26-12-22, 11:42 PM
| #353 | ||||
 
|  بارت ٢٣ عقدت حواجبها وهي تشوف رعد ملامحه ما تبشر بالخير ...بلعت ريقها بصعوبه وشيء بداخلها يردد إنه يمثل عليهم حتى يعمل آكشن!! رعد بضيق: ما في شيء ..بس الخطوبة تكنسلت !! حست هالكلمة نزلت عليها مثل الصاعقة ....كيف الخطوبه تكنسلت ؟! كل الاطراف موافقه وش الي كنسلها ؟! ناظرت جدتها الي نطقت بضيق:كيف ؟!وش صاير؟! رعد تكتف وهو ينطق: جدي سلطان خرب كل شيء ام خزامى بهجوم تناظر ولدها : تكلم بأدب واحترام عن جدك سلطان تفهم؟! ام فيصل بملامح باهته: اتركيه يكمل كلامه ..وش صار؟! رعد نطق بضيق: كانت كل الامور تمام بس جدي سلطان تكلم عن المهر وطلب مهرها يكون(******) شهقت خزامى باستنكار: وش تقول؟! ام فيصل عقدت حواجبها باستنكار: اكيد سلطان فقد عقله حتى يطلب هالمهر العالي؟!! عائشه رفعت حاجب:الحين أنا الدكتوره وكان مهري مثل بنات العائلة وبيلسان القرويه مهرها كذا مرتفع ؟! ام جسار نطقت بحده: انت لا تتدخلين بأمور ما تخصك وليه تعترضين و حضرتك من كثر لهفتك كنت تبغين تتزوجين بدون مهر!! مطت شفتها عائشه: يا ربي من هالسالفه ترى كانت مزح ... وبعدين لا تنسين اقلهن مهرا أكثرهن بركه!! ام فيصل بانتقاد: من كثر البركه الرجال اشتكاك عند ابوك قبل كم يوم منشفه ريقه!! رؤى بضحكه: لو انكتمتي احسن لك يا عائشه! ام فيصل ترجع للموضوع: طيب والحين وش صار؟! رعد وهو يجلس: ما ادري اذا وافق جدي ينزل المهر يمكن يتم الموضوع ..مع أني متأكد ما رح يتم جدي معند على الاخير ويقول بيلسان ما أقبل مهرها أقل من كذا؟! خزامى تحترق من ابوها ..الحين بيلسان يتشرط بهذا المهر وهي زوجها بدون اي شيء!! ليان ضاق خلقها من هالسالفه ليه يلعبون بمشاعر بيلسان ساعه يوافقون وساعه يصعبون الموضوع..اقتربت من بيلسان الي جالسه وتناظر الفراغ وكأنها ما هي مستوعبه شيء...جلست جنبها ووضعت يدها على كتفها بمواساه :إذا كان من نصيبك ربنا رح يسهل الأمر!! اقتربوا زوجات أعمامها من حولها بمواساه ...تسمع كلامهم من حولها وعقلها ما هو مستوعب شيء ..توقف عند جملة تكنسلت الخطوبة...قلبها ما عاد يتحمل هالتصرفات ... دام إنهم رافضين الموضوع ليه يعيشوها بأحلام وهميه!!! خلاااص اكتفت منهم ...وقفت وهي تحس النفس عندها يضيق ... مسكت يدها ليان برجاء: بيلسان لا تضيقين نفسك نطقت بعد ما بلعت غصتها ... وبصوت فيه اهتزاز ما قدرت تخفيه: أنا استخرت وربنا اختار لي الأفضل ... ابعدت يد ليان عنها بشويش وتوجهت للأعلى ..ودموعها تتراقص بعينها .... أم خزامى بغت تطلع خلفها ..وقفتها ام فيصل ومن الداخل مقهورة من سلطان وتدخله بعد ما كسر فرحة البنت: اتركيها الحين ...اتركيها تجلس لوحدها!! وناظرت رعد بغضب: وانت جالس اشوفك اطلع شوف وش صار؟! رعد مط شفته بملل وتحرك للخارج!! ** ** ابو سعد بهدوء: بس يا سلطان طول عمر الناس يحطون مهر متعارف عليه سواء كان أقل شوي من العرف أو كان أكثر شوي.. أما يكون مضاعف بهذا الشكل ما احد يقبل فيه ..وإن جينا للصح البنت مثل ما تقول عاشت عندك وربيتها بالقرية لو شفنا المهر بالقرية ما يوصل لهذا الحد بالعكس بالقرية المهر أقل من مهر المدينة...ولا تنسى اقلهن مهرا أكثرهن بركه!! سلطان بعناد: ترى ما هو حرام ...ربنا ذكر بكتابه "وءاتيتم احداهن قنطارا" ابو فيصل انغبن من سلطان واحتقن وجهه من القهر وما هو قادر يتكلم ... ابو سليمان نطق بمحاولة أخيره معه: يا سلطان الرحمة موجوده ..وكنان غالي علينا كثير ويعز علي يطلع من هنا مردود ..إلي مثل كنان ما ينرد سلطان مصمم يكنسل الموضوع: وما احد رده !! ..يوافق على المهر والحين يملك وليد انتفخت ملامحه من عناد سلطان وهو يحس انه فشلهم وبكلامه يمكن يخرب على خطوبة ليان وحتى بنات اخوته رح يؤثر عليهم ..ما يطلع بيده يتكلم قدام الجماعه ...رح يحاسب سلطان على هالتصرف وما رح يمر بالساهل !! المملك بضجر: يا جماعة الخير ما أقدر أتأخر اكثر من كذا !! ماجد يحس بداخله أبغض مخلوق على وجه الأرض بالنسبة له "سلطان " ما هو كذا التعامل والعناد ...لولا كنان ما جلس هنا دقيقه وحده.الي يلوي ذراعه كنان ما يبغى يكون عثره بينه وبين شيء يحبه ...ما رح يحرم ولده ورح يحقق رغبته بس رح يخليهم يندمون على هالتصرف وما يسمح لهم يتلاعبون بمشاعر ولده..وبنبره هادئة نطق: على العموم لما خطبناها المرة الاولى ما كان الكلام كذا .. وعمي أبو فيصل بلسانه قال انتم فصلوا وحنا نلبس والبنت ابنتكم. ...بس الحين تغير الكلام...ترى كل بالمجلس كانوا رجال وما هو حريم حتى يتبدل كلامهم أبو فيصل تغيرت ملامح وجهه بضيق وحرج من كلامه وهوصادق أعطاهم كلمة والحين يقلبون عليهم بسالفة المهر..