17-01-20, 03:24 PM
| #2112 | ||||
 
|  #شظايا_القلوب #اسراء_ممدوح المشهد ده اكثر من رائع..المواجهه الحقيقيه المتاخره بين الاخوة..قبل كده اسراء ف عقدها وتشتتها بين مراد وايهاب وفريال وحسين وام ايهاب..وكذالك ممدوح تشتته ف عقده بين مريم وفريال وحسين..والاتنين بعاد عن بعض كان كل واحد فيهم بيبعد عن مرآة وصدي وجعه الداخلي..هو ف الاول شاف اسراء بوقوفها جنب ام ايهاب النوع الخبيث من الستات..وبعد حادثته ورجوعها لاسرتها شافها مولي وفكرته بحنانها وضعفها..هو دايما بكل غباء موقّف كل حاجه ورابط كل واحده بالجوز دول..كذالك اسراء ف الاول شافته مجرد واحد ف سرب الرجال الحقار امثال ابوها والخائنين ع شاكلته وطبعا عقلها ضم لهم مراد وقتها..وبعد حادثته طلعت مشاعر الاخوه وبقي التعامل انه ابن واخ وقطعه من الروح ومن عاملهم المشترك مولي..ومابين كلللللل ده مجتش فرصه ان كل واحد فيهم يواجه التاني باللي عانوه سوا وشافوه وآسوه سوا..إما بعداً او خوفا..ان ممدوح يدرك مش لوحده اللي عاني مش لوحده اللي اتكسر مش لوحده اللي تخبط مش وحده اللي اتأذي وان كان بطرق ودرجات مختلفه..اسراء كمان مرت بنفس الوجع والقهر ع امها ورؤية ضعفها..وحيث انها الاكبر كانت الاكثر ادراك لكل جوانب الذل وقتها..هي كمان بغضت وكرهت فريال..هي كمان فريال سببتلها وجع ومشاكل زي ممدوح..هي كمان كانت هتخسر نفسها ف لحظات..هي كمان اذت ووجعت ايهاب مراد ومريم واولادها..يبدا الفرق ف الفرص هي استغلت فرصتها مع مراد اما ممدوح استغل فرصته مع لورين وبعدها!!!!في تشابه عجيب ف توافق الفرص..اسراء بعد اذيتها لايهاب ولمريم كلا ع حدي جاتلها فرصتها مع مراد عاشت ايام رائعه..بعدها العقد(خيانة حسين وفريال) طفت..بعمله غبيه منه هي سببها..وسابته وسببت اذي لقلبه وكرامته ولاولادهم..بالمقابل ممدوح بعد اذيته لمريم وايهاب كل ع حدي وسويا بردو..جاتله فرصه مع لورين.استغلها عاشو ايام سعيده سوا وان قلّت..بعدها بردو العقد طلعت(ضعف حسين وحقارة فريال).بعمله غبيه منها سببها عقدها الاكبر من عقده مليون مره.واذاها وشاف انه خد حقه..انما الحق انه اشبع شيطان نفسه بالتلذذ بالضعف وخروج الدناءه والوجه الحقيقي القذر ليه اللي بدأ مع فريال ومر بمريم وانتهي وكمل مع لورين...رغم التقابل بين الاخوة ف المراحل الا ان طبعا ممدوح واخد الدرجه النهائيه ف تسبيب الاذي لمريم او ايهاب واخيرا لورين..مواجهتهم وكلامها عن مشاعرها كان محتاج يتقال ف وشه..كميه فرحي بكلامها ليه لا توصف- " إياكَ حتى أن تفكر ، بأنى مثلها ..مثلهن؟! ضعيفه كمريم .... ، أو عاجزه بعشقك الغبي فأنطاع لقباحتك ..أنا حصلت عليك بين يدى ، سلْسِلْتُكَ بالفعل ككلب أليف سأُطوِّقعنقه بملكيتى ، ولن أتنازل عن هذا أبداً ؟!" -اتمني من كل قلبي تفلح اسراء ف اصلاح البناء المتهالك تواجهه بحقارته مع مريم ولورين وان عملته معاها لا تقل غباءا ودنائه عن اعماله مع مريم بل تتساوي ان لم تثقل..انه يخرج من الدايره دي يا ضعيفه يا خبيثه!!!..