آخر 10 مشاركات |
|
| LinkBack | أدوات الموضوع | انواع عرض الموضوع |
08-11-19, 01:02 PM | #21 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 19 زيد...... من رجعت من الدوام وحجيت وياه رشا ورفضت اشوفه شكد اني جنت متلهف الشوفته بس هذا موقفهه كبره بعيني بعد اكثر وزاد تمسكي بيهه بعد اكثر وتصرفات رشا يوم بعد يوم دتثبتلي اني إختياري صحيح حجينه بل فون وتصالحنه وارتاحيت وبيومهه جان رجوعي متأخر مشفت أحد من اهلي كلهم نايمين فبعد مكملت حجي وياه رشا نمت وماكعدت ال عل بوسات عل وجهي فتحت عيوني امي اووووويلي شكد مشتاقله ورغم كل السوته تبقى امي شهرين مشايفه واني عل نومتي فتحتله أيدي وحضنته واني ابوس بيهه وهيه تبوس بيه آخر شي كامت تبجي كعدت لحيلي وحضنته يممممه ليش هيج سويت شلون نطاك كلبك تعوفني يمه هوااااي اذيتيني واذيتي بنت العالم متحملت ال صار من اليوم والله من اليوم أروح اخطبهه الك وغصبن ما عليه لاحبيبه لا ماكو شي غصبن عليج انتي امي وتاج رأسي ومالي غنه عنج بس رشا يممه حبيته وكلبي متولع بيهه مو بيدي ولو بيهه قصور وبيهه عيبه وعيونج جان عل لسانج عفته بس البنيه كامله والكامل آلله اني علمودك وليدي ردتلك بنيت بيت ورشا مابيهه كل لوله بس تبقى مطلكه وانت وليدي ممزوجج شناقصك وتأخذ هيج واني أمك ما عندي غيرك وكل فكري يمك وألف حسبه اجتي بالي ومنها ليش ماخلفت وهيه ضلت أربع أشهر يم رجله حجيه انتي شتفكرين وإذا مخلفت ربج اله بيهه حكمه جان شنو مصير الطفل وأبوه انتي شاهده شسوه بيهم ياامي يا عيني هذا ختياري واني راضي بي تكولين اي اكولج لعد ترحين تخطبيهه دكولين لا لاوالله ارجع منين مااجيت وهل مره مو شهرين هل مره بعد متشوفيني لا فدوه اروحلك هاهيه اخطبهه اخطبهه والسويتي وياه ام إبراهيم معليك اني وياه نتجازه الله كريم كامت امي واني رجعت نمت وبيومهه رحت للمكتب وشفته وبلغت نهله تروح وياه امي هيه وخالتي وثاني يوم راحن واني كاعد عل نار ومن اجني وسولفلي عل ام رشا وشمسويه صحيح حقها والسوته امي مو شويه بس اني كبريت شتعلت ونطفيت امي جانت حيل متاثره وفاجتني من كالت المره حقهه واني عايله خالتي ام نهله خطيه أخذتني عل صفحه وكلتي المره انسانه خيره ومبينه تعبانه عل بناته حيل واني انصحك لادخل النسوان بسالفتك شوفلك غير حل هنا قررت صدك ابعدهن واخلي تمر فتره وأخذ مشيه زلم واروح ومرت يومين وتلاثه وقرب موعد التحاقي وردت اسوي شي قبل ما التحق أول شي سويته رحت شرت عمامي وخوالي وكالو احنا حاضرين بس لازم قبل مروح غير النسوان يتفقن عل كولشي كتلهم عوفو النسوان سالفتهن خربانه رفضو كالو خوما بس احنا راح نروح غير مشيه وراح ناخذ جم زلمه غريب خوما كدامهم نتفشل هنا قررت اني أروح بنفسي وفعلا لليل وخابرت إبراهيم وسألته عل ابوه موجود كال موجود كتله لعد اني اليوم خطاركم رحب بيه ورحت وستقبلوني وبعد السلام والكعده واني بلشت بلكلام وهمه يستمعون للاخير كال ابو إبراهيم بس المفروض يجن نسوان وراهم انت تجي مو هيج الأصول من كال هيج عرفته كولشي ميدري جاوبته اني شغلتي يمك واني ابنك واحسبني مثل براهيم واليوم خطارك وجاي طالب بنتك واني امون عليك واجيتك وحدي ومن دكول اي اجيبلك مشيه نسوان ومشيه زلم يسدون حتى الفرع والله والنعم منك واني اتشرف بيك مدام هيج انطيني مهله شكم يوم أخذ شور البنيه واردلك خبر صارعندي امل ورتاحيت لكلام ابو إبراهيم ورجعت وانتضر الجواب عل احر من الجمر سحر اختي موجوده بيت اهلي مالي علاقه بيهه حيل بخاطري منها مو بس علمود رشا لا والله بس اني اخوه ابد محترمتي وجفصت بكلمات عمري وحياتي مسامعهه بيتنه لهذا زعلي عليها جبير ومستحيل اسامحهه ولاهيه بادرت وسلمت عليه مغلسه كل هذا ميهمني اليهمني شراح يكون رد بيت ابو إبراهيم عل طلبي. ......... رشا ........... وره مسديته وياه زيد ونمت لثاني يوم الصبح من كعدت شنت امي وياي الحرب وأول شي سوتهه صبحت عليها ماردت إيمان بعدهه موجوده واخذتني عل صفحه كالت رشا امي فدنوب قافله الصبحيه كله احجي وياه ادكول لوتسدن هذا الموضوع لو احط ابوج واسولفله كولشي رشا اسكتي وكولي الزيد خلي تمر فتره ونحاجي امي بلكت تغير رايهه وفعلا حاجيت زيد بس ميقتنع وعباله مثل قبل ااجل بلموضوع مرن شكم يوم وامي متحجي وياي وحتى متقبل تسمعني عجزت واني اريد أراضيه اجيتهه من كل الطرق حتى متوقعت هيج امي قاسيه لعد ام زيد شكد دايسه بطنهه بحيث دموعي واني اتوسلهه تراضيني ممهتهه وكله بجفه وزيد يزن عل رأسي بجفه وكل ماكوله عوف هاي السالفه يتخبل ويعصب حرت حيره مصايره بين امي وبين زيد واليوم وره العشه دانضف بلبيت واسمع براهيم يكول سوووو طريق ولا حد تطلع اجانه خطار اي يمه صار بس منو اجه يمه زيد جيرانه جنت مدنكه دامسح ومن سمعت اسمه كلبي كام يلكف عبالك راح يوكف امي تخزر بيه واني بعد مالي قدره اسوي اي شي ذبيت الوصله من أيدي وغسلتهه ودخلت الغرفتي حلكي يابس وحيلي يرجف هذا زيد شسوه المغرب اني جنت احجي وياه مكلي راح اجي ربي شلون بيه حلها على خير نور واسراء يمي وامي كاعده عل درج تسمع مصارت نص ساعه عليه صارت دهر واسراء تكفخ بيه دكلي شبيج صفريتي راح تفضحين نفسج كدام ابويه حاولت شكد ماكدر اكون طبيعيه لحد مطلع زيد بس اشو هدوء إبراهيم صعد الغرفته وامي وابويه دخلو غرفتهم واني نخرطت خوف وحتى الفون غلقته كلت هسه يدخل ابويه عليه ويحجي وياي لو امي هسه دكوله بس كلشي مصار من هذا العجيب حتى امي محاجتني والله سكوتهه راح يدمرني أو بلاحره دمرني نور نزلت وركضت عليهه سالته عل إبراهيم وشيكول دكول عادي كلي خطابه عل رشا والشور شور ابويه وكناله كم يوم ونرجعلكم خبر هسه من سمعت هيج غير ارتاح ماكو احلل وافصل بكيفي ومن تعبت طفيت الضوه واجيت مددت وفتحت الفون بسرعه اتصل زيد جاوبته الوووو هلا حبيتي هاي وينج هلو زيد هاي شسويت الله عليك حبيبتي شسويت غير خطبتج زيد ليش ماكتلي موكتلك بلغني يا عيني عوفيني اني أتصرف هسه احجيلي شصار ورايه كلشي مصار صنته محجه ابوج وياج ولاانفتح موضوع نهائي ولاعبالك اكو شي عادي حبيبتي المهم هوه نطاني كلمه يومين ويرجعلي خبر يجوز بأجر يحجي وياج زيد اني خايفه من امي اخاف تسولفه واذا سولفتله اني افهمه اكوله سوالف نسوان ونتهت ما أعتقد اشو اني ممرتاحه حبيبي لاتوترين نفسج خلي كولشي لو كته المهم عوفي هذا الموضوع اني مشتاقلج واني اكثر جمبذا ممم وين الله وعليه اهلج يحنون واجي يم بابكم عريس منون ههههههههه تدري هذا الشعر حفضته من كد ماسمعته شنو اكثر شي حبيتي بي كله والله عبالك زيد وديحجي جمبذا ممم شوكت تكمل فرحتي واخيلج بغرفتي ززززيد شنو هذا الحجي والله استحي شنو تستحين انتي بس ادخلي غرفتي العباس عليه سبوع كامل اذا طلعتي منها اني مو زيد لاوالله وعيونج تسكت من هذا الحجي لو اسده اوووويلي انوب جبانه حتى الحجي متتحمله شلون راح تتحملين زيد لعد لازم ادخلج دوره تعلم قبل العرس بسبوع حتى متشلعين كلبي بليله العرس هاي ووووين رحت وصلت ليله العرس وليش لا موبيعده عل رب العالمين وباجر ابوج يكولي موافق اي وشتسوي ماكولج لأن الزلم بفعاله يجي وكتهه وتشوفين اوك راح انتضر وكتهه بقينه نحجي شويه وسدينه ونمت لثاني يوم الصبح كعدت امي دق بيه من كتفي كعدت وهيه كعدت كبالي كالت رشا اني هاي الفتره كوله محاجيتج عبالي تححسين بس طلعتي صلفه وبدون حساس ليش دكولين هيج يمه لن هذا الصحيح انتي متستحين بس كليلي وين كرامتج من هذا كوله مره اجتي لحد بيتنه ورفضتج وحارت شحجت عليج شلون تقبلين بيهم بعد يمممه بس خل افهمج اني شعليه من امه اني متزوجته اله لو الامه يمه زيد شاريني ليش هيج دسوين انتي حتى متنطني مجال افهمج ياامي شاريج شنو وكلام امه لج انتي واعيه شدتحجين شلون تقبلين عل نفسج تكابلين انسانه هانتج وهانت اهلج تره رشا دتصدميني انتي ماتعضتي من ذاك زواجج جان رجلج موادمي وما رتاحيتي وهسه اذا قبلتي بزيد امه مو ادميه وتوقعي الحجي الحجته عليج هيه واخته يجي يوم وينعاد وهم يحجنه ويجوز بعد اكثر انتي ليش دجازفين يمه والله مو هيج وزيد يحبني اكيد محد يكدر يدكر بيه بوجوده ولايسمح الأحد يمسني بكلمه يمه الله يخليج المره المضت جان ختياركم هل مره خلوني اختار اني واني اتحمل نتيجه اختياري مدام هذا حجيج وياي لعد اسمعي زين اني ابوج راح اكعده واكوله السالفه بما أنزلت حتى أخاف بأجر عكبه يصير ميصير ميكول ضميتي عليه اني كلبي خلصان من سوايت سامر انوب يطلعي زيد وامه يمه الله يخليج لاتصعبيه من دكولين الابويه شتتوقعين منه راح يسكت والله ميسكت وراح تكبر وتصير بزلم لعد ارفضي من يمج راح يجي ابوج يحاجيج وارفضي مستحيل يمه انتي شتحجين ماكدر والله ماكدر انتي أكبر صلفه دنكت مدام هيج اني اعرف شصرف بسيطه يمممه القرآن عليج لاتكسرين كلبي اني يادوب رجعت الحياتي اذا تعزيني لا تاذيني نترت ايدي الجانت لازمته وعافتي وطلعت خلتني لالسما ولا للكاع اليوم كام ميمشي وزيد منتضر جواب ابويه واني خايفه من لحضه مواجهتي وياه ابويه واتوقع بأي لحضه يدخل عليه ويفاتحني بلموضوع وهذا اليوم الثاني ومكلشي ماكو يعنى حسب الموعد لازم باجر يرجع الجواب واني حتى زيد مالي خلك احجي وياه وتلاغينه من وراه هاي السالفه هوه يتخبل من يكون بالي مويممه واني بالي يم سالفتي وشلون حتخلص ضاج مني وسده بوجهي وأول مسده دخل ابويه عليه للغرفه شلونج بابا هلا بابا حبيبي هلا بيك تعال اكعد بسرعه كمت عدلت السرير وكعدت بصفه كال بنيتي اني اريد احجي وياج بموضوع واسمعيني وبعدين انطيني جوابج كول يابه شوفي بنيتي من انطيتج لسامر جنت مفكر اني سويت الصح نطيت الناس عرف وثقه بس طلعت متوهم ونغدر بيه وخربت علاقتي وياه صديق عمري ودمرت حياه بنتي ولهذا يومج اني محمل نفسي ذنبج ومن وره هاي السالفه اني حتى حكمت عليجن ماازوجن وشفتي مشيته إسراء شلون لغيته وكله لامتني وعيلتني والناس دكلي حرام عليك تكطع قسمتهن وتوكف نصيبهن انت مدايملهن لهذا السبب اني اليوم جيت وراح أخذ شورج والج حرية التصرف زين بنتي اي بابا كمل زيد ابن جيرانه اكيد تعرفي هوه اقارب ست نهله اي بابا اجه وتقدملج الولد شهم وابن اوادم والنعم منه ورغم كل هذا ورغم اليوم سألت عليه ونخلته نخل بس يبقى غريب ومانعرفه وحتى اطلع من خطيتج الناس كله مدحته وإبراهيم يكول احس رجال بس يبقى القرار هاي المره الج واني ماادخل بي فشدكولين سكتت وخجلت ولساني نربط وماكدرت احجي بنتي لاتخجلين كولي هذا زواج مابي لاعيب ولا حرام واني عل لسانج اي اي لا لا بكيفك بابا لالا ماكو بكيفك بابا بكيفج انتي اني ماادخل ابد يابه نذبحت خجل واصابعي تكسرا من كد مااعصر بيهم وأخيرا نطقت بابا اني موافقه عل خير لعد ان شالله يكون ختيارج موفق لعد اني راح ارجع خبر للولد بكيفك بابا كام وكف وعدل دشداشته ديطلع ومانسمع بس العيطه ركضنه وفتحنه الباب وصار بوجهنه براهيم منزل نور تبجي وتعيط ولازمه بطنهه والنزيف يمشي وياهه شفناهه تخبلنه امي صاحت بينه جيبله بطانيه دنلفه لن دترجف والنزيف ماخذه ومنعرف شنو سببه براهيم خلاه بين ادينه وركض هوه وابويه يجيبون سياره كعدنه بغرفتي ولفيناه واسراء صعدت جيبله ملابسه واحتياجاته وامي تاسل بيهه شلون هيج صار وشلون بعدين فتهمنه مسوين وكاحه هيه وبراهيم وهيج صاير امي راسن عرفته حامل ودسقط ضلت تتحسبب وتستغفر عاد بدلناله واخذوهه وابويه بقى يمنه واني حتى موضوعي نسيته من هول الموقف صعدت غرفتهم نضفته لكيتهه مكلوبه اذا بطنه طفل الله يعينه هاي اذا بقى عل شفته لملمته وغيرت الفرشه ونزلت اسراء تمسح بدرج واني رحت دكيت عل براهيم كال بعد معرفنه وراه شويه هم رجعت دكيت كال حامل ومتدري وسقطت وهسه بلعمليات ديسوله تنضيف رحم يابه خير تشعوطت وبراهيم صوته ميت قهر كل هاي الفتره ينتضرو وهيج يروح بعد لاعتراض عل أمر الله زيد مطنكر عليه كل عاده ماكدر اخابره كلت خلي بابا يكوله حطيت راسي ونمت لثاني يوم كعدت عل رساله من زيد مكتب بيه مبروووووووووك مرتي ضحكت من كل كلبي يعني بابا ردله خبر خابرته وجاوب هلو حبببي ولي زعلان زيد عيونه ههههههه تره ماعرفتك موعلساس زعلان ااااخ شسوي لهذا كلبي كليلي شبي كلبك يكلبي شوف شوف تعرفه وتحرفهه ااااخ الله بس خل تكمل واني امشيج عل صراط المستقيم واعلمج شلون تتنعوصين عل زيد ههههههههههههههههههههههه وووجع صوتج شنو هاي الضحكه زيد تره مصايره شنو هذا الأسلوب حتى فرحتنه هيج تطفيهه بسوالفك كولي لنفسج حبيبي شمسويه غير انت مطنكر عليه ادري اذا اخابرك هم تبقى مطنكر ال وحيدك تفك جمبذا مممم شلون نطاج كلبج تنامين وتدرين بخبر الموافقه وتخليني اني متكرضم ردت تسمعهه من بابا احلى مررررررررررررررتي هاا مبرروك هههههه عليه وعليك تدرين شكو مم من كلي تفضلوو هلا بيكم لأول مره رجال يحجي وياي وماعرف شجاوبه لن كل فكري يمج حتى ما تذكر تشكرته لو لا ههههههه اروح فدوه لضحكتج بس موذيج هاي وليش يعني موهسه اكولج من نزوج اكولج هذيج شسوي بيه وهاي شسوي بيه زيد شنو سالفتك تره هواي سوالف اجلتهم وراه منتزوج والله هسه تنسى اكولج رشا انتي دتثوليها لو شكلج هيج لج انسى شنو لعد عل شنو حابسج بلغرفه سبوع يعني انت من كل عقلك نتزوج وتشوفين لاعفييه لعد بطلت اموتج غير يله راح اسده واخابر اهلي اشوفهم وين خطيه زوجة إبراهيم بلمستشفى خوما اكو شي لابس خطيه طرحت هااا الله يعوضهم اني هم راح اخابر شكم واحد حتى نشوف يوم ونجيكم لأن اريد التحق اوك يله مع السلامه الله وياك سديته واني الفرحه ماسايعتني وداحس نفسي طايره بشي اسمه زيد. . . . احبكم اختكم رفل الكناني❤❤❤ التعديل الأخير تم بواسطة لامارا ; 08-11-19 الساعة 01:24 PM | ||||
08-11-19, 01:27 PM | #22 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 20 كمت نشيطه ودعيت الله تكمل عل خير غسلت وسويت ريوك جنت بس اني واسراء بعدهم مجايين من المستشفى وبعد مكملنه بلشنه بلبيت اسراء نضفت واني طبخت الغدا قبل ماكمل بشويه اجتي اسراء كالت رشا داري الغداء زين راح يجون إيمان وانسام شعجب اشو سوه موبل عاده غير اني كتلهم علمود نور عزززه بعينج ميناس سهيل يعني متكدرين لازم تطشين الخبر لعد شعبالج موعيب يسمعون من غيري اصلا هذا الخبر لاشي الخبر الطاك خبر خطوبتج محد يطشه غيري انجبي والبني اذا كلتي اموتج يمعوده خليهه سكته لحد ما الله يتممه عل خير هذا حجي يفيدج خل تصير وشوفي شسوي ضحكت عل سوالفه اسراء تعشق الأخبار السريعه كون من تصير محد يسمع من غيره أقل مابديه تخلي حاله عل واتساب حتى كله تدخل وتساله شكو غير عدهه خلك اشتغل وافكر بسوالفه ونفتحت الباب واجوي أهلي نور دخلت حالته فدمره كعدناه بهلول إبراهيم حاضنهه وهيه تبجي منضرهم يكطع الكلب أمي تحجي عليه ودكله بعدكم زغار وهسه الله يعوضكم ومن هذا الحجي بس هيه منهاره أخذتها الغرفتي مددتهه وغطيته ودخلن البنات هنا وجهالهن وصارت هوسه عفتهم ورحت للمطبخ احضر الغدا أبويه هم اجه وبديت اصب وانسام تساعدني وايمان اجتي من ورايه حضنتني من خصري وهمست بذاني مبروووك يحلوو بتسمت وندرت عليه كتله منو كلج اسراء مووو ضحكت وهزت رأسه أي إيمان اني خايفه اشو امي ساكته لاعادي اكيد تدري بس تعبانه من المستشفى وضايجه عل إبراهيم ونور مادري ان شالله هيج ولا غير شي انسام حاجت إيمان وهيه تغمزله إيمان ذاك الواحد شراح يسوي من يكتشف رشا بنيه اي والله العضيم اني مافكر غير بهاي السالفه عزززززه بعينجن شكد منحرفات انتن رشا بعد اختج هل مره مينضحك علينه اني وايمان نوكفلج بلباب مو تقشمرينه مثل ذيج المره حبيبتي ميحتاج توكفين بلباب زيد مبين هاي اذا خلاهه تطلع من الغرفه حتى تشوفيهه اااااايمان ااااانسام انتن شنووو وخرن خل افرش السفره اذا ابقى يمجن تطلع عيني سحبت السفره وطلعت وهنا يصيحن اصلا عينج راح تطلع عن قريب ويضحكن واني متت خجل فرشت السفره ونقلنه الاكل وكعدنه كولنه تغدينه وبعدهه لمينه البيت واكفين بلمطبخ اني والبنات ومنسمع غير صاح أبويه وامي اني راسن تخيطت بمكاني عرفت علمود موضوعي وحساسي صحيح امي متدري ابويه مرجعلهم الموافقه كبت بينهم وابويه كل عقله امي علمود زواجي الأول هيج رافضا يقنع بيهه ويكله نضال ستهدي بلرحمن الناس العصر جايين خل الابنيه تمشي قسمتهه لاتعيدن غلطي من رفضت قسمت اسراء زيد مومثل سامر وامي دكله متصير هاي المشيه وإذا صارت احرك روحي ابويه عصب حيل وصاح اخذوهه من كدامي سحبنهه البنات الغرفته واني وراهه ردت بس الزمهه حتى احجي وياه واهديهه بس هيه صايره نار تريد بس تلزمني والبنات بينه كمت ابجي واصيح ووووووخروو عوفوهه خل تبرد كلبه أريد اخليهه تلزمني بس البنات بينه تشعوطت روحي بذيج الضهريه وركضت للغرفه قفلت الباب وخابرت زيد انهديت بي بس كال الوووو زززززززيد انت ليش تصرف بدون علمي ليش هيج دتخليني بمواقف بس الله يعلمهه شكوووووووووووووووو ليش دصيحين من صوته وعيت عل نفسي وعرفت اني دابجي وصحت عليه عاد سكتت وضليت بس اشكهك رجع كال شبببيج شصاير اني مو الصبح جنت احجي وياك وكتلي اشور أقاربي وأشوف يايوم نجيكم شنو هسه ابويه يكول عل جيه الناس اي وشنووو يعني عل شنو البجي شنو عل شنو امي كلبتهه عزه علينه غير تنطيني مجال احجي وياه موتدري علاقتي متوتره ليهسه وياهه لج بابا أريد اوووولي غير أريد التحق رحت وحجيت وياهم كالو ماعدنه شي نروح خابرت ابوج كلي هلابيكم اني شمدريني امج شمسويه وهسه شلون ماعليج بكلشي اني مالي شغله بحجي النسوان اليوم نكعد زلم وافضهه سكتت لان زيد مدتوصله الفكره ولا ديتخيل امي شمسويه كال ابقى ابقي بهاي خبالاتج يوميه مخابرتني عايطه دشوف وين توصل وياج زيد ماشفت امي شسوت يابه شسويله تحملي بلكت اليوم تفض الله كريم لتضلين تبجين اريد اليوم اشوفج مورده مجاوبت جمبذا مم ماضل شي حبيبتي وعيونج شهر واحد وانتي بيتي بس ادعيلنه اليوم الله يوفقنا انشالله يله راح اسده اوك الله وياج سديته وكعدت ماعرف شمنتضرني ولا أدري شراح يصير ساعه ساعتين وتلاثه واني عل كعده وحده وحدي بلغرفه البنات مكابلات أمي الى ان صاح أبويه إبراهيم أفتح باب الاستقبال الخطار وصلو بعد ماكدر اكعد ولا اكدر اوكف مشاعر ماعرفه مخربطه خوف عل توتر عل قلق اسراء اجتي تركض كومي وكومي شوفي المشيه كمت وراه إيمان تباوع من برده المطبخ وأمي واكفه باب غرفته من شافتني توجهه عليه كالت رشا لا اخر مره اكولج راح اصيح الابوج وارفضي خنكتني العبره كتله يممممه ماكدر والله ماكد هاهيه فدوه اروحلج والله اني اتحمل نتيجه اختياري لو تموتين عبالج أخلي ال صار قبل ينعاد وترجعيلي مطلكه اني أتصرف مشت ليم باب الاستقبال دكته عل كيف واني اكمز من القهر هاي أمي شراح تسوي طلع براهيم ورد الباب