ناظر سلطان بقهر وغبن! تابع ماجد كلامه: اذا ما هو عاجبكم نسبنا قولوا بالفم العريض ما نبغاكم وما له داعي للطرق الملتوية..وانتم تعرفون كنان شاب الكل يتمناه نسيب لهم ..كم سنة صار له متوظف وما عنده إمكانيه يوفر هالمهر .... ومع ذلك اقول لكم رح يتم الموضوع وما رح يكون المعر عثرة بيننا ... ملك لهم يا شيخ والزواج إن شاء الله لما يجمع المهر كنان !! سلطان وهو يشوف اصرارهم ..ناظر عمه ابو فيصل والاختناق واضح عليه من تصرفه..تنهد بضيق وبعدها نطق: أنا اتراجع عن كلامي ورح يكون مهرها مثل بنات عمها قاطعه ماجد بحزم: وربي ما ينقص شيء من المهر الي طلبته ..اكتب يا شيخ المهر الي طلبه ابو خزامى. قاطعه ابو فيصل : ابو كنان ماجد بإصرار: خلاص يا عمي ..نبدأ على بركة الله !! جالس والهدوء يحيط فيه ..ما يدري من وين طلع له سلطان بسالفة المهر...صحيح يحب البنت وتمناها بس ما توصل لذي الدرجه يعاملوهم ...كل فرحته وتلهفه طار ...كسر فرحته بهذا اليوم وما عاد له نفس يكمل الموضوع .... نطق بخفوت لابوه: يبه ماجد شد على يد كنان وبهمس نطق:ما عليه مستعد أقدم لك كل ما املك حتى اشوفك مبسوط!! كنان ما يبغى يحمل ابوه فوق طاقته ...زم شفته بضيق وهو يناظر الشيخ الي بدأ اجراءات العقد !!! سلطان زم شفته بضيق حاول يبعدها عن هالبيت بس محاولته باءت بالفشل...ما يبغاها كنه عند منار ..ما يضمن تحيك لها وتطلع الماضي من عيونها..بيلسان تعني له الكثير ولولا دراستها ما تركها هنا ساعة وحده ...بس النهاية البنت بنت وليد وما يقدر يتحكم أكثر من كذا ...ناظر كنان والعبوس مرتسم على ملامحه ... ما تمنى هالشخص لها أبد ..كل شيء نصيب بالدنيا!! * ** ** جالسه على السرير والسكون يحيط بها للحين متماسكه وما بكت ..تحس نفسها بحلم ..اكيد حلم والحين خزامى تصحيها ...ضمت يدها لصدرها والضيق بداخلها ما فارقها ..التفتت لما دخل ابوها ..كتمت انفاسها للحظات وهي تحاول تظهر الهدوء ...ما تدري وش يبغى منها ..يمكن ييغى يخبرها بالخطوبة الي كنسلوها!! اقترب منها وقبل ما ينطق دخلت خلفه خزامى بملامح غاضبه وهي تنطق بقوة: ما اسمح لك تتجاهلني وأنا اكلمك قدام الناس وكأني جدار!! ناظرها والشرار يطلع من عيونه: ترى مب فايق لك واصله هنا من ابوك وتصرفاته خزامى رفعت حاجب بقهر: وأنا وش دخلني؟! وليد زفر بضيق: خزامى بعدين نتكلم ..لاني ما رح اسلكها لأبوك يوم صغرنا بالمجلس!! رفع يده بتهديد لما بغت تناقشه: قلت لك بعدين!! التفت على بيلسان : تعالي وقعي على عقد الزواج!! مطت شفتها بسخرية ...ذول من عقلهم يتكلمون ..وكأنها كره يحركونها مثل ما يبغون ..ساعة لغينا وساعة موافقين!! دق قلبها بقوة لما نطق بغضب وهو يشوفها ساكنه ما تحركت: قومي اشوف تأخرنا حركت شفتها ترفض هالمهزله ما تبغى لا زواج ولا شيء..بلعت كلامها لما نطق: وربي اي حرف تقولينه أقلب البيت فوق رأس الكل ...يكفي سلطااااااان مب ناقصني عنادك تحركي بسرعه!! كتمت قهرها ونطقت باختناق: ما ابغى لا زواج ولا غيره رفع حاجب وهو ماسك اعصابه ما يوصل للجنون بسبب سلطانه وبيلسان: والله!! وش الي تغير؟! كنت موافقه قاطعته باختناق: غيرت رأيي نطق وهو يأخذ نفس طويل يمسك نفسه: الحين غيرتي رأيك والناس تنتظر تحت؟! بالمستشفى كانت ابتسامتك العريضه ما تفارقك وموافقه.. وإلا قالوا لك السالفه لعبه؟! ليان الي كانت واقفه عند الباب وتسمع كلامهم ..اقتربت وناظرت بيلسان برجاء تمشي اليوم على خير!! خزامى تغلي غليان وما هي عارفه كيف رح يملكون بعد ما تكنسل الموضوع ما معها تفاصيل!! ليان سحبت بيلسان برفق من يدها بابتسامة باهته: يلا يا قلبي! تحركت معها وهي تحس بموس بوسط حلقها مب قادرة تبلعه!! تمشي وكأنها مسيره خاليه من الاراده ...تمت الامور وما بقى الا توقعيها ... ناظرت يدها ترتجف بقوة ...اخذت نفس عميق تقوي نفسها ...وقعت بيدها المرتجفه ... سحب منها وليد الدفتر ..قبلها على رأسها وبهدوء نطق رغم ضيقه: مبارك يا بيلسان!! هزت رأسها بدون ما ترد ...اول ما خرج نزلت دمعة وتبعتها دموع... ليان جلست جنبها واحتضنتها بمواساه: لا تبكي ترى قلبي يوجعني لما اشوفك كذا ...يلا ابتسمي اليوم وقعت على حياة جديده مع إنسان رائع!! امسحي دموعك الحين يدخلون بنات عمي او جدتي اكيد خبرتهم أمك انه تم الموضوع! مسحت دموعها بيلسان ورفعت نظرها للباب لما دخلت ام خزامى والإبتسامة مرسومه على ملامحها: مبارك يا قلبي!! تحركت بيلسان بروح ميته وسلمت عليها... ام خزامى مسحت على رأسها: ليه هالدموع ..