آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-09-17, 09:30 PM
| #1 | ||||
 
|  مروضة القلوب ( أحببت أخي ..بخطتك يا أمي) * مكتملة * لـ رحاب عمر السلام عليكم ورحمة الله وبركاته بإذن الله نويت ان ابدأ بكتابة روايتي الثالثة مروضة القلوب بالفصحى وحوارات بلهجة مصرية رغم اني كنت محتاره جدا ان اكتبها بالفصحي ولكني شخصيا احب اللهجه المصريه في القراءة و استمتع اكثر بها اتتمني اولا التوفيق من الله في كتابه القصة و حياكتها بشكل يليق بالقراء, وان استطيع ان اعرض ما بها من عبر و نصائح بشكل جذاب وممتع  ان شاء الله موعد تنزيل الفصول كل يوم أربعاء الساعه 6 مساءا روايات لكاتبة رحاب عمر رواية حبيسة قصر الوحش https://www.rewity.com/forum/t369175.html رواية ابن سيادة الوزير https://www.rewity.com/forum/t388655.html أترككم مع المقدمه و الفصل الأول وصور البطلات لتكتمل الأحداث لكن أتأسف اني لم أضع صور للرجال فالعين تزني وزناها النظر,والنظره سهم سام من سهام أبليس , بإذن الله هحاول أوصفهم بإستفاضه المقدمة نحن البشر , من لحم ودم كما يقولون . . . لا لسنا مجرد لحم ودم , بل أكثر بكثير بل كل منا يمثل حكاية, قصه صفحاتها أيام , كلماتها مواقف , حروفها ربما تكون ضحكة أو دمعه وربما تكون فرحة أو حزن , راحه أو عذاب...... كل منا حكايه , لها نفس البداية ولها نفس النهاية بدايتها صرخه تلتف بالفرح والبسمات , ونهايتها أيضا صرخه , لكن تغلف بالحزن و ألم الفراق بدايه واحده ونهاية واحده ورغم اختلاف الحكايات وتباين مواقفها لكن ان دققنا النظر فسنجدها أيضا متشابههه , بل متساويه .... فالكل تجرع من كأس الفرح بنفس المقدار الذي تجرع منه من كأس الحزن , والكل علا صوت ضحكاته بنفس القدر الذي تعالت صرخاته , الكل نبض قلبه فرحا بنفس القدر الذي انفطر ألما وحزناً .. اترككم مع صور الأبطال  شروق  ندي   سما روابط الفصول المقدمة .... اعلاه الفصل الأول .... في الأسفل الفصل الثاني الفصلان الثالث والرابع الفصل الخامس و السادس و السابع والثامن الفصل التاسع الفصل العاشر الفصل الحادي عشر الفصل الثاني عشر الفصل الثالث عشر الفصل الرابع عشر الفصل الخامس و السادس عشر الفصل السابع عشر والثامن عشر التاسع عشر الفصل العشرون الفصل الحادي والعشرون والفصل الأخير التعديل الأخير تم بواسطة ebti ; 19-11-18 الساعة 12:31 AM | ||||
|  |
|
25-09-17, 11:07 PM
| #5 | ||||
| الفصل الأول أصوات خطوات منتظمة تعلو من ردهه طويله , خطوات ثابته من تلك المرأه التي قارب علي تجاوز عامها الخامس والأربعين من العمر, تعلوها هيبه ووقار, يغطي ثغرها بسمة ثقه رغم الحزن الذي يغشي ملامحها بقوة ليكتمل مظهر ألمها من ذلك السواد الذي يغشي ملابسها طرقت باب غرفة المدير , خرجت السكرتيره والتي كانت تتناقش في أمر ما مع المدير وما أن رأت تلك المرأه حتي كست ملامحها علامات اندهاش ممزوجه ببعض التوتر السكرتيره بحروف متلعثمه و بسمه مرتبكه / مدام