آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-02-21, 07:31 AM
| #41 | ||||
 
|  البارت الثالث والعشرون ميار واهي تساعد تركي يلبس الجاكيت : حبيبي بتقدم الامتحان وترجع او بتروح الشركة .... تركي واهو يلف ويمسك ويها ويبوس شفاتها : لا حبي برجع دايركت .... تبين شي اييبه معاي .... ميار: لا حبيبي سلامتك ... تركي واهو يمشي معاها للباب ولاف يده حول خصرها : مستعده للعلاج ميار واهي توقف قباله جنب الباب : حبيبي اجله ونروح للاهل ... ما اشتقت لهم ..... تركي واهو يمسك ويها ويقرب ويهه من ويها : حبي علاجج اهم والاهل لاحقين عليهم ... الاجازه شهر نبي نستغله بعلاجج ... حبي امي وابوي لمى عرفو ليش مابنروح اكدو علي لازم تتعالجي .... يبون يشوفو حفيدهم ..... ميار واهي خجلانه ومنزله راسها : طلال بييب لهم الحفيد .... ثم انت الي ماجل ...... تركي واهو يضحك على خجلها : ههههههههه انتي للحين تخجلي ... حبي طلال بييه ولد واهو اصغر مني وانا الكبير ... ثم اني ماجل عشانج ولا انا متوله لبيبي يكون منج لكن خايف عليج .... ميار : اوكي بنروح للعلاج ... تعرف ماما معنده ما تروح معانا .... تركي واهو يبوس شفاتها ويفتح الباب : تعبت من وجودها عندهم السنه الماضيه ... بس مهران معانا مايكفيج .... لازم اروح اوكي .... ميار : الله معاك .... تركي .... تركي واهو يلف لها : هلا يا روحي.... ميار بربكه : لا تتاخر في مفاجاة لك .... تركي واهو يقرص خدها ويبوسها : اوكي ما بسال .... احبج .... ميار واهي تبوس خده بسرعه : وانا اموت فيك ... تركي : لولا وراي امتحان كنت خربتها وطرت فيج للسرير .... باي يا خجوله ... ابتسمت ميار واهي تشوفه يروح بعد ماباس شفاتها وسكرت الباب وتوجهت للمطبخ تجهز لمفاجاتها لتركي لان الليله اهي ليلة عقد قرانهم وحبت تحتفل فيها مع تركي ...... رجع تركي وما لقى ميار بنتظاره مثل كل يوم لانها عودته على هالشي فناداها وما ردت فتعجب اكثر وتوجه لغرفة النوم ولقاها واقفه ومبتسمه ولابسه فستان ابيض اول مره يشوفه عليها وكان قصير وايد لفوق الركب بوايد فابتسم لان ميار ما تلبس الا بطلبه حتى قمصان النوم تخجل منها فقرب لها ولف يدينه حول خصرها وباس شفاتها ... تركي واهو يطالع ويها بالمكياج الخفيف : تبهري ... ذكرتيني بليلة زفافنا ..... ميار وتمثل الزعل وتمد شفاتها مثل الاطفال : تركي ... لا تقول ناسي هاليوم .... تركي واهو يمسك شفاتها ويقلدها : هههههه لا مو ناسي شنو هاليوم ... كنت عارف بتحتفلي فيه ... تعالي .... ميار واهي تمشي معاه للصاله : تركي للحين ما عطيتك هديتك ... تركي واهو يفتح غرفة المكتب : لا انا اول وبعدها انتي عشان تتاكدي اني مو ناسي ومجهزه من فترة .... ادخلي .... دخلت ميار مع تركي وقعدها تركي على الكنبه وتوجه للخزنه وفتحها ورجع لها وبيدينه علبه مخمليه حمره فقعد جنبها ومد لها العلبه فباست خده وشكرته .... تركي : المفروض تكون مكان ثاني ..... ميار واهي تتجرء وتبوس شفاته بسرعه : ههههه اوكي ... راضي ... تركي واهو يغمز لها : امممممم نص نص ... ابيها اعمق واطول ... ههههه اوكي لا تحمري جذيه افتحيها وقولي رايج .... ميار واهي تفتح العلبه : اوكي ....... واااااااو ... جد تركي روعه ... حبيبي باين عليه غالي وايد ... ليش كلفت على نفسك جذيه .... تركي واهو يلف يده حول خصرها ويبوس رقبتها : الغالي للغالي ... حبيبتي انتي ماشريتي شبكة السنه الماضيه وانا حبيت اهديج هذا الطقم ... واهو اقل من حقج ... ثم في شي يغلا على قلبي .... ميار : تسلم حبيبي ... بس الشبكه انت حطيت بحسابي ثمنها ... وانا ما حبيت اشتري شبكه لان حرام اشتريها واتركها جذيه .... تركي : لكن هذا حقج اقلها تكشخي فيها لي .... ضحكة ميار مع تركي وبعدها رجعو غرفتهم وصار دور تركي تهديه ميار فقعد على طرف السرير وميار يابت له هديته مغلفة بتغليف حلو وراقي وفتحها تركي بعد ما شكرها وباس شفاتها ولقى علبه فخمة فتحها وانبهر بالساعة الي فيها وطالع ميار منصدم لانه يعرف انها من مصنع عايلتهم وخاصة فيهم .... تركي : شلون ..... ميار مو ممنوع تهدو احد من تصميمكم ..... ميار واهي تفك ساعته من يده وتلبسه الساعة : صحيح اكن انا استاذنت من عماني وقبلو وهذي تصميمها خاص فيك انت واذا يونا عيال بيكون مثل تصميمك ... حبيبي انا عارفة انها عاجبتك من اول مره سالت مهران عن ساعته ولاحظة انك تضايقت لمى خبرك انها خاصة فينا لكن مسموح بتصميم ثاني لاي احد نهديه ... فهذا تصميم لك واسمح لي انا صممته واسمك عليها وتاريخ تصنيعها وتاريخ اليوم هم ..... ضمها تركي وباس رقبتها وكل مكان بويها واهو فرحان : تعرفي هديتج هذي غطت على كل الهدايه الي ياتني بحياتي كلها ....لكن مو اغلا منج انتي لانج اغلا هديه بحياتي .... ميار : تسلم حبيبي ... يله نحتفل .... حملها تركي وطلع فيها للصالون واهم يضحكو واحتفلو مع بعض وكانت ميار مجهزة كيكه عليها تاريخ زواجهم وغدى خفيف وقضو هاليوم كله مع بعض وقفلو تلفوناتهم وطبعا ام مهران معاها خبر عشان ما تتخوف عليهم لانهم كل يوم يتعشو معاهم ويسهرو فلمى سال وليد ومهران عنهم ضحكة ام مهران وقالت لهم انهم نايمين بالعسل ويحتفلو باول سنه من زواجهم ..... سافر تركي وميار ومهران لتايلند عشان علاج ميار بالاعشاب وام مهران ووليد سافرو للبلاد يقضو الاجازه مع العايله ..... مهران واهو ينتظر مع تركي برى غرفة الفحص : تعتقد تطول بالعلاج .. تركي : ما اضن لان ميار متحسنه وايد ومن تزوجنا ولا مره تعبت او ضاق نفسها فاكيد بيكون علاجها سريع وسهل .... مهران واهو يغمز لتركي : اي واول مرة بستها فيه شنو صار ... ما كنت بتذبحها يا متوحش . .... تركي واهو يدف مهران من جتفه ويضحك : هههههههه جب انت لين متى بتمسكها لي هذي .... يا اخي اختك تطير العقل ونسيت هالشي .... مهران : ههههههه اي بس الحمدلله ما تنسى باللحظات الخاصه ولا علوم ..... ضحك تركي على تعليقات مهران ووقف ضحك مع مهران لمى طلعت الممرضه من الغرفة تخبرهم بسماح الدكتور لهم بالدخول ودخلو وكانت ميار قاعده على كرسي لشخصين فقعد جنبها تركي ومهران قبالهم ... تركي واهو يلف يده حول جتف ميار : اخبرني دكتور ما النتيجة .... الدكتور : اطمان الامور تبشر بالخير .... صحتها ممتازه والمرض ليس مزمن معها وسوف تكون فترة العلاج بسيطه ولن تتعب ابدا وتستطيع اخذ الادويه معاها لحيث تريدون وتعود بعد انتهاء المدة لفحصها والتاكد من انتضام تنفسها و تخلصها من المرض نهائيا ..... مهران : حسنا وكم مدة علاجها ..... الدكتور : تقريبا اسبوعان ولا اعتقد تحتاج لفترة اكثر اذا انتضمت بالعلاج ..... تركي بفرح : ستنتضم ..... حسنا سؤال خاص قليلا .... الدكتور واهو يبتسم : تفضل اسال .... تركي واهو يبتسم ويطالع ميار الي نزلت راسها ورجع طالع الدكتور : حسنا ... طبيبت زوجتي نبهت سابقا للعلاقة الحميميه بيني وبين زوجتي بان تكون بتروي وبحدود لاجل صحتها فهل بعد علاجها هذا سيكون جسدها متقبل لعلاقة كاملة ..... الدكتور : طبعا وهذا الامر الان ايضا فلا يوجد ما يمنع ان تكون العلاقة الحميميه كامله لكن ليس بعنف او تكرار العلاقة بذات الوقت اكثر من مره لكن بعد انتهائها من فترة العلاج سيكون الامر ممكن لكن بعد ان نتاكد من ذالك .... تركي : حسنا ممتاز ... والحمل هل سيكون مريح لها .... الدكتور : هههههه نعم فهي تستطيع الحمل باي وقت تريدان فلا يوجد ما يمنع فمرضها لا يمنع حملها .... كم مضي على زواجكم .... تركي : عاما واحد .... اعلم انها تستطيع لكن لا اريد ان تتعب بسبب الحمل وايضا مرضها يكفيها ثقل الجنين وما ممكن ان تتعرض له ... يهمني راحتها كثيرا .... الدكتور واهو يطالع ميار ومهران : اهنئكي سيدتي على زوجكي فنادرا وجود زوج يخشى على زوجته هكذا .... حسنا متى ترغبون ببدا العلاج مهران : باقرب وقت ....تركي شنو مقرر نرجع ايطاليا او نبقى هني .... ميار بسرعه : لا تركي خل نرجع البلد وانت سمعت الدكتور قال عادي بعد اسبوعين ارجع ... تركي : ههههههه اوكي ... اختك بتموت ونرجع البلد ... حسنا دكتور عندما يكون علاجها جاهز ناخذه ونعود لبلادنا وقبل انقضاء الاسبوعان سنعود هنا للتاكد من صحتها .... شكرو مهران وتركي ابدكتور وصافحوه و وجه تعليماته لميار وطبعا اخذو كل علاجاتها والتعليمات و حجزو يرجعو البلاد و كانت مفاجاة لام مهران برجعتهم واخبار علاج ميار .... سكنو تركي وميار بغرفته ببيت اهله لان بيتهم مستاجر لناس ..... ام تركي : ارتاحي يمه من ييتي وانتي شايله شغل البيت كله .... ميار واهي تصب الشاي لابو تركي : اي شغل يا خالتي كلها طبخ ... ما تحبي تذوقي طبخي .... ابو تركي واهو ياخذ منها الشاي : الا طبخج يهبل ... اكلت عن قبيله من حلات الاكل ... تسلم يدج يبه .... ميار واهي تمد الشاي لتركي وتقعد جنبه : عوافي على قلبك ... تركي : اخذتي علاجج.... ميار : اي لا تخاف خالتي ذكرتني فيه قبل الاكل .... تركي : زين .... يمه يبه جهزو نفسك بعد تسعة شهور بييكم اول عيالي ام تركي واهي تضحك على خجل ميار : ههههههه انشاء الله والله يتمم على خير ... بس يمه ميار صارت اشارة مرور ..... تركي واهو يطالع ميار : هههههه متى ما ولع ويها يمه ... هذي ام الخجل .... ابو تركي : الا يبه متى تخلص وترجعو .... تركي : يبه ميار ماباخذ مواد وبتكمل هني لمى نرجع وانا باقي لي بس اقدم الرساله واخذ لقب دكتور يعني شهر ونص واحنا رادين ..... ام تركي : وبيتك يمه بيطلعو المستاجرين منه .... تركي : لا يمه بيطلعو بعد شهرين وبعدها يبيله تجهيز وميار تختار الديكور والاثاث وبعدها نسكن يعني بنبلط عنكم لحد مايجهز بيتنا ... ام تركي : والله بلطو محد بالبيت عندنا ويا ليت تعيشو معانا على طول... تركي واهو يطالع ميار ويرجع يطالع امه : والله يمه ودنا لكن تعرفي كل واحد يحب يستقل ببيته ... وهم ميار متحجبه وتعرفي بتضطر تلبس اذا يا طلال او اي احد .... ابو تركي : اكيد يبه كل واحد يحب ياخذ راحته لكن اذا تبون عيشو معانا ومثل ما انت شايف محد معانا الكل طلع طلال ببيته وملاك تزوجة ولد عمك وببيت عمك ساكنين .... تركي واهو متضايق ومتوتر : يصير خير يبه احنا للحين ما خلصنا ولكل حادث حديث بعدين .... غيرو السالفة وصارو يسولفو بامور ثانيه وبعدها بمده يات سمر بعيالها وبعدها ملاك واهي حامل وطلال وندى وهم ندى حامل فكانت ميار متضايقه لان تركي ماجل لحد ما تتعالج لكن هانت وخصوصا انه بشر امه وابوه بان بتقدر تحمل ..... كانت ميار ترتب ملابس تركي عشان تخليها بخزانته وانتبهت واهي تصفهم ان في باب مقفول ولا مره شافت الي فيه وكل مره كانت بتسال تركي عنه السنه الماضيه وتنسى لكن الحين زاد فضولها للي فيه مع تلميحات ملاك لها اليوم بان تركي للحين يحب اروى لان لمى تكلمو عنها لاحظة انه يسمع بهتمام فعلقت ملاك على هالشي .... تركي واهو يجفف شعره ومستغرب من ميار واقفه وبيدها ملابسه قبال الخزانه : حبيبتي شفيج سرحانه .... بشنو تفكري .... ميار بعد ما انتبهت لتركي : ابد ... احممم ... تركي .... تركي واهو يلبس وميار تصف ملابسه : امري ... ميار واهي تلف وتاشر على الخزانه : ما يامر عليك ظالم .... تركي ليش هذي الخزانه مقفله ممكن اعرف اذا ما يضايقك .... ارتبك تركي ولاحظت ميار فابتسم بضيق وقرب لها ومسح على خدها : حبيبتي لو تعرفي ما تتضايقي .... ميار واهي تحس ان لاروى دخل فيه : لا ليش اتضايق .... تركي بعد ما تنهد : هااااااه ... لان فيه اشياء لاروى ومنها ... بس ميار انا ناسيها ونسيت اتخلص منها …. ميار واهي تكبت ضيقاها : وليش تخلص منها اكيد لها مكانه عندك .... تركي واهو يمسك يدينها : حبيبتي قلت لج ناسي .... ميار بضيق واهي ترجف : وانا ماقلت شي ... قلت اكيد لها مكانه عندك ومن حقك لو تبي تتركها وتحتفظ فيها ... ابتعدت ميار و قعدت على طرف السرير تكمل شغلها بترتيب اغراضه فعرف تركي انها ماتبي تتكلم وتبي تقفل على الموضوع لكن اهو يبيها تكون مرتاحه فتوجه لمكان مفاتيحه واخذهم ورجع للخزانه وفتحها وتوجه لميار ومسك يدها وسحبها بسرعه ووقفها واهي تفاجاة بحركته فسحبها معاه للخزانه وتو بيفتح باب الخزانه مدت ميار يدها للباب تمنع يفتحه .... ميار وعينها تلمع لانها بتبجي : لا ... مابي اشوف شي تركي .... تركي : ليش ابيج تشوفي وانا اتخلص منهم عشان تاكدي انها ما تهمني واني ناسيها .... ميار ودموعها تنزل : ناسيها تركي .... تركي انت محتفظ فيها وتبي هذي الذكريات والدليل انك تاركها ومقفل عليها ... لو تبي كنت تخلصت منها السنه الماضيه لمى كنا هني ... كنت اوقات