آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-07-20, 04:37 AM
| #41 | ||||||
| مشرفة منتدى الروايات المنقولة 
|  بارت 15 مر اليوم الثاني ...جالسه بالحديقه ..ومتسنده على الشجره ...ورافعه راسها تناظر أوراق الشجر تتراقص بخفه مع حرك الهواء ...وخيوط الشمس تخترق الفراغ بين الاوراق لتعطي منظر يسلب العقل بجماله ! وقف فوق راسها ..بالرغم انها عارفه بوجوده الا انها تجاهلت وجوده ..ونظرها محدد على أوراق الشجره ! جلس جنبها بهدوء ....تنهد ورفع راسه يناظر المشهد إلي تناظره باندماج ! نزل نظره وهو يحس عيونه دمعت من ضوء اشعة الشمس ما يدري كيف لها القدرة على التحديق بهذا الشكل ! تكلم بهدوء:سمعت انه خالي وليد جلس معك لما رحت معه ! قالك شيء؟: نزلت راسها وابتسمت الدموع ترقرق بعيونها مايدري هي فعلا تبغى تبكي والا من اثر اشعه الشمس ...تكلمت بسخريه:الزمن يعيد نفسه ! مثل ما جبرتوا الجازي قاطعها بنصح : لاننا نبغى مصلحتك ومصلحتها ! طيب وش قلت له ؟ ردت ببرود: ما بغى الزواج نهائيا ! ناظرها للحظات بصمت وبعدها نطق بتردد : وعرفت مين العريس ! هزت راسها مبالاه : لا رفع حاجب : بس يمكن لو تعرفينه تتغير فكرتك ! ردت باستفزاز له : انا قلت ما اقبل بالزواج الا اذا كان العريس ابو فياض ! ناظرها وهو فاتح فمه للحظات وبعدها نطق بابتسامة :بس ابوي ما يحل لك تراه زوج عمتك ! ناظرته بنظرات قاتله: ادري تراني مب جاهله يطلق امك مد يده يقيس درجه حرارتها : حرارتك مرتفعه شوي بس مب لدرجه انك تهذين كذا ! ردت بقوة : تراني من كل عقلي اتكلم اتزوج ابوك واطردك انت وامك من البيت واخليه يسحب كل الفلوس منكم وما تلاقون فلس واحد معكم ...حتى تذوق انت وامك معنى التشتت ...حتى تحس باحساس شخص ما يملك مكان ينام فيه ..وقتها رح تحسون بشعور غيركم لما تناظروه وكانه غير مرحب فيه والله ما اسامح امك على قاطعها بدفاع : امي عمرها اساءت لك بكلمه؟ مطت شفتها بألم : ليه تتكلم ونظراتها لوحدها تكفي ! تحسسك انك ضيف ثقيل وتنتظر الساعه إلي اغادر فيها ! زم شفته : طيب وانا؟ ما عمري قلت لك شيء او ناظرتك يا ام النظرات بالعكس انا فتحت لك بيتي وما اعترضت بس انت حساسة بزياده ناظرته بعد ما مطت شفتها وعيونها تلمع بالحزن : لا تمثل قناع ما انت صاحبه ادري بك تنتظر خروجي اليوم قبل باكر قاطعها بأسف لتفكيرها : غلطانه والله لو عشت عندي طول حياتك ما تضايقت من وجودك لكن اتصرف بمنطق اهلك ما رح يتركونك عندي واذا بدر مني اي تصرف لاني ابغى مصلحة اسرتي ومستحيل اسمح لاحد يخربها ! صدقيني انا مع خالي وليد الزواج لك افضل حل والعريس تراه ما ينرد وانت تعرفينه عقدت حواجبها باستغراب : اعرفه ! هز راسه بتأكيد : ايه تعرفينه ترى إلي خطبك قاطعه رنين الجوال ...ناظر الجوال ورد بهدوء:هلا هلا .....الله يحييك .....ان شاء الله .هههههه ....يلا سلام !- وقف على حيله بحماس: هذا راكان جاي يسلم على امك ومعه اختك حتى تعتذر من امها ناظرته ورسمت ملامح استخفاف ...وبنفسهل «يا قو عينها بعد تصرفها جايه لهنا !» ادخلي داخل قاطعته وهي تعدل نقابها : خلهم يدخلون ما احد ماسكهم ! رد باستنكار: واختك ما تبغين تسلمين عليها ! ردت بهدوء : اتوقع قلت جايه تسلم على امي ما هي جايه تشوفني ! تكلم بامر : طيب ادخلي للداخل وعمرك ما سلمت عليها مب حلوة يدخلون وانت جالسه هنا ! مسكت الكتاب إلي كان بجوارها قلبت صفحاته بهدوء: ترى ما رح يشوفوني ..شوف باب البيت بعيد من هنا ! تنهد بضيق من العناد الي برأسها : لو أمه محمد اجتمعت يقنعونك ما اقتنعت ! ابتسمت بنعومه على ملامحه المنفعله بعد ما غادر ! وقفت بهدوء وقررت تدخل للداخل ....تستلقي على السرير ظهرها اوجعها من الجلسه كذا ! التفت خلفه فياض وشافها وهي راجعه للداخل ..حرك يدينه بقله حيله ! دخلت للداخل واستغربت رونق وهي تشوف الجازي متأنقه بشكل جميل ! ام فياض بانتقاد لاذع : تبغين تستقبلين اختك بهذا الشكل ! ترى معها ام راكان وبعض حريم لوت فمها رونق وهي بداخلها تتمنى فعلا تقهرها وتتزوج ابو فياض حتى تقهرها ! بس موضوع الزواج وضعته بآخر الرفوف وقريبا بالارشيف ! الجازي بنظره تقييم لرونق : يمه هم على وصول جهزي نفسك وانزلي حضنت الكتاب وتحركت بهدوء باتجاه الجازي ...رفعت حاجب بانتقاد : اشوفك مبسوطه ومجهزه احلى استقبال لراكان واهله ! بسرعه نسيتي وش عملوا فينا ! نسيتي مريم وش عملت فينا ! اطلقتي اشعارات طويله وعريضه وانت تتوعدي ما تستقبليها ؟! ومن اول اتصال جهزتي هالاستقبال والبسمه شاق الحلق ! ام فياض بتدخل : تبغين تكون حقوده مثلك ! مريم جايه تعتذر من امها وحتى اهل راكان جايين يعتذرون عن إلي صار ..سوء تفاهم ! طالعتها رونق وهي معقده حواجبها بخيبه : سوء تفاهم ! الجازي بطبيعتها تسامح بسرعه .ردت بارتباك وهي تشوف ملامح رونق إلي ارتسمت عليها الخيبه : الصلح افضل قاطعتها رونق وهي تهز راسها وبداخلها ضياع :الصلح خير ....الله يوفقكم مع بعض ....نسايب ولزوم تكون علاقتكم حلوة ! تحركت بخطوات هاديه باتجاه غرفتها ....دخلت وقفلت الباب وهي تردد بهمس ..يا داخل بين البصلة وقشرتها ما تنولك الا ريحتها ! اقحمت نفسها بمشكله مع اهلها علشانهاومع ذلك تصالحت معهم بدون ما تخبرها ! وبذي السهولة سامحت مريم ! يا طيبة قلبك يا جازي ! جلست وحضنت وجهها بيدينها وهي تناظر الفراغ ...الحياه تعطينا دروس حتى نتعلم منها ....واليوم الجازي اعطتها درس لا تتدخل بين شخصين متخاصمين وتضع نفسك خصم لاحدهم لانه بكل بساطه يتصالحون وانت تطلع برا ....ويزيد عدد خصومك..مثل ما صار معها بالضبط !- هي ما تعرف ام راكان وأهلها ولا تعرف مريم ولا الجازي ولا ام جواد ....كلهم صاروا خصوم لها لانها اقحمت نفسها بشيء هي ما لها دخل فيه ! يتخللها شعور الندم على كل شيء عملته بالحفله ! وش دخلها حتى تعمل كذا ! فعلا كانت غبيه وتتصرف بدون عقل ! ما كانت كذا ! ليه تغيرت والاهم ضعفت ليه ضعفت ! دوم كانت قويه ومايهمها احد ..وش فيها صايره كذا حساسه ! من متى تعرف الجازي حتى يحز بخاطرها تصرفاتها! ضحكت على نفسها وهي تضع يدينها على راسها وتجذبه بقوة للاسفل ! لزوم تتغير وبأسرع وقت ..ما يهمها لا جواد ولا الجازي ولا أحد من عائلاتهم ) الي يهمها تكمل دراسه وتستقل ! لو ما كان نايف عمها ما انقلبت حياتها كذا ! وش الحل حتى تنسى وما تبقى عائق امام طموحها ! تناولت الجوال وهي متاكده رح تلقى الحل ! عفست ملامحها وهي تشوف رقم وعد ...ما تدري كيف حصلت رقمها ! * **** ** ابتسمت الجازي برضا : عادي مريم رجعت تعتذر: انا اسفه والله ما ادري كيف تصرفت كذا ! بس يمكن اسلوب رونق هو اجبرني اقول كذا! ام راكان رفعت حاجب بانتفاد: صدق تصرف رونق ابد ما اعجبني وفوق هذا خلت الناس بتصرفها تطلع اشاعات قاطعتها الجازي بضيق بعد ما وصلتها الشائعات : ادري ...الناس هذه حياتها بس تبغى عرس تطبل فيه ! يمكن انت اخذت موقف من رونق لكن صدقيني لو اقتربت منها رح تكتشفين كم هي انسانه رائعه بس الظروف إلي واجهتها مرة وحده هي السبب ! ام فياض مطت شفتها وبنفسها. تسخر «انسانه رائعه» مريم هزت كتوفها : حتى ولو ام فياض بنصخ : انا اقول امسك بمريم هالضعيفه قلبها رهيف وبسرعه ترجع وتندم ما هو مثل النسرة الي فوق خزتها الجازي بزعل ! ام فياض بترقيع : اقصد حمامه السلااااااام ! ام راكان بكل صراحه : يا أختي هالبنت ليه كذا شرسه ! يعني عكس مريم بالرغم انهم توأم ! الجازي ظهرت على ملامحها عدم الاعجاب : تراها مب شرسه بس هي كذا شخصيتها قويه وانا اشجعها بهذا الزمان اذا ما اكلت يأكلونك على الاقل ان حبتك او كرهتك من نفسها ما هو مثل بعض ناس تكرهك بتأثير الغير نزلت مريم نظرها وهي متأكده قاصديتها ! رفعت نظرها على دخول خالد ! الجازي باهتمام: وين قدر ؟! رد وهو يناظر الموجودين : طلعت على امها ! مريم بابتسامه : لما جابها عمي لبيتنا كانت تبكي وما تسكت الا معي ! الجازي ابتسمت : تظنك امها ! ام فياض : عاد ما فيه شبه بينهم! الجازي ابتسمت بعذوبه : الا فيه بس رونق اجمل فيها جاذبيه وقوة شخصيتها يعطيك انطباع انها غير عن كل البنات ! مريم تنهدت وهي تحس امها متحيزه لرونق بصورة مبالغ فيها ام راكان كشت عليها: والله ما عندك نظر شوفي النعومه والرقة عند مريم تحسي فعلا انها انثى والله راكان شايفها وما هو مصدق ! لو ما كانت جميله كان ما خطبها اكثر من واحد بنفس الوقت ...ليث ولد عمها خطبها بس جدها قال راكان خطبها قبلك الجازي رفعت حاجب وما عجبها دق الحكي : حتى رونق ما شاء الله كثير رايدينها دوبه قبل كم يوم ولد اختي سالم دكتور خطبها بس ما رضيت ! وعمتي نجوى خطبتها لولدها سعد بس مارضيت ام راكان رفعت حاجب : المفروض هذه الامور ترجع لابوها يستشار فيها وبعدين تعطون الراي الجازي هزت راسها بانتصار : مب ضروري الراي بالاول والاخير للبنت ...متى م وافقت نخبره يوم الملك هوبس ! واعطتهم نظره استفزاز ! مريم ناظرت ام راكان وهزت كتوفها بقلة حيله ! **** *** * ** ام جواد بقوة مثل ما لقول لك هذاالكلام من ام راكان اليوم زارتهم ! ابو جواد مط شفته بسخره : هزلت والله ! جواد نار تشتعل بداخله ما همه من كل السالفه الا ولد سالم ...يا كرهه لذي العائله ...وش عرفه فيها يمكن طالع داخل لا سائل ولا مسؤول بذي العائلة بدر هز كتوفه : وين المشكله دام البنت رفضت ابو جواد بغضب: حنا اهلنا وحنا إلي نرفض ما هو وليد المسؤول عنها حتى نكون اخر من يعلم ! ناظر جواد يشحنه : شفت شفت هذه إلي تركتها على هواها ....صغرتنا قدام إلي يسوى وما يسوى ما تقول لي اهل اخطبوني منهم ! ام جواد نزيد نار ابو جواج : تخيل تقول ما كلقت نفسها تنزل وتسلم عليهم ! على وش شايفه نفسها ورافعه خشومها للسماء ! انا اقول جيبها هنا واكسر نفسها هالكلبه ! احد يتكبر على اهله ؟! والله حاله ! ليث جالس يناظرهم بتأمل ...بعدها نطق بحياديه : ما اشوف موقفها فيه شيء اكيد قالوا لها ولد خالتك يبغى يخطبك فهي رفضته فهذا يدل انه ما هو بعينها لو بغته كان وافقت وماهي منتظره موافقة احد منكم ! ترى ولا اسهل منها تروح للمحكمه وتتزوج وما يقدر واحد منكم يفتح فمه بكلمه والي يوقف بوجهها يتوقف بمركز الشرطه ! هذه الحقيقه خلينا واقعيين ! ابو جواد رفع حاجب : وليه ما تخطبها انت وتقص جنحانها وتكسر خشومها الي رافعيتهم علينا ! فتح فمه بعدم اعجاب لكلام جده وبعدها نطق : انا يا جدي لوبغيت اتزوج رح اتزوج حتى استقر واعيش بهدوء وسعاده ما ابغى اكون عايش بحرب ..ابغى بنت تسعدني ان قلت لها شيء تسمع كلمتي ما ابغى زوجه تشحططني من مركز لمركز ...ولا مستعد اتزوج حتى اذل انسان هي طبيعة حياتها كذا قويه متمرده وانا مارح اكسر انسانه شافت من الحياه شيء يوجع القلب ..... ام جواد كشت عليه : مالت عليك رخمه ! مط شفته بابتسامه عدم رضا : رخمه ! جواد انقهر من كلام اهله :- خير وش رايكم تحطونها بقبو وتعذبوهابعد ! وليه تبغينه يكسر خشومها ويذلها! يمه ترى نايف عمل السبعه وذمتها وهذا انت جالسه محامي دفاع عنه ! تراها ابنتي راعي مشاعري ولا تنسين بعدها صغيره قاطعه ابو جواد بضحكه قهر : ههه والله صغيره ابنتها طولها «*»وتقول صغيره والا صاير مثل بعض جماعات بعدها صغيره ! بدر تذكر موقف وليد بالشركه ضحك من قلبه : ههههههههههه بابا هذا خطأ هههههههه ام جواد بغبن : حاصل الموضوع تروح وترجعها والا والله لاخلي نايف يأخذ ابنتها والذبان الازرق ما يدري عنها ! انا مب ناقصني كل يوم اسمع سوالف من الناس يكفي الاشاعات الي طلعت جواد انتفخ وجهه من كلام الناس ....يتمنى لو يسدد لهم ضربه يسد حلقهم فيها ! دخل سعود وهو عافس ملامحه ! ابو جواد ناظره بانتقاد علامك عافس وجهك كذا !! سعود ناظر جواد بقهر : علامك طاق الولد كذا ! وقبلك زياد طقه ...شايفيني جايبه من الشارع جواد بحده : ولدك هذا اذا ما ربيتخ الا اذبحه بيديني ! سعود احتدت ملامحه : والله ! السالفه سايبه حتى تطقه ! روح ربي ابنتك إلي جرجرتك للمحاكم وهذا انت منخرس حرف واحد ما قلته لها ...وفوق هذا حالس محامي دفاع عنها ! جواد بركان متحرك نطق بغضب: صدق انك قاطعه ابو جواد بغضب : بس انت واياه ! مابقى الا تقوموا وتتضاربوا علشان العيال ! جواد وش فيك تهاجم الكل ! جواد وهو ينفش انفه من الغضب الي بداخله: اهاجم اي احد يطري حرف واحد مب زين على رونق ! مثل ما هو ولده غالي عليه وانا ابنتي غاليه علي! ابو جواد : غاليه عليك انت بس بنفس الوقت تحترم نفسها وتحترم اهلها والا قسم بالله تشوف وجهي الثاني ! هذا انت جالس تسمع كلام زياد انتظر يوم وانتظر لسبوع وشهر وشهرين اذا ما هو متفق مع فياض يضحكون علينا لوقت ما يزوجونها وتطير منك ! خ خليك جالس وتنتظر..... نشوف نهاية المهزله ! سعود جلس بدون نفس...وبعدها ناظر ابوه : وليه ما تزوجونها وقتها تضمنوا انها تكون تحت يدكم ! هذا ابن صبحا يبغى يخطب قالت لزوجتي انها تبغى تخطب من حفيداتك ابو جواد باهتمام : ابن صبحا ؟ اي واحد فيهم ! سعود بهدوء : ربيع ما غيره ! ام جواد : دامها تبغى عروس وليه ما اعطيتها ابنتك جاي توزع ! سعود هز كتوفه : هي ما حددت ...ودام هالزواج يحل المشكله على بركه الله ! ام جواد برفض : انا ما أشجع صبحا قويه وما تنعطى بنات رونق قويه وصبحا قويه قل لي كيف رح يتعايشوا مع بعض الا يتذابحوا ومن ثاني يوم تلقى رونق مطلقه ! حنا مب ناقصنا كلام ...رونق ما يناسبها الا واحد عديم شخصيه امه وابوه ميتين تمشيه على كيفها كذا تضمن انها ما ترجع مطلقه! جواد ماسك نفسه لا ينفجر فيهم : يممممممه وبعدين ! بدر بصراحه نطق : انا اشوف ما يناسبها الا زياد ! انسان متفهم ويقدر يحتويها ! ابو جواد بضجر : لو بغاها كان طلبها والا نسيت كلام راكان ! ليث بهدوء: انا ما عندي مشكله اخطبها لكن من الحين لي شروطي جواد بغضب مسخت السالفه : والله قاطعه ابو جواد : تكلم وش شروطك ) ليث تنهد بهدوء: سالفه تزوجها وربيها ما ابغى اسمعها ! انا المسؤول عنها وما احد له يتدخل وما اسمح لاحد يتدخل بحياتها ! بتكمل دراستها وتتوظف وما احد يوجه حرف واحد لها ....مثلها مثل مريم وجمان ومروة وباقي البنات ! والاهم املك عليها والزواج بعد ما تتخرج!- اذا موافقين على شروطي ما عندي مانع ! ابو جواد مط شفته بسخرية : وش رايك تسفرها مره وحده لحالها علشان تعيش حياتها ! يا جيل اليوم ما عندكم قاطعه سعود باستغراب من ابوه : كلامه منطقي وش فيك يبه !، وهو صادق جواد بغضب وقف : ابنتي ما هي للزواج الشاطر يبغى يغرد عضلاته عليها ! ناظرهم بنظرات ناريه وغادر المكان من النار إلي بداخله تحرقه! ** ** ** فياض فتح الباب وهو مستغرب وجوده على باب بيتهم ...قبل ما يتكلم بشيء دفه جواد على صدره بقوة وبغضب :مب يعني تركت البنت عندك تقوم تزوجها على كيفها ! مين تظن نفسك هااا تكلم ! فياض ناظر يد جواد الي دفته بترفع : انت قاطعه جوادبغضب : خلاص طق كبدي من تصرفاتك ...تبغى تأخذ ابنتي مني ! كل شيء لي تحط عينك ... فياض ماسك اعصابه : وش صاير وليه كل هالتهجم هذا ! تعال ادخل وروق ونتفاهم جواد بصوت غاضب : على وش نتغاهم ..انت ما مب كفو قاطعه فياض بحده وهو رافع يده بتهديد : الزم حدك ...واحترم البيت الواقف قدامه ترى للحين محترمك ء، ولا تقعد تقط الكلام عمري ما اذيتك بشيء بالعكس حاولت انها المويه ترجع لمجاريها ب انت كبرت راسك الا قاطعه جواد باحتقار : ارجع لك يا خاين بعد ما قلت لك كل أسراري وبغمضة عين طعنتي بظهري وتزوجت زوجتي سكته فياض بانفعال بضربه غلى فمه : قص يقص لسانك صدق انك مريض نفسي اذا ناسي تراك طلقتها تفهم وش يعني طلقتهااااااا نطقها بصوت غاضب ! وان جبت سيرتها على لسانك الا اذبحك واشرب من دمك ! جواد اقترب منه وهو صاك على اسنانه وعيونه تقدح شر : واقسم بالله ان ما رجعت رونق الليله عندي الا اخرب بيتك دفه فياض بقوة: لا تهدد ل تهدد !- ورونق ما رح اطلع من بيتي الا بارادتها تفهم ! والحين مع السلامه لانك جواد هجم عليه كالثور الهائج ! اجتمع عليهم بعض الناس وفرقوا بينهم ! فياض بصراخ : انقلع من هنا انقلع جواد بتهديد وهو يلتقط انفاسه : رح تندم وابنتي رح اخذها من خلف خشمك ! _ استهدو بالله يا جماعه ! فياض اقترب من باب بيتهم وبحده ناظره: إلي ما تطوله بيدك قاطعه جواد وهو يرجع يهجم لكن مسكه واحد من المتواجدين: انا اذا ما ذبحتك فياض بمقاطعه : يلا برا ما انتبهوا على السيارة الي وقفت ونزل من السياره واقترب منهم وبصوته الجهور : ما شاء الله عليكم ! هذه علوم الرجال ! ناظر فياض بغضب : كذا علمتك تستقبل ضيوفك !، يا حسافه ! وانت يا جواد كذا سلوم الرجال تتهجم على الرجال في بيته !، تنهد جواد والغصب يشع من ملامحه : يا عمي قاطعه ابو فياض بحزم : ولا كلمه ادخل للداخل ونتفاهم ما هو بالشارع ! فياض ناظر ابوه وبعدها جواد والنار تشتعل بداخله ، جواد برفض: دوبه ولدك طاردني تبغى ادخل قاطعه بأمر : اقول ادخل تراكم مب بزران تراك صرت جد وانت على نفس حركاتك ! توجه للداخل ابو فياض وهو يردد ادخل يا جواد ادخل دخل جواد بتردد ...وصل عند الباب وعيونه بعيون فياض وكل منهم يرسل للثاني شرارات ..... ابو فياض بأمر : خذ صديقك يا فياض للمجلس انا دقائق وراجع ! فياض ملامحه منتفخه : تفضل يا صديق ! جواد بمهس ما سمعه فياض : لو صادقت كلب افضل لي،!، دخل ابو فياض الصاله وبصوته الجهور تكلم : يا ام فياض يا سكت لما تقدمت ام فياض وسلمت عليه بابتسامة: الحمد لله على سلامتك ! ابو فياض : الله يسلمك....ترى جواد هنا قاطعته باستغراب : جاي بأخذ ابنته ؟) قاطعها بعدم معرفه : ما ادري عنه بس لقيتهم باب البيت متطاقق مع فياض وحالتهم حاله ! ام فياض بشهقه : وش تقول ؟ وش السبب ! رد بضجر :- اقولك ما ادري انا رايح لهم للمجلس ! جهزوا الضيافه ! ام فياض عفست ملامحها : حسبي الله إذا هالبنت رح تقلب حياتنا ! اعطاها نظره : صوتك * ** ** •• الجازي جالسه مع عمتها بقلق : يعني وش يبغى ؟! وليه تضاربوا ! يا خوف قلبي يبغى رونق !، ام فياض بنفسها «ان شاء الله يأخذها ونرتاح من مشاكلها ... » وبمجامله للجازي : لا ان شاء الله يكون سوء تفاهم بينهم ! الجازي ناظرت رونق إلي نزلت ومعها قدر وما بدر منها اي اهتمام للموضوع ! ام فياض بهمس : انا ما يقهرني الا برودها ! توجهت رونق بخطوات لا مباليه لكل من حولها ..ما عاد يهمها شيء ... وقفت مع الجازي و ش حصلت غير وجع الرأس ! ما رح تتدخل باحد جعلهم كلهم بالطقاق بسببهم أصابها القولون العصبي ودخلت باوجاع ما قدرت تتحملها ! تحاول تكون هاديه بشكل كبير .....حتى تستعيد صحتها وترجع ترتب اوراقها من جديد ! دخلت المطبخ جهزت ساندويتش لقدر ...سحبت كرسي وجلست وهي تزفر براحه ...... ليله البارحه كانت مريحه جاهدت نفسها وما فكرت بشيء...... تناولت كوب المويه وشربت بتأني ! حست دقات قلبها زادت وعقلها يعطيها انذار لوجود جواد هنا ! هزت راسهابالنفي ما رح تفكر بشيء ..الوضع ريلاكس !- لازم تدعم روحها وتنظر للجوانب بالايجابيه يكفي سلبيه مروان باصعب الظروف كانت تنبض بالامل والحين رح ترجع وتتمسك بالحياه من جديد ما رح تترك قدر تغرق بالوحل ...لازم ترسم لها حياه جميله ! ابتسمت بلطافه لقدر إلي تتكلم لها عن العابها....وضعت كوب المويه والتفتت على ام فياض لما دخلت : يا برود اعصابك يا شيخه ! دخلت خلفها الجازي مباشره ما تضمن عمتها ترمي كم كلمه على رونق: عمتي ! ناظرت ام فياض للخلف : وش فيك ؟! الجازي تنهدت بألم وهي تحس بصعوبة ابنك قدامك وما تقدر تحتويه : ءءء ولا شيء ! رونق ناظرت الجازي وبابتسامه ميته تكلمت: لا تخافين كل شيء تحت السيطره لو الامور سيئه بينهم كان زمان انفض المجلس وطلعوا ! الجازي ابتسمت بعدمراحه : الله يجيب العواقب سليمه ....يا رب لطفك ! وبتردد نطقت: اوعديني مهما صار لا تتركيني ...لا تعملين مثل مريم ! رونق وهي تمسح شعر قدر بثقه : ما اوعدك لان الانسان ما يعرف ظروفه ...لكن اوعدك ما اقطعك من الزياره بالاول والاخير انت امي ولك حق علي قاطعتها الجازي بوجع : ما ابغى منك زيارة وكأنه واجب انا ابغى تزوريني لانك مشتاقه لي قاطعتها رونق وهي مستبعده انه ييجي يوم وتشتاق لاحد من اهلها ...وبابتسامه مزيفه : ان شاء الله ان شاء الله الجازي تحس قلبها هبط على الارض : ليه احس خلف كلامك شيء وبرعب نطقت : لا تقولين رح تتركيني ام فياض جلست بعد ما سحبت كرسي: لا حول ولا قوة الا بالله ! انت ليه حارقه دمك كذا ! اخر البنت تتزوج وتتركك ...كل تفكيرك غلط ! هذا انا بناتي تزوجوا قولي كم مره اشوفهم بالسنة ؟! عادي هذا حال الدنيا ! الجازي جلست جنبها بضيق : وضعنا مختلف ! ام فياض ما عجبها كلام الجازي وردها : وش يختلف يعني،! تراك عشتي 18 سنة بدونها وش صار ! ابتسمت رونق وكانت بالنسبة لام فياض مستفزه هالابتسامه وهي رافعه حاجب وهي تؤشر براسها لامها : اسمعي من عمتك هالكلام الدررررررررر! ام فياض رفعت حاجب بزعل: حضرتك تتريقين علي! رونق وقفت بهدوء : وليه اتريق ؟! انت قلت شيء غلط ! الجازي ناظرتها وابتسمت لها بمحبه : صدقيني يوم عن يوم اتعلق فيك بزياده واتمنى اشيل همك بس وش يطلع بيدي ! رونق اقتربت منها وقبلت راسها : لا تشيلين همي انا بخير وكل شيء تمام ! غطت وجهها وطلعت بهدوء ! * * * جواد بدفاع: يا عمي والله قاطعه ابو فياض بحزم : انا والله ما حبيت اتدخل بصداقتكم ..يمكن 15 سنه ما تكلمون بعض ! اي صداقه هذه !، والحين تتضاربون !، فياض بهدوء : والله يشهد اني ما بغيت المشاكل بس هو تهجم واستفز بكلامه ! ابو فياض بهدوء:سالفه الخطوبه مالك تزعل يا جواد لو البنت اعطت رغبتها بالزواج لامها كان لك الحق انك تعرف لكن بما انه البنت رفضت وشهوله تعرف يعني ان عرفت تغصب البنت على الزواج ! جواد للحين النار بقلبه : حتى ولو انا ابوها المفروض يكون اول قاطعه ابو فياض :لو نفرض لك الحق بس هذا ما يبررلك انك تهاجم فياض في بيته ! انااعرف فيك للحين ما سامحته لانه تزوج الجازي ...ترى اقول واكرر ترى فياض ما يعرف انها طليقتك ولا تنسر ذاك الوقت كان جديد على هذا المكان وما يعرف شيء ..وما عليه حق وش يعرفه بطلقيتك وحلف لك فياض انه ما يدري ومع ذلك صممت على عنادك وقطعت خويك علشان حرمه ...يا عيب العيب حرمه تفرقكم ! وين عهد وفاء الصداقه ! على اقل سبب واحد تقطعون حبل الموده ! والله امركم عجيب! كل واحد فيكم متزوج وعنده عيال خلاص ما له داع لهذا القطع ! يعني يا جواد حسب الكلام الي سمعته انك تزوجت البنت إلي قلبك حبها وش يهمك مين يتزوج طلقيتك ! ان شاء الله يتزوجها القرد ...خلاص راحت بخيرها وشرها ! فياض ناظر ابوه بعتب : وش قرد يبه ! اب و فياض بلامبالاه : مجرد مثال ! والحين ابغاكم تتصالحون وتنسون احقاد الماضي ! جواد بسرعه نطق :وابنتي ؟! ابو فياض بهجوء : ابنتك متى ما بدأت الدراسه ترجع عندك الحين عطله خليها تجلس عند امها ! الا اذا مو واثق فيني كوني مب محرم لها ترى البنت من عمر احفادي فياض بداخله نطق «انت البلاااااااا يا يبه البنت راسمه عليك » جواد تنهد : انت البركه يا عمي ! ابو فياض بهدوء: والحين سلموا على بعض جواد عفس ملامحه لكنه اضطر يوقف مع كلام ابو فياض وه.و يحثه يقوم ! فياض هز كتوفه بسخرية : وش فائده هالصلح وعيونه تبى تأكلني ! جواد مط شفته: لك الظاهر وإلي بالقلب اتركه للايام تداويه ! فياض بملامح مكتومه: ما ابغى هالصلح دام القلب حاقد ! الله يوفقك قاطعه ابو فياض : فياض وبعدين معك ؟! مع الايام والتخالط يزيل الكره بينكم والحين سلم عليه ونادي البنت خليها تسلم على ابوها ! فياض بهدوء ما يبغى تحتك رونق بابوه لانه ما يدري رونق جاده بكلامها أو لا : رونق طلعت مع امها وجدتها مشوار ! ابو فياض لانه ما شاف الجازي صدق : ما هي مشكله الحين سلموا على بعض سلم كل منهم على الثاني لكن القلوب ما هي صافيه ! **** **** *** *** ** انتهى البارت ....دمتم بخير | ||||||
|  |
|
24-07-20, 12:00 PM
| #42 | ||||||
| مشرفة منتدى الروايات المنقولة
| بارت 16 فياض يمسح وجهه وهو يتفحص مكان الضربات: نفسي اعرف وش عرفه بخطوبتها الجازي جالسه تراقبه ...وبداخلها حقد على جواد :- وش عرفني ؟! لحظه التفت إليها باستغراب من سكوتها المفاجئ وتفكيرها : وش فيه ! الجازي بتذكر ناظرته وهي تبتسم بتورط : انا تكلمت قدام ام راكان ومريم ! قاطعها بغبن : ما شاء الله عليك ! انتم يالحريم ما تعرفون تعيشون بدون لق لق لق لق اللقلقه تمشي بعروقكم ! انا وش اعمل فيك كل هالمشكله بسببك ويا ليت على شيء صادق ..الفت كم كذبه ويلا مشي الامور...متى تتركين هذه السوالف!- الجازي بتبرير وقلبها يدق من عصبيته وهي تحس بغلطها : حسيتهم يبغون يقهروني برونق انه ما يجيها عرسان ! قاطعها بغضب : تروحين تكذبين ! الجازي نقزت من نبرته وبنرفزه ردت ..ما تحب احد يصرخ بوجهها كذا :لا تصرخ بوجهي كذا ! لا تكبر الموضوع ! وبعدين قص يقص لسانها ام راكان ما اطوله مسرع ما طلعت تنشر الاخبار ! غمض عيونه للحظات يحاول يمسك اعصابه ....ما يعرف ليه الحريم يموتون بهذه الأمور: اتمنى هالحركات ما تنعاد الجازي بانفعال وهي تشوف نظراته عليها وكأنها عامله جريمه: لا تهدد ! ناظرها والعقده بين حواجبه ظاهره: صدق ! تبغين اصفق لك ! الجازي ترى والله واصله لهنا ! انا رايح انام اعطي خبر لابنتك انه ابوي موجود قاطعته وهي ناويه تطلع ..لانها إذا جلست دقيقه رح يتذابحون :رونق مب هنا ترك كل شيء بيده و ناظرها بتحقيق : وينها؟! الجازي وصلت عند الباب ونطقت : طلعت قاطعها بحده: لوحدها ؟!، الجازي باستخفاف لتفكيره : ترى عاشت كل هالسنين لوحدها طالعه نازله وين والمشكله ؟! رد بغيض من اهمالها : المشكله انك ام مهمله !، طلع جواله واتصل فيها ..زفر وهو يسمع رنين الهاتف ناظرته الجاوي بضحكه مازحه: هذا يا طويل العمر طلعت رونق علشان ما تكون كذاب مب انت قلت لهم انها مب موجوده . حركت حواجبها مع ابتسامه مستفزه « كلنا بالهواء سواء بالكذب» زفر وهو يكتم غيضه واعطاها ظهره اول مره يشوف بحياته الام تقلد ابنتها ...صايره تقلد رونق بشكل فظيع ....قطع حديث نفسه لما وصله صوتها البارد : الو رد وهو يحاول يضبط اعصابه:السلام عليكم ردت وهي رافعة حاجب ومسنده ظهرهاعلى الشجره وش يبغى منها : وعليكم السلام دخل بالموضوع مباشره : كيف تطلعين بدون ما تعطيني خبر ! فتحت عيونها باستنكار حتى طلوع الحديقه تحتاج اذن ..ردت بتمرد: والله ! نسيت اوقع منك اذن خروج ترى حنا بالبيت مو بالشركة ! رد بغضب من وقاحة ردها : تظنين نفسك بفندق تطلعين على كيفك وترجعين ! رفعت حاجب وباستفزاز نطقت : ايه بفندق بس للأسف خدماته سيئه رد بهجوم فيه سخرية : ايه صدق خدماتنا سيئه حقك علينا ما ندلك رجلينك صبح ومساء يا قلة الادب ! ابتسمت وهي متاكده انه النار تشع من عيونه: والله فيكم الخير ....هالشغاله إلي عندكم ما لها شغل يا ليت ترسلها لانه تعرف رجولي هالايام من الجلوس توجعني ! زفر محاوله للتحكم بأعصابه بعمره ما شاف مثل هالبنت المستفزه : اذا لم تستحي فاصنع ما شئت هذا إلي اقوله بس ! ولا تنسين انت تحت مسؤوليتي لو صار لك شيء الكل رح يلومني ! والحين وينك ؟! ردت وهي تسند راسها على الشجره باريحيه : انا بأرض الله الواسعه ..تحت الأشجار المثمرة ....ومن حولي زهور يانعه ...والاغصان مائله ....والسماء فوقي داكنه ...والرياح ساكنه قاطعها بعد ما استفزت كل ذره فيه : جعل10 من الجن يتلبسوك ! الجازي اقتربت منه وعبست ملامحها من دعوته : استغفر ربك ناظرها وفرق الطول واضح بينهم .....اغمض عيونه لثواني وهو يحاول يمسك اعصابه من الام وابنتها ..زفر بغضب وبعدها نطق : الجازي انزلي تحت افضل لك ! رونق بصوت ساخر وهي تسمع كلامه : ما اصدق الحليم غضبان ! رد بنبره هاديه بعد ما كتم غضبه : وينك يا رونق للمره الاخيره اسألك ! الجازي ناظرته باستنكار : وش فيك تراها بالحوش جالسه وش تبغى منها ؟! رفع حاجب وكأنه سمع غلط ..بقهر نطق : ليه ما قلتي ؟) الجازي بصبر: بس انت ما خليتني اكمل قاطعها وهو يقترب من النافذه ...تنهد وهو يشوفها جالسه تحت الشجره قفل الخط وبنبره رجاء :رجاء لا تقلدين غيرك باستفزازي لاني مسح وجهه واتبعها بتنهيده : اتركيني لوحدي ما اعطاها فرصه دخل الغرفه وقفل الباب بالمفتاح ! تنهدت الجازي وبداخلها ضيق ..وش يقصد لا تقلدين غيرك؟! رح تتركه وترجع له مره ثانيه! ** * ** رمت الجوال جنبها بعد ما قفل الخط فياض ..نفسها تطلع لمكان مرتفع وتصرخ بأعلى صوتهااااااا ...تصرخ وتفضفض كل شيء بداخلها بداخلها كتمه ما هي قادره تتحملها ....تبغى ترجع لاستقلاليتها لا سائل ولا مسؤول ...تحس نفسها من لما طلعت سالفه الخطف وهي مقيده من طرفين ! وكل طرف يشد فيها لجهته حتى يحكم وثاقها ! بس هذا الشيء ما رح تسمح فيه ! فتحت الرواية إلي بيدها ...تتحدث عن قصة فتى انخطف وهو بعمر 3 سنوات ! بالرغم انها اشترت هالروايه من فتره الا انها وجدت نفسها منجذبه لذي الروايه يمكن لانها لامست شيء من واقعها ....من لما عرفت الحقيقه عمرها ما فكرت بحياة الخطف إلي تعرضت لها ...حادثه نايف ما خلتهاتفكر باي شيء ثاني ! حتى ما فكرت تسال عن اخر مستجدات القضيه ....يمكن السبب راكان لانه هو إلي مسك القضيه ولاجله ما تبغى تعرف ...خلاص انخطفت ورجعت لأهلها وانتهت القضيه ! لحظة معقول ولد ام مرعي يكون شرير ويخطف الاطفال ! اهل القريه طيبين وماعندهم فكر العصابات ..اذا كان مثل اهل القريه كيف رح يخطفها ؟! اكيد في إلتباس بالموضوع ...كانت جدتهاام مرعي تمدحه ما تدري ليه حاسه في حلقه ناقصه بالسالفه ...والبنت إلي دفنوها وين اهلها ؟! تحس تصدع راسها من الاسئله إلي ما لها جواب ! ناظرت صفحة الكتاب ليلفت نظرها جمله «اليتيم عندما يفقد أمه أو أبيه يفقد ابتسامته، ويفقد الأمان في حياته » تناولت القلم بأصابعها النحيله ....خطت خط تحت هذه الجمله ....بعدها كتبت فوقها «اليتيم عندما يجد امه و ابوه يفقد الامان واذا فقدهم يجد ابتسامته » هذا إلي حصل معها طول حياتها تشعر بالأمان بالرغم انها كانت يتيمه لكن الحين بعد ما وجدت امها وابوها حتى الابتسامه فقدتها وما عادت تشعر بالامان ... قفلت الكتاب لما لمحت الجازي متوجه لها ! اخذت نفس تريح اعصابها ....ابتسمت مجامله للجازي . الجازي بابتسامه وسيعه وهي تلف الشال على راسها بإهمال ....