آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-02-17, 10:30 PM
| #91 | ||||
| كاتبة في قسم قصص من وحي الأعضاء 
|  البارت الثلاثون اصر اسر علي السفر الي الخارج وقضاء شهر العسل في امريكا.. وهناك اصر ان يجعل فريدة تجرب القفز بالمظله وذلك لعشقه للطيران .....في الطائرة الخاصة بالقفز بالمظلات فريده برعب:لاااااااا....انا لايمكن انط من هنا... اسر:ياحبيبتي ماتخافيش منا اهو معاكي... فريده:لا ....ابدا... انا انط من هنا... وانزل علي جدور رقبتي اتكسر واموت...هتنفعني انت بايه.. اسر:هههههههههه....يابنتي ماتخافيش منا وانتي مربوطين مع بعض اهو.. فريده وهي تنظر الي الارتفاع و تتراجع للخلف:عااااااااااااااااا... . .هموت هنقع ......لا لا لا انا عايزة انزل من الطيارة... اسر:يوووووه بقي يا فريده قلتلك انا معاكي....يلا بقي الدور علينا.. فريده:لا يا اسر انا لايمكن اوافق علي الجنان ده .... اسر بنفاذ صبر:يعني انتي عايزة ايه الوقتي.. فريده:عايزة انزل من هنا... اسر :طيب ماحنا هننزل بالمظله .. فريده :لا انا هفضل في الطيارة لغاية ماترجع بيا وانزل بيها... اسر وقد داق زرعا بها وبخبث:طيب ماشي تعالي معايا عند الباب علشان نقول للكابتن اننا مش هننط... فريده :طيب ....ماشي ...حرام بجد عليك.. ده انا اعصابي سايبة.. عند البوابه لم يمهلها اسر الفرصة وقام بالامساك بها وقفز من الطائرة... فريدة بصراخ: عاااااااااااااي ...هنموت ...هنموت..يالهووووووي.. احنا بنقع ...عاااااي افتح المظله بسرعه يلا هنموت... اسر:حرام عليكي يا شيخه صرعتيني.....بس بقي ..... مش هينفع دلوقتي ليها ارتفاع معين تتفتح فيه... فريده وهي تغلق عينيها:عاااااااااااي..امال امته.. لما نتساوي بالارض .. ..اهئ اهئ ....انا مش عايزة اموت....طلقني يا اسر طلقني ....منك لله... اسر وهو يضحك عليها وقد قام بفتح المظله: هههههههههه....خلاص ... خلاص ...فتحتها بصي احنا طايرين اهو.....يلا فتحي عينك يا ديدة... فريده والتي تغلق عينيها بشده:عااااااااي ....لا مش هفتح ...مش هفتح غير لما ننزل علي الارض ....وبعديها يا اسر هوريك... اسر:ههههه....يابنتي فتحي بس شوري المناظر الحلوة ديه....فتحي متخافيش.... فتحت فريده عينيها بخوف ونظرت وجدت العديد من المناظر الخلابه حيث الخضرة والمياه اسفلهم ...ظل اسر يشرح لها ما تراه حيث انه اتي كثيرا الي تلك الاماكن وجرب هوايه القفز كثيرا ... هبطوا بالمظله وعندها نظر اسر الي فريده وظل يضحك بشده: هههههه...مش قادر شكلك مسخرة ايه ده.. كان شعر فريده منعكشا بشده...وذلك لانها لم تلبس الخوذة المخصصه لها....ووجهها اصفر من الخوف ومضطربه.. فريده وهي تنظر له بغيظ:تصدق انا مش هروح معاك مكان تاني يا اسر... وكل هذا واسر يضحك بشده ...قامت فريده بالركض خلف اسر ومحاوله مسكه للانقضاض عليه ونجحت في ذلك وسقط اسر وفوقه.. فريده:بص انا هموتك ...مش هسيبك النهارده.. اسر وهو يمسك بفريده وينظر اليها : ده لسه لما تجربي الطيران معايا بالطيارة ...بس تصدقي حلو المنظر ده...وانا كمان مش عايزك تسيبيني انا مبسوط كده.. فريده وقد انتبهت الي وضعها:هااااا ....طب اوعي بقي ...اوعي الناس بتبص علينا .. اسروهو ممسك بها :محدش ليه حاجة عندنا مراتي وانا حر فيها...ب س فعلا...عندك حق لينا بيت يلمنا ويلا بينا بسرعة لحسن اتهور هنا...ليلتنا فل النهارده.. فريده:تصدق انك قليل الادب ...كل تفكيرك شمال.. اسر بضحكه:هههههه ....طول عمرك فهماني صح يلا بينا بقي.. قضي اسر وفريده اجمل الايام وقامت فريده بشراء الكثير من الاشياء اسر بتعب:حرام عليكي ..كفايه لف..ده انا اتهريت.. انتي ناقص تشتري البلد كلها.. فريده:الله..انا عايزة اخد تذكار من كل حته..واجيب هدايا للكل.. اسر:طب كفايه كده..انتي جبتي حاجات كتير..هتحطي ده كله فين .. فريده بتذمر:ايه يعني انت مستكتر عليا اجيب شويه حاجات.. اسر:والله مش قصدي بس انا تعبت.. فريده:تعبت ايه..ده لسه بدري..لسه قدامنا حاجات كتير مجبناهاش.. اسر:وربنا ما عدتش قادر..رجليا مش حاسس بيها.. انا عرفت الرجاله مش بتحب تخرج مع الستات في الشرا ليه.. فريده:تعبت ايه بس ..امال رياضي ازاي ..يلا يا حبيبي علشان نلحق نخلص.. اسر :لله الامر من قبل ومن بعد..يلا ياللي تعباني.. فريده بفرحه:يلا يا حبيبي..وقامت بتقبيله علي وجنته.. اثناء تواجد اسر وفريدة في المطار ليعودوا الي مصر جلس اسر قليلا في بينما كانت فريده تقف وتشاهد المارين.. لتجد من يحتضنها من الخلف..لينطلق اسر بغضب وعيون مشتعله نحوه .. الشخص وهو يحتضن فريده من الخلف:وحشتيني.. فريده بصدمه وعيون جاحظة من المفاجأة:مش ممكن..انت.. الشخص:لك اكتير اشتئتلك.. اسر وهو يبعده عن فريده بعنف ويلكمه بقوة في وجهه:ابعد عنها يا ابن ال...يا واطي.. ليسقط علي الارض بالم.. فريده بصدمه وبحدة لاسر:انت اتجننت ازاي تعمل كده.. وللراقد علي الارض وهي تمد يدها له لتساعده..اسفة اوي ياحبيبي..انت كويس.. اسر بغضب جم:انتي بتستهبلي..ده انا هقتلك انتي وهو..بتقوليله حبيبك..ده ابن.. فريده بعصبيه:اخرس يا اسر انت بتقول ايه..لتحتضن الشخص الذي امامها بحب..وتكمل..وحشتني بجد مفاجأة فظيعة.. ليجذبها اسر من يدها بعنف ويلكم الشخص مرة اخري مكملا: ده انا هطلع عين اللي خلفوكم..انتو اتجننتوا.. ليمسك به ....ويتجمع بعض الناس.. فريده بخوف:يالهووووي..سيبه يا اسر انت مش عارف ده مين.. اسر بغضب:مش عايز اعرف..انا هقتله الوقتي.. فريده بخوف:عااااااا..ده فادي اخويا يا اسر سيبه.. اسر بعدم تصديق:مين..ايه..ازاي.. فريده:فادي اخويا يا اسر..اللي حكتلك عنه قبل كده.. ليشرحوا الامر ويذهب المتجمهرون.. فادي وهو يضع يده مكان الضربه:لك شو هاد يا زلمه ما فيك تحكي.. اسر :امال يعني عايزني اعمل ايه اشوف واحد بيحضن مراتي واقف واتفرج.. فادي بضحكه:لك معك حق..بعتذر..بس ماقدرت اشوفها وما اركض الها..ولفريده لك اكتير اشتقتئتلك يا فصعوني..كيفك.. فريده بحب:كويسه جدا لما شفتك يا فادي.. بس عرفت اننا ميعاد طيارتنا ازاي.. فادي:امي خبرتني..قلت بلحقك.. فريده:ياااااه يافادي بجد مش قادرة اقولك انت واحشني قد ايه....وبضحكه اه صحيح اسر .. فادي بمزاح:ليك اتعرفنا من شوي..