﺎ ﺳﻮﺩ ﺑﺲ ﺍﻧﻲ ﺟﻨﺖ ﻣﺸﺎﻳﻒ ﻭﻗﺎﺭ ﻻﻥ ﻣﻦ ﺍﻧﻀﺮﺑﺖ ﺑﻴﺪﻫﺎ ﻭﺑﻌﺪﻫﺎ ﻣﻦ ﺍﻧﻬﺰﻣﺖ ﻣﻦ ﺍﺧﻮﻫﺎ ﻗﺘﻞ ﺍﻫﻞ ﺟﺎﺳﺮ ﻭﺍﻧﻲ ﻭﺍﻟﻠﻪ ﻣﺎ ﺟﻨﺖ ﺍﻧﻘﺬﻫﺎ ﺑﺲ ﻫﻲ ﺗﺠﺒﺮ ﺍﻟﻮﺍﺣﺪ ﻳﻨﻘﺬﻫﺎ ﺑﻨﻴﻪ ﻓﻘﻴﺮﻩ ﻭﺑﺮﻳﺌﻪ ﻣﺪﺭﻱ ﺑﻴﻬﺎ ﺷﺊ ﻳﺨﻠﻲ ﺍﻟﻮﺍﺣﺪ ﻏﺼﺒﺎ ﻋﻨﻪ ﻳﺴﺎﻋﺪﻫﺎ ... ﻣﺎ ﺍﻋﺮﻑ ﺟﺎﺳﺮ ﺷﻠﻮﻥ ﻳﻘﺴﺊ ﻋﻠﻴﻬﺎ ﺍﻧﻲ ﻣﺮﺍﺕ ﺍﻛﻮﻝ ﺍﻟﻮﻗﺎﺭ ﺷﻠﻮﻥ ﻳﻘﺴﺊ ﻋﻠﻴﻬﺎ ﺗﺮﺉ ﺧﻄﻴﻪ ﺻﻐﻴﺮﻩ ﻭﻓﻘﻴﺮﻩ ﺩﻛﻮﻝ ... ﻻ ﻣﻮ ﻗﺎﺳﻲ ﻭﻳﺎﻫﺎ ﺑﺲ ﻫﻲ ﻣﺮﺍﺕ ﻣﺘﻌﺮﻑ ﺗﺘﺼﺮﻑ ﻭﻫﻮ ﻳﺤﺒﻬﺎ ﺗﺮﺉ ﻭﻳﺪﺍﻓﻌﻠﻬﺎ ﺟﻨﺖ ﺍﻓﺮﺡ ﻣﻦ ﺩﻛﻮﻝ ﻫﻴﻴﺞ ﻭﺍﻟﻠﻪ ﺟﻮﻟﻴﻴﺖ ﻣﺎ ﻧﻀﺮﺕ ﺍﻟﻬﺎ ﻏﻴﺮ ﻧﻈﺮﻩ ﺍﺧﺖ ﻭﺟﻨﺖ ﺍﺗﻤﻨﺊ ﻋﻨﺪﻫﺎ ﺍﺧﺖ ﻣﺜﻠﻬﺎ ﻭ ﻭﻗﺎﺭ ﻣﺎ ﻗﺎﺻﺮﻩ ﻭﻣﺜﻞ ﺍﺧﻼﻕ ﺟﻮﻟﻴﻴﺖ ﺍﻟﺤﻤﺪ ﻟﻠﻪ ... ﻭﺍﻧﻲ ﻫﺬﺍ ﺍﻟﻲ ﺍﺳﻌﺊ ﺍﻟﻪ ﺍﺗﻤﻨﺊ ﺍﺷﻮﻓﻬﺎ ﺳﻌﻴﺪﻩ ﻭﻳﺎﻩ ﻣﻮ ﻭﻳﻪ ﻏﻴﺮﻩ ﻫﻮ ﺍﺑﻦ ﻋﻤﻲ ﻭﺍﺧﻮﻭﻱ ﻭﺭﻏﻢ ﻫﻮ ﻋﺼﺒﻲ ﻭﻫﻲ ﻫﺎﺩﺋﻪ ﺑﺲ ﻣﺎ ﺍﻋﺮﻑ ﻣﺎ ﺍﺷﻮﻓﻬﺎ ﺍﻟﻪ ﻭﻳﺎﻩ ﻭﻣﺎ ﺍﺷﻮﻓﻬﺎ ﺗﺮﻫﻢ ﺍﻟﻪ ﻭﻳﺎﻩ ... ﺗﻘﺮﻳﺒﺎ ﻧﺺ ﺳﺎﻋﺔ ﻭﻃﻠﻊ ﺟﺎﺳﺮ ﻃﻠﺐ ﻣﻦ ﺍﻟﺪﻛﺘﻮﺭ ﻳﺠﻲ ﻋﺮﻓﻨﻪ ﺑﻴﻬﺎ ﻓﻘﺪﺕ ﻭﺍﺟﺘﻬﺎ ﺣﺎﻟﻪ ﻣﻦ ﺍﻟﺘﺸﻨﺞ ﻧﻔﺲ ﻛﻞ ﻣﺮﻩ ﺧﻄﻴﻪ ﻫﻞ ﺍﻟﺒﻨﻴﻪ ﻓﻘﺪﺕ ﺍﻫﻠﻬﺎ ﻭﺻﺤﺘﻬﺎ ﻭﺩﺭﺍﺳﺘﻬﺎ ﻭﺣﻴﺎﺗﻬﺎ ﻭﺿﻞ ﺑﺲ ﺟﺎﺳﺮ ﻭﺟﺎﺳﺮ ﻣﻠﻚ ﺷﺎﻡ ﺍﺣﺲ ﺑﻴﻬﺎ ﺭﺍﺡ ﺗﺮﺟﻊ ﻭﺍﻟﺘﺮﺩﺩ ﻋﻠﺊ ﺍﻫﻞ ﺟﺎﺳﺮ ﻣﻮ ﻃﺒﻴﻌﻲ ﻣﻦ ﻗﺒﻞ ﺍﻟﻼﺟﺌﻴﻦ ﺍﻟﺴﻮﺭﻳﻴﻦ ﻭﺍﻟﻠﻪ ﺣﻴﺮﻩ ﻳﻨﺼﻒ ﻣﻨﻮ ﻫﻞ ﻛﺎﺳﺮ ﺍﻟﻴﺘﻴﻤﻪ ﺍﻟﻌﻤﻴﺎ ﻟﻮ ﺍﻟﻤﻬﺠﺮﻩ ﺍﻟﻤﺜﻜﻮﻟﺔ ﺑﺒﻨﺘﻬﺎ ... ﺍﺟﺖ ﺧﺎﻟﺘﻲ ﺻﺒﺮﻳﻪ ﺗﺮﻛﺾ ﺟﺎﻧﺖ ﺑﺎﻟﺤﺪﻳﻘﻪ ﻛﺎﻟﺖ ﺑﺨﻮﻭﻑ ... ﺷﻜﻮﻭ ﻭﻟﻜﻢ ﺍﺣﺠﻮ ﺷﺒﻴﻬﺎ ﺟﻜﻠﻴﺘﻪ ﺭﺩﺕ ﻋﻠﻴﻬﺎ ﺭﺿﻴﻪ ﻭﻫﻲ ﺗﻤﺴﺢ ﺩﻣﻮﻋﻬﺎ ... ﺟﻜﻠﻴﺘﻪ ﺻﺎﺭ ﻋﻤﻴﻪ ﻳﺼﺒﺮﻳﻪ ﺻﺒﺮﻳﻪ ﺗﺨﺒﻠﺖ ﻓﺘﺤﺖ ﻋﻴﻮﻧﻬﺎ ﺑﻌﺼﺒﻴﺔ ﻭﺻﺪﻣﻪ ... ﻳﻤﻤﻤﻪ ﻳﻤﻪ ﺟﻜﻠﻴﺘﻪ ﺍﻡ ﻋﻴﻮﻥ ﺍﻟﺤﻠﻮﻩ ﻳﻤﻪ ﺷﻠﻮﻥ ﺗﺼﻴﺮ ﻋﻤﻴﻪ ﻳﻤﻪ ﺳﻮﺩﻩ ﻋﻠﻴﻪ ﻳﻤﻪ ﺍﻣﺪﺍﻧﻲ ﻋﻤﺖ ﻋﻴﻦ ﺍﻟﻄﺒﻴﺐ ﺍﻟﻀﻴﺎﻉ ﺩﻭﺍﺝ ﺟﻜﻠﻴﺘﻪ ﻳﻤﻪ ﻛﻌﺪﺕ ﻋﻠﺊ ﺍﻻﺭﺽ ﻭﻫﻲ ﺗﺒﺠﻲ ... ﺳﻮﺩﻩ ﻋﻠﻴﻪ ﻳﻤﻪ ﻳﺎﻟﺼﻐﻴﺮﻭﻧﻪ ﻳﺄﻡ ﻋﻴﻮﻥ ﺍﻟﺤﻠﻮﻩ ﻳﻤﻪ ﻫﻴﻴﺞ ﻳﺼﻴﺮ ﺑﻴﺞ ﻫﻴﺞ ﺍﻟﻌﺎﻟﻢ ﺗﺠﺮﻡ ﺑﻴﺞ ﺷﺎﻓﻮﺝ ﻭﺣﻴﺪﻩ ﻣﺤﺪ ﺍﻟﺞ ﻳﻤﻪ ﻓﻘﺪﺗﻲ ﺍﺑﻮﺝ ﻭﺍﻣﺞ ﻭﺿﺎﻉ ﻣﻨﺞ ﺍﻷﻣﺎﻥ ﻣﺤﺪ ﺭﺣﻤﺞ ﻭﻛﻔﺖ ﺑﻐﻀﺐ ... ﻫﺴﻪ ﺗﺎﺧﺬﻭﻧﻲ ﻟﻠﺴﺠﻦ ﺑﺎﻟﻘﺮﺍﻥ ﻧﻮﻳﻠﻪ ﺍﻟﻴﻮﻡ ﺍﺳﻮﻳﻬﺎ ﻭﺻﻠﺘﻴﻦ ﻭﺍﻧﻄﻴﻬﺎ ﺍﻛﻞ ﻟﻠﺠﻼﺏ ﺷﻠﻮﻥ ﺿﺎﺭﺑﻪ ﺟﻮﻳﻠﻴﺘﻪ ﻫﻴﻴﺞ ﻭﺍﻟﻠﻪ ﻣﺤﺪ ﺧﺒﻠﻬﺎ ﻏﻴﺮ ﺍﻡ ﻓﻠﻴﺢ ﻋﻤﺘﻲ ﺍﻡ ﻓﻼﺡ ﺧﻠﺖ ﻭﻃﻠﻌﺖ ﻭﺧﺎﻟﺘﻲ ﺻﺒﺮﻳﻪ ﻃﻠﻌﺖ ﻭﺭﺍﻫﺎ ﻭﺍﺣﻨﻪ ﻛﻠﻨﻪ ﻃﻠﻌﻨﻪ ﻻﻥ ﻋﺮﻓﻨﻪ ﺭﺍﺡ ﻳﺘﻌﺎﺭﻛﻦ ﺍﻧﻮﺏ ﺧﺎﻟﺘﻲ ﺻﺒﺮﻳﻪ ﻫﺠﻤﺖ ﻋﻠﺊ ﺍﻡ ﻓﻼﺡ ﻛﻮﻩ ﻟﺰﻣﻨﺎﻫﺎ ﺑﺲ ﺍﻡ ﻓﻼﺡ ﻣﺎ ﺣﺎﺟﺘﻬﺎ ﻭﺿﻠﺖ ﺗﺒﺎﻭﻋﻠﻬﺎ ﺑﺠﻤﻮﺩ ... ﺭﻓﻌﺖ ﺻﺒﺮﻳﻪ ﺍﻳﺪﻫﺎ ﺑﺘﻬﺪﻳﺪ ... ﻛﻠﻪ ﻣﻦ ﻭﺭﺍﺝ ﺍﻧﺘﻲ ﺍﻟﺴﺒﺐ ﺍﻧﺘﻲ ﺍﻟﺴﺒﺐ ﻣﺤﺪ ﻏﻴﺮﺝ ﺧﺒﻞ ﺫﻳﺞ ﺍﻟﺴﺤﺎﺭﻩ ﺍﻟﻤﺤﺎﺭﻩ ﻏﻴﺮﺝ .... ﻭﻟﺞ ﺧﻄﻴﺔ ﻫﻞ ﻣﺴﻜﻴﻨﻪ ﺍﻟﻴﺘﻴﻤﻪ ﺑﺮﻛﺒﺘﺠﻦ ﺍﻟﻴﻮﻡ ﺍﻟﺪﻳﻦ ﻭﺍﻥ ﺷﺎﺀ ﺍﻟﻠﻪ ﻣﺎ ﺗﺘﺨﻄﺎﺟﻦ ﻭﺍﻟﻠﻪ ﻳﺎﺧﺬ ﺣﻮﺑﺘﻬﺎ ﻣﻨﺠﻦ ﻟﺰﻣﺘﻬﺎ ﻭﻫﻲ ﺑﻌﺪﻫﺎ ﺗﺘﻬﺪﺩ ﻭﺗﺼﻴﺢ ﻋﻠﺊ ﺍﻡ ﻓﻼﺡ ... ﻭﻟﺞ ﺍﻧﺘﻲ ﺷﻨﻮ ﻣﻦ ﻣﻠﻪ ﺍﻧﺘﻲ ﺷﻨﻮ ﻭﻟﺞ ﻟﻮ ﻣﺎﺗﺖ ﺍﻻﻣﻬﺎﺕ ﺗﺪﻧﺖ ﺍﻟﺨﺎﻻﺕ ﺍﻧﺘﻲ ﻣﻮ ﺧﺎﻟﺘﻬﺎ ﻟﻴﺶ ﺻﻔﻴﺘﻲ ﻭﻳﻪ ﻧﻮﻳﻠﻪ ﻋﻠﺊ ﺑﻨﺖ ﺍﺧﺘﺞ ﺻﺮﺧﺖ ﺑﻮﺟﻬﻪ ﺍﻡ ﻓﻼﺡ ﺑﻌﺪ ﻣﺎ ﻛﻤﺖ ﻫﻮﻭﺍﻱ ﺑﺪﺍﺧﻠﻬﺎ ... ﻣﺎ ﺍﻛﺪﺭﺭﺭﺭﺭ ﻣﺎ ﺍﻛﺪﺭ ﺣﺴﻮﻭ ﺑﻴﻪ ﺣﺴﻮﻭﻭ ﺍﻧﻲ ﺍﺑﻨﻲ ﻣﺎﺕ ﻛﺪﺍﻡ ﻋﻴﻮﻧﻲ ﺭﺟﻠﻲ ﻣﺎﺕ ﻭﻫﻮ ﻳﺸﺤﻂ ﺑﺪﻣﻪ ﻃﻔﻠﻪ ﻣﺎﺗﺖ ﻣﺎﻟﻬﺎ ﺫﻧﺐ ﻛﻠﻪ ﺑﺴﺒﺐ ﺍﺑﻦ ﺍﺧﺘﻲ ﺍﺧﺘﻴﻴﻴﻲ ﺍﻱ ﺍﺧﺘﻲ ... ﻭﻟﺞ ﺍﻧﻲ ﻣﺎ ﻋﻨﺪﻱ ﺍﺧﺘﺘﺘﺖ ﻛﻤﻠﺖ ﺑﻨﻬﻴﺎﺭ ... ﻣﺎ ﻋﻨﺪﻱ ﺍﺧﺘﺘﺖ ﺍﺑﻨﻬﺎ ﻛﺘﻞ ﺟﺒﻴﺮﻱ ﻛﺘﻞ ﻓﺘﺸﺖ ﻋﻴﻨﻲ ﻓﻼﺍﺍﺍﺍﺍﺡ ﻛﺘﻞ ﻣﻬﻴﻮﺏ ﺍﻟﺘﻬﺎﺑﻪ ﺍﻟﻨﺎﺱ ﻛﻠﻬﺎ ﻭﺍﻧﻲ ﻣﺎ ﺍﺫﻳﺖ ﺟﻮﻟﻴﻴﺖ ﺑﺲ ﻣﺎ ﺍﻛﺪﺭ ﻣﺎ ﺍﻛﺪﺭ ﺍﻓﺘﻬﻤﻮﻧﻲ ﻣﺎ ﺍﻛﺪﺭ ﺣﺘﺊ ﺍﻋﻄﻒ ﻋﻠﻴﻬﺎ ﺗﻀﻞ ﺑﺖ ﺑﻬﻴﻪ ﻭﺗﻀﻞ ﺍﺧﺖ ﻋﺎﺻﻢ ﺻﺮﺧﺖ ﺑﻴﻬﺎ ﺻﺒﺮﻳﻪ ... ﻭﻟﺞ ﻳﺎ ﻋﺎﺻﻢ ﻳﺎ ﺑﻬﻴﻪ ﻣﻦ ﻳﻮﻡ ﺍﻟﻤﺎﺕ ﻓﻼﺡ ﻟﺤﺪ ﺍﻻﻥ ﺟﻮﻟﻴﻴﺖ ﻳﻢ ﺑﻬﻴﻪ ﻟﻮ ﻳﻢ ﻋﺎﺻﻢ ... ﻭﻟﺞ ﺟﻮﻟﻴﻴﺖ ﻋﺎﺷﺖ ﻋﻨﺪﺝ ﺍﻧﺘﻲ ﻭﺍﺑﻨﺞ ﻭﻛﻞ ﻋﺎﺋﻠﺘﺞ ﻳﻌﻨﻲ ﺟﻮﻟﻴﻴﺖ ﺑﻨﻴﺘﻜﻢ ﻗﺒﻞ ﻻ ﺗﻜﻮﻥ ﺑﻨﺖ ﺑﻬﻴﻪ ... ﻭﺍﻧﺘﻲ ﻻ ﻛﻮﻟﻴﻦ ﻣﺎ ﺣﺎﺭﺑﺘﻬﺎ ﺍﻧﻲ ﺍﺟﻲ ﻭﺍﺷﻮﻑ ﺑﻌﻴﻨﻲ ﻭﻟﺢ ﺍﻧﺘﻲ ﺣﺘﺊ ﻣﻦ ﺍﻻﻛﻞ ﺗﻄﺮﺩﻳﻬﺎ ﻭﻣﺎ ﺗﺮﺩﻳﻦ ﺗﺎﻛﻞ ﻭﻳﺎﻛﻢ ﻭﻧﺴﻴﺘﻲ ﺷﻠﻮﻥ ﺍﺧﺬﺗﻲ ﺍﺑﻨﻬﺎ ﻣﻨﻬﺎ ﻭﺍﻧﻄﻴﺘﻲ ﺍﻟﺒﻨﺘﺞ ﺑﺲ ﺣﺘﻰ ﺗﺤﺴﺴﻴﻬﺎ ﺑﻔﻘﺪﺍﻥ ﺍﻟﺒﺰﺭ ﻭﻟﺞ ﺍﻧﺘﻲ ﻫﻢ ﺿﻠﻤﺘﻴﻬﺎ ﺟﻨﺘﻲ ﺗﻮﻛﻔﻴﻦ ﻭﻳﻪ ﻧﻮﺍﻝ ﺿﺪ ﺟﻜﻠﻴﺘﻪ ... ﺑﻌﺪﻫﺎ ﺭﻓﻌﺖ ﺍﻳﺪﻫﺎ ﻭﻫﻲ ﺗﻠﻬﺚ ﺑﺘﻌﺐ ﻭﺗﻬﺪﻳﺪ ... ﺷﻮﻓﻲ ﻭﺍﻟﻠﻪ ﺍﺫﺍ ﻣﺎ ﻋﺎﺟﺒﺘﻜﻢ ﺟﻜﻠﻴﺘﻪ ﻭﻧﺎﻭﻳﻦ ﺑﻌﺪ ﺗﻌﺬﺑﻮﻫﺎ ﻣﺎ ﺗﻠﻮﻣﻮﻥ ﺍﻟﻪ ﺍﺭﻭﺍﺣﻜﻢ ﻭﺍﻟﻠﻪ ﺍﺧﺬﻫﺎ ﻫﻲ ﻭﻓﺮﻳﺨﺎﺗﻬﺎ ﻭﺍﺩﻟﻠﻬﺎ ﺩﻻﻝ ﻻ ﻋﺒﺎﻟﺞ ﺍﻣﻬﺎ ﻋﺎﻓﺘﻬﺎ ﻭﺍﺧﻮﺗﻬﺎ ﻋﺎﺭﺍﺕ ﻻﺍﺍﺍ ﺍﻧﻲ ﺻﺒﺮﻳﻪ ﺑﺄﻟﻒ ﺭﺟﺎﻝ ﻓﺪﻱ ﺟﻜﻠﻴﺘﻪ ﻭ ﻓﺮﻭﺧﻬﺎ ﺑﺮﻭﺣﻲ ﻭﺍﻟﻠﻪ ﺑﺮﻭﺣﻲ ﻣﻮ ﻫﺎﻱ ﻟﻴﺎﻟﻲ ﺑﻨﺘﻲ ﻣﺎ ﺍﻋﺰﻫﺎ ﻣﺜﻞ ﺟﻮﻳﻠﻴﺘﻪ ﻻ ﻭﺍﻟﻠﻪ ﺍﺑﺪ ﻭﻫﺎﺍﺍ ﻣﻦ ﺍﻟﻴﻮﻡ ﻭﺭﺍﻳﺢ ﺍﻧﻪ ﺍﻣﻬﺎ ﻭﺍﻟﻴﺤﺠﻲ ﻋﻠﺊ ﺟﻜﻠﻴﺘﻪ ﻛﻠﻤﻪ ﺍﺭﺩﻩ ﺑﺎﻟﻒ ﻛﻠﻤﻪ ﻭﺍﺷﻚ ﺣﻠﻜﻪ ﺑﺎﻟﻨﻌﺎﻝ ﻋﺎﻓﺘﻬﺎ ﻭﻣﺸﺖ ﻭﻫﻲ ﻣﺘﻌﺼﺒﻪ ﻭﺍﻟﻌﺎﻟﻢ ﺗﺠﻤﻌﺖ ﻭﺗﺘﺴﺎﻝ ﻋﻦ ﺷﻨﻮ ﺻﺎﺭﺕ ﺍﻟﻤﺸﻜﻠﻪ ﻭﻋﻜﺘﻲ ﺍﻡ ﻓﻼﺡ ﺧﻠﺖ ﻭﺭﺍﺣﺖ ﺯﻋﻼﻧﻪ ﻣﻦ ﻛﻼﻡ ﺧﺎﻟﺘﻲ ﺻﺒﺮﻳﻪ ﻛﻌﺪﺕ ﺗﺪﺧﻦ ﻭﻫﻲ ﺍﻋﺼﺎﺑﻬﺎ ﻧﺎﺭ ﻛﻌﺪﺕ ﺑﺼﻔﻬﺎ ﻭﺟﺮﻳﺖ ﻧﻔﺲ ... ﻋﻠﺊ ﻛﻴﻔﺞ ﺧﺎﻟﻪ ﻣﻮ ﻫﻴﺞ ﻫﻲ ﻫﻢ ﺧﻄﻴﻪ ﺍﻡ ﻓﻼﺡ ﻣﻜﺴﻮﺭﻩ ﻭﻓﺎﻗﺪﻩ ﺗﻼﺛﻪ .. ﺑﺎﻭﻋﺘﻠﻲ ﺑﻄﺮﻑ ﻋﻴﻨﻬﺎ ... ﺟﻮﻳﺒﺮ ﺗﻮﺧﺮ ﻣﻨﻲ ﻻ ﺍﻃﻔﻲ ﺍﻟﺠﻜﺎﺭﻩ ﺑﺮﺍﺳﻚ ﻭﺣﮓ ﺍﺑﻮ ﻓﺎﺿﻞ ﺭﻭﺣﻲ ﺻﺎﻳﺮﻩ ﺑﺨﺸﻤﻲ ﻭﺍﺭﻳﺪ ﺑﺲ ﺍﻋﺎﺭﻙ ﻣﺎ ﻣﺴﺘﻮﻋﺒﻪ ﺟﻜﻠﻴﺘﻪ ﺍﻡ ﻋﻴﻮﻥ ﺍﻟﺤﻠﻮﻩ ﻋﻤﺖ ﻣﻦ ﻛﻮﻥ ﺍﻟﻌﻤﻪ ﻟﻨﻮﻳﻠﻪ ﻭﺣﺴﻨﻪ ﺑﺲ ﻛﺢ ... ﻣﺎ ﻳﺼﻴﺮ ﺑﻴﻬﻦ ﺷﺊ ﺍﻣﻬﺎﺕ ﺍﻟﻮﺻﺦ ﺍﻟﺠﺎﻳﻔﺎﺕ ﺣﺮﻛﻦ ﻛﻠﺒﻲ ﺭﺟﻌﺖ ﺑﺎﻭﻋﺘﻠﻲ ... ﺍﻛﻠﻚ ﺟﻮﻳﺒﺮ ﻣﺎ ﻳﺴﻮﻭﻟﻬﺎ ﻋﻤﻠﻴﻪ ﻭﻳﺮﺟﻊ ﺍﻟﺸﻮﻑ ﺍﻟﻬﺎ ﺣﺘﺊ ﺍﺫﺍ ﻫﺎﻱ ﺍﺑﻴﻊ ﺑﺴﺘﺎﻧﻲ ﻭﺍﺳﻮﻳﻠﻬﺎ ﺍﺧﺬﻫﺎ ﻟﻬﺬﺍ ﺍﻟﻐﺎﮔﻪ ﺑﻴﺮﺍﻥ ﺳﻮﺍﻟﻲ ﻋﻤﻠﻴﻪ ﻟﻌﻮﻳﻨﺎﺗﻲ ﺷﺪﻛﻮﻝ ﺟﺮﻳﺖ ﻧﻔﺲ ... ﻭﺍﻟﻠﻪ ﻣﺎ ﺍﺩﺭﻱ ﺧﺎﻟﻪ ﺑﺲ ﺍﻛﻴﺪ ﺟﺎﺳﺮ ﻣﺎ ﻳﻘﺼﺮ ﻭﻳﺎﻫﺎ ﻭﻫﻮ ﻳﺴﻮﻳﻠﻬﺎ ﻋﻤﻠﻴﻪ ﺣﺘﺊ ﻟﻮ ﺑﺘﺮﻛﻴﺎ ﺭﺩﺕ ﻋﻠﻴﻪ ﺑﻌﺪ ﻣﺎ ﺩﺍﺳﺖ ﻋﻠﺊ ﺟﻜﺎﺭﺗﻬﺎ ... ﻻ ﻣﺎ ﺍﺧﻠﻲ ﻳﺴﻮﻳﻠﻬﺎ ﻫﺬﺍ ﺍﻟﻤﻌﻘﺪ ﺍﻧﻪ ﺍﺳﻮﻳﻠﻬﺎ ﻻﻥ ﻗﺮﺭﺕ ﺍﻃﻠﻜﻬﺎ ﻣﻨﻪ ﻭﺑﺲ ﻳﺤﺠﻲ ﺍﻃﻜﻨﻪ ﻃﻠﻘﻪ ﻭﺍﻣﻮﺗﻨﻪ ﺿﺤﻜﺖ ﺑﺤﺰﻥ ... ﺻﺪﻙ ﺗﺤﺠﻴﻦ ﺧﺎﻟﻪ ﻫﻮ ﻏﻴﺮ ﻣﺘﺨﺒﻞ ﻋﻠﻴﻬﺎ ﻭﻻ ﻓﺎﺭﻛﻬﺎ ﻟﺤﻈﻪ ﺟﺎﻭﺑﺘﻨﻲ ﺑﻤﻠﻞ ... ﺧﻠﻲ ﻳﻮﻟﻲ ﺭﻳﺎﺀ ﻫﺰﻳﺖ ﺭﺍﺳﻲ ﻭﺍﻧﻲ ﺍﺿﺤﻚ ﻳﺎ ﺭﻳﺎﺀ ﺧﺎﻟﻪ ﻓﺪﻭﻩ ﺍﻟﻜﻠﺒﺞ ﺭﺟﻌﺖ ﻭﺭﺛﺖ ﺟﻜﺎﺭﻩ ﻭﻫﻲ ﺿﺎﻳﺠﻪ ... ﻭﺧﺮ ﻣﻦ ﻳﻤﻲ ﺟﻮﻳﺒﺮ ﻻ ﺍﺑﺘﻠﻲ ﺑﻴﻴﻚ ﺧﻠﻴﺖ ﻭ ﻭﺧﺮﺕ ﻣﻨﻬﺎ ﺷﻮﻳﻪ ﻭﺍﺟﻮ ﺍﻟﻮﻟﺪ ﻛﻠﻬﻢ ﺧﻄﻴﻪ ﺣﻴﻞ ﺍﻧﻘﻬﺮﻭﺍ ﻣﻦ ﺩﺭﻭﺍ ﺑﺠﻮﻟﻴﺖ ﺻﺎﺭﺕ ﻋﻤﻴﻪ ... ............................ ﺣﺎﺯﻡ ... ﺧﺎﺑﺮﺕ ﺧﺎﻟﺘﻲ ﺍﻡ ﻫﺸﺎﻡ ﻭﻛﺎﻟﺖ ﻭﻫﻲ ﺗﺼﻴﺢ ﻭﺗﺼﺮﺥ ﺑﺼﻮﺕ ﻋﺎﻟﻲ ﻛﺎﻟﺖ ... ﺟﻮﻟﻴﻴﺖ ﻭﻟﻜﻢ ﺍﺧﺘﻜﻢ ﺻﺎﺭﺕ ﻋﻤﻴﻪ ﻫﺬﺍ ﺍﻟﻤﺠﺮﻡ ﺭﺟﻠﻬﺎ ﻃﻜﻬﺎ ﺑﺮﺍﺳﻬﺎ ﻭﻋﻤﺎﻫﺎ ﺍﻧﺘﻢ ﺷﻨﻮ ﻣﻦ ﻣﻠﻪ ﺍﺧﺘﻜﻢ ﻋﻤﺖ ﻭﺭﺟﻠﻬﺎ ﻧﻮﻣﻬﺎ ﺑﻐﻴﺒﻮﺑﻪ ﻭﺍﻧﺘﻢ ﻛﺎﻋﺪﻳﻦ ﻣﺘﻨﻌﻤﻴﻦ ﺑﺎﻟﺨﺎﺭﺝ ﺍﻟﺤﻜﻮﺍ ﻋﻠﻴﻬﺎ ﺍﻟﺤﻜﻮﺍ ﺍﺧﺬﻭﺍ ﺣﻴﻔﻜﻢ ﻣﻦ ﺟﺎﺳﺮ ﺍﻟﻨﺬﻝ ﺑﻠﻌﺖ ﺭﻳﻜﻲ ﻣﻦ ﻛﻼﻣﻬﺎ ﻭﺍﻧﻠﺠﻢ ﻋﻨﺪﻱ ﺍﻟﻜﻼﻡ ﻋﺒﺎﻟﻚ ﺻﺮﺕ ﺑﺪﻭﺍﻣﻪ ﻭﻣﺘﺎﻫﻪ ﺍﻟﻬﺎ ﺍﻭﻝ ﻣﺎ ﺍﻟﻬﺎ ﺍﺧﺮ ﺻﻌﺐ ﻣﻦ ﻧﺴﻤﻊ ﺍﺧﺘﻨﻪ ﺿﺮﺑﻬﺎ ﺭﺟﻠﻬﺎ ﻭﻫﻲ ﺻﺎﺭﺕ ﻋﻤﻴﻪ ﻭﺍﺣﻨﻪ ﻣﻮ ﻳﻤﻬﺎ ﻭﻣﺠﺒﻮﺭﻩ ﺗﻌﻴﺶ ﻭﻳﺎﻩ ﺍﺗﺬﻛﺮﺗﻬﺎ ﻣﻦ ﻧﻘﺬﺗﻨﻲ ﻣﻦ ﻋﻨﺪﻩ ﻭﺗﺬﻛﺮﺕ ﻗﺴﺎﻭﺗﻪ ﻭﻳﺎﻱ ﻭﺿﺮﺑﻪ ﺍﻟﻴﻪ ﻫﻮ ﺍﻧﻲ ﻣﺎ ﺭﺣﻤﻨﻲ ﻭﺟﺮﻡ ﺑﻴﻪ ﻟﻌﺪ ﻫﻲ ﻫﻞ ﻓﺮﺍﺷﻪ ﺍﻟﺮﻗﻴﻘﻪ ﺷﺮﺍﺡ ﻳﺴﻮﻱ ﺑﻴﻬﺎ ﻭﻟﻮ ﻫﻮ ﺷﻨﻮ ﺷﺮﺍﺡ ﻳﺴﻮﻱ ﻫﻮ ﺳﻮﻭ ﻭ ﻣﺎ ﺃﻛﺘﻔﺊ ﺿﺮﺑﻬﺎ ﻭﻓﻠﺶ ﺭﺍﺳﻬﺎ ﻭﺧﻠﻪ ﺩﻣﻬﺎ ﺑﻄﻮﻟﻬﺎ ﻭﺍﻧﻌﻤﺖ ﻣﻦ ﺍﺛﺮ ﺿﺮﺑﺘﻪ ﻧﺰﻟﺖ ﺩﻣﻮﻋﻲ ﺑﺪﻭﻥ ﺳﺎﺑﻖ ﺍﻧﺬﺍﺭ ﻋﻠﻴﻬﺎ ﻭﻋﺎﺻﻢ ﻣﻦ ﺷﺎﻑ ﺩﻣﻮﻋﻲ ﺑﺎﻭﻋﻠﻲ ﺑﺨﻮﻑ ﻭﻗﻠﻖ ﻭ ﺻﺪﺭﻩ ﻳﺼﻌﺪ ﻭﻳﻨﺰﻝ ﺩﻻﻟﻪ ﻋﻠﺊ ﺿﻴﻖ ﺍﻟﺘﻨﻔﺲ ﻛﺎﻝ ﺑﺨﻮﻑ ﻭﺍﺭﺗﻌﺎﺵ ﺑﺎﻃﺮﺍﻓﻪ .... ﺑﺐ ﺑﺲ ﻻ ﺟﻮﻭ ﺟﻮﻟﻴﻴﺖ ﻣﺎ ﻣﺎﺗﺖ ﻏﻤﻀﺖ ﻋﻴﻮﻧﻲ ﺣﻴﻴﻴﻞ ﻭﺍﻧﻲ ﺍﻛﺘﻢ ﻋﺒﺮﺗﻲ ﻟﺰﻣﻨﻲ ﺣﻴﻴﻞ ﻭﻫﺰﻧﻲ ﺑﻌﻨﻒ ... ﺍﺣﺠﻴﻴﻲ ﻭﻟﻚ ﻻ ﺗﺴﻜﺖ ﺑﻠﻌﺖ ﺭﻳﻜﻲ ﺑﻐﺼﻪ ﻭﻫﻤﺴﺖ ﺑﻌﺬﺍﺏ ... ﺟﻮﻟﻴﻴﺖ ﺍﻧﻌﻤﺖ ﺻﺎﺭﺕ ﻋﻤﻴﻴﻴﻪ ﻫﻮ ﻓﺘﺢ ﻋﻴﻮﻧﻪ ﻭﺭﻣﺶ ﺑﻴﻬﻦ ﻋﺪﺓ ﺭﻣﺸﺎﺕ ﻭﺑﻌﺪﻫﺎ ﻫﻤﺲ ﺑﺎﻧﺪﻫﺎﺵ ... ﻋﻤﺖ ؟ ﺻﺎﺭﺕ ﻋﻤﻴﻪ ﺟﻮﻟﻴﻴﺖ ﻋﻤﻴﻪ ؟ ﻳﻌﻨﻲ ﺟﺎﺍﺍﺳﺮ ﺍﻟﻜﻠﺐ ﺍﻟﺤﻴﻮﺍﻥ ﻋﺪﻳﻢ ﺍﻟﺮﺟﻮﻟﻪ ﻋﻤﺎﻫﺎ ﻭﺻﻠﻬﺎ ﻟﻠﻤﻮﺕ ﻣﻦ ﻋﺮﻑ ﺑﻴﻪ ﻣﺎ ﻣﻴﺖ ﻫﻴﻴﺞ ﻳﺤﺎﺭﺑﻨﻲ ﺑﺎﺧﺘﻲ ﻳﺮﻳﺪ ﺍﺳﺘﺴﻠﻢ ﺍﻟﻪ ﺳﺤﺐ ﺍﻟﻤﻮﺑﺎﻳﻞ ﻣﻨﻲ ﺑﻐﻀﺐ ﻭﺍﺗﺼﻞ ﻋﻠﺊ ﺍﻡ ﻫﺸﺎﻡ ﻭﻓﺘﺢ ﻣﺎﻳﻚ ﻛﻠﻬﺎ ﺑﻐﻀﺐ ﻋﺎﺭﻡ .... ﻫﻞ ﺧﺒﺮ ﺻﺪﻙ ﺻﺪﻙ ﺟﻮﻟﻴﻴﺖ ﺻﺎﺭﺕ ﻋﻤﻴﻪ ﺑﺴﺒﺐ ﺟﺎﺳﺮ ﺭﺩﺕ ﻋﻠﻴﻬﺎ ﺑﺼﺮﺍﺥ ﺣﺎﺩ ﻭﻋﻮﻳﻴﻞ ... ﺍﻱ ﻭﻟﻚ ﻳﺎ ﻋﺎﺻﻢ ﺍﺧﺘﻚ ﻋﻤﺖ ﻋﻤﺖ ﺟﺎﺳﺮ ﺿﺮﺑﻬﺎ ﻭﺍﻧﻮﺏ ﻳﺠﺬﺑﻮﻥ ﻳﻜﻮﻟﻮﻥ ﻣﻮ ﺿﺮﺑﻬﺎ ﻭﺣﺘﺊ ﺍﻧﻄﺖ ﺍﻓﺎﺩﺗﻬﻰ ﻭﻏﻴﺮﻭﻫﺎ ﻏﻴﺮﻭﺍ ﺍﻓﺎﺩﺗﻬﺎ ﻫﻲ ﻛﺎﻟﺖ ﺟﺎﺳﺮ ﺿﺮﺑﻨﻲ ﻭﻫﻮ ﺗﻌﺮﻓﻪ ﺷﻠﻮﻥ ﻭﺍﺣﺪ ﻛﻠﺐ ﻏﻴﺮ ﺍﻻﻓﺎﺩﻩ ﻭﺫﺑﻮﻫﺎ ﺑﺮﺍﺱ ﻣﺮﺓ ﺍﺧﻮﻫﻢ ﻗﻔﻞ ﺍﻟﺨﻂ ﻭﻫﻤﺲ ﻣﻦ ﺑﻴﻦ ﺍﺳﻨﺎﻧﻪ ﺑﻔﺤﻴﺢ ﺣﺎﺍﺩ ... ﺑﺴﻴﻴﻴﻄﻪ ﺑﺴﻴﻴﻄﻪ ﺭﺟﻊ ﺍﺗﺼﻞ ﻣﺮﻩ ﺛﺎﻧﻴﻪ ﻋﻠﺊ ﺍﻟﺸﺨﺺ ﺍﻟﻬﺮﺑﻪ ﻣﻦ ﺯﻣﺎﻥ ﻛﻠﻪ ... ﺍﺭﻳﺪ ﺗﻌﺠﻞ ﺑﻤﻬﻤﺔ ﺍﺧﺘﻲ ﻻﻥ ﺍﺧﺘﻲ ﻣﻈﻠﻮﻣﻪ ﻭﻣﻀﻄﻬﺪﻩ ﻭﻫﺬﺍ ﺯﻭﺟﻬﺎ ﻋﻤﻪ ﻋﻴﻮﻧﻬﺎ ﻭﻫﻲ ﻣﺘﺮﻳﺪﻩ ﺑﺲ ﻫﻮ ﺍﻟﻮﻟﺪ ﻛﻠﻪ ﺍﻧﻲ ﻣﺎ ﺍﻛﺪﺭ ﺍﺧﺬﻫﺎ ﻣﻦ ﺍﻟﻤﺴﺘﺸﻔﻰ ﻻﻥ ﺍﻟﻤﻜﺎﻥ ﻣﺤﺎﻭﻁ ﻭﻣﺎ ﻛﺪﺭﺕ ﺍﺣﺼﻞ ﻋﻠﻴﻬﺎ ﺧﻠﻲ ﺗﻄﻠﻊ ﺑﺒﻴﺘﻬﺎ ﺑﻠﻜﻲ ﺍﻛﺪﺭ ﺍﺣﺼﻞ ﻋﻠﻴﻬﺎ ﺍﻟﻮﺣﺪﻫﺎ ﻭﺍﻛﺪﺭ ﺍﺧﺬﻫﺎ ﺭﺩ ﻋﻠﻴﻪ ﻋﺎﺻﻢ ... ﺑﺲ ﺧﻮﻳﻪ ﺍﻧﻲ ﻣﺎ ﺍﺭﻳﺪﻙ ﺗﺮﻭﺡ ﺗﺠﻴﺒﻬﺎ ﺍﻟﻮﺣﺪﻫﺎ ﻻﻥ ﺍﺧﺘﻨﺎ ﺻﻐﻴﺮﻩ ﻭﺍﻟﺸﻴﻄﺎﻥ ﻣﺎ ﻣﺎﺕ ﺍﻧﺖ ﺗﻮﺍﺻﻞ ﻭﻳﻪ ﻫﺸﺎﻡ ﺍﺑﻦ ﻋﻤﻲ ﻭﻫﻮ ﻳﺠﻴﺒﻬﺎ ﺍﻭ ﺍﺧﻠﻲ ﺣﺎﺯﻡ ﻫﻮ ﻳﺠﻲ ﺍﺫﺍ ﻣﺎ ﻛﺪﺭ ﻫﺸﺎﻡ ... ﻫﻮ ﺭﺩ ﻋﻠﻴﻪ ... ﺍﻥ ﺷﺎﺀ ﺍﻟﻠﻪ ﺍﺧﺎﺑﺮ ﻫﺸﺎﻡ ﻭﺍﺗﻔﻖ ﻭﻳﺎﻩ ﻗﻔﻞ ﺍﻟﺨﻂ ﻣﻨﻪ ﻭﺑﻌﺪﻫﺎ ﺧﺎﺑﺮ ﻋﻠﺊ ﻫﺸﺎﻡ ﻭﻫﺸﺎﻡ ﻗﺒﻞ ﺑﺲ ﻛﻠﻪ ﺗﺮﺉ ﻣﻮ ﻫﻮ ﺍﻟﻀﺮﺑﻬﺎ ﺿﺮﺑﺘﻬﺎ ﻣﺮﺓ ﻓﻼﺡ ﺭﺩ ﻋﻠﻴﻪ ﻋﺎﺻﻢ .. ﺍﻱ ﻫﺎﻱ ﻛﻼﻭﺍﺕ ﻫﻢ ﺳﻮﻭﻫﺎ ﺣﺘﺊ ﻣﺎ ﻳﻄﻠﻌﻮﻥ ﺟﺎﺳﺮ ﻣﺬﻧﺐ ﺧﻠﻲ ﻳﻮﻟﻲ ﻫﻮ ﺍﻟﻌﺬﺏ ﺍﺧﺘﻲ ﻫﺴﻪ ﺗﺴﺎﻋﺪﻧﻪ ﻟﻮ ﺍﻭﺩﻱ ﺣﺎﺯﻡ ﺭﺩ ﻋﻠﻴﻪ ﻫﺎﺷﻢ ... ﻻ ﺃﺳﺎﻋﺪﻙ ﺍﺳﺎﻋﺪﻙ ﺑﺲ ﺍﺧﺎﻑ ﺟﺎﺳﺮ ﻳﻌﺮﻑ ﺑﻴﻪ ﺟﺎﻭﺑﻪ ﻋﺎﺻﻢ ... ﻻ ﻣﻴﻌﺮﻑ ﺍﺧﺘﻚ ﻫﺎﻟﻪ ﻣﺮﺍﺡ ﺗﻔﺘﻦ ﻋﻠﻴﻚ ﻫﺎﻱ ﺗﻔﺘﻦ ﺑﺲ ﻋﻠﻴﻨﻪ ﻫﻬﻪ ... ﺍﺗﻔﻘﻮﺍ ﺑﺲ ﺗﻄﻠﻊ ﻣﻦ ﺍﻟﻤﺴﺘﺸﻔﺊ ﻳﻬﺮﺑﻮﻫﺎ ﻟﻠﺨﺎﺭﺝ ﺟﺎﻧﺖ ﺍﻣﻲ ﻃﻮﻝ ﺍﻟﻮﻗﺖ ﺗﺒﺠﻲ ﻭﺗﻨﻮﺡ ﻋﻠﻴﻬﺎ ﻭﺳﻜﻄﺖ ﺣﻴﻴﻞ ﻣﺎ ﺗﻜﺪﺭ ﺗﻤﺸﻲ ﻣﻨﺎ ﻟﻬﻨﺎ ... ﻭﺑﺲ ﻻﺯﻣﻪ ﺻﻮﺭﺓ ﺟﻮﻟﻴﻴﺖ ﻭﺭﺳﺎﻟﺘﻬﺎ ﻭﺗﺒﺠﻲ ﻭﺗﻨﻮﺡ ﻋﻠﻴﻬﺎ ﻭﺗﻬﻤﺲ ... ﻳﻤﻪ ﺑﻨﻴﺘﻲ ﺟﻮﻟﻲ ﻳﻤﻪ ﺷﺤﺎﻟﺞ ﻫﺴﻪ ﻳﻤﻪ ﺻﺮﺗﻲ ﺯﻳﻨﻪ ﻟﻮ ﻣﺘﻲ ﻭﻣﺤﺪ ﻛﻠﻲ ﻋﻠﻴﺞ ﻳﻤﻪ ... ﻭﻫﺬﺍ ﺟﺎﻥ ﺣﺎﻟﻬﺎ ﻛﻞ ﻳﻮﻡ ﻣﺎ ﺗﻨﺎﻡ ﺍﺫﺍ ﻣﺎ ﺗﻨﻮﺡ ﻋﻠﺊ ﺑﻨﺘﻬﺎ ﻭﺗﺨﻠﺼﻬﺎ ﻧﺤﻴﺐ ... .......................... ﻭﻗﺎﺭ ﻃﻠﺒﺖ ﻣﻦ ﻋﻤﻲ ﺍﻟﺸﻴﺦ ﻭﻣﻦ ﻣﺮﺓ ﻋﻤﻲ ﺍﺭﻭﺡ ﺍﻟﺠﻮﻟﻲ ﺧﻄﻴﻪ ﻫﻢ ﺭﺍﺩﻭﺍ ﻳﺮﺣﻮﻥ ﻭﻳﺎﻳﻪ ﻭﻟﻮ ﻫﻚ ﻣﺎ ﻗﺼﺮﻭﺍ ﻳﻮﻣﻴﻪ ﻳﺮﺣﻮﻥ ﺍﻟﻬﺎ ... ﺟﺎﺑﺮ ﺟﺎﻥ ﺑﺎﻟﺪﻭﺍﻡ ﻭﺍﻧﻲ ﺧﺎﺑﺮﺗﻪ ﻛﺎﻝ ﺭﻭﺣﻲ ﺧﻠﻴﺖ ﻭﺭﺣﺖ ﻭﺍﺧﺎﺑﺮﺕ ﺭﻳﻬﺎﻡ ﻛﺎﻟﺖ ﺍﻟﺼﺒﺢ ﺟﻨﺖ ﻳﻤﻬﺎ ﻭﺧﻄﻴﻪ ﺍﻃﻔﺎﻟﻬﺎ ﻣﺎ ﺍﻛﺪﺭ ﺍﻋﻮﻓﻬﻢ ... ﻓﺨﻠﻴﻨﻪ ﻭﺭﺣﻨﻪ ﻟﻜﻴﻨﻪ ﻳﻤﻬﺎ ﺻﺒﺮﻳﻪ ﺧﻄﻴﻪ ﻛﺎﻋﺪﻩ ﻭﺍﻟﺮﺍﺋﺪ ﺭﺿﺎ ﻭﺯﻭﺟﺘﻪ ﺯﻫﺮﺍﺀ ﻭﺍﻡ ﻧﺼﻴﺮ ﺟﺎﻳﻴﻦ ﻳﺰﻭﺭﻭﻫﺎ ﺟﺎﻧﻦ ﻫﻦ ﻛﺎﻋﺪﺍﺕ ﻳﻤﻬﺎ ﻭﺟﺎﺳﺮ ﻭﺍﻟﺮﺍﺋﺪ ﻛﺎﻋﺪﻳﻦ ﺑﺎﻻﻧﺘﻈﺎﺭ ﺳﻠﻤﻨﻪ ﻋﻠﻴﻬﻢ ﻭﺩﺧﻠﻨﻪ ﻭﻋﻤﻲ ﺿﻞ ﻳﻤﻬﻢ ... ﺩﺧﻠﺖ ﺑﺎﻭﻋﺘﻠﻬﺎ ﺧﻄﻴﻪ ﺗﻜﺴﺮ ﺍﻟﺨﺎﻃﺮ ﻋﻴﻮﻧﻬﺎ ﻣﺤﺎﻭﻃﺎﺕ ﺑﺤﻮﺍﺭ ﺍﺯﺭﻙ ﻭﺍﺣﻤﺮ ﻭﺫﺑﻮﻝ ﻃﺎﻏﻲ ﻋﻠﺊ ﻣﻼﻣﺤﻬﺎ ﺍﻷﺳﺮﻩ ﻭﺷﻔﺎﻳﻔﻬﺎ ﺟﺎﻓﻪ ﻭﺣﺘﺊ ﺷﻌﺮﻫﺎ ﻣﺒﻌﺜﺮ ﺟﺎﻧﻦ ﻳﺴﻮﻟﻔﻦ ﻭﻳﺤﺠﻦ ﻭﻫﻲ ﺍﺑﺒﺪ ﻣﻮ ﻳﻤﻬﻦ ﺍﻧﻲ ﺳﻠﻤﺖ ﻋﻠﺊ ﺍﻟﻜﻞ ﻭﺗﻘﺮﺑﺖ ﻣﻨﻬﺎ ﺑﺴﺘﻬﺎ ﺑﺮﺍﺳﻬﺎ ﻫﻲ ﺑﺴﺮﻋﻪ ﻓﺰﺕ ﻣﺮﻋﻮﺑﻪ ... ﻣﻨﻮﻭﻭ ﺍﻧﺘﻲ ﺍﺑﺘﺴﻤﺖ ﺑﺤﺰﻥ ... ﺍﻧﻲ ﻭﻗﺎﺭ ﺣﺒﻴﺒﺘﻲ ﺷﻠﻮﻧﺞ ﺍﻥ ﺷﺎﺀ ﺍﻟﻠﻪ ﺯﻳﻨﻪ ﺗﻨﻔﺴﺖ ﺑﻬﺪﻭﺀ ... ﻫﺎﺍﺍﺍ ﻭﻗﺎﺭ ... ﺍﻱ ﺍﻟﺤﻤﺪ ﻟﻠﻪ ﺯﻳﻨﻪ ﻛﻌﺪﺕ ﺍﺳﻮﻟﻒ ﻭﻳﻪ ﺯﻫﺮﺍﺀ ﺯﻭﺟﺔ ﺭﺿﺎ ﺣﺒﻴﺘﻬﺎ ﺑﻨﻮﺗﻪ ﺣﻠﻮﻩ ﻭﻣﺆﺩﺑﻪ ﻭﻟﻄﻴﻔﻪ ﺣﻴﻴﻞ ﻭﺑﻌﻴﻮﻧﻬﺎ ﻓﺮﺣﻪ ﻭﻛﺒﺮﻳﺎﺀ ﻋﻤﻴﻖ ﻣﻦ ﺧﻼﻝ ﺳﻮﺍﻟﻔﻬﺎ ﻛﺎﻟﺖ ﺍﻟﻬﺎ ﺟﻮﻟﻴﻴﺖ ﺑﺒﺘﺴﺎﻣﻪ ... ﺗﺪﺭﻳﻦ ﺍﺗﻤﻨﺊ ﺍﺷﻮﻓﺞ ﺯﻫﺮﺍﺀ ﻟﺰﻣﺖ ﺍﺩﻳﻬﺎ ﺑﺤﺰﻥ ﻭﺍﺑﺘﺴﻤﺖ ﺑﻴﻨﺖ ﻏﻤﺎﺯﺍﺗﻬﺎ ﻭﺭﺩﺕ ﻋﻠﻴﻬﺎ ... ﻳﻌﻤﺮﻱ ﺍﻧﺘﻲ ﺍﻥ ﺷﺎﺀ ﺍﻟﻠﻪ ﺗﻔﺘﺤﻴﻦ ﻋﻴﻮﻧﺞ ﻭﺗﺸﻮﻓﻴﻨﻲ ﻭﺍﻟﻠﻪ ﺍﻋﺰﻣﺞ ﻭﺗﻌﺰﻣﻴﻨﻲ ﻭﻧﺼﻴﺮ ﺻﺪﻳﻘﺎﺕ ﺍﺑﺘﺴﻤﺖ ﺟﻮﻟﻴﻴﺖ ... ﺍﻥ ﺷﺎﺀ ﺍﻟﻠﻪ ﺍﻧﻲ ﺭﻏﻢ ﻫﺴﻪ ﻣﺎ ﺷﺎﻳﻔﺘﺞ ﺑﺲ ﺣﺒﻴﺘﺞ ﻭﻟﻮ ﺟﻨﺖ ﺍﻛﺮﻫﺞ ﺣﻴﻴﻞ ﺭﻓﻌﺖ ﺣﺎﺟﺐ ﺑﺘﻔﺎﺟﺊ ﻭﻫﻲ ﺗﺨﻔﻲ ﺿﺤﻜﺘﻬﺎ ... ﻫﻬﻪ ﻋﺰﺍﺍﺍ ﻟﻴﺶ ﺟﻨﺘﻲ ﺗﻜﺮﻫﻴﻨﻲ ﺷﻤﺴﻮﻳﺘﻠﺞ ﺍﻧﻲ ﺭﺩﺕ ﻋﻠﻴﻬﺎ ﺑﺘﻨﻬﻴﺪﻩ ﻭﺍﺑﺘﺴﺎﻣﻪ ﺣﺰﻳﻨﻪ ... ﻻ ﻫﻴﻴﺞ ﻣﻮﺿﻮﻉ ﻗﺪﻳﻢ ﺑﻌﺪﻳﻦ ﺍﻛﻮﻟﺞ ﻋﻨﻪ ﺿﺤﻜﺖ ... ﺍﺫﺍ ﻋﻠﺊ ﺍﺑﻮﻳﻪ ﺍﻧﻄﺎﻧﻲ ﺍﻟﺰﻭﺟﺞ ﻓﺎﻧﻲ ﻣﺎ ﻗﺒﻠﺖ ﻋﻠﻴﻪ ﻭﺗﻌﺎﺭﻛﺖ ﻭﻳﺎﻩ ﻭﺍﻧﻲ ﻣﻦ ﺍﻭﻝ ﻳﻮﻡ ﺍﻟﻲ ﺑﻲ ﺭﺿﺎ ﺳﺎﻋﺪ ﺑﺎﺑﺎ ﻭﺍﻧﻲ ﺟﻨﺖ ﺍﺗﻤﻨﺊ ﺍﺗﺰﻭﺟﻪ ﻟﺬﻟﻚ ﺍﺑﻮ ﻣﺮﺗﻀﺊ ﺳﻮﺍﻟﻨﻪ ﺧﺪﻣﻪ ﻣﻨﻨﺴﺎﻫﺎ ﺍﻟﻪ ﻫﻬﻬﻬﻬﻬﻪ ﺍﻧﻲ،ﺿﺤﻜﺖ ... ﻫﻬﻬﻬﻬﻪ ﻓﺪﻭﻩ ﺍﺧﻮﻳﻪ ﺧﺎﻃﺒﻴﻨﻪ ﻭﺍﺣﻨﻪ ﻣﺎ ﻧﺪﺭﻱ ﺑﺲ ﻭﺍﻟﻠﻪ ﺷﺊ ﺣﻠﻮ ﻫﻲ ﻟﺰﻣﺖ ﺍﻳﺪ ﺟﻮﻟﻲ ... ﺟﻮﻟﻴﻴﺖ ﻻ ﺗﻀﻮﺟﻴﻦ ﻣﻦ ﻫﺬﺍ ﺍﻟﺸﺊ ﺍﻧﺘﻲ ﺻﺞ ﺣﺎﻗﺪﻩ ﻋﻠﻴﻪ ﺑﺲ ﺍﻧﻲ ﻫﻢ ﺣﺎﻗﺪﻩ ﻋﻠﻴﺞ ﻫﻬﻬﻬﻬﻬﻬﻪ ﺍﺧﺘﻔﺖ ﺍﺑﺘﺴﺎﻣﺘﻬﺎ ﺑﺬﺑﻮﻝ .... ﻳﺎﺍﺍﺍ ﻋﺰﺍ ﻟﻴﺶ ﺍﻧﻲ ﻣﻤﺴﻮﻳﻪ ﺷﺊ ﻋﻀﺖ ﻋﻠﺊ ﺷﻔﺎﻳﻔﻬﺎ ﻭﻣﺎ ﻛﺪﺭﺕ ﺗﺘﺤﻤﻞ ﻛﺎﻟﺖ ... ﻭﺍﻟﻠﻪ ﺭﺿﺎ ﻳﻜﻮﻝ ﻣﺮﻩ ﻣﻦ ﺍﻟﻤﺮﺍﺕ ﻓﺎﺗﺖ ﺯﻭﺟﺔ ﺟﺎﺳﺮ ﻫﻲ ﻭﺍﻣﻬﺎ ﺍﻧﻲ ﻣﺎ ﺟﻨﺖ ﺍﻋﺮﻓﻬﺎ ﺯﻭﺟﺘﻪ ﻭﺟﻨﻪ ﻭﺍﻛﻔﻴﻦ ﻋﻠﺊ ﺍﻟﺸﺎﺭﻉ ﻭﻛﺘﻠﻪ ﺟﺎﺳﺮ ﺷﺎﻑ ﺫﺍﻙ ﺍﻟﻄﻴﺮ ﺍﻟﻤﻠﻮﻥ ﺍﻟﻴﻤﺸﻲ ﺷﻜﺪ ﺣﻠﻮ ﻭﺟﺎﺳﺮ ﻳﺒﺎﻭﻉ ﻟﻴﻔﻮﻙ ﻳﻜﻮﻝ ... ﻭﻳﻦ ﺷﻮ ﺍﻟﺴﻤﺎ ﻣﺎ ﺑﻴﻬﺎ ﻭﻻ ﻃﻴﺮ ﻛﺘﻠﻪ ... ﻻ ﻭﻟﻚ ﺫﺍﻙ ﺍﻟﻄﻴﺮ ﺍﻟﻴﻤﺸﻲ ﻭﻳﻪ ﺍﻣﻪ ﻋﻠﺊ ﺍﻟﻜﺎﻉ ﺷﻮ ﻣﺎ ﺍﺷﻮﻑ ﺍﻟﻪ ﺍﻧﺴﻤﻄﺖ ﺑﺮﺍﺷﺪﻱ ﺍﻧﺼﺪﻣﺖ ﺑﺎﻭﻋﺘﻠﻪ ﺑﻐﻀﺐ ﻛﺘﻠﻪ ... ﻟﻚ ﺷﻠﻮﻭﻭﻥ ﺗﻀﺮﺑﻨﻲ ﻭﻟﻴﻴﻴﺶ ﻳﺎ ﻛﻠﺐ ؟ ﺭﺩ ﻋﻠﻴﻪ ﻣﻦ ﺑﻴﻦ ﺍﺳﻨﺎﻧﻪ ... ﻣﺎﻛﻮ ﻏﻴﺮﻙ ﻛﻠﺐ ﻳﺎ ﺍﺑﻦ ﺍﻟﻜﻠﺐ ﻫﺎﻱ ﻣﺮﺗﻲ ﻛﻤﻠﺖ ﺑﻀﺤﻜﺔ ﻛﺎﻟﺖ ... ﻫﻬﻬﻬﻬﻬﻪ ﺭﺿﺎ ﻳﻜﻮﻝ ﺑﻴﻮﻣﻬﺎ ﻓﺸﻠﺖ ﻓﺸﻠﻪ ﻭﻣﻦ ﻳﻮﻣﻬﺎ ﺑﻄﻠﺖ ﺍﺗﻐﺎﺯﻝ ﺑﺄﻱ ﻭﺣﺪﻩ ﻛﺪﺍﻡ ﺟﺎﺳﺮ ﺿﺤﻜﺖ ﺟﻮﻟﻴﻴﺖ ﻭﺣﻄﺖ ﺍﻳﺪﻫﺎ ﻋﻠﺊ ﺷﻔﺎﻳﻔﻬﺎ ... ﻳﺎﺍﺍ ﻫﻬﻬﻬﻪ ﺍﺷﻮ ﻣﻜﺎﻟﻲ ﺟﺎﺍﺍﺳﺮ ﻟﻮ ﻛﺎﻳﻠﻲ ﺟﺎﻥ ﺿﻠﻴﺖ ﺷﻮﻳﻪ ﺍﺗﻌﻴﻘﻞ ﻋﻠﻴﻪ ... ﻟﺰﻣﺖ ﺍﻳﺪ ﺟﻮﻟﻲ ﻭﻃﺒﻄﺒﺖ ﻋﻠﻴﻬﺎ ... ﺍﻱ ﻋﻴﻨﻲ ﻫﻢ ﺍﻟﺰﻟﻢ ﺍﻟﻠﻮﺍﺗﻪ ﻣﺎ ﻳﻌﺘﺮﻓﻮﻥ ﺑﺠﻤﺎﻟﻨﻪ ﻫﻬﻬﻬﻪ ﺣﺘﺊ ﻣﺎ ﻧﻨﻐﺮ ﻋﻠﻴﻬﻢ ... ﺟﻮﻟﻴﻴﺖ ﻛﻠﺘﻠﻬﺎ ... ﺍﻧﺘﻲ ﺣﻠﻮﻩ ؟ ﺭﺩﺕ ﻋﻠﻴﻬﺎ ﺑﺴﺮﻋﻪ ... ﻣﻮ ﻫﻠﻜﺪ ﻫﻬﻬﻬﻪ ﺑﺲ ﺻﺪﻛﻴﻨﻲ ﻣﺨﺒﻠﻪ ﺭﺿﺎ ﺍﻛﻮﻟﻪ ﺷﺎﻓﺘﻨﻲ ﻓﻼﻧﻪ ﻭﻛﺎﻟﺖ ﺗﺠﻨﻦ ﺷﺎﻓﺘﻨﻲ ﻋﻼﻧﻪ ﻭﻛﺎﻟﺖ ﻣﺎ ﻋﻨﺪﺝ ﺍﺧﺖ ﺷﻬﻞ ﺟﻤﺎﻝ ﻫﻨﻴﺎﻝ ﺯﻭﺟﺞ ﺍﻧﻲ ﺿﺤﻜﺖ ﻛﻠﺘﻠﻬﺎ ... ﻭﻫﻮ ﻣﺼﺪﻛﺞ ﺭﺩﺕ ﺑﺜﻘﻪ ... ﻻ ﻣﻤﺼﺪﻙ ﻳﻬﺰ ﺑﻴﺪﻩ ﻫﻬﻬﻬﻬﻬﻬﻪ ﺿﺤﻜﺖ ﺟﻮﻟﻴﺖ ... ﻻ ﻻ ﻣﺒﻴﻨﻪ ﺗﺨﺒﻠﻴﻦ ﺭﺩﻳﺖ ﻋﻠﻴﻬﺎ ﻭﺍﻧﻲ ﺍﺑﺎﻭﻋﻠﻬﺎ ... ﺍﻱ ﻭﺍﻟﻠﻪ ﺗﺠﻨﻦ ﻛﻮﻭﻭﻟﺶ ﺣﻠﻮﻩ ﻭﻋﻨﺪﻫﺎ ﻏﻤﺎﺯﻩ ﺭﺩﺕ ﺑﻀﺤﻜﻪ ... ﺭﺿﺎ ﻳﻜﻮﻝ ﻻ ﺗﻨﻐﺮﻳﻦ ﺑﻐﻤﺎﺯﺍﺗﺞ ﺗﺮﺉ ﺗﺸﻮﻫﻪ ﺧﻠﻘﻲ ﻭﺍﻧﻲ ﺍﻛﻮﻟﻪ ﺍﻟﺸﻴﺐ ﻫﻢ ﺗﺸﻮﻫﻪ ﺧﻠﻘﻲ ﻫﻬﻬﻬﻪ ﻳﻜﻮﻝ ﻻ ﺍﻟﺸﻴﺐ ﻭﻗﺎﺭ ﺭﺩﺕ ﺻﺒﺮﻳﻪ ... ﻭﻗﺎﺭ ﺷﺠﺎﺑﻬﺎ ﺑﺎﻟﻨﺺ ﻛﻮﻭﻥ ﻳﺴﻤﻌﻪ ﺣﻮﻳﺒﺮ ﻳﺠﻴﺐ ﺍﺳﻢ ﻭﻗﻴﺮﻩ ﺍﻟﻪ ﻳﺬﺑﺤﻪ ﻭﻟﻮ ﺟﺎﺑﺮ ﺍﺑﻮ ﺍﻟﻤﺘﻌﻪ ﻣﺎ ﻳﺤﺠﻲ ﻛﻮﻥ ﻳﺴﻤﻌﻪ ﺟﻮﻳﺴﺮ ﻻ ﻭﺭﻭﺡ ﺍﻣﻲ ﻳﻤﻮﺗﻪ ﺣﻼﻝ ... ﺿﻠﻴﻨﻪ ﻧﺴﻮﻟﻒ ﻭﻧﻀﺤﻚ ﺷﻜﺪ ﺣﻠﻮﻩ ﺍﻟﻜﻌﺪﻩ ﻭﻳﺎﻫﺎ ﻭﻣﺮﻳﺤﻪ ﻭﻫﻲ ﻓﻄﻴﺮﻩ ﺗﻀﺤﻚ ﻋﻠﺊ ﻛﻮﻭﻭﻟﺸﻲ ﻋﻠﺊ ﺍﻱ ﻛﻠﻤﻪ ﻭﺗﺤﺠﻲ ﺍﻟﻌﻠﻴﻬﺎ ﺍﻟﻤﻮ ﻋﻠﻴﻬﺎ ﺷﺨﺼﻴﺘﻬﺎ ﺣﻠﻮﻩ ﻭﻣﺤﺒﻮﺑﻪ ﺣﻴﻴﻴﻞ ﺍﺧﺬﺕ ﺭﻗﻤﻬﺎ ﺍﺗﻮﺍﺻﻞ ﻭﻳﺎﻫﺎ ... ﻭﺍﻡ ﻧﺼﻴﺮ ﻛﺎﻟﺖ ﺍﻟﺠﻮﻟﻴﻴﺖ ﻭﺍﻟﻠﻪ ﻧﻮﺍﻝ ﻣﻮﺗﺘﻬﺎ ﺍﻟﺞ ﺗﻤﻮﺕ ﻭﺍﻟﺒﺎﺭﺣﻪ ﺍﺟﻪ ﺍﺑﻮ ﻣﺮﺗﻀﺊ ﻛﺎﻝ ﺍﺭﻳﺪ ﺍﺳﻤﻊ ﺻﻮﺗﻬﺎ ﺑﺎﻟﻘﺮﺍﻥ ﻣﻦ ﺩﺭﻳﺖ ﺑﻴﺞ ﻓﻘﺪﺗﻲ ﺍﻟﻨﻈﺮ ﻣﻮﺗﺘﻬﺎ ﺣﻼﻝ ﺧﻠﻴﺖ ﺻﻮﺗﻬﺎ ﻭﺻﻞ ﺍﻟﺠﺎﺳﺮ ... ﻭﺭﺍﺡ ﻧﺮﻓﻌﻬﺎ ﻣﺤﻜﻤﻪ ﻭﺍﻥ ﺷﺎﺀ ﺍﻟﻠﻪ ﺣﻘﺞ ﻣﻨﻬﺎ ﻣﺎ ﻳﻀﻴﻊ ﺭﺩﺕ ﻋﻠﻴﻬﺎ ﺻﺒﺮﻳﻪ ﻭﻫﻲ ﺗﻌﺾ ﺍﺻﺒﻌﻬﺎ ... ﻛﻮﻭﻥ ﺍﻧﻪ ﻣﻮﺟﻮﺩﻩ ﻻ ﻛﻮﻥ ﺍﻧﻪ ﺷﺮﻃﻴﻪ ﺍﻟﻪ ﺍﻛﺺ ﺑﺮﺍﻃﻤﻬﺎ ﻭﺍﺧﻠﻴﻬﺎ ﺑﺪﻭﻥ ﺑﺮﺍﻃﻢ ﻫﻞ ﻋﺎﺭ ﻫﺎﻱ ... ﺿﻠﻴﻨﻪ ﻧﻀﺤﻚ ﺑﺲ ﺟﻮﻟﻲ ﺟﺎﻧﺖ ﺣﺰﻳﻨﻪ ﻭﻣﻦ ﺍﻧﺬﻛﺮ ﺍﺳﻢ ﻧﻮﺍﻝ ﺑﻬﺘﺖ ﻣﻼﻣﺤﻬﺎ ﻭﺍﻧﻌﻘﺪﺕ ﺣﻮﺍﺟﺒﻬﺎ ... ﺑﻌﺪﻫﺎ ﺗﻌﺒﺖ ﻫﻲ ﺍﺟﺖ ﺍﻟﻤﻤﺮﺿﻪ ﺿﺮﺑﺘﻬﺎ ﺍﺑﺮﻩ ﻭﻧﺎﻣﺖ ﻭﺍﺣﻨﻪ ﻃﻠﻌﻨﻪ ﻭﺯﻫﺮﺍﺀ ﺭﺍﺣﺖ ﻫﻲ ﻭ ﺯﻭﺟﻬﺎ ﻭﺿﻞ ﺑﺲ ﻋﻤﻲ ﻭﺍﻧﻮﺏ ﺍﺟﻪ ﺻﻼﺡ ﻭﺟﻌﻔﺮ ﻭﺍﺟﻪ ﺷﻴﺦ ﻋﺸﻴﺮﺓ ﺟﻮﻟﻴﻴﺖ ﻭﻳﺎﻩ ﻭﻟﺪ ﺷﺎﺏ ﺳﻠﻤﻮ ﻋﻠﺊ ﺟﺎﺳﺮ ﺑﺲ ﺟﺎﻧﻮﺍ ﺷﻮﻳﻪ ﺿﺎﻳﺠﻴﻦ ﻭﻣﻘﻬﻮﺭﻳﻦ ﻋﺒﺎﻟﻬﻢ ﺟﺎﺳﺮ ﻫﻮ ﺍﻟﻲ ﺿﺮﺑﻬﺎ ﺑﺲ ﻋﻤﻲ ﻛﻠﻬﻢ ﺿﺮﺑﺘﻬﺎ ﺯﻭﺟﺔ ﺍﻟﻤﺮﺣﻮﻡ ﻓﻼﺡ ﺑﺲ ﻫﻢ ﻣﺎ ﺻﺪﻛﻮﺍ ﺟﺎﻥ ﻋﻨﺪﻫﻢ ﺷﻚ ... ﻭﺟﺎﺳﺮ ﻣﺎ ﺍﻫﺘﻢ ﺍﻟﻬﻢ ﻭﺟﺎﻥ ﺿﺎﻳﺞ ﻣﻦ ﻭﺟﻮﺩﻫﻢ ﻭﻳﺨﻮﺯﺭ ﺑﻴﻬﻢ ... ﻭﻫﺬﺍ ﺍﻟﻮﻟﺪ ﺍﻟﺸﺎﺏ ﻛﺎﻝ ... ﺍﻧﺮﻳﺪ ﻧﺸﻮﻓﻬﺎ ﺭﺩ ﻋﻠﻴﻪ ﺟﺎﺳﺮ ﺑﻐﻀﺐ ... ﺧﻴﻴﺮ ﺷﻨﻮ ﺗﺸﻮﻓﻬﺎ ﻫﻲ ﺗﺎﻳﻬﻪ ﻣﻨﻮ ﻳﺠﻲ ﻳﺪﺧﻞ ﻻ ﻳﺎﺑﻪ ﻣﻤﻨﻮﻉ ﻭﺍﺣﺪ ﻳﺪﺧﻞ ﻋﻠﻴﻬﺎ ﺍﻟﻨﻔﺲ ﻣﻮ ﺯﻳﻦ ﻋﻠﻴﻬﺎ ﺍﻟﺸﻴﺦ ﺭﺩ ﻋﻠﻴﻪ ﺑﺲ ﺍﺣﻨﻪ ﺣﺎﺑﻴﻦ ﻧﺸﻮﻓﻬﺎ ... ﺟﺎﺳﺮ ﺭﺩ ﺑﺒﺮﻭﺩ ... ﻣﺎ ﻳﺼﻴﺮ ﻋﻮﺩ ﻣﻦ ﺗﺘﺤﺴﻦ ﺣﺎﻟﺘﻬﺎ ﺍﻥ ﺷﺎﺀ ﺍﻟﻠﻪ ﺗﺠﻮﻥ ﻭﺗﺸﻮﻓﻮﻫﺎ ﻭﺑﺲ ﺍﻧﺖ ﺷﻴﺦ ﺗﺪﺧﻞ ﻭﺭﺟﻊ ﺑﺎﻭﻉ ﻟﻠﻮﻟﺪ ﺍﻟﺸﺎﺏ .. ﻭﺍﻧﻲ ﻣﺮﺗﻲ ﻣﺎ ﻣﺨﻠﻴﻬﺎ ﺗﺴﺘﻌﺮﺽ ﺣﺘﺊ ﻛﻞ ﺷﻮﻳﻪ ﻭ ﻭﺍﺣﺪ ﺩﺧﻞ ﻋﻠﻴﻬﺎ ﻭﺑﻌﺪﻳﻦ ﻫﻲ ﺣﺎﻟﺘﻬﺎ ﻣﺎ ﺗﺴﻤﺢ ﺍﻧﺘﻢ ﻣﺎ ﺗﻌﺮﻓﻮﻥ ﺑﺰﻳﺎﺭﺓ ﺍﻟﻤﺮﻳﺾ ... ﺑﺲ ﻣﻮ ﻫﻴﺞ ﻫﻮ ﻟﺒﮓ ﻋﻠﻴﻬﻢ ﻟﺒﮓ ﻃﻠﻌﻬﻢ ﻫﻢ ﺍﻟﻐﻠﻄﺎﻧﻴﻦ ﻋﺎﺩ ﻫﻢ ﺧﻠﻮ ﻭﺭﺍﺣﻮ ﺑﺲ ﺍﻟﺸﻴﺦ ﻛﻠﻪ ﺗﺮﺉ ﺟﻮﻟﻴﻴﺖ ﺑﻨﺘﻨﺎ ﻭﺍﺫﺍ ﺍﺣﺪ ﻏﻴﺮ ﺯﻭﺟﺔ ﺍﺧﻮﻛﻢ ﺿﺎﺭﺑﻬﺎ ﺗﺮﺉ ﺍﺣﻨﻪ ﻭﻳﺎﻛﻢ ﻛﻮﻡ ﺭﺩ ﻋﻠﻴﻪ ﺟﺎﺳﺮ ... ﺍﻱ ﺗﻤﺎﻡ ﺍﻓﺘﻬﻤﺘﻚ ﺍﻧﻲ ﻣﺎ ﺍﻟﻲ ﺧﻠﻚ ﺍﺑﺮﺭ ﻻﻥ ﺑﺼﺮﺍﺣﻪ ﻣﻠﻴﺖ ﻣﻦ ﺍﻟﻜﻼﻡ ﻭﺍﻟﺘﺮﺩﻭﻥ ﺗﻔﻬﻤﻮﺍ ﺍﻓﻬﻤﻮﺍ ﺑﻜﻴﻔﻜﻢ ﺑﻌﺪﻫﺎ ﺧﻠﻮ ﻭﺭﺍﺣﻮ ﻭﺟﺎﺳﺮ ﺣﺠﻪ ﻭﻳﺎﻱ ﻛﺎﻝ ... ﻭﻗﺎﺭ ﺍﺭﻳﺪ ﺗﺎﺧﺬﻳﻦ ﺍﺷﻮﺍﻕ ﻭﺍﺭﻳﺪﺝ ﺗﺮﺣﻦ ﺗﻨﻀﻔﻦ ﺑﻴﺘﻲ ﻭﺗﺮﺗﺒﻨﻪ ﻭﺧﻠﻲ ﺟﻌﻔﺮ ﻳﺠﻴﺐ ﺷﻜﻮ ﻧﻮﺍﻗﺺ ﻻﻥ ﺍﻧﻲ ﺍﺭﻳﺪ ﻣﻦ ﺍﻃﻠﻊ ﺟﻮﻟﻲ ﺍﻃﻠﻌﻬﺎ ﻛﺒﻞ ﺍﻟﺒﻴﺘﻲ ﻣﺎ ﺗﺮﻭﺡ ﺍﻟﺒﻴﺖ ﺍﻫﻠﻲ ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﺻﺪﻙ ﺭﺣﻨﻪ ﻭﻣﻨﺎ ﻭﺭﺣﺖ ﺍﻧﻲ ﻭﺷﻬﺪ ﻭ ﻭﺍﺷﻮﺍﻕ ﻭﺟﻌﻔﺮ ﻭﺧﺎﻟﺘﻲ ﺻﺒﺮﻳﻪ ﻫﻢ ﺭﺍﺣﺖ ﻭﻳﺎﻧﻪ ﺍﺧﺬﻧﻪ ﻛﻞ ﺃﻏﺮﺍﺿﻬﺎ ﻭﻣﻼﺑﺴﻬﺎ ﻭﺍﺧﺬﻧﻪ ﻏﺮﻓﺔ ﻧﻮﻡ ﺟﺎﺳﺮ ﺧﻠﻴﻨﺎﻫﺎ ﺑﺒﻴﺘﻬﻢ ... ﻭﺍﻥ ﺷﺎﺀ ﺍﻟﻠﻪ ﺑﻌﺪ ﻛﻢ ﻳﻮﻡ ﻭﺗﻄﻠﻊ ... ﻧﻀﻔﻨﻪ ﺍﻟﺒﻴﺖ ﻭﺟﻌﻔﺮ ﺻﺎﻋﺪ ﻋﻠﺊ ﺍﻟﺪﺭﺝ ﻭﻳﺸﻜﻞ ﺑﺎﻟﮕﻠﻮﺏ ﻭﺷﻬﺪ ﻻﺯﻣﻪ ﺍﻟﺪﺭﺝ ﺍﻟﻪ ﻭﻣﺨﻠﺼﺘﻬﺎ ... ﺣﻴﺎﺗﻲ ﻻ ﺗﻮﻛﻊ ﻣﻦ ﺍﻟﺪﺭﺝ ﻭﻫﻮ ﻳﺮﺩ ﻋﻠﻴﻬﺎ .. ﺍﺫﺍ ﺍﻭﻛﻊ ﻋﻠﻴﺞ ﺍﻟﻪ ﺍﻃﻠﻊ ﺍﻟﻄﻔﻞ ﻣﻦ ﺧﺸﻤﺞ ﻭﺍﺭﺩﻑ ﻋﻠﻴﻬﺎ ﺑﺤﺐ ... ﻳﻮﻡ ﺍﻻﺣﻄﺞ ﺑﺒﻴﺖ ﻭﺍﺣﺮﻙ ﻛﻠﺐ ﻭﺟﻬﻪ ﺍﻟﻄﺎﻭﻩ ﺣﺮﻙ ﺭﺩﺕ ﻋﻠﻴﻪ ﺑﺤﺰﻥ ... ﺗﺘﺬﻛﺮ ﻣﻦ ﻃﻠﻜﺘﻨﻲ ﻋﻠﺊ ﻣﻮﺩﻫﺎ ﺟﺎﻭﺑﻬﺎ ﺑﻘﺮﻑ ... ﻃﺎﺡ ﺣﻀﻲ ﻋﻠﺊ ﻫﻞ ﻋﻤﻠﻪ ﻭﺟﻬﻪ ﺍﻟﻄﺎﻭﻩ ﺍﻃﻠﻜﺞ ﺍﻟﺨﺎﻃﺮﻫﺎ ﺷﺠﻨﺖ ﺍﺣﺲ ﻛﺒﺮ ﻛﺒﺮ ﺍﻱ ﻭﺍﻟﻠﻪ ﻟﺰﻣﺖ ﺷﻌﺮﻫﺎ ﺑﺪﻟﻊ ... ﻻ ﺍﺳﻢ ﺍﻟﻠﻪ ﺣﺒﻴﺒﻲ ﻳﻨﻈﺮ ﻋﻴﻨﻲ ﻳﻮﺗﻴﻨﻲ ﻋﺾ ﺷﻔﺘﻪ ﺑﻘﻬﺮ ... ﺍﻟﻠﻪ ﻳﻠﻌﻦ ﻫﻞ ﺩﺭﺝ ﺍﻟﺒﺎﻋﺪﻧﻲ ﻋﻨﺞ ﺟﺎﻭﺑﺘﻬﻢ ﺍﺷﻮﺍﻕ ﺑﻘﺮﻑ ... ﻟﻌﺒﺘﻮﺍ ﻧﻔﺴﻨﺎ ﺍﻧﺘﻢ ﻭﻏﺰﻟﻜﻢ ﺍﻟﻤﺎﺻﺦ ﻣﺜﻠﻜﻢ ﻭﺍﻧﺘﻲ ﻋﻴﻨﻲ ﺷﻬﺪ ﺍﻟﺸﻤﺮﻱ ﻣﺎ ﺗﺮﺣﻴﻦ ﺗﺨﻠﺼﻴﻠﺞ ﺷﻐﻠﻪ ﺑﺪﻝ ﻣﺎ ﻣﻜﺎﺑﻠﻪ ﻧﺰﺍﺭ ﻗﺒﺎﻧﻲ ﺭﺩ ﻋﻠﻴﻪ ﺑﺪﻭﻥ ﻧﻔﺲ ... ﻫﺴﻪ ﺗﻌﻴﺒﻴﻦ ﻣﻦ ﺣﻼﺓ ﺭﺟﻠﺞ ﺟﻨﻪ ﻣﻴﺘﺎﺏ ﺑﺸﺒﺎﺑﻪ ﺧﺨﺨﺨﺨﺦ ﺭﻓﺴﺖ ﺍﻟﺪﺭﺝ ﺍﺟﻪ ﻳﻮﻛﻊ ﻛﺎﻟﺖ ﺑﻐﻀﺐ ... ﻳﺎﺍﺍ ﻭﺍﻟﻠﻪ ﺍﻧﺖ ﺍﺣﻠﺊ ﻣﻨﻪ ﺭﺩ ﻋﻠﻴﻪ ﺑﺨﻮﻑ ﻭﻫﻮ ﻻﺯﻡ ﺍﻟﺪﺭﺝ ... ﻻ ﻻ ﻋﻤﻲ ﻫﻮ ﺍﺣﻠﺊ ﺑﺲ ﺧﻠﻮﻧﻲ ﺍﻧﺰﻝ ﻻ ﺍﺗﻜﺴﺮ ﻭ ﻭﺟﻬﻪ ﺍﻟﻄﺎﻭﻩ ﺩﻛﻮﻝ ﺣﻮﺑﺘﻲ ... ﺷﻬﺪ ... ﻫﻬﻬﻬﻪ ﺍﻱ ﺗﺸﻮﺭ ﺭﺍﺡ ﺍﺧﺬ ﻋﻠﮓ ﻣﻦ ﺛﻮﺑﻬﺎ ﺍﻃﻠﺐ ﻣﺮﺍﺩ ﺟﻌﻔﺮ ... ﺧﺨﺨﺨﺦ ﻫﺴﻪ ﻭﺟﻬﻪ ﺍﻟﻄﺎﻭﻩ ﻫﻨﺎﻙ ﺑﺎﻟﺴﺠﻦ ﺗﺼﻴﺮ ﻣﺜﻠﻲ ﺍﻧﻲ ﻣﻮ ﻓﺘﺤﺖ ﺣﻼﻗﻪ ﻫﻲ ﺗﻔﺘﺢ ﺗﻜﻴﻪ ﻭﺗﻜﺘﺐ ﺑﻴﻬﺎ ﺍﻡ ﺳﺠﺎﻭﻱ ﻟﻔﻚ ﺍﻟﻌﺎﺭﺽ ﻭﺍﻟﻤﺲ ﻻﺭﺟﺎﻉ ﺍﻟﻤﻄﻠﻘﻪ ﻭ ﺯﻭﺍﺝ ﺍﻟﻌﺎﻧﺲ ﻭﺗﻄﻠﻴﻖ ﺍﻟﻤﺘﺰﻭﺟﻪ ﻭﻫﺠﻢ ﺍﻟﺒﻴﻮﺕ ﻭﺟﻌﻞ ﺯﻭﺟﻜﻲ ﻛﻞ ﻣﻄﻲ ﻭﺭﺍﻛﻲ ﺧﺨﺦ ﺿﻠﻴﻨﻪ ﻧﻀﺤﻚ ﻋﻠﺊ ﺳﻮﺍﻟﻔﻪ ﻧﺰﻝ ﻭﺻﻌﺪﺕ ﺍﺷﻮﺍﻕ ﻫﻲ ﺗﺸﻜﻞ ﺑﺎﻟﻜﻠﻮﺑﺎﺕ ﻭﻫﻮ ﻻﺯﻡ ﺍﻟﻬﺎ ﺍﻟﺪﺭﺝ ﻭ ﺷﻬﺪ ﺗﻨﻀﻒ ﻭﻳﺎﻧﻪ ﻭﻛﻞ ﺷﻮﻳﻪ ﻭﻟﻜﻴﻨﺎﻫﺎ ﻣﺨﺘﻠﻴﻨﻪ ﻫﻲ ﻭﺟﻌﻔﺮ ﺧﺒﻠﻮﻧﻪ ﻣﻮ ﺍﻭﺍﺩﻡ ... ﻭﺍﺧﻴﺮﺍ ﺧﻠﺼﻨﻪ ﺍﻟﺒﻴﺖ ﻭﻗﻔﻠﻨﺎﻩ ﻓﺮﺷﻨﺎﻩ ﻭﺭﺗﺒﻨﺎﻩ ﺻﺎﺭ ﻛﻮﻭﻭﻟﺶ ﺣﻠﻮﻭﻭ ﻭﻣﺤﺘﺎﺝ ﺍﻱ ﺷﺊ ﻭﺻﺒﺮﻳﻪ ﺧﻠﺼﺘﻬﺎ ﻛﺎﻋﺪﻩ ﺑﺎﻟﺤﺪﻳﻘﻪ ﻣﺎﻝ ﺍﻟﺒﻴﺖ ﻭﻣﺨﻠﺼﺘﻬﺎ ﺑﺲ ﺗﺒﺠﻲ ﻭﺗﻨﻮﺡ ﻭﺗﻨﻌﻲ ﻋﻠﺊ ﺟﻜﻠﻴﺘﻪ ... ................................ ﺭﻳﻬﺎﻡ ... ﮔﻌﺪﺕ ﺍﻟﺼﺒﺢ ﺑﻬﻤﺔ ﻭﻧﺸﺎﻁ ﺍﻟﻴﻮﻡ ﺣﺮﻭﺡ ﺍﻗﺪﻡ ﻋﻠﻰ ﺟﺎﻣﻌﺔ ﻭﻃﺎﻳﺮﺓ ﻣﻦ ﺍﻟﻔﺮﺡ ﺍﻟﺤﻤﺪﻟﻠﻪ ﺍﻟﻠﻪ ﻋﻮﺿﻨﻲ ﻋﻠﻰ ﻛﻞ ﺗﻌﺐ ﺗﻌﺒﺘﻪ ﻭﻛﻞ ﻋﺬﺍﺏ ﻭﺃﻟﻢ ﺑﺪﻟﻪ ﺍﺍﻟﻲ ﺧﻴﺮ ﺷﻜﺪ ﻣﺎ ﻳﺸﺘﺪ ﺍﻻﻟﻢ ﺑﺲ ﺩﺍﺋﻤﺎ ﺍﻛﻮ ﺃﻣﻞ .. ﻭﺳﺒﺤﺎﻧﻪ ﻳﻜﻮﻝ ﺑﻜﺘﺎﺑﻪ ﺍﻥ ﻣﻊ ﺍﻟﻌﺴﺮ ﻳﺴﺮﻯ ﻭﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ . ﻛﻤﺖ ﻣﻦ ﺍﻟﺴﺮﻳﺮ ﻭﺻﻼﺡ ﺑﻌﺪﻩ ﻧﺎﻳﻢ ، ﺭﺣﺖ ﺳﻮﻳﺖ ﺭﻳﻮﻙ ﻭﺭﺟﻌﺖ ﻟﻠﻐﺮﻓﺔ ﻛﻌﺪﺗﻪ ﻭﺟﺎﻧﻮﺍ ﻣﺠﺘﺒﺊ ﻭﻣﺮﺗﻀﺊ ﻧﺎﻳﻤﻴﻦ ﻭﺻﻴﺖ ﻋﻠﻴﻬﻢ ﺷﻬﺪ ﻛﻠﺖ ﻗﺒﻞ ﻻ ﺍﺭﻭﺡ ... ﻟﺰﻣﺘﻪ ﻣﻦ ﻛﺘﻔﻪ ﺻﻼﺡ ﺻﻼﺡ ﻛﻮﻭﻡ ﺍﻛﻌﺪ ﺻﻼﺡ ﺣﻨﺘﺄﺧﺮ ﻫﻮ ﻛﻌﺪ ﻣﻨﻌﺲ ﻳﻔﺮﻙ ﺑﻌﻴﻮﻧﻪ ﻭﺍﻧﻲ ﺍﺗﻮﺳﻞ ﺑﻲ ﻳﻜﻌﺪ ﺳﺤﺒﻨﻲ ﺍﻟﻪ ﻭﺑﻮﺳﻨﻲ ﺑﺨﺪﻱ ﺣﻀﻨﺘﻪ ﻣﻦ ﺧﺼﺮﻩ ﻭﻣﺨﻠﻴﻪ ﺭﺍﺳﻲ ﻋﻠﻰ ﺻﺪﺭﻩ ﻭﺍﺣﻨﻪ ﻉ ﻫﺎﻟﻮﺿﻌﻴﺔ ﺭﺟﻊ ﻣﺪﺩﻧﻲ ﻧﻔﻀﺖ ﺭﻭﺣﻲ ﻭﻛﻤﺖ ﺍﺳﺤﺒﻪ ﻣﻦ ﺍﻳﺪﻩ .. ﺩﻛﻮﻡ ﻳﺎﻋﻴﻨﻲ ﻭﺍﻟﻠﻪ ﺗﺄﺧﺮﻧﺎ .. ﻛﺎﻡ ﻭﺣﻀﻦ ﻭﺟﻬﻬﻲ ﺑﺎﺛﻨﻴﻦ ﺍﺩﻳﻪ ﺍﺑﺘﺴﻤﺖ ﺍﻟﻪ ﻭﺳﺤﺒﺘﻪ ﻣﻦ ﺍﻳﺪﻩ ﻭﺭﺣﻨﻪ ﺗﺮﻳﻜﻨﺎ ﻭﺑﻌﺪﻫﺎ ﺭﺣﻨﻪ ﻟﻠﺠﺎﻣﻌﺔ ﻗﺪﻣﺖ ﻋﻠﻰ ﺍﻟﻜﻠﻴﺔ ﻭﺭﺟﻌﻨﺎ ﻟﻠﺒﻴﺖ ﺑﺴﺮﻋﻪ ﻻﻥ ﺍﻃﻔﺎﻝ ﺟﺎﺳﺮ ﺍﻣﺎﻧﻪ ﻋﻨﺪﻱ .. ﻫﺴﺘﻮﻩ ﻓﺎﻳﺘﻴﻦ ﻭﺍﺷﻮﻑ ﺳﺠﻰ ﺑﻨﺖ ﻧﻮﺍﻝ ﻭﺍﻛﻔﺔ ﻛﺒﺎﻝ ﻣﺠﺘﺒﻰ ﻭﻻﺯﻣﺘﻪ ﻣﻦ ﻳﻢ ﻛﺘﻔﻪ ﻭﺗﺴﺤﺐ ﺑﻤﻼﺑﺴﻪ ﻭﺗﻜﻮﻟﻪ ﺍﻧﺠﺐ ﻟﻚ ﺍﻛﺺ ﻟﺴﺎﻧﻚ ﺍﺫﺍ ﺗﺤﺠﻲ ﺍﺑﻦ ﺍﻟﻌﻤﻴﺔ ﺍﻟﻤﻌﻮﻭﻕ ﻭﻫﻮ ﺧﻄﻴﺔ ﻳﺮﻳﺪ ﻳﻔﻠﺖ ﻧﻔﺴﻪ ﻣﻨﻬﺎ ﻭﻳﺼﻴﺢ ﻋﻠﻴﻬﺎ ﺑﻨﺒﺮﺓ ﺑﻜﺎﺀ ﻭﻧﺤﻴﺐ : ﻧﻌﻠﺔ ﺍﻣﺞ ﻭﺩﻩ ﺍﻟﻘﺎﻭﺓ ﺗﺮﻛﺘﻪ ﻭﻛﺮﻓﺼﺖ ﻛﺪﺍﻣﻪ ﺑﻌﺼﺒﻴﺔ ﻭﺿﺮﺑﺘﻪ ﺭﺍﺷﺪﻱ ﺧﻄﻴﺔ ﻭﻛﻊ ﺑﺎﻟﻜﺎﻉ . ﻭﻧﺸﻮﻑ ﻣﺮﺗﻀﻰ ﺟﻠﺐ ﺑﺸﻌﻔﺘﻬﺎ ﻭﻇﻞ ﻳﺠﺮ ﺑﻴﻬﺎ ﻭﺑﻌﺪﻫﺎ ﻗﺮﺏ ﻭﺟﻬﻪ ﻣﻦ ﺭﺍﺳﻬﺎ ﻭﻧﺒﺖ ﺍﺳﻨﺎﻧﻪ ﺑﺮﺍﺳﻬﺎ ﻭﻫﻲ ﻇﻠﺖ ﺗﺤﺮﻙ ﺭﺍﺳﻬﺎ ﻭﺗﺼﺮﺥ ﺑﻮﻭﺟﻊ ﻭﻓﻠﺘﺖ ﺭﻭﺣﻬﺎ ﻣﻨﻪ ﺍﺟﺖ ﺗﺮﻳﺪ ﺗﻀﺮﺑﻪ ﺭﻛﺾ ﻋﻠﻴﻬﻢ ﺻﻼﺡ ﻟﺰﻣﻬﺎ ﻣﻦ ﻛﺘﻔﻬﺎ ﻭﺩﻓﻌﻬﺎ ﺑﺎﻭﻉ ﻟﻤﺠﺘﺒﻰ ﺧﻄﻴﺔ ﻭﺟﻬﻪ ﺍﺣﻤﺮ ﻣﻄﺒﻮﻋﺔ ﺍﺻﺎﺑﻌﻬﺎ ﺍﻟﻘﺎﺳﻴﺔ ﻋﻠﻰ ﺑﺸﺮﺗﻪ ﺍﻟﻨﺎﻋﻤﺔ . ﻛﺎﻡ ﻭﻟﺰﻣﻬﺎ ﻣﻦ ﺯﻧﺪﻫﺎ ﻭﻳﻬﺰ ﺑﻴﻬﺎ ﺑﻌﺼﺒﻴﺔ ﻭﻟﺞ ﺷﻠﻮﻥ ﺗﻀﺮﺑﻲ ﻭﻫﻮ ﺍﻣﻪ ﻣﻤﻮﺟﻮﺩﻩ ﻣﻮ ﺧﻄﻴﻪ ؟؟ ﻭﻟﻴﺶ ﺗﻌﻴﺮﻳﻨﻪ ﺑﺎﻟﻌﻮﻕ ﻣﺘﺨﺎﻓﻴﻦ ﺍﻟﻠﻪ ﻳﺒﻠﻴﺞ ﻣﺜﻠﻪ ﻟﺞ ﺍﻧﺘﻲ ﺷﻨﻮﻭ ﻣﺘﻜﻮﻟﻴﻠﻲ ؟؟ ﻭﻫﻲ ﺭﺩﺕ ﻋﻠﻴﻪ ﺑﻮﻗﺎﺣﻪ ﻭﻫﻴﻪ ﺗﺤﺎﻭﻝ ﺗﻔﻠﺖ ﻧﻔﺴﻬﺎ ﻣﻦ ﻗﺒﻀﺘﻪ : ﻟﻌﺪ ﻣﻮ ﻳﺼﻴﺢ ﺍﻣﺞ ﻭﺟﻬﻪ ﺍﻟﻄﺎﻭﻩ ﻟﻮ ﺍﺣﻨﻪ ﻭﻟﺪ ﺍﻟﺒﻄﻪ ﺍﻟﺴﻮﺩﻩ ﻭﺫﻭﻝ ﻋﻠﺊ ﺭﺍﺳﻬﻢ ﺭﻳﺶ ﻭﻭﺧﺮﺕ ﻣﻨﻪ ﺗﺒﺎﻭﻋﻠﻪ ﺑﻌﺼﺒﻴﺔ ﻭﺗﺨﻮﺯ ﻭﻻﺯﻣﻪ ﺍﻳﺪﻫﺎ ﺗﻔﺮﻙ ﺑﻴﻬﺎ .. ﺗﻘﺮﺏ ﻣﻨﻬﺎ ﻭﻟﺞ ﻻ ﺗﺼﻴﺮﻳﻦ ﻗﻠﻴﻠﺔ ﺍﺩﺏ ﻭﺟﺮﻱ ﻋﺪﻝ ﻻ ﺍﻃﻴﺢ ﺣﻈﺞ ﻭﺍﻋﻴﺪ ﺗﺮﺑﻴﺘﺞ ﻣﻦ ﺟﺪﻳﺪ ﻫﻮ ﻃﻔﻞ ﺍﻧﺘﻲ ﺑﻜﺪﻩ ﻛﺎﻟﺖ ﺑﻮﻗﺎﺣﺔ ﺍﻛﺜﺮ ﻻ ﻭﺍﻟﻠﻪ ﻣﺘﺮﺑﻴﺔ ﺍﻧﻲ ﺍﻧﺘﻮﺍ ﻓﻜﻮﺍ ﻋﻨﻪ ﻭﺧﻠﺼﻮﻧﺎ ﻣﻦ ﻇﻠﻤﻜﻢ ﻇﺎﻟﻤﻴﻦ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺗﻘﺮﺏ ﻣﻨﻬﺎ ﻭﺻﺮﺥ ﺑﻮﺟﻬﻪ ﻭﻟﺞ ﻋﻠﻴﻤﻦ ﺗﺘﺤﺴﺒﻴﻦ ﻫﻮﻭ ﻣﻨﻮ ﺍﻟﻐﻠﻄﺎﻥ ﻫﻨﺎ ﺍﻓﺘﻬﻤﺘﻲ ﻟﻮﻭﻭ ﻻ ؟ ﻣﻐﻠﻄﺎﺍﻧﺔ ﺍﻧﻲ ﺍﻧﺘﻮﺍ ﺍﻟﻐﻠﻂ ﺭﺍﻛﺒﻜﻢ ﻭﺑﺲ ﻋﻠﻴﻨﺎ ﻛﺎﺩﺭﻳﻦ ﻣﺎ ﺑﻴﻜﻢ ﺧﻴﺮ ﻭﺍﺻﻼ ﺍﻧﺘﻢ ﻣﻮ ﺯﻟﻢ ﻣﺎﻣﺎ ﺍﺧﺬﺕ ﺛﺎﺭ ﺍﺑﻮﻛﻢ ﻫﻮ ﺑﻌﺪ ﻣﺎﺗﺤﻤﻞ ﺿﺮﺑﻬﺎ ﺭﺍﺷﺪﻱ ﻓﺮ ﻭﺟﻬﻪ ﻓﺮ .. ﺑﺎﻭﻋﺘﻠﻪ ﺍﻳﺪﻫﺎ ﻋﻠﻰ ﻭﺟﻬﻪ ﻭﻇﻠﺖ ﺗﺒﺠﻲ ﻭﺗﺼﻴﺢ ﻭﺍﻟﻠﻪ ﺍﺭﻭﺡ ﺍﻟﺒﺎﺑﺎ ﻟﻠﻜﺒﻮﺭ ﻭﺍﻛﻠﻪ ﻋﻠﺊ ﺍﻟﺴﻮﻳﺘﻮ ﺑﻴﻨﻪ ﻭﺍﻟﻠﻪ .. ﻳﻌﻨﻲ ﻫﻮ ﺑﺎﺑﺎ ﻟﻮ ﻳﺪﺭﻱ ﺑﻴﻜﻢ ﻫﻴﺞ ﻣﺴﻮﻳﻴﻦ ﺑﻤﺎﻣﺎ ﻳﺴﻜﺖ ﺍﻟﻜﻢ ﻭﺍﻟﻠﻪ ﻣﺎ ﻳﺴﻜﺖ ﻋﻨﺪﻩ ﻣﺎﻣﺎ ﺍﻋﺰ ﻣﻦ ﺭﻭﺣﻪ ﻭﺍﻛﻴﺪ ﻳﻌﺎﻗﺒﻜﻢ ﺑﻬﺎﻻﺛﻨﺎﺀ ﺩﺧﻞ ﺟﻌﻔﺮ ﻭ ﻛﻠﻠﻬﺎ ﻫﻮ ﺍﺑﻮﻭﺝ ﺍﺟﺎﻧﻲ ﺑﺎﻟﺤﻠﻢ ﺯﻋﻼﻥ ﻋﻠﻴﻪ ﻳﻜﻮﻝ ﻫﻮ ﻫﺬﺍ ﻋﻘﺎﺑﻜﻢ ﻟﻮﺟﻬﻪ ﺍﻟﻄﺎﻭﻩ ﻭﻛﺎﻝ ﺭﺍﻳﺢ ﺍﻟﺮﺍﺋﺪ ﺭﺿﺎ ﻭﺍﻡ ﻧﺼﻴﺮ ﺍﺗﺸﻜﺮ ﻣﻨﻬﻢ ﻻﻥ ﺭﻳﺢ ﻛﻠﺒﻲ ﺑﻮﺟﻪ ﺍﻟﻄﺎﻭﻩ ﺑﻘﻰ ﺻﻼﺡ ﻳﺘﻬﺪﺩ ﻋﻠﻴﻬﺎ ﻭﻫﻴﻪ ﻣﺘﺴﻜﺖ ﻣﻠﺴﻮﻭﻧﺔ ﺣﻴﻴﻞ ﻭﻣﺘﺴﺘﺤﻲ ﻭﻻ ﺗﺨﺎﻑ ﻇﻠﻴﺖ ﺍﺗﻮﺳﻞ ﺑﻲ ﻳﺘﺮﻛﻬﺎ ﻭﺑﻌﺪ ﻻ ﻳﻀﺮﺑﻬﺎ ﻣﻮ ﻛﻞ ﺷﻲ ﻳﻨﺤﻞ ﺑﺎﻟﻀﺮﺏ ..... ﻭﻫﻴﻪ ﻣﺮﺍﻫﻘﺔ ﻭﺑﺒﺪﺍﻳﺔ ﻋﻤﺮﻫﺎ ﺍﻣﻬﺎ ﺟﺎﻧﺖ ﻣﺴﻴﻄﺮﺓ ﻋﻠﻴﻬﺎ ﺑﻄﺮﻳﻘﺔ ﻏﻠﻂ ﺍﻟﻤﻔﺮﻭﺽ ﻭﺍﺣﺪ ﻳﻮﺟﻬﻬﺎ ﺑﺎﺗﺠﺎﻩ ﺍﻟﺼﺤﻴﺢ ﺑﻬﺎﻻﺛﻨﺎﺀ ﺍﻧﺪﻛﺖ ﺍﻟﺒﺎﺏ ﻭﺭﺍﺡ ﺟﻌﻔﺮ ﻓﺘﺤﻪ ﻭﺩﺧﻠﻦ ﺍﻃﻴﺎﻑ ﻭﺍﻣﻬﺎ ﻭﻃﺒﻦ ﺑﺎﻻﺳﺘﻘﺒﺎﻝ .... ﻭﺳﺠﻰ ﺭﺍﺣﺖ ﺗﺮﻛﺾ ﺗﺴﻠﻢ ﻋﻠﻴﻬﻦ ﺻﻼﺡ ﺗﻌﺼﺐ ﻣﻦ ﺟﻴﺘﻬﻦ ﻭﻛﺎﻝ ﺑﺼﻮﺕ ﻋﺎﻟﻲ ﻫﺬﻥ ﺷﻌﺪﻫﻦ ﺟﺎﻳﺎﺕ ﻫﺎﺍ ﺷﻌﺪﻫﻦ ﻟﺰﻣﺘﻪ ﻣﻦ ﺍﻳﺪﻩ ﺍﻫﺪﻱ ﺑﻲ ﻓﺪﻭﺓ ﺣﺒﻴﻲ ﺍﻫﺪﺃ ﻋﻴﺐ ﻟﻴﺴﻤﻌﻮﻙ ﻫﺎﻱ ﺧﺎﻟﺔ ﺍﻟﺒﻨﺎﺕ ﺍﻛﻴﺪ ﺟﺎﻳﺔ ﺗﻄﻤﻦ ﻋﻠﻰ ﺑﻨﺎﺕ ﺍﺧﺘﻬﺎ ﻛﺎﻝ ﺑﻬﻤﺔ ﻭﻏﻀﺐ .. ﺍﺭﻭﻭﺡ ﺍﻃﺮﺩﻫﻦ ﻣﺎﺭﻳﺪﻫﻦ ﻫﻨﺎﺍﺍ ﻭﻫﻢ ﺍﻟﻬﻦ ﻋﻴﻦ ﻳﺠﻦ ﻟﺰﻣﺘﻪ ﺑﺘﻮﺳﻞ ﻭﻭﻛﻔﺖ ﺑﻮﺟﻬﻪ ﻻ ﻋﻔﻴﺔ ﻟﺘﺮﻭﻭﻭﺡ ﻓﺪﻭﺓ ﻭﺍﻟﻠﻪ ﻋﻴﺐ ﺧﻄﺎﺭ ﻋﺪﻧﻪ ﺗﻄﺮﺩﻫﻦ ﺑﻌﺪﻧﻲ ﻋﻨﻪ ﺑﺨﻔﺔ ﻭﻫﻮ ﺑﻘﻤﺔ ﻏﻀﺒﻪ ﻭﻳﺄﺷﺮ ﻉ ﺍﻻﺳﺘﻘﺒﺎﻝ ﻭﻳﺤﺠﻲ ﺻﺎﻙ ﺍﺳﻨﺎﻧﻪ ﻫﺬﻥ ﺍﻟﻲ ﻣﺎﺗﺮﺩﻳﻨﻲ ﺍﻃﺮﺩﻫﻦ ﺫﺭﺓ ﺗﺮﺑﻴﻪ ﻣﺎ ﻋﻨﺪﻫﻦ ﻟﺞ ﻫﺎﻱ ﺑﻨﺘﻬﺎ ﺑﻜﻞ ﺻﻼﻓﺔ ﺍﺟﺖ ﺗﻜﻮﻟﻲ ﺍﺣﺒﻚ .. ﺍﻧﺼﺪﻣﺖ ﺑﻜﻼﻣﻪ ﻭﺭﺟﻌﺖ ﺧﻄﻮﺗﻴﻦ ﻟﻠﺨﻠﻒ ﻭﺍﺣﺲ ﺩﻣﻲ ﺍﺷﺘﻌﻞ ﺷﻌﻞ ﺑﺎﻟﻨﺎﺭ ﻫﻮ ﺍﻧﺘﺒﻪ ﻋﻠﻴﻪ ﺗﻘﺮﺏ ﻣﻨﻲ ﻭﺍﻧﻲ ﺭﺣﺖ ﺭﻛﻀﺖ ﻟﻠﻐﺮﻓﺔ ﻧﺰﻋﺖ ﺍﻟﺤﺠﺎﺏ ﻭﺍﺗﺤﺴﺲ ﻭﺟﻬﻲ ﺍﺣﺲ ﺣﺮﺍﺭﺗﻪ ﺍﺭﺗﻔﻌﺖ ﺍﺟﻪ ﻭﺭﺍﻳﻪ ﻭﻗﺮﺏ ﻣﻨﻲ ﺍﺣﺘﻀﻨﻲ ﺑﻴﻦ ﺍﺩﻳﻪ ﻭﻳﺒﻮﺱ ﺑﺨﺪﻱ ﻭﻳﻬﻤﺲ ﻏﻴﺮﺍﻥ ﺣﺒﻴﺒﻲ !! ﺑﺎﻭﻋﺖ ﻋﻠﻴﻪ ﺑﻤﻼﻣﺢ ﻣﺸﺘﻌﻠﺔ ﻭﺷﻔﺎﻳﻔﻲ ﺗﺮﺟﻒ ﻭﺿﺎﻳﺠﺔ ﺣﻴﻞ ﺷﻠﻮﻥ ﻣﺎﺍﻏﺎﺭ !! ﺷﻠﻮﻥ ﻣﺎﺭﻳﺪﻩ ﺑﺲ ﺍﻟﻴﻪ ﺍﺻﻼ ﻣﺎﻋﻴﺶ ﺑﺪﻭﻧﻪ ﺣﺒﻪ ﺗﻐﻠﻐﻞ ﺑﺄﻋﻤﺎﻕ ﺍﻋﻤﺎﻗﻲ ﻭﺻﺎﺭ ﺍﻟﻲ ﻣﺜﻞ ﺍﻟﻤﻲ ﻭﺍﻟﻬﻮﺍ ﻟﻤﺠﺮﺩ ﺍﻧﻮ ﺳﻤﻌﺖ ﻭﺣﺪﺓ ﻛﻠﺘﻠﻪ ﺍﺣﺒﻚ ﻫﺎﻟﺸﻲ ﻳﺰﻟﺰﻝ ﻛﻴﺎﻧﻲ ﻭﻳﻌﺬﺑﻨﻲ ﻋﺬﺍﺏ ﻣﺎﻳﻨﺘﻬﻲ .. ﺑﺎﻭﻋﻠﻲ ﻭﻋﻠﻰ ﻋﻴﻮﻧﻪ ﺍﺑﺘﺴﺎﻣﺔ ﺍﺣﻠﻰ ﻣﻦ ﺍﺑﺘﺴﺎﻣﺔ ﺷﻔﺎﻳﻔﻪ .. . ﻭﺍﻧﻲ ﻏﺮﻛﺖ ﺑﺒﺤﺮ ﻋﻴﻮﻧﻪ ﺍﻟﻲ ﻣﺎﻳﻨﺘﻬﻲ .. ﻇﻞ ﻳﺒﻮﺱ ﺑﺨﺪﻱ ﻭﺍﻧﻲ ﺑﻌﺪﻧﻲ ﺻﺎﻓﻨﺔ ﻭﻇﻞ ﻳﻬﻤﺲ ﺑﺄﺫﻧﻲ ﺍﻧﻲ ﺍﺣﺐ ﻏﻴﺮﺝ !! ﻋﻤﺖ ﻋﻴﻨﻲ ﻭﻟﺞ ﻻ ﺗﻬﺘﻤﻴﻦ ﺗﺮﻭﺡ ﻓﺪﻭﺓ ﻟﺘﺮﺍﺏ ﺍﻟﻲ ﺗﻤﺸﻲ ﻋﻠﻴﻪ ﺭﺟﻠﻴﺞ ﻟﺞ ﺍﺻﻼ ﺍﺣﺘﻘﺮﺗﻬﺎ ﺍﻛﺜﺮ ﻟﺞ ﻣﻤﺘﻘﺎﺭﻥ ﺑﻴﺞ ﻭﺍﻟﻠﻪ ﻟﺘﻀﻮﺟﻴﻦ ﻟﺘﺨﻠﻴﻨﻲ ﻫﺴﻪ ﺍﺭﻭﺡ ﺍﻃﺮﺩﻫﻦ ﻭﺍﻃﻠﻊ ﺣﺮﻛﺔ ﻛﻠﺒﻲ ﺑﻀﻮﺟﺘﺞ ﺑﻴﻬﻦ ﻟﺰﻣﺘﻪ ﻻ ﻟﺘﺮﻭﺡ ﺧﻠﻴﻬﻦ ﻳﺸﻮﻓﻦ ﺍﻟﺒﻨﺎﺕ ﻭﻳﺮﺣﻦ ﻣﻦ ﻛﻴﻔﻬﻦ ﺑﺲ ﺍﻧﺘﻪ ﻟﺘﻄﻠﻊ ﻣﻦ ﺍﻟﻐﺮﻓﺔ ﺍﻟﻰ ﺍﻥ ﻳﺮﻭﺣﻦ ﺍﺧﺬ ﺍﻳﺪﻱ ﻟﺸﻔﺎﻳﻔﻪ ﻭﺑﻮﺱ ﺑﺎﻃﻦ ﻛﻔﻲ ﻭﻇﺎﻫﺮﻩ ﻭﺑﻮﺳﻨﻲ ﻣﻦ ﺧﺪﻱ ﻭﺷﻔﺎﻳﻔﻲ ﻭﺧﻼﻧﻲ ﻋﻠﻰ ﺻﺪﺭﻩ .. ﻭﺑﻌﺪﻫﺎ ﻋﻔﺘﻪ ﻭﻃﻠﻌﺖ ﺷﻔﺖ ﺧﺎﻟﺘﻬﺎ ﺍﻧﻄﺘﻬﺎ ﻋﻼﻛﻪ ﻭﺧﻠﺖ ﻭﺭﺍﺣﺖ ﻭﻫﻲ ﺿﻠﺖ ﺗﻀﺤﻚ ﺍﻧﻮﺏ ﺿﻠﺖ ﺗﺮﺵ ﻣﻲ ﻭﺗﺸﻐﻞ ﺑﺨﻮﺭ ﻭﻣﺪﺭﻱ ﺷﺴﻮﻱ ﻋﺎﺩ ﺍﻧﻲ ﺧﻔﺖ ﺷﺴﻮﻳﺖ ﻏﺴﻠﺖ ﺍﻟﺒﻴﺖ ﺑﻤﻲ ﻭﻣﻠﺢ ﺣﺘﺊ ﻻ ﺳﺎﻣﺢ ﺍﻟﻠﻪ ﺍﺫﺍ ﻣﺴﻮﻳﺎﺕ ﺳﺤﺮ ﻳﺒﻄﻞ ... ﻭﺍﻥ ﺷﺎﺀ ﺍﻟﻠﻪ ﺍﻟﻴﻮﻡ ﺟﻮﻟﻲ ﺗﻄﻠﻊ ﻭﺻﻼﺡ ﻛﺎﻝ ﺍﻟﻌﺸﺎ ﻋﻠﻴﻪ .... ........................ ﺟﻮﻟﻴﻴﺖ ... ﺍﻻﻟﻢ ﺷﻜﺪ ﻣﺎ ﻳﻜﺒﺮ ﻣﺎ ﺗﻜﺪﺭ ﺗﺘﺮﺟﻤﻪ ﺍﻟﺪﻣﻮﻉ ﻭﺷﻜﺪ ﻣﺎ ﻧﺒﺠﻲ ﻣﺮﺍﺡ ﻳﺘﺨﻔﻒ ﻋﻨﻪ ﺍﻻﻟﻢ ﻟﻼﺳﻒ ﻟﺬﻟﻚ ﺍﺣﻨﻪ ﻧﺘﻌﺐ ﻧﻔﺴﻨﺎ ﺑﻨﻔﺴﻨﻪ ... ﻛﺘﺒﻮﻟﻲ ﺧﺮﻭﺝ ﻭﻟﺤﺪ ﺍﻻﻥ ﻣﺎ ﺍﻋﺮﻑ ﺷﻨﻮ ﺍﻟﻘﺮﺍﺭ ﺑﻨﻈﺮﻱ ﻃﻠﻌﻨﻪ ﻣﻦ ﺍﻟﻤﺴﺘﺸﻔﺊ ﺍﻟﻌﺼﺮ ﻫﻮ ﻛﺎﻝ ... ﺍﺧﺬﺝ ﻛﺒﻞ ﻋﻠﺊ ﺑﻴﺘﻨﺎ ﺷﻜﺪ ﺟﻨﺖ ﺍﺗﻤﻨﺊ ﺍﻃﻠﻊ ﺑﺒﻴﺖ ﺍﻟﻮﺣﺪﻱ ﻭﺍﺳﺘﻘﻞ ﺑﻲ ﺟﺎﻧﺖ ﺍﺣﻼﻣﻲ ﺑﺴﻴﻄﻪ ﻣﻮ ﻣﻌﻘﺪﻩ ﻣﺠﺮﺩ ﺑﻴﺖ ﻭﺍﻣﺎﻥ ﺃﻃﻔﺎﻟﻲ ﻳﻜﻮﻧﻮﻥ ﺑﺠﺎﻧﺒﻲ ﻭﻫﻮ ﻳﺼﻴﺮ ﺯﻳﻦ ﻭﻳﺎﻱ ﺗﺤﻘﻖ ﻫﻞ ﺣﻠﻢ ﺑﺲ ﻟﻼﺳﻒ ﻓﻘﺪﺕ ﺍﻋﺰ ﻣﺎ ﺍﻣﻠﻚ ﻭﻛﺎﻥ ﺍﻟﺤﻴﺎﺓ ﺍﺧﺘﻔﺖ ﺑﻨﻈﺮﻱ ﺩﺧﻠﻨﻪ ﻟﻠﺒﻴﺖ ﺟﺎﻧﺖ ﻣﺎﻣﺎ ﺭﺿﻴﻪ ﻫﻨﺎﻙ ﻭﺧﺎﻟﺘﻲ ﺻﺒﺮﻳﻪ ﺍﺟﺖ ﻭﻳﺎﻧﻪ ﻭﻛﻠﻬﺎ ﺟﺎﻧﺖ ﻣﻮﺟﻮﺩﻩ ﻫﻨﺎﻙ ﻣﺘﺠﻤﻌﻴﻦ ﻋﻠﺊ ﺳﻼﻣﺘﻲ ﻭﺻﻼﺡ ﺧﻄﻴﻪ ﻫﻮ ﺟﺎﺏ ﺍﻟﻌﺸﺎ ﺑﺜﻮﺍﺏ ﻭﺟﻬﻪ ﺍﻟﻠﻪ ﺗﻌﺎﻟﺊ ﻭﻓﺪﺍ ﺍﻟﺴﻼﻣﺘﻲ ﻣﺎ ﺳﻤﻌﺖ ﺑﺲ ﺷﻬﻜﻪ ﻃﻔﻮﻟﻴﻪ ﻭﺻﻮﺕ ﻧﺎﺣﺐ ﺑﻌﺪ ﻣﺎ ﺗﻤﺴﻜﻮﺍ ﺑﺮﺟﻠﻴﻪ ﻭﻫﻢ ﻳﺼﻴﺤﻮﻥ ... ﻣﺎﻣﺎ ﻣﺎﻣﺎ ﻣﺎﻣﺎ ﻋﺒﻴﺒﺘﻲ ﻛﻌﺪﺕ ﻋﻠﺊ ﺍﻻﺭﺽ ﺑﺪﻣﻮﻉ ﻭﺣﻀﻨﺘﻬﻢ ﻭﺍﻧﻲ ﺍﺷﻢ ﺑﻴﻬﻢ ﻭﺍﺑﻮﺱ ﺑﻴﻬﻢ ﺑﻌﺸﻮﺍﺋﻴﻪ ... ﻳﻤﻪ ﺍﻃﻔﺎﻟﻲ ﻳﺮﻭﺣﻲ ﻳﮕﻠﺒﻲ ﺍﻧﺘﻢ ﻣﺎﻣﺎ ﺣﺒﻴﺒﻲ ﻣﺠﺘﺒﺊ ﺭﺿﺎﻭﻱ ﺷﻠﻮﻧﻜﻢ ﺭﺩ ﻋﻠﻴﻪ ﻭﺍﺣﺪ ﻣﻨﻬﻢ ﻣﺎ ﻋﺮﻓﺘﻪ ﻣﻨﻮ ﻻﻥ ﻫﻢ ﻧﻔﺲ ﺍﻟﺼﻮﺕ ﻛﺎﻝ ... ﺳﻜﻴﺘﻪ ﺍﻧﻲ ﺍﻋﺒﺞ ﺍﻧﺘﻲ ﻗﻠﻊ ﻣﻨﺞ ﺩﻡ ﻧﻌﻠﻪ ﺍﺑﻮ ﻭﺩﻫﻪ ﺍﻟﻘﺎﻭﻩ ﺑﺴﺘﻪ ﺑﺨﺪﻩ ﻭﺿﺤﻜﺖ ﺑﺤﺰﻥ ... ﻻ ﻣﺎﻣﺎ ﻫﻲ ﺍﻧﻲ ﻣﺒﻴﻪ ﺷﺊ ﺑﺎﺳﻮﻧﻲ ﺛﻨﻴﻨﻬﻢ ﻭﺍﻧﻲ ﺣﻀﻨﺘﻬﻢ ﻭﺍﺑﺠﻲ ﺟﺴﻴﺖ ﺑﺠﺎﺳﺮ ﺭﻓﻌﻨﻲ ﻣﻦ ﺧﺼﺮﻱ ﻭﺍﺣﺘﻀﻨﻲ ﻛﺎﻝ ... ﻳﺎﻟﻠﻪ ﻛﺎﻓﻲ ﺑﺠﻲ ﻭﺍﻧﺘﻢ ﻭﻟﻜﻢ ﺷﻴﺎﻃﻴﻦ ﻻ ﺗﺨﻠﻮﻥ ﻣﺎﻣﺎ ﺗﺒﺠﻲ ﻣﻮ ﺯﻳﻦ ﻋﻠﻴﻬﺎ ﺭﺩ ﻋﻠﻴﻪ ﺍﺑﻮ ﺍﻟﻠﺴﺎﻥ ﻣﺮﺗﻀﺊ ﻋﺮﻓﺘﻬﺎ ﻻﻥ ﻫﻮ ﺩﻭﻡ ﻟﺴﺎﻧﻪ ﻃﻮﻳﻞ ﻭﻳﻪ ﺍﺑﻮ ﻭﺩﻭﻡ ﻳﻌﺾ ﺭﺩ ﻋﻠﻴﻪ ... ﺍﻧﺖ ﺳﻌﻠﻴﻚ ﻫﻲ ﺍﻣﺖ .. ﻭﺍﻟﻠﻪ ﺍﻋﻔﻔﻔﻚ « ﺍﻧﺖ ﺷﻌﻠﻴﻚ ﻫﻲ ﺍﻣﻚ ﻭﺍﻟﻠﻪ ﺍﻋﻀﻚ » ﺿﺤﻚ ﺟﺎﺳﺮ ... ﻻ ﺑﻮﻳﻪ ﻫﻲ ﺍﻣﻚ ﺑﺲ ﺗﺮﺉ ﻫﻲ ﻣﺮﻳﺘﻲ ﻭﺍﻧﻲ ﻭﻳﺎﻛﻢ ﻛﻮﻡ ﺍﺫﺍ ﺑﺠﻴﺘﻮﻫﺎ ﺭﺩ ﻋﻠﻴﻪ ﻣﺮﺗﻀﻰ ﺑﻌﺪﻡ ﺭﺿﺎ ... ﻫﻼﻭﻭﻭﻭ ﻭﺍﻟﻠﻪ ﻫﻲ ﺳﻜﻴﺘﻪ ﺍﻣﻲ ﺍﻥ ﻣﺮﺗﻚ ... « ﻫﻲ ﺍﻣﻲ ﻣﻮ ﻣﺮﺗﻚ ﺿﺤﻜﺖ ﻋﻠﻴﻬﻢ ﻭﻫﻮ ﻳﺸﺎﻗﻪ ﻭﻳﺎﻫﻢ ﺍﺟﻮ ﻛﻌﺪﻭﺍ ﻳﻤﻲ ﻭﺍﻧﻲ ﺍﺗﻠﻤﺲ ﺑﻤﻼﻣﺤﻢ ﻭﻛﻮﻩ ﻣﺼﺒﺮﻩ ﺭﻭﺣﻲ ﻣﺎ ﺍﺻﺮﺥ ﻳﺎﺭﺑﻲ ﻳﻌﻨﻲ ﺑﻌﺪ ﻣﺎ ﺍﺷﻮﻑ ﻣﺮﺗﻀﺊ ﻭﻣﺠﺘﺒﺊ ﻭﻻ ﺍﺷﻮﻓﻬﻢ ﻳﻜﺒﺮﻭﻥ ﻛﺪﺍﻣﻲ ﻳﺎﺭﺑﻲ ﺩﺧﻴﻠﻚ ﻻ ﺗﺤﺮﻣﻨﻲ ﻣﻦ ﺷﻮﻓﺘﻬﻢ ﻭﺍﻟﻠﻪ ﺍﺗﻤﻨﺊ ﺍﺷﻮﻓﻬﻢ ﻛﺪﺍﻣﻲ ﻳﻜﺒﺮﻭﻥ ﻭﻳﻀﺤﻜﻮﻥ ﻭﺍﻓﺮﺡ ﺍﻟﻔﺮﺣﻬﻢ ﺳﻤﻌﺖ ﺻﻮﺕ ﺍﻟﺪﻳﺞ ﺍﺑﺘﺴﻤﺖ ﺑﺨﻔﺎﺀ ... ﻋﺰﺍ ﺍﻟﺪﻳﺞ ﻟﺤﻜﻨﻲ ﻟﻬﻨﺎ ﺷﻠﻮﻥ ﻣﺸﻜﻠﻪ ﻫﻬﻬﻪ ... ﺗﻌﺸﻮﺍ ﻭﻛﻤﻠﻮ ﻭﺑﻌﺪﻫﺎ ﺭﺍﺣﻮﺍ ﺑﺲ ﺿﻠﺖ ﻣﺎﻣﺎ ﺭﺿﻴﻪ ﻭﺧﺎﻟﺘﻲ ﺻﺒﺮﻳﻪ ﻣﺎﻣﺎ ﺭﺿﻴﻪ ﺑﻌﺪ ﻫﺬﺍ ﻫﻮ ﺣﺘﻜﻌﺪ ﻋﺪﻧﻪ ﻻﻥ ﻣﻦ ﺍﻟﺒﺪﺍﻳﻪ ﺟﺎﺳﺮ ﻛﺎﻝ ﺗﻜﻌﺪ ﻋﺪﻧﻪ ﻭﺍﻧﻲ ﻫﻤﺎﺗﻴﻦ ﻣﺎ ﺍﻛﺪﺭ ﺑﺪﻭﻧﻬﺎ ﻭﻫﻲ ﺩﺍﺋﻤﺎ ﻭﺍﻛﻔﻪ ﺑﺼﻔﻲ ﻭﺗﺪﺍﻓﻌﻠﻲ .... ﺩﺧﻠﻨﻪ ﻟﻠﻔﺮﻓﻪ ﺑﻌﺪ ﻣﺎ ﺗﻌﺸﻴﻨﻪ ﻭﻫﻮ ﺟﺎﺏ ﺍﻻﻃﻔﺎﻝ ﻧﻮﻣﻬﻢ ﻳﻢ ﺭﺿﻴﻪ ﺍﻧﻲ ﺗﺨﺒﻠﺖ ﻣﺎ ﺍﻛﺪﺭ ﺍﺧﻠﻴﻬﻦ ﺑﻌﺎﺩ ﻋﻨﻲ ﺗﻮﺳﻠﺖ ﺑﻲ ﻳﺠﻴﺒﻬﻢ ﻭﻫﻮ ﺧﻄﻴﻪ ﻣﺎ ﻗﺼﺮ ﺟﺎﺑﻬﻢ ﺍﻟﻲ ... ﺿﻠﻴﻨﻪ ﻛﺎﻋﺪﻳﻦ ﺍﻧﻲ ﻭﻳﺎﻩ ﻭﺍﻟﻨﻮﻡ ﺟﺎﻓﺎﻧﻲ ﻣﺎ ﺍﺩﺭﻱ ﻣﻦ ﻫﻞ ﻇﻼﻡ ﺍﻟﻤﺤﺎﻭﻃﻨﻲ ﺍﺭﻳﺪ ﺍﺑﺠﻲ ﻭﺭﻭﺣﻲ ﺗﺮﻳﺪ ﺗﻄﻠﻊ ﻛﺘﻠﻪ ﻳﻄﻠﻌﻨﻲ ﺷﻮﻳﻪ ﺑﺎﻟﺤﺪﻳﻘﻪ ﻭﻫﻮ ﻣﺎ ﻗﺼﺮ ﻃﻠﻌﻨﻲ ﺑﺎﻟﺤﺪﻳﻘﻪ ﻛﻌﺪﺕ ﺑﺎﻟﻤﺮﺟﻮﺣﻪ ﻭﻫﻮ ﻛﻌﺪ ﺑﺼﻔﻲ ﺣﺴﻴﺖ ﺑﺒﺮﺩ ﺣﻀﻨﺖ ﻧﻔﺴﻲ ﺑﺎﺩﻳﻪ ﻭﻫﻮ ﻣﻦ ﺷﺎﻓﻨﻲ ﻫﻴﺞ ﺍﺣﺘﻀﻨﻲ ﺣﻴﻴﻞ ﻫﻤﺴﺖ ﺑﻌﺬﺍﺏ ... ﺗﺘﺬﻛﺮ ﻗﺒﻞ ﻓﺘﺮﻩ ﻫﻴﺞ ﺟﻨﻪ ﻛﺎﻋﺪﻳﻦ ﻭﺍﻧﻲ ﺳﻮﻟﻔﺘﻠﻚ ﻣﻦ ﺟﻨﺖ ﺍﺗﺨﻴﻞ ﺍﻟﻨﺠﻮﻡ ﺑﺎﺳﻨﻲ ﺑﺬﻭﺑﺎﻥ ﺑﻄﺮﻑ ﺍﺫﻧﻲ ﻭﻫﻤﺲ ... ﺍﻱ ﺍﺗﺬﻛﺮ ﻭﺟﻨﺘﻲ ﺗﺮﺩﻳﻦ ﺗﺪﺧﻨﻴﻦ ﺍﺑﺘﺴﻤﺖ ﺑﺤﺰﻥ ... ﺍﻱ ﺟﻨﺖ ﺍﺷﻮﻭﻭﻑ ﻭﺍﺧﺬﺕ ﺍﻟﺒﺎﻛﻴﺖ ﻣﻨﻚ ﻫﺴﻪ ﺍﻃﻤﻦ ﺣﺘﺊ ﻧﻈﺮﻱ ﺭﺍﺡ ﻫﻬﻬﻪ ﺩﺍﺭ ﻭﺟﻬﻲ ﻋﻠﻴﻪ ﻭﺑﺎﺱ ﺷﻔﺎﻳﻔﻲ ﺑﻌﻤﻖ ﻭﻫﻤﺲ ﺑﺮﻭﻣﺎﻧﺴﻴﻪ ... ﺍﻧﻲ ﻧﻈﺮﺝ ﻭﺍﻧﻲ ﻋﻴﻮﻧﺞ ﻭﺍﻧﻲ ﺩﻟﻴﻠﺞ ﻭﺍﻟﺘﺮﺩﻳﻨﻪ ﺗﻤﺎﻡ ﺣﺒﻴﺒﺘﻲ ﻭﺑﺲ ﺗﺴﺘﻘﺮ ﺣﺎﻟﺘﺞ ﺻﺪﻛﻴﻨﻲ ﺍﺳﻮﻳﻠﺞ ﻋﻤﻠﻴﻪ ﻭﺍﺭﺟﻊ ﻧﻈﺮﺝ ﺧﻠﻴﻨﻪ ﻧﻨﺘﻈﺮ ﻛﻢ ﺷﻬﺮ ﺍﻗﻞ ﺷﺊ ﺍﺭﺑﻊ ﺍﺷﻬﺮ ﻭﻧﺸﻮﻑ ﺣﺎﻟﺘﺞ ﺟﺮﻳﺖ ﻧﻔﺲ ﺑﺨﻴﺒﺔ ﺃﻣﻞ ... ﺟﺎﺳﺮ ﺍﻧﺖ ﺷﺘﺤﺠﻲ ﺷﻨﻮ ﺍﺭﺑﻊ ﺍﺷﻬﺮ ﺍﻧﻲ ﻻﺯﻡ ﺍﻧﺘﻈﺮ ﺗﺴﻊ ﺍﺷﻬﺮ ﺭﺩ ﺑﺎﺳﺘﻐﺮﺍﺏ .... ﻟﻴﻴﺶ؟ ﺍﺑﺘﺴﻤﺖ ﻭﺣﻀﻨﺖ ﺑﻄﻨﻲ ﺑﺪﻻﻝ ... ﻏﻴﺮ ﺍﻧﻲ ﺣﺎﻣﻞ ﺷﻠﻮﻥ ﺍﺳﻮﻱ ﻋﻤﻠﻴﻪ ﻭﺍﻟﺒﻨﺞ ﻣﻮ ﺯﻳﻦ ﻋﻠﺊ ﺍﻟﻄﻔﻞ ﻟﻴﺶ ﺍﻧﺖ ﻣﺎ ﺩﺍﺭﺱ ﺭﺩ ﺑﺴﺮﻋﻪ ﻭﺗﺮﺗﺮ ... ﻫﺎﺍﺍ ﺍﻱ ﺻﺢ ﺻﺢ ﻧﺴﻴﺖ ﺍﻥ ﺷﺎﺀ ﺍﻟﻠﻪ ﺧﻴﺮ ﻻ ﺗﺨﺎﻓﻴﻦ ﺍﺫﺍ ﺣﺎﺑﻪ ﺧﻠﻲ ﻧﺠﻬﻀﻪ ﺗﻌﺼﺒﺖ ﻣﻦ ﻛﻼﻣﻪ ﺣﻴﻴﻞ ﻭﺩﺭﺕ ﻭﺟﻬﻲ ﺍﺩﻭﺭ ﻋﻠﻴﻪ ﺭﺩﺕ ﺍﻫﺠﻢ ﻋﻠﻴﻪ ﻭﺍﻧﻲ ﺻﺎﻛﻪ ﺍﺳﻨﺎﻧﻲ ﺻﺤﺖ ﺑﻲ ﺑﺼﻮﺕ ﻋﺎﻟﻲ ... ﺍﻧﺖ ﺷﻠﻮﻥ ﻫﻴﻴﺞ ﺗﺤﺠﻲ ﺷﻠﻮﻭﻥ ﻫﺬﺍ ﻗﻄﻌﻪ ﻣﻨﻲ ﻃﻔﻞ ﻫﺬﺍ ﺭﻭﻭﺡ ﺷﻨﻮ ﺗﺠﻬﻈﻪ ﺍﻟﺨﺎﻃﺮ ﻋﻴﻮﻧﻲ ﺟﺎﺳﺮ ﻻ ﺗﺼﻴﺮ ﻣﺠﺮﻡ ﻻ ﻭﺍﻟﻠﻪ ﻫﺴﻪ ﺍﺷﺮﺩ ﺑﺎﻟﺸﺎﺭﻉ ﺿﺤﻚ ﺑﺼﻮﺕ ﻭﺣﻀﻨﻲ ﺣﻴﻴﻞ ... ﺷﺒﻴﻴﺞ ﺟﻜﻠﻴﺘﻲ ﻣﺠﺮﺩ ﺭﺍﻳﻲ ﻻ ﺗﺨﺎﻓﻴﻦ ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺍﻥ ﺷﺎﺀ ﺍﻟﻠﻪ ﻧﻈﺮﺝ ﻳﺮﺟﻌﻠﺞ ﺣﺒﻴﺒﺘﻲ ﺍﺑﺘﺴﻤﺖ ﺑﺨﻔﺎﺀ ... ﺍﺷﻮ ﺩﻛﻮﻟﻲ ﺣﺒﻴﺒﺘﻲ ﻣﻦ ﺷﻮﻛﺖ ﺻﺮﺕ ﺣﺒﻴﺒﺘﻚ ﺭﺩ ﺑﺤﺐ ﻭﺑﺎﺳﻨﻲ ﻣﺮﺗﻴﻦ ﺑﺲ ﺑﻮﺳﺎﺕ ﺧﻔﻴﻔﻪ ... ﻣﻦ ﺯﻣﺎﻥ ﺑﺲ ﺍﻧﺘﻲ ﺧﻮﺛﻪ ﻣﺎ ﺗﺴﺘﻮﻋﺒﻴﻦ ﺳﺤﺐ ﺭﺍﺳﻲ ﻭﺧﻼﻩ ﻋﻠﺊ ﺻﺪﺭﻩ ﻭﻣﺴﺢ ﻋﻠﺊ ﺷﻌﺮﻱ ﻛﺎﻝ ... ﺯﻳﻦ ﺍﻧﺘﻲ ﻣﻦ ﺷﻮﻛﺖ ﺗﺤﺒﻴﻨﻲ ﻫﻤﺴﺖ ﺑﺘﻨﻬﻴﺪﻩ ... ﻣﻦ ﺍﻭﻝ ﻳﻮﻡ ﺍﻟﺨﻄﺒﺘﻨﻲ ﺑﻲ ﺑﺲ ﺑﻌﺪﻫﺎ ﻣﺎ ﺣﺒﻴﺘﻚ ﻣﺪﺭﻱ ﺳﺎﻋﻪ ﺍﺣﺒﻚ ﺳﺎﻋﻪ ﺃﻛﺮﻫﻚ ﺣﺴﺐ ﺧﺒﺎﻻﺗﻚ ﻋﺾ ﺭﮔﺒﺘﻲ ... ﻭﻟﺞ ﺷﻨﻮ ﺍﻧﻲ ﻣﺨﺒﻞ ﺷﻮ ﻣﺎ ﺗﺴﺘﺤﻴﻦ ﺭﺩﻳﺖ ﻋﻠﻴﻪ ﺑﺴﺨﺮﻳﻪ ... ﻻ ﻋﻠﺊ ﺍﻻﻋﻤﺊ ﺣﺮﺝ ﺗﻨﻬﺪ ﻭﻟﺰﻡ ﺍﻳﺪﻱ ﺑﺎﺳﻬﺎ ﺿﻠﻴﻨﻪ ﻋﻠﺊ ﻫﻞ ﺣﺎﻝ ﻭﺑﻌﺪﻫﺎ ﻧﻌﺴﺖ ﻭﺗﺜﺎﻭﺑﺖ ﺣﺴﻴﺖ ﺑﻲ ﺷﺎﻟﻨﻲ ﻭﺍﺧﺬﻧﻲ ﻟﻠﻐﺮﻓﻪ ﻧﻮﻣﻨﻲ ﺑﺼﻔﻪ ﻭﻧﺎﻡ ﻳﻤﻲ ﻭﻫﻮ ﺣﺎﺿﻨﻲ ﻭﻛﻞ ﺷﻮﻳﻪ ﻭﻳﺘﻠﻤﺲ ﻣﻼﻣﺤﻲ ﻭﻳﺒﻮﺱ ﺑﻴﻪ ﻭﻳﺤﻀﻨﻲ ﻭﺍﻧﻲ ﺍﺭﻳﺪ ﺑﺲ ﺍﺻﺮﺥ ﻭﺍﺑﺠﻲ ﻣﻘﻬﻮﺭﻩ ﺣﻴﻴﻴﻞ ﻭﻓﺮﺣﺘﻲ ﻣﻜﺴﻮﺭﻩ ﺷﻜﺪ ﺟﻨﺖ ﺍﺗﻤﻨﺊ ﺍﺷﻮﻓﻪ ﻫﻴﻴﺞ ﺑﺲ ﻟﻼﺳﻒ ﻣﺎ ﺷﻔﺘﻪ ﻭﻧﻌﻤﻴﺖ ﻭﻻ ﺷﻔﺖ ﺑﻴﺘﻲ ﺍﻭﻝ ﻳﻮﻡ ﺑﺒﻴﺘﻲ ﻣﺎ ﺣﺴﻴﺖ ﺑﻄﻌﻤﻪ ﻭﻻ ﺣﺴﻴﺖ ﺑﺮﺍﺣﻪ ﺑﻲ ﻭﻻ ﺑﻔﺮﺣﺘﻪ ﻧﻤﺖ ﻣﻐﻠﻮﺏ ﻋﻠﺊ ﺍﻣﺮﻱ ﻭﺍﻟﺪﻣﻌﻪ ﺟﺎﻓﻪ ﺑﻌﻴﻨﻲ ... ﺍﻟﺼﺒﺢ ﺣﺴﻴﺖ ﻋﻠﺊ ﻗﺒﻼﺗﻪ ﺍﻟﺪﺍﻓﻴﻪ ﻭﻋﻠﺊ ﺻﻮﺕ ﻣﺠﺘﺒﺊ ﻭﻣﺮﺗﻀﺊ ﺻﺤﻴﺖ ﻧﻔﺲ ﺍﻟﺸﺊ ﻛﻞ ﻳﻮﻡ ﺍﺗﻤﻨﺊ ﺍﻛﻌﺪ ﻋﻠﺊ ﺷﻮﻓﺘﻬﻢ ﺑﺲ ﻟﻼﺳﻒ ﻣﺎﻛﻮﻭ ﻫﻮ ﺗﺮﻳﻚ ﻭﺍﻧﻲ ﻛﺬﻟﻚ ﻭﺧﻠﻪ ﻭﺭﺍﺡ ﺍﻟﺸﻐﻠﻪ ﻭﻣﺎﻣﺎ ﺭﺿﻴﻪ ﺭﺍﺣﺖ ﺍﻟﺒﻴﺖ ﻋﻤﻲ ﻣﻬﻴﻮﺏ ﺗﺠﻴﺐ ﺑﺎﻗﻲ ﺍﻏﺮﺍﺿﻬﺎ ﻭﺻﺒﺮﻳﻪ ﺩﺧﻠﺖ ﺗﺴﺒﺢ ﻣﺠﺘﺒﺊ ﻭﻣﺮﺗﻀﺊ ﻳﻠﻌﺒﻮﻥ ﻭﻳﻪ ﺍﻟﺪﻳﺞ ﻭﺣﺴﻴﺖ ﺑﻄﻜﻄﻜﻪ ﺧﻔﺖ ﻭﻫﻤﺴﺖ ﺑﺮﻋﺐ ... ﻣﻨﻮﻭﻭ ﻫﻨﺎ ﻣﻨﻮﻭﻭ ﻫﻮ ﻫﻤﺲ ﺑﺼﻮﺕ ﻏﺮﻳﺐ ﻭﺣﺎﺍﺩ ... ﺟﻮﻟﻴﻴﺖ ﻓﺮﻳﺖ ﺑﺨﻮﻭﻑ ﺑﺎﺭﺟﺎﺀ ﺍﻟﻐﺮﻓﻪ ﻭﺍﻧﻲ ﺍﺭﻳﺪ ﺍﻧﻬﺰﻡ ﻭﺍﺗﻠﻤﺲ ﺑﺎﻻﻏﺮﺍﺽ ﺻﺮﺧﺖ ﺑﺮﻋﺐ ... ﻣﻨﻮﻭﻭﻭ ﺍﻧﺖ ؟ ﻧﻬﺎﻳﻪ ﺍﻟﺒﺎﺭﺕ ... ﻳﺘﺒﻊ ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔 ﻧﻮﺭ ﺳﻤﻮ ﺍﻟﻌﺮﺍﻕ 😘... ﻻ ﺗﻨﺴﻮﺍ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ 🌹... ﺭﺳﺎﻟﻪ ﻣﻦ ﺍﻟﻮﻗﺎﺭ .. ﺗﺮﺉ ﻭﻗﺎﺭ ﺗﻌﺮﻑ ﻛﻮﻭﻟﺶ ﺯﻳﻦ ﻣﻨﻮ ﺟﺎﺑﺮ ﻭﻣﻦ ﻭﺻﻒ ﻋﻴﻮﻥ ﺟﻮﻟﻴﻴﺖ ﻫﻮ ﺟﺎﻥ ﺍﻟﻤﻮﺟﻮﺩ ﺑﻬﻞ ﺣﺎﺩﺛﻪ ﻭﻫﻴﺞ ﻭﺻﻒ ﺑﺲ ﻫﻲ ﻛﻮﻭﻭﻟﺶ ﺯﻳﻦ ﺗﻌﺮﻑ ﺟﺎﺑﺮ ﻣﺎ ﻳﻨﻈﺮ ﺍﻟﺠﻮﻟﻴﻴﺖ ﺑﻨﻈﺮﻩ ﻣﺤﻠﻮﻩ ﺑﺎﻟﻌﻜﺲ ﻳﻌﺘﺒﺮﻫﺎ ﺍﺧﺖ ﻭﻋﺰﻳﺰﻩ ﻭﺍﻧﻲ ﻣﻦ ﺍﻟﺒﺪﺍﻳﻪ ﻭﺿﺤﺖ ﻭﻟﻮ ﺗﺮﺟﻌﻮﻥ ﻟﻠﺒﺎﺭﺕ ﺍﻟﻲ ﺟﺎﻥ ﺑﻲ ﺑﺎﻟﺴﺠﻦ ﺟﺎﺑﺮ ﺗﺮﺉ ﻛﺎﻝ ﻋﻠﺊ ﻭﺟﻬﻪ ﺍﻟﻄﺎﻭﻩ ﺣﻠﻮﻩ ﻛﺎﻝ ﺣﻠﻮﻩ ﻳﻌﻨﻲ ﺷﺊ ﻋﺎﺩﻱ ﻟﺬﻟﻚ ﻛﻼﻣﻪ ﻫﻢ ﻳﻌﺮﻓﻮﺍ ﻋﺎﺩﻱ ﺑﺲ ﺍﻧﺘﻢ ﻓﺴﺮﺗﻮﺍ ﻣﺜﻞ ﻣﺘﺤﺒﻮﻥ ﻭﺍﺫﺍ ﺟﻌﻔﺮ ﻫﻴﺞ ﻭﺻﻒ ﺟﻮﻟﻲ ﻣﺠﺎﻥ ﺣﺠﻴﺘﻮ ﻋﻠﻴﻪ 😁😁😁 ﺍﻋﺘﺬﺭ ﺑﻨﺎﺕ ﻋﻦ ﺍﻟﺘﺎﺧﻴﺮ ﺑﺲ ﻭﺍﻟﻠﻪ ﺍﻧﻔﻠﻮﻧﺰﺍ ﻛﺘﻠﺘﻨﻲ ﻛﺘﻞ ﺣﺘﺊ ﻣﺎ ﻛﺪﺭﺕ ﺍﺭﻛﺰ ﺑﺎﻻﺣﺪﺍﺙ ﻭﺍﻋﺘﺬﺭ ﻋﻦ ﺍﻟﺘﻘﺼﻴﺮ ﺍﺫﺍ ﻛﺎﻥ ﺍﻟﺒﺎﺭﺕ ﻣﻮ ﺑﺎﻟﻤﺴﺘﻮﺉ ﺍﻟﻤﻄﻠﻮﺏ💔 | ||||||||
|
| |
|
21-11-20, 09:09 PM
| #76 | ||||
 
| السلام عليكم ورحمة الله وبركاته رواية جميلة بسيطة ولكن رجاء فكرة الضراير غير مستساغة وغير مقنعة بصراحة وغير عادلة بالنسبة لوضع جولييت فشام مجرد شخصية غير رئيسية فغير مقنع أن تضعيها بالنهاية في منزلة جولييت ولا تستغربي تعاطف الجمهور مع جولييت فهذا طبيعي فنحن عشنا معاناتها وألمها وبالنهاية تستحق أن تكون وحدها ملكة على عرش قلب كاسرها ♥️♥️ | ||||
|
| |
|
21-11-20, 09:20 PM
| #77 | ||||||||
| مراقبة عامة ومشرفة منتدى الروايات المنقولة
| البارت الثاني والعشرين رواية...#جولييت_واسرها...غياه ب الإنتقام بقلمي...نور سمو العراق 💔💔💔💔💔💔💔💔💔 جوليت دكول العاصم.. چلمات المعاتَب گضن ! وانت اعلة طبعَك ذاك .. 🖤🍃 ................................... جولييت غصبا عني يخنگني الحنين الذكريات ما ترجع ولا تعوود وغصبا عني احن لامي رغم تركتني وجودي بنص ماما رضيه وخالتي صبريه يذكرني ويحسسني بوجود امي... جنت كاعده بنصهن واني دا اتريك وخطيه ماما رضيه توكل بيه وتشربني وخالتي صبريه تسولف وتاكل وتدخن واني كل شويه وكحيت حييل من ريحة الجكاير... سمعت صوته طلع من الغرفه كال ...صباح الخير رفعت راسي واني تايهه وما اعرف وين هو بس الصوت يوجهني الشخصه المميز ابتسمت بحزن ونزلت راسي همست...صباح النور حسيت بي كعد بصفي ولف ايده علئ ظهري هاي طريقته المعتاده من يكعد بصفي يضل يتحرش بيه وتقشعر جسمي من لمساته الظهري جنت اضوج حييل وهو داهيه محد يحس بي واني اضل اتلوئ بين اديه مثل السمجه الطالعه من المي دائما يحرجني هييج وهل مره حرجني كدام صبريه ورضيه واني راح ابجي والله ميصير هيج يسوي بيه ...انوب مشكله مدا اشوف ... حسيت بكوب الجاي قريب من شفايفي لزمت ايدها هاي امي رضيه ماكو غيرها فديتها وفديت حنيتها وكلبها الطيب تسوي اليه لفات صغيره وتحط بيدي جاسر اخذ اللگمه من ايدها وبعدها عني وكلها بهدوء...يمه لا توكليها هيج لگمه لگمه سويلها لفه كامله وخليها هي تاكل بيدها ردت عليه بحنانها المعتاد...يمه شعندي غير بنية گلبي جولي خليني ادللها ... لزم ايدي وخله اللفه كامله بيدي وجر نفس عميق ورد عليها...لا يمه هييج احسن خليها تعتمد علئ نفسها... لزمت اللفه قربتها من شفايفي واني استمع الكلامهم واحس غصه بصدري وحرگه ببلعومي خنكتني العبره وجبرت نفسي اخذ عضه من اللفه بس ضلت بحلكي اقلب بيها بمرارة وما اكدر ابلعها حالتي تصعب علئ الكافر حاولت اثبت نفسي واصبر روحي واحارب دموعي بس ما كدرت نزلت اللفه بالصينيه ونزلت دموعي بعد ما بلعت ريكي المر حسيت بي احتضني وهمس عند اذني...شبيج حبيبتي ليش تبجين همست بصعوبه...مم ما ادري احس بشئ يحز بنحري وينحرني مختنكه حييل جر نفس ونفخ بضيق كال...شبعتي لو بعدج هزيت رأسي بأي اخذ ايدي و وكفني ما اعرف وين اخذني بس حسيت بي فتح البوري وغسل اديه بصابون صار ضهري بصدره وهو منحني يغسل باديه وبعدها حسيت بكف ايده علئ شفايفي مسح علئ شفايفي بالمي برقه وهدوء لزمت ايده ونزلتها ضحك هو كال...شبيج ليش ما تخليني اصير شويه رومانسي ليش تخربينها بسوالفج التعبانه ... ابتسمت وجاوبته...ترئ الصابون دخل بحلكي وانت ما تدري رد عليه باستهزاء...يا جذابه اصلا بس اديج غسلتهن بصابون وشفايفج بس بمي لان الورد الجوري ما ينغسل بصابون بس ينرش بمي ضربته علئ صدره واني ابتسم ومشيت خطوتين انضربت بحافة الباب وطلعت مني اااه خفيفه لزمني بقلق وتوتر كال بعصبية ...انتي الي متئ تضلين هيج مستعجله وطفگه هسه لو متفلش راسج اني شكول... ابتسمت بحزن...والله نسيت صرت عميه .. سحبني وضمني الصدره حطيت اديه علئ صدره وتنفس باختناق عظيم حسيت حاطه اديه علئ جبل شامخ... همس عند اذني بدلال...اشيلج لو تمشين تنفست بهدوء هو دا احس يحاول يطلعني من حزني واني رغم كووولشي ما احب اكون عاله عليه والحزين والمكسور خاطره بهذا الوكت ما مريود لذلك جنت دائما احسسه واحسس الكل ان اني متاقلمه علئ وضعي وراضيه بالصار ومو بس هيج ابين الهم واله وحتئ وان كان زوجي ان اني ما مكسوره... ضحكت ورديت عليه...ههههه كيفك الخير ومدة ايده ما حسيت اله نفسي طرت من الارض وحطيت بقفص صدره رد عليه بلهفه وحب...افااا عاد اني بالخيوريه محد يلحكني ابوي مهيوب لفيت اديه علئ رقبته وابتسمت وهو باسني بحراره ورجع باسني مره ثانيه همست بخجل...عزا جاسر لا ماما رضيه وخاله صبريه يشوفونه والله عيييب شيكولن هسه يكولن ذول منحرفيين رد عليه بلهفه ورجع باسني وشواربه تدغدغ بخدودي...مالج شغل اصلا العجايز ما يستحن ويطكنها طك بطك واحنه مثلهم صرنه لان هم شيبنه رديت عليه بدلع...انت شايب اما اني لحد الان كتكوته عشرينه صاكه و هههه ضحك بقهر من كلامي ومشئ بيه خطوات كال...تمام يالكتكوت اليوم الشايب يطيح حضك لميت نفسي واني بحضنه وهمست...لاااااااااا حك خشمه بعنقي وهمس ببراءه...شنوو لاااااا ضربته بصدره بدلع...مااااا جاوبني بعد ما عض خدي...هم ليش اليتمرضون يضلون يتعيقلون ضحكت...لان مشايفين محد معلمهم علئ الدلال كولة اهلنا ما شايف وشاف اخذني للغرفه حسيت بالباب انطبك يمكن سده برجله وخلاني علئ السرير لزمني من اكتافي وكال...اكعدي وابد لا تتحركين هسه اجي زين؟ جاوبته بعناد..... لا اتحرك وما اكعد رد عليه بغرور وسخريه...ودكول مرتضئ ومجتبئ عليمن طالعين نست روحها البربوك رب مال عناد وكفت بعناده عود دا اريد اكوم بس اديه جنها حديد رجعتني المكاني وهمس قريب من شفايفي...والله اذا وكفي وتحركتي ما تطلعين سالمه حطيت ايدي علئ خدي بغرور...شتسوي مثلا تضربني ؟ عادي اضرب ترئ ماكو ميت يحس بالضرب تنهد بضيق من كلامي ومسح علئ شعري بضياع لزمت ايده...لا والله صدك شتسوي مثلا تضربني لو تغلط عليه لو تسحلني من كصيبتي حسيت بانفاسه قريبه مني ورد عليه بثقه...اكو اشياء هي تكون رومانسيه بس بيها عقاب حلووو هزيت راسي بمعنئ شلوون فهمني عض خدي حييل وابتعد عني كال بغرور...ما اناوي اعاقبج رؤؤف بحالج بس اكعدي واسكتي ثواني واجيج... ضليت كاعده بمكاني واني منتظرته حسيت بشئ بارد صار علئ صدري حطيت ايدي علئ صدري وتلمسته جان عباره عن عقد وهو ديلبسه اليه درت وجهي عليه بس اني مدا اشووفه باسني باذاني كال...هذا عقد مشتري الج من زمان بس مجان اله وقت وهسه اجه وقته بلعت ريكي بحيره اتذكره هذا العقد مثل دزاين حريم السلطان رفعت اصابعي ورجعت اتلمسته بهدوء وابتسمت همست...اي اتذكره مثل دزاين حريم السلطان مو صح ؟ رد عليه بتفاجئ...شلون ولج وين تذكرينه جنتي تفتشين بغراضي ولج ملعونه جاوبته بفشله....لا لا مستحيل بس هم مجتبئ ومرتضئ طلعوا واني اخذته وضميته كلتلهم عيب ماما تدورون بغراض بابا جاوبني بس حسيته ممصدكني...هاااا اله شايفين واحد مثل البزون يبحوش باغراضي يالله هيج سوو حاولت اغير الموضوع لا انوب انفضح لزمت الثوب مالتي كتله...اني شلابسه حلو لو لا انت البدلت اليه مووو؟ رد عليه بتنهيده...اي ولج اني والجسم كيمر وكاهي بعد كله اني ابدلج نزلت عيوني بارتباك وعضيت شفايفي..اممم اكيد ملبسني شئ ميشبه شئ طالعه مهرج رتب خصلات شعري وباسني بخدي...لا بالعكس منسق الج قابل اني مثلج من جنتي عند صبريه طالعه قوس قزح ولابسه ثوب صبريه وسترت ابو اللول ضربته بقبضة ايدي علئ صدره ...لاااا لتجذب والله هي مو سترة ابو اللول هو بالطو مالت خالة صبريه وجان الجو بارد اردفت بزعل ومديت شفايفي...انت ليش تذكرني بهيج ايام محلوه ترئ لحد الان من اتذكر من لزمتني روحي تروووح جنت مجرم حيييل وياي رفعت ايدي الخدي بوجع...ضربتني راشدي ضليت يومين ما اشوف واذاني توصوص عبالك داخله بيها صرصره... احتضن وجهي بكفوف اديه وهمس...هيج جنت معذبج رديت باختناق...انت جنت متدري بروحك ما الومك الصار وياك مو شويه بس والله لحد الان اتذكر من شفتك اجيت ولزمتني احس عزرائيل سحب روحه ومزعها من صدري.... لزمت اديه وجريت نفس حزين ...اني يا جاسر انبعت وبيعه جبيره ومنين من اهلي كم مره انباع منهم واكول لاااا مو قصدهم مسحت عيوني قبل لا تنزل الدمعه الحزينه بجبروت....من اول ما شب عووودي و اول ما فتحت عيوني علئ الدنيا تمرمرت من اهلي ضرب اهانه تهم باطله تقربت منه وشهكت بحيره...اني من تزوجتك فرحت كلت راح اخلص منهم ومن امرتهم ومن اسلوبهم الزفت صح امي ابد ما مقصره ويايه وابويه يفديني بروحه بس اخواني جانوا متعجرفين وعلئ كل شي-يحاسبوون من جنت قبل لا اتزوج واني اشوف ما الي مكان وياهم ومن اتزوجتك وشفت تعاملك حلو ويايه رغم شويه جاف بس شفت الامان والسعاده عندك وكلت ميخالف بس يتعود عليه يحبني ورجعوا اخواني وطينوا عيشتي ودمروني واني ما اعرف ليش ما احب لا انت تاذيهم ولا هم ياذونك لان والله ابد مراح ارتاح ما دام انتم ثنينكم متعادين وثنينكم بينكم ثأر وصرت الثأر اني يا جاسر ذولاك اخواني عايشين بالخارج هم وامي ويمكن اي واحد يتمنئ يعيش عيشتهم ومحد فقدني منهم لا هسه ولا قبل... لزمت ايده حييل وعصرتها بكفوف اديه...اريد اكلك شغله وحده اني من خلال هل مشاكل ومن خلال العشته عرفت انت احسن منهم وانت لو جنت مكانهم مجان عفتني سحب راسي وضمني الصدره رد عليه بحزن...انتي عشتي عندي شفت ضحكتج وشفت روحج وحزنج ودموعج وماساتج واخوتج ما تعذبوا مثلي من ناحيتج اني الشفت من شنو تعانين ومن شنو تشكين واني الجنت قاسي وياح وبسببهم هم طبطب علئ كتفي وكال بحده...شوفي انتي جنتي الهم ومنهم وبيهم وتخصينهم اكثر مني بس بعد فعايلهم انتي صرتي الي وتخصيني اني اكثر منهم واني صرت احميج منهم بدل ما هم يحمونج مني حضني اكثر وكلي بحضنه كال...واني هذا الخلاني اتعلق بييج بدل ما هم يحمونج مني اني حميتج منهم واني الاخاف عليج منهم وما اريد ياخذونج مني لان والله هم مو كفو وراح يضعونج لزمت قميصه واني ابجي...لا ما اريدهم والله بعد ما اريدهم حتئ امي ما اريدها هم لو يحبوني جان ما فكروا بس بروحهم وتركوني الوحدي هنا عيشوني بدهاليز مظلمه وهسه اني عميه ومهجوره منهم وانت هم يمكن تملني وتهجرني ... كطع كلامي ببوسه قويه وابتعد شويه مسح دموعي ومسح زجهي كله رد عليه...لا ما اهجرج انتي مريتي ام ولدي شلون اهجرج صح ربي اخذ غزل ولحد الان جمرتها تسعر بصدري بس الله عوضني بيج وبهل درتين مجتبئ ومرتضئ ماكو اعز منكم والله... همست...اخاف اهواك وتكسرني واني اخاف غرام الاسياد ضحك كال...لحد الان ما هويتني لا بويه لا تخافين غرام الاسياد ...لان الاسياد هم يحبونج ابتعد عني ومشئ خطوات كال...يالله يحلوو راح اروح الشغلي ترئ اخريتيني الشغل رفعت حاجب بغرور...فدوووه الي الشغل تقرب مني وكرص خدي...يروحلج فدوه الشغل وابو الشغل وكل واحد طالع للشغل ضحكت وهزيت راسي وهو سحب ايدي وطلعني برا الغرفه صاح علئ ماما رضيه كلها ديري بالج عليها لا توكع ترئ ما تندل اي شئ بالبيت خطيه هي رضيه ابد ما مقصره وصبريه مدري شبيها ضايجه منه كلتله من وره خشمها...روح يمه روح جكليته بامانته لا وحده تطكها ولا وحده تعمئ عيونها هو عافها مجاوبها وباس مجتبئ ومرتضئ الي لزكو اله يمشون ويه وهو كوه قشمرهم وخله وراح ضلينه شويه كاعدين هو كال لا تسوون غدا ادز الكم من المطعم بيد جعفر. ماما رضيه كالت مدام ماكووو غدا انه رايحه اجيب غريضاتي من بيت مهيوب واجي خطيه خلت وراحت وصبريه كالت...انه راح ادخل اسبح عفنت من وره نويله وجهه الطاوه حركت كلبي ونستني حتئ السبح خلت وراحت واني ضليت كاعده بالصاله ومشمش وروضي يلعبون بالديج وكل شويه واحد اجه منهم يشكي...سكيته سوفي ممش عفني...سكيته سوفي الديج ما يقبل يقب دوه..« ميقبل يطب جوه » انوب اجاني مشمش وهو يصيح بصوت خشن وحاد...يمممما يمممما تفاجئت حركت اديه بالهوئ واني ادور عليه ...ويينك ماما هاي منو معلمك تصيح يممممه رد عليه ببراءه...عمو دعفر يدول الدلمه ما يدول ماما يدول يمممممما يممممممما ضحكت...يا عزا وهسه الرجوله صارت بكلمة اليمه لا ماما ما الك شغل بي كول ماما انت زلمه حتئ لو كلت ماما رد عليه بعناد...لا انتي شدابه بس نيات يدولن ماما هته انتي مو بنيه دولين ماما رطيه...وبابا يدول يمممما ليس لان بابا دلمه... « لا انتي جذابه بس البنيات يكولن ماما هسه انتي مو بنيه دكولين ماما رضيه وبابا يكول يمه لييش؟ لان بابا زلمه لزمته بين اديه وبسته...بس يا ماما الزلمه مو بكلمة اليمه والماما رد عليه بعناد وفرغص نفسه مني...ماااااا ماااا حتئ بعد يمه ما ادوول حدول تله سكييته...« بعد حتئ يمه ما اكول حكول جكليته... ضحكت صدك وارثين العناد مني مجتبئ ومرتضئ راحو يلعبون ويه الديج وحسيت بطكطكه خفت وهمست برعب...منووو هنا منووو هو همس بصوت غريب وحااد...جولييت فريت بخووف بارجاء الغرفه واني اريد انهزم واتلمس بالاغراض صرخت برعب...منوووو انت ؟ حسيت بخطوات صلبه واحده علئ ارضية الصاله رجعت بخووف وحركت عيوني الضريره بصعوبه همست بخووف ورجفه من بين شفايفي...مم منووو لا تخوووفوني اا انت منو رضيه منوو يممممه صرخت مره ثانيه موعوووبه حسيت بي قيد اديه وكل جسمي وهو يهمس بصوت خافت...اسكتي جولييت اسكتي لا تفضحينه خارت رجليه من الخووف والرجفه وحاولت ابعد اديه من شفايفي بعد ما حسيت باختناق حسيت انفاسي تضيق وتختفي ودكات گلبي جاريه وارفس برجليه ومجتبئ ومرتضئ يبجون واحسهم قريبين منه يضربون بي وهم يصيحون...عوووف ماما عوووف سكيته همس بصوت جااد ومرعب كال...اني لازم اخذج منا اني موكل لازم اسفرج لفلندا رفسته برجلي وعضيت ايده ورجعت صرخت بصوت عالي....جااااااااااسر جاااااااسر ولج خاااااله الحكيلي حسيت بي،يحاول يطلعني من البيت وذاك الثاني وياه يكله...كلها احنه اجينه من طرف منووو رد عليه ذاك بحده....اششش لا تنطق ولا كلمه خلي نتأكد منها وناخذها يالله نحجيلها الموضوع ونييت باختناق من قبضة ايده القاسية وحسيت راح اسلم الروح بين لحظه وثانيه اطلب العون من ربي واذكر جاسر ... بس قاومتهم بكل عنف وجنت اضرب بيهم وادافع عن نفسي دفاع مستميت سمعت صوت خالتي صبريه وهي تصيح بصوتها الخشن عبالك تحجي بسماعه...