وبكلام صادق من قلبها : يسعد لي هالابتسامه! جلست جنبها واسندت ظهرها للشجره ...تنفست الجازي بعمق : اجواااء جميله ! التفتت لرونق ناظرتها بتأمل وهي متأكده انها اتعس مخلوقه الحزن والكآبة واضح عليها ...زفرت بضيق وبعدها نطقت : لا تزعلين من فياض تراه سكتت ما تعرف وش تبرر ؟! رونق بملامح فيها الكدر ..تحاول تغطي عليها بابتسامه مزيفه: انا ما زعلت منه ...اكيد رح يكون فيه اختلاف في ردات الفعل هو انسان انضباطي وانا انسانه قاطعتها الجازي بمحبه : انت انسانه رائعه وبدون مقدمات حضنتها بقوة : رونق انا احبك كل يوم احس نفسي اتعلق فيك بزياده قاطعتها رونق وهي تبعد فيها عنها وهي عافسه ملامحها : خنقتيني ابغى اتنفس ! ابتعدت الجازي بابتسامة ...رونق زفرت بضيق : ترى والله انا ما عندي غباء لذي الدرجه حتى تستغبوني ...عفوا بس اقنعيني انك امي ! ترى احس انا امك بس هم خربطوا ! ضربتها الجازي بخفه وهي تناظر فرق الحجم بينها وبين رونق : سخيفه ! رونق حركت شفتها بأسف : سامحيني ما اعرف بذي الامورترى عندي جفاف عاطفي فالاحضان والقبلات ذي ما احبها تراني مو بزر ! ضحكت الجازي وهي تقرص خدود رونق: يا عيني على الخجوله! رونق ابعدت يد الجازي بلطافه : زوجك الموقر زعلان ؟! الجازي انعفست ملامحها : انت وش قلت له ؟! رونق هزت كتوفها ببراءه : ما قلت شيء ... الجازي رجعت أسندت ظهرها للشجره وبنبره ميته نطقت : كنت انسانه بائسه من لما تزوجت جواد لعمر 25 وانا كنت كل يوم اذبل اذبل كنت عباره عن جسد يتحرك بتثاقل ..هالات وشحوب وجسم هزيل ..كرهت كل الدنيا خلال هالفتره ... بعد زواجي من فياض ما انسى فضله علي وفضل عمتي بعد الله ....طلعت من النفسية الحضيض الي كانت ترافقني ! ظنوا اني مع هالسنين نسيت واكتملت فرحتي بوسيم وخالد وديما ما يدرون بداخلي جرح للحين ينزف ..بناتي قدام عيوني وما أقدر احتويهم ! وش اصعب من هالشعور منبوذه من بناتك ؟!! يقولون روايتي ما انتهت وللحين في اجزاء ما انتهت وشملي ما اجتمع ! وانا اقول روايتي انتهت ما هو دائما النهايات سعيده ....الحياه مو كذا ابدا! انتهت حكايتي بزواجي من فياض وبإنجابي 3 اطفال اعيش معهم واعوض الفقدان إلي عشته فيهم ...وانسى انه بيوم كان عندي توأم ...رح اعتبركم قريبات او جارات او اي شيء ثاني ...أما علاقة ام وبناتها ابدا ما رح تصير ويلتم شملنا ..وإلي بالقلب السنين كفيله تداويه ! هذه نهاية حكايتي! ختمت كلامها بابتسامه ألم وهي تسأل رونق :وانت وش نهاية روايتك ! ناظرتها رونق بعيون لامعه بعدما وصلتلها اختيارها بطريقه غير مباشره ..لتنطق بنبره ضياع : انا قصة فرحي وحبي للحياة انتهت لما عرفتكم والحين بدأت رواية حياتي من جديد ! الجازي عقدت حواجبها بعدم راحه : وش تقصدين ؟! رونق بابتسامة عميقه: «حزني حزن الغريب إذا الليــل أتى، واليتيم في يوم العيد » قلت لك من قبل عيشي حياتك وانسي التوأم هزت راسها الجازي بمراره وعيونها تنذر بسقوط الدموع : الكلام سهل ...خليني ساكته احسن ! رونق تغير الموضوع...ما تبغى تغرق اكثر ببحر الاحزان والضيق :مين إلي خطبني وانا اعرفه الجازي عقدت حواجبها ..وللحين عيونها تلمع : خطبك وانت تعرفينه ؟ مين قال ؟ فياض خبرك هزت رونق راسها :-؟ايه الجازي بنفي: ما عندي علم الا واحد من معارف ابوي لا انا اعرفه ولا انت حتى فياض ما اظنه يعرفه يمكن يضحك عليك يشوف رد فعلك او يثير فضولك عقدت حواجبها اثارتها هالكلمه: يثير فضولي ؟ ترى حركته ابد مب حلوة وما هي منطقيه والا يبغى سكتت بضيق : خليني ساكته احسن ! الجازي ناظرت رونق وهي منفعله: تراك تنرفزيه بتصرفاتك طول عمره هادي سبحان الله من لما جيتي تغير وصار سهل استفزازه رونق مطت شفتها بسخرية : وما عرفت السبب؟! زوجك ببساطه ما هو متحمل وجودي بينكم ! لأني يا امي العزيزه ابنة طليقك ...يمكن يخاف اني اذكرك بالمرحووووووم او تحني للمرحوم لما تشوفيني وتحني لايام الطق وتتركي فياااااض العاشق وترجعين لسجانك يمكن جلدك يرعاك ختمت كلامها بضحكه رنانه وخاصه لما لمحت فياض يناظرهم من الشباك ! الجازي انفعلت:صدق انك ما تستحين على وجهك ...وبعدين فياض اكبر من كذا وتفكيره راقي ! بس انت كلامك مستفز والا بنت عاقله تقول هالكلام لامها ؟! رونق رفعت حاجب وبخفوت نطقت : قصدك اني مجنونه؟! الجازي ببراءه نطقت : واحلى مجنونه شعرت بالاختناق من هذه الكلمه ... الجازي ما انتبهت على ملامح رونق ..تناظر امها إلي متوجه لهم : هذه امي جاءت ! حنين اقتربت منهم سلمت وبدون سابق انذار بدأت موشحها :حضنتيها زين ! عسى ما التصقت بحضنك ! بغيت اتصل بالدفاع المدني حتى يكونوا موجودين وقت تبادل الاحضان بلاه تلتصقي وش يفك التصاقكم ! يا غبية ما ادري الغباء إلي بعقلك متى يزول ! اخخخخخ لو كنت ادري الا اجي ومن شوشتها اطردها برااااا لعنبوووووو قلبك متى قاطعتها الجازي بضيق : يا يمه حنين جلست على الارض وللحين النار بقلبها : انكتمي! عسى بس دلعتيها ! يا لطييييف تراها نعوووووومه وحساسه! اخخخ يا قلبي حامت كبدي منها ! الجازي بضيق : تراها ابنتي يا يمه متى تستوعبون هالشيء حنين بشراسه: ايه حنا ما نفهم ي ام المشاعر المرهفه ! الجازي بصبر : يمه هذا بندر طلع المر بحلقكم ومع قاطعتها : اسكتي اسكتي تشبهين بندر بمريم الخبيثه انت من عقلك جايه تعتذر ! ترى راكان غصب عنها جرها حتى تعتذر ! الجازي ترضى بالقليل: المهم انها اعتذرت ! كشت عليها حنين : حالفه يمين تسلمه بكرتونته! ما اخذت اعتبار لهذه اليتيمه ! رونق رفعت راسها متفاجئه لما اشرت عليها ! حنين تكمل بغبن:تذابحت مع اهلها عشانك ! وهذه جزاتها تستقبلي مريم بالأحضان حتى راكان الزفت كيف استقبلتيه وهو ضرب رونق ! نسيتي كل شيء ! الجازي بمشاعر وافكار متبعثره: بس انا ما قلت لها تعمل كذا بالحفله! بهتت ملامح رونق من كلام الجازي ....اعقبتها مشاعر خيبه خنقتها...حاولت تبلع غصتها ما قدرت ! ناظرت حنين المنفعله : لوفيك خير كان رفضتي الصلح حتى يعتذروا من رونق ! بس ما الومك دام ام فياض صرفت صك الصلح بالرغم من الضيق والكدر بداخل رونق الا انها ضحكت على جملة «صك الصلح» حست بدمعتها بطرف عينها مسحتها والابتسامة ما زالت مرسومه على خدها ! الجازي تضايقت من كلام امها : وش دخلها عمتي قاطعتها حنين : كل من رأسها ايه تعرفين تخاف ام راكااااااان تزعل ! استقبلتيها وهي ناويه تضرب رونق! وفوق هذا كل الاشاعات ما طلعت الا من تحت راسها ! الجازي : يا يمه الصلح افضل حنين بغضب من رد الجازي :اي صلح وهم اول من طعن قاطعها فياض بنبره حازمه: خالتي يكفي !- حنين التفتت خلفها وبقهر: يكفي فياض بهدوء: تناقشي مع الجازي لوحدكم ما له داعي كل العالم تعرف طالعته رونق وهي متاكده انه يقصدها عفست ملامحها بقرف ! حنين بمقاطعه : اها تدري نسيت انه راكان صديقك وما يهون عليك ...اما هالبنت اليتيمة هانت عليكم وما عملتم لها قيمه فياض بنرفزه : اي قيمه وهي داخله على الجماعه بشرها وفوق هذا ضاربه العروس والعريس المفروض هي تعتذر منهم! حنين مطت شفتها : والله ما بقى معك كلام تقوله ! قسم بالله ترفعون الضغط يا ليتني كنت موجوده والله الا اطردها مثل الكلبه ! هذه الوحيده الي تفهم فيكم ومااستقبلتهم واشرت على رونق فياض يتجاهل النظر لجهة رونق : خالتي يكفي ! والحين تفضلي للداخل ترى امي تنتظر فيك ! حنين وقفت وهي تنفض العبايه: امك الحين دورها ! الجازي زفرت براحه بعد ما ابتعدت امها ! فياض ناظر الجازي : يلا تجهزي رح نطلع الحين الجازي عقدت حواجبها : وين ؟! فياض وهو يعطيها ظهره : انا وانت نغير جو الجازي فكت عقده حواجبها : والاولاد ! رد وهو يمشي خطوه : نتركهم عند رونق !- يلا ما في وقت! الجازي ناظرت رونق تحدق بكتابها بصمت : بس رونق رفعت راسها ...جمعت أغراضها.. تحركت بهدوء .. وقفت لما وصلت عنده ..بدون ما تناظره: كل واحد يأخذ عياله معه ...الحضانه للحين ما افتتحناها ! تركتهم وغادرت ! الجازي اقتربت من فياض وعيونها على رنق : فيا قاطعها : يلا تعالي ساعدي امي خالتي نجوى واخواتك سهرتهم عندنا الجازي طالعته وهي تمشي معه :والطلعه فياض مط شفته: بس اراويك انه ابنتك ما تتحملنا حنا طول الوقت حضرتها تطلع وقدر عندنا ما قلنا شيء ! قاطعته بضيق: فياض لا تحط عقلك بعقلها ..ما له داعي تتابع حركاتها بمجهر مط شفته بسخرية: دخيل الحنووووووووون ! وبجديه نطق : ابنتك هذه مستفزه لابعد حد وفوق هذا احسك صرت تقلدينها و لسانك ما شاء الله ......هذه البنت لو تزوجت ما اتوقع زوجها يتحملها يوم ..ما الوم نايف يوم تزوجها ومن ثاني يوم طلقها مع انه ما يعرف انها من رحمه لكن سبحان الله ما قدر يتحملها هالغثيثه قاطعته الجازي بقهر : يكفي تراك متحامل عليها بزياده! وما اسمح لك تقول عنها كذا ! إلي يغلط عليها قاطعها بتحذير : الجازي لا تكلميني كذا وكأني بزر فاهمه ! حبك لها شيء وتصرفات ابنتك شيء ثاني ! لا تخلطي الامور ببعضها ...انا اقدر وضعها لكن ابنتك زادت عن حدها حتى انت صرت تتأثري فيها واسلوب تعاملك اختلف ! خليها تروح لبيت اهلها وتشوف معامله اهلها كيف رح تكون ؟! حنا رحبنا فيها واكرمنا واحترمناها لكن مع ذلك ما قدرت هالامور! لا فوق هذا تتعامل معنا وكأنها متفضله علينا بجلستها...ستين مقلعه وراءها ! رونق واصلها صوتهم ..رددت بداخلها «مقلعه تقلعك انت يا عديم الذوق » تابع كلامه :ترى مريم اشوفها احسن منها على الاقل غلطت تعتذر ما هو مثلها ! ترى خلااااص طق كبدي من هالتوأم وما انا ملزوم فيهم..خليهاتختصر احسن ما احلف يمين ما وحده فيهم تدخل بيتي ! ترى قرفت هالعائله وإلي فيها ! ومن الحين علاقتك فيها رسميه ما ابغى تتكلمين معها سلام وعليكم السلام ..وانتهينا وغير هيك ما عندي والا ورب الكعبة الا اخذ عيالي واهج من هالبلد واشبعي بالتوام إلي ما ييجي من خلفهم الا المشاكل ووجع الراس ! اصلا هذه ما تحب احد معقده نفسيا ..خلاص تجلس عندنا لكن ما نبغى احتكاك قاطعته بقهر من كلامه : ما هو بكيفك وما تقدر تتحكم بعلاقتي بابنتي! وما تتدخل بيني وبينها ! خلاص انا طالع من الحين من البيت قاطعها بنبره تحذيريه : اقصري الشر ! ولا تشمتي الناس فيك تراه ما في شيء يستاهل ... مسك يدها وجذبها نحوه : لا تخلي انسانه عابره تخرب حياتنا ...عيالك وسيم خالد ديما ما له داعي تخلينهم يعيشون نفس حياة التوأم خلي شملنا ملتم ...فكري بمصلحه هالاطفال ...واترك عنك هالانفعالات الزايده ..انت تعرفين قدرك عندي وتعرفين كم عيالك متعلقين فيك ..رونق حنا بالنسبة لها محطه وقفت فيها ورح ترحل منها باي وقت ... الحين ادخلي ما بقى وقت وخالتي واخواتك على وشك يوصلون ...انا اعرف منك بالناس اسمعي كلامي وما رح تندمين ! ناظرته الجازي وبداخلها شتات ....ما عندها حرف واحد تنطقه ! نزلت راسها وتركته بهدوء ....وهي تفكر بكلامه وكلام كثير نصحوها ومن بينهم ابوها ...ليه تخرب بيتها علشان التوام وهم ما هم سائلين عنها ! يصعب عليها الحال إلي وصلوا له ...لكنها فشلت بجداره انها تكسب البنات بالرغم من المشاعر الجميله الي تحملها لهم ...وهذا حال كثير من الناس بداخلها حب وحنان لكنها تفشل بالافصاح عنه وما تعرف تعبر عن مشاعرها وما تعرف تكسب قلوب الناس ...لينسدل الستار على حكاية ما زالت بالقلب تدميه ..ويبقى الامل معلق على عاتق السنين بأنها تطيب الجروح ..... *** *** *** *** جالسه بغرفتها بصمت وكلام فياض يتردد بمسمعها ...صحيح بعض الكلام ما وصلها لكن اغلبه وصل وضربها بالصميم ......ما شعرت انها فعلا قليله ادب بالتعامل معه ...وليه لذي الدرجه متحامل عليها ؟! رفعت نظرها لوحده من البنات تكلم رونق بضجر : لنا ساعة جالسين عندك ما قدمت شيء ..انزلي وقدمي لنا ضيافات ! رفعت حاجب رونق حست نفسها سمعت غلط ! دفتها البنت الثانيه :بالله ابغى عصير مثلج تراهم نشفوا ريقي! ارتخت ملامحها على بالهم انها صاحبة البيت ....حست بغصه بحلقها لانها في مكان ما تنتمي له ! بلعت ريقها بصعوبه ونطقت ببرود : البيت بيتكم وحده منكم تنزل ءءانا سكتت ما عندها شيء تقوله ! فاطمه وقفت بحماس : خلاص انا اروح يا كسوله ! سرعان ما جلست لما دخلت عليهم الشغاله ومعها الضيافه ! نطقت نور بفرح : هلا بالمحمول ! وزعت الشغاله الضيافه وطلعت بهدوء ! فاطمه ترجع شعرها للخلف بضجر : افففف شعري يضايقني افكر اقصه ! ايات بانفعال : لاااااا ترى فارس يحب الشعر الطويل فاطمه زفرت بيأس : من هنا لوقت تخرجه يكون صار طويل رفعت رونق نظرها لفاطمه تتأملها ...مخطوبه لفارس ؟! ...دام انه خاطب ليه جالس يلعب عليها ؟! ضاق خلقها بزياده ..... نور بتحذير : لو امي وخالاتي يعرفون بسوالفكم الا قاطعتها فاطمه بلامبالاه: مافي احد وبعدين ما قلنا شيء ...هي تبغى تخطبني لاخوها انا وش دخلني ماقلت احبه او يحبني ! فانكتمي احسن لك ! ايات بضحكه ضربت فاطمه على ظهرها : تعجبيني ! كفوووو والله ! ما احد يعدل فروس ابو عين زايغه غيرك ! فاطمه تنفش ريشها وبغمزه : اعجبك ! تناظرهم رونق وشيء بداخلها يقول لها انهم معهم خبر سالفتها مع فارس وجايين يقطعون عليها الطريق ..مطت شفتها يقال ميته عليه ! يا سخف عقول الناس ! نور وهي ترتشف من العصير: انت تسهرين كثير ؟ هذه الهالات من الارهاق ! وش فيك لابسه كذا عالاقل خلينا نشوف شعرك ! فاطمه تحمست : ايه يلااااا نزلي العبايه خلينا نشوفك ! ايات تناظرها بتقييم : ترانا بنات رونق تسمع كلامهم وعقلها يفكر بالخروج من هنا ...بس وين تروح ؟! اصعب شعور لما تضيق الدنيا بوجهك ! تستأجر شقه وتسكن فيها مع قدر ّ........بس من وين الوظيفه! حتى صعبه عليها تسكن لوحدها الدنيا ما فيها امان ! تروح لبيت جدها وليد ؟! حنين مزاجها صعب وما تتوقع تتفق معها ! جواد هالخيار مشطوب من حياتها ! تخاف ان راحت يحرمها من دراستها ما تستبعد يقفل الباب عليها ! ترجع للقرية بس عمها مرعي ما رح يسكت لانه يخاف من القضايا والسجن ! دفتها نور من كتفها : ابو الشبااااااا ب وين سرحت ؟! رونق بانزعاج من دفتها : وش تبغين! ايات : لا حول ولا قوة الا بالله !-حنا مين نكلم ؟! نقولك نزلي العبايه والشال نبغى نشوف شعرك ! رونق بضيق يا فضاوة البال عندهم : مرتاحه كذا ! قدر دخلت لرونق : ماما ابغى اشتري رونق عفست ملامحها بضيق من نايف ما أرسل فلوس لقدر ! وقفت على حيلها وهي تمسك الجوال ...طلعت برا الغرفه ...ارسلت رساله «وقسم بالله اذا ما ارسلت فلوس لقدر الا اجرجرك بالمحاكم » لحظات وصل لها الرد « مستعد بفلوسها بشرط ترجعين لبيت اهلك وغير كذا والله ما تشوفين فلس واحد ورح اسحب البنت منك » صكت على اسنانها بقهر : الله يأخذك وبدون سابق انذار بدأت دموعها تنزل وهي تحس نفسها بالعجز ...مهما كنت قوي احيانا الظروف ومآلات الامور تقيدك رغم عنك ..وتحس نفسك عاجز امامها ! طلعت من المحادثه ....واتصلت مباشره بمروان ! تناظر حولها تتأكد ما في احد حولها ....زفرت بضيق لما انفصل الخط وما احد رد ! رجعت تتصل مرتين وثلاث واخيرا انفتح الخط ...تكلمت رونق بغضب ممزوج ببكاء: انت وينك !؟ مروان رفع حاجب من نبره صوتها : وش فيك؟! ردت وهي تحاول تعدل صوتها : ما فيني شيء ! انت ليه جوالك مقفل دوم ! قلت لك خليه دائما مشحون حتى قاطعها : انسى اشحنه انشغل بالشغل وارجع احط راسي وانام! ردت بنبره عتب : وانا كل يوم اتصل فيك صبح ومساء حتى اتفقدك وجوالك مقفل ما كلفت نفسك تشحنه وتسأل عني ! والا ما صدقتم ترتاحون من همي ! حتى جدتي معقول بذي السرعه نسيتني وما اتصلت فيني ولا سألت عني ! وكأنه حمل ثقيل وارتحتم منه ! قاطعها بتبرير: رونق قطعت كلامه ما تبغى تسمع منه اي تبرير خلاص ما عاد لها قلب يتحمل اكثر ....طعنات الحياه كثيره وقلبها ما يتحمل طعنه زياده لانه رح ترديها طريحه بدون حراك ! خلاص اكتفت من الي حولها ...ما عادت لها طاقه ....يكفي تبريرات كاذبه ! وبنبره مخذوله ردت : مشكور على الاهتمام الزائد ...انا ما نسيتك دوم أفكر فيك وابني مستقبل لك وكيف نلتقي ونعيش مع بعض مثل اول بس انت بلعت غصتها ما قدرت تكمل ....ختمت كلامها : مشكور مره ثانيه ما قصرت مع السلامة ! قفلت الخط ! ارخت يدها إلي كانت فيها الجوال ..خيبات متتالية ! «وكم من خيبة أمل عنوانها هو ضعفنا.......وكم من خيبة أمل عنوانها هو مسح كل نسمة أمل...... حتى نجد أن الموت هو حل لها.. »م.ن مسحت وجهها بشالها ..اخذت شهيق وزفير حتى تخفي معالم البكاء،! التفتت للخلف وهي تشوف نور على باب غرفتها تنادي عليها : ياااااااهووووو وينك ما رجعت تعالي ! عضت على شفتها من حالها ....ليه الناس تلتم حولها بأسوأ الاحوال ....محتاجه تجلس لوحدها ...ما هي طايقه تشوف احد ..فوق هذا طاقين الميانه معها وكأنها تعرفهم! ومسنترين بغرفتها وش يبغون منها ! تحركت بخطوات باتجاه الغرفه ..تجاوزت نور بصمت ...دخلت الغرفه ...ناظرتهم الي نايمه على سريرها والى تعبث بكتبها .... توجهت لآيات الي تعبث بكتبها.. مسكت يدها برفق وبنبره حازمه : لا تلمسي كتبي ايات تركت الكتاب من يدها وهي رافعه حاجب ....مطت شفتها بعدم اعجاب : بكيفك ! بغيت اشوف خرابيطك على الكتب اكيد كاتبه قصائد غزل مطت شفتها رونق بمراره : غزل! الله يكبر العقول! نور بمداخله: اصلا هذا احلى شيء بالبنات يكتبون مشاعرهم على الكتب وكأنه فارس الأحلام يقرأ كل إلي نكتبه ايات رجعت جلست على السرير : انا ما اكتب اخاف يقع واحد من الكتب بيد فارس عز الله الا يدفني ! الي بقلبي خليه بقلبي ! فاطمه بضحكه : تعالي شوفي كتبي كلها رسمات عيون تبكي ههههههه او بنت كشتها طالعه صايبها تشوه خلقي ! ايات ضحكت بصوت مرتفع :: انا ارسم قلب الحب و أضع له ورقه وكأنه تفاحه حتى ما احد يفتح لي سين وجيم تراها كلها تفاحه ...شفتم البراءه! نور بابتسامةو هي تشوف رونق تناظرهم بصمت : حنا مؤدبات ما عندنا انحطاط اخلاقي بس نهزر ! اكتفت رونق بالتوجه نحو النافذه ...تناظر للبعيد وعقلها سارح يعيد ترتيب افكاره من جديد ! *• ** ** ** ابو جواد بتحريض: ولا ترسل لها فلس واحد ..ترجع هنا بعدها انا مستعد بنفسي اصرف عليها ! ام جواد بتحذير: انتبه يعرف جواد ترى مب ناقصين مشاكل ! نايف هز راسه..وابتسم بخبث : مارح يعرف! ابو جواد زفر بضيق: ما ادري وش صايب هالجواد يفكر بدون عقل ...كيف يتهجم على الرجال في بيته! نايف بضحكه : والله ما مسكت نفسي او ما شفت مكان الضرب ام جواد خزته: تستاهل الكف الي حصلته والا اخوك متشاجر مع واحد تجلس تضحك عليه بدل ما توقف معه ! نايف دخل بنوبة ضحك :ما اقدر اتحمل منظره وهو مضروب هههههه طول عمره عامل نفسه ابو جواد بحزم: نايف انتهينا ** ** ** في الصالة جالس ينتظر راكان ينزل وعقله يفكر بشيء واحد فقط ! دخلت ام راكان الصاله ومعها القهوة : صبحك الله بالخير يا وجه الخير ! رد بابتسامة دافيه : ربي يصبحك بالسرور ام راكان ناظرته بطرف عينها : ترى جدتك للحين زعلانه وزاد تعبهاوالسبب انت ! اشر على نفسه ببراءه: انا ؟! ام راكان تمد له بفنجان القهوة : ترى ما احد صاحب هالفكره غيرك ! زياد هز راسه بأسف : ترى البنت ما هي بالوحشية إلي تشوفونها ترى تعاملت معها بالعكس انااشوفها قاطعه وهو يقترب منهم : انا اشوف تأخرنا ! امشي واترك وظيفه المحاماه لاهلها زياد وقف بانتقاد مبطن :اذا المحامي ما قال كلمة حق غيره يقولها حتى لو كان طفل ! راكان ما هو عاجبه تصرفات زياد ودفاعه وخايف من شيء وهذا الشيء مستحيل يوافق عليه : امشي تأخرنا ام راكان من قلبها : ان شاء الله تفشلكم وما ترضى ناظر زياد امه بضيق من كلامها : يا يمه الانسان يحاول يكون محضر خير ! راكان وهو طالع : مع اني متأكد طلعتنا على الفاضي ..بالاضافه لكلام يسم البدن زياد من خلفه : لا تستبق الاحداث كل شيء بوقته حلو ! رفع جواله واتصل بجواد حتى يلتقي فيه ! ** ** ** ** الجازي بغضب وهي ترفع اصبعها بتهديد : ما اسمح لها تقابل احد وش يضمني ما يلعبون بعقلها ! اصلا وش يبغون منها ؟! راكان وزياد وش جايبهم حتى يجلسون معها ! على اساس كان بيت خالي عندهم شرف وهذه الامور جريمه والحين صارت مباحه ! فياض ناظرها وعيونه تشتعل نار من البارحه ووضعهم متكهرب والسبب رونق..نزل يدها إلي رافعيتها وهي تهدد : خلي اليوم يمر على خير احسن ما اقلب الدنيا الجازي بقهر : لا تهدد الف مره اقولك لا تهدد ! ام فياض وقفت بينهم : استهدوا بالله وانت وش فيك اهلك يبغون يجلسون معها الجازي وهي تشم ريحه مؤامره : ابوها يجلس معها بس زياد وراكان وش لهم علاقه ! فياض زفر بغضب : انت وش دخلك دام ابوها راضي تجلس معهم ..جااازي لا تستفزيني اكثر ! ام فياض تهدي الوضع : يمكن يبغون يكلمونها بسالفه الخطف يمكن صار فيها مستجدات بما انه راكان ماسك القضيه ! فياض اشر على الجازي : ترى هالايام صايره قاطعته الجازي بشراسه: قول الي تبغى ما يهمني كلام احد ...صدقني إذا طلعت رونق من هنا والله ما اجلس هنا دقيقه وحده لانك تقدر توقفهم عند حدهم ! فياض خلاص طق قلبه من افكارها لانها ما تعرف مصلحتها : وقسم بالله ان طلعت ما لك رجعه لذمتي وانت عاد اختاري بيني وبين ابنتك المجنونه انقهرت من كلامه رجع لسالفه التخيير وفوق هذا رجع لنفس الكلمه «المجنونه» ...وبغضب ردت : انا المجنونه اذا جلست دقيقه هنا الحين اطلع انا و رونق واعمل إلي تبغى وقفها صوت ابوفياض الصارم : جازي ! ناظرته والدموع بدأت تأخذ مجراها على خدودها : تكلم بنفس الصرامه : وش هالكلام هذا ! تراه ابوها وما هو رجال غريب عنها والي معه عيال عمها ...يقولون يبغونها بسالفه وليه ذي هالمناحه ! ردت وهي تبكي : اكيدرح يقصون عليها ويأخذونها ! تراه فياض بالبداية قال كذا بعدها انكر ! ابو فياض رفع حاجب بكشره: وش فيها لو اخذوها ! تراهم اهلها افرضي انها تزوجت ..تعملين نفس هالمناحه والا تجيبين زوجها يعيش معنا هنا ! وش هالسخافه هذه! اطلع يا فياض للبنت خبرها وخليها تنزل تجلس معهم يبغونها بسالفه ! وقبل ما تعترض الجازي رفع اصبعه بتهديد حازم : ولا كلمه ...تبغين الناس تأكل وجهنا ! ردت بحقد دفين بقلبها : الله يأخذهم من ناس ! ام فياض سحبتها من يدها ...ما تبغى تكبر السالفه ...تخاف جازي ترمي كلمه على ابو فياض وتصير علوم : تعالي اجلسي هنا وما يصير الا كل خير! وبهمس لها : ربي يسعدك اتركي اليوم يمر بسلااام ! زفر بغضب فياض وهو متوجه لغرفة رونق...طرق الباب وغضبه واضح بطرقه : انا فياض افتحي! جالسه بثوب الصلاه على السرير ومتكوره على نفسها بألم رجع لها الوجع ..البارحه تضايقت كثير وتأزمت نفسيتها .. رفعت رأسها لما قال« فياض » وش يبغى منها ؟!، مسحت حبات العرق عن جبيها وهي عافسه ملامحها من التعب ! توجهت للباب وهي تجر خطواتها ...اسندت نفسها ...اخذت نفس قبل ما تفتح الباب ...فتحت الباب وناظرته بهدوء ...بدون اي كلمه تنتظره يتكلم! فياض ناظرها والشحوب واضح عليها ...رق قلبه لحالها والتعب واضح بملامحها : تعبانه؟! هزت راسها بالنفي وهي تحس نفسها تتمزق من الالم !، هز راسه وهو فاهم مكابرتها : ابوك بالمجلس يبغى يكلمك بموضوع ومعه عيال عمك راكان وزياد ! جهزي نفسك وانزلي ! ردت بهدوء: ما ابغى اقابل احد ..واذا ابوي يبغاني بموضوع ضروري يكلمني بالجوال قاطعها فياض بضجر : يا صبر ايوووووب ! لا تتعبيني معك خمس دقائق ما رح تأخذ وقت شوفي وش يبغون وارجعي للاعتكاف تراه جائز لا تخافين - كتمت نفسها من الوجع ...ثواني رجعت تنفست بهدوء وبصوت هادي: انا ما اجلس مع راكان وزياد قاطعها : اعتبري نفسك دخلت مكتب راكان تنظفيه ودخلت مكتب زياد تسأليه عن الامتحان ...لا تعقدين السالفه التمست بكلامه السخريه ومع ذلك طنشت لانه بنظرها الشغل ما هو عيب ولو كانت بوضع ثاني كان ردت عليه ! ابتعدت عن الباب خطوة : قلت ما رح انزل ورجوع معهم ما رح ارجع وجالسه هنا على قلوب قاطعها بنرفزه: ترى الكلام الناقص ما احبه ..لو تجلسين طول حياتك عندي ما همني،! بس انت صفي نيتك وافتحي عقلك رح يكون كل شيء بخير ! ردت بنفس الهدوء : مشكور على النصيحه ...والحين تبغى شيء ثاني قبل ما انام ! مسك اعصابه لا يسدد لكمه على وجهها : يا بنت الحلال لا تفشلينا ترى ابوي جالس ينتظر لا تفشلينه قدامهم! رونق هزت رأسها بالنفي : لا فشيله ولا شيء قول لهم ما ابغى اجلس مع احد ! و بعدين من صباح ربنا احد يزور احد ؟! فياض شاد على اسنانه وهو يحاول ما يغلط : الحين يقولون انه حنا منعناك تنزلين لهم قاطعته وهي تتوجه لسرير قادره توقف اكثر : عادي ترى عملوها بامي حشوا برأس مريم ولما جاءت تشوفها قالوا البنت ما تبغى امها ... الموضوع عادي بس انت مكبره قاطعها : رجعتي لنفس السلوك تحطين نفسك بامور ما تخصك ...حشرتي نفسك بحفلة الخطوبه بشيء ما يعنيك ...وبالاخير ما طلعت الا بسواد الوجه ..مريم والجازي تصالحوا وانت طلعت برا ! مطت شفتها بسخرية: والحين وش رح يصير ؟ يعني جواد والجازي يتصالحوا وانا اطلع بسواد الوجه ! بس كيف رح يتصالحوا ؟! رمقته بالرغم من شحوبها الا انه هالنظرات استفزته بقوة ! تقدم منها بدون وعي جذبها من كتفها بقوة وبنبره غاضبة: لاتخليني ابتلي فيك ! حذرتك الف مره من هالاسلوب بس ما في فائده !، لاخر مره اقولك اتقي شري افضل لك حاولت تدفه عنها : اتركني احسن لك ! دفها على السرير بقرف...وتوجه للباب وهو يتكلم بكل غضب : عمرك لا نزلتي. ...ما ادري هالمصيبه من وين نزلت علينا ! ضرب الباب خلفه بقوة ....نزل من الدرج بدون ما يناظر امه والجازي وقفت الجازي لما طلع تبغى تروح لرونق ! مسكتها ام فياض برجاء: اذا لي عندك خاطر لا تطلعين لها اخاف تغير رايها ويظن فياض انك لعبتي بعقلها ! الجازي باعتراض: بس اجلستها ام فياض : اجلسي يا ابنتي تراه ما هو بالسهوله يأخذونها ورونق عنيده ما احد يلعب بعقلها ! هذا حنا جالسين نتابع ونشوف اخر هالسالفه ! ** * • مريم ناظرت جدتها : كيف تسكن هناك ام جواد تشرب القهوه بلامبالاه : والله انا ما اقدر لاختك حتى تصبح بوجهي وتمسي ! لا تنسين نايف ساكن هنا كيف تعيش معه بنفس البيت ! مروه رفعت حاجب وهي تحط رجل على رجل: ما هو بشرط هذا حنا نعيش مع عمي نايف بنفس البيت وكم مره شفناه ! ام جواد ناظرتها بقوة : الكبار يقررون انت وش دخلك ! مروه هزت كتوفها ببراءة : انا اعطي مجرد راي ! شذى قفلت الجوال كانت منشغله على الجوال بقوه:انت يا كثر ما تحشري انفك بامور ما لك دخل! مروه عفست ملامحها وبداخلها «استغفر الله» ام جواد بقهر : سبحان الله مثلك تحشر انفها بكل شيء!، الحين وش دخلك بأخت زوجك ان شاء الله تروح للمريخ مروه بشماته: صحيح يقولون يا عمتي انك اكلت علقه مرتبه قبل ما يطلقك شذى بغضب : بتعرفي تنكتمي! هذا كله اشاعات من تحت راس امك وزوجات اعمامك من قهرهم! مروه هزت راسها وهي فاتحه فمها بطريقه مضحكه: اهاااا تدرين سبحان الله ما صدقت هالاشاعات بس ليه معصمك ازرق احمر بنفسجي ضربت جبهتهابتمثيل ساخر : اسفه تذكرت بالغلط ضربت يدك بالباب انتبهي يا عمتي مره ثانيه احتقن وجه شذى وقفت وهي ناويه عليها ...قفزت بسرعه مروه وطلعت ..سرعان ما اصطدمت بنايف وهو داخل ! حست بالاحراج نطقت بسرعه وهي تهرب :-اسفه يا عمي! نايف ناظرها وهي تركض ..وبعدها التفت لشذى : علامك معصبه وماسكه الحذاء! وقفت شذى بانتقاد: وانت ليه مدرعم هنا بدون استئذان! نايف ما له خلقها : سالت قالوا ما في احد !- اقترب وناظر مريم إلي منزله راسها باحراج : السلام عليكم ! ام جواد : وعليكم السلام ! اشوفك معصب ! جلس وهو يمط شفته بسخريه: ما تدرين راحوا يجيبون بلقيس! والله ما احد مخرب الدنيا الا زياد ! والا لو تموت ما تشوف قدر وإلي يقهر جواد وكأنه هالزياد كلامه سحر عليه ام جواد : يا نايف ترى زياد انسان فهمان ومثقف م نايف عفس ملامحه : اكون ساكت احسن ! اشرعلى مريم : هذه مريم ؟! رفعت مريم رأسها تلقائيا ! شذى مطت شفتها : هذه اخرتها العم ما يعرف بنات اخوه !، والي طلعت قبل شوي ام لسان مروه!، نايف ناظر امه :تشبه اختها الكلبه بس هذه بيضاء وذيك سوداء ! ام جواد ضاق خلقها ....بكلامه تذكرت ماضيه: اسكت ترى لو يسمع جواد وش يخلصك ! وانت يا مريم اطلعي عند امك !، مريم بدون تردد طلعت طيران وعقلها ما هو مستوعب كيف تزوج ابنة اخوه...حست بالانقراف من السالفه ! ••• ** ** * * جواد احتدت ملامحه : كيف ما تبغى تجلس معنا ابو فياض حرك يده بشويش: كل شيء ينحل بالرواق! والتفت لفياض : وليه ما تبغى تنزل! فياض تكتف بملل: والله عاد تقول احد يجي يزور احد من صباح ربنا ؟!- ورجوع ما هي راجعه معكم تموت وما ترجع معكم ! ! بالاضافه تقول عيال عمك من متى الميانه حتى تجلس معهم ! ختم كلامه بنظره انتقاد ! راكان انقهر من كلامها وهمس لزياد :قلت لك عمر ذيل الكلب ما ينعدل ! زياد رفع حاجب وهمس له : وهي صادقه ليه تجلس معنا هذه نقطه تحسب لها ! ما هو عليها ! راكان مط شفته بهمس خافت: الحين صارت كلها شرف ...لما ضربتني بالكرسي قاطعه زياد بخفوت : اسكت الحين ! وناظر ابو فياض إلي يتكلم : روح قول لها تنزل تجلس مع ابوها وعيال عمها ينتظرون هنا ! زياد باعتراض : ما ينفع نبغاها بموضوع ولزوم اكون موجود ...اذا ما في احراج نجلس معها انا وجواد بغرفه لوحدنا وراكان ينتظر هنا ! راكان فتح عيونه باستنكار : ترى انا اقرب لها اكثر انا زوج اختها ! جواد بركان يغلي بداخله بعد رفض رونق لشوفتهم ...اهانه كبيره بحقه ! يحس نفسه بالمجلس بحجم النمله ! ناظر فياض وبتشكيك : وش يضمن لي انك مانعها تنزل ويمكن ما عندها علم بوجودي ! سوالف تحشش عقل البنت ضدي ترى قاطعه فياض بتشفي: ترى عملتها من قبل وحششت عقل البنت ضد امها ! والحين رونق ما تبغى تشوفك من نفسها حنا وش دخلنا! اتوقع رقمها معك اتصل فيها وخليها تنزل انا ما لي علاقه بالموضوع من اساسه جواد ناظره بصمت وعيونه ترسل شرار ...ما يبغى يتفشل زود قدامهم ! ابو فياض بتأييد : ايه اتصل فيها يمكن مستحيه تنزل علشان عيال عمها! مط شفته راكان بهمس نطق: مقطعها الحياء ! اضطر يطلع جواله ويتصل فيها وهو يشف نظرات الموجودين تنتظره تتصل ! عض على شفته بقهر وغضب بعد ما فصل الخط وما احدرد ! ابو فياض وعيونه متركزه عليه: ارجع اتصل مره ثانيه يمكن بالحمام او ما سمعته! جواد عيونه رح تنفجر من الغضب وهو يشوف نظرات فياض كلها شماته وكأنه يقول له مثل ما اجبرت مريم ترفض امها هذه رونق ترفضك بدون ضغط او اجبار من احد ! زفر يحاول يخفف من النيران المشتعله إلي بداخله :ما ترد ! ابو فياض بأمر : قوم يا فياض اطلع لها قول لها ابوك يتصل على جوالك ردي عليه ! فياض انتفخ وجهه اليوم رح يشتغل مرسال عندهم : ان شاء الله ! ** * * ** بعد ما طلع فياض ..سمعت صوت عند الشرفه ...عقدت حواجبها باستغراب !، حست نفسها تقلب عليها ...ما تبغى تستفرغ ..خلاص قرفت هالشعور ...شدت على بطنها من الوجع ! نهضت جسمها بعدم اتزان وهي تسمع الحركه ما زالت على الشرفه ! جرت خطواتها باتجاه الشرفه ...فتحت الباب واستغربت من وجود عصفور صغير يحاول يطير لكنه صغير ...مدت يدها له ومسكته بشويش ....اكيد عشه قريب من هنا والا كان وقع هنا وهو للحين ريشه ما اكتمل! رفعت رأسها للاعلى شافت القش باين من الشرفه إلي فوق ! بس ليه هذا الثقب بالسقف ... ناظرت حولها كيف ترجعه ..وخاصه لما شافت الام تطير قريب من المكان وتزقزق وكأنها تصرخ تبغى ابنها ! ناظرت سور الشرفه ...لو طلعت عليه تقدر توصل له وترجعه! اخذت نفس ...جلست على سور الشرفه ...اخذت نفس تقوي حالها...وقفت بشويش وهي ممسكه بالعصفور ! بلعت ريقها.....تأكدت انها متزنه ....آنت من وجعها ....رفعت يدها لفوق يمكن توصل للسقف .....ما تقدر توصل له ....مدت باقصى ما عندها ..رجعت خطوة صغيره تعيد توازن وقفتها ...كانت رجلها بالهواء ..سرعان ما فقدت توازنها وكانت بالهواء تسبح ..ليمر شريط حياتها امام عيونها ..... طفولتها .مراهقتها .زواجها .....طلاقها ....اهلها ...الجازي .جواد....لتردد بداخلها انتهت روايتها قبل ما تبدأ !!!!! انتهى البارت ...انتظروني يوم الخميس بإذن الله ...دمتم بخير | ||||||
