آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-08-21, 04:22 AM
| #121 | ||||
 
|  صباح او مساء الخير ..... اعتذر على تاخري بتنزيل اخر بارت لكن الي منعني ظروف غصبا عني وكان المفروض انزل من قبل ٤ ايام لكن حصل لي حادث حريق ببيتي وتاذيت باصابعي ومنعني من لمس حتى التلفون لكن لاني انتبهت لاني تاخرة بالتنزيل طلبت من زوجي يكتب بدل عني واشكره لمساعدتي ... لا تضنو انه يكتب من كيفه لا انا اقول واهو يكتب لي ... باذن الله اول ما اقدر اكمل بكمل باقي البارت الاخير وخاتمته وانزله بسرعه .... تحياتي لكم ....🌹 | ||||
|  |
|
31-08-21, 12:11 PM
| #122 | ||||||||
| بين النقاء وبين العطاء تاريخ حافل من الصدق والصدق هنا في فكرك في قلمك في اسلوبك صراحه كنت مستمتعا وانا اتابع واقرا ومؤكد ان شاء الله لي عوده بالقراءة مرات ومرات يسلم فكرك وقلمك واسلوبك كان هنا قلم تحياتي وودي واحترامي  | ||||||||
|
| |
|
01-09-21, 04:56 AM
| #123 | |||||
| اقتباس:
اسعدني مرورك ... واسعدني اكثر كلماتك ... برغم انها بسيطه لكنها لامست فؤادي ..... اشكرك جدا ولك مني اجمل باقة ورد 💐 تعبر عن الفرح والصداقه .... | |||||
|
| |
|
01-09-21, 05:09 AM
| #124 | ||||
| اخ قلم انت اول من ارد عليه سواء هني او بمواضيعك لاني ما اقدر استخدم اطراف اصابعي للكتابه لكن اقترح علي زوجي قلم التلفون والحمدلله قدرت استخدمه وكنت فاتحت خير علي ... ما تعرف شكثر مشاركتك حمستني للكتابه كنت اقرء بس واطلب من زوجي يحرك لي الشاشه وانتبهت للتنبيهات وكانت لايكات منك فحمستني للرد عليك وتصفح مواضيعك ..... والحين بقدر اكمل البارت وانزله وانتهي من الروايه على خير ... اشكرك لمرورك ولك مني اجمل تحيه وود واحترام .... 💐💐💐💐💐💐💐 | ||||
|
| |
|
01-09-21, 05:15 AM
| #125 | |||||||||
| اقتباس:
الله يعفو عنك ويكرمك ويوفقك ويسعدك وانا يسعدني ويشرفني متابعة اديبة راقيه مثل حضرتك لان فكرك صادق وقلمك راقي واسلوبك مميز جدا ارجوا قبول الورد مع كل الشكر كان هنا قلم = ياسر تحياتي وودي واحترامي  | |||||||||
|
| |
|
02-09-21, 06:31 AM
| #126 | ||||
| البارت الخمسون والاخير ... تركي بعد ما طق الباب وسمع اروى تاذن بالدخول : مساء الخير .... شلونج اروى .... اروى واهي تعتدل بقعدتها :اهلا تركي ... حياك تفضل .... تركي واهو يقعد على كرسي بعيد عنها : مستعده للسفر بكره .... اروى واهي متوتره وتفرك اصابعها ببعض : اي ... تركي انا عارفه انك ييت بعد ما اقنعتك ميار وعارفه انك موب طايق تشوفني .... تركي : قولي الي عندج وماله داعي هذا الكلام .... اي لحظه يدتي وصلت لج شرط عاصم ..... اروى : اي خبرتني يدتي .... ما توقعت انه يقبل بعد كل الي سويته فيه ... تركي بسخريه : وانتي بقى احد ما اذيتيه ..... نزلت اروى راسها اكثر وبلعت غصتها فتنهد تركي واعتدل بقعدته وتقدم على ق.ام : اروى فضي هذا الكلام ولا تخليني اجرح فيه وماله داعي نتكلم بالماضي ... انا اعطيت ميار وعد اني اتناسى عشان اكمل حياتي معاها ومع عيالنا ولا اطالع ورى ...والحين قولي ليش طلبتي وجودي .. اروى ودموعها تنزل واهي ترجف : اخاف تذبحني لو قلت لك .... تركي واهو يوقف : اروى اكثر من انج سممتي بنتي كا تركتج ولا حاسبتج او حتى عاتبتج لان هم ميار قالت لي الي انتي فيه كافي عليج والله بياخذ الحق ..... اروى بنهيار واهي تطالعه ودموعها تنزل : الي بقوله ينقذ تاله ... تركي ... انا ... انا .... تركي واهو مصدوم لكن انفعل : تاله ... تاله ... شنو الي ينقذها تكلمي انطقي ... لج الامان لكن كملي الي عندج ..... اروى ودموعها ما توقف : ارجوك تركي سامحني لكن كل الي سويته وقتها بس لان ببالي ان الي يربط بينك وبين ميار تاله ولو ماتت انتو تنفصلو ... كان تفكيري شيطاني ومالي هدف غير افرق بينكم وكن ارتاح وميار بعيده عنك .... تركي بص اخ وفلتت اعصابه : اروى ...... انطقي شنو الي ينقذ تاله كل الي تقوليه ما يهمني وبسامحج لو تكلمتي .... اروى واهي ابجي وموب مصدقه : جد ... جد تركي تسامحني .... تركي بنفاذ صبر : اي اسامحج بس انطقي .... اروى واهي ترجف ودموعها تنزل : انا ... انا لمى سمعت انكم بتسوو تحالي عشان تاله ومن ممكن يتطابق معاها تذكرة لي صديقه تشتغل بالمهتبر هني فاغريتها بالفلوس وطلبت منها تغير النتيجه اذا تبين ان في احد يتطابق مع تاله ..... تركي واهو بينفجع من صدمته : شنو ... معنى كلامج ان في احد تطابق معاها وصاحبتج غيرتها ... اروى بخوف واهي تبجي : .... اي ..... تركي واهو يمسكها من جتفها بيدينه ويهزها بقوة ويصرخ : من ... من يا كلبه يا حيوانه .. يا عديمة الاحياؤ والضمير بنتي تتعذب وتتالم وفي لها متبرع الله لا يبارك فيج ولا بحللج ولا يبيحج يا قذره ... تكلمي لا اطلع روحج تكلمي ..... دخل الدكتور وكم ممرضه بسرعه بسبب الصراخ الي يسمعوه لانهم ضنو ان اروى حصل لها شي لكن انثدمو بمنظر تركي واهو ماسك اروى ويهزها بدون رحمه لدرجة انها ممكن انهة ترتمي من على السرير فبسرعه تراكضو وابدكتور مسك يدين تركي يحاول يبعدها عن اروى والممرضان يساعدوه وبعضهم ماسكين اروى لا ترتمي من فوق السرير .... تركي بصراخ : اتركني ... ابعد عني لا اذبحها اكم اتركني .... الدكتور واهو يحاول يفك يد تركي ويحاول يهديه : اهدي يا تركي انت راح تضرها جذيه ... اتركها اول وبعدها خبرني ليش انت منفعى جذيه .. تركي واهو متمسك فيها ويطالع الدكتور ويهز اروى : هذي القذره تعرف من يتطابق من تاله و راشيه موظفه بالمخترب تغير النتيجه وتاله تتعب وتموت ... انطقيمن تطابق معاه ..... الدكتور واهو مصدوم من الي يسمعه ويحاول يهدي تركي : اذكر الله يا تركي انت اكبر من جذيه ...