مش متخيله ان الغبي ده هيمر تاني باحساس التشتت بين مذنبه تستحق ولا بريئه اذاها..مر وقت ع ما اقتنع انه شيطان اجرم ف حق مريم..فايه مدي سرعته ف استوعاب ان بردو حيوان اجرم ف حق لورين..رغم فعلتها الا انه مش مبرر لفعلته..لورين اخطات وهو كان ضخيه لانه قدم ثقه وحب وحريه...لكن كونه مظلوم وحقوقه عليها بفعلتها كلللللل ده فقده بفعلته وتحول من قمة الضحيه الي اسفل سافلين الظالمين..وبقي المذنب وبقي هو اللي يستحق العقاب..بوينت الحرمان من الابن..كلمة (الاستحقاق)كلمة كبيره انها توضع جنب حرمان الضنا..لام او اب..قبل كده رفض لورين للخلفه معاها حق ف السبب..لكن اخطات ف الطريقه والاخفاء..ناو بكل بساطه وان خالف الامر شرعا بوجوب معرفه الاب..لكن ننزل للواقع المؤسف..متي تم التعامل معاها بحقوق الشرع والانسانيه!!..ولما عملتها دفعت الثمن بنحرها..الحوار مش تاييد واستحقاق..الحوار الامر الواقع ايه!!!!..أب بكل بساطه اغتصب وضرب الام بشكل بشع..ومش حاسس باااااااي ندم كافي..حاول اغتصاب واحده ف مقام اخته..اركنو المبررات..ده بالله عليكم ينفع يعيش معاه ابن هيعلمه ايه؟؟؟!!!!!..هيعلمه انه وجوده ف الحياه لاجل العذاب والهلاك وان الحياة ظالمه وان القدر غير منصف!!!!انه بيتغذي ع ضعف الاناث وبيتلذذ بيه!!!..صدقا وجود الام ممكن يغني عن الاب خاصه ان كان وجوده فساد اما الاب لا يغني عن الام وعاطفتها ومبادئها وبيوت كثييييره بتبني ع تربية الام مش لازم الانفصال يكون سبب لكده..انا مش جايه علي ممدوح كنت بتعاطف معاه واسعد ف نفس الوقت اما يدفع ثمن اعماله ف مريم ومازلت ع نفس الحال ف لورين..وايدت اخده لفرصه مع لورين وهأيد دفعه لثمن تضيع الفرصه دي..وموضوع البيبي مش محتاج مقارنه مع راشد وبدور وجوان..لان اكيييييييييييييييد باختلاف درجه الخطا بتختلف نتيجته..راشد رغم مساؤه مع بدور الا انه اب رائع للبقه وهيبقي رائع لابنه ومفيش سبب مباشر لحرمانه منه..بدور رغم قرارتها الغبيه اللي تبعتها ع العيله وابنها ومننساش الناس بتنسي والامور بتمر وبيطلع دايما فضايح اكبر بتداري ع الفضايح السابقه..والاهم عاطفتها ناحية ابنها رائعه مش زي نموذجين لانعدام العاطفه مرو بينا (فريال_ام ايهاب)لذا بردو مفيش سبب مباشر للحرمان..(وكل حوارها هي وراشد تراكمات داخل النفس بيدفع ثمنها الطفل سواء سابقا بمحاوله الاجهاض او الان بمحاولة الحرمان)..جوااااان دي بقي اكتر واحده مرت بيا عامة عايزه كده احطها وبنتها ف مكان جميل سوا بعيد عن كل العالم بمساوئه واحقاده والسواد اللي فيه..الجوز ببرائتهم اللي متشبثه بيهم رغم كل اللي مرو بيه..دول اكتر اتنين عايزه اقتل اللي بيفرقوهم عن بعض قديما وحديثا..حبابيبي البقه ومامتها😘💖..بجد بعشق اوي تنوع الصور والحالات لقضيه واحده وكيفية عرضها باسلوبك وابداعك استاذه نور @نور بلاك سلمت اناملك ع الشخصيات دي وقضاياهم ومشاعرهم..ان اتنين يعانو نفس الوجع بس طرقهم واراداتهم مختلفه الاخين زيدان..ان نفس قضية الحرمان من الابناء مختلف باختلاف النوايا.الحالات.الاخطاء.ال� �شاعر..دام ابداعك يارب👏👏💖💖 | ||||
