24-08-22, 06:09 PM
| #81 | ||||
|  بارت جميل وفعلا القلوب الطيبة تحقد والناس العميقه تصير سطحيه تستغربيه مع ان في حياتي لقيتهم بس لقيت بنات سطحيات كبرو ولقيتهم ققمة العمق مادري وين مخفين العمق من قال جدها ابعدي عن المزرعة حسيت ان يقربون لسلطان | ||||
|  |
|
29-08-22, 12:19 AM
| #87 | ||||
 
| البارت السابع جالسة تنتظر دورها بالطوف والإبتسامة مرسومه على ملامحها وهي تتذكر شكله لما سألته عن عدد عياله؟!! ما تدري ليه انقلبت ملامحه وغادر المكان!! رفعت نظرها لنجوى وهي تنطق: بيلسان دورك! وقفت بحماس وبدأت تلعب بمهاره ... هذي اللعبة عشقها...فقدت تركيزها لما نطقت رهف: شوفوا هذا صاحب المزرعة!! ناظرته وهو بسيارته ...عبست ملامحها لما نطقت نجوى بحماس: خسرت خسرت هع هع!! كشت عليها بغيض .. رجعت جلست وهي تناظر رهف تتكلم بحماس: احد يسوق مثل هذي السيارة بأرض ترابيه!! نجوى وهي تلعب: يقولون رح يعملون شارع بالقرية! سما قاطعتها: ايه سمعت يقولون انه معهم فلوس ورح يفتحون الشارع على نفقتهم الخاصه علشان مزرعتهم!! متى يفتحون الشارع حتى امشي عليه!! رهف بتذكر: بنات سمعت إنه ابله سماح انتقلت من هنا!! ان شاء الله ما يلاقون احد مكانها ...يا سلااام وقتها رح نفل أمها !! عقدت حواجبها بيلسان: كيف تروح قبل ما يحطون أحد مكانها؟!! سما بعبوس: أصلا وجودها وعدمه واحد وربي ما تعرف شيء! لو أنا المديره كان خليتك يا بيلسان مكانها! وربي شرحك يفهم أكثر منها!! ابتسمت بيلسان على المديح ..حكت شعرها باحراج: لأنها من المدينة ما نفهم عليها اما حنا نفهم على بعض بالإشاره!! نجوى الي خسرت جلست جنب بيلسان على الأرض وعيونها على رهف وهي تلعب: انت أمك دكتورة وأكيد إذا ما فهمت شيء تشرحه لك! عقدت حواجبها من كلامها أي شرح تقول عنه ...ليه هي تشوف امها حتى تشرح لها؟! سما بلقافه: صحيح ما قلت لنا ابوك وش يشتغل بالمدينة ؟! عبست ملامحها من هذا السؤال ما عمرها فكرت تسأل عن وظيفة أبوها وما تدري وش يشتغل ...سكتت للحظات تفكر بوظيفة تليق بأبوها ...تحسه متكبر ومغرور لو كانت مسؤوله عنه رح تخليه ينظف الشوارع والحمامات العامه يمكن تنكسر خشومه شوي... ابتسمت ابتسامه شيطانيه وهي تتخيله ينظف الحمامات ...نطقت وهي تناظرهم : يشتغل بالشارع العام ينظفه وينظف الحمامات الي تكون بالطريق انتم ما تعرفونها لأنكم ما طلعتم من القرية!! سما بحالميه : يا حظك يا بيسو شفت المدينة ما هو مثلنا قاطعتهم لسخافة تفكيرهم: القرية اجمل منها بكثير ... المدينة مقرفه ومزعجه ما تعجبني... أنا احب الهدوء وأحب أشغل وقتي بأمور تسعدني... أما هناك حياتهم على التلفاز وال قاطعتها نجوى وعيونها طالعه: يا حظهم مثل بيت مفلح عندهم واحد!! بيلسان ابتسمت بسخريه من التشبيه: تظنين انه مثل بيت مفلح ؟؟! صدقوني الحياة هنا اجمل ...هناك الكل منشغل بعالم النت ...الكل يمسك جواله وما احد يكلم بعض سما باستغراب: يعني هم ما يكلمون بعض وزعلانين؟! تنفست بيلسان بإحباط .. ما رح يفهموا الفكرة الي تبغى توصلها ...وبمحاوله بائسة نطقت: ما في تواصل عائلي يعني يجتمعون بالمكان اما العقل بعالم ثاني . مطت شفتها بابتسامه بائسه ما قدرت توصل لهم الفكره: انسوا الموضوع وخلينا نكمل لعب!! ** ** ** ** جالسة باب البيت وتراقب بيوت الجيران بدقه: ايه ما عدنا نشوفها ام مفلح بعد ما حط ولدها التلفاز في بيتهم!! نورة مطت شفتها بحسد: جعله يخرب وما يشوفون فيه شيء؟؟! اشرت بعيونها لبعيد: شوفي شوفي يمه بنت خزامى!! ام سلمان عبست ملامحها بكره: اااه لو شفتيها خزامى ذيك المرة!! هاللبس والسيارة والا بشرتها تلق لق ما ادري وش تحط عليها! تخيلي كنت واقفه وما رفعت يدها تسلم؟!! نورة بحقد : سمعت انها ما عادت تعرج؟! ام سلمان بسخط: يا ليته ابوك هو الي لقى مصباح علاء الدين!! رفعت حاجب بعدم فهم: اي مصباح؟! ام سلمان الحسد يطلع من عيونها: ايه ما شفتي كل شيء انفتح لها بعد ما ابوها لقى سعود وكأنه مصباح علاء الدين من بعدها تغيرت حياتها بشكل جذري!! نورة تنهدت بقهر: خليني ساكته افضل ...