آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-01-21, 05:35 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  أما لهن للكاتبة / مريم السعدي ، "عراقية" ( مكتملة )
التعديل الأخير تم بواسطة فيتامين سي ; 14-11-21 الساعة 05:15 PM | |||||||||||||||||
|  |
|
28-01-21, 05:40 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــــــــــ ــــــــــــــــا #أُماً_لَهُنَ قوه #مقدمه اتعرفني من انا —- انا الكاف والنون انا الكمان في حروف كلمه كينونه انا انا اماً عذريه انثى قهريه عصاً سحريه أ. اتجرا على خداعي باساليبٍ قديمه مبتذله؟ . اضحكتني اشفقتني عليك اتعرف من انا انا درست ٣ شخصيات مختلفه. انا اصبحت اماً معتكفه لايغرنك مضهري فكل خط من تجاعيدي قد رسم بقسوه ردود نافيه . بعد تعب ليالي. جافيه سهرتها. بسوء العافيه كنت لهن اماً وكانو لي تعباً ووهناً كنت اسقيهم بسنين عمري وكانو ينقصوها ببرود الحسنى وقساوه اللين منذ ان احييتهم اماتوني منذ ان جمعتهم. بعثروني تلاشت ملامحي امام مراتي القديمه لتاتي انت متجرئاً ان تلويني. بواحدةً منهن ساذجةً هي كره الشعر اعلى جسدج غبيةً كخلوها من الافكار او لا. تراهن ؟ قد كبرو بي وكبروني. وكبرت لاجلهم حتى غابت شمس حياتي. يبست لأسقيهم ويخضر عودهم بخلت روحي على روحي لاعف عنهم واغنيهم حتى تساقطت اوراقي من انت وماتريد افعلا ترى فيا مايدق له قلبك ااكذب عيناي ماراأت ؟ نضراتك تخنقني لاانا لها ولافيها شيئاً جديدا حرك قلبي المتحجر لملم شعاع عينيك واختفي من حياتي ومالي بالنبض لما لااراه وكيف اصدق صوتاً دافئا ً حنونا بلا صورةً قد تعب خيالي قد ثقل ليلي على فكري صغيرةً انا محرومه من امٍ وابٍ يحوياني ان لم تكن اهلا فلا اهلا ولا سهلا بك في قلبي ولا يهل بدر عشق على ليلي حتى اراك فاصدق مارأيت وان رأيت مانفعي باانصاف البشر قد نشأت ناقصه. بدون اهلي واريد الكمال سامحني ان قسوت لكن. هذا انا انت من زرعت فاقتلع زرعك بانيابك واتركني—- فانا كتلةً من الحياه فلا تقتلني. بك لاتتركني — ولاتتفاجيء يخجلني وجهك الجامد من فعلي احببتك فما ذنبي رايت بك كل ماافقدته ولاارى ماتراه. رايت بك الكمال في مافقدته رايت —-انا تلك. الطفله. المدلله ورايت نفسي المراهقه ورايت ذاتي عاشقه ملوعه في شعاع عينك ووقارك صم اذنيك عن العالم واسمعنييي فبحق كل مافقدت لن اكون لغيرك يوما ولن يجرؤ تفكيري بالتفكير بغيرك قاسيه متعجرفه هذا انا ولايعجبني مايعجبكم الهامي وطموحي اناا. فوووق الجمييع حتى الجميع. مجبر على ان يكون لي وحدي انا ان كان تفكيري لا يروق بتفكيركم لابأس فلا يهمني اكبركم ولااصغركم يوما ما اغادر كهفكم المقيت واطير على جنح فراشه. وان ادميتها الما ساطير بها وان ثقلت موازيني ساصل مبتغاي. حتى ان تجرأت على الصعود عليكم لاصل فلا تستغربوا انا لها اماً. لهن ترقبو جديدي مريم السعدي التعديل الأخير تم بواسطة فيتامين سي ; 14-11-21 الساعة 05:22 PM | ||||||||
|
| |
|
28-01-21, 05:42 PM
| #3 | ||||||||
| مراقبة عامة ومشرفة منتدى الروايات المنقولة
| #أماً_لهُن بقلم مريم السعدي #مشهد هاهي بابا براحتك وضرب على فخذه همس الله وياك. سد التلفون وشمره غلط ولزم راسه مغمض تلفوني رن يعلن ارتباطه بالانترنت باوعتله رأساً هو ولازم راسه فتح عينه بكل هدوء تجاهي صارت بعيني مباشره صفنت وهو متحرك بوبؤ عينه. يباوع بتعب ولازم راسه متمدد بس رجله ومرتجي ولازم بتك ايد راسه بيها الجكاره نص جفنه فاتحه وعيونه. تحجي تعب كلبه مدري شصار بيه تطشرت وانلميت احسه يكولي محتاج احجي واحس روحي محتاجه اسمعه واطلع من تفاهه همي وتعبي الكانت افضعها اني عانس محركت عيني تحجرررت رمش مرمشت وهوو يرمش بتعب ويباوع ساكت. ساكت بس سكوت ناطق. بمشاعر تعبانه نصيت راسي بعد دقيقه او يمكن اكثر حسيت روحي عركت ونمل عقلي من نظرته رجعت رفعته. شفته علىً نفس النظره كمت وكفت اريد انهزم رفع نظره وي وكفتي مدري شحجاني موعدنا معكم يوم الأربعاء وانطلاقه جديدة مع رواية #أماً_لهُن النشر سيكون ساعه ١١ مساءاً يومين نشر ويوم استراحة واتمنى تراعون ضروفي وتعذروني اذا تأخرت تحياتي لكم ❤️ | ||||||||
|
| |
|
28-01-21, 05:44 PM
| #4 | ||||||||
| مراقبة عامة ومشرفة منتدى الروايات المنقولة
| #أماً_لهن بقلم مريم السعدي #بارت١ - للومه.... للومه.... يوووم - ها يممممه هاااا - تعاي اكلج - جيت استغفر الله .. جيت صوت النزله العصبيه الترج الدرج ومحجره - ها يمه شبيج اربع مرات نزلتيني مو دا انطمر باجر عدي دوام - تعاي خابري اخوج شوفي رجع لو بعده - اهووو... هسه شعليج الرجال ان رجع وان مارجع - لج يمه ضل بالي گلبي يصعد وينزل صرت لبكات خابري وخلصي مني - اللهم طولج ياااروح... جيبي اخذت الفون من اديها الترجف اثر التقدم بالسن وخابرت عمران يدككك ومحد يرد يدككك ومحد يرد خلصت الدكه وماكو رد ام عمران : هاااا للومه : ماكو يمه ميرد تلكي نايم - دخابري بيبية البنات بلكن رجع ونايم للومه : صار يمه.... خابرتها للحجية و ردت - بلي... - ها حجيه شونج - هله منو وياي؟ - اهوو حجيه اني للومه - ها اي عرفتج شونج شونها الوالدة - زينه الحمد لله - اكولج ابو رسل اجه؟ - لا والله بطه على بناته ضليت اتاني ارد اقفل الباب وانام للومه : ها زين دروحي الحجية : اكولج للومه دتداومين - اي حجيه دا داوم ليش - اكولج بلكن تشوفينا وضيفه شي لمحمد كاعد عطال بطال - حجيه شكالولج رئاسة وزراء هو اني خلگ موظفه - ليش لعد محمد يكول راتبها ثكيل... اكولج شكد تستلمين - يااااا عزه حجيه تصبحين على خير امي تصيح - يا روحي روحي وسلمينا عليها - يوصل سديته منها متذمره طبيت لامي وصاحت فززتني - هااااا ... اجججه رجععع - لا يوم بعده - يايمممه الولد گلبي اكلني علي بس لا كتلو سلبو - يبووو يوم انتي كلما يسافر تعرسين عليه كله من وره صغيرة الكوم هاي عسل متسكت شكو تكولج سافر ابويه تتشكالج - لج يمه اخوج وين صار اني وين وهاي وين ضلت تلوب تريد تگوم وتوجي بعكازها ومن رجفتها عرفتها مراح تدبرها ساعدتها واصيح الهام : هسه وين تردين دكعدي اركدي ام عمران : داروح اشوف وين صار اروح لبيت نذير يخابرلي احد ماحوود يمه كلبي نار الهام : يااا يمه دنيا ليل ساعه ١١ ام عمران : اي هو يضل وي جماعته لل١ اسمع هوستهم بالحديقه الهام : اوي كيفج توها تطلع ودك تلفون الارضي ركضت عليه شفت الكاشف بيت اخويه عمران رديت واجاني صوته عمران : ها للومه الهام : ها عمران ... يوم يوم هاي وصل عمران : هسه امي منو كلها اني سافرت هنه يومين كملت شغل ورجعت الهام : بتك المضروبه عمران : عسل موو اوووف هاي لو تطلع محلل سياسي لو سايق تكسي لو حلاقه متقبل غلط الهام : خبلتني قناه المعارضه عمران : ههههههه والله لايگلها اللقب كلشي مترضه ديله وين امي - هاكياها ام عمران : ها يمه وصلت ... لا ههه شوي ضل بالي ... لا يمه قابل شعدي..... اي شوي ديله روح ارتاح الله وياك يمه سدته واندارت عليه - وانتي شكو تكليله على عسوله الهام : يمه انتي شفتي وجهج شون انكلب بعد شوي تلمين العالم علينا ام عمران : عود من يصير عدج ضنه ذاك الوكت اشوفج.. يمه ياقساوه گلبج لج انتي عليمن طالعه هاي من توظفتي بالدفاع هيج صرتي الهام : ياااا هسه اني شايفه جندي شايفه ضابط شو بس اداريه ومكتب حتسوين نجمه ونسر وسيف اوي تصبحين على خير اروح انام ورايه دوام عود بلعي حبوبج لاتنسين ام عمران : مو انتظرج انتي تنطينياها ام گلب القاسي بلعت بلعت امشي فوتي من وجهي ولي يله غدي غدي الهام... عفتها وطبيت هاي اني للومه دلع الهام عمري ٢٣ سنه موظفه بوزارة الدفاع توني تخرجت و وظفني اخويه بواسطه صديقة شكلي جدا عادي مو كلش بيضه ولاسمره طولي اعتيادي ورشيقه شعري اهم اهتماماتي بي لان يضم اثر حرگ بإذني شكلة بشع من جنت صغيره احترگت وكعت اللاله من البوفيه على إذني جنت نايمه جوه البوفيه ولحكلي ابويه بس اذني تعقجت انطعجت للداخل نوعاً ما ولونها تغير جنت اغطيها بشعري حجابي مو مضبوط يمكن مستخدمته اكثر شي اغطي بي اذني كل البنات تتزين بترجيه بإذنها الا اني اغطيها بشعري بعد وفاة والدي بقينا اني وأمي وحدنا اخويه متزوج و عده ٣ بنات واخويه الثاني توفى قبل سبع سنين للاسف مرت عمران توفت العام الفات بمرض خطيه عمران تأذه هواي عليها وكل محاولات الحجيه تزوجه بائت بالفشل و خجلنا وي هواي عالم توبنا نخطبله وهو مرتاح هيج عده بناته بالترتيب رسل ، ازل ، عسل - رسل... رافعه راية (كلشي مالتي) - ازل ... (بابا خاف يزاعلني وميحبني بعد) تعلقها بابوها شي فوق المعقول بالذات بعد وفاه امها اما عسل ... فهاي دلوعة الحجيه وقناه المعارضه كلشي متقبل كله لا.. وميمشي غير رأيها من هي بنت السنتين أخويه عمله توصيل العالم سفريات لسوريا ويرجع هاي خميس وجمعه وسبت لان ايام عطلته من الوظيفه واحنا بكل سفره الحجيه مسويتلنا عرس حدما يرجع عمران اخويه موظف من ١٨ سنه حياتنا جداً عاديه واني جداً بسيطه مثل اهلي.. الويايه بالدوام لبسهم وترتيبهم وكشختهم واني اخر همي هالشي بس عدي المهم الذهب اجمع واشتري ذهب اخويه كاعد بإيجار اكثر من مره كلتله امي بعد وفاه مرته تعال هنا اكعد وميقبل بيبية البنات ام المرحومه امهم وياهم عايشه بيت اخويه والبنات مرتاحات ببيتهم لان هنا شوي امي نحسه بالغرض والترتيب واني هم ماحب هوسه بعمر ال٢٢ انخطبت لواحد من عشيرتنا جنت مكيفه حتزوج رغم تدخلات امه وخواته بس مغلسه عنهم وببالي اصير اله واعرف اسيطر عليه حبيته.. هواي حبيته تجي نوبات يحتاج فلوس وانطي من راتبي بيناتنا بس يرجعها بعد فتره فهمته البيننا يبقى بيننا واني ويا واحد جنت اكبر بعينه والاحظ هالشي بعيونه واني يكبر حبي اله فتح مشروع عن طريقي داينته مبلغ جبير وفتح بي مشروع والارباح اول ٣ شهور كلها الي حدما سدد المبلغ بقه شي قليل وصار الي ماكان بالبال مو كل مره تسلم الجره واخويه طلع ومرجع لاهو.. لا سيارته.. اختفى فص ملح وذاب والناس كلمن يحجي شكل امي انشلت بعده من القهر وبناته لاهمه اليتيمات ولا همه الراجع ابوهم البيبي ام امهم شكت من مصرفهم بعد مرور مدة كالت تره حسره عليه اللكمه وابني مديلحك وحقهم ورحت اخذتهم جانو متيتمين٣ مرات مره امهم مره ابوهم مره ببيتهم المتعلقين بيها رجعتهم بيت ابويه واحس مسؤوليتي كبرت امي المشلوله وبنات ٣ وحده توها متوسطه والثانيه خامس ابتدائي والثالثه ٤ سنوات حرت بأمري وملكيت غير رافد خطيبي جنت متأكده مراح يخذلني متاكده مراح يعوفني ومأمنه حيل مأمنه بي بس الصار عكس توقعاتي بعد ٣ شهور من اختفاء اخويه حجيت وي رافد خطيبي الهام : حبيبي اني ضايعه بين بناته وامي رافد : ادري گلبي ادري ميخالف خلي يرحون يم ببيتهم الهام : گلبي شون اعوفهم همه بيت جدهم كوه اللگمه الهم انوبه ٣ بنات رافد : لعد شون الهلم : اسمع مني رافد اني من اول كتلك اني وياك واحد صح؟! رافد : صح وتدللين الهام : حبيبي اكول لو نعجل بزواجنا ويصير شي بسيط بيننا حتى تكعد ويايه بيت ابويه هم عيني على امي وبنات اخويه وهم اني وياك منفترق والوضع مامستقر منعرف شيصير.. ها شتكول صفن شوي وكال رافد : اعوف امي وخواتي شون ترضيها للومه الهام : حبيبي اخوك الصغير موجود الله يحفظه وهم انت تمرلهم يوميه سكت وراها كال - هذا هو يجرالج ساعتها الدنيا ماوسعتني لان تأكدت من قراري صح وبديت احضر واهيء نفسي رافد كان ساكت ودوم حاير حتى من يجي عدنا يحضنني اقصى حد ميكدر يسوي غير شي بيت مليان جهال ومجنت اگدر اطلع واترك امي والبنات يله يله و وضيفتي وبيوم من الايام گالي من جننا نحجي بالتلفون الارضي رافد : حبيبتي امي وخواتي اذا حاجوج شي لتجاوبين ابد الهام : اوك.. بس ليش شنو الصار!! رافد : ماكو شي ماريد تطلع منج العيبه الهام : ماشي بس ردت اكولك شي بعد اسبوع زواجنا رافد : امم الهام : وعدي شي ضامته عنك رافد : وهو؟! الهام : اذني بيها حرگ وشوي شكلها مو كلش صفن ساكت وحجه رافد : يعني شون صايره الهام : معقوجعه وداخله شكلها مو حلو بقه ساكت وغير موضوع واني ارتاحيت لان حجيت وخلصت وره يومين اجاني بس حتى يشوفها وبصعوبه شوفتها اله لليوم ماانسى نظرته عگد حاجبه مثل الشاغت روحه ودار وجهه وغطاها بالشعر خجلت حيل فشلت وبعدها قبل يومين من الحنه كان ديجيب غرفه النوم لبيت اهلي ودا انتظر العمال يجيبوها كاعده و ازل كبالي و وكفت سيارة الحمل من وكفت دا افتح الباب شفت الغرفه اللي اشتريناها سوه مكسره مفلشه المرايه مكسره الميز هم لدرجه طالع الخشب رجفت غضب وصحت بصاحب السيارة الحمل توقعت صاير حادث الهام : هاي شنووو.. شمسووين كال - شنو احنا هيج حملناها ام البيت كالت هاي الغرفه وجبناها عالعنوان النطانيا ابنهم لهنا صفنت خلوها بالطرمه ونطيت الكروه وراحو نار نار تغلي بيه كمت متحملت مشكلتي موظفه وبالدفاع ومتعلمه من الموظفات مااسكت عن حقي وكمت خابرت امه كلت احاجيها بهدوء ردت تضحك ام رافد : ها للومه عجبتج الغرفه هههه عطرناها وزيناها ودزيناها تردين تاخذين رافد يمج كعيدي موو وواني انفتحت واصيح واعيط وطلعت وصخ گلبي كله وهي تگولي - وشدعواج مغثوثه فلوس ابني يجيبلج اغاتها احنا احترك دمنا اني وخواته لان اخذتي ابننا من عدنا وتخبلت كتلها هاي فلوسي اني التعبت بيها وتشاركنا وسويناها ياحقراء عدج بنات باجر الله يطلعها بيييج وهي تضحك واني ازيد تالي تغيرت موجتها وكامت تبجي وتصيح تكولي حرام عليج تاخذين ابني الربيته واني مستمره اصيح مااسمع الا عيطه رافد سحب التلفون منها الهااااام خنست و ضليت اراجع شحجيت شكلت عرفت تلعب عليه الحقيره رافد : لج اني شكتلج الهام : انت دتسمع امك دتشوف خواتك شديسووون رافد : واني موكتلج ليطلع منج العيب لج شنو هالغلط والحجيييي سكتت وراها رديت - اليدك الباب يلكه الجواب شتريد اسكت وامك حايره شمسويه بيه كال بصياح - حقها صفنت عليه - حقها مو دروح رافد روح سديته بوجهه صرت نار طبيعتي قويه ماابجي بس والله كدروا يمسون گلبي حبيته هواي و جنت احسه ذخر ولغينه العرس عفته فتره كلت يبرد ويخابرني والتهيت اسبوع والغرفه بالطرمه مشموره واطب واطلع اغلي تالي بيوم من الايام داروح للوظيفه الصبح شفت جنطه جهازه مشموره بالطرمه كلها تخبلت عرفت سوالف امه هاي رجعت من الدوام وخابرتهم طلعتلي امه وتعد وتصف بقيت ساكته ردته هو ردت احاجي تالي ختمتها كالت - حيفسخ الخطوبه راح لعمج وكله.. وعمج كله معليه بيناتكم عود هم عدج عم انتي سديته بوجهه واني هم بردة فعل اخذت جهاز الجابو بعصبيه وذبيته بطرمتهم ورجعت للبيت للمغرب اجه من الباب شمر عليه حلقتي ويصيح كال متدكين على امي بعد ومتوصلين ولاتسوين فضيحه انتي الظاهر مو ثوبي والظاهر حجي امي صح انتي من طريق واني من طريق بقيت ساكته صافنه عليه وصعد السياره وطلع بعصبيه يومين واجه قرار المحكمه بتبليغ واني مرحت مره لخ اجه وهم مرحت مكدرت اخلي عيني بعينه واكول راح يرجع يحبني ميكدر ووصلت ورقه طلاقي للباب اقره والدمعه ترجف بعيني كلشي انتهى سنتين تعب وحلم وتخطيط ضيعتها اني ويا انهاريت بس محد حس عليه عمي.. مكيفين عدنا عم لادك بابنا ولا سأل بعدها ركضت بتقاعد عمران وطلع وبقيت مكسورة گلب بس ضامه كسرتي بعصبيتي البنات وكحات - الجبيره لسان وعدها خباثه خبلتني تاذي خواتها اذا نظفوا توصخ وراهم واكول ممنظفين زين - الوسط تتزعل اقل شي وساعات تكضيها تخابر صديقتها عالارضي وصار السقوط كعدت بالبيت شهور والضرب والهوسه و مستقبل غير معلوم من غير التسليب والحواسم الي صارت فلوس الجوه اديه قربت تخلص وببالي اطلب رافد مبلغ مالي مسدده بس لولموت مااتصل وانزل راسي بس كلت لعمي كلت يخابره يگوله وفعلا يومين واندكت بابنا طلعت افتحها واشوفه كبالي ارقى سياره ولبس بوكت العالم صارت مسفطه وماعده بله شغل باوعلي بعيونه كومه حجي واني بس ساكته واعاينله نزل وطلع فلوس من جيبه ضرف بهدوء وعيونه متبسمره عليه بنص عيني محجه ولاكال كلمه مد الضرف تجاهي واني صافنه بعينه كال - اسف اذا اخرتهن جنت بغير محافظه هزيت راسي ساكته ونصيت عيني على ايده اخذ الضرف وانتبه حلقه فضه لابس صفنت فكيت عيوني باوعتله رأساً - تزوجت رافدد ؟!! كلتها بشهگه بقه صافن بوجهي وعيونه لمعت حرك شفافه توه يحجي ومسحمت لنفسي يشوف ضعفي كدامه سديت الباب وطبيت شي شي بيه ينهار حدما وصلت لغرفتي بجيت بقهر وادك على صدري وصوت البنات بره يتعاركون رسل و ازل يتمالخون و عسل تبجي وثنينهن يصيحن مالتي مالتي.... لللومه والصياح يدك براسي ... كمت اضرب بالحايط صافنه على روحي صرت ام الهم تركت حياتي حبيبي الاحبه هاي عيونه تحجي وصارحت نفسي لا للومه لا تكذبين على روحج أساساً هو بيد امه أساساً هو الي تركج وراح رأساً خطب وتزوج عوفي وعيشي حياتج والف من يتمناج وذوله منو الهم؟! الهم الله طلعت صيحت - بسسسسسس بسس شنو هالصياح ادبسزيااااتت رسل : للومه اخذت مالتي النستله ازل : والله كذابه اكلت مالتها وهاي مالتي اسألي عسوله.. عسوله اني اكلت نستلتي مو ضميناها اني وياج كلنا الصبح ناكلها بس رسل مقبلت اكلتها بليل عسل : تهز براسها موافقه وعيونه تلمع بعينها تباوع لرسل بخوف رسل مهتمت فتحت النستله واكلتها رركض ركض وصيحت تضحك - اكلتها ههههاي اكلتها اكلت اثنين على عنادج وازل ماتت بجي وطبت لغرفه امي بخنيك تبجي واني بس صافنه على رسل لبست عباتي ورحت للسوك تسوكت ورجعت اشتريت لازل وعسل جان لازم اعاقبها لرسل وفعلا كدامها نطيت لازل نستلتين ولعسل نستله رسل صيحت .. واني ابتسمت وباوعتلها بهدوء - حصتج اكلتها ازل لانج البارحه اكلتي حصتها كتلها هيج لو تخبلت ولا كأنه صف اول متوسط تكول طفله كامت تصيح وتبجي عسل حنينه جتي يمها تنطيها حصتها ضربتها واني تخبلت وكانت اول مره امد ايدي عالبنات ضربت رسل على ايده وانصبغت ايدها وجعني گلبي واني اعاينها شون انصبغت يايمه هاي اني شسويت بعين الصلفه باوعتلي وتخوصرت وتكول - متعور - متمدين ايدج على اختج بعد اكسرها - هي اختي وانتي معليج قابل انتي امنا - غصب عنج تسمعين كلام والا حتى مصرفج ينگطع سكتت وجرت عينها وطبت للغرفه. والدتي بعد اربع شهور توفت عمي تكفل بالفاتحه والدفنه والقرايه ومرت عمي وبناته ويانه جان