09-05-22, 03:17 PM
| #983 | ||||
 
|  اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|  |
|
12-05-22, 06:19 PM
| #985 | ||||
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|
| |
|
14-05-22, 12:43 AM
| #989 | ||||
 
| بارت ٣٩ رحيق خففت من نبرتها: أنا اتكلم عن المجتمع وما حددتك بالذات يا عمي...هذه الظاهره منتشرة بأغلب المجتمعات العربية!! شوف حصة عندها ثلاث بزران وحامل بالأشهر الاخيرة وش ينقص فارس لو ساعدها وتركها ترتاح؟!! حصه ما عجبها هالكلام ردت وهي تردح لها بإتهام : بعد ما سرقتي زوجي ما بقى الا تصكين عيالي عين؟! كل هذا من حقدك لأنه ما عندك إلا هالبنت ضحكت رحيق من قلبها على تفكير حصه..ما تدري كيف تفكر هالإنسانة...اقتربت منها وتكلمت بقوة ونظرات حادة: أنا ما سرقت زوجك هو إلي سرقني من عالمي إلي كنت عايشه فيه ..وبزرانك يا قلبي إلي فرحانه فيهم ما هموني لأني تركت لك تكثير نسل هالعائلة... أنا مكتفيه بياسمين وما أبغى غيرها.... عندي امور ثانية أهم من الواع والويع! فهمت يا حلوة! فارس رفع حاجب وكل كلامها ما هو عاجبه وكأنها قاصده تنرفزهم ...ناظرها بحده وهو ينطق: رحيق ناظرته بابتسامة وهي تقاطعه: لا تخاف ما رح أجرح أم عيالك ...وين سيرين أبغى ياسمين! أبو ضاري ما يدري كيف تستفزه رحيق بقوة وتخليه يفقد أعصابه ..وبنبره غاضبه نطق: من اليوم وطالع صيته لا تحطينها هنا...ابنتك قابليها بنفسك واستمتعي بالواع والويع تبعتك ...سيرين ما هي مجبورة تتحمل ابنتك وأختك ... وإن شاء الله عمرك ما تخرجت ولا درست! زينب زفرت بضيق وهي تشوف الاوضاع تكهربت بزيادة ...نطقت وهي تناظر زوجها: أبو ضاري تعوذ من الشيطان قاطعها بقهر وهو يؤشر على رحيق: ما سمعت كلامها؟! رافعه خشومها علينا ... وكأننا حشرات قدامها وهي ملاك!! ابنتها هي تبتلش فيها حنا ما لنا علاقة! رحيق ردت بنبرة هادئة: لما تكون مسجلة بإسم منصور وقتها تقول هالكلام .. هذي ابنتكم وتتحملونها غ قاطعها فارس وهو يمسك يدها قبل ما تجيب العيد بكلامها...وبنظره صارمه نطق: انتهينا!! رجف قلبها وهي تشوف نظرته النارية ...ما تدري اذا خبصت بالكلام. ....بس تحس بداخلها يحثها تتكلم وتطلع حرتها بكل شيء! تعوذت من الشيطان بداخلها ما تبغى المشكلة تكبر بينها وبين فارس ...ما تبغى تخسره أكثر من كذا!! رحيق هزت رأسها بهدوء وناظرت نورة الي عيونها تناظر من حولها بترقب: يلا ماما نطلع فوق!! تابعت كلامها وهي تلتفت على سيرين الي دخلت الصالة وهي تناظرهم باستغراب من ملامح الجميع!! تقدمت منها رحيق وهي تأخذ الصغيرة منها: شكرا سيرين! أبو ضاري بالرغم من التصادم الدائم بينه وبين رحيق الا إنه يندم بسرعه على رد فعله ... لها مكانه بقلبه وخاصة بعد موت ابو عبدالرحمن وزوجته ....يحس إنها صارت تحت اسمه وما يقدر يتخلى عنها ..وما ينسى إنها ابنة منصور الي كان بيوم من الايام صديق عزيز على قلبه ...زفر بضيق وبعدها نطق وهو يؤشر لرحيق: اجلسي خالتك جهزت حلا ما رح تلقين مثله!! انصاعت لأمره وهو ينطق بحزم لما شافها تبغى ترفض: أقول اجلسي! حصه ناظرتها بغيض وكره ...لو هي الي راددت ابو ضاري كان الحين وجهها منتفخ من الكفوف من فارس ...بس هذه رحيق ما تدري وش عملت له ما يعمل لها شيء ..بس شاطر يقول لها " رحيق... خلاص انتهينا " رح تنقهر من التمييز بالمعاملة ...