اوكي اتركها عشان تكلم اتركها .... رماها تركي بقوه وارتمت على ورى لدرجة ان الممرضات ارتمو معاها فاعتدلو بسرعه الممرضات وعدلو وضعيتها وبقى جنبها عشان يبعدو تركي لو رجع وتهجم عليها لانه لف واعطاهم ظهره وابتعد واهو يلف بالمكان ورجع جنب السرير ونزل راسه لمستوى راس اروى ونضراته بعينها وواهو كاز على اسنانه ورافع صبعه بويها ..... تركي واهو يهز صبعه بتهديد وكاز على اسنانه وعيونه حمر : تعرفي لو تاله حصل لها شي وتبين ان كل هذا التاخير يمنع العمليه بذبحج ... لا تقولي المرض يموتج لا بيديني بموتج ... انتي قذره حتى الي سويته لج بقناع عاصم ما تستاهليه ... بس اطلع من هني بكنسل كل شي وعاصم يحتفظ بكلته لنفسه يطول عمره ولا يتعب ويربي عياله اولا من انه يعطيها زباله بنت حرام مثلج .... انطقي لا اموتج لان سهل علي اعرف من لكن قوليها بلسانج وكملي اعترافاتج النجسه ..... اروى واهي ترجف وضامه نفسها ومنزله راسها : بدر .... تركي واهو يبي يتاكد : بدر ... اي بدر تعني ولد سمر او طلال .... اروى واهي تبجي وصوتها يرجف : ولد طلال .... صفقها كف قوي وارتمت من على السرير للارض بقوة وشهقو الممرضات وبسرعه نزلو لها وساعدوها توقف ومسك الدكتور تركي وقدر يطلعه برى لان تركي ماقاومه فقعد تركي على الكراسي الي جنب الغرفه ودفن ويهه بيدينه وكان يبجي لكن ماله صوت ابد فقعد جنبه الدكتور وتركه على حاله لكن بعد مده حط يده على جتف تركي .... الدكتور : ابجى ... لا تمسكها بقلبك ... طلع لي بداخلك ... الكتم يعذب وانا ذايقه قبلك فماراح الومك ..... تركي واهو يرفع راسه ويطالع الدكتور ودموعه تنزل : ذايق قبلي ... انت فقدت بنتك .... الدكتور واهو يطالع قدام وابتسم بالم : كانت مريضه بالقلب .... طالع الدكتور تركي وابتسم اكثر : تعرف ان مرض القلب علاجه اصعب ... تاله تذكرني فيها ... كانت مثلها تقول لي لا تضايق اذا مت فانا بالجنه انتظرك .... عرفة ليش انا متعلق بتاله واخاف عليها واراكض ورى علاجها ... تاله تشبه لبنتي .... لحظه بوريك صورتها قبل وفاتها بكم شهر .... طلع الدكتور محفظته وفتحها ومدها لتركي فاخذها تركي وطالع صورة البنت وكانت فعلا تشبه لتاله لكنها اكبر ولونها اسمر شوي فتالم تركي لان الدكتور فقد بنته لمرض علاجه صعب فرجع المحفظه له .... تركي : كانت حالتها ميتعصيه وتستدعي متبرع .... الدمتور : اي ... لكن صعب نلقى متبرع لازم احد متوفي واهله يقبلو يتبرعو باعضائه لكن محد قبل .... عاشت بعذاب واغلب حياتها بالمستشف ...تاله الله يحفظها لها امل حتى لو ما اعترفة اروى ... لا تنسى حمل زوجتك والحمدلله ثلاث ... تركي : ونعم بالله لكن كان ممكن من زمان انتقلت لها الكلى وتعافت .... الدكتور واهو يطبطب على جتف تركي : قول الحمدلله كل تاخيره فيها خيره .... تركي : شنو المفروض الحين نسوي ... نسافر ... الدكتور : لا لا ... هاتهم ثنينهم وبعيد التحاليل لكن برسلها المانيا افضل واضمن لنا وعشان التحاليل تبقى عندهم وبعدها نحدد متى يسوو لها العمليه ... انت الحين خب اخوك وسوف يمكن يغيرو رايهم .... تركي : مستحيل طلال او ندى يغيرو رايهم خصوصا ان بدر كبر سنه زود يعني جسمه يتحمل اكثر من قبل .... الدكتور : تمام ... اذا كل شي تمام هاتهم بكره بالصباح افضل .... تركي لا تنفذ تهديدك لاروى اتركها الي فيها مكفيها وسبحان الله صار معاها نفس مرض تاله لكن بعذاب اشد لا تضن انها طول ما اهي قاعده ما تعذب من الالم تراه موب هين .... تركي : الله ياخذها ويفكنا منها هذي اذيه ما تعاشر ولا انا فازع لها مع مهران نقنع عاصم لكنها ما تستاهل ابد.... دكتور ممكن سؤال خاص فيك .... الدكتور : تفضل اسال .... تركي : بنتك كانت وحيدتك .... الدكتور : اي نعم لكنها راحت للي ارحم مني ومنك ... امانه وردت له ... تركي : ونعم بالله ... اوكي ليش ما يبت غيرها .... الدكتور : انفصلت امها عني من ولدتها وما حبيت اتزوج مره ثانيه ... تركي : ليش كنت تحب زوجتك وما تقدر تزوج غيرها ... الدكتور : لا لا زواجي منها كنت مجبر عليه ... بضغط من اهلي واهلها لكن ما تحملنا نعيش مع بعض اهي بشرق وانا بغرب ... السبب لاني مابي اظلم بنت الناس معاي وانا مشغول دايما بالمستشفى .... تركي : انت الحين دايما بالمستشفى حتى تاخذ دوام غيرك لكن اذا قررة تزوج خذ دوامك ونضم وقتك ... تعرف في وحده تناسبك وايد لكن ما اعرف ممكن تقبل تزوج او لا وهم عندها ولد من زواجها السابق ... الدكتور : ارمله او مطلقه .... تركي : لا مطلقه ... اشوف غيرة رايك ... تبي تعرف من يمكن تقرر بعدها .... الدكتور واهو يضحك : ههههههه فضول يا تركي موب اكثر .... تركي : ههههه ابي اصدقك اكن انا متاكد تنك تبي تستق وتييب عيال ... يا اخي تزوج وييب غير بنتك وسمها باسمها وبتشوفها قبالك .... الدكتور : بفكر بكلامك واذا اقتنعت بسالك من عشان اتقدم لها لكن انت بتروح معاي لان مالي احد ابد غير عمتي .... تركي واهو يطبطب على جتفه : الله يخليها لك وتشوف عيالك وتفرح فيهم ... اخليك لازم اروح واخبر ميار وافرحها وبكره احنا عندك ... ابتسم الدكتور واهو يهز راسه فابتسم له تركي وتركه وطلع من المستشفى وترك الدكتور يفكر بكلامه ويعيد حساباته ويقرر الزواج ... وصل تركي للبيت ووقف فتره بالسياره يفكر شلون يخبر ميار وشنو ممكن تكون ردت فعلها اذا عرفة باخر اعترافات اروى وشلون كانت تتفنن باذيتهم و اهم يساعدوها ... تنهد ونزل وقبل يفتح الباب لقى طلال طالع من بيته و ويقرب منه فوقف ينتظره وبعد السلام سحبه تركي للحديقه ورى البيت وخبره بكل الي حصل .... طلال واهو مصدوم : يا الله ... هذي ما بنخلص من بلاويها ابد ... والحين شلون بتخبر ميار ... الخبر مفرح ومفجع بنفس الوقت ... تركي : مثل ما قلت وانت عارف ميار حامل واخاف ياثر عليها اهي انسحبت من التدريس بالجامعه بسبب كثرة تعبها هذي الفترة وتقول مابفيد الطلاب ابد بشي وكل فترة اتغيب .... طلال : يعني مابتدرس ابد .... تركي : لا لا بتاجل للسنه اليايه او الي بعدها تبي تولد براحه وخصوصا الدكتورة نبهت عليها بالراحه ... ثقلة بسرعه ... طلال : الله يعينها ... الحريم واحد والله يتحملو واهي ثلاث ... اللهيعينها وفوق هذا جسمها هزيل ... اقول تركي ... تركي واهو يطالعه بهتمام : هلا ... طلال واهو يغمز له : علمني شلون ضبطة معاك و وخليتهم ثلاث بدل واحد .... استوعب تركي نغزة طلال متاخر لانه بقى فترة متنح يطالع طلال ولمى لقى طلال يضحك فز لها بسرعه يبي يضربه فهرب طلال لداخل البيت ولقى امه وابوه بالصاله فانخش ورى امه الي انفجعت من دخلته واهم متعودين عليه يطق الباب وينادي ويوقف ينتظر لحد ما ياذنو له عشان ميار تغطى لانها الوحيده الي تحجب عنه .... ابو تركي واهو يشوف تركي يدخل بسرعه ورى طلال : شنو فيكم ... ليش تراكضو جذيه ... رديتو لطفولتكم .... تركي واهو يبوس راس ابوه وامه ويقعد جنب ابوه : لا يبه لكن ولدك ما يعرف الادب شلون ... كبر وصار ابو وعباله للحين مراهق ... طلال واهو يقعد جنب امه ويبوس جتفها : شفتي يمه ولدج يشوفني مراهق بس لاني سالته شلون ضبطة معاه وبييب ثلاثه ... مات ضحك ابو تركي وام تركي ضربة طلال على جتفه فابتسم تركي لان نادر امهم تعصب على احد منهم وتضربه فاستمت امهم طلال تهزيء ... سال تركي عن ميار وخبرته امه انها بجناحهم لانعا تعبانه وان تاله مع مهران فطلع تركي لها بسرعه ولمى دخل غرفتهم لقاها متمدده على السرير ومغمضى عينها فقرب لها واول ما قعد جنبها فتحت عينها وابتسمت .. ميار واهي مبتسمى وبصوت مبحوح : متى وصلت حبيبي ..... تركي واهو ينزل لويها ويبوس جبينها : تو طلعت لج لكن لي مده بسيطه واصل .... امي تقول انج تعبانه ... تبين اخذج المستشفى .... ميار واهي تمسح على خده : لا حبيبي تعب طبيعي من الثقل ... عيل ليش قلت لك اسحب اوراق تعييني لاني ما عدت اقدر اتحرك وايد ... طمني عن اروى .... تنهد تركي وغمض عبنه ويحس انه متحير شلون يخبرها واهو عارف انها بتتاثر حتى والي بيقوله يفرح لكنه يذبح بنفس الوقت ... حست انه مخبي عنها فلمست خده وفتح عينه يطالعها .... ميار واهي متردده : اذا مامنتك ما تكلم لاحد لا تقول شي وخلاص انسى اني سالتك .... تركي واهو يبوس يدها : حبيبتي ما تستاهل منج كل هذي المراعات لها .... هذي القتل فيها حلال .... ميار واهي مصدومه من كلامه : شهذا الكلام تركي شنو قلت ما قتل ... تكلم سوت لك شي ... تركي تكلم لا تخليني على اعصابي .... تنهد تركي واعتدل بقعدته فقعدت ميار وقربت له و مسكت جتفه فلف تركي يده حولها وضمها .... تركي واهو ساند راسها على صدره ودقاة قلبه تتسارع : الي بقوله يفرحنا وبنفس الوقت يخنق لان الفرحه فيه نقصه حلاتها .... ميار واهي سانده راسها على صدره : مهم كانت قولها وريحني ... تركي : اوكي ... اروى عرفة بان تاله محتاجه متبرع والكل يحلل عشان نعرف من يتطابق معاها ووقتها اهي اغتاضت وكان هدفها تفرقنا وتبعدنا عن بعض لان بنضرها تاله حبل الوصل بينا وطبعا هذا قبل اردج ... ميار واهي على وضعها : قصدك لمى كنتو تحللو ... تركي : اي ... ميار : اوكي هذا شنو فيه يفرح .... تركي : هذي المقدمه حبيبتي اسمعي .... اهي لمى عرفة فكرة تتخلص من تاله والي يا ببالها الطريقه اهي تبقى تاله بدون متبرع فاتفقت مع صديقه لها تشتغل بالمخترب ونبهت عليها لو تبين ان تاله تطابق مع احد تغير النتيجه للسلبي ..... بعدت ميار من حضنه وطالعته بصدمه وحيره وكانت تتنفس بسرعه فخاف عليها تركي وكان يبي يسحبها من يدها ويضمها فنفضت يده ونزلت دموعها واهي ترجف وتكلم بغصه .... ميار واهي تبجي وتهتز : تقصد ان في من تطابق معاها واخفوه .... تركي تكلم في ... قول لي لا تعلقني بامل وبعدها ترميني بالارض .... تركي واهو يسحبها ويضمها : في في يا روحي في ... بدر وبد طلال اهو الي تطابق معاها ..... ميار واهي تون وتبجي وتضحك بنفس الوقت وكانها جنت : ااااااااااه ..... اااههههههههه تركي تاله بتعالج .... اااااااهه ههههه بنتي بتعيش مثلها مثل اي طفل سليمه .... تركي واهو يشد من ضمها : الحمدلله ... بتعيش سليمه بس قولي ان شاء الله ..... ميار واهي تشاهق ببجيها : ان شاء الله ان شاء الله ...... تركي قول لي احنا شكثر اذينا اروى عشان تحمل كل هذا الكره لنا ... لهذي الدرجه انا اذيتها بزواجي منك ... ليش تاله تدفع الثمن ليش .... تركي واهو يبعدها و يهزها بعصبيه : بس بس لا تقولي جذيه انتي لا اذيتيها ولا خذيتيني منها اساسا لا كنت ولا بكون لها كنت بوهم بي لها وكله بسبب كلتم يدتي لي من صغري ولو كان حب حقيقؤ ما كنت همت فيج وحبيتج كل هذا الحب .... زواجي منج اول مره بقناعه لا بسبب هلانها لي ولا اي شي ثاني غير حبي لج وقناعتي فيج ... انتي نجاتي فاهمه انتي الي نجيتيني من مصير كان محتم انه بيكون جحيم ... اروى كل الي كانت تبيه اهو تملك شي غيرها يبيه لكن اهي مريضه و بنفس الوقت فاسده فشلون تكون قسمتي ونصيبي .... ميار و تركي يضمها : كل ما قلت اسامحها وانسى ارجع احس بخنقه منها ... تركي .... تركي واهو يمسح على ظهرها : روح تركي ودنيته ... ميار : كلمة دكتور تاله ... تركي : كان بالغرفه لمى اعترفة ... بكره لازم ناخذ تاله وبدر وبعيدو التحالي ... لا تخافي بيرسلها لالمانيا وهناك يحللو ويرسلو النتيجه قبل يحددو متى العمليه .... ميار : ابي تاله الحين ودي اخبرها واريحها بعد كل هذا العذاب .... تركي واهو يبوس راسها : يا روحي بترتاح .... ميار احسج تعبانه وايد ... تبين تريحي وتمددي ... ميار : تركي ... مممن اسال سؤال ... تركي واهو يمسح على ظهرها : كلي لج اسالي ... ميار : لو رجع فيك الزمن لورى و كانت اروى عكس واقعها بتطل بويها وتحبني او بتبقى على حبك لاروى .... تركي واهو يتنهد : ميار ماله داعي اتخير او ارجع لورى ابد انا احمد ربي على وجودج لحياتؤ انتي تكفيني بحياتي ومفي بقلبي غيرج ما تثقي فيني .... ميار : واثقه اكن ابي قلبي يهدى من هذي الضنون بانؤ خذيت شي موب لي .... تركي واهو يحط يده على بطنها : ههههههه باين هذول لاعبين لعب بعقلج .... يا روحي انتي كافي وما ابي غيرج ابد .... إنت كافي وما أبي غيرك أبد إنت كافي وإنت بزياده عليّ أوعدك ما تلتفت عيني لأحد إيش أبي أكثر مدامك إنت ليا انت كافي وما أبي غيرك أبد (غيرك أبد) إنت كافي وإنت بزياده عليّ أوعدك ما تلتفت عيني لأحد إيش أبي أكثر مدامك إنت ليا إنت كافي وما أبي غيرك أبد إنت كافي وإنت بزياده عليّ أوعدك ما تلتفت عيني لأحد إيش أبي أكثر مدامك إنت ليا إنت كافي وما أبي غيرك أبد إنت كافي وإنت بزياده عليّ أوعدك ما تلتفت عيني لأحد إيش أبي أكثر مدامك إنت ليا إنت واحد بس تغني عن بلد حي حبك يا بعد روحي يا حيه تنعمي عيني إذا خزت أحد وتنقطع لو صافحة غيرك إيديا إنت واحد بس تغني عن بلد حي حبك يا بعد روحي يا حيه تنعمي عيني إذا خزت أحد تنقطع لو صافحة غيرك إيديا إنت كافي وما أبي غيرك أبد إنت كافي وإنت بزياده عليّ أوعدك ما تلتفت عيني لأحد إيش أبي أكثر مدامك إنت ليا في ربيع أنا معاك وفي رغد (وفي رغد) أنا في نعمه وفي عيشه هنيه نجم غيرك ينزل ونجمك صعد أصلا إنت اللي إمتلكت