20-10-19, 02:54 PM
| #381 | ||||
 
|  نور بلاك تعبيراتك مخيفة مش علشان بتوجع لا لكن لان نسبة الحقيقة والصدق فى معناها يخض نعم فنحن من ندخل انفسنا بارادتنا فى سجن نرفض الخروج منة رغم انة دائما ما يكون مفتوح حبييت الوصف جدا❤️❤️❤️❤️❤️ | ||||
|  |
|
20-10-19, 02:55 PM
| #382 | ||||
| نور بلاك جملة بالف جملة نعم فالانسان لم ولن يستطيع احد ان يجعلة يغير معتقداتة فان لم ياتي التغير من الذات لن يكون هناك تغير من الاساس فلكل منا معتقداتة التي لا يمكن ان تتغير حتى وان كانت تحت مسمى الحب وهنا لا اجد جوشوا وحدة مثال فهناك #هناء نفسها هل استطاعت ان تتقبل جوشوا بعد ان علمت بكذبة عليها وتخالف ما اعتنقتة باسم الحب | ||||
|
| |
|
20-10-19, 02:59 PM
| #383 | ||||
| مشاهد هناء وجوشوا رهيبة يخرب بيت جمال ام دا مشهد😅😅حبيت جدا كلام هناء وكنت حاسة ان جوشوا مسلم من كل حواراتة نور بلاك😘😘 احساس عجيب تملكني وانا بتابع المشهد لدرجة اني حسيت ان نبضات قلبي بقت اسرع من طبيعتها كل نبضة كانت فى سباق مع كلماتك لتتمكن من الوصول الى الكلمة وراء الاخرى غير صابرة حتى تصل اليها متشوقة لمعرفة ما سوف يكون مشهد جبار كالعادة 😘😘❤️😘❤️ #هناء وما تتزعمة من قوة فى اشد لحظات ضعفها وتحكمها فى مشاعرها المختلفة اللي من الواضح فيها انة جوشوا لا يزال يملك من القلب ما يملك😍😍 #جوشوا ولحظة الحنين والرغبة فى اشباع الروح لما عانتة من فقد وخواء واحتياج مشهد برواية كاملة 👍 #الالحاد والبعد عن الخالق وعدم الاعتراف بالاديان فى كلمات احدا افكار #نور_بلاك المتفردة دائما شابوة ليكي👏👏 كنت اتحدث معكِ امس قولت لكِ خفي فلسفتك شويا حاليا اقول لكي فلسفتك خطفتني 😍😍 ولو هي حلوة كدة زودي كمان ولا يهمك😂😂 | ||||
|
| |
|
20-10-19, 03:39 PM
| #385 | ||||
 
| #شظايا_القلوب #الفصل_العاشر فصل استنزاف المشاعر كل مشهد كان فيه تدرج فظيع ف مشاعر الشخصيات وتاثيرها الكبير عليا..الفصل يبان هادي اللي هو هدوء ماقبل العاصفه رغم هدوءه الظاهري الا ان كل مشهد كان فيه حدث مهم جدا ومحوري خاصة ظهور ايوب خليل..واول مواجهة لهناء مع جوشو لماضيهم وصدمتها بنزار #سبنتي_جوان_راشد اخيرا حصل اللقاء بين الام والابنه بعد فراق اضطراري 15سنه..جوان مشاعر امومتها المحبوسه توجع..حوار العيون بينها وبين راشد يبين عظم الألم والمصيبه من15سنه. وانها خطأ الاباء برضو سواء من اهمال ابو جوان ليها انها تقع ف براثن عزام او إنه يخليها تتخلي عن بنتها دون حساب لمشاعرها..غالبا كل الاسباب اللي تمنع ظهورها ف حياة بنتها متلخصه ف ابوها. .ذكاء سبنتي ف الحوار .شعور الالفه اللي عندها لجوان رغم مواجهتها معاه للمره الاولي وغرابة كلماتها..الي جانب شعور الدفأ المختلف اللي بتحسه مع عزام رغم جفائه معاها..تجسيد حقيقي لبرائتها ونقاء نفسها وسمو مشاعر حنين الدم للدم .كل الكلمات ف الحوار ده محوريه هنحتاجها مستقبلا..وقت معرفة سبنتي للحقيقه هتتذكر كلمات راشد وجوان هنا جدا..هتجمع الخيوط ببعضها اكيد حاجه متوقعه من ذكاء سبنتي.سبنتي ضحيه وجوان ضحيه اتظلمت ف مراهقتها وأنوثتها وشرفها وامومتها..اتمني يبقي عندها خطه محكمه لاستعادة بنتها مش تخطيط عشوائي.. المشاعر اللي في المشهد كانت فظيعه خوف وقلق راشد من كشف ماضي مدمر لابنة قلبه .ألم وحزن جوان من عدم قدرتها من التعامل مع ابنتها وفرحتها وشجنها لتبادلها معاها الحوار وسعاده مشوبه بحزن لاحتضانها بعد15سنه فراق..مشاعر مبهمه عند سبنتي اتجاه جوان اتمثلت ف فضول لمعرفة مراقبتها السريه .واخيرا ذكائها ف معرفتها وملاحظة لون العين مع ملاحظة شبهها بعزام قبلا اذا هي خطوات لاكتشاف الحقيقه كامله #لوسيرو_ممدوح 😍ثنائيا المفضل اخيرا شوفناكم تاني..ممدوح للاسف لسه ف منطقته الرمادي ف وسطها ع الاقل شعور الاحتقار للنفس ملازم لبواقي شعور بصحة فعلته ف حق ابنة فريال .تنوع اساليب لوسيرو معه مره تحسسه بوضعه واذلاله بيه مع استحقاقه لذالك..ومره تهادن وتعترف وتجاري ف الكلام..ومره تقسو باظهار نواياه لعلها تصل ف النهايه لمرادها معاه. وصف القضيه الفلسطينيه وقضيه اللاجئين واقعي حد الالم والجزع ع النفوس اللي بتزهق هباءا مقابل نفوس تعيش ف رخاء بلا فائده ف الحياه..قادره ع المساعده والانقاذ ولكن لا احد يلتفت الا بالشعارات... .احساس لوسيرو بالذنب ف اضافتها الجيده لبلد تضيف كل ماهو سيئ لبلدها احساس فظيع..بس كويس انه بيراودها رغم انها لا تتحمل اي ذنب بس طبيعي لواحده بانسانيتها انها تحسه..افضل من كتير من العرب عامة زي ممدوح لا يشعرون نحو القضيه بشئ..او الشعور بأنه بقي امر عادي وواقعي وبدأ تناسي الحق ووجوب اخراج المعتدي...وطبعا اللي يستغلو القضيه ف الشهره والظهور عند البعض باشعار واغاني وبرامج لا تقدم شيئ للقضيه بل لاشخاص بعينهم الامر من اوله لاخره ألم والكل دفع ويدفع وسيدفع ثمن التخاذل... دفاع ممدوح عن أبوة ايوب مستحقه لو اتقارن مع اخرين دمرو اولادهم سواء قصدا او تخاذلا او عندا ومازالو مستمرين ف ذالك رغم رؤيتهم لدمارهم..عكس ايوب خطأ غير مقصود..دمر عيلته اه..بس مش سكت وتخاذل لا حارب واستمر بالبحث والندم ع ذنبه.