آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-07-20, 10:07 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #أزمة_أحساس بقلم روسكان الجبوري #بارت 19 لبست كوستم يجنن باللبس كولش ذوق أنيق اختي خابرتني باركتلي نعرف بظروفهة وفقر الحال متكدر تجي نشوفهة غير بالسنة مرة ومرات بالعيد صار الوقت كلبي دكاته تقرا الف خوف على ارتباك على توتر معدتي كامت تكلب كثر ماخايفة الخوف هو الشعور الغالب اجتني ٣سيارات صغار سيارة الزفة يسوقهة اخوه ياسر وأم يامن بالصدر ويامن ليورة والسيارة الثانية لاخوه الثاني مهيمن وزوجته واطفالهة واخته الصغيرة فرح السيارة الثالثة بيهة الخوات الاثنين المتزوجات شهد ورغد وازواجن والأطفال طبت ام يامن بهوسة البنات يصفكن وهلاهل. زفو يامن لداخل البيت دخل علية للاستقبال كمتلة استقبلهة جانت الضحكة تارسة وجهه من شفته مكبل علية تقدم الية ووكف يمي سلمت با ابتسامة ماتصنعتهة برغم الخوف الي جنت احسه شال جسمي وتفكيري بس بداخلي جزء صغير لسة محتفظ بحبي ليامن تذكرت راحتي واني بقربه وشلون جنت احس بالأمان وكولشي هموم تهون بس هو كون ويياي ساتمنى يرجعلي هالشعور سلمت عليه بكلمه هلو همس بضحكة جاوبني هلو بيج باسني من كصتي باوعت علي نظرة عشق هيام تذكرت من اول ماتزوحته كالي منين ابجي بيج وانتي كولشي بيج يصيحني بوقتهة جاوبته من هنا اشرتله على المكان بين عيوني وباسني مناك خلة ايده ورة ظهري واحنة واكفين كزير جلدي من لمسته غمضت عيوني فتحتهم لكيت يباوع لي عاقج حواجبه عباله بية شي كعدنة شوي شربة عصير اكلنة قطعة كيك وبدل لي مكان الحلقة من الايد اليسرى لليمنة لبسني نيشان واحة السيد عقدلنة كل هذا الوقت وكرم لوبحضني لوبيني وبين يامن كلما يامن يحاول يكعده بحضنه يرفض ومستغرب منه ومن وجوده بقربي صح طفللحس نظراته عيونه ليامن تكول هذا الي راح ياخذ امي مني جنت احظنه واطمنه بهدوء شلت هم هالكبره شلون راح اطلع هسة وية الزفة بدون مايجي ويسوي لي هوسة يمكن مرت ساعة ساعة ونص ضحك وسوالف ورة وية الاهل اشوفه منطق يضحك وسولف بس مو ووياي كد الكلمة سؤال وجواب بس ماحرمني من ابتسامته يمكن حاولة ويمكن فرحان مادري ماعدت اعرف ان ام يامن ماتقربتلي عقدنة سيذ باركتلي صار وكت نروح فكالي يامن يلة جاوبته عفية بس خمس دقايق شكو شعندج بوست كرم حضنته أشرق لأية تأخذه فوك لغرفتهةتنطيه العاب يلعب بيهة ويلتهي عني اجتي اية تحاجيه تقشمرني ماقبل يروح وياهة دمعت عيوني الطفل محلب بيه للحفلة ردت ابطل من هذا الزواج حصرتني البجية شافني أخوية اجة حاجاه لكرم كرم يجبه ويسمع كلامه ودائما يطلعون سوة كاله الصعدوية عمة اية العب شوية وبس يرحون الخطار نبدل ونطلع الملاعيب اني وياك هنا كيف كرم واقتنع أخذته اية صعدته لغرفته وحيدر سلمني ليامن ووصاه علية طلعت من بيت اهلي گلبي معصور ع ابني كل شويه واتخيل روحي مبطلع وراجه ركض للبيت بس ايد يامن لازمتني ح ماتخبل واسويها فتحلي باب السياره وساعدني اصعد ٣سيارات خبصو الشارع بالهورنات مو بمنطقتنه الظاهر يامن مبلغهم لان هو يعرف طليقي بيت اهله بمنطقتنه قريب من بيت اهلي زفه بسيطه افترينه شويه بشوارع بغداد بعدين رحته للبيت ناس كرايبهم موجودين بدت خفله ثانيه حنة نسوان بالاستقبال والصاله وحنة زلم بالحديقه بيتهم ماشاء الله جبير عامر واني ماجنت اعرف شهد ورغد اخذوني لغرفه محضريلي بدله اووف وايت كصتهه سمكه ع جسمي وبيهه ذيل طويل من وره ساعدني اللبسهه والتاج والطرحه وياهه ثبتنهه بماشات وعدلن مكياجي وطوخن الحمره سالني بيا صالون سويت مكياجي صح مكياجي عيوني سموكي بس كلش نازك مو اوڤر جاوبتهم اني سويته كامت يضحكن عاشت ايدج اذا صارت عدنه مناسبه نجي يمج انت تسويلنه جاوبتهم يابه تدللن سالتهن من جايب البدله كالن كولشي ذوق يامن محد ادخل ح ملابس نوم هو جايبهن ضحكت ح حذاء حايبه قياسي فت طلعت وبدت الخفله دي جي واغاني كلهه تركص عدهم علاقات اخويه حلوه ولد هم يطبون عادي شقه ضحك وسوالف جنت احس بالغربه بيناتهم كلها تباوعلي بغرور بس شهد ورغد ابد ماعافني بس احس روحي غريب خلصت الحنه وراهه صارت فقرة العشه اوبن بوفيه للناس ولفات للاطفال تالي الكبار الصغار يردون لفات صرف بذخ مبينه الزنكه عليهم خوات يامن مدندشن بالذهب ح ام يامن شكد ضجت من يامن من تذكرت كلامه من يوصي ماطلب شي فالي صح فقيره بس عيني مليانه مو نظرة حسد بس صورتي كدام الناس وهو احترامه من احترامي حسيتهه واكفه خلصت الحفله وخلص العشه وتعبت كلش به ماعونت شكوت عالمهم تروح اريد شوي ارتاح الدي جي سوه راسي طبل لهناك وانذكر كرم وعيوني تدمع اشتاقيتله سوده عليه اجتني فرح كالت اكس تكول صعدي بغرفتج ييي اجه الافراج ضحكت فرح ع هاي الهوسه والله حقج راسي موتني صار طبل دي تعاي صعدي الغرفتج خلي اساعدج وعود اجيبلج براسيتولايه كمت وياهه صعدتني الغرفه ونزلت جابتلي حبايه براسيتول كالتلي لاتبلعيهه ع معده فارغه كتلها اي اعرف ساعدتني انزع البدله فوتي اسبحي وصيحيني اذا احتاجيتي شي اوك طبيت سبحت طلعت بالبرنص لكيت العشه مجهز ع طاوله صغيره ولگيتهه محضوتلي سيت نوم ابيض وروبه تلمسته يعني المفروض البسه مو ؟ اكيد اي لبسته وسويت لروخي لفه لان جوعانه وعلمود اخذ حبايه لألم راسي اكلت لفتي وبلعت حبايتي كعدت ع الجربايه اتفرج ع غرفتي حلوه مرتبه صاج تركي ضخمه ذوق يامن بعد غرفتي مطله ع الخديقه حنة الزلم بالحديقه شويه زحت البرده هنه اصلآ طبقتين البرده صايره طبقه ستن وطبقه تول وخرت الطبقه الستن بقت طبقه التول ظليت اتفرج منهه مسوين جوبي وفاتحين كاظم الساهر عيد وحب هاي الليله الناس معيدين وسحبو يامن يركص وياهم الضحكه تارسه وحهج مزين اللحيه ومبقى شوارب خفيفه وسكسوكه محدده بحيث الخصله الرماديه مملعوب بيهه بس محدده ومخففه والقاط الاسود جواه يلك نفس لونه والقميص ماروني والرباط بيجي طالع شكله يطير لب العقل ابتسمت لاراديآ ع ضحكته وظليت اراقبه ناسيه نفسي شويه وبطلوا اجه اخوه ياسر شاوره هو راسآ رفع راسه اتجاه شباك الغرفه الاني جنت فاتحه بردتهة راسآ تركت البرده ورجعت ليوره ردة فعل لااراديه عزه صخام خاف شافني رجعت كعدت الجربايه صارت عندي خوفه شويه واسمع صوت الهوسه يقترب من الطابق الثاني عرفت اصدقاءه زفوه لشقته ظل هواي ع الدرج يسولف ويضحك ناس تباركله وناس تسلم عليه اسمعه يغلط ع اصدقاءه شلون يعني اليوم مافوت لغرفتي ولد ال.... جان الهتليهه كامو يغنوله فوت بيهه وع الزلم خليهه وهو يضحك بصوت عالي شويه وصار هدوء راحت الهوسه وانفتحت باب الشقه اسمع خطواته تقترب فتح باب غرفة النوم رفعت راسي صارت عيني بعينه اول مادخل نظرته جامده خوفتني ماكو ملامح بوجهه دخل سد الباب سلمت عليه هلاوو - هاي انتي جنتي فاتحه البرده وتتفرجين ؟ بلعت ريك - بس شويه وخرته - والحديقه متروسخ زلم ؟ طل يباوعلي بانزعاج من تصرفي همست - جنت اباوعلك بله شحجي وياهه هذو!! همست اسفه طب للحمام سبح وبدل ماابسه طلع رأسه نشف شعره لابس تراكسود مشط وراخ يم الاكل باوعلي وباوع ع السفره متكومين شنو مستحيه تاكلين جاوبته مااشتهي مااهتملي كعد ياكل وحده بشهيه مبين صدوك جوعان كعدتي مالهه لازم كمت من مكاني رحت للحمام اخذت بدلته والياك والقمص طلعتهن دورت تعلاكتهن صرت ارتبهن بالتعلاكه رجعتهن للكنتور وهو مدنك ياكول كلشويه بؤبؤ عينه يصير صفح يمكن يراقبني شداسوي بس محجه شي كملت وطبيت لفراشي تغطيت ونطيته ظهري هو كمل وطلع غسل ورجع اسمع خطواته بالغرفه اخر شي اجه للفراش نام ع ظهره خله ايده جوه راسه وعيونه بالسكف جنت نايمه ع صفحتي وجهي عليه ظل على هاي الوضعية دقائق بعدين ان اني ظهره ونام اني نطيته ظهري وتغطيت زين جنت مصدومة من تصرفه هذا الي استقتل علمود يتزوجني هيج تمر اول ليلة النة سوة لاحجاية دافية لاحضن للكلمة مبروك مابجيت ماعرف اكو برود بداخلي تذكرت كلامه ينتقم لكرامته مني لان عفته ولأن رفضته ديعاقبني بنفس اسلوبي التجاهل غمضت عيوني التفكير بحياة مجهولة تنتظرني سيء جدا متعب ماريد بعد افكر مثل واحد يكول راح اخليهة على الساطور نمت ثاني يوم الصبح كعدت من النوم قبله ادري بأمي راح تجي كنت غسلت ولبست دراعية اوف وايت كولهة شغل وتطرز حلو هموق يامن حبيتهة كولش مكيجت شوي رتبت الاكل الي من البارحة عفناه شوية واندك الباب فرح فتحتلهة الباب صجت علية وبوستيني وباركتلي كالت امج جوة كعدي يامن خلي ينزل يسلم عليهة وانتي هم تعالي حتى تتريكون هي تحجي واني اتصنع ردود الأفعال السعيدة ...... للحكايه بقيه .. | ||||
|  |
|
21-07-20, 10:16 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت_العشرون أزمة_أحساس بقلم روسكان الجبوري سالتني شبيج؟ كتلهة مابيه شي بس منايمه زين تغيير المكان عليه وكذا هي ضحكت عبالهة عود عرسان واخوهة مخلاني انام زين يله رحمه صيت الغنئ ولا صيت الفقر جنت اتصنع الابتسامة نزلت هي واني رحت كعدت يامن جاوبني بانزعاج وبصوت ناعس _ ها شكو؟ _ ماما جوة وديصيحونه علمود ننزل _ اي كايم بس ماكام ضل بفراشه ظليت كاعدة اباوعله يامن !! نتر _ كمت، ،كمت كام بانزعاج غسل وجهه ولبس دشداشه لونهة شكري اني حضرتهة اله من جان ديغسل لبسهة ومشط _يلا شو كاعدة مو خبصتيني _ هااا، ، اي كمت وراه ونزل ونزلت وراه جان بالي يم كرم اتمنيت جايبته امي وياها نزلت لكيت امي واخويه حيدر جايين بوستهم وحضنتهم، باركولي امي جايبه الريوك، كيمر عرب وعسل وكاهي سالته ع كرم شلونه البارحه سال عليه بجه عليه تعشئ نام، ، كالت بخير بخير ليظل بالج يمه سالتني امي شبيج؟ كتلهة مابيه كالت اضحكي يمه خلي الدنيا تضحكلج بكلبي رديت، منين يايمه منين يجي الضحك والكلب مشيب وميعرف شينتظرة ام يامن اول مانزلت بوستها وباركتلي بس هم احسهة عبالك ضايجة مني لو هي المرة هيج طبعهة ووجهة، ، لسه ماعرفهة حته احكم من امي تهمسلي عيون يامن تصير عليه يصير عندة فضول يعرف هي شدتسولف وياي كل شويه وتكولي شبيج واضحكي معقوله هالكد واضحة ملامحي ومبين عليه اكو شي نص ساعه وراحت هي وحيدر تريكنه كولنا سوة كعدت يم يامن خواته ثلاثتهن موجودات وازواجهن واخوان يامن وزوجاتهم ذابه الشال ع راسي ولبسي مستور اباوع كل الوجوه تضحك وتسولف واني بينهم غريبه يامن ميسولف وياي كلما ارفع عيني اشوف ام يامن تباوعلي، وترتني حته اكل كمت بعد مااعرف اكل خلصنه ديلمون بالسفرة ردت اكوم اساعد هن شويه ام يامن ماقبلت، ، كعدت وسكتت ظليت اتصفن ساعه البنات مشغولات يسون غدة ويكفن تنظيف البيت استأذنت من خالتي ام يامن اصعد لشقتي كالتلي روحي ارتاحي صعدت وحدي يامن ابد ماصعد اني بصراحه جنت نعسانه فنمت بملابسي كلت خاف ع ساعه يجي خطار ويصيحوني ظليت بيهن بين خطار جاي وخطار رايح وناس تبارك وكرايب غدة وعشه ومجاملات صار الليل صعدت لغرفتي ويامن ملفئ لشقتة ابد عبالك متقصد يخليهم ينتبهون علينه، يعني ثاني يوم زواجي جنه وتارك عروسته وحدها مااعرف شنو اسوي ولا شلون اتصرف ماكدرت احجي وي امي شي ولااعرف المن احجي وينصحني ويساعدني عبالك عقلي فصل او وكف عن التفكير بالليل صعد متاخر جنت نايمه بفراشي النومه والنعسه بعيوني بس حسيت عليه طب سبح وطلع بالشورت يفتر بالغرفه بهدوء وينشف بشعرة حركاته وخطواته هادئة شويه وحسيته نصه راسه يمي وتقرب عليه، الغرفه جانت ظلمه مثل الي اخذ نفس عبالك شمني همس ،، كاعدة؟ _ هممممم ابتعد بسرعه راح من جهته ودخل بفراشه بدون ميحجي ولا حرف اني طا رت النومه من عيوني ظليت كاعدة افكر ليش هيج اتصرف، نطاني ظهرة ونام ظهرة عاري ووكدامي تقاسيم الضلعين من ورة بارزة وتصعد وتنزل وي صعود ونزول النفس الظاهر بسرعه نام ،، يمكن بعد شبرين او اقل عني شكد اتمنيت اتلمس بشرة جسمه بس ماتجرأت اسويهة خفت يحس عليه ويكعد ميته ع حضنه وحنانه ودفو جسمه بس حرفيا مااعرف شلون اتصرف وياه خاف اتقرب ويفشلني ويصدني مديت ايدي برجفه، لمست كتفه باصبعي بعدين لزمت كتفه باصابيعي ضغطت ع كتفه ع ااخفيف راسا اندارلي اتفاجأت من حركته عبالي نايم _ شدتسوين عيونه بعيوني، تجرات وتقربت بست شفته بهدوء مبادلني ابتعدت مغمضه فتحت عيوني اريد اشوف تاثير بوستي عليه لكيته مغمض بتعب يعني ديتاثر ببوستي رجعت بسته غلف شفايفي بشفايفه بتملك، هستوني دااندمج قطع بوسته وابتعد همست ليش؟ بلع ريكة يباوعلي، ، لتتقربين بعد انصدمت من ردة من الصدمه انفرجت شفايفي شويه بسرعه نزلت عيونه ع شفايفي المبتعدة وحدة عن الثانيه اندار عني يحاول يرجع ينام _مجاوبتني ليش؟ مارد ولا عبرني وبس تركني واندار يكمل نومته ماكدرت انام ولاغمضتلي عين من صار الاذان كمت صليت مع اني مملتزمه بصلاتي خاصه صلاة الفجر مااكعدلهة ابد بس هالمرة حسيت محتاجة صلاه ذبيت ع سجادتي شعندي دموع مااعرف شدعي اتمنئ اللي بيه خير وصالح يكتبلياه رب العالمين وراهامن التعب نمت الصبح حسيت ع صوت توشوش برة الغرفه يامن : يمه البنيه نايمة متاخر وعروس شكو بيهة واذا تاخرت ام يامن : لعد انت مو هم تعبان شو من الصبح كاعد يامن: اني متعود يووم ام يامن : دفوت كعدهة خطارنه من الصبح جايين يباركولهة والخاتون لسه منزلت تسلم عليهم غمضت عيوني بانزعاج ، بعد ماكمت من فراشي باوعت ساعه عشرة ونص طلعت الهم ام يامن: اها كعدتي صح النوم ابتسمت مجامله صباح الخير خاله ام يامن: اهلا يله روحي بدلي وجهزي نفسج عدنه خطار من الصبح جايين يباركولكم اسفه خاله، اي هسه دقايق واجهز نفسي باوعت ليامن باوعلي نظرة ووخر عيونه رحت للحمام غسلت وجهي طلعت لكيتهة نازله وهو لازم مبايلة وكاعد ع القنفه بالهول يعني اجزم جزم هالمرة امه متحبني دخلت للغرفه ابدل طلعت رفع عينه باوعلي كال اكو زلم .. جاوبته ، راح احط شال ع راسي _ لفيه عدل _ مو الزلم وحد والنسوان وحد؟ _ لا ولد عمي وميانه حته وي اخواتي المتزوجات وازواجهن _ هاا الاختلاط عدهم شي اساسي، حلو هيج ، تحس عدهم حنيه بس يقيدون باللبس _ هسه الفه لفيت شالي عدل ونزلنه سوة ولد عمهم وزوجاتهم وكالعادة خوات يامن موجودات وازواجهن رغم بس همة وبيت عمهم بس هواي ناس وهوسه اطفال وونسه تنسيك الوقت لان يمر بسرعه ويخلص بالسوالف والضحك .. اني جنت بدور المستمعه ومرات من يوجهولي سؤال اجاوب رغم هذا تونست ع سوالفهم تحشيش ونصب وتقشيب بحيث الوقت فات حتئ الغدا صار ساعه 2تقريبا واني جنت اتكطع من الجووع لان نزلت ممتريكه وقبلهة بيوم ممتعشايه زين رغم هذا استحيت اخذ راحتي بالاكل لان لسه ممتعودة عليهم ورة الغدة شربنه جاي واللي نام واللي لزم مبايله يلتهي بي واني متصنمه بمكاني وكاعدة اريد اكوم لغرفتي رجليه تكسرت من الكعدة واخاف اكوم خاف احصل لي خزرة من خالتي ام يامن تمنيت يامن يكوم يصعد لغرفته حته تصيرلي حجه واصعد وراه بس اباوعله ملتهي ويه اخو وابن عمه يلعبون كلاش اوف كلان ويسولفون ع القريه وتهجم ومدري شنو اصلا ولاشال عينه ولا باوعلي .. اجتي فرح كعدت يمي من بعد ساعتين اأشرلهة باديه وعيوني وساعتين ياله افتهمت واجت يمي شاورتهة كتلهة كومي وصيحيلي ع اساس رايدتني بشغلة فوك جاوبتني ليش شكو؟ ؟ كتلهة محصورة ورجليه تكسرت من الكعده واستحي اكوم اصعد لغرفتي ويامن مغلس ضحكت وكامت، سوت اللي كتلهة عليه من صاحتني ع اساس عدهة شغله وياي محد انتبه بس خالتي عيونهة صارت تتنقل بيني وبين فرح ويامن همين جان يسولف من كلت من رخصتكم سكت وكطع سالفته باوعلي بعدين كمل صعدت ورة فرح لشقتي كبل بوجهي للتواليت وهي تضحك عليه ظلت شويه يمي بعدين نزلت بدلت ملابسي لدشداشه مريحه لزمت تلفوني امي وشهد متصلات عليه رجعت خابرتهن ردت اسولف لشهد، ردت نصيحتهة ماكدرت لان يامن صعد فنهيت المكالمه راسا سالته، راحو الخطار؟ هز راسه اي ويامن جنتي تحجين؟ ويه شهد .. هو يعرفهة صديقتي _شبيهة فرح وياج؟ شرادت منج؟ _مرادت شي _ لعد ليش صاحتلج وصعدتو فوك _ هيج ظل صافن ع وجهي يقرا عيوني _ والله هيج شبيگ عافني وطب للغرفه بدل وانطرح عالجربايه اني رحت للهول فتحت التلفزيون ومددت اخجل انام يمه ويتكرر موقف البارحه بالليل .. لليل مانزلنه نتعشئ، فرح صعدتلنه العشة يامن جان نايم من المغرب نام اني طحت للاكل ميته جوع جنت، طلع من الغرفه مبدل اخر شياكه من طلع صفنت ع كشخته لااراديا طلع مني سؤال _ وين رايح؟ _ يم جماعتي _ تتاخر؟ _حسب _حسب شنو؟ سكت بعدين رد تكمله بارت 20 _مااعرف _ متتعشئ؟ _ليش انتي شمبقيه؟ كالهة بضحكة مكتومه، ، واني خجلت حيل بس والله جنت جوعانه _ انزل اسويلك اي شي يعجبك _ لا عود اذا جعت اتعشة برة _اوك _ مو تتاخر باوعلي، ، بنظرة بيهة تساؤل بعدين كال _لاتنتظريني يعني معناتهة يتأخر .. بلعت ريكي وهو طلع واني شلت الصينيه لمطبخي وغسلت المواعين ورتبتهن سبحت ولبست ملابس نوم حلوة ، نشفت شعري وشسورته ورفعته ذيل حصان عالي .. اتصلت مرة ثانيه ع امي وشكد حاولت احجي ويه كرم ماقبلت كالتلي بس يسمع صوتج يبجي ويهيج علينه واحنه كوة مسكتينه كلبي وجعني ع وليدي شوكت يخلص الاسبوع ويرجع لحضني .. مرت ساعتين هيج ورجع يامن جنت بالهول فاتحه التلفزيون واتفرج برنامج صح لابسه ملابس نوم بس فوكاهن روب شافني _ لسه كاعدة؟ _ اي تعشيت؟ _ لا ماشتهي طب للغرفه يبدل طفيت التلفزيون ورحت وراه للغرفه اني مو من البنات الي يعرفن شلون يغرن الرجال اخجل اسوي هيج حركات .. من جان ديبدل نزعت روبي وتمشيت كدامه هذا اقصئ شي اكدر اسوي هو باوعلي رافع حاجبه دخلت بفراشي وهو اخذ موبايله وطلع للهول فشلني ظليت بفراشي اتكلب تاللي نمت وهو مجاي للفراش ثاني يوم الصبح هم خطار ولليل يلا راح .. اريد مجال يصيرلي حته اخابر شهد واحجيلهة ع راحتي وتنصحني شنو اسوي مديصير _ _ _ _ _ للحكايه بقيه .. راح تخلص القصه وانتو لسه تصيحون البارت قصير .. لان ما عندي طاقه اكتب اكثر من الف و500 كلمه مرات اقل ودتشوفون النشر يومي ومرات بارتين باليوم يعني استحملوني | ||||
|
| |
|
21-07-20, 10:20 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 21 #أزمة_أحساس بقلم روسكان الجبوري موقف البارحة بالليل هم تكرر هم طلع يامن ومن رجع جنت لابسة ملابس نوم وهالمرة بدون روب دخل جنت واكفة على ميز تواليت اتعطر واتمكيج باوعلي رفع حاجبه معاجبه الوضع المن هذا؟ أشر عليه باصبعه السبابة من فوگ ليجوة .. جاوبته وع وجهي ابتسامة .. الك .. شايفتني معتبرج؟ طبيت بهدومي من الفشلة ردت شي يسترني بذيج اللحظة .. والله يالله عود تغريني .. تحركت من مكاني استر نفسي بأي شي يصير كدامي .. بطلي هالحركات مراح تجيب نتيجة جمدت مكاني رفعت راسي باوعتله ليش تزوجني لعد اكسر هالخشم العالي لااكثر ولا اقل تقرب مني وضرب خشمي باصابعي عينج نزليهة لتباوعيلي هيج صلفة . اخذ موبايله وراح للفراش واني بمكاني ضليت واكفة لا اخذ ولا انطي ماعرف شلون لازم اتصرف جمدت الدموع بعيوني ماردت ينزلن كدامه رحت للكنتور فتحته وأخذت دشداشة مستورة ودخلت للحمام فتحت المي ماسبحت بس ردت صوت يششتت صوت البجي مالتي .. بجيت لحد ما اختنكت من كثر ماكتمتة وماريد صوت شهكتي يطلع غسلت وجهي وبدلت ملابسي وطلعت دخلت بفراشي حشكت روحي وية الحافة مال الجرباية وغمضت عيوني .. يامن .. شريد احجي نار بصدري ماتخمد مهما اسوي ميشفي غليلي منهه شكم وحدة وياهة سنتين احبهة تزوجتهة حسب شروطهة وظروفهة هي داريت ودللت واهتميت وصرفت صرتلهة رجال تفصال بالاخير شنو قبضت تركتني بحجة ابنهة لاتركتني من خلصت المصلحة وياي .. هينة هينة ماعاد شي اسمه حبهة عاميني ومانعني ااذيهة منا وهيج ماكو شي اسمه ياسمين ودموعهة نقطه ضعفي .. انتقامي لكرامتي الي داستهه بدأ من خطبتهه من اخوهه .. زاد الثار مكيال من رفضتني .. هددتهه وتزوجتهه غصب . والكاس الي شربتني منه .. أهمال .. تجاهل .. استغلال ..ناوي اشربهه منه .. مر ع زواجنه 4 ايام واني لسه مماخذهه .. هي انفه ومغرورة .. راس يابس متعترف بسرعه بالهزيمه بس من ثاني يوم من بدت تلبسلي وتغريني اتوقع حست بالتهديد من تصرفاتي ويمكن قررت تمشي بخطة الاحتواء .. بالنسبه الي التجاهل والصد هو ردي الهه .. حبهه مرض تملكني .. هي مالتي .. مرتي .. حبيبتي .. لتتصورون سهل عليه وهي نايمه يمي ومااتقربلهه ولا المسهه بس من توصل للكرامة انعل ابو الحب الي يذلني هيج .. ثاني ليله رجعت متأخر .. توقعتهه نايمه .. نصيت شميت عطرهه من النحر .. تفاجأت بيهه گاعدة اويمكن نايمه بس حست عليه من تقربت منهه .. بس حست بيه ابتعدت راسآ بالليله الثالثه جنت بين نايم وكاعد اصابعهه الدافيه داعبت ظهري انداريت عليهه باستني بلهفه مو تمثيل مو استغلال بثتلي حبهة واشتياقهه ولهفتهه ببوسه اخذت روحي بيهه .. ابتعدت تشوفني من نظرة عيوني قابل لو رافضهه يمكن عيوني خانتني لان شافت بيهن الرضا والقبول رجعت باستني ضعفت وبادلتهه باضعاف لهفتهه بشوق محروم من انفاسهه ابتعدت متعمد مع اني ماارتويت من عسل شفايفهه بس مالازم اضعف كل دكه سوتهه بيه محضرلهه عقوبه تليق بفعلتهه لسه ماناسي من شكت برجولتي ماعرف منو وصللهه الكلام وهذا هم حسابه يمي عسير بالليله الرابع والخامسه تحاول تغريني باللبس هي متعرف تغري اصلآ ولاثوبهه هالاسلوب ماعرف منو ديعلمهه بس بالاخير فشلتهه ماعرف اكو شعور داخلي مستمتع بانكسارهه بكل مره ارفضهه بيهه شمتان لان دتجرع نفس الكاس .. امي حست اكو شي بيناتنه موطبيعي لان اني بالنهار جوه يم الخطار وبالليل طالع ويه جماعتي واجازة العرس هي اسبوع فالمفروض عرسان وكل دقيقه احاول اقضيهه ويه ياسمين مره من المرات سالتني انت تممت زواجكم يمه كولش تعصبت من سؤالهه وصيحت تهربا من الجواب بخامس يوم دخلت للغرفه لكيتهه كامشه التلفون وتبجي تنهدت ماتوقعت عبالي طبت من نقاط ضعفي تجاهه شفتهه تبجي ماكدرت مااسألهه .. - شكو شصاير شبيج تبجين ؟ اختنكت بعبرتهه انتظرتهه ترتاح شوي - احجي شكو امج بيهه شي ؟ هزت راسهه لا - لعد شصاير - ابني - شبيه ؟ - حاجيته وفرفح بجي يريدني استغفر الله - كومي بدلي نروح نجيبه باوعتلي متفاجاه .. - تحجي صدوك يامن ؟ اي والله گومي .. - خاف خالتي متقبل - وخالتج شعليه بسرعه يله .. مسحت دموعهه وركضت غسلت وبدلت اني مبدل ماعندي شي صعدنه سيارتي ورحنه لاهلهه جبنه كرم واغراضه والعابه ورجعنه للبيت .. امي من رجعنه وويانه الطفل مبين مراضيه لان اتفقنه من التحق اني ياله تجيب ياسه ابنهه هي ام وياسه ام المفروض امي تتفهم هالشي مع ذلك ماحجت .. صعدنه شقتنه والمكان انملاء هوسه وحركه وضحك ولعب صح متعود ع الهدوء واحب الهدوء بس هم حبيت اراقب هالطفل قطعه من علة گلبي ياسه .. الايام الفاتت منتبهلهه تتصرف بدون روح بس من جبنه كرم لاااتغيرت ١٨٠ درجه كولشي بواهس .. ضحكتهه .. - سوالفهه ويه ابنهه سوت النه عشا بيتزا الظاهر كرم يحبهه واني هم حبيتهه كعدت اتعشيت وياهم ع واهسهم ضحكت بس ماشاركت بالحديث لأن ماأفهم كلام الطفل .. اجازتي أسبوع خلصت والآمر مدد لياها عشرة ايام اجازه زواج بس للامانه اني لاحاس بنفسي عريس ولاماخذ زوجتي مثل العالم المزوجه .. سهري لساعه متاخره من الليل مستمر ولا عبالك هستوني متزوج صرت ادخن بكثره احس بس الجكاره تريحني رغم بنفس الوقت من اورثها احسها تحرك بروحي حرك امي يوميه بالليل الكاهه منتظرتني تتعارك وياي ع سهري وتاخيري بره البيت .. يوميه نفس القوانه ونفس طيحان الحظ انت شوكت تنعدل مو زوجتك اشو ماخلصت مكسراتك ياامي هسه اني ضارج بشي دعوفيني براحتي يمه غير ابني واللي ياذيك ياذيني شلون مضارني بشي يوم عوفيني براحتي اعوفك براحتك وذيج الخاتون ٢٤ساعه مبوزه شبيهه وياك مقصره ؟احجيلي يمه .. لايمه ممقصره .. والله اشك انت ماخذهة يوووم رحمه لله عوفيني بحالي شجلبتي بها السالفه تكملة البارت 21 دازج عليه واحد اليوم انتي والله اوضاعكم هيج تكول انت شارد من البيت هي نعلمه فوك كوه تنزل صفنت عليهه هاي امي بطرانه خلصت سبعه العرس والبيت فرغ عليهه وخواتي راحن كلمن لبيتهه وتريد ياسمين تنزل تشتغل اهووو بدت سوالف العمه والجنه براسي واني بيا حال جاوبتهه - صار يوم باجر احاجيهه تنزل تساعدج - ماريد ماريد منية احد - لعد شتردين ياامي صارلج ساعه تتعاركين راسي صار هالكبره بهالليل هذا بيش مطلوب ياربي منين اتلكاها - وشجاريلك شبيك ومنين تتلكاهه اشو عريس ولثالث مره ومرتك ع ذوقك اخذتلكياهه شنو الناقصك ؟ فهمني احجي .. ضحكت ضحكتني حجايتهه من تكولي زوجتك تلاث مرات ومرتي ع ذوقي ايباااخ .. شلون ذوق هو حايط حلو ونايم يمي .. - يمه والله مابيه شي بس ضايج شويه ليظل بالج ولاتكوليلي من شنو ضايج هسه ارجع اطلع ماكول ماكول بس اركد ببيتك وكافي سهر اريد حفيد اريد مريتك هالشهر تشكل العالم تحجي - الله كريم يوم كوله بيد الله - وبيدك من بعد رب العالمين اذا انت يوميه سهران للفجر منين تحبل المره - ههههه يمه فضحتيني كافي صوت الليل ينسمع يمعوده - يوم تره باجر التحق محتاجه شي - لايوم اريدك سالم .. يله اودعناكم .. تصبحين ع خير .. وانت بخير يمه .. اجر بروحي جر مسطور وراسي ثكيل مو لان سكران لا مشارب اصلآ بس تعبان ونعسان ومن اسهر احمل جسمي فوك طاقته ٣٩سنه مو صغير هاي حوبة العمر .. دخلت الشقه الاضويه مفتوحه باوعت لساعتي خاف متوهم لاممتوهم الساعه عبرت الوحده ونص حته ضوه غرفة كرم مفتوح طلعت ياسمين من الحمام شايله خاولي مبلل - هلو يامن - هلا الله يساعدج - خير شعجب كاعده - كرم مصخن - سلامته شبيه - بلاعيمه - يحتاج اوديه للمستشفى - لا ادويته اعرفهه نطيته تحميله هسه شويه وبلكي تفكه الصخونه - ان شاءالله - متعشي ؟ باوعت لساعتي - يمعوده راح تدك الثنتين ياعشا هذا - اسفه ممنتبهه ع الوقت - الظاهر تعبانه ومن زمان مصخن يامن - لا والله عشيته ونام تقريبآ ب ١٠ مابي شي بس شو رحت اغطيه لكيته صاير نار من الصخونه تحجي وتسوي كمادات للطفل اخذهه الواهس وسألتني - انت وين جنت لحد هذا الوقت رفعت تك حاجب وضيقت عيوني اني منبه عليهه ابد ابد متسأل وين رايح ووين جاي سكتت دنكت عرفت من نظرتي مو من حقهه تسال .. للحكايه بقيه .. ادري البارت قصير | ||||
|
| |
|