وايد اكون مع خواتك او اهلي فليش ما تخلصت منها وليش خبيت علي هالشي .... انا لمى دخلتك غرفتي ببيت اهلي وريتك كل شي فيها حتى على قولتك سخافات البنات .... لكن انت محتفظ فيها لانها للحين بقلبك .... تركي واهو يسحبها ويضمها : لا تبجي ... ميار قسم اني ناسيها ... وشنو لها مكانه بقلبي والله انج ملكتي كل قلبي ومحد غيرج فيه ... شلي خلاج تشكي وانا مصرح لج بهالشي من زمان ... ميار واهي تبعد عنه : اهتمامك باخبارها ... بس ذكروها وانت تسمع بهتمام .... تركي واهو ماسك ضحكته ويسحبها واهي تقاومه ماتبي يضمها : يا هبله كنت اطالع تركي ولد سمر كان وراى ملاك ووراج يسوي حركات لنا ان ملاك تبالغ واذا ملاحظه كان طلال يسوي حركاته وندى دفته عشان يوقف .... ميار : تمسخر علي انت .... تركي واهو يضمها غصب : اقسم بالله هذا الي صار لان الكل يعرف ان ملاك تعمد تييب سيرة اروى لان تبي اردها خصوصا بعد ما تطلقت من عاصم ... ميار ملاك متعلقة باروى وايد وكانت اكثر وحده فرحة بخطبتي لاروى واهم صديقات من صغرهم لكن ملاك ماتبي تقتنع ان اروى مصادقتها لمصلحتها وبس .... ميار واهي تدفن ويها بصدره : وليش ماتخلصت منها للحين .... تركي : والله نسيت ... ثم السنه الماضيه لمى تكوني برى انا هم اكون برى ولمى نكون هني يطير عقلي فيج ... تضني بذكر شي مثل هذا ... ميار واهي تضربه خفيف على صدره : وليش ما خبرتني عن ذكرياتك .. تركي واهو يبوس شفاتها : ههههههه ناسي والله ثم لو ذكرت مابخبرج لا تسوي لي هالفلم ..... ميار واهي تدفه : انا اسوي فلم .... تركي واهو يسحبها من خصرها ويلصقها فيه ويضحك : هههههههههه واحلا فلم ... تعالي يا غيوره .... ميار واهي مبتسمه وتدفه يعني زعلانه : لا مابي بعد ... ثم حقي اغار عليك .... تركي واهو يضمها : تحبيني ..... ميار واهي تطالعه : مصيبه اذا للحين ما تعرف رد لسؤالك .... تركي واهو يحط جبينه على جبينها ويهمس : اعرف ... ابي اسمعها منج ... قلبي يرقص اذا قلتيها بلسانج ..... ميار واهي ترجف وتحط يدينها على صدره : كلمة احبك او اعشقك او اي كلمه ثانيه ما توفي مدى حبي لك .... باسها تركي بشفاتها بشغف ونزل لرقبتها يبوسها ثم حملها للسرير ووووووووووو | ||||
|  |
|
07-03-21, 06:27 AM
| #42 | ||||
| البارت الرابع والعشرون تخلص تركي من كل الذكريات لاروى بخزانته وطبعا كان يحس بضيق لانه يعرف ان لاروى مكانه بقلبه لكنها صغيره و ما صرح بهالشي لميار عشان ما ياثر على حياته معاها فلم كل شي من الخزانه بوقت الي كانت فيه ميار ببيت سناء وتخلص منها نهائي ولمى رجعت ميار لقت الخزانه مفتوحه وفهمت انه تخلص من كل شي فماسالته عنها وخبرته ان عايلتها بيطلعو للمزرعه والكل معزوم حتى بيت خالته لمدة اسبوع الكل بيكون متواجد فرحب تركي بهالشي وخبرت ميار ام تركي تخبر ام عادل برغم ضيقها لتواجد اروى معاهم وفعلا الكل تجمع بالمزرعه والكل فرحان باللمه ...... ماهر واهو يقعد جنب تركي : يا اخي طلبات الحريم ما تخلص .... زوجتك تهلك ..... تركي : ههههههه ليش شنو طالبه منك ..... ماهر : تعرف مابردها فعطتني لسته طلبات لكل الحريم تقول مجاعه عندهم ..... مهران : ههههههههه لانهم يعرفو محد بيقدر عليك غيرها حتى زوجتك تردها فمالهم الا ميار تميلح عندك ... طلال متعجب : وشمعنا ماهر ليش مو احد ثاني يطلبو اييب لهم ..... خالد واهو مبتسم : لان محد يعطيهم ويه وميار تمون مع ماهر وما يرفض لها طلب ... صح مهران اكثر من ماهر قريب لها لكن بطلبات جذيه لماهر .... تركي : يحصل له الشيخة ميار تطلب منه ..... ماهر واهو يدفه من جتفه : والله الشرها علي البي طلبات زوجتك لكن المفروض احولها عليك .... الياس واهو يطالع تركي بخبث : تستاهل بنت العم من يلبي طلباتها ... اذا عجزتو انا حاضر لكل الي تبيه .... ابو صقر بسرعه قبل يرد تركي وبصرخه : الياس ..... الزم حدودك زوجها واخوانها وحماها موجودين وما اضن يعجزو عنها وعن طلباتها وكلنا عارفين الي انقال مزح بينهم وانت لا تحشر نفسك بنت عمك على عيني وراسي لكن تنفث سمك تهلك فاهم ..... السموحه منك يا ابو تركي وانت يبه تركي لا تدير بال لكلامه ..... ابو تركي واهو يحاول يهدي ابو صقر : لا تدير بال يا ابو صقر عارفين الياس يفزع لبنت عمه ما اضن يقصد الشين ... تركي : كلام الوالد صح يا عمي لا تهتم .... مهران بهمس لتركي : لا يا شيخ لولا كلام عمي كنت قطعته الحين ... تركي بنفس الهمس : والله ماسك نفسي عنه من يينا واهو يذب كلام وانا ساكت الحشيمه للكبار .... احمد زوج سناء : اقول شباب شرايكم نلعب شي برى ونخلي الكبار بسوالف قبل ..... وليد اخو اروى : مثل شنو نلعب يعني .... ماهر واهو يوقف : اقول قوم قوم اذا كلنا طلعنا بنقرر ونشوف ... لكن ما نبي كرة قدم مافيني على التشوت ..... كلهم ضحكو لان عيال عمامه خشنين بلعب الكره والضرب اغلبه عليه ...و طلعو كلهم يلعبو ولاحظ تركي ان الياس ماسك التلفون اغلب وقته ويراسل فحس ان وراه مصيبه وصحى من تركيزه على الياس برنت تلفونه وابتسم لمى لقاها ميار فرد على طول ... تركي واهو يمشي بعيد عن الشباب : اشتقتي لي مثل ما اشتقت لج ... ميار : ههههههه اكيد حبيبي ... طمني عنك مرتاح ... في شي ناقصك ... تركي : ناقصني انتي بحضني ... حبي متى اقدر اشوفج ... ميار : انا قريبه منك ... حبيبي ... تركي : روحه .... امري يا عمري .. ميار : ما يامر عليك ظالم ... حبيبي ابي اعطيك شي ... قرب لقسم الحريم تاخذه .... تركي واهو يمشي لقسم الحريم : اوكي انا قريب اطلعي .... ميار واهي تضربه خفيف على جتفه وراه : انا هني وراك حبيبي .... تركي واهو يلف ويضمها : ههههه افزعتيني .... اشتقت لج .... ميار واهي تحط يدينها على صدره : وانا اكثر ... كليت .... تركي : مو وايد .... ميار : ليش حبيبي .... ما اعجبك الاكل اجهز لك شي تاكله .... تركي واهو يبوس خدها ويضحك : ههههههه لا حبيبتي بس حبيبتي مو قبالي تفتح نفسي للاكل .... ميار واهي تمد له ميداليه من حجر بشكل قلب : تفضل .... تركي واهو يتامل بالميداليه : حلوه ... متى شريتيها ... طلعتي بدون ما اعرف .... ميار : طبعا لا ... هذي ما شريتها ... سويتها لك بنفسي .... تركي واهو متفاجئ : لا تمزحي صح ... ميار متى سويتيها ووين .... ميار واهي تلف الحجر للجهى الثانيه : اليوم حبيبي وهني .... في بنهاية المزرعه قريب لحضيرة المواشي معمل لماهر يشتغل فيه بالخزف وهذي الامور ... انا لقيت الحجر مثل ما اهو بهذى الشكل جنب الاسطبلات وخذيته وصقلته وحفرت عليه اسمك وتاريخ اليوم ... شوف .... عجبتك تركي : هههه بس عجبتني ... الا ابهرتني والله فكرتج شاريتها ... يا بختي عندي زوجة متعددت المواهب ... شكرا حبيبتي ... تعرفي صرت اتحير شنو اهديج بعد كل الي تهديه لي .... الشال الي سويتيه بيدينج لمى تحديتج ويوم ميلادي السنه الماضيه طقم روعه لكبك وقلم ودبوس ربطة العنق كان شكلهم خيال لانهم من تصميمج وطلبتيهم مخصوص وهذي السنه ذكرى زواجنا الساعه المخصصه لي والحين هذي الميداليه مسويتها بيدج ... ميار وتركي يضمها له : حبيبي انت هم لا تنسى رسمتك لي الي مستحيل افرط فيها وهديتك لميلادي السنه الماضيه وهذي السنه وذكرى زواجنه ... حبيبي هذي اشياء بسيطه نعبر فيها عن اهتمامنا لبعض وهذي الميداليه سويتها لاني اول ما يات عيني على الحجر ييت انت ببالي وكانه مجسم لقلبي اهديه لك ... هههههه تراه تشبيه مو واقع يعني هذا موب قلبي .... تركي واهو يرفع راسها من ذقنها : هههههه فاهمج حبي ..... ميور ماينفع يكون لنا غرفة خاصه .... ميار واهي تبعد عن حضنه وتضحك : هههههههه لا هذي المره مصرين يبعدو الحريم عن ازواجهم .... تركي : اسبوع يا ظلام وايد حبيبتي .... حبي تعرفي ما اعرف انام ومنتي بحضني .... ميار : معلي حبيبي كلها كم يوم ونرجع بيت اهلك .... تركي : حبي بسالج ومابيج تتضايقي ابي بس اتطمن عليج .... ميار واهي تبتسم وتطالعه : عارفه سؤالك لكن اسال ولا تخاف ما بزعل تركي : انا عارف ان اروى هني ... ضايقتج بشي .... ميار : للحين لا لاني اساسا ما اجتمعت معاها الا وقت الغدى لاني من يينا مع بنات عمامي وخالاتي نتجول وبعدها بمعمل ماهر ..... تركي : الحمدلله ... حبيبتي تجنبيها وتحملي وجودها لو علي ما سمحت تيي لكن اهلج عزموهم ..... ميار : لا تخاف واهي مشغوله بتلفونها اغلب الوقت الي اشوفها فيه ... تركي : اتركينا منها الحين ... ماهر يقول هلكتيه طلبات ..... ميار : هههههههه اغلبها طلبات زوجته تعرفه بيسفهها فطلبت اقول له والباقي اخذوها فرصه وطلبو الي يبونه ...... تركي : هههههه المسكين يانا هلكان من المشاوير .... اوكي وحبيبتي ماناقصها شي تبي اييبه لها .... ميار واهي تبتسم : سلامت قلبك يا قلبي ... تركي واهو يغمز لها : اويل حالي .... اقول خفي ... ميور ابي غرفه لنا مع بعض مابي انام معاهم ابي دفاج .... ميار بخجل : تركيييي....... تركي : خفي علي لا اتهور هني ..... ميار : روح تركي قبل احد يسمعك ... ابي ادخل اريح .... تركي : اي تهربي لين ياج الجد هربتي لكن اوريج الليله انتي بحضني وتشوفي ..... ضحكة ميار عليه واهي تلوح له وتطير له بوسه بالهوه واهو لحقها لكنها ركضت ودخلت بسرعه داخل قسم الحريم ورجع للشباب ولا انتبه للعيون الي تراقبهم وللاذان الي تسمعهم ...... مرة الايام وكانت ميار تتجنب اروى دايما ولا بينهم كلام وكانت متعجبه شلون مطلقه وبوقت العده وتطلع عادي بين الشباب ولاحظة ان ملاك ملازمه اروى دايما وتتهامس معاها واخر يوم لهم بالمزرعه كانت ميار تلم العاب وليد من جنب المسبح وسمعت ملاك تكلم اروى وصوتهم واضح وكانت بتبعد لولا الي سمعته من ملاك خلاها توقف مكانها مصدومه ..... ملاك : اروى انتي خلج قويه تركي بيردج صدقيني والدليل عندي .... اروى : وشنو دليلج .... انا اشوفه يدلله وايد ودايما يكلمها ويقابلها حتى انه ما تحمل تنام بعيد عنه وصار لهم غرفة بروحهم مثل ماشفتي وتقولي لي بيردني .... تركي فعلا خلاص نساني ويحبها اهي ..... ملاك : هههههه لانج غبيه .... حبيبتي تركي بنفسه خبرني انه للحين يحبج اهو صح انجرح من الي سويتيه لكن تبقي انتي الاساس بقلبه .... اروى : لكنه تزوجها قبل يعرف بلي سويته بشنو تفسريه .... ملاك : يا هبله عشان شغله مع اخوها وانتي سلمتيه لها على طبق من ذهب ... اسمعي تركي قبل نيي هني عطاني كل شي عنده يخصج وطلب مني احتفظ فيها له تعرفي ليش ..... اروى بحيره : ليش يعني .... ملاك : لانه يعتز فيها ومايبي شي منج يتخلص منه ... اروى : وليش تركها عندج ليش ما تركها عنده ..... ملاك : لان ست الحسن والدلال سوت له لويه يقال يعني زعلت وتغار عليه واهو قال لها انه ناسيهم وانها اهي ملكة قلبه وانها الاهم المهم اكل عقلها بكم كلمه وشال كل شي يخصج وسلمه لي اخشهم عشان اذا ردج يستردهم لكن دامها معاه مايقدر فهمتي الحين تركي بنفسه قال لي انه يموت فيج ..... اروى والابتسامه شاقة الحلج : يا حياتي يا تركي.... والله لعوضه عن كل شي اهو بس يردني وبعدها اخليه يطلقها واعيشه ملك ..... ضحكو ملاك واروى وكانت ميار مصدومه ومنهاره تماما لدرجة انها نزلت على الارض لان ريلها ما تحملت الصدمه والكلام الي سمعته ودموعها تنزل وسمعت صوتهم يبتعد فتاكدت انهم بعدو من المكان فانهارت بجي واهي مغطيه ويها بيدينها وما صحت من نوبت البجي الا على لمست احد لجتفها ففزعت وارفعت راسها تشوف من وكان مهران فارتمت بحضنه بسرعه واهي تبجي واهو مصدوم من حالها فضمها وشد عليها .... مهران واهو يمسح على ظهرها : شفيج حبيبتي .... احد مزعلج او مضايقج ... قولي حبيبتي وانا اتصرف ..... ميار واهي متمسكه بقميصه وتبجي وتهتز : محد .... محد ازعجني او قال لي شي ... مهران : عيل ليش كل هالبجي ... صار بينج وبين تركي شي ... ميار : لا ..... لا ..... معران : ميار قولي دوختيني ... شلي صار وخلاج تنهاري جذيه .. ميار واهي تبعد وتحاول تتماسك واهي تمسح دموعها : لا ... ااا.. انا بس متخوفه ما اتشافه ووقتها تركي بياجل اكون ام ... مهران واهو مو مقتنع ويمسح دموعها : حبيبتي الدكتور اكد انج بتتشافي باذن الله اذا التزمتي بالعلاج ... ثم ليش مستعيله على العيال تراج بتتعبي وانتي تدرسي اخر سنه ... ميار : مهران انا احب الاطفال وانت عارف ... ثم اشوف ندى وملاك وانا متزوجه قبلهم ... مهران وهو متاكد ان ميار تغير السالفه الاساسيه : ميار ما عرفتج تحسدي .... ميار : اعوذ بالله احسد ... لا الله يتمم لهم على خير ويسهل عليهم ... لكن اتمنى اكون مثلهم واصير ام ... من اشوفهم .... مهران واهو يقاطعها ويوقفها معاه : ميار اسكتي زين انا عارف انج تغيري الي فيج ... انتي حتى لو تتمنى الحمل مابتبجي جذيه ... كان ممكن تقولي مابي اقول الي فيني شي خاص ولا تلفي فيني كل هذي اللفه لاني مربيج واعرفج ..... ميار بحرج واهي منزله راسها : اسفه مهران بس الي قلته فعلا بداخلي ما جذبت عليك ..... مهران : زين ميار ... امشي داخل ولمي باقي اغراضج واذا حسيتي اني قد الثقه تعالي وتكلمي لي بلي فيج ..... ميار : مهران ارجوك لا تفهمني غلط ... مهران بصراحه مابي اتكلم قبل اتاكد من الي ببالي ووقتها اكلمك اذا لزم .... مهران واهو يضمها على جنب ويمشي معاها : لا تخافي ما بزعل منج بزعلى عليج اذا لقيتج تبجي ... انتي فاهمتني صح .... هزت ميار راسها ودخلت الغرفة الي تخصصت لها مع تركي واهي بملحق على جنب يستعملوه للضيوف اذا زارتهم عايله باكملها ..... | ||||