|  |
|
17-01-20, 04:30 PM
| #2113 | ||||
| #شظايا_القلوب #ياسر_الراوي مكابره..انانية..فخر موروث(بغيض)..ثقه ف الفكر الشخصي وماجبل عليه..فشل فx تحصيل السعاده..محاولات اصلاح اسوء من التخريب المقصود..عدم تعلم من الاخطاء..كل صفه منهم بتنطبق بنسبة 80-90% ع الاسد الكهل ياسر الراوي..1-حديثه مع راشد..2-مشهده مع صادق ونظراته لسبنتي..3-كلامه لخالد.. ثلاث مشاهد لياسر الراوي ظاهرهم متباين بس الربط والنظر للعمق يبان ان ده طبيعي اوي لشخصيته وتصرفاته السابقه..ياسر فعلا كما قال لراشد انه دايما ف ظهرهم اينعم اللي بينظف ورا العيله هو راشد..بس ياسر برضو حارس خفي..وانا متاكده انه رغم المشاعر السلبيه الخافيه والظاهره لدي اولاده ناحيته..الا ان ده شعورهم ناحيته انه ف ظهرهم لو وقعو..ويمكن اكبر دليل ع كده تصرفات بدور اللي تصرفت غلط كتير واعتمدت ع احساسه بالذنب وانه هيحميها ويسكت..للاسف ده بردو مش يمحي خطاه ف محاولات الحمايه..وانهم احتاجوا منه احتواء وحمايه من افكاره ومن نفسهم قبل الاعداء والكارهين اللي بيحمي العيله واسم الراوي منهم..واكد كلامه ده انه هبّ للمساعده والحمايه اول ما تعرض جزء من كيانهم للخطر وهو بيت راشد ومايقع تحت حمايته وبالاخص ابنة العائله سبنتي..اقواله وافعاله وقتها..والاهم والاكبر نظراته لسبنتي وشعوره انها ليه عرفت..وانه مكنش عايزها تعرف..ببساطه حمايه ليها هي من الالم والانكسار مش خوفا ع سمعة العيله..مش اتفاجئت بالدلالات ع حب وخوف ياسر ع سبنتي لانه طبيعي اتربت تحت انظاره وكونه عمها..والبقه نفسها خافت عليه قبلا وقت ازمته القلبيه لتعامله الحسن معاها وان كان نأي بنفسه مؤخرا وده ع الكل مش هي لوحدها..والبقه احساسها مش بيكدب..بعد المشهد ده ودفاعه عن سبنتي و جوان فعلا وقولا..جه كلامه مع خالد العكس تماما ف ظاهره..اللي هو مين اللي كان بيحميها من شويه!!!..بس ده طبيعي اوي لياسر رفضه ليها مش كره..هو اتربي ع ف الفخر بذاته وبابنائه والتخطيط للافضل ليهم من وجهة نظره دايما وابدا..الموضوع خارج عن شخص سبنتي..وانما هي فكر مزروع..وانانيه مغروسه ف الذات جعلته يرفض ده لابنه ومش يقبله عليه ف حين قبله ع ايهاب بزواجه من مريم..وف نفس الوقت مفيش نفاق ف الامر..رضي وسعد لمريم بنته بزواج ممتاز..وقالها لخالد انه سبنتي بردو هتتجوز من عيله مرموقه متقلش عنهم ولا عن عيلة زيدان..لذا الافكار فخر بغيض موروث..وانانية حب الافضل ماديا للاولاد..اي الافضل الملموس مش حسيا وروحيا..وعنده ثقه تاااامة ان فكره ده الصح وهما اللي مش فاهمينه و(بكره يعرفو انه ع حق) ومش ملاحظ ان بكره ده جه لقرارات اخري ظنها صح..وطلعت قمة الخطأ وخلفت شظايا مشاعر بشرية..وقت ظنه ان الخيانه هتتواري وبكره مني تسامح وترجع..وعدي سنوااات ولم يفز بمنيته..قرر ان راشد مينفعش لبدور.هي اصرت..