26-02-22, 02:29 AM
| #814 | |||||||||||
| نجم روايتي  
|  الذين يشاهدون محتوى الموضوع الآن : 120 ( الأعضاء 16 والزوار 104) موضى و راكان, سما وقمر, زهرة الاركيد, زاي., لمعة فكر, رضاء الله غايتي, زهرورة, رفيقه التقى, تناهيد احزان, زهرة التوليب البنفسجي, Hmas, حلاوة الميم, جودي_, amana 98, نونه الحلوة, فاتي رياض فى إنتظارك غدا كاتبتنا العزيزة | |||||||||||
|  |
|
26-02-22, 10:18 PM
| #816 | ||||
 
| بارت ٣٢ كانت حصه باستقبال رجوعهم وماسكه نفسها بصعوبه ما تسدد بوكس بوسط وجه رحيق لعلها تشوه ملامحها ويتركها فارس...أخذت نفس عميق تهدي حالها وهي تشوف رحيق داخله وماسكه يد فارس بتملك وكأنها قاصدة هالحركه...فتحت عيونها بحقد وهي تشوفها تهمس لفارس ..وفارس يبتسم لها!!! خلاااص رح تنفجر وتموت من الغيرة والقهر!!! بالمقابل رحيق تحس بالاحراج من فارس وهو متمسك بيدها قدام الموجودين .. وكأنه خايف تهرب منه...نطقت بخفوت لفارس حتى يترك يدها: أبغى أسلم!! ابتسم لها بمحبه ..وترك يدها وناظر أمه الي سلمت عليه بشوق وفرح لشوفته!! بعدها سلمت زينب على رحيق والإبتسامة شاقه حلقها وهي تسألها عن أخبارها!! سلمت على الحاضرين بابتسامة هادئة! فارس ناظر حصه جالسه وما قامت تسلم عليهم.. متأكد إنها بركان من الغيرة... تقدم منها وهو ينطق بابتسامة: ام ريان ما تبغى تسلم علي! حصه مسحت دمعه نزلت من طرف عينها ... وما ردت عليه ...مد يده وسلم عليها والإبتسامة مرسومه على ملامحه: فكي هالكشرة ..ترى ما أحب أشوفك زعلانه! نطقت بقهر: لو ما تبغى زعلي كان ما أخذت قاطعها بنظره أرعبتها ...استدركت كلامها ونطقت بهدوء:الحمد لله على سلامتك!! رحيق جلست على مستوى نورة وعيونها تتسارق لفارس وحصه بخفه...رفعت نظرها لصيته وهي تدخل وتنطق بانتقاد: تاركه أختك خلفك وش هالتسيب هذا !! رحيق اخذت نفس عميق تحاول تضبط اعصابها من هالحرمة واققه لها مثل الشوك بالبلعوم!! فارس ترك حصه وتقدم من جدته وهو يرحب فيها: هلا هلا جدتي ! سلمت على فارس وبعدها ناظرت رحيق الي اقتربت وسلمت عليها بيدها بهدوء! ناظرت حولها بضيق ...تبغى ترجع لبيت جدها وتبدل وتأخذ راحتها ... اقتربت من فارس ونطقت بهمس: أبغى أرجع لبيت جدي وقبل ما يعترض نطقت برجاء: تعبانه وابغى ارتاح! هز رأسه بتفهم ونطق بهمس: ما هي حلوة رجعتك الحين ...نأكل بالأول وبعدها ترجعين! وما اعطاها فرصه تعترض..تقدم مع جدته للكنب وجلس جنب جدته وهو يتكلم معها بانسجام! تحس بالضيق اكتساها ...ما تبغى تجلس هنا دقيقة ... والمشكلة تبغى الحمام...وش مشكلتها بالضبط لما تدخل بيتهم تحس نفسها رح تعملها على نفسها!! مسكت يد نوره وتوجهت تجلس معهم والعبوس مرتسم على ملامحها تبغى الحمااااام! كتمت ضيقها تأخر الوقت وحضرتهم للحين ما جهزوا الاكل...اذا استمر الوضع كذا رح تعملها على نفسها...واذا راحت للحمام تخاف يفقدوا شيء ويحطونه برقبتها! دخل ضاري الصالة ورد السلام بابتسامة....فارس احتدت ملامحه وهو يشوفها كاشفه ولا عبالها تتغطى..خابرها تتغطى وش فيها اليوم كاشفه,!! مشكلته يغار عليها لو يطلع بيده ما سمح لأحد يشوفها ولا يكلمها ! جلس ضاري يتكلم بأريحية...ومستغرب من فارس الي كل شوي يناظر جهة رحيق بنظرات ناريه! كانت منشغله بأفكارها وكيف ترجع للبيت بدون ما تعملها على نفسها...ما انتبهت على دخول ضاري .. لأنها طول الوقت تناظر بالجوال بشكل عشوائي تشغل نفسها!!رفعت رأسها بصدمه وهي تشوف ضاري جالس معهم ويضحك ومبسوط...ما تدري متى دخل هنا...ما قدرت تتغطى عنه دام إنه جلس وشافها... حست حركتها ما هي حلوة اذا تغطت الحين والاخ شكله صار له وقت جالس! انتبهت على نظرات فارس الحادة لها ... وكأنه معصب منها بس ما تدري وش يبغى؟؟؟ تحس بالحرج بجلوسها كذا...غطت وجهها بحركه سريعه...كذا أفضل..نقزت على صوت صيته الناقد: وش فيك غطيت وجهك ؟! تنظين السالفه لعب ؟! ساعة تكشفين وساعة تغطين؟! كتمت رحيق ضيقها وبداخلها تردد يا ليل ابو لمبه ما اطولك! انفعلت صيته من تجاهل رحيق لها ..وبغضب نطقت: شايف زوجتك يا ابو ريان كيف تحقرني!! هذا أسلوب تعاملني فيه هالبزر؟! أنا لما اقول كلمه وحده عليها تهب فيني وما تسمح لأحد يتكلم على بلقيس! وحنا بالحريقة؟!! زينب دخلت وهي تناظر خالتها معصبه ... نطقت تهدي الامور: الأكل جاهز ...تفضلوا صيته بعبوس وقفت وهي تتحرك جنب ضاري الي سندها ويكلمها بكلام خافت ما وصل لمسامع الموجودين! حصه ناظرت رحيق بشماته خليها تستاهل فاقعه مرارتها..وغادرت المكان!! رحيق لو تدري إنه صيته هنا ما دخلت ... ناظرت زينب الي تسأل باستفسار: وش صاير؟! فارس يحاول يكون هادىء نطق: وكأنك ما تعرفين جدتي ! يلا نروح الحين تزعل تركناها لوحدها!! تحركت زينب للخارج بعدين تأخذ التفاصيل...ناظرها جالسه ببرود ولا كأنه الموضوع يخصها ... وبنبرة عتب: وش اتفقنا على الجليد هذا؟! رحيق نطقت بهدوء: لو رديت عليها تقولون قلة أدب! رد بهدوء: ما قلت لك اردحي لها ..جاوبي عادي بطريقه حلوة ومؤدبه...الحين قدامي امشي ولي كلام معك بعدين تحركت معه مرغمه ...اول ما دخلوا أشرت له حصه : تعال هنا فروسي! حامت رحيق كبدها من دلع هالمخلوقه...جلست جنب سيرين وما إلتفتت لجهة حصة حتى ما تشوف نظره الانتصار بعيونها!! كتمت ضيقها مب قادرة تتحمل تبغى الحمام ...همست بصوت هامس لسيرين: أبغى أبدل لنورة الحفاظة الظاهر إنها قاطعتها سيرين بنفس الهمس: غريب دوبنا بدلنا لها! رحيق عفست ملامحها بقهر من دلاخة سيرين وبهمس نطقت: تعالي معي! أول ما وقفت رحيق ناظرها فارس مستغرب من وقوفها! زينب باستغراب: وين لا تقولين شبعت قاطعتها رحيق بهدوء: أبغى أبدل لنورة وتحركت بسرعه للخارج وخلفها سيرين المتوترة خايفه من فارس... اول ما ابتعدوا..