روايه ((( يامحلى الصبر عند الهاوي والغاوي ويا مبشعه عند الذيب العاوي ))) .

[كنوز جواهر]

السلام عليكم ورحمة الله وبركاتة
أعتذر بشدة عن غيابي عنكم لظرف طارئ و أكرر أعتذاري للجميع وألتماس العذر لي .
😞😞🙏🙏.

[كنوز جواهر]

○°•●°•○°•● روايه ○°•●°•○°•●

{{{يامحلى الصبر عند الهاوي والغاوي }}}
و
{ { { يامبشعه عند الذيب العاوي } } }

《》《 الفصل 41 》《 》

علَّمتني الحياةُ أن أتلقّى كلَّ ألوانها رضاً وقبولاً ورأيتُ الرِّضا يخفِّف أثقالي ويُلقي على الماسي سُدولاً والذي أُلهم الرِّضا لا تراهُ أبدَ الدهر حاسداً أو عَذولاً أنا راضٍ بكل ما كتب الله ومُزْجٍ إليه حَمْداً جَزيلاً .
.
بسم الله الرحمن الرحيم
.
وقف عبدالكريم السيارة قدام بيت عقيل مسك يدها قبل ما تحاول النزول :لاتخافي ماراح يصير فيها شي ولا أحتجتي اي شي دقي من جوال شمس وانا بجيك .
ميرال وهي تسحب يدها وتهم بالنزول :مشكور ماتقصر أختفت عن عيونة وهي تدخل تدق جرس بيت عقيل لتفتح لها شمس وهي تضمها .
حرك عبدالكريم السيارة لطريق المقر .
شمس بحزن :ياقلبي مو بصايبها شي ان شاءلله .
بكت ميرال وهي تشد عليها :خايفه شمس حييل خايفه .
شمس بحنان وهي تمسح على ظهرها :لاياعمري لاتخافي تعالي ندخل البنات بانتظارنا .
هزت ميرال رأسها بتمام .

.
.

عند بجاد بالمزرعه .
ابو لمار بشك :في شي صار صح .
بجاد وهو يحك حاجبه بتوتر وهو مايبي يفجع ابوة :والله يبه ريفال تعبت عليهم وخذوها من المطار للمستشفى .
ابو لمار بخوف :طيب وايش فيها تعب بسيط ولا ايش وضعها .
بجاد :مدري كل الي أعرفه انها تعبت عليهم بس قتيبة صادفهم وراح معهم .
ابو لمار بربكة :طيب دق على قتيبه .
بجاد بقهر :ماهو هنا المشكلة قتيبه مايرد على الجوال أخاف فيها شي كايد .
ابو لمار :تعرف المستشفى الي راحوا لها .
بجاد :اي مستشفى ال***** .
ابو لمار :طيب توكل خلنا نشوفهم .
بجاد :طيب وجدي ايش بنقول له .
لمار من خلفهم :بروح معكم وجدي انا بتصرف .
أبو لمار بدهشة :لمار .
لمار بتوسل :عافيه يبه لاتردني الله يخليك .
ابو لمار :بس زوجك مو موجود ومشوار .
لمار :يبه واللي يسلمك صهيب كذة كذة يشتغل بالمستشفى القريب من المطار بالله لاتردني .
بجاد بحنان :خلها يبه تروح .
لمار بأمل وهي تمسك كفوف أبوها :هاا يبه .
ابو لمار بقله حيلة :تمام البسي .

.
.

بالمقر كان غازي مثل الشرار والكل جالس الا ضاري .
غازي وهو يناظر زياد بسخرية :حضرة النقيب سلاماات وين راسك .
زياد برعب :والله ماخطر على بالي .
صفق غازي بغبنة :مشاءلله ماخطر على بالك ياحبيبي وانت ياحضرة الضابط.
محمد بتوتر :أسف طال عمرك .
غازي :ياجعل عمرك للقصف انت وياه .
زياد وهو يفكر بعذر بس ماش مافي:اعتذر .
سفهم وهو يناظر بعبدالكريم :ايش كنت تسوي بالطيارة ياسيادة العقيد هاااماتقول لي انا مخليك تترك أشغالك وأعمالك الي هنا ليش وعشان ايش .
ناظر فيه عبدالكريم بفشله وماقدر يتكلم .
غازي بحرقه :اهااااا وسكت سيادة العقيد لا لا ياحبيبي بعددك لا تسكت الحين أقول محمد خلاص الفيوز ضربت من كثر الحمل الي كان عليه طول هالسنين بس انت والحمار الثاني خير وش كان الي مطير عقلكم ومخليكم تنسون لأيش أنتم رايحين .
محمد بنفسه الحمدلله نفذت بجلدي ماكمل كلامه غير وغازي ملتفت له بصرامه وقساوة :الأجازة الي كنت مقدم عليها مرفوضه .
محمد بصدمة :لااااااااااااااء .
رفع غازي حاجه بعصبية وهو يمسك ياقه البدلة :ايش قلت ماسمعت .
محمد :ياطويل العمر كل شي ولا الاجازة تعبان وربي أرحمني .
غازي بصراخ :أقول كل تبن لا أكسر هالمقر على راسك شين وقوي عين .
محمد بخوف :على امرك مافي مافي .
ناظر بعبدالكريم بنفس موجه الغضب :وانت طلب الترقيه مرفوض .
سكت عبدالكريم بقهر مايقدر يرد عليه وهو غلطان بس رفض ترقيته يحسها كأنها نار تنشب بجوفة تعب لين حصل على الترقيه والحين باردة مبردة يرفضها .
غازي بعقدة حاجب :كأن الكلام مو عاجبك كمان انت .
عبدالكربم ببحة وهو يحاول يسيطر على غضبة :لا أبد على أمرك .
غازي باستفزاز :عدل صوتك مو جالس بمجلس حريم عشان تتهامس .
رفع صوته بقهر :على امرك .
غازي برفعه حاجب :عدل نبرتك المرة الجاية .
جمع عبدالكريم قبضتة يكتم قهرة فيها وهو يقول بنبرة حادة ثابتة :أبشر .
غازي بسخريه :تبشر بطلب تقاعدك على هالمستوى.
سكت عبدالكريم لأنة اذا تكلم بيرفع صوتة وبتصير مشاكل ومصايب أكثر وهو مو ناقص وغازي صار يستفزة حيل بكلامة.
ناظر بزياد وهو يقول :وانت يالي بحط على بدلتك بدال الرتب العسكريه ما اخذ باله تطلع من هنا على الميدان عدل لا أشوف رجلك موطوطه الباب انت وخايبين الرجاء الي جالسين وعلى رأسهم الي يبي أجازة مفهوم .
زياد :مفهوم .
محمد بصدمة :بروح للأهل .
غازي بأنفاس حارقه :مافكرت بأهلك يوم فشلت مهمتكم اقول انقلع للميدان لا بارك الله بوجيهكم وكلها ساعات ويكون قائدكم معكم والله وهذا أنا حلفت لأرجع أسوي لكم تأهيل من أول وجديد ولا احد يسأل عن المدة حتي ما أحرقكم .
شعاع بتوتر :ومين بهالتدريب بيكون .
غازي بسخرية :الوالدة الله يعز قدرها .صارخ فيهم بصوت يرعبهم :تستهبل انت ووجهك .
قفط ام العافيه .
ناظر فيهم بحدة حتى اخفضوا جميعهم رؤسهم بتوتر :عبدالكريم ومحمد وزياد وركان وشعاع وعلي وصقر وساري وذياب وسهيل كل هالأسماء تكون موجودة في الميدان والحاضر يعلم الغايب . وطلع تاركهم .
محمد بغبنة :والله حرام انا رجاال ملعون خيري كمان يجي تدريب ضاري انا ناقص .
ركان بهم وهو يسند راسه على الطاولة :أستغفر الله العظيم والله لا يمردغ روسنا بالتراب لين يقول ياحق .
الكل صار يشتكي من موجه غضب غازي وضاري والتدريب اللي بيهدهم فيه .