هو تخلي وظن انه اما يسيبها تطيح كده بيكفر عن ذنب او بيساعدها ومفكرش ان خطواته خطا والنتيجه ماوصلت ليه بدور والاسوء اللي هتوصله ف علاقتها معاه ومخاوفها الازليه بسببه..غير ذكر حادث شيماء..كللللل ده رغم انه مازالت نتائجه الاليمة حيه بتنبض لم يتعظ بيها ف تعامله مع خالد ابنه ووريثه وامتداده.. بعد ماجمعت المشاهد سوا ف بالي رغم غضبي الدايم من ياسر وكره لفعلته مع نزار وتصرفاته اللي نتايجها مؤلمه..الا اني شعرت بالشفقه جدا عليه..اشفقت علي انسان رغم كلللل مقومات السعاده حواليه..من زوجه رائعه وصالحه..وخمس بنات رائعات جبلو ع الدفا والحب..وولد راائع هو النقطه البيضه الوحيده ف رجال الراوي..واخ توفي اه لكن ترك سيره طيبه وكان مساند ليه ف حياته..وابن اخ حامي ومساند ومتحمل..رغم كللللل ده مفيش شعور بالسعاده او الراحه او الغبطه او الفخر الحقيقي..احساس انه يقعد مع نفسه بعد وصوله للعمر ده ويحس بانجازاته بحياته بفخره وسعادته لحاملي الرايه والمسيره بعده..ابسط واهم شئ سعادة امتلاء حياته باحبابه وتواجدهم حوله ولو معنويا..فين احساسه باول حفيد ف العيله!!باول فرحه ليهم..اول مرة يشوفوه او يشيلوه..لكن اغلب ماخطر عx البال تهديد بالحرمان..قرصة ودن عشان تتعلم..كلام مبطن..وكل ده للاسف حارم نفسه ومني معاه بكل ألم العالم ف نفس الرحا ومنتظره جدا تعويض ربنا ليها..انه يجي الوقت وتحس بكل فخر وسعاده العالم بحق تعبها ومجهودها وتحملها..مش بحمل ياسر كل الاخطاء الحاصلة بنسبة100% واطلعه هو المذنب الوحيد..لا طبعا كل واحد فيهم اخطأ ويتحمل وزر خطأه لان ربنا وهبهم عقل واراده لافعالهم وقراراتهم..لكن ياسر يتحمل مع كل فرد ف عيلته جزء كبير من الخطأ وهو البنيان الوهن الهش..اللي بشكات خفيفه اصبح هباءً منثورا..بخيانته يتحمل نفسية مني واحساسها كاملا..ويتحمل النقطه السوده داخل قلب كل حد من اولاده ناحيته..وقصدي كلهم تماً..مش بدور بس..نوه متاثره زي بدور بس متحكمه ف الامر واكبر دليل تاثر موقفها من مريم..شذي نأيها عن المشاكل من اكبر صور التأثر ورغبة ف اللذوذ بالفرار من اي ألم..يتحمل جزء من تشتت خالد السابق..مابين مبادئ الرحمه والعيش كالبشر من مني ولا مبادئ القوه والسيطره والعيش ف ابراج العيله من ياسر..وف الاخر نأي بنفسه ف برجه الخاص بعيد عن الكل..وطبعا حالة شيماء حدث ولا حرج ف تحمل الذنب...اما تحمله لذنب مريم فدي نقطه سوداء لن تمحي من تاريخه ابداااااا..ف الذنب ف حق البشر لايغفره رب البشر الا بمسامحتهم..وغفران مريم!!!!!😔...وكللللللل اللي فات ده كوم.وتوبته عن ذنوبه لربنا كوم تااااااني خااااالص..ودي اللي وجعت قلبي عليه ف ازمته القلبيه..انه مش يكون من الاخسرين أعمالا..تمنيت وقتها يتعلم الدرس وبتمناها حاليا..وده صعب جدا مع افكار راسخه لاكثر من خمس عقود من الزمان..بس يبقي الامل لحين مجئ الأجل..شخصيه ولا اروع ف واقعيتها وتفاصيلها ووصفها شئ يليق بابداعك استاذه نور سلمت اناملك ودمتي مبدعه #نور_بلاك | ||||
|
| |
|