الجاذبيه في ربيع أنا معاك وفي رغد (وفي رغد) أنا في نعمه وفي عيشه هنيه نجم غيرك ينزل ونجمك صعد أصلا إنت اللي إمتلكت الجاذبيه إنت كافي وما أبي غيرك أبد إنت كافي وإنت بزياده عليّ أوعدك ما تلتفت عيني لأحد إيش أبي أكثر مدامك إنت ليا الكل عرف بالخبر وفرحو لكن تبقى بغصى واليوم الثاني اخذو تركي وميار وطلال وندى تاله وبدر وسبق وفهمو بدر بانه بيتبرع لتاله بالكلى لكن لمى تكلم الدكتور مع بدر فهمه ان الي بياخذوه من كلته جزء موب كلها وبعد العمليه بالتدريج بتنمي له غير الي اخذوه منه وكانت هني المفاجاة لميار واركي لان الدكتور ما سبق وخبرهم بهذا الشي وبعد ما اخذو التحاليل من تاله وبدر ارسلوها الى المانيا و تقرر ان تركي يسافر مع تاله و مهران وطلال معاه ولان ميار ممنوع عليها السفر قررة ام تركي تكون مع تاله عشان ميار تكون مرتاحه اكثر ومتطمنه على تاله وتحدد موعد السفر بنفس اليوم الي بيسافر فيه عاصم عشان يتبرع لاروى وطبعا مح. من اهله يعرف غير ابوه وقبل السف كانت ميار منهاره بجي وتاله بحضنها واهم بالمطار والكل مراعي حالتها لانها اول مرة تفترق فيها عن تاله فكان تركي جنبها على يمينها وام مهران على يسارها يحاولو يهدوها وعشان ما توتر تاله .... تركي واهو يبوس راس ميار : ولي يرحم والدينج لا تبجي والله قلبي ما بتحمل كافي انج موب معانا ... فراقج صعب يا روحي بس انتي تتعبينا معاج .... ام معران : يمه انتي تتعبي الي بحشاج تبينهم يتعبو مثل تاله هم .... ميار بخوف واهي تحط يدها على بطنها : الله لا يقوله يمه لا ابيهم سليمين نابي شي يضرهم .... تاله واهي تبوس خد ميار : ماما لا تبجي بابا معاي وهم يدوه ... ماما انتي بتدعي لي صح .... ميار واعي تبوس كل مكان بويه تاله : يا روحي اكيد بدون شك بدعيلج ليل نهار ... الله يردج لي سالمه .... مهران واهو واقف قبالها : عيل خلاص نزليها وخلي الباقي يسلمو عليها ونتوكل النداء الاخير ميار ... باست ميار كل مكان بتاله واخذها منها مهران وحطها بحضن ام مهران تسلم عليها والباقي سلمو عليها بعد ما تخلص من سلام الي قبله وميار بحضن تركي يودعها فكان ضامها ويهمس لهة باذنعا فبجت وبعدها ضحكة والكل استغرب فبعدها تركي واهو مبتسم لها وباي يدينها ومسح دموعها وباس خدها الثنين ... ريان واهو يقرب لميار وتركي : شنو همس لج وضحكتي بعد كل هالبجي ... تركي واهو يدف ريان من صدره : بعد عن زوجتي لا تحارشها ما صدقت تضحك واسمع صحكتهة قبل اسافر .... ريان : اي خايف احسدكم لا تخاف افرح لسعادة اختي ... اصلا ميار راح تقولي لمى انت تسافر .... تركي واهو يغمز لظيار : ما اصن تقول لك صح حبي .... ركان : انا عرفة شنو همس لها فلا تنتظر ميار تكلم هذي تخجل من ظلها بتقول لك بكلتم تركي البجح ... افهمها انت بيسافر تقريبا شهرين بينحرم من الحضن الدافي فيتوعدها لمى يرد يطلع فيها كل شوقها وحرمانه ... صح ميار .... قاسم واهو يضرب ركان عل جتفه : استح على ويهم شوف اختك تحولة لعلبة طماطم .... ضحكو كلهم على ويه ميار فسلمو الكل على الي مسافرين وندى حالها اهون من ميار وبعد ما غابو عن عينهم الكل رجع لبيته وميار راحت مع امها للقصر لانها ما تحمل تبقى بالجناح بدون تركي وتاله .... تمت العمليه لاروى وكان معاها ابو عادل وعادل وبنفس المستشفى الي بيجرو فيها عملية تاله وكان تركي ومهران موجودين اثناء العمليه عشان عاصم لان محد معاه من اهله ولمى طمنهم الدكتور كلمو ابوه يطمنوه عليه واكدو له ان لمى يصحى راح يخلوه يكلمه فيديو كول .... اما اروى تطمن عليها ابو عادل وعادل ومن باب المجامله هناهم مهران بنجاح العمليه ومحد لام تركي لانه ما سال عنها لانهم يعرفو انه شايل عليها ومستحيل يرجع يسامحها ابد .... بعد يومين تمت عملية تاله وكانت ميار على اتصال مستمر مع تركي و كان تركي صبور معاها لانها كل فترة بسيطه تكلمه وتكون منهاره بجي فتحمل برغم تغبه النفسي وخوفه على تاله وبدر ... وبعد نجاح العمليه الكل طار من الفرحه لان اخيرا تاله بتعيش مثلها مثل اي طفل وبقى يمها تركي حتى واهي تحت تخدير البنج ولليوم الثاني واهو يمها و يصورها لميار ويرسلها ولمى صحت كلم ميار فيديو كول وكلمتهم وكانت متماسكه عشان تاله ..... مرة فترة النقاها لتاله وبدر و رجعو بعد شهرين غياب وكان تركي اكثر واحد فرحان لردتهم من شوقه لميار لكن لمى ردو واستقبلوهم احلا استقبال لقى ميار محاوطه تاله بهتمامها وكل الي لقاه منها سلامها له بعد سلامها لتاله ورد لتاله .... تركي واهو يهمس باذن ميار واهي تاكل تاله بحضنها : لي حساب عسير معاج بعدين .... ميار واهي تلف تطالع مستغربه وبهمس : ليش ... شفيك يا بشرك ... تركي واهو يكز على اسنانه وبهمس : لا ياي بشوقي وناس مطنشتني .... ميار واهي تبتسم بعد ما فهمت الي فيه وبهمس : لا تلومني انا ام ولي شهرين ما خذيتها بحضني او كنت معاكم بالسفره ما حصل كل هذا .... لكن لا تخاف بتفرغ لك لمى تنام ولك مفاجاة عندي .. تركي واهو مرتاح جزئي وبهمس : لا تعشميني وبعدين ترميني بالقاع .... ميار بهمس : ما عاش من يعشمك ولا يوفي ... اثبت لك بعدين .. ابتسم تركي لها براحه وبادلته الابتسمه وتمو مع الكل يسولفو وبعد ما تعشو والكل راح بيته طلعو ميار وتركي وتاله لجناحهم وغيرت ميار لتاله وقعدت معاها على الكنبه بالصاله وتاله تمددت و حطة راسها على ريل ميار .... تاله واهي ماسكه يد ميار وميار تلعب بشعرها : ماما تعرفي اني خفت وايد قبل العمليه لكن تذكرة كلامج لي اني احمد الله واتوكل عليه وانه مابيخيب رجائي ابد ..... ميار واهي تشوف تركي واقف جنب باب غرفتهم ويطالعهم ويبتسم : شاطره ماما ... عفيه على بنتي الحلوه ... قولي لي ماما تحسي بتعب .... تركي واهو يقرب ويقعد جنب ميار ويضمها من جنبها : لازم تتعب ناسيه انها تو راجعه من سفر ... بابا ما تبين تريحي بسريرج .... تاله : بابا ابي انام بحضن ماما وحشتني وايد .... تركي واهو يهمس باذن ميار : بنتج شكلها ناشبه لي الليله ... ابي مفاجاتي ..... ميار واهي تلف راسها وتطالعه واهي مبتسمه وبهمس : تراها تعبانه لكن تقاوم ... ومفاجاته ما نسيتها ولا بنساها .... تركي واهو مبتسم ويبوس شفاتها بسرعه وبهمس: مستعيل ما عندي صبر .... شهقت ميار وضربته على جتفه بخفيف فضحك تركي