بس غريب ما تزور القرية كثير... حتى زوجها ما عمري شفته رجع هنا!! ام سلمان بعبوس: وش يبغى بالشقى!! سكتت لما شافت بيلسان اقتربت منهم راجعه للبيت ..وقفتها وهي تسأل: أقول جدتك بالبيت؟! بيلسان من داخلها ما تحبهم وما ترتاح لهم ..نطقت بتحفظ: ما ادري!! نورة رفعت حاجب .. امك وش عملت حتى راح العرج ..اخبرها عرجاء قاطعتها وهي تحس نبرتها نبرة تحقير مهما كانت العلاقة بينها وبين امها ما تسمح لأحد يتكلم عليها ..وبنبرة هاديه نطقت: من حسن إسلام المرء تركه ما لا يعنيه!! وتابعت خطواتها بهدوء!! ام سلمان كشت عليها: شفت ام لسان؟! الله يرحم أيامك يا خزامى!! ما أدري وين سلطان عنها تاركها وما يعلمها احترام الي اكبر منها!! نورة تنهدت بقهر: ما تشبه خزامى أبد!! هالكلبة ملفته للنظر بجمالها ملامحها تسحر حتى مشيتها وكأنها سكتت وهي تشوف بيلسان تدعثرت وسقطت على الأرض!! ام سلمان ضحكت بشماته: يمه من عينك الحارة!! نورة ضحكت : تستاهل شايفه نفسها بس بنت الذين يحق لها عليها جمال ذباح! ام سلمان ما يعجبها السمار: ما ادري وين زينها؟! وش جابها لزين أبوها وكأنك ما تذكرينه!! نورة مطت شفتها بسخرية: والله وش اكلت البارحه نسيت تبغين اتذكر شكل مصباح علاء الدين!! بس اذكر إنه مزيون !! ام سلمان تنهدت بحسرة على الحياة الي يعيشونها !!! *** *** *** دخلت البيت وهي تعرج من أثر الطيحه ...ويدها على جبتها الي ينزل منها الدم بغزاره!! ام خزامى اول ما شافتها شهقت وركضت لها وهي تشوف وجهها معدوم من الدم ..صرخت بصوت مرتفع: سلطاااان!! اقتربت منها وهي تتفحصها: وش صاير لك؟!! نطقت بألم : طحت على الأرض !! اقترب سلطان باستغراب من الضجه الي عملتها زوجته ...نطق باستغراب: وش فيه؟! ناظرته وهي تؤشر على بيلسان: طاحت على الارض.. قبل ما تتكمل حملها للداخل وهو ينطق: هاتي قطن او اي شيء يوقف الدم! بعد وقت جالس على الارض ويضغط على الجرح بإحكام حتى يقطع الدم ...يحس قلبه هو الي ينزف من شوفتها بهذا الحال!! ام خزامى وهي تنظف وجهها من الدم: يا يمه كم مرة اقولك لا تنسين الأذكار! نطقت بصوت على وشك البكاء من الوجع: انشغلت باللعب مع البنات ونسيت !! سلطان بحرص: لا تتحركين اهم شيء ينقطع الدم؟!! لو الجرح عميق لزوم يخيطونه بس المركز الصحي مغلق!! رفع يده عن الجرح ...تضايق وهو يشوفه رجع ينزف بقوة!! ناظر زوجته : تعالي مكاني اضغطي على الجرح الحين أدبر الموضوع رح أخذها لأقرب مستفشى يخيطون الجرح!! هزت رأسها بطاعه ...وجلست مكانه ودموعها تنزل وهي تشوف بيلسان خارت قوتها وكأنها رح تفقد وعيها!! نطقت بنبره حانيه: لا تخافين يا يمه ما رح يتأخر جدك ! يوجعك؟! هزت بيلسان رأسها بالنفي بمكابره ...تحس نفسها تبغى تستفرغ من ريحة الدم !! نطقت بنبرة ضعيفه: احس الدنيا تلف فيني!! بعد وقت قصير دخل سلطان وهو يحملها وزوجته ضاغطه على الجرح : لقيت أحد؟!! نطق بضيق: مع الوانيت ما في غيره الحين ... هزت رأسها وتحركت معه للخارج!! ** ** ** خزامى زفرت بضيق ..تحس قلبها محرور ...ام فيصل باستغراب من تقلب مزاجها: وش فيك؟! هزت رأسها بالنفي: ما ادري احس بكدر وضيق بداخلي!! ام فيصل هزت راسها: داومي على التسبيح يزيل الضيق بإذن الله!! هزت رأسها وهي تنطق: اخاف يكون بأهلي شيء! ..والمشكله ما في شبكه بالقرية مثل العالم!! ام فيصل بنفس الهدوء: اتصلي شوفي يمكن يكون فيه شبكه!! مسكت الجوال وقبل ما تتصل دخل عبود يبكي وضج المكان بسبب صراخه!! ام فيصل ما تتحمل اي ازعاج ..