يلا ابتسمي لزوم تفرحين!! قبل ما ترد دخلت جدتها وزوجات اعمامها وبناتهم يباركون لها والكل ذبحه الفضول حتى يعرفون وش صار؟! ام فيصل : خلينا نجلس بالصالة افضل من هنا! ام خزامى : يمكن يدخل كنان قاطعتها ام جسار بابتسامه: ما رح يدخل والجمهور كله هنا ..نجلس بالصالة واذا جاء يجلس معها تروح له!! ليان بهدوء نطقت: شوي ونلحقكم أنا وبيلسان! بعد وقت قصير كان المكان فاضي ..نطقت ليان بتساؤل: ممكن اعرف سبب هالدموع؟! يعني كنت موافقه وما عندك اعتراض ليه كل هالزعل الحين؟! بيلسان زمت شفتها بضيق: هذا زواج وما هو لعبة ساعة يوافقون وساعه ير قاطعتها ليان: الاهم إنك ملكتي على كنان وصار من نصيبك وباقي الامور انسيها!! مطت شفتها بسخرية وكأنه النسيان سهل ... ليان شدت على يدها: خلاص افرديها كافي نكد ..بنات عمي لاحظوا زعلك وأثار الدموع ما نبغى نلفت النظر لنا ..امورنا الخاصة نحلها وما له داعي الكل يعرف فيها!! بيلسان مسحت وجهها تتأكد من خلو الدموع .. تنهدت ونطقت: أنا طالعه لغرفتي أبغى أنام قاطعتها ليان برفض:هذي ملكتك تعرفين وش معنى هالكلام؟! الي يشوفك يقول دافنه زوجها ...قومي أشوف نغير جوك .. تحركت معها بدون اي كلمه ..أي جو يغيرونه ومتاكده الامور ما رح ترسي على خير!!! ** ** ** وليد خلاص اكتفى من سلطان وتدخلاته ..حتى بجلوس كنان معها تدخل ...بعد ما طلع أهل العريس وما بقى الا اهل البيت ...نطق وليد والشرار يطلع من عيونه اكثر من كذا ما يتحمل: ممكن اعرف وش المسخرة الي صارت قاطعه ابو فيصل اختصار للمشاكل: خلاص وليد وليد والقهر واضح بملامحه: ما خلصنا ...أنا ابوها جالس هنا رجل كرسي والا طاوله؟! تخطط على كيفك وكأننا مب عينك؟! ليه ما استشرت على الاقل ابوي ...صغرتنا بالمجلس قاطعه سلطان بتحذير وهو يرفع يده: صوتك لا يرتفع فوق صوتي ...والبنت لي أنا ربيتها واهتميت فيها وليد بغضب: يعني أفهم تبغى تعويض بدل تربيتها ..ليه ما قلت لي أنا ادفع لك بدل هالمسخرة الي صارت قاطعه عبدالله بحده: وليد انتبه على كلامك .. أنا ضد المهر الغالي بس الي صار شيء عادي كثير ناس يختلفون على المهر وتتكنسل الخطوبة..وما احد جبرهم يتمموا الموضوع فيصل بتأكيد: بالضبط وبعدين لا تقارن بينها وبين عائشه .عائشة تزوجت من نفس عائلتنا وما تزوجت خارج العائلة .. بعكس بيلسان غريبه وفوق هذا العلاقة بالماضي ما هي زينة ..يعني نعتبر هالشيء حفظ لحقوقها جسار بعدم رضا عن كل شيء صار:لنفرض كانت حياتها معهم سيئة ..المال رح يطيب خاطرها؟! وش تبغى بهذا المهر اذا كانت حياتها جحيم!! السعادة ما هي بالمال ..والمهر الي طلبتوه مرتفع كثير ..والبنت ما تختلف عن باقي جيلها ما فيها شيء مميز عن الباقي..على الاقل اخواتي وبنات عمي طبيبات أما هي قاطعه سلطان بغضب:يعني نوع الشهادة الي ترفع الانسان وتنزله؟! ما اسمح لك تقلل من شأن بيلسان .. لأني اشوفها ملاك والي رح يأخذها لزوم يتعنى حتى يحصل عليها ...حتى يعرف قيمتها وما هو بالسهولة الوصول لها !! مسعود : قول يا عم إنك تبغى تفركش هالخطوبة وما لقيت الا ذي الطريقه سلطان بقوة نطق: هذي ابنتي وما احد له دخل بتصرفاتي وماني مضطر أبرر لكم أي شيء!! ختم كلامه وناظر رعد : قول لجدتك أنتظرها برا!! ابو فيصل بضيق نطق: اجلس قاطعه سلطان وهو يعتذر وطلع مباشره من المكان ...وليد تركهم وتوجه للداخل وبداخله نيران ما تنطفي!! بالصالة سلمت ام خزامى واستأذنت للمغادرة..بيلسان ماسكه بيدها وهي مستغربه من جدها ما طلب يشوفها ولا سلم عليها ...تحركت مع جدتها للخارج والنفس يضيق عليها ... أم خزامى تواسي بها: كذا رح تكونين قريبه منا !! هزت رأسها بيلسان بتسليك وهي تحس بشيء جاثم فوق صدرها ... اقتربت من جدها وسلمت عليه بهدوء ...سلطان ناظرها والدموع تتراقص بعيونها: وش فيك متضايقه ؟! هزت رأسها وهي زامه شفتها تمنع دموعها!! سلطان بتبرير: لا تزعلين مني ..ابغى مصلحتك ..ما كنت ابغى هذا النسب بس نطقت باختناق : ليه ما قلت لي من البداية .. أنا قبل كل شيء اتصلت فيك واخذت الموافقه منك قاطعها بضيق: لا تزيدين همي ..ادري إني كسرت فرحتك ..سامحيني يا يبه!! مسحت دموعها وهي تنطق باختناق: ما تعتذر يبه ..أنا عفت الدنيا وما لي نفس بشيء ... أنا زمت شفتها بضيق ماهي قادرة تعبر عن الي بداخلها قاطعها وهو يتكلم بضيق: لا تقولين كذا ترى تذبحيني من الوريد للوريد ...انا ما اتكلم من قهري لأني متاكد ما رح ترتاحين عندهم ..واكبر دليل ولا وحده من الحريم كلفت نفسها وجاءت ...وهذا اكبر دليل انهم ما يبغونك ...ليه لما جاء يخطب ليان جاء معه حريم ...