آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-07-22, 11:57 AM
| #21 | |||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  اقتباس:
الله يردها بالسلامة الغايب عذره معه | |||||
|  |
|
17-08-22, 01:11 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السادس بسم الله الرحمن الرحيم لا تلهيكم الرواية عن ذكر الله والعبادات *********************** وقف ليث وعيونه مفتوحة من الصدمة وهو يشوف الناس ابتدت تتجمع حول ريم واخته بسبب صراخها.... أقدامه يحس انها كجذور النخيل على الارض مثبتة لا تتزحزح ريم وهي تبكي بسبب الألم والقهر: ساعدوني تكفون ساعدوني أنا مخطوفة وجالسين يعذبوني حتى شوفوا حرقوني و..... لم تكمل بسبب قهرها على نفسها... مرام وهي تمسك بأكتافها بقوة وتهزها وبهمس: ريم اسكتي تكفين انتي وش جالسة تقولين تكفين اسكتي أخوي الشيخ راح يقتلك.... ريم وهي تلتفت على النساء الذين من حولها وعجوز كبير يبدو انه في اواخر عقده السابع: سمعتوا وش جالسة تقولي ؟ تقولي أخوي الشيخ راح يقتلك ما كفاهم حرقوني وعذبوني... الجميع بصدمة وهم يسمعون اسم الشيخ العجوز: الشيخ... الشيخ ليث ريم وكأنها تتهم أحد وهي تشير بأصبعها على ليث الذي كان واقف بالقرب من الاستقبال وبعيد عنهم نسيبا... ريم: إي هو هناك... التفت الجميع للمكان الذي تشير اليه ليروا شيخهم هناك ينظروا لهم بكل ثقة ينتظر متى تنتهي هذه المهزلة... العجوز وهو يشعر بقدميه لا تقوى على حمله: ابعدوا.. ابعدوا ذولي من أهل الشيخ ابعدوا... وفي ثانية واحدة اختفى الجميع مبتعدين عن ريم ومرام ريم بقهر وصدمة وهي ترى الجميع ذهب في لحظة: يعني عادي إذا كان الشيخ يقتل ويخطف ويسوي اللي يبيه عادي حلال عندكم.... انتم ناس حقيرة... كلكم كلكم ما تخافون الله.... ما راح أسامحكم والله ما أسامحكم... حسبي الله ونعم الوكيل فيكم .... مرام بقهر بسبب أفعالها ودعائها عليهم: ريم خلاص اسكتي زودتيها أصلا أنا مستغربة كيف أخوي الشيخ للحين ما دفنك مكانك... على كلمتها هذه تقدم ليث منهم وعينيه يكاد يخرج الدم منها: امشوا قدامي... وهو يجذب ريم من ذراعها لتقف أمامه بألم بسبب الحرق ريم وكأنها لم تفعل شيء: بشويش أوجعتني ليث وهو يرص على أسنانه: بعدك ما شفتي شيء من الوجع سكتت ريم وهي تشعر انه يمكن أن يخنقها في اي لحظة مشت معه في اتجاه غرفة العلاج ..... ****************** في سيارة ليث وقريب من القصر ريم بعد ما خف الالم عنها: اسمع ترى ما راح اسكت عن ذا اللي صار لي ولو تقرب مني وحدة منهم اذبحها استغفر ليث بصوت ومسموع وقال: يا بنت الحلال تكلمي معي باحترام أحسن ما أدفنك هني كافي فضيحة المستشفى ريم بدون اهتمام بتحذيره: قول انك ما تقدر تحمي زوجتك منهم وخلاص ما في داعي اللف والدوران... في لحظة واحدة ارتدت ريم للأمام بقوة بسبب توقف السيارة المفاجئ ولأنها لم تربط حزام الامان لولا يد ليث كانت طلعت من زجاج السيارة من زمان... ريم بصراخ: انت مجنون كنت راح تقتلنا... ليث وهو يلف عليها ويتقدم نحوها ريم بتوتر واضح: انت وش تريد ابعد ابعد عني ليث تقدم منها اكثر وهو مستمتع بخوفها وفي لحظة فتح درج السيارة اللي جنبها وأخذ منه مسدسه وعباه بسرعة قال وهو يضعه في حجره: والله العظيم كلمة زيادة وأفرغه في راسك تراني رجال صبري قليل ... ريم وهو تشعر بان قلبها اصبح في بطنها: ط...