يااااااهو هذا منوووو وياج جكليته حسيت الي جان مقيدني بسرعه فك اديه وما اسمع اله رمي صار بس ما ادري وين الرمي الصار وخالتي صبريه بعد ما سمعت حسها ولا هم ضليت اركض بالصالع مثل المخبله وابجي يممممه ولدي ولدي مجتبئ مرتضئ وينكم ماما اتلمس بالحايط وادور عليهم وما اشوف شئ،كعدت علئ الارض واني ادور عليهم يمه ولدي يمه بس لا كتلوهم ما الهم صووت يمه بس لا ماتوا ويسبحون بدمهم وكعت علئ الارض وصابتني حالة من التشنج والصرع الشديد ضليت ارفس بمكاني مثل الطيره المنحوره وابجي وارجف سمعت من بين شهكاتي وفقداني خالتي صبريه دكلهم...لا ادخلو ولكم ادخلو شلون تطلعون وراي ما تخافون يبوكم الحرامي ردو عليها بعصبية...انتي سعليج حير نليد نعفه هو ليد يبود ماما...« انتي شعليج غير نريد نعضه هو يريد يبووگ ماما » حطيت ايدي المتعوبه علئ صدري بارتياح من سمعت صوتهم الحمد لله ما بيهم شئ... صبريه ركضت عليه وحضنتني واني ابجي ردت عليه...لا تخافين يمه لا تخافين بعد ما يجون رميت عليهم بمسدسي وشردوا رجفت بقوه...ماما فدوه خابري جاسر بسرعه ضلت تفرج باديه وتنشط الدم بيهن وبعدها راحت خابرت علئ جاسر... تقريبا ساعه واجه من شغله بس اجه متخبل وملهوووف حضني واني ابجي واشكيله وهو يبوس براسي واديه كال...لا تخافين مجرد حراميه عبالهم البيت فارغ بجيت بصوت عالي....لا رادو ياخذوني هم شالوني حضني حييييييل ومجاوبني ضليت بس ارجف ورضيه اجت هي وصلاح وحتئ عمي الشيخ وجابر اجووو من دروا بيتنا انداس واني بس ارجف وكل ما اتذكرهم واتذكر الرمي انهار وخطيه انطوني علاج هذا علاجي ينوم شويه حسيت اعصابي ارتخت وغطيت بنوم عميق .............................. جابر... جنت هسه راجع من الدوام خطيه تلكتني وقار باستني بخدي واني كذلك تغدينه كلنه وجنه نسولف اني قررت اخذ وقار للدكتوره لان من سقطت لحد الان وهي مصار عندها حمل وكلت مناك نروح نشةف ريهام صار فتره ما شايفها وصليح الكلب ما يجيبها اريد اتعارك وياه انوب من اخابره اكله جيبها يسد الخط بوجهي مدري شلون ابوي انطاه مره هههه بس والله صلاح دره ما نلكه مثله شويه واتصل صلاح ابن الحلال بذكره اول ما فتحت خط عود ردت ارزله شو هذا كال...بيت جاسر داخل عليهم حرامي ومرة جاسر متخربطه لان يمكن رادو يخطفوها... احنه تخبلنا وخلينه ورحنه كلنه حتئ امي و وقار وصلنه هناك لكينه جاسر يفوووووور من عصبيته ويمه جعفر وصلاح ورائد رضا دخلنه سلمنه وكعدنه وجاسر واكف لا يهداله بال ولا خاطر وكل شويه وزفر بضيق رد عليه رضا وهو كاعد علئ القنفه الضخمه ...كول يالله ابو مرتضئ الحمد لله ام مرتضئ والاطفال ما بيهم شئ جاوبه بشراسه وبحده...شنووو الما بيهم شئ لك هذا رعب اهل بيتي وداس عتبت بابي ومتقصدني هذا متقصد يخطف زوجتي ايي متقصد اني ما كدرت احجي كدامها شئ ما كدرت اخاف عليها تنهار وهي حالتها ما تسمح رد عليه ابوي...طمنها بويه ولا تخوفها كلها مجرد حراميه لا دكلها متقصديني جر نفس عميق ورد من بين غضبه...شطمنها هي حتئ فقدت من خوفها يجرجرون بمرتي مثل الاسيره شنو معناها والله لو تشوفها تكسر الخاطر وجهه اصفر وشاحب واردف بانتقام...منووو يتجرئ يدوووس بيتي ويتعده علئ حرمتي والله اذا ما طلعت حليب امه من خشمه ما اطلع جااااسر قبض علئ ايده بغضب...اوووووف وين الي يحضيني بي والمشكله هي ما تشوف وما عرفت شكلهم ولا ميزتهم ... جريت نفس وتنهدت...زين شلون عافوها اذا هم ناوين يخطفوها ؟ عض علئ شفايفه بغضب...صبريه دكول جنت بالحمام وسمعتها صرخت وطلعت اركض شفتهم ثنين يجرجرون بيها وهي تبجي يردون يطلعونها ومسدسها جانت محليته بالكاونتر بسرعه جايبنه ومهددتهم وهم شاردين وراميه عليهم بس دكول ضربت واحد شطح بيده... ضحك رضا ودنك راسه كال...ما تشتغل ويانه بالسلك العسكري... جاسر باوع الرضا بخزره ورضا عدل نفسه وحجه بجديه...اكول ابو مرتضئ انت ما مخلي كاميرات بالبيت مسح وجهه بتوتر...لا جنت ناوي اخلي بس ما تشوف المشاكل كلها تراكمت عليه ونسيت رضا...زين يمكن يكون واحد من اخوان السجينه نوال؟ جاسر بتنهيده...لا ذووول مطايه ما يسونها وهم بس نسوانهم وكحه زلمهم ما بيهم خيير ... بس ذوول يردون يكسرون ظهري بمرتي ويريدون يخطفوها هي وحده من الاثنين لو عاصم لو داوود وكف ابوي بغضب...هم رجعنه العاصم بويه عاصم سافر خلينه نكول داوود باوع الابوي بثقه ..لاااا عاصم مخلي عليه الاحتماليه اكثر لان عاصم ما مات ومدام طلع للخارج فأكيد يطلع اخته وراه تنهدت...يعني معقوووله والله مستحيل يكون عاصم هو بالخارج شعرفه باخته شبيها رد عليه بعد ما رمقني بنظره جامده...يجوز بكون مراقبني اووو احتمال كبير بيت عمه هم الوصلوا اله عن الحادث الي تعرضت اله ام مرتضئ ... وبعدين لا اهل نوال ولا داوود ولا حتئ الملاكم يورطون نفسهم ويه عائلتي يجوز وياي بس ويه عائلتي لااا مستحيل ليش ما خطفوا ابني او ليش ما تعرضولي اني شخصيا او لاي واحد من اخواني بس هم قاصدين مرتي لذلك ماكو غير عاصم وحازم هم الي يورطون نفسهم وتضل ام مرتضئ اختهم واكيد يعرضون نفسهم للخطر اذا اجتهم الرعونيه... رد عليه رضا...زين اوك خلي كاميرات واذا حاب اخلي حمايه البيتك وان شاء الله بعد هذا الصار ما يتكرر جاوبه بضحكة مستهزئه.... اخلي كاميرات تمام قبلت بيها...بس مال اخلي حمايه واجيبلي همر بباب البيت لا مستحيل حتئ هسه يكولون خاف وخلاله حمايه تحمي لا عمي اني احمي نفسي بنفسي واحمي مرتي وعائلتي جاوبه صلاح...ابو مرتضئ ان شاء الله انت من تروح الشغلك اني اضل هنا واجيب مرتي وياي اخاف ام مرتضئ تستحي مني وان شاء الله بيتك ما يضل فارغ جعفر رد عليه...اي عادي واذا صلاح عنده شغل اجيب مرتي واجي واني دائما كاعد ما عندي شئ ولا يضل بالك ترئ احنه اخوتك احنه حمايه علئ بيتك ونوكع كدامك والله رد عليهم...ونعم منكم ادري الكل ما يقصر بس اني راح اعرف منو داس بيتي ورعب عائلتي وحسابه عسير والله... ضلينه كاعدين ضلينه لليل بيتهم خطيه البنات سوون عشاء وجاسر كال خاف ما يكفي دز من المطعم جعفر بسرعه جاب واجه .................... وقار اجينه البيت اخويه جاسر لكينه الكل عندهم وجولي خطيه نايمه سوينه عشا وهي لحد الان نايمه وحتئ شهد وريهام اجن وشويه واجت امي تفاجئت من اجت امي جنت حييل مصدومه بجيتها... تعشينا وهي امي اجت تروح وطبعا امي ما تحجي ويه صبريه كالت قبل لا اروح خلي اشوف جولييت واروح ابتسمت بفرح واخذتها من ايدها ودخلتها لغرفتها... شفتها نايمه بنص السرير بدون حركه والشحوب مكتسح وجهه الأصفر وندبه شرسه علئ طرف وجنتها الرقيقه وخصلات شعرها نازله علئ وجهها بتمرد وهي ضعفانه حييل وشفايفها متشققه... امي ضلت تباوعلها وجرت نفس تقربت منها بتردد وباستها بجبينها وابتعدت بسرعه تنهدت بضيق وكالت.... الله يشافيها خلت وطلعت اني لزمت ايد امي بحنان...الله يخليج يمه بعد لا تقسين عليها ترئ خطيه وهي منو الها غيرنه ردت بجمود...الله كريم يمه ابتسمت بفرح...ما صدكت راح تجيين اليوم تفاجئت من شفتج نزلت دمعتها ومسحتها بسرعه قبل لا تنزل...شكد ما اقسئ واكون حقيره ما اكدر اقسئ علئ ابن كلبي جاسر اخووج قطعه من رووحي مدام يحب جوليت ويحترك كلبه عليها انه مثله من دريت دايسين بيته ويردون ياخذون مرته تخبلت وحتئ من شال وطلع من بيتنه البيت شال وياه والله طلعته هو ومرته وجهاله مثل موتت فلاح ومهيوب وغزل البيت فرغ عليه يمممه اي والله بيتنه فااارغ بس اكوول ما دام راحته هنا الله يسعده ويسعد عائلته دخل جاسر وهي باوعتله تقرب منها وباس راسها بقهر وسلم عليها وهي حضنته وبجت ...سوده عليه يمه الله يحرك كلبهم مثل ما حركوا كلبك رد عليها بهدوء...الله كريم يمه ضلي باتي يمنه اليوم جاوبته بتنهيده...ان شاء الله يمه غير مره هاي مرة جعفر ما تنجرع وذيج سجيوه امها وبعد ازود من امها السانها طووويل وبس اخليهن وحدهن تصير من الروس واني بعد ما الي خلك مشاكل وهنه لا يخافن من جعفر ولا يخافن من صلاح وين جان مهيوب خالس اعباد الله خلس وفليح الذيب الله يرحمه من يكول كلمه ما تكرر وانت من بعدهم مشيتلي البيت عدل ومحد تفتح حلكها بوجودك وهسه كل وحده لسانها اطول منهن رغم جعيفر وصلاح هم ما مقصرين بس هن ما يكعد ما شايفات خوووف رد عليها بهدوء...ان شاء الله يمه اجايكم واشوف شلون اتصرف بس خلي شويه افرغ باسته بخده...اي يمه فدوه اروحلك لان ذن ياكلن اوادم واني ما الي خلك تنهد بضيق...ولا يهمج واني افهم صلاح شلون يتصرف وياهن لان ذن مو مال عيني واغاتي ذن مال رزايل ولو هن مزعطه جاوبته اني...لا جاسر خويه شنو مزعطه ذن ما عندهن تربيه هاي سجئ ماخذه البيت حاصل فاصل وماما اخذت ثاركم وماما اخذت ثاركم وشهد اللسانها اطول منها وكابه بينهن وبعدين جولييت من تزوجتك هم جانت طفله شو مو مثلهن تكمل شغلها حتئ ما تدري بيها شوكت اشتغلت بس ذن عرم... امي تنهدت وحجت بصدق...لا تجيبين جولييت وياهن ذن مالهن خيال بي خيير ..ولا عندهن تربيه هو باوع الغرفة جولييت وابتسم عبالك فرح من امي حمدتها شكد راد امي تضل بس ما قبلت وكالت ان شاء الله غير مره اني اسويلكم غدا واجي عندكم وبعدها كلنه رحنه واني رحت لعيالي تعبت والله نن غسل المواعين ونضفت بيت أخوية وكلها بصفحه وصبريه بصفحه...مو خوش تنضيف مدري شنوو وتعيب علئ شغلي ضليت تقريبا يومين وراسلتني صديقتي السوريه كالت مو التلك عندي موضوع معاكي ايمتئ بدي اجي ابتسمت وجاوبتها...تعالي بكييفج شوكت ما حابه... انتظرتها كل يوم بس ما اجت ........................... شهد ... گاعدة بالصالة أباوع مسلسل تركي وأيدي على بطني وبأيد الثانية اكرز سمعت صوت باب الاستقبال انفتحت واجاني صوت عمتي ام فلاح تشكي لجعفر تكوله تصدك يمه اليوم اجتنه خالتك ام هالة وشافت البيت شحاله ووصخ ظلت تحجي وتعيب واني صرت هلكدوتني كبالها من الفشلة كالت عندج جناين اثنين ماتكدر وحدة منهن تكنس الصالة لو تمسح التراب لو تشيل خيوط العنكبوت من الحياطين!! واني يايمه سكتت كتلها حوامل ومايكدرن واني مرة جبيرة بيه اكنبص واعزل الصالة!! لو بيه امسح البيت لو اشغل مكناسة واحني ظهري !! ترضاهه ييمه انته ؟ سمعت صوته يدردم وينهن الوصخات مرتي النادرة المعدلة وين؟ احنه يعيبون على بيتنا!! لا اليوم اكلب عاليها واطيها نزلت رجليه من ع الطبلة وكعدت عدل اتأهب للعركة لأن حمى جعيفر سويت روحي اعزل بالبيت ثواني ودخل اول ما اجه عليه يباوعلي مقلص عيونه فركت اديه كتله هلو حبيبي الله يساعدك ... كال من ورة خشمه هله .. صبي غدا طكطت اصابعي كتله ها مادري اذا صار الغدا لو بعده اروح اشوف ....اذا ماكو اسويلك اندومي داروح للمطبخ هو لزمني من زندي ورجعني عليه ظل يصيح يعني لا غدا لا تنضيف لا صخام بوجهج .. مو سويتي روحج عليه نادره ومعدله وتارسه السطح فراشات سحبت ايدي منه اووي على كيفك اذيتني شبيك تصرخ ماتكول حامل هاي الطفلة الي ابطني تخترع شجاك جاي حامي عليه كال بصياح ولج البيت ليش وصخ الغدة ليش لهسه مامستوي ؟؟ مو مرة معدلة انتي لو مو مرة ؟ اووي شبيييك على كيفك هسه يصير الغده وتاكل لاحك على شبع بطنك وتنظيف مابيه انظف خلي ريهام تنظف عمتي ام فلاح كالت هم ممقصرة البت وهيه حامل تجي من الجامعة مالتها تنظف ومرات تعبانة انت شعندج كاعدة وساكتة وهي مريضه زين منها وتنضف خيستجن يعني ذيج البنيه جنت متعافيه عليها راحت شالت والبيت خاس جعفر كرر الكلام جنه بيبي متووو اي صدك شعندج من الصبح لهسه شعندددج ترة اني هم حامل مو بس رهيمه لو رهيمه تتعيقل وتتعاير وواكعة براسي اني ... وبعدين سجاوي ليش ماتنظف شبيها شناقصها ايد رجل نعل شو بكبر المطي خلي تنظف لو بس بيها تزبل اجت سجاوي متخوصرة وعلكت بيناتنا كالت بصياح شكوو تحجين عليه حسبي الله عليج لو ماما هنا جان محد تجرأ يحجي عليه هيج بس شكول للظلام وبعدين انتي المطي كاللها جعفر اسكتي وجه الطاوة رقم اثنين وولي كدامي جيبي دفتر وقلم يله ردت عليه ليش شعدنه مدرسة شال الكوشاية شمرها عليها وهي التافت وراحت وهو بعده يدردم شون بالله ادبسزيات ولجن والله والله لا تخلني اني انضف منا ورايح واريد كلبه تجي تنضف كتله نظف علواه منو لازمك اني حامل وصغيرة مابيه حيل بصراحة ..... لزمني من عنقي وخنكني حييل وهو يهز بيه بعصبيه وصياح وجوليت هم جانت صغيره وحامل وعندها توم والبيت نضيف والاكل حاضر ماتصيرن مثلها ؟ ماتغارن منها لو بس بسوالف الطايح حظها تغارن بس انتن بين قوسين خايسات جايفات لو توصل الزبالة للركب هم مايهمجن اجت سجئ شايلة دفتر وقلم كالت لا والله ماما هي جانت منظفه البيت وشايلته على راسها بس محد يجيب بعينه والطيب بسرعة ينسي كاللها جعفر وهو يخمش القلم من ايدها والدفتر سكتي سكتي لا تذكرينه بيها ولا تجيبين سيرتها لا تخليني مااتغدى هسه وترئ مليت واني كل شويه وطاكج بزيج انتي وامج ويله تحضرن هاي راح اقسم الشغل بينجن غصبا ماعليجن تشتغلن ومن هسه من اليوم من هاللحظة خووش ظليت افر ببوز شفايفي وسجئ تهز بروحها عود دتنتظر قرارات جعفر بيك الكبير هو مدري شنو شخبط بالدفتر وتالي رفع راسه اشر عليه بالقلم كال شهيدة انتي عليج الطبخ وانت ولج سجى عليج التنظيف كتله ماا اني مااطبخ الها سم خلي توولي وهيه نطت كالت اني ما انظف وصاختج وخيستج اوووع شمر الدفتر عليها والقلم شمره عليه وكع على راسي وهي الدفتر وكع على كتفها وظل يعيط ا نجبن وسكتن يله وصخات خايسات اله اني انظف بعد والله الي تفك حلكها اله اشكه الها والهن عين يعترضن اله ابتلي بيجن تردن موو سهلة يله ولجن كل وحدة على شغلها كدامي يله ... انت شهد يله نص ساعة والغدة صاير وانت ولج وجه الطاوة رقم اثنين اكعد اشوف البيت يلمع اكثر من وجهج مفهووم كتله واني صاكة اسناني صار عمة صار كال شكلتي وولج ؟ رديت بخووف...لا اكول ادلل صاح عليه...بنت الكلب جيبي الدفتر بسرعه مدام لسانج طووويل ازيد عليج الشغل الحمامات انتي تنظفيهن وتغسلين المواعين انطيته الدفتر واني اخوزر بي وهو خمطه من ايدي بعصبيه وطردنه ثنينه ضليت ادردم وهو عاط بيه كال شكلتي... ماكو شي وكمزت للمطبخ ..... ................................... ريهام .. رجعت من الكلية تعبانة حيل ، احس معدتي فارغة ونفسي لعبانة ومااشتهيت اكل بالكلية .. اول ما فتت ع الطرمة شفت سجى بيدها بطل مي ابو الربع ودترش على العتبة مال باب البيت عكدت حواحبي واستغربت هي حست بيه وراها التافت عليه ارتبكت اول شي وبعدين ظلت تباوعلي رافعة تك حاجبها وضمت البطل وراها عبالك ماشفتها واني بقيت اباوعلها بنظرات كلها استغراب .. هيه هزت ركبتها ورافعة تك حاجب تقربت مني كالت شبيج شبيج ترة دانظف !!! ليش هيج تباعين ؟؟ عمو جعفر قسم الشغل بيناتنا اني ومرته وكملت كلامها بحقد وتشدد على احرف كلماتها اي بس عليه صايرين زلم ونسوانهم تفتر بالكليات تقربت منها بعد ما تنهدت كتلها بهدوء عكس الي بداخلي حبيبتي سجاوي انتي بنية حبابة مو عيب تكولين هالكلام ؟ كالت برفض ووقاحة لاء موو عيب شما اكولج مو عيب لان انتي تحرضين عمو صلاح عليه لحتى يضربني . فتحت عيوني متفاجأة ليش هيج سجى تكولين لو ما الي صار كله كدامج ؟ واني دافعت عنج ما حرضته! تخصرت بيد وحدة ووكفت كبالي اي اي تمسكني بعد تمسكني اصلا انتي كاضيتها تفرفرين بالكلية واحنا ننظف وصاختج دشوفي البيت شلون وصخ حتى خالة لمن اجتي ظلت تعيب ع وصاختكم بعدني اباوعلها بعيون متسعة كولش صلفة كولش احتار شنو اجاوبها هسه هاي شجابها على هاي سجاوي شسالفة انت شنو الي تردين توصلين اله بالله ؟ ترة اليوم الكل حجه عليج وكالو ريهام بس تسخت ولا تشتغل ولا شي حتى حجوا عليج كدام خالة ام هالة لمن شافت البيت وصخ هزيت راسي كتلها ميخالف هم حجوا عليه انت ليش دتكوليلي !! ترة هايه فتنة ؟ والفتنة اشد من القتل ؟ حلو يعني هيج لمن تنقلين كلام وتسوين مشاكل ليش ماتشغلين نفسج بأمور ثانية مو احسن!! كالت اني داكولج حتى تحسين يعني حلوة هيجي انت تفرفرين من الصبح للعصر واني صغيرة ويخلوني انظف واشتغل !! هاي عود انتي مسوية نفسج متدينة وتخافين الله عشتو لعد نسيتي النظافة من الايمان ؟ طالعة وعايفة البيت وصخ! البيت صار خايس من ماما دخلت سجن لحد هسه نضفت خيستجن؟؟ تنهدت وضربت ملزمتي على رجلي كتلها اوكي خلصتي كلامج !! يله بس وخري سويلي مجال افوت .. وخرت هيه عن طريقي وكالت اي بالله اسويلج مجال ولتنسين عود لمن يجي عمو صلاح حرضي عليه وخلي يجي يضربني بأمر منج .. غمضت عيوني ثواني وتنهدت كتلها حبيبتي انتي ليش ماخذة عني هاي الفكرة كالت بعناد اني مماخذة عنج هاي الفكرة انتي هيج من صدك .. هزيت راسي كتلها اوكي براحتج بس وخري شويه خلي افوت .. وخرت مدري شنو حجت ماخليت بالي وياهه ابد لان كافي الي سمعته منها ، ابد مو طبيعية هالبنت كوة تريد تسويني ظالمة زين هاي صغيرة وهيج اذا كبرت شحتسوي!! والله ما ادري .. فتت للبيت سلمت على عمتي ام فلاح وبسرعة بدلت ملابسي رغم دايخة وكوة واكفة على رجليه بس تشكلت وظليت انظف مخليت شي مانظفته حتى المدات غسلتهم والبردات صعدت نزلتهم خليتهم بالغسالة ولمن نظفن صعدت فوك شريتهم .. هلكت للمغرب يله فتت للغرفة شفت صلاح جاي باوعلي كال هاي وين جنتي ؟؟ لزمت راسي بيدي غمضت ثواني بتعب وفتت للغرفة سحبت حجابي من راسي وخليته ع الميز جاوبته بتعب حبيبي جنت انظف صعدت شريت االبردات هماتين والمدات رحت كعدت ع السرير اجه ميل روحه عليه يباوع بوجهي باوعتله بتعب كال وجهج اصفر ليش هيج متعبة نفسج!!! هاي من شوكت دتشتغلين انتي؟ رجعت ظهري على السرير احسه راح ينكطع من الالم والتعب هو اجه يباوعلي بوجهي غمضت عيوني كتله اريد انا صلاح تعبانة مددني عدل على السرير وتمدد يمي عدلت نومتي صفح نمت وايدي على ظهري وكلت اخخخخ بدون وعي مني كال شبيج انت مارايده روحج من اجيتي الجامعة لهسه تنظفين لو ماريدة طفلنا ؟؟؟ حبيبي مو هيج بس البيت وصخ وبس انت موجودة تنظفين ؟؟ جان ارتاحيتي كم ساعة يله رحتي نظفتي ؟ لو اله تجيبين الاذية لرووحج ؟ هو جان معصب ويحجي بحركة!! رفعت راسي همست حبيبي كال ريهام ليش اتعبين نفسج وتتعبيني هاا ؟ انت حامل شويه داري روحج لو احد حاجي عليج ومسمعج حجاية ؟ كمت وسندت جسمي بيدي ع السرير لا حبيبي شسالفة قابل ما اعرف واجباتي اني بس اليوم تجمع الشغل مال كم يوم جانت امتحانات وملحكت وخليته كله اليوم اجه بعد خصلات شعري وره اذني باثنين اديه وكال ليش سوين بنفسج هيج ياعيني!! مو كله بيوم واحد شويه ارحمي نفسج .. رجع راسي ع المخدة واني اباوعله وابلع ريك واحس الدنيا تفتر بيه منا مماكلة شي ومنا الشغل ومنا كلام سجى حيل ضوجني وغثني نمت مادري بنفسي كعدت احس رطوبة بملابسي كمت اصيح صلاح صلاااح اجه يركض فتح الباب وفات الظاهر جان بالصالة وسمع صوتي اجه ع السرير ولزم اديه بخوف وقلق شبيج حبيبتي !! كتله يمكن داانزف كال بغضب استغفر الله استغفر الله احسلج هيج هسه ؟؟؟ بعدها حاول يتماسك ورفع شعره ليفوك وزفر صاح امه تحضر نفسها ياخذني للمستشفى واجه ساعدني اغير ملابسي واخذني للمستشفى فحصتني الطبيبة وسوت الي سونر كالت الجارة بيها ثقب ولازم ترتاحين متعبة نفسج هواي سوتلي تحاليل دم ، طلع دمي نازل كتبتلي ابر تقوية مال دم وبقيت ليلة بالمستشفى هو خابر على ماما واجتني خطية قلقانة عليه طمنتها عليه بس شويه تعب .. .................................... وقار... بعد مرور اكثر من شهر اندك الباب رحت فتحته شفت صديقتي السوريا اجت هي وامها سلمت عليهن ودخلتهن جووه بالاستقبال وضيفتهن... ضلينه نسولف شويه وصديقتي الشابه كالت بابتسامه...انا عندي موضوع معك ياريت بتساعديني في اشرت علئ عيوني...ادللي يروحي عيوني الج شنو الموضوع؟ جرت نفس وفركت اديها بتوتر...اممم بس انا بدي احكي مع اخوكي جاسر اختفت ابتسامتي وعقدت حواجبي باستغراب...ليش شعندح وياه تنفست بضيق وباوعت الامها ورجعت باوعتلي وابتسمت..هه لا هييك هو موضوع مساعده للاجئين ياريت تاخديني الووو وما بنسالك هل معروف بحياتي باوعتلها بحيره...شغله تخص اللاجئيين؟ ردت بحيره وخووف وارتباك واضح علئ معالم وجهها...اي بتخص الدولتيين انا ما بئدر اجي مرة تانية ياريت بتاخديني هلا حكيت وجهي بحيره ...خلي اخابره اشوف موجود او لاااا هزت راسها بقبول واني اتصلت بي بس ما كلت اله عن السوريات هو جاوبني كال اي موجود هسه اجيت من شغلي كتله راح اجيكم وهو رد عليه بقبول...هلا بيج يالله حتئ تونسين جكليته لان ضايجه ضحكت ورجعت خابرت علئ جابر كتله حروح البيت اخويه جوليت ضايجه وهو مقصر كال روحي خابرت علئ جعفر اخذنه بس جعفر تفاجئ من وجودهن وياي وبسرعه وصلنه البيت جاسر حتئ هن ضلن يضحكن كالن...اديش بتتصلي ضحكت كلتلهن...شسووي لعد غير اخبرهم... وصلنه للبيت ودخلنه فتحت النه الباب ماما رضيه.... ........................ جولييت جنه كاعدين اني وماما رضيه نسوي غدا اني رغم ما اشووف بس كلتلها وكفيني علئ السنك وانطيني اغسل مواعين ضليت احاول اغسلهم كلت ميخالف اعود نفسي والتمس الاشياء وانضفها... وحتئ اكثر الأحيان الزم الملابس اغسلهم بيدي حتئ ما اعيش حاله من الوحده والخمول وجاسر ابد ما جان مقصر للامانه وحتئ دائما يطلعني واني ما احب اطلع اببد لان ما اعرف اذا شكلي مخربط او لا ودائما اطلع للحديقه اتلمس الوردات وارش الهن مي فجاي اتاقلم علئ الوضع شويه شوي وحتئ جهالي ادخلهم اسبحهم وهم ينطوني الشامبو والصابون ويضحكون عليه يكولون...سكيته ما تسوف اني جنت اضحك عليهم وعلئ ضحكم بس داخلي حزن عميييق اجه جاسر من شغله باسني بخدي وراح سبح وبدل واجه كعد بصفي رجع حضني وباسني مره ثانيه كتله ببتسامه....الله يساعدك والغدا جاهز انصبلك خطيه ماما رضيه ما قصرت جر نفس ورد عليه...الله يجازيها تعبناها باوعتله بعشوائيه وابتسمت...ان شاء الله بس ارجع اشوف اخدمها بعيوني باس عيوني ورجع باس شفايفي كال...اكييد ان شاء الله ما ضل شئ واسويلج عمليه لزمت بطني بحيره واستغراب...جاسر اني احس الطفل ميت بطني لان ما اله اي حس واحس بطني فارغه والله قطع حديثنا ماما رضيه وهي جايبه الغدا كالت...يالله يمه تعالو سمو واكلو واقروا الفاتحه المهيوب وموتانا اجينه اكلنه ومجتبئ ومرتضئ زرفوا رجلي بعكوسهم ولا يبطلون هل عاده جاسر كال..مدام هيج مزرفين رجلين مرتي ان شاء الله هذا الاسبوع اجيب ميز طعام هههه احنه اشترينه بس هو رجعه ما عجبه كملنه غدا وبعدها صبت ماما رضيه جاي واني رحت غسلت المواعين هي ما قبلت بس اني كلتلها لا اريد اتعود ما يصير هيج شويه واندك الباب ماما راحت فتحته وسمعت صوت وقار و وياها ثنين بنات سمعتها كلتله ...لا خوويه جاسر لا تروح هاي الضيوف جايه الخاطرك الضاهر هو راح بس هي صاحت عليه سمعت وحدها منهن كالت...اهللين اني من سوريا اول ما كالت هيج اني حسيت بعاصفه هجمت علئ روحي لزمت طرف ثوبي وعصرته حييل ورجليه رجفت... هو رد عليها بارتباك واضح علئ صوته ....اهلا وسهلا تفضلوا اكعدوا ردت عليه بصوت راجف...اءء انااا انااا من طرف شام امها لغزل.... نهاية البارت....يتبع كونوا انتم كونوا بخير....احبكم 💔 نور سمو العراق😘😘 لا تنسوا التصويت والمشاركه بكم نكتمل 🌹 | ||||||||