وراه كلتله صيح أبوك ليش شكو معليك صيحه داحجي وياه ركضت يمهه لزمته دفعتني البنات يحاجنهه يمه شبيج والله عيب الزلم كاعده مسمعتلهم براهيم يريد بس يعرف شكو وهيه جلبت صيح أبوك آخر شي صاحت صا بعدهه مكملت إيمان جيتت عليها وخلت اديهه عل حلكه ومشتهه للمطبخ وصدت عل براهيم كتله يمعود صيحله راح تفضحنه ابجي ابجي وأكله يمهه شراح تسوين ودخل ابويه كال هاي شكوو شبيجن اسمع صالح وهاي بنتك واكفه حتى مدكول فديوم مكتولي وحتى هذا الرجال الكاعد جوه وجاي يخطب بنتك يعرف انت تدري امه شسوت بينه وعباله احنا جايزين من بنتته وره سوايت امه ننطي مره نضال ادخلي بلمفيد الزلم كاعده عل شنو دتحجين وشنو صاير واني مادري بي شوف صالح قبل شكم شهر ام زيد هدت علينه للبيت هيه وبنتهه وماخلت ماحجت بنتج هيج وبنتج هيج وووووووووو ال اخرهه واني ضميتهه بكلبي وكلت لاتكبريه نضال بلعتهه وسكتت بس الضاهر ابنهه ميعوفنه بحالنه اجتني وجابت اختهه وعتذرت وخطبت رشا وطردته وسديت الموضوع بس هسه وصلت حده لازم تعرف حتى متكول مكتولي اخاف فديوم تجي بنتك معيره من عياله لو مكتوله هاي اني كتلك الله لايوفقجن اي والله صدك لو كالو كيهن عضيم منعولات الوالدين اني اول مااجه مو كعدتج وحجيت وياج اشو مكتيلي هاي البلاوي ماكتلك خفت عل هاي الرعنه واجيت وحجيت وياه يمه عيني ارفضي ميفيدوج ماكو لو هل مركب لو مانركب هسسسسسه اني شسويلجن تردن تخزني والناس كاعده نضال من شوكت طمطمين عليه نضال اليوم احرك البيت عل راسج المره جايه وسابتنه وشاتمتنه وانتي ساكته اني اعلمج لتفت عل براهيم كله صيحلي زيد بره داحاجي طلع وامي كعدت بلكاع واني جنت واكفه بلزاويه مشيت بهمه ليمهه ولطمت عل وجهي مرتين وصحت هسسسه رتحتي مووو درتاحي توجهت ليم الشباك شفت ابويه وزيد واكفين شكله كسر كلبي شلون كاشخ لابس طقم نيلي ولاف السبحه عل اديه مشبكه بأاصابعه وايد لازم ايد ابويه وايد مخليهه عل صدره مادري شديسولف هوه وابويه وابويه بس يهز برأسه لا اخر شي زيد شكله نكلب وعيونه صارن حمر بتعد من ابويه مسح وجهه وتخوصر ودنك وعيونه بلكاع وابويه عافهه ودخل عرفت خربت الشغله وتفركش كولشي دخل زيد الاستقبال دقايق وطلعووو لو متت جانو اربع زلم معكلين وثنين بكد زيد وثنين هم كبار لابسين قوط وأخر واحد طلع زيد لو روحي طلعت ركضت للغرفه عجزت شسوي لأن كلمت نهيار قليله أوصف بيهه حالي بدون وعي الدموع بللن وجهي والنار مشتعله وتسعر بكلبي ومنضر زيد والقهر البعيونه مديروح من بالي اسمع الهوسه بره وابويه رجع عل امي وعيلهه شلون ضمت عليه وتعاركوو هيه لحضات مو اكثر وغوشن عيوني ورحت بغير عالم ماكعدت ال واني بحضن انسام واسراء تكب عليه مي وايمان تهفي وامي فوك راسي اول مافتحت عافت الغرفه وطلعت عيوني بعدهن يهملن لحالهن وايمان تمسح بيهن رشا لاتسوين هيج خيره والله خيره يجوز موصالح الج شوفيهه وصلت للحلك وخربت إيمان متسكتين غير امج خربته انسام مووكتج البنيه شوفي حاله لاوالله وكتي سمعي ولج رشا زيد شاريج ويحبج ومتلكين مثله اوكفي بوجهه كلمن يعارض اني هسه ال شفته ومن شكله عرفته هذا ميعوفج وشوفي الفون شلون حركه عليج من طلعوو ليهسه ااااااانسام كتلج اسكتي والكعبه وداعت جهالي مااسكت ليش هيج وياه رشا هيه شافت من حياته حتى هيج يسوون بيهه اشو شالهوه ونطوهه السامر العفطي المصرصر الي قطره رجوله بوجهه ماكو محد حجهه ونطوهه وهمه الممنونين ليش هسه زيد طلعوو الف حجه عبنه رجال ويلوك الرشا واذا امه هيج سوت مره جبيره وغلطت وخلاه تجي وتعتذر هاي شكبره هذا رجال لو مورجال خلو الله بين عيونكم واننطو رشا لليقدره ويستاهله اي أي مفتهمه بس اسكتي لتسمع امي وتصخمنه وترجع تعلك هيه وابويه اشو لسانج هسه طلع من كاعدين بلغرفه قبل ميجون مغرتي هيج اي غير جنت اهديهه شمدريني راح تسوي هيج كلنه مقهوره بس مو لهل درجه تره مصختهه هنه يحجن واني بغير عالم والدموع عمت عيوني صديت عل صفحه الثانيه وجان بودي احاجي زيد بس ماكدر لأن احس نفسي فاصلا عن كلشي حولي وبس صدى أصواتهم بذاني مادري شكد مر من ال وقت والبيت صار هدوء يمكن خواتي راحن اسراء كعدتني رشا رشا اكعدي تره زيد من العصر يدك ويراسل حتى نهله هسه دكت اكيد زيد خابره جاوبي تره هوه تلكي مثل حالج رفعت راسي وأخذت الفون منهه وجاوبت بصوت تعبان هاا زيد رشا صدك تحجين هاي وينج يمعوده زيد مريضه اني من القهر تمرضت راسي ماكدر ارفعه من الألم ليششش تقهريني تره اني كلبي صاير نار لخاطر لحمزه ليش هيج امج سوت حتى تخزيت كدام الزلم اني جنت حاسه موكتلك ممرتاحه يعني تقصدت هيج ترد الاهانه والمن الي بدال امي وكدام الزلم لالالا زيد موهيج بس اني من نطيت الموافقه البابا صارت شغلت زوجه براهيم وأمي راحت للمستشفى وابويه الصبح مرجعلك خبر وانت ستعجلت والعصر جبت المشيه وهيه اصلا متدري راح تجون هوه صحيح اول ماجيت ابويه كايله وعباله اني راح أرفض فضلت ساكته لحد محستهه صارت صدك مشيه ال حجت وهسه شلون شسوي بردي كلبي تره راح انفجر حتى بلبيت رجعت تعاركت كتلهم من وراكم مادري زيد اني راسي راح ينفجر من كد مابجيت واغمه عليه وراه مطلعتو ليش هيج تسوين بنفسج انتي اليه لاتخليني اخذج غصبن عليهم مترهم زيد العناد ميفيد هيج راح ينشلع كلبك لعيونج كلشي يهون تدرين اعصابي ادمرت من المغرب لحد الان هسه سمعت صوتج وشويه هديت جنت فدمره اسم الله عليج لاتضلين تحمسين بنفسج اني احلهه باجر راح التحق ومن أرجع يصير خير ان شالله جمبذا مم احبج والله احبج ومتحمل كلشي وبالعباس لوانتي لو مااخذ احبك واني اموت عليج اسم الله عليك دير بالك عل نفسك من تروح ونام وراك روحه وطريق انتي زينه تره بالي يمج لاتخاف زينه والله نام ورتاح سلمنه عل بعض وسديته وشكد زيد جان ديكابر ويحاول يبينلي هوه طبيعي اني اكثر حتى نخف عل بعض نمت نومه مليانه قهر واللم يذبح موالم جسدي لا اللم نفسي لثاني يوم كعدت البيت متكهرب واني مالي خلك لاكمت ولارحت دوام خلصته نايمه وزيد مره وحده خابرته من وصل للدوام وبعد مخابرته ماريده يشل همي وهوه بمكان بعيد واذا كتله مريضه يضل كل شويه ومخابر ماريد اذيته ومرت الأيام علاقتي باامي بردت والسبب مني ومنهه لااقبل افتحله كلبي مااتجره ولاهيه بادرت ويوم يجر يوم اداوم ونهله الوحيده الي فاتحتلهه كلبي ومخففه عليه وزيد هاي سبوعين اليوم بدوام بس عل اعصابه وميتحمل الكلمه وكل حجايه والثانيه وكال جان هسه اني محدد حتى العرس واني اصبر بي بكلمه حلو واليوم كلي راح انزل الضهر وبقيت انتضر وماكو حتى جهازه فجأه نغلق ضل كلبي يلعب ومدري ليش نقبض . . . .. . .احبكم اختكم رفل الكناني❤❤❤ | ||||
08-11-19, 03:12 PM | #23 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 21 اتصل عليه مغلق قلقت حيل وكلبي انقبض مدري ليش صارت ساعه 4وهوه ماكو ولاازم أروح للمكتب بدلت شلون مجان وطلعت بس بالي مشوش والفون بيدي كل شويه اتصل وصلت المكتب أريد اشتغل أيدي ترجف ومتاخذ شغل نهله جانو عدهه ضيوف وطلعو وره تقريبا عشر دقايق واني كاعده وأيدي عل رأسي كل فكري يم زيد طلعت نهله من غرفته وكفت بل باب والدموع مغوشه عيونهه من شفتهه اووويلي كلبي نخمش وركضت عليها نهله شبيج شصاير خلت رأسه عل باب وبجت أكثر هزيتهه من جتفهه نهله كووووولي شصاير كولي زيد مووووووو زيد بي شي هزت رأسه اي لو نجنيت كمت ابجي بهستريه واللطم عل وجهي رجليه تخيطن وبعد ماكدر اوكف وكعت بلكاع واصيح مااااااات مووووو مااااات لالالانهله لادكوليهه زيد ميعوفني هوه حالفي كعدت كبالي لزمت أيدي كالت لاتسوين هيج بنفسج والله عايش بس منعرف حالته همه جايبي بطريق للمستشفى منوووووو كلج وبيا مستشفى نهله ووووديني اذا صار شي عل زيد واني مشايفته خطيتي بركبتج والله جنت فاقده وماعرف شكول وشحجي نهله تهدي بيه وكومتني عل كرسي كعدتني وفلت شالي وغسلتلي وشربتني مي غصبن عليه واني الوب مثل الطير المذبوح ماهديت ولا دقيقيه وهيه كل شويه تخابر ودكلي والله مصوب ومبي شي مقتنعت ابد وضليت عل موقفي حتى نهله تعبت وهيه لازمتني جانت عل اتصال هيه واخته سحر لأن رجله ويه زيد بلمستشفى شكد توسلت وبجيت ولطمت وردت بس تأخذني عليه مقبلت كالت جايبي جماعته اذا صحى وعرف ماخذتج يتخبل لاساعه ولاساعتين عل نفس الوضع وكلبي مجمر دكت الساعه 8 ولزمتني نهله سندتني للسياره صعدتني واني مثل الجثه وعجزت وهيه تصبر بيه وتحلفلي مابي شي عيوني مابطلن ولالحضه هديت قريب عل بيتنه وكامت تحجي عليه كالت شراح يكولن اهلج شوفي حالج رشا داحلفلج بس متصوب والله العظيم بس اروح عليه اني وأبو كرار اطمنج لفت شالي زين ومسحت وجهي ونزلت وهيه راحت أول مادخلت عيني صارت عل امي الي لحد الان مااحجي وياه ولاهيه وهذا أحسن شي بهذا الوضع دخلت الغرفتي وقفلت الباب شمرت جنطي ورتميت عل سرير دفنت رأسي بلمخده وطلعت شكو صرخه مكتومه بداخلي ليش اني ديصير هيج بيه ليش مدارتاح زيد حبيتبه وروحي صارت بي وهسه ماعرف شبي ولا أعرف شسوي ليش الراحه ممكتوبتلي رررررررربي بس كون مابي شي والله لو أكف بوجهه الدنيه كوله علموده وره أكثر من ساعه كمت بدلت ملابسي وطلعت توضيت اسراء ونور ورايه شبيج وشبيج مااحجيت دخلت للغرفه وفرشت السجاده صارن كبالي بعد ماكدرت جيتت بحضنهن وانهك كتلهم زيد متصوب وماعرف وضعه نور تهدي بيه واسراء تبجي عل بجي قويت نفسي وبتعدت منهم وتوجهت عل قبله صليت وكملت ورجعت سجدت ودعيت من كل كلبي وامامنته عند الواحد الأحد الذي لاتضيع وداعه لميت السجاده مددت ودايه عل عيوني وكل كلامنه ومواقنه مثل الشريط دتنعاد كدامي عيوني لحالهن يهملن وغافيه ومادري كعدت عل صوت الفون كمت بس متكسر جسمي وبنفس الوقت متلهفه بلكت زيد فتحته جان رقم ست نهله جاوبت الوو حبيبتي كاله بصوت تعبان من سمعته مكدرت اوكف كعدت عل سرير وكمت اشهك زززززيد ليش هيج سويت بيه موكتلي ماعوفج ليش حركت كلبي حبيبتي عل كيفج موهيج والله مابيه شي لالا اني كلبي جان قابضني زيد اني مااتحمل صدمه والله اموت اموت اذا بيك شي وعيونج مابيه شي متصوب بس لاتسوين هيج تقهريني واني تعبان اني لو عندي فون جان مخليت يصير بيج هيج بس راح من صار الحادث وهسه اجتي نهله وراسن خابرتج شلونك ووين تصوبت راح اسده والله كافي كلبج راح يوكف من البجي بس اهدي اني اسولفج ماكدر متدري شصار بيه من سمعت ادري والله نهله سولفتلي ليش هيج يعمري هسه زين وعيونج زين هيه شضايه بجتفي وبصدري شلون هيج صار مو كتلي نازل هوه وره مسديته وياج صارت مواهجه وصار الي صار ليش هيج زيد مفكرت بيه اذا صار بيك شي اني شنو يصير بحالي والله العضيم كل بالي يمج وهسه رجع بيه الدم من سمعت صوتج جمبذا ممم حبيبتي مابيه شي كافي تره مردتي كلبي اني بليل افتحلج كامره وتأكدي ماشي انتضرك يله مع السلامه الله وياك من سمعت صوته روحي ردت والدم سره بجسمي بقيت انتضره لحد مايست ال دك عليه رقم غريب مجاوبته دزلي رساله جمبذا اني زيد جاوبي جاوبته حبيبي عيون حبيبج ممصدكه داحجي وياك سبحان الله الإنسان عل ساعه المغرب وين اني وهسه وين يارحمتك ياربي الحمدالله الله دفعه الحمدالله عل سلامتك الله يسلمج منو يمج بس اسراء ونايمه راح اتصل كامره اوك سده وره شويه اتصل نفتحت الكامره وشفته صدره ملفلف طكيت قهر وموعي جرن رشا راح اسده بلعباس يعني داحجي وياج ومبيه شي ليش هذا البجي شوفي عيونج شلون مورمه حبيبي هاي شصاير بيك اوووويلي ربي والله هذا هواي عليه ومااتحمل اشوفك هيج بسيطه والله بسيطه بس همه مكبريهه بهذا الشاش واللفاف منو بايت وياك جاسم صاحبي هااا خطيه راح اسد الكامره لن الصوت بيه عالي اوك هاي شمويه حبيبتي لو ممسولفتلي نهله احسن غير كعدت عل نار اريدهم بس يكوموون داحاجيج فقدت زيد فقدت وكلبي تشعوط اروح فدوه لكلبج اني زيد بعد لاتعيدهه والله كلبي ميتحمل ان شالله ماكو شي تدرين عود جنت مفكر بس انزل اشوف حل الموضوعنه ماريد اي شي بس اريدك تصير زين وكلشي ماريد باجر اخلي نهله تجيبني عليك اموتج غير بداعت حبي لبكلبك رشا ليش هيج تحلفيني اغار والله ماريد أحد يلمح طولج غير اسويهه كارثه مو داروح للشغل الشغل وحد والمستشفى وحد داشوف أشكال بيهه حبيبتي اذا تحبيني انسي هاي السالفه ماشي سمعت صوت طبكه باب يمه سكتت وبقيت بس اسمع ها ابو الزود تريد شي سلامتك وين جنت لك نسقت وياه شكم وحده واجيت الله يطيح حضك لك انت شوكت تجوز من تزوج انت اني اتوب واتزوج وراك زززيود اسكت تره افتن عليك امشي لك ساقط سمسوي اني هااااااا السمعات بذانك يعني الحكومه وياك عل خط وسفه عليك مادري بيك هيج تخاف لعد يوميه ويامن لصبح تحجي ااانجب لاتضل تلغي خوووويه اذا تسمعيني تره يسده من وحده يحاجي الثانيه مو كلب عنده بداله همزين راح فونه وراحت بي كل البلاوي من سمعت هيج صدكت بسرعه سديت الخط رجع راسلني وووينج شنو نكطع لا منكطع روح خابر غيري 😠 مخبله تصدكين بجاسم لج هذا مخبل والله لامومخبل كول شاهد عل كل سوالفك هاااا اني عندي سوالف مووو براحتج واني اعلمج بعدين يعني منكطع انتي سديتي بوجهي مجاوبته تمام اني هسه تعبان بعدين نتحاسب انكطع الاتصال بلانترنيت واني من عقلي غرت عليه بقيت أفكر اخاف صدك واحمس بنفسي اووووف قبل شويه ابجي عليه وأدعي كلشي ماريد بس كون زين وهسه ازعله وازعل منه واني اعرف زيد شنو اخر شي قررت اتصل عليه دكيت ومجاوب وين قبل مينكطع جاوب الوو محجيت حبيبتي تره نمت لن مااخذ علاج أصبح اخابرج من فشلتي سديته وضحكت عل نفسي شلون سويت هيج وصدكت اني صدك مخبله رغم هذآ حطيت راسي ونمت مرتاحه وثاني يوم كعدت وامي تمسد عل رأسي اني ومغمضه لزمت اديه بستهن سحبتني بحضنه حيل كالت شبيج البارحه يمه كعدت لحيلي وعيوني دمعن رتميت بحضنهه وثنيته بجينه يمه والله ماكدر عل زعلج والقران ولايهون عليه مااحجي وياج كل هاي الفتره بس يممه اني سويت كل هذا المصلحتج حتى لايستغلوج ويستزغروج ويكولون باجر عكبه احنه سوينه وياج هيج وهيج واهلج نطوج بكل سوهوله خليهم يعرفون سوايبتهم غلط ويدفعون ثمنهه غالي حتى ميعيدوهه لاوياج ولاويه غيرج ويعرفون بنات الناس مو لعبه يممه بس زيد ماله ذنب زيد يحبني اي ماله ذنب بس ذنبه اهله تعدو عل انسانه راح تصير بلمستقبل مرته زين انتي احمكي اذا فديوم صارت وتزوجتي زيد وعيالج يسولفون الاولادج شلون اني جنت اسولفلكم عل زواجي من ابوكم تخيلي عيالج يحطون جهالج ويكلولهم سوينه هيج وهيج باجدادكم وانطونه امكم بكل سوهوله شراح يكون موقفج وشلون جهالج راح ينضرولج غير انتي قدوتهم زين اذا صار العكس وكلولهم اجدادكم سوو هيج وامكم سوت هيج وخلونه نتندم عل عملتنه مو حتى اطفالج راح يأخذون عبر ويعرفون الشي السوته بيبيتهم وعمتهم غلط بس رغم هذا تعاقبو عليه يابنتي اني مااكيف اشوفج سعيده وزيد رجال وألف رجال هم وقسمه متتعوض بس تبقى الكرامه وعزة النفس فوك كلشي وكتلج قبل وهسه أعيده زيد اذا يحبج يشتريج ويغليغيج كدام اهله حتى لايدكرون بيج لاهسه ولا بعدين يمه زيد متصوب وبلمستشفى ادري واجيت وحجيت وياج حتى لاعبالج اني كارهته لو ماخذه موقف منه لان حرام الرجال ماشفنه منه ال الخير وافضاله هواي علينا ويبقى جارنا وحتى ابوج من سمع كال عيب نروحله يابنتي احنا خوما نكرهكم بس هذا زواج اذا من أوله مشاكل بلاه وخلي راسنه بارد خصوصا احنا وانتي الشفناه مو شويه باستني واني اعتذرت منها وكامت عبالك صخره ونشالت من كلبي رتاحيت الام دنيه ومدرسه متعلم منها وهسه اني تأكدت امي سوت كلشي المصلحتي رغم تاذيت هواي بس تبقى الخلاصه بلنتيجه بيومهه للضهر وطلع زيد للبيت وابويه هوه وإبراهيم بليل راحو زارو همه وأهل المنطقه مكدرت احجي وياه لان ناس يمه وبيتهم هوسه واني بس وجوده قريب وادري بي بيتهم هذا كفيل بأن اكون مرتاحه ليلته نمت بعمق وكعدت مفزوعه واسراء تهز بيه كل قوتهه رررررررشا كومي لج كومي متصدكين شكو الله يصكعج كسرتي كتوفي شبيج وووجع ااااام زيد اااام زيد بل باب كومي شوفي شلون دتتوسل اني وعل كعدتي فركت عيوني حيل اريد أستوعب اخاف داحلم بس اسراء كفختني وسحبتني من أيدي لباب المطبخ وجرت البرده خلت فتحه صغيره واني اباوع اي والله هاي ام زيد بقيت اتصنت وكل شويه افرك اذاني يالله الداسمعه معجزه ام براهيم عل بختج اني هاي كعدتي بيتكم لو تنطوني رشا ال زيد لو ماروح اني نذرت بس يكوم زيد بسلامه ماطلع من بيتكم ال واني خاطبته لاام زيد لا ميصير تكعدين بلكاع كومي جوه ونتفاهم وعلي ماكوم ابني طلع من الموت لو صاير شي بي وضاله رشا بنفسه جان طميت روحي واني عدله أم براهيم شتردين اعتذار اني اعتذر وهذا راسج ابوسه وابوس حتى راس رشا جانت امي مثنيه كدامه ومن سوت هيج وباست راس امي امي حضنته وضلن يتباوسن بعدين بتعدت امي وكالته اني هم اعذريني تره هم حقي والحجيتي مو شويه خلي نفسج بمكاني لو ما احنا جوارين وأهل وانتي تعرفين تربيه بناتي لعد الغريب شلون حقج والله حقج ونعالج فوك راسي وركبتي سدداه شتردين اني حاضره تردون زلم زلم تردون نسوان نجيب نسوان محشومه انتي اختي الجبيره الله عليج لاتقهريني وتحجين عل نفسج كومي من الكاع ويصير خير كومتهه وكفن سوه وامي كلتله مابكلي عليج شي والكاضمين الغيض والعافين عن الناس والله يحب المحسنين تباوسن ومكلتلهه من يصير زيد زين هلا بيكم جنت ممصدكه انوب ام زيد دكوله صيحيلي رشا داعتذر منها امي مقبلت كلتلهه عتذارج وصل هاهيه مابينه شي وراحت ام زيد واني اصيح اسراء اكفخيني اكرصيني حتى اصدك دخلت امي تباوعلي وتبتسم ودكلي يله خل يشد حليه ويصير زين حتى نخلص من موضوعكم لالا مداصدك والله ياربي معقوله حركت كلبي قبل يومين حتى تفرحني اليوم وتعوضني جنت طايره وماعرف شسوي حتى ريوك متريكت واشتغل بدون وعي ادري زيد هسه حارك الفون بس استحي من امي الي ورايه ورايه بلبيت وإذا ختليت بنفسي بهذا الوكت راح تعرف داحجي زيد عل اعصابي نتضرت الضهر ورحت عل فون كومه رسائل ومكالمات دكيت عليه بسرعه جاوب هلو مررتي ههههه انت تروح تروح وترجع عل هاي السالفه شعندي غير هاي السالفه لج اموت عليج هاي شصاير واحنا مندري يابه زيد كون مصورتهن لوشوف الاحضان والمعاتب والبوس فلم والله فلم هههههه لو ادري من زمان متصوب لا عفيه لا دكول هيج ينخمش كلبي سلامته الكلبج اروحه فدوه اني وعشيرتي جمبذا ممم بالعباس احبنج هههههههههههه هاي مال جاسم أخذته اسكتي غير صكته ليش خطيه شنو ليش يشحنج عليه طيحت حضه شبيك تره اني مصدكته ووولي لج عبالج ناسي مو طبكتي بوجهي اصلن اول عقوبه بس تصيريلي راح اعاقبج عليهه هاي مممم شتسوي اصبري والله كريم كلبك مينطيك اااااااااااخ الله لوتدرين اذا الزمج شسوي بلعباس ماخلي مكان بيج صاحي ههههههه حبيبي هاي قبل هسه انت فنشت هاي اني مو اي