04-01-23, 06:25 PM
| #382 | ||||
|  بارت يهبل 🥰رغم الحزن الطاغي عليه ،و طويل و مع ذلك تمنيت ما أوصل لنهايته أبد، تصرف بيلسان حتى تحضر الحفلة ماهو مقبول خصوصا بالنسبة لكنان تراه صابر عليه، أحسه كيوت زيادة عن اللزوم 🙂الي راسها زي بيلسان عنيدة لازمها واحد شدييد، يعني بالله تطلع مع واحد حتى و لو مع أمه عااادي ،بس ما تكلم و لا تجلس مع زوجها بسبب سلطان؟؟، مع ذلك بيلسان حالها يقطع القلب ، و خزامى تستاهل الذبح🔪 على اللي قاعدة تسويه في بنتها، يعني حالتها قسما بالله ما هي طبيعية! ، تعليق أهل كنان على هيئة بيلسان مزعج،واضح انه بيكون اختلاف طالما كانت في القرية، ليه الاستغراب يعني... أم فيصل طول عمرها نمامة و راعية مشاكل، ما كفانا حركاتها مع رحيق ،لااا قالت إلا أرجع و أوريكم شري 😈 مع أني في الأول حبيتها شوي،بس الحين كرهتها من آخر حركة مع بيلسان ، أبرار بيلسان عمرها 21، كنان كم عمره ؟ و نورس الأوبن مايندد 🙃 و وليد الحقير أساسا أكرهه من أول حلقة 😑 | ||||
|  |
|
09-01-23, 10:00 AM
| #384 | ||||
| ربي يسعد قلبك عزيزتي ابرار رواية بقمة الابداع خزامي كبرت وكبر غرورها وطقت وكبر انتقامها من قطعة كبدها مع انها مالها ذنب بكل ماحصل لها وبالخير تمكنت من المغرور وليد ليش كل هالحقد؟ ما تعرف تسايس البنت حتى لو ماهب بنتها ياقلبي بيلسان لو اي بنت مكانها طقت وماتت من القهر وعليها حركات مجنونه ولو ان تصرفها فيه شي من التناقض كيف توقف وتكلم واحد غريب عندها عادي وتروح معاه على انه ولد صغير وكنان اللي خاطبها ما تكلمه ولا توفغ معاه حتى لو سلطان طلب منها نست ان هذا الشي مو حرام تكلم اللي خطبها واكتفي ولي تعليق ع باقي ابطال الرواية | ||||
|
| |
|
11-01-23, 12:23 PM
| #385 | |||||||||
|  اقتباس:
نفس توقعي بالضبط اتوقع بيلسان مصابه بمرض نفسي وهو النوم القهري ، بسبب تصرفات اهلها معهاا اثرت فيهاا نفسيًا والحين كملها عليهاا جدها سلطان ، بديت احس ان جسار له دور بالروايه وان كنان راح يدمرها نفسيًا ، ويارب احساسي مايكون حقيقي يارب مايتحقق | |||||||||
|
| |
|
11-01-23, 05:20 PM
| #386 | |||||
| اقتباس:
| |||||
|
| |
|
11-01-23, 06:23 PM
| #387 | |||||||||
| اقتباس:
انا اصلن عندي احساس ان سبب سوء العلاقه بين بيلسان وامها وابوها هو بسبب عين | |||||||||
|
| |
|
12-01-23, 12:18 AM
| #390 | ||||
| بارت ٢٥ جالسه ومسنده ظهرها للجدار وعقلها ما هو مستوعب ...ما توقعت من ثاني يوم تكون خزامى هنا؟؟! عجزت تقدر تفهمها ...ناظرت جدها الي نطق بنرفزه: والنهايه لهذا الكلام؟! خزامى بقهر: انت يبه كذا تشجعها على الغلط ...كيف ترجع بدون ما تنتظرنا وتسلم علينا!! وليد زعل كثير وتضايق ..وخالتي ام فيصل تقول كان يبغى ييجي هنا ويسحبها حتى تتعلم الأصول قاطعها سلطان بقرف: اففف من هالوليد الي أقرفتيني فيه ..اسمعيني زين البنت الحين عندي ووليد ما هو عاجبه بأقرب طوفه يطق رأسه فيها!! تراه مدير مستشفى ما هو مدير علي حتى يجلس وينظر فوق رأسي...ابلعي لسانك واجلسي ترى رأسي صدع من سوالفك من اول ما جاءت وليد زعلان ووليد زعلان ...بالطقاق الي يطقك انت وإياه!! انتفخت ملامح خزامى من كلام ابوها ...وناظرت بيلسان بانتقاد: وانت ما شاء الله عاجبك يتكلم على أبوك وساكته!! تنهدت بيلسان بملل من الحياة ..وقبل ما تنطق تكلمت ام خزامى بضجر: وبعدين معك ؟! .بيلسان لا تدخليها بمشاكل وليد وأبوك!! خزامى رح تنفجر من ترقيع أهلها لبيلسان وكأنهم محامي دفاع عنها ...نطقت بهجوم وهي تناظر بيلسان: ذبحتي حالك ترجعين هنا حتى تقضين طول وقتك متمدده وكل شيء ينحط قدامك لا شغل ولا مشغله ؟! بيلسان ردت بطول بال: أنا أساعد قاطعتها ام خزامى وهي تناظر بيلسان بفخر: يا ليت كل البنات مثلها ... أدب اخلاق سناعه طق قلبها خزامى من المديح والغيرة اكلت قلبها وبتحقير نطقت: ايه كثري منها السناعه!! سلطان ابتسم وهو يشوف ملامح خزامى: اشم ريحه غيره!! خزامى عبست ملامحها بترفع: اغار؟! وليه أغار؟! سلطان ضحك بخفه: يمه يمه الغيره واضحه من عيونك كتمت قهرها وما علقت ما توقعت ملامحها تفضحها كذا ...عم الصمت للحظات بعدها نطقت خزامى بانتقاد: وش ناويه تعملين؟! بيلسان بهدوء نطقت: اتفقت مع جدي بما انه الحين عطلة الصيفيه على الابواب أعطي دروس خصوصيه يعني دروس تقويه للطلاب قاطعتها بعبوس: وين رح تعطين البزران بيلسان بنفس الهدوء: هنا خزامى بعبوس نطقت: هنا ؟! البيت يا دوب واسع أهله وفوق هذا تحضرين عيال القرية هنا ؟! ويا ليت فيه مقابل ؟! تظنين احد رح يدفع لك سعر ؟! رح تكون اسعار رمزيه ؟! قاطعتها بيلسان: ما هو فارق معي السعر أهم شيء اساعد غيري ونرفع نسبة التعلم هنا قطعت كلامها وناظرت خزامى الي تضحك بقوة؟! التفتت بيلسان على جدها باستغراب من ضحك امها!! سلطان اشر لها تتجاهلها واضح إنها اليوم فاصلة!! ام خزامى بانتقاد: وش هالضحك الي بدون سبب؟؟ خزامى وللحين اثار الضحك ظاهره على ملامحها:ما سمعتيها تقول تبغى ترفع نسبة التعلم؟! مين رح يرسل ولده عندك ؟! ومين رح يدفعلك بذي القرية المطفره؟!! صدق إنك غبية وما تعرفين توازنين الأمور..احد يترك مدارس معروفه ولها صيتها وييجي هنا يدرس عيال علشان كم فلس ؟! سلطان بضجر : وربي تراك ترفعين ضغطي بكلامك هذا !! اقولك جكر فيك من باكر رح أستأجر بيت ونعدله للتدريس خزامى قاطعته وهي معقده حواجبها باستنكار : يبه من جدك؟! تراك تبالغ بكل شيء... وش يجبرك تدفع اجرة بيت على الفاضي؟! احيانا أشك إنها ابنتك مو أنا؟! سلطان مط شفته بعدم رضا: المفروض تفرحي إذا شفت احد يهتم فيها .... أنا اعرف الاهل يفرحون اذا احد مد العون والمساعدة لعيالهم او اهتم فيهم وقدرهم؟! خزامى بتبرير وهي تحس ابوها حشرها بكلامه: مو كذا بس أنا احسك تفضلها قاطعها بملل من غيرتها : أبغى احقق حلمك فيها ..كنت زمان قبل ما تتزوجين تقولين أبغى أدرس بالجامعة وارجع اعلم عيال القرية ...واول ما دخلت المدينة ما رجعت ... بخلاف بيلسان الي كانت قد كلامها..قالت رح ترجع وتعلم عيال القرية ..وهذي هي من اول يوم بدأت تنفذ مشروعها!! انتفخ وجه خزامى من القهر ..وباتهام نطقت: أنا متأكده رجعت بيلسان على امل تلتقي بكنان!! بس أحب أبشرك يا حلوة تراهم رحلوا علشان دراسة بناتهم بالجامعة ما في غير ام ماجد اذا تحبي تروحين وتسلينها ..حتى سمعت انها تقضي اغلب وقتها بالمدينة عند عيالها ...يعني محاولتك فاشلة!! سلطان احتقن وجهه من الغضب : وش هالكلام ؟! تعرفين إني الكلام الناقص ما أحبه ؟! من اول ما جلسنا وانت ماسكه البنت تحقيق ومجاكره وش تبغين فيها ؟! لآخر مرة أحذرك واقولك بيلسان خط احمر الي يزعلها يزعلني والي يتكلم عليها يتكلم علي!! صدقيني زعلي كايد...وانت تعرفين هالشيء!! اتركي البنت بحالها أفضل لك! تفهمين؟! خزامى ارتعبت من عصبية ابوها ..وبنبره فيها رجفه بسيطه: ان شاء الله يبه! بيلسان تناظر أمها بخيبه ما تدري ليه مصره تعاملها كذا ...وزادت خيبتها كلامها عن كنان ... لذي الدرجه تشوفها طول وقتها تتغنى باسم كنان؟؟ حمدت ربها إنه امها جاءت بعد ما غادروا صديقاتها .. لأنها ما تضمن تضرب كلمه من هنا او هنا!! ما ترتاح الا هذا حطمتها وكسرت ثقتها بنفسها ..ومع ذلك ما رح تستسلم.. ورح تنفذ مشروعها هنا ..وتشوف نجاحها بعيونها!!! ** ** ** اجتهدت بيلسان وبذلت كل جهدها بالتدريس وحصلت على إقبال كبير من القرية ... ابتسمت لجدتها وهي تطلب منها يخفضون صوتهم شوي!! بيلسان بحرج إنها أزعجتها: يا قلبي أزعجتك بأولادي! وش رأيك أخذهم للمزرعه؟! ابتسمت ام خزامى بلطافه: علشان يطردك جدك من شوشتك!! قاطعهم واحد من العيال: أبلة شوفي هذا ضربني نطقت بصوت حازم: هدوووووء...ما أبغى اسمع اي صوت ..وربي الي أسمع صوتك الا ينسخ ٥٠ مرة!! ضحكت ام خزامى لما شافتهم انخرسوا خوف من النسخ!! بيلسان حكت رأسها باحراج: انفع اكون معلمه صارمه!! ام خزامى ابتسمت: واحلى معلمه!! حاولي تكملي تدرسيهم قبل رجوع جدك !! هزت راسها بطاعه : إن شاء الله!! ام خزامى بحرص: قرأت أذكارك؟! بيلسان هزت رأسها: من اول ما رجعت على القرية وأنا محافظة على أذكاري كل يوم!! ام خزامى هزت رأسها: عيون الناس ما ترحم!! بعد وقت انهت تدريسهم ...قررت تجهز القهوة قبل رجوع جدها ..ناظرت جدتها نايمه بالصالة ...ابتسمت بمحبه لها ... توجهت للمطبخ وضعت القهوة تحت النار ..وجلست على الارض تنتظرها تغلي... كالعادة تغفى بدون ما تشعر ... بدأت القهوة بالغليان وبيلسان غاطه بالنوم فارت القهوة على النار وانطفأت ...بدأ الغاز يتسرب بالمكان.... دخل سلطان البيت وهو عافس ملامحه من رائحة الغاز...ناظر زوجته نايمه بالصالة ..اقترب منها وهو يهزها: ام خزامى ام خزامى فتحت عيونها بعبوس وريحة الغاز توصلها ..ناظرت زوجها الي توجه للمطبخ بسرعه!! رائحة الغاز كانت مركزه بالمطبخ ...مباشرة اغلق اسطوانة الغاز ..وفتح الشباك حتى يطلع الغاز ... ناظر بيلسان على الارض مستلقيه ..دب الرعب بقلبه تكون تأثرت من الغاز ... اقترب منها هزها بخفيف ..ما ردت عليه ...حملها بصعوبه خارج المطبخ وتوجه فيها خارج البيت حتى تستنشق هواء... وضعها بالحوش وهو يحاول يوقظها ...ناظر زوجته المفزوعه من خلفه: وش صاير ما رد ومباشرة طلع يشوف سيارة تأخذهم لاقرب مستشفى!! ** ** ** جالس بالصالة ويطقطق بالجوال والهدوء يخيم عليه..رفع نظره لها لما نطقت بهدوء: ما فكرت بموعد الزواج!! نزل الجوال ونطق بهدوء: لما أجهز نفسي رح أعطيكم خبر!! هزت رأسها والضيق اكتسى ملامحها!! نطق وهو يشوف ملامحها اكتساها الهم: يمه صاير شيء؟! هزت راسها منار بالنفي: ما في شيء لا تشغل بالك ... قاطعها بإصرار: بس أنا متأكد خاطرك متكدر نطقت بملامح هادئة: صدقني ما في شيء ..بس البارحة البنات كانوا يخططون لزواجك....حسيت فرحتي ناقصه ..يعني سكتت للحظات ما تعرف كيف تصيغ كلامها: انا ما أبغى اتدخل بحياتك وقراراتك..