آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-09-20, 06:28 AM
| #31 | ||||
 
|  . . . الــــــبــــــــارتـــات الـــثـــــانـــي والعـــــشـــرون . . . فـي جده .. ماكان في المحل احد غير هي ونوره .. اخذت مجموعة ارواج ومشت فيهم عند المرايه نوره : وش بتسوين هدى : بجربهم بخاطري اشتري لي كذا روج نوره : انتتي يادوب تدفعين حق شقتك وتاكلين بعد تبين تشترين ارواج هدى : واحد مايضر كلها 80 ريال نوره استنكرت : كلها !! تحسسيني انها ولاشي عندك هدى ماردت وحطت الارواج مقابلها وابتدت ترسم شفايفها بروج ثم تمسحه وتجرب الي بعده دخلت زبونه للمحل وراحت لها نوره : حابه اساعدك بشي ؟ الزبونه : اي والله ياليـ... التفتت هدى بسرعه والروج طاح من يدهاا معقده حاجبينها تحاول تركز بالصوت نوره : وش فيك هدى بلعثمه : لالا ولاشي الزبونه وعيونها على هدى الي تناظرها بخوف : ابغى تورينـ... ماكملت كلامها وهي تشوف هدى تتراجع وتتمسك بأي شي وراها وباديه تنهار : ط ط ااطلعععيييي .. ااطططللللعععيي الزبونه بغضب : وش فيها هذي نوره وهي تحاول تتدارك الموقف راحت لهدى بسرعه : ههددىى هدى ببكي وخوف : خليهااا تتططلللعع تككفففيين ممميااااددهه ههذذذييي نوره انصرعت : وش ميادته انتي بعد هدى اصصححي شوفي قدامك زين هدى صرختت : مماااااابببيييي الزبونه تركت الي بيدها : الوضع زاد عن حده وهذي مو اول مره اجي ويصير لي كذا معكم لكن هالمره مراح اسكت وصدت تطلع من المحل وعيون هدى على شنطتها الي كانت عند مياده مثلها بالضبط ومن تشوفها هدى تنتكس وتنهار اعصابها وتبدأ تتخيل وكأن مياده قدّامها زفرت بغضب : انتي الظاهر ناويه تقطعين رزقي ياهدى ضمت راسها بين رجولها وبكت بصوت مسموع قامت نوره وهي تتأفف وجابت لها علبة مويا وفتحتها لها : خذي اشربي ماخذتها هدى وبقت على حالها بينما نوره قامت بملل من جنبها ___________________ عند طلال ورند التفت لها مستغرب بدون مايتكلم رند : بما انك مصّر انك تختلي بنفسك بين هالرسومات وانا قلت لك وين ماتروح ووش ماتسوي راح تاخذني معك .. قررت احط لي ستاندة رسم والي بترسمه راح ارسمه معك وراح اتعلم منك كل شي خطوه بخطوه طلال : ومن وين جبتي هالاغراض رند : الي يسأل مايتوه طلال بتفكير : بس ماعندي استعداد اعلمك ترسمين رند : وانا على اتم استعداد اتعلم منك سكت يناظرها بحيره : رند ! رند ابتسمت بصبر : نبدأ ؟ تنهد بإستسلام : نبدأ ... وجلس على كرسيه معطيها ظهره وابتدا يفرز اقلامه وعدته وهي بسرعة البرق جلست جنبه وتسوي بالضبط وش يسوي ماكان متقبل الفكره بكبرها بينما هي متحمسه وبنفس الوقت تحس بشوية تحطيم بعد ماشافت انه مايوجه لي اي كلام او تعليم هي تشوف وش يسوي وتسوي مثله ومع مرور الوقت بدت تحس انها مو حق الرسم ابد وبخاطرها تنسحب لكن سرعان مانفضت هالافكار من راسها وبقت بجنبه __________________ في الليل ، كانت جالسه بملل بالحوش ، ورن جوالها ردت بلهفه : الوو دلال : هلا والله بالقاطعه وينك انتي ميهاف : هلا بك ويني بعد عند ذا المجنون الي يحاول يقطعني عن العالم بكبره دلال : وش فيه ذا انهبل ميهاف : مدري عنه بس الظاهر امه لاعبه براسـ.. ماحست الا باللي سحب جوالها من يدها لفت بفزع وعيونها بتطلع من مكانها وتشوفه حاط الجوال على اذنه ودلال مستمره تتكلم .. سكر الخط بوجهها : ماني قايل لك ماتكلمين احد من اهلك الا بعد شوري ميهاف بحده : وماذكر اني وافقت على قرارك هذا ثامر رمى جوالها على الجدار التفتت وشافته متكسسر رجعت تناظر ثامر : انهبلللتت !! ثامر : عشان اعلمك كيف يعني توافقين على قراري او لا وناسيه انك هنا تحت امري انا ميهاف وهي تحاول تتماسك : اهلي هذول اهليي يامريييض وش تبي توصل له انت ثامر وهو راص على اسنانه : لحد مايبقى بحياتك غير ثامر ميهاف بكره واضح : ياجعل الله ياخذك ويريحني منك ومن تفكيرك المعقد والجاهل هذا واهلي لو تموت ماحرمتني منهم لو تموووت واذا بظنك تصرفاتك هذي بتخليني اقرب منك وبيوم الجأ لك ف لو على جثتي مراح يصير الي تبيه لو تحرمني من العالم كله وتحبسني بين اربع جدران مراح اصير لك ميهاف الي انت تبيها مسك ذراعها وضغط عليه بيده : لو ماصار الي ابيه بالطيب راخ اخذه بالقوه وهالشي ماهو صعب علي بلعت ريقها بغصه وحاولت تسحب ذراعها من يده : مراح تاخذ ولا شي مني لابالطيب ولابالقوه سحبها بقوه وثبتها مقابلته : فكي نفسك مني الحين ان قدرتي ومن دون رضاي نزلت راسها وهي تحاول تتماسك ماتصيح قدامه ورجعت رفعت راسها له وعيونها بعيونه وهمست : اكـرهك .. اكرهـ... قاطعها بيده على فمها وضغط عليه بقوه : وانـا احبك رخت يدينها وكل شي فيها وعيونها عليه مو مستوعبه كلامه ثامر بضيق وينقل النظر بين عيونها : احبك بالشكل الي كنتي تسعين وتحاولين توصلين له ... ميهاف ماني لعبه بين ايدينك تعلقيني فيك بالراحه ثم تقولين اكرهك!! وش تبين توصلين له انتي وش تبيين وش غااايتك شالت يده عن فمها وقلبها ينتفض بخوووف : ماحاولـ... قاطعها : شش ! بعد تكذبين ؟ ماحاولتي تميلين قلبي لك ؟ ماحاولتي تجذبيني لك ؟ اشاحت بوجهها عنه تهرب من نظراته وكمل : وصلتي لغايتك وانا الحين ابيك وان كان مااخذتك بالطيب اخذك بالقوه رفعت يدها بوجهه بمعنى لايكمل كلامه ومشت عنه لغرفتها ودخلت سكرت الباب وهي بعالم ثاااني .. عضت شفتها السفليه ننددم ولمت راسها بيدينها طاحت دموعها لااشعوري منها بعد ماحست انها مراح تطلع من قفص ثـامر للابد .. بينما ثامر ظل واقف مكانه والهم الي كان يحس فيه انزاح كان يبيها تعرف سبب تصرفاته القاسيه معها بأنه يبيها بأي طريقه كانت ومن بعد اليوم مراح يستغني عنها لو شنو يصير __________________ بـعـد مرور يومين .. ببيت بو ثامر طلعت من غرفتها وكان الوقت قريب الظهر وراحت للمطبخ طلعت اغراض السلطه ماتبي تتغدا معهم وابتدت تقطع بسرعه قبل لايدخل احد ويشوفها وهي مالها خلق ومالحقت تخلص الا وام ثامر دخلت المطبخ واول ماشافت ميهاف : اعوذ بالله .. انتي وش مجيبك هنا كننا مرتاحين من هالوجه ميهاف ماترد وتحاول تخلص شغلها ام ثامر وهي تطلع الاغراض من الثلاجه تجهز للغدا التفتت لميهاف : اقول بنت بليس صار لك كم شهر متزوجه وللحين ماحملتي عسا ماشر ميهاف ببرود : حياتي لاتتدخلين فيها ام ثامر : عاد من زين حياتك اتدخل فيها وعوه .. عمك يسأل ميهاف : وهو بعد ماله شغل بحياتي ام ثامر حطت الي بيدها وراحت لها بهجوم ولفتها بقوه : انتتيي ههيي اسمعيني زيين لو ماتضبطين لسانك هذا رااح امصعه لك من عرقه واقصه سمعتي ولالا ميهاف بكل قوه : لاا نهى من عند الباب : صدق انك عديمة تربيه ميهاف : خلك بعيد عني احسن لك ولاصدقيني بكلمه مني ارجعك لبيت اهلك مطلقه نهى طيرت عيونها : خير خير خير هذا الي نااقص ياعمري ثامر لليي انا الاولى والاساس ولاتنسين ام الولد بعد مو مثلك ميهاف : انتي الاولى اي وانتي ام الولد ماقلنا شي بس الي بقلبه مو انتي ياماما نهى بتتكلم لكن ام ثامر منعتها وكلمت ميهاف : الي بقلب ثامر نهى اما انتي ف لو تموتين مراح تكونين بقلبه ميهاف وعيونها على نهى : هذاك اول ياماما الي بقلبه اما الحين انا وروحي اسأليه بنفسك هو يحب من ؟ ام ثامر : بالله ماتقولين لي على وشو يحبك لا ولد ولاتلد مالت عليك اصلا كلها فتره ويطلقك لانك مراح تحملين اصلا ميهاف استنكرت : ماشاالله نهى تكتفت : قولي قولي لهاا شكلها ماتدري انها عقيم مافيها عيال مثل ابوها ميهاف بتروح لنهى بعصبيه لكن ام ثامر مسكتها : تعاااالي هنا اكلمك واسمعي الكلام مني انا .. يامامااا اذا ماتدرين ابووك تزوج قبل امك ثلاث حريم ولاوحده حملت منه والكل صاار يعرف ان ابوك مافيه عيال ومحد رضى يعطيه بنته ومححد وافق عليه الا امك ستغفر الله ميهاف بحده : انكتمي ام ثامر باستفزاز : تستحين تسمعين وصاخة امـ.. وسكتت بعد ماعطتها ميهاااف ككف وشدتها من دراعتها : واقسسم بالله لو تتكلمين على امي اقطع لسانك والله ام ثامر بعناد همست لميهاف : ماكملت شهرين الا وحملت بأختك الكبيره بالله ماتقولين لي شلون حملت وابوك مافيه عيال مااااتحملت ميهاف ورفعت السكين بوجه ام ثامر وام ثامر صصصرخت وتحاول تمنع ميهاف ونهى الي صارت تركض بالبيت مثل المجنونه وتنادي عمها وثـامر الي نزلو مصروعين من صراخههاا ولحقوها للمطبخ انجججلطط ثامر من شاف ميهاف فوق امه وتحاوب تضربها رككض وسحبها بقوه والصصصدمه بوجه امه جررح كبييرر ويييننززززففف ميهاف وهي ترافس برجلينها وتحاول تفلت من يدين ثامر : اتتتررركككنننييي اذبحهههاااا الققذذرررههه اااترررركككنننيييي ثامر وهو ماسكها بقووه ويكلم نهى : ارككضي جيبي معقم اايي شي امميي تنززف .. ام ثامر وهي تتحسس وجهها مصدومه : ايا الحقيره جات نهى بسرعه وجلست عند ام ثامر وتحاول انها تمسح الدم وتضغط على الجرح وميهاف بقهر الدنيا كله تصارخ : اممي اششرف منك ومن سلالتك كلههاا وتخسسين تتكلمين عنها وعن شرفها الوصخه انتتي واهههلكك ككلههم وانتي الي تخوننييينن زوجك موو اممييي انتتي الي خنتتييي زوجك وحملتي بولددكك موو امـ.. وماحسست الا بضربه على فمهاا الجمتهاا وقطعت حكيها كان الغضب يشع من عيونه : ااننططممميي ميهاف وهي تنفلت من يدين ثامر وتواجه عمها بكل قوه وقبل لاتتكلم ضربها بظهر يده على ذراعها : انقلعي غرفتك قبل لااكفر فيك مشت بهروله وهي تصصيح بصوت مسموع وام ثامر توجه اللوم لابو ثامر : شفت شفت بعينك بنت اخوك الي دخلتها غصب لهالبيت شفتها شلون بتذبحني ؟ سمعت بإذنك وش تقول ثامر بجمود : وش قلتي لها يمه عشان سوت كذا رفعت راسها له تتصنع الصدمه : وش قصدك جلس على ركبته : قصدي واضح .. وش رميتي عليها من كلام جارح عشان تتجرأ وتسوي كذا نهى : انا كنت موجوده هي الي دخلت المطبخ بشرها ثامر بحده : نهى !! بو ثامر : ثـااامرر ثامر من غير لايلتفت : نععمم يبه نععم خلني اعرف وش الي صار بو ثامر : الي صار اني غلطت لما دخلتها البيت وغلطت لما زوجتك اياها ماحسبت انها عديمة تربيه للدرجه هذي ثامر بنرفزه : ياااايبه مافي دخان من غير نار خلنا نعرف وش صار ام ثامر : بتطلعني غلطانه الحين وهي الصح ثامر : ماقلت هي الصح قلت هي ليه سوت كذا يمه سؤالي واضح نهى ترفع راسها لعمها : المفروض ماعاد ترجع لهالبيت ابد ولاتكون لنا صله فيها هذي ياعمي مجنونه وفوقه قليلة حيا ماتحترم لاكبير ولاصغير ثامر وعيونه على نهى: ميهاف واعرفها زين ماتسوي شي مثل كذا عبث اكيد انكم غاثينها بو ثامر : قم قم وقل لها تجهز اغراضها ماعاد لها مكان بهالبيته التفت لابوه مصدوم : وين بتروح يبه !! هنا زوجها بو ثامر يخز ثامر : بتطلقها ثامر بإندفاع : لا يبه مو لعب عيال هو عشان اطلقها مانيب مطلق ام ثامر وهي تناظره بصدمه : مرتك بغت تذبحني تعرف وش يعني مرتك بتذبح امك وفوقه ماتبي تطلقها ثامر : لاني عارف زين قدرها عندك وعارف الكلام الي يطلع منك لاشفتيها ونهى ماشاالله صايره سندك بهالموضوع " والتفت لابوه " مابي اظلمها واطلقها واخليها تتشتت اهي الحين مالها احد بو ثامر : الغلط يبقى غلط لاتصير لي خروف حرمتك ثامر وقف مقابل ابوه : مو هذي الي جبرتني عليها وحلفت علي اني اخذها ولا تطردني من هالبيت وتحرمني من كل شي ؟ هذا انا اخذتها وسويت الي تبيه قاطعه بو ثامر : وراح تكمل الي ابيه وتطلقها ثامر تنرفز وصرخ : وانا حمار بهالبيت مالي كلمه اتزوج غصب عن خشمي والحين تبوني اطللق لااا مانيب مططلق لو يصير شيصير ماني بزر تمشوني على شوركم افهمو رجال انا رجاااااااال حياتي امشيها مثل ماانا ابي لاعاد تدخلون .. وقام من جنب امه وطلع من المطبخ بو ثامر لحقه وهو يصاره وراه : لا دام انا حي تمشي على شوري انا ماهو شورك انت تفهم ولالاااا لكن ثامر طنشه وطلع من الصاله وراح للملحق فتح الباب وسكره بقوه وواضح من تعابير وجهه انها واصله معه وماان دخل الا ويشوفها منسدحه على بطنها وتصيح من قلب غطى وجهه بيده وهو يزفر بضيق وتعب وراح لعندها وبهدوء : وش صار ماردت عليه وزادت صارت تشهق اكثر وبوضوح قرب منها اكثر وحط يده على كتفها : حاب اسمع منك وش صار ميهاف تكلمي انتزعت نفسها وجلست مقابلته وبحرقة قلب وتمسح دموعها : جييت لهالبيت وانهنت بكل الاشكال الي محد يتصورها تزوجت من ورا خشمي وماقلت شي بس توصل ان امك تطعن امي بشرفها لا والله مااسكت وبدل مااشوه وجهها اذبحها لو حصل لي ثامر هز راسه بيأس ورجع يناظرها : ابوي ماعاد يبغاك بهالبيت ميهاف بكبر : احسسن والحين اقوم اجهز اغراضي واطلع من هالبيت ثامر وهو يأشر على نفسه : بس انا مابيك تطلعين ابيك تعيشين هنا معي ميهاف خزته : وانا قبل لاابوك يطردني عفت هالبيت بعد الي سمعته من امك عيشه ماابغى اعيش فيه لو شنو يصير اكتفى بالصمت وانسدح على ظهره ومغطي عيونه بذراعه ، اما هي قامت بعصبيتها وطلعت شناطها وحطت كل اغراضها فيهم واول مانتبه لها ثامر : ليه ماخذه كل شي ميهاف بدون ماتلتفت له : لان مالي نيه ارجع لهالبيت .. فتحت الباب وطلعت اول شنطه وصادفت عمها وهو طالع .. اشاحت بوجهها عنه ورجعت بتدخل لكن صوت عمها الغاضب استوقفها لفت وبرد جامد : نعم بو ثامر : نعامه الي ترفس جنابك اعنبو حيّك ضفيتك ببيتي وزوجتك وولدي ومانقع بعينك ؟ هذا جزا المعروف كذا الي تربيتي تردين الجميل ؟ طقت معها وتكلمت بصوت عالي : تربيتي خط احمر مااسمح لأحد يتجاوزها لانت ولامرتك ولاحتى ولدك الي تسميه زوجي انهههبل ثامر من سمع ردها وطلع بسرعه ومسك ذراعها : ميهاااف ميهاف سحبت نفسها منه : اتررركننني زين قال ضفني ببيته قال انت سحبتني من ديرتي سحب غصبا عني وجبتني هنا انا وامي وحرمتني ازورها بآخر ايامها وفوقه زوجتني ولدك الي لاانا ابيه ولاهو يبيني خربت بيته وهدمت حياااتي وفوق كل هذا تجي حرمتك وتشتم امي على الطالعه والنازله وتتمادى وتتكلم بشرفها وتطعنه بالله ماتقول لي اشكرك على شنو ؟؟ انا لو ادعي عليك من اليوم لبكره مااكون وفيت بحقك بو ثامر وعيونه بتطلع من مكانه مشى لها بهروله بيسطرها : ايـا بنت اللـ .. مسك يده ثامر الي وقف بينه وبين ميهاف بسرعه : لااااااا يبببهه بو ثامر بعصبيه وهو يحاول يدف ولده عن وجهه : ماغلط ابوي يوم انه رمى ابوك مثل الكلب وتبرى منه بس انا الي غلطت ودخلت وصخه ببيتي انا يازعم اني بسوي معرووف وانا لو مدخل كلاب ببيتي اربيهم ثمر فيهم احسن منك ثامر وهو ماسك يدين ابوه الثنتين ويصرخ بميهاف : خلااص يايبه خلااااص وانتي روحي ارككبي السياره بسرعه وانا لاحقك بو ثامر خز ولده : لك يومييين والي رفع سبع مالهم زود لو ماتطلقها وترجع هنا مانت ولدي ولا انا اعرفك وهذا جاك العلم رفع راسه وزفرر بقووهه وطاحت عينه بعين نهى الي كانت تطل من فوق وشهدت كل شي والخيبه واضحه بعيونها مااهتم لها كثير وانحنى ياخذ الشناط وصد ماشي بيطلع من البيت الا صرخ بو ثامر : ساااامع ولالاااا ثامر لف له : بفكر بو ثامر عيونه بتطلع من مكانه : انااا امررر علييك تفهمنني ولالاا ثامر بسخريه : رخيص انا بعينك لهالدرجه بأي سالفه هددتني بتتبرى مني بو ثامر كشر : بلا كلام فاضي وماله معنى قلت الي عندي وراح تنفذه وترجع ومثل ماكننا عايشين بدونهم نرجع مثل ماكننا ثامر رفع عيونه لنهى الي كانت تترقب الرد بفارغ الصبر واومئ راسه بالايجاب : على امـرك سكرت نهى الستار بسرعه وصدت ويدها على صدرها وتضحك بفررح ونطت ضمت مرت عمهااا : اخيرررراااا اخييييرراااا بيرجع للييي ام ثامر ويدها على جرحها وباليد الثانيه : عااد هاا ابي هديتي من ورا هذا كله نهى تبوس راسها : عيوني ماتغلى عليك لو طلبتيهم . . بـعد ساعه الا ربع مرت ثقيله على ميهـاف وثامر ميهاف الي صاده بوجهها جهة النافذ شارد ذهنها بفراغ تتجمع دموع بعينها وتمسحهم بطرف اصبعها امـا هو ماقدر يتحمل وقف سيارته على جنب طفاها ونزل ماخذ معه علبة ماي وراح نكس راسه وفتح العلبه وكب الماي فوق راسه واستعدب بوقفته وهو يمسح وجهه وشعره ويزفر انفاسه وظل واقف لمده طويله وبعدها رجع ركب التفتت له من غير صبر وصوته منبّح : الجوو شتا كيف تسوي بنفسـ... ثامر بجمود : اسكتي صدت عنه من غير لاتنطق بحرف وظلو على هالحال لحد ماوصلو الخبر ونزلو للبيت _________________ ببت بو فهد .. طلال : اذا تبين تجلسين هنا وتروحين للشاليه ماامنعك رند : لا حابه اجي معكم طلال : بس ترى منار ماهي جايه رند : براحتها ... بس حابه اطلب منك طلب طلال : اطلبي رند : اختي ميهاف هنا ودي لو اروح اسلم عليها قبل ماامشي طلال وهو يحمل الشنطه : زين راح اوديك ابتسمت وراحت تلبس عبايتها بعجل ولحقته .. __________________ بعد ماوصلت رند للبيت ودخلت تسلم على ميهاف ميهاف بلهفه : اماانه ليت تاخذيني معك وربي بحاجه لها بشكل فضيع رند : ياعمري الله يكتب لك بأقرب وقت ولو الود ودي كلنا نروح بس ماش ماباليد حيله ميهاف ابتسمت وضمت رند : لاتنسيني من دعواتك رند : ولا يهمك ... اوه صح ذكرت ميهاف بكره بيت بو خالد مسويين احتفاليه بسيطه عشان تخرج عبد العزيز وبلغتني ام خالد اقولك وملزمه عليك تروحين وتقول هالمره لو ماجيتي راح تاخذ بخاطرها منك ميهاف رفعت حاجبينها بتعجب وتبتسم تجامل: اوه ماشاءالله بيتخرج رند : ايه عاد اسمعي لازم تروحين خصوصا دلال احتمال ماتجي اقلها انتي تكونين هناك ميهاف تكتفت : طيب بحاول رند وهي تبوس خدينها : يلا اشوفك على خير ميهاف : درب السلامه .. وسكرت الباب وهي تسحب نفس عمييق ورجعت لداخل بسرعه ووقفت وهي تسمع ثامر يكلم ابوه بالجوال : للحين مافتحت الموضوع معها .... كيف يعني مافتحه معها تبيني اطلقها وامشي يعني ؟ ... عطني وقت يبه عطني وقت على الاقل انا افكر ... لاحول ولاقوة الا بالله ... لا مقدر بكره مانيب راجع امهلني يومين زود .... يومين رجعت تمشي على اطراف اصابع رجولها وقلبها بيطلع من بين ضلوعها ماكانت مصددقه ولامستوعبه انها بالكثير يومين وتتحرر من شي اسمه ثامر .. التفتت على صوت ثامر وراها : وش تبي اختك بلعت ريقها والتفتت له : بيت بو خالد عازميني بكره وام خالد ملزّمه على روحتي ثامر ضيق عيونه : وش المناسبه ميهاف رفعت كتفينها : مدري ماقالت لي بس علمتني انهم رايحين شاليه يعني مو ببيتهم سكت لفتره ورجع يناظرها : متى ميهاف ببرود عكس داخلها : بكره تنهد وهو طالع من المطبخ : خلاص جهزي نفسك بوديك لهم تصصنمت عيونها عليه ونطت من مكانه وقفت عند باب المطبخ تناظره ومو مصصدقه همست : وش صاير بالدنيا !! ___________________ يوم ثـاني وبالشاليه تحديدا .. والكل مجتمع منار وهي واقفه جنب غاده " خطيبة عبد العزيز " وتتفحص الهديه الي جايبتها له : اوه اوه من قدك ياعبد العزيز وصارت احلى الهدايا تجيك استحت غاده وابتسمت : ولو يستاهل اكثر منار ضحكت : ههههههههههههه ماشاءالله يستاهل اكثر بعد !! هنيالوو والله ...............: السلام عليكم الكل التفت للمدخل ولوين ماميهاف واقفه تبددت ملامح منار للجمود انصصصدمت من وجود ميهاف بهاليوم واهي الي صار لها قريب الاربع شهور مختفيه ومحد يعرف عنها شي ! قامت ام خالد ترحب وتهلل : ياهلاا والله بالقاطعه هلا بميهاااف وينك وين اياامك وش اخبارك وش هي دنياك سلمت عليها ميهاف بحراره ام خالد : تعالي تعالي اعرفك على الموجودين ميهاف وهي مستحيه : يلا ومشت معها تسلم على الموجودين وتعرف فيهم واول مااقبلت مقابله منار وكانت متوقعه ردة فعلها البارده الي لقتها منها ... ماكانت حتى مبتسمه لها وباين الي بخاطرها مو شوي ماتكلمت معها ميهاف واجلت كل شي لبعدين.. وبعد منار وقفت غاده تسلم وام خالد تعرف ميهاف عليها : وهذي بسم الله عليها خطيبة عبد العزيز .. غااده اقشعررت خلاياها انصصصدمممتتت والتفتت على طووول لمنار وعيونها بتطلع من مكانها عقدت حاجبينها وبلعت ريقها وكأنها تبي جواب من منار او حتى تبرير منار تتدارك الوضع ابتسمت لغاده : وهذي صديقتي ميهاف الي كلمتك عنها غاده ابتسمت : ماشاءالله جميله مثل ماسمعت عنك سلمت عليها ميهاف وهي بعز صدمتهاا مافاقت منها ومشت تسلم على الباقي وهي مابين اللحظه والثانيه تخطف نظره لغاده وبعد ماخلصت وقفت فاهيه عقلها مو معها وعيونها على غاده جت لعندها ام خالد : ميهاف وش فيك واقفه ميهاف فاقت والتفتت لها : ابغى اروح لدورة المياه اشرت لها ام خالد : هناك وبتلقين مغاسل بعد ومشت وهي تغمض عيونها بقوه وترجع تفتحهم لعله حلم وتصحى منه وقفت عند المغاسل بجهه صادّه عن الكل اتكّت بيدها على المغسله وباليد الثانيه تضغط على صدرها سحبت نفس عمييييق وزفرته مـاقدرت تتماسك اكثر واجهشت بالبكي ماهي قادره تهدّي من نفسها بكت بكت الين ماصارت تشهق من غير سيطره على نفسها وبين ماهي على حالها حست بدخول احد انحنت بسرعه وشغلت المويا وصارت تكّح بتصنع حطت يدها على كتف ميهاف وبهدوء : انصدمتي ؟ رمشت بحركه سريعه انصدمت من جية منار منار تنهدت : ميهاف ؟ طفت المويا وشهقت انفجرت بالبكي من جديدد استعدلت بوقفتها ولفت لمنار ومن غير لاتناظرها ضمتها وصارت تبكي بإنهيار : لييييييهه منار وحست بأن صوتها مسموع : تعالي برا ، ومشت معها طلعت لبرا وسكرت الباب وراهم وقفلته من برا عشان لااحد يطلع وجلست جنبها ورفعت وجهها لها وتحاول تمسح دموعها : اهدي شوي لااحد يشوفك الحين ميهاف بضععف وقل حيله مسكت يدين منار ثنتينهم وبترّجي : لايتزوووج تكفين ابوس رجلينك لايتزوج منار وهي تتلافت بتوتر لايصير الي خايفه منّه : وش بيدي اسوي اهو قرر خلاص تكفين ميهاف تكفيين هدّي من حالك خوفي لاحد يجي ويشوفك صدّت عنها وهي تضرب خدينها وتهتزز مسكتها منار بقوه ورصت يدينها ببعض : ميهااااف بسم الله عليك اذكري الله لاتعورين قلبي رفعت راسها لها وعيونها جمرر وتتنفس بسرعه : تعرفين وش يعني يتزوج ؟ " وسحبت يد منار وصارت تضرب قلبها بسرعه " يعني هذا يموت يموووت .. وتركت يدين منار وقامت عنها وابعدت شوي وهي تشد بيدينها على راسها وترجع بهروله وتجلس عند رجلين منار وتشد على فخذينها وفكّها يرجف ودموعها متجمعه بعيونها : طيب قولي انك زعلانه وكل هذا كذب ماخطب ومراح يروح لغيري قوولي !! منار ضاااق خاطرها وهزت راسها بيأس : ليته كذب نزلت راسها على رجول منار ورجعت انهارت بكي ومنار تحاول ترفع راسها وتهديها لكن عجززت مااقدرت واستمرت تحاول فيها وبصعوبه رفعت راسها ومسكته بكفينها واجبرتها تناظرها وبصوت واطي : فقد الامل لما عرف انك عايشه حياتك خلاص ولما عرف انك عايشه سعيده مع زوجك عاش على امل انك ممكن ترجعين تكونين له بس مافي فايده وانتي متزوجه وابتعدتي خلاص ميهاف عبست وصوتها بالحيل يطلع ودموعها تسابق بعض : سعيده ؟ منار: موانتي قلتي لهدى ذا الكلام وانك ماتفكرين الا بزوجك ؟ سكتت وارتخت بجلستها .. رفعت راسها لمنار : قلت اني سعيده ايه ... ابتعدت وعشت ايه ! بس انا ابتعدت عنه وعنك وعن خواتي عشانه انهنت باليوم الف مره عشانه انا رضيت انحرم حتى من جيتي لزواجك بعد عشانه صبرت كثييرر وشفتي بعينك انا وش عشت هناك كل هذا عشان منو ؟ منار انا جيت اليوم لهناا ومن بعد غيبه اربع شهووررر ليييييهه وعشااان من ؟؟ انربط لسان منار وهي تسمع كلام ميهاف وماردت ابتسمت وهي تحاول تمنع دموعها : جيت لان ماعاد لي رجعه لذيك الديره وماعاد لي حياه مع ثامر جيت لاني راح اتحرر وبرتاح بعد شهور مرت عذاب ومهان لي " اتسعت ابتسامتها اكثر " ..: وبعد عشانه .... منار انا انطردت من بيت عمي ومثل ماتزوجني مجبور راح يطلقني مجبور جيت وكلي امل بلقاه على حاله ينتظر مثل ماسعيت وتحملت كل شي عشان ارجع ... ارجع والقى خطيبته تستقبلني ؟؟ منار وعقلها بينشل من صدمتها : بتتطلقييين ؟ كيف ؟؟ من جدك ولاتمزحين صدّت وهي تحاول تسحب انفاسها وتكتم شهقاتها منار وهي بتنهبل مسكت ميهاف من كتفها ولفتها لها : ررددي علي ميهاف من جدك بتتطلقين ؟ سكتت وعيونها بعيون منار الين مارجعو الدموع تجمعو بعيونها وبصوت مخنوق : تذكرين الوعد الي قطعته على نفسي ؟ تذكرين اول ماملك علي وش قلت ؟ انتي الحين ردي تذكرين !! تنحححتت منار فتحت فمها من هول صدمتها غطت فمها بيدها وجلست على عتبة الدرج وبتردد خايفه تسأل بلعت ريقها : ي.. يعني ماقربـ... لفت وصرخت بوجهها : لاااااا " ارتجف فكّها اكثر " .. لاني وعدت يامنار وعدت ! . . . صد متمسك بالجدار متراجع بخطواته وعيونه بتطلع من مكانها رفع يده على جبينه ، تلافت حوله حس انه تايه ضايع مايدري وش يسوي ... رجع بهدوء ووقف عند حافة الجدار وصوت منار وميهاف يوصل لمسامعه ويذبحه الف مره بالثانيه التفت بسرعه للجهه المقابله وهو يسمع صوت بدر جاي .. مسح وجهه بسرعه مرر يدينه بشعره يستعيد انفاسه ومشى راجع وصادف بدر الي تفاجئ : هااا وين الاغراض ؟ عبد العزيز من غير لايوقف : اختك واقفه مع ربعها برا ماقدرت اروح بدر : طيب كان اتصـ..التفت وراه وماشافه طلع جواله من جيبه واتصل بمنار : اقول وش تسوين برا انتي ماتدخلين داخل انصصعقت : هاااا بدر : عز كان جاي ياخذ اغراض ناقصه من عندنا للعشا وقال انتي مع البنات برا اخلصي دخلي ودخليهم جاي اخذهم امك موصيتني منار وقلبها طاح ببطنها : خلاص طيب طيب وسكرت بسرعه رجعت الجوال بجيبها ووقفت وانحنت لميهاف : قومي معي لداخل بدر بيجي للمطبخ مسكت يد منار وقامت وراحت معها تغسل وجهها ومنار تكلمها بضيق وهي تمد لها المناديل : بحاول اصلح كل شي سحبت المناديل بصمت ومسحت وجهها وطلعت ميك اب من شنطتها وحاولت تصحح الي اخترب منار بعبوس : طيب ردّي علي قولي شي لاتخوفيني تسكتين كذا ميهاف بصوت بالحيل ينسمع : وش اقول ؟ منار ووقفت بوجهها : اي شي حسسيني انك معي سكوتك يذبح ويخوفني القت نظره على شكلها والتفتت لمنار بشبح ابتسامه : قومي قامت معها واول ماطلعو كانو غاده وخواتها مقبلين بيدخلون ووجه غاده احمررر كاسيه الخجل وابتسامتها مرسومه على شفتها استغربت منار : وش فييك غاده بهمس ويدها على قلبها : تخيلي ! امي وامك اتفقو اني اجلس مع عبد العزيز اليوم ونتفق حنا على موعد الملكه رصصت بقبضتها على شنطتها غمضت عيونها بقوووه وسحبت نفس عميق منار بلعثمه : ء .. والله صدق ؟ منو اقترح هالاقتراح غاده بهمس : امك الله يهديها بالله انا بقدر اكلمه ! تكفييين انا بس اطل من النافذه اشوفه رايح جاي وقلبي يذووب كيف بقدر اكلمه ماقدرت تتحمل اكثر ومشت للمطبخ على طول بما انه مقابلها ومافيه احد الا الخدم دخلت استندت على الجدار ورفعت يدها على جبينها وتزفر بتعب ماحست الا بدخلة منار بسرعه وسكرت الباب وبسبب نظرات الضعف بعيون ميهاف ماقدرت الا انها تضمها وبترجّي : تحملي ... ابتعدت ومسكت وجهها بكفينها : تكفيين تحملي لاتضعفين ولاتيأسين كل شي يتصلح كل ششي ميهاف والغصه ببلعومها : بتسولف معه منار وهي تحاول تطبطب عليها : لانها الحين خطيبته سوي نفسك ماتشوفين ولاتسمعين عشاني طالبتك .. " وراحت جابت لها عصير فتحته ومدته لها : خذي لك اشربي وتمالكي اعصابك شوي خذت العصير من يدها وبدت تشرب والا على دخلة ام خالد وباقي الحريم يجهزون للعشا .. ___________________ عنـد عبد العزيز الي حس الدنيا بسكونها بثباتها بكبرها تدور فيه ماكان قادر يسمع صوت احد ولايكلم احد ركب سيارته وقفلها ، دنق وشد على راسه بيدينه صار يحس بأن الدنيا ضاقت عليه كتمت على انفاسه صار يتمنى بس لو الزمن يرجع شوي ومايتسرع بقراره وكل شوي يرجع يتذكر الي سمعه منها واهو الي استغرب وجودها من شاف سيارة ثامر دخلت وهو مصدوم ومستغرب بس ماتوقع ان يكون هذا السبب ضحت ! وتقبلت حرمانها من الدنيا بأكلمها ومن اقرب الناس لها ؟ كل شي صار لها وسوته بهالزواج عشانه ! تسعى له وتجي له سند راسه وضيق الدنيا كلها فيه : وش سويتي عشان يطلقك وترجعين ؟ وماوعى الا ببدر يضرب النافذه ، نزلها ببرود : وش فيك بدر : باللهِ ! تستهبل انت العشا ينتظرك وش فيك جالس هنا عبد العزيز وهو يفرك بدايات عيونه : راسي ضرب صداع جيت هنا بدر : اخذت لك مسكن عبد العزيز : اخذت بدر وهو يفتح باب السياره : اجل امورك بتزين يلا قوم انزل ونزل معه وراحو يتعشون وطول الوقت كان ذهنه شااارد مو معهم ابد __________________ بعد ساعتين عـند الحريم غاده حطت الهديه : لاوالله ! انا اعطيه اياها هاهاي بس كثري منها اختها : اي وش فيها عادي خطيبك ياحماره غاده : بس مرا شكلي غلط اول مره اشوفه انا ترى يادوب بقدر اكلمه ميهاف ببرود : ماياكل غاده ابتسمت : ادرري بس والله مستحيه بقووه وش فيكم انتو مو جايين تفهمون صدت عنها وهي ماهي طايقه وجودها جات منار ووقفت : ء غاده يلا قومي عبد العزيز ينتظرك لفت لها ميهاف بقوووه فاتحه فمها غاده اختبصت : الحيينن ! منار بهدوء : اي لانه على الاغلب شوي وبينام تعبان غاده بذوبان : وه ياعمري رفعت حاجبينها بتنهبل مستنكره ورجعت التفتت لمنار الي ناظرتها بمعنى ماعليه .. قامت غاده وضبطت حجابها ومشت ورا منار قامت ميهاف بهدوء وابتسمت لخوات غاده : عن اذنكم شوي ... ولحقتهم وقفت صاده عن لاحد يشوفها واول ماوقفت غاده مقابله عبد العزيز رجعت منار من غير ماتلاحظ وجود ميهاف الي تخبت تحت الطاوله المحاوطه بكراسي بسبب عتمة الليل ... غاده بصوت واااطي : السلام عبد العزيز : عليكم السلام .. شخبارك غاده : الحمدلله ... "وبخجل "..: وانت ؟ عبد العزيز ببرود : بخير ولله الحمد غاده وترص يدينها ببعض : مبروك تخرجك ناظرها لثواني : اي الله يبارك فيك عقبالك ان شاءالله نزلت راسها : ان شاءالله ...... كانت جالسه على ركبها وتسمع حوارهم بما انها قريبه منهم وشوي شوي صارت تشوفهم يندرجون اكثر بالكلام وصارو يتمشون مع بعض مبعدين عنها ، توسدت يدينها ضلوعها وصارت تضغط على قلبها ودموعها تخونها بدون ماتقدر تسيطر على نفسها نزلت راسها وهي تضغط على فمها بقوه وتكتم صوت شهقاتها . . بنفس الوقت الي رجعو يتمشون بالجهه المعاكسه يعني بناحية ميهاف كانت غاده منزله راسها بينما عبد العزيز يناظر حوله بعفويه الين ماقربو لمكانهم انتبه بحركه تحت الطاوله لكن عجز يثبتها بعيونه ضيق عيونه ويحاول يركز اكثر لكن ماكانت واضحه له صد ورجع ماشي بالجهه الثانيه الين مابعدو عن الطاوله تماما قابل غاده ومن غير لايمسك نفسه !... . . . بعد ربع ساعه عند البنات منار بتنهبل : ماقالت لكم وين راحت اخت غاده : لا والله قامت بعدكم على طول فكرتها راحت دورة المياه خذت جوالها وبسرعه مشت لبرا : ميهاف ميهاف ياااارربيييي ... اتصصلت وهي متوتررره والصصدمه سمعت رنين الجوال بمكان قريب منهاا : تلافتت حولها بغضب : ميهاااف ! وقبل لاتمشي تدورها شافت غاده مقبله ناحيتها وملامحها عكس تماما وقت الي اول ماراحت مرت متجاوزه منار من غير ولا كلمه ، التفتت لها منار مستغربه تعابير وجهها لكن اجلت لبعدين واتصلت مره ثانيه على جوال ميهاف وردت بسرعه وهمست : وشش تبين منار : ووينك ميهاف : مالك شغل ويني منار : ميهاف لاتجننيني قلت لك وينك ميهاف وعيونها على عبد العزيز الي واقف بمكانه : بمكان مقدر اقولك عنه مقدر اطلع لك الحين ولاتقدرين انتي تجيني تنحت : وش يعني ؟ وينك فيه ميهاف التفتت وقابلت منار وهي تسحب نفس : تحت الطاوله الي برا التفتي شوفيني منار التفتت لناحية الطاوله بسرعه : ننعععمممم !! وش تسوين هناك !؟ ... لحظه لحظه كنتي تراقبينهم ؟ ميهاف سكتت لثواني : ايه منار شهقت : حححح ماخفتي يشوفونك ميهاف : لا منار وانتبهت لعبد العزيز واقف : عبد العزيز بمكانه كيف بترجعين ميهاف بلعت ريقها : بحاول خلاص انتي ادخلي وانا جايه منار : لاحول الله ، طيب استعجلي الوقت تأخر والجو بدا يصير ثلج بتجمدين برا ميهاف : طيب طيب ،، وسكرت من عندها وقبل لاتدخل منار التفتت لميهاف وهزت راسها بيأس بينما ميهاف تأففت وضغطت على جبينها بتعب .. التفتت وراها وشافته على وضعه يتمشى رايح جاي وبكذا ماراح تقدر تتحرك وتطلع ——————— عنـد منار دخلت ودورت غاده ولقتها جالسه بغرفه لوحدها دخلت عندها : مراح تقولين وش سويتو ؟ غاده ناظرتها بجمود ممزوج بغضب ونزلت راسها منار استغربت وراحت لعندها : وش هالنظرات غاده صاير شي ؟ غاده بغبنه : ليه تخطبون له وهو مايبي يتزوج ؟ منار جلست : ننععممم ؟ منو قال غاده رجعت نزلت راسها : هو قال مشت لعندها منار وجلست جنبها : لحظه حبه حبه فهميني غاده ناظرتها وبصرامه : وش افهمك مايبي يتزوج وخلااص ماعنده استعداد يفتح بيت ويكون اسره بالمختصر توقعته شي واو ومع الاسف طاح من عيني لما قال انا مو قد زواج وان كنت بتزوج عشان ابوي بس منار بحده : غاده ؟ غاده صدت : وانا ماعندي استعداد ارتبط بشخص اعترف لي انه مو قد المسؤوليه منار : وش يعني ؟ غاده تنهدت بغضب : برجع افكر من جديد بس مااوعدك اني اوافق على اخوك وصلك العلم ! .. وقامت طلعت من الغرفه لحقتها منار بعيونها وبهمس : لاتكفين وافقي ! _________________ عند عبد العزيز بعد ماطال تفكيره التفت مضيق عيونه ومدنق راسه يناظرها وشافها معطيته ظهرها وجالسه مشى بهدوووء عشان لاتنسمع خطواته الين ماوصل لعند الطاوله نزل لمستواها على ركبه وبهدوء : وش تسوين هنا ؟ توسسسعت عيونههااا شههقتتت بذعررر و لففتت بسسررعه طاحت عيونها بعيونه تلعثثممت وانربط لسانها : ب ب انـ.. كتمت نفسها " ماقدرت تنطق " عبد العزيز من غير لايبعد عيونه : وش تسوين تحت الطاوله ؟ خاااافت تلافتت حولها فزت بتقوم وضرب راسها بسقف الطاوله : اح ! ، ابعدت الكرسي عشان تطلع لكن استوقفها : ميهاااف ميهاف من غير لاتناظره : لازم ادخل بسرعه عبد العزيز بدون مقدمات : تبين تعرفين وش راح نقول لبعض صح ؟ تركت الكرسي وارخت يدينها بصمت غمضت عيونها بقوه وتحس بطنها يمغصها واستمر بكلامه : لحقتيها وجلستي هنا عشان تعرفين وش بقول لها وبتقول لي ميهاف بهدوء : لا عبد العزيز بإندفاع : بلا لفت له وردت بقوه : قلتت لاا عبد العزيز التفت يمين وشمال ورجع ناظرها : اجل وش غايتك رجعت صدت بتقوم الا قام مهرول بسرعه ووصل عند الباب وبما ان المفتاح برا قفله وشال المفتاح خاااااففتتت ومشت له بسرعه : ليييهه ! عبدالعزيز بنبره صارمه ويضغط على المفتاح بيده : لين تقولين ليه تراقبيني مع خطيبتي وش مصلحتك وش تبين ناسيه انك متزوجه خلاص ؟ ميهاق رمشت بسرعه ومن غير ماتناظره : خلني ادخل عبد العزيز : يمكن تذكريني وتعرفين شخصيتي زين ... اكره ماعندي شخص يتطفل على حياتي وخصوصياتي ومراح اعديها الين ماتعطيني سبب مقنع بلعت ريقها والتفتت وراها وترجع تلتفت له : مو عدله لو احد طلع وشافنا اتركني ادخل دخل المفتاح بجيبه ومشى بيروح عند الرجال لحقته بسرعه وهي خايفه : المفتااااااااح لف لها وبعيونه غضب واضح : مو لما تقولين وش تبين لاحقتني انكمشت مغمضه عيونها ورجعت تطالعه بإرتباك: م مابي شيي مابي شيييي عبد العزيز ضيق عيونه : فضولك يبيك تعرفين كيف بتكلم مع خطيبتي صح ؟ وخصوصا اني سبق وخـطبـ.. قاطعته : لااا طبعاا مافتكرت فيك حتى وش الخرابيط ذي انا الحمدلله متزوجه وزوجي مالي علي حياتي رفع حاجبه متعجب كذبها : اذا مالي عليك حياتك وش تفسير حركتك هذي ميهاف : شيٍ راجع لي " ومدت يدها " ..: المفتاح لفو ثنينهم بسسرعه للباب بعد ماسمعو احد يحرك عروته ويبغى يطلع وصوت منار بصوت عالي : وين مفتااح ذا الباب منهو قفله رجعت التفتت لعبد العزيز وقلبها بيطلع من مكانه من شدة الخوف همس : القرار بيدك رصت على اسنانها معقده حاجبينها بغضب : ووشش اقووول منار من داخل : يممماااا وين السبير حق ذا الباب شكله احد قفله وشال المفتاح شهقت وصارت تتلافت تدور مكان تروح له طالعته بقهررر بينما بادلها بنظرات مليانه برود صدت عه ومشت بسرعه مهروله ابتعدت عن المكان هذاك تماما زفر بضيق راح للباب وحط المفتاح وفتحه نافخت منار : وشذااا ليه قافل الباب عبد العزيز : الجو برد ومابغى البزران يطلعون منار مشت لعند الطاوله ووقفت مصدوومه لما مالقت ميهاف التفتت بتردد وهي تحك راسها : طيب .. ء ماشفت احد طالع هنا ولا هنا عبد العزيز بتصنع : ليه في احد ماتدرون عنه منار وهي تمشي قدامه وتدور بعيونها : وحده من البنات مدري وينها عجزت اوصل لها عبد العزيز : طيب اتصلي عليها منار : الغبيه كانت بتدخل بس مدري وينها الحين عبد العزيز : برا لوحدها بذا الليل ماتبرد هذي ؟ منار طلعت جوالها واتصلت عليها ، عبد العزيز بمكر : اتصلي وانا بدور منار بإندفاع : لااااا استغرب : وليه تلعثمت : ء يعني بنت لاتتدخل انت خلاص روح عند الرجال الحين تجي عبد العزيز ببرود وهو يمشي بنفس الجهه الي مشت لها ميهاف : زين منار : ويييينن عبد العزيز بحده : بتمششىى حراااامم منار خافت : لالا خلاص روح ومشى وهو يدور بعيونه من غير لاتلاحظ منار ويحاول يركز انه يسمع صوت الجوال . . . عند ميهاف الي دخلت بوحده من الغرف رن جوالها وردت : هاااا منار وهي ماسكه اعصابها : جعلك السكني وينك فيه ميهاف : برا اطلعي وامشي لورا بتشوفين غرفه على يسارك انا فيها منار : الله يقلع مخك طييب جايتك واول ماجت لعندها دخلت سحبتها ميهاف وسكرت الباب منار مستغربه : بتجلسين هنا لمتى ؟ ميهاف : لين امشي او تمشي الزفت مرت اخوك ، وقامت تفتح الباب وجلست على عتبة الدرج سحبت نفس عمييق وزفرته بضيق منار : وش فيك مره تسكرين الباب والحين تفتحينه ميهاف وهي تشد عبايتها : صدري ضاااايق مكتوم منار قامت لعندها : وش صاير ؟ ليه بتمشين حنا بنبات هنا ميهاف بهدوء : مقدر مو مجبوره اضغط على نفسي كذا ماني متحمله اجلس بمكان تشاركني فيه وحده اخذت مني اكبر امنياتي منار بتفكير : طيب انا عندي احساس ان هالزواج مراح يتم ميهاف من غير لاتلتفت : تكفين بلا احاسيس مامنها فايده ... تصدقين منار منار : وش ميهاف : احس جيّتي هنا اليوم في من وراها سر جيت وانا بفكري كثير اشياء والحين مافي بالي ولاشي من هذول كل شي تغير حتى طلاقي صدقيني بحاول انه مايتم منار نطت مقابلتها : ليييهه مو هذا الي كنتي تبينه ميهاف بغضب وحدة صوت :ايي بلاا لما كنت ان اظن الشخص الي انا ابيه هو يبيني بعد لما كنت اتعذب وابكي ليالي عشانه كنت اظن هو يمر بنفس الي امر فيه بس الي فهمته منك انه صدق كلام بنت عمك هدى واني سعيده بحياتي وبسرعه راح وخطب ! انتي مستوعبه اني كنت افكر يحبنييي يااااربي عقلي بينششل لما افكر بتصرفاته معي قبل ونظراته ! والله كنت اشوف الحب بعيونه رغم اني كنت اتصدد خفت اطيح باللي انا فيه الحين بس حسيت بخوفه علي مراعاته لمشاعري ومهتم لأمري تصرفات كثير عفويه منه خلتني اتعلق يوم عن يوم كنت ابكي خوف على نفسي من هالامر مابييه بس حبييت واثبت لي لما خطبني ان كانت تصرفاته مو طيش " ومسحت على وجهها والتفتت لمنار " والحين ؟؟ الشر يشع بعيونه لما عرف اني لحقت غاده وسمعت الي دار بينهم متخيله انه قال ماسمح لك تتطفلين !!! منار يعني معقوله كل الي عشته وهم ؟؟ منار وهي مستغرربه : وش ذا الكلام قصدك انه شافك ضحكت بسخريه تكااابر دموعها ويدها على صدرها .. وعيونها بعيون منار : شافني وعصب ععصب عللي ، قال تبغين تتطفلين على حياتي وانتي تعرفين اسلوبي ماحب التطفل الا بسبب مقنع " سكتت فتره وبنبرة ضعف قويه تسأل منار " : يعني لو قلت لاني بموت من غيرتي عليك بظنك ممكن يتغير شي ؟ منار قربت وحطت يدها على فم ميهاف وهي تحسها بتنهار من تصرفاتها : شش خلاص لاتتكلمين ميهاف وهي تسحب نفس وتشيل يد منار : لان فعلا ماكنت متحمله فكرة انهم ثنينهم مع بعض بلحالهم منار : عارفه عارفه ماقلت شي انا بس ريحي نفسك شوي ميهاف رفعت كتفينها بقل حيله وعيونها غرقانه دموع : ماحب مثل ماحبيت تنهدت وسحبت ميهاف لحضنها : لو كان البكي بيريح داخلك ابكي لاتكتمين لاتعورين قلبك تنهدت وسحبت ميهاف لحضنها : لو كان البكي بيريح داخلك ابكي لاتكتمين لاتعورين قلبك خبت وجهها بحضن منار وشدت بيدينها عبايتهت بكت وبكت وبكت بصوت مسموع وكأنه بهالبكي بتخفف من المها وشوي شوي بدا يخف صوتها هدت وانتزعت نفسها من حضن منار وضغطت على راسها وهي مكشره ..: آآخخ ، منار استغربت : وش فيك ؟ حست بثقل لسانها وا انسدحت على رجل منار وطلعت جوالها وحطته بسرعه وبصعوبه تكلمت : ء اتصلي بثامر يجـ.. يني منار بخوف : ميهاف قومي ندخل تكفين الهوا باااارد وباين انه ضرب براسك وصدعتي منه قومي ميهاف وهي مغمضه : اتصلي منار اتصلت وحطت الجوال بإذن ميهاف وكلمت ثامر الي جن جنونه من سمع صوتها بهالشكل وباين انها تعبانه وقام طيران لها بينما منار قامت ورجعت للصاله وجابت شنطتها وجلست جنبها الين ماوصل ثامر واتصل حاولت تصحي ميهاف لكن ماجلست واضطرت انها ترد ..: ء الو ثامر عقد حاجبينه : الو من ؟ تنحنحت : انا صاحبة ميهاف بس هي تعبانه شكلها مرّه ونامت مدري حاولت اصحيها لكن مو جايه ترد علي ثامر انهبل طفى سيارته وفتح الباب : ووشش يعني ؟ وش فيهاا ؟ منار خافت : مدري والله مدري تو ماكان فيها شي نامت وماعاد صحت ثامر اننخببص ونزل بسرعه ودخل من الباب ووقف ماهو عارف وش يسوي : و ويين اجيي ويين وينهااا ههييي وصفت له منار من اي ناحيه يروح لهم وسكرت الجوال ورجعت لميهاف وتحاول تصحيها : ميهاااف وشش ذا ياربي وش صاير لك توه ماكان فيك شي ياااربيي حسبي الله عليك ياعبد العزيز كانك انت السبب والتفتت اول مادخل ثامر ، قامت بسرعه ووقفت على جنب بينما هو ركض وجلس ومسك وجه ميهاف ويضرب خدينها : ميهاااااف .. ميهاااف .. حط يده على صدرها وقرب من انفها يتحسس انفاسها وبسسرعة البرق قام حملها وطلع يرككضض ركبها في السياره ومششى ومنار لحقتهم ووقفت وهي وتعض يدها وقلبها ينتفض من خوفها واول ماشافته يطلع بسيارته تبددت ملامحها للغضب وطلعت جوالها اتصلت بعبد العزيز ومشت ترجع للغرفه وماكان يرد بس صدمتهااا اول مادخلت لقته موجود ، ارتاعت: بسسم الله ماكان عارف من وين يبدا او حتى كيف يسأل كانت ملامحه مخطوووفه وجهه شاااحب .. سحبها وسكر الباب وبعيونه الف سؤال : وش صاار ؟ رجعت عصبت : انا الي اسألك الحين مو انت وش ذا الكلام الي قايل لهاااا وش سويت انت وش سوووويت يعني فوق صدمتهااا بأنك خطبت تجي وتكلمها بذي النبرره ليييهه طييب ليييهه يعني احاول ادور لك عذر مبرر للي سويته ماافيي ماففيي شي يخلي غلطتك صح ! مو توك تحبها وتبيها بأي شكل والحين تسوي كذا ؟ شفيك انفصااااام انهبلت عبد العزيز بفقدان صبر صرخ : بكل بساطه ماني عارف اصصدق من ولا من اصدق هدى ولا اصدقكك ولا اصدق كلامها ولااصدق عيشتها مع زوجها من غير لاتسأل حتى عنك منار عضت شفتها بصدمه : يعني كلام هدى مصدقه وكلامي انا لاا ! عبد العزيز وش فييك تدري ان ميهاف جاا.. قاطعها : ادرري خلاص اسكتي الي فيني كافيني منار انصدمت زياده : وبعد تدري ؟ لااكيد انت اليوم فيك شي عبد العزيز ويرجع يصارخ : اي حططي نفسك مكاني تعيشين على امل حب هالانسانه بعدها تتزوج شخص غيري واسمع انها تحبه وعايشه مرتاحه بعدين اسمع منها اهي بترجع تتطلق عشاني انا ومتى ؟ بعد ماقررت اتزوج وخطبت لي انسانه ثانيه !! انتي متخيله كمية الضياع والحيره الي انا فيهاا منار : مو مبرر انك تجرحهاا بكلامك بذي الطريقه وبعدين كيف قوى قلبك وين الححب وين الدنياا ولا بعد فوق انك قايل لغاده ماتبي تتزوج !! وش الي جالس يصير معك انت بتخسر كل الي حولك ! انت بعد كلامك لها ماعاد تبي تتطلق " شدت على راسها " .. يااااربي ثبت عقلي قسم بالله بيصيبني شييي ماني فاهمه انت خربت كل شي الليله ليييهه علمنني عبدالعزيز بعيون شاخصه : انا من بعد ماسمعتها اليوم تكلمك وبلحظه بس ! قلت لغاده اني مابي اتزوج ، كنت متوقع لما اقول لميهاف ذا الكلام واسألها ليه لاحقتني بتقول نفس الكلام الي قالته لك !! بس رجعت وقالت مرتاحه مع زوجهاا ! منار شهقت : وتبيها تقول لك يافلان احبك وابيك وهي متزوجه وحتى لو كان صحح ماتبوح بمشاعرهاا لك مهماا كان انت رجال عبد العزيز مايصير تصرح لك بمشاعرها وهي على ذمة شخص ثااااني مايصيررر وش فيك وش صااار لعقلك انت بنظرك تشوف هالشي صح ؟ اسند راسه وهو مغمض ويمسح وجهه ويشد بدايات شعره من غير لايتكلم منار وهي شايله بخاطرها : تعرف انك بقلبها وعقلها وروحها والله انك تعرف لاتقول مين اصدق ! بس يمكن طمعك بأنك تبي تسمع هالكلمه منها خلاك تسوي كل هذا وتجرح؟ صدقني احاول اعطيك مبرر ماني لاقيه غلطت وحيل عبد العزيز ماني مصدقه بأنك كنت متأمل حيييل بأنها بترجع لك ولما رجعت ! فوق صدمتها بخطيبة عبد العزيز وفوق انهيارها ومع ذلك حبت تجدد الامل بداخلها جيت انت وهدددمتت كل شيي بلحظه كل شي .. هدمت امالك وامالها سكت يسمع كلامها ويستوعب شوي شوي تصرفه ونتيجة غلطته الي ماكانت تخطر لا على البال ولا على الخاطر .. معقوله هو طمع بكلمه منها تجبر خاطره ؟ وماكفاه كمية المشاعر الي سمعها منها وهي تقولها لمنار كان يبيها تقولها له بعد ؟ نسى ارتباطها وارتباطه حاليا وطمع ؟ والنتيجه !! ممكن يخسرها للأبد ... قام بسرعه وطلع من الغرفه ومايبي يفكر مجرد تفكير بأنها ممكن تكمل زواجها مع ثامر اساسا مجرد التفكير بهالشي يذبحه مليون مره ..، . . . نــــــــهـــــــــايــــ ـــة الـــــبـــــــــارت | ||||
|
|
04-10-20, 01:18 AM
| #34 | |||||
| اقتباس:
مـاأقولك مستحيل . لكن الأمل بعيـــد نوعاً ما | |||||
|
|
|
04-10-20, 02:40 AM
| #35 | ||||
| . . . الـــــــــــبـــــــارت الثـــــــالــــــث والعـــــشرون . . . يـوم جديد ، كـآن واقف متوتر بعد ماخذاها على مستشفى ثآني والنتيجه مثل ماهي .. تنرفز وعصب ع الاخر : كيف يعني مافي سبب طبي للحاله الي هي فيها البنت من امس على هالحال وتقول لي مافي سبب طبي ؟؟ الدكتور : ماهو دا الي طلع بكل الفحوصات والتحاليل ماعندهاش نأص دم ولااي حاقه من دا كلو ماعرفش أأولك ايه ثامر وهو يضغط على جبينه بإرهاق : طيب الحين وش الي بيصير بتظل على حالها يعني الدكتور : الي انا شايفو هوا بالزبط متل اعراض الغيبوبه ماعنديش قدره اني أأولك هيا بتفيأ إمتى كول شي بيد ربنا ممكن بعد ساعه ساعتين تلاته بس الي انا شايفو برضو السبب ممكن يكون نفسي مش صحي جسدي والله اعلم زفر بضيق مع تكرار نفس الكلام ومشى عنه دخل للغرفه واول ماسحب الكرسي بيجلس لمح حركه سريعه بسببابتها ، شهههق ومسك يدها بلهفه : ميهاااف استقبطت وهي مغمضه وتحاول تفتح عيونها لكن حست بثقل ، سحبت نفس عميق بمحاولة تعتلي بصدرها ضحححك بقوه وبيده ضغط ع الجرس بقووهه ولمده طويله وماقدر يستحمل دنق ورفع جسدها بمقدار بسيط واحتضنها وهو يحمد الله وعلى دخلة الممرضات والدكتور الي لف لهم ثامر ودموع الفرح بعينه : حرركت يدينها صحت صحت ركضو الممرضات والدكتور بدا يفحصها ويحاول يختبر الاحساس بجميع اطرافها الدكتور وهو مستغرب ويضحك : حاله غريبه فعلا انا مش عارف اكتب ايه النهارده مااهتم له ثامر وجلس على اطرف السرير يمسح على راسها بهدووء الين ماصحصحت فعلياً لكن صوتها كان منبّح ركزت بنظرها عليه وكأنها تستوعب تدريجيا وضعها وحالها وسبب وجودها بهالمكان رجعت غمضت عيونها وتنهدت بصوت مسموع نطق ثامر بإندفاع : بسم الله عليك ظلت مغمضه لثواني وبعدها فتحت عيونها وبصوت اقرب للهمس : تـ..ـخاف عـ..ـلي ؟ ثامر بمشاهر صادقه: ماعندك شك بهالشي ابد ميهاف وهي تشد يده بمعنى اقرب مني ولما قرب منها همست : لآتـطـ..لقني تصصلبت انظاره بعيونها مصدوم مستغرب ماقدر ينطق وكملت وهي تشد على يده اكثر : تكفى ____________________ بييت اهل غاده ام غاده : كنتي طايره فيه طير وش الي صار الحين غاده : مو جلست معه وتكلمنا ؟ يايمه اسلوبه مررره خايس هو برود ولاهو ضيق نفس ولا تحكم ! وبعدين طريقة تفكيره مره ماهي حلوه من الحين مايبيني اتوظف تخيلي على اساس هو دكتور وراتبه يكفي ويوفي تخيلي ؟ ام غاده تنحت : غريب واحد بهالزمن ويمنع زوجته تتوظف ؟ غاده : ويقول شنو طلعات مع سايق مايحب كل مشاويري يحب يعرف عنها ويوديني هو بنفسه يمه الي عرفته معه مراح ادخل قفص ذهبي لا والله اني بدخل محكر حمام ف الحمدلله الحمدلله اني عرفته قبل لااتوهق فيه لا وتخيليييي نسيت ماقلت لك يقول ليه حاطه كحله بعينك ماله داعي ماحب المكياج ام غاده ماتحملت وضحكت : صددق الي يشوفه من براا يقول هالله هالله غاده : يايمه الرجال مخابر مهب مناظر ام غاده وهي تتأفف : الحين كل قرايبنا عرفو بخطوبتك وفرحو لك وش موقفنا الحين لما نقول رفضناه غاده بعدم مبالاه : عادي يمه كل شي بالدنيا نصيب وهالانسان ماهو نصيبي ام غاده : دام هذا الي تشوفينه اكلم ام خالد الحين واقول لها ماعاد لكم نصيب عندنا والله يوفق ولدكم مع الي تناسبه غاده : زين ماتسوين ____________________ في جـده .. نزلت عيونها على الظرف ورجعت تناظر مديرة المحل : بس انا محتاجه لهالوظيفه عشان اعيش مديرة المحل : وانا محتاجه رزقي من هالمحل بعد عشان اعيش وانتي بوجودك سكرتي باب رزقي هدى بلعثمه وعيونها على نوره الي تبي العون منها : ب بس مو ذنبي نوره : ياهدى انتي مريضه مريضه لازم تتلاحقين على عمرك وتتعالجين ولا الهوس راح يتطور معك وماتدرين وش يصير لك بعدين هدى وفكّها يرجف التفتت للمديره : الله مايرضى بقطع الارزاق انا كيف بعيش مديرة المحل : الله ماينسى احد نزلت عيونها بخيييبه وسحبت الظرف ومشت تجر خطواتها وطلعت من المحل فتحت الظرف وكان فيه مبلغ مايكفي عيشتها بجده من اليوم ورايح ماتحملت جلست على اقرب كرسي لها واجهشت بالبكا من غير لاتتماسك وتقاوم جلست جنبها وحده حطت يدها على كتفها : اختي فيك شي اساعدك ؟ انقطع صوت بكيها والتفتت للحرمه وسرعان ماتوسعت عيونها بغضب جامح وصارت تضرب الحرمه : الله ياااخخخذذذك دمرررتتي حياااتتيييي ودمرتييينننييي وشش تبيييين وش جااابك لعندي هنااا وش جابك انتزعت الحرمه نفسها من بين يدين هدى بصعوبه بعد ماشافتهم نوره وطلعت من المحل تركض وسحبت هدى سحب والتفتت للحرمه : تعاني من مرض نفسي امسحيها بوجهي الحرمه : لاحول ولاقوة الا بالله لاتتركونها لوحدها هذي تسبب خطر على الي حولها هدى وتلف نوره لها بقوه وتصصصرخ بشكل ملفت : ماااااننييي مريييضضضهه نوره بحده : مااانتتي مريضه بس هذي الحرمه من تكوون ليه ضربتيهاااا هدى وعيونها شاخصه : تشبه ميّاده والله تشبههاااا ليه ماتصدقيني ان الكل يشبههااا اصلاا هي ماماتت هي تلاحقننيي هي تكرهننيي تكررهننيي تبي تذبحني انا ماصرت اعرف اتحررك لانها تطلع لي بكل وقت بكل وقت ووين ماروح اشوفـ... . . بعد مرور سـاعه فتحت عيونها بثقل على صوت نوره الهادئ : هدى ؟ استغربت وبصوت هامس : ليه انا هنا نوره : ماتذكرين انك طحتي علينا بالمول ؟ رجعت غمضت عيونها وكأنها نامت من جديد .. طلعت نوره للدكتور : انا قدرت اوصل لواحد من اهلها وخبرته بكل شي والمكان بالضبط وعالاغلب بكره بالكثير راح يكون هو هنا اتمنى يادكتور تشددون الرقابه عليها لانها عنيده وممكن تهرب من المستشفى لانها تكره هالمكان كثير ومثل ماقلت لك يعني هي تعاني نفسيا الهوس متقدم معها كثييرر ومأثر على حياتها الدكتوره : على خير ان شاءالله ____________________ عند ثامر وميهاف سحب نفس بصعوبه وزفره بهم سحب يده من يدها ومن غير لايطالعها : هالامر من بدايته مالي فيه كلمه ميهاف برجا : بس انا بضيع بعدك ثامر التفت لها : لاتدوسين على الجرح ميهاف وانتي ادرى باللي بالقلب الموضوع هذا مافيه نقاش وانا وعدت ابوي صدت وتعابير وجهها تميل للبكى من جديد ثامر بإستغراب : ماعشت معك زواج حقيقي وماعشتي معي براحه ليه ترفضين الطلاق الحين ؟ غطت وجهها بيدينها : لاني بضيييع بضييعع بعدك تفهم وش يعني بضييع مالي احد بحياتي الا انت وقف ودنق لمستوى راسها وباسها بهدوء : ليت اني عرفتك بظروف غير هالظروف ، وطلع من الغرفه بينما هي استمرت على وضعها وحتى على اتصالات منار ماصارت ترد __________________ ببـيت بو خـالد ، نزلت جوالها وهي قالبه شفتها ومستغربه : وشفيهم ذولا ! الحين صار لنا مده من خطبنا بنتهم وسوينا التحاليل ولما جا تحديد موعد الملكه يقولون ماعندنا نصيب لكم ؟ هو وش ذي السالفه بعد ؟ منار تتصنع الاستغراب : يعني الحين هي قالت لك مافي نصيب لااكيد تمزح مو من جدها ام خالد : والله مدري علمي علمك تقول البنت مارتاحت للولد نوره كشرت : المنّه عليهااا اساسا امس كانت مصروعه على ماتشوفه منار : بس ممكن لما تكلمو مع بعض ااممم مانسجمو نوره بتفكير : فكرتي كانت بمحلها اجل صح ياعمتي ام خالد : اي والله بمحلها دام انهم على بر للحين مايشوفون شر منار : الله يوفقه مع الي تناسبه ام خالد : اقول منار وش اخبار ميهاف وش صار عليها منار : مدري يمه ماردت علي ام خالد : والله هي طول البارح مو على بعضها ملاحظتها انا ماغابت عن عيني منار : اي كانت تعبانه شوي بس كان بخاطرها حيل تجي ومشت بسرعه ام خالد : هي حامل ؟ استعدلت بجلستها : لا وش حامل بس شوية تعب ام خالد : ماكأنها طولت ماحملت ؟ منار قلبت شفتها : ااممم لا ماحسيت ________________ عند بو خالد وعياله عبد العزيز : انا اعذرني مانيب رايح لها وخالقي لو اشوفها اذبحها بيديني بدر : البنت قالت لي انها مريضه مريضه البنت صار معها هوس ملازم لها بكل وقت خالد : جزا من ربي بو خالد وخاطره ضايق : خلاص يابدر تحجز لك اقرب رحله وتروح تجيبها غصبا عن خشمها لهنا عبد العزيز انهبل : بتدخلها البيت بعد الي سوته بو خالد بحده : وين تبيني اوديها هذي مهما سوت تبقى عرضك ياولد بدر وهو متكدر : وضعها متدهور شكله ماعتقد انها الاولانيه عبدالعزيز زفر : لعبه جديده خالد وقف : الوقت الي بتحط رجلها ذا البنت هالبيت انا ماعاد لي دخله فيه .. عن اذنكم وطلع من غير نفس : مررييمم مريم نطت : هلا خالد وهو يصعد الدرج : الحقيني منار باستغراب : وش صاير ؟ من دخل بدر وانا قلبي قامطني ام خالد : دام انه طلع خالد وخذ مرته حنا نقدر نروح الحين منار وهي تقوم : يلا وبعد مادخلو وجلسو .. ام خالد وهي تنقل النظر بينهم واحد واحد : وش صاير ؟ وجيهكم ماتبشر بالخير ابد بدر : يمه عرفنا مكان هدى منار كشرت : ولعنه تلعن الشيطان وش ذا الطاري الي يسد النفس ام خالد : منار وش ذا الكلام منار : يمه ناسيه وش سوت وش تبيني اقول عليها بعد بو خالد وهو يمسح وجهه : بنت عمك تعبانه واتصلو على بدر بالمستشفى هي الحين منار بحلطمه محد يسمعها : عساها الموت بدر : عموما ابوي طلب مني اني اروح واجيبها منار تفاجأتت ولفت لابوها بسرعه : يبببهه تكفى لاتتهور وترجع هالمصيبه للبيت عبد العزيز ماكان عاجبه الكلام وقام طلع بو خالد : انتم وش بلاكم من لها بعد الله غيري انا عمها وولي امرها مهما سوت محد له كلمه عليها غيري انا مكانها بذا البيت ومن ترجع راح يكون لي تصرف ثاني معها ام خالد : لاحول الله وش ذا اليوم الغبر مابه خبر حلو بو خالد : وش صاير بعد ام خالد : ام احمد الـ.. اتصلت علي وقالت مافي نصيب بو خالد توسعت عيونه بصدمه : بعد كل ذا الوقت يقولون مافي نصيب ام خالد : ياذا الولد مدري وش به الحظ ماهو جاي يضحك له منار تنهدت واخفت ابتسامتها : ماتدرين يايمه وش مخبي له الحظ الله يعوضه باللي احسن منها _________________ ببـيت بو ثامر نهى مقهوره : من راح لاحس ولاخبر لايتصل ولايرد على اتصالاته ام ثامر : لايكون ماهو مطلقها نهى وهي تضرب فخوذها : يااااويلي تخيلي انه راح معها خلاص وباعني انا وولدي ام ثامر خزت نهى : ساعتها والله مانيب امه واغضب عليه ليوم الدين بو ثامر وهو نازل الدرج : بسكم انتي معها واتركو عنكم هالوساويس دام اني قلت يطلقها يعني بيطلقها نهى : اجل علامه مايرد ياعمي بو ثامر : وانتي بلاك ناشبتن ببلاعيمه اعتقيه يابنت الحلال كلها يومين وجايك نهى شهقت : يوووممييين زياده ؟ ماهم اصلا كانو يومين وبيصيرون ياعمي سبوع بو ثامر كشر : اثقلي اثقلي علميها الثقل يـاام ثامر .. ام ثامر وهي مبتسمه براحه : خلاص دام عمك قال كذا تطمني وارتاحي وانتي عارفه ثامر ماله كلمه بعد ابوه يهبى يرد له طلب حتى نهى : الحمدلله ذا المصيبه راحت والله اني كنت شوي ويجيني الضغط والسكر بسببها ام ثامر : لانها خبيثه حاولت تسرق رجلك منك وبالاخير انطردت طردة الكلاب من ذا البيت نهى رفعت حاجب : يسلم لي راسك ياعمي على هالطرده ___________________ فـي مـكـه .... كانت ام فهد ورند ورهف لوحدهم وفهد وطلال لوحدهم كان الوقت بعد المغرب ونازلين يتعشون وبكره بيرجعون طلعو من غرفتهم وصادفو فهد طالع بروحه وقفت ام فهد : اجل وينه طلال فهد : يتروش شوي ويلحقنا ام فهد : زين اجل وبعد مامشى فهد وقفت رند : انتم انزلو وانا بنزل معه ام فهد ابتسمت : استعجلو رند وتوردت خدودها : ان شاءالله مشت عنهم رهف بسرعه ورجعت مدت لها الكرت : خذي رند ضربت جبينها : اوه نسيت تصدقين رهف وهي تمسك امها وتمشي : ادري بك هبله سحبت نفس عمييق وراحت فتحت الباب ودخلت سكرت الباب بنفس الوقت الي فتح طلال باب دورة المياه ، شهق اول ماشافها : بسم الله تنحححت بعيونها وضحكت بفرح ركضت له وبظهر يدها مسحت على خده مكان لحيته : وينهاا ؟ ابتسم بهدوء : راحت نزلت يدها وثبتت على قلبه : وش اخباره طلال وحط يده على يدها : ارتاااااح والحمدلله حطت يدها على فمها : ماني مصصدقه " ارتفعت على اطراف اصابعها وضمتته وهي تضحك مبسووطه " : ياااربي لك الحمد يااربي لك الحمد طلال وهو يضحك : جعلني ماعدم فرحتك رند وهي ترفع يدينه وتبوس باطنهم : وياجعلني ماذوق حزنك مسك يدها وراح لسريره وجلسها بجنبه : وراه لابده عند امي ماتجين ماتدرين اني ماحب حسك يغيب عني رند رفعت حاجبينها : بالله ! منو المفروض يجي للثاني هنا فهد وهناك امك واختك انت الي تجي طلال بتمثيل حط يده على صدره : عاد انا تعباااااان ومحتاج من يراعيني رند بنص عين : ياحبك للدلع قرص خدهااا بقوه لدرجة ترك اثر : ودام عندي الي تدلعني وراه ماتدلع رند وهي عاقده حاجبينها بغضب وتمسح مكان قرصته : تدلع تدلع بس لاتقرص بيدك هذي الي كبر وجهي طلال ويقرب يده مره ثانيه لخدها فزت بتنحاش لكن سحبها : بس بشووف كبر وجهك او تبالغين جلست مصدقه وتناظر بطرف عين وماحست الا بقرصه اقوى من الي قبلها صرخت وهي تشيل يده : طلااااااااااال ضححك من قلب على وجهها الي قلب لونه : آسف آسف رند وهي تخزه : اااففف ليتني نزلت معهم ولا قرصاتك ذي مد يده حاوط خصرها وسحبها لعنده قرب وجهه منه باس خدها بهدوء وهمس : والحين بعد ليتك نزلتي معهم ؟ تلعثمت وصارت تحك حاجبها وجبينها : ء العشا ؟ طلال بيهبل فيها وهمس بإذنها : وش رايك مانتعشى ماني جوعان عشا ! ششهققت والتفتت له بسرعه : تسستهبل ؟! ...... ثم شالت يده عنها وقامت بسرعه : انتظرك تحت مامنك امان ، وطلعت ضحك وتنهد بإرتياح وقام لبس بسرعه ونزل لاحقها واول ماوصل لعند طاولتهم جلس : اااخخ يابطني ياانه يتلوى من الجوع تنحت والتفتت له بهمس : مو توك تقول مو جوعان عشا ؟ ابتسم واللقمه بفمه بلعها والتفت لها وبنفس الهمس : انحشتي مني وش اسوي مالي غير الاكل ناظرته وهي ودها تكفخه ماهو حاسب حساب لأحد طلال وهو ياكل : وش فيك تخزين قايل شي غلط ؟ يعني اظل جوعان كل شي ترضينها انتي علي ؟ رند وخايفه احد يسمع : خلااااص وش ذا الحكي قدام العالم طلال بتطنيش : محد حولك لو اشيلك على كتفي واصعد بك فوق محد سأل عنك حطت ملعقتها وهي تعض لسانها : خلني آككل وربي وقفت الاكل بحلقي طلال كاتم الضحكه : لازم تشبعين ؟ ماقدرت تمسك ضحكتها اكثر وضحكت بصوت مسموع ام فهد الي كانت تسولف مع فهد التفتت لرند : هوو وش فيك رهف : طلال مهبل فيها يمه ام فهد ضحكت بخفيف ورجعت تسولف مع فهد طلال : مو قلت مو لازم عشا ماطعتي تحملي الحين رند قربت كرسيها منه : قد حركاتك ذي ؟ طلال قمط : ههي! بنت ابعدي كرسيك عيب مو قدام الناس رند بهمس : قسم بالله ان ماعقلت عني لااقعد بحضنك ولاعلي من احد طلال يسوي مو مهتم دنق راسه : والله تسوينها ؟ رند وهي تقوم : ياربي انا بنهبل من جد ..وراحت تاخذ لها حلى قام ولحقها وكل ماتاخذ قطعه خذ مثلها : بالله جد يعني عادي تسوينها ؟ رند نست : اسوي وش ؟ طلال : الي قلتيه تو ؟ وقفت والتفتت له وهي ساكته ، اما هو ابتسم : بشوفك صادقه ولاتمزحين ؟ اخذت قطعة حلى صغيره ومدتها له : افتح فمك تننح : هااااا رند ابتسمت : افتح ! مد يده بياخذها لكن بعدت يدها : قلت افتح فمك طلال يرفع حاجبينه : مو قدام الناس ضحكت وهي تهز راسها ومشت عنه واستمر ملاحقها وبنفس الحركات الين ماقضو من العشا وراحو لغرفهم يرتاحون ________________ يـوم جديد بعد مارتاحت من طلعة المستشفى كانت منسدحه بالصاله بينما ثامر كان يكلم ابوه بالحوش ، دقايق ورجع لداخل وجهه مايبشر بالخير ، ومايعرف للمقدمات ابد ..: ميهاف ! حست من ملامحه وعرفت وش بيقول قامت متوجهه للمطبخ تهرب استوقفها : ميهـآف وقفت معطيته ظهرها بلعت ريقها وبطنها يمغصها دعت ربها مايطلقهاا انقطع فكـرها بكلمه : أنتـي طالق .. اقششعرت خلاياها غمضت عيونها بخيبه عضت شفتها تحاول تتماسك لفت له بهـدوء من غير ماتنطق رست عيونها بعيونه صد متحاشي نظراتها وكمل : .. انتـي طالق غرقت عيونها دموع بينما هي تحاول تبتسم وتهز راسها بالايجاب والموافقه اعطاها ظهره ماشي للباب ..: انتي طااااالق ، وفتح الباب وطلع لححقته و صفعت الباب بقوه بعده وطاحت على ركبها وهي تصييح بقهرر وقلبها موجوع بعد مارمى عليها الطلاق بالثلاث وطلع من غير لايلتفت انهاارت اعصابهااا صارت تصاارخ تسبه وتسب نفسهااا صارت تفتح بالباب وتسكره بقوه لحد ماطاحت عروته مشت بكل مكان في البيت وصارت ترمي وتبعثر اي شي قدامها ماكانت واعيه وش تسوي بس فعليا ! تعبر عن قهر مكبوت مو لطلاقها من ثامر ... جرح عبد العزيز لها لسى مابرى ، مشت وجلست عند باب المطبخ بحال يرثى لها مدنقه راسها واحداث كثير تمر بمخيلتها غطت وجهها بيدينها وصرخت : خلاااااااصص ،.. استندت على الجدار .. كانت تتنفس بشكل سريع يسابق شهقاتها المتتاليه حست بأن طاقتها استنزفت تماما مافيها حيل تقوم لكن تقاوت على نفسها وقامت وراحت لدورة المياه شغلت الشاور ودخلت تحته بملابسها جلست وهي لامه رجولها لعندها وبكت تندب حظها وحالها وبعـد ساعتين بالضبط قامت وطلعت واول ماجلست على السرير ضمت راسها بيدينها وهي تحس بصداااع فضيع انسدحت بتعب وهمست : حسبي الله عليك رن جوالها وسحبته ردت على طول : الو ؟ منار : اخيررااا رديتي ميهاف وتحس بحلقها يعورها : تعالي عندي منار استقطبت : وثامر ميهاف ضحكت بسخريه منار خافت : ميهاف وش فيك ؟ ليه تضحكين ميهاف بصوت بالكاد ينسمع : طلقني ومشى منار شهقت : تمزززححييييينن منار ويدها على رقبتها : تكفين تعالي منار بعجل : جااايتك جاايتتك رمت الجوال من يدها والتفتت على جنبها وهي تضحك على نفسها بدون وعي وتغطي وجهها وسرعان ماتبددت ملامح وجهها للعبوس تقوست شفايفها وبكت وهدت بسرعه !! سحبت نفس وهي تحاول تتماسك اكثر لوهله حست بأنها راح تفقد عقلها وتنجن ________________ ببيت بو خالد رجعت لغرفتها بحلطمه : يااربي ياامي هو وقتك تطلعييين وتاخذين الساااايق الحين !! ومن بعد ماكانت تبي عبد العزيز يدري بشي مشت من غير نفس وطلعت لبرا وكان جالس لوحده وقفت وباين ماخذه بخاطرها : ممكن توديني مشوار عبد العزيز من غير لايرفع راسه : انتظري امي تجي وخلي السايق يوديك منار وهي تقولب عيونها : ضروري الحين مابي اتأخر لف لها رافع راسه : وين ؟ سكتت بتردد ماتبي تقول له عن شي ، ماطال انتظاره ..: ماتدرين وين بتروحين منار تأففت : بروح لـ ميهاف رجع يناظره قدامه وكأن تعكر خاطره شوي ماكان يبي يسأل عن السبب بس من داخله يحترق يبي يعرف : وزوجها راح يخليك تدخلين لها منار تنهدت : من اليوم ورايح ماعاد فيه شي اسمه زوجها خلص استقطب حاجبينه : وش قصدك منار : عز مستعجله بتوديني او لا عبد العزيز : روحي البسي وانا انتظرك بالسياره وراحت تلبس بدقايق ونزلت بسرعه ركبت وهي ساكته اما هو ماتحمل : قصدك يعنـ... قاطعته بهدوء : طلقها سكت وكأن احد كب فوق راسه مويا بااااارده التفتت له. : بس ماظنتي شعورها بهالشي الحين مثل لو صار قبل لاتسوي الي انت سويته عبد العزيز ماكان ناقص : منار اسكتي منار : عارف شعور انك تتمسك بشخص تكرهه لما تعرف ان الشخص الي حبيته مستغني عنك خلاص او حتى يمكن جحدك جحدة الكلب التفت وخزههااا : وش ذا الكلاام مجنونه انتتي وش جحدت ماجحدت خلاص ترى الي فيني كافيني سكتت وتكتفت بقهر واول ماوصلو نزلت بسرعه رنت الجرس ولما مافتحت الباب دخلت منار وانصدمت : وش ذا الهبال شعرك مبلل وطالعه من غير لاتحطين على راسك شي بهالجو البارد ميهاف بإزدراء ابتسمت : يعني بموت ؟ منار بضيق : استغفر الله يارب وش جاب طاري الموت بس اخاف لايصيبك شي ميهاف بهدوء : ادخلي .. ومشو فتحت باب الصاله ودخلت واول ماشافت المنظر منار انصصدمت والتفتت لها : ميهاااف ميهاف ميلت راسها وهي تتكلم بثقل : عدت عدت منار مسكتها وجلستها جنبها : وش صار تكلمي بعدين وش ذا الحاله الي انتي فيها المفروض ترتاحين تفرحين مو هذا الي كنتي تبينه ميهاف وهي مضيقه عيونها بتعب : وش بحصل بعد طلاقي هذا ؟ على الاقل ثامر اعترف يحبني بس تخيلي طلقني خسرت الي احبه والي يحبني قامت ومشت للغرفه وانسدحت على سريرها : خلك جنبي جلست منار عند راسها بخوف : ميهاف لاعاد تنامين متضايقه ميهاف بهدوء تطمنها : كل شي مقدر ومكتوب لاتحاتين منار مغبونه : بس امس نمتي وماعاد قمتي خوفتيني عليك ميهاف ماكان فيها حيل تتكلم اكثر غمضت عيونها تصنعت النوم كانت محتاجه احد جنبها لكن بنفس الوقت ودها لو تنام ودها لو يصيبها ماصابها امس تنام وماتقوم .. بس ماتصحى بعده بيوم ولايومين ! ماكانت تبي تصحى ابد ماكان فيه شي يخليها تتأمل وتحب الحياه اكثر يوم عن يوم تفقد غالي ! وفقدانه يكسر شي كبير بداخلها ، داخلها صار حُطام مافيه روح مافيه حياه ماااتبي الحيااااه ماتبيهااا " هذا كان اخر شي فكرت فـيه قبل لاتنام وماوعت الا على صوت منار بوقت اذان المغرب : ميهااف فتحت عيونها بإنزعاج : ههمم منار : قومي صلي ياعُمري اذن المغرب التفتت للجهه الثانيه وصارت تناظر كل شي حولها وهي ساكته تذكرت اخر شي صار تنهدت وقامت دخلت لدور المياه غسلت وتوضت وطلعت تصلي ومن بعدها فتحت المصحف وبدأت تقرا وطولت كثيييير وهي تقرا ، وبعد ماخلصت طوت سجادتها وقامت طلعت ولقت منار لمّت كل الكركبه والحوسه الي بالصاله وصوتها بالمطبخ شكلها تصلح شي ياكلونه مشت وطلعت برا الصاله وجلست على عتبة الدرج تنفست بعمـق ، كتفت يدينها وهي تحس بالهوا البارد يلفحها وشوي وطلعت منار : ميهاااف برررد ميهاف من غير لاتلتفت : الجو حلو سكرت الباب منار وجلست جنبها من غير لاتتكلم ميهاف ونظرات عيونها بفراغ تكلمت بهدوء يذبح وقبلها تنهدت : اول خساراتي ابوي الله يرحمه ومن بعده خسرت دراستي ومستقبلي وبعدها امي الله يرحمها .. خسرت عبد العزيز وعقبه خسرت ثامر .. تعبت وانا اخسر كل شي اتمسك فيه تحطمت من خساراتي منار تحطمت منار لفت : شششش ماخسرتي للحين ماخسرتي ميهاف ميلت راسها على الجدار وغمضت : كلام فاضي عشان تجبرين خاطري مابغى اسمعه منار : ولو انه مو وقت كلامي الحين بس لازم تسمعينه لعل يبرد قلبك لو شوي ميهاف وهي مغمضه : ههمم منار وهي تمد بكلامها : غـاده رفـضـت عبـد العزيز فتحت عيونها ناظرت منار بمعنى عيدي ! منار ابتسمت : مـاعادت تـبيه ميهاف بهدوء : تستهبلين علي انتي ؟ باين فرحتها فيه منار لاتلعبين بعقلي منار تربعت : ادري كلامي قوي كذا بوووم بيضرب دماغك بس هذا الي صار ميهاف بنفس الهدوء : تكـلمي مثل الخلق وضحي اكثر لاتسوين فيني كذا ماني ناقصتك منار : من الاول ؟؟ ميهاف : وحبه حبه عشان استوعب منار بدون مقدمات : عبد العزيز ماكان يبي هالزواج بكبره ميهاف رفعت حاجب: بس خطب ! منار : لما سمع بنفسه كلامك وانتي تقولين ماتفكرين فيه ابد وسعيده مع زوجك ميهاف فزت : لحظه لحظه متى كلمته انا عشان يسمع مني منار هذي سالفه ثانيه خليها بعدين عليك باللي بعدها .. لما عرف انك مراح ترجعين قرر يخطب ميهاف : طيب !! منار عيونها بعيون ميهاف : مابغى يملك ولايسووي اي شي على امل ؟؟ انك ترجعين .. ميهاف وهي عاقده الحاجبين تبلع ريقها وتحس بنبضات قلبها سررريعه فوق العاده كملت منار : لكن جيتي امس ! وكان وضعك غريب لكن الله مقدر وجابه يسمعك ا وانتي بأسوأ حالاتك وانتي تقولين الي صار معك ومن بينهم عرف انك جيتي وبتتطلقين من ثامر وماعاد لك رجعه ميهاف تنحححتتت : س سمـ..ـع كل شـ..ـي ؟ منار ابتسمت : كل كلمه قلتيها رجعت تسندت وهي تتنفس بتوتر: وبعد ؟ منار : فرصه جت لعنده انه يتكلم مع غاده على انفراد ويقولها انه مايبي هالزواج ان جينا للصدق ضاق خاطري على غاده وبنفس الوقت ماكنت ابي عبد العزيز يخوض بتجربة زواج فاشله ميهاف ودموعها تجمعت بعينها : يعني ماعاد خاطب ؟؟ منار : البارح اتصلت امه وقالت ماعاد فيه نصيب صدّت بعيونها وناظرت قدامها ، كذا لوهله حست شعورها ملخبط منار وهي تربت على يد ميهاف : عندي احساااس كبير بإن الله كاتبكم لبعض ولو تعسّرت الامور بينكم انتي متخيله الله ساقني لك بيوم مثل هذا عشان اقولك خبر مثل كذا لعله ينجبر خاطرك ويتجدد فيك الامل من جديد الواضح انك كنتي بأسوء حالاتك وماتبين تتقبلين الموضوع صح او لا تقوست شفايفهاا ونزلت راسها وبكتت منار بإندفاع : افااااااا ، وسحبتها ضمتها لعندها باست راسها : بسم الله عليك من كل شي يضيق خاطرك ابعدت ميهاف عنها ودموعها ماوقفت : انا مدري ابكي حزن لاني تطلقت او ابكي فرح على كلامك احس اني بنقسم نصفين بمشاعري منار : عمره ماكان ثامر شيٍ يسوى تبكين حزن عشانه ماعشتي معه غير الذل والاهانه تدعين الله ليل ونهار يفكك منه واستجاب ربي دعاك والحين تقولين ابكي حزن ميهاف تنهدت بعمـق وانسدحت متوسده فخذ منار سكتت فتره : صدق الي قلتيه او تبين تراضيني بس ؟ منار ضربت راسها : حماره انتي ؟ صار لي ساعه دراما وسالفه بالاخير هذا كلامك ميهاف فزت ومسكت وجه منار بكفينها : يعني الحين اسمه مراح يرتبط فيها خلاص منار هزت راسها بالنفي : لاااا يابنت الحلال وش له يرتبط اسمها فيه رجعت انسدحت وهي تزفر بإرتياح منار بتفكير : احس لما قلت له ان ثامر طلقك ، عجزت افهم تعابير وجهه ياربي تهقين من قوة الفرحه انصعقت ملامحه ميهاف شهقت : اممددددااااك قلتي منار : كنت مضطره عشان يجيبني بسرعه لفت لها: وش قال ؟ منار : متأكده انه بيتشقق من فرحته بس ماعليك ضارب ثقل عشاني ماخذه بخاطري منه ميهاف : وليه بالله ؟ منار : سالفه سالفه ماعليك والحين قومي عشانا جهز وقامو دخلو يتعشون وكـملو سوالف _______________ بينمـا عن عبد العزيز رجع للبيت ومن غير تفكير توضى وصعد لغرفته فرش سجادته صلى ركعتين وسجد شكر لرب العالمين ماكان عارف كيف يعبر عن فرحته منو يكلم وحق منو يروح له ؟؟ ولأنه كان يدعي الله يحقق له مناه ف ماكان مفروض منه الا انه يشكر الله على تحقيق منـاه .. ________________ فـي جـده .. وقف مذهـول من ابشع منظر ممكن يشوفه بحياته التفت للدكتور مكشر بضيق : ليه مربطين يدينها كذا وش له داعي الدكتور : مع الاسف حل من الحلول انفعالاتها عنيفه جدا وممكن انها تأذي اي احد يوقف قدامها راح لعندها وجلس وهو وده يكذب عيونه .. هدى الي بعمره ومعتبرها توأمه يدافع عنها على طول ومايرضى احد يغلط عليها ورغم انها على طول مستنقصه قدره الا انها دايما تلجأ له اذا تضايقت ، وللحظه حس وده ياخذها ويروح فيها لبعيييد ويعيد ايام طفولته الحلوه معها .. مستغرب كيف كبرت بهالقلب والتفكير ؟؟ صحى من فكره على نظراتها الي ماعرف يفسرها هو خوف هو كره هو حقد مايدري !! شهققت وهي تحاول تجلس : جااي تذبحنني صصححح مياده قالت لك ؟؟ هي معك صصح ؟؟ بررراااا بببررراااااااا قام مخبوص : لااااا هدى هدىىى وش اذبححكك لااا ماكانت تبي تسمعه او تفهم منه شي وتصــــرخ فيه عشان يطلع لبرا لكن ماسمع لها جلس بالقوه مقابلها لكنها كانت ترافسس وتصرخ .. ضربهاا على وجهها ، شهقت بروععهه صرخ : اصصححي بكت : لاتذبحني مابي اموت مالي شغل بشي انا مالي دخل هي هي انتحرت انا مالي دخل ماتسببت بشي ابتسم وسايرها بالكلام : ششش ومن قال لك دخل بشي الموت مقدر ومكتوب محد له دخل ناظرته بخوف : اجل وش تبي ليه جيت اذا ماتبي تذبحني بدر : جيت ارجعك ماظن بعد تقدرين تعيشين هنا هدى ضحكت بسخريه : توديني لها هي رسلتك لي اصلا صح عشان ارجع لك بدر : لاااا وش فيك الله يرحمها ياهدى وش ذا الكلام وبعدين ماتثقين فيني بدر اناا ؟ اخوك توأمك ملجأك ارتجف فكها وبكت : ابي ارتاااااح بدر : بترتاحين بإذن الله بس لازم ترجعين معي هنا مايصير لوحدك هدى وهي تهز راسها بالنفي : مستحيل ارجع لهناك مسستحيل اصلا انا مرتاحه هناا وقادره اعيش بدونكم بدر : بس اخوك مايقدر يعيش بدونك هدى : انا ماعندي اخوان بدر يلين راسها : وبدر ماهو اخوك ؟ تنفست بخوف وعيونها بعيونه وكمل : ماينفع الي تسوينه بنفسك لازم ترجعين تعيشين معنا عيشتك لحالك ماسوت فيك خير هدى بعناد : انا مافيني شي بدر : وحتى لو ! لازم تجين ، عدت شهور على غيابك والكل نسى وش صاار وابوي ماهو قادر ينام بسبب انه مايعرف اراضيك ومن عرف قال تروح لها وتتطمن عليها وتعرف اخبارها الكل خايف عليك ويبونك ترجعين خلاص الي فات مات هدوش سكتت وهي منزله راسها ماتكلمت بدر بهدوء : طالبك لاترديني رضخت بما انها في اعجز حالاتها ولو بقت بجده ماراح تقدر تعيش من غير فلوس : طيب . . وبعد ماخلص الاجراءات طلع معها من المستشفى وراح معها للفندق الين ماقرب موعد طيارتهم وراحو للمطار ... . . على نفس الطياره الي بيركبونها ام فهد وعيالها كانت تمشي وراه وهي ساكته ووقفت فجأه وهي تسمع الاصوات والاسماء الي وراها وقف لما حس انه فقدها ولف يتفقدها وشافها بعيده عنه شوي وانتبه للي وراها تهلل وجهه ومشى بيروح لهم ووقف مصصدووم لما لفت وشافت فهد وطلال وراها طاحت الشنطه من يدها انخطف لونها وتلافتت حولها تدور بدر لكن عجزت تشوفه ومن غير سابق انذار صارت تتنفس بسسرعه وتناظرهم بخوف وتبكي بقووهه وكأنها خايفه يذبحونها بينما فهد وطلال وقفو مكانهم من غير حراك كل واحد مصدوم اكثر من الثاني همست تكرر اسم بدر وهي ببالها انها تناديه بصوت مسموع " ماكانت واعيه ابد " : تراجعت بسرعه لوراه تعثرت بشنطه وشنطتين صرخختت بقووووهه الفتت انتباه المسافرين الي حولها وقبل لاتطييح مسكها بدر بخووف : هددى شدته بسرعه والتفتت تدور فهد وطلال ماشافتهم رجعت تطالع بدر بغضب وحاولت تفلت من يدينه وهي ترص على اسنانها : هذااا وعددك ؟ عقد حاجبينه ويحاول بقد مايقدر يمسك اعصابه وشدّها غصبا عليها ومشى فيها للطيار وخلاها تمشي قدامه الين ماركبو انتبهت لها رهـف وشهقت مو مصدقه عيونها مشت من جنبها هدى ووراها بدر لحقتهم رهف بنظراتها المليانه غضب ولفت لرند : شفتيهااااا ؟ رند وهي تخز بهدى : شفت وياليتني ماشفت رهف : شالسالفه وش جاب بدر معهاا اف شفتها واحس انلحس مخي ابي افهم وش السالفه رند : اما عن نفسي مابغى اسمع حتى اسمها وربي يااني احس بذبحها بذبحهاااا رهف وهي تلف بمقدار بسيط وتناظر هدى وترجع تلتفت لرند مستغربه وترجع تلتفت من جديد وعيونها على هدى الي منزله راسها رند وهي تشدها من ذراعها : وش فيك كل شوي تلتفتين رهف : ياخي فيها شي غريب احسها متغيره وجهها مدري وش فيها رند : بلاه من سواياها ياالله حامت كبدي من شفتها رهف وهي تستعدل : خلاص خلينا نسكت لاتسمعك امي الحين وتنهار اذا شافتها رند : يكون احسن _________________ وبـعد ماوصلو مشى بدر بسرعه متحاشي انه يكلم فهد وطلال بسبب وجود هدى معه وعلى طول اتجه للبيت والكـل كانو منتظرين وصوله بالبيت . . ______ ببيت بو خالد منار وهي تتحلطم : الحين جايبيني من عند صديقتي عشان اشوف ذا الخشه ؟ ام خالد بهمس : خلاص يامنار اسكتي عاد ماصارت تحنين كأنك بزر منار : اي ياخي مابي اشوفها غصب هو ام خالد: ابوك يبيها هنا بالبيت من اليوم ورايح منار وهي ترص على اسنانها : مو هذا الي فاقع لي مرارتي ، " قالتها بنفس الوقت الي فتح بدر الباب وبالغصب سحب هدى لداخل وقفت مستنده على الباب وتناظرهم واحد واحد " قام بو خالد الي طال انتظاره لهاللحظه وكانت ملامحه هاديه مبتسم مشى لها ووقف مقابلها بالضبط وهو مشبك يدينه ورا ظهره وساكت بينما هي كانت تتنفس برررعبب وماحست !! الا بــكــف حسته كسر فكّهاا من قوته ضرب راسها بالباب الي هي مستنده عليها ، شههقت مصرووعهه التفتت تدور بدر ولقت عبد العزيز سحبه جنبه ! مابكت ابد ومشت بتطلع من البيت بسرعه والا بيد عمها تسحبها لمكانها صرخت بذعر : ععععمممميييي بو خالد وهو كاتم غضبه : لاتنطقينهااااا لاتقولين لي عم صرخت وسحبت نفسها منه : ليييه جبتوني لهننااا وش تبون ماااحببككمم مااححببككمم خلونني اروح من هناا بو خالد بنبره حاده : شورك ماهو بيدك وبو خالد اليوم ماهو مثل بوخالد امس هدى بلعت ريقها : اتركني اعيش وين مااحب اما هو ماحب انه يتعب اعصابه اكثر وسحبها بالقوه للغرفه الي كان مجهزها لها دفّها سكر الباب وقفله ، رجعت بسرعه تحاول تفتح الباب مره ومرتين لكن هو سبقها وقفله ، تسارعت انفاسها بخوف مو طبيعي وتلافتت حولها وهي تسمع صدى صوت مياده يمينها وشمالها تقوست شفايفها بخوف جلست على ركبها وهي تسكر اذانها وتهمس بتكرار : روحي روحي روحي عنني فكّيني منك روحـي وشوي وهدت .. التفتت جنبها ومالقت اي شي من طيف مياده تقدمت للباب وضربته بعجز : اتركوووني اروح تكفوون مابي اجلس هناااا ماابي ماااابيي بو خالد من برا الغرفه : المهمه هذي عليك ياام خالد محد راح يتدخل فيها عشاها وغداها انتي تعطينها اياه لكنني احذرك من انها تغلبك بيوم ام خالد الي كانت واقفه والخوف كاسيها : على امرك منار الي كانت متضايقه : طيب يايبه وش لزمـ... صرخ بحده وقاطعها : محد له شغـل التهي انتي بنفسك وزوجك الي وصل من عمرته وانتي ماشلتي خبر التفتت لأمها مو معجبها كلام ابوها وماحبت تجادله بالكلام باين انه متماسك اكثر من اللازم ومايبغى يحط حرته بأحد جلست مكآنها وكلام ابوها يدور براسها ومالقت نفسها الا قامت سلمت على امها وطلعت بسرعه طلبت من السايق يوديها لبيتها ________________ ببيت بو ثـامر..، حست بلسانها انربط عجزت تتكلم : ل ليه ؟ ثامر من غير نفس : من غير ليه لمي اغراضك خذي ولدك وروحي لبيت اهلك ام ثامر وهي تنقل النظر بينهم : هوو وش فيك ثامر وشوله مرتك تروح لبيت اهلها ثامر وبنظرات حاده : وادعي يايمه انتي ماترك لك البيت واطلع منه بعد الي سويتوه ثنتينكم نهى وهي تركض توقف عند الدرج وتلاحقه بنظراتها وترجع لام ثامر مغبونه : وش وش يعني ؟ بيطلقني مثل ماطلقها وش يعني ؟ يعني يحبها صح يحبهااا ومايبني بحياته بعد اليوم ام ثامر : اهدي انتي اهدي لاتسوين بنفسك كذا هو بس كاره الي صار من اوله اعطيه فتره ثم بيرجع ينسى الي صار نهى : بس قال لي روحي بيت اهلك ام ثامر : ماعليك منه لاتروحين لمكان وان قال لك شي اتركيه علي سمعتي ؟ جلست على الكنب وهي تتأفف وتغطي وجهها بيدها خوف من الي جاي ، _________________ ببيـت فهد .. وبعد مااخذ له شاور بعد السفر وطفى الانوار بينام التفت فجأه من انفتح باب الغرفه ودخلت سكرت الباب وهي منحرجه بينما هو كان مستغررب ماتوقعها تجي بما انها ماكانت موجوده من قبل قطعت افكاره بصوت هادئ : الحمدلله على السلامه جلس على السرير : الله يسلمك مشت له بتردد وجلست جنبه : بعدك ماخذ بخاطرك علي ؟ فهد بدون مايلتفت لها : كنت ابيك تشاركيني الاجر وتروحين معي تعتمرين لكن مابغيتي وتركتك براحتك ! توقعتك تسألين علي وانا هناك وماسألتي طيب اقلّها اجي والقاك مستقبلتني حسسيني اني زوجك ومن اهتماماتك دنقت راسها من غير رد فهد : كنتي سندي باصعب ايامي ومانسى وقفتك ابد لكن تقصيرك هذا ابد ماهو معجبني واتمنى مايتكرر صبري قليل يامنار ! واعطيتك من الفرص كثير ركزي بتصرفاتك معي وحاولي تعيشين كزوجه لي يكون افضل وقفت وهي تشوفه يسحب اللحاف عشان ينسدح ، انسدح وتغطى اما هي وقفت خجلانه من تصرفاتها : تصبح على خير رد بهدوء : تلاقين الخير طلعت من الغرفه وهي تفكر بكلامه صحيح تقصيرها واضح ! علاقتها معه رسميه كثير لكن وفاة اخته كسرت حاجز بسيط ورجعت منار بسفرة فهد بنت حاجز من جديد ... رجعت للغرفه بسرعه ومن غير تفكير غيرت ملابسها وانسدحت حبت لو تنام على الاقل وقت نومه وان كان ماخذ بخاطرها لكن تبيه يحس انها بتسعى من جديد لكسر الحاجز بينهم _________________ بعـد مرور سبوع ، طلعت تركض من المطبخ على صراخ وفزع هدى بغرفتها فتحت الباب وماكان حالها غريب على ام خالد ، جالسه بزواية الغرفه تهز جسمها وتون بصوت مسموع .. راحت لها وحاولت ترفع راسها : هـدى ناظرتها وعيونها مثل الجمررر شهقت ام خالد : ليييهه مانمتي هدى بعجز وضعف : ماقدرت انام تعبت وانا احاول ام خالد تأففت وهي تهز راسها بيأس وقامت طلعت وراحت ل بو خالد : بـو خالد بو خالد وهو يلبس غترته : سمّي ام خالد : بنت اخوك لازم توديها لدكتور يشوف حالتها مايصير كذا حابسهااا مايصيرررر بتموت حرام عليك وذنبها برقبتك يوم الدين بو خالد بقهر : مافيها الا العافيه ياما رأفت بحالها واثاريها تمكر وتعبث من وراي ام خالد تنهدت : ويين هدى اول ويينها الحييين الي بالغرفه هذي ماهي هدى الي على خبرك تعبانه كثير يابو خالد كثير سكت بو خالد ويناظرها جلست مقابلته : البنت لانوم قادره تنام وفوق كذا محبوسه بين اربع جدران خوفي لايصيبها شي وتنهبل فوق الي هي فيه هوسها بمياده يوم عن يوم يزيد ماني فاهمه ليه يصير معها كل ذا على طول تتخيل مياده قدامها ولو ماالحق عليها الله العالم وش ممكن تسوي بروحها بو خالد سكت شوي: كلمي عبد العزيز يوديها ام خالد بتنهيده : هو خل يرضى ينسمع طاريها قدامه بالاول عشان يوديها بنفسه للمستشفى بو خالد : يبقى عندك بدر كلميه هو الثاني مراح يرد طلبك ام خالد : ولو وداها بترجع تحبسها بالغرفه بو خالد : ماعندي نيه ارجع اعاملها مثل اول ام خالد : ماتطلع من البيت بس ماتنحبس بغرفه بو خالد وهو يقوم بيطلع : نشوف وش يقولون المستشفى بالاول بعدين يصير خير ... لاتتأخرون بالغدا اليوم ام خالد وهي تقوم : ان شاءالله ، وطلعت من الغرفه ___________________ ببيت بو فهـد .. طلال بنفاذ صبر : عجزت استوعب كمية النوم الي صايره تنامينها يارند وش صاير لك رند وهي تطوي سجادتها وترجع تجلس على السرير : اافف صايره مااشبع نوم من جد لو تتركني يوم كامل والله ماقمت قام بسرعه وقومها : انتي ماتضبطك الا المدرسه يالله انك تعجل بها ، وطلع وهو ماسكها ونزل للصاله : يلا اجلسي هنا ام فهد : وش فيكم رند وهي تمسح وجهها: صاير لي متسلط ماهو مخليني انام براحتي الي يسمعه نومي ينقّص من نومه بس تشوف لانسدح هنا على الكنب وانام اعلمك كيف تزعجني ام فهد : وليه ماتتركها على راحتها طلال : عشان ماتسهر بالليل وتزعجني تشغل الانوار وبعدين خليها تصير منظمه رهف وهي كاتمه ضحكتها : الله لايسلط علي ادمي مثلك رند فزت وصبّت لها قهوه : يمكن تصحصحني شوي مع ان ماظنتي النوم هاجم علي بقوه ذا الفتره سكتت ام فهد بتفكير وهي تتفحص رند من غير لااحد يحس عليها ورددت بخاطرها " الله كريم " . . . نـــــــــهــــــــــــاي ة الــــبــــــــارت | ||||
|
|
|
08-10-20, 02:16 AM
| #38 | ||||
