آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-07-20, 11:46 PM
| #31 | ||||
| نجم روايتي  
|  #إنّ الحرية، قوة جرأة، تحدي فدون الثلاثة لا تكون حراً...الحرية نقيض العجز فإن تكون مقيد فأنت عاجز .. فأنت محدود الحركة، تحت السيطرة، مسجون لست حراً .. صعب أن تكون حراً، وأنت عاجز عن صنع حياتك كما تريدها .. الأصعب من العجز أن تكون أنت العجز ذاته مأسوراً .. الحياة ليست طريقاً بالورود مفروشاً .. لكن من لا يستطيع أن يُعبِّد الطريق ويفرشه بالورود والبساتين لا يستحق شم رحيقها وهو حر.. | ||||
|  |
|
20-07-20, 08:00 PM
| #32 | ||||||||
| مراقبة عامة ومشرفة منتدى الروايات المنقولة 
| #برائتي_وجبروتك بقلمي #نور الشمري #البارت_السادس_والعشرون طبعا ما تدرون شكد فرحانه هسه اني لان الحساب رجع بعد معاناه وياس ان ميرجع احب اشكر كلمن ضل باله عليه واشكر كل شخص وكف وياي وراعا ضروفي ومشاعري وعرف ان المشكله مو بيدي اشكر صديقتي الي وكفت وياي واطتكم علم اشكركم كلكم ع كل شي وحته المجاوز والي حاجيه عليه هم اشكره لان طلعت مهمه عدها ههههه المهم حسابي توقف حاله حال هواي حسابات وقفته الشركه بالبدايه سكتت مجنت اعرف السبب بالواتباد عبالي بالنت بس البارحه اشوف صديقاتي كلهم حساباتهم توقفت من سئلت كالو هيج وهيج الله شاهد كعدت ابجي مو ع الحساب ابجي علمودكم والله هههههه ادري اوفر بس والله بجيت لان اكيد راح تاخذون عني نظره وماحب احد ياخذ نظره هووووووواي حاجين عليه بس عادي ولا يهمكم من حبكم غير مثل اشهب من حبك لاشاك هههههه المهم هذه بارت واريده يشتعل بالتعليقات والتصويت وبليل انزل بارت هم اتفقنااا بس بشرط كوون اصعدون التفاعل لان حته بمتحاناتي راح انزللكم واعوضكم لان تدرون اني ماقصر وياكم واوكف وياكم وبعز ضروفي اكتبلكم شكر خاص لبسومه. user76697365 لان بفضلها وفضل ابن خالها هو رجع الحساب ماعرف شلون اشكرهم واجازيهم ع هذه المعروف إلى مانساه طول عمري وهذا البارت ومثل متفقنا اريدكم تشعلو شعلل حته بليل انشر هم والبارت مكتوب من الجمعه ❤️❤️❤️ #لا تأمَننْ قوماً ظلمتَهمُ وبدأتُهُمْ بالشَّتْم والرَّغمِ أن يأيروا نَخْلاً لغيرِهم والشيءُ تحقِرُهُ وقد يَنمِيْ. اسيل : فزيت ع صرخة امي الي رجت البيت رج كعدت مخروعه كمت من الجربايه اريد اطلع احس رجليه بعد ما يشيلني من الخرعه كوه وكفت وكمت اريد اركض ماكو كوه كمت امشي واحس كلبي راح يطلع من مكانه من الخوف ويدك حيل و حته من الخرعه والطفره مادري شكلي شلون وشلابسه اريد ادخل الصاله خايفه كلشش قويت نفسي وصرت امشي حيل بس شنو اكمش بالحايط لان خفت اوكع وما اسيطر ع روحي اول ما فتحت الباب ودخلت وانصدم واني اشوف عمو علي بالكاع وامي ادك وتلطم كلت خلاص مات وامي كاعده تبجي عليه ماعرف حته شلون مشيت ووصلت يمها واني احجي وياها يووم يومم شكوو شكوو يوم عمو علي شبي ردي عليه ولج يوووووم باوعت عليه وصرت اضرب ع خدوده واكعد بي عمو حباب اكعد عمو ماعدي غيرك حباب عمر اكعد انت مثل ابونا عموو اكعد عليك بداعت أسد اكعد بداعت ليث وقمر اكعد عموووو ولك عموووو اكعددددد لج يووم شبي عموو شبييي ولكم احجوووو طب مصطفى يركض صاح بينا من شافنا هيج - شبيييج وهاي شبيها تصيحح راح يموت الرجال من صريخجن وخررن - يعني ما ميت حجيتها واني اضحك باوعتلي بخزره وصاح رووحي اتصلي بعمر شوي وين وله خل يجيييي بسرررعه واني رايح للمستشفى حجاها ومشه ع السريع حط عمو علي بسياره وراد يركب جلبت بي اجي وياك - لججح وين جايه متشوفين امج بيا حال والجهال منو المهم لا تخبلنييي هسه عمر يجي يمكم حجاها ومشه ع السريع واني الوب ماعرف شكو سديت الباب ورحت الأمي باوعت الجهال كلهم بالباب واكفين خايفين باوعت ع فراس واشرتله براسي بمعنى أخذهم وروح الغرفه ودموعي بعيني باوعت ع امي الي كاعده وملخه شعرها وتبجي وماحجت كلمه وحده كعدت وكمشت اديها واهدي بيها - يوم حبيبتي شبيج بس كوليلي شبي عمو عليي شصار حبابه كولي - ولج يمه راح اخيج للموت برجليه راح وليدي ياربي لا تفجعني بواحد منهم ابني واخوي إلي ماجابته امي ربي دخيلك لا تفجعني بواحد بيهم تحجيها بحركه وادك ع رجليها - يوم حبيبي بس اهدئ وكلشي ينحل تمام شبي اشهب شمسوي هلمره ما يكعد ويستر ع روحه وجهاله مو والله روحنا طلعت من الخوف باوعتلي وسكتت جبتها مي غسلت وجهه وشربتها شويه مدتتها ع القنفه مالتها ورفعت رجليها لفوك وهي بس تبجي وتهمس باسم اشهب وعمو علي طلعت دموعي بعيني ماعرف اخاف ع اشهب إلى ما فهمت شبي لو ع عمو علي الي متخربط وع شنو ماعرف باوعت الجهال بالمطبخ سويتلهم جاي وكعدتتهم ياكلون قمر مبرطمه وليث عصبي باوعتلها وهزيت راسي شبيكم انتم قمر : اريد احجي ويه ماما وعمو وليث ميقبل خاله اشتاقيت الأمي شوكت تجي - هسه حبيبتي ع جيه راح يجون لا يضل بالج باوعت ع يوسف ياكل ويحجي ويه ليث ما كتلهم شكو عفتهم وكمت هو بالبدايه سئلو كتلهم كلشي ماكو بس جدو انرفع ضغطه واخذو للمستشفى بس دقايق واندكت الباب خفت باوعت ع فراس كام وكال - تعاي عمه اني اجي وياج هزيت راسي اي ومشيت وراه خايفه وكفت وره الباب باوعت من الزرف وهو صاح منو عمر : اني حبيبي فروس افتح الباب فتحها واني خاتله وره الباب طب وهو يحجي شكو شصاير طلعت الصبح كلشي ماكو شو خابرني مصطفى كالب الدنيا حجيت واني واكفه وراه رأسا دار وجهه عليه مصدوم -اشهب ماعرف شبي وعمو علي تخربط باوعلي وكال شنو يعني شبي اشهببب فوتو فوتو هسه نعرف شكو طببته للاصاله يم امي وذبيت عليها جرجف حته ميطلعن رجليها وطلعت لحكني فراس وهو خايف - عمه شبي بابا خو ما بي شي مو زين - لا حبيبي اسم الله ما بي شي لا ت حجي كدام اخوتك ماشي هز راسه واني عفتهم ومشيت كعدت باصاله يمهم واعصر بصابيعي بخوف واقرا آيات حته يرجعون بسلامه اخر شي شال تلفونه عمر ودك مدري عليمن بس من اجاني صوته عرفته مصطفى - ها ابو الصوف شكو شصاير قبل ساعه طلعت كلشي ماكو اي عليك الله اييي وتالي ماشي هسه اجيك هاا اوك اوك يلا مع السلامه سده وباوعلي وهمست شكوو شصاير اشلي براسه ع امي وكال - بعدين رايح للحمام حجاها وكام واني طلعت من الباب الثانيه عود رايحه للمطبخ ومناك طلعت للطرمه باوعتلها وهزيت راسي شكووو - اشهب ماكو من الصبح الساعه بخمسه الفجر طالع من الفندق ولحد لان مامعروف وين ندك عليه ماكو مغلق وضي وحدها بالفندق وراحلها عمها بكر والضابط رامي بس بالنا يم اشهب وخاصه البارحه جانو ملاحكي باوعت بصدمه شنووو اخويه شبييييي منو هذوله إلى لاحكي عمر احجيييي - محد والله محد هذهو يروحي ماكو شي رامي هناك وهو مو طفل لا يضل بالج بعدين عمو علي هم مسكين من سامع بالخبر صاعد ضغطه وصايره عده جلطه وهسه هو بالعنايه لا تحجين شي الامج لان ما تتحمل مصطفى راح يضل يم عمي علي واني راح أضل يمكم لحد ما نشوف تاليتها شلون تنحل كعدت بالكاع ودموعي تنزل كل هذا صار بين ليله وضحاها البارحه شحلاتنا ملمومين ياربي رجع اخوي وعمو علي بسلامه يارب دخيلك دخلت للبيت حته مالي واهس انضف نضفته شلون ما جان من فوك لفوك والجهال من وحدهم خانسين وعرفو اكو شي لهذا ما سوو حركه وضجه عمر كاعد بصاله يم امي وكلساع متصل لو بمصطفى لو برامي ويدزلي رساله بالاخبار ماكو اي شي لا عمو علي يكعد وتستقر حالته ولا اشهب بين ونعرف مكانه للضهر كلشش اندكت الباب طلع عمر فتحها جانت ضي ورامي وعمها دزيت الولد فتحو بابا الاستقبال دخلهم عمر وضي داخلت من المطبخ بس عيونه مورمه ومبين باجيه اول ما دخلت ركضو جهالها عليها وهي اخذتهم بحضنها وصارت تبجي واني مستغربه شبيها تبجي ع اشهب معقوله لو صاير شي ثاني عفتها براحتها ما سئلت هي اذا تريد اسولف شفتها ضلت يم الجهال وبعدها باوعتلي سئلت ع عمو علي ووضعه وراحت للاستقبال يمهم ضي : بعد ما طلع بقيت بالحمام احس روحي صرت وصخه وخاينه خنت أسد اعرف ان اني هيج داخون اشهب مو أسد لان اني باسمه هسه بس القلب ولمن يهوه واني قلبا وقالبا لاسد ماكدر اتخيل ان اكون الشخص ثاني ضليت جوه الدوش ودموعي تنزل بحركه ع خدودي طلعت واتمدتت ع الجربايه واحس روحي كاعد تطلع من وره تأنيب الضمير احس روحي مسويه شي غلط بقيت هيج ما نمت ولا غمضت عيوني دقيقه كل ما اريد اغمضهن تجي صوره اشهب وهو فوكي كدامي وراسا اكعد مخروعه ضليت كاعده اكلب بالفون وساعه ابجي وساعه اصفن لحد ما صارت السبعه الصبح و هو ماكو خفت صراحه وخاصه الفندق ماعرفه ولا اعرف احد هنا ولا اندل حته وين عافني وراح حته اخاف انزل خاف هذوله الاحكينا موجودين جوه بدلت وضليت افتر خايفه ماعرف شسوي قلقه احس الغرفهصغيره من الخنكه والخوف والقلق إلى احتلني صارت السبعه ونص ومحد بين ضليت متردده اتصل لاشهب لو لا آخر شي دكيت واني حاطه ايدي ع شفايفي خايفه جنت مجبوره اتصل بي بس انصدمت من طلع تلفونه مغلق وزاد خوفي ماتحملت لفيت حجابي واخذت جنطتي وعباتي ومشيت طلعت من الغرفه سلمت المفتاح الاستعلامات وطلعت وكفت بالباب خايفه يمكن لو يرجعوني للأمام اندل اروح الراج بس حته الإمام ماندله لان من جانت ضلمه وهو اكثر من طريق فات حته يتيه الطريق عليهم كمت واحاول اذكر اجينا منا لو لا لا ما طبينا لامنا ضليت هيج اروح وارجع ع نفس المكان كعدت قريب ع الفندق صافنه اخر شي اجن نسوان كلت خل اسئلهم اذا رايحات للأمام اروح وياهن اتقربت من يمهن وسئلتهن رايحات للأمام باوعتلي وحده وكالت - لاا تردين ترحين هزيت راسي اي بس ماندل - شوفي هذا الطريق اطلعين منا طوووول لحد ما تجين شارعين واحد يمنه وواحد يسره واكو بالوسط حايط ترحين ع الشارع الي ع ايدج اليمنا وتاخذي طول قبل لا تخلصي اكو فرع ع ايدي اليمنيه فوتي بي راح اصير القبه كدامج اخذي طوووول لحد ما يذبج عالشارع وانتي اعبري وادخلي منا - تمام شكرا الج مشيت واني صافنه ع نفسي يعني من كل عقلها هاي اني اندليت والله ولا اندليت ولا عرفت مكان واحد كعدت ع الصبات صافنه والدنيا باااارد ثلج جريت العبايه وحطيته ع امتوني اعرف ما تسوي شي بس شوبه تأثر حسيت بتلفوني يرن طلعته من جيبي عمو بكر -الووو عمو - لج وينججججج وين رحتيي ماكو بالفندق صالج ساعه ونص من طالعه يكول ابو الاستعلامات - انت هنااا عمو اي ماتحملت اضل احس الغرفه خنكتني عمو حباب تعال اخذي - وين انتي دليته المكان الي اني بي ماكو خمس دقايق هو كدامي ركضت عليه وشبكته وصرت ابجي وهو يطمن بيه واني خايفه رفعت راسي شفته وهمست عمو محتاجتك شصاير شكوو باوعت ع رامي إلي رفع ايده وحك راسه وباوعلي وهو يهمس - اشهب ماكو مختفي وتلفونه مغلق مانعرف بي وين وشنو وضعه - يعني ما تندلون وين رامي : للأسف لا ما نندل وم و بس هيج احنه متفقين من يروح الهم تلفونه يشغله ويسوي تسجيل بس تلفونه مغلق بهل الحاله شلوننن راح نتصرف ماعرف راح يخبلنيييي هذااا الرجال ولا ينفهم إلى يدور براسه باوعت بصدمه واني واكفه ماعرف انقهرت وخفت عليه مو حب او شي بس اذكرت كلامه البارحه من كال علمود الجهال عدك اذا مات لا سامح الله الجهال يتجهولون غمضت عيوني بحيره ودعيت الله يرجع سالم بقه رامي يدور وحاجه صديق ضابط اله واطه معلومات عن اشهب وحاجه أمن الفندق والي يشتغل بالاستعلامات بس يجي يكول النا سوينا كل شي ورجعنا للاربيل واني الف فكره وفكره براسي ما نايمه ودموعي تنزل ماعرف عليمن ع نفسي لو ع عمو علي الي سمعت عمو بكر يسولف بي وحالته حال لو ع الجهال اذا صار شي لا سامح الله لاشهب منو يربيهم لو ماعرف عليمن ضليت خايفه متردده ماعرف شسوي يمكن اول ما وصلنا ودخلنا التلكوني ليث وقمر يبجون بجيت وياهم اذكرت الموقف مال البارحه حسيت حته هم خنتهم لان خنت ابوهم نزلت دموعي ومسحتها سئلته ع عمو علي وجاوبت عفت خنتهم لان خنت ابوهم نزلت دموعي ومسحتها سئلته ع عمو علي وجاوبت عفتها وطلعت واني احس روحي مختوكه دخلت الاستقبال كعدت بصف عمو بكر وحجت شصار ماعرفتو شي ع اشهب وين وليش مختفي وتلفونه مغلق ومنو هذول وشنو يردون بضبط بكر : لا لسه ماكو بس ان شاءالله نعرف وين يطيرون مثلا واشهب ماعليه شي ان شاءالله ضلو يحجون هم ورامي يخطط ويحجي وياهم وماعرف شنو جنت كاعده وياهم بس بالي بعيد ماعرف شبيه مخنوكه واحس إلى دايصير من وراي او بالأحرى هو السبب محد كله يخلف الاتفاق ويريد يتقرب مو لعبه كدامه اني ومو بسهوله انه حب ٣ سنوات وزواج ٧ سنوات بسهوله هيج عفتهم وكمت الغرفتي ام اشهب تخزر بيه عبالك اني الخاطفه اشهب صعدت ردت انام بس ماكو ما غمضت عيني او بالأحرى اني خفت اغمض عيني بس حاولت انام وانسه او اتناسى الوضع والموقف مال البارحه وصدك غفيت ومادري بروحي فزيت بليل ع صوت هوسه وحجي كعدت لميت شعري لان القراصنه واكعه بدلت ملابسي وحطيت شالي ع راسي صارت اسيل كدامي باوعتلها وهمست شصاررر شكو - ماكو بس عمامي عرفو واجو وضرغام هم وأمة محمد كلها جايه وكلساع واحد مخابر لو جاي نزلت المحنه عليهم هسه - الله يهديهم شلونه عمو علي - لا الحمدالله كعد بس بعده ما يطلعو هسه من يتأكدون من صحته ياله - ايي الحمد الله كعدت باصاله وللزلم بالاستقبال صوتهم عالي جان وعمو بكر عرفته بعده هنا ماراح اجو الجهال يمي حطيت قمر من هاي الجهه وليث من الجهه الثانيه وسندت راسي ع التخم وصافنه ماعرف شبيه نفسيتي زفت وكانما هستوني طالعه من السجن هيج ضبططط حسيت كلشي محيته من حياتي رجع من جديد شنو السبب ماعرف اسمع صوتهم بس ما افرزن الحجي شنو لان بالي مو يمهم واني كاعده اتصل تلفوني رقم غريب صفنت منو مارديت رجع اتصل مره الثانيه ردت اركعه بلوك بس اجتني رساله منه 💬.اني اشهب يمعوده فتحي الخط مو وكت زعل وبيع ثكل فضيها فتحت عيوني وعصبت رأسا هذا شعباله خدامة الخلفوه ويتامر اول ما تصل رديت وصحت - انت شعبالك اني خدامة الخلفوك وتتامر عليه شوو ماعاجبك هاا مو عبالك اخاف منك ترا متخوفني فاااهم ولا تنسه انت ردت تخرب الاتفاق إلى بينا اذا تكرر السالفه اخذ أطفالي واروح وغصبا ما عليك توافقك لان انت صرت خطر وما يتامن بيك ولا حته اص - هستوووووب يمعوده هيي سكتييي خمس دقايق سكتي خل اكل تبن واحجي وبعدين فتحي المسجل مالتج بت الكلب يكول عبالك ما مصدكه شوكت اخابر نهدت بيه - اشهبببب والله راح صحت بصوت عالي واني احس روحي نار من الغضب هو رأسا صاح - سممممم اي والله طرشتي اذاني يعني اذا جنت راجع صاحي من هذوله راح ترجعيني انتي اطرش من وره صياحج هو مو صوجج صوجي اني الحمار اخابر كم درووحي سده بوجهي واني صافنه شبي هذا شو تخبل شنو عبالك هو أبو الانه وزعل هم عشتوو و ابو صماخ عود ترا ما مهتم بيج وسده بوجهي شمرت التلفون ع القنفنه واني عصبيه شفت قمر وليث صافنين عليه هزيت راسي شكو جان قمر تحجي - ماما عمو رجع واخيرا صفنت ع كلامها واذكرت هو مختفي من ال٥ الفجر وهسه بال ٩ بليل صخااام اني شسويت الرجال متصل يكول مكانه واني خرب غبييبه ضي والله مو صاحيه جريت التلفون وركضت للاستقبال صحت العمو بكر اجه يركض باوعلي وكال ها حبيبي ضيو شبيج - عمووو اشهب اتصل بيه وو - اييي وين هوو وشكال احجيي باوعت عليه وعضيت شفايفي وهمست مادري باوعلى بخزره وكال شنو ما تدرين مو هسه كلتي خابرني - اي تعاركت وياه وهو سده بغضب وماعرف وين باوعلي رافع حاجبه وصاح والله اكص ايدي اذا صاحيه بابا عوفي الكره والصخام إلى بوجهج الرجال بخطر من وراي ووره خطتي اني دوخري وخري جر التلفون مني وهو عصبي ويحجي اني حمار وبت اخويه طلعت احمر مني هنا ماتحملت ضحكت وهمست احمر لو أخضر جان يخزرني بس خزره من هاي التخويف اول مره اشوف عمو بكر هيج عصبي ابتسمت وحجيت هسه انت ليش شايل هم اهم شي هو بخير بعد عليمن با وعلي بخزره ورجع دك ع الرقم ما شاله خزرني وشمر التلفون بوجهي وصاح - الغباء موهبه لا وتريد اصيلي قاضيه من دبشش اصير قاضيه ام حلك ام المشاكل مشكلجيه يااا عمووو - ووجعااا ردي الرقم برطمت واطيتهيا هاك أخذه انت ما رده حجيتها ومشيت وهو صاح وراي ولج والله صايره نذله وحماره ع رج وسكت باوعتلها وكلت اي اي كملها ع رجلي مووو - اها يعني تعترفين اشهب رجلج باوعتله بغضب وصحت عموووو انت وياي لو وياه شغيرك - ولا واحد منكم بس فكيني من مشاكلج ههههه خل اشوف هذا رجلج وين خابر عليه من تلفونه بعدما اخذ الرقم واني واكفه بالباب رد عليه ماعرف شحجو لان عمو مشه بعيد عني شكد خبيث سوه هيج حته ماسمعه اول ماسده رحتله اركض هااا شكالك باوعلي رافع حاجبه وهمس وانتي شكو مو ع اساس مو رجلج ولا تهتمين اله وع اساس تعاركتي وياه وما يهمج وين هو اهم شي عايش وهذهو وع - هذهو هذهو رحمه الله والديك بس اسكت فضحتنيييي البيت كله عرف - هههه حته اتبطلين وتعرفين سوالف المزعطيه وسوالف المايعات ع صفحه - اني مو زعطوطه ولا مايعه بس حجبت وتعاركت لان هو استفزني وماتعرف شسيوه - شسوه بالله باوعت عليه وخجلت اكله باسني سكتت وكتله ماكو شي ماتروح تكول الرامي ع المكالمه - ايي والله ليش انتي خليتي عقل براسي بت موسى حته عقل ما ضل براسي - هاا اني السبب هسه - لا امي الحجيه او اكلج لا بيبيتي سليمه ام رامي : بكرر يمعود شصار وينك - اجيت اجيت رايح اني بس حسابي وياج بعدين بت موسى حجاها