بس اختيارك كان حاجز بين حبي وفرحتي لك وبين اهل العروس للحين متضايقه وأنا افكر كيف خطبت وما شاركتك فرحتك وأنا سنوات اخطط لذاك اليوم ...ما انكر الاختيار حطمني وكسر فيني أشياء... مطت شفتها بضيق وهي تنطق: كنت تقول مستحيل اتزوج اذا ما كانت العروس موافقه عليها بنفسك...تغير كلامك .. أنا ما وافقت على هذي الخطوبه وقلت لك شرط الموافقة بس انت رميت كلامي بعرض الحائط ؟! رفع حاجب وهو يسمع كلامها ...تنهد ونطق بهدوء: الماضي راح خيره وشره ..ليه نقلب صفحات الماضي... الي يسمع رح يظن إنك للحين على اعتاب الماضي وتبغين قاطعته بفزع: استغفر الله ...كنان وش هالكلام قاطعها بتفهم: ادري ادري إنه أبوي بالنسبه لك يرجح على العالم كله ...ب نطقت بحرقه: كل الي ابغاه يذوقوا النار الي اكتويتها ..انت ما عشت الحياة الي عشتها والعذاب الي شفته وقتها بسببه..وجاءت خزامى قاطعها: ليه ما تنظرين من الجانب الايجابي يعني لو ما حصل الي حصل كان ما تزوجتي ابوي وكان ما عندك إخواني..يعني ربنا عوضك وانسعدت بحياتك واستقرت كل امورك ليه نعيد الكره ونذوقها لإنسان ما له علاقه بالماضي وأي شيء!! يعني كانت وقتها طفلة م قاطعته بتفهم: أنا ما قلت لك طلقها أو اظلمها؟! بس نفس الكأس الي ذاقه ابوي وإخواني يذوقه وليد ..وتمم زواجك منها ما عندي مشكلة ...البنت ما في بيني وبينها شيء..بالعكس رح تكون ابنتي الثالثة وانت تعرف هذا الشيء!! أبغى وليد وجدك يذوقوا نفس الكأس..جدك الي طعن فيني وأنكر إنه ابنه يعمل كذا .. وكأنه ابنه ملاك نازل من السماء...نسي إنه بسببه فقد أغلى بناته بسبب طيش وتهور وليد... ختمت كلامها براحه وهي تشوف ملامحه اكتساها الضيق من ذكرى أمه ..تعرف كيف تضغط على الوتر الحساس ...ربته وتعرف كل اطباعه .. أمه خط أحمر للحين متأثر على فراقها وما تجاوز هذا الشيء .... تابعت كلامها وهي تشوف سكوته: ناظر خالك وليد عايش حياته ومبسوط بدون ما يفكر بالروح البريئة الي ماتت بسببه... أنا أعرف أمك كثير وانت للحين تتذكرها ...كان عندها طموح وآمال بذي الحياة بس بلحظة وليد أنهى كل شيء!! أنا ما اجبرك على شيء ...بس تمنيت لو كنت السبب الي يطفي النار الي بداخلي..ومثل ما قلت لك بيلسان وحده من بناتي ما رح أقصر معها ..اذا ما شالتها يديني تشيلها عيوني!! الوقت معك فكر ...مهما كان قرارك أنا احترمه وأتفهم موقفك ...وبكلا الحالتين ..ربنا يوفقك ويفرحني فيك ونشوف عيالك!! ختمت كلامها بابتسامه دافئة!! تنهد وناظر ابوه الي دخل الصالة وهو يتكلم بالجوال..بعد وقت قفل الجوال وجلس جنب كنان بعد ما ضرب على فخذه: كيفك يا سندي! ابتسم لأبوه مجامله: ربي يسلمك ويحفظك لنا ..ويديمك تاج فوق رأسنا!! هز رأسه ماجد بابتسامه ورضا: ربي يوفقك ويفرحنا فيك.. وباستدراك نطق:متى ناوي تفرحنا؟! كنان ببرود نطق: للحين ما جهزت أموري قاطعه ماجد: يا ولدي ما لاحظت خطوبتك طالت ؟! صار لكم أكثر من سنة مملك عليها ...تراك مو ولد عمها حتى تملك عليها كل هالفترة.. كتم ضيقه ونطق بهدوء: لما اجهز أموري يصير خير..الحين الوقت ما هو مناسب!! ماجد زم شفته بعدم رضا ..والضيق استقر بداخله وهو يشوف لهفة الفرح والزواج انطفت بسبب سلطان ...يا كرهه لهذا الشخص ... ناظر زوجته بتساؤل: أمي وين؟! منار بهدوء: قالت تصلي قبل وصولك علشان تنزل معك للقرية! هز رأسه بتفهم: على خير ان شاء الله ** ** ** جالسه مع صديقاتها وللحين الموقف ما راح من بالها ..لولا ربنا يسر جدها سلطان ورجع للبيت كان الله اعلم وش يصير فيها وبجدتها ..ما هي فارقه معها نفسها ..الاهم عندها جدتها تكون بخير وما يصيبها الأذى بسببها ... بأقرب فرصه رح تراجع بالمستشفى وتشوف سبب هالنوم الي ما هو تاركها بحالها ....مشكلته يصيبها فجأة واحيانا بأوقات ما هي مناسبة...ذيك المرة وهي تدرس الاولاد ما تدري كيف نامت ..الي محيرها هي بذي الحالة تنام والا تفقد الوعي؟! زمت شفتها بضيق لزوم تتحرك ...اذا قبلوها بالمدرسة الي بالقرية ما ينفع تنام بالحصة!! قطع افكارها نجوى لما ضربتها على كتفها: يلا اعترفي!! ناظرتهم وهي معقده حواجبها ما تدري عن وش يتكلمون ..كانت سرحانه بعالمها ...وباحراج نطق: وش اعترف.. وكأني بمحكمة!! سما بابتسامة عريضة: هذي البنت من زمان واقول لكم عنها داهيه ..تتذكرون لما قلنا لها عن اخو رنا ..وقتها وش قالت ؟! فاطمه بعبوس:عصبت علينا وبانفعال تابعت فاطمه كلامها لما تذكرت شيء: بنات تتذكرون وقتها قالت مستحيل تقبل فيه!! نجوى بحسره: قلت لك وقتها انا موافقه عليه بدون مهر. ..بس ما ادري عن الغباء الي معشش بعقله ...أحد يطلع له يتزوج بدون مهر ويقول لا ؟! وفوق هذا راح خطبك وكسرتم ظهره بهذا المهر ..ناظري للحين مب قادر يجمعه!! بيلسان ضاق صدرها من هالكلام ..قبل ما تتكلم نطقت نجوى بابتسامة عريضة: وش رأيك تتصلين فيه واقول له عن العرض الجديد ... فاطمه ماسكه ضحكتها: وش هالعرض نجوى بابتسامة:بدل ما يدفع المهر لذي الهبلة وحدها.. نقول له هالمهر لنا الاربعه ..