.
.
المغرب قرب له الجد عناد وصوتة الحاد يخرق مسامع ضاري :قوووم .
ضاري بهستريا :قتل وافي وبيذبح اختي هو ذبحها ولا .بكى ضاري بشكل موجع للقلب من شافها ماتتحرك وكأن الحلم تمكن منه .
أرتفع صوت نحيبة وهو يهزها ودموعه كالمطر :ريفاال قومي ريفال لاتروحي .
حاول زايد يسيطر على انهيارة وهو يمسك يده لاكن ضاري دفه عنهم وهو يرفعها لحضنة بانهيار وهو يضرب على خدها :قومي ليش نايمة قومي .
الجد عناد ودموعه تطيح مثل السيل : يالذيب .
ضاري :وش ذيبه يبببه سوى فيني الهوايل يبة ذبحووووني الله ينتقم لي منهم سحبوا روحي ودعسوا عليها برجولهم ريفال قومي ريفال.
زايد وهو يبكي :يبه نايمة وربي مافيها شي .
هز ضاري راسه برفض :ماتت صح ادري كنت ادري مو بتاركينها لي بسببي اكيد اي انا .
أوس وهو يحاول يتماسك :ضاري شوفها والله مافيها الا العافيه ان شاءلله قول لا أله الا الله .
صارخ فيها ضاري بخوف وهو يهزها : طيب خلها تقوم لا تنام كذة .
صحيت ريفال على صوت صراخ ضاري فتحت عيونها بشويش وهي تحس الصداع مشوش عليها الرؤيا قالت برجفه وصوت بالقوة يطلع من الألم :ضاري .
التفت عليها ضاري وهو يمسح دموعه ويسحب نفسه لها حتى يسندها على صدرة بفرحة :ريفال الحمدلله.
رفعت يدها الراجفه لوجهه وهي تمسح بقايه دموعه :ضمني برد.قاطع كلامها حضنه الدافئ لها .
سندت رأسها على صدرة وهي تكح بألم :المكيف .
أوس بخوف :تمام لا تتعبي نفسك .تقدم أوس من التكيف وهو يسكره .
حطت كفها الي فيه أبرة المغذي على كف ضاري المحاوط فيها خصرها :لا تبكي يبه .
ناظر فيها زايد بحزن :ما أبكي .
رفعت ريفال نظرها له بطيف أبتسامه وهي تحس نفسها مهلكة .
ضاري بجمود وهو يحاول على قد مايقدر يدفيها ومايبين دماره لهم .
ميل عناد على زايد بهمس :تقول لضاري مو لك .
ناظر زايد فيه بأستنكار :ليش .
عناد وهو يحاول يفهمه :لأنك ماكنت موجود هو كان لها الأب حيل متعلقين ببعض أكثر من تعلق ريفال بميرال .
زايد بدهشة :لهالدرجة .
عناد :وأكثر الأيام بينكم وبتشوفهم .
زايد بتنهيدة :الله يعين .
ضاري وهو يناظر بأوس :خلص اجراءات طلب الخروج وبعدها دق على القمراء تجهز بيتي لريفال دامها ماتبي بيت جدها .
زايد وهو يحاول يسيطر على أعصابه : أبوي بأنتظارنا .
هزت ريفال رأسها بالرفض وهي تتشبث برقبه ضاري بعيون دامعه .
الجد عناد بحزم : لا استردت صحتها يصير خير .
زايد برفض :يبه .
الجد عناد :الي سمعته يازايد لهنا ويكفي .
ضاري بسخريه :وانت يبه توكل حتى تلحق الغداء ومايزعل ابوك عليك .
هز زايد رأسه بقله حيلة وهو يتنهد بصوت مسموع :على الليل بكون عندكم ان شاءلله .
لولوة الي كانت صامتة طول الوقت أردفت بتوتر :بروح معك .
هز زايد رأسه بالموافقه بصمت .
ضاري :قتيبه راح .
أوس وهو يسند نفسه على الجدار بتعب :لا منتظر أبوي .
وقف زايد وهو ينفض على الثوب :تمام هيا ام ضاري بنتوكل لا احتجت شي كلمني .
ضاري :ان شاءلله .
ريفال ببحة :أرسل ميرال يبه مع عقيل .
رفع زايد كتوفه بقله حيلة :راح عقيل يجيبها .
ريفال بأبتسامة :تمام شكرآ .
طلع زايد ولولوة للخارج .
قتيبة بسعادة :زايد .
ابتسم له زايد وهو يشرع أحضانة له بعدم تصديق :قتيبة .
تلامست قلوبهم المشتاقه من أحضانهم القوية .
زايد بعدم تصديق وهو يشد عليه :ياكبر الدنيا والله وكبرت ياقتيبة .
قتيبة وهو يربت على كتفه بسعادة :ماحدى يبقه على حاله بس انت مثل ما أنت بعدك جيمس بوند زمانك ماتغيرت .
ضحك زايد وهو يطلع معه من المستشفى :عشان تعرف بس .