|
| |
|
22-11-20, 09:40 AM
| #78 | ||||||||
| مراقبة عامة ومشرفة منتدى الروايات المنقولة
| البارت ٢٣مفااااااجئ رواية...جولييت واسرها...غياهب الإنتقام بقلمي...نور سمو العراق 💔💔💔💔💔💔💔💔💔💔💔 بارت مفاجئ لعيونكم وهديه للواتبادين والفيسبوكيين 😂😂😂 فديتني مدري منين نازل عليه هل كرم 🙄 ........................ معدان… بعشگنه… .وشوگنه خبالات وطبع بينه….. النحبه انخضر بعينه لا نعرف قليل… ..ولا طبخنه اگدار ونعتب… ع الحبيب الما يحاجينه.... ................................................ ريهام صلاح لحد الان زعلان مني لان تعبت نفسي واجيت اسقط اني والله محتاره حييل اذا ما نضفت الكل يحجي واذا انضف صلاح يحجي والله حييره هو صح الشغل ما يموت ولا الطفل لازك بعلج بس والله اني ورطت نفسي من دخلت جامعه ردت ابطل بس حرامات والله تروح عليه سنه شهد هاي الايام مخبثه مدري شبيها هي طفله ما عليها عتب وتعاين سجئ وسجئ اخس منها وعرك بينهن ما عليهن عتب رغم جعفر قسم الشغل بينهن بس هن بس من يشوفنه ... انوب ثنينهن شايلات خاشمهن عليه وزعلانات مني وشهد كل شويه وكال...اني مو حامل اشو ما اتعاير مثل النسوان ردت عليها خالتي ام فلاح...ولج انتي عرفتج ما بيج خير وما يجي منج خيير ولج ذيج مرة جاسر عميه ودخلت الهم لكيته كاعده تغسل مواعين وهي ما تشوف وانتن عيونجن سته علئ سته والمواعين مدهنه رديت عليها بهدوء...اني والله عمه اغسل المواعين زيين وكل جمعه وسبت اجلفهن كلهن باوعتلي بحسره...مو قصدي عليج يمه علئ هل خايسات اني ادري بيج مريضه وحامل واحنه كون نعلك النه رايه لان طبتي وحبلتي وادري بيج ما تقصرين بس ذن شبيهن ردت شهد...ترئ اني طفله دخل جعفر كلها...والله موتتني التفله وحق ابو فاضل يا شهيده اذا ما مشيتي عدل هذن رجليج اكصصهن وذبهن للجلاب واشمرج علئ ابووج ولج شو انتي صايره حييل وكحه وادبسز واني ساكتلج انتي تفرعنتي وتخبلتي انتي وذيج سجيوه طلعت سجئ وعاطت بصوت عالي....اني شدخلنننننني خووو انت بس تجي عليه وهاي الشهيده شيطانه والله وتخبث عليه شهد ردت عليها...صدك ما تستحين احترميني اني مرة عمج تنهد بقهر...شلون هسه الزمهن واركع راس براس والله ترئ موتنا يعني سوالفجن حييل تعبانه وبطرانات ومزعطه امه ردت عليه...اي مو هي هاي الردتها وخبصتني بيها وعاندت الكل واخذتها يالله استلم هاي النادره بنت الاصول الجبتها اليه هو باوع الشهد بغضب وهي جانت عاقده حواجبها كله...امشي ولي كدامي من طاح حضج والله اليوم صدك اربيج هي خلت وراحت ترددم وسجئ باوعتله باستهزاء ودخلت جوه وهطرت الباب عمتي جرت نفس...خابر جاسر وهو يحتار بيهن ذن والله ما يمشن عدل اله واحد يطيح حضهن صدك خابرته هو جان بالدوام كله من اخلص اجي وان شاء الله امر عليكم صدك اني رغم مريضه صح اتوقف عندي النزف بس لسه تعبانه بس نضفت جان بيها طالبه اجازه من الجامعه... شويه ودخل جاسر سلم علئ امه وكعد بالاستقبال اني دخلت سلمت عليه وسألته عن جولي كال تمام الحمد لله... امه ضلت تحجي وتشكي منهن كلتله لو ريهام تنضف لو هن ما يمدن ايدهن انوب ياكلن ويشمرن مواعين وهاي سجئ موتتني سوت اندومي اكلته وشمرت الصحن شربت جاي شمرت الكلاص انوب ما تشيله وذيج مرة جعفر تشوفها تسوي مثلها احنه هيج جان بيتنا احنه وين جنه وين صرنه كون يطلع مهيوب من كبره ويشوف هل مهزله والله يتخبل علئ هل خييسه ... جر نفس بهدوء وهو يدخن كلها...صيحيلهن يمه عمتي راحت صاحتهن واجن هنه بس اجن وجوهن مخطوفه سلمن وكعدن هو جاسر باوع الهن وطفئ الجكاره بالنفاضه وباوعلهن بهدوء...شبيجن بابا علئ شنو مشاكلجن ليش البيت يشكي منجن احجن خلينه نفتهم... شهدت نزلت عيونها ومجاوبت وسجئ،باوعتلها رادتها تحجي بس من شافتها ما حجت هم سكتت رد عليهن ببرود...احجن شبيجن وحدجن تكسر الخاطر وبس اطلع اللسانها اطول منها سجئ بلعت ريكها كالت...اءءء عموو والله اني الشغل كله عليه ما يصير وهنه مخبثات ويايه وهاي ريهيمه تحرض بعمو صلاح عليه... باوعلها بغمووض وركز بيها ثواني وهي كملت كلامها بفشله وتبلع بريكها...اءء يعني مدري شبيهن وياي ويكرهني ويكرهن امي جر نفس عميق وكله...خلصتي كلامج ؟ سكتت ومجاوبته بس هي بلعت العافيه كلها...كومي سوي جاي بسرعه هي خلت وراحت تركض تسوي جاي وهو اجاه اتصال ضل يخابر وسجئ شويه وجابت الجاي خلته كدامه وجايبه بس استكان واحد هو قفل الخط كلها ...سجئ،عمو انتي طفله لو جبيره ردت عليه...لا اني طفله حك طرف شاربه باصبعه كلها...اهااا تمام جاا منا وهيج بعد ممنوع عليج الموبايل لان انتي طفله ردت عليه بسرعه بارتباك ولهفه...لا عمووو اني جبيره وبعدين والله موبايلي فارغ وحتئ ارقام مابي وكل يوم عمو صلاح يفتشه... تنفس بهدوء...اهااا يعني جبيره اعترفتي وجنتي قبل تتحججين انتي طفله مدام انتي جبيره يا عمو اتعلمي من تجيبين الجاي صبلي للكل حتئ ما تقللين من احترام احد ... جاوبته ...مو عمو بس انت ردت جاي كلها...زين سالتي بيبيتج تريد جاي لو لا ردت عليه....لاااا باوعلها بهدوء...مدام ما سالتيها قدريها وجيبلها او اساليها طليلها بيبي تردين جاي لو لا عمتي هزت ايدها...هههه هي اتوسل بيها اكلها انطيني علاجي ما تقبل دكول كلي الجناينج ركز بنظره علئ سجئ وهو يرمقها بنظرات ما تتفسر كلها...صدك عمو كلام بيبيتج ؟ هي حسيتها اختنكت...لاااا عمو ببب ببب بس بس جر نفس...لا تضلين تبسبسين الاكبر منج تحترمينه وتقدرينه وهاي بيبتج بجت دم علئ ابووج وتحملت امج الخاطرجن انتن جازنها ولا تشلعن كلبها هزت راسها بخووف وقبول واذا دكولين اني طفله محد طلع من بطن امه يعرف كل شيء عمو احنه نريدج ترفعين راس ابووج بكبره والناس تترحمله مو تسبه من وراج اسلوب امج خلي علئ صفحه لان امج مهما سوت وطغت وتفرعنت الله طيح حضها والظلم عمره ما يدووم واني ما اعتقد الشغل يموووت ويالله كومي بوسي راس بيبتج واعتذري منا وازعل عليج واني زعلي مو هين اذا سمعت امي تشكي منج هي راحت باست راس عمتي وضلت كاعده يمها... باوع الشهد الي بسرعه نزلت نظرها ولا جنها الي قبل شويه خبصت الدنيا وتصيح وتغلط كلها...وانتي عمي شنو مشكلتج ؟ بلعت ريكها ورفعت اديها...اءء اني الحمد لله ما عندي اي مشكله احترم الكل واحب الكل وعايشه وياهم علئ الحلوه والمره ضحك باستهزاء وهز ايده ...شو كلهن طلعن مؤدبات وعاقلات ومخلصات الشخص معقوله يمه تتبلين عليهن..؟ عمتي هزت ايدها وحطت ايد علئ ايد كلتله...اي يمه اتبلئ اتبلئ ...ولك يمه يوميه اني عركه ماكو ذول رضاوي ومجتبئ افهم منهن واعقل دكول مزعطه شهد كالت...يعني والله اني انضف وهنه اببد ما ينضفن واني ليش انضف اذا هن ما يمدن ايدهن علئ شئ هاي ريهام عود اذا اجت من الكليه تنضف وهي تجي متاخره خلي تنضف وتروح ترئ ميطير نصها رد عليها جاسر...وبيش الساعه تكعد تنضف بتلاثه باليل شنو طالعه عماله شبيجن بابا تخبلتن ترئ هذا البيت بيتجن انتن انتي وسجئ و ريهام وترئ الي يجي ويحجي مراح ينقد امي او ينقد مرتي لو ينقدنا احنه ينقدجن انتن لان انتن كاعدات بهذا البيت انتي يا شهد جنتي زعلانه وريهام مريضه ونايمه مستشفئ ولا سجئ ولا نوال ولا امي تشتغل بس جولييت وامي رضيه وامي رضيه مو دائما تشتغل الي تسوي بس الغدا جولييت جانت عندها طفلين والكاع ما تجرعهم ومو بس هيج حامل حالها حالجن وما فديوم واحد دخل علينه وكال بيتكم وصخ وترئ طفله جولييت من اخذتها لحد الان ما شفت الها ثوب وصخ ولا شفت بيتنا وصخ واحنه كومة ولد وترئ جان صلاح وجعفر عليها هي تغسل ملابسهم شو ما شكت مثلجن والله اتذكر لحد الان ما مر علئ زواجي منها غير يومين وهي تنضف بالمطبخ ودخل الها ابوي ضحك عليها كلها ...بويه اكعدي بعدج عروس ترئ بعدين تملين من التنضيف وما شفتها بيوم ملت وهسه هي مريضه وما تشوف والله وما تكعد اله تشتغل بلي تكدر عليه واتذكر جانت دائما دكول اغسل وجهي ما اعرف منو يبوسه وانضف بيتي ما اعرف منو يدووسه ريهام.. اني ضحت من كال هيج اتذكرتها صدك جان هيج دكول وهو جاسر جان يكولها اني ابوووسه... اردف بقهر...زين هسه ميخالف هاي وقار مو مثلجن ولا تتنعم مثلجن فاقده اصابعها وحركتها معاقه وهي ما فديوم بيت عمي اشتكوا منها وما فديوم اتاخر غداهم.... فانتي يا شهد لا عوزج رجل ولا ايد وكاعده وساكته واذا جنتي حامل يعني الحامل علئ راسها ريشه ام مرتضئ جانت حامل بتوم وشافت مصايب الدنيا كلها ومصار بيهم شئ ليش؟ لان ربي قاسمهم الحمد لله فانتن اتكلن علئ الله وان شاء الله اذا نضفتن اني اضمن الجن لا تطير منج ايد ولا رجل ولا يطكجن عرج .... وهسه هذا الكلام ما يفيد وياجن لذلك كل وحده تلزم الها شغله وما تحتك بالثانيه رديت عليه ببتسامه ...ابو مرتضئ اني خلي عليه الطبخ والعشا ومواعين العشا والغدا لان اني عندي دوام واني قررت اسوي الغدا واخلي بالمجمده ومن ارجع بس احمي وبهيج اكون ما قصرت ان شاء الله هو باوعلهن كلهن ...شوفن ترئ ريهام معزتها غاليه عندنا مو لان بنت عمنا لا بالله بس بنيه مؤدبه وما تتجاوز ولا تاذي هي كلنه جنه نعرف جانت مريضه بالوكيميا وهذا المرض طلعت منه بمعجزه ومريض السرطان ما عنده مناعه وهي حامل هي ينراد الها واحد يداريها وهاي شوفنها ممقصره وياجن وانتن ثنينجن وزعن الشغل بينجن شهد ردت عليه...اني سوي ريوك اغسل مواعين الريوك الصبح وانضف البيت وسجئ خلي تنضف البيت العصر رد عليها بقبول وباوع السجئ...عاجبج ست سجئ لو لا هزت راسها بأي وكف وعدل قميصه كال...يالله اني رايح وان شاء الله بعد ما اريد اسمع اكو مشاكل بيناتجن ترئ المشاكل مو حلوه وما تجي منها بس المصايب وانتي سجئ مهما نقسئ عليج تضلين بنت اخونه وهااا ديري بالج ترئ جهازج مربوط بجهازي للتحذير طبعا... اني ما فتهمت وهي انصدمت وضلت تفرك باديها اردف بهدوء....وانتي شهد ما اريد اسمع اي واحد يشكي منج مفهووم بابا جاوبته بلباقه...اي تدلل عمو ابو مرتضئ والله اني احبكم رد عليه بستهزاء...عمي لا تحبينا حبي بس جعفر ولا تسوين مشاكل... شويه واجه جعفر كعد وطلعن من الملاهي غسلهن غسل كدام جاسر وطلع سوالفهن كلها وهن خلن وشردن كله جاسر...بعد ما يعيدنها صدكني جعفر جر نفس..والله موتني اني هاي شهد مدري شبيها متخبله رسمي وذيج سجيوه مخلصتها عليه ماما اخذت ثاركم وماما اخذت ثاركم وبابا لو يدري هيج مسوين بينه ما يقبل عليكم واني فلاح اجاني بالحلم تفل بوجهي كال ولك عود انت زلمه زوجناك نويله وضاله تلعب بكيفها وانت كلشي ماكو خالتي لطمت خدها. ياااا صدك عووود فلاح تفل بوجهك ؟ ولك خاف مو زين بس لا تموت رد عليها جاسر...هههه جذاب جايه علئ جعيفر وشفتيلج عار مات باوع الجاسر...لا ابو مريضي لا دكول عار ترئ صرت متدين اصوم صلاة اليل ومادي واجبي الديني رد عليه وهو يضحك...ولك انت حتئ الملائكه ما تفهم شتحجي انت اذا صلاتك اسرع من البببيب وصيامك بس اول يوم تسجل حضور وبعدها تبطل لزم ادين جاسر بفرحه...تدري ضليت ما اسكر صدك احس مفارك وحده عاشكها بس مي خالف دست علئ كلبي اهم شئ الحلال والحرام عمتي ضحكت كلتله...جاا العاشكها مو اخذتها وارتاحيت اشر علئ نفسه بغضب...هو اني مطي اتزوجت شهيده تاخذني للشط وتجيبني جوعان يمه هاي داهيه نويله مصغره ضربه جاسر علئ كتفه...تعلم بعدها صغيره جر نفس عميق ومقهور...ذاك دكلي انت شنو عمتي جنك عجايز قبل وكف جاسر وجر نفس...جدر ولگه غطاه وين المشكله عمتي هزت ايدها...اندري وين المشكله غليج ولكاله طبيج ضل شويه يسولف وبعدها خله وراح البيته واحنه الحمد لله مرت علينه ايام مشن عدل شهد تنضف الصبح وسجئ باليل واني اطبخ واغسل المواعين بس سجئ لحد الان ما تكعد وهاي خالتها ضلت تجي البيتنه بس من الولد ما موجودين هي من تجي خالتها تصير فوعوون ومن تتاخر لا البنيه تمشي عدل اني دا احاول اكسبها هي واخوتها والله كريم.... ............................................ وقار ما جنت اعرف غايتهن هيج ولا جنت اعرف هن من طرف شام المفقوده والله لو اعرف جان ما جبتهن هسه وجان تانيت ولا اجيت لان جولييت مريضه وجاسر محتار بيها مو وكت شام ابد ضربتين علئ الراس توجع رغم صدمتي بكلامهن بس فشلت من نفسي باوعت الجولييت لونها انخطف واحتقن وجهه الصغير وحطت ايدها علئ صدرها وهي تتنفس بضياع وحيره ... اما جاسر فجاسر فتح عيونه مصدوم من كلامها المعلن ومن ذكر اسم حبيبته شام باوعت علئ اديه رجفت بقوه اول مره اشوفه هييج بتوتر فضييع و وجهه انخطف بسرعه تقرب منها بخطوات ملهوفه تارك الكل وره ضهره وصدره يصعد وينزل دلاله علئ ضيق تنفسه وكف مقابيلها وتكلم وياها بجديه...صص صدك انتي،من طرف شام اشر علئ نفسه ما مستوعب كلامها ومذعور من هل سر الغامض...شش شام مرتي اا انتي من طرفهااا؟ نزلت راسها وهزت راسها بأي وبعدها رفعت راسها وهي ترسم علئ شفايفها ابتسامه حزينه...ايه انا رفيئتها لشام لما كنا في ليبيا اممم انا ما بعرف شو بحكي بس بصراحه شام بتحبك كتيير اردفت بصعوبه وعبالك داخل حنجرتها موس حااد...ايه شام بتحبك وتعزبت كتيير وانا ما ادرت اسكت اكتر من هيك...لهيك اجيت من دون علم منها قبض علئ اكتافها باديين من حديد متناسي هي محرمه عليه وهزها بغضب عارم هز اركان البيت...ويننها شاااام ويييينها احجيييي اريد اشوفها وييينها باوعتله وبسرعه باوعت الجولييت ودموعي تنزل علئ خدي شفت بيها انثئ ضعيفه مكسوره منهكه والشحوب طاغي علئ ملامحها...عبالك انسانه ميته والظلام محاوط عيونها الزمرديه الحزينه شفايفها صارن احمر دم بسبب كتم الحركه داخل صدرها اشحت بنظري عنها علئ صوت السوريا من نطقت وكالت...هي معنا ما صار كتير من اجت لهون للعراء بس هي ما رطت تجي لعندك لانو نحنا حكينا الها ان انت تجوزت ابتعد عنها وحط اديه علئ راسه بضيااااع وعلامات الحزن وضحت علئ محياها اتقرب منها مره ثانيه وبلع ريكه بحيره وصعوبه ورد عليها...اخذيني الها انتم وين ساكنين وهسه هي وين ساكنه أخذينيي الهاااااا صرخ بيها بصوت رجف كل جسمها وارتبكت همست برعب وارتباك...بس هي زعلانه منك كتير وما بدياك زمجر بغض كااااااسح ....كتلج اخذذذذيني الها... هزت راسها بقبول ومشت خطوات وهو طلع وراها اني خليت ورحت وراهم لزمته من ايده وهمست بدموع...جاسر هدي نفسك والله اني ما ادري بيهم من طرف شام... ما جاوبني وركب بسرعه بسياره وهن ركبن اني ركبت وياهن وهو ساق بسرعه جنونيه بعد ما هي وصفت المكان اله... اني باوعت الها بغضب وكلتلها...انتي وحده جذابه انتي جذابه شلووون دكولين يخص اللاجئين ليش ما كلتي عن شام ردت بجمود وبدون ما تباوعلي...بعتأد شام كمام لاجئة صرخت بوجهه...بس انتي جذبتي عليه انتي وحده جذابه جذاابه باوعتلي بحده وتوتر وكالت...ممكن تسكتي لانو عنجد انزعجت منك سكتت وهمست واني افرك باديه...بسيطه بسييطه اني الغبيه المطيه الحيوانه الي جبت واجيت ضلت توصف اله المكان منا لمن وصلنه عند خرابه تكون باحد المناطق النائيه وجانت بيوتها عباره عن بلوك ما ملبووخ والشارع ما مبلط... نزلنه عند بيت يرثئ اله الحال وتعبان حييل دخلتنه جوه هو ضل واكف وباوع الها كلها بحده...وينها شاااام دورت بالبيت ماكو سالت عنها وحده منهن كلتلها...شام راحت مع ام ياسر لعند ناس بتعرفهون مشان تجيب مصاري باوعت الجاسر وابتسمت بفشله..ااااء يالله لكن انا بتصل فيها... اتصلت بيها وكالت راح افتح مايك مشان تسمعها شويه واجه صوتها الناعم الحنون...شو بدك ياسمين جاوبتها ببتسامه وهي تباوع الجاسر...احزري مين عنا ردت عليها باستهزاء...مين ابو زيد الهلالي ضحكت...لا عنا جاسر جوزك ختفئ صوتها ثواني وبعدها نطقت بكلمات متقطعه....اءء شش شو جابوو ابتسمت بفخر...انا جبتوا واجييت مجاوبت ومبين جمودها من اول لحظه جاسر خطف الموبايل من اييد ياسميين ورد عليها بلهفه...الووو شام حبيبتي تسمعيني احجيي جاوبته بصراخ وانهيار...انا مش حبيبتك انا مش حبيبتك انا بكرهك انت واحد كزاااب بكرهك بكرهك واردفت بحزن ممزوج بانهيار... تجوزت مش هييييك اييه مبروووك ان شاء الله بس بدي بنتي وغصبا عنك رد عليها بحيره...ويينج انتي تعالي خلينه نتفاهم تعالي لو اني اجيج صرخت بصوت ...ما بدي اجيييك ما بدي ولا راااح ارجع لهدااك البيت وانتي يا ياسمين يا حقيره بكرهك كتير انتي مو رفيئتي انتي عدوتي صاح بصوت عالي وعصبي وبتر باقي كلامها...شام شبييح تخبلتي غصبا عنج تجيين واشوفج ونتفاهن ولج انيي مشتاقلج اني تعذبت لخاطرج ليالي ما غمضت عيني واني اشكي حالج جاوبت بسخريه وذعر....اي واطح كتييير لهيك تجوزت بنت صغيره وعندك توم اولاد... مسح وجهه بتوتر وهمست ...استغفر الله يارب ردت بضحكه..بنتي ويين عم تئول ياسمين ما شفتها اببد مرتك ام عيون ملوونه ما بدئ بنتي وطلبت منك تخليها بدار الايتام مو هييك وانت سوايت متل ما طلبت ههههه ما تادر ترفض الها طلب للجميله فتح عيونه بذهول من كلامها وصرخ بيها بصوت حااد وغاضب ....انجبيييييي انتي تعرفيني ما تمشيني مررره ضحكت بالاستهزاء...لكان وين غزل وينها رد عليها بتنهيده طووويله تحمل الف ااااه...تجيين واكلج ويين جاوبته بعناد وبحده ..ما بجيييي وما برجع لهاد المكان يكون بعلمك مو انا شام يلي بتتجوز عليها بترت كلامها وقفلت الخط تنهد بضيق ونفخ نفسه اشر اليه نروح واخذ رقمها وانطئ الموبايل الياسمين وخلينه ورجعنه هو وصلني البيت عيالي واني ابجي بس ما حجيت وياه ولا كلمه لان شفت شكد متعصب،وطالعه روحه نزلت يم عيالي همست...جاسر انزل وياي شويه ارتاح ما جاوبني وانتظرني ادخل وحرك السياره وراح بس ما عرفت وين راح البيته راح يدور شام الله اعلم... .................................... لا حضينه ، ولا نسينه ، ولا فرحنه - ولا جمعنه الله وبقينه محيرين عريان السيد خلف جولييت..... شكد حقيره اني جنت اضنه يحبني ونسيت ان بعض الضن اثم اي ما شفت شئ بس وصلني احساسه وانهياره عليها وصلني نبرة صوتها وجزعه ولهفته عليها... من كل كلمة ينطقها احس جسمي كله يرتعد واوصالي كلها تكطعت حاربت الدمعه لاول مره ما خليتها تنزل وبثيت الثبات بروحي المهشمه... حسيت نفسي مقيده باغلال من الحقد والظلم وفقدت الامان مره ثانيه ... البيت اختلئ من الكل بس امي رضا الي جانت ساكته وما عندها حق بالنطق علئ شنو تحجي شام زوجته واني مجرد دخيله عندهم ... مشيت خطوات يائسه انضربت بحافة القنفه وتماسكت لزمت بالقنفه وعضيت علئ سفايفي اكتم عبرتي و حرارتها... لزمتني ماما رضيه وحطت ايدها علئ اكتافي الهزيله وساعدتني كالت...شبييج تعاي اكعدي ان شاء الله ما يضلمج لا تخافين رجفت شفايفي والانكسار انبعث من عيوني تمتمت بغصه...لا لا ربي وياي شلون اخاف والله موجود مسحت وجهي بكفوف اديها وهي تتنهد وباستني بجبيني همست بصعوبه..ماما وين مرتضئ ومجتبئ ردت عليه..بلعبون يمه بالحديقه لا تخافين هسه اروح اجيبهم... همست بغصة...بس اخذيني يمه اريد انااام تعبت جرت نفس حزين كالت...