ونكون ضراير سما كشت عليها: الحمد لله اني مخطوبه ..ما بقى الا اكون ضره .. بيلسان بانزعاج من كلامهم: نجوى قفلي الموضوع نجوى خزتها: يمه يمه يمه منك ما تبغانا نكون ضراير لها ..صدق المثل " الضره مره" مطت شفتها بيلسان بسخريه بدون ما يكون لها ضراير ما تشوفه كيف مع الضراير!! رهف بتساؤل: وين رح تعملين زواجك هنا والا هناك فاطمه: اكيد هنا علشان نحضر!! سما بلهفه لذاك اليوم: متى رح يكون الزواج؟! أرخت رأسها للجدار بقلة حيلة وهي تحس النوم بدأ يغزو عيونها ..نطقت بسخريه لما عادت سما سؤالها عليها مرة ثانية: لما يعزموني على الزواج رح أخبركم!! نجوى نطقت بتمثيل: ليه أحسك يا قلبي مغصوبه عليه وما تبغينه؟! انتم بينكم مشاكل؟! اعطيني رقمه أنا أكلمه وأصلح بينكم؟؟ ختمت كلامها بغمزه وهي تبتسم: اعجبك!! رح اخليه يركض خلفك مثل المجنون!! وقفت بيلسان وهي تحس انها رح تنام ..ما هو مناسب تنام عند الناس ...نطقت باستئذان: تأخرت على البيت يلا يا بنات!! سما بتأييد: صادقه تأخرنا ..يلا نجوى فاطمه بعبوس: اجلسوا ما خلصنا حش بالعالم!! بيلسان ابتسمت لها: تعالي عندي باكر!! رهفوهي تعدل شيلتها: ناويه أمي تحش رجولي كل يوم في بيت !! نجوى تستعجل فيهم: قريب المغرب عز الله الظاهر الا امي تحفر قبري ..خلصوني تحركوا!! ودعوا فاطمه وطلعوا للشارع ...تنهدت بيلسان براحه ..هنا حياتها وحريتها ...يتسلل بداخلها شعور الراحة لما تشوف إنجازها مع الأطفال وكيف التحسن واضح عليهم!! تحركت وهي مبتسمه وتناظر نجوى الي تتكلم عن مشاجرتها مع أمها ليلة الأمس..وبغبن نطقت: يعني ما احد قادر يفهمني ما لي نفس أتحرك وأقوم؟! وهي مصممه الا أنظف المطبخ واقولها ما لي نفس أتحرك ومع ذلك معنده على رأيها!! رهف بابتسامة عريضة: وبعدين وش صار؟! خزتها نجوى:وقحه؟! يعني وش صار؟! مو شايفه بعيونك اعرج على رجلي؟! سما خزتها بتكذيب: يالكذوب لما سألتك وش فيها رجلك قلت تدعثرت وما قلت إنها أمك ضربتك؟! عاد وش الحس الاجرامي عندها .. كيف ضربتك؟! نجوى بضحكه: وأنا صادقه ...لما قلت كلامي واعلنت رفضي وتمردي على الجلي ..قامت على حيلها تبغى تضربني وأنا لما شفتها كذا ..ومن الخوف أركض بسرعه ٣٦٠ بدون ما اناظر قدامي ...ما ادري كيف تعثرت بالدرجة . .. والحين مثل ما تشوفون اعرج بسبب الدرجه الله يأخذها جالسه بالطريق سما باندماج: ايه وبعدين وش صار ؟! ضربتك أمك؟! نجوى بضحكه: لا ربك سلمني ...لما شافتني كذا قالت تستاهلين وراحت!! ضحكت بيلسان من قلبها على نجوى وبساطتها لما تتكلم عن مشاكلها مع أمها ...هي عكسها تماماً تتحرج تتكلم قدام اي احد عن علاقتها بأهلها...وما تحب احد يسمع او يشوف أمها او ابوها معصبين عليها!! ماتدري هي حساسه كثير والا نجوى عديمة الاحساس؟! نجوى وقفت وهي تكمل كلامها: ما سألتوني أهم سؤال؟! رهف عقدت حواجبها: أي سؤال؟! نجوى بابتسامة عبيطه: ما سألتوني مين نظف المطبخ؟! بيلسان وهي تتذكر مواقف خزامى معها وما كانت ترحمها اذا كانت مريضه لو كانت تنازع مفروض عليها تكمل شغلها ...وبغصه نطقت: اكيد انت الي نظفت المطبخ نجوى بضحكه قصيره: اختي سهيلة هي الي نظفته ..حزنت علي امي وانا أبكي من الوجع ...عاد لو شفتوا شكل سهيله انفجرت من القهر وطول الوقت وهي تدعي علي ..تخيلوا يا بنات هالوقحه وش تقول؟! سما باندماج: وش قالت؟! نجوى بعبوس :تقول يا ليتك فطستي وقبرناك على الاقل نأكل من عزائك؟! شفتم هالشريره ؟! سما بروقان: احمدي ربك لو انا مكانها الا ادفنك بيديني .. سلامات اجلس أشتغل شغلك!! رهف : والله ما تنلام ..ذيك المره أختي عامله حالها مريضه حتى ما تشتغل ...وما ادري كيف تحول شغلها علي ... وطبعا أنا رهف ما ينضحك علي ..وأمسك لها العصا وأجلس فوق رأسها" تقومين وإلا كيف؟!" طبعا من الخرعه قامت على طولها ! بيلسام ابتسمت لها: شريره ...يمكن كانت مريضه رهف هزت رأسها بالنفي: لا لا هذي الأشكال أنا اعرفها وحافظها!! نجوى بضحكه وهي مندمجه بالكلام وما هي منتبه إنهم واقفات بنص الشارع: بنات ما قلت لكم وش صار قبل يومين؟! بيلسان تكتفت وهي تسمع لنجوى وهي تتكلم عن خطوبة تركي ...ما تدري ليه جذبها الموضوع!! نجوى تتكلم بطريقه جديه : لو شفتم لما رحت للخطوبة!! ضحكت بيلسان شكل وطريقة نجوى لما تتكلم بجديه يضحكها!! نجوى خزتها: انكتمي حسابك لما أكمل السالفة!! ناظرت البنات وهي تصغر عيونها: لو شفتم وهو جالس جنبها وكأنه دافن أحد من أهله ..يقولون ما يبغاها بس أبوه حتى يخلص من المشاكل غصبه على الزواج ...اكيد لما يتزوج ينشغل بزوجته وينسى الماضي ..واشترط على زوجته تختار اجمل بنت حتى تجذبه وتأخذ قلبه ..ويا حبيبي ام تركي ما تركت بنت حلوة من القرية ومن القرى المجاورة الا طرقت بابها!! بس هالكلبة ما طرقت بابي 🙄 الظاهر إني مو بعينها!! ضحكوا البنات على كلامها !! نجوى مطت شفتها: ما علينا أصلا لو تقدم لي ولدها ما أقبل فيه ... سما بحماس: ايه كملي وبعدين! نجوى زمت شفتها: بالأخير لقت أم تركي سندريلا ...