23-02-23, 12:27 AM
| #481 | ||||
 
|  بارت ٣١ اقتربت من ام ماجد ونطقت بلطافه: خالتي نادي قاطعتها: ايه ..اجلسي أشوف!! جلست وهي تناظر جميله الي اقتربت منهم ....التفتت لأم ماجد: تفضلي خالتي!! ام ماجد ناظرت جميله الي سحبت كرسي وجلست بهدوء ...رجعت ناظرت بيلسان وهي تنطق بحذر : ليه ما سلمت على اخوات منار بيلسان عقدت حواجبها ..نادتها علشان كذا وهي فكرت صاير شيء ...ما تدري كبار السن كيف يفكروا ....وبتبرير نطقت: أنا كنت واقفه ومروا من جنبي وما احد منهم كلف نفسه يسلم علي قاطعتها ام ماجد: يمكن ما انتبهوا لك ..علشان منار لزوم تسلمي وترحبي فيهم ترى قاطعتها جميله بضجر من تفكير امها ظنت عندها سالفه: اقول اتركينا من أخوات منار..على أساس حداد وحالتهم حاله وأشوفهم رازات نفسهم ..يبغون نحد على أمهم طول حياتنا... استغفر الله العظيم ما ابغى أغتاب ...فكينا منهم ختمت كلامها وناظرت بيلسان وهي تتابع كلامها: وانت يا حلوة هذا القفطان من وين اشترتيه؟! ام ماجد رفعت عيونها بضجر: استغفر الله انت ما تشبعين ملابس كل ما شفت وحده لابسه شيء طلعت عيونك واشتريت مثله؟! كلها عبايه قاطعتها جميله : عجبتني كثير شوفي لونها هذا اللون من زمان ادور عليه الأزرق النيلي...يجنن بيلسان ابتسمت على شكلها وعيونها طالعه على الفستان..نطقت بلطافه: مقدم على حسابك ما يغلى عليك جميله ابتسمت لها: يا قلبي على الناس الذوق..تسلمين بس من وين اشترتيه بيلسان بملامح هادئة: كنان اشتراه لي ما أدري من وين ام ماجد مطت شفتها: والله حاله يعني وش فيها لو لبست مثلك مثل البنات ...ما ادري كيف يفكر وش هالعناد الي برأسه الحين الناس تقول اكيد إنه مقصر على زوجته وتباخل يوديها للمزينه ويشتري لها فستان...تراك الكنة الكبيره وين صارت هذي لابسه عبايه!! قاطعته جميله بحسره: يا ليتني بأناقتها وألبس على قولتك العبايه ... ترى اغلب الحريم عيونهم على القفطان الي ما هو عاجبك ويسألون من وين اشترته لأنه فخامه ...مع هالشال وربي مثل باربي!! توسعت ابتسامة بيلسان على كلامها وناظرت خوله الي وقفت فوق رأسها وهي تنطق: اتوقع ما تخلص الحفلة والا القفطان ممزق من عيون جميله!! جميلة ضحكت بخفه: وش اعمل أحب الملابس الجميلة... ام ماجد قاطعتها وهي تناظر بيلسان: اقول روحي وسلمي عليهم ما نبغى يكون فيه حزازه او شيء بيلسان وقفت وهي تنطق بهدوء: اذا اقتربت منهم رح أسلم ..والحين بالاذن .. ختمت كلامها وتوجهت لجهة ليان بخطوات هادئة!! ام ماجد بعد ما ابتعدت نطقت بضيق: متأكده ما رح تسلم عليهم!! خوله سحبت كرسي وجلست وهي تنطق: وانت ليه حارقه بصلتك!! ام ماجد توضح وجهة نظرها: يعني منار بمقام حماتها ولزوم تحترم اهلها وتقدرهم ..مثل ما منار تحترمها وتقدرها ...يعني انا ما توقعت بيوم من الايام تكون حياتهم كذا ..بالرغم من الاذى الي تلقته منار من خزامى ومع ذلك تجاوزت هالشيء وعاملت بيلسان وكأنها بنت لها ... خوله هزت رأسها: الكل يعرف معاملة منار لبيلسان وبنفس الوقت بيلسان ما قصرت معها أنا اشوفها مثل الفلفه حولها تساعدها وتواقفها اكثر من بناتها ... يعني أحسها تحاول بأقصى جهدها تكون قريبه من الجميع وتتعامل معهم بود واحترام... وما تغلط على أحد !! ام ماجد هزت رأسها: صحيح كلامك ....بس أنا ما ابغى أحد يتدخل بينهم ويبث سمومه ويخرب علاقتهم!! جميله باستبعاد: تراك مكبره الموضوع.. وأنا على بالي عندك سالفه لما أشرت لها ذبحني الفضول أعرف السالفه وبالنهاية هذي سالفتك؟! ظنيت تبغين تقولين لها ليه متحجبه؟! خوله وهي رافعه حاجب: وهي ليه لابسه كذا؟! حتى روج ما حطت؟! ام ماجد مطت شفتها بعدم رضا: يغار عليها وخايف احد يصيبها بالعين!!! جميله باستغراب: يعني الي يشوف تشدده عليها وغيرته ما يصدق إنهم خربطوا بالاسم يوم الخطوبه؟! هذي حاله وهو مخربط هذا لو متعني لها وش رح يعمل؟! خوله زمت شفتها : تراه يبالغ .. تدرين أنا استغربت لما شفتها بالحفلة ظنيت أنه ما رح يخليها تحضر ..تراها اول مره تحضر مناسبه بالعائلة...يعني الي يسمع كلامه يقول عيوننا حاره وخايف عليها!! جميلة مطت شفتها بسخرية: والمشكلة ما تقول له لا ..ما تقول الا السمع والطاعة قاطعتها خوله: وانت وش عرفك انها ما تقول لا ...يمكن قدامنا كذا ...البيوت أسرار ما في حرمه ما تتشاجر مع زوجها بس هي من النوع الكتوم وما تطلع اسرار بيتها حتى لو بلعت العلقم ما تقول شيء!! أنا معجبه بشخصيتها وثقلها ...