|
| |
|
24-07-20, 12:07 PM
| #43 | ||||||
| مشرفة منتدى الروايات المنقولة
| بارت 17 ناظرت حولها كيف ترجعه ..وخاصه لما شافت الام تطير قريب من المكان وتزقزق وكأنها تصرخ تبغى ابنها ! ناظرت سور الشرفه ...لو طلعت عليه تقدر توصل له وترجعه! اخذت نفس ...جلست على سور الشرفه ...اخذت نفس تقوي حالها...وقفت بشويش وهي ممسكه بالعصفور ! بلعت ريقها.....تأكدت انها متزنه ....آنت من وجعها ....رفعت يدها لفوق يمكن توصل للسقف .....ما تقدر توصل له ....مدت باقصى ما عندها ..رجعت خطوة صغيره تعيد توازن وقفتها ...كانت رجلها بالهواء ..سرعان ما فقدت توازنها وكانت بالهواء تسبح ..ليمر شريط حياتها امام عيونها ..... طفولتها .مراهقتها .زواجها .....طلاقها ....اهلها ...الجازي .جواد....لتردد بداخلها انتهت روايتها قبل ما تبدأ !!!!! ** ** ** ** وقفت ام فياض برعب لما شافت من نافذة الصالة شيء سقط الارض وصوت صرخه رافق السقوط الجازي وقفت وحست الدم نشف بعروقها ....ما تبغى تستوعب الحقيقه ...وصوت رونق رن بإذنها...ناظرت عمتها وفكها يرتجف : انا اتخيل وسرعان ما صرخت بأعلى صوتها لما استوعب عقلها الحدث ....تصرخ بدون وعي وتحركت بسرعه باتجاه الخارج ...وقفتها يد فياض الي دخل مفزوع من صراخ الجازي بعد ما وصلهم ! الجازي بدون وعي فلتت منه وهي تهذي بصراخ: رونق وقعت اتركنييييي وركضت للخارج وخلفها ام فياض لبست وهي مفزوعه وخلفهم فياض ركض والدم نشف بعروقه ! ما هوفاهم شيء ..دوبه كان عندها وكانت بخير. ...قالت تبغى تنام ! وش صار ! وقف وكأنه الزمن توقف وهو يشوف رونق جثة هامده على الارض بلا حراك ....والدم يسيل منها تقدم لما حركت رونق وأنت بألم لما وضعت يدها على راسها والدم يفور من راسها ابو فياض من خلفه بملامح مفزوعه تقدم بعد ما سمع الصراخ ...وقف وهو يردد : لا حول ولا قوة الا بالله جواد وراكان وزياد ...واقفين بعيدين بخطوات ما هم فاهمين شيء! الجازي جلست على ركبها بانهيار عند رونق وبصوت يردد بالمكان : رونق ردي علي...روووونق انت بخير جواد بدون مقدمات ركض لما استوعب انه هذه ابنته .....تقدم منها ...بغى يحملها حتى ينقلها للمستشفى! وقفته صرخة الجازي بغضب : اتركهاااااا كله بسببك زياد بمهنية اقترب: اتركها لا تحركها يمكن تتأذى وتزيد من اصابتها ! فياض استوعب الحين انها الجازي كاشفه وجهها ...وجالسه قبال جواد بدون وعي ! تقدم منها وسحبها بقوة وهي تدفه وعيونها على زياد الي تكلم : ابغى شيء اوقف نزيف الدم ! جواد مسك شماغه وأعطاه لزياد: انتبه يا زياد! فياض ما أستمع لكلامها اخذها للداخل وبحده تكلم : تغطي طالعه كذا قدام العالم ! الجازي وهي تبكي جلست على الارض بانهيار : خلاااااص راحت بعد ما لقيتها ضااااااعت وكأنه انكتب جروح قلبي ما تشفى ! جريح الصمت يااااااااا قلبي ... بداية وانتهت بصمت ...البنت غرقانه بدمها ...يا رب ما افقدها يا ربي لحظات تهاوت على الارض فاقده للوعي ...ما عاد قلبها يتحمل فراق مره ثانيه وللابد ! مكتوب عليها يبقى قلبها عليل طول حياتها ....تمنت يلتم هالشمل لو لمره وحده ...لكن الأمنيات تبقى احلام ما لها صلة بالواقع ! * ** ** ** ** ابو جواد وقف حيله بعد مكالمه راكان : يقول البنت واقعه عن الشرفه ام جواد وقفته :كيف وقعت ؟! رد وهو يأخذ مفتاح السياره: مااحد عارف شيء والحين هي بالمستشفى ام جواد صفقت بيديها : لا حول ولا قوة الا بالله ! انتظر هذا انا جايه معك ...يا قلبي عليك ي جواد الحين تلاقينه منهبل عليها ! يا رب عفوك ورضاك ! ! «< «<« «»« واقفه وهي تهدد بصوت غاضب : والله لو يصير لها شيء الا اذبحك فياض وقف قدامها بغضب : يكفي! جواد وعيونه تشع نار : حطي اهمالك فيني ردت وهي تبعد عن فياض: البنت ما تبغاك وانا مب مستعده اخسر ابنتي علشانك خلااااص اطلع من حياتها و اتركها تستقر ...لمتى تتمادى بحقدك وطغيانك ! خاف الله يا مجرم! فياض خلاص وصلت معه وقبل ما يتصرف وقفته يد وليد بأمر هامس: اتركها وقف جنب الجازي وهو ممسك بيدها بحرص وبصوت قوي تكلم : تذكر لما جينا لبيتكم وقتها قلت لنا مب مستعد اخسر ابنتي وحنا مو مستعدين نخسرها لاجل مشاعر ابويه مزيفه ....البنت اختارت تنتحر ولا ترجع لك خلاااص اتركها بحالها جواد انتفخ وكأنه بركان وبلحظه رح ينفجر :قول انكم متمسكين فيها شغله انتقام ! والله يستر من معاملتكم الزفت إلي خلتها ترمي بنفسها ! والله اشتكي عليكم ! والله لاجرجركم بالمحاكم زياد مسك جواد من كتفه بغضب: خلاااص كافي العالم تناظر ما هو ناقص فضايح !، وبعدين سيره الانتحار ما نبغاها لا تزيدوا المشاكل رح تدخلون انفسكم بمتاهة....خلاص انا سجلت التقرير تدعثرت عن الدرج وانتهت القصه ! .وبعدين لما تصحى نشوف وقتها وش صار معها ؟- من وين اخترعتم قصه الانتحار ! استغفر الله بس ! خذوا نفس عميق وان شاء الله ما يصير الا كل خير ! وضعها ان شاء الله تمام بس هم يعطونها منوم حتى ما تصحى يخافون من الحركه يصيبها نزيف والا شيء ما تحمد عقباه ! تقدم منه ابو جواد وهو بأقصى سرعته : وش صار الحين ! زياد بهدوء:الحمد لله كل شيء بخير ابو جواد بقهر من تصرف رونق : كيف وقعت ؟! حنين مطت شفتها : اكيد فضلت الانتحار والموت ولا تعيش تحت ظلمكم ! ابو جواد رفع يده بتهديد : اقصري الشر افضل لك ! ترى كل المصايب إلي تتحاذف علينا بسبب الجازي ! وش هاليوم الاغبر يوم خطبناها راكان بمقاطعه : يا عمي كلامك هذا ما يجوز ...وانت ياعمة ترانا بمكان عام ابو جواد ناظر اخته بكره : ليتها ماتت وارتحنا من مشاكلها قاطعه جواد : يبه زياد يناظرهم الوضع كذا ما ينفع اجتماع العائلتين على شيء واحد ما ينفع اكيد رح تقوم الحرب العالمية الثالثه ! تقدم من وليد همس له بكلمات وبعدها بنظره رجاء! هز راسه وليد مسك يد الجازي وبصوت امر : تعالي يا ام بندر ! وجلسوا بمقاعد الانتظار ! فياض ناظر جواد بغل وقهر وتوجه لجهة وليد ! وليد ناظر ملامح فياض الغاضبة .بعدها ناظر الجازي تمسح دموعها من تحت النقاب ...تكلم بهدوء: شوي تطمئني عليها وبعدها ترجعين مع فياض ناظرته باعتراض: يبه! قاطعها بحده: عاجبيتك قعدتك هنا ! ذول اهلها..... ابوها داخل طالع كيف تجلسين عندها ! متى ما صحيت تزورينها ! الجازي بصوت رايح من البكاء ناظرت فياض : ادري وجودي هنا يضايقك بس ارجوووك اشعر باحساسي انا ام ما اقدر قاطعها وليد بحده: الف مره اقولك التوام مو لك ...ما رح تطول ورح ترجع لابوها بارادتها لولا وجود نايف والا من زمان راحت ....لا تثقي بأحد منهم لانه بالاول والاخير تحمل من دم ابوها قاطعته والشهقه غصب عنها تطلع : صدقني رونق غير بس هي ما هي عارفه تتأقلم مع الوضع الجديد مثل وضعي بالضبط لما فقدت التوام ....انا لقيت من يساندني ويوقف معي ! بس هي قاطعها فياض بحزم : حنا وقفنا معها ومع ذلك ما قدرت هالشيء اسمعيني 10 دقائق ورح نرجع للبيت ولي كلام ثاني معك حنين بتأييد: اسمعي كلام زوجك ولا تخربي بيتك علشان رونق باي لحظه تتزوج وتتركك الجازي تحس بالاختناق كلهم يصبوا بنفس النقطه ...كلامهم يسبب الضغط لها ....ردت بصوت كله بكاء: ما هو وقته هالكلام! اقترب منهم راكان بعد وقت وبنبره رجاء : يا ليت ما تحتكوا بالكلام مع بعض ....ترى بيت عمي يبغون يرفعون عليكم قضيه فياض ناظره بصدمه وهو يحس كل يوم يكتشف حقاره جواد : حنا ما لنا دخل اصلا لو رفع قضيه رونق رح تنكر راكان يبث سمومه: ويمكن تجدها فرصه تنتقم منكم تراها ماتحب احد اذا ابوها اشتكت عليه وافرض انها ماتت ناظرته الجازي بغضب :انت قاطعها بتبرير: انااتكلم بواقعية اتركي المشاعر على جنب ..رح يلبسكم قضيه قتل حتى لو طلعتم براءه لكنها بحد ذاتها بهدله والعيار الي ما يصيبك يدوشك! الجازي ببكاء : حسبي الله فياض غاضب لاقصى حد من امور كثيره ....هز راسه بهدوء بصعوبه حتى يقدر يتحكم بأعصابه : عين خير ! راكان حط يده على كتفه : انت صديق عزيز وقريب لي وما ارضى لك الضرر ! هز راسه فياض وبداخله الافكار تحوم حوله! ما هو فياض إلي يكون كره يرميها هذا وهذا ...خلاص فاض المر على المرار من تصرفات جواد !- يعرف كيف يقهره والله لينتقم منه شر انتقام ! ناظر الجازي منزله راسها وتبكي ب صمت صحيح عليها تصرفات تقهر وترفع ضغطه الا انه ما يقدر يزعل عليها لانه يعرفها تتصرف بحسن ظن ..احيانا عقلها يخونها وتفشل باتخاذ القرارات لكن هذه المره هو إلي رح يلعب بالكره ويلقنهم درس ما ينسوه ابدا ! ** ** * ام جواد وضعت يدها تحت خدها بملل : قلت له اروح معه لكن مستعجل وخاف ارمي كلمه واشتبك مع الجازي وحنين ! بإلي ما يحفظهم ! مروه تتكلم بحماس: ابوي يقول انها منتحره! شذى مطت شفتها: اكيد طالعه مجنونه لامها ! ميس ناظرتها بنغزه : مااذكر انها مجنونه ... صحيح ما قلت لنا كيف كان لقاءك مع ابو الشباب لما رجعك لذمتك ! احتدت ملامح شذى : ما يخصك ! انتي انتبهي على عيالك وما لك شغل بغيرك! سعاد مطت شفتها : يااااااهووووو علامك اكلت الحرمه ! كله سؤال قاطعتها شذى بشماته: اشوفك رايقه كل هذا لان ضرتك بالمستشفى ام جواد عفست ملامحها بضيق : شذى هذه السيره ما ابغى اسمع هالسالفه ترى يضيق خلقي تظنين هالسالفه هينه ! بالله انك تنكتمي وإلي ما يعرف يتكلم ينكتم !، الجازي بهدوء: طيب الحين ما عرفتم سبب الانتحار؟! دخلت جمانه وهي تتكلم بالجوال ...قفلت الخط وناظرتهم: يقولون ما تبغى ترجع لابوها عشان كذا انتحرت قاطعتها سعاد بضحكة : جراحوووو يقول انها قفزت حتى تشرد بس طلعت الشرفه عاليه ههههه قاطعتهاام جواد بحده: على وش تضحكين يا حظي ! ومن متى صاير جراح صاحب اخبار واصلا اخوك مب هنا وش عرفه؟! سعاد حست بالفشيله مطت شفتها بقهر من اسلوب ام جواد: اكيد راكان والا زياد خبروه! ام جواد عفست ملامحها : والله ما ادري كيف زياد والا راكان تاركينه على هواه وش عاجبه بحياة الفقر ! سعاد عفست ملامحها بقهر : والله كل واحد حر بنفسه وما احد له عنده !- ذي حياته كيفه يعمل مثل ما يبغى ! مريم ضايق خلقها ما تدري وش السبب ..زفرت لعل الضيق إلي بداخلها يتبخر جمانه ناظرتها بعد مازفرت : اكيد انك ضايقه لان اختك التوام طايحه اكيد تشعرون ببعض الجازي ردت بضيق لانها متاكده الحين جواد معصب على الاخير: الكل ضايق تظنين هالسالفه رح تمشي بالساهل الله يستر بس ! ميس وهي تعلك : يا اختي اتركوا البنت عند امها وانتهت السالفة ! احس زوجك راكب راسه جكر يبغى يأخذها خلاص عنده نسخه ويترك عند الجازي نسخه ! ضحكت مروه بشكل مبالغ فيه : ههههههه حلوة هذه نسخه عنده ونسخه عندها ! ام جواد بنهر : وجع يطب بأسنانك عفست ملامحها مروه من مزاج جدتها ...وقفت على حيلها وتكلمت وهي طالعه: والله انها تفهم يوم فضلت الموت على العيشه إلي تنقص العمر فتحت ام جواد فمها بصدمه من كلامها .وبغضب نطقت : الحين عيشتنا تنقص العمر ! والله لا يرجع ابوك الا كل كلامك بإذنه ! ناظرت حولها : وش قلة الادب هذه ! دراسة ودرست بالجامعه قاطعتها جمانه بتبرير: بس يا جده هي تبغى تخصص طب والا صيدله او مهندسه وانتم ج قاطعتها ام جواد : لازم نقولها بالعربي الفصيح معدلها على الحفه يالله يالله حتى نجحت ! لا والله لسانها طويل هالبنت وما تحشم احد ! هين دواها عندي! ** ** ** كل شيء يوجعها وكأنها ساقطه من مكان مرتفع لقاع الارض ..رفعت يدها بصعوبه تتحسس راسها صداع فضيع ....وش صار فيها ! اخذت النفس بصعوبه ...أنينها يعزف معزوفه من شدة الالم ! تحس الرؤية ما هي واضحه كثير ...غمضت عيونها تسترجع الاحداث ... أصدرت صوت الاه لما حاولت تتحرك ...فتحت عيونها وهي تستذكر اخر شيء لما حاولت توازن نفسها ...وكان السقوط مصيرها ! دخلت الممرضة ...تشتغل شغلها بمهنيه...رونق بصوت ضعيف: وش صار الممرضه : وقعت عن الدرج مبارح ربك لطف فيك ....الحمد لله على سلامتك عفست ملامحها رونق وهي تردد بداخلها «الدرج» وين امها غريبه ما في احد حولها ! غمضت عيونها من التعب ....بدات دموع الضعف تنزل ...وهي تحس نفسها وحيده ما احد عندها ! قدر اكيد عند امها رح تكون بخير ...تتمنى لو ماتت وارتاحت من هالحياه ومرارها ! عضت شفتها من قوة الالم ودموعها تنزل مب قادره تتحمل ... ظهرها يوجعها تبغى ترفع نفسها وتتحرك مب قادره .. وين جدتها ام مرعي تشوف وش سوت اقدار الزمن ! بلعت ريقها بصعوبه وهي تحس بنشاف بحلقها ! مر الوقت طويل عليها وهي تناظر السقف وكأنه لوحه فنيه ...تغوص بتفاصيلها ...ودموعها تنزل بصمت من عيونها الذابله ! طرقات خفيفه على الباب...دخل جواد وخلفه عبود ... عفست ملامحها بألم لما رفعت يدها ومسحت دموعها لما سمعت طرقات على الباب ! جواد اقترب منها وبداخله بركان من تصرفاتها .....ومع ذلك كمت هالبركان وتكلم بهدوء: الحمد لله على سلامتك !- ناظرته بعيون دامعه ذابله ...اكتفت بالنظر ..ما فيها حيل تنطق حرف واحد! عبود بكره لها : انتحار مره وحده فتحت عيونها باتساع من هالكلام «انتحار» جواد بحده ناظر عبود وبتهديد: حرف واحد ما ابغى اسمع ! عبود انتفخ وجهه بقهر والتزم الصمت ! جواد زفر بضيق وبعدها التفت لرونق: كيف وضعك الحين ! همست بتعب: بخير سكت جواد ما عنده شيء يقوله لانه لو تكلم رح يفرمها فرم ! رفعت نظرها للسقف تحاول تمنع نزول دموعها ...تبغى تصلي مب قادره تتحرك ..بحاجه لانثى تساعدها! جواد تكلم بهدوء : هذه ام عبدالله ومريم خلفي اي شيء تبغينه يساعدونك! قبل ما يصدر منها شيء ...دخلت الجازي وخلفها مريم ..تحمدوا لها بالسلامه ببرود ...وكل وحده جلست بهدوء! بهذه اللحظات كم تفتقد جدتها ....تحس كل من حولهااغراب ومن الصعب تقدر تطلب منهم المساعده ....عبود تكتف وهو يتكلم ورافع خشومه للسماء : شفتي انها امي احسن منك اهنتيها ومع ذلك جاءت تتحمد لك بالسلامه ناظرته رونق وهي رافعهحاجب بعبوس هذا الشخص وش جابه عليها ! جواد بتحذبر : عبوووووود وبأمر :قوم اشوف نطلع برا يمكن اختك تبغى تبدل او شيء ! ناظر رونق : هذه ام عبدالله ما رح تقصر معك ! تركهم وطلع ! ام عبدالله وقفت بهدوء ومعها حقيبه فيها أغراض: جبت لك اغراض من اغراض مريم اكيد رح تكون نفس مقاسك ! رونق بخفوت : وين امي ؟! ام عبدالله ناظرت مريم وبعدها التفتت على رونق : امك في بيتها! ما تبغاك تنازلت لابوك رفعت حاجب رونق وهي تشوفها مجرد افعى تنشر سمومها ..وبنفس الخفوت كلمت مريم : معك رقم امي مريم بتردد وزعت نظرها بين رونق والجازي ..وبتردد :-ليه! رونق بلعت ريقها بصعوبه تحسه ناشف.... نطقت بصعوبه من التعب النفسي والجسدي : اعطيني اكلمها الجازي رجعت جلست وهي تكلم مريم : اعطيها ! طلعت الجوال مريم ..اتصلت بالجازي ومدته لرونق ! مسكته بألم تحس اصابع يدها مكسره...تحاملت على الوجع ...ووضعته على اذنها ....بعد عدة رنات وصلها صوت فياض حسته يتكلم بجفاء : الو رونق اخذت نفس وبذلت كل جهدها حتى يسمع صوتها : انا رونق ليرد بنبره حست فيها سخريه: صدق رونق ! الحمد لله على سلامتك ....ا قاطعته بغصه: وين امي! رد عليها بجفاء لانه يحس كله بسببها : امك بالمستشفى بسببك سقطت وتعبانه حست كلامه سهم اخترق قلبها .... يحسسها وكأنها شحاده على باب بيته ....هي تبغى امها لها حق فيها غصب عن الكل ...بهذه الغربه الجازي إلي تطلب مساعدتها والحين تقفل هالباب بوجهها ! عضت شفتها بمحاوله لمنع الدموع لما تكلم بهدوء عكس نبرته الساخره : تبغين شيء ...اذا محتاجه شيء قاطعته تلملم كرامتها : بغيت أسألها عن قدر رد بسخرية : ظنيتك رح تسألي عن امك المهم قدر مع اخوانك وما عليها قاصر وان شاء الله لما امرك رح اجيبها معي قاطعته تخاف اهلها يأخذونها منه: لا لا تجيبها حك ذقنه وكأنه فهم تفكيرها : مثل ما تبغين ! والحين تبغين شيء ردت بصوت مخنوق : لا سلم على امي والحمد لله على سلامتها ليرد بهدوء: الله يسلمك انهت المكالمة ومدت الجوال لمريم بدون ما تطالعها !- مريم وكأنها تؤدي واجب: اذا تبغين تبدلين قاطعتها رونق وهي تحس نفسها وحيده ...بالرغم من وجود شق التوأم الا ان شعور الغربه يمزقها: اتركي الأغراض وانا ابدل بعدين! الجازي رفعت حاجب: نساعدك ناظرتها رونق هذه اكبر عدوه لامها مستحيل تسامحها...تلبس لباس الطيبه ....والمشكله الغبيه مريم ما هي مستوعبه هالشيء .. اخذت نفس وردت بهمس : بعدين عم الصمت بالمكان ....رونق تناظر السقف بعمق ومريم والجازي على الجوال يطقطقون! دخلت ام جواد وخلفها زوجة بدر وزوجة سعود ...سلموا عليها بحذر وتحمدوا لها بالسلامه ام جواد تناظر رونق ...عقدت حواجبها وهي تشوف انها للحين ما هي مغسله : انتم ما ساعدتوها الجازي بهدوء: ما هي راضيه تقول بعدين ام جواد ناظرت رونق : متى يعني ؟! الحين تفوتك الصلاه رونق باحراج : بعدين ! وقفت ميس فوق راسها: يا حبيبتي الحين اساعدك انا صدقيني رح ترتاحين بعد قاطعتها رونق وهي ماسكه نفسها ما تبكي بصعوبة : بعدين ام جواد بحزم : يلا الكل برا وانت يا مريم ساعدي اختك تراكم توام ما رح تستحي منك ! مريم بفجعه: جدتي انا ما اعرف رونق زفرت بضيق :انا اروح لوحدي ميس شمرت عن ساعدها : تفضلوا برا خليني اساعد البنت سرعان ما توسعت عيون رونق بصدمه وهي تشوف الجازي داخله مع حنين ...اول مره تفرح بشوفتها كذا ....تحس فعلا احتاجت امها حتى تساعدها وما يمن عليها الغريب ...تلقائيا نزلت دموعها بصمت الجازي تقدمت منها بلهفه قبلتها وهي تتفحصها حتى تتأكد انها بخير : كيفك الحين ؟! مسحت لها الدموع : يا قلب الجازي حنين ابعدت الجازي عن رونق ...وبهدوء نطقت : الحمد لله على سلامتك ! الجازي ناظرت اهل خالها ما تبغى تسلم عليهم ! حنين بدون نفس سلمت على الموجودات ... وبعدها اقتربت من رونق باهتمام: صليتي؟ هزت راسها بالنفي ...ام جواد عفست ملامحها ما تطيق تشوف حنين ..وفوق هذا ما كلفت الجازي تمد يدها وتسلم عليهم : حنا رح نمشي وانتم ساعدوها حنين هذا إلي تبغاه: وهو افضل مع السلامه ! ام جواد كشت عليها : اعوذ بالله من لسانك مثل الافعى ينقط سم ! حنين تكتفت وبكره : يا جعل الافعى تقرصك ونفتك من خشتك ميس مسكت كتف ام جواد وبهمس : خلاص طنشي وامشي! ام جواد بتوعد : يصير خير ! الجازي زفرت براحه بعد خروجهم : واخيرا انقلعوا وناظرت رونق بابتسامة : مفاجأة وجودي صح ! كيف مقلب فياض فيك ! رفعت حاجب بعبوس : مقلب؟! ليه قاطعتها الجازي وهي تضع الأغراض على السرير : قلبه مليان عليك ومن حركاتك وحب يرفع ضغطك ما قلتي لي كيف وقعتي! ناظرتها رونق بعد ما تنهدت لتروي لها بإختصار قصة السقوط! •• ** ** ** جواد بغضب مسكه من ياقته : فياض لا تجنني ! ابو فياض ابعده بحده : فياض ما له دخل ! انا قلت لك بدايه الدوام ابنتك عندك ...الحين هي بحاجه رعاية امها ! جواد بقهر : حنا نهت قاطعه راكان باستحسان للفكره : وانا اقول خلاص اتركها بدايه الدوام بتكون عندك ! فياض ناظر جواد بتوعد : ورب الكعبة ما ترجعلك الا برضاها ..وما هو عاجبك دق راسك باقرب جدار ...لانك ما تستحق ..وهذا اخر شيء عندي ! اعطاه نظره توعد وطلع جواد بغضب والنيران تشتعل بداخله ..وكأنه متلبسه جني : شفتم شفتم والله ما هو ناوي على خير! ابو فياض بنرفزه : انت وش عليك منه انا قلت لك اول الدوام تكون عندك والا شايفني بزر ما قاطعه جواد وهو ينفش انفه بغضب : نشوف زياد وقف من خلف مكتبه : الكل يعين خير وصدقوني كل الاطراف رح تكون راضيه ! جواد جلس وهو يشرب كوب المويه على نفس واحد لعله يطفي من النار بداخله * * ** ** مستلقيه على السرير بغرفتها ...وهي تستذكر الاحداث لما خرجت من المستشفى .....وقتها صار شجار كبير بين فياض وجواد مين يأخذني !، مطت شفتها بسخريه إلي يسمع يقول كلهم ميتين عليها ويبغونها ما يدرون انها اداه انتقام الشاطر يبغى يقهر الطرف الثاني من خلالها ! زفرت بضيق وهي تحسه شعور مؤلم .....الحمد لله طيحتها كانت سليمه رضوض للحين جسمها ما تحسن ...وراسها احيانا بيشد عليها مكان الضربه ...لكن تحس بتحسن كبير ..... من لما وقعت للحين ما طلعت من باب غرفتها ..الجازي مهتمه فيها بشكل كبير .....هذا فضل لها ما رح تنساه لها ابدا وحتى قدر تهتم فيها وكأنها ابنتها ...خلال هالفترة اكتشفت انه امها انسانه رائعه ما لقت احد يقدرها في بيت ابو جواد ...فكانت ضحيه لعادات وتقاليد بدون ذنب ..... لكن ربنا عوضها بزوج وحماه يحبونها .....فياض خلال هالفتره ما شافته الا مرتين وكان هادي جدا واحضر لها هديه يتحمد لها بالسلامه ....اجمل ما فيه هالرجال انه قلبه كبير ويسامح كلمتها امها عن المشكله وقت سقوطها و كيف كان زعلان ومعصب لكن مع زوال المشكله ينسى ويسامح وهذاالفرق بين جواد وفياض ...جواد فيه صفة الحقد للحين حاقد على الجازي وما نسي شيء ! هذا اصعب شيء تعيش مع ناس حقوده مهما تقدمت رح يرجعونك لنفس النقطه ! ام فياض وضعها عادي هالايام تحس انها مراعيه شعور الجازي حتى ما تزعل! واهتمت فيها ... اما ابو فياض لمحته وهي راجعه من المستشفى مالهافيه اي اختلاط اما جواد يكلمها بالجوال بس ما تطرق أبدا لرجوعها عنده ! لكن إلي بداخلها انها ناويه ترجع لابوها ما تبغى تخرب حياة امها بسببها ....هي انسانه تفقد اعصابها وترد بردود ما تعجب فياض وبعدها تؤثر على علاقه امها بزوجها ! رفعت نظرها لما دخلت الجازي بابتسامه : اليوم طالعين لمكان رح يعجبك مع عمي ابو فياض لا تعارضين لان الطلعة إجباري ! انا رح اجهز اغراض اخوانك وانت جهزي اغراضك واغراض قدر يمكن نجلس اسبوع !. بغت تعترض لكنها سكتت لانه يمكن تلقى مكان جميل تجلس فيه وتريح اعصابها ونفسيتها فيه ! بعد وقت كانت بالسياره وهي تشعر بالحرج وانها ثقيله عليهم ...هم طالعين زياره لاهلهم هي وش علاقتها ؟! فياض جالس جنب الشباك وجنبه الجازي وبعدها رونق! مد يده على كتف الجازي وبعدها نغز رونق وبابتسامه رايقه :كيفك يا مخلص صديق الحيوان ضحكت الجازي بخفه : فياض اتركها رونق ناظرته جالس يتمسخر عليها ..ان ردت يزعل انها ما تحترمه كمل وهو يبتسم : عاد وانا داخل اليوم لقتني ام العصفور تسال عنك جايه تزورك قلت لها ذيك بالسياره طالعه مشوار قالت خساره جبت لها هديه شكر ...اعطتني الهديه لك ريشه حتى تكتبين فيها قصائد عن الرفق بالحيوان ههههههه ام فياض التفتت للخلف : وش فيك على البنت ! فياض قرص رونق بخفه :نمزح معها ابو فياض بانتقاد:هذا مزح ! ما أخبرك طينتك ثقيله كذا ! فياض ضحك بخفه : الله يسامحك يبه !، رونق ما علقت واكتفت بالصمت افضل حل لانها اذا تكلمت رح يكون كلامها ثقيل ! ما تدري وين رايحه يقولون خالة ابو فياض ... ما يهمها المهم يكون الجو خيالي ...وترتاح نفسيتها وتبدأ من جديد..... مر الوقت وابو فياض وفياض منشغلين بامور الشغل ...والجازي نايمه وام فياض غارقه بالنوم ...مسكينه هالحرمه لو تدري عن كلام رونق الا ترميها خارج السياره ....مطت شفتها رونق بشبح ابتسامة ...احيانا نتكلم بكلام لما نكون متضايقين بهدف نقهر إلي مقابلنا ...وما نكون فعليا مفكرين بذي السالفه ..... بعد وقت وقفت السياره امام منزل محاط بسور عالي !، التفتت على فياض وهو يتكلم : وصلنا ! هز الجازي بشويش : يا قطعة من عسل قومي نظرها مثبت عليهم للحظه تمنت تعيش مع امها وابوها مع بعض ويعيشون جو اسري جميل حست عيونها لمعت بالدموع ...صدت للجهة الثانيه....وهي تذكر نفسها ليه نتحسف على الماضي ..لازم نرضى بالواقع ونحمد ربنا على كل شيء! لا ندري لعل الخير يكمن بالشر ! ..... فتحت باب السياره ونزلت بهدوء...ابتسمت بروح ميته لقدر إلي تقفز من الفرح مع ديما .....الشيء الجميل انها صارت تشوف ابتسامه قدر .... اخذت نفس عميق وهي تستنشق الهواء ....أجواء جميله وهاديه ...ما في بيوت حوله.... .بيت منعزل بمنطقه لوحده...غريب ! اقتربت من قدر وقعت عينها على سياره باب البيت ما هي من الانواع الفاخرة سياره عاديه ....مسكت يد قدر وتقدمت من السياره لما شافتها مظلله حتى تعدل نقابها ....بدأت تعدل نقابها ...نقزت لما ضرب وسيم برجله السياره وهو يصرخ : سياره خرده سيييييااااااار رجعت للخلف لما انفتح باب السياره وكتمت شهقتها لما شافت واحد داخلها .....تعلقت عينها للحظات وسرعان ما غضت بصرها وهي تشعر بالاحراج وابتعدت وقلبها يخفق بقوة نزل من السياره ومسك وسيم من إذنه : قد هالحركه يا دب! فياض إلي ينزل بالاغراض التفت لما سمع صراخ وسيم ..هز راسه باسف ! ابو فياض اقترب وهو يضحك : عاد كله ولا وسيم ! ابتسم وترك وسيم واقترب وسلم على ابو فياض وقلبه يدق بقوة ....نفس العيون إلي شافها ....مين تكون!- تنهد وابتسم : عسى ما تعبتم على الطريق ابو فياض : لا الحمد لله كل شيء تمام فياض بصوت مرتفع: بدل طق الحنك تعال ساعدني ضحك : من عيوني واقفه عند امها وهي تحس بشيء اخترق قلبها .....اعطتهم ظهرها وهي تسمع امها وام فياض يتكلموا باندماج عن الأغراض ! حمدت ربها الظاهر ما احد انتبه على الموقف البايخ ! فياض اشر لهم : تفضلوا والا تبغون عزيمه ! تكلم بنبره تدخل القلب ..صوته فيه موجات تدخل القلب بدون استئذان: البيت بيتهم وما يحتاجون عزيمه كيف حالك يا خالتي ام فياض ام فياض : ربي يسلمك ! ابو فياض عند الباب : يا الله دخلت وهي تتأمل المكان ..حوش كبير يتوسطه بيت كبير اقرب للقدم من الحداثه ..... ابتسمت وهي تشوف اخوانها وقدر يركضون بفرح ...يا جمال الطفوله وقفت جنب امها لما طلعت لهم حرمه كبيره بالسن معها عصاه ...ترحب فيهم : هلا هلا سلم ابو فياض باحترام : كيف حالك يا خاله ! ردت صفيه : بخير ربي يسلمك ! وين هالغيبه ! ابتسم بثقل ابو فياض : أشغال الدنيا ! فياض بابتسامه دافئه سلم عليها: حنا ما نشوفه مثل العالم والناس ! سلمت ام فياض بحراره على صفيه وبعدها الجازي ...تقدمت رونق بتردد ما تحب هذه المواقف ...مدت يدها ونطقت مجامله من فوق جوزتها : كيفك يا خالة !، صفيه ناظرتها بتقييم : هلا فيك مع اني مب عارفك الجازي بابتسامه: هذه ابنتي ! صفيه هزت راسها : ما شاء الله ربي يحفظكم جميعا تفضلوا حياكم ! الحين ييجي ولدي راح للسوق والحين يرجع وضع الأغراض وعقله مع ام عيون بس بدون ما يناظرها! دخلت قسم الحريم كان باستقبالهم حرمه فوق الاربعين ..... جلست بعدم راحه وهي تحس الحرمه تتكلم وبعدها تناظرها .... رفعت نظرها على دخول صفيه وهي ترحب وتهلي فيهم ! ام فياض وابتسامته شاقه الحلق: ربي يسلمك والله من زمان خاطري ازوركم بس شغل ابو فياض ! صفيه هزت راسها : حياك الله باي وقت ! اشرت على رونق : هذه خطيبه راكان ناظرتها رونق بفزع وعفست ملامحها وبداخلها «الله لا يقولها علشان تنتحر هذه المره عن اقتناع» ام فياض ابتسمت : لا هذه اختها شق التوأم رونق هزت راسها صفيه لما عرفت انها طليقة نايف ! صفاء ابتسمت لها بشفقه: حياك الله ! رفعت حاجب رونق من نظره هالشفقه وش شايفينها ! صفيه : غريبه ابوها تاركها عندك ! ام فياض هزت راسها باسف : مسكينه حرق قلبها على البنات عاد هذه البنيه قويه وقفت بوجه ابوها وقالت انا عند امي والي فيه خير يوقف بوجهي ! ناظرتها رونق بفجعه هذه جالسه تمدح فيها والا تذم فيها قدام العربان!، الجازي ناظرت عمتها وقرصتها بعيونها ..وبعدها ابتسمت تغطي على السالفه: هي بس مجردتهديد والا في بنت توقف بوجه ابوها ام فياض بانفعال : اي تهديد تراها قول وفعل اشتكت على ابوها جواد ووقفته بمركز الشرطه هو وعبود نزلت راسها رونق وهي فاتحه فمها بصدمه من ام فياض الي جالسه تنشر غسيلها هنا ! مر في بالها الشاب الي بالسياره لو عرف هالسوالف...ضربت جبهتها من تفكيرها وش يعني لو عرف ومين يكون اصلا ! حست انه قلبها يبغى يجرها لحرب هي خسرانه فيها ...ما رح تسمح له يخوض هالحرب !، ناظرت امها وجهها احمر ومنفعله من كلام ام فياض،:ما اشتكت قصدي ما كانت تعرف انه ابوها لما اشتكت عليه ! يعني لو كانت تعرف انه ابوها مستحيل تشتكي عليه صح يا عمتي ! ام فياض فتحت فمها للحظات وبمجامله ردت بابتسامه: ايه ايه اكيد لو كانت تعرف انه ابوها ما اشتكت وبداخلها « ايه كثري منها ..الله يسامحك يا الجازي تخلين الواحد يكذب هذه حتى لو كان ابوها الا تجره لمنصه الاعدام وما يهمها عديمه الاحساس والمشاعر» رونق ناظرتهم يناظرونها وكأنها ضيف الحلقه عقدت حواجبها وبداخلها تردد « next » لعلهم ينتقلوا لموضوع ثاني ! صفاء باندماج: البنت الصغيره ذيك ابنتها ! رونق عبست ملامحها وبداخلها «يا ليل ابو لمبه ما تدري مين قال لهم انها ضيفة الحلقه اليوم ! » ام فياض بضحكه قصيره : هههه يا حليلها قدر ناظرتها رونق بقوة وبداخلها « يا حليلك وانت منكتمه » الجازي سبقت عمتها قبل ما تجيب العيد وتكلمت : ايه ابنتها ام فياض تضيف تعريف : يعني قدر تكون ابنة ضره سعاد .... كانت متزوجه نايف! رونق رفعت عيونها للسقف بصبر وبداخلها «الله يسعدك دنيا واخره اعيرينا سكوتك انكتمييييي » صفيه : ايه ايه عرفت ! الجازي تغير كل الموضوع وهي تخز عمتها بدون ما احد ينتبه لها : مب ناويين تنتقلون من هنا صفيه بابتسامه: هذا بيتي إلي عشت فيه وما رح اتركه ...