بس ايدك اكتير تقيله يا زلمه.. اسر بضحكه:معلش بقي..انت اللي استفزتني.. فريده بضحكه:وانت هنا بتعمل ايه...واخبار نادين وجود وجوري ايه.. فادي:اكتير مناح..ومشتائينلك اكتير..كان عندي شغلي هون قلت بخلصها وبشوفك..ولاسر اتشرفت اكتير بمعرفتك اسر..واكتير مطمن ع فريده معك..بشوفك فريده موعد طيارتي هلأ..سلام اسر.. فريده وهي تحتضنه:سلام ياحبيبي..هتوحشني.. اسر وهو يصافحه:سلام يافادي.. فريده بعد رحيل فادي وبحدة:ايه اللي عملته ده.. اسر بعصبيه:كنتي عايزاني اسقفلك انتي وهو وانا معرفهوش..يحمد ربنا اني مكنتش طلعت روحه.. فريده بغيظ وهي تذهب الي الطائرة:اسكت اسكت.. انت ايدك بتفكر قبل مخك.. اسر:ان كان عاجبك..ويلا علشان الطيارة.. عاد كل من اسر وفريده الي ارض الوطن ورحب بهم الجميع..واعطت اليهم الهدايا.. عاد كل من اسر وفريده الي العمل وتلقوا التهاني والمباركات في الشركه..وكان اسر كل فترة يدخل الي مكتب فريده.. فريده بنفاذ صبر:يوووه بقي يا اسر...انت كل شويه هتنطلي.. ماتقعد في مكتبك شويه ..بدل مانتا عاملي زي فرقع لوز.. اسر بغيظ:فرقع لوز..انتي مش رومانسيه خالص ياديده.. فريده:برومانسيتك الاوفر ديه..مش هنعرف نشوف شغلنا وهنجيب ضرف الشركه قريب.. اسر:اعمل ايه..مش قادر ابعد عنك..انا بفكر اجيب مكتبي هنا ونقعد انا وانتي.. فريده:علشان تبقي كملت.. اسر:هههه..ايوة ويطلبولنا بوليس الاداب هنا.. فريده وهي تدفعه للخارج:بص انا مش هرد عليك..اطلع برا بقي علشان اخلص الشغل المتعطل ورايا بسبب سفريتك ديه.. اسر:بزمتك موحشتكيش..ولا القفز بالمظله... فريده بغيظ:اسرررررر...امشي بقي.. اسر بسهتنه:طب كده من غير تصبيرة..حرام عليكي.. فريده:امشي من هنا..انا هخلي سهي متدخلكش هنا تاني.. يابشمهندس..احنا في شركه محترمه..ليك بيت تعمل فيه اللي انت عايزه.. اسر بتوعد:ماشي يا فريده..خليكي فاكرها.. فريده وهي تغلق الباب في وجهه:شرفت يا هندسه. ..وبضحكة...مجنون.. >>>>>>>>>>>>>>>>>>>>>>>> يوسف:ايه يا عم كنت فين..هوانا كل ماجي الاقيك مش في المكتب.. اسر:عايز ايه يا جو.. يوسف:الاوراق ديه كنت عايزك تمضيها علشان اوديها لفريده تمضيها بعدك.. اسر بخبث:لاااااا..سيبهالي انا بقي انا همضيها واخليها تمضيها.. يوسف بضحكه:ههههه...الله يسهلوا يا كازنوفا.. اسر:الا بالحق اخبارك انت والبت انجي ايه.. يوسف:منشفاها عليا اوي يا اسر..مش كفايه بستحمل اكل امها.. لا تعباني ع الاخر وتقولي..انت بتاع بنات..انت معرفش ايه... اسر:هههههه..معلش يا جو..اهي بتخلص ذنوبك.. يوسف :ههههه..زي فريده بالظبط.. اسر:هههه..لاااااااا..فريده باللي بتعمله فيا..هدخل الجنه طاير.. يوسف :هههههه..شكلها كده مروقاك يا كبير.. اسر بشرود:ااااااااه....وليوسف..ا� �ت هتفضل ترغي كتير.. يلا علي شغلك علشان الحق امضي الورق واوديه لفريده تمضيه.. يوسف بغمزة وهو يخرج:ماشي..بس عد الجمايل بقي.. اسر:وربنا ما جايبني معاها ورا غير قركم الدكر ده.. >>>>>>>>>>>>>>>>>>>>>>>>>>> كاد اسر ان يذهب الي مكتب فريده..ولكن رن هاتفه.. اسر بضيق:يووه..انا ناقص..مين الرزل اللي بيتصل...الو.. ادم:ايوه يا اسر..عامل ايه.. اسر بضيق:اهلا ياسي ادم..خير عايز ايه.. ادم:الله..مالك فيه ايه يااسر فيه ايه..انا معطلك علي حاجة.. اسر:ابدا..بس متصل ليه.. ادم:انا كنت عايزك تبعتلي كريم علي هنا.. اسر:ليه..فيه حاجة.. ادم:بس كنت محتاجة علشان كاميليا مش بتعرف تتحرك زي الاول..علشان الحمل..وانا محتاجه.. اسر:اهااااا..ماشي يا ادم .. هقوله وابعتهولك.. ادم برجاء:بسرعة يا اسر الله يكرمك..الشغل فوق دماغي وانا لوحدي.. اسر:خلاص يا ادم في ظرف يومين هيكون عندك.. ادم:ماشي يا اسر يلا سلام..وابقي سلملي علي فريده.. اسر بخبث:يوصل..يلا سلام... >>>>>>>>>>>>>>>>>>>>> اتجه اسر الي مكتب فريده وابلغ سهي ان تخبرها انه يريد مقابلتها.. سهي:بشمهندس اسر عايز يقابل حضرتك.. فريده باستغراب:اسر عايز يقابلني ..وبيستأذن..خير.. ربنا يستر من جنانه..خليه يتفضل يا سهي.. ليدخل اسر في رسميه ويتحدث بجديه.. اسر:الملفات ديه عايزة امضي..ادم عايز كريم عنده علشان الشغل متعطل... فريده بدهشه:اسر..انت كويس..مالك بتتكلم كده ليه.. اسر بجديه:ايوة يابشمهندسه..يلا خلصي عندي شغل.. فريده:انت سخن يا اسر..وبعدين من امته انت بتستأذن تدخل..خير ناوي علي ايه.. اسر:مفيش..انتي مش قلتي عايزة جد ..اديني جد وبشتغل.. فريده بضحكة:اهاااا..طيب ماشي يا بشمهندس..ادي الامضة.. وطلب نقل كريم هقوله عليه..اتفضل علي مكتبك..وشكرا لتعبك.. اسر باقتضاب:ايه ده انتي مش هتصالحيني..انا.. فريده:ههههه...كنت فاكر انك لما تعمل الشويتين دول هقولك لا خلاص متزعلش..لااااااا...ده انت وقعت في شر اعمالك.. اتفضل يابشمهندس يلا علي شغلك.. اسر بغيظ:تصدقي انك فعلا هتلر..بس ماشي..ليكي بيت احاسبك علي اللي بتعمليه فيا ..اصبري يا فريده.. فريده :ههههه..ماشي يا هندسه هنشوف.. اتفضل يلا من غير مطرود بقي.. اسر بتوسل:طب والنبي مفيش تصبيرة ..حرام عليكي .. فريده بحزم:قولت لا..وهي تضغط الزر لتستدعي سهي..لتاتي سهي مسرعة.. سهي:ايوة يا فندم.. فريده:ابعتي للبشمهندس كريم وقوليله يجي حالا..ولاسر.. شرفت يا بشمهندس .. بعد كده متتعبش نفسك وتجيب ورق بنفسك..ابعته لسهي وهي هتجيبه.. اسر بغيظ وهو يخرج من المكتب:ماشي يا بشمهندسه ..ماشي.. ارسلت فريده كريم الي ادم في القريه لمتابعة العمل.. >>>>>>>>>>>>>>>>>>>>>> في المنزل عادت فريده بعد اسر بمده كان اسر يجلس في مكتبه في لكي ينهي بعض الاعمال الخاصة بيه وارسال بعض الايميلات علي الحاسوب حين اتت فريده ... فريدة:انا جيت بتعمل ايه.. اسر:ابدا ولا حاجة.. فريده:امال قفلت اللاب بسرعة ليه اول ما شفتني.. اسر:ابدا شغل وبعد ماشفتك قلت اسيبه واتفرغلك.. فريده:بنصف عين عليا انا برضو.... وبخضه اوعي تكون بتكلم واحدة كده ولا كده ولا بتشوف حاجات سيكو سيكو وبحزن ليه كده يا اسر.. اسر:هو انا برضو اقدر ابص لوحده غيرك يا قلبي.. قالها اسر وبضحكه: طب بزمتك وانا اكلم واحدة من بعيد لبعيد.. ولا اتفرج علي تسجيل وانا قدامي البث المباشر كله... فريده باقتضاب:لا انت كداب وخاين انا زعلانه ومخصماك... اسر:انا ......