عكس حفيدتك الخفيفه!! يعني رح يكون عندهم فرق بالكناين وحده عاقله وثقيله والثانيه رخمه وخفيفه!! ام ماجد كشت عليها: وش هالكلام؟! وش ينقصها سلام حتى تقولين عنها كذا ؟! حفيداتي ما شاء الله عليهم ما ينقصهم شيء!! جميله بتساؤل: ما راجعوا للحمل كنت تقولين رح تفتحين الموضوع؟! ام ماجد هزت كتوفها بقلة حيله: اخوك ماجد عصب من هالسالفه ..يقول هالكلام مبكر وما هو وقته... للحين ما كملوا السنتين ! خوله باستغراب: وليه يعصب ..وش فيها لو عملوا فحص اذا في مشاكل او لا ؟! ام ماجد مطت شفتها بعدمx رضا: أحسه يبالغ بتقديس بيلسان يخاف على مشاعرها من النسمه...ما يبغى تتضايق من هذا الموضوع او تفكر فيه ..والعمر قدامهم ليه العجله!! خوله ما عجبها الكلام: تقولون احتمال كبير يسافر للخارج على الاقل يكون عنده طفل قبل ما يسافر ام ماجد بقله حيله؛ يعني وش يطلع بيدي؟! جميلة هزت رأسها: ربنا ييسر لهم الخير ..الاطفال أرزاق من عند الله !! ** ** واقفه مع رنا وهي عابسه بضجر: وربي قلت لك ٥٠ مرة حلو وما هو مخترب شيء رنا نفخت بضيق: احسه قاطعتها بملل: ترى أكلت رأسي خلاص قاطعتهم ميس وهي توقف بابتسامة: مرحبا رنا وهي ماده البوز: كيف شكلي؟! ميس ابتسمت: يا قلبي مثل القمر... ختمت كلامها وناظرت بيلسان: كيفك بيلسان؟! بيلسان للحين ما قدرت تبلعها: الحمد لله!! ميس وهي تناظرها بتقييم بعدها ناظرت رنا: هذا القفطان الي اكلت رأسي وانت تتكلمين عنه؟! رنا عقدت حواجبها: وربي يجنن؟! ميس هزت رأسها: هو حلو بس اللون مو مناسب بيلسانx ...دوم اقولكم كنان ما عنده ذوق بالاختيار! ختمت كلامها بابتسامه مستفزه!! بيلسان بهدوء ردت: الظاهر هذي المشكله عندكم بالعائلة حتى انت نفس الشيء ...لابسه فستان باللون البرتقالي اول ما لمحتك ظنيتك عامل تنظيف!! احتدت ملامح ميس: ترى ما اتقبل هذا المزح قاطعتها بيلسان ببرود: ومين قال إني أمزح!! ميس بجعرفه: شوفوا مين يتكلم عن الذوق ..الحمد لله عشت في بيت عمي و علموكx البرستيج ..تدرين كنت خايفه تلبسين ملابس خايسه وتفشلينا!! بس الظاهر كنان مدرك لذي النقطه واختار الملابس بنفسهx حتى ما تتفشل خالتي منار قدام المعازيم!! رنا تضايقت من كلامها: ميس عن الغلط بيلسان ببرود اعصاب استفزت فيها ميس:اتركيها تقول يلي تبغاه ... ما يهمني رأيك ...ولا طلبت اسمعه ! أنا مثل المثل الي يقول "القالب غالب" ما احتاج ملابس عاريه او مبهرجه حتى تظهرني وتجملني للعالم .. أنا أجمل اللباس ما هو يجملني....لو ألبس خيشه أطلع فيها ملكة جمال!! تركتها وابتعدت وهي تتجول هنا وهنا مثل الفراشه ...قدرت تلفت نظر الناس من حولها بنعومتها وجاذبيتها!! ** ** ** مر الزواج على خير ...وما طلع العرسان شهر عسل ...علاقتها بسلام بارده وما في تقارب بينهم ..مضى أكثر من أسبوع على الزواج...جالسه جنب عمها وتتكلم باندماج عن مشكلة صارت بالمدرسه مع إحدى الطالبات مع الإداره ...ومتجاهلة حركات سلام المبالغ فيها .. بالنسبة لها تعتبرها قلة أدب هذي الحركات قدام الناس ... ماجد ختم كلامه وهو ينطق: بذي الحالة للطالبة الحق تشتكي على المدرسه ..مشاكل العالم كثيره ..يشيب الرأس منها !! بيلسان بهدوء نطقت: الله يهدي النفوس!! ماجد نطق بنبره فيها سخريه بس مقصوده وهو يلتفت على سلام: لا تخافي يا سلام ما رح يهرب هاني!! تسلطت النظرات على سلام الملتصقه وماسكه يده ... سلام بداخلها نار مشتعله من عمها الي مهتم ببيلسان ولا كأنه احد موجود غيرها ..وفوق هذا وقف بوجههم لشهر العسل ومنعهم يطلعون ...وبمجاملة نطقت وهي تترك يده:x مو كذا يعني هاني بابتسامة: من زود المحبه!! مط شفته ماجد بعدم رضا وناظر كنان الي دخل وهو يرد السلام بهدوء !! ماجد بترحيب: هلا هلا ابتسم كنان لأبوه بعد ما قبل رأسه ...وجلس جنب جدته ام ماجد وهو يسألها عن الحال والأحوال!! بهدوء تناظر كنان وهو يكلم جدته باهتمام ... تحب فيه خصلة الاهتمام والانصات لأمه وجدته ...وما يتجاهل وجودهم يعجبها بره فيهم..ابتسمت برقه لما التقت عينها بعينه !! رد لها الابتسامه ورجع يكلم منار عن اخوه احمد .... سلام ضحكت وهي تسمع كلام كنان..وبمداخله نطقت: اليوم كان يتكلم عليك .. كنان بشبح ابتسامه نطق:وش قال؟! سلام بابتسامة: يقول هذا كنان ليه جالس هنا يأخذ زوجته ويروح يعيش بالمستشفى ما عندنا وسع بالبيت!! هاني يكمل عنها: قلت له والله لأقول لبابا ... وبسرعه غير كلامه وهو يرقع خلاص خليه هنا بس زوجته يرجعها للقرية ويجيب دكتورة مثله تعالجنا!! ماجد بتوعد : هذا الولد رح أقص لسانه منار بترقيع: بعده صغير ..