في نفس المكان لاكن بالجهه الخلفية
نزلت من السيارة بشموخ بعبايتها السوداء وحجابها المحكوم جيدآ وهي تدخل ممر المستشفى كان صهيب واقف بنهايه الممر من خطواتها السريعة أنفتح أخر زرين بالعبايه ليوضح لبسها وخلخالها المصدر صوت منخفض بأنحاء الممر مايلاحظ أيش مصدر الصوت الا الي يناظر ساقها أبتسم بسخريه على شكلها وقف بأعتدال بعد ما كان مميل جسمه على طاوله الريسبشن وقفت عنده وهي حدها متوترة :صهيب كيف صحه ريفال .
هو بنفس ابتسامه السخريه مرر أنظارة عليها من فوق لين شوزها الأبيض(أكرمكم الله ) :تدرين الي تمشي وبساقها خلاخيل بأماكن عامة وش يقولون عليها .
عقدت حواجبها بعفويه بأستنكار :عفوا مافهمت .
أشار لها بعيونه على رجولها .
ناظرت نفسها من لمحت عبايتها المفتوحه الي توضح رجولها ولبسها توردت وجنتيها بشكل مباشر بخجل وأحراج نزلت على الفور وهي تسكر عبايتها وقفت وهي مستحيه تناظر بوجهه :لا .
رفع يديه وهو يضم أصابعه الأربعه لبعض ليضرب بهم أصبعه الأبهام بحركات متكرره كأنها تصدر صوت وهو يقول بأستهزاء وسخرية :يقولون عنها رقاصة هشك بشك .
وضح عليها الأحراج وبقووووة بعد وهي تغطي وجهها بيدها:ياربي جددد سوووري والله ما انتبهت كنت حيل مستعجلة .
رفع حاجبة لها وهو يقول :عرفتي ايش يقولون عنها عشان كذة ياتنصرفين الحين من هنا أو تدخلين مكتبي الي بنهايه السيب وتفكية ولنا حساب ثاني على جيتك بدون علمي .
تحركت بدون تردد لمكتبة وهي مييييته حياء .
دخل خلفها وهو يسكر الباب ويحاول بجهد على السيطرة على غضبه .
تقدمت لمار منه وهي تغمض عيونه بكفوفها بخجل :لا تناظرني كذة والله بدون قصد .
صهيب وهو يكز على اسنانة بحدة ويحاول على قد مايقدر مايمد يدة عليها :نقاب وقلتي ما اتحمله لثمة وقلنا ماشي الحال الحين ليش ما اشوف شي عليك يغطي وجهك .
لمار بتودد وهي تحاول ماتبين خوفها منة :أسفين يالحلوو اخر مرة أن شاءلله .رفعت نفسها له وهي تحاوط عنقة بيدها وتطبع قبله ناعم رقيقه مثلها على خدة داعبت أنفها بأنفه الشامخ بأبتسامتها العذبة :على الأقل قول اهلين بدون لا تورطني بعتبك .
راقت له تصرفاتها اللي لأول مرة تكون جريئه شد على خصرها لصدرة ليقطع المسافات والعتب بقبلة تليق بمقام ثغرها لتبادلة بنفس الشعور لتصبح أطول قبلة تم اختطافها منذ زواجهم .
أندق الباب ليبتعد عنها بشكل سريع حتى يوازن نفسة ويرتب مشاعرة الي تبعثرت بحضورها مررت أناملها المزينة بالخواتم على شفايفها تمسح رطوبة شفاها بخجل أجتاح كامل تفاصيلها .
صهيب بأبتسامة خفيفه همس بأذنة وهو يشد على كلامة :ما في أعذب من الشفة الا ريقها .ابتعد عنها من تكرر دق الباب وصوت السكرتيرة الخاصه فيه ينادي .
فتح الباب بانزعاج :ايش مافي صبر .
انحرجت السكرتيرة من لاح لها لمعه روج وردي على شفايفه نقلت انظارها للمار الواقفة بخجل عند المكتب كتمت ضحكتها على شكلهم :أسفة على المقاطعة تقدرون تكملون ال ال مع السلامه .سكرت الباب وراحت وهي تضحك .
التفت لها بخبث لتشهق لمار من روجهل الي على شفايفه فهمت ليش قالت هالكلام تقدمت منه وهي تمسح على شفايفة بأحراج :فششله فهمت .
ضحك على توردها اللي يحبة قلبه :وايش يعني عادي زوجتي حلالي .
لمار بفهاوة :حلالك حلالك ماقلنا شي بس فشلة وش بتقول علينا .
صهيب بمكر :بتقول ياحول الدكتور صهيب ماقدر يمسك نفسه عند زوجتة وباسها بالمستشفى .
لمار بخجل وهي تدفن وجهها بصدرة : كله بسبتك .
صهيب وهو يحضنها بضحكه: اي صح انا الي ضميتك بالأول .
لمار بخجل :بسك خلاص .
صهيب :ههههههههههههههه بعد قلب صهيب والله بس تعالي ريفال ايش يجيبها المستشفى مو هي المفروض تكون عندكم .
لمار :اي المفروض بس مدري اي صار وتعبت وعلى طول من المطار على المستشفى هنا .
صهيب بأستغراب :مين قالك .
لمار :سمعت بجاد وابوي ونشبت لهم وجيت .
صهيب :طبعآ بتتحاسبي بس مو الحين لارجعت خلنا الحين نشوف موضوع ريفال.
انتهى####
لا تحرموني من تعليقاتكم 😊 وتصبحون على الف خير والسلام عليكم ورحمه الله وبركاته كانت معكم اختكم
《كنوز جواهر 》
وإلى القاء ياحلوووين 😚💋☺️نتقابل في يوم جديد بأحداث جديدة ان شاءلله أستودعتكم الله .

[كنوز جواهر]

السلام عليكم كيفكم ياحلوين هذي المرة بقول صبحكم الله بالخير دام الساعه تأخرت وابتداء يوم جديد وبالمناسبة عسى هاليوم يمر على جميع المتواجدين بالمنتدى بصحه وعافيه والله يحفظ لكم كل غالي ويديم عليكم جمعه الأهل والأحباب وحتى الأصدقاء والله لايفرق مابينكم
🙏🙏🙏🙏🙏
أعتذر جدآ على التأخير في التنزيل ولاكن كنت امر بفترة صعبة جدآ وهو فراق أحد من أسرتي الكريمة جعل الله يحفظ لكم كل عزيز وغالي وأوجهه كامل عذري بالتحديد للأدارة المنتدى ولأكن ان شاءلله يوم السبت بيكون الفصل موجود وطبعآ العذر والسموحه منكم ياحلوين والله يعطيكم العافيه ودمتم بخير 🥰.