نطقت رحيق خلاص ما عادت تقدر تستحمل: ابغى الحمام سيرين الحين فهمت عليها ..اخذت نوره وهي تضحك ...واشرت لها : بسرعه اطلعي على الطابق الثاني احسن بلاه يطلع بوجهك ضاري الحين.. اول غرفة غرفتي ادخليها رحيق وهي تتحرك بسرعه: تعالي معي ويا ويلك لو تتركيني! ابتسمت سيرين وتكاسلت تلحقها ..أخذت نورة وتوجهت للصالة تجلس تنتظرها هناك وبعدها يرجعوا لصالة الاكل!! حست بالملل سيرين من تأخر رحيق ...كل هذا لدخول الحمام!! نزلت رحيق بعد وقت وهي تزفر براحه ...يا الله هاي من النعم إلي أنعم علينا ربنا فيها ...اقتربت من سيرين : يا دبه قلت لك لا تتركيني! سيرين رفعت حاجب : سنة وانت بالحمام رحيق ابتسمت: اسكتي ربك ستر والا عملت على نفسي .. سيرين بابتسامة: تعالي نرجع رحيق تحس بالفشيلة: خلاص والله أحس ما هي حلوة نرجع سيرين بابتسامة وقفت: اذا تشوفينها حلوة أنا اشوفها تجنن ترى متت من الجوع ! سي يو يا حلوة! رحيق ما تبغى تكون. لوحدها في بيتهم ... تحركت خلف سيرين .... جلست بهدوء وما رفعت رأسها متجاهلة صوت حصه واهتمامها بأكل فارس وكأنه بزر ... كثير ينتابها شعور إنها العثرة بحياتهم ...وتفكر تطلع من حياتهم...بس لما تفكر بحياتها اذا تطلقت وين تروح؟! ولما تفكر بفارس شخص ما هو سيء ..صحيح إنه بسرعه يتنرفز ويعصب ...بس خلال سفرها معه اكتشفت إنه معدنه طيب وتقدر تكسبه لصالحها وتؤمن مستقبل نوره ومستقبل الطفل القادم ...تبغى الاستقرار ولا شيء ثاني...وفارس الشخص الي اقتنعت تماما تكمل معه...ما تبغى لقب مطلقه للمرة الثانية! اكتفت من كلام الناس ....ومن حديثهم الي يسم بدنها...نصيبها تعيش وحيده بدون إخوة وأخوات! قطعت أفكارها ورفعت رأسها باستغراب وهي تشوف المكان فاضي وما في الا حصة وفارس! حصة بصوت فيه دلع: وش رأيك بعد ما تشرب الشاهي نروح قاطعها بهدوء:بعد الشاهي أبغى ارجع رحيق لبيت جدي! حصة ناظرت رحيق بكره وقبل ما تنطق وصلها صوت سيرين تنادي عليها ...اضطرت تطلع من المكان والنار مولعه وما انطفت! اول ما طلعت حصه نطق فارس بحده والنار تغلي بداخله: أبغى اعرف وش فيه هالجوال اذا مسكتيه تنسي حالك وما تدرين وش حولك! ممنوع تكشفين هنا أبدا قاطعته وهي رافعه حاجب: انت وش تبغى مني بالضبط؟! ما ترتاح إلا لما تضغط على أنفاسي! يعني الي يسمعك يقول العاشق الولهان الي يغار على محبوته..ما يدرون إنك ما ترتاح الا لما تخنقني بأي شيء... وأي فرصه تغتنمها حتى تنكد علي حياتي رفع حاجب بتعجب من كلامها: والله!, تابعت كلامها بضيق من تدخلاته: لو بيتكم يتغطون كان قلت ...بس انتم ولا احد من اهلك يتغطون الكل يكشف ...هذه حصه زوجتك ليه ما تتغطى؟! نطق وعقدة حواجبه ظاهره: والله كيفي ! انت بالذات ما ابغى أحد يشوفك! أمي واخواتي ما لي كلمه عليهم ..وحصه تختنق وما تقدر تتغطى! مطت شفتها بسخرية: تؤبر ألبي شو ألبها رهيف! خزها بقوة: حضرتك تتنطزين؟! رحيق ناظرته بقوة: أنا لما لبسته لبسته بكيفي وما انتظرت أحد يقولي إلبسي أو اكشفي قاطعها بقوة: بس انا مو أحد ! أنا زوجك ولي كلمة عليك! زفرت بضيق: طيب وش المطلوب مني!! يعني ما انتبهت على دخول ضاري رد بحزم وهو يقاطع تبريراتها: أبغى تكونين دوم منتبه وفكينا من هالجوال والسرحان هزت رأسها بتسليك: إن شاء الله! زفر بضيق ينقهر من برودها..هو يشتعل نيران وهي ولا على بالها..خفف نبرة صوته وهو ينطق بهدوء: رحيق أنا تشتعل نار بداخلي إذا شافك أحد أو كلمتي أحد لأني سكت لما شاف سيرين دخلت بابتسامة: انتم ما كملت سوالف طول السفر!!! فارس ناظر سيرين بملل من سخافتها! اما رحيق ناظرت سيرين بغيض تبغى تعرف ليه يتصرف معها كذا !! معقول إنه يحبها...سرعان ما طردت هالشيء ما تبغى ترفرف مع الاحلام الورديه وتنصعق بالواقع ...يمكن من باب التملك!! ناظرته وهو ينطق: تعالي نشرب شاهي وبعدها أرجعك للبيت!! هزت رأسها بهدوء وتحركت معه .. وسيرين تناظر فارس باستغراب ...أول مرة تنتبه لنظرات فارس لرحيق .. وكأنه العاشق المتيم!! مطت شفتها بسخرية أكيد رح تأخذ عقله بجاذبيتها ..أنيقه مرتبة واثقه هادئة رزينه ..ولها ابتسامه عذبه تخليك تبحر وانت تتأملها! ** ** ** بالدوام بيدها ملفات تراجعن وعقلها مع فارس ما يبغاها تشرب حبوب منع الحمل...ما خبرته إنها تركتهم من زمان والحين هي حامل...متردده كيف تخبره ..تحس إنه يحاول يظهر لها إنه يبغى عيال منها بس من داخله يدعي ما يتم...هي أكثر وحده تعرف كره اهل أمها لعائلتها فما رح يفرحون بطفل يحمل دم اسماء ومنصور!! أحيانا تتهم نفسها إنها حساسة بزيادة ..واضح اهتمام فارس وحبه لها ... سرعان ما تبعد هالشيء ما تبغى تتأمل على الفاضي..ما هو ناقصها أي ضربه جديده لأنها من الداخل صارت هشه وأي شيء يحولها لرماد ...يا دوب قادره تبتسم وتحاول ترسم عالم اجمل وحياة جديدة ...ما تبغى الماضي خلاص اكتفت منه ...كل همها الحين يكون عندها أطفال تعيش معهم طفولتها ومراهقتها وشبابها وتعطيهم كل شيء انحرمت منه بحياتها .... توسعت ابتسامتها وهي تتخيل نفسها جنب فارس وعيالهم من حولها انمحت الابتسامه عن ثغرها...لما وصل لها صوت مر بيوم من الايام بذاكرتها.. وكان من أسوأ الذكريات...رفعت رأسها وملامح الصدمه واضحه على ملامحها ...هذا الشخص آخر واحد توقعت تلتقي فيه بيوم من الايام!! لما شاف بعيونها الصدمه ..