تردين تهربين من واقعج بالنوم يجكليته سكتت مجاوبتها بس حسره تاكل بروحي... اخذتني الغرفتي ونمت علئ فراشي حسيت بيها قفلت الباب اني تكورت علئ نفسي ولزمت بطني بوجع احس عندي وجع بضهري وبطني لا يطاق اني ما عندي نزف بس اول ما صحيت جان عندي نزف بس احس اكو شئ فارغ ببطني مو مثل قبل ... رفرف الدمع بعيني وحضنت نفسي وبطني ...المن تجي ترئ امك قلبها كسروا وروحها ذبحوها وعيشوها بجحيم وبضلمة ليل ونهار عشت بنار عمرها مراح تنطفي اول ما ذكرت اسم شام گلبي طار من بين ضلوعي وصوت روحي الي نسيته من سنين صوت يصررخ بداخلي انتي انتهيتي انتهيتي... لزمت گلبي الي يخفي كم هائل من الحزن وتنفست بضييق تركني وررراح عميه مهجوره ويتيمه ومحد الي حتئ هووو. الكل تخلئ عني حتئ هو الله يسعدهم حطيت ايدي علئ شفايفي وبجيت بصوت عالي...اغص من اكول الله يسعدهم راح يعيش وياها يحبها يدللها وانيييييي؟ الئ متئ الئ متئ والله مو عدل ابببد مو عدل شنو ذنبي شنو ذنبي والله ما الي ذنب واعرف هي ما الها ذنب بس نار شاعله بصدري... اتذكرته البارحه باليل اختنكت وطلعني للحديقه وهو يلف علئ جسمي وشاح جان قديم عندي وبي شراشيب اشترته الي امي من اول ما تزوجت جنت حييل احب الف روحي بي هو مثل الشال بس يكوون طووويل وكبير وثخيين... لف الوشاح عليه وحضني حييل وضمني الصدره همس عند اذني...دفيتي ؟ ابتسمت بحنان...اييي دفيت شال امي يدفي رد عليه بقهر...طاح حضج وحضني شبي،ما يدفي ؟ ضحكت...لا حضنك صوبه علاء الدين من ذن الاصليات باسني بخدي وهو حاضني،من وره كال ...يالله بوسني واعتذري رفعت حاجب...علئ شنو اعذر ؟ ممسويه شئ والله رد عليه بزعل...لا سويتي دكولين الشال ادفئ من حضني وطلعا حضني انتفض وزعل يكول هاي جكليته ما يجي بعينها... ابتسمت...ياااا هو هيج يكول هذا الحضن هوايه يعتب وااعتب ترئ مو حلوو رد عليه ببرود...اي بس،خطيه زعلان راضي حضنته وهمست...يالله راضيت حضنك ههههههههههه رفع راسي كال...واني دخلت بينج وبين حضني واسطه خيير ولازم هم ترضيني رفعت حاجب بعدم قبول...ياااا انوووب هاي بس،انت وحضنك هييج ترئ محد كلك ادخل واسطة خيير حضني حييل ورد بقهر...هاي زادها فوك ما داخل بالمعروف ومسوي اصلاح رومانسي بينج وبين حضني يالله بوسيني لزمت وجهه بضياع واني ادور عنه همست انطيني خدك يالله ابوسك وافتك منك كفيان شر يسموها... تقربت منه دا ابوسه حسيت بملمس دافي علئ شفايفي عزااا هذا مو خده ليش هيج يستغلني جويسر ابو الإصلاح... لزم وجهي واني ضايعه بي وهايمه وهو كذلك ويضغط علئ خصري،بين لحظه والثانية... فزينا علئ صوت مرتضئ وهو يكول بعصبية....سكييييييييته بوتييين بابا ادل امج رطيه والله... ركض عليه جاسر وشاله جابه يمي وهو لزم وجهي ما جنت اشوفه بس احس بي ساله ...بابا انت عب يمااااا رد عليه ...اييي احبها شعندي غيرها غير هي جكليتي جاوبه بغضب وبغيرة...شداب هي سكيته عبني ...مو عبيني سكيته؟ ضحكت...اي احببك اموت عليك انت ومشمش سحبني الحضنه وهو شايل مرتضئ ودخلنه جوه وهة يمشيني شويه شويه.... رجعت الواقعي واني اشهك جذاب ما يخبني والله جذاب منافق يكول احببج واني حسيت بحزنه ولهفته عليها... هي مرته وحبيبته وملك گلبه اني منوووو ؟ اي والله اني منووو ؟ ......................................... وقار ... نزلت من سيارة جاسر سلمت عليه وفتت للبيت ، مقهورة كلش هذن شون وثقت بيهن شون استغفلني ولا ادري بيهن من طرف شام لا ابد مو وقتها شام ترجع ، خطية جوليت بوضع مو طبيعي ومكسورة خطية يربي شسويت اني!! دخلت للبيت سلمت على عمتي سألتني عن جوليت حاولت اتظاهر بأنو ماكو شي يشغلني وطمأنتها على جوليت وصحتها ورحت لغرفتي بدلت ملابسي وكعدت ع السرير وبالي مشغول بالموقف الي صار دخل جابر كمت تلكيته بابتسامة وبوسته هو راح للسرير مدد بالعرض واديه جوه راسه وكفت يمه كتله حبيبي تريد اصبلك الغدا؟ كال لا تعبان شوية ارتاح وبعدين عود ناكل اني وياج .. عدل كعدته لزمني من ايدي وقربني اله كعدت بصفه حوط كتفي باديه وسألني شونهم بيت جاسر مرته ام مرتضى صحتها شونهه ؟ دنكت راسي وكعت خصلات شعري صارت حاجز لحتى مايشوف نظرات القلق بعيوني هزيت راسي ، بلعت ريك وغصة كتله الحمدلله زينين وكمت من يمه .. وكفت على ميز التواليت صارت نظراتي كباله بالمراية تجاهلتها ودنكت راسي اعبث بالحاجات الي كدامي بدون هدف بس لحتى اضيع الموضوع ولا يحس بشي .. اجه يمي لزمني من اكتافي ودارني عليه كال شكو شبيج ؟ ترة وضعج معاجبني شصاير! دنكت وهزيت راسي ، هو مد ايده لحنجي رفعه بأصابعه ، التقت نظراتنا ، عضيت شفتي جابر احجيلك بس اوعدني ماتعصب عليه ؟ عكد حواجبه بغضب احجي شصاير وقار ؟ وبلا لف ودوران احجي شمسوية! اريد افلت روحي منه ، رجع لزمني بقسوة وصار يهز بيه بعنف واني قلبي احسه حيصعد لحنجرتي .... حجيت اله الي صار كله .. والله جابر مجان قصدي والله خدعوني جابر مو قصدي عاط بوجهي ولج اخووووج ومرته بيا حال هسه وانت تفتحين عليهم هيج مواضيع ؟؟؟ سكتت اعض بشفتي واعصر بأصابعي .. جابر ..... اني صاح سكتي ولاااا كلمة انت ماتتوبين كم مرة اكلج تتركيهن ذني ليش تعاندييين ليش لج انتي شنووو ؟ لوين تردين توصلين بهاي سوالفج وبهذا عنادج! اني مو حضرتهن وانتي رجعتي الهم وعاندتيني انتي دومج ما تحترميني وتكسرين كلمتي مد ايده عبالي راح يضربني دنكت وكنبصت ع الكاع واديه على وجهي احمي بس ايده امتدت للاغراض الي على ميز التواليت دفعهم بيده وكعهم كلهم ع الكاع وظل يصيح انتي شنو تردين تهجمين بيت اخوووج يله ترتاحين لو تردين اطلكج حتى تتأدبين ..يعني اخووج بيا حال وترحين تاخذيله السوريات انتي تتصرفين من كيفج ومو من حقج تاخذيهن بدون علم منهم يعني اخوج يدري بيج جايه الوحدج شلون تفاجئينه بكوم مال نسوان رفعت راسي صرخت لاا عزاا جابر بس افهمني فدوة لزمني من زندي رفعني عن الارض ويدفع بيه لنص الغرفة وشكو شي كدامه يدفره متت من الخوف واني بأيده .. كال تدرين هسه انتي هجمتي بيت اخووج لوو لا ؟؟ ظل يهز بيه واني ابجي بحركة واكوله لا والله مو قصدي مادري جابر ماادري جذبن عليه اني احبها لجوليت والنبي بس الي صار موو بأيدي لزمني باثنين اديه ويعيط بوجهي لأن غبية ومتاخذين حجي وثووولة وراح تبقين هيج الى ان تهجمين بيتج بيدج اكليها وووقار اكليها ... ليش ما كلتيلي ليش ما كلتي انتي من رايحه وياج سوريات لو هاي غلستي عنها دفعني بقووة ارتديت وطخ ظهري بالميز مال التواليت توجعت حيل وبجيت بألم وهو فتح الباب وطلع برة الغرفة وركع الباب حيييل .. ......................... جولييت... ساعات من اليل الطووويله وهو ماكووو اكييد عندها واني هنا ضاله يتيمه مجروحه محد الي رضيه نامت من زمان هي من طبعها تنام من وكت واني ضليت انهش بروحي هسه اكيد يمها نايم بحضنها يكلها احببج واريدج وجولييت راح اطردها... شهكت برعب ...لاااااا بس لا ينطيها ولدي تعويض عن بنتها لااااا والله اموووت يستغلوني لان عيوني ضريره جنت اتعلم خياطه كلت اخاف ترجع وما يضل الي احد تكون صنعه بيدي اعيش بيها نفسي واعيش أطفالي... بس للاسف نوال دمرتني من ضربتني وعمت عيوني شلون ياربي بعد ما اكدر اشوووف راح يعوفوني هنا ويملوني اي هو حقه شيسوي،بوحده عاجزه ما تكدر تعيين نفسها اكيد ينبذني مثل اهلي ... زحفت علئ الارض وحضنت نفسي واني ابجي والدنيا وظلامها المحاوطني حييل اذتني... الخووف دب بعظامي همست . يارب دخيلك كن معي انت وكيلي يوم لا ينفع مال ولا بنون ربي اني امانتك نمت علئ الارض حسيت ببروده وكفت ردت انام علئ السرير مشيت خطوات واني اتلمس اديه بالهوا واريد اشوف وين المكان... ارتديت خطوات من اضر ضربه علئ جبيني صرخت بصوت خافت وتلمست جبيني حسيت ايدي تبللت بالدم كملت طريقي وما عرفت بشنووو انضربت ضليت اتلمس بالمكان لحد ما وصلت للسرير تلمسته بهدوء ونمت عليه وحسيت الدم نزل علئ حاجبي ضليت اردد اذكار من القران خايفه من الضلام اني من زمان اخاف من الضلمه ومحد منا ما يخاف بس اني اكسر هل خوف بقراءه القرآن..... حسيت بخطوات حذاءه عرفته هو سديت جفووني اول ما حسيت بوجوده وعصرتهن حييل حط ايده علئ خدي وهمس بهدوء...ليش سديتي عيونج من حسيتي بوجودي عضيت علئ شفايفي بحسسره وفتحت عيوني ومجاوبته اتمنئ اشوفه من بعد شااام حط ايده علئ الكدمه الي بجبيني ومسح الدم عليها وسالني بلهفه وذعر....هااااي منو ضربج ؟ اكيد انتي وكفتي وانضربتي مووو؟ جان السكوت هو سيد الموقف عندي وهماتين مجاوبته تنهد بضيق وكال....شبعانه لو جوعااانه كعدت بلهفه وعضب وانهيار...شبعااااانه شبعاااانه قهر وذل وضيييم والله شبعت شبعتتت كااافي موتوني موتوتي لزمني من اكتافي وجاوبني وهو يهديني...شبييج اهدي اهدي لا تجيج نوبة الصرع اهدي حبيبي دفعته بغضب...خااااايف تجيني حالة الصرع وتبتلي بيه لااااا تخاف لا تخاااف راح اطلع من حياتك راح اعوووفك ارتاح مني مراح اكووون هم علئ كلبك والله لزم اديه بقسوة وهزني بعنف...شبييج اليوم انتي مو طبيعيه اهدئ منو كال اتركج انتي ليش تحجين من كيفج ضحكت بنهيار والدموع ماليه وجهي...نسيتي من اول ما سمعت اسمها نسيتني والله بيش الساعه هسه يالله تذكرت عندك ضريره بحاجتك ما تدري عنها ماتت اكلت شربت جاعت عطشت شنو الصار بيها كتلك والله راح تنساني وبس اووول يوووم صدكني اني ما احب اكون عاله علئ اي شخص والله مستحيل اكون عاله علئ شخص وحتئ لو ضريره ما اقبل اي شخص يمن عليه واعتمد علئ نفسي وراح اشوفك احتضن وجهي بكفوف اديه وحتضني الصدره بعد ما سحب راسي تشنجت كل اعضامي وحسيت مثل السجيين الحاده نبتت بظهري صرخت بصوت عالي وحاد ومرعووووب....جااااااسر جااااااسر عبالي شخص ضربني سجيين لزم وجهي مذعوور من صراخي...جوووولي شبيييج جولييت فتحت عيوني برعب و وجع لا يطااااق...ظهري ظهررري يمه راااااح امووووت الحكلي جااااااسر راح امووووت ضهري ما حسيت بس حجابي نلف علئ راسي ونرفعت بين اديه وخطيه سمعت صوت رضيه الظاهر اجت علئ صوت صراخي كالت بخووف...شكووو شكوو يمه شبيها بنيتي رد عليها وهو يتجاوزها ويمشي بيه ملهووف...ما اعرف شبيها راح اخذها للمستشفى ديري،بالج علئ الجهال جاوبتها بحزن وبصوت مرتعش...يمه فدوه الكلبك طمني لا تخليني بقلق... خلاني بالسياره واني ارجف من الوجع وابجي وبطني حسيتها تكطعت من الوجع والألم وظهري عبالك طلقه نابته بي... وصلنه للمستشفئ وهم اخذوني بالطوارئ سوولي فحوصات وما اعرف شنو وخلوني للصبح تحت المراقبه... كالت الدكتوره...شكد عندج اطفال جاوبته بتعب...ثنين ولد توم ردت بتفاجئ واندهاش...بطنج جنايه هههه تحب التوم والصبح دكتوره نسائيه سوتلي فحص وسونار وجاسر جان يمي ولازم ايدي كالت...ماما انتي حامل تعرفين بنفسج وحامل بتوم بس واحد من الاطفال ميت و واكع والثاني مابي نبض ... نهاية البارت....يتبع كونوا انتم كونوا بخير....احبكم 💔 نور سمو العراق..😘 لا تنسوا التصويت و المشاركه بكم نكتمل 🌹 | ||||||||
|
| |
|
23-11-20, 02:25 AM
| #79 | ||||||||
| مراقبة عامة ومشرفة منتدى الروايات المنقولة
| ﺍﻟﺒﺎﺭﺕ ﺍﻟﺮﺍﺑﻊ ﻭﺍﻟﻌﺸﺮﻳﻦ ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ .... ﻏﻴﺎﻫﺐ ﺍﻹﻧﺘﻘﺎﻡ ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ 💔💔💔💔💔💔💔💔💔💔💔 ﺍﻧﺎ ﻭﻛﻠﺒﻲ ﻣﺸﻴﻨﻪ ﺍﻟﺤﺪ ﺻﺪﻯ ﺍﻟﻨﺴﻴﺎﻥ ﻏﻨﻴﻨﻪ ﻭﺣﻔﺮﻧﻪ ﻛﺒﻮﺭﻧﻪ ﻭﻣﺘﻨﻪ ﻏﻠﺴﻮﺍ ﻋﻠﺊ ﺍﻟﺴﺤﻜﺎﺕ ﺗﺮﺉ ﺍﻛﺘﺐ ﺑﺘﻚ ﻻﻳﺖ 🙄 .................................... ﺷﻜﺪ ﻳﻮﺟﻊ ﻫﺬﺍ ﺍﻟﺸﻌﻮﺭ ﻣﻦ ﺗﻀﻠﻴﻦ ﻭﺍﻛﻔﻪ ﺑﻨﺺ ﺍﻟﻄﺮﻳﻖ ﺣﺎﻳﺮﻩ ﺣﻨﻴﻨﺞ ﻭﺭﺍﺝ ﻭﻛﺒﺮﻳﺎﺋﺞ ﻛﺪﺍﻣﺞ ... ﺍﺳﺎﻝ ﻧﻔﺴﻲ ﺍﺫﺍ ﺍﺑﻘﺊ ...... ﻭﺻﺮﺥ ﻛﺒﺮﻳﺎﺋﻲ ﻭﻳﻜﻮﻭﻭﻟﻲ ﺭﻭﻭﻭﺣﻲ ﻻ ﺗﻀﻠﻴﻦ ﻫﻨﺎ ... ﺍﻧﺘﻲ ﻣﺎ ﻋﻨﺪﺝ ﻛﺮﺭﺭﺭﺍﻣﻪ ... ﻭﻫﺬﺍ ﺍﻟﻲ ﺻﺎﺭ ﻋﻨﺪﻱ ﻣﻦ ﺑﻌﺪ ﺛﻮﺭﺗﻲ ﻭﺍﻧﻬﻴﺎﺭﻱ ﺣﺴﻴﺖ ﻫﻞ ﺷﺊ ﻣﺎ ﺍﻟﻪ ﺩﺍﻋﻲ ﺍﺻﻼ ﻫﻮ ﺭﺟﺎﻝ ﻣﺘﺰﻭﺝ ﻣﻦ ﺯﻣﺎﻥ ﻭﺍﻧﻲ ﻣﺎ ﺍﻛﺪﺭ ﺍﻣﻠﻚ ﮔﻠﺒﻪ ﻭﻫﻞ ﺷﺊ ﻣﻮ ﺇﺟﺒﺎﺭﻱ ﻗﻄﻊ ﺍﻓﻜﺎﺭﻱ ﻛﻼﻡ ﺍﻟﺪﻛﺘﻮﺭﻩ ﻣﻦ ﺿﻠﺖ ﺗﺤﺠﻲ ﻭﻳﺎﻳﻪ ﻭﺗﺴﻮﻟﻒ ﻭﻛﺎﻟﺖ ﺑﻄﻨﺞ ﺟﻨﺎﻳﻪ ﺗﺠﻨﻲ ﺍﻛﺜﺮ ﻣﻦ ﻃﻔﻞ ﺍﻧﻲ ﻋﺒﺎﻟﻲ ﺗﻘﺼﺪ ﻻﻥ ﻋﻨﺪﻱ ﺗﻮﻡ ﻣﻦ ﻗﺒﻞ ... ﺑﺲ ﻓﺎﺟﺌﺘﻨﻲ ﻣﻦ ﻛﺎﻟﺖ ﻃﻔﻞ ﻣﻴﺖ ﻭﺍﻟﻄﻔﻞ ﺍﻟﺜﺎﻧﻲ ﻣﺎﺑﻲ ﻧﺒﺾ ... ﻋﺪﻟﺖ ﻛﻌﺪﺗﻲ ﻭﺍﻧﻲ ﺍﺣﺲ ﺑﻨﺒﻀﺎﺕ ﮔﻠﺒﻲ ﺍﻟﺴﺮﻳﻌﻪ ﻭ ﻭﺟﻬﺖ ﻛﻼﻣﻲ ﻣﻦ ﺩﻭﻥ ﺍﺭﺍﺩﻩ ﻣﻨﻲ ﻭﻣﻌﺮﻓﺔ ﻣﻜﺎﻥ ﺍﻟﺪﻛﺘﻮﺭﻩ ﻫﻤﺴﺖ ﺑﻌﺬﺍﺏ ... ﺍﺀﺀﺀ ﻳﻴﻌﻨﻲ ﺷﻨﻮﻭﻭ ﻣﻴﻴﺘﻴﻴﻦ ؟ ﻣﺴﺤﺖ ﻋﻠﺊ ﺭﺍﺳﻲ ﻭﺟﺮﺕ ﻧﻔﺲ ﻛﺎﻟﺖ ... ﻣﺎﻣﺎ ﺣﺒﻴﺒﺘﻲ ﺷﻮﻓﻲ ﺍﻧﺘﻲ ﻣﺘﻌﺮﺿﻪ ﺍﻟﺤﺎﺩﺙ ﻭﻫﺬﺍ ﺍﻟﻲ ﻓﻬﻤﺘﻪ ﻣﻦ ﺩﻛﺘﻮﺭﺓ ﺍﻟﺨﻔﺮ ﻟﺬﻟﻚ ﻳﺎ ﻣﺎﻣﺎ ﻃﻔﻞ ﻣﻦ ﺍﻟﺘﻮﺃﻡ ﻣﻴﺖ ﻣﻦ ﺧﻼﻝ ﺍﻟﺤﺎﺩﺙ ﻭﻣﺘﺤﺠﺮ ﻣﺜﻞ ﻛﻴﺲ ﻭﻟﺤﺪ ﺍﻻﻥ ﻣﻮﺟﻮﺩﻩ ﺑﺎﻟﺮﺣﻢ ... ﻭﺍﻟﻄﻔﻞ ﺍﻟﺜﺎﻧﻲ ﻋﺎﺩﻱ ﻋﺎﻳﺶ ﺣﺘﺊ ﺑﻌﺪ ﻣﻮﺕ ﺍﺧﻮ ﺍﻟﺘﻮﺃﻡ ﺑﺲ ﻧﺒﺾ ﻣﺎﺑﻲ ﺍﻭ ﻣﺜﻞ ﻣﻨﻜﻮﻭﻭﻝ ﺿﻌﻴﻴﻴﻒ ﺣﻴﻴﻴﻞ ﻭﺍﺣﺘﻤﺎﻝ ﻛﺒﻴﺮ ﺗﺴﻘﻄﻲ ... ﺣﺴﻴﺖ ﺑﻴﺪ ﺛﻜﻴﻠﻪ ﺣﻄﺖ ﻋﻠﺊ ﺑﻄﻨﻲ ﻭﻫﻮ ﻳﻜﻮﻟﻬﺎ ﺑﻨﺒﺮﻩ ﻣﺘﻮﺗﺮﻩ ... ﻳﻌﻨﻲ ﻫﺴﻪ ﻫﻲ ﺣﺎﻟﻴﺎ ﺣﺎﻣﻞ ﺑﺘﻮﻡ ﻭ ﻭﺍﺣﺪ ﻣﻦ ﺍﻟﺘﻮﻡ ﻣﻴﺖ ؟ ﺟﺎﻭﺑﺘﻪ ﺑﻬﺪﻭﺀ ... ﺍﻱ ﺣﺎﻣﻞ ﺑﺲ ﻧﺒﻀﻪ ﺿﻌﻴﻴﻒ ﺣﻴﻴﻞ ﺍﺣﺘﻤﺎﻝ ﻛﺒﻴﺮ ﻳﻨﻔﻘﺪ ﺭﺩ ﻋﻠﻴﻬﺎ ﺑﻘﻠﻖ ... ﺑﺲ ﻫﻲ ﻣﻦ ﺍﻭﻝ ﻣﺎ ﺗﻌﺮﺿﺖ ﻟﻠﺤﺎﺩﺙ ﻛﺎﻟﻮ ﺍﻥ ﺍﻟﻄﻔﻞ ﻣﺎﺕ ﻭﻣﺎ ﻛﺎﻟﻮ ﺗﻮﻡ ﻭﺻﺎﺭ ﺍﻟﻨﺰﻑ ... ﺟﺎﻭﺑﺘﻪ ﻭﺍﻧﻲ ﻣﺎ ﺍﺷﻮﻑ ﺗﻌﺎﺑﻴﺮ ﻭﺟﻬﻢ ﺍﻟﻲ ﺍﺗﻤﻨﺊ ﺍﺷﻮﻓﻬﺎ ﻛﺎﻟﺖ ... ﺍﻱ ﻳﺠﻮﺯ ﻳﻜﻮﻥ ﺗﺸﺨﻴﺺ ﺧﺎﻃﺊ ﺍﻭ ﻳﻤﻜﻦ ﻣﺎ ﻋﺮﻓﻮﺍ ﺍﻥ ﺍﻛﻮ ﺑﻌﺪ ﻃﻔﻞ ﻳﺼﺎﺭﻉ ﺍﻟﺤﻴﺎﺓ ﺍﻧﻲ ﺟﻨﺖ ﺑﺪﻭﺍﻣﻪ ﻣﻦ ﻛﻼﻣﻬﻢ ﺷﻨﻮ ﺍﻟﻲ ﺩﻳﺼﻴﺮ ﺷﻨﻮ ﺍﻟﻲ ﺩﻳﺤﺠﻲ ﻫﻮ ﻳﻌﺮﻑ ﺍﻟﻄﻔﻞ ﻣﻴﺖ ﻭﻣﺎ ﻳﻌﺮﻑ ﺗﻮﻡ ﻭﺑﻌﺪ ﺍﻛﻮ ﻃﻔﻞ ﻋﺎﻳﺶ؟ ﺩﺧﺖ ﻭﺍﻟﻠﻪ ﻭﺣﺴﻴﺖ ﻛﻠﺒﻲ ﺍﻧﻌﺼﺮ ﺣﻴﻴﻴﻞ ﻭﺍﻧﻲ ﺑﻀﻠﻤﺔ ﺭﻭﺣﻲ ﺻﺎﺭ ﺗﻘﺮﻳﺒﺎ ﺍﻛﺜﺮ ﻣﻦ ﺷﻬﺮ ﻃﻔﻞ ﻣﻴﺖ ﻭﻣﺘﺤﺠﺮ ﻣﺜﻞ ﺍﻟﻜﻴﺲ ﺑﺒﻄﻨﻲ ﺑﻄﻨﻲ ﺣﻤﻠﺖ ﺍﺑﻨﻲ ﻭﺣﻤﺘﻪ ﺣﺘﺊ ﻭﻫﻮ ﻣﻴﻴﺖ ﻭﻣﺘﺤﺠﺮ ﺣﻄﻴﺖ ﺍﺩﻳﻪ ﻋﻠﺊ ﺷﻔﺎﻳﻔﻲ ﻭﺷﻬﻜﺖ ﻫﻤﺴﺖ ﺑﻴﻨﻲ ﻭﺑﻴﻦ ﺭﻭﺣﻲ ... ﺷﻮﻓﻲ ﻳﻤﻪ ﺷﻮﻓﻲ ﻃﻔﻠﻲ ﻣﻴﺖ ﻭﺍﻧﻲ ﻣﺤﺘﻀﻨﺘﻪ ﻟﺤﺪ ﺍﻻﻥ ﻭﺍﻧﻲ ﻋﺪﻟﻪ ﻭﻋﺎﻳﺸﻪ ﺑﻐﺎﺑﻪ ﻭﺍﻧﺘﻲ ﺍﺑﺪ ﻣﺎ ﺍﺣﺘﻀﻨﺘﻴﻨﻲ ﻭﺣﻨﻴﺘﻲ ﻋﻠﻴﻪ ... ﻭﺍﻟﻠﻪ ﻭﺣﺴﻴﺖ ﺑﻲ ﻣﻴﺖ ﻭﺍﻧﺘﻲ ﺍﺑﺪ ﻣﺎ ﺣﺴﻴﺘﻲ ﺑﻴﻪ ﺭﻓﻌﺖ ﻋﻴﻮﻧﻲ ﻭﺍﻧﻲ ﺍﻣﻨﻊ ﻫﻄﻮﻝ ﺍﻟﺪﻣﻮﻉ ﻫﻤﺴﺖ ﺍﻟﺤﻤﺪ ﻟﻠﻪ ﺭﺍﺿﻴﻪ ﺑﻘﺪﺭﻙ ﻳﺎﺭﺏ ﻭﺍﻧﺖ ﻳﻤﻪ ﻣﺎ ﺍﻟﻚ ﻧﺼﻴﺐ ﺑﻬﻞ ﺩﻧﻴﺎ ... ﺑﺲ ﺣﺴﻴﺖ ﻣﺜﻞ ﺃﻧﻴﺎﺏ ﺛﻌﻠﺐ ﺗﻨﻬﺶ ﺑﺮﻭﺣﻲ ﻋﺰ ﻋﻠﻴﻪ ﻭﺍﺣﺪ ﻣﻴﺖ ﻭ ﻭﺍﺣﺪ ﻋﺪﻝ ﻳﺎﺭﻳﺖ ﻟﻮ ﺛﻨﻴﻨﻬﻢ ﻋﺎﻳﺸﻴﻦ ﺷﻠﻮﻥ ﻫﺬﺍ ﺩﻳﻨﻤﻮ ﻭﺍﻟﺜﺎﻧﻲ ﻓﺎﻗﺪ ﺍﻟﺤﻴﺎﻩ ﺍﻧﺘﺒﻬﺖ ﻋﻠﺊ ﺍﺩﻳﻪ ﺍﻟﺨﺸﻨﻪ ﺍﺣﺘﻀﻨﺖ ﺍﻳﺪﻳﻪ ﻭﻫﻮ ﻳﺴﺎﻟﻬﺎ ... ﺯﻳﻦ ﺍﻟﻄﻔﻞ ﺍﻟﻤﺘﻮﻓﻲ ﻳﺎﺛﺮ ﻋﻠﺊ ﺣﻴﺎﺓ ﺯﻭﺟﺘﻲ ﻭﺣﻴﺎﺓ ﺍﻟﻄﻔﻞ ﺍﻟﺜﺎﻧﻲ ﻭﺷﻨﻮ ﻧﺴﻮﻱ ﺑﻬﻞ ﺣﺎﻟﻪ ﺿﺤﻜﺖ ... ﻻ ﻻ ﺍﻥ ﺷﺎﺀ ﺍﻟﻠﻪ ﻣﻴﺎﺛﺮ ﻣﺪﺍﻡ ﺍﻟﻄﻔﻞ ﻣﺎﺕ ﺑﺎﻟﺸﻬﺮ ﺍﻟﺜﺎﻧﻲ ﻣﻦ ﺍﻟﺤﻤﻞ ﻓﺎﻟﺠﺴﻢ ﺣﻴﻤﺘﺺ ﻛﻴﺲ ﺍﻟﻄﻔﻞ ﻭﻳﻨﺘﻬﻲ ﻧﻬﺎﺋﻴﺎ ... ﺟﺮ ﻧﻔﺲ ﻋﻤﻴﻖ ﻭﺑﻘﻠﻖ ... ﺯﻳﻦ ﺩﻛﺘﻮﺭﻩ ﻫﺴﻪ ﺷﻨﺴﻮﻱ ﻟﻠﻄﻔﻞ ﺍﻟﻨﺒﻀﻪ ﺿﻌﻴﻒ ﻳﻌﻨﻲ ﺍﺑﺮ ﻋﻼﺝ ﺷﻨﻮ ﺗﻨﻄﻴﻨﻪ ﺟﺎﻭﺑﺘﻬﺎ ﺑﻬﺪﻭﺀ ... ﺭﺍﺡ ﺍﻧﻄﻴﻬﺎ ﻣﺜﺒﺘﺎﺕ ﻭﻣﺎﻣﺎ ﻻ ﺗﺨﺎﻓﻴﻦ ﺍﺫﺍ ﻧﺰﻝ ﻋﻠﻴﺞ ﺷﻮﻳﻪ ﺩﻡ ﻫﺎﻱ ﻻﻧﻮ ﺍﻟﺠﺴﻢ ﺩﻳﻤﺘﺺ ﻛﻴﺲ ﺍﻟﻄﻔﻞ ... ﺑﻌﺪﻫﺎ ﺳﺎﻟﺘﻪ ﺑﺤﺰﻥ .... ﻫﻲ ﻋﻤﻴﻪ ﻣﻮﻭﻭ ﺭﺩ ﻋﻠﻴﻬﺎ ﺑﻌﺪ ﻣﺎ ﺿﻐﻂ ﻋﻠﺊ ﺍﻳﺪﻱ ... ﻟﻼﺳﻒ ﺍﻱ ﺑﺲ ﺍﻥ ﺷﺎﺀ ﺍﻟﻠﻪ ﻣﻦ ﺗﺠﻴﺐ ﺍﺳﻮﻳﻠﻬﺎ ﻋﻤﻠﻴﻪ ﻭﻫﻲ ﺗﺎﺧﺬ ﻋﻼﺝ ﺍﺗﺮﻛﻪ ﻟﻮ ﺷﻨﻮ ﻭﻫﻢ ﻣﺂﺛﺮ ﻋﻠﺊ ﺍﻟﺠﻨﻴﻦ ﺟﺎﻭﺑﺘﻪ ... ﻻ ﻣﻤﺎﺛﺮ ﺑﺲ ﺧﻠﻲ ﺗﺘﺮﻙ ﺷﻜﻮ ﻋﻼﺝ ﺗﺸﺮﺑﻪ ﺣﺎﻟﻴﺎ ﻭﺧﻠﻲ ﺗﺮﺍﺟﻌﻨﻪ ﺑﻴﻦ ﻓﺘﺮﻩ ﻭﻓﺘﺮﻩ ﻻﻥ ﺍﻟﻄﻔﻞ ﺣﺎﻟﺘﻪ ﻣﻤﺴﺘﻘﺮﻩ ﻭﻻ ﺗﺼﻌﺪﻳﻦ ﺩﺭﺝ ﺍﻭ ﺗﺘﻌﺒﻴﻦ ﻧﻔﺴﺞ ﺗﻤﺎﻡ ﻣﺎﻣﺎ ... ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﻫﻮ ﺗﺸﻜﺮ ﻣﻨﻬﺎ ﻭﺧﻠﺖ ﻭﺭﺍﺣﺖ ﻭﺧﻄﻴﻪ ﻣﺎﻣﺎ ﺭﺿﻴﻪ ﻛﻠﻪ ﺷﻮﻳﻪ ﺗﺘﺼﻞ ﻭﺟﺎﺳﺮ ﻃﻤﻨﻬﺎ ﻭﻣﻦ ﻛﻠﻬﺎ ﺣﺎﻣﻞ ﺧﻄﻴﻪ ﻓﺮﺣﺖ ﻭﺿﻠﺖ ﺗﺤﺠﻲ ﻭﻳﺎﻳﻪ ﺍﻓﺘﻬﻤﺖ ﻣﻨﻬﺎ ﻫﻢ ﻣﺠﺎﻧﻮﺍ ﻳﺪﺭﻭﻥ ﺑﻴﻪ ﺗﻮﻡ ﻭﻣﺎ ﻛﻠﻮﻟﻲ ﺍﻟﻄﻔﻞ ﻣﻴﺖ ... ﺗﻘﺮﺏ ﻣﻨﻲ ﻭﻫﻤﺲ ﺑﺼﻮﺕ ﻋﺬﺏ ... ﻳﺎﻟﻠﻪ ﻧﺮﺟﻊ ﻟﻠﺒﻴﺖ ﺗﻨﻬﺪﺕ ﺑﻀﻴﻖ ﻭﻫﻤﺴﺖ ... ﺍﻟﻤﻦ ﺍﺭﺟﻊ ؟ ﺟﺎﺳﺮ ﻫﺬﺍ ﺍﻟﺒﻴﺖ ﺑﻴﺘﻚ ﻭﺍﻧﺖ ﻣﺪﺍﻡ ﺭﺟﻌﺖ ﺷﺎﻡ ﻭﻫﻲ ﺯﻭﺟﺘﻚ ﺍﺭﺟﻊ ﺍﻟﻬﺎ ﺻﺪﻛﻨﻲ ﻣﺮﺍﺡ ﺍﺯﻋﻞ ... ﻭﺍﻋﺘﺬﺭ ﻭﺍﻟﻠﻪ ﻋﻦ ﺍﻟﺴﻮﻳﺘﻪ ﺍﻟﺒﺎﺭﺣﻪ ﻭﻋﻦ ﺍﻧﻬﻴﺎﺭﻱ ﺑﺲ ﺻﺪﻛﻨﻲ ...... ﻏﺼﻴﺖ ﺑﺎﻟﻜﻼﻡ ﻭﺗﺪﺍﺭﻛﺘﻬﺎ ﺑﻀﺤﻜﻪ .... ﻫﻬﻬﻬﻪ ﻳﻌﻨﻲ ﻋﺎﺩﻱ ﺭﺩﺓ ﻓﻌﻞ ﻃﺒﻴﻌﻴﻪ ﻳﻤﻜﻦ ﺧﺒﺎﻻﺕ ﺍﻟﺤﻤﻞ ... ﻣﺎ ﺷﻔﺖ ﻣﻨﻪ ﺍﻱ ﺍﺟﺎﺑﻪ ﻭﻻ ﺍﻱ ﺭﺩﺓ ﻓﻌﻞ ﺍﺧﺘﻔﺖ ﺍﺑﺘﺴﺎﻣﺘﻲ ﻭﺿﺤﻜﺘﻲ ﺗﻼﺷﺖ ﺑﻠﻌﺖ ﺭﻳﻜﻲ ﺑﻔﺸﻠﻪ ... ﺍﺀﺀ ﻳﻌﻨﻲ ﻋﺎﺩﻱ ﻫﺬﺍ ﺍﻟﺸﺊ ﻣﻨﺘﻬﻴﻦ ﻣﻨﻪ ﺍﻧﻲ ﻭﺍﻟﻠﻪ ﺻﺪﻛﻨﻲ ﻣﺎ ﺟﻨﺖ ﻣﻨﺘﻈﺮﻩ ﻣﻨﻚ ﺣﺐ ﻭﻻ ﺍﺣﺐ ﺍﻓﺮﺽ ﻧﻔﺴﻲ ﻋﻠﻴﻚ ﻭﺻﺪﻛﻨﻲ ﺻﺢ ﻓﺮﺣﺖ ﺍﻥ ﺍﻧﻲ ﺣﺎﻣﻞ ﻭﻣﺎ ﻓﻘﺪﺕ ﺍﻟﻄﻔﻞ ﺑﺲ ﻣﻮ ﻓﺮﺣﺖ ﻋﻮﺩ ﺍﺫﺍ ﺻﺎﺭ ﻋﻨﺪﻱ ﺍﻃﻔﺎﻝ ﻭﻛﺜﺮﻭﺍ ﺍﻧﺖ ﺑﻌﺪ ﻣﺎ ﺗﻜﺪﺭ ﺗﺘﺨﻠﺊ ﻋﻨﻲ ﻻﺍﺍﺍ ﻣﺴﺘﺤﻴﻞ ﺍﻓﻜﺮ ﻫﻴﺞ ﺗﻔﻜﻴﺮ ﻻﻥ ﺑﻬﺬﺍ ﺍﻟﺸﺊ ﺣﺘﻜﻮﻥ ﻣﺠﺒﻮﺭ ﻋﻠﺊ ﺍﻟﻌﻴﺸﻪ ﻭﻳﺎﻳﻪ ﺑﺲ ﻫﻞ ﻃﻔﻞ ﻗﻄﻌﻪ ﻣﻦ ﺭﻭﺣﻲ ﻭﻛﻞ ﻣﺎ ﻳﻨﺴﺪ ﺑﺎﺏ ﺑﻮﺟﻬﻲ ﺭﺑﻲ ﻳﻔﺘﺢ ﺍﻟﻲ ﺍﻟﻒ ﺑﺎﺏ ﻣﻦ ﻭﺍﺳﻊ ﺭﺣﻤﺘﻪ ﺻﺪﻙ ﺗﻌﺬﺑﺖ ﺑﺎﻟﺒﺪﺍﻳﻪ ﺑﺲ ﺻﺪﻛﻨﻲ ﻣﻦ ﺟﻨﺖ ﺍﺷﻮﻑ ﻣﺸﻤﺶ ﻭ ﺭﻭﺿﻲ ﻭﺍﺷﻮﻑ ﻋﻴﻮﻧﻬﻢ ﺍﻟﺤﻠﻮﻩ ﻳﻨﺰﺍﺡ ﻛﻞ ﺗﻌﺐ ﻋﻨﻲ ... ﻟﻤﺴﺖ ﺑﻄﻨﻲ ﺑﺤﻨﻴﻪ ... ﻭﻳﺎﺭﻳﺖ ﻳﻜﻮﻥ ﻫﻞ ﻃﻔﻞ ﺑﻨﻴﻪ ﺍﺗﻤﻨﺊ ﺗﺼﻴﺮ ﻋﻨﺪﻱ ﺑﻨﻴﻪ ﺣﺘﺊ ﺗﻜﻮﻥ ﺍﻟﻲ ﺣﺒﻴﺒﻪ ﺟﺎﺳﺮ ﺍﻧﻲ ﺍﻋﺮﻑ ﺑﻴﻚ ﺣﺎﻳﺮ ﺑﻴﻨﻲ ﻭﺑﻴﻦ ﺷﺎﻡ ﻭﺷﻔﺖ ﻟﻬﻔﺘﻚ ﻋﻠﻴﻬﺎ ﻭﻣﺎ ﺍﻟﻮﻣﻚ ﺣﻘﻚ ﻣﺮﺗﻚ ﻭﺣﺒﻴﺒﺘﻚ ﻭﺍﻟﻠﻪ ﻳﻌﻴﻨﻬﺎ ﻋﻠﺊ ﺑﻠﻮﻫﺎ ... ﻏﺼﻴﺖ ﺑﺎﻟﻜﻼﻡ ﺑﺲ ﺫﻛﺮﺕ ﺍﺳﻤﻬﺎ ﺗﻨﻬﺪﺕ ﻭﺗﻮﻗﻔﺖ ﻋﻦ ﺍﻟﻜﻼﻡ ﻭﺍﻧﻲ ﺍﻟﻬﺚ ﺑﺘﻌﺐ ﺍﻳﻘﻨﺖ ﺭﻭﺣﻲ ﺗﺤﻮﻟﺖ ﺳﺮﺩﺍﺏ ﺍﺳﻮﺩ ﻣﻮﺣﺶ ﺻﺎﻣﺖ ... ﺍﺑﺘﺴﻤﺖ ﺑﻌﺬﺍﺏ ﻭﺍﺗﻠﻤﺴﺖ ﺍﻟﻔﺮﺍﺵ ﺍﻟﻤﻮﺟﻮﺩ ﻋﻠﺊ ﺍﻟﺴﺪﻳﻪ ﻭﺍﻧﻲ ﺍﺩﻭﺭ ﻋﻠﺊ ﺍﻳﺪﻩ ﺍﺣﺘﻀﻨﺖ ﺍﻳﺪﻩ ﺍﻟﻀﺨﻤﻪ ﺑﻜﻒ ﺍﻳﺪﻱ ﺍﻟﻨﺎﻋﻢ ... ﻫﻤﺴﺖ ﺑﺮﻭﺡ ﻣﺠﺮﻭﺣﻪ ... ﺍﻧﻲ ﺭﻫﻴﻨﻪ ﻋﻨﺪﻙ ﻭﺻﺎﺭ ﺍﻟﻮﻗﺖ ﺍﻟﻲ ﺗﺤﺮﺭ ﻫﻞ ﺭﻫﻴﻨﻪ ﻣﻦ ﻗﻴﻮﺩﻙ ﻭﺗﻄﻠﻖ ﺳﺮﺍﺣﻬﺎ ﻣﻦ ﻫﻞ ﻗﻔﺺ ﺍﻟﻤﻌﺘﻢ ... ﻋﺼﺮ ﺍﻳﺪﻱ ﺣﻴﻴﻴﻴﻞ ﺣﺴﻴﺖ ﺍﺻﺎﺑﻌﻲ ﺗﻜﺴﺮﺕ ﻣﻦ ﻗﺒﻀﺘﻪ ﺑﺲ ﺗﻤﺎﺳﻜﺖ ﻭﺗﺤﻤﻠﺖ ﺍﻷﻟﻢ ﻛﺎﻝ ﺑﺼﻮﺕ ﻏﺎﺿﺐ .... ﺷﻨﻮﻭﻭ ﻗﺼﺪﺝ ؟ ﺍﺑﺘﺴﻤﺖ ... ﻫﻬﻬﻪ ﻗﺼﺪﻱ ﻳﺎ ﺟﺎﺳﺮ ﺍﻧﻲ ﺑﻌﺪ ﻣﺎ ﺍﻓﻴﺪﻙ ﻭﻋﻄﻔﻚ ﻭﺣﻨﻴﺘﻚ ﻭﺣﺒﻚ ﺍﻟﻤﺰﻳﻒ ﺍﻧﺘﻬﺊ ﺩﻭﺭﻩ ﺍﺟﺖ ﺍﻟﺘﺎﺧﺬ ﻣﻜﺎﻧﻲ ﺻﺪﻛﻨﻲ ﻣﺎ ﺍﺯﻋﻞ ﺻﺪﻛﻨﻲ ﺍﻧﻲ ﺟﻨﺖ ﻣﻦ ﺯﻣﺎﻥ ﺣﺎﺳﺒﻪ ﺣﺴﺎﺏ ﻟﻬﺬﺍ ﺍﻟﻴﻮﻡ ﺣﺎﺳﺒﻪ ﺣﺴﺎﺏ ﺍﻟﺮﺟﻌﺘﻬﺎ ﻭﻟﻬﻔﺘﻚ ﻋﻠﻴﻬﺎ ﺟﻨﺖ ﺍﺭﻳﺪ ﺍﺗﻌﻠﻢ ﺧﻴﺎﻃﻪ ﺃﻋﻴﻦ ﻧﻔﺴﻲ ﻭﺍﻃﻔﺎﻟﻲ ﺑﺲ ﻟﻼﺳﻒ ﺍﻟﻘﺪﺭ ﺍﻟﻪ ﻛﻠﻤﺘﻪ ﻭﺗﻘﻴﺪﺕ ﺑﻔﻘﺪﺍﻥ ﻋﻴﻮﻧﻲ ... ﺑﻠﻌﺖ ﺭﻳﻜﻲ ﺍﻟﻤﺮ ﺑﺼﻌﻮﻭﺑﻪ ... ﺑﺲ ﻭﺍﻟﻠﻪ ﺍﻛﺪﺭ ﺍﻋﻴﻴﻦ ﻧﻔﺴﻲ ﻳﻌﻨﻲ ﻳﻤﻜﻦ ﺍﺭﻭﺡ ﺍﻛﻌﺪ ﻋﻨﺪ ﺧﺎﻟﺘﻲ ﺻﺒﺮﻳﻪ ﻭﺍﺗﻌﻠﻢ ﻋﻠﺊ ﺍﻟﺰﺭﻉ ﻭﺍﻟﺤﻠﻴﺐ ﻭﺍﻟﺮﻭﺑﻪ ﻭﺍﻛﻴﺪ ﻫﻲ ﻣﺎ ﺗﻘﺼﺮ ﻭﻳﺎﻱ ﻫﻮ ﺍﻧﺘﻔﺾ ﺑﺴﺮﻋﻪ ﻣﻦ ﺣﺠﻴﺖ ﻫﻴﻴﺞ ﺣﺴﻴﺖ ﺑﻲ ﻭﻛﻒ ﻭﺍﺣﺘﻀﻦ ﺍﻛﺘﺎﻓﻲ ﻭﻫﺰﻧﻲ ﺑﻘﻮﻭﻭﻩ ... ﻣﺴﺘﺤﻴﻴﻞ ﻣﺴﺘﺤﻴﻴﻞ ﺷﻨﻮ ﺍﺧﻠﻴﺞ ﺗﺮﺣﻴﻦ ﺍﻟﺼﺒﺮﻳﻪ ﻫﺬﺍ ﻣﻮ ﺣﺠﻲ ﺍﻧﺘﻲ ﺻﺎﺭ ﺳﺎﻋﻪ ﺗﺤﺠﻴﻦ ﻭﺍﻧﻲ ﺳﺎﻛﺖ ﺍﺭﻳﺪ ﺍﺷﻮﻑ ﻭﻳﻦ ﺗﻮﺻﻠﻴﻦ ﺍﻧﺘﻲ ﻣﺎ ﺗﻄﻠﻌﻴﻴﻦ ﻣﻦ ﻫﺬﺍ ﺍﻟﺒﻴﻴﺖ ﻫﺬﺍ ﺍﻟﺒﻴﻴﺖ ﺍﻟﺢ ﺍﻧﺘﻲ ﻭﺟﻬﺎﻟﺞ ﺍﻟﺒﻴﺖ ﻣﻠﻜﺞ ﻭﺍﻟﻜﻞ ﺧﻄﺎﺭ ﻋﻨﺪﺝ ﺑﺠﻴﺖ ﺑﺼﻮﺕ ﻣﺨﻨﻮﻙ ... ﺑﺐ ﺑﺲ ﺑﺎﺟﺮ ﺗﺠﻲ ﺷﺎﻡ ﻭﻻﺯﻡ ﻫﻲ ﺗﻜﻌﺪ ﺑﻲ ﻫﻲ ﺗﻌﺮﻑ ﺑﻨﺘﻬﺎ ﻣﺎﺗﺖ ﻟﻮ ﻻﺍﺍ؟ ﻭﺍﺫﺍ ﻋﺮﻓﺖ ﺍﻧﻲ ﺍﺧﺖ ﻛﺘﺎﻝ ﺑﻨﺘﻬﺎ ﻣﺮﺍﺡ ﺗﻘﺒﻞ ﺑﻬﻴﺢ ﺷﺊ ﻣﺴﺢ ﺩﻣﻮﻋﻲ ﺣﻴﻴﻴﻞ ﺑﺎﻃﺮﺍﻑ ﺍﺻﺎﺑﻌﻪ ﺣﺴﻴﺖ ﺍﻧﺤﺴﺒﺖ ﻋﻴﻮﻧﻲ ﻛﺪ ﻣﺎ ﻣﺴﺤﻬﻦ ﺑﻘﻮﻩ ﻭﺟﺮ ﻧﻔﺲ ﻛﺎﻝ ... ﻣﺎ ﺍﻟﺞ ﺩﺧﻞ ﺑﻴﻬﺎ ﻛﺘﻠﺞ ﻫﺬﺍ ﺍﻟﺒﻴﺖ ﺍﻟﺞ ﺍﻣﺘﻲ ﻭﻫﻲ ﺭﺍﺡ ﺗﻜﻮﻥ ﺑﻌﻴﺪﻩ ﻋﻨﺞ ... ﻫﻮ ﺟﺎﻥ ﻭﺍﻛﻒ ﻭﺍﻧﻲ ﻛﺎﻋﺪﻩ ﻋﻠﺊ ﺍﻟﺴﺪﻳﻪ ﻫﻤﺴﺖ ﺑﺤﻴﺮﻩ ﻭﺭﺟﻔﻪ ﻭﺍﻧﻲ ﺍﺣﺎﺭﺏ ﺩﻣﻮﻋﻲ ... ﺑﺐ ﺑﺲ ﺳﺤﺐ ﺭﺍﺳﻲ ﺍﻟﻪ ﻭﺧﻼﻩ ﻋﻠﺊ ﺑﻄﻨﻪ ﻣﺎ ﺣﻀﻨﺘﻪ ﻭﻻ ﺭﻓﻌﺖ ﺍﺩﻳﻪ ﺑﺲ ﺑﺠﻴﺖ ﺑﺼﻮﺕ ﻣﺨﻨﻮﻭﻭﻙ ﻭﺍﻧﺬﺑﺎﺡ ... ﻫﺪﻳﺖ ﺷﻮﻳﻪ ﻭﺑﻌﺪﻫﺎ ﻫﻮ ﻛﺎﻝ ... ﺧﻠﻴﻨﻪ ﻧﻄﻠﻊ ﺭﺿﻴﻪ ﻛﻞ ﺷﻮﻳﻪ ﺗﺘﺼﻞ ﻭﺗﻌﺒﺖ ﺧﻄﻴﻪ ﻧﺰﻟﻨﻲ ﻣﻦ ﺍﻟﺴﺪﻳﻪ ﻭﺩﻧﻚ ﺣﺴﻴﺖ ﺧﻠﻪ ﻧﻌﺎﻟﻲ ﻗﺮﻳﺐ ﻣﻦ ﺭﺟﻠﻴﻪ ﻣﺎ ﺷﻔﺖ ﻭﻻ ﻛﺪﺭﺕ ﺍﺷﻮﻓﻪ ﻭﺍﻧﻲ ﺍﺗﻠﻤﺲ ﺑﺮﺟﻠﻴﻪ ﺍﺭﻳﺪ ﺍﻟﺒﺴﻪ ﻫﻮ ﻟﺒﺴﻨﻴﺎﻩ ﺣﺴﻴﺖ ﺑﺎﻳﺪﻩ ﺗﻠﺒﺴﻨﻲ ﺍﻟﻨﻌﺎﻝ ﺑﻠﻌﺖ ﺭﻳﻜﻲ ﺑﻐﺼﻪ ﻭﻋﻀﻴﺖ ﻋﻠﺊ ﺷﻔﺎﻳﻔﻲ ﻭﺍﻧﻲ ﻛﻠﺒﻲ،ﻳﺮﺟﻒ ﻣﻦ ﻫﻞ ﻣﻮﻗﻒ ﻭﺍﻟﺪﻣﻮﻉ ﺍﺣﺎﺭﺑﻬﺎ ﻭﻛﻞ ﺷﻮﻳﻪ ﻭﺭﻓﻌﺖ ﺭﺍﺳﻲ ﻟﻠﺴﻜﻒ ﺣﺘﺊ ﻣﺎ ﺗﻨﺰﻝ ﺩﻣﻮﻋﻲ ... ﻋﺪﻝ ﺣﺠﺎﺑﻲ ﺣﺴﻴﺖ ﺑﺎﺻﺎﺑﻌﻪ ﺍﻟﺪﺍﻓﻴﻪ ﺗﻀﻢ ﺧﺼﻼﺕ ﺷﻌﺮﻱ ﻭﺗﻄﺦ ﺑﺠﺒﻴﻨﻲ ﻭﺑﻌﺪﻫﺎ ﻟﺰﻡ ﺍﻳﺪﻱ ﻭﻃﻠﻌﻨﻪ ﻣﻦ ﺍﻟﻤﺴﺘﺴﻔﺊ ... ﺭﻛﺒﻨﻲ ﺑﺎﻟﺴﻴﺎﺭﻩ ﻭﻛﻌﺪﻧﻲ ﺑﻴﻬﺎ ﻭﺷﺪ ﺣﺰﺍﻡ ﺍﻻﻣﺎﻥ ﻋﻠﻴﻪ ﺣﺴﻴﺖ ﺑﻲ ﺧﻠﻪ ﺷﺊ ﻋﻠﺊ ﻛﺼﺘﻲ ﺭﻓﻌﺖ ﺍﻳﺪﻱ ﻭﺗﺤﺴﺴﺘﻬﺎ ﺑﺎﺳﺘﻐﺮﺍﺏ ﺷﻔﺘﻬﺎ ﻟﺼﻘﻪ ﻣﺎﻝ ﺟﺮﻭﺡ ﺍﺗﺬﻛﺮﺕ ﺍﻟﺒﺎﺭﺣﻪ ﺍﻧﻀﺮﺑﺖ ﻣﻦ ﺍﺟﻴﺖ ﺍﻧﺎﻡ ﻋﻠﺊ ﺍﻟﺠﺮﺑﺎﻳﻪ ... ﺍﺗﻌﺼﺮﻧﻲ ﺍﻻﻟﻢ ﻭﻃﻐﺊ ﻋﻠﺊ ﺭﻭﺣﻲ ﺻﺮﺧﺖ ﺑﺪﺍﺧﻞ ﻧﻔﺴﻲ ﻻ ﺗﺤﻨﻨﻨﻦ ﻋﻠﻴﻪ ﻻ ﺗﺤﻦ ﻓﺪﻭﻩ ﺍﺑﻮﺱ ﺭﺟﻠﻚ ﻻ ﺗﺨﻠﻴﻨﻲ ﺍﺗﻌﻠﻖ ﺑﻴﻚ ﻭﺍﻧﺖ ﻣﺜﻞ ﺍﻟﮕﺸﻪ ﺑﺲ ﺍﺗﻌﻠﻖ ﺑﻴﻚ ﺍﻏﺮﻙ ﻭﺍﻋﺮﻑ ﺑﻴﻢ ﻣﻮ ﺍﻟﻴﻪ .... ﻭﺻﻠﻨﻪ ﻟﻠﺒﻴﺖ ﻧﺰﻟﻨﻲ ﻭﺩﺧﻠﻨﻲ ﺑﺤﺬﺭ ﺗﻠﻜﺘﻨﻪ ﻣﺎﻣﺎ ﺭﺿﻴﻪ ﻭﺍﻃﻔﺎﻟﻲ ﻭﻫﻢ ﻣﺤﺘﻀﻨﻴﻦ ﺭﺟﻠﻴﻪ ﻭﻳﺒﻮﺳﻮﻥ ﺑﻴﻪ ﻭﻣﺎﻣﺎ ﺭﺿﻴﻪ ﺗﺤﻤﺪﺕ ﺍﻟﻲ ﺑﺎﻟﺴﻼﻣﻪ ... ﻛﻌﺪﺗﻨﻲ ﻋﻠﺊ ﺍﻟﻘﻨﻔﻪ ﻭﺳﻮﺕ ﺍﻟﺮﻳﻮﻙ ﺷﻮﻳﻪ ﺍﻛﻠﺖ ﺑﺲ ﺍﺣﺲ ﻏﺎﺻﻪ ﺑﺎﻻﻛﻞ ﻭﺭﻳﻜﻲ ﻣﺜﻞ ﺍﻟﻌﻠﮕﻢ ﺍﻟﻤﺮ ﻛﺎﻝ ... ﺍﻧﻲ ﺭﺍﻳﺢ ﺍﺫﺍ ﻣﺤﺘﺎﺟﻴﻦ ﺷﺊ ﺧﺎﺑﺮﻭﻧﻲ ﻭﺍﻱ ﺷﺊ ﻳﺼﻴﺮ ﺑﺠﻮﻟﻴﻴﺖ ﺧﺎﺑﺮﻱ ﻳﻤﻪ ﻣﻮ ﺗﻨﺴﻴﻦ ﻣﺠﺘﺒﺊ ﺭﺩ ﻋﻠﻴﻪ ﺑﻐﻀﺐ ... ﺍﻧﺖ ﺗﻠﻪ ﺍﻗﻠﻊ ﺑﺮﺍ ﺍﻗﻠﻊ ﺑﺮﺍ ﻣﺎ ﻗﺐ ﺍﻟﺒﻴﺖ ﺳﻨﻚ ﺍﻟﺪﻳﺞ ﺑﺲ ﺍﺳﺮﺩ ﻣﻨﻪ ... « ﺍﻧﺖ ﻛﻠﻪ ﺗﻄﻠﻊ ﺑﺮﺍ ﺗﻄﻠﻊ ﺑﺮﺍ ﻭﻣﺎ ﺗﻄﺐ ﺑﺎﻟﺒﻴﺖ ﺟﻨﻚ ﺍﻟﺪﻳﺞ ﺑﺲ ﺗﺸﺮﺩ ﻣﻨﻪ » ﻫﻮ ﺿﺤﻚ ﺑﺼﻮﺕ ﻋﺎﻟﻲ ﻋﻠﻴﻪ ﻭﺣﺴﻴﺖ ﺑﻲ ﻳﺒﻮﺱ ﺑﻲ ﻛﻠﻪ ... ﻏﻴﺮ ﺟﻨﺖ ﻭﻳﻪ ﺍﻣﻚ ﺭﺍﺣﺖ ﺗﺠﻴﺐ ﺍﻟﻜﻢ ﻧﻮﻧﻮ ﺳﺄﻟﻪ ﺑﺎﺳﺘﻐﺮﺍﺏ ... ﺷﺪﺍﺏ ﻭﻳﻦ ﻧﻮﻧﻮ ﻣﺎﺗﻮﻭﻭ ﻣﺎ ﺩﺑﺘﻮﻭ ﻧﻮﻧﻮ ... « ﺟﺬﺍﺏ ﻭﻳﻦ ﺍﻟﻨﻮﻧﻮ ﻣﺎﻛﻮﻭ ﻣﺎﺟﺒﺘﻮ ﻧﻮﻧﻮ » ﺭﺩ ﻋﻠﻴﻪ ... ﻻ ﺷﻠﻮﻥ ﻣﺎ ﺟﺒﻨﻪ ﻧﻮﻧﻮ ﺟﻮﻟﻴﻴﺖ ﻭﻳﻦ ﺍﻟﻨﻮﻧﻮ ﺿﺤﻜﺖ ﻭﺍﺷﺮﺕ ﻋﻠﺊ ﺑﻄﻨﻲ ... ﻫﻨﺎ ﺍﻟﻨﻮﻧﻮ ﺭﺩ ﻋﻠﻴﻪ ﺑﻌﻨﺎﺩ ﻭﻏﻀﺐ ... ﺷﺪﺍﺑﻪ ﺳﻠﻮﻥ ﻗﺐ ﻫﻨﺎ « ﺟﺬﺍﺑﻪ ﺷﻠﻮﻥ ﻃﺐ ﻫﻨﺎ » ﺭﻣﺸﺖ ﺑﻌﻴﻮﻧﻲ ﻭﻋﻘﺪﺕ ﺣﻮﺍﺟﺒﻲ ... ﻃﺎﺡ ﺣﻀﻚ ﺷﻨﻮ ﻫﻞ ﺳﺆﺍﻝ ﺿﺤﻚ ﺑﺎﺳﺘﻬﺰﺍﺀ ﻭﺑﻌﺪﻫﺎ ﺭﺩ ﺑﻨﺒﺮﺓ ﺻﻮﺕ ﺣﺰﻳﻨﻪ ﻭﻣﺬﻋﻮﺭ .... ﺳﻜﻴﺘﻪ ﺍﻧﺘﻲ ﺗﻠﻴﺘﻲ ﺍﻟﻨﻮﻧﻮ؟ « ﺟﻜﻠﻴﺘﻪ ﺍﻧﺘﻲ ﺍﻛﻠﺘﻲ ﺍﻟﻨﻮﻧﻮ » ﺿﺤﻜﺖ ﺑﺼﻮﺕ ﻋﺎﻟﻲ ﻣﺘﻨﺎﺳﻴﻪ ﺣﺰﻧﻲ ﻭﺿﺤﻜﺘﻲ ﺍﻟﺮﻧﺎﻧﻪ ﺗﻄﺮﺏ ﺑﺎﻟﺒﻴﺖ ... ﺍﻱ ﺍﻱ ﻋﻔﻴﻪ ﺍﻛﻠﺖ ﺍﻟﻨﻮﻧﻮ ﻣﻮ ﻣﺎ ﺍﺷﻮﻑ ﺷﻨﻮ ﻛﺪﺍﻣﻲ ﺍﻛﻞ ﻓﺪﻳﺮﻭﺍ ﺑﺎﻟﻜﻢ ﻋﻠﺊ ﺭﻭﺍﺣﻜﻢ ﻭﺩﻳﺮﻭﺍ ﺑﺎﻟﻜﻢ ﻋﻠﺊ ﺍﻟﺪﻳﺞ ﻣﺎﻟﺘﻜﻢ ﻻ ﺍﻛﻠﻜﻢ ﻣﺜﻞ ﻣﺎ ﺍﻛﻠﺖ ﺍﻟﻨﻮﻧﻮ ... ﻫﻬﻬﻬﻬﻬﻬﻬﻬﻬﻪ ﺿﺤﻚ ﺟﺎﺳﺮ ﻭﺑﺎﺳﻪ ... ﺍﻱ ﺩﻳﺮﻭ ﺑﺎﻟﻜﻢ ﻣﻦ ﺍﻣﻜﻢ ﺻﺎﻳﺮﻩ ﺗﺎﻛﻞ ﺍﻷﺧﻀﺮ ﻭﺍﻟﻴﺎﺑﺲ ﻭﻳﺎﻟﻠﻪ ﺧﻠﻮﻧﻲ ﺍﺭﻭﻭﻭﺡ ﻋﻨﺪﻱ ﺷﻐﻞ ... ﺭﺩ ﻋﻠﻴﻪ ... ﻣﺎﺍﺍﺍﺍ ﺍﻟﻮﺡ ﺍﻳﺎﻙ ﺟﺎﺳﺮ ﺿﺤﻚ ﻛﺎﻝ ... ﻭﻳﻦ ﺗﺮﻭﺡ ﻭﻳﺎﻱ ﻭﺍﻧﺖ ﻧﻌﺎﻟﻚ ﺗﻚ ﻭﺗﻚ ﻣﺠﺘﺒﺊ ﺑﺰﻋﻞ ... ﻫﺪﺍ ﺭﻭﻃﻲ ﻧﻌﻠﻪ ﺍﺑﻮﻭﻭ ﺍﺧﺪ ﻧﻌﺎﻟﻲ ﻭﺑﻌﺪﻫﺎ ﺗﻜﻠﻢ ﺑﺠﺪﻳﻪ ... ﺑﺎﺑﺎ ﻣﺎﺗﻮ ﻫﺪﺍ ﺭﻭﻃﻲ ﻳﺪﻟﻲ ﻧﻌﻠﻪ ﺍﺑﻮﻭﻭﺕ ﻣﻤﺶ ﻧﻌﻠﻪ ﺍﺑﻮ ﺍﻟﺪﻳﻴﺞ ﺟﺎﻭﺑﻪ ﺟﺎﺳﺮ ... ﻭﻟﻜﻢ ﻋﻴﻴﺐ ﺍﺳﺘﺤﻮﻭﻭ ﺍﻧﻲ ﻧﻔﺴﻲ ﺍﺑﻮﻛﻢ ﺛﻨﻴﻨﻜﻢ ﻻ ﺗﻀﻴﻌﻮﻥ ﺍﻟﺤﺴﺒﻪ ﻋﻠﻴﻪ ﺑﻌﺪ ﻻ ﻭﺍﺣﺪ ﻏﻠﻂ ﻋﻠﺊ ﺍﻟﺜﺎﻧﻲ ﺍﺯﻋﻞ ﻋﻠﻴﻜﻢ ﻣﺠﺘﺒﺊ ﺑﺘﺒﺮﻳﺮ ... ﺍﻧﻲ ﺳﻌﻠﻴﻪ ﻫﻮ ﻣﻄﻄﻪ ﻣﺎ ﺍﺗﺤﻲ ﺍﻗﻠﻂ ﻋﺘﺊ ﻋﻠﺊ ﺳﻜﻴﺘﻪ ﻭﻳﻌﻔﻬﺎﺍﺍﺍﺍﺍ ﻋﻴﻴﻴﻴﻞ ... ﻭﻫﻲ ﺍﺑﺠﻲ ﺍﻫﺊ ﺍﻫﺊ ﺍﻫﺊ ﺩﻭﻭﻝ ﺩﺍﺗﺮ ﻋﻠﻴﻚ ﺭﻭﻃﻲ ﻭﺍﻟﻠﻪ ﺍﻫﺊ ﺍﻫﺊ ﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ﻭﺍﻧﻲ ﺍﺑﺘﺴﻢ ﻳﺎﺍﺍ ﻋﺰﺍ ﺻﺪﻙ ﻣﺮﺍﺕ ﻣﻦ ﻳﻌﻀﻮﻧﻲ ﺍﺟﺬﺏ ﻋﻠﻴﻬﻢ ﻭﻫﻴﺞ ﺍﻛﻠﻬﻢ ﻭﻫﻢ ﻟﻮﺍﺗﻪ ﺷﻠﻮﻥ ﻣﺎ ﻳﻨﺴﻮﻥ ﻭﻳﻘﻠﺪﻭﻧﻲ .... ﺿﻞ ﻳﺤﺠﻲ ﻭﻳﺎﻩ ﺍﻧﻮﺏ ﺍﺟﻪ ﻣﺮﺗﻀﻰ ﻫﻮ ﻭﺍﻟﺪﻳﺢ ﻣﺎﻟﺘﻪ ﻭﺧﺒﺺ ﻻﻣﻪ ﺧﺒﺺ ﻭﺷﻮﻳﻪ ﻭﻫﻮ ﺟﺎﺳﺮ ﺧﻠﻪ ﻭﺭﺍﺡ ... ﻭﺍﻧﻲ ﺿﻠﻴﺖ ﻣﻠﺨﺒﻄﻪ ﻣﻦ ﺑﻴﻦ ﺗﻔﻜﻴﺮﻱ ﺑﺲ ﺣﺎﻭﻟﺖ ﺍﺻﺒﺮ ﻧﻔﺴﻲ ﺍﻟﻲ ﻳﺼﻴﺮ ﺧﻠﻲ ﻳﺼﻴﺮ ﻭﺍﻧﻲ ﺍﻣﻠﻲ ﺑﺮﺑﻲ ﻛﺒﻴﺮ ... ﻣﻦ ﺯﻣﺎﻥ ﻭﺍﻧﻲ ﻋﺎﻳﺸﻪ ﺑﺘﺠﺎﻫﺎ ﻣﻌﺎﻛﺲ ﻭﻳﻪ ﺍﻟﻜﺎﺳﺮ ﺑﺲ ﺩﺍ ﺍﺿﻮﺝ ﻣﻦ ﺍﻱ ﺗﺼﺮﻑ ﻳﺴﻮﻱ ﺍﺣﺴﻪ ﻋﻄﻒ ﻭﺍﻧﻲ ﻣﺎ ﺍﺣﺐ ﺍﻟﻌﻄﻒ ﻣﻦ ﺍﻱ ﺷﺨﺺ ﻣﻦ ﺯﻣﺎﻥ ﻭﺍﻧﻲ ﺍﺿﻮﻭﺝ ﺍﺷﻮﻑ ﺍﻟﻌﻄﻒ ﺑﻌﻴﻮﻧﻬﻢ ﻭﺷﺎﻡ ﺍﺟﺖ ﺑﻮﻗﺖ ﺍﻧﻲ ﻣﻜﺴﻮﺭﻩ ﺑﻲ ﻭﺿﺮﻳﺮﻩ ﻟﻮ ﻣﺎ ﺍﻟﺼﺎﺭ ﺑﺴﺒﺐ ﻧﻮﺍﻝ ﻳﻤﻜﻦ ﻛﻨﺖ ﺍﻗﻮﺉ ﻭﺍﻛﺪﺭ ﺍﻭﺍﺟﻬﻪ ... ........................... ﺣﺎﺯﻡ .. ﺟﻨﻪ ﻃﺎﻟﻌﻴﻦ ﺑﺮﺍ ﺑﻔﻠﻨﺪﺍ ﻭﺍﻟﻤﻄﺮ ﺟﺎﻥ ﻏﺰﻳﺮ ﻭﺍﻟﺠﻮﻭ ﺑﺎﺭﺩ ﺣﻴﻴﻞ ﺑﺲ ﺟﻨﻪ ﻻﺑﺴﻴﻦ ﻛﻞ ﻭﺍﺣﺪ ﺑﻴﻨﻪ ﻗﻤﺼﻠﻪ ﺟﻠﺪ ﻣﻦ ﻫﺎﻱ ﺍﻟﻘﻮﻳﻪ ﻭﺷﻤﺴﻴﻪ ﺟﻨﻪ ﻫﺴﻪ ﺭﺍﺟﻌﻴﻦ ﻣﻦ ﺍﻟﻤﻌﻬﺪ ﺗﻌﻠﻢ ﺍﻟﻠﻐﺔ ... ﻋﺎﺻﻢ ﺟﺮ ﻧﻔﺲ ﻭﻫﻮ ﻳﺠﺮ ﺑﻌﻜﺎﺯﺗﻪ ﻛﺎﻝ ... ﺣﺎﺯﻡ ﺍﺣﻨﻪ ﻻﺯﻡ ﻧﺴﻮﻱ ﺷﺊ ﻳﻌﻨﻲ ﺍﻟﻲ ﻣﺘﺊ ﺍﺧﺘﻨﺎ ﺗﻀﻞ ﻋﻨﺪ ﺫﺍﻙ ﺍﻟﻌﺎﺭ ... ﻟﻚ ﻭﺍﻟﻠﻪ ﻛﻠﺒﻲ،ﻣﺠﻤﺮ ﻣﻦ ﻭﺭﺍﻩ ﻛﻞ ﺣﻴﻮﺍﻥ ﺿﺮﺑﻨﻲ ﻭﺧﻼﻧﻲ ﺍﻋﺮﺝ ﻭﺣﺎﻟﺘﻲ ﺣﺎﻟﻪ ﺣﺘﺊ ﺍﺳﺘﺤﻲ ﺍﻣﺸﺊ ﺣﻠﻔﺖ ﻭﺍﻟﻠﻪ ﺍﻟﻪ ﺍﻛﺴﺮﻩ ﻛﺴﺮ ﺑﺎﺧﺘﻲ ﻭﺍﺟﻴﺒﻬﺎ ﻭﻏﺼﺒﺎ ﻋﻨﻪ ﺍﻧﻲ ﻋﺎﺻﻢ ﻭﻫﻮ ﺟﺎﺳﺮ ﻭﻧﺸﻮﻑ ﻣﻨﻮ ﺍﻟﺮﺟﺎﻝ ﺑﻴﻨﻪ ﻏﻤﻀﺖ ﻋﻴﻮﻧﻲ ﺑﺎﺳﺊ ... ﺑﺲ ﻳﺎ ﻋﺎﺻﻢ ﻣﻦ ﻭﺭﺍﻙ ﻫﺸﺎﻡ ﺍﺟﻪ ﻳﻤﻮﺕ ﻭﺍﻧﻀﺮﺏ ﺑﻴﺪﻩ ﻣﻦ ﺩﺧﻞ ﺑﻴﺖ ﺟﺎﺳﺮ ﺭﺩ ﻋﻠﻴﻪ ﺑﻌﺪﻡ ﻣﺒﺎﻻﺓ ... ﺍﻱ ﻻﻥ ﻭﺍﺣﺪ ﻏﺒﻲ ﻭﺣﻤﺎﺭ ﺍﻛﻮ ﻭﺍﺣﺪ ﻳﺴﻮﻱ،ﺳﻮﺍﻳﺘﻪ ﻫﻮ ﻭﺫﺍﻙ ﺍﻟﺜﺎﻧﻲ ﻏﻠﻂ ﻳﺪﺧﻠﻮﻥ ﺍﻟﺒﻴﺘﻪ ﺍﻧﺖ ﺍﺣﻤﺪ ﺭﺑﻚ ﺟﺎﺳﺮ ﺍﻟﺤﻴﻮﺍﻥ ﻣﺎ ﻣﺨﻠﻲ ﻛﺎﻣﻴﺮﺍﺕ ﺑﺎﻟﺒﻴﺖ ﺟﺎﻥ ﻃﺎﺡ ﺣﻀﻨﻪ ﺗﺮﺩﻱ ﻟﻮ ﻣﺎ ﺗﺪﺭﻱ ﻫﻢ ﻟﻮ ﻋﻨﺪﻫﻢ ﻋﻘﻞ ﺟﺎﻥ ﻓﻜﺮﻭﺍ ﻳﺨﻄﻔﻮﺍ ﻣﻦ ﺍﻱ ﻣﻜﺎﻥ ﻣﻮ ﻳﺪﺧﻠﻮﻥ ﺍﻟﻬﺎ ﻟﻠﺒﻴﺖ ﺑﺲ ﺑﺴﻴﻴﻄﻪ ﺍﺧﺬﻫﺎ ﻣﻦ ﺟﺎﺳﺮ ﺍﺧﺬﻫﺎ ﻭﻋﻴﻮﻧﻪ ﺗﺸﻮﻭﻑ ﻟﻮ ﺍﻋﺮﻑ ﺍﺑﻴﻴﻊ ﺭﻭﺣﻲ ﺍﻟﻪ ﺍﺟﻴﺒﻬﺎ ﻣﻨﻪ ﻭﺍﻃﻴﺢ ﺣﻀﻪ ﻭﺍﺣﺮﮒ ﻛﻠﺒﻪ ﻋﻠﻴﻬﺎ ... ﻭﻛﻔﺖ ﻭﺿﺮﺑﺘﻪ ﻋﻠﺊ ﺻﺪﺭﻩ .. ﺍﻫﺎﺍﺍ ﻳﻌﻨﻲ ﺍﻧﺖ ﻣﺎ ﻫﺎﻣﺘﻚ ﺍﺧﺘﻚ ﺑﺲ ﺍﻟﻤﻬﻢ ﺗﺤﺮﻙ ﻛﻠﺐ ﺟﺎﺳﺮ ﻋﻠﻴﻬﺎ ... ﺩﻓﻌﻨﻲ ﺑﻐﻀﺐ ... ﺷﻠﻮﻭﻭﻥ ﻣﺎ ﻫﺎﻣﺘﻨﻲ ﻟﻚ ﻫﺎﻱ ﺍﺧﺘﻲ ﺻﺎﺭﺕ ﻋﻤﻴﻪ ﺑﺴﺒﺐ ﻫﻞ ﻛﻠﺐ ﺍﻟﺤﻴﻮﺍﻥ ﻭﺑﻌﺪﻳﻴﻦ ﺍﺣﻨﻪ ﺷﻨﻮ ﻣﻮ ﺯﻟﻢ ﻭﻫﺬﺍ ﻳﺠﺮﻡ ﺑﺎﺧﺘﻨﺎ ... ﺿﺤﻜﺖ ﺑﺎﺳﺘﻬﺰﺍﺀ . ﻻ ﻫﺴﻪ ﺗﺬﻛﺮﻧﺎ ﺍﺣﻨﻪ ﺯﻟﻢ ﺑﺲ ﻣﻦ ﻋﻔﻨﺎﻫﺎ ﻣﻦ ﻗﺒﻞ ﺟﻨﻪ ﻧﺴﻮﺍﻥ ﻣﻮﻭﻭ ؟ ﻭﺑﻌﺪﻳﻦ ﺗﻌﺎﻝ ﻋﺎﺻﻢ ﺟﻮﻟﻴﻴﺖ ﺑﺴﺒﺒﻨﺎ ﺍﺣﻨﻪ ﺗﺰﻭﺟﺖ ﻣﻦ ﺟﺎﺳﺮ ﻭﺑﺴﺒﺒﻨﺎ ﺍﺣﻨﺎ ﺍﻧﻀﻠﻤﺖ ﻭﻟﻚ ﺍﻧﺖ ﻟﻮ ﺷﻔﺘﻬﺎ ﺷﻠﻮﻥ ﻣﻦ ﺍﺟﺖ ﺧﻠﺼﺘﻨﻲ ﻣﻦ ﻗﺒﻀﺔ ﺍﻟﻜﺎﺳﺮ ﺷﻠﻮﻥ ﺗﺮﺟﻒ ﻭﺍﻟﺪﻣﻌﻪ ﺑﻌﻴﻨﻬﺎ ﻭﺧﺪﻫﺎ ﻣﺸﻮﻫﻪ ﻣﻦ ﺭﺍﺷﺪﻳﺘﻪ ... ﺑﺎﻭﻉ ﻟﻠﺴﻤﺎﺀ ﻭﺑﻌﺪﻫﺎ ﺑﺎﻭﻋﻠﻲ ﺑﺎﻧﺘﻘﺎﻡ ... ﺍﻱ ﻋﺎﺭ ﺍﺩﺭﻱ ﺑﻲ ﺟﺎﻥ ﻳﻀﺮﺑﻬﺎ ﻭﻳﺎﺫﻳﻬﺎ ﻛﻞ ﺷﺊ ﺟﺎﻥ ﻳﻮﺻﻞ ﻣﻦ ﻫﺎﻟﻪ ﻭﻣﻦ ﺍﻣﻬﺎ ﻭﺣﺘﺊ ﻣﻦ ﺳﺤﺮ ﺍﺧﺘﻬﻦ ... ﺑﺲ ﻣﻴﺨﺎﻟﻒ ﻟﻄﻠﻊ ﻛﻞ ﻫﺬﺍ ﻣﻦ ﻋﻴﻮﻧﻪ ﻭﺍﺧﻠﻲ ﻳﺒﺠﻲ ﻋﻠﻴﻬﺎ ﺩﻡ ... ﺍﺭﺟﻒ ﺑﻐﺾ ﻭﻫﻮ ﻋﺎﻗﺪ ﺣﻮﺍﺟﺒﻪ . ﻭﺑﻌﺪﻳﻦ ﺗﻌﺎﻝ ﺍﻛﻠﻚ ﺷﻨﻮ ﺩﻛﻮﻝ ﺗﺰﻭﺟﺘﻪ ﺑﺴﺒﺒﻨﺎ ﺗﺮﺉ ،ﺗﺰﻭﺟﺘﻪ ﺑﺴﺒﺐ ﺍﻣﻲ ﻫﻲ ﺍﻟﻲ ﺭﺍﺣﺖ ﻭﻓﺰﻋﺘﻪ ﻭﺧﻄﺐ ﺟﻮﻟﻴﻴﺖ ﺗﻨﻬﺪﺕ ﺑﻀﻴﻖ ... ﺍﺗﺰﻭﺟﺘﻪ ﻣﺠﺒﻮﺭﻩ ﻭﻫﻮ ﻧﻘﺬﻫﺎ ﻣﻨﻪ ﻭﻣﻦ ﺿﻠﻤﻨﻪ ﺍﺣﻨﻪ ﻟﻮ ﻣﺎ ﻫﻮ ﺟﺎﻥ ﻣﻮﺗﻨﺎﻫﺎ ﺗﺘﺬﻛﺮ ﺍﺗﻬﺎﻡ ﻫﺸﺎﻡ ﺍﻟﻬﺎ ﻣﻦ ﻛﺎﻝ ﺍﺣﻤﺪ ﻳﻜﻮﻝ ﺟﺎﻧﺖ ﺗﺮﻭﺡ ﻭﻳﺎﻱ ﺑﺎﻟﺸﻘﻖ، ﻣﻨﻮ ﺍﻟﻲ ﺛﺒﺖ ﺗﻬﻤﺘﺔ ﻫﺸﺎﻡ ﻭﻣﻨﻮ ﺍﻟﻲ ﻟﺰﻡ ﺍﺣﻤﺪ ﻭﺍﺣﻤﺪ ﺍﻋﺘﺮﻑ ﺍﻥ ﻛﻞ ﻛﻠﻤﺔ ﺍﻧﻄﻘﺖ ﺑﺤﻖ ﺟﻮﻭﻭﻟﻲ ﻏﻠﻂ ﻏﻠﻄﻄﻂ ﺍﻧﻲ ﻭﻳﺎﻙ ﺿﻠﻤﻨﺎﻫﺎ ﻭﻟﺤﺪ ﺍﻻﻥ ﺿﺎﻟﻤﻴﻨﻬﺎ ﻣﺸﺊ ﺧﻄﻮﺗﻴﻦ ﻭﻫﻮ ﻳﺤﻔﺮ ﺍﻻﺭﺽ ﺑﻌﻜﺎﺯﺗﻪ ﻛﺎﻝ ... ﺍﻱ ﻭﻻﺯﻡ ﻧﺼﺤﺢ ﺍﻏﻼﻃﻨﻪ ﻭﻧﺮﺟﻊ ﺍﺧﺘﻨﺎ ﺍﻟﻨﻪ ... ﺍﻧﺖ ﺗﺪﺭﻱ ﻣﻦ ﺑﻌﺪ ﻣﺎ ﻋﻤﺎﻫﺎ ﺷﺴﻮﻩ ؟ ﺑﺎﻭﻋﺘﻠﻪ ﺑﺤﻴﺮﻩ ﻭﺍﺳﺘﻐﺮﺍﺏ ... ﺷﺴﻮﻩ ؟ ﺿﺤﻚ ﺑﺴﺨﺮﻳﻪ ﻭﺗﻨﻬﺪ ... ﺍﺍﺍﺍﺍﺍﻩ ﻟﻚ ﻣﻦ ﺑﻌﺪ ﻣﺎ ﺿﺮﺑﻬﺎ ﺭﺟﻊ ﻣﺮﺗﻪ ﺍﻟﺴﻮﺭﻳﻪ ﻭﺧﻠﻪ ﺍﺧﺘﻲ ﺧﺪﺍﻣﻪ ﺍﻟﻬﺎ ﻫﻬﻪ ﺍﺭﺩﻑ ﻭﻫﻮ ﻳﻌﺾ ﺍﺻﺒﻌﻪ ﺑﻘﻬﺮ ... ﺧﺪﺍﻣﻪ ﻟﻠﺴﻮﺭﻳﻪ ﺣﺘﺊ ﻳﻨﺘﻘﻢ ﻣﻨﻬﺎ ﻭﻣﻨﻲ ﻻﻥ ﻗﺘﻠﺖ ﺑﻨﺘﻪ ﺷﻔﺖ ﺷﻜﺪ ﻣﺠﺮﻡ ﻭﺣﻘﻴﺮ ﻟﺰﻣﺘﻪ ﻣﻦ ﻳﺎﺧﺔ ﺍﻟﻘﻤﺼﻠﻪ ﻭﺍﻧﻲ ﻣﺘﺨﺒﻞ ﻣﻦ ﻛﻼﻣﻪ ... ﺍﻧﺖ ﺗﺤﺠﻲ ﺻﺪﻙ ﺍﺧﺘﻲ ﻋﻤﻴﻪ ﻭﺧﺪﺍﻣﻪ ﻟﻀﺮﺗﻬﺎ ؟ ﺷﻠﻮﻥ ﻫﺎﻱ ﺻﺎﻳﺮﻩ ﺗﻨﻔﺲ ﺑﻘﻬﺮ ﻭﺟﺒﺮﻭﺕ ... ﺍﻳﻴﻲ ﺍﺳﺎﻟﻴﺒﻪ ﺣﻘﻴﻴﺮﻩ ﻭﻫﻮ ﻣﺠﺮﻡ ﻭﺍﻧﺖ ﺗﻌﺮﻓﻪ ﺷﻠﻮﻥ ﻋﺼﺒﻲ ﻛﻞ ﺷﺊ ﻳﺴﻮﻭﻱ ﺑﺲ ﻟﺤﺘﺊ ﻳﻐﻴﻀﻨﻪ ﺍﺧﺘﻨﺎ ﻋﻨﺪﻩ ﺍﺳﻴﻴﺮﻩ ﻭﻫﻞ ﺍﺳﻴﺮﻩ ﻋﺬﺑﻬﺎ ﻭﺟﺮﻡ ﺑﻴﻬﺎ ﻭﺍﺣﻨﻪ ﻻﺯﻡ ﻧﺮﺟﻊ ﺍﻻﻣﺎﻧﻪ ﻻﺻﺤﺎﺑﻬﺎ ... ﺿﺮﺑﺘﻪ ﺑﻘﺒﻀﺔ ﺍﻳﺪﻱ ﻋﻠﺊ ﺻﺪﺭﻩ ... ﻣﻨﻮ ﻛﻠﻚ ﻫﻞ ﻛﻼﻡ ؟ ﺯﻓﺮ ﺑﺘﻨﻬﻴﺪﻩ ﻃﻮﻭﻭﻳﻠﻪ ... ﺳﺤﺮ ﺑﻨﺖ ﻋﻤﻲ ﺍﺑﻮ ﻫﺸﺎﻡ ﻭﺳﺎﻟﺖ ﻋﻤﻲ ﻋﻦ ﺭﺟﻮﻉ ﻣﺮﺗﻪ ﺍﻟﺴﻮﺭﻳﻪ ﻭﻛﺎﻝ ﺍﻟﺨﺒﺮ ﺻﺤﻴﺢ ... ﻓﺮﻛﺖ ﺍﺩﻳﻪ ﻣﻦ ﺷﺪﺓ ﺍﻟﺒﺮﺩ ﻭﺭﺩﻳﺖ ﻋﻠﻴﺔ ﺑﻐﻀﺐ ... ﻳﻌﻨﻲ ﺧﻠﺼﻨﻪ ﻣﻦ ﻫﺎﻟﻪ ﺗﻄﻠﻊ ﺍﻟﻨﻪ ﺳﺤﺮ ﺑﺎﻭﻋﻠﻲ ﺑﻨﻈﺮﺍﺕ ﻏﺮﻳﺒﻪ ﻛﺎﻝ ... ﺳﺤﺮ ﻣﺎ ﺗﺠﺬﺏ ﻭﺍﻧﻲ ﻣﻦ ﺳﻤﻌﺖ ﺍﻟﺨﺒﺮ ﻣﻦ ﺧﺎﻟﺘﻲ ﺍﻡ ﻫﺸﺎﻡ ﺍﺻﺮﻳﺖ ﺍﺧﺎﺑﺮ ﺳﺤﺮ ﻭﺧﺎﺑﺮﺕ ﻋﻤﻲ ﻭﺍﻛﺪﻭ ﺍﻟﺨﺒﺮ ﺻﺤﻴﺢ ﻧﺰﻟﺖ ﺩﻣﻮﻉ ﺍﻻﻟﻢ ﻭﺍﻟﻘﻬﺮ ﻋﻠﺊ ﺧﺪﻱ ﻣﻌﻘﻮﻭﻟﻪ ﻋﻤﻴﻪ ﻭﻳﺨﻠﻴﻬﺎ ﺧﺪﺍﻣﻪ ﺍﻟﻤﺮﺗﻪ ﻟﻬﻞ ﺩﺭﺟﻪ ﻭﺻﻞ ﺑﻲ ﺍﻟﻈﻠﻢ ﻟﺰﻣﺖ ﻋﺎﺻﻢ ﻣﻦ ﺻﺪﺭﻩ ﻭﻫﺰﻳﺘﻪ ﺑﻌﻨﻒ ﻭﺍﻧﻲ ﺍﺑﺠﻲ ﺑﻨﻬﻴﺎﺭ ... ﺟﻮﻭﻭﻭﻟﻴﺖ ﻻﺯﻡ ﺗﺮﺟﻊ ﻻﺍﺍﺍﺯﻡ ﻣﺎ ﻧﺨﻠﻴﻬﺎ ﻣﺎ ﺗﺼﻴﺮ ﺍﺧﺘﻲ ﺧﺪﺍﻣﻪ ﺍﻟﻤﺮﺗﻪ ﻭﻫﻲ ﻣﺮﻳﻀﻪ ﺩﻓﻌﻨﻲ ﻭﺍﺑﺘﻌﺪ ﻋﻨﻲ ﻭﻫﻮ ﻳﺤﻚ ﺑﻠﺤﻴﺘﻪ ... ﺷﻬﺮ ﺷﻬﺮﻳﻦ ﺳﻨﻪ ﺍﺟﻴﺒﻬﺎ ﺍﺟﻴﺒﻬﺎ ﻭﺍﻟﻠﻪ ﻭﺭﻭﺡ ﺍﺑﻮﻭﻭﻱ ﺍﺟﻴﺒﻬﺎ ﻭﻣﺎ ﺍﺧﻠﻴﻬﺎ ﻟﻮ ﺍﻋﺮﻑ ﺍﺩﻓﻊ ﺍﻟﺜﻤﻦ ﺣﻴﺎﺗﻲ ﺿﻞ ﻳﺘﺼﻞ ﻭﺍﻧﻲ ﺭﺟﻌﺖ ﻟﻠﺒﻴﺖ ﻭﺍﻟﺪﻣﻊ ﺍﺧﺘﻠﻂ ﻭﻳﻪ ﻣﻲ ﺍﻟﻤﻄﺮ ﺩﺧﻠﺖ ﻟﻠﺒﻴﺖ ﻟﻜﻴﺖ ﺍﻣﻲ ﻧﺎﻳﻤﻪ ﻣﺮﻳﻀﻪ ﻭﺑﺲ ﺗﺒﺠﻲ ﻭﺗﺮﻳﺪ ﺗﺮﺟﻊ ﻭﻋﺎﺻﻢ ﻣﺎ ﻳﺨﻠﻴﻬﺎ ... ........................................ ﻭﻗﺎﺭ .... ﻭﻛﻔﺖ ﻭﺍﻧﻲ ﺍﺑﺠﻲ ﻭﺩﻣﻮﻋﻲ ﺗﻨﺰﻝ ﺑﺤﻴﻴﺮﻩ ﺟﺎﺑﺮ ﻣﺎ ﺍﻋﺮﻑ ﺷﺒﻲ ﻭﺭﺩﺓ ﻓﻌﻠﺔ ﺣﻴﻴﻞ ﻗﺎﺳﻴﻪ ﻭﻳﺎﻳﻪ ﻭﺍﻛﻮﻟﻪ ﺍﻧﻲ ﻣﻮ ﻗﺼﺪﻱ ﺑﺲ ﻫﻮ ﺍﺑﺪ ﻣﺎ ﺍﻫﺘﻢ ﻭﺩﻓﻌﻨﻲ ﻭﺍﻫﺎﻧﻲ ﻭﺍﻟﻠﻪ ﺍﺑﺪ ﺍﻧﻲ ﻭﻳﺎﻩ ﻣﻞ ﻣﺘﺮﺍﻫﻤﻴﻴﻦ ﻭﺣﻴﻞ ﻣﺎ ﻳﺤﺘﺮﻣﻨﻲ ﻭﻳﺸﻜﻜﻨﻲ ﺑﻨﻔﺴﻲ ﺿﻠﻴﺖ ﺗﻘﺮﻳﺒﺎ ﻳﻮﻣﻴﻦ ﻋﻠﺊ ﻫﻞ ﺣﺎﻝ ﻭﺍﻟﺪﻣﻌﻪ ﺗﺸﻜﻲ ﺣﺎﻟﻲ ﺑﻌﺪﻫﺎ ﺧﺎﺑﺮﺕ ﻋﻠﺊ ﺟﺎﺳﺮ ﺑﻌﺪ ﻣﺎ ﺷﻔﺖ ﺟﺎﺑﺮ ﻣﺎ ﻃﻴﺐ ﺧﺎﻃﺮﻱ ... ﺍﺟﺎﻧﻲ ﺻﻮﺗﻪ ﺍﻟﺤﺎﺩ ﻛﺎﻝ ... ﺍﻟﻮﻭﻭ ﻫﺎﺍﺍ ﻭﻗﺎﺭ ﺷﻠﻮﻧﺞ ﺑﺠﻴﺖ ﺑﺼﻮﺕ ﻣﺘﻌﻮﺏ ﻭﻫﻮ ﺗﺨﺒﻞ ﻛﺎﻝ ... ﺧﻴﻴﺮ ﻭﻗﺎﺭ ﻭﻗﺎﺭ ﺷﺒﻴﺞ ﻣﻨﻮ ﻭﻳﺎﺝ ﺑﻠﻌﺖ ﺭﻳﻜﻲ ﻭﺷﻬﻜﺖ ﺑﺪﻣﻮﻉ ... ﺟﺎﺑﺮ ﺟﺎﺑﺮ ﻳﻐﻠﻂ ﻋﻠﻴﻪ ﻭﺯﻋﻠﻨﻲ ﻭﺭﺯﻟﻨﻲ ﻭﺍﻟﻠﻪ ﺗﻌﺒﺖ ﻣﺘﺖ ﻣﻨﻪ ﻫﻮ ﺭﺩ ﻋﻠﻴﻪ ﺑﺘﻮﺗﺮ ﻭﺍﺭﺗﺒﺎﻙ ﻭﻏﻀﺐ ﻣﻔﺮﻁ ... ﻟﻴﻴﻴﺶ ﺭﺯﻟﺞ ﺷﻤﺴﻮﻳﻪ ﻭﻳﺮﺯﻟﺞ ﻭﻋﻠﺊ ﺷﻨﻮ ﻣﺴﺤﺖ ﺩﻣﻮﻋﻲ ﻭﺭﺩﻳﺖ ﻋﻠﻴﻪ ... ﻻﻥ ﺟﺒﺖ ﺍﻟﺴﻮﺭﻳﺎﺕ ﻭﺍﺟﻴﺘﻜﻢ ﺟﺎﻭﺏ ﺑﺎﻧﺪﻫﺎﺵ ... ﻭﻟﻴﺶ ﻳﺮﺯﻟﺞ ﻫﻮ ﺷﺪﺧﻠﻪ ﺑﻴﻬﻦ ؟ ﺷﻬﻜﺖ ﺑﺪﻣﻮﻉ ﺣﺎﻳﺮﻩ ... ﻳﻜﻮﻝ ﺧﺮﺑﺘﻲ ﺑﻴﺖ ﺍﺧﻮﻭﺝ ﻭﺿﻞ ﻳﻐﻠﻂ ﻋﻠﻴﻪ ﻭﺻﺎﺭ ﻳﻮﻣﻴﻦ ﺯﻋﻼﻥ ﺭﺩ ﺑﻌﻨﻒ ... ﻭﻫﻮ ﺷﺪﺧﻠﻪ ﺑﺒﻴﺖ ﺍﺧﻮﺝ ﺑﺎﻋﻲ ﺍﻧﻲ ﻫﺴﻪ ﺟﺎﻳﺞ ﺍﺧﺬﺝ ﺍﻟﺒﻴﺘﻲ ﺣﻀﺮﻱ ﻧﻔﺴﺞ ﻗﻔﻞ ﺍﻟﺨﻂ ﻭﺍﻧﻲ ﺣﻀﺮﺕ ﻧﻔﺴﻲ ﻭﺍﺑﺠﻲ ﺩﺧﻞ ﺟﺎﺑﺮ ﻭﻫﻮ ﻣﻄﻨﻜﺮ ﺑﺎﻭﻋﻠﻲ،ﺑﺎﺳﺘﻐﺮﺍﺏ ﻛﺎﻝ . ﺍﻧﺘﻲ ﺷﺠﺎﻱ ﺗﺴﻮﻳﻦ ﺑﻠﻌﺖ ﺭﻳﻜﻲ ﻭﺭﺩﻳﺖ ﻋﻠﻴﻪ ... ﻣﺎﻛﻮﻭ ﺷﺊ ﺑﺲ ﺍﺭﻳﺪ ﺍﺭﻭﺡ ﺍﻻﻫﻠﻲ ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻛﺎﻝ ... ﻭﻟﻴﺶ ﺑﺎﻟﻠﻪ ﺗﺮﺣﻴﻦ ﻻﻫﻠﺞ ﺯﻋﻼﻧﻪ ﻟﻮ ﺷﻨﻮ ﻳﻌﻨﻲ ﻣﺜﻞ ﺍﻧﺘﻲ،ﻳﺤﻖ ﺍﻟﺞ ﺗﺰﻋﻠﻴﻦ ... ﻣﺠﺎﻭﺑﺘﻪ ﻭﻻ ﺭﺩﻳﺖ ﻋﻠﻴﻪ ﺗﺠﺎﻫﻠﺘﻪ ﻭﺿﻠﻴﺖ ﺍﺟﻤﻊ ﺑﻤﻼﺑﺴﻲ ﻛﺎﻝ ... ﺍﺫﺍ ﻃﻠﻌﺘﻲ ﺍﻃﻠﻜﺞ ﺟﺮﻳﺖ ﻧﻔﺲ ... ﻃﻠﻚ ﻋﺎﺩﻱ ﺍﺻﻼ ﺍﻧﺖ ﺗﺮﻳﺪﻫﺎ ﻣﻦ ﺍﻟﻠﻪ ﻭﺍﻧﺖ ﺩﻭﻣﻚ ﻫﻴﺞ ﺍﻧﺎﻧﻲ ﻭﻣﺎ ﺗﺤﺐ ﺑﺲ ﺭﻭﺣﻚ ﻟﺒﺴﺖ ﺻﺎﻳﺘﻲ ﻭﺣﺠﺎﺑﻲ ﻭﻃﻠﻌﺖ ﻭﺍﻧﻲ ﺷﺎﻳﻠﻪ ﺟﻨﻄﺘﻲ .. ﻫﻮ ﺳﺤﺒﻨﻲ ﻣﻦ ﺍﻳﺪﻱ ﺍﻭﻝ ﻣﺎ ﻭﺻﻠﺖ ﻟﻠﻜﻠﻴﺪﻭﺭ ﻭﻫﻮ ﻳﻤﺸﻲ ﻭﺭﺍﻱ ﻭﺑﻌﺪﻫﺎ ﻭﺻﻠﺖ ﻟﻠﺤﺪﻳﻘﻪ ﻭﺩﺍﺭﻧﻲ ﻋﻠﻴﻪ ﺑﻌﻨﻒ ... ﺍﻧﺘﻲ ﻣﺴﺘﻬﺘﺮﻩ ﺣﻴﻴﻞ ﻭﻣﺤﺪ ﻣﺮﺑﻴﺞ ﺻﺮﺧﺖ ﺑﻮﺟﻬﻪ ... ﻻ ﻣﺘﺮﺑﻴﻪ ﻭﺍﺣﺴﻦ ﻣﻨﻚ ﺍﻧﺖ ﺗﺮﻳﺪ ﺑﺲ ﺗﺘﻌﺎﺭﻙ ﻭﻳﺎﻱ ﻭﺗﺮﻳﺪ ﺑﺲ ﺗﺴﺒﺐ ﻣﺸﻜﻠﻪ ﻭﺍﻧﻲ ﻣﺎ ﺍﺗﺤﻤﻞ ﺍﺷﺮ ﻋﻠﺊ ﻧﻔﺴﻪ ﺑﻌﺼﺒﻴﺔ ﻭﻗﻬﺮ ... ﺍﻧﻲ ﺍﻧﻲ ﺍﺭﻳﺪ ﻣﺸﺎﻛﻞ ﻣﻮﻭﻭ ﻣﺎﻛﻮ ﻏﻴﺮﺝ ﺍﻡ ﺍﻟﻤﺸﺎﻛﻞ ﻭﺍﻧﺘﻲ ﻭﺣﺪﻩ ﺻﻠﻔﻪ ﻭﻣﺎ ﻋﻨﺪﺝ ﺗﺮﺑﻴﻪ ﻻﻥ ﺍﻟﻤﺎ ﺗﻤﺸﻲ ﺑﺸﻮﺭ ﺯﻭﺟﻬﺎ ﺍﻱ ﺗﺮﺑﻴﻪ ﻣﺎ ﻋﻨﺪﻱ ﺩﻓﻌﺘﻪ ﺑﻐﻀﺐ ﻭﺻﺤﺖ ﺑﻮﺟﻬﻪ ... ﻻ ﺗﺤﺠﻲ ﺑﺎﻟﺘﺮﺑﻴﻪ ﺍﺻﻼ ﺍﻧﺖ ﺍﻟﻤﺎ ﻋﻨﺪﻙ ﺗﺮﺑﻴﻪ ﻭﺍﻧﺖ ﺗﺸﻜﻚ ﺍﻟﻮﺍﺣﺪ ﺑﻴﻚ ﺍﻛﺮﻫﻚ ﻭﺍﻟﻠﻪ ﺍﻛﺮﻫﻚ ﻻﻥ ﺍﻧﺖ ﻋﻴﻨﻚ ﻧﻜﺴﻪ ﻣﺎ ﺣﺴﻴﺖ ﺍﻟﻪ ﺑﺮﺍﺷﺪﻱ ﺷﻮﻫﻪ ﻣﻼﻣﺢ ﻭﺟﻬﻲ ﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ﻭﺩﺧﻞ ﺟﺎﺳﺮ ﺷﺎﻓﻪ ﻣﻦ ﺿﺮﺑﻨﻲ ... ﺍﺟﺖ ﻋﻤﺘﻲ ﺗﺮﻛﺾ ﻭﻋﻤﻮ ﻣﺎ ﺟﺎﻥ ﻣﻮﺟﻮﺩ ﺟﺎﺳﺮ ﻫﺠﻢ ﻋﻠﺊ ﺟﺎﺑﺮ ﻭﺩﻓﻌﻪ ﻣﻦ ﺻﺪﺭﻩ ﺑﻌﻨﻒ ﻭﺻﺎﺡ ﺑﻴﻪ ﺑﻐﻀﺐ .... ﻟﻴﻴﻴﻴﺶ ﺗﻀﺮﺑﻬﺎ ؟ ﺭﺩ ﻋﻠﻴﻪ ﺟﺎﺑﺮ .... ﻫﺎﺍﺍﺍﺍ ﻫﻲ ﻫﻲ ﺍﻟﻠﺴﺎﻧﻬﺎ ﻃﻮﻭﻭﻭﻳﻞ ﻣﺎ ﺗﺤﺘﺮﻡ ﻣﺎ ﻋﻨﺪﻫﺎ ﺗﺮﺑﻴﻪ ﻋﺎﺩ ﻫﻮ ﺟﺎﺳﺮ ﺟﺎﺑﻪ ﺑﺒﻮﻛﺲ ﻭﻛﻌﻪ ﻣﻦ ﻃﻮﻭﻭﻟﻪ ﻭﺍﻧﻲ ﻟﺰﻣﺘﻪ ﻭﻋﻤﺘﻲ ﻟﺰﻣﺘﻪ ﻭﻫﻲ ﺗﺼﻴﻴﺢ ... ﻳﻤﻤﻤﻤﻪ ﻳﻤﻤﻤﻪ ﺍﺳﻢ ﺍﻟﻠﻪ ﻛﻮﻭﻟﻮ ﻳﺎﻟﻠﻪ ﻳﻤﻪ ﻭﻟﻴﺪﻱ ﺟﺎﺑﺮ ﺟﺎﺳﺮ ﺿﻞ ﻳﺘﻬﺪﺩ ﻋﻠﻴﻪ ﻭﻳﻐﻠﻂ ... ﻭﻟﻚ ﻛﻠﺐ ﺣﻴﻮﻭﻭﻭﺍﻥ ﺍﻧﺖ ﻣﻨﻮ ﻭﺗﺤﺠﻲ ﺑﺘﺮﺑﻴﺔ ﺍﺧﺘﻲ ﻭﺍﻟﻠﻪ ﺍﻟﻴﻮﻡ ﺍﻣﺪﻙ ﺑﺎﻟﻜﺎﻉ ﻳﺎ ﺣﻴﻮﻭﻭﺍﻥ ﺟﺎﺑﺮ ﻭﻛﻒ ﻭﻫﻮ ﻳﻤﺴﺢ ﺍﻟﺪﻡ ﻣﻦ ﺧﺸﻤﻪ ﻭﻳﺒﺎﻭﻋﻠﻪ ﺑﻐﻀﺐ ... ﻭﺟﺎﺳﺮ ﻳﺼﻴﻴﺢ ... ﻳﺎ ﻋﺪﻳﻢ ﺍﻟﺘﺮﺑﻴﻪ ﻭﺍﻟﻠﻪ ﺍﻟﻴﻮﻡ ﺍﻣﻮﻭﺗﻪ ﻭﺍﻟﻠﻪ ﻋﻮﻭﻭﻓﻴﻨﻲ ... ﺟﻨﻪ ﻻﺯﻣﻴﻨﻪ ﺍﻧﻲ ﻭﻋﻤﺘﻲ ﺍﻧﻮﺏ ﺍﻧﻲ ﺿﻠﻴﺖ ﺍﻟﻄﻢ ﻋﻠﺊ ﻭﺟﻬﻲ ﻋﺰﺍ ﺍﻟﻌﺰﺍﻧﻲ ﺷﺴﻮﻳﺖ ﺷﺼﺨﻤﺖ ﻭﺍﻟﻠﻪ ﻣﺼﻴﺒﻪ ﺷﻠﻮﻥ ﺍﺧﺎﺑﺮ ﺟﺎﺳﺮ ﻭﺍﻋﺮﻑ ﺑﻲ ﻋﺼﺒﻲ ... ﺍﻟﺤﻤﺪ ﻟﻠﻪ ﺩﺧﻞ ﻋﻤﻮ ﻭﺷﺎﻑ ﺍﻟﻌﺮﻛﻪ ﻛﺎﺑﻪ ﻭﺟﺎﺳﺮ ﻳﺘﻬﺪﺩ ﻋﻤﺘﻲ ﻻﺯﻣﺘﻪ ﻭﺗﺘﻮﺳﻞ ﺑﻲ ﻟﺰﻣﻪ ﻋﻤﻲ ﺑﻐﻀﺐ ... ﺧﻴﻴﺮ ﺑﻮﻳﻪ ﺟﺎﺳﺮ ﺷﻜﻮﻭ ﺷﺼﺎﻳﺮ ﻟﻴﺶ ﻫﺎﺟﻢ ﻋﻠﻴﻨﻪ ﻣﻮ ﺣﻠﻮﻩ ﻣﻨﻚ ﻭﺍﺣﻨﻪ ﺑﻴﺖ ﻋﻤﻚ ﺻﺮﺥ ﺑﻮﺟﻬﻪ ﻋﻤﻲ ﺑﻐﻀﺐ ... ﻣﻮ ﺣﻠﻮﻩ ﻣﻨﻲ ﻣﻮﻭﻭ ﺑﺲ ﺣﻠﻮﻩ ﻣﻦ ﺍﺑﻨﻚ ﻳﻀﺮﺏ ﺍﺧﺘﻲ ﻭﻳﻜﻮﻝ ﻋﻠﻴﻬﺎ ﻣﺎ ﻋﻨﺪﻫﺎ ﺗﺮﺑﻴﻪ ﺷﺒﻴﻬﺎ ﺍﺧﺘﻲ ﻭﻣﺎ ﻋﻨﺪﻫﺎ ﺗﺮﺑﻴﻪ ﺧﻠﻲ ﻳﻜﻠﻠﻨﻪ ﺷﺎﻓﻬﺎ ﻭﻳﻪ ﻭﺍﺣﺪ ﻟﻮ ﻣﺎ ﺣﻔﻈﺖ ﺷﺮﻓﻪ ﻟﻮ ﻃﻠﻌﺖ ﻣﻦ ﺩﻭﻥ ﻋﻠﻤﻪ ﻫﻲ ﺍﻟﻤﺎﻋﻨﺪﻫﺎ ﺗﺮﺑﻴﻪ ﺷﻨﻮﻭﻭ ؟؟ ﻋﻤﻲ ﺑﺎﻭﻉ ﺍﻟﺠﺎﺑﺮ ﺑﻐﻀﺐ ﻭ ﻭﻋﻴﺪ ﻭﺭﺟﻊ ﺑﺎﻭﻉ ﺍﻟﺠﺎﺳﺮ ﻛﻠﻪ ... ﺑﻮﻳﻪ ﻋﻠﺊ ﻛﻴﻔﻚ ﻭﺍﻟﻠﻪ ﻋﻠﺊ ﻫﺎﻱ ﻛﻠﻤﺘﻪ ﺍﻧﻲ ﺑﻴﺪﻱ ﺍﻃﻴﺢ ﺣﻀﻪ ﺷﻠﻮﻥ ﻳﺤﺠﻲ ﺑﺘﺮﺑﻴﺔ ﺑﻨﺖ ﻣﻬﻴﻮﺏ ﻳﻀﺮﺑﻬﺎ ... ﻭﺭﺟﻊ ﻟﺰﻡ ﺍﻳﺪ ﺟﺎﺳﺮ ﻭﺭﺩ ﻋﻠﻴﻪ ﺑﺘﻮﺳﻞ ... ﺍﺩﺧﻞ ﺑﻮﻳﻪ ﺍﺩﺧﻞ ﻭﺍﻧﺘﻲ ﺑﻮﻳﻪ ﺍﺩﺧﻠﻲ ﻭﺧﻠﻮﻧﻪ ﻧﺘﻔﺎﻫﻢ ﻭﻧﺮﺍﺿﻴﻜﻢ ﻫﻮ ﺳﺤﺐ ﺍﻳﺪﻩ ﻣﻦ ﺍﻳﺪ ﻋﻤﻲ ﺑﻘﺴﻮﻩ ﻭﻳﺒﺎﻭﻉ ﺍﻟﺠﺎﺑﺮ ﺑﻐﻀﺐ ﻛﻠﻪ .... ﻻﺍﺍﺍ ﻣﺎ ﺍﺩﺧﻞ ﻭﻟﻚ ﺟﺎﺍﺍﺍﺑﺮ ﺫﻳﻴﺞ ﺍﺧﺘﻚ ﺭﻳﻬﺎﻡ ﻣﺨﻠﻴﻨﻬﺎ ﻋﻠﺊ ﺭﻭﺳﻨﻪ ﻭﻣﺤﺪ ﻳﻜﻠﻬﺎ ﻋﻠﺊ ﻋﻴﻨﺞ ﺣﺎﺟﺐ ﻭﻣﻘﺪﺭﻳﻨﻬﺎ ﻭﻣﺤﺘﺮﻣﻴﻨﻬﺎ ﻭﺍﻧﺖ ﻫﻴﺞ ﺗﻌﺎﻣﻞ ﺍﺧﺘﻲ ﺑﺴﻴﻴﻄﻪ ﺑﺴﻴﻴﻄﻪ ﻭﺍﻟﻠﻪ ﻭﺍﻟﻠﻪ ﻭﺭﻭﺡ ﺍﺑﻮﻭﻭﻱ ﺍﻃﻠﻜﻬﺎ ﻣﻨﻚ ﻭﺛﺎﻧﻲ ﻳﻮﻡ ﺍﺯﻭﺟﻬﺎ ﻻﺣﺴﻦ ﻭﺍﺣﺪ ﻭﻛﻮﻭﻭﻝ ﺟﺎﺳﺮ ﻣﺎ ﻛﺎﻝ ... ﻋﻤﻲ ﻟﺰﻣﻪ ﺑﻘﺴﻮﻩ ... ﻋﻠﺊ ﻛﻴﻔﻚ ﺑﻮﻳﻪ ﻻ ﺗﺴﻮﻳﻬﺎ ﻗﺼﻪ ﺗﺮﺉ ﻫﻢ ﻋﺎﻳﻠﺔ ﺑﻴﺖ ﻣﺎ ﺑﻴﻬﺎ ﺷﺊ ﺍﺫﺍ ﺗﻌﺎﺭﻛﻮ ﻣﺼﺎﺭﻳﻦ ﺍﻟﺒﻄﻦ ﺗﺘﻌﺎﺭﻙ ﻭﺍﻧﺖ ﺷﻜﺪ ﺟﺎﻧﺖ ﻋﻨﺪﻙ ﻣﺸﺎﻛﻞ ﻭﻳﻪ ﺍﻡ ﻣﺮﺗﻀﺊ ... ﺭﺩ ﻋﻠﺊ ﻋﻤﻲ ﺑﺠﻤﻮﺩ ... ﻋﻮﻑ ﺍﻡ ﻣﺮﺗﻀﺊ ﻋﻠﺊ،ﺻﻔﺤﻪ ﺑﺲ ﻫﺬﺍ ﺟﺎﺑﺮ ﻋﻠﺊ ﻛﻞ ﺷﺊ ﻭﺣﺎﺳﺒﻬﺎ ﻭﺍﺫﺍﻫﺎ ﺍﻧﻲ ﻣﻮ ﺗﺎﺭﻙ ﺍﺧﺘﻲ ﻭﺭﺍﻱ ﺍﻧﺖ ﺷﺪﺧﻠﻚ ﺍﺫﺍ ﺟﺎﺑﺖ ﺍﻟﺴﻮﺭﻳﺎﺕ ﺍﻭ ﻻ ﺍﻧﺖ ﺷﺪﺧﻠﻚ ﺍﺫﺍ ﺣﺠﺖ ﻋﻠﺊ ﻣﺮﺗﻲ ﺍﻭ ﻻﺍﺍﺍ ﻟﻴﺶ ﻫﻠﻜﺪ ﻣﺮﻛﺰ ﺑﺤﻴﺎﺗﻲ ﻭﺗﺤﺎﺭﺏ ﺍﺧﺘﻲ ﺍﻧﻲ ﺟﺎﻱ ﻭﻣﺸﺘﻜﻲ ﻋﻨﺪﻙ ﻭﻟﻚ ﺍﺧﺘﻲ ﺑﺴﺒﺒﻚ ﻃﺮﺣﺖ ﻃﻔﻠﻬﺎ ﻻﻥ ﻭﺻﻠﺖ ﺍﻟﻲ ﺍﻟﻜﻼﻡ ﺍﻟﻨﻘﻠﺘﻪ ﺍﻟﻬﺎ ﻫﺎﻟﻪ ﺍﺭﻳﺪ ﺍﻓﻬﻢ ﺷﻐﻠﻪ ﻭﺣﺪﻩ ﺍﻧﺖ ﺷﺪﺧﻠﻚ ﻟﻴﺶ ﺗﺘﺪﺧﻞ ﺑﺤﻴﺎﺗﻲ ﻟﻴﺶ ﺗﺨﻠﻴﻨﻲ ﺍﺫﺑﺤﻚ ﺑﻴﺪﻱ ... ﻻ ﺗﺼﻴﻴﺮ ﻓﻀﻮﻟﻲ ﻭﻻ ﺗﺨﻠﺼﻬﺎ ﻋﻠﻴﻪ ﺍﺧﺘﻲ ﺍﻡ ﻣﺮﺗﺼﺊ ﺍﻡ ﻣﺮﺗﻀﻰ ﻻ ﺍﺧﺘﻚ ﻭﻻ ﺑﻨﺖ ﻋﻤﻚ ﻭﻣﻮ ﻣﻦ ﺣﻘﻚ ﺗﺤﺎﺳﺐ ﺍﺧﺘﻲ ﻟﺨﺎﻃﺮ ﺯﻭﺟﺘﻲ ﺗﺮﺉ ﻋﺎﻱ ﺯﺍﻳﺪﻩ ﻣﻨﻚ ﻭﺍﻧﻲ ﺳﺎﻛﺘﻠﻚ ﻫﻮﻭﻭﺍﻱ ﺳﻜﺘﺖ ﻋﻨﻚ ﻫﻮﻭﻭﺍﻱ ﻳﺎ ﺟﺎﺑﺮ ﺍﺧﺬﺕ ﻣﺮﺗﻲ ﻭﻣﺎ ﺭﺟﻌﺘﻬﺎ ﻭﺍﺧﺬﺗﻬﺎ ﻟﺪﻳﺎﻟﺊ ﻭﻫﻲ ﻃﻔﻠﻪ ﻭﺍﺣﺪ ﻏﻴﺮﻙ ﺟﺎﺑﻬﺎ ﻟﻠﺸﻴﺦ ﻭﺧﻠﻴﺘﻬﺎ ﺍﻣﺎﻧﻪ ﻋﻨﺪﻩ ﻣﻮ ﺗﺒﻌﺪﻫﺎ ﻋﻨﻲ ... ﺿﻤﻴﺖ ﻋﻨﻲ ﻣﻮﺕ ﻋﺎﺻﻢ ﻭﺭﺣﺖ ﺳﺎﻋﺪﺗﻪ ﻭﻛﻠﺖ ﻣﻴﺨﺎﻟﻒ ﺍﻧﻮﺏ ﺗﺠﻲ ﺗﻜﻔﺦ ﺑﺎﺧﺘﻲ ﻭﺗﺤﺠﻲ ﺑﺘﺮﺑﻴﺘﻬﺎ ﺍﻧﺖ ﺷﺘﺮﻳﺪ ﺑﺎﻟﻀﺒﻂ ﻟﻴﺶ ﺗﺨﻠﻴﻨﻲ ﺍﺣﺠﻲ ﺑﺎﻟﻘﻠﻢ ﺍﻟﻌﺮﻳﺾ ... ﻋﻤﻲ ﺟﺎﻭﺑﻪ ﺑﺬﻫﻮﻝ ... ﺷﻘﺼﺪﻙ ﻫﻮ ﻳﺤﺐ ﺟﻮﻟﻴﻴﺖ ﺭﺩ ﻋﻠﻴﻪ ﺟﺎﺳﺮ ﺑﻜﻞ ﻏﻀﺐ ﻭﺍﻋﺼﺎﺏ ﻣﺜﻞ ﺍﻟﺒﺮﻛﺎﻥ ... ﻳﺨﺴﺌﺌﺊ ﻭﺍﻟﻠﻪ ﻣﻮﺗﻪ ﻋﻠﺊ ﺍﻳﺪﻱ ﻟﻮ ﻣﺠﺮﺩ ﻳﻔﻜﺮ ﺗﻔﻜﻴﺮ ﻟﻮ ﺗﺴﻮﻝ ﺍﻟﻪ ﻧﻔﺴﻪ ﻣﺎ ﺭﺍﻳﺪ ﺭﻭﺣﻪ ﻭﺍﻟﻠﻪ ﻭﻛﻠﻪ ﺧﻠﻪ ﻳﺤﺘﺮﻡ ﻧﻔﺴﻪ ﻭﺧﻠﻲ ﺍﻟﻨﻔﺲ ﻋﻠﻴﻪ ﺭﺍﺿﻴﻪ ﻭﺣﻨﻴﺘﻪ ﻋﻠﺊ ﺍﻡ ﻣﺮﺗﻀﺊ ﻣﺎ ﻧﺮﻳﺪﻫﺎ ﻣﻮ ﺑﺤﺎﺟﺔ ﻧﺤﻴﺘﻪ ﻭﻋﻄﻔﻪ ﺳﺤﺐ ﺍﻳﺪﻱ ﺍﻟﻤﻌﺎﻗﻪ ﻭﺷﺎﻝ ﺍﻟﺠﻨﻄﻪ ﺷﻤﺮ ﺍﻟﺠﻨﻄﻪ ﻭﺍﻧﻲ ﺻﻌﺪﺕ ﺑﺎﻟﺼﺪﺭ ﻭﺍﺧﺬﺕ ﺍﻟﻄﺮﻳﻖ ﻛﻠﻪ ﺍﺑﺠﻲ ﺯﻓﺮ ﻧﻔﺴﻪ ﺑﻀﻴﻖ ﻭﺭﺩ ﻋﻠﻴﻪ ﺑﺤﻨﺎﻥ ... ﺧﻠﻲ،ﻳﻮﻟﻲ ﻻ ﺗﺒﺠﻴﻦ ﻭﺍﻟﻠﻪ ﺍﻟﻪ ﺍﺧﻠﻲ ﻳﺘﻤﻨﺎﺝ ﻭﻣﺎ ﻳﻠﻜﺎﺝ ... ﻭﺻﻠﻨﻪ ﻟﻠﺒﻴﺖ ﻣﺎﻟﺖ ﺍﺧﻮﻳﻪ ﺩﺧﻠﺖ ﺧﻄﻴﻪ ﺍﻟﺠﻬﺎﻝ ﻓﺮﺣﻮﺍ ﺑﻴﻪ ﻭﺳﻠﻤﺖ ﻋﻠﺊ ﺟﻮﻟﻴﻴﺖ ﻭﻛﻌﺪﺕ ﺳﺎﻟﺘﻨﻲ ﺷﻜﻮ ﻭﺍﻧﻲ ﺧﺮﻃﺖ ﺍﻻﻭﻝ ﻭﺍﻟﺘﺎﻟﻲ ﻭﺿﻠﻴﺖ ﺍﺑﺠﻲ ﻛﺎﻟﺖ ﺑﺘﻨﻬﻴﺪﻩ ... ﻣﻮ ﻣﻦ ﺣﻘﻪ ﻳﺤﺎﺳﺒﺞ ﺍﻭﻝ ﻭﺗﺎﻟﻲ ﺗﺮﺟﻊ ﺷﺎﻡ ﻣﺎ ﺩﺍﻡ ﺩﺧﻞ ﻟﻠﻌﺮﺍﻕ ﺍﻛﻴﺪ ﺗﺠﻲ ﻭﻣﻦ ﺣﻘﻬﺎ ... ﺿﻠﻴﺖ ﻛﺎﻋﺪﻩ ﻳﻤﻬﻢ ﻭﺍﺳﻮﻟﻒ ﺍﻟﻬﺎ ﻭﻫﻲ ﺟﺎﻧﺖ ﻋﺎﺩﻳﻪ ﻣﻤﺒﻴﻨﻪ ﺿﺎﻳﺠﻪ ﺗﻜﺎﺑﺮ ﻟﻼﺳﻒ ﻭﺗﻀﺤﻚ ﻭﺗﺴﻮﻟﻒ ﻋﺎﺩﻱ ﻋﻨﺪﻫﺎ ... ﻭﺟﺎﺳﺮ ﻃﻠﻊ ﺑﺮﺍ ﺍﻟﺒﻴﺖ ﺑﺲ،ﻗﺒﻞ ﻻ ﻳﻄﻠﻊ ﺍﺣﺘﻀﻦ ﻭﺟﻬﻬﺎ ﺍﻟﻨﺎﻋﻢ ﺑﻜﻔﻮﻑ ﺍﺩﻳﻪ ﻭﻫﻲ ﺭﻓﻌﺖ ﻋﻴﻮﻧﻬﺎ ﺍﻟﻪ ﺑﻌﺸﻮﺍﺋﻴﻪ ﻭﻫﻲ ﻣﺎ ﺗﻌﺮﻑ ﻭﻳﻦ ﺗﻮﺟﻬﻪ ﻧﻈﺮﻫﺎ ... ﻛﻠﻬﺎ ﺑﺤﻨﻴﺔ ... ﺍﺟﻴﺒﻠﺞ ﺷﺊ ﻭﻳﺎﻱ ﻣﺤﺘﺎﺟﻪ ﺷﺊ ؟ ﻫﺰﺕ ﺭﺍﺳﻬﺎ ﺑﻨﻔﻲ ﺑﺲ ﺷﻔﺖ ﺍﻃﺮﺍﻑ ﺍﺩﻳﻬﺎ ﺗﺮﺟﻒ ﻣﻦ ﻟﻤﺴﺎﺗﻪ ﻭﻋﺼﺮﺕ ﻃﺮﻑ ﺍﻟﻘﻨﻔﻪ ﻭﻫﻲ ﺗﺪﺍﺭﻱ ﻧﻔﺴﻬﺎ ... ﺗﻨﻬﺪﺕ ﺑﻀﻴﻖ ﺍﺟﻴﺖ ﺍﺑﺠﻲ ﺍﻧﻲ ﻭﺍﻟﻠﻪ ﻣﻮ ﻗﺼﺪﻱ ﺍﺟﻴﺒﻬﻦ ﻭﺍﺟﻲ ﻭﺍﻟﻠﻪ ﺑﺲ ﻣﺎ ﺍﺩﺭﻱ ﺣﺴﻴﺖ ﻧﻔﺴﻲ ﻏﺒﻴﻪ ﺷﻠﻮﻥ ﺍﺳﺘﻐﻠﺘﻨﻲ ﻳﺎﺳﻤﻴﻦ . ﺍﻧﺘﺒﻬﺖ ﻋﻠﺊ ﺻﻮﺗﻪ ﻭﻫﻮ ﻳﻜﻮﻝ ... ﻭﻗﺎﺭ ﻣﺤﺘﺎﺟﻪ ﺷﺊ ﺍﺟﻴﺒﻠﺞ ... ؟ ﺟﺎﻭﺑﺘﻪ ﺑﺒﺘﺴﺎﻣﻪ ﺣﺰﻳﻨﻪ ... ﻻ ﻻ ﻣﺸﻜﻮﺭ ﻣﺎ ﺍﺭﻳﺪ ﺷﺊ ... ﻫﻮ ﺧﻠﻪ ﻭﺭﺍﺡ ﻭﺷﻮﻳﻪ ﻭﺩﺧﻞ ﻣﺮﺗﻀﺊ،ﻭﻫﻮ ﺷﺎﻳﻞ ﺍﻟﺪﻳﺞ ﻭﺍﻟﻨﻌﺎﻝ ﺗﻚ ﻭﺗﻚ ﻭﺍﻟﺤﻠﻚ ﺍﺣﻤﻤﻤﺮ ﻳﺠﻨﻦ ﻭﻣﺘﻌﺼﺐ ﻃﻠﻊ ﻣﻦ ﺍﻟﻐﺮﻓﻪ ﻛﻠﻬﺎ ... ﻳﻤﺎﺍﺍﺍﺍﺍﺍ ﻳﻤﺎﺍﺍﺍﺍﺍ ﺿﺤﻜﺖ ... ﻳﺎﺍﺍ ﻋﺰﺍ ﻳﺼﻴﺢ ﻳﻤﻤﻤﻪ ﺷﺒﻲ؟ ﻫﻬﻬﻬﻪ ﺭﺩﺕ ﻋﻠﻴﻪ ﺟﻮﻟﻴﺖ ﺑﻀﺤﻜﻪ .. ﺍﻱ ﺟﻌﻔﺮ ﻣﻌﻠﻤﻬﻢ ﻳﻜﻮﻟﻬﻢ ﺍﻟﺰﻟﻤﻪ ﻫﻴﺞ ﻳﺤﺠﻲ ﻫﻬﻪ ﺗﻘﺮﺏ ﻣﻨﻬﺎ ﻭﺷﻤﺮ ﺭﻭﺣﻪ ﻋﻠﻴﻬﺎ ﻭﺍﻟﺪﻳﺞ ﻃﻔﺮ ﻣﻦ ﺍﻳﺪﻩ ﻫﻮ ﺑﺎﻭﻉ ﻟﻠﺪﻳﺞ .. ﺗﻌﺎﻝ ﻋﺒﻴﺒﻲ ﻣﺎ ﻋﻔﻚ ﺳﻜﻴﺘﻪ ﺍﻧﻲ ﺍﺩﺭ ﺍﻋﻔﻬﺎ ... « ﻣﺎ ﺗﻌﻀﻚ ﺟﻜﻠﻴﺘﻪ ﺍﻧﻲ ﺍﻋﻀﻬﺎ » ﻛﺮﺹ ﺧﺪﻭﺩﻫﺎ ﻭﻫﻮ ﻣﻜﺰﻛﺰ ﻋﻠﺊ ﺍﺳﻨﺎﻧﻪ ﺍﻟﻨﺎﻋﻤﻪ ﻭﻻﺯﻣﻬﺎ ﺣﻴﻴﻞ ﻣﻦ ﺧﺪﻭﺩﻫﺎ ... ﺍﻳﻪ ﻋﺒﺎﺑﺎ ﺳﻜﻴﺘﻪ ﻋﺒﺎﺑﺎﺍﺍﺍ ﻣﺎ ﺗﻌﻒ ﺍﻋﻨﻪ ﻋﻔﻬﺎ ﻋﻴﻴﻞ ﻫﻲ ﻣﺎ ﺗﻌﻒ ... ﻫﻲ ﺿﺤﻜﺖ ﻭﺣﻀﻨﺘﻪ ﻭﺍﺟﻪ ﻣﺸﻤﺶ ﺷﺎﻳﻞ ﻗﻮﻃﻴﺔ ﺍﻟﺤﻠﻴﺐ ﻫﻢ ﻫﺴﻪ ﻛﺒﺎﺭ ﻭﻟﺤﺪ ﺍﻻﻥ ﻳﺸﺮﺑﻮﻥ ﺣﻠﻴﺐ ﻳﺤﺒﻮﻧﻪ ﻫﺰ ﺭﺍﺳﻪ ﺑﻌﺼﺒﻴﺔ .... ﻳﻤﺎﺍﺍﺍ ﻋﻠﻄﺖ ﻋﻮﻃﻴﺔ ﺍﻟﻌﻠﻴﺐ ﻣﻦ ﺍﺩﻱ ﺍﺑﻮﺕ ﺩﺍﺗﺮ ﺩﻟﻴﻠﻪ ﻳﺪﻳﺐ ﻋﻠﻴﺒﻪ ﺍﻧﻪ ﺍﻧﻲ ﺭﻃﺎﻭﻱ ... ﻳﻤﻪ ﺧﻠﺼﺖ ﻗﻮﻃﻴﺔ ﺍﻟﺤﻠﻴﺐ ﻣﻦ ﺍﻳﺠﻲ ﺍﺑﻮﺝ ﺟﺎﺳﺮ ﻛﻠﻴﻠﻪ ﻳﺠﻴﺐ ﺣﻠﻴﺒﻪ ﺍﻟﻨﻪ ﺍﻧﻲ ﻭﺭﺿﺎﻭﻱ ﺍﺷﺮﺕ ﻋﻠﺊ ﻋﻴﻮﻧﻬﺎ . ﺍﻱ ﻳﻤﻪ ﺍﺩﻟﻠﻮ ﻣﻦ ﻳﺠﻲ ﺍﻛﻠﻪ ﺍﻭ ﺭﻭﺣﻮ ﺧﺎﺑﺮﻭﺍ ﻣﻦ ﺭﺿﻴﻪ ﻭﻛﻠﻮﻟﻪ ﻋﺎﺩ ﻫﻢ ﻣﺎ ﺻﺪﻛﻮﺍ ﺭﻛﻀﻮﺍ ﺧﺎﺑﺮﻭﺍ ﻭﻳﺤﺠﻮﻥ ﻭﻳﺎﻩ ﻭﻫﻮ ﺍﺧﻮﻳﻪ ﺻﺪﻙ ﻣﻬﻤﻮﻡ ﺑﺲ ﺧﻠﮕﻪ ﻃﻮﻳﻞ ﻭﻳﺎﻫﻢ ﻭﻳﻠﻌﺒﻮﻥ ﻭﺧﺎﺑﺼﻴﻦ ﺍﻟﺠﻮﻭﻭ ﻭﺍﻟﺪﻳﺞ ﺧﻄﻴﻪ ﻣﻈﻠﻮﻡ ﺑﻨﺼﻬﻢ ﻳﺠﺒﺮﻭﺍ ﺍﻟﻪ ﺗﺎﻛﻞ ﺍﻟﻪ ﺍﻧﻤﺸﻄﻚ ﺗﻌﺎﻝ ﺍﺳﺒﺢ ﺍﺧﺮ ﺷﺊ ﻟﺒﺴﻮﺍ ﺷﻴﻠﺔ ﺭﺿﻴﻪ ﻣﺘﺖ ﺿﺤﻚ ﻋﻠﻴﻬﻢ ﺍﻧﻮﺏ ﺧﻄﻴﻪ ﺍﺧﺬﺗﻪ ﻣﻨﻬﻢ ﻭﻧﻮﻣﺘﻬﻢ ﻭﻫﻮ ﺷﻤﺮﺗﻪ ﺑﺎﻟﺤﺪﻳﻘﻪ ﺍﻧﻄﻠﻖ ﻳﻤﺸﻲ ﺑﺮﺍﺣﺘﻪ ﻭﺭﺍﻓﻊ ﺧﺸﻤﻪ ... ............................ ﺭﻳﻬﺎﻡ ... ﺳﻤﻌﺖ ﻭﻗﺎﺭ ﺯﻋﻼﻧﻪ ﻭﻋﻨﺪ ﺑﻴﺖ ﺟﺎﺳﺮ ﻛﻮﻭﻭﻟﺶ ﺿﺠﺖ ﻭﺳﻤﻌﺖ ﺟﺎﺳﺮ ﺿﺎﺭﺏ ﺍﺧﻮﻳﻪ ﺍﻧﻲ ﻛﻮﻭﻭﻟﺶ ﺍﺣﺐ ﺟﺎﺳﺮ ﻭﺍﺣﺘﺮﻣﻪ ﺣﻴﻴﻞ ﻓﻤﺎ ﺣﺒﻴﺖ ﺍﺣﺠﻲ ﺑﺎﻟﻤﻮﺿﻮﻉ ﺍﺑﺪ ﻭﻛﻠﺖ ﻫﻢ ﺑﻴﻨﻬﻢ ﻳﺤﻠﻮﻫﺎ ﻫﻢ ﻭﻟﺪ ﻋﻢ ﻭﺍﻥ ﺷﺎﺀ ﺍﻟﻠﻪ ﻣﺎ ﺑﻴﻨﻬﻢ ﺷﺊ، ﻭﺳﺠﺊ ﺗﻔﺘﺮ ﻋﻠﻴﻪ ﻫﻮ ﺍﺧﻮﻭﺝ ﺷﺒﻲ ﻫﻴﺞ ﻳﺤﺠﻲ ﻭﻳﻪ ﻋﻤﻮ ﻭﻟﻴﺶ ﺿﺮﺏ ﻋﻤﻪ ﺍﺷﻮ ﺍﻧﺘﻲ ﻣﺪﻟﻠﻪ ﺩﻻﻝ ﻭﺗﺪﺍﻭﻣﻴﻦ ﻛﻠﻴﻪ ﻭﻋﻤﻪ ﺧﺪﺍﻣﻪ ﻣﺨﻠﻴﻨﻬﺎ ﻋﺪﻛﻢ ﺟﺎﻥ ﺍﺳﺘﺤﻴﺘﻮﺍ ﻋﻠﺊ ﻧﻔﺴﻜﻢ ﻣﺎ ﻳﻐﺰﺭ ﺑﻴﻜﻢ ﺍﺑﺪ ﺟﺎﻭﺑﺘﻬﺎ ﺑﻬﺪﻭﺀ .... ﺣﺒﻴﺒﺘﻲ ﻫﻢ ﻋﺎﺋﻠﺔ ﺑﻴﺖ ﻣﻮ ﻣﻦ ﺣﻘﺞ ﺗﺘﺪﺧﻠﻴﻦ ﻭﻻ ﺗﺜﻴﺮﻳﻦ ﻧﺎﺭ ﺍﻟﻔﺘﻨﻪ ﻻﻥ ﺍﻟﻔﺘﻨﻪ ﺍﺷﺪ ﻣﻦ ﺍﻟﻘﺘﻞ ﺍﺫﺍ ﺍﻧﺘﻲ ﺗﺤﺒﻴﻦ ﻋﻤﺞ ﻭﻋﻤﺘﺞ ﻓﺤﺎﻭﻟﻲ ﺗﻜﻮﻧﻴﻦ ﻣﻨﺼﻔﻪ ﻭﺗﻬﺪﻳﻦ ﺍﻟﻨﻔﻮﺱ ﺑﺪﻝ ﻣﺎ ﺗﺸﻌﻠﻴﻨﻬﺎ ... ﻫﺰﺕ ﺍﻳﺪﻫﺎ ﺍﻧﻲ ﻭﻳﻦ ﺍﺣﺠﻲ ﻭﺍﻧﺘﻲ ﻭﻳﻦ ﺍﻱ،ﺑﺲ ﺍﻻﺩﻱ ﺑﺎﻟﻨﺎﺭ ﻣﻮ ﻣﺜﻞ ﺍﻻﺩﻱ ﺑﺎﻟﻤﻲ ﻭﺍﻧﺘﻲ ﻣﺮﺗﺎﺣﻪ ﻣﻮ ﻣﺜﻞ ﻋﻤﻪ ﺍﻟﻤﺴﻜﻴﻨﻪ ... ﻋﻔﺘﻬﺎ ﺗﺤﺠﻲ ﺍﻟﻮﺣﺪﻫﺎ ﺑﺲ ﻫﻲ ﻣﺎﺷﻴﻪ ﻋﺪﻝ ﺗﻨﻀﻒ ﻭﻣﻬﺘﻤﻪ ﺑﺎﺧﻮﺍﺗﻬﺎ ﻭﺑﻴﺒﺘﻬﺎ ﻣﻦ ﺗﻄﻠﺒﻬﺎ ﺗﻨﻔﺬ ﺑﺲ ﺫﻳﺞ ﺷﻬﻴﺪﻩ ﻣﺘﺨﺒﻠﻪ ﺭﺳﻤﻲ ﻣﻮ ﺻﺎﺣﻴﻪ ﺳﺎﻋﻪ ﺗﺠﻴﻬﺎ ﺗﻨﻀﻒ ﺍﻟﺒﻴﺖ ﻭﺗﺴﻮﻱ،ﻳﺠﻨﻦ ﻭﺗﺤﺒﻨﻲ،ﻭﺣﺘﺊ ﻣﺎ ﺗﻘﺒﻞ ﺍﻏﺴﻞ ﻣﻮﺍﻋﻴﻦ ﺍﻟﻐﺪﺍ ﻭﺗﺠﻴﻬﺎ ﺳﺎﻋﻪ ﻣﺴﻮﺩﻧﻪ ﺗﺼﻴﺢ ﻭﺗﻐﻠﻂ ﻭﺗﺘﺠﺎﻭﺯ ... ﻭﺍﻟﻠﻪ ﺫﺍﻙ ﺍﻟﻴﻮﻡ ﺑﺎﻟﻴﻞ ﺳﻮﺩﻧﺘﻪ ﺍﺟﻪ ﺟﻌﻔﺮ ﻳﺮﻛﺾ ﻛﺎﻝ ... ﻫﺎﻱ ﺷﻬﺪ ﺗﺒﺠﻲ ﺑﻄﻨﻬﺎ ﺗﻮﺟﻌﻬﺎ ﺭﺣﻨﻪ ﻧﺮﻛﺾ ﻋﻠﻴﻬﺎ ﻟﻜﻴﻨﺎﻫﺎ ﻻﺯﻣﻪ ﺑﻄﻨﻬﺎ ﻭﺗﻌﺼﺮ ﺑﻴﻬﺎ .... ﻳﻤﻤﻤﻪ ﺭﺍﺡ ﺍﺟﻴﺐ ﻳﻤﻤﻤﻪ ﻳﻤﻤﻤﻪ ﺍﻟﺤﻜﻴﻠﻲ ﺗﻔﺎﺟﺌﺖ ﻫﻲ ﺑﻌﺪﻫﺎ ﻳﻌﻨﻲ ﻣﻮ ﻣﺎﻝ ﺗﺠﻴﺐ ﻟﺰﻣﺘﻬﺎ ﺑﺨﻮﻑ ... ﺣﺒﻴﺒﺘﻲ ﺷﻬﻮﻭﺩﻩ ﺷﻨﻮﻭ ﺷﺘﺤﺴﻴﻦ ﻟﺰﻣﺖ ﺑﻄﻨﻲ ﻭﻫﻲ ﺗﺼﺮﺭﺥ ... ﻃﻠﻠﻠﻊ ﻃﻠﻠﻠﻠﻠﻠﻠﻊ ﻃﻠﻠﻠﻊ ﻳﻤﻪ ﺍﻟﺤﻜﻴﻠﻲ ... ﺍﻧﻲ ﺧﻔﺖ ﻟﺰﻣﺘﻬﺎ ﺣﻴﻴﻞ ﻭﺟﻌﻔﺮ ﺟﺎﻭﺑﻬﺎ ﺑﺎﺳﺘﻐﺮﺍﺏ ... ﻫﻮ ﻣﻨﻮ ﺍﻟﻄﻠﻊ ؟ ﺿﺮﺑﺘﻪ ﺍﻣﻪ ﻋﻠﺊ ﻛﺘﻔﻪ ... ﺍﺑﻨﻚ ﻣﺪﺭﻱ ﺑﻨﺘﻚ ﻳﺤﻀﻲ ﻫﺰ ﺍﻳﺪﻩ ... ﺍﻫﻮﻭﻭ ﻭﺍﻟﻠﻪ ﺑﻌﺪ ﻭﻛﺖ ﻋﻠﺊ ﺍﻟﻄﻠﻌﻪ ﺷﺪﻋﻮﻩ ﻫﻠﻜﺪ ﻣﺴﺘﻌﺠﻞ ﻛﻠﺘﻠﻪ ﺍﻣﻪ ... ﻭﻟﻚ ﺷﻴﻠﻬﺎ ﺧﻠﻲ ﻧﺎﺧﺬﻫﺎ ﻟﻠﻤﺴﺘﺸﻔﺊ ﺭﺩﺕ ﻋﻠﻴﻬﺎ ﻭﻫﻲ ﻻﺯﻣﻪ ﺑﻄﻨﻬﺎ ﻭﺗﺼﺮﺥ ... ﻻ ﺧﺎﻟﻪ ﺩﺧﻞ ﺩﺧﺨﺨﺨﺨﻞ ﻳﻤﻪ ﻳﻤﻪ ﺭﺍﺡ ﺍﻣﻮﺕ ﻛﻠﺘﻠﻬﺎ ﺧﺎﻟﺘﻲ .. ﻫﺴﻪ ﺷﻨﻮ ﺗﻠﻌﺒﻴﻦ ﻋﻠﻴﻪ ﺩﺧﻞ ﻃﻠﻊ ﺷﺴﺎﻟﻔﻪ ﺗﻨﻬﺪ ﺟﻌﻔﺮ ... ﻣﻦ ﻫﺴﻪ ﺩﺍﻳﺢ ﻭﺿﺎﻝ ﺑﻜﻴﻔﻪ ﻣﺎﻟﻪ ﺭﺩﺍﺩ ﻫﻲ ﻋﺼﺮﺕ ﻧﻔﺴﻬﺎ ... ﻳﻤﻪ ﺑﻄﻨﻲ ﺭﺍﺍﺍﺍﺡ ﺍﺟﻴﻴﺐ ﻳﻤﻤﻤﻪ ﺟﻌﻔﺮ ﺟﻌﻔﺮ ﺭﺍﺡ ﺍﻣﻮﻭﻭﺕ ﺍﺩﻓﻨﻲ ﺑﺼﻒ ﺍﻣﻲ ﺧﺎﺑﺮ ﺍﺑﻮﻱ ﻳﺪﻟﻴﻚ ﻫﻮ ﺍﺧﺬ ﻣﺨﺪﻩ ﻭﺭﺩ ﻋﻠﻴﻬﺎ .. ﺣﻄﻴﺖ ﻭﻳﺎﺝ ﺑﺨﺖ ﻃﻤﻴﺸﻪ ﻭﺍﻥ ﺷﺎﺀ ﺍﻟﻠﻪ ﻻ ﺗﻤﻮﺗﻴﻦ ﻭﻻ ﻳﺼﻴﺮ ﺑﻴﺞ ﺷﺊ ﺧﻠﻪ ﻭﺭﺍﺡ ﻭﻫﻲ ﺻﺎﺣﺖ ... ﻳﺎﺍﺍﺍ ﻋﺰﺍ ﻭﻳﻦ ﺟﺎﻱ ﺗﻨﺎﻡ ﺗﻌﺎﻝ ﻳﻤﻌﻮﻭﺩ ﻫﻮ ﻋﺎﻓﻬﺎ ﻭﺭﺍﺡ ﻭﻫﻲ ﺷﻮﻳﻪ ﻭﺻﺎﺭﺕ ﺯﻳﻨﻪ ﻭﻫﺎﻱ،ﺳﺠﻴﻮﻩ ﺗﺨﺒﺚ ﻋﻠﻴﻬﺎ ﺩﻛﻠﻬﺎ ... ﻋﻨﺪﺝ ﻃﺮﻭﺡ ﺍﻣﻲ ﻫﻴﺞ ﻭﻃﺮﺣﺖ ﻭﻟﺪ ﺧﺒﻠﺘﻬﺎ ﺍﻧﻮﺏ ﺷﻮ ﻫﺎﻱ ﺿﻠﺖ ﺗﺒﺠﻲ ﻳﻤﻪ ﺭﺍﺡ ﺗﻤﻮﺕ ﺑﻨﺘﻲ ﻳﻤﻤﻪ ﺍﺧﺬﺗﻠﻬﺎ ﺷﻮﻳﻪ ﻭﻛﺎﻟﺖ ﻋﻔﻴﻪ ﺩﻳﺮﻱ ﻋﻠﺊ ﺍﻡ ﺑﻲ ﺳﻲ ﻓﻮﺭ ﻣﺘﺎﺑﻌﻪ ﺳﻤﺮ ﻭﻣﻬﻨﺪ ﻫﻮ ﺻﺢ ﺍﻋﺎﺩﻩ ﺑﺲ ﺍﺣﺒﻪ ﻫﺰﻳﺖ ﺍﻳﺪﻱ ﻭﺧﻠﻴﻨﻪ ﻭﺭﺣﻨﻪ ﺧﺎﻟﺘﻲ ﺣﺠﺖ ﻭﻳﻪ ﺟﻌﻔﺮ ﻛﻠﻬﺎ ﻳﻤﻪ ﺑﺎﻟﻘﺮﺍﻥ ﻫﺎﻱ ﻣﻮ ﺻﺎﺣﻴﻪ ﺍﺣﺴﻬﺎ ﻣﺴﺤﻮﺭﻩ ﺳﺎﻋﺎﺗﻬﺎ ﻣﻮ ﺳﻮﻩ ﺳﺎﻋﻪ ﺯﻳﻨﻪ ﻭﺳﺎﻋﻪ ﻣﺨﺒﻠﻪ ﻭﺍﻟﻠﻪ ﻳﻤﻪ ﺫﺍﻙ ﺍﻟﻴﻮﻡ ﻛﺎﻋﺪﻩ ﺑﺘﻼﺛﻪ ﺑﺎﻟﻴﻞ ﺗﺒﺠﻲ ﺩﻛﻠﻲ ﺍﻧﺖ ﻣﺎ ﺗﺤﺒﻨﻲ ﻭﺗﺨﺎﺑﺮ ﻟﻴﻞ ﻛﻠﻪ ﻭﺍﻧﺖ ﺳﻜﻴﺮ ﻭﺍﻧﺖ ﻣﺪﺭﻱ ﺷﻨﻮ ﻭﺧﺎﺑﺼﻪ ﺍﻟﺪﻧﻴﺎ ﻋﺴﺎﺱ ﻣﺎ ﺗﺪﺭﻱ ﺟﻨﺖ ﺳﻜﻴﺮ ﺍﻧﻲ ﺍﺗﺬﻛﺮﺕ ﺳﺠﺊ ﺗﺮﺵ ﻭﺗﺴﻮﻱ ﻳﺠﻮﺯ ﺻﺪﻙ ﻣﺴﻮﻳﺘﻠﻬﺎ ﻻﻥ ﻓﻌﻼ ﺍﻟﺒﻨﻴﻪ ﻣﻮ ﺻﺎﺣﻴﻪ ﺍﺑﺒﺪ ﻣﺨﺒﻠﻪ ﺭﺳﻤﻲ ﻫﻲ ﻣﺠﺎﻧﺖ ﻫﻴﻴﺞ ... ﺛﺎﻧﻲ ﻳﻮﻡ ﺍﺟﺘﻨﻪ ﺍﻡ ﻫﺎﻟﻪ ﻫﻲ ﻭﺑﻨﺘﻬﺎ ﺳﺤﺮ ﻫﺎﻟﻪ ﻣﺎ ﺍﺟﺖ ﻭﺳﺠﺊ ﻟﺰﻣﺘﻬﻦ ﻭﺿﻠﺖ ﺗﺴﻮﻟﻒ ﻋﻠﻴﻬﻦ ﺟﺎﻧﺖ ﺧﺎﻟﺘﻲ ﻣﻮ ﻫﻨﺎ ﺑﺎﻟﺴﻮﻙ ﻛﻠﺘﻠﻬﻦ ﻋﻤﻲ ﺟﺎﺳﺮ ﺭﺟﻊ ﻣﺮﺗﻪ ﺍﻟﺴﻮﺭﻳﻪ ﻭﺻﺎﻳﺮﻩ ﻣﻜﺎﺻﺐ ... ﻭﺍﻧﻲ ﺣﻴﻴﻞ ﻣﻘﻬﻮﺭﻩ ﻫﺬﺍ ﻋﻤﻮ ﺟﻌﻔﺮ ﻳﻜﻮﻝ ﺟﺎﺳﺮ ﺷﻠﻮﻥ ﺛﻨﻴﻦ ﻭﺣﺪﻩ ﺳﻮﺭﻳﺎ ﺛﻼﺛﻴﻨﻴﻪ ﻭﺍﻟﺜﺎﻧﻴﻪ ﻋﺸﺮﻳﻨﻴﻪ ﻭﺍﻟﻌﻴﻮﻥ ﺯﺭﻙ ﻭﺍﻧﻲ ﻭﺟﻬﻪ ﺍﻟﻄﺎﻭﻩ ﺍﻛﺒﺮ ﻣﻨﻲ ﺑﻘﺮﻥ ﻭﺫﻳﺞ ﺷﻬﻴﺪﻩ ﺑﻴﻬﺎ ﺟﻨﻲ ﺗﺮﺉ ﻫﻮ ﻣﻮ ﻣﻦ ﺣﻘﻪ ﻳﺤﺠﻲ ﻋﻠﺊ ﺍﻣﻲ ﻭﻋﻴﺐ ﻋﻠﻴﻪ ﺍﺻﻼ ... ﺿﺠﺖ ﻣﻦ ﺳﻮﻟﻔﺖ ﺍﻟﻬﻦ ﻋﻦ ﺭﺟﻮﻉ ﺷﺎﻡ ﻭﻓﻌﻼ ﺍﻧﻲ ﺿﺎﻳﺠﻪ ﻋﻠﺊ ﺟﻮﻟﻲ ﺍﻛﺜﺮ ﻻﻥ ﻭﺍﻟﻠﻪ ﺷﺎﻡ ﻣﺎ ﺍﻋﺮﻓﻬﺎ ﻭﻻ ﺍﻋﺮﻑ ﻇﺮﻭﻓﻬﺎ ﺑﺲ ﺟﻮﻟﻲ ﺧﻄﻴﻪ ﺷﺎﻓﺖ ﺍﻳﺎﻡ ﻭﻟﻴﺎﻟﻲ ﺻﻌﺒﻪ ﺑﻬﻞ ﺑﻴﺖ ﻭﻣﻦ ﺟﺎﺳﺮ ﻭﻣﻦ ﺍﻫﻠﻪ ﻭﻣﺎ ﺍﺭﺗﺎﺣﺖ ﺟﻨﺖ ﺍﺗﻤﻨﺊ ﺍﻟﻬﺎ ﺍﻟﺴﻌﺎﺩﻩ ... ﺍﻟﻠﻪ ﻳﺴﻌﺪﻫﺎ ﻭﻳﺴﻌﺪ ﺷﺎﻡ ﻭﻳﺮﻳﺢ ﺟﺎﺳﺮ ﻳﺎﺭﺏ ﻭﻳﻔﻚ ﻫﻞ ﻋﻘﺪﻩ ﻣﻦ ﺣﻴﺎﺗﻬﻢ .... ................................... ﻭﻗﺎﺭ ... ﺿﻠﻴﺖ ﻋﻨﺪ ﺑﻴﺖ ﺍﺧﻮﻳﻪ ﺍﺟﺖ ﺍﻣﻲ ﻛﺎﻟﺖ ﺍﻣﺸﻲ ﻭﻳﺎﻱ ﻫﻨﺎﻙ ﺑﺲ ﺍﻧﻲ ﻣﻘﺒﻠﺖ ﺧﻄﻴﻪ ﻫﻢ ﺑﻴﺖ ﺍﺧﻮﻳﻪ ﺑﺤﺎﺟﺘﻲ ﻋﺮﻓﺖ ﺟﻮﻟﻲ ﺣﺎﻣﻞ ﺣﻴﻴﻞ ﻓﺮﺣﺖ ﻭﺍﻫﺘﻤﻴﺖ ﺑﻴﻬﺎ ﻭﺍﻟﻠﻪ ﻭﻫﻲ ﺷﺎﻫﺪﻩ ... ﻭﺟﺎﺳﺮ ﻛﻞ ﺷﻮﻳﻪ ﻭ ﻭﺻﺎﻧﻲ ﻋﻠﻴﻬﺎ ﻳﻜﻮﻝ ﻻ ﺗﺨﻠﻴﻨﻬﺎ ﺍﻟﻮﺣﺪﻫﺎ ﺍﺧﺎﻑ ﺗﻮﻛﻊ ﺍﻭ ﻳﺼﻴﺮ ﺑﻴﻬﺎ ﺷﺊ ﻭﻫﻲ ﺣﺎﻣﻞ ﻭﻃﻔﻠﻬﺎ ﺑﺨﻄﺮ ﺟﻮﻟﻲ ﺍﻣﺎﻧﺘﺞ ﻭﺍﻧﻲ ﺍﻣﺸﻂ ﺷﻌﺮﻫﺎ ﻭﺣﺘﺊ ﺍﺑﺪﻝ ﺍﻟﻬﺎ ﺍﻥ ﺷﺎﺀ ﺍﻟﻠﻪ ﻣﻤﻘﺼﺮﻩ ﻭﻳﺎﻫﺎ ... ﺑﺲ ﺍﻧﺘﺒﻬﺖ ﻋﻠﻴﻬﺎ ﺗﺤﺐ ﺗﺨﺘﻠﻲ ﺑﺮﻭﺣﻬﺎ ﻭﺗﻨﺎﻡ ﻫﻮﺍﻱ ﻭﻣﻦ ﺗﺨﺘﻠﻲ ﺑﺮﻭﺣﻬﺎ ﺗﻀﻞ ﺗﺒﺠﻲ ﻛﺎﻟﺖ ﺑﻀﺤﻜﻪ ... ﺍﺭﻳﺪ ﺍﻏﺴﻞ ﻣﻼﺑﺲ ﺑﺎﻟﺤﻮﻭﺵ ﺍﺧﻠﻲ ﺍﻟﻄﺸﺖ ﻭﺍﻏﺴﻞ ﺷﻮﻳﻪ ﺍﻟﺘﻬﻲ ﻋﺎﺩ ﺍﻧﻲ ﻣﺎ ﻗﺼﺮﺕ ﺍﺧﺬﺗﻬﺎ ﻭﺧﻠﻴﺖ ﺍﻟﻄﺸﺖ ﻭﺍﻡ ﻧﻄﻴﺘﻬﺎ ﺍﻟﻤﻼﺑﺲ ﻭﺍﻟﺘﺎﻳﺖ ﻭﺿﻠﺖ ﺗﻐﺴﻞ ﺿﺤﻜﺖ ﻛﻠﺘﻠﻬﺎ ... ﺫﻛﺮﺗﻴﻨﻲ ﺑﻨﺎﻧﺴﻲ ﻋﺠﺮﻡ ... ﻫﻬﻬﻬﻬﻬﻬﻬﻬﻬﻪ ﺿﺤﻜﺖ ﻛﺎﻟﺖ ... ﺍﻱ ﺍﻱ ﺣﺒﻴﺒﻲ ﺍﺋﺮﺏ ﺑﺺ ﺑﺺ ﺑﺺ ﺯﻋﻼﻥ ﺍﺯﻋﻞ ﺍﺯﻋﻞ ﺍﻩ ﻭﻧﺺ ﻫﻬﻬﻬﻬﻬﻪ ﺳﺤﺒﺖ ﺛﻮﺑﻬﺎ ﻭﺭﻓﻌﺘﻬﺎ ﻭﻓﺘﺤﺖ ﺯﻧﺠﻴﻞ ﺍﻟﺜﻮﺏ ﻣﻦ ﺻﺪﺭﻫﺎ ... ﻫﻴﻴﺞ ﺟﻮﻟﻲ ﺻﺮﺗﻲ ﻧﺎﻧﺴﻲ ﻋﺠﺮﻡ ﺑﺠﻼﻟﺔ ﻗﺪﺭﻫﺎ ﻏﻄﺴﺖ ﺍﻳﺪﻫﺎ ﺑﺎﻟﻤﻲ ﺍﻟﻤﻐﻒ ﺑﺎﻟﺘﺎﻳﺖ ... ﺍﻱ ﻫﻬﻬﻬﻪ ﺟﺎﻧﺖ ﺻﺒﺮﻳﻪ ﺩﻛﻮﻝ ﻧﺎﺳﻴﻪ ﻋﺠﺮﺏ . ﻫﻬﻬﻬﻪ ﻫﻲ ﺩﺗﻐﻄﻲ ﺭﺟﻠﻴﻬﺎ ﻭﺩﺧﻞ ﺟﺎﺳﺮ ﻫﻲ ﺧﻄﻴﻪ ﻣﺎ ﺷﺎﻓﺘﻪ ﺿﻞ ﻳﺒﺎﻭﻉ ﻋﻠﻴﻬﺎ ﺑﻨﻈﺮﺍﺕ ﻣﺎ ﻋﺮﻓﺖ ﺍﻓﺴﺮﻫﺎ ﺣﺰﻥ ﻋﻠﺊ ﻗﻬﺮ ﺍﺭﺍﺩﻩ ﻋﺸﻖ ﺑﻌﻴﻮﻧﻪ ﺍﻧﻲ ﻛﻠﺖ ﺑﻤﺮﺡ ... ﻫﻼ ﺟﺎﺳﺮ ﺍﺟﻴﺖ ﻫﻲ ﺧﻄﻴﻪ ﺍﺭﺗﺒﻜﺖ ﻭﻛﻔﺖ ﻭﺿﻠﺖ ﺗﻨﻜﺖ ﺑﻤﻼﺑﺴﻬﺎ ﻭﻟﺰﻣﺖ ﺍﻟﺜﻮﺏ ﻣﻦ ﺻﺪﺭﻫﺎ ﺍﺟﺖ ﺗﻮﻛﻊ ﻭﻫﻮ ﺻﺎﺡ ﻋﻠﻴﻪ ﺑﻠﻬﻔﻪ ﻭﺧﻮﻑ ﻭﺍﺿﺢ ﻋﻠﺊ ﻋﻴﻮﻧﻪ .... ﺍﻟﺰﻣﻴﻬﺎ ﻟﺰﻣﺘﻬﺎ ﺑﺴﺮﻋﻪ ﻭﺳﺤﺒﺘﻬﺎ ﻛﺎﻟﺖ ﺑﻬﻤﺲ ... ﺭﺍﺡ ﺍﺑﺘﺴﻤﺖ ... ﺍﻱ ﺭﺍﺡ ﺿﺮﺑﺘﻨﻲ ﻋﻠﺊ ﻛﺘﻔﻲ ﻭﻛﺎﻟﺖ ... ﺷﻜﺪ ﻋﻴﺐ ﻫﺴﻪ ﻳﻜﻮﻝ ﺷﺎﻓﺖ ﺷﺎﻡ ﺭﺟﻌﺖ ﺿﻠﺖ ﺗﺸﻠﺘﺢ ﺑﺮﻭﺣﻬﺎ ﻣﺎ ﻳﺪﺭﻱ ﺑﻴﺞ ﺍﻧﺘﻲ ﻣﻨﺤﺮﻓﻪ ﺿﺤﻜﺖ ... ﺍﻱ ﻣﺘﺸﻮﻓﻴﻦ ﺟﺎﺑﺮ ﻳﻜﻮﻝ ﺑﺪﻭﻥ ﺗﺮﺑﻴﺔ ﺑﻬﺘﺖ ﻣﻼﻣﺤﻬﺎ ﻛﺎﻟﺖ ... ﻻ ﻭﺍﻟﻠﻪ ﻭﻧﻌﻢ ﻣﻦ ﺗﺮﺑﻴﺞ ﻳﺠﻮﺯ ﻏﻠﻂ ﺍﻻﻧﺴﺎﻥ ﻣﻤﻌﺼﻮﻡ ﺑﻌﺪﻫﺎ ﻛﻌﺪﻧﻪ ﺍﻧﻲ ﻭﻳﺎﻫﺎ ﻏﺴﻠﻨﻪ ﺍﻟﻤﻼﺑﺲ ﻭﺩﺧﻠﻨﻪ ﺟﻮﻩ ﺷﻔﺘﻪ ﻣﻦ ﺑﻌﻴﺪ ﻭﻫﻮ ﺑﺎﻟﺼﺎﻟﻪ ﻳﺨﺎﺑﺮ ﻭﻳﺤﺠﻲ ﺑﻬﻤﻪ ﻭﻋﺼﺒﻴﺔ ﻭﻫﻮ ﻳﻜﻠﻬﺎ ... ﺍﻧﺘﻲ ﺑﺲ ﺍﻓﻬﻤﻴﻴﻨﻲ ﺗﺮﺉ ﻭﺍﻟﻠﻪ ﻋﺬﺑﺘﻴﻨﻲ ﻫﺴﻪ ﺑﺲ ﻛﻮﻟﻲ ﺍﻧﺘﻲ ﻭﻳﻴﻦ ﺳﻜﺖ ﺛﻮﺍﻧﻲ ﻭﻛﻠﻬﺎ ... ﺍﻳﻴﻲ ﻣﻴﺘﻪ ﺻﺢ ﺑﺴﺮﻋﻪ ﺑﺎﻭﻉ ﺍﻟﻨﻪ ﻭﻫﻮ ﺍﻟﻤﻮﺑﺎﻳﻞ ﻟﺤﺪ ﺍﻻﻥ ﺑﺎﺫﻧﻪ ﺿﻞ ﻳﻨﺘﻘﻞ ﺑﻨﻈﺮﺍﺗﻪ ﺍﻟﻴﻪ ﻭﺍﻟﺠﻮﻟﻲ ﻭﺍﻧﻲ ﻻﺯﻣﺘﻬﺎ ﻭﺑﻌﺪﻫﺎ ﺍﺷﺎﺡ ﺑﻨﻈﺮﻩ ﻋﻨﻪ ﻭﻫﻮ ﻳﻜﻠﻬﺎ ... ﺍﻟﻮﻭﻭ ﺍﻟﻮﻭﻭ ﺍﺣﺠﻲ ﻭﻳﻦ ﺭﺣﺘﻲ ﺑﺎﻭﻋﺖ ﺍﻟﺠﻮﻟﻲ ﺍﻧﺨﻄﻒ ﻟﻮﻧﻬﺎ ﻭﺷﺤﺐ ﻭﺟﻬﻪ ﻓﺠﺎﺓ ﺑﻠﻌﺖ ﺭﻳﻜﻬﺎ ﻭﺍﻧﻲ ﺟﺒﺘﻬﺎ ﻭﻛﻌﺪﺗﻬﺎ ﻋﻠﺊ ﺍﻟﻘﻨﻔﻪ ﺑﺎﻟﺼﺎﻟﻪ ﻭﻫﻮ ﺿﻞ ﻳﻔﺘﺮ ﺑﺎﻟﺼﺎﻟﻪ ﻭﺍﺻﺎﺑﻌﻪ ﺗﺜﻮﺭ ﺑﻴﻦ ﻟﺤﻈﻪ ﻭﺍﻟﺜﺎﻧﻴﺔ ﻭﻛﻞ ﺷﻮﻳﻪ ﻭﻓﺮﻙ ﺟﺒﻴﻨﻪ ﺑﺘﻮﺗﺮ ... ﺿﻠﻴﻨﻪ ﺗﻘﺮﻳﺒﺎ ﺳﺎﻋﻪ ﻭﺍﻧﺪﻙ ﺍﻟﺒﺎﺏ ﺭﺍﺣﺖ ﺍﻣﻲ ﺭﺿﻴﻪ ﻓﺘﺤﺖ ﺍﻟﺒﺎﺏ ﻭﻣﺎ ﻧﺸﻮﻭﻭﻑ ﺍﻟﻪ ﺍﻟﻬﺠﻮﻡ ﻭﺭﺿﻴﻪ ﺗﺼﻴﺢ ... ﺍﻭﻛﻔﻲ ﺍﻧﺘﻲ ﺷﻠﻮﻭﻭﻥ ﻫﻴﻴﺞ ﺗﺪﺧﻠﻴﻦ ﻭﻫﻲ ﺗﻔﺎﺩﺕ ﺭﺿﻴﻪ ﻭﺩﺧﻠﺖ ﺗﺼﻴﺢ ﻫﻲ ﻭﻳﺎﺳﻤﻴﻦ ﻭ ﻭﻳﺎﻫﺎ ﻣﺮﻩ ﻛﺒﻴﺮﻩ ﺗﺸﺒﻬﻬﺎ ﻭﺗﺼﻴﺢ ... ﻟﻚ ﻭﻳﻴﻴﻴﻨﻚ ﻭﺍﻟﻠﻪ ﺍﻧﺎ ﺍﻟﻴﻮﻡ ﺍﻧﺘﻘﻢ ﻣﻨﻜﻢ ﻭﻳﻴﻨﻜﻦ .. ﺗﻮﺳﻄﺖ ﺍﻟﺼﺎﻟﻪ ﺟﺎﻧﺖ ﺷﺎﺑﻪ ﺑﻌﻤﺮ ﺍﻟﺘﻼﺛﻴﻦ ﺳﻨﻪ ﺍﻛﺜﺮ ﺍﻗﻞ ﻣﺎ ﺍﻋﺮﺽ ﺻﺎﺣﺒﺔ ﺍﻧﻮﺛﻪ ﺑﺎﺭﺯﻩ ﻭﻣﻌﺎﻧﻲ ﺣﺎﺍﺍﺩﻩ ﺗﺪﻝ ﻋﻠﺊ ﻗﻮﺓ ﺷﺨﺼﻴﺘﻬﺎ ﻭﻛﻔﺖ ﺟﻮﻟﻲ ﻭﻫﻲ ﺗﺘﻠﻤﺲ ﺑﺎﻻﺛﺎﺙ ﺍﻟﻴﻤﻬﺎ ﻭﺟﺎﺳﺮ ﺑﺎﻭﻉ ﺍﻟﺸﺎﻡ ﻭﻫﻮ ﻋﺎﻗﺪ ﺣﻮﺍﺟﺒﻪ ﻭ ﻭﺟﻬﻪ ﻣﺤﺘﻘﻦ ﺑﻠﻊ ﺭﻳﻜﻪ ﻭﺗﻨﻔﺴﻪ ﺻﻌﺪ ﻋﺒﺎﻟﻚ ﺍﻻﻭﻛﺴﺠﻴﻦ ﺍﻧﻜﻄﻊ ﻫﺠﻤﺖ ﻋﻠﻴﻪ ﻭﻫﻲ ﺗﻀﺮﺏ ﺑﻲ ﺑﻜﻞ ﻋﻨﻒ ﻭﺗﺼﺮﺥ ﻭﻫﻮ ﻳﺘﻔﺎﺩﻩ ﺿﺮﺑﺎﺗﻬﺎ ﺍﻟﻀﻌﻴﻔﻪ .... ﺑﺪﻳﻴﻴﻴﻴﻴﻲ ﺑﻨﺘﻲ ﺑﺪﻳﻴﻴﻲ ﺑﻨﺘﻲ ﻫﻼﺍﺍﺍﺍ ﺑﺘﺠﻴﺐ ﺍﻟﻲ ﺑﻨﺘﻲ ﻗﻴﺪ ﻣﻘﺎﻭﻣﺘﻬﺎ ﻭﺳﺤﺐ ﺍﺩﻳﻬﺎ ﺑﻘﺴﻮﻩ ﻭﻫﻲ ﻟﺤﺪ ﺍﻻﻥ ﺗﺤﺖ ﺗﺎﺛﻴﺮ ﺛﻮﺭﺗﻬﺎ ﺍﻟﻌﺎﺭﻣﻪ ﻭﻫﻮ ﺟﺎﻥ ﻣﻮﻗﻔﻪ ﺿﻌﻴﻒ ﻛﺪﺍﻣﻬﺎ ﻭﺣﻘﻪ ﻭﻳﻦ ﺑﻨﺘﻬﺎ ﻋﻨﻬﺎ ... ﺣﺎﻭﻟﺖ ﺗﻔﻠﺖ ﻣﻦ ﺗﻘﺪﻩ ﺍﻟﻬﺎ ﻭﺩﺍﺭﺕ ﺿﻬﺮﻫﺎ ﻭﻫﻲ ﺗﺼﺮﺭﺥ ﺑﺼﻮﺕ ﻫﺰ ﺍﺭﻛﺎﻥ ﺍﻟﺒﻴﺖ ... ﺍﺗﺮﻛﻨﻴﻴﻴﻴﻲ ﺍﺗﺮﻛﻨﻴﻴﻴﻲ ﻳﺎ ﻇﺎﻟﻢ ﻻ ﻳﻮﻓﺌﻚ ﺍﻟﻠﻪ ﻳﻨﺘﻘﻢ ﻣﻨﻚ ﺣﻂ ﺍﻳﺪﻩ ﻋﻠﺊ ﺷﻔﺎﻳﻔﻬﺎ ﻭﻫﻮ ﻳﻤﻨﻊ ﺻﺮﻳﺨﻬﺎ ﻭﺭﺩ ﻋﻠﻴﻬﺎ ﺑﺤﻤﻮﺩ ... ﺍﺷﺸﺸﺶ ﺍﺳﻜﺘﻲ ﺍﻫﺪﻱ ﺧﻠﻴﻨﻲ ﺍﻓﻬﻤﺞ ﺑﻌﺪﺕ ﺍﻳﺪﻩ ﻣﻦ ﺷﻔﺎﻳﻔﻬﺎ ﻭﻫﻮ ﺟﺎﻥ ﻣﺤﺘﻀﻦ ﺑﻄﻨﻬﺎ ﻭﺿﻬﺮﻫﺎ ﺑﺼﺪﺭﻩ ﺻﺮﺧﺖ ﺑﻨﺤﻴﺐ ... ﻣﺎ ﺑﺪﻱ ﺍﻓﻬﻢ ﺷﺌﺌﺌﺊ ﻣﺎ ﺑﺪﻱ ﺍﺗﻠﺘﻨﻲ ﻭﺍﻟﻠﻪ ﺍﻧﻲ ﻣﺘﺖ ﻣﺘﺘﺖ ﻛﺎﻧﻮﺍ ﻳﻘﻮﻟﻮﺍ ﺑﻨﺘﻚ ﻣﺎﺗﺖ ﻫﻴﻚ ﻓﻬﻤﻨﺎ ﻣﻦ ﺍﺧﺘﻮ ﻭﻛﻨﺖ ﺍﻛﺰﺏ ﻛﻼﻣﻦ ﻗﺎﻟﻮ ﺗﺠﻮﺯ ﻭﻧﺴﺎﻛﻲ ﻗﻠﺖ ﻻﺍﺍﺍﺍ ﺟﺎﺳﺮ ﻣﺎ ﺑﻴﻌﻤﻠﻬﺎ ﺑﻴﺤﺒﻨﻲ ﻭﻃﻠﻌﻮﺍ ﻫﻢ ﺍﻟﺼﺎﺩﺋﻴﻦ ﻭﺍﻧﺎ ﺍﻟﻜﺰﺍﺑﻪ ﺍﻳﻴﻴﻲ ﺍﻧﺎ ﻛﺰﺍﺍﺍﺑﻪ ﺗﺠﻮﺯﺕ ﻣﺎ ﺳﺎﻟﺖ ﻋﻨﻲ ﺍﻧﺎ ﻳﻠﻲ ﻛﻨﺖ ﻣﺴﺠﻮﻭﻭﻧﻪ ﻇﻠﻢ ﺑﺴﺠﻮﻥ ﻟﺒﻨﺎﻥ ... ﺍﻧﺎ ﻳﻠﻲ ﻛﻨﺖ ﺭﺍﻳﺤﻪ ﻻﺟﺌﻪ ﻫﻴﻚ ﺑﻴﺼﻴﺮ ﻓﻴﻪ ﺍﺑﺘﻌﺪﺕ ﻋﻨﻪ ﻭﺭﻓﻌﺖ ﺍﻳﺪﻫﺎ ﺑﺘﻬﺪﻳﺪ ... ﺑﻜﺮﻫﻜﻜﻚ ﺑﻜﺮﻫﻜﻜﻚ ﻛﺘﻴﺮ ﺍﺋﻮﻝ ﻣﻴﻴﻦ ﻗﺘﻞ ﺑﻨﺘﻲ ﻭﺍﻧﺎ ﺍﻗﺘﻠﻮ ﺑﺎﺩﻳﻪ ﻫﺪﻭﻭﻭﻝ ﻭﺍﺷﺮﺏ ﻣﻦ ﺩﻣﻮﻭﻭ ﻻﻥ ﺍﻧﺖ ﺑﺎﻳﻦ ﺩﻡ ﺑﻨﺘﻚ ﻋﻨﺪﻙ ﺭﺧﻴﻴﺺ ﻟﻬﻴﻚ ﻣﺎ ﻋﺎﺩ ﺗﻬﺘﻢ ﻣﺘﺠﻮﺯ ﻭﻋﻨﺪﻙ ﺍﻭﻻﺩ ﺻﺮﺥ ﺑﻴﻬﺎ ﺑﺼﻮﻭﻭﺕ ﻋﺎﻟﻲ ﻭﺯﻣﺠﺮ ﺑﻐﻀﺐ ﺷﺪﻳﺪ .... ﺍﺳﻜﺘﺘﺘﺘﺘﻲ ﻻ ﺗﻬﻴﺠﻴﻴﻴﻦ ﺍﻟﻤﻮﻭﻭﻭﺍﺟﻊ ﺩﻡ ﻏﺰﻝ ﻋﻤﺮﺭﺭﺭﻩ ﻣﺎ ﺻﺎﺭ ﺭﺧﻴﻴﺺ ﻏﺰﻝ ﻟﻴﻠﻲ ﻣﺎ ﻧﻤﺘﻪ ﻣﻦ ﻭﺭﺍﻫﺎ ﻛﻠﻪ ﻭﺍﻧﻲ ﻣﺤﺘﺎﺭ ﺷﻠﻮﻥ ﺍﺣﺎﺳﺐ ﺍﻟﺠﺎﻧﻲ ﻫﺠﺮﺗﻬﻢ ﺷﺮﺩﺗﻬﻢ ﺣﺮﻛﺖ ﺑﻴﻮﺗﻬﻢ ﻭﻣﺎ ﻫﺪﺍﻟﻲ ﺑﺎﺍﺍﻝ ﻛﺘﻠﺘﻪ ﻭﺭﻣﻴﺘﻪ ﻭﻣﻮﺗﻪ ﻭﻣﺎ ﻣﺎﺍﺍﺍﺕ ﻭﻟﺤﺪ ﺍﻻﻥ ﺟﻤﺮﺗﻬﺎ ﻣﺎ ﺍﻧﻄﻔﺖ ﺩﻙ ﻋﻠﺊ ﺻﺪﺭﻩ ﺑﻐﻀﺐ ... ﺍﻧﻲ ﺍﻧﻴﻴﻲ ﺍﻟﺸﻔﺘﻊ ﻭﻛﻌﺖ ﻭﻣﺎﺗﺖ ﻛﺪﺍﻣﻲ ﺍﻧﻴﻴﻲ ﺍﻟﺪﻓﻨﺘﻬﻞ ﺑﻴﺪﻱ ﻭﺟﻨﺖ ﻛﻞ ﻳﻮﻡ ﺍﻧﺎﻡ ﻋﻠﺊ ﻛﺒﺮﻫﺎ ... ﺍﻧﻲ ﺍﺑﻮﻭﻭ ﻏﺰﻝ ﺍﻟﻤﺤﺪ ﺩﺍﻭﻩ ﺟﺮﺣﻲ ﺑﻐﺰﻝ ﻏﻴﺮﻫﺎ ﺟﺎﻳﻪ ﺗﺤﺎﺳﺒﻴﻨﻲ ﻫﺴﻪ ؟ ﻟﺞ ﺍﻧﻲ ﺍﺑﻮﻭﻭﻱ ﻭﺍﺧﻮﻭﻱ ﻭﺑﻨﺘﻲ ﻣﺎﺗﻮﻭﻭ ﻛﻠﻬﻢ ﺑﻴﻮﻡ ﻭﺍﺣﺪ ﻋﺸﺖ ﺗﻠﺚ ﺻﺪﻣﺎﺕ ﻣﺤﺪ ﻋﺎﺍﺍﺍﺵ ﻣﺜﻠﻲ .... ﺭﻓﻊ ﺍﺩﻳﻪ ﺑﻌﻨﻒ ﻭﺑﻌﺪﻫﺎ ﺗﻘﺮﺏ ﻣﻨﻬﺎ ﻭﻟﺰﻡ ﺍﻛﺘﺎﻓﻬﺎ ﻭﻫﻲ ﺗﺒﺠﻲ ﻫﺰﻫﺎ ﺑﻌﺼﺒﻴﺔ .... ﻭﻟﺞ ﺍﻧﻴﻴﻲ ﺍﻧﻴﻴﻴﻲ ﺟﺎﺍﺍﺍﺳﺮ ﺑﻴﻮﻡ ﺍﻟﻤﺎﺗﺖ ﺣﻄﻴﺖ ﺍﻟﻤﺴﺪﺱ ﺑﺮﺍﺳﻲ ﻭﻛﻠﺖ ﺍﻧﺘﻬﺖ ﺣﻴﺎﺗﻚ ﻳﺎ ﺟﺎﺳﺮ ﺭﻭﻭﻭﺡ ﻭﺭﻩ ﺍﺣﺒﺎﺑﻚ ﻭﻣﻮﻭﻭﺕ ﻫﺰ ﺭﺍﺳﻪ ﺑﺤﺰﻥ ﻭﺍﺳﺊ ﺑﺤﺰﻥ ﺭﺍﻭﺩﻧﻲ ﻃﻴﻒ ﺍﻟﻐﺎﻟﻴﻪ ﻭﻫﻮ ﻳﻜﻠﻲ ... ﻻ ﺑﺎﺑﺎ ﻻ ﺗﻈﻠﻢ ﻧﻔﺴﻚ ﺍﺻﺒﺒﺮ ﻫﻲ ﺟﺎﻧﺖ ﺗﺒﺎﻭﻉ ﺍﻟﻤﻼﻣﺤﻪ ﻭﺗﺒﺠﻲ ﻭﺣﻀﻨﺘﻪ ﺑﺪﻭﻥ ﺳﺎﺑﻖ ﺍﻧﺬﺍﺭ ﻭﺑﺠﺖ ﻋﻠﺊ ﺻﺪﺭﻩ ﺭﻓﻊ ﺍﺩﻳﻪ ﻭﺍﺣﺘﻀﻨﻬﺎ ﻭﻫﻲ ﺿﻠﺖ ﺗﺸﻬﻚ ﺑﺼﻮﺕ ﻋﺎﻟﻲ .... ﺍﺑﺎﻭﻉ ﺍﻟﻬﻢ ﻭﺍﺑﺎﻭﻉ ﺍﻟﺠﻮﻟﻴﻴﺖ ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻫﺎ ﺣﺴﻴﺖ ﻛﻠﺒﻲ ﺻﺎﺭ ﺭﻣﺎﺩ ﻣﻦ ﻛﺜﺮ ﺧﻔﻘﺎﻧﻪ ﺣﺴﻴﺖ ﺑﻴﻬﺎ ﻣﻦ ﺷﺤﻮﺑﻬﺎ ﻭﻣﻦ ﺩﻣﻌﺘﻬﺎ ﺍﻟﻨﺎﺯﻟﻪ ﻋﻠﺊ ﺧﺪﻫﺎ ﻭﺷﺎﻛﻴﻪ ﺍﻟﻬﻢ ﺑﺪﺍﺧﻠﻬﺎ ﻫﻤﺴﺖ ﺷﺎﻡ ﺑﻌﺬﺍﺏ ... ﺳﻤﻌﺖ ﻳﻠﻲ ﻗﺘﻞ ﺑﻨﺘﻲ ﻫﻮ ﺍﺧﻮ ﻣﺮﺗﻚ ﻣﻮ ﻫﻴﻚ ﻫﻮ ﺟﺮ ﻧﻔﺲ ﻭﺑﺎﻭﻉ ﺍﻟﺠﻮﻟﻴﻴﺎ ﺍﻟﻲ ﻭﺟﻬﻪ ﺍﻧﺨﻄﻒ ﺍﻭﻝ ﻣﺎ ﺫﻛﺮﺕ ﺍﺧﻮﻫﺎ ﺷﺎﻡ ﻭﻟﺰﻣﺘﻨﻲ ﻭﻋﺼﺮﺗﻨﻲ ﺣﻴﻴﻞ ﺿﻞ ﻣﺮﻛﺰ ﺑﻴﻬﺎ ﻭﻣﺠﺎﻭﺏ ﺷﺎﻡ ﻭﻫﻲ ﺣﻄﺖ ﺍﻳﺪﻫﺎ ﻋﻠﺊ ﻭﺟﻬﻪ ﻭﺩﺍﺭﺗﻪ ﺍﻟﻬﺎ ﻋﻀﺖ ﺷﻔﺎﻳﻔﻬﺎ ﺑﻘﻬﺮ ﻭﺗﻜﻠﻤﺖ ﺑﻘﻬﺮ ... ﻻ ﺗﺘﻄﻠﻊ ﻓﻴﻬﺎ ﺍﺧﻮﻫﺎ ﻣﻮ ﻫﻴﻴﻚ ﻫﺰ ﺭﺍﺳﻪ ﺑﺄﻱ ﺑﺲ ﺑﺪﻭﻥ ﻣﺎ ﻳﺒﺎﻭﻋﻠﻬﺎ ... ﺑﻠﻌﺖ ﺭﻳﻜﻬﺎ ﺑﺤﺴﺮﻩ ﻭﻛﻠﺘﻠﻪ ﺑﺪﻣﻮﻉ ﻏﺰﻳﺰﻩ ... ﻟﻜﺎﻥ ﻃﻠﺌﻬﺎ ﺍﺭﻣﻲ ﻋﻠﻴﻬﺎ ﻳﻤﻴﻦ ﺍﻟﻄﻼﻕ ... ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔 ﻧﻮﺭ ﺳﻤﻮ ﺍﻟﻌﺮﺍﻕ 😘 ﻻ ﺗﻨﺴﻮﺍ ﺍﻟﺘﺼﻮﻳﺖ ﻭ ﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ 🌹 ﺑﻨﺎﺕ ﺭﺟﺎﺀﺍ ﻻ ﺗﻐﻠﻄﻮﻥ ﻋﻠﺊ ﺷﺎﻡ ﺭﺍﻋﻮﺍ ﺍﻟﺴﻮﺭﻳﻴﻦ ﻣﺘﺎﺑﻌﻴﻦ ﻭﻳﺎﻧﻪ ﻫﻲ ﻫﻤﺎﺗﻴﻦ ﺷﺎﻡ ﻣﻈﻠﻮﻣﻪ ﻭﻋﺎﻧﺖ ﻛﺜﻴﺮ ﻣﻴﺼﻴﺮ ﺗﺘﻬﻤﻮﻧﻬﺎ ﺑﺪﻭﻥ ﻣﺎ ﺗﻔﻬﻤﻮﻥ ﻧﺎﺱ ﺗﺘﻬﻤﻬﺎ ﺑﺸﺮﻓﻬﺎ ﻧﺎﺱ ﺑﺎﻣﻮاﺗﻬﺎ ﻣﻴﺼﻴﺮ ﻫﻴﺞ ﺍﻧﺘﻮ ﺷﻨﻮ ﺍﻟﻔﻬﻤﺘﻮﺍ ﺗﺮﺉ ﻟﺤﺪ ﺍﻻﻥ ﺑﺲ ﻣﻘﺘﻄﻔﺎﺕ ﻋﻦ ﺣﻴﺎﺗﻬﺎ ... ﺣﺒﺎﺑﺎﺕ ﻋﻴﺐ ﻭﺍﻟﻠﻪ ﺍﻧﺎ ﺩﺍ ﺍﺧﺠﻞ ﻣﻨﻬﻢ ﺣﺘﺊ ﻣﻦ ﺍﻟﺒﺪﺍﻳﻪ ﻣﻦ ﻋﺮﻓﺖ ﺍﻟﻘﺼﻪ ﺗﺪﻭﺭ ﺣﻮﻝ ﺑﻠﺪ ﺛﺎﻧﻲ ﻣﺎ ﻗﺒﻠﺖ ﺍﻛﺘﺒﻬﺎ ﻻﻥ ﻣﺎ ﺭﺩﺕ ﺍﺗﻔﺎﺷﻞ ﻣﻊ ﺍﻟﺒﻠﺪ ﺍﻟﺴﻮﺭﻱ ﺑﺲ ﻻﻥ ﺍﻟﻘﺼﻪ ﺣﻠﻮﻩ ﻛﺘﺒﺘﻬﺎ ﻭﺍﻥ ﺷﺎﺀ ﺍﻟﻠﻪ ﺍﻛﻤﻠﻬﺎ ﻋﻠﺊ ﺍﺗﻢ ﻭﺟﻬﻪ ... ﻭﺷﻐﻠﻪ ﺛﺎﻧﻴﺎ ﺍﺧﺘﺼﺮ ﺑﺎﻻﺣﺪﺍﺙ ﻟﻮ ﺍﺧﺬ ﺭﺍﺣﺘﻲ ﻫﻲ ﻫﺎﻱ ﺍﺧﺮ ﻣﺤﻄﻪ ﺑﺎﻟﺮﻭﺍﻳﺔ 😘 ﻋﻴﻨﻲ ﺍﻟﻌﺮﺍﻗﻴﻴﻦ ﺍﺣﺒﻜﻢ ﻛﻮﻭﻭﻣﻪ ﻻ ﺗﻐﺎﺭﻭﻭﻥ | ||||||||