مكانها خالي رغم بعد وفاتها راح وجع ايدي وضلعي وكتفي الاشكي منه بسبب شيلها وحطها كم مره باليوم للحمام والاكل والتبديل والتغيير بس حسيت بضعف فضيع وحدي و ويايه ٣ ايتام. وزارتنا رجعت انفتحت بعد ما فلوسي خلصت كمت ابيع بالذهب لاجل المصرف اخر قطعه بقت بعتها والحمد لله رجعوا فتحوها داومت وعفت البنات وحدهم بالبيت جنت اشتغل وراسي ميت حسبه وحسبه اطفي السركد مال كهرباء خاف ينتلون والغاز افصله والباب اقفلها عليهم واطلع محضرتلهم اكل فاكهه ونساتل لل٢ ارجع الكه رسل نايمه وازل وعسل كاعدين يلعبون كم مره لكيت عسل واكعه من الدرج كمت خليت سياج عالدرج حتى ميصعدون فوك بالذات هي نوبات اجي الكاهم غادين دم رسل وازل متعاركات وبنهايه المطاف رسل تنكتل وأخيراً داوموا خليت عسوله بحضانه والبنات رسل متوسطه وازل مدرسه ابتدائي شوي ارتاحيت رجعتنا سوه غدانا سوه ودراستهم اللي يحتاجون شي اساعدهم واني نسيت طعم الراحه بوكت الجنت اول ماارجع انام.. هسه كمت اول ما ارجع اصب نتغده الغده السويته قبل يوم وركض ركض اغسل عسل بينما رسل وازل ينظفون البيت واني اغسل هدومهم وهدومي واطلع غاديه جنازه وادرسهم ولل٨ بليل نكمل دراسه كبل ننام تعابه ونكعد من ٥ الفجر وهيج كل يوم الحمد لله تقاعد ابوهم رجعت استلمه بعد القطع بس مكلت الهم عنه رسل كانت تبحوش وكالت : - بابا مو جان عده راتب ليش مينطوا هسه - مكطوع لان توفى - مو اني اريد هدوم وشغلات كومه وانتي بس تشترين لروحج - شمشتريه لج اكوملج هسه - اي دباعي حذاء اشتريتي - اي غير حذائي انكطع صارلي خمس سنين اجربق بي - اني اريد بوتين مثل صديقاتي - ماشي من اطلع اتسوك اجيب - واريد اقلام تلوين - مو عندج - مو زينات - ماعدي غيرهن مترديهن انطيها لخواتج - اذبها بالزبل وماانطيها الهن - اي هاي مشكلتج ست رسل عفتها ودرت وجهي صارت اعصاب لبستها ازل بلغت قبل اختها معرفت شون اعلمها انسطرت سطر وهي تبجي ولااني العدي حنيه اعرف اتعامل وياهم حبيبي وحياتي.. طببتها لغرفتي وحجيت وياها كلشي فهمتها وهي تهز راسها ودموعها تجري اخذت الها احتياطات وتعلمت عليها بقه سر بيناتنا محد يدري بي من خواتها عدها صديقتها هم يتيمه ويوميه تحجي بيها اساور واساور كانت مدلله اساور متوفيه امها وهالوحده لابوها والظاهر الاب مرتاح مادياً واساور شيشتري الها ابوها تكوله بعد لازل وهو ميقصر .. الا اني تخبلت منعتها وبطلت تاخذ وكلتلها عمتي متقبل نوبات اسمع رسل تحاجيها لازل تكوللها كولي لابو صديقتج ماعدنا فلوس ومن ينطيج نتقاسمها ونشتري شنريد بيها منكول للومه تخبلت بيومها رسل ما منها جاره شكد حجيت وياها تنكر الكالته حجيت وي ازوله الهام : ازل بابا توفى وهو يشتغل الكم شغلتين حتى ميخليكم تمدون ايدكم لغيركم وتباوعون على غيركم احنا ممحتاحين متطلبين اي شي منهم ولامن اي احد زين حبيبتي تره بابا بزعل عليج بجت و كأنما ضامه دموعها بگلبها وتقدمت ناحيتي رادت مني اتقرب الها حضنتها وحضنتني قوي زادت ببجيها لحد ما هدأت الهام : كافي ازوله سمعيني ازل : همم باعي لزمت وجهه الطفولي جنها تفاحه وعيونها متروسه دمع والخدود مبلله - هاي صديقتج بعد لا كلش تقوين علاقتج بيها - لاحبابه للومه مو اني احبها مثلي هاي ماعدها ام وبيبيتها تداريها - لعد متاخذين شي ابد - اوك - واني بعد منا وجاي امشيلكم اسبوعيه تدبرون اموركم تجمعون من تردون تشترون شي منها ابتسمت هزت راسها كالت - من الراتب مالتج - اي ازوله من راتبي - شكراً - عفواً يله روحي فجاه دنتغده واندكت الباب كامت رسل تشوف منو طبت وراها مريه گايده بنوته بكد ازل ازل من شافتها صيحت - اسوو وذيج تصيح - اندليته باعي موكتلج اندله هسه كلت لبيبي وجابتني باعي بيبي هاي ازوله صديقتي وكفت غسلت ايدي وابتسم اهلا اهلا المره وجهه يضحك وبعدها صغيره طبت وتعاين عالبيت تبتسم وعالبنات كالت - متعرفيني ولااني اعرفج بس البنات صديقات - لا هله بيكم حاجيتلي ازوله عن اسو - والله اسو ماعدها غير حجت ازل كالت ازل واني اليوم جيتج بطلب - تفضلي - فدوه لتخليهم يفتركون تحجي همس وتعاين عالبنات ازل كامت صاحت لاساور وكعدوا عالميز ياكلون والحلو بيها مخجلت رأساً اخذت وتحجي وتسولف مكيفه طايره وازل تخلي كدامها خضره وزلاطه ولبن وكلسا تحضنها والبيبي تحجي - والله متعلقين ببعضهم - لا حجيه شكو منها - والله ماعدها احد هناك بس اني وابوها يطلع يسافر ويرد يرجع - اي ... كلتها دا انتظر اشوف شتريد كالت - فأني كلت لو تخليها تبات عدها كم يوم بالاسبوع والله يكيفون رأساً رفضت وكتلها - لالا متبات ابد - فدوه والله تعاي لبيتنا وشوفي ماعدي احد - لا حجيه عذريني اذا تردين خليها هي تبات عدنا وي البنات عادي - هااا تقبلون يعني انتي ماعدج ولد هنا مو - لا والله - زين منو يدير باله عليكم - عمي بعد فرعين عنا تلفون واحد يجيني - ها الله يقويج تدرين كله اجر هذا سكتت واعاينهم طايره ازل وعسل ورسل تباوع لهدوم اساور وگلادتها ومحبسها النازك شوي وراحو كملت غدايه واتصفن وازل تروح وتجي تعاينني تالي جتي وكعدت وكالت : ازل : للومه يعني عادي تصير اساور اختي؟! رسل : اهو مو كافي الاربعه حيصيرون خمسه وهوسه منريد الهام : اعتقد البيت بيتي ست رسل واني الأرد وعاينت لازوله اي ازل ماشي خل تجي شوكت متريد بس مو يوميه خميس تجي والجمعه تروح زين طارت فرح وتضحك وعسوله تعاين تضحك بس رسل بقت مبوزه بيومها طبيت الها للغرفه جانت تقره باوعتلي كالت دا اقره شنو تردين غسلت المواعين الهام : رسل هاي اسبوعيتج من اليوم بعد كل جمعه انطيج اسبوعيه انتي وخواتج ابتسمت رسل : ومنين هاي مالتج من راتبج الهام : اي من راتبي رسل : شكد ينطوج راتب يعني هواي لو شويه - ليش تسألين رسل - هيج اريد اعرف - معليج تكفي النا الحمد لله - تكفي اشتري گلاده مثل مال اساور؟! صفنت عليها تحجي بلهفه غير متوقعه جاوبتها الگلاده تشتريها من العشره الانطيها الج بالاسبوع تجمعين وتشترين زين رسل - حيل بعد كومه يله اكدر اجمع انتي اشتريلي واسبوعيتي الي - ميصصرف هالحجي اسبوعيتج تجمعين منها تشترين هدومج وشتحتاجين معليه بعد - وين تكفي هاج ماريدها شكد عصيه وفكريه حتى الها متشتري هدوم بس تضم بالفلوس الهام... بقيت صافنه ذبت الفلوس بالكع وعفتها وطلعت من الغرفه مراهقه ابد مو مال ضرب بهالفتره تقربت من وحده بالوظيفه اربعينية واسألها دوم عن المراهقات كونها عدها بنات وتعلمني بس كل النصح مفاد وي رسل يتبع مريم السعدي | ||||||||
|
| |
|
29-01-21, 12:28 AM
| #5 | ||||||||
| مراقبة عامة ومشرفة منتدى الروايات المنقولة
| بارت ٢ #أماً_لهُن #مريم_السعدي الهام... رسل تعبتني كلش وبديت بمنحنى بحياتي جديد صارت ثاني متوسط وازل صف سادس ابتدائي بكلوريا و عسل دخلت تمهيدي وبين هوسه الدوام والدراسه والتعب والركض النهار كله يتعاركون واني افقد اصيح واعيط يخنسون وتبقى رسل تذب حجي متسكت.. متسكت حدما اكوم اضربها بخفيه عاد تسكت اساور صارت تجي الخميس بليل يذبها ابوها وجايبه كومه شغلات و ياها و حلويات اسمع ضحكهم وابتسم اني وافكاري و خذلاني و احساسي بانه خلص عمري وماالي حق بفرصه ثانيه الندم ياكلني من اتذكر عيونه لو متحمله لو صابره على امه اولنا وتالينا بيت وحد ليش متحملت محبيت غيره رافد اخذ من روحي جزء بقيت بعده احس بروحي مكامله يمكن لان الوحيد اللي حبني وتقدم هالفتره هواي اهملت روحي والتهيت بالبنات مو احساساً مني انه اني ام الهم لا بس جنت اخاف يصير بيهم شي واتورط بس بدون مااحس على روحي تعلقت بيهم من تصير سنطه افز.. وينهم ؟! عسل وين لغوتها المتسكت عنها مناگرة ازل ورسل شو ماكو واكوم ادورهم رسل جانت دوم وحدها تكعد وازل هم تقره وعسوله تلون هواي تحب تلون دفتر وره دفتر تخلصه واني خلصانه منها متمل ابد مرت سنه او اكثر رسل صارت ثالث متوسط وبلغت بدت تبين ملامحها الانثويه وازل اكثر منها الفرق بينهم ٣ سنين بس ازل هوايه احسن منها متتعبني ولاتطلع صوتي و رحيمه على عسل وعليه هم وابد مو طماعه. جانت تجمع بصوره هستيريه تريد تشتري مرايه وجربايه نفس مال غرفه اساور ورسل يوميه مشتريه شغله تزيد جمالها يوم حماله اكبر من حجمها حتى تبرز يوم حزام عالخصر حتى فوك الصدريه يصير محزم الخصر يوم شال يوم ساعه وتتذكر بكل مره انطيها الاسبوعيه انطيني اكثر من خواتي ميحتاجون كدي اني اكبر واردها واكللها.. لا ماانطي ترديهن لو لا يوم تكولي طيني مال عسل.. واردها فلوس عسل تنجمع يمي محد يتدخل تجاوبني بعصبية وصلافة وكالت ومنو يكول متاخذيها الج صحت بيها - ولج هي فلوسي اذا اريد ماانطيها بس اني كل شهر اشوف شمحتاجه ملابس احذيه واشتريلها مالج حق تحاسبين - اهوووووو شكد فكريه يا اللللله ضربتها للمره الميه جنت كلما اضربها اعد ضرباتي. لان اتأذة اكثر منها مو حباً بيها لا.. بس اني محد ضاربني قبل يوجعني احساس اليتم من اضربها ماعرف شحس ايدي تنشل مره عن مره جازت بس تدردم وي اختها نوبات حتى ازل تگلب عليها فتره وتفك ونوبات تطول يله تتفهم ليش ضربتها دوامي شاغلني درجات وتدرجات والسبع يبين هالفتره حتى يصعد درست فوك شهادتي شهاده لخ واخذتها وصعدت درجتي ولانني ماعدي غياب حصلتها رغم حرب الواسطات بس كدرت احصلها ماعرف المدير الله هداه عليه.. المهم درجتي صعدت وراتبي زاد العيون صارت عليه صديقاتي ينتقدوني ينتقصون مني - يحضي لبسي كشخي شبيج - ليش شبيها هدومي مصار سنه من جهزت - ادري منين من حاجه ١٥ انتي دفاع بابا دفاع اكشخي - ماريد هاي هدومي مرتبه ومرتاحه بيها - زين وجهج سوي شي تنضيف بشره شي - شبي والله صافي ويخبل ويتركوني ملو مني جنت قبل وفاه امي اشارك من يرحون مطعم شي بس بعد وفاتها اي مطعم مطبيت يضل بالي عالبنات مااكدر وهسه بعد ما زاد راتبي ارتاحيت صارت بكل مناسبه موعد وطلعه وي البنات اذا نجحت وحده منهم بدرجات عاليه اخذهم مطعم وهديه خاصه الها اذا عيد ميلاد وحده منهم مافوته كيكه وهديه بسيطه والاسبوعيه مستمره مازيدها عن ال١٠ فتره مرت واساور تعلقت بازل كمت اسمع بسوالف المكسره بين البنات وشعر راسي يوكف مثل المخبله اراقب واتصنت من ينامون خاف بينهم شي كم مره اجه ابوها عليها ولامره.. ولامره طلعت للباب فد مره داارجع من الدوام شفت ازل نزلت من سياره عاليه وصلت للباب شفتها بوست اساور وتقربت من باب الصدر بوست رجال يطلع ب٣٠ واشرت باي والرجال التفت عاينلي استغرب ونزل ايده على صدره ذيج الكشخه وذيج الهيبه طول بقلافه ورزانه بترتيب كانه تركي يشبه بنته بس بملامح رجوليه مرتبه حيل يلمع كال بلباقه - العفو السلام عليكم - أهلاً و عليكم السلام - عمة ازل مو؟! - اي اي اهلا بيك - اني ابو اساور .. بيج اكثر الله يوفقج على هالتربايه لهالبنوتات الحلوات.. ولف ايده على كتف ازل وازل تباوعلها بحنان تبتسم نزلت اساور تقربت مني بوستني مثل كل مره - شونج خاله اليوم احنا وصنا ازوله لان بابا جاي من السفر هزيت راسي صافنه صفن عليه فهم استغراب نضرتي كال - بله امر عليج بلكن ازوله وي اساور تبات هالخميس عدنا - لالا اعذرني - مو دنثكل عليكم كل خميس اسو هالمره خل تجي هي واني موجوده ليضل بالج - لالالا ابتسم ونصه هز راسه متفهم مسح نضارته بقميصه ولبسها كال - الله يبارك بيج على هالحرص يله بابا اسو صعدي اترخص اني باي ازوله - باي عمو شكرا عالهديه - بالعافيه عمو وطلع وازل تباوع بفرح طبيت للبيت راسن عطت بيها - شون تخلي يبوسج لجج - عمه شبيج ... برطمت من صيحتي عمه هذا مثل بابا قابل شنو - متخلين احد غريب يبوووسج ابددد ابددد فاهمهه وبعد متخلي يوصلج صفنت بعيني بغضب وعيونه مدمعه - فهمتي لو لااا تره حتى اساور ماخليها تبات عدنا - لالا عمه والله سكتت وطبت بقيت بحسبه تجيبني وحسبه توديني ثاني يوم كان الخميس جتي اساور عدنا مشتريلها ابوها سوار ذهب مال عيد ميلادها وعيون رسل تحجرت عليه طول فتره الغده بالليل ديسولفون ويضحكون سمعت صوت تلفون يدك صفنت تلفون منو هذا شوي وطلعت اساور كالت - خاله بابا يريدج اخذت الفون صافنه شهالجرأه رديت متردده - الو - الو مساء الخير ست الهام - أهلاً ابو اساور تفضل - بله امر عليج ولو دنيا ليل بس بلكن تطلعلي اساور ادري قافله الباب ومتقبلين بس اني بالباب و وتعشيت بره وتنغصت الكم باللفات - البنات تعشو ابو اساور - ميخالف مو ليلة الخميس طويله وشوي همه يسهرون وهاي شوي نمنمات لترديني بروح اهلج داكولج بالباب - مايرد الكريم الا البخيل اخر مره بس رجاءا لتصعب عليه المهمه - لالا مااتدخل بعد بس هالمره اصلا جداً معجب بطريقه تربيتج وحرصج عليهم لو امهم متحرص هلكد عليهم سكتت وكمت فتحت القفل صحت اساور طلعت وطلعت وراها ازل عطت بيها وكفت وتباوعلي مزنبره كتلها - انتظري هنا هسه تجي بقيت مخنزره عليها طلعت اساور لابوها وجريتها من اذنها - اخررر مره تطلبين هالشي من عده فاهمه - عمه اني شعليه هو راد يجيب - عليه ازول عللليه - والله عمه شبيج وطبت جوه وزعلت تبجي - ماريد ماريد كلشي ماريد - اشش سكتي تروح تسمع - خل تذبه بالزبل ماريد بعد اي شي تركتها ورسل طلعت بقت صافنه كالت - ارتاحيتي هسه شكد معقده تره انتي بيج شي موطبيعي - انجببببي فوتي نامي يللاااا عافتني وفاتت تبتسم بسخريه حسيتني باني فعلاً معقده هل اني فعلا معقده؟! هل مشدده بتربيتهم وحرصي؟! طبت اساور وبيدها جيس جبير تحاول تضمه وره ضهرها تركتها شوي وطلعت عسل كالت - عمه عادي اكل وياهم لو تزاعليني ابتسمت لبرائتها - روحي اكلي عمه طبت تركض للغرفه تركتهم وحدهم حسيت روحي العجوز الشمطاء القاسيه تركتهم براحتهم وكعدت وي روحي شون راح اربيهم تعبت من هسه يمكن مضيقه عليهم هواي يمكن اني غلط اسمع ضحكهم وحتى رسل هم صارت تتوالف من تجي اساور يمهم يضلون يضحكون ويسولفون نص الليل مكدرت انام كمت تسحبت للغرفه اتسمع عليهم جانوا نايمين مديت راسي اغطيهم خاف وحده مكشفه انتبهت رسل تحركت وتلفلفت زين حتى راسها حركه جنت اسويها من احاجي رافد وامي كاعده خفت شكوكي تعبتني منين تجيب موبايل بس واتذكرت مبايل اساور بقيت ادور عليه ماكو تالي تكشفت كالت - عمه على شنو تدورين - ها لا ماكو شي رجعت تغطت ونامت طلعت ودكيت عليه من موبايلي والكاه مشغول رجعت طبيت للغرفه كشفتها خزرتني نترت - جيبي التلفون - كالت ياتلفون بس بصياح رجعت دكيت عليه دك بونه جوه جربايتها نصيت واخذته صحت - شعده جوه الجربايه هااااه جرت عينها ونامت بكل صلافه تخبلت نترت بيها - رسل هالاسبوع ماكو اسبوعيه ولا اسبوع الوراه مردت عفتها وطلعت اخذت الفون ويايه طبيت لشتي ترجف يا الله المن تحاجي صف ثالث متوسط طفله طبيت للسجل مكتوب بابا اخر مكالمه ادري مسحتها شبسرعه لزمت راسي بتعب بقيت اكلب اريد فد دليل ماكو دك تلفون اساور باوعت رأساً شفته ابوها غمضت عيني شكو داك هالوكت رديت ساكته نتر - الو الووو - الو العفو ابو اساور هذا مووكت تلفون تره - منو انتي - اني عمه ازل - انتو دكيتو عليه هسه صفنت - منو دك - ست الهام تلفوني دك ورديت توني صوت بنيه ناعم كالت اني احبك ويوميه اتخيلك زوجي صفنت جمد الدم بعروكي كال - موصوتج و راساً سدته اني عبالي اسو خابرت معرفت شرد بقيت ساكته - ست الهام .. الو الو - الو سكت و كأنما تفهم واني اعصابي ترجف طفله شون تعرف هالحجي بقه ساكت شوي كال - هونيها وتهون مراهقه متعرف تتصرف - شسوي ماعرف كلتها صوتي يرجف من الصدمه جاوب بحسره - الله يساعدج ويگويج صعبه بيانها استغفر الله .. ست الهام ليش متزوجتي والله اقلها خوف من زوجج يصير عدهم مثل ابوهم - واططب رجل غريب عليهم مشكور استاذ ابو اساور اترخص واعتذر - لاعادي الله وياج سديته منه حرت بدنيتي اني كوه عايشه وحايره بروحي النوب مراهقات ووكحه النوبه ليش دارت بال ليش اهتمت كعدت الصبح بدلت وتحضرت للدوام واني امشي وراها احجي - رسل ... ليش هيج تسوين موعيب عليج وازل تباوعلي صافنه واخاف احجي كدامها وهاي تجر بعينها معاجبها وبصوت عالي ترد - احبه انتي متعرفين الحب احبه والا اخلي يحبني ويتزوجني - صفنت عليها لج بعدج صغيره - اي وحلوه واخبل الا اخلي يموت عليه ويتوسل يتزوجني ضربت على وجهي اريد اصحى هاي صدك تحجي شالت جنطتها وطلعت ازل صافنه عليه. تقربت وطبت اساور للغرفه تضفر بشعرها صافنه علينا حست بازل تريد تحجي ويايه طلعت جدا حساسه ازلل : عمه شبيها رسل عليمن تقصد الهام : مالج دخل عمه روحي بدلي ازل : عمه تقصد على ابو اسو مو صفنت عليها الهام : شمدريج لج تدرين ومكتيلي نصت راسها مبرطمه - عمه ذاك اليوم نطت رساله. لاساور كلتلها طيها لابوج لتفتحيها واساور اخذتها ودتها. عضيت اصبعي بغضب - غير تحجين هاي شوكت - ذيج المره من باتت - يا اللله شون وياها شوون راحوا البنات مدارس وصلت عسل ورحت لدوامي اشتغل وبالي طايش. حيل تالي ما احس الا واحد دك عالميز مثل طرق الباب ٣ طرقات فزيت - نعم تفضل نترت ابتسم يتأمل ملامحي كال برزانه - العفو... نيال الي شغل هالبال - تفضل رايد شي - والله معامله وبقه توقيع معاون مدير عام - طيني... تحققت من الاوراق صفنت بيها نقص بيها نقص بعدورقه — وورقه. و— وورقه و— - متمشي بورقه وحده ومد ورقه ١٠٠ دولار صفنت عليها وباوعتله - انت تدري احنا بأي وزاره خضرتك - وزاره الدفاع غير باوعتله يبتسم ورتبته. على كتفه. نسر باوعتله معاجبني - وتعرف رواتب الدفاع. شكد مو كونك. راجع لنفس الوزاره - امم بالضبط اعرف - لعد ليش تصغر نفسك ياعيني - ههههه تسلملي عيونج المكحله.. كالها باستفزاز وسكت مميل راسه. ضيق نظره يركز بملامحي - محتاج شي بعد كال - بس مكملت - مومشكلتي كتلك النقص وين - زين خليني ادخل عالمعاون مدير عام - لا ممنوع الا معامله كامله مو فارغلك ضحك باستفزاز وسكت يعاين لعصبيتي. - هسه انتي ليش هالكد عصبيه - تفضل اطلع بره عدي مراجعين ورجاءاً المعاملات تكمل من هذا الشباك ممنوع احد يفوت اياً كانت رتبته صفن عليه رفع حواجبه مستغرب ابتسم طلع التلفون من جيبه ويعاينلي بصلافه. واني عين بعين ويا تكتفت اباوعله وحجه. - الو.. عزيز تكوم تفتح الباب وتكمل اوراقي لو افلش الوزاره على راسك وسده باوعلي وتكتف نفس تكتيفتي كان بطولي ويعاينلي من فوك ليجوه مبتسم. وانفتحت باب المكتب مال معاون مدير عام صاح - ميثم والتفت