| . . . البـــــــــارت الــــــــرابـــــــع والــــعــــشرون . . . عنـد ميهـاف فتحت باب الصاله بعد ماطلع ثـامر الي كان جاي يجيب اغراضها وراحت وقفت وعيونها على الشناط والظرف الي فوقهم والي كانت عارفه محتواه تنهدت وسحبت الشناط معها لداخل ودخلت غرفتها وفتحتهم صارت تتأملهم بتفكير تذكرت كيف عاشت مع ثامر وامه ونهى كيف تحملت المرّ معهم نفضت راسها تبي تبعدهم عن فكرها خلاص وقامت ترتب اغراضها بالدولاب وبالاخير جلست على سريرها فتحت الظرف وسحبت طرف الورقه وقرت بدايتها ، غمضت عيونها بسرعه ورجعت الورقه وحطت الظرف بالدرج تسندت على سريرها لدقايف ورجعت فتحت الدرج وطلعت الورقه من الظرف وقرتها تنفست بعمــق همست وهي تمسح وجهها : الف حمد وشكر لك يارب ________________ بعد سبوع ببيت بو خالد فتح باب الصاله ولف لها بهدوء : ادخلي رصت بقبضتها على شنطتها : خذني لمكان ثاني مابي ادخل ذا البيت تنهد بدر ونزل عتبات الدرج لعندها : هدى انتي عارفه قرار ابوي زين وانا مالي من بعد ابوي كلمه هدى وهي تبلع ريقها : طيب خذني اتمشى شوي انكتمت من جو البيت وبعدها تركتوني بالمستشفى بدر مسكها من معصم يدها : ادخلي وتعوذي من بليس ياهدى نفضت يدها منه ودخلت للصاله من غير لاتسلم وراحت لغرفتها على طول دخل بدر بعدها وراح جلس عند امه وسلم ام خالد ردت السلام : ها بشر؟ بدر : مافي شي جديد غير الي مانعرفه عطوها ادويه ضروريه تاخذ كل حبه بوقتها عشان لاتتطور حالتها للأسوأ وبيصير صعب السيطره عليها ومن بعدها مالها طلعه من المستشفى ابد ام خالد بصوت واطي : انا مستغربه كيف طلعوها الحين مو هم قالو ضروري تكون تحت ملاحظتهم بدر بنفس نبرة الهدوء : مايبون يتعاملون معها بالقوه وينجبرون على المهدئات والامور هذي وهي رافضه تجلس عندهم وهالاسبوع مر عليها مثل السنه ف طلبو حننا نهتم فيها ولو صار اي شي او ساءت حالتها على طول ناخذها لهم من جديد ام خالد : طيب طيب ماقول غير يارب انك تشافيها وتعافيها بدر : طيب يايمه بطلب منك طلب ام خالد : امرني يمه بدر : هي ماهي طايقه لاتشوفني ولاتسمع مني كلام ابيك بعد ساعه تشوفينها وتخلينها تاخذ دواها ضروري الله يخليك ام خالد : اي ان شاءالله اشوفها بعد ساعه __________________ بيـت بو ثـامر ،.. رجعت تشيك على حرارته وكان معررق والحراره طلعت تحسست جبينه ولقته متحسن شوي همست : ثـامر .. رد بتعب وثقل : ههمم جلست عند راسه وبهدوء : وش رايك تقوم تتروش تصحصح لك شوي وانا بساعدك ثامر وهو مغمض : لا مافيني مسكت يده تساعده وهي تقول : بكون معك بس قوم استجاب لأمرها وقام بمساعدتها دخلته تحت الشاور وشغلت له المويا وطلعت تجهز له ملابسه واخذت فوطته وراحت له بعد مده ، خلص وطلع جلس على السرير وهي صارت تجفف شعره وتساعده في لبسه جلست على الارض ولبسته جواريبه وقامت بالاخير مشطت شعره حطت المشط وجابت العلاجات وكاس مويا واعطته اشر لها تجلس جنبه وصوته مبحوح : تعالي جلست وهي تناظره ، ابتعد عنها شوي ورجع انسدح وتوسد فخذها مسك يدينها ثنتينهم باسهم ومسح بيدها على خدها وتكلم بهدوء: لمتى بتصبرين نهى : لين يرجع لي ثامر سحل نفس بهدوء وسكت شوي : وان طال انتظارك ؟ نهى : مراح افقد الامل ببقى معك تنهد وهو يشد يدينها بيدينه من غير لايقول شي ونهى وهي تناظره : ثامر انا صبرت على وضع اصعب وامرّ من هالوضع صبرت وانا اشوفك ميّال لوحده غيري صبرت شهور وشهور والحين تهقى اني املّ صبري واتركك بعد ماصرت اشوفك راجع لي والشي الي كان سالبك مني ماعاد له وجود ثامر بهدوء : اثرها باقي فيني نهى وهي تمسح على راسه : لو تسمح لي بس ! لأمحي كل شي يخليك بهالحال كل اثر باقي منها اتركني امحيه سكت متردد يبي ثامر الاولاني ثامر الي فقده من شهوووور وبنفس الوقت مايبي يفقد ميهاف بداخله ... مااعطى نهى اجابه كالعاده وفهمت رغبته بأنها تتركه بحاله هو محتاج بعد وقت ،، ___________________ يوم جديد ببيـت بو فهد رنـد مسكت ام فهد بسرعه ووجهها احمرر : لالا اصبرري خلينا نتأكد يمكن مااكون حـامل ام فهد والدنيا مو سايعتها : متأكده مليون بالميه انك حامل وش له تصبرين خليني اقول لطلال رند انهبلت : لااااااا تكفين خالتي اتركيني اوصلها له بطريقتي وحابه اتأكد من المستشفى بعد عشان اتطمن اكثر ام فهد سكتت ورفعت صبعها : بس مو تبطين عليه ولاترى انا بقوله الحين تقومين وتلبسين عبايتك وتروحين المستشفى دامه مو هنا وتسوين الي تبين تسوينه رند قامت بعجل : ان شاءالله ام فهد وهي تطلع من غرفتها : وانا بكلم لك السايق .. وكانت بوجهها رهف : الحين الله يالدنيااا صارت فيه اسرار بينك وبين رند وانا برا الموضوع صح ؟ ام فهد وهي تسحبها : لاسر ولا شي اسمعيني طلعت مرت اخوك حامل رهف شهقت وصرخختت: تمزززححييينن يمممهه ام فهد ضربت كتفهاا : ياجعلك السكني وقفتي قلبي رهف ركضضت ودخلت لرند وضمتهاا بقوه : يممهه قلبيي اناا اثرك حاامل رند وهي تلف غطاها وجهها مورد خجل : اهجدي طيب انا بروح اتأكد الحين بالمستشفى رهف : ماتروحين الا ورجلي على رجلك اصبري ليي رند : استعججلي وركضت رهف لغرفتها ولبست بسرعه وطلعت هي ورند وراحو للمستشفى وسوت تحليل الحمل وبعد الانتظار طلعت النتيجه المؤكده انها حامل ورهف بعجله طلعت جوالها بتتصل على طلال الا رند سحبت الجوال منها : ههييييي اصبري شوي رهف : ليييهه خليني افرحه ي عمريي هوو رند : ااففف اصبري خليني افكر بطريقه اوصل له الخبر فيها وتكون طريقه حلوه رهف مسكت يد رند وطلعو من المستشفى وركبو السياره : اااممم وش رايك نروح محل اطفال رند : فكره .. يلا وراحو لمحل اطفال وخذو كم غرض جزمه على شوية ملابس ورجعو البيت حطتهم بعلبه وحطت ورقة التحليل فوقهم وسكرت العلبه وتركتها على السرير ، دخلت تروشت على السريع ولما طلعت لبست وضبطت شكلها ونزلت رهف : طيب وش رايك اتصل عليه استعجله يرجع رند وهي تسحب الجوال منها : اتركيه براااحته لاتخلينه يحس بشي ام فهد : يامبرد اعصابك ياارند ضحكت عليهم وقضـو الوقت الين وصل طلال الي استغرب وجود رند : غرريبه وش صاير مانتي نايمه رند : تراني مقاومه نفسي هاا ترى الحين اروح انام طلال : وش رايك اوديك المستشفى يفحصونك وش علة نومك ذي ام فهد والسعاده تشع من عيونها : لاااا مايحتاج فتره وبتعدي تطمن طلال : عااد طولت يايمه صرت افقدها بيومي بسبب ذا النوم ام فهد : يا جعلك ماتفقد غالي قل امين طلال : امين يارب .. قايم ابدل وبرجع لكم رند : خذ راحتك ... وماان شافته صعد الدرج قامت بسسرعه وراه ووقفت عند باب الغرفـه .. عند طلال .. دخل وراح للدولاب على طول فتحه وغير ملابسه وراح عند التسريحه ضبط شعره وقبل لاياخذ العطر انتبه من المرايه العلبه الصغيره الي على السرير وراه التفت عاقد حاجبينه يتذكر تاريخ اليوم وش يصادف ؟ .. رفع حاجبينه بدهششه اليوم يصادف يوم ميلاده وهو نااااسي ! اتسعت ابتسامته وراح اخذ العلبه فتحها بسرعه وتبددت ابتسامته من شاف الورقه المثنيه اخذها وانتبه للجزمه الطفوليه مااهتم كثير فتح الورقه وقرا محتواها بتأني وكأن استيعابه بطئ توسعت عيوونه ورجع يقراها ثانيه وثالثه ضحك لاارااادي ومشى مسرع فتح الباب بيطلع لكـن كانت مقابلته ناظرها بصصدمه وفتح الورقه بوجهها وعيونه طايره : ههذذي صصدق ! ابتسمت وهي تهز راسها بالايجاب وماحست الا سحبها لداخل وسكر الباب ، شهقت : وش فيييك مارد عليه لانه كان يقرا الورقه للمره الرابعه وعيونه تضحك فرح ، اتسعت ابتسامتها وهي تشوفه رجع الورقه وراه وسحبهاا لحضنهه غمر وجهه برقبتها وتنهد الرااحه ، استجابت لحضنه وشدته زود انتزع نفسه منها ومسك وجهها بكفينه وعيونه بعيونها ويضحك بهبل : مانيب مصدق الي قرته عيوني كيف يعني حامل احس اني محتاج لشرح رفعت حاجبينها وهي تضحك مسكت ايده وحطتها على نهاية بطنها ولوهله اقشعررت خلاياهم هم الاثنين نزلت راسها وعيونها على بطنها تكلمت بهدوء : هنا قطعه ، روح مني ومنك بتكبر لين تشوفها وتشيلها بين ايدينك ابتسم وسحب نفس عمييييق وزفره براحه رفع كفينها وباس باطنهم ورجع ضمّها وبهمس : ااخخ " وحب يقلب الوضع " وانا الي احسب انك طفله للحين اثاريك كبرتي وانا منيب حاس ابتعدت بسسرعه عنه ودفته وهي تخزه وعاقده حاحبينها بغضب : طفله بعينك ضحك وهو يمشي لها وهي تبعد : بالله كم عمرك ؟ رند وهي تخز : 17 بس عقلي كبير العمر مو مقياس طلال كاتم ضحكته : اوك ليه معصبه اجل ؟ رند وقفت وتكتفت : مو معصبه وقف مقابلها بالضبط ومضيق عيونه : صايره حلوه بزياده كل هذا من تأثير الحمل يعني صدت وهي تبتسم لاارادي ووجهها زاد من احمراره : شوي يتغزل وشوي يهبل بي ويتمصخر فيني " والتفتت له " ليه تسوي بي كذا انت ؟ حرام عليك ياخي جننتني ضحك وهو يبوس خدها : ياجعل ماينجن غيرك شهقت والتفتت له وعيونها طايره : صاحي انت ؟ استوعب دعوته وماقدر يمسك نفسه انفجر ضحك وهي مابين صدمتها ضحكت على ضحكه درت انها طلعت منه من غير مايفكر فيها __________________ ببيت بو خالد وعند هدى تحديدا ، فتحت سحاب الشنطه وحطت الحبه الي صار وقت تاخذها وهي تردد : انا مانيب مجنونه ولا ضاربه نفسيتي عشان تاخذوني لدكتور نفساني او حتى اخذ ادويه عشان اطيب ! انا مافيني شي والي مايبي يصدق بالطقاق هذا الي ناقص بعد هدى اخر عمرها تقلب نفسيه ! قطع حبل افكارها ام خالد الي فتحت الباب بإبتسامه تجامل: ها وش اخبارك اليوم هدى ببرود : زينه الحمدلله راحت ام خالد وتشوف العلاجات : اخذتي ادويتك ؟ هدى وهي تناظرها : توني ماخذتها قبل تدخلين ام خالد : اقول هدى وش رايك تقومين تجلسين معي بالصاله نسولف شوي هدى : اذا كنت بطلع من هالغرفه مقيده شكرا ماابي اطلع ام خالد : لاا ابد قصدي انك تغيرين جو وتسولفين شوي هدى : اذا مسموح لي اطلع من هنا ف ابي اكون لوحدي ام خالد بتفكير : وترجعين قبل يجي عمك ؟ هدى : ارجع ام خالد : قومي قامت بسسرعه من سريرها وطلعت من الغرفه وهي تناظر كل شي حولها وكأنها اول مره تشوف صارت تمشي وهي تتفحص وتتفقد كل شي طلعت لبرا وبدت تتمشى لوحدها من غير لاتحس بوجود الشغاله الي طلبت منها ام خالد تراقب هدى من بعيد . . بعد مـدّه صحى عبد العزيز من النوم وقبل لاينزل فتح نوافذ غرفته يطقّها الهوا شوي .. لمح هدى جالسه وباين سارحه بفكرها بعـيد جنّ جنونه ونزل بسرعه بيطلع لها لكن ام خالد استوقفته : عـبد العزيز ويينن لف لها : هدى مو بغرفتها شفتها من فوق ام خالد : تعال انا سمحت لها تطلع رفع حاجبينه مو مصدق : يممهه عارفه انتي وش تسوين ؟ ام خالد : يايمه لاتضغطون عليها بزياده تشم هوا شوي وبتدخل بعدين انا مخليه الشغاله تمشي وراها ان كانك خايف انها تطلع من البيت عبد العزيز وكأنه ارتاح شوي : انتبهي انتبهي لاتتساهلين معها لاتندمين بعدين ام خالد : الله لايجيب الندم تعال اقعد يمي بس راح وجلس جنبها وهو مو مرتاح وبقلبة كومة حكي ام خالد بإستقطاب : فيه بطرف لسانك كلام وش هو ؟ دنق وهو يحك جبينه : اامم مدري كيف افاتحك بالموضوع ام خالد : خير اللهم اجعله خير لاتخبص قلبي عز عبد العزيز بإندفاع : خير خير لاتخافين وش فيك الله يهديك ام خالد : قول اجل استعدل بجلسته بيتكلم لكن دخول هدى هدم حماسه وقفت وهي تفرك بيدينها بتردد من شافته جالس ماتبي ترجع لغرفتها وتبي تروح تجلس معهم ام خالد حست فيها : تعالي ياهدى واجلسي ناظرها عبدالعزيز وهو كاتم غضبه بمعنى ليه تسمحين لها تجي معنا قربت هدى منهم وجلست على الكنب مقابله عبدالعزيز ام خالد بعفويه : وش كنت بتقول ؟ عبد العزيز : سلامة قلبك ولاشي ، عن اذنكم وقام متجاهل وجود هدى تماما لاحقته بعيونها والتفتت لام خالد : قام لاني جيت ؟ ام خالد بطيب قلب : لا هو اصلا تعبان ماشبع نوم اومأت راسها بالايجاب وهي تدري ان كلام ام خالد مو صحيح اما عند عبد العزيز دخل وسكر باب غرفته وهو عاض لسانه بعصبيه واضحه كان باقي شوي ويطلب من امه تخطب له لكن وجود هدى خرّب عليه تأفف وهو يسكر الستاير ويرمي بنفسه على السرير ويرجع ينام . . _________________ ببيت فهد ،.. حطت شنطتها واعصابها فلتانه وفهد دخل وراها وبنبره حاده : كنتي تقدرين تتكلمين مع امي بأسلوب احسن من اسلوبك هذا لفت له : اقدر لو تعاملت بأسلوب احسن من هذا ! المقارنه ابدا ماحبها زوجة طلال حملت ربي يبارك لها بس مو معناته تبدا المقارنه فيني الحين ليه ماحملت هذا مو عدل فهد : ماقارنت هي بس سألت منار : بلا قارنت وقالت هذا رند وحملت وانتي متى بتحملين وش ذا الحكي وهي حرمه كبيره وعاقله وتعرف ان هالشي بيد رب العالمين وفوق كذا ليه تحملني ذنب انا مالي دخل فيه ابفهم ؟ وش دخلني ابوي رجع هدى للبيت او لا صحيح البنت غلطت وسوت اشيا ماتتسوى لكن يبقى ابوي ولي امرها كيف يعني ؟ يتركها تهيت بالشارع ؟ فهد على صوته : على الاقل حاولي تمنعين هالشي ناسيه هي تسببت بموت مياده الله يرحمهاا بلا ولي امر بلا بطيخ منار بزلة لسان : لو كنت قادره امنع شي ببيتنا او اغير راي ابوي ! كان منعت ووقفت بوجهه من زمان مو الحين وبموضوع اهم بكثيييير من هدى تبددت ملامحه للعصبيه ورص على زندها وهو فاهم قصدها : وضحي اكثر عشان اعرف وش ارد عليك بلعت ريقها بخوف : مااقصد شي سحبها معه لدرج الكومدينه فتحه وحاس بيدينه الين سحب كرتونة علاج صغيره ورماها على صدرها وهو يضغط على اسنانه : لو تركتي ذا كان حملتي حالك من حال رند لاتتصنعين البراءه ومره ثانيه لو احس مجرد احسااااس ان في شي شاغلك هنا " قالها وهو يضرب على عقلها " : اعرفي من بعدها ماراح يصير خير وانتي عارفه وش اقصد والله والي اسمه الله مراح تشوفين مني طيب بعدها نظفي مخك واكبري وهذا اخر تحذير لك " وسحب مانع الحمل من يدها " : وهذا من بعد اليوم تنسينه اتفاقنا واعتبريه ملغي ، وطلع من الغرفه وهي جالسه على السرير ومغمضه عيونها بخوف مجنووون _______________ الريـاض " ببيت معاذ " سكرت من رند والفرحه مو سايعتها : ياااربي لك الحمد معاذ الي كان جنبها وسمع كل شي : مبروك مبروك دلال : الله يبارك فييك الحمدلله اوضاعنا قامت تزين مع الوقت ميهاف وتطلقت ورند الحين حامل الله يكملها ياربي ويجيب النصيب الزين لاختي ادري بها بتفرح لرند لكنها مكسوره من داخل معاذ : بالنسبه لي اشوف طلاقها من ثامر احسن شي صار بحياتها وبتظل تحمد الله عليه الين ماتتعب دلال : معك حق .. الا صح بقول لك معاذ : وش دلال : بما انه ماباقي على ولادتي شي ودي لو ابدأ اودي اغراضي واستقبالي ببيتنا بالشرقيه من الحين معاذ : مو بدري ؟ دلال : هو بدري بس ماودي ازاحم نفسي ، من الحين على الاقل شوي شوي مو كلهم مره وحده معاذ : الي تشوفينه ،.. _________________ . . لا معنى للحياة من دون أمل، ولا قيمة لها دون وجود التفاؤل؛ فالحياة مليئة بالعقبات والمشاكل والصعوبات، فإذا فُقد الأمل لا نستطيع أن نكمل طريقنا بسلام، فيمكن للإنسان أن يعيش بلا بصر، ولكنّه لا يمكن أن يعيش بلا أمل . . . فتّحت عيونها بثقل ونعاس شديد وهي تسمع بكا مولودهم الجديد صحصحت بسرعه وقامت قبل لايعلى صوته ويزعج دلال راحت لعند سريره واخذته وهي تناغيه غيرت حفاظته وقامت معه للصاله جهزت رضعته واعطته وصارت تسولف معه وهي ياكبر فرحتها فيـه ... " محـمد " مولود دلال الي مر على ولادته سبوعين بالتمام والي بوجوده رجع والتم شمل الخوات من جديد بين دلال الي بنفاسها وبين رند الي وحامها شديد وجات لبيت اهلها من حول الشهر الين يخف عليها وبين ميهاف الي قايمه بخواتها وبسبب انشغالها بهذا كله نست او تنـاست كل الي كان يشغل تفكيرها وواجع قلبها ووكلت امرها لله وحده تعبت بما فيه الكفايه وحبت تقفل هالباب لكن املها بالله باقي مو بالشخص ذاته لا ! لعل تكون سعادتها مع شخص ثـاني مخبيه لها القدر . . حملت محمد بعد مانام وقامت ترجعه لسريره وبدخلتها للغرفه صادفت رند تطلع بسرعه رايحه لدورة المياه ، شهقت ميهاف حطت محمد بسرعه ولحقت اختهااا : رنندد رند والغثيان ذابحها لكن مافي شي بمعدتها تستفرغه تكلمت بتعب : اصـبري وقفت ميهاف تنتظر رند الين مافتحت لها الباب : بسم الله عليك وش قومك من نومك الحين رند : على اساس اني قدرت انام احس بشي ثقيل على صدري ومعدتي وكبدي وكل شي وماني قادره استفرغ تعبت اافف مسكتها ميهاف وراحت معها للغرفه ، انسدحت رند وجابت ميهاف مخدات وحطتهم تحت رجول رند : اذا ماخاب ظني هالحركه تنفع عشان تخفف لوعتك رند وهي تغطي عيونها بذراعها : جربت كل شي والنتيجه وحده ياشين حمالي شيناه ميهاف : بتخف ان شاءالله هونيها بس وخفي دلع رند شهقت : اناااااا اتدلع هي عندي فرصه اتدلع اصلا ؟ ميهاف بهمس : ششش بشويش بتصحى دلال منك الحين ترى بالموت نامت حمود تعبها امس رند ورجع نعاسها : وانتي ارجعي نامي بعد بالليل الناس تجي بنتعب ميهاف وهي تنسدح : ماكذبتي يلا يلا نامي ورجعو نامو ثنتينهم بسرعه بسبب تعبهم الايام هذي __________________ ببيت بو خـالد ..، جلست مفزووعه شهقت بقـووه ضغطا على صدرها بقووهه ورجعت حطت راسها على المخـده وهي تعتصر بعيونها وتحاول تطرد حلمها من راسها فتحت عيونهاا وفكرها مشغول ! . . نرجع بالزمن مدّه طويله وين ماهي طالعه من دورة المياه مرّت من غرفة الطعام وسمعت همس اصوات وقفت وهي شادّه انتباهها عبد العزيز بصوت واطي : ابيك تخطبينها لي يمه خلاص طق الصبر مني ام خالد : بس يامكثر البنات حولك وش حدّك تاخذ مـ... قاطعها بإندفاع : ييممه ماهقيت تفكيرك كذا والا بصوت بدر نازل الدرج بيطلع : هـدى شهقت والتفتت له : هـ هـ هلاا عض لسانه عبد العزيز بعصبيه وقام عند الباب وشاف هدى واقفه : وش تسوين هناا هدى بإرتباك : ك كنت طالعه من دورة المياه برجع غرفتي ماوقفت ! رفع بدر حاجبه وهو الي شافها واقفه وتتنصت وطلع عبد العزيز بكره واضح : امشي غرفتك يلاا مشت بهروله ودخلت غرفتها وهي تتنفس بسررعه رصت اسنانها ببعض " طول هالفتره وهي تحاول تتجمل اخلاقيا بعينه حست وشرارة حبه شبت من جديد مسحت وجهها بيدينها وهي تعض شفتها السفليه : لو مااجيييت يابدر كان الحين عرفت من ناوي يخطب . . عند عبد العزيز رجع لامه : شفتتي بعينك وتقولين بعد انها تغيرت ام خالد : قالت لك وين رايحه هي عبد العزيز بينهبل : وصدقتيهااا ! ام خالد هزت راسها بيأس : خلك منها قول لي الحين وش معنى ميهاااف ! عبد العزيز لاتخليني احس بشي غلط قاعد يصير بينكم وكنك عارف انها بتتطلق ولما تطلقت قلت تبيها عبد العزيز انصصدم : ييممهه وش ذا الكلام الله يصلحك نسيتي اني كنت خااطب ! وبعدين من وين بتصير علاقه بيني وبينهاا الله يهديك كذا تفكرين فيني ؟ ام خالد : مدري هذا الي طرا ببالي وش ذكرك بهالبنت الحين عبد العزيز : لاتنسين اني كنت ابيها قبل لاتتزوج وانتي عارفه انها تزوجت غصب مو برضا منها وين الغريب لما اطلبها من جديد الحين ام خالد زمت فمها : بس البنت بعدّه الحين عبد العزيز : اذا قضت تخطبينها على طول ام خالد : ابوك يوافق بالاول عبد العزيز : عنده علم ام خالد : وانا اخر من يعلم يعني ؟ عبد العزيز : يييممهه وش فيك جالسه تعلّين قلبي ام خالد ضحكت : اضحك معك ياولد بس اشوف غلاوة هالبنت عندك تنهـد : غلاوتها كثير يالغاليه ام خالد : لو اني ماعرف بغلاتي عندك كان قلت انك تغليها اكثر مني فز وباس راسها : افااا بس مو هذا العشم بولدك ام خالد : هاليومين اذا جت منار البيت بسألها عن كل صغيره وكبيره عن ميهاف عشان يتطمن قلبي وبعدها ابشر بعزك عبد العزيز والارض ماهي سايعته باس يد امه وجه وقفا : ياجعلك تبشرين بالجنه قولي آمين ام خالد وهي تحوس شعره : آمين آمين . . نرجع للواقع عنـد هدى...، قامت وهي تقرض اظافرها تفكر وتتخبط يمين بشمال بأفكارها وكأن الشر رجع فيها من جديد : لو اعرف من هي بس ! يمين بالله ماتاخذها الايام جايه يالعز ! ... ____________________ ببيت بو دلال... فتحت رند الباب لأم خالد وام فهد ومنار ورهف سلمو ودخلتهم للمجلس وين ما دلال موجـوده وراحت لميهـاف المطبخ تشوفها ليه طولت ولقتها مدنقه راسها وضاغطه عليه بيدينها خافت وراحت لها : ميهاف وش فيك ؟ ميهاف رفعت راسها : مدري الصداع لاعب بي رند : اخذتي لك بنادول ؟ ميهاف وهي تأشر عليه : توني اخذت حبتين رند : شوي وبيخف الصداع اجل يلا قومي ام خالد تسأل عنك ميهاف ورجع بطنها يمغصهاا لكن تحاول تكون طبيعيه زفرت بقوه وقامت مع اختها دخلت للمجلس سلمت عليهم ضيفتهم وجلست جنب سرير دلال ام خالد : يووهه ياميهاف مابقى منك شي ! صرتي جلد على عظم وش ذا النحف الله يصلحك وراك كذا ميهاف بإحراج : مدري والله كل يوم عن يوم انحف زياده دلال : اتركي عنك الحكي والله ان اللقمه ماتطب بفمك الا بالغلط ام خالد بعتب : افااا ياميهااف ليه عاد ميهاف وهي ترجع شعرها ورا اذنها : تدرين ياخاله الظروف وماتسوي ام خالد : اييهه تنذكر ماتنعاد ان شاءالله ميهاف : ان شاءالله ام خالد : بس عاد خلاص لازم ترجعين ميهاف الاولانيه ذيك الي وش حلو طلتها لـ دخلت الوجه مورد ومتعافي والله اني كنت اخاف عليك من كل عين تشوفك وماتذكر الله ام فهد : وانتي الصادقه عليكم بها ياخواتها خلوها ترجع وتتعافى ضحكو دلال وميهاف ورند دلال : ابشري ماخلص نفاسي الا وانا مخليتها دبيه اصبري بس ميهاف : لاااعاااد ام خالد بضحك : لالا زين تسوين يا دلال حيلك فيها ولو انه موصيني ومحلفني مااطلع من هنا الا ومسويه الي يبيه ولا كان اجلتها لين اشوفها ترد عافيتها للحظه بس ! وكأنها قطّت لغز او شفره بينهم كلهم والشاطر يفهمها !! والواقع ان ام فهد ورهف ومنار ومريم عارفين وش تقصد ... اما الخوات ف مافهمو وش تقصد دلال باستغراب : تأجلين وش ؟ ام خالد وهي تحط فنجان قهوتها : يادلال انا اليوم جايه هنا لحاجتين الاولى .. اني اسلم عليك واتحمد لك السلامه بينما الثانيه " قالتها والتفتت لميهاف وهي تبتسم " ... انا جايه اخـطب ميهاف لولدي عبد العزيز تنــححتت وابتسامتهااا اختفتت .. اختببصصت بمكانها وارتعشت كل خليه فيهاا وماحست الا بحرارة القهوه بحضنهاا ومع ذلك كتمت الم الحراره الي حست به التفتت لدلال ورند وبالاخير منار الي كانت تبتسم تلعثمت ماهي عارفه وش تسوي تقوم او تقعد ! ماتدري وين الصح ؟ بس الاصح ماهي قادره تناظر وجه ام خالد بعد .. ام خـالد : عاد هو يبيني اجي من زمان لكن انشغلت شوي واليوم جابني بنفسه وحلف يمين علي ماطلع الا وانا طالبتها حطت الخداديه جنبها وقامت وهي تحس بعظام رجولها تصافق بعض همست وهي ترجف : ع عن اذنكم .. ومشت بهروله هي مخبوصه وفوق انه القهوه انكتت بحضنها ولونها باين ، استوقفتها ام خالد : ياميهاف لفت لها : سمي ام خالد : فكري براحتك بس لاتبطين تراه حاروقه ومستعجل صابر علي من زماان اومأت براسها بالايجاب وطلعت بسرعه وقفت بنص الحوش والهواا يلفحح انحنت ويدينها على ركبها صارت تزفر مره ومرتين وتزفرر واستعدلت بوقفتها على صوت منار من عند باب المجلس ، التفتت لها وهي تضححك من قلب فكّها يرجف هو فرح وهو بررد ! بدت دموعها تسابق بعض جات لعندها منار وقبل لاوحده تنطق بكلمه طبت عليها وضمتها بكل ماعطاها ربي من قوه وصار صوت ضحكها على بكيها واضح ومسموع همست منار بحذر : يا هبله بيسمعون ! انتزعت نفسها ميهاف وراحت لغرفتها ولحقتها منار ماكانت عارفه وش تسوي ابد شوي تضحك وشوي تحط يدها على صدرها تهدي من نبضات قلبها وبالاخير صرخت بمنار : ليه ماقلتي ليييهه كذا اننصدمت قدام الكل والله اني احس قلبي بيطلع من بين ضلوعي منار بهدوء : كنت ابي اشوف الفرحه هذي بعيونك وانتي اصلا داريه انه مراح يكون الا لك من انفصل عن خطيبته ميهاف : ماجا ببالي ولاواحد بالميه ان هالشي بيصير اليوم لو انك قايله كنت تماسكت اكثرر شوووفي القهوه انكبت على بلوزتتي يااني تمنتيت الارض تنشق وتبلعني منار غمزت : وش رايك اروح اقول لهم موافقه ميهاف قمطت : اذبحك ! منار : ليه تطولينها ؟ تدرين لو ناخذ الموافقه الحين ماتطول المده عن سبوع الا وانتو مملكين ميهاف : بكيفك بس ! لعب عيال هو وش اسبووع منار تحرك حاجبينها : مو من جيبي ذا الكلام ميهاف وهي تسحب نفس وتستعيد نفسها : اوك تاخذون الخبر بعد سبوع ان شاءالله منار بلّقت عيونها بميهاف : تستهبلين ؟ ميهاف وهي تجلس على السرير : والله .. عشان يقول اني ثقيله منار وودها تذبحها : يومين طيب مو انتي عارفته وخابزته ! سبوع كثييرر وكثير مرره لاتصيرين ظالمه ميهاف وهي تقولب عيونها : سبووووع منار كشرت : اانننن والله لأقوله ويتحاسب معك لاملكتو ميهاف ابتسمت وتمد بكلامهاا: مانيـــب خااايفه قولي ______________ ببيت بو خالد اخر الليل عبد العزيز انفجع : سبوع ! ليه وش بتفكر فيه يومين يكفون منار : حركات ثقل ماعليك عبد العزيز عض طرف شفته : ثقل اجل؟ وهي موافقه يعني منار ناظرته بطرف عينها : انت ادرى لاتستهبل انت الثاني عبد العزيز وهو يفرك ذقنه : زين كذا نظامها اجل منار : حيلك فيها قال ايش مانيب خايفه قولي له ضحك بداخله وماقدر يمسك نفسه اكثر وضحك لمنار : هي قالت كذا؟ منار : ايـهه وامي قالت بعد سبوع بتتصل تاخذ الخبر منهم قام بعجل لأمه ولحقها على الاخر قبل لاتنام : ييممهه ام خالد : وشو بعد الحين مابيدي شي بتنتظر رد البنت عقب سبوع عبد العزيز بدون مقدمات : الملكه عقب ردّها باسبوع يعني عقب سبوعين من اليوم ام خالد تنحت وراحت له : انهبلت عبد العزيز خل يوافقون بالاول عشان تحدد ذي الامور التفت عبد العزيز لمنار متوهق كيف يفهم امه ان ميهاف موافقه وخالصه ؟ ورجع التفت لأمه : لااقولك يعني ماودي السالفه تطول اذا وافقو على طول قولي لهم الملكه بعد سبوع ام خالد : اثقل ياولد ! وش جاك " وتركتهم ودخلت لغرفتها " منار بهمس : شفت الطفاقه وش تسوي ماتسمع كلامي زين يصير فيك عبد العزيز وهو ماسك اعصابه : سبوع اجل ! منار : غمض فتح بتشوف الاسبوع قضا ماعليك مشى عنها وهو يتحلطم بداخله ودخل غرفته .......... عنـد هدى الي عرفت بأن ميهاف هي المقصوده بهذا كله سكرت باب غرفتها بهدووء وصدمتها شلّت اطرافهاا " كيف ياااربي مو هي متزوجه ! تطلقت يعني ؟؟ متتىى وليه توني اعرف انها هي ، ضربت جبينها بقهر وزاد من حماسها مليون على الي بتسويه فوق قهرها من عز ! بياخذ ميهاف الي كرهها لها مايمحيه دهر " __________________ عنـد ميهاف وين مادلال ورند يسولفون كانت سرحاااانه ومو معهم وفجأه جلست قاطعتهم : يصلح لو ردينا عليهم بعد يومين دلال : لا خلاص قلنا لهم سبوع رند : وش صار ليه بتغيرين رايك ؟ ميهاف رجعت انسدحت متوهقه : خايفه اوسوس بالموضوع خلاص ابي افتك من التفكير دلال : اذا انتي موافقه لاتعطين لنفسك مجال توسوسين وتغيرين رايك خلاص ميهاف بهمس : طيب _________________ . . ننتظر دائماً لقآئنا بالأشخاص الذين نحبهم معدين لهذا اللقاء اًدق وأقوى المشاعر وغيرها من التجهيزات فلا يوجد وصف مثالي للقاء من نحب سوى ترجمة المشاعر، . . وانقـضى اسبوع مر كلمح البصر على اي شخص مايعنيه بينما مر بصعوبة عد الايام والساعات الباقيه على " عـبد العـزيز " رجع من الدوام منهمِك تعـبآن يبي بس النوم ومايصحى من نومته الا الليل صادفته امه وهو بيصعد الدرج بينما هي نازله : البشاره يابو العـز تهلل صدره من شاف وجهه امه : بشّري ام خالد وهي تنزل وتضم ولدها : الف الف مبروووك ياجعلها تكون لك زوجة صالحه وتكون زواجة الدهر يارب ويـاانه حس بكومة جبال وطاحت من على عاتقه ولو انه يعرف الرد بس سماعه من امه كان له طـعم غير ، باس راسها : الله يبارك فيك يمه ام خالد : وابشرك بعد الملكه بعد سبوع مثل ماطلبت وماقالو شي زاد من راحته فرحه وبيرجع يعد ايام الاسبوع وينتظرها تقضي من جديد لكن هالمره بطـعم غير انتبه على صوت هدى وراهم : الف مبروك ربي يتمم لكم على خير التفت لها وانتبه لعيونها المورمه الي تبين وش كثر بكت ،.. رد ببرود يذبح : الله يبارك فيك والفال لك ابتسمت بسخريه من غير لاترد وصدت عنهم مشت لغرفتهاا وعلى طول طلعت الحبوب المنومه حقتها وكانت العلبه مليانه يعني راح تنفعها وزياده ! رجعت خبتهم تحت مخدتها وتفكيرها بدا ينشغل متى بتنفذ الي براسها _______________ الجـبيل ... ببـيت ثـامر ، واخيرا بيت مستقل وهذا احسن قرار قدر ثامر يتخذّه بحق نفسه من بعد سيطرة ابوه عليه الي قلبت كيان حياته بشهور استقلالهم ببيت لوحدهـم كان من اقتراح نهى ونفذّه لها اولا يرضيها والاهم مايبي المكان الي يذكره بالماضي ورجعت حياتهم كمـا كانت خاليه من اي تدخل وفرض حكم عليهم مجبورين ينفذونه وعن ثـامر الي بأقوى مايمكن يحاول انه يمحي ميهاف من عقله للابد الا انها تطري عليه احيانا ...... شال الاطباق من المطبخ وطلع وكانت نهى تنتظره وحامله ولدها : ها يلا ؟ نهى : يلا وطلعو مع بعض وراحـو لبيت بو ثامر دخلو هي راحت للصاله بينما هو مشى للمطبخ واول مادخل طرى بباله بنفس مكان وقفته لما كانت ميهاف تصلح شوربه ومو منتبهه له وعشان تثير اعصاب نهى باسته ! عقد حاجبينه ومشى بسرعه حط الاطباق على الطاوله وطلع من المطبخ وهو يبي يطرد هالذكرى : ووين امي؟ نهى وهي تعدل شعرها : شكلها فوق شوي وتنزل راح لولده وشاله وبدا يلعب به ويرميه لفوق ويرجع يمسكه ونهى جن جنونها : ثااااامرررر لايصير له شي بالغلط الحين تكفى ثامر وهو غارق بضحكه على حمود : اسكتي لااخليك بمكانه طارت عيونها بضحكه طويله وبعدها قالت : مجنون ! والا بنزلة ام ثامر : هلااا والله هلا باللي ماعاد ينشافون ابد وش ذاا الثقل انت معهاا حارميني من حفيدي والله اني افقده ياجعلكم العافيه ثامر : جعلك ماتفقدين غالي قولي امين وراحو ثنينهم يسلمون عليها واندمجو بسوالفهم اليين بعد الغداا وعلى المغرب رجعو بيتهـم ،.. . . . . نهــــــــاية البــارت ولم يتبقى الا البـــارت الأخير ونكون ختمنا الروايه بكل خير .. كونو بالإنتــظار | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