ما ارتاح الا هنا ! صفاء بابتسامه: الاجواء هنا خيال وترتاحين ام فياض مسكتها اسئله : ومتى ناويه تزوجين عيالك كلهم 3 صفاء بابتسامة فرح : ان شاء الله قريب ! ام فياض تسحب الكلام : والعروس نعرفها ! صفيه تقفل السالفه : للحين ما صار شيء رسمي ! المهم قومي يا صفاء شوفي الاكل وش صار عليه ! هزت راسها وطلعت .... صفيه بابتسامه: يا هلا والله نور البيت فيكم ناظرتها رونق وبداخلها « هذه كل شوي تعمل فاصل اعلاني يا هلا والله نور البيت فيكم» الجازي بابتسامه:مشكورة يا خاله صفيه باهتمام: ليه ما جبتم خطيبة راكان والله خاطري اشوفها ام فياض بابتسامه: هذه بسيطه ناظري رونق تراها شق التوأم صفيه بهدوء: رورق فيها الخير فتحت عيونها رونق هذه اخرتها صايره «رورق» الجازي بابتسامه: يا خالتي اسمها رونننننق صفيه بلا مبالاه : ما علينا ناظرت الجازي رونق وابتسمت لها بعد ما غمزتها حتى تطنش ! صفيه ناظرت رونق بنظره غامضه : ما سمعنا صوتك من لما جيتي رونق تفاجأت من الكلام الموجه لها ....قبل ما تتكلم او تحرك شفتها تكلمت ام فياض عنها : هذه حياتها كذا دوم جالسه وساكته او ماسكه كتاب وان تكلمت تتمني انها ما تكلمت ! صفيه مطت شفتها وهي عندها معلومات عنها من ابنتها ..بس عملت نفسها ما معها خبر: ليه تقولين كذا رورق فيها البركه رونق ناظرتها وبداخلها «جعل البقره ترفسك علامها على اسمها معلقه » الجازي ابتسمت بمجامله : ربي يسلمك ** ** ** قبل الغروب فرشوا الحريم برا وجلسوا سوالف وضحك ....جالسه رونق وحاضنه رجولها مبحره باحلامها .... رفعت عيونها على صوت ضحكه رنانه اوقعت بقلبها احساس غريب ...رفعت نظرها لنفس الشخص يرمي برجله الكره واخوانها يصرخون بفرح ! نزلت نظرها وهي تتذكر خاطره قراتها من قبل نظره..... فابتسامه...... فمكالمه.... فموعد.. فلقاء هزت راسها بالنفي ما تبغى توصل لذي المرحله ..استغفرت بسرها ونزلت نظرها للارض وهي تحس بانجذاب لهذا الشخص ! رفعت نظرها وصوته يخترق اذنها ...بملامحه الضاحكه : صفيووووووه وش رايك تلعبين شوط معنا ! نزلت نظرها ما تبغى تتمادى بنظرها ..الظاهر الضربه اثرت على عقلها عمرها ما فكرت بذي الامور .... صفيه كشت عليه :هذا الولد ما يتغير صفاء ابتسمت : بدل ما يجلس مع الرجال اشوفه يراكض خلف البزران ! صفيه ابتسمت بمحبه له : لو يشوفه زيااااد هههه عقدت رونق حواجبها باستغراب زياد وش علاقته ! ام فياض بفضول : ولمتى موقف دراسته وجالس هنا ! صفيه ابتسمت : يقول ما يبغى يكمل يقول ما استغني عنك يا صفيه ههههه صفاء : عاجبه الوضع هنا ! ام فياض : حتى ولو هذا مستقبله لازم يكمله صفيه هزت راسها بقله حيله: هذا الولد اكره ما عليه الدراسه والبنات يقول رح اعيش حياتي بدون زواج اكره ماعليه البنات ما يحب يتعامل معهم يرفعن ضغطه ! حست رونق بانتكاسه من كلامها ما تدري وش سببها ! الجازي ابتسمت : باكر لما يكبر يغير رايه! رونق ناظرت ام فياض تتكلم باندماج: تدرين انه امه فتحت اذانها رونق وفضولها اشتغل حتى تعرف مين امه سرعان ما صرخت لما ضرب شيء براسها ! تحس الوجع يطلع من شبك راسها ...للحين الجرح ما انبرى ... الجازي بهلع : رونق صار لك شيء رونق جلست باعتدال ومنزله راسها ..وماسكه دموعها بصعوبه : ما فيني شيء اقترب منهم بتردد وبنبره اسف :والله ما اقصد يا خاله اسف اصابك شيء! رفعت راسها رونق بصدمه الحين هي خالته ! لذي الدرجه باينه انها كبيره ! ضاق صدرها بزياده فوق الوجع الي برأسها ...وقفت وغادرت للداخل بدون ما تنطق حرف واحد ! الجازي ردت بلوم بعد ما اعتذر لها وعيونها على رونق : الله يسامحك وين عيونك ؟! وتركته ولحقت رونق ! ام فياض بترقيع : ما عليك منها يا ولدي تراها ترجف على عيالها رجف والبنت ما صار لها فتره مخيطين راسها وانت كملت عليها! صفيه وهي تخزه : كذا فشلتنا مع الناس اقوم اشوف بلاه البنت تعورت صفاء وقفت : اجلسي يا خاله انا اشوفها واطمئن عليها ! سكت للحظات وهو يحس بالندم ... ما يدري وش جاه لما فكر يضرب الكره قريب من الحريم حتى يلفت انتباه رونق ! ما توقع تيجي بالهدف نفسه! زفر بضيق وهو يفكر معقول تعورت .....بس نظرتها لما رفعت راسها ما فهمها ! تنهد وبنفسه يردد «عيون غزااااال » ما توقع انه يلتقي فيها مره ثانيه ! لحظه مين الشاب الي كان معها ! حس بالغيره قطع سرحانه لما حس بعصا جدته على ركبته : اااه وش فيك صفيه بغضب : اكلمك وين سرحت ؟!- تنهد وبداخله مشاعر جميله بدات تحيا: والله سرحت بالغنم خزته بقوة: تتمسخر مط شفته : والله انت بدات تتمسخرين تقولين وين سرحت وكأنه معي قطيع غنم !، ام فياض ضحكت : الله يهديك ! صفيه هزت راسها : مشكلته انه قطعه من قلبي ما اقدر يبعد عن عيني ابتسم بلطافه: جدة تراك تحرجيني ! والحين طمنوني على البنت اخاف يصير لها شيء وش يفكني من جواااااد ! * ** ** ** ** رونق تحس اصابها صداع ...تكلمت وهي تضغط راسها بين يدينها : ما فيني شيء بس ابغى مسكن بحقيبتي موجود الجازي هزت راسها وتوجهت للشنطه ...وناولتها الدواء والمويه ! شربت ورجعت دفنت راسها بيديها ودموعها تنزل بصمت ...دخلت صفاء : إذا يوجعك شيء نأخذك للمستشفى! هزت راسها بالنفي بدون ما تتكلم ! الجازي بضيق : هو احول ما يشوف ! صفاء بتبرير: ما هو قصده ! زفرت الجازي بضيق : لا تواخذني بس أخاف عليها قاطعتها صفاء: اتفهم موقفك ما فيها الا العافيه ان شاء الله ! وضعت الجازي يدها على رأس رونق وبدأت تقرأ عليها ..... صفاء ناظرتهم : الحين اجيب لها عصير ليمون! رونق رجعت تبحر بافكارها وهي تلوم نفسها تستاهل وكأنها الكره جاءت بالوقت المناسب حتى تفيق من احلام ورديه مزيفه ....وكلامه كان اشبه بالصفعه لها حتى تستفيق على نفسها .....اجل خالته تحس نفسها رح تبكي وعقلها يردد «اسفه يا خالتي» انتهى البارت ....انتظروني يوم الخميس بإذن الله ....دمتم بخير | ||||||
|
| |
|
24-07-20, 12:35 PM
| #44 | ||||||
| مشرفة منتدى الروايات المنقولة
| بارت 18 في اليوم الثاني بعد الظهر رفعت حاجب وهي تناظر المشهد بتأمل .... «اقترب منها و هو يتكلم بحرقه : اسمعيني زين انا اكثر من كذا ما اقدر انتظر ...خلينا نتزوج ونحط العائله تحت الامر الواقع وقتها رح يوافقون على الزواج غصب عنها رجعت للخلف خطوة وبيأس : ما ينفع قدامنا عقبات كثيره ما استبعد يذبحوني انا ما اقدر ولا تنسى انك متزوج » رفعت حاجب رونق وهي تناظر صفيه منفعله : الله لا يوفقك يا كلبه ! تبغين تخربين بيت زوجته ....تراك غبي ما تعرفها على حقيقتها ..تراها راعية سوالف مب زينه صفاء بانفعال: لحظه يا خالتي شوفي هذا اخوها طلع من غرفته يا رب يشوفها ويكسرها تكسير ! صفيه بغضب: اوقح من هالشخصيه ما شفت ! قسم بالله احس نفسي بركان عامله نفسها بريئه وطيبه وهي اصل الفتنه! رونق فتحت فمها بصدمه من هالانفعال! صدت للجهة الثاني وهي كاتمه ضحكتها وصوت صفيه بالصاله غاضب وهي تتكلم : يا غبي اختك بالحوش الخلفي هالساقطه! يا رب يكشفوها! صفاء ضربت الريموت بالارض : ما احقر هالمخرج خلا اخوها يطلع من البيت بكبره حتى يفضى لها الجو تفووو عليك ! رجعت ناظرتهم رونق بطرف عينها وهي مغطيه فمها بكفها حتى ما ينتبهون لها ...ذول من جدهم منفعلين كذا ! يا رب نعمة العقل ! حريم وش كبرها وهذا حالهم وهم جالسات قدام التي في ! ناظرت امها عيونها مثبته على الشاشه والصمت يخيم عليها ..مندمجه بالاحداث لانه يصور جزء من حياتها هي ذاقت طعم الخيانه هي جالسه على نياتها والزوج يركض خلف ابنة عمه !، للحين لما تتذكر انها كانت مغفله يضايقها هالشيء ! ما هي متحسفه على جواد لانه راح لغيرها لانه ربنا انعم عليها وخلصها من شره ! وعوضها بأشياء اجمل ! ام فياض متمدده على الكنبه قامت على حيلها من صوت صفيه العالي وهي تشمت : وش صاير ! صفاء بانفعال قامت قفلت التي في بعد ما انتهى المسلسل : قهروني وقسم بالله وكاني انا زوجته وجالس يخوني هههههه ام فياض عيونها كله نوم : حسبي الله على عدوك ! خرعتيني وبالاخير مسلسل ! رونق رجعت للهدوء وملامح صامته وبدات حربها مع عقلها .... للحين متضايقه شيء بداخلها يؤنبها على موقف البارحه ... شيء يلومها وش فيها كل ما شافت رجال نبض قلبها ....هزت راسها تنفي هالتهمه لانه شيء طبيعي بالبنت ان كلمت او ناظرت رجال غريب يدق قلبها من الخجل او الحرج غطت وجهها والضيق خيم عليها وهي تهمس بالاستغفار ...وفوق هذا تحس نفسها اعلى وارقى من حركات المراهقين ! نزلت يدينها لما كلمتها الجازي : وش فيك! راسك يوجع قاطعتها رونق بلطف : لا لا ام فياض تثاوب بنعاس: يا زين النوم رن جوال رونق ...تنهدت وهي تشوف رقم جواد ...لو ما ردت رح يبقى يتصل ! اقنعت نفسها بالاول وبالاخير هذا ابوها له حق عليها بغض النظر عن الامور الي بينهم ) وقفت بعد ما لمحت الجازي مطت شفتها بضيق اكيد عرفت انه جواد! ابتعدت عنهم ودخلت الغرفه الي نامت فيها ...اخذت نفس عميق وردت بهدوء:-الو ! جواد بنبره هاديه : السلام عليكم رونق رفعت نظرها للسقف وردت : وعليكم السلام جواد بتدريج : كيفك ؟ كيف راسك؟ ر دت رونق ببرود:الحمد لله بخير ...شو اخبارك رد وهو رافع حاجب وش رح تكون اخباره والنار مولعه بداخله ...رد مجامله: بخير ...ءء ابغى امرك نطلع انا واياك اذا ناقصك شيء تشترينه واعطيك فلوس رونق ما يهمها انه يرضى او يزعل لتواجدها بهذا المكان ...الي تبغى توصل له ما احد يتدخل بتحركاتها ....تكلمت بلامبالاه لرد فعله : انا مو بالبيت حنا طالعين ! رد باستنكار : طالعه ؟ وين طالعين ؟ ردت ببرود : ما ادري حرمه اسمها صفيه ما ادري وش تقرب لهم قاطعها والنار زاد لهبها وكأنه رجل طاوله تطلع وتروح ولا كأنه ابوها : المفروض تعطيني خبر بطلعتك قاطعته رونق تحزم الامر : انا مو بزر كلما بغيت اطلع من الباب اطلب الاذن قاطعها بحده : رونق لا تجنيني الحين اتصل بفياض الزفت ترجعين رونق بمقاطعه حازمه : ما رح ارجع عاجبني المكان هنا ... رد بغضب ما قدر يكتمه : رونق ابعدت السماعه عن اذنها من صوته العالي ... حمدت ربها انها ما هي عندها متأكده رح يطلعها جنازه ! رح ترجع عنده وتنفذ المخطط إلي براسها ..بإمكانها تنفذه الحين لكن ما تبغى توقع امها وفياض بمشاكل ! جواد زفر بغضب ..كتم غضبه وبعدها تكلم : انا الحين رح اجي واخذك قاطعته بنبره حاولت تكون عاديه الا انها ظهر فيها غضبها: قلت لك ما رح ارجع الحين ....لما نرجع رح انتقل عندكم جواد بانفعال على جملتها الاولى تكلم بغضب: اسمعيني لكنه سكت واختفت نبره الغضب لما استوعب الجمله الثانيه:صدق هزت راسها وكأنه يشوفها: ايه صدق بس من الحين ما اعيش بنفس مكان نايف قاطعها بسياسة :مثل ما تبغين ....متى راجعين ؟! ردت بعد كا مطت شفتها بملل : ما ادري لما نرجع رح اتواصل معك ...والحين تبغى شيء؟ رد وهو يفكر بعقله معقول تضحك عليه حتى تسكته لوقت رجوعها ...وبمسايره رد :سلامتك قفلت الخط وزفرت بضيق ما تعرف إلي رح تعمله صح او لا ** ** ** قفل الخط وناظر راكان خلفه ومعه زياد يبتسمون ! جواد كتم غيضه وهو يتوعد فيها ان كانت تكذب! راكان بابتسامة: علام صوتك وكأنه سماعة مسجد ! جواد اقترب منه وبتحقيق : انت تعرف انه فياض اخذ رونق معه ! راكان ناظر زياد وابتسم بعدم فهم : وين اخذها ؟! جواد بغضب من تصرف فياض: صديقك الكلب منقلع عند جدتك صفيه واخذ رونق معه زياد متفاجئ: جدتي صفيه ! والحين هم هناك ؟! جواد شد قبضه يده: ايه راكان تقدم خطوه ووجود رونق هناك ما ريحه يخاف على اخوه منها ...لانه ما يثق فيها ..بنت تربت بعيد عنهم ما يعرف وش اخلاقها .....وبكلام يشحن جواد : وانت سكتت وتاركها هناك ! والله ما هي حلوة عيال خالي هناك وجراح هي وش مجلسها هناك بدون اهلها ! زياد رفع حاجب وهو يناظر جواد تأثر بكلام راكان ....صحيح انها رونق ما يعرفون أخلاقها لكن الكلام الي سمعه من الطلاب ما زال يتردد باذنه ..وصداقتها لوعد ومع ذلك ما عمره شاف منها نظره قله ادب يشوفها مؤدبه من ناحية الأخلاق ....لكنه حس راكان بالغ بكلامه ...وبنبره هاديه تكلم: دام فياض واهله معها ما فيها شيء راكان ناظره بهجوم ما يعجبه ترقيع اخوه عن رونق : لا ترقع وجودها هناك ما له لزوم ! جواد كتم قهره وتكلم بهدوء : رفضت رجعت تقول لما ترجع من هناك رح تنتقل عندي قاطعه راكان بنبره ساخره: صدقتها ؟! زياد زفر من تصرفات راكان ...التفت على جواد بجديه: حلو ! وين رح تسكن؟! جواد بقله حيله: حاليا عند جدتي بس مؤقتا اضبط اموري ! راكان تكتف : جدتي ما رح ترضى زياد بنرفزه : انت وبعدين معك :! ما رح تقول شيء ! والتفت على جواد بتحذير : انتبه على كلامك معها خليك لطيف ما نبغاها تنفر ...وش يمسكها مره ثانيه والعنف ما ينفع معها تستغفلك وتشتكي عليك وقتها وش يخلصك! باسلوب حلو عاملها حتى ترتاح لك وبعدها يصير خير ! جواد يحس نفسه بحجم النمله قدام عيال عمه لذي الدرجه وصل بتنازلاته يدنق رقبه لابنته حتى ما ترميه بالسجن ! هذه اخرتها ! وش هالمهزله ! غمض عيونها للحظات وهو يحس بطعم الدم وهو شاد على شفته السفلى ....اه منك يالجازي ! معقول كلام بدر هذه حوبة الجازي ظلمتها طلعت حوبتها بهذه البنت إلي ذلتهم ومب قادرين ينطقون حرف واحد! يقولون التوأم يتشابهون بكل شيء ...ليه ما تشبه تصرفاتها مريم ..ضرب الارض بقوة برجله وهو يردد بداخله ليه ما هي مثل مريم؟ لييييييييه؟ زياد مسكه من يده يطلعه من دوامة القهر إلي تجتاحه: جواد هونها وتهون ...كل شيء رح يصير مثل ما نبغى وأفضل....بس نبغى طول بال شوي ! راكان مط شفته :نشوف اخر هالبال ...خلينا ندخل عند جدتي احسن من الوقفه هنا ! ** ** ** جلس على ركبتيه وهويرجع غرتها للخلف....وبسؤال فضولي : يا حلاتها ! مين تشبه ؟ رفع نظره بتردد لفياض إلي يطقطق بالجوال ....رفع فياض نظره له وبجفاء : ما يخصك ! جراح ما يعرف سبب انقلاب ملامح فياض لانه قدر تشبه الجازي ...وبابتسامه عفويه : مجرد سؤال ! قدر تحاول تبعد عنه ...احكم قبضته عليها بلطف : وش اسمك يا قمر ! وسيم واقف يناظره وهو رافع حاجب: قلنا لك من اول ما وصلنا اسمها قدر انت ما تسمع ناظره جراح بعبوس من وين طلع له هذا ! رجع ناظر فياض : ما تشبه اختها ولا حتى ابوها نايف ! حك ذقنه بتفكير للمستقبل :اذا امها تزوجت معقول يأخذها نايف؟ فياض قفل الجوال وتكتف وهو يريح ظهره للخلف فوق راسه الف علامة استفهام من لما وصلوا وجراح يحوم بالأسئلة عن رونق بطريقه غير مباشره يمكن تكون مجرد فضول ..ومع ذلك التنبه مو غلط وبهدوء نطق ...وهو يتابع ملامح جراح بدقه: امها رافضه الزواج وان تزوجت شرطها ابنتها معها ! عدل جراح ملامحه المصدومه من الكلام ...ابدا هذا الشيء مب منطقي ...الرجال يبغى تكون له زوجته له وما تنشغل عنه بطفل من اول الزواج على الاقل تأخذها بعد سنة.....ما عجبه الكلام ابدا ! سأل بغموض: وان شرط عليها العريس البنت ما تكون معها فياض مط شفته بسخرية : الباب يوسع جمل ! سكت جراح بتفكير ما ينكر انه ناوي يخطبها ما يدري ليه هالبنت جذبت انتباهه ...بس ابنتها ! خلاص يقنعها بأول الزواج تجلس قدر عند فياض ! ما يتوقع اهله يرفضون خاصه انها ابنة عمه واختهاخطيبة راكان ...ما يدري وش اصابه وتحمس للخطوبه ...رفع يده بحماااااس :يااااااااااس ! فياض رفع حاجببانتقاد : الله يتمم نعمة العقل ! وش فيك مثل الاهبل ! جراح ترك قدر بع د ما مسح على رأسها ...توجه لفياض وجلس عنده بحماس: افكر اخطب قاطعه فياض وهو يناظر باب المجلس يخاف يدخل عليهم احد :ما رح اهلك يقبلون فيها !، جراح عقد حواجبه باستنكار: انت وش عرفك بالبنت الي رح اخطبها ؟! وليه اهلي يرفضوا ! فياض حط يده بكتفه وهو يفكر وابتسامه خبث ارتسمت على وجهه : اهلك ما رح يقبلون انا أعرفهم واذا مو مصدقني اتصل باهلك واسألهم او حتى الافضل تروحلهم وهذا انا انتظرك هنا !، ورح يمشون كلمتهم عليك وكانك بزر ! حتى جواد ما رح يقبل يزوجك لانه يشوفك مب كفو حتى تتزوج دوبك طلعت من البيضه ! تغيرت ملامح جراح من هالكلام ...وبابتسامه رغم كل شيء : انا مو بزر تراك واهم اهلي ما رح يرفضون ...راكان وزياد دوم يقولون لي اي وقت تبغى تخطب مباشره تعال وحنا نخطب لك ..هذا الكلام وانا بعمر 16! فياض بضحكه صغيره ساخره : وقسم بالله انك على نياتك يا جراح ...يا ليت كل الناس تحمل جمال قلبك وطيبتك ! اتحداك اذا اهلك واقفوا اعطيك مبلغ «..» جراح بضحكة نقيه وبدهشه من المبلغ المرتفع : واااااااو وليه انت متأكد ؟! تدري حمستني ارجع للبيت وأكلمهم واكسب الرهان هم بالوقوف ..سرعان ما مسك يده فياض بابتسامة غامضه : وان رفضوا وش رح تعمل قاطعه جراح بثقه وهو يبتسم : ما رح يرفضون ! وقف على حيله بحماس : اشوف وجهك على خير ! دخل ابو فياض مع ابو عبدالرحمن باندماج ...ابو عبدالرحمن التفت على جراح : على وين؟! جراح بابتسامة ناظر فياض وهو يغمز: عندي مشوار ما رح اتأخر وطلع بسرعه قبل ما يمسكوه بتحقيق ... ** •• ** صفيه رفعت يدها باعتراض : اسمحيلي كلامك غلط ! بالعكس الحين انتم نسايب وابنتك معهم مخطوبه لازم تحسنين علاقتك معهم انا ما ابغى امدح ام راكان هذه عمتك ام فياض تعرفها ام فياض بمدح: ما شاء الله عليها تنح ط على الجرح يطيب خزتها الجازي ومطت شفتها : حشى باندول وانا ما ادري ! صفاء ضحكت على التعليق : الا قولي عسل صفيه بصراحه تتكلم : ادري بك حامله عليها من سالفه الخطوبه ترى معي خبر بس اسمحيلي وجالت بنظرها تتاكد من عدم وجود رونق : بصراحه رورق كبرت المشكله قاطعتها الجازي : ما كبرتها ولا شيء بس ام راكان فاتحه اذانها لام جواد ومتحامله علي وعلى رونق لانه ام جواد ما تحبنا !، صفاء بدفاع : بالعكس عمرها ما حكت عليك قدامنا ! الشيطان لعب بينكم ! ام فياض بداخلها والله ما غير رونق هي الي فتنت هالدنيا بتصرفاتها ! وبمجامله : ايه صادقه الشيطان لعنة الله عليه ! صفيه تنهدت : الله يجيب الي فيه الخير ! ودخلوا بمواضيع ثانيه .....بعد وقت قصير دخلت رونق وبهدوءنطقت :يمه وسيم ينادي عليك برا صوته عند قاطعتها صفيه: اخوك شوفي وش يبغى والالازم تقوم امك رونق بهدوء جلست : لو بغاني كان نادى علي!- اكيد يبغى امي ! ا الجازي وقفت :هالوسيم مجنني ام فياض بانتقاد :يا جيل اليوم ما يبغون يتحركوا! الله يرحم ايامنا قبل ما تطلب امي الطلب نلبيه لها ! رونق رفعت حاجب وببرود : ليه كنت عرافه ؟! ام فياض بانفعال :-استغفر الله وش هالكلام !، رونق هزت كتوفها بلامبالاه : لانك تعرفين وش تبغى بدون ما تتكلم ! ام فياض خزتها بقوة: حضرتك تمسخرين! صفاء توزع نظرها بينهم : تمزح معك ! وهي صادقه كيف تعرفين وش تبغى بدون ما تتكلم ! ام فياض مطت شفتها : الناس الراقيه تفهم بلغة العيون من مجرد نظره نفهم الناس وش تبغى !- ما هو مثل جيل اليوم تلاقينه فاتح عيونه رفعت حاجب رونق وسلطت نظرهاعلى ام فياض بتعمد ام فياض بهجوم :وش فيك تناظريني كذا ! رونق مطت شفتها : على أساس تفهمين من نظره العيون والحين قولي لي لما ناظرتك كذا وش ابغى منك ؟! ام فياض توهقت وانحرجت من هالموقف ...وحتى تطلع من هالموقف : انت بالذات ما ابغى اكلمك اعوذ بالله من لسانك يا زينك وانت ساكته ! رونق تكتفت وببرود نطقت :يكفيك شر شايب مات جيله ! ام فياض فتحت عيونها باستنكار :انا شايب ! صفيه بانتقاد : لا ما يصير تقولين كذا هذه عمتك وانت يا ام فياض عافسه ملامحك كل هذا لانك ما شبعت نوم حشى انتجايه تنامين عندنا ! ام فياض زفرت بضيق : والله يا خيتي احس بعيوني ملح مب قادر افتح عيوني مطت شفتها رونق وبداخلها متى تبعد عن هذا العالم كله! دخلت الجازي وماسكه بيدها قدر وجهها كله شوكولاته : خذي بدلي لها معطيها جراح شوكولاته ووسخت نفسها ! وقفت وهي تحس ملامحها توترت من ذكره ... صفيه بمحبه : ربي يرضا عليه وش قلبه حنون ويهتم بالاطفال ! اخذتقدر وطلعت و صفيه تمدح بجراح ...في بعقلها شيء مب قادره تستوعبه معقول في احد من اهل ابوها طيب ! اكيد انه اخذ من اطباع راكان بماانه اخوه ! زفرت بضيق وهي تطرد عيال ابوراكان من راسها ! وش تبغى فيهم ! الحين لازم ترجع وتعيد دراسه الخطوه الجايه ما تبغى تتهور وتكون النتائج غير مرضيه ! ** ** ** •• غرفه راكان ناظر راكان وكأنه ما هو مستوعب ...مصدوم ما توقع رده :انت ليه رافض ؟! اصلا انت ما عرفت العروس حتى ترفض ! راكان متأكد رونق ما في غيرها ..عمره ما طرى الخطوبه على باله والحين لما جلست رونق عندهم جاي يركض يبغى يخطب ...هذه البنت شيطان كيف لعبت بعقله ...اعوذ بالله منها ...مستحيل يقبل بهذا الزواج ..وبرد حازم حتى ينهي السالفه : بالاول كمل دراستك وبعدها يصير خير ! جراح انفعل من كلامه : على اساس اي وقت تبغىتخطب تعال عندي قاطعه راكان : هذا زمان الحين تغير الوضع وش يضمني انك تكمل دراستك قاطعه جراح وهو يناظر زياد : تكلم يا زياد تنهد زياد وهو فاهم كل ما يجول بخاطر راكان ..حس بالضيق رونق بنت تلفت انتباهه بتصرفاتها يحس بتناقضها ....ما يحس انه يحمل لها مشاعر مجرد طالبته لكن شيء بداخله يرفض فكرة زواجها حاليا ما يدري وش سبب هالشيء ! اما اذا كان توقعهم صحيح وجراح يبغى رونق هنا مصيبه لانها ابدا ما تناسبه ... رونق شخصية قويه يخاف منها تؤذي جراح صاحب القلب الطيب ! ما رح يسمح لهذا الشيء وبنبره هاديه: انت كمل دراسه الحين ...لو بغيت تخطب نقول لهم تراه يشتغل ما هو عاله ما يقدر يصرف على ابنتكم جراح خالت اماله بعد رفض زياد : وافرض انها خطب ت راكان بكره : بالناقص الي خلقها خلق غيرها ! يا كثر البنات مثل الفش على القش ! جراح تضايق من كلامه: بس انا ما ابغى غيرها مستعد اكمل دراسه بس ابغى الحين مجرد خطوبه حتى اضمن انها لي ! راكان بحزم وعيونه تقدح شرر :مستحيل ! تفهم وش يعني مستحيل ! على جثتي ما تتزوج رونق تفهم والا لا ! وقف بصدمه وذهول وبصوت مذهول: وش عرفك اني ابغى رونق قاطعه راكان بغضب وهو يوقف قدامه : انت الي من وين تعرفها حتى تخطبها ! زياد ابعد راكان بملامح ما تتفسر : مو كذا التفاهم يا راكان !، التفت على جراح وبهدوء نطق :هذه البنت ما تناسبك ابدا وكل الي تحس فيه مجردمشاعر بعد فتره رح تختفي تماما إلي ييجي بسرعه يختفي بسرعه ! راكان يضيف وملامحه غاضبه :انت عقلك ضارب حتى تخطبها!- جراح بدفاع عنها : مافيها شيء ينعاب راكان قاطعه بغضب وكأنه ثور هائج : الا كل عيوب الدنيا فيها ! تدري ما الومك طول وقتك عند جدتي وما تدري وش يصير هنا ! اشر على زياد: خبره يا زياد مين تهجم علي بحفله خطوبتي وضربتني بالكرسي ! مين طردت امي عن الكوشه !- طر دت امك وجاي تقول تبغى تخطبها !- اسمعني زين إن سمعت هالسيره مره ثانيه ما رح يحصل خير ويا ويلك ان. وصل لامي خبر هذه السخافه ناظره جراح وهو يهدد الحين صارت المشاعر الي تولدت لهذه البنت. وبغى يطرق بابها بالحلال يقول عنها سخافه !- رجع ناظر راكان المنفعل وهو يلقي الاوامر : واياك واياك تلمح لجواد واصلا جواد ما رح يزوجك وانت بلا شغل وان وافق كلمتين مني ومن زياد نفر عقله فر ! تبغى تخطب الحين اخطب لك ابنة ناس وعالم اما رونق تمسحهامن راسك! رد بنبره خائبه من تسلط اخوانه : هذا انت خاطب اختها قاطعه : مريم شيء و رونق شيء ثاني ! . تراها عاشت عند غيرنا وتربيتها مختلفه! زياد بهدوء : البنت ما شفنا شيء سيء من اخلاقها كل الناس خير وبركه لكن هذه البنت ما تناسبك ! حنا اخوانك اكبر منك ونعرف مصلحتك ! وقف جراح بصمت ..ناظرهم و طلع بهدوء ! راكان جلس على السرير بعد ما زفر بغضب :: مخبول هذا ! انا والله ما ارتحت لوجودها هناك ! زياد توجه للشباك وهو يناظر : وش تتوقع يعمل ! راكان بلامبالاة : رح يسكت انت تعرفه مايكسر كلامنا كم يوم وينسى ! ** ** ** ** فياض وهو ناوي تكون الضربه إلي تقهر جواد قهر ..جواد زاد عن حده وهو يعرف كيف يخرسه ويقهره قهر وينتقم لنفسه ولزوجته وبنفس الوقت يعطي رونق قرصت اذن على وقاحتها معه ومع امه ! احترموها بس ما كانت وجه احترام ! رفع حاجب وهو مختلي بجراح ....وباسلوب يستفزه: قلت لك رح تخسر الرهان ! جراح بهدوء : كل شيء قاطعه فياض بخبث : للحظه توقعت انك تكسب الرهان بس ما توقعت انه اخوانك يتحكمون فيك وكأنك بزر يا رجال اما وسيم وهو بعده بزر ان حط شيء بباله ياخذه غصب عن الكل وانت رجال اخوانك يقفون بوجهك وكأنك بزر جراح تضايق من الكلام : انا احترم رأيهم ما هو معناه اني هونت عن الخطبه رح اخطبها لما اتخرج قاطعه فياض: وتضمن انها ما تتزوج خلال هالفتره ترى البنت خطبوها ناس ويمكن المره الجايه ابوها يزوجها يعني رفض زواجها قبل فتره لانه للعرسان من طرف جدها وليد لكن ان خطبها واحد من عائلتكم ما رح يرفض رح يزوجها غصب عنها ! حسب معلوماتي ليث ولد سعود يبغى يخطبها ! حتى لو اعترضت لها رح يقولون ليث جاهز اما انت بعك تدرس ورح يتزوجها ليث ! لو كنت فعلا تبغاها ما فرطت فيها ! جراح ناظره وهو معقد حواجبه:وش تقصد!- فياض وصل لمبتغاه: انا اقول تملك عليها بالسر كذا تضمن انها لك ووقت ماتجهز تعلن الزواج جراح باستنكار: كيف املك عليها بالسر لا لا ما هي حلوة ابدا ! واصلا البنت ما رح تقبل وان وافقت نبغى ولي! فياض ابتسم : انا رح اقنعها اترك السالفه علي .ولا تنسى تراها ثيب يعني ما نحتاج لولي وجدها وليد رح يكون موجود وش قلت ! اذا على اخوانك رح يعترضون اول الامر وبعدها غصب عنهم يرضون ! قرر واعطيني رايك ولا تنسى انك رجال تقرر إلي تبغى وما احد يتحكم بتصرفاتك ! جراح سكت للحظات وهو يقلب السالفه براسه ...هو مقتنع برونق ويشوف نفسه حر باختيار الي يبغى هذا راكان خطب وما استشاره وزياد رح يخطب ونا رح يستشيره ليه هو الي يتحكمون بقراراته وكأنه بزر !، رفع راسه وتكلم بهدوء: انا موافق فياض بتنبيه: لكن بشرط مجرد تمليك لا تجلس معها ولا كانك تعرفا قاطعه :موافق! ** ** ** ** تحركت للخارج لما اتصل فيها فياض تطلع له بدون ما احد يدري ! نزلت عيونها بحرج لما شافت جراح قريب ويتكلم بالجوال ويبتسم ...تحركت مبتعده وقلبها يدق بقوة !اقتربت من فياض الي ينتظرها على احد المقاعد ! ردت السلام بهدوء وباستفسار؟وش فيه ! فياض اشر لها تجلس : وعليكم السلام ...بغيتك بموضوع ! جلست رونق وقلبها يدقما هي مرتاحه: تكلم فياض اخذ نفس وبعدها ناظرها : رح ادخل بدون مقدمات جراح اخو راكان خطبك ! رفعت نظرها وزادت دقات قلبها ..همست بعدم تصديق: خطبني وباستدراك للموقف نطقت : انا ما ابغى الزواج قاطعها : اتركينا من هذه السخافات ...مجرد تمليك بالسر بعد ما يتخرج نعلن الخطوبة وقفت بغضب ..سرعان ما مسك يدها واجلسها بالقوة : اسمعيني ! ناظرته بغضب: انت انج قاطعها بطولبال : اسمعي انت وبعدها تقرري!- جراح يبغاك وكان ناوي يخطبك رسمي ما عنده لف ودوران عجبتيه مباشره رجع لاهله وكلم اخوانه حتى يخطبك رسمي لكن اخوانه رفضوا بقوة ! ناظرته وهي تبلع غصتها من رفض اخوانه : ليه وش السبب ؟! فياض يضرب الوتر الحساس: يقولون اختار اي بنت تبغى نخطبهالك الا رونق ما هي من مستواهم تحس سكين انغرست بحلقها وهي تسمع الكلام وكأنها شيء قذر فياض ابتسم وهو يحس ضربها بالصميم :-وجراح متمسك فيك وما يبغى غيرك ..يخاف ان اعلن عزمه بخطوبتك يروح ابوك ويزوجك لولد عمك تراها خطبك وما ادريمتى رح يملكون لكم! ناظرته وعيونها مفتوحه باستنكار من هذا الكلام ! فياض بإقناع : تغدي فيهم قبل ما يتعشون غيك ! ناظرته وبداخلها صرخات وجع من الم كلامه....تكلمت بصوت مخنوق : انت وش مستفيد من هذا الكلام كله ! لا تقول تبغى مصلحتي!- لو تبغى مصلحتي م ا قلت هالكلام ! وبغصه نطقت :خلينا نقول فرصه جاءت لك على صحن من ذهب ما ر ح تفوضها حتى تقهر جواد وتنتقم منه ! سكت للحظات و بعدها رد :وانت مستفيده بعد تنتقمين من راكان الي رفضك لاخوك تنتقمين من ام راكان وكلامها عنكتنتقمين من اهلك الي ما يحبونك ...يبغون يسرقون حلم الدراسه منك وقفوا مع نايف ضدك ....نسيتي لما جرجروك بالمحكمه حتىتحلي على طلاقك ابنتك الي ما يسالون عنها ويعاملونها وكأنها ابنة حرام! كم صار موجوده بعد ما عرفوا انك ابنتهم عمرهم سالوا عن هالطفلة ؟! يعاملونها وكأنها نكره ! اي اهل ذول قاطعته رونق وهي تحس نفسها مب قادره تتنفس ...خنقها بكلامه وذبحها من الوريد للوريد ! وقفت ما تقدر تمنع البكاء اكثر وبصوت مهتز نطقت :-ا نا انسانه انا مو اداه انتقام ! وتحركت راجعه تكلم بتأكيد : انتظر جوابك فكري زين ! زادت خطواتها وتحس روحها خارت من قساوة الي حولنا ولسان حالها يقول أكاد انتهي ومن الوجود اختفي وكأنني .. سرابٌ في سراب تحترق أنفاسي يلتهب جسدي واطرافي يحيط عالمي .. أسوار من الضباب يؤلمني قلبي .. تحترق روحي .. تبكي عيوني .. يا ترى ما بي ؟! صرخةٌ محبوسةٌ في كياني دمعةٌ منثورة على أحلامي بسمةٌ مدفونة في خيالي يا ترى ما بي؟! ما بال بسمتي في ثنايا دنيتي تختفي .. في حزن واكتئاب تنظفئ انواري ينتفض خوفي واوهامي يتوه خافقي .. في ليال من عذاب ضاعت خطواتي في وسط صراعي والحزن حياتي يا ترى ما بي ؟! صرخةٌ محبوسةٌ في كياني دمعةٌ منثورة على أحلامي بسمةٌ مدفونة في خيالي يا ترى ما بي؟! *** ** •** ** ** مرت الايام عليها في بيت صفيه وهي منعزله والصمت يخيم عليها ...تحس جسدها بدون روح ....كلام فياض اوجعها حيل! ناظرت السقف وهي تفكر وش سبب خطوبة جراح لها.ما تستبعد اتفاق بينه وبين فياض لفتره يحقق انتقامه وبعدها مع السلامه! يبغونها لعبة يلعبون بها ..رح تكون هاللعبه وما تهمها النتائج لانه بالاخير كل الاطراف رح تضرر من هاللعبه ....اهلها ما رح يسكتون لفياض ورح يتذابحون مع بعضهم وحريقه تحرقهم كلهم كلهم ! موجوعه حد النخاع ..... اعتدلت بجلستها لما دخلت امها باستعجال : يلا جهزي اغراضك اليوم راجعين ! رونق هبط قلبها برعب لانه يوم رجعتهم رح تملك قبل ما تروح لابوها !- تحس انها تمشي للموت برجلينها ...لما تموت بداخلك اشياء ما عاد يفرق معك شيء! ما توقعت بيوم فياض خبيث لذي الدرجه ! اقتربت الجازي منها بتساؤل:تعبانه! هزت راسها بالنفي ...تتمنى بهذه اللحظه جدتها ترتمي بحضنها وترمي كل الهموم خلف ظهرها ! وقفت تجهز أغراضها بهدوء..... الجازي:-انا طالعه اشوف اخوانك وين ! هزت راسها بهدوء وبدون كلام مخنوقه وما لها خلق كلمه وحده ! ** ** * ** جالسه بالمحكمه مع فياض ينتظرون جراح يجيب الفحوصات ..