وراح واني اضحك عليه طبيت للبيت لكيت اسيل كاعده توكل بروزه باوعتلها وهمست اشهب خابر ولكو مكانه راح يرحون يجيبونه طفرت وهي تصيح عليج ابو فاضل صدك يمممه يا محلى هلخبر تعاي اطيج بوسه - ولج وخري شبيج ترا مو عمر اني - عزااا شعرفجج ولج حجتها وحطت ايدها ع وجهه وتحول احمر باوعتلها صفح وهمست شعرف ولج هااا شصاير بغيابي - والله ماصار شي عابت عبالي تعرفين من جبتي طاري - شعرف ولج هاا احجي كمشتها من بطنها وصرت اغور بيها واغمزلها وهي تضحك وتدفع بيه واني ميته ضحك عليه - هذهو هذهو والله راح اكلج بس وخري -اي اسمعج حجيتها واني ارفع بحواجبي واضحك وهي تباوعلي بغضب وخجل - موو البارحه بات هنا يعني بصدفه باسني بس والله ع خدي يعني بوسه اخلاقيه - هههههههههههههه بوسه اخلاقيه هاي شلون صايره هههههه - يعني اول بوسه وأخلاقي حبابه ما تجاوزت حدودها - هااا قصدج البوسه او صاحب البوسه - اووو ضييي انجبي وخري ترا اخجل والله - هههههه اوك اوك عفتها وكعدت ع الكرسي ماعرف ليش تغير مزاجي من حجبت شويه ويه عمو بكر ومن عرفت اشهب مابي شي لان جنت اني السبب او اني الخليته يطلع مستعجل بذيج الفجريه ماعرف بس المهم مابي شي ويرجع الأطفاله سالم ضلو كلهم ولل١٢ بليل أندكت الباب طلع مصطفى فتحها جان الاستقبال متروس عمام اشهب واخوته ورامي وعمو بكر وعمر وبعد ماعرف منو هواي جنت كاعده اسولف ويه امي رسايل هي ماتنام من وكت جان اسمع صوت اشهب بره وكفت واسيل اجت تركض وتحوس تريد تفتح البرده واني ماخليها لان الجام مضلل وبليل يكعس اول ما طبو للاستقبال هي ركضت الباب الي ع جهه البيت مال الاستقبال وضلت تسمع هزيت ايدي وهمست لها. - ترا اول وتالي راح نعرف شكو بعد عليمن هذا الاستعجال - لا بالله شبيج داده شنو مأثر عليه الخطف والتهديد عود ماتعرفين اشهب انتي - مو هيج هههه بس يعني اكيد راح يسولفون الخاله ام عمو ونسمع - مممم صح كعدت وهي اجت كعدت باوعتلها هاا ماسمعت شي - لا سمعت ما سولف كال تشابهه بالاسماء مشتبهين باوعت صافنه مشتبهين ما صدكت بس يمكن مايريد يسولف كدام عمامه للوحده طلعو عمامه وولدهم وضل بس رامي وعمر وعمو بكر راد يروح بس اشهب ما خلاه ومصطفى حته ضرغام راح ويه عمامه لان ما يحجي ويه اشهب طلعنا الحديقه لان الصوت أوضح باوعت ع اسيل وضربتها ع راسها - صديقة سوء تعلميني ع السيئات والله اذا لكفنا احد متلومين غير نفسج - هههه واني شكو سوء إلي شعدج جايه وياي وتاخذين سوء البنفسج - انجبي انجبي ام صماخ خل نسمع - لج هاي منو ام صماخ يا حيوانه - انجبي اكبر منج تحترميني ومو اخوج ابو صماخ فأنتي اخته عليه اكيد باوعتلها مستغربه فاتحه حلكها درته وسديت حلكها وهمست فتحي اذانج مو حلكج تقدمت بديت اسمع كلام اشهب وهو يحجي الهم - تدرون اتأكد هم الهم ايد بقتل أسد لان من كلامهم مبين يهددون بيه ويردون اسحب القضيه واسدها وكالو لا تفكر لا باكرم ولا بالياس ولا بأي احد ومالك دخل بيهم لان مو هم الي قتلو صاحبك بس ماصدكت هم لان حسيت هذه لعبه منهم خاصه من ردت ادخل اخذو التلفون مني وكسرو وفتشوني ياله دخلوني بالف جهاز فتشوني والصدمه ان هذاك حجه كلشي بكل جرئه رامي : شنو حجه ووين هذا المكان وشصار - شوف رامي هم ١٠٠ بال١٠٠ الهم ايد بقتل أسد بس بعد نعرف منو الي قاله ومنو إلى امر بهذا الشي وليشش ومو بس هيج أكرم ورقة ربحنا لان هو الي راح يعترف عليهم أكرم وابن عمي واعرفه كلش زين بكر : ايييي كم فلس اطي هسه يكتلك الأول والتالي - لعد باجر اروح احجي وياه ونشوف تاليتها مصطفى : زين بعد شحجو هذوله - هيج اشياء مو مهمه يلا اني اكوم انام لان تعبان هو حجه هيج لو اني وآسيل وحده تطفر ع الثانيه نريد نندل الباب مال المطبخ حته نفوت ماكو هي كدامنا واحنه نفتر بخوف اسيل ركضت لغرفة قمر وروز واني ركضت لفوك بعدني هستوني اريد اطب للممر حته ادخل الغرفتي جان اسمع صوته - انتي لسه كاعده شعدج تفترين - والله بكيفي ماجاني نوم عدك مانع ماريد انام - لا ياب المانع مخلي الجن شصخم بي بس كولي قلقتي عليه وهذهو باوعتلها بغضب وصحت اشهبببب ترا كاعد تتجاوز حدودك هواي عشتو ومنو انت باوعتلها بغضب وصحت اشهببب ترا كاعد تتجاوز حدودك هواي عشتو ومنو انت واقلق عليك يأبه شهل الثقه تقدم واني رجعت لوره بخوف وهو تقدم صار قريب عليه كمشني من خصري وجرني عليه دفعته بس ماوخر همست واني اباوع عليه بكره وحقد واشمئزاز - اشهب ترا كاعد تنسه اكو اتفاق بيناااا شيل ايدك افضلك -شسوين اذا ما شلتها هاا شسوين اذا خلفت الاتفاق وسويت إلي براسي هسه هاا شسوين اذا اعتذرت منج ولو اعرف كلمه اسف ماراح تقدم وتاخر بس اسف اسف ع كل شي ضي باوعتلها بدموع ابتسمت وهمست اسف اسف عليمن هااا ع شنو بضبط حدد لان هن هواي اسف ع دخولك للمركز بذيج الليله واتهامك إلي اسف ع شنو ع اتهامك وانت واكف كدام القاضي ودخلتي السجن لو اسف ع الاهاين إلى اكلتها لو ع الكلمات الجارحه إلى سمتعها من الناس اسف ع شنو ع كلمة مجرمه إلي صارت ما تفارق اسمي لو ع كلمه خريجة سجون إلى صارت إلى لقب هاا ع شنو ع الضرب إلى اكلته بسجن بس علمود اعترف بشي اني ممسويته لووو لوو اسف لمن رادو يعتدون عليه وياخذون شريفي كل هذا لأن كلت كلمه الحق وما كذبت هااا حددد منهن ع شنوو لوو اسف لأنك صرت ظالم وحرمتني من أطفالي لوو اسف لان خليتني ازوجكك بتهديد منك بس لخاطر تكسر خشمي وتعاقبني لو اسف ع الضرب إلى تضربنيااا لو ع الشتم والغلط إلي اكله كل يوم منك لو اسف لأنك مديت ايدك اكثر من مره ع طفل يتيم اسف ع شنو وو ترا هووواي لا وحده ولا ثنين ولا عشره هووواي يا استاذ اشهب حددد هذه الأسف المن تريدهاااا هاا هههه تعرف انت اكثر شخص ظلمتني يمكن حته اكثر من المجرم الحقيقي جنت واكفه والحايط بسدي وهو كدامي وكامشني من خصري واني احجي بكل حركة دم ودموعي تنزل انتبهت عليه عيونه لمعت بدموع واني احجي كل هذا دنك راسه وهمس - حقج كلمه وحده متكفي ولو كلت اسفه منا لحد ما اموت ما تكفي اليوم اتأكد شكد جنت مغفل وغبي من صدكت انتي مجرمه اليوم اتأكد كلشي بس مابقه غير اجمع كل شي كل االادله وع الكل واخليهم واحد واحد بسجن واعفنهم بسجون ماارتاحاذا ماشفتهم وره القضبان لو ع حبل المشنقه عذريني اعرف ضلمتج بس خل - اشهب اريد اروح ماريد اسمع كلمه وحده منك - مو بكيفججج اسمعي غصبا ما عليج - مو كلشييييي غصبببب عدك استاذ اشهبببب كافي حراام عليك دفعته حيل ماوخر باوعتلها وهمست اتعودت يعني لازم أضربك كل يوم باوعلي بخزره وجرني من شعريي وصاح - مو اذا اعتذرت وووكفت كدامج هيج عبالج ضعييف وتتصرفين بكيفج وتمدين ايدج بكيفج مو طفل اني كدامج بت الكـ مسح ع لحيته وباوعلي وكال - ضيييي لا تتجاوزين ولا تمدين ايدج لا والله ارجع اشهب القديم وياج اني الرجااال مو انتي باوعتله صفح وهمست خلصت هدني هدني عفته و مشيت واني احس انتصرت عليه من شفت الندم بعيونه ماسامحك ماكدر مو وحده وثنين واسامح بشر اني مو بسهوله اسامح يا اشهب هذه البدايه بس واتحمل الباقي طول ما اني واكفه كدامه هو يدنك ع شعري ماعرف شنو يسوي بس جان شكله يتغير كلياااا ثاني يوم كعدت واني اتريك نزل هو باوع ع اسيل وصاح - اني رايح البغداد اذا اتصل مصطفى كوليله اسيل : ياااا اشهب رايح وحدك - لا رامي وياي وعمر هم يلاا مع السلامه سلم وطلع عرفته راح الأكرم بقيت اليوم كله احوس اريد اعرف شصااار اريد اعرف شحجو اتصل بعمو بكر يكلي اني هم ماعرف بقيت اليوم كله متوتره وماحجي كلمه وحده لحد ما لليل وهم ماكو و عمو علي لسه ما طلعوو بليل جنت بغرفتي وسمعت الباب الشارع انفتح باوعت من الشباك اشهب طب جان وحده بس شكله ماعرف شلون اوصفه جان عصبي ع هادئ يعني معاني مبينه عصبيه بس يمشي بهدوء وساكت ردت اطلع بس خفت من منضره عفته وغفيت وكلت باجر. اسئل عمو بكر ما صدكت شوكت صبح الصبح اول ما فتحت عيوني ركضت غسلت وخابرت عمو بكر رد وهو منعس مبين هستوه كاعد من النوم هم حجه - شنو لابس حلمانه بيه ولج وجايه اصبحين بيه - هاها لا بس اريد اسئلك البارحه شصار من راح هذا الأكرم - هذا منو هذا - عموووووو - ههههه ماصار شي بي كم بوكس ع كم جلاق ع كم راشدي اعترف هههههه - شعترف نفس الكلام الي بتسجيل بس كال ان هو متعاون ويه الياس علمود يشوهون سمعتج كدام اشهب حته اشهب يتركج واشهب هنا سوه وج هه خارطه ما تندلين وين الخشم وين العين ومن سائله ع القاتل كال ماعرفه وضل يحلف ما يعرفه بس كال اذا لكيتو حمزه واصدقائه الثلاثه هم يكلولكم لان هم الي قتلو أسد وهم يعرفون منو وره السالفه كلش زين اني عبد مأمور فقط سويت إلى طلبو مني الجماعه علمود القضيه لا مشترك بقتل ولا هم يحزنون هنا اخذله كم بوكس وجلاق من اشهب وعمر ما صدك هم استلمه ضرب والله ومحمد وعلي وياه ههههه - صدك تحجي عمو يعني حمزه يعرف منو اي ومو بس هيج أكرم كايل الاشهب مكانه بس ماكال اشهب لأي أحد حته عمر ورامي ماعرفو وشنو يدور برأس اشهب الله ويعلم هذا مو هين وخاصه بعد ما عرف الحقيقه صار أسد مجروح - قصدك خنزير مجروح - هههههههههه خرب يومج يلا اروح اكمل نومتي يوم الجمعه ولي يلا - هههه تصبح ع خير -هو هذا صباح هيو شبيج شنو ما نايمه يمكن - لا داحشش عليك - بت الاذينه شنو كدامج قشمر تحششين عليه - لا حشاك هههه سديته منه وكمت يعني مابقه شي وينكشف كلشي بس حمزه اذا انلكى هذاهو يارب دخيلك راح تمر دورة سنة أسد الثانيه مابقالها شي ياربي قبل دورة سنة اريد تكشف المجرم وتعرف منو وره ايد بالقتل مرت بومين اشهب بالمكتب ما يطلع وملتهين ماعرف شبي عمو بكر يكول سمعت من رامي دايحضور حته يسافر وين ما نعرف عمو علي لسه ما طلع من المستشفى وع اساس اليوم يطلع بيومها نزل اشهب والجنط مالته بيده راح بأس راس امه وجه بأس الجهال كلهم وبس ليث اول ما وصل يمه عافه ومشه بقه اشهب يخزر بي باوعلي وكال - ماراح احجي راح هلمره اعوفه عليج اذا رجعت وشفته ع قلت الأدب هاي لا تلوميني اذا ضربته لو عاقبته فاااهمه فتحت حلكي اريد احجي جان يطيني ضهره ويسلم ع اسيل واخذ الجنطه وطلع وصل للباب باوعلي وصاح ضييي باوعتلها رافع حاجبي هااا - ماكو ترجع بسلامه ابتسمت مجامله كدام امه واسيل والولد وهمست ترجع بسلامه ابو فراس حجيتها ودرت وجهي ومشيت وره ليث عرفت مناك وراح المستشفى يسلم ع عمو علي ومناك يروح للمطار بس وين ما معروف اسيل :بيوم إلى رجع اشهب جان الفرح مو طبيعي وعمو علي رجع لوعيه بس حالته مو مستقره طمنت امي وضليت احوص اله اعرف شكو وبليل اول ما الكل طشش خابرت عمر - الووو ها حبيبي - عمر شصاار ويه اشهب عليك الله سولف لي كلشي ماسمعت زين - يعني اصنتي لعد هذهو ماسولف - عمر عليك الله - ماكو ماسولف والله ههههههههه روحي لج حته ما تصنتين وماكو جديد نفس السمعتي - متأكد ماكو جديد - وعيونج الجنه بحر اي بعد - اوك صدكتك ههههه ضليت اسولف وياه واضحك مرت الايام اشهب سافر ومصطفى كام يشتغل بشركه وخطيه البيت ع راسه ومنا عمو علي مريض بعده عمر ما مقصر يروح ويرد عليه وماترك مصطفى ابد ورامي خله شرطيين بالباب ونصب كامرات ع طول البيت شنو وشكو مانعرف بس يكولون علمود الاحتياط واجب بعدين عرفنا ان اشهب مهدد أكرم وخايفين لا أكرم يسوي شي هو والجماعه إلى يشتغل عدهم لهذا ماخذين احتياطهم مرت الايام واني وعمر سوالف وضحك جنه احلا ثنين واحلا حب جان حب نقي نضيف ابد ماجاوز برغم اني مرته بس ابد ما جاوز وياي وجان اذا يريد ينحرف بس يبوسني جنت اسمع من صديقاتي ان المخطوبين مرات يحجون وماعرف شنو يعني أشياء بس عمر لا جان دائما يشجعني ويطيني حافز حته اتخرج ونتزوج حته مرات من نتراسل ويكون وقت اذان يكلي كومي صلى يلا هههه وصدك مايجي اله اصلي وهو يصلي ياله نرجع نحجي خلصت الايام والامتحانات وخلصت السنه واجت عطلة اخير السنه كل هذا واشهب مسافر ويخابر كل يوميه ويضل يحجي ويه الجهال عمو علي رجع مثل قبل واقوه فدوه ابونا الثاني جنت فرحانه لان واخيرا خلصت امتحاناتي وبديت اني وامي نطلع نسوك للعرس ونتحضر لان نهاية الشهر بيومها رجعت وخابرت عمر وضليت اسولفله روزه وقمر اشترن بدلات بيض من هسه وبقيت كاعده السوالف وياه ع البدلات وع روزه وقمر شلون يهلهلن من البس شغله وأريد اقيسها وشنو يسون ايام كلش حلوه جانت تختلف عن الحزن إلى عشنا واتفقت ويه امي اروح الدكتور تجميل علمود يسويلي عمليه لخدي صح الأثر خفيف بس اسوي اي شي لخاطر سعادة عمر وهو وكف بوجهه امه علمودي بيومها ضلينا للصبح نحجي ونشاقه وهو كلساع وصاح احبج واني اخجل واضل احجي عليه بعدها بفتره عمر اختفى ادك عليه ماكو ميشيله اسولف المصطفى يكولي صاله يومين ماجاني ماعرف عنه شي ضل بالي وخفت حيل باليوم الثاني بليل اتصل بيه اني حسيت روحي طلعت رأسا شلته وصحت وين جنتتتتت مأكول هاي المطيه ضل بالها عليك خل اطمنهااا - ههه حشاج بس صار شي اسف والله مو قصدي بس جنت ببغداد - شسوي ببغداد شكو اهلك بيهم شي عمر احجي خوفتني - لا يأبه مابينهم شي بس اني رحت للدكتوري علمو بعده ممكمل كلامه وسكت همست دكتور دكتور شنو كمل عمر شبيك راح يوكف كلبي - حبيبي اسم الله عليج ماكو شي بس تدرين انتي عدي التهاب بصدري ورحت علمود والتهيت بي مو قصدي والله - دير بالك تعيدها والله ازعل منك - لا يبه التوبه بعد ماتنعاد - اي عفيه بوليدي - هههه طفله - عمررر - اسييل حجاها وهو يقلد عليه وينغوص عود مثلي ضحكت وبقيت السوالف وياه ع العرس لان ما بقه غير اسبوع واصير مرته اتفقنا نروح نعقد محكمه هلا الايام هاي بلكت لان اشهب جاي ضي : بعد ما سافر اشهب ارتاحيت نوعا ما من عده ومن كلامه المستفز ومن حركاته وياي يعني موضوع السفر جان بمحلى شكيت رايح يدور حمزه ولأن إلي عرفته من عمو بكر أكرم كايل الدوله إلي عايش بيها حمزه بس الاشهب لهذا ماكو غير اقتراح مرت الايام بين الجهال والدراسه والامتحانات مالتهم وبين تحضيرات عرس اسيل وبين السالفه والخوف من إكرام إلي سكوته مخوف الكل ويحسبون ان هاي هدوء ما قبل العاصفه حته اني خوفوني وياهم جنت كل يوم اتصل بأمي وعمو بكر عرفت من امي ان بابا يعرف بيها تخابرني وهو دائما يكلها خابريها شوفيها شلونها ودوم يسئل عني فرحت حيييل يعني اكو امل ان بابا وجدو يسامحو ني ويرجعون يثقون بيه ويعتبروني بتهم مثل قبل اشهب اشهب جان كل يوم يتصل بيه بحجة قمر يريد يحجي ويه قمر مرتين ثلاثه صرت اعرف الغايه مالته شنو ومارد رأسا اطي القمر لان اكثر من مره كعد يحجي ويستفزني ويخليني اعصب وهو يضحك مرتاح ابو صماخ بيومها جنت كاعده ع التلفزيون اتفرج واكل شاميه اسيل كاعده جواي بالكاع وبصفي قمر وروزه ومن الجهه الثانيه محد جوه بصف اسيل يوسف وليث وليغاد ابراهيم وع القنفه الثانيه فراس ومصطفى والقنفه إلخ ام اشهب وعمو علي جان الفلم رعب وهستوه عارضي جديد والكل مندمج بي دك تلفوني شلته شفت اسم اشهب استغرب الساعه ب١٢ بليل شيريد أخذته جان رساله وبيها شعر 💬 إن كنتَ لا تحبني فاتركني أحبك وأكون بقربِك اجعلني على هامش حياتِك رهنُ إشارةٍ من ناظريك لا تحرمنيي أن أتنفسَ عطرك سأرضى أن أكون فى الصفوف الخلفية ربما يأتي خريفٌ تتساقط فيه أوراقُ صحبِك عندما يوجعك الفراغُ برداً سأكون مِعطفك وترهِبُك الوحدةُ خوفاً سأحضنُ خوفَك وسيعلم الجمعُ الذي ضمّه عالمنا أني خيرُ من أخلص في حبِّك............. يتبع ،،،،،،،،،، وللحكاية بقيه ،،،،،،،، قرائه ممتعه أحبتي تصويتاتكم وتعليقاتكم وتوقعاتكم وصلو البارت ٩٠٠ تصويت حته باجر السبت هم انشر الكم ههههههه صايره طماعه مو بيدي #نور الشمري #نوشه | ||||||||
|
| |
|
21-07-20, 01:29 AM
| #34 | ||||
| نجم روايتي
| # يا ابن آدم لا يغرك طول الأمل وكثر التمني تراك مقفي والنهاية قريبة والعمر محسوب بالثواني لا زود ولا نقص ولا فيه ريبه ومسؤول عن القاصي والداني واصبر على ما جاك من مصيبة ولا تظلم ترى الحق يباني ودعوة المظلوم على الظالم مصيبة تجرح شعوره بكلام ما له معاني تضيمه وجروحه تزايد لهيبه امسك طريقك ولا تصير عدواني بأسباب ظلمك وجروح القلب عطيبة حسبي الله على اللي بلاني أنا أرجي اللي من ترجاه ما يخيبه عالم الظاهر وما بين ضلعاني يجلي هم بقلبي تزايد لهيبه ويريح بالي ولا يفرح عدواني يبين الحق والظالم ظلمه يخيبه ويجمع قلوبنا بود وحناني نفرح بجمعنا والظالم ظلمه يعيبه | ||||
|
| |
|
21-07-20, 03:41 AM