ما تذكر رنا ولسانها الطويل؟! ام ماجد مطت شفتها بسخريه: وللحين طويل !! سلام عبست ملامحها: لا يا جدتي وربي إنها عسوله ولسانها ينقط عسل!! ماجد نطق بعدم رضا: يا جيل اليوم ما تلاقي احد يعجبك !! ام ماجد بمدح: رح تشوف سلام كيف رح تكون سنعه ويعتمد عليها ماجد باستبعاد: نشوف هذا حنا جالسين ننتظر!! منار وقفت وهي تنطق بهدوء: أنا اقول نسكب الاكل ام ماجد بتأييد: يا ليت والله!! تحركت بيلسان خلف منار وتوجهت للمطبخ ....ماجد نطق بنغزه: توقعتك تجهزين لنا الاكل يا سلام دوبنا جالسين نتكلم عن السناعه ..حتى ما كلفت نفسك تجهزين معهم قاطعته بابتسامة: يا عمي ترى بعدني عروس وما يصير أدخل المطبخ.. لزوم أتدلل نطق بسخريه: نشوف آخر الدلال!! هزت رأسها بابتسامة مجامله ومن داخلها تغلي من عمها الي يبغى يظهر الفرق بينها وبين بيلسان ...ما رح تقارن نفسها بذي القرويه وتنزل من مستواها ...ذيك قيمتها المطبخ ما هي سلام الي تشتغل شغاله عند أحد !! ناظرت هاني بنغزه على كلام أبوه..اشر لها بعيونه تتجاهل وما تهتم!! بالمطبخ نطقت منار بهدوء: قالت لي رنا احسب حسابها بالاكل لما ترجع هي وديما!! بيلسان بهدوء: بس احتمال ينامون اليوم عند قاطعتها منار: مو مشكله حطي لهم .. هزت راسها وهي تفكر بالدواء خلص اليوم لزوم باكر تشتري الدواء .. اذا كنان رح يرجع للمستشفى رح تزور بيت جدها ابو فيصل وتشتريx الدواء ... وضعت الاناء على الطاوله وابتسمت لكنان لما دخل وهو ينطق بروقان: تبغون مساعده؟! منار ابتسمت له:x راجع من الدوام ونشغلك معنا ؟! ...اجلس وارتاح قاطعها وهو يأخذ من بيلسان الاطباق ويرتبها على الطاوله: اليوم المستشفى فاضي!! منار: الله يعافي الناس ويشيفها !! كنان بهدوء وهو منشغل بالترتيب: امين! بيلسان وهي تكلم الشغاله : كان بالصالة برا أوراق على الكنبه شفتيهم؟! الشغاله بنفي: ما شفت شيء!! بيلسان باستغراب: توقعتك شلتيهم ...ناظرت منار بتساؤل: خالتي شفت الأوراق!! منار هزت رأسها بالنفي: لاx ما شفتهم...ما أدري عنك تتركين أوراقك هنا وهنا! بيلسان : كنت اكتب فيهم ...وتركتهم لما جهزت القهوة!! نطق وهو يسحب كرسي: وش هذي الأوراق!! ضاق صدرها كيف ورق تختفي كذا ..ردت بهدوء عكس ضيقها: للمدرسه! منار بانتقاد : لا تتركين أوراقك هنا وهنا ..يمكن احد رماهم بسلة المهملات!! رجع يسألها: يعني مهمات قاطعته: ما هي مشكله الحين اشوف زميله لي تبعثهم واطبعهم!! هز رأسه بابتسامة: تدرين اليوم بالمستشفى أفطرنا ساندويتش حمص وفلافل تمنيتك معي بما إنك تحبينه..وش رأيك المساء نطلع ونتعشى ساندويتش حمص وفلافل ؟! توسعت ابتسامتها لذي الفكره: موافقه ع قاطعتها منار بشك: تتوحمين على فلافل ومخفين عنا؟! ضحك كنان: يا ليت انها تتوحم وربي الا اخليها تقرف الحمص والفلافل إلا صبح ومساء حمص وفلافل!! بيلسان تحس مع الايام بدأ يزعجها موضوع الحمل. .. وخاصه لما تشوف لهفه كنان على طفل ...ما علقت وانشغلت بالتجهيز! منار ابتسمت لكنان: ان شاء الله ربنا يرزقك ثلاث توائم قاطعها بابتسامه واسعه: والكل يكون بنات ويشبهون بيلسان ! ناظرته وهي رافعه حاجب حسته جالس يتريق عليها وخاصه بعد كلمه منار: خليهم يشبهوك انت أجمل قاطعها : لو ألف الدنيا ما ألقى أجمل وارق وأصدق من بيلسان!! يكفي لما تشوفينها تحسين بالراحه تسكن أعماقك وإلا وش رأيك يمه؟! منار هزت رأسها: ما شاء الله عليها !! خليني انادي عليهم!! بعد خروج منار نطق بتساؤل:وش فيك قلبت وجهك!! هزت راسها بالنفي: ولا شيء!! نطق وهو رافع حاجب: زعلت لانها قالت اني اجمل منك! خزته بقوة: لا يا شيخ تواضع شوي!! يعني لو أكون ملكة جمال العالم ما رح تمدحني خالتي لأني أشبه عمتي فاطمه فمستحيل تمدح ضرتها قاطعها وهو يناظر الباب بترقب: اقول اترك عنك هالكلام ...من لما تزوجنا وانا اقولك رح تعرفين قيمه أمي منار وروعتها تراها عاقله وما رح تغار من إنسانه ميته ...ولو كانت تغار كان ما عاملتني أفضل من عيالها ..اتركي عنك الاوهام وتقبلي حقيقة اني أجمل منك! ختم كلامه بابتسامة واثقه!! ناظرته بغل أكيد أخذ بنفسه مقلب وهو يشوف ميس وأشكالها حوله .... ما ردت وسحبت كرسي وجلست لما دخل ماجد المكان!! ** ** ** ** البارحه تكنسلت طلعتها مع كنان جاء ضيوف لبيت عمها ماجد ...وما قدرت تشتري الدواء ...تفكر تطلب إذن من المدرسه وتطلع تشتري تخاف اذا وقفته أكثر من ثلاث ايام تنتكس حالتها !! قاطعها اتصال من عائشه ...فتحت خط وهي تناظر الكاميرا ...