|
| |
|
12-03-21, 06:10 AM
| #43 | ||||
| البارت الخامس والعشرون دخل تركي ولقى ميار تلم باقي اغراضهم ولا لفت له فحس ان فيها شي فقرب لها وضمها من ظهرها وباس رقبتها ولاحظ ان ميار متخشبه فلفها وانصدم بشكلها لان عينها محمره وباين عليها باجيه ووجها مصفر .... تركي بخوف واهو ماسك ويها بيدينه : ميار حبيبتي شفيج ... ليش ويهج مصفر جذيه وعينج محمره وذابله ... ليش باجيه ... قولي من ماذيج او مكلمج خبريني بسرعه ... ميار بهدوء عكس داخلها واهي تنزل يدينه وتلف للشنطه : مافيني شي ومحد مكلمني او ماذيني .... تركي واهو يلفها وماسك ذراعها : تجذبي علي ميار .... وين اتفاقنا ... قولي لي من حتى لو انها امي بس لا تسكتي ... ميار شنو صاير قولي ... ميار بضيق : ماصاير شي بس تذكرت يدتي اخر مره كانت معانا هني قبل تتوفى ... تركي ابي امشي كل اغراضنا جاهزه .... تركي واهو يطالعها ولا قادر يصدقها : بوهم نقسي ان هذا سببج لكن بنتظر بنفسج تييني وتقولي الي فيج ... جهزي نفسج وانا بنقل الاغراض للسياره الكل بدى يمشي ... بنتظرج بالسياره .... تنهد ميار لمى طلع تركي واهو يحمل اغراضهم وحاولت تتماسك ولا تبين له شي وتحاول تكون طبيعيه وطلعت له بالسياره بعد ما اجهزت وكان الاغلب ماشي فسلمت على عمامها وبنات عمامها وصعدت السياره جنب تركي وطول الطريق الصمت سيد المكان لكن تركي مل سكوتها فمسك يدها ولفت تطالعه .... تركي واهو يبوس يدها : بيعيني بالسوق .... ميار : اشتريك بروحي وكل كنوز الدنيا .... تركي واهو مازال ماسك يدها : تسلمي حبيبتي ... حبي ابي الليله نريح بفندق ممكن .... ميار واهي متعجبه : ليش في شي بييت اهلك .... تركي : لا لكن ملاك بتبات بالبيت لان زوجها مسافر ف.... ميار : ف شنو ... تركي وعينه على الطريق : اروى بتبات معاها .... ميار واهي تضغط على نفسها : واذا ... هالشي ما يستدعي مبيتنا بالفندق ... اذا مافي سبب مقنع روح لبيت اهلك لاني تعبانه وابي اريح .... تركي : حبيبتي ابي اجنبج تحرش اروى مابيها تغثج ابد .... ميار بنفعال : تركي انت خايف تغثني او خايف الاحظ شي بينكم .... تركي واهو يركن السياره : ميار شفيج ... شنو هالكلام هذا .... غطت ميار ويها بيدينها وانهارت بجي وتركي مفجوع من حالتها فسحبها وضمها بقوه وظل يبوس براسها وويها ويقرا عليها ولمى هدت شوي بعدها من حضنه ورفع راسها ومسح دموعها .... تركي واهو يمسك ويها بيدينه : حبيبتي بتتكلمي او بتصرف تصرف ثاني .... انا متاكد ان فيج شي وشي كبير مستحيل تنهاري جذيه لانج متذكره يدتج الله يرحمها .... فتكلمي .... ميار واهي ترجف ودموعها تنزل : ابي اسافر بسرعه ... تركي مابي ابقى هني ابد .... تركي : اهدي باخذج الفندق نتفاهم ونرجع البيت اذا فهمت شفيج كله ... حرك تركي ولا ترك لها مجال تعارض او تتكلم وميار تحاول تتماسك لكن دموعها تنزل غصبا عنها وقلبها ينزف من الجرح ومحتاره شلون تعرف الحقيقه من تركي بدون تخبره بكل الي سمعته .... وصلو ونزلت مع تركي واهي ساكته ولمى لقت انها بروحها مع تركي بالجناح الي حجزه نزعت حجابها وقعدت على الكنبه واهي تنهد ومنزله راسها ويدينها على راسها فقرب لها تركي ومسك يدها ووقفها واهي تعجبت وطالعته لكن تركي ماتكلم ونزع جاكيتها ورماه على الكنبه وميار تضايقت لانها ضنته يبي يقاربها لكنه فاجاها لمى حملها ونزلها على السرير واهو معاها فضمها وباس جبينها وراسها .... تركي واهي بحضنه : ابيج تريحي ... نامي ولمى تصحي نتكلم وتقولي كل الي فيج .... لا تتكلمي او تعترضي ... يله غمضي عينج ..... سكتت ميار لانها لقت انه افضل شي بدل لا تتكلم معاه وتغلط بالكلام وتظلم تركي لان لازم تتاكد من الي سمعته اول وبعدها تخبره واهي تفكر ومغمضى عينها سمعت تركي واهو يغني بصوته المريح وكانه يوصل لها رساله بكلمات الاغنيه ..... تركي بصوت حنون : اهواك للموت لا حبي عادي ولا إحساسي لك عادي وما هز عرش الضلوع بصدري إلا الحب موطنك روحي وتدري عرشك فؤادي والكرسي يـؤخذ وما يعطى ولا يوهب لا حبي عادي ولا إحساسي لك عادي وما هز عرش الضلوع بصدري إلا الحب موطنك روحي وتدري عرشك فؤادي والكرسي يـؤخذ وما يعطى ولا يوهب أهواك للموت وحبك مـزعـج رقـادي لا تسأل شلون أنا من نفسي مستغرب من يوم قهويتنـي صوتك وهو قنادي وأنا اللي راسي سما ما جابه كل من هب لا حبي عادي ولا إحساسي لك عادي وما هز عرش (ما هز عرش الضلوع بصدري إلا) الضلوع بصدري إلا الحب (موطنك روحي وتدري عرشك فؤادي (آه والكرسي يـؤخذ وما يعطى ولا يوهب … عنادي خيلك وإنت مروّض عنادي لكن مادامك عـليّ غالي وأنا أنحب بحتـل روحك وأخلي عيونك بلادي وأباخِذه قلبك إمن أقصاه إلين اللب أبيك في دنيتـي وتـفداك حسـّادي بيتي وناسي وأبي لجروحي إنت الطب ولأنـي مميـز وما يـعجبنـي العادي ما بين عقل وقلب أبيك عقـل وقلب (لا حبي عادي ولا إحساسي لك عادي (مو عادي وما هز عرش الضلوع بصدري إلا الحب (موطنك روحي وتدري عرشك فؤادي (آه والكرسي يـؤخذ وما يعطى ولا يوهب اول ما خلص تركي دفنت ميار نفسها اكثر بصدر تركي واهو شد عليها . تركي بهمس باذنها : فهمتي انتي شنو بحيات تركي .... ميار بعد ما ارفعت راسها وعينها المغرورقه بعينه وبصوت ناعم ويرجف : لم أكن أعرف الحب حقا لم أتوقع أبدا أن يأتي إلي بهذه الطريقة لم يعد بإمكاني الآن التحكم في قلبي عندما أكون أمام هذا الحب لو كنت أعرف أنني سأصبح بهذا الشكل ما كنت في الأصل بدأت كالأحمق أندم بعد فوات الأوان تمنيت لو لم تكن أنت حبي تمنيت لو لم تكن أنت قدري أوهمت نفسي أن هذا ليس حبا تمنيت لو أن كل ذلك يكون شيئا عابرا لأن الجراح المؤلمة هي ما سيبقى لي و لكن رغم معرفتي لذلك فمازلت أريد أكثر و ذلك يزيد شعوري بالحزن كنت أظن بدايتنا مجرد مصادفة هكذا فكرت ببساطة حتى أصبحت مدمنــا لوجـودك ماذا علي أن أفعل؟ لا أعرف أين كان خطأي؟ رغم أن علي تجنُّب حبك الا أنني أشتاق لكل لمحة منك تمنيت لو لم تكن أنت حبي تمنيت لو لم تكن أنت قدري أوهمت نفسي أن هذا ليس حبا تمنيت لو أن كل ذلك يكون شيئا عابرا لأن الجراح المؤلمة هي ما سيبقى لي و لكن رغم معرفتي لذلك فمازلت أريد أكثر الآن أصبحتُ لا شيء بدونك و لا أملك شيئا حيال ذلك أعرف أنَّ عليَّ أن أودعك مرة أخرى اليوم و ذلك يجعل ألمي لا يحتمــل تركي واهو يبوس شفاتها ويمسح دموعها : والحين ميار شنو تحسي انا بقلبج ثابت او مكاني مهزوز ..... ميار واهي تدفن نفسها بصدره وصوتها يرجف : انت كل كوني تركي مكانك مستحيل احد يحتل مكانه او يهزه ... تركي واهو يمسح على ظهرها : حبيبتي من متعبج قولي لي ... ما تثقي فيني .... ميار : تركي بسالك وترد علي وما تعصب او تفهمني غلط وكن على ثقه ان كل الي بسالك فيه له سبب وثقتي فيك كبيره .... تركي واهو يرفع راسها ويطالع عينها : وعد ما اتضايق او اتعجل ... اسالي .... ميار بربكه : انت تخلصت من ذكرياتك مع اروى .... اعني الي بخزانتك صح .... تركي : صح ... لكن ليش تسالي ... اوووه اوكي سوري كملي اسالي ... ميار : شلون تخلصت منها ... اعني وين وديتها ..... تركي : عفوا منج بس بالزباله قطيتهم .... ميار : متاكد تركي ... محد خذاهم او شافك ترميهم .... تركي متعجب : ميار هذا الي مخليج تتضايقي جذيه ... ميار : تركي رد على سؤالي وبخبرك بكل شي .... تركي : اوكي ... اي امي كانت بالمطبخ وانا دخلت ارميه بالزباله الي فيها لانها كبيره فكانت امي تشتغل ولمى لقتني اقط الكيس سالتني شنو الي ارميه وخبرتها .... ميار : محد كان غير خالتي موجود او شافك او سمعك مع خالتي ... تركي : لا حتى امي قالت المفروض من زمان متخلص منهم وخبرتها اني ناسيهم ... المهم الحين قولي لي ليش كل هذا الضيق وهذي الاساله تنهدت ميار وقعدت وقعد معاها تركي ولفت وطالعته وخبرته بكل الي سمعته من ملاك واروى وكان تركي ساكت يسمعها و باين انه ماسك نفسه فاول ما سكتت ميار قام وسحب تلفونه وسحب ميار جنبه واتصل على ملاك وخلاه سبيكر .... ملاك بعد ما ردت : هلا اخوي امرني .... تركي : انتي وينج ... ملاك متعجبه : ببيت ابوي ... تركي ما تبي تيي انا ببات هني ابي اسهر معاك مثل قبل .... قبل تسافر دامني الليله عندكم .... تركي : نادر معاج او سافر .... ملاك : لا للحين كاهو معانا هني تو موصلني ليش تبيه بشي .... تركي : اي قولي له ينتظرني ابي اكلمج واهو موجود ... اي اروى وصلت او للحين .... ملاك بفرح : بلا هني معانا قبلي وصلت ... تبيها .... تركي : لا اسال بس ... اوكي دقايق وانا عندكم باي ..... ميار قومي لازم نرجع واوريج الصج من الجذب .... ميار : تركي انا ما جذبتك لكن ملاك قالت كلام انا وانتي بس نعرفه ... تركي : وتضني اني قايله لملاك .... ميار : تركي افهمني انا متحيره شلون عرفت بلي دار بينا وبنفس الوقت مو مصدقه انك ممكن تقول لها الي سمعته ... تركي انا راسي لف ... صدمتي كبيره فلا تلومني .... تركي واهو يمسك ويها بيدينه : ما بلومج لانج لو تشكي فيني كنتي ييتي وقطيتي كلام علي وما كتمتي بداخلج وبعدها سالتي الاسئله الي سئلتيها لي ... خلينا نروح وهناك كل شي ينكشف .... ميار : ليش سالتها اذا زوجها معاها ... شنو ناوي عليه تركي .... تركي : ميار انتي للحين ما شفتي الجانب السلبي مني صح ... ميار واهي متخوفه : تركي ... لا تخوفني .... تركي واهو يبوس جبينها : لا تخافي مني سبق وقلت لج انا امانج .... ميار واهي ترمي نفسها بصدره :ما حسيت بالامان من بعد حضن مهران وماما وماهر الا حضنك وما لقيت امان لي من بعدهم الا امانك ... مو خايفه على نفسي ... على ملاك ... تركي واهو يبعدها من جتفها : ميار كل واحد ياخذ جزاه عندي ولا تخافي انا ضد مد اليد فخلينا نروح وبعدها بنرجع هني يله .... ميار : لا تركي بنبات ببيت اهلك .... تركي واهو يسحب جاكيتها ويمده لها : اقول البسي وخلينا نمشي لا اوريج السنع عدل الحين ... انا ادفع لجناح خاص للعرسان وانتي تقولي نبات بالبيت والله ما اطلع بكره الي مقاربج بكل مكان هني ... امشي لا ابدي الحين .... ابتسمت ميار على تصنع تركي العصبيه عليها وخجلت من كلامه الاخير فلبست جاكيتها وشنطتها وشبكت يدها بيد تركي وطلعو متوجهين لبيت ابوه ... وصل تركي مع ميار واهو لاف يده حول خصرها ولاصقها فيه وكانه بيدفنها بداخله من جنبه ، لقو امه وابوه وملاك وزوجها نادر واروى مجتمعين بالصالون الكبير يسولفو ويضحكوولمى انتبهو لتركي وميار فرحو ام وابو تركي ونادر لكن ملاك واروى بان ضيقهم من منضر تركي واهو محتوي ميار وكانه يوصل لهم رساله بان ميار كل حياته ، سلمت ميار على ام وابو تركي مثل كل مره تبوس راسهم ومدت يدها لملاك تصافحها وكالمعتاد ملاك يادوب تصافح ميار وتسحب يدها بسرعه اما اروى فلمى تقرب ميار جهتها تبي تسلم تصد بويها وهالشي يخلي ميار تبعد ولا تكلم لها وبرغم هذا التصرف من اروى لكن ميار ترجع وتحاول تسلم عليها لكن ما تهين نفسها لها اذا لقتها تصد .... ام تركي : توقعتكم تباتو بالفندق مثل ما خبرتنا تركي ..... تركي واهو يلف يده حول جتف ميار : اي صحيح ماما كنا بالفندق قبل نيي هني و بعدين بنرجع ..... نادر : هههههه لو ما كنت معاها دايما واحنا بالمزرعه كنت قلت تبي تعوض ايام فراقكم لكن انت ما تركتها يوم حتى الشباب ما قدرو عليك تبات معانا ..... تركي : لا تلومني يا ولد عمي عندي كنز ... الا كنوز الدنيا كلها تبيني ابعد عنها ... ما اقدر انا الوقت الي اكون معاكم فيه فكري معاها .... ابو تركي : الله يهنيكم يبه ولا يفرق بينكم ابد ..... تركي : امين ... لكن في ناس حاولو يفرقو بينا او يحاولو .... صح ملاك ارتبكت ملاك وبان ارتباكها للكل فطالعها نادر : ملاك شفيج .... تركي شنو مسويه ملاك .... ملاك بنفعال : شنو بسوي يعني .... تركي شنو تقصد بكلامك لا يكون زوجتك متبليه علي اني مسويه لها شي .... ام تركي بقلق : يمه ميار قولي ملاك مكلمتج او مسويه لج شي .... اروى بنفعال : خالتي ..... الحين تسالي هذي على بنتج ملاك تربيتج تصدقي هذي على بنتج .... تركي بعصبيه وصراخ : انتي جب ..... ملاك .... ملاك بخوف وربكه : والله ما سويت لها شي ... انتي انتي ... قولي انا كلمتج حتى قولي ليش ساكته .... ابو تركي : اهدي يبه انتي حامل ... تركي تكلم شنو مسويه اختك لميار.. ميار بهدوء : انتي ملاك ما كلمتيني ولا سويتي شي لي صح ..... انتي قلتي لاروى اشياء محد يعرفها الا انا وتركي ... او بالاصح كلام دار بيني وبين تركي بغرفة تركي فشلون انتي عرفتيه وقلتي شي منه لاروى .... تركي واهو يقاطعها : لحضه ميار .... ملاك بسئلج .... انا ييتج وقلت لج اني متزوج ميار عشان اخوها صاحب الشركه الي اشتغل فيها ... وقلت لج ان اروى مالكه قلبي وبردها واني سلمتج الاغراض الي كانت عندي من ذكريات اروى واني بستردها لمى اردها وهم اني اساير ميار وما ابيها .... نطقي مو هذا الكلام الي قلتيه لاروى اليوم الصبح .... ام تركي : لحظه يمه انت تقصد الكيس الي رميته بالزباله وانا بالمطبخ وقتها ..... تركي : اي يمه اهو .... ام تركي واهي تلف لملاك الي تبجي : انتي طلعتيهم من الزباله وخذيتيهم ....