آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-09-17, 03:12 AM
| #51 | ||||
|  وعدنا ههههههه حرااام صعبتيها والله كيف من كلمتين نعرف صاحبها والمحادثات كل وحده تروح لأكثر من شخص ههههههه بس يالله نبدأ بالاستنتاج والاعتقاد وإذا خطأ نكون حاولنا هههههههه اول محادثة اعتقد انها تخص ياسر ويحاول يراضي عمته نوفة ألانه ماكان يرد ع تلفوناتها ولا جاها من أسبوع اما الثانية يمكن بكل حالاتها موجهة لمصعب ان كانت من عادل او أصايل هههههههه افتراضيا كلهن اما الثالثة بين اكثر من شخص وانتي فكيها لنا ههههههههه ي انهم شموخ ومصعب او شمسة وعواد او شدن وانه ياسر يقول لها انه اللي يسعدها انه طلق ههههه افتراض الرابعة ذي بنسبه كبيرة هههههه مصعب الخامسة اعتقد ها شوفي اعتقد انها أصايل او شمسة اختها والسادسة يمكن شدن ع كلام سمعته من ياسر ههههه او أصايل مصعب يقولها انها راح تكون فالسر وكذا السابعة هههه مانامت تفكر يمكن نوفة من اتصال عّم شدن الثامنة فيها أكثر من شي يمكن يكون فكر أصايل باللي استنتجته من كلام مصعب انه يبغى يملك وبعده يطلق او انها شموخ مستغربة انه يبغى ملكة او ام ياسر انه ياسر يملك على شدن بدون زواج هههههه تفكيري التاسعة ام ياسر حزينة ع ولدها ي من عفاف او شدن ههههههه العاشرة امممممم تفكيييييير يمكن زعل احد من ياسر ي أخواته او شدن او نوفة ويمكن أمه ههههههه كله من الاعتقاد الاخيرررررة اعتقد ندم ياسر لما شاف عمته او لما شاف ردة فعل شدن كلها اعتقادات وفرضيات ان شاءالله يكون في منها الصحيح وان كانت كلها خطا ههههه نكون حاولنا فقط 💜 شكررررا نوني وشووووكرررا فيتامين سي ع كذا اجزاء واحداث ف انتظار البارت القادم | ||||
|  |
|
25-09-17, 10:53 AM
| #52 | ||||
 
| بسم الله الرحمن الرحيم السلام عليكم ورحمة الله وبركاته وعليكم السلام ورحمة الله وبركاته شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . | ||||
|
| |
|
25-09-17, 11:13 PM
| #53 | ||||||||
| مراقبة عامة ومشرفة منتدى الروايات المنقولة  
| . . اللهم اني استغفرك وأتوب اليك اللهم صل وسلم على نبينا محمد "صلوو عليه" • • • ((5)) • • • ضحك بوقاحه وهو يطالع الطريق : مالك رد على سؤالي انا الي بقوله لك وش ذا الزواج أعتبره "مسيار"يعني بالسر ولا تطالبي أكثر اصايل كنت مصدومه ...من كلامه ماتوقعت انه يسمعني ذاالكلام في أول لحظة لي معاه....هذا الي أخترته لي ي ابوي ذا الرجآل "السنافي "عز الله اني رحت فيها مارديت عليه ولاراح ارد.. على ذي السخافات يقولها ...هين نشوف وش النهايه معه مصعب سكت ...وهو يطالع الطريق المظلم قدامه طالعها شافها لا تحركت ولا نطقت ...الي قاله لها في أول لحظه لهم أحسن شيء لازم يعرفها قدرها من الحين مافيه على الصدعه...قدامه مشوار طويل عشان ينتقم وذي ...أكيد بتزن عليه وبتخرب عليه ...مخططه كله ...لكن يعطيها قدرها من الحين افضل شيء وينورها من آلحين قال بصوت بارد كله سخريه واستفزاز وهو مبتسم على جنب وده يسمع صوتها : مبروك عليك انا اصايل ابتسمت بسخريه ...بدري لفت ...وجهااا للدريشه متضايقه ماتبي تسمع كلمه زيادة ..ليته يرحمها ويسكت ويحترم سكوتها إنها ماتبي تتكلم معاه...ولا هي قد نبرة الغرور الي بصوته ....هذا عكس أبوها ولا حد مثله تعبتر قسوة أبوها رحمه ...معاه مصعب بسخريه : تصدقين شكلي بحب فيك ذي الصفه اصايل طالعته مصدومه ...اي صفه يقصدالي حبها فيني ..بذي السرعة ...لفت وجهاا متفشله ...يوم طالعها بابتسامه مستفزه ...بلعت رايقها بخوف وتوتر من نظرته لها ....الله يسامحك يبه على ذي الدقه سويتها فيني .... ميل فمه بصوت مستفز :لا لا في صفات حلوه فيك أول وحده قليلة كلام وهذا "عشقي "وثاني وحده ماعندك "فضول "وان شاءالله الصفه الثالثه الي بكتشفها ماتخرب على ذي الصفات الي حبيتها فيك من أول مره لنا مع بعض سكت شوي يبيها ترد بس بعد مطنشه على الأخر صغر عيونه وقال : لا يكون ابوك غشني بالهديه وتطلعي "طرمه" اصايل حالفه ماترد عليه اليوم ...عندها وقت ...تعرفه الطرمه وش تسوي فيه والله لاعرفك قدرك ي ال******استغفرالله ...حسيت الضيقه تزيد علي الله يصبرني المشوار طويل وذا ثقيل طينه ...ميلت رأسي على الدريشه ...وانا افكر ذا المجنون لوين رايح وين مكانه .... قفلت عيوني ...