وش تنتظرين من ناس خربطوا باسمك وما يبغونك؟! نطقت بضعف وكلامه وكأنه خنجر بوسط صدرها : بس جدي ابو فيصل قال لي إنه يبغاني أنا من البدايه بس ابوي وليد قلب الأحداث قاطعها بسخرية: وصدقتي كلام ابو فيصل ؟! لو كان كلامه صحيح ليه ما قالوا لك من البدايه ؟! ليه بعد ما انحرجوا قدام الناس وتم الموضوع بالغصب ..قام يقولك هالكلام حتى ما تبقى خطوبة ليان حاجز بينك وبين كنان ...تراهم يبغون ليان للحين بس انجبروا عليك نطقت وهي تمسح دموعها من كلامه ..اوجعها حيل :يبه ... ام خزامى ضاق صدرها وهي تشوفها تمسح دموعها وما كملت كلامها ...أخذتها تحت ذراعها بحنان وهي تمسح على رأسها ... سلطان تنهد وهو يناظرها بعد ما ابعدت عن جدتها ..وضع يده على كتفها : يمكن كلامي ثقيل عليك بس ابغاك تعرفين الحقيقة وما تعيش احلام مزيفه ...وخذيها مني كنان ما رح يتمم زواجه منك ..فترة قصيرة ويعلن فسخ الخطوبه بأي طريقه ...فلا تتأملين وتحلمين بحياه ما رح تعيشينها .. ومن الحين لو اسمع إنك متواصله مع كنان أو جلست معه لساني ما رح يناطق لسانك طول حياتي!! ختم كلامه وهو يزفر بضيق ...بعدها نطق : لا تزعلي مني قاطعته وهي تنطق بهدوء : مو زعلان منك يبه.. لأني ادري انك تبغى مصلحتي ... وأنا مستحيل بيوم من الايام أكسر كلمة تقولها لي ... ومستحيل أمشي بطريق ما تبغاه .. أنا استخرت وربي رح ييسر لي الخير !! هز رأسه بهدوء: والنعم بالله ...والحين اسمحي لنا تأخرنا قاطعته وهي تمسح دموعها: ناموا هنا رد بجعرفه: ما بقى الا اقابل وليد!! زفرت بضيق بعد ما غادروا ...تأكدت من مسح وجهها من الدموع ...اخذت نفس عميق وبعدها عادت ادراجها للداخل...عقدت حواجبها وهي تسمع صوتهم العالي... انقبض قلبها وهي تدخل وتشوف خزامى ووليد اشتبكوا بالكلام مع بعض.. تكره هذي المواقف لأنها بكل بساطه خزامى تفرغ كل قهرها فيها !! ابو فيصل بغضب: خلاااص! خزامى بقهر من كلام وليد قدام سلفاتها: ما تسمعه يا عمي وش يقول ؟! وليد بعصبيه ويتكلم بعشوائية: وما قلت شيء غلط...ليه اول ما تزوجتك ما وضع هالمهر ؟! والا يبغى يخلص وزوجك ببلاش والحين جاي يتشاطر على كنان؟!! ناظرته خزامى بغل وحقد وتوجهت للأعلى!! تابع كلامه وليد :من باكر رح أرسل له فلوس تعويض عن الايام الي عاشتها بيلسان عنده.. وبسخريه تابع : رح ادفع له أجرة القصر الي عاشت فيه بيلسان ...واجرة الفراش الفاخر الي نامت فيه واجرة أكل المطاعم الي كان يأخذها له كل يوم ..واجرة المدرسة الخاصه واجرة قاطعته بيلسان وهي تسمع كلامه الساخر عن حياتها بالقرية ...نطقت بقوة:ما اسمح لأحد يتكلم عن حياتي بهذي الطريقة ... أنا عشت عند ابوي سلطان احلى حياة وبعمري ما حسيت بالنقص ...ايه عشت بخرابه بس كانت جنة وافضل من هنا ألف مرة ....بدل ما تشكره تتمسخر عليه؟! قاطعها وهي تنظر عليه: انت مين سمح لك تتكلمين ؟! ابو فيصل بضيق:وليد خلاااص... الموضوع تم ليه تعيد وتزيد نطق وليد بتبرير: بداخلي هنا نار مشتعله من سلطان قاطعته خزامى وهي تنزل من الدرج وتنطق بقوة: جعل هالنار تأكلك ..وش هالحقد الي بقلبك ...هذي اخر مرة احذرك تقلل من احترام ابوي!! رفع حاجب وهو يشوف معها اغراضها : وين ردت بقوة: ما رح اجلس هنا في بيتك دقيقه ...متى ما احترمت الي اكبر منك وعرفت قدرهم وقتها أفكر أرجع لك!! ختمت كلامها وهي متأكده رح يمنعها تطلع ويرجع كرامتها الي هدرها قدام أهله ... أبو فيصل زفر باختناق: ارجعي يا خزامى واخزي الشيطان نطقت بقهر لما جلس وليد وما عبرها ولا بكلمه: ولدك الشيطان بذاته!! احتدت ملامح وليد من كلامها ..وبدون وعي تحرك ومهو ما ناوي الخير!! وقف فيصل بينهم وهو يمنعه: تعوذ من الشيطان يا رجال ..الحين الشيطان ينفخ فيكم!! وليد بعصبيه والنيران مشتعله بداخله: اتركني خزامى تستفزه وهي مستقويه بأهله: اتركه اتركه اشوف وش يطلع بيده ..جالس يهايط ام فيصل بغضب من خزامى: خلاااص وش قلة الادب هذي ما تحترمين زوجك خزامى بردح: ليه ما تقولين عالكلام لولدك.. قاطعتها بيلسان الي مسكت بيدها وبرجاء نطقت: يمه كافي لا سكتت بيلسان لما استقرت كف خزامى على وجها وهي تنطق بغضب: الله يأخذك كله بسببك ..ليتك ما طلعت على هالدنيا وربطتي اسمي مع اسمه قاطعها وليد بغضب وهو يمسك فازا قريبه منه ويضربهابالجدار ينفس عن غضبه قبل ما يدفنها!!! صرخت بيلسان من الرعب لما ضربت بالجدار واصدر كسرها صوت ارعبها ...حضنت نفسها وهي تناظر الزجاج منثور على الارض ... خزامى بتهديد وهي تتحرك للخارج وربي لتندم وليد بغضب نطق وهو يناظر عياله: انقلعوااا معها ما ابغى اشوف واحد فيكم هنا ... الله قاطعه عبدالله بقوة: وش هالتصرفات ؟! وليد بغضب اشر عليهم: اطلعوووا من وجهي قبل ما ادفنكم ...