طب تعالي وانا اصالحك.. فريده:لا اوعي متلمسنيش... اسر:استني بس هفهمك وقد جذبها وافهمها بطريقته وكان ما كان.. بعد ذلك مش قلتلك بث حي مباشر.. هوا في احلي من المباشر يا قلبي... فريدة:تعرف انك مجنون..وبعدين انا عايزة اعرف انت رجعت بدري ازاي.. اسر بغرور:انا القشاش يا حبيبتي ..اخلص اللي انا عايزه في الوقت اللي انا عايزه.. فريده:اهااااا..طب يا عم القشاش..هتسافر امته القريه لادم .. اسر:بعد اسبوع.. فريده:طب..وهتتاخر هنا.. اسر:لا طبعا..انا هشوف الشغل ماشي ازاي.. وهرجع علي طول..انا اقدر ابعد عنك.. فريده بضحكة:دايما بتثبتي بكلامك.... اسر:بس في البيت بس مش في الشغل..يا هتلر.. فريده:ههههه..اكيد..قشاش متجوز هتلر..يحصل ايه.. اسر:ههههه..شركتنا يا قلبي.. >>>>>>>>>>>>>>>>>>>>>> ذهب اسر الي القريه السياحية لمتابعة الامور..وهناك شاهدته سارة.. ولمعت في راسها فكرة شيطانيه لتفسد حياه فريده.. سارة لنفسها:انتي فاكرة اني هسيبلك اسر يا فريده.. ان ماكنش اسر ليا ..عمره ما هيكون لحد غيري.. >>>>>>>>>>>>>>>>>>>>> بعد يومان عاد اسر ومعه ادم وكاميليا لقرب ولادتها.. الي المنزل واستقبلته فريده بحب.. وبعد عدة ايام ..اتت سارة الي المنزل لتفجر المفاجأة في وجه فريده.. >>>>>>>>>>>>>>>>>>>>>>>>> | ||||
|  |
|
03-02-17, 10:32 PM
| #92 | ||||
| كاتبة في قسم قصص من وحي الأعضاء
| البارت الحادي و الثلاثين بعد يومان عاد اسر ومعه ادم وكاميليا لقرب ولادتها.. الي المنزل واستقبلته فريده بحب.. وبعد عدة ايام ..اتت سارة الي المنزل لتفجر المفاجأة في وجه فريده. ام علي :اسر يابني فيه واحدة اسمها سارة قاعدة مستنياك تحت في المكتب.. اسر باستغراب: سارة ....وديه عايزة ايه.. فريدة:سارة.....سارة مين يا اسر....اوعي تكون سارة اياها...وبحدة وعايزة منك ايه ان شاء الله.. اسر:استني بس يا فريده لما نشوف عايزة ايه... استنيني انتي هنا وانا هشوفها واجي.. فريدة:لا والله استناك هنا ...لا ده انا رجلي علي رجلك... هبط كل من اسر و فريدة الي المكتب لملاقاه سارة.. اسر بوجه غاضب: ايه....خير عايزة ايه.. سارة:بمياعة :ايه يا بيبي مالك متعصب ليه ...انت زعلان اني جيت. .اصل لقيتك طولت غيبتك ومش بتسال قولت اجي انا انت وحشتني موت.. اسر:انتي اتجننتي ....ازاي تيجي هنا وعايزة ايه .. سارة بزعل مصطنع:كده برضو يا اسر ...ده بدل ما تقولي وانتي كمان وحشتيني.....ديه مقابلة تقابل بيها مراتك..انت نسيت اليومين بتوع القريه.. فريده بعصبيه:مراتك....مراتك ازاي ....وقريه ايه... ماتنطق ياسي اسر ....ايه اللي بسمعه ده.. اسر بغضب:انتي اكيد اتهبلتي ....مرات مين انا اتجوزك انتي ... سارة:كده برضو يا اسر ...بتنكر ...طب ليه ماهي مسيرها هتعرف.. فريده بغضب وحده:اعرف... اعرف ايه .....ايه التخريف ده... ماترد عليا يا اسر مالك متنح ليه ....الكلام اللي بتقوله الزفته ده صح ....ماتنطق والا اطربق البيت علي اللي فيه.. سارة وهي تخرج ورقة من حقيبتها:ايوة يا حبيبتي متجوزين ...و الورقة ديه تثبت كده خدي اقري وانتي تتاكدي.. اخذت فريده الورقة من سارة وهي تقرئها.. وما كانت الا ورقة زواج عرفي بين اسر وساره.. فريدة بصدمه:ايه ده مش ممكن ...معقوله ... الورقة ديه اكيد مزورة مش كده ..انتي بتلعبي لعبة قذرة من الاعيبك انتي مبتحرميش.. سارة:لا المرادي مش لعبة ديه حقيقة ... انا واسر متجوزين وبصي علي التوقيع كويس.. فريده:ده ...ده خطك يا اسر....وبعصبيه شديده ... ماتنطق ساكت ليه رد عليا ده خطك.. سارة:ايوة خطه وميقدرش ينكر ...مش كده يا اسر.. اسر:فريده اسمعيني..انا...انا هفهمك.. فريدة ببكاء والقت الورقة في وجه اسر:اه يا خاين يا غشاش .... انا مش قعدالك في البيت ده ثانيه واحدة.. وركضت الي الغرفة.. اسر بوجه غاضب:اه يا بنت ال.....بقي انا تعملي فيا كده طب انا هوريكي.. سارة :ليه هو انا بتبلي عليك مش ديه حقيقة..انا مراتك زيي زيها.. >>>>>>>>>>>>>>>>>>>>>>>>>>>> في النادي.. يوسف:اخيرا يوم من غير طبيخ امك ياانجي..ماله النادي.. انجي:ايه ياجو..مانتا عارف مامي..بتحب تجمعنا وتطبخ بنفسها.. يوسف بتزمر:وانا مستحمل ده كله علشانك..ابوكي هيرجع امته.. انجي:معرفش ياجو..بابي سفرياته كتيره من بلد لبلد.. يوسف:يعني مش هنعرف نحدد حاجة الوقتي..انا معدتي تعبت ياانجي.. انجي بضحكة:معلش يا جو استحمل شويه.. يوسف بحزن:مش عارف معدتي هتفضل تستحمل لامتي يا انجي.. انجي:ههههه..متقلقش كل فترة هخليك تزوغ من اكل مامي.. >>>>>>>>>>>>>>>>>>>>>>>>>> اسر:حقيقية ايه يا بنت ال... الورقة ديه مش كنا قطعناها من زمان وكل ده انتهي.. سارة:انت اللي نهيت ...مش انا وانا لسه عيزاك.. اسروهو يجذبها من شعرها لخارج المنزل :طب بصي بقي انتي اللي جنيتي علي نفسك.. وانا مش هسيبك انا هخليكي تكرهي اليوم اللي اتولدتي فيه.. وهتشوفي ويلا يازباله من هنا ...والقاها خارج المنزل.. صعد اسر الي فريده التي كانت تبكي بشده وتلملم اشيائها... اسر:فريده اسمعيني.... فريده :تلملم اشيائها ..........ولم تعلق.... اسر :ردي عليا ...ديه عايزة تخرب علينا..والله ما شفتها في القريه واسالي ادم.. فريده:تخرب علينا ...يعني اللي قالته ده كدب ... وورقة الجواز العرفي كمان كدب وخطك يا اسر.. اسر وقد طاطأ راسه:لا الورقة حقيقيه... فريده:اه يا واطي يا حقير وكمان ليك عين.......وبطريقة هستيريه قامت فريده بالقاء كل محتويات الغرفة علي اسر بدايه من زجاجات البرفيوم وفرشاه الشعر و كل ماكانت تجده في وجهها تقذفه به اسر متالما:ااااااه ......يابنت المجانين هتعوريني... استني هفهمك...وهو يحاول تفادي الضربات...ااااااااي... طب اسمعيني.....اااااه هي وصلت للجزم... فريده وهي تلقي الاشياء وببكاء وصراخ:مش عايزة اسمع منك حاجة انا اللي غبية وصدقتك ...المفروض مكنتش اصدقك بعد كل اللي عملته ....انا بكرهك بكرهك....اهئ اهئ اهئ... اسر وقد استطاع ان يصل اليها وامسكها من ذراعيها وبصوت اجش: بس بقي......اهدي واسمعيني... فريده وهي تحاول الابتعاد عنه:ابعد عني انا بكرهك متلمسنيش ....انا حاسه بقرف من ناحيتك ..