[ebti]

المشاركة الأصلية كتبت بواسطة كنوز جواهر

السلام عليكم كيفكم ياحلوين هذي المرة بقول صبحكم الله بالخير دام الساعه تأخرت وابتداء يوم جديد وبالمناسبة عسى هاليوم يمر على جميع المتواجدين بالمنتدى بصحه وعافيه والله يحفظ لكم كل غالي ويديم عليكم جمعه الأهل والأحباب وحتى الأصدقاء والله لايفرق مابينكم
🙏🙏🙏🙏🙏
أعتذر جدآ على التأخير في التنزيل ولاكن كنت امر بفترة صعبة جدآ وهو فراق أحد من أسرتي الكريمة جعل الله يحفظ لكم كل عزيز وغالي وأوجهه كامل عذري بالتحديد للأدارة المنتدى ولأكن ان شاءلله يوم السبت بيكون الفصل موجود وطبعآ العذر والسموحه منكم ياحلوين والله يعطيكم العافيه ودمتم بخير 🥰.

مساء الورد والجوري.... عظم الله اجرك ربنا يرحمه ويغفر له ويسكنه فسيح جناته ويلهمك الصبر والسلوان....

[كنوز جواهر]

أجرنا وأجرك 🙏يسلمووو ياعمري يعطيك العافيه ماقصرتي ما أعزي فيك بغالي يارب ♥️♥️.

[كنوز جواهر]

السلام عليكم
ايش الأخبار المهم ياحلوين فصل اليوم ما اتوقع يلحق ينزل هالوقت عشان كذة أحتمال كبير ينزل الصباح والله مجرد انْتهى ان شاءلله بيكون عندكم بالصفحة ليلة سعيدة وتصبحون على خير ♥️👋

[كنوز جواهر]

○°•●°•○°•● روايه ○°•●°•○°•●

{{{يامحلى الصبر عند الهاوي والغاوي }}}
و
{ { { يامبشعه عند الذيب العاوي } } }

《》《 الفصل 42 》《 》

يَا لَيْلُ تَكْفِي ظُلْمَةُ الأَحْزَانِx

الكُفْرُ عَادَ وَلَجَّ فِي عُدْوَانِيx

لا نَخْوَةً مِنْ مُسْلِمٍ مُتَحَيِّزٍx

نَحْوِي وَلا طِبُّ الجِرَاحِ شَفَانِيx

وَمِنَ البَلِيَّةِ أَنْ تُسَامَ عُرُوبَتِيx

فِي أَرْضِهَا بِمَذَلَّتِي وَهَوَانِيx

قَالُوا: وَكَيْفَ يَهُونُ مِثْلُكَ قُلْتُ: لَمْx

تَأخُذْ بِثَأْرِي أُمَّةُ القُرْآنِx

أَسْلَمْتُ لَكِنْ فِي الخَفَايَا لُوثَةٌx

فَرَضَتْ حَيَاةَ الذُّلِّ وَالإِذْعَانِx

أَتَرَقَّبُ الأَعْدَا بِقَلْبٍ وَاجِمٍx

فِي الخَوْفِ وَالصَّمْتِ الرَّهِيبِ رَمَانِيx

أَبْكِي عَلَى المَاضِي وَأَنْدُبُ حَاضِرِيx

فِي المَسْجِدِ الأَقْصَى وَفِي الأَفْغَانِ
.
.
.

بسم الله الرحمن الرحيم
.
.
.

وصل زايد وقتيبة المزرعة فتح زايد الباب وهو ياخذ نفس عميق براحه وسعادة ماتوصفها الحروف شد على الجاكيت وهو يحس ببرودة الجو .
قتيبة بابتسامة وهو يأشر على البيت المتوسط الحديقه :حياك يابو ضاري نورت بيتك وهلك .
ابتسم له وهو يربت على كتفه :منور بأهله .اقبل وكانه على مهله يطعن بخطواته غيابه يضحك ولاحد انتبه له يوم التفت يمسح اهدابه
أقبل عليهم بخطوات متمهله ونسايم الشتاء تلفح صدرة بتوهج لتنعش روحه بالذكريات ناظر المكان الي يصدر منه أصوات ضحكهم وقف لدقايق وهو يمسح أهدابة بحرقة تكوي قلبه ناظر بوجيه العيال الي ما عرف منهم ولا واحد وهذا الي ألجم جروحة النازفة بشدة .
مسح قتيبة على ظهرة بحزن وهو يشجعه .
تنحنح ليضبط نبرة صوتة ليقول بصوت جهوري مبتسم على قدر الأمكان :متجمعين على طاعة الله .
وقف الكل ملتفت على الصوت وتفاوتت ردود الفعل .
وقفت الجدة عائشة وهي تفتح احضانها له بشوق تحرك مسرع لها وهو يضمها ويحب على رأسها ويدها .
الجدة عائشة بشوق :يابعد قلب ميمتك ياحبيبي .
زايد وهو يحب على كتوفها وكفوفها بشوق :يابعدهم كلهم انتي ياتاج راسي .
شدت عليه وهي تشتم رائحتة بشوق وحنين : تأخرت علي حيييل ياوليدي أوجعت قلبي عليك أدميت هالقلب بالشوق .
زايد وهو يمسح دمعه طاحت منه بدون شعور : جعلني للموت لأوجعتك ياجنتي .
بكت بشدة وهي تشد عليه وهي تقول بألم :اصصص لا تجيب طاري الموت تبي تذبحني يازايد بقهري .
زايد وهو يحب على رأسها بسرعة :عسى عمرك طويل .
حضنته بقسوة ماتبي احد يقترب منة والود ودها تخبية عن عيون الناس داخل ضلوعها حتى لايمسه شي وصوت شهقاتها يشهد عليها كل المجتمعين .
دنق على أذنها وهو يقول بهمس حاني :مو متحرك انا عندك يالغالية ارفقي بقلب تعذب بهالدميعات .
مسحت دموعها وهي تمرر اناملها على كل تفاصيل وجه بتأمل والدموع كالشلال على خدها .
ابتسم بعبط :صرت شايب .
ضربت على خدة بلطف والحزن تمكن منها :أشوف سنين عمرك الي راحت بدوني .
سحب كفها وهو يقبل باطنة :العمر طويل ان شاءلله قدامك تشوفيني لين تقولي روح عني مليت من شوفتك يالشايب العايب .
ضحكت وهي تسحب يدها منة لتفسح الطريق للعيال حتى يسلموا عليه .
تقدم ابو وافي وهو يحب على خشمة بلهفة : ياما شكيت الليل عنك يازايد ولا وصلك شكواي .ضمه بتملك :حيااااااك الله بديارك ياخوي حياك .
ضحك زايد وهو يشد عليه ويدفن وجهه الي صار كله دموع بشماغ اخوه :الله يبقيك انت وهالديار يا أحمد .
خالد وهو يحس اعصابه بردت ومو قادر يتحرك خطوة :زايد .
رفع زايد وجه من حضن اخوة بشوق وهو يناظر خالد بحنين وهو يبتعد عن أحمد :ياتجيني يا أجيك .
تمسك خالد بولده ألياس بعدم قدرة على الوقفة وانظارة معلقه بطيف زايد الي يحس انه خيال مو بحقيقه ودموعه تطيح كالمطر :الله يلعن ابو اسئلتك حتى بالحلم .
سندة ألياس بتأثر وهو يناظر بابوة الي لأول مرة يشوفه بهالشكل .
سحب