وانا أتمنى اغفي ماودي اسمع شيء ثاني منه وفعلاً غفيت وماحسيت إلا بالصوت القريب مني : ي بنت وصلنا وكمل بتذمر ي هوو اصحي وصلنا ... افف اخس شيء عندي الي نومه ثقيل ي بنت اصحي كنت اسمع كل كلمه قالها بس مابي افتح عيو ني ... على الواقع المر يوم بدا صوته يعلى ..تحركت وأنا احس ...بتشنج برقبتي...ذبحني طالعت حوالي البيت الي واقف عنده قديم بالحيل ....والي جنبه بعد بيوت قديمه ... تلفت يمين يسار وانا خايفه بحده بانت بصوته : آلحين يقال تكتشفي المكان انزلي وخلصينا طالعته بقهر هزيت رأسي بعدم رضى لا عليه ولاعلى المكان ....سميت بالله ونزلت ..ودخلت للبيت فتحت عيني بصدمه قديم قديم مره ...من برا ينشاف اجدد من داخل ...قلت بدون حس وانا امشي وراه ...مصدومه مذهوله من الي فيه : الحين كل ذا الغرور فيك وذا بيتك ي رجآل والله يشوفك يقول ساكن وسكتت من ...من النظره الي جحدني فيها بعصبيه أشر : ذا البيت الي ماهو عاجبك عندي غالي حيل وأغلى من اي شيء يجي في باللك وهالمره بطوفها لأنك باقي ماتعرفي حدودك معي بس المره الثانيه مستحيل فاهمه وبسخريه ..توي امدحك بسرعه طلعتي على حقيقتك كلكم ي النسوان مثل بعض كلام على الفاضي طالعها وهو مقرب نفسه شوي إلا وحده تسواكم جميع وكانت نادره بس مالها حظ اصايل ابتعدت بخوف ...وأكثر شيء مخوفها كلامه ...مين يقصد تحسه كله اسرار ذا الرجآل قالت بهمس :اسفه ما ك... وسكتت يوم رفع يده يسكتها مايبي يسمع صوتها قبل شوي تمنى يسمعه الحين لا بحده اشر للصاله :ادخلي وقفلي الباب زين وانا رايج اجيب شوية اغراض وراجع اصايل هزيت رأسي بخوف ....ودخلت وين مأشرلي .. أول ماتحركت صوب الصالة يوم دخلتها انصدمت أكثر وأكثر ياربي كل شيء فيها قديم ومهتري ...صعب العيش بذا البيت...وبذات انه مكركب وحوسه ...طالعت الأرض بقرف ذا ماتنظف من سنين ....مجنون هذا وشلون عايش بذي الكركبه وعدم النطافه ....ودي أعرف بس شوفة النفس ذي على وشهوو ... مشيت للغرفة المقابله دخلتها وانا احس بقلق طالعتها كان فيها سرير نوم من عام جدي ... حلو حلو والله ي أبو محمد ماسويت فيني خير ... طالعت الملابس المرميه بكل مكان ....نزلت نفسي وأخذت الملابس الي بطريقي رفعتها ...بعد ماهو منظم .....على وشهوو شوفة النفس أجل ....تذكرت بيت ابوي يعتبر قصر مع ذا البيت بسكن فيه.... فسخت العبايه وجلست على السرير اطالع المكان وانا ماهو عارفه وش مخبي لي القدر في ذا المكان ... ياربي وش السوات @@@@@@@@@@@@@@@@@@@ @@@@@@@@@ @@@ @@ @ في الجنوب ؛؛ لها ساعتين تعيد وتزيد في الكلام معاها قالت بعصبيه وهي حاطه يدها على رأسها تحس نفسها ارهقت من كثر ماتفهم فيها : ماعندنا غير تتزوجي ياسر شدن وقفت وهي معصبيه : يمه وشلون اتزوج ياسر ومرته وهزت.رأسها لا لا يمه مستحيل لا تحاولي يمه ..... نوفه مسكت يدها ورجعت جلستها:اسمعي مني الهرج وبعدها لش الحق بالتفكير على انه ماهو بصالحنا شدن بلعت ريقها بخوف توتر ...مستحيل توافق ...على ياسر هي الحين شافقه على أمل يوم تأخذه تقوم تأخذه هي ...طول ذا الوقت وهي تحاول تقنع أمها ...تبي حل منطقي بعيد عن ياسر وعفاف وين موقعها بالله حرام وظلم أخذ رجلها قالت بقهر : وبعدين يمه من زين الرجل الي بأخذه عشان أخسر ابلتي نوفه بقهر : الحين زانت بعينش ابلتش وين الي تتكلم وتتذمر منها شدن بصدق : يمه حرام عليش تبيني اجي على ضره عندي حل أحسن من حلش .... نوفه بصبر: قولي اسمعش وكاد يطلع منش شيء تنفعنا غير ذي الزيجه شدن بلعت ريقها وهي متردده : تتزوجي عمي وتخليه خاتم عندش وكذا ماراح يقدر حد يفرقنا من بعض عمي وصار عندنا وش نبي أكثر فزت بفرحة وهي تغني والله وشبكنا وبقينا قرايب قرايب .... نوفه بعصبيه: بنت اقطعي من ذا الهرج وش اتزوج عمش ذا شدن عضت شفتها : يمه والله ذا الحل ارحم من زواجتي من ياسر والله ماغير يومين بس وتأخذي عزاي نوفه تحاول تكبر عقلها وتفهمها: شدن ي قلب امش اسمعي من انتي عارفه ان عمش متزوج وانا مستحل أجي على ضره شدن بقهر: اي أنتي مستحيل تجي على ضره وانا عادي أجي عليها وبعد مين ابلتي قويه بالحيل يمه نوفه بحده : يمه بترجعي لعمش لو ماصار الي اخطط عليه وبعدين لو وافقتي على ياسر بخليه يسكنش عندي ومايبعدش عني أبد شدن عضت شفتها وهي تتخيل حياتها