كتمت ضيقها وهي تنطق: ما مليت من هالحركات!! عائشه تصور عن بعد كنان وميس واقفين مع بعض:x ولا رح أمل حتى تتحركين ...ترى تفقع مرارتي لما أشوفها معه ...يا أختي تحركي ما عندك دم؟! كم صار لي اصور لك هالمنظر وانت ولا على بالك؟! بيلسان وعيونها على الشاشة: يعني وش بيدي أعمل؟! ما ابغى اعمل مشاكل ...يعني لما يقول لي مثل أختي قاطعتها عائشه: ما في شيء اسمه أختي ...اليوم أخته وباكر الله يستر!! تراها فقعت مرارتي ملتصقه فيه وين ما يروح تطلع بوجهه!! بيلسان زفرت بضيق: خذيها نصيحه مني الرجال اذا طلعت عيونه لبرا ودخلت عقله بنت لو تفرشين له الارض ذهب ما شافك بعيونه ولا قدر لك كل جهدك وتعبك لأنه بعقله إنسانه ثانية ...واذا كان مقتنع فيك لو كنت أبشع خلق الله يشوفك ملاك نازل من السماء ...فما رح أتعب نفسي وأعمل تحقيقات وحالتي حاله علشان هالسالفه ..وبعدين انت تقولين كنان ما يهتم لها بس هي ملتصقة عائشه قاطعته: بس كثر الدق يلين الحديد!! انا لما اسمعها تضحك وكأنه احد يطعني بالسكين ...تراها فاقعه مرارتي وكأنه ما احد درس برا غيرها!! زمت بيلسانx شفتها بضيق من ميس .. وبهدوء نطقت:x الله يهدي الجميع عائشه زمت شفتها: ايه الله يهديها وتبعد عن كنان ...تدرينx تخصصها مناسب لها تعرفين ليه! بيلسان بهدوء: ليه عائشه بابتسامه: لأنه أي حرمه أول ما تشوفها تولد مباشرهx وما تتحمل ثقل دمها بيلسان قاطعتها: دامك هالكثر متضايقه منها ليه تعطيها حسناتك؟! غضي الطرف عنها وادعي لها بالهداية عائشه قاطعتها : يا برودك!! صدق ما عندك إحساس ... أنا لو مكانك لو أشوف أي بنت تحوم حول زوجي إلا أنتفها!!! خليك جالسه مثل الهبله والمويه تمشي من تحت رجولك انت ونظرياتك الغبيه...انت الحين بالمدرسة!! هزت راسها بهدوء: ايه عندي فراغ قاطعتها باهتمام: كيف وضعك الحين ؟! بيلسان بهدوء: الحمد لله .. يعني للحين مداوم على الدواء عائشه باهتمام: طيب لو تركتيه كم يوم تشوفين النتيجة...يمكن تحسن وضعك ...ترى اماني تقول يمكن يكون عارض مع الايام ويزول بسبب الضربه الي تلقتيها قاطعتها بيلسان بابتسامه ساخره: انت متأكده إنها اماني دكتورة عائشه ردت بقوة: ايه دكتورة كانت معي بنفس الجامعه..ليه تسألين بيلسان بابتسامه: أحسك انت وإياها ضيوف شرف على الطب وما لكم علاقه فيه ..شغل حش وسوالف !! عائشه فتحت عيونها: صدق انك وقحه الحق علي اتابع تحركات كنان بالدقة وأعطيك كل تحركاته مجاناً وما طلبت منك أجره!! وبعدين من لما راجعت عند اماني رجع وضعك طبيعي والا لا؟! بيلسان هزت رأسها: ايه صار وضعي طبيعي..بس الحين نعسانه... صار له يومين الدواء خالص ..يعني الظاهر رح اعيش على الدواء طول حياتي! ختمت كلامها بنبره موجوعه!! عائشه عبست ملامحها وهي تحس بنبرتها الموجوعه: ربك كريم...يعني فحوصاتك كلها تمام وما في أي سبب لعلتك ....احتمال كبير لما وقعت هي السبب...ربك كريم إن شاء الله ربنا يشفيك...اشتري الدواء بيلسان كتمت ضيقها: كنت ابغى أطلب إذن مغادرة بس المديره رفضت قهرتني... أفكر أترك التدريس لأنها ما تنطاق!! عائشه بسخريه: حلو والله ..كلما ما عجبتك الاداره تتركين الشغل ..هذا لو تشتغلين معي وتشوفين رئيس القسم ؟! وربي يلوع الكبد لا منظر ولا محضر بيلسان قاطعتها: استغفر الله ..يعني بالزور توقعين الواحد بالغيبه!! ضحكت عائشه بروقان: يعني تعرفين لما تكوني منفوخه وتبغين تخففين من الضغط الي فيك!! ما أدري وش يخسرون لما يتعاملون مع الموظفين بإنسانيه؟! بيلسان بهدوء : انتهى البريك.. عائشه بابتسامه: تمام اشوفك على خير يا قمر!! ابتسمت بيلسان بدون نفس : إن شاء الله!! قفلت الخط واجتاحتها مشاعر قهر من ميس ..كل فترة تتواصل معها عائشه تسم بدنها وترحل!! ** ** ** سلام بنبره مقهورة نطقت: يعني ما شفت كيف يعاملها .. أنا ابنة أخوه المفروض تكون هالمعامله لي قاطعتها منار بهدوء: رح نبدأ بحركات السلف؟! كلكم واحد سلام باعتراض: لا مو كلنا واحد أنا لاحظت لما يشوفها تتوسع ابتسامته وكأنها ملاك نازل من السماء!! وأنا شغل انتقادات ام ماجد وبيدها السبحه: وانت تستاهلين ما تعرفين تجلسين مثل خلق الله بأدب واحترام بدون حركاتك !! ما ألوم ماجد يوم مسح فيك الارض لأنك زودتيها..لا تنسين بنات عمك مو متزوجات عيب هذي الحركات ..لا تلومين ماجد لما يشوف قلة أدبك ويقارنها مع بيلسان ..وربي يوم الصباحيه جلست بعيد عن زوجها من الخجل...كم صار لهم متزوجين وعمري ما شفت منها حركات وقحه ...