تكلم فياض: ترى اخترت لك الافضل جراح ما يتعوض ...رح تشكريني عليه ! المثل يقول خذ إلي يحبك ما هو الي تحبه ! ما علقت بحرف واحد ! عقلها يرجعها لايام المحكمه لما كانت تراكض حتى تتطلق ....تبغض هذا المكان يحمل لها ذكريات مؤلمه خيبه وحسره ! والحين تقدمت من خطوة نتائجها وخيمه ...بس ما رح تفرق معها فخار يكسر بعضه ! ناظر فياض ساعته تأخر جراح يبغون يلحقون الدوام ! تنهد وهو يحس بتأنيب الضمير على الكلام الي قاله لرونق ...وقتها كان الانتقام والكره يفور بداخله وخاصه بعد ما اتصل جواد فيه يهدد ويشتم ويتوعد لانه اخذها معه لبيت صفيه ...تجمعت كل افعال جوادمع تصرفات رونق ونيتها بتخريب بيت امه ....انسانه حقوده مثلها ليه يتحسف عليها حريقه فيها وباهلها كلهم ....الاهم خلاص تطلع من حياتهم وترجع حياتهم لطبيعتها ! بسببها زادت بالفتره الاخيره مشاكله مع الجازي ! رونق بصوت هادي وكأنه خرج من بئر الاحزان وهي جالسه وتناظر أمامها بسرحان عميق: اذا فارقت الحياه رح اطلب منك طلب اتمنى تنفذه مثل ما حققت انا رغبتك بالانتقام لنفسك وللجازي ....اذا انا فارقت الحياه قدر تعيش عند امي! وبغصه نطقت : قدر رح تضيع ان عاشت عند نايف ! فياض تكتف وبضيق من نبره الوجع بصوتها : تطمني ما رح احد يربي ابنتك غيرك مع جراح وقف لما شاف جراح ومعه وليد ! حست رونق بمغص ببطنها ! ما عادت تميز الي عملته الصح والا الغلط ...شيء بداخلها يردد هو الصح رجال واحد مسؤول عنك مو الف واحد ! متاكده نتائج هالخطوة وخيمه همست «يا رب » غمضت عيونها وقلبها يدق طبول لما تكلم فياض: يلا يا رونق ! تحس رجولها ما تحملها ...خايفه ما تدري وش سبب هالخوف ! غمضت رونق وهي تشحن نفسها وتذكر مواقف راكان وزياد وامه وجواد واهله ..ما في بداخلها موقف جميل صار بينهم ! هي ادخلت نفسها بالحرب ولازم تكمل الخوض فيها اما ربح او خساره ! وقفت بصعوبة لما اقترب منها وليد وسلم بهدوء : كيفك ! ردت بهمس ما وصل لمسامعه ! وليد رفع حاجب ما ينكر انه فرحان بذي الضربه لابو جواد ولجواد لكن ما يبغى تكون رونق هي الاداه ...وبأسلوب ناصح : انت متأكده من هالخطوه ؟! ترى اهلك ماينعرف رد فعلهم ! انا اقول كنسلوا السالفة وان كان بينكم نصيب رح يتزوجك غصب عن الكل ! فياض ناظر خاله : يا خالي حنا متفقين وكل شيء جاهز! وليد باعتراض : بس فياض بعزم : اترك المركب ساير يا خالي ! وليد ناظر رونق : انت موافقه! رونق مطت شفتها ما عادت تفرق معها ....افضل من خطه هروبها وهي ما معهافلس واحد عالاقل ان تأزم الامر يكون متكلف فيه وتهج معه بعيد عن كل هالناس ...راجح بالنسبه لها خيار جيد وخاصه لما شافته حنون على قدر وهذا اهم شيء ! ردت وهي تهز راسه لما شافت وليد ينتظر منهاجواب ! اقترب منهم جراح بتردد بداخله انجذاب لهذه الانسانه بالرغم انه ما يعرف شكلها وبنفس الوقت متخوف من هالخطوه.....تكلم بهدوء :،يلا يا جماعة ما بقى وقت ! رونق نزلت نظرها وهي تحس نفسها جالسه تسمع لمعزوفه رائعه ...صوته يجذبها ما تدري وش سر جمال نغمة صوته ! اخذت نفس عميق ورددت بداخلها « يا رب » تمت الاجراءات وهي تحس نفسها مغيبه عن الواقع ..وكأنها مسيره رفعت نظرها على كلام فياض : مبارك يا رونق ! وليد بهدوء : اتمنى لك السعاده ! ان احتجت شيء انا موجود ! جراح مبتسم : مبارك يا رونق قبل ما ترد سحبه فياض وابعده : انا قلت مجرد عقد لا تعرفها ولا تعرفك ما نبغى نثور حولكم الشبهات اتفقنا ! جراح مكره : امري لله ! فياض بهدوء: والحين مع السلامه ! جراح يمثل وكأنه مكسور خاطره: ااااه من قسوتك يا ظالم !- ضحك فياض وكش عليه : اقول تيسر وارجع عند جدتك ولا تظهر لاحد انك كنت موجود هنا والمهر تدفعه لا تعلن زواجك ! اشر جراح على انفه : على هالخشم ! رجع فياض لرونق الي كانت سارحه بعالم اخر : يلا على المكتبه عقدت حواجبها باستغراب: مكتبه ! فياض مسك يدها : اتوقع قلنا لامك عندك اغراض ضروري من المكتبه ! رن جواله :وهذه امك تتصل اقول امشي تأخرنا ...يلا يا خالي ! وليد هز راسه بهدوء ..وهو ما هو مرتاح لهذه الخطوة ! ** ** * ** جواد ناظر جدته بقله حيله : يا جده تراها بشر ما تاكل ام ناصر برفض : مستحيل وش يضمن لي ما تذبحني بالليل ! جواد ناظر عيال عمه يتدخلون ! راكان اكتفى بالسكوت لانه ما يبغاها هنا في بيتهم ! زياد بابتسامه: يا جده وليه تذبحك ! ام ناصر بعناد: هذه وحده مجنونه تبغون ترميها عندي ! اذا راكان رجال ضربته وما رمش لها جفن ...هذه رح تذبحني وما احد داري عني! ضحك زياد على جدته المرعوبه: جربيها اسبوع وان ما ارتحت لها رح يأخذها ابوها ...يعني يا جده ما صدقنا البنت ترجع بخاطرها نرجع ونضيع هالفرصه ...انت الكبيره العاقله تقبليها على عائلتك حفيدتك جالسه عند الغريبين انت دوم تقولين لنا عادات وتقاليد واشوفك تحيدين عنها! جدتي ! ام ناصر بقهر: والله ان متت خطيئتي برقبتكم ! جواد بابتسامة بعد ما نشفت ريقهم : يعني موافقه ! ام ناصربعبوس : استغفر الله ! وقف جواد انا الحين طالع اتوقع بعد المغرب رح تيجي ! وانتم انتبهوا ترى بيت جدتي ما هو للطالع والنازل ...تدخلون بعد الاستئذان من الباب الخارجي لغرفة جدتي ! راكان بضجر: ان شاء الله اوامر ثانيه ! ام ناصر بتذكير : تعلم ابنتك حدودها بهذا البيت جواد هز راسه وهم بالخروج قبل ما تغيرجدته رايها ! بعد خروج جواد دخلت ام راكان بعبوس بعد ما وصلها خبر رجوع رونق : الله لا يجيبها هالخايبه ...يا كرهي لها ! راكان مط شفته بسخريه وبهمس ما وصل الا لزياد : لو تدري عن نيه جراح كان وقعت على طولها ! زياد همس له : انكتم ! ام راكان ناظرتهم وهي رافعه حاجب : وانتم وش فيكم تتساسرون زياد بابتسامه دافيه : ولا شيء يالغاليه ! * ***** ** ** وقفت الجازي على حيلها لما شافت رونق نازله ومعها أغراضها ....تحس الصدمه الجمتها للحظات ...وبصعوبه نطقت وهي عارفه الاجابه: وين ؟! رونق بهدوء ناظرت فياض الي اقترب منهم ...بعدها التفتت على امها : انا قررت انتقل لبيت اهلي وكل اسبوع عندك قاطعتها الجازي بحرقه : انت ناويه اقتربت منها رونق وقبلت راسها و بابتسامة مغصوبه :صدقيني احبك واعزك واحمل لك مشاعر جميله اكثر من جواد ...لكن انا هنا ما رح اخذ راحتي بوجود زوج عمتك ..ما قصرتم معي لكن انا مب مرتاحه هنا ! فياض بمقاطعه : البيت بيتك وانا قلت لك من قبل ما تطلعين من هنا الا برضاك ناظرته رونق بخيبه ...وما علقت بحرف واحد ! رونق وهي تناظر رونق وفرق الطول بينهم واضح :عمي ما يجلس بالبيت كثير اخاف ان طلعتي تنسيني مثل مريم ! رونق انا امك احبك لا تتركيني اذا جواد مهددك بشيء هذا فياض يتفاهم معه ! هزت راسها بالرفض ...وعيونها تلمع : ما احد هددني بس انا من لما عرفت انكم اهلي وانا جالسه عندك وما ذهبت لابوي ...مهما كانت افعاله له حق علي ازوره ... الجازي عبست وجهها وهي تحس بالخيبه من افعال التوام ...هذا هو اخذ مريم طول هالسنين وما فكر يعطيها مريم ! فياض حط كتفه على الجازي: رونق غير عن مريم رح تزورك كل اسبوع ! رونق بهدوء : رقمي معك نتواصل قاطعتها الجازي بمراره :،سمعتها كثير ...ما رح اوقف بطريقك ! رونق سلمت عليها....واخذت اغراضها وهي تهمس بصوت وصل للجازي : هذا هو اختيارك ! وتحركت بهدوء وهي تنادي على قدر بعد ما اتصل جواد واعلن وجوده ، مطت شفتها من وقاحتها اليوم متملكه على رجال وابوها ما عنده علم ! متأكده رح يزوجهااول ما توصل عندهم على الاقل تتغدى فيهم قبل ما يتعشون فيها ....يعني تتزوج واحد قلبها يدق من مجرد سماع صوته ما هو رجال تنغصب عليه ...وبنفس الوقت ترسل لأهلها رساله ما احد يتدخل بحياتها واختياراتها ! *** *• •• جالسه بالصاله بهدوء وبيدها كتاب تطالعه بصمت ...وقدر تلعب بمكعبات حولها ...... دخلت وهي رافعه جاجب بغرور ..ناظرت رونق بتقييم وبعدها توجهت لغرفه جدتها بهدوء ! تنهدت رونق وناظرت لجهة الشباك بسرحان ...بلعت غصتها بما تفكر بالسالفه بجديه امها باعتها واشترت اخوانها طول الفتره الماضيه تنتظر منها اختيارها .. ما هي زعلانه من إلي صار بالعكس بين لها موقعها بين الناس ! وم ذلك ما تلوم امها اطفال صغار ما تقدر تتركهم ! لكن الغصه إلي بحلقها مب قادره تبلعها تحس بخنجر وسط حلقها ! بالرغم انها فاجأت امها وفياض بقرار رجوعها لابوها قاطعتها قدر : ماما هذا احمر !- هزت راسها رونق بهدوء وهي تمسك المكعب بلطافه : احمر red قدر تعيد خلفها : احمر red رجعت للكتاب إلي بيدها تحاول تهرب من عالمها وتسكن عالم الروايات و الكتب ! البارحه كانت ملكتها ...لكنها لما تفكر بهذا الموضوع تحس نفسها غلطت غلط كبير ...ما تدري وين كان عقلها ! الانتقام جعلها مغيبه عن الواقع ! تتهم نفسها بالكذب طول الوقت تنشر شعارات ضد الزواج واول ما انطرق بابها على طول وافقت ! هزت راسها تطرد هالافكار ...عزمت ما تفكر بهذا الموضوع ولا كأنه صار ! وقفت لما دخل جواد مبتسم :السلام عليكم ! ردت بهدوء : وعليكم السلام! اقترب منها وهو يسال باهتمام: رتبت اغراضك هزت راسها بهدوء: ايه تنهد بارتياح حلو : تعالي سلمي على جدتي ام ناصر اكيد استيقظت لانك لما جيت البارحه كانت نايمه ! توجهت معه لغرفةام ناصر طرق الباب وتكلم :انا جواد دخل بعدما سمع الاذن بالدخول ....ناظر البنت المتغطيه وبعده جدته : السلام عليكم ! ام ناصر إلي تشاجرت مع عيالها واحفادها الصبح على سكن رونق عندها ردت بدون نفس : وعليكم ! ابتسم وناظر خلفه : اقربي يا رونق وسلمي على جدتي !، رونق ناظرت الجده ملامحها عابسه ...ومع ذلك اقتربت بكل هدوء وسلمت عليها ام ناصرقلبها يتراقص من الخوف من رونق تحسهامجرمه وتخاف بالليل تذبحها عجوز كذا خيل لها عقلها !، رونق تبغى تثبت وجود قدر بينهم ...قدمت قدر باتجاه ام ناصر : قدر سلمي على الجده قدر ناظرت ام ناصر بتردد وخوف . ...مدت يدها لما شجعتها رونق على السلام ! ام ناصر صدت للجهة الثانيه: ابغى انام مع السلامه ! جواد تنهد من تصرفات جدته ...ناظر رونق : تعالي سلمي على جدك وجدتك ينتظرونا في بيتهم ! انتهى البارت .... انتظروني يوم الاربعاء بإذن الله .دمتم بخير | ||||||
|
| |
|
24-07-20, 12:38 PM
| #45 | ||||||
| مشرفة منتدى الروايات المنقولة
| بارت 19 ابتسم وناظر خلفه : اقربي يا رونق وسلمي على جدتي !، رونق ناظرت الجده ملامحها عابسه ...ومع ذلك اقتربت بكل هدوء وسلمت عليها ام ناصرقلبها يتراقص من الخوف من رونق تحسهامجرمه وتخاف بالليل تذبحها عجوز كذا خيل لها عقلها !، رونق تبغى تثبت وجود قدر بينهم ...قدمت قدر باتجاه ام ناصر : قدر سلمي على الجده قدر ناظرت ام ناصر بتردد وخوف . ...مدت يدها لما شجعتها رونق على السلام ! ام ناصر صدت للجهة الثانيه: ابغى انام مع السلامه ! جواد تنهد من تصرفات جدته ...ناظر رونق : تعالي سلمي على جدك وجدتك ينتظرونا في بيتهم ! رونق عزمت امرها خلال هالفتره إلي تجلسها هنا رح تتصالح مع ذاتها وقبل كل شيء تثبت وجود قدر بينهم غصب عنهم مهما كلفها ...ما عادت تهمها هذه الدنيا ....كل يهمها مستقبل قدر و بعدها تقول للدنيا مع السلامه ... تكتفت وهي تناظر ام ناصر معطيتهم ظهرها وبنبره قويه ما همها جواد إلي واقف جنبها: اذا هذا تصرف كبار العائله ما نلوم بزرانكم !، ولفت وجهها ..أمسكت قدر الي تناظرها بترقب ! ام ناصر التفتت بعد كلام رونق ...ناظرت جواد بعد ما طلعت رونق بدون ما تلتفت للخلف : وتبغاني اقبل تعيش عندي قاطعها جواد بملامح عابسه: يا جدتي انت قاطعته ام ناصر بشراسه لانها ما تبغاها عندها تحس بعدم الاستقرار والامان بوجود رونق عندها وبغضب : روح ارجعها وابوس على راسها واستسمح منها .... والله عالم جواد زفر بضجر : يا جدتي تراها ما رح تجلس عندك للأبد بس اضبط اموري وتعيش في بيتي ! ام ناصر ما هو عاجبها شيء : نشوف اخرها معك ! كتم قهره وغيضه وطلع خلف رونق ....واقفه تنتظره ...اقترب منها وحاول بصعوبة يتكلم بهدوء : رجاء لسانك خليه حلو شيء ! بس شوي لذي الدرجة صعب هالامر ؟! ناظرته بعد ما مطت شفتها يعني ما شاف تصرف ام ناصر وجاي يلومه ...وبهدوء لكن فيه قوة : الي يدق الباب يسمع الجواب ! ناظرها الظاهر رح يتغلب معها ومع لسانها يا زينك يا مريم ....وبهدوء عكس ما بداخله : الحين نروح لبيت جدك ! هزت راسها بطاعة تبغى تروح بين ابو جواد عندها كلام لزوم تثبت وجود قجر بينهم وبعدها تتغير بتصرفاتها ! اخذت نفس لما دخلوا بيت ابو جواد ..بيت كبير ومكون من ثلاثة طوابق ...مضطره تقابل هالامم حتى تحصل هدفها! دخلت للصالة صغيره ما فيها الا ابو جواد وام جواد ...سلموا عليها بدون نفس...طنشت طريقتهم بالسلام وانزلت نظرها لقدر بنبره فيها رقه استفزت ابو جواد وام جواد وهي تتكلم : قدر سلمي على الجدو والجده ! ام جواد ناظرتها وهي رافعة حاجب باحتقار لو يطلع بيدها تنتفها على قلة ادبها وكأنها متباهيه ومفتخره بسواد وجهها ...مبسوطه انه معها بنت من عمها ...فعلا وجهها مغسول بمرق ! ابو جواد ما تقل مشاعره عن ام جواد ...حسوا من لهجتها انها تضرب بالكلام ...او لانهم متحاملين عليها بالاصل يفسرون الكلام حسب هواهم ...ناظر قدر وكل ما تكبر يزيد الشبه بينها وبين الجازي ! رجعت قدر خطوة للخلف وهي تشوف نظراتهم المخيفه لها ...مسكت رونق بيدها لما رفعت قدر نظرها لها وعيونها تلمع بالدموع ! نزلت على مستواها قبلتها بمحبه وسحبتها وجلست على الكنبه وبهمس نطقت قاصده يوصل لمسامعهم : وفروا عليك تغسلين يدك ! ابو جواد احتدت ملامحه : وش قلت ؟! رونق ناظرته وبعدها التفتت على جواد وجهه احمر منتفخ : ما في شيء مهم ! ام جواد خزتها بقوة : الجو يخنق هنا ! رونق ناظرت الصاله بتأمل وبعدها اكتفت بالصمت ما تبغى تقوم الحرب الحين خليها حبه حبه وبعدها يصير خير! مر وقت الصمت يخيم المكان لكن النظرات تحكي بين بعضهم ! دخل سعود بخطوات هاديه ...ناظر رونق للوهله الاولى ظنها مريم ..بس لما شاف قدر عرفها ...تقدم سلم عليها بهدوء : وش أخبارك ؟! ناظرته رونق وهي تمسح على شعر قدر: بخير الله يسلمك ! ورجع الصمت حل بالمكان ...سعود ناظر امه وحس انها ما هي مبسوطه بوجود رونق ! رونق تحس بخنجر وسط حلقها وهي تشوف التهميش لقدر وكأنها غير موجوده ! اي مستقبل ينتظر هالبنت ! الكره بقلبها بدأ يتولد بداخلها ...وش هالقسوة والحقد بقلبهم ...هذه طفله بريئة ما تعرف شيء بالدنيا ولا لها ذنب بشيء! ليه يعاملوها كذا...... تنحنحت تعدل صوتها حتى يكون هادي وما يظهر فيه اي حزن او خيبه منهم وبصعوبه نطقت لانها ما هي متعوده على هالكلمة لهذا الشخص : جدي ! ابو جواد باستغراب ما توقع توجه له الكلام ..ناظر جواد بنظرات تعجب وبعدها ناظرها يعرف وش تبغى : نعم ! ما خفتها نظراته المستغربه ..تكلمت بهدوء وعيونها بعيون ابو جواد : بالبداية احب اوضح بعض الامور حتى نكون على بينه ... تابعت كلامها وهو يهز راسه وزام شفتيه بعدم رضى ..تكلمت وهي توزع نظرها بين الموجودين : انا ما كان لي اي يد بسالفة زواجي من نايف ..انا ما كنت اعرفكم ولا تعرفون بوجودي ..ربي كتب يصير هالشيء وما هو حرام ولا هو عيب هنا صارت شبهة والشبهات تسقط الحدود ...وكان مقدر من عند ربنا تنور هالدنيا طفلة بريئة جميلة اسمها قدر قدر ما لها علاقة بالسالفه من بدايتها لنهايتها والاهم ما هي ابنة حرام...لو كانت ابنة حرام ما سجلوها باسم نايف ..وبصوت اقوى فيه قهر : قدر ابنة شرعية لنايف وما اسمح لاحد يعاملها وكأنها نكره ..قدر ما هي نكره لها اصل وفصل غصب عن الكل ! وما اسمح لكم تناظرونها بنظرات دونيه ! لانه وقتها ما رح يعجب احد تصرفي ! والأهم نايف ليه ما يرسل لها مصروف وش ينتظر اجلس باب المسجد حتى الناس تتصدق عليها ؟! مجبور غصب عنه يصرف عليها أنا قاطعها ابو جواد وهو معقد حواجبه من هجومها عليهم : والله ما بقى الا تضربينا ! وما احد عامل البنت بنكره ! انا عندي احفاد اشكال والوان وقرفان شيء اسمه بزران فلا تخلطي الامور في بعضها وتعملي فيلم اكشن وانت الضحيه المظلومه عقدت حواجبها بقهر من رده ....اوقح من كذا ما شافت ....الحين يبغى يقلب السالفة عليها ....ردت بنبره هاديه : مصروف قدر قاطعها ابو جواد وهو يطلع فلوس من جيبه ويرمي عليها. بغضب : خذي يا حبك للفلوس اعوذ بالله من اول ما جلست وهي تلف وتدور حول الفلوس ! وقفت وبداخلها غضب يشتعل من رد فعل ابو جواد ..رفعت اصبعها وصوتها اهتز من القهر : انا ما اشحذ منكم حتى ترمي الفلوس علي كذا ...وما احد يمن علينا بفلس واحدبما انكم اعترفتم اننا بناتكم غصب عنكم تصرفون علينا هذا حق لنا وما احد يتمنن علينا ! جواد ما عجبه تصرف ابوه ومع ذلك ما يسمح لها صوتها يلعلع فوق صوت ابوها ...عفس ملامحه اي بيئة عاشتها هالبنت ...زفر بضيق وتكلم يقفل السالفة : رونق انتهينا ! سعود جمع الفلوس ومدها لابوه ...وبنبره ما عجبه تصرفه : ولدك ليه ما يصرف على البنت ...تنتظرون وليد والا فياض يصرف عليها ! ابو جواد استفزته هالكلمة ...اخذ الفلوس وبقهر تكلم : ليه ما اتصلت فيني وقالت لي ! والا قاطعته رونق وهي تجلس بعبوس: الحين تقلب الحق علي هذا انا قلت لك عصبت وطلعتني اني اركض خلف الفلوس لو اتصلت كان قلت ما تعرفنا الا وقت الفلوس جواد صك على اسنانه ما يحب المرادده بالكلام : خلااااااص قلت لك انتهينا من هالسالفة ومصروف البنت رح يوصلك خلاص قفلوا هالسالفة جينا نتعارف على بعض! انقهرت بداخلها من تصرفهم ما يبغون احد ينتقدهم ..تكتفت واسندت ظهرها للكنبة وبنبره ما عجبت الحاضرين واعتبروها قلة ادب : اي صدق حنا ما تعرفنا ....انا اسمي رونق سنة اولى طب عندي بنت قاطعها ابو جواد وارتفع ضغطه من كلامها : جالسه تتمسخرين حضرتك ! جواد رفع نظره للسقف يصبر نفسه على هالبنت ...وبين نفسه بدأ يقنع نفسه انه خطيئة الجازي تصير عنده.... هالبنت اعوذ بالله من كلامها مثل السم ! اكيد امها شيشتها وعملت لها غسيل دماغ ...تكلم لما شاف نظرات ابوه الغاضبة: وش فيك يبه تمزح معك! ناظرت رونق ابوها بطرف عينها «ابوك يالترقيعة» سعود يحس لسانها اطول منها ومع ذلك تكلم يلطف الجو: وانا عمك سعود ام جواد ناظرت سعود وبعدها ناظرت رونق باحتقار : اقوم ابرك لي ! رونق مطت شفتها و بداخلها «ابركها من ساعة » وقفت رونق بهدوء : وانا بعد است قاطعها جواد : وين ؟! ردت وهي تمسك بيد قدر : راجعه للبيت يمكن الجدة ام ناصر محتاجة شيء ! لما شافته وقف : اعرف الطريق لاتغلب نفسك ...ناظرت ام جواد الي وقفت وما دخلت لما شافتها تبغى تغادر ! غادرت بخطوات هاديه للخارج ....وتناظر حولها وعقلها يفكر ...بالجلسه ..هل الي عملته صح والا غلط ؟! هي مقتنعه بكلامها تبغى تنبه الجميع انه قدر خط احمر ! قدر تناظر حولها المكان: ماما رح نعيش هنا! رونق بغموض ما تعرف وش رح يكون وضعها مع الايام : الله اعلم ! يطري على بالها جراح لكنها تطرده من بالها ..ما تبغى تستبق الاحداث .... يتردد بإذنها مقال قرأته على النت«التصالح مع الذات» يمكن فعلا هي محتاجة تتصالح مع ذاتها ....واهم تصالح إنها ترضى بنفسها وما تستحقرها ....تحس عملت إنجاز لما تكلمت مع جدها بكل وضوح وما خجلت من نفسها لانها فعلا ما عملت غلط .لازم ترضى بنفسها بالاول حتى الناس يرضوا فيها ! كلام المقال عجبها ورح تحاول تطبقه ...فتحت الجوال ورجعت تقرأ مره ثانيه حتى تحفظه وتطبقه «إنَّ التصالح مع النفس سمة لكلِّ الناجحين وصفة المتميزين، حيث يتعاملونَ مع أنفسهم بمساحاتٍ معقولة من التسامح والتغافل، وأيضًا من التأديب الجاد الذي يصلح ولا يفسد، فذلك الشخصُ التعيسُ اليائسُ الذي يتقمَّص دورَ الضحية، بل يطرب له هو شخصٌ متخاصمٌ مع نفسِه أولًا، وعلى الجهة الأخرى ذلك العنيدُ المغرورُ مُتصلِّب الرأي يعيش حالةً متقدِّمة من كره الذاتِ انعكسَت على تصرُّفاته, وحتى تتغير أوضاعُه وتتحسَّن علاقاتُه وتطيب نفسيتُه ويتقدَّم للأمام لا بدَّ أنْ يعيدَ النَّظر في طبيعة علاقته مع ذاته ويتصالح معها، وسبيلُكَ لعلاقة ملؤها حبٌّ وتصالحٌ مع الذات يحتاج لتحرُّك منكَ. ودونك تلك الوصفاتِ التي ستعينُكَ على صُنع علاقة أطيبَ مع ذاتكَ، ومعها ستكونُ أكثرَ فعالية وأعظم إنتاجية وستنعم معها براحة بال وسعادة لا توصف، وستملكُ كذلك شخصية جذابة محبوبة لها قدرةٌ على اختراق قلوب الناس وكسْب ودِّهم: 1. القبول والرِّضا بما منحكَ ربكَ؛ فلا ترفض شكلكَ أو جنسيتكَ أو أسرتكَ أو لونَ بشرتكَ، وهي خطوةٌ في غاية الأهمية لعلاقة أفضل مع ذاتكَ؛ فلا يُتوقَّع من شخص كاره لشكلِه أو طولِه أنْ يكونَ متماسكًا من الداخل. 2. حرّر نفسَكَ من أسْر الماضي ومِن قيْد الأحداث الماضية؛ فأغلبُ مَن يمارسونَ جلدَ الذاتِ هم أسرى لمشهد قديم. دائمًا انظُر للأمام واقطَع أيَّ تفكير في الماضي؛ حتى يصلحَ يومُكَ وغدُكَ. 3. لا تقارن نفسَك بالآخرين؛ فالمقارنةُ مستنقعٌ آسِن وشرَك مُميت وسمٌّ زعاف، يعطِّل قدراتكَ ويجعلكَ فريسةً لذئاب الحسرة، خُذ ما أتاك اللهُ وكن من الشاكرينَ، وتأكد أنَّ ما قد وهبكَ الله إياه أكثرُ بكثير مما فقدتَ، وأنك تفوقُ الكثيرَ ممن تتوهَّم تفوُّقَهم عليكَ. 4. اختلِ بنفسك بين حين وآخر، وأعطِها قدرَها من الاستمتاع، اجعل لك وقتًا لا تعمل فيه شيئًا أو سمّها إنْ شئتَ (ساعة اللا شيء)، فكّر.. العَب.. اركُض.. اضحَك.. افعَل ما شئتَ دونَ أيِّ ضغوطاتٍ، أعطِ نفسَك وقتًا خاصًّا لها، ومعها ستكونُ في أفضل حالاتِكَ النفسية والجسدية. 5. استبدِل النقد الجارح لنفسكَ بكلماتٍ ألطف وأرق وأكثر حنانًا، تعامَل مع نفسكَ معاملة الأمِّ الحنون لصغيرها؛ وعندها ستجد تغيرًا كبيرًا في ثقتكَ وصحتكَ النفسية. 6. لا تفرِض قوانينَكَ على الآخرين؛ فأنت لستَ العالَمَ! وما تراه صحيحًا ربما هو غير هذا، استوعِب العالَم وما فيه بكلِّ اختلافاته، بل وتناقضاته. 7. اعتنِ بمواهبِكَ وركَز على ما تُتقِن؛ فمِن أعظمِ الأمور المساعِدة على عقْد سلام دائم مع الذاتِ أنْ تكونَ شخصًا منتِجًا وصاحبَ نجاحاتٍ، يومُكَ يمضي بين هدف تسعى له وإنجاز تحتفلُ به. 8. عندما يزعجك أحدُهم تصرَّف حسب أخلاقِكَ لا بحسب أخلاقه، لا تردّ بسرعة وتصرَّف بحكمة، تنفَّس بعُمق، ثم حدّد أيّ القيم ستتصرف وفقًا لها، ثم امضِ في طريقك مُحاطًا برعاية الله. 9. تجرَّأ على تغيير بيئتكَ حينًا، والانفتاح على بيئاتٍ جديدة، سافِرْ إلى دول لم تزُرْها من قبل، تواصَل مع أهلها وانبسط لهم، يقول (أوغستين): «العالَم كتابٌ، والذين لا يسافرونَ قرأوا منه الصفحة الأولى فقط!». 10. لا تتقمّص دورَ الواعظ والأستاذ، فلا يسمع منك صاحبُكَ إلا ملاحظاتٍ وإرشادًا وتوجيهًا، وإنْ وجدتَ ما يستحقُّ فمرِّر الملاحظاتِ دونَ إلحاح. 11. افحَص (نماذجكَ) العقلية و(أنماطكَ) الفكرية و(رؤاكَ) الداخلية حول سلوكياتكَ ومعتقداتكَ، ولا تكن أسيرًا لمعتقد «أنَّ العالَم الذي تعيشه هو العالَمُ الموجودُ فعلًا». 12. تجنَّب الشَّكوى والنُّواح؛ فلا أحد يسعُه أنْ يصمد إلى أجل غير مسمى لما تحكيه من أخبار آلامكَ وويلاتكَ، دعْ شكواكَ لربِّكَ، واستمتِع بأوقاتكَ مع الآخرين. 13. احذَر الاندفاعَ الشديد نحو حيازة الأشياء، والجنوح المبالغ فيه نحو المادياتِ، والملاحقة اللاهثة نحو الأخذ والنَّوال من الآخرين؛ كلُّ تلك الأشياء لن تثمرَ أبدًا عن إشباع الرُّوح بالرِّضا والطمأنينة. 14. تحرَّر من أيِّ علاقة تحاصركَ؛ فيستقيم أنْ تحب وتحترم الآخرين، وفي الوقت نفسه تكونُ مستعدًّا لتقبُّل الحال لو أُجبِرتَ على الاستغناء عنهم تحت أيِّ ظرف! 15. تحدَّث مع نفسك بإيجابية؛ فإنَّ أعظم ما يؤثر عليك سلبًا وإيجابًا ذلك الصوتُ الداخليُّ والذي جلُّ حديثه تذكيرٌ بالسقطاتِ وتضخيمٌ للصَّغائر وتهويلٌ من المستقبل وتخويفٌ من الإقدام، فكن له بالمرصاد وأوقفْه. «ليس العاطلُ مَن لا يؤدي عملًا فقط، العاطلُ من يؤدي عملًا في وسعه أن يؤدي أفضلَ منه» <منقول ** ** ** ام جواد بعد ما طلعت رونق رجعت جلست وتكلمت وهي تحس بغليان داخلها: وش هالبنت هذه ؟ وش هالوقاحه! بكل عين مفتخره انها متزوجه عمها استغفر الله بس ...انا السالفة مجرد ذكر ما اقبل تنذكر قدامي وهذه مفتخره بحالها ولا اثرت السالفة عليها أبدا ! ابو جواد زفر بغضب : اتركينا من سالفتها تراها رفعت ضغطي ! جواد بضيق : يا يمه ام جواد بصوت مرتفع : لا ترقع والله احس حنين قدامي وش طول لسانها ابو جواد بالرغم انه ما يحب حنين ومع ذلك ما يرضىعلى اخواته الكلام....خزها بعيونه: ام جواد زمت شفتها بقهر:وهاي قفلت حلقي! ** ** •• ** جهزت طبق الغداء ...رائحته طيبة ...غرفت منه صحن ...ووضعت لام ناصر ...حملته بهدوء ...توجهت لغرفتها طرقت الباب ..ودخلت بملامح لطيفه: جبت لك الغداء ام ناصر عفست ملامحها وبدات الوساوس وش يضمن لها ما تكون حاطه سم حتى تذبحها او منوم حتى تسرقها ..ما رح ترتاح لوجودها لوحدها معها : ما ابغى الاكل رونق بحسن نية وضعت الاكل جنبها : لازم تأكلين علشان صحتك ام ناصر زاد خوفها منها ...مسكت الجوال ويدها ترجف اتصلت وبنبره ضعيفه نطقت : بسرعه تعالي قفلت الخط وتكلمت : ما ابغى رونق وهي تحرك الشوربة بملامح هاديه : علاج بدون اكل ما ينفع ... وش رايك تجلسين بالصالة ونتناول الاكل مع بعض ام ناصر هنا تاكدت ناويه تذبحها بالداخل بدون ما احد يشوفها ... وبأعلى صوت نادت : ام راكاااااان ام راكاااان! رونق ناظرتها بحسن نية تبغى تكسب اجر بهذه العجوز : جدة ان بغيت شيء انا اجيبه لك ..وش تبغين ! دخلت ام راكان وهي تناظرهم بشك وش صايرحتى حماتها تناديها والحين ملامحها ما تريح : و ش فيه يا خالتي ام ناصر بملامح مخطوفه .بدات ترد لها الروح والراحة بوجود ام راكان نطقت : تبغى تغصبني على الاكل ! رونق ناظرت ام راكان الي تناظرها بتصغير ...اقتربت من الاكل وعفست ملامحها بقرف من رونق : خالتي لها نظام بالأكل وحنا نرسله لها لا تغلبين نفسك انت ارتاحي ! رونق ما عجبتها نظرات ام راكان .... ومادخل عقلها كلامها : حتى ولو هذه شوربة خضار مفيدة لها ام راكان هزت رأسها وبمجامله : اوكي ...خلاص اتركيها عندك لما انزل الاكل لخالتي تكون بارده الحين ماهو موعد اكلها -! رونق ناظرتهم وحست بينهم شيء ...طنشت وبنفسها بكيفهم الي عليها عملته ..سحبت نفسها وطلعت بهدوء باتجاه المطبخ ....ابتسمت لقدر الي تنتظرها حتى تأكل ..سحبت كرسي وجلست والحزن خيم عليها ...تداري قدر بالكلام وبداخلها كل يوم تغرق بعالم الأحزان اكثر واكثر ...! * * * ام راكان وهي تناظر الشوربة انقراف : عاد زودتيها يا خالتي ....تذبحك مره وحده ههههه وش لها عندك ! ام ناصر بعدم راحه : ما ادري هالبنت اخاف قاطعتها ام راكان : صحيح أنها سيئه وأخلاقها بيئة بس ماتوصل لدرجة تذبحك ! وبضحكه ساخره : هههه يا حظك يا خالتي حاسبه حسابك بالاكل وااااااع ! انسانه مثلها وش يعرفها بالنظافه والترتيب ...تدرين لو اذوقه الحين الا استفرغ كل معدتي يعوووو ...بالله هذه شوربة هذه باي عصر ...لذي الدرجة القرويين ما يعرفون يعملون شوربة ....هههه اتوقع لو تذوقيها الا تدخلين المستشفى !، شفت يا خالتي اقص يدي اذا ما كانت مدمنه حول عيونها قاطعتها ام ناصر وهي تعدل وضعيتها : الظلم ظلمات يا ام راكان الحين صرفي هالشوربة من هنا ريحتها خنقتني ! ** * ** ** جراح استغرب من اتصال زياد بهذا الوقت بعد السؤال عن الحال والاحوال نطق زياد بهدوء: وينك الحين ! جراح ناظر جدته صفيه وخرج للحوش وهو معقد حواجبه : انا عند جدتي صفية ! زياد بهدوء : جهز اغراضك رح ترجع للدراسة العمر يمضي وانت جالس لا شغل ولا مشغله ! جراح تنهد :انا اصلا راجع للدراسة بدون ما تقول ...وانت تعرف اني انضغطت بالدراسة وكنت بحاجة لوقت اريح نفسيتي زياد :ربالضبط اخذت راحه وزياده ..ما بقى عليك الا سنة وتتخرج يعني لو ما اجلت كان انت الحين متخرج وعندك تدريب ! جراح متحمس يكمل دراسة ويعلن زواجه : ان شاء الله خير! كيف جدتي ام ناصر ؟! زياد مط شفته بشبح ابتسامه لما تذكر رعب جدته من رونق : طيبه ما شاء الله عليها ! وبتنبه حتى ما يدرعم عند جدته : ترى انتبه فصلنا البيت عن جدتي قاطعه باستغراب: ليه؟! زياد سكت للحظه ما يبغى يجيب سيرتها قدام جراح ...وبمراوغه تكلم : وحده من حفيدات عمي ابو جواد جالسة عند جدتي تقوم فيها يعني اذا بغيت تسلم على جدتي من الباب الخارجي تدخل وقبلها تستأذن فهمت ؟! قاطعه بتفهم : ان شاء الله ! كمل المكالمة جراح وجلس على احدى المقاعد بتفكير ...ما هو ندمان على هذه الحركه بالعكس هذه افضل طريقة حتى يضمن انها تكون له ! ما يدري وش سبب هالانجذاب لها! ما يعرف وش رح تكون رد فعل اخوانه وما يهمه لانه متأكد رح يتفهمون الوضع انه هذا اختياره ! فياض مدحها له وقال انه رفض اخوانه اكيد لانها عاشت بعيد عنهم وتربت في بيئة مختلفه ....اكثر شيء شجعه لما رجع وسأل عن أخلاقها مدحها ! بس يقول قوية و لازم تكون حازم معها لا تعطيها وجهك الضحكوك على طول لازم تشوف وجهك الثاني لأنها ما تنعطي وجه ...اثبت لها انك اقوى منها حتى لا تتمادى عليك ! يذكر راكان تكلم عليها ما يدري كيف يعني قوية ؟! بنظره البنت مهما كانت قوية قدام الرجل تكون ضعيفة ! حاليا مرتاح لهذا الإختيار ... متى يكمل دراسة حتى يكون كل شيء رسمي ؟!!! ** •* •* جهزت الشاهي وبداخلها تبغى التغيير والتأقلم مع الوضع ...دامها جالسه هنا وما في احد حولها يغثها وكأنها ساكنة لوحدها ...شعور الراحة إلي تحسه هنا اعطاها دافع تضبط علاقتها بالجده حتى ما تطلع من هنا لوقت تخرجها ....لحظه حسب المعلومات جراح يبغى له سنة ويتخرج حسبت على يدها بطريقه طفولية كم الفارق بالعمر بينهم ! بداخلها شيء يلومها على تصرفها .....طول وقتها رافضه فكرة الزواج وبذي السرعة ملكت عليه ! ولشخص ما تعرفه ! وش رد فعلها لو كان مثل اخلاق راكان ؟! واصلا كيف تتقبل فكره تعيش مع رجال وتعيد نفس مأساة المرة الاولى ! اخذت نفس عميق وهي تطرد الافكار السلبية من رأسها ما رح تكون مثل مروان ....وان طلع سيء يا حلو الطلاق عضت شفتها بوجع من مرار الطلاق ! زفرت بضيق وحملت الشاهي وهي تطرد كل شيء من رأسها ! طرقت الباب قبل ما تدخل غرفة ام ناصر ...دخلت بخطوة وارتاحت لما شافت ما احد هنا ....وضعت الشاهي ...كشفت عن وجهها ...وبصعوبة ابتسمت لجدتها إلي بيدها السبحة تسبح بهمس !