اعتراف ممدوح للوسيرو باثمه وخطيئته نقطه محوريه ف قصتهم من حيث تعاملها معاها بعد كده بعد ماعرفت أخره وظلمها لايوب انها حاطاه معاه ف خانه واحده رغم اعترافها بده قبل كده بس بردو لازم تواجه. وتعامله مع نفسه هيبقي ازاي بعد اعترافه باثمه مباشر مع حد تاني #مني_بدور بدور حربها النفسيه ف اوجها الفتره دي..ندمها وشعورها ناحية ياسر ومع ذالك منع نفسها من رؤيته..وشيطان ألمها اللي مسولّها انها بقتلها البيبي كده هتنهي اللعبه بس العكس طبعا..كلام مني مش هياثر ع بدور خارجيا بعد ما وصلت لليفيل ده..اتمني تلاقي طريقه تمنعها بيها من غبائها..كلام مني عن استسلام بدور لراشد بارادتها..دليل ع انها كان جزء منها بينتقم من ياسر..الي جانب تحملها لاجل ولادها..ودليل ان بدور اخدت اسوء مافي ابوها وامها زي نزار #راشد_بدور_عزام رجوعها تاني للحرب البارده..رفعها لادرعتها تاني..كلامها لعزام متاخر كان لازم تقفله وتبعده من زمان...ذكاء الطاووس اختارت المكان المناسب لاخبار راشد بالخلع...لو كان هددت بقتل البيبي مكنش راشد هيحط اعتبار لمكانهم... قرار الخلع ده اول مسمار ف نعش دايره النار بتاعتهم. اول الكسرات الحقيقيه اللي هتديها لراشد كسرته بخبر حمل اللي هو اكبر أمل..بعديها خبر الخلع اللي هو اكبر ألم. #مرح_فرح_ايوب المشهد ده حاله تانيه خالص..حالة التوأم اللي لا علاقه بين اسمهم وحالهم توجع القلب..فرح انتكاساتها طبيعيه..الالم لا يشفي بسهوله ويعتبر هي اكتر واحده اتاذت ف الاخوات الثلاث..مرح شخصيه رائعه رغم ألمها وعقدها متمسكه بتوأمها وماشيه معاها مشوار العلاج المتذبذب..ذكرياتها ريحت قلبي..كونها مش فاكره لوسيرو كان سلام ع قلبي..خفت جدا انها فاكراها وتجاهلت وجودها لاسباب مؤلمة..كأنها فكرتها اتخلت عنهم وبنت حياتها..او إنها حست بخزي انها تظهر ادامها..كلها اسباب مؤلمه وكويس انها طلعت ناسيه..بس مدركه انها كان ليها اخ واخت.. ظهور ايوب يانهار ع صدمتي وسعادتي كنت هعيط والله اد ايه كنت اتمني يبقي عايش.. لما لوسيرو قالت انه كان بيدور عليهم بعدين اختفت معلوماته عنها وهي مش دورت خفت اوي من ألم معاناته ف بحثه..ايه اللي اتعرضله ف بلاد الحريه المزعومه وهو بيدور ع اولاده؟!!خفت يكون مات قبل مايلاقي اولاده ويعوض خطأه..لان ده الألم الحقيقي وخفت اكتر يكون استسلم ورجع بلده...وجوده وايجاده للتوأم كان برد وسلام ع قلبي..صدقا متطلعه لتعامله معاهم واكمال بحثه عن لورين وعيسي... احلي حاجه ان ايوب هو القاعده الوحيده الثابته ف ذاكرة الثلاث بنات #هناء_جوشو مشاهدهم بتاخد قلبي مع مشاهد عيلة خليل وممدوح...المشهد كان حاجه فوق الخيال..رحلة اسلام جوشو شدتني جدا ف بحثه وتذبذه ووصوله للحق اخيرا..واثبتلي فعلا ان هروب هناء كان مستحق لان لا هو ولا هي كانو هيصبرو ع رحلته اللي امتدت لسنين تساوي عمر انسان... متخيله ايه كان هيبقي مصير نزار مع اب مذبذب دينيا ومصيرها معاه كزوجه؟؟!!!..فأنا قدرت جدا رحلة اسلامه..وايدت اكتر رفض هناء اعطاءه فرصه تانيه...هدايته مع قصة ابو طالب اسعدتني جدا انه اخيرا وصل للحق..ولانها ايدت رايي ف ان الانسان ممكن يسلم من خلال موقف او آيه او انسان ومش شرط يتذبذب بعدها...جوشو بعد ابحاث ومناقشات كان بيتذبذب بس بعد قصة وايه تمكن من الحق..وده دليل ع ان تصديقها ليها ف اسلامه ف الاول مش غلط..لان إيه كان المانع انه يكون اسلم بردو من قراته لايه ف القران؟بس هو اصلا مكنش عنده النيه..وهناء او غيرها ليها باللي يجاهر بيه جوشو فقط وهي ف الاخر اقدار حددها الله بيمعاد... .استدلاله بقصة ابو طالب ف محبة النبي ليه وصبره عليه رغم كفره كأنها تأنيب لهناء بالعكس انا حستها دليل عكسي... اولا:ليه جوشو ومؤيدينه بيتناسو ان هناء صبرت عامان كاملان ع تذبذبه وعدم التزامه التام باوامر الشرع من غير مشاكل او انها تنفره ف الدين!!!مع ان كثيير من حديثي الاسلام بيدخلوه بقوة اكثر من المسلمين بالوراثه!!بس صبرت..لحد ما جاهر بالكفر وقتها لا عزاء لاي شئ اخر... ثانيا:ان النبي حب عمه ابو طالب وصبر عليه رغم كفره فالمفروض انها تعمل كده؟ اساسا فيه فرق جامد يدي الحق لهناء مش يطلعها غلطانه.. هو النبي صبر ع عمه وحبه رغم كفره ليه؟ لان عمه كان بيحبه بيقف جنبه بيحميه بيدافع عنه وعن المسلمين لذا صبر...واحنا مأمورين نبر الاباء حتي لو مشركين مش الازواج...وحته الامر للدين بالمعروف والصبر ده مش مع الاذيه والاستهزاء بالدين..لان ف المقابل في مثال ابو لهب..ماهو كان عم الرسول برضو وكان بيحب النبي ده عتق الجاريه اللي بشرته بمولد النبي من كتر فرحته بيه...بس لما جت الدعوه هاجمه واذاه واذي المسلمين رغم ذالك النبي تحمل لاجل الدعوه وانهم كانو ف وقت ضعف اكتر من كونه عمه... هل النبي طلب من المسلمين مش يأذوه لو قدرو ع رد الاذي عشان هو عمه؟ لا...وربنا انزل سوره لعنه فيها هو وزوجته رغم قرابته للنبي...فالصبر والود والامر بالمعروف راجع لمعاملة الطرف الاخر... جوشو بقي عمل ايه ضرب اهانه اغتصاب..الي جانب ان دينها حرم وجودها جنبه..اذا ايه هي حجه الصبر والفرصه التانيه اللي ماسكها جوشو ومؤيدينه؟!!! مشاعر جوشو ناحية هناء بتوجع قلبي لانها لولا كدبته كانت هتبقي اعظم قوه مشاعر اشوفها ف قصه...بس هو للاسف دمر الليله كلها...حبيت وقفته جنب هناء اتمني يخفف عنها صدمتها ...نزار لو شاف تولهك وعشقك وتغزلك واسئلتك دي هيولع ف البيت بيكو انتو الاتنين 😂😂 -الفصل كالمعتاد حاجه فخمه ف الوصف والمشاعر سلمت اناملك استاذه نور ودمتي مبدعه يارب👏👏👏👏👏👏👏🌹🌹🌹🌹🌹🌹🌹💖💖💖💖💖💖💖 التعديل الأخير تم بواسطة ebti ; 21-10-19 الساعة 11:59 AM | ||||