براااااا ابو فيصل بغضب هز البيت: يكفي..ما في احترام لوجودي ...خزامى ارجعي لبيتك خزامى ناظرته بقهر: ما سمعته وش ابو فيصل بغضب: قلت ارجعي لبيتك وربي إن طلعت من يحصل خير....وانت ما ابغى أسمع صوتك تفهم!! وليد زفر بضيق بعد كلام ابوه وإلتزم الصمت! ام جسار بضيق: يعني اليوم ملكة بيلسان المفروض تباركون لها وتفرحون لها ما هو كذا تكسرون فرحتها بمشاكلكم قاطعتها خزامى بهجوم: انت لا تتدخلين ما احد طلب رأيك!! ختمت كلامها وتوجهت للأعلى تبعتها لجين وعبود ورعد .... كتمت بيلسان انفاسها للحظات وتوجهت للأعلى بخطوات ميته بعد ما أبدعوا أهلها بهذا الموقف ...حولوا فرحتها ليوم موحش موجع ما له طعم ...وكأنهم حلفوا ما تدخل السعاده قلبها ... وقفت لما استقرت بالصالة ..ناظرت خزامى وهي تدخل اغراضها الغرفة ...مطت شفتها بضيق وهي تحس بخنجر وسط حلقها ..وكلامها مثل السم ...تتمنى إنها ما جاءت للدنيا ..وش عملت لها حتى تقول هالكلام ..ويا ليت بينها وبينها ...قدام الكل تتكلم كذا وتضربها ...ما راعت شعورها أبد ..وليد كمل عنها وهو يستحقر حياتها في بيت سلطان ...ما عندها قدرة تتحملهم أكثر من كذا.... تابعت خطواتها متوجه لغرفتها وهي تتمنى من قلبها تنام وما تقوم .... ** ** ** ماجد للحين يغلي من سلطان ... قهروه ولولا كنان ما تمم الموضوع... زفر بضيق وناظر كنان الي يقود السيارة والعبوس مرتسم على ملامحه ... كنان يتسارق النظر لأبوه الي من اول ما طلعوا ما تكلم بحرف واحد والضيق واضح عليه ...نطق بتوجس: يبه ماجد بهدوء خارجي قاطعه : لا تضايق خلقك يا ولدي ..والبنت صارت من نصيبك!! الحين نوصل ما ابغى اشوف هالملامح كنان يحس فرحته انطفت وما لها وجود: أحسك متضايق ...انا كنت ابغى انسحب لأنه واضح ما يبغونا قاطعه ماجد : أخذناها من فوق خشم سلطان هو الي ما يبغانا !! ما ادري وش فيها البنت زود عن البنات حتى يتشرط وحالته حالة!! على العموم حصل خير!! كنان ما له نفس يتكلم ..اكتفى يهز رأسه وعيونه على الطريق ...بعد وقت كان بين أهله الي وصلهم خبر المهر من أعمامه!! ام ماجد باعتراض: وليه تممتم الموضوع ؟! ليه كل هالمهر ؟! الي يسمع يقول دكتورة والا شهاده هالحجم؟! والا ملكة جمال العالم ؟! ماجد بهدوء: النصيب هم طلبوا كذا وحنا وافقنا !! ام ماجد بغضب: وليه توافقون؟! بهذا المهر يتزوج ثلاث غيرها..الف وحده تتمنى ولدك !! ليه وافقت على هذي المسخرة؟! منار بقهر من ارتفاع مهر بيلسان: ليه ما قالوا لكم من البداية المهر كذا؟! ماجد بحده رد: البركة بأخوك !! منار بترفع: ما هو أخوي قاطعهم كنان بتجهم: تصبحوا على خير ..استأذن وتوجه لغرفته وهو يحس رأسه مصدع على الاخير وما هو ناقصه يسمع تنظير من أحد!! ماجد بعتب ناظرهم بعد خروج كنان: كذا الواحد تستقبلوه بتحقيق ..المفروض تباركون له وبعدين نتكلم بذي المواضيع ام ماجد برفض: على وش أبارك يا حظي على هالفخ الي وقعتم فيه؟! باكر تلعب فيكم الكره ورح تنجبرون ترضخون لها دام مهرها قاطعها ماجد بهدوء: البنت ما هي خسارة ودام كنان يبغاها مستعد أدفع كل شيء املكه مقابل كنان يكون سعيد منار بقهر: ويمكن ما يكون سعيد معها ؟! كنت تقول مستحيل تزوجه وحده من القرية ..وهذا انت تنازلت وزوجته لبنت من القرية ..عاداتها وافكارها مختلفه عنا!! ام ماجد مطت شفتها بقهر: كل اهلنا يتكلمون عن هالمسخرة قاطعها ماجد بهدوء: الناس تتكلم من قهرها وغيرتها ...النصيب وتم .. كلامنا بشيء من الماضي قلة عقل ..البنت الحين صارت كنتنا ..ما ابغى أحد يسمعها كلمه من هنا او من هنا او يجرحها ... وخلال هالأسبوع تاخذون هدية لها وتباركون لها منار باعتراض: أنا ما قاطعها بتفهم: انت مستثيه..أمي واخواتي رح يباركون لها ! اتفقنا يمه؟! ام ماجد باستسلام ..حتى لو كان الشيء ما هو عاجبها بس فيه عادات تحكمها : إن شاء الله..خلال هالاسبوع أكلم ام فيصل ونزورهم!! هز رأسه برضا: على بركة الله!! *** ** ** ** ** في اليوم الثاني للحين وليد وخزامى ما يكلمون بعض....للحين راسها مصدع من احداث البارحه وزاد عليها خزامى الصبح فرغت كل قهرها وحرتها بسبب وليد فيها..تنهدت بضيق وكملت تنظيف المطبخ ما تبغى تسترجع كلامها الجارح....اكثر كلمة أثرت فيها " عمري ما حبيتك ولا رح ييجي اليوم الي أحبك فيه"" أخذت نفس عميق تحاول تسيطر على نفسها من أثر هالكلام...ما رح تبكي ..ما عادت صغيره تبكي ..هي قويه ورح تتجاوز كل شيء.... اليوم ملكة ليان ما لها نفس تشوف احد او تقابل أي شخص...طلعت من المطبخ وتوجهت لغرفة ليان تشوفها قبل ما تنزل تحت....