نطقت بنرفزه: وش فيه؟!؛ خزامى اقتربت منه وهي تسأل باستغراب من حالته: وش صاير؟! ليان بملامح مخطوفه دخلت خلفه: تسلق على الشجرة وما ادري كيف زلقت رجله وطاح على الارض !! عبست ملامحها خزامها وهي تبحث عن مكان الألم: وش يوجعك ؟! رأسك أصابه شيء؟! نطق من بين دموعها: يدي يدي ما اقدر احركها!! ام فيصل ناظرته : حركيها له يمكن تكون مكسوره!! وقبل ما تلمسها صرخ عبود بخوف من زيادة الوجع: لااااااا ام فيصل تحس أصابها صداع من صراخه: اتصلي بوليد وخليه يأخذه للمستشفى هزت رأسها و هي تمسح دموعه: خلاص يا ماما الحين يروح الوجع!! ليان بحنيه تمسح على شعره : يا قلبي لا تخاف الحين الدكتور يعطيك دواء وتصير بطل ...لا تبكي !! ام فيصل ابتسمت على كلام ليان ...احلى ما فيها الحنان الكبير والمحبة الي تحملها لإخوانها..تتمنى تبقى كذا على طول وما أحد يغيرها مع الأيام!! ** ** ** متمدده على السرير بتعب وجدتها جنبها تمسح على شعرها بحنيه: خف الوجع ؟! هزت رأسها وبنبره متعبه: احس بنغزه هنا!! ختمت كلامها وهي تؤشر على مكان الضربة من فوق الشاش!! ام خزامى: باكر يروح بإذن الله!! سلطان واقف يناظر من الشباك بهدوء ....قاطع سكونه رنين جواله ... ناظر الجوال الي ينور بإسم خزامى ...رد بهدوء: هلا خزامى ....الحمد لله بخير .....الحمد لله....يمكن لأني مو بالبيت وهذا المكان فيه شبكه ..الحمد لله كل شيء بخير ...الله يسلمك ...يوصل إن شاء الله...مع السلامه!! قفل الخط وناظر زوجته الي تكلمت: ليه ما قلت لها اننا بالمستشفى ؟! مط شفته بسخرية: اخاف من سرعتها اذا سمعت الخبر يصير معها حادث! ام خزامى بهدوء: حتى ولو ...لزوم اهلها يعرفون قاطعها بانزعاج من هذي السالفه: ما هو لزوم ...قفلي على الموضوع!! اقترب من بيلسان: لما نطلع من المستشفى رح أخذك للمطعم قاطعته ما لها نفس بشيء: خلينا نزور إخواني!! عبس ملامحه للحظات ..بعدها نطق: اذا صار معنا وقت نروح لهم!! هزت رأسها بتسليك وهي عارفه ما رح يأخذها لانها تعرف اسلوبه ...نطقت بتعب: ليه رح أتنوم هنا؟! سلطان بهدوء: حتى يتأكدوا ما في نزيف داخلي براسك!! رح اروح اشتري لك شيء تأكلينه لزوم تتغذين حتى تعوضين الدم الي راح!! هزت رأسها بهدوء: ان شاء الله!! ** ** ** وليد ناظره بحزم وحده: كم مرة قلت لك ممنوع تتسلق الشجر؟!! متى تفهم الكلام ؟! وإلا تبغاني اكسر رأسك حتى تفهم الكلام!! عبود من بين دموعه وخوفه من ابوه نطق بتبرير: كنت أبغى أعمل مثل بيلسان تتسلق قاطعه بغضب: ذيك قردة وقرويه متعودة على ذي الحركات ..ورب الكعبة إن سمعت إنك أو واحد من إخوانك يعمل كذا الا قاطعه ابو فيصل بعتب: وليد؟ ناظر أبوه بضيق: لو قدر الله وقع على رأسه وصار نزيف قاطعه ابو فيصل بهدوء: الحمد لله مرت على خير والولد بخير وما رح يكررها!! خزامى تنهدت بضيق ومسحت على شعر ولدها وهي تحضنه : ما رح يكررها!؛ نطق وليد بحزم: كنت أفكر أرسلكم للقرية ..بس دام ذي حركاتك لغيت الفكرة وانتهينا!! ليان ناظرته بإحباط بعد كلامه ..وبنبره راجيه:بابا قاطعها بصرامه: بدون أي اعتراض ! رعد تضايق من كلام أبوه بس ما احد قدر يناقشه بالموضوع ..خاصه لما يكون معصب ...يكون عبارة كتلة مشتعله!! مريم ابتسمت على ملامح الصغار ..وباستغراب نطقت: غريبة هذي العطلة ما زارتكم بيلسان!! خزامى بهدوء خارجي: المزرعة ما يقدر يتركها ابوي الفترة ذي ..رح انزل لزيارتهم هاليومين بإذن الله! ليان بلقافه: اروح معك بلعت كلامها لما أعطاها وليد نظرات حادة!! ام فيصل بلوم: ما يصير كذا بشويش على العيال!! تنهد ابو فيصل وهو يحس وليد نسخه منه بالماضي كان حازم على عياله كثير وان قال لا ..