عند عمها وزوجته لا لا مستحيل ترجع لهم قالت بدون ماتخليها تكمل : عفاف يمه وشلون نوفه بسرعه وهي ودها تنهي ذا الموضوع : طلق عفاف من إسبوع مابي اقول لش عشان ياسر شكله ماهو حاب الخبر ينتشر بس جبتيني على اقصاي شدن فتحت عينها بصدمه وش ذي المفأجات.. اليوم تنزل عليها وحده ورا الثانية قالت وهي تردد كلام امها: طلق عفاف متى وليه وشلون وانا مدري ليه نور ماقالت لي والله بحق ذي ومستحيل اسامحها على ذي الشيء نوف صرخت بحده هم فين وهي فين :بنت الحين ذا الي همش آه ماتشوفي المصيبه الي وقعت علينا وجالسه تقولي كلام تافه شدن بقهر:لا يمه ليه ماقالوا لنا ماهو كان قرايب وجيران وش ذا الحسد فيهم يعني وش قصدهم انا بنطلع الحكي أكيد راح نستر عليهم مهما كان أهلنا وحبايبنا والي يضرهم يضرنا وبعدين والله اني بصفها وش تبي فيها ماغير مطاقق مع أبوها الشايب المسكين الي ينشفق على حاله مع ولد اخوش نوفه بقهر منها:ماشاءالله تعرفي بالسلوم ماهو كنك رايحه ومسويه مصايب من نقل حكيك ومخليه الرجال يطير عقله من فعايلك والحين قلبش نطفش على الشايب آه بس الله يصبرني شدن عضت شفتها ليتها انكتمت قالت وهي تصرف السالفة :الحين خلينا من ذا الكلام وقولي لي وشلون تقنعي ذا الياسر يتزوجني ويخليني أجلس عندش نوفه حست بصغر عقلها وماهي قد الزواج باقي صغيره تتكلم وكن الموضوع عادي ....من توو رافضه والحين كذا تقولها بكل ثقه .. حست بتردد ...بس ماعندها غير ذا الحل قالت بقهر:حسبي الله على الي موصل حكي لعمش ومخليه مشتط علينا وقلب عيشتنا الله ينتقم منه ...ماودي بذي الزيجه لش يمه ودي بواحد يجي يطلبش ويحفى وراش شدن فتحت عينها بصدمه : دقيقه يمه اي كلام وصل لعمي وبفضول أكثر وش قالش عمي بالضبط يوم اعطاك الخبر الشين نوفه بوجع: قهرني الله يقهره بنفسه قولي آمين شدن وهي عندها فضول تعرف وش قايل لها عمها بالضبط : آمين والله يوجعه مثل ماوجعنا ويجعلها بين عيونه الحين انا اتزوج ياسر وش ذي النهايه الوخيمه .... @@@@@@@@@@@@@@@@@@ @@@@@@@@ @@ في ابو مصعب قالت بدلع ماهو لايق عليها:زعلانه من صقور أبو مصعب : افاا الجوهره زعلانه ابشري بعزك وش مطلبك من صقورك وسكت وهو يسمع صوت الضحكه العاليه الي جايه من وراه :لا لا خفي عليه حرام عليك الجوهره ندمت انها تكلمت والله لو تدري بجيته ذي على غفله تكره يوم يدخل يتسحب بذي الطريقه قالت بغيض:متى بتفهم ان فيه شيء اسمه خصوصيه ي مصعب تراني مقدرتك عشان الغالي بس مصعب طالعها وميل فمه بسخريه: والله الي أعرفه الخصوصيه بغرفتكم ماهو بوسط الصالة وتطالبي بحق الخصوصيه الجوهره بقهر دايم يسكتها بوقاحته طالعت ابوه الي انخرس من وقت ماشرف عرفت ان ذا الولد ماحد يقوى عليه غير ربه وقفت بقهر مصعب وقف بطريقهاوهو مبتسم بستفزاز : لا ي حلووو في خبر مره راح يسعدك ودي تكوني أول وحده تعرف وتروحي بعد .....تسوي الواجب طالعته بقهر وهو واقف بطريقها ...طالعت زوجها أشر لها تجلس جلست وهي مغصوبه...أبد ماهو مصلحتها تزعل صقر ... مصعب جلس وحط رجل على رجل وقال :ابي أملك ابو مصعب والفرحه بصوته: تقولها صادق يبه والله اني قلت بترفع راسي ولا راح تفشلني مع عمك مصعب ابتسم بخبث ليتك يبه ماتستعجل ثاني مره : ماعاش مين يفشلك يبه اعطه خبر وقول له نبي ملكه وطالع زوجة ابوه بستحقار وانتي روحي بعد مع أبوي وخذي معك هديه كذا حلوه على ذوقك الجوهره أبد ماهي مرتاحه له ...أول مره يطلب منها شيء يبيها تروح معاهم وبعد هديه لا لا والله برأسه بلى ابو مصعب :أكيد ماراح تقصر هي آلحين بمثابه أمك مصعب بقهر :لا يبه كثير الي قلته أمي مافي مثلها ولاحد بيجي مثلها الجوهره بعصبيه:أجل اعفيني من ذي الروحه وفكني مصعب طالعها بستحقار:يعيني الحين ميت على روحتك وقف وقرب من أبوه وسلم فوق رأسه...وهمس له بروح أنا وأنت يبه يكفي ويالله بروح ابو مصعب حزن عليه وقال :خلها علي وليتك تكبر عقلك وتنام ذي الليله هنا وترجع تسكن معانا مثل قبل : بدري يبه على رجوعي لذا البيت وطالع زوجة ابوه بقهر بس اوعدك راح ارجع ابو مصعب : بحفظ الله ولا اوصيك انتبه على عمرك وطالع زوجته بعد ماطلع مصعب طلبتك ماترديني الجوهره بقهر:والله ي صقر ولدك مايستاهل طفشت منه ومن معاملته لي يكفي طلوع ولدي الي كسر ظهري ابو مصعب :تذكري ي الجوهره اني فرحت لعناد يوم قال بخطب وانا بنفسي عرضت عليه اني اروح معه الجوهره عضت شفتها الله يقلعك ي مصعب ماهو وقت تزعله منها عندها سفريه لجده مع صديقاتها ابتسمت بخبث ومسكت يده: مشكلتي مقدر اردك صقور (يتبع) | ||||||||