تقول للقمر انزل وانا أجلس مكانك.... طبعا محسوبتكم لما سمعت بالسالفه كذا قلت الا اروح وأحضر الخطوبة وأشوف سندريلا!! سما رفعت حاجب: عزمتكم ام تركي؟! حنا ما عزمتنا! نجوى مطت شفتها بقهر: هالزفته ما عزمت الا أمي ما يبغون الا وحده من كل بيت ..بس انا ذنبت الكحلة ورحت مع أمي ..وطول الطريق مسحت امي بكرامتي الارض ومع ذلك قاومت ورميت كرامتي تحت الارض أبغى أشوف سندريلا الي لفوا العالم حتى يلقونها!! رهف وهي تضحك: وربي ما عندك كرامه!! نجوى بضحكه: اصبري أكمل لك ...لما وصلنا بيت ابو تركي والا الحريم متجمعه حتى يروحون لبيت العروس ...يا اختي انا احس ام العريس كارهتني؟! اول ما شافتني قامت تقول لأمي : حنا قلنا لوحدك ما في مكان لها سما قاطعتها:اكيد رجعتي ؟! نجوى حركت حواجبها بالنفي: قلت لكم رميت كرامتي ..انا حطيت هدف برأسي ولزوم أوصل له ... بيلسان بتعجب منها: وربي عقلك ضارب!! نجوى بابتسامة عبيطه: وقفت بكل قوة وقلت لها لو أجلس مكانك الا اروح!! ضحكوا البنات على كلامها وطريقتها بالسرد!! نقزت بيلسان على صوت الهرن القريب منهم ....حست قلبها نزل للارض وهو يدق طبول لما وقف صاحب السيارة ونطق بانتقاد حاد: ترى هذا شارع ما هو ديوانيه واقفات بنص الشارع!! نجوى بهمس للبنات وهي واقفه مكانها: قلبي لا يحتمل!! سحبتها سما لطرف الشارع : فضحتينا!! ما تدري ليه توارت خلف البنات حتى ما يشوفها !!! كتمت انفاسها وهي تنتظره يغادر.... تحركت السيارة بشويش ...اول ما تخطتهم ناظرته وقلبها يدق طبول...عبست ملامحها لما ضربتها نجوى على ظهرها: اموت على الي يستحووون!! ضحكوا البنات على شكل بيلسان الي تحول طماطم...انقهرت من نفسها وهي تسمع تعليقات البنات على ملامحها المنحرجه.... رجعت خطوة للخلف وهي تشوف السيارة رجعت للخلف...ومباشرة توارت خلف البنات ..ما تدري ليه رجع !! ** ** ** كان يمشي بسيارته بهدوء ....لفت نظره مجموعه بنات بنص الشارع واقفات ..من بداية الطريق وهم واقفات ومندمجات بالكلام .... عقد حواجبه باستنكار من تصرفهم ..يعني السيارة قريبه منهم وما معهم خبر ...ما يدري وش السالفه المهمه الي وقفتهم كذا ... تكلم معهم بحده وما عجبه تصرفهم الي اقل شيء يوصفه قلة ذوق ..الوقت قريب من المغرب ويتصكعوا بالشارع لهذا الوقت .... ما يدري ليه حس انهم شلة الانس ....حمد ربه إنها بيلسان عند ابوها وانقطعت عن هالبنات الي ما يعجبوه ولا يعجبه تصرفاتهم ... تجاوزهم بعبوس وهو يناظرهم من المرايه رجعوا وقفوا بالشارع..... ما يدري ليه حس انه لمح بيلسان معهم؟! معقول نزلت للقرية لزيارة جدها؟! وبدون تردد رجع للخلف بشويش وعيونه عليهم ...وقف لما اقترب منهم ..ناظر من المرايه ما شافها بينهم ..تنهد وهو يقنع نفسه توهم وجودها ....كمل طريقه وهو يفكر بحياته ....ابوه كل ما شافه يفتح معه موضوع الزواج وحتى جده ابو فيصل نفس الشيء ...بس ما هو ناوي يتزوج بهذا الوقت ولا بالايام القادمة ...كلما يفتحوا معه الموضوع رح يكون نفس الجواب ...للحين ما جهز نفسه ...رح يطلع حركة سلطان من عيونه ...البنت على ذمته ما في شيء يخاف منه ..ليه يستعجل على أقل من مهله .... ** ** ** ** جالس وبيده الجوال يقلب فيه بروقان ...كل صورة أجمل من الثانيه ....لو يتركها خطيبها مستعد يتزوجها ..بس من وين له المهر العالي؟! يمكن بالطرق الملتوية يحصل عليها ببلاش وهم يرتجونه حتى يتزوجها .. تنهد وهويتخيل ذاك الموقف ..يرتجونه حتى يتزوجها ...هنا صورتها ويدها تحت خدها ...وشعرها القصير ..توقع يكون شعرها طويل ...ومع ذلك حلو !! تنهد بحيره يتركها تكمل حياتها ويكتفي بذي الصور يطفي شوقه فيها .... قفل الجوال وهو يفكر بعمق ...محتار محتار وش يعمل ؟! المشكلة البنت ثقيله وما تلتفت له أبد ...ما يبغى يظلمها... طول السنوات ما قدر ينساها ويكمل حياته ما هو قادر ....احيانا يفكر يقضي على خطيبها حتى تفضى له الساحة..بس يحتاج لتفكير عميق وتخطيط ....كيف يتصرف ما هو عارف ؟! ناظر اخوه الصغير بالصف السادس لما دخل عليه وهو ينطق: رايح لبيت سلطان تبغى شيء؟! نطق بتفكير: لا تصورها واعطيني الجوال يكفي ما ابغى أحد يشك بشيء...وانت يا ويلك لو طلع حرف من حلقك...وربي أذبح بقلب بارد!! هز رأسه بخوف من اخوه ...يعرفه ما في بقلبه رحمه اذا عصب .... اشر بيده لأخوه يطلع بعد ما اخذ منه الجوال ...وهو يتمنى لو كان صغير ويدرس عندها!!! ** ** ** كالعادة جالسة امام بيتها وتراقب الي رايح وإلي جاي ..اشرت بعيونها على العيال الي متوجهين لبيت سلطان ...وبحسد نطقت: شفت شفت كيف العيال يتوافدون عليها ..حشى وكأنها تدرس بالمجان!! سلمان وهو يلعب بالسبحه ومتكىء على يده : ذول البنات الي تلقى منهم فوائد ما هو مثل البهائم الي عندي!! ام سلمان مطت شفتها: يا اخي حظها يفلق الصخر..