واذا جلست جنب زوجها ثقيله وراكزه ما هي خفيفه مثلك!! سلام انتفخت ملامحها: حتى انت يا جدتي؟! منار بهدوء: خالتي صادقه .. الشهاده لله فرق بينك وبين بيلسان ...ثقيله كثير ومن أول زواجها ما فصلت حالها عنا ...يدها بيدي وما تقارن نفسها ببناتي ...تلاقينها تلزم عليهم ما يلمسون شيء من الشغل حتى يطلعوا ويدرسون ..انت حضرتك بس قلت لك جيبي القهوة قلت مباشره وليه ما تجيبها رنا؟! مطت شفتها: انا عروس يكفي ما اخذنا شهر عسل!! ام ماجد رفعت عصاتها: اقول انقلعي ادرسي افضل ما اكسرها على جنبك ...متزوجه وقت الدوام وتبغى شهر بصل!! تدرين بيلسان هي الي رفضت شهر العسل وما رضيت تروح!! سلام انفجرت منهم: وبعدين كل شوي تقارنوني فيها ؟! ام ماجد كشت عليها: مالت عليك..نشوف آخرها معك!! ما كذبن عماتك لما قالوا عنك خفيفه ورفله!! سلام عبست ملامحها : عماتي شغل انتقادات ..يقولون كذا لأنهم ما يحبون ماما !! ام ماجد رفعت نظرها للسقف وهي تحوقل وما ردت عليها! عم الصمت للحظات..رفعت منار نظرها لبيلسان وهي تدخل بخطوات هادئة ...كشفت عن وجهها وردت السلام بهدوء!! سلام زمت شفتها بضجر وهي تناظر جدتها لما نطقت: وعليكم السلام والرحمة! منار بهدوء: يعطيك العافية!! بيلسان بهدوء: الله يسلمك..رح اطلع أبدل وأنزل ام ماجد قاطعتها: ما هو مشكله ارتاحي من تعب الدوام ..اليوم الأكل رح يكون بعد ٣ معك وقت تريحين نفسك!! منار هزت رأسها بتأييد: اذا تبغين اعمل لك قهوة تريحين أعصابك قاطعتها بلطافه: مشكورة يا خالتي ما لي نفس!! بعدها استأذنت وتوجهت لجناحها وهي تحس نفسها رح تنام بأي لحظة من التعب!! سلام مطت شفتها بسخرية: والله ما بقى الا تحملوها وتطلعونها للجناح؟! ام ماجد خزتها: رح تذبحك غيرتك!! اطلعي ادرسي لوقت الأكل والا أقول لعمك ماجد إنك ما تدرسين !! هزت رأسها على مضض وتوجهت لجناحها وهي تفكر كيف تبين لهم حقيقه بيلسان الكذابه جالسه تمثل عليهم إنها سنعه وطيبه وهي أكبر كذابه ...هزت رأسها بتوعد الزمن بينهم وقتها رح يعرف عمها ماجد قيمتها !! ** ** ** مجتمعات بالاستراحه يتكلمون نطقت لارا باستغراب: انا انصدمت لما سمعت إنه الدكتور عماد منفصل! رغد بعبوس: يقولون شكاك ..قرفت حالها زوجته من شكوكه ...وصلت فيه لما حملت يبغى يعمل فحص يتأكد إنه ولده!! عائشه عقدت حواجبها باستنكار: استغفر الله في ناس معقده للحين؟! لارا: بهذا الزمن الثقه صارت معدومه بين الزوجين ... عائشه قاطعتها بتحليل: انا اتوقع هذي الاشكال تكون عامله السبعه وذمتها علشان كذا يشوفون كل العالم بوساختهم !! رغد هزت كتوفها: الله أعلم يمكن شاف حركات البنات والعجب العجاب علشان كذا تعقد وما عاد يثق بأحد!! ميس تسمع كلامهم وهي تطقطق بالجوال بلامبالاة لولا لارا كان ما جلست مع عائشه ما تدخل عقلها ... جذب انتباهها الكلام لما تحول الكلام عن كنان!! رغد بتساؤل: هو الدكتور كنان يكون ولد عمك يا ميس!! هزت راسها وعيونها بالجوال: ايه عائشه بابتسامه استفزت ميس: تراه متزوج! رغد هزت راسها: توقعت إنه متزوج ..يعني متزوج دكتورة قاطعتها ميس وهي رافعه حاجب بسخريه: دكتورة؟! عائشه قاطعتها وهي تشوف نظرات السخريه: متزوج ابنة عمي رغد زمت شفتها بتعجب: يا سلام! أصابني فضول اشوفها معك صورتها!! عائشه بداخلها حلفت الا تجلط ميس بطريقتها: ايه ثواني! فتحت الجوال وهي تبحث عن الصور ... مدت الجوال : شوفوا هذي صور الزواج رغد ولارا بانبهار: ما شاء الله ..ما ينلام يوم خطبها قاطعتهم سناء وهي تدخل وتناظر معهم: مين ذي؟! رغد وهي تتأمل بدقه: هذي زوجة الدكتور كنان؟! سناء صفرت بإعجاب: هذي صاروخ تجنن!! ميس انتفخ وجهها من المدح ..نطقت بتنكيس: الله يخلي المكياج .. سناء وهي رافعه حاجب: حتى لو مكياج ناظري ملامحها جذابه كثير!! عائشه بابتسامه واسعه: وهذي صورها لما نجتمع مع بعض في بيت جدي بدون مكياج!! رغد وهي تتأمل: ما شاء الله ...ناظروا خصرها يا بنات منحوت نحت ....عنده هالقمر علشان كذا ما يعطي أحد وجه!! عائشه بنبره بريئه بس باطنها تقصد كل حرف تقوله: لو تشوفون كيف حفي حتى يتزوجها ..دفع مهرها ****** بس حتى تكون زوجته ... سناء بتساؤل: يعني هي ما تبغاه؟! عائشه ابتسمت وهي تشوف ملامح ميس: مو كذا ..بس البنت خطابها كثير.....تدرين للحين حماتي تتحسر لانها ما وافقت على ولدها ...امي حبتها كتير لأخوي سبحان الله نصيبها مع كنان !! تابعت كلامها بكذب:لو تشوفونه لما كنا نجتمع في بيت جدي عيونه بس عليها وكأنه ما في احد غيرهاxx بالمكان ...وهي دوم معطيته طاف ..الرجال يحب البنت الثقيله مو الخفيفه....