نطقي ... خذيتيهم .... ابو تركي : ام تركي الله يهديج اهي شنو يدربها ان تركي رماهم بالزباله ام تركي : لان لمى طلع تركي من المطبخ وطلع اييب ميار من بيت اختها ملاك دخلت وسالتني شنو الي رماه تركي وانا قلت له زين تسوي وكان المفروض من زمان مسويه وانا خبرتها بان تركي رامي كيس فيه ذكريات اروى وبعدها طلعت من المطبخ ... يعني خذيتيهم .... نادر : خالتي كيس اصفر .... ام تركي : اي يمه اصفر ... لا تقول ببيتكم .... نادر واهو يطالع ملاك بغضب : اي خالتي .... يعني جذبتي علي وقلتي عيب اشوفه لانه يخص اروى تاركته امانه عندج .... ملاك شنو كنتي ناويه عليه تخربي حيات خوج ..... ملاك بنهيار ودموعها مغره وجهى وبصرخ : لا كنت بصلحها له اهو تزوج هذي ومو عارفه شلون لعبت عليه وتزوجها وطلق اروى الي من صغره واهو يحبها وذبح عمره عشان يتزوجها .... انا اكثر وحده شافت شلون يحبها وتبوني اقتنع بهذي تكون مكان اروى ... لا هذي ساحرته مسويه له عمل ووصلت تخليه يتخلى عن ذكرياته مع اروى قلت اخليها عندي لحد ما يصحى من غفلته وينفك عنه السحر ويرد اروى ووقتها ارد له اغراضه وانا عارفه انه بيكون سعيد فيها .... تركي هذي مسويه لك سحر ولا ليش تزوجتك وانت متزوج وفسخت خطبتها من ولد عمها بحجت انه متزوج ... هذا اذا اهي الي فسخت الخطبه مو اهو ... ميار : تبين تعرفي ليش فسخت الخطبه وليش قبلت بتركي واهو متزوج ....اول بسالج .... لو اكتشفتي ان نادر يزني ومن وحده للثانيه ومو هني بس لا برى وفوق هذا يشرب ... شنو بيكون قرارج تقبلي تعيشي معاه او لا ملاك : لا طبعا ما اقبل وبرغم حبي له مابقبل ... تركي : وانتي رديتي على سبب فسخ ميار الخطبه .... اروى بطنازه : هذا عذر جذبت فيه لان ولد عمها مو مثل ما تقول ووليد يشهد عليه وهم سمعته اعلى من كلامج ... وعيب عليج تتهمي ولد عمج بهالشي بس عشان تغطي على بلاويج .... ابو تركي : وانتي شنو يخليج تدافعي عنه جذيه ... ليش مجذبه ميار .... اروى : عمي الريال اقول لك صديق وليد اخوي وانت عارف وليد مايصادق ناس مثل ما وصفت .... تركي : اولا احترمي نفسج ميار مو جذابه وثانيا انا اعرف ان الي بين وليد والياس شغل وبس وماهر الي عرفهم على بعض لمى تصادف معاه بشركة اهل ميار و الياس لمى عرف ان وليد ولد خالتي تقرب له لكن وليد مبتعد عنه من اكتشف حقيقته وكل الي بينهم شغل وبس ... اما دفاعج عنع لانج تتامري معاه علي انا وميار .... اروى بربكه : لا انا ليش اتامر معاه عليكم .... اصلا مالي دخل فيه ولا اشوفه .... ميار : متاكده اروى ما تكلميه ولا تقابليه ..... لحظه .... طلعت ميار تلفونها وفتحته ومدته لتركي وتركي لفه لاروى وبعدها مرره للكل يشوفوه ولقو صور لاروى واهي مع الياس بكفيهات او مطعم وبعضها واهي واقفه معاه جنب سيارته .... نادر لملاك : وهذي صاحبتج انكشفت ... وانتي شنو كنتي ناويه تهببي وتخربي حياة اخوج ... انطقي ...... تركي : لحظه نادر اول خل تقول شلون عرفة الكلام الي دار بيني وبين ميار بغرفتي هني ... انطقي قولي كل شي لا والله ما يحصل لج طيب وبنسى انج حامل فاهمه ...... ملاك بخوف : ااااا .... نادر بعصبيه وصراخ : نطقي .... ملاك ربكتج هذي وخوفج معناه مسويه شي غلط ردي وهم قولي سالفة السحر الي قلتي عنه ان ميار ساحره تركي ... قولي لا بيكون هذا اخر الي بينا وخلي اروى تنفعج ... ملاك بنهيار واهي تصرخ : لا لا لا لا لا .... نادر لا ارجوك انا كنت ابي اخلي تركي يرد اروى ويرجعو مثل قبل .... بقول خلاص .... انا كنت ... اه اه .... انا كنت اتصنت على تركي مع ميار لمى يروحو غرفة تركي وكنت اطلب منك ايي هني عشان اعرف شنو الي معلق تركي بميار و احاول اخليه يكرها ويطلقها ويرد اروى ... انا .. انا سالت صديقتي بدور عن احد يفك السحر لانها قالت لي ان اكيد ميار ساحره تركي وووو... نادر بضيق وعصبيه : وشنو قولي بعد هالهباب الي قلتيه كملي ..... ملاك : رحنا انا وبدور لواحد يفك السحر وقال لي ان تركي مسحور من زوجته الي على ذمته وانها مشربته وفكه صعب وطلب اخذ له شي من اثرها ويقلب السحر عليها وبعدها يفك السحر عن تركي ..... الكل عدى اروى انصدم بكلامها وشهق فوقف تركي وراح لها بسرعه وسحبها والكل قام وراه خايفين يمد يده عليها واهي كانت ترجف بين يديه واهو يطالعها والشرار يطلع من عيونه وميار ماسكه يده تحاول تفك ملاك من يده لكنه ساد عليها ويهزها بقوة وناسي حملها تماما ... تركي بصراخ واهو يهزها بعصبيه : سحر يا كافره سحر تبين تسحري ميار .... نطقي يا زباله خذيتي شي منها نطقي لا ادفنج مكانج ردي .... ميار برجى واهي تسحب يده بعجز : تركي اذكر الله اتركها والله بتضرها جذيه لا تنسى اهي حامل اتركها ارجوك .... تركي بصراخ : لا انطقي يا حيوانه انطقي .... ابو تركي واهو يحاول بسحب يد تركي من الجهى الثانيه بصراخ : اتركها يبه اتركها ..وانتي انطقي قولي خذيتي شي من اثر ميار انطقي .. ملاك بنهيار ودموعها مغرقه وجهى : اااااااه ..... اي اي خذيت .... ااااه تو تركي بيصفعها فمسكة يده ميار وحشرت نفسها بينه وبين ملاك ورمت نفسها بحضنه واهو اول ما حس فيها تضمه وتعلقت برقبته دف ملاك من يده الثانيه ولف بده حول ميار الي متعلقه برقبته وتراجع على ورى فيها ودفن وجهه برقبتها .... ميار ودموعها تنزل : اذكر الله .... قل لن يصيبنا الا ما كتب الله لنا .... اذكر الله واهدى تعوذ من الشيطان ..... تركي واهو دافن وجهه برقبتها وصوته يرجف وبهمس : لا الله الا الله... ميار بهمس : نزلني تركي .... نزلها تركي وطالعها و انصدمت ميار بحمار عين تركي وهالشي يدل على مسكه لدموعه فمسح دموعها واهي مسحت على صدره فباس جبينها .... نادر واهو قاعد جنب ملاك بعد ما تركها تركي ومنزل راسه وبصوت مخنوق : متى وديتي اثر ميار وشنو الي خذيتيه ووين مكان هالزباله الي وديتيه له .... انطقي .... ام تركي واهي تبجي وقاعده بعيد عن ملاك وبنهيار: قولي ... انطقي هذي اخر تربيتي فيج .... ابو تركي واهو يمسك جتف ملاك المنهاره بجي : ملاك يبه قولي خلينا نلحق قبل يسوي شي لمرة اخوج انطقي ..... | ||||
|
| |
|
20-03-21, 05:16 AM
| #44 | ||||
| البارت السادس والعشرون تكلمت ملاك بنهيار وخبرتهم عن مكانه ومتى خذت اثر ميار الي كان قطعه من ملابسها الداخليه وهالشي عصب تركي اكثر وخلا ميار تبجي اكثر من قبل وظلت ميار ساكته وتركي ونادر يكلمو زوج سمر لانه ضابط بالشرطه وخبروه بكل شي وطمنهم انه بالشغل وبيروح للمكان ويقبضو عليه لكن لازم تركي يقدم بلاغ عنه او اي احد عشان يكون كل شي قانوني فرفض ابو تركي ان تركي او نادر يروحو فراح اهو وقدم بلاغ وظلو ينتظرو زوج سمر يعطيهم خبر وكان تركي ظام ميار وقاعد معاها بجهى وام تركي منهاره بجي جنب تركي وكل شوي تركي يهديها وملاك منهاره بجهى واروى جنبها تحاول تهديها لكن ملاك كل شوي تصدها وتطالع نادر بنضرات رجاء انه يسامحها لكنه صاد عنها وقاعد بجهى بروحه وكلما حاولت ملاك تقرب صرخ فيها تبعد ..... ملاك واهي منهاره و تطالع ميار وتركي : انا اسفه .... سامحوني والله كنت مصدقه انها مسويه لك سحر ..... اروى : ما غلطي الي يشوفه معاها يقول جذيه ولا تركي يتركني عشانها تركي : لمي لسانج لا اكوفنج هني .... عمري ما مديت يدي على حرمه لكني بسويها فيج .... ام تركي : اروى روحي غرفة ملاك نامي .... اروى : ليش خالتي ابي ابقى يم ملاك اهي محتاجتني معاها ..... ملاك بصراخ : مابيج روحي كل هلي انا فيه بسببج انتي ظليتي توزي براسي انها ساحرته لحد ما صدقت و نسيت سواتج انج انتي الي باعت نفسها لغير تركي ... روحي مابي اشوفج روحي كفايه خربت حياتي بسببج .... ام تركي : الحين صحيتي على نفسج ... ياما قلت لج الي تسويه غلط بطريقة تعاملج مع ميار انتي ما تغلطي عليها لكن جفافج معاها غلط انتي حتى ما عطيتي نفسج مجال تعرفيها بس تبين اروى لانها صديقة طفولتج ... ما اهي تجاهلت هالشي من زمان واستخدمتج طريق للوصول لتركي وللحين منتي واعيه لهالشي .... ملاك : وعيت يمه وعيت بعد ما خربت الدنيا .... ااااه سامحني يا اخوي من محبتي لك صدقتها ونسيت ان هذي حياتك وانك تشوف شي ما نشوفه ومو لازم تبرر لنا كل شي وتكشف كل شي انا صدقت كلام اروى ان ولد عم ميار زين ومومثل ما قلتو وضنيتها صدق سحرتك .... تركي : وليش تسحرني ... طمعانه بشنو فيني هاااه ... مال .. عندها اضعاف مضاعفه من الي عندي وعندنا كلنا ... اذا اهي ما تعرف كم تملك من كثرها املاكها بتطمع فيني ... جمال ... جمالها ماشفت مثله ابد ... علم ... ذكائها عالي وممكن توصل اعلا مني لو تبي ... ملاك بالمختصر ميار انا الي لعبت عليها وخليتهاتقبل فيني ... تعرفي ليش ... لاني ما تحملت تكون لغيري ... بتقولي انانيه واستغلال اي قولي الي تقوليه لاني ممكن اسوي المستحيل ولا تكون ميار لغيري من حبي لها ... انا مجرد تفكير انها تكون لغيري ينيت من قال لي فهد ان في واحد من الشباب كلمه يبي يتقدم لها ينيت و رحت على طول اقنعت امها واخوها يقبلو فيني وكان علاج امها سبب لقبولها فيني لانها مستحيل تروح لولد عمها لانها لو راحت بياخذها ماهر ويزوجها غصب بغياب مهران الى الياس وطبعا مستحيل تقبل بالياس فقبلت بحلي لان مستحيل بتبقى معاي وانا ما احل لها ممكن تتخيلي الوضع فلا تتهميها انها لعبت علي او اغوتني ....وتعرفي ليش قبلت تكمل معاي وانا متزوج .... لاني اعترفت لها باني احبها اهي واروى حب تعود واني مابظلم اروى ولها الخيار بانها تكمل او ننفصل وتعرفي ان ميار كتمت حبها واعجابها فيني وكانت تدفعني لاروى وتطلع حلول عشان اتمم زواجي من اروى وتعيش معاي بايطاليه كل هذا لانها تبي تتهرب من مشاعرها لي ... انتي ممكن تسوي مثلها .... نادر بطنازه : ملاك ... هاااه تعرف لو ملاك مكان ميار كانت حطت شروطها وحاولت تخلي الزوج يطلق زوجتها اذا حطته شرط لزواجها .... انا عارف بكل الي صار لكم هناك انت عارف ان ليلى زوجة فهد بنت خالتي وتكلمت للكل بلي تعرفه لان اروى ماقصرت بالكلام الي تقوله بان ميار سحرتك واغوتك ومن هالكلام فوضحت ليلى كل شي والمشكله هالغبيه اختك سمعت باذنها لكن هم صدقت اروى وجذبت الباقي .... تركي واهو يطلع تلفونه الي يرن : لحظه ..... هذا ابوي .... هلا يبه ... ابو تركي : الحمد لله قبضو عليه واهم يحققو معاه لا تخاف جاسم بنفسه يحقق معاه و وعدني ما ينذكر اسم ميار او ملاك .... اذا خبرني جاسم بشي بخبرك ..... تركي : واكي يبه .. ما تشوف لو ايي افضل .... ابو تركي : لا ماله داعي انا كفايه ... شخبار اختك .... تركي واهو يطالع ملاك بضيق : معاها الي يطبطب عليها ... يبه انت ريح لا تتعب نفسك .... ابو تركي : زين يبه ... تركي عشاني خف على اختك .... بالنهايه انت عارف ان غرضها مصلحتك لكن بغباء منها تصرفت جذيه ... اذا رجعت بينا كلام زين يبه ... تركي : فاهمك يبه لا تخاف .... ابو تركي : الله يرضا عليك يبه ... قول يبه ميار وامك شلونهم ... تركي : بخير يبه ثنتينهم يمي ولا تخاف ... ابو تركي : زين يبه مع السلامه .... تركي : الله يسلمك يبه ... ام تركي : طمني يمه قبضو عليه .... تركي : اي يمه ... جاسم يحقق معاه .... ميار : تركي لا ينذكر اسمي بالتحقيق ارجوك كلم زوج سمر .... تركي : لا تخافي حبيبتي ابوي قال هالشي ما بيصير ... لا اسمج ولا ملاك .... ميار ودموعها تنزل : مابي احد يعرف وبالاخص ماما ومهران ... لحد من اهلي يعرف ... اذا عرفو والله بيقلبو الدنيا ... تركي ممكن تصير مصيبه حتى مهران توقع منه يطلب تطلقني .... تركي بعصبيه : ليش بكيفه اهو ... مع احترامي له لكن ما يحق له .... ميار : تقول جذيه لانك ما تعرف لاي درجة ممكن يوصل .... تركي واهو يمسك ويها بيدينه : لو بيسوي شي سواه لبنت عمج ليش للحين ما طلقوها من زوجها .... ميار بنهيار وتركي ماسك ويها : لنفس السبب تركي لو احد منا انفضح بقضيه ما ينسكت له حتى لو مظلوم ... انت للحين منت مستوعب ...