درست وخطبت رجال الكل يتمناه والحين الكل يتوافد عليها.. سلمان باستغراب: غريبه تدرس واهل خطيبها وضعهم المادي ممتاز!! حتى سلطان معه فلوس ام سلمان زمت شفتها بقهر: ذول ما يشبعهم الا التراب!! ناظر ولد ام فلاح طول الباب ويدرس عندها ؟! ما عاد فيه لا حياء ولاخجل!! سلمان: هذي البنت غاسل يدي منها ..افرط سلطان بتربيتها ..كل شيء تبغاه تحصل عليه...ما تشوفينها كل يوم طالعه لا سائل ولا مسؤول!! ام سلمان بهمس: كل الناس تتكلم عليها... تدري ذيك المرة بعد بعد المغرب حتى رجعت للبيت ..ما ادري وين سلطان عنها..البارحه لمحت خطيبها بالقرية ...تبغى تقنعني إنهم ما يلتقون؟!! ما اقول الا الله يستر على بناتنا!! سلمان حرك حواجبه: انا سمعت سالفه ثانية... ناظر حوله بترقب وبعدها ناظر امه وبهمس نطق: يقولون إنه في علاقة بينها وبين راكان..واخوه مرسال بينهم!!! فتحت عيونها باستنكار: وش تقول؟! سلمان هز رأسه بتأكيد: أنا كذا سمعت!! ام سلمان عبست ملامحها بقرف: استغفر الله...لا فوق هذا يتشرطون مهر عالي!! حسبي الله ونعم الوكيل..ما تبغين خطيبك اتركيه وانقلعي للكلب الي تراسلينه!! سلمان بحرص:انتبهي يطلع منك حرف ترى أروح بستين داهيه ..حنا ما لنا علاقه ! ام سلمان هزت رأسها : ما رح اتكلم..لا تخاف !! ** ** ** اليوم اتفقوا البنات يجتمعون بالمدرسة ويستذكروا أيام المدرسة ....متربعه بيلسان بالساحة وهي تناظر المكان فاضي ...ايام مرت بسرعه ...ايام مرت وكانت طالبه هنا ..ابتسمت بحنين: بنات تتذكرون لما اجتمعنا اخر يوم بالدراسة ؟! نجوى تنهدت بحنين لأيام الماضي: وربي اتمنى إني ما تخرجت من المدرسة وللحين أداوم وألتقي فيكم!! فاطمه خزتها بتكذيب: يرحم ايام زمان ترى كنت كل صبح تحصلين طراق من امك حتى تداومين ...يسحبونك من شعرك سحب للدوام!! ضحكت نجوى: اييييه أيام مرت ...يا كثر الايام الي كنت اعمل نفسي ميته حتى اغيب عن المدرسه!! سما بابتسامة: يعني المدرسه حلوة بالجمعه بدون دراسه ..يعني لو كان الدوام بعد ١١ ويتركونا على راحتنا الي يبغى يدرس والي ما يبغى بكيفه ...هو بالغصب يدخلون الدراسة بعقلنا!! بيلسان مطت شفتها : حلوه الدراسة ..بس يمكن المعلمات هم الي يكرهونك بالمادة رهف بعبوس:مثل ابله هدى وأبله قاطعتها بيلسان بعتب: ما نبغى نحش بالعالم ...ذنوبي كثيره وما هو ناقصني أحد يأخذ مني حسنات او أخذ ذنوبه ..يا رب الستر والعافيه!! نجوى هزت رأسها بتأييد: صادقه...ماقلت لكم ؟! سما بعبوس: انت اخبارك بس عن الزواج ..يلا قولي مين رح يتزوج؟! نجوى تنهدت بحسره: يعني كل واحد يتكلم بالشيء الي ينقصه... ضحكوا البنات على كلامها......رهف: مين تزوج؟! نجوى زمت شفتها بعدم رضا: ابله ايمان ...هذا الزوج الرابع !!! وانا ما حصلت واحد يناظر وجهي!! كل هالجمال ما احد يعبره فاطمه بتفكير: يمكن احد عمل لك شيء...تعرفون رقيه كل اخواتها تزوجوا بعمر ١٦ الا هي وصلت ٢٢ وما احد طرق بابها .. اخذتها امها للشيخ ابو صالح ومن اول اسبوع جاء نصيبها ...روحي له خليه يشوف يمكن تكونين محسوده او احد ساحرك؟! نجوى فتحت فمها: مسحورة ؟! حسبي الله عليه الي سحرني ووقف نصيبي ...وانا اقول وش السبب ..كل يوم اناظر نفسي بالمرايه واقول معقول هالقمر ما احد شافها؟؛ فاطمه ضربتها على كتفها: انا اقول يمكن !! مباشره دخلتي جو بالسالفه!! نجوى والكلام راق لها: تدرون بنات دوم احس بكتمه والضيق كل فتره يخنقني ... شفتم شفتم مسحورة..بس لو اعرفه الي عمل كذا ...بس وش مصلحته يعمل كذا؟!! البنات ضحكوا عليها ما في فائدة منها هالبنت... نجوى بتحليل: بنات تلاحظون انه ولا وحده فينا تزوجت للحين حتى الي ملكوا للحين ما تزوجوا ..ناظري يا بيلسان نفسك كم صارلك بس ملكة...اكيد احد عامل لك سحر ربط!! ضحكت بيلسان على كلامها:قصدك سحر تفريق!! نجوى هزت راسها: لا سحر ربط لو كان تفريق كان زمان طلقك ..بس هذا سحر ربط يربطك وتبقين لا متزوجه ولا متطلقه!! وانت يا فاطمه تقولين للقمر اجلس مكانك ..ودوم الي يشوفك ما يرجع!! رهف بضحكه: الي يشوفها يهج!! فاطمه خزتها بعبوس: هه هه ما تضحك !! نجوى حزمت الامر: كيف نوصل للشيخ ؟! فاطمه: خبري امك وخليها تأخذك نجوى بفزع: ناويه تجيبين أجلي!! وين هذا الشيخ؟! فاطمه :شفتم لما نطلع من المدرسه اول بيت من الجهة الشرقيه نجوى هزت راسها: ايه ايه عرفته! بنات وش رايكم نروح له؟! سما مطت شفتها: اكيد عقلك ضارب؟! نجوى بتصميم: ما رح يأكلنا ..رح نشوف كيف يقرأ على الناس ..لا من شاف ولا من درى!! يلا بنات!! بيلسان برفض: مجنونه هذي اخرها!! فاطمه : فكره نروح ونشوف يمكن أحد ساحرنا بيلسان برفض: قلت لا ... ومين رح يسحرنا ..وليه يسحرنا؟! أنا راجعه للبيت وما رح أروح!! نجوى وقفت وهي تعمل قرعه: بنات مين تروح معنا؟! ناظروا بعض واللقافه تحكمت فيهم...هزوا رأسهم بالموافقة... ناظرتهم بيلسان بتعجب: وربي ما فيكم عقل ..انا راجعه للبيت!! نجوى ابتسمت لها: بكيفك ...