بيلسان شخصية هادئة وعندها حدود مع غير المحارم ...تتكلم بأدب واحترام وبصوت طبيعي بدون مياعه وضحك ما له معنى ..وهذا اكثر شيء جذب كنان لها ..يعني نادرا بهذا الزمن تلقى بنت بذي المواصفات!!! ميس مطت شفتها بسخرية ومن الداخل رح تنفجر: الي يسمعك يصدق ...تراه خطبها بالغلط؟! سناء عقدت حواجبها باستغراب:كيف؟! ميس وكلام عائشه استفزها ..ردت وهي توضح سبب هالزواج : كان رايح يخطب أختها ليان ..وعمي ماجد خربط بالاسم بدل ما يقول ليان قال بيلسان! وما قدر يصحح قدام الرجال ! عائشه رفعت حاجب : ما شاء الله ... بالرغم إنك برا البلد بس الظاهر كل الأخبار توصلك بالتفصيل ...وش هالكذبه الي جالسه تقولينها ..يعني لو ما يبغاها ومثل ما تقولين مخربط يقبل بهذا المهر ؟! تابعت كلامها وهي تبهر من عندها : من لما تزوجوا وهو يطلب منها تتغطى من كثر ما يغار عليها وما يبغى احد يشوفها..البنت سوقها حامي ...وكان خايف تطير من يده .. تراه صديق أخوي الروح بالروح وكل اسراره عنده سناء وهي تتأمل الصور: بدون ما تقولين مين يشوف هالقمر وما يحبها...واضح الي كان ينقل لك الاخبار يا ميس كان يطقطق عليك!! حركت حواجبه بانتصار عائشة وهي تشوف كيف البنات صدقوها وما اهتموا لكلام ميس!! هزت رأسها ميسx بتوعد اذا ما قلبت السالفه على راسها ما تكون ميس!! ** ** ** تتكلم بالجوال بنبره هادئة ...هزت رأسها بهدوء: إن شاء الله....سلم على أمي... رنيت على جوالها وكان مغلق .... إن شاء الله..بآمان الله ..مع السلامه ...قفلت الخط ... زفرت بعد هالاتصال ..لما تتكلم مع ابوها تكون على اعصابها ....تخاف من قراراته...من لما سافروا ما قطعتهم وهي تتواصل معهم بإستمرار..وليد يتصل فيها بين فترة وفترة اما خزامى ما تكلف نفسها تتصل معها وهي دوم تتواصل معها .....رفعت نظرها لكنان الي اقترب منها وبيده كوب القهوة : كيف حال خالي وليد؟! بيلسان بهدوء نطقت: بخير يسلم عليك جلس وهو ينطق: الله يسلمه اشر لها تجلس وهو يتابع كلامه: كيف دوامك اليوم؟! جلست وهي تنطق بملل:التدريس حلو بس الإدارة مزعجه ... ما أدري العلة فيني وإلا فيهم ...اكره شيء اسمه مديره!! رفع حاجب باستغراب: وليه تكرهين المديره؟! هزت كتوفها بضيق وهي تتذكر ايام زمان كيف المديره كانت ضدهم وما أنصفتهم ..ومع موقف المديره اليوم زاد كرهها!! نطقت بروح ميته وهي تناظر أوراق الشجر تتحرك بعشوائية : تشاجرت اليوم مع المديرهx وأتوقع فصلوني من المدرسه!! ختمت كلامها وهي تناظره بإحباط وبراءه؟ عقد حواجبه وهو يضع الجوالعلى جنب ويناظرها باهتمام:وش صاير بينكم ..غريبه ما تكلمت ؟! نطقت ببرود وهي تهز كتوفها: ما أحب أشغلك وانت بدوامك!! نطق وهو يرجع لنفس السؤال: وش صار بينكم؟! وش سبب المشكله؟! بيلسان نطقت بحذر: ما يعجبني تصرفاتها .. أحسها تميز بالمعامله بين المعلمات ...يعني المعلمات المقربات منها يعملون الي يبغونه بدون سائل او مسؤول. ... وباقي المعلمات ممنوع نتحرك إلا بأمرها... وفوق هذا نصاب الحصص عالي كثير خزها وهو يقاطعها: لا تقولين عملت نفس زمان لما كنت بالمدرسة ابتسمت ابتسامه باهته: بالضبط وقفت قدامها وطلعت كل الي بقلبي ..قهرتني!! رفع حاجب: وش قالت لك؟! مطت شفتها بسخرية: يعني وش رح تقول..ما رح تعترف بغلطها ...قالت لي" انت معلمه لسانك طويل وما رح أسمح لوحده مثلك تدرس عندنا!!" قلت لها بالطقاق الي يطقك انت ومدرستك!! ختمت كلامها بابتسامه باهته..ما تبغاه يعرف انها كانت رح تطلع تشتري الدواء وبنفس الوقت ما قالت له إنه من أحد اسباب انفجارها بالمديره ..كان بعدx اتصال عائشه ضاق صدرها منه ومن ميس ..وانفحرت بوجه المديره خزها وهو يحسها تخفي شيء: يعني من الباب للطاق تشاجرتم ؟! وش الي صار حتى تلاسنتم؟! تنهدت وهي ترد بحذر: طلبت إذن مغادرة قاطعها بتساؤل: وليه إذن المغادرة يعني تبغين ترجعين للبيت ردت بنفي:لا كنت ابغى اروح للصيدليه اشتري سكتت للحظات لما قاطعها: ايش تبغين من الصيدلية؟! ردت وهي بالعادة تشتري دواء مسكن حتى تغطي على الدواء الي تشتريه وما تكذب: دواء مسكنx لوجع الرأس!! زم شفته: كان شفتي وحده من زميلاتك يعني ما يحتاج تطلعين من المدرسه وتعملين مشكله قاطعته بهدوء: أنا ما أثق بأحد حتى أشرب دواء منهم.. وأنا ما تمشكلت علشان كذا ...لما رفضت المديره اطلع من المدرسة عادي تقبلت قراراها ورجعت ..بس الي قهرني بعدها غادروا معلمتين من حبيباتها خارج المدرسه لمدة ساعة ورجعوا عادي وما منعتهم قاطعها بتبرير: يمكن طلعوا لموضوع يخص المدرسه قاطعته وللحين مقهورة من المديرة: ما شاء الله جالس محامي لهم ..