مستحيل يغير رأيه .. والحين يشوف ماضيه بوليد !!! اذا عياله الي يعيشون معه صارم معهم وش رح يكون حاله مع بيلسان الي للحين يحسه ما اعترف إنها من صلبه!! ** ** *** تمشي بالمزرعه بخطوات هادئة... مثل ما توقعت ما زارت إخوانها ..تحجج جدها إنه صاحب الوانيت مستعجل وما يقدر يرجع يأخذهم مرة ثانية ومن هذا الكلام!! زفرت بضجر وتوجهت للشجره بحذر ومباشرة جلست على الجدار ... تنهدت براحه وهي تناظر هالمزرعه بمنظرها الجميل ..تحس نفسها لما تشوف هالمنظر تروح لعالم ثاني ... ابتسمت للبنت الي طلعت وكلمتها باستغراب:وش فيه رأسك؟! تحسست مكان الضربه بشويش: طحت! اكتفت بذي الكلمه ...وتجاهلت وجود البنت وهي تناظر غروب الشمس .... متى رح تكبر وتصير دكتورة وتعالج اهل القرية بدل ما يروحون للمستشفى البعيدة! تبغى تكبر وتكون مفيده للمجتمع وتساعد كل محتاج!! قطعت أفكارها وناظرته وهو يسألها باهتمام: الصحفية بيلسان وش فيه رأسك مفلوع؟! ابتسمت على كلامه: تعثرت بالطريق ونزل دمي!!! قاطعها وهو يجلس على نفس المقعد الي دوم يجلس عليه: المركز الصحي خاطوها لك؟! هزت رأسها بالنفي: لا لأني وقعت بعد بعد العصر ...والمركز الظهر يغلقونه...أخذني جدي للمستشفى سأل باستغراب: المستشفى يبغى له سيارة كيف وصلتم؟! ابتسمت بدون اي احراج: اخذنا بالوانيت!! ناظر رنا الي نطقت باستغراب: ليه ما قلتم لنا حتى نأخذك للمستشفى!! ردت بيلسان بصدق: حنا ما نطلب مساعدة من الغرباء ومن ناس ما نعرفهم!! رفع حاجب بابتسامة: دام حنا غرباء ليه طاقه الميانه وتكلمينا كل يوم؟! ردت توضح له: انا اتكلم من بعيد يعني لو كنتم شريرين ما تقدرون تمسكوني وانا فوق الجدار!! ضحك على كلامها: خايفه نخطفك؟!! هزت رأسها : ايه لزوم الحذر!! نطق والإبتسامة مرسومه على ملامحه: لا تخافين البنات الي عندنا لو يطلع لنا نبيعهم ونرتاح من همهم!! فتحت رنا عيونها باستنكار: نعم!! ضحك على انفعالهاوهو يمسح على شعرها : امزح معك!! بيلسان بابتسامه: وش تقرب لك هذي؟! نطق بروقان: وش تتوقعين؟! بيلسان مطت شفتها بتفكير: اتوقع إنك ابوها أو خالها او عمها قطعت كلامهالما وصلها صوت جدها: يلا يا بيلسان!! ابتسمت ابتسامه تريح القلب: صار وقت الرجوع للبيت ...مع السلامة!! ما رد وهو يناظرها لما نزلت واختفت عن انظاره ....فقدها هاليومين الي طافوا بس ما توقع انها مصابه!! تعود على وجودها بهذا المكان ويحب يسمع لها ...بالرغم انه ما هو من طبعه هالشيء ...ما يدري وش السبب الي يخليه يجلس هنا حتى يشوفها ....يمكن قصتها لفتت نظره وخاصه إنها تعيش وكأنها يتيمه!! لزوم يأخذ منها كلام حتى يكمل الشيء الي بدأ فيه!! *** *** ** دخلت الغرفة لما وصلها صوت امها ..استغربت وجودها ما توقعت ترجع لزيارتهم...حست بالانتكاسه لما شافتها لوحدها مع جدها ابو فيصل!! اقتربت من جدها وسلمت عليه بحفاوة: كيفك جدي!! قرصها بخدها اليمين مكان الغماز: يا جمال هالابتسامه .. سلامات سمعت إنك طحتي على الارض ! ردت بمحبه له: طيحه خفيفه!! اقتربت من امها سلمت عليها ...خزامى ناظرتها وهي تشوف في انتفاخ بوجها ..تحسست مكان الجرح بحرص : يوجعك؟! بيلسان ما توقعت اهتمام خزامى..نطقت بهدوء: لا ما يوجعني! خزامى تتمنى تكسر هالحاجز بينهم ..ما تدري ليه يتلبسها هالضيق لما تقترب منها ...غصبت نفسها وهي تشوف نظرات اهلها ..قبلتها وهي تنطق: كوني حذره مرة ثانية وما تسببي المتاعب لأمي وابوي !! سلطان اشر لها تجلس جنبه ... جلست وهو يضمها تحت كتفه: يا ليت كل العيال مثلها!! ما قلت لنا كيف انكسر عبود! هزت رأسها بأسف: يبغى يقلد بيلسان تسلق الشجرة ووقع وانكسرت يده ...فضحنا بالمستشفى وهو يبكي ... ابو فيصل يكمل بضحكه قصيره: وليد ما قصر معه مسح فيه الأرض ام خزامى بدفاع: يعني اكيد يبكي من الوجع خزامى بتبرير: والله عبود زودها ..