حبيبي غير مصوب بنت ال مصوب شنو لج اني من تصيرين كبالي لو مكرم مو مصوب هم ماعوفج اااامشي ابو كلب البداله نعلعله غيرته لجاسم الصكط الي خلاج تشمرين عليه المهم هسه راح انسوي مشياه نسوان اول شي لاحبيبي موهسه غير تصير زين معليج بيه قابل اني راح اجي وياه النسوان هسه بس خل يمشي المكرب مو اني حمضت ليش حبيبي ماسابح علمود تحمض لج والله سابح بس السبحه البالي ماسبحه اكولك ليش اكو سبحه عن سبحه تختلف هوه كله مي اسبح حبيبي لاتضل محمض ابقي ابقي مثولته هسه مثل ماكتلج جهزي نفسج تمام سديته منا واني طايره وصدك وره يومين لمن خفت العالم منهم وأعتقد امي حجت الابويه كولشي لن ابويه يشوفونه نحضر وساكت امي كالت اني فهمته ام زيد خابرت عل امي وتفقو باجر العصر يجون وامي خابرت عل إيمان وانسام اجني جنت ممصدكه والوقت ميمشي تمنيت اطلع واشتري شي خاص البسه بس زيد ماقبل كلي اني كومه ماكدر اكوم شلون اخليج تروحين للسوك واحد يباوعلج غير انخبل ولان هوه مريض ماقهرته وصيت إيمان وجابتلي صدك مو مثل البالي بس هم حلو قفان بصلي بس كشخته فول رهمت وياه مكياج بنفسي سويته وشعري بس شسورته وبرمت اطرفه واجه وقت دخولي عليهم نصدمت بلاستقبال متروس نسوان عبالك حفله امي اشرتلي سلمي وبديت بيهم بسره معرفت غير ام نهله وخواته والجبيره مبوزه ماعبرته كعدت بصف نهله الي فرحانه مثل فرحي وأكثر تعدلي بلكذله وكل شويه وكالت الله يساعد ابن خالتي ال مصوب اذا يشوف هذا الجمال وين ينطي وجهه النسوان جابنهه من حادث زيد لهاي اللحضه واخر شي ام نهله بدت تحجي بلخطبه وهاي السوالف واني مدنكه لمن كملت امي كلتله هلا بيكم وأحنا منطيكم بس تبقى الزلم يقرون الفاتحه وإذا تردون يعقدون هم براحتهم تشكرت من امي وكامن تباوسنن وشتغلت الهلاهل واني ممصدكه البنات جابو العصير وضيفوهم وبعدين بدو يباركولي كلهم شعور ماكدر اوصفه وضاعت كل الكلمات من بوستني ام زيد وكالت ان شالله أشوف جهالكم مالين عليه البيت اخر شي من ديطلعون ميس كالت جنتنه عادي ناخذ وياج صوره عادي حبيبتي وكفنه واخذت لنا سيلفي لتفتت عليه كتله ماريد زيد يشوفه لا عفيه ليش اصلن أخذته علموده حتى افرحه هههههههه عرفتج ردت أبوك لسانج يابويه جنتنه نجره لعد شعبالج عفيه شوكت تجين لبيتنه والله حبيتج حياتي واني اكثر بعدهه سلموو وطلعوو واسراء ماصدكت شغلت الفون وكامت تردح وأقرب نعال يم امي نضربت بي يمممممه شبيج غير راح يصير عدنه عرس ولمه لتلمج الناس تدري الوليد مصوب هسه يضربوهم بعين عل مصوب وخطب جاوبته انسام الله حيوووووو ام براهيم تخاف عل نسيبهه الجديد اسكتن فضحتنه خل تكمل عل خير اباوع عليهم والابتسامة مرسومه عل وجهي تالي نسحبت من بينهم وخابرت زيد جان فرحان يمكن اكثر مني كلي بس شكم يوم وأجيب المشيه والشيخ حتى نعقد يمكن اكثر أسبوع مفرح مر بحياتي اني وزيد للصبح نحجي ونام والخط مفتوح وانفاسنه تشرح البعض كميه الحب والاشتياق واللهفه وزيد عل أعصابه هذا الاسبوع الخياطات المفروض 10ايام ويفتحن هوه ماتحمل سبوع وشالهن وباجر موعد العقد والمشيه داومت وياه نهله حتى أخذ استراحه الفتره الوراه أجهز بيهه نفسي وقبل مينتهي الدوام وماحس ال زيد كبالي مادري شصار بيه لدرجه عيوني دمعن من شفت طوله كبالي وره متعافه نهله موجوده مكدرنه نسلم عل بعض زين بس عيونه مبينه بيهه اللهفه اول مطلعت نهله تقدم زيد عليه وبدون تردد حضني بقيت جامده ومحد مسويهه وياي موبس خجلت مت بدمي همس بذني حبيبتي حضنيني باجر اني عاقد عليج جسمي رجف واديه رتفعت وحضنته بس هوه اقوه احسه راح يكسر ضلوعي غامره راسي بصدره وهوه يبوس براسي وجوهنا بتعدت وعيونه تلاقت طولنا النضره وعيون زيد خدرن حصرني عل حايط والحيته لامست وجهي قشعرت باسني برقه من خدي لونتهيت خليت اديه ثنينهن عل صدره دابعده همس رويحتي لاتذييني ديبارلج الخياطات لعد وخرر ميصير هيج ليش حبيبه باجر اني عاقد عليج وصاير رجلج اي عود منا الباجر الله كريم لزم وجهي باديه وباس خدي وبتعد تمام باجر باجر اصبر الباجر وامري ال الله بتسمتله وكعدنه ماحجينه بشي غير باجر وتفقنه عل كولشي عل وقت والعقد وكل هاي الأمور صار وقت رجوعي للبيت هوه راح واني رجعت بلخط لثاني يوم من الصبح اجوي البنات وابويه خابر عمامي وخوالي انطاهم خبر نصهم اجوي قبل الغداء واحنا هم جنه حاسبين حسابنا ونصهم اجوي وره الغدا طبعن النسوان جايات وياهم كلمن وعائلته عبالهن مسوين حفله ومهر ميدرون بس مشيه البنات من شافوني بلبيت تفاجاه عبالهم رايحه للصالون كتلهم لاهسه بس مشيه بعدين اسوي حفله المهر امي حستهم تفشلو كلتلهم عادي هلا بيكم انتو اهلنا ولازم بهيج يوم تكونون متواجدين المهم وره مكملنه الغدا أخذت ملابسي وصعدت بغرفه إبراهيم خابرت زيد شويه وسديته جان مخبوص وديلم بل زلم لبست فستان لونه ابيض كصت الحوريه من وره حيل طويل بدون تعاليك بس صدر ويصير عليه شال خفيف سويت تسريحه بسيطه ومكياج مرتب ومانزلت ال كالو اجوي صعدتلي إيمان شافتني حضنتني وتدعيلي بلسعاده واني أكله حلوه دكلي حلو شنو اليوم زيد يتخبل بس همزين سويتي هيج تره امه وخواته ونهله وامه هم جايين فرحت اكثر ونزلت وإيمان ورايه دخلت وسلمت عليهم والعيون كله عليه تريد تاكلني كعدت وننتضر يتفقون وتم الخطبه خواتي يروحن ويجن يم الباب واني كاعده وكل مااصد عل وحده الكاه تباوعلي الخجل ذبحني والانتضار صعب اديه وحده تطك بلثانيه والهوسه وسوالف النسوان براسي وكل ماوحده من خواتي دخلت ام زيده دكله هااا يمه اهلهل وتجاوبه لاخاله بعد مكلولنه عل هاي كعدتي ربع ساعه وصارت روشه بلمطبخ ابويه وعمامي وناس طابه وناس طالعه والوجوه متتفسر مدري ليش مارتحت وحسيت صار شي . . . . . . . . احبكم اختكم رفل الكناني❤❤❤ | ||||
08-11-19, 03:27 PM | #24 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 22 من صارت روشه بلمطبخ كلبي مارتاح امي كامت والبنات هم والعيون صار كله عل تجمعهم كلبي مارتاح شويه وااجتي انسام كالت تعاي عمو يريدج خليت شال كبير على راسي ويغطي اديه وطلعت كمت وياه وكلهم مجميعين بلمطبخ ومخلين امي وابويه بلنص وإبراهيم هم من شافني عموو فواز واني هذا ماارتاحله فد واحد غير عن عمامي مخلي نفسه بكلشي ويدخل بزغيره والجبيره كال بنتي رشا تسمعيني تره الولد مجايب ابوه وياه واحنا عندنه هذا الشي ميصير يعني هوه لام هاي الناس كله ومكادر يجيب ابو تره مصايره الرجال غريب شمدرينه شبينه وبين ابوه وهوه ابنه الوحيد عل حسب حجيكم ومااجه بخطبت ال ابنه جاوبه خالي ابو بهاء رحمه لهلك الرجال مو جهال وانت دشوفه شلون معدل ومبين ادمي اني اشوف كلامك مومنطقي وهاي الناس الجايبه مقاصره ابو براهيم خويه الرجال جارك وانت تعرفه احجيبك كلمه ياجماعه جاري صحيح بس اني ويا اخويه أبو بهاء ليش مجايب ابوه يعني شنو معنى اشو علاقتنا طيبه بيهم ويشوفني يسلم وبينه واجب ادري ليش من وصلت الخطبة بنتي مااجه وهذا الصحيح مثل تفكيري بلضبط ابو إبراهيم ادخل عليه وكوله مالك مره يمنه اذا ابوك ميجي وياه هاي الناس الخيره صلو عل نبي ابو إبراهيم عيني ابو بهاء ميصير هيج تفشلون الولد كدام الزلم هسه انطوو وعود يجيب ابو بغير وقت شمدريكم بضروفه يجوز مسافر طالع مريض ماكو هيج حجي ابو جلال انت خاله صحيح بس اني عمهه واعرف بمصلحت بنت اخويه واني سالت شكم واحد من ذوله الجاين عل ابوه كالو موجود ورجال بعده بحيله يعني كل عذر ماعنده رشا احنا عمامج وادره بمصلحتج خلينه نتصرف اسمع وارجف وماعرف شحجي وهمه ناس ترفع وناس تكبس كلبي كام يخفك سريع وعرفت راح تخرب إيمان لازمتني وانسام من الصفحه الثانيه همست إيمان اتصرفي حاجي امي لج راح تخرب وزيد يتخبل اووكفي رشا متشوفين عمج صار خير براسنه وكام يدور مثاليات طلعو ورجعو للستقبال واني رجعت بس محموسه حمس ومادري شراح يصير النسوان كلمن تحجي شكل ومرت عموو بهاء انكس منا تفتر عل نسوان ودكلهن مجايب ابوه وام زيد بنصهن تبرر صرت اسمع بس صدى أصواتهم وعيوني بلكاع وحابسه الدمعه كوه بس لامحال طفرت من عيني من كالو خربت وطلعوو ام زيد تخبلت ليش وليش وسحر بذني سمعته دكله امشي يمعوده هم مطلكه وهم يعززون بيهه والله كله من وراه ابنج مسح بكرامتنه الكاع كل كرابيبنه سمعوهه جانت تحجي بعنتكه طلعوو لو روحي طلعت صعدت الغرفة إبراهيم وقفلته وكعدت ابجي من كل كلبي ليش هيج ديصير بيه معقوله خيره يعني دتوصل توصل وتخرب بجيت لحد ماتعبت رفعت راسي المرايه كدامي شفت وجهي صاير خريطه الكحل سايح والدموع مابطلن ولهزمت بغرفة براهيم عبالي اخلص لاكن وين كله لحكتني وعل نفس الرنه ونفس السالفه كرهت حتى روحي كمت بهمه فتحت كنتور نور طلعت دشادشه ورحت للحمام اسبح من القهر وابرد النار البكلبي انوب فوك كل هذا الناس مترحم والحجي أشكال سمعت سبحت وطلعت وهنا عل كعدتهن عل جربايه ودك سوالف بدون مستحه ولاتردد كتلهم مرخصتكم اريد انام ضلووو ضافنين عليه ندرت ومددت من الصفحه الثانيه عاد طلعن وصدك اني احتاجيت انام حتى مافكر بشي لان صدقا تعبت ولله تعبت من نفسي ومن كلشي حواليه زيد اوووووف يازيد هسه شسوه وشنو حاله ماريد حته اخابره اني شلوني عاد هوه من القهر والتعب والبجي نمت وماكعدت غير بليل نزلت البيت صنته كله رايحه دخلت غرفتي وهم مددت اجتي اسراء كعدت كبالي رشا حبيبتي والله بيه صالح الج واله متدرين ربج شكاتب اصبري حبابه والله ابويه مراضي عل سواه بس هذا عموو فواز الله لايوفقه اسراء اني صعدت وماشفت شصار احجيلي شفتي زيد وشسوه مادري والله اشو هيه صارت هوسه بس الله يعلمهه دموعي نزلن بحركه غمضت حيل وفتحت عل ايد امي وهيه تمسد عل رأسي بنيتي كولي يالله هاي كله كتبت ربج الله يبرد كلبج ان شالله يمه ليش هيج صار عفيه راح اتخبل من العين يمه والله من العين كاعدات هنا ويباوعن عليج ويتبسبس عل مطلكه وهوه ممزوج ومن طب كلهن جانن لأزمات بردت المطبخ وحده فوك وحده ويباوعن عليه واجني كعدن فصلانه تفصل هاي قبل متنزلين وهذا عمج فواز مميت علينه بس طك ومات من شاف الزم تارسين الاستقبال من يوم يومه يتخبل من يشوف عائلته بخير لايحبوني ولايحبون اهلي مشفتي شلون يريد يأكل خالج لان كله عيب خل نفضه ومنفشل الولد واني شنو ذنبي يمه ابويه ليش سمعلهم ابوج هم حقه هسه يكلي صدك ابوه ليش مااجه صحيح متستوجب هيج يسون كدام الزلم بس ابوج طبك وياه عمامج وصار الي صار وهسه شلون يمه لاتسوين هيج بنفسج خليهه عل الله وهوه يحله كومي اكلي لكمه انتي حتى غده متغديتي دخلن ايمان وانسام يردن يروحن جلبت بيهن كتلهم لاتعوفني اني تعبانه ومحتاجتجن خطيه كابلني وكعدن واني نايمه كبالهن جنت بس اسمع اي قدره للكلام ماعندي حتى نهله تصلت عل فوني مجاوبته ماكدر ايمان حاجته العجيب زيد لاخابر ولاراسل جنت مفكره هسه حارك عليه الفون بس مالكيت هيج شي البنات فرشن يمي هنأ وجهالهن واني اغفي وافز وموقف اليوم مديروح من بالي وووين ال خابر زيد عرفته جان ضايج وحتى لانتلاغه أجل المكالمه ليل جاوبت كوه الووو الووو حبيبتي شلونج من سمعت صوته العبره خنكتني وماحجيت جمبذا رويحتي وينج حبيبه وياك زيد وياك ميخالف حبيبتي لاتضوجين والله اخذج ومن عيونهم شلونك شلوني وره كل هذا الصار والله حتى مكدرت اخابرج ااااااااخ الله هذا عمج واحد ماريد احجي لساني زفر ادري زيد ابوك ليش مااجه ررررررررشا شعليكم من ااااابويه يعني هاي الناس كله موكفت يعينكم ال ابويه ليش دصيح اني شعليه ستغفرالله واتوب اليه يابه غير من نار كلبي تدرين اني طاح حتى حضي من وره هاي الزواجه انقهر قهر من اخر كلمه مصاير ومجاوبته كال رشا لازعلين وتفسرين كلامي عل هواج موقصدي شي بس ذليتوني بلعباس ذليتوني هذا عمج اجيت احطه وادوس بطنه كعدت وكمت وهوه يشمر عليه وماخله سوال مساله وين تشتغل وين اداوم ووووووكومه حجي صطرني عبالك يدور عليه الزله اجيتهم من كل الطرق ميفهموني رشا اني وابويه مو عل صلح ابويه واحد انتهازي وجان يستغلني هواي ويوميه مسوي سالفه وخسران كومه فلوس وتعال زيد ادفع هسه صار شكم شهر اني وياه يوميه مشكله فلوس كمت مانطي صارت كعدتنه وكومته عركه بعد شلون يجي يخطبلي وووووينج اني مو دالغي وياك متحجين لعد رشا لاتزيديه عليه وطنكرين هوه اني شحجيت اشو انت لدتصيح عليه تره ماعرفتك بلبدايه حبيبتي وهسه روحك بخشمك شسويلج تحمليني اني مخبل وسالف اليوم مخلت برأسي عقل لامحشوم اي والله لعد جذب صرت هل كدوتني كدام الزلم وجماله يكلولي عمي تره هاي ثاني مره يفشلونه واني شبيدي أصلا راسي حينفجر من القهر الله كريم خل نشوف شلون تصفى عاد هسه تعال لازم اساير ابويه واجيبه زيد يعني انت بعدك عل نفس موقفك وتريد تجي انوب رشا كل عقلك لعد اعوفج غير اموت اسم الله عليك لادكول هيج لا والله لو من متصوب وميت وخلصان ليششش هيج تحجي زيد واني متفكر شيصير بيه بعدك حبيبتي تعبت اني صوابي أخضر وركضت بديه ورجليه وهاي تاليته حقك والله حقك تدرين شكد جنت متلهف بلعباس كاعد يم الزلم واريده بس تفض حتى اشوفج بس سبحان الله مصارت بس هم شفتج وووين ميس ماخذتلج صوره صارن عندي صورتين مصبراتي عل فراكج هههه والله ميس ضحكتني واني ضايجه هاي مثل اختي اسراء ميفوته شي غير اني موصيهه شتسوي بيهن ليش يابخيله روحي واريد اباوع عليهه عندج اعتراض لالا عل راحتك اليوم انت متتفاهم ضايج رشا وروحي طالعه موزين داحجي وياج ادري والله واني هم احس روحي مخنوكه اصبري دنشوف وين توصل وشلون تصفى حجينه شويه وسدينه ومادري شمنتضرنه ثنينه نفسيتنه صفر والصار موقليل حاولت بكل الطرق انام مكدرت بس ادكلب دكت الساعه فوك الاربعه وتصل زيد بسرعه جاوبت هااا زيد خير كاعده اي كاعده ليش منمتي مداكدر مادري شبيه ولااني خلي الخط مفتوح بلكت انام اوك صدك السماعات بذاني ونمت ومادري فزيت عل كحته بصوت قوي والله العضيم رفعت راسي عبالي يمي بس لكيت نفسي بغرفتي وماكو أحد والضوه طالع يعني دنيه الصبح والشمس بنص الغرفه سحبت الغطه عل راسي وهمست واني نعسانه حبيبي شبك ختنكت يمكن دخل هوه بريتي لان نايم كبال المكيف سلامتك راح اسده عوفي دانام اني هم رجعت غفيت يمكن ل11كعدت الخط مكطوع يمكن طافيه الكهرباء وجايه كمت غسلت بس نفسي ممروده ورغم البنات يمنه بس اني مالي واهس ولاالي خلك الكلشي للعصر وكالو اجوي خطار كمنا وصارت ام زيد بوجهنه اني ضليت باهته بمكاني ال نور سحبتني للغرفه كالت خوما هيج تطلعين اوكفي نور بس داشوف شكو اي اني اكولج لاطلعين عمتج المستقبله لازم متشوفج ال وانتي مكشخه عل آخر نور تحجي وبالي مويهه اريد اعرف شعدهه ام زيد ومنو ال بلستقبال عل هاي وكفته واجتي اسراء تهز ودكمز سواهه والله سواهه واجه وجاب ابوه اووووويلي تحجي اسراء واني ممصدكه عل ساعه اني انجلط من زيد ومفاجاه راح يخبلني ادري ليش ميكولي زيوطي وزيوطي لو كله مثل زيوطي لو منريد هل مره مابيه كل مجال خاطبج خاطبج ااااااش الله عليج بس اسكتي خل أستوعب اريد اوكف ماكدر كعدت مصدومه لهناك وسمعت صوت هلهوله هزت البيت بعد هنا ماكدرت ال بجيت ال ستوعبت البنات لتمن يمي يبوسن بيه واني جامده هزتني انسام كالت لج المره بره اطلعي سلمي عليهه ماكدر والله رجليه متعيني ماعليج اني وياج تعاي سحبتني من أيدي هيه ونور حلت شعري ولفته زين ورتبت وجهي واني جني دميه عزززه رشا شجاج تره مو وكتج تتخبلين ندري ممصدكه بس اجلي الثول لحد ميرحون وامشي اخذتني من أيدي ودخلتني اول مشافتني ام زيد وقبل مااسلم عليهه شالت عباته وهوست كبالي زيودي ماخذ رادته وعايف بنات ولاياته بتسمتله وامي كالت سلمي عل عمتج تقدمت عليهه بوسته وهيه باركتلي وسمعت صوت براهيم من كال يابه تعاي فوتي طلعوو الزلم لحضه وحساس عمري وحياتي محاسته جابولي الشال ذبيته عل راسي وعمتي فاتت كبالي تهوس بعباتهه تلكاهه زيد باس رأسه وبعدين سلم عل امي بس اشو ماكو أحد بلستقبال بس هوه عيني صارت بعينه بتسلمي واني دنكت شويه ودخل ابويه وأبو زيد ابويه كدامهم حضني وبوسني وكلي الله يسعدج بنيتي وهذا عمج هم ابوج سلمي عليه سلمت بس اني فاصلا وكل هذا واني ممصدكه عبالي حلم وره منتهينه من السلام عيوني دون عل زيد بس ماهوه يمكن طلع بعد اني شكد مشدوهه حتى ممنتبهه شويه واجه كعد بصفي متت خجل لان ابويه وإبراهيم كاعدين همس مبروك مرتي الله يبارك بيك مبروك عليك تسلميلي وين جنت هسه تعرفين زيد تره راح يصير بيه شي من وره مفاجاتك لاماكو شي ان شالله امي اشرتلي كومي بسرعه كمت طلعت البنات تلكيني بضحك وتصنيف عل عمتي والحقيره اسراء تقلد عليه شلون جان تبجي وهسه تهوس ضربته بلمخده لن عيب صوته وهمه بعدهم كاعدين واني هسه ال صدكت كلشي ديصير حقيقه وكفت كدام المرايه ورتبت نفسي اكثر واخذني الواهس ال إبراهيم كال تعاي رشا هاا عيني جيبي جنسيتج وتعاي شكوو انوب شبيج كلشي ماكو الأفندي مستعجل ومخابر الشيخ وهسه اجه عزززه صدك اي والله ياله ستعجلي ياربي شلون يوم مليان مفاجأت يعني البارحه مجهزه نفسي عل اربعه وعشرين حبابه وصار هيج واليوم عبن لاعل بال ولا عل خطار صار كلشي بسرعه امي اجتي ركض اطلع بلمستمسكات وإبراهيم فوك راسي يستعجلني وكلنا لتمينه يم الباب واني عاجزه اوصف حالي لو اوصف فرحتي وماجريت النفس ال من نطيت الموافقه والشيخ كال مبروك برفاه والبنين ايمان طكتهه هلوهله طرشت أذني ولحكتهه انسام بلثانيه وكملته ام زيد روحي طارت ومعرفت شسوي بعده دخلنا كلنا للستقبال واباركولنا والجكليت ماله والي بلكاع زيد سوه لقطه تمنيت اختفى من كدام الكل بلحضته باركلي وباس خدي كدامهم وبعدين باس راسي بقيت عيني ماكدر ارفعهه ابويه كال عوفوهم شويه تره ماكعدو وحيدهم هسه عقدو خل يباركون البعض هوه وإبراهيم طلعو والنسوان طلعن للهول بقينه وحيدنا وشتغل الخوف والخجل الحقيقي جنه كاعدين واحد بص الثاني زيد رفع وجهي بيده صرنه وجهه بوجهه باس شفتي وكال وأخيرا وبعد معاناه صرتي مرررتي هههههه غير انت متكعد راحه كاعد والله كاعد أصلا كل ذيج الفتره اني ممسوي شي منا وهيج راح اسوي زيد اكعد تره اخجل والله واني اموت عل يخجل تعاي عاد مو عليتي كلبي سحبني عليه حضني حيل مشى وجهه هل وجهي وصل يم شفتي اخذه بحلكه جسمي كزبر بعدته لزم أيدي ونزل عل ركبتي كمت ادفع بي يتعد مسح وجهه وجر حسره وكال ما رتويت والله مارتويت اني كاعده وأمسح بوجهي واعدل بشالي الوكع زيد لاتعيده بعد والله اسحتي بس شويه بداعتي وووخر راح اكوم لج ماسويلج شي بس تعاي سحبني من أيدي عليه حيل ولزم خصري باوعلي وعيونه ذبلانه باسني بس مابادلتا بتعد وكام وكف كال اني اسف بس هذا شي بسيط من الشوك الحامله بكلبي الج وسويت هيج حتى اصدك احنا صرنا البعض خجلت وماحجيت كمت بسرعه فتحت الباب ورجعنا كعدنا سولفلي شلون هيج سويت والله حاجيت ابويه وقنعته وصالحته وجبته زيد لو مسوي هيج البارحه والله العضيم لو مسوي هيج هم جان طلعتلنا سالفه صفح حبيبتي الله كاتبلنا اليوم ننجمع ونعم بالله بس شنو وين عموو لعد حبيبتي اني خوما بس عمج جبت هم اجوي شكم واحد من الجبتهم البارحه وهسه راحو وياه ابويه شكد عيب هسه يكولون يوميه شسوي كلت خاف اجيب بس ابويه انوب يدورن زلم لان اهلج حيروني فليوم جبتهم كلهم سوه كسر بجمع الحمدالله اهم شي خلصت عل خير جمبذا عيونه والعباس احبنج هههههه واني هم بس اني اموت عليج دنحجي ودخلو علينا امه وامي بتعدنا وره شويه ترخصو وطلعوو واني حتييت وحسيت نفسي اليوم اني رشا ثانيه بيومهه البنات راحوو فرحانات الفرحي وامي يمكن اكثر وحده فرحانه أما اني نمت نومه بليلته عميقه ومليانه راحه احبكم اختكم رفل الكناني❤❤❤ | ||||