يلا يا بنات!! تنهدت بيلسان وتحركت وهي تحاول تقنع فيهم يتركوا هالحركات ...لما اقتربوا من البيت نطقت بيلسان بتحذير: انا حذرتكم تحملوا نتائج تصرفكم..سلاااام!! رفعت حاجب لما مسكتها نجوى من يدها: ما في مفر ..تعاهدنا تكون صدقاتنا طول حياتنا ونساعد بعض على الحلوة والمرة...وانت اكيد رح تعرفين اذا كان صادق او دجال ..يعني حنا بحاجتك الحين .. وما اعطتها فرصه ترد...ومباشره سحبتها معها لبيت الشيخ!! ** ** ** جالس بمكتب أبوه ينتظره يكمل دوامه ويرجعون للمدينه مع بعض....ناظر ابوه الي دخل وهو ينطق: يا كثر الدجالين هنا ...بحجه يقرأ قران على الناس...بس أنا وصلتني معلومات انه ساحر!! كنان رفع حاجب بترفع: قبضوا عليه؟! ماجد هز رأسه: ايه والمشكلة الحريم يا قلة عقلهم أكثر من يروحون لذي الأشكال... بيلسان تحس الدنيا ضاقت بوجهها ما تدري من وين داهمتهم الشرطه واستقر فيها الحال بمركز الشرطه ... نطقت بقهر وهي تناظر نجوى: كله بسببك نجوى الي متورطه: وربي ندمانه ..توبه يا ليتكم كسرتم رجلي قبل قاطعتها سما بغبن: انكتمي!! بعد وقت كانوا بمكتب ماجد ...حست الدنيا تدور فيها ..يا فضيحتها ...توارت خلف البنات ...وغطت وجهها بالشال ...تسمع نجوى تتكلم وهي تبكي وترتجي ما توصل السالفه لأهلها!! نطق الشيخ بهدوء: وربي اني ما أعمل سحر ولا شيء بس أقرأ قرآن على الناس .. البنات قدامك إسألهم اذا عملت شيء ...كل السالفه يقولون للحين ما جاء نصيبهم ويبغون أقرأ عليهم ...ووحده منهم مب طايقه خطيبها وما تبغاه واهلها غصبوها عليه!!! يعني انا اعمل بالخير ..وأقرأ كلام ربي! جحظت عيونها بيلسان من هالفضيحه ...لو بيطلع بيدها الا من لحيته تنتفها... كله من نجوى الي كذبت على الشيخ حتى تعرف اذا كان دجال او لا !!! بلعت ريقها وهي تتمنى تطلع من هنا بدون ما احد يعرفها!! ماجد ما يعرفها زين ..اكيد ما رح يتعرف عليها!! صكت على أسنانها بقهر لما همست لها رهف بخفوت: كنان هنا!! ضاق صدرها يا فضيحتها قدامه ...كيف رح ينظر لها اذا تعرف عليها؟! لزوم تطلع بسرعه ..بس كيف؟! تحس رح تبكي من هالفضيحه!! ماجد بإصرار وهو يشوفهم بداية العشرين وطالعين على رأسهم واكيد اهلهم ما يدرون عنهم...لزوم يأخذون درس حتى يتعلمون كيف يطلعون بدون شور أهلهم: كل وحده تكتب اسمها ورقم اهلها الشيخ ناظره: وأنا قاطعه ماجد وهو ينطق: رح نضعك بالتوقيف حتى ننظر بأمرك! خذوه للتوقيف!! وانتم يلا نجوى برجاء: وربي ما نعيدها لا قاطعها بحزم: ما عندي مشكله تجلسون بالتوقيف!! تقدمت نجوى على مضض...كتبت اسمها ورقم جوال خالها اخف شخص يتعامل مع الامور ذي!! بلعت ريقها بيلسان وهي تناظر البنات لما سجلوا بياناتهم ... صكت أسنانها بقوة كيف تتخلص من هالورطه!! ناظروها البنات لما طلب منها ماجد تتقدم...يحسون بالندم لأنهم دخلوها بالغصب .. كيف رح يكون موقفها قدام خطيبها ...نطقت نجوى بمحاوله اخيره: هذي ما لها علاقة سما تكمل عنها: يتيمه وما لها أحد ماجد زم شفته: وش اسمك؟! وين عايشه لوحدها؟! فاطمه وقلبها يدق بقوة من كذبهم: تراها ما تسمع ولا تتكلم ..تعيش عند بيت الجيران وتشتغل في بيتهم!! نجوى برجاء: ربي يستر على اهلك انك تتركنا ماجد ناظرهم وهو متأكد من كذبهم ..وبنبره حازمه: وليه كانت معكم..دام إنها ما تتكلم ولا تسمع والا تبغون الشيخ يقرأ عليها حتى تطيب؟! أعطيني رقم الجيران الي عايشه عندهم؟! جالس يناظرهم بصمت ...لو كانت بين الف الا يميزها عن الكل....متغطيه حتى ما يعرفها .. متأكد انها هي ...واكبر دليل شلة الأنس الي معها!! يسمع لحبال كذبهم ... ما يبغى ابوه يتعرف عليها وتنزل من عينه ..هذي زوجته وما يسمح لاحد يناظرها بنظره نقص ... وبهدوء نطق: يبه ..ما ظنيت يعاودون هالحركة ..واضح إنه الجهل وقلة الخبرة بالحياة نسبته عندهم عالي ... سامحهم ذي المرة..يمكن يتعلمون من اغلاطهم ... ماجد هز رأسه بتفهم: هذي المرة رح أغض نظري لكن مرة ثانية رح يكون حسابكم عسير ... والحين تقدرون تطلعون!! تنفسوا الصعداء البنات وما توقعوا يطلعون بذي البساطه..تشكروه من اعماقهم وتوجهوا للخارج ...كانت آخروحده طلعت ...تحس بقهر سكن بداخلها ... حمدت ريها مرت على خير وما عرفها ... اول ما طلعت دفت نجوى بقهر: كله بسببك!! نجوى بندم: وربي اسفه ورطتك معي .. والله كنت على اعصابي خفت يعرفونك وتصير لك مشاكل!! بيلسان وهي تكشف وجهها وللحين مقهورة: وربي كنت على اعصابي لو اكتشف كذبكم!! خلتوني خرساء وما أسمع رهف بضحكه: وربي كنت ابغى اتورط واقول عمياء!! ضحكت فاطمه: وربي عشت على اعصابي.. بيلسان بضيق نطقت:تحركوا واقفات ..صدق ما عندكم سالفه!! واقف عند الشباك ويناظرهم وبداخله قهر من تصرف بيلسان ...يعني لو عرفها أبوه وش رح يكون موقفه قدامه ..أكيد رح يقول هذي البنت الي ذبحت حالك علشانها...تنهد وعيونه عليها لما تحركت وغادرت المكان!! ** ** ** تحس رأسها مصدع اليوم ...مرت ايام العطلة الصيفية على خير ...كملت الشرح واعطتهم واجب...