| #35 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_السابع_والعشرون @noor336 # لا تغضَبي مني ألَستُ فتاكِ أهواكِ يا قَدري ولا أَهواكِ لا تحسَبي أني عشِقتك طائعاً قَدرٌ لعَمرُكِ زارني ونسيكِ قد كنتُ أحيا خالياً مُتَحفِّظاً واليومَ شُغلي في الحياةِ رضاكِ ماذا صَنعتِ بهامَةٍ لم تنحني فحَنيتها وكَسَرتها بِحلاكِ حتى إذا ما صِرتُ خَلفكِ حالماً أيقظتني من غَفلتي بقساكِ وتركتني خلفَ الرَّجاء مُذبذَباً أتحَيَّنُ الالفاظَ عِندَ لِقاكِ فإذا نطقتُ، نطقتُ قولاً فادحاً وإذا صَمتُّ فبئسَ صَمتُ الباكي لا تغضَبي هذا الحَنينُ بداخلي أضحى يُسَمِّمُ راحَتي بجفاكِ لوكنتُ أملكُ يا حبيبةُ راحَتي لرفَضتُ حُبَّكِ ، وادَّعيتُ قضَاكِ لكنني – والله يشهدُ أنَّني أحيا بنَبضكِ أو أموتُ وراكِ فتَرفَّقي يا مَنْ علِمتِ بأنني سأظلُّ أحيا قِبلتي عيناكِ ( اشهب) ضي: فتحت الرساله وبلشت اقرا بيها واني عاكده حواجي مستغربه من الكلمات واباوع ع الرقم ويه كل كلمه اقراها مصدومه واتأكد هذا رقم اشهب معقوله لحد ما وصلت هستوني اريد أقر النهاية جان تنحذف من عدي صفنت مستغربه هذا شبي شكو دازها اذا مسحها وشنو معناها اوووو ضي يعني شي اكيد دازها بالغلط ومن شاف المن دازها مسحها ذبيت التلفون واني كلمات الشعر ميروحن من بالي حته منتبها ع الفلم قمر تسئلني هذا ليش هيج وهذا شلون صار هيج وهذا وين جان واني ماعرف اجاوبها لان بالي مو يم الفلم نهائيا لحد ما اجاوبها اسيل ياله تتركني وحدي بقيت صفنه اجيبني وصفنه توديني ماعرف شمضموملي بعد بهذا البيت خلص الفلم وكلها طشت واني كاعده بمكاني وع عكدت حاجبي ونضراتي ع التلفزيون حسيت اسيل ماده ايدها وتاشر بهلوو باوعتلها وهزيت راسي بمعنى شكو جان تضحك وتحجي - اني لو انتي وين صافنه الحلوه هاا يم اخويه اليوم ماخابر موو وصالج اكثر من ثلاث او اربع أشهر ما شايفته هاا احجي احجي لا تستحين - اسيييل انجبي مو هيج بس وصلتني رساله منه وحذفها ولهذا صافنه شيسموها هاي - رساله ومن اشهب بداعت الغوالي خل اشوفها عليج بداعت كل غالي كل اشوفها - ولج حذفها شبيج هاج التلفون شوفي احجي فرنسي مو كردي لان تفتهم كردي - هههه لا افتهم فرنسي ميرسي بكوو باعي شلوني بالفرنسي اخبل مو باوعتلها صفح وهزيت ايدي وكمت وهي تضحك عليه باوعت الجهال ماكو باوعتلها هذوله شوكت كامو ولا حسيت عليهم - ايي ياب غير بالج يم رسالة شهوبي يا جهال يا بطيخ باوعتلها بغضب وهي ضحكت وصاحت جذب جذب شالهم مصطفى والله داشاقه وياج باوعتلتها بغضب وصحت انتي ما توبين من سوالف مو راح تعرسين بعد اسبوع شوكت يصير براسج خير - هههههه مايصير والله واذا عرست شنو يعني بالعكس اتخبل اكثر يلا باي اروح انام عافتني ومشت واني صافنه مستغربه ماعرف شسوي مشيت خايفة للغرفتي والف فكره براسي قلق توتر خوف واستغراب وكل شي انجمعن سوه اتمددت ع الجربايه وكلساع فاتحه تلفوني صافنه هذا الرجال مو صاحي ابد اكيد وراه سالفة شنو يدور براسك يا اشهب غفيت واني نايمه شفت حلم بس هلمره جان اشهب مو أسد إلي نايم والدم تارسه والجهال كاعدين يبجون عليه واني واكفه ع صفحه اباوعله واديه كلهن دم فزيت مخروعه وكلي عرك ارجف خايفه من كل شي صار وياي احس روحي جنت بمسبح وغركانه اباوع ع هدومي غركانات من العرك باوعت الساعه ب٥ الفجر كمت سبحت وبدلت ملابسي من العرك وفرشت سجادتي صليت صلاه الفجر وضليت كاعده عيني ع التلفون اخابره لا وشعليه بي بس الحلم ميروح من بالي خايفه حيييل لا يصير بي شي وخاصه وكفتي واني اديه مليانه دم واباوعلها مستغربه خوفني هذا الحلم هوواي ماتحملت جريت تلفوني وكتبته رساله ردت ادزها وبطلت حذفتها وشمرت التلفون ع الجربايه وكمت اتمدتت وصافنه حته ما جاني نوم واني نايمه حسيت تلفوني دك طفرت مخروعه الساعه راح اصير ال٦ الصبح منو داك باوعت اشهب فتحت عيوني خايفه شيريد هذا صار الحلم كدامي وكفت خايفه والتلفون بيدي دقايق واجتني رساله منه 💬 شعدج كاعده اخر ضهور بـ 5:30 الصبح صاير شي بقيت اباوع ع الرساله اتنفست براحه بس خايفه ارد لو لا ما رديت عفته شويه ورجع دز 💬 يعني ليش تخليني اغلط بت الاوادم شيسموها هاي اشوفين وماتردين مو اذا اجي انتف شعراتج والعب طوبه بيج من احاجيج ردي ماتحملت باوعت ع التلفون بغضب واني احجي ويه نفسي ردت اتعارك وارد بس كلت لا هيج راح ابرد كلبه خل الجاهله واحركه شويه اخلي يفور خمس دقايق ودك سويته صامت وبقيت اباوع عليه واني ابتسم ع انتصار من خليته يفور نار اجاهلته ونمت كعدت الصبح الساعه تقريب ال١٠ جربت تلفوني واشوف بالعشرين مكالمه و١٠ رسائل منه هههههههه صدك ضحكت وحسيت روحي منتصره دخلت عليه كووومه رسايل داز وحاذفهن من عده لان الواتساب من تحذف كلمه منه يطلع تم حذف الرساله بقيت اضحك ع تصرفاته الطفوليه عفته وكمت واني اخد بيدي والله فايخ هذا حته ما رديت عليه نزلت جوه شفت اسيل تحضر وتروح منا وتجي منا اليوم سبت وعرسها الخميس ومبين مستعجله ض حكت وحاجيتها - هاهاها شبيج يمعوده مستعجله ترا عموري مايطير باوعتلي بخزره وصاحت - لج يااا خـ تخليني احجي هسه وانسه عمر رجلي حبيبتي عمر شدخله شنو ما تدرين باوعتلها مستغربه وهزيت راسي لا شنو للي مادري بي دكت ع كصتها وصاحت مو اشهب خابر مصطفى الصبح الساعه ب ٨ غباشي وكاله راح اجي هسه حجزت وراح اجي وامي من الصبح شاده عليه علمود نتحضر لولي العهد لان صاله أشهر غايب باوعتلها واني فاتحه عيوني يجي مو مسافر لعد هوو شعده جاي وبعدين شكو بهل السرعه يعني مو شسمه - شبيج يمعوده هههههههه ترا مو ملك الموت إلي جاي شهوبي ابو الرسايل تالي الليل عيني تحجي وترفع بحواجبها باوعتلها بخزره وهمست لج اسيييل راح اجيج والله دولي انتي واخوج كلش عود هسه كاتله روحي عليه اصلا ضجت من سمعت عفتها ودخلت للمطبخ لكيت فراس وإبراهيم كاعدين رحت ع ليث كعدته وع قمر كعدتها هي و روزه سويتهم ريوك باوعت ع اسيل وحجيت - شو يوسف ماكو -راح ويه مصطفى سهران ع اللعبه ومانام والله لو يدري بي اشهب يعلكه بالمروحه - ههههه صدك انتي شوكت ترحين للصالون - بعد باجر اروح الها واشوف بعد وكت انتي ماترحين للصالون - اني شعدي رايحه حجيتها بستغراب واستفهام جان تضحك وتحجي وهي اسوي بدولمه - موو لان شهوبي جاي فيعني عبالي - اسيييل والله المرة إلخ ازعل وماحاجيج بعد شبيج هالايام لاحه ع اشهب شكو سامعه شي ترا اني واخوج مستحييييل انصير مثل كل ثنين متزوجين لان اني أسد بكلبي لحد الان وهو مبين لحد لان يحب مرته الأولى مدري ساره مدري حنان والله اعلم لان هو ماشاءالله مو كلب حاط مجمع حاجه الف ياهي إلى شوفها هاج كلبي بالف - ههههههههههه اخ بطني يمه ولج هذا الحجي المن بيج خير احاجيها كدامه حته قتلج يصير عمل خيري - يمه واخاف منه احجيها شنو يعني هذا ابو صماخ ماخاف منه ترا - اييي كلششش - ترا والله ماخاف منه شنو يعني اذا ع الضرب عادي لان هو لو رجال مايضرب مره بس لا عتب ع المريض. -صخام الصخمج ولج صايره تقصفين ههههه وين اشهب عنج باوعتلها صفح وكملت ريوكي اني والجهال وهي كلساع ذابتلها كلمه واني حته ريوك مكدرت أكمله لان ماكو واهس للأسف من سمعت بي راح يجي خلصت ريوك وكمت نضفت البيت حنان ماكو من يوم الي رحنا بي للنجف وهي راحت الاهلها بعد ما رجعت فالبيت هدوء كاعد انضف بصاله جان تنفتح الباب شلت راسي شفتها هي وجنطتها كلبت عيوني لفوك ودكيت ع كصتي وهمست يارب ذكرت القط اجه ينط يعني لو غير شي ذاكرته ما جان صار هذه الشي باوعتلها مبتسمه وهي طبت نافخه ريشها عبالك دجاجه مهلوسه كوه تنفش بريشاتها حطت جنطتها وصاحت - وين عمتوو لعدد - باوعتلها بنص عين وهمست عمتوووو بغرفتهوو نايموو باوعتلي بخزره ومشت لغرفة ام اشهب واني ضحكت عليها الله لا يطيج انعوج حلكي عفتها وكملت تنضيف لكيت اسيل مكمله الاكل كعدت سويت البرياني وياها وخلصت وردت اصعد جان اصيح - تعاي تعاااي اريدج بغرفتييي - شكو يا ستار امشي انتي تخوفين صايره - انجبي لجج امشي يلا - ههههه امشي أمرنا لله مشيت وراها طبت وباوعت لي وهمست مو صار لازم تنزعين الاسود بعد شهر يصير سنتين ع وفاة أسد باوعتلها بغضب وهمست اسيل سدى الموضوع رجائا الاسود هو لوني من بعد وفاة أسد فكافي تحاولون وياي - ماشي براحتج زين ع الاقل مكياج بس باوعتلها وصحت اسيلوو شتخططين هاا ترا الي براسج مايصير فلا تضلين تلفين تلفين وادورين فاهمه سكتت وهي تضحك واني اباوع لها صفح فتحت الكنتور ماردت افشلها اخذت ثوب اسود وحجيت راح البس هذا علموودج لان ماردت افشلج مو علمود شي ثاني ضحكت هي واجت بصفي تحجي - ماشي ماشي بس شغله اخيررره حبااابه باوعتلها صفح وهمست أمري لله اكدرلج اني كولي شعدج - كعدي هنا وخل اصير ميك اب ارتست براسج بليزز حجتها وكامت ترمش بعيونها وشابكه اصابعها ومقربتهن من وجهه وعيونها ملونها باوعتلها وضحكت - هاي الحركه سويها العمر مو إلي لان اني اكدر اقاوم بس هو خطيه - هسه شجاب عمر بنص يااا عابت اله تخجلني - هههههه اوك اوك بس خفيف - اي والله كعدت تلطخ بوجهي وترجع لوره واني اضحك واكلها هذا مو حلو مسحي وسوي غيره يمكن ضلينا فوك الساعتين بالغرفه لحد ما سمعنا الجهال اصيح اجه بابا هي وخرت رأسا - عزااااا ولج اجه كووومي كووومي ولج بسرعه باوعتلها بستغراب شكوو ولج - انتضري هنا بدلي ملابسج وها لا تلبسين حجاب لان ماكو احد بس مصطفى واشهب وعمو ومصطفي نفس اخوج كلششش عادي حبي حبابه لان شعرج يجننن حرام يروح جوه الحجاب وهو مايباوع والله اخوي وادري بي راحت وصلت يم الباب ورجعت هاااا هاج هذا حطي ع ركبتج يطلع ويه الثوب يجننننن مشت فتحت كنتورها طلعت ربطه صغيره كلش مشجره واطتنياها وطلعت وسدت الباب وهي تاشر ع ركبتها حركة الذبح وتهمس ديري بالج تطلعين لحد مااكولج نزلت واني مستغربه شبيها هاي عفتها وكعدت اعدل شعري ذاكليوم عدلت اطرافه وقصيت شويه منه صار لحد ركبتي كلبته صفح وصارت جهه طويله وجهه قصيره حبيته هيج لبست الثوب الاسود جان من يم الخصر مخصر ويجي منفش يوصل جوه ركبتي بشويه عدلت الحزام جان ارادنه من يم المعصم عريضه ونازله وتور ومن يم المعصم لفوك لا مبطن لبست كالون لان شويه من رجلي طالعه اني جنت عادي البس هيج بس بعد ما تحجبت غيرت لبسي بس هذا حبيته كلش حطيت الربطه إلى اطتنياها المخبله اسيل وكعدت باوعت الحمره طوخ هاي شبيها شو عبالك عدها حفله كمت مسحتها ومسحت عيوني وحطيت كحل بس وجربته شويه وجريت شويه من البدايه كبرت ابتسمت ع منضري حسيت ضي القديمه رجعت حطيت حمره وردي خفيفه كلش وباوعت ع شكلي شكد مشتاقه لضي القديمه ليش هملت نفسي اني اسد جان يحب دائما يشوفني هيج كعدت ع الجربايه تلفوني بيدي صرت اكلب بي ضايجه وهاي المخبله راحت والروحه روحه ضليت اكلب بالفيس ضايجه شفت اشهب منزل منشور تم تسجيل دخوله إلى العراق مطار أربيل باوعت ع التلفون وعوجت حلكي وحجيت عشتوو ترا باوعو جنت بالخارج واجيت هسه عبالك بس هو يسافر شمرته واني ضايجه كلب كل مزاجي صفنت ع روحي المرايه كدامي بعدين هاي شبيها راحت شجاها دكيت عليها واني ضايجه ردت بسرعه - هاا شكووو - اسيل راح انزل طكت جبدتي شنو حابستني هنا وبعدين شكو كل هذا المكياج والتحضير راح تعرسين - اييي اااقصد اهل عمر هنا يردون يسون حفله وانتي مرت اخويه غير اطلعج صاكه شوفي هسه عمر جوه لا تنزلين من يطلعون اكلج نزلي ماشي - اووف ماشي زين يصير اروح لغرفتي - لاااااا اقصد يعني اشهب بيه اذا تريد روحي عادي بس اني كتلج علمود ما تكولين ليش ما كلتي - خرب هذا شعده بغرفتي ماعده غرررفه يلا خوش راح انتضرج - اوك سدته واني صافنه حفله شنو هذوله شبيهم شنو اكو عاده عدهم واني ماعرفها اووو ضي كافي شكد تفكرين كعدت ع الجربايه اهز برجليه صفنت زين اسيلون شعجب ما رتبت روحها دكيت عليها ردت رأسا - ها ها ها يمعوده شكوو - ههههه سلامتج حبيبي بس عموري هنا وانتي نازله بالتراك والكفشه شو ما كاعد استوعبها حجيتها واني رافعه حاجبي ومتخوصره عبالك هي كدامي واحجي وياها ههه جان تجاوب رأسا -هااا مو شسمه محظره ملابسي بالحمام اني من نزلت رأسا بدلت وفتحت الكفشه وطلعتلهم هسه اجيج وشوفيني - ههههه خوش لعد طلعتي داهيه ينخاف منج - ايي شعبالج لعد يلا حبيبي اروح اني امي اصيحلي سدته واني وخرت التلفون شفت اشعار ع الماسنجر باوعت من اشهب الحقوقي اشهب المالكي باوعت مصدومه هذا شيريد يحجي صدوك يعني مايستحي دخلت ع رسالته وفتحت عيوني مصدومه من قريت رسالته 💬 مو عيب عليج اشوفين منشور رجلج وماتعلقين اله حته ما جيتي وكلتي الحمدالله ع السلامه من وراج ووره ضربتج رحت اتعالج ياااا جذاااب والله حذااب ماتحملت اسكت كتبت اله واني اعصابي نار 💬 ايي يا عيني خطيه قهرتني شنو لا بس انقطعت الخلفه عدك وبعد ما تكدر تخلف ياحسرتي ضلت حنان بلا جهال لك انت شعبالك يعني تمشي عليه جذباتك بعدين اني ما ضربتك قوي لا اجذب زين وحته رأسا طلعت وكمت تمشي فماتمشي عليه ياا حقوقييي سديت التلفون واني عصبيه شكول عليك اشهب دقايق ورن تلفوني رساله ع الماسنجر باوعت منه فتحته واني ضايجه 💬 اهااا متاكده يعني تمام تعاي اشوفج التحاليل وبكيفج بعد تردين اصدكين صدكي تردين اجذبيني جذبي بقيت صافنه عفته ما رديت عليه ضليت بالغرفه ربع ساعه وطلعت للحمام ردت ردت اغسل اديه بعدني هستوني وصلت يم باب الحمام وماحس غير واحد كمشني من معصم ايدي وجرني ع الممر إلى بي غرفتي حط كف ايده ع حلكي وهمس اشششش ولا كلمه - انت شعبالج هاااا اعوفج بدون عقاب اول شي اجاهلتيني الصبح مثل المخبل احجي ويه روحي وهسه هم ولااااا فوكاها يعني تكوليلي ولك شنو ولج اني ابنج الصغير ومادري بروحيييي بعدين ماناسي ضربتج بت الكلب باوعتلها بغضب وردت احجي بس صام حلكي حيل عيونه جانن حمر ومبين عصبي بس ماخفت منه رديت عليه بنضراتي مال التحدي واني اخزر بي شال ايدي وكال اي احجي بالله شنو مبررج -ماعدي مبرر كيفي مايعجبني ارد عليك كوه هي مثلا بعدين انت اجاوزت واني رديت عليك لأنك جنت تريد تخالف الاتفاق إلى بينا بعدين اني مجاوزت انت تتجاوز ودير بالك تغلط لان اذا غلطت اني هم اغلط واسويها وحده بوحده وبعدين هم لا بعدني كاعد احجي جان يحط ايده ع شفايفي ويصيح اشششششش بت الكل سكت وباوع بغضب وصاح انفتحتي يعني فوكاها ترد الكلمه بعشره والله لو ما خطار جوه جان عرفت شلون اربيج حقيييره - دفعته وصحت لا تغلطططط هاي اول شي وثاني شي اني متربايه احسن منك فااااهم يا بلا أدب وأخلاق مخبل مريض حجيت هيج من حركة كلبي لان ماتحمل يغلط عليه وع ابويه وماعاجبه واسكت عفته وردت امشي ماحس غير جرني من شعري وحط اصابعه بشعري وجرني عليه وطبع شفايفه ع شفايفي نزلت دموعي وتقززت منه ماتحملت ضربته ع صدره ماوخر جان لازمني حيل وعاجبه الوضع ردت اضربه راشدي بس ماعرف شلون شافني وكمش ايدي و ابتعد عني باوعتلي بغضب وهمسسس - هذا عقاابج ادور منا وجاي اي غلط اي شي ما يعجبني بدل الراشدي هذا لأن الراشدي صار قديم ومايفيد هذا سيتفزج اكثر حجاها وضرب أصبعه بخشمي ومشه وهو يغمزلي باوعتلها بغضب وصحت - انت واحدد خااااااااااين خنت الاماااانه واحد حقير انانيي وبلا اخلاااق لان لو يهمك أمانة صديقك ما سويت هيج مع الأسف عليك ماعرف شلون أسد وثق بواحد خاااااين مثلك حاط عينه ع عرض صاحبه وكاعد ي بعدني ممكمله كلامي ماحس غير صار كدامي وخنكني من ركبتي وكعت الربطه وهو عيونه حمر دم باوع بغضب وصاح ايياااااج تكملين لجج اجوزتي هواي وسكتتت هووواي انتي هسه عررررضي ومرتي انييييي لا تخلينيي هسه احجي حجيي مايعجبني ولا يعجبج الأفضل اسكتين لان راح يصير شي مايعجبجججج حجاها وشمرني وكعت بالكاع ودموعي تنزل باوعت عليه بغضب وهمست انت واحد حقير الله ينتقم منك الله ينتقم منك عافني ونزل واني دموعي تنزل ضليت ع كعدتي ودموعي تنزل يمكن ربع ساعه وصعدت اسيل تركض ضربت ع صدرها وصاحت - يممه شبيج ولج شكووو هذاك نزل يسب ويفشر كدام الكل وعصبي وانتي هنا حالج حال شصاار - شصاار شصارر كولي شنو ماصار اخوج العار دنه نفسه ع مرت صاحبه امانة صاحبه هاي تاليتهاااا يسوي هيج بس الصوج مو بي الصوج بيه وثقت بي وصدكت بالاتفاااق بس هو اناني حقير وخااين - يااا ولج ع كيفج مو هيج بس اعصابج خل افهم شصار شبيكم مسحت دموعي ووكفت ماكو شي هيج سالفه تعاركنا عليها يلا كومي راح حبيبج - اي راح تعاي خل تعدل شكلج وننزل مشيت وراها وهي شألت الربطه ولحكتني دخلت لغرفتها وكفت كدام المرايه الكحل سايل والحال حال مسحت دموعي ومسحت وجههي بالاكلنس المبلل وكعدت اسيل تمكيج بيه وخرت عني واني عدلت شعري انتبهت ركبتي حمره ومبين آثار اصابعه عليها الله يكسر ايدك ان شاءالله حجيتها بكلبي ولفيت الربطه عليها اطتني حذاء لبستها وباوعت عليها منو جوه - ها محد غريب يلا فضيهاا طلعت واني اباوع عليها واقوي نفسي مااضعف ابد كدامه خل يولي واحد حقير اذكرت الشعر الدزه اني اعلمك اله اعرف شنو التكمله مالته وافضحك يااشهب بسيطه باوعت ع اسيل لابسه نفنوف ابيض وسمائي بينصل وشاده شعرها ذيل حصان ومطلعه منا ومنا كذله طالعه تخبل نزلت البيت هدوء باوعتلها وكتلها شو كلشي ماكو - اي بالاستقبال روحي لهناك واني هسه اجيج خل اجيب مي واجي عفتها ومشيت فتحت باب الاستقبال ضلمممه شنو هاي يضحكون عليه مديت ايدي اريد افتح الضوه جان يشتعل وحده باوعت مصدومه ع المنضر الكدامي ماحس غير ع شي يطيح عليه باوعت اسيل طكت هاي مال العيد الميلاد وطاح ورد عليه باوعت مستغربه اليوم عيد ميلادي عزاا ولا اذكر هذا الشي دائما انسه عيد ميلادي وجان اسد يذكره ويسويلياه مفاجئه ودوم يكول الله يحبني خلاج تنسين عيد ميلادج حته اسوي المفاجئه براحتي بقيت مصدومه شعرفهم اليوم عيد ميلادي باوعت ع الكيك جانت طابقين والفوك بيها صورتي واكو شمعتين رقم ٢ ورقم ٨ ضحكت كبرت سنه وكبرت همومي وياها عمري صار ٢٨ سنه شبساع باوعت ع الميز جان كله ورد وحلويات