وانت تعرفين وليد ما يحب الطفل المشاغب! وحركات القرود ما يحبها! بيلسان رفعت حاجب: الطفل يبغى يستكشف ويشوف الي من حوله من فوق الشجرة!! ليه تدفنون حب الاستكشاف بداخله ..كيف رح يتعلم اذا ما جرب ! خزامى عقدت حواجبها وهي زامه شفتها بعدم رضا: ما شاء الله تتكلمين وكأنك دكتورة او الضربة أثرت على رأسك! يعني لو انكسرت رقبته أو صار معه نزيف وقتها نصفق له ونقول ما شاء الله ولدنا صار مكتشف؟! ابو فيصل بابتسامة: لو تشوفين بيلسان وهي تمشي على جدار المزرعه قاطعته باستنكار: وش تقول؟! مجنونه ؟! وربي لو يعرف وليد الا قاطعها سلطان بعبوس: وش رح يعمل يعني؟! خلينا نشوفه بالاول بعدين قولي هالكلام!!! خزامى تجاهلت كلامه حتى ما تدخل بنقاش ومشاكل: وربي خطر عليها بيلسان : ذيك المرة لما كنت بالمزرعه جلست على الجدار قاطعتها: ما شفتك وما انتبهت!! اسمعيني زين ابعدي عن هذي الحركات انت بنت لزوم تتعلمين قاطعتها بيلسان بهدوء: ابغى اعيش وأكتشف الحياة بنفسي ...وما يهمني بنت او ولد ..كل يهمني اعمل الشيء الي انا مقتنعه فيه!! ناظرت خزامى أبوها بقهر وهي تنطق: تسمع كلامها وكأنها عجوز قطعت كلامها لما شافت ابوها رفع يده وعمل شكل لايك 👍 مؤيد لكلام بيلسان: اتركي البنت بحالها انا قلتلك من قبل بيلسان لي وانت اهتمي بعيالك وما عليك منها! نطقت بتوجس: يبه اخاف بعد سنوات من هالانفتاح تتمرد علينا!! وترد الكلمة بعشرة وليد ما يحب احد يرادده بالكلام ويعصب قاطعتها امها: يا هالوليد الي اكلتي راسنا فيه!! ابو فيصل بهدوء: البنت ما قالت شيء عبرت عن رأيها بأدب واحترام وهذا الشيء ما رح يضايق وليد ! انت تكبرين الموضوع اكبر من حجمه يا خزامى!! اتركونا من من الكلام الي بدون فائدة..ومثل ما قلت لك يا سلطان خلينا نروح لبيتنا تغير بيلسان جو ...وتلعب مع إخوانها!! عبست ملامحها بيلسان متأكدة من رد جدها اكيد ما رح يقبل !! سلطان رح يتنازل علشان يشوف دوم ابتسامة بيلسان: توكلنا على الله! فتحت عيونها بعدم تصديق وهي رافعه رأسها تناظر جدها الي حاضنها..قبلته بامتنان: هذا احلى خبر سمعته!! ابتسمت خزامى على انفعالها .. ونطقت بهدوء: رح تنامون عندنا وما في فكه سلطان بتسليك : يصيرخير!! *** *** *** تنفست براحه لأنه أبوها ما هو موجود ...مر وقت طويل على مقابلته ..ما تدري ليه تحس بالارتباك والتوتر من مقابلته ..ابتسمت ابتسامه واسعه لأختها ليان الي حضنتها بحنان وتمسح على شعرها: تعورتي ؟! تعبانه؟! ابعدتها بيلسان بشويش وهي تنطق بابتسامة: انا بخير! ام فيصل بهدوء: اجلسي يا يمه ارتاحي ليان وهي تشد فيها لناحيتها: تعالي نطلع لغرفتي نلعب ام فيصل بحزم: اتركيها اكيد تعبانه ما تشوفين كيف وجهها منتفخ من الطيحه!! ام خزامى بهدوء: إلعبوا هنا بصوت منخفض! ابو فيصل يتكلم مع سلطان بصوت هامس ومندمجين بالكلام!! عبود وهو واقف قبال بيلسان بابتسامه: انت رأسك انكسر وأنا يدي انكسرت! بس انا كنت قوي وما بكيت مو مثلك اكيد بكيتي مثل البزران! رعد ضربه على رأسه: كذاب بابا مسح فيه الأرض لأنه يبكي مثل البزران!! بيلسان انت بكيتي مثله؟! بيلسان هزت رأسها بالنفي: ما بكيت وغرزوا هنا إبرة بيدي وما بكيت .. أنا كبيره مو بزر!! ليان بتأثر وهي تشوف مكان الإبرة ازرق: يا قلبي توجعك؟! بيلسان ابتسمت على ملامح ليان الي تعاملها كأنها بزر: ما توجع أنا كبيره قطعت كلامها وبهتت ملامحها لما دخل اخر انسان تتمنى تشوفه ... ما تحب تقترب منه او تختلط فيه بالرغم انه ولا مرة أساء لها ...ما تدري سبب النفور الي تحمله له!! دخل بخطوات هادئة وهو يرد السلام..تفاجئ بوجود سلطان...اقترب وسلم عليهم بترحيب وحفاوة!! اخذ نفس والتفت على بيلسان بهدوء...رفع حاجب باستغراب وهو يشوف رأسها وملامحها فيها انتفاخ ....