21-07-20, 10:21 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 22 #أزمة_أحساس #بقلم روسكان الجبوري _باجر التحق رفعت راسهة باوعتلي _خلصت اجازتك؟ _اي عشرة ايام بالتمام والكمال تحسرت _شبيج؟ _ مابيه، روح نام، ارتاحلك شكم ساعه قبل دوامك _ اي راح اوقت الموبايل خاف ميدوك مبايلج للاحتياط _اني راح ابقئ كاعده، اكعدك بالسته مو؟ _اي بالسته بس ليش تبقين كاعده مو كلتي انطيته تحميله شويه وتفكه الصخونه _مو ..مو ماامن،، مينعاف اخاف من الصخونه _ اها،،،، تمام براحتج هميت اريد اروح لغرفتي ابدل وانام واتذكرت اكوللهة شغله _ها واجرتله خط تكسي الصبح يجي عليه يوديه للمدرسه رجال جبير ابو حمزة تعرفيه، بس لا تطلعين انتي خلي مهيمن يطلعه _ اوك بس باجر اذا ظل هيج مراح اوديه للمدرسه _ ماشي لعد الصبح اخابر ابو حمزة وابلغه لايجي _مشكوره رفعت عيونهة باوعت لعيوني وكالتهة مشكورة التقت عيونه طولنه بالنظرة ماعرف عيونهة بيهة كلام تعاتبني .. عايشين ببيت واحد ننام بفراش واحد بس مثل الاغراب كلامنه سطحي وفقط للضرورة يعني سؤال وجواب عبالك غربه وهي زوجتي شريكه حياتي اللي حفيت ياله اخذتها مرات مااعرف نفسي شلون دااتصرف موهاي حبيبتي اللي اعشق تفاصيلهة وصارت الي ليش هيج داتصرف وياهة هناك ويذكرني عقلي بسوالفهة ودكاتهة وياي وحدة وحدة وكرامتي صعب من تتخير بين حبك وكرامتگ .. من بعد اخر مرة من رزلتهة وكتلهة اغراءاتج وحركاتج بطليهن بعد ميفيدن بعد مالبست ملابس نوم صارت تسبح وتلبس دشداشه بيت وتجي للفراش وتحشك نفسهة بالحافه مرات من اتاكد نايمه اشم عطر شعرهة المفروش عالمخدة من جنه مزوجين زواج منقطع جنت اتمنئ ليله تبات بحضني وهسه هي كل ليله قريبه مني بس مااتجرأ احطهة بحضني جفائي وتجاهلي لمشاعرهة عبالكم فايد وياهة ابد والله الراس اليابس نفسه والخشم العالي بعدة صعبه صعبه مو مرة مرمرة، شلعت كلبي انعل ابو الحب لابو اللي يتصخم ويحب .. مااعرف شنو اللي مصبرني عليهة افكر وافكر واني بفراشي الئ ان نمت ماحسيت ساعه 6 الصبح مبايلي مادك كعدت ع صوتهة _ كوم يامن _اي، ،كمت _صباح الخير _صباح النور شلون الولد صار؟ _زين راحت الصخونه _الحمد لله باوعتلهة تعبانه وعيونهة منفخة _شنو مانمتي؟ _ لا يله، كوم غسل وجهك حضرتلك الريوك _ماشي كمت غسلت وجهي ورحت وراهة للمطبخ محضرتلي البيض عيون بدون بصل مثل مااحبه، ابتسمت تك خد زين مناسية هالتفصيل عني صبتلي جاي وراحت _ وين تعاي كعدي تريكي وياي _ مااشتهي كالتهة بتعب، ، مبينه ميته من النعاس _تعبانه مو؟ _كولش _روحي نامي _لاانتظرك تطلع خاف تحتاج شي _لا مااحتاج، روحي نامي كامت تريد تروح تنام كتلهة _كرم ميداوم اليوم مو؟ _اي خطيه قبل ساعه ياله استقرت حرارته وكدر ينام _من تكعدين عود انزلي جوة ساعدي امي لان فرح بالدوام ومرة اخويه لاتعتمدين عليهة لان حامل واكثر الوقت يودوهة يم اهلها جاوبتني . _ صار وشحلات الصار من حلكها _اذا صار شي ع كرم لاسامح الله خابريني لاتترددين _شكرا _هلو _ تصبح ع خير _ وانتي من اهله عافتني وراحت نامت كملت ريوكي ورحت للغرفه ظلمه، باردة السبلت مفتوح والغرفه معتمه، فتحت ضوة خفيف جنت ناوي اخذ بدلتي وحذائي واروح للهول ابدل ماضايقهة لان نايمه لكيتهة من فتحت الضوة الخفيف شفتهة نايمه مبدله دشداشتهة بدشداشه قصيرة بدون غطا افخاذهة وزنودها طالعه بلعت ريكي ياربي صبرني والله هالعقوبه والاهمال والتجاهل مو الهه الية والله هي ماتحتاج اغراء حته تغريني روحي متعلكه بيهة بدون اي قيد وشماا حجي لروحي وكلبي شسوت بيه يسامحوهة بدل المرة الف .. ظليت واگف متصنم كدام حلالي الحارم نفسي منه بس لا ماريد اضعف كدامهة وحدة وحدة تتحاسب عليهن .. هي اصلا لسه محاولت تفتح وياي موضوع ليش دااتصرف هيج وياهه ولو اني باكثر من مناسبه كايللهة زواجي منهة كسر لخشمهة العالي غصبن ماعليهة تزوجتهة هيج مزاج وطخ بالي اسويهة وسويتهة .. نعلت الشيطان واخذت بدلتي وبسطالي وطفيت الضوة الخفيف وطلعت بدلت بالهول من بعدهة اخذت سيارتي وطلعت لدوامي رجعت الظهر دخلت البيت سمعت صياح امي بسرعه سديت الباب الخارجي وقفلت سيارتي ودخلت بسرعه اشوف شكو لكيت امي بالمطبخ الغدة مصبوب وامي تصيح ياسمين واكفه مخطوف لونهة .. _سلام عليكم هدات امي شويه من شافتني وردت السلام _هلا يمه الله يساعدك _ويساعدج، خير يوم شكو اول تالي صوتج واصل لباب الشارع _ يمه هاي مرتك تريد تموتني راسا ردت ياسمين _ والله ماادري بيج عيونهة متروسه دموع _ هو شكو شصاير غير تحجون _ هو شنو المتدرين بي؟ امي ردت _ مسويه المركه مالحه صفنت ع أمي واكفه وتصيح ع هل السبب التافه؟ _خاله والله ماادري بيج عندج ضغط التفتت ع ياسه شكلهة ووكفتهة تقهر .. رديت عليها .. _ادري صارلج شكم يوم ويانه، ماانتبهتي يسون البنات الاكل ماصخ ونحط ملح بالسفرة للي يعجبه يحط ملح _اسفه ماانتبهت . _يله مصار شي. امي ردت .. _ شلون يعني مااتغدة اليوم وفوكاهة نازلتلي ساعه 12الظهر _استغفر الله ربي امي ناويتهة العركه اليوم _امشي اصعدي فوك ياسه _خل اسوي لخاله شي ع السريع تاكله صحت بيهة _ امشي اصعدي كلت صعدت بدون نفس التفتت لامي _يمه البنيه طول الليل كاعده ابنهة مصخن للسته الصبح ياله نامت _ها بدينه ندافع توهة دخلت البيت ماصارلهة اسبوعين _ يووه، ، ممدافع عن احد اني دااكلج البنيه سوتلي ريوك ياله نامت ،ابنهة مريض _ابنهة متودية لابوه _استغفر الله، انتي صدوك تحجين ادري مو ام انتي وكلب والدة والطفل مو صاحي _اااخ يانار كلبي ياخوفي هم تجيبلك طفل منغولي _ خرب حظي الگو ....... ادري يوم جاي من الدوام تعبان ومصموط ابو ابويه وانتي تتلكيني مرتك كاعده ساعة 12 والمركه مالحه، ادري شلون التحق للموصل واخلص منكم؟ كوليلي شسوي؟ هنا امي سكتت اعرف شلون اسكتهة دائما اهددهة التحق وهي تسكت .. صعدت لشقتي دخلت الغرفه ياسه ماكو بدلت ورحت سبحت طلعت بالشورت لكيتهة محضرتلي ملابسي لبست وطلعت لكيتهة بغرفة كرم _ها شلون صار؟ _الحمد لله، ماكو صخونه تقربت من الطفل، كاعد يلعب بالعابه، بسته براسه، ماعاد يستغرب مني، ، حجه وياي بس موكولش فهمت علية رفعت راسي لياسه سالتهة .. _شكال؟ جاوبتني مبتسمه _ يريدك تلعب وياه _اها، اي ليش لا حبيبي نلعب بس شنلعب _ _ _ جاوبني گلاج _ شنو؟ _ كراج يسوي بالميكانو وجسر وشوارع ويجيب سيارات يمشيهن بالشارع وع الجسر _ اممممم خوش لعبه مبينه _ اي حلوة، جوعان؟ _ ميبيت جوع، شطابخة ؟ _هو مركه وتمن _ها مطابخة هنا؟ _ لا، تريدني اطبخ هنا وجوة؟ سكتت _اي مرات اشتهي شغلات وشغلات ماحبهة ويطبخوهة موشرط يعني مثل ميتغدون جوة ولازم اني اتغدة هنا والصراحه مااحب الاكل الماصخ ولا كل أكله ترهم تخلي ملح فوكاهة _ ماشي _ شطابخة، شنو من مركه؟ _ قيمه _ طيبه؟ _اي والله طيبه _تغديتي؟ _لا _يله لعد صبيلنه، اني وكرم نكمل لعب بين متحضرين الغدة ومرة ثانيه اي تفاصيل تخص امي انتبهي عليهة _ماشي، هي بيها سكر؟ _ لا بس تحب الجاي مر _ تمام نزلت تصب النه غدة واني ظليت العب وي كرم هالطفل هادئ وذكي رغم كلامه موهالكد مفهوم، ياسه مدخلته مدرسه خاصه صار اول ابتدائي صعدت بصينيه الاكل .. _ تاخرتي .. _ مو صبيت لمهيمن غدة . تصبيرة لليل هم انشر بارت .. | ||||
|
| |
|
21-07-20, 10:23 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اليوم راح اخليكم تكرهون يامن .. #بارت 23 #أزمة_أحساس #بقلم روسكان الجبوري الحمد لله ماكو صخونة تقربت من الطفل كاعد يلعب بألعابه بسته براسه ماعاد يستغرب مني حجة وياي بس كولشي ما فهمت عليه رفعت راسي لياسة سالتهة شكال جاوبتني مبتسمة يريدك تلعب وياه اها اي ليش لا حبيبي نلعب بس شنلعب گلاج شنو ردت ياسة گراج يسوي كراج بالميكا نو وجسر وشوارع ويجيب سيارات يمشيهن بالشارع وعلى الجسر امم خوش لعبة مبينة اي حلوة جوعان مييت جوع شطابخة هو مركة وتمن ها مطابخة هنا لاتريد مني اطبخ هنا جوة سكتت اي مرات اشتهي شغلات وشغلات ماحبهة يطبخوهة مو شرط يعني مثل ميغدون جوة لازم اني اتغدة هنا والصراحة احب الاكل الماضخ ولاكل اكلة ترهم تخلي ملح فوكاهة ماشي شطابخة شنو من مركة قيمة لا يلة صبينلة اني وكرم نكمل لعب بين متحضرينة الغدة ومرة ثانية اكو تفاصيل تخص امي انتبهي عليهة ماشي هي بيهة سكر لابس تحب الجاي مر تمام نزلت تصب النة غدة واني ضليت العب وية كرم هالطفل هادئ وذكي رغم موهلكد مفهوم ياسة مدخلته مدرسة خاصة صار اول ابتدائي صعدت بصينية الاكل تأخرتي موصبيت لمهيمن غدة مبتلين بمهيمن احنة زوجناه ومخلصنة هي شبيهة زوجته حامل اول طفل ونايمة على ظهرهة ربي يكومة بالسلامة ان شاء الله امين يارب كاعدين نتغدة ونسولف كرم ياكل وحده بهدوء ومرات تساعده شوية لوتوجهه طيبة المركة عاشت ايدج رغم ماحب التمن والمرك بالعافية ادري متحبهن صفنت بوجهة تحسرت خلصت وكمت انام بغرفتي بالليل ماطلعت مابية حيل اسمع رزالة من امي جنت بالهول وهي بغرفة كرم نيمته وطلعت لغرفة النوم وكالعادة سبحت وطلعت ماجتي للهول اتوقع بسرعة نامت دخلت الغرفة سويت نفسي اخذ الشاحنة مال موبايلي ردت اشوفهة شتسوي دخلت جانت دتخابر امهة شافتني نهت الاتصال يمكن عبالهة اتضايقني اذا شفتهة تتصل بامهة ضليت بالغرفة افتر كعدت نتراسل وتضحك ماعرف ويامن صار اتصال ورفضته .. رفعت عينهه شافتني اباوع عاقد حاجبي كالت - هاي فرح دتخبث سكتت ملاحظ علاقتهه الحلوه ويه فرح ومرتاح لهالشي بس شايل هم علاقتهه ويه امي امي شاده حزامهه عليه عدها هواي علامات استفهام ع ياسمين اولهه خوفه من ولادة طفل يحمل نفس مرض كرم هذا اول واخر سبب يخلي امي تعادي ياسمين والسبب الثاني هو اختياري الياسه واصراري عليهه معناهه احبهه وعندي علاقه بيهه وهي تتخبل من هيجي سوالف شويه وتركت مبايلهه ع الشحن وغفت .. مرت الايام وجنت اوقات اروح للدوام يوم بيومه ومرات التحق اسبوع باطراف بغداد او بالموصل ويه جماعتي المبايل يطنطن تجيهه رسايل رحت فتحته سويته صامت اعرف تسولف ويه صديقاتهه ومااحب اتدخل او افتش وراهه بس وحده من الرسائل من شهد كاتبتلهه ولج سولفي شكو فتحت المحادثه لكيت ياسمين محاوله تحجيله شي ومتريد كتابه تريد تتصل من يصيرلهه مجال صار عندي فضول اعرف شنو الموضوع اللي ياسه رايده شهد بي مالكت غير شهد شهد گلبهه ع گلب امي شكيت الموضوع يخصني سديت مبايلهه ورحت لجهتي انطرحت مديت ايدي طخت كتفهه حست عليه وابتعدت وكالعاده انحشكت بنهاية الجربايه وكملت نومتهه شهر ونص مر ع زواجنه اني ممتقربلهه ولا هي محاوله تغير الوضع بيناتنه مرات اجي من الدوام اشوفهه تبجي تمسح دموعهه وتكوم ولاكأنه صاير شي اعرف امي دتاذيهه بالكلام شاهد الله هي ممقصره لا وياي ولا ويه بيت اهلي بس اعرف المشاكل مو ع الشغل المشاكل حرب نفسيه لكون ياسه اجتهه العاده هالشهريعني مو حامل وامي عرفت وضاجت وحربهه مستمره اعترف فيما يخص الطفل امي ظالمه يمكن من حبهه الي وخوفهه عليه لان هاي ثالث زوجه اليه ولسه ماكو حمل هالكلام يمسني ويمس الكلام الي طلع عليه بانه عدم الانجاب خلل مني مع اني فحوصاتي كلهه سليمه اشوف ياسه تذبل كدام عيوني واني ماعرف ليش واكف وماخذ دور المتفرج يمكن بسببهه هي لااكيد بسببه هي يعني رجال مماخذ مرته صارله شهر ونص ع زواجهم وحده غيرهه تكلب الدنيا ع راسي وراس عشيرتي بس الهيأه هي مرتاحه لهالوضع بالبدايه جان موضوع انتقام منهه بنفس اسلوبهه الاهمال والتجاهل بعدهه تحول الموضوع الى تحدي نفسي بيناتنه منو يصبر اكثر وقت ممكن بعدهه صار الموضوع ينرفز وطلع عن حده الطبيعي صح اني هادئ بس يمكن هذا الهدوء اللي يسبق العاصفه برودهه تجاهي هو السبب ردود افعالهه يخليني ع يقين جنت جسر مادي الهه استغلتني لاجل الماده ومن خلصت شغلتهه وياي عافتني بديت اقتنع ما فديوم بعمرهه حبتني بديت احقد بديت اكرهه لااجذب ع نفسي من اكول هيج بعدني اتمنى قربهه بس الكرامه تمنع افتح گلبي مره ثانيه لوحده مثل ياسه بالبيت دائما اعصاب وهي تبتعد عني من تشوفني اصيح خاصة بوجود كرم لان خطيه يخاف من الصوت العالي ملاحظه من اصيح يركض لزاويه اي غرفه هو موجود بيهه ويحضن نفسه ويظل ينود لذلك اذا هدأت فجأه فهذا بسبب هالطفل الماله ذنب هي كنظافه بيت وشغل ابد ممقصره بس الحياة الزوجيه مو هيج وين حقوقي اني اللي غاثني من بعد مارزلتهه ع ملابسهه اخر مره ابد ابد محاولت بعد تتقرب اليه اعرفهه مغروره كولش بس ماتوقعته لهل درجه تعبتني حيل وحيرتني وياهه فد يوم دخلت توني راجع من دوامي امي كالعاده تستقبلني بالمستهل مرتك ومرتك بس هالمره الكلام غيررر أمي تحجي تحجي شگالت ياسمين وشحجت .. هالمرة گعدت استمع .. الموضوع أثار غضبي ياسمين گايله لامي .. كرم انولد مريض لان ابوه جان يتقربلهه وهو شارب .. ردهه هذا من بعد ما امي محرضتهه بكلام مزعج كالعاده عن وضعيه ابنهه واحتماليةحملهه بطفل ثاني مريض مثل كرم فهي ردت هيج .. أني گايل لامي عائلة ياسمين ماعدهم وراثه بهذا المرض اصلا المرض مو وراثي والخلل بعائله طليقهه والدليل اطفال اختهه وابن اخوهه مابيهم شي بس ياسمين گعدت تشرحلهه ع الشرب والجينات الحامله للمرض وع اساس هذا المرض يصير بالطفل اذا الطرفين الاب والام حاملين لجين هذا المرض . زين أمي شمفهمهه بالجينات وگاعدة تشرحلهه ياسه خاتون .. الغثني بالموضوع اول ما جيت أمي استلمتني عوف الشرب ماعوف الشرب وديربالك تتقرب من زوجتك وانت شارب .. يووه گرعت راسي .. صعدت لشقتي مدخن .. طبيت هي ماكو .. توقعتهه يم كرم تساعدة يحل واجباته .. طبيت لغرفتي .. گاعد ع الجربايه انزع ببسطالي هي دخلت .. هلو اجيت .. الله يساعدك .. لا هلا ولا مرحبا بيه .. جانت دتحضرلي ملابسي الي افوت اصبح بيهه .. من گلت هيج التفتت عليه متفاجأة .. ليش خير شصاير ؟ انتي گايله لأمي طليقج العار جان يتقرب وهو شارب واجه كرم مو صاحي .. لا والله محجيت هيج .. بس گتلهه حاملة للجينات .. - ياجينات هاي لخاطر الله تشرحين لامي ع الجينات وهي شمفهمهه .. بهيج موضوع - ظلت تحجي عليك - هي تريدلهه حجه علمود ابطل شرب وانتي حضرتج ... - والله ماجبت طاري الشرب شبيك يامن ليش متصدكني - انجبي وماريد اسمعلج حس - عافت البيدهه وطلعت من الغرفه توقعتهه زعلت طلعت دورتهه مموجوده بالشقه معقوله نزلت سمعت امي تصيح .. نزلت اشوف شكو سمعتهه تكول لامي خاله اني وين كلت هيج وامي تكوللهه يعني اني اجذب هاي تاليتي طلعت جذابه شافتني ياسه خزرتهه - امشي صعدي فوك صعدت بدون ماتنبس بحرف هدأت امي بالحقيقه ردت اني اهدأ رجعت صعدت فوك لكيتهه بالمطبخ مكعده ابنهه ع ميز الطعام ودتصب الغده التفتتلي ورجعت تصب - يعني شنو نزلتج هاي تطلعيني كذاب لو اطلعين امي كذابه هااا - بس اني ماكذبت .. الكلام اللي وصلك اني مكايلته هي خالتي دائما تألف عليه كلام اني مكايلته هاي مو اول ... بعدهي ماكملت كلامهه ماحسيت روحي غير جارهه من شعرهه وضاربهه راشدي - يعني شنو قصدج امي كذابه ضربتهه ع وجهه قرفصت بالكاع وايدهه ع راسهه تحمي وجهه واللي تكدر عليه من جسمهه - الله يخليك لاتضرب مو كدام كرم الله يخليك مو كدامه والله اني مكذبت والله مكايله الكلام الخالتي كالته ظلت تردد - والله اني مو كذابه عينهه ع كرم كرم حاضن رجليهه وكاعد ع الكرسي ينود لعنت الشيطان قهرني الطفل عفتهه وطلعت حته زفنبوت ماريد شفتهه بس طلعت من المطبخ كامت من مكانهه وركضت حضنت كرم بدلت وطلعت مع اني تعبان .. رجعت بالليل وماهي بالغرفه نايمه يم ابنهه خاف جانت عايزه كملت هسه اتفقت ويه ولد صديقي اخذ مناوبته باجر اطلع واجب بداله خارج بغداد اظل اسبوع متقصد اتهرب من البيت ومنهه الوضعيه صايره لاتطاق تندمت لان ضربتهه جان المفروض تسكت ومتنزل نزلته لامي غلط ضيعت حقهه لحت هواي واعرف بامي مرات تزود بالحجي بس ميوصل الموضوع انو تتهم امي بالكذب بالليل وحدي بالغرفه فراشي فارغ منهه صح تنحشك بنهاية الجربايه بس موجوده قربي من امد ايديه لفراشهه دافي من دفو جسمهه هسه امد ايدي لفراشهه الكاه بارد انفاسهه متشاركني هوا الغرفه حسيت روحي اختنكت ظليت افكر الوضع ديطلع من سيطرتي مدا اعرف شلون اتصرف واحس نفسي شويه شويه دافقدهه كثرة مشاكل دتبعدنه عن بعض اكثر مما احنه بعاد اصلآ .. كوه نمت ثاني يوم التحقت وناوي ع الهروب من وجهة و عتب عيونهه اسبوع كامل طلعت بدون ريوك .. مرت ايام امي تتصل بيه تطمئن عليه مااريد اسالهه ع ياسه ماريد تسمعني كلام يغثني عنهه وماريد تلومني وماريد تحس انو مرتي مجاي تتواصل وياي .. هه مرتي باليوم الرابع خابرتني كالت مرتك مجاي تنزل ولاتعاوني بالبيت بگلبي كلت مرتي زعلانه من الدنيا كولهه خابرت عليهه ماردت خابرت ع اختي فرح اعرفه قريبه ع ياسمين سألتهه ع ياسه كالت بخير موجوده سألتهه دتنزل تشتغل تساعد امي ؟ ..كالت اي تنزل من امي تطلع تنزل تنظف وتطبخ وتظل تسولف شويه وترجع تصعد ..امي تدري ؟ لامتدري .. بس يعني مدتشوف الاكل جاهز البيت نظيف .. جاوبتني بعد امي متعرف طبعهه تموت ولاتعترف بشي هي ممقتنعه بي .. تكملة البارت 23 يعني شنو ممقتنعه بي اذا البنيه تنزل وقايمه بواجباتهه ليش تخابرني تشكي منهه ضحكت فرح هههه معبالهه راح تخابرني وتسالني الصراحه امي مستغلتك لان انت هواي تسمعلهه كلام فرح حسسني شكد ظلمت ياسه من ضربتهه سديت من فرح واتصلت ع ياسمين مره ومرتين وتلاثه ماردت دزيتلهه مسج اي شي تحتاجينه مسواك شي خابري مهيمن يجيبه الج اني اتأخر اسبوع يله انزل شافت رسايل ورجعت دزيتلهه ابو حمزه متطلعيله درت عليه اريد اروح لاهلي تعصبت لاسلام لاكلام لاشلونك بس تريد تروح لاهلهه دائما تركض ع مصلحتهه شكد شايف عالم مغروره وانفه بس مثلهه ابد مشايف جاوبتهه ماكو روحه لاهلج خفت خاف ناويه تروح زعلانه واني مموجود من اجي اني اوديج رجعت دزيت من اخابرج عود ردي مجاوبتني بعد .. نويت بس ارجع اصالحهه وحته صيامي عنهه اكسره ماريد بعد الجفاء .. اريدهه هي .. اريد مرتي .. للحكايه بقيه ... | ||||
|
| |
|
21-07-20, 10:25 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 24 #أزمة_أحساس #بقلم روسكان الجبوري مرت باقي ايام اسبوع واجبي اتصل عليهة مترد حيل صرت اعصاب بالدوام بحيث اي واحد يحاجيني اتعارك .. اخابر فرح اسال عليهة واسمع اخبارهة وفرح عرفت متعاركين ومنحجي بس ماكتلهة ضاربهة .. صار وقت نزولي للبيت اخذت سيارتي وطلعت وصلت جان يوم جمعه واخواتي كولهن مجموعات يمنه دخلت سلمت كولهن فرن بيه وسلمن عليه امي اولهن بس اللي يتمناهة كلبي ماسلمت حته كرم اجانيي حضني مفتقدني فدوة لعمرة اني هم مشتاقله ظليت اباوعلهة من بعيد شاغله نفسهة بالشغل ولايمي الخشم اليابس نفسه .. سلمت ع ازواج خواتي كتلهم اسبح وارتاح شويه وانزل يمهم ترخصت منهم رخصوني وصعدت .. سمعت امي تكول لياسمين عوفي البيدج كولشي كمل روحي شوفي زوجج شمحتاج جاوبت اي خاله .. التفتت عليها مباوعتلي اصلا انتظرتهة وخليتهة تسبقني وصعدت الدرج واني صعدت وياهة .. امشي بتعب مبتسم ناوي اصالحهة واللي يصير يصير فتحت باب الشقه ودخلت دخلت وراها وسديت الباب هي كبل راحت لغرفتنه اني وراهة دخلت للغرفه لكيتهة فاتحه الكنتور دتحضر ملابس لان تدري اول مااجي من دوامي اول شغله اسويهة هي اسبح .. طلعتلي ملابس وسدت باب الكنتور رادت تتحرك سديت عليهة الطريق همست بدون ماترفع عيونهة لوجهي وتباوعلي .. _وخر عن طريقي شويه _ماوخر شسوين؟ حطت اديهة ع صدري تريد تدفعني لزمت اديهة رفعت راسهة باوعت لعيوني مستغربه حركتي .. تقربت ردت ابوس شفتهة صدت عني صارت البوسه بخدهة _ طولت بالبوسه وياهة شمه لعطر بشرتها ونزلت ع ركبتهة بستهة جوة اذانهة .. غمضت عيونهة عرفتهة دتتاثر من لمساتي وحركاتي همست باذنهة اسف بعدج زعلانه مني؟ همستلي بصوت مرتجف كوة طلع من بين شفافهة .. _عادي _ ليش كلبج هيج يدوك سريع؟ ماردت .. _ اسبوع صارلي غايب بالدوام مشتاقيتلي؟ رفعت راسهة وعيونهة صارت بعيوني .. _ وليش اشتاقلك ؟ سكتت ماعندي جواب الهة .. هي استغلتهة فرصه وحررت نفسهة من بين قضبان سجن احضاني وادية .. _ليش هالجفاء منج؟ مشت بعيد عني تلملم ملابسي _انت ابتعدت . _وهسه جاي، راجعلج راجع لمرتي اريدج ترجعيلي .. _ ليش شعدة مابدة شغيرك فجاة؟ _يعني انتي عاجبج هالوضع؟ ممليتي من هذا الابتعاد؟ _هو منو ابتعد عن منو؟ ابتسمت تحاسبني ع بدايه زواجنه من صديتها .. جاوبت وابتسامه مرسومه ع شفتي .. _اني وانتي بس هسه طالب القرب . تشتغل وتحجي وياي .. _تريد بدايه جديدة نروح لبيتنا منبقئ هنا _هذا حلج؟ _اي هذا الحل اللي وصلتله لان بيني وبينك ماكو مشاكل _ غلطانه .. اساس المشكله اني وانتي وعلاقتنه المتوترة . _بس موصلت للضرب مشاكلنه بس من دخلت خالتي بيناتنه انت ماترددت تضربني . _ تصرفتي غلط، وضربتج .. _دافعت عن نفسي . _كان ممكن تعوفيني اني اهدأ وتحجيلي السالفه بتفاصيلهة ونتعاتب .. _ ليش اعاتبك الك المشكله جانت وي امك لفقت عليه كلام اني مكايلته .. _لسانج ياسمين بلا هالالفاظ . _ تمام، اسفه _ وهسه شنو ؟ _ انطيتك الحل وظلت بكيفك . خطواتها للباب تريد تطلع .. صحت بأسمهه .. _ ياسمين بسرعه باوعتلي، _ليش تصيح ترة اسمع وعدنه خطار جوة ماكو داعي نطلع صوتنه . صرت امشي ناحيتهة بخطوات ع مهلي _عبالج راح اصيح واعصب واتعارك _ ....... ظلت ساكته تنتظرني اكمل كلامي .. _شوفي بالليل اطلع لجماعتي فد ساعتين وارجع، اجي الكاج منيمه كرم ومتحضرتلي ع سنگة عشرة .. لوت شفايفهة ماعاجبها الحجي .. وصلت يمهة وهي واكفه يم باب الغرفة رفعت اصبعي السبابه وحجيت بنبرة تهديد .. _واريد من الله تتمنعين عني لاشوفج شي عمرج وحياتج مشايفته .. نترت ملابسي من بين اديهة وعفتهة و رحت للحمام اسبح اللي صار وراهة طلعت من الحمام لكيتهة محضرتلي ريوك كعدت تريكت وهي ترتب بغراض الكاونتر _كافي طكطكه ترة دخت . عافت البيدهة ورادت تطلع من المطبخ _وين ؟ تعالي كعدي كبالي _ماشتهي متريكه _ ماكتلج تريكي ، بس كعدي اجتي كعدت كدامي عيونهة متحطهة بعيوني _ ليش جنت اتصل ومتردين؟ _صامت ومو يمه _ ومن تلزميه وتشوفين مكالماتي ليش مترجعين تتصلين؟ _ ماعندي رصيد .. لكولشي محضرة جواب مامقتنع بس مشيتهة بمزاجي .. خلصت وهي شالت الاكل رحت لبست تراكسود وانتظرتهة تخلص ونزلنه سوة .. سوالف وضحك ويه خواتي وازواجهن ازواجهن مو غربه زوج شهد ابن خالي وزوج رغد ابن عمتي .. وراهة تغدينه كعدت كررم يمي صار بيني وبين ياسه داريته بالاكل لان يستحي بس الحمد لله تعود علينه وامه يمة توجهة لو تسويله لفات صغيرة وتنطيه واني تعلمت منهة شنو اشوفه يحب ياكله اسويله لفه لو اقربه منه طفل هدوئه وبراءته تجبرك تحبه وهذا اللي صار وياي .. خلصنه غدة البنات قدمن الجاي والتهن بالمطبخ مواعين وترتيب وياسه وياهن وسوالفهن وضحكهن بالمطبخ واصل يمنه وامي كل شويه تصيح بيهن ينصن صوتهن .. اني شربت استكان الجاي مالتي وصعدت لشقتي انام لان تعبان حيل .. ولان اني ماخذ مناوبه صاحبي يعني موواجبي فما عندي اجازة غير اليوم وباجر وبعدهة التحق لواجبي .. المغرب كعدت اسمع صوت لعبهم هي وكرم كمت اني وكفشتي احك بشعري رحت ييمهم .. باوعتلهة جان الخاولي ملفوف ع راسها مبين هستوهة طالعه من الحمام .. نظراتي تريد تاكلهة اكل .. _اكو شي ينكال؟ جوعان _مسويه لحم بعجين بس بعدني مشاويته _ تتاخرين؟ _لا بس اشوية .. _لعد يله علمود اطلع متواعد وي جماعتي .. كامت للمطبخ واني ظليت يم كرم ديحل واجباته عندة رياضيات كعدت يمه اساعدة نشرح ونحل .. شويه وصاحتنه نجي لان جهز العشا اخذت كرم ورحنه للمطبخ صبت النة وراحت .. _ ويين؟ _ اروح امشط _وكتهة تعالي تعشي _ شبعانه _ هااا براحتج عافتني وراحت .. كملنه اكل اني وكرم وراهة رحت بدلت وطلعت .. طول الكعدة ويه اصدقائي بالي مشغول بيهة ومتلهف ارجع للبيت حته اوسدهة حضني .. حسبت ساعتين بالتمام والكمال ودعت جماعتي ورجعت للبيت طبيت البيت اظلم طبيت لغرفتي السبلت مفتوح باررردة بس الغرفه فارغة .. _استغفر الله، ، العناد نفسة _ ناويتهة شر يعني، بسيطة رحت لغرفه كرم عرفتهة هناك نايمه صدوك لكيتهة بسابع نومه وخرت الغطه شويه وشلتهة شهكت جانت تتصنع النوم ممتوقعه اشيلها ويه الشكهة فتحت عيونها .. _ ها يعني كاعدة ، _ شدتسوي؟ _ شتفقنه؟ قاومت البقاء بحضني واني شايلهة ومتوجه بيهه لغرفتنه .. _ نزلني يامن نزلني .. طبيت غرفتنه وسديت الباب طرحتهة ع الفراش وهي مستمرة تقاومني وتريد تخلص نفسهة مني حجزت طبيت غرفتنه وسديت الباب طرحتهة ع الفراش وهي مستمرة تقاومني وتريد تخلص نفسهة مني حجزت اديهة وربطتهن باديه وصعدت ع افخاذهة وثبتتهن برجليه .. ظلت اديهة تقاومني، صارت بلا حول ولاقوة هدأت شويه _ليش ممتحضرتلي ليش شاردة مني؟ _مشاردة نمت _صدكتج .. وشتفقنه؟ _مااتفقنه ع شي انت سولفت واني سمعت وبس _ اهاااا،،،، رفعت حواجبي باستفهام _ وبس مو !! _وخر !!! _هدني، ، _اذا اهدج تروحين تلبسيلي شي حلو و تجين؟ _ لع _اذن ماهدج _يامن! ! _ياعيونه .. ابتسمت بانتصار واشوفهة تقاوم هيج تواسي نفسهة بهالمقاومه لان متكدرلي واني مستمتع بنظراتهة، ، تتحداني .. رفعت اديهة ليفوك وصارن فوك راسهة وثبتتهن بايد وحدة نصيت اريد ابوس شفايفهة صدت وجهة عني بقوة بالايد الثانيه لزمت خدودهة وضغطتهن للداخل اذيتهة لان ضوجتني بصدهة نصيت بست شفايفهة .. من كثر ماشرسه وتحاول تدفع بيه فقدت السيطرة ع اديهة ابتعدت عنها صافن .. _شبيج ليش هيج دتتصرفين؟ _وخر عني موكولشي بالغصب مو حتئ هاي الشغله تاخذهة غصب عني .. _صار شهرين ولاتقربتلج مخليج براحتج _ لامو مخليني براحتي بس دتنتقم بنفس اسلوبي تجاهل واهمال .. شتفرق عن زياد ..؟؟ ماحسيت نفسي الا واني ضاربهة راشدي .. تعصبت حيل فورت دمي .. _اني يامن مااتقارن وي ذاك العار افتهمتي؟ تسمع وايدهة لازمه خدهة العلمت عليه اصابيع ايدي توني وعيونهة من الحقد تريد تفترسني لو بيدهة تردلي الضربه تردهة بدون تردد .. _ وعدتني متضربني بعد _ شوفي نفسج شلون خليتيني هيج اكسر وعدي الج _ مو رجال اليضرب مرة ولارجال الياخذ مرته بالغصب _يعني اني مو رجال مو هيج ؟ _ ،،، _طيب اني اريد اصير صدوك مو رجال اليوم .. اغتصبتهة بقسوة بدون ضرب بس قسيت عليهة جبرتهة تعاشرني .. _ ماريد اتذكر تفاصيل ذيج الليله لان ماافتخر بيهة ولاعمري مسويهة ويه بنيه بس هي من ايدهة ماعرف شتسوي بيه بلحظة .. بكلمه .. بتصرف .. تطلع اسوا مابيه . تكملة بارت 24 كملت وابتعدت منقرف من نفسي ومن الطريقة الاخذتهة بيها مو هيج راسم توقعات لهاي الليله .. تركتهة تبجي _ اي ابجي بلكي هالغرور ينكسر وهالخشم اليابس ينفرك مناوهيج اني اعرف دواج شنو .. _ عاندي وكولي لا وانغري، ، هاي عقوبتج .. اشرت عليهة عاريه ملابسها تلفتهة شككتهة وبجسمهة الف اثر لقسوة زوج مل من جفاء واهمال زوجته اله .. حقي .. حقي اعرف الطريقة اللي اخذت بيها حقي غلط بس كولشي حاولت وياها وما لانت ولااجت للطريق ولا صارت مثل مااريدها تصير _ ع شنو متكوليلي ع شنو بشنو قصرت وياج اشو اباوع لطولج لحلكج خاف ينقصج شي واكول صغيرة وميخالف وحبيبتي وتدلل عليه وانتي .. انتي تحيرين شلون تغثيني .. _كرهت الساعه العرفتج بيها .. هي تبجي وتشهك ، خانكة نفسهة ومتلفلفه بالجرجف كمت عنهة دخلت للحمام فتحت الدوش دااسبح وسمعت صوت سديته واريد اسمع صوت منو هذا طلع صوتهة تنحب وتبجي بصوت عالي .. ماانكر قهرتني وانكسر كلبي عليها كرهت روحي واللي سويته بيهة، بس لهنا وكافي ليش هيج اني ضعيف تجاهه .. طلعت من الحمام بعدهة بالفراش .. _كومي سبحي بس تبجي متحجي شي .. _كافي بجي كومي سبحي بمي دافي جسمج يتأذئ _ يوجعج شي؟ انفجرت تبجي .. _ مو كتلج كافي، صغيرونه انتي يله سمعي الكلام كافي بجي مسحتلهة دموعهة .. _ كومتهة لازم ايدها وامشيهة، مستسلمه طلعتلهة دشداشه مال نوم خفيفه من الكنتوروخاولي ودخلتهة للحمام ردت اوخر الجرجف من جسمهة لزمته حيل احترمت الي رادته اني قصدي اساعدهة تسبح .. _ يله اسبحي وطلعي عفتهة وطلعت انطرحت بجهتي ع الجربايه دخنت مع اني احاول مادخن داخل الشقه بس احتاجيت جكارة تهدأني ربع ساعه وطلعت .. نشفت شعرهة وعافته بدون تمشيط واجتي للفراش نامت وانحشكت بنهاية الجربايه .. تضايقت من تصرفها سحبتهة لحضني ماقاومت خليت راسهة ع صدري سكتت هدات بس كل شويه تشهك النفس بقوة من كثر مابجت متكدر تتنفس من خشمهة .. انفاسهة حارة تضرب ع صدري تقشعر جسمي شكد تمنيت ليله تنام بحضني وهسه هي نايمه بحضني بس شي ناقص .. نيمتهة غصب بحضني ضحكت واني اسولف ويه نفسي جان المفروض من اتمنئ شي لو احلم بشي احجي حلمي بالتفاصيل يعني مثلا اكول ياربي كون ياسه تنام بحضني بارادتهة مو غصب ضحكت ع تفكيري وتخيلاتي والله صار بعقلي شي يمكن ضرب فيوز بي .. ليش ياسه هينه والله تصرفاتهة تجلط اعقل واحد هاي عود تحبني .. تفكيرات تجيبني وتردني انتظم نفسها عرفتهة نامت بس خطيه كل شويه تشهك تجر النفس وترجع تتنفس طبيعي وراهة اني هم نمت مرتاح نوعا ما .. ثاني يوم الصبح كعدت من النوم مموجودة بالفراش كمت نشيط متفائل سمعت طكطكتهة بالمطبخ رحت الهة _صباح الخير كلتهة مبتسم ماردت ولا التفت لي اصلا .. _الحلو يلوكله الدلال .. رادت تطلع البيض من الثلاجة حصرتهة بين جسمي وباب الثلاجه .. تقربت منهة رجعت ليورة انسدت باب الثلاجه وبعد ماكو مهرب مني التصق صدري بصدرهة _ اعرف زعلانه مني وحقج _والزعلان نراضيه تقربت من وجهة بوست جبينهة وبوست خدودها منا ومنا _ هيج كافي لو بعد؟ _شتريدين اسويلج وترضين؟ _ مزعلانه _ باوعي لعيوني وكوليلي، مزعلانه عليك حبيبي رفعت راسهة باوعتلي _مزعلانه عليك حبيبي شفت الانكسار بعيونها _ اني سندج وظهرج وانتي تاج راسي، ، تباوعلب بعتب. حضنتهة بحنان ولهفه مو شهوة .. اول ماصارت بحضني بجت بحرگه .. دفنت راسهه بصدري وحضنتي حييل .. كافي حبيبي .. مااستاهل اني هاي الدموع .. كافي بجي عمري .. الله يموتني وتخلصين مني .. رأسا ردت .. لاااا لتگول هيج .. ولج تخافين عليه .. يمه فدوة للخدود .. باع شلون صارن حمر .. باع الشفايف .. هسه اني شسوي بيج .. شميتهة بشعرها وبستهة براسهة .. وبعدت عنهة .. مسحت دموعهه بظهر أصابيعي .. _لاتسوين ريوك، راح اروح اجيب كاهي وكيمر _ اصلا ماعدنه ريوك بس البيض _هاهيه لعد اجه بوكتهة عفتهة ورحت بدلت وطلعت اجيب ريوك _ _ _ _ للحكايه بقيه .. شنو رأيكم بالبارت .. شنو رأيكم بتصرف يامن ؟؟ شاركوني توقعاتكم .... | ||||
|
| |
|
21-07-20, 10:27 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #أزمة_أحساس #بقلم روسكان الجبوري #البارت 25 رجعت واخذت لاهلي هم كيمر وكاهي لان خواتي ثنيناتهن بايتات بدون ازواجهن محد كاعد بس امي صبحت عليهه وبستهه براسهه ونطيتهه الريوك وجهي يضحك مرتاح - ها يوم شو مغبش اشرتلهه ع الگيمر وكاهي اشتهيتهه بالعافيه يمه هني ومري الله يعافيج يوم خليت حصتكم انتي والبنات ع الميز بالمطبخ تعيش حبيبي نط من يمه مهيمن بس حصة لامك وخواتك لعد واني يامن انت روح بيت عمك يريكوك مهيمن قصدك اروح امرتي تطردني علمود گيمر وكاهي يامن ههههه لا ماطردك مهيمن مرتي متضرره يامن قصدك مسكربه معيمن خلي نشوف مرتك شسوي بيك من تحبل اذا ماكتبت لافته خطر سريع الاشتعال والابتعاد ١٠٠ متر رجاءآ هو يسولف واني مبتسم ياريتهه تحبل يوم عيد يمكن بيومهه وماانطيهه لجنس مخلوق واذا حبلت صدوك حلاوتك گيلو گيمر وكاعي تظل تاكل بي شهر هههههه عمي ان شاء الله اذا صار بيهه كيمر وكاهي عفته وصعدت سوالف تونس بس اكو من ينتظرني امي تباوعلي بفضول وراحه اعرفهه تقراني من وجهي وتعرف شبيه بدون ماحجي وددهه تسالني شبيهه اليوم كاعد مرتاح وفرحان بس ماسألت صعدت للشقه رحت للمطبخ فارغ لگيتهه بالفراش متمدده ومغمضه شكلهه مغري دشداشة نومهه ع ذوقي بس ماردت اني ابادر وانقرب عليهه لان بعد كلام بارحه والعتب لازم هي تتحرك شويه تثبتلي ديمومه حبهه ولاتخليني بشكي انو هي حبتني ملصحه علمود فلوسي اجيت للجربايه انطوحت يمهه مجانت بس متمدده ومغمضه مثل ماضنيت جانت نايمه عفتهه براحتهه شويه وامي هم غفيت بعدهه كعدنه اريكنه سوه رحت للهول ويمي كرم يلعب بايباده وهي بالمطبخ مدري شسوي رحت الهه حبيبي شدتسوين اركب غده لاتركبين شي نتغده جوه سوه ماكو داعي تطلخين راح اجيب سمج مشوي ع الفحم ابتسمت الي مشتهي سمج قربت عليهه خضنتهه ومشتهي بعد شغلات حطت ايديهع ع صدري بدلال شنو من شغلات صارت عيوين ع شفايفهه هالشفايف التسمت وهالخدود كافي كرم كاعد ممسوي شي بس حاضن امه تدرين هستوني يله حسيت بنفسي عريس من ايدك وايدج همين مغلسه عني شهرين مممم مو تحاوشنه وصديتنه وماصدكتي هاي هي قفلتي تلحلخلي شويه انت تفشل الواحد هو اني كوه خليتج توافقين تزوحيني بسرعه اختفت الابتسامه عن وحهه من شنو حبيبي زياد ديدور ورايه وهو شنو ويدور وراح منو هو اصلآ تعصبت من كلامهه لتجيبين طاريهه مو القصد يامن ماكو شي ينضم لتخافين مراح يكدر يسوي شي حتلو عرف تزوجتي كولشي ولاابني لتهامين غير اخيسه بالسجن لو تقرب من كرم خلت راسهغ ع صدري بامان اعرف صدري امانهه هي كايلتلي صدوي هو المكان الوحيد التامن بي بعدتهه شويه عني منو حوه بس امي وخواتي لتتقيدين اوك بس ابدل ملابسي يعني شنو ابتسمت لان اني سويت نفسي ماعرف شاريد واني مقيدهه بخضني بس وهر شويه كالت هيج طوقتهه بايديه اكثر بعد احسن اني هم ماريد انزل كتلها بشقاوه وعيونهه بعيوني ياويليييييي اتقربت يم اذاني وهمستلي بيهه شبيك بيه انت ملعونتي اممممم امص الشفايف هاي التكول اممم لادخيلك ههههه انتي تحارشتي واعرفج مو كد الحريشه مع ذلك غلفت شفايفهة ببوسه دافيه هادئه طولت بيهة شويه من ابتعدت عنهة حسيتهة جرت النفس من انفاسي وذبتة بتنهيده طيرتلي عقلي بيهة انفاسهة دافية دكات كلبهة القوية تنبض عبالك بصدري من قوة الدكة حاضنهة مطوقهة لاجسمي ولاعقلي ولاقلبي قابل يطلعهة من طوقي وين جنت عنك عوبة غير وعايفتني ضربتني ع صدري ماراضية والله ماجذب كولشي تعرفين وبكولشي فنانة وذوق اكل نضافه جمال ترتيب الفراش والنوم حرام أبد عبوسي الفيتر ونايم يمي ههههه وعبوسي الفيتر يلبس ثوب نوم احمر مشلح يبووووو غير هوة يشك شك منو عبوسي الفيتر حبيبتي عبالي اني لا انتي ياسة ياسة كلبي امممم ها شحجينة انتي دتتحارشين وافرض اتحارش شتسوي اقتحم طبعا لالالا تقربت بستهة براسهة وبعدتهة عني اذا اضل هيج هسة اخذهة واني ماريد اتقرب الهة الا هية تبادر وتريدني يلة روحي بدلي ملابسج حتى ننزل اوك راحت غيرت ملابسهة وملابس كرم ونزلنة جوة يم اهلي مااعرف شوكت ياسة تصالحت وية امي لان شو عادي يحجن سوة وعلاقتهن عادية اعرف ياسة متحقد ولاتشيل ع احد وامي هم طيبة كلب ماركزت بتفاصيل الموضوع المهم عندي المياه راجعة المجاريهة من نزلنة صبحتة عليهم جانو مخلصين ريوك وخواتي محاوطات امي وكاعدات يسولفن وياهة صوت وضحكهن واصل الراس الشارع اجتي ياسة كعدت يم فرح تشوف شنو ديحجون تشاركهم كرم اندمج ويه بنات رغد توم رزان وروان يحيهن دوم يلعبون سوه امي تحجي وياهن وتضحك وعينهة مني ومن ياسة سالت ع مهيمن رايح لبيت عمة يشوف مرتك كلت الامي خابري ياسر خلي يجيب عائلتة ويجي عازمكم ع سمج مشوي كالت امي ياسر مو هنا من البارحة طالعين كربلاء والنجف يزورون و ع الاكثر بايتين اي صحيح تذكرت هوة كالي هيج شي خابرني بالدوام وعزمني ماعبالة اني ملتحق كتلهة لعد خابري ابو بطن مهيمن خلي نكسب بي ثواب نغدي ويانة كالت هذة هم معزوم يم بيت عمة سكتت طلعت مبايلي العب كلاش ماكو غيرهة تسلية لشوية وطلعت اوصي ع سمج واتسوك لاهلي والبيتي مسواك كامل لان باجر التحق ساعتين زمان رجعت البنات كل وحدة ملتهية بشغلة كرم يلعب وية بنات رغد امي منتظرة الاذان تريد تصلي الظهر الا ياسة ماشفتهة سالت فرح عليهة فرح لعد ياسة وين نايمة بغرفتي عقدت حواجبي ليش اشبيهة صاير شي لاابد كالت نعسانة وتعبانة ودخلت غرفتي نامت هميت اروح اشوفهة شبيهة امي منعتني عوفهة يمة شو من نزلت الصبح وشهة اصفر خليهة ترتاح ظليت صافن هاي منو دتحجي فجئة كامت تدور راحة ياسة ماحجيت شي وهية كملت كلامهة ننتظر كم يوم واخذهة احللهة بلكت اللة هنا طخت امي عبالهة هاي اعراض حمل لذلك دتحاول تداري ياسة ضحكت ههههه بالعافية خلي ترتاح ياسة شكم يوم من مشاكل امي خاصة واني راح التحق باجر فراح تداريهة وتدللهة اخر دلال امي راحت تصلي واني رحت لغرفة فروحة طبيت لكيت كرم كاعد ع الجرباية وحاط راسة بحضنهة وهية نايمة ه الجانب وهوة يلعب بشعرهة مغمضة ويسولفون ها كرم سبقتني وحجزت الماما باوعلي وضحك وياسة فتحت عيونهة وبتسمت ها حبيبي شبيج مابية شو اللة ذب علية النوم تلمست كصتهة ماعدهة حرارة من لمستي غمضت شبيج حياتي يوجعج شي راسي بلاعيمي اووووو سلامتج حبيبي العصر اجيبلج علاج من الصيدلية بس لاتكولين لأمي ليش عود راح تدللج اليوم عبالهة اعراض حمل ههههه واللة واللة شبيج حتى منعتني اجي اكعدج كالت خليهة ترتاح البنية نزلت وجهة اصفر بس ترة صدك وجهج اصفر مو الكيمر ميوالم معدتي ثكيل واني هم ثكلت بالاكل وظلت بطني توجعني لعد ليش ماكلتي اجيبلج غير شي مو شتهيتة وثكلت ع واهسكم سبع عافيات ستلمت خدودهة تدرين شتمنة شنو بلة اخطفج هسة ووين نروح اخبيج بنص كلبي ههههه حتى لو تكولين ختنكت ماطلعج لزمت ايدي اللي تتلمس خدهة ومنو كلك اني اريد اطلع اووووف فديت باوعنة الكرم صافن علينة ضحكنة ثنيناتنة ع صفنتة صافن حبيب الماما حضنت راسة وبستة ظلينة نسولف فترة وكرم بنصنة الى ان صاحونة نتغدة تغدينة كولنة سوة وبعدين صعدنة الشقتنة ياسة ماتحسنت بدت تصخن وماازمة لفراش حتى المسواك من صعدنا ماكدرت ترتبة اني وكرم تساعدنة ورتبنا البارحة سبحت وطلعت جان وسبلت مفتوح ونامت شعرهة رطب وملابسهة خفيفة من هاي تمرضت ظليت اراقب حرارتهة اول ماصار العصر طلعت جبتلهة علاج ورجعت كعدتهة خليتهة تاخذ علاجهة كرم يمي اهتم بي بالاحرى اهتم بيهم ثنينهم حبيت استلام زمام الاهتمام بطفل وحبيت ثقتهة تكملة البارت 25 بية واعتمادهه عليه بمسؤوليه كرم بالليل نزلته تعشينه جوه بس ياسه مانزلت تعبانه امي سالت عليهه كتلهه تعبانه شويه عفتهه ترتاح سوتلهه شوربه وصعدتهه بيد فرح فرح وكلتهه الشوربه ونزلت ظلينه جوه فتره وبعدين صعدنه لگيتهه عركانه يعني فاكهه الصخونه بدلتلهه ملابسهه ونيمت كرم بفراشه باجر عنده دوام رحت شفت ملابسي داخضرهه بدلتي مغسوله بس ممكًويه كويتهه ورجعت يم ياسه مستمره بالنوم رغم الحراره فاكتهه خفت عليهه هو طبيب كال علاجهه ينوم لس منعقوله هالكد تنام فكرت اخابر وماداوم باجر ماكدر اعرفهه والتحق وهي بهالحاله غفيت يمهه ماعرف شكد مر من الوقت واني نايم بس كعدت بابا الغرفه مفتوح وياسة مموجودة بالفراش فزعت عبالي بيهة شي بسرعة كمت من مكاني ادور عليهة لكيت ضوة المطبخ مفتوح والثلاجة هم مفتوحة شفتهة واكفة كبال الثلاجة وصافنة تتفرج لابسة روب نوم مفتوح وجواه ملابس نوم كولش قصيرة سيقانهة وفخاذهة طالعة شعرهة رافعتة بأهمال ليفوك بعمري ماشفتهة ماشفتهة بأكثر من هيج أثارة بس سدت باب الثلاجة اندارت اخترعت من وجودي يمة خفت ابتسمت ع حركتهة خلت ايدهة ع صدرهة عاري البارز اكثر من المضموم اسم الله عليج تقدمت عليهة شلون صرتي وصلت الهة صارت كدامي وجهآ الوجه واني شاهد كوه ابلع ريكي وكوة لازم روحي عنهة احجي ومتصنع القوة وادعي يارب صبرني اريدهة هية تبادر لان ماريد تكرهني ولااريداخذ حقي بغصب كل مرة زينة حبيبي حجتهة بابتسامة ناعسة بريئة حطيت ايدي ع كصتهة الحمدلله ماكو صخونة ليش كايمة من فراشج كووومة نمت احس جسمي تكسر من النوم هماتين جوعانة تحجي بدلال ونعسانة عيونهة يخسي الجوع شتريدين تاكلين جزر ههههه شالت الجزراية بيدهة شوفتنياهة ها صرتي ارنوبة تالي الليل شو طيب حبيتة