|
| |
|
25-09-17, 11:15 PM
| #54 | ||||||||
| مراقبة عامة ومشرفة منتدى الروايات المنقولة
| . . زفرت براحه يوم شافت الغرفه شوي راقت ....صح مو بذيك النظافه بس الي قدرت عليه سوته بذات ماحصلت ادوات نظافه تساعد ....انتظرت ير جع بس ماله حس ..بدأالخوف يدب بقلبها ...لايكون رماها في ذي الحاره القديمه ....ولعاد سأل عنها قربت من جوالها ....أخذته وهي متردده تدق على أهلها أو لا ... لا ماراح تستعجل ....شافت الساعة شوي وتجي 3 حطت الجوال وطلعت للصاله ..وهي تبي تلهي عمرها حاولت تنظف شوي من المكان ...شوي وسمعت صوت اذان الفجر جلست تردد معاه....خلت الي بيدها. وراحت للحمام الله يكرمكم ...وغسلت وتوضت وطلعت لبست العبايه ...وصلت فرضها ...وجلست تدعي ان الله يريح قلبها ويوفقها بذي الحياة الجديده عليها .... وقفت وفكت العبايه ...وجلست على السرير بتعب ...رفعت جوالها شافت الساعه جايه ست ولا له حس ...قايل يبي يجيب اغراض وراجع ...وش ذي الاغراض الي تأخره بذي الطريقه ...حست قلبها مقبوض ...المكان غريب عليها ...وكل شيء غريب عليها حاولت تقفل عيونها وتبي تنسى الي هي فيه ... @@@@@@@@@@@@@@@@@@@ @@@@@@@@@@@@@ @@@@@@@ @@@@ @@ @ في الجنوب مانامت الليل كله وهي تفكر...في كلام أمها قامت صلت الفجر وصحت امها الي حاسه بعد هي ماجاه النوم ولا ذاقته من كثر تقلبها بالسرير همست بخوف: يمه نمتي نوفه طالعتها بحنان: لا ي عيون امش قالت وهي خايفه ترجع تعصب عليها : يمه ياسر يحب عفاف ومراح يوافق صدقيني بتفشل على الفاضي...شفتي كيف بغى عقله يطير يوم أبوها جا يأخذها وشلون الحين بيوافق علي وأنا بكون مطب بينه وبين رجعته لها نوفه بثقه : ياسر مايردني عارفته يفضلني على نفسه بعد وعفاف هي الي رخصته وهذا مطلبها وانتي الحين فكري بنفش بس شدن وشلون ...توافق على ذي الشيء ...لأول مره تخاف كذا ...صعب صعب تصير ...زوجه له ....عاد ياسر أبد ماتخيلت عضت شفتها وقالت بمحاوله أخيره : يمه عفاف يمكن يبي يردها وآلحين ماراح توافق عليه يوم يتزوجني وبكون شايله ذنبهم الأثنين نوفه بعصبيه جلست وقابلتها : قلت لش ذا الزواج بس عشان عمش مايأخذش من عندي ياسر ماله دخل فيك بس يملك والله يستر عليه يعني تسكيته لعمش بس وكيفه يرد عفاف مايردها ذي الشيء يرجع له جت بتتكلم قاطعتها وهي واثقه : تطمني عفاف ماراح ترد له ولو تبي ياسر مارخصته قدام الرجاجيل بس هي ماتبيه وفضلت أهلها عليه وخلت فلوس واراضي تفرق بينهم وخلاص لعاد اسمعش تعيدي وتزيدي في ذي السالفة ذبحتش خليني بالي فيه ويالله انخمدي شدن رجعت تمددت ...وعضت شفتها الحين ناقصه عشان تعصب عليها بذي الطريقه قفلت عيونها وهي تتخيل يرفضها وتتفشل يالله تدري بكرهه لها .... بس والله كل شيء يهون قدام أهل ابوها المجرمين بنظرها رجعت جلست وقالت وهي تبي تتأكد: يعني يملك بس ويخليني عندش ومايتدخل فيني مدام كذا موافقه نوفه وهي بالها بعيد : ايه يمه تطمني مايأخذش أبد شدن تحركت بتنزل : الله يطمنش ويالله خليني اروح أكتب مقاضي رمضان مافيني نوم نوفه ابتسمت بحب لها الحين وقت مقاضي رمضان ي شدن اشرت لها بيدها تروح وخليها تفكر وشلون تفاتح ياسر بالموضوع طالعت الساعة باقي بدري على دوامه لازم تشوفه اليوم ..... @@@@@@@@@@@@@@@ @@@@@@@@@ @@@@ @@ @ في الرياض صحت من النوم وهي مفزوعه تطالع المكان ....وهي تتذكر هي وين ...تلفتت يمين يسار بعد ماله حس ...يالله كيف قدرت تنام ...بذا المكان الغريب عليها ...وقفت على حيلها وطلعت للصاله تدوره شافت الصالة فاضيه بعد ... زفرت بضيق وجت بترجع بس وقفت يوم قال : بنت لفت بفرحه وهي تشوفه طالع من المطبخ وجاي يمها أشر على شعرها بسخريه : متأكده انك عروس مع ذي الكشه الطايره يعني أنتِ أبد مافيك شيء عدل وهو يطالع بشكلها من فوق لتحت اصايل بدون شعور حست بفشله وبسرعه رفعت يدها ترتب شعرها الطاير من النوم ... مصعب ضحك بصوت عالي :ماعاد ينفع هز رأسه يالله أول صباحيه لنا مع بعض وشكلك كذا وش بعد لو لنا سنه ... لف حولها وقال بتصغير من حقه أبوك مأخذ فيك ريال واحد يدري بنفسه ان بيرجع المهر اليوم الثاني ..... فقال اختصرها علي عمري وذا الرجآل الي بليته ماله وجه يردها وانا معطيه بلاش ....