وباستنكار نطق: وش صاير لها؟!؛ سلطان ببرود: تدعثرت بالارض وضرب راسها على حجر قاطعه وهو يفك الشاش عن رأسها بشويش: خيطوها؟! ام خزامى باستغراب من تصرفه: ايه بمستشفى****** ناظر الجرح بتفحص وبعدها ناظر سلطان: عملوا لها صورة قاطعه: اكيد عملوا لها هذا شغلهم مط شفته بعدم رضا: يا عمي شوف وجهها كيف منتفخ كم صار لها ? وليه حنا ما عندنا خبر!! سلطان بسخريه: الله يلعن الشيطان البارحة لما كنت عندنا نسيت أخبرك احتدت ملامحه وهو يحس بنبرة السخرية منه.. وقبل ما ينطق تكلم ابو فيصل: حصل خير يا جماعة زفر وليد بضيق وناظر بيلسان وهي منزله رأسها وباين عليها الضيق ...رفع راسها بيده تأملها للحظات..نطق بهدوء: تحسين بصداع او استفرغت؟! هزت رأسها بالنفي!! ناظر خزامى : هاتي المطهر والشاش لزوم يتنظف الجرح كل يوم!! رجع يناظرها والحرج واضح عليها ...يمكن اول مرة يتأملها بهذا الشكل .. وكأنها صورة مصغرة عنه بس لون البشرة الي يختلف بينهم ! قاطعت تأمله خزامى لما مدت له المطهر ... أخذه بلطف ونطق بتحذير: الحين رح يوجعك شوي تحملي حتى يروح الجرح! هزت رأسها وسرعان ما عفست ملامحها بألم لما حط المادة على الجرح!! ليان بتأثر وهي تشوف ملامح الوجع على بيلسان: بابا بشويش تجاهلها وهو يكمل شغله ... بعدها لف الشاش بحرص على راسها ... قبل راسها بهدوء : الحمد لله على سلامتك ! احمر وجهها من الخجل ما هي متعودة عليه!! نظفت خزامى المكان ...وقف وليد وبعدها جلس جنب ام خزامى مقابل بيلسان وبانتقاد نطق: هالعيال ما يناظرون قدامهم طايرين !! سلطان بهدوء: بعدهم صغار باكر يكبرون ويعقلون! ابو فيصل : حتى ولد ابو جاسر وقع عن ظهر السطح ويقولون للحين داخل بغيبوبة ..الله يشافيه ...مشكلة العيال عقلهم باللعب الله يهديهم!! ** ** ** جالسه على الجداروالابتسامه شاقه حلقهاوهي تتذكر موقف ابوها ...ما توقعت يهتم لها... اذا كان يهتم بأمرها ليه ما يزورها هنا ؟!! نفسها تعرف امور كثيرة بس ما لقت لها إجابه!! جلس مكانه المعتاد وهو يناظرها .. سرحانه والإبتسامة تزين ثغرها ...وضع الكتاب قدامه... وبهدوء سأل: اشوفك مبسوطه!! انتبهت له وتوسعت ابتسامتها: هذي نعمه من نعم الله وش الغريب فيها!! وبعدين أنا دوم مبتسمه وسعيده ما هو مثلك اغلب وقتك ماد البوز!! نطق بسخريه: وإلي فارق غالي يقدر يبتسم من قلب؟! سكتت للحظات وهي تفكر بالشخص الي فقده ...وبهدوء نطقت: الإنسان من النسيان لو جلسنا على عتبات الماضي ما رح تمشي الحياة! اليوم الي رح نعيشه ما رح يرجع ليه نخليه كله حزن وتعاسة ...بالعكس املأ وقتك بفعل الخير الي رح يجلب لك السعادة ويريح قلبك .... لزوم يكون لنا بصمه بذي الحياة ونلقى احد يتذكرنا بالخير!! عقد حواجبه باستنكار ..يحس كلامها كبير بالنسبة لعمرها : مين علمك كذا ؟! ردت بمحبه: ابوي وأمي وأبلة بيان !! سأل باستغراب من حياتها: ما تتمنين تعيشين عند امك بالمدينة ؟! ردت بهدوء: ما عمري تمنيت هالشيء ...لاني اعيش مع امي وأبوي وش ابغى بأم مزيفه؟! عقد حواجبه باستنكار: مزيفه؟! كيف يعني؟!! ردت بنبرة مهتزه: الام هي الي تربي مو الي تولد ... الي هان عليها تتركني هنا لوحدي حتى تحقق احلامها... أنا نفس الشيء ما اتمنى اعيش معها ورح اتابع حياتي واحقق حلمي بعيد عنها! نطق باستغراب: وابوك وينه ؟! تزوج ؟! عقدت حواجبها باستغراب: تزوج ؟! مين قال إنه متزوج؟! نطق بتوضيح: انا أسأل مجرد سؤال!! هزت رأسها بضيق : ابوي مع امي بالمدينة يعيشون في بيت جدي مع إخواني سأل بتشويش: امك وابوك ما هم منفصلين؟! هزت رأسها بالنفي وهي مبتسمة: لا ما انفصلوا!! مين قال إنهم منفصلين؟؟ زادت حيرته واستغرابه ..دام امها وأبوها مع بعض ليه تاركينها بذي الارض المتخلفه!! لما شافت سكوته نطقت: وش فيك ؟! تنهد وكل الفكره الي برأسه طارت ..