جلست بعد ما طلب منهاعمها تجلس والغيرة والحسد أكلت قلبها من حظ رحيق!! سيرين جلست وهي تناظرهم بابتسامة: ملامحكم تقول صاير حرب طاحنه بينكم!! رحيق مطت شفتها بابتسامة متعبه: مجرد نقاش! أبو ضاري وهو يناظر رحيق: هاتي البنت وروحي مع سيرين جهزوا الحلا لعله ينزل ضغطي الي ارتفع بسببك!! بغت ترفض تدخل المطبخ ..بس ما تبغى تزيد الفجوة وتصير مشاكل ثانية ...انصاعت لأمره وهي تعطيه الصغيره وهي تنطق بابتسامة: انت يا عمي بسرعه تعصب وما عندك روح رياضية حتى تسمع للطرف المخالف! أبو ضاري ابتسم : انت الله يهديك مستفزه بقوة ...تحركي أشوف! زينب بعد ما غادرت رحيق برفقة سيرين ..نطقت: ما هو وقته الحلا للحين ما كملت الشاهي أبو ضاري : عادي! فارس كانت عيونه مسلطه عليها حتى غابت عن عينه .. رجع يناظر المباراة ببرود!! ** ** ** بعد ثلاث أيام جالسة بجناح رحيق وتتكلم بحالمية: ما توقعته كذا ... أول ما تشوفينه تحبينه!! رحيق مطت شفتها بملل من لما جاءت ونفس الشريط : ياسمين وش فيك انهبلتي؟! ترى ما صار لك يومين ملكت قاطعتها ياسمين بفرحه: لو تشوفينه يا رحيق الا تحبينه...يجنننننن رحيق رفعت حاجب: وش أبغى فيه! ترى انتبهي للحين ما شفت خيره من شره! ياسمين بابتسامة عريضة: لا تخافين عندي نظرة أعرف الناس وأميز الشخص الجيد من الشخص السيء! مطت شفتها بتعجب رحيق: ما شاء الله من متى هالموهبة؟! يلا قولي لي رأيك بفارس! ياسمين زمت شفتها بتفكير ..وبعدها نطقت بتأني: أحسه إنسان رائع بس مغرور بحاله وبوظيفته! رحيق تنتظرها تكمل: ايه وبعدين ياسمين هزت كتوفها: وبس! رحيق بتردد: ونظرتك هذي ما قالت لك وش تتوقعين مشاعره لي ؟! يحبني أنا والا حصيص أكثر؟! ياسمين كشت عليها: مالت عليك ...شايفيتني أعلم الغيب!! أنا من تصرفات الانسان اتوقع شخصيته رحيق قاطعتها: طيب المهم وش تتوقعين؟! ياسمين حكت حاجبها بانزعاج: ما عمري صادفته وهو جالس معك حتى اتوقع بس من كلامك رحيق وقلبها يدق بقوة: ايه كملي ياسمين وهي تنطق وتحرك حواجبها بقلة حيلة: الرجال ما يطيقك بهتت ملامح رحيق وبعبوس نطقت: ما يطيقني!! ياسمين بضحكه: والله يا حلوة الظاهر إنك غرقانه للأخير ووضعك صعب! رحيق بإنكار : لا يتخيل لك هالشيء ...يعني أنا عادي يعني أنا مثلا احترمه واقدره كزوج وإلا مشاعر الكره متبادلة! ياسمين بسخرية: ايه أكيد إني اتخيل ..بس وجهك ليه قلب لطماطم؟! وقبل ما تبرر رحيق قاطعتها وهي تكمل كلامها: فارس ما يحبك بس يعشق الارض الي تمشين عليها!! رحيق عقدت حواجبها بعدم استيعاب: وش تقولين؟! ياسمين هزت كتوفها : هذا إلي عندي! كلامك عنه وعن حياتكم ما تدل إلا إنه عاشق لك حد الثماله..واكبر دليل ليه ما طلقك بعد موت جدي وهو مجبور عليك؟!! رحيق ما تبغى ترتفع للسماء وبعدها تلقى نفسها بالارض: لا تنسي بيننا بنت! ياسمين : ياكثر الي يطلقون وعندهم درزن عيال! صدقيني لو أعطتيه البنت وطلبت الطلاق ما رح يطلقك لأنه واضح من كلامك إنه يحمل لك مشاعر جميلة! رحيق بالنفي: ما أتوقع ...أنا مرة سألته عن مشاعره لي بما إنه يكرهني ..بس قال إنها مشاعره لي مثل ما هي ما تغيرت! ياسمين رفعت حاجب وهي تفكر: مشاعره ما تغيرت!! كلامه هذا ملغوم ! رحيق بملل: انسي الموضوع! ياسمين ابتسمت: مثل ما تبغين .. تابعت كلامها بحماس:صحيح ما قلت لك اشترى لي جوال جديد..شوفي جوالي! أخذته رحيق بملل وناظرته لثواني ..