انت مقرف... اسر وقد غضب وامسك بشعرها: احترمي نفسك يا فريده انا مقدر الصدمه اللي انتي فيها ...بس مش هسمحلك تغلطي....اسمعي الكلام وبطلي جنان ...انا هفهمك... فريده ببكاء:تفهمني... تفهمني ايه ....واحده جايه تقولي انها مراتك و انت بتايد كلامها...ابعد عني مش طيقاك...ابعد... اسر بحدة:اهدي وبطلي عياط......انا اه كنت متجوزها بس ده كان من سنين وقطعت علاقتي بيها من زمان وقطعت الورقة ديه... فريدة بسخريه:لا ....بجد وانا اصدق كدة امال الورقة اللي معاها ديه ايه؟...وعرفت انك كنت في القريه ازاي.. اسر:ديه نسخة منها .....اقسملك بالله انا بعدت عنها من سنين ... هيا اللي بترمي بلاها عليا...والله ما شفتها هناك..صدقيني يا فريده.. فريده ببكاء:وانت ازاي تتجوز عرفي ومن واحده زي ديه .... وبعدين ماهي بلاويك معاها طالتني زمان... ولا انت ناسي لما هيا والواطي اخوها فبركولي الصور وعقد الجواز... وانت صدقتهم وكنت عايز ...اهئ اهئ اهئ.. اسر بضيق: يوووووه....احنا مش كنا خلصنا من ام الموضوع ده بتفتحيه تاني ليه... فريدة بحده:خلصنا.....لا مخلصناش انا دلوقتي بس عرفت هما ليه عملوا الموضوع ده .....انا مش ممكن اصدقك ... تلاقيك كنت مظبط معاهم انت كمان علشان تعمل كده... اسر بغضب:لااااااااااا .......انت اتجننتي رسمي ....ايه التخريف اللي بتقوليه ده... فريدة بعصبية:بس بقي ابعد عني .....كلكم زي بعض هي زباله وانت كمان ماهي الزباله ماتصاحبش الا الزباله اللي زيها... اسر بغضب و القاها علي الفراش:بصي انا طالع من هنا لاني لو قعدت وسمعتك.. مش عارف ممكن اعمل فيكي ايه بكلامك ده... انا هسيبك لما تهدي وبعدين نتكلم .....بس اعرفي يا فريدة انا منساعة ما اتجوزتك وانا عمري ماخنتك ولا بصيت لغيرك وهفضل كده طول مانتي معايا... ظلت فريدة تصرخ بهستيريا وتقذف بالاشياء اتجاه اسر وبعد خروجه وصفع الباب خلفه بقوة لتنتفض فريده فزعا بصراخ... ولاني احببتك عشقتك بكل ما فيك..عشقت عذابي علي يديك.. >>>>>>>>>>>>>>>>>>>>>>>>>> خرجت فريدة وذهبت الي كاميليا وادم وهي تبكي وتحكي لهم عن ما حدث.. كاميليا:معقوله يا بجاحتها جت وقالت كدة ...طب واسر قال ايه.. فريده ببكاء:البيه مانكرش ....بس فالح يقولي ده كان من سنين وانه سابها الخاين الغشاش ...اهئ اهئ اهئ.... ادم:طب مايمكن يا فريده يكون اسر صادق...وبعدين اسر فعلا مشفهاش في القريه كان طول الوقت معايا.. فريده:ازاي امال عقد الجواز ده يبقي ايه....قولي... ادم:ماقلك انه نسخة....وبعدين مانتي عارفة سارة وعامايلها ... فريده:ماهو اللي حصلي من زمان ومن اخوها من تحت راس اخوك ....الخاين بتاع البنات.. كاميليا:فريده خلينا واقعيين شويه...انتي عارفة ان اسر كان بتاع بنات .....والكل عارف كده...بس ربنا تاب عليه.. فريده ببكاء:لا لسه زي ماهوا ماهو ديل الكلب عمره مايتعدل.. ادم:فريده متظلميش اسر...اسر فعلا من ساعة ما رجعلك وهوا مخلص ليكي....وسارة اكيد بتتبلي عليه.. فريده:ماطبعا انت لازم تتحاميله مش اخوه ....مين يشهد.. ادم بحدة:فريده مسمحلكيش ....انا بشهد بالحق مش علشان اخويا.....بعدين انا طول عمري وبقف في صفك ضد اسر حتي لو انتي الغلطانه...وانتي عارفة.. فريده بحدة:لا انا ...مش عارفة ...كل اللي اعرفه ان اسر خاين ...طب ليه خبي عليا.. كاميليا:بجنانك ده اكيد يخبي عليكي .... اكيد خاف من جنانك ورد فعلك.. فريده بعصبيه:قصدك ايه ان انا مجنونه .....وهوا عنده حق... كاميليا:طبعا مجنونه ....انتي مش بتشوفي نفسك لما تتعصبي ....يا امي انتي اصلا خميرة نكد من زمان .... تموتي في كده .....وبعدين يقولك ليه علي موضوع فات عليه سنين وخلص.... ادم:فريده يا ريت متضيعيش اسر بجنانك ده ....اسر بيحبك.. بس انا لو منه وباللي بتعمليه ده .....اطفش.. فريده بعصبية:يعني ايه ....انا اللي طلعت الغلطانه في الاخر.. وسي اسر هوا المظلوم معايا .....انا همشي من هنا ...انا مكنش لازم ارجع لكم.. كاميليا:لااااااااا...انتي هتولديني قبل الوقت... يابنتي ارحميه شويه من جنانك ده.. ادم:فريده لاخر مرة بقولك .....فكري بعقلك مش بتسرعك الدايم ده .. كاميليا:فريده انتي كنتي عارفة ماضي اسر... وقبلتيه علي وضعه ده..فمش هتقدري تغيريه.. فريده:فعلا...انا اللي اخترت..ولازم اصحح غلطي... انا كالجميع لدي ماضي..اود ان اشاركك اياه..ولكنه حزمه واحده... لاتستطيع ان تنتقي وتختار منه ما تريد..لابد ان تاخذه كله وترضي به بلا استثناء.. >>>>>>>>>>>>>>>>>>>>>>>> خرجت فريده وتركتهم وذهبت الي النادي لم تعرف لم ذهبت ولكن فقط قادتها قدماها اليه ذهبت الي التراك لكي تمشي وتفرغ عن نفسها....هناك وجدت سارة .. سارة:ايه ده فريده....بتعملي ايه هنا .... فريده بوجه احمر من الغضب وعيون مشتعله :.......... سارة:معلش يابيبي اكيد الصدمه كانت شديده عليكي...بس بكرة تتعودي.. فريده بعصبية:اتعود علي ايه .... ساره:علي الوضع يا حبيبتي.... فريده:انتي اصلا واحده حقيرة....اسر اصلا سابك من زمان ...انتي اللي زباله وبترمي بلاكي عليه... سارة بغيظ مكتوم:لاما هو اصل انتي مش عارفة اللي فيها .... اسر بيلف يلف ويرجعلي ....ميقدرش يستغني عني.... فريده:انتي واحده كدابه وزباله .... وابعدي عن اسر احسنلك... سارة بحده :لا انا مش هبعد اسر بتاعي انا ومش هسيبه.... ولو كنتي فاكرة اني اسيبه تبقي بتحلمي.....ولو كنتي ناسية انا عملت فيكي ايه زمان والصور وهوا صدق.. افكرك.. فريده وقد فقدك اعصابها :اه يا حقيرة يابنت ال.... انا دلوقتي بس صدقت ان اسر ملهوش ذنب.. وانتي بتتبلي عليه.. بس انا هوريكي انا هعمل فيكي ايه... فريده وقد جذبت سارة من شعرها وانامتها علي الارض وجلست فوقها :خدي بقي...طااخ...انا هطلع عليكي القديم والجديد....طااااااااخ... ساره:عاااااااااااي ...ابعدي عني يا متوحشه......ابعدي... بدا اعضاء النادي في التجمع في التراك...ومحاوله الفصل بينهما.. فريده وهي تكيل لها اللكمات:خدي ...انا تعملي فيا كده....انتي السبب في اللي حصلي زمان وخليتي اسر يصدق عليا اللي قولتيه...خدي بوم...طااااخ... سارة:ااااااااااااه.....هموت.. ..حد يلحقني ....عاااااااااااي... احد الاعضاء:يامدام فريده ميصحش كده سبيها.. فريده بعصبية: ابعدوا محدش ليه دعوة محدش هيعتقك من ايدي... ..