وبيبسي وجكليت وكلشي موجود باوعت ع الجهال ركضو ليث وقمر إلى قمر :كل عاام وانتي بخير ماما ليث : كل عام وانتي بخير وانتي امنا وما تبتعدين عنا ابد حجاها وباوع ع اشهب ضحكت واخذتهم بحضني حبايب كلبي انتم ولكم الروح مالتي وانتم بالف خير ربي لا يحرمني منكم باوعت ع اشهب كاعد رجل ع رجل ولا كأنما اكو شي كدامه حاط تلفونه ويتصفح عود شوفوني ما مهتم اني عشتو عود كلش مهتمه الك هسه اني ان باوعت وان ما باوعت ما يهمنييييي باوعت ع عمو علي واكف مبتسم همس وهو يباوعلي - ابد مانسه هذا اليوم لان اجت جنتي بي ع الدنيا بنيتي إلى الله دزها إلي اذكر لهفت أسد بهذا اليوم من يركض منا ومنا ويحير شنو يسوي ابتسمت بحزن ودموعي لمعت بعيني بس كابرت ماردت تنزل كدامهم شبكته وهمست الله يرحمه عمو هو ما مات لاا هو لحد لان عايش بكلبي مستحيل انساه - بارك الله بيج بنيتي الله يطول بعمرج يارب ويخليج خيمه الجهالج ابتسمت واني اسمع الكل يصيح امين اله هو ههه عشتو عود زعلان خفتن وراحه اني الي لازم ازعل واتعارك بس مو ثوبي هذا ماريد أكبرها لسالفه وخاصه محد يعرف بالاتفاق إلى بينا باوعت ع ام اشهب فتحت اديها إلى واخذتني بحضنها وهمست - كل عام وانتي بالف خير بنيتي ربي يطول بعمرج - تسلمين خاله وانتي بالف خير حجيتها واني ابتسم مجماله الهم لان هذه اليوم فتح جروح إلي كل سنه احتفل بعيد ميلادي أسد وياي بس هنسه أسد ماموجود وياي حسيت ع ايد كدامي باوعت مصطفى - شنو يأبه جا واحنه ميصير نعايدج - لا افه انت اول واحد تعايدني - هههه تسلمين ام ليوثي كل عام وانتي بالف خير يارب ان شاءالله اشوفج بأعلى المراتب واشوفين السعاده ولا يشوفج شي تعيس ابد ترا ماعرف اعايد هاي كوه لزكتها بتيب وحجيتها الج هههههه - ههههه صفاوي متقصر تسلم اخذني بحضنه وهو يلعب بشعري ضحكت وابتعد عنه خجلانه لان اول مره اتقرب منه اعر ف هو يعتبرني اخت جبيره مو جبيره اصلا اكبر منه بسنتين او ثلاثه بس اعرف مو قصده ان يسوي هيج ابتعد وهو مبتسم باوعتلي وصاح - يااابه شهل الجمممال هاي عينييي الاسود يليق بك انتي فقططط اسيل : الله الله اكعد نزار قباني ترا رجلها كاعد ماعرف ليش من كالت هيج اسيل اجه ع بالي أسد رأسا ضحكت وكلت لا اس. سكتت واني ااتلافه الموضوع رأسا انتبهت عليه رافع راسه يباوعلي صفح ماعاجبه ورافع تك حاجب حسيت ع اسيل وهي تشبكني وتعايدني اشكرت منها وهمست - خوش جذبه مال عمر خليتني ماانزل - اي ادري بيج راح تنزلين فمن اكلج هيج ما راح اطلعين من الغرفه ابد ههههههه - ههههه مايكدرلج ابد - شعبالج لعد فديتني - باوعت ع الجهال اجه فراس عايدني واني أخذته بحضني حبيبي وانت بالف خير ابراهيم وروزه وراه واني اضحك وياهم اخر شي اجه يوسف ياكل بقلاوه ويحجي - عاشت ايدج خاله همزين اجيتي للدنيا حته نأكل بقلاوه براسج ههههه - هههههه كل همك البقلاوه - اي خاله ماتدري اني محروم منها لان اسمن وبابا ميقبل اكل منها لان ميريدني اسمن اكثر باوعتلها بابتسامه وهمست - اكل الف عافيه محد يمنعك منها انت اشهب : يووسف اني شكايل كم قطعه اكلت بدووون جذب - بابا والله مو هواي هن كم قطعه - اييي شكد رفع اديه يوسف وباوع ع اشهب بخوف وهمس خمسه بس والله مو هواي يعني وهاي السادسه فتحت عيوني مستغربه ضحكت عليه واشهب خزره عاطت اسيل وهي فاتحه حلكه - ولك اني اكل ثنين انحمس وانت تاكل السادسه وتريد بعد فلككك مو بطن - انجبي اسيل عوفي الطفل ياكل حجيتها واني اضحك واغمزله وهو مكيف باوعت ع الحايط جان مزين وعليه صور ملصقه ع الحايط إلي وبيهن إلي والليث والقمر استغربت منين جابوهم هذني بالللابوام إلى ببيتنا اني واسد باوعتلي قمر إلى مجلبه بيه تضحك يلا ماما كصي الكيكه - لااا شنو صغيرونه اسيل : انجبي انجبي وكصيها بداعت ليث مو ليث - اي ماما بداعتي حته نكص صور وياج واضل ذكره - مممم تمام شلت السيجينه ردت اكص الكيك ليث يمي جان من جهه ايدي إلى بيها السيجينه جان ماحس غير اشهب يجره ويوكفه كدامي باوعت بصدمه وليث هم باوعله هو ابتسم وهمس - حبيبي اخاف عليك لان امك عدها سوابق ينخاف منها باوعتله بغضب وكلها تباوع محد مفتهم السالفه شنو شكد كرهته بس يحب يفشلني كدام الكل ردت اكصها جان اصيح اسيل - اوكفي يمعوده اتمنى امنيه - اسييييل حجيتها بنفاذ صبر جان تضحك وتصيح حباااابه بداعت جهالج - انتي ضلييي بداعت فلان وعلان - هههههههه اي لأن ادري بيج توافقين بساع باوعت عليها بخزره وغمضت عيوني تمنيت أمنه وحده وهي ان قاتل أسد ينلزم بأسرع وقت و كل شخص ضلمني تحاسبه ياللهي كصيتها الكيكه وهم يصفكون واسيل اصور ووكلت الجهال وكعدت ردت احط الكيك بالاماعين واوزعه جان تدخل حنان لابسه ثوب احمر حصر والشعر نافشته والمكياج جنها وحده من هذني الك**** والعلج خوو صوت الطكه مالته توصل للشارع طبت تضحك جان تهمس - كل عام وانتي بخير حبيبتي ام ليث باوعت عليها منين نزل الأدب صدك تحجي هاي والله اشك بيها ابتسمت بوجهه وردت عليهه ضلينا كاعدين اكلو كيك وضل اشهب يسولف وكل واحد يعطيني هديته لحد ما صاحت روز - بابا شجايب لخاله ضي هديه اكيدد حلوه نفس الهدايه إلى جنت اجيبها الماما باوعت عليه ابتسم وهمس - انشاءالله اشتريلها مجنت اعرف اليوم عيد ميلادها حجاها وهو يبتسم ويلعب بشعر روز درت وجهي وشلت الاماعين وديتهن للمطبخ جانت الساعه ب٣ الضهر حته العيد ميلاد بعز الضهريه ههههه ردت اطلع جان اصير حنان كدامي باوعتلي وضحكت - شفتي شلون مايستحمل بدوني بنفس اليوم الي راد يجي خابرني كالي تعالي اجي الكاج بالبيت لان مشتاقلج مووت لج قهرتيني حته عيد ميلادج ما مذكره - اووي سوده عليه حجيتها وتقدمت اباوع لها متكدر تكسرني ابتسمت وهمست قريب عليها يعني مشتاقلج وومايدخل غرفتج ابد وين صايره هايي وبعدين ماريد هديه منه هو كله ماريده اصلا منو كال أريده اصلا بالعافيه عليج لان الطيور ع أشكالها تقع حبيبتي دفعتها ومشيت كاتله روحها عليه وياريته يستاهل ضليت كاعده السوالف ويه اسيل وبعدها كلها طشت لغرفها شفت اشهب كاعد يحجي ويه مصطفى سمعته كال - اي كلت لبكر ورامي وعمر وانتضر هم اليوم بليل ونشوف تاليتها شلون عفتهم وصعدت واني ضايجه من جهه اشهب ومن جهه حنان ومن جهه قاتل أسد ومن جهه أطفالي ومن جهه نفسي ماعرف اشيل هم منو لليل واني احوص ماصدك شوكت يجي عمو بكر ويطلع ويطلع حته اعرف شكو طلعت سئلت اسيل كالت مادري حالي من حالة انتضر عمر يطلع حته يسولفلي لان وعدته مااصنت بعد باوعتلها صفح وهمست الله يهديج ويطي العافيه العمر الخلاج تعقلين - انجبي لج ههههه ضلو يمكن فوك الثلاث ساعات لل١٢ ياله طلعوو اول ماطلعو اتصلت بعمو رد عليه وهو يضحك -ها ام فضول ماصبرتي - لاااااا ابد ماصبر سوالف شكووو - ماكو ومثل ماتوقعت جان يدور ع حمزه بس ماكو ف ص ملح وذاب دوله شكبرها وين يلكاه بس كال عرفت شغله اكو من كاعد يوصل إلى نسوالفه الهم ووهو واحد منا من البيت لان اكو شي احنه متفقين عليه بس احنه ومحد يعرفه وعرفت أكرم يعرفه بمعنى ان شنو - اكو جاسوس عزااا عمو معقوله رامي - دانجي رامي اصلا يموت من أكرم بينهم خلاف بشغل - عزا لعد منو معقوله مصطفى لو عمررر - ضي راح اجي اركعج براسج فدور كولي اني - لا اعرفك مسويها - دنجبي لعد - رحمه الله والديك - ووالديج ههههه ضل يسولفلي شلون اشهب ضل يدور بايطاليا من من مكان لمكان ع حمزه وملاكي وراجع يجدد الاجازه مالته وعلمود عرس اسيل ويرجع يسافر بس ضليت صافنه منو يكون إلى يوصل كلام غفيت فزيت ع صوت الأذان فتحت عيوني كوه ونعلت الشيطان وكمت فتحت الباب اريد اروح للحمام جان اعثر بشي بالكاع فتحت عيوني زين جانت علبه مغلفه جبيره صفنت شنو هاي شلتها حطيتها ع الجربايه ورحت توضيت ورجعت صليت وخلصت ولميت السجاده وباوعت ع العلبه شنو بيها كعدت وحطيتها بحضني فتحتها وجان انصدم واني اشوف نفنوف اسود مطرز يجننن طوويل ومال مناسبات ابتسمت ع جماله بس انصدمت منين باوعت اكو علبه ثانيه فتحت جانت كلاده ذهب بس تفصاله كلش حلووو ليث وقمر اكيد من عمو بكر واطاهن للجهال وجابوه لهنا فديته دوم يفكر بيه بس ماكال شعجب رجعتها واني فرحانه ورجعت كملت نومتي اسيل : بيوم الي اتصل اشهب وكال اني جاي كعدت شفت عمو علي كال اليوم عيد ميلاد ضي دزي مصطفى وخل نغير جو وسويلها مفاجئه واني ما ما كلت لا ركضت كلت المصطفى وسويتله قائمه خابر اشهب ومن عرف كال الكيكه عليه ابتسمت وصار عدي فضول اشوفها ومبين من نبرت صوت اخويه مبين فرحان نزلت ضي وضليت احجي واذبلها كلام وهي تتخبل واني اضحك عليها خلصت كلشي وأخذتها لغرفتي مكيجتها وعدلت شكلها وطلعتلها كلشي وعفتها ونزلت بدلت بغرفة امي وكعدت احضر بالاستقبال وهي كلساع مخابره واضطر ارد عليها حته متنزل واشهب سلم وصعد فوك عبالي بغرفته هو وحنان بس من نزلن حنان سئلت عليه كتلها مادري صعد فوك جان تعوج حلكها وتهمس وهاي الارمله السوداء وين هم فوك باوعتلها وهمست نعم قصدج عليمن لان الارمله السوداء كدامي - احترمي اسيل يعني منو غير ضي خانم - هااا الورده البيضاء بغرفتي تدرين عيدميلادها ومسوين مفاجئه الها عفتها وكملت تحضير وهي ساعه تضحك وساعه عصبيه من شفت كيكة ضي اجننن صدك ذوق اخويه يخبل انتبهت حنان ضاجت كمت ضميتها خفت اسوي شي هاي مخبله نزلت ضي وضلينا نضحك ونشاقه جان يوم كلششش حلو بليل ضليت اتراسل ويه عمر وسولفلي ع روحة اشهب اتفقنا قبل العرس بيوم نعقد محكمه لان هالايام راح التهي صالون وهاي الشغلات ثاني يوم رحت ويه امي للصالون تركت شعري اسود بس اطرافه صبغتهن ثلجي علمود من اسوي تسريحه يطلعن بتسريحه كلش لاكلي خاصه اني بيضه وعيوني ملونه طلع فيت وياها طلبت منها تخفي الأثر إلى بخدي بيوم العرس وافقت وكالت اكدر اخفي الج بس مو كلش كتلها ميخالف حفيت وخلصت ورجعت للبيت ميته تعب ثاني يوم طلعنا حظرنا صواني وشغلات العرس للحنه اني وضي أخذنا اشهب ومن الصبح للعصر ياله رجعت لان مايعجبني شي واضل ساعه اختار هذا أريده هذه ماريده عمر خطيه يتصل كلساع ومافارغه ارد عليه ضي وحنان الله هاديها تنضف بالبيت ويه ضي وكلش تعبت خطيه ثاني يوم رحنا نختار البدلات وجنت اصور وادز العمر وهو يختار اختاري ثنين قصيرات وثنين طويلات وابدله البيضه صارن 5 كالو باجر نجيبهم الكم توصيل رجعنا ومن اليوم بلشت الطخار يجي كرايبنا من المحافظات كعدت اتصل بعمر واسولفله ع البيت صاير هرج بس صوته ماعجبني - عمر باجر شوكت تجي عليه - ها حبيبي وين - للمحكمه وين يعني - ها اي نسيت الصبح اشهب كال اني سويتلكم كلشي ماضل شي خفايف بس - اوك حبيبي ضليت احجي وياها بس ابد مايعجبني خفت همست عمر -ممممم -شبيك حبيبي ليش صوتك هيج ضايج مبين بيك شي - ها لا عمري ماكو شي بس تعبان شويه -من شنو يروحي اصير لك دوه - ااخ اسيل لا تحجين هيج روحي باجر نحجي صفنت شبي هذا حته ما كملت كلامي وسده بوجهي ضجت ونمت زعلانه منه بس كعدت الصبح ع صوت رساله فتحتها منه 💬 أيعقل ان حبكِ أصبح إدمان لي هكذا كيف كيف حدث هذا فأصبحتِ گ الدم الذي يجري في شرياني من اي شي انتِ فلا تفارقي مخيلتي ولقد سرقتي النوم من عيني فأصبحت كالمجنون لا أميز بين النهار واليل فكلاهما اني مستيقض بتفكير بكِ مجنونك وعاشقكك للموت عمر ابتسمت واني أقرا بيها سديته وابتسمت بحب ممصدكه صفنت واخيرا اليوم عمر راح يصير رجلي شرعا وقانونا ضي : مرت يومين واني ملتهيه بين اسيل والبيت والتحضيرات وبين اطلع اسوك وياها واركض منا ومنا قبل يومين من العرس اجو كرايبهم من المحافظات وترسو البيت جنت كاعده امسح بالصاله الفوك وماحس غير واحد كمشني من ايدي ولفني عليه ردت اصيح بس سكتت من شفته اشهب باوعت عليه واستغفر الله وهمست شتريد انت ما تستحي وخر هسه إلى يشوفك ش يكول - شيكول مرتي واصلا جاي احاجيج بهذا الشي شوفي خالاتي ونسوان خوالي كلهن جايات وبناتهم هم ماريد جنسس بشر يحس ان اني وياج زواجنا ع ورق فاهمه يعني انتي مضطره تمثيل دور الزوجه الحنونه كدامهم ماشي يا مرتي حجاها ورجع شعري لوره اذني دفعته وهمست اعرف شلون امثل مايحتاج نصيحه منك وماكو داعي امثل اصلا لان هذا طبعي إلى يصدك يصدك ميصدك يطبه طووب حجيتها ودفعته بس كمش بخصري هو وجرني عليه وهمس باذني مو هي بكيفججج إلى اكوله يتنفذذ لا تخليني امشي ع الطريقه الجديده اليي يحجي ويتلمس بخصري ويتفس بشعري ماتحملت لعبت نفسي وردت ادفعه بس صارت بت خالته كدامي رأسا دارت وجهه وهو وخر يبتسم غمزلي ونزل واني دموعي نزلت عفت التنضيف وركضت لغرفتي والابنيه صافنه عليه بقيت ابجي بغرفتي ومالي واهس اسوي اي شي كوه طلعت ويه اسيل للسوك اشترينا بدلتها ورجعنا ثاني يوم طلع اشهب وأمه وعمو علي واسيل للمحكمه واني ضليت انتضر البدلات يجيبوهن حته احطهم بغرفه اسيل لان باجر العرس والهوسه اباوع الجهال مسويه البيت هرج مرج هاي غير النسوان إلى اصلا ماعرفه وحنان كلساع كاعده ويه وحده واضل ادك حنج واني ماعرف ولا وحده باوعت ع ليث وقمر يلبعون عفتهم ومشيت ردت ادخل لغرفة اسيل احضرها لان جابو البدلات جان اسمع صوت تلفون بغرفة حنان بقيت صافنه حنان من نزلت تلفونها بيدها تلفون منو يدك بالغرفه باوعت مستغربه ومشيت الغرفه فتحت الباب جان يجيني صوتها من وره انتي شسوين هنااا اسيل : بدلت ملابسي ولبست كوستم وردي وطلعت وياهم واني فرحانه وكلساع ابدي اركص ممصدكه حلمي تحقق وكفنا بطريق كدام المحكمه ننتضر عمر وأهله يجون بس مرت ساعه وثنين وهم ماكو اشهب عصب يدك عليه مغلق ادك اني مغلق ضل بالي خاااايفه لا صاير شي وياهم ضليت قلقه لحد ما دك تلفون اشهب نزل من السياره وصار يحجي اخر شي هو واكف كدامي جان يباوعلي ويغمض عيونه و.......... يتبع ،،،،،،،،، وللحكاية بقية،،،،،،، قرائه ممتعه أحبتي تصويتاتكم وتعليقاتكم وتوقعاتكم رفعو البارت فدوه اروحلكم #نور الشمري #نوشه | ||||||||
|
| |
|
22-07-20, 01:48 AM
| #36 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت الثامن والعشرون Noor336 #ما أجمل الفراق... ستبقى وسيماً وشاباً إلى الأبد في خاطري، ستظلّ تحبني وتكتب لي أعذب قصائد الحب، وسأظلّ حين أسمع اسمك أو أرى صورتك أرى النجوم تركض قرب وجهي نهراً متدفقاً من الضوء إلى اللانهايات... سأظل أحبك سعيدة بالتواطؤ مع خدعتك لي .. أحبك دون أن أسألك من أنت وما أنت، حباً بلا شروط حباً له بهاء خراب الفصول حباً أعلن استقلاله عنك سيصير حبك لقاء في المسافة بين الكبرياء والكتمان والمستحيل كوكباً مضيئاً راكضاً في مداراته النائية المعتمة، قمرأ جديداً غامضاً يُضاف إلى مجرتنا يرصده الفلكيون بدهشة متسائلين: من أين جاء؟ اسيل : باوعلي وغمض عيونه وسد التلفون ضرب ايده بالعامود مال الكهرباء فتحت عيوني مصدومه نزل عمو علي يحجي وياه واني كاعده اخاف انزل ماعرف كلبي نخزني ماردت انزل واسمع كلام ماريد اسمعه لالا عمر مابي شي هسه يجي هو الصبح دزلي شعر يراضيني لان البارحه زعلني باوعت ع امي وهمست - عمر مابي شي مو يوم مابي شي بس ازدحام وهسه يجي مووو باوعتلي بنضرات اطمني باوعت ع اشهب واكف بشارع يصيح وياشر وعمو علي يهدي بي ردت انزل ماتحملت اضل اكثر بس قبل لا افتح الباب صارت سياره كدام سيارتنا ونزل منها اخو عمر مشه صوب اشهب وسلم عليه ماتحملت فتحت الباب وردت انزل كمشتني امي - لج تعاااي تريد اطلعين خبالات اخوج بنص الشارع بنت الاوادم تعاااي هناا عفتها تحجي وحدها ونزلت اشهب مطيني ضهره وعمو عليي بصفه يسمع واخو عمر منزل راسه ويحجي بعدني وصلت قريب منه وماحس غير اشهب ضارب اخو عمر بوكس وراد يضربه الثانيه بس كمشه عمو عليي وكفت مفجوعه فاتحه عيوني بخووف احس رجليه يرجفن شكووو اكيد عمر مابي شي لان لو بي مايضلون هنا يحجون بس شكو نزلت دموعي واني أتقدم بس فجئه وكفت واني اسمع كلام اخوه وهو يكول - اشهب كتلك ماكو نصيب هذهو مادام بعدنا ع البر كلمن يروح بطريقه يا خوي ليش نزوجهم ويروح مستقبلهم اشهب : لككك انت شتحجييي عمي هدني خل اكسر راسه حته يعرف شنو يحجي ولكمم اختي لعببببه لعببببه بكيفكم كلشي تردووو وينه العار اخوك وينننه خل يجييي بي خيررر يواجهنيييي مو من رادها وكف بوجهي وكال وهسه شنووو وين راح هاي الثقه الي اطيتهياا هاي تاليتهاا يغدر بيه ويعوف اختي قبل عرسها بيوووم والله والله اذا ماخليت اخوك عمر يبوس القنادر حته يخلص مني مااتسمه اشهبببب وخر عني عمييي مالطخ اديه بدم عار مثله ومثل اخوو واختي تستاهل احسن منه - اشهب مو هيج الحجي كتلك بدون فضايح يفصخ كلشي لا انتم من ثوبنا ولا احنه مو ثوبكم انتم بطريق واحنه بطريق - ايييييي خل يجي يكول هذا الكلام عمر وعود لكل حادث حديث بس هسه عدي كلام وياه بنات العالم مو لعبه يا استاااذ - اشهبببب كافي زودتها ترا اختك مو اول ولا اخر وحده تنفصخ خطوبتها - اييي صحح مو اول ولا اخر وحده بس مو قبل عرسها بيوم مو كدام المحكمه وهي جااايه تعقد ولكمم انتم شنووو تصورتها من الكل بس مو من عمرر وينه هلعار وينننه - الفجر راح البغداد اشهب عمر الي بي - اششششش ولا كلمه مااسمع منك كلمه وحده حسابي ويه اخوك الي اعتبرته اخو وحزام ضهري واعطيته اختي وكتله كبع واخذ بدون حته ما اتردد لحظه وتالييي هذه الي يقدمه إلي يدزك الي والله ماكو قسممه هييينه هييينه عمر أفندي دار وجهه اشهب وانصدم من شافني وراه دموعي تنزل واباوع عليهم هزيت راسي بـ لا همست واني اتقدم ع اخو - عمر ميسويها لكككك الصبح دزلي رساااله البارحه جنه نحجيي ماكااال ماكااال جذاب كاعد اجذب مو ايي هذه لعبه منه يريد يختبر حبه مو وينه يلا خل يطلع كافي تمثيل مو أطفال احنه ويننننننننه صرخت ونزلت ادموعي وهي صرخه وهي وكعه حسيت بدين اشهب وهو يتلكاني ويلفني بحضنه باوعت عليه وهمست عمر ما يتركني موو هو بعدني ممكمله كلامي وحسيت الدنيا لفت بيه وكمت اشوف العامود يفتر فوكي غمضت عيوني ومادري بعد شصار ضي : درت وجههي رأسا شفتها واكفه وراي ورافعه حاجبها ومتخوصره وتهز بنفسها والعلج بحلكها ابتسمت وكالت ايي يا ضرتي شسوين بغرفتي - ماسوي شي سمعت صوت تلفون واجيت اشوفه المن - وانتي شدخلججج غرفتي ما مسموح الج تخطين خطوه برجله بيها فاهمه هاي مره المرة إلخ اكسرها الج - احجي عدل ماكاتله روحي ع غرفتج عشتوو يكول عبالك غرفة سندريلا ترا بس ريحه الوصخ كافيه شلون عايشه بيها واني اكول اشهب مايدخل الها عفتها ومشيت بس خلصت كلامي ماحس غير جرتني من ايدي وباوعت لي بابتسامه تقربت يمي وهمست - قررريب كلش قريب هذا اليوم اطردج منا واخلي أشهب مثل قبل يشوف دم اسنونه ومايشوفج اكطعج واذبج ببطنه ومايشفى غليله وغليلي هينه اصبري وشوفي - ههههه ما ع بخيلج اركبي ماخايفه وشيطلع من ايدج سوي ماخايفه لا منج ولا من الاشهب مالتج دفعتها ومشيت واني احس بنار بصدري من تصرفها وراها سالفه هاي حنانو بس شنوو لحظه معقووووله هي ايي ليش لااا محد غيرها والله تهديد اتها وكلامها هي والله هي الي توصل الكلام الأكرم وغيره بسيطه خل يجي اشهب والله اليوم محد يخلصج مني اني الج حنانووو اذا ماخليتج تتوسلين بيه يا خاينه ما شك اطلعين الج ايد بقتل أسد لان وحده حقيره عفتها ومشيت دخلت البدله البيضه لغرفة اسيل حطيتها ع الجربايه ومشيت اخذت باقي البدلات لغرفتي وقفلته اثنينهن ونزلت اخذت الجهال ع صفحه وباوعت لهم وهمست كلمن الغرفته يلا كافي لعبتو هوواي شوفو البيت شصار بي يلا لزمو ايباداتكم وكعدو لعبو بي صدك كيفوو من كتلهم هيج ركضو للغرف واني كمت نضفت البيت ودخلت للمطبخ جانت خالة اشهب مدري مرت خاله ماعرفها بضبط كاعده ع الكرسي وتاكل باوعتلي وحجت - اييي ماعرفتو المجرم منو حجتها بستهزاء وتحجي عببالك تعرف منو. بس تثول بروحها همست الها واني ابتسم - لا والله اذا تعرفي كولي باوعتلي صفح وكملت أكلها وهي تحجي - اي وشكالولج عليه محققه واعرفه لو تردين كوه اذبين التهمه عليه - يااااا باوعتلها بصدمه هاي شبيها كوه تريد تحجيني اسكت احسلي لان مبين وراها سالفه واكيد حنانو دازتها لان جانت واكفه يمها كعدت اسوي بالغدا جان تندفر الباب مال الشارع ويطب اشهب شايل اسيل وعيونه حمر وعمو عليي وأم اشهب وراه فتحت عيوني مخروعه فتحت باب المطبخ وباوعت بصدمه هو رأسها ما طب ع الصاله من الممر وطلع بيها فوك واني لحكته بيدي المفاتيح مال غرفتها وكف يم باب غرفتها ودفرها برجله للباب مانفتحت لان قافلتها باوعتله وهمست مقفوله خل افتحها - وشمنتضررره ما تفتحين بت الكلببببب فتحييي فضيهااا باوعتلها بغضب بس ماحجيت مبين عصبي حيل سكتت حطها ع الجربايه بصف البدله مالتها وطلع وسد الباب عينكم عليها كلساع وشوفيها ومحد يدخل الها فااااهمه واياااج اعرف احد من الجوه عارف شي فااااهمه باوعتله مستغربه شبي هذا هزيت راسي اي مشه ورجع صاح فااااهمه مو وياج اكل تبن انييي باوعتله بغضب وهمست ايييي ايي فهمت والله شبيك اصيحح خزرني ومشه ماحجه كلمه عافني وراح لغرفتي صاح وين المفتاااح متكليلي شعدج مقفله الغرف شنووو بيهن كنز الخلفوووج استغفر الله ربي الصبر الصبر ضي تحملي تحملي ميخالف تتنفسي تتنفسي هذهو هذهو يصيح يصيح ويسكت من وحده مشيت واني اهدي بنفسي ماريد اصير فرجه الهن جوه باوعتله وهمست واني مبتسمه هذه المفتاح مقفلتهن لان بيهن غراض اسيل والبنات صاعدات نازلات خاف يسون شي باوعلي بغضب وهمس وهو صاك ع سنونه - تستهزئين بيه حضرتج شوو مدري شلون تحجين شوفي ولج هاي اخر واول مره تحجين وياي هيج وجيبي المفتاح فتحها وطب وطبكها حيل رجعت لوره نزيت من ضربت الباب شبي هذا تخبل اكيد مو صاحي عفته ونزلت جوه لكيت عمو علي وأم اشهب بالغرفه يحجون دكيت الباب ودخلت باوعتلهم مستغربه جان عمو علي يصيحلي - تعاي بنيتي منو اجه بعد ورانا -محد عمو بس اجو اهل التوصيل جابو البدلات - ها خوش لعد شوفي بنيتي ما نريد جنس بشر يعرف شي ماشي - ليش عمو شكو حجيتها واني مستغربه خايفه مسح وجهه وهمس - عمر فصخ الخطوبه - شهكت واني احط ايدي ع صدري عزاا العزااه هذا شبي يحجي صدك مو باجر العرس شنو هسه اذكر - اششش عوفيها لكل حادث حديث هسه مثل ما وصيتج خاصه حنانوو ع ما نلكي حجه شو شنو نعرف عمر ليش هيج سوه ديري بالج عليها ماشي بنيتي - اي عمو بعيوني لا توصي عليها بعدني هستوني طلعت من الغرفه جان يجيني صوت اسيل من فوك وهي اتصيح وتبجي باوعت ع عمو علي ام اشهب رأسا صعدت و مصطفى جان يم الدرج يمسح يعدل بشعره ع المرايه ماحس غير سوو الدرج خطوتين ركضت وراهم ودخلت واشوف اسيل حالها حال مشككه البدله وتبجييي واشهب يسكت بيها اريد استوعب المنضر الكدامي ماكدر مو هين هذا الموقف مو سهل قبل يوم من عرسك يفصخون كلشي احس كلبي تكطع عليها واني اسمع شهكاتها وحجيها نزلت دموعي لا اراديا عليها ماتحملت رحت يمها واني اهدي بيها كلها كعدت بصفها وهي بحضن اشهب تشهك بحضنه اسيل : واكفه كدام المرايه صافنه ع نفسي وين جنت ووين صرت ليش ليش هلكسره هاي يالهي شنو سويت وانكسر هيج كسره خليت اليسوه والمايسوه يشمت بيه ليشششش ليششش يارب امتحانك صعببب باوعت ع الصوره وهمست ودموعي بعيني مو باجر عرسنا مو اتفقنا نكون احلا عائله ليش هيج سويت باوعت ع بدلة العرس جانت ع الجربايه ماتحملت اشوفها ركضت عليها وجريت المكص وصرت اشكك بيها مثل المخبله وابجي واصيحح شكو مخليها اذا ماكو عرسسس شكوووو ضاله بغرفتييي ماريد اشوفهااا ماريدددهااااا حسيت بالباب انفتح دخل اشهب يركض عليه وامي وضي بس هذول شفتها وبعدها غمضت عيوني ماريد اعيش بعد ماريددد اريد اموت صرت اشهك بحضن اشهب وأهمس اريد اموت موتوني باوعت ع غرفتي اني شجابني هنا مو جنت كدام المحكمه مو جنت راح اصير مرت عمر قانونا شجابني هنا ووين هو اكيد هذا حلم ايي اي جلبت بياخة اشهب وكمت اهمس هذا حلم موو كول حلم بداعت روزه كول حلم وهسه اكعد منه ايي ايي حلم اني جنت انتضره كدام المحك مه شجابني لهناااا صرت ابجي واشهك حيل حسيت ع ضي بصفي تهدي بيه واني بحظن اشهب امي بصفي تمسح وتقره آيات ع راسي وعمو علي واكف بلباب ويهز براسه يستغفر ومصطفى من شافني هيج طلع باوعت ع البدله وهمست اخذوها ماريدهاا رجعوها المن جيبيها اذا العريس ماكووو اشهب : اششش هذهو حبيبي اهدئي هذهو اني هنا واخذلج حقج من بين عيونه صدكي ضليت بحضنه ابجي واباوع ع الغرفه وكلساع اهمس اني بحلم مو طلعت امي وضلت ضي واشهب يمي كل مايريد يكوم اجلب بي - لا تروح حباب لا تروح - مااروح والله اعدل كعدتي هذهو بنيتي عدت وانتي قويه اعرفج ما يهزج لا عمر ولا غيره احس جفوني ثكلت ماعرف نعست او من البجي هيج صار وياي ونعست غمضتهن ونمت بحظن اشهب والبدله كدامي لازمه المكص وكلساع اكص شويه منها ضي متخليني بس اشهب اسمعه يكولها عوفيها خل اطلع حركتها غفيت واني مادري بروحي فزيت لكيت نفسي ع الجربايه نفس ما كعدت اول مره وكمت للمرايه بس هلمره ماكمت ضليت بمكاني صافنه اريد استوعب يعني خلص بعد ماكو عرس وكل الي جوه عرف ان العرس تخرب والكل اشمت بيه وباشهب ليش عمر ليشش كسرتني هلكسره هاي باوعت ع الميز جان تلفوني بصفي باوعت ع رقمه اكثر من ٨ مكالمات اني متصله بي بسياره من اتأخر ع المحكمه دكيت عليه مغلق مغلق نزلت دموعي ويه كل كلمه تكولها البنيه - الجهاز المطلوب مغلق او خارج نطاق التغطيه سديته واجرئت اروح ع الواتساب فتحتها وكتبت اله 💬 كسرتني ... ليش هيج دزيتها وسديته مسحت دموعي ماريد انزل ولا أريد اشوف احد ماريد اشوف نضرات الشفقه بعيون الكل باوعت ع المكص ع الميز اجت براسي فكره شيطانيه كمت وكفت جريته وضليت اباوع عليه جان حاد جديد اشتريته ويه جهازي بقيت اباوعله وابتسم واباوع المعصم ايدي بس جبااانه مكدرت خفت فجئه صار كدامي أسد ايي أسد إلى اعتبره اخ كأنما حذرني مااسويها صار اشهب وكسرته مكدرت مكدرت اسوي هيج واغضب رب العالمين علمود منو علمود بشر حاله من حالي علمود انسان مايستاهل لا اسيل لا انتي اقوه من كل هذا َراح تتجاوزين هلمحنه مثل ماجاوزتي القبلها ايي صح مو سهله بس تتجاوز وكفت ورجعت الجربايتي وصرت العب بضافري وابتسم واني اذكر كلامه قبل غزله مزحه سوالفه إلى اضحك وكلشي ياخده بشقه والضحك غيرته من يغار كل شي مر كدامي مثل الشريط ينعاد عليه واخر شي أخر شي صار كلام اخو كدامي ماكو قسمه بينا انتم بطريق واحنه بطريق ليششش كل هذه الاشهر راح يصير سنه سنه يا ظااالم سنه راح يصير انت خاطبني وهسه تذكرت احنه مانتراهم وماكو قسمه بينااااا الله عليج با دنيا حسست الباب انفتح باوعت رأسا منو جان اشهب باوعتلي وهو شايل صينيه بيها اكل باوعت ع الساعه ب٩ بليل حيييل كل هذا الوقت اني نايمه كعد بصفي ورجع شعري لوره اذاني ومشه اصابعه ع خدي الي بي أثر همس - بنيتي أخيتي شلونها نزلت دموعي وهو اخذ وجهي بين اديه ومسح ادموعي وهمس - اششش شنو هاي من يمتي اخت الاشهب ضعيفه هيج هااا ماصورتج ضعيفه لهدرجه هزيت راسي بـ لا مو ضعيفه بس الكسره قويه يا اشهب - ميخالف انصلحها اني هنا واصلحها الج وطز بعمر والي مثله - ليش سوه هيج هم عرفت - لاا بس راح اعرف عوفج منه هسه وتعالي اكلي يلا - مااشتهي - مو بكيفج فتحي حلكج يلا - لا اشهب ماريد صار يوكل بيه غصب واني ماكدر اكول لا كدامه خلص المواعين كلها ياله عافني جنت اكل واحس بالأكل طعم دموعي إلى تنزل ع خدودي حط الصينيه ع صفحه وهمس - شوفي خل نتفق اوكي حقج أخذه من عمر ومربع هم بس ماريد دموعج تنزل عليه لان مايستاهل انتي اسيل إلي تحملتي إلى ما يتحمله الرجال هاي تكسرج - الشماته هواي اشهب اكيد حنان فرحانه ومرت خالي وأكرم وبيت عمي وهوواي اكيد فرحانين بنكساري - لا تبينين انكسارج الهم لعد بيني الهم انتي قويه ومحد ينكدر الج ومحد يكدر يكسرج - ماكدر صعبه صعبه هواي ضل كاعد بصفي يحجي وياي بعدها عافني وطلع واني كاعده صافنه ماعرف ليش كل هذا صار حسيت الباب انفتح وطبت ضي - عادي ادخل لو لا - تعاي كعدت بصفي وأخذت ايدي بيدها وصارت تسولف وتريدني اضحك ساعه تهدي بيه وساعه السوالف حته اضحك وانسه وساعه تسكت واضل تبجي وياي ع الواهس باوعتلها وهمست عرفو - منو حجتها بستغراب واستفهام همست لجوه إلي ع اساس جايين علمود عرسي هه دنكت وكالت لا اشهب كاللهم اتئجل العرس لان العريس سوه حادث - ههه وليش ما كاللهم الحقيقه اول وتالي يعرفون - ايي بس مو هيج يا اسيل مالج دخل اشهب سوه زين انسى انتي وفكري بنفسج بس محد يستاهل - اي محد يستاهل الحب ولا التضحيه ولا اي شي - لا مو الكل بس مرات نخطئ بختيارنا اكوو يحبون من صدك بعدين شعرفنا بضروف عمر يجوز مجبور صح هو غلط واكو الف طريقه اذا كان مجبور يتركج بس الي اعرفه عمر يحبج هووواي وجان يستاهل تطي هذا الحب - لعد وينه كسرني وراح - وهذه الكسره راح اجبرج تقوين وتوكفين ع رجليج وتكونين انسانه مختلفه قويه اسيل جديده محد يكدر يكسرها فتره وتعدي وراح اشوفين شلون راح تبنين شخصيه جديده هزيت راسي اي وميلته حطيته ع جتفها وغفيت حسيت ع صوت اشهب وهو يتعارك ويه ضي ماعرف شبيهم بس يتهامسون بعصبيه مكدرت افتح عيوني وكملت نومتي ثاني يوم إلى جان لازم احلا يوم بحياتي صار اتعس يوم هادئ مابي اي شي يهدف للروح او الجمال يوم عميق بالحزن مظلم وقاسي مليان دموع وحزن وقهر ماطلعت من غرفتي ابد وكلساع واحد يجي يمي ساعه امي ساعه اشهب ساعه ضي ساعه عمو علي ساعه مصطفى ساعه الجهال كلهم عبالك كاعد يتناوبون كل ساعه واحد يخافون يتركوني وحدي خلص هذه اليوم واني بس دموع كل ماريد أقوى نفسي ماكدر لازمه جربايتي وصافنه ع المرايه ودموعي تنزل مرت الايام ماعرف ليلي من نهاري ماطلع من الغرفه ابد من ذاك اليوم واني ماشايفه البيت ماعدي القوه حته اوكف واحارب ماعدي القوه ادافع عن كرامتي واوكف مدفع بوجهه الكل وخاصه حنان إلى تريد الزله عليه صارت دورة سنة أسد الثانيه مانزلت ولا حته طلعت من غرفتي حدي للحمام وبس ومن تجي ضي واتأكد حنان بغرفتها لو جوه ياله اطلع ماريد اسمع كلمه منها ماعرف شصار واشهب شسوه ولا اعرف شقرر بس الاعرفه مايسكت كل يوم ادخل ع حسابه والواتساب مالته اخر ضهور عده من دز الرساله الصبح والفيس مالته ماكو ماينشر شي ولا يعلق صارت حياتي نوم واكل ومراقبة حساباته اريد ولو خبر واحد منه حته اعاتبه فد يوم طلعت للحمام وسمعت اشهب يحجي ويه عمو عليي ويكله بس الكاه اخلي يطلكها حته ماسمع منه أي شي لان الي خان ماينوثق بي ابد نزلت دموعي ورجعت لغرفتي صرت خاين يا عمر صرت خاين ههه مرت الايام تعيسه لحد ما فد يوم طب اشهب باوعلي بعصبيه وصاح - إلى متى اضلين هيج شوكت ترجعين قويه مثل مااعرفج ترجعين اسيل الميليانه حيويه هااا وين أخيتي اسوله هزيت راسي بـ ماعرف شوكت كعد كدامي وهمس - كومي بدلي يلا باوعتله وهمست وين - كومي نطلع نغير جو أربيل صايره اجنن اخذج اونسج وارجعج يلااا - ماريد اشهب مالي نفس والله اطلع واشوف الناس - مو راح تتخبلين راح يصير بيج توحد من وره عنادج صالج شهر مكابله الغرفه وكاعده كووومي لا استخدم القوه وياج كومي عفيه نسوان ما تمشي اله بالعين الحمره حجاها وطلع وهو يصيح اسيل وحق الي خلقج ربع ساعه اذا ماشوفج كدامي العب بيج فلك وكولي اشهب ماكالها ابتسمت واني اشوفه هيج عصبي يحاول يرجعني مثل قبل بشتى الطرق كمت اجمع بنفسي كوه واسيطر ع نفسي لازم اتحمل اذا مو لخاطري لخاطر اشهب وامي وأهلي كلهم كمت بدلت ولفيت حجابي شلون ماجان ع راسي ونزلت لكيته كاعد والجهال كدامه مبدلين باوعت ع ضي وهمست شو ممبدله - ماروح حبيبتي روحو بس انتم - لا ماكو ماروح اذا مو انتي وياي كومي بدلي يلا - ولج مالي خلك والله - ما لعد روحي ماروح لا تحجي اشهب اذا تريدني اروح كول المرتك تروح وياي ماروح وحدي حجيتها وكعدت هو باوع عليها واشر براسه روحي يمعوده بدلي - كلت ماريد كوه هيي - ضيييي كلت روحييي بدليييي - ما روح ماريد مو كلتي ماكو طلعه من باب البيت ماروح لعد - استغفر الله ضيي لا تختبرين صبريييييي - هاي شبيكممم انتم مطلعيني من الغرفه حته اغير جو لو حته تعكرون مزاجي اكثر من ما هو متعكر يعني وتكئبوني اكثر باوعتلي ضي وهمست - ماروح ويه اخوج ماروح قبل يومين كال ما اطلعين بعد واضلين سجينه هنا وهسه يكلي امشي بدلي مااشتغل عده مو لعابه عده يحرك بيها مثل ميريد مو حنان اني باوعت ع اشهب وانتضر رده هم هو مسح ايده ع لحيته وصاح - اييي منو كلج لعابه انتي اذا لعابه فاهذه اللعابه تشاكي لان ماشاءالله نفس الشر باوعت ضي عليه ورادت تحجي وكفت بنصهم وهمست كملو عرك واني راجعه العشى ع كولت يوسف مشيت جان يصيح اشهب لا تعاي يمعوده ماصدكت نزلتي ضي وين مايعجبج طلعي محد يمنعج بس ولي بدلي خل نولي نطلع مو طلعه سمم حجتها وكعدت وهو عصبي وضي ابتسمت بنصر لان كسرت كلامه وخلته يغيره مشت وهي تاشرلي خمس دقايق واجي كعدت بصف الجهال جان ابراهيم يباوعلي ويهمس - عمه منو تشاكي ابتسمت واني اباوع له هذه لعبه بفلم رعب تريد اشوفها يوسف : لالالا عليج الله عمه ذاكليوم جان عمو مصطفى يتفرج عليها وشفت لقطه وحده واليل كله ما نمته - هههههه جباان من يومك - مو جبااان بس هي تخرف حته عمو مصطفى خاف هههه هههه ضليت السوالف وياهم واحجي لهم ع الفلم شويه نسيت وطلعت من القوقعه او العش ع كولتهم نزلت ضي ووكفنا ردنا نطلع جان اشهب يصيح - ترحن هيج يمعودات تردن تموت برد عليه وابتلي امشن اخذن ملابس وياجن بنات الاوادم بقينا صافنات اني وياها صعدت اخذت الكوت مالتي و كم قطعه حطيتها بالجنطه نزلت لكيت حنان مبدله وكاعده هم باوعتلي وهمست - واخيرا شفنا وجهج ماناكل بشر ترا شبيج خايفه لهدرجه اشهب : حناااان لو نتلصمين لو تضلين هنا مالي خلك عركاجن اني سكتت واني درت وجهي طلعنا وهي ركضي فتحي باب الصدر وكعدي باوعلها اشهب وكال نزلي حنان باوعت هي مطنكره وكالت ما ماانزل - حناااان شلون بيج اني يعني ناويه اليوووم ارتكب جريمه بيج نزلييي حجاها وهو صاك ع سنونه نزلت وصاح فراس ليث تعالو هنا كعدو وقمر تعاي وياهم كدام وانتن كل وحده تكعد وتحط واحد بحضنها فاهمات كعدن شلون ماجان ع مانوصل كعدت وصار يوسف بحضني وكلساع وضاربته ع ضهره واحجي عليه - خرب فيل مو طفل وهو يضحك ويذب ثكله عليه غيرت جو وياهم وضليت السوالف واضحك أخذنا منتجع جبل كورك جان فدشي يجننن خاصه بشتاء الثلج مغطي المكان يعني شي يجنننن خرافيي ضلينا يومين هناك غيرت جوووو كليا نسيت كلشي ورجعت اسيل القديمه بس اتعارك ويه