|
| |
|
26-11-20, 01:54 AM
| #80 | ||||||||
| مراقبة عامة ومشرفة منتدى الروايات المنقولة
| #البارت..الخامس والعشرين رواية...#جولييت_واسرها...غياه ب الإنتقام #بقلمي...نور سمو العراق 💔💔💔💔💔💔💔💔💔 اهتز كياني... رجفت اعضائي.. اعتزلت العالم.. تناسيت اوجاعي.. تركت جرحي.. هلكت روحي وذهبت.. تتسلل لقلبك وتجس نبضه اتحضنني ام تنبذني؟!! بقلم المتابعه...ammar123ammar ....................................... وقار... بمشاعر كسيره وحروف متبعثره علئ بساط من الالم والاسئ بين الكره وبين الحب اتناقضت مشاعرهم وسببها الثار والحب المجنون الموجود بجوارحهم ذكريات خسرانه ومقتوله تظهر علئ وجوه كل واحد منهم وكلمات قاسيه صارت اقسئ من طعنات خنجر مسوم بين جولي وشام وحياتهن علئ تساقطت مثل اوراق الخريف علئ باب الكاسر... طلب صعب واصعب من الصعب من قبل شاام الام المثكولة ببنتها والي تكون صاحبة الحق بنظرها حاليا... اني بصراحه انصدمت من طلبها ولو جنت متوقعه هذا الطلب منها بس الخيال مو مثل الواقع... وطلبها حيير الجميع ...وخلت جاسر بموقف لا يحسد عليه... جولييت بسرعه حطت ايدها علئ شفايفها وهي تمنع جيش الشهكات الي متجمعه بغصتها... اما شام جانت تباوع الجاسر وهي تفح بغضب وانتقام وهي تنتظر جوابه وتحقيق طلبها المزعوم كتفت اديها علئ نفسها وباوعتله بتحدي ورجعت عاد طلبها مره لخ..طلئها يالله شو منتظر ؟ هو جان يباوع الشام بجمود وكأن متوقع طلبها القاسي عليه دار وجهه لجولي الي اول ما عادت طلبها دفعت ايدي،ومشت خطوات واثقه وهي تحارب دمعتها وما انتظرت منه جووواب انضربت بالطاوله المحطوطه بنص المكان بطرف رجلها جاسر تقرب منها ملهووف بعد ما صاح بيه بعصبية....الزميهااا ما لحكت الزمها وانضربت بفخذ رجلها تداركت وجعها وهو لزمها باوعتلهم شام بقهر وهي تحاول تثبت نفسها وتثبت موقفها المهزوز لزم وجهه وتكلم وياها بصوت غاضب وهو يلوم عليها...كم مره كتلج لا تمشيين انتي ما تندليين الاماكن ولا تعرفين وين الاثاث شام بلعت ريكها بغصه وهمست بتساؤل...عمييه؟ هو بسرعه باوع الشام وبعدها رجع نظره الجولي وجر نفس عميق ومقهور...اي متشووف ضلت تباوعلها لمحت نظرة عطف بعيونها لكن سرعان ما بدلت هل نظره وحل محلة نظرة غضب... فركت اديها بتوتر وشجعت نفسها...وازا كانت عميه ما بتهمني انا يلي بدياه ببصير وانت لازم تطلئها جاوبتها امي رضيه بتوسل وحزن...علئ كيفج يمه شلون يطلكها هي غير مرته وام ولده وعاشت بظلم عنده دارت نفسهه لرضيه وجاوبتها بحده...والله محدا طربها علئ ايدها وئال الها ان تتجوز رجال متجوز من زمان وبعديين اخوها ائتل بنتي بنتيييي قطعه من رووووحي انتي ما عم تحسييي فيه ولا تحسي بوجعي انا موجوعه والله شهكت بعبراتها وغصت من بين دموعها ...انا انضلمت وتعذبت ونسجنت ظلم كنت بقول بطلع من السجن وبرجع لبنتي وجوزي ولما بجي بنصدم بالحقيقه المره وبلاقي بنتي ميته وجوزي متجوز شو زنبي انا... دخييلكن حسووو فيه ... رضيه جرت نفس وهي تداري دموعها وتمسحن بطرف شيلتها...مالج ذنب يمه وحاسيين بيج بس هم جولي ما الها ذنب والصار مو بيدها... تجاهلت كلام امي رضيه وتوجهت الجاسر وسحبته بعنف وهي تحجي وياه بنهيار و دموووع...بدك طلئها وهلااااا اني ما بئدر شوووفوا ما بكرههها بكرههها اخوها المجرم ائتل بنتي لييش، اذا ما طلئتها انت يلي بتتحمل موووت غزل بنتي انت المسؤول عنا كيف بتتجوز كيييف الي كييف طلئها بسررررعه طلئها زمجر بوجهه بغضب كاسح...وييين تروووح شلووون اطلكها شلووون ردت عليه بنفس العصبية .الغضب...مااااا بعرف ما بعرف ياااا انا ياااا هي تنينا ما بيصيير ننجمع وانت يلي بتحدد هل شئئ هو تقرب من جولي ولزمها من ايدها النحيفه واشر عليها بغضب...هاااااااي البنيه عااااشت عندي بالم بقهر بحزن الكل ظلمها اني وغيري تعبت عندي واتاذت عندي فقدت كل شئ بسببي هاااي البنيه عاشت ويه وحش ما رحمها شلووون تردين مني اطلكها لج هااااي مضلومه هاي انهانت ببيتي بسبب موت غزل وانضربت وتحملت مسؤؤلية اخوانها وكل شئ وفقدت نظرها بيتي شلوون اعوفها بنص الطرييق وهي فقدت اعز ما تملك بيبتي انيييي هاي البنيه ضاكت مني سنين من العذاب والووويل انتي ما ضكتي منيي شئ تقربت منه بخطوات غاضبه وعيونها محمله بالدموووع كالت....ما دخلني فيها ما دائت بكتري عزاب انااااا اناااا يلي ماتت بنتي مو هي انا يلي جوزي ااخدتوه هي انا يلي تهجرت وانسجنت وحسرت كل شئ... تقىبت اكثر منه ولزمت ايده سحبتها من ايد جولييت الي جان قابض عليها ونكتتها بغضب ...لا تمسكا لا تحسيني ان هي فد شئ مهم بحياتك خلي يكووون عندك علم هي واخوها من نفس الدم ونفس الام والاب واخوها ائتل قطعه من روووحك يا اناااا يا هي ....وصدئني تار غزل باخدوا من عيووون الكل وبقول الها انا امك بحبك اكتر من ابووكي يلي عايش غراميات مع اختو يلي قتلك اني صحت بوجهه...انتي لا تضلييين تسربتين بحجيج هي شدخلها قابل كلتله اكتلها... ياسمين كالت...شو بيعرفنا بيكون هيك حكت لاخوها... شام باوعت الياسمين بغضب وتكلمت من بين اسنانها...اسكتييي انتي لا تتدخلي ... وكملت كلامها بحده...ازا كانت مضلومه او لاااا يا جاسر انا ما بديها بحياتي وازا بدكياني طلئها ونرجع مع بعض... هو تقرب منها باسئ وحزن ...شام لا تحيريني خلينه نتفاهم خلي احجيلج شنو الصار سحبت اديها من اديه بغضب....لااااا ما بدي ما بنتفاهم علئ شئ الا ازا طلئتها تقربت منه وحضنت وجهه بين اصابعه الطووويله الناصعه ...انا بحبك يا جااااسر وتعرف ادييش بحبك حس فيه وحياة غزل حس فيه ما بئدر انت بتعرفني ادييش بحب غزل...وبحبك رفعت عيونها اله مره ثانيه وسالته بخووف وقلق ...ما بدك تطلئها... هو جان يباوعلها بحمود ونزل اديها من وجهه وابتعد عنها خطوات وجر نفس بس بدون جواب هي تخبلت جان اكوو تحفيه موجوده لزمتها وضربتها بالحااايط بصررراح اتناثر الكزاز علئ الارض وتكسرت اجزائها مثل ارواحهم صرخت بصووت هز اركان البييت...بكرررررهك بكرهكككككك كتيير كتيير يا ظالم الله بنتقم منكم كلياتكن .. راد يلزمها وهي ابتعدت بسرعه وطلعت تركض والمره الكبيره وراها احتمال امها لان تشبهها وياسمين وبعد وحده هم جانت تجي قبل ... هو اتبعها بنظراته برووح ذايبه عليها وعلئ حزنها حط ايده علئ خصره والايد الثانيه فرك بي جبينه بتوتر وقهر... واني لزمت جولييت الي جانت واكفه وشلال الدموووع علئ وجهها المتعوب... طلعت اركض وراهن من طلهن شام جانت تمشي بسرعه والدموع تتطاير من عيونها و وياسمين تمشي وراها ولزمت ايدها كلتلها...تصرفك كلو غلط يا شاام انتي هييك بتضيعي من ايدك وهي تاخذوا لالها ما عرفتي تكسبي صح ردت عليها شام من بين اسنانها...اخررررررسي انتي يبعتلك حمئ شو زنانه بعد ما طلعن خليت ورجعت للبيت شفت جاسر واكف بتوتر بعد ما شافها راحت من الشباك ضرب الباب بقضبة ايده بعنف وصرخ بصوووت عالي...يالله يالله اني شمسوووي بحياتي لييييش هيييج يصيير وياي لييش ... الهم والقهر لييييش ما راضي يفاركني ليييييش اندار الها بسرعه بعد ما طلعت منها شهكه صغيره فضحتها شافها الدموع ماخذه مسار علئ خدودها الشاحبه جر نفس وهز راسه بقهر ... همست بصوت ذايب ومتعوووب...جج جاااسر طلكني ضل يباوعلها ثواني كل معالم الانكسار واضح علئ هيئتها وعلئ شكلها نزل راسه وتنهد بضييق.. كعد علئ القنفه وسحب من باكيته جكاره ومجاوبها هي رجعت كررت طلبها بحزن...اي والله طلكني صدكني الدنيا مراح توكف علئ شخص معيين واني مراح امووت جنت عبالي الحياة امي وابووي واهلي ومن بعد ما فاركوني عرفت محد يموت وره احد والانسان لازم يعتمد علئ نفسه... رفع راسه الها وجاوبها ببرود عكس تيارات الحزن بداخله...ممكن تسكتيين ؟ بلعت ريكها بغصه وكملت من بين جيوش من الاهات...لا ما اسكت انت تعبان وبسببنا احنه اني ما كدرت ارد عليها لان اني تعبانه وما اعرف وين اوجهه نظري بس يا جاسر ياريتها تفهم اني ما اخذتك منها ولا جنت اركض وراك اني انفرضت عليك لا تحملني سبب زواجي من شخص متزوج باوعلي ومسح وجهه كال...وقار اخذيها الغرفتها بسرعه اني اجيت تقربت منها ولزمت ايدها ردت اخذها هي دفعت ايدي بغضب كالت...لهل درجه اني مزعجه وما تحب تسمع اي كلمه مني هي سمعت الها واني انزعجت مني وتريدني اروح من وجهك ؟ رد عليها بغضب...لا اله الا الله اليوم شبيجن ناويات تعاركن لو شنووو ؟ انتي تعبانه ومربضه وهل ضغط مو زين عليج روووحي وخليني بهمي بلعت ريكها بغصه وتكلمت بالم مخنووك ...اا انت دائما هيج وياي كلمتي ما الها هي خاطر عندك ترئ اني ما جاي اهييج مواجعك بالعكس اريد اريحك وما اريدك تعطف عليه اذا انت تشوفني انظلمت ببيتك وضميرك يانبك عليه فاني اكولك ريح ضميرك لان والله شنو ما يكون قرارك حكون راضيه ... رد عليها بتوسل...جولييت رحمه لالله عوفيني الوحدي ترئ والله روحي طالعه ومحد جاي يحس بيه اني لزمتها ايدها وحجيت وياها بهمس...جولييت عوفي مو وكت كلامج هسه خطيه تعبان ومهما يكون شام جانت زوجته ويعز علي زعلها... مشت وياي دخلتها الغرفتها خليتها علئ سريرها وهي بجت بعد ما احتضنت وجهها وتشهك بصوت يقطع الكلب... والله ما جنت اريد منه شئ اريده هو يرتاح وما ياكل همي ولا يتعذب بسببي خلي ضميره يرتاح ادري بي ما يحبني ويحبها خلي يحقق الها طلبها اصلا وجودي بحياته مثل عدمه والله ما رايده منه ولا رايده عطف اني اريد حببب اريد انسان يحبني واني ما شفت من جاسر بس العطف بس كلبه و جوارحه الشام شفتيها شلون الها حق تحجي وتطلب ويسمع الكلامها حتئ لو جان لاذع واني حجيت كلمه انزعج مني عبالك كلامي سم بالنسبه اله ما فد يوم افتهم مني وسمعني لييش،هيج شنو ذنبي اني حتئ ما اريده يخليني علئ ذمته ظلم والله من اول موقف هو منطيها الحق ويحبها مو مثلي يكرهه حتئ كلمة الحق مني... مسحت دموعها وهمست...لا يروحي والله هو يحبج ولو ما يحبج جان طلكج شفتي شلون رفض طلب شام ودافعلج كدامها... شهكت بدموع...لا والله ما يحبني بس هو ضميره يانبه عليه لان انعميت ببيته هذا هو كلامه واني عرفته ما يحبني ... خلي يطلكني واعيش اني واطفالي صدكيني مراح احجي وخليها تاخذه والله اني ارووح وانطي الها عاد هو دخل متعصب بعد ما فتح الباب كلها بغضب...اكلج شنو اني ورث الخلفوج وضاله توزعين بيه انوب هي تروح وتنطي بكيفها... هي باوعت بعشوائيه ومتشوفه وين اني عضيت اله الشفه وباوعتله بنظره توسل يعوفها تحجي بكيفها لان احنه ما ندري شنو بداخل القلوب يمكن هي تحجي هيج من قهرها ويمكن عزة نفسها ما تسمح الها تضل هنا... هو سد الباب وطلع بس جان مقهووور حييل بس اني بصراحه حصرتني الضحكه عليه من كلها ورث الخلفوج وتوزعين بيه هههه لزمت اديها بحنان...يروحي يعمري انتي لا تضوجين والله جاسر يحبج واني اكتشفت يحبج تعرفين شلون ؟ همست بتعب وتساؤل...شلووون ؟ ابتسمت...شام طلعت الوحدها وراحت زعلانه وهو ما حرك ساكن ...اني قارنت هاي لو انتي طالعه زعلانه جان ركض وراج ورجعج غصبا عنج مسحت دموعها بطفوله...اي هو بس عليه يكفخ بيه لان محد اليه تنهدت بضيق...لا لتحجين هييج ابد شلون محد الج لا يروحي كلنه الج احنننه بس هو يحبج ويخاف عليج لذلك ما يحب تبتعدين عنه... ضليت كاعده يمها اهدي بيها وانوب اجت ماما رضيه كعدت يمها كلتلها ...استهدي بالرحمن يمه لا تسوين هيج ان شاء الله شده وتزول ... شويه هي ضلت انوب نامت خطيه هي الحركة مو زين علئ طفلها واحنه منخليها ابد تشتغل او تتحرك بس هي هم متكعد لان هم حقها خطيه عايشه بظلام وانوب مو بس هيج طلعلها هم شام صفح وكلب كل الموازين.... ........................................... جابر حس يعصف بروحي ما توقعتها ابد من جاسر ولا من وقار ما توقعتها ابببد حتئ من صدمتي كلمة ما نطقت انلجمت كل حواسي وكل مشاعري... جاسر مو معقول ابببد اني وياه اصدقاء من الطفوله شنو سامع عليه حتئ هيج يضربني وكلامه كله بسامير... صار كم يوم ما اطلع من وره البوكس الي اخذته منه بس ميخالف يضل اخوووي وابن عمي امي حييل ضاجت من تصرف جاسر وضلت تحجي عليه وحتئ ذمت وقار... اوووف يا وقار بسيطه والله اذا ما طلكتج ما اطلع جابر ... مع الاسف عليج والله احترمتج وقدرتج وانتي ما عندج احترام اليه شايفه روحج ومشمخره جنج اخووج ... من ناحيتك غفور رحيم ومن ناحيتنا شديد العقاب اخوها سكط البنيه تسكط ومحد كله علئ عينك حاجب ليش لان محد وراها... اجه كعد ابوي بصفي وحط ايده علئ كتفي كال...هااا بويه شلون صرت اليوم ان شاء الله احسن ؟ هزيت راسي بأي واني نار شاعله بصدري كتله ...بويه اني قررت اطلگ وقار لان هيج مره ما تنراد شعلت الفتنه بيني وبين اخوها وما احترمتني تنهد بضيق وقبض علئ سبحته...كول يالله وليدي كول يالله ابغض الحلال عند الله الطلاق واحنه ما نريد نغضب ربنا بنيه محروك كلبها وزعلت واجه اخوها اخذها ضحكت باستهزاء...هههه لا والله بويه هذا ضربني وهي دكلي عينك نكسه وهو يكلي عوف ام مرتضى مو بحاجة حنيتك شنو قصده قصده اني عيني علئ مرته اي هو هذا القصد ترئ بويه اني ما احب الظلم واني ادافع لام مرتضى لان شفتها انضلمت عند ابن عمي باوعلي بقهر وجبروت...مالك شغل بويه البنيه متزوجه ورجلها هو مسؤؤل عنها ترئ صدكني جاسر ما ضربك لان ضربت وقار ضربك لان ذاك اليوم يم الرائد رضا جفصت جفصه لا يم الله ولا يم بني ادم عقدت حواجبي باستغراب...شنوو هاي شوكت شوكت اني حجيت ؟ اصلا شوكت اجيت ورضا موجود... تنفس بضيق كال...من اجو الحراميه ودخلو بيت جاسر واحنه رحنالهم وانت كلت ام مرتضئ عزيزه اجيت اركض من سمعت يردون يخطفوها... اني فتحت عيوني مصدووم ...اءءء اني حجيتها هييج لا ارادي مو قصدي والله اني صدك اعزها واحترمها لان عندي مواقف وياها وساعدتها من قبل واشوف محد الها من هذا الباب ... ابوي جر نفس...بويه انت فاضح روحك ولي يشوف تصرفاتك يكول تحبها لا تنسئ هاي مرت ابن عمك وهاي مثل اختك وحتئ حرام تفكر بيها لان متزوجه وكفت مصدوم من كلام ابووويه...لاااا يابه لاااا مستحييل هاي انت هييج تفكر بيه لا صدكني مستحيل افكر. بيها مستحييل بس اني ما انكر البنيه مؤدبه وحبابه وخلوقه اني حتئ جنت اتمنئ عندها اخت اتزوجها بس مو معناها ان اني احبها لو اريدها الي لا مستحييل لا يابه اترجاك الله يخليك لا تشك بيه هييج والله كسرتني كلمتك هي غير مرة جاسر شلون افكر بيها شلووون افكر بمرة اخوووي يجوز مجرد اعجاب بس ما توصل للحب يابه ابببد والله ...فدوه لا تشككوني بروحي ولا تخلوون الشيطان يلعب بعقلي ... واني هذا هو راح اطلك وقار وكل شي ينتهي كل شئ وحتئ بيت عمي اكطع علاقاتي بيهم ما دام يضنون بيه ضن السوء يعني انت و وقار وجاسر كلكم شاكين بيه واني احلف ابد ما عندي شئ وياها... خليت وطلعت من الاستقبال دخلت الغرفتي واحس نار شابه بصدري من كلامهم يارب صبرك ترئ والله تعذبت حييل تعذبت ولكل يلوم بيه ... شفت صورة وقار مخليتها علئ الجربايه تنهدت ومن قهري منها لزمت الصورة وشمرتها بالارض وبعدها خليت وطلعت ........................ جولييت ... احساس يوجع من اخلص عمري الكصير بالتضحيه واليوجع اكثر من توكع وتكسرك الدنيا تشوف الشفقه بعيونهم... احساس يوجع من تلكين واحد بعد عناء وقهر يحبج ويداريج بس المشكله متكدرين توصلين اله لان الوصول اله مستحييل وهو ملك للغير احساس يوجع من تلكين الشخص الساندج متوجع ومتعذب وتتعذبين لعذابه واني فاقده الراحه شلون انطيها اله... احساس يوجع من تتعلقين بواحد قاسي ويعذبج وما عنده ذووق وتكونين مجبوره لان محد الج غيره... احساس يوجع من تنهزمين من قلقج بالنوم ولكن للاسف القلق هو الي يعكر نومي رغم الظلام الي محاوطني بس اني حيييل حييل تعبانه وعبالك هل ظلام ينهش بروحي ومرات اشوف نفسي حابه هل ظلام لان ما اريد اشوف وجهه اي شخص رب ضارة نافعه اي والله الهروب من الواقع مثل الظلام الي محاوطني الحمد لله علئ كل حال ... حسيت بخطوات واحد من اطفالي دخل وهو يصييح...يماااا يمااا سكيته وين انتي عدلت نفسي وكعدت...تعال يروحي اني هنا اجه عليه وكعد يمي وحضني كال بحزن...سكيته انتي ليس تله نايمه نايمه اني والله اعبج اليد العب اياج ؟ ابتسمت بحزن وبسته بعشوائيه...يروحي انت هياني يمك العب ويايه لزم ايدي وهو يطبق اصابعي ويكول...هدا ممش الحايس هدا بابا العلو هاي بيبي رطيه هاي عمه وطار هاي سكيته العلوه « هذا مشمش الخايس هذا بابا الحلو هاي بيبي رضيه وهاي عمه وقار وهاي جكليته الحلوه » وبعدها حط اصابعه الناعمه علئ بطني وهو يدغدغني بحركات ناعمه واني اضحك بالجذب اريد اسعده وانطي حافز ... هو يضحك بصوت عالي وبعدها كال بحزن...سكيته انتي ليس باعين علئ عايط ما باعين عليه انتي ما سوفيني « جكليته انتي ليش تباوعين للحايط ما تباوعين عليه انتي ما تشوفين ؟ بلعت ريكي بغصه وهمست...لا حبيبي اشووف يا عمري انت شوف تلكه جنطه صغيره خليتها بالكنتور لونها جوزي جيبها اليه ... هو راح دور عليها وما لكاها خله وراح صاح رضيه اجت دورتها وانطتها اليه سالتها بتردد...ماما جاسر موجود لو لا ردت بتنهيده...لا يمه مو هنا ليش محتاجه شئ ؟ همست بعذاب...بيش الساعه هسه ؟ كالت بهدوء..الساعه بثنعش ونص باليل تنهدت وهي سدت الباب عرفتها طلعت بلعت ريكي المر بصعوووبه وين راح ليش هيج متاخر لهل درجه صار هذا البيت ما ينطاق وما يكعد بي... صحت بصوت خافت...مرتضئ ماما اجه لزم ايدي كال...هااا عبيبتي دولي ليدين مي اسيبلج ؟ « كولي تردين مي اجيبلج » ابتسمت...لا يروحي انت بس اخذني طلعني للحديقه هو خطيه لزم ايدي راد يطلعني واني ضليت اتلمس الجنطنه منا لمن وصلت للسحاب وضليت ادور عن الشئ الي ضامته من زمان لزمته بيدي وخليت وطلعت وهو روضي دليلي وصلني كال...ماما هته اعنه يم وده عمرا وعلوه « هسه احنه يم ورده حمرا وحلوه » ابتسمت ورجعت بذاكرتني من اول ما اجينه لهذا البيت وطلبت منه يزرع بيها اتذكر ضحكت وكتله...شحتزرعلي رد ببرود وهو ينفخ الدخان بين ارجاء الحديقه كال...ازرعلج بستان ورود وشجره صغيره تفييلج ضحكت...ههههههه احب هل اغنيه واحب الاشجار حتئ من ازعل منك اكعد جوه الشجره واضل اتحسب عليك رد بقهر...اي بربوك كلشي يطلع منج .. اردف بعدم مبالاة...بس ازعلج وتجين تكعدين جوه الشجره اجي اكصها... رديت عليه واني مقلصه عيوني بقهر...شكد خبيث حتئ الشجره ما سلمت منك لهل درجه مجرم كال...اذا تحطين ضهرج علئ غيري اكيد اصير مجرم رفعت حاجب...يعني منخلص منك ؟ جاوب ببرود وهو يباوع الارجاء الحديقه...