ابتسم على جنب وهو ينطق بسخريه: السموحه جيت بدون موعد وصدمتك بشوفتي!! رحيق إلتمست السخريه بكلامه وواضح من ملامحه ما تبشر بخير...نطقت بهدوء عكس الضوضاء الي بداخلها: وش تبغى قاطعها وهو رافع حاجب بانتقاد:كذا تستقبلين أخوك العود؟! الناس المحترمه تسلم وتقبل رأس اخوها الكبير .. وتسأل عن احواله..بس دام إن أمك الهنديه ما رح أعتب عليك! المهم رح أدخل بالموضوع مباشرة بدون لف ودوران...اسمعيني زين الورث إلي تنازل فيه أبوي بإسمك قاطعته باستنكار: ورث؟! أي ورثه؟! ناظرها بقوة ..وبنبرة تهديد: اسمعيني زين سالفه إنك الغبية العبيطة الي ما تدري عن شيء ...حطيه على جنب ...ورث عمتي نجلاء الي تنازل فيه أبوي بإسمك ..رح تتنازلين فيه لي ولأمي ولأخواتي تفهمين؟! زمت شفتها بتعجب من ثقته: واثق كثير! وليه أتنازل فيه لكم؟!! اقترب منها بنظرات ناريه: لأنه حقنا ! عيال أسماء جدي متبري منكم كان ..فما لكم شيء عندنا بالورثة ..وإياك أسمع إنك جبت سيرة لإخوانك الساقطين رياض وفيصل أي شيء يخص هذا الورث ...هذا الأسبوع رح اكمل الإجراءات وتتنازلين بدون اي اعتراض! مصدومه بقوة من هالسالفه ... أبوها متنازل بالورث لها ...ليه ؟! ومتى ؟! والصدمه الاكبر حقارة الي اسمه أخوها...بدل ما ييجي يسأل ويشوف حال اخواته جاي يركض خلف وسخ الدنيا يبغى فلوس!! ما تدري ليه حظها كذا ما عندها أخ تسند ظهرها فيه ... دائما يكسرونها بأفعالهم!! كتمت وجع روحها من تصرفاتهم ..وبهدوء نطقت: ما لك حق عندي ..اتوقع جدي قبل ما يموت تنازل بنصيب أبوي لكم وحرمه من الميراث...إلي حصلتوه وكثير عليكم..وبدل ما تراكض خلف هالورث دامك تعرف بالحقوق ..ليه ما تقسم نصيب أبوي إلي اخذتوه من جدي وتعطوننا حقنا!! قاطعها بنبرة ارعبتها وعيونه تقدح شرار: هذا الناقص نعطيكم من ورث جدي ... اسمعيني اذا ما تنازلت أنا رح ارفع قضيه إنه ابوي ما هو بوعيه وتنازل بمرض الموت...ورح تدخلين بقضايا ما هو من صالحك تصير...فتنازلي ويا دار ما دخلك شر!!! فكري بالموضوع انتظرك باكر بالمحكمة على الساعه تسعه إذا ما جيتي رح أعرف إنك اخترت طريق المحاكم ... أنا حذرتك!! ترك وطلع بعد ما اعطاها نظرات ناريه!! زفرت بضيق كلما تقول زانت ترجع تخرب من جديد...وش سالفة هالورث ؟! احتضنت رأسها بيدينها وهي تفكر كيف تتصرف!! ما رح تخبر فارس بالسالفه ما هو ناقصها تنزل بعيونهم اكثر من كذا ... شيء محرج زوجك يعرف بتصرفات إخوانك بهذا الشكل!!! اليوم رح تفكر بعمق لما ترجع للبيت ...لزوم تسأل شخص يفهم بالقانون بس مين؟!!!! *** *** *** واقف ينتظر خروجها بفارغ الصبر ...ويفكر بمهند ليه جاء هنا! اكيد لرحيق !! معقول عنده علم بسالفة الورث! شد على قبضة يده...كذا ما رح تمشي الامور تمام! ورح يخربها عليهم مهند! لزوم يتحركوا وبسرعه ..بس كيف؟؟!! زفر بضجر والنار تغلي بداخله لازم يحصل على الفلوس لو يضطر يذبحها ما عنده مانع ..اهم شيء الفلوس يأخذها ويعيش حياته ويعوض حياة الشقى الي عاشها! استند بوقفته لما شافها طلعت من الشركه ... احتار كيف يتصرف الحين...تلثم بالشماغ وعيونه تترصد لها بقوة!! ضرب الأرض بقوة لما وقفت وناظرت للخلف تنتظر حرمه ثانيه تقدمت منها!! كيف يتصرف الحين!! رح يتبعها ويعرف تحركاتها وبأي لحظة مناسبة ينقض عليها!!! *** *** *** من اول ما رجعت للبيت دخلت غرفتها وهي غارقه بالتفكير ...محتارة وش تعمل؟!! فكرت تخبر جدها ...يمكن عنده خبرة بهذه الأمور ويقدر يساعدها!! نزلت تحت تنتظر جدها والدقيقة تمر عليها ساعات ما هي مرتاحه لمهند أبدا!! ناظرت جدتها الي تكلمها باستغراب: وش فيك يا ابنتي ..الهم والكدر واضح على ملامحك!! رحيق بنفي نطقت: ما فيني شيء يا جدتي...بس ارهاق من الشغل! ام عبدالرحمن بنبرة هادئة: وش تبغين بالشغل والتعب ...ارتاحي. يا ابنتي وما احد مقصر عليك!! قبل ما ترد دخل جدها البيت وملامح عابسه مرتسمه على ملامحه! ترددت رحيق تتكلم او لا تخاف يكون تعبان وتضيق خلقه!! قبل ما تنطق تكلم جدها وهو يناظرها: رحيق تكلمت بتوتر ما تدري خافت من نظراته ونبرة صوته ما ارتاحت لها: نعم! أبو عبدالرحمن بجمود نطق: اليوم جاء مهند عندي هبط قلبها من كلامه ...ناظرته بترقب ينهي كلامه وقلبها يدق طبول! تابع كلامه بعبوس: يقول إنه ما هو راضي عن زواجك من فارس ... ام عبدالرحمن بمقاطعة: وش هالكلام الفارغ..الحين تذكر أخته!! رحيق ما تدري تحس الدموع تجمعت بعيونها لأنها متاكده ما رح يرسيها مهند على خير! أبو عبدالرحمن قطب حواجبه وهو يكمل كلامه: يقول البنت لولد عمها .. وأبوك استغل بعدهم حتى يكسر عاداتهم! رحيق بلعت ريقها من نظرات جدها المتسلطه عليها وكأنها اقترفت ذنب عظيم!! تابع كلامه بانتقاد: بس ما حبيتها منك يا رحيق إنك توافقين على الطلاق ..وتتركين فارس! وش قصر معك فارس؟! معدل بينك وبين ضرتك وما جاء منه القصور! كيف تشرطين حتى تبقين على ذمته إنه يطلق حصه!! كيف تقبلين إنك تدمرين حياة غيرك!! حصه وش ذنبها حتى تقولين هالكلام!! خلاص قولي ابغى الطلاق بدون ما تحطين شروط تعجيزيه!! ام عبدالرحمن بصدمه من الكلام ...ناظرت رحيق: انت من جدك تقولين هالكلام! رحيق الصدمه ألجمتها وما هي قادرة تنطق حرف واحد!! ما تدري ليه إخوانها الحقارة تمشي بدمهم!! حست قلبها توقف لما نطق جدها: طبعاً فارس رفض يطلق حصه! واخوك المحترم يقول أختي ما تجلس مع ضرة! فما ادري عنك تبغين تمشين خلف أخوك وتتركين زوجك؟! وحتى تكونين على بينه ..إذا مشيت خلف كلام مهند لا اعرفك ولا تعرفيني وهذا البيت انسي إنك بيوم دخلتيه!! والقرار لك ما رح أتدخل بحياتك وأجبرك على شيء ما تبغينه!! تسمع كلام جدها وتحس هذا كله فوق طاقتها ...