طلعوا يشتروا خضار انا شفت الفاصوليا معهم ...ودوم يطلعون عادي ضحك بخفه على رد فعلها: أعصابك ..خلاص لا تروحين للمدرسه بالناقص منهم ردت بضيق: ما أبغى أداوم بذي المدارس ..اذا طلع لي بالمدارس الحكوميه رح اروح غيره لا !! هز رأسه بابتسامة: طيب هدي ليه منفعله كذا ؟! اعملي الي يريحك ما رح أقول لك أي شيء!! تنهدت براحه لأنها قرفت التدريس بذي المدرسه.... ناظرته وهيx تبتسم له: تتذكر لما كنت بالمدرسة علشان رنا... وقتها لو طلع بيدي أذبحك ما أقول لا !! قهرتني انت وأختك رافعين خشومكم للسماء...كرهتكم كره ما هو طبيعي...سبحان الله لما أتذكر الموقف أضحك ...يعني أنا ما لي علاقه بالموضوع بس وقع فوق رأسي!! كنان خزها: تدرين وقتها كان نفسي اصفقك كم كف يكسر خشومك الي رافعيتهم علي وانت تتكلمين معي...للحين أتذكر كلمتك " يا عمي" ..وربي القهر الي أصابني وقتها من كلامك ضحكت بخفه على كلامه: انت ما تنسى؟! ابتسم على جنب: ما أنسى حسيت نفسي عجوز وبيده العصا وانت تقولين يا عمي! نطقت بتبرير: يعني لما كنت بزر كنت كبير فأكيد لما اكبر أنا رح تكون انت عجوز خزها بقوة: اعترفي يعني كنت تعرفيني ابتسمت بحنين لأيام الماضي: عرفتك لأنك نفس الشكل ما تغيرت !! وبتذكر نطقت : تدري نهاية الأسبوع خطوبة صديقتي بالقرية ولزوم أحضر قاطعها بعد ما انمحت ابتسامته وحل مكانها الانزعاج: قلت لك ..هذي الشلة ما أبغى أي تواصل بينكم ..ومع ذلك للحين تتواصلين معهم قاطعته بضيق: انت قلت حاولي وأنا حاولت وما قدرت اتخلى عن جزء مني!! تراهم ما هم بالسوء الي تشوفه!! واذا ناسي أنا وحده من الشلة ليه تزوجتني دام حنا سيئات قاطعها بحزم: انت تختلفين عنهم كلهم...وهذا الموضوع انتهينا منه!! حز بخاطرها تصرفه يعني ما تشوف صديقاتها بهذا السوء...زمت شفتها بزعل وصدت عنه !! ارتشف من القهوة وهو يناظر كيف انقلبت ملامحها وواضح الزعل عليها ...نطق بوعيد: إياك أسمع إنك استغفلتيني وحضرت الخطوبة وقفت وهي صاده عنه...يقهرها موققه نحو صديقاتها ... تحركت بعد ما قررت تنسحب افضل ما تنفجر بوجهه... راقبها وهي تبتعد عنه يقال إنها زعلانه....ما رح يغير موقفه ..الحين تزعل باكر ترضى بأرض الواقع!! ** ** ** في اليوم الثاني اقتربت وهي ترد السلام ..جلست على كنبه منفرده !! منار باستغراب: غريبه اليوم ما نزلت للفطور؟! بيلسان بهدوء: ما صحيت الا الحين ام ماجد هزت رأسها: كنان يقول انك تركت التدريس؟! نطقت وهي تحس النعاس رجع لها: ايه تعبت من التدريس استنزفوا طاقتنا!! أم ماجد بتأييد: احسن شيء عملتيه!! منار بهدوء: اذا تبغي تفطرين قاطعتها : ما لي نفس بشيء!! بدأت بتجهيز الغداء؟! اذا تبغين مساعده ؟! منار بلطافه: لا تتعبين نفسك...الاكل على النار!! هزت رأسها ورجعت لسكونها... لزوم تحصل على الدواء ...ما تبغى ترجع لوضع زمان... ام ماجد لاحظت شحوبها وملامحها البائسه: بيلسان تعبانه؟! رفعت رأسها وهزته بنفي مع شبح ابتسامه: ما فيني شيء!! منار بتحليل: يمكن لأنك تأخرت بالنوم وانت متعوده تصحين من الصبح!! هزت راسها بمجامله: يمكن احس جسمي متكاسل لأني تأخرت بالنوم!! منار ابتسمت: ماجد يقول سكتت لما رن جوالها ..ردت بهدوء: هلا وغلا...الله يسلمك...ايه هنا ...ثواني مدت الجوال لبيلسان وهي تنطق: يتصل على جوالك وما تردين؟! اخذت الجوال بهدوء .. نطقت وهي تناظرهم يناظرونها بترقب: الو كنان بنبره ما ريحتها: وينك عن الجوال ٥٠ مرة اتصلت قاطعته ببرود وللحين متضايقه منه لرفضه حضورها الخطوبه : الجوال فوق نطق بضيق أكره ما عليه هذي العادة فيها من اول الزواج وهو يقول لها الجوال ما تبعد عنه... وكأنه يكلم الجدار: متى تتركين هالعاده ...كم مرة أقولك خلي الجوال جنبك لما أتصل ...ما أبغى ألف الكره الارضيه حتى أوصلك ..وين ما تكوني الجوال يكون جنبك تفهمين!! زمت شفتها بضيق تبغى تنهي المكالمه وخاصه قدام منار وام ماجد: إن شاء الله قاطعها لما حس إنها رح تقفل الجوال: لحظه لحظه وين طايره ؟! للحين ما تكلمت؟! مطت شفتها على مضض..وقفت وانسحبت من المكان حتى تأخذ راحتها بالكلام: وش صاير؟! تنهد كنان بعدها نطق: المدرسه اتصلوا فيني ... تقول المديره اتصلت عليك وما رديت عليها ...انت ما أرسلت لها إنك رح تتركين المدرسة!! مطت شفتها حارق بصلته علشان المديرة...