بالعافية اكلي فاكهة لينة خاف بلعومج مورم والجزر ياذيه احجي وابلع ريكي هية حست بية لحيت هواي بموضوع الاكل ابتسمت وحجت هية وتكرط جزرايتهة شبيك رفعت حاجبهة بشقاوة واني بس كالتلي شبيكً سكتت اني ع شنو جنت احجي ماتذكر وهية ما زال رافعة حاجبهة بشقاوة وكاتمة ابتسامتهة وتباوعلي من ابتسامتهة الخبيثة اعرف هية شبيهة صرت اتخيل هية بحضني وع وجهة هاي النضرة الة اشلع شفايفهة شلع واني ابوسهة ااااااف طردت الافكار من راسي خزرتني بالشقة وكزت اسنانهة وحجت اشبببببيك تقدمت تجاهة خطوة وحدة اخذت حزام روبهة اللي جان ستر لان الروب مفتوح وسديت الروب بديت اربط الحزام واحجي مرة مريضة وكوة فكتج الصخونة تتحارشين لييش احجي واشتغل كلما اربط الحزام مال روب هية تفتحة اربط وتفتحتة اربط وتفتحة ممهتم الحركة ايدية وايديهة بكدما عيني ع شفايفهة من تحركهة وهية تحجي اتقدمت كدامي خطوة وحطت ايدهة ع ركبتي بأديهة وشنو المشكلة اذا تحارشت حجتهة بدلع هنا تركت حزام الروب وبلعت ريكي نزلت عيونهة ع تفاحة ادم من تحركت واني دابلع ريكي الرحمة حلوة حن واني احن ههههه ههههه افهم هاي اشارة قبول شاحت نضرهة بعيد عني بأصبعي ع حنجهة درت وجهة هااا هزت راسهة اي راسآ شلتهة شهكت من المفاجأة وحوطت ركبتي بيدهة جزرايتهة بيديهة وتكرط اباذني الوجهة غرفتنة المكان فراشنة طرحتهة ع الفراش هذا اللي جنت منتظرة منهة رد الفعل اللي يحسنني هية تحبني وتريدني اللي صار بعدهة حلم شي خيالي خبلتني بتفاعلهة مثل العجينة بيدي شلون ماريدهةتصير ماكتفيت منهة وماكتفت مني ابتعدت عنهة التقط انفاسي اباوعلهة ساكتة مغمضة سحبتني الصدرهة بيج شي حياتي همممم شنوو تعبت ههههههه ضربتني بصدري شكو تضحك ط ع شكلج شبي شكلي شنو جنتي تتعاركين شو مكفشة ههههه رجعت ضربتني بكتفي غير اكو واحد ماشايف كفش شعري ههههه هوة مال مشايف اي واللة ماشايف هيج حورية بلة انتي عمرج ٢٧ وجايبة طفل امممم احبك سحبتهة لحضني اكثر وكلبتهة اخذتهة للمرة اسف بطلت احسب وراهة رجعنة نمنة كعدتهة ب٦ الصبح المنبه دك كعدتهة حبيبي كومي همممم نعسانة واللة اوك كملي نومتج كمت نهضت من الفراش سحبت ايدي وحجت والنوم كابس عليهة بيش ساعة ب٦ عندك دوام اي حبيبي شوماكلتلي التهيت بيج ونسيت بدلتك مكاويتهة لااني كويتهة البارحة بيج حيل تكومين تسويلي ريوك اممم نعسانة واللة اوك حبيبي ارجعي نامي اصلا شبعان جزر ضحكت هذا ارنب نايم يمي بالليل ويكرط امممم نصيت بست شفتهة وكمت سبحت وبدلت وهية رجعت نامت واني طلعت للدوام للحكايه بقيه .. نشرت بدون تصحيح .. غلسوا ع السحكات .. المفروض البارحه انشر لان البارت جاهز بس خلص اشتراك النت واليوم فعلنه ومسويه حملة تنظيف ع البيت .. مازال الواهس ماكو للكتابه لذلك ماعرف موعد تنزيل البارت الجاي شوكت .. اعتذر مقدمااا .. | ||||
|
| |
|
21-07-20, 10:29 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 26 #أزمة_أحساس بقلم روسكان الجبوري اسبوع كامل ياله انزل شلت هم راح اشتاق حيل يوميه بليل نتخابر ونفتح كام..نتغازل ونشاقه ونضحك عوضتني حرمان اشهر منها ومن حنيتها واهتمامها طبعا بااول يوم داومت بي انشلت ولزمتني الصخونه وياسه تضحك عليه لان هيه الي نقلتلي الانفلونزا وبنفس الوقت توصيني اخذ علاج كل روحه اليه للدوام كانت هروب من ياسه وامي والبيت والمشاكل بس هالمره متلهف ارجع واحسب للاسبوع يخلص يوم يوم المفروض يوم الاحد انزل للبيت يوم يوم هيه وياي نبقى للساعه 2لو 3الفجر اساله ويه امي شلونها وياج هم تاذيج بالكلام هم تسويلج مشاكل تگول زينه ..ان شاء الله تكون زينه مثل متكول...امي ساعاتها براحاتها ويمكن شاكه بياسه حامل... صار وقت نزولي جان يوم احد خابرتها لياسه كلتها جاي بالطريق اريد ريوگ گالت ليش موتوك من الجوع بالدوام ؟گتله لااتريك بيج واتريك اكل....جوابها ضحكه شقيه خطفة گلبي دخلت البيت اهلي البيت فارع اعرف فرح بدوامها بس امي وين ؟..دورت عليها بالغرف ماكو طالعه من الصبح؟..سمعت صوت على الدرج احد دينزل ركض ماكو غيرها حبيبة گلبي شفتة دتنزل ركض من الدرج ضحكة بفرح.. ولج لتوكعين^_الله الله_^ وصلتلي فتحتله اديه حضنتها بقوه عبالك دهر مشايفها وهيه مثل الطفله بحضني بوسة وجه كل شبر بي وشعرها حبيبي عمري حياتي مشتاقلج .. اني اكثر حبيبي ابتعدت عنهه شويه شو البيت فارغ..؟ كلها بالدوام لعد وامي؟ خالتي يم بيت اختها صارلها يومين اممم اكول مرتاحه غاب القط العب يافار هههه لاوالله هيه زينه وياي مادري الله هاديها عليه هالشكم يوم ذني _ان شاء الله يارب دوم الله هاديها عليج _شلون صرت حبيبي _اي ذكرتيني عندي ثار وياج شلون مرضتيني وانتي طبتي...؟ _هههه والله اني معليه انته متصبر _هوه منو تحارش..هااا؟ _جنت مصخنه ماعليه عتب..هههه _ حضنته بحنان _جديات مشتاقلج... _اني هم والله تعال محضرتلك ريوك يخبل ومنتضرتك متريكت _اويلي على الدلال _هههه لامصلحه.... _مصلحه وياها دلال قابلين يابه _كادتني من ايدي واخذتني نصعد الشقتنه _اي أرنوبه شنو هالمصلحه _الجو برد اريد افرش الشقه وياحزرك منو يفرشها الي؟ _امممم اكيد رجل المهمات الصعبه _مممم...اي حبيبي ابو عضلات _دخلنه شقتنه قفلت الباب وحصرتها بين حضني والباب _وين كرم _جاوبتني بإبتسامه عبثة شقيه بدوامه.. _عضت شفتها رأسا نصيت بستها..ابتعدت عنها _اووف مشتاقلج موت _تعال نتريك..ميته جوع _لايا ام بطن ..اكولها مشتاقلج تكول جوعانه _ههههه _كافي ضحك موتكولين اني حبيبج ابو عضلات تعالي نجرب العضلاة _استغربت شلون..؟؟ _مالحكت تاخذ من لساني جواب اخذت جوابها من افعالي شلته وتوجهت بيها الغرفتنه .....احم... جانت نايمه بحضني..قميص البدله العسكريه واگع بالگاع..باوعناله وصحكنه سوه.. هي گالت _هي كالت.. _يااا باع قميصك..و الرتبة..ههههه راحت الهيبة _غير مشتاق _فديت المشتاقلي..يلا كوم اسبح..متت جوع _خبلتيني بالريوك و بس لو اعرف وين يروح الاكل جان ارتاحيت.. _لا حبيبي سمنانه والله _شو خل افحص من يا صفحة سمنانة _هههههه يامن!!! _صرت ادغدغهة وهي تضحك و من الحاحها على الريوك كمت سبحت و حضرنا الريوك سوه و تريكنه سوه الحياة لو هيج لو بلاهة والله اني ما جنت عايش شكد ما تنطي تاخذ اضعاف...يعني شكد ما ادلل و تصبر و تحب و تحترم هالانسانه اللي تحبهة راح اجازيك باضعاف افعالك...ربي يديمها السعادة علينة للظهر ظلينا وحدنا و البيت فارغ حتى طبخ غدا طبخت على ذوقي و مشتهايتي..فوك وكمية تكفي الكل و بعدين نزلت الاكل جوة اجه كرم و استقبلته بالاحضان و هو هم مشتاقلي ظل يحضني ميقبل يوخر..احسة صار قطعة من كلبي اجه مهيمن من دوامه سلم .. و اجتي فروحة ..امي الظاهر هم اليوم تجي خابرتهة كالت مطولة يومين و ترجع لان اختهة مريضة شويه عفتهة براحتهة تغدينه كلنه سوة..وره الغدة استلمت لنوم عميق لثاني يوم الصبح كعدت على مضايقات رجلين صغار لكيت كرم نايم بيني و بين امه و نومته عبثة شويه باوعت الساعة عابرة ثمانية الصبح ..كعدت ياسه بسرعة عبالي رايح عليها وقت الدوام _حبيبي ياسه..ماخذتج النومة؟ اكعدي شو كرم لسة مرايح للدوام و الساعة عبرت ثمانيه... _لا حبيبي مغيبته اليوم _ليش؟؟بي شي؟ _لا كلبي مو اتفقنة نروح لاهلي؟؟ _شوكت اليوم..منو اتفق .. اني؟؟ _ههههه ..حباب .. انت وعدتني و صارلي كومة مشايفه امي.. _سهلة سهلة رجعت نمت بعدها تريكنه و رحنا لاهلها تغديت يمهم..حيدر عازمني على غدة و بعدين رجعت للبيت و اتفقت وياها بالليل امر عليها اخذها بالليل اتصلت عليهة ابلغهة راح اطلع من البيت اجيهة علمود تتحضر بس كان الهة رأي ثاني..من خابرتهة _هلو حبيبي شلونج؟ _زينه انت شلونك؟ _مشتاقلج..يلا تحضري راح اطلع امر عليج _اوكف نتفاهم _على شنو _ اختي صابرين اجتي اليوم العصر و اريد ابات..والله صارلي هوايه مشايفتهة حتى بزواجي مجتي... _مممم توسلي بعد _حباااب..حباب _لتسوين هيج تره هسة اجيج _هههههه لعد شلون اتوسل _وافقنة يلا بعد لا تسويلنه اغراءات قصدي لا تتوسلين _امممم يسلمو..احبك ها حبيبي قبل لا انسه دز ابو حمزة باجر الصبح لبيت اهلي _علمود دوام كرم غير.. ماشي كلبي.. تدرين؟مراح اشتاقلج _و اني همين حبيبي _اليوم حضني بارد _لا .. نتخابر كام بالليل ..مو تنام من وكت ..انيمك على ايدي _ولج راح اجيج _ههههه..اسكت شلون؟؟ والله حيرتني _كلشي لا تسوين ..راح اطلع اني هسة _وين؟؟ _ويه جماعتي نفتر فد ساعتين و ارجع _ماشي كلبي بس لتتأخر _تخافين عليه؟ _هذا سؤال؟ _اي و جاوبي _انرعب عليك _يا ويل كلبي _احبك _اموت عليج _يلا حبيبي راح اروح _اوكي براحتج..سلمينه _يوصل دير بالك على نفسك حبيبي _اوك انتي هم _يلا باي.. _الله وياج عمري سديته منها و رحت بدلت و طلعت ..ما تأخرت من رجعت تخابرنه كام و سهرنه لساعة متأخرة من الليل..اتفقنه باجر الظهر اجيب كرم من المدرسة و امر عليهة اخذهة بدون ما تعطلني على الغدة لان دائما يحرجوني بكرمهم حيدر لسه لازم المعمل مالتي..بس لقاءاتي بي قلت لان دوامي صار اسبوع بأسبوع مو يومي مثل قبل ثاني يوم من الصبح خابرني حازم ابن خالتي..امي ملوية رجلهة و واكعة من ثالث درجة..ورجلهة مكسورة خابرت ياسر و مهيمن و رحنالنة للمستشفى لكيتهة مجبرين رجلهة و الطبيب مطيهة مسكنات و بعدها تون من الالم طلعناها للبيت .. لبيتنه.. خليتهة تصعد ويه ياسر و اني رحت اجيب ياسه من بيت اهلها لان خابرتهة و سولفتلهة شصار بأمي فكالت تعال اخذني ماكو داعي ننتظر جيت كرم و ابو حمزة يجيبة من الدوام لان فرح خطية بالدوام و متدري بأمي واكعة وياسه بنت اوادم و اصيلة بسرعة حسبت حساب محد يم امي و اكيد تحتاج احد وياها... اخواني وصلوا امي للبيت و اني رحت اجيب ياسه لكيتها متحضرة ما عطلتني... طبيت سلمت و طلعنه وصلنا للبيت لكيت امي نايمه من الادوية المسكنه الماخذتهة طبعا هناك لكيت ام جنة مرة اخوية ياسر وحتى حنين مرة مهيمن جايه البنات حضرن الغرفة لأمي و جايبيلهة عكازة الدكتور اكد انو متتحرك ابد فقط روحتهة للتواليت و حتى التواليت طلب مقعد او تواليت غربي منا لشهر بين ما يفكولهة الجبس ياسه سوتلهة شوربه و سوب مي لحم ياسمين مرت ايام و اني اداري خالتي تقريبا استقريت جوه خاصة من يامن يلتحق حتى نومتي بالليل اذا يامن موجود بشقتنه و اذا ملتحق لا اني و كرم انام يم فرح بغرفتهة... اخر مرة رحت لاهلي عرفت من اخوية زياد داري اني تزوجت و يريد ابنه ..حيدر مبلغة انو ميكدر ياخذ الطفل لان يامن مسوي ورقة تعهد من المحكمة يكفل بيها الطفل ...بس هذا الظاهر مو كافي لردع زياد اني محجيت شي ليامن لان اولا مصارت فرصة من اول ما رجعت خالتي رجلهة مكسورة و هي من النوع النحس..لا مو نحاسية بس عبالك راجعة طفلة تريد اهتمام و مداراة و تتعارك ويه ولدهة اذا مو يومية اجوي شافوهة و كعدوا وياهة... اني خارج قوس ماعرف الله هاديهة علية مدري لان مكابلتهة اربع و عشرين ساعة خطية خاف تحتاج شي و هي ممنوعة من الحركة و اصلا متكدر تتحرك الا على العكازة و واحد يسندهة تقربت منها حيل هالفترة صرت اني مسؤولة عن تواليتها و حمامها و اكلها و ملابسها صح تعب بس احس التعب وياها ديجيب نتيجة شكد ما اداريهة تدعيلي و اني محتاجة دعائهة ودعاء امي لان صح هسة مرتاحة بحياتي بس اكو خوفة بداخلي.. مكملة حياتي بخوف من زياد منبهة على ابو حمزة يوصل كرم بيدة للمعلمة اللي تستقبل الاطفال و يروحلة قبل وقت طلعتة من الدوام علمود هم ياخذة بيده و حتى مرة رحت للمدرسة مالتة حجيت للمديرة قصتي و تعاطفت وياي و نبهتها ابد متسلم الطفل لغير ابو حمزة او يامن مرات يروح يجيبه كد ما اوصي يام يتصل بأبو حمزة و يوصي حس يامن انو اكو شي و من سألني ما كدرت ما اخبرة انو زياد عرف بيه تزوجت و يريد ياخذ كرم.... ردة فعل كانت..انو حضني و طمني محد راح يكدر ياخذ كرم مني مر شهر و حمويني ياسر و مهيمن اخذوا خالتي .. تكملة البارت 26 للمستشفى علمود يفكون الجبس مال رجلهة يامن جان ملتحق بس اليوم يجي حضرت اكلات طيبة برياني و تشريب دجاج و حنين سوت مقبلات ومتحضرين تجي خالتي اندكت الباب و طلعت نور ام جنة فتحتهة اني و حنين دنسولف بالمطبخ..كل توقعي لو خالتي و ولدهة راجعين من المستشفى لو يامن لان كال على جية طبت نور و وجهة ينطي الوان اشرت لحنين..ماعرفت شنو معنى هاي الاشاره البيناتهن سألتهة منو بالباب _نور..هاا خطار _اي منو؟ _ماعرف يردون خالتي..طببتهم للاستقبال _دنيا ظهر اكو واحد يجي هيج وكت... راح اقدملهم مي طفرت حنين كالت _لا انتي تعبتي بالغدة روحي ارتاحي جهزي روحج لجية يامن..هسة نور توديلهم مي.. كلت..بعد احسن رحت ارتاح بغرفة فرح ..شويه و سمعت صوت ابو جنة و مهيمن طلعت اسلم عليهم و على خالتي و اشوف فكوا الجبس لا و هم اشوف شنو سالفة هذولة الخطار دخلوا للخطار و اني ظليت يم البنات ..شوية و سمعت صوتهم صار عالي... _خير يا ستار هاي شكو؟؟ رحت يم باب الاستقبال اتسمع ردت افتهم شكو من بين الكلام سمعت انو الجاي ابو زهراء سمعتة يكول لخالتي شو ابنج عقدهة ادري شوكت يلم نفسة يتمم زواجه على البنية عبالك واحد و لطمني على حلكي... يعني شنو معناتهة ابو زهراء جاي و يكول ابنكم خلي يكمل زواجة...