طيب راح اسكت بس ابعده... شغل ليث السيارة وما التفت لها حتى مرام في الخلف نائمة ولم تشعر باي من الاحداث التي حدثت وصلوا للقصر نزلت ريم ومرام تساعدها في المشي ريم بهمس لمرام: خذني لغرفتك تكفين ما بي أبقى معه في نفس المكان راح يذبحني ... مرام بنفس الهمس و بقهر من تصرفات ريم: كل ذا بسبب غبائك... وبصوت مسموع لليث... ليث تكفى أريد ريم تجلس معي هاليومين... ليث بغضب يحاول السيطرة عليه: أبركها من ساعة دخلت ريم لجناح مرام بتعب نفسي وجسدي كبير جلست على السرير بهدوء عكس العواصف الي سوتها قبل شوي ريم وهي تنام على السرير وعيونها في السقف: أبي أنام وأنام وما أصحى أبد... اتجهت مرام لناحيتها بهدوء لكن ريم بسرعة التفتت للجهة الثانية وضعت مرام يدها على كتف ريم: ريم وش فيك الجرح يوجعك ريم بصوت مخنوق: عن إي وجع بالضبط مرام بمزح: ريم وش فيك وش هالدراما.... ريم بالم: دراما انتم خاطفيني رسميا ولما أحزن على نفسي وحياتي تقولين دراما والله ضحكتيني وأنا مالي نفس أضحك مرام بهدوء: ريم حبيبتي حاولي تتقبلين حياتك وتتنازلين شوي والله اخوي ليث ما في منه، صحيح عصبي وكذا بس مستحيل يظلم شخص أو يأذيه كيف لو كان زوجك ؟! ريم بمسايرة لمرام: طيب تقبلت أخوك وبعدين والباقي أمك وأخواتك وزوجاته... جلست على السرير بعصبية: تبيني أتقبل ناس حاولت تحرقني.. ولا ناس حاولت تقتلني انت أهلك يعاملوني مثل وحدة قاتلة لهم أحد... وناسين تماما إنه انتم اللي قتلتم عمي، عمي الوحيد حرمتونا منه بدون رحمة وتبيني أتقبلهم واتنازل لهم انتي تسمعين وش جالسة تقولين ؟! مرام: إي ريم حاولي تتقبلينه وتتنازلين انتي ما تدرين وش اللي صار في حيات أمي وخالتي قبلها انت صحيح ما لك دخل في الموضوع بس أمي وخواتي مستحيل يفهمون ذا الشيء يمكن أنا فهمتك لأني ما شفت الماضي اللي يتكلمون عنه بس متأكدة إنه بسبب جدتك أهلي للحين شايلين عليك وكل أفعالهم بسبب شي صار في من زمان ..... ريم وهي ترمش بعيونها: بسبب جدتي أبوك يحب ويعشق وبعدين كل شيء يطيح فوق راسنا والله حاله مرام بغضب من عدم تفهم ريم: ريم احترمي نفسك ما أسمح لك تكلمين كذا على أبوي الله يرحمه وقفت ريم بعصبية متجهة ناحية الباب: سمحتي ولا ما سمحتي الحقيقة نفسها... خرجت ريم بغضب متناسية ألم الحرق الذي يجعلها تقف بصعوبة حتى صعدت للدرج بألم وتعب كبير دخلت لجناح ليث بعصبية بدون أن تطرق الباب دخلت غرفة النوم لتجد ليث يقف أمامها عاري الصدر ويرتدي بنطلون أزرق غامق... ليث وهو يمسح وجهه بيده: استغفر الله ريم بغضب: ليه شايف جني قدامك بعدين انت اللي جبتني لي هنا انت اللي تتحمل ليث وهو يلتفت عنها ليدخل غرفة تغير الملابس لا يريد إيلامها اكثر فعلامات الالم واضحة على وجهها الذي اصبح لا يقاومه ........ اتجهت لسرير بسرعة وارتمت عليه مغمضة عينيها تريد النوم هربا من الألم هربا من القهر من الشوق من كل شيء ...... ************************ بعد مرور شهر ........... في بيت خالد خالد يربت على كتف زوجته أحلام الجالسة على طاولة المطبخ بكل حزن... خالد: أحلام انت مالك ذنب في كل اللي صار ليه تسوين في نفسك كذا ؟؟ أحلام بدموع: لي ذنب يا خالد إلا لي كل الذنب أنا كنت انانية سمحت لهم ياخذون ريم بدل بنتي فاتن... طول عمري حاولت أعدل بينهم وما أفرق بينهم أبداً وفي الاخير ما قدرت ما قدرت أنا آسفة خالد والله اسفة انا كنت انانية كثير مستحيل اسامح نفسي على هالشيء لما دخلت على الحريم يومها كان الصح إني أطلعها وأدخل فاتن بدالها لكن أنانيتي سيطرت علي ..... ما قدرت تكمل كلامها بسبب البكاء خالد وهو يجلس جنبها بهدوء: أحلام انتي سويتي الصح فاتن مستحيل تقدر تعيش معهم لكن ريم بنتي واعرفها تقدر...... يعدين لا أسمعك تقولين كلمة في هالموضوع ريم بنتك مثلها مثل فاتن وقمر وما في كلام غير ذا فهمتي ؟؟ وضعت أحلام رأسها على مائدة الطعام تشعر أن كلام خالد وثقته بها تؤلمها أكثر وأكثر مرت الذكريات أمام عينيها كشريط فيديو منذ لحظة ذهاب خالد لألمانيا من أجل رحلة عمل إلى يوم اعترافه بزواجه من غيرها... إلى يوم تطليقه لتلك الألمانية..... تشعر أن الذكريات تقتلها تخنقها لم تستطع حفظ الأمانة التي وضعها خالد بين يديها بعمر الشهرين... ********************** بين الجبال نزلت ريم من الدرج جنبا إلى جنب مع الشيخ لتقف أمامهم سحر بكل قهر وغيظ من الذي يحدث أمامها لا تعلم كيف أصبحت هذه الحية قريبة من زوجها هكذا زوجها الذي كم أخبرها بأن قلبه صائم عن حبه للناس منذ الازل سحر بهدوء: صبحك الله بالخير يا شيخ أجابها الشيخ بهدوء وهو يعلم بما في داخلها لكن مادام تصرفه هذا سيوقف نيران التي بجانبه سيفعل... قبل هذه الاحداث بفترة ريم جالسة على الاريكة تشوف التلفزيون وليث على أحد الأرائك البعيدة مشغول بـ اللابتوب تقدمت منه ريم بسرعة بعد تفكير كبير: وش رايك نعقد أنا وياك صفقة مربحة للطرفين ؟؟ اغلق ليث اللابتوب الذي بين يديه فالحقيقة أنه لم يكن ينظر له أصلاً فنظره كان واقع عليها منذ أن جلست، ملامحها تأسره غرورها وثقتها بنفسها تقتله وشعرها ذلك حكاية أخرى تماماً ريم وهي تلوح بيديها أمامه: هيي ياهو نحن هنا انت تسمعني ليث بهدوء: إي اسمعك وش هي الصفقة المربحة ذي ريم: انت تدري إن الحرق اللي سوته اختك وزوجتك للحين ما طاب وأنا ناويتن لهم نية.... بس هونت لأني أدري بنفسي ما أقدر أتحكم فيها ويمكن أقتلهم عادي... ظهرت ابتسامة استهزاء على وجهه لكنه لم يقاطعها لتكمل ريم بهدوء: المهم اتفقنا... على إن أنا وياك نكون مثلنا مثل أي زوجين وتعاملني مثل باقي زوجاتك سحر وملاك.... طبعا ذا الشيء قدامهم موب بالحقيقة عشان لا تصدق... رفع ليث حاجبه الأيمن تعليقاً عن آخر كلامها لكنها لم تهتم بذلك أبداً ريم: وفي المقابل أنا راح أحترمهم وراح أنسى كل اللي صار ونبدأ صفحة جديدة... ليث وهو يرى مصلحته في كلامها فليس لديه وقت لمشاكل النساء يكفيه مشاكل القبيلة المتراكمة فوق رأسه وعلى عاتقه: ما في المشكلة ذا الشيء مريح للطرفين... ريم وهو تقف بسرعة: يس وافقت آاااااه... جلست بسرعة وهي تمسك بمكان الحرق بألم لأنها خدشته بيد الأريكة... ليث بتنهيدة: انت انسانة متهورة بشكل موب طبيعي ريم بقهر من كلامه: ذا اللي قدرت تقوله وقلدت صوته انت انسانة متهورة بلا بلا بلا..... المفروض تقول سلامتك شفيك ليث ببرود وهو يفتح لابتوب من جديد: سلامتك شفيك ؟؟ وقفت ريم غاضبة من استهزائه تعرف نفسها جيدا إذا جلست أكثر ستفسد ذلك الاتفاق ويستحيل أن تفعل ذلك فهي تريد حرق قلب سحر تلك الغيورة وبعدها ستلتفت لخلود... عودة للوقت الحالي جلسوا جميعهم على الطاولة من أجل الفطور الشيخة منيرة: انتي آخر مرة تنزلين ذا الوقت الفطور كل يوم وحدة منكم تصلحه ما بي شغل الخدم لحالهم... ريم بهدوء وهي تبعد خصلة من شعرها الذي سرحته كضفيرة عن وجهها تبدو طفولية جداً بملابسها فستان ضيق من الأعلى ومنفوش بطريقة بسيطة من تحت مع ضفيرة فرنسية ريم بصوت رقيق : آسفة يا شيخة بس أمس نمنا متأخر فما قدرت أصحى مبكر... سحر ضغطت على الشوكة التي بيدها بقوة من قهرها وهي تفكر في كلام آمنه في راسها اذا حملت هالريم ما راح يطل الشيخ في وجهكم أبداً انت عندك الزين وملاك العيال بس لو صاروا هالأثنين عند هالبنت راحت عليكم... سحر: انت ما تستحين عن وجهك ؟؟؟!!! ريم ببراءة: ليه وش قلت أنا ؟؟؟!!! سحر: لا سلامتك ما قلتي شيء !!! ريم بسخرية: الله يسلمك... ليث بغضب من حوارهم هذا الذي ينذر بمشكلة: من متى ذا الكلام ينقال وأنا موجود... ريم بصوت مغري: آسفة حبيبي... خلود وهي تلوي فمها من كلام ريم وبصوت منخفض: عشتو الحين ذا الكلام لاخوي الشيخ... أكمل الجميع فطورهم بهدوء وبعدها طلع ليث لمجلسه اليوم في اجتماع لشيوخ القبايل عنده... ريم وهي تتجه لمرام الجالسة في الحديقة وتشرب كوفي لتقبل راسها بسرعة: مرام آسفة لا تزعلين مني بعدين حاولي تتفهمين موقفي شوي والله نفسيتي كانت تعبانة كثير لكن الحين الحمدلله مرام بضحكة فهي مشتاقة لها كثيرا ومتفهمة لموقفها: إيه يا الجنية الحين صرتي متقبلة الوضع بعد ما صار أخوي الشيخ قيس زمانه ههههههه.... ريم وهي تجلس على الكرسي بجانبها: الله يسامحك والله كنت أبي أراضيك من قبل بس خفت تطرديني أو أحصل كم طراق منك بعد كلامي ذاك... مرام بهدوء: إي إي أدري.... ريم بمرح: اتركينا من ذا الكلام اليوم بنسوي بارتي وش رايك مرام باستغراب: بــــارتي ليه ؟ ريم: بارتي بمناسبة رجوعنا لبعض ههههههه مرام :هههههه طيب بس لا تسمع أمي بذا الشيء ريم بحسرة: المشكلة وين راح نسويها مرام بخبث: أنا عندي مكان مستحيل يخطر على بال أمي ههههه ***************** نهاية الفصل السادس قراءة ممتعة آسفة على التأخير وعلى الفصل القصير لكن بعض الظروف تسببت في توقفي لفترة لكن بإذن الله راح تشوفون اللي تعويضاً عن التأخير اللي صار دمت بود | ||||
|
| |
|
04-09-22, 08:31 PM
| #24 | |||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اقتباس:
| |||||
|
| |
|
05-11-22, 07:07 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم الفصل السابع ريم بحماس وهي تقرب من مرام: وين ؟؟ مرام بضحكة: الطابق الثالث ريم وحماسها ينطفئ: انت تتكلمين جد وأخوك مستحيل مرام: لا يا غبية جسار هالمدة مسافر وما راح يرجع إلا بعد أسبوعين يعني ناخذ راحتنا على الآخر ريم: إي حلو... الشيخة مستحيل يخطر على بالها ههههه المهم الخدم ما يقولون وذي مهمتك... مرام بتأكيد: لا تخافي مستحيل يقولون.... إلا لا تنسين تقولين لأخوي الشيخ... ريم باستغراب: نعم وش أقول له؟؟؟ ... مرام: تقولين له عن البارتي واننا راح نسويها في طابق جسار... لا تنسين ترا يسويها سالفة ويخرب علينا كل شيء ... ريم بعد تفكير: طيب راح أقول له بعدين.... المشكلة الحين الأغراض للحفلة والديكور ... مرام: لا ذي سهلة راح نحضر ورقة بكل اللي نحتاجه واحد السواقين يشتريهم لنا.... ريم: أوك تعالي الحين أبي أوريك شيء... مرام باستغراب: وش ؟؟؟ ريم بحماس وهي تقف: تعالي بس معي للجناح وراح تعرفين وقفت مرام مع ريم واتجهوا نحو الاعلى ليجدوا سحر في الصالة الداخلية... سحر وهي ترى مرام تصعد للأعلى: مرام وش عندك فوق ؟؟؟ ريم بصدمة وهي ترى نبرة سحر المتعالية وصمت مرام... ريم: نعم نعم ست سحر ليه تسالين والا تبين تمنعينها وهي في بيت أبوها ؟؟؟!!! سحر بغضب من ريم: ما احد تكلم معك... ريم وهي تمسك بيد مرام وتصعد بدون اهتمام بسحر حتى ريم بهمس لمرام: مرام ليه سكتي لسحر جالسة تتأمر عليك وانتي في بيت ابوك ؟؟؟ .... من جدها ذي ؟؟؟ مرام بهدوء: سحر دايما كذا ما عليك منها وأنا مابي أسبب مشاكل معها، أمي عندها الضغط وما أبيها تزعل بسبب شيء تافه مثل سحر ... ريم وهي تدخل للجناح: برافوا عليك ذا الصح يا ليت لو أقدر أصير مثلك وأقدر أمسك لساني... مرام بضحكة: انتي مستحيل ضحكت ريم: تعالي بس تشوفي الأغراض اللي قلت لك عنهم اشتريتهم أونلاين أمس وصلوا وأخيراً... مرام بحماس: جد حمستيني بدئوا رام وريم في تفقد الأغراض وقياسها بكل حماس ريم وهي تمسك فستان جميل وهادئ باللون الوردي: وش رايك في ذا ؟؟؟ مرام بإعجاب: حلو كثير... ريم وهي تخرج كعب يناسبه وحقيبة: ذا لك هدية مني بفلوس أخوك ههههه... مرام وهي تحضنها: شكراً كثير ريم... مرام بحزن غريب: تدرين ريم قبل ما تجين انتي كنت جد وحيدة أمي دايما مشغولة في مشاكل القبيلة وكذا، وخلود اختي ما تهتم فيني أصلاً وزوجها شغلها الشاغل وأمل قصة ثانية من يوم حملت وهي مو طايقة أحد زوجها وتركته ههههه وسحر مثل ما تشوفينها وملاك دايما مع عيالهاـ انتي بس اللي أحسك قريبة مني ريم بتأثر وهي تحتضن مرام: تدرين لو ماكنت انتي موجودة في ذا المكان كان يمكن انتحرت من زمان هههههه استغفر الله .... مرام: اخذتنا السوالف تعالي اوريك الطابق الثالث عشان نعرف وش ناقص ريم وهي تقف معها طيب يلا ........ *********************** تحت الشيخة منيرة جالسة مع خلود وأمل وملاك التي أجلست حمد ومنيرة أمامها يشاهدون بعض الكرتون الشيخة منيرة: ها يا أمل ما انتهى هالوحام زوجك كل يوم يسال اخوك عنك ؟؟؟ أمل وهي تشعر بالتوعك من مجرد سماع اسمه: يمه تكفين ما بي اسمع اسمه حتى مابيه مابيه الشيخة منيرة: استغفر الله يا رب انت مو صاحية ما صار وحام هذا ؟؟؟!!! خلود وهي تنظر للزجاج الفاصل بين الصالة الداخلية والحديقة تبحث عن مرام فهذا مكانها المعتاد: إلا وين مرام سحر بغضب: مع الحية فوق... خلود: وش تسوي عندها جلستها مع ذا البنت مو عجبتني أمل: ولا انا عجبتني ريم ذي خطيرة بعدين للحين مستغربة كيف ما سوت شيء بعد ما حرقتوها... خلود بغرور: وش راح تسوي مثلا بعدين أكيد اخوي الشيخ أدبها وعلمها مين احنا..... الشيخة منيرة بخبث: ما عاد أبي غباء يا خلود صحيح نبي نطين عيشتها بس قلتها لكم من قبل مابي أخوكم الشيخ يسمع شيء أو يوصل له شيء يعني كونوا أذكياء شوي في تصرفاتكم... خلود بضحكة خبيثة: إي إن شاءالله... ********************** المساء مرام وهي تتجول في صالة الطابق الثالث ومصدومة من التغير التام وكيف صارت مرام: ريم انتي فنانة مو طبيعة... صارت كأنها قاعة حفلات من وين لك ذا الابداع... ريم بغرور وهي ترى انجازها: صديق أبوي كان عنده شركة تنظيم حفلات وكنت اشتغل هناك أنا وبنته وقت الصيف وصار عندي خبرة كبيرة في الموضوع مرام: والله أحسن استغلال للصيف.... بما انك تدرسين ريم: جد مرام انت خلصتي دراستك ؟؟؟ مرام بفخر: إي أكيد أنا خريجة هندسة ميكانيكية ... ريم باستغراب: كيف وافق ليث على ذا الشيء ؟؟؟ مرام: بالعكس اخوي هو من شجعني وبعد تركني أدرس في منطقة ثانية بس كان معي اخوي جسار وأمي لمدة ثلاث سنين ريم باستغراب: غريبة !!! مرام: بالعكس مو غريبة أبداً اخوي انسان متفهم كثير ولو قربتي منه راح تفهمين كلامي... ريم وهي لا تريد الغوص في هذا الليث أكثر فهذا يعني دمار مخططها... ريم :إي ما علينا المهم من الحين ترى المعازيم ملاك وحمد ومنيرة وبــــــس... مرام: لاااا حرام ونسيتي خلود وسحر... ريم بعصبية: إي عشان أقتلك... مرام: ههههه أمزح معك... ريم: يلا بسرعة خلينا نتجهز... ولا تنسين الكاميرا مرام: أكيد... نزلوا الاثنين كل وحدة لجناحها *************************** ريم في غرفة تغير الملابس بفستان أبيض طويل منفوش بأكمام نازلة منتفخة وفتحة صدر واسعة نسبيا والفستان بأكمله به تطريز ورود أضافت للفستان لمسة ربيعية رائعة لم تضع في وجهها إلا القليل من الميك آب ملمع شفاه وردي باهت آيلاينر رسمة القطة المعتاد والقليل من بلاشر على خديها رفعت شعرها بأكمله بتسريحة بسيطة شعرها مجموع من الخلف وضفيرة من الامام وكأنها تاج..... حلق بسيط.... كعب عالي رشت بعض من عطرها المفضل وانتهت خرجت من غرفة تغير الملابس لـ تتفاجأ بوجود ليث أمامها دخل ليث لجناحه بعد اجتماع شاق مع شيوخ القبائل فلكل منهم عقلية وتفكير مختلف وهو عليه توحيد كل هؤلاء نزع بشته وثوبه متوجها للحمام لتداعب انفه رائحة انثوية هادئة لـ يتفاجأ بعدها بخروج أنثى لو يرى مثلها يوما بفستان أبيض ترى هل تريد الاحتفال بزوجها أو ماذا ؟؟؟!!! ليث وهو يبتلع ريقه ويتمالك نفسه وبسخرية: لوين إن شاءالله ريم بإحباط فقد توقعت أنه سيمدحها ولو بكلمة... لم تظهر شيء واجابته بنفس سخريته: معزومة على بااارتي... ليث: بااارتي ؟؟؟ ريم بضحكة وهي تضع يدها على فمها: أوبس نسيت إنك ما تعرف انجليزي بااارتي أقصد حفلة... ليث باستهزاء من كلامها : إااااي حفلة طيب وين ذي الحفلة وبإذن من رايحة ؟؟؟!!! ريم وهي تقترب منه أكثر لعلها تؤثر فيه: أنا ومرام مسوين حفلة في طابق أخوك جسار مرام قالت انه مسافر وما عندي تلفون عشان أستأذن منك فانتظرتك عشان تجي ليث بضحكة: ما شاءالله انتي جاهزة وخالصة وتقولين جالسة انتظرك... ريم بضعف وهي ترى بوادر رفض: ليث تكفى لا تقول لا... ليث وهو يشعر إنه سيضعف أمام هذه النبرة الرقيقة التي نطقت بها اسمه: واذا قلت لا ؟؟؟ ريم بغضب فهي لا تستطيع تصنع اللطف أكثر: راح اكسر الجناح ذا فوق راسي وراسك.... تكفى ليث بضحكة: الحين ذي طريقة طلب .... ريم بتهور وهي تمسك بذراعه: تكفى ترى تكفى تهز رجال ... ليث وهو لم يكن سيرفض من الأساس لكن أراد تعذيبها قليلا: طيب روحي... بسرعة ريم ارتدت عباءتها حرصا منها في حال رأتها الشيخة أو أحد آخر.... وهي بالقرب من الباب: ليث على فكرة الشيخة وجماعتها ما يدرون بشيء تكفى لا تقول لهم... ليث بهدوء: مالي دخل وعلى فكرة قبل ليث في كلمة الشيخ لا تنسينها ... ريم بعناد: مشكور يا ليـــــــــــــث ليث وهي يراها تخرج وبصوت