يوسف اني وياه ع الثلج ونشاقه ونلعب خلصن اليومين ورجعنا للبيت جانت امي ومصطفى وعمو علي بالبيت اول ما دخلنا باوعولي عمو علي باوعلي وباوع ع اشهب وهمس - وليدي اشهب تعال عدي كلام وياك - اي عمي اجيتك راحو للمكتب مال اشهب ساعه وطلعو بس ضايجين كعد اشهب يهز برجله باوعولي وكال اسيل تعاي هنا حبيبتي كعدت بصفه مستغربه شكو باوعلي وهمس - عمر هنا باربيل ويريد يطلكج سيد جانت الجنطه مالتي بيدي وكعت مني واني صافنه بوجه اشهب هزيت راسي وابتسمت ايي هلا بي واني عدي حجي وياه مال سنه كامله خطوبه حجيتها وكمت اخذت جنطتي وصعدت فوك ماعرف منين اجه البرود هذا مانزلت دمعه مني ماعرف شلون واني قبل يومين جنت بمجرد ماا تمر ذكراه تنزل دموعي صدك من طلعت وغيرت جو تغيرت نضرتي وعرفت كلشي وصدك كلام ضي الكسره هاي خلتني اقوه كعدت ع الجربايه ما مصدمه لحد الان مانزلت دمعه مني شنو السبب ماعرف برغم احس اكو دموع بس ما ينزلن غصه ببلعومي اريد اصيححح واطلعها بس ماكدر نار احس بكلبي اريد مي بارد اذبها واطفيها وهم ميفيد ماعرف شصار بيه بهذاك الوكت للضهر ودخل اشهب عليه باوعلي واشر براسه وكعد - اسيل عمر جوه هو والسيد جا -وكفت واني اهز براسي - اذا ما مستعده انئجلها اهم شي انتي مالج دخل بكل شي باوعتله وهزيت راسي لااا اريد ارجع اسيل القديمه خل يرجعها ويروح حجيتها ونزلت لفيت حجابي ودخلت جان عمو عليي ومصطفى واكو سيد كاعد نفسه الي عقدلنا باوعت عليه وجهه اصفر تعباااان وجوه وعيونه سود والبياض مال عيونه صاير احمر ضعفااان وعبالك مو شهر لااا سنه صالي ماشايفته رفع راسه وصارت عيوني بعيونه هنا كل شي جان محبوس فوك رادن يطلعن الدموع والصرخه وكلشي بس تحملت وكعدت بصف مصطفى احس كلبي راح يطلع من مكانه من دكاته يمكن كلها سمعتها شلون كام يدك سريع من شافه اجه اشهب كعد بصفي من الجهه الثانيه باوعلي السيد وكال ابغضب الحلال عد الله الطلاق شنو السبب ليش هيج الزواج مو لعبه زوجوني طلكوني يا وليداتي حرام ضل كاعد يسولف وينصح حجه هواي واني مدنكه ماتحملت باوعتلها وهمست - ترضاها ياعمي قبل العرس بيوم يختفي وهسه ياله اشوفه لا ويدز اخوه يكول ماكو قسمه ترضاها وهسه جاي يريد يطلك بدون حته ما يكول شنو السبب باوعلها السيد وهز راسه وصار يحجي عليه وهو مدنك كل هذا ومارفع راسه من خلص السيد رفعه وهمس - اعرف كلش زين اني غلطت جان لازم من زمان اسويها بس حبي عماني مكدرت اكمل مكدرت اخدعهم اكثر سيدنا هذهو خل احررها حته تعيش بسعاده بعيده عني لان وياي مايجيها غير الضيم والقهر واعرف غلطان من راسي لساسي باوعله السيد وهز راسه وكف هو وصار يكول كلام السيد وتم الطلاق هنااااا نزلت الدمعه الجنت حابستها طول الكعده هنا مكدرت اضل اكثر اخر امل واخر شي يربطني بي راح وكفت وطلعت اركض من الاستقبال اتلكتني ضي واخذتني بحضنها واني ابجي ضليت هيج دقايق لحد ما هديت رفعت راسي صارت حنان كدامي تبتسم ماتحملت وخرت عن ضي ورحت الها جريتها من شعرها وصحت شمتتتتانه بيه موووو والله امسح البيت بيج اليوم يا قندره يا سا*** شمتانه بيه الله لا يطيج العافيه الله يحركج بنار جهنم يا حقيره احجي واضربه واجر بشعرها وهي بس تريد تفك مني واني انكلبت بذيج الساعه طلعت الحركه كلها بيها ضي اجر بيها وامي طلعت ع الصياح تمسح دموعها بشيلتها طب اشهب ومصطفى يركضون وخروني عنها واني اصيح واغلط عليها ماتحملت اضل ساكته باوعت عليه خشمها يجر دم شعرها نصه بيدي وحالها حال ابتسمت واني اباوع لها نفس ابتسامتها من شافتني هي سفتيي طعم الشماااته هسه اني شمتااانه بيج بهذا شكلج اشهب : كاااافي شجاج شبيج اهدئي حنان : مخبلله والله مخبله مو صاحيه اخذوها للمستشفى رادت اتموتني ما شفتوها جنت ابجي ع حالها وهي تكولي اضحكين تهلوسس فتحت عيوني مصدومه صحت عليها واني اصيح لا يا جذااااابه ولج لا تجذبين شفتج تضحكين واني ابجي بحضن ضييي - ع شنو اضحك شبيج ترا اني هم مره مثلج شلون اشمت بيج بع بعدها ممكمله كلامها جان يضربها اشهب راشدي ويصيح لغرفتجججح ماريد المح خيالج هنااا وحسابج بعدين دار وجهه وهي صعدت فوك واكف اباوع بصدمه ع مكرها وجذبها جان يطب فراس - باباا شلت راسي اباوعله باوعلناله كلنه وهو واكف وجهه مخطوف همس عمو عمر من كال هيج وكفت اني راسا واشهب ومصطفى طلعو الحديقه يركضون اريد اوكف ع رجليه ماكدر كوه طلعت وصلت لباب المطبخ ووكفت ردت اوكع وكمشت بضي وهمست عمررر جان مدد بالطرمه شاله اشهب ومصطفى طبوو للاستقبال واني مجلبه بأيد ضي حيييل اخذتني للاستقبال واكفه بالباب اباوع عليه بصدمه دقايق ضل هيج ربع ساعه وكعد واني ع وكفتي اباوعله خايفه مالي حق اتقرب واشوفه شلونه لان صرت غريبه عليه كعد رأسا باوعلنا صارت عينه بعيني دار وجهه ووكف جان يوكف اشهب ويصيح - عمررر ماتطلع منا اذا مأتكول شبيك وليش هيج سووويت دار وجهه وهو مبتسم همس - مابيه دخت لان جاي من الطياره وماماكل شي واختك ماريدها الله يسعدها ويه غيري راد يروح همست هيج بسهوووله يا عمر كسرتني وعلقتني سنه كامله وشنو سويت اخر شيييي كسرتني ليششش - ماكو سبب بس مانتراهم سوه انتي من بيئه واني من بيئه وماكدر اعوف اهلي اكعد هنا علمودج اعتذر منكم عافنا ومشه كعدت ع الكرسي مصدومه من كلامه مجلبه بيد ضي حيييل هاي تاليتي ليش هيج ليش ياربييي ضليت كاعده دموعي ما كفت ابد ماصعدت لغرفتي لان بس اصعد بعد مانزل خليني هنا أفضل للمغرب واندكت الباب جنت صافنه وكلام عمر يرن باذني طب يوسف - عمه اسيل هذه مره بره تريدج وكفت مصدومه جانت ضي بالمطبخ اجت تركض باوعتلي اشهب طالع ردت اطلع ماخلتني - شبيج ضي خل نعرف منو وشتريد وخرت عنها وطلعت وهي لحكتني طلعت امي وراي هم من سمعت باوعتلها بنيه شابه حلووه كلشش تشبهه عمر مدري اني كد ما اتخيل عمر صرت اشبهه بالكل باوعتلي وكالت - انتي اسيل هزيت راسي اي باوعتلي بابتسامه - حقه من كتل روحه عليج اكدر ادخل عدي كلمتين وياج هزيت راسي ودخلتها للاستقبال وامي وضي وماقابلات ع تصرفي كعدت كدامها وهي باوعتلي وهمست - اني اخت عمر الصغيره ماجيت بالخطبه لهذا ماتعرفيني ولا اعرفج بس عمر دوم يسولف بيج هزيت راسي ساكته انتضر ها تكمل باوعتلي وكملت - اجيت حته اكلج كلشي وتبرين الذمه لعمر صح ماقبل وحذرنا انكوللكم بس لازم تعرفون كلشي حته ما تحجون عليه لان مو ذنبه هذا الشي شوفي اسيل عمر ٩٠ ٪ مايصيرون عده جهال بسبب العلاج الي ياخذه يعني عمر بي مرض خبيث سرطان ومكان كلش حساس سبب اله عقم قبل شهر بيوم إلى ع اساس ترحون تعقدون صبح عمر مريض واحنه اكتشفنا مرضه جان ضامه علينا محد يعرف هذا الشي حالته ادهورت حييل اخذو البغداد ومن بغداد طلعو لإيران ياخذ كيمياوي تعرفين شنو يعني هذا الشي بسبب هذا المرض اخوي عمره ماراح يصير اب بعد اسبوعين يسافر التركيا راح يسووله عمليه وهناك يقلعون المرض بس مراح يصير اب وهو عرف هذا الشي وفسخ كلشي كال اكيد من يعرفون اشهب واسيل مايتركوني اعرف ميقصرون بس ماريد اشددهم وياي كم سنه واموت ليش اهدم حياة بنيه شابه احرمها من حياتها ومن الامومه فضل ان تكرهو ع أن تعرفون السبب الحقيقي اخوي راح يعيش عمره كله بين الحياة والموت مامعروف شوكت نصبح ونلكاه ميت لهذا تركج حته ما تتعلقين بي اكثر اتمنه تبروله الذمنه اله لان اخوي حيل تعبان يا اسيل ماردت اكلج بس اعرف راح تحقدون وتحجون عليه وخفت ع اخوي من دعاء يتيمه وكفت ووضي وكفت وصلتها للباب واني ع كعدتي مصدووومه يعني شنوو عمر مريض ومرض من هذا الخبيث لاااااا وفوكاها ما يصيرون عده جهال هيج مستهان بيه ليش ماخلاني اوكف وياه ليش تركني بنص الطريق ليش، ماخلاني اوكف وياه بعز أحزانه ومشاكله ليشش هيج يا عمر عفتهم وركضت الغرفتي ابجي قفلت الباب عليه وصرت اشهك وابجي واصيح اريد اطلع حركه الشهر الي جنت احجي عليه وهو مريض إلي حجيت عليه أشكال الحجي وحبيبي بين الحياة والموت جان كل هذااااا واني ماعرف سوده عليه يارب من عمري ع عمره بقيت ابجي بغرفتي واليوم بنفسب ماقبلت افتح لأي أحد وضليت هذا حالي بس دموع وعتاب ضي: بعد ما التغى عرس اسيل كرايبهم ضلوو يحجون أشكال الحجي عليها كل هذا وماهتمينه الهن انتضرناهن يرحن وحده تكول عافها ووحده تكول خانها ووحده تكول جذب وووو لا يكول كرايبها ضلن يالفن حجي وكل ماريد احجي ام اشهب متخليني عفتهم وصعدت فوك ضليت يم اسيل إلى حالها يكسر الكلب ويبجي الحجر ضليت اسولف وياها واحاول اطلعها من هذه العش إلى هي بي بس ما فاد حرنا شنو نسويها وما تقبل تطلع الوضع بالبيت متكهرب واني واشهب ع اتفه الأشياء نتعارك وكانما بنزين ونار ماننجمع سوه ابد واذا اتجمعنا اتكب النار وتحرق الأخضر واليابس هيج جانت علاقتي باشهب مرت الايام وطلعت دورة سنه أسد الثانيه جان يوم حيل قاسي عليه تقوقعت نفسي بغرفتي ويوسف ضل يروح ويرجع واسمع يحجي جوه - جنه بوحده صرنا ثنين هسه باجر خاله حنان هم تخنس بغرفتها ونضل احنا دايحين لا اكل ولا شي ابتسمت ع كلامهم الطفولي ومسحت دموعي شنو اسوي هذا الحبسه يا ضي قابل يرجعه لاا قوي نفسج حته تاخذين ثاره نزلت وسويتلهم اكل وضليت يمهم بيومها ماصعدت نمت ضليت جوه مالي واهس اسوي شي ابد سمعت صوت سياره اشهب مديت راسي كاعد بطارم ه ويدخن مشيت للمطبخ فتحت الشباك وتقربت اسمعه شيحجي جان يدندن بينه وبين نفسه بشعر اذكرت الشعر الي دزه ردت اطلع واستجوبه بس وكفني كلماته وهو يدندن بشعر يا سيِّدتي كم أتمنى لو سافرنا نحو بلادٍ يحكمها الغيتارْ حيث الحبُّ بلا أسوارْ والكلمات بلا أسوارْ والأحلامُ بلا أسوارْ باوعت بصدمه وصاير نزار قباني هم والله ماعرفتك ردت اطب جان يجيني صوته - عجبج باوعت عليه مصدومه وهمست بسم الله انت شنو يعني هم تسمع صوت ناصي وهم تشوف من وره ضحك وكمل ادخن وباوعلي بطرف عينه اي شعبالج لعد مو هين اني - اي مبين لو صدك جان طلعت قاتل أسد مو هاي السنه الثانيه مرت وانت كلشي ماكو باوعلي بغضب وهمس - شوكت تبطلين اجفصين بالبطن الواحد وياريت تعتذرين هم باوعتله رافعه حاجبي يمه عشتو وليش اعتذر ماسويت شي حته اعتذر - ممممم وذاك ليوم بعيد ميلادج يعني ولا كأنما اني موجود تتشبكين ويه مصطفى حلال بس اشهب من يتقرب شبر منج لا تكب النار والحرام عدج مو باوعتله مستغربه شنو لا بس غرت باوعلي بغضب وصاح لا ع شنو اغار ماعدي نسوان واغار عليج - اي عبالي تريد شي لو اروح - الله ومحمد وعلي وياج بس جفيني شرج - هاا صرت شر باجر اروح ويه عمو بكر وراح اخذ قمر وياي - ماكو روحه - مو بكيفككك - ضيييي لا تختبرين صبري كلت ماكو روحه يعني ماكو روحه انتي هنا تحت أمري تحت عصمتيي انيي المسؤل عنج ماريد اسمع كلمه منج فإهمه -شنو لا بس سجينه عدك ومادري بروحي - شتعتبريها اعتبريها ايي يلا سجينه عدج مانع - باوعتله بغضب ودرت وجهي وهمست اروح اروح - طلعي من باب البيت وشوفي اذا ما كسرتها الرجلج وعلكتها الج - انت شنوووو يعني الى متي اضل تتحكم بيه - مااتحكم بيججج بس انتي مرتتتتتي واني إلى مسؤل عنج تردين شي كولييي الي مو ترحين تكولي العمجج عبالج مادري بسوالفج - سكتت هذا شعرفه اريد اروح اشتري شغلات إلي او ضي ترا زودتيها انتي هو غصبا ما عليه يصرف عليج كوليله وياخذج هو باوعتله وهمست ماشي لعد باجر اخذني اني وقمر لان اريد اشتري ملابس القمر حجيتها وباوعت له بتحدي ابتسم وحط الجكاره بطراف شفايفه وتقدم رجعت لوره انضرب ضهري بالحايط بلعت ريكي وهمست - اشهب كافي اسوي هيج حجيتها وحطيت اديه ع وجهي خايفه يتقرب اكثر سمعت ضحكته ابتعد عني وهمس - ماسوي شي شيلي اديج خل احاجيج - هزيت راسي بـ لا - ضييي شيلي اديج كلت ماسوي شي وداعت اسدد بعد وخرت اديه وباوعت له بخوف ابتسم واشر براسه تعاي هنا خل نحجي هزيت راسي ومشيت وراه ماعرف منين اجاني هذا الهدوء كعدنا بالحديقة صار المكان الي تعاركنا بي وانضرب سجينه كدامي باوعلي واشر ع المكان وهمس - تذكري مو هزيت راسي ابتسم وكال - ضي هواي اسختنا وستخفينا بقضية أسد انتي من جهه واني من جهه بس لو نحط ايدنا سوه صدكي راح نكمش القاتل بأسرع وقت ويأخذ جزاءه حته أكرم وكل شخص ساعدهم ترضين اصير شريكتي لو لا ؟؟ باوعتله بصدمه منين نزل هذا الأدب والهدوء والتفاهم عليك استاذ اشهب باوعتله وهزيت راسي بس بشرط باوعلي رافع حاجبه شنو بعد ما ينكمش القاتل وكلشي يضهر وكلمن ياخذ حسابه اريد حريتي اريد اعيش بعيده واضل مخلصه الأسد لان اذا اضل هنا ماراح اكدر اكون مخلصه اله وانت اكثر من مره - اششششش ضي لا تحجي بهذا الموضوع - بس - ضيي سكت شويه واني سكتت ورجع وره دقايق كمل كلامه - تردين تعيشين بعيده عني والجهال - ما امنعك منهم - زين عدي فكره بعد ما الكل الكل ياخذ حسابه اعوفج تعيشين وحدج ووين متردين بس بشرط ما اطيج حريتج واضلين مرتي باوعتله مصدومه والى متى - إلى أن الله ياخذ امانتة ضي انتي أمانة أسد ماكدر احميكم وانتي مو بعصمتي راح اتركج لحد ما تجيني انتي برضاتج لان صدكي محد راح يحميج مثلي وراح تحتاجيني بتربية الجهال وراح اكون منتضرج ويلا كومي نامي حجاها وكام دخل جوه وتركني مصدومه من قراره وشلون واثق منه نفسه اني راح ارجعله شهل الثقه هاي وره يومين طلعنا للمنتجع وضلينا هناك تونست كلش واني العب ويه الجهال وكلساه واحس بثلج ع وجهي من اباوع واكول منو كلها تسكت شكيت بي اشهب بس ماحجيت رجعنا للبيت وجانت الصدمه تنتضرنا طلاك اسيل وحقيقة عمر الي صدمتني وصدمت اسيل إلى حبست نفسها وصارت تبجي داخل قوقعتها إلى ماطلعت منها اشهب من عرف تخبل وراد يروح لبغداد بس عمو عليي ماخلاه كله عوفه خل يسوي العمليه ونروحله كلنا مرت الايام وبيوم طب اشهب يضحك باوعلي وكال ضيي باوعتله جان الكل كاعد يتغدا حنان رفعت رأسها تخزر بيه هو باوعلي وكال تعاي وراي مشه للمكتب مالته واني ضليت صافنه شبي هيج فرحان شصاير........... يتبع  اسيل 💔 عمر ،،،،،،، وللحكاية بقيه،،،،،،،،، وهاي ختمتها بختمه زين حته متحجون عليه ههههههههه ها صح طبعا من هسه اعتذر لان مراح اكدر انزل باجر لان عدي امتحان تدرون بعد الامتحانات بلشت وانشاءالله ماقصر وياكم تصويتاتكم وتعليقاتكم وتوقعاتكم ار يد الخميس من انزل اشوف البارت عابر آلاف تصويت ماشي حته انزللكم بارت مليان مفاجئات 😉😅 #نور الشمري #نوشه | ||||||||
|
| |
|
22-07-20, 05:10 PM
| #37 | ||||
| نجم روايتي
| ما أجمل الفراق... ستبقى وسيماً وشاباً إلى الأبد في خاطري، ستظلّ تحبني وتكتب لي أعذب قصائد الحب، وسأظلّ حين أسمع اسمك أو أرى صورتك أرى النجوم تركض قرب وجهي نهراً متدفقاً من الضوء إلى اللانهايات... سأظل أحبك سعيدة بالتواطؤ مع خدعتك لي .. أحبك دون أن أسألك من أنت وما أنت، حباً بلا شروط حباً له بهاء خراب الفصول حباً أعلن استقلاله عنك سيصير حبك لقاء في المسافة بين الكبرياء والكتمان والمستحيل كوكباً مضيئاً راكضاً في مداراته النائية المعتمة، قمرأ جديداً غامضاً يُضاف إلى مجرتنا يرصده الفلكيون بدهشة متسائلين: من أين جاء؟ | ||||
|
| |
|
24-07-20, 11:36 AM
