آخر 10 مشاركات |
|
| LinkBack | أدوات الموضوع | انواع عرض الموضوع |
19-03-21, 01:05 AM | #252 | |||||
| مزن السماء اقتباس:
| |||||
14-04-21, 03:42 AM | #256 | ||||
| روايه ((( يامحلى الصبر عند الهاوي والغاوي ويا مبشعه عند الذيب العاوي ))) . { رواية} يامحلى الصبر عند الهاوي والغاوي xxxxxxxxxxxxxxxxxx و x يامبشعه عند الذيب العاوي 《 الفصل ال 52》 بالسيارة عند غازي شمس وهي تناظر الطريق :ايش اللي ترك جدتي تروح السوق والله تعبانة يبه من الطريق . غازي :ماعليه بنمر ناخذها على طريقنا ونرد . شمس بملل وهي تحط يدها على خدها :طيب شغل لنا شي مليت ماغير انا اقرقر . ناظرها غازي من المرايا بأبتسامة وهو يشاور على خشمة : ياسلام ابشري على هالخشم . أبتسمت بود :تبشر بالجنة . وقف غازي على جنب وهو يشبك بلوتوث :اييي وايش تبي تسمعي . نقزت شمس عندة بحماس :اممم ابي اغنية لماجد المهندس اممم اي مو ضروري . حك انفهx هو يضحك بصمت ويكمل طريقه :استغفر الله . ظنت انه شبك التفتت عليه وهي توها تنتبه لأبتسامته :خير يبه ضحكني معاك وراك ماحطيت شي . غازي وهو عاجز يخفي ابتسامتة :ههههه مو انتي تقولين مو ضروري . ضحكت شمس بخفوت :هذا اسمها ههههههههه اسم الله على قليبك يبه . غازي :وانا ايش يدريني خلاص عاد حنا وصلنا الحين جدتك تبثرنا بأغانيها الأجنبية الله لايبارك باليهود . شمس بشماتة :احسسن والله انها دواااك . x (بالشركه)xx دفت بثينة الكرسي بأنفعال وهي تمسك بحدة كتف لجين وهي تبعدها عن وجهها بغضب :حدك عاد زودتيها . كتفت ريفال يدينها ببرود :انا قلتها لك نصيحه انتي بكيفك تتقبليها أو لا هذا شي راجع لك . لجين بربكة :تمام هدوو خلونا نعرف نوصل لحل . أوس بجمود :استاذة لجين الموضوع غير قابل للنقاش انتي جالسه تتكلمي عن مبادئx اساسيه انبنت عليها الشركة مستحيل بيوم يكون في مجال للنقاش فيها . ريفال :القرار الأخير راجع لكمx في حال ثبتم على كلام حياكم الله بس العرض بيكمل مثل ماهو على يوم الخميس.رفعت اصابعها وهي تضم الابهام وتحرك الاربع اصايع بسخرية :يعني بعد اربع ايام اتمنى الرد يكون سريع حتى أهتم بكامل تصاميم العرض بدون مانسحب اي مبلغ من محاسب شركتكم . طلعوا بدون مايردوا بإي كلمه . ببيت ضاري ضاري بحماس :بّـــــــنـــــــت وش رأيك نروح ناخذ أوس وميرال ونطلع مطعم . أنعدلت ميرال بعد ماكانت منسدحة بعدم تصديق :قول والله . ضاري :ههههههه والله قومي خلنا نطلعx . وقفت وهي تمسك وجه ضاري بشك :ضاري ماتخليني أطلع البس وتقول امزح . ضر على يدها وهو يدفها :ميرال انقلعي البسي قبل لا أروح عنك . نقزت بفرحه وهي تبوس خدة وركض على الدرج ضحك على هبالها صارخ بصوت مرتفع اذا تأخرتي بمشي . ميرال بصراخ : لالا والله بسرعه . فتح جواله وهو يحجز لهم مكان بمطعم نيوتنز . دق جرس الباب وقف ضاري وهو يفتح دخلت وهي تصارخ كالمعتاد :لقد أشتقت أليكم . ضحك :هذا ماكان ينقصني مجنونة اخرى بالبيت . ضربتة على كتفه بميانة :دانيال . ضاري :ههههههههههه جئتي