دخلت وهي تناظرها بأجمل حلة !! ناظرت رؤى الي نطقت بابتسامه : لزوم ما لبست يا ليان حتى نتأكد من مهرك؟! ليان ابتسمت : تراه ما هو جدي حتى يحط مهري... جدي أبو فيصل يقول رح يقول لهم خذوها ببلاش!! حنان بضحكه: أحس جدي يبغى يخلص منا! جلست بيلسان وهي تستمع لكلامهم بهدوء!! ريناد بتساؤل وهي تشوف بيلسان بملابس البيت: ما رح تنزلين بيلسان بصوت عميق في بحه من كثر بكاء البارحه : تعبانه !! ليان زمت شفتها بضيق وكلام خزامى الي وجهته لبيلسان الصبح يتردد بإذنها ...مستغربه من الهدوء الي يحيط ببيلسان .. لو كانت مكانها كان انفجرت وما تحملت .. أي أم تقولها بصريح العبارة ما تحب ابنتها ؟! ...تنهدت ليان وللحين كلام خزامى يخنقها بالرغم إنه ما توجه لها !!! حتى لو وصلت الام لمرحلة تكره ضناها او تكره تصرفاته ..بس ماتوصل لدرجه تعبر عن هالشعورقدام أي أحد ... حنان جلست جنب بيلسان بابتسامه وهي تحقق: الحين دورك بالتحقيق ..اتصل فيك كنان البارحه؟! بيلسان ما فيها حيل تتكلم ...نطقت بهدوء: ما فتحت جوالي ليان اعطت نظره لحنان تختصر وتنكتم!! حنان هزت كتوفها ببراءة ما عملت شيء كله سؤال عادي!! قاطعهم دخول خزامى وهي تنطق بهدوء: الجماعه على وصول ..يلا يا ليان!! ما ناظرت بيلسان جهة خزامى ...موجوعه منها كثير ..بعد وقت قصير ما بقى أحد بالغرفة غيرها...تنهدت وتحركت لغرفتها ...ما لها غير النوم تنسى من خلاله الواقع...بعد ما ماتت الحياة بداخلها وسيطر عليها اليأس والحزن!!! ** ** كالعادة جالسه امام بيتها والحسرة والحسد يأكل قلبها ...نطقت وهي تمط شفتها بقهر: ما أدري وين عقلهم يوم وافقوا على هذا الزواج؟!! سلمان وهو متربع على الارض ويناظر الشارع : قلت لك من قبل رح تتزوج واحد مستواه عالي ام سلمان بقهر: انا كلما أتذكر مهرها أفقع ..ما ادري كيف وافقوا ...بس الظاهر إنه ولدهم عشقانها حتى دفع لها هالمهر ..الحين تلقاه ملتصق عندهم وهايم فيها قاطعها سلمان وهو يلعب بالسبحه : من وين يعرفها ؟! ام سلمان مطت شفتها بسخرية: جيل هاليوم اعوذ بالله منه ...بناتك يقولون زمان كان يوقف باب المدرسة بحجة يوصل اخواته والظاهر كانوا يلتقون...ما ادري اكيد إنه أحول وما عنده نظر وربي سلام ابنتك اجمل من هالبيلسان ألف مرة سلمان بحسره: وربي لوجاء الا أعطيها له ببلاش ام سلمان زمت شفتها بقهر: هي شايفه نفسها من قبل هالزواج ..بعد الزواج ما ظنيت تدخل القرية .. اقتربت نورة من بيت اهلها وردت السلام ...جلست وهي تنطق بتساؤل: وش فيك واضح إنك متضايقه سلمان وهو يحك ذقنه بملل:: ضاق صدرها من لما سمعت بخطوبة بيلسان قاطعته نوره وهي تجلس: لا تفتحوا هالسيرة ترى انبط كبدي ...كل اهل القرية يتكلمون عنها حشى وكأنها من المريخ نازله ..وإلي يقهرني أهلها يدللون ما يبغون يزوجونها له ..والبنت ما تبغاه بس هو يبغاها وأصر ما يتزوج غيرها لو يبقى طول حياته أعزب!! مطت شفتها ام سلمان بسخريه: عشتو!! متأكدين إنه هالرجال بكامل قواه العقلية ؟! سلمان رفع حاجب وهو يكلم نورة ويبهر الكلام الي سمعه من امه: ازيدك من الشعر بيت ..تراهم يحبون بعض وبينهم علاقه غراميه من ايام المدرسه يلتقي فيها ...شوفي كيف سحبها ابوها لبيته ونادرا ما تزور القرية ...فمنعوها تنزل للقرية حتى تبعد عنه خايفين البنت تجيب لهم مصيبه.... الله اعلم وش هببوا حتى ضغطوا عليه بهذا المهر والا يشتكون عليه للشرطه فأكيد وافق على الزواج ولا ينفضحون بالمحكمة نورة فتحت عيونها بصدمه: وأنا أقول وش الي يخليهم يقبلوا بهذا المهر حتى ما يشتكون اهل البنت عليه ام سلمان تكمل عنهم: واكيد ما رح يشتكون عليهم الا السالفة عميقه وما تتصلح الا بالزواج!! نورة رفعت يدينها: استغفر الله ..يا ربي استر علينا ...والله هالجيل ينخاف منه !! ام سلمان : ما رح تدوم عنده سنة وسنتين ويطلقها ما رح يقبل يكمل حياته مع بنت كان على علاقه معه قبل الزواج!! سلمان هز رأسه بتأكيد: تلقينه ناظر بيت سلطان ..ظنها بنت فقيره ومسكينه ولعب عليها وبالنهاية اكتشف إنه اهلها قاطعته أمه: اسكت اسكت هذا ابوك متوجه لنا ...لا تورطنا معه!! ** ** ** مر اسبوع تقريبا على ملكة ليان ...بدأ الوضع بالبيت يرجع بالتدريج مثل السابق بعد ما تصالح وليد وخزامى ... لكن هي على نفس الحال منعزلة وما تتكلم بشيء ...ومن خلال هالمدة اكتشفت انها خزامى مقاطعيتها وما تكلمها ..مطت شفتها بسخرية صدق المثل " ضربني وبكى وسبقني واشتكى" قررت ترجع للبيت تخاف تنام بأي لحظة ...الصبح بدون وعي نامت بالمحاضرة ...