اتذكر من سألته على زهراء كال فصخوا... يعني جذب علية؟؟؟ ظليت كاتمة صرختي و اعض بأصبعي حييل.. حنين و نور جرني من باب الاستقبال و يهدن بيه بخبال ظليت اسألهن _ يعني شنو؟؟يعني شنو فهموني؟؟زهراء لسة على ذمتة؟؟ _حنين..لج ماتزوجها بس جانوا عاقدين سيد _وفصخ؟؟موفصخ؟ليش نا طلكهة سيد ليييش؟ _نور..اهدي شبيج هسة يجي يامن و نفتهم اليالفة منة.. _و اني انتظر لمن يجي يامن عفتهن و صعدت لشقتي مبايلي فوك دكيت على يامن.. دكتين وراها رد _يامن.. هلا حبيبي _يامن سؤال واحد _خير يا ستار ..اسألي حبيبي.. _زهراء لسه على ذمتك سكت وذب زفير قوي عرفت جوابة اني..قبل لا ينطق _شذكرج بزهراء هسة؟؟ _ما جاوبتني _ اي فصخنة _مو هذا سؤالي..سألتك زهراء لسه على ذمتك اي لو لا؟؟؟ _تعاركنة و تركنة _ بس جنت عاقد عليها ما طلكتها ... _صحيح بس.. _بس شنو؟؟..... ليش ما طلكتها ليش بقيتهة على ذمتك طول هاي الفترة..ليش يامن؟؟ _يامن........ _مجاوبني..اني اكولك ليش ردت تكسرني بيها..انت وعدتني اطيح حظي تذكر لو اذكرك شسويت بيه.. _ها هم رجعنة ...مو تصافينه و فتحه صفحة جديدة _اي بس اني الفتحت صفحة جديدة لان فطيرة و غبية و صدكت بيك .. _ياسمين!!انجبي شنو هالحجي _مثل مسمعت _ياسمين..عقلج بي شي ..شنو هالحجي؟؟ _يامن يكون بعلمك اذا مشيت على اللي ابالك تحلم اصيرلك مرة بعد.. _ولج هو شنو الي ابالي.. احجي عدل غبية لا اجي اطيح حظج.. _هو انت بس بهاي فالح ..تهديد وضرب.. _طايحة الحظ هاي ويامن تحجين هيج؟؟مو اجي اكص لسانج حقيرة.. سديت الخط و كلي ارجف...ظليت ابجي و منهارة ..الغيرة نار و شبت بيه عمتني عمي.. فتحت كنتوري لميت ملابسي و ملابس كرم.... ما ابقة هنا اي ما ابقة و اتفرج عليه و هو يتمم زواجه.. خابرت ابو حمزة سألته انت وين كال جايب كرم و جاي بالطريق كتلة انتظرني بالباب مو تروح اريدك تاخذني لاهلي... للحكايه بقيه .. بعد بارتين او تلاثه يمكن وتخلص القصه .. اسفه ع التأخير .. احاول ما طول عليكم .. | ||||
|
| |
|
21-07-20, 10:31 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 27 #أزمة_أحساس #بقلم روسكان الجبوري سألني خو مصاير شي ام كرم؟ جاوبته لا ماكو شي بس امي شويه تعبانه سديته منه لبست عبايه اسلاميه ولفيت شالي و نزلت... شافني حنين و نور ظلن يتوسلن بيه انتظر جية يامن وافتهم منه و ما اتسرع بالحكم عليه.... شافني ياسر ابو جنة .. - خيتي انعلي الشيطان و لا تطلعين يامن هسة خابرته على جية و نفتهم منه... - ابو جنة اني هم خابرته و اعترفلي بلسانه زهراء بعدها على ذمته... - اكيد عندة تفسير للموضوع اسمعي كلامي و لا تتسرعين و تطلعين من بيتج... - ابو جنة كلامك على عيني و راسي ..اني اعرف شي و انت تعرف شي ثاني.... هو قاصد يبقيهة اعرفة كلش زين سكت ابو جنة - براحتج بس اخذيهة كلمة مني انتي هسة صاحبة حق بس تطلعين من هذا البيت بدون علم يامن و بدون رضاته تندار السالفة عليج - اكيد طبعا يلزم السالفه من ذيلها هو اخوك دائما هيج... اجه ابو حمزة صعدت وياه ورحت لاهلي بدون لحظة تردد وصلت لبيت اهلي منهارة و ابجي..ابو حمزة وصلني وراح ... تلكتني امي سولفتلها كلشي بحركة و بجي و خوف و رجفتي..ماعرف شجاني عبالك تخبلت مداتحمل فكرة يامن يكسرني بزوجة ثانية و الا شنو التفسير شنو عذرة مبقي زهراء على ذمته لحد الان و احنه صارلنه اربع اشهر من تزوجنه بعدنا بالطرمه ..بهالاثناء اجه حيدر شاف حالتي ركض عليه عباله بيه شي لو كرم بي شي حاول يهدأني دخلني جوه..وسمع مني..سولفتله على كلشي و ماقبل على تصرفي كتله خابرته و اعترفلي كال و ان يكن اسمعي للاخير شوفي شنو عذرة ليش هيج سوة ... ماقبل ابقى زعلانة ببيت اهلي..كوة عليه صعدني سيارته و كالي كرم يبقى يم امي خاف الصوت العالي يخوفة..كال الحق وياج وهيج مشكله مينسكت عليها مننتظرهة تكبر يلا نكعد ندور حل..هسة نروح ليامن و نتفاصل وياه و نفتهم منه ليش هيج سوة صعدني سيارته ورجعني لبيت عيالي من بداية الفرع شفت يامن بالباب يريد يصعد سيارته ...دكله حيدر هورن حتى ميصعد السياره و يطلع بيها...الظاهر يامن واصل من دوامه وعرف انو طالعة زعلانه لبيت اهلي و جاي لأهلي كلما تقترب السياره كلبي نبضاته تزداد..عيونه تلفظ شرار ملامح الغضب بادية بوجهة .. قبل لا نوصل طب جوة و رد طلع ما اعرف يمكن اكو وحده من البنات بالطرمه ونبهة على جية حيدر.. رجع طلع..سيارتنه واصل لباب بيت عيالي..كالي حيدر انزلي..نزلت وعيون يامن عليه..معصب نار يعض بشفته..نظراته تتوعدلي اول ماصرت قريبه على الباب الخارجي يعني قريبة منه همسلي..حسابج بعدين..فوتي.. رفعتلة حاجب...معاجبني دخلت للطرمه ماكو احد عيني على باب الاستقبال اهل زهراء بعدهم لو لا.. دخل اخوية ورايه..يامن سد الباب - ابو فهد شو بملابسك العسكرية - والله هاي جيتي من الدوام.. باوعلي حيدر بنظرة خوفتني..خزرني ما راضي على تصرفي..سألني -مو زوجج اللي جابج؟ - لع ابو حمزة يحاجيني مخنزر... -و طالعة بدون اذن زوجج مو؟؟ - مو ما استحملت.. ما خلاني اكمل صاح بيه جرني من كتفي من كتف عبايتي الاسلاميه.... - انتي شلون تسوين هيج يامن بسرعة جرني من يمه من عكس ايدي خلاني بظهره صار بيني و بين حيدر - هاي غلطة اني احاسبهة عليهة...بيني وبينهة..ممسموحلك تأذيها ابو كرار سكت اخويه و ابتعد اني مصدومه بتصرف حيدر..اتذكرت كلام ياسر اني صاحبة حق و اذا طلعت من هذا البيت بدون اذن زوجي تنفر السالفة عليه كمل يامن..و المشكله الجابتك عليها بهاي الظهرية محلولة ان شاء الله... - حيدر..مو بس حجي ابو فهد اريد افتهم السالفه..شلون البنيه الخاطبها قبل ياسه لسه على ذمتك -يامن..دتفضل جوه نسولف - ياسمين..عبالك لغوا وجودي ظل يامن لازمني من عكس ايدي من وعيت من صدمة تصرف حيدر ردت اخلص روحي من قبضة ايد يامن بس ما خلاني الى ان دخل اخوية للاستقبال وراها التفتلي... -يامن..اكسر رجلج بعد اذا خطيتي خطوة وحدة بره هذا البيت بدون علمي و دفعني لباب المطبخ ودخلني و سد الباب و رجع دخل لاخوية من باب الاستقبال الثاني ظليت واكفة بالمطبخ ..صافنه عقلي واكف ..احس بالضياع ..معقولة كل هاي الناس صح و اني بس الغلط..شنو ممكن يكون تبرير يامن للموضوع جرتني نور كعدتني ..راحت حنين جابتلي مي شربت رشفه ريكي يابس مو من الحجي من الهبطة من الخبر ... وجهت كلامي للبنات - شصار ورا ما طلعت - نور..وراج اجه يامن تصايح ويه ابو زهراء - ليش -ابو زهراء يريده يستعجل بالزواج يكول البنيه راح يصير الهة سنه مخطوبة الناس اكلت وجهنا و يامن كاله صار ست اشهر من تركت بنتك - صفنت .. يعني تاركها فبل لا يخطبني.. زين ليش بقاها على ذمتة .. دخت والله دخت من التفكير - يعني شنو نور..اني مدافتهم..بعد ما استوعب كوليلي يعني شنو قصده يامن بهذا التصرف... -نور..يكول صادفت شهر ملتحق و ناسي السالفة تماما و هي الادبسز مكايله لاهلها خطيبي تاركني..ابوها هم ظل صافن من هدؤوا و سولفله يامن القصة بهداوة -حنين..وج ابوها هيج عليك يا الله سائل يامن كايله لعد كل يوميه نشوفها تتخابر و كلما نسألهة تكول خطيبي.. - نور... اسكتي حنين هاي اعراض عالم لا تحجين بشماته.. -ياسمين..وشكال يامن من سمع هيج؟ -نور..شيكول يعني اهلهة يتصرفون وياهة.. ياسمين..سكتت هدأ داخلي شويه..دقايق و دخل يامن للمطبخ -يامن..ياسه تعالي رحت وراه ...دخلت للاستقبال .. اخويه كاعد..اني تقريبا افتهمت السالفه بس يعني مو مصدكه .. اكو واحد ينفصل عن خطيبته و ينسى يطلكها سيد ... اخوية يباوعلي بنظرة اتهام.. - يامن..اكعدي ياسه كعدت.. -يامن..شوفي ياسه كلشي سولفت لاخوج و هسة اعيد عليج الكلام كدامه ..تعاركت ويه البنيه و تخاربنه و كلمن راح لحاله...جنت ملتحق ظليت بالجبهة شهر يلا نزلت..و روحه لابويه عقل ما ظل براسي و لا هي خابرت و لا اني و لا اهلهة خابروا يستفسرون ..وراها خطبتج و التهيت بالتجهيزات زواجنه صار بأسبوع لو اعشر ايام طلعت الافندية مكايله لاهلهة فاصخين و ابوهة اجه اليوم يتعارك وياي بس بعد ما سمع مني اتفقنه اليوم العصر اروح اطلكهة عد السيد... ياسمين..ما نطقت و لا كلمه اخوية مبين مرتاح لهلكلام..ملامحة مرتاحة.. كام حيدر ديترخص -وين ابو كرار حتى ما ضيفناك مي. ههههه خيرك سابق يابه قابل اريد اجربك - رحم الله والديك ... شوف هاي اختك بالعباس مخبلتني خبال - ههههه الله يساعدك تسالم حيدر ويه يامن و تقرب عليه - يابه هدي هدي و الزمي بيتج..ثبرتي البيت على مشكله طلعت و انحلت بساعتهة..وين ياسه ام عقل الجبير... -يامن..لا تلومهة ابو كرار مريتي تحبني و ما حركتهه غير نار الغيرة...يامن كال كلامه و هو ضام ابتسامته و يباوعلي بتملك..صح مو راضي على طلعتي بدون اذنه بس عاجبته حركة دمي و الغيرة اللي اشتعلت داخلي بس عرفت زهراء بعدها على ذمتة حيدر باسني براسي.. -يامن خوش يامن..ديري بالج عليه.. ياسمين-اكو جزء من عقلي ممستوعب ..صغروا المشكله و هي جبيرة عندي..مدري لان همة زلم ميستوعبون المنا و نارنا من نغار لو نشك..لو انقلبت الايه و خطبني شخص قبل يامن و هو يحبني و قبلت بهالشخص ..يامن راح يتصرف بهالبرود؟؟.... اخوية طلع بعد ما اتفق وياه العصر يمر على اهلي يجيب كرم..و اني رحت شفت عمتي ..كالت حنين شويه صعد ضغطها..لكيتهة نايمه..كالت حنين نطوهة مدرر و نامت بعد ما ارتاحت عليه و نزل الضغط صعدت لغرفتي يامن لسه مصاعد..مدري ديحجي ويه حيدر مدري ديتغدة.. على الاكثر ديتغدة لان صاحتلي نور عالغدة كتلها شبعانه رغم ما تغديت بس شبعت قهر طبيت سبحت ..ردت ابرد.. كلشي داخلي فاير بس ملامحي هادئة.. طلعت من الحمام..لكيته بالغرفة مطروح على الفراش.. من شافني كعد على حيلة.. - يامن..ياسمين -انتبهت عليه بمعنى نعم ورجعت صديت عنه.. - اللي صار اليوم مراح احاسبج عليه ..لان اعرف الدافع بس اذا تكرر متلومين الا نفسج -مجان عاجبني احجي ..باوعتله نظرة ورجعت صديت .. ورحت لجهتي بالجربايه.. - لا و فوكاهة هي الزعلانه و معاجبهة كالبة الخلقة و متحجي تمددت بعيد عنه بالحافة و نطيته ظهري هو جان نايم على ظهرة و حاط ايده جوه راسه دغني بكتفي..ما اهتميت دغني مره ثانيه..غمضت و غلست دغني مره ثالثة ..عصبت و نداريت عليه بعصبية.. نترت - شكوو؟؟ - جاوبني ..و شكاوة.. غيرتج حلوة.. - ما غرت - اهاا؟لعد على تصرفج و طلعتج من البيت بدون علمي المفروض اكسرلج رجليج.. - باوعتله بطرف عيني..اول مره اشوف واحد عاقد و يفصخ و ينسى يطلك خطيبته - يعني اني كذاب؟؟ -سكتت. بعدين كتله..شلون اخويه صدكك..شكتله؟ - ههههه عندي قوة اقناع رهيبة - عوجت حلكي..أييييي.. - يعني مثلا هسة راح.. سحبني لحضنه و كمل كلامه..راح اقنعج تنامين بحضني - دفعته عني..نترت..من تطلكهة يلا - زين بس بوسه - ماكو... -بس شمه -ولا نفس.. - حقيرة..العصر اطلكهة ارجع كبل و شوفي شسوي بيج....اخذ حقي مربع لو لا.. -باوعتله بطرف عيني..هه...العصر تجيب كرم..كرم هنا فنك تتقرب..يلعب بيك طوبه .. يغار على امه فدوة لكلبه حبيبي... - لا تكولين فنك - فنك - يااااسه - فنك قصدي نعم - ما اطلك و لا اجيب كرم العصر - هااا مو كلنه مقصودة طلع كلامي صحيح.. - اي مقصودة شسوين؟؟.. - اكلب الدنيا على راسك دخلي يجي العصر و ماتروح تطلك و اني اشوفك شلون اسويلك عزة مرتب يلوك لهل عيون.. - يمه....يمه... اليوم الغيرة فوول..اموت اني على الي يغارون.. - همست..لوگي.. - شنو ولج.. - ما رديت...ابتسمت و نطيته ظهري ونمت .. يامن .. حسيتهه غفت سحبتهه لحضني .. حته وهي نايمه قاومتني .. ولج شنو من عناد عندج .. فتحت عيونهه .. موجنت نايمه ليش تتحارش ..؟ ماريدج تنامين وأني زعلان منج .. ههههههههههه .. شنو الي يضحك .. يله راضيني .. أني الزعلانه اراضيك شنو .. وليس زعلانه بله .. هو منو يحقله يزعل اني لو انتي .. أخر واحد يحجي بالزعل انت .. اندارت عني ونطتني ظهرهه .. غمضت عيوني أحاول انام .. متتعاند .. طلعتلي گلب .. هستوهه اخذت عيني نوم ودگ تلفوني .. باوعت الشاشه . . حيدر .. ياستار شكو .. مصارله ساعه من رجع للبيت .. گعدت ياسه ع صوت التلفون .. منو هذا ؟ اخوج. ياستار شكو .. رد بسرعه خاف أمي صار بيهه شي .. تمام .. فتحت خط .. الووو .. للحكايه بقيه .. توقعاتكم للبارت الجاي ؟؟؟ | ||||
|
| |
|