، وبنبره رقيقه من قلبها لأنها فعلا نوت تتصالح مع الدنيا : احضرتلك شاهي رح يعجبك ! مدت لها كوب الشاهي بابتسامة دافيه: تفضلي! ام ناصر تستغفر بداخلها ما تدري هذه وش تبغى منها مين مسلطها عليها :! وبمجاملة : شكرا بس ما اشرب شاهي معي سكري قاطعتها رونق بتفهم : بس انا عملته لك بدون سكر ام ناصر وش هالورطه ردت بتبرير : ما احب الشاهي خلاص اشربي انت بالصالة هناك افضل لك ! رونق بهدوء شربت من الكوب إلي مدته لام ناصر بهدوء ..وقدر بصمت ملتصقه فيها ! ام ناصر باستغراب: تشربينه بدون سكر ؟!! ردت رونق بغصة وهي تبتسم بألم وعيونها تلمع بالدموع ....تعودت من صغرها تشرب شاهي بدون سكر لانه اغلب الاحيان ما معهم فلوس يشترونه ...ومع مرارة الحياة ما هي واقفه على الشاهي المر تجرعت الامر وسكتت ....وبهدوء نطقت : ما تفرق ! ارتشفت من الشاهي وهي تتذوق مرارته ...معقول ييجي يوم وتحلى حياتها ! ناظرت جدتها منشغله بالتسبيح ولا كأنها موجودة ...ما في شيء تتكلم فيه .....وخاصه ام ناصر ما هي معطيتها وجه ! دقائق ودخلت من الباب الخارجي ...ردت السلام وهي تعلك : كيفك يا جدتي ! ام ناصر بابتسامة : هلا لجين ! لجين مدت لها بطبق حلويات : خذي يا جدتي هذا الطبق احضره خالي راكان الحين واصر انزلك منه يعرفك تحبين الحلويات ! ام ناصر اكلت حبة: ربي يسعده ويوفقه هالراكان ! ما همها كل سالفه الطبق الي لفت الانتباه حلويات كلها حلو كيف تأكل منه ؟! والشاهي تقول معها سكري ! اقنعت نفسها يمكن ما تحب الشاهي ! رفعت نظرها للجين الي تحسها تغايض فيها بكلامها وبحركاتها : ارسل طبق لمريم خطيبته ...يحميهم ربي من عيون الحاسدين ! ام ناصر بهدوء : اعطي رونق والطفلة هذه ! لجين وهي تعلك بطريقه مستفزه: تشرب شاهي كيف تأكل حلو ام ناصر بهدوء: اعطي الصغيره قدر تناظرهم بصمت ....مدت لها لجين بحبه : خذي! قدر التصقت بامها ...وهزت رأسها بالرفض ! رونق ابعدت يد لجين من امام قدر وبنبره هادية : ما تبغى ! وقفت بهدوء قلبها ما هو متحمل هالبنت ...لو جلست دقيقة ما تتوقع يمر الوقت بسلام وهي تبغى تعيش هنا عاجبها الوضع !، اخذت الشاهي وطلعت من الغرفة وبداخلها خيبة ..... جلست بالصالة وبداخلها كره ما هو طبيعي لراكان ... ** •• ** الجازي بهدوء جالسه وغارقه بأفكارها ...ام فياض قاطعت افكارها : وش فيك يا ابنتي ! الجازي بضيق نطقت : قلبي على رونق اخاف ما ترتاح هناك او احد يضايقها بأي كلمة ! ام فياض ابتسمت : يا ابنتي وليه يضايقونها وهم عملوا المستحيل حتى يأخذونها ؟! الجازي مطت شفتها بمراره: انت ما تعرفينهم! ام فياض مطت شفتها : تراك تبالغين وبعدين دوبها متصله فيك وتقول انها مرتاحه قاطعتها الجازي:رونق يا عمتي احسها كتومه ما تعبر عن إلي بداخلها ...ما كانت مرتاحه هنا بس ساكتة وراضية نزل فياض الجوال من يده ورفع حاجب : الي يسمعك يقول نصبحها بطراق ونمسيها بطراق ! طول المده نعاملها بشويش وحاملينها على كفوف الراحة ويا ليت طلعنا بالريحة الطبية ! ناظرته بقهر : ليه تفسر الامور بشيء ثاني ! البنت ما كانت تأخذ راحتها بوجودك تحس نفسها ثقيلة علينا مط شفته بسخريه وهو يتناول الجوال : وش رايك اطلع من البيت حتى تأخذ راحتها ؟! ما اقول الله يعين إلي رح يدبس فيها ويتزوجها اذا ما كسر رأسها ما رح تسلك ! الجازي وقف بقهر وباتهام ناظرته: انت ليه متحامل على البنت كذا ! جلستها أم فياض : اجلسي ! وقف فياض : انا طالع اجلسي ...وتقول ليه متحامل على البنت !، لانها من اول يوم شفناها وقلبت البيت عندي! تركهم وطلع ! ام فياض بنصيحة: يا جازي ترى تصرفاتك ما تصير.....طول الوقت منكده والبنت عايشه حياتها ...انتبهي ترى الزوج ينفر من الزوجه النكدية ...بيتك هذا له حق. عليك .. الله يرضى عليك فكي هالكشره ولا تهتمي لامر رونق تراها ضبعه تآكل بلد بأكمله ! بعدين لو عملوا لها شيء،كان خبرتني ام راكان تعرفيها ما تخبي شيء عني ...تقول زارت بيت جدها ورجعت عملت اكل لجدتها ...الوضع طبيعي ! بس انت لا تكبري السالفه ! اتفقنا !، زفرت بضيق الجازي: ان شاء الله خير ! ** ** •* *• راكان جالس عند جدته وبمدح لخطيبته : والله انها قمر! ام راكان: متى تحددوا الزواج قلبي طاير على احفادي ام ناصر بهدوء: خلي البنت تمشي دراستها وبعدها يصير خير ! راكان بابتسامة : ان شاء الله خير ..الا ما قلت لي كيف هالضيفة ؟! ام ناصر ما هي مرتاحه لوجود رونق :اخخخخخ منكم دبستوها عندي وانتم تقولون بس فتره قصيره راكان بضحكه : مين قال فتره قصيره ! ادعي انها تتزوج حتى تتخلصي منها ! لانه ببساطه انا تفاهمت مع جواد طول ما مريم عنده ما ابغى اياها تختلط برونق السلام ما ابغاه بينهم ! ام ناصر ما عجبها الكلام : تراها اختها وش هالكلام هذا ! ام راكان بانفعال: يا خالتي هذه البنت ما هي ثوبنا باكر تخرب افكار البنات ...لا لا هي بحالها وحنا بحالنا ! راكان كل رونق ما داخله رأسه : انا البنت الجريئة ما احبها وين عايشين تدخل مراكز الشرطة لوحدها ..... ام راكان تنهدت : الله يهديها ! ** ** ** ** مر كم يوم الهدوء يغلف الايام ...ما زالت جدتها تتكلم معها ببرود ...وعلاقتها رسمية ...اغلب الوقت جالسه تطالع كتب لانه اغلب الوقت غرفة جدتها ما تفضى من عيالها واحفادها وهي بالغرفة منعزله .....الوقت الي تحس ما يكون فيه احد وقت صلاة الظهر ....تناظر علبة دواء جدتها ...وبتساؤل لما شافت علبة الدواء فارغة ...واول البارحه سمعتها تقول تشتري الدواء على حسابها الخاص من الصيدلية ....تستغرب وضعها لما تجلس معها دوم تظهر لها ما معها فلوس ...معقول عيالها ما يصرفون عليها؟! ناظرتها وهي تكح بقوة ...ناولتها كوب المويه ...اشرت بالرفض ...بعد لحظات ارتاحت ! حزنت عليها وهي تشوفها تعبانه وعلبة الدواء فاضيه ...غمضت عيونها تحسب الفلوس الي معها ...وبعدها نطقت : جدة معك فلوس«.....» ام ناصر فتحت عيونها باستنكار اكيد البنت بدات تبين على حقيقتها تبغى فلوس ! يمكن تبغى تعرف كم فلوسها حتى تذبحها وتسرقهم ..مع انها بينت لها من قبل ما معها فلوس لكن الطمع اكيد جعلها تنسى ..وش هالورطه الي حطوها بحلقها! بلعت ريقها ام ناصر : ما معي فلوس لو معي ما بخلت عليك ! رونق باحباط ما قدرت تساعدها الدواء سعره مرتفع ...مسكت علبة الدواء وتكلمت: اتصل الحين بأبوي يشتري لك دواء لانه هذا فاضي ! ام ناصر وش هاللزقه : وصيت زياد يشتري لي لاني ما معي فلوس الحين ! رمت العلبة بسلة المهملات ....ورجعت جلست : يمكن دوامه متأخر قاطعتها بضجر : لا ما يتاخر ميعاده يرجع الحين ادخلي رونق بهدوء: في احد بالحديقة لو جلست برا حتى تلعب قدر ام ناصر : احد يجلس بهذا الحر برا قاطعتها رونق : ما هو الحين اقصد بعد العصر ! قبل ما تجاوب انطرق الباب ...وقفت بسرعه وغادرت رونق ! ** ** ** ** ابو جواد هز كتوفه : يعني وش اعمل لها رفضت تروح ! تقول ما هي قادره ! هذه رونق عندها ومعهم الشغاله ما رح يصير شيء! جواد باعتراض: بس انا ابغى رونق ام جواد باعتراض: اتركها عند جدتك الحين بلاه تصير مشكلة انت تعرف ابنتك لسانها طويل واخاف تعلق مع سعاد ابو جواد: وامك صادقه تجلس مع جدتك ابرك لها !، جواد سكت وخاصه لأنه نايف رح يكون موجود ! بالرغم من طول لسانها وتصرفاتها المزعجة لكن يحس بالسعاده لما يجلس معها حتى لو ما تكلمت ...مرتاح بوجودها قريبة منه باي وقت يروح يجلس معها يشوف اذا ناقصها شيء ! افضل شيء عمله انها رونق رجعت له ! ** ** ** ** جالسة وقت الظهر تسبح بأمان الله ومرتاحه انها رونق ما هي موجوده يا هالبنت عملت لها فيلم رعب !، احسن شيء ترتاح منها اسبوع وهم بالمزرعة .... جحظت عيونها وهي تشوف رونق داخله عليها : السلام عليكم! ام ناصر تملكها الرعب لوجود رونق معها بالبيت لوحدهم والكل طالع للمزرعة ! وبصوت مرتجف: انت ما طلعتي معهم! رونق عقدت حواجبها باستغراب: اطلع وين !، اقتربت رونق كم خطوة لكن سرعان ما وقفت لما صرخت ام ناصر : لا تقتربي مني ! رونق حست في غلط بالسالفة ناظرت حولها بالغرفة : وش فيك !، تعبانه ؟! ام ناصر مسكت الجوال واتصلت وهي غاضبه ...اول ما انفتح الخط تكلمت : انتم وينكم ...تاركين المجرمه عندي ...عز الله الا تذبحني وتسرق فلوسي ...الحين ترجع تأخذني ما اجلس دقيقة وحده معها .. ما رح اقفل الخط ادري بك رح تضحك علي وما تأخذني....وقسم بالله اذا ما جيت الا ...انتظرك ! قفلت الخط وبتحذير : يا ويلك اذا اقتربتي مني ترى عيالي يدرون انك جالسه معي وما احد غيرك متهم بالجريمه! اطلعي بسرعة من هنا وين مخفيه المشرط ادري بك تبغين تذبحيني فيه ! رونق تناظر حولها خلفها تبحث عن الشخص الي تكلمه جدتها جريمه وسرقه هذه وش جالسه تهذرب ! احيانا تلقانا فاهمين الحقيقة بس نتغابى حتى نخفف طعنات الالم ! تكلمت رونق بعيون تلمع بالدموع وصوت مخنوق: م في احد انت مين تكلمين ! ام ناصر : الله يستر عليك اتركيني لوحدي انا مجنونة اتركيني! رونق تحس بخنجر وسط حلقها ....تبغى تتصالح مع الدنيا بس الدنيا رافضه تتصالح معها! رجعت خطوة للخلف وبصوت مخنوق نطقت : اسفه ضايقتك بوجودي هنا ! طلعت من الغرفه وهي تمسح دموعها بصمت .....توجهت لغرفتها توضأت وصلت الظهر ....و فتحت القران ترتل بصوت هاديء.....بعد وقت انفتح الباب بعد ما انطرق ....رفعت نظرها لابوها واقف بهدوء : الله يقبل هزت رأسها بدون كلام ! تكلم بعجله: جهزي اغراضك واغراض ابنتك رفعت حاجب :وين؟ تنهد بهدوء : للمزرعة ..وبتبرير: كنت حاب اخذك من البداية بس ابوي يقول بما انك جالسة عند جدتك المفروض ما ت تتركيها مطت شفتها باستغراب ليه جالس يبرر لها ! تابع كلامه بتوجس : جدتي قالت لك شيء ! ابتسمت بقلب ميت : ما قالت شيء! هز رأسه بهدوء:انا انتظرك تحت لا تتأخرين ) اخذت نفس بعد ما طلع لازم تشحن نفسهابالايجابيه وما تفكر بالماضي وما تعطي الامور اكبر من حجمها ....لزوم التغيير خلاص ملت من حياتها ... ** ** •* ركبت بالسيارة وناظرت جدتها جالسه من الامام ....مسك ت نفسها ما تحوسها حوس ...تنظر لها وكأنها مجرمة ؟! هزت رأسها تصرف السلبية عنها ..لزوم تفكر بإيجابية واهم شيء ترضى بواقعها ترضى بشكلها باهلها باقدارها ! لازم تمضي نحو مستقبلها بدون تردد ! اخذت نفس عميق وابتسمت تمرن نفسها على الابتسامة الي فقدتها الايام الماضية ! ما تبرر افعالها لانها انسانة تغلط وما هي معصومة عن الغلط ...مشكلتنا لما نسمع بمشكلة شخص نبدأ نعطي حلول وأساليب للتعامل مع المشكلة ولو صار معهم نفس المشكلة رح يتخذوا قرارات بعيدة عن المثالية .الانسان بوقت السالفة ما يعرف ايش يتصرف بدليل لما تنتهي السالفة نقول لو عملت كذا وكذا وبنندم على امور كثير عملناها ...لاتلومون شخص على اي اجراء اتخذه .....تتمنى شيء واحد نايف ما هو عمها وقتها رح تتقبل كل شيء ببساطة ..هالعقده للحين ما هي متصالحه مع نفسها فيها تقنع نفسها انه الوضع عادي لكن بداخلها شرخ ماهو قابل يلتئم ! ** ** ** نايف مط شفته : والله كيفي مايطلع له يقول لي لا تروح عند جدتي ! اصلا انا عفتها قبل ما ادري انها ابنة اخوي ! ابو جواد بتحذير : حاسب على كلامك لو كان هنا جواد كان مسح فيك الارض سعود وهو يلعب بالسبحة : نايف صادق ما له حق جواد يمنعه يزور جدتي راكان مط شفته ز: لي يسمع يقول مقطع حاله زيارات على جدتي نايف بدفاع عن نفسه : والله ازورها ! اقولك انا ما ازورها والحين ابغى ازورها اشاقت لها جدتي الحنونة ! اياد رفع حاجب وهو متسند وكأنه شيخ عرب : انا لو مكانك يا عمي ما ابين وجهي للعربان بعد سواد وجهك ! فوق وجهك. الاسود فعايلك سوداء بعد ! قفز على حيله لما وقف نايف وهو ناوي يضربه ....سعود بتهديد : وقسم بالله ان لمست شعره من راسه الا ليث مسك ذراع نايف واجلسه ما يبغى مشكلة ثانية : اجلس احمد مستند على يده وبضحكه : والله هالبزران يعلمونك الصح من الغلط ! نايف ناظره بحده :، اختصر يا احمد ترى والله راكان عقد حواجبه بترفع : اعصابك يا حلو لا ينطق لك عرق ! ابو احمد بضيق من الاوضاع المتكهربه : ترى اجتمعنا نستانس ما هو تقلبونها حلبة مصارعة وانت يا نايف مثل الثور كل ما واحد يكلمك الا قمت عليه ضحك أحمد من قلبه على تعليق ابوه : تم قصف الجبهة بنجاح ! ابو جواد بجديه حازمه: ما ابغى اي اشتباك مع اخوك خلي هالايام تعدي على خير ...ورونق ان كانت باليمين تروح للشمال تفهم! عفس نايف ملامحه : افهم افهم قالوا لك حمار ما يفهم ! ابو جواد بهمس ما وصل لاحد الا لاخوه ابو احمد : لو ربيت حمار ما غلبني مثلك! ابو احمد بابتسامة : وكلها لربك وتهون ! ابو جواد : ونعم بالله! نايف متأكد انهم يحشون فيه ..يا بغضه لرونق يكره مجرد ذكر اسمها كل المشاكل والنكد بسببها وهي وابنتها ! رفع نظره لزياد الي يطقطق بالجوال ولا كأنه حوله نقاش غريبه بالعادة يحشر خشومه سواء يخصه هالامر او لا عامل نفسه حكيم زمانه ! متأكد عيونه على رونق ....على جثته ما تتزوج من العائلة والا يبقى خلفها حتى تتزوج شايب والا مطلق مهما كلفه الامر ...حتى يكسر خشومها إلي رافعيتهم للسماء حضرتها بكل قوة عين تشتكي انه ما يصرف على قدر ! قلبه يغلي غليان منها ...يصير خير يا رونق ! ** ** ** ** تحرك ابوها وجدتها صوتها واضح وهي تردد بالاذكار،..يا الله كم ننسى الأذكار لو تفكرنا كل شيء حولنا نكون بحماية ربنا ...لما نطلع بالسيارة نردد «سبحان الذي سخر لنا هذا وما كنا له بمقرنين» طول وقتنا طالعين نازلين من السيارات وننسى هالذكر ....اذكار كثيرة من حولنا ننساها بالرغم انها لو رددناها رح تكون حفظ لنا من كل شر قاطع تفكيرها جواد وهو يكلمها باندماج : شوفي هناك يا رونق ذاك المبنى الي قيد البناء هذا رح يعملونه مستشفى خاص ! ناظرت رونق وهي مستغربه من كلام جواد معها يتعامل وكأنه يعرفها من زمان ...المشكله انهااغلب وقتها كشره والكلمه تخرج منها دش ما تعرف تتفاعل زين مع ناس ما تعرفهم ! رونق تحاول تعصر مخها بكلام حتى تجاريه : بس كأنه صغير قاطعها :ابدا حنا تظهر علينا جهته من هذه الناحيه ..لو تلتفين للجهة الثانية تشوفينه ما شاء الله مبنى كبير والحلو انه قريب من بيتنا ! ام ناصر براحه وهدوء: من هنا لوقت تخرجك يكون جاهز وتتوظفين فيه قريب لبيتكم ! رونق تنهدت من حال جدتها المتقلب ما رح تلومهااكيد انها مخرفه ! جواد : شوفي على شمالك عند الإشارة هناك منطقة «.....» تمشي 100 متر تلقي شركة ابوي هزت راسها رونق وهي مستمعة وهو يعرفها بالاماكن ....شيء بداخلها يحثها على انه علاقته بأمها هي ما لها دخل فيها وما يحق لها تنتقم لامها منه لانه ابوها ! وبعدين ليه ما تنتقم امها وتأخذ حقها بيدها ...ليه تكون هي بادرة واداة الانتقام ! تحس بعد خطوةالخطوبة تسرعت كثير ومن بعدها توقفت عن التهور رح تدرس الأمور بتروي وهدوء ....ما تبغى اخطاء واوجاع جديده ! ** ** ** اول ما وصلوا ...نزل جواد جدته ....نزلت رونق ونزلت اغراضها عباره عن حقيبة ملابس صغيره .... ناظرت زياد متوجه لهم ومعه لؤي ...اقترب وقبل راس جدته وبابتسامة : نور المكان ! جواد بعد ما مسك زياد جدته : خذها معك عند الرجال تبغى تجلس معكم ! زياد بابتسامة : على هالخشم ! ناظر رونق واقفه بهدوء ...تكلم وهو يناظر جواد : باب الحريم من هنا ...اول ما تدخلين تلقين الحريم هناك ! جواد بهدوء وهو يطلع اغراض جدته : انا ادلها الحين ...تعال يا لؤي هذه اغراض جدتي اعطيها لجدتك ام راكان ! اخذ الأغراض لؤي ...التفت جواد على رونق : تعالي من هنا ! ناظرته وهي تفكر الي قراته الحين رح تشوف هل الكلام مثل التطبيق ؟! رح تبذل جهدها لكن ما تدري هل تقدر تثبت امام قصفات الجبهة والا من اول جولة تشن هجومها ! هزت رأسها بالرفض من هالافكار ما هي داخله حرب حتى تفكر كذا ! ويبقى السؤال كيف رح يكون اللقاء المنتظر بين عائلتها ! انتهى البارت ...انتظروني يوم الخميس بإذن الله ....دمتم خير | ||||||
|
| |
|
24-07-20, 01:20 PM
| #46 | ||||||
| مشرفة منتدى الروايات المنقولة
| بارت 20 ام جواد بتحذير هامس لسعاد : ترى عمك يتوعد اي وحده توجه اساءه او كلمة مب زينة لرونق يا ويلها ! سعاد وهي مغطيه وجهها بكف يدها وبداخلها كره ما هو طبيعي للمخلوقة الي جالسه مقابل لها : ما رح انزل نفسي لمستوى هالقروية ام جواد خزتها وبهمس حتى ما احد يسمع : انكتمي سعاد رجعت غرتها للخلف بغرور وهي تستند بظهرها على الكنبة بعد ما وضعت رجل فوق رجل وهي تناظر رونق بتقييم ! زوجة بدر كاتمه الضحكه وهي تسمع همسات زوجة سعود لها : شكلها تحفه ....يبغى لها نصورها للذكرى ! شوفي كيف تناظرها وكأنها برص عيونه طالعه لبرا زوجة بدر بهمس وهي منزله راسها : استغفر الله لا تتمسخرين على خلقة الله ! خزتها وهي معقده حواجبها: صايره شيخه يا اختي عليك ! يرحم دوبك البارحه تقولين فاتك سعاد وهي تركض خلف ابنتها وكأنها بقرة هاربه من المزرعه زوجة بدر بهمس مطت شفتها: انا ما تمسخرت على شكلها انا وصفت طريقة ركضها توقعت البارحه تسجل دائرة الزلازل زلزال وهي تركض وقسم بالله حسيت بيتنا يهتز زوجة سعود بذات الهمس : يقال الحين ما اغتبتيها،! مالت عليك تحاولين تظهرين نفسك من الصالحين الاولياء وانت من جنبها يا حبك للفلسفة! زوجة بدر صدت عنها : هئ ولا عمرك بتتغيرين وقحة وما بتحبين النصيحة ! ردت وهي معقده حواجبها بنغزه : والله استقبل النصيحة من الشخص الي يطبق كلامه ما هو مثلك يقولون ما لا يفعلون ! عفست ملامحها زوجة بدر : سخيفه ! لو جلست اتعرف على شق التوأم افضل لي ! الا قولي لي وش رايك فيها ! زوجة سعود باندماج : للحين ما شفنا شيء من لما جاءت وهي ساكته والجوال بيدها ! زوجة بدر بابتسامة : عشر دقائق ما تكلمت انا رح افتح معها بعض المواضيع حتى نحكم عليها ! بس تحسيها هادية مسكينة بس بالحفلة شفت ما اقوى شخصيتها ! زوجة سعود عفست ملامحها بحزن :والله ما الومها انا متاكده نفسيتها بالحضيض متخيله وحده تطلقت بعمر 14 ومعها بنت وفجأة تكتشف اهلها والاصعب منفصلين والعداوة بينهم ما هي طبيعية وبالاخير تكتشف انها كانت متزوجه عمها ! بصراحه قلبي يوجعني الله يعينها ! زوجة بدر بتحليل : يا اختي اثم هالبنات برقبة بيت عمي طفشوا الام وظلموها لو أمهم ما تطلقت يكون الوضع بينهم افضل بكثير ! زوجة سعود : على الاقل مريم وضعها افضل من رونق بكثير يعني تحسين جواد ما قصر معها أما هذه تحسين بعيونها الحرمان من كل شيء والكآبة واضحه عليها ! زوجة بدر بتأثر : ان شاء الله ربنايفرجها عليها ! ام ناصر جالسه جنب ام راكان تتكلم بصوت منخفض : ما ادري وش اصابني لما شفتهاداخله علي واكتشفت انها لوحدها عندي ..وقتها اتوقع اصابتني ام الركب من الخوف ! للحين اتذكرها وهي حاطه المشرط على رقبة لبنى ! تصيبني قشعريره من جرأتها ! ام راكان بهدوء : ما ادري وش تبغى فيك ! ام ناصر هزت كتوفها : يمكن تبغى فلوسي وتهرب فيهم بعيد عنا ! تصدقين تسألني كم فلوس معك ! ام راكان فتحت عيونها : وليه تسالك ؟! ام ناصر هزت رأسها : قلت لك هذه البنت مستهدفه فلوسي يمكن تبغى تسافر برا ومحتاجه فلوس وهذا الي مخوفني تذبخني حتى تاخذ الفلوس ! سبحان الله ما طلعت لامها والله الجازي انها عسل ...صدق انه البطن بستان ! جالسه تناظر الجوال بدون هدف وهي تحس نفسها بعالم ثاني من الهمسات حولها تحس بعدم اتزان وكأنه كل من حولها يتهامسون بإذنها ويتحركون بطريقه تصيبها بدوار طالعين نازلين ! همسات ضاحكه اشكال شريره تلف حولها ....اخذت نفس ورفعت رأسها ....تناظرهم بتأمل الكل منشغل مع بعضه ....ما هو سهل ابدا تدخل نفسك بعالم ما هو عالمك وغريب عنك ! دخلوا البنات وجلسوا مع الحريم وبدأت أصوات الضحك والتكلم بصوت عالي بدون همسات ..... مروة وهي تعدل ربط شعرها : والله يا حلوتي روحي شوفي ابنتك وكأنها قرد مضيع امه ههههه اذانها مع هالاجواء هنا صاروا شبر شكلها تحفه هههههه سعاد وقفت بغضب : والله ما احد قرد غيرك حسابك عندنايف ! عفست ملامحها رونق لاسم نايف ! مروة مطت شفتها بردح وهي تصفق بيدينها : خوفتيني وازيدك من الشعر بيت البزران جالسين يضربون فيها استعجلي الحقيها ترى ما لي نفس ارجع ونفتح عزاااااء سعاد طلعت وهي تتوعد فيها ! ام ناصر بنهر : انت لسانك هذا يبغى له قص ! مروة بابتسامه: هييييه ابوي جاب مقص يقصه لي بس للاسف طلع لساني حاد وما ينقص ومتخصص لقصف الجبهات نيههههه ام جواد بنهر : احترمي امها على الاقل مروه بضحكة : خالتي ام راكان ما تزعل مني لانها تعرفني صريحه ضحكت ام راكان : يا ملسونة ! مروه بانفعال وهي تتذكر : صحيح ما قلت لكم !، سكتت لما شافت رونق تتآملهم بصمت : خلص بعدين ! مريم تناظر رونق مكتفيه بالنظر فقط ..سبحان الله اخوات ومقابل بعض لكن بينهم اميال ومسافات طويله ما تتوقع مع الايام تقصر! التقت عيونهم ببعض ...استغربت مريم نظرات رونق الغامضة ....نظراتها ما قدرت تفسرها ! صرفت نظراتها وناظرت ام احمد الي تتكلم : ومتى ناويه تزوجين راكان ما هو صغير ! ام لؤي بابتسامة : دوبه 32 ما يبغى يتزوج حتى تتخرج مريم !،او على الاقل يبقى عليها سنة ! ام احمد: ليه ما تزوجونهم مع بعض ام راكان بفرح لطاري عيالها: بإذن الله لما يتخرج جراح مباشره رح ازوجهم الثلاثة مع بعض ! خفق قلبها بقوة من هالخبر ....ما هي مستعده نفسيا ترتبط باي رجال ....تحاول تتحكم بملامحها حتى ما احد يشك فيها! رفعت نظرها للجين وهي تتكلم بنغزات : خالي زياد عروسته عندي اكيد رح تعجبه! ام ناصر رفعت عصاها :اقول اسكتي ما بقى الا البزران يتكلمون بذي المواضيع ! لجين مطت شفتها بعد ما فشلتها جدتها ام جواد بهدوء: صاحبة النصيب تنتظر! الجازي دخلت عليهم وجلست بهدوء...ناظرتها رونق بمشاعر كره..هذه الي سرقت ابوها من امها هي السبب بتحويل حياتهم لجحيم وبعدها لطلاق ...هي سبب دمار اسرتهم ! لو عاشت مريم مع امها وابوها بنفس البيت كان الحين تحمل اجمل المشاعر لامها ....هذه النقطه تثير الحقد عندها وتتعاطف مع امها كثير لانها ببساطه ام وتعرف مشاعر الام ! ما تدري هي مريم ضعيفة شخصية كذا او مريضه وش علتها تتبعهم بمقاطعة امها بدون اعتراض وتستبدلها بام ثانية .... عضت على شفتها بكره وهي تشوف الجازي تهمس لمريم بكلام ومريم مبتسمه ! حست بطعم الدم بفمها وهي شاده من القهر ...نفسها تذوق الجازي الي ذاقته امها .... بطبيعتها ماتحب تظهر مشاعرها لاحد لكن خلال الفترة الماضية بالرغم من الأحداث الي مرت فيها وتركها للجازي تحس انها تعلقت فيها وحبتها وتبغى تشوفها ! لكن فياض رح يكون العقبة بينهم! ليه ما ابوها يرجع امها ويطلق الجازي ! لحظه يطلق الجازي! هذه النقطة الي تبغاها خلي ابوها يعرفها على حقيقتها ! بس كيف ؟) نزلت راسها وهي بصراع مع نفسها وشيء بداخلها يصرخ وين كلامك والتصالح مع النفس ! وين التغيير الي تحكي عنه ؟! شيء بداخلها يرد :بس الجازي تستاهل لانهادمرت حياة امي ! حتى لو تستاهل ربنا هو إلي يجازي افعال العباد وما انخلقت حتى تحاسبين العباد الظالم ربنا يحاسبه بالدنيا او بالأخرة ..لا تتهوري يمكن هالحرمة ما تستحق الطلاق ليه تظلمينهاوباكر ترجع عليك! اتركي المركب ساير وفكري بمنطقية اكثر ! ليتها عاشت على عماها وما اكتشفت شيء للحين جالسة عند جدتها ام مرعي ! ااااه يت مروان جمره بقلبها مشتاقه له ؟! ما تعرف هو شبعان والا لا ؟! زعلان والا مبسوط ! لازم ترجع تتواصل معه وتحاول تقنع جدتها ام مرعي ينتقلوا لمكان ما احد يعرفهم فيه وتعيش معهم ! تقوست شفتاها ما هي قادره تعيش هنا ...بلا تصالح مع النفس كله كلام فاضي ...لانها الحياة ببساطة تجبرنا نتعامل كذا ! ما تدري ليه موجوده هنا كله مندمج مع بعضه الا هي ! تفتقد صديقه تتسلى معها بالجلسة..تفتقد اخت تحكي لها الي بقلبها .....تفتقد الأخ الي يكون سند لها ........ تفتقد كل شيء ...تحس نفسها وحيدة بهذا الكون مالها احد ! بلعت غصتها ووقفت تبغى تطلع وتجلس لوحدها ....اجواء التجمعات تخنقها ! طلعت وهي متأكده اول ما تطلع رح تكون بطلة الحلقة الي رح يأكلون لحمها ! مطت شفتها وهي تردد حسنات وانا جالسه وش احسن من كذا !- ناظرت المكان بالخارج جميل ويريح الاعصاب ...ناظرت حولها تتأكد ما في رجال ...توجهت لمكان منزوي عنهم ...ناظرت قدر وبحنيه: اجلسي يا ماما ! جلست تحت الشجر ...اخذت نفس عميق ..فتحت الجوال واتصلت بمروان ..... بعد وقت رد بلهفه ما قدر يخفيها :رونق! تكلمت والدموع تلمع بعيونها ..والشوق بداخلها ذبحها : عيونها ! وش اخبارك وأخبار جدتي ...اشتقت لكم ...وينكم عني ! مروان بضيق: الحمد لله عايشين تكلمت بشك: مروان فيك شيء ! مروان بسلبيه مط شفته : وش رح يكون يعني ! كل شيء بالدنيا للأسوأ ! الحمد لله تضايقت من كلامه ما تبغاه يكون سلبي كذا ...مروان تحسه ذاق طعم اليتم على اصوله من فقر وحرمان حتى طفولته ما عاشها ! ما تلومه احيانا على افكاره السلبيه لانه مسكين شاف من الدنيا البلاوي !، تنهدت وتكلمت بهدوء ودموعها على خدودها : الحمد لله ذي دنيا ابتلاء لزوم نحمد الله في السراء والضراء صدقني الفرج قريب .....بس انت قاطعها يغير الموضوع : وانت كيفك ! ردت بحزن : إلي برضى بعيش ! وين جدتي ؟! رد بسخريه: جدتك ! اسالي ابوك جاء لبيتنا يهدد ويتوعد اذا اتصلت فيك الا يرمينا كلنا بالسجن والمحامي راكان معه بسهوله مجهز التهم ! مط شفته بقرف من هالحياةوهوينطق : سخافة طبعا جدتي حلفت علي يمين ما اتصل فيك ما تبغى مشاكل مسكينة يومين وراسها يضرب عليها من الوجع من بعد ما راحوا ! شدت عى أسنانها بقوة: راااااكان الحقير ! وانتم على طول صدقتوه! رد بملل : وكأنك ما تعرفين جدتك مباشره تخاف من الشرطة يكفي سالفة خطفك للحين ما انتهت والتحقيقات جارية ! رونق تبكي بصمت على وضعها ان رجعت لهم رح تؤذي اهلها بالقرية وان جلست هنا رح تعاني مرارة الغربة ! تكلم مروان بكل صراحة : يقولون وش يضمن اني اخوك بالرضاعة ؟ دام انك مخطوفه وجدتي ما تدري فما احد يعرف اذا كنا اخوان او لا ! عفست ملامحها بغيض لتفكيرهم : صدق انهم مريضين ! انا ما يهمني احد لاني واثق انك اخوي قاطعها باحباط : المجتمع ما يفهم كذا ...انا ما ابغى اجلب لك مشاكل ..اي وقت تكوني لوحدك اتصلي فيني انا ما اقدر وعدت جدتي ما ابغى ازعلها ما لي غيرها ! بهتت ملامحها بعد كلامه ....اااه منك يا مروان طول عمرك سلبي وما اعطاها الا سلبية زائدة بعد المكالة ) قفلت الخط بعد ما انهت المكالمة والضيق مخيم عليها ...يا الدنيا تفرفنا بغمضة عين ! نطقت بصوت حزين على وشك البكاء وهي تناظرها : ماما ليه تبكي! حضنتها رونق بقوة وبكت اكثر : ما ابكي يا ماما ! وبداخلها تأنيب ضمير وش ذنب هالطفلة تصبح وتمسي على بكاء واحزان ! قدر مجرد ما حضنتها رونق بدات تبكي : ماما ليه حنا ما عندنا بيت ! ليه ما نعيش عند البابا ! وسيم يقول الماما والبابا يسكنون مع بعض في بيت وانا معكم ! ابعدتها وناظرتها بصدمه من كلامها ...كانت تتركها مع اخوانها ما تدري وش كان وسيم يعلم قدر بامور !- قدر ببكاء حزين وكأنها خلقت يتيمه مشرده ما لها بيت يحتويها كأسرة : وين بابا ؟! تنهدت بألم رونق لحال ابنتها ..... مهما صار مستحيل تعيش قدر مع امها وابوهامع بعض! باكر تكبر قدر وتكتشف الحقيقة ...تكتشف انها ابنة عمها وتكون امها بنفس الوقت! يمكن تكرهها مثل ما تكره مريم الجازي ! وتحط اللوم عليها ! ما تدري كيف رح تكون الاوضاع ! اخذت نفس عميق لازم قدر تكون مطلعه على كل شيء قبل ما تكبر حتى ما تنصدم بشيء،! رح تكون مطلعة على كل شيء ! والاهم تعرف انه نايف ابوها ! ارخت ظهرها على الشجرة واغمضت عيونها للحظات وهي تحتضن قدر تحس نفسها طفله وتحضن طفلة بس الدنيا كبرتها كثير ! فتحت عيونها على صوت جوالها ...عفست ملامحها من وعد ملتصقه فيها بقوة ! حطته صامت ووقفت تمشي بخطوات بطيئة باتجاه الداخل ....وقفت للحظات قريب من المدخل وهي تشوف نايف جالس على مستوى ابنته الباكية ويمسح على راسها بضجر : خلاص رح اشتري لك حلاوة واضرب البزران بس انكتمي ! مشكلته ما يعرف يتعامل مع البزران ولا يحب يقترب منهم ! رفع نظره لما حس بحركه قريبه ...عفس ملامحه وهو يشوف رونق واقفه وقدر ماسكه بيدها ! مط شفته بسخريه : وانا اقول علامها الدنيا اظلمت ! رونق رفعت حاجب بكره : اظلمت من سواد وجهك ! نايف ناظرها وهو يخزها بعيونه : تدرين بداخلي لك كره عميق وحسابات للحين ما صفيتها وقلبي مليان عليك من ليلة الزواج فاختصري افضللك! حست وجهها صار احمر من الغضب ...وقح بكل برود يتكلم ...ما عنده دم ! صدق وجهه مغسول بمرقه ...لكن هي تعرف ماضيه وتعرف ترد عليه ...ابتسمت وهي تمثل اللامبالاة : تصدق خوفتني ! ناظر هالقمر هذه ! اشرت على قدر لي تناظرهم باستغراب ...كملت كلامها بنغزات : تشبه الغوالي صح؟ ! مسكين كسرت خاطري لما سمعت عن قلبك المكسور ههههههه تصدق كلما اتذكر سالفة انك رحت تخطبها وطلعت من البيت مكسر ما امسك نفسي من الضحك هههههه اتخيل شكلك نهفه ههههههه شوفها ناظرها زين نفس شكل حبيبتك الجازي ...زوجة اخوك ما خلصت منك ولا كملت على ابنتها سبحان الله يمكن حوبة امي جاءت فيكم ولدكم يتزوج ابنة اخوه عقاب جميل يبقى ملتصق فيكم للابد ... وش فيك ساكت ؟ والا عند سيرة حبيبة القلب تنخرس وتبقى اسير للذكريات ..... تدري اكثر شيء يضايقني انه قدر يكون عندها اب ساقط مثلك ! تتكلمون على امي وظلمتوها بعادات وتقاليد ما تسوى حفنة تراب وجيتم تكملون علي بعاداتكم وتقاليدكم وتظنون نفسكم فووووق وانا القروية تحت ! تراكم فاهمين الحياة غلط تعرف افقر واحد بالقرية اشرف منك لانه ما يلعب بأعراض الناس. .....عشت بالقرية طول حياتي وانا احس بالأمان لانه ما عمره احد تعرض لي... اما هنا انا تدمرت حياتي بسبب عمي! شفت لاي حد وصلنا ؟ رجعت نطقت ببطئ تؤكد الكلمة :عمممي لا تجلس ورافع خشومك للسماء انت لو عندك ذرة دم ما ترفع رأسك ابد ! تتكلمون بالدين يجوز وما يجوز وانتم ابعد ما تكونوا عن الدين ! الدين تسامح ومحبة وسلام ما هو حقد وانتقام ....قلوب سوداء حاقده وش نرتجي منها ؟! ناظري يا قدر هذا البابا الي كنت تسأليني عنه ! نطقتها بنبره ساخرة .... رفعت حاجب وهي تهز راسها بالخفيف وهي تناظره : وش فيك منخرس ؟ تكلم ؟! نايف واقف يسمع كلامها وعيونه تتسارق للشخص الي واقف خلفها بعد ما أشر له يسكت ! ناظرها وهي تحثه على الكلام وعيونها تناظره كأنه حشرة ! همت بالتحرك ونطقت قبل ماتتحرك بنبره تحذير : اسمعني زين لسانك الي يتوعد ويلعلع ما يخوفني لا يغرك هدوئي ترى للحين ما اظهرت وجهي الثاني للحين محترمة لكن وقسم برب العزة اي كلمة او اي تهديد منك رح اتصرف تصرف ما يعجبك ...