|
| |
|
20-10-19, 06:00 PM
| #386 | ||||
| #شظايا_القلوب الفصل الحادي عشر _😂😂 مع بدايه أحداث شظايا كنت عاوزه اتكلم عن بدور كده ايه شخصيه قويه وعجبني ولكن مع تتطور الأحداث أكتشف أن بدور شخصيه ضعيف والقوه والقسوة ماهي إلا قشره خارجيه صعب اختراقها ولكن في الداخل كائن ضعيف مذعور انا هتكلم عن بدور وليس قصدي الدفاع ولكن هتكلم عن العامل النفسيه او كما نقول مريض نفسي بدور دخلها روحين روح تعذيب النفس بساديه بتدمير نفسها واذية راشد كما اذئها ولكن بطرق أكثر إيلاما لها قبل أن يكون له لأنها تخسر سلامه النفسي وكبريائها وكرامتها تخطو نحو القاع بسرعه الصاروخ وهناك ايضا روح هشه ضعيف مذبوح ولا يعرف له الخلاص جزاء مفقود الثقه في أبيها وراشد جزء خاف من تتحقق مخاوفها جزء كان يثق في راشد في الا يخونها ولكن تاتي الريح بما لا تشتهي السفن وتتاكد اكبر مخاوفها ويأتي تتلاعب راشد بالكلمات ويفقدها الثق أكثر في أبيها وبالتالى تتاثر العلاقه أكتر ما هي متأثرة جزء يقاوم يحاول التحرر المسامحة الغفران ان يعطي فرصه ولكن تتغلب عليها روح أخري أكثر ظلاما لا تستطيع الوقف في وجها إذا أنها المسيطرة وده بيان في الكلمات علي لسان بدور راشد والمشاعر اللي نور بتحاول توصله لينا (أطلقت زفره طويله متالمه بينما كفيها تخونها للتسلل نحو بطنها تلفها حول جنينها بتملك وندم حركه تلازمها دون ادني شعور منها الآن فقط تدرك معني أن تحمل جزءا من روحها بدخلها كان صغير جدا يتصل بها ورغم عن ايه نفس ايه امرأه تصبح تريد وصلها بدفئها ) وهنا شخصية متذبذبه المشاعر حبها للطفل خلق في احشاحها تضمها بتملك بحب غريزي امومية وحمايتها منها هي قبل كل شئ وهناك روح تسيطر عليها (لا تفعليها ) شعور كاره ما بين الخير والشر .النور والظلام يحاوطها ما بين الوصوال للون المحايد (الرمادي)نخسر الكثير ليتنا نستطيع الطلوع منها او الوقوف فيها بعض الأحيان (وحدك من تحويلنه لضحيه سلاح تغتالين به زوجك ) بدور( لا ،بما أفعله أريد أن انقذه من حربي مع ولده إذ إني اعرف نفسي جيدا أن حوله راشد لسلاح لن يوفقني غضبي عن استخدامه وانا لا أريد له هذه الحياه المريعه انا انا احبه يامي منذ لحظه اكتشافه ) وهنا صراع نفسي ما بين الرغبه في بقائه والخوف من استخدامه سلاح وبقاها مع راشد طفل لا تريد له التعقيد مثل ما حصل معها انا لا ابرار فكره اجهاضها للطفل بريئا لم يكون ذنبه أن يكون جزءا منها ولكن أتكلم عن صراعها النفسي (اللوم ليس عليها وحدها كيف سمحت بحدوث هذا مع امرأه لم تحسم نفسها زوجه تحاربك لحمس سنوات محاوله بكل الطرق تخليص نفسها قبلك من عاطفتها نحوك ) خلينا متافقين ان راشد هو من اخذها غصب من سيارتها للبيت حيث قعدتوا يعني بدور مش مبيته النيه ان تحمل في طفل بدور فقط تبادلت الرغبه مع راشد علي طفل إذا نيه راشد كانت واضح الخطأ هنا خطأ راشد لأن اعتمد ما اعتمده ياسر من قبل إذا لمره الثانيه علي التوالي نفس الغباء في البدايه تركها خمس سنوات لاشباحها خمس سنوات من هدم ذاتها انسانيتها وثانيا التشبث بوجود طفل ربما يصلح ما كسر ونحن نعلم كم من البيوت ما بينهم أطفال ولكن يام الإنفصال او ربما أطفال متعقدين مثل بدور او إسراء او ممدوح كلهم ضحاياه للآباء ضحوه مثل مني أو آباء مثل أهل إسراء وممدوح وتختلف والظروف والطرق ولكن الضحيه الابناء الم يفكر راشد ولو مره في خطأ وجود طفل في حياه ام متذبذبه مثل بدور تعاني اشباحها، للابوين غير مستقرين نفسيا وعاطفيا الخطأ يقع علي راشد مثل ما يقع علي بدور وراشد بجزء أكبر لأنه المفروض متزان نفسيا عن بدور ((راشد ويدور الإتنين اخذوا الطفل سلاح )) راشد أخذ الطفل سلاح اذي لما يلعب علي وتر امومية بدور وده في حد ذاته سلاح بدور نفس النمط علشان تضغط علي ابوة راشد مش علشان تجهاض طفل لا خالص بدور قرارت تجهض علشان خلاص مش عايز للطفل يكون سلاح هي دلوقتي عايز الخلاص بأي طريقة (مش لازم احنا نبص علي كلام بدور في حال غيرمتزانه وناخد كلامه سلاح ادنه ليها بالعكس لازم نبص ما بين السطور لازم نشوف عدم اتزانها نفهم هي كان قصدها ايه بسلاح بين الكلمات توجد حكايات والألم (ليه بقي نركز علي انها اخذت الطفل سلاح وننسي ان راشد اخذه سلاح ) وتأتي بدور للمره الثانيه في المستشقي تمتلكها غريزت الامومه تمتلكها رغبه في حمايتها طفلها شخصياتان يتنزعان شخصية تامرها تجلطها بالسياط للتخلص من طفلها وأخري هشه ضعيف تريد البقاء للطفل تحميها أخري تترجها ان ترك الطفل. فرصه في حياه ثانيه تعوض ماهدر من عمرها يعوضها حياه أخري (انتفضت مره واحده وهي تضم ساقيها بشكل تلقائي في حركه دفاعية )(هل هو مولم ) الطبيبه (بعد افقتك ستشعر بوجع غير محتملة ولكن لا تقلقي سامنحك المسكنات الازمه و )قاطعتها بدور