انا هموتك وهشرب من دمك....بقي كنتي هتضيعي مني اسر تاني... ساره :ااااااه....سبيني بقي ..ااااااي..هموت.. احد اعضاء النادي:ايه اللي بيحصل ده سبيها ...حد ينده الامن.. فريده:عارفة لو ندهوا مين ...مش هسيبك الا علي نقاله...بووووم... طاااااخ.. اتي الامن واستطاعوا ابعاد فريده عن سارة باعجوبه ولكن بعد ان لقنت فريده سارة درسا لن تنساه ابدا ... فريده :عارفة يا زباله انتي ....لو قربتي من اسر تاني ... المرة اللي جايه هتكوني في الترب...فاهمه... وبصوت غاضب جعل سارة تنتفض...فاهمه.. سارة برعب:فاهمة فاهمة....امسكوها كويس ... فريده: اوعي انت وهوا سيبني...انا ماشيه...وانتي يا واطيه مش عايزة اشوف وشك في حته تانيه والا هطلع روحك.. ذهبت فريده من النادي وظلت تمشي وهي تفكر فيما ستفعله مع اسر وفجأة وجدت نفسها امام منزل اسر.. فكرت فريده في فكرة جنونيه.. >>>>>>>>>>>>>>>>>>>>>>>>>> | ||||
|
| |
|
04-02-17, 12:08 AM
| #93 | ||||
| هههههههه يعنى يوم مايظهر فادى بضرب من اسر ياجنانك يا اسر نط بالبراشوت فى شهر العسل كويس ان لسه فيها الروح بعد مانزلت مش بس شعر منكوش سارة تستاهل العلقة اللى اكلتها ههههه ديه فريدة مش اى حد ياترى هتعملى ايه يافريدة ربنا يستر | ||||
|
| |
|
04-02-17, 01:40 PM
| #94 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
| السلام عليكم ورحمة الله وبركاته لكل الكاتبات والكتاب والقراء نرجو دخولكم هنا طلب مساعدة لاشراف وحي الاعضاء (نرجو وضع تنبيه بنزول الفصول الجديدة للروايات) | ||||||||
|
| |
|
05-02-17, 07:25 PM
| #96 | |||||
| كاتبة في قسم قصص من وحي الأعضاء
| اقتباس:
| |||||
|
| |
|
05-02-17, 07:31 PM
| #99 | ||||
| كاتبة في قسم قصص من وحي الأعضاء
| البارت الثاني و الثلاثين ذهبت فريده من النادي وظلت تمشي وهي تفكر فيما ستفعله مع اسر وفجأة وجدت نفسها امام منزل اسر.. فكرت فريده في فكرة جنونيه.. قامت فريده باخد حجر وقامت بالقاءه علي زجاج الغرفة الخاصة باسر فانكسر الزجاج وقامت بالاختباء... كان اسر في الغرفة مستلقي علي الفراش يزفر في ضيق ويفكر فيما حدث وفجأة وجد الزجاج ينكسر انتفض فزعا... اسر بفزع:ايييييه ده ...ايه اللي حصل مين اللي رمي الحجر ده.. اسرع كل من ام علي والخدم الي الغرفه بعد ما سمعت صوت تكسير الزجاج... ام علي:ياساتر يارب ايه اللي حصل يابني.... انت كويس... مين اللي عمل كده... اسر بقلق:معرفش يا دادة انا هطلع واشوف مين اللي بره.. ام علي بخوف:لا يابني الله يكرمك ... لحسن يكون حد كده ولا كده ... اسر:متقلقيش ياداده .. اسرع اسر والخدم الي الخارج وظلوا يبحثون عن من القي الحجر...صاح احد الخدم:ايه ده فيه حاجة بتتحرك هناك... عدلي: اسر بيه فيه حد هناك اهو... سيد وهو يمسك بعصا:اطلع احسنلك بالزوق...انت مين... خرجت فريده وهي ترفع يديها وتقول: انا....انا فريده.. سيد بدهشه:ست فريده....انتي بتعملي ايه هنا.. عدلي بتساؤل:انتي ياست هانم اللي رميتي الحجر... فريده ببرود:ايوة.. احد الخدم:وليه يا ست هانم مخبطيش ع الباب وكنا فتحنالك.. عدلي:اكيد خبطت بس محدش فتح.. اسر لكي ينهي الحوار:خلاص ياجماعة حصل خير.. اتفضلوا انتو علي شغلكم.. انصرف الخدم وهم يتهامسون:ايه ده حد يعمل كده... سيد:نسوان اخر زمن ...اجوازهم في البيت وهما برا بيكسروا في الشبابيك... عدلي :علي رايك انا مشفتش كده ... دلف الجميع الي المنزل.. ام علي: خير يابني ايه اللي حصل... اسر بضحكه:ابدا يا داده اصل فريده كان مش عاجبها شكل الشباك فحبت تغير الديكور .. ام علي بضيق:يعني انتي اللي رميتي الحجر.. فريده بلا مبالاه:ايوة انا... ام علي بعدم رضا:وده يصح برضو الناس تقول علينا ايه ... فريدة ببرود:وفيها ايه..عادي.. ام علي بامتغاض:عادي..ديه حركات.... اسر متدخلا :خلاص يا دادة حصل خير مفيش حاجة حصلت.. ام علي:خلاص يابني ...انا داخله انام ....وبتلميح... اصل الواحد كان نايم واتفزع علي صوت التكسير ده.. اسر:خلاص يا دادة تصبحي علي خير ... ام علي بضيق:وانت من اهله ...وهي تمشي ... بنات اخر زمن ...والنبي ماعارفة دول يفتحوا بيوت ازاي... وصعد اسر و فريده الي غرفتهم.. اسر:عاجبك كده ...ايه اللي عملتيه ده....و القزاز اللي اتكسر ... فريده ببرود:ايه عملت ايه يعني....وان كان علي القزاز ادفعلك تمنه.. اسر:بجد....طب افرضي كنت اتعورت ولا جيه الحجر فيا.. فريده وبابتسامه:لا انا عارفه ان الشباك بعيد .. وبعدين انت كنت بتعمل ايه في الاوضه دلوقتي... اسر :كنت نايم ....وبعدين انتي مش كنتي مشيتي ... فريده برفعة حاجب:ايه يعني كنت عايزني مرجعش .... وبعدين انا لبسي كله هنا ....جيت اخد لبسي وهمشي الصبح... اسر بضحكه:يعني هتمشي الصبح... فريده: ايوة.. اسر وهو يقترب منها:امممممممم.....انا كنت فاكرك راجعة تكملي عليا .....بعد اللي عملتيه في سارة في النادي.. فريده بدهشه:اييييه ده.... انت عرفت مين قالك... اسر بضحكه:ابدا اتصلوا بيا من النادي وقالولي انك ظبطي سارة وحاشوها عنك بالعافيه.....وهي يا عيني البت كانت بتفرفر... فريده بعصبية:ايه صعبانه عليك الهانم ....ده انا كنت عايزة اطلع روحها... اسر بضحكة:ههههههه يا واد يا شرس....بس انا مش مصدق انك رجعتي... فريده:ابدا ....اصل اكتشفت انك مظلوم والبت ديه بتتبلي عليك.. اسر بسهتنه:يعني صدقتي اني مظلوم وانك مفتريه... فريده بغيظ:انا مفتريه....لا طبعا ده انت عايز تكسير دماغك... اسر وهو يقترب منها:واهون عليكي....ده انا غلبان.. فريده:اااااااه.... ياخويا باماره... اسر برفعه حاجب: اخووكي....اخوكي مين يا ماما ... انا جوزك...وعلشان الكلمه ديه انتي هتتعاقبي الوقتي.. فريده : ايه ...لا اوعي كده انا زعلانه.... اسر:هوووووووووش......مش عايز كلام .. وسكتت شهرذاد عن الكلام ونام شهريار كن مجنونا برفقة من تحب...فالعقلاء لا يملكون سعاده المجانين.. >>>>>>>>>>>>>>>>>>>>>>>>>>>>>>> في الصباح..علي مائده الافطار.. سيف:ايه اللي سمعته ده..ايه موضوع سارة.. اسر:مفيش يا بابا..ده موضوع تافه وخلص..مش كده يا فريده.. فريده:فعلا يا اونكل..متشغلش بالك.. كاميليا بدهشه:خلص..