لزوم تضبط امورها تراجع بالمستشفى وتعرف وش سبب هالنوم والخمول الي يصيبها ... همت بالوقوف ..سرعان ما اعتدلت بجلستها لما جلست فاطمه بعد ما ضربتها على كتفها بخفه: كيفك يا حلوة!! بيلسان بملامح شاحبه ابتسمت: هلا فطوم؟! فاطمه سلمت عليها بحفاوة وهي تبارك لها : يا دبه لي اسبوع احتريك بعد ما وصلني امر خطوبتك عقدت حواجبها باستغراب: كيف عرفتي ؟! فاطمه بابتسامة: كل اهل القرية يعرفون وخاصه مع مهرك لي صار حديث اهل القرية!! وبضحكه تابعت كلامها: تدرين يقولون تركي يقول بعد ما وصله قيمة المهر.. يقول بهذا المهر اشتري بيت وسياره واربع حريم!! كتمت ضيقها من هالموضوع...فاطمه تتابع بغمزه: حركات من ورانا !! ترى نجوى متحلفه فيك.. كيف تكون آخر من يعلم!! ابتسمت بمحبه وشوق لنجوى وبلهفه نطقت: وش اخبارها؟! فاطمه بابتسامة عريضه: نفس الحال ما تغير شيء..بس مشتاقه لك!! قضت وقت طويل مع فاطمه نسيت نفسها وهي تسمع صوت آذان العصر ..استأذنت من فاطمه وتوجهت أدراجها تصلي العصر وبعدها ترجع للبيت ...بعد وقت دخلت من البوابة الخارجية للبيت ...عقدت حواجبها باستغراب وهي تشوف اربع حريم يمشون قدامها ...وخزامى واقفه عند الباب الداخلي وواضح تبغى تستقبلهم ...يمكن من صديقاتها... انتبهت وحده من الحريم عليها ...وقفوا وناظروها ..عبست ملامحها بضيق ما تحب احد يناظرها وخاصه وهم يتهامسون بينهم!! اقتربت منهم وبجمود ردت السلام ...حست بالضيق وهي تشوف من بينهم جدة كنان ...نفسيتها ما تتحمل تستقبل أي أحد ...جبرت نفسها وسلمت عليهم بهدوء...رفعت نظرها على خزامى الي اقتربت منهم وهي تنطق بصوت مرتفع: حياكم الله!!! ام ماجد التفتت على خزامى وتابعت خطواتها باتجاه خزامى ...سلموا عليها الحريم ودخلوا معها وهي ترحب فيهم بطريقه مبالغ فيها وبلسان مثل العسل!! مطت بيلسان شفتها بسخرية وهي تناظرهم لما دخلوا البيت...قدام الناس نظهر أجمل شيء فينا وما نظهر جانبنا البشع ...نظهر قدام العالم بمظهر الملاك الي ما يغلط !! زفرت بضيق بتواجد اهل كنان ما تدري ليه جايين ؟! ما لها نفس تكمل الطريق للداخل وتقابل خزامى وتسمع كلامها الي يسد نفسها!! اخذت نفس عميق وتوجهت للداخل بملل...اول ما دخلت تحركت وهي ناويه تصعد للأعلى ..وقفتها خزامى وهي تقترب منها ..وبهمس حاد نطقت: ليه تأخرتي؟! وما تركت لها فرصه ترد نطقت بقهر: ماقدرتي الا تدخلين معهم ويشوفنك بهذا المنظر؟! رفعت حاجب بيلسان وتلقائيا ناظرت نفسها بتعجب من كلامها؟! خزامى بأمر: تحركي إلبسي ملابس مثل الخلق وحطي أي شيء على وجهك وانزلي اجلسي معهم ردت بيلسان بهدوء خارجي: ما ابغى أقابل أحد انت تكفي وزيادة قاطعتها خزامى وهي تمسكها من معصمها بقوة: اسمعي كلامي احسن ما اتصل بوليد ..تحركي بدلي ملابسك ! فكت يدها بيلسان وهي تناظر معصمها مكان يد امها ..بلعت قهرها وبهدوء نطقت : أنا افتخر بنفسي بكل حالاتها وما أستحي من نفسي حتى أغيرها!! وتحركت مباشرة للمجلس بعد ما وضعت اغراضها على جنب .... تحت انظار خزامى المصدومه من حركتها وكلامها ...صكت خزامى على أسنانها بقوة الحين أكيد رح تفشلها قدامهم!! ** ** رنا بعبوس نطقت:يعني وش فيها لو رحنا مع جدتي؟! منار وضعت الجوال وهي تنطق بضيق: ترى مب رايق لك يا رنا !! ديما بعبوس: حتى ليان ما تركتينا نحضر حفلتها قاطعتها منار: ما عملت حفلة مجرد ملكة ولبست فستان قدام اهله ولبسها الشبكة ...تراها تراعي مشاعري اكثر منكم ..رفضت تعمل حفلة ورنة ورقصه احترام لي ولأهلي رنا بضجر : الميت الله يرحمه قاطعتها منار بعتب: رنا وبعدين ....ترى تضايقيني بكلامك رنا باعتذار: انا اسفه ماما ما هو قصدي..بس فضولي اشوفها ..واعرف وش لابسه وكيف تتعامل معهم قاطعتها منار بهدوء : لا تخافين رح تطبق دور الكنة السنعة قدام خالتي ام ماجد حتى تكسبها بصفها أنا هذي الاشكال أعرفها!! رنا بدفاع ما تدري وش سببه: ويمكن تكون فعلا صادقه وما عندها تصنع وهذا طبعها يعني ما نحكم على الشخص الا قبل ما نعاشره .. سكتت للحظات وبعدها سألت باستفسار: كنان رح يروح معهم ؟! منار وهي تمسك الجوال: لا عنده مناوبه رنا وهي تناظر ديما : تتوقعين كنان وش مسجل اسمها عنده؟! ديما بابتسامه: زوجتي العزيزة!!! رنا ضحكت : خطيبتي الغاليه او غالية الثمن!!! ختمت كلامها وهي تضحك بصوت مرتفع!! ابتسمت منار على كلامهم وللحين ما هي مستوعبه كيف وافقوا على هذا المهر ...جاءت عندها برجولها رح تعرف كيف تطلع وجع الماضي من عيونها!! ** ** ** من اول ما جلست والهدوء يخيم عليها وهي توزع نظرها بين الموجودين ... من اول لقاء بعد الملكة حست إنه ما هو مرحب فيها ..وواضح سالفة المهر ضايقتهم كثير ..