سمعت العايله عندهم فوق كل شي ... لو ولد انذكر اسمه بتحقيق تنقلب الدنيا فشلون بنت ... تركي مهران ممكن يتساهل باي شي الا سمعت العايله .... تركي : خلاص حبيبتي اهدي فهمتج وعرفت الحين .... ضم تركي ميار ورفع راسه وطالع اروى لقاها تطالعه وعلى ويها ابتسامت خبث لان الي سمعته يعتبر نقطة ضعف لميار فتنبه تركي لها ولكن قرر ما يكلمها قبال ميار لان ما يبيها تنهار اكثر .... تركي لامه : يمه قومي ريحي واذا صار شي نخبرج .... وانت نادر وراك سفر قوم خل اوصلك المطار .... نادر : لا يا ولد العم اجلتها بعد هلي صار خبرت الوالد باني بكره بسافر برساله ... المهم خل نتطمن ونخلص من هالمصيبه ..... ام تركي : عيل قوم يمه ريح بغرفة ملاك .... وانتي ملاك خذي زوجج وروحي غرفتج .... وانت يمه تركي اطلع مع ميار غرفتك وريحو لحد ما يكلمك ابوك ... شوف ميار تعبانه شلون .... وانتي اروى باتي الليله بغرفة سمر .... تركي بعد ما شاف نادر يتحرك مع ملاك لفوق : يله ميار قومي شكلها الليله نومتنا هني وبكره نرجع الفندق يله .... ميار واهي توقف وتبوس راس ام تركي : تصبحي على خير خالتي .... ام تركي واهي تضم ميار : وانتي من اهله بمه ... سامحيني يمه على الي سوته هالمقروده .... ميار : لا تعذري خالتي انتي مالج ذنب بشي وملاك عاذرتها ... بالاذن .. لف تركي يده حول جتف ميار ومشى معاها وسبقتهم اروى على السلم وقبل تدخل غرفة سمر لفت راسها تطالع تركي ومثل ما توقعت اشر لها تركي بدون ما تلاحظ ميار انه بيكلمها فابتسمت وكان هالشي فتح لها باب مع تركي .... تركي واهو يبوس جبين ميار : حبيبتي خذي شور ونامي والصبح يكون كل شي انتهى .... ميار : خايف تركي الموضوع احد يعرف فيه .... تركي : محد بيعرف صدقيني .... يله روحي وانا بنتظر ابوي وارجع لج اوكي .... هزت ميار راسها وتوجهة للحمام تاخذ شور وتركي طلع برى غرفته واتصل لاروى واهو نازل تحت فردت بمياعه .... اروى : هلوووو .... تركي بضيق : انزلي الحديقه ....جنب المسبح بسرعه ولحد يحس فيج . سكر تركي وما عطاها مجال ترد وبعد دقايق وصلت اروى وكان تركي معطيها ظهره ومقابل المسبح وعرف انها اهي من ريحت عطرها .... تركي بدون لا يلف : اضنج عارفه ليش طلبتج .... اروى واهي مبتسمه وتستهبل : لا ... بس حاسه انك مشتاق لي ومليت من بجي الي على قلبك .... تركي واهو يلف ويطالعها بصرامه : كلمه وما بعيدها .... ابتعدي عن حياتي وللي سمعتيه انسيه ... اضنج فاهمه قصدي وبسج استهبال .... اروى : بشرط ..... تركي : بدون شروط تنفذي الي قلته .... اروى بتحدي : مافي شي يجبرني .... انت الاضعف تركي .... تركي بطفش : قولي المطلوب خلصيني مابي ميار تحس انج معاي الحين اروى : تردني .... تركي وببتسامت سخريه : تحلمي ... تبين بعد ما استقريت وتذوقت طعم الراحه والهنا اردج ليش ... اروى انا صح كنت اتوهم اني احبج ومتهني معاج لكن الي لقيته من ميار مستحيل القى لو ذرة معاج .... اطلبي شي ثاني ... اروى : ماعندي شي غيره ... لك فترة تفكر فيها من اليوم لحد ما ترجع ومعاك شهادة الدكتوراه وبعدها تقول ردك اضن المده طويله وكافيه تفكر فيها وتقرر او كل الي صار اهلها بيعرفوه ولا فوق هذا الصحف والتواصل الاجتماعي ... يعني بالمختصر العالم كله بيعرف ان بنت الحسب والنسب انذكر اسمها بالشرطه وليش لان ملابسها الداخليه عند ساحر ومن خذاهم له اخت زوجها ... انت تخيل وقرر ... تصبح على ويهي حبيبي ..... اتركته اروى ودخلت واهو ظل مكانه واقف يبي يستوعب الي سمعه وحجم المصيبه الي صارت على راسه بسبب الكلام الي دار ونسو وجود اروى بينهم .... ضن تركي ان هذي المصيبه الي على راسه بس لكنه ما يعرف ان ميار شافته واهو واقف مع اروى لانها لمى ملت نزلت وخصوصا انها تهوجس ومو قادره تنام فلحقته ولكن كانت صدمتها كبيره لمى لقت تركي واقف مع اروى جنب المسبح واهي بعيده وما تعرف شنو دار بينهم وضنت ان تركي يخونها ونست الكلام الي قالته قبال اروى ورجعت بسرعه للغرفة قبل ينتبه لها اهو او اروى وبعدها بربع ساعه دخل تركي وما تعجب لانه لقاها صاحيه فراح لها وتو بيضمها بعدت ميار .... تركي متعجب : شفيج حبيبتي ليش نفرتي .... ميار : ابد ... بس تعبانه وبريح .... تركها تركي وما ضغط عليها وظل يطالعها واهي تمدد فابتسم لانه يعرف شلون بتروح له وبنفسها لمى يقول الي عنده ..... تركي واهو يقلع التيشيرت : ابوي وصل من دقايق ..... ميار واهي تلف وتقعد على السرير وبلهفه : بشر شنو قال .... تركي ارجوك قول ... ذكرو اسامينا .... تمدد تركي ولا رد عليها وعطاها ظهرا واهو مبتسم لانه يعرف انها بتلصق فيه عشان يتكلم ومثل ما توقع صار لصقت ميار بظهرا تحاول تلفه يطالعها ..... ميار واهي تحاول تلف تركي من جتفه : قول تركي ... لا تلعب باعصابي تركي واهو على وضعه : توج تعبانه وما تبين حضني .... نامي نامي والصباح رباح تعرفي من ابوي ..... ميار ودموعها تنزل لحد ما نزلت على ذراع تركي : تبيني اكون عاديه بعد الي شفته .... شنو تركي انا قلبي من حجر ..... لف تركي وعوره قلبه على شكلها وضن انها تقصد الي سوته ملاك ولا توقع انها تقصد وقفته مع اروى لانه ما توقع ولا واحد بالمئه تكون شافته .... تركي واهو يمسح دموعها ويسحبها يضمها لصدره : اسف حبيبتي .... لكن انتي ترفعي الضغط شنو ذنبي انا تصديني ... ميار انا ماغلط بشي تعاقبيني ..... ميار واهي بصدره وبصوت مخنوق : شلون تقول ما اذنبت .... تروح لها وتقول ما اذنبت .... رفعها تركي عنه وقعد واهو مثل المقروص لانه فهم انها تقصد اروى... تركي : وضحي ميار شنو تقصدي بالضبط .... ميار ودموعها تنزل : وين كنت من شوي ومع من وانت تعرف قصدي ..... تركي واهو منزل راسه : لا تفهمي غلط .... ميار : ما فهمت غلط .... لاني ماشفت وضع غلط لكن ليش كلمتها بعيد عن الكل ... على الاقل كنت انتظرت تتاكد اني نايمه ووقتها تقابلها وانت مطمن .... تركي واهو يلفها تطالعه بقوة وبعصبيه : لا تغلطي بالكلام معاي ميار ... انا طيب معاج وهادي لانج ولا مره غلطي علي لكن الحين تغلطي بكلامج ميار تغلطي ..... ميار واهي تدفه من صدره وتبجي : وانت الي غلط بحقي قبل تركي ... نسيت اتفاقنا ... وين الي بيقول لي كل الي فيه واقول له ولا تخبي عن بعض ... بعدت ميار بتنزل لكن تركي مسكها من يدها واهي لفت تدفه وتبعده عنها واهو مصر يسحبها وظلو جذيه اهو يسحبها ويحاول يضمها واهي تضرب فيه وتدفه ولا واحد يتكلم لحد ما انهارت ميار وبجت واهي تشاهق فحملها تركي وقعدها بحضنه وضمها واهي حشرت نفسها بصدره ... تركي واهو يبوس راسها : حقج علي حبيبتي انا غلطان ... افهميني انا كلمتها لاني ما ابيج تتضايقي اكثر كفايه الي سوته ملاك يكفيج ... ثم كنت بخبرج باني كلمتها وكله عشانج ..... ميار واهي على وضعها : عشاني ... شنو بينك وبينها عشاني .... تركي واهو يتنهد : انتي واعيه للكلام الي قلتيه تحت وناسيه وجودها ... ميار اروى ممكن تستغل هالشي وتوصله لاهلج ... الحين عشانج لو لا ... انا مو مستعد اخسرج ابد او حتى احد يهز الي بينا .... ميار واهي ترفع راسها وتطالعه : يعني كلمتها عشان ما تتكلم لاحد .... تركي من جدك ... توصل فيها انها تخبر اهلي .... تركي : شكلج ميار للحين ناسيه انها تبي تخرب بينا عشان اردها ... ميار واهي تبعد : يعني ممكن تردها لو فعلا فرقت بينا ... تركي انت للحين تبيها .... تركي : لا طبعا ما ابيها ... ميار انا اقول لج الي اهي تفكر فيه ... ميار حبيبتي انا كلمتها احذرها من انها توصل الي سمعته لاحد .... ميار : واهي شقالت ... تعتقد تطيعك .... تركي واهو يحاول يسيطر على نفسه : هاااه .... ان شاء الله تقتنع ... المهم انتي ابتعدي عنها وتجنبيها تماما و انا برجع احذرها ... يله انا تعبان حدي وابي انام ... اي بكره من الصبح نرجع الفندق .... ضحكة ميار فابتسم تركي ولف فيها ومددها على السرير واهو فوقها فصار يدغدغ فيها واهي تضحك وتدفه وتركي مواصل ويضحك معاها ونزل لرقبتها يبوسها ويلف يدينه حول خصرها ويمررها على جسمها ويبوس بشفاتها .... ميار بهمس وتركي يبوس رقبتها : تركي ..... احبك .... تركي واهو يطالع بعينها : وانا اموت بدونج .... ابتسمت ميار ومسكت وجه تركي بيدينها فنزل تركي لشفاتها يبوسها بشغف ووووووووو صحى تركي ولا لقى ميار جنبه فتنهد وقعد على السرير وانتبه لملابسه الي مجهزتها ميار له فمرر يده بشعره وتذكر شرط اروى فقام وتوجه للحمام ياخذ شور وطلع يلبس ملابسه الي جهزتها له ميار ونزل لقى امه وميار بالمطبخ يجهزو الفطور فدخل وباس راس امه و خد ميار .... ام تركي : خذ يمه زوجتك للحديقه لان بنفطر هناك .... ميار : لا خالتي بساعدج واشيل معاج اول وتركي هم بيساعد .... تركي : سمعتي يمه تراها تاكلني بشغلي معاها هناك .... فتحت ميار عينها بصدمه من كلامه فضحكة ام تركي لان تركي يضحك على صدمت ميار ..... ام تركي : لا تيننها ... لا تخافي يمه اعرف انج سنعه وانه يتبلا عليج .. ميار واهي تحمل صينيه فيها صحون الفطور : مشكوره خالتي ... وانت عقاب لك بتساعدني وتحمل الصينيه الثانيه .... تركي : هههههه حاضر لكن الحلو لا يعصب ... مافيني على عقابج .... طلعو كلهم للحديقه واول ما خلصت ميار صف الصحون لفت تركن الصينيه لقت اروى طالعه من داخل البيت ومتوجهى لهم وتمشي واهي تمختر ولابسه ملابس مو محتشمه فطالعت تركي ولقته يطالع اروى وتضايقت لكن اول ما كانت بتقعد جنب ام تركي مسك تركي يدها وقعدها جنبه وطالعته بعصبيه .... تركي بهمس باذنها : لا تعصبي جذيه ما كنت اتاملها .... ميار واهي تبعد عنه : تامل براحتك محد ماسكك الاثم عليك مو علي انا.. تنهد تركي وما رد عليها لان اروى وصلت وصبحت وقعدت قبال تركي .. اروى : خالتي ملاك للحين ما صحت ..... ام تركي : لا للحين نايمه .... ميار ليش ما تفطري ... ميار واهي تحط بصحن تركي : بفطر خالتي ... خالتي عمي بمكتبه ... ام تركي واهي ملاحظه ضيق ميار : اي يمه ... ميار : انا ما احس بيوع بسوي له قهوته واخذها له ... بالاذن .... تركي واهو يمسك يدها ويقعدها : قعدي افطري اول ... ميار واهي تطالعه : مابي واترك بدي .... تركي : لا افطري ميار ... يله حبيبتي ابي ولدي يتغذى عدل قبل ايي .... ام تركي : ان شاء الله ايي ... كلي يمه وبعدين روحي عمج ينسى نفسه بالشغل .... اروى واهي تشرب الشاي : الا شنو صار على الساحر ... ام تركي : ابو تركي يقول حققو معاه والحمد لله ما سوى شي لميار .... اروى واهي تطالع تركي : واساميهم ذكروها بالتحقيق .... تركي بسرعه قبل ترد امه : مالج دخل ذكرو او لا ... افطري وانتي ساكته .... اروى واهي تبتسم : كنت تحب تسمع صوتي دايما وتطلب اتكلم .... تنهد تركي ولاحظ ضيق ميار وانها ما تاكل فتضايق اكثر لانه يعرفها اذا تضايقت مستحيل تاكل .... تركي : يمه احنا بنروح الفندق وبكره نرجع عشان نقضي معاكم اخر بوم ... يله ميار جهزي خلينا نمشي .... ميار واهي توقف : بجهز القهوه لعمي وبعدها بجهز ..... اروى : ليش انا بجهزه لعمي اهو يحب قهوتي .... ميار واهي تمشي : عمي طلب مني وما احب ما البي طلبه .... مشت ميار فطالع تركي امه وفهمته فطالعت اروى : اروى انتي ضيفه بالبيت فرجائا لا تضايقي ميار ممكن .... اروى : وانا بشنو ضايقتها خالتي كلتمي ما يضايق كنت ابي اوفر عليها الوقت وتروح مع زوجها .... تركي واهو يوقف : يمه انا ماشي وقولي لملاك لا تتدخل بحياتي هالمره عدت لان ميار طلبت لكن مره ثانيه مابتعدي .... دخل تركي وتوجه لمكتب ابوه ولقى ميار قبال مكتب ابوه وتكلم ابوه وباين ان كلامها معاه مغير نفسيتها للافضل لانها مبتسمه .... تركي واهو يحط يده على جتف ميار : اشوف يا ابو تركي سرقت زوجتي مني .... ابو تركي بمحبه : هههه زوجتك بنتي .... والله كلامها بلسم على القلب ... هاااه بتسافرو بعد بكره .... تركي : اي يبه بس اليوم بنفرد بميار ... اليوم كله لنا وبس .... ابو تركي : الله يهنيكم ... الا تركي ليش ما تقنع ميار تكمل هذا الكورس بدل ما تخسره على الفاضي .... تركي واهو يقعد جنب ميار ويلف يده حول جتفها : عجزت معاها يبه ما تبي بس لان لو بتكمل بنبقى ثلاث شهور بدل شهر ونص يعني نص المده لو تكمل ... ابو تركي واهو يطالع ميار : يبه اذا علينا فعادي ما تفرق اذا شهر ونص او ثلاث كملي ولا تخسري هذا الكورس .... ميار : مو هذا السبب بس يا عمي هم تركي لازم يقدم اوراقه و يخلص اجرائات تعيينه للجامعه ... ولو بقى معاي بايطاليا بيتاجل تعيينه بدل من بداية السنه للكورس الثاني .... بتقول لي احد ثاني يقدم اوراقه بقول لك في اشياء لازم اهو يخلصها ومحد غيره وانا بعتبر الكور الياي راحه لي والسنه اليايه اداوم وتركي يدرسني ... ضحك تركي وابو تركي : بس يبه على الاقل خذي لج ماده او ثنتين وجذيه تخلصي اسرع السنه اليايه .... تركي : كلام ابوي صحيح خذي كم ماده والله حرام يروح عليج الكورس على الفاضي .... لا تقولي بفكر خلاص بكلم فهد يقدم لج دامه هناك ومارجع ..... ابو تركي : فهد خلاص بيعيش هناك على طول .... تركي : لا يبه اهي كم سنه ... يعني خمس سنين على الاقل وبعدها بيرجع يستقر هني ... ابو تركي : كم صار له متزوج وما عيل للحين ..... ميار بسعاده : ههههه لا عمي خبرك عتيج ليلى يابت له ولي العهد قبل نيي ... ابو تركي بفرح : ماشاء الله .... الله يبارك لهم فيه ... الا شنو سموه .... تركي واهو مبتسم ويطالع ميار ثم ابوه : تركي ... ابو تركي : هههههههه وانت لازم تشرط على كل واحد يسمي باسمك .... ههههه يله عقبال نشوف ولي عهدكم ..... اختفت ابتسامت ميار ونزلت راسها ولاحظ تركي وابوه هالشي فرفع راسها تركي وابتسمت ابتسامت مجامله .... تركي واهو ماسك ذقنها : حبي امني ..... الله بيرزقنا وخلاص اول مانسافر بيخبرنا الدكتور عن صحتج ووقتها بتقدري تحملي براحه ... ميار واهي تكتم داخلها : والنعم بالله ... الي الله كاتبه بيصير ... ابو تركي : يبه ميار خبري خالتج ترسل ملاك اول ما تنزل .... ميار واهي توقف : حاضر عمي بالاذن .... تركي انا بكون بالغرفة اذا ما لقيتني مع خالتي .... هز تركي راسه وطلعت ميار من المكتب واهي عارفه ان طلب عمها عشان يبي يكلم تركي بروحه وهالشي ما ضايقها لان طبيعي يكون في اسرار بينهم وخصوصا تركي ولده الكبير ويعتمد عليه وايد حتى واهو بعيد فخبرت ام تركي واستاذنت منها تروح غرفتها لان لقت اروى معاها ... اما تركي وابوه فاول ما اطلعت ميار لف تركي يسمع ابوه شيبي منه. تركي : تفضل يبه قول الي عندك .... ابو تركي : تعتقد زعلت او خذت بخاطرها لانها اكيد فهمت اني ابيك بروحك ..... تركي : ابد يبه ميار فاهمه وعاقله وواعيه واكيد فاهمه ان في بينا اسرار وبتشوف بنفسك شلون بتتعامل معاك لمى تشوفك ... ابو تركي : اسمع جاسم كلمني من نص ساعه وخبرني ان وكيل النيابه حقق مره ثانيه مع الساحر وظغط عليه وذكر اسماء ملاك وميار وقال ان وحده اسمها عاليه اهي الي ارسلت له ملاك .... تركي بعصبيه : يبه مو على اساس اساميهم ما تنذكر ... لو اهل ميار عرفو والله تحصل مصيبه وتوصل لاخذها مني وانت عارف قوة اهلها حتى لو ميار وقفت بويهم واهي عمها ابو صقر الي ساندها بويه ابو خالد على فك خطبتها لكن لو عرف بهالشي مستحيل يسكت وحتى مهران والله يدفني وملاك قبلي .... ابو تركي : شنو ابي بيعرفهم بهالشي انت لا تخلي ميار تعرف ابدا لهالشي طلبت تطلع مابيها تعرف وانا اعرف عايلتها اكثر منك و عارف لاي درجه ممكن ياذون اختك واحنا هم ..... انا مابي يصير فراق بينك وبين ميار وهم خايف على اختك وجاسم وعدني يلم الموضوع وقال بيشرح الوضع لوكيل النيابه ..... تركي : خوفي يبه احد يعرف ويوصل لاهلها .... انا بسافر بسرعه فيها ... وبنتك هذي تحلم اكلمها بعد هالمصيبه الي سوتها بلقافتها .... ابو تركي : انت قدم لها وخلها تكمل الكورس هذا وعلى اوراقك ارسلها وانا بتصرف ولا تضيع عليك فرصتك للتعيين بالجامعه وجذيه مالها عذر .... تركي : وبشنو يفيدنا يبه غيابنا بايطالبا مده اطول .... ابو تركي : السالفه تهدى وتنسى ومستحيل الشرطه يطلعو اي شي يخص القضيه جاسم اكد هالشي .... وهم عيب عليك ميار تراعي لك وتاجل دراستها عشانك والفرق اسبوعين ... ما اضن بيضرك هالشي وخصوصا قلت لك اني بخلص لك امورك واوضح للجامعه سبب تاخرك بالرجعه .... تركي : يبه لا تظلمني تراني حاولت معاها وايد لكنها مصره على رايها ابو تركي : من حبها اك وخوفها على مصلحتك ... بين لها انت هم اهتمامك وحبك لها وخلها مفاجاة ... كلم فهد يقدم لها واذا وصلتو تكون قدام الامر الواقع ... هز تركي راسه وفكر بينه وبين نفسه انها فترة يفكر فيها اكثر بتهديد اروى وخايف تعرف ان اسماء ميار وملاك انذكرة فعلا ولو تكلمت بيقدرو اهل ميار يتاكدو وخصوصا لهم صلطتهم ويقدرو يتاكدو من اي احد .... دخل تركي الغرفة ولقى ميار واقفه بالبلكونه ومكتفه يدينها على صدرها وتطالع برى ومبين انها سرحانه فقرب منها وصار وراها بالضبط ومايبي يفزعها فتنحنح عشان ينبها لوجوده وبعدها ضمها من ورى ... ميار وتركي ضامها وساند ذقنه بكتفها : من دخلت سمعتك .... تركي ... تركي واهو يبوس جتفها : روح تركي انتي تامري وانا انفذ .... ميار : ما يامر عليك ظالم .... تركي انا اخذت شي مو لي صح .... تركي واهو يلفها بعصبيه من ذراعها ويكز على اسنانه : متى بتفهمي ... انا الي خذيتج انتي ماقربتي مني ولا حاولتي بشي معاي بالعكس كنتي تهربي مني ومن نفسج .... ميار حبيبتي لا تخلي اي كلام ياثر عليج .... ميار ودموعها تنزل : لكني اشوف بعينك شي ثاني تركي ... انت ترد عليها بقسوه لكن داخلك يحن لها ... اعرف بتقول هذي ما يمر يوم ماتنكد علي فيه واحنا هني لكن مو بيدي يا تركي كلامها يسم بدني واهي كل مره تذكر كلامك وتصرفاتك معاها هذا واهي تزوجة وتطلقة وللحين تبيك تردها .... تركي : وانا ابيها ميار .... قولي تشوفي اني ابيها فعلا .... ميار : مو عارفه تركي كلامك شي ونضراتك شي ثاني لها ... اهي تعلن وتعترف انها تبيك تردها وانت تصد لكن مو قادره انسى نضراتك لها مثل نضراتك لي تركي اهي اهي ... تركي واهو يسحبها قباله : ميار شفيج انا والله ما احس ناحيتها بحب غير انها تكسر خاطري للي تسويه بنفسها ميار اروى تبيني اردها رد لكرامتها قبال الناس وربعها مو حبا فيني ونضراتي لها تختلف عن نضراتي لج واذا انتي تشوفيها مثل بعض فاعذريني انتي غبيه وماعندج نضر .... ميار واهي تاشر على نفسها : انا غبيه .... تركي بلعانه : اي غبيه وهبله هم مخ بعقلج مافي .... ميار : وشنو هم اكتشفت فيني خادعتك فيه ....... ضحك تركي وسحبها وضمها وباس راسها واهي تحاول تدفه وتبعد عنه لكنه مسيطر عليها فهمس باذنها .... تركي بهمس : اعقلي لا اشيلج واحذفج على السرير وساعتها انتي عارفه شنو ممكن يصير ... ميارواهي تضربه على صدره وتحاول تدفه : لا تهدد ما يهمني اصلا ... بعد ... بعد ما ابيك تلصق فيني بعد .... كتفها تركي وحملها واهي تصرخ فرماها على السرير وقبل تهرب مسكها ومددها على السرير واهو فوقها فنزل راسه لويها واهي تقاومه تحاول تبعدها .... ميار واهي تحاول تبعده عنها : بعد بعد ... تركي قوم من فوقي بعد .... تركي وشفاته باذنها : احبج .... ميار واهي تحاول تتماسك وتضرب فيه : تركي بعد .... تركي واهو ينزل عليها ويضمها لها ويلف فيها وتصير بحضنه : اهدي ... انا فاهمج كل هذا من توترج والهواجس الي بداخلج ... تعوذي من الشيطان واذكري الله .... ميار انتي حبيبتي وكل حياتي وبصيري ام عيالي ... تاثرتي لمى لقيتي ندى وملاك حوامل وينتظرو اول مولود لهم وانتي قبلهم للحين ... والله اني متشوق لحملج ويكون عندنا بيبي نفرح فيه ونربيه مع بعض .... حبي نرجع تايلند وان شاء الله تكوني تشافيتي وبعدها تحملي دايركت ونرجع هني وبحشاج اول مولود لنا .... انفجرت ميار بجي من ضمها تركي وظل يكلمها ويهديها لكلامه واهو يمسح على شعرها وظهرها واهو فاهم كل الي فيها وانها كابته بداخلها وماتبي تضايقه لكنه يتعذب اكثر لانه خايف من ردت فعلها لو خبرها بان اروى تبتزه فاما يتزوجها او تخبر اهل ميار بالي سوته ملاك واسمها الي بالتحقيق انذكر برغم ان مالها ولا له ذنب بلي حصل وكل الي اهو فيه بسبب تدخل اخته بغباء في حياته .... تركي واهو يبوس جبينها ويرفع راسها تطالعه : ميار تثقي فيني .... ميار : اثق فيك لكن ما اثق بنوايا الي حولنا ويبون تفريقنا .... تركي واهو يمسح دموعها : مالج فيهم صلاح ... انا وانتي متفقين ومتفاهمين على كل شي بحياتنا فلا تخليهم يهزو الي بينا .... ممكن ... ميار : ممكن .... تركي ... تركي واهو يلف اصبعه بشعرها : هممممم .... ميار : انا اسفه لاني ضايقتك بكلامي ..... تركي واهو يقرص انفها : ماضايقني كلامج ... ضايقني ضيقج وحالتج .... احمممم ... اقول ... ميار واهي تبتسم على حركته وفاهمته : هههه امر ... تركي : اويلي على هالضحكه المخنوقه من البجي .... انتي بتيننيني كل شي فيج يذبح ... اقول قومي جهزي حالج وخليني استفرد فيج بالفندق ماحجزت للهوى انا قومي .... البیني وبینك اكبر من كلام الناس حب واحساس ماحسوه ومیعرفون? البیني وبینك حالة حب كل? خیال و?ذا الحال میف?مون? وشوفت عینك ما یحتاج مني وصی? ابقى الی? وم?ما یصیر میفررگون? لتنطی?م مجال یثرثرون وحبن? ین?ون? حبیبي ?دي بالك ولی?مك اللي یگولون? وفا?مني خلیك بس اني احس بیك وماعاش وماكان الیگدر یبچیك واسمعني ارجوك لا لا ی?زوك وخلی?م الناس بعیني یشوفوك لتنطی?م مجال یثرثرون وحبن? ین?ون? حبیبي ?دي بالك ولی?مك اللي یگولون? ما اشیلك امن البال ومااعوفك یابعد راسي تبقى شریكي بالمحبة وعمري وگلبي واحساسي ولا تشغل البال بالحچي الینگال راح ابقى احبك ابكل الاحوال ولتصدك بیوم اتفرگن? ل?موم اني الك للدوم م?ما العمر طال اي لتنطی?م مجال یثرثرون وحبن? ین?ون? حبیبي ?دي بالك ولی?مك اللي یگولون? غنى تركي لها واهي بحضنه وميار تطالعه بنضرات حب وابتسامه ما فارقت ويها فرمت نفسها بحضنه اكثر وباست صدره .... ميار واهي دافنه نفسها بصدره : كلامك وصل تركي محد بيهمني ولا ياثر بشي بينا ابد .... ضمها اكثر تركي واهو خايف من الي ياي لان غنى لها بلي بقلبه لكن خايف انه مايلقى حل مع اروى وبالنهايه يقبل بشرطها ويردها وقتها ميار عمرها مابتسامحه ولا تثق فيه ابد .... نزل معاها ولقى ملاك مع نادر ولاحظ عدم وجود اروى فتوقع انها ردت بيتهم وخصوصا ان ملاك تصدها وهالشي عرفة من امه وكان تركي يصد عن ملاك ولا رد عليها ولمى كانت ميار بترد على ملاك لمى كلمتها حط يده على فمها وسحبها واستاذن وطلع معاها للفندق وطول الطريق وميار تعاتبه على تصرفه لكن اهو عارف شكثر هالشي بياثر بملاك وتحس بحجم المصيبه الي سوتها ولانه محترق بداخله لانه تسببت بان اروى تبتزه فقرر ينفذ اقتراح ابوه وجذيه تطول المده ويقدر يلقى له حل يتخلص منها ..... | ||||
|
| |
|
27-03-21, 05:23 AM
| #45 | ||||
