24-09-13, 04:02 PM
| #31 | ||||||||
|  روايه قلوب نقيه البارت الثالث عشر هكذا هي الحياه كانوا بنسبه لنا اغراب لاكن القدر جعلهم قراب ... وصلت على البيت انفتحت البوابه ودخلت بسرعه نزلت من السياره وانتبهت لسياره ابوها والحرس واقفين عند الباب طاح قلبها من محله حست برجفه في جسمها بلعت ريقها من الخوف ودخلت البيت لقت ابوها جالست وانتبهت انه في شخص جالس معه بس ماقدرت تعرفه لانه كان معطيها ظهره :هديل انتفضت هديل وطالعت في ابوها :ايش بك بتتسحبي كدا هديل غرقت عيونها بالدموع وارتمت بحضن ابوها ابوها بخوف:هديل ايش بك هديل زاد بكائها كان نفسها تشكيلوا تقولوا ايش صار في غيابه بس مو قادره بعدت عن خضنه ومسحت دموعها :لابس اشتقتلك ابوها:ترا مو اول مره اسافر هديل ابتسمت مابين دموعها ابوها:هديل ليش لابسه العباء هديل بأرتباك:هاا اممم بابا مين هاد مسك ايدها وسحبها معه:تعالي ياسر اول ماشافهم جايين بأتحهه وقف هاذي هي هديل ياسر ابتسم وقرب يسلم عليها هديل على طول رجعت على وره بخوف ياسر استغرب ابو هديل :ياسر هديل لسى ماتعرف بشي هديل طالعت في ابوها:ايش في جلس ابو هديل وطلب منهم يجلسوا:هديل في شي انتي مو عارفته انا قبل مااتزوج امك الله يرحمها كنت متزوج وعندي ولد بس امه الله يسامحها اخذته مني وسافرت وماقدرت اوصلها وبعدها تزوجت امك والتهيت بأعمالي بس كنت دائما بسئل عنهم والحمدالله بعد هالعمر الله جمعني بأبني اللي انحرمت منه 30 سنه هديل تطالع بأستغراب :مو انت ياسر :ياسر مصمم ازياء في لندن _أبتسم :واخوكي هديل حست بغصه ماقدرت ترد دموعها نزلوا قامت من مكانها وطلعت جري ياسر وقف يتبعها :خليها يأبني هديل ماتحب احد يشوف دموعها خليها تستوعب لحالها الموضوع حركت سيارتها وتوجهت للمكان اللي ماتتذكر منه شي دخلت الحي وتدعي من جواتها انها ماغلطت بالمكان نزلت من سيارتها واخذت كيس الأدوياء مشت كم خطوه خافت من المكان شافت ولد بيلعب راحت لعنده وقالت بأبتسامه :لوسمحت تعرف بيت واحد اسمه مروان الولد :قصدك مروان صاحب الدكان دينا:اممم ماعرف الولد:اذا قصدك مروان صاحب الدكان فهاد بيته _اشر بأيده هو اله كم يومين مابيطلع من البيت بسبب رجله دينا :اها خلاص شكرااا توجهت للبيت اللي اشر لها عليه ودقت الباب كدا مره فتحت لها عجوز كبيره بالسن :اهلين دينا بأبتسامه :كيفك ياخاله ام مروان:الحمدالله مين انتي يابنتي دينا :انا اللي كان خارج من الحمام وسمع صوت مو غريب عليه توجه لمصدر الصوت اول ماشافها ابتسم طالعت فيه بعد مااخذت تهزيى محترم من امه حط مروان ايده بكتف امه:ماما حبيبتي البنت مالها ذنب ماكانت متعمده تصدمني وبعدين هيا ماقصرت اخذتني على المستشفى وطمنت علي ورجعتني البيت كمان دينا ناولته كيس:تفضل هادي الأدوياء نسيتها بسيارتي مروان اخد الكيس :شكرااا والله مو عارف ايش اقولك دينا:العفوا هذه واجبي ام مروان:سامحيني يابنتي اذا غلطت عليكي بس مروان ابني الوحيد ماعندي غيروا بخاف عليه من نسمة الهوا دينا:انتي اللي سامحيني ياخاله يالله انا لازم امشي مسكت ايدها ام مروان:لاوالله مارح تمشي قبل ماتشربي شي دينا:مافي داعي طالعت في مروان بترجي مروان اشر لها انه ماله دخل وابتسم ام مروان دخلتها : تفضلي اجلسي اروح اعملك شي تشربيه دخل البيت لقاها جالسه وماسكه كتاب وبتقراء بتمعن:سلااام فرح نطت:بسم الله خوفتني زياد:ليش شايفه جني رجعت تقراء كتابها وماردت عليه زياد:لاتقوليلي انك لسى بتقرئي روايات فرح:اكيييد لسى وانا بقدر استغنى عن الروايات زياد:وربي مجنونه المهم اسمعي جهزي حالك لأنه بكرا مسافرين دبي فرح التفتت:ايشش من جدك زياد:لا امزح اكيد من جدي فرح: كيف؟ والله مارح الحق زياد:لو قمتي من الأن وتركتي عنك الروايه رح تلحقي فرح بوزت قامت ورمت الكتاب بوجهه وطلعت وهيا تكلم نفسها زياد اخذ الكتاب وفتح الروايه يقرئها وهو بيضحك على اخته | ||||||||
|
|
26-09-13, 11:57 AM
| #32 | ||||||||
| روابه قلوب نقيه تابع للبارت الثالث عشر دخلت الغرفه الصغيره المكركبه جلست تطالع في المكان اللي ابدا مو من مستواها وبانسبه لها غريب جدا مروان :خلصتي دينا فاقت من سرحانها:ها مروان:اتفضلي طالعت بالسجاد اللي على الأرض :اممم وين اجلس مروان طالع فيها بأستغراب:اجلسي بالأرض دينا ترددت بالأول وبعدين جلست مروان:عارف ان المكان مو من مستواك دينا ابتسمت:لا عادي انا مابهتم بالمظاهر مروان:امم طيب كويس دينا:كيف رجلك ان شاء الله احسن مروان طالع برجله:لا الحمدالله صارت احسن بكثير دينا:الحمدالله مروان:كيف عرفتي البيت دينا:اللي يسئل مايتوه دخلت ام مروان اللي كانت ماسكه صينيه فيها كاستين عصير:تفضلي حبيبتي دينا بأبتسامه:شكراا والله ماكان له داعي ام مروان:ولو انتي ضيفتنا ماقلتيلي ايش اسمك دينا:اسمي