ما عندها القدرة تستحمل أكثر ...كتمت أنفاسها للحظات وبعدها أخذت نفس عميق .. نطقت بهدوء: أنا ما رح أتخلى عنكم ...ومهند كذاب قاطعها بقوة وتحدي: أجل باكر ردك هذا تقولينه لأخوك وانتهينا من هالسالفه!! رحيق تحس بأي لحظة رح تنهار قوتها ..وبصوت مهتز نطقت: إن شاء الله! أي خزي تشعر فيه والسبب إخوانها..باكر لزوم تتفاهم معه...وتروح لأي محامي وتسأل عن هالقضيه..رح تعتمد على نفسها!! *** *** *** حصة والنار مشتعلة بداخلها وعيونها تقدح شرار بعد سمعت زينب تتكلم بالجوال عن شرط رحيق ...هذه زودتها فوق ما سرقت زوجها تبغى تطلقها ...ما رح تسكت لها ورح تحط لها حد على وقاحتها...من اول ما سمعت توجهت مباشرة لبيت ابو عبدالرحمن ..وما هي ناويه على خير...دخلت البيت وكأنها إعصار... وبقوة نطقت: انت يا حشرة مين تظنين نفسك حتى تشرطين طلاقي!! رحيق رفعت حاجب من دخول حصة وتهجمها بالكلام!! زينب من خلفها تحاول تهدي فيها: حصه خلاص كل شيء ينحل بالتفاهم! حصة بصراخ: أي تفاهم وهذه الهنديه تبغى تخرب بيتي!! ناس ما عندها إحساس ولا ضمير!! ام عبدالرحمن وقفت باستنكار وهي تنطق: هذا البيت له احترامه وما اسمح لك يا حصه تدخلين علينا بهذا الشكل!! حصة وفيوزاتها ضاربه ما تستقبل اي شيء...رفعت يدينها بردح: الحين رح أعلمك كيف ما تتعدين حدودك!! زينب ماسكه حصه الي تبغى تهجم على رحيق: خلااااص! رحيق تناظرها ببرود ...مهند عمل لها مشكله من لا شيء...ما تدري متى ترتاح من كل شيء ... وبهدوء نطقت وهي تتكتف: اتركيها يا خالتي اشوف وش رح يطلع بيدها هالدلوعه!! حصة وهي تحاول تبعد زينب عليها وهي تنطق بغضب: أنا الي رح أعلمك قيمتك يا حشرة....فوق ما تدبس فارس فيك ...تتمادين؟! متى تفهمين وتحسين على دمك ترى فارس لاعت كبده من خشتك ...واكبر دليل حبوب منع الحمل ما يبغى منك عيال حتى ما يرتبط فيك قاطعتها ام عبدالرحمن بغضب: حصة انتهينا حصة تخلصت من زينب وتوجهت لرحيق مثل الوحش ... ما تحركت رحيق ظلت واقفه تناظرها ببرود .... أول ما اقتربت حصة ورفعت يدها ...وقفتها رحيق بقوة وهي تحكم قبضتها على يد حصه ...وشدت على يدها وهي تتخيل مهند قدامها وتكسره تكسير ...شحنت نفسها بالكره والحقد لكل من حولها ...متى تخلص منهم كلهم ويتركوها تعيش بسلام...لفت يد حصة خلف ظهرها...صرخت حصه من الوجع ...ما تعاطفت مع صراختها بالعكس تبغى تذوقها الوجع على اصوله ...تتجرع المرار وما احد حاس فيها ...ما رح تسمح لها تتمادى عليها ولو بكلمه... تجاهلت صرخات زينب وجدتها عليها حتى تترك حصه .. ثواني وتركت يدها وقبضت على شعرها وهزتها بقوة وهي تنطق والشرار يشع من عيونها: إن تعرضت لي مرة ثانية وقسم بالله أذبحك بقلب ميت وانت تعرفين عيال الهندية الشر يسري بدمنا...ما رح تقدرين تواجهين غضبي..فابعدي عن طريقي حتى ما تحترقين من غضبي...تفهمين!! حصة ودموعها اربع اربع وهي تحاول تخلص شعرها من قبضة رحيق ...ما توقعت رحيق الوديعه بهذه الوحشية!! تركت رحيق شعرها بقرف ... واقتربت من حصة أكثر وسرعان ما استقرت يدها على وجهها بقوة وهي تنطق: وهذا الكف حتى ما تتكلمين بكلام ما يخصك! زينب بغضب من تصرف رحيق ...اقتربت منها وهي تدفها بخفيف: وش تظنين نفسك بالشارع ! وش هالحركات هذه؟!! رحيق ناظرت زينب: تتكلمين وكأنك ما شفتيها بعينك تبغى تضربني! ليه قالوا لك هبلة وما اعرف أدافع عن نفسي!! حصة مستمرة بالبكاء وهي تردد: يدي يدي كسرتها زينب ناظرت حصه بشماته: انت تستاهلين شغل هياط ومن اول جوله مسحت فيك الارض...داخله على الناس بشرك!! زينب تابعت كلامها بتوعد وهي تناظر رحيق: لما يرجع فارس من رحلته رح يتفاهم معك !! رحيق بلامبالاة على الاقل طلعت حرتها بحصة : إيده وما تطول!! دخل ابو ضاري بعد ما خبرته زينب انها حصه راحت لرحيق تتشاجر معها ..وطلبت منه يلحقهم! اقترب وهو يشوف حصه حالتها حاله وتبكي وهي تردد : يدي يدي ما اقدر أحركها! نطق باستغراب: وش صاير؟! زينب بقهر من حصه ورحيق: ما شاء الله فارس متزوج بزران ما يحشمن الكبير!! ام عبدالرحمن بعتب وهي تنسحب وتجلس على الكنبه: والله حصه دخلت علينا بشرها وما احترمت هالبيت!! زينب بانتقاد: حصة غلطانه بس ما يطلع لرحيق تعمل فيها كذا ...تراها حامل لو صار شيء للجنين!! ابو ضاري ناظر رحيق واقفه ببرود تناظرهم..بعدها اقترب من حصة : قومي حصه ببكاء : ابغى المستشفى ما اقدر أحرك يدي ...وشعري قطعته قاطعها وهو كاتم غضبه ..أسندها بشويش وقبل ما يتحرك ناظر رحيق وهو ينطق بعدم رضا: لي كلام معك على هذا التصرف!! مطت شفتها رحيق بلامبالاة.... حركتها استفزت ابو ضاري وكأنه جدار قدامها وما هو بعينها ...حركتها استفزته بقوة...ترك حصه واقترب منها والشرار يقدح بعيونه: انت قد هالحركة!!!؛ زينب لما شافت ملامح زوجها تقدمت بسرعه: وشفيك تراها ما قالت شيء!! أبو ضاري ابعد زينب عنه وبغضب نطق: وأقسم بالله إذا ما عدلت حركاتك الا رفعت رحيق حاجب وهي تشوف جالس يتهدد ويتوعد فيها ...وبنفس البرود نطقت: وش رح تعمل!! مستفزة بقوة هالبنت ..وبدون شعور استقرت يده على خدها بقوة وهو ينطق: الا أكسر خشومك رافعيتهم على قلة سنع! قلة أدب ما في احترام! ما تنكر تفاجأت من الكف ما توقعت يضربها ..ما عملت له شيء حتى يعمل كذا ...احتدت ملامحها وهي تنطق: وتظن الدنيا سايبه حتى تضربني كذا ...ما قالوا لك في قانون يأخذ حقي من بين عيونكم! والا قلتم يتيمه ندوسها تحت رجولنا وما أحد يدافع عنها!! تراك غلطان والله ما أسكت لأحد وهذا الكف رح تدفع ثمنه غالي رح تشوف جن جنونه جالسه هالبزر تهدد فيه ..