وطالع تاله وكتم ضحكته واشر لها على تاله فطالعتها ميار ويه تاله ولقتها نايمه وماسكه يد ميار فطالعت تركي ولقته مبتسم وهمس لها انه بينقلها لغرفتها فهزت راسها وتوجهة لغرفتهم واهو حمل تاله لغرفتها ولمى تطمن عليها وغطاها باس راسها وسكر الاضائه وترك لها اضائه خافته وسكر الباب وراه وتوجه لغرفته مع ميار لكن ما لقاها فتو بيطلع يدورها بمطبخ الجناح سمه صوت ماي الحمام فتطمن انه معاه فقعد على طرف السرير وكلها لحظات و لقى ميار واقفه قباله وكانت لابسه قميص نوم مغري فايتسم على شكلها وبطنها بارز فحط يده على بطنها واهو يطالعها وبعده يطالع بطنها فباس بطنها وحط رايه عليه يسمع ... تركي واهو يرجع يبوس بطنها ويوقف : عيالج كلهم يدورو راحت ابوهم ... شكلهم نايمين ... اشتقت لج .... ميار واهي ترجف بعد ما لف يدينه حول خصرها وقربها له ولصق صدره بصدرها : وان شتقت لك اكثر .... حبيبي .... تركي واهو ينزل بشفاته لرقبتها ويبوسها : يا روح حبيبج ... ميار واهي تبعد راسه عن رقبتها وتخليه يطالعها : اول مفاجاتي بعدها عبر عن شوقك مثل ما تبي ... . تركي واهو يضحك ويبوس شفاتها بسرعه : هههههه اموت انا بالمفاجاة وبعدها اعبر عن شوقي ... والله لو منتي حامل كنت وريتج الشوق على اصوله ... ميار واهي تضربه على صدره وتبتسم : ما تبي تعرف المفاجاة اول .... تركي : ما نعبر عن الشوق اول افضل لنا .... ميار واهي تهز راسها بلا : لا ابي اول تعرف المفاجاه ... بعد لحظه وراجعه ..... تنهد تركي بعد ما بعدت ميار من يدينه وطلعت من الغرفه و لحظات ولقاها تمد يدها بس من الباب وتسكر الاضائه فاستغرب وتو بيتحرك يتوجه لها لقى اضائه خفيفه تقرب من جهة الباب وفهم انها شمعه او سموع فلحظات ودخلت ميار واهي حامله كيكه بيدها وعليها شمعه فابتسم تركي لان ويه ميار كله منور من اضائة الشمع ووقفت قباله والكيكه بيدها .... ميار : كل عام وانت بخير حبيبي .... تركي واهو عاقد حواجبه ومستغرب : وانتي بخير لكن على شنو ... ما اضن انه ذكرى زواجنا لا الاول ولا الثاني .... ميار واهي مبتسمه : لانه ذكرى ميلادك .... عرفة ليش اصريت عليك ترجع بسرعه ولا تاجل مثل ما كنتو مقررين ... تركي واهو يضحك : ههههههههوالله ناسي ... انتي ما تنسي ابد .... ميار : انسى ميلادك ليش انت ناسي ميلادي ... تركي بمحبه واهو مبتسم : انسى كل تواريخ ملادك الكل الا انتي ميلادك غير .... ميار : عيال خلاص تمنى وطف الشمعه .... غمض تركي عينه وتمنى وفتح عينه ونفخ الشمعه و صار المكان ظلمه اكن لحظه ولقى ميار مضويه اضائه تلفونها وتوجهة لقابس الاضائه وسغلته ورجعت وبيدها الكيكه فنزلتها على الطاوله وقطعت لتركي وحطتها بصحن وتوجهة له وخذت قطعه بالشوكه ووكلتها تركي واخذ اهو منها الشوكه واكلها .... تركي واهو ياخذ منها الصحن ونزله عل الطاوله : حبي ... شكرا وايد لانج ما تنسي هذا اليوم .... ميار واهي تمسك يدينه وتقرب له : لا تشكرني على اي شي اسويه لك ... ناسي ان مابينا اي شكر موب هذا كلامك .... تركي واهو يلف يدينه حول خصرها ويقربها له : اوكي ... حبي مشتاق لج موت اكثر مما تصوري .... ميار واهي تلف يدينها حول رقبته وتبتسم : بس اول هديتك ما تبي تشوفها ..... تركي بهيام واهو يبوس رقبتها : انتي تكفيني تغنيني عن اي شي ... الهديه لاحق عليها لكن انتي ابي اعبر لج عن شوقي ... صحيح ما اقدر اعبر بشكل كلي بسبب عيالج لكن ماعليه نتحمل لحد ما ايونا ..... ميار واهي تضحك وتحاول تفك يدينه عن خصرها : ههههههه لا انا ابي اهديك اول ...تركي فك بس اوريك وبعدها عبر مثل ما تبي .... تركي واهو يغمز لها : متاكده اعبر مثل ما ابي .... هزت ميار راسها له واهي مبتسمه فباس شفتها بسرعه وفك يدينه عنها فبعدت وتوجهة للكمودينو واخذت تلفونها ةرجعت لتركي واهي مشغوله بالتلفون ولمى وصلت لتركي مدت له التلفون يشوف فاخذه منها وعقد حواجبه لمى شاف الي توريه فطالعها يبي تفسير فضحمت ومسكت يده وقعدت معاه على طرف السرير واهي ملاصقه له .... ميار واهي تاشر على الي بالصورة : شنو تشوف هني .... تركي بطنازه : حمار .... شنو اشوف ميار خيل .... رفعت ميار حاجبها واهي تخز تركي بعد كلمت حمار فغمض تركي عينه وتنهد وفتح يطالعها وكانه ما يبي يقول الي بباله لا يبين قبالها مثل الياهل الي يتمنى شي و ما يلقاه وبكلامه كانه يقول لها ابيه فتنهد ... تركي واهو يحط التلفون بيدها : هاااه حبي انتي تغرفي اني احب الخيول لكن ما راح اخمن انج يايبه لي خيل ... بس ليش ت ريني صورة خيل هذي هديتي صورة .... ميار واهي تكبر صورت الخيل : دقق فيه عدل وقول لي تقدر تعرف اهو عربي اصيل او لا .... تركي : بالصورة مبين انه عربي اصيل لكن لو اتفحصه بعرف اكثر ... ميار ليش تسالي لا تدخيني انا متحمس لج ومشتاق وانتي تهبطي معنوياتي .... ميار واهي تطالع بعينه بتحدي : الا برفعها ...ما احب تحبط ثم ليش تضن ما ممكن اهديك خيل .... تركي واهو يدقق بنضراتها يبي يشوف نضرت مزح : ميار من جد انتي تكلمي ... لا تمزحي وين بحطه انتي عارفه اني ما شريت لاني ابي اول اخذ مزرعه كبيره ما ينفع مزرعه صغيره وانا ابي يكون في مضمار للخيول .... ميار واهي تبوس خده : موب لازم مزرعه يكفي اسطبل صغير يكفي لخيل ومهر ... تركي واهو يضحك : ههههههههه هبلتي فيني ميار ... اقول انتي تبين تلفي فيني لان ما تبين اقربج .... ميار واهي تضربه على صدره بمزح : جب زين ليش تضن فيني جذيه ليش انا موب مشتاقه لك ... تركي واهو يرفع حاجب ويلف يطالع قدام ويرجع يلف يطالعها: ما شفت شي من هالشوق ... ثم تعالي انتي من متى هذي الجرئه معاي ... ميار واهي توقف : انت منت ويه مفاجاة او جراه قلت بتجرئ معاك لانك تبي هالشي لكن بعد بغير ملابسي ببجامه افضل لي .. تركي واهو يسحيها ويقعدها بحضنه ويحاوطها واهي تضحك : ليش حبي ابي وابي وابي ... ثم من قال ابي بجامه خلج بهذا المشخلع افضل لي لا انتفج الحين وشنو مانا ويه مفاجاة ... ميار واهي تمسك ويهه بيدينها وبهمس : وانت تضن اقدر ما اكون بحضنك ... حبيبي جد الخيل هديتك وبكره اوريك مكانه ... لكن الخيل موب بروحه لتالع معر انت بتعلمها عليه.... تركي واهو يمر اصبعه على خدها وبهمس : ماكنت ابي اعشم نفسي واخرها كاني اقول لج اخذيه ... شكرا حبيبتي على هذي المفاجاة ...