وهي تفقد سيطرتها علي دمع عينيها (لم أعني نفسي هل هذا الأمر يولم أعني الجنينه )اعدلت بدور وضع وجهها بين كفيها (لا تسمحي لأحد بالدخول أريد بعض الدقائق مع نفسي )هنا واحده راح تعمل إجهاض ايه اللي يخليها تسأل السوال ده غير الصراع مابين روحين واحده ضعيفه هشه مذعوره لا تريد اذية طفلها واخري متجبره لا أستطيع الحكم هنا علي إجهاض طفل لأنه لا يتم وليست بفضل راشد لأن راشد جاه في الوقت اللي طلبتها بدور مع نفسها خلينا نستبعد كلام بدور مع راشد علشان عارفين أنها تريد أن تولم راشد واذلها وبدور عندما تكون مع راشد في مكان واحد تكون أفعالها غير سوايه انتقامها يعميها لنقول آه هي لم تسطيع قتل ابنها ولذلك لقيت من راشد الفرصه أن تستفزه وتخلص منه بيده هو (بدور قالت لخالد ان المرأه ان أرادت شئ لأن يستطيع أحد منعها) لو هي اردت فعلا في هذا الحظه أن تخلص من الجنين في الوقت ده كانت ممكن تزيد من عنف جسدها وتستفز راشد أكثر ولكنه قالت له أن ما تفعله هو ما سيوذيه هناك جزء خاف هي اردت الخلاصة من راشد حتي ما حقق تطلبها وركع طالب الغفران وفرصه أخري للثلاثتهم لم تشعر بالانتصار بل شعور خنق هي اردات الطلاق لا اكثر ولا اقل مع انه من الممكن ان تتطلب بطريق أخري لكن شخصية غير متوقع غير سوايه مشوه غير متزانه طبعا فيه اختلاف بين القرار والنيه (طبعا مش بعرف أشرح 😂😂😂) بس بدور قرارت ان تجهض طفل وجهزت كل شيء لكن عند النيه فقدت عزيمتها وقرأت بعض الدقائق مع نفسها للتراجع أثق يقين ان بدور ما كانت ان تفعلها ما كنت تستطيع الاستغناء عن روح وقطعه من جسدها مره جرات محدث بين مني وبدور حول مريم في دقات ساعته جاه علي لسان مني أن بدور أخدت من ياسر قوته وتجبره ولكن تحمدالله أنها لم تأخذ انانياته وأخذت من مني مناصرة الحق حتي لو علي حسابها الشخصيه علشان كده لو قولنا بدور انانيه مهما كانت انانيه مش هتوصل أنها تقتل طفل بريه تحمل له من الآن مشاعر الحب (ان كانت بدور غلط ومشوه 50% فكان هناك من له يدي في هذا التشوه و50% المتبقيه من راشد وياسر وغير خيانه راشد،كان من غير المعقول من ياسر وراشد اختيار الهرب سبيل لكن كان من الأفضل المواجهة أكثر من مره لا ان يتركها لشيطن نفسها رأيي أن بدور عاوزه علاج نفسي لأن ال حصل في جزء الأخير بين راشد وبدور ماهو اللي الحضيض بعنيها فقدان الكرامه والكبرياء التي كانت تخاف ان تخسرهم لكن في سبيل الخلاصة فقدتهم وبااكثر الطرق إيلاما (مع إني في جزء مني غير راضيه عن ما قاله راشد اعرف ان كرامته جرحت ولكن للي عمله اكثر إيلاما وخصوصا الصفقه اللي عقدته مع بدور علشان الطلاق .أكثر ايلاما له ولها علي وجه ال خصوصا بدور وراشد كان هناك حلول آخر ولكن غضب كل منهم اتخذوا اسواء الطرق ) ومع ذلك حسها صفعة الافاقه لكليهما القراء منقسمين جزء مع بدور وجزء مع راشد جزء بيفكر بعقليه بحته وجزء بعاطفيه بحته ولا كده ينفع ولا كده ينفع حد قالي مره علشان الأمور تكون متوازن لازم جزء من العقل وجزء من القلب يعني مثلا لو العقل بيحكم 75% يبقي القلب 25 والعكس صحيح لأجل التوازن (سيبكم من كلام الحد ده هو احنا لو عملنا كده هنقد مين نسيت😂😂😂😂) كنت حبه اعمل مقارنه بين بدور واسراء مع ان هناك إختلاف جامده جدا ولكن هناك تشبه في نقطتين عدم الثقه والشك المتواصل والأب والخيانة إسراء كانت بتشك دائما في جوزها أن بيخون لحد لحظه الغباء وقرار ياكده الشكوك دي وده اللي خل اسراء تفقد الثقه وماتصدقش ولا تدي فرصه للتصديق وده اللي بيحصل مع بدور بشكل اخر ترفض التصديق #عبير_الحياه قالت صعب دلوقتي عندك حق مش هوسع موضوع اسراء ويدور علشان البوست طول علي الفاضي لكن بدور عاوزه علاج نفسي كان ممكن أحكم في شخصيتها في دقات أول تلاته فصول لانها بيانت أكثر التزان مع تطور الأحداث بيانت غير كده للذلك حسيت أن عليا النظر في مشاعر الصراع اللي نور بينتها في الفصل (حاولت قدر إلا أكون متحيز التعديل الأخير تم بواسطة ebti ; 20-10-19 الساعة 06:49 PM | ||||
|
| |
|
20-10-19, 06:11 PM
| #387 | ||||
| شظايا القلوب الثالث عشر (ألم وقهر السنين وأخطاء الماضي لا تمحي بجرفه قلم وكلمه ترجي او طلب الغفران ) #مريم_ايهاب مريم دي سكره واللهي عليها حده لسان بينقط طوبه لا حجاره بس للصراحه حقها يعني قاعده عشرين سنه من عذاب من لقب أبنه حرام وابيها علي قيد الحياه محاولش حتي أنه يبحث عنها أخذ كلام فرياله علي نحو مش هقول علي نحو من الجد بل الهروب محاولش يتحقق من كلام فرياله انو لا وجود للطفل. تانيه مره لما قابل إيهاب وايهاب هدده وأنكر وجود صله دم (يا رجل علي أساس اللي انت محستش انها بنتك 😂😂مثلا علي أساس أن انت خوفت من إيهاب ياجدع ده انت عندك ابن أخ يفوت في الحديد يالله ربنا يخدك قصدي يسامحك😂😂) ممكن نقدر نسامح في أي حاجه او نتحمل أي وجع إلا تنكر الآباء للأبناء لأنهم هم النور والدفء الذي يحوطنا هم السند الذين يمنحونا القوه فإذا كسر هذا السند صعب بل مستحيل بناءه مهما حولنا إيهاب عجبني انها عارف اذي يحتوي مريم مشهدهم مش شايفها رومانسية بل استكمال واستعادة ثقه واحتوي (انا عاوزه اعرف مين قال مشهدهم رومانسية 😎😎علشان ماكنتش ناقصهم في