هند , اتفضلي حضرتك اتفضلي حيتها المرأه بإيماءه صغيره وبسمه مجامله ودلفت نحو مكتب المدير وقفت المديره احتراما لها ثم مدت يدها لتصافحها صافحتها هند وجلست مقابلها المديره / البقاء لله يا مدام هند حولت هند ملامحها للأرض وقالت بصوت قلبها المنفطر/ البقاء لله السكرتيره / البقاء لله انتظرت المديره و السكرتيره أن تتحدث هند ولكن يبدو انها تعاني من أرتباك داخلها أو تردد ما جعل حروفها تتبخر علي مشارف شفاتها وبعض دقائق صمت قالت المديره / تشربي ايه يا مدام هند تنهدت هند وقالت / عصير فرش أومأت السكرتيره وأنصرفت , بعدها تحدثت المديره / أؤمريني يا مدام هند , حابه تتبرعي بحاجه للدار هند بعد أن عصرت عينيها لتجمع شتات شجاعتها المبعثره من تلك الخطوة التي طالما حلمت بها طوال عمرها فليس من السهل عليها استيعاب تحقيقها بعد العشرات من السنين / حضرتك عارفه أن ربنا مرزقنيش أطفال وطول عمري نفسي اتبني طفل لكن جوزي الله يرحمه كان رافض علشان بيغير عليا لما الطفل يكبر , فأنا بإذن الله جايه النهارده أتبني طفل وطفله المديره / طيب ما تتبني طفلين أو طفلتين علشان لما يكبروا يقدروا يعيشوا مع بعض في نفس البيت هند /أنا عاوزة بنت وولد علشان أزرع بينهم الحب ويكبروا ويملولي البيت أحفاد ابتسمت المديره بتعجب ونظرت لهند التي صمتت لتسحب بعض الهواء لرئتيها لتستطيع اكمال حديثها هند / لو اتبنيت بنات بكره يتجوزوا ويسبوني وأ{جع أعيش لوحدي , ولو ابنيت ولاد برضه بكره كل واحد يتجوز و يهتم بزوجته وربما ينساني في زحمة حياته المديره بإرتباك/ بس حضرتك ممكن يعني ميحبوش بعض أطلقت هند تنهيده حاره وقالت/ ربنا يسهل , ده شغلي بقي ابتسمت المديره وقالت مازحة / هتشتغلي مروضة القلوب بادلتها هند الابتسامة وقالت/ هتبقي مهمتي الاساسيه اني ازرع بينهم الحب وربنا يكتبلي التوفيق في مهمتي المديره وهي تخرج بعض الأوراق من مكتبها / بس حضرتك مش هتنشغلي عنهم في المصنع والشركه هند / انا والزوجه التانية قسمنا الورث, انا أخدت الأراضي الزراعيه اللي بيتي مبني فيها أساسا و xxxxات في دمياط كلها مأجره وهي خادت المصنع و الشركة أومأت المديره وقالت لها تقدم لها الأوراق / اتفضلي دي الأوراق اللي هتحتاجيها علشان تتبني طفل , تحبي تاخديهم سن كام؟ وقبل أن ترد عليها سمعوا صوت طرقات علي الباب المديره / اتفضل فتح الباب ليظهر من خلفه طفل يبلغ من العمر عشرة سنوات , ذو ملامح خاليه من المزاح ويملأها الجد , يمشي بخطوات ثابته وتملأ الثقه هيئته قالت المديره ببسمه / اتفضل يا فهد الطفل بثبات / السلام عليكم ردوا عليه / وعليكم السلام وضع الكأس الذي بيده علي المكتب وهم بالأنصراف حين سمع صوت المديره وهي توجه كلامها لهند التي كانت تتابعه بعوين مندهشه وبسمة اعجاب المديره / ده فهد ما شاء الله عليه , اكتر طفل متفوق هنا , عقله عبقري وشخصيته قويه , وانتي بتتكلمي معاه تحسي انه مش طفل تحسي انك بتتكلمي مع حد كبير قال فهد بلهجة تفوق سنه بكثير / شكرا لحضرتك ده من ذوقك ربتت هند علي رأسه وقالت له / ازيك يا حبيبي فهد / الحمد لله , ازي حضرتك يا طنط هند / لا قولي يا ماما , أنا خلاص اخترت الطفل الأول نظر لها بتعجب فقالت المديره / دي ماما هند يا فهد جايه علشان تتبناك كاد يطير فوق رؤوسهم من شده غبطته و مفاجأته بذلك الخبر قالت هند / ها يا فهد , ايه رأيك أومأ برأسه بفرحه وقال بعد ان ابتلع ريقه / أكيد مبسوط , شكل حضرتك طيبه , بإذن الله هكون عند حسن ظنك وهبقي ولد بار ابتسمت هند بشده علي لباقته الغير متناسبه مع صغره وقامت تحتضنه وتقبله وقفت المديره وقالت لها /طيب تحبي نشوف البنت دلوقتي أمسكت هند فهد من يده وكأنها تخاف أن يتبخر ويضيع حلمها وقالت / أوك , يلا بينا علشان نختار ليك اخت يا فهد دخلوا ساحة تجتمع بها الأطفال للعب , ظلت هند تدور بعينيها في وجوه الأطفال حتي أستقبلت أذنها صوت ضحكة بريئة من غرفه مفتوحه ألتفتت لمصدر الصوت فوجدت طفله صغيره ذات شعر أسود ناعم وطويل تجلس علي رجل طفل ويلاعبها وهي تضحك بشده اقتربت منها هند بشوق شديد حتي رأت وجهها الذي يحوي علي ملامح دقيقه طفوليه وبشره خمريه صافيه ,ووجنتان شديدتي الأحمرار , لتصنع منها ملاك ينجذب لها كل من يراها قالت هند بتلقائية/ الله , ماشاء الله عسل , انا عاوزة البنت دي تبادلت المديرة مع المربية نظرات متردده ثم قالت المربية / بلاش شروق يا مدام , مش بتبطل عياط وانطوائيه مش بتحب تلعب إلا مع أنس , محدش بيعرف يتعامل معاها غير,حتي أنا مش بعرف أنيمها ولا أسكتها , هو الوحيد اللي بيعرف يخليها تضحك التفتت هند نحو الطفله فوجدت أنس يضمها بشده وينظر نحوهم نظرة رعب و كأنهم وحوش يريدون أن يختطفوا منه كل ما لديه هند / لا انا هاخدها دي شدت روحي من مجرد ما اسمعتها, متخافيش انا بالي طويل وهعرف اتعامل معاها وبكرة تتعود علي فهد وتتعلق بية زي انس واكتر كمان المديره / بس دي عندها 4 سنين , هتبقي صغيرة علي فهد ده عنده عشر سنين هند/ لا ده عز الطلب ست سنين مناسب جدا حاولت المربية اقناعها بأخذ أي طفله اخري او ابدال أنس بفهد ولكنها رفضت وتمسكت بطفليها الذين امتلكا قلبها في لحظة المربية / خلاص حضرتك انتظري لما أنس ينايمها وبعدين خديها هند / اوك , اخلص الورق و الاجراءات علي ما تنام التعديل الأخير تم بواسطة ebti ; 26-09-17 الساعة 12:20 AM | ||||
|
| |
|
25-09-17, 11:30 PM
| #8 | ||||
| https://www.rewity.com/forum/t369175.html رواية حبيسة قصر الوحش https://www.rewity.com/forum/t388655.html رواية ابن سيادة الوزير | ||||
|
| |
|
25-09-17, 11:39 PM
| #9 | ||||
| مشرفة منتدى قصص من وحي الأعضاء 
| ليلتك سعيدة... مبروك روايتك الجديدة انا قمت بتعديل بسيط وهو فصل الكلمات (فصحىوالحورات) (ولكنيشخصيا) وايضاً لونت الموعد بالاحمر وعندي سؤال التوقيت هو توقيت مصر صح لان الساعة 6 بتوقيت السعودية توجد رواية بحر الأسود... | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