| البارت السابع والعشرون سافر تركي مع ميار لتايلند لوحدهم لان مهران وامه ووليد بيكملو الشهر بالبلاد وتركي كلم فهد يقدم لميار علشان تكميل الكورس وترجع معاه وطبعا ميار مامعاها خبر وحب تركي يسويها لها مفاجاة لكن المفاجاة القوية كانت من الدكتور لمى فحص ميار .... تركي بعد ما خلص الدكتور فحوصات وتحاليل لميار : طمني يا دكتور كيف حالها الان فهي التزمت بالعلاج كما اخبرتنا ...... الدكتور : اعتذر منكم كثيرا .... تركي بخوف : ماذا ... لا تقل انها لم تشفى فانت اخبرتناانها ستتشافى بالعلاج اذا التزمت به .... الدكتور : كلامك صحيح سيدي ومن الاسئله التي وجهتها الى السيده ميار تبين انها فعلا التزمت بالعلاج باخذه في مواعيده لكن تساهلت بناحيه اخرى تركي : في ماذا تقصد دكتور ... الدكتور : للاسف السيده ميار كانت بنفسيه سيئه جدا مما سبب بعدم اتمام علاجها بشكل كلي ومتكامل ... فسوف تحتاج لعلاج اخر ومده اخرى لكن مع النفسيه الجيده وايضا الغذاء السليم فكل هذه الامور تساعد وانبهكم الى السكن بمناطق ريفيه زراعيه ليس بها تلوث بالهواء ... اضنك تفهم قصدي .... تركي واهو يمسك يدين ميار لانها نزلت راسها : حسنا افهمك ... لكن هل ستطول مدة العلاج فنحن نرغب بالانجاب بهذه الفترة .... الدكتور : سبق واخبرتك لا ضرر من الانجاب فالعلاج لا يؤثر على الجنين لو حدث الحمل وايضا السيده ميار لن تعاني من الحمل بسبب مرضها فهي الان افضل من ذي قبل لكن تحتاج لوقت لتنتهي منه تماما ليس لم تتحسن ..... تركي : اشكرك وسوف نتبع كل تعليماتك لكن لم تخبرني هل ستطول مدة العلاج .... الدكتور : لا لا لن تطول فهي اسبوع وسوف اصف لها علاج اخر لتستمر عليه كما اخبرتكم سنه كامله لتنتهي من المرض نهائا .... تركي : اذا لن نحتاج للعوده لفحصها بعد اسبوع ..... الدكتور واهو يبتسم : يبدو ان بلادي لم تنل على اعجابكم لتقضو بها اجازه من اسبوع ..... تركي : ههههههه لا طبعا تعجبنا لكني اخطط لمكان اخر اقضيه مع زوجتي لكن اذا لزم الامر نبقى هنا لاسبوع وبعدها نذهب حيث نريد .... الدكتور واهو يطالع ميار : يبدو ان زوجكي يعشككي كثيرا .... اهنئكي على زوج كزوجكي ... حسنا ابقيا هنا لاسبوع فالطبيعه هنا تساعد على علاجها وبعدها اكمل مخططاتك لزوجتك .... شكر تركي الدكتور واخذ منه رشيتت العلاج ولف ذراعه حول خصر ميار وسحبها ولصقها فيها واهو يبوس راسها ومشى معاها يفكر بكلام الدكتور بحبه لميار لانه وقت كلام الدكتور لميار تذكر ابتزاز اروى له فلو قرر يتزوج اروى شنو بيكون ردت فعل ميار وطبعا مستحيل يخبرها بسبب زواجه منها اولا بيصغر بعينها لانه انصاع لبتزاز اروى وبتضايق لانه انصاع عشانها فاهو بدوامه بين ان اهل ميار يعرفو ووقتها بياخذوها منه وطبعا مستحيل يطلقها لكن لو خلعوه بيقدرو بسهوله وخصوصا لمكانتهم الاجتماعيه فتنهد ووقتها طالعته ميار لانها لاحظت شروده واهم يمشون بدون هدف بعدما طلعو من المستشفى .... ميار واهي تحط يدها على صدره : بشنو تفكر حبيبي .... تركي واهو ياخذ يدها ويبوسها : محد غيرج ماخذ عقلي وقلبي ... حبي تضايقتي من تاخر علاجج .... ميار : ياني احباط لكن بعد الي قاله والمده حسيتها بتعدي وقررت ارمي كل شي ورى ظهري وانتبه لصحتي عشان نعيش حياتنا طبيعي وانت ترتاح ..... تركي : من قال لج اني مو مرتاح ... شنو الي تضني مو مريحني ..... ميار بخجل : احممم ... انت فاهم تركي ... انت تبي اكثر وانا ابسطها يوقف نفسي اذا طولت بانك تبوسني ف..... ضحك تركي لانها كانت خجلانه ومتردده بالكلام فاهو فهمها من البدايه لكن حب يسمع منها فهمس لها باذنها .... تركي بهمس : بنشوف بعد العلاج بتتحملي الي بييج ..... خجلت ميار ونزلت راسها واهي مبتسمه فضحك تركي على خجلها وضمها لصدره وصار يغني لها بالعراقي .... تركي واهو يطالعها وعيونه تحكي قبل لسانه : راح اجيك راح اجيك انتظرني راح اجيك والله احس ميت عليك انه احبك انه اشوف الدنيا بيك راح اجيك انته وين فدوة كلي انته وين اني كاتلني الحنين من زمان ردت اشوفك من زمان حتى لو ابعد مكان انته بس كلي تعال راح اجيك انته عالم انته كون انته وحدك بالعيون اوصل لحد الجنون وانته بجنوني شريك راح اجيك انته روح ابقى مو قصدي تروح قصدي انته بجسمي روح كلبي صار حاله حال العنده ثار يريد منك حضنه نار شوكي مرتين اكبر من الدنيا هاي انته عالم انته كون انته وحدك بالعيون اوصل لحد الجنون وانته بجنوني شريك راح اجيك ظل تركي مع ميار بتايلند باقي اجازتهم وقرر ينسى ابتزاز اروى لانه يبي يقضي مع ميار ايام حلوه لانه يبي نفسيتها تكون تمام ورجعو ايطاليا بعد ما طمنهم الدكتور ان ميار تمام وتقدر تعيش حياتها طبيعي لكن تستمر على علاج خاص لمدة سنه عشان بعدها ما تييها مضاعفات وتخلص من المرض نهائي .... لمى رجعو تفاجاة ميار بان تركي سجلها تكمل الكورس الثاني فحست بسعادة لان تركي خبرها انه يهتم لمصلحتها مثل ما اهي تهتم له وتراعي له وتبديه على نفسها ...... ظلت اروى تتصل لتركي واهو مايرد عليها لكن الرسايل الي ترسلها تكفي انها تربكه وتعكر حياته لانها تهدده انها بتخبر عم ميار بسالفت ملاك والساحر وذكر اسم ميار بالمحضر ولمى فكر تركي بالمسئله لقى انه غبي لمى يسمع لها واهي ما تملك دليل واحد فقرر يرد عليها لمى تتصل وهذا الشي رجع ثقة بنفسه وبيوم اتصلت اروى ومن حسن حظ تركي كان طالع من شقتة ورايح للشركه فرد عليها واهو بالسيارة يسوق تركي : نعم مدام اروى .... اروى : هههههه انا للحين انسة مو مثل زوجتك مدام ... تركي : لا والله يعني لمى كنتي مع عاصم كنتو تطالعو بعض .... اروى واهي تنهد : هاااه ما بلومك لانك ماتعرف ليش تطلقة بهالسرعه ... اذا تبي بخبرك بكل الي حصل لي من سافرة وتركتني لهذا اليوم.... تركي : مابي اعرف ولا يهمني امرج ... الزبده ليش متصله .... اروى : اتصلت اسمع ردك .... شنو قرارك بنتزوج او اروح لعم زوجتك تركي : هههههههه اروى انتي صرتي فعلا غبيه ... اوكي ردي لا مستحيل اتزوجج ... عندي الهنى والسعادة واخذ الكدر والضيق ... واحد يختار النار بعد ما يضوق الجنة .... اروى واهي تمسك اعصابها وتكلم بهدوء : لا حبيبي ... لا تضن اني باروح لعم زوجتك ومامعاي دليل .... انا موب غبيه ... لا معاي صورة من المحضر ولا هم تسجيل فيديو للساحر وقت التحقيق وذاكر ان ملاك خذت له ملابس داخليه لزوجتك ...هاااه اروح او نتزوج ..... انصدم تركي لكنه تماسك ومايبي يحسسها انها هزته : شنو ياكد لي كلامج .... اروى : بسيطة حبيبي الحين ارسل لك صورة للمحضر وهم مقطع من الفيديو للساحر وانت بعدها تقرر وابي قرارك بعد ساعه من ارسالي للفيديو ... باي يا قلبي ..... سكرت اروى وتركي حس انه متجمد مكانه والزمن وقف فصحى على صوت المسج فركن السيارة وفتح المسج وانصدم بصورة المحضر والصدمه الاكبر الفيديو للساحر وصوت زوج سمر واضح واهو يحقق معاه فحس ان السما انطبقت عليه وان الدنيا تدور فيه وحس بان النفس عنده انقطع فنزل من السياره ياخذ نفس ويكح ومن دون لا يحس نزلت دمعه قهر وحزن على الي ياي فماتحمل فكرة ان ميار تبعد عنه وفكر لو قبل وتزوج اروى ميار بتزعل وبيراضيها ومستحيل يقرب لاروى وبيشرط عليها بهالشي وبتكون زوجتة على الورق وبس ولا ان ميار تروح منه اذا عرفو اهلها فاتصل لاروى بعد ماتمالك اعصابه .... تركي : اتزوجج بشروطي ..... اروى والدنيا موسايعتها : اسمعك .... تركي : اولا زواجنا على الورق .... ثانيا تسلميني كل شي عندج وتوقعي على ورقة بجهزها تنص على انج ماتكلمي بشي لاهل ميار واذا تكلمتي طلاقج اولا وثانيا املاكج كلها ترجع لي .... ثالثا تبعدي عن ميار وان قربتي منها او اذيتيها بكلمه اطلقج ... شقلتي .... اروى : الاوله لا من حقي اكون زوجة كامله .... تركي : مستحيل اتنازل عن اي شرط من شروطي .... اروى بعد مده من سكوتها : اوكي موافقه .... متى تنزل ونعقد ... تركي : لمى القى فرصه اخبرج .... اي شي ثاني العقد بيكون بالسر محد يعرف فيه ولمى ارجع مع ميار بخبر انا الكل هالشي مفهوم .... اروى : لكن اذا انت ماتكلمت انا بتكلم موافق.... تركي : قلت لج ماله داعي انا بكلم ميار لمى نرجع وبعدها الكل بيعرف فهمتي مابي احد يعرف ... ثم انا بعقد عليج هني يعني تيين ومابي احد يحس .... اروى : وبابا وماما هم مايعرفو .... تركي : لو يصير اي يكون افضل هم .... اروى : لا لا بابا لازم يعرف ماما لو عرفة بتخبر خالتي ويدتي ... تبي اخليها تعرف .... تركي واهو ضايق حده : لا طبعا ... خبريني متى تيين واحدد لج متى نلتقي واياني واياج تيين الشقة او الجامعه او حتى الشغل ... وصلج كلامي .... اروى واهي فرحانه تحس بتطير : فهمت خلاص ...اقول حبي ما اشتقت لي ... تركي : باي .... سكر تركي بويها وماترك لها مجال حتى ترد ويحس انه شوي وينفجر يحس انه خان ميار .... على طاولة الطعام يفطرو وملاحظه انه شارد وشروده كثران من يومين فالتزمت السكوت لانها تبيه يتكلم من نفسه لكن مبين مو ناوي يتكلم فقررت تكلمه .... ميار واهي تطالعه واهو شارد : الى متى ..... ما رد عليها لانه ماسمعها فمسكت يده ونفض مرتاع وطالعها فسمت عليه ... ميار : بسم الله عليك .... تركي شنو فيك .... تركي واهو يعدل قعدته : شنو فيني ... فيني شي غلط .... ميار : تركي من لحظات قبل امسك يدك كلمتك وانت مارديت علي لانك شارد وهالشي مو اول مره ... لك يومين على هالحال ... شنو شاغل بالك ومبعدك عني .... تركي واهو يبتسم ويمسك يدها : حبيبتي تغار من تفكيري بالدكتوراة ... حبي افكر بالرساله وتسليمها وطرحها ... ميار : ودي اصدق تركي تبريرك لشرودك ... لا تعتبرها تجذيب لك لانك سبق وقلت انك مطمان والبرفسور اكدو لك من نجاحك وعاينو رسالتك فليش التفكير ...ما اقنعني .... تركي واهو يبي يجس النبض : عيل بقول الصج ... انا افكر اتزوج عليج شتقولي ... ميار واهي تتصنع البرود : اي حقك ... الشرع حلل لك اربع ... عندك وحده ودور اربع غيرها لانها مابتكون من ضمن الاربع .... تركي : ههههههههه يعني بايعه ..... ميار واهي تاشر عليه : انت الي بعت اول .... تركي : يعني لو فعلا افكر اتزوج غيرج تتركيني ميار ... وين حبج لي .. ميار : اوكي دامك فتحت موضوع اضنه ببالك بناقشك فيه ورد بامانه ... تركي : اوكي اسالي .... ميار : انا قصرت معاك بشي بحقوقك .... تركي : لا ... ميار : اوكي .... ما احترم اهلك او احرضك عليهم او مبعدتك عنهم .... تركي : لا .... ميار : اوكي لك شي بصالحك لكن بسالك فيه .... انا ما اريحك بفراشك ...واعتقد هالشي بسبب مرضي ويضايقك ... فهذي نقطه بصفك .... وقف تركي وتوجه لها ونزل قبالها ومسك يدها وباسها بقوه وطالع عينها واهو ماسك يدها : انتي مريحتني بكل شي ... بحياتي كامله واكلي وشربي ولبسي وبمكاني براحتي النفسيه والجسديه وهم الجنسيه ... ميار لا تتخيلي ابد اني ما ارتاح بفراشي معاج ... شفيج كنت امزح معاج .... لكن جد انصدمت بقرارج ...لو اتزوج عليج تتركيني .... ميار : عارفه سبب صدمتك ... انا تزوجتك وانت متزوج فليش ازعل اذا تزوجة علي ... انا اقول لك انا لمى قبلت انت عارف ليش وشلون ولمى قلت لك اني قابله بحياتك حاولت قد ما اقدر اتماسك في ان وحده ثانيه تشاركني فيك ... لكن حصل وتركتها ووعدتني ما تردها والاسباب معروفه فلو تزوج علي اعرف اني مقصره معاك بشي او ملكت قلبك وحده غيري او تبي تصير اب .... تضن بتحمل اكون معاك وبحياتك وحده ثانيه .... وقتها انت اخترت وزواجك يعني ما تبيني .... تركي : ميار تفكيرج غلط لو تزوجت عليج مو معناه ما ابيج ... يمكن ظروف حدتني لهالشي ... ميار بشك : تركي بسالك وجاوب بصراحه .... انت تزوجت علي وتبي تعرف ردت فعلي .... تركي بربكه : لا ما تزوجت عليج ... تشكي فيني لكن كنت امزح معاج وابي اعرف ردت فعلج وغلاي عندج ... لقيت بسهول تتركيني .... ميار بضيق : تركي انت تبي تتزوج ... ثم انا ما تركتك ولا بينت لك رخصك عندي انا خبرتك اني مابتحمل شراكة وحده ثانيه فيك .... تركي : وتتركيني عادي تتحملي بعدي .... ميار : ليش وانت لو تبيني بتبيعني بوحده ثانيه ... الي ما يبيني ببعد عن حياته بكرامتي لا تضن قبول اهلي بزواجي منك وانت متزوج رخص فيني لا لانهم وثقو فيك وبكلامك حبك لي ولانك ريال قد المسؤليه وصريح لكن توعدني وتخلف بعتبرها طعنه بالصميم .... انت لو بتعطيني سبب يخليك تتزوج علي واكون مقصره فيه وما اقدر اعطيك بقبل وبسكت لكن مافي شي ناقصك مثل ما انت قلت ... بتقول عيال انت الي رافض وانا ولله الحمد اييب عيال فشنو سببك غير انك تحب الي تبي تتزوجها يعني انا نزوه او وهم بحياتك .... تركي وحس انه فعلا بيغلط غلطة عمره لو تزوج اروى : ميار لا تتضايقي كلامي بس لمزح وسؤال عابر ماله داعي انفعالج هذا .... ميار ودموعها تنزل : شلون تركي ما تبيني انفعل وانت تكلمني بموضوع حساس .... تركي جد اسالك تبي غيري بهاللحظه بطلع من حياتك .... تركي واهو يقعد جنبها ويضمها ويشد عليها : حبيبتي هدي انا ابيج ولا ابي غيرج .... ميار انتي عندي بالدنيا كلها محد يسوى ظفرج ... ميار واهي بحضنه : عيل ليش دايما سرحان وتفكر ... تركي قول الصج تركي : الصراحه ميار افكر اذا خلصت وانتي للحين بامتحاناتج وانا لازم ارجع اكول اجرائات تعييني بالجامعة ... اخاف ابوي او طلال ما يعرفو يتصرفو وتروح علي تعييني بالجامعة .... ميار واهي ترفع راسها تطالعه : قلت لك مابكمل وباجل للسنه اليايه لكنك سجلتني .... خلاص بسحب هالكورس واكمل ونرجع .... تركي بسرعه : لا لا ... حبيبتي انا برجع البلاد اكمل اجرائات اول ما اخلص وارجع هني لج وتكملي ولا تنسي خالتي ومهران هني بتطمن عليج ثم كلها يومين ثلاث وارجع لج ... ميار شقلتي ... هذا الي شاغلني مابي اتركج هني وارجع ..... ميار : تركي جد تتكلم ... احنا من تزوجنا ما افترقنا يوم واحد عن بعض تركي بصدق : عارف حبيبتي وهالشي صعب علي اكثر منج ... جد ميار احس روحي بتطلع ببعدج لكن مضطر لهالشي ... ميار وحاسه بنقباض بصدرها : اوكي لكن ما تتاخر اكثر ... تركي واهو يوقف ويوقفها معاه : اكيد حبيبتي مابتاخر ... يله جاهزة نروح الجامعه ..... هزت ميار راسها ولمت السفره على السريع