08-11-19, 03:59 PM | #25 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 23 نمت مرتاحه وكعدت عل اتصال من زيد جاوبت الوووو حبيبي هاي شنو نايمه حبيبتي اي والله اشو غفيت مرتي مم جمبذا عيونه اليوم اني أسعد انسان بلعالم ان شالله دوم ياربي بس تره زعلان ليش تعرفين كلش زين لاوالله من طلعت منا جنت طبيعي اي غير ضميتهه بكلبي شنيه غير اعرف ليش مخليتني ارتوي منج زززززيد ياروحه وكلبه مواكلك لاتحجي هيج استحي حبيبتي هاي قبل هسه اني رجلج حتى لو هم استحي دصيري بين اديه واني اعرف شلون اتصرف واوخر المستحه منج هههههه عود الوكته الله كريم المهم شنو الخطوه الجايه ماعرف لاحبيتي ماكو ماعرف اني مستعجل كلش شهر واحد مابقيج لازيد عفيه لاتخبصني يعني شهر ميكفي شعندج قابل بس اصبرلي لاتوصلنا للعرس اني اريد اسوي مهر حفله واعزم بيه تمام بس نكطع مهر محكمه أول شي حتى أدخل واطلع عليكم براحتي براحتك لعد باجر ادزلج الحجيه شنو تحتاجين تجهزج ليش مستعجل عمري جمبذا هذا سوال الله عليج اني مصبر نفسي كوه لوبيدي اليوم وره معقدنه اجيبج وياي للبيت ههههه والله انت تسويهه ماعندك مانع يله راح اروح اتعشه تدري نايمه بدون عشه ليش حبيبه تره مااقبل هيج داريلي نفسج منا للعرس هههه اوك يله روحي تعشي ألف عافيه الله يعافيك بأي الله وياج سديته وكمت البيت كله نايمن بس اسراء كاعده عل فون رحت سويت لفه اكلته وشربت مي ورجعت مددت كالت اسراء رشا رجعتي نمتي لاحبي كاعده كولي اريد اسلج سوال جواب بيوم المشيه مال أول بارحه ومن صارت هوسه من ديطلعون ويدخلود انفتحت الباب فجأه وشفت ولد ويه زيد لازمه من ايده هوه بكصته بس حيل صلف من نفتحت الباب ضل يباوع عليه ال طبكته بوجه ياله منو هذا شلون شكله اخاف نسيبه ماعرف لابس دشداشه عود اسل زيد عليه لالا عيب بس اني كتلج لان السالفه ضلت ادك بكلبي لا اكوله داشوف منو هذا ليبصبص علينا دنامي يمعوده توكم خطبتوو ليروح يطكن فيوزاته عباله مباوع عليج لامعليج اني اعرف شلون اكوله مادري انتي اعرف براحتج خليت راسي ونمت لثاني يوم من الصبح اجتي ام زيد ونهله يابه شكد مشتاقتله خطيه طشت جكليت وهلهلت احسه فرحانه اكثر مني كعدنه وام زيد كالت هاي فلوس زيد دزهن جهزي نفسج عل كيفج يبقى بس الذهب انتي وياه شوفولكم يوم واطلعو اشترو المبلغ الدازه جبير وامي مارضت كلته شدعوده هواي هذا جاوبته ماعرف هاي امانه واني وصلتهه مثل مانطانياه كتله اريد حفله مهر كالت الج حريه التصرف مدام رجلج يدري وقابل واني عذريني رجليه ميعينني جان طلعت وياج بس هاي نهله بمكاني هيه تمشي وياج وين متردين لان احنا ماعنده أحد وسحر صاحبة جهال وميس مومال هيج سوالف كتله عادي ماكو شكال بعد ماسلمو وطلعو نطيت كلمه ال نهله اليوم اداوم للضهر زيد خابرني سألني عل سالفة الذهب كتله لازم اني وياك حتى عل ذوقك وذوقي كلي لعد روحي للدوام واني امرلج ونهله تروح ويانه والله جهزت نفسي ورحت بلخط وصلت وبلغت نهله كالت ماعندي شي شوكت ميجي نروح للمغرب واجه زيد كاشخ عل آخر اخذنه وفترينه هواي صياغ بس اني ذوقي عسر ال وكعدت رجلينه ال لكيت شي مرتب ونازك وبنفس الوقت اشتريت ال زيد حلقه ذهب رغم هوه رفض ونهله كلتلي ميصير اخذيله فضه ماعرف ليش عجبتني وبعد عناه ال قبل واخذته الحلقات خلينهان يم الصائغ حتى يكتب أسمناء ويكتب تاريخ الخطوبه واخذنه باقي الذهب وطلعنا دخلنا مطعم تعشينه وبعدهه وصلنا نهله يم سيارته واحنا رجعنا الطريق كله ايدي بيده مهدهه ابد وصلنا للبيت ونزل وياي كعد شويه وكلي باجر أصبح حضري نفسج للمحكمه نعقد انتضر ابويه حتى يبلغه جان كاعد هوه وإبراهيم واني دخلت بدلت وشوفت الذهب للبنات تعجبن بي تخم كامل امي مدمعه ودكلي شوفي شلون الله ديعوضج انتي حتى ملابسج مجبتيهن من ذاك النذل طلعج بليله ضلمه وبطرك روحج ذبيت البيدي وحضنته يمه حبيبتي ليش تبجين لاتذكريني بذاك الغضب وهاي انتي ددكولين الله عوضني هاي دموع الفرح والله اني هسه ال ردت روحي من داشوفج شلون سعيده ومرتاحه مسحت دموعه وبوسته وابويه ورانه ومادري من شافنه هيج خزر امي يدري بيهه دومهه تذكر سامر وسوالفه باوع علينه هز رأسه وكلي بنتي رجلج بلباب شوفي يريد يروح عفتهم وهوه يكله شبيج يأمره مو البنيه مرتاحه اكيد جبتيله طارئ ذاك زواجهه ماسمعت بس هاي الكلمات ورحت لكيت زيد بلباب إبراهيم من شافني سلم عليه ودخل للبيت هاا حبيبي رايح اي يابه رايح بعد وكت لاعيب من اهلج الوقت تأخر يله عيني مع السلامه الله وياك باسني خطف وطلع سديت الباب ودخلت خابرت البنات وسولفتلهم كولشي وراه حضرت نفسي الباجر ونمت للصبح كعدت النشاط فول متلهفه نعقد حتى نكمل كلشي بعده عل مهل بدلت ورحنه اني وامي وابويه وزيد وعمتي طبعن بسيارته أول شي للمستوصف علمود التحاليل سحبو منا الدم وكالو لاتعبون نفسكم وترحون للمحكمه تره ميعقدولكم ال التحاليل تطلع سبوع ياله بس زيد ماسمعلهم واخذنه للمحكمه وبعد جر وعر وروحه وجيه ورغم زيد هواي عنده هناك عرف بس مصارت وصممو ال تطلع التحاليل عصب حيل وضاج بس يستحي من ابويه لازم نفسه بس اني اعرفه من وجهه تالي رجعنه واصرو نتغدا يمهم ورحنا لكينه كلشي حاضر وسحر هناك بس كالبه الخلقه كلت حقها يجوز تعبانه بهل عزيمة بس اشو من وصل الاكل ونفرشت السفره كله جاهز جان لعد عل شنو مبوزه مادري كعدنه كلنا سوه وزيد يحير شلون يدلل بينه ويشيل ويخلي كبالنه بس اني استحي ولااكلت وهوه جريى كلش خجلني يسولف ويه ابويه وكل شويه يصدلي وينطيني لفه آخر شي ماخلصت ال كمت غسلت جانن بلمطبخ سحر وميس دخلت بستمتلهن وغسلت وكتلهن عاشت ايدكم تعبناكم سحر ماجوبت بس ميس لسانه عسل الف عافيه وهلابيكم وشكد قهرني تصرف سحر بس كلام ميس خفف عليه غسلت ورجعت كعدت السفره نشالت واجه الجاي ابويه مندمج وياه عموو وامي وياه عمتي واني ميس كدام الباب واشرتلي تعاي عمتي شافته كالت كومي ليش مستحيه تره صار بيتج كمت بخجل بلحولي ونسحبت من أيدي ودخلت غرفه ونسدت الباب لتفتت زيد ههههه هاي شدسوي زيد عيب اهلي هنا وشسويلهم انتي مرتي بس غير هاي سوالف الروتين والعرس اني وين اصبر تعاي نطيني جرعه منا للعرس تصبرني جان حاضني من خصري وكصتي عل كصته باسه ونزل عل خشمي وعل حلكي بعدت وجهي مشاني وعيونه ذبلانه حصرني عل حايط دفعته خزرني لاسوين هيج اضوج والله زيد راح ابجي والله وخر ماتحمل هيج اني اني اعلمج حتى متشلعين كلبي بلعرس ردت احجي أخذ شفايفي ونهوس بس اني مبادلته والصراحه اني ماعرف اصلن مد ايده عل شال ديفتحه لزمته وبعدته من صدره رجع لزك بيه ونفتحت الباب بسرعه بتعد واني اعدل بشالي دخلت سحر رفعت حاجبه وكالت اسفه مادري انتو هنا وبنفس الوقت نسيت انتي سفردحي يعني عادي اخويه يقتحمج من كالت هاي الكلمه نذبحت من الوريد للوريد عرفت شنو قصدها وبلحضته ختنكت زيد خزره ولزمه من معصم ايدهه وطلعه اني متحملت عفتهم يم الدرج يرزل بيهه ودخلت عل امي كتله ياله نروح ابويه هم كام وطلعنا وصلنا بابا الشارع وزيد طلع من جوه بس وجهه ميتفسر نضره وحده باوعتله ودنكت لحد مسلمنه وتمشينه لبيتنه شكو فرحه بكلبي جانت طفتهه سحر بكلماته وشعلت نار بمكانه امي حست عليه وكفت فوك راسي رشا شبيج اشو مو عل بعضج مابيه شي هااا بدينه وراح تبدين تضمين علينه رشا كليلي اني امج ليش تكتمين بكلبج اشو صارلج يومين شحلاتج لحد اليوم الضهر انتي وزيد تخبلون بس من طلعنا ليهسه مكلوب وجهج رشا من هسه اكولج اذا راح تضمين علينه تره محد يوكع بيهه غيرج فاحجي احسلج ماتحملت بجيت وحجيت الامي كلشي وجوابه انطاني أكبر طاقه وثقه بنفسي رشا انتي ليش ضايجه انتي ماخوذه حتى تنغثين من كلامه اصلن هيه سوت هيج حتى تغثج ونجحت شوفي هاي النتيجه انتي كاعد تبجين رغم شفتي زيد ماقبل عليه ودكولين اخذه عل صفحه ومادري شسواله بعد عل شنو مقهوره انتي ماخذه رجال لو مارجال جان كابلج وكام يبرر الاخته بس هوه سوه العكس دمه فار وعافج والله ليعلم شسواله يمه بس اني نحرجت وروحي حتركت وعليمن التريد تعله اسكت وخله هسه نجلطت لمن مجاوبتيه يجوز رادت مشكله احنا وبيتهم اسمعي رشا هيج نماذج لاتنطيهم مرادهم بلعكس هاي فتره الخطوبه لاتغثين بيه نفسج عيشيهه لحضه بلحضه ولاتنكدين عل رجلج خلي ليوم العرس متحمس عليج واني وياج نعرف بيوم للعرس شلون نسكتهم هسه عرفتي يله كومي غسلي ومدام بعد سبوع للتحاليل سوي المهر واعزمي وفرفشي كلام امي شجعني وكمت غسلت وقويت نفسي وفتحت الفون الي ماشفنه من دخلنا وهوه بلجنطه جنت ملهزمه من مواجهة زيد بس هسه لااريد اثبتله إني اقوه من هيج دخلت عل فايبر وخليت صوره ادينه بسياره اخذناه البارحه بسرعه اتصل جاوبت باريحيه هلووو حبيبي عيون حبيبج شبسرعه طلعتي ارجع مالكاج بلغرفه حبيبي انت مو راحه مينكعد يمك جمبذا ممم اني اسف عل كل كلمه كالته سحر بحقج لايضل بالك حبيبي اني اصلا نسيت والله صار كومه مااحجي وياه ومن خطبتج ال حاجتني وسلمت عليه ومارديته كلت اختي مااخجله وصالحتهه بس اليوم لعبت بيهه طوبه زيد عوف هاي السالفه اني متهمني لاسحر ولاغيره اني انت تهمني وبس ارولج فدوه والله ريحتيني هسه جنت ضايج علمودج لاولايكون بالك انسى احبج هههه واني هم اموت عليج بس ماخليتني ادربج شلون بيج شنو داخلين مسابقه حتى دربني اسكت الله عليك والقران استحي حلفتيني راح اسكت وامري ال الله اني حتى الكلام مسويه عليه حصار اسمعني حبي كولي والهزمي من الموضوع الأساسي هههههه اريد اسوي الحفله حبيبتي الفلوس يمج شتسوين سوي واذا تردين بعد هم اني حاضر لاموهيج بس يايوم يناسبك هيه شنو حفله غير اعرفه يعني نلبس الحلقات غير وصالون وهاي السوالف اي لعد باجر حبي باجر ههههه عوف الشقه داحجي صدك والله مداشاقه من باجر سويهه بس اكو شغله شنوو ديربالج عليه بلمكياج وهاي السوالف تره ماتحمل وين انطي وجهي حبيبي غير راح ادخل صالو وبدله وكذا ااااااااخ الله واني وين أولي بليل زززززيد خل نحجي بلمفيد ولج اني هذا المفيد مالي انتي حيري بصالون والبدله واني احير بروووووحي ههههههه كافي عاد شنو تردين حبي اريدك باجر تروح وياي أجر بدله واحجز صالون وكوشه المهر اي واني شحصل ستغفرالله زيد شتريد تحصل راح اسده والله بس كليلي شوكت المهر اليوم أربعاء وباجر خميس نكمل كولشي بي والجمعه نسوي شدكول هاهيه الجمعه الجمعه تمام ضل يداهر بيه شويه وراه سديناه بلغت امي كالت اني باجر اعزم واسراء كالت الكوشه اني احجزهه من الفيس وارتبه خابرت البنات كالو باجر احنا يمج وفعلا من الصبح اجوي واجه زيد حتى نروح اخذت وياي ايمان أول شي حجزنه صالون واخذنه موعد وبعدين رحنا عل بدلات وخليت الاختيار عل ذوق زيد وعجبني ذوقه اختار بدله زيتوني الصدر والتعاليك ضفر ورد ومن الخصر وجوه قماش ساده من لبسته وشافته ايمان كالت ابن الذينه ذوق خنفشاري الماسكه بيضه وبيهه لولو زيتوني حيل حيل شي راقي كملنا ورجعنا وكلهه مخبوصه وتحضر واني عفتهم وقفلت الباب وكعدت اشير جسمي واخذني الواهس وين واتصل زيد رفضته وبقى يتصل وارفضه آخر شي جاوبته هااا حبيبي وينج ليش ترفضي حبيبي ماكدر احجي ليش شعندج هيج شغله شدسوين غير اعرف مو يمك هيج شغله ررررشا تحجين لو ازعل شنو الشي لشاغلج اني من المغرب ليهسه هاي شبيك سوالف مال نسوان والله للمره الاخيره راح اسلج شدسوين همست داشير اوووووويلي يابه متحجين لعد شوكت اخلص من خجلج اني حبيبتي جمبذا ممم لاتذي نفسك ززززززيد هههههههههه روحي روحي جبانه طبكته وضحكت عل سوالفه شكد منحرف كملت ورحت سبحت بس جسمي نصلخ لان جسمي حساس بسرعه درن اخذت علاج تحسس ونمت ماحاجيت زيد ادري بي ليوم يضل يغرد فنمت لثاني يوم الصبح بعد ماتركيت والكوشه وصلت عفت نور واسراء يرتبوه واني اجتي نهله واخذتني للصالون وإيمان وياي مو صالون كارثي كلبتي كلاب أكثر من ساعتين اني بين اديهه وكملته من كتبت اسم زيد بلنكليزي عل صدري طلعت غير شكل ايمان ونهله هم دخلن صالون ورجعنا بسياره نهله وإبراهيم هم اجانه زيد اني وياه عل اتصل لحضه بلحضه ومن دخلت البيت انطيت الفون ضموو لكيت كل العشيره امي عازمته ابوس وارجع ليوره كعدت والكوشه تجنن وميز المهر إبداع الانضار كله عليه ومنتضره دخلت زيد وامي تقره المعوذات وتنفخ عل كاعدين خطيه صارت بيهه خوفه وره ربع ساعه ودخل زيد وأهله صدمني بشكله حتى اني بقيت صافنه شلون البنات لابس بنطرون زيتوني وقميص اسود وستره زيتوني يعني منسق ويا بدلتي اللحيه والشوارب محدده سنتر والشعر مصغط ولاغلطه والحذاء يلمع الانضار كله عافتني وصفنت عليه تقدم باسني وكعد والديجي مشتغل طفوه عمتي هوست شويه هيه وام نهله وبعدين اسراء رجعت شغلت الديجي شاورني حبيبتي شلونج هاي شطالعه وانت هم طالع فدشي اسراء شغلت اغنيه يله شكرا للحشد والايدو هو هو هو هو وزيد يضحك عليه وكل شويه مشاورني بس ماسمع من الهوسه والله ذب عليهن الركص ال كدامنه ال ركزت حيل ال سمعته حبيتي هاي شنو صدرج ليش هيج مذيه نفسج ضحكت وباوعت الصدري أحمر بعده متحسس رفعت راسي سحر كبالي مطيره حواجبه طنشتهه بس ميس منطلقه وياه نهله جابو الذهب لبسني وكل لبسه بوسه وهوه مستمتع وكله تهوسله حبهه ولك حبهه ولاتخاف من امه كتلهم بكلبي عل ساس هوه خايف اخذنه صور وياه الكل واخر شي يم ميز المهر كمنه قطعنا الكيكه وسوينه كل المراسيم وزيد راح بلبيباي من عيون بنات خالي وعمي بعدين كال راح اروح اخذو راحتكم بس مااخذنه صور خاصه اني وياك اجي بس تخف خابريني تمام طلع وانطلقن البنات عل آخر لحد ماتعبن وحتى اهل زيد وأقاربه راحو بقينه بس احنا وهم نص اقاربنه راحو خابرته كلي داسبح واجي بقيت انتضره ال اجه سدينه الباب وبقينه اني وياه واسراء اخذتنه كومه لقطات بكل الأوضاع واخر شي زيد كله ادعبلي اني أخذ اريد بفوني عرفته يريد يزحلكه طلعت وقفل الباب وتقدم بتجاهي وكعدنه صار حيل قريب عليه كال لج منين ابدي كليلي ههههه اذا سويت شي اصيح والله ينطيج كلبج دنكت جمبذا مم خليني براحتي الله عليج سكتت وتقرب بوسني بكل لهفه شفايفي خدر وحتى الدم حسيته جره نزل عل ركبتي وعل صدري باسني برقه ورفع رأسه همس لج هذا عذاب والله عذاب انتي متدرين شديصير بيه انوب هيج متحسس راح اموت رجع يبوس بيه خفت ليصير اثر بعدته بس عوفيني زيد راح يصير أثر خل يصير مييبين سنونه كزكزن عليه ونيت تخبل صعد رجله فوك جسمي شبهه صار فوكايه ونكلب شكله كام يعصر بجسمي خفت كمت أبعد بي وماكو آخر شي وحده بتعد بس شكله منتهي حتى عيونه ميكدر يفتحتهن والنبي عبالي تخربط زيد شبيك مابيه شي بس سويلي طريق داطلع شنو زعلت لان أبعد بيك لاوالله بس اريد اروح لج راح انفضح غير دكلي شبيك مجاوبني طلع وكال بعدين اخابرج ضجت وطكت حتى روحي اني غبيه اني زعلته البنات دخلن واني بالي مو يمهن حتى خوالي ديرحون وديسلمون عليه ممنتبهه عليهم عفتهم ورحت للغرفه طلعت الفون ودكيت عليه ماجاوب ضليت الح جاوبنتي ميس كالت بلحمام ديسبح ماصدكت شنو قبل ميجي كلي داسبح لااكيد زعل من تصرفاتي وهاي حجه معفتهه ضليت الح الح ال جاوب هاااا حبيبتي وين جنت بلحمام زيد موقبل شويه جنت تسبح ليش تبرر كول زعلت وماريد احجي وياج وفضه لج شبيج انفتحي وعيونج جنت اسبح هيه كل ساع هههههههههه يعني دتوازيني احجي ال اكولج آخر شي من طلعت مستعجل من يمج دمرت نفسي هاااا هسه عرفتي ليش رجعت سبحت يبووووووو فشلت فشله مصايره وسديت حتى الفون غلقته وطلعت على صوت الهوسه بره. . . . احبكم اختكم رفل الكناني ❤❤❤ اذا اكو سحك غلسووو بداعت زيوطي لان عندي طلعه ونشرته بدون تدقيق😉😉 | ||||