دينا ام مروان:ماشاء الله اسمك حلو دينا بخجل:تسلمي ياخاله مروان لاحظ نظرات امه لدينا :شو ياأم مروان شايف عجبتك ضيفتنا ام مروان بأبتسامه:اي والله عاجبتني الله يحميك يارب دينا:امين ويخليلك مروان ام مروان:امين يارب نفسي اشوف اولاده قبل مااموت مروان مسك ايد امه:الله يعطيك طولت العمر وتشوفي اولادي واولاد اولادي دينا كانت تتابع كلامهم وهيا شايفه عيون ام مروان اللي كلها حب لأبنها حبت علاقتهم بالرغم انه ماتعرفهم ابتسمت بحزن ماتعرف ليش جات في بالها امها اللي يجلسوا باﻷيام مايشوفوها صحيت من تفكيرها لما رن تلفونها بنغمه الرسائل اخذت تلفوتها وفتحت الرساله-طمنيني عليك اذا وصلتي البيت ^_^ رجعت تلفونها :يالله انا استئذن ام مروان:لسى بدري ماشبعت منك دينا ابتسمت:مره ثانيه ان شاء الله قامت واخذت شنطتها:يالله مع السلامه مروان قام ومد ايده مدت ايدها بتردد وسلمت عليه:في امان الله دينا بخجل:في امان الكريم طلعت من البيت وهيا مبسوطه حبت البساطه اللي عايشين فيها وحبت علاقتهم ركبت سيارتها تذكرت الرساله رمت جوالها بطفش دق الباب كدا مره بعدها فتحت الباب طالع فيه بأستغراب كان وجهها باهت وعيونها مورمه والكحل سايح بعيونها طالعت فيه بتردد :تفضل دخلت ودخل ورها جلس بطرف السرير:انا عارف انك مصدومه من اللي سمعتيه بس صدقيني صدمتي مو اقل منك انا كنت عايش مع الرجال اللي كنت افكره والدي وفجاء اكتشفت انه مجرد واحد رباني وبس ولما عرفت انقهرت كثير هديل زادو دموعها نفسها تقولوا انها ياما تمنت اخ يكون لها سند ويحميها من كل شي بس بعد اللي صار لها تحس نفسها عار بانسبه له ياسر:هديل قولي شي هديل مسحت دموعها وطالعت فيه:محتاجه وقت عشان اتعود عليك ياسر قام من محله:خذي راحتك انا رايح غرفتي واي وقت حابه تحكي تعالي هديل ابتسمت وحركت راسه طلع من عندها وهيا زاد بكائها رمت وجها بالمخده ودخلت في نوبه بكاء لين ماغفت ونامت طلع من غرفته مالقى احد شاف الخدم جايين رايحين استغرب توجه للغرفه اللي مقابل غرفته على طول دخل شاف حلا واقفه وبتعطي اوامر للخدم :ابغاكم ترتبوا كل انا كل شوي رح اجي واشوف ترتيبكم مشيت من عندهم وطلعت لقت اياد بوجهها:مساء الخير اياد عقد حواجبه:ليش بتنظفوا الغرفه حلا:ليش مو عارف انه اولاد عمك رح يجو اياد:طيب؟ غرفه زياد فوق حلا:وفرح! اياد:لاتقوليلي انها رح تجلس بهادي الغرفه حلا:ليش عندك مانع اياد:انتي بتعرفي اني مابطيقها والحين رح تسكنوها بالغرفه المقابله لغرفتي حلا:بابا هو اللي امر بكدا وبعدين سؤال ايش عملت لك البنت مشان تكرهها كل هاالكره اياد:مابعرف كدا حلا:انت ماشفتها غير مره لا وقبل خمس سنين كمان يعني ماله داعي هالكره اياد:محد يحب احد غصب حلا:ماقلتلك حبها بس لاتكرهها اياد مشي من قدام حلا وهو معصب | ||||||||
|
|
|
01-10-13, 10:03 PM
| #35 | ||||||||
| روابه قلوب نقيه البااااااارت الرابع عشر ليس الحب غصب ياسيدي فقلبي امتلكه شخص اخر ولا اعلم كيف امتلكه ماسك الكتاب وبتفكر مو قادره تركز لها 3 ساعات وهيا على هالحال:ياربي ليش مو قادره اذاكر :لأنه باللك مشغول بشي ثاني التفتت على مازن اللي دخل وماسك اكياس بأيده دينا:ايش جايب معك مازن:قوليلي اول بأيش بتفكري دينا قامت له:مازن والله مو فاضيه لهبلك مره جوعانه مازن حط الأكياس وره اذا فيكي اخذيهم مني _وراح جري وهي بتلحقه :مازن حرام عليك اتصل فيها كدا مره واردت زفر ورمى التلفون دخلت امه عليه بأبتسامه:وسام وسام:اهلين امي تفضلي دخلت وجلست بجنبه :كيف الدراسه وسام:الحمدالله ماشي الحال امه:يالله هانت كلها اسبوعين وتتخرج وسام:ان شاء الله امه:وسام ماتفكر بالزواج وسام:لسى بدري على هالكلام امه:ليش بدري انت قريب رح تتخرج والشغل وضامنه بشركه ابوك والحمدالله مو ناقصنا شي وسام:امي انا كم مره قلت لكم حياتي محد يتدخل فيها ابدا انا بنفسي رح قرر كيف يكون مستقبلي امه:بس احنا اهلك وسام:ولو انا ماابغى مساعده احد امه قامت:الحق علينا انا وابوك نبغى نفرح فيك وسام اكتفى بالسكوت طلعت من عنده وهيا معصبه التقت بريناد اللي كانت طالعه من مرسمها:انتي لسى مالبستي ريناد:لسى بدري امها بعصبيه:اطلعي بسرعه وبدلي هالملابس وغسلي وجهك من هالألوان خالك شويا ويوصل ريناد تأففت وطلعت امها:يارب صبرني واحد بغرفته 24 ساعه والثانيه عايشه بمرسمها ... جالس بيدق بالطبل وبيضحك مبسوط على الأخير:الف الصلاه والسلام عليك ياحبيب الله محمد وللللل هههه مشكلتي مابعرف ازغرط نزلت من الدرج بفستانها السكري وشعرها المرفوع بطريقه هاديه ابتسمت على ابن اخوها فارس قام من محله وتوجه لها مسك ايدها:ايش هالجمال كله والله خايف يصير لي شي اليوم منار ابتسمت بخجل احمد:احم احم نحن هنا انا اقول توكلوا وروحوا بيتكم وكملوا المشهد الغرامي