اقترب منه زايد بعدم صبر وهو يسحب من ألياس وهو يلمه لحضنة بلهفة حتى يسند رفيق عمرة على صدرة بحرقه :أعتذر ياخوك على الأيام الي انتظرتني فيها وماجيتك .
اجهش خالد بالبكاء والي لأول مرة يعلن الأستسلام لشوقه قدام الكل :طالت الغيبة هالمرة يازايد طالت وشمخت ليش ياخوي .
أنهار معه زايد وهو يعتذر بشكل متقطع :اسف ياخوك أسف يالغالي .
سحبه خالد من ياقته وهو يصارخ عليه بكرهه :قلت لي مو بمتأخر ياخالد كلها كم شهر وأرد لك ليش تأخرت .
زايد بشهقه وهو يحاوط وجه خالد : مو بيدي اقسم لك بالله حاولت أرجع بس ما عرفت والله ياخالد ماعرفت.
خالد وهو يضرب صدرة بقهر : 25 سنة ياظالم انت والخاين الثاني .
مسك زايد كفوف خالد الي تضرب على صدرة بألم : أحلف لك بربي حاولنا بس كل شي ماجاب فايدة .شهق بألم وهو يكمل : حنا حفرنا قبورنا بيدنا ياخالد خوفآ انهم لا متنا مايدفنونا ياخوك شفت لوين وصلت فينا .
ضمه خالد بحرقه :حسبي الله عليهم الكفرة الله حسيبهم ربي ينتقم لنا منهم .
زايد صار يكب كل شي بقلبه وكأنة كان منتظر سؤال خالد : كنا على فراش الموت ونناظر قبورنا الي جنبنا بحيرة ننام فيها من الحين ولا ننتظر تعبنا ياخالد تعبنا والله .
تقدموا منهم الجد صالح وعبدالله وهم يمسكونهم حتى ما ينهاروا اكثر من كذة قدام العيال الي صاروا بزران بصياحهم من عتبهم لبعض .
الجد صالح وهو يبعدهم عن بعض ببحه : وحدوا الله يا جماعة وش فيكم شوفوا العيال كيف صاروا يبكوان بسبتكم .
التفت خالد وزايد للعيال الي يمسحون دموعهم والي متلطم بالشماغ وعيونهم حمراء حالتهم يرثى لها وكلهم بكفه والجدة عائشة بكفه الي الحريم جالسين يهدوا فيها ومو قادرين .
ناظر لها زايد والضيق متوسط قلبه .
لولوة بعبرة وهي تهمس بأذن ام زايد :خالتي واللي يخليك قومي ندخل داخل شوفي كيف يناظر فيك الحين بيشيل همك .
شدت ام زايد على يدها وهي تهز رأسها .
راح لها زايد وهو يجلس بمستوى امه وهو يقبل ركبها بتأنيب ضمير :يمه الله يسعدك امسحي دموعك .
ام زايد وهي تحاوط كتوفه :الله يحفظك لي ياولدي ويخليك .
زايد وهو يوقفها :ويحفظك لي.التفت للولوة بجمود :دخلي امي داخل وانا اشوي وأجيكم .
لولوة بهدوء :أبشر .
رجع زايد للعيال وهو يسلم عليهم ويتعرف على كل واحد فيهم وبعد وقت مايقارب الساعتين .
الجد عبدالله بعدم صبر :زايد انت وين بناتك .
زايد بهدوء :عند خوالهم .
الجد عبدالله بأستنكار :عند خوالهم .
زايد بأختصار وبدون إطالة :اي ميرال جاء خالها وأخذها وريفال جدها عناد أخذها .
وقف الجد عبدالله بغضب :ومين قال له ياخذها هو بكيفه .
زايد بتنهيدة طويلة :هي الي راحت معه لا وبعد أزيدك من الشعر بيت هي الي داقه عليه .
الجدة وهو يروح ويجي بزعل :أكيد ضاري الكلب مافي غيرة هو الي قالب رأسها علي .

زايد بتعب وصداع :يبه والله مافيني حيل لهواشك دلوعتك عندك وانت وهي تصافوا انا مالي دخل فيكم وبالتحديد بمشاكلكم واذا على ضاري تراك ظالمة هو كان بيجيبها لك بدق الخشوم بس هي الي قوية بأس ورفضت .
الجد عبدالله بغل وحقد :يخسي ويعقب هالضاري يمد يده على بنيتي والله لا أكسرها له .
زايد بذهول :يبه ترى ولدي وشبك عليه .
صقر بزعل :ياجدي حرام عليك والله الولد كافيك خيرة وشرة .
الجد عبدالله بفوران :كل تبن وانقلع عن وجهي .
صقر بنرفزة :اي والله انقلع أحسن .
وليد بحنق : يالطيف كل هذا عشان اميرته .
الجد عبدالله والشرار يتطاير من عيونة :وليد يا تسكت ياتلحق محامي الدفاع .
وليد وهو يمسك يد صقر :نطلع ياخوك احسن من هالطوفان .
الجد عبدالله بتسلط :طوفان يسحبك مايترك فيك نفس .

زايد بعدم تصديق : يبة مو من صدقك كل هالعصبيه عشان ماجت لا وبعد تطرد العيال أقول اجلس انت وياه لا بارك الله بعدوينكم .

جلس وليد وصقر قدام زايد بترقب .

الجد صالح بتنهيدة :الله يهداك ياريفال ماتدرين يعني انه الدنيا بتقوم وماتقعد عشانها .
ميل عليه قتيبة بعتب بدون ما أحد ينتبه :يبه البنت تعبانه بالمستشفى ما أنتبهت ان بعد أوس مو موجود هذا وانت الفطين الي مايمر عليك شي.
رفع صالح أنظارة لولدة بدهشة وبنفس همسه :وش صار .
قتيبة : الي يقولون علية انه كان زوجها أرسل أحد لنفس طيارتها طعنها أول ما توقفت الطيارة على اراضي السعودية والحمدلله الله سترها وعدت على خير والبنت ياحرام خافت على عمي لاتفجعه فقالت بتروح مع عمي عناد حتى تتحسن حالتها وترجع ان شاءلله .

مسح الجد صالح وجهه بباطن كفوفه بتنهيدة :لاحول ولاقوة الا بالله `الله يكون بالعون أجل وانا ابوك لاهديت الأوضاع نخطف رجولنا لها ونرجع .