صراحه كسر عيني الله يسامحه وابتسم بوقاحه أكثر ومايرد الكريم إلا اللئيم صح وميل فمه بطريقه مستفزه اصايل كان تسمع كلامه الي مثل السم ...ماتدري وش مشكلته معاها ...والله لو ترد عليه تكرهه نفسه...بس ماتبي تنزل نفسها اعطته ظهرها ورجعت للغرفة ...حست بخطواته جاي وراها...ودها تفك غلها فيها وترد له كل كلمة سمعها هي ...هزت رأسها بوجع ....وش بتقول لها يعني هو صادق أبوها رخصها له ....كسرتني ي بوي ولجمت لساني بعد ولا لي قدره ارد بعد ترخيصك لي بذي الطريقه .... مصعب ابتسم يوم شاف الغرفة عكس يوم طلع منها...صفر بطريقه مستفزه : لا لا وش ذي النظافه وهذي بعد صفه مبشره بعد فيك نزلت رأسها يوم شافتها يناظرها بابتسامه ساخره أشر بيده بس شكلك يبي لها تعديل ابي أ هالمره يوم اجي اقابل "أنثى "قلبي اخترع والله طعنها . .....بقوه ....ذي المره ....شكلها مافي عيب وهي واثقه من نفسها ....انهاأنثى ....ابتسمت ببرود ظاهري له شافته يناظرها ببرود مثل ينتظر منها رد... بس هين ماراح تنوله مراده وتوضح له جرحها اعطتها ظهرها وطنشته وراحت للحمام ....الله يكرم القارئ ...غسلت وجهاا أكثر من مره ماهي مستوعبه الكلام الي سمعته منه....ولا ردت عليه ...هي الي ماتسكت عن حقها ....يجي وأحد مثل ذا يذلها بذي الطريقه عضت شفتها بقهر ودموعها ...نزلت غصب عنها...طالعت نفسها بالمرايا لا اصايل أنتي قويه ....مليون واحد مثله مايأثر فيك...خليك واثقه ....من نفسك عضت شفتها بقهر وخليك قويه ...لا تصيري مثل أمك ....طلعت شفته قدامي فارش السفره ومتربع حضرته مثل الي ينتظرني لا ماشاءالله فيه خير .... مصعب جلس بالأرض وفرش السفره ....وجلس ينتظرها ...أول ماطلعت طالعها عكس ماتخيلها ....دوبه وقصيره بالحيل ..ماتجي جنب طوله شيء ..بس ملامحها ماعليها كلام ...تذكر الشموخ ...هز رأسه ناسي شكلها أخر مره شافها قبل تتغطى منه...أشر على الأكل :حياك سمي شافها ماجلست ولا تحركت من مكانها ... ابتسم بوقاحه وهو يناظرها: مسويه رجيم حلو لحالتك استمري وانا بشجعك عليه اصايل عضت شفتها بغيض .....اوقح منه ماشافت إذا هذا أوله ينعاف تأليه ....عارفه انها سمينه بس مهما كان.....ماهو لازم يذكرها ...بعناد جلست وسحبت السفره بعصبيه وقربت الأكل ومدت يدها وأكلت بشراهه ....تحس نفسها حطت غيضها كله بالأكل ... ابتسم على جنب وهو يطالعها وشلون تأكل: على هونك لا تغصي اصايل رفعت عيونها له والأكل بفمها ....فعلاً غصت كحت كحت مصعب أخذ ... مويا وفتحها لها ومد يده وناولها.... وهو يشوف وجها قلب لأحمر: بتموتي علي من أول يوم اصايل أخذته وهي تكح كله منه....شربت شوي حست الروح رجعت لها ...فتحت عينها بقهر يوم قال:هالمره كلي على خفيف لا تخافي ترا ماهو أكيل لقميتن تكفيني يعني بتشبعي وزود وبسخريه وبدل لاتموتي علي ذي المره بطلب لك دبل وكلي على راحتك ..... طالعت جسمه بقهر فعلاً ...ماهو سمين جسمه يميل لرشاقه أكثر وطوله مساعده انه مايبين حتى لو سمن .... فرحت من قلب يوم وقف .... لمتى بتصبر وبتصمد قدام وقاحته جمعت الأكل اللي بقي وبسرعه راحت للمطبخ ... حطت الأكل وغسلت يدها وطلعت ....وهي متوتره لا تشوفه ودها يطلع مثل امس ...شافته يأشر لها تقرب منه وقفت بمكانها ....مستحيل تقرب منه باقي بعقلها ...طالعت الغرفه بعيده عنها ...ودها تركض وتقفل على نفسها ...من ذا الآدمي الي أبد لا هي فاهمه وش يبي ولا ايش يفكر فيه ... قفلت عيونها يوم شافته تقدم بخطواته....وجاي يمـها .....لا لا لا تكفى لا تقـرب ....فتحت عينها على كلامه :ياليت ماتحسسيني بوجودك أنا انسان أحب الهدوء مابي أحس بوجودك فاهمه اصايل حسيت بفشله ....وأكثر شيء قهرتها نظرة الاستحقار الي تشوفها بعيونه ...حست برحولها ماهي قادره تحملها جلست على الكنبه الي وراها على طول ....بلعت ريقها وهي تنتظره يجيب أخرالكلام .... مصعب :شوفي ومدام حنا معتبرين ذا الزواج مسيار اصايل قاطعته بقهر مافيها عاد تسكت : لاتقول حنا أنت لحالك معتبره كذا انا ابوي يوم خبرني ماقالي مسيار قالي زوجتك رجآل سنافي بس ما اشوف الس ...