لحالكم وتركوني ازاكر فارس منار ضحكوا عليه طلعوا من البيت ودعهم احمد بعد ماوصى فراس على عمته دخل البيت ونمحت ابتسامته فضي البيت عليه تذكر الحادث وتذكر شكل امه وابوه وهما ميتين نزلت دمعه من عينه ومسحها على طول وطلع على غرفته في بيت فارس دخلت منار البيت بعد ماساعدها فارس بحمل فستانها :نورتي البيت منار بأبتسامه:منور بوجودك مسك ايدها:تعالي نجلس جلسوا على الكنب :ايش رايك بالبيت منار:حلو فارس:منار منار طالعت فيه:عيون منار فارس:مبسوطه منار:كلمه مبسوطه شوي علي مو مصدقه احسه حلم فارس مسك ايدها وباسها:واحلى حلم منار ابتسمت بخجل فارس:الله يقدرني واسعدك واعوضك عن كل السنين اللي انحرمنا فيها من بعض واخييييرا تححقق حلم منار وفارس نخليهم يكملوا ^_* ونروح لمكان ثاني رتبت ملابسها بالشنط واخر شنطه سكرتها ورمت حالها بالسرير:اوف واخيييير رن تلفونها وردت :هلا شهد:هلا بالقاطعه فرح:لاتقولي كذا والله انك دايم على البال شهد:اممم واضح والدليل انك بكره مسافره وماقلتيلي فرح:بسم الله من قلك شهد:من غير نوف فرح:وهادي لسانها متبري منها شهد:ليش انتي كنتي ماتبغيني اعرف فرح:لاياقلبي مو كذا بس حبيت اخبرك بنفسي شهد:المهم اني عرفت وخلص فرح:صدقيني الموضوع صار بسرعه انا اتصلت على نوف بس عشان تكلم استأذا التحفيظ وتقولها اني مارح استمر شهد:طب ليش مسافره فرح:تعرفي زياد اخوي يشتغل عند عمي فالازم اروح اعيش معه شهد بحزن:والله رح اشتاق لك فرح:والله وانا اكثر مو هاين علي اترك جده واسافر دبي شهد:يالله الحمدالله على كل حال فرح:الحمدالله شهد:يالله ياقلبي امي تناديني اكلمك مره ثانيه فرح:طيب مع السلامه سكرت منها ورجعت تمددت على السرير لين ماجاها النوم ونامت طلعت من غرفتها وتوجهت لغرفته متردده تدق الباب سمعت صوته بيكلم احد ويصرخ:لاتقولي امي انتي مش امي ضحكتي علي وعشت مع واحد كنت مفكره والدي ليش عملتي كدا_لا مارح ارجع خلص انسيني انا مرتاح هنا_مع السلامه _زفر ورمى التلفون طلع من غرفته لقاها واقفه وحاطه ايدها على فمها بتمنع بكائها ياسر:هديل هديل انتبهت لصوته ومسحت دموعها ياسر:ليش تبكي هديل:كنت مفكره انه انا بس اللي عندي مشاكل ياسر ضحك بحزن:لا اطمني محد في هالدنيا ماعنده مشاكل _مسك ايدها :تعالي هديل سحبت ايدها بخوف ياسر:ايش بك هديل:رح امشي لحالي ياسر استغرب منها بس ماعلق جلسوا مع بعض يتكلموا وكل واحد يحكي لثاني عن حياته صباااااااح جديييييد _اول يوم في امتحانات الجامعه _تحديدا _قسم الطب_خرج من الأمتحان بعد ماحل كل شي فتح موبايله لقى 10 مكالمات من عمته ابتسم وتصل عليها :الو احمد:صباح الخير ياعروس منار:صباح النور ليش ماترد احمد:لسى خارج من القاعه منار:وكيف كان الأمتحان احمد:تماااااام منار:الحمدالله احمد:كيف العريس منار:الحمدالله يبغى يكلمك فارس:ياهلا باابو ناصر احمد:هلا فيك يالمعرس كيفك فاررس:الحمدالله مدام عندي القمر احمد:اوووه من قدك هاكيف الزواج فارس:حلوووووو احمد:ههههه والله شكلي رح اروح املك واسحب على الأمتحانات فارس:ههههههه انت خلص امتحاناتك ونخطبلك احمد:ان شاء الله فارس:يالله اخليك مع السلامه احمد:مع السلامه سكر منه وتوجه لمكانهم لقى حلا جالسه :سلام حلا بأبتسامه:وعليكم السلام احمد:ها كيف الأمتحان حلا:ماشي الحال وانت؟ احمد:تماام وين الباقين؟ حلا:مدري ماشفت احد يمكن لسى ماخلصوا :هاااي احمد:يااهلين رمت كتبها بطفش حلا:ايش بك دينا:الأمتحان كان صعب حلا:ليش ماذكرتي تمام؟ دينا:يعني احمد:ليش؟ دينا:ماقدرت اذاكر كل شوي بفكر مو عارفه ليش احمد:بأيش بتفكري دينا:مو شغلك احمد بحزن:ولو بهون عليكي دينا زفرت وكملت كلامها مع حلا ...في مطار جده جلسوا في صاله الأنتظار رن تلفونه ورد:وعليكم السلام _ايوا _الأن !! _ايوا بس انا مسافر _طيب طيب خلاص _ربع ساعه وتجي -سكر التلفون وزفر فرح اللي كانت تطالع في اللي رايح واللي جاي طالعت فيه:خير زياد:في شغل لازم اخلصه هنا يعني لازم ارجع فرح:خلص اذا شغل مهم نأجل السفر زياد:لا انتي روحي وانا رح ااتبعك بعد بومين فرح:من جدك اسافر لحالي زياد:ايش فيها لاتخافي حلا رح تستقبلك فرح:لا اخاف زياد:من ايش تخافي رح تركبي الطياره وتوصلي مطار دبي رح تكون حلا على طول بانتظارك فرح:طب خليني ارجع معك زياد بعصبيه:فرح فرح بوزت :خلاص رح اسافر سمعوا النداء قامو وصلها للبوابه وراح بعد ماودعها وتأكد انها ركبت الطياره والغاء حجزه لبعد يومين نهاااااايه البارت | ||||||||
|
|
|
10-10-13, 11:27 AM
| #37 | ||||||||