بغى يهجم عليها ويكسرها بس ام عبدالرحمن وقفت بينهم وهي تنطق بغضب: خلااااص وبعدين معكم!! خذ هالسوسه من هنا وفكونا من المشاكل!! حصه بقهر: الحين أنا السوسه وحفيدتك البريئة!؛ اذا ما خليت فارس يطلقها ما يكون اسمي حصة! زينب تبغى تمسك حصة وتطحنها تحت اسنانها بسببها صارت هالمشكله ...كذا رح تتعقد الأمور كثير!!! رحيق إلتزمت الصمت وهي متأكدة بعد هالسالفه رح يتم شحن فارس عليها بنجاح!!! **** *** *** جالسه بالمكتب والضيق مخيم عليها من كلام جدها البارحه ...مسح فيها الارض لأنها راددت ابو ضاري بالكلام .. ما تدري وش نقل له أبو ضاري السالفه ...بالرغم إنها جدتها حاولت توضح له إنها حصه هي الي تعدت عليها بس عقله موقف عند سالفه ابو ضاري!! زفرت بضيق من هالحال ...زاد عبوسها لمادخل عندها مهند. .. وكأنه ينقصها هالشخص ... كل المشاكل الحين بسببه ... وقفت وبغضب نطقت: انقلع من هنا أفضل لك يا خسيس! تفاجئ من هجومها وما توقع تكلمه بهذه الطريقه ...وبسخريه: اخص يالقويه!! رحيق اشرت على الباب: اطلع من هنا قبل قاطعها بنظرات ناريه من وقاحتها: وقسم بالله ادفنك هنا!! لا تظنين جاي لسواد عيونك...وش صار على التنازل قاطعته بانقراف: لو تموت ما تنازلت لك انت واخواتك فلس واحد !! تدري رح اتنازل فيهم لرياض أو فيصل وقتها اشوف وش رح تحصل منهم قبل ما تكمل كلامها انقض عليها ومسكها من رقبتها: لا تختبرين صبري ترى اصبر له حدود !؛ تحس بالاختناق والتنفس ضاق عليها ...وبكل قوتها غرست أظافرها بيده بقوة...تركها بسرعه وهو يشوف الدم يسيل من يده ... كشفت عن وجهها وهي تحس بالاختناق ..لحظة كانت رح تفقد روحها!! لزوم تتحرك وتبعده عن طريقها!! مهند وهو يمسح الدم وبتوعد: انت الخسرانه.. أنا حذرتك وانت تحملي نتائج طمعك!! نطقت بحقد وكره: بالحريقه تحرقك يالظالم!! زفرت بضيق كل شيء تحسه تجمع فوق رأسها.... اليوم رجوع فارس الله يستر من المواجهة ...للحين ما فتح معها سالفة مهند ...يتواصل معها ويطمئن عليها بدون ما يتطرق للسالفه ابدا! بس من البارحه ما اتصل ولا ارسل شيء...اليوم رح يكون اللقاء الكارثي!! *** *** *** جالس بالكافي يشرب قهوة وهو يفكر بطريقه يمسك فيها رحيق ... رفع نظره وهو يشوف وحده قريبه من طاولته جالسه مع واحد ومندمجه معه بالسوالف ....هذه العيون يعرفها وما تخفى عليه ..حلو حلو هالكلبة مع مين جالسه!! وبخفه طلع الجوال وصورها يمكن يحتاجهم!!! اليوم ما رح يرجع والا هالزفته معه....عامله نفسها دوم إنه صاحبة الأخلاق الرفيعه وهذه سواتها!!! تلثم بالشماغ حتى ما تتعرف عليه..ويقبض عليها بالوقت المناسب... ..بعد وقت قامت وتحركت الظاهر راجعه للبيت ... وبسرعه تحرك خلفها وبحركه سريعه أحكم قبضته على يدها ...ووضع الموس عند خصرها حتى ما احد يشوف الموس وهو يهمس: اي حركة يكون الموس مغروس ... هزت رأسها بخوف وتحركت معه لسيارته إلي استأجرها لمطاردة رحيق !! بعد وقت دخل المكان دفها على الارض وهو يناظر جدته: هذه الزفته وصارت بقبضتنا!! ابتسمت ام اسماء وهي تناظر رياض بدون ما تلتفت لها : كفو والله عرفت إنك الذئب!! فيصل وهو يدخن ويناظرهم بهدوء ...زمان ما شاف رحيق الوجه البريء .... رياض وهو يسألها بقوة: وين الفلوس الي حطتهم اسماء معك! هزت رأسها بالرفض والخوف تلبسها منهم ..والي استغربته الهنديه معهم!! سحب منها حقيبة اليد وهو يفتشها!! مسك بيده الهوية ! نطقت بسرعه: أنا ما لي دخل أسماء أعطتني إياها وقالت لي استعمليها بما إنه انتهت إقامتي هنا!! أم اسماء فتحت عيونها بصدمه: هناااااء!! ناظرت امها والدمع بعيونها خوف من رياض: يمه تكلمي!! ام أسماء بقهر: الحين انت الوحيده الي ما سألتك على أساس انتهت إقامتك ورجعت لبلدك هناء بتبرير: ما ايغى أرجع وجاءت اسماء وأعطتني هذه الهويه أستخدمها براحتي بما إنه إقامتي هنا انتهت ..وهي قالت لي ما تقولين لاحد رياض مسكها من ثوبها وهو يهزها بقوة: يعني متنكره بإسم رحيق!! الله يأخذك يا****** ام أسماء بقهر: حسبي الله عليك!! أسماء ما حطت شيء عندك؟! ردت بخوف من اشكالهم : ما اعطتني الا هذه الهوية قاطعها رياض بتهديد وهو يهزها: وقسم بالله اي كذب الا ادفنك هنا!!؛ هزت رأسها والدموع تنذر بالنزول من الخوف ... بدأت تسرد لهم وش صار بالضبط!! *** ** *** دوبها طالعه من الحضانه وهي تحس بخمول وكسل يسري بجسدها..... استغربت لما شافت صاحب سيارة الاجرة ما انتظرها !!! زفرت بضجر الحين رح تنتظر اي سيارة ثانيه ..وقفت على الرصيف ..وحست بالراحه وهي تشوف سيارة أجرة...أشرت لها ...حملت نورة وركبت فيها ...بعد ما قفلت الباب نطقت بدون ما تناظر السائق عنوان البيت!! ناظرت من الشباك وهي تفكر بفارس معقول تلقاه في بيت جدها ؟!! أكيد معصب إذا جدها قلبه ابو ضاري عليها ..كيف بفارس؟!! استغربت لما قطع طريق ثانيه..بغت تتكلم بس توقعت انه طريق مختصر حتى يتخلص من أزمة المواصلات!! نطقت بفزع لما شافت الطريق صار خالي من البيوت : وقف وقف وقف عند سيارة مركونه على جنب الطريق ونطق وهو يناظر الي جنبه: هذا العنوان!! تحس عقلها مشوش وش دخل الشخص الي جالس جنبه فيها...برر عقلها يمكن يبغى يوصل الرجال هذا وبعدين يوصلها لبيتها!! غبيه لزوم ما طلعت ومعه طلب ثاني!! نزل الرجال وفتح الباب من جهتها ... متجاهل نظراتها المستنكرة ...سحب نورة منها بقوة والحقيبة...وبحزم نطق: انزلي!! تلقائيا نزلت لما ابتعد عن السيارة وحامل نورة معه وبصراخ نطقت : وقف وقف يا زفته!! نطق بوعيد: اركبي والا قسم بالله إلا أخذها وارميها بالصحراء ترى هنا ما في قلب...