سكتت من نظرة العصبيه الي بعيونه تذكرت انها بذا البيت وحيده معاه بحده بانت بصوته: ايوه كملي اشوفك انخرستي شافها ماردت كمل بحده أكثر اسمعي الي أقروله لك وكلام ابوك ماعلي فيه الي ابيه اقوله لك ان أهلي مايدرون بذا الزواج ولا ابيهم يدرون بذات ذا الوقت ....وهذا الي عندي عجبك ولا كيفك واعطاها ظهره متجهه لغرفة النوم وقف وطالعها بتصغير بدون صوت بنام حدي دايخ وتعبان لي يومين مانمت ..... اصايل اسلوبه مستفز وعليها يبي زواجنا يكون بالسر من حقك تشوف نفسك علي .... قفلت عيوني من قوة صوت الباب الله يعنيك على نفسك ....أحسه مريض ...والله مريض أبد ماهو طبيعي ...بذات من قفلته للباب بذي الطريقه ..... يعني افهمي لا تدخلي وراي ......بالطقاق عساك الي ماني بقايله ... تمددت بتعب على الكنبه....كحيت أكثر من مره ... افف ذا البيت كله غبار وقرف ...نظافتي ماجابت فايده يبي له تجديد بالكل ... وش تجديده كل شيء بذا البيت يخوف ...يبي له قلع من مكانه مافيه حياة أبد ...ماهو بس البيت الي يخوف حتى شخصية صاحب البيت ..... تذكرت جوالي بالغرفة ... وقفت بجيبه بس هونت ورجعت جلست ....مابي ادخل له ... اخاف يسمعني كلمة تدبل سبدي زياده يكفي الي سمعته منه اليوم يكفيني سنه قدام ......قفلت عيوني وانا اتخيل ديرتي الي خليتها وأمي وخواتي وخالتي ام شمسه .....الله يشفيها ... ودي ارجع لهم مابي ذي الحياة ..... تقلبت وتقلبت ابي ارجع انام ماقدرت .... | ||||||||
|
| |
|
25-09-17, 11:17 PM
| #55 | ||||||||
| مراقبة عامة ومشرفة منتدى الروايات المنقولة
| . في الجنوب ؛؛ ؛؛ متضايق حده...ماغير يروح للدوام ويرجع البيت ..يقفل على نفسه الغرفه ...مايبي أحد يسأله ولا امه تذكره بالي صار .... عفاف نزلت وجهه قدام الرجاجيل ...زفر بضيق وهو يأخذ جواله ويشوف رسالتها الي رسلتها له بعد ساعه من طلاقه لها قراها أكثر من مية مره ((ليتك ماستعجلت وصرت اعقل مني )) قبض على الجوال بقهر وصك على سنونه تقولين ليتني ماستعجلت وسواتش خلت بي عقل....رمى الجوال بقهر وهو يسترجع الي صار وكيف يوم طلعته ...من طوره :والله ي رجاجيل لو بكم خير ماتسعوون ارجع لذ الرجال الطماع مابيه وأقولها قدام الكل الكل انصدم من وقوفها بالعبايه قدام باب المجلس حتى ابوها واخوها ....الي بعد شاف الصدمه وعدم الرضى بعيونهم وقف وهو معصب وثاير : والله اني مافيني خير لو خليش على ذمتي دقيقه بعد ذي السوات روحي وانتي طلاق وطلع مستعجل وهو معمي مايدري ...وش الي سواه بس كان هذا الي لازم يصير ....اي عقل ي عفاف تبيني اتحكم فيه وأنتِ مزودتها معي بالحيل شايفه نفسك علي وأنا ماهو بناقص عنش بشيء ماغير شوي ضروفي ماتساعدني كل شيء متحمل به .....وزواجي منش بعد كسر ظهري أهلش طالبوا منه مهر بجلس أسدد في قرضه سنوات قدام .....قفل عيونه بضيق يوم دق باب غرفته صرخ بعصبيه:نور حور مابي غدا انقلعووا عن وجهي ولا والله وطلعت حرتي فيكم :انانوفه افتح عض شفته ....ماله وجه يقابلها بعد سواته ... وتشكيكه فيها عند عم شدن....يحس الي صار له كله بسبة ذي الرسالة .... رسلها ...ليته فعلاً هنا حكم عقله وماتهوررر...ندمان ندم مابعده ومايدرس وش الي عماه ذيك الليله وطلع من ذا الشيء ...فتح الباب وهو منزل رأسه مافيه يطالعها بعد الي سواه بحقها ماتستاهل أبـد منه يسوي كذا معاها ... قالت بعتب : كذا يمه تطنش اتصالي وماترد علي وأنا بعز حاجتي لك ياسر طالعها بضيق وهو يقرب منها وسلم فوق رأسها بندم همس لها: يمه أسف قالها وهو يقصد فيها الي سواه وهي ماتدري عنه ليت تجيه القوه ويقول له ويريح ضميره نوفه وهي حزينه عليه شكله تعبان وحالته حالة الله يسامحش ي عفاف قلبتي حال الرجال قالت بضيق وحزن على حالته : يمه هي الخسرانه خسرت رجـآل ينشهد بفعاله لاتضيق حالك يمه ياسر يحس الغصه ذابحته والله لو تدرين وش افعالي ماتقولي عني رجآل قال بهمس : كل شيء نصيب وانتهى خلاص امريني يمه وش تبين هالرقبه سداده لش وهو يأشر على رقبته يحس نفسه صغير قدامها ولا هو قادر يتكلم مثل العاده معاها نوفه بضيق: هنا ماينفع ابيك تلحقني البيت وأقولك وش الي بخاطري وش الي مضايقني يمه ياسر وده يقول لها أنا سببب ذي الضيقه عندش ...انا الي وجعت قلبش ...شدن حدتني على اقصاي ومعاد فكرت بعقل...ينقطع لسان الي يقدر يمس شرفش بكلمه ... بس ماقدر يعترف ....