شظايا ) #هناء_جوشوا ثنائي الحب والخداع مواجهه صريحه بين الطرفين تكشف عن دوخلهم تأكيد جوشوا الصراحه هدأ قليل من مخاوفها هناء غير قابله للغفران صعب تسامحه . عشرين سنه من العذاب من فقد الذات منفيه من أهل من مجتمع جلد الذات ذاقت من الألم والقهر ما لا تسطيع غفرانها لذلك كلمه ترجي او غفران او ندم لا يمحو من الم وقهر عشرين سنه شئ وجوشوا ( فاكرين أغنيه حلم طريقك مسدودا مسدود هو ده جوشوا😂😂😂) جوشوا بيحاول تصليح أخطاء الماضي ذنبه في حق هناء سبب الاساسي في بعد ابنه نزار عنه يريد أن يعوضها ويعوض نفسه حبهما يقف لجورها ويدعمها في قضيه نزار #ممدوح_للورين كل منهما يري في الآخر سلوان له للورين دافع من ممدوح للخروج من برء الظلام للنور للتخلص من أشباح الماضي يري أن هناك شخص يثق ويومن به <br> ممدوح حب في لورين شخص يثق فيه يدعمه ويحاول التغير مش علشان ذي ما قال للورين أنه لأجلها ولكن لأجله هو أن كان لا يدري اعرف واثق أن ممدوح سيقع مره تلو مره لأنه في البدايه التغير سيأتي له أوقات اهتزاز. رجوع .خوف ولكنه سيقف أيضا وده طبيعي للشخص عان منذ الصغر من مرات الأب وأب كان يلهث وراء امرأه ليس لها قيمه باع الغالي والنفيس من أجلها وارد انتقام من شخص يري فيها فرياله ولهذا ممدوح سيقع ويقف للورين هناك بعض التردد والخوف من جانبها وتثق أيضا أنه سيخذلها ويوذيها ومع ذلك مكمل في الطريق تري فيه بارقه أمل .تحبه تري فيه سلوان لها #مراد_اسراء دول كانوا ومازلوا أفضل ثنائي انا حبيتهم في دقات اكتر من ايهاب ومريم خدوا مشوار حلوه من فقدان الثقه والخوف من الخيانه من الم وخذلان الماضي من المقارنة ولكن حب مراد وتفهمه وقوفها بجانبها محاوله تصحيح غلطه دعمها و لجوه للمعالج نفسية .بني شخصية جديده من الحب والقوه والتفهم بينهما #خالد عجبني خالد وفرحت أنه كان بيحلم ولما أفاق اناب نفسه أنه اذي يحلم حلم ذي ده وانه لمسها حتي لو كان حلم وانه بيستغفر ربه ويدعوه أنه تبقي حلاله في الوقت المناسبه ويحافظه منه وشر نفسها طبيعيه جدا أنه يحاول يبعده عنه علشان مش يوذيها بس يعني مفيش أي آي طريقه غير الكره يا بني واللي انت عملتها ده (احنا عارفين نساء الروي وكمان رجال الروي وغبائهم ابقي قابلني هتسترد البقه اذي بعد النهاردة 😝😝😝مبسوطه فيك وبردو مش مسامحك علي خضه أسبوعين مع أننا كنا عندنا يقين 95% أنه حلم أبو شك يااااااه الفصل هادي بدرجه مش عارفه اقول ايه او أكتب فيه ايه لدرجه انا حسه بالعاصفه القادم من دلوقتي انا بتصدم مع نور بسرعه سواء الفصل قنبله او هادي مش مصدقه أن دي شظايا 😂😂😂 راحت فين شظايا ها راحت فين يا بشر معلش ريفيو عميق مليش فيه خالص انسوا | ||||
|
| |
|
20-10-19, 06:28 PM
| #388 | ||||
| #شظايا_القلوب #الفصل_الرابع_عشر المقدمه فوق الروعه يا نور قمه الإبداع كلامك وصفك للشخصيات وكيف بدخلينا جوه اعماق الشخصيات تقريبا كتابتك وحدها هي اللي بياخدوا وقت معي وتركيز عاليه جدا علشان أكتر استوعب كميه المناقشات والمعلومات والمشاعر تسلم اناملك عنوان الفصل بالنسبة لي مصارحة النفس قبل الغير طمس هويه الإنسان تحت بند الحريه والاختيار عنصريه تخدع به الألف الشعوب نري ماهو بريق فيها و لا نري ما هو باطنها لورين ومرح وفرح وعيسي حاله من قضيايا كثير من صرعات و الحروب البلاد من طمس هويه الانسان نفقد عقيدتنا وعاداتنا نفقد أحلامنا نفقد أهل .أمان .استقرار.دف .ونجني الفراق وألم وخوف وكلها رصاصة لا قيمه لها تفقدنا اغلي ما نملك يوما #ممدوح_لورين أفضل ثنائي بنسبه لي كل منها يصارحه الآخر بما فيه او كل واحد لاقي أخير الدف والثقه التي يحتاجها يعجبني في ممدوح برغم كل حقارته مع مريم إلا أنه صرايحه صراح مطلقه مع لورين وأنه حتي الأن لم يخدعها بشئ ليس فيه وممدوح وطلبه وعد من لورين ما هو إلا خوف خذلان او فقدان ثقه بعد أن ارخي جميع ادرعاته أمامها لورين ايه هو اللي خايفه منه أن كشف ومستنيه الحب وهو اللي سيشفيها 😌😌 #نضال_جوان طبعا متجوزين (أسمع واحده تقول غير كده أنتم حرين🔨🔨 عادي ياجماعه واحده بتغرار بجوزها ايه المشكله😂😂😂 كفايه أن ولدها يعلم قربه من نضال وتهديها ان يخبر راشد ثم جوان مش غبيه لتقع مرتين في نفس الخطأ ) نضال ومشاعره الظاهر ناحيه لجوان وهو يعلم أنه تستغلاله وأنها لا تبادله الحب أنها تحتاج لترميم نفسها وتخلصها من مخاوفها التي زرعها أبيها فيها تتعالج من ماضيها بأنها ليس رخصيه كما صور لها عزام والدها الامير #بدور المصارحه مع النفس قبل الغير بدور كانت صريحة جدا مع نفسها هذا المره وأختها ابتدأت تفوق لنفسها انه خسرت نفسها في اتفاق كهذا اعتراف انها كانت بحاجه لراشد محتاجة حبه دفه وقت تركه خمس سنوات تركها يوم زفافها منزفة الروح والجسد خايفه أن يفقد قلبها حب راشد إحساسها بذل والهوان بسبب عرض اتشبه فيها بالغانيات جروح من ماضي تكبلت عليها وكانت الطربه القاضية من راشد فكانت صعب انها تسامح او تقدر تخلع حبه من قلبها فكانت طريق العقاب فتحول الي الانتقام وألم طريقة تفقد فيها نفسها قبل الغير ( أري أنه لا خاسر هنا غير بدور خسارتها والامها لا تقارن بي ايه خسار يخسرها راشد فالحب ليس الخساره الوحيد فهناك الكرمه والكبرياء وخوفها من أن تكون ام غير صالحه ) انا مش شايفه بدور زعلانة انها انفصلت عن راشد بلا مخنوقه من الطريقه اللي حصل بيه الطلاق وأنها بتحبه ومش قادره تسامحه كلامها مع نوه وناصيحه نوه أجزم أن بدور في دور الشفاء والافاقه خطوه .