قتيبة برضاء :ان شاءلله .

الجد عبدالله وهو يناظر زايد بشك :مستحيل ريفال ماتشوف جدها اسمع ياولد بنيتي فيها شي صح أكيد صايبها شي ..سكت لثواني ليقول بفاجعه : لايكون ماجبتها يازايد .

زايد وهو يجاهد نفسه على الكلام : أستغفر الله العظيم يبه والله جبتها يعني بالله عليك برجع بدونها وهي الي متغربه عشاني جت وحياتك بس راحت مع جدها ليش مكبر الموضوع .

الجد عبدالله بوسوسة :انت ماتعرف شي عناد وضاري بياخذوها مني .

وقف جراح جنب ابوه بنرفزة : بقلعتهم وش تبي فيها بنت ماحشمتك وش له تحشمها وتداري خاطرها بقلعتها .

وقف زايد بحدة وعفاريت الأرض تتراقص قدامة أسرع شعاع له وهو يناظر عيونة بتوسل : عمي عشاني خل اليوم يعدي على خير .

زايد :الحشيمة لأبوي ولا كان عرفت أرد عليك يا. ولا بلاش خسارة فيك حتى الكلام .
دق جوال صقر وسهيل وشعاع بنفس الوقت .
ردوا على الجوال وهم يسمعون صوت عبدالكريم :تعالوا .
شعاع وهو يسرع بالرد :بعد أذنكم أتصال طارئ .وأبتعد عنهم بشكل مباشر حتى ياخذ راحته بالكلام والعيال خلفه ولاكن على سياراتهم :هلا .
عبدالكريم بسخرية :تعال الساحه تنتظر الجميع.
شعاع باستنكار :تدريب... ليش ؟؟! .
عبدالكريم :تعال وتفهم .رفع ساعته بترقب وهو يرفع حاجبة بحركة معتاد عليها :معك تقريبآ ربع ساعة لو تأخرت لا أعرفك ولا تعرفني كلآ يشيل شيلته .
صقر وسهيل :بالطريق .
شعاع بريبة :في شي صاير صح .
سكر عبدالكريم الجوال بصمت نزل شعاع الجوال وهو يناظر فيه بتنهيدة :كنت متوقع الله يسترها .
طلع تارك المكان خلفه بدون كلام .
في الحديقة الخلفية كانت جالسة تولين بوجنتين متوردة وهي تلعب بالعشب والجوال على أذنها :اي وانت متى بتزورنا .
ضاري :امممم وليش .
تولين بأحراج :يعني عشاني وعشان ابوك .
ضاري : بس عشان كذة يعني مو مشتاقه ولاشي .
تولين بتردد :الااا بس .
ضحك ضاري :خلاص تمام روحي سلمي على حماك الحين وبعدين نتكلم .
تولين بحماس : اوووف بسبتك نسيت عمي .
ضاري بثقة : عقلك معي دوم بس ان شاءلله العوض لارجعت من التدريب .
تولين بدلع :على هونك ياقلبي العيال حرام مايهونون .
ضاري بغيرة : ترى توصيتك بهالشكل تقلب الدنيا عليهم .
ضحكت بغنج وجسدها يتمايل معها :تمام تمام بس شوي شوي وراهم ملكة .
ضاري بتسليك : اي ان شاءلله يصير خير.
فتحت سبيكر وهي ترفع شعرها كعكة :طيب ياعمري سلم على البنات عندك ووصل لهم شوقي .
ضاري : وحنا لنا الله لا شوق ولا سلام .
تولين بتمويه :انت بس تعال وخذ حقك بنفسك .
ضاري بخبث :أجل خلك عند كلمتك مو لاجيت قلتي ضاااااري ابعد وقتها عاد قولي للبعد سلام الله ينطبق عليك .
ضحكت تولين برضاء :على راسي .
ضاري :ياقلبي اتركك الحين خلاص وصلت الساحة .
تولين برقة :انتبة لنفسك .
ضاري بأستعجال : ان شاءلله.
تولين :بأمان الله .
ضاري :بحفظة .
نزل ضاري من السيارة وهو يصادف شعاع نازل من سيارتة .
صافحه وهو يضمة :الحمدلله على سلامتك .
ضاري بأبتسامة متعبة :الله يسلمك ،كيف الحال والأحوال .
شعاع :تمام عال العال انت كيفك وكيف الاهل .
ضاري :انا مثل ما انت شايف بينما الأهل خلها على ربك واضح ما تدري ليش انت جاي .
شعاع بتوتر :لا والله وش فيه .
ضاري :محاولة قتل بالطيارة .
شعاع بذهول :امانة .
ضاري :هذا الي صار .
شعاع :يارب سترك طيب وهي كيفها الحين اصابتها كايدة .
ضاري وهو يشير بيدة بالرفض : جت بأقل الأضرار الحمدلله وكلها شوي وتطلع على بيت ابوي عناد الي هنا .
شعاع براحة :الحمدلله .
ضاري بمزح :عطيتك وجه ترى قائدك انا مو صاحبك الحين .
وقف شعاع بشموخ وهو يدق له تحية بنفس المزح : حياك حياك الكل منتظرك ومتخوفين من التدريب .
ناظر فيه بنص عين :وانت طالع منها.
شعاع بصراحة : لا والله وانا مو احسن منهم حال .
ضاري بضيق وهو يفتح البوابه الحديدية : والله لا اكوفنكم بالتراب قبل وقتكم .
شعاع :اي أظهر وعليك الأمان .
ناظر ضاري فيه بجمود .
ابتسم شعاع بعبط وهو يشتت انظارة للشباب الواقفين بوسط الساحه :تمام اعتذر سيدي.
ضاري بحدة :هيا للصف .
ركض برشاقه حتى وصل لهم وصف جنبهم .
أرتفع صوت غازي من مكبرات الصوت بشكل مفاجئ : سيادة القائد الساحة مشتاقة لك .
وقف ضاري بشموخ وهو يحط يده خلف ظهرة برأس شامخ وساقين متفرقتين ليردف بصوت ثابت مرتفع :جزاك الله كل خير، مر وقت طويل على وقوفي هنا .
غازي بود : أرض الساحة يحكمها القاسي أكيد مو العكس .
ضاري بتأيد :وانا أوافقك الرأي .
غازي بقساوة وجفاء : سلم على ضميرك سلام الأعداء ولاتترك له بهالدورة مكان .
ضاري بنبرة أشد : تبعنا الضمير وهذي نتايجها .
غازي بحدة : مافي فرق بينهم أبيهم كلهم معاملة وحدة وأبيك معدوم الرحمة .
ضاري بسخرية :ليش متوقع مني شي غير كذة .
غازي بأستهزاء : لا حاشه لله شفنا شدتك وين وصلتهم .
ضاري بنرفزة :الضرر لي وانا وهم نتحاسب انت أطلع منها .
غازي بجدية : وانت تابع لي لا تنسى .
ضاري بجمود وهو يناظر بفريقه واحد واحد :أعرف حدودي وهم يعرفونها كويس مو محتاجين تعليمات منك .
ضحك غازي بسخرية لاذعة :بنشوف .
وأنقطع صوت غازي من الساحة الضخمة الواسعة .
ضاري بسخرية :بيشوف .كمل بصراخ يعج بالمكان : ماراح اسمح لأي واحد فيكم يكرر هالغلط مرة ثانية .تقدم خطوة لهم وهو يهددهم بسبابتة :وأن صار وتكرر فريقي يتعذر له انا مو جاي العب معكم احنا بين يدينا حياة الملاين من الناس مو بس أختي الي واقفين عليها .
تقدم عبدالكريم بخطوة وهو مطأطئ الرأس بندم : المسؤلية كلها انا اتحملها لأنها غلطتي وانا أتحملها .
تقدم زياد ومحمد وركان بنفس اللحظة :الغلط علي .ناظروا ببعض لوهلة ثم ابتسموا لبعض .
أشر ضاري عليهم كلهم بضيق : كل واحد فيكم غلط أو شبهه ساهم بالغلط والفريق معروف منذ الأزل السيئة فية تعم والحسنة تخص فترة تدريبكم كلها كانت على هالنهج الآن في أحد معارض هالمفهوم .
دق الكل رجولهم بالأرض بأحترام وبصوت واحد :
نظام وقوة تحطيم و أرشاد