مسموع: حاولي تتأخرين والا نامي عند مرام أحسن.... عادت ريم بغضب وهي تسمع كلامه لتعيد كلامتها السابقة: انت اللي جبتني لهنا انت اللي تتحمل... ترى انت معزوم ليث بسخرية: لوين للباارتي ريم بضحكة: إي ولا تدخل ويدك فاضية ههههه ورحلت.... ليدخل ليث للحمام وهو يضحك فلم يسبق لأحد من زوجاته أن تصرف معه هكذا دائما يشعر معهم انه الشيخ ليث شيخ القبيلة لكن هي فقط من تشعره انه تتعامل مع ليث مع هو بذاته وليس مكانته .... صعدت ريم لطابق الثالث لتسمع ضحكات منيرة وحمد لتطل عليهم بكل حيوية ريم: هاااي أنا جيت وذهبت بسرعة لتقبيل منيرة وحمد فهي أصبحت صديقتهم المقربة في هذا المكان منيرة وقد أصبحت تقلد ريم في كل شيء: هااي ريم مرام: هههههه وصرتي تعرفين هااي بعد ريم بسعادة وهي تضرب على صدرها: إي أنا علمتها وش رايك هههه ؟؟ ريم وهي تتجه لتجلس بجانب مرام وملاك ريم وهي تتجول بعينيها في المكان: وش رايك في الديكور ملاك ؟؟ ملاك بابتسامة: المكان تحفة والله انك مبدعة كيف سويتي كل ذا في هالفترة ؟؟ ريم: ههههه كل ذا بمساعدة مرام ولا كان مستحيل أخلص ملاك بحياء: الله يسامحك لو قلتي لي على الأقل أساعدكم مو كذا أجي وأنا ما سويت شيء... ريم وهي تضع يدها على كتف ملاك فكم أحبت هذه المرأة فهي اسم على مسمى: لاااا انتي ضيفة الشرف في هالحفلة ههههه ملاك: تسلمين حبيبتي والله مرام بضحكة وهي تتجه للبوفيه: ملاك تخيلي متراهنين أنا وريم اذا راح يصعد أخوي الشيخ لهنا أو لا ؟ ملاك فتحت عينيها بصدمة ولم تستطع إلا إنها تضحك: هههههه انتي من جدك تتكلمين ؟ ريم بغضب: لا من خالي بعدين حسستوني إن ليث مو بشر مثلنا عادي لو جى للحفلة مرام وهي تاكل وبدون اهتمام: إي هين بنشوف ولا تنسين الفلـــــــــــوس حبيبتي ريم بقهر وهي تحس كلامهم يمكن صح: إي إي بنشوف مين يدفع... مرت السهرة وريم كل شوي تلف للباب يمكن هو.... ما تدري ليه للحظة تخيلت إنه مو مثل ما يقولون تخيلت إنه لو طلبت منه هالشيء ممكن يسويه بس الظاهر إنها خسرت الرهان ومعه قلبها اللي صار يميل له بكل غبـــاء عند باب جناح ليث وقفت ريم ومعها مرام اللي كانت تضحك عليها وهي نازلة مرام: يلا إيدك على الفلوس يا حلوة ههههه انتظرك تحت ريم وهي تدخل للجناح بكل عصبيه: طيب طيب.... دخلت للغرفة وهي رافعة جزء من فستانها عشان ما تطيح وصوت ضربات الكعب قوية بسبب غضبها شافت ليث جالس على سريره وفي يده اللابتوب ريم: انت للحين صاحي ؟؟!! ليث ما رد عليها ريم بقهر: طيب ليه ما صعدت لفوق ؟؟ ليث وهو يرفع حاجبه اليسار بسخرية: ذا الناقص !! ريم وهي تقترب منه وتفتح ايدها قدامه: طيب أبي فلوس... ليث باستغراب: فلوس في ذا الليل وش تبين فيهم ؟؟!! وباستفسار ناقصك شيء قولي وبكرا يحضر ترا ما حد يحتاج شيء في بيت الشيخ ريم بعصبية: لا بس تراهنت أنا ومرام إنك راح تصعد وما صعدت ليث بابتسامة ساخرة: اول شيء الرهان حـــــرام يا مدام... وثاني شيء لا تراهنين على شيء ما تعرفينه... خذي اللي تبين من البوك فوق الطاولة... ريم وهي متناسية الموضوع وباستغراب من جلوسه الدائم على اللابتوب ونزلت براسها تشوف... شعرها كله صار على وجه ليث وهو يستنشق ريحة عطرها اللي تغلغلت في خلايا مخه ريم باستغراب وهي تشوف الكلام باللغة الانجليزية: انت تعرف انجليزي ؟؟!! ليث وهو سرحان مع