بس الحين ابي اشبع منج مع اني اعرف مستحيل اشبع .... ابتسمت ميار وباست خده فوقف فيها تركي واهي بين ذراعاته ولف فيها للسرير يمددها واهو معاها وغاص معاها بعالمهم الخاص ..... اليوم الثاني اصرت ميار على تركي يروحو بيتهم الي توسع وللحين يشتغلو بديكوراته وهناك تفاجء فعلا لمى لقاها بانيه اسطبل صغير بنهايت الحديقه الخلفيه و لقى فعلا الخيل الي ورته له وفرح فيه ولقى هم مهر لتالهوفرحت تاله فيه وايد وكانت هدية ميار لتركي وكانه تسحبه لهوايه قديمه دفنعا بداخله من كان صغير لان وقتها وضع ابوه ما يسمح ياخذ له خيل لان بيتهم كان صغير وترك الموضوع حتى لمى كبر ما حاول يشتري خيل لانه كان يتمنى يكون له مضمار خاص يسوي فيه سباقات وبيوم خبر ميار عن هذا الشي وكان وقتها لمى كانو بايطاليا واقترحت عليه ميار ياخ خيل ويتركه مع خيول اخوانهة وعيال عمومها بالمزرعه لكن رفض والحين تهديه الخيل وتجهز له اسطبل وكانها تقول له كمل لان لو ما ابتديت بخيل مابتكمل للمضمار و فغلا بعد شهر قدر يشتري ارض كبيره تصلح تكون مضمار للسباقات و مهران عجبته الفكره وحب يشارك تركي وقبل تركي وبجذيه قدر يبني المضمار ويشترو ارض ثانيه جنبه ويبنوها اسطبلات للخيول الي بيشتروها ..... مرت الايام بسرعه ويا يوم ولادة ميار واول ما حست بالالم اخذها تركي للمستشفى بسرعه لان الدكتورة نبهت عليهم ما يتاخرو ابد لان حملها بثلاث واحتمال تولد بعمليه وكانت ميار تالم لكن متماسكه لان ويه تركي الخايف واهو ملازمها ورافض يتركها ويطلع مخليها تخفف عليه ولا تبين له المها لانه يفز مع كل ونه تطلع منها بالغصب .... الدكتورة بعد اخر فحص لميار : اسفه وايد اقول لكم اني مضطره للعمليه .... ميار واهي ماسكه يد تركي وتالم : ليش دكتورة مافي امل اولد طبيعي .... الدكتورة : ما نبي نجازف لان في واحد منهم نبضه ضعيف وما نبي نخسره .... هزت ميار راسها موافقه فطالعت الدكتورة تركي فلقته يطالع ميار .... الدكتورة : اخ تركي موافق او لا .... تركي وعينه على ميار : الي يناسبها سووه لكن خلصوها بسرعه من هذا الالم .... الدكتورة واهي تهز راسها : تمام ... اخ تركي مممن تتركها عشان نجهزها للعمليه .... تركي واهو ماسك يد ميار وباصرار : لا ببقى معاها مابي اتركها لحظه وحده .... الدكتورة لميار لان ميار مبينه انها ضابطه اعصابها اكثر منه : ميار كلميه لان ما ينفع وانتي عارفه .... ميار واهي تهز راسها وتطالع تركي : اوكي .... حبيبي ما ينفع تدخل معاي بغرفة العمليات ... اساسا انا بكون تحت تاثير المخدر يعني مابكون حولك ابد ..... تركي : ميار خايف عليج اول مره اشوفج جذيه شوفي شلون عرقج ينزل ... انا مابي اتركج تعاني بروحج .. ميا واهي تشد على يده بسبب الانقباض وتالم : تركي ... لا تصر جذيه انت بتصرفك هذا تاخر الولاده مممن يتاثر الي نبضه ضعيف ارجوك تفهم ولا تخاف انا عارفه شكثر انت تبي تكون معاي ... ارجوك تركي انا اتالم و لازم اتجهز لاعمليه .... وجعه قلبه على شكلها وبرغم خوفه على الجنين ان يخسروه لكن خوفه عليها اكثر لانه من لاحظ تالمها قبل اييبها واهو مرتبك وخايف عليها ما يبي يشوفها تتالم ابد لكن مابيد شي يسويه غير يساندها ويخاول يخفف عليها ... هز راسه وباس جبينها ومسح ويها وهمس لها قبل يمشي .... تركي لهمس باذنها واهو ماسك ويها : احبج ... خلج قويه ارجعي لي بسرعه مابتحمل تاخري وايد او تالمي .... ميار واهي تلمس خده : وانا احبك ..لا تخاف ماراح احس بشي لاني بكون مخدره ... حبيبي دير بالك على تاله ارجوك لا تهملها لمى تطلع لهم .... تركي واهو يبوس عينينها وجبينها : لا توصي ... اخليج حبيبتي ... انا برى .... هزت ميار راسها واهي تشوفه يبعد عنها فباس يدها اخر شي وطلع ودخلو بعده الممرضات يجهزوها ... اما تركي اول ما طلع الكل تراكض له واول من وصل له اهي تاله فحملها بسرعه وضمها وبحركته هذي الكل خاف وضنو ان ميار او الاجنه فيهم شي ... ام مهران بخوف : طمني تركي ميار بخير ... قول فيها شي .... تركي واهو يبوس راس ام مهران وتاله على ذراعه : لا يمه ميار بخير لا تخافي لكن قالت الدكتورة تحتاج لاعمليه ... واحد منهم نبضه ضعيف وخايفين عليه .... مهران واه يضربه بقهر على جتفه : يلعن بليسك والاه نشف دمي عبالي ميار حصل لها شي .... طلعتك تخوف .... تركي واهو يقعد ويحط تاله بحضنه : ليش شايفني طالع ابجي ... ريان واهو يقعد جنب ركان وبسخريه : لا طالع بويه بشوش ... انت طالع نفسك طالع وحالتك حاله ومن وصلت لك تاله ضميتها وكانها اخر من بقى لك ... ركان : اهدى الريال ما ينلام زوجته تولد وبعمليه عبالك سهله ولا قال لك واحد منهظ نبضه ضعيف .... تركي ليش طلعوك .... سناء : لا يا فالج ما ينفع يبقى بالعمليات ميار بتكون مخدره ولا نسيت ولادتهة بتاله .... طلال واهو يقعد جنب تركي وبهمس : تركي انت شلون متحمل هذول المهبل .... تركي واهو يطالعه ويبتسم على جنب : مثل ما تحملتك واتحملك انت وفهد وركان ..... طلال واهو ياخذ تاله ويقعدها بحضنه ويبوسها : هههههه اي والله ناسي لكن هذول شحناتهم زايده .... فرحانه عمي بيصير عندج اخوان ..... تاله : اي عمو لكن مابيهم كلهم اولا ابي بنت لو وحده .... طلال واهو يطالع تركي : للحين ما تبي تقول شنو بييكم .... تركي : لا ... انا وميار اتفقنا محد يعرف ولا ناسي اننا جهزنا غرفتهم بالبيت ومحد شافها .... طلال : المهم اذا بينهم بنت لبدور .... تركي : اي قالولك بايع بنتي انا ... اذلف .... طلال واهو ياشر لتركي على الممر : شوف ... فهد وليلى وصلو الحين تكمل مع ندى لقت تكملت النواح ..... ضحك تركي لان فعلا اول ما وصلت ليى لندى صمو بعض وبجو لان ثنتينهم خايفين على ميار يحصل لعا شي بالولاده من عرفو انها حامل بثلاث ..... الكل كان حول تركي يخففو عنه لان ميار تاخرت بالعمليات واهو جن جنونه الا بدخل ومن طلعت الدكتورةه ركض لها بسرعه وقبل ينطق بكلمه بشرته بان ميار والمواليد كلهم بخير لكن البنت تعبانه شوي فحطوها بالحضانه عشان تكون تحت الملاحظه وبعدها يطلعوها .... الكل قدر حالة تركي وتركوه يدخل لميار بروحه وكانت للحين تحت تاثير المخدر وبقى معاها يمسح على ويها لحد ما صحت وفرح لمى ابتسمت اه وضمهة واهو يبجي لانه مسك نفسه قبال الكل من خوفه عليها