وبعدها أرجعته وهي تنطق: حافظي عليه ياسمين توسعت ابتسامتها وهي تنطق بمزح: والله اخاف أحد يغتالني أو يخطفني ويسرق الجوال!! بهتت ملامح رحيق وهي تنطق: انت بعد تحسين أحد يراقبك أو يلاحقك؟! ياسمين رفعت حاجب بتكشيره: وش تهببين ترى أمزح! ليه انت أحد يلحقك هزت رأسها بالنفي وهي تنطق باستغراب: من فترة طويله وأنا أحس بهذا الشيء ...بس لما ألتفت حولي بالشارع ما يكون فيه أحد ياسمين بتحليل: يمكن هذا جني يبغى يدخل جسدك ضربتها رحيق بخفه : جني يأكلك إن شاء الله! ضحكت ياسمين من قلبها على ملامح رحيق المخطوفه... زفرت رحيق بضيق: أنا مداومه على أذكاري ما رح يصير لي شيء بإذن الله!! ياسمين انمحت الابتسامه وهي تنطق : والنعم بالله!! فتحت رحيق جوالها وهي تشوف رسائلها ما رد عليهم فارس ...يقال زعلان ...مطت شفتها بضيق ...قفلت الجوال والتفتت على ياسمين إلي رجعت تتكلم عن زواجها! ** ** ** حامله نوره وتطيرها بالهواء ..وصدى ضحكات نورة بالصالة ...دخل وهو يناظرهم بهدوء... وقع نظره على صيته جالسه على الارض وتناظرهم وتنطق كلام ما فهمه!! زفرت بتعب رحيق وهي ترجع نورة للأرض وهي تنطق بابتسامة:يكفي بعدين نكمل لعب! التفتت على فارس وعقدت حواجبها باستنكار وهي تشوفه يحمل بيدينه أكياس كثيره!! اقتربت منه تأخذ الأغراض وهي تسأل باستغراب متجاهله المشكلة الي صارت من قبل : وش هذا كله!!! توجه للمطبخ بدون ما يعطيها أي شيء ...لحقته وهي تناظره وضع الأغراض على الطاولة ...إلتفت لها وهو ينطق لما شاف ملامح التساؤل بعيونها: اليوم بالليل عندي عشاء عزمت ربعي...يا ليت تجهزي كل شيء قبل آذان العشاء! ناظرت الاكياس وللحين ما عرفت ماهية هالأشياء ...نطقت بعفويه: دام انها عزيمه ليه ما تعطي حصه أنا ما أعرف أطبخ! رد بملامح جامده: الي ما يعرف يقدر يتعلم...ما هو معقول كل الطبخ علي! فتحت حلقها والحين استوعبت هالحركه ..يبغى يعاقبها على كذبتها ..وبتبرير نطقت:أنا ما قصدت شيء ..كنت بس أبغى أرفع ضغطك شوي وقتها ..يعني مجرد مزحه! رد بجفاء مقصود: مزحه بايخه وما لها طعم وأتمنى ما تتكرر ! والحين جهزي الأكل أبغى كل شيء جاهز! اقتربت من الأكياس بعد ما رضيت بالأمر الواقع ...سرعان ما نطقت باستنكار أول ما بدأت تفتح فيهم: ذي كوسا وورق عنب ولحمه! قاطعها بتأكيد: ايه ليه أحد قال لك انهم بطيخ!! بداخلها توقعت إنه يمزح : مزحه ما لها طعم! ضحك بتهكم وهو يناظرها: حلوة هذي ! ومين قال إنها مزحه؟! رحيق بدأت ملامحها بالحدة: لأنه ما احد يعزم ربعه على ورق عنب ومحاشي قاطعهابقوة: أنا كسرت هالقاعدة وعملتها ؟! كله من وقتك هذا يلا! تضايقت من اسلوبه وحست وكأنه يتعامل معها وكأنها شغاله عنده ...وبقوة نطقت: أنا عندي دراسة ومو فاضيه لربعك ...كل واحد يروح لأمه تطبخ له قاطعها ببرود مستفز: رح تطبخين وانت ما تشوفين الدرب ...ولا تخليني اتصرف تصرف ما يعجبك!! ختم كلامه بنظره حادة ...ارتجف قلبها من هذي النظره ...أخذت نفس تهدي أعصابها .. خففت نبرتها وهي تنطق: أقول لك ما أعرف نطق وهو يطلع من المطبخ : ما هي مشكلتي! تحس الدموع تجمعت بعيونها وهي تشوف الكوسا وورق العنب...ما رح تعمل شيء ورح تشوف وش رح يطلع بيده؟!! سحبت الكرسي وجلست بعجز وهي تتخيل إنه ممكن يطلقها لهذا السبب ...ما تبغى الطلاق وخاصة مع دراستها الحين!! مسكت حبة من الكوسا وهي تناظرها بعجز وإحباط..ما تذكر إنها بيوم طبخت هذي الطبخة!! عقلها وقلبها يتشاجروا كل واحد فيهم يحثها تعمل شيء..بعد وقت من الصراع بداخلها ... قررت تطبخ وهو يتحمل نتائج اختياره.... كانت الساعة ١٢ بعد الظهر ....