17-01-20, 04:32 PM
| #2114 | ||||
| #شظايا_القلوب #مرح_فرح_ايوب اكبر معاناه ف شظايا ومعاهم نسرين😭😭اكتر وجع ف شظايا..وف الواقع..وف قلبي😔😔..من وقت كلام وبحث لورين عنهم وبدأ الترقب لظهورهم وحكايتهم...مع كلام ادم (جار فرح)بان جزء من معاناة فرح وصفه لحالتها وشكلها والجماعه اللي انضمت لها وكل كان نص الوجع لانه الحكايات تؤخذ بمشاعرها واوجاعها من فرح وبانت كل المعاناه مع رعباها وهشاشتها وضعفهاوادمانها وكل الاستغلال اللي اتعرضتله..بالمقابل وصف البنت اللي اخذتها بانها شبهتها ف الشكل والشحوب والحاليه المذريه..وكان اول علامة عن مرح شبه الحاله يدل ع شبه المصاب.وان المعاناه واحده وان رعاية الغرب الاخذ من حضن الاهل(الوحوش بادعائهم)لاحضان وحوش بشريه تحمل جنسيتهم ومبادئهم...تاني علامه عن غموض حياتها كلامها مع ايوب وتوحشهاوتأهبها الدايم لاي كلام عن علاج او تحدث عن ماضي حتي كلامها معاه عن فرح واللي يستعد ليه منها ومن دمار حل بيها كان فيه كتير من معانتها حتي فلت منها جمل جمع بينها وبين توأمها..انهم اتغير معدوش هما اتنحرت طفولتهم وبرائتهم بدماء بارده بعيد عن دفأ الوطن(الاهل_الارض)..تالت علامه كلامها مع لورين مخيف ظاهرا من المعني وباطنا من المعاناه واللي شافته وصلها لكده..وتمنيت لو كانت فرح عندها قوتها وعملت كده مع اللي اذوها..كلامها دل ان ماضيها ماثل فرح..دل ان عدم استمرارها ف بيت ورجوعها للدار وتنقلها بينهم مكنش تمرد عادي من طفله حرمت اهلها فجأ معانتها كانت ف ايهما؟؟!!واي الاحتمالين اوجع من بعض لان التدمير حصل والطفوله ذبحت وانتهي الامر دون انتهاء الوجع والقهر والكسره..كان حقهم يعيشو وسط اسره محبه اب سند وحامي واول فارس للابنه..ام حنون وحضن دافئ..اخت قدوه وبئر اسرار..اخ بطل ظريف الطول خاصتهن..جد وجده وحكايات الطفوله ودفاها.لعب ومرح وفرح الصغار..اصدقاء ومنغاشات..تطورات الصبا والمراهقه كلللل ده حرمو منه..الي جانب الحلم الطبيعي لكل انثي بزوج محب واولاد حزء من روحها واسره خاصه دافئه وان تحقق بمعجزه الا انه هيكلل دايما بغصة الالم والكسر بداخلهم..كل ده بيد عدو غاشم متبجح وعدو ساكت متخاذل..الا لعنة الله ع الظالمين😔😔 استاذه نور سلمت اناملك وسلم ابداعك ف سردك لوجه (خفي ظاهر) للقضيهxالفلسطينيه (الغصة الدائمه ف قلوبنا وليست الوحيده طبعا لكنها الاولي) ف قصة اسرة ايوب عامة والتوأم خاصه ودمتي مبدعه بكل حكايا شظايا اللي مست داخلنا💖💖 -سؤال اخير @Nora Soliman هو مش ينفع مرح تعدي ع مصر حتي وهما راجعين للوطن محتاجين خدماتها وافكارها الفذه الرائعه دي ف طلعه كده ع السريع لا منشاف ولا من دري😊😊 | ||||
|
| |
|
18-01-20, 09:55 PM
| #2119 | ||||||||
 
| اقتباس:
شكرا لرايك والفسلامه عنك من حرقت الدم  | ||||||||
|
| |
 |
| الكلمات الدلالية (Tags) |
| #شظايا القلوب ... رومانسية .. اجتماعية .. درامية |
| أدوات الموضوع | |
| انواع عرض الموضوع | |
|
|
439Likes
العرض العادي