رافع تك حاحب - تعال فوت باوعلي وباوعله هز راسه مشه خطوتين ورجع التفت عليه كال - فنجان گهوه من اديج بس موتسوي مر نترت - اني مو گهوجييه طب وسد الباب يضحك.. شوي وانفتح المايك - الهام جيبي الختم والبصمه كمت على اعصابي طبيت اول مطبيت كال - وين گهوتي لعد مباوعتله حتى اخذ المعاون البصمه مني والختم ومشاها المعامله واني منطقت ولا باوعتله كال - ومشت المعامله بيج او بدونج بنقص او بدون نقص ها ست الهام شنو رأيج مرديت عليه المعاون نطاني الختم وكال كولي لابو حسين گهوتين مضبوط هزيت راسي موافقه وطلعت وكانه جنت ناقصته كملت شغلي طلع ومعاملته بيده يبتسم اشرلي مستفز يسلم وراح وكمل اليوم بتعب اسبوع اسو مجتي ورسل تطب وتطلع مزنبره ماعرف شبيها احجي وياها مترد تكمل شغل بعصبيه وتطب كمت اخاف منها وبيوم جنت نايمه وجتي ازل كعدتني. فزيت - ها ازل همست تشاور بخوف - عمه تلفونج اخذته رسل دتخابر بي كمزت رحت للغرفه ماهيه وينها اشرتلي ازل مادري باوعت لعسل اشرت فوك الغرف الفوك فارغه بس فرش مخليه بغرفه والثانيه. بيها. الزوالي صعدت على كيفي وسمعتها تبجي وتحجي بحركان دم - متحس بيه اني احبك. اموت عليك بس اتحلم بيك. مااعجبك ... اني موبنتك ... اني داتحلم بيك البس وانزع واتخيلك كدامي حجت حجي استحي اكوله طبيت للغرفه واخذت التلفون سديته وضربتها وهي كامت تصيح - معليج ... معليج مني واني اضرب مالج دخل معنسه تغارين مننني انتي الخليتي يكول هيج مووو - لاا مو اني بس هو اكيد لعبت روحه لان طفله وساقطه تكبرين شتسوين صيحت - تغارين لان اصغر منج واحلى منج وكلهم يباوعون عليه وانتي محروكه ام اذن المحروكه حتى خطيبج عافج ضربتها ملختها ومسكتت تعبت وعفتها ونزلت التلفون اخر رقم ابو اساور دز رساله - عذريني سببتلج مششكله - ماصار شي اني الاعتذر على اتصالها السخيف - ميخالف مراهقه. متعرف تتصرف مرديت لزمت راسي تعبانه حيل تعبت ثاني يوم راحت رسل للدوام والبنات هم داومت وهم اجه ميثم فات من يمي وكبل فات للغرفه يباوعلي بإستفزاز.. شو دروح مناقصتك اني.. شوي وطلع وي المعاون وكف يم ميزي كال - اي شي تحتاجي هذا رقمي نظرته كانت غير شي بالنسبه لقبل كم يوم وقبل شوي جاوبت بأدب نفس نبرته - ممحتاجه تسلم هز راسه موافق وطلع بقه رقمه عالميز شلته خليته بالجنطه كلشي يصير انتهى الدوام ورجعت للبيت بنفس اليوم جتي اسو باتت عدنا جانت متجنبه رسل كلش ورسل تحاجيها وهي مترد عليها لليل نامو واني اعصابي تعبت همزين مجايبه التلفون اساور واني تلفوني خليت اله رمز ثاني يوم كان جمعه للضهر راحت اسو ساعه اقل وخابرتني - الو عمه - ها عمه شبيج - عمه كلادتي ضاعت بلكن تلكوها عدكم رأساً شكيت برسل لان نفسها دنت عليها - انتي وين نزعتيها - منزعتها عمه بركبتي جانت وضاعت - ميخالف هسه نشوفها بلكن واكعه - اوك باي سدته واني محجيت شي ثاني يوم كان سبت وهم مجبت سيره ورسل معتكفه حيل ضوجتني المصرف انقطع عنها ومهتمت استمرت بالحرب للاحد طلعو للدوام وطبيت فتشت كناتيرهم تفتش ولكيت الكلاده مقطعه قطع قطع هيج كم الحقد والخبث عدها اخذتها وضميتها ورجعت كلشي بمكانه داارجع والمح تلفون وردي جمدت فتحته والله تلفون وبي ارقام محمد نصير علي ابو اساور و رسايل ( حبيبتي طلعتي شو ماكو) وغير واحد كاتب ( اليوم انتظرتج بالحله مشفتج) اخر رساله كانت ( وصلتلج الفلوس والموبايل لو لا) كمت الطم نهاية سنه ابطلها احبسها بالبيت وين اولي حتخزيني هاي اخذت التلفون وطلعت لدوامي لابيه احجي وافضح روحي ولابيه اسكت نار تاكل بيه مكمله شغل ولازمه راسي افكر شسوي وهم نفس الطرقات هالمره بهدوء رفعت راسي بتعب كان ميثم.... ابتسم و كأنما ماكو اي مشكله بالدنيا كلها - شلونج الهام هزيت راسي ونصيت - اكو شي مضوجج هزيت راسي بالرفض وعيوني بالكع - تحبين تسولفين جر الكرسي وكعد جر نفس و ورث جكاره باوع للشبابيك مدام ماكو مراجعين باوعتله كان لابس قميص ابيض وبنطرون بيج قماش شنو هالجراءه العده ومنو سمحله يتدخل البيه كان شوغه روح مابيه حيل احد ولابيه حيل عصبيه كال - احجيلي يمكن اساعدج جاوبته - ممكن تتفضل لشغلك اني ممحتاجتك توه ديورث صفن وكعت الجكاره من بين شفته يمكن كان صوتي تعبان كلش كال - بيج شي الهام البنات بيهم شي ليش هلكد حزينه صفنت عكدت حاحبي مغضبه - يا بنات وانت وين تعرف البنات - اعرف عنج كلشي الهام كالها برزانه وثقه وكمل كلام احجيلي لتخافين - منو الدزك عليه متكولي جاوب متنهد - اعرف اخوج اني معرفه بعيده بس اعرفه وصراحه عجبتيني سألت عنج كلولي اخته وبناته هي دتربيهم - انت مالك اي حق تتدخل كلتها بتعب وغضب عفته وتركته مترخصه بأدب ونزلت جوه بالكافتريا شوي ووصلت رساله ( عالعموم اي شي تحتاجي رقمي عدج وعدم احترامج الي وتركج اليه بمكتبج يجي يوم نتحاسب عليه واني كتلج خشيتي مخي عجبتيني بعد اقري السلام على روحج لو انتي بيها لو طالع بيها) شمرت الفون ولزمت راسي ثكل صار عليه وضغط موكده اني.. اني شابه اريد اعيش حياتي صديقتي ويايه بالعمل هم كدي بالعمر ونفس الراتب كل سنه تسجل كروبات وتسافر مخلت ماليزيا ايران تركيا اذربيجان بس اني محصوره بهمهم والنوب معاجبهم شنو ذنبي اني فكرت ادزهم بيت جدهم وانطيهم راتب اخلللص اخللص اخلص اريد ارتاح من همهم الفكره تمحورت براسي رجعت للبيت واني اكبر واصغر الفكره براسي اندار لروحي اسافر اطب واطلع واتونس اعيش حياتي للليل طلعت رسل من الغرفه كالت بنتره - تلفوني وين باوعتلها رافعه تك حاجب مقويه روحي ودرت وجهي صيحت - تلفوني مالج حق نترت بيها - حراميه ... كون ابوج عايش كون امج تشوفج صفنت عليه - اني مبايكه صديقتي طتنيا وكفت وتقربت منها - وكلاده اساوره هم هي طتجياها صفنت عليه جرت عينها دتروح وجريت شعرها صيحت - دوام ماكو بعددد فااهمه صيحت - معلليج مني مو امي انتي معليج - ماشي ... باجر ادزج بيت جدج واخلص صفنت عليه ممصدكتني و طبت للغرفه ازل وعسل صافنين عليه عسل تقربت مدمعه - عمه ماريد اروح - اي ميخالف وازل هم كالتها - اني ابقى مااحجي ومااضوجج هزيت راسي متحلفه لرسل للصبح داومنا دتطلع رسل رجعتها وقفلت الباب وطلعنا اني وازل وعسل ضلت تدك الباب وتصيح وتعيط ومهدأت مكدرت اداوم خابرت اخذت زمنيه ساعتين ودزيت على خالها وببيتها طبيت للبيت وهي هجمت ضربتني وشرمخت وجهي دفعتها اقوى منها شوي وطب خالها تفاجأت وخنست وبديت احجي - اني مداسيطر عليها خلوها يمكم وراتب يوصلها خالها كال - ليش وخواتها - خواتها مسيطره بس رسل طلعت من طوري وماعتقد تقبل بالفضيحه واني مره مااكدر - كال شمسويه خالوو وببيتها تنتر شمسويه ام لسان باوعتلي تتوسل واني مرحمتها طلعت الفون كدامه وحجيت عن كلشي هز راسه متحلف كلها - كومي انتي مومال دوام بعد ولاول مره بجت وتتوسل ماسويها بعد الظاهر تخاف منه وشايفه منه قساوه والظاهر عرف شون يخليها تهابه اخذها جبر ولمت هدومها وتعاينلي تتوسل وتبجي كسرت كلبي ترددت حاجيته - عوفها متسويها بعد نتر بيه - رجااءا بنت اختي اذا غلطت اني اربيها لتتدخلين لهنا وعاشت ايديج والباقي عليه سكتت واباوعلها انتهت طلعت من البيت ورحت لدوامي ثانيه مطلعت من راسي بس افكر بيها انسطرت كملت دوام ورجعت البنات رجعو البيت هاديء حيل ومزعج من الهدوء وبالي مشغول بيها انصلت بببيتها اسأل عنها كالت زينه دتقره حتى تمتحن ارتاحيت شوي وبدت امتحاناتهم تدريسهم صعب ومتعب كملنا اخر يوم رجعت لكيت ازل بالبيت لان ترجع من وكت واسو يمها هالفتره كلها ميثم يرسل رسايل ( شونج ... بعدج معصبه ... خوماضايجه بعدج ... مديصير مجال امر اشوفج... اذا تحتاجين شي اتصلي... ومجنت ارد احسه هواي واثق من روحه باخر يوم امتحان داسوي غده وازل تحجي عن الاساله وزاري وصعبه بس كانت جدا موفقه دك تلفوني بيبيتهم رديت - الو هله حجيه - ههله يمه اكولج رسل جتكم احس السما وكعت على راسي - شنوو ليش شنو وينها - وداها خالها تمتحن و ورجع يجيبها يكول ماهي المدرسه فرغت ضربت على وجهي - البنيه وين حجيه اروحلج فدوه - يعني مجتي فدوه شون عدج ارقام صديقاتها - لا منيلي احجي وارجف لهاتي من الخوف يبست ورحت للمدرسه لكيت خالها يحجي وي المديره فاير دمه باوعلي كال - صديقاتها منو فهميني تره حتخبل بلعت لساني تخشب جسمي وافكار سوده براسي خاف تروح عد احد خاف يعتدون عليها اخاف يقشمروها على هالحال لليل ... لليل احنا نفتر من بيت بنيه لبيت مخازي مخلينا صديقه مسألنه عليها عدها جانت الوجوه تسأل من نسأل وينكم عن بتكم واموت بدمي وين كان تقصيري دكت الوحده بليل والبنيه ماكو خالها وببيتها ومرت خالها واني ببيتنا ازل وعسل وعمي وجهاله ومرته انثبرنا مخلينا مركز شرطه مستشفى ولازم اربع وعشرين ساعه على غيابها واني تعبت من الخوف والبجي واكل بروحي واحس روح اخويه تكولي وين عفتيها وتذكرته ( اي شي تحتاجين اتصلي) طبيت للغرفه ركض اتصلت اول رنه رد رأساً و كأنما منتظر - الوو - االو سلام عليكم اسفه خاف كعدتك - لالالا كاعد امري الهام - ااستاذ ميثم .. وسكتت اني شراح اكوله كال - احجي البنات بيهم شي بجيت ميته فشله كال بهمس - احجي لتخافين - ااستاذ فدوه بنت اخويه الصبح طلعت للامتحان ولحد الان ماكو منها خبر كال رأساً - جايج لتخافين - تندل بيتي - اعرف كلشي عنج بس حضريلي صورتها - اوك سديته منه ودورت صورتها اخر شي طكتها مال بطاقه بكلوريا واباوعلها وابجي اقل النص ساعه وصل لابس لبس عسكري حجه وي الخال وطلعت باوعلي وهداني بنظرته همس - قبل وذان الفجر بنت اخوج بفراشها لتخافين تطمنت ماعرف ليش من حجاها بثقه مدري غركان وجلب بقشة امل . . . . يتبع مريم السعدي | ||||||||
|
| |
|
31-01-21, 10:47 PM
| #6 | ||||||||
| مراقبة عامة ومشرفة منتدى الروايات المنقولة
| #أماً_لهُن بقلم مريم السعدي #بارت٣ الهام..... تطمنت ماعرف ليش من حجاها بثقه مدري غركان وجلب بقشة امل كاعدين وايدنا على خدنا لل٣ بليل ودك تلفوني ميثم رديت - الو - الو الهام عدها صديقه اسمها سميه؟ صفنت - ااي عدها صح - رقمها يمج - لا والله - زين غير الارقام بالتلفون الوردي عدج احد - لا - خوش نصير تندلين بيتهم تعرفي - لا والله - ماشي روحي هذا هو سده مني انسطرت اكثر ساعه وكام يكبر الجامع غمضت عيني دخيلك ربي نذر عليه اضبط صلاتي بس تردها صاغ سليم ربي ساعه ب٥ الا ربع وطب خالها كال بنتره - جيبيلي خواتها اخذهم وياي - شكو لكيتها عليك الله - اي لكيناها اخو صديقتها نصير عده شقه وماخذها بيها ضربت على وجهي غمض وعض شفته - لحكنه لتخافين بس مابقيهم بعد - مستحيل انطيهم الك - صيحي خواتهااا - ماانطيهم الك داكولللكم صيحت وطب ميثم و كأنه واحد من البيت نتر بي ميثم : اخي البنيه طلعت من بيتك مو منا معناها التقصير منك الخال جاوب واعصابه ترجف ماكو طلعه بعد دوام وخلصوا نترت بي الهام : مااقبل بنات اخويه يبقون هنا شمدريني شراح تسوي بيهااا مراهقه وغلطت الخال : حجي يفييددج اذا ممشيتها عالصراط المستقيم بسيطه ديحجي وطبكت سياره شرطه ونزلت رسل خايفه دفعها الشرطي وتعاينلي وتعاين لخالها توه اجه يضربها وركضت لحضني تتوسل - عمه عمه فدوه والله ماسويها بعد عمه لتخلي ياخذني والله يموتني - شون هيج تسوين شووون... واباوع بوجهاا وركبتها وعيونها اخاف الكه اثر اعتداء والولد بالسياره مكلبج ميثم نطق كال - الولد ابن اوادم ومراهق شقة عمه وكلتله خالها ضاربها وانهزمت من البيت ومقهور عليها وخايف كلها تعاي لشقه عمي لتبقين بالشارع صفنت عليها تتوسل وتحلف رسل : والله عمه موتني ضرب ورجع حنفش الخال يريد يضربها ودفعه ميثم نتر - بسس يكفي الصبح تفاهموا غلط اخي سكت كوه وطلع ببيتها بقت يمنا وراح ميثم تشكرت منه هواي كال - كتلج قبل الوذان بفراشها - ووفيت وعدك الف شكر - نظرة عيونج كافيه للومه انصدمت حتى الدلع يعرفه راح وطبيت جوه بقت تتوسل بيه وتحلف ايدها اثر ضرب خالها بالحزام تخبلت تخليني مرته انظف البيت كله حتى ابدل حفاضات الجهال تشكي همس وتبجي خاف تسمع البيبي ولا عبالك هاي رسل الوكحه واني اصبر عليها رسل : والله للومه ماسويها بعد لتخلي ياخذني الهام : اوك رسل : لا اريد تلفون ولا اريد مصرف بس ابقه هنا اوك؟ الهام : ماشي رغم السوته قهرتني مراهقه وغلطت واخذتها ورجعت للدوام ومن يومها ميثم متركني كل يومين يمر للشغل ومو بيدي من استقبله بممنونيه نظراته التحسسني بثكل حملي وانج كدها تريحني كل كلماته تقويني وتخليلي دافع ادير بالي عالبنات اكثر ونفس الوقت متنسيني عمري وانوثتي جنت بعمر٢٧ سنه مااعرف غباء مااعرف حلم وطموح واعجاب صابني ناحيته وشلت من راسي كونه مرتبط او لا عمره موصغير ولاجبير متوسط ليش ميكون مرتبط اصلا شنو الناقصه ولاول مره اتصل بليل واني افكر بكل نظره منه واتخيل يرتبط بيه ويشيل عني حمل البنات يساعدني بيهم ورديت عليه الهام : الو ميثم : هلو الهام كاعده الهام : امم كاعده ميثم : شونج الهام : زينه الحمد لله شعجب متصل هالوكت ميثم : والله مكدرت انام وخفر كلت اتصل دكه وحده او دكتين مرديتي اتركم ماازعج نومتج الهام : همم لاعادي اني احب السهر ميثم : تتفرجين تلفزيون الهام : اي نوبات ميثم : حلو ... الهام الهام : نعم يحجي بصوت خافت ماعرف ليش تذكرت رافد من جان ينعس من احجي وياه سكت شوي ورجع كمل كلام - الهام اني اريد ارتبط بيج خنست معرفت شرد علي خفت لان كان كلشي سريع ومبهم - مرديتي عليه - ها - سمعتيني مو - اي - شنو رأيج - ليش اني - ههههههه ليش اكو وحده مثلج وهبت حياتها لبنات اخوها ونست شبابها .. لانج حنينه ومعطائه الهام واني محتاج لهيج حنان وعطاء شخص ميفكر بماديه او مصلحته فوق الكل - زين انت مرتبط - اني مرتبط ومنفصل سكتت.. وهو سكت شويه وكال - اخذي وكتج بينما انزل وامرلج لعملج ونكعد شتكولين - ان شاء الله - اخليج ترتاحين باجر دوامج - اوك - تصبحين على خير - وانت من اهل الخير سديته منه وافكر فكرت هواي تعبت ونمت فتره اسبوع ونزل جنت محضره جوابي اكيد موافقه لان حسيت القطار حيفوتني وافقت وهو كان واثق من موافقتي كال امر على عمج اطلبج يومين ومر لعمي البنات عرفو ازل وعسل كيفو بس رسل فرت مخي و كالت رسل : احنا بنات كبار وحده ١٦ سنه والثانيه ١٣ شون تدخلين علينا رجال غريب الهام : حيكون مثل ابوكم رسل : ماكو مثل ابويه للومه صفنت عليها عصبت بس كتمت غضبها تخاف لاادزها لبيت ببيتها هالفتره كلها على اعصابها تلزم نفسها مصرفها رجعته فتره مرت واني بالشغل مثبوره دااجمع اوراق محتاجه توقيع معاون مدير عام صارت كبالي بنيه ب٣٠ من عمرها دزها الجايجي اشرلها هاي ست الهام تقربت ووكفت رجعت كملت مشيتها كبالي وكفت صفنت عليها كانت حلوه سمره بعذوبيه وعيونها تنتقل على طولي ووجهي استغربت نادراً ما مراجعين اناث دومهم رجال واذا اناث فيكونون من داخل وزارة الدفاع واني الملم واحجي وياها - تفضلي ... ونصيت عالاوراق كالت - الهام مو - اي تفضلي - متعرفيني.. بس اني اعرفج - بس دقيقه هسه اجيج كالت - انتظرج طبيت اخذت التواقيع وطلعت حتى نسيتها لكيتها تنتظر واني طولت عليها - اسفه طولت عليج - لاعادي كملي شغلج جريت نفس بتعب وكعدت عالكرسي - كملت تفضلي شون دخلوج شعجب كالت - اني بنت لواء —- وجيت عليج صفنت عليها - بيش اكدر اساعدج كالت - اني طليقة ميثم جمدت بمكاني رفعت راسي اباوعلها باوعتلي بتوسل وكملت كلام - عندي علي و تمام وانفصلت عنه بلحظة غضب منه اثنينا ومدا اكدر اعيش دونه الله يخليج عوفي لزمت راسي واعاينلها كالت - والله هو دينتقم لان كبرت راسي بأبويه وكلي اذا انفصلت عنج مارجعج بعد وتندمين وكلامه صح انغريت ... غروري مسمحلي وكبريائي متحملت اكون تحت امرته رغم حبي اله وخليت والدي يأذي ويبعده ردت اكسر عينه بس تكسرت اني وولدي بقيت صافنه عليها - وهسه ؟ كالت - انتِ اتركي واني اعرف شون ارجعه الي ولبيتي الله يخليج وبكل بساطه كدامها شلت الفون ودكيت عليه رد رأساً ميثم : هلو الهام هاي شعجب الهام : ميثم عدك اولاد سكت.. ميثم رد عليه كال - اي نعم عدي ٢ - ليش ضميت عليه - انتِ مسألتي - متوقعت.. متصورت - مصار شي هسه اني ممقصر عليهم رفعت راسي باوعتلها مسحت دموعها ونصت - ميثم كلمن بطريقه ولتوصل احذرر - ليش شبذر مني كتلج منفصل ومكذبت جنت واضح وياج الهام - واني ماريدك بعدد فهمت لتوووصل الي سكت - كال نتفاهم - ماكوو شيي نتفاهم عللليه نترت بأعصاب همس - وعليش هلكد معصبه مو ميثم التعلي مره صوتها عليه ولاميثم اليلحك مره هاهيه كلمن بطريق كلمن بطريق الله وياج سده بوجهي وكعدت لزمت راسي والبنيه تقربت مني كالت - تحبي؟ باوعتلها ابتسمت هزيت راسي برفض وكتلها - ارجعي لرجلج محد يفيدج غيره الله يوفقكم بحياتكم طلعت من يمي واني احس للمره الثانيه بالانكسار يومين غبت من عملي مثل المريضه محبيته لا بس احس روحي خسرت سكف داومت ومشت الايام بعد فتره شفته يم المعاون ولاباوعلي فات من يمي ولا التفت بكل شموخ وغرور تعداني نظره مباوع ناحيتي وراح فتره يله كدرت اتأقلم واقنع روحي هذا الأحسن الي خلصت السنه ورسل صارت صف خامس علمي وازل ثاني متوسط وعسوله ابتدائيه جنت كلما اشوف روحي مداسيطر اهدد بخالهم او بيت بييتهم ويمشون عدل اساور رجعت تبات عدنا ورسل كفت عن ابوها جانت رسل شاطره بس دومها انتهازيه كم مره ومره انتبه نقص بفلوسي وكمت اضمها كم مره ازل فلوسها تنقص واشتريت الها دخل ابو القفل ومفتاحه عدي اما عسل مكنت انطيها بيدها اجمعها عدي فتره وللاسف خالهم توفه بحادث سير على طريق السريع انگلبت سيارته وتوفه كانت فجعه للام ولزوجته خطيه حيل انقهرنا عليهم بس هالشي خله رسل تستفحل تغيرت تغيير مفاجيء مره وحده تغيرت ومسيطرت بعد ابد مكدرت اسيطر تليفون بدل الواحد اربعه عدها الكه واحد تطلع اللخ عركات وي خواتها وويايه وسرقه فلوس تليفوني ردت اتخبل ارقى الملابس الكى عدها منيلج اشتريتها من مصرفي مسيطرت مسيطرت ولان مااكدر اهددها بأحد بعد كمت اضربها ميفيد احجي ميفيد بالاسبوع مره تدز عليه المرشده الاجتماعيه وتشكي منها مره مداومت مره تعاركت وي البنات مره تغلط بغلط موحلو مره جايبه تلفون ومره مكياج تعبتتتني بزعتني اهملت ازل وعسل من وراها بس ادور واتعارك واحقق وهي لسان ووكحه لدرجه وصلت حد مره دامد ايدي عليها ولزمت ايدي صيحت اخر مره تمدين ايدج عليه اني مرصغيره والتهدديني بي مات كلمن عليه بروحه بعد ومثل ماهو بيت اهلج بيت جدي هذا خنست صافنه عليها فاكه كل عيني وعافتني وطبت للغرفه ازل مقبلت عليها كبرت وصارت تعرف الغلط اسمعها تكولها - عيب عليج هي التكفلت بينا وهي تردها - خلك عانس غصب عنها تتكفل غير بنات اخوها بعدين وين تودي الفلوس متشوفين محد مكلبها جنها عجوز شعرها شيب ومحد يعاين بوجهه - اش لج رسل عيب تسمع - وسمعتهم بلكن تصحه على زمانها لبسها الرسمي ستره وبنطرون عبالها مغني هاي خطيه حتى كاظم الساهر بطل يلبس ستره النوبه محروكه يا الله فوك القهر اذنها محركه اييع الهام... سكتو واني كل كلمه منها خنجر بكلبي كلامها صح محد يعبرني واني ليش مخليه الزواج والرجل اول اهتماماتي وطز وليعبرون كمت اسمعها واغلس مارد عليها نجحت رسل للجامعه جانت عدها كذا صديق كمت اسمع بيها تطلع وياهم واغلس جانت تدز عليه المديره تره ممداومه واسكت حدما خلصت الثانويه يله ارتاحيت وانفتح باب الكليه بدت معاناة جديده لبس كشخه واني راتبي يزيد وانطيها من تجي تواجهني بس اني مخربط لبسي وانطي اريد اخلللص اخلص بلكن ارتاح فتره بالجامعه والطبه والطلعه عرفت احد ديصرف عليها بس اكيد مقتبل شي ماكو شي بلاش لهنا خفت خفت كلش وكعدت وياها استفسرت منها بصوره مباشره او غير مباشره اريد اطلع نتيجه وحل كالت - اني مو زعطوطه انطي شرفي لتخافين اني افرررره فر واخلي هو يذب الهدايه مرتاح ومتوسل اني رسل مو للومه ياخذ فلوسي ويطفر وعافتني وكامت مدري صح حجيها مدري يقهر فتره عدت ازل سجلت وي اساور خصوصي توسل ابو اساور وي بنته تتسجل وقبلت مدرسين يجون للبيت يدرسوهم ببيتها كبرت تعبت خطيه وهمه هم كبرو صاروا من يروحون ببيتهم يسوون اكل لروحهم ويتونسون وكمت اقبل تبات عد اساور يوم الي ابوها مسافر تعلقت ارواحهم كلش وعسل صارت ب٥ ابتدائي من خلال صفنات رسل وابتساماتها وي روحها عرفتها عاشقه تمنيت من كلبي اللي حبته يخطبها هالخمس سنين انكضت ضيم ليل مانامه وبس افكر ها خاف تفضحني ها خاف تنهزم وي ولد وخواتها اليوكعون بيها بس اترقب بس اراقب واعاين وادور تعبتني هلكتني حدما تغيرت فجأه انعزلت عنا اكثر تبتسم تراسل تسرح خصصت لكل سنه نجاح هديه ذهب من راتب ابوهم الميعرفون بي شوي هدأت رسل من دخلت بصومعه العشق ضعفت وتتأمل روحها بمرايتها ولاول مره بالتاريخ تقربت من اختها ازل جانت صف سادس وتقربت منها وتجي تحجي الي ازل كل اسرارها البريئه عدي ارتاحيت رغم عدم معرفتي بالشخص مناسب او لا يكذب عليها او لا بس المهم واحد مو عشره تحاجي وحجتلي ازل - للومه ولد اسمه بشير تعرفت عليه وصارحها باعجابه عده سياره اوبتيما آخر موديل وشكله حلو وابو يشتغل بشركه اهليه واخو عده شركه مال المنيوم طاكين كلش وعده شقه وحده - ازوله يحبها يعني .. زين ليش ميخطبها - للومه هو هسه ثالث بعد سنه يتخرج كلها اتخرج والزم شركه ابويه واخطبج ماريد غيرج - بلكن يارب المهم هي تحبه - تموت عليه بس تحجي وياه ليل نهار ويطلعون بالكليه مطاعم تكول فد كريم كلش كريم ممقصر ويايه بشي مدللني صفنت عرفت الولد متريش لازم شي يليق بي وكمت اجهز من كل عقلي كل ما طلعت اشتري الها شي لو لبس نوم لو قطعه ذهب بدون ماكولها ولاكول لاحد جنت مكيفه حخلص وخايفه لايخذلها ازل اغلب الايام بايته عد بيت اسو لان دروسهم سوه وامتحنت وطلعت معدل ب٨٠ هي واسو نفس المعدل بالضبط بس المفاجئه تركو المعدل ودخلو اداره اعمال اثنينهم وابو اساور دعمهم وشجعهم بوكتها تعاركت وياه ليش معدلها زين ليش تكسرهم طمني بكلمه حتى اشغلهم عدي بالشركه من اسافر همه لازميها شفت لهفه ازل وتركتها براحتها ازل : اسو مداصدك اساور : ازوله مراح نفترق ندخل كليه سوه ونداوم بالشغل سوه ازل : يارب اني للومه طتني ورقتين اتسوك بيها ملابس وتجهيزات كليه اساور : واني هم بابا طاني نروح وي بيبي شتكولين بيبي رغم تعبانه بس عدها ذوق ازل : خوش - ازل باعي هذا - لالا اني اشتري التنوره كبس ناعم وانتي اخذي الكلوش حتى نتتلابس بعدين - اوك - باعي هذا القميص -اي يخبل اني اخذذ هذا وانتي اخذي هذا شتكولين - اوك ماشي ازل... دنمشي ومكيفين وكفت سياره ابوها كدامنا ونزل يبتسم نزع نظارته الشمسيه همس من يمنا يابه شون كمرايتين يتمشن گلبن الشارع گلاب اساور : ههه واكول الصوت موغريب عليه طلع ابويه هو اني هم شكول وحده يتغزلون بيها ابو اساور : ليش بابا جنج گمر نيسان ازل : واني عمو هم حلوه ابو اساور : ازوله بس عيونج دمار تكوليلي حلوه والله خايف عليكم من الجامعه هاي شون بلله ازل : داوم ويانا ههههه رجعنا للبيت بيومها جنت متحمسه متشوقه اكمل كليه واشتغل ويصير عدي مصرف اول شي اسوي اعزم اسو وابوها ازل : اسو مدتقبل للومه احف اساور : اني احاجيها ازل : خاف ترزلني اساور : لالا اني احجي رياها قنعت كان بها مقنعت مولازم اصلا شعر وجهج اشكر ازل : اوك شوكت تجين اساور : دا انتظر السايق لابسه وكاعده ازل : اووف بعد اسبوع دوامنا اساور : اي ههه اكولج شمسوين غده ازل : مسوين تشريب اساور : افففف افف افف هسه غير يجي السايق حموت جوع ازل.... جتي اساور وانلمينا للغده رسل نجحت صارت ٣ وللومه كالعاده اشترنا كلمن محبس صار عدنا كل وحده كلاده نازكه ومحبس وتراجي وسوار تغدينا وانفتح موضوع اساور : عمه الهام بابا حياخذني لاذربيجان عادي اخذ ازول ويايه. الهام : لااا اصلا جواز ماعدها وشون اخليها تسافر وحدها اساور : عمه بابا يطلعه عفيه الله يخليج الهام : لااا ماما لا رسل : للومه خليها تغير جو ابد مطالعين احنا الهام : لاا كلت لا سكتو واساور ضاجت كامت رسل طبت الغرفه شوي وطبينا وراها اني واساور وسمعناها شي رطب نبض گلبي غركني حنان صوت الفون عالي وهمساته تدك بگلبها وراها بگلبي اسو متأثرت بس اني مدري شبيه كلبي يدك سريع رسل : وانت ليش مرحت وياهم بشير : مالي واهس بعدين اريد احجي وياج رسل : شنحجي موجننا بالجامعه سوه وسولفنا بشير : ردت نبقى وحدنا رسوله وذوله معافونا جلبو رسل : شسوي ياعيني قابل اطردهم اخجل - هسه ديشوفوني دايخ بيج الوش جلبو تره متقصدين يوغفون ردت بس الزم ايديج - ميخالف حبيبي اصبر - احبج رسل مداكدر ازل... حجي دخل گلب گلبي صدقته اني قبل رسل صوته يرجف من يحجي ويتوسل بقيت اباوع الها مغمضه تبتسم واسو ترطن يمي ليش معشت ولاحسيت بأحد هيج طلعت من الغرفه وكعدت بالمطبخ واسو يمي تلمست شعري كالت - ها نسشور شعرنا - يله امشي ردت بس التهي ردت بس انشغل وانسى السمعته بدينا نشور وحده للخ ركصنا وتونسنا وجهي كام يضوي من الحركه والحراره صار احمر لليل دكلها ابوها كلها راح امرلج اخذج واجه طلعت اوصلها جنت اتمنى احد يشوف جمالي وشعري يفوت من يم الباب ويلمحني بس دنيا ليل منو يلمحني الشارع فارغ - باي اسو... فتحت الباب طلعت مديت راسي نزل شعري صفح نزل عمو رائد يبتسم همس - هلو ازولي وتقرب بوس اساور بيده علاكه باوعلي ابتسم كال - هاي شنو صديقتج اسو صايره تخبل.. هاج عمو هاج هاي علاكتج - ششكرا عمو مشه وراحو اشر باي بقه يبتسم مثل واحد شايف شي حلو روحي رخت اول مره شخص يكولي تخبلين خدودي حومرت زايد عن قبل اتلمسها احسها نار وابتسم الصار كمت اتذكر كل موقف يجمعنا انتقاله رهيبه من الطفوله للشباب مراهقتي وينها وليش تركزن بنضرات عمو رائد الابويه الحنينه كمت اتذكر حنانه ودلاله وعدم تفرقتي عن اسو صفنت ونمل عقلي من تذكرت رسل وشون حاولت وياه وهو رفضها واتذكر اساور من كالت يكول لبيبي لعبت نفسي زعطوطه بكبر بتي مدري شصار بيه هاي اني شدافكر بكد ابويه شون هيج كدرت احسب اعوذ بالله اعوذ بالله طبت عسل ونامت بصفي حتصير بطولي يا الله شبيج لج روحي لفراشج عسل : لاماريد حلمت حلم يخوف ازل : لج عسل عزه بعيني حتروحين للسادس عيب بقت صافنه عليه باوعتلي بتوسل - بس اليوم - نامي يم للومه - بعدها منايمه للومه دتتفرج - دنامي لعد نامي ايام العمر تمشي بغضب مستعجل ويني اني من كل هذا صرت ام بدون احساس الامومه صرت سكف و ظهر من دون سند و ظهر صرت عزوه بدون مااكو احد يعزيني لو يقويني واني وحدي بكل ليله دموعي تسترسل بهدوء بدون مااحس تطفي ناري اشتاقيت احس بگلبي اشتاقيت افكر بأحد اشتاقيت احد يسأل عني ويهمس بإذني ويشغل دگة گلبي الفاتره. ساعات اباوع لروحي بمرايتي احسب خط خط بوجهي شيبه شيبه بشعري يوم يوم بعمري ليش معشت ليش من يتقدمون ويعرفوني ماكدر اعوف بنات اخويه يتركوني زين اني صح لو غلط وحده وحده راح تشوف حياتها وابقى وحدي وحدي وحدي احجي واتخيل الصدى يرجعلي شون من يفرغ البيت شو كمت اخاف بوكت جنت اتمنى السكينه والهدوء طبيت خميت البنات نايمات كلمن تفكيرها يختلف عن غيرها ازل وشعرها المسرحته نازل للكاع عسوله وشعرها الملفلف دون خواتها بشرتها ثلج على ببيتها ام امها بيضه كلش وشعرها جوزي ورسل اخخخخخ يارسل جرة حاجبها الطويله ودقة انفها الرفيع وشفافها الصغيره نايمه بعمق اكثر من قبل يمكن لان انتزس گلبها واتطمن وازل النايمه صفح خصرها المنحني بقوه وكأنها حوريه بتخصيرتها وجمال انحنائاتها وطولها شون حتكون حياه الجامعيه بالنسبه الها سديت الباب ورجعت للمطبخ الساعه تدك تعلن وصلها الساعه ال٢ بنص الليل واني كاعده شمضيعه للومه شنو الضاع عمرج لو سنين ايام عمرج لو لون شعرج وفرحه گلبج ياترى رافد يتذكرني؟ ياترى عده اطفال؟ يحب زوجته؟ هم يندم مثلي فد يوم لان متحملت امه؟ باوعت بعيوني الذبلت شكد عمرج للومه صار ٣٤ سنه اي ٣٤ شبقى من عمرج شكم سنه زين شكم سنه. ويروحون ويعوفوج بالهواي ١٠ سنين واصفه بعمر٤٣ سنه وحدي وحشة الليل والغرف تفرغ وحتى گلبج فارغ شبقى من جمالج؟! خليت شعري وره اذني وبينت الحرگة و كأنما ناقصه شي لخ يكولي راحت عليج رجعت الشعر ضميت اذني غسلت وجهي ورحت لفراشي ونمت زارني اخويه بالمنام من دون اي كلمه كان يبتسم بتعب ويمسد على راسي كل تمسيده عبالك اهدأ غفيت بعمق حسيت الصبح وكالعاده يوم روتين دوام والبنات مكيفين بالسنه الجديده ازل الكلها لهفه اجاهم ابو اساور اخذهم هي وبنته طلعت مثل الشمس خدودها وعيونها الكبار رغم گصتها جبيره بس تخبل فرت حجابها وتبتسم واني اعاينها باوعتلي - للومه لايكلي الزي - مفصل الج ازوله وطلعت عسل تركض - للومه شديلي شريط الصدريه سوي فيونكه تحجي واضفر بشعرها عدلتها الها وطلعت رسل بكشختها وتلفونها يدك رسايل تبتسم وترسل وترجع تكمل تعديل كحلتها شبسرعه كبروا طلعنا سوه وقفلت وصلت عسل .. ورسل صعدت خطها.. وازل وي ابو اسو الزي كان مرتب عليها كلش ومكدر يخفي جمال جسمها اسو كانت اسمن رغم القياس اكبر ماخذته بس ممرتب عليها كثر ازل طلعت لشغلي اشتغل واصفن بالي يم ازل شنو الصار وصرت كلش اخاف عليهم صدك صارو جزء مني وصرت امهم صدك يجي يوم ويحبوني يشوفوني مثل امهم لو ينسوني لو ينكرون الجميل لو ميتركوني ومينسوني خليتها على الله واستمريت بعملي دااشتغل ملتهيه. ودك تلفوني ابو اساور - الو - مرحبا ست الهام - اهلا اهلا ابو اساور - هلا بيج بله امر عليج ممكن تبات ازل هالاسبوع عدنا لان راح اسافر والوالده كالت اتصلت بيج وموافقتي - والله ابو اساور اختها شوي تعلقت بيها الصغيره وتضل ضايجه من تجي - ها اي حقها زين خلي تجي وياها بدون زحمه خلي اساور عدنا تبات - لا مترهم صار اسبوعين يمكم - زين ماشي بس انتي هم خليهم على راحتهم صرنا اهل تره - والنعم منك ابو اساور بس مااكدر اغفى بالي يضل يمهم - والله لو امهم متخاف عليهم كدج ازل كبرت ملامح جسمها وجمالها خوفني عليها كمت ماامن اعوفها تبات عدهم بالكوه يله بدت تعاند وتضوج وتتوسل وتدز عسل تريد تروح يم اساور واني مره اقبل ومره اعاند ازل : للومه حبابه مو عيد ميلاد اسو والله ومحضره الها مفاجأه الهام : لا ازوله مو حجي هذا كبرتي انتِ تره عيب عيب تباتين عدهم ازل : للومه ماعدهم احد بس بيبي الحجيه الله يخليج الله يخليج الهام : لاااااا ازل لااااا ازل : اهووووو ماريد ماريد الهام : شطلعت هاي احير بيج بخواتج لو احير بيها كافي عاااد سكتت وطبت للغرفه تدردم ورسل تتجاوب وياها تبشبش صاروا جبهه ضدي يتبع مريم السعدي | ||||||||
|
| |
|
31-01-21, 10:49 PM
| #7 | ||||||||
| مراقبة عامة ومشرفة منتدى الروايات المنقولة
| #بارت ٤ #أماً_لهُن #مريم_السعدي الهام..... سكتت ازل وطبت للغرفه تدردم ورسل تتجاوب وياها تبشبش صاروا جبهه ضدي رسل : هي شدعوه متخبله من اساور وانتِ شوي قوي شخصيتج كوليلها انتِ مو امي ازل : لا مو هالحد هي رغم كلشي ممقصره علينا بشي من راتبها تصرف علينا خطيه رسل : يمعوده شتسوي بي عانس وهامله روحها صايره جنها عجوز گرگبه ازل سكتت صافنه عليها دك تلفونها تبسمت وتمددت رسل : ها عيني بقيت اباوعلها اشرتلي روحي وسدي الباب طلعت من يمها داومنا كليه عادي اني واساور جنت اجذب النظر بشكلي وطولي بس ولا واحد جذبني هواي توددو الي و لاساور اساور كانت تفرح بهالمصارحات وتفرح من ترفضهم بغرور ولافد يوم غرت منها ولافد يوم حسيت رائد بس ابوها جنت احسه جزء من عدنا ثنينا ولا فد يوم فررق لدرجه السفره لغاها لمن مقبلت للومه وكت جنت اكول عمو اجه عمو راح ومارددد حتى اسمه بداخلي هيبه واحتراماً اله صرت انطرب بدكه كلبي من اردده بكلبي رائد رائد وكلبي يدك سريع نوبات هواي ابجي بدون سبب من اتذكره شبيه؟!! ليش هالشكل ديصير اساور انفتحت صفحه جديده بحياتها ابن ابن عمة ابوها اشتغل وي ابوها بفرع بغداد لزمه الشركه كونه متخرج من سنتين وفطن كان شكله يميل للهنود واسمه هم غريب (راكان) من زمان كانت من تذكره تبتسم ومن ندخل عالفيس بصفحته تكلب بيها ونتفرج نضحك مصارحتني باعجابها بي وهسه صار الوكت يزيد عيار الاعجاب بوقت فاجأتني بتلفونها ب٩ بليل اساور : لج ازل خابرته شون شون شصخمت اني ازل : المن لج عزه لراكان!! اساور : اييييي عفيه شون كون الوكت يرجع ازل : شكتيله خرب اساور : مكتله اني منو بس خابرته طلبت غلط ازل : اييي اساور : ووكلي لا مغلطانه طلبج صحيح ازل : عزه انتي شطلبتي اساور : شطلبت طلبت كلت محمد موجود ازل : اي تالي اساور : هو سكت مرد عليه ازل : تالي اساور : تالي كتله الو - كال الو - اييي يمعوده - اي اي دوكفي لتثبريني خل اتذكر - يله سكتت - اي فكال تفضلي - كتله اريد محمد - كال ماكو محمد - كتله اسفه غلطانه كال مغلطانه طلبج صحيح واني سكتت متت خوف جان يكول شونج بالجامعه زينه - عزززززززه عرفج - اي اي اي شووون عفيه سديته بوجهه رأساً - هاهي جفصتي بعد شتسوين كعدي وسكتي - شكد عيب - ميخالف مصار شي اهدي - خاف باجر يجي من يجي بابا شون اباوع بوجهه - عمو باجر يجي - ايي صدك كال عازمكم على ريوك - للومه متقبل - متدري لج نطلع من الكليه ساعه ولج حبابه - ماشي - زين ديله حتنامين - اي - شحتلبسين باجر - التنوره الكبس واليلك المقفل - لعد اني البس التنوره المقفل واليلك الساده حتى نطلع توم - ماشي گلبي - ازل لو يمي جان مخليتيني اخابره - بابا عادي تصرفي كأنما ماكو شي - ماشي بباي - هله گلبي سديته منها وكمت لكنتوري اختار الملابس وصافنه بوجي بالمرايه شنو بيه مميز عن غيري شون اغير روحي واحلى بعينه رجال عمره ب٤٣ ليش انحفر براسي واني بصفنتي رسل حجت فزيت شوكت طبت ومحاسه عليها سارحه بخيالي كالت رسل : اني هالنظرات والصفنات اعرفها زين فزيت التفتت - شنو - لا سلامتج امم شحتلبسين صفنت عليها تقدمت بكنتوري تكلب بالهدوم وتعاين بعيني - لبسي هاي وهاي يلوكلج - لا اتفقنا اني واسو - معليج باسو تميزي عنها - ليش... بقيت صافنه عليها باوعتلي تبتسم وجرت عينها - حتى العيون تصير عليج مو عليها - ليش يعني - حتى اللي تردين يباوعلج وتجذبي يباوعلج الج مو الها صفنت عليها مستغربه باوعتلي صافنه - ها شبيج - ليش هيج تحجين عليها - ازل لازم شوي تخليلج زاويتج الخاصه اساور ممحتاجه تره وعدها ابوها يجيبلها احسن رجال ميزي روحج عنها جزيت هدومي منها وتركتها طلعت من الغرفه كعدت يم للومه للومه هاديه عسل نايمه على رجلها وتلعب بشعرها يتفرجون الفلم بس عيون عالتلفزيون عقل وگلب مو بالفلم بقيت صافنه عليها - للومه فزت - همم باوعتلي شبيج - انتي شبيج - شبيه داتفرج باوعتلها رجعت باوعت للفلم مافد يوم كنت قريبه منها يمكن بس عسل بس مااكدر ارفع صوتي لو اكسر كلمتها حجايتها تمشي على ركبتي باوعت للومه لوجه عسل لكتها غافيه ورفعت راسها باوعتلي وراها - شونج باالجامعه - ماشيه الحمد لله - الشباب شونهم ... كالتها وتتأمل تغيير ملامحي اللي مصار - ابتسمت شعليه منهم - محد انعجب محد حب هالوجه المليح - هههههه انزول عليج للومه ابتسمت ورجت راسها عالقنفه - احجيلي ازوله - والله للومه ماكو شي عادي يجون يسألون منين ما منين وشنو اسمج يا مرحله شوي لحو انكلب بعالم حيوان قسم بومه يطفرون - ههههههه ليش ميعجبوج لو لحد الان ملكيتي بيهم اللي ببالج جريت نفس واباوع عالتلفزيون - بعدهم صغار تحسيهم ماعدهم حس بالمسؤولية ماعدهم حنان ورجوله هيج مرتبين وكشخه تحسيهم همه يردون يكمل تربيتهم واحد ينتجون عليه درت وجهي شفتها صافنه بقلق ازل : شبيج ههه شو خفتي الهام : انتي اكو احد ببالج؟ ازل : لا ... كلتها رأساً جرت نفس وغمضت تلمست شعري كالت الهام : محتاجه شي مصرفج ديكفي ازل : اي ديكفي باعي تره شسمه اني ماريد اضم عليج باجر عمو يجي علينا للجامعه اني واساور نتغده بره والله ردت اطلع بدون متدرين بس مكدرت - ماشي روحي - شكرا - شسويتي على عيد ميلاد اسو - مادري حايره شلبس وشوديلها - شوفي شي بسيط اخذيلهيا تكون مستفاده منه وانتي هم لبسي شي مرتب ومستر - البس ثوب رسل الاصفر - كصير هذا - مو كلش البس جواه كالون اسود وماكو احد غريب بس بنات عمات ابوها وببيتها وصديقاتنا اثنين بنات ويانا من الثانويه وو عمو كلتها وبعدت عيني مرتبكه مشكلتي عيوني فضيحه من اجيب سيرته شوكت بديت وتعمقت بكل تفاصيله شوكت كامت تلجم گلبي ذكر سيرته هزت راسها كالت الهام : ماشي تاخذين عسل وياج؟ ازل : امم انتي متجين لعد؟ - لا مالي خلك - كيفج كمت من يمها وطبيت الغرفه رسل تحجي وي بشير رسل : اي ومنين هذا ..... يعني عاي سيارته لو سياره ابوه ..... زين شكلك عليه شسالك يعني ..... شيريد مثلا ...... ههههه اا زين انت كتله هاي حبيبتي ...... لالا لتكوله تجيني حجايه ..... مبقى شي للتخرج واصير بأسمك ...... اوك حبيبي تصبح على خير ..... سدته وبقت صافنه كعدت عدل دخلت عالفيس اباوع لشاشه فونها صافنه بغير عالم دخلت على صفحه بالفيس لشاب اسمه بسيم سيارته بالخلفيه اخر موديل بقت تگلب صافنه تبتسم بغرور غمضت عيني وغفيت داومت ثاني يوم جنت متلهفه مثل اسو للقاء ابوها بس هي شكل لهفتها واني شكل صار اسبوعين مملتقين صار فتره ممبتسم بوجهي طبينا الجامعه وطبينا اخذنا محاضرتين وطلعنا ولد تقرب من ضهري ونغني بأصبعه التفتت باوعتله شايفته قبل مرحله رابعه - تفضل كلتها بجمود كال - ممكن كلمه اساور ابتسمت اشرت بحاجبها روحي عبست وجهي ومشيت وراه خطوتين وكتله - تفضل كال مبتسم - اول شونج شون صحتج - زينه الحمد لله تفضل كتلي كلمه - هه ماشي اااني دزوني عليج ناس اني طباب خير صراحه مالي دخل بس الولد هواي ارتاحلج ويعرفج ويعرف عم ابوج ويندل بيتكم بس انتِ مدتنطي مجال اكثر من مره راد يحاجيج وانتي منطيتي مجال - منو قصدك عادل مو - ههه اي عدوله تره ورده مال الله عادل - ادري صار شهرين من داومنا شوكت لحك ينعجب - اي صح حقج بس يكول خاف احد ياخذها مني قبلي - اخي اني بت عوائل ومثل ميكول هو يندل بيتنا ويعرفني عدي اهل يروح يطلبني عدهم صح لولااا مو هيح الرجوله - لا صح صح كلامج هو بس راد يتأكد كونج موافقه لو لا - موافقه لو لا شنو هذا موحجي اترخص اني عفته ورجعت بعصبيه لاسو تلفونها بيدها تحجي همست - بابا بالطريق هههه لج عيني شكد واحشني - الله يرده سالم يارب - امين ياربي اي احجيلي - بابا زعاطيط فارغين - لج هذا مرحله رابعه هذا جاي عامود عادل مو - اي عاوج صخونه شكد لزكه ميستحي تره عيب عليه لو رجال يروح كبل للبيت مو يجي يدز ناس هذا هو منقص مسؤوليه يريد واحد مسؤول عنه مو يتحمل مسؤولية حب و زواج دااحجي ومنفعله وصار صوته ورايه رائد : هذا منو هذا منو المزعل بناتي التفتت بلهفه شهكت واساور ركضت لحضنه - باباا بوسها يبتسم ويباوع بوجهه ويرجع يحضنها واني اتأمل شيباته المعدوده كحل عينه الواسعه وهيبته وابتسامته كشخته وطوله ورشاقته اشرلي تعاي تقربت باس راسي كبرت وهو يشوفني صغيره وميدري لمسه شاربه لكصتي كامت شتسوي بيه ميدري ابتسامته الحنينه المليانه خشونه ورجوله وثكل وحنان شتترس بيه نقص وفراغ كادتني اساور وتحجي - يله نروح لمطعم مو ازول - كيفكم التفت عكد حاجبه نزع نضارته الشمسيه كال - شبيج عمو احد مضوجج - ااالا عمو هيج - لعد شو بكيفكم بالعاده نختار ونناقش شنو التغير ولج اساور هاي شبيها - عوفها بابا نفسيه هسه رزلت واحد هههه طلعنا وهو يسأل - اي المن رزلت ازل - من نوصل بابا نسولف ازل.... ورجعت بنت المتوسطه وانطلقت نسيت احساسي الحمد لله واخذت راحتي ازل : عمو ادبسز خيولي رجوله ماعده رائد : ها... هههههه شون بله ازل اساور : ازل انتي عصبيه هالفتره ازل : همه ميستحون اسو لو براسهم خير ميكعدون يصارحون ويلعبون بعروض العالم يرحون لبيوتهم صيح عمو بنتره رائد : عفييييه عفيه ازولي عفيه عمو هذا الصح ازل : صفكولي لعد كلتها بغرور ابتسم ... ساعات انسى تفكيري القذر وارجع بنت ال١٠ سنين الطايره بأساور وابوها بس من اصفن لحركاته من يحجي جانبي الانثوي دگه گلبي مشاعري واحساسي تصوري وتخيلي لفارس احلامي يتجسد كلله بعمو رائد من يحجي تفتر عينه يمنه ويسره بساع يباوع حواليه ويعايننا اني واسو ويسولف هيج كتله وهيج كلي غالبا الموضوع مضحك ومن خلال التصنيف ينصح بطريقه بديهيه تره دير بالكم تسووها تره الولد عبالهم هيج واحنا نهز راسنا موافقين نبتسم يمسح طرف شفافه بمنديل ورقي ومن يكمل لازم لازم يلمع حذاءه قبل ليذبه بنفس المنديل ويرجع يكمل ويحك حاجبه ويرجع عليه يعدله جنت استمتع بتفاصيله ادوخ بيهن وانسى ويشرد ذهني من الموضوع الديحجي مثل لعنه وصابتني بالنهار اتخيله بكل شاب بالجامعه وبالليل صار .. صار جاثومي يخنگني ضم السر عن اساور محجيتلها بي مثل كل اسراري يرعبني التفكير بي اللي ديكبر ويايه بغير اتجاه ومنحنى مؤذي مؤذي جداً تأنيب الضمير كوني غلط وكون حاسبني بنته حالي حال اساور واكثر شي ينغز گلبي انه مافد يوم تتغير نضرته مافد يوم راح يحبني ك. ك. ك كرجل وزوجه اخاف حتى بيني وبين ذاتي احجيها بيني وبين نفسي اكول زوجة رائد وعضم الاحساس الراح احسه راح يجي يوم؟!! يوم تجمعنا حيطان غرفه وحده يجمعنا نفس ورجفه ودكه كلب ونظره حانيه نظره رجل لمحبوبه؟!! مااعتقد مااعتقد ربي لو تشيله من كلبي لو تشيلني ليش انزرع ليش هوو النوبه صار عدي مثل الاكتفاء والاكتمال بنقص نفسي سديته بي انه ماكو مثله رجل ولا راح الكه ولو مثله لو ماريد لو نفسه لو ماريد واكطع النقاش كل الشباب حولي نظرتلهم نظره خالي من المسؤوليه والحنان وانتهت سالفتي مثل الزرع زرعت بذرته ودفنته جوه الطين دفنته بگلبي وهو يطكطك يوميه جوه الكاع ياخوفي يكبر ويعبر الطين وينشاف ياخوفي يشوفوا بعيني وينسى لساني واذكره حتى بصلاتي بالعلن بالسر بالنوم بالصحو ربي دتطلعه من گلبي بجاه يتمي والله مغلطانه بحياتي ليش اتعذب هالعذاب واجه صوته - ها عمو ازوله وين صافنه فزيت وانتبه على عيني وين جانت صافنه عليه وهو يسولف والله حتى اساور فايته للحمام وممنتبه عليها نصيت رأساً كال - ما اكلتي شي معجبج مو اني هم معجبني اكلهم باوعت لماعوني لگمه مماكله وتقربت اكل الهي روحي مرتبكه ميت مره وكع الاكل من الجطل تالي تعبت ذبيته كال - تشربين كهوه هزيت راسي اي اي باوعتله عكد حاجبه كال - شبيج عمو محتاجه شي - جج لالا - لعد ... وسكت ورجع كمل لعد ليش مو بطبيعتج يحجي ويعاين بتركيز لدوره عيني التفت باوع وراه وتقدم بالكرسي ليمي جر نفس ورد يعاين داير مدايره ورد عاينلي من افترت عينه ناحيتي صفح گلبي رجف حيشوف حبي اله بعيني.. حيشوفه راح انفضح نصيت رأساً - شبيج عمو محتاجه شي عدكم مشكله بالبيت خواتج بيهن شي؟ - للا عمو - عمتج بيها شي كتيلها راح اطلع ويانا - اي طبعا ماضم عليها شي - عفيه عمو عفيه.. كالها ودار وجهه جر حسره وارتجهزجتي اسو كالت - بابا اريد كهوه - اي بابا وصيت كعدو احاجيكم كعدت اسو بصفي وحجه - عاينو يابه اليوم ان شاء الله اخاف يصير حجي شي عالجامعه والتخرج والشغل ماريد تكولون من تتخرجون تشتغلون بمكتبي اساور : ليش يعني رائد : بابا هسه بنات عماتتي رأساً يوصوني ببناتهم و ولدهم واني توني شركه صغيرة ببغداد منا لاربع سنين عود الله يسهل لتحجون اساور : اوك بابا زين همه شوكت يجون وو كلهم لو بس البنات صفن عليها ودار وجهه ورد باوعلها - اي يجون البنات بابا وامهم واني اجي عود وي راكان فزت اساور بله وعي - رررااكان حيجي كرصتها من عكسها كعدت عدل رأساً عمو بقه صافن عليها هز راسه ودار وجهه رائد : يله بابا يله دنروح ورايه شغل ازوله كولي لعمتج خل تتفضل وي البنات هم يغيرون جو بس نسوان احنا بليل يله نجي ازل : اي عمو اكوللها عادي رجعنا للبيت وراحت اسو وياه بس وصلت خابرت اسو : شسوي شسوي شسوي كوليلي شون ازل : اهووو اساور بابا اهدي غلسي كانما لاخابرتي ولارد عليج ولا سمعتي صوته اسو : ووشون اباوع بوجه عزه استحي لتباعين بوجه احسن اسو : اوك احسن مو اني هم كلت احسن اي والله شنوو اباوع بوجهه.. هسه رأساً يكول هي الخابرت يتاكد عزه بعيني هوو متأكد ازوله متأكد اني شسووويت شكد عيب ازل : لج اسو شبيج حتى عمو حس بيج كافي اهدي ريلاكس ريلاكس اسو : ااي اوك انتي ضلي كل مااافقد كرصيني عليج الله ازل : اي حصير توامج السيامين اسو : اي حبابه للعصر اني اسشور شعري واحضر لبسي عسل تجي ويايه عمه مقبلت تجي جنت صافنه على رسل تكلب بالتلفون تبتسم وكفت وراها بحجه داعدل هدومي كدام المرايه لمحت التلفون بيدها دتراسل بنفس الولد بسيم اللي دخلت البارحه عليه مكدرت حجيت رأساً ازل : خاف يكول لبشير التفتت معاجبها رسل : شوون ازل : خاف يكوله لبشير ابتسمت وجرت عينها رسل : اولا ميعرفني حبيبة بشير ثانياً هذا غير حساب ثالثاً مو بجامعتنا وجرت حسره فرت الفون كالت - باع سيارته شونها - امم بالعافيه عليه شعلينا بس انتي مو تحبين بشير - اي احبه... كالتها وتراسل كملت كلام خل نشوف بي هذا جره اسحبه جوز فرصته اقوى من بشير - رسل راح يجي يوم تتندمين - اممم خليج انتي باسو و ضلي لازكه بيها مثل خيالها واخدميها زين مهتميت لكلامها عدلت ثوبي كان شتائي جوه الركبه. بشبر وبوت مرهمه وياه لونه اخضر زيتوني بسحاب من ركبتي ليجوه ينسد محدد بترتيب موكلش كصيف وطبيعه حجابي مو مضبوط ماالبس كدام ابو اساور لبست ذهبي الناعم ولبست حجابي واجه سايقهم عليهم رحت للبيت وي عسل وبدت مراسيم العيد ميلاد خوات راكان وامه عيونهم كانت ترافق اسو اللي لابسه ثوب قديفه منفرش يخبل عليها هي بيضه وهو كحلي بتطريز احمر ركصنا غنينا تونسنا وبيبي ويانا لليل اجه ابوها وفضحها الارتباك جنت مخليه مكياج حمره طوخ وردي ورميل اسود هواي مغير من ملامحي وشعري فالته طب عمو وبوس اساور وتمنالها ايام سعيده كصو الكيكه وعيون اساور تدور راكان وتعاينلي لبس عمو كلاده بركبة اساور حضنت ابوها واني ابتسم عمري محسيت بغيره منها أبدا بس الخلاني احس حجايه اخت راكان - هسه شنو هالتصرفات مو هاي يتيمه كدامكم كالتها بصوت هاديء التفتت عليها فكيت عيني ابتسمت همست ازل : لاعادي تره اني ما احسد ولا اغار ارتبكت لان سمعت ودارت وجهه شاورها ابوها وهزت راسها اساور وتعاين عالباب مسحت حمرتها بالكلينكس ووكفت بصفي اجه عمو من ورايه كال رائد : ازولي عمي خففي مكياجج بابا الولد ديطب عيب ازل : ها اي عمو اوك جريت كلينسه ومسحته وباوعت عليه - اوك راحت هز راسه ويباوع لشفتي ولشفه اساور عبس وجهه - هسه شكو ملطخين هلكد ابتسمت اني واسو كعدنا وصاح عمو - تفضل طب راكان سلم برزانه وتقرب باس راس بيبي وكعد يم امه مد راسه ابتسم وعاين لاساور اساور وجهه ينفر دم ابتسم همس - كل عام وانتِ بخير اسو نصت تبتسم ايدها بيدي ترجف ردت - وانت هم شكرا اساور الطف شخصيه صادفتني بحياتي عسل اسبع منها صادقه بريئه فطيره وعلى نيتها بشكل. وكلش تخجل بس محمد كدر يحرك كلبها من صغرها وحتى هو يبين عليه. عدم السيطره على عيونه رغم شدة رزانته رجعنا بليل اني وعسل دااطلع من بيت اساور بعد ماراحو الخطار ولملمنا الهوسه وصلت الطرمه صاح عمو - ازوله - نعم عمو - تعاي بابا تعاي التفتت ورايه اساور طبت للبيت مشافته من صاح عبالها طلعت للشارع صعدت السياره رجعت للحديقه وين مكان عمو اشرت لعسل صعدي بالسياره جيتج تقربت منه - ها عمو التفت مبتسم كال - بابا ازل مثل مااساور بنتي انتِ هم مثلها - اعررف عمو جنت اراقب بوبو عينه من يصير بعيني هل اكو تأثير بس ماالكه ابد غير نظرات ابوه وعطف طلع من جيبه علبه صغيره كال - انتبهت على ايدج مابيها محبس وعدج سوار وتراجي وكلاده وهذا محبس وياهن - لا عمو ليش كلفت روحك - لتكولين هيج عمو اني حاسبج حالج حال اسو - شكرا عمو الله لايحرمني منك لبسته رأساً مبتسمه درت ايدي مصبغه بصبغ وردي طوخ وي بياض ايدي ضوه ابتسم - الف عافيه عمو كلش حلو عليج الله يحفظج ويستر عليج ضمي شعرج طالع من وره ابويه انتِ ضمي شوكت تضبطون حجابكم انتي وصاحبتج - ان شاء الله عمو ادعيلنا - الله يحفظكم بابا روحي الله وياج اخذتي كيك لعمتج و خواتج - اي عمو اخذت - الف عافيه سلمي عليها - يوصل اشرتله باي وطلعت الطريق كله اكلب بالمحبس واتخيله حلقتي منه وروحي تروح وصلت نزلت عسل حانت ساعه ١٠ بليل لكيت واحد كاعد عالرصيف مالتنا خشن وبي سمن الشارع فارغ وشكله ممتزن خفت منه بقه يباوعلي وعيونه حمر كلش عسل انلزكت بيه داافتح الباب من جوه انفتحت والسايق راح واني عيوني عالكاعد قريب بابنا كال بلهجه ممفهومه يعلس بالحجي - صيحي للومه بروح ابوج صيحيلي للومتي كالها وبجه النوبه يصيح طبيت ركض وسديت الباب طبينا ركض اني وعسل - عمه عمه الحكي واحد بالباب مدري شون يحجي بكول صيحيلي للومه ازل : عمه يمكن سكران الهام... متت خوف منو هذا منو ممكن يكون خابرت عمي ركض وطلعت اباوع من الزرف مال بابا بالبسكوت وهوو يصيح - للومتيي للومه رجعيلي ويشهك للومه رجعي الي اني اسف كله منهم للوماا ضربت على وجهي وكلبي انعصر ويدك سريع مثل الخفقان صابتي رجعت طبيت للبيت واضرب على وجهي رافد رافد شجابه عليه . . . . يتبع مريم السعدي | ||||||||
|
| |
|
03-02-21, 02:11 AM
| #8 | ||||||||
| مراقبة عامة ومشرفة منتدى الروايات المنقولة
| بارت ٥ #أماً_لهُن #مريم_السعدي . . . رافد!!! شجابه عليه صار كومهه صار سنين شجابك عليه شذكرك وصل عني واسمع حجيه وياه عمو يخاف من الفضيحه يتوسل بي كوم روح وهو يترسل بصياح - صيحهااا احاجيها بس اكوللها كلمتين واروح رافد؟!! شعده بره شيريد؟!!! كم سنه فاتت غصب برضايه فاتت من عمري واخذت مني عافيه و وكت وتناسيته وتناسيت حرگته بگلبي ديبجي يا الله اسمع عمي يحجي وياه بالباب وهوو يصيح اختزينا كدام العالم و البنات يمي صافنين رسل: شيريد جاي بعد هالوكت هسه تذكر.. بطران على ربه هذا النوب سكران يا الله وبيت بي اربع نسوان شون سمعه حيجيبلنا تباوعلي وتحجي باستهزاء للموقف كله واني اتهرب من عيونهم طب عمي دك باب المطبخ الداخليه العم : فتحو عمي ماكو شي الهام... فتحت اله وعيوني حايره باوعلي عمي طمني يهز براسه العم : مي مي جيبي ماكو شي شوي مشاكل عده رسل : جدو واحنا شعلينا بجيبلنا سمعه هذا العم : اني واكف جدووو سمعتيش واني حاضر امشي فوووتي لتوجججيها الهام.... بقيت اباوع لعمي رافد اقاربنا من بعيد وعمي من اول يعز اهله حتى اخويه الله يرحمه ورغم كل الصار بيننا رافد كان كلش ادمي وابو خوش انسان كان اخذذ عمي مي وطلع لرافد كاعد بالحديقه وياه والبنات طبو غرفهم واني تختلت منهم وطلعت من غرفتي للصاله وكفت وره شباكها اسمعه اسمع ندمه شي بيه يرجع اللي انفقد من كرامتي وارتاح اني شي ثمين ضيعه و ندمان راجعلي يريدني يمكن والكه روحي اشفق عليه من جديد من سمعته رافد : عمي اخذت جهالي تعاركت وي امي للمره المليون تهددني اخذهم وانهزم ومتعرف وين ماوين وسوتها صار اربع ايام ادور عليها ماالكاها لا اهلها لاخواتها ماكو فص ملح وذاب جهالي عمي بناتي وابني العم : بابا رافد من اول مشكله واعزل امكانيتك زينه اطلع بيت وحد رافد : عمي شون اعوف امي وخواتي منو عدهم نسوان اعوفهم وحدهم شون العم : اي لعد ابقى من مشكله لمشكله وليش جاي لهنا ليش تاذيها تره للومه حايره ببنات اخوها رافد : اعذرني عمي... من شربت فصلت اول وجه تذكرته هي .. شكد تحملت منهم وسكتت ردت منها تقويني نسيت بهالتصرف حجيبلها حجايه اعذرني عمي وتعذرلي منها كايم اروح اني اترخص العم : الله يصلح حالك ابني الله يصلح حالك. ويهدي امك وخواتك الهام... باوعت من وره البرده كام نفض هدومه وكأنما نفض وياها اخر ايامنا وذكرياتنا الجانت تصير بنفس المكان بهالركن بالحديقه رفع عينه لمحني بقه نظره وارتبكت عيوني دنك خجلان وطلع يجر بروحه جر وعمي وراه طبك الباب زين سديت البرده ومدري ليش بجيت على حضي على گلبي اللي رجع دك من شافه وانعصر من سمع ونينه على جهاله شكد حبيتك ووكفت وياك وعاونتك و شكد استخفيت بيه وبمشاعري فززني صوت عسل همست عسل : للومه التفتت الهام : ها عسل عسل : منمتي الهام : لاهسه حكوم عسل : راح هذا الرجال الهام : اي راح شتريدين طلعتي عسل : رسل صارت عصبيه وكسرت التلفون وكامت تغلط وكامت تبجي صفنت عليها الهام : ازل وين عسل : جوه نايمه مهتمت الهام : هسه شسوي اطب احجي وياها لو اسوي روحي مادري عسل صافنه لصفنتي الهام : عسوله معليج عسل : عادي انام فوك يمج الهام : امشي صعدت نمت صح بالي يم رسل بس اللي يجمعني بيها مشاكل اكثر من كونها مشاعر خاف اطب احجي وياها وتكولي انتي شمعرفج خلك عانس اذنها مكچيه محد يباوع بوجهه الصار انه فقدت السيطره على رسل وتركت الوضع على ماهو عليه بس مكدرت انام قلقي عليهم صار لا اراديا مو بديه صرت اندعي يدفع عنهم كلشي ياذيهم ومن افكر اتخيل اذا وحده منهم احد اذاها شيصير بيه شراح احس بلحضتها احس كلبي يوكف وانفض عن راسي هاي الافكار الله حافضهم كوني موظفه وكلمن بمكان وممرتبطه بيهن كلش قوي ساعات لقاءنا تنحصر بست ساعات باليوم من اجي من الدوام وهمه يجون وكلمن عدها اسرارها الخازنتها بصفنتها عدا عسوله التحجي كلشي يمر عليها واني انتظر رغم ماكولها ولااسال بس وكت المسلسل اللي من يبدي حدما ما يخلص هي تحجي عن الصار بالدوام و صديقاتها المسلسل اللي مااعرف اي شي عن احداثه غير الاحداث التحجيها عسوله الي صلاتي اللي اقضيها دوم ولافد يوم علمتهم عالصلاه وشجعتهم عليها ازل الوحيده اللي تصلي والحجيه علمتها بيبيه اساور وكت بوكت متأخر فرض وخواتها يتفرجون عادي لافد يوم كتلهم صلو او علمتهم مااعرف شون اوصلها الهم واكول بنفسي خل اعلم روحي اول جنت احس روحي ورقه يابسه وبإبتسامه عسل وضحكها وتصنيفها تتخضر روحي واضحك من گلبي لتفاهه الحديث او انه فعلا يضحك مااعرف المهم انتظر حديثها دقيقه دقيقه ازل الها عالمها الخاص نقيه شاطره حيل وذكيه وموضوعيه وصاحبه مبدأ ونضره ثاقبه مختلفه عن اختيارات بنات هالوكت اجمل وحده بين البنات وارقهم واكثر حساسيه رسل بليلتها الظاهر غلطانه بحق حبيبها غلط جبير مداومت ثاني يوم صخنت وتهذي باسمه مكدرت اطلع للوظيفه بسببها راحو البنات للجامعه وعسل للمدرسه وبقيت يمها ولاول مره كان يجمعنا حديث دخلت للغرفه اشوفها ولكيتها تحجي بالتلفون وتتوسل وتبجي صدمني منظرها رسل ...... - والله بس هيج سولفت وياه ..... - هيج بس ردت اتعرف عليه موقصدي شي .... - لا والله مطلعت وياه ..... - لا لا كذاب لتصدكه الهام... مهتمت لوجودي وكملت تلفونها تبجي بحركه وصوت المقابل عالخط الثاني يشحط عصبيه - خنتيتتتتي كذذابه لتكذبين شفت محادثتكم وهي تنكر تكوله مفبركه اخر شي دزلها صوره وختمها - اذا اتصلتي بيه بعد اشلفج وحتى من الجامعه اخليج متفوتين تنسين عدج حبيب حبج بگلب صافي تنسينيييي نهائياً وسده بوجهه شافت الصوره وضربت على خدها وماتت بجي مكدرت لزمتها اهدي بيها ماعرف شسوي ترجف وتضرب على كصتها وتردد رسل : راح من اديه راح والله احبه مادري شون سويت هيج مجرد صداقه