ومستعده اقتلك بدم بارد واعتبره تحذير لانه المره الجاية ما اتوقع تكون على قيد الحياة ! فابعد عن طريقي ولا تكلمني خير شر تفهم ! والحين انقلع عن الباب ابغى ادخل ! حك طرف حاجبه وهو مبسوط من داخله وهو يشوف ملامح ابوه الغاضبة من كلامها ..فتح فمه بطريقه مستفزه قبل ما يتكلم ..تقدم خطوة وجثى على ركبته بحيث يكون على مستوى قدر حتى يستفز رونق اكثر وتتكلم اكثر وبعدها يستلمها ابوه ههههههه شعور جميل لا يوصفه: انا بابا نايف كيفك يا قلب ابووووووك قبلها بطريقة قذره استفزت رونق بشكل جنوني ....دفعته برجلها بقوة ...ارتطم بالارض لانه ما كان جالس باتزان ....وبسرعه انهالت عليه بالشتائم : قدر ما تقرب منها يالقذر لاني ما اثق فيك وبصراخ تراها ما هي الجازي تفهم قذارتك تبعدها عن البنت ! هذه ما هي الجازي ! نايف رفع راسه عن الارض وجلس وهو يستفزها بملامحه بدون ما يشوفه ابوه ....وبنبره عاديه لكن ملامحه تتخرك بطريقه مستفزه مقصوده: احترمي نفسك ! انا ابوها واعمل الي ابغاه فيها ! وقسم برب العزة الا اخذها منك وتحلمين بشوفتها ! تحس استفزها بقوة ...قدر بالنسبة لها خط احمر ما رح تسمح لاحد يقترب منه ..وبدون سابق انذار اندفعت باتجاه نايف ومسكته من رقبته بقوة وبداخلها نيران تشتعل وبين عيونها كل الاحداث المريرة الي ذاقتها وتشتتها وضياعهابسبب نايف وجاي الحين يأخذ الشيء الوحيد الي خلاها تتمسك بالحياة ...حتى ينهيها للابد ..شدت اكثر بدون اكتراث لملامح نايف المختنقة ولا لجدها الي يصرخ عليها ويحاول يبعدها ولا على الي تجمعوا حولها ولا على قدر الباكيه برعب من هالمشهد .. كانت عبارة عن لبوة مفترسه تتصرف بدون وعي وعقلها يردد تقتل نايف وتخلص منه ! شدت وهي تصرخ : ما رح اكون مثل الجازي سرقتوا ابنتها وسكتت انا اذبحكم كلكم كلكم اشرب من دمكم ! اقترب بسرعه منهم سحبها بقوة عن نايف واول ما وقفت استقرت كف يده على خدها : مجنونه! دارت هالكلمة بعقلها وترددت بقوة « مجنونة مجنونه مجنونة مجنونة » ناظرته وهزت رأسها وكأنها فعلا مجنونه : ايه مجنونة ! تفل نايف وهو يتنفس بصعوبة ويتحسس حلقه بيدينه ويشتم رونق بنفسه ! تقدم جواد بغضب من بدر ودفه بعيد عن رونق وقلبه يشتعل نار كيف يمد يده عليها : ابعد يا بدر لا تخليني ابتلي فيك ..لا تتدخل ! وناظر رونق بغضب من تصرفها ....فوق غلطها ترادد : ادخلي داخل بسرعه ! ابو جواد بغضب تقدم خطوة بعد ما اطمئن على نايف : هذا الي قدرت عليه يا جواد ! عاجبك تصرف هالزفته ! فوق ما بدر انقذ اخوك من تحت يدين هالمجنونه تتكلم معه كذا ! وانت يا قليلة الحياء وش هالحركات هذه ! مسكت يد قدر ببرود بعد ما فرغت شوي من الكبت الي كانت تحس فيه ....تكلمت بهدوء ولا كأنها المجنونة المفترسة قبل لحظات : قول لولدك يبعد عن طريقي وعن طريق ابنتي ولكم ما تصير مشاكل لكن ان اعترض طريقي مرة الثانيه ما رح ارحمه ! سحبت نفسها ودخلت بهدوء متجاهله بعض الحريم الي واقفات يناظرن الموقف بصدمه !، ابو جواد نار مشتعله من تصرفات رونق ..وبغضب وهو يشد على اسنانه : وقسم بالله رح تندم ...والله الي رفع سبع سماوات لو يبقى عليها يوم وتتخرج ما تأخذ شهادة الزفت ! ناظر نايف وتفل بوجهه : مالت عليك رجال بشنب وحرمه تعمل فيك كذا !- ما اقول الا خسارة كلمة رجال عليك ! تركهم وتوجه للمجلس ! مسح وجهه نايف بقهر من كلام ابوه اهانه قدام الكل والسبب الزفته ! شد على قبضة يده بقوة ! جراح وصل على اخر لحظة لما بصق ابو جواد على نايف و بضحكه نطق : شامبووووووو للتخلص من الصلع ليه مسحته ! هههههههه ناظره نايف بغضب : انكتم افضل لك ! جواد اقترب من نايف بتحذير: هذه اخر مره احذرك قلت لك من قبل اذا كانت ابنتي باليسار ناظر لليمين لا تتعرض للبنت افضل لك تفهم والا لا ! بدر سحب جواد وابتعد فيه حتى ما تكبرالمشكله! نايف بعد ما غادر جواد نطق بغضب وقهر : الله يأخذ هالبنت من زينها مثل الغراب ! سعود سحبه من يده : اقول قوم بلا كلام فاضي ابعد عن المشاكل بس انت ما تسمع الكلام ! غادر اغلب الموجودين وما بقى الا الاخوة الثلاثه! راكان ابتسم بسخريه وهو يناظر جراح : هذه البنت الي كنت تبغى تخطبها ! افعال مشرفه صراحة ! شفت رقبة نايف بغت تذبحه هههه صدق مجنونة زياد ما تدخل هذه المره واكتفى بالمتابعة بصمت ...شراستها اكيد لها مبرر مستحيل تعمل كذا الا لشيء عظيم او انها انجنت رسمي وتفاقمت حالتها حسب كلام فياض انها بحاجه لطبيب نفسي! راكان يكمل كلامه : متى ما جهزت امورك نخطب لك بنت معروف اصلها وتربيتها واخلاقها وعزباء ما هي متزوجه وعندها عيال وفوق هذا مجنونة!، ضحك بسخرية: وين كان عقلك لما فكرت تخطبها ههههه صدق انك استخفيت ! ووضع يده على كتف جراح بابتسامة زياد ناظر راكان المسترسل بالكلام بطريقه ساخره :يكفي راكان ترى ما في شيء يضحك! راكان مط شفته بضجر وما يعجبه دفاع زياد عنها : بدأ محامي الدفاع زياد اقترب منهم خطوة .وبملامح منزعجة نطق : احترام لجواد ابو خطيبتك المفروض ماتتكلم كذا ! وانت يا جراح ....اصحى على نفسك يا جراح لو ما بقى على الأرض غيرها ماتزوجتها ...فابعد عنها وشوفلك مكان ثاني افضل لك ! راكان اقترب من جراح وتكلم بنبره خافتة ضاحكه : تخيل لو تتزوجها يوم الزواج اشر على رقبته بالقطع يقولون زوجة تقتل زوجها يوم الزواج ! زيادابعد راكان عن جراح والضيق مخيم عليه للحال الي وصلت له رونق هي احدى طالباته ويهمه امرها ما يبغى يكون مصيرها السجن ...المفروض تتحسن الامور للافضل ما تسوء اكثر من كذا! جراح ملتزم الصمت ما نطق حرف ....يفكر بالحدث الي صار ...هم ما يعرفون وش صار بينها وبين نايف حتى هجمت عليه ...ما لحق المشاجرة من بدايتها ...لكن راكان يقول بغت تذبح نايف واثار يدها على رقبته ....معقول انها مو طبيعية .لحظه فياض ذيك المرة لمح له بعد الزواج أراجع فيها عند طبيب نفسي بلع ريقه للحظة معقول انها مجنونة !، وش هالورطة الي ورط نفسه فيها ! الاغلب يطلق عليها لقب مجنونة حتى جدته البارحه كلمها تكلمت نفس الشيء وخايفه تذبحها بأي لحظه! غمض عيونه بعد ما ضاق تنفسه وكلام جدته يدور برأسه كانت تبغى تذبح لبنى بمشرط لولا إنه ربنا يسر زياد وانقذ الموقف بالوقت المناسب ! تعمق بأفكاره اكثر وهو يحاول يستذكر كلام جدته صفيه وزوجة خاله عنها ..«طول الوقت ساكته ما تتكلم بس تناظر الموجودين وكأنها تترصد بفريسه تنقض عليها » مجنونه مستحيل ما وقع الا بأسر عيون وحده مجنونة ! لازم يتعرف عليها ويقترب منها قبل ما يقع الفأس بالرأس ويتأكد من سلامة عقلها بنفسه ! رفع عيونه لما وضع راكان يده على كتف جراح: انت معنا! جراح بتسليك وعقله مشوش : ايه راكان خزه : وش اخر شيء قلته ؟! جراح يسمعهم يتكلمون بس ما يدري عن وش يتكلمون ...وبابتسامه حتى لا يجلب لنفسه الشك ..وبنبره مرحه تكام : قلت وش اخر شيء قلته ههههههه حرك حواجبه بملامحه الضاحكه ! راكان ضربه على كتفه بمزح :اقول امشي قدامي نروح نشوف عمي ابو جواد ! ** ** ضربت جبهتها من فرط الغباء الي فيها ..ما قدرت تطبق الكلام الي قرأته من التصالح مع الذات.المفروض تجاهلته وما ردت عليه ! مسحت دموعها بعنف ...ما قدرت تمسك أعصابها استفزهانايف بقوة ..... تحسست مكان الكف وحست بكره تجاه عمها ! وش هالتخلف ما يتعاملون الا بالضرب ! لحظة هي نفسهم ما تتعامل الا بالضرب والدليل هجومها على نايف للمرة الثانية ....جالسة تشتم نفسها فهي اكبر متخلفه بينهم! شتمت نفسها على الوراثة الي اخذتها منها ! اخذت نفس عميق تحاول تستعيد نفسها ....القول ما هو مثل الفعل يعني وقت شجارها مع نايف ما تعرف اسمها من شدة انفعالها فكيف تطبق هالقواعد الي قرأتهم ..تحس ضبط النفس اصعب من دراسة الطب ! رجعت اخذت نفس ثاني عميق ...رح تبدأ من جديد تحتاج وقت للتدريب على ضبط النفس ! فتحت الجوال وبدات تراجع الكلام وترسخه بذاكرتها حتى ما تنسى شيء ! ويسهل عليها الحفظ! كررت هالكلام وهي تحسه صعب جدا « عندما يزعجك أحدُهم تصرَّف حسب أخلاقِكَ لا بحسب أخلاقه، لا تردّ بسرعة وتصرَّف بحكمة، تنفَّس بعُمق، ثم حدّد أيّ القيم ستتصرف وفقًا لها، ثم امضِ في طريقك مُحاطًا برعاية الله.» اخخخخ منك يا نايف تتمنى للحين قابضه على رقبته ....هذا ما ينفع معه الكلام لازم ينطق طق طق طق دخلت ام جواد عليها وهي جالسه على الارض وتضرب بيدها الارض بقوة وهي تردد : طق طق طق ! توقفت رونق لما انتبهت لوجود ام جواد ..قفلت الجوال وتنهدت بصمت وهي تشجع نفسها وتذكرها انها تضبط نفسها مهما رمت عليها كلام ! ام جواد وزعت نظرها بين قدر ورونق ....قدر الطفله الي تناظرها بهلع وخوف ...ثبتت نظرها على رونق لما رفعت بصرها وناظرتها مباشرة ....عيون منتفخة من البكاء حول عيونها اسود ..بشرتها باهته .....بالرغم انه تصرفات رونق ما تعجبها وقلبيا تميل لنايف لانه ولدها حتى لو غلطان ما يطيب لها يصيبه اذى ....وبنفس الوقت لزوم تخفف هالتوتر بينهم يكفي فضائح قدام من حولها ..تقدمت بهدوء وجلست مقابل لها ..سكتت للحظات وهي ترتب الكلام الي بداخلها ..لتنطق بعد لحظات : اسمعيني زين ..انت حفيدتي ونايف ولدي وكلكم من لحمي ودمي،! لمتى هالنزاع بينكم ! فضحتونا قدام الناس ! رونق وهي عيونها مثبته على جدتها ....تحاول تتكلم بهدوء وتضبط نفسها ...وبصوت متألم نطقت وعيونها تلمع بالدموع : هو ما يتركني بحالي ! يرمي علي كلام بدون ما انطق حرف واحد ! وش يبغى مني بعد ما دمر حياتي قطعت كلامها وهي تحس صوتها رح يخذلها وتدخل في نوبة بكاء اخذت نفس بصعوبة ...وما كملت م تقدر تنطق بحرف واحد حتى ما تبكي قدامها ! ام جواد ناظرتها وهي تشوفها ماسكه نفسها بقوة ما تبكي ..وتفكر بكلامها صدق نايف دمر حياتها ....زفرت بضيق هالموضوع يوجعهاكثير وما تحب ينطرح قدامها ..... ما تدري وش تقول او تتكلم ....رجعت ناظرت رونق الصامته : ان غلط عليك كلميني كلمي ابوك او جدك ما رح نسكت له ! انت منا وفينا وما نسمح لاحد يمسك بالكلام ...ومهما صار يبقى نايف عمك ولزوم تحترمينه ! خلاص ننسى الماضي ونفتح صفحه جديده علشان هالبنت شوفي كيف مرعوبة .. تلقائيا ناظرت رونق ابنتها ومسحت رأسها بضيق ..تكلمت بهدوء : ما انتقلت عندكم حتى افتعل مشاكل ...كل الي ابغاه يبعد نايف عن قدر ! عفست ملامحها ام جواد وما عجبها كلامها...بس مضطره تسايرها حتى تحصل مبتغاها بتوقيف المشاكل ...وبداخلها جعل القرد يتلبسك تلميذة حنين وش رح تلقاها :-لا تنسي انه ابوها وما يحق لك تحرمين الطفله من ابوها! ناظرتها رونق بغت ترد مباشره ...اخذت نفس عميق حتى ترد ببرود ...رفعت حاجب ونطقت بنبره بارده تخفي خلفها نيران مشتعلة حاقدة : ابوها ! والله أفضل انها تعيش يتيمة على إنها تعرف انه ابوها ...شوفيه كم عمره ؟! تعدى الأربعين وشوفي حركاته وكأنه مراهق ...اي اب تحكي عنه هذه قدر قريب تدخل الروضة وهو ما عمره مسح على شعرها والا سأل عنها ؟! مصروفها نشحده منه وكأننا متسولين !!!- اعطيني شيء واحد عمله يدل انه فعلا اب ! هزت راسها تحث جدتها على الكلام :تكلمي قول شيء عن بطولات نايف ! مطت شفتها بسخرية بملامح بائسه : طبعا ما في شيء جميل ينذكر عنه بس شاطر يوقفني ويجلس يتمسخر ويتهدد ويتوعد فيني لا هنا اسمحي لي ما اسمح له يتعدى حدوده معي! ام جواد انتفخت ملامحها ...وش تقول وش ترقع عن نايف ...لكن هين تعرف ترد عليها : يبقى ابوها ! هذا انت رجعت لجواد ما اشوف عمل لك شيء !- الاب حتى لو كان سيء لزوم البر وما يحق لك تعصيه ...يا ليت تربي البنت على البر ...والحين غسلي وجهك وتعالي معي الكل جالس برا ما ابغى احد يتكلم علينا .وضعنا تمام وامورنا طيبة ومشاكلنا نحلها بين بعض ! تكلمت ام جواد تحثها على النهوض لما شافتها للحين جالسه : يلا تحركي ! زفرت رونق ونطقت الحين الحقك قاطعتها ام جواد بتآكيد : لا تتآخرين ! وقفت رونق وهي تحس انها أنجزت شوي ..بداخلها تراكمات لوفتحت لنفسها الطريق كان مسحت بجدتها الارض...اخذت نفس عميق وهي تردد بداخلها حبة حبة حبة! هي مقتنعه انه المفروض قدر تتعايش مع ابوها لكن تحس انهنايف ما يستحق لقب الابوة ! غسلت وجهها ....اخذت نفس عميق بعد ما غسلته ...عدلت الشيله والعباية دوم تكون مرتبه بالرغم من بساطة لبسها لكن مع المشاكل الي واجهتها ما عادت تهتم ..ناظرت قدر وغصبت نفسها على الابتسام : الحين تلعبين مع الاطفال قدر هزت رأسها بصمت وبداخلها تشتت من كل شيء حولها .... توجهت للخارج بخطوات هادية ومحتضنه تحت كتفها كتاب متوسط الحجم ....ناظرت تجمع الحريم يناظرونها ..رفعت نظرها للبنات يلعبن كرة طائرة وصوت صراخهم وحماسهم والضحك واضح .... نزلت على مستوى قدر واشرت على البزران : روحي العبي معهم انا جالسه هنا انتظرك واشرت على الحريم ! ناظرت امها بتردد ..لكن سرعان ما تحركت لما مسحت على شعرها تحثها على الذهاب ! تحركت قدر لجهة البزران ...بعدها تحركت رونق باتجاه الحريم ..ردت السلام بهدوء متجاهلة النظرات عليها ...جلست مبتعده بحيث ما يكون احد جنبها لكنها قريبه منهم اي شيء يقولونه تسمعه ! سلطت نظراتها على البنات وهي متربعه على الأرض تحضن الكتاب الى صدرها بقوة وكأنها تستمد القوة منه ! ام ناصر ناظرتها وهي منعزله عنهم وتناظر من حولها بصمت كئيب ....بطبعها ما تحب الظلم ولا تحب تشوف احد كذا لكن رونق اجبرتها تتعامل معها بذي الطريقه من تصرفاتها المجنونة ! تنهدت ونطقت بهدوء : رونق التفتت رونق بهدوء لام ناصر والحريم يناظرونها: تشربين قهوة ،شاهي قاطعتها رونق بطريقه لطيفه وصوت رقيق نبرات الحزن واضحه فيه : مشكورة يا جدتي ما ابغى! ما قدرت تبتسم فصدت بوجهها تراقب لعب البنات ! قطع عليها متابعتها جوالها اتصال امها ....ابتسمت رغما عنها والدموع اخذت مجراها ..صدت عنهم حتى ما يشوفها احد ...وتحركت مبتعده عنهم وهي تكلم امها ....اشتاقتلها ورح تزورها اول ما ترجع من هنا! ** ** ** جراح ناظر عمه ابو جواد وهو للحين غاضب وما نطق بحرف واحد ناظر اياد وهو رافع شعره شبر لفوق تكلم بابتسامة : وهذا علام شعره واقفات كذا وكأنه قطو خرعهن ! اياد عفس ملامحه وباستعلاء رد : هه هه ما تضحك ..وش يعرفك بالموضه! انت خليك بسيارتك الخرده احسن لك ! ضحك جراح ورفع حاجب : وش فيها سيارتي ما هي عاجبيتك! رد اياد بغرور: لو انقطع بالصحراء وما في غير هالسياره اا اخلي كلاب الصحراء تاكلني ولا اركبها تراها تفشل جراح بضحكه : لا تخاف الكلاب ما رح تقرب منك من ريحة عطرك كأنه دواء صراصير ليث ضحك : بهذه صدقت ههههه! جراح : حتى لو ما تعطرت ما رح يأكلونك لانهم ما يبغون نكاشة اسنان هههههه غيث ابتسم وهو يناظر اياد الغاضب وجهه احمر: يااخي ليه انت ضعيف وكانك قلم بيك فاضي هههههه اياد وقف بغضب : اصلا انتم تغارون مني سعود ما له مزاج متعكر بسبب ابوه للحين غاضب : اياد اطلع من هن دام النفس عليك طيبه! اياد طلع لما شاف ملامح ابوه الغاضبة ....وخلفه لؤي طلع ! راكان رفع نظره على جراح وغيث يتهامسون ويضحكون بخفوت هز رأسه وابتسم لاخوه دوم مبتسم انسان مريح اول ما تناظره تحس بالارتياح ! مستحيل يخليه يدمر مستقبله ويتزوج المجنونة النكديه ...لازم يشيلها من امام جراح قبل تخرجه ...باقرب فرصة رح يسعى بامر زواجها ...المشكله عائلتهم ما تزوج البنت غريبه ! لحظه! مر بخياله ابو رائد ولد عم ابوهم ارمل عمره 45 مناسب لها جدا ...الحين ما بقى عليه الا يرسم خطة ويزوجها منه ! هز رأسه وهو مقتنع بالفكرة اهم شيء يبعدها عنهم باي طريقه ! * ** **** ** ** تمشي وهي تكلم امها ..تحس بداخلها فراغ كبير وجلسه تملئ فيه عن طريق كلامها مع امها ! _ طيب انت ومريم ما جلستوا مع بعض ؟! مطت شفتها بروح ميته ...هي ومريم ابعد ما يكونوا عن اخوات ...تشك انها شق التوأم لها ....تسمع انه التوام يكون بينهم تواصل عميق ...لكن تحس بينها وبين مريم كره عميق .....ردت على سؤال امها بمراوغه ما بغتبغى تشغلها بمشاكلها الي ذاقته الجازي بحياتها كافي وزيادة :الكل هنا يجلس مع بعضه الجازي بتأكيد: مهما صار تبقى اختك والمفروض تكونوا مع بعض قلوبكم على بعض ! قاطعتها رونق بسخرية مبطنه : ان شاء الله يمه ! انت لاتشغلين بالك حنا بخير وتأكدي دوم إنك اغلى شيء علي بالعائلة الجديدة ! الجازي مسحت دمعة نزلت غصب عنها رونق بدأت تستجيب معها وتحسسها فعلا انها امها وما نسيتها لما راحت لاهلها ..تكلمها وترسل لها رسائل ...عكس مريم القاطعة حست بقلبها غصه بقلبها من جفاء مريم ...لكن وجود رونق معها يكفيها على الاقل .رددت من قلبها : الله يرضى عليك .... بعد وقت قفلت الجوال لما انهت المكالمة مع امها....تنهدت وهي تناظر السور العالي أمامها .... وعقلها سارح بعالمها بشتات ....نقزت لما سمعت صوت خلفها : رونق التفتت وصوته اصابها برجفه ..وش يعمل هنا ...رجعت خطوة للخلف تلقائيا وقلبها يدق بقوة! جراح التفت حوله يتأكد ما في احد تكلم بنبره هاديه وعيونه مسلطه على عيونها المرتبكة ...تجذبه لمعة ما يدري وش سببها بعيونها : كيفك رونق ء؟، تكلمت بصعوبة وهي تهم بالرحيل : الحمد لله ! وقفت لما نطق بسرعه : انتظري ابغى رقمك ردت بدون ماترد وهي تحس برجفه بكل جسمها ..ما تبغى احد يشوفهم يحط فيها الشينة : الاتفاق مجرد عقد قاطعها باقناع : هذا العقد من اشرف العقود وموثق بالمحكمه وما هو حرام ولا عيب اكلمك انت خطيبتي ! حست بضيق كتم انفاسها وشعور الخزي يرفرف حولها ..تحس نفسها وكأنها متزوجه بالسر والدس او زواج مسيار ....احتقرت نفسها على الخطوةالي عملتها ..المفروض تواجه الكل وما يهمها احد المهم يكون كل شيء علني وما هو بالدس! تحركت متجاهله صوته الخافت وهو ينادي عليها ! ضرب جبهته بعد ما ابتعدت عنه!، ليه اخل بالاتفاق ! شيء داخله يجذبه ختى يتعرف عليها اكثر ...خطيبته وحلال عليه .. وقف بصدمه لما شاف زياد واقف قدامه ويخزه بقوة : وش تعمل هنا! زياد الي لمحه بالصدفه واقف مع رونق لكن صوتهم ما يوصله ...تنحى جانبا حتى ما يشوفوه والف علامة استفهام فوق راسه ! جراح بلع ريقه وبابتسامه عبيطه :-اتمشى ! زياد اقترب منه وهو يقرصه بعيونه بقوة : وش كنت تعمل عند رونق ؟! جراح باتقان يمثل الجهل : رونق ؟! مين رونق؟! زياد بحده :لا تتخوث رونق بنت جواد جراح رفع حواجبه بتمثيل متقن للصدمه : الحين الي من كنت واقف معها رونق ! حك راسه وهو يمثل الصدمه : معلومة جديدة ! زياد ما هو مصدقه سأله وهو يخزه : وكيف بغيت تخطبها وانت ما تعرفها ! جراح هز كتوفه ببرود : ما اعرفها انا لما سمعت قصتها يمكن تأثرت بداخلي وتعرفني بطبعي العاطفي وشهامتي فكرت لو اخطبها و أعيشها بسعاده ...هذه كل السالفه ! زياد يعرف جراح بطبع قلبه رقيق ويرق على الناس بسرعه ...تكلم بنصح : في مواقف مثل ذي ما ينفع الرقة والشفقه لانه ببساطه الزواج له اسس واركان ما ينبني على الشفقه ! جراح تنهد بقلبه وهو يقول بنفسه بلاك يا اخوي ما تدري اني وقعت بشباكها ..وبتسليك رد : اكيد قاطعه زياد بتحقيق : وش كنت تقول لها ؟! جراح رفع عيونه للسماء وبداخله « يا ليل ابو لمبة » : شفتها واقفه تتكلم بالجوال قلت لها هنا مكان الرجال ومكان الحريم هناك ! لا تحسسني اني بزر تراني كبير واعرف اتصرف لوحدي زياد هدات ملامحه : ادري انك كبير وواعي لكن تبقى بعوينا الصغير ونبغى مصلحتك !- ابتسم جراح وبداخله لو تدرون اني ملكت عليها ...ا قدر يمسك نفسه وهو يتخيل الموقف وانخرط بموجة ضحك عاليه وزياد يناظره باستغراب ! * ** ** ** مرت ايام العطلة ببعض الأحداث طردتهم رونق من افكارها ما تبغى تعكر صفو راسها...اليوم عندها دوام بالجامعة ....حاولت بكل جهدها ما تلتقي بوعد ! رفعت نظرها للبنت الي جالسه جنبها :معك قلم ؟! رونق ناظرتها للحظات حتى استوعبت السؤال : لا البنت ابتسمت كل هذا تفكير بالإجابة ! هزت رأسها رونق بروح ميته ...ومدت لها قلمها : خذي ردت باعتراض : وانت ؟! رونق بهدوء : ما احتاجه ! اخذت القلم وابتسمت بنعومة : انا روعة ! رفعت حاجب رونق باستغراب: بس انا ما سألتك عن اسمك ! امالت راسها روعه بكوميديا بعد ما فشلتها : قصفتي جبهتي ! يا اختي جامليني ! وضربتها بمرح على كتفها كتمت النفس رونق للحظات لما ضربتها ..ناظرتها بشويش وبتحذير : لا تعيدين هالحركة ! ضحكت روعه بنعومه : انت مثل امي جديه كثير ههههه دوم تمسح فيني الارض وتقول اعقلي يا بنت ! بالرغم اني البكر الا اني حاطه المر بحلقها ودوم شجار بيني وبينها ..عقولنا ما تتفق ! رونق تناظر روعة تتكلم بكل أريحية عن حياتها وجمال صوت ضحكتها يجبرها تناظرها وتسمع لها ....رفعت حاجب بفضول ونطقت : وابوك بينكم مشاكل ! ابتسمت روعه وضربت على صدرها :وااااااا يا جبدي ترى امي وابوي باطين جبدي بغرورهم ما ادري ليه شايفين نفسهم فوق ! تدرين لو بغيت اكلم حضرت الوالد ....ادخل عليه او يكون جالس بالصالة وماسك الكتاب كذا ...قلدت روعه طريقة جلوس ابوها طبعا معقد حواجبه والنظاره واصله هنا واشرت على انفها...اقوله بابا يا حبيبي ربي يخليك يقاطعني ويحسسني وكأني اتكلم مع اكبر مدير شركه بالعالم ينطق وهو رافع خشومه للسماء : اختصري الموضوع بثلاث كلمات فقط ! تخيلي كيف اختصر الموضوع بثلاث كلمات ....ضحكت بخفه تدرين اذا قلت له الموضوع طويل وما اعرف اختصره بثلاث كلمات يرد علي ويقول : انا اختصره عنك الموضوع طلوع عند بنات عمك مافي ! انتهى الموضوع اففففف يرفعون ضغطي ماما وبابا ان قالوا لا يعني لا اما عماد يا اختي كلمته سحر عليهم ! دخلت طالبه وبصوت مرتفع تكلمت : بنات ما في محاضرة تنهدت روعة براحه : الحمد لله ! اصلا ما لي مزاج احضر شيء ! عندك شيء الحين ؟ وش رأيك نجلس مع بعض ؟! كانت رونق رح ترفض ..بس وافقت لما شافت وعد دخلت القاعة مع شلتها ...ما لها خلق تعلق معها ! جمعت اغراضها وتكلمت بسرعة قبل ما تلحظ وعد وجوها : الحقيني ! استغربت روعه خروجها السريع ..جمعت اغراضها وتوجهت خلفها بخطوات سريعه ..تنفست بتعب لما وقفت رونق وناظرتها : انتظري قطعتي نفسي ! اخذت نفس عميق وابتسمت: يلا يا حلوة وين نروح الحين ؟! رونق بهدوء: للمكتبة مكان هادئ ومريح باغتتها روعه بضربه على كتفه : مكتبة بعينك ...انا ما صدقت القى احد اطلع كل الي بقلبي وانت تبغين تكتميني بالمكتبة ! وش رايك نروح على مكتب جدي نسلم عليه تراه دكتور هنا ! رونق رفعت حاجب : جدك !، روعة هزت راسها بانتعاش : ايه جدي ما درست عنده الدكتور نايف ؟! عفست ملامحها رونق بقرف من هالاسم : والي يسلمك امشي قدامي تراك لوعتي كبدي! ضحكت روعه بنعومة : امزح معك تراه مثل امي و ابوي شايف نفسه واذا شافني يا لطيف يبدا انتقادات فيني ! رونق بنفسها شكله كل واحد اسمه نايف نفسية ! روعة مسكت يد رونق : تعالي نجلس برا الكلية نتعرف على بعض ! توجهت معها بهدوء والتزمت الصمت روعة وتمشي باتزان وعيونها بالارض بكل ادب ! ابتسمت رونق وهي تشوف الادب نزل عليها لما مروا من جنب بعض الطلاب ! اول ما طلعوا من البوابه نزلت نظرها رونق وقلبها يدق بقوة لما التقت عينها بعين جراح ...تلقائيا شدت خطواتها وتحس قلبها رح يطلع من مكانه .....تحس وجهها احمر ... روعة شدت خطواتها حتى تلحق عليها ...مسكتها من كتفها : يا دبه علامك طرتي وكأنك دجاجه هاربه من خم الدجاج ! زفرت رونق بعد ما وقفت وقلبها للحين يدق بقوة ....ناظرت روعة بهدوء: وين نجلس!، روعة ناظرتها بشك وتغاضت عن الموقف: تعالي نجلس هنا ! جلست رونق وقلبها يدق بقوة ما توقعت تشوفه هنا! روعة جلست بمرح بعد ما وضعت أغراضها على جنب ..وبابتسامة عريضة بانت من عيونها: خليني أبدا اعرفك بنفسي يمكن تعجبك مواصفاتي وتخطبيني لاخوك والا عمك او خالك او حتى ابن الجيران انا موافقه عليه ! زفرت رونق بضجر : يا حبك للثرثره والكلام الزايد ! روعة ضحكت : علشان كذا حبيت اصادقك احب تكون صديقتي هاديه وانا الثرثاره لاني ما اعرف اسكت ابدا ! رفعت نظرها رونق بضجر : يا لطيييييف! روعة بضحكة قصيره :-خلاص الحين ادخل الموضوع بس لا تدفيني ! انا اسمي روعة ..اول سنة طب ...اكره هذا التخصص درسته غصب عني ! حلوة وحساسة ورقيقة وقلبي ابيض من الحليب ضحكت رونق من قلبها على هالمخلوقه :-صدق انك مو طبيعية ! لا حول ولا قوة الا بالله ورجعت تضحك ودموعها تنزل من الضحك ! روعه رفعت حاجب : وش فيك تضحكين ! رونق وهي تمسح دموعها ....اصعب شعور لما يكون بداخلك تراكمات وعلى اتفه سبب تضحك ودموعك تنزل من الضحك ...ما نزلت هالدموع الا لما توصل لحد دموعك تنزل لاي سبب : اول مره اشوف احد يعرف نفسه كذا ! تكتفت روعة : تفضلي عرفي بنفسك اشوف كيف رح تعرفين ! رونق اخذت نفس بعد هالضحك وهي تحس قلبها يوجعها : اسمي رونق روعة باعتراض : لحظة بس الدكتور ذيك المره قال اسمك لحظة نسيت ! رونق بهدوء: اسماء اسمي بالبطاقة اما بالاحوال العادية ينادوني رونق روعه قاطعتها : خليني احزر ! ابوك يبغى اسم أسماء على اسم امه وطبعا امك اعترضت تبغى اسم رونق واكيد ابوك غصب عنها سجلك اسماء طبعا امك ما سكتت له واصرت انه يبقى اسمك رونق وصاروا ينادونك رونق !، كيف ذكائي ؟! صح كلامي! ناظرتها رونق للحظات وبعدها نزلت نظرها على يدينها ..اخذت نفس وبعدها رجعت ناظرت روعة الي تحثها على الإجابة ...ردت بمراره : يمكن كذا ! واكتفت بالصمت ! روعة استغربت سكونها ...رفعت حاجب : طيب كملي تعريف بنفسك؟! رونق بدون نفس : سنة اولى مثلك بقسم الطب ! التعارف مع الايام بيكون روعة ابتسمت : صحيح مع الايام ! كيف الدراسة ؟! رونق ابتسمت لها تغبطها على حياتها ..تحسها انسانه مفعمه بالحيوية ...ردت وهي تلعب بأظافرها : الحمد لله روعة بضجر : اكره الدراسة بس اهلي حاطيني بطنجرة ضغط ...كل شيء ممنوع ادرسي ادرسي اكلوا راسي !- امي ما تبغاني انشغل بشيء عن دراستي ! رونق ابتسمت لها بمراره ...عكسها ما تلقى تشجيع واهتمام ممن حولها بدراستها ...ما تلقى احد يهتم بادق تفاصيلها ...امها سؤال عابر تسأل عن الدراسة كل اهتمامه اذا كانت مرتاحه او لا ..تكلمت بهدوء: يبغون مصلحتك روعة بسؤال عابر : انت امك تحاصرك بالدراسة وتقفل عليك الباب حتى ما تهربين من الدراسه ! فتحت عيونها باستغراب من تصرف ام روعه : طبعا لا روعة هزت راسها : ابغى اتعرف على امك خليها تجلس مع امي وكاد تقنعها انه الدراسة مزااااااج ! امك تشتغل ؟! رونق ردت بابتسامة ميته : امي مو هنا مسافره ! روعة فتحت فمها : اها وكم رح تجلس هناك يا حظك عيشي حياتك لا سائل ولا مسؤول! ابتسمت على تفكيرها الطفولي ....ردت وهي ترجع ظهرها للخلف : امي عايشه برا ب ..... بانفعال روعه: يا حظكم واكيد مع ابوك وانتم هنا عايشين حياتكم بدون قوانين ! طيب كيف تركتكم ؟! رونق بضيق من هالسالفة : امي وابوي منفصلين روعة حست على دمها و بضيق من نفسها : اسفه اسفه والله ما كنت اعرف ..اسفه اذا ازعجتك قاطعتها رونق بلامبالاه : عادي سكتت روعة للحظات : وش رايك بدكتور المادة ؟! وغيرت مجرى الحديث وهي تحس نفسها غلطت واحرجتها بالكلام ! ** *• ** كان داخل للكلية وحس دقات قلبه تدق بقوة لما التقت عيونه بعيونها ! تنهد بحياته ما شاف بجمال عيونها ...معقول يكون اسير عيون بدون ما يعرف شكلها ! ناظر خلفه ووقف يناظرها وهي تغادر وكأنه احد يلحقها بعصاه ..يتمنى يجلس معها ويتقرب منها ويتعرفوا على بعض ..لكنها رافضه بقوة ! ما يقتنع بالكلام الي ينقل عنها...انسانه هاديه ما عمره سمع صوتها طالع وهو عند جدته ! ولا كأنه احد بالبيت..تمشي بأدب....يحس أخلاقها عالية جدا ! متى يعلن الخطوبة ويلتقي فيها ! سنة طويله حتى يعلن الخطوبة ...وهو جالس كذا لازم يتعرفون على بعض ! كيف ! ** ** ** ** دخلت البوابة الكبيره وهي تكلم امها : دوبني رجعت من الدوام ! .........الحمد لله .....متى طيارتكم ؟؟؟......وانا اشتقت لك ....الله يسلمه ..ان شاء الله ....مع السلامه قفلت الخط وتابعت دخولها وهي تشوف راكان طالع من بيتهم ....عفست ملامحها بقرف..دخلت البيت وابتسمت لما شافت قدر ركضت عليها ..قبلتها برقه ... التفتت على ام ناصر جالسه بالصالة مع ابو جواد وقفت بهدوء وتكلمت : اسفه ما انتبهت عليكم ! ابو جواد هز راسه بتوعد : انصحك من الحين لا تتعبين نفسك بالدراسة لانه على جثتي ما تأخذين الشهاده فلا تتعبين نفسك ! تحس بداخلها اشياء تتكسر ...بدل ما يشجعها يحطمها ...ردت بهدوء عكس داخلها : اذا لي نصيب اكمل رح اكمل ! جدتي تبغين شيء! ابو جواد مط شفته وما عجبه ردها : اقول اعملي لي شاهي يمكن يكون عندك شيء فالحه فيه ! ام ناصر ناظرتها وحزنت عليها : ارتاحي انت والشغاله تجهز ابو جواد بجكر : لا هي تعمله ! رونق بلامبالاة : اصلي واجهزه توجهت للغرفه مطنشه غضبه وهو يطلب منها الحين تعمله ! انتهى البارت انتظروني يوم الخميس بإذن الله ....دمتم بخير | ||||||
|
| |
|
24-07-20, 01:22 PM
| #47 | ||||||
| مشرفة منتدى الروايات المنقولة