واللي عملتيه امبارح.. فريده:ابدا كنت متعصبه شويه..بس عرفت الحقيقة.. ادم بغيظ: بجد..بصي يا فريده مش عايز اشوف وشك لا انتي ولا جوزك..وملناش دعوة بمواضيعكم ديه..انتو اصلا مجانين.. يوسف:امال ايه موضوع الشباك اللي اتكسر امبارح ده.. اسر:هههههه...انت عرفت منين.. يوسف:من مصادري الخاصة..بس يا فريده اتعلمتي التنشين فين.. سيف: فعلا ..كسرتي ليه الشباك يا فريده.. فريده وهي تنظر الي اسر وبابتسامة: كنت حابه اغير الديكور.. ليقهقه اسر بصوت عالي:هههههه...اسلوب جديد ومبتكر لفريده كالعادة.. ادم بنفاذ صبر:سيبك منهم يا بابا دول عقلهم طاقق.. انا مش عارف دول هيجيبوا بكرة عيال ازاي وهما مخهم مخ عيل صغير.. سيف:ههههه..عندك حق يا ادم..دول عيال .. >>>>>>>>>>>>>>>>> علي الطرف الاخر.. المساعد بحزن:سيدي لقد مرض السيد كثيرا العمليه لم تنجح ..الطبيب غير مطمئن.. الشخص الثاني بحزن:لماذا لم تخبرني بتعب والدي منذ البدايه..لوعلمت كنت ساعدته.. مساعده:لم يرد ان يقلقك عليه..ارادك ان تعلم كل شئ منه..ولكنه .. الشخص الثاني بأسي:حسنا دعنا نهتم بأبي الان .. مساعده:ولكن اعمالنا سيدي.. الشخص الثاني بحدة:قلت لك اجل كل شئ الان .. لنطمئن علي ابي اولا..مايهمني الان صحته..هيا.. مساعده:امرك سيدي.. >>>>>>>>>>>>>>>>> كانت فريده نائمه واذا باسر يوقظها.. اسر:فريده..فريده..قومي.. فريده بنعس:هممممم..عايز ايه يا اسر.. اسر:جعان يا فريده.. فريده وهي تكمل نومها:روح شوف اي حاجة كلها في المطبخ وسيبني انام ياحبيبي.. اسر:لا ماهو انا عايزك تقومي تعمليلي اكل..انا جعان.. فريده وهي تعدل من نومها:يعني عايز ايه الوقتي.. اسر ببراءة:بصي انا جعان ونفسي هفاني علي صنيه تورلي..قومي اعمليهالي.. فريده وقد اعتدلت وجلست في مقابله:نعم يا خويا.. صنيه ايه..تورلي..ودلوقتي..ايه حلمان بيها.. اسر:ايوه..نفسي رايحالها..يلا ياديده ياحبيبتي بقي.. فريده:لا..روح لضرتي خليها تعملهالك..وسيبني انام.. اسر باستغراب:ضرتك..ضرتك مين يا فريده.. فريده:داده ام علي..الوليه ديه بحسها ضرتي..كاني متجوزاك عليها ووخداك منها..يلا روح قولها وهيا تعملهالك.. اسر بعتاب:يابنتي انتي عارفة الساعة كام..اروح اصحيها واقولها اعمليلي صنيه تورلي الوقتي.. فريده بغيظ:لما انت عارف ان الوقت متاخر..ماتخلي عند اهلك دم وتسيبني انام..نام يا اسر وهبقي اعملهالك بعدين..وقد نامت وغطت وجهها.. اسر وهو يرفع الغطاء من عليها:يافريده بقولك جعان ونفسي فيها..وبصراحه مش هقدر انام لو ماكلتهاش.. فريده بتهكم :ليه ان شاء الله..حامل وبتتوحم عليها وخايف العيل يطلع في وشه فاصوليايه.. نام يا اسر ربنا يهديك.. وسيبني انام متجننيش.. اسر:لا..انا عايزها الوقتي..قومي.. افرضي مت الوقتي..اموت وانا نفسي فيها..اهون عليكي.. فريده وهي تعطيه ظهرها:اه. اتوكل انت علي الله وموت .. ..وانا ابقي اعملها وافرقها رحمه ونور علي روحك.. سيبني انام بقي عندي شغل الصبح.. اسر وهو يوقظها:ماهو انا مش سايبك غير لما تعمليهالي الوقتي..طلعت في دماغي وانتي عارفاني لما تطلع في دماغي حاجة لازم اعملها..يلا قومي.. فريده وهي تنهض بغضب:هيا ليله مش فايته انا عارفة.. شكلك فايق ورايق..ماشي يا اسر هعملهالك الوقتي..بس وعزة جلاله الله لو مأكلتها لأطفحهالك.. واتجهت الي المطبخ الملحق بجناحهم..لينادي عليها اسر.. اسر:فريده..عايزها باللحمه الضاني لو سمحتي... فريده بغيظ:كمان...صبرني يا رب..كان مالي انا ومال الجواز.. مانا كنت متهنيه في بيت ابويا ولا حد يقولي اعملي ده وهاتي ده..و لا انسان رزل يصحيني من احلاها نومه ويقولي قومي اكليني..مااغيرله بالمرة.. بدأت فريده في اعداد الصنيه وفي في حاله غضب من اسر..الذي دلف الي المطبخ.. اسر:ها يا فريده ..خلصت ولا لسه.. فريده بغيظ مكتوم:لسه بعملها اهو.. اسر:طب بوصي كتري البسله علشان بحبها وبلاش بصل كتير.. فريده وهي تجذ علي اسنانها:حاضر..اي اوامر تانيه.. اسر:لا يا حبيبتي ..بس بسرعة الله يكرمك.. فريده وهي تمسك بالسكينه:اقتله وارتاح منه واخلص..يارب صبرني.. كان اسر كل دقيقة يسال فريده اذا كانت انتهت من اعداد الصنيه.. اسر:هااااا..خلصتي.... فريده وقد فاض بها الكيل وبغضب وحده:قولتلك لسه .. مش شايفها لسه في الفرن..شايفني الفرن مثلا..هتستوي وهتنيل علي عين اللي خلفوني اطلعها واجبهالك.. اسكت شويه ..مش كل دقيقة تسالني استوت ولا لأ.. اسر بهدوء:خلاص..خلاص..انا بس جعان.. اخرجت فريده الصنيه ووضعتها امام اسر بغيظ:اتفضل..اي اوامر تانيه.. اسر:شكرا..بس ايه مش هتاكلي معايا.. فريده:لا..مش هطفح..اتفضل كل وخلصني ..وانا هروح اغيرو انام.. اسر:لا استني..انتي عارفه اني مش بحب اكل لوحدي.. خليكي معايا لغايه ما اخلص.. فريده بغيظ:هيا الليله مش معديه..النوم خلاص راح..منك لله ياللي كنت السبب وقال ايه مفيش احلي من الجواز... بلا نيله يجوا يشوفوا الهنا اللي انا فيه.. انهي اسر طعامه وترك كل شئ لم يرفع حتي طبقه من مكانه واتجه الي الحمام وغسل يديه ونام بسرعه.. فريده بغيظ:يعني كمان مشلش الطبق اللي اكل فيه وبوظ الدنيا.. طبعا مالجاريه اللي اشتراها هيا اللي هتنضف..ااااااه ياني... قامت فريده بتنظيف المطبخ ووضع كل شئ في مكانه واتجهت الي الحمام لتبديل ملابسها وعادت الي الغرفه لتجد اسر نائم في سبات .. فريده بغيظ:طبعا نايم ولا علي بالك.. حاولت فريده النوم ولكن لم تستطع حتي الصباح كانت تتقلب في فراشها علها تجد النوم وكانت تنظر الي اسر في غل... فريده بغيظ:لا بقي..انا مش هفضل مفروسه والنوم طاير من عنيا وهوا نايم ولا كأن..اسر..قوم..اعطاها اسر ظهره واكمل نومه.. مما اشعل غضب فريده..قامت فريده بركل اسر بقدمها حتي اسقطته علي الارض.. اسر بالم وضيق:ايه يا فريده ..حد يعمل كده مش هتبطليها العاده ديه..حرام عليكي كل شويه توقعيني كده.. فريده بحده:يعني حضرتك نايم..وسايبني صاحيه.. اسر ببرود وقد جلس علي الفراش:عيزاني اعملك ايه.. ماتنامي حد حايشك.. فريده بغيظ:انام ازاي بعد ما طيرت النوم من عيني.. اسر وقد نام مرة اخري:كل ده عشان صنيه تورلي.. ده انتي فصيله..نامي نامي..لسه بدري.. فريده وهي تضربه بغل بالوساده:نام..نامت عليك حيطه..مانتا كلت وارتحت.. >>>>>>>>>>>>>>>>>>>>>>>> علي الجانب الاخر كان الوضع كالاتي.. السيد بتعب:ماذا فعلتم بشان سليم.. مساعده:سيدي انت متعب لا تتحدث كثيرا..السيد الصغير اجل كل شئ حتي تعود الي صحتك.. السيد بحدة:ما الذي تقوله ..فلتتابعوا اعمالكم كما هي.. الابن:ولكن ابي..انت مريض علينا الاهتمام بك..صحتك اولا.. السيد بصرامه:قلت لا..فلتتابعوا العمل..عليك ان تتولي كل شئ ابني.. الابن:ولكن ابي.. السيد بصرامه:هيا لتعودوا الي العمل الان.. مساعده:امرك سيدي..سنباشر الاعمال.. >>>>>>>>>>>>>>>>>>>>>>>>>>>>> | ||||