مخنته الهام : اهدي رسل خل افهم رسل : للومه شتفهميييين هم حابه انتي وتفهمينهم بعمررري وتعرفين الداحس بي اوووف يايمممه ياحركه گلبي راح من ايدي متواعدين بعد شهر يدز امه مجهز حتى الشقه لللوووومه الهام : ليش خنتي لعدددد نترت بيها بغضب ولزمت من كتفها اهزها صفنت ورجعت بجت غطت وجهه وتعض باصابعها طلعت عفتها مكدرت ابقى بعد شصبر بيها وهي طامسه بالغلط انانيتها وغرورها ودوها تهلكه خسرت الي تحبه ويحبهاخاطر سياره راقيه وهم ياريت حبيبها مقصر فلوس اهله متروسين وكوه قبلو عليها لان يحبها اخوته كلمن شركات قطاع خاص بره وجوه القطر وهو المدلل شتردين بعد وتالي ابن عمه وصديقه جاي للجامعه وشايفها سئل عنها اصلا مبين الموضوع تدبير من اهله حتى هو مكلها ابن عمي كلها صاحبي وضل يلحكها وهي انسطرت بسيارته وكونه انبهر بيها متدري كومه بنات حلوات تتخيل بس روحها حلوه غرورها جرها لادنى هاويه ٣ ايام ممداومه والتلفون موكع من اديها ومتحجي وي احد ابد تالي ازل حاجتها جنت استمع الها بامعان رغم مابينا الباب ازل : رسل مناويه تداومين رسل : ماريد محد يتدخل بيه ازل : اي اوك ماشي مااتدخل بس انتي غلطتي ولازم تتحملين نتيجه غلطج ومو معناه تتهربين لا خليج صلبه وقويه اعتذرتي و بررتي الانسان خلق عجولا وخطائا هذا طبع البشر هو ميريد يسامح مو بلازم خلص اطوي صفحته توقعتج اقوى من هالشي واقسى كانت منصيه راسها ونظرات الحقد تارسه وجهه هزت راسها موافقه همست رسل : صح كلامج وشنو يعني اني اخلي اهله يتشمتون بيه ويكولوله شوف موكنالك موخوش الا اخليهم يتوسلون بيه بسيطه خلي بيد اهله خرخاشه ازل : بس انتي الغلطتي رسل اتركي رسل : لويموت لااخلي يتوسل مثل متوسلت لااخلي نار بينهم ازل : رسل يكفي التفتي لروحج ودراستج كافي هي شنو الحياة مسابقه رسل : اي لعد شنووو خاف ترديني اضل مثل عمتج عاانس ومحد مگلبني بابا احصلي رجال يصرف عليه واشبع سفر وفلوس وانتي ابقي بعالمج الوردي بس دير بالج لتوكعين من سيارة عمو رائد ازل : فزيت من ذكرت اسمه وعوجت حلكها شنو دتشوف بداخل گلبي دتحس بيه لالامستحيل هيج ذبتها الحجايه لا مستحيل تهربت منها وطلعت صدك رجفتني دك تلفوني اسو ازل : الو اسو : ها ازوله دزيلي محاضرة اليوم فدوه ازل : ادري انتي مو كتبتيها.. اني شون بيج اسو : اي مو واضحه ازل : وهاي هسه يله راح تقرين الامتحان بالقرآن حتخبليني انتي حدزها واريد من الله باجر تاخذين جوه ال١٤ اگلب الدنيا عليج اسو : لا والله راح اقره ازل : خل اشوف دزيتها وفتت حضرت هدومي لكيت رسل تحضر ملابسه باتقان ازيد من قبل وصفنتها بالف وعد وانتقام يحلف تندمه محجيت بعد ولا فتحت وياها موضوع وهيج مشت ايامنا عده شهر الامتحانات وبيوم من الايام واكفه انتظر اسو تطلع من الامتحان لمحت ابوها طب الجامعه نظارته الشمسيه رفعها من لمحني وابتسم توجه ناحيتي كان بذيج الفتره غايب اسبوع سفره لعمان ولهي بي تصالحت وي نفسي عليه لاطلع سر ولاعيوني تطلع نظره بيني وبين كلبي وعيني وسهر ليلي كتمنا سرنا وقصه حبنا في سبيل مااخسره وصل عمو رائد يمي كال رائد : يابه الله يساعددهم ازل : هلو عمو شونك رائد هله ازوله وينها تكج ازل : بعدها جوه اساله مطوله باوعلي بعمق مبتسم باعجاب كال وبينت لمعه اسنانه وكالعاده ازوله الشاطره مسيطره و سباعيه ازل : اي هههه وشنو الماده اللي متسيطر عليها ازوله. موعيب عمو قابل متعرفني اليوم البارحه رائد : لا والله سبعه ولان اعرفج داكولج سبعه الزرع زرعي وانه اعرف بي مو ازل : اي عمو مو رائد : شكو ماكو سولفيلي مدام ست اساور بعدها تعاي بالكافتريا تعاي ريوك ممتريك اني ازل : لاعمو هنا موزين اكلهم والله ذيج المره بطني ملختني من اكلت منهم رائد : لا بس جاي مشه ومشيت وراه كعدنا جانت الجامعه كلها تعرف عمو رائد ابو اساور ويعرفونا اقرباء اني واساور مو بس صديقات حجيتله مقتطفات عن حياتنا بهالاسبوع شون كضت ومن بتنا بيبي الحجيه شوي تخربطت وهوميدري مضميت عليه وختمها يهز راسه بهمممم رائد : لازم ماسافر بعد هاي اخر سفره اكضي الشغل بيها واصفي واستقر ديحجي ودك تلفونه نظراته تغيرت واني دكات گلبي وي نظراته هم تسارعت يمكن المقابل عالخط من جنس حواء الخربطتله. ملامحه رد بثكل رائد : الو ..... أهلاً ..... اي اي بالعاصمه اني ...... العصر امر ..... محتاجين شي ...... ماشي فيماللا رفع عيونه شاف نظرتي وركز بين عيوني واني مكدرت اسيطر بقيت بتركيزي حبيبته يمكن ليش لا اربعيني ومو ناقصه شي شخصيه وهيبه شتريد بعد اكيد محتاج انثى بحياته نصه راسه وضم التلفون عمو جان يخاف علينا اني و اساور كلش ميحجي حجي موزين يبعدنا عن اي اخبار بيها فساد غلط غلط ميغلط كدامنا لمن ركزت نظرااتي عليه تهرب مني خوفا لا الزم عليه لزمه تعيب اخلاقه كدامي نصيت راسي بس كلي تساولات وفضول جارح قاتل اختنكت نقذتني اسو من دكت رديت رأساً تعاي بالكافتريا وي عمو رائد احجي وحنجرتي ترجف اجتي اسو وبوسته بلهفه تضحك رائد : شونج مجاوبه بابا اسو : اي كلش زينه اذا ازوله درستني رائد : عفيه بابا عفيه يله كومو دنروح عدكم شي بعد اسو : لالا خلصنا يله ازوله تباتين عدنا اليوم مو ازل : لالا للومه متقبل رائد : ليش عمو اني احاجيها امشي عازمكم على غده لتكوليلها عمي اجه اني وعمتج حيه ودرج ههههه ابتسمت و اركز بعينه غابت ضحكته وبعد عينه منحرج مني ليش منحرج يعني تره من حقك تعيش بس مومن حقي احب واحد كد ابويه عيب وغلط على كلبي وعقلي عيب انسان شايفني بنته واشوفه كل دنيتي ورجل احلامي مشيت وياهم ونتأكد من الحل اني واسواحاول الهي روحي الحمد لله تعبنا مضاع مجاوبين بقينا ننتظر عمو يجيب السياره من الكراج اساور غمضت صاحت - خرررب خضي نسيت الدفتر عالكرسي بالقاعه انتظروني اجيبه واجي راحت ركض وخلت كتبها يمي اني بره الحرم انتظر وفات ولد كان من فتره يحومي واني هاملته وكف كبالي كال - اوصلج باوعتله هزيت راسي باستصغار - لااا - زين اساعدج بالكتب شايله كومه - وانت شلك غررض نترت بي درت وجهي - وشبيج تصيحين ممعلميج اهلج عيب تصيحين عالزلم لو ماعدكم زلم خزرته وتقدمت ابتسم باستصغار كال - شنو حتضربيني البنات واكفات يم القسم الداخلي صفنو علي من عله صوته خجلت والولد يضحكون ورد كال - ضربيني يللله درت وجهي غير يولي غير يسكت وحجايه للومه تدك براسي من يصير موقف وي ولد اسكتي وسوي روحج متشوفي وشيحجي ابد لتباوعين عليه ولا تردين لان الحجايه تجي عليج لان جاوبتي وضل يرادد ويعلي حسه واني اتلفت بس ردت عمو يجي ولمحت نزل من السياره مغضب نزع نظارته خلاها بجيبه وتوجه بغضب ليمي نتر - تفففضل رايد شي الولد فش والتفت رافع تك حاجب - ومنو حضرتك انت استاذ بالجامعه ويانا وكفت وره عمو همست - عمو صار فتره يحومي وهسه ديسوي هوسه حتى يخجلني جر ايدي عمو ودفعني للسياره همس - صعدي عمو الظاهر معوز تربيه صعدت ركض للسياره وترزل الولد فشل كدام جماعته وفيكته انهزت كل الكدر يسوي يصيح وعمو مقصر لزمه من ياخته وطببه للجامعه للعماده ابداً محسيت بخوف رغم اساور خافت كالت خاف باجر يتعرضلج جنت مامنه حيل شوي وطلع. عمو صعد بالسياره وطلع كان عصبي بغير عادته يمكن مرات تنعد عااالاصابع هو بيها يصير عصبي باوعلي بالمرايه كال - لتخافين ماكو شي جاوبته وعيني بعينه - مخايفه لان انت موجود كلتها من كلبي وعقلي وكل خاطري كلتها بثقه وسلاسه بقه يباوعلي هز راسه وباوع لاساور - انتي وين جنتي - كتبي نسيتها بالقسم... شسويتله حاجيت العميد وترزل الولد وتعذر كال مااتقرب بعد من تهدد انه ينفصل ازل... نوبات احس روحي انانيه وغداره غدرت بصديقتي بمشاعري وي ابوها لذلك كان سري الكبير عمو رائد عمو !!!! اكبر كذبه كذبها گلبي على گلبي بيومها طلعنا تغدينا للومه تعبت من رفضها لطلعاتي وياهم وكامت من ارجع واكوللها متعلق تغدينا بواحد من المطاعم كان واضح عليه انه متضايق واني نفس الشي اسو تسولف تغير جو تحاول تلطفه واحنا حتى مجامله منجامل ضل عمو رافع حاجبه ومدلغم بغير عادته حتى مااكل هواي ولااني الكدرت اكل شي اختنكت باوعلي كال وهو يورث جكارته - اكلي عمو ماكلتي شي - مااشتهي نصيت راسي اتصفح بفوني اسو تقربت مني كانت تصرفاتها طفوليه غرغرتني وتتشاقه دفعتها خزرتها - اسو احنا بالمطعم حضنتني وتبوس بيه اسو : حبابه لتضوجين خيولي بابا مورزله بابا كوللها رائد : اساور كعدي عدل بابا مو صغيره انتي تره العالم تتفرج علينا. اسو : يله كعدت ازل... بقيت ضايجه موبيدي صعدنا للسياره ورجعوني للبيت.. اليووم يمشي ثكككيل حيل ثكيل جنت احسه محملني ذنب هالولد وصياحه وفشله الفشلها الي اكثر شي ضوجني انه ضل گالب وجهه مثل ابويه من جان ينغث ويدلغم واتخبل اضل اونسه حدما يضحك على تصرفاتي ذاك الوكت ارتاح للومه انتبهت عليه جتي سألتني للومه : صاير شي بالجامعه ازل : لا ليش - لعد شبيج ضايجه محتاجه شي - لا ممحتاجه اريد انام - كيفج الهام.... - لاول مره اسو بس ساكته من دخلت حدما فاتت نامت وعسل تسولف مدرسه العربي هيج كالت مدرسه الحاسوب رزلت بنيه واني عين عليها وعين على ازل وبالي يم رسل اللي تأخرت الهام : ازل خابري رسل تاخرت ازل : بعد مصايره الاربعه الهام : ميخالف بس شوفيها وين صارت ازل : اوك خابرتها كانت بالطريق للبيت دخلت رسل وجهه ميكصه السيف حتى متغدت ومحجت ولاسلمت كبل نامت ازل... - دخلت للغرفه وره رسل مخليه المخده على راسها وخرتها باوعتلي رافعه تك حاجب بغضب سألتها ازل : ها شفتي برطمت وغطت وجهه بيدها وجرت الغطه وتغطت ازل : احجيلي اني مواختج رسل : روحي ازل اريد انطططمر تالي وكت تريد تصير حنينه ازل : رسل احجيلي والله ترتاحين رسل : شحححجي بابا شبيج ازل : شفتي رسل : اييي ومباوع بوجهي وابن عمه الجلللللب واكف ويااه ويييضحككك عللليه كالتها وضربت على وجهه رسل : لج اني شوون تقشمرررت شوون ازل : ميخالف خيولون رسل : لج يباوعلي بشماته ويضحك ابن عمه. وهوو ميباوعلي وكانما مشايفني ازل : وليشوفج وانتي هم لتشوفي خيولي رسل : وج البنات. تشمتو بيه اني اني رسل عمران يتشمتوون بيه. انييي بس بسيطه اذا مندمته مو بت ابويه ازل : كافي رسل رسل : موكااافي خلي يصبرولي. ازل : رسل شبيج عوفي اهتمي بدراستج رسل : هو منو عايف الدراسه بس خليته ببالي بعد عوفيني اريد انطمررر ازل : براحتج تركتها وطلعت وهاي كانت اخر جلسه مصارحه بيني وبين اختي من بعدها انشنت الحرب بيننا فلوسي كامت تنشال من جنطتي لبسها ترقى صديقاتها تغيروا وحتى كروبها شباب موشي من امر لجامعتها اشوفهم واكفين يلمعون من الفلوس وهي بنصهم جنت اخاف عليها كلش ومن احجي للومه متعرف شسوي بعد وفاه خالي مكدرنا نستوعب رسل وتصرفاتها بس كل هذا ومن اسأل عنها بالجامعه سمعتها ليره محد يجيب سيرتها يكولون بس تدرس طلعاتها وي غير جامعات وغير كروبات للومه كامت تقفل باب غرفتها وعسل اكثر من مره تنشال من عدها فلوس ومني هم ومن اساور من تبات عدنا جنت اخجل حيللل منها بس هي تغلس مرادت تخسرني اسو : اجي ابات يمج ازل ازل : تعاي هله بيج اسو : اريد اخابر راكان من فونج حبابه بس اسمع صوته ازل : وج خاف يعرفني اسو : لالا منين يعرف رقمج ازل :والله اساور اخاف اسو : يله كيفج انتظريني ازل : اوك اجتي اسو يمنا باتت وضلت تتوسل لل٢ بس تسمع صوته وتسده وراها نسوي بلوك وافقت على مضض دكتله وتاكل باضافرها وتعصر بايدي رد والنوم تارس صوته راكلن : الو وهي شمرت الجهاز عليه وتكمز سديته رأساً ولا كأنما صف ثاني كلية ازل : اذا بعد كتيلي اخابر اسو : لالا والله ماخابر يمه كلبي يمه لج احبه احببببه ازل : حبتج حيييه توني اضربه بلوك ودك تلفوني عزه بعينج اسو لج خابررر اسو : عزه عزه عزه فصلي فصلي تحجي وتكمز تكول حيطلعلها من التلفون ضربته بلوك رأساً وجهه صار اصفر اساور بريئه حد بياض الثلج. طفله ومدلله حيل نوبات اصفن عليها هاي ليش هيج والكه الجواب بداخلي اليتم.. لو يسوي گلب جلمود من الماكو لو يسوي وحده مثل اسو من كثر الدلال ولكون عمو وفرلها كلشي ظناً انه بهالشي يعوضها اساور الجانت متعلقه بيه بشكل واني جنت احس روحي اختها الجبيره اكثر من كوني قرينتها ومن عمرها الشي الوحيد اللي ممتشاركين بي هو .. راكان كانت تعشقه لدرجه من يجي تنهزم وتختل بالغرفه خاف يقره حبه بعينها ايام انكضت وبيوم جنت احجي للومه عن راكان وحب اساور اله وتفاجأت بوجود رسل ورايه كاعده تستمع بامعان ازل : للومه هو لازم شركه عمو ابن ابن عمه يصير بس كلش ادمي اني مشكلتي خايفه عليها لان هو ديحس بيها هي ولو ماكو اثبات انه هاي هي الدتتصل بي وذاله روحها وهو لو تشوفي من يلتقي بيها فد رزن رغم عيونه اني منتبهه عليه وين متروح تروح وراها ويضيع اطراف الحديث من يحجي وهي تفوت بس ابد مبادر الهام : وليش هي الدتبادر شناقصها غلط تصرفها لو شكد ميحبها اذا صارت اله حيعيرها باجر عكبه انج انتي الخابرتيني وبديتي ازل : والله صح اني اريد اكوللها واخاف اجرحها تكدرين تحاجيها بس بطريقه غير مباشره تره تعرفين اسو رأساً تتأثر الهام : اي بسيطه سدي الموضوع عسوله جتي ازل : وانتبه لرسل صافنه نظراتها مركزه حيل ويايه سكتت كطعت الحديث وللومه غيرت الموضوع متريد عسل تتأثر بهالسوالف بيومها جتي اساور عدنا باتت وضلينا سهرانين وللومه نصحت بطريقه غير مباشره اسو بترك هالسالفه وجابتها على انه تجي حجايه لابوج وابوج ميستاهل حجايه تهينه اساور ببرائه عقلها ادمعت عينها وكرهت نفسها من طبينا للغرفه بجت وتحلف متخابره بعد وتتوسل بيه ان امنعها منه ان شفتها رجعت حنت للومه باسلوب حلو فهمتها. انه هو الرجل اذا راد هو ينزل نفسه. الج ويجيج يتوسل حبج ويطلبج من ابوج يكون هو صاحب المبادره مو انتي اول من يبادر والحمد لله قنعت وفهمت رأساً متعبتني رغم موتتني دموعها وكلسا وكالت اسو : تتوقعين عرفني اني ازل : لاماعده اثبات اسو اسو : اي ماعده فاذا صرت نصيبه ميعيرني واذا مصرت ومفتح موضوع ماذب روحي عليه على شنو شناقصني بس ابويه يسواه ازل : عفيه اسو فدوه لوجهج اسو : ازل عمتج كلش حبابه قهرتني من حجت عن خطيبها شفتي شون دمعت عينها بس الحلو بيها تكول المهم عايشه بكرامتي اختاريت الفراق عالذله. ازل : اي صح اني دائما اصفن عليها هاي شون كدرت شون كدرت تعيش وراه لا والنوبه الله بلاها بينا اسو : شمدريج يجوز الله عوضها بيكم ازل : الله اعلم بس مو ذنبها تضل طول عمرها عازبه علمودنا ياهو اليتقدم يريدها وحدها ترفضه اسو : خطيه هاي شون باجر عكبه اول وتالي تتزوجون وتعوفوها ازل : الله كريم هسه منعرف باجر شيصير اسو : يعني ازل اني ابويه مو صغير واعرف عده يعني علاقات بس مو بالحرام يمكن بس ابد ممصارحني بيها نوبات اني احس عليه يحجي بالفون وهم من يجي بالبيت احسه رغم هوستي اني احسه وحيد ازل : صح فعلا اسو : شبيدي عليه. اووف استغفر الله نامي نعست ازل : الحمد لله ربي حتنام اخيرا اسو : هههه ازل.... بليل كلش نومي الخفيف حسيت على رسل تاخذ فون ازل من الشاحن كلبت بي ورجعته وره شوي تتوقعت حتاخذه او تضمه بس مسوتها الحمد لله والا جان كمت اخذته منها فتره مرت اساور فعلا شالت راكان من عقلها بس متكدرر تسيطر على دكات گلبها من يجي لبيتهم تدخل لغرفتها ركض وتتصل بيه الهيها حد ميروح كملنا ثالث سنه وعمو طلب منه نبدي نطبق عده بالشركه هالسنه عسل دخلت رابع علمي شطوره كانت بمعونه عمه ورسل تخرجت كانت تلفونات الليل متخلص عدها ومن كعدت بالبيت رغم لزمت البيت والطبخ بس للومه كانت جدا متخوفه من بقيتها ممأمنه بيها اما اني فغير اعرف اختي ونظرتي ثاقبه اعرف بيها تخاف على سمعتها كلش وممثله بارعه. ونظرتها مستقبليه تحرث وتزرع وتحصد كذب بكذب واهمه التحجي وياهم بصفات مو صفاتها حتى تصيدهم واكيد مو اي احد تحاجي الا اصحاب النفوذ القويه اساسها ثاابت رغم سراب عطلة الثالث قبل لنطبق عد عمو فاجأتنه للومه بخبر يخبل جننا نتغده كالت : الهام.... حصلت علاوه وتقاعد ابوهم هم صار خوش مبلغ عسل اكثر من مره رادت مني نطلع واني اخذهم مطعم هي وازل ورسل صديقاتي بالدوام شفتهم يتفقون على سفره لتركيا واعدت عسل اذا طلعت معدل بالثالث اسفرها لتركيا حلمها هذا وفاجئتهم عالغده متوقعت هالردة الفعل منهم للومه : بنات شتريدون هديه نجاحكم؟ رسل : اني فلوس كالعاده واذا عدج اكثر لان حسبي حساب تخرجت تره الهام : وانتي ازوله ازل : لتكلفين نفسج للومه التكدرين عليه الهام : ها عسوله عسل : للومتي الحلوه بيش واعدتني الهام : هه صح مواعدتج. اذا طلعتي معدل عسل : عمي ٩٣ مو معدل احجن بنات للومه بغيرتج. سويها لله وتصير صدك افيييش يعني هاي اليوتيوبات واصير بنصهن ايبااه ازل : شتردين لج عسل : تركيااا اخخخخ واشوف مهند اوف ربييي الهام : صار بيها مهند لاروح ولااوصل. عسل : جذب عمي جذب حريم السلطان. الهام : باوعت للبنات ابتسم صفنوا بوجهي ازل : صدك تحجين. للومه الهام : نصيت راسي على صحني ابتسم عسل : لا صدددك يافللق صدددك نرروح عدج فلوس الهام : ههه هسه اني كلت اي عسل : دتضحكين للومتي دتضحكين وانتي متضحكين عبث للومتي بغيرتج صدك الهام : لج اني كم مره اكولج لتحجين حجي شباب هاي صديقتج العدها تسع اخوه عوفيها عسل : يابه اعوف الدنيا بس اخذيني لتركيا الهام : هاهي حضروا روحكم بس يطلع الجواز نروح واشتغل التكمز مال عسل وازل بس رسل كاعده صافنه كتلهم وتورطت كلسا عسل جايه اخلي هاي بالجنطه الهام : لج امي الجواز بعد مطالع عسل : وين يروح يطلع يطلع بس صفي النيه اروح فدوه لعيونج الجنها زرف جفجير الهام : استغفر الله ربي واتوب اليه حبطل تره عسل : لا لا اني عيوني بربريه والله وج ازوله خيطيله البنطرون الكابوي بربج كصري ازل... يومين مرت وبلشنا معامله الجواز صدك سوتها للومه وصدك حنسافر محد سألها منيلج فلوس محد تجرأ يستفسر خاف تبطل جننا متحمسين حتى اساور كالت تجي ويانا وعمو رائد والحجيه كملت المعامله وحجزت للومه بكروب عمو رشحه كلها خوش كروب وخوش شركه. رغم كان اغلى من البقيه بس للومه وافقت وبليلة السفره واحنا مثبورين نحضر جنطنا طبت للغرفه كالت الهام : بنات كل وحده اربع اوراق صرفياتها موتحرجوني تره ماعدي اكثر سكتنا موافقين ومكتفين اصلا منريد نشتري شي بس نريد نطلع من طلعت من الغرفه رسل كالت ريل : هي شراح تلبس خاف تخزينا هناك بلبسها الاسطوري ازل : شبي لبسها ستره وتنوره وبدي عادي رسمي رسل : بابا. هناك راقين شنو تنوره وشنو ستره بنطرون وعلي شي طويل بس ويامن تحجين ازل : معليج منها عوفيها براحتها رسل : شسويلها عشتوو عجوز البيت. ازل : تره. عيب عليج فوك متسفرنا رسل : هي رادت تسافر ومتكدر تعوفنا كل عقلكم علمودنا مردينا عليها كملنا. تحضير وضبضبنا الجنط. عسل طايره واني هم متشوقه اساور رغم ميت مره رايحه وي ابوها بس كلسا تخابرني. متشوقه لان سوه حضرنا كلشي ونمنا حسيت فجريه دافوت للحمام كالعاده سمعت همسات رسل تحجي بالفون استغربت من طريقه كلامها وبقيت اتصنت رسل : وانت عليش مدوخ نفسك منو خلينا اصدقاء. ....... شنو ضجت اذا تريد ماخابرك بعد بس والله تعلقت بيك ........ اني موصاحبه علاقات بس شفت صورتك بالفيس وانعحبت بيك كلش ..... لتسالني منين جبت رقمك ......... لا والله مو اخت واحد من جماعتك اصلا ماعدي اخوه حتى ابويه متوفي ...... لامشايفني ......... انت ليش دايخ خلينا هيج ........ تعلقت بيه ؟ ......... اني هم والله ...... لا ماكدر اكولك اني منو ....... لالا تجيني حجايه على اهلي ......... موكتلك متخرجه متصدك. تره ماكو داعي اكذب براحتك روح ......... اي طبعا اختار انه انهي العلاقه ولاتعرفني وتجي حجايه لاهلي بأنه اني اركض وراك واخابرك اني مادري شون طلع من هالتصرف موطبعي بس مجرد ردت اسمع صوتك ردت اتعرف عليك شكلك كلش شخصيه ردت اشوف شكلك نفس طبعك فضول واعجاب ....... تريد تشوفني يعني ...... ادزلك صورتي بالحجاب بس تمسحها راسا ......... اوك ماشي ....... ازل- صفنت واحد جديد شنو زين منين جابت رقمه بقيت ساكته شوي ورجعت حجت رسل : الو ها وصلت الصوره ..... شنو رايك ...... ههه اتطمنت يعني متعرفني ...... شنو رايك بشكلي ...... اي فعلا هي موبالشكل بالطبع والاخلاق صح كلامك ....... لا ابويه توفى بحادث سير عمي متكفل بينا ماكدر انطيك تفاصيل اكثر ...... انت هم حاب بحياتك ...... زين ليش متتزوجها لعد ....... ها اوك يعني مخليها ببالك ...... اي عالخير شتصير منك ...... همم ...... لا عادي كتلك اعجاب وتعلق مو حب ..... بس المعجب بيها انت هاي اني اعرفها. وحده مدلله وبس تتدلل على ابوها. ولوكيه شون تتحمل ..... ها تحب تدلل عليك شكو منها زين هي تحبك ...... وشون عرفت وتأكدت من حبها ...... انت شكلك وسيم اي وحده تنعحب بيك. منو كلك بالجامعه ماعدها علاقات ....... اي اعرفها حق المعرفه عدها علاقات بالجامعه ومتاكدة من هالكلام .... براحتك ..... تحب انطيك قسمها وعنوانها واسمها الكامل داكولك اعرفها ...... هممم يتيمه الام هي مو؟ ...... ازل : من سمعت صعد الدم براسي وجمد جلطه صابتني راكان هذا راكان دتحجي رياه وتذكرت من اخذت فون اسو . . . يتبع . . . ملاحظة تم الإعلان عنها سابقاً النشر يكون يومين بيوم استراحة مريم السعدي | ||||||||
|
| |
|
03-02-21, 11:44 PM
| #9 | ||||||||
| مراقبة عامة ومشرفة منتدى الروايات المنقولة
| بارت ٦ #أماً_لهُن #مريم_السعدي ازل..... من سمعت كلام رسل صعد الدم براسي وجمد جلطه صابتني راكان هذا راكان دتحجي رياه وتذكرت من اخذت فون اسو كملت حجي رسل : متفيدك هاي اخذها مني نصيحه راجع قراراتك. - كمت مكدرت وكفت رحتلها وخرت البطانيه جريت الفون وسديته وكمت اعيط واصيح مكدرت الزم نفسي ازل : لج شكدددد شايفه حقراء مثلج مشايفه رسل : شبيج انتي شبيييج ازل : شباحه بكلبج ياجلبه. عفتي شباب بغداد رحتي لراكان شكد حقيره رسل : وانتي شعلللليج تغارين لان ميباوع لصديقتج ازل : لا والله ميباوعلج الج وتتوسلين بي انتي من طاح حظج على صياحي طبت للومه فازه وعسل كامت واني مكدرت اهدا مشكلتي من اعصب مالزم نفسي مااكدر كمت اضرب بيها وهي تضرب للومه تفاكك تصيح شكو شسويتي رسل لج شبيج ازل تخبلتي حدما نطقتها للومه منسقه وي راكان الحقيرره. رسل : وانتي شغاثثثج راكان اوغيره. للومه : لج انتي شون وياج شوووون وييياج وركضت خنكتها. وهي تشرمخ. بيدي جريت شعرها. واصيح لافاد وياج قطع مصرف لافاد وياج عراك وضرب لا فاد عيني واغاتي شتررررردين فهميني الدوده مالتج شوكت تسككككن. دفعتتي قوي وصيحت رسل : دودتيش اني اغااار؟!! انتو تغارون مني كلكم كلكم تغارون مني لان احلى منكم وانتي انتي تغارين لان معنسه منو يباوعلج كملت جملتها وضربتها راشدي. كل قوتي صفنت بوجهي صيحت للومه : ماكوسفر باااجر رسل : مبلاازززم. محملتنا منيه ناطيه كل وحده اربع اوراق و ملازم لتاخذينا عسل كامت تبجي وازل تحجي وتحرك بدمها وحتى دعاء دعت عليها عفتهم وطلعت شوي وجتي عسل تتوسل سكتت وصافنه اعوفها هنا مترهم تخوف هاي تالي رجعت عن قراري خاطر دموع عسل الهام..... كعدت فجريه صافنه على حالة ازل منامت بس صافنه وتكلب بالتلفون بغير عالم الهام : ها ازل ازل : ها للومه جريت نفس بحسره باوعتلها والله مادري شكول لاسو الهلم : لتكوليلها عوفيها هذا هسه من وحده يعوفها المثل راكان حسب محجيتولي بي يفهم البنيه من حركاتها متعبرر عليه كذبها وتمثيلها وادعائها البراءه. امني ازل : فشله من عمو والله ميته خجل مره عليه ومره لراكان والله للومه اخجل من اختي اني شمسوين وهيج الله نطانا وحده تخزينا والله هذا ابويه شمسوي بحياته وتالي وره ميموت تجي هيج وحده تجيبله حجايه الهام : شسوي شفتيني مخليت شي مسويته. خالج الله يرحمه بس كدرلها وين اكدرلها رجال كوه كدرلها ازل : للومه شسوي كوليلي خاف تصير صدك ويحبها واسو خطيه الهام : اني اكولج شنسوي كوليله هاي اختي الدتحجي وياك ازل : استحي والله استحي والنبي الهام : استغفر الله ربي اني اخذت التلفون. بعد منين تحجي ازل : هي هاي ينكدرلها يوكفها تليفون صخام بعينها الهام : هاي شنسوي بعد تالي هسه. شون عسل نامت ميته بجي كومي تحضري وكعديهم وتوكلي على الله كلش كلش نكول. لابو اسو اقلها الرجال متفهم وضعها واخلاقها الطين ازل : خوش اني راح اكوله. خليها عليه الهام : ماشي ازلل..... كسرت فرحتي بالسفره كلها. طبيت كعدت. عسل وكعدت رسل. تباوع بطرف عينها بنصر واني اغلي غلي عمتي صيحت الهام : هاا تجين لو لااا جاوبت رسل : طبعا اجي اذا تردين ابقى هنا عادي اكيف الهام : شوفي اكولج حنروح هناك بالقراان اذا خزيتينا لاتشوفين شي مني مشايفته والنبي محمد ابتلي بيج اباوع لرسل تتبسم بانتصار وتجر عينها. وتخلي غراضها وتلبس. وترتب روحها ببرود. ليش هالكره تكرهنا احنا شمسويلها يعني هيج هيج ذره محنه ماعدها النا هذا ابويه الربه وداره بحنان وسفره و طلعته وتعبه خاطر منعتاز شي. هيج ماغزر بيها حنانه صح مشفنا شي من حنان امي بس ابويه مقصر.. ابد مقصر رغم جنت صغيره بس ماانسى اي موقف هيج مهزها ابد الرابط البيننا؟!! للومه توسلت بيه اعديها سلامات لخاطر فرحة عسل اللي بس تكمز جانت لابسه بنطرون كابوي وبده محاسن جسمها تبين شعرها الملفلف الطويل شايلته ذيل حصان عالي وهادته صاحبه جسم مرتب وعيون لوزيه بنيه ورمش كثيف بيضه بوجه بيضوي وخدود مرتفعه ونمش خفيف وشفاف بارزه اشوفها احلى بنيه بالثانويه وعيونُ للومه تلاحكها لتضلين تكمزين لج عسللل لتوكعين ماما مو صغيره انتي عيب عسل : حروح لتركيا يااااا صدك تكوليلي لتكمزين حنكلب قرررد اني اني بس خايفه لتنكلب الطياره بينا لان اعرف حظي رصاصي الهام : استغفر اللله. ربيي عسل بالقران هسه ارجع ردت عسل بشقاوة ومرح عسل : لالا والله عيب شنو مشايفه شنو هالسوالف ازل عيب كبرتي ازل : صار انسه عسل ماعيدها واكمز مثل القرد بعد عسل : عفيه ماماتي عفيه شيكولون عليج العالم النوبه ويانا كروب هله هله شيكولون بحياتهم مطالعين ازل : لايابووو اصلا تركيا عدنا شارع الربيع رايحين رادين الها عسل : مو بالله اساسا اردوكان عمي ازل: لا حميتي عاد حميتتي زايد عسل : ها ميشبهني مو اخلي خالي ارتب مو شتكولين ازل : شخابصتنا وكلمه تركي مترطنين عسل : اعرف الاغنيه مال ابراهيم تاتلس مافي مافي ازل : وهاي ياهو الحجه وياج وكتيله مافي مافي عسل : احاجيهم بالانكلش بيببي ازل : مسيطره الاخت ازل..... جنا نسولف بالطريق نضحك ونصنف ورسل ساكته مويمنا. شلتها من راسي وشلت كلشي يغث هم استاهل هيج سفره. وونسه. هم اريد اعيش. ومافكر بشي ولا فكر اذا امي وابويه عايشين شون ممكن تكون حياتنا هم من حقي ارتاح. كم يوم. ماحس بنقص اللي احس بي يوميه. عسل وضحكتها وتصنيفها. وكانما. مويتيمه. يمكن قربها من للومه. حسسها. بالاكتفاء او يمكن نسيناها لابويه وامي نعمه رسل كانت دوم تكول عليها فكر من وراها راحت امي. بسبب حمى النفاس او تمرضت بالتهاب ماطابت منه وصلنا المطار شفت اسو وابوها هناك اشرلنا. واسو ركضت ناحيتي انجمعنا فد مكان وي كروبنا وصاحب الشركه يوجه المسافرين ويانه وعسل تفر براسها تريد وحده بكدها تجلب بيها الرحله كلها كعدنا ننتظر رحلتنا اسو بصفي وتسولف بهدوء عمو كعد يم للومه ببعد كرسي ووللومه باحترام ترد على كلامه جنت شايله هم خاف رسل تستفزنا بالطلعه وللومه هم عسل كاعده عالجنطه تنتظر وعيون للومه عليها على غفله وكفت تبتسم وتمشت تجاه صاحب الشركه كان بالاربعين شعره رصاصي. وطويل وضعيف ومرتب حيل لبسه شبابي حجت عسل وي صاحب الشركه وصاحب الشركه تبسم وكرصها من خدها و ركضت عالجنطه اشرتلها ازل : عسل دتسوين عسل : كتله لصاحب الكروب اكعد يم شباك الطياره ازل : خرب حظي لج عيبب عسل : لا والله كلي تدللي اكعدج بمكاني ازل : خرب يومج اركددي عسل : كعدت ها اهاااا باعي باعي ازل يصير واحد يختار طيارته ازل : عسل رحمه لابوج اكعدي عسل : يله كعدت... خاف يودونا بطياره وصخه. والله اتعارك وياهم تاشر باصبعها وتهز بشعرها تنكرط ازل : يبوووو عليه لج عسل عسل : يله يله سكتت.. هففف ضجت شوكت يصيحولنا اساور : خرب وج هاي اختك تصنيف حنشبع ضحك ازل... التفتت رسل كاعده وحدها وتتلفت عالكروب شباب وبنات تعرفت على بنيه وشاب وتحجي بثقافه عاليه وهدوء. شوي تطمنت عمي خلها تمثل ولاتخزينا للومه يم عمو رائد الكان كاعد بشخصيه وكشخه رجل على رجل والستره الخفيفه الشكري مرهمه وي البنطرون الكحلي والقميص الترابي شعره الجوزي. واللحيه الخفيفه تنطي اصغر من عمره بهواي تلفت باوع لاساور الدتحجي ويايه واني شارده ببالي عنها والتقت بمفاجأه عيني وي عينه تبسم واشرلي رائد : ها شبيج درت وجهي رأساً شون جانت نظرتي شون جنتي تباوعين عليه يامخبله تحجين على رسل حتصيرين انكس منها. بقيت اركز وي اسو رغم تفاهه الحديث الهام.... ابو اساور كلش محترم يوم عن يوم يزيد احترامي وتقديري لشخصه حتى من كعد بصفي خله كرسي بيننا وكان يحاورني باحترام مفرط رائد : حضرتج ترقيتي لو بعد الهام : اي الحمد لله صعدوني مساعد مدير عام رائد : عفيه عليج تستاهلين والله .. ورسل ملكيتيلها وضيفه الهام : اا لالا واختصاصها يختلف رسل : توقعت راح تكدرين توظفيها كون درجتج ترفعت الهام : لا مااكدر اني وياها فد مكان استاذ وانت اعرف بشخصيتها رائد : اي صح... لكن متغيرت؟ الهام : لا والله نفسها ماذيتني هواي وماذيه خواتها رائد : الله يهديها هم صعبه عليها حضرتج اكيد حاسه بيها عاشت اليتم مرتين الهام : واني شبيدي مو ذوله خواتها رائد : موكلمن يكدر يكبت المه ويسيطر اني هاي اساور بليل بليل اشوفها تصفن واحس بيها بغير عالم الا احضنها وامسد على راسها الا تفك. الهام : اساور هم وحدها رائد : لا مووحدها ازل وياها رغم افهم واوعى منها. بس حيل تحبها ومتوالمين الهام : متتوقع شكد ازل تخاف عليها رائد : اعرف اعرف والله يشهد اني عاد الاثنين بناتي الهام : صادك ابو اساور رائد : عسوله ورده عسوله تخبل الهام : هاي تعبي عسل من اصفن بروحي شسويت اني بهالسنين اعاين لعسل اكول مو حرامات التعب لابيها ولا بأزل رائد : اي والله نياالج عالاجر دوم اني والحجيه بسيرتج اكولها. امهم لو عايشه متخاف عليهم كدها الهام : الله يرحمها جانت كلش حريصه وتخاف عليهم حتى اخويه. حيل يخاف عليهم جان رائد : الله يرحمهم يله يابه يله. هاي رحلتنا. هذا شو ابو الكروب تافه بنص النسوان انتبهت عليه وحده وحده افتر عليها هههه رائد : والله اني بالعاده ماروح كروب لو اموت لان هسه اشوفين ركص وغنه واستهتار لعبان نفس واني احب الهدوء الهام : يوو والله مالي خلك رائد : هو لخاطر الشباب شنسوي خطيه. كلكم راع وكلكم مسوول عن رعيته. يله حجييه منا منا صاح على امه ورجع صاح يله يبنات اساور ازل يله هذا المخرج مدتشوفو ديصيح. صارله ساعه ملتهين بالسوالف الهام- جتي عسل تمشي سريع وتهز بشعرها يروح وبجي يمنه ويسره. وصلتلي كالت عسل : للومه ابو الكروب كال اكعدج يم الشباك عادي فرق عنكم كم كرسي الهام : لا وين اخاف اكعدي ويانا واذا اني يم الشباك اكعدج بمكاتي فدوه عسل عسل : اوك هل اكوله عمتي مقبلت الهام : لا عوفي عسل : لاعيب للومه بس اكوله واجي الهام : يعني.... استغفر الله رائد : عوفيها خليها تدبر امورها شخصيتها قويه. نفس ازل اذا مواقوى الهام : والله اخاف عليها عسل : عمو شكرا حكعد بمكاني يم عمتي - ليش عمو مو اتفقت وي نسيم. - مقبلت عمتي - امج وين - لا اني شسمه ااا حروح باي - يله براحتج الهام.... عيوني على عسل وابو الكروب رفع راسه عاينلها وين دتروح وباوعلي عاكد حاجبه... عسل وجهه تغير - شبيج شكلج - لامكال ااا منا نصعد عمو رائد - اي عمي منا صيحي خواتج وحده وره اللخ صعدو - اي اوك ازل..... صعدنا الطياره جانت لحظات استغراب اول مره نصعد يمكن الباقين كلهم مو اول مره والشركه راقيه اغلى من غيرها بشي موقليل بس مرتبين من ناحيه الفنادق وحجزها والطلعات الترفيهيه كعدت بمكاني وللومه يمها عسل وكبالي بالضبط اسو وعمو رائد رسل كعدت يم بنيه ثانيه من نفس كروبنا طارت الطياره بينا واني يمي بنيه. هم من كروبنا هواي بي بنات وشباب عوائل بس الرقي واضح عليهم وابو الشركه يعرفهم بحيث لان كم مره طالعين ويا انور صاحب الشركه وويا شباب اثنين حيل كشاخه وضحكتهم علوجه. دوم بشوشين وكله شتطلب صار وبعيني وتامر امر وصلنا وكبل للفندق وزعنا صاحب الشركه ذاع اسماءنا انور : عسل ورسل وازل خوات مو. ازل : اي رسل : اي خوات كالتها وابتسمت انور : الله يحفضكم ووياكم الهام ابراهيم تمام رسل : تمام التمام انور : طيب غرفتين الكم الهام : اي كل اثنين بغرفه باوعلي ونزع نضارته ورجع باوع للبنات كال انور : امهم حضرتج الهام : لا عمتهم انور : ها ماشي انتو براحتكم بس الغرفتين الضلت وحده. بالطابق ١٥ والثانيه بالارضي فباراحتكم الهام : ماشي خلي اني وعسل .. ورسل وازل عسل : لا للومه خليني وي خواتي حبابه الهام : بقيت صافنه عليها وعلى ازل اللي رادت وي رسل هم رسل ابتسمت بنصر همست بصوت مسموع - شيسوون يمج خاطر الكعبة يصلون صلاة الليل لا جماله بأعلى طابق ماخذتهم ينتحرون مرديت عليها سمعها الحمله عكد حاجبه ودار وجهه كال - تفاصلوا بينكم وشتأمرون حاضرين يله شباب شيلو الجنط ... ست الهام شتؤمرين فوك لو بالارضي رسل : لالا احنا بالارضي اختنك فوك الهام : باوعلي ينتظر ردي جريت نفس بس كون تخلص السفره شون مجان و تعدي سلامات هزيت راسي - صعدو جنطتي فوك - ياهيه جنطتج العفو - هاي الرصاصي رسل : هاي الصغيره قابل شعدها هدوم ازل : رسسسل سدي حلكج كلتها من بين سنوني اخذ الجنطه الشاب اللي وياه وصعدوها للومه بعد مباوعتلنا اني كان قصدي ابقى وي رسل حتى كدامي وعسل تريد وي وسل يمكن كونها متعلمه تنام وياها فد غرفه او يمكن رادت وي هوسه الشباب مال كروب مرادت تنعزل الهام... قبل لنصعد استاذ انور كال - ساعه ونطلع انور : شباب ساعه ونطلع نروح مواقع تاريخيه اليحب يطلع يتواجد بالريسيبشن ساعه خمسة ضبط خمسه ونص طالعين مو نكعد ننتظر.... ماشي بدون زعل ازل : كلها كالت صار للومه صعدت ووجهه تغيرت ملامحه ضايجه من عدنا للسته طلعنا وللومه نزلت عسل ركضت يمها لزمت ايدها تعاين بوجهه تبتسم وللومه ماكدرت الا ترد الابتسامه مغلفه بعتب عسوله حضنت زندها ونامت على كتفها وتضحك طلعنا جنت امشي وي اسو وعمو وامه يمشون سوه للومه وحدها متآلفت وي احد رغم هواي ثلاثينيات جانن ويانه بالسفره مشو سوه تعارفوا بس للومه مكتفيه بالسكوت ومراقبه عسل ومراقبتنا من بعيد وصلنا لجامع جبير يخبل بناءه جان رسل ضاعت وي الكروب الشباب والبنات وتضحك بهدوء ورزانه تعجببني تصرفاتها وتتقن التمثيل بجداره بغير شخصيتها عسل وي للومه وساعه تعوفها تروح وي ابو الشركه توكف تسمع شديكول عالمعالم الاثريه وتطكطك صور بفون للومه ابو اساور يمشي وي الحجيه واني واسو نتمشه ونتفرج اسو كانت هي الناطق الرسمي الي هي الكانت تنطيني المعلومات بصفتها اكثر من مره جايه هنا نصنف ونضحك سوه وعيون ابوها علينا تصير ننصي صوتنا بسمه وروز عليا ورقيه وسلوى بنات ويانا بالكروب والشباب مثنى وفيصل اخو سلوى عماد ويزن شباب جايين وي عوائلهم عيونهم طايره عالبنات وابو الشركه وياهم بنص البنات نضيعه ونلكاه بنصهم ويضحك ويسولف وهمه وملاكتهم وياه وهو مكيف ذابين روحهم عليه بالاربعين وروحه خضره نظارته ولبسه السبورت جسمه الرياضي ببساطه معتني بي ساعته وسواره والسلسله الفضه والوشم بساعده باللغه الصينيه ثلاث كلمات ياهو اليشوفه يسأله شنو معنى الوشم يبتسم ويغير موضوع كل الويانا اخذو نظره انه اسم حبيبته اكثر من بنيه ومن ضمنهم رسل سألوه انت متزوج؟ وجاوب لا اعزب ويزيدون بلواكتهم ماتو عليه واني بثكلي وابتعادي عن الكل بس وي اسو طلعنا من الجامع لمكان اسمه. ميني تركيا او ميني اسطنبول مكان بي كل اسطنبول بشي مصغر. شون الالعاب مصفطيها. نفسها موجود منها جبير مثلل الجسر اللي جواه مي مسوين نفسه. صغير كلش تخبل. كانت المنطقه وبقينا نفتر غالبا للومه كانت وحدها. لو اشوفها كاعده على وحده من المصاطب يااما واكفه ودتطلع فلوس لعسوله. تريد تشتري شي لو تمشي وره عسل تنزل تيشرتها على خلفيتها حتى. متنسى روحها لو تشيل شعرها لو تضفره وعسل طايره طايره. رغم مكانت اكو وحده كدها هي اصغر وحده بس ابو الكروب مات عليها كلسا صاح وينها عسوله لعد تعاي شوفي هاي وتروح ركض عليه واكفين نكص باص ابو الكروب ديفهمنا هنا تكصون باص مال اربع العاب اكثر شي وتعينون يالعبه. وتدفعون من هاي الكابينه ورحنا للومه كانت البنك المركزي نطتنا وكعدت عالمصطبه تنتظر ابو الكروب سوه تعداد واندار باوع لعسل كال بصوت ناصي لعد عمتج متصعد رسل ردت رسل : لالا عوفها هاي عقد هاي عليها بس تدفع هههه انور : ليش شنو ارمله رسل : تقريبا هههه انور : لاصدك شبيها معتزله رسل : والله شبيك هي معقده خطيه جيف خطيبها عافها وتزوج انور : يعني فاصخه ومرت بحاله نفسيه مدافتهم رسل : لا هي من كاعها نفسيه ههههه مريضه بابا باوع لبسها وهدومها تكول ب٦٠ من عمرها انور : لا شبيها بعدها صغيره وشبي لبسها مرتب تره رسل : مال عمر جدي ههههه انور : شتصير منج مو عمتج رسل : اي انور : لعد شون تحجين عليها رسل : يمعود سوت بينا حاله نفسيه اكتئاب انور : زين امكم وابوكم وين عسل... اجيت وبيدي الفلوس لحكت على كم كلمه خزرتها وللومه جانت ورايه دتجي دتنطيني صرف وسترتي الكابوي حتى البسها وسمعت بآخر سؤال سألها صفنت رسل عليه همست - متوفين وهو االتفت رأساً متفاجئ بوجودها وغير الموضوع - يله يله شباب سره اوكفو تعاي هنا عسوله احمد يصعد وياج عمرج ميقبلو عسل : بهتت خفت لا للومه تنقهر شفتها ولا مهتمه رجعت كعدت عالمصطبه توسلت ازل بيها تصعد مقبلت بقت كاعده يم المي والبطات صعدنا كلنا واني اختنكت عليها بقت عيوني تراقبها فقدت فكاهتي بلحظتها . يتبع | ||||||||