خطوه (قد تكون هذا المصارحه ماكنتش هي اللي مستنيها البعض ولكن بدور في بدايه الطريقه ) نوه بيعجبني فيها دماغها وتفكيرها البت بتقول الجانب العقلي والعاطفي بتاعي ( احلي حاجه نوه قالتها أن احنا مش شبه بعض يعني برغم كل جروح بدور من ياسر وآثاره عليها إلا انها تقبلت مريم واحبتها بخلاف شذي ونوه .) #نوه_شذي_ياسر أري أن ما فعله ياسر ترك لدي كل منهما مشاعر سلبيه علي نحو مختلفه رغم حبهما لياسر الا أنهم يحملون ما فعله ياسر لمريم وهي اصلا ضحية لابايهم وليس لها ذنب #شذي ممكن تقعدي علي جنب دلوقتي بدور ومريم ونوه واحنا مش ناقصينك يا حاجه #مريم صعبانه عليا الغفران ليس بالسهل والكل ضاغط عليها أنه تغفر لياسر صعب تغفر وهي لما ترى اي شئ جميلة في حياتها لقب ابنة حرام أب يدري او يشك أن هناك طفل ولكن ما فعله هو اختيار الهروب سبيل أمها وممدوح ليس بسهوله النسيان او الغفران #ياسر ياسر انا مش عارفه اذي حبب تكفر عن غلطك اتجاه مريم وأنت مكنتش قادر تعترف بيها وخايف من المجتمع ليله مني هي اللي اتدخلت في الموضوع لرد الحقوق #هناء_بدور مواجهة بدور لهناء وأخبرها انها لم تقصد اذيتهاوأنها أرد الاطمئنان علي اختها معه وأنها احبتها و أحبت نزار #هناء ام قلب طيبه رغم ألمها الخاص اللي أن قلبها رق لبدور واحتواتها. مساندتها ليها وخوفها من أن تكون ام غير جيده وأن ما فعلتها في هناء يرد في ابنها وتحرم منه وقوف هناء ودعمها وأنها ستكون ام رائعه قويه وليس من حق أي حد حرمانها من ابنها وأن عليها ترميم نفسها أولا (#العشاء_العائلية_هو_احلي_ما _في_الموضوع 😍😍) إذا من أول الروايه ما شوفناش عشاء عائليه او لمه او ضحكه صافي وأن كانت تشوبها بعض ألم ولكنها تظل أجمل ضحكه وأجمل لمه تدفع الأمل لقلوبنا بعد معان من الم #تليد منوره يا كبير اذيك عامل ايه كان نفسي أقولك خد راشد علمه اذي يعامل مراته ويعالجه واتديله رقم الدكتوره نسيت اسمها قطعه السكري زوجه ناجي تعالج وترمم بدور بالمره #مرح_فرح_أيوب لا أعتقد أن أيوب ممكن يخسر فرصه ذي دي بعد أن لاقي أبنائها ويعاقبهم علي شئ لما يكونوا لهما يدا فيه نور بلاك تسلم انامك أستاذه نور فصل إبداع ومشاعر فوق الروعه | ||||
|
| |
|
20-10-19, 09:04 PM
| #389 | ||||
| #شظايا_القلوب #الفصل_الحادي_عشر الفصل مشاعره كثيفه جدا..مش لاقيه كلام اوصف بيه روعته الصراحه ف الحوارات ف وصف حالاتهم ومشاعرهم الداخليه..طول الفصل وانا حاسه بمشاعرهم كلهم جوايا..يعني حتي الثنائيات ف المشاهد مشاعري بتتغير مع جمل كل واحد فيهم لحد ماحسيت هيجيلي انفصام شخصيه بسببهم..بس اهم حاجه شعوري النهائي واللي كان السعااااده فعلا انا بعد الفصل سعيده جدا بيه وباحداثه وبنهاية كل مشهد سعاده غريبه..المواجهات كالعاده الاحساس بتاعي كاني ف قلب الحدث او احد اشخاص المشهد..حبيت جدا احداثه كانت بالنسبالي بداية محاور جديده ف حياه الابطال #بدور_ياسر مشهدهم مؤلم لدلالته ع غباء علاقات بعض الاسر ف عدم المواجهه والمصارحه وتراكم كل شيئ جواهم..بدور تراكم مشاعر خيانته لمامتها..وكسر صورته المثاليه ادامها..ومع ذالك قفلت ع الجرح واستمرت ف حب ابوها وكونه بطلها وهي بنته المفضله..دون مواجهه لمشاعرها السلبيه اتجاهه اللي هي نتيجة خيانته لامها..بعدين جرح كلام راشد انه باعها..بعدين تحقق تخليه عنها ف نظرها لما قال لراشد ع مكانها وحصلها اللي حصل بغبائها..بعدين انه ادي راشد منصب كانت شايفاه ليها يعني تخلي عنها لاجل المصلحه..وبعدين وافق ع ان راشد ياخدها تاني لاجل تبعد عن الشركه زي ما حبت تفهم من الفيديو...كلها رواسب جوه النفس دون مواجهه دون معالجه جرح مفتوح لحد ما تقيح وجت شكة الدبوس موضوع نزار وانفجر الجرح وانفجرت هي في ياسر...لذا لا مجال للندم لان الخطأ مستمر من الاول ومن طرفه هو اكتر .ان كل اللي عدي ده عارف بنته نظرتها ليه ايه ومع ذالك مش برر او فهمها او حاول يحتويها ويعوضها بجديه..ها بجديه مش محاوله والسلام زي راشد..لذا انفجارها كان متوقع وتعبه وصدمته صفعه استحقها لعله يفوق زي ما قال..واكيد بعد كل الوقت ده وف عز تخبطها وازمتها النفسيه دي مش هتصدق كان قاصد يتخلي عنها ولا لا...اوقات كتير بيفوت وقت التبرير والاعذار للاسف من غير مايحس الانسان واتمني يستغل الفرصه اللي ادهاله ربنا وانه لما يفوق يحاول يصلح ويوقف اخطاءه مش يرجع ينيل الدنيا تاني...وطبعا وما نيل المطالب بالتمني.😔 #بدور_مني حبيت جدا ان مواجهة بدور مع باباها ومامتها تبقي متتاليه ف المشاهد..بتدل ع مدي الخطا والهوه ف العلاقه الاسريه داخليا..وان كان الظاهر ادام الناس المثاليه..ان مهما الام حاولت تحتوي اولادها وتتحمل عشانهم اب بسلبياته..الا ان مصيرهم يتاثرو بالسلبيات دي..وكلهم بيبقو متاثرين بدرجات مختلفه...واهم حاجه وجود الحافز من عدمه اللي يطلع التاثر ده ّ..وراشد كان اكبر حافز ومنبه لعقد بدور ..