|
| |
|
05-02-17, 07:33 PM
| #100 | ||||
| كاتبة في قسم قصص من وحي الأعضاء
| البارت الثالث و الثلاثين في الشركه كانت فريده حاده المزاج بسبب قله نومها.. فريده بحده:قولتلك لما العميل يتصل تقوليلي علي طول ..كنتي مستنيه ايه.. سهي:يافندم ماهو لسه متصل ..وجيت بلغت حضرتك.. فريده بعصبيه:قصدك بعدها بساعة..سهي اتعدلي معايا احسنلك..اتفضلي وابعتيلي كاميليا بالملف ... سهي:امرك يا فندم.. كاميليا:ايه يا فريده مالك مصربعاني كده ليه.. فريده بحده:مصربعاكي ايه يا كاميليا..انتي اللي بقيتي بطيئه..بقولك ايه فين الملف.. كاميليا وهي تجلس ببطئ: اهو يا ستي..مالك بس ع الصبح عفاريتك طالعة..ايه متخانقه تاني مع اسر.. فريده بعصبيه:بقولك ايه متجبيش سيره زفت ع الصبح انا مش طيقاه..كفايه مخلنيش انام امبارح.. كاميليا بغمزة:ايوة يا عم هنياله..تلاقيكم قضيتوا ليله حلوة.. فريده بغيظ:اتوكسي...ليله ايه اللي بتقولي عنها..البيه مصحيني الساعة تلاته الفجر يقولي اعمليلي صنيه تورلي,,, كاميليا وهي تضحك بشدة :هههههه...مش ممكن ..بجد..هههههه..طب وعملتيهاله.. فريده بغل:فضل ورايا لغايه معملتهاله..لا وبيتشرط كمان..ا عمليها بلحمه ضاني..كتري البسله ..لا قللي البصل..تقولي خدامه ابوه.. كاميليا:هههههه..معلش يا فريده تعيشي وتاخدي غيرها.. وبعتاب..بس انا واخده علي خاطري منك.. فريده باستغراب :ليه يا كامي.. كاميليا:يعني تعملي صنيه تورلي ومتصحينيش تأكليني منها.. مكنش العشم..طب حتي عشان اللي في بطني..وانا كده قاعدة لوحدي.. فريده بغيظ:غوري يا كاميليا من وشي احسنلك بدل ما اطلع عفاريتي عليكي.. كاميليا:خلاص ..خلاص..انا ماشيه اهو..وبهمس..له حق اسر يعمل فيكي اكتر من كده..بيخلص اللي بتعمليه فينا.. >>>>>>>>>>>>>>>>>>>> عند سليم اتاه اتصالا.. سليم:نعم انه انا... الشخص:......... سليم:قلت لا..لن افعل ذلك.. الشخص:....... سليم:لا تهددني....انا لايمكن ان اقوم بذلك.. الشخص:............ سليم:فلتفعلوا ما تريدونه..لن اخاف منكم بعد الان.. >>>>>>>>>>>>>>>>>>>>>>>> في منزل سيف الدين في المساء سمعت فريده صوت بكاء.. فريده وهي توقظه:اسر..اسر.. اسر بنوم:هممممم..يا فريده لسه بدري انا مش ميعاد صحياني الوقتي..لسه شويه لما اقولك عايز اكل.. فريده بغيظ:انت بتهرج..قوم يا اسر انا سامعة حد بيعيط.. اسر بنوم:تلاقيه حلم ولا التلفزيون نامي يا فريده.. فريده:لا..استني..وبخضة..ده صوت كاميليا..قوم بسرعة.. اسرعت فريده وخلفها اسر الي غرفة كاميليا التي كانت تبكي وعلي ما يبدوا انها تلد.. فريده بخوف:مالك يا كاميليا..بتعيطي ليه.. كاميليا بالم:تعبانه قوي يا فريده..بولد.. اسر بفزع:ايه بتولدي..طب..طب نعمل ايه.. فريده بحدة:تعمل ايه يعني ايه..بسرعة يلا هنروح المستشفي.. اسرع سيف ويوسف ايضا علي صوت كاميليا.. سيف بقلق:فيه ايه يا ولاد.. اسر:كاميليا بتولد يا بابا.. يوسف :ايه..الوقتي..طب هنعمل ايه.. اسر:هناخدها ع المستشفي يا غبي..يلا انا هروح اغير بسرعة..وانت كلم ادم قوله.. فريده:يلا بسرعة يا اسر..ولكاميليا بخوف..اهدي يا حبيبتي.. كاميليا بالم:انا عايزة ادم كلموه يجي.. يوسف:بكلمه يا كاميليا..الو..ايوة يا ادم..كاميليا بتولد الوقتي.. ايوة يابني..احنا رايحين ع المستشفي..لا متقلقش..ايوة هقولك.. يوسف للجميع:قولتله ساعة ونص بالكتير وجاي.. اسرع الجميع الي المشفي بعد ان ساعدت فريده كاميليا بتبديل ملابسها وحملها اسر الي السيارة.. في المشفي كانت كاميليا في غرفة العمليات وبعد وقت قصير حضر ادم راكضا.. ادم بلهفة:هااا..ايه الاخبار..ولدت.. سيف:لا لسه اهدي يا ادم.. يوسف:انت جيت بسرعة ازاي كده.. ادم:اول ما اتصلت بيا نزلت جري معرفتش انا سايق ازاي..كنت هعمل ميه حادثة.. اسر:ياعم اطمن ..هتعدي علي خير.. ادم بلوم:مكنش لازم اسيبها وانا عارف ان ده شهرها اللي هتولد فيه.. اسر:خلاص يابني حصل خير.. كان ادم يدور ذهابا و ايابا في توتر وقلق.. اسر بسخريه:ياعم اقعد بقي خيلتنا... انت محسسني انك انت اللي بتولد..خلاص بقي.. ادم:بس والنبي يا اسر..مش ناقصك انا..هما اتاخروا قوي كده ليه.. فريده بخفوت:اهدي يا ادم..ربنا هيقومها بالسلامه.. اسر لفريده بقلق:مالك وشك اصفر كده ليه..وايديكي متلجة.. فريده بخوف:من ساعة ما شفت كاميليا بالمنظر ده..وانا مرعوبه يا اسر.. اسر:هههه..يا شيخة مفيش حاجة.. فريده بخوف:يعني انا لما ابقي حامل واجي اولد هبقي زيها كده..لا..انا صرفت نظر عن الخلفة.. اسر بتهكم:نعم ياختي..ده انا اصلا عايز فريق كورة..استهدي بالله واسكتي.. فريده بحدة:طبعا ماهو انت تطلب والجاريه تنفذ.. يوسف:ايه انتو هتتخانقوا هنا كمان..اسكتوا شويه حرام عليكم.. اسر بحدة:اخرس انت.. يوسف :طيب... ليخرج الطبيب ويبشرهم بقدوم الصغير.. الطبيب:مبروك يا فندم.. ادم:بفرحة:يعني كاميليا ولدت..طب هيا كويسه.. الطبيب:ايوة وتتنقل غرفه عاديه الوقتي.. يوسف:والبيبي.. الطبيب:هننقله مع مامته الاوضه.. سيف وهو يحتضن ادم:مبروك يا حبيبي.. ادم:الله يبارك فيك يا بابا.. اسر:مبروك يا ادم.. ادم:الله يبارك فيك يا اسر..عبالك.. اسر بضحكة:ههههه..قول انت يا رب.. يوسف:مبروك يا دومي...ناوي تسميه ايه.. ادم بفرحة:هسميه اياد..انا وكامي متفقين.. فريده:حلو اسم اياد..مبروك يابو اياد.. ذهب الجميع الي غرفة كاميليا وبعد وقت قصير استيقظت ووجدت بجوارها ادم يحمل اياد الصغير.. كاميليا بتعب:انت جيت يا ادم.. ادم بحب وهو يقبل جبينها:ايوة يا حبيبتي..مبروك يا ام اياد.. كاميليا:كنت خايفة قوي يا ادم..مكنتش معايا.. ادم:معلش..