كل شوي وحده من عمات كنان تضرب قصة وسالفه عن المهر ... تكتفت وناظرت أمها الي تتكلم عن نفسها بمديح وعن انجازاتها بالجامعه والترقيه الي حصلت عليها ... زمت شفتها بملل من الجلسة ... متى ترجع لغرفتها وتستريح ...تحس النوم يداعب جفونها..ما هو وقت النوم الحين ...وقفت حتى تتحرك وتبعد عنها النوم ..توجهت للخارج وهي تحاول ما تفكر بالنوم ..قررت تطلع لغرفتها تغسل وجهها يمكن تصحصح ... وقفت لما وصلها صوت وليد وهو يدخل ...التفتت لما نطق باستغراب: وين رايحه؟! سكتت ما عندها إجابة... تابع كلامه باهتمام: تعبانه؟! وجهك شاحب؟! أكلت؟! حركت شفتها ترد ما تدري وش تقول اذا عرف إنها تأخرت بالجامعة لبعد العصر رح يفتح لها تحقيق ...اختارت اسهل اجابه: ما لي نفس ناظر اغراضها : لا تقولين دوبك راجعه من الجامعه! هزت رأسها بالنفي: لا زمان رجعت بس .. أنا قاطعها :اتركي الاغراض وارجعي اجلسي مع اهل كنان ..ترى يبغون يجلسون معك ما هو مع خزامى وأمي!! هزت رأسها على مضض ورجعت ادراجها للداخل ...زمت شفتها وهي تناظر خزامى للحين تتكلم عن نفسها !! ام ماجد إلتفتت على بيلسان لما دخلت وجلست مكانها بهدوء: متى تتخرجين؟! حركت شفتها ترد..بس سكتت لما جاوبت عنها خزامى. ..الظاهر اليوم احتكار المايك لها ...سؤال ام ماجد فتح باب الاسئلة عليها من عمات كنان ...اغلب الأسئلة جاوبت عليها ام فيصل وخزامى .. ما عادت تميز الاشكال الي قدامها ..اخر سؤال سمعته " كم تقديرها بالجامعه" ..بعدها دخلت بعالم الأحلام!! خزامى الي مندمجه مع الحريم وما انتبهت على بيلسان الي غطت بالنوم ... ام فيصل جالسه مقابل لبيلسان زمت شفتها بقهر من نومها ...وش يقولون الجماعة عنهم ..وش قلة الاحترام هذي!!! والمشكلة ما تقدر تصحيها قدامهم ..هزت رأسها بتوعد حسابها بعدين!! ** ** ** ** بالطريق يستمع لجدته وعماته عن انطباعهم عن الزيارة بهدوء ...جميلة بانتقاد نطقت: الحين انتم من عقلكم دافعين كل هالمهر لذي البنت ..يعني انا توقعت اشوف ملكة جمال العالم ؟! ام ماجد التفتت عليها: تراها حلوة مطت شفتها جميله: وين جمالها ؟! وجهها باهت ما في معالم الحياة خلود باعتراض: والله البنت انا شفتها من قبل حلوة وما عليها شيء ..بس اليوم وجهها شاحب وواضح إنها مريضه وتعبانه..لا تنسي دوبها راجعه من الجامعه فأكيد تعبانه!! خولة بانتقاد: انسي الشكل أنا انتقدتها بشيء واحد وحسيت ما فيه احترام لنا ...يعني حنا نسأل فيها وحضرتها عملت لنا طاف ونامت وحنا جالسين!! جميله باستنكار: انا بالاول كذبت نظري قلت مستحيل ما توصل لذي الدرجة!! ام ماجد بترقيع بالرغم إنها ما عجبها تصرف بيلسان: البنت تعبانه ومريضه والمريض ينام بدون وعي!! يسمع كلامهم والصمت يغلفه ...ما يدري ليه أصابه الفتور من هذا الموضوع..وكل حماسه للخطوبة طار .. وما له نفس بشيء ... ناظر عمته لما كلمته: ليه ما دخلت ولبستها الشبكه وهي نايمه!! ختمت كلامها بضحكه ساخره!! ناظرها من المرايه ما له خلق لسخافتها ...والتفت على جدته الي نطقت بمديح: ما شاء الله ربنا يسعدك ويوفقك معها ..البنت ما يعيبها شيء ..واذا اهلها ثقلوا عليك بالمهر البنت ما لها علاقة بالموضوع هز رأسه ونطق بثقل ما له نفس يتكلم: أكيد ! خلود بابتسامه: ربنا يوفقك معها ..وربي مناسبين لبعض كثير ... جميله بنظرها لو تزوج ليان اجمل واحلى ..بنفس الوقت ما تفرض رأيها على أحد ...والبنت ما صار بينهم أي شيء ..للحين ما تعرفها وهذا اللقاء ما تقدر تحكم عليها منه ..مع الايام رح تتعرف عليها اكثر ..وبهدوء نطقت: ربنا يوفقك يا كنان تستاهل كل خير ...والله فرحنا لك بمناسبة الخطوبه ..صحيح ما عجبنا المهر بس اهم شيء تكون مبسوط وسعيد بحياتك! هز رأسه وبهدوء نطق: ربي يسعدكم ويحفظكم لنا !! ** ** ** انتهى البارت..دمتم بخير 🌹 | ||||
|  |
|
27-12-22, 12:39 AM
| #355 | |||||
| اقتباس:
| |||||
|
| |
|
27-12-22, 12:59 AM
| #356 | ||||
| بارت حماسي نظف الحيوب الانفيه تمام من الشهقات والبكاء المظلومة مع بيلسان اختها ليان هي الي تحرق نفسها علشان الامور تعدي وماتصير مشاكل واكيد بتكمل الدور بعد زواج بيلسان وكنان مع امها تتوقعون لما تردح لمار علي بيلسان وتجرح فيها بتقول لهازبنتها ان خزام قالت لها قبلها ام سليمان العيانه=صاحبه العين الحاسدة مابعد طابت من راسها جت علي خطيبها اتوقع لما تموت كل مشاكل بيلسان تنحل من حب خزام لها وغيرها ابدعتي كعادتك في رواياتك السابقه بارت عنوانه اتحداك ماتبكي | ||||
|
| |
 |
| أدوات الموضوع | |
| انواع عرض الموضوع | |
|
|
2373Likes
العرض العادي