|
| |
|
05-02-21, 10:19 PM
| #10 | ||||||||
| مراقبة عامة ومشرفة منتدى الروايات المنقولة
| بارت ٧ #أماً_لهُن #مريم_السعدي عسل.... وعمو انور جلب - ها عسوله خايفه - لاعمو ماخاف - لعد شبيج - لا هيج بقيت اباوع لمكان للومه شنو شافت من حياتها وكل شبابها النا نطته من راتبها تنطينا ومن تعبها. كبرتنا ورسل دوم تاذيها بالحجي شوي والتهيت من جديد باللعبه. واضحك من كلبي و كأنما لا تيتمتت ولا فد يوم غركت مخدتي من البجي ولا فد يوم شتاقيت لبابا ولا باوعت لصديقاتي وكلت ياريت اني مثلهم الهوا يضرب بوجهي وصوت ضحكاتي عالي وشعري يتطاير ومن ننزل عيون للومه عليه تبتسم. وتاشر سدي الستره تخاف عليه كلش يمكن لو امي عايشه كان مفرقت بخوفها عنها نظراتها بهالاربع دقايق العشتها من الونسه. خلتني اشتاقلها كلش نزلت وركضت عليها حضنتها رسل ورايه تكول - شكد لوكيه خاطر الله - معللليج نترت بيها حضنتها واضحك - للومه تعاي ويانا صعدي - لا گلبي انتي روحي وي خواتج جاوبت وتعدل بالستره مالتي - ماما طبكيها صدرج مبين والوره كله محدد تره موصغيره - اي ميخالف باعي زين هيج - اي عفيه صاح عمو انور - يله عسولي - جيت عمو جيت باي للومه الهام : تعاي هاج لفتتج عسل : من اجي من اجي الهام : زين هاج بطل مي تعطشين عسل : اوك جيبي اللله هههههاي للومه باعي ازل وين صعدت يالكعببببه لتوكعيبين الهام : يمه وين صعدت هاي خرب وحدهم هي واسو عسل : لالاعمو رائد وياهم ازززل ازززل ولج ليش مااخذتيتييي باع الحقيره تكولي باي بيبيو روحج لجهنم الهام : اسم الله عسل لتحجين هيج لج الهام.... بوكفتي والبنات كلمن بصفحه عسل وي رسل تصعد ملاعيب وي الشباب واني عزلت روحي النسوان ملمومين كلمن تقشب على جنتها وغيرها وغيرها واني مالي باللك والعجن ابتعدت واتفرج على المي وشون مسوين نافورات تخبل الطيور والبطات واشكالهن الرهيبه سبحان الخالق وضحكات عسوله التجيب العافيه واكفه اتفرج وسمعت صرخات طفل ويصيح مامااا وينج ويصرخ يبجي بخوف التفتت طفل دبدوب. ولد لابس يلك صيفي وقميص وبنطرون. شكد حلو عبالك رجال صغير جان مفرفح. خوف ويباوع بالوجوه تقدمت يمه متحملت باوعتله. كال - ماكو ماما عرفته عراقي بس مو من كروبنا كومه عراقيين كانو بهالمكان شلته. وادور بالوجود وهو ويايه يمسح بوجهه ويردد وديني على ماما ميخالف حبيبي بس خل نلكاها مسحت وجهه طيته مي شرب كومه. مرد كلبي كمت افتر بالممرات بس ردت اهله ورجعت لمكاني. خاف يجون على مشيته ممشه هواي رجعت منين ممشه وصارت بوجهي. عسل ورسل عسل : منو هذا للومه الهام : مادري طفل ضايع خطيه رسل : وانتي مكتوب عليج تربية اطفال هههه الهام : مدرتلها بال فرفحت عالطفل عسل : اجه عمو انور جان يريد يروح للمطعم يشرب كهوه وشاف للومه دايخه كال انور : شكو خير منو هذا الولد رسل : اقدملك رعاية الاطفال هههه طفل ضايع دتودي لاهله انور : منين اجه ست الهام طينيا اودي هذا الامن مال حديقه الهام : داانطيهيا صرخ الطفل كأنما حس بأمان ويايه بقيته عدي حضنته لالاخلي وين الامن اروح وياه خطيه باوع بعيني ابو الشركه. وهز رلسه. ميخالف امشي - شنو عراقي - اي خطيه - امشي ورايه مشيت وراه كم خطوه وشفت مره تمشي سريع وجهه اصفففر ولمحته وجتي تركض برطمت همست - ابنج هذا - ايي اي. وينك ياماما ويينك. واخذته هي تبجي وهو يبجي. يكلها عفتيني جوي وراها بنات ثنين كانو صغار يطلعون رابع. ثالث ابتدائي تشكرت مني و ابو الشركه بصفي واكف توه ديكول - يابه. شون تعوفي - والله معفته ابو ديجيب مي راد خرده داانطي التفتت ملكيته الهام : بقيت اباوع للطفل شون ارتاح وبقه حاضن. امه واجاني صوت فزز روحي الغافيه - انسااام فزيت والتفتت رافد!!!! صفن بوجهي فك كل عيونه واني. بهتت ملامحي رجعت ليوره خطوه ماعرف ليش وبعدها جمدت هذا ابنه كمز ابنه عليه حضنه وهو عيونه عليه مرته همست هذا لكيناه. بيد المره جان. هز راسه ساكت وعيونه بعيني يمكن مرته استغربت من نظراتنا بس اني مكدرت اشيل عيني منه متروسه عتب. متروسه. ليش. وشون كدرت انور : يله ست الهام نرجع للكروب الهام : مسمعته بقيت بوجه رافد صافنه وهو متحرك جفنه رفه مرفت عينه وحده من بناته. كالت بابا يله والتفتت عليها عائله وبيت واطفال ومسفرهم بس اني وكفت حياتي بعده اندار عليهم واخذ مرته وجهاله ونصه و كأنما مافد يوم عرفني ولافد يوم كضينا ليالي سوه هو بسطحهم واني بسطحنا و واير الارضي مادته يمي والكهرباء طافيه جننا نعد نجمه نجمه حدما يصيح الله واكبر يله نسد الخط مشه بعد كم متر واني نظرااتي تحجرت تجاهه والتفتت عليه ورجع نصه خله ايده على كتف زوجته وكملو طريقهم احلى مني لا والله اني احلى بس عرفت تتعامل وي امه وخواته اكيد واني بصفنتي سارحه ووعاني صوت ابو الشركه - تعرفي - ها منو ؟ لالا ماعرفه - حتى هو عرفج كالها وابتسم نترت - انت شلك دخل بيه عايف الكروب وجاي تحقق روح يله باوعلي رافع حواجبه ثنينهن خط كصته بين عافني وراح يهز بيده والرجفه ضلت بيه .. لازمه جنطتي وكاعده حدما صفر الكروب يعلن وكت رجوعنا وجمعتنا يم السيارات ورجعتنا للفندق يله كمت كان بالسياره. يركصون ويغنون بصوت عالي سطرني رغم سفري بخيالي وفكري لغير عالم عسل كلسا تكوم وتطلب اغنيه. وتكوله. وهو يطلعها الها نظرات رسل التجذبه الها وهو يبتسم. الها ازل ليوره وي اساور وابوها وببيتها واني بصفنتي. قريب منريد نوصل طفو الاغاني وهدات صافنه عالشباك وعسل على رجلي نايمه واني اتلمس شعرها وانتبهت عيون انور ابو الشركه بانعكاس الشباك عليه. مضيق عينه ويباوعلي بحيره التفتت عليه دار وجهه رأساً ورجعت كعدت عدل باول يوم. هيج صار بيه شون حكمل السفره خاف ارجع اصادفه واني ماريد هالانكسار يشوفه من جديد ماريد يشوفني انكسرت وراه اريد يشوفني منتصره اني هم صرت ام بيهم ااني هم سويت انجازات. مو بس هو اني مفتخره بروحي. وراضيه. ومقتنعه. مناقصني شي ليش بقيت اباوعله.. وضليت اتذكر نظرتي اكيد جنت مصدومه. هسه لو عسل وازل ويايه. جان بينتله انه اني ممهتمه اله وتذكرت انور جان واكف بصفي تذكرت نظرات رافد اله ورجع باوعلي شي بيه استرد كرامته وارتاح وتمنيت ارجع اشوفه وهالمره اني الاعوفه واروح ومااهتم نسه من اجه للبيت يبجي وشارب اني منكسرت وراك بالعكس اني خلصت من امك وخواتك وخلصت من رجل. بيديهم. صار وكونت نفسي بنفسي انثى واثقه من نفسي ربيت ٣ بنات وحدي وعندي وضيفه وراتب محترم. وبيت. ممحتاجه رجل مثلك رجعنا للفندق واني. صعدت يمكن انقهرت بالبدايه من عسل. بقت يم خواتها وتركتني وحتى ازل مرضت تبقى فوك. واني مقبلت احد يشاركني الغرفه من الكروب بس هسه. ارتاحيت لكوني وحدي ردت ارتاح اصفي ذهني فتت للحمام. سبحت وطلعت للبلكونُ المنظر حلو كلش. اعلى طابق والهوا. يريح النفس بس المزعج الغرفه البصفنا بيها شباب ضحكهم عالي وحجيهم كله. غلط. وهم عراقيين اعتقد كروبنا كعدت على قنفه موجوده بالبلكون تمددت واتنفس. براحتي. ماحسيت غير روحي. غافيه والوكت بده يجهجر واني ميته برد كوني سابحه وطالعه للبلكون طبيت رأساً لزمتني البارده اتغطى وبعدني ارجف اخر شي فتت للحمام سبحت مي حار كلش وبقيت. بالحمام. حدما. راحت برودتي طلعت ضربت شعري هوا بالشسوار ونمت حسيت عالموبايل يدك ازل تتصل. - الو ها ازل - يله للومه. حنطلع بعد عشر دقايق كاعده - اي اي - ديله ليش منزلتي تتريكين - جنت نايمه يله خل البس سديته وبدلت ونزلت ستره وبنطرون رسمي هذا لبسي وغالبا اللون بيج لان شغلي. بالدفاع. صح اللبس رسمي بس اللون يفضل بيج جنت لابسه جوا هالمره كيمون احمر والشال ذابته ذب حجابي مو مضبوط بوقتها كان ونزلت جنت اخر وحده. تصعد السياره التفت عليه استاذ انور وجر عينه همس - أخيراً.. احمد كله يحرك احمد حاجه السايق بالتركي وانسدت الباب ورايه. اوتوماتيكيا تلفتت وسلمت بهدوءي المعتاد - السلام عليكم ردوا وعليكم السلام كعدت بصف عسل اللي فرغتلي المكان بصفها وراساً جرت زندي وحضنته ونامت على كتفي - للومه ليش منزلتي تتريكين شاورتها وعيوني صارت على رسل واللمه الكاعده بنصهم وعيونهم عليه يضحكون - جنت نايمه - هسه تجوعين - عود اشتري جرك جركهم طيب - اشتريلي اني هم احب الصميط - تدللي - شكد بقالي - بعد عدج هواي مصرفتي غير ١٠ - ههه خوش حنروح للمول اريد اشتري قبوط مثل مال زينه صديقتي - ماشي - واريد بوت هم - بسيطه بس كون تكفي فلوسج - سألت عمو انور كال متوصل ٥٠ الف - زين ماشي. عسل لتطوخين ويا عيب - لا والله حباب - ميخالف ثكل شوي تره انتي كبرتي - اي ميخالف . . ازل..... وصلنا للمول ونزلنا وتطشرنا اني وي اسو كالعاده كومه اشترت شغلات اني اشوفه بلا معنى وابوها ميهمه. صرف كان يراقبني واني ازيح عيني. عن اسو التتوسل اشتري مثلها. وهي تدفع واني ارفض رفض قاطع. وصلت للزعل وتركتني براحتي رائد : اخذي عمو شيعجبج اخذي ازل : عمواذا اريد اخذ اخذ بس معاجبني. تره عدي فلوس يم للومه. رائد : براحتج يابه الهام..... صافنه على رسل شون لازكه لانور وصل درجه كام يتهزم منها وهي تدور عليه وتلحكه وتمشي وياه تالي كعدوا ميز كل الشباب انجمعوا جنت اشوف نظرات نسوان الكروب الي غريبه وبينهم يحجون ويباعولي واني اخر همي تريكت بكافتريا من الكافتريات ووصيت ازل على عسل خاف يعجبها شي فلوس رسل دزيتها بيد ازل وازل هم نطيتها حصتها دااكل بهدوء واشرب كهوه جايهم مطيب والتفكير ياخذني ويجيبني برافد ليش بس هو ارتاح رغم هو العال بيه وشفت استاذ انور فات الكافتريا اخذ بطل مي منتبه عليه موجوده تلفونه دك جذبني شكله نزع النظاره وخلاها بجيب القميص الكابوي ورد - الو... ها يابه. جر كرسي من الكراسي وكعد لزم طرف سكسوكته يحك بيها ويحجي -اي... بعد فد عشر ايام وانزل خو ماكو شي صفن ووكف وغمض وكال - شوكت هاي ..... متاذي هواي لو شوي ...... استغفر الله غييير تحجي ...... وهسه شونه ..... هذا هو الحمد لله طينيا يمك ........ الو ها يابه شونك زين. ........ الحمد لله ........ ديله. محتاج. شي ...... زين ماشي عود من اجي باي هلاو ...... سده وصفن بغير عالم لزم كصته ويفرك بيها باطراف الخنصر والبنصر من اصابع كف ايده فرك وجهه وعض اصبعه بهدوء ورجع لصفنته فجأه صوت وراه صاح - يله انور باوعت عليها بنيه من بنات الكروب انتقاله غريبه لمشاعره. صارت فجاءه ابتسم وترس روحه. لهفه كاذبه. وكام بحماس مفبرك. بلغه ممثل. واخذ البطل يضحك. - يله يله جيت وراح يمشي سريع بنشاط وحيويه. مغاير. لصفنته قبل شوي شنو ممكن يخلي يعيش شخصين بشخص واحد يمكن باب رزقه ومفروض عليه. هالشي نسيت امس وانشغلت. بي اني بيا حال صدك احجي فعلا فارغه كملت ريوكي ورجعت صعدت فوك ادور البنات شفت عسل وي ازل بمحل البسه. تكدر البالطوات جانت شي رهيب حتى اني عجبني وازل رغبتتي وسوتلي واهس اكثر. وطبيت اكدر اخذت قطعه زيتونيه. كانت وبيها فرو عالركبه. وعسوله اخذت لون احمر وازل اخذت غير فصال وطلعنا جانت عيني تدور رسل ولكيتها وي البنات وبيدها اكثر من علاكه باوعتلي وتقربت مني وتلفتت عليهم تضحك كالت صوت عالي - دقيقه خل احاجي البنك اامركزي الهام : ها رسل رسل : باعي اخذت من ام بسمه ورقتين تطلبج انطيهيا الهام : عززه بعينج ليش اخذتي رجعي الشتريتي وسل : ميقبلون يرجعون شكيت الوررقه مال ثوابه الهام : زوج انييي رسل مومشكلتي ماانطي بعد فلس واحد حالج حال خواتج رسل : لا مو حالي حالهم اني اكبر منهم مو مشكلتي مو انتي ردتي نسافر اكليها ترديني اتفرج عليهم واني بله فلوس عافتني وراحت واني صافنه عليها ومن لا جاره رحت نطيت الورقتين بس ردت تعدي السفره سلامات ماريد عسل و ازل يتفشلون بس نفسيتي اختنكت خفت لتسوي شغله لخ والفلوس بيدي تخلص... دفعت ورجعت عليها جريتها على صفحه وجتي الهام : شوفي اكولج اخر فلس ادفعه وماعدي بعد خلصت. رسل : لاعدج لتخافين اعرفج كلش زين متطلعين بله فلوس. الهام : لج انتي شنو والله افشلج اذا اخذتي منهم وماانطي رسل : اني اخزي عسل وازل واخذ من ابو اسو شنو رأيج بقيت صافنه عليها اني شورطت نفسي وياها عافتني وراحت ورجعت كعدت انتظر ابو اساور جان كاعد وي الشباب تعارفو بينهم كلهم شاب الكروب شوي وانجمعوا البنات هم وسوو طاوله جبيره وصار تعارف اكو بنات موظفات واكو خريجات ينتظرون تعيين واكو طالبات جامعه عسل اصغرهم وبده التعارف واني الوحيده مكعدت وياهم عسل جتي - تعاي للومه يمنا - لا ماريد هاي غثتني - شكد حقيره بعد مناخذها - اي وين اوديها متكوليلي وين اعوفها - هففف شكد حقيره رسل - روحي ماما يم البنات روحي بقيت كاعده ببعد قليل عنهم ماباوع للكروب ولمتهم وباذني سمعت رسل سالوها - هي شبيها ليش عازله نفسها.. جاوبت - حاله نفسيه عدها معقده من تركها خطيبها ازل دفرتها برجلها شفتها من جوه الميز وعسل نترت كذابه مابيها شي عمتي هي ربتنا كمت عنادا بيها وجريت كرسي وكعدت يم ازل عسل تبسمت واني سلمت - السلام عليكم وبده الحجي والسوالف واني ساكته ابدا ماشارك وتوجه السؤال الي بعد مفره الاستاذ انور عالكل - و انتي ست الهام وين موظفه بقيت اباوع بوجهه كله حيويه ونشاط والضحكه تارسه. خده - بالدفاع كم شاب كال - الله ثكيله واللاخ كال - اكول هيبه وتخوفين ههه باوعتلهم رافعه تك حاجب سكتوا كامت رسل وكم بنيه يتفرجون على النافورات ولحكوهم اساور وازل وعسل وام بسمه سألت - شنو البنات انتي مربيتهم باوعت عليهم هزيت راسي اي بله صوت ردت كالت. - خطيه من شوكت توفى ابوهم وامهم مردو كلبي - صار سنين طويله والحمد لله. كبروا وصارو - زين. انتي شون سيطرتي عليهم. مصرفهم. تربيتهم جريت تفس. يشرح تعبي وهزيت راسي سيطرت وصارت سوالف استاذ انور سأل - زين تقاعد ابوهم شي راتب. ماعدهم صفنت عليه رسل رجعت يمنا هزيت راسي - لاماكو كمل كلام - شعجب قدمي على راتب. ليش تاركته انتي بالدفاع اكيد عدج معارف ناس واصله ردته بس يسكت يغير موضوع مسكت رسل- المن راتب النا. انور- اي شعجب متستلمون رسل : سألت علي كلولي ابوج ذاب استقالته. بالشغل قبل ليتوفى فراح التقاعد عليه الهام : تفاجأت من كلامها بس اني دااستلم شهر بشهر ونوبات كل شهرين. الهام : وين سألتي رسل رسل : سالت واحد بالجامعه راح سألي استغربت وكلت بس ارجع اسأل واستفسر شنو الفلم سكتوا كلهم والتهو اللي كام يتمشى واللي يصور بقيت وحدي عالطاوله اباوع لعسل تسوي حركات وتطكلها صور ازل حتى وي استاذ انور اخذت صور هو هواي حبها لدرجه. يوميه الصبح. يطلعلها ماعون من البوفيه المفتوح قبل ليخلص لان تتاخر نومتها يله تنزل ينوعلها كلشي تريد بي كضت الايام. رحنا سفاري. واماكن سياحيه. جزر الاميرات حدما رسل صرفت. ٩ اوراق وفعلا بدت فلوسي تخلص واكفه. دااحجي وي ازل اللي خطيه كلشي مشترت لان اختها اخذت فلوسها اضطريت اخذ فلوس ازل لان خلصت فلوسي وتداينت من ابو اساور ورقتين حتى ازل فشلت. وبس ردت ارجع. واني اعرف تصرفي وياها زهكت وكلت مااطلع وياهم بعد واكفه انتظر السياره تاخذنا للفندق ترجعنا. وي كل الكروب واكفه بانعزال عنهم اعصابي تعبتها رسل حيل تعبت ماحسيت الا ماطور خطف من يمي جنطتي معلكه على كتفي انجرت جلبت بيها حسيت بكتفي شي مشه بحراره سريعه بينما مداباوع لكتفي الجنطه اختفت وانصدم زندي ضاهر مشكوك القميص بشكه عددله وانترس دم طلع استاذ انور من الموقف ديشوف شكو وراسا نزع قميصه المفتوح وخلاه على كتفي يضم زندي صياح الكروب فززني من صفنتي وصيح استاذ انور احمممد. بسرعه دز عالسايق. فضهااااا والسياره جتي واستاذ انور عينه بقلق عليه والتلفون موكع من ايده يحجي تركي مره ومره عربي يبلغ بسرقه جوازي وهوياتي كلها بالجنطه عسل تبجي ولازمه الضماد الضمده. احمد بالسياره. لزندي هو شخط بس الضاهر بمكان وريد هواي ذبيت دم بقيت لابسه قميص استاذ انور وهو بقه بتيشرت خفيف الهام : ماما مبيه شي عسوله ازل : بس عسل خل نفتهم رائد : ادري شنو شبسع خطف من يمها باك الجنطه وجرحها طبعا المنطقه يعرفو لان طب بالفروع واختفى ومحد يحجي من تسألهم انور : وين يروح بلغت عليه المراكز ليضل بالج ست الهام الهام : زين شون عكب باجر نرجع بله جواز يصير صفن وعكد حاجبه ودار وجهه وصلنا الفندق وانثبروا بيه بوليس واحمد يترجم ويسألوني وتحقيق وابو اساور گلب الدنيا صعدت نمت تعبانه عسل نامت بيومها يمي هي وازل خافوا عليه ثاني يوم الصبح نزلنا بوفيه مفتوح دنتريك واسمع الكروب استاذ يعني من وراها يضيع اليوم متفقنا هيج بعد ماحجز عدكم وهو يبرر - يابه مااكدر اخذكم لازم نروح للسفاره الله يخليكم غير صار ضرف ويجاوبوا مو مشكلتنا هي حتى مو طبيعيه بنت اخوها من اول كالت شون تقبل تطلع وحده وياك عقلها مكامل من شافوني سكتوا ضايجين كعدت كأنما مسمعت شي اخر شي عاط استاذ انور - احمممممد اخذهم انت بالرحله اني مااطلع اليوم وعاف كلشي وصعد بالمصعد مادري وين راح . . . . يتبع مريم السعدي | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