عدت علي خير..يلا سمي..وخدي اياد... حملته كاميليا بحب:الله ده جميل قوي يا ادم.. فريده:حمدلله علي سلامتك يا كامي.. سيف:حمدلله علي سلامتك يا كاميليا يا حبيبتي.. كاميليا:الله يسلمكم يا حماعة..تعبتكم معايا.. سيف:متقوليش كده..وبعدين يلا شدي حيلك علشان تطلعي من هنا.. ادم:ايوة..يلا ده انا هاخدكم علي طول معايا..مش هسيبكم تاني.. فريده:لا هتقعد شويه معانا وبعدين تبقي تروح معاك..احنا لسه مشفناش اياد.. اسر:متقلقش..انا كلمت كريم وهو هيهتم بالامور هناك..خليك انت مع مراتك وابنك.. ادم:تسلم يا اسر.. بعد ذلك حضرت عائله كاميليا وباركت لها وبعد يومان عادت كاميليا الي منزل عائلتها.. وبعد فترة عادت الي فيلا سيف الدين.. كانت فريده بعد عودتها من الشركه تبقي مع كاميليا واياد.. كاميليا بتعب:اياد مش بينيمني يا فريده ..انا وادم..هتجنن..بكرة لما تخلفي وتصحي نص الليل هتعرفي..ادم سابني وراح نام عند يوسف.. فريده:لا ياختي عارفة..عندي اسر بعيلين.. بيصحيني من عز النوم بالليل ويقولي اكليني.. كاميليا بتعب:هههههه..لا..بس انا اديلي يومين مش نايمه.. فريده بضحكه:ههههه..فعلا واضح عليكي..اقولك هاتيه ونامي انتي شويه.. كاميليا:مش عايزة اتعبك..وبعدين انتي .. فريده:تعب ايه..ده انا مبسوطه قوي مع اياد.. يلا يلا نامي وانا هاخده معايا.. كاميليا:تسلمي يا فريده..لو جاع قولي لدادة ام علي تحضرله اكله.. فريده:متشغليش بالك انتي ونامي ..انا هعرف اتصرف.. >>>>>>>>>>>>>>>>>>>>>>>>>>>>>> اسر:ايه يا ديدة كنتي فين وسيباني.. فريده:بص شوف..جايبال معايا...مين.. اسر:ايه ده ..استاذ اياد عندنا..يا مرحبا..امال فين كاميليا وادم.. فريده:هههه..ادم نام عند يوسف..وكاميليا يا عيني صعبت عليا..اخدته منها وسبتها تنام شويه.. اسر وهو يحمله:خير ما عملتي..هاتيه نلعب بيه شويه..تعرفي بيوحشني الواد ده.. فريده:فعلا..انا مش بشبع منه ابدا.. اسر:يا ريت يفتح نفسك علي الخلفة يا قلبي.. فريده:هههه..خلينا معاه الوقتي يا اسر.. >>>>>>>>>>>>>>>>>>>>>>>> بعد ذلك سافر ادم وكاميليا الي القريه وذلك لاستكمال العمل في القريه السياحية.. اعتاد اسر ان يوقظ فريده من نومها ويطلب منها ان تعد له اطعمه وكل مرة طعام مختلف كانت تنظر له بترقب وهو يخبرها.. فريده بغيظ:اسر..انت شفت فيلم موعد علي العشاء.. اسر وهو يأكل:امممم..مش ده بتاع سعاد حسني وحسين فهمي.. فريده:ايوة..طب شوفت هيا عملت ايه في نهايه الفيلم.. اسر:اهاااا..مش سمته ..بس ايه اللي فكرك بيه دلوقتي يا فريده.. فريده:اصلي بفكر اعمل زيها كده.. اسر وهو ينظر اليها:يعني ايه..بس ديه ماتت معاه .. فريده بتوعد:ماهو انا ناويه اعمل كده..لو فكرت تصحيني مرة تانيه وتقولي عايز تاكل واعمليلي اكل..هحطلك سم فيه واكل معاك ونموت انا وانت واخلص وارتاح.. اسر وقد ترك الطعام:انتي بتهزري يا ديدة صح.. فريده بجديه:لا..مش بهزر..اصل للصبر حدود يا اسر..وشكلنا كده مش هنعمر مع بعض..اتقي شري..ولم نفسك بقي.. اسر وهو ينظر لها بقلق:انتي ناويه تعمليها مش عملتيها ..مش كده يا فريده.. فريده بنظرة مرعبه:ايوة لسه..بس بديك فكرة.. كل كل متخافش..الكلام ده الاكله اللي جايه.. اسر بعدم ارتياح:لا خلاص انا كده شبعت..تصبحي علي خير.. فريده بابتسامه نصر:وانت من اهله... >>>>>>>>>>>>>>>>>>>>>>>> بعد مدة قصيرة وفي فيلا الحسيني.. سليم :ليلي..انا مسافر فرنسا.. عندي شغل.. ليلي: يا سليم..انت مش ملاحظ سفرياتك كترت اليومين دول.. سليم:معلش يا ليلي..الشغل كتير اليومين دول..وبعدين انا مش هتأخر.. ليلي:ماشي يا سليم بس انا عازمه اسر وفريده بكرة ع الغدا..طبعا هتكون موجود.. سليم:ايوة..فريده وحشاني قوي..وفرصه اسلم عليها قبل ما اسافر.. ليلي:طيب .. >>>>>>>>>>>>>>>>>>>>>>>>>>>>>> في اليوم التالي..علي مائده الطعام.. سليم:متعرفيش بتوحشيني ازاي يا فريده.. فريده:وانت كمان يا بابي..مامي قالتلي انك مسافر بكرة.. سليم:ايوة يا ديده..شغل..خلي بالك منها يا اسر.. اسر بضحكه:انت بتوصيني عليها يا عمي..والنبي وصيها هيا عليا شويه.. سليم:هههه..ايه يا فريده عامله في اسر ايه.. فريده:ابدا يا بابي..هو بس اللي بيدلع..مالك يا مامي مش بتتكلمي ليه.. ليلي:ابدا يا ديدة....مفيش.. فريده بغمزة:اكيد زعلانه علشان بابي مسافر وسايبك.. ليلي بسخريه:اكيد .. اسر:طب ما كنت تاخدها معاك يا عمي بدل ما تقعد لوحدها.. سليم:معلش ديه سفرية سريعة ..وهرجع علي طول.. فريده:تروح وترجع بالسلامه يا بابي..بس متطولش علي مامي.. سليم بضحكة:وانا اقدر برضو.. >>>>>>>>>>>>>>>>>>>>>>>>>> الشخص الاول:لتنفذ الان.. الشخص الثاني:هل انت متاكد سيدي.. الشخص الاول:اجل لقد انتظرنا كثيرا..فموت والدي قد عطلنا بما فيه الكفايه.. الشخص الثاني:حسنا سيدي ..سانفذ الان.. >>>>>>>>>>>>>>>>>>>>>>>>>>>> كانت فريده تجلس مع اسر في الغرفة ويشاكسها كالعاده كانت نائمه وتضع رأسها علي قدميه وهو يعبث بشعرها والتلفاز مضاء.. فريده بملل:يووووه ..بس بقي يا اسر زهقتني.. وبعدين ارسى علي قناه ايه الحول ده عمال تقلب تقلب.. اسر:اعملك ايه يعني..مش لاقي حاجة عدله في التلفزيون.. فريده:يا سلام ..كل القنوات ديه ومش لاقي حاجة.. وقد اعتدلت في جلستها..اقولك هات الريموت.. اسرهو يرفع يده بالريموت لاعلي:ليه..مانا بقلب اهو..وقد ترك قناه الاخبار.. فريده وهي تحاول الامساك بالريموت:لا هاته.. اقلب انا بقي شويه..كفايه عليك كده.. اسر وهو يبعدها:لااااااا...انا اللي مسكته الاول؟؟؟ ..وانتي عارفه القانون..اللي ياخد الريموت الاول هوا اللي يقلب.. فريده بتزمر:اووووف...انت اصلا زي العيل الصغير اللي بيشبط في حاجة...وبعدين انا مش المرة اللي فاتت اديتك الريموت.. علشان تحضر الماتش...هاته بقي..واسرعت خلفه.. اسر وهو يمسك به ويركض في الغرفة:بعينك...مش هديهولك.. ظل يركضان خلف بعضهما ولكن توقفت فريده فجأه .. اسر وهو يضحك:ايه يا ديده..استسلمتي خلاص.. فريده والتي كانت في صدمه وبدموع في عينيها: اااا...اااسر..ايه اللي بيقوله الراجل ده.. >>>>>>>>>>>>>>>>>>>>>>>>> | ||||
|
| |
|
| أدوات الموضوع | |
| انواع عرض الموضوع | |
|
|
50Likes
.png)
العرض العادي