بوقتك سوف نخرج لمطعم سويآ . ديالا وهي تجلس مكانه براحه :جيدد انكم لم تذهبوا بعد . سكر الباب بعد مادخل شنطتها وجلس مقابلها بأبتسامة : اممم نعمx لم تقولي كيف وجدتي مكة . ديالا بحماس واضطراب :كيف اصف لك انها أكثر من رائعه جميلة جدااا . ضاري :هل سنحت لكي الفرصة بزيارة المسجد النبوي هنا . ديالا :بالتأكيد ولكن لم أأخذ به وقتآ طويل فلقد طالت الزيارة لمكة انها شيء مذهل منذ ان قمت بزيارتها حتى جئت أشعر براحة لم اشعر بها من قبل . ضاري بتأيد :انها كذلك من الجيد ذهابك لهناك كنتي تحتاجين هذة الراحه منذ وقت . ديالا وهي تسند ظهرها على الكنب بتنهيدة :أحسنت القول بالفعل انها كأساطير افلام الخيال العلمي عظيمة . ضاري حس بشعور الراحة يتسلل لروحه ضحك من قلبه : ما أجملك ديالا لقد نقلتي لي الشعور وكأنني انا الذي ذهبت ليست انتيx . ديالا :ههههههههههه لتعلم فقط مدى تأثير كليماتي على الطرف الاخر . ضاري :ههههههههههههه اعملي بالأيذاعه وتخلي عن مهنه الشرطه سوف تتفوقين وبجدارة . ديالا :لا لا لا مسحيل دانيال . نزلت ميرال بفرحه :ديالا متى اتيتي .وقفت ديالا وهي تحضنها بحب :الأن . ميرال :مرحبآ بك عزيزتي ببيتك . ديالا :شكرآ لك جميلتي . ضاري :حسننا هيا لنذهب لريفال وأوس . ديالا بسعادة :انهم مشغولين الأن لنلحق عليهم . ضاري بخفوت :يا إلهي كم اشتاق لأنسان عاقل يهذا البيت . كتمت ديالا ضحكتها لتردف :قريبآ سوف يأتي هذا الأنسان لا داعي للعجله . ضحك بأستمتاع :ولاكن لا أستطيع الأستغناء عنكم . ميرال وهي تركب :اخي الطيف ولا نحن . بالشركة زفر أوس انفاسه بغضب :ايش هالناس . جلست ريفال وهي تفكر بعمق :مدري يا اوس احس كانهم يمزحون مو منجدهم ابدد مررة تنرفزت . ترك القلم من يدينه وهو يوقف :تعالي نرجع دام ماعندهم ماعند جدتي ناس مهابيل ونشيك على باقي الوضع بالبيت مالي خلق للشركة ابدد. صغرت ريفال عيونهاx فيه :تمزح صح . أوس بطفش :لا والله من جد اسولف ناخذ قهوة من ستاربكس ونجلس بالحديقه . وقفت بكسل وهي تتثاوب :تمام تمام يللا .طلعوا لعند السكرتيرة وهم يتناقشوا بالملفات اللي بياخذوهم معهم . أوسx وهو يطق بأصابعه على للطاولة :ابي كل الملفات اللي يبي لها توقيع . ريفال :وبعد اللي يبي لها مراجعة . أوس بتذكر :ايي وملفات الثفقات الجديدة . السكرتيرة وهي تبحث عن الملفات :ان شاءلله..رفعت نظرها لريفال :استاذة ريفال في طرد وصل لحضرتك بتمام الساعه ٨ صباحآ . عقدت ريفال حواجبها بأستغراب :مو مكتوب عليه من مين . هزت كتوفها بعدم معرفه :مكتوب عليه فقط اسمك . ناظرت أوس بأستغراب :مين ياترى . اوس :طيبx جيبيه لهنا . السكرتيرة :مررة كبير استاذ أوس . ريفال بفضول :طيب وهو وين الحين . السكرتيرة :بغرفتك . انسحبت ريفال لغرفتها انذهلت من كبر حجم الطرد . أوس من خلفها :اووووف وش كبرة . دخلت وهي تدور مقص تقص فيه شرايط البوكس صار يساعدها أوس بفتحها حتى ظهر له مافي البوكس شقت ريفال بدهشه وبدون شعور طاح المقص من يدهاx . مرر أوس يده عليه بذهول :عجيييييب .