فريق ينادي تلبية بدون عناد .

أرتسمت على شفايفه شبه ابتسامة بفخر : نلبي بمكة جميعآ .
ابتسم الكل بود :ان شاءلله .

أرتفعت الصفارة بأنحاء الساحة ليترك كلآ من عبدالكريم ومحمد وزياد وركان وشعاع وعلي وصقر وساري وذياب وسهيل السترة ليمسك كل واحد فيهم حبال الجبل ويصعد بكل همه وضاري في وسط الساحة ممسك الجوال على توقيت معين .

الساعة ١٠ م
عند الجد عناد بعد وصول القمراء للبيت كانت تداري ريفال بكل شي تحتاجه ونايمة عند رأسها وكل شوي تقيس درجة الحرارة خوفآ انها ترتفع .
تنحنح أوس :ياولد .
القمراء وهي تتحجب :تعال حياك .
دخل أوس وهو يرد السلام وعيونة على ريفال :السلام عليكم .
القمراء بأبتسامة :وعليكم السلام ياهلا ومرحبا الحمدلله على سلامتكم .
أوس بطيف ابتسامة :الله يسلم عمرك ياخيتي انتي بشريني عنك اخبارك.
القمراء :الحمدلله ما نشتكي من بأس تعال حياك انا بطلع .
أوس : اسف ازعجتك .
القمراء بلا مبالاة :لا ولايهمك انا بروح اريح وانت قبل لا تطلع نادي علي .
أوس :مشكورة ماتقصري .
القمراء بمزح :ماسوينا الا الواجب يابو القمراء .
أوس بضحكة : أفهمها رشوة يعني .
القمراء :هههههههههه مثل ماتبي .
أوس :الله يجزاك خير .
طلعت القمراء تاركة الحرية لأوس لاكن قاطع عليهم صوت الجد عناد يرحب بأحد .
رجعت القمراء لأوس بأستغراب :انت في أحد عند ابوي .
أوس بأستغراب :لا ليش .
القمراء ويدها على خصرها :أجل يرحب بمن .
قام أوس طالع معها بحيرة : انا ادري .
قاطع عليهم صوت الجد عناد ينادي :يالقمراء .
يوم طلع شاف جماعه ال خويلد الكبار عندهم .
أوس وهو يجاري صدمته دف القمراء للممر وهو يرحب فيهم حتى تفهم :ارحب يالله ان تحييهم .
تداركت نفسها القمراء من الوقوع وهي تتمسك بدرابزين الدرج بخوف .
رد الكل علية بحفاوة :الله يبقيك .
ناظر للقمراء وهو يبتسم من شافها متمسكة بالدرابزين .
ضحك الجد عناد على غيرتة : الحريم بالمجلس خلها تطلع .
صغر أوس عيونة فيه وهو يتقدم يحب على رأس جدة صالح ويدة ،،الجد صالح بأبتسامة وهو يربت على ظهرة :الله يحفظك ياولدي .
كمل سلامة على باقي العيال وهو يرحب فيهم .
ألياس :يامرحبا مليون بالغالي .
أوس :ياعساها ترحب بك تريليون .
جلس الكل وبداء أوس يقهويهم .
وليد :أجلس حنا جاين نتطمن عليكم .
أوس :الله يعطيكم العافيه ماكان لها لزوم اتعبتم نفسكم .
الجد صالح :تستاهل التعني وهي بنت عبدالله .
أوس :ماعليك زود .
دخل صقر الصغير بازعاج كالمعتاد :يبة يبة .
الجد عناد :تعال ياصقر .
فز وليد واقف هو وبجاد وقتيبة منتظرينة يقبل عليهم .
من شافهم نزل ثوبة الي كان ملتف على خصرة وهو يعدلة :يامرحب بعيال ال خويلد .
ابتسم له وليد وهو يسلم علية :يامرحبا بك ياولد ال سلطان .
صقر بثقل :جعلك سالم . كمل سلامة على الجميع وأنظارة مرتكزة على الرجال الكبير بالعمر الي متوسط مجلس جدة .
أبتسم الجد صالح على الولد الي يذكرة بضاري بصغرة فتح يدة له :أقرب يالصقر .
ناظر صقر فيه بتمعن وهو يسلم عليه ببرود :شيخ ال خويلد .
الجد صالح بأبتسامة رغم استنكارة لفعلتة :وصلت خير.
صقر بتفكير :جاي لبنيتكم صح .
الجد صالح :اي .
صقر بأحتقار : وش له جاين .
أحتقن وجه الجد صالح ليهب فيه الجد عناد بغضب :لا بارك الله بعدوك يالصقير اذلف عند خالتك .
صقر بعتب :وشبك يبه تصارخ علي لجل شايبهم مو سامع وش يقول .
الجد عناد :أوس أقلعه عن وجهي.
أوس بضيق :تعال هنا ياصقر .
الجد صالح بهدوء وهو يأشر له جنبة :تعال جنبي أتركه يا أوس.
الجد عناد بخجل :بس أقلعه عن وجهك سويد الوجهه قليل الحياء .
صقر الصغير بغضب : مسموح يابو ضاري لجل بيض شيبك .
ابتسم الجد صالح على كلامة كرر كلامة :تعال عندي ووالله ما تقوم من عندي الا وانت راضي .
جلس صقر مرغم من نظرات أبوه عناد له .
الجد صالح وهو يحاوط كفوفه :ليش ماتبي شيخ الخويلد يطل على بنيته .
صقر بكرهه :ماعمرة جاء يطل على ولدة وش له يطل على بنيتة وهي عندنا ماعليها خوف ولا هو دلع شيبان.
سكت الجد صالح وهو كل مافيها ابتسامتة تتزايد :انت صقر ولا الصقر .
صقر وهو يفخم بصوتة قدر الأمكان :انا لا هذا ولا هذا انا الشيخ .
ضحك الجد صالح بحب :ونعم الشيخ .
صقر بتسليك :ينعم بحالك اقدر أقوم .
الجد صالح :ليش مستعجل .
صقر :عمي ضاري موصيني على الشيخة .
الجد صالح بتفكير :ومنهي شيخة الضاري .
صقر بأبتسامة :هو به غيرها مولعتن بقليب عمي غير هالريفال كود ان أسمها شوين مو بلايقن بالمشيخة بس لعيونها وعيون الشيخ ضاري نقول سمعاً و طاعه.
ضحك الكل على عفوية هالطفل الي يجذب الأنظار له .
الجد صالح :وش رأيك تاخذني معك لشيخة الضاري .
صقر بتردد : مايدخل عليها أحد .
الجد صالح :ليش .
صقر بغيرة : انت رجال وش تبي بالحريم .
الجد صالح :انا جدها وبشوفها .
أوس وهو يوقف بأنزعاج :تعال ياجدي اتركك من هالصقير .
وقف صقر قدامة وهو طولة ما يوصل لخصر أوس :والله مانت بداخل وشبك يارجال الحرمة نايمة .
أوس بملل :ياصقر والله جدها و يحل لها وبعدين هذا مو بشيخ ال خويلد هذا اخوة وغير عنة بالله عليك روح من طريقي .
صقر بزعل :هذا مو بالرجال الي مطفر الشيخ ضاري .
أوس بتعب :والله لا .
صقر بأقتناع وتصديق :أجل تعال وانت أجلس مع الرجال .
أوس :مشكور يالأخوة بدري والله .
ضحك صقر بحب :اخاف عليها يالردي ..