لكن لمى لقاها تطالعه وتبتسم ما تحمل ونزلت دموعه .... يابت ميار ولدين وبنت ومثل ما ذكرة البنت اهي الي تعبت وبعد اسبوع صارت صحتها تمام وسمحو لهم ياخذوها بالجناح مع ميار وطبعا تركي ملازم ميار ومايتركها الا اذا يوها حريم يباركو لها ولمى يات بنت عمها الي تطلقة من زوجها المدمن كلم الدكتور الخاص بتاله ووراها له والدكتور ارتاح لها لكن قال لتركي مستحيل اهلها يقبلو فيه للفروقات الاجتماعيه لكن تركي كلم ميار وميار خبرته انها بتكلم بنت عمها وتجس نبضها اذا ممكن تقبل او لا وكلمتها وبالبدايه رفضت لكن ميار كلمتها عن الدكتور وحالته وطلبت منها تفكر واكدت لها ميار ان اخلاقه عاليه وبيعتني بولدها وكانه ابوه ففكرة وبعد مده ردة بالموافقه وتمت الماجه وبدون حفله كبيره او صغيره لانهم سوو عشا بالمزرعه ودعو له الكل ..... اروى بقت ببريطانيا ورفضت ترجع وتركتها الجده على راحتها وبعد مده وصلهم خبر انها تزوجة من ريال ارمل وعنده بنتين واهم سبب تعرفه باروى لمى كانت تلعبهم بالحديقه فحبتهم ومنها تعرف عليها وعرف منها كل شي سوته وانها تابت فعلا ولانه لاحظ انها تلبس الحجاب سالها ليش فخبرته انها تستر نفسها فيه ولابسته بقناعه فارتاح لها وتزوجها وهذا الخبر ريح الكل وخصوصا عاصم لانه كان شايل همها لان مهم يكون تبقى اخته ... فهد وليلى عايشين حياتهم مع عيالهم من احسن ما يكون .... ركان صاحب تركي راحت منه العقده وتزوج بنت عم تركي الكبيره ..... ريان اعجب بمريضى عنده وتقدم لها وتزوجها مع زواج ركان اخوه .... ركان تزوج ميس بنت عم تركي مثل ما خططو قبل ولان ريان لقى البنت الي عجبته تزوج معاه .... جاسر ساعدته ميار بختيار وحده من معارفها من العايلات الكبيره وتناسب لجاسر واقتنع فيها وتزوجها لكن تبقى ميار بقلبه لكن الي بينهم الاحترام والزماله .... سناء وسمر وملاك وندى عايشين حياتهم من احسن ما يكون مع ازواجهم وعيالهم .... الجده توفت بعد ينتين من زواج اروى وبعد ما يابت ولد وسمته على اسم عاصم اخوها لكن اهل عاصم ما يعرفو شي عنها لكن عاصم فرح لمى وصله خبر انها يابت ولد وسمته باسمه عربون امتنان له لانه تبرع لها بالكلى .... ام مهران وام تركي وابو تركي وام عادل وابو عادل عايشين بسعاده واهم يشوفو حياة عيالهم وحولهم احفادهم .... مهران رفض يتزوج وعايش على ذكرى زوجته وام ولده ساره وفرحان بعيال ميار لكن اميرته تاله غير عنهم كلهم .... ميار وتركي ... خلونا نشوف شلون حياتهم بعد ١٤ سنه من ولادتها بالتؤم الي سموهم .. تيام وتميم وتسنيم وكلهم اختارت ميار اسمهم تبدئ بالتاء من محبتها لتركي وتبي كل عيالها اساميهم تبدء بالتاء مثله ...... ميار واهي ترتب الطرحه : يا ماما بسج حركه .... متوتره ... تاله واهي تلف وتطالع امها وببدها الباقه : اكيد ماما .... ماما تبين تقولي لي ما توترتي مثلي ..... ابتسمت ميار واهي تذكر يوم زفافها ففزعت من الي لمس خصرها وحاوطها ولفت لقته تركي واهو يبتسم لها فباس جبينها وهمس لها .... تركي بهمس : حتى ليلة زفاف بنتج بتهبلي فيني .... تاله واهي تشوف امها وابوها ناسين وجودها : بابا لك ماما لمى ترجعو ... ياي تغزل فيها هني قبالي انا ناقصه ..... ابتسم تركي واهو يطالع بنته الي كبرت ويا يوم زفافها وكانه يشوف ميار بنفس عمرها فترك ميار وقرب لتاله ومسك ويها بيدينه وباس جبينها وطالع ويها .... تركي واهو ماسك ويه تاله بيدينه : تعرفي انج نسخه مصغره من امج .... لكن امج مازالت الاجمل بنظري .... تبين اجاوبج بدل امج على سؤالج لها .... اكيد توترت لكن لانها ارتبطت بالانسان الي تحبه ويحبها هذا خفف عليها هذا التوتر .... ثم انا وامج تزوجنا قبل زفافنا بشهرين تقريبا لان ظروفنا وقتها غير .... تاله واهي تطالع ميار : ماما جد ... لكن ماعمري سمعتكم تذكرو هذا الشي ... اذكر وريتونا صور زفافكم .... ميار واهي تقرب وتمسك ذراع تركي : صحيح ... بابا ما قبل ما يسوي لي زفه وكانت مفاجاة لي وقتها .... ماما اتركي عنج كل هذا وقعدي ريحي بسج توتر .... تاله : ماما بليز تاكدي ان كل شي تمام ..... بابا مهران ما ياني للحين ..... تركي : اهدي يا بابا .... مهران مع العريس يتاكد من شياكته ويايج الحين ..... تسنيم واهي تدخل ووراها تيام وتميم : ماما ... في ناس يسالو عنج ... بابا انت هني .... تركي واهو فرحان يشوف عياله حوله : لا هناك ... انتو ليش هني المفروض انكم مع الريال ..... تيام : ليش بابا كم مره تاله بتزوج ... بينا نصور معاها قبل العريس المتيم .... تميم واهو يوقف جنب تاله ويضرب جتفها بجتفه : ليش هذا طالع ... ما تستحي انتي تلبسي جذيه قبال المتيم الحين يغمى عليه .... تاله واهي تدفه من جتفه : استح على ويهك انا اختك الكبيره فاهم ... ماما شوفي ولدج بدى شغل التحركش ... انا ما اعرف على من طالعين هذول ..... مهران واهو يدخل على اخر كلامها : على خوالهم المهبل الي للحين ما ركدو واهم ابهات .... شلون اميرتي ... تاله واهي تركض وتضم مهران : اميرتك زعلانه منك ما يبتها بسرعه .... تاخرت علي .... مهران واهو يبوس جبينها : تاخرت حبيبتي لاني مع عريسج اتاكد من كل شي ... انا وعدتج يكون مثل ما تبين ... بعدي ووريني اميرتي شلون يوم زفافها ... كانت ميا تطالع تاله واهي بحضن مهران وتذكر يوم زفافها واهو يشجعها ويخفف عليها وتذك شلون كان يحميها ولا يقبل بان احد يهينها ... صحت من افكارها على لمست تركي لخصرها فطالعته وابتسمت لبتسامته فقربها له وضمها .... تركي : تفكري بشنو .... اكيد تذكري شلون مهران كان يعاملج ... مثل تاله صح .... ميار واهي ترفع راسها وتطالعه : اي لكن تذكرة هم لمى عاقبك لانك مديت يدك علي .... تركي واهو يحط يده على فمها ويضحك : ههههه بس بس بسج فضايح الحين عيالج يسمعو وينشبو لي يبون يعرفو ليش وما ليش عاد اخوج مابيقصر بينشر الفضايح لهم ..... ضحكة ميار عل خوف تركي من مهران لا يفضحة قبال عيالهم لان مهران دابما يخبرهم عن زلات تركي ويتحركش فيه لكن يرجع ويكلمهم بجديه ويرفع من قدر تركي بعينهم ..... مرة الدقايق وصار وقت زفة تاله مع عريسها .... اكيد تبون تعرفو من صح ... اخليكم تاملو من الزفه والكلمات بصوت العريس لعرويته تاله لكن بتسجيل وينزل اهو من سلم واهي من سلم ويلتقو بالنهايه ويحملها