كان يحتوي الطرد على مانيكان مثبت عليه فستان زفاف مذهل ملفت للأنظار فستان زفاف ذو ألوان مختلفه بتطريز يكمن به الابداع . ريفال بعيون دامعه وصوت فيه العبرة : ديالا اللي مرسلة الطرد . أوس وهو يدقق بتصميم الفستان بأعجاب :مختلف عن اي فستان مر علي اوووة التصميم عجيب والله عجيب . ناظرت بالفراشات البارزة الملونة بدرجات الأخضر المتشعب فيه الأصفر مشغول فيه صدر الفستان لين اكتافه...ريفال بمشاعر مرهفه :مررة حلووو .دخلت ميرال وهي تسبق ديالا وضاري وضحكاتها تصدح بالمكان صمت دام بعد دخولها .... تصنمت مكانها من شدة اعجابها بالفستان وبعفوية :اللللللللله . نفخت ريفال على عيونها حتى ماتبكي . ضحك أوس وهو يضمها :ياويلي على بنت قلبي بكت بكت . ديالا بضحك :ايتها البلهاء .التفتت ريفال بعبرة :شكرآ جزيلآ .حضنتها ديالا بضحك :لما البكاء . شدت ريفال عليها بأمتنان :شكرآ شكرآ . ديالا :الم أقل لك سيمون قد جهز لكي فستان لم يسبق لأحد أرتدائه . ركضت ميرال للفستان بذهول مررت يدها على الفراشات :يـــــــهِـــبـــــــلَ بيكون عليك جناااان يا روفي . دخل ضاري وهو متأثر شعر لوهله بجدية الموضوع وانها خلاص طلعت من تحت عصمته رسميx وكلها ايام وتروح عنهم دمعت عيونة لثواني . التفتت ريفال له بجسد راجف واهتز كيانها من لمحت دموعه ماقدرت تمسك نفسها وتمسكت بعنقة وكأنها قرأت افكارة شدت عليه بمشاعر مختلطة همست له ببحة :مافي شي بالدنيا بياخذني منك لامحمد ولاغيرة اترك هالشي بعقلك . حاوط وجهها بكفوفه وبحنان مفرط :بتكوني أجمل عروس على وجهه الأرض . انضمت لهم ميرال بالحضن :ووووة عساني فدوة لهالحضن . أوس وهو ينقز فوقهم بمرح :فسحولي . ضحكوا على هباله وضمهم ضاري كلهم لصدرة وهو مره مبسوط فيهم . كتفت ديالا يدينها وهي تشاهدهم والبسمة تزين ثغرها . مدت ريفال يدها لديالا وهي تسحبها وسطهم وعج المكان بصوت ضحكاتهم . بسيارة غازي ركبت الجدة ماريا بتعب :ااسلام عليكم . شمس وغازي :وعليكم السلام والرحمة . شمس :ايش ياجدة وش تسوين بالسوق كل هالوقت وانتي الشنطة مو بيدك . الجدة ماريا :الشنط مع السايق والخدامة انا طلعت معكم خفافي . شمس وهي ترجع بظهرها للكرسي :اهاااا وانا اقول مو من عوايدك . الجدة ماريا :لا يمة بالسيارةx هاا غازي وين عقيل . عقد عازي حواجبة بأستغراب :ليش هو مو بالدوام . الجدة ماريا :لا ماخذ بريك اليوم . ناظرها غازي ثم ناظر الطريق :وليش ان شاءلله ايش المناسبة . هزت كتوفها بعدم معرفة :ماقال السبب . غازي :اكيد انه عند عيال لولوة احسن من رجع وهو لاصق عندهم مدري ايش عندة الأخ . شمس بحب :لأنهم فله جلستهم تجيب العافية ياحبيلهم . شرد بتفكيرة لموضوع خطبة أوس هزت الجد ماريا كتفه باستنكار :غازي تعبان . تنحنح غازي وهو يلف حتى يوقف سيارتة بالجراج :لا يمه مافيني شي . دخل وهو يسند امه...