هذا خر يوم للتدريس ... عقلها عند ليان دخلوها عندها ولاده ..لزوم تروح وتزورها ..متى يرجع جدها ويطلعون ... ناظرت جدتها لما طلعت من المطبخ: يمه ما في اي خبر؟! ام خزامى : اتصلت بأمك وما ردت علي ..ربك كريم ...الولادة يبغى لها وقت... تحس قلبها طار متى يرجع جدها؟! بعد وقت كملت تدريس وتوجهت تجهز نفسها حتى ما تتأخر ومباشرة يطلعون للمستشفى!! بعد وقت كان طويل على قلبها ...وصلت المستشفى بعد ما وصلهم الخبر بالطريق عن ولادتها ....جدتها رفضت تروح معها بحجة تزورها بعدين ما تطيق المستشفى....بعد وقت كانت جالسه على طرف السرير وهي تناظر ليان تعبانه...شدت على يدها: ما تتصورين فرحتي صرت خالة!! ليان ابتسمت بتعب .... منار دخلت هي تنطق:البيبي حطوه بالخداج والحمد لله وضعه تمام قطعت كلامها وناظرت بيلسان ما كانت موجود من قبل.. وقفت بيلسان وسلمت عليها بهدوء!! استغربت بيلسان إنها خزامى ما هي موجوده...ما شعرت بالراحة بتواجد منار ...نطقت بهدوء: رح اروح اشوف البيبي وارجعلك!! اول ما طلعت وقفلت الباب تنفست بعمق ...توجهت تسأل عن مكان الطفل .... اول ما اقتربت وقفت وهي تشوف ابوها وخزامى وكنان ونورس!! بغت ترجع بدون ما احد ينتبه عليها...عبست ملامحها لما لمحها نورس وهو ينطق: هلا هلا اقتربت على مضض ..ردت السلام بهدوء .. سلمت على ابوها الي واضح إنه للحين زعلان على رجعتها للقرية...بعدها على أمها بهدوء ...ناظرت نورس ونطقت بهدوء: مبارك ربنا يجعله من الصالحين!! نورس بهدوء: الله يبارك فيك كتمت أنفاسها للحظات ..الحين اصعب مهمه كيف تسلم على كنان ...زمت شفتها بضيق ونطقت بهدوء: كيف حالك كنان!! هز رأسه كنان بهدوء: الله يسلمك!! نورس بابتسامة: عقبالكم إن شاء الله!! نزلت نظرها للارض وهي تحس بالحرج والقهر من نورس.... رفعت نظرها لوليد الي نطق بهدوء: جدتك معكم؟! بيلسان بهدوء: جاءت معنا بس نزلت عن خالتي ام سعيد!! خزامى بتساؤل: يعني ابوي تحت!؟ بيلسان هزت رأسها: ايه بصالة الانتظار نورس نطق وهو يكلمها باهتمام: ما فكرت بالتدريس هنا؟! ردت بجمود: مرتاحه بالقرية!! نورس بروقان: وكيف كان التدريس ؟! ما ادري كيف سلطان تحمل كل البزران في بيته!!! خزامى مطت شفتها: اتركها ما رح تقتنع !! واقف يناظرهم يتكلمون ....الحين بيلسان كانت بالقرية ..والي فهمه إنها تدرس بالبيت ....وهو يظنها عند ابوها...وسالفة الشيخ كانت وقت زيارتها لجدها ..بس الظاهر انها من لما تخرجت جلست بالقرية...يا كرهه لشلتها ...الي ما دخلوا عقله ... ما يدري كيف تمشي معهم! رفع نظره لنورس الي سأله بهدوء: ما قررتم موعد الزواج... كنان بهدوء: قلت لك من قبل لما اجهز أموري وليد بعدم رضا: قلت لك ما ابغى المهر الي قال عنه عمي سلطان ..مثلها مثل باقي البنات ...بصراحه تأخرت بالخطوبة والناس بدأت تأكل وجهي ... كنان بإصرار على رأيه: المهر الي انكتب ما رح ينقص منه شيء ...بس احتاج لوقت حتى أضبط... قاطعه نورس بتدخل: يا اخي اذا ابو العروس يقولك ما له داعي انت ليه معند رأسك كذا ؟ التقت عين كنان بعينها ....ناظرها بنظره ما قدرت تعرف معناها بعدها نطق لما نزلت نظرها: دقينا الصدر وقبلنا بالمهر لزوم نوفي فيه !!!! رفعت نظرها بتردد وهي تشوف ملامحه عابسه ...ما تدري وش سبب ضيقه ... بالماضي كانت تشوفه الابتسامه تشق ثغره ... أما الحين ابتسامته انطفت وما تشوف الا العبوس بملامحه..زمت شفتها بضيق متأكدة إنه غير رأيه عنها ويتماطل بالزواج حتى جدها سلطان يفسخ الخطوبة... حست بشرخ بقلبها من هذا التحليل ... رفعت نظرها لنورس الي نطق بتساؤل: للحين ما في بينكم تواصل؟! يا عمي انتم بأي عصر تعيشون؟! نطق كنان بجمود:كذا أفضل فتحت عيونها بصدمه من كلامه ...وش فيه هذا قالب عليها ؟! ضحك نورس بخفه: وربي تواسي نفسك ...لو مكانك آخذ جاهة لسلطان يمكن يلين!! وليد مط شفته بسخرية: عقليه متحجره ما يلين وما يغير رأيه كنان بتأييد: بالضبط قاطعته خزامى بنظره : ابو رعد انا راجعه للبيت ما أتأخر على العيال!! وليد أشر لها: تفضلي! بغت تتحرك مع اهلها..وقفها نورس باندهاش: ترى ما شفت ولدنا!! بسبب سوالف نورس نسيت تشوف الطفل..ناظرت ابوها الي نطق وهو واقف ينتظرها: عجلي!! هزت راسها وألقت نظره سريعه على الطفل ...عقلها المشوش ما سمح لها تتأمله ...لو احد سالها عن شكله ما رح تعرف شيء!!! ناظرت ابوها وامها عند الباب ينتظرونها...تحركت من جنب كنان وبهمس نطقت: ابوي سلطان خط أحمر بحركه سريعه وقفها وهو يمسكها من يدها... وبملامح متجهمه نطق: تشوفين تصرف سلطان صحيح ابعدته عنها وهي تنطق بنفس الهمس: الي يبغى يسكر ما يعد القداح!! عقد حواجبه من جوابها ..وبنبره هامسه فيها حده: الشيخ ابو صالح يسلم عليك وينتظرك حتى يعمل لك حجاب يطلقك من خطيبك الي مغصوبه عليه!! فتحت عيونها بصدمه من كلامه انتهى البارت...دمتم بخير 🌹 | ||||
|
| |
 |
| أدوات الموضوع | |
| انواع عرض الموضوع | |
|
|
2373Likes
العرض العادي