حطها بطلة في الرواية الي جالس يكتبها.. كان يبغى يكتب قصتها بعد ما توقع انها تعيش مع ام واب منفصلين وكل واحد منهم تركها!! بس طلع فاهم الموضوع غلط ..وبإحباط نطق: طيب ليه تاركه امك وابوك لوحدك!! مطت شفتها بسخرية وكأنها اختارت حق الاختيار ..ما كأنها لقت نفسهابهذا المكان منفيه لأسباب مجهوله ...وكالعادة حتى تمشي الحياة نبلع غصاتنا ونتبعها بابتسامة عريضة حتى تستمر الحياة!! ** ** ** اليوم استعداداتها غير عن كل يوم ...اليوم رح يزورونها إخوانها ..فرحتها ما توصف ..عقلها يفكر كيف يستقبلهم؟ متأكده رح يعجبهم المكان كثير !! لها اكثر من ساعه واقفه عند باب البيت تنتظر قدومهم ...مسحت العرق عن جبينها من حرارة الشمس ... زفرت بضجر ما تدري ليه تأخروا ...لحظات دبت الروح فيها وهي تشوف سيارة جدها ...لوحت لهم بفرح وهي تناقز مكانها!! اقتربت من السيارة لما وقفت والإبتسامة شاقه حلقها: ما بغيتم توصلون!! نزلت خزامى وهي تشوفها وجهها أحمر من حرارة الشمس: حررررررر!! بيلسان هزت راسها : اليوم حرارة الشمس مرتفعه! فتحت الباب لإخوانها: يلا انزلوا وش تنتظرون؟! ليان المصدومه من الواقع وما هو مثل ما وصفت لها بيلسان!! حست بيلسان حماسها نقص وهي تشوف ملامحهم!! ما تدري ليه تعكر مزاجها ...سرعان ما طردت هالإحساس وهي تقنع نفسها يمكن تعبوا من الطريق ..وبحماس نطقت: يلااااااا ابو فيصل قفل السيارة وهو ينطق: يلا يا عيال!! بيلسان مسكت بيد ليان وسحبتها بشويش : تعالي بالاول تشوفين بيتنا وبعدها اعرفك على كل شيء بالقرية شبر شبر!! رح تعجبك كثير!! سايرتها ليان وهي للحين مصدومه من المكان!! دخلت فيها البيت بعد ما سلمت على سلطان وزوجته..سحبتها بحماس : تعالي شوفي غرفتي!! دخلت ليان وهي تناظر الغرفه بعبوس ما قدرت تخفيه ..غرفة فاضية فيها فراش على الأرض ..وطاوله صغيره عليها بعض الكتب ...وملابس معلقه على الجدار ...وكبت بحجم صغير ...مصدومه ما توقعت الغرفه الي وصفتها بيلسان تكون كذا ! تخيلتها غرفه عصرية حديثة وخاصه انها دوم تقول انها احلى من غرفهم!! بيلسان وقفت عند الشباك بابتسامة وهي تتنفس بعمق: تعالي شوفي الوقفه هنا تجنن وخاصه لما تجلسين على حافة الشباك وتسندين ظهرك للجدار وبيدك كتاب قاطعتها ليان بمجاملة: حلو! بيلسان اشرت على الطاولة الصغيرة: هنا اكتب دروسي واطالع الكتب!! قطعت حديثها لما وصلهم صوت خزامى تنادي عليهم..نطقت :ما تتصورين فرحتي انك رح تنامين عندنا ..تعالي نروح لهم وبعدها اراويك كل شيء!! ** ** جالسين على الارض بهدوء وعيونهم تناظر المكان بتفحص.... بيلسان بابتسامه واسعه: وش رايكم في بيتنا ؟! حلو صح؟! السطح فوق الجلسه عليه خرافيه بالليل ...لما تجلس وتراقب النجوم!! تحس نفسك بعالم ثاني! خزامى وهي تشوف عيالها ما هو عاجبهم المكان وللحين بيلسان ما سكتت وهي تبالغ بالوصف!! زفرت بضيق وهي تنطق: حررررر يا ربي كيف تتحملون هالأجواء! بيلسان وهي متربعه : أمي تقول انك كنت ايام الحر قاطعتها حزامى بتحذير : قلت لك من قبل لسانك الطويل قصيه ولا تتكلمين بشيء قاطعها سلطان بضجر من خزامى: لا حول ولا قوةالا بالله! سكتت خزامى وهي تحس نفسها رح تحترق من شدة الحرارة ....مر الوقت والملل والضجر رافقهم بسبب المكان !! بعد العصر اخذتهم بيلسان يتجولون بالقرية ..اخذتهم للمدرسه وهي مفتخره فيها ... ناظرت ليان المدرسه بناء قديم والجدران متصدعه والمقاعد قديمه وحالتها لا يرثى لها ..ما تدري وين الجمال الي كانت تتكلم فيه!! فرق كبير بين مدرستها ومدرسة القرية!! عكس بيلسان الي كانت تشوف جمال المدرسة بالتعلم والصداقه واللعب كل هذا زرع بداخلها ذكريات جميلة خلتها تتكلم للكل عن جمالها والسعاده الي غمرتها بتواجدها بهذا المكان ... ما كان يهمها المظهر ... بعد وقت وقفت بيلسان مع صديقاتها وهي تعرفهم على إخوانها عند الملعب!! ما توقعوا اشكال صديقاتها كذا....