08-11-19, 04:03 PM | #26 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 24 طبكته من زيد وطلعت عل صوت الهوسه بره ابويه وإبراهيم وكله ملتمه فوكاهم ركضت ليمهم شكووو ماكو شي هيج لعد شبيكم شكو ملتمين جاوبني إبراهيم زيد طابك سيارته بلباب مالتهم وهسه طالع عل صوت دعمته من كال هيج نخرطت من الخوف شلون يعني ندعمت وهوه خوما بي شي لج اكولج طابكه يعني السياره واكفه بصف للبيت وطالع لكيهه متفلشه يعني دعمه متعمده لان السياره مماشيه وهسه خابر عل شرطه هسه جايين مدري شصار بيه حتى البارده لزمتني اني وبدلتي وتسريحتي تخربطت احوالي عل هاي وكفتنه وشفنه اضواء الاشاره مال سياره الشرطه ابويه وإبراهيم طلعوو واني سحبتني انسام من أيدي وشايله بدلتي كالت امشي ادخلي جوه شبيج صفريتي تولي السياره انسام اني مو عل سياره بس منو سوه هيج والله يااختي الميخافون من الله هواي شمدريني منو سوه هيج وصلنا للغرفه وسدت الباب واني بغير عالم منو دعمهه وليش ال اليوم وزيد شسوهه ووووو ألف فكره برأسي ساعدتني انسام طلعتلي دشداشه ونزعتني البدله عيونه صار عل أثر لبصدري عزززه هاي شنو شوكت لاحك هيج يسوي انسام اسكتي اني بيا حال الله يعينج يارشا هذا الله ميجرعه بس خطيه مدامتله اي مو هوه هذا القهر شلون جنه فرحانين بدلت وفليت التسريحه بس حتى واهس للسبح ماعندي لميت شعري شلون مجان وطلعت بس بيت خالتي باتن يمنه خالتي وبنتانهه ثنين اسراء ونور لزمن البيت نضفنه واني الفون ماوكع من أيدي اتصل عل زيد وميجاوب وعتني ايمان من كالت رشا عوفي لضلين دكين عليه تشدهي هسه براهيم يجي ونفتهم السالفه جنت كاعده بلمطبخ وراسي عل ميز دايخه ومسطوره من كل الصار العشه احنا مسوي جاهز لفات كباب وكله دتتعشه واني مالي نفس رغم ممتغديه وامي تحجي عليه هسه توكعين وموزين عليج خالتي شافتني هيج طبطت عل جتفي كالت فدوه يمه فدوه بلحديد ولابي بس هوه سالم اي خاله فدوه بس من سوه هيج السواه هوه والله يتجازه لاتقهرين نفسج مدام زلمتج سالم كلشي يتعوض الحمدالله دخل براهيم كال يابه جوعان وين عشاجن كمت يمه براهيم الله عليك شصار مصار شي اجتي الشرطه وسجلوهه وراحو اي ومعرفو من سوه هيج لا وين زين زيد وين ذاك هوه واكف يمهه وابويه يمه دخلت اسراء كالت تره زيد اجه بسرعه ركضت للستقبال لكيته كاعد وابويه بصفه وديسولفه عل سياره ومندمج حتى من كعدت مانتبه بقيت استمعلهم بعدين صد عليه هاااا حبيبتي ها زيد هاي شصار ابويه كام وصاح سوو العشه وزيد يكله عمي كلشي لاتسوي تره اني رايح حبيبي سولفي عاد اني جوه من داحجي وياج وطلعت عل صوت بريك قوي لكيت السياره مضروبه والدعاميه كله متفلشه يعني ضربه متعمده شي اكيد لان اني حتى عل رصيف مصعدهه وهذا البريك السمعاته الكلب ابن الكلب صعد عل رصيف ودعمهه فدوه حبيبي فدوه ادري فدوه مكايل شي بس غير اعرف السواهه منو غير ادفنه بلعباس لويصير ابن ستغفرالله شلون خلاني اطلع من طوري والشرطه شكالو شكالو شيريدون يسون ذوله هيج بس روتين سجله سجلته وراحو أصلا اني مخابرتهم هاي الولد خابرهم وهسه اني اعرف شلون اطلع الدعمهه لوكته الله كريم يله راح اروح تعشه ماشتهي اي شي الله عليج تعشه وياي الخاطري لاتحلفيني حبيبتي وعيونج ماشتهي وكفت بصفه حيل رغم ضايج خله ايده عل جتفي صرت هل كدوتي جوه مشاني وطلعنا بلكندور وصد عليه حبيبتي غسلي وجهج اول ماطلع لأن راح اضل افكر بي عود اليوم جنت ناوي هذا المكياج امسحه عل ايدي وانت ممقصر مسوي صدري خريطه غير فقدت عليج يله فوتي جوه وسوي مثل ماكتلج غير دكلي وين رايح راح يضل بالي مرايح بعيد هنا والله بس اشوف سالفة السياره دير بالك عل نفسك تره اني كمت اخاف لاتخافين ماكو شي ان شالله يله مع السلامه الله وياك دخلت للبيت أخذت ملابسي ورحت سبحت ورجعت مددت هذا اليوم جان حيل متعب عل كد مانسعدت بي عل كد ماهسه تكدرت البنات كله فرشت بغرفتنه وضحك وسوالف واني صديت عل صفحه الثانيه دانام كالت ايمان شنو السالفه رشا راح تنامين ايمان راسي حينفجر يولي البنات كاعدات صار هواي ممنجمعين صديت عليهم وكتلهم اي والله من عرس إبراهيم منجمعنه انوب حتى الباقين مجلبت بيهم جنت مخبوصه رنا بنت خالتي كالت تعالو اشوفكم شصورت شغلت الفيديو بس التصوير حيل مركز عل زيد غرت كتله شنو هاي ولج اشو مركزه عل خطيبي 😂😂😂😂😂والله مو اني خطيبج هيبه والكامره لطشت بي انجبي امسحي ياله لو تموتين هذا راح اشوفه لكل بنات العشيره واكلهم شوفو خطيب رشا الصاك عزه بعينج اشو عينك عينك غير هذا الصدك أصلا اليوم سوينا عرض سينمائي شكم دكمه بقميصه عرفنه اسراء ام لسان متتحمل ردته اووووويلي عليج رشا همزين وكعت بسياره مو بزيد اكلكم شغله بكلبي كلنا صحنا كولي جان تصبح بصوت أبو فطم ااااالك الله زيوطي ضحكت من كل كلبي وكتله اي والله سوده عليه راحت سيارته رنا كالت الله عليكم هوه شلونه انوب سيارته اكيد حديثه ررررنا لتقهريني تكول حديثه غير نص شباب المنطقه زافهم بيهه عل كشخته ابجي طين عليه وعل سيارته اللهم اجعلني تاير بيهه هنا متحملت رغم ادري بيهه داهرني لان شافتني ضايجه كمت عليه كرصته وعضيته وهيه تعيط واخته طبكت وياي بعتباره عود أكبر منه تكفخ بيه ودكله عينج عل وليد صكتي هوه وسيارته كمت منها كتله اذا جبتي اسمه بعد هل مره كلنا عليج مو بس اني وسجى خطيه كعدت مكفوشه وتفرك بجسمهه وتصيح الله لاينطيجن من وره زيوطي عل كولت اسراء اني نكتلت اللهم لاتجعلني تاير بسيارته جعلني سبانه من يحتاجهه يطلعه شمرت عليه المخده دعبلت ليوره وصاحت سسسكتت والله سكتت فرفشنه وغيرنه جوه بس تبقى نغزه بكلبي ومن اختلي بنفسي السوال يدور برأسي منوو دعم السياره وليش ال اليوم صارت ساعه وحده وزيد ماكو طفيت فدمره كلت اخابره اني دكيت عليه طول ال جاوب الوووو هااا حبيبي وينك يابه طالع بشغله لعد عبالي تخابر منتضرتك يعني انام اخذو راحتكم اني اتخر اوكي تصبح على خير هلا بيكم هلا من حجيه عرفت يمه أحد كاعد سديته وخليت الفون عل شحن ونمت من التعب والإرهاق ماحسيت بشي لثاني يوم كعدت الصبح غسلت وتريكت وبيت خالتي سلموو وراحو ايمان وانسام لمن غراضهن وينتضرن واحد من الولد يجي ياخذهن للضهر واجه أحمد صبينه غده ومنجمعين كلنا وندكت الباب طلع براهيم ورجع كال اجه زيد خواتي لبسن الشالات ودخل بس وكف بلباب احمد عبر السفره وكام سلم عليه واني عل كعدتي رفع ايده سلم واحمد يجر بي حتى يتغده ويانه وهوه يحلف متغدي واخذو راحتكم اني اجيت عل براهيم حتى يروح وياي نسوي السياره هوه يحجي بس يخزر بيه هذا شبي كمت للمطبخ واسمعه يكول الأحمد امانه ترجع تتغدى وإبراهيم اكل براحتك اني هنا بره داشرب جكاره طلع واني من باب المطبخ طلعت شلونك حبيبي والله لنعل صفحت حبيبج زيد شبيك شنووو شبيه شكو كاعده مفرعه كدام ابو علي غير رجل اختي وقبله هذا كله هوه ابن عمي لاتخليني اسب حتى عمج اني هذا الحجي ميصرفلي همزين الله جابني وشفت بعيني الصخام مينزل من راسج كدام كائن من كان من الرزاله بهتت وماعرفت شجاوبه صاح لاطنكررررين بلعباس اذا نعادت هاي السالفه اكلب الدنيه عل راسج زيد عل شنو هيج معصب حتى سلام عليه ماسلمت اي احترمي نفسج حتى احترمج كتله بزمخ اني محترمه نفسي لسوي سالفه من لاشي توه ديجاوبني وطلع براهيم كله يله كملت ضل مخنز عليه عفته ودخلت بس وجهي نار صار وكفت كدام المغسله اكب مي عل وجهي واحسه بعده مجمر كملت ورحت للغرفه بس طكيت طكووك من هذا أسلوبه وكلت بدت رحمه الله وراح يستلمني بقيت كاعده شويه اهدي نفسي بجذب وراه كمت حطيت حركتي بلشغل البنات بس شربو الجاي وراحو ونور صعدت الغرفته اسراء راحت نامت وابويه وامي هم ضهريه والبيت كله خله وبس رزالت زيد ترن بذني رجعت للغرفه اريد انام ماكدر صورنه مال البارحه عدتهن اكثر من مره واخر شي سمعت خطوات عل درج بسرعه كمت بلكت براهيم رجع وصدك طلع براهيم قبل اخر درجه لحكت عليه كتله هااا براهيم وين رحتووو اخذنه سيارته للتصليح ومصارت ليش تكاليفهه هواي وهوه يكول عليمن ابيعهه عل صكاطهه واخذ وحده وتالي مادري والله يمكن راح يأخذ وحده هااا براهيم صعد واني رجعت للغرفه بس ملل قاتل ومنا مقهوره بقيت للمغرب اتكرضم ولليل ولاخابر ولاسال نطحنت يعني كبرهه وزعل اني والله العضيم ماقصدي شي احمد جبير مو شاب وابن عمي ورابين سوه وماينه عليه يعني اني بس كدامه مفرعه حتى محمد رجل انسام وهوه اخوه اللبس كدامه شال بس احمد كلنا منلبس كدامه وهوه ثكيل وحاسبيه اخونه الجبير بس زيد وين يقنع بهيج نوم ماكدر انام بس اتكلب تحرشت بي من حطيت صوره ايدي وبيه الماسكه عل فايبر راسن راسلني غيريهه بسرعه ليش شبيهه رشا ليش تخلني احرمج من الفون هااا بدينه بسوالف التحكم اتحكم بيج غصبن ماعليج قبل وهسه غيرتهه حطيت ادينه سوه من ديلبسني الحلقه بس مجاوب ولاراسل كلت اخاف مشافه لو ماعدنه اتصال دكيت عليه ورفضته وراه هوه دك جاوبته بس ماحجيت وينج بقيت ساكته ررررشا ليش متنامين وتبطلين سوالف المزعطه مال الصور وهاي اللغوه زيد ليش هيج تحجي وياي كولي النفسج ادري شمسويه انت كبرتهه أحمد ابن عمي قبل لايصير رجل ايمان وتره دشوف رأسه ابيض مو جهال حتى يحط عينه لو يباوع علينا نضره موحلوه اني كدام محمد البس بس احمد ماينه عليه ااااسمعني اسمعيني حتى لادكولين ماكلي لا احمد ولا اخوه ولا اي واحد تسترين كدامهم وحتى دشداشه نص ردان ماريد تره دتحسسني اني مصلخه كدامهم لاتحجين شي اني مكايله وتره مناسي شلون تزمخين عليه بس حضج ببراهيم جان فلشت اسنونج بحلكج الله عليك زيد احنا دنتعارك كولي النفسج انتي وكفتي عقلي من شفتج هيج رشا اني هذا طبعي تتحملين واذا متحملت شستسوي مثلا اي كليلي حتى اخليج تتحملين غصبن ماعليج بعد اكو رزايل لو هاهيه مو رزايل يعني ترديني اشوفج كاعده كباله مفرعه واسكت شنو اني مكرن محشوم لعد احترمي نفسج ززززززيد والقران راح اسده كافي تره غسلتي غسل واني ساكته خنكتني العبره وبجيت كافي يله روحي اني ضايج اي يله بأي سديته ولطخت الفون عل سرير اسراء رفعت رأسه شكو شبيكم مسحت وجهي ونمت صاحت وووووي شتغل زيوطي بزعل اختي وتعال ياعمي شيلني غطيت راسي ومااحجيت وياه ونمت بس حلفت بعد مااخابره ولا احجي وياه وهوه ولاعبرني يومين صارن عليه سنتين رغم اني متعلمه وادري بي هوه هذا زعله يكوم ميعبرني بس هل مره الضاهر اني متولعه بي زايد اداوم وياه نهله وارجع ومداشوفه بس اسمع اخابره من إبراهيم دوم هوه وياه سوه واليوم مجهزه نفسي داروح للدوام واجتي عمتي سلمت عليهه وكعدت وبدت تسولف عل سياره افتهمت منه بايعه بلخساره وهسه ماخذ وحده بس بعده ممحوله باسمه ماعرف شلون المهم هيه اجتي تبلغني التحليل طلعن جايبهن اليوم وباجر نعقد كلتلي جهزي نفسج الصبح يمرلج بعده كعدت شويه وراحت غير نقهرت شكد طبعه صعب يعني باجر نعقد وهوه ماكلف نفسه حتى يبلغني بلعتهه وسكتت وثاني يوم الصبح اجه وماطلعت عليه ال وياه ابويه حتى سلمت عليه برود وهوه كل شويه يبوك عينه ويباوعلي طبعن مشتري سياره جديده بعد احلى من ذيج الطريق كله يباوعلج واني عيني عل جامه اسوي نفسي ماشوفه لحد ماوصلنا ونزلنا كعدنا اني وابويه عل صفحه وهوه حار بلاجرات وكمل كلشي ودخلنا للقاضي عقدنه وطلعنا ابويه بل باب باركنه ورجعنا للبيت اول مادخلنا امي طشت علينا جكليت وهلهلت ابويه جلب بي عل غده كعد واني رحت ابدل وبعدين رحت للمطبخ اساعد امي خطيه لكيته حايره شمسويه وكل شويه دكلي روحي يم رجلج واني مغلسه ال شفت ابويه طلع يتوضى الفون صار كدامي والشعارات صارت حمس وينج متجين اني مو كاعد ام زعله راح اكوم اروح والله اخر رساله كلت خل اروح هذا يسويها ويروح رتبت نفسي ودخلت عليه أول مشافني طبطب عل مكان لبصفه اجيت كعدت اوووويلي ليهسه زعلانه مو والله اسأل نفسك حتى مبروك ماكتلي هوه انتي وين باوعتي بوجهي ياعيني واذا قابل لازمه لسانك حبيبتي مو ردت اباركلج بطريقتي لاوالله صدكتك خيولن كافي عاد ياحبيبه والله العضيم اغار عليج واليغار هيج يسوي زعلت امنت بالله تلاث أيام متحجي وياي شكلت الروحك موتدرين بيه هذا طبعي طبعيش هذا زيد شلون تتحمل مو علساس احبج واحبج يابويه مرتي معصبه اليوم شخلصني عمي اني اسف مممم جمبذا مجاوبت دنكت جمبذتي ممم انسي عاد هاهيه سويت هيج حتى تعرفين طبعي فكيهه عاد اليوم صرتي مرتي شرعا وقانونا كافي حبيبه اخذ أيدي بديه عصرهه وكال مبروك اليوم صرتي مرت زيد وباجر احط اسمج بضهر جنسيتي بتسمت اروح فدوه للضحكه شلون هلكد تبقى متخابرني ولاتجي وداعتج غصبن ماعليه من غير جنت حاير بسياره اي صدك بلخير عل سياره الجديده خير ليصيبج ان شالله عجبتج كلش الله يحفضك بيهه تسلميلي اجه ابويه بتعدنا واني كمت جبت السفره وصبينه الغدا وإبراهيم هم اجه ابويه رفع معنويات زيد من صاح البنات وكال تعالن يابه اكعدن زيد موغريب صار من عدنه حاله حال أحمد ومحمد وزيد يجاوبه اشكرك عمي رحمه والديك تغدينه وكملنه وشرب الجاي وطلع واني وراه يم الباب بوسني وفتح باب الشارع ورجع سده باوع يسره يمنه ومد رأسه عل خدي ههههه هاي شدسوي تعاي ليجاي تقدمت طبع بوسه خاطفه عل شفتي وكال مبروك حبيبتي هاي مال العقد ههههه الله يبارك بيك بعده طلع وسديت الباب واحس براحه عجيبه باوعت عل ساعه مضل وكت عل دوام رحت غسلت وبدلت وتوجهت للمكتب فتحته وباوعت داير مدايره صار هواي هاملته وملتهيه بمشاغلي كلبته عل بطانه حتى من اجتي نهله حجت عليه كالت ليش هيج متعبه نفسج بس صدك شتاقيت للمساتج وترتيباتج بقيت لحد مكمل الدوام ورجعت ومر أسبوع واني يوميه أصبح اطلع أجهز اني وامي والعصر ادوام ويه نهله لان خطيه ماريد اكطع بيهه وهيه معتمده عليه واني وزيد عل اتصال دائم بس مجى البيتنه من يوم العقد يستحي من اهلي واليوم خابرني كلي راح اجي بليل اشوفج لان باجر التحق تخبلت يعني بعد كل الصارله وهم يريد يرجع للدوام كلت يجي وحاجي رجعت من وكت من الدوام سويت كيكه وحضرت عصير طبيعي وسويت جلي بلفواكه والمكسرات ونتضرته ل9ال اجه اهلي كعدو شويه وكامو بقينه وحدنه وفتحت وياه الموضوع زيد شنو دكول اريد التحق اي والله حبيبتي خلصت الاجازه زيد والله اخاف عليك ماشفت شصار لاتخافين الله موجود هاي هيج هفوه وداعتج بس راح يضل بالي عليك اكثر من قبل بس ادعيلي وماكو شي ان شالله اني هم مااتخر يومين واجدد الاجازه حتى من انزل نشتري الغرفه ان شالله بس هم ابقى خايفه عوفي الخوف وتعاي بحضني نطيني جرعه تصبرني عل دوام وفراكج سحبني عليه ونساني حتى الموضوع جنت كاعده بصفه تقرب لزك بيه واديه حاضنه كتفي من وراه شواربه لامست ركبتي صديت منه رجعني بيده سحب شفايفي بسنونه ورجع راسي عل ايده خدرت باسني وتفتن بس اني ماعرف ابادله وكل شويه يبتعد ويهمس بذني بادليني حتى أحس بيج واني ساكته لان شكله حتى استحي احجي عصر صدري بديه دفعته زيد وووخر طوخته تره بتعد وعيونه ذبلانه كال حبيبتي شمسوي انتي شايفه هاي لاشي من الي راح اسوي بيج بلعرس اي عود كلشي بوكته يولي لاتزعليني باجر ورايه طريق ودوام وتعب شتريد بس تعاي واني اكلج سحبني عليه بوسني من حنجي وهوه نازل ليم صدري ملخه تملخ آخر شي كال كومي مني شبيك مابيه شي كومي تره راح اتهور ضحكت عل شكله وكمت وعفته يمسح بوجهه ويتفف رحت جبت الجلي واجيت كعدت يمه وشلت الكاسه واوكله بلخاشوكه وادهر بي مره اخلي بحكله ومره اوصلهه ومن يفتح حلكه اسحبه واخليه بحلكي خبلته وهوه يصيح مصار جلي ذليتيني بي بعدين كال راح اروح كام تحاضنه حيل واني حتى الدمعه ستقرت بعيني حيل خايفه عليه وهوه يبوس برأسي ويمسد عل اديه ويهدي بيه ومن طلع متحملت بجيت ال ارتاحيت شويه انوب مخابرني حتى منبقى للصبح نحجي وهوه وراه سياقه وسفر الصبح كعدت طلعت رقمه ماكو اتصال بلانترنيت عرفته راح أخذت نفس ودعيت الله يحفضه بيومهه النهار كله اتصل عليه مغلق ال بليل هوه خابرني كلي لازم واجب بمكان مابي تغطيه كوه حصلتج وثاني يوم هم نفس الشي واني ضاله القلق ماكلني حتى مالي واهس بكلشي ياربي هاي هسه هيج حالي اذا تزوجته وارح للدوام شلون بليوم الثالت واني نايمه الضهر كعدت عل عيطت بصوت امي هزت بيتنه هز الفيديو اهداء مني الابطالي والتصميم شغل الصديقه المبدعه وئام الشيخلي snwn2231 حبيبتي عاشت ايدج دومج متالقه احبكم اختكم رفل الكناني ❤❤❤ وبطريقكم سوو متابعه لهذا الكاتب ThVhh1موهب ويستاهل المتابعه | ||||
08-11-19, 04:08 PM | #27 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 25 كعدت عل صوت عياط امي كمزت من السرير من الخرعه عثرت بلجرجف بس تلكيت الكاع بيدي كمت ركض مفزوعه طلعت من الغرفه لكيت امي دك وتلطم وتملخ بنفسهى حيل مبقى مبيه لحد ماوصلتها يممممه شبيج شكووو بيبيتج ماااااتت ااااامي ماتت اذاني صفرت وعيوني لاارادين جرن دموعهن بيبي خطيه توفت انسانه متدينه وتعبانه عل نفسه بشكل معوقه لاايد ولارجل ولاحتى كلام من تلاث سنوات بسبب الجلطات المتكرره ابجي ابجي ولازمه امي واسراء وياي ونور واكفه هم تبجي اجه ابويه حضن امي ويهدي بيهه وهيه فاقده روحي نمردت عليه ولحضه من لحضات حطيت نفسي بمكانه الله لايكوله الام دنيه والعمر ميهم وحتى وان كانت عاجزه بس نفسه بدنيه كافي امي فاصله عنا ومن شافه ابويه هيج كال بابا كومن جيبن عباته داخذه اسراء ركضت واني متخيطه كباله مدري شبيه يمكن من الصدمه لان جنت نايمه جابت اسراء الجواريب لبسناهه ولفينه شاله وابويه كومهه وكال انت تعالن وياه براهيم اخذه وطلع واني نسدت عل حايط وصورت بيبي بالي ليش الإنسان النحبه دائمه يروح أكثر من مره اني سأله هذا السوال والجواب بي الف عبره وبابا جان يمثلنياه ويكول اذا اخذج لحديقه جميله ومليانه ورود شنو اول شي راح تسوي جان جوابي اكطع ورده اكيد وهوه يوضحلي ويكلي كذالك رب العزه يختار احسن الناس حتى لايطول عمرهم ويشوف منهم سياء تمحي صورتهم الجميله عنده هذا السوال سلته قبل شكم سنه من مات جدو ابوه الابويه الي جان عايش يمنه واني متعلقه بي ومن كلي هيج ابويه أيقنت انو جدو راح يم رب يحبه اكثر مني ومن كل احد نور هزتني وكومتني كالت بدلي براهيم جاينه هسه خابرني رحت غسلت وجهي ويه كل قطره مي تنزل الف دمعه دخلت الغرفه لبست جبه والشال واسراء مثلي واجه براهيم وقفلنه البيت وطلعنا وصلنا بيت خالي والهوسه للضالين بس من مبين هاي الهوسه شفت امي الي ذابحه نفسهه من بينهم جيتت عليهه لزمته وحصنته اهديهه لان موزين عليه وهيه بيه سكر ماباوعت عل أحد ولاسلمت عل أحد ضليت مكابله امي ولازمته وهيه فطرت كلبي من تصيح ررررررررشا هاي امي رشيوه هاي احبه شلون انتي تحبيني ولج يمه من ااااااموت هم هيج تسوين يمممممه اسم الله عليج الله يطول بعمرج فدوه لاتسوين هيج يمه من عمري عل عمرج يمكن ذني كلمات امي هدن كل حيل وجابو بيبي من المغتسل لو امي تمرغلت بلكاع وكلنا ماكدرنه عليها جانت هيه اكثر خالاتي متاثره ومن وراه بسرعه شالو بيبي ويا طلعتهم دخلن انسام وإيمان همزين علمود امي وفعلا لزمنهه وياي وهدنهه وكومناهه عدلنه شاله ولفينه عباته عليه وكعدناه عل صفحه عاد كمت سلمت عل كل ورجعت كعدت يم امي والناس بدت تتوافد والدنيه ليلت والبيت خبصه حطوو عشه محد تعشه ولاضاكه وامي حتى المي متقبل تحطه بحلكه من شفتهه هيج ماعفته كاعده بصفه وراسه عل جتفي يمكن لساعه عشره بليل كلت الإسراء تفرشله وكومته نومته وغطيته وكمت متكسره مادري شكم ساعه صار كاعده جنطي من دخلت نطيته الإسراء رحت أخذته وطلعت فوني فتحته شفت رساله من زيد عل رقم كاتب حبيبتي اني جاى بطريق اتصلت عليه مغلق يعني بعده هناك وماكو تعطيه والرساله قبل نص ساعه اخذت الفون ورحت يم البنات كعدت وره شويه دك عليه كمت من يمهم وجاوبته الووو هلوو مرتي هلو حبيبي شبي صوتج حبي انت وين بطريق جاي توصل بسلامه حبيبتي اشو صوتج مدري شبي شنو مريضه زيد بيبي ام ماما توفت انا لله وانا اليه راجعون شكوت العصر الله يرحمه ويرحم والديك وهسه وين انتي بيت خالي هااا يله من اوصل اخابرج اوك دير بالك عل نفسك ان شالله الله وياك سديته ورحت يم مددت وراسي عل راس امي لزمت اديه بسته عل كيف وتملت ملامحه ووجهه التعبان والكبر ماخذه والتجاعيد بدت تبين بي وكلامه اليوم يرن بذني من اموت هيج تسوين شديت قبضت ايدي عليه حيل وغضمت عيني ماريد افكر مجرد تفكير بذاك اليوم طردت الأفكار من راسي وبقيت مغمضه ونايمه ومادري حتى بدون فراش ماكعدت ال الفجر عل الروشه مالتهم اول شي اجه بالي زيد عززه اني شلون نمت وهوه بطريق شلون امنت ماهمني الوقت راسن دكيت عليه ماجاوب دكيت مره ثانيه جاوب بصوت نعسان عرفته نايم من بحته هااا حبيتي حبيبي اني اسفه اخذتني نومه والنبي شوكت وصلت ليش مدكيتلي عادي حبيبه ادري بيج وصلت ونايم بلبيت نوم العافيه ارجع نام عمري الله يعافيج هلا بيج سديته بس حيل نقهرت شلون عيني اخذت نوم وهوه مواصل باوعت امي ماكو بفراشه كمت طلعت لكيته دتتوضى صبحت عليه وبوسته شفته احسن من البارحه راحت تصلي واني رحت غسلت ورجعت لكيته كاعده وتسبح الحمد الله امي مومنه