ضحكت الجدة ماريا :ماصرت عجوز اقدر امشي لحالي . غازي بخوف عليها :ماعليه يمة الأحتياط واجب . دخلوا وكانت شمس بتصعد لو ما غازي ناظرها :على وين . شمس وهي تأشر لفوق بربكة :بصعد غرفتي يبة تبي شي . غازي : اي تعالي مكتبي بكلمك . قمطت العافيه وبنفسها يممة لايكون ولد خالتي لولوة قايل عندة شيء ياويل حالك ياشمس والله انه الشمس مابتصبح عليك اليوم .صارت تطق اصابعها وهي تمشي خلفة فتح الباب ووقف ينتظرها تدخل وهي من الخوف والرهبه ماعاد عندها قدرة على التحرك . غازي :بنننت ادخلي وشبك . شمس بتوتر :ان شاءلله .جلست على الكنبة وسكر غازي بدورة الباب وجلس جنبها حست ان أكسجين الغرفه كله انسحب من حط يدينه على ظهرها بتمهيد وهو حاز بخاطرة فراقها : مرت السنين وكبرتي ياشمس بلمح البصر وصرتي عروس كلآ يتسابق عليها . اخذت نفس براحة من كمل مسترسل بحكيه : وانتي بعيوني شمس غازي الطفلة اللي تسكن بحنآيآ ضلوعة ماتغير قدرك عندي ولو ذرة . استحت شمس من كلام ابوها وبخجل :شدعوة يبة ايش لازمة هالكلام الحين . غازي بمزح :راح يجي اليوم اللي تتزوجي فيه وتجيبين عيال وتنسين ابوك وتنشغلي بزوجك وبيتك . ضمت شمس ابوها بمشاعر مرهفه : انا بظل عندك لأخر العمر ماراح اتركك هو يقدر غازي بدون شمسةx . غازي بصدق :لا والله اني ماأقدر بدون شمسي وشمس سنيني انتي بنت قلبي ومافي أحد ياخذ مكانك ايش ماصار لين الله ياخذ امانتةx . قبلت خدة بخوف من فراقه :ياعسى يومي قبل يومك الله يحفظك لي ويديمك ذخرx لناx لأخر العمر . غازي بحنان : امين ويحفظكم لي.... تنحنح وهو يرطب ريقه : هذي سنة الحياة ولأنك بنت الغازي متقدم لك رجال أجودي يراعي ربة يعرف الحلال من الحرام رجال مصلي وصايم ماعليه كلام والمعجبني فيه اكثر أنه من ثوبنا ماهو غريب علينا فكري يبه كويس الولد ماينردx . توردت وجنتيها بخجل : منو هذا اللي قدر ياخذ موافقتك هالكثر يبه . ابتسم بعفويه وهو يحب خجلها مسح على خدودها ببطئ :ولد عمتك لولوة أوس . شمس بصدمة :أوس ...أوس ماغيرة . عقد غازي حاجبة وهو يقرص خدها :عفوااا مافهمت كأنه مو عاجبك . شمس بربكة وهي مذهوله ازاحت يد ابوها عن خدها :لا مو كذة يبه بس استغربت يعني ماكنت متوقعه مدري صدمتني . غازي :x ههههههههه ولاشيء يبه انتي فكري بالموضوع كويس وردي علي . هزت راسها بحياء وهي تستأذن منه وتطلع . بالصاله كان الكل متجمع حول زياد ورسيل اللي من شوي واصلين . زياد وهو مشتاق لهم :ابوي وين . الجدة ماريا :بالمكتب روح لهم . صادف شمس بالممر :زياد بشوق :شمس قلبي . رفعت شمس انظارها له بسعادة :زيادي . حضنها بحب :ياحي هالزول مرة اشتقت لك . شمس وهي تمسح على شعرة :وانا بعد مررة اشتقت لك . قرص خدها بضحكة :لونك قالب ليش كذة . توردت اكثر وهي تشتت انظارها عنه وتحاول تغير الموضوع :رسيل جت معاك . زياد :اي بالصاله ماعندها غير جدتي روحي لها . شمس :ان شاءلله . زياد بتساؤل :ابوي داخلx شمس :ايي . زياد وهو داخل :تمام . دق الباب ثلاث مرات اقتداء بالرسول . غازي من الداخل :تفضل . دخل زياد وهو يهرول له يحب على رأسه ويقبل كفوفه :عساني ما أنحرم من وجودك يالغالي . غازي بدهشه : ياهلا بك يايبة .