مر ساعتين وثلاث وأربعة وهي للحين تلف ورق العنب والكوسا للحين ما حفرتها!! مسحت بطرف كفها دمعه تسللت لخدها وهي تحس ظهرها انكسر من الجلوس طول هالمدة!! أرخت ظهرها للكرسي لعله يخف الوجع...طلعت منها شهقة ما قدرت تكتمها وهي تناظر ما جهزت ربع الكمية !! وقفت وبداخلها تشتم أبو المذلة ...لو ينتهي فيها الأمر عند مشعل قابله بس ما رح تقبل بهذا الذل!! زفرت بضيق وتوجهت لجهة شباك المطبخ ... ليه تتعب نفسها وبالآخر رح يكون بالزبالة! لحظة خطرت في بالها فكره ...تحركت بسرعه لبست ملابسها وتوجهت للمطبخ اخذت الاغراض وتوجهت لبيت عمها!! بعد وقت ابتسمت برضى وهي تشوف حصة وسمر وسيرين وخالتها يشتغلون ! زينب بحرص وتنبيه: لا تشدو الورق كثير! رحيق مبتسمه وهي تلف معهم على اقل من مهلها...سيرين قاطعتها: اشوفك مبسوطه؟! رحيق هزت رأسها بالإنكار: انا؟! ما فيني شيء!! ختمت كلامها بابتسامة جميله...سرعان ما انمسحت ابتسامتها لما سمعت صوت فارس بالصالة!! بلعت ريقها نورة وياسمين بالصالة اكيد رح يشوفهم!! زينب بشك وهي تشوف ملامحها المخطوفه: وش فيك انقلبت كذا! حصه ناظرتها بكره وهي تنطق: شدي يدك مثل السلحفاة تمشين!! رحيق ناظرتها بغيض: ما يخصك!! فارس استأذن قبل ما يدخل....زينب بترحيب: ادخل يا فارس!! زم شفته بعدم رضا وهو يشوفها نزلت الشغل هنا!! زينب باستغراب: ما قلت إنك عازم ربعك؟! اعطى رحيق نظرات ناريه .. وبعدها التفت على امه وهو ينطق بهدوء: صار كل شيء بسرعه زينب قاطعته بانتقاد: وانت تبغى الناس تتكلم علينا وتنفد اكلنا يوم إنك تطلب من رحيق تطبخ؟! والله ما بقى بالخم الا ممعوط الذنب!! عبست ملامحها من كلام خالتها ..ترى ما هي لذي الدرجة طبخها سيء!! فارس نطق وهو يناظر أمه: ما أبغى أغلبك يمه ..وام ريان يا دوب قادرة تحمل نفسها سمر كملت كلامه وهي تنطق بسخريه: وطبعا ما لقيت أحد واضطريت لرحيق...الله يسامحك يا كثر المطاعم! ناظرتها رحيق بقوة ...لا كذا مسخوها الشاطر يتمسخر عليها ...ما رح تسكت لأحد وبغضب متقن وزادت العيار حتى تهرب من الشغل وهي توقف على حيلها: من زين طبخك! لو سمحت تحطين لسانك بحلقك وما تتدخلين بأي شيء يخصني انت وغيرك!! وتحركت تطلع يقال انها زعلانه...مسك يدها واوقفها: وين يا ام صيتة؟! حاولت تفلت يدها وكلمة ام صيته فجرت بداخلها كل الاحزان ...ابعدت يده عنها وتحركت خارج المطبخ بعد ما نطقت بنبرة باكيه ما قدرت تسيطر عليها: اتركنيييي!! توجهت لصيته الي تلعب بالصالة ..حملتها ومسكت بيد نورة وتوجهت لجناحها ... وبداخلها ممتنه لسمر الي بسببها هربت من الطبخ!! ** ** في اليوم الثاني كانت راجعه من الجامعة ...اقتربت من البوابة ...حست بالجوال يهتز ...فتحت حقيبتها تطلعه ..سرعان ما ابتعدت لما حست شخص رح يصدم فيها ...ما لحقت تشوفه وما كلفت نفسها تناظر للخلف ...الحق عليها لزوم تنتبه وهي تمشي بالشارع ...دخلت البوابة بعد ما أعطت ياسمين مشغول ...اتصلت بسيرين تطلع لها البنات ما لها خلق تدخل وتشوف حصة!! بعد وقت طلعت سيرين ومعها البنات .. نطقت بابتسامة: يا عيني على الدكتورة ما عادت تدخل بيتنا!! رحيق مطت شفتها بملل: قولي ما أبغى اشوف حصيص!! ضحكت سيرين وبعدها نطقت بتذكير: لا تنسين اليوم فرح ومرح رح يزورونك نبغى ضيافه من الآخر...