للكوشى .... ادخلي عمري ألف صلاة ألف السلام، على الحبيب خير الأنام ألف صلاة ألف السلام، على الحبيب خير الأنام إدخلي عمري بخطوتك اليمين إضوي أيامي وعتمات السنين قرت عيوني بشوفك مقبلة يا الملاك اللين العذب الرزين إسمعي نبضي وراء صوت الدفوف من لمحتك ضيع الشوق الحروف إسمعي نبضي وراء صوت الدفوف من لمحتك ضيع الشوق الحروف نورتي نورة حياتي دنيتي يا ضيا عيني وأغلى ما تشوف إدخلي عمري إدخلي عمري بخطوتك اليمين بخطوتك اليمين إضوي أيامي إضوي أيامي وعتمات السنين وعتمات السنين إضحكي يا نور عيني وإسعدي خلي الفرحة في عمري تبتدي العمر قبلك وهن ما يحتسب هذي الليلة تراها مولدي في وسط قلبي حفرت اِسمك هنا تاله بنت تركي تراها لي أنا في وسط قلبي حفرت اِسمك هنا تاله بنت تركي تراها لي أنا نصفي الثاني وفرحة دنيتي دامي، دامي لي حياتي في هناء إدخلي عمري (إدخلي عمري بخطوتك اليمين (اليمين بخطوتك اليمين إضوي أيامي (إضوي أيامي وعتمات السنين (وعتمات السنين (وعتمات السنين (وعتمات السنين إدخلي عمري إدخلي عمري بخطوتك اليمين بخطوتك اليمين وإضوي أيامي إضوي أيامي وعتمات السنين وعتمات السنين وصلت تاله واهي على ذراعات عريسها على الكوسه وسط تصفيق وتصفير وصرخات البنات بفرح للعروسين فقعد جنبها ومسك يدها وباسها وهمس لها .... وليد بهمس : احلا لحظات حياتي وانتي بين يديني و اقدر المس طرفج ... تعرفي انج حلم الطفوله ... من كنتي صغيره واول ما انولدتي وانا عاهدت نفسي احميج واكون لج العون لكن كنت ارفض يقولو لي انج اختي لاني كنت اشوفج شريكة حياتي .... مبروك علي انتي يا روحي .. تاله بخجل واهي منزله راسها ويدينها بيدينه وترجف : يبارك فيك ... وليد واهو يبتسم على خجلها : وين لسانج ... ثم بس يبارك فيك وين مبروك حقي .... تاله واهي على وضعها : مبروك ..... وليد : اوكي بقبل الحين فيها لكن بعدين ابي اكثر ... حبي ارفعي راسج الكل يطالع فينا عبالهم اهزاج .... صدقته تاله ورفعت راسها تطالع الناس ولقت ان بعضهم يطالعهم والبعض مشغول بالسوالف والبعض يتقهوى فلفت تطالع لقته يبتسم وشاق الحلج ففهمت انه يبيها ترفع راسها واستخدم هذي الحيله لهذا الغرض .... وليد واهو يبوس يدها : اسف حبي لكن كنت ابيج ترفعي راسج ... هاااه موب جذيه احلا ... هزت راسها وكلها لحظات وسمعو زفه ثانيه وكانت بصوت الطقاقه ... أدم الصلاه على الحبيب فصلاته نورٌ وطيب هي ليلة في العمر حق لها أن تسمى سيدة الليالي فيا رب أتمم عليهما فيا رب فيا رب أتمم عليهما وأفرح قلب أم محقق الآمالِ مبروك لك يا أمها صغيرتك كبرت وهاذا يومها (كل الأحبة حاضرين) مبروك لك يا أمها يا ما أقدرك يومك وقفتي يمها (كل الأحبة حاضرين) جينا بأنفاس البخور زغروده يالله يا حضور سبحان من سوى العروس حلوه وحلاها لأمها سبحان من سوى العروس حلوه وحلاها لأمها كل الأحبة حاضرين (مبروك لك يا أمها) (صغيرتك كبرت وهاذا يومها) كل الأحبة حاضرين (والنبي صلوا عليه) هاليوم لا ينتسى يا أمها ضفي بنيتك بالدفى (فرحتها تصبح فرحتين) لو غاب كل البشر إنتي وجودك حولها والله كفى (فرحتها تصبح فرحتين) بعد التعب، بعد السنين مشكوره يمه وتسلمين بعد التعب بعد السنين مشكوره يمه وتسلمين مهما نسوي مقصرين بوسه على أطهر جبين كل الأحبة حاضرين (مبروك لك يا أمها) (صغيرتك كبرت وهذا يومها) كل الأحبة حاضرين (والنبي صلوا عليه، صلوا عليه) الكل فرحان بهذا الزواج لكن فرحة ميار ما تنوصف شلون لانهة زوجة اول من ربت لبنتها الي عانت معاها من قبل تييبها لهذي الدنيا .... وليد كان يحب تاله لكن حب طاهر حب صامت ما حب يظهر هذا الحب ويعلق تاله وبعدها ما تكون من نصيبه ... كان يتالم لالمها من ولادتها لحد ما تزوجها وصارة حلاله كان يتخوف لمى يعرف ان احد خطبها لكن يرتاح لمى يعرف رايها ولمى تقدم لها ياته الموافقه لوقتها منها بلسانها لكن كانت ورى الباب لانها من تحجبت صارت تتحاشاه وتخاف تنسى انه ما بحل لها وترتمي بحصنه مثل لمى كانت صغيره ... تربت عل الطهر وعلى المحبه والتسامح تعرف بكل الي جرى لامها وابوها من تعرفو على بعض ليوم ولادة اخوانها واختها وكل هذا بلسان مهران الي حب يعرفها شكثر عانو لاجلها وقبلها لاجل الحب الي بينهم ..... ميار وتركي عاشو حياتهم بعذاب نفسي ميار تضن انها خذت شي موب لها لانها تزوجة من ريال متزوج وترك زوجته الاولى وعاهدها ما تكون غيرها بقلبه وحياته وتنصدم صدمه كبيره بزواجه من اروى وكانت بمثابت الطعنه لها منه واهي تضنه يتلاعب فيها وما تبي تصدق انه ممكن يكون سوى كل هذا لاجل المال وبرغم الفراق الي حصل بينهم يبقى الحب الحقيقي ما يتغير ..... اما تركي عاش بحيره بين ميار واروى اول ما تعرف على ميار ... جذبه شكلها لكنه كان وفي لاروى برغم ضيقه منها ومن الاخبار الي توصله عنها واهو بالغربى وكان يقاوم مشاعره لميار لكن لاول انذار بانها ممكن تكون لغيره ماتحمل وحاول بكل الطرق يقنع امها واخوها بس عشان تكون له وتحايل عليها بحجة علاج امها و تقرب لها وصارحها وحاوطها من كل جهى ولا سمح لها بالتراجع وقاربها بالبدايه بس عشان يصمن انها له ولا تفكر تتركه ولمى طلق اروى بعد ما تكشف كل فعايلها ارتاح لكن رجع للحيره بينهم لمى انجر ورى تهديدات اروى وخاف يظلمها بتركه لاروى للمرة الثانيه وخاف يطول ميار كلام من الناس بسمعتها وبنفس الوقت خاف على سمعة اروى وكانت الضربه القاضيه له لمى تواجه مع ميار وانكشف خوفه من فقدها وكانت صفعه قويه له بضنه منها الخيانه وبلحظة غضب وطيش يتركها وبعد ما صحى من غفلته يندم ويحاول يرجعها لكن يلقى سفرها وابتعادها ورفضها حتى سماع اخباره وتوصيل اخبارها اخر امل بانه يلقاها بحضنه لكن تدور الايام والسنين وترجع لحضنه مع قطعه منهم الثنين وتكون سبب للم شملهم للمره الثانيه .... هذي كانت قصه حبيت اطرح فيها عدة قضايا بالمجتمع ... في منها الحقيقي وفي منها الي من الخيال لكن تبقى افكار تدور بعقلي واشاركها معاكم .... اتمنى تكون نالت اعجابكم وتكون خفيفه على قلوبكم ..... تحياتي .. مهضومه | ||||
|
| |
|
02-09-21, 06:36 AM
| #127 | |||||
| اقتباس:
اشكرك اخ ياسر على كلماتك المشجعه ....💐 | |||||
|
| |
|
| أدوات الموضوع | |
| انواع عرض الموضوع | |
|
|
39Likes
العرض العادي