والملعب كان لوحده صدمه ما توقعوها!! حتى اخر شيء استقروا بالمزرعه ...كانت علامات الاستنكار واضحه عليهم ...ما يشوفون الجمال والمناظر الي تكلمت عنها بيلسان!!! نطق رعد بملل: ماما نبغى نرجع خلاص ملينا من هنا ...ما في شيءجميل ..الحين عرفت سبب رفض بابا لزيارتنا لهذي القريه المقرفه! احتدت ملامح بيلسان وهي تسمع وصفه ونظرة الازدراء واضحه عليهم:وربي اذا ما انكتمت الا امردغك بالارض يا بزر!! رعد عصب منها وما هو متحمل الحر: خفت منك!! انت وحده كذابه قلت لنا القرية جميلة بس طلعت مقرفه مثلك!! شفتم المدرسه عبارة عن خرابه ! ليان بتأكيد وهي تحس بالخيبة: كذبتي علينا يا بيلسان ما اشوف شيء من الي قلتيه ..وفوق هذا حر وما في كهرباء!! بيلسان انتكست من رد ليان ما توقعتها سطحيه كذا ..وبدفاع نطقت: كل يوم تكون الكهرباء بس اليوم انقطعت خزامى بتحذير لعيالها: يا ويلكم تتكلمون كذا قدام جدكم وجدتكم ترى يزعلون!! بيلسان بقهر منهم: بدل ما تقولين لهم ليه هالتكبر كل همك ابوي ما يسمع كلامهم؟!! ترى القرية احلى من بيتكم ألف مرة... قاطعتها خزامى وهي تشدها من إذنها بقوة: انا امك تكلمي بأدب والا قاطعتها بيلسان بعد ما أفلتت نفسها ...وبنبره مقهورة: كلمي عيالك بالاول الي يتكلمون بوقاحه عن هذا المكان عبود قاطعها: ما قلنا غلط ..بيتكم مقرف وقريتك مب حلوة ...والا ذي بعد رح تتدخلين فيها وتجبرينا نقول حلوة؟! حتى انت مقرفه ومزعجه بثرثرتك وبشعه وما تشبهينا قاطعته بيلسان وهي تضربه على وجهه بقوة وشدته من شعره بقوة: وش الفائدة من جمالكم من الخارج ومن داخلكم بشعين!! دفته عن طريقها وابتعدت عنهم ....خزامى مسكت اذن عبود بقوة: وش هالكلام الي قلته لأختك..لو ابوي يعرف الا تصير علوم!! ليان بضيق: زعلت ؟! خزامى بهدوء: اتركوها الحين انا اكلمها بعدين .. قفلوا هالموضوع وجهزوا نفسكم رح نرجع للبيت!! قلنا لكم جو القرية ما يناسبكم بس ما سمعتم الكلام!! سكتت لما شافت بيلسان رجعت لهم ..وقبل ما تنطق فتحت عيونها باستنكار لما شافتها بحركه سريعه اوقعت عبود على الأرض ..وثبتته بالأرض وهي شاده شعره بقوة ...وسكت حجر كان على الأرض بجانبها ....وبنبره قوية نطقت: اعتذر عن كلامك!! حاول ينهض ما قدر وخاصه يده للحين ما تعافت ..وبألم نطق: ابعدي عني! خزامى بغضب: يا مجنونه اتركي اخوك؟! نطقت والشرار يطلع من عيونها: أنا مجنونه والله اذا اقتربتي الا اضربه برأسه ..يلا اعتذر عن كلامك!! عبود وهو على وشك البكاء: انا اسف بيلسان بقوة: قول القريه اجمل من بيتكم ! نطق بضعف: القرية اجمل من بيتنا! تابعت بيلسان: مدرسة بيلسان اجمل من مدرستكم والملعب اجمل من ملعبكم! كرر كلامها ودموعه بدات تنزل ! نطقت بقوة: قول بيلسان أحلى وحده بالعالم!! بعد ما كرر كلامها تركته وناظرت إخوانها بتهديد: المرة الجايه رح أكسر رأسكم! ** ** ** انتهى البارت .... انتظروني يوم الخميس بإذن الله..دمتم بخير 🌹 | ||||
| |
|
29-08-22, 01:35 PM
| #90 | ||||
| بيلسان كل خيالاتها وتلميعاتها للقريه ناتج من الحرمان اللي عاشته يعني بنقول وليد رجل ومشاعره جامده بس خزامى ام ومهما كان سبب نفورها على الاقل تهتم بيها وبييت أهلها معقوله متعطي ابوها من راتبها ومتشتري لبنتها اذا بخلو عليها بالمشاعر على الاقل ماديا يكرموها اللي عملته فعبدالله اخوها من قهرها واحساسها بالظلم والتهميش راح تكبر ويطلبو رضاها وحنيتها وهي راح تتحول لحجر معاهم مافي مثل ظلم الأبناء | ||||
|
| |
 |
| أدوات الموضوع | |
| انواع عرض الموضوع | |
|
|
2373Likes
العرض العادي