والأهم ما نبغى شيء من صنع يدك! رحيق خزتها: لا احلفي يا شيخه! أصلا مين يطلع له يذوق شيء من تحت يديني ويقول لا؟! سيرين بتذكر: صحيح اليوم جدتي صيته رح تزورنا قاطعتها رحيق : الحمد لله انك خبرتيني حتى ما أنزل!! حصة وصيته ما اقدر اتحملهم! سيرين رفعت حاجب بانتقاد: تراها جدتي احترميني! رحيق تغير الموضوع: اتصلي فيني اول ما يوصلون سكتت لما شافت فارس داخل من البوابة ...استغربت كم يوم صار له معطل .. واليوم ما داوم ...البارحة كان دورها وحضرته ما جاء الظاهر للحين زعلان لأنه ما رد على اتصالاتها ولا على رسائلها ...مطت شفتها بقهر من تفكيره أكيد للحين زعلان على عدة مواقف وأبرزها سالفة المحاضرة ...يعني وقت المحاضرة كيف تتجاهلها بدون سبب ضروري !! رد السلام وبعد سأل سيرين باستغراب: أشوفك برا سيرين بتوتر: لا بس طلعت البنات لرحيق! والحين راجعه ...سلاااام! ناظر زول أخته لما دخلت ...هز رأسه بعدم رضا...كل يوم عن يوم يزيد الوضع عن حده ...ما كلفت نفسها تدخل بيت أهله وتأخذ البنات؟!! قاطعت أفكاره وهي تسأل : اتصلت عليك وما رديت؟! ناظرها ببرود وهو ينطق: وش بغيت؟! انقهرت من رده ...وش هالأسلوب البارد الي يكلمهافيه!! رح تنسحب أفضل لها قبل ما تتشاجر معه...قبل ما تتحرك ناظرت ريان الي طلع لهم وهو يردد:. بابا بابا!! حمله فارس وهو يضحك ويرفعه لفوق ...وصدى ضحكات ريان بالمكان ...قبله على خده وتوجه فيه للداخل...متجاهل رحيق الي واقفه ... تحس نفسها بهذه اللحظة وكانها غير مرئية ..أو جدار أو كرسي حتى يتجاهلها بهذه الطريقة..يا كثر ما يكرر هالحركة فيها! بلعت غصتها وهي تشجع نفسها عادي عادي خليه يولي ! ناظرت ياسمين الي تشد بالعباية تبغاها تحملها ...حملتها وبداخلها يحز بخاطرها تمييز فارس الواضح لريان عن باقي العيال!! ما كلف نفسه يعبر ياسمين او يناظرها ..لذي الدرجه من شدة الكره الي يحمله لها انتقل لابنتها؟! تحركت بروح خائرة للجناح والضيق إعتلى صدرها!! بعد وقت جهزت الضيافة وتوجهت للغرفة تبغى تغير وضع الحزن ...أكثر من مرة أقنعت نفسها تترك السلبية وتفكر دوم بالإيجابية ..هي حياة وحده رح تعيشها ..ليه تضيق خلقها ونعيش بنكد وضيق ...السعادة حنا إلي بنوجدها لو بغينا ... لبست فستان لنصف الساق واسع من تحت..له علاق عريض ...لونه مشمشي على أطرافه لون أسود ...فتحت شعرها الي يوصل لنصف ظهرها ...عملت فيه حركات خفيفه من الأمام ...وضعت مكياج خفيف يقولون المكياج يعدل المزاج ...ابتسمت لنفسها برضا .... لبست صندل بكعب عالي ....رجعت تناظر نفسها ...وهي تحس نفسها رايحه على حفله بهذا الكعب!! طلعت للصالة تتفقد القهوة ...وقفها الطرق على الباب .... فتحت الباب وبابتسامه واسعة وهي ترحب ببنات خالتها!! فرح وهي تناظرها بإعجاب مع هالخصر المنحوت : ما شاء الله وش هالشياكه هذه؟! رحيق بحرج: كله من ذوقك!! مرح بابتسامة سلمت عليها: ما شاء الله ..تبارك الرحمن! سيرين غمزت لها: انتبهي تشوفك حصيص ..اتوقع الليلة تنامين بالقبر ...الا تصكك عين قاطعتها مرح بردع: اتركني عنك هالكلام وما تتدخلين بأحد ! رحبت فيهم وتوجهت للمطبخ تحضر القهوة ...مر وقت استمتعت فيه معهم ...زمان ما جلست معهم ....من يوم وطالع ما رح تحبس نفسها ...رح تعيش حياتها مثل ما تبغى هي وما عليها من أحد!! توسعت ابتسامتها وهي تسمع لموقف مضحك حصل مع فرح!! انمحت الابتسامه أول ما دخل فارس ....فرح ناظرته بابتسامة: ليه تأخرت؟! رد وهو يتحاشى النظر لرحيق:وقفت مع واحد من ربعي!! عم الصمت للحظات ...