ولحقت تركي للسيارة ولمى وصلت وصعدت حرك على طول وطول الطريج واهم ساكتين وقبل تنزل مسك يدها تركي وباسها وسحبها وضمها .... تركي واهو ضامها : حبي لا تتضايقي للي حصل من شوي اوكي انسيه.. ميار واهي تبعد وتمسح على صدره : حبيبي خلاص انسى ... لكن اتمنى سفرتك ما تطول علي فيها .... تركي واهو يقرص خدها ويضحك : هههههه حبي للحين باقي وقت وايد لذاك اليوم الي اسافر فيه ... تونا باول الفصل ... ثم يمكن طلال او الوالد يخلصو كل شي ولا احتاج اسافر ... ادعي الله وان شاء الله ما احتاج للسفر ..... ميار : يا رب ... يله مابي اتهزء باول محاضره .... ضحك تركي لانه يعرف ان دكتورها عصبي للمحاضره الي بتروحها و دقيق بوقته فباسها بخدها ونزل معاها ومثل ماتعود وعودها وصلها لقسمها وتوجه للكفتيريا لانه محتاج يكلم فهد ويستشيره برغم انه مقرر لكن كلامه مع ميار خلاه يعيد حساباته ويفكر بحل ياخذ من اروى محضر التحقيق والفيديو او اي طريقه يضمن فيها ان اهل ميار ما يفكرو بتطليقها منه لو عرفو فلمى وصل لقى فهد يشرب قهوته ومعاه جاسر من شلتهم الي سبق وفكر يتقدم لميار فتضايق لان جاسر للحين يتعامل مع تركي بتحفظ فقرب لهم وقعد معاهم بعد ما سلم .... فهد لتركي : شفيك ... صاير شي برسالتك ..... تركي : لا ابد كل شي تمام .... جاسر : اذا تبي انسحب بنسحب اذا تبيه بموضوع خاص .... تركي واهو يطالع جاسر : ليش تقول جذيه ... جاسر ما تلاحظ انك صاير حساس بزياده .... جاسر : لا ليش اكون حساس لكن انا عارف ان علاقتك بفهد قوية لدرجة تتبادلو اخبار بعض بدون تحفظ وضنيتك تبي تكلمه بشي لكن وجودي يمنعك .... فهد : كلامك صحيح جاسر لكن لو يبيني اشر لي وانا فهمته .... جاسر ليش علاقتك بتركي انخفضت من تزوج ميار .... جاسر واهو ينزل راسه ويطالع كوبه وبصوت خافت : ولا شي ما تغيرت تركي واهو يحط يده على جتف جاسر : لا في انت كنت تبيها وانا سبقتك وتزوجتها .... جاسر بقول لك شي لكن لا تضن ضن السوء ..... انا وميار نحب بعض من تلاقينا اول مره اهي سلبت قلبي وانا هم سلبت قلبها لكن اهي كبتت هالحب وحاولت تدفنه وانا لا ما تحملت ابد وخصوصا لمى تخيلتها تكون لغيري .... وميار صرحت لي لمى تقبلت زواجنا انها لو ما قبلت فيني مابتقبل بغيري لان قلبها معاي ولو تزوجة غيري بتعتبر نفسها خاينه بمشاعرها وفكرها ... كنت تبي هالعيشه معاها .... كان ممكن ابعد ولا اقرب لها واكبت حبي لكن بتقدر تدوس على مشاعرها لي وتعيش معاك براحه .... لا ... جاسر : ما انكر ان هالشي اثر فيني و ضنيتك عرفة من فهد ورحت تسبقني لها كيد فيني لكن ..... لكن فهد قال لي انه فعلا خبرك لكن انت من قبل تفكر فيها .... صحيح كلامه اثر فيني بشكل سلبي لكن كلامك اثر فيني اكثر ووضح لي الواقع ... اعذرني لكن انت ما تعرف شنو كانت بالنسبه لي ميار ... انا وصلت لدرجة اني اصريت على امي تيي لان وقتها كانت بالبلاد مع اختي الوالده ولمى وصلت كنت انت ملجت عليها ... تعرف شكثر تحطمت ... تذكر كم الفترة الي غبتها ... ضيعت على نفسي كورس كامل بس لاني ما تحملت الصدمه .... تركي : اسف جاسر للي حصل ... اتمنى اني اقدر اساعدك بشي لكن هذي قلوب تختار بنفسها .... جاسر واهو يبتسم بالم لتركي : لا تخاف انا عديت الصدمه وماشي بحياتي واحاول اعوض الي فاتني ..... وزواج ماجله لوقت الي القى فيه الي تناسبني وانت الله يوفقك مع ميار ونفرح بعيالكم .. . تركي : مشكور جاسر ما تعرف شكثر كلامك ريحني ... كنت ملاحظ تغيرك وماحبيته ابد ولا حبيت بعدنا عن بعض .... جاسر واهو يطالع ساعته ويوقف : يله اخليكم عندي محاضره ... نلتقي وقت ثاني سلام .... فهد بعد ما طلع جاسر من الكفتيرية : اثر فيني كلامه ... ما تصورت ان زواجك من ميار بيهزه جذيه .... تركي فيك شي قول احنا بروحنا ... تركي : اي في موضوع شاغلني وابي مشورتك لاني بنفجر من التفكير ولا لقيت حل وشكلي بغلط غلطة عمري اذا ما لقيت حل له ..... فهد : شنو هالشي ... يخصك مع ميار او بتقول لي اروى ... انا حاس انها بالموضوع..... هز تركي راسه بالايجاب وخبر فهد بكل شي من كلام ملاك مع اروى وتصرفها الغلط الى كلامه مع ميار واتفاقه من اروى على الزواج وطبعا كانت صدمة فهد كبيره لان تركي وعد اروى يتزوجها .... فهد بعصبيه : انت ينيت .... غبي او تغابه بالي قلته ... شلون تتزوج اروى ولا على ميار ... تركي جد تتكلم تبي تتزوجها . . تركي بعصبيه : يعني شايفني فرحان بهالشي ... ابي احمي زواجي مع ميار مابي اهلها يعرفو بسوات ملاك ولا اسم ميار بالمحضر ... فهد : واذا عرفو متصور يعني انهم اغبيه وبيطلقوها منك ... تركي لا تغلط وتتزوج اروى ... كلم مهران وصارحه او صارح ميار حرام عليك تتزوج عليها بعد كل الي بينكم ... انت واعي .... تركي : فهد انا كلمتك لاني تهت اكثر بعد كلام ميار .... كنت اضن ان لو تزوجة اروى وخذيت منها كل شي وطلقتها وخبرت ميار بتتفهم لكن مجرد زواجي عليها بتتركني ..... فهد : لانه حل غلط ... تركي اهل ميار ناس واعيه وفاهمه حتى لو يرفضو اسم بناتهم ينذكر بمحاضر ما توصل للطلاق والدليل بنت عمها الي معلقه لا متزوجه ولا مطلقه بس عشان ما تحمل لقب مطلقه .... ثم مهران انسان مثقف وواعي انت مالك دخل بكل الي حصل لكن لو تزوجة اروى جد بتطيح من عينهم ... وشنو بتقول لهم مبررك للزواج ... ميار مقصره طبعا لا لان الكل يعرف شكثر انت مرتاح معاها ... عيال هم يعرفو انك انت الي ماجل يعني بكيفك .... شنو هم انك اكتشفت انك تحب اروى وماتستغني عنها ... جذيه جد ميار اهي الي بتتركك ومحد يلومها تركي : عطني حل واكون ممنون لك .... تضن اني مرتاح لا والله هالشي عذاب لي اكثر مما تتصور .... فهد : نصيحتي لك خبر مهران او ميار اسالها هل ممكن فعلا لو يعرفو اهلها يطلقوها منك ... لان باخذوها ويخلعوك لو رفضت تطلق لكن لازم تتاكد اول ... ثم اروى شلون تقبل تتزوجك غصب لوي ذراع يعني بتفوز ولا تسعد معاك ... اكيد تخطط لشي اكبر بعد هالزواج ... ابسطها تخبر ميار بطريقه ما تكون منها وجذيه تكون محافظه على وعدها معاك .... تركي : من قال لك مافكرت بكل هذا .... انا جسيت نبض ماهر قبل انيي هني لاني حبيت اتاكد وقال لو فعلا يكون هالشي حصل لاي وحده من بناتهم كانو طلقوها من زوجها حتى لو انه ولد عمها لانه ماحافظ عليها وعلى سمعتها .... فهد مصدوم : قلت له الي سوته ملاك .... تركي : قلتها له على انها سالفه سمعتها من صاحبي حصلت لواحد يعرفه يعني قصه متناقله .... عطني حل غير الي قلته ابي اتخلص من الموضوع ولا ابي ميار تعرف او بضطر ارجع واتزوج هالعله وارجع لميار واكلمها هني قبل نرجع ولا اقول لها سبب الزواج لكن ااكد لها انها كل حياتي ..... فهد : غلطان تركي بعد الي قالته لك اليوم ما اضن ممكن تسامحك وخصوصا انك ماخبرتها بهالشي قبل تسويه وانتو بينكم عهد بانكم تصارحو بعض بكل شي ... تركي صارحها عشان ماتندم بعدين .... تركي : لا لا ... فهد بتزعل .... فهد بعصبيه وانفعال : انت غبي ... تستهبل بتزعل واذا تزوجت عليها بتفرح يعني ... اقول تركي قوم اذلف انت مخك مسكر بالمره ... يا اخي اذا امها ومهران وقفو معاك محد يقدر ياخذها منك ... تركي : لا اذا الكل وقف بويهم مايقدرو يسوو شي .... فهد : لحظه انت فعلا لو يو ياخذوها منك بتركها لهم ياخذوها جذيه يعني واهي تضن تقبل وتروح .... تركي : فهد اهلها واصلين وايد وسهل ياخذوها مني لو بضربي تفهم ... مابي اعرض ميار لهالموقف ثم اهلها مابيعرفو بشي ابد من الي سوته ملاك لاني باخذ كل شي من اروى واذا على سالفت زواجي على ميار مابيتدخلو ابد .... فهد : براحتك تركي سو الي تشوفه ... لكن اذا انت مقرر ليش تخبرني وتسالني عن حل .... تركي : كنت ابي حل منك لكن حلولك ما تريحني ولا اضمنها ... زواجي من اروى بيخلصني من المحضر والفيديو وبعدها بطلقها ... فهد : تعتقد خالتك وعيالها بعدين بيسكتو لك لو طلقتها بدون سبب .... تركي : من قال بدون سبب ... باقى سبب ولا تخاف اروى عيوبها وايد وانا بضغط عليها لحد ما تنفجر ولا تنسى انا مابقربها واهي اكيد بتروح للحرام ووقتها محد يلومني .... فهد واهو يلم اغراضه ويوقف : احس اني ما اعرفك ... انت صرت واحد ثاني ... تدبر وتخطط تطيح بنت خالتك بالحرام عشان تتخلص منها تركي : فهد لا لا تفهم غلط انا قلت لك اهي بتسوي جذيه وانا مستحيل اقبل على نفسي اقرب لوحده مرخصه نفسها لهذا وذاك وتييني على الفضله ... ميار تكفيني .... فهد : تركي فكر عدل ولا تغلط ... ولا تنسى انت قلت لبنت خالتك تيي هني وبعد كلامك مع ميار غيرت رايك ... يمكن تكون وصلت هني وانت ما تعرف وجذيه مالك مهرب ولا حل ثاني .... سلام ترك فهد تركي يصارع افكاره بنفسه لان فهد ماتحمل تفكير تركي ورضوخه لاوى بعد تهديدها لان بامكانه يتخلص منها بانه يخبر مهران او ميار لكن اصرار تركي على الزواج اكد لفهد ان تركي للحين يكن لاروى مشاعر وانه يحن لها وتخوف على ميار من الياي لو عرفت لانه صار يعرفها عدل من كلام تركي وزوجته ليلى لان ليلى تقربة من ميار بعد ما اكتشفت اروى على حقيقتها بانها مصاحبتها عشان تنقل لها اخبار تركي لا اكثر واحتقراها للي سوته بتركي ولمى تقربت لميار حبتها اكثر وصارو صديقات وليلى تذكر ميار دايما بالخير قباله .... | ||||
|
| |
|
27-03-21, 09:39 PM
| #47 | |||||||||
| عضو ذهبي
| الرواية جميلةةسلمت يداك بس الي شايفاه الكل غلطان من غول تركي الي اصر انه يخطب اروى قبل مايطلع ليش ماكان عارف طباعها واصراره انه تسافر معاه عشان يحصن نفسه لو بيحبها بصدق ماكان خاف ع نفسه وبعدين سافر واتعرف على ميار وحبها وفجأة صار يشوف عيوب اروى يعني خلاص فجأة قلبك اتغير تركي مش مستقر قلبه ينتقل من وحدة للتانية بسهولة ..اروى ماعندها كرامة واعترفت انها شربت خمر وارتكبت كبائر وماشاءالله وابوها معاها موافق انها تخرج وتصاحب ليش احنا عايشين فين انسان غريب واخواتها ماعرفوا يمسكوا اختهم وتركوا ابوهم يلعب بعقلها وهي كمان ماحبت تركي هي مدلعة والمسألة عندها كرامة ماتخسر قدام ميار ..وميار انظلمت لما اتجوزت تركي واتورطت بالمشاكل واخرها حكاية السحر والي تركي بدل ماياخذ موقف صح ويروح يخبر اهلها ويكون صريح وافق ع شرط اروى انه يتجوزها بيندم لما بيعرفوا اهل ميار تصرفه غلط اتمنى مايندم ويتصرف تصرف صحيح بعد كل تصرفاته الغير مسؤوله ..اتمنى لك التوفيق ودمتي بخير | |||||||||
|
| |
|
30-03-21, 12:14 AM
| #49 | |||||
| اقتباس:
ثانيا رايج بتركي عجبني لانج وصلتي للشخصيه الي خليتها له لان فعلا تركي متسرع باختياره لاروى وكان هدفه يتطمن انها تكون من نصيبه قبل سفره وشي ما وضحته او لمحت له ان ابو اروى مايتقبل احد من عايلة زوجته غير ام زوجته يعني الجده وهالشي لحترام كبرها وبينت ان الجده اخذت اروى تربيها لان ابو اروى كان يخربها بدلاله وللاسف موجود اباء تكون غيرتهم على العرض معدومه وبالنسبه لان اروى تصاحب فهالشي بدفعه اهو لها لمصالحه الخاصه وفي نقطه بوضحها بالبارتات الجايه تخص اروى وابوها وكنت ماجلتها لكن تعليقج خلاني اوضح ان في سر لتهاونه ودفعه لها للغلط واخوانها مالهم كلمه قبال ابوها لكن بينهم وبين بعض وضحت انهم مو عاجبهم تصرفاتها ..... بالنسبه لميار اهي فعلا الضحيه لانها قبلت بزواجها من تركي لعلاج امها اولا وكبتت مشاعرها ناحيته وبينها اكثر من مره لكن مصارحته لها انه حبها ومتاكد انها الحب الحقيقيه واروى حب تعود خلاها تندفع بمشاعرها معاه و تكون زوجه كامله وما تقصر بشي معاه .... بالنسبه لرضوخ تركي لشرط اروى بتركه للبارتات اليايه تعرفي .... اخيرا اشكرج على التعليق وبنتظار تعليقات ثانيه لانها تسعدني ...  | |||||
|
| |
|
30-03-21, 07:47 AM
| #50 | |||||
| اقتباس:
عفوا في نقطه نسيت اوضحها بتعليقج سبق وذكرت ان تركي انخدع باروى وكلام الي حوله عنها لان اخته ملاك تمدحها واروى ما تبين جانبها السيئ قباله او قىال ملاك ..... وضحت هالشي قبل لكن ما ركزت عليه وفي ناس يغرهم الشكل وينخدعو فيه ويصدق كلام المقربين له عن هالشخص واروى كانت تعرف بحب تركي لها لهالشي بينت انتها مثل ما يحب واخفت جانبها السيئ وبوضح شغله اروى قبل يسافر تركي كانت تمام لكن من سافر فلتت ومشت ورى كلام ابوها ووضحت ان تركي لاحظ تغيرها وهالتغير ما عجبه واندفاعه بحبه لميار انتي غلطانه فيه لان مثل ما ميار قاومت مشاعرها تركي هم قاوم لكن لمى عرف انها ممكن تكون لغيره اعترف لامها واخوها وبعدها اعترف لها .... | |||||
|
| |
|
| أدوات الموضوع | |
| انواع عرض الموضوع | |
|
|
39Likes
العرض العادي