وستسلمت الأمر الله صليت وبدأ اليوم ناس طابه وناس طالعه واحنا البنات وكع كل البيت براسنه بس الطبخ بره والجاي والمي والمواعين وكلشي علينه بحيث منكدر نعوف المطبخ دقيقه اني يادوب اباوع عل امي وارجع بس الكاه سوده عليه لازمه نفسه وبس الدموع تجري ميخالف اهم شي متاذي نفسه للعصر كالت ايمان تعاي عيالج اجوي غسلت ايدي ورحت لكيت عمتي ونهله جايات سلمت عليهم وكعدت صرت بين امي ونهله كالت هاي من شوكت والله ولا أدري ال خالتي خابرتني الضهر من البارحه العصر يا الله يرحمه واحنا البارحه اوووف جان عدنه حتى مخابرتج كلت خليه ترتاح اي والله هوه جنت نايمه وكعدت عل هذا الخبر الله يساعدكم ويرحمه صدك زيد كلي هسه من نزلنه كليله خل تشوف فونهه اي والله ضامته من وراه الهوسه هوه اجه وياكم اي هوه جابنه خل اكوم اشوف الفون لعد هسه اجيج كمت عل فون لكيت كومه مكالمات من زيد دكيت عليه رفضه وره ثواني هوه تصل جاوبته هلو حبيبي رشا صدك تحجين من شوكت ادك عليج حبيبي اني اسفه والله هوسه وضامه حتى الفون اي ميخالف كولي رجلي وجان بدوام صارله كم يوم ومحاجين اي والله حقك بس تعرف بعد فاتحه ميخالف حبيبتي اني هم الي حق عليج صحيح ان شالله اخلي الفون يمي بعد شلونك مشتاقلك وميت عل شوفتج واني اكثر ترجعين للبيت ليوم لاوين شلون اعوف امي اي عود اني اجيبج أصبح اريد اكعد وياج لازيد ماكدر ماكو مدكدرين ترحين وياي اذبج بلبيت حضري نفسج ززززيد اني شحجيت يله راح اكعد بلفاتحه من اخابرج اطلعي سده ومانطاني مجال احجي ستغفرالله هسه غير فاتحه شنو يريدني ارجع هاي وين صايره شكول الهم شعندي بلبيت اوووف من عنادك زيد ضجت حيل وشلت هم بس ماروح يكلبه عليه وإذا رحت حتى عيب انسام شافتني هيج وسلاتني سولفته ماقبلت كالت لاتعلمي هيج يتحكم بيج رجلج صحيح بس مو لهل درجه مقتنعت بكلامه هاي متعرف زيد شنو عفته ورحت عل نور كتله ترجعون البيت انتي وإبراهيم كالت مادري انوب حرت بدو يصبون العشا وجلبو بعمتي ونهله مخلوهن يطلعن ال يتعشن وبقن وره العشه صارت هوسه المواعين وروشت الناس الدتروح إبراهيم اجاني كلي تعاي زيد يريد البنات سمعنا كله تكومت يم الشباك رحت يمه جان لابس دشداشه نيلي والسبحه بيده ومدنك رأسه عل فون صرت كباله هلوو حبيبي هلو جمبذا تعاي هنا عل صفحه صرنه من جهة الحديقه أخذ من خاطري وعبالي نسى سالفت الروحه بس هذا وين يفوته شي كال يله حتى تروحين براهيم هم حيروح ماعندج عذر زيذ يعني بعدك مصر رشا ليش تناقشين مو من البارحه بايته بعد شكو اي أدري بس شعندي بلبيت مو امي هنا واني رجلج وداكلج امشي سكتت ودنكت رشا لاطنكرين وطلعين خبالاتي الج خمس دقايق تدخلين تصيحين عمتي داخذ من خاطره وتبدلين يله عفته ومشيت بهمه حتى العبره خنكتني ليش هيج ديتحكم بيه ميفكر شنو موقفي كدام الكل ليش يفكر بس بنفسه رحت عل امي كتله يمه زيد يريدني اروح للبيت شتسوين يمه مو كلنه هنا لإبراهيم راح يروح هوه ونور لعد اسمعي كلام رجلج وروحي دكومي هوه بره يريد يسلم عليج كامت واني رحت لبست جبتي والبنات اكلو راسي وين وين وليش راح تروحين واسراء الحقيره هيه الفضحتني تفتر ورايه وتسوي هاي أوامر زيوطي كفخته وطلعت نور هم وياي لكيتهم هوه وامي وعمتي ونهله واكفين بعدين سلموو وطلعوو تمشينه لسيارته وإبراهيم هم اجه صعدوو عمتي ونهله ونور وبراهيم لتفت الزيد كله يابه تره متكفي اخذو راحتكم احنا نروح براهيم اصعد تكفي مرتي هل كدوتهه لاتخلوني اخليهه بحضني واسوق نهله دكله والله انت تسويهه تعاي رشا اكعدي شلون مجان صعدت بس نجعصت خزرته عل عناده رجع خزرني ومشت السياره ذبينه نهله لبيته ال تنفست وصلنا اول شي نزل عمتي وبعدين وصلنا لبيتنه نزلنه وإبراهيم فتح البيت ودخلنا هوه ويانه نور صعدت لغرفته واني رحت ذبيت الجبه وجبتلهم مي وسويت جاي وجبته كعدنه والفون بيدي راسلني اكولج براهيم شوكت يحس بيه ويكوم كاعد عل كلبك ليوم اشو انتي مكيفه لازم بعدج مطنكره لا شبيك ماصدكت من الله تدور زعلات ههههههه خل يكوم اخوج واني اراضيج صدك شويه وكام براهيم واشرلي اجي اكعد يمه تقربت حضني لج مشتاقلج وانتي تردين تبقين غير علمود امي واني حبيبج اي هسه مو اجيت غصبن عليج تعاي عاد سحبني عليه بوسني وبادلتا لأول مره لان اني هم مشتاقتله تخبل حتى كام يرجف ويعصر بخصري دفعني وصار شبهه فوكايه خليت اديه عل صدره زيد شدسوي براهيم لينزل عل غفله مينزل وإذا نزل اني رجلج عزززه زيد وووخر انت شتحجي اااااش اسكتي صار فوكايه ملخ ركبتي واني اهز برأسي وهوه يثبتني بيده كمت ارجف وكل بالي يم إبراهيم هسه يجفت علينه ويلكانه بهذا الوضع غير اطم نفسي دشداشته ضيكه رفعه من يم ركبه تخبلت عبالي شو شراح يسوي كمت ادفع بي كل قوتي حتى هوه تفاجاه بتعد كال شبيج شكو وخرررر شتريد تسوي شمسوي لعد شكو رفعت الدشداشه الله يطيح حضج شكد مخبله جفلتيني والله وين راح بالج رفعته لان ضيكه وذبحتي متقيد بيهه كمت من يمه افرك بركبتي عبالك زنابير وددكرص بيه خليت الشال وكعدت ليغاد منه هاي وين رحتي رشا تصرفاتج مال جهال تره المخطوبين يسون اكثر مني انتي بوسه وبشلعان الكلب زيد ليش تحرجني والله استحي ادري لشوكت ان شالله بلعرس هيج تسوين بيه مادري مادري لاتذكرني دتعاي ماسويلج شي احلف ههههه تعاي جبانه وعيونج ماسويلج شي رجعت يمه كال هسه شنو راح يتاجل العرس موو اي زيد غير لخاطر امي اوووويلي واني وين انطي وجهي ابد مو وكته موتت هاي المره زين احجيلي شكد نضل والله مادري ماكو متدرين رشا تره اني منتهي وواصل مرحله وانتي مدتحين عليه شسويلك مثلا ذوبي بيدي خليني اصبر منا للعرس لاتسويهه عليه فدنوب ههههه والله زيد عندك سوالف اضحكي اضحكي وخليني اني مشتعل اكوم اروح احسلي اكلك اني الصبح اروح للفاتحه روحي يابه روحي بس تره احسبي حسابج ماكو مبيت ترجعين اي هوه باجر اخر يوم احتمال حتى امي ترجع يالله تصبحين عل خير وانت من اهله راح وسديت الباب ودخلت للغرفه اخذت ملابسي ورحت سبحت وطلعت بسرعه نمت من التعب لثاني يوم هم رجعنا للفاتحه جان يوم الثالث والدنيه مكلوبه تعبت تعب مصاير وسمعت هم زيد جاي شويه العصر ورايح لليل فض كولشي وابويه كال يله للبيت رجعنا كلنا حتى ايمان وانسام ويانه بليلته حجيت وياه زيد شويه وسديته ونمت ومن ثاني يوم بدت العالم والجوارين تجي تاخذ من خاطر امي وأكثر شي صدمني اجتي ام سامر من سمعت بيهه تذكرت سامر وكل أيامي السوده وياه امي حست بيه وجبرتني اطلع اسلم عليه كلتلي ماريدج ضعيفه اريدج اقوه من هيج اريدج توصليله فكره بان انتي خلصتي من ابنه ورجعتي رشا قويه اقوه من قبل طلعت سلمت عليه وهيه جمدت عليه حاضنتي وتبوس بس اني جامده يمكن السواه ابنهم غير حتى نضرتي تجاهم ورغم اني ماشفت منهم شي موزين بس مدري شبيه كلبي صار صخر تجاهه وهيه عين عليه وعين عل حلقه كعدت شويه وكمت وهيه هم ماتخرت وبطلعته زين شايفه لو خبلني ليش اجتي وشعدهه وخوما طلعتي عليهه خصمتهه وياه وكتله ماطلعت اعرفه شيفكر اخاف تحجي بيه كدام سامر يعني غيرته مو بنصاف ومرت الأيام جهازي وقفته لان ماعرف شوكت العرس دوامي مستمره بي وزيد هم مرتين لتحق ورجع اني وياه عل تواصل وحبنى زاد وتولعنا بعض من يجي منشبع واحد من الثاني خصوصا زيد روحه صغيره ومن يكون قريب عليه يضل يتكرضم صار ينطبق عليه مثل الممنوع مرغوب كلما نبتعد كلما زيد ينجن بس يستحي من اهلي يفتح موضع العرس وامي كم مره كلتلي يمه بس تطلع الأربعين مال بيبيتج تزوجو الرجال غريب وعيب منا ويحبج جنت ارفض احتراما إلهه واليوم المغرب دنخبز اني ونور وندكت الباب وتفاجاه بزيد داخل علينه جان يوم خميس وامي معزوما عل خميسات بيبي هيه وابويه بيت خالي من شفت زيد خجلت ممرتبه نفسي وميته حر من التنور نفضت أيدي وعفت اسراء ونور يكملن ورحت فتحت الاستقبال ودخلته بس شكله ماعجبني مطير عيونه وجهه يريد ينفجر حتى ماسلم عليه زين زيد شبيك شصاير رفعلي الفون بيده وعيونه مجمره وشفت نفسي بمنضر والقران اني نفسي ستحيت اباوعه غطيت وجهي بيدي من فشلتي ودموعي نزلت واني أتذكر الفيديو هذا نفسه إلي عد سامر النذل بس شجابه عد زيد عوفي البجي وكليلي هذا شنو منين جبته كولي النفسج زيد ليش هيج تحجي وياي شنووو بالك تره هذا الوياي سامر الحقير الله لايوفقه ومنو يكول وجهه ممبين من كال هاي الكلمه عقل ماضل برأسي كمت ابجي بهستريه واللطم عل وجهي واصيح شنوووووو قصدك زيد تشك بيه لو ممصدك هذا سامر ااااااحجي ليششش ساكت مووووو هيج بس داسلج ميحتاج سواااااال خلي يكون بعلمك حتى اهلي وأهله يدرررون بهاي السالفه لعد اني ليششششش مادري هاااااا ليش مادري واني شعليه وشششمدريمي انت متدري زززززيد لاتصدمني ليش احسك ممصدكني ششصدك لا تخبليني ترديني ااااااشوف مرتي بهيج وضع واااااااسكت واني شنووووو ذنبي هوه مصورني انت ليش ماعرف شيدور براسك زززززززيد انت ماعدندك ثقه بيه موووووو بلحضته صفكني راشدي اذاني صفرت واخذ الفون وطلع كعدت منهاره واسراء دخلت عليه تبجي الضاهر سمعت كل الصار من ساعته ومن يومهه وعل الشكل الشفت بي زيد قررت من هذا اليوم زيد ورقه وطويته من حياتي . . . . ااسفه عل تاخير اليوم مريضه وكوه كتبت حتى مادققت البارت . . احبكم اختكم رفل الكناني ❤❤❤ | ||||
08-11-19, 04:10 PM | #28 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 26 كعدت منهاره معقوله زيد هيج يسوي وياي لعد لو مايعرفني شنو قصده من يكولي وجهه ممبين شكد بجيت وملخت نفسي ومالكيت تفسير لتصرف زيد عقلي قفل من عنده والفيديو استحي حتى بيني وبين نفسي أتذكره كمت للغرفه قفلته وكعدت واني بغير عالم حسبي الله عليك سامر ليش مدتعوفيني بحالي اني بشنو اذيتك اسراء كسرت الباب مفتحته واسمعهه تخابر امي وتستعجله تجي فصلت عن كلشي حولي وحنجرتي نبحت من كد مشاهكت مادري شكد مر وقت وامي وابويه وكفو بل باب يدكون بيهه يردوني اطلع اسراء سولفتلهم كلشي وابويه يسب وينعل وامي تتحسب آخر شي ابويه عصب وحلف اذا مافتحت الباب راح يكسره كمت كوه فتحته وأول شي جيتت بحضن ابويه وضميت راسي بصدره وجلبت حيل بدشداشه لمني حيل بحضنه وكال والله لدفنه حي واخذ حق كل دمعه نزلت من عينج كمت اشهك اكثر خلاني بحضن امي وطلع واني اكله يمممه زيد يمممه زيد مدري شنو برأسه وجنه ممصدكني اشششش عوفي زيد هسه تلكي كلبه محترك من الشافه الله لايوفقه لسامر اي والله يمه ماررررريده بعد مدام ماعنده ثقه بيه ماااريده لالاتحجين هيج انتي هسه منهاره ومتعرفين شدتحجين تمسد عل رأسي وتمسح بدموعي ودخل ابويه لازم براهيم من ايده وإبراهيم يكمز يرديه يهده وابويه يكوله اكوف خل نشوف زيد من سمعت بسما نهضت وكمت أصبح لاتجيبون طاريه معليكم بي انتو اخذو حقي اعيط واملخ بشعري وكعدت من طولي ومادري ماحسيت ال واني بلمستشفى فتحت عيوني الي بعدهن يجرن واحس حركه بكلبي مو طبيعيه اجه الدكتور وشافني كال نهيار عصبي وهسه زينه تكدرون طلعوه كومتني امي وابويه يمشي كدامنه ورجعنا للبيت اول ماوصلنا لكينه إبراهيم واكف بل باب سندتني امي ونزلتي وهمه دخلو ورانه ابويه يكله هااا شسويت وإبراهيم يجاوبه اي أثر السامر ماكو لاهوه ولا زيد بس هذا الشي سمعته وامي نيمتني بسريري وغطتني لحضات وغفيت وبعد مادريت غير نص اليل كعدت لحيلي وراسي بين رجليه ونعاد الصار اليوم كله كدامي كمت ابجي بخنيك واسراء حست عليه كعدت من نومه كبالي رشا عيني شمكعدج بهذا الوقت اروحلج فدوه لاسوين هيج بنفسج والله العضيم هسه يأخذون حقج بس هدي نفسج ليش هيج يسوي سامر لج صرت هل كدوتني كدام زيد لوميته ولا شايفه روحي بهذاااا المنضر والله والله العضيم ليصكطه زيد اصلا من البارحه براهيم يدور عليهم ثنينهم ماكو اااااسراء انتي ماشفتي زيد شلون يباوعلي مشفتي نضره عينه ماسمعتي شنو كلي لج راح اموووووت والله راح اموت من النار البكلبي تريدن هاي النار تطفى والله ياخذ حقج اي كومي هسه توضي وصلي وارفعلي ايدج لرب العالمين وشوفي شلون راح ترتاحين والله يبرد كلبج مدتلي اديه كومتني للمغسله توضيت ورجعت لبست الازار وهيه فرشتلي السجاده وبديت الصلاء والدموع تنزل ويه كل كلمه انطقهه بحيث سجدت وختنكت بعبرتي وشهكتي وماكدرت أنطق غير حسبي الله ونعم الوكيل بقيت اردد بيهه لحد مغافيه عل سجاده وماكعدت ال ضوه الصبح دخل للغرفه فتحت عيوني لكيت نفسي عل سجاده كمت لفيته وخليته بمكانه وسمعت دكت باب الشارع طلعت من الغرفه وابويه طلع من غرفته صبح عليه وتوجهه للباب يفتحه اني بلحولي والساعه صارت كبالي باوعته 6ال خمسه تمشيت للمطبخ شفت زيد وابويه يشرله فوت جوه باوعت عل شكله بملابس البارحه وشعره مخربط دخل للستقبال وابويه اجه كال بابا سووي جاي مكدرت اتحرك ولابالي يم اي شي غير شكو من الصبح وليش هيج شكله وين جان رحت كعدت اسراء علمود الجاي ورجعت كعدت عل درج براهيم نزل بدون كلام دخل للستقبال وامي طلعت تاشرلي شكو واني اكله اوكفي خل نفتهم اجتي كعدت بصفي وبديت اسمعهم وينك من البارحه شكد دكينه عليك عمي سامع شنو موته اني سامر موته جنزته هاي اليله المرت عل مسلمين مامرت عل سامر جنت متأكد والله وكلبي حاس حتى ال براهيم كتله زيد تره لايتنضرك ولا ينتضرني براهيم صاح هسه وينه وديني عليه جاوبه زيد مخلي العباس عليكم لحد يسلني عل سامر انت اخوه صحيح وانت ابوه وعل راسي بس اني رجله ومحد ياخذ حق رشا غيري غير تفهمنه شراح تسوي يابني عمي بس سولفلي سالفه هذا الفيديو من شوكت وانتو تدرون وشسويتو إبراهيم .... زيد حتى انت تدري اني مستحيل اني اصلا مصدوم هسه شلون متدري مو رشا بيوم العركه من نهزمت وردت اروح عليه كالت عوفه مصورني وخاف بفضحني موانت واكف ماتذكر ولابالي اني لو ادري اخلي عايش ابو براهيم .... اني هم سويت كعده بوكته بس علمود هذا الشي واجه شيخهم وتعهدى كدامنه بان أي فضيحة تصير سامر ينهدر دمه والعشيره متبريه منا يعني هذا الكلام مو اكد وشيخهم شيخ لو من ذوله لخرطي لا زيد الشيخ العام مالتهم خوش لعد عمي عندك رقمه اي عندي من وكت المشكله خابره وكله احنا اليوم خطار يمكم غير تفهمنه ليش عمي هوه مو ناطيك كلمه هسه نكوم نروح لبيته تسولفه كولشي والعصر احنا وياهم نسوي كعده هنا والشيخ يتبره منه كدام الحاضرين والباقي اني اتصرفه حتى بعد محد يداعي بي زيد شنو براسك فهمني ابني عمي القرآن عليك تسوي مثل ماكتلك ماشي خابر ابويه عل شيخ وطلع بدل وبراهيم هم وراحو دخلت للستقبال صينيه الجاي عل حطتهه والستكان بيهه مشارب قطره منه بس النفاضه ومليانه جكاير كعدت وأيدي عل رأسي وماعرف شراح يصير لاساعه ولااكثر وهمه ماكو دكت العشره ودخلو بس ابويه وإبراهيم براهيم معصب تره زوده شنو ميكلي وينه مسوي نفسه بس هوه رجال أنت ليش مخليتني اعاركه عيب ابني انت شفته شسوه بيت الشيخ مو حتى الشيخ سكته وصفنه براهيم زيد رجال امن وحق أختك ميروح مدام هوه وراه ادري يابه واني مكايل شي بس يغير يدليني مكانه اصبر هسه يجي العصر ونشوف شلون تصفه هاااا صالح شسويتوو والله يانضال شحجيلج شيخهم ادمي وماقبل عليه وكال اني متبري منا وايدكم الكم بس زيد نجر كله شيخ العصر الكعده بيت ابو براهيم تجيب اهله وكل كرايبه وطلعه من العشيره كدام الكل حتى نتصرف اسمع وبعده كلبي مابرد اريد اشوف التالي رغم اني اعرف سامر من البارحه يم زيد وبين اديه والله اليعلم شسواله نور واسراء حضروا الاستقبال فرشنه ورتبنه للكعده واني روحي ممروده من القهر للعصر استغربت ابويه مخابر عل أحد لاعمامي لا ولدهم سالت امي وهم متدري راحت سالت ابويه وجاوبه نضال احنا نشهر بنتنه عليمن ادز عل أحد اني وبراهيم وزيد كافين احنا شنريد قابل بس يتبره منه وراه زيد يكول اني اتصرف صالح شكو برأس نسيبك ماعرفت ليروح يموته خلاص ويبتلي انوب من البارحه يمه هسه تلكاه موته حيل بي لعد أعراض العالم شويه يستاهل لهناك وكالو اجوي واسراء تجر بيه كومي شوفي زيد كتله عوفيني مالي خلك نفسي عل درج ماكدر اكعد اسمع لان كل شويه فاتحيه باب الاستقبال وساديه اضطريت اكعد بلمطبخ ودادكرضم لان مداسمع شي ساعه كامله وبدو يطلعون وكفت وره الباب اني واسراء ابويه وبراهيم وزيد واكفين وفوك العشرين زلمه طلعوو وديسلمون عيني صارت عل زيد لابس دشداشه بيضه بس وجهه بعده مكلوب مكدرت ابقى اكثر عفتهم ورحت للغرفه وره شويه كعدت واسمعهم يسولفون عل كعده والي فتهمته خلص متبرين منه اجاني أشعار عل مازنجر كمت فتحته وشفت فيديو خلاني اباوع وعيوني تجري سامر مربوط من اديه ومصلخ بس بلشورت وجسمه ميبين من الدم ووجه ماعنده وجهه كله عباره عن بقعه زركه والتعذيب مستمر عوده ماعرف شنو بس تلامس جسمه يضل يرفس الايد الدتمد العوده عرفته ايد زيد من المحبس وصافنه واباوع ومندمجه ووكعت من طولي من سمعت صوت طلقتين عبالي موته كمت اصرخ لالا عل صوتي اجني البنات وابويه هم اجه شايل فونه أعتقد جان ديباوع هم مثلي امي تهز بيه ودكلي شبيج وابويه يكلي حيل بي يستاهل اي بابا يستاهل بس متوصل للموت اني عصفور اشوفه ميت اخترع مو عاد بشر لايموته خلي هوه الله يجازي العار ميموت لاتخافين هاي الطلقتين برجله نيشان حتى من يباوع عليهم يتذكر وراج ضهر وميدكر بيج بابا الله عليك صحيح اي والله باعي الفيديو زين بتعدت ماريد اباوع كلشي اني خوافه ويني وين هيج اني من طاري الموت اخاف مو عاد اشوف واحد يموت احد كدامي البنات وامي شافوه وإبراهيم دخل مبتسم ابويه كله هااا اشو مكشر يابه غير شفته مو سامر والقران امشي اسمع صوت العياط بيتهم هاهيه خلي هذا جزاء بدينه وبعد الله ياخذ جزاء بلاخره ضلو يحجون واني شبهه هديت رتاح كلبي من شفت سامر بهذا الفيديو عبالك نوخذ حقي من يوم التزوجني لحد الان بس تبقى نغزه زيد وسوايته دك بكلبي بيومهه مارحت للدوام لثاني يوم بينت عليه الهبطه ودكني المرض زيد مااجه ال وره 3ايام من هذا الصار وماطلعت عليه القهرني ابو سامر هم اجه وبجى بجي مصاير هوه وحاضن ابويه ويتعذر وابويه يكله مابيني وبينك صداقه ابنك دمر بنتي تزوجه وعذبه وخلاهه تدمن وأخيرا يفضحه وهوه يجاوبه والله هسه مكرم وكاعد بس سامحني اني خطيت بنتك بركبتي اني الي خطبتهه وزوجته نهاهه ابويه بان الله ليسامح واتفضل اطلع بره شكد نقهرت عل شكله هوه رجال جبير بس شيسوي الابنه مريض نفسي لامحال وآل اكو عاقل هيج يسوي امي تسألني عل زيد واجاوبه لاتجيبين طاريه واليوم بليل هم اجه رفضت اطلع عليه بعده النار بكلبي منه ماطفت راسلني غلقت الفون نهائي اجه براهيم كلي زيد يريدج كتله كله نايمه وفعلا كمت طفيت ال ضوه وتضاهرت بلنوم وضغطت عل روحي حتى مااضعف واطلعله امي وكفت فوك راسي رشا شبيج اكعدي تره ادري بيج كاعده شنو سالفتج ويا زيد يمه وخري مني وعوفيني زيد ماريده بعد لاوالله صدك دكعدي اكعدي متريده مو احنا دنلعب كعدت لحيلي وخنكتني العبره وصحت يممممه عوفيني انتي متدرين شسوالي يمه زيد حتى ضرب ضربني لوتعوفيني لوهسه اطلع واشمر الحلقه بوجهه انجبي صوتج كل السواه مااجه لعينج لعد منو اخذ حقج الله يمه الله سبحانه وتعالى هوه اخذ حقي انتي بعدج تعبانه نامي وبعدين نحجي طلعت وطبكت الباب واني كعدت ابجي من كلبي منضر زيد مديروح من بالي بذاك اليوم وماكدر انسى واتجاوز السواه ضليت متزوهه لنص اليل فتحت الفون لكيت رساله رشا تره اني هم حقي والله عقل ماضل برأسي عفتج حتى ترتاحين وماحجينه لان اني اعترف غلطان بس تعرفيني أعصاب ماكد اتحكم بيه وهسه هم راح اعوفج بس امانه لاتجافيني هواي والله مااتحمل بعدج ادعيلي اني الفجر ملتحق جمبذا احبج قريته وطكيت بجي لااكدر اسامحه ولادانسه الي سواه للصبح ادموعي مانشقت بقيت عل هاي الحاله سبوعين وزيد بدوام وفوني غالقته نهله سولفتله دكلي ثنينكم حقكم هوه رجال وماتحمل الشافه وانتي هم موقليه عليج تحسينه يشك مجرد شك بيج ضليت ضايجه ومتكابه وملي خلك الكلشي حتى الابعين مال بيبي صارت مارحت واليوم جنت اتصفح بلفون وغافيه هيه يمكن دقايق وحسيت أحد فتح الغطه وصار بصفي كفختني ريحته غمضت اكثر وراح بالي يم زيد وكلبي خفك هاي ريحته دخلت بريتي اني حلمانه لو مشتاقتله وديصير هيج . . . . . .هذا ريوكم لحد يكول قليل وقصير😆 . احبكم اختكم رفل الكناني❤❤❤ | ||||