نطق فارس باستغراب: علامكم ساكتين صوتكم كان واصل لآخر الدرج!! فرح ابتسمت: كنت اتكلم عن موقف صار معي! اليوم جدي ابو فيصل جاي هنا! فارس الي عارف سبب قدومه ..نطق بضيق: أدري!! ناظرت رحيق وبهتت ملامحها لما نطقت مرح: يقولون تطلقت! سيرين بقهر: والله رحيق اجمل منها بألف مرة ..ما أدري عنك يا أخي ما عندك نظر يوم تحب ليلى!! أحد يحصل هالقمر ويقول لا! فتحت رحيق عيونها باستنكار لكلام سيرين ...التقت عيونها بعيون فارس للحظات ونزلتهم بحرج! ابتسم فارس بدون نفس: مثنى وثلاث ورباع ختم كلامه وهو يخز رحيق يذكرها بكلامها! مطت شفتها بضيق وإلتزمت الصمت ...نطق وعيونه مسلطه على رحيق بتأمل وكأنه أول مرة يشوفها: اذا قالت لي رحيق لا تتزوج ما رح اتزوج مرح بضحكه: والضعيفه حصة طول الوقت تقول لك لا تتزوج قاطعتها سيرين: مين الضعيفه؟! هذي برميل وفوقها سكينه! فارس احتدت ملامحه وهو يناظر سيرين بغضب: وش هالكلام؟! ترى احترامها من احترامي! مطت شفتها سيرين بعدم رضا من موقفه!! فرح ترجع لنفس الموضوع: يلا يا رحيق قولي له لا تتزوج! رحيق تعكر مزاجها من هالسالفه ...حاولت تحافظ على ملامحها تكون هادئة ...ما رح تنسى حركته اليوم رح تقهره مثل ما قهرها .. نطقت بابتسامة: إذا ينفع أكون شاهده على الزواج ما عندي مشكلة!! مرح فتحت عيونها باستنكار:لا لا هذي قويه! تشهدين على عقد زواج زوجك؟! رحيق توسعت ابتسامتها بروقان وهي تشوف ملامح فارس الي انتفخت... وبنبرة صادقة نطقت: أنا أتمنى له السعادة مع البنت الي قلبه حبها ...بصراحه أنا رح أنفصل عن فارس بالمستقبل القريب قاطعتها سيرين بصدمة وانفعال من كلامها: وش تقولين؟! وليه تنقصلون ؟! والله بحياتي ما شفت اثنين مناسبين لبعض مثلكم! رحيق بنبرة مخنوقه نطقت وهي تناظرها: ما يغرك الشكل والتناسب فيه ..الأهم القلوب تكون قريبة من بعض...حتى لو حملت لشخص مشاعر جميله مع الايام من كثر الجفاء واللوم والعتب تندفن هالمشاعر ورح تبحثين عن حياة أكثر راحة واستقرار قاطعتها فرح بعدم اقتناع لكلامها: ترى بينكم بنت! رحيق مطت شفتها بابتسامة باهته: ما رح ينقص عليها شيءمعي ...تواجدنا هنا او في مكان ثاني ما رح يختلف شيء! فرح ناظرت فارس: وانت راضي بكلامها؟! ما عندك مشكلة؟! فارس حياتهم تدور وترجع لنفس النقطة مشكلتها ما هي قادرة على التأقلم ...ما يدري الغلط منه والا منها ...لكن الي متأكد منه كل هالتكبر والغرور فيها بسببه...شافت نفسها عليه لأنه دوم هو المبادر ..يستاهل أكثر من كذا ...لبس قناع البرود وهو ينطق: ما رح أكون العائق أمام رغبتها ...دام تبغى الفراق تحدد اليوم وأنا مستعد!! انصدمت من رده ...وهي الغبية الي صدقت كلام ياسمين إنه رح يرفض طلاقها ... وكأنه ينتظرها تطلب هالطلب حتى يتخلص منها ...بلعت قهرها وهي تنطق: بالوقت المناسب رح اطلب منك قاطعتها سيرين بانفعال وغضب: الظاهر كلام حصيص رح يصير ... يوم إنها تدعي إنك يا رحيق بعد ما تصيرين دكتورة تطلبين الطلاق من فارس لأنه ما يناسبك تبغين دكتور مثلك!!! ما قدر يخفي غضبه من كلام حصة .. وش هالدعوة إلي تقولها!! ما يدري خاف تتحقق دعوتها وقتها رح يموت لو يصير هالشيء...وبانفعال نطق: ومين قال انها رح. تكمل دكتوراه؟! ماجستير ويا حلو الجلسة بالبيت ...ما ابغى لا شغل ولا زفت!! رحيق قلبها دمدم من الدراسة ما توقعت إنها يبغى لها كل هالوقت والجهد ...ما عادت تفرق معها تكمل أو لا ..