| رواية قلوب نقية البااااارت الخامس عشر ركبت الطياره وجلست بمقعدها ثواني وصل واحد اجنبي جلس بالكرسي اللي بجنبها فرح صاحت بخوف:هييي كل اللي في الطائره التفتوا لها اجت لها المظيفه :خير انيسه فرح بعصبيه:لا والله ماتشوفي الأخ جلس جنبي المظيفه استغربت من اسلوب فرح:هاد مقعده فرح:وهو بصفته ايش يجلس بجنبي انا هنا لحالي يعني خليه يجلس بكرسي ثاني المظيفه:اسفا ياانيسه الطياره مليانه ومافي غير هالمقعد الأجنبي مو فاهم شي فرح:خلص خليه يبدل مكانه المظيفه:طيب لحظه اسئلك اذا احد بده يبدل مكانه فرح ضلت واقفه وبتحرك رجلها بعصبيه دقائق ورجعت المظيفه:للأسف محد رضي يبدل فرح:ايش يعنيترضي المظيفه:يعني مافي حل غير انك ترضي تجلسي بجنبه وبعدين كلها كم ساعه ونوصل دبي فرح عرفت انه مافي فائده تأففت وجلست ووجهت راسها للطاقه والخوف مسيطر عليها الأجنبي كان يطالع فيها بأستغراب فتح شنطته وطلع منها كتاب وجلس يقراء طلع من الجامعه وركب سيارته جات في باله اتصل عليها وماردت من يوم ماقالت لها انها مسافره معد سمع صوتها :ايش قصتها هادي شوي ويرن رد بسرعه:الو حلا:صباح الخير اياد بملل:هاد انتي حلا:ليش مين كنت مفكرني اياد:حلا اخلصي ايش تبغي حلا:كيف كان الأمتحان اياد:ماشي حاله حلا:اسمع روح الحين المطار زياد اتصل علي وقلي انه الغاء حجزه جاله شغل ضاروري وفرح جات لحالها وانا سيارتي بنشرت ودينا رح توصلني البيت اياد:لحظه لحظه هو مافي احد غيري انا في الدنيا يجيب هالزفت حلا:اولا هالزفت اسمها فرح وياريت تحاول تعاملها كويس ثانيا مين يعني رح يجيبها السواق مثلا اياد:ليش لا حلا:من جدك انت وهو ايش عرفه فيها اياد:يعني انا اللي اعرفها حلا:اوف منك حتى لو انت ماعرفتها هيا رح تعرفك وعلى فكره ترى هيا متلثمه اياد:ياسلام كملت حلا:اياد يالله معلش روح مشان بابا مايعصب علينا اياد تأفف وسكر بوجهها:ايش هالمصايب استغفر الله ركب سيارته وتوجه للمطار سكرت منه :يالله منه هاد الولد دينا:خير ايش بك حلا:لا ولا شي دينا:وهديل هالمجنونه مااجت الأمتحان حلا:بتصل عليها ماترد دينا:ايش رايك نروح لها حلا طالعت في الساعه :بس مانتأخر دينا:لا بس ربع ساعه حلا:اوكي يالله ركبوا السياره مع بعض وتوجهو لبيت هديل اول ماوصلوا على مطار دبي تنهدت بأرتياح:واخيييرا طالع فيها الأجنبي وعقد حواجبه فرح طالعت فيه:نعم خييير بدئوا الناس يخرجوا من الطياره وفرح مستنيه الأجنبي يقوم:حضرتك لسى مطول الأجنبي:.?whate فرح:ياربي كيف اتفاهم معه دا قامت واخذت شنطتها اشرت له يبعد قام واخذ شنطته الصغيره وهو بيكلم نفسه بلهجه مافهمتها وصلو على البيت دقوا الجرس فتحت لهم الخدامه:يس حلا:وين هديل نزل من الدرج بأناقته المعتاده ابوه وعده اليوم ياخذه الشركه ويشوف كل شي دينا اللي كانت تتكلم بلمت لما شافته حلا طالعت فيه وضيقت عينها:مين هاد دينا شهقت:يالله بيشبه المصمم ياسر ال.. :هاي فاقوا من كلامهم على صوته ياسر:مين انتوا حلا:ها دينا:يمكن غلطتنا بالعنوان حلا:بتتريقي حضرتك ياسر يطالع فيهم بأستغراب حلا:اممم احنا صحبات هديل انت مين ياسر:اهااا انا اخوها كل واحده طالعت في الثانيه وقالوا بصوت واحد:اخوها !! وصل المطار وجلس ينتظر ويطالع في اللي رايح واللي جاي انتبه لوحده متلثمه واقفه وبتتخانق مع واحد راح بأتجاههم :اممم فرح فرح طالعت فيه بعصبيه:نعم وانت مين كمان تكون اياد تغيرت ملامح وجهه للعصبيه:وطي صوتك بلا فضايح وامشي قدامي فرح:تستهبل انت اياد زفر وقال مابين اسنانه:حلا سيارتها بنشرت وماقدرت تجي وقالتلي اجي اخذك فرح فتحت عيونها على وسعها :انت ايااد اياد طنشها وطالع في الأجنبي يفهم منه سبب الخناق تفاهم معه وتأسف منه ومشى طالع فيها:هذه جزاته جاب لك تلفونك تقومي تتضاربي معه فرح:مسك ايدي اياد:وايش يعني رح ياكل ايدك يعني فرح:لا والله اياد زفر ومشى من قدامها فرح:لحظه وين رايح ساعدني بالشنط مشى وطنشها ركب سيارته وجلس ينتظر وصلت لسيارته ودمها فاير حطت الشنط وركبت وراه اياد التفت على وره:لو سمحتي انا مو سواق عندك مشان تركبي وراه فرح طالعت في الطاقه وماردت عليه اياد:هييي اكلمك انا دموعها نزلوا:انا مو خدامه عندك مشان تعاملني كدا اياد عرف انها تبكي من نبره صوتها ماحب يزودها:طيييب بس هي اخره مره تركبي وراه حرك السياره وتوجهه للبيت كل ماتتذكر اللي صار يزيد بكائها تتمنى لو تقول لأي احد عن اللي صار لها بس خايفه دق باب غرفتها ونفتح :سلام رفعت راسها من المخده ومسحت دموعها وابتسمت قامت جري وحضنتهم وبكت دينا وحلا استغربوا حلا بعدتها عنها ومسحت دموع هديل:ايش بك هديل:اشتقتلكم دينا:احلفي على اساس لك شهر ماشفتينا هديل ابتسمت بحزن دينا:صحيح اللي سمعنه هديل:ايش؟ دينا:المصمم ياسر اخوكي هديل:تخيلي دينا:والله مو مصدقه حلا:يعني ابوكي كان متجوزثنتين هديل:لا قبل مايتجوز ماما كان متجوز على وحده سوريا جاابت له ولد وبعد مده هربت هيا وواحد بتحبه واخذت ولدها معاها دينا:اوف حلا:وابوكي طلقها هديل:بعد ماسافرت طلقها وبعدها ماعرف شي عنها وقبل اسبوع بس وصل له معلومات عنها وبابا على طول رح لندن ولقى ياسر وجابه حلا:قصه غريبه دينا:وانا اقول ليه الأخ حلو طلعت امه سوريا هديل ضحكت على كلامها دينا:لازم اروح اسئل ماما اذا بابا كان متجوز قبلها او لا حلا:ليش؟ دينا:تخيلي يطلع ايلي صعب اخويا حلا وهديل ماتوا ضحك عليها حلا:ههههه وربي مجنونه دينا:ههههه هديل:رحتوا الجامعه حلا:صح نسيتينا انتي ليش ماجيتي يامجنونه هديل:مارح امتحن دينا:نعم!! حلا:ليش هديل:نفسيتي تعبانه دينا:باقي اسبوعين ونتخرج وانتي تقولي نفسيتي تعبانه حلا مسكت يدها:هديل حبيبتي ايش بك هديل طالعت في عيونها بأنكسار:مافيني شي رن تلفون حلا :هادي ماما ردت:الودموعها نزلوا:انا مو خدامه عندك مشان تعاملني كدا اياد عرف انها تبكي من نبره صوتها ماحب يزودها:طيييب بس هي اخره مره تركبي وراه حرك السياره وتوجهه للبيت كل ماتتذكر اللي صار يزيد بكائها تتمنى لو تقول لأي احد عن اللي صار لها بس خايفه دق باب غرفتها ونفتح :سلام رفعت راسها من المخده ومسحت دموعها وابتسمت قامت جري وحضنتهم وبكت دينا وحلا استغربوا حلا بعدتها عنها ومسحت دموع هديل:ايش بك هديل:اشتقتلكم دينا:احلفي على اساس لك شهر ماشفتينا هديل ابتسمت بحزن دينا:صحيح اللي سمعنه هديل:ايش؟ دينا:المصمم ياسر اخوكي هديل:تخيلي دينا:والله مو مصدقه حلا:يعني ابوكي كان متجوزثنتين هديل:لا قبل مايتجوز ماما كان متجوز على وحده سوريا جاابت له ولد وبعد مده هربت هيا وواحد بتحبه واخذت ولدها معاها دينا:اوف ام حلا:ايووا وينك حلا:عند هديل امها:كيف الأمتحان؟ حلا:تمام امها:ومتى رح تجي بنت عمك شوي وتوصل حلا:ربع ساعه واجي امها:طيب لاتتأخري حلا:ان شاء الله سكرت منها:دينا قومي وصليني يالله هديل:لحظه لسى ماحكينا حلا:معلش حبيبتي لازم اروح بنت عمي وصلت من السفر ولازم اروح استقبلها اوعدك اجي مره ثانيه هديل:طيب دينا قامت وسلمت على هديل وطلعت حلا سلمت عليها هديل مسكت ايدها:لاتنسي اذا فضيتي تعالي حلا:حاضر ولا يهمك طلعت من عندها ووصلتها دينا على البيت طلعت من غرفتها بعد ماتجهزت ولبست شافته طالع مستعجل من غرفته راكضت بسرعه:وسام وسام دار ظهره:نعم ريناد:وين رايح؟ وسام:رايح اشم هووى احسن من هالخنقه ريناد:خالي وصل تحت وسام:ريناد الله يخليكي اتركيني لا ابغى اشوف خالك ولا غيره ريناد:انت تخانقت مع ماما وسام:امك تبغى تزوجني ريناد:طيييب!! وايش اللي مضايقك وسام:لأنه ماابغى اتزوج :وليش ماتبغى تتزوج وسام وريناد التفتوا على مصدر الصوت توجه لمكانهم:ايش بك سكتت وسام:لأنه لسى بدري على هالكلام اتركوني اتخرج بالأول ابو وسام:اكيد رح تتخرج وتجي تشتغل معايا بالشركه يعني مافي داعي نأخر الموضوع وسام:بس انا ماو ابوه قاطعه:والعروس جاهزه ريناد:مييين؟ وسام:لحظه لحظه انتوا حتى في هاذي رح تتدخلون ابوه:استح على وجهك احنا اهلك وسام:كل شي اسمح لكم تتدخلوا فيه الا هادا الشي انا مارح اتزوج الا اللي احبها ابوه بعصبيه:بلا حب بلا كلام فاضي كبر عقلك وسام تنرفز من ابوه ومشي من قدامه ابوه:تعال وين رايح انا لسى ماخلصت كلامي ريناد مسكت ابوها:بابا اتركه يروح بس يهداء رح يرجع ابوها بعد ايدها ومشي من عندها ريناد تنهدت:الله يهديك ياوسام وصلو على الفيلا وانفتحت البوابه دخل اياد بسرعه وقف السياره بقوه فرح من الرجه مسكت الكرسي اللي قدامها :انت ناوي تودينا في داهيه اياد خرج من السياره ومارد عليها زفرت وخرجت من السياره توجهت تاخذ شنطتها اياد:خليها الخدامه رح تدخلها لك فرح شمقت بوجهه ودخلت البيت لقت ام حلا واقفه بأبتسامه توجهت لها وسلمت عليها ام حلا:ياهلا بفرح نورتي البيت فرح بأبتسامه:منور بوجودك ياخاله ام حلا:اكيد تعبانه من السفر فرح:اي والله مررره وين حلا ام حلا:شوي وتجي راحت تزور صحبتها فرح:اهااا ام حلا:اطلعي فوق غرفتك ارتاحي رح اخلي الخدامه توصلك فرح:طيب طلعت على الغرفه ودخلت فتحت طرحتها ورمتها:اوف واخيرا جلست تدور بالغرفه مره عجبتها كانت جدا راقيه والوانها هادئه طلع على غرفته وزفر لما لقى شنطها عند الباب توجه ودق الباب فتحت الباب وصرخت لما شافته سكرت بسرعه اخذت الطرحه ولفتها على راسها فتحت الباب لقته واقف مكانه ومفجوع ضحكت على شكله اياد بعصبيه:في بنت بتصرخ كدا كأنه جاي اكلك فرح ردت عليه بنفس العصبيه:لا والله وانا ايش اللي يعرفني انه انت اللي بدق ماتوقعت ابدا انه عادي عندك اياد:بأستغراب:ايش هو اللي عادي فرح:تجي لغرفتي وتدق اياد:ليش ايش المشكله في الموضوع يعني فرح:اولا انا جالسه لحالي وثانيا موتم اياد قاطعها:لحظه لحظه هو انا قلتك ابغى ادخل اجلس معاكي انا دقيت عشان اقولك بعدي شنطك من عند باب الغرفه فرح زفرت وسكرت الباب بوجهه اياد فتح عيونه على وسعها:انا تسكري الباب بوجهي سلاااااام اياد طالع فيها بعصبيه:فهمي بنت عمك انه مو انا اللي تعاملني كدا ولا تنسى انها جالسه بيتنا هاد اللي ناقص كمان حلا بأستغراب:ايش صار اياد توجه لغرفته وسك الباب بكل قوته حلا انتفضت من القوه:يا ساتر دقت الباب عليها فرح بعصبيه:يالله ايش بدك مني انت حلا:فرح انا حلا فرح قامت جري وفنحت الباب:حلا حضنتها بقوه:وحشتيني حلا:وانتي كمان حلا طالعت في فرح:يالله تغيرتي فرح:كيف يعني؟ حلا:يعني صرتي تجنني فرح:ههههه من يومي حلوه حلا بفخر:بس مو احلا مني فرح:مشكله الثقه حلا:ههههههه رح تخليني واقفه عند الباب فرح:اووه نسيت تفضلي دخلوا وجلسوا حلا:عجبتك الغرفه؟ فرح:ايوا ماشاء الله مررره تجنن حلا:احم احم اختياري فرح:هههه توقعت حلا:ايش صاير بينك وبين اياد فرح زفرت:اخوكي حاط دوبه بدوبي يبغى ينرفزني وبس واحنا مالنا الا 3 ساعات من التقينا حلا:هههه ترا اياد هو كدا بس والله قلبه طيب وينحب على طول فرح:المهم ماعلينا سمعت انكم بديتوا امتحانات حلا:امممم اليوم اول يوم فرح:بالتوفيق يااارب حلا:اميين وانتي؟ فرح:انا ايش حلا:مالك نيه تكملي فرح:والله مدري بسى افكر حلا:امم خير ان شاء الله انا رح اقوم انااام جسمي مكسر من تعب وانتي كمان نامي وارتاحي البيت بيتك فرح بأبتسامه:ان شاء الله طلعت من عندها وفرح على طول توجهت على الحمام تشطفت ولبست لها بجامه وارتمت على السرير وراحت في النوم دخلت غرفتها وهي مستغربه من عصبيه اخوها اول مره تشوفه يعصب كذا جلست على السريرها تفكر مافي الا دقائق ونامت وهيا بملابسها ..... نهااااايه الباارت ^_^ | ||||||||
|
|
|
20-10-13, 12:13 PM
| #40 | ||||||||
|  روايه قلوب نقيه الباااارت السادس عشر لا ادري ماذا حدث لماذا اصبحت هكذاا لا ااعلم ... رجع من سهرته اللي استمرت لبعد الفجر دخل البيت بهدوء وبيمشي بدون توازن كل شوي يطيح على الأرض ويقوم مره ثانيه نزلت للمطبخ انتبهت له وهو داخل فتحت عيونها على وسعها:ماااازن مازن رفع راسه ويحاول يستوعب اللي قدامه دينا:انت وين كنت مازن بدون وعي:انا دينا:وايش هي الريحه مازن مشي من قدامها اختل توازنه مسكت ايده:وين رايح مازن:اتركيني دينا حطت ايدها على فمها:انت شارب مازن:اوف وبعدين معاكي دينا:مو مصدقه مازن قرب لوجهه وقال بأبتسامه:مو مصدقه ايش دينا دفته بعفاشه:ابعد عني مسك ايدها ودفها على الجدار:هشششش دينا نزلوا دموعها:ابعد عني يامجنون حط ايده على خصرها وقرب لوجههاا دينا دفته بكل قوتهاااا:ابعد عني يا***** رجع على وراه وطاح على الأرض طلعت جري على غرفتها وسكت الباب على نفسها وجلست تبكي صحيت من نومها وتوحهت على الحمام تشطفت ولبست بنطلون ابيض فضفاض وبلوز بنفسجي بأكمام طويله لبست حجابها وطلعت من غرفتها نزلت لتحت تدور في البيت دخلت المطبخ لقت الخدم يجهزوا الفطور ساعدتهم في ترتيب السفره دقائق ونزل عمها هو وزوجته راحت جري وحضنته :ياحيا الله ببنت اخوي الغالي فرح بعدت عن عمها:الله يحيك ياعمي عمها:كيفك فرح بأبتسامه:الحمدالله وانت كيف صحتك؟ عمها:بخير الحمدالله سامحيني يابنتي البارح كان عندي شغل وماقدرت اجي استقبلك ولما رجعت قالوا لي انك نايمه فرح:مسموح ياعمي عمها مسك ايدها وجلسها بجنبه في السفره وزوجته في الجنب الثاني عمها:طمنيني عنك يابنتي كيف احوالك فرح:والله الحمدالله احوالي تسرك عمها:الحمدالله جلسوا يفطروا مع بعض جلست تتكلم مع عمها وبعدها استأذن وراح الشركه وفرح طلعت لغرفتها ترتب ملابسها نزلت مستعجله تأخرت على امتحانها طلعت من البيت صباح الخير دينا اول ماشافته تغيرت ملامحها للعصبيه:ولك عين كمان تتكلم معي مازن:ليش انا ايش سويت دينا:نعم!!ايش سويت نسيت كل اللي عملته اليوم الفجر مازن بأستغراب:ايش عملت دينا:جاي شارب حضرتك وكان بدك ماقدرت تكمل مشيت لسيارتها مازن جري وراها:دينا لحظه افهمك دينا:لاتفهمني ولا افهمك عمري ماتوقعت انك تعمل هالشي مازن:صدقيني مالي ذنب صاحبي خلاني اشرب وانا مو عارف ايش هالشي اصلا دينا:وانت خلص ابله تشرب اي شي مازن:دينا احترمي حالك دينا:لاوالله راجع الفجر وسكران وبدك اسكت ومااقول شي انت عارف انه كنت رح تعتدي علي لو ماانا وقفتك ودفيتك مازن صنم مكانه دينا نزلوا دموعها:انا مااعندي سند غيرك بهالدنيا لو انت عملت كدا ايش رح تخلي للغريب مازن ايش صاير لك مازن:مابعرف البارح كنت مضايق اصحابي حبو يخرجوني من هالجو عملوا حفله صغيره ور دينا قاطعته:ونعم الأصحاب والله مازن:دينا خلاص دينا:انا الأن مستعجله تأخرت على الأمتحان بس ارجع نتفاهم مازن:مو لأنك اختي الكبيره تتأمري علي دينا:انا مابتأمر عليك انا ابغى مصلحتك مازن: انا مو صغير وبعرف مصلحتي دينا زفرت ركبت سيارتها ومشيت من قدامه نزلت على الصاله لقتها جالسه على اللابتوب :سلام حلا التفتت:اهلين فرح:كيف كان الأمتحان حلا:تمااام دخل البيت بيغني ورايق فرح لما شافته عدلت طرحتها اياد طالع في حلا:خليهم يطلعوا الغداء لغرفتي حلا:الناس بتسلم اياد:حلا ترا مو فايق لك ابدا حلا:وانا ايش قلت اياد:ماقلتي شي خليهم يطلعوا الغداء يا اختي العزيزه كدا حلو حلا ابتسمت:ايوا حلو اياد مشي من قدامها وفرح تطالع فيه بغضب حلا طالعت فيها:رح تاكليه بعيونك فرح انتبهت:ها حلا:ليش بتكرهوا بعض فرح:هو اللي من يوم ماشافني كأنه شاف جني قدامه حلا:فرح والله اياد طيوب مافي مثله فرح:وانا ايش دخلني طيبته لنفسه المهم كنت ابغى علاقه ملابس الاقيها عندك؟ حلا:ايواا طبعا اطلعي فوق غرفتي وافتحي الدولاب وخذي اللي تبغيه فرح:شكرا حلا:العفو انا رايحه المطبخ اخليهم يجهزوا الغداء للأفندي فرح قامت وطلعت طلعت لفوق ودخلت الغرفه اللي مقابل غرفتها كانت الغرفه بارده والستاير مسكره مو باين حتى الوان الغرفه سكرت الباب وحطت طرحتها على كتفها فتحت الدولاب ونفجعت لما شافت ملابس رجال :ايش تعملي هنا التفتت على وره كان نازل من الحمام ولافف المنشفه على خصره ارتعش جسمها لما شافت شكله :انا غ غلطت اياد تقدم بخطوات ثقيله:غلطتي بالغرفه!! فرح رفعت راسها بالتأيد ودموعها على وشك النزول دق باب الغرفه فرح صاحت اياد حط ايده على فمها:هشششش رح تفضحينا فرح نزلوا دموعها لما شافته كيف ماسكها وايده على خصرها:بعد عني اياد ابتعد وتوجه للباب يفتحوا حلا كانت واقفه وماسكه الصينيه بيدها:ساعه عشان تفتح فرح لما سمعت صوت حلا خافت اكثر اياد:ليش انتي اللي جايبه الأكل وين الخدم حلا ناولته الصينيه :قلت اجيب لك الأكل ومره وحده اجلس معاك اياد:حلا انا تعبان وابغى انام حلا:اياد ايش بك لك يومين مو على بعضك لاتقولي بسبب جيت فرح اياد :لا مو سبب جي قاطعته:والله البنت طيبه مابعرف ليش تكرهوا اياد نفسه يعطيها كف:حلا خلاص فرح لما سمعت كلامهم عرفت ليش بيعاملها كدا لأنه بيكرهها حلا زفرت:طيب رح امشي بس ياريت تحاول تغير اسلوبك مع البنت اياد سكر الباب بوجهها والتفت على فرح اللي وجهه غرق بالدموع اياد:خلاص تقدري تطلعي اكيد مشيت مسحت دموعها وعدلت طرحتها ومشيت اول ماوصلت للباب مسك ايدها:فرح انا مااكرهك فرح بعدت ايده وطلعت من الغرفه بسرعه دخل البيت بعد ماقضى طول اليوم لحاله برا : وسام وسام وقف مشي وتوجه لأبوه وامه وجلس ابوه:وين كنت طول النهار وسام:كنت بتمشى ابوه:طول هالوقت وسام:لا بعدها رحت مع اصحابي وهلا رجعت ابوه:اسمع انا وامك قررنا نخطبلك وسام:ايش؟ انتوا من جدكم ابوه:هاد الكلام في مزح وسام:ومين قلكم اني موافق ابوه:وليش مو موافق حضرتك البنت مافي مثلها وانا عطيت ابوها كلمه وسام بعصبيه:انت كيف بتقرر بدون ماتسئلني ابوه:لاترفع صوتك وانت بتكلمني امه:استهدو بالله الأمور مابتنحل كدا وسام:يعني عجبك اللي يقوله يبغى يزوجني وحده لا اعرفها ولاتعرفني ويكلم ابوها قبل مايقول لي ابوه عصب:اسمع هي كلمه ومافي غيرها ياتعمل اللي اقوله وتوافق على الزواج او تطلع من البيت وماتدوسه طول ماانا عايش ام وسام:لا الله يخليك هاد ابني الوحيد ابوا وسام:اللي يخالف امري مو ابني ومابيشرفني يكون ابني وسام مشي من قدامهم وطلع على غرفته سكر الباب بقوه اندق الباب وسام بعصبيه:ماابغى اشوف احد ريناد دخلت وسكرت الباب وسام طالع فيها:ماسمعتي خليني لحالي ريناد ولاتحركت ضلت وقفه وسام عارف اخته عنيده ومارح تخرج اكتفى بالسكوت ضلت واقفه تراقبه تعرف اخوها بس يهداء رح يتكلم مرت ربع ساعه ولاواحد نطق بكلمه وسام طالع فيها:سمعتي اللي قاله ابوكي مشيت وجلست بجنبه:ايوا سمعت وسام:وعاجبك ريناد:قبل كل شي ابغى اعرف ايش سبب رفضك للموضوع في وحده في باللك وسام:امممم ريناد:مين؟ وسام:تتذكري اللي قلتلك اني رايح اقابلها ريناد تحاول تتذكر:اللي اسمها دينا وسام:ايواااا ريناد:ايش بها وسام:هيا اللي في باللي ريناد:كيف في بالك يعني تحبها ولا مجرد اعجاب وسام:في البدايه كان مجرد اعجاب بس تحول لحب حبيتها ريناد:وهيا وسام:مابعرف ريناد:يعني مافاتحتها بالموضوع وسام:لا بس بحاول ابين لها ريناد:لازم بالأول تعرف اذا هيا بتميل لك ولا لا وسام:مو عارف كيف اكلمها ريناد:شوف انت تقابلها بالأول وتقولها كل اللي في قلبك وشوف ايش رده فعلها وسام:كدا رايك ريناد:ايوا ولازم تستعجل اليوم قبل وبكرا وسام:طيب لو طلعت هيا تحبني كيف اتفاهم مع ابوكي ريناد:روح اخطبها وخليه امام الأمر الوااقع وسام:يابنت الأيه طلعتي بتفكري ريناد:هههه طبعا حبيبي انا عقلي بيوزن جبل وسام:بس بس محد يمدحك انتي ريناد:المهم متى رح تكلمها وسام:بكرا ريناد:وليش مستعجل وسام:لأنه خايف ابوكي يزوجني ويجيب البنت لهنا ريناد:ههههههه قويه وسام:بتوقع منه كل شي ريناد:حرام عليك بابا مافي مثله يجنن وسام:طيري اخذ جيتاره وجلس يغني وريناد بتضحك عليه رجعت من الجامعه طلعت لفوق مرت على غرفه امها سمعت ضحكتها استغربت قربت من الباب ونصقعت من اللي سمعته نزلو دموعها طلعت جري من البيت ركبت سيارتها وتوجهت للبحر نزلت ومشت قربب من البحر جلست تبكي دينا دينا التفتت :انت؟ جلس جنبها:اوف دوختيني مسحت دموعها:دوختك!! طلع المحفظه من جيبه:فيكي شي دينا اخذت المحفظه من ايده:وين لقيتها مروان:لما جيتي عندنا بالبيت نسيتيها لقيت رقم تلفون بيتكم فيها اتصلت وردت علي الخدامه وعطتني العنوان اول ماوصلت انتي نزلتي وماقدرت اوقفك لأنك بتمشي بسرعه فالحقتك بتكسي دينا:شكرا مروان:مابحب احد يشكرني هادا واجبي دينا لفت راسه وطالعت في البحر:اااااه مروان حط ايده على خدها يمسح موعها:محد يستاهل تبكي علشانه دينا طالعت فيه بخجل وبعدت ايده مروان:تعرفي انا من كثر مابكيت بهالحياه خلص صرت مابتأثر بشي لأنه قلبي توجع كثير دينا:ابوك مو موجود؟ مروان:لا ابوي مات ومابعرف حتى شكله مات وانا عمري شهر دينا:الله يرحمه طب انت بتدرس؟ مروان:لا دينا:خلصت مروان: بعد ما توفى والدي امي راحت تشتغل خدامه بالبيوت مشان تقدر تأكلني كبرت ودخلت المدرسه كنت من الأوائل وبعدها الثانويه دينا:والجامعه ؟ م مروان:ماقدرت امي بطلت شغل وانا واجبي اخدمها قمت فتحت لي دكان صغير دينا:اللي يشوف مصايب الناس تهون عليه مصيبته مروان:وانتي ايش مشكلتك دينا:مابعرف اذا كانت مشكلتي بتستاهل اني اعمل كدا بنفسي مروان:طب احكيلي وانا اقولك اذا تستاهل ولا لا دينا:تعرف لما شفت امك حبيتها على طول ولما شفت علاقتكم دينا ماقدرت تكمل نزلوا دموعها مروان:يعني مشكلتك هيا امك مسحت دموعها:اخر مره حضنتني وانا عمري 11 سنه في عيد ميلادي مابتسئل عني ولا عن اخويا عايشين في البيت مثل الأيتام ماتعرف شي عننا كل اللي همها سفراتها وصحباتها اما احنا مابنهمها مفكره ان الفلوس اللي تعطينا ايها مغنيتنا عن كل شي مروان:وليش ماوجهتيها بهاد الكلام دينا:هيا مو صغيره مشان اقولها اي وحده لازم تعرف اولادها ايش بيحتاجوا مروان:يمكن هيا مابتعرف دينا:كيف يعني مابتعرف؟ مروان:يعني احيانا الأنسان بيعتقد انه في اشياء ثانيه ممكن تحل محله يعني امك مفكره انكم مبسوطين بحياتكم لأنه عمركم ماقلتولها انه محتاجينها هيا دينا:يمكن مروان:بحس انه مشكلتك اكبر من كدا دينا طالعت فيه بأنكسار:لو سمعت امك يوم بتتكلم مع واحد غريب وبتضحك ايش رده فعلك مروان ضحك:عادي امي كل يوم تتكلم مع صاحبي ومع عمي ابو احمد صاحب ال دينا:انا مو قصدي كدا انا بقصد واحد انت نفسك ماتعرفه وبتكلمه على اساس انه حبيبها مروان:حبيبها!! دينا نزلت راسها:سمعتها بتكلم واحد وتقوله حبيبي اشتقت لك متى رح اشوفك مروان:طب يمكن احد بتعرفه دينا:ماما ما عندها غير اخ واحد باللبنان وماتكلمه غير بالأعياد وكلامهم يكون رسمي جدا مروان:يعني انتي شاكه انه امك بتكلم احد دينا:مو شاكه متأكده مروان:والله مو عارف ايش اقولك يعني مابقدر احكم عليها وانتي كمان لازم تتأكدي دينا اكتفت بالسكوت مروان:شكلك حلو لما تكوني زعلانه دينا التفتت:والله انك فايق مروان:والله مااستهبل انا مااعرف اقول كلام حلو بس لما اشوفك يطلع الكلام دينا رمشت بعيونها:هاا مروان:واحلى مافيكي عيونك رن تلفونه اخذت نفس وردت:الو :الو :ايوا مين معي :معقوله ماعرفتي صوتي دينا من الأرتباك نست كل شي:لو سمحت انا مو فاضيه :دينا ايش بك انا وسام دينا:انا اسفا ماعرفت صوتك خير في شي وسام استغرب:لا بس كنت ابغى اشوفك دينا:تشوفني!!ليش وسام:ابغاكي في موضوع جدا مهم دينا:اممم اوكي خليها بكرا وسام:طيب متى دينا:انا رح اتصل واقولك مع السلامه سكرت منه بدون ماتسمع رده مروان:شكلك مشغوله دينا:لا عادي مروان مسك ايدها:وليش ايدك بترجف دينا قلبها دق ماقدرت تسحب ايدها تعلقت عيونها بعيونه العسليه ابتسم على شكلها:حلوه بكل حالاتك دينا ضاعت مابين عيونه:وانت شفت كل حالاتي مروان:اممم تقريبا ابتسمت:وايش احسن حاله مروان ابتسم:لما تخجلي دينا احمروا خدودها من الخجل حطت ايدها محل قلبها مروان:ايش بك؟ دينا:قلبي بيدق مروان:تحبي اخليه يدق اكثر سحب ايدها وباسها دينا بلمت قامت من مكانها :انا تأخرت مروان:لسى بدري :لازم امشي مروان:متى رح اشوفك دينا:اممم مابعرف مروان:طب انا بكره عازمك على الغداء عندنا بالبيت دينا:لا مابقدر مروان اختفت ابتسامته:ليش بيتنا مو قد المقام دينا:لا والله مو قصدي مروان:خلاص الساعه 2 انتظرك انا وامي دينا ابتسمت:احاول مروان:صدقيني رح تجي دينا:مره واثق مروان بأبتسامه:طبعاا مشيوا مع بعض وكل واحد رح لبيته... نهاااااايه الباااارت | ||||||||
|
|
 |
| مواقع النشر (المفضلة) |
| الكلمات الدلالية (Tags) |
| روايه, نقيه, قلوب |
| أدوات الموضوع | |
| انواع عرض الموضوع | |
|
|
.png)
.png)
العرض العادي