في ساحة التدريب الكل كان نايم على الرمل بدون تيشيرتات بتعب .
محمد بتأمل :يافريق .
ضاري يمسح العرق من على جبينة :هلا .
محمد وهو ينام على جنبة مقابل لوجه ضاري : ودي أناسبك والعائق الي كان بيننا زال .
ضاري وهي يغمض عيونة :اممم .
جلس بحنق وهو يمسح شعرة والكل يناظر فيه ويضحك : ياخي والله شوف الشيب غزى شعري وانا منتظر اهلك بالله الحق علي قبل لايصير ثلج .
ضاري بملل :طيب يامحمد يصير خير .
محمد بأصرار :ياخي حرام والله بتحنط جنبكم عشان تعطوني البنت .
ركان بتنكيت : اي وندفنك داخل الحبل ونسوي لك مثل الفراعنة ونكتب عليه مقبرة محيمدون السابع .
ضحك الكل على ملامح محمد الي تغيرت .
محمد بضيق وهو ينفض التيشيرت ويوقف :مشكورين ماقصرتم انا المتخلف الي اتكلم معكم .
طلع وهو عازم النية على مكتب القائد غازي لبس السترة وهو يزررها بأهمال مجرد ما انتهى دق الباب ثلاث دقات أقتداء (بالرسول صلى الله عليه وسلم ) أرتفع صوت غازي :أدخل .
كان مشغول بقراءة الملفات قدامة وهو لابس النظارة بأهتمام .
محمد بعبوس :عمي غازي .
رفع انظارة له بصمت .
محمد وهو يجلس على كرسي المكتب :لمتى .
رجع غازي ظهرة على الكرسي بترقب :اي .
محمد بحزن :ياعمي خايف أحد ياخذها مني مثل ماسويت فيني قبل سنوات .
أبتسم غازي له :حلالك ياولد ماهي بطايرة من يدك .
ضحك محمد بسخرية :اي وبعد كم يوم أطلبني من رئيسي وأرجع الاقيها بوسط احضان شخص غيري .
تلاشت أبتسامة غازي من حس بجديته : قد اعتذرت لك عن هالشي للحين شايلها بخاطرك .
محمد بسخريه : أكييد تبيني أشوف البنت الي حلمت فيها طول عمري وتمنيتها لي تروح لشخص ثاني وانا عادي انسى واعيش عادي .
غازي بأسف وندم :والله هالمرة غير انا أضمنها لك .
وقف محمد بتعب :اتمنى تكون غير لأنة لو صار العكس مدري وش بيصير .
غازي بتردد :محمد .
التفت له بعقدة عاجب .
رفع غازي له الجوال وهو يفتح السبيكر لتتغير كامل ملامح محمد ليعتدل بوقفتة بشكل سريع وهو يتقدم منه بلهفه ....... .

انتهى ###

[كنوز جواهر]

السلام عليكم ورحمه الله وبركاتة

كيفكم ياحلوين سووووري بس هالأيام عندي أختبارات وماراح أقدر أنزل فصول ولاكن مع ذلك بحاول وان شاءلله يطلع معي فصل قبل العيد وللعلم أختباراتي بتكمل لبعد العيد بأسبوع او أثنين على ما أعتقد عشان كذة بحاول بكامل جهدي أجمع شتات افكاري وكتب لكم ياحلوين .

ودمتم بخير وللصائمين الله يتقبل منا و منكم .♥️🥰👋

[كنوز جواهر]

السلام عليكم ورحمه الله وبركاتة
لكل الحلوين الموجودين بالمنتدى وبالتحديد صفحتي هذا العيد في بيوتكم العيد القادم في بيت الله الحرام بإذن الله
أسال الله أن يرزقكم الصحة والعافية وأن تكون أعيادكم سعيدة وأعماركم مديدة في طاعة الله سبحان وتعالى وأن يتقبل منا ومنكم الصيام والقيام وقراءة القرآن كل عام وأنتم بخير بمناسبة عيد الأضحى المبارك أسال الله المجيد رب العرش العظيم أن يحفظكم ويملأ أيامكم بهجة وسعادة
ودمتم بصحة وعافية
أختكم 《كنوزجواهر》.

[كنوز جواهر]

مرحباااا للجميع يوم السبت المقبل سوف يتم تنزيل الفصول السلام عليكم ورحمة الله وبركاتة ودمتم بخير .
😍🙏😍 .