نطقت بانفعال: حصة وش لها عندي حتى تقول هالكلام ؟! ناظرت فارس بتحذير: أنا سكتت لها كثير .. مرة ثانية ما رح يعجبكم تصرفي معها هالمدلعه! فارس بملامح متجهمه نطق: لا تجلسين تهددين ..وام ريان أنا أتفاهم معها انت ما لك شغل فيها!! فرح بضيق من الحلسة إلي صارت أجواء المكان متكهربة نطقت برجاء: بالله فك انت واياها هالكشرة ..وخلينا مبسوطين رحيق ابتسمت وهي تغمز لها : وهاي أحلى ابتسامه لأحلى فرح! ابتسامتها أسرته ما يتخيل تفارق عينه للحظة ...ابتسم وهو ينطق وعيونه على رحيق: لا تضيقون بالكم بالسالفة... أنا ورحيق كنا نمزح معكم نشوف رد فعلكم ... أنا مثل السمكه بدون المويه....وبدون رحيق ما تحلى حياتي! ابتسمت على كلامه ونطقت بنغزه: ايه اكذب علي بهذا الكلام...ودوبك ساحب علي وكأني جدار!! ضحك بصوت مرتفع وهو يشوف ملامحها والزعل واضح فيها ...نطق بتبرير: قرصة إذن علشان مرة ثانية ما تسحبين علي يا أم المحاضرات!! رسمت ابتسامه واسعة على ملامحها وهي تنطق: يعني السالفة جكر! فرح وهي توزع نظرها بينهم: وش سالفة المحاضرة!! رحيق بملامح رايقه بدت تسرد لها الأحداث وكل شوي فارس يقاطعها ويعترض على بعض الأمور ويوضحها من وجهة نظره!! *** *** ** باليوم الثاني كانت راجعه من الجامعة ...لما اقتربت من البوابة وقفها شخص وهو يسألها: لو سمحتي! ردت باستغراب: نعم ! نطق وهو يناظر حوله وكأنه يبحث عن احد: شفت طفل بعمر خمس سنوات ....شعره طويل وبشرته سمراء!! قاطعته بدون ما تناظر فيه: اسفه ما شفت أحد ..تقدر تبلغ رجال الشرطة! رد بضيق متقن: بلغنا من الصبح وما صار شيء! اذا شفتيه تقدري تتصلين فيني ..هذا رقمي ..ومد لها ورقة عليه رقمه .. ردت بهدوء بدون ما تأخذ الورقة: اذا لقيناه رح يتواصل زوجي مع الشرطه وتستلمونه. ختمت كلامها وتركته ...شافت سيارة عمها قريبه من البوابة ...تابعت خطواتها للداخل ...أخذت البنات وطلعت حتى ترجع للجناح. ...وقفها سؤال عمها المستغرب: مين الرجال الي كان واقف قدام البيت! ردت بدون اكتراث: يسألني إذا شفت طفل صغير بالمكان! ابو ضاري بحرص: انتبهي ترى هالأشكال أغلبها كذابه ..يلاقون أي طريقه يتكلمون مع الحريم!! مرة ثانية لا تكلمين اي احد ما تعرفينه ...ويا كثر مراكز الشرطه يروح لهم! هزت رأسها وهي تنهي الموضوع: ان شاء الله عمي!! هزت رأسها, مرت أيام الأسبوع هادية ... أبو فيصل مصر للحين على زواج فارس من ليلى وينتظر لحظة تكمل عدتها!! فارس يحس بالضجر من هالسالفة ... والمشكلة جده معند رأسه على هذا الموضوع ...نطق كمحاوله ينتهي من الموضوع: يا جدي أنا ما ابغى الزواج أبو فيصل بإصرار: وأنا وعدتك من قبل ان طال الزمن أو قصر رح تكون من نصيبك! حصة الي واضعه إذنها على باب المكتب وتستمع لكلامهم ..ناظرت زينب وبهمس نطقت: ما رح يذبحني الا هالعجوز! أشرت لها زينب تنكتم حتى ما يحسوا فيهم! ابو ضاري بهدوء نطق: يا فارس الرجال متى ما تزوج الثانية يصير الزواج سهل عليه ....أبغى اعرف ليه انت رافض؟! كذا تجازي جدك الي يبغى سعادتك؟! فارس بعناد على رايه: بس أنا عندي زوجتين ومكتفي فيهم! ابو ضاري بسخرية: مالت على حظك بهذا الزواج ..حصيص الي تحوم الكبد بدلعها الماصخ فتحت حصه عيونها باستنكار وهي تناظر زينب ...زينب اشرت لها تنكتم حتى ما تنفضح ..وبهمس خفيف نطقت: وهو صادق تلوعين الكبد بدلعك! كتمت قهرها حصه من كلامهم .. ورجعت وضعت إذنها على الباب تسمع باقي الكلام!! ابو فيصل بتاكيد: كلام ابوك مضبوط .. ترى هالحصة ما دخلت رأسي ولا هي تناسبك ..