نطقت بهدوء: ما أرسلت لها وما رح أكلمها أو أتواصل معها قاطعها وهو معقد حواجبه: يعني كذا الاسلوب بالتواصل مع الناس.. خلاص كل السالفه تقولين لها إنك تركت وش تخسرين ؟! ردت بعبوس: وانت ليه متضايق هالكثر؟! ما ذبحنا الا مراعاه مشاعر الناس ...والحين تبغى شيء؟! ناظرت الجوال لما قفله بوجهها ...يمكن أول مره يعملها وكل هذا علشان حضرة المديره... زفرت بقهر ما تدري هي يلي أعصابها تلفانه وإلا المديره وميس ما ينطاقوا ...شدت على الجوال بقوة للحظه كانت رح تفقد اعصابها وتضربه بالارض...سرعان ما تذكرت إنه جوال منار .... تنهدت والضيق تلبسها ....أكثر شيء قهرها الخطوبه كيف ما تحضرها وهي من قبل وعدتها اكثر من مرة الا تحضر خطوبتها لما تنخطب وتغني لها .... ما تبغى تعقد الامور وتخرب بيتها علشان خطوبه ...رح تطول بالها أكثر وتعتذر منها عن الحضور ..رح تحاول تحضر زواجها !! رح تتصل بعائشه وتدبر لها الدواء بطريقتها !!! وكنان رح تضع له حد كيف يقفل الجوال بوجهها!! ** ** ** قهرته بردها من البارحه قالبه وجهها علشان خطوبة صديقتها ...تظن بهذا الأسلوب رح يغير رأيه ...رح يشوف نهايتها معها... زم شفته بضيق وهو يشوف ميس متوجهه له ... تحرك حتى يبعد عنها ..سرعان ما نادت وهى تقترب: دكتور كنان!! بلع ضيقه ورد بهدوء: نعم! ميس وقفت ونطقت بابتسامة: الله ينعم عليك ...اليوم انا واهلي رح نزوركم هز رأسه بهدوء: حياكم الله.. عمي معكم؟! هزت رأسها: على الاغلب رح يكون معنا!! ناظرت ساعتها : في وقت حتى يخلص البريك.... قاطعها وهو يهم بالمغادرة: ايه معك وقت تجلسين بالاستراحه مع زميلاتك وتأخذين راحتك!! نطقت بعبوس: ما يعجبني الجلسه معهم ..ما عندهم سالفه الا حياة الدكاترة .. ومبارح ما شاء الله كان الحديث عنك وعن زوجتك!! عقد حواجبه : أنا ابتسمت: ايه طبعا المتحدث الرسمي الدكتورة عائشة وهي تتكلم عن حبك لزوجتك وكيف حفيت حتى تزوجتها وللحين حماتها تتحسر على بيلسان لأنها ما وافقت على ولدها !! ابتسم على جنب وهو فاهم حركه عائشه وكلامها تقصد فيه ميس .. لأنها اكثر من مرة تكلمت معه عن ميس!! رفعت حاجب: اشوف راق لك كلامها ..يعني كلامها صحيح قاطعها بابتسامه: صحيح كلامها اكثر من مرة خطبتها وأصريت ما تكون لغيري والحمد لله ربنا جعلها من نصيبي!! زمت شفتها وهي تشوف بعيونه الرضا ..نطقت وهي ناويه تعكر مزاجه: الله يوفقكم ..حتى شفت صور زواجكم وصورها في بيت جدها كل الصور مع عائشه وكل زميلاتي شافوها عقد حواجبه : صور الزواج هزت راسها بابتسامه: ايه صور الزواج! نطق بهدوء ظاهري: عائشه تحب هذي الاشياء لو بحثت بجوالها رح تلقين صور زواج جدتي!! قاطعته بقهر من رده: بس هذا الشيء ما يناسب عائلتنا يعني عائشه متزوجه واكيد زوجها يمسك جوالها قاطعها ينهي الموضوع معها: عائشه محافظة من ذي الناحيه انت لا تهتمي! والحين بالإذن!! ضربت الارض بقهر لما ما عبر كلامها ... ** ** ** عائشه رفعت حاجب : ما شاء الله ما توقعت إنها ميس تشتغل ديلفري بنقل الحكي...معلومه جديده قاطعها كنان بضيق: اتركينا من ميس..الحين كلامي واضح ..صور بيلسان على جوالك؟! واذا على جوالك رح تحذفينهم الحين؟! عائشه قبل ما ترد شافت سيارة زوجها نطقت: زوجي وصل بعدين نتكلم!! تركته وغادرت المكان ...زفر بضيق من تهربها ...اكره ما عليه ذي الحركات...يمكن زوجها بالغلط يفتح الجوال...يمكن يضيع أو ينسرق منها...ما يدري كيف الحريم يفكرون !! طلع الجوال واتصل على بيلسان ...صك على أسنانه بغضب ولا كأنه اليوم قال لها لا تتركين الجوال ؟! انتهى البارت دمتم بخير 🌹 | ||||
|  |
|
23-02-23, 04:43 PM
| #483 | ||||
 
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة الا بالله العلي العظيم | ||||
| |
|
24-02-23, 03:16 PM
| #487 | ||||
| قصف ثلاثي الابعاد في جبهة ميس والله وتسلم هالعائشة بردة حرتنا فيها شوي. اتوقع ان الدواء يلي تشربو بيلسان هو سبب تأخر الحمل واتوقع لما يعرف كنان بموضوع الدواء راح يشك انها تشرب عن عمد بقصد عدم الحمل وممكن تصير مشاكل بينهم خصيصا وانو حاب يكون أب في القريب اتمنى بيلسان تصارحو بموضوع الدواء حتى تتجنب المشاكل، وبعدين أنا مافهمت ليش هي مخبي الدواء تراه عادي احسن ما يكتشفو بنفسو ويفكر انه مانع الحمل وتصير المشاكل. | ||||
|
| |
|
25-02-23, 05:48 PM
| #488 | |||||
| اقتباس:
| |||||
|
| |
|
01-03-23, 04:53 PM
| #490 | ||||
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة الا بالله العلي العظيم | ||||
|
| |
 |
| أدوات الموضوع | |
| انواع عرض الموضوع | |
|
|
2373Likes
العرض العادي