للاسف لاااا همست بكلبي وعلاااا كووون انوب انتبهت علئ نفسي ثووول هسه شكو اغلط عليه هاي فووك ما مسويلي شجره تفييلي صدك مو وجهه نعمة... رجعت من ذاكرتي واني امشي بحذر بالحديقه وطينها البارد حسيته دخل بعظم رجليه ضربتني نسمة هوا بااااارده حضنت نفسي بدلال جنت قبل لا تجي شام واول ما انتقلنه لهنا كل يوم نكعد اني وياه هنا وجنه نسولف ساعه نذكر الماضي الالئيم وساعه ننسئ رواحنا بسوالفنا وحوارات كلها بسامير وقصف... تلمس العلبه المخمليه الي بيدي وفتحتها تلمست الي بداخلها ورفعت راسي العنان السماء... رجعت بذاكرتي من انخطبت اله وامي كالت هو راح يجي حتئ تكطعون مهر ضليت معانده الع تروح تجيب اله حلقه فضه... وهي ما قبلت تجيب كالت...ولج والله بطرانه خلي هو يجيب الروحه هسه اني بيه حيل اروح للسوك اجيبله حلقه.... ضليت معانده وكاعده علئ الدرج وزعلانه ومطنكره اله تروح تجيب اله وهي بعد استسلمت للامر الواقع وراحت جابتله من الصايغ .. ضربتني علئ كتفي واني لازمه الحلقه وفرحانه واباوعلها بفرح كالت...هاااج يالططوه جبتها ب35 الف اخذتهن من المصرف من وراج ومن وره جويسرج نقصت المصرف... رديت عليها بعدم اهتمام...عادي حتئ لو نخلصها مركة فاصوليا وتمن المهم جبتيله حلقه والمهم يكول هاي خوش بنيه ما نستني ومهتمه بيه رحت بدلت لبست تنوره سوده وقميص ماروني وخليت شويه مكياج لان امي متقبل اخلي مكياج دكول جنج بزون مدغمثه ... رحنه كطعنه مهر جنت قاصر فرادوا بابا وهو خابر علئ بابا اجه من رجعنه ضل تغده يمنا ... واني حيل جنت فرحانه بي ومحد ياخذ فرحتي كعدت يمه وانطيته الحلقه بالعلبه هو باوعلي مستغرب كال ...هاي شنوو ؟ ابتسمت بخجل..اءءء هااا هاي حلقه لان اني مجبتلك حلقه من انخطبنه لزمها بيده وابتسم كال...اهااا شكرا ليش كلفتي نفسج جاوبته ببتسامه واني افرك باديه...هاااا لاااا ماكو كلافه بالعكس ادلل واردفت بحب...البسها باوعت الاصبعه شفته لابس حلقه اختفت ابتسامتي بسرعه وبلعت ريكي بغصه همست بهدوء...اءء العفو اني اني مجتت اعرف بيك لابس حلقه مجنت منتبهه رد عليه بهدوء.. لا عادي البسها فتحها اجه يلبسها بس اني لزمت ايده ...لا لا الله عليك خليك لابس حلقة زوجتك القديمه اخذت الحلقه بسرعه وضميتها و وكفت بسرعه خليت ورحت واني الحسره والغصه تعصر بروووحي اجيت ابجي بوكتها كد ما انقهرت لحد الان ما نزع الحلقه مالت زوجته القديمه لعد شكد يحبها بس ليش تزوجني ؟ جاوبت نفسي بخذلان....لان انتي انفرضت عليه يا جولييت هو مجرد نقذج من ظلم اخوتج ومن اتهام هاله الحيوانه مو حبا بيج اتزوجج وخطبج بس حتئ يساعدج لا تنتظرين منه حب وحنان... رجعت الواقعي الأليم واني اتلمس العلبه سحبت الحلقه من بينها ورفعت ايدي وشمرتها وما عرفت وين استقرت وين صااارت غمضت عيوني بألم والدمعه النازفه تحرگ خدي...كل يوم تتخلين عن ذكره اله يا جولييت طلعي من كلبج وعيشي،النفسج اترجاج ضليت واكفه بمكاني والهم مزروع بصدري همس مرتضئ برجفه...ماما حلينه نقب دوه متت من البلد...ماما خلينه نطب جوه متت من البرد لزمت ايده ومشيت وهو يمشيني ويكلي...ماما لا قيحين امسي عدل..« ماما لا تطيحين امشي عدل » وصلني للغرفه وحضنته ونمت واني ابجي محتاجه لامي مثل حاجة رضاوي ومشمش اليه وينج عني اريد اشكيلج تعاليلي... نمت والدمعه شاكيه الهم بداخلي وماخذه مسارها علئ خدي.... .................................. ريهام .. خلصت أخر محاضرة الي بالكلية ، واليوم عندي موعد ويه الطبيبة ، انتظرت صلاح يجي عليه للكلية ياخذني من الجامعة ونروح .. دااطلع تليفوني من الجنطة حتى اخابره ، وجان يررن اخذته باوعت بشاشته شفته صلاح يتصل ابتسمت واني اجاوبه هلو حبيبي هسه دااخابرك كال بضحكة سبقتج معناهه اني احبج اكثر ... ضحكت ورفرف قلبي بين اضلاعي .. لا والله هذا مو مقياس كال لعد شنو بالله كعدت على المصطبة خليت ايدي على بطني كتله ننتظر ابنك ونشوف ، اذا طلع يشبهني انته تحبني اكثر واذا طلع يشبهك اني احبك اكثر ولو اني متأكدة رح يطلع يشبهك لأن ما اشوف غيرك كال امممم لا هذا هم مو مقياس دمشي نروح للدكتورة وخل نعرف جنس الجنين اذا ولد انتي تحبيني اكثر واذا بنية اني احبج اكثر ... ضحكت ديله حبيبي انتظرك .... بعد ربع ساعة من الانتظار وصل صلاح ، اتصل بيه وطلعتله ، فتت للسيارة ، سلمت عليه اخذ ايدي باسها وكال خو متعبانة حبيبتي ؟؟ جاوبته لا عمري متحمسة اعرف شنو بيه بنيه لو ولد .... هز راسه مبتسم واني اكثر منج والله اريد اعرف راح اصير ابو منو ضحكت وخليت ايدي على زنده حبيبي الله يحفظك النا اني والنونو .. لزم ايدي بحنان وحرك السيارة ... وصلنا للعيادة احنه حاجزين رقم الحمدلله دخلنا بسرعة لان حيل تعبانة اريد اخلص وارجع للبيت بسرعة واحس رجلية ماتحملني بعد من التعب .. دخلت لعيادة الدكتورة نمت على السدية وهيه خلت جل على بطني حسيت ببرودته ، كززت اسناني ، بعدها بدت تاخذلي سونار وتباوع بالشاشة .. جان كبالي اكو شاشة واشوف طفلي بيها ابتسمت وحمدت ربي على نعمته ، صح متحمسة اعرف شنو جنسه ، بس الف الحمدلله على هاي اللحظة الي جنت احلم بيها وصارت حقيقة ، الله عافاني من مرضي ورزقني طفل من زوجي الاحبه واموت عليه ظلت تحجيلي الدكتورة عن وضع الطفل كالت وضعه تمام والجارة بمكانها وبيج بنوتة ... ابتسمت وظليت اردد الحمدلله يارب الحمدلله ... كامت الدكتورة انطتني كلينكس مسحت الجل من على بطني ونزلت ملابسي وكمت وهيه كتبتلي السونر وطلعت من غرفتها توجهت لصلاح بابتسامة شاكة حلكي ، هو لزم اديه كال ها بشري شلونه وضعج انتي ؟ والنونو شلونه واني اباوع بعيونه كلت الحمدلله حبيبي وبيه بنوته .. ضحك وكال بفرحة صدددك بنية ، الف الحمدلله يارب اهم شي سلامتج انتِ حبيبتي خو ما اكو شي يخوف ؟ هزيت راسي : لا عمري كل شي تمام والله ليظل بالك ... كال بهاي المناسبة عازمج أني .. كال هيج ومشى بيه لازم ايدي شديت على ايده بقووة لا عفية والله تعبانة خلي نرجع للبيت ارتاح .. كال ماريد اعتراض ادري بيج تردين ترجعين للبيت تشتغلين عبالك بس انتي بالبيت ، يمعودة لاحكة ع الشغل هسه ... اخذني لمطعم اكلنا بيه وبعدها رجعنا للبيت .. بالطريق اجاه اتصال كال هاي أمي رد عليه وفتح سبيكر وخله تليفونه يم الكير يحجي وياهه .. اجانه صوت عمتي تحجي بقهر ... يمه صلاح هاي اختك طالعة زعلانة من بيت عمك وبقت يم بيت اخوك جاسر كلي شون اسوي وياهه متقبلت تجي ويايه للبيت ... التفت عليه متفاجئ فاتح عيونه على اوسعهم وقار زعلانة ؟ شبيهه !!! جاوبته عمتي : يمه شكوول وشحجي هذا جابر ضاربها وغالط عليها ، اول تالي بنت مهيوب تنضرب وتنهان والله كلبي متوجع عليها حيييل .... ضرب ايده على الستيرن بعصبية جااابر ضااارب وقااار شبي تخبل وعلى شنووو بالله وليش يمد ايده عليها تايهتله ؟ ماوراها زلم شبي تخبل هذا ؟ ردت بنبرة يغلفها الحزن مادري ييمه مادري اني خابرتك اريدك تطيب خاطرها بكلمة لاتظل مهظومة ومكسورة خاطر زفر ببطئ وجاوبهه : صار يوم بدون متوصين ان شاءالله سهلة اني أتصرف .. غلق المكالمة ونزل على جابر هوو شلوون يتجرأ ويمد ايده عليها شبي تخبل خو ما تخبل ؟؟ والتفت عليه ريهام انتي جنتي تدرين بي ضاربها لوقار وساكتة ؟ حجيت وياه بنبرة رجاء صلاح بس اهدى انته دتسوق هسه وبعدين هم عائلة بيت واحنه لازم ندخل بالمعروف مو انجج الموقف ونكببهم بالزايد ... ضرب الستيرن بعصبية جفلني وكال افتهم بس مو من حقه يضربها وانتي تعرفين كلش زين وقار وضعها خاص شنو يستقوي عليها ويضربها اي اعرف صلاح اني وياك بهاي بس هم ماندري شنو ظروفهم وشنو الي جبره وخلاه يضربها ، صلاح انته تعرف جابر وشكد يحبها لوقار و اكيد فقد اعصابه وماكدر يلزم نفسه التفت عليه باوعلي ورجع دار وجه على الطريق وكال بنبرة جنون شنووو تبرريله انتي؟ ماتوقعتج هيج ريهام هاي عود انتي الي طول عمري اعرفج حقانية رديت برفض قاطع لالا مابرر إله بس لازم نسمع من الطرفين ونعرف ليش هيج تصرف جابر كال ترة هاي مو أول مرة تطلع وقار زعلانة الظاهر هو مديحترمها ولا يقدرها واني حاس بيها تضم بداخلها هواي واخر شي ظلت ما تتحمل كتله بتوسل لاعفية صلاح لتكول هيج ترة جابر يحبها ويحترمها بس كل بيت لازم تصير بي مشاكل وهيه مصارين البطن تتعارك واحنه لازم نوكف وياهم ونصالحهم ونرجع المياه لمجاريها بينهم .. هز راسه وكال بنبرة تهديد سهلة سهلة .. درت وجهي ع الجامة وزفرت ببطئ .. ورددت يانار كوني برداً وسلاماً منين طلعت النا هاي السالفة الله يهديهم على بعض وقار وجابر .... وصلنا للبيت نزلت من السيارة ، مزاجي تعكر بسبب الي صار من نقاش حد بيني وبين صلاح محبيت يفهمني غلط ، اني احبها وقار وهيه كلش قريبة عليه واعتبرها اختي الي ماولدتها امي ونفس الشي جابر اخويه الوحيد واعتبره مو بس اخ وصديق همينه وهم محتارة بيناتهم اني مستحيل اتحيز لطرف منهم بس بنفس الوقت اريدهم يهدأون وماريد اطراف تتدخل بيناتهم وتأجج الموقف اريد هم يحلوها احسن بس لمن يهدأون انتبهت صلاح مانزل من السيارة ، طليت عليه من الجامة وسألته بنبرة تساؤل : وين رايح صلاح ؟ هو باوعلي وجان متأهب لحتى يحرك السيارة ويطلع جاوبني بعصبية ظاهرة .. .. رايح لبيت جاسر اشوف وقار .. درت وصرت يم الجامة الي بصفه وهو يباوعلي ونظرات الصرامة تبثها عيونه بكل إصرار ... حدقت بي يائسة من اختراق ملامح وجهه الجامدة وعيونه الملتهبة .. ترجيته : عفية صلاح بالهداوة حاول تهديها وتنصحها جابر مهما يكون ومهما صار بينهم هو يبقى زوجها وهم بعدهم بأول الطريق وكل شي واله حل .. ابتسملي ابتسامة حلوة ما تتقارن ويه عصبيته الظاهرة قبل شوية على عيونه واني على اثر ابتسامته الاحبها ابتسمت همين .. اخذ ايدي باسها كال لا تهتمين عمري انت فوتي جوة هسه وارتاحيلج شوية ماريد ارجع اشوفج تشتغلين احذرج ترة واني رايح اشوف وقار خطية بالي يمها هزيت راسي ودعته وصيته على نفسه وفتت جوة واني فايتة اسمع هوسة هوووسة بالبيت ... شفت سجى وشهد يتعاركن وعمة ام فلاح تصيح عليهن .. ولج اني منين اتلكاهه منجن من وقار الي تكسر الكلب من جاسر الي ظيم الدنيا كلها على راسه والله والله على ساعة اطك واموت والسبب انتن .. لزمتها من ايدها بس عمه على كيفج ويه نفسج ماتسوى شبيهن البنات شسالفة !! شهد تخصرت كالت اني نظفت الطرمة الصبح وهاي الخايسة تجذبني تكول لا اني نظفتها ردت سجى بوقاحة : اني الخايسة لووو انتي الخايسة والجذابة شووكت نظفتيها بالله!!! انحولت بسببهم وحدة تجر عرض وحدة تجر طول وصوتهن طالع واني اصلا جايه تعبانة ودايخة شون تنحل بالله هاي ياربي كتلهن اني هسه ارتاح وانظفها حلاً للنزاع بس كافي الله يخليجن مو حالة هاي ... عمه ظلت تصيح ماريد اشووف وحدة منجن كبالي يله لانخلني اخابر جاسر يجيجن يرعد ويطيح حظجن والله مناقصتجن انتن همين ... هنه سمعن باسم جاسر كله وحدة دارت وجهه ومشت .. ضلن ينضفن ويغلطن كعدت عمتي على القنفة واني كعدت يمها لزمت ايدها كتلها عمة اني اخذت سونر وطلع بيه بنية .. باوعتلي وابتسمت بقهر كالت اي صلوات على محمد الله يكومج بالسلامة يمه اهم شي تمام الخلقة والصحة والسلامة ، بنية ولد نعمة من الله ... كتلها اي الحمدلله والشكر .. سألتني على صلاح .. جاوبتها باقتضاب ..وحيرة _ راح لوقار لبيت جاسر يشوفها لان عرفت موضوع وقار وجابر راح ينفتح هسه .. وكعدنا نحجي عنهم .. وعمه مقهورة على وقار واني صايرة بين نارين .. خلصنا حجي كالت كومي يمه ارتاحي بغرفتج ومعليج منهن ذني الخايسات لاحكة ع الطرمة تتنظف بعدين ارتاحي وناميلج شويه .. هزيت راسي وكمت من يمها رحت للغرفة ، غيرت ملابسي تمددت شوية وبالي مشغول ويه جابر ووقار خايفة بالايام الجاية تتطور الامور بينهم للاسوء لان هواي تدخلات دتصير بينهم .. غفيت شويه ع السرير وأني أفكر .. وكعدت على صوت صياح .. خفت لا الصياح هذا يخص جابر ووقار بسرعة كعدت صاير المغرب لان الغرفة ظلمة من كد التعب ماحسيت بنفسي شكد نمت وصلاح لهسه ماكو علكت التيبلامب يمي لان صرت مااشوف شي كمت لبست شالي وطلعت من الغرفة الصوت جاي من الصالة توجهت الها ، فتت شفت شهد كاعدة ع القنفة ولازمة بطنها وتتلوى كلساع ياترجع ظهرها ع القنفة يا تميل ليكدام وتحوص وتصيح طلعوها طلعووووها ماريدها ماريدها ترفس بيه وتدفر نهار كله يمه شلعت كلبي مااااريدها .... نعله علئ ابوج جعيفر ولج اكعدي يالخفه هاي انتي ببطني والكاع ما ترجعج من تطلعين شسوين ردت عليها عمتي ام فلاح اي موو هيه تنورة وماتردينها لو قطعة قماش لو مدري شنوو وبعدين ليش تسبين بجعفوري شوون الله بلانا بيج وحدة زعطوطة والله عجيب امرجن شكوو تتزوجن اذا موو كدها عبالج الزواج بدلة وصفكة وهلهولة مووو ؟؟؟ لزمت شهد ركبتها وتصيح يمه يمه مخنووووكة مااتحمل بعد والله احس كاعدة بكبر والله مو بيت... عمتي ام فلاح خلت اديها على راسها وعاطت الله اكبر اسم الله اسم الله يالفكر لا تتفاولين علينا كووولي يا الله بقيت اباوعلها مقهورة عليها احسها مو طبيعية شهد نهائيا .. ظليت اعصر بأصابعي وسجى واكفة تباوعلها متخصرة شلون اكول لعمتي شهد مو طبيعية ومبينه مسحورة خاف اكول كدام سجى وتكول تحرضينهم عليه .. خطية شهد لازمة بطنها وايدها اللخ تضربها بقووة على القنفة وتصيح يييمه لحكي لبنتج يمه اخذيني يمج يمه والله تعبت من هالدنيا والله رحت لزمتها من ايدها وكومتها كتلها كومي وين جعفر كالت نايم بالغرفة ولا يهمه اني ولا يسويلي جارة والله اكوله مخنوكة ميصدكني .. ظلت سجى تباوع علينا بنظرات شرسة وشيطانية مهتميت لنظراتها واني لازمة شهد واوجهه لغرفتها .. دكيت الباب وهي فتحته وفاتت ، وكفت بالباب ودكيته مرة ثانية .. فتحه جعفر كال فوتي ريهام ليش واكفة ... فتت جوة وسديت الباب كتله جعفر ترة شهد مسحورة عفية تلاحك الها خطية هيه حامل خاف يصير ببنتكم شي .. هو انصدم وظل يباوعلها ، هيه كاعدة على السرير ايد على بطنها وايد ساندة جسمها بيها على السرير تغمض وتفتح وتبجي وتدردم وتعض بشفتها .. كال زين شسويلها ريهام ؟ خاف دخل بيها جني وجهه الطاوه مثل ما دخل بيه كتله اخذها طلعها فرها خطية دتكول مخنووكة .. كال بحماس ولهفة والقلق واضح على ملامحه اي هسه دقايق .. راح الها واني طلعت من الغرفة .. بالي مشغول صلاح تأخر ، جان مأذن المغرب رحت توضيت وصليت ، قريت سورة مريم فوائدها للمراة الحامل عظيمة ... وبعدها بديت شغل البيت .. .................. شهد... مدري شبيه مختنكه حتئ الطفله ما حابتها انوب بس واحد يحجي وياي اكب بوجهه اريد بس اعارك صايره حييل وكحه حتئ الطفل الي ببطني عاركته وسبيته وهو شنو ذنبه... اخذني جعفر فراني شويه وبعدها اخذني وكلني موطه شويه جان الجو بارد طحت بيها شمرتها هو كال...طاح حضج كوون ليش شمرتيها رديت عليه بملل...بارده ما اكدر اكلها جر نفس كال...لو مخليتها محتره ومايعه جان صارت عصير بس انتي مرة مبذره احتمال اطكج بمره لان ما احب المره التبذر باوعتله بقهر...ممكن تسكت ترئ،روحي طالعه رد عليه...سكتت اكراما للسحر المركوعه بي اله لو صاحيه وكايلتلي هييج هسه اطلع الطفل من خشمج وخشم الخلفج بلعت ريك بحسره...جعفر صدكني حييل مخنوكه... مسح علئ لحيته كال...لا تخافين اخابر جاسر وياخذنه الصديقه الرجعاني الاصلي من وجهه الطاوة طكتني بسحر خلتني اشوفها هيفاء وهبي بدل وجهه الطاوه هزيت ايدي بعصبية...اهوووو هم جاسر يمعود هذا من اشوفه حتئ الجني يطير مني رد عليه...اي والله اخوووي راعب حتئ جني نويله خخخخخخخ تنهدت بضيق...شهل ضحكه رد بقهر...ضحكه مال سكارئ يعني شلون لا تخلونه نشرب ولا تخلونه نصير عفطيه ونضحك ضحك السكارئ واردف بغضب...هسه حتئ الي يحبله وحده وتتزوج وتعوفه ينراد اله شويه شويه ينساها اول مره يتذكر ماضيها وانوب سوالفها وانوب كلش ينساها هسه اني نفس الحاله شويه شويه جاي انسئ بطل العرك ضلت بس ذكرياته همست...ما تصيرلك جاره وصلنه للبيت هو شاف بزونتي سمنانه وصايره حلوه تجنن وكبرانه كال باستغراب...هاي الفرعونيه شسمنها صايره حلوه بس لا تشرب ابو الطلقه رديت عليه واني اهز بروحي...لا عيني تزوجت واحد مدللها دلال ويحبها ويباوع الحلكها هز ايده ...عشتو واكيد رجلها برلماني،ويكرف كرف متعدله نافخه البراطم وسمنانه وبيضه صايره ونضيفه احسها تقلد وجهه الطاوه جاوبته بقرف...وييع لا تجيب طاريها عفته ودخلت جوه وهو يباوع للبزونها كلها ....نويله شكد عدلت بروحها ما حبيتها وانتي ما احبج لو تصيرين الاميره ديانا... ...................... وقار... تحت تاثير نومي وحلمي المفزووع شفته واكف بباب بيتنه وهو لابس دشداشه لونها جوزي ولابس عباته السوده وبيها خط ذهبي وعكاله وجفيته ولازم سبحته و واكف بباب بيت اهلي بجبروت وهيبه والغضب مبين من عيونه الحاده... ابتسمت بفرحه ولهفه من شفته...باااابا حبيبي بابا حضنته بفرح وهو بادلني الحضن بس جان بين الانزعاج علئ ملامحه لزمت ايده وبستها كتله بفرحه عارمه...بابا انت ما متت انت مو كتلك عاصم رد عليه بجمود وملامحه تبين حقده علئ هل بيت كال...لا بويه يا وقار انا عايش وجاي اخذ جولييت وياي فتحت عيوني مصدومه ومدهووشه من كلامه...شنوو ليش يابه ليش تاخذها... رد عليه وملامحه القاسيه تنطق بقسوه ...انتم كلكم ضلمتوها وهي ما الها مكان وياكم اني جاي اخذها مو مهيوب الي تنذل طفله ببيته وتنعمي وانتم ساكتين جر نفس ونزل عيونه السبحته واخذ منها تلث خرزات كال...اخوووج جاسر كليله ابووك بنه بيت الجوليت بصفه ويريد يجي ياخذها وعيونه تشوف وكليله اذا بعد ضلمت جولييت اخذها واحرمك منها انه متعبتني جووليت ما اكدر انام وهل بنيه انضلمت ببيتي ... بلعت ريكي وهو سحب ايده مني ومشه جان الجو مغرب والشمس غايبه وابووي غاب مثل الشمس فتحت عيوني مفزوعه من الحلم وحطيت ايدي علئ صدري باوعت الموبايلي حياذن الصبح... وفعلا شووويه واذن... طلعت توضيت وهو شفته طلع من غرفتها دخلت جوه ما حسسته بوجودي صليت وكملت وشويه كشف الجوو شفته طلع الشغله طلعت وراه كتله..وصباح الخير هو دار وجهه عليه ورد عليه بتنهيده...هلا صباح النور لزمت ايده واخذته للحديقه كتله بحزن ...جاسر عندي موضوع وياك ؟ رد عليه ...شنوو احجي بسرعه مستعجل بلعت ريكي وتنهدت نزلت راسي وسرعان ما رفعته..اءءء هذا تحلمت بابوي زعلان منك ؟ عقد حواجبه بقلق وارتباك كال...لييش زعلان مني ؟ سولفت اله الحلم وهو تخبل وكل شويه وتحدت ملامحه ويحتقن وجهه... ابتعد شويه وضل يخابر وبعدها شفته طول بالاتصال بس ما عرفت ويه منو جان يمشي بالحديقه ويخابر وبعدها دنك وهو يلتقط فد شئ من الارض قفل الخط وتقرب مني وهو لازم حلقه كال بغضب...هاي منو شامرها هنا باوعت الها كلها طيين بس جانت جديده اني قبل يومين شوفتها اليه جولييت وخليتها بجنطه كتله...يمكن الجهال شمروها هو قبض عليها بحده وكال بوعيد...لاااا مو الجهال هاي جولييت مسحها وخلاها بجيبه كال...باعي اني راح اروح للنجف ازور ابوي اذا اتاخرت لا ينشغل بالكم... لزمت ايده بتوسل...فدوووه جاسر خليني اروح وياك صار كومه ما زرت ابويه تنهد بضيق...لا حاب اضل الوحدي للنجف.... خله وطلع واني دخلت جوه انذكرت ابوووي حييل انقهرت والدموع تجمعت بعيوني بجيت بصوت حزين ومسحت الدموع بيدي المعاقه... كعدت جولي صلت سالت عن جاسر لان اتاخر كلتلها راح للنجف وهي سكتت ما حجت شئ... شويه واجت خالتي صبريه وعرفت بشام رجعت وعرفت بطلبها وهو طلاق جولي كالت بغضب...انه بنيتي جكليته عندي حتئ لو غلطانه ما اقبل واحد يحجي عليه انه عنصريه واليحجي يطبه حريشي، انوب جاك من تالي عكبك تتشرط عليه جااا واذا ما طلك شني قلة زلم يطلكها منا وانا ازوجها منا وفريختها اخليهم فلاليح عندي اكبرهم وازوجهم وازفهم علئ كنوش ضحكت كلتلها...صدك خاله شكد عمر كنوش جرت نفس...والله يا يمه ما ادري بس هو بكد جابر عمره بالتلاثين صاروا سوه هو وجابر اتذكرت جابر وجريت نفس حزين خابرت علئ جاسر كال بعدني بالنجف... شويه واندك الباب راح رضاوي فتحه واجه يركض كال...اددت هاي التحلط علئ امي وتبوت ببابا ...« اجت هاي التغلط علئ امي وتبوس بابا » شويه وشام توسطت البيت كالت...وينو جاسر ابو غزل... ابتسمت بحيره...هااا راح للنجف كالت...عطيني رقموا اني ما قبلت بس امي رضيه كالت انطي انطيته الها وهي كتبته واتصلت اول ما رد عليها جاوبته بنحيب مفجع...جااااسر انت عند غزل مو هييك ؟ واردفت بعد ما جاوبها...لا تجي خلييك هوونيك انا جايه لعند انا جايه علئ النجف بدي زور قبر بنتي المضلومه...ونتفاهم علئ كل شئ وان شاء الله خير نهاية البارت ...يتبع كونوا انتم كونوا بخير....احبكم 💔 نور سمو العراق...😘 لا تنسوا التصويت و المشاركه 🌹 بارت طووويل اطول من الحرب العالميه الثالثه مدري الثانيه يستاهل التصويت مو لو مو مو.... بنات يمكن هسه متحبون شام عادي بس بمرور الوقت ان شاء الله تحبوها البارحه رجعت قريت البارت الاول شفتكم تكرهون جولييت وهسه تحبوها 😁😁😁😁 لذلك يعني اكيد اول ما يظهر شخص بالقصه تكرهوا...حتئ كاتبين ما حبينا البطله وهسه تعاركون لخاطرها 😍 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