بدور بالنسبالي مغيبه عقلا متفهمه جدا عقدها النفسيه.. .تعاطفت معاها ف فصول كتير.. ايدتها ف فصل تذكر راشد لخيانته ..بس تاييدي انتهي لما يوصل الامر لروح بريئه ف النص..طول الفصول كنت مضايقه من سعيهم لوجوده رغم حربهم حاليا..متفهماها اه متعاطفه معاها بسبب حالتها النفسيه بردو اه...اما تاييدي لبدور فللأسف انتهي..أايدها ف اي شئ الا أذيه لطفل برئ..ده بغض النظر عن تفهمي لحالتها النفسيه..وانه مهما كان موقعش الخطا والبيبي ما زال حي ده الاهم ليا حاليا...كلامها مع مني لا هيقدم ولا هياخر ف واحده عقلها مشوش مش مستوعبه غير الكلام اللي نفسها وشيطانها وألمها بيدورو ف دماغها لذا لا حياة للنقاش صفعه مني للاسف متاخره جدا #بدور_خالد_راشد المشهد كان رائع ركزت اوي ع كلام خالد شخصه معدنه كل ده بيزود املي فيه انه ينصفنا ف ام العيله دي..للاسف كلامه هو ومني وياسر مع بدور متاخر..كل مواجهتهم وكلامهم الجارح اللي تستحقه بدور متاخر..كان من بدري مع انها ف كل الاحوال تخبطها دايم من خمس سنين واشك انها كانت هتستمع لحد.. بس واحده مش فهمت واستوعبت كل الفتره دي هتستوعب دلوقتي!!..واحده وصلت لمرحلة جنون الخلاص باي طريقه!!بدور كانت عايزه الحزم ده من بدري..ووعد مني بخلاصها من راشد بردو متاخر..بدور دلوقتي مش ف حاله عقل..كل تراكمات ألمها ف السنين دي انفجرت وتشبه حالة الهذيان..واحده عايزه تخلص من كل حاجه وخلاص ده مش صح اه...بس التعامل المقابل مع حالتها مش صح بردو... ايه الكبرياء الفظيع بتاع راشد وحبهم المريض اللي منع الطلاق من الاول...انها لما ف حاله زي دي وساومت ع الطلاق مقابل ابنك مطلقتش وخلاص ليه؟وهو عارف ان الطاووس هتحافظ ع كلمتها وهتحفظ الولد مقابل الطلاق...لذا الاتنين مهما باينو مشاعر ناحية الطفل بس شيطانهم عاميهم بالكبرياء والانتقام والالم والطفل هو حجتهم الواهيه...حتي راشد ركوعه وطلبه ووو محاولات جميله بس ملهاش لازمه ولا وقتها..راشد بكل ذكائه هو كمان سعي للطفل ده ودخله حرب سوداويه...يبقي يتحمل خطأه معاها..مش يعمل انه خلاص ادي اللي عنده!!هي مش ف موقف تستوعب فيه اصلا..بدور الان غير سويه ألمها ف اوجه..خيانة اب لصورة البطل المثالي ف الطفولة..وخيانة حبيب لصورة الامل ف المستقبل..وجع كبير تراكم دون علاج صحيح منها او من اللي حواليها..لذا النتيجه صفعه قويه تستحقها هي وهو لعلها تحصل الافاقه. الصراحه الاتنين ارهقوني بغبائهم وكل واحد يتحمل نتيجه افعال.. والاتنين يستحقو يدفعو ثمن اخطائهم دي كلها وادخالهم روح بريئه ف النص مالهاش ذنب غير اهل متخلفين...استمرو ف حربكم طول العمر ولعوا ف بعض بس من غير بيادق بشريه..بدور وراشد بغض النظر عن مشاعري ناحيتهم طول الفصل بس ف النهاية كنت مبسوطه جدا للي وصلو ليه وهو الحضيض...بنظره عقليه عايزه تحل مش نظره عقليه بتحاكم وخلاص..اقول انهم كان لازم كل واحد فيهم يوصل لاخره ف المشاعر السلبيه والحلول الغبيه..لازم يوصلوا للحضيض عشان الارتقاء للنور يبقي ع اسس صحيحه..واول الاسس انهم يبداو يدفعوا هما الاتنين ثمن غبائهم طول الخمس سنين..فانا مبسوطه جدا للي وصلو ليه..وقبول بدور بطلبه توقعته اول ما طلب لان حالتها باينه..ولانهم كان لازم يخسرو كل حاجه بحق عشان الدايره تتكسر ع الاخر بعدين يبداو يجمعو نفسهم بعد دفع الثمن طبعا. #سبنتي حبيت كلامها مع راشد..فضولها عن جوان..تمسكها بشيماء..حابه علاقتهم..حابه علاقتها براشد برضو..منتظره جدا مواجهتها مع الحقائق ورد فعلها هيبقي ازاي...قلقتني اوي بذكائها😒 ف حتت ان جوان حب قديم واما تعرف انها أمها روحي يا اذكي ابناء الراوي لبسي الليله لراشد🙆🙆 #ايهاب_جوشو_نزار المشهد من اوله لاخره حاجه فخمة جدا ورعه..نزار وجوشو سعيده بانهم اخيرا حصلت مصارحه اه مش كامله بس اهو اول الخطوات ودي حاجه ابهجتني جدا ان جوشو هو اللي احتوي نزار ..هوبا خد مناعه من الدبش باين..بس ده مش يمنع اني بشاركه الرغبه ف ضرب نزار الصراحه.. نزار بقي يعني شايف كل نساء الكوكب مظلومين الا اللي ربتك😏قال ايه سابتك تسمع انك ابن خطافة رجال وسكتت!!اللي هو راحت جت مفيهاش مخالفه للشرع ف الزواج التاني بغض النظر عن المجتمع..فهي طبعا غلطانه كانت الاحسن تخفف عنك وتقولك ابوك مش مسلم وانت ابن حرام زي ماهي مفكره...وقتها الناس كانت هتقول كل خير والاصوات اللي ف دماغك كانت هتسكت خاااالص 😒😒😒😒 مش بقول هناء صح ف خلط النسب و ف عدم تعريفها نزار..بس صدقا الوجع كان هيبقي اكبر...وكل مراحل حياته السابقه حرجه..لا استعمال للعقل فيها..يبقي قضا اخف من قضا.. جوشو طبعا من يوم كلامه مع آشر وانا كلامه بيخش دماغي وبيعدل مزاجي والله بشكل غير طبيعي..كلامه عن العار الموجود ف مجتماعتنا كان رائع وتعريف صائب كفي ووفي..حبيت طريقه جوشو مع نزار مفيهاش مراعاه ومداداه..ونزار ف الاول والاخر مصري فرعوني مش بيجي غير بالسك والله لذا ايوه يا نزار انت لا ترقي لمعاييره الملكيه😏مريم الفتانه طب اعملي اعتبار ان الست خلتك ف بيتها وقت ما هربتي بس نقول ايه جينات الراوي 😒وشبه امه مش بينسي ويغفر؟ ليه هي تنسي ايه او تغفر ايه !!!والنبي اتلهي يا جوشو😌 حبيت جدا كلام جوشو لان ده الحق..