21-07-20, 10:55 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 28 #أزمة_احساس بقلم روسكان الجبوري ياسمين.... حيدر اتصل على يامن..شفت ملامح وجه يامن تغيرت..محسسني بمضمون الكلام الدار بيناتهم _يامن..شوكت هذا الحجي؟ _حيدر..من جنت يمكم..امي طالعة تشتريله و ماخذة منهة وظالة تصيح بالشارع.. _ياسمين..انخمط كلبي..سألته يامن عليمن دتحجون؟؟ يامن مكمل كلام ويه حيدر يريد يعرف كل التفاصيل _يامن احجي..دتحجون على كرم مو..زياد الحقير اخذة؟؟ هزلي راسه و يسويلي اشش _عرفت والله عرفت... سد التليفون من حيدر و كام يبدل.. و اني بمكاني طگيت بجي..ماعرف شسوي..كلشي ولا ابني..كلشي ولا زياد ياخذة مني..مو حبا بي بس حقارة و عناد بيه..عقلي رفض يستوعب ظليت بمكاني ادك على رجليه..ابجي بحركة..شكد خفت من هاي اللحظة..شكد قاومت قدري..شكد تخيلت وصولي لهاي اللحظة..من يخلى حضني من كرم ..بس ابد متوقعت هيج الشعور..الم حاد بروحك يمنعك تتنفس.. ظليت اون و انود..اريد ابني..اريد ابني.. صاح بيه يامن.. _راح اظلين تولولين هواي؟؟ انتبهتلة..مبدل _اروح وياك عفية..اريد ابني يامن... _كومي بدلي بسرعة.... كمت اجر بروحي جر..لبست عباية اسلامية فوك ملابسي ولفيت الشال... يامن يدور بالاوراق.. _على شنو تدور؟؟ _ورقة الكفالة اللي سويتهة من عقدنة.. خرب _____ كفر يامن..كرهت اسمع كفرانة...الورقة مدايلكاهة فردش الاوراق كلها طشرهة بالكاع...دموعي تجري..اذا حجيت حجاية وحدة وياه يعيط بيه ... كعدت بالكاع ادور ورقة ورقة و المهن و هو يدور بالجرارة..دموعي تمنعني اقرة شمكتوب بالاوراق امسح الدموع و اشوف و تطلع مو هي...اخير شي شفت مكتوب كفالة.. كتلة هاية؟؟؟ نترها من ايدي..قرأها كال..اي هي هاي كام بسرعة اخذ مبايلة و سويجة و نزل.... اريد اكوم ما عندي حيل...بجيت..سمعته صاح عليه الحكة...كمت بالكوه نزلت وراه.. صعدت بالسياره و قاصدين بيت اهلي... ساكت بس ينافخ... _يامن شراح تسوي؟؟ _اروحلة لهذا العارر.. سكتت عقلي يسولف و يسأل و يفكر وكلبي يجاوب..زين اذا راحلة و شوفة ورقة الكفالة قابل راح ينطيه الطفل .. شنو اضحك على روحي... من عقلي حللهة هالشكل نزلت دموعي بحرگة.. غطيت وجهي و ظليت ابجي يامن يباوع لناحيتي بس ميحجي شي..احس جزء منه يحس بالذنب من اللي صار _تتوقع بهالسهولة بس تنطي ورقة الكفالة يرجعلك الطفل؟؟ _باوعلي بنظرة..بس ما حجة آاآاآخ يا نار كلبي محد يحس بيهة.. وصلنا لبيت اهلي..حيدر واكف بالباب اول ما نزلت تلكاني مدنك رآسه... هو اللي كالي عوفي كرم هنا.. _حيدر رجعولي ابني..اليوم اليوم حيدر...ابني مينام بغير حضني... و شهكت ابجي ..اصلا مبطلت بجي يامن حضني من كتفي و طببني جوة لبيت اهلي ... _فوتي جوه نسولف مو بالشارع..تعال ابو كرار.. طبينه جوة امي تلكتني تتعذر _يمه غافلني و اخذة مني ... باگة بوك مني _حيدر..نقدم بي بلاغ... ابوه خطفه... _يامن...ابوه هذا متعتبر قضية خطف...ابوه و اخذة و بلاغ الاختفاء مياخذون بي الا بعد اربع و عشرين ساعة _اني..لعد شلون شنسوي؟؟ _يامن..ما عنده اب عم اخ بي حظ...نروحله.. بالقانون الطفل حضانته لأمه.. _ امي..بس يمه امه تزوجت.. _يامن..خالة بعد ماكو هيج قانون...اذا زوجهة تعهد يكفل الاطفال متفقد حضانتهم.. _حيدر..امشينه نروحلة اني صافنة عليهم همي الوحيد شلون يرجع ابني لحضني..اخر همي شلون..اخر همي شنو المقابل يامن اخذ حيدر و راح لبيت اهل زياد مرت ساعة ساعتين ورجعوا يامن و حيدر صايرين اعصاب... _اني ... ها بشروا شصارر؟؟ _حيدر..ميقبل ينطي الطفل لطمت على وجهي..ظليت الوم بنفسي..شجابني بهاليوم شجابني..الظاهر هذا مراقب بيت اهلي و شافني من جابني ابو حمزة ...يمه سودة بوجهي ليش طلعت بذيج الظهرية من البيت..يمه سودة بوجهي على وليدي....شلونه هسة اكل شرب..ساكت يبجي جوعان...اويلي عليك حبيبي... حيدر متعارك ويه زياد و اخوان زياد مفاككيهم بس بنفس الوقت الاخوان و ابوهم واكفين ويه اخوهم ..عذرهم البنيه تزوجت و ابنه ما يربي غريب و ابوه عايش..مشوفهم يامن ورقة الكفالة بس كالولة بلهة و اشرب ميها متمشي عدنة...القانون مو قانون دولة..قانون عشاير...و بقانون العشاير تتزوج المرة مرة ثانية حقهة على عيني و راسي بس الاطفال يرجعون لابوهم... ما قبضنا شي من الاب و الاخوان..عبالنا عون طلعوا فرعون يامن كال مو يمشون بقانون العشاير طفل مريض شلون هيج ابوه يخطفة خطف..يحتاج رعاية خاصة و مداراة... يامن اقترح نروح لشيخ عشيرتنه و نحجيلة القصة كلها و ناخذ شكم زلمة و نروح لشيخ عشيرتهم يدز عليهم بلكي يأثر عليهم... تأملت خير بهالخطوة.. هم رجعوا طلعوا حيدر و يامن.. ونار الانتظار مترحم..خالتي خابرتني .. ماعرف يمكن مخابرة يامن و مسولفلهة لان جانت تدري من خابرتني.. صبرتني و وصتني ماعوف الدعاء واهل البيت.... صدك بجيت كتلهة ادعيلي خالة.. لليل رجعوا يامن و حيدر..رايحين للشيخ و مسولفيله على كلشي..متصل على شيخهم و باجر العصر ياخذ شيخهم و يروحولهم للبيت _اني..وليش مو الصبح _يامن...الرجال عندة شغل..اصبري.. _حقك النار مو بصدرك..شلون يعني كرم مينام بفراشة اليوم.. _تره هو يم ابوو مو بالشارع _يامن لتحجي هيجج..صرخت بوجهة متحملت.. لتحجي بهالبرود كدامي و اني دتشوفني محتركة حرك..ابني مو ابنك تعرف شنو ابني... ظل صافن عليه حسيته تفشل و اني حسيت بروحي داصب كل غضبي و افرغة بي عافني وراح حيدر كالة وين؟؟ _يامن..راجع للبيت .... باجر الصبح اني يمكم... _حيدر..اهاا براحتك بعدين وجهلي الكلام _كومي ويه رجلج _ماروح..نترت.. ماتحرك منا اذا ميرجعلي ابني.. يامن رد_خليها براحتهة ابو كرار.. سلم و طلع..امي ظلت تلوم بيه لان حاجيته بهالطريقة و صيحت عليه ..يوووه اني بيا حال هسة و اداري نفسيات... جزء جبير مني محمل يامن مسؤولية فقداني لابني .. من رفضت اتزوجه جنت حاسبة حساب هذا اليوم... جان عندي حق بكل كلمة كلتهة و بكل تفكير فكرته و بكل عذر و سبب حطيته حتى ارفض زواجي من يامن بس هددني و رضخت... كرم عمره سبع سنوات و اني لسة اوكلة و ابدلة و اغسلة.. حتى التواليت لسه اروح وياه و انظفة و البسة لا يعدم ملابسه اووف يا نار كلبي...اريد اصرخ ... اريد اروح لزياد اشرب من دمة و اخلص منه طول العمر..لان صح تطلكت منه بس ما خلصت من شرة احسة حيظل طول العمر وراي وراي و مراح اخلص منه الا بموتي او موته...شكد جنت اتمنى اموت بس هسة اخاف اموت من شفت شكد حاجة ابني الي اخاف اموت و اتركه ينذل و يتبهذل... ياربي دوم ادعيك تجبر بخاطري..ياربي ماريد جبر الخاطر بعد..اريد يرجعلي ابني.. تعبت ..كلش تعبت ... نفسيا و جسديا بس افرفح و احس نار بصدري متقبل تروح و لا تهدأ و لا ترتاح..اكل مماكله من ريوك الصبح..يامن رجع للبيت بدوني و اني ظليت وحدي ينهش بروحي التفكير... صار الصبح ما أدري نمت ما نمت .. غمضت عيوني حاولت اجبرهن ينامن بس ما غمضلي جفن.. كعدت من الفجر.. افتر بالبيت..روحي لايبه على ابني..خابرت على يامن دگ دگ مارد اكيد نايم صارت ساعة ثمانية الأكل مصبوب على الميز و محد مد إيده ياكل .. اندكت الباب طفرت اريد افتح صاح بيه حيدر ارجع و راح هو يفتح دخل يامن ويه حيدر.. _سلام عليكم سلم و امي ردت و اني همين _امي.. وعليكم السلام يمه هلا بيك.. _اني..و عليكم السلام.. _هلا بيج خالة..شلونج شلون صرتي؟ _امي .. فضل من الله و رحمه ... تفضل يمه تفضل اكيد بدون ريوك انتبهت يامن مارد عليه ولا باوع بوجهي..شايل عليه من كلام البارحه و صياحي عليه... كمت من مكاني جبتله كلاص و صبيتله جاي و حطيته كدامه و قربت الجبن و الخبز ورجعت كعدت بمكاني..غير الجاي ما حطيت شي بحلكي.. يامن و حيدر اسمعهم يتناقشون شراح يسوون العصر يامن طالب اجازة اليوم ..هاليومين يامن دوامه يومي و بعدها يلتحق ..هالمرة للموصل طالبين فوجهم دعم .. احس كلشي تجمع عليه نفس الوكت يامن راح للمعمل هو راح يفتحه و حيدر يبقى يمنا خاف يجي احد..تريك وطلع... وره ما طلعو لميت السفرة و عفت كلشي على ايه ... رجعت لغرفتي حبست روحي بيها.. ساعة اتمدد و ساعة أذرع الغرفة ذهاب و أياب يهاجمني التفكير...الف فكرة وفكرة سودة تخطر على بالي عقلي يسولف و كلبي يسولف ..افكار تتزاحم..داخلي يريد يصرخ اسكتوا..كافي ارحموني و اسكتوا.. تكملة بارت 28 صار العصر راحو الشيخ والشيخ مخابر شيخ عشيرة زياد ومتفق وياهم يجون علي العصر وصارت الكعدة بس زياد واخوانة مصرين مادام المرة اتزوجت لازم ابنة يربة عدهم مو عد الغريب يعني ماكو فايدة ولاوصول النتيجة حتى شيخهم وياهم وشيخنة يكول بهاي المسائل القانون العشائري هوة اليمشي منو يقبل اطفالة يبقة عند الغريب بس اتعاطف ويانة لين الطفل مريض ومنو يداري شيخنة يدري بكل المعلومات احنة منعرفهة زياد كل اخوانة مستقلين ببيوتهم وامة مريضة وزوجتة بينهم مشاكل مشاكلهم واصلة المحاكم وطلاك يم اهلهة من سمعت هيج ارتاحيت يعني مو تحت رحمة مرت أب بس هم سئلتهم منو الة هوة من الصوت العالي لو يخنس لو يتهستر لو يبقى ينود بزاوية الغرفة محد يسيطر عليا وميخلي احد يتقرب عليا واذا شخص اتقرب مر اليوم واليومين واني بايتة يم اهلي لا اليلي ليل ولانهاري نهار بس ابجي ونار جمر بصدري ع ابني ممرتاحة كوة اجر النفس احس كوة عايشة اريد كرم رجعولي ابني حيدر يحجي وياي يقنع بية بس شيقنعني احس ابني مو بخير طلبت اشوفة هسة ميخالف اتزوجت واخذت ابنك خليني اشوفة حتلو بل لاسبوع مرة والله حرام رحت سئلت عليا بل بمدرستة مديجيبو هذآ اول دليل انو محد مهتم بي يامن يجي اشوية ويروح امبقيني ع راحتي واصلآ شايل عليا او متجنب مواجهتي بداخلي اشياء دتتراكم كلمات ومشاعر دتتزاحم كل تفكير وكل ذكرى اتقودني النتيجة وحدة كل الي اني بي سببة يامن وزواجي منة من ارجع الذكرياتي وهل ذكريات مترحمني كل كلمة وكل عذر ليش رضخت مجنت متوقعة زياد بهل حقارة هددني وجنت اعرف هوة كد تهديدة وجنت اعرف بالحضانة يمشي قانون العشاير مو قانون الدولة كل هذا جنت اعرفة بس هوة نفة اسبابي واستهزء ب اعذاري مشاعري جانت مثل البركان خامل الكلام والتفكير الي جنت حابستة بيني وبين نفسي ديخليني اغلي كلمة ليش وياريت متفارك الساني بضغط من حيدر رجعت البيت عيالي وهناك كولهة أتخفف عني حتة يامن حتلو بكلمة كلمتين بس يامن بداخلي مااتحمل منة الحجاية احس منتضرة منة الزلة حتى انفجر بوجهة وميهمني شيصير خل يصير بس هوة عبالك حاس بية مينطخ بية احاول اضيع وقتي بالشغل وخالتي ادكلي الله يعوضج انشالله سوي طفل والتهي بي ماعرف اضحك مدري ابجي حتى بهذا وضعي ادور مصلحة وياي تلفوني دوم وياي مر اسبوع وزياد بعدة قافل وحدة ميخليني اشوف ابني حيدر مل من سؤالي ولحاحي فديوم حيدر خابري يامن يجي بسرعة شكو يامن شيريد حيدر منك ماعرف يجوز علمود الشغل اروح اشوفة وارجع اروح وياك دأكولج علمود الشغل تروحين وياي شكو سكتت وهوة بدل كاوية بدلتي؟ اليوم تلتحق؟ أي فد ساعتين طالع... اتروح وترجع بالسلامة هسة اكويهة من اخابرك رد حتلو بشغل انتة ماشي هلمرة يامن التحاقة الموصل بس اني مجاي افارق عندي شي ابدآ امة خايفة وادكولي ديربالج ع يامن يامن خابرني حيدر مخابرة زياد يكول يرجعلهة ابنهة بس بشروط واني اكون حاضر واسمع الشروط حيدر شدد عليا ماجيب طاري عن الموضوع الياسة ونائملها ع الفارغ ردنة نتصرف وبلكي انرجعلها ابنهة بدلت وطلعتلة من الباب اخذتة جان منتضرني هناك ورحنة البيت زياد كعدنة اخوانة موجودين وهوة يبتسم بنذالة كعدنة نسمع الشروط تريدون ارجع كرم الامة انتضرنة منة باقي الكلام التفت عليا وجهلي الكلام تطلك ياسة واني ارجعهة ع ذمتي وافقو ومن باجر ارجعلها ابنهة صفنت الحضات وداستوعب الكلام واطمئن انو اني سمعت صح وماتندم على ردة فعلي عرفت ورا شي حقير مثلة بس مااتوقعتة بهل حقارة كمت ع حيلي وهوة هم كام برود وبدون سابق إنذار ضربتة ع وجهة كسرتلة خشمة الدم كام يطافر من حلكة وخشمة هذا جوابي الك ياسافل ياعديم الشرف والغيرة اخوانة كبو علينا ناس تلزمة بي لانة فقد الوعي وناس تبعدنة عنة خاف نضربة مرة لخ حيدر جرني طلعنة عصابي تلفانة من جسارتة وصلافتة شكم مرة ردت اسوي حادث كوة وصلت حيدر ورجعت البيت صعدت الشقتي اتلكتني ياسة وين جنت ليش مترد عليا؟ ليش انتي داكة عليا؟ دشوف جهازك باوعت تسع مكالمات اسف خليتة صامت هاي لو ما موصيتك قبل لاتطلع رد أذا اتصلت يوووووو ياسة نسيت حرام خما حرام لا مو حرام شبيك عصبي شصار من عصبيتي وفورت دمي لكيت روحي احجيلها شصار رغم اني منبه ع حيدر ميحجي الصار الياسة هذا الحقير لادبسزز منو زياد ؟ رحتلة من كالت زياد رحتلة انبهت الروحي وسكتت بس هية ماسكتت رحتلة ؟ يامن جاوبني شصار ؟ مصار شي لارحتلة ولابد بس الشيخ مخابرة وهم رافض من محاجي مرة ثانية ضليت صافنة عليا بعدين عافتني وطلعت اتمددت شوية ردت ارتاح وهاي الفورة الي بدمي اتروح اتندمت بس بوكس واحد ضربتة المفروض انهي اخلصة خلاص كمت سبحت بمي بارد شوية ارتاحيت طلعت من الحمام ارتب جنطة الغراضي هل الفترة كولش هاملتني ياسة بس اني عاذرهة .. ياسمين سالتة اليامن مانطاني جواب شافي اخذت مبايلي ورحت اتصلت ع حيدر اول شي نكر روحتى الزياد بعدين كتلة ترى يامن حجالي بس جان مستعجل لانة ديلتحق سكت حيدر بعدين كالي دز علينا زياد وكالنة الطفل ارجعة لامة بس بشروط جاوبتة بهتمام شنو هل الشروط ؟ كال يريد يامن يطلكج حتة يرجعج الذمتة واذا وافقنة من باجر كرم يرجعلج ضليت صافنة عقلي ميغيب عنة اصلا الي سويتة بذاك اليوم كلما ارجع اتذكرة اشك جان اكو عقل يشتغل براسي سالتة اي ويامن شجاوبة ؟ بربج تسألين؟ يامن كسرلة خشمة دما ادمي هم اتعاركتو ويا يعني لعد تردين نسكتلة ؟ راح حيدر سديتة منة بقيت وحدي كاعدة وافكر بشوية العقل الباقي براسي ضليت اكلب الكلام اجيبة منا واردة منا اقتنعت انو اتطلك من يامن ويرجعلي ابني .. اي .. للحكايه بقيه .. شاركوني توقعاتكم .. اسفه ع التأخير .. | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