وانت شفت لما طعنت إخوانك بقلب ميت! عفست ملامحها من هالذكرى ..وحضرته مبسوط على إجرامه...تحركت تحاول تأخذها منه ...ركب السيارة وقفل بابه وهو ينطق:: رح أحرك السيارة واذا تبغين تجلسين بهذا المكان المقطوع ما عندي مشكله!! ما هي مجنونه حتى تجلس هنا لوحدها بدون جوال وتترك نوره معه! وبدون وعي ركبت السيارة....قفل السيارة وناولها نورة ..وحرك السيارة بدون ما ينطق اي حرف! ناظرت الطريق وهي عارفه وجهته ...تتذكر هذا الطريق لما كانت تروح مع أبوها لبيت جدها!! تحس وقعت بورطه ما تدري كيف تتخلص منها!! رح تدفع مهند الثمن غالي !! مسحت دمعه يتيمه تشتكي ضعفها وقلة حيلتها!! *** *** *** حصة ما توقعت رد فعله كذا .. نطقت بقهر: بس قاطعها بغضب والشرار يطلع من عيونه: انت مين سمح لك تروحين لها؟!!؛ مييييييين؟!! ما تحترمين اهل البيت داخله عليهم بشرك؟ نطقت وهي تؤشر على يدها: شوفي يدي للحين ما اقدر احركها ..شعري قطعته وفوق هذا بدل ما تأخذ حقي جاي تصرخ علي وكأني أنا المذنبه؟! تبغاني اشوفها تخرب بيتي وأنا أناظرها ساكته قاطعها بقوة: هذا الكلام تقولينه يوم تشوفيني وقفت معها ...أقسم بالله يا حصه لو أشوف رجلك عتبت باب الجناح إلا أكسر رجولك لمدة أسبوع...تعلمي أداب دخول بيت الناس وبعدها تكلمي! اعطاها نظرات ناريه وطلع من الجناح وهو مقهور من حصة كيف تتهجم على بيت جده وما احترمت جدته ...ما رح يسكت على هذه المهزله..الحين رح يشوف رحيق ...أبوه يشتكي منها تهدد أبوه وتتوعده!! الواحد يرجع للبيت ويرتاح ...زفر بضجر وتوجه لبيت جده مباشرة .... دخل البيت وهو يشوف جدته جالسه بالصالة كالعادة ...سلم عليها وجلس جنبها وهو يسألها عن حالها ....بعد وقت قصير سأل بهدوء: وين رحيق؟!! ام عبدالرحمن بهدوء: للحين ما رجعت وبتردد نطقت:فارس تفاهم معها بأسلوب هادي ما نبغى المشاكل تزيد قاطعها والهدوء يحيط به: مب ناوي أتشاجر معها ...أدري إنها حصه هي الي تهجمت عليها!! بس أنا صراحه تضايقت من كلامها لأبوي ..تهدد فيه ... حتى لو غلط ابوي يبقى بمقام أبوها وما هو بزر حتى ترادده!! ام عبدالرحمن هزت رأسها بتفهم: أدري بس ابوك كان معصب بدون سبب ...وضربها و ذا الشيء أبدا ما عجبني...وين حنا عايشين حتى يضربها... هز رأسه بهدوء: كلامك مضبوط أنا ما ابغى يكون فيه مشاكل وحواجز بينها وبين أبوي ...علشان كذا أنا رح أطلع معها ونروح عند أبوي ونصلح الوضع بينهم! ما ابغى ترجع الحواجز بيني وبينها ...ما صدقت صارت علاقتنا أفضل ما أبغى تدمر علاقتنا بلمح البصر ام عبدالرحمن هزت رأسها وهي تناظره وبتوجس نطقت: تحبها؟!! ناظر جدته متفاجىء من كلامها...وقبل ما يرد تابعت ام عبدالرحمن كلامها: خبرني ابو عبدالرحمن إنها رحيق نفسها ليلى إلي تحبها ...لا تخاف سرك في بئر ما رح أخبر أحد!! فارس تنهد وهو ينطق: كل إلي أبغاه أعيش معها حياة هادئة جميله بدون ما أحد ينغص علي حياتي! أمنيتي تبادلني نفس المشاعر الجميلة إلي أحملها لها ام عبدالرحمن: طيب صارحتها بهذا الشيء؟!! تنهد بضيق: كلما أنوي أخبرها أتراجع بسرعه .. لأني ما أضمن رد فعلها اخاف تتمسخر علي أو تشوف نفسها علي ...انت ما تعرفينها ما تهتم فيني ولا تسأل عني .. اذا ما سألت ما تسأل ...إن عرفت إنها البنت إلي أعشقها وقتها يمكن تتكبر علي وتذلني ...خلينا كذا أفضل!! وأتمنى يا جدتي ما احد يعرف..انا بالوقت المناسب رح أخبرها!! ام عبدالرحمن هزت رأسها: ربي يوفقكم! رد من قلب: آمين آمين! أم عبدالرحمن تناظر ساعتها: كأنها تأخرت رحيق؟!! مسك جواله واتصل عليها ...كم رنة واعطاه مشغول! رفع حاجب باستغراب: اعطتني مشغول..يمكن انها قريبه من الباب . مر وقت وما رجعت...اتصل فيها ونفس الشيء تعطيه مشغول ...لحظات وصلته رساله منها" إذا بغيت أرجع لك طلق زوجتك الاولى..متى ما طلقتها خبرني" عقد حواجبه باستنكار من هالكلام ...معقول تمزح؟!! ناظر جدته لثواني وبعدها رجع يتصل فيها ..مقفل!! يحس نفسه بحلم ورح يصحى بأي وقت!!! *** ** *** واقفه والشرار يشع من عيونها وهي تهدد فيه: أقسم بالله إلا تندم ...لو تموت ما رح أتنازل لك ..هذا حقنا حنا ..انتم أخذتم حقكم وزيادة!! ام مهند بكره نطقت: وصار لها لسان ...كانت مثل الهبلة ما احد يسمع صوتها ! رحيق ناظرتها باشمئزاز: انت آخر وحده تتكلمين ...احترمي سنك وانت تراكضين خلف وسخ الدنيا! مهند والشر بعيونه : دام إنه وسخ الدنيا تنازلي عنه وش تبغين فيه؟! ردت بقرف منهم : رح اتنازل فيه لإخواني من أمي وأبوي احتدت ملامحه على كلامها ..وبغضب نطق: والله لاذبحك بيديني وادمر حياتك إذا فكرت مجرد تفكير بهذا الشيء ام مهند بسخريه: عاد يقولون ابوك عنده بنت من زوجته الثالثة ..ما قلت رح تتنازلين لها؟! رحيق ناظرتها وعقلها يفكر ...الظاهر ما يدرون إنها نورة أختها ..معقول يظنون إنها ابنتها...ناظرت نوره حجمها صغير اصغر من عمرها ....ما رح تخبرهم إنها اختها حتى تضمن ما يضرونها او يلوي ذراعها فيها ... اذا كانوا يظنون إنها ابنتها ما رح يعملون لها شيء رح يخافون يلحقهم الاذى من اهل فارس!! رفعت نظرها لما اقترب منها منهد بتهديد: معك فرصه تفكرين مرة ثانية بالموضوع .. تنازلي حتى ما ادمر حياتك!! كتمت ضيقها وقهرها ونطقت بهدوء: لو تنتظر ألف سنة ما رح تحصل على فلس واحد قطعت كلامها لم هجم عليها يبغى يضربها ..رجعت للخلف وهي تنطق: حامل لا تقترب مني والله إن صار شيء له شيء الا قاطعها لما استقرت يده بشعرها: حامل!! ارخى يده عن شعرها وثبت يدينها خلف ظهرها بيد وحده ...