شعرها اللي صار عشقه الاول أبعد اللابتوب ومسك خصرها وجلسها في حضنه غصب: والله... يمكن عشان درست في بريطانيا تعلمت شوي ههههه... ريم برعب وهي تشوفه ماسكها كذا نست سؤالها نست كل شيء: ليث أبعد عني انت إيش فيك ابعد... وهي تحاول تفك ايدينه عشان توقف ليث بهمس قرب إذنها: أنا اللي أقرر أبعد ولا لا والحين اسكتي عشان ما أعاند أكثر وأحلف ما تقومين الا الصبح ريم بخوف من حلفه وقربه وتغيره كذا: طيب خلاص لو سمحت ابعد مرام تنتظرني... ليث وهو يتركها وقفت بسرعة طالعة من الغرفة جلست على الكنبة وهي تتنفس بقوة وايدها على قلبها تحس راح يطلع من مكانه من كثر الدق مستحيل مستحيل تسمح لقلبها يحبه هي راح تطلع من هنا ما تبي تتعلق بأي شيء هنا. . . . . . . . في زمن مجهول المانيا الشيخ في أروقة المستشفى وهو يحضن طلال ولد عمه و زوج اخته: يا هلا بمن زارنا يا هلا وش عندك بألمانيا ليث بلمحة حزن: انت تدري غسق يمكن تبتدي بالكيماوي اذا ما لقينا متبرع مناسب طلال بحزن على تلك الفتاة الصغيرة قطعة من القمر كيف اصبحت بسبب هذا المرض اللعين: شد حيلك يا خوي ان شاء الله ما به الا الخير ليث بقوة ورضاء بالقدر: الحمدلله على كل حال طلال ترى أنا ساكت على زواجك بمزاجي اختي لازم تدري بالألمانية اللي تزوجتها طلال بتوتر وبعدها بابتسامة وهو يشوف زوجته برداء الاطباء الابيض وحجابه الساتر متجه له: القلب على ذكره . ليث وهو يلتفت له ويشوف وش جالس يشوف: وش لتتوقف الحروف عن الخروج من فمه وهو يسمع طلال يعرف عن زوجته ويتجه نحو ريم اللي تمشي بكل ثقة قدامه حس إن الدنيا صـــــارت سوداء في عيونه مسك طلال من رقبته بقوة وهو يرصه على الجدار يحاول يخنقه وبصوت كالفحيح: زوجتي يا الخسيس زوجتي... على ذمتي والله أذبحك وأذبحها والله ان دمكم مهدور يا الخاين زوجة ابن عمك ذي والله لأذبحكم توقفت خطواتها المتجه نحو طلال وهي تشوف الكارثة اللي حاصلة تلمست جيب الرداء وشكرت الله انه مفتاح السيارة عندها وبسرعة التفتت تجري مبتعدة عنهم ليث وهو يضرب طلال بكل غضب وطلال مستسلم من الكلام اللي يسمعه عن حبيبته وزوجته والناس يحاولون يفرقونهم التفت ليث اللي تجري هاربة وبصراخ: بنتك ماتت تسمعين ماتت لكنها بدون اهتمام اكملت طريقها بسرعة وهي تتجه لسيارتها المركونة وتقودها بسرعة ودموعها تنزل لدرجة ما صارت قادرة تشوف الطريق وكل شيء صار مشوش قدامها . . . . . . . العودة للحاضر صحى ليث وهو صحى ليث وهو يشوف ريم نايمة على الكنبة بملابس أمس ليث وهو يبعد بعض الخصلات عن شعرها ليراها بوضوح ويمسح بيده على خدها وبصوته الرخيم: يا الريم اصحي الريم ريم وهو تفتح عيونها بهدوء وتشوفه قدامها وبارتباك: وش فيه ليث وهو يلتفت عنها مغادر الجناح: صلي صلاتك وارجعي نامي يلا بسرعة الشمس راح تطلع ريم بحزن على نفسها وهي تشوفه ملتفت عنها: طيب طيب وبسرعة نزلت قدمها على الكنبة وهي تتجه للحمام نهاية الفصل السابع أدري الفصل قصير بس والله ظروف بس اوعدكم بفصل الاسبوع الجاي ان شاءالله تحياتي تينهينان | ||||
|
| |
|
12-11-22, 10:04 PM
| #29 | |||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اقتباس:
أكيد يا عمري تفضلي بارك الله فيك | |||||
|
| |
|
| أدوات الموضوع | |
| انواع عرض الموضوع | |
|
|
130Likes
العرض العادي