08-11-19, 04:13 PM | #29 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 27 زيد....... اخذت رشا بعد كل هاي المعاناه الحمدالله عقدت عليها وتولعت بيه اكثر رشا بنضري شي ثمين وكوه حصلته وعل شلاع الكلب الشفته كمت ماتحكم بنفسي من اكون قريب عليها ومن ابتعد منها احترك حرك شي واحد اني ضايج منه هوه غيرتي اغار عليها غيره موبنصاف شكد احاول اضبط نفسي بس ماكدر رغم أعرف مرات الغيره الزايده تسبب المشاكل حتى شغله ويه نهله عل اعصابي هم ماريد اضغط عليهه وهم عيب من نهله جنت مفكر بلتدريج أقنعه تعوفه وهم زين ابو الخط رجال جبير جان هم سويتلهه سالفه من صارت دعمت السياره ماانكر منقهرت لانقهرت لان السياره حديثه وبذاك الحساب بس بنفس الوقت الي حيرني منو سوه هيج اني ماعندي لاعداوه ولاختلاط بلمنطقه ولااني شي بدوله حتى يذوو وليش ال بيوم خطبتي بالي شمر عل سامر بس مالكيت دليل رغم مخليت شي مسويته حتى اكو بيت مخلي كامره برأس الفرعه رحت عليهه وطلعنا لتسجيلات وهم مالكيت شي يخص الدعمه والبيت أصلا بعيد عل بيتنه وكل السيارات الفاتن بذاك اليوم ميرجعن من نفس الطريق لامنطقتنه فروع والدعمهه يكدر يخلص من اي فرع يطلع بي عديته بس مانسيت وراحت الأيام جنت اريد العرس يقرب ومقرر بقرب وقت اسوي بس صارت وفاه بيبيت رشا خربت عليه الأول والتالي ضجت بس مابينتله ومخليته تبات حتى بلفاتحه خصوصا جنت اشوف البيت مليان شباب طابين طالعين وين تغمض عيني وهيه هناك مارتحيت ال رجعته اكثر شي جان ينرفزني برشا برودهه وفطاريتهه من اكعد يمهه مااتخيل هيه متزوجه قبل كلشي متعرف حتى البوسه متعرف تبادلني مرات تتخربط حاولي واني رجال ماسيطر عل نفسي يمهه بس متفهم عليه معقوله متفتهم لعد شلون مزوجه مرات افسره تستحي واكول خليهه هيج احسن تتعلم عل ايدي بس دتعبني ومع هذا متحمل اليوم يمي جاسم اجاني عل اساس نطلع اني وياه يريد بشتري سياره كتله ابدل ونروح صعدت لغرفتي بدلت ونزلت عل درج واجاني اشعار فتحته اني وانزل و ياريتني مافتحته فيديو ال رشا وكف حتى شعر راسي رشا بمنضر ما اكدر حتى اوصفه الدم صعد برأسي وكمت دربي ماشوفه بدون شعور نزلت وشغلت السياره وجاسم ورايه صعد ومادري ولابالي يمه شخطتهه لحد بيتهم دكيت الباب ودخلت حسيتها متفاجاه بيه ستقبلتني ودخلنا أول شي سويتها شوفته الفيديو راسن غطت وجهه وبجت تصرف مال وحده شايفه هذا الشي قبل وحركتني حرك من كالت هذا سامر الوياي كتله منو يكول وجهه ممببن جان قصدي من هاي الكلمه انو اخاف هوه مفبرك المقطع ومخلي غير واحد بس هيه فتهمتني بغير قصد وتهسترت وكامت تخرط متحملت ضربته وحتى لا اسوي الأكبر عفتهه وطلعت بس بعد اخذت الاوكي هذا سامر لان كلام رشا طابوو ومستحيل أشك بيه لو بكد الشعره رشا اعرفه واعرف أخلاقه هيه الي متنطي مجال واني رجله طلعت طاير للسياره فريتهه وكل الي بالي سامر وشراح اسوي بي جاسم خطيه يريد بس يعرف شبيه مكتله رشا عرضي شلون انطي بيهه كدام الغريب فكتله عرفت الدعم سيارتي واريدك وياي كلي وياك للموت رحت عدل وكبل لمحله لملطلط دخلت اني وجاسم من شافنه ضل يتبلعم اشرت الجاسم يسد المحل ومن سده خمطته بوكسي دوخته وكع بلكاع جريته من ياخته كلته راح نطلع صوت واحد يطلع منك ادوس راسك بسياره وادفع فصلك عل قندره خنس وكلمه ماحجه طلعته وصعدته بسياره واخذته لبيت ولد نعرفه عايش وحده فهمته يعوفني يوم واحد وشيريد انطي خطيه مكال شي سلمني المفتاح وطلع اول مدخلت سامر كتله الجاسم توكل ماقبل كلي ماعوفك وياك كتله لعد تبقى بره قفلت عليه الغرفه وطلعت التصوير شوفتلهيا نكر موهوه مثل متوقعت بس ماصدكته دكيت عل نفس الرقم الدزلي المقطع رن بجيبه هنا بعد ميحتاج يشرحلي ولااني اتحمل منه كلمه لزمته زوعته حتى العافيه خلينه حتى عل دعمت السياره يعترف بحيث حتى اني تعبت من كد ماضربته وراه طلعت وصلت جاسم للبيت وفهمته هوه الدعم سيارتي وهوه طليق خطيبتي انطاني العذر لان اكل كلبي طوخته واذيته واليش مهديته ال كتله هيج ال سكت وهم رجعت عليه للصبح اكتل بي وكلبي مابرد كل جكاره اشربه اطفيهه بي وكل ماتذكر الضربه الضربته ال رشاء اكوم واضربه عداله وكل ماتخيل شديسويله بلتصوير اكوم اموته تموت حتى بلكهرباء صعقته واخر شي رميته طلقتين برجله وعفته و طلعت جان ماعندي مانع يموت طبه مرض توجهت لبيت رشا واخذت عمي ورحت لبيت شيخهم سولفناله بماء انزلت كال ايدكم الكم جاوبته واني مانتضرك تنطيني الأذن بس اريدكم اليوم تكعدون بيت عمي وتردون اعتبارهم من شافني هيج احجي بدون تردد وافق للعصر كعدنه وتبرو منه وماقهرني غير ابو رجال ادمي حرامت هذا ابنه من باوعت عليه تمنيت سامر عايش وممات بس لخاطر هذا الشيبه وأول مطلعوو وفضت الكعده اخذت السياره ورحت عل مكان لمخلي بي لكيته فاقد الوعي تلمسته بي نبض سحلته واخذته ذبيته باب بيتهم مثل الجلب وعفته بعد شصار ورايه مادري اني جنت مصوره دزيت التصوير ال رشا والعمي وال براهيم الي جان زعلان مني لان مادخلته بهاي الشغله والصراحه اني ماردت أحد يستفرد بسامر غيري حتى وان زعل ابراهيم بسلوبي عرفت اصالحه وسديت السالفه من يمي ومحد دره بيهه حتى اهلي امي تشوفني مقهور وضايج تسألني شبيك اطلعله عذر وتسكت هسه اجه دور شلون اصالح رشا التعبتي وبهذلت احوالي لامن اروح تطلعلي ولاتفتح الفون حتى احاجيه قفلت فدمره اول بدايه خليته عل راحته كلت تهدا بس طولت واني ماتحمل رحت وطلبت من عمتي ادخل واحجي وياه كالت نايمه كتله ميهم اني اكعدهه دخلت عليه يمكن توهه غافيه والفون عل صدره فتحت الغطه ونمت بصفهه ماحست عليه بست رأسه بهدوا وكوه مصبر نفسي لان مشتاقله بكد رحمه الله وهم ماكعدت نزلت عل شفته وطبعت بوسه عل كيف راسن فزت ..... رشا ..... من عطره كفخني عبالي حلمانه بقيت نايمه وماحسيت ال عل شواربه من لامسن شفايفي فزيت ولكيته كدامي خزرته وداكوم ثبتني بيده وقيد اديه وووخر انت شدخلك غرفتي هيج تحاجين حبيبج لاحبيبي ولا اعرفك بعد الي صار ليش جمبذتي لاتحجين كلمه بلحضه غضب تحرك كلبي ليش خايف عل كلبك لعد ماخفت عل كلبي من تهمتني عكد حواجبه وخزرني وكال منووووو تهمج نفضت نفسي منا وكعدت نلزكت بلحايط وهوه هم كعد عل طارف الجربايه كتله زيد لاتغشم نفسك تضربني وتشك بيه وهسه تسوي نفسك كلشي ممسوي ضربتج صحيح من نار كلبي بساعته بس بلعباس ماشاك بيج ولالحضه لاتحلف بلسانك كتلي منووو يكول هذا سامر خل يكون بعلمك هذا سامر ال صدكت ول ماصدكت والشفته قليل عل جان يسوي بي بعدني ممكمله جيت عليه صم حلكي بيده اشششششش كافي اسكتي لاتجيبن طاريه عل لسانج انعل ابو لالخلفه وووخر هد ايدي واطلع بره انت موتتني اني وياك منتراهم اني مطلكه وألف مره كتلكياه يعني شتتوقع من جنت متزوجه شجان يسوي وياي اذا انت هيج تغار ليش رايدني عوفني خنكتني لاطلعين لاطبين لاتلبسين ليش الفون مشغول وياه منوو جنتي تحجين كافي اني ماتحمل مااااااتحمل من كتلج منو يكول هوه هذا جان قصدي اخاف مفبرك المقطع انتي ليش متسرعه لاممفبرك سامر مريض ومكبسل ويشرب وكلشي أتوقع يطلع منا وانت بدال متوكف وياي وتعيني عل الصدمه الشفته تضربني وتجرحني وتطلع رررررشا كافي عاد تحملتج هواي خلي الله بين عيونج اني رجال وشفت عرضي بهيج موقف شيصير بحالي موزين بقيت مسيطر وكدرت اتوبه واخلي عبره لكلمن يفكر يفضح عرض العالم تره اني بشر دم ولحم واحبج لامو احبج اني اتنفسج شلون يضل عقل برأسي واني اشوف هذا العار لازمج وااااني ماريدك بعد الضربني وشك بيه اليوم باجر يعيده اني تعبت من حياتي عوفني ماريد احب ولااريد اتزوج حرام عليكم الشفته مو شويه حسووو بيه جنت احجي وابجي وهوه عيونه دم ويباوعلي مركز كال وهسه شنو تريدن عوفني ماكدر تتعلم رشا كافي الله عليج تره اذا طلعت منا بعد متشوفين وجهي بلعباس التحق وبعد ماارجع مالي علاقه بيك هذا اخر كلام موووو اي كام وكف مسح وجهه ومشى وصل للباب واني حطيت راسي بين رجليه وكمت ابجي رجع وكف فوك راسي اعرفه ميتحمل جمبذا محجيت جمبذتي كافي تره مردتي كلبي مجاوبت بداعت زيد باوعيلي آخر نضره رفعت راسي والدموع مغوشه عيوني فتحلي اديه ثنينهن بعد ماكدرت جيتت بحضنه عصرني حيل ويبوس برأسي احبج والله واموت عليج وماكدر بلياج ياروح زيد وعشيرته جمبذتي لاتقسين كلبج هيج تره ماتحمل والله اني ميت بيج مجلبه حيل بفانيلته وابجي همس بذني جمبذا والعباس احبنج بتعدت وهوه يمسح بدومعي كعدنه وسحبني بحضنه بوسني من عيوني وجهي كله وصل الشفتي اخذه بحلكه ونومني عل ايده جان مثل واحد عطشان وديرتوي طلعنا شوك هاي الفتره كله جسمه كله يتجول عل جسمي واديه مغروسه بشعري بتعد ذبلان وعيونه تلاكت همس جمبذا بعد مااتحمل وماريد يصير شي جديد يااخر عرسنه اكثر الله عليج خل نتزوج محجيت جمبذا كافي مو تصالحنه وعيونج بعد ماعيده وأيدي النمددت عليج عساهه بلكسر خليت أيدي عل حلكه وكتله اسم الله عليك لادكول هيج لعد شكلتي عل موضوعنه زيد وامي عيب منها مصار هواي من طلعت الأربعين مال امه ماعرف رشا تصرفي خلي ام علي ايمان تحاجيه اني بعد ماصبر شوفي جسمي شلون مجمر عليج ووخر تره جعصتي هههه لج انتي مومال رمانسيه جويسم يحس بيه وانتي متحسين عود داشرحلج حالي بس متفتهميين ال افهمج بلقلم العريض ال دكولين زيد خل نزوج دروح احضن جويسم لعد حجيته وكمت وهوه هم كعد عدل نفسه مسح وجهه ورتب شعره كح مرتين وكال هاهيه يله افتحي الباب داطلع يالله شكد فقير وثكيل اليشوفك ميكول شجنت تسوي هسه احم دفتحي الباب عاد ليسمعج يكول محصل شي فتحته وطلعنا يبووووو شكد فقير طلع مدنك وكعد بلستقبال اباوع عليه شكد رزن ولا عبالك هذا الجان بلغرفه رحت غسلت وجهي ورجعت غيرت دشداشتي شفت بصمته عل صدري رحت اتحرش بي كعدت كباله وامي كاعده بس باله يم التلفزيون راسلته يممممه شنو هذا العقل ههههههه تره انت مسوي جريمه لاتسوي نفسك فقير هسه اشوفه الامي والله اني رجال وانتي مرتي وإذا بيج زود وصدك انتي مره كليله يعني متصدك اني اسويه والله اذا دكدرين لا تقصرين طفيت الفون وصحت يمه خزرني هااا يمه يمه ماشفتي اليرمونت لاوالله اني هيج داباوع بسرعه دزلي هاااا جبانه ههههههههه اموت عليج وعل سوالفج جمبذا كام ديروح واجه براهيم وابويه وجلبوو بي عل عشه كعد بس لبس غير وجهه لاباوعلي ولاعبرني هذا طبعه بوجود أحد ضل مندمج وياه ابويه ويسولف وتعشينه وكملنا ال طلع بره ال فك تره ماعرفتك كل ساع وجهه وعيونج هوه وجهه واحد بس الكلشي احترام من نكون وحدنه شي ومن يتواجد أحد شي ثاني فديت الثكيل اني اخذ بوسه خاطفه وراح كال نكمل كلام بلفون دخلت لكيت امي وابويه يحجون بلعرس خطيه امي كالت هاهيه الأربعين وطلعت كملو اجرات زواجكم مريد شي بعد يعطلنه من تطول تعرض فرحت ورتاحيت لان طلعت منها مو منا اخاف نزعلها وبلغت زيد كال من باجر بلشي كملي الجهاز واني راح اجيب الغرفه وفعلا من ثاني يوم بديت أجهز وبضرف أسبوع كملت كلشي بس ابويه طلعلي بسالفه لاعل بال ولا عل خاطر. . . . . احبكم اختكم رفل الكناني ❤❤❤ | ||||
08-11-19, 04:20 PM | #30 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 28 بعد ماكملت جهازي من كلشي ومنتضره زيد ينزل من الدوام حتى نشتري الغرفه صاحلي بابا وطلعلي بسالفه لاعل بال ولا عل خاطر بنتي اني اريد راحت بالج والصار بينه وبين بيت ام زيد موقليل والصراحه اني تعبت ومالي خلك تجيني وراه العرس لو زعلانه لو اشوفج مامرتاحه ومدام بعدنه بدايتهه اني اكول لو تسكنون وحدكم افضل هم انتو ترتاحون وهم اني اكون مطمن عليج بأن انتي ورجلج مرتاحه وزيد يحبج راح يسعدج ان شالله بابا يحجي واني بس اهز برأسي أي ممتعلمه لااجادله ولا اناقشه نصحني هواي وكل كلامه صحيح اني متأكده بس الوقت مو مناسب وزيد مستعجل مستحيل راح يقبل ضليت حايره وحتى امي ايدته وماكدامي غير حل بعد لازم اكول الزيد خرب وهسي من كلشي وصفطت وكعدت منتضرته واليوم موعد نزوله كل ماينزل بليل يجيني رتبت نفسي عل آخر بس شايله هم اجه وكعدنه وطلع فونه يشوفني الغرف حتى اختار واني محتاره شلون افتح الموضوع آخر شي كتله حبيبي سوال كولي عمري احنا وين راح نسكن حبيبتي بيت اهلي غير اني عندي غرفه فوك وصحيات وكامله بس بابا ميقبل عكد حاجبه وضيك عينه وذب الفون عل صفحه وكال شنو دنكت رشا اشو ددكطمين بلحجي احجي وفضيني زيد بابا ميقبل نسكن وياه اهلك وخير ياطير شبيهم اهلي اني شعندي بلبيت هوه امي وابويه وميس سحر تجي خطار وتروح ماعرف والله اني هم تفاجأت من كلي رشا كلش موكته هذا الحجي اني نازل هاي المره مجاز أكمل كلشي ونتزوج غير هذا الحجي ماقبل واني شبيدي حالي من حالك ضليت لااخذ ولاانطي طبعن هاي سوالف نسوان الله عليج امج ماله ايد بهاي السالفه يعني موهيه خلت هاي الفكره برأسه لاوالقران زيد بابا ملجوم ورجال جبير وتعبان يفكر بينه وبلزغيره والجبيره واني ماعوف اهلي وصلي هاي المعلومه الاهلج وجهزي نفسج هل سبوعين اني ماخذج زيد ليش تحرجني وتخليني بهيج موقف خل نتفاهم ونشوف حل حليش مدكليلي من كلت هاهيه كملت وراح تتزوج يطلعلي عمي صفح انسي هاي الفكره حجاه وكام شال فونه والجكاير هاي وين راح تروح اي راح اولي ضجت وطلعت حتى روحي اني جاى من الدوام ابويه مشعول وكل فكري يم العرس وشلون افضه هسه تطلعلي سالفه لبيت زين اكعد خل نتفاهم شغل جكاره ومشى واني كمت وراه كال ماكعد ولا اتفاهم ابوج عنده سالفه يدز عليه ونحجي بيه وهم مراح اوافق شنو جايني يوميه بحجه عمي الله يساعدج خلي اهلج يكولون يابه تره مننطيك حتى أعرف أتصرف واخذج غصب ونتهت زيد ليش تحجي هيج انت تعرف بابا شكد يحبك ويحترمك بس ابقى اني بنته ويخاف عليه ويريد راحتي واني رجلج ومحد يكدر يمسج بوجودي لااهلي ولا غيرهم عافني وطلع انوب متت قهر رجعت للغرفه كعدت دايخه ومسطوره دخلت امي عليه هااا يمه راح رجلج اي يمه راح لعد شبيج ضايجه يمه زيد ميقبل عل سالفة ابويه يكول اني ماعوف اهلي قابل وين عايفهم يشوفله بيت اهنا بلمنطقه قريب ويكعد مستحيل يمه ميقبل تخبل من كتله يمه احنا غير عل مودكم قابل شخاش بجيبنه وانتي بنتنته نريدج تطلعين منا واحنا مامنين عليج يمه بس موكته انتو حجيتو متأخر احنا علساس نحدد موعد العرس مدامج بعدج بيتنه ليش هل ستعجال تره تندمين ياامي مادري يمه مادري اني دخت وزيد رافض مادري شلون راح تصفى خلص مدام كتيله زيد رجال هوه يعرف شلون يتصرف لاتشيلين هم لو شنو احجي مراح يفهموني لان ميعرفون زيد شنو من يقفل هاي الشغله اخذت كل تفكيري وزيد بيومهه محجه وياي الثاني يوم دزلي صوره غرفه دياخذ رأي وراه خابر هلووو جمبذا هلو حبيبي شلونك تمام انتي شلونج الحمدالله زينه شفتي الغرفه اي شفته حلوه عحبتج اي عليهه يعني احجزهه زيد وموضوعنه هااا رشا رجعنا زيد اني شعليه غير ابويه ستغفرالله هسه وينه ابوج بلبيت اي سدي اني جاي اتفاهم وياه طبكه واني ضليت حسبه تاخذني وحسبه تجيبني هااا اخاف ميتفقون هااا اخاف يتعاركون يبووو كمت احلل وافصل بكيفي وره ساعه اجه زيد وكعد واني هم كعدت وابويه موجود وبدا زيد يحجي اامرني عمي شنو موضوع البيت الكالت عليه رشا مايمر عليك ضالم ابو الزود بس هذا الشي المصلحتكم من البداية حتى ترتاحون عمي انت تدري بيه اني وكت ماعندي وحتى هاي الاجازه أخذته علمود العرس بصراحه انت فاجتني ليش مستعجل وليدي اشترو راحت بالكم قبل كلشي عمي اني ماعندي شي تريد بيت من باجر اكعدهه بااحسن بيت بس اني ماكدر اعوف اهلي ناس كبار وماعدهم غيري واني وحيدهم وإذا عل سوالف النسون والغوه اني موجود وليدوس الرشا عل طرف حسابه وياي مو ويه أحد اني ادري بيك خايف عليه وهذا الشي من حقك بس يمكن بعدك متعرفني وماريد امدحلك بنفسي خلي الأيام هيه تثبتلك كل الي أريده منك توكفلي وكفت اب وتعديلي سالفت البيت حسبني مثل براهيم تقبل براهيم يعوفك انت وعمتي ويطلع وانتو ماعدكم غيره والله ياابني كلامك خجلني بس ثق بالله اني عل مودكم والله يشهد عليه وماعندي بيهه شي ولا عندي غاية ولااريدك تعوف اهلك بس كلت تسكن قريب وتشتري راحت بالك ادري بيك انت هم ابويه الثاني واني اوعدك اذا رشا بيوم من الايام شكتلك من اهلي من ثاني يوم اني مطلعه واني الممنون بعد شريد احجي انت رجال والنعم منك وماعندي شك بكلامك انت معدل كول وفعل بابا رشا سمعتي اني لمصلحتج وهاي كدامج الحجي اذا موافقة عل كلام رجلج كولي واذا تردين بيت وحد هم كولي قويت نفسي لخاطر زيد وكتله يابه مثل مكال زيد اكعد وياه عيالي ماعندي اي مانع هاهيه انتو اعرف بعد العليه سويته حتى اطلع من خطيتج فد مره مدام هيج عمي لعد اني اريد العرس بهل سبوعين اذا ماعندك مانع لايابوي اني شعندي بكيفكم سو الي يريحكم والله يوفقكم رحمه الله والديك عمي الله يطول عمرك والديك وليدي من رخصتكم اخذو راحتكم اتفقو عل كلشي والله يسهللكم كام ابويه واشرلي اكعد بصفه اجيت وقبل مااحجي أخذ بوسه وكال هاااا هسه فرجت اي لعد شبيك جان من البداية سويت هيج والله جنت متفاجاه وبنفس الوقت ضجت حيل بس كلت اواجهه احسن واحجيله العندي ويحجي العنده خطيه بابا والله غير علمودنه اروح فدوه الج والبابا اني هم خطيه تره صارلي كومه طاكني الجفاف دتعاي دادربج عل عرس من هسه اذا بقيتي هيج حتى للمحموديه مااخذج 😕😕😕شسوي للمحموديه