| مساءالخير للجميع ...بالنسبة للبارت كنت مخططة انزله قب الموعد الثلاثاء او الأربعاء لكن دائما مخططاتي تفشل :/ بارت 21 في اليوم الثاني اخذت نفس عميق ...وزعت نظرها بأرجاء الغرفه وبعدها نطقت :انا ما اعيش مع زوجة اب بنفس المكان قاطعها وبدأ يعصب من عنادها : وش فيها ام عبدالله ! هذه مريم عايشه معها وما تعتبرها الا امها ! انا ما قصرت معك نفذت رغبتك بالبداية ما تعيشين مع نايف بنفس البيت ...وكل يوم اكثر من مره امر عليك اتأكد اذا ناقصك شيء غير المكالمات ..بس انت بنفس الوقت راعي وضعي ما اقدر كل شوي امر بيت جدي ! يكفي ضغوطي بالشركة ! رفعت حاجب بتساؤل تغير موضوع انتقالها: وش فيها الشركه ؟! مو تقولون ساعدك راكان من الافلاس ! مط شفته بقهر : تظنين هذه المره الاولى اتعرض للإفلاس ما ادري كلما تنفتح معي الدنيا فجأة ألقى نفسي على وشك الافلاس ....يمكن هذه المرة الرابعة يخرب كل شيء ....وانتم صغار كنت مشترك مع صديقي وربي يسر لي اخو ام راكان المحامي راكان وساعدني والا كان دخلت السجن...وكلما افتح مشروع خاص فيني فجأة كل شيء يتخربط واخسر ..قبل فترة رجعت وعملت شراكة مع واحد اعرفه وربك ستر ويسر لي راكان ساعدني ذيك المرة الي تقولين عنها ربك ستر ....بعدها رجعت اشتغل مع ابوي لكن بنفس الوقت رجعت افتح لي مشروع خاص فيني ! قاطعته رونق بصراحه : سامحني بس اتوقع الخلل بالموضوع واضح مثل وضوح الشمس،! عقد حواجبه باستغراب كيف عرفت الخلل وهو صاحب الموضوع ما عرف ....معقول طلاب الطب عباقرة يعرفون تحليل الامور ببديهة وذكاء وبتساؤل : وين الخلل ؟! رونق ببساطه نطقت بابتسامة ساخرة : الخلل فيك انت ما تعرف شيء بالتجارة خليك موظف عادي ولا ترفع راسك فوق بلاه ينكسر قاطعها بحده : بنت ! تراك تكلمين ابوك ! تفضلي إسألي عن شغلي وذكائي وبعدها اجلسي تفلسفي بكلامك مطت شفتها ببرود : وليه اسأل والذكاء عندك واضح بإدارة مشاريعك ! خزها بقوة : رح اعمل نفسي ما سمعت شيء!، رونق رفعت حاجب بتفكير : عندي سبب اتوقع انه سبب قوي لهذه الخسائر ! ناظرها ينتظر كلامها : ايش هو ! ردت وهي تتكلم بثقه : تنام عين الظالم وعيون المظلوم لم تنم! امي للحين ما سامحتك وتدعي عليك بصلاتها اكيد هذه حوبتها ...حرقت قلبها على ابنتها والحين انت قلبك ينحرق على فلوسك !، انا اقول لزوم تكلمها وتعتذر منها وتطلب منها السماح قاطعها بغضب : ترى ما بقى شيء معك تتكلمين فيه ! انا اعتذر قاطعته وهي توقف : ايه اعتذر وين المشكلة ؟ ترى مو غلط الانسان يعتذر ان غلط بحق غيره قاطعها بذهول : تراك انجنيتي رسمي وما بقى معك شيء تقولينه! بما انك تعطين دروس تفضلي لنايف واعتذري على تهجمك عليه قاطعته بقوة : انا ما غلطت عليه هو الي بدأ ويستحق اكثر من كذا ! هز رأسه بتعجب من اندفاعها ... وبانتقاد : اشوف ما بقى الا تضربيني ! تنفست بعمق ورجعت جلست على السرير بضجر من كل شيء حولها ...بعدها نطقت بهدوء : اعذرني للحين ما تعودت على إنه لي اب ولازم احترمه ختمت كلامها بابتسامة ساخرة ! حرك شفته بعدم اعجاب لكلامها لينطق بنفس النبرة الساخرة : ومتى ان شاء الله تتعودين ! ردت لما وصلت لمربط الفرس ...وبنظرات قوية : لما تتعود انه قدر حفيدتك وقتها رح تلاقيني ابنتك ضحك بدون نفس وملامحه عابسه بتعجب : ليه تلفي وترجعي لنفس السالفة ما احد قال شيء لقدر شايفيتني طول اليوم اضرب فيها قاطعتها بقهر وعيونها تلمع بالدموع : ليه الاهتمام عندك انك ما تضرب الشخص قدر تفتقد الابوة تفتقد رجال من حولها تلتجئ اليه ..تشوف كل الي حولها ينادون بابا جدي عمي الا هي ما احد يطالع بوجهها ولا بيهتم فيها وكأنها نكره قاطعها بضجر : عقلك هذا المريض يطلع كلام ما له وجود قاطعته بحنق من رده : الا له وجود ...لا تنكر ! دخلت قدر الغرفة ببراءة وهي تناظر جواد بتردد ! مط شفته بسخرية ...وهو يفتح يدينه : تعالي يا حبيبة جدك قاطعته وهي توقف بقهر .. تحسه جالس يمسح بمشاعرها الارض بسخريته ...وبنبره غاضبه : يكفي ...لا تتمسخر انا قاطعها بقوة اكبر وهو يوقف ويقترب منها بتهديد : انت الي يكفي ! احترمي مشاعري انا ! وقفي لو مرة وحده مع الحق واشعري بشعوري ! جلست مع امك وملأت راسك بأفكار واشياء ما لها وجود ! اسمعي مني انا ابوك ! بس هالمرة حسي بشعوري لما اتزوج بنت ما ابغاها غصب عني ! هذا انت حاقده على نايف بقوة بسبب زواجكم ...ليه ما غفرت له هالاخطاء ؟! والا انا ملاك نازل من السماء ابلع السم واسكت ! تحسي بشعور انسان مخطط يتزوج فتاة ورسم احلامه معها وفجأة تتلاشى احلامه ويتم النصيب مع فتاة ثانية عكس كل المواصفات الي ابغاها قاطعته بدفاع : ترى امي تسوى زوجتك بالف مرة انسانه تحمل قلب طيب وهذا يكفي !، جواد عيونه تشتعل نار وهو يشوف دفاعها عن امها بقوة وهو ولا كأنه ابوها : وين القلب الطيب وانت تقولين تدعي علي بكل صلاة قاطعته وملامحها منتفخة من الانفعال : دعوة مظلوم ! رد بنبرة اعلى تحمل الغضب والقهر : مظلومه ! ليه سمعتي مني حتى تقولين مظلومه! ردت تنهي النقاش ما تبغى الحين تزيد المشكلة اكبر من كذا : مهما كانت افعالها ما تسوغ لك تحرمها من ابنتها هذا فعل اجرامي ما يتصل بالانسانية ولو واحد بالمئة ! مط شفته باستهزاء: اسمعوا مين يتكلم ! هذا انت حرمتي نايف من ابنته يا ام الانسانية ! ردت باندفاع : نايف مختلف ما يستحق يكون اب قاطعها بقوة وهو رافع إصبعه يؤشر عليها : وامك انت ما تستحق تكون ام ...الي ما حافظت على بناتي ما تستحق الامومة ! انا بداخلي نار تحترق كلما اشوفك النار بداخلي تلتهب ....مستقبلك ما احد دمره الا امك ! شوفي الى اي حد وصل وضعك كله بسبب اهمال امك ! دوبك 18 مطلقه من عمك ومعك بنت ...قولي لي تكلمي بسبب مين ؟! مييييييين ! دمرت مستقبلك وهي عايشه حياتها ومبسوطة وانت ؟! لا تدافعين عنها وهي اكبر وحده ظلمتك ! ناظرته وهي تتأمل ملامحه الغاضبه وجهه احمر من شدة الانفعال .... يبغى الحين يستخدم معها اسلوب غسيل دماغ مثل ما عمل مع مريم ! يبغى يرش الملح فوق جروحها .....ليظهر لها انه سبب الجروح امها فقط ! كل الناس بريئة وامها المجرمة ! جلست بروح ميته لتنطق : هي وش ذنبها اذا الناس ماتت ضمائرها ! لا تحاول تغسل عقلي بكلامك ترى انا مو مريم كلمتين وينضحك عليها ...انا طالعة لاهل ابوي مجرمه قوية متمردة عنيدة ثعلب ماكر ما تمر علي الامور كذا بذي السهولة ! تدري المفروض درست محاماه لاني اكتشف اني مثلكم بالضبط وتناسبني هذه المهمة بالضبط مثلي مثل راكان ! راكان الثعلب الماكر قدمت له ابنتك على طبق من ذهب ...لو كنت تحب مريم ما قبلت ترميها لهذا الثعلب المحتال ! بس ما تقدر ترفض وهو منقذ مشاريعك من الافلاس ! رفع نظره للسقف ل ثواني يصبر نفسه : الحين راكان ما هو عاجبك ! لله في خلقه شؤون ! اقولك قومي تأخرنا على الغداء ...إخوانك ينتظرون مطت شفتها بسخرية : اخواني ! انا ما رح اروح اختصار لكل شيء ...اترك كل شيء للزمن يمكن مع الايام تهدأ النفوس ! زفر جواد بقهر من عنادها : يا صبر ايوب ! رونق توجهت لقدر الي واقفه تناظرهم بضياع ! مسكت يدها بتشجيع : تعالي سلمي على جدك جواد! جواد ما يحب يشوف هالبنت لانه يتذكر قصة هالزواج ! ناظر قدر وعيونها تنذر بالبكاء ..سبحان الله وكأنها الجازي ! نزل لمستواها حتى يكسب رونق بصفه ...مسح على راسها: كيفك يا قدر ! التصقت بامها وهي توزع نظرها بينهم ! تكلم بمجاملة : تعالي معي تلعبين مع قطع كلامه وهو يشوف قدر انفجرت من البكاء ودفنت راسها بحضن امها ...ورونق تمسح على شعرها بحنيه: لا تبكي يا قلبي ! هز كتوفه باستغراب : وهذه علامها كذا ! رونق مطت شفتها بسخريه : وكأنك ما شفت ملامحك وانت تتكلم ! جواد زفر بضيق : ابنتك مستوحشه من هالعالم هذه مشكلتها ما هي مشكلتي ...مع الايام رح تتعود علينا ! لا تجعليها انطوائية باكر تدخل بحالة نفسية صعبة ....لزوم تتعايش مع الي حولها ! انا الحين طالع تبغين شيء،! ناقصك شيء! ردت وهي تطبطب على ظهر قدر : مشكور ! ** ** ** ابو جواد باعتراض : ما رح تكمل على جثتي! لواخر يوم الا تنسحب اوراقهامن الجامعة ! ما ادري انت وش فيك تغيرت كذا ! جواد بضيق من هالموضوع الي يكرره ابوه : يبه ترى ما فيه شيء هالتخصص قاطعه بغضب : انا مو ضد التخصص الحين انا ضد دراستها كلها ! ابنتك اذا تخرجت رح تتمرد عليك اذا قبل ما تدخل العشرين جرجرتك بمراكز الشرطه ...باكر ان صارت دكتورة مين يقدر لها ! رح تنجبر تنزل راسك لها غصب عنك بدل الفضائح ! اسحب اوراقها من الحين قاطعه بهدوء : ما رح احرمها من دراستها يكفي انها انحرمت من عائلتها وفوق هذا ذاقت المر من الفقر وسالفة نايف تبغى ادمر اخر شيء جميل بحياتها ! ابو جواد مط شفته بسخرية: ضحكت عليك بكم كلمة ! كلمك راكان علشان العريس رد بغضب وقهر من استنقاصهم لرونق: يروح يزوجه لبنات اخواته ! رونق رح تتزوج احسن واحد بالعائلة قاطعه بسخرية: لا تشطح فوق بخيالك تراها مطلقه قاطعه بزعل من هذه الكلمة: يبه هذه الكلمة ما ابغى اسمعها هز رأسه ابو جواد : رح تسمعها من الناس ! ليه تزعل من الحقيقة ! اسحب اوراقها من الجامعة وزوجها لابو رائد افضل لك انت الربحان ! ردد بضجر:-لا حول ولاقوة الا بالله ! ** ** ** جالسة مقابل ام ناصر وعيونها بالكتاب والصمت يخيم عليها وغرقانه بعالم التفكير ! ام ناصر تناظرها جالسة امامها ...ما تتكلم لو بحرف الصمت يرافقها ... مستغربه من حالها دوم تجلس عندها بس الصمت يخيم عليها وابنتها على الارض تلعب بالالعاب بصمت ! معقول تنتظرها تنام حتى تسرقها ؟! بلعت ريقها وهي تتذكر لما قالوا لها انها خنقت نايف ...وش الحس الإجرامي الي تحمله ! تكلمت ام ناصر بتردد : يمكن الحين احد يدخل ...انا اقول لو تجلسين داخل افضل لك ! ناظرتها رونق بهدوء: متضايقة من وجودي! خافت من ناصر من سؤالها ...ردت بصوت مرتجف :لا لا ليه أتضايق ! رونق بتساؤل : اشتريتي الدواء ؟! اليوم الصبح كانت العلبة فارغة ! ناظرتها بفزع : متى دخلت الغرفة ؟ رونق باستغراب من ملامحها الفزعة : كنت نايمة لما دخلت ! معك فلوس قاطعتها : لا رونق هزت رأسها بتفهم يمكن كل فلوسها تصرفها على العلاج : اذا معك «..» انا معي من مصروفي «...» باكر وانا راجعه من الجامعة اشتري لك الدواء ! عقدت حواجبها معقول خطة جديده حتى تضحك عليها وتأخذ فلوسها ....متى يأخذون هالمجرمه من عندها حتى في بيتها ما عادت ترتاح : زياد رح يجيبه معه ! فتحت فمها تتكلم..لكنها آثرت الصمت ...ما عجبها أسلوب ام ناصر بالكلام معها وكأنها متخوفه من شيء ! تغطت بسرعة لما حست الباب انفتح ...دخلت لجين بهدوء وردت السلام ...وهي تناظر رونق بتقييم ...وضعت طبق الاكل جنب جدتها وبدأت ترمي بالكلام حتى تغيض رونق لانها تعرف ام ناصر ما تأكل شيء من يدين رونق : هذا الاكل انا طبخته بيدي اكيد رح يعجبك ...والحين راجعه اجيب الشوربة رح تعجبك من تحت يدي يا احلى جدة بالعالم ! مطت شفتها رونق لسخافة اسلوب لجين وهي تتكلم وكأنها تجاكر احد ...ما تنكر يحز بخاطرها أسلوب ام ناصر مجرد شربة الموية ما تشربها من يدها ...ناظرت يدها تلقائيا بلون حنطي بشرة ناعمة اظافر مقصوصه ..ما في شيء فيهم مقرف ...ناظرت يدين لجين تقارن ابيض من يدها بكثير ...معقول ما تاكل الا من اليد البيضاء ...لحظة .ام راكان ما هي بيضاء وتأكل من يدها ....وش سبب هالنفور ......حاولت تحسن علاقتها فيها لكن ما في فائدة ! ام ناصر بدأت تأكل بهدوء بعد خروج لجين..انتبهت على نظرات قدر ممسكة بالمكعب وتناظرها ...تكلمت ام ناصر بهدوء : تعالي ومدت لها باللقمة ! رونق وهي تناظر المشهد ...نطقت بهدوء ظاهري لكن بداخلها قهر من هالمعاملة : الي مايأكل شيء من يدنا ما نأكل من يده ! اعطت الجدة نظرة قوية خلتها تبلع ريقها .... اعادت نظرها رونق للكتاب... ابتسمت بحزن وهي تتكلم : ترى اغسل يديني قبل الطبخ وكل شيء اغسله قبل ما استعمله ...ان كنت منقرفه ما اشوفك غسلت يدينك قبل الاكل يا ام النظافة ! خست المكان يخنقها ....وقفت وهي تجمع العاب قدر بعد ما تغطت:صدق كلكم نفسيات ! رفعت نفسها لما دخل وهو يضحك ويناظر للخلف وهو داخل ..وقف لما شافها بالداخل ...ناظر لجين الي تعدته واقتربت من جدته وهي تكلم رونق: لو سمحتي من غير مطرود خالي يبغى يدخل وما يجلس مع حريم غريبه ! اخذت نفس وهي تحس بموجة كره اجتاحتها اتجاه هالانسان ....رجعت الالعاب مكانها ونطقت وهي تجلس مكانها : اطلع بالوقت الي ابغاه انا.... تقدري تتفضلي انت وخالك وترجعين بوقت ثاني! لجين فتحت عيونها من ردها :وش هالوقاحة اقولك الرجال يبغى يدخل وحضرتك ترجعي تجلسين ! اذا ما اطلعتي الحين اخلي خالي راكان يكلم ابوك ييجي يشوف هالمهزلة !، رونق مطت شفتها بسخرية وهي معقدة حواجبها : صدق ! ترى اخاف كثير وانت تهدديني ! الزيارات لها وقت تفضلي من غير مطرود ! تكلم وهو واقف عند الباب : هذه الغرفة مالك حق فيها ندخلها باي وقت ...متى ما احد دخل عليك داخل البيت وقتها تكلمي ..والحين رح نجتمع مع عيال عمي هنا وش رايك تقهوينا ! نطق اخر جملة باحتقار لها ! جدتي قولي لها تحترم هالبيت ومتى ما شافت رجال دخل هنا تحمل نفسها وتدخل للداخل تراها ما هي من عاداتنا قاطعته رونق بعد ما تكتفت وهي معطيه الباب ظهرها : قولي له يا جدة ترى هذه من عاداتكم تجلسون مع بعض اول ما جيت هنا الحلوة هذه جاء ابوي وحضرتها موجوده وما غادرت وجلست معه! لجين بانفعال من خوفها من خالها اقتربت منها ودفتها بيدها : كذابه مسكت رونق يد لجين بقوة وبتهديد : يدك هذه اكسرها ان مدتيها مرة ثانية ...لا تقتربين مني نصيحة حتى ما تنحرقين من ناري ....وما يهمني احد ....انا وابنتي خط أحمر اي احد يقترب منا ما يحصل له خير ...فاختصري افضل لك ! تركت يدها بقرف وعدلت جلستها بهدوء ولا كأنه شيء صار ! ناظرت لجين مكان قبضة رونق باللون الاحمر ...قبل ما تتكلم لجين نطق جواد بعد ما شاهد هالموقف :لجين اطلعي فوق ..وانت يا سفاحة بعد نص ساعة راجع مع عيال عمي اتمنى يكون عندك ذرة ذوق وما تكونين موجوده ...امشي يا جراح التفتت بقوة للخلف لما سمعت اسمه ...التقت عيونهم قبل ما يهم بالمغادرة ....ما فهمت نظراته .....حست قلبها رح يطلع من مكانه ....متى جاء ما انتبهت له ! راكان انتبه لعيونها المستنكرة لوجود جراح ... وخاصة لما وقفت وتكلمت بتلعثم : انا طالعة تفضلوا تناولت العاب قدر ويدها ترتجف ....وبسرعة غادرت ! لجين رفعت نظرها للسقف :، لله في خلقه شؤون ! شوف يا خالي هالمتوحشة وش عملت بيدي ! تقدم راكان وهو يهمس لجراح : انتبه منها تراها ثعلب ماكره ! اقترب من جدته الي تبكي : لو اعز عليكم وتحبوني ما تركتم هالمجرمة عندي ! رح تذبحني ...هذه يدها والضرب قاطعها جراح : ما ضربتها ...لجين هي الي مدت يدها ...رونق بس مسكت يدها قاطعه راكان وهو يخزه لازم يبعدها عن جراح هذه البنت الظاهر ما رح تتركه حتى تغسل مخه ! تكلم بهدوء وهو يحول نظره للجدة: تجلس عند ابوها ليه تجلس عندك وتضيق خلقك بشوفتها بتصرفاتها الي تغث ! ابوها ادبر فيها ...الحين اتصل بجواد يتفاهم معها! جراح ما عجبه كلام اخوه ....يبغاها قريبة منه ...نطق : ترى راكان بحدة : انت بالذات لا تتدخل ! ناظره جراح باستغراب معقول شك بشيء ...رح يلتزم الصمت حتى ما يشك راكان بشيء ! راكان ناظر لجين : بعدك للحين واقفه اطلعي فوق ! تحركت لجين بدون اعتراض ! راكان بعد ما قفلت لجين الباب ناظر جراح وبهمس حاد : لا تتأمل كثير صدقني على جثتي ما تشوف طرف منها ...لا توقع بحبالها انا حذرتك ! ام ناصر ناظرتهم وهم يتهامسون : اتصل بجواد وخبره يأخذ البنت بس لا تقول السبب ! جراح اقترب من جدته كأخر محاولة : يا جدتي كذا يزعل جواد وكأنك طارده ابنته ما هي حلوة بحقك .. راكان جلس مكان رونق وتكلم بوعيد: هذه المرة رح اعديها لكن مره ثانية رح يكون لي تصرف ثاني ! تنهد بارتياح جراح ...وجلس على طرف السرير : وش أخبارك يا جدتي ؟! وش رأيك اشوفلك عريس ام ناصر خزته بقوة: استحي على وجهك ضحك ضحكةرنانة زينت ثغره : امزح معك يا جدتي !، القى معك شوي فلوس ابغى اصلح السيارة ! ام ناصر خزته : ما معي فلوس هذا اخوك يعطيك ضحك وهو يناظر راكان : انا ما اعرف الواحد لما يكبر ليه يحرص على الفلوس هالكثر ! اخبرك زمان توزعين فلوس للكل والحين قاطعته بابتسامة : لسانك هذا الطويل يبغى له قص اهم شيء لا تزوجونه وحده لسانها طويل مثل مروة لانه عياله ما احد رح يقدرلهم ! ابتسم جراح وهو ينتظر اللحظة الي يعلن فيها خطوبته !، ** ** ** في اليوم الثاني واقفه بالممر والهدوء يحيط بها تسمع لثرثرة روعة :تدرين احس امي اندمجت معي لما قلت لها انه امك وابوك منفصلين ! رفعت عيونها رونق وبتساؤل : ليه ! روعه ابتسمت بلطافه : احس ماما تتعاطف مع اي احد امه و ابوه منفصلين لأنها ذاقت نفس الكأس ...جدي وجدتي منفصلين ! رونق جذبها الحديث : طيب وين عاشت عند امها والا ابوها روعة هزت كتوفها : يعني ما عاشت عند شخص معين فترة في بيت ابوها وفترة في بيت جدها وبعدها عند امها وبحضور زوج امها تجلس في بيت اهل امها لما كبرت رجعت لاهل ابوها يعني احس ماما ما تحب تخوض بالماضي ! هزت رأسها رونق بضيق وهي تحس بمرارة هالشعور ما في بيت يلمك وتنتمي له ! روعة : انت اخترت ابوك ؟! رونق ابتسمت بوجع : انا اختلف عن امك ! انا لي شق توام قاطعتها روعة بحماس وصوت مرتفع: احلفي ! ناظرت رونق حولها باحراج من تصرف روعة ... روعة حطت يدها على فمها بصدمه وهي تشوف جدها مر من جنبها واعطاها نظره قويه ! همست وهي للحين حاطه يدها على فمها : يا ويلي ويلي وش يخلصني من جدي الحين ؟! امشي امشي نطلع من الكلية نهج لابعد مكان متاكده الحين رح يفتح لي محاضرة بالادب ما كملت الكلمة الاخيرة الا جوالها يرن ! مدته لرونق بفزع : خذي خذي هذا جدي كلميه قولي له روعة دهستها سيارة رونق ابعدت الجوال عنها : غبيه دوبه شايفك ما امداك تطلعين برا الكلية ! روعة بفزع : بالله بالله عليك ردي عليه قولي اي شيء روعة ماتت فقدت الوعي او اقولك قولي له اني بالحمام اخذت منها الجوال وفتحت الخط على اخر رنة ... عندها فضول تسمع صوت هالنايف : الو ...دقيقة وتكوني بمكتبي ! ناظرتها وهي معقده حواجبها : قفل الخط ! روعة مدت بوزها بضجر : افففففف افففف كم مره قلت لامي تقول لابوها ما ابغى اسمع هالمحاضرات ! بالله تعالي معي يمكن اذا كنت معي 10 دقائق ويعتقني اذا دخلت لوحدي من ساعتين ما تنتهي المحاضرة ! تلقائيا تشكل في مخيلتها شخصية نايف مثل شخصية جواد بما انه متزوج 2 اشرت لها: تفضلي روعة مسكت يدها بامتنان مشكورة يا قلبي ! طرقت الباب بتردد وهي تناظر رونق تتشجع بوجودها !، وصلهم صوته الهادئ : تفضلي ! دخلت رغم عنها ....ابتسمت بمجاملة وهي تتقدم من نايف وتسلم عليه وتقبل راسه : كيفك يا جدي تصدق دوبني البارحة اقول لامي مشتاق لجدي نايف واليوم لازم ازوره واسلم عليه ! وناظرت للخلف بتردد وهي تستشهد رونق: صح يا رونق دوبني اقولها خليني اروح لجدي الغالي ! ختمت كلامها بابتسامة متورطه ! صدت للجهة الثانية رونق وهي تكتم ضحكتها على حركات روعة هالبنت مو طبيعية ! نايف رفع حاجب وهز رأسه وهو زام شفته ...ناظر رونق : هذه زميلتك روعة هزت رأسها بسرعة حتى تغير الموضوع الي ناداها علشانه : ايه ايه هذه زميلتي ! عدل ملامحه وهو يكلمها وبنفس الوقت ما عجبه نقابها حواجبها طالعه ولبسها مو ذاك الفضفضة : تفضلي حياك ...انت تدرسين هنا ! روعة بانفعال وحماس ردت : ايه تدرس هنا سنة اولى سكتت لما قاطعها بحزم : اتوقع اني وجهت الكلام لزميلتك مو لك ! الثقل مطلوب يا روعة كم مرة اذكرك ردت بعد ما تفشلت : ان شاء الله نايف تكلم يبغى يطمئن من ناحية أصدقاء روعة لانها خبلة بسرعة تثق بالبنات .. و يا ما اصدقاء خربوا بيوت باسم الصداقة ..بسؤال عابر : وش اسمك يا ابنتي! رونق توزع نظرها ما تحب تضع عينها بعين رجال ما هو محرم لها :رونق جواد «اسم العائلة» هز راسه وناظرها : الدكتور زياد وش يقرب لك ؟ ردت بهدوء : ولد عمي ! هز رأسه بتعجب حسب معلوماته عائلتهم متشدده وهذه علامها كذا : حياك الله ! ناظر روعة وهو يتكلم ونيته الحكي لك واسمعي يا جارة : نرجع لموضوعنا يا روعة كم مرة نبهتك على ذي الحركات البنت ما يحليها الا ادبها واخلاقها قاطعته بتبرير : والله يا جدي نسيت ظنيت نفسي بالبيت وانفعلت ! ما رح اكررها! هز رأسه بعدم اعجاب :ما رح اكررها ! وعيونك علامها طالعة كذا كم مره نبهتك غطي على عيونك ردت بتبرير وهي تعدله: ينزل بدون ما انتبه له ! رفعت حاجب رونق ....ما فاتته نايف حركة حواجبها ..وبتساؤل نطق: كلامي غلط ! ردت بهدوء غير مبالي: كل شخص يفصل ويلبس على كيفه ! كل شخص له قناعاته الخاصة ! مط شفته بسخرية وقفتها وطريقتها بالكلام ذكرته بأغلى عياله «ريم » للحين التمرد والعناد يسري بدمها بطريقه يبتسم لما يتذكر مواقفها ..والحين الواقفه امامه يحسها متمرده ....بس وش سبب الهالات السوداء حول عيونها بشكل ملفت : صدقتي بس حسب معلوماتي اهلك ناس ما شاء الله عليهم ملتزمين نطقت بهمس سمعته روعة وما مسكت نفسها وضحكت لما نطقت رونق: متخلفين ! نايف اكره ماعليه الضحك والهمس وبحده نطق : عفوا وش قلتي ؟!- وانت يا روعة يصير خير كل تصرفاتك اليوم بإذن ابوك واذا ما خليته يكنسل طلعة نهاية الاسبوع قاطعته بتحطم كل احلامها بذي الطلعة : جدي ارجوك لا تخلط الامور انا متت وان اقنع بابا يوافق وانت بكل بساطه تكنسلها ! رونق ببرود واصابها الملل : ترى كلها طلعة تذلين نفسك عليها ....انا طالعة عندي ابحاث ولازم اخلصها والظاهر مشاكلكم العائلية ما تخلص ...تخلطون الأمور ببعضها هنا مكان تعليمي مو تصفية حسابات ! بالاذن ! سحبت نفسها وطلعت وهي تشعر بالانفجار ما تتحمل التدخلات...ما تحب احد يسالها وين رايحه وين جاية واعلمي ولا تعملي ..اففففف يرفعون الضغط ...هي كبيرة وواعية تعمل الصح حسب قناعاتها ما هو على مزاج الاخرين روعة توزع نظرها بين رونق وهي طالعه ونايف... مصدومه وبتلعثم نطقت: ء ء ء جدي انا رايحه انتظري يا نايف مط شفته بتعجب : والله جيل ! اجلسي مكانك لي كلام معك بخصوص هالبنت ! ** ** ** دخلت المكتبة وجلست وهي تفكر بتدخلات الجد ...ما تتوقع انها تسمع كلام ابو جواد لو يجلس ينظّر عليها ! مشكلتها عاشت حياتها تعمل الي تبغى وما يهمها احد ...صعب فجأة تلقى نفسك مقيد بأمور قطعت افكارها بفزع وسرعان ما وقفت مباشرة لما جلس على نفس الطاولة ....ما توقعت يتجرأ ويجلس معها تكلم بابتسامة مريحه للناظر : السلام عليكم كيفك ؟! رفع حاجب وهو يشوفها واققه تبغى تغادر : اجلسي يا بنت الحلال كلها كلمة ابغى اقولها ترى والله ما اكل !، التفتت حولها ما تبغى احد يشوفها وهي معه ..اخذت نفس تحاول تهدي دقات قلبها تكلم يحثها على الجلوس: دقيقة لا تخلي منظرنا مو حلو واجلسي...بس دقيقة !، رجعت مكانها بعدم راحة من جلوسها معه والضيق مرافقها وكأنها مقترفه ذنب عظيم ! توسعت ابتسامته وهو يشوفها جلست ومرتبكة وتناظر للاسفل ....مد يده يسلم : كيفك ؟! ناظرت يده الممدوه باستنكار ......ضحك بخفة على نظراتها لما توسعت عيونها بصدمة : خلاص خلاص بدون تصافح! وش اخبارك ؟! ردت بعدم راحة :بخير ! هز رأسه بسعاده : ان شاء الله دوم ....ما تتصورين سعادتي اني جالس معك ! عقدت حواجبها والأفكار تدور برأسها ....ليه جراح خطبها وهو مايعرفها ....معقول خطة انتقام محبكه من فياض..شجعت نفسها ونطقت : ممكن اعرف ليه خطبتني انا ؟! توسعت ابتسامته وهو ينطق: ذبحني جمال هالعيون احتدت ملامحها وهي تحس انه يتمسخر عليها: رجاء بدون مسخرة ! رد بتأكيد : اقسم بالله هذا السبب قاطعته باستنكار : تبغى تقنعني انك خطبتني لهذا السبب ! وافرض اني شينة قاطعها بثقه : مستحيل صاحبة هالعيون تكون شينة ! حتى لو كنت شينة راضي يكفي هالعيون الذباحة قاطعته بحده : لو سمحت بدون كلام قاطعها بضحكة خفيفة : تراك خطيبتي،عادي المهم انا ابغى اجلس معك هنا نتعرف على بعض قاطعته بحزم: خلينا بعيدين افضل ...ما ابغى نتعمق وبعدها ننصدم بالواقع اهلك ما رح يوافقون على قاطعها بثقة : صدقيني انا لك وانت لي وما احد له دخل فينا دام ملكنا ما احد يقدر يفرقنا !، ردت بضيق من الواقع: امك ما تحبني ما رح توافق اخوانك قاطعها برجاء : اذا لي عندك خاطر حاولي حسني علاقتك بأمي حتى لا تصعبين علي الموضوع لما نعلن الخطوبة ...حاولي تحسنين علاقتك فيهم رفعت نظرها بضيق : القول ما هو مثل الفعل ..انا انسانة لي مشاعر وحدود للصبر قاطعها : كوني احسن ! نبغى لما نعلن الخطوبة تكون أوضاعنا وعلاقتنا مع من حولنا ممتازة ..صدقيني قاطعته تنهي السالفة : ان شاء الله أحاول ! ابتسم وهو يتأمل عيونها..وبانتقاد: كأنه عيونك ظاهره بزياده ..يعني حواجبك طالعة ! بغت ترفع يدها تتحس نقابها ...سرعان ما نزلت يدينها تحت الطاولة وهي تشوف يدينها لونهم اشكال والوان ...سرعان ما اعطت نظره خاطفه على يدينه بلون فاتح ....وبدون ما ينتبه سحبت شنطتها بخفه بدون ما يشوف يدينها ...وضعتها بحضنها ...طلعت القفاز وبسرعه لبسته بخفه بدون ما تشعره وهو مسترسل بالكلام : حاولي نزليه اكثر ما هو داعي كل العالم تشوف عيون الغزال ! رفعت يدها وهي مستغربه ما تحس انها فوق عيونها مكشوفة كثير ...ردت بهدوء: ما اعرف اشوف قاطعها وهو يمد نفسه يغطي الشاله فوق عيونها ..ابتعدت وقلبها يرتجف ورجعت الشاله مثل ما كانت وهي تناظر حولها باحراج : اقولك ما اشوف تبغى اتدعثر بالطريق ! التفتت حولها بعدم راحة : انا لازم اغادر قاطعها : لحظه ردت وهي تجمع اغراضها : جلستنا ما هي حلوة ...اخاف احد يشوفنا قاطعها باستغراب : مين يشوفنا ما احد يعرف ردت لما وقفت : ولد خالتي معي بالجامعة وقف باستغراب: ما رح يعرفك وش يعرف ولد خالتك فيك ؟! تنهدت بضيق وهي تتذكر لما وعد خبرتها بخطبة فارس لها ...ناظرته بنظره خاطفه وهي تغادر: مثل ما تعرفني سكتت وهي تحس انها زل لسانها ! اقترب منها وهي واقفه عقد حواحبه : وش قصدك ! ابتعدت كم خطوة وما زالت تلتفت حولها : ما قصدي شيء ولا تنسى اخوك د. زياد بالجامعة ...ما ابغى مشاكل للحين اوضاعي متكركبه مع عائلتي ! هز رأسه بتفهم : براحتك اشوفك على خير اهتمي بنفسك ...سعادتي لا توصف بالوقت القصير الي جلسته معك ... هزت رأسها وتوجهت لطاولة ثانية وجلست ...زفرت براحه ...تحس وكأنها بمقابلة ....فتحت الكتاب اشغلها عن التحضير ...خلعت القفاز ووضعتهم على الطاوله بإهمال ....رفعت نظرها ورجع قلبها يدق طبول وهي تشوفه يجلس على طاوله اخرى مقابل لها ويبتسم ! نزلت رأسها والتشتت يضرب برأسها ... ما هي عارفه وش موقعها بهذا العالم ! الشعور بالذنب يرافقها ...وبدأت تفكر برد فعل اهلها لم يعرفون بموضوعها ...ما تدري هل يمر بسلام او لا ! ** ** ** روعة ناظرت ابوها الي يتكلم بتأنيب : كم مرة قلت لك بالجامعة احترمي جدك وعدلي نقابك ! ردت بتبرير: وقسم بالله ما انتبهت عليه ! ريم جلست بعد ما اعطت عناد القهوة : وش سالفة الصوت العالي قاطعتها :: والله نسيت نفسي ! انفعلت وبعدين كلها كلمة عملتوها قصه ! عناد رفع حاجب وبهدوء تكلم : انا كل الي يهمني من شكاوي جدك ...صوتك العالي بالممر والبنت الي مصادقيتها ! وش سالفتها ! روعة بضيق : يا الله وكانكم ما تعرفون جدي لانه حواجب البنت باينه ما هي عاجبيته ولانها ما سكتت له عناد بتنبيه: انا اترك لك حرية اختيار الصديقات لكن كوني حذره المظاهر خداعة ! دخل عماد بهدوء : السلام عليكم عناد ابتسم له : هلا هلا والله مطت شفتها روعة يحسسونك انه هالعماد ملك نازل من السماء ...ناظرت روعة امها الي تناظر بالجوال وترتشف من القهوة بهدوء: ماما ريم وضعت القهوة امامها وهي تعرف تشدد ابوها فما تحب يطبق تشدده على روعة ..تكلمت بنبرة هادية :وش صار على البحث روعة تمنت لو بقى الموضوع بسيرة نايف أفضل ...وبتلعثم : ء ء انا ريم احتدت ملامحها : يعني ما كتبت شيء ! روعة تذكرت حيلة وبسرعة نطقت : وقت البريك انتهى وانا اسمع محاضرات والدك العزيز خزتها ريم بقوة : روعة رح اعد للخمسه تكونين بغرفتك ويا ويلك اذا ما جهزت اليوم شيء منه ! ناظرت ابوها لينقذها: بابا عناد هز كتوفه ببراءه : انا ما اقدر اخالف اوامر وكيل القوة ! عماد بابتسامة : بالله هذه وجه طب ! عفست ملامحها بانزعاج وهي تقلده : بالله هذه وجه طب! اقول قوم ذاكر باكر عندك مدرسة! ريم خزتها بقوة : عماد ما ينخاف عليه ... الخوف والتعازي ما شاء الله نلقاها عندك ...قومي يا روعه مطت شفتها بضجر وهي تتوجه وهي تردد: اكره الدراسة غصب غصب يبغون يحطون بعقلك دماغ اففففففف ! ضحك عناد ورفع يده ببراءه : ترى هالنسخه ما هي موجوده بعائلتنا ! ريم ابتسمت : عائلتي كلها نفسيات ...لا تنسى اخواتك فيهم هالعرق ! عماد ابتسم وهو يناظرهم : بنات عمي فيهم عرق هالهبل ريم حركت حواجبها تغيضه : وشهد شاهد من اهلها ! * * ** ** جالسه على السرير تكلم امها صوت وصورة ....الجازي بابتسامة : كيفك انت ! والله مشتاقه لك كثير ! مرتاحة يا رونق ؟! رونق ابتسمت مجامله : بخير الحمد لله ! الجازي وهي توجه الكاميرا لجهة فياض :-فياض يسلم عليك ناظرته رونق وبداخلها تردد«تحيتي لمن دمر حياتي» تشعر نفسها بالعة موس ...كيف تقول للعالم ملكت بدون علم اهلها ...وبنفس الوقت ما تبغى تبعد عن جراح ...بداخلها نمت مشاعر جميله له ...ابتسامته لوحدها تدخل الراحة لقلبها ...انسان هادئ هو الشخص الي تحتاجه ...ردت بشبح ابتسامه....بعد ما علق حبل مشنقتها هرب : بخير الجازي باهتمام : لزوم تنتبهين للاكل شوفي كيف الهالات حول عيونك ! ردت بهدوء: ان شاء الله ! كملت المكالمة ورمت الجوال جنبها باهمال ...دخلت مروة بابتسامة بعد ما دقت الباب : مرحبا ! قفلت الباب خلفها وتوجهت لرونق: اسفه قاطعتك رونق بهدوء: عادي حياك مروة سلمت وجلست بابتسامة :-قلت لهم رايحه ازور جدتي ... استغليت الفرصة وطلعت لك من زمان ودي اتعرف عليك ! رونق باستغراب: وش المانع! مروة عفست ملامحها : جدي منعنا نتعامل معك يقول سلام وبس ....وخاصة انا يقول ما يستبعد اشتكي عليهم ان رافقتك انتهى البارت ....انتظروني يوم الإثنين بإذن الله ..دمتم بخير | ||||||
|
| |
|
28-07-20, 12:58 AM
| #48 | ||||
| الذين يشاهدون محتوى الموضوع الآن : 145 ( الأعضاء 12 والزوار 133) سجى الإحساس, رامي و جود, أم الوليد, غوايش, Assiaaljrjry, زخات أمل, AROOJ, نييره, ميوا سان, هناء مصطفى, هديل الطيور, ألين ♡ ما أدرِي يا صبايا ممكن ما ينزل اليوم بارت .. المنتدى المُجاور معطل ، وبكذا أبرار ماراح تقدر تدخل وتنزل البارت .. فاحتمال بكره أو إذا إنتهت الصيانه بدري اليوم ، بس نقول ان شاء الله يفتح حتى هاجر تقدر تنقله هنا | ||||
|
| |
|
28-07-20, 01:42 AM
| #49 | ||||
| الذين يشاهدون محتوى الموضوع الآن : 193 ( الأعضاء 13 والزوار 180) سجى الإحساس, laila jaber, bruno.bo.harb, تفاءل..., كن متفائلاً, Meemma, نييره, رحيق الجنة رحيق, رامي و جود, Sadeexm, أم الوليد, غوايش, Assiaaljrjry | ||||
|
| |
|
28-07-20, 06:09 PM
| #50 | ||||
| تسلمي عالنقل 🌹🌹🌹 انا كنت اتابع الرواية من المنتدى الثاني وانقطعت عنها من فترة طويلة ولما حاولت ارجعلها مالقيت شي جديد مابعرف هو خلل من المنتدى او شي ثاني لاني تركتها كم شهر من حسن حظي لقيتها هنا بروايتي الكاتبة جايبة الشخصيات روعة وريم ونايف وعناد من روايتها الاولى طفولتي المشتتة يعني بتحاول تكمل هذه الرواية وبنفس الوقت تشوفنا شو صار مع بنت ريم من كبرت مابعرف احسه شي غريب لان الروايتين مالهم علاقة ببعض | ||||
|
| |
|
| أدوات الموضوع | |
| انواع عرض الموضوع | |
|
|
27Likes
العرض العادي