شدة لحضنه وهو يسلم عليه :الله يصلحلي حالك يارب . زياد وهو يسحب الكرسي جنبة :كيفك يبة بشرني عن صحتك . غازي :الحمدلله يابوك عال العال نحمد الله . زياد وهو يربت على فخذة بحمد :حالآ دايم ان شاءلله . غازي :وياااك الحمدلله انك جيت بفاتحك بموضوع . زياد بابتسامة :هلا . غازي بفرحة :أوس متقدم لشمس ومستعجل على الزواج يبي مع ضاري . زياد بفرحة :مشاءلله أوس والنعم فيه بس مو كأنه زودها وش مع ضاري وضاري مابقى على زواجة الا ٤او٥ايام . غازي :انت قول هاااا ايش رأيك . زياد :والله انا ماعندي مانع الشور والرأي لها اذا عارفه نفسها بتلحق تخلص بأسبوع تمام اذا لا الدنيا ماطارت ينتظر . غازي :تمام بكرة اشوفها قبل لا اطلع الدوام عشان اعطي الرجال الرد . زياد بسعادة :والله وكبرت شمس وصارت عروس . غازي بتنهيدة :ايي والله كأنها كذبة . زياد :الله يقدم لها اللي فيه الخيرx . غازي بضحكة :ترى حتى عبدالكريم المهبول طلب الزواج معهم مدري وش فيهم مشفوحين على الزواج . زياد بصدمة :هاااا عبدالكريم...مافهمت عبدالكريم مين حقنا ولا غيرة . غازي :ههههههههههه هذا كان وضعي يوم تكلموا . زياد :مشاءلله كل هذا صار عشان انا مو موجود . غازي :ههههههههههه شكلك كنت موقف حال العيال . زياد :ههههههههه ومين تعيسة الحظ . غازي :ميرال بنت لولوة . رفع زياد حواجبة بابتسامة :مدري ليش ما ستغربت مخبول هالأدمي . غازي :طااافك الكثير والله صارت اشياء واجدة . زياد :افاااا والله كأنكم قاصديني . غازي وهو يوقف :شفت كيف . بالشركة طلعوا كلهم بعد ماطلبت ريفال وصول الفستان وكامل اكسسوراته البيت راح فيهم ضاري المطعم وهم جدا مبسوطين . ضاري بعفوية :الله يديم جمعتنا . ديالا بتعكر مزاج :رجاء لنتحدث بلغة يفهمها عقلي ويجيدها حسنآ . ضاري بعتذار :اوووبس أعتذر ياشقيه لم انتبة للساني . ديالا برضاء:لايهم . ضاري :ماذا تطلبون . ريفال :سوف نترك لك حرية الطلب ولاكن لاتبخل علينا بما اننا اتينا . ضاري :ههههههههه جيد ولاكن سنتحاسب على هذا الكلام عندما اعود .رفع يدة وهو ينادي النادل ويعطيه قائمة الأكل الخاصة فيهم . ميرال وهي تشرب الماء :اممم متحمسة قربت الكأس من شفايفها وهي تشرب . أوس بخبث :هل تعلمون منx تقدم لميرال . غصت ميرال بشربها كحت بقوة..ميرال بخوف عليها :اسم الله عليك صحه صحه . احمرت ملامح ميرال بقوة من الغصة وعيونها دمعت وصوتها انبح :وش قلت . أوس :عبدالكريم طلب القرب من ضاري يبيك . احمرت ملامحها وظهرت عروق يدها من شدة اعصابها ضربت كفوفها على الطاولة بفحيح ووو . . . . انتهى#### لا تحرموني من تعليقاتكم 😊 وتصبحون على الف خير والسلام عليكم ورحمه الله وبركاته كانت معكم اختكم 《كنوز جواهر 》 وإلى القاء ياحلوووين 😚💋☺️نتقابل في يوم جديد بأحداث جديدة ان شاءللهx أستودعتكم الله . | ||||
14-04-21, 02:34 PM | #258 | |||||
| وهج الليالي اقتباس:
| |||||
05-05-21, 01:56 AM | #260 | |||||
| كنوزجواهر اقتباس:
| |||||
مواقع النشر (المفضلة) |
أدوات الموضوع | |
انواع عرض الموضوع | |
|
|