وبدأ يضربها على وجهها بقوة: كذا ما رح يؤثر على الجنين!! حاولت تفلت نفسها منه وهي تصرخ بقوة: اتركني ...والله الا تندم أول ما تركها ..جثت على ركبتيها ... وهي تحس وجهها مشتعل نيران من قوة الضرب ...ما قدرت تتحكم بدموعها ...ناظرت طاوله صغيرة بطرف الغرفه ...وبدون تردد توجهت لها .. تناولتها وغافلته وضربته بنص ظهره وهي تنطق: الله يأخذك!! صرخ من قوة الضربه ركضت ام مهند له تتأكد إنه بخير ... رحيق مسكت يد نوره وتحركت حتى تهرب من هالبيت!! ركضت بدون ما تناظر وهي تحس بحركته خلفها يبغى يمسكها!! قبل ما توصل الباب كان أسرع منها ..أحكم قبضته عليها ...شدها من شعرها بقوة وهو يهدد وبتوعد فيها!!! *** *** ** ابو عبدالرحمن يحس بالضيق يخنقه من تصرف رحيق كيف تعمل كذا ...وش فيها متغيره؟!! مسك الجوال واتصل على مهند يبغى يعرف مكانها ...بعد عدة رنات وصله صوته : السلام عليكم...ابو عبدالرحمن يحاول يكون صوته هادئ: وعليكم السلام كيف حالك!! رد بمكر: بخير الله يسلمك! أبو عبدالرحمن ناظر فارس الي يسمع المكالمه بترقب وملامحه ما تتفسر: بغيت أسألك عن رحيق رد بخبث: ايه والله جاءت اليوم لبيتنا ..تقول ما تبغى ترجع حتى يطلق زوجته الأولى!! ابو عبدالرحمن ضاق خلقه : طيب اقدر أكلمها! مهند بمراوغه: أنا حاليا طالع برا البيت اذا رجعت وقبلت تكلمك ابشر يا عم ... لأنها قفلت جوالها وتقول ما رح افتحه حتى ييجيني فارس مثل الكلب تحت رجولي يرتجيني ارجع له! أبو عبدالرحمن: مستحيل رحيق تعمل كذا حس إنه بالغ بالكلام وبترقيع نطق: وأنا استغربت شراستها ما كانت كذا بهذه الوحشية..لو تسمع كلامها ما تصدق ..لا تواخذها يا عمي يمكن أعصابها تلفانه بسبب الحمل قاطعه أبو عبدالرحمن باستغراب: حمل! رد وهو رافع حاجب:ايه الحمل ...ليه ما خبرتكم إنها حامل؟!! عموما مثل ما قلت لكم الانفصال افضل حل لأني ما اقبل أختي تعيش مع ضره ومتى ما انجبت الطفل خذوا عيالكم لأنها رح تشوف حياتها! ابو عبدالرحمن حس نفسه توهق وهو يشوف ملامح فارس صارت بالألوان...نطق ينهي المكالمه: لما ترجع للبيت أبغى أكلمها! انهى المكالمة وناظر فارس إلي انتفخ وجهه من القهر..نطق ابو عبدالرحمن باستغراب: وش فيك!! احسك تغيرت بزياده بعد سالفه الحمل؟!! انت ما تبغى عيال من رحيق!! ام عبدالرحمن نطقت بتردد بملامح باهته: كيف حامل وهي تأخذ حبوب منع الحمل؟!!! ابو عبدالرحمن عقد حواجبه باستنكار:وش تقولين؟! وليه تأخذهم من الاصل؟! فارس مسح وجهه بكفيه والهم اكتساه...وهو ينطق باختناق: ما تبغى عيال الا بعد خمس سنوات! ابو عبدالرحمن بغضب نطق:وانت ساكت لها هالبزر!!! دام إنها تأخذ حبوب وش هالسالفه! أم عبدالرحمن نطقت بتحليل: يمكن تبغى تضغط على فارس فارس قاطعها وهو ينطق بغضب: يعني لو كانت حامل ...تظن اني اروح مباشره اطلق حصه حتى ترضى!! اذا كان هذا الكلام صحيح ما رح اسكت على هذه المهزله أبدا!! أخذ جواله وطلع من البيت والنيران مشتعله بداخله..ما قصر معها وفتح صفحه جديده وحياه جديده ليه تهدم كل شيء وتتصرف تصرفات غبيه...تضحك عليه بسالفه الحمل حتى تضغط عليه!! يصير خير يا رحيق!!! *** *** ضرب الجدار بيده بقوة وهو ينطق: كم يوم صار لها مالها ظهور وحتى الشركه ما تروح لها ...وين طست هالزفته!! نطق فيصل بتحليل: لزوم نستعجل وخاصه انه مهند كان يحوم حولها ! الهنديه تأخرت وما جابت خبر عن رحيق ...واصلا كيف رح تعرف اخبارها!! رياض رفع حاجب: وكأنك ما تعرف الهنديه وين ما تروح يدها تطول .اصبر خلينا نشوف وش آخرها!!! بعد وقت دخلت ام اسماء وكأنه الطير فوق رأسها: لزوووم نتحرك!! رياض اقترب منها برعب: وش صاير؟!! نطقت ام اسماء بقهر: رحيق اخذها مهندلبيته يقولون زعلانه ...لزوم نتحرك قبل ما يأخذ مهند كل شيء! ضرب رياض الارض. بقوة: وش رح نعمل!!! فيصل بتفكير ناظر هناء الي دخلت عليهم:هناء ورقتنا الرابحه! أشرت هناء على نفسها باستنكار: انا رياض عقد حواجبه بعدم فهم: وش تقصد؟!! فيصل وعيونه بعيون اخوه: هناء معها الهويه الشخصيه لرحيق ..رح تنتحل شخصيه رحيق وتتنازل بكل شيء لنا! رياض عقد حواجبه: اكيد رح يكتشفون قاطعه فيصل بتفكير: صدقني أسماء كانت راسمه على هذا الشيء وما اختارت هناء عبث ... اكيد لاحظت التشابه بينهم ...ناظر عيون هناء حتى ملامحها قريبه من رحيق ..صحيح مو تطابق ..لكن الشبه بينهم واضح ...رح تحط مكياج ثقيل وعند الإجراءات والمطابقه ما احد رح ينتبه الشبه بينهم كبير! ام أسماء وهي تناظر هناء بدقه: كيف فاتتني هالسالفه!! صدق هناء ورحيق بينهم شبه كبير!! رياض ودخلت الفكرة رأسه ...ناظر الساعة بتفكير: ما يمدينا الحين ...باكر إن شاء الله تتنازلين عن الورث لنا والشركه نفس الشيء تتنازلين بسهم رحيق لنا!! ام أسماء ناظرتهم: وأنا؟! رياض اعطاها نظرة ارعبتها: هذا ورث عمتي ما لك فيه والسهم لابوي ومالك حق فيه ....اما الفلوس الي دفنتها اسماء متى ما حصلناها رح تأخذين حقك وزياده ...اتفقنا! هزت رأسها بتأكيد: اتفقنا!! رياض بتأكيد: رح نأخذ كل الوثائق الي تخص رحيق ...عملت فينا خير اسماء يوم سرقت من رحيق كل وثائقها . ونشوف محامي شاطر يطلع لنا حقنا هناء بخوف خايفه تنكشف: اكيد رحيق طلعت وثائق وهويه جديده واكبر دليل إنكم تقولون من جديد رجعت من السفر!؛ ام أسماء ابتسمت بخبث: اكيد انها قطعت هويه ووثائق جديده على اساس انهم احترقوا ...والموظف وش يعرفه إنك الشخصية التقليد!! هناء برفض والخوف دب بقلبها: لا ما اقدر اعمل كذا ...لا تورطوني بهذه السالفه قاطعها رياض بملامح غاضبه: على أساس انت المحترمه الي ما تزور شيء...