ههههههههه باليله العرس تعرفين لااشو ال هسه بس لا شهر العسل تريد نكضي بلمحموديه هههههههههههههههههه اموت عل فطاريتج زيد احجي عاد اني معليه انتي اصريتي احجي لعد اسمعي ممم هذوله حجي وحجيه ناس كبار بلعمر راح عليهم الوكت فلحجيه متصبر اكلت راس الحجي روح دكتور وروح دكتور هوه الحجي عطلان بس من ورا ملحت الحجيه راح يم الدكتور سولفه الدكتور كله وسفه حجي صدك جذب اني راح انطيك دوه يخليك تطارد مسافه منا للمحموديه كله الله ويدك وينه المهم اخذ العلاج ورجع شربه والله جاب نتيجه توب الحجيه كيفت كتله حجي لاتعوف هذا الدكتور كله لاابد أصلا هوه كلي هذا العلاج بي مفعول مسافه منا للمحموديه كالته جا خوش والله يومين ورجع عطل الحجي والحجيه مستحيه شدكله تالي طكت روحه كالته حجي رحمه لبيك انت عفتي بلمحموديه جا غير دكوم تردني يابه غير فطست من الضحك وهوه بلسانه يحجيه تخبل مت مت حتى عل ضهري كام يدك انت أكبر منحرف وعيونج فقير قابل وين ماخذج هيه للمحموديه بس هاا تره اني احسن من الحجي ماعوفج هناك اخذج واجيبج عزززززه اسكت انت مفضوح دتعاي عاد تره راح اموت عل الوجهه اليضحك سحبني عليه وخليته براحته بس خبلني وزرك كتوفي زيد ليش تاذيني والنبي متت شوف الاثر خلي هاي بصمات حبيبج ادري بس موهيج من الجتف هاي وين صايره وبعد ورايه بدله صدك حبيبتي عل طاري البدله اسمعيني كول شوفي حبيبتي بلحنه اختاري البدله التعجبج مالي علاقه بيج بس بالعرس عندي شرط شنوو كولي تم لاماكول غير اعرف تعاندين حبيبج موهيج بس شلون اكول تم واني ماعرف عل شنو تلبسين حجاب بلعرس والبدله مستره وردان غيره لاتناقشيني ابد ززززيد اني شحجيت ليش عود غير افتهم راح اسوي العرس بلقاعه والدنيه راح تنكلب وانتي تعرفني فلاتخليني مشدوه بهاي السالفه كولي هاهيه حبيبي حتى اشوف دربي بس اني ممفكره هيج وجنت مخططه أشكال وأشكال التسريحات بالي جمبذتي رويحتي انتي الحنه عندج سوي بيهه اليعجبج واني عل لسانج شدكولين تم وراح اسويلجياه بلقاعه واخذي راحتج يعني اسوي حنه بنات بلقاعه اي حبيبتي بلقاعه واعزمي اليعجبج اوك هاهيه مثل متريد يعني هاهيه ماريد نقاش بعد بسالفه البدله والحجاب مو تغيرين كلامج واحد يلعب بعقلج اني رجلج راضي واني وياج متفقين نتهت نتهت حبيبي عفيه عليج والغرفه اجيبه عجبتج تره اذا معاجبتج اغيره لالاحلوة خلص لعد شنو عندج بعد الجهاز كملتي اي كملته يعني ممحتاجه شي لاسلامتك الله يسلمج تبقى سوالف البدالات والصالون ادزلج نهله وانتي وياه ابلشو بس بدلت العرس شرط اشوفه يممممه منك متفوتك فايته اي حتى مانغدر بنفسي أشرف عليهه مممم حبيبه لاتسوين هيج انتي المن متزينه للعالم لو اليه اكيد الك حبيبي جمبذا مممم بلعباس احبنج هههههه واني هم بيومهه راح زيد واني مددت بفراشي والفرحه مسايعتني وضليت اخطط وافكر شراح اختار وشنو التسريحة وووووكومه أفكار اجتي بالي ووعتني اسراء من كالت رشا هاا عيني تتذكرين من كتلج اكو ولد باوع عليه وعينه صلفه بيوم خطيتج اي والله كتيلي شلون نسيت اسأل زيد عليه أي شبي ذاك اليوم من صارت المشكله انتي وزيد واجه المغرب واحنا نخبز اي اي أتذكر دكملي لج هم نفس الولد جان وياه عزه وين شفتي لج اني داشمر مي النجانه وراه ماكملنه خبز وغسلته معبالي احد بسياره زيد ذبيت المي وماشوفه ال مبحلق عليه ويباوع ممممممم لعد اني عرفته منو هذا الي لو يبصبص عليج لو مبحلق منو الله عليج عل كيفيج عيني شدعواج دحجي عاد لج هذا جاسم اكيد جاسم منو صديقه ال زيد ماكو غيره هوه دوم وياه جانت كاعده وعاكسه اديه جوه رأسه من كتله هيج بتسمت ونامت عل مخده لابالله اختي شاخطه صحت بيه اسرررراء وووووجع شبيج اليوجعج شكو مبتسمة لحالج جنج خبله رشا تريدين الصدك اي بله اني صار مرتين اشوف هذا الولد وكل ماشوفه كلبي يكوم يلكلف ومدري شيصير بيه هههههههههههههه وسم شكو فضحتني شنو هذا الصوت هاي ضحكه اسراء حرام عليج كله شكم يوم ويصير عرسي وانتي متوليتني سم ووجع اي غير من وراه سوالفج اني داسولفلج الضحك عل شنوو لان اذا كلبج يلكف من شوفين جويسم يعني انتي في خطر وهوه شلون جويسم والقران يلوكلج ثنينكم مخابيل ضربتني بلمخده ونامت كالت انتي مومال حجي انوب سويتينه مخابيل ضحكت عل سوالفه واخيرااا اسراء جنهه وكعت بلحب بس شلون وكعه تناسبهه نمت مرتاحه ومن ثاني يوم بدأ العد التنازلي لموعد العرس زيد جاب الغرفه وشده وصورلياه تجنن نهله اخذت منها اجازه وماعرف بعد شوكت ارجع ايمان وياي معافتني رحنا حجزنه صالون وثاني يوم راحت نهله وياي هيه وزيد عل بدلات واختاريت بعد عناء طويل بدلت الحنه ماروني الصدر لحد الخصر زغرفه نازكه ومن الخصر وجوه قمشاش ساده وأهم شي عجبت زيد ومن ختاريته اشرلي اوك اما بدلت العرس شي خيالي هاي بس بلشكل وعل ملكانه بلبس مجربته لان مبينه توب جانت ردان وبيهه طرحه طويله كلش التصميم كله كيبورت وعليه تول شفاف خاليه من اي خرزه أو لولاء عل كد ماشكله بسيط بس موديله فخم نهله وإيمان وكل البنات من عرفوو حجاب نصدموو بس كتلهم عادي اهم شي حبيبي ميزعل الايام تركض وموعد لقائي بزيد قرب البطايق نطبعن وتوزعن وملابسي وكل جهازي أخذته ايمان لبيت عيالي عمتي يوميه تجي تشوف حتياجاتي جنت ماكلفه ولااطلب منها شي لان وين تكدر هيه من بيتهم لبيتنه تجي تلهث ميس مره وحده طلعت وياي وشترت فستان حبابه بشكل وتضحك للهوى ال سحر ماشفته ولاشافتني البيت مخبوص وكله تحضر نور واسراء شتروو ثنينهم نفس اللبس فساتين طوال كصت الحوريه بكتف واحد انوب لون اسود يعني فدشي راح يطلعن وكلهه تصيح اروح وياج للصالون واني حايره المن أخذ والمن ابقي بس ختاريت بلحنه انسام تروح وبالعرس ايمان وضلت اسراء تكمز امي كلتهه روحي غير صالون انتي ونور كملت كلشي عل آخر ورحلت الشره والعذاب مخلصت ومتورطه نور وياي هذا الحجي قبل الحنه بيوم قافلين الباب اني وياه واجتي اسراء دكته جاوبته نور اسراء ولي خل نكمل معليه فتحن الباب والله افضحجن واصيح ديسون شيره لاوالله صدكتج ليش انتي موجوده بلبيت واكو أحد ميدري رشا شدسوي هوه انتي فاضحتني انجبي رشا كومي يله زيوطي اجه جذابه والقران اجه كومي ستغفرالله شكوم واني مدبكه لعد ابقي راح اكله مدبكه متكدر تطلعلك عزززززه بعينج اوكفي راح اطلع انتي تسويهه طلعت وتكافخنه ودخلت واني رحت غسلت ونزلت سمعت صوت زيد ويا امي ديحجي دخلت عليهم جان دينطيهه بطائق جنه ناسين كم وحده من كرايبه سلمت عليه وامي طلعت لتفتلي وصار قريب عليه وين جنت يحلوو صار كومه كاعد فوك والله داكمل كم شغله اشو شكلج تعبانه كلش ليش حبيبتي ريحيلي نفسج بس باجر وانتي بحضني ا ريدج صاحيه عل اربعه وعشرين حبايه هههههه ان شالله ليش صدرج احمر زززززيد ههههه اموت عل يخجل تره اعرفج وين جنتي مبين عليج لعد اذا تعرف ليش تسأل منحرف غير اطمن يله بعد باجر اتاكد بنفسي اذا شغلج تمام لولا زززيد راح ابجي والله لاتحجي هيج اوووويلي يابه من الكلام راح تبجي لعد شراح تسوين بيه بليلته صرت هل كدوتني وهوه عنده عادي ولامهتم عفته وكمت لازم ايدي وكام كال تعاي لاتلهزمين راح اروح تمشينه وبلكندور حصرني عل حايط تره اليوم كلشي منطيتني شتريد تعاي اشوفج دفن رأسه بركبتي باسه برقه وبعدين بقسوه ادينه متشابكه ورجله صاعده عل بطني بختصار جعصني ويا الحايط نزل عل صدري بعدته لان كله دبك الشيره بتعد ذبلان شلون بيج انتي شوكت يجي باجر حبيبي كمت تخربط قصدك عكبه لاوالله منو يكول ماباجر اخذج واطفر بيج هههههه ضلت عل يوم الواحد يله اتحمل امري لله سلمنه عل بعض وراح واني رجعت للغرفه وماكملت لنص اليل وهوه كل شويه يتصل وارفضه آخر شي غلقته كملت وسبحت ونمت قتيله من التعب كعدت عل هوست ايمان وانسام وجهالهن اجني المعازيم يجون كبل للقاعه وحتى اني من الصالون اروح شلعوني كوه من الفراش منايمه غير شكم ساعه سلمت عل بنات ورحت سبحت وطلعت لكيت نهله جايه لان هيه تأخذني بدلت ومتريكت مشتهيت طلعنا للصالون وصلنا ونهله راحت تجيب لبدله خابرني زيد هلو جمبذا هلو حبيبي وين انتي بصالون شلونج زيد نعسانه هههههه وشبيج راح تبجين يروحي وممتريكه ليش حبييه مادري كعدت مطفيه حبيبتي لمطفيه ممم احبج واني هم سديته وبقيت كاعده انتصر سرايه وشويه واجتني نهله جايبه البدله وياهه لفه وقوطيه كولا هاج هاي العريس جابهه لا الله عليج اي والله تلاكينه بلباب ونطانياهه اخذته لفه مال كباب من اكلتهه صحتني وراه لبست البدله واجاه دوري والسماعات بذني وكل شويه زيد داك البنيه تشتغلني ماكدر احجي بس أسمعه مره يتغزل مره ينحرف ومن يطوخه اكطع الخط كملت وطلعت غير شكل هتمت بعيوني حيل سحبتهن بألون الأسود والفضي والحمره ماروني داكن بي سواد التسريحه هيه انزك شي بكل هذا كمت كعدت عل صفحه وبلشت بانسام ونهله والعامله الثانيه دتسوي بضافري رفعت راسي عل صوت موغريب عليه باوعت لنها سحر القهرني ماسلمت عليه ولا عل انسام ولاعبرتني وسلمت بس عل نهله جانت تنزع بجبتهه وتحجي عيني تره اني اخت العريس بس اكرص محد دز عليه بس اجيت غصبن عل يرضه والميرضه اشو فلوس اخويه واني حره جاوبته نهله شنو هذا الحجي سحر قابل جذب لعد الغربه تدخل صالون واني مادخل نهله الضاهر تعرفه فسكتت بس كل النسوان ضلت صافنه انسام تباوعلي مستهضمه لان ماعبرته كدام الكل والبنيه الدتسوي اضافري دكلي هاي حماتج هزيت راسي اي كملته لعد شعجب مسلمت عليج اختنكت اكثر وبقيت ساكته كملنا كولشي واجانه زيد لفتني انسام بلكب وصلنا باب الصالون شافني كال اوكفو خل اجيب السياره لهنا رجع جابهه وصعدت وانسام وياي ونهله بسيارته واجتي سحر صعدت بصدر بقيت الطريق كله مدنكه حتى عل زيد ماباوعت مقهوره من سحر وصلنا القاعه ونزلنا هيه جنها زيطه صعدت قبلنا وزيد وانسام نزلوني والقاعه طابق ثاني زيد كال حبيبتي لابسه ستريج شي جوه البدله لا ليش حبيبه شلون تصعدين الدرج اجتي نهله كله ام كرار خيتي اني وام أوس نصعدهه بس صيري وراه صعدنا الدرج كلشي ماشوف مجلبه بيده حيل ونهله ورايه وانسام لازمه ايدي الثانيه مصار عليه درج متت ال كملته لاكتنه صاحبت القاعه دخلتا الغرفه انسام فتحت الكاب وشالته مني زيد باوعلي خطف وبتعد كال راح اروح ابدل حتى اجي احنيج كتله تمام وطلع كعدت دقايق رتاحيت وجهزت نفسي حتى أدخل اجتي امي حضنتني وهيه مدمعه البنات حجوو عليه وبتعدت ايمان هم من شافتني خنكتهه العبره صاحبة القاعه نهت هذا كله من كالت تفضلي ادخلي قبل متبجين ويخرب مكياجج حطيتت ايدي بيد امي ودخلت عل أصوات الهلاهل واغنيه حسين الجسمي حصنوهه ايه الكراسي شعور حلو مخلوط بفرح وخجل خصوصا الكل يباوع صار عليه مكان الكوشه شطوله من الارتباك والتوتر وصلت وكعدت وبدأ الكل يجي يسلم من كرايبهم وكرايبي وعمتي بعد مابوستني وهلهلت كعدت بصفي وكل ماوحده تجي تعرفني عليهه بس اني وين اجمع بهاي الهوسه نور واسراء وميس علكنهه وسحر بس تخزر بيه مهتميتله ولاعبرتهه شلته من بالي كلش ماريد اضيع فرحتي واشغل فكري بيهه وراه ساعتين تقريبا من كعدتي سمعنا ندا بسماعه يعلنون وصول زيد دخل بلقاط النيلي ويه الصفكات والهلاهل واغنيه حسام الرسام الف مبروك اجه يمشي بتجاهي مدنك ورافع ايديه يتشكر من كل الحضور ويسلم كعد بصفي ولزم ايدي بتسملي ورديته وسحر صارت كبالنه ومن حسام يكول للعبلك جوله وماقصر ولركصلك ركص يخبل هيه تهز ودكله اي والله اي كتله بكلبي وين جنتي لعد اشو هسه طلعتي يله المهم سويتي شي بي خير صافنه عليه وزيد شاورني شطالعه حبيبه موحقي من اسميج جمبذا بلعباس جمبذا وكاعده حبيبي وانت هم تجنن شتغل الركض والاغاني وحده اقوه من الثانيه واني وزيد الفرحه مسايعتنه بعدين عدهم فقره ركصت السلو كومونه وطفوو الاضاء بقت خافته صرنه بلنص وشتغلت اغنيه اليسا عبالي حبيبي اديه حاوطت ركبته وهوه حاوط خصري باديه كصتي عل كصته وانفاسنه تضرب عل بعض فصلنا عن كلشي حولنا وعن الحنه والمعازيم رحنا بعالم بس اني وياه بي جنه نتمايل وهمسات زيد توصلني باعذب الكلمات وماوعينه ال شتغلت الاضاء وشتغل التصفيك كطعوو علينا اللحضه ورجعنا نضحك عل نفسنه وين رحنا كعدنا واجتي مره كبيره كلش بلعمر زيد كام سلم عليهه سلام حار وعرفني عليها هاي ام جاسم بوستني وباركتي ودعتلنا كومه وزيد يتشكر منها اجتي المصوره واخذنه كل اللقطات ويه كل الاهل صارت فقره استراحه وحتى يوزعون الكيك والشربت طفى الديجي ولتهوو بلاكل واني وزيد هم ندمجنه حبيبتي شوكت يجي باجر ميصير اخذج اليوم كبل للبيت ليش ال باجر ههههه حبيبي تحمل بس باجر بس اني اريد اليوم وبلماروني غير البدله وهذا الون دوخني فديت الدايخ اني باجر بلابيض احلى اطلع ليش تشوقيني تره كاعد عل اعصابي اسكتي احسلج سكتت والله بس عل كيفك وياه نفسك وبعد شويه راح تفضحنه تره كله تباوع بتعد شويه جابولنا كيك وعصير ماكلنا اني ماشتهيت وزيد شرب بس العصير وشربني شويه واخذو بقت اخر فقره وهيه الحنه اخذونه عل مكان عل صفحه محضري خاص بس حتى يحنونه كعدنا والميز كبالنه ماركزت شنو عليه لان حاطين أشكال واكو شغلات اصلا ماعرفهن بس شي واحد جذبني الكيكه بشكل كل حلو والتصميم الفوك أسمناء وأشكال مصمه بالكريمه عل شكل عرسان طفو الاضاء ولبست مشمر احمر خفيف عل وجهي والبنات داير مدايري يفترن بلشموع دقايق وقطعنه الكيكه وحناني زيد وباس راسي ورجعنا للكوشه كعدنه شويه وكال حبيبتي راح اروح بعد ورايه هناك حنه روح حبيبي الله وياك راح انطي سيارتي ل براهيم حتى يجيبج ماشي اوك باسني وطلع ونطلقن البنات صارت حفله ولا بل أحلام واني ماخليت شي بنفسي ركصت لحد ماتعبت لساعه 8 ونتهت لان ورانه طريق ورجعه اجانه إبراهيم بسياره زيد والباقين كلمن البيته بس بيت خالتي وبيت عماتي رجعوو ويانه كوه دخلنا فرعنه من السيارات زيد مسوي حنه ضخمه والسيارت ساده الفرع يادوب إبراهيم دخل السياره للطرمه ونزلت بس متكسره بابا كاعد بالهول ركضت عليه حضنته وباركلي واخذت ويا صور قبل مانزع البدله وراه رحت كبل سبحت ومددت بفراشي يعني يوم متعب بشكل واني ممتعلمه عل هيج هوسه ايمان وانسام وكل البنات حاوطني ويحجن بليله باجر واني حايره شلون راح اصارح زيد وافهمه اني بنيه انسام دكلي لادكليه هوه راح يعرف وإيمان ترده غبره انتي شلون متكله تريدي يموته هذا ممزوج ويدري بيهه متزوجه اكيد مراح يخاف عليه ربكوني ووتروني وخلوني شايله هم شكبره صحت بيهم عوفوني اريد انام زيد من خابرني وره مخلصت حفلته مكدرت احجي وياه تذكرت حجي البنات كتله تعبانه ونمت وثاني يوم كعدت عل كد مفرحانه عل كد ماخايفه رحت للصالون واليوم طلعت غير شكل جنت متحسسه من الحجاب بس من لبسته شفت نفسي احلى بهواي حتى من البارحه سحر هم اجتي وماعبرتني واني لبسته ايمان بااخر لحضه رادت تعاركه كالت شايفه نفسهه علينا واحنه شمسويله مخليته اريد بس اخلص ويفض اليوم عل خير ونهله خطيه ترقع وخجلانه من سوالف سحر بالف يالله طلعنا من الصالون للبيت كعدت ربع ساعه وكالو اجوي لزمتني البارده وعيني صارت عل كل ركن بلبيت والمراكض كدامي كلمن يريد يروح للزفه ودخل زيد بلقاط الأسود سلم عل ابويه وبراهيم وعمي هم موجود جان وخالي بوسهم ودخل وعمتي تهوس كباله اريد ارفع عيني ماكدر ولاعبالك هذا زيد الاحبه حتى من سلم جاوبت ارجف يحجي وياي جمبذا حبيبتي شبيج اني حبيبج مجاوبته وعيني بس عل اهلي من شافني هيج كومني ليم الباب وشفت ابويه بعد ماكدر هديت زيد وشلت بدلتي ورتميت بحضنه ابجي وهوه يطبطب عل ضهري ويكله ال زيد هاي امانه الله ورسوله يمك وزيد يجاوبه بعيوني والله نهله تجر بيه وإيمان دكلي راح مكياجج وابويه يكلي روحي بنيتي مودعه بالله واني مجلبه بي صرنه عل صفحه وكله واكفه تباوع زيد صاح بيهم اصعد كدامنه وجرني رجعني للستقبال بس خواتي واكفات حضني ليش تسوين هيج حبيبه والله قهرتيني ماريد دموعج ينزلن بهيج يوم يله حبيبتي يله دنطلع تماسكت نفسي ودخلو السياره للطرمه صعدت وعيني ماوكعت من ابويه روحي عبالك تعلكت بي لان ادري امي راح تجي وياي بس ابويه عفته هنآ صعدت وحدي وجاسم هوه ليسوق وزيد يسويله طريق الرجعه وكفنه كبال البيت وزيد سلم عليهم ومن وصل يم عمي مدري شصار بي ضل يسولف وعيونه بكصته ودمارات ركبته بارزه من العصاب آخر شي عافه واجه صعد هف الباب حيل وكال انعل ابوك لابو لخلفك لابو حتى ابويه اااااطلع جاسم عل كيفك ابو الزود طول بالك كلب ابن كلب من الخطبه لحد الان جلب ابوك وابوك مياخلف تهون تهون عبر يخوي عبر مشت السياره واني ماحجيت كلمه بس فتهمت عموو فواز هم سال عل ابوه لان مجاي طلعنا منطقتنه فدنوب وجاسم غير الجوو شغل محمد الفارس اريد ازوج وافرح شويه زيد فك ولزم ايدي همس اني اسف بس عمج داس بطني وطلعني من طوري ماحجيت استحي قبل منوصل القاعه نزلو بلشارع ودكو مسيقه وجاسم شال زيد عل جتفه وركصو ركص حلوو بعده رجعوو صعدوو وانطلقنا للقاعه همه دخلو من باب واحنه دخلنا من غير باب بس ايمان وياي وياي وهمزين البدله مستره ولابسه حجاب لان زيد خبلني دنكي لاتباعين الطرحه عل طول البدله وهوه يصيح ام علي لاترفعين البدله رشا انتي لابسه ستريج شدهني شده كعدنه بغرفه ننتضر الكل يكعد ال احنا ندخل بهذا الوقت رتبت وجهي وشويه وكالو يله فوتو دخلنا من ممر طويل الكاعيه ورد مجفف والصفحات شعالات ضويه والقاعه ضلمه وبس صوت القيصر كاضم الساهر مبروك عليك بنت الحلال بقينه واكفين لحد منتهت وشتغلت الهلاهل وصعدنه كعدنه بلكوشه وزيد دقيقه ماكعد كل شويه جاي واحد مسلم عليه سترخيت ودخلت بجوو القاعه الزلم عل صفحه والنسوان عل صفحه واحلى شي من ركصوو جوبي زيد وجماعته كله صفنت واخر محطه بعرسنه جانت العشه تعشو العالم وبدأ العد التنازلي وقربت الحفله تنتهي وصدك نتهت زيد حاجز غرفه بفندق بنفس القاعه مشترك وياه بس فوك أخذني من ايدي ومشينه وكله ورانه تهوس زفينه وخلصنا منا بوست امي وصعدنه المصعد وحنا نلوحلهم بدينه بأي وإيمان سبقتني بلمصعد الثاني لان شايله جنطه ملابسنه وصلنا الغرفه ودخلنا وإيمان نطت الجنطه الزيد ودتطلع اشرتله تجي اجتي لزمت اديه وهمست ايمان اني خايفه لا تعوفيني رشا صيري سبعه وزيد يحبج ميذيج بس انطي مجال والوصله بلجنطه طلعياه موتنسيه تره أريده منج دنحجي هيج واني مجلبه بديه واجانه صوت سحر من كالت متمشين عيني شمتانيه النيشاش قابل مو كله راحت زيد جان واكف وعينه بلفون من كالت هيج رفع رأسه خزره خزره بسرعه عافتنه وراحت وإيمان بوستني وطلعت وزيد مدنك من طلعت ايمان والباب نقفل بدا الخوف الحقيقي. . . . االفيديو أهدأ مني ومن المتالقه وئام الشيخلي snwn2231 للعرسان الغوالي زيد ورشا . . احبكم اختكم رفل الكناني ❤❤❤ | ||||
مواقع النشر (المفضلة) |
أدوات الموضوع | |
انواع عرض الموضوع | |
|
|