انت يا ولدي طيار تستحق أفضل من كذا! أبو ضاري يكمل: ورحيق ..هذه لحالها قصة يعجز اللسان عن وصفها! ما ادري وين عقلك يوم صار عندك بنت منها!! عائله اهلها يشرفون ونعم النسب! فارس ضاق صدره من كلامه: ما لي بأهلها .. أنا الي يهمني رحيق ما عليها كلام ابو ضاري بعبوس: متكبره ورافعه خشومها على قلة سنع! لو وحده ثانيه تدفن نفسها من هالأهل ..ما هو تشوف نفسها علينا!! أبو فيصل بدفاع: والله رحيق ما عليها كلام ..ولولا اني نذرت أزوج فارس من البنت الي يحبها ... كان ما سعيت لهذا الأمر! بس أنا من قبل أعطيت كلمة لفارس إنه رح يتزوجها ...ولو آخر يوم بحياتي!! واليوم أنا رح أكلم أبوها قاطعه فارس وهو يتكلم بصعوبه:ما له داعي تروح له يا جدي ... زم شفته بضيق وهو يتكلم بتردد: لأنك بالأصل وفيت كلمتك لي وتزوجت البنت إلي حبيتها؟! وقع كلامه على مسامع المتواجدين صدمه... متزوج البنت الي يحبها ؟! مين تكون ومن متى متزوجها ؟! وكيف صار هالشيء وهم آخر من يعلم!!! حصه تتنفس بصعوبة من هول هالكلام ..معقول فارس متزوج كمان وحده!! ابو فيصل بعدم فهم: وش تقول يا فارس؟! وش هالكلام؟! من متى انا زوجتك بالبنت إلي تحبها؟! وباستدراك تابع كلامه: لا تقول حصيص هي البنت الي تحبها؟! كيف وليلى؟! حصة فتحت عيونها بعدم تصديق معقول تكون البنت الي يحبها فارس!! زينب مطت شفتها بحزن على حصه الي تظن نفسها هي البنت الي يحبها !! قطعت افكارها لما نطق أبو ضاري بقلة صبر: تكلم يا فارس تراك رفعت ضغطي! زم شفته بضيق وكأنهم يسحبون الكلام منه سحب: بالحقيقة أنا من وقت طويل اكتشفت إنه البنت الي كنت أحبها وابغى اتزوجها ما هي ليلى ابنة عمتي! صار إلتباس بالموضوع وأنا ظنيت البنت هي ليلى ابنة عمتي ! أبو ضاري قاطعه: كيف يعني؟! فارس نزل رأسه للأرض وهو يتكلم بهدوء: البنت الي حبيتها اول لقاء شفتها بالمطعم ..كانت برفقة ليلى ابنة عمتي ..ولأني ما اعرف شكل ليلى ظنيت إنها ابنة عمتي .... أبو فيصل عقد حواجبه: أجل مين البنت؟! لا تقول تزوجتها بدون علمنا؟! زفر فارس بضيق ما كان يبغى أحد يعرف بهذا الموضوع..لكنه مضطر يكشفه:تزوجتها بعلمكم وبموافقتكم ...البنت كانت رحيق!! ختم كلامه وهو يناظرهم ببرود! أبو ضاري باستنكار: رحيق ما غيرها؟!! إيه الحين عرفت ليه خروف عندها!! فارس قاطعه برجاء: أتمنى يبه هالموضوع ما يطلع من بينا ..هذه أمانة واحفظوها بصدوركم!! ابو فيصل رفع حاجب باستجواب: متأكد من هالسالفة؟! لا تكون تبغى تصرفنا وتقول هالكلام قاطعه وهو ينطق بثقه وقوة: ورب الكعبة كل كلمة قلتها صحيحة..رحيق هي البنت إلي دخلت قلبي من أول ما شفتها! حصة تحس كأنه أصابها الصمم من قوة هالكلام ...الحين فارس متزوج عليها البنت إلي يحبها!! وضعت يدها تكتم شهقاتها ..سحبتها زينب للصالة حتى ما تفضحهم!! جلست حصة بانهيار وكأنها فقدت واحد من أهلها! زينب كسرت خاطرها حصة ...تقدر شعورها ولو كانت بمكانها ما تدري كيف رح تكون رد فعلها!! *** انتهى البارت .....اتمنى ما احد يعلق البارت قصير ... لأني بالموت حتى قدرت أجهز هذا البارت ..دمتم بخير 🌹 | ||||
|
| |
|
14-05-22, 01:38 AM
| #990 | |||||
|  محبه للخير اقتباس:
جزاكِ الله خيراً | |||||
|
| |
 |
| الكلمات الدلالية (Tags) |
| ... |
| أدوات الموضوع | |
| انواع عرض الموضوع | |
|
|
4017Likes
العرض العادي