استعمالك لهوية رحيق وش تفسرينه؟!! ردت بتبرير: صحيح أنا استخدمت هويتها بس بأمور بسيطه حتى أبقى هنا!! رياض بتهديد واضح: صدقيني اذا ما مشيت معنا مثل الارنب الا أبلغ عنك تهمة احتيال شخصية وانت تعرفين وش رح يحصل لك وخاصه انها اقامتك انتهت هنا!! ختم كلامه بنظرات تهديد ووعيد!! *** *** *** ابو ضاري عنده سفر باكر .... وبداخله قهر من رحيق وتصرفاتها الي ما لها مبرر...ليه تظن الدنيا سايبة تمشي فارس على كيفها...زفر بضيق وهو ينطق: والحين وش رح تعمل يا فارس؟! فارس بهدوء خارجي بس من الداخل رح ينفجر...ناظر ابوه وهو ينطق: خليها في بيت اخوها تنتظر أطلق حصه ...الي طلع لوحده يرجع لوحده ابو ضاري بتفكير: يمكن ترفع عليك قضية طلاق ...وهذا الشيء أكده أخوها وانت سمعت وش قال ...خلال شهر ما طلقت حصه او ما طلقت رحيق رح يرفعوا قضية طلاق!! فارس نيران بداخله من جنون رحيق ...يتذكر مرة طلبت منه يطلقها ويرسلها لأعمامها ...بس توقع مجرد كلام عابر ...ما توقع إنها طول الوقت تخطط وترسم وهو مثل الغبي يظن إنها تأقلمت معه ...كتم ضيقه ونطق بهدوء: من هنا لشهر يفرجها ربنا!!! ابو ضاري بتأكيد: ترى إذا طلقتها الطفل الي رح تنجبه عندنا لأني ما ارضى يعيش هناك! هز رأسه بتسليك وسالفه الحمل لوحدها عامله له أزمة نفسية ..ما توقع انها تكذب بهذه الامور!!! مط شفته أبو ضاري وهو مسترسل بالكلام: غبية ضيعت نفسها وخسرت جدها ابو عبدالرحمن ...تراه حلف أيمان مغلظه ما يفتح لها بابه ولا يكلمها دام إنها اختارت أخوها ...ما أدري اخوها فجأة اكتشف إنه عنده أخت فارس يحس هالموضوع يخنقه بزيادة ..نطق يقفل السالفه: باكر يذوب الثلج ويبان إلي تحته!!! ***** ***** **** تحس الايام كلما تمشي تزيد من اختناقها. ...كيف تخلص نفسها من هالمكان !! أكثر من كذا ما تقدر تتحمل الجلوس هنا....رفعت رأسها للسقف بتفكير عميق لهذه المشكله.... لحظة رح تروح معه وتتنازل عن الورث بالمقابل تحصل على حريتها وترجع لجدها وجدتها ولفارس...اكثر من كذا ما رح تتحمل الجلوس هنا !! توجهت للباب وهي تضرب الباب بقوة وبداخلها الا تتوعد بمهند .... فتح الباب وهو يناظرها بقوة: وش تبغين؟! ردت بهدوء : رح اتنازل لك بالورث وأن شاء الله يكون نار وسعار عليكم!! توسعت ابتسامته بعد ما أصابه اليأس من تنازلها ....رفع حاجب لما تابعت كلامها: بالمقابل تبعد عن حياتي نهائيا وما ابغى اشوف رقعة وجهك!! هز راسه بابتسامة نصر: باكر نطلع وتتنازلين وبعدها انقلعي لجدك وزوجك ! ما ارتاحت لنبرته لما نطق آخر الكلام ...ما تدري وش عجب بالجوال لأنه معه !!! مهما عمل رح تقول لهم الحقيقة وتبرر موقفها!!! *** *** *** فيصل والإبتسامة شاقه الحلق: ما توقعت تضبط الأمور...كنت خايف احد يكشفنا رياض بابتسامة خبيثه: قلت لك هذا المحامي عفريت ختم كلامه بضحكة رنانه!! فيصل بارتياح:كنت خايف يسبقنا مهند ويخليها تتنازل له ...بس الظاهر أختك عنيدة وما قدر عليها رياض هز رأسه وهو يناظر للبعيد: الحين بدأ شغلنا رح نجلس لهم مثل الشوك بالبلعوم...من زمان أنتظر أنتقم من أعمامي ..يبقى كمان حصة رحيق بالشركه لزوم نعجل بالموضوع!!! فيصل بتذكير: لا تنسى إنه للحين ما عرفنا الفلوس وين حطتهم أسماء!!! رياض بثقه : رح نبحث من جديد لعل وعسى نلقاهم ...لكن الأهم هناء ما تغيب عن عينك لحظة وحده لأنها ورقتنا الرابحة!!! *** *** انتهى البارت دمتم بخير 🌹 | ||||
|
| |
|
26-02-22, 11:18 PM
| #817 | ||||
| عضو موقوف
| احس ان الأحداث اخذت منحنى غريب بصراحه... بالبداية كيف رحيق مابررت زين وبشكل مفصل للجد...ان مهند كاذب وعشان الورث قاعد الحين يبغى يخرب بيتها....جدا كان موقفها مختصر...مع ان من المفترض تكوم رده فعلها اكثر اندفاع وهي تحاول تبين ان مهند كاذب وأصلا من متى المعرفه بينهم حتّى تترك زوجها وجدها وتنتقل عندهم لو ماتطلقت حصه؟ الموضوع مايدخل العقلللل.... بعدين رده فعل الجد بعد ما اخذها مهند لبيته....يعني هو مايعرف رحيق مايعرف حركاتها...ياخي بالعقل هالبنت ربت عنده يعني لو بخاطرها هالافكار...كان بانت من البداية.. لكن البنت عمرها مابينت انها تبغى طلاق حصه ورضت بنصيبها.. غير كذا والاهم... كيف ان الجد بدل مايحاولون يروح مع فارس بيت مهند بدل مايقعد يكلمه كان من المفترض يروح بيته حتّى يشوف رحيق ويقعد معها ويفهم سبب هتغير الغريب إلي طرأ عليها...بدل مايقعد ياخذ المستجدات من مهند، مو كان من المفترض يروح يقعد معها ويشوف ايش سالفتها بضبط وليش قلبت عليهم كذا فجأه بدون اي سببب معينّ ... وبتالي يعرف كذب مهند، ويشوف حال رحيق كيف ويكتشف انه قاعد يكذب وبسسسس... بصراحه الأحداث اخذت منحنى غير معقول بصراحة.. يعني الجد كيف صدق برحيق بكل هالسهوله؟... | ||||
|
| |
|
26-02-22, 11:28 PM
| #818 | ||||||||
| يشاهدون محتوى الموضوع الآن : 199 ( الأعضاء 35 والزوار 164) mansou, فوق السحاب مستواي, زهراء ش, غدا يوم اخر, فتاة الحزن, لمعة فكر, دوجي مختار, نونه الحلوة, ام محمد وديمه, همسات مطرر, دنيتي دونكـ ظلام !!, أمانينا, دعواتي المحبه, المسك الطيب, عبق الرياحن, Shadwa.Dy, عـناقيد, مشتاقه لكـ, سما وقمر, ضاقت انفاسي, احب القراءه, asaraaa, نووره, Hmas, لينوسارة, zohorat, بدوية انيقة, هنية سلامة, سندريلا يمانيه., زهرة التوليب البنفسجي, نسائم الريحان, روح وريحان ة, Alhala1, غزالتي الحلوه, شوق سلمان | ||||||||
| |
 |
| الكلمات الدلالية (Tags) |
| ... |
| أدوات الموضوع | |
| انواع عرض الموضوع | |
|
|
4017Likes
.png)
العرض العادي