لانه عارف انها ماراح تسامحه ...يعرف عمته ويعرف لو قلبت ...وبذات الموضوع يخص شرف وشدن حبيبة قلبها ...وجزاه الي تسويه فيه الي سواه ماهو شيء هين. بس جبان قدامها وصعب يعترف ... نوفه عقدت حواجبها وهي تشوفه يناظرها وهو شارد ولا هو يمها أبد : ياسر أبد مانت معي شكلك ضايق بالحيل بس والله يمه الموضوع الي عندي مايتأجل إلا كان خليتك على راحتك ياسر مد يده وحطها على كتوفها وقال بهمس:يالله قولي الي عندش ومن الحين اقولش موافق على الي تطلبيه مني وعد يمه بشوف لش صرفه من تحت الأرض نوفه استبشرت خير يعني عنده خبر بموضوع عم شدن الله يجزاك الخير ي مرة أخوي وأنتي قايله له كذا بدخل بالموضوع على طول قالت بأمل : الله يجبر قلبك يمه بس خلنا نروح لبيتي ازين ياسر : اوك اسبقيني والحين بلحقش نوفه طلعت وراحت لبيتها ....وهي متوتره شافت شدن قدامها معاها وررقه وقلم تكتب رفعت رأسها وقالت بستفسار : كل ذا تقنعي في عريس الغفله هاا بشري ان شاء الله وافق نوفه بحده : شدن خليش عاقله لو مره وادعي بس يوافق عليش شكلش بتسري مع عمش شدن انتفضت بمكانها وهي تتخيل بس روحتها مع عمها قالت بقهر : يحمد ربه اني بكون زوجته وسكت شوي وهي تحاول تبعد خوفها وافكارها السوده عنها قالت وهي تحاول تشغل نفسها : يمه بكتب كرتون فيمتوو احبه لا تقولين ميزانيه ومدري ايش نوفه بصدمه هي في ايش وهذي في ايش قالت بعصبيه: الحين وقت الفيمتو ي شدن فارقي غرفتش قبل يجي ياسر شدن : ايه وقته يمه مابقي وقت على رمضان غير يومين وحنا مقد قضينا بالله بعد خبري ياسر يودينا السوبر يمه متشوقه حدي ماهو مثل ذيك السنه يعتذر ويقضي لنا مقاضي مثل وجهه نوفه دورت شيء تبي تحذفها فيه ...هي قلقانه ومتخوفه من رد ياسر وعارفه برده بيكون الرفض وذي جالسه تتسيمج على رأسها شدن يوم شافت امها تتلفت عرفت وش ناويه عليه بسرعه ركضت وهي تقول : خلاص يمه بروح غرفتي نوفه يوم سمعت ياسر ينادي طلعت بسرعه للحوش وهي تشوفه واقف قدام الباب : تعال يمه واشرت له يدخل للصاله شدن راحت غرفتها ...وهي متوتره طول الوقت تحاول تشغل نفسها باي شيء ... ينسيها خايفه من ...الي بتقوله عمتها لياسر ليت عندها حل ثاني غير ذا الحل عشان تقدر تجلس عند أمها قربت من الباب وهي تحاول تسمع وش يقولون.... ::: بالصالة قالت وهي متردده : أكيد عندك خبر من أمك انه عم شدن دق علي بس يمه هالمره سمعني كلام يغث وجع قلبي بالحيل ياسر عض شفته بندم .... ي ناس ماقدر يرد وإذا رد وش يقول انا الي رسلت سواد الوجه ....نزل رأسه بدون مايتكلم وهو يسمعها تشكي ... نوفه مستغربه منه تشكي عليه وهو ساكت أبد ماهو معاها قالت بأسف : عارفه اني غثيتك يمه بس ماعندي غيرك يقدر يوقف عم شدن انه يأخذها مثل يوم مات أبوها محدن ساعدني غيرك وسعى برجوعها لي ياسر قال وهو ماله وجهه يرد عليها زفر بضيق وقال وهو يحاول مايشككها فيه : الحين ادق عليه اكسر رأسه لو تبين نوفه بسرعه: لا يمه ابو خالد يحب ذا الشيء وتعرفه يموت في شيء اسمه مشاكل والحق معه بيكون عشان الي وصل له ماقصر الله يأخذ حقي منه انا وذي اليتمه الي حالتها حاله ويجعله يلقاها في أهله واعز ناسه عشان يحس باالوجع الي حسيته انا وذي اليتيمه ياسر جسمه كله قشعر من ذي الدعاوي بدون حس قال بسرعه : تكفين قولي الله يسامحه شافها تناظره مصدومه قال بسرعه مايبيها تشك لانه كان بيفضح نفسه ويعرف عمته ذكيه : خلاص يمه وش تأمرين عليه وذا الي تكلم فيكم بجيب خبره وشغله عندي وعض شفته بقهر يحس نفسه حقير .... نوفه بسرعه جلست عند ركبته وهي تترجاه : تكفى يمه ماتردني وعارفه انه صعب بس ماعندي غيره ياسر انصدم أخر شيء توقعه تسوي كذا عمته ماعمره شافها بذا الضعف وش الي سويته فيها ي ياسر ذبحتها وجعتها بالحيل جلس مقابلها ومسك يدها وهو يقول بصوت مخنوق :والله يمه لو تطلبي حياتي عطيتش هي وسلم بيدها أكثر منه مره وهو متحسف على ذا الحال وصلها له مسح دموعها الي ذبحته يحسها متردده بالي تبي تقوله قال بهمس وهو يشجعها:اطلبي ي النوفه قلت لش روحي فدوه نوفه حاولت تقوي نفسها ...أخر شيء توقعته ترخص شدن بذي الطريقه عارفه قلب ياسر مع مين ولمين ...