| #39 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت التاسع والعشرون Noor336 #أحنّ إليك فأنت الحنان وأنت الأمان وواحة قلبي إذا ما تعب أحنّ إليك حنين الصحاري لوجه الشتاء وفيض السّحب أحنّ إليك حنين الليالي لضوء الشموس لضوء الشّهب قرأنا عن العشق كتباً وكتباً وعشقك غير الذي في الكتب لأنّك أجمل عشقٍ بعمري إذا ما ابتعدنا إذا نقترب وعيناك إنّي أخاف العيون شباك لقلبي بها تنتصب سهام تطيح بقلبي وعقلي إذا ما أصابت إذا لم تصب فإنّ متّ شوقاً أموت شهيداً وإن متّ عشقاً .. فأنت السّبب ضي: مشيت وراه واني مستغربه ابتسامته المرسوم ع وجهه وشفايفه لحكته تحت أنظار حنان إلى اكلتني اكل بعيونها وكانما تريد تفترسني باوعت ع المكتب مالته عايف الباب مفتوح وكفت بالباب كل ما ادخلك لازم يصير شي هلمكتب هذا ماشفت منه راحه بس تعذيب وقهر الله يستر من هل الطبه انتبه عليه واكفه بلباب رفع حاجبه وهمس وع شفايفه ابتسامه صفح - شنو هل الأدب لا بس تنتضريني اكلج ادخلي ياله ادخلين منين طالعه الشمس اليوم باوعتله بغضب وهو ابتسامته ما فارقت وجهه سكتت ودخلت سديت الباب وصحت لااا بس واكفه افكر ان هذا المكتب ماشفت خير بي كل مادخله لازم يصير وياي شي فالله يستر من هلمره - هههه لا هذا المره غير صدكي حجاها وباوعلي مبتسم كعد ع الكرسي مالته وكال وهو يباوعلي وحواجبه ثنينهم رافعهم لفوك تعاي كعدي شنو تستحين باوعتله صفح وكعدت واني احجي بغضب - شوكت تبطل هذه تصرفاتك المليانه خباثه يعني تحب تستفزني انت ضحك وحرك الكرسي مالته وافتر وهو كاعد عليه لان من هذه الي بي عجلات ويفتر أتقدم حط اديه ع الميز وشمر ورقه طلعها من جيبه وكال هاج باوعتله بنص عين وبخزره جان يردلي النظره اقوه وصاك ع سنونه ويحجي انكلبت خلقته ١٨٠ درجه - كم مره كتلج عدلي نظرتج هاي تحبين كوه اهينج واطيح حظج من زمان ما مطيحه - اشهب احترم نفسك واحجي عدل وياي مااسمحلك باوعلي وهو رافع تك حاجب كام من مكانه وتقدم صار كدامي وكفت باوعتله بتحدي وهو يباوع بمكر جان يحجي ويباوعلي - لا والله شسوين مثلا عليج الله كولي شسوين صار عدي فضول اعرف درت وجهي واستغفرت وكلبت عيوني ماعاجبني جريت الورقه الي ع الميز اريد افتحها اشوف شنو بيها واطلع حته اخلص من هذه الغرفه وصاحبها بعدني هستوني كامشتها جان يجرها مني ويكمشني من خصري جرني عليه انضرب صدري بصدره باوعتله مبتسم -عليمن كل هذه كالبه خلقتج وماعاجلج العجب محد جابرج اضلين امشي طلعي بس حجاها وضغط ع خصري حيل صرت قريبه منه كلش دنكت راسي لان اذا ارفعه اطخ بحنجه حسيت ايده صارت ع حنجي ورفع راسي وميله لوره حته يصير مقابله رافع تك حاجبه بس راح يفوتتج الخبر بكيفج القرار الج اضلين لو اطلعين - مو هيج بس انت كاعد تستفزني هواي واني ماكدر اسكت تعرف هذا الشي كلش زين وشيل ادينك من عليه بساااع - لا صدوك وتامرين بعد ماشيلهن شسوين حجاها ورفع حاجبه ماحس غير ع رجله طوقت رجليه مثل الي يعني من ان اسوي الي براسي وكانما قره إلى براسي رفع حاجبه بمكر وهمس يلا اذا تكدرين طلعي نفسج - اشهب مو زعطوط انت شايب عمرك طخ الأربعين وخر يلا - اني شاااايب !!!! حجاها ويباوعلي بغضب ورجع همس - اشوفج الشايب شيسوي هااا حته مشكين بتصرفاته غمضت عيوني ودفعته من صدره وهمست واني صاكه ع سنوني اخر فرصه الك اشهب تؤخر لو اصيح والم إلى بره كلهم ضحك وتقرب عليه أكثر وهمس باذني بصوت ناصي - ترا انتي الي اجيتي وراي للغرفه وكدامهم يعني اذا صحتي محد يدخل لان زوج وزوجته ووو باوعتله بغضب وهمست وو شنو - ودخلتي بارادتج ما جبرتج اني حجاها ورفع حواجبه وابتسم بمكر ضربته ع صدره وصحت وخرررر كاااافي سوالف جهال شيل ايدك ترا كاعد اتقززز من تصرفاااتك هاي باوعلي بغضب وصاح - اله اجفصين بالبطن ياله ترتاحين بت الكلب دولي مو صوجج صوجي اني المطي دفعني وكعت ع الكرسي وهو رجع المكانه باوعتله بغضب وهزيت راسي اخذت الورقه من عده وفتحتها جان عنوان مكان باوعت مستغربه وهمست شنو هذا حته المكان مو بالعراق ابتسم ويباوعلي صفح بس عصبي من كلامي - والله انتي جفصتي ببطني فاعذرني مااحجي بدون ما تدفعين الضرر إلى سببتي - لا والله يا ضرر سببته بالله شنو ضاربتك ومادري بروحي - لا بس جفصتي ببطني بكلامج - لا ما جفصت بس هذه الحقيقه هسه فضها احجي - اخر مره اكلج من تحجين وياي احجي عدل - اهووو اشهب مالي خلك تصرفاتك المزعطيه هاي -هاي عليمن ولج بت الاوادم اهوو جديده هاي وكف ويباوعلي بغضب وحق الله نظراته جانن يمكن لو يذبحوني ماالكه قطرة دم بيه من الخوف إلى شفته انكلب وحش وكف عصبي رأسا يخزر بيه باوعتله وهمست لا اراديا انقذ الموقف مو عليك عليه والله اهو عليه انرسمت ابتسامه ع وجهه كعد ع الكرسي و ضحك قوي - ماعرفتج صراحه بسرعه انهزمتي - لا اصدك ترااا الك - ضييييييي كالها بحديه سكتت جر الورقه مني وهمس هذا مكان شخص صاللنا سنتين ندور عليه حجاها وابتسم ومك انه بتحديدد انرسمت ابتسامه ع وجهي ما مصدكه همست واني اباوع بعيوني حمزه مو حمزه واصدقائه ابتسم وهز راسه اي غمضت عيوني بفرح الحمدالله الك يارب الحمدالله وأخير راح تنكشف كل شي واخيرا راح تنكشف الأوراق ويضهر القاتل باوعتله وهمست وشوكت نروح - شوكت نروح؟ حجاها بستفهام وعكد حواجبه هزيت راسي اي وهمست - لا بس تريد تروح وحدك لهناك يمه وتعوفني هنا اتكله ع نار شوف اشهب رجلي ع رجلك مادري المهم اروح والنبي محمد ثاري أخذه انييييي مو احد ثاني فاهم - لا بالله اي مو اني طرطور شكو رايحه ومنو كلج اخذج بابا ترجيه وحطيته بذانج روحه وياي لهذا العار ماكووو - مو بكيفككككك اروح ارووح - ضييييي -اروووح - ضييي حجاها وهو صاك ع سنونه ويباوع بغضب درت وجههي وهمست اروح - اللهم طولج ياروح بابا تفتهمين المكان الي رايحيلها شنووو شايفه اذا انلزمنا شيصير شايفه شنو يصيرر ولج انتي ليش كوووه تردين الجبرين الواحد ياذيج امشي هو مو صوجج صوجي اني المطي اكلج ع السالفه بت الكلب تريد تروح لحمزه ابو العرك - اشهببب كافي تجاوزت وهنت وحجيت بما يكفي مو كل الكلام الك كافي إلى الحق اكثر منك اروح والي الحق اكون هناك والي الحق بكل شي يتعلق بأسد ومالك حق تمنعني - اليي ونصصص وامشي وليييي لغرفتج امشيي - مااا واروح اروح والله اروح وشوف منو الي يمشه كلامه اني لو انت عفته و ردت اطلع جان يجرني من ايدي ويصيح بعصبيه -عيدي عيدي ولج شحجيتيييي شنووو اني كدامج مكرن بت الكلببببب عبالك أصغر منها اني شوفييي ولج اني رجلج واني إلى تمشي كلمتي هناااا بهذا البيت وع الكل بدون استثناء وانتي وحده منهم وحق الحق يا ضي اريدج اطلعين بره البيت حته اشوفج الرجال شيسوي امشي اطلعييييي باوعتله بغضب ونترت ايدي إلى كامشه ردت احجي وسكتت لان اذا ضليت ارادد ماراح تخلص السالفه وصلت للباب ورجعت مبتسمه همست اله واني متخوصره صدك تعرف مرتك الثانيه تلعب بذيلها من وراك وانت مثل الأعمى تمشي وراها باوعلي بغضب وتقدم جرني من شعري وصار وجهي قريب من وجهه وهمس شنو قصدج ولج عليمن هذا الحجي وشنو قصدج احجيها بالخط العريض لا اضلين اتلفين وادورين هزيت راسي وهمست هد شعري هدد مااحجي روح شوف انت بنفسك واكتشفها بنفسك حته اصدك لان اكيد مراح اصدكني ورا بعدني ممكمله كلامي ماحس غير اخذ شفايفي بشفايفه وهو مجلب بشعري من وره حيل حته ماوخر حسيت بدوخه ردت ادفعه بس جسمي خدر ماعرف شصار بيه حسيت بدوخه مو طبيعيه فجئه ردت اوكع وهو لحد الان مموخر اريد ادفعه و اواخره عني بس مكدرت ماعدي القوه ماعرف شصار بيه لا اراديا كمشت بقميصه حيل خفت اوكع هو رأسا حس وابتعد وكمشني من خصري وبقه يباوعلي وعيونه بعيوني رجع باسني مرة الثانيه وهلمره كامشني من خصري وشعري واني مجلبه بقميصه غمضت عيوني ورجعت فتحتها جان يبتعد ويباوعلي عيونه الجاننه قاسيات ويخوفن هسه صارن ذابلات احس بدوخه لحد الان راسي احسه يفر بيه وهو لسه كامشني من خصري واني مجلبه بقميصه من يم صدره خايفه اطيح همس قريب ع اذني شبيج باوعتله وهزيت راسي بـ مادري كعدني ع القنفه إلي صايره كبال الميز مال المكتب شلت ايدي كوه وردت اضربه راشدي بس الراشدي مايخوف طفل ماعرف عظامي كلهن يرجفن ودايخه درت وجهي حطيت اديه ع راسي بعد ما وخرتهن عنه وهو كعد بصفي باوعليي مستغرب من حالتي حط ايده وره ظهري وهمس ضي رفعت راسي اله ونزلت دموعي ورجعت دنكت شال راسي وكمشني من بين جفوفه وهمس شبيج ليش هلدموع شصار بعد لا تكولين هم ع البوسه هسه احرك روحي كتلج ادور بدل الراشدي هذا عقابج لان يستفز اكثر باوعتلها صفح ودموعي ع خدي همست واني اوخر وجهي عنه أي لعد روح احركها للروحك شمنتضر ضحك وحط ايده ع جفتي واخذني بحضنه - بيدج هذا الشي لا تعاندين ولا اسوين شي ما يعجبني ولا اجفصين ببطني ولا تكومين تمسلتين من وحدج ما اسويها باوعتلها ودفعته زين هاي شيسموها حاطني بحضنك وخر يلا - اي مادام رجع السانج نرجع البدايه شقصدج وشبيج وجهج اصفر - ما قصدي شي وخر اريد أكوم - ضييي مو كتلج خل نصير ايد وحده شفتي شلون من تعاونا لكينا حمزه بسرعه هسه هم كولي شقصدج شبيها حنان - باوعتله صفح وهمست يعني اني شاكه لا مو شاكه متأكده هي الجاسوسه إلى توصل كلام الأكرم مو بس هيج ماعرف احس الها ايد بسالفه حجيته وباوعت له كلت هسه يعيط ابتسم وكام عدل قميصه وكال امشي يلا وجهزي روحج باجر نطلع باوعت بصدمه ونسيت سالفه حنان وصحت والله يعني اروح كول والله - ايي قبضت الثمن مال الروحه وغيرت رأيي هذهو بس هاااااا حجاها ورفع حاجبه وتقدم صار كدامي فيت عض شفته وكال شنو اكول اسوين ماشي من اكلج اضلين بالفندق اضلين من اكلج لا اطلعين لا اطلعين شنو اكول يتنفذ ماشيي ابتسمت وحجيت ويه نفسي اي هسه خل اروح وعود نشوف هناك شنو يصير باوعتلها وهزييت راسي اي بس الجهال شلون - اسيل يمهم - اسيل باي حال واضل تفتر وره الجهال واحنه شكد راح نضل -ضي ترحين لو لا - اي اي اروح والله بس - لعد ماكو بس امشي صعدي حظري هدوم إلى والج بأحر من الصبح نطلع هزيت راسي وطلعت اركض وصلت يم المحجر مال الدرج ورجعتني الدوخه اووف ضي اني بلا ريوك وغدا ماتغديتي لان اجه حظرته طبعا ادوخين مشيت صبيت اكل وكعدت اكل وخلصت كعدت اغسل بالماعون جان تدخل حنان باوعتلي وهمست - ترا السعاده مادوم هواي ع الشخص الظالم باوعتلها وابتسمت - والله اول مره تحجين حجايه بيها خير تدرين صحيح لهذا راح تجيج ايام سوده حجيتها ودرت وجهي عنها جان اسمع ضحكتها اخذت بطل مي وصعدت عفتها وصعدت الغرفتي خابرت عمو بكر رأسا وكتله جان يضحك - بابا لعد غير اني وياه عرفنا العنوان سووه ياعيني شعبالج - فتحت عيوني مصدومه صحت عليك الله عمو يعني هذا الي يقصده من تعاونا سوه عليك لان انت عمي - اي هههه وباجر اجي وياكم بعد - لاااا جذب صدوك - انجبي لج مجذب عليج قبل بت الاوادم متعرفين تحجين شو - لا مو هيج بس يعني - انجبي انجبي ويلا منا - رايحه لا تخاف وهااا شوف ترا ما كتله نفسي وخابرتك بس ردت اكلك يعني حته حته سكتت لان معرفت شجذب عليه هو ضحك وصاح - امشي ولي يلا - ههه اوكف اوكف شلونها ام ود - اااه ااه ام ود هو غير يحن جدها لود ويطيني بته حته تجي ود -هههههه ماتشوفلك ام لود غيره شو متفيدك هاي صالك شكد وماكو هاي يا سنه - ضي لا تفتحين جروح منينها من زمان سدى الموضوع - اوك براحتك يلا اروح سديته وكمت حظرت ملابسي وطلعت قميص أسد العدي ماانام اذا ما احطنه أخذته حطيته بجنطه وباوعت ماكو ملابس لاشهب بس تراكين بالكنتور ملابسه كلهن بغرفة حنان ولو اموووت ما اوصل لعتبة بابها طلعت وهو صار كدامي صاعد الدرج باوعتلها وهمست - ماحظرت ملابسك باوعتلي رافع حاجبه وهمس - شيسموها هاي عناد لو خباثه ابتسمت وجاوبته - ولا وحده بس تدري ماكو ملابس الك بغرفتي روح المرتك الخاي بعدني ممكمله كلامي جان يحط ايده ع شفايفي ويخزرني همس باذني - بت الاوادم صوتج اجيبلج مايك بعد حته البيت كله يعرف هذا الموضوع اسدي نهائيه مايفتح ابدااا وماذكري كدام بني أدام ابدد مهما يكن حته الاسيل فاهمه هزيت راسي ودفعت ايده وصحت خنكتني وخر ترا اكو الف طريقه تسكتني - لا والله صدك ادري اكو الف طريقه بس يا مرتي اعرفج غبيه ماعرف شلون صرتي محاميه هنيال الحقوق والقضاه عليج باوعتله صفح ماعاجبني وهو ابتسم ومشه واني نزلت جوه رحت يم الجهال ضليت كاعده يمهم واوصيهم جان ليث يباوعلي ويحجي - يعني ماما راح ينكمش إلى كتل بابا ويموت مثل ما موته حسيت دموعي كامت تلمع بعيوني جريته كعدته بحضني وهزيت راسي تعال هنا ردت احجي بس اجاني صوته - لوثي بابا تدري شنو الفرق بين المظلوم والظالم ان المظلوم ينظلم ويتعذب من الظالم بالدنيا بس بالاخره راح يعيش بسعاده وراحه اما الظالم راح يتعذب دنيا وآخره راح يضوك المر ويتمنه الموت ومايشوفها السجن مو هين وخاصه اذا عدك واسطه تكدر اسوي الي تريده بالمسجون وهنا راح تامر بتعذيبه اضعااف ما جان يعذب المظلوم وبعدها بالاخره راح يعذبه الله سبحانه وتعالى ويضل مذموم وملعون طول عمره دينا وآخره لهذا المجرم ماراح يموت راح يتعذب وراح يانبه ضميره وراح يتمنى الموت ومايشوفها واخر شي يموت موته بشعه وهناك ربك يحاسبه وهذا وعد مني اخلي ابوك ينام مرتاح وانتقامه أخذه من بين عيونهم لو اعرف يكلفني حياتي جنت كاعده اباوع عليه رفع راسه ليث يباوعلي ويه كل كلمه يكولها اشهب من خلص باوعله وهمس - يعني عمو الله راح يعاقبك باوعت ع سؤال ليث وهمست ليث ماما غمضت عيونه حته يسكت لان اعرفه راح يحجي حجي اكبر منه بس ما اهتم إلي ورجع كمل كلامه وهو يوكف ويباوع ع اشهب - يعني راح تتحاسب دنيا وآخره وراح تتمنى الموت وما تشوفه وراح يعذبك رب العالمين بالاخره لان عذبت ماما انت ظالم عمو عذبت امي المظلومه والله سبحانه راح يعاقبك مو هذا كلامك انت مو بس ظلمت ماما انت ظلمتني وضربتني واني اتسمي يتيم وذاك ليوم ام الاسلاميه كالت وأما اليتيم فلا تقهر وانت يا عمو قهرتي هواي والله راح يعاقبك بيوم من الايام مثل ما راح يعاقب قاتل بابا خلص كلامه ليث وطلع من الغرفه واني مصدومه من كلامه حجه ليث كل إلي بكلبي إلي ماكدر اكوله وكانما الله دزه وزرع هذا الكلام براسه كلام ليث صح وكل شي كاله صح باوعت عليه صافن لحد لان ع مكان ليث وفاتح عيونه مصدوم ماتصور ان طفل صغير راح يرد عليه هذا الرد وكفت باوعتله وهو حس مسح ع لحيته وحط راسه بين اديه وهمس ايي اني ظالم اعرف بس رب العالمين يعرف الي صار مو بارادتي بس راح أصلح غلطي وعسى ولعلى الله سبحانه يرضى عليه لان يسامح وانتي راح انتضر اليوم الي راح اسامحيني بي اعرف هذا اليوم بعيد بس راح انتظره عادي المهم يجي عافني وطلع واني صافنه حسيت ع قمر من عافتني وطلعت تركض وراه اشهب لحكتها واني خايفه لا توكع لكيته حاضنه اشهب وتحجي وياه - عمو لا تزعل من كلام ليث هو لان ضايج منك لا ن مرات اضربه من يسوي غلط هو وماما بس راح يجي يوم ويعرف انت تحبنا هووواي مو عمو انت تحبنا وبابا لو ما واثق بيك ما خلانا عدك هذا كلام جدو هو كال هيج موو صح ابتسم اشهب واخذها بحضنه وهو يضحك اي صح انتم نعمه الله دزها عليه وان شاءالله اصحح غلطي يلا حبيبي روحي لعبي - اوكي يا احلا عم بدنيه - اميرتي الحلوه ركضت كدامي تضحك وصلت يمي وباوعتلي واشرتلي ادنك دنكت وهمست - اني سويت عمل خير موو لا تكولين لا حبابه ماما ضحكت ع عقلها وهزيت راسي اي ضحكت وراحت لغرفته تضحك واني واكفه بداية الممر وهو بنص الصاله دار وجهه يريد يصعد صارت عينه بعيني ابتسم وكال - ها مضيعه شي بوجههي لو معجبه حجاها وابتسم باوعتله رافعه حاجبي وحجيت واثق من نفسك هواي - هههههه كلششششش حقي اثق بنفسي لان نسواني منو حجاها وصعد وهو يضحك واني اباوعله انت تستهزء حظرتك - رفع اديه وصاح لا منو يجرء يستهزء بيج افه عافني وكمل طريقه عفته ورحت كعدت يم عمو علي باوعلي وكال - اريدج سند اله باوعتله ما فاهمه كلامه لمنو عمو سئلته مستغربه ابتسم وكال - لاشهب لا تكولين واسد بنيتي الحي أولى من الميت وهسه انتي بعصمة أشهب باسمه مرته اله اما أسد - لا عمووو حباب لا تكول هيج ماتحمل مو بيدي والله مو بيدي هز راسه وكمل كلامه - شوفي بنيتي اني كلت هذا الكلام لاشهب قبلج وهسه راح اكله الج ابني واعرفه كلش زين واعرف تفكيره يعني بنضرج أسد مايعرف مجتمعه شنو من امنج عد اشهب انتي والجهال مافكر ان الناس راح تحجي هاا واكيد اكو حل واحد وهو يعقد عليج احجي هو ماكالها بالخط العريض لان ماكدر مو سهله يعرض مرته الصاحبه بس الامانه شنو بنضرج ها وهو رجال غريب عليج حته مو حماج وامنج عده شتفسرين وصيتة الأسد ها كولي دنكت مستغربه من كلامه همست واني بشر يا عمو مو بسهوله انسه هيج أسد اول حب واخر حب أسد كل عالمي والي شفته من اشهب بس قهر وضيم يعني ماكو امل احبه ولا شويه اعذرني عمو بس قلبي ماراح يحب غير أسد ومراح ينبض غير الأسد عفته وكمت واني ضايجه من كلامه ليش هيج يكول يريدني احب اشهب يريد يقنعني بهذا كلامه ماكدر ياعالم ماكدر مو بسهوله احب شخص ماشفت منه أي حب ماشفت منه أي شي غير بس الضرب واللتهامات والاهاين والحبس وهسه هسه ياله من عرف الحقيقه صعدت الغرفتي ودموعي تنزل ع خدي اتمدتت ع الجربايه هستوني ردت اغمض عيوني جان تندفر الباب فزيت مخروعه باوعتلها اشهب شايل هدومه واغراضه شمرهن ع الجربايه وحط الجنطه وصاح سويهن لو انتي الثانيه هم ما سويهن معانده حجاها بس بعصبيه كعد ع الجربايه يدخن سمعت صوت حنان تبجي بره ردت اطلع جان يصيح - مو ويااااج اني تعاي لطمي ع موتاي سوي الجنطه فضيهاا باوعتله وهمست شبيك عصبي ترا لاحك ع الجنطه ماكو داعي كل هذا الكلام - ضييي - حجاها وهو صاك ع سنونه سكتت وفتحت الجنطه وصرت اصفط بملابسه واحطهم بالجنطه وهو يدخن بعصبيه خلصت ونزلتها طبكتها يم الجنطه مالتي باوعت عليه وهمست اكدر اطلع لو بعد المنع تجول لسه باوعلي بخزره ودار وجهه عفته وطلعت صارت اسيل كدامي كاعده ع القنفه إلى بصاله الفوك وتبتسم باوعت لكيت حنان تبجي وشعرها مزين من النص صفر ومن الصفاح لا فتحت عيوني مصدومه باوعت عليها وصحت شبيها هاي حجت اسيل وهي تكوم مبتسمه - الله اعلم شمسويه واشهب عاقبها حيل وياها إلى يجي من ايده الله يزيده اللهم لا شماته حجت كلماته ودخلت للغرفه واني مصدومه من اسيل وقساوتها صايره غير وحده مداعرفها ابد باوعت ع حنان ورجعت لغرفتي باوعتله بغضب وهمست سويت بيها هيج لان كتلك عليها باوعلي ببرود وهو يدخن وهز راسه لا - لعد عليمن. لان ماحظرت ملابسك انت شنو ماعندك رحمه لك حته لو غلطانه مايصير اسوي هيج بيها بابا شبيك انت وين عقلك شوووف لعد جريت الجنطه مالته وفتحتها خربت الهدوم كلها وطشرتهن ع الجربايه واغراضه وهو يباوعلي ببرود ويدخن باوعتله وهمست ما اسويهن شراح اسوي هسه اسوي بيه مثل حنان هاااا اي صح انت واحد حقير كلشي ات كام وتقدم عيونه حمر اذكرت كلامه راسا رجعت لوره ورفعت اصبعي بتهديد اشهب شوف مو قصدي بس انت غلطت ما لازم بعدني ممكمله كلامي جان يشيل شيشة العطر ويشمرها ع الحايط إلى واكفه كدامه فتحت عيوني مصدومه وباوعت عليها فرق كلش قليل بيني وبينها يمكن لو عاوج ايده شويه جان اجت بوجهي ترسس باوعتله خايفه من نصراته تقرب وهمس - وحده عار مثلها تستاهل الكتل هم