كلامه كان دفاع عن هناء تستحقه انه موقعتش ف فخه بسهوله ولا طيش فقط...وانما الخطه كانت محكمه..اعترافه باخطائه ونيته وقتها حاجه تحسبله مقارنة باللي بيدنهم مصرّين ع انهم صح لاخر لحظه رغم خطاهم الكامل.. حوار نزار كان مفرح ليا انه رغم ألمه لكن بذرة تربية هناء بتطفو ع السطح وقت الحاجه..وكان رد كافي ع جوشو وكل من قال ان هروبها كان انتقام اكتر ماهو تمسك ديني...استشهاده بالآيه روعه بس الغباء انه يقول هناء نسيتها...ومين قال انها نستها؟اومال هي متجوزتهوش الا لما اداها ادله قويه ع اسلامه ليه؟!!ولما اعترف بعدم اسلامه حاولت تبعد وهربت بعدها ليه ؟!!ماهو عشان حاطه الايه دي وايات اخري نصب عينيها وتمسكت بدينها...نزار محتاج حبة عقل وهدوء يوازن الامور بدل مابيناقض نفسه كده.. توقيفه لنزار عند حده ف عدم اهانته سواء هو او امه عجبتني..بس جمله نزار بعدها كانت وجع وكلمة ابي وقعها ع الاتنين بعد عشرين سنه صعبه جدا بجد وتدعو لحالة فظيعه من الالم والشجن..كلام جوشو عن احلامه مع طفله بتوجعني عليه من الاول تعاطفت معاه يوم ما فكر البنت المحجبه بنته بس ده مش يمنع انه المتسبب الاول ف ألمه وألم نزار وإن ده جزاء اعماله وغباءه..كلام نزار عن دفعهم للثمن..رد جوشو الصراحه كفي ووفي اللي هو تدفع ثمن ايه؟!ثمن ثقتها ف شخص قدم كل الادله ع صدقه!!ثمن هروبها بدينها منه وانقاذها لروحها وانسانيتها من سواده!! ثمن انها انقذتك من ألم اكبر انت عايشه حاليا!!كان المفروض تعيشك فيه طول العشرين سنه احسن!!!. .كلامهم بعدها والحضن كان مكتسح للمشاعر فعلا واحساس فظيع بالسعاده انه اخيرا وصلو لحاجه تطيب بعض الجراح..جملته الاخيره ألم..انه مش هيخلي نزار ياذيها ويحطم رابطه بيها بعدين يندم لما تنجلي الغمامه عنه..حسيته مش عايز ابنه يقع ف خطأه..انه اذاها ودمر رابط حبهم وسط غشاوة عقله عن الحق والدين ومعاملتها السيئه والان عايش الندم...وهو مش عايز نزار يوصل لكده واتمني ينقذه قبل ما يوصل لكده فعلا ويدمر الثلاثه اكثر ماهما متدمرين. #ممدوح_لورين😍😍حبايبي حبيت جدا المشهد..ممدوح ولوسيرو ده السعاده كلها اصلا..ان اخيرا ممدوح وصل لقناعة بعدم استحقاق مريم للي عمله ليها..وتمسكه هو ولورين ببعض..مشهد من افضل المشاهد الانسانيه اللي قراتها ف حياتي بعيد عن العاطفه والحب والغريزه.. حبيت مواجهتها ليه ف كلامها عن مريم عشان يواجه الحقيقه ف وشه من الخارج مش مجرد افكار مسيطره ع عقله وعامياه من الداخل...خروج ممدوح اخيرا من منطقه التردد بين الشعور بالذنب والشعور بالاحقيه ف الانتقام..دعائه ومناجاته لربه لاجلها رغم شروره والامه ليس بهين لو يعلم مدي عظم خطوته دي...خوفه انه يكسرها ويزود المها..وتانيب عقلها لتمسكها بقضيه خاسرة عقلا..تلاقي افكار مؤلم يشعر بخطر القادم..لكن الاتنين ألمهم الداخلي هو اكبر محفز للاستمرار..ان الاتنين كل واحد فيهم داق الوجع والألم والحرمان والاذيه باختلاف الدرجات والمواقف طبعا...بس ده اكبر محفز للاستمرار وانهم يعرفو قيمة الفرصه دي للخلاص والحصول ع الراحه والسعاده...هو انه يستمر ويحارب نفسه ومش يخذلها ويكسرها..وهي انها تتمسك بيه عشان تنقذ روح مقابل عيلتها وتحس بطعم الانقاذ ويقدر يواسيها ف آلامها.. نقطة انها حطته ادام الامر الوقع دون اذلال او تعجيز اختيار ارادي حر منه..اكبر خطوه ف رحلتهم تدي امل..لان كده الطرفين داخلين محاولة الاصلاح سوا بهدف واحد ونيه جيده واحده..مش طرف يصلح وطرف يخرب.. .جملتها انه خذلها زي ايوب اه من الجمله.. دي وقعها مؤلم عليا حسيت ليها صدي جوايا من كتر تركيزي ف قصتهم واملي ف وصولهم للخلاص والسعاده..حسيت بالخذلان للحظات اما بعد ومشي وحسيت بسعاده لا توصف اما لقته وراها بدموعه وكلامه...المشهد ده مشاعري فيه مالهاش وصف اد ايه بيفصلني عن اي حاجه محيطه بيا..اد ايه بحس نفسي مكانهم ومعاهم..اد ايه متاثره بالثنائي ده ومنتظره خطوات رحلتهم بفارغ الصبر. اد ايه مشهد حضنهم وكلامهم حسسني بالشجن..مع ابتسامه واسعه..مع دقات قلب سريعه..لاجل حضن انساني فيه بدايه خلاص نفوس من شرورها واثامها..وبالذات رفع ممدوح لراسه عشان يبينلها ان غايته من الحضن مش سيئه..ااااه يا ممدوح المشهد ده لن ينسي من ذاكرتي مدي الحياه صدقا مهما كان القادم ليهم بتخبطات او ألم او إنهزام او إنبعاث قوة..نقطه الانطلاق دي لن تنسي ابداx 💕💕💕💕💕 الفصل حاجه رائعه كالعاده استاذه نور كل فصل بتبهريني بكمية المشاعر فيه وكمية اندماجي معاه وقد ايه بكون سعيده انيx متابعه الروايه فصول صدقا تجربه اولي ليا لا تنسي مشكوره عليها فعلا 👌👌👌🌹🌹🌹🌹❤❤❤ التعديل الأخير تم بواسطة ebti ; 21-10-19 الساعة 11:54 AM | ||||
|
| |
|
20-10-19, 10:53 PM
| #390 | ||||
| [imgl]up.top4top.net/]  [/url][/imgl]حبيت جدا التصميمين والاقتباسين -بتاع بدور كفيل بتبيين حالتها الان..افعالها اللي هي شيطانيه بالنسبالنا..وبالنسبالها هي شايفه ان دي نتيجة افكارها السوداء لوقوعوها بين فكي الرحي بغبائها😔😔😔 | ||||
|
| |
 |
| الكلمات الدلالية (Tags) |
| #شظايا القلوب ... رومانسية .. اجتماعية .. درامية |
| أدوات الموضوع | |
| انواع عرض الموضوع | |
|
|
439Likes
العرض العادي