بس في الي اقوى منها قالت بغصه: ابيك يوم يجي عمها تخطب شدن وتملك عليها بسرعه قبل يأخذها وتخرس اي أحد وسخ يتكلم بشرف الناس ويشيش رأسه علينا وذاك الوقت عمها يرجع من وين ماجااا وهو خايب مع ذا الي قايله حسبي الله ونعم الوكيل يوم شافته وقف مثل المقروص قالت بحزن:عارفه طلبي ثقيل عليك يمه ياسر لا لا لا ماتوقع ذا الطلب أبد توقع انه تبيه يتصل بعمها يقنعه .....مثل العاده يوم يشد معاهم ولا تبي يأخذ حقها من الي تكلم فيها ...وذا الشيء كان قاسم ظهره لان هو الي قايل عنها الشينه ....بلع ريقه وهو يشوفها منزله رأسه .بحزن رجع جلس على ركبه قدامها وقال وهو مخنوق ومتضايق حده من الطلب ومن أخر الكلام الي قالته : لا يمه طلبش ماهو ثقيل وموافق يمه عليه ولو تبين ذي الليله ادق على عمها قبل يوصل وسلم فوق رأسها تكفين لا تزعلين نفسش تراش غاليه علي وإذا ذا الشيء هو الي بيطيب خاطرش ابشري به الحين مثل ماقلت لش ادق عليه وتسمعيه بنفسش نوفه رفعت رأسها وطالعته بفرحه ماتوقعت يوافق بذات من فزته قبل شوي يوم قالت له ...حسته انصدم وعرفت انه بيردها ابتسمت ومسكت وجهه بفرحه :صدق يوم قلت ورأي رجآل الله لا يحرمني منك ي سنايدي ياسر عض شفته لا لا يمه والله ان توجعي قلبي يوم تقولي ذا الكلام طالعها كيف وجهاا تغير من هم وحزن لفرحه وابتسامه وش كبرها ...تذكر شدن وشلون يأخذها ي ناس هو الي مسوي الفخ و فتن عليها عشان يرتاح وقع بفخه ...ليتني فكرت قبل اوهق نفسي قال وهو عند أخر أمل ان شدن بتعترض ويعرف عمته ماراح تغصبها :يمه انا موافق مثل ماقلت لش وبدق عليه الحين بس باقي موافقة شدن وشلون نوفه بثقه قاطعته : شدن موافقه ورحبت بالفكره قبل لاأقولك ياسر فتح عينه بصدمه وبدون حس قال : • • كتتتتتتتتتتتتتتتتتت معليش وحشتني الكتتتت قلت لازم انهي به ههههههه لنا لقاء قريب بإذن الله استودعتكم الله لا ابيح ولا اسامح الي ينقل الروايه بدون ذكر اسمي وماأسمح بنقلها للاستقرام حتى بذكر اسمي سبحان الله وبحمده سبحان الله العظيم "الوتر أحبتي " الله يرحمك يامن أوجعني فرقاك ...........: . والبارت ونزل ي عسولات وردود حلوه مثلكم دمتم بخير | ||||||||
|
| |
|
26-09-17, 08:10 AM
| #57 | ||||
| مبرووووووووك نوووني ع وسااام التميز جد جد تستاهلي ومبروووووك على تثبيت الروااايه من اروع الروايااات نجي للبارت الجميل كنت متحمسة معه وأقول يالله مايخلص ههههههه شدن ياقلبي عليها صغيرة بعدها ع مشاكل ياسر بس هي اللي جابته لنفسها بتصرفاتها المتسرعة والمتهورة الله يعينها ع ياسر ههههه احبها ذي البنت ياسر قفلته ع نفسه بسبب اللي سواه ف عمته اكثر من طلاقة الان شي كبير اللي سواه وهذا حصاد افعاله خل شدن توريهه الويل هههه يارب تكسر راسة بعد كلامه عنها مصعب احس اللي مر فيه وهو صغير مأثر عليه وهو اللي عاكس عليه تصرفاته ومخليه حاقد كثيررر بس بعد أقول قلبة بعد فيه رحمة من مساعدته ل اخو أصايل بس اخاف يملك ع شموخ وتاخذ عقله الكريهة ااح تقهرني هالشخصية أصايل احسها بنت جدعة وقووووية اهم شي تثبت شخصيتها القوية قدام مصعب وانه مايهمها كلامه وتخليه يحفي وراهاا الله يصبرها ع شخصية مصعب الاستفزازية احس حتى اللحين انهم اهم الشخصيات والبارزة فالرواية شدن وياسر ومصعب واصايل نبغى كذا اكشناات فالبارت القادم من جد متحمسة للي راح يصير شكرًا نوني وشكرررا فيتامين سي ع مجهودكم ف انتظار الباااااارت بحماااااس 💜 | ||||
|
| |
|
30-09-17, 04:19 AM
| #60 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته نوني ماعلي من كتك لأني سعيده إن توقعي اللي ذكرته من بعد أعتقد الفصل الثالث طلع صح وإن أم شدن بتلجأ لياسر ونطلب منه يتزوج شدن حتى ماياخذها عمها ويبعدها عنها ياسر أكيد ماراح يملك عليها ويتركها عند أمها ولابد بيتمم زواجه منها خاصه وهو طلق زوجته والسبب الثاني أكيد حتى يربيها ويبرد قلبه من اللي سوته فيه شدن جاك الموت ياتارك الصلاة ياسر بيخليك على الصامت ههههه وحتى لو تمم زواجه منها ياسر على طول أكيد بينط لها كل شوي عند أمها ويوقف لها مثل الشوكه في البلعوم أم ياسر ما أظنها بتأيد زواج ياسر من شدن وبالمثل حور وأكيد اللي بتفرح وتزغرط نور إن ماكتمها ياسر تسلم يمينك نوني لاخلا ولا عدم منك يارب | ||||||||
|
| |
|
| أدوات الموضوع | |
| انواع عرض الموضوع | |
|
|
20Likes
.png)
الف مبروووووك 
العرض العادي