جنت ساكت وادور عليها الزله وادور دلايل عليها لان اعرف ان حجيت راح يكذبوني وهم لان كدام عيني اعرف شلون اصرف وياها مادتها بعيده بسسسس لهنا وبسسس اذا أهلها ما ربوها من جديد وغسلو عارها اني اغسله وارببها من جديد لان هيج بشرر حرام يعيشش باوعت عليه وبلعت ريكي همست شقصدك يعني يا عار باوعلي وابتسم الحقيره ع ذمتي ومسويه علاقه ويه واحد بتلفون ثانييي من حاجيتها نكرت وكالت لكيته بغرفة ضي ورت اطيكيا وصارت سالفة اسيل ونسيته فتحت عيوني مصدومه من كذ بتها هزيت راسي كذذذب والله كذابه باوعلي وابتسم كعد ع الجربايه وكال اعرف يعني بنضرج لو مااعرف اكابلج واكعد اعرفج كلش زين مااسويها كل هذا ومقابله لان زينت شويه من شعرها ههه لعد شبيج عليه الرحمه كله اطير من كلبج من توصل يم اشهب ها باوعتلها وسكتت وهو سكت صار هدوء بالغرفه دقايق وكمل كلامه هو تدرين يا ضي - لو ما اعرفج جان صدكت بيها لك اخ يا اللهي ضي كومي كومي عني اريد ابقى وحدي ماريد اطلع حركتي بيج ستري ع روحج وعوفيني لحد ما اهدئ هزيت راسي وطلعت رأسا من عده نزلت جوه يم الجهال يلعبون بلي واني صافنه عليهم كمت سويت عشه محد نزل واتعشه بس ام اشهب وعمو علي والجهال بس مصطفى طالع و اسيل مانزلت وحنان اه يا حنان ماعرف ليش اسوي كل هذا بنفسها اشهب ماصعدت وشفته بس دزيت قمر وروزه علمود العشه مانزل عفته بس عزلت عشاه هو ومصطفى واسيل خلصو عشه وكعدت اغسل بالماعين دخل مصطفى يغني باوعت عليه ها خيرك تغني - ههههه مرت اخوي راح اطير من الفرح لج حبيبتي إلى صالي ٤ سنوات احبها وهي متجاهلتني اليوم اعترفت بحبها يابووووووويه ماصدك اليوم اطيرر - هههههههه الف مبروك يارب تستاهل صفاوي - تسلمين مرت اخوي الغاليه باوعتله ضحك شبيج والله حلوه اتمنه اكول مرت اخوي لوحده ولا وحده تستاهل بس انتي - هههههه اصبغ اصبغ - ههههههه لا والله شبيج سويته عشه ورحت كعدت باصاله اريد اصعد انام وهذا بالغرفه شلون بي صارت العشره جان تنزل قمر من فوك باوعتلي واجت شاورتني - ماما عمو اشهب يريدج باوعتلها وهمست الها وليش تشاوريني - مو هو كال لا تخلين احد يسمع هزيت راسي وباوعت لها للغرفه كبل تنامين شويه وانزل اذا لكيتج كاعده ازعل هزت رأسها وركضت لغرفتها واني صعدت فوك وكفت بالباب خايفه اطب لو لا مديت ايدي اريد افتح الباب جان يفتحها هو اتجه ع الحافه وباوعلي مبتسم وهمس ما دخلين لو هم نفس المكتب تخافين - لا ليش اخاف عشتو عادي اصلا بس عبالي بعدك ضايج واطلع حركتك بيه ابتسم وهز راسه بـ لا وسواله مجال ادخل دخلت لكيت الغرفه ماكو شي صاحي بيها دكيت ع كصتي وباوعتله انت شنو هااا يعني الغرفه شعليهاا - لعد بيمن اطلع حركتي ههه عفته وكعدت انضف وهو مدد ع الجربايه خلصت تنضيف الغرفه وكعدت ع القنفه باوعتله حاط ايده ع عيونه وحاط الجكاره بحلكه فتحت الشباك وصحت بي انت شكد تشرب جكاير هاي اخر مره تشرب جكاير بغرفتي فاهم عفته ورحت ع القنفه كعدت وباوعتله بغضب درت وجههي للجه الثانية ونمت وهو مبتسم ويباوعلي كعدت الفجر ع طكطكه فتحت عيوني وانصدم من شفته كاعد يصلي باوعتله خلص وباوعلي ابتسم - شنو ما شايفه واحد يصلي - مجنت اعرف اصلي الفجر هم - هههههه ترا كلتو ظالم بس مو معناها كافر ابتسمت وكمت توضيت وصليت الطياره الساعه ٨ الصبح اتصلت بعمو بكر لكيته كاعد هم رحت بدلت ولفيت حجابي ونزلت لكيته منزل الجنط وكاعد سلم ع عمو علي باوعلي وكال خل يجون بكر ورامي ونطلع هزيت راسي وكعدت ع القنفه جان عمو علي يباوعلي ويهمس الاشهب - اشهب ضي بامانتك ماريد يصيبها شي ابد اذا صار بيها شي ماتلوم غير نفسك - ههه تدلل عمي بعيوني لا يضل بالك - اعرفك وليدي أصيل وانتي ضيو ها ماريد عناد هناك سمعي كلامه بنيتي انتي بدولة غريبة هناك - هزيت راسي اي ان شاءالله وكمت باوعتله وهمست شوكت حجزتلي - من البارحه خابرت رامي وهو حجز شويه واجه عمو بكر ورامي طلعت اني وياه اتلكاه رامي سلم ع اشهب وباوعلي وهمس - شلونج ام ليث انشاءالله عدت ومابقه اله القليل - هزيت راسي وهمست الحمدالله رحت سلمت ع عمو بكر وهو ضل يشاقه وياي رامي يسوق واشهب بصفه واني وعمو بكر وراه وصلنا للمطار جنت خايفه كلش ماعرف ليش احس كلبي ناخزني اكو شي راح يصير باوعت ع عمو بكر وهمست - عمو اكو ورقه شي امر حته خاف يصير شي لان احنه رايحين لدوله اوربيه وايطاليا مو صغيره - اي رامي مجهز كلشي واشهب هم لا يضل بالج تنفست براحه ركبت بطياره وجان عمو بكر بصفي بس اشهب يخزر بيه ع شنو ماعرف هو جان اسمه بصفي بس طلعت جذبه وقنعة الموضه وبدلت الأماكن ماردت اكعد بصفه كعدت وجنت صافنه عمو بكر واشهب علاقتهم كلش قوية صدك لو كالو وره العداوه محبه هههههه ماعرف شنو الي كلبهم هيج فجئه غمضت عيوني وضليت افكر لحد ما غفيت وفزيت ع صوت عمو بكر وهو يكعدني باوعت مصدومه يا عزا عمو وصلنا - اي مرت ساعات وانتي نايمه كم مره كعدت وماكعدتي - يااا ولا حسيت تدري -هههههه يلا ننزل يمعوده كلها نزلت نزلت وجان اشهب واكف منتضرني بنهاية الطياره اخذ ايدي ونزلني دفعت ايده بس جلب بيها نزلت وهم خلصو كلشي احس كلبي يوجعني بس شنو وليش مادري اخذو تكسي و راحنا لفندق وطلب اشهب ثلاث غرفه همست واني واكفه وراه ٤ باوعلي بخزره وكال ٣ سكتت ماردت اجادله كدام عمو بكر ورامي صعدنا لفوك باوعت عليه وهمست - ماشاءالله تعرف تحجي إيطالي كلش زين - شعبالج لعد ٤ أشهر اني هنا اكيد لازم اتعلم سكتت وح جيت بكلبي بعد يا لغة ماتعرفها تعرف كردي وتركي وعربي وايطاليا وانكليزي شنو هذا دخلت للغرفه وهو رأسا شمر روحه ع الجربايه وكال ب٤ العصر كعديني هزيت راسي عفته ورحت تمدتت ع الجربايه الثانيه همزين جانن جربايتين منفصلات نمت وفزيت الساعه ٤ اله عشره كعدت معدته شكد نمت اني ولا كاعد اشبع نوم كعد هو سبح وبدل وكال اني طالع اياج اطلعين اول شي اشوف المكان ياله اخذج - بس مو هذا ات - ولا كلمه ضي جبتج ع عيني لا تخليني اتندم مانعرف شكو ماكو هناك نروح نشوف شكو ماكو وادور نكعد كعده مرتبه ونتفاهم وشت دين اسوين سوي مرت يومين كلش اشتاقيت للجهال وكل ساعه اتصل فيديو وياهم صوره وصوت وهم خطيه من يشوفوني يقهرون وكل ماسئل اشهب شوكت تفرج يكول مو هسه دانخطط شيخططون مادري بعدين عرفت من عمو بكر متفق رامي ويه الشرطه مال إيطاليا والسفاره و ع اساس يسون كمين اله بيومها راحو بليل كالو نكمشه وادور ناخذج الهمن يحققون وياه راحو بليل الساعه ١٠ راحو وروحه روحه صارت ال٣ الفجر وهم ماكو واني الوب اتصل ع عمو بكر ميرد واشهب مغلق ضليت احوس خايفه لا صاير شي دقايق واندكت الباب ركضت باوعت من العين السحريه جان عمو بكر ومبين بصفه واحد رأسا فتحتها وانصدم واني اشوف قميص اشهب متحول من الأبيض إلى الأحمر وساند نفسه ع عمو بكر فتحت الباب الهم و دخلتهم واني صافنه خايفه باوعت عليه وهمست عمو شبي اشهب - من سوينا كمين طلع شايفنا بالكاميرات مادري احد كايله المهم طلع يعرف من طالع يشرد لحكه اشهب وبعد كم واحد ايطالين واحنه ضلينا ندور بالشقق بلكت نكمش الثلاثه الباقين ومن لاحكه اشهب مصوبه وهسه الشرطه الايطاليه متحلق اله تكمشه لان استخدم سلاح غير مرخص والله يستر من السالفه لان صارت ماتخصنا احنه بس صارت تخص إيطاليا هم لان مصوب واحد منهم انصدمت جان يحجي ويعقم بجرح اشهب واني اباوع له مصدومه مبين رايحين للمستشفى الحمدالله الطلقه جانت بكتفه انتبهت نفسه ايده إلى ضربته بيها سجينه طلع عمو بكر وهو يكول خلي يرتاح واكيد هذا العار راح ينكمش لان مبين إيطاليا مااسكت هزيت راسي اله ورحت يم اشهب باوعلي وابتسم وهو يكول شفتي هذه الايد مبين متخلفين اله اسكطوها ياله ترتاحون ابتسمت ع كلامه وردت اكوم اجيبله مسكن إلى اطانيا عمو بكر قبل لا يطلع جان هو يصيح اااااخ يابويه اسيل : بعد ماعرفت السبب الأساسي لترك عمر الي حيل حقدت عليه لان هيج استهان بيه وتركني وماخلاني اقرر بنفسي هيج انانيه اني واتخلي عنه علمود شنو علمود طفل منو يكول الله يرزقني طفل اذا ازوجت واحد غيره منو يكول راح انسعد ويه واحد غيره ماعرف اضوج منه لو انقهر عليه لو احبه اكثر ماعرف بقيت ايام خانسه بغرفتي ودموعي تنزل بديت ادزله رسائل عتاب وحب وشوق ع الماسنجر لان شفت عده نشاط وهو صار يقراهن ومايرد اخر شي اخر شي اطاني بلوك !!! هنا حسيت لو ما حابه عمر بحياتي كلها تمنيت ما متعرفه عليه ابد ولا واثقه بي جنت بعيده عن الحب ووطلايبه والله ورطني بي قبل لا يسافرون اشهب وضي قررت ارجع اسيل القويه بعد ما شفت حنان وحالتها كلت هيهات استسلم وبس يرجع عمر بسلامه من العمليه سالم ارجع احاجي مره وثنين وثلاثه لحد ما يكول وهو يباوع بعيوني مايحبني ساعتها انسحب منه نزلت اسوي ريوك إلي جان يدك تلفون عمو علي باوعت لكيته كاتب وليدي وبصفه رقم ٣ صفنت منو هذا عبالي مصطفى شلته واني احجي - ها مصطفى شتريد - الو اعتذر يجوز الرقم غلط فتحت عيوني بصدمه يمه عزااا منو هذا هميت لحظه رايدمن - ابو اسد اذا مصير زحمه هذا مو رقمه -هاا اي اي رقمه هسه ركضت واني ميته خجل خرب بيومي شكد فشله والله عبالي مصطفى شعرفني رجال غريب اطيته العمو علي ورجعت ثاني يوم سافرو اشهب وضي ورجعت اني انزل جوه وانضف واطبخ نفس قبل بس الضحكه ماكو خلصت وبليل لكيت رساله من عمر 💬 اسيل كافي بروح ابوج كافي ركعيني بلوك عيشي حياتك وخل اعيشها اني هم عوفيني مافيدج صدكيني ايامي معدوده واذا مو معدوده فبعمرج ماصيرين ام وماكدر احرمج من هذا الشعور روحي يبت الحلال روحي عيشي حياتج انسيني وكانما عمر مات او راح اعتبرتيني خنتج وكرهيني بكيفج شتردين سوين سوي بس بعدي عني حبج عذبني وعذبج نزلت دموعي ويه كل كلمه منه كل ما اقوى نفسي واوكف ع رجليه ارجع اوكع من جديد مسحت دموعي وكتبتله رساله 💬 بسهوله هيج الحب عدك ينسه هذا حب يا عمر مو موقف لو شخص عابر بحياتنا وونساه بسهوله اذا بنضرك هيج سهله فعلمني ع الطريقه واوعدك من باجر انساك بس رجائا لا تحجي حجي ما ينكدر يتحقق عمر اني راح انتضرك بعد العمليه توكف ع رجليك حبيبي وترجعلي راح انتضرك ومايهمني اذا راح اصير ام او لا الأهم انت وياي احبك وراح انتضرك دزيتها وسديت تلفوني واني دموعي تنزل مرت يومين عمر ماكو حته ع الماسنجر ماكو اختفى فدور وماكو اله خبر ابد ومن يومها وعدت نفسي لازم ارجع اسيل القديمه علمود عمر من يرجع يلكانا نفس ماانني ماتغير ابد جنت ادك ع ضي أريدها ترد مو من ع ايدها ماترد عليه وهم علمود قمر من الصبح تبجي تريد تحجي وياها بس انفتح حجيت واني اقلد مصطفى - لج مرت اخوووي وينج يمعوده ادك ماكو خو ماصاير شي او لالا جنتي يم شهوبي موو ههه بكر : احم ضي نست تلفونها يمي وصعدت لغرفتها هسه اودي الها واخليها تخابرج - فتحت عيوني مصدومه وهمست انت بكر اقصد عمها الضي حجيتهاو غضيت شفايفي بخجل وفشله سمعت ضحكته - اي اني اعتذر لان رديت بس لان لحيتي كلت خاف صاير شي - ها لا بس قمر رادت ضي اوك بعدين اتصل بيها شكرا الك - العفو تدللين ماصار شي خيتي - خيتي حجيتها بكلبي ورجعت همست اني أصغر من ضي ترا يعني نفس عمي همست بصوت مايدلل عليك ضالم عمو حجيتها وسديته رأسا خيتي شوكت صرت خيتك بكبر بتك اني عابت شلون واحد شمرته وباوعت ع قمر وصحت بعدين امج تخابر روحي لعبي عفتها وكعدت اكل بضافيري بس اتفشل كدام هذا الرجال بعدين شبيه هيج اصرفت والله فشله اول تالي هيج اصرف اني ضي : اول ماسمعت كال هيج درت وجههي رأسا عليه وهمست شبيك شيوجعك باوعلي وهمس - كلبي يوجعني باوعتلها صفح ودرت وجههي ماعاجبني اطيته دواه وعفته ونمت لل ٨ الصبح كعدت شفته كاعد يتلوه باوعتلها وهمست - ابدلك الضماد واعقمها الك باوعلي وهمس ياريت والله - هزيت راسي وكمت كعدت بصفه فتحت اللفاف ووخرت الكطن وبلشت اعقمها من جديد لفيتها وباوعت له محتاج شي بعد هز راسه وكال - تكدرين تنامين هنا بس هلمره ماسوي شي وروحه ال - اشهببب عيب عليك من تحلف بروحه علمود انام بصفك شنو من عين صلفه عدك - مو قصدي بس لان تعبان احجي عدل ضيي كم مره كلت - رجائا اشهب رجائا عفته ورجعت المكاني وين اروح اتمددت وجريت قميص أسد من جوه المخده نزلت دموعي عليه شبكته وماعرف شلون غفيت فزيت ع شي يمشي ع شعري طفرت مخروعه شفته اشهب باوعتلها بعضب انت مو ايدك توجعك شكو تتحارش - ههههههه شسوي منضرج يجبر الواحد يتحارش بيج - اشهب كافي ترا زودتها انت م بعدني ممكمله كلامي جان يمد ايده الثانيه ويجر القميص إلى جان وراي باوعلي بغضب ورجع شمره ع الجربايه وكام يمسح ع وجهه ولحيته ويفتر بالغرفه عيونه حمرر دم باوعلي وصاح - لجججج ماكمل وضل يمشي بالغرفه وبين ضايج عضيت شفتي بتوتر وعرفت إلى سويته غلط ومو لازم اسوي هيج احتراما الاسمه ان هو زوجي بس مو قصدي ولا متعوده من اضوج احضنه مو ع بالي اصلا ان راح يشوفه ويضوج باوعلي بغضب واتقدم هز راسه وكال - لهدرجه ههه لهدرجه مستهيييينه بيييييييييه لججج ع الاقل اخخ ياللهي حجاها وضرب ايده بالخيط وكفت خايفه همست اشهب ايدك مو هيج مو قصدي بس -مو قصدج الله لججججج نايم بصفج بجربايه إلى بصفجججج وبنفس الغرفه لج اسمه زوججججج اسمج باسمي وحاظنه قميص اسد ونايمه كداااااااااامي لج مو من حقي امنعج بس مو كداااااااااامي مو كدااااامي حجاها واتقدم يخزر وعيونه حمر رجعت لوره خايفه همست اشهب والله مو قصدي والله بس لان - لان لان شنووو لج اااخ ياللهي تدرين مو صوجج لا صوجي اني هذهو براحتج شسوين سوي حجاها وجر تلفونه وطلع ركضت وراه بس ملحكت لبست حجابي والمالتو مالتي ع البجامه وركضت طلعت اركض رحت لغرفة عمو بكر دكيتها ودموعي ع خدي طلع يباوعلي بخوف - شكو شبيج اشهب بي شي - عمر سويت غلط لا تلومني بس والله مو قصدي - لج شكو شسويتيي دخلت للغرفه مالته وصرت اعصر بصابيعي وهمست شاف قميص أسد ع الجربايه مالتي اعرف اعرف هواي غلط اعرف بنفسي غلطانه من السما للكاع بس يا عمو والله مو قصدي ابد مو قصدي يعني مجنت اقصد او حاسبه حساب راح يشوفه او يضوج ويعصب هيج يعني اعرف هلمره اني الغلطانه ومهما يكن ما جان لازم اسوي هيج بس يا عمو والله مو قصدي فدوه روح شوفه وين راح لا يصير بي شي واني اتحمل المسؤليه باوعلي عمو بكر بغضب جان ساكت هز راسه وكال - ماراح احجي يكفي الندم إلى شايفه بعيونج بس اكلج اشهب صاحب كبرياء وراح تشوفين وجهه جديد منه عافني وطلع يدور عليه واني كعدت دموعي تنزل اعرف غلطت والله بس مو قصدي يعني مجان ع بالي ابد ياللهي دخيلك مرت ساعتين رجعت لغرفتي انتضرهم يرجعون بس ماكو صارت ال١٢ الضهر وهم ماكو للوحده اجه عمو بكر باوعلي وكال - حظري غراضج يلا اشهب حجزلج للعراق طيارتج بعد ساعتين باوعت عليه بصدمه هزيت راسي بنفي وهمست ما اروح منا قبل لا اعتذر منه واوضحله كلشي - شتوضحين صخام وجهج ولج الرجال حاله حال دوم جنت واكف وياي بس بعملتج هاي حته اني ضجت منج لج وفيه الأسد عمي رحمه الله ووالديج وهذا من أصلج بس يابت اخوي موو هيج موو هيج شنو اريد افتهم رجال لو حيوان اشهب كدامج هاا ضي ولا كلمه بدلي هدومج وكدامي يلا خل اوصلج للمطار وارجعج لاربيل - مارجع والله مارجع وهاي كاعده هنا مارجع لحد ما يجي واحجي وياه - مو وكت عناد ضي - لا وكت عناد مالك دخل عمو اني اتحاسب واني اترزل واني انضرب اتبري مني إذا تريد بس مارجع قبل لا احجي ويه اشهب وما ارجع قبل لا اخ ذ حمزه وياي باوعتي بغضب وعافني وطلع واني كعدت بالكاع جريت تلفوني ودكيت عليه ماشاله دزيتله رساله اول مره بحياتي افكر بمشاعر اشهب لان عرفت كمية الغلط الي سويته مهما يكن ما لازم اسوي هيج 💬 اشهب اسفه والله حباب ارجع اريد احاجيك وها مارجع للعراق والله اذا ما تجي واحاجيك دزيتها وسدت التلفون وحظنت رجليه من جهه مشتاقه لجهالي صالي ٣ ايام مشايفتهم ومن جهه عملتي إلى ما تغتفر شويه ودك تلفوني من شفته هو رأسا مسحت دموعي ورديت - اشهب - ضييي ولا كلمه هسه اطلعين من الفندق انتي وبكر بساااااااع بدون اي كلمه بعدين نتفاهم بساااع يلا -بس - بساااع وخلي بكر يخابرني لان ادك عليه ماكو بساع يمعوده سده واني وكفت مسحت دموعي ولفيت حجابي وطلعت اركض تلكاني عمو بكر بالممر رأسا كمش ايدي وجرني ردت احجي ماخلاني ويمشي ع السريع اول ما طلعنا من الفندق جان ........ يتبع  اشهب 💔 ،،،،،،، وللحكاية بقية،،،،،،، قرائة ممتعه أحبتي اعتذر ع التأخير بس والله اول مخلصت امتحاني كتبتلكم و تدرون بعد امتحان انكلش شلون يطول الواحد بي طبعا هواي سئلو ع حسابات مال الفيس والانستا الفيسبوك مانشر بي أي شي وإنما القصه تلكوها ببيج ست روعه قصص عراقية حقيقة من واقعنا وحساب الانستا كذلك مانشر بي القصه فقط يومياتي بس اذا حابين اتابعوني بي اشرف بالكل واذا تردون انزل اليوزر باجر ويه البارت هسه اريدكم توصلون البارت الف تصويت حته باجر انشرللكم بارت وبارت يجنن يجنن صدكوني هواي أشياء لازم جان اذكرها بهذا البارت بس ملحكت أضيفهن لهذا باجر بليل اذا